Showing newest 33 of 99 posts from March 2010. Show older posts
Showing newest 33 of 99 posts from March 2010. Show older posts
0 မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီး ၈၈ မျိုးဆက်ကျောင်းသားများ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် စာအမှတ် ။ ၅/၂၀၁၀
0 စစ်အစိုးရ၏မတရားတဲ့ရွေးကောက်ပွဲအတွက် ဗဟိုဦးစီးအဖွဲ့ အထူးအစည်းအဝေးသို့ ဒေါ်အောင်ဆန်းစုကြည် မှာကြားသော အချက် (၆) ချက်
မှတ်ပုံတင် ထပ်မံလုပ်ဖို့ မလို၊ ယခင် မှတ်ပုံတင်ထားသည့် ဥပဒေအရသာ ဆောင်ရွက်သင့်သည်။
၁။ ၂၀၀၈ ဖွဲ့စည်းပုံအခြေခံဥပဒေကို လုံးဝ လက်မခံနိုင်၊ အဖွဲ့ ချူပ်၏ ရွှေဂုံတိုင်ကြေညာချက်ကို ကိုင်စွဲထားရမည်။
1။ She would never accept the 2008 State Constitution of the military junta and would stick to Shwegonedine Declaration, which was issued by the NLD on April 29 last year.
၂။ တရားမျှတမှု မရှိ၊ တစ်ဘက်သတ် ရေးဆွဲထားသည့် ဥပဒေအရ မှတ်ပုံတင်ခြင်းကို လုံးဝလက်မခံနိုင်ပါ။ ဥပဒေပါ စည်းကမ်းချက်များမှာ ဒီမိုကရေစီနည်းလမ်း မကျ။
2။ She would never accept political party registration law and elections promulgated by the military junta as these laws are unjust and unfair.
၃။ အဖွဲ့ ချူပ်သည် ကျမ၏ ကိုယ်ပိုင်ပစ္စည်း မဟုတ်၊ မည်သူတစ်ဦးတစ်ယောက်၏ ကိုယ်ပိုင်ပစ္စည်းလည်း မဟုတ်။
3။ The NLD is not her own property. Neither is it the property of anyone.
၎။ အဖွဲ့ ချူပ်အတွင်း လူမွေးသည့်အလုပ်၊ လူမွေးသည်ဟု ယူဆနိုင်သည့်အလုပ်များ လုံးဝ မကြိုက်၊ လက်မခံ။
4။ She is not in favour of hatching personal followers within the NLD.
၅။ ပြည်သူလူထုကို ပြောကြားလိုတာက မိမိတတ်နိုင်သလောက် ဒီမိုကရေစီရရှိရေး ကြိုးပမ်းမှုကို ဆက်လက်ဆောင်ရွက်သွားပါ။
5။ She would like to say the people of Burma that she would continue to strive for democracy in Burma.
၆။ အဖွဲ့ ချူပ် ဖျက်သိမ်းခံရလျှင် အဖွဲ့ ချူပ် ပျက်စီးသည်ဟု မယူဆ၊ ပျက်စီးခြင်း မဟုတ်။
6။ Even if the NLD is abolished, she does not consider it as the end of the NLD.
0 ဖြိုခွင်းမှုအသစ်များ လုပ်လာနိုင်ကြောင်း ဦးဝင်းတင် သတိပေး
ချင်းမိုင် (မဇ္ဈိမ) ။ ။ ရွေးကောက်ပွဲအတွက် မှတ်ပုံမတင်ရန် ဆုံးဖြတ်လိုက်သည့် အမျိုးသား ဒီမိုကရေစီ အဖွဲ့ချုပ်အပေါ် စစ်အစိုးရက ဖြိုခွင်းမှုအသစ်များ ပြုလုပ်လာနိုင်ကြောင်း ပါတီဗဟိုအလုပ်အမှုဆောင် အဖွဲ့ဝင် ဦးဝင်းတင်က သတိပေးလိုက်သည်။
“ကျနော်တို့မှာ ပါတီမရှိဘူးဆိုရင် ကျနော်တို့ရဲ့ လှုပ်ရှားမှုတွေဟာ အများကြီး Limited ကန့်သတ်ထားပြီးသား ဖြစ်သွားပါလိမ့်မယ်။ ကျနော်တို့က ဒီထက်ပိုပြီးတော့ လှုပ်လှုပ်ရှားရှား ရှိလာမယ်ဆိုရင်၊ ရပ်တည်လာမယ်ဆိုရင် ကျနော်တို့ကို မတရားအသင်းအဖြစ် ကြေညာလာနိုင်တယ်ဗျ” ဟု ဦးဝင်းတင်က ပြောသည်။
အဓိက အတိုက်အခံပါတီကြီး၏ ဗဟိုအလုပ်မှုဆောင်များနှင့် ပြည်နယ်နှင့်တိုင်း ဗဟိုဦးစီးအဖွဲ့ဝင်များက စစ်အစိုးရ၏ ရွေးကောက်ပွဲဥပဒေက တရားမျှတမှု မရှိဟုဆိုကာ ပါတီမှတ်ပုံပြန်မတင်ရန် ယမန်နေ့က တညီတညွတ်တည်း ဆုံးဖြတ်လိုက်ကြသည်။
ဥပဒေအရ ရွေးကောက်ပွဲဝင်မည့် နိုင်ငံရေးပါတီများသည် ရက်ပေါင်း ၆ဝ အတွင်း ပြန်လည်၍ မှတ်ပုံတင်ရမည်ဖြစ်ရာ မေလ ၆ ရက်နေ့တွင် ပြည့်မည်ဖြစ်သည်။
နိုင်ငံရေးယုံကြည်ချက်ကြောင့် ၁၉ နှစ်ခန့် ထောင်ကျခဲ့ပြီး ညှဉ်းပန်းနှိပ်စက်ခံခဲ့ရသူ ဦးဝင်းတင်သည်လည်း ပါတီမှတ်ပုံမတင်ရေးကို အစောပိုင်းကပင် အခိုင်အမာ ပြောကြားခဲ့သည်။
”သူများထက် ခြေတလှမ်းစောတဲ့သူ၊ သူများထက် လုပ်နိုင်ကိုင်နိုင်တဲ့ သူတွေဆိုရင် ထောင်ထဲ ဆွဲထည့်မှာပဲဗျ။ ဒါတွေကတော့ ကျနော်တို့ ကြုံရမှာပဲ” ဟု အသက် ၈ဝ နှစ်အရွယ်ရှိ ဦးဝင်းတင်က ပြောသည်။
”ကျနော်တို့က မြန်မာနိုင်ငံမှာ ရွေးကောက်ပွဲနိုင်ရေး၊ အာဏာရရေးလောက်ပဲ လုပ်နေတာ မဟုတ်ဘူး။ ဒီစစ်အာဏာရှင်စနစ် တခုလုံးကို ဖြိုချဖို့ လုပ်နေတာဆိုတော့ သူတို့ဘက်က ပြင်းပြင်းထန်ထန် တုံ့ပြန်မှုတွေ ရှိမှာပဲ” ဟု သူက ပြောသည်။
အလားတူပင် ပါတီဖျက်သိမ်းခြင်း မခံရစေရေးအတွက် ရွေးကောက်ပွဲဝင်သင့်သည်ဟု အစောပိုင်းက သဘောထား ဖော်ထုတ်ခဲ့သော ဧရာဝတီတိုင်း ဘိုကလေးမြို့ အမျိုးသား ဒီမိုကရေစီအဖွဲ့ချုပ် NLD မှ ဦးချစ်ဝမ်းကလည်း “ရက်ပေါင်း ၆ဝ အတွင်းမှာ ပါတီအဖြစ် မှတ်ပုံမတင်ရင် တရားမဝင် အဖွဲ့အစည်းအဖြစ် ကြေညာမယ်၊ ပြီးတော့မှ လူစုတာတို့၊ လှုပ်ရှားတာတို့ လုပ်မယ်ဆိုရင် သူတို့က ကျိန်းသေဖြိုခွဲမှာပဲလေ။ ဒါကတော့ သူတို့ပြောပြီးသား” ဟု ဆိုသည်။
ပါတီအနေဖြင့် ရပ်တည်ခွင့် မရနိုင်တော့မည့် NLD အနေဖြင့် မြေအောက်အဖွဲ့အစည်းအဖြစ် ပြောင်းလဲရန် မလိုအပ်ဟု ရွေးကောက်ပွဲကို ဆန့်ကျင်သူတဦးဖြစ်သော ဇိုမီးအမျိုးသားကွန်ကရက် ZNC ဥက္ကဋ္ဌ ပူးကျင့်ရှင်းထန်က ပြောသည်။
“နိုင်ငံရေးဆိုတာကတော့ ဆိုင်းဘုတ်မရှိလည်း စိတ်ထဲမှာရှိရင် လုပ်လို့ရပါတယ်။ ကျနော်တို့ရဲ့ ZNC ဆိုတာက ၉၃ ခုနှစ်ကတည်းက ဖျက်သိမ်းတာ။ ကျနော်တို့ ဆိုင်းဘုတ်မထောင်နိုင်ဘူး၊ စာတွေ မဝေနိုင်ဘူး။ ဒါပေမဲ့ ကျနော်တို့ လုပ်တာပဲ” ဟု သူက ပြောသည်။
NLD ၏ ဆုံးဖြတ်ချက်ကို ဝမ်းသာအားရကြိုဆိုကြောင်း ကဗျာဆရာ ကိုလေး (အင်းဝဂုဏ်ရည်) က မဇ္ဈိမကို တယ်လီဖုန်းမှတဆင့် ပြောကြားသည်။
“ဒီနေရာမှာတော့ NLD ကို ကျနော် တော်တော်အားရတယ်။ ကျနော်က ဘယ်ပါတီဝင်မှတော့ မဟုတ်ဘူး။ လွတ်လပ်တဲ့ ကလောင်တချောင်းကို ကိုင်ပြီးတော့ တိုက်ပွဲဝင်နေတယ်။ သို့သော် NLD ကို ကျနော်တို့ ထောက်ခံတယ်၊ ဝန်းရံမယ်” ဟု သူက ဆက်ပြောသည်။
ယခု ဆုံးဖြတ်ချက်ကြောင့် နအဖအစိုးရသည် နောက်ထပ် အခက်အခဲတမျိုးနှင့် ရင်ဆိုင်လိုက်ရသည်ဟု သူက ဆိုသည်။
သူက “Border Guard ကိစ္စတွေ၊ NLD ကိစ္စတွေ၊ နောက်တခါ သူတို့ ခွဲတမ်းချရမယ့် ကိစ္စတွေ၊ ဆိုတော့ ကျနော်တို့ပဲ ခက်တာမဟုတ်ဘူး၊ သူတို့တွေက ကျနော်တို့ထက်တောင် ပိုခက်သေးတယ်။ ကျနော်ကတော့ ဟောဒီ ရွေးကောက်ပွဲ မဖြစ်ဘူးလို့တောင် ထင်တယ်” ဟု ပြောသည်။
ပြည်ပအခြေစိုက် အတိုက်အခံအဖွဲ့ Forum for Democracy in Burma မှ အထွေထွေအတွင်းရေးမှူး ဒေါက်တာနိုင်အောင်ကလည်း NLD သည် ပြည်သူများ မျှော်လင့်နေသော တာဝန်အား ကျေပွန်စွာ ဦးဆောင်မှုကို ဆက်လက်ပြသသွားခြင်း ဖြစ်သည်ဟု သူ့အမြင်ကို ပြောသွားသည်။
သို့သော်လည်း ရွေးကောက်ပွဲအတွက် မှတ်ပုံတင်သင့်သည်ဟု ယူဆထားသော ပါတီဝင်များ ကစဥ့်ကလျားဖြစ်မည်နှင့် ပါတီဝင်များ၏ ရှေ့ရေးကို စိုးရိမ်ကြောင်း NLD ဗဟိုအလုပ်အမှုဆောင် ဒေါက်တာ သန်းငြိမ်းက ပြောသည်။
နေအိမ်အကျယ်ချုပ်ကျခံနေရသော ဝန်ကြီးချုပ်ဟောင်း ဗိုလ်ချုပ်ကြီးခင်ညွန့်၏ ယောက်ဖတော်သူ ဒေါက်တာသန်းငြိမ်းမှာလည်း ပါတီတွင်းလှုပ်ရှားမှုကြောင့် ထောင် ၈ နှစ် ကျခံခဲ့ရသူဖြစ်သည်။
NLD ရွေးကောက်ပွဲမဝင်ရန် ဆုံးဖြတ်ချက်ကို လေးစားကြောင်း အမေရိကန် ပြည်ထောင်စုက ကြေညာသည်။
“မြန်မာပြည် နိုင်ငံရေးဖြစ်စဉ်မှာ လိုအပ်တယ်လို့ ကျနော်တို့ ယူဆထားတဲ့ ဒေါ်အောင်ဆန်းစုကြည်လို ပုဂ္ဂိုလ်မျိုးတွေ၊ တခြားအဖွဲ့တွေ၊ တိုင်းရင်းသားအဖွဲ့တွေနဲ့ အလေးအနက်ထားပြီး ဆွေးနွေးဖို့ မြန်မာအစိုးရက ဆန္ဒမရှိတဲ့ အတွက်ကြောင့် NLD က ဒီလို ဆုံးဖြတ်လိုက်တာပဲလို့ ကျနော်တို့ နားလည်မိပါတယ်” ဟု အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ပီဂျေခရော်လေက ပြောသည်။
မြန်မာစစ်အစိုးရအပေါ် ပိတ်ဆို့အရေးယူမှုနှင့် ထိတွေ့ဆက်ဆံရေး တပြိုင်တည်း ကျင့်သုံးနေသော အမေရိကန်အစိုးရ၏ မူဝါဒအောက်တွင် တွေ့ဆုံဆွေးနွေးမှုကို ဆက်လက်လုပ်ဆောင်သွားမည်ဟုလည်း ပြောသည်။
ဂျပန်နိုင်ငံခြားရေးဝန်ကြီး ကတ်ဆုယာ အိုကာဒါကမူ ဒေါ်အောင်ဆန်းစုကြည်နှင့် အခြားသော ရွေးကောက်ပွဲတွင် ပါဝင်သင့်သူများ မပါလျှင် မြန်မာနိုင်ငံကို နောက်ထပ် အကူအညီငွေများ ထပ်မပေးတော့ဟု မကြာသေးခင်ကပင် ပြောထားသည်။
ကုလသမဂ္ဂကလည်း ဒေါ်အောင်ဆန်းစုကြည်နှင့် NLD ၏ ဆုံးဖြတ်ချက်ကို နိုင်ငံတကာ အသိုင်းအဝိုင်းက လေးစားရန် လိုအပ်သည်ဟု ပြောသည်။
0 အမျိုးသားဒီမိုကရေစီအဖွဲ့ ချူပ်၏ မှတ်ပုံမတင်ကြောင်း အထူးကြေညာချက်အမှတ် (၄/၃/၁၀) မတ်လ ၃၀ ရက်၊ ၂၀၁၀ ခုနှစ်။
0 နအဖ၏ ၂၀၁၀ ရွေးကောက်ပွဲအတွက် မှတ်ပုံမတင်ရေး ဆုံးဖြတ်ခဲ့သည့် အမျိုးသားဒီမိုကရေစီအဖွဲ့ ချူပ်၏ သမိုင်းဝင် အစည်းအဝေး ဓါတ်ပုံမှတ်တမ်းများ
0 အမျိုးသားဒီမိုကရေစီ အဖွဲ့ချုပ် ပါတီ မှတ်ပုံမတင်ရေး ကန့်ကွက်မဲမရှိ ဆုံးဖြတ်
NLD အမျိုးသားဒီမိုကရေစီ အဖွဲ့ချုပ် အနေနဲ့ စစ်အစိုးရရဲ့ ရွေးကောက်ပွဲ ဥပဒေတွေအောက်မှာ နိုင်ငံရေးပါတီအဖြစ် ထပ်မံ မှတ်ပုံတင်မှာ မဟုတ်တဲ့အကြောင်း ဒီကနေ့ ကျင်းပတဲ့ NLD ဗဟိုဦးစီးအဖွဲ့ အစည်းအဝေးက ဆုံးဖြတ်လိုက်ပါတယ်။ NLD ပါတီ ပျက်ပြယ်သွားပြီလား၊ ရှေ့ဆက် ဘယ်လို ရပ်တည်မလဲဆိုတဲ့ မေးခွန်းတွေကို ဒီကနေ့ NLD ဗဟိုဌာနချုပ်မှာ ကျင်းပတဲ့ သတင်းစာ ရှင်းလင်းပွဲမှာ NLD ခေါင်းဆောင်တွေက ပြန်လည်ဖြေကြားခဲ့ပါတယ်။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။
ပါတီ မှတ်ပုံတင်ရေး မတင်ရေး ယနေ့ အစည်းအဝေးမကျင်းပမီ NLD ရုံးချုပ်ရှေ့၌ တွေ့ရသော အဖွဲ့ဝင်လူငယ် တချို့ (ဓာတ်ပုံ - AP)
အမျိုးသားဒီမိုကရေစီ အဖွဲ့ချုပ် အနေနဲ့ ပါတီရပ်တည်ရေးထက် ပါတီရဲ့ နိုင်ငံရေး ရှင်သန်ရေးကို ဦးစားပေးပြီး ဒီနေ့ ဆုံးဖြတ်ချက်ကို ချမှတ်လိုက်တာလို့ NLD ပြောရေးဆိုခွင့်ရှိသူ ဦးဉာဏ်ဝင်းက သတင်းစာ ရှင်းလင်းပွဲမှာ ကြေညာပါတယ်။
“ထုတ်ပြန်သည့် ရွေးကောက်ပွဲဆိုင်ရာ ဥပဒေများသည် တရားမျှတမှု မရှိသဖြင့် အမျိုးသားဒီမိုကရေစီ အဖွဲ့ချုပ်သည် နိုင်ငံရေးပါတီအဖြစ် ထပ်မံ မှတ်ပုံတင်မည် မဟုတ်ကြောင်း အများသဘောတူ ကန့်ကွက်သူမရှိ ဆုံးဖြတ်သည်။”
NLD ပါတီဟာ တရားဝင် နိုင်ငံရေးပါတီအဖြစ် မှတ်ပုံတင်ပြီးသား ပါတီတခု ဖြစ်တယ်ဆိုတာကို ဦးဉာဏ်ဝင်းက အလေးအနက် ထည့်သွင်းပြောဆိုပြီး ထပ်မံ မှတ်ပုံတင်မှာ မဟုတ်ဘူးလို့ ပြောပါတယ်။
ဒါပေမဲ့လည်း လက်ရှိ မြန်မာစစ်အစိုးရ ချမှတ်ထားတဲ့ ဥပဒေတွေအရ ထပ်ပြီး မှတ်ပုံမတင်ဘူးဆိုရင် NLD ဟာ နိုင်ငံရေးပါတီ အဖြစ်က ပျက်ပြယ်သွားပြီလား၊ ရှေ့ဆက်ရပ်တည်ရေးမှာ ဘယ်လိုပုံစံမျိုးနဲ့ ရပ်တည်မလဲ၊ သတင်းထောက်တွေက မေးခဲ့ကြပါတယ်။ NLD ဒု-ဥက္ကဋ္ဌ ဦးတင်ဦးကတော့ ပါတီ ပျက်ပြယ်တယ်လို့ မမှတ်ယူတဲ့အကြောင်း အခုလို ပြောပါတယ်။
“ပါတီက ရွေးကောက်ပွဲ ၀င်သည်ဖြစ်စေ၊ မ၀င်သည်ဖြစ်စေ၊ မ၀င်တော့ဘူးဆိုတဲ့ ဆုံးဖြတ်ချက်၊ သို့မဟုတ် မှတ်ပုံတင်ခြင်း မပြုတော့ဘူးဆိုတဲ့ ဆုံးဖြတ်ချက်၊ ပါတီဝင်တွေကို ဒါဟာ အမိန့်ကြော်ငြာစာနဲ့ ပဲ့တင်ခြင်းပြုသည် ဆိုတာမျိုးဟာ ဒီမိုကရေစီနိုင်ငံမျိုးမှာ မရှိနိုင်တဲ့သဘော ဖြစ်တဲ့အတွက်၊ ကျနော်တို့ အမျိုးသားဒီမိုကရေစီ အဖွဲ့ချုပ် ကိုယ်တိုင်သည်ပင်လျှင် ပျက်ပြယ်သွားပြီလို့ မမှတ်ယူပါဘူး။”
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ဥပဒေအရ ပါတီ ဖျက်သိမ်းခံရတယ်ဆိုရင် ပါတီ ပျက်စီးခြင်းလို့ မယူဆတဲ့အကြောင်း ဦးဉာဏ်ဝင်းက ပြောပါတယ်။ ဦးတင်ဦးနဲ့ ဦးဉာဏ်ဝင်းက ပါတီဖျက်သိမ်းခံရနိုင်တဲ့ ဖြစ်နိုင်ခြေနဲ့ ပတ်သက်လို့ မေးခွန်းတွေကို ပြန်လည်ဖြေကြားခဲ့ပါတယ်။
“ကိုယ့်ပါတီထောင်ထားတာ ကိုယ် ဘယ်တော့မှ မဖျက်ဘူး။ အဲဒါကို သူတို့က သူတို့ဘာသာသူတို့ စွမ်းပကားရှိလို့ လာပြီးတော့ ဖျက်တယ် ပြုတယ် ဆိုရင်လည်းပဲ သူတို့သဘောပဲပေ့ါ။”
“ဒေါ်အောင်ဆန်းစုကြည် စကားလေးကို ကျနော် ဖြည့်ပြောမယ်။ ဒေါ်အောင်ဆန်းစုကြည်က ပြောပါတယ်၊ ဥပဒေအရ ပါတီ ဖျက်သိမ်းခံရရင် ပါတီ ပျက်စီးခြင်း မဟုတ်ပါဘူးတဲ့၊ ပျက်စီးခြင်းလို့လည်း မယူဆပါဘူး။”
“အေးအေးချမ်းချမ်းနဲ့ လှုပ်ရှားနိုင်တဲ့ နည်းလမ်းတွေ အများကြီး ရှိတာပါပဲ။”
ဒီမိုကရေစီ လုပ်ထုံးလုပ်နည်းအရ နိုင်ငံရေးပါတီ တရပ်အနေနဲ့ ဆက်လက် ရပ်တည်ပြီး နိုင်ငံရေးတာဝန်တွေ ဆက်ပြီး ထမ်းဆောင်နိုင်ခွင့်ဟာ အခြေခံ အခွင့်အရေး ဖြစ်တယ်လို့ NLD ဘက်က ပြောပါတယ်။ ဒါပေမဲ့လည်း NLD ပါတီအနေနဲ့ နိုင်ငံရေးပါတီ တရပ်ရဲ့ အခွင့်အရေးတွေကို အရင်တုန်းကရော အပြည့်အ၀ ရခဲ့ပါရဲ့လား၊ ရွေးကောက်ပွဲ ဥပဒေတွေကို သပိတ်မှောက်ထားတဲ့ နိုင်ငံရေးပါတီ တခုကို မြန်မာစစ်အစိုးရဘက်က အင်အားသုံး ဖျက်သိမ်းတာမျိုး၊ ဖမ်းဆီးတာမျိုးတွေနဲ့ ထိပ်တိုက် ရင်ဆိုင်မှုတွေကို မကြုံရနိုင်ဘူးလား၊ ဒီလို မေးခွန်းထုတ်တာတွေနဲ့ ပတ်သက်လို့လည်း NLD ဒု-ဥက္ကဋ္ဌ ဦးတင်ဦးက အခုလို ပြန်လည် ဖြေကြားပါတယ်။
“ဖမ်းချင်လည်းဖမ်း၊ ဆီးချင်လည်းဆီး၊ ရိုက်ချင်လည်းရိုက်၊ နှက်ချင်လည်းနှက်၊ လုပ်ချင်တာ လုပ်ပါ။ ဒါပေမဲ့ ကျနော်တို့ ရပ်တည်ထားတဲ့ ဒီမိုကရေစီနဲ့ လူ့အခွင့်အရေး၊ ဒီမိုကရေစီနဲ့ လွတ်လပ်မှု ဆိုတာကတော့ အေးအေးချမ်းချမ်း၊ ငြိမ်းငြိမ်းချမ်းချမ်း ဆောင်ရွက်သွားတဲ့နည်းကို ကျနော်တို့ ဆောင်ရွက်သွားမှာ ဖြစ်ပါတယ်။ ဒီလို ဆောင်ရွက်သွားခြင်းသည် ကျနော်တို့ တိုင်းပြည်မှာရှိတဲ့ ပြည်သူလူထု တရပ်လုံး၊ တိုင်းရင်းသား လူမျိုးစု အဖွဲ့အစည်းနဲ့ တကွ နိုင်ငံတကာ ဒီမိုကရေစီ ချစ်မြတ်နိုးသူ အားလုံးက စာနာခြင်း၊ ထောက်ထားခြင်း၊ သနားခြင်း၊ ကူညီခြင်း စတဲ့ဟာတွေ ရရှိမှာ ဖြစ်ပါတယ်။
“သူတို့ ကူညီတာ၊ ထောက်ပံ့တာ၊ အားပေးတာကိုတော့ ကျနော်တို့က အားတခုအနေနဲ့ လုပ်ကြပြီး တညီတညွတ်တည်း ရှိနေတဲ့ ကျနော်တို့ အဓိက ဒီမိုကရေစီ အင်အားစုတွေသာလျှင် ပြည်သူလူထုနဲ့တကွ တိုင်းရင်းသား တရပ်လုံးရဲ့ အားသာလျှင် ကျနော်တို့ရဲ့အား ဖြစ်တယ်ဆိုတာကို ယုံကြည်စွာဖြင့် မမှိတ်မသုန် ချီတက်သွားကြမှာ ဖြစ်တယ်လို့ ပြောချင်ပါတယ်။”
ရွေးကောက်ပွဲ ဥပဒေပါ နိုင်ငံရေး ပါတီများ မှတ်ပုံတင်ခြင်းဆိုင်ရာ ဥပဒေပါ မတရားတဲ့ အချက်အလက်တွေကို မြန်မာစစ်အစိုးရဘက်က ပြင်ဆင်ညှိနှိုင်းလာတာကို စောင့်စားဖို့နဲ့ ကြေလည်အောင် ဆွေးနွေးသွားမယ် ဆိုတဲ့ သဘောထားကတော့ ဆက်ပြီး ရှိနေတဲ့အကြောင်း ဦးတင်ဦးက ပြောသွားပါတယ်။
voa
0 လူထုလှုပ်ရှားမှုဖော်ဆောင်ရေးနှင့်စစ်အာဏာရှင်စနစ်တိုက်ဖျက်ရေးအင်အားစု (လဖစတ)၏ တော်လှန်ရေးနေ့ည- ဆေးနီမှုတ်(စပရေး)လှုပ်ရှားမှု
ကျွန်တော်တို့ လဖစတ (AAMD) - Burma အင်အားစုမှ (စပရေး)မှုတ်ဆေးအနီတွေနဲ့မန္တလေးမြို့ပေါ်အနှံ့ နံရံတွေပေါ် FREE, FREE Su Kyi, FREE Daw Su, FREE2010, FREE Aung San Su Kyi, ရွေးကြက်ခြေခတ်(ရွေးကောက်ပွဲအလိုမရှိ)အစသဖြင့်လိုက်လံရေးသားကာဒေါ်အောင်ဆန်းစုကြည်နှင့်အဖမ်းဆီးခံနိုင်ငံရေးတော်လှန်ရေးအကျဉ်းသားများလွတ်မြောက်ရေး၊၂၀၀၈နာဂစ်အခြေခံဥပဒေနှင့်၂၀၁၀ရွေးကောက်ပွဲဆန့်ကျင်ရေး၊စစ်အာဏာရှင်စနစ်တိုက်ဖျက်ရေးရည်ရွယ်ချက်များအတွက် ဆန္ဒဖော်ထုတ်ခဲ့ပါတယ်။
မှုတ်ဆေးတော်လှန်ရေးဆင်နွှဲခဲ့တဲ့ မန္တလေးမြို့ပေါ် နေရာတွေကတော့မန္တလေးတိုင်းတရားရုံးချုပ်နံရံတွေ၊ TTC (ပညာရေးကောလိပ်), နန်းရှေ့၊ရွှေကျောင်းကြီး၊ မန္တလေးတက္ကသိုလ်အရှေ့ဘက် ၆၉ လမ်း၊ ဗောဓိကုန်း၊ ၆၂ လမ်း၊၆၄၊ ၆၅ လမ်း သိပ္ပံလမ်း၊ မြို့သစ်၊ လမ်း ၈၀၊ ၈၁၊ ၈၂၊ ၈၃၊ ၈၆၊ ၈၇ လမ်းတွေနဲ့ မဟာမြတ်မုနိဘုရားကြီးပတ်ဝန်းကျင်၊ ရွှေကျီးမြင်ဘုရားပတ်ဝန်းကျင်အစသဖြင့် ၀င်းနံရံ၊ တံခါးဝ၊ အုတ်ခုံ၊ ရေကန်၊ဓမ္မာရုံနံရံအစသဖြင့်တွေပေါ်မှာ ဆေးနီစပရေးဘူးနဲ့ လိုက်မှုတ်ရေးခဲ့ကြပါတယ်။
အလားတူဆန့်ကျင်ဆန္ဒဖော်ထုတ်မှုမျိုးတွေကို အခြားနယ်၊မြို့များမှာလည်းမပြတ်တမ်းဆက်လက် ဆင်နွှဲကြဖို့ အလေးအနက်ထားတိုက်တွန်းလိုက်ပါတယ်ခင်ဗျား။
လူထုလှုပ်ရှားမှုဖော်ဆောင်ရေးနှင့် စစ်အာဏာရှင်စနစ်တိုက်ဖျက်ရေးအင်အားစု (လဖစတ)
Activists for Abolishing the Military Dictatorship (AAMD) – Burma
0 လူထုလှုပ်ရှားမှုဖော်ဆောင်ရေးနှင့် စစ်အာဏာရှင်စနစ်တိုက်ဖျက်ရေးအင်အားစု (လဖစတ)မှဗမာပြည်သူလူထုနှင့် NLD သို့ ပေးစာ
လူထုလှုပ်ရှားမှုဖော်ဆောင်ရေးနှင်
Activists for Abolishing the Military Dictatorship (AAMD) – Burma
ဗမာပြည်သူလူထုနှင့် NLD သို့ ပေးစာ
(၁/၂၀၁၀)
၂၈၊ မတ်လ၊ ၂၀၁၀
ကျွန်တော်တို့အင်အားစုသည် ၂၀၀၇ စက်တင်ဘာရွှေဝါရောင်တော်လှန်ရေး
ယနေ့ချိန်ခါသည် စစ်အာဏာရှင်စနစ်၊ စစ်အာဏာရှင်တစ်စုနှင့် ၄င်းတို့၏ အပေါင်းအပါ တွဲဘက် လူလွန်မသားများ၏ ခြစားလိမ်ညာရက်စက်ယုတ်မာမှုများ
၂၀၀၈ နာဂစ် မတရားအခြေခံဥပဒေ အခြေပြုကာ ကျင်းပမည်ဆိုသည့် ၂၀၁၀ ရွေးကောက်ပွဲကို ကျွန်တော်တို့အင်အားစုက အယုံအကြည်မရှိပါ။ လက်မခံပါ။ ထိုမှတစ်ဖန် ၁၉၉၀ ရွေးကောက်ပွဲအနိုင်ရ NLD ပါတီအား ချောင်ပိတ်ရိုက်သလို ပြုမူထားပြန်သည့် ၂၀၁၀ ပါတီနှင့် ရွေးကောက်ပွဲဆိုင်ရာ ဥပဒေများကိုလည်း ကျွန်တော်တို့အင်အားစုမှ ပျက်ရယ်ပြုရှုံ့  ချလိုက်ပါသည်။
NLD ပါတီအနေဖြင့် ၂၀၀၉ ခုနှစ်၊ ဧပြီလ (၂၉)ရက်နေ့က ၄င်းတို့ကိုယ်တိုင် ထုတ်ပြန်ကြေညာထားသည့် ရွှေဂုံတိုင်ကြေညာစာတမ်းပါ ရပ်တည်ချက်များကို မိမိတို့အရှက်၊ မိမိတို့ငဲ့ကွက်၍ ဆက်လက်လေးစားကိုင်စွဲကာ ၂၀၁၀ ခုနှစ်၊ မတ်လ (၂၉)ရက်နေ့တွင် ဆုံးဖြတ်ရာ၌ "မတရားရွေးကောက်ပွဲအား ငါတို့မ၀င်" ဟု ပြတ်ပြတ်သားသားဆုံးဖြတ်ရန် လိုအပ်သည်။
ရွေးကောက်ပွဲဝင်ရေးအသံပေးနေသည့် NLD ပါတီဝင်များနှင့် တတိယအုပ်စုဝင်ဆိုသူများသည် ပါတီရပ်တည်ရေး၊ ရသလောက်ယူ-ပူးသတ်တိုက်ယူရေးကို အကြောင်းပြကာ အသံကောင်းဟစ်နေကြသော်လည်း အမှန်တကယ်မှာ ထိုသူများအနေဖြင့် စစ်အာဏာရှင်များအား ဒူးထောက်အညံ့ခံ ကြောက်ရွံ့အရှုံးပေး၊ ဘက်ပြောင်းဘက်လိုက်၊ ခြံခုန်လာဘ်မျှော်နေခြင်းမျှသာ ဖြစ်ပါသည်။
ယနေ့ချိန်ခါသည် ဗမာတစ်တိုင်းတစ်ပြည်လုံးရှိ အလွှာမျိုးစုံမှ ပြည်သူများပါဝင်သော နိုင်ငံရေး၊ တော်လှန်ရေးတိုက်ပွဲများ ပြင်းထန်စွာ ဆင်နွှဲရမည့် အချိန်အခါကျရောက်ပြီဖြစ်ပါသဖြင်
လူထုလှုပ်ရှားမှုဖော်ဆောင်ရေးနှင်
Activists for Abolishing the Military Dictatorship (AAMD) – Burma
0 ကျွန်မတို့ ဘာလုပ်ကြမည်နည်း
၂၉-၃-၂ဝ၁ဝ ဗဟိုဦးစီး အစည်းအဝေးသို့မိတ္ထီလာ-မြင့်မြင့်အေး၏ တင်ပြချက် - စာတမ်း
ကျွန်မတို့ ရှင်းရှင်းနားလည်ထားကြရမှာက ၂ဝဝ၈ အခြေခံဥပဒေဆိုတာ နိုင်ငံတော်မှာ စစ်အာဏာရှင်စနစ်ထူထောင်ရေး၊ စစ်အစိုးရက ဖွဲ့စည်းပုံနဲ့ အုပ်ချုပ်နိုင်ရေးတို့အတွက် ရေးဆွဲထားတဲ့ ဖွဲ့စည်းပုံဥပဒေဖြစ်ပါတယ်။
စစ်အစိုးရက ၂ဝဝ၈ ဖွဲ့စည်းပုံစည်းများအရ ၂ဝ၁ဝ ရွေးကောက်ပွဲကို ကျင်းပရန်အတွက် ရွေးကောက်ပွဲဥပဒေ၊
နိုင်ငံရေးပါတီများ မှတ်ပုံတင်ခြင်းဥပဒေတို့ကို ထုတ်ပြန်လိုက်ပါပြီ။ ဒီဥပဒေများဟာ အဖွဲ့ချုပ် NLD ပါတီအား
တရားဝင် ရပ်စဲရေး၊ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်နဲ့ အဖွဲ့ချုပ် NLD ပါတီတို့အား ခွဲခြားပစ်ရေး၊
ဒီမိုကရေစီဖော်ဆောင်ရေး တပ်ဦးးပါတီဖြစ်တဲ့ အမျိုးသားဒီမိုကရေစီအဖွဲ့ချုပ် NLD အား စစ်အာဏာရှင်အစိုးရရဲ့
နောက်လိုက်တပည့်အဖြစ် ပြောင်းလဲပစ်ရေးတို့အတွက် ရည်မှန်းချက်ရှိရှိနဲ့ လုပ်ဆောင်လိုက်တာပါ။
ဒီဥပဒေများကို ပြဌာန်းပြီး စစ်အစိုးရဟာ အမျိုးသားဒီမ်ိုကရေစီအဖွဲ့ချုပ်အား အပြီးသတ်ချေမှုန်းရေးအတွက်
ထိုးနှက်တိုက်ခိုက်လိုက်တာလည်း ဖြစ်ပါတယ်။
ဒီစိန်ခေါ်မှုကို ကျော်လွှားနိုင်ဖို့ရန်အတွက် ဗဟိုခေါင်းဆောင်များ ခက်ခဲစွာရင်ဆိုင်နေကြရတယ် ဆိုတာကို
ကျွန်မတို့ နားလည်ပါတယ်။ ဒီအခက်အခဲများကို ကျော်လွှားနိုင်ဖို့ တိုးချဲ့ဖွဲ့စည်းပြီး၊ ပထမဆုံးအကြိမ် ကျင်းပမယ့်
ဗဟိုဦးစီးအစည်းအဝေးကို ၂၉-၃-၂ဝ၁ဝ နေ့မှာ ခေါ်ယူထားပြီးဖြစ်ပါတယ်။ ဒီအစည်းအဝေးမှာ မှန်ကန်တဲ့
ဆုံးဖြတ်ချက်ကျရေးဟာ ကျွန်မတို့ NLD ပါတီအတွက် အရေးတကာ့အရေးအကြီးဆုံး ကိစ္စရပ်ဖြစ်နေပါပြီ။
ဒါ့ကြောင့် ကျင်းပတော့မယ့် ဗဟိုဦးးစီးအစည်းအဝေးမှာ ထည့်သွင်းစဉ်းစားရန်နဲ့ အဖွဲ့ချုပ်အဖွဲ့ဝင်များ
စဉ်းစားနိုင်ရန်တို့အတွက် ကျွန်မ မိတ္ထီလာ-မြင့်မြင့်အေးရဲ့အမြင်ကို တင်ပြလိုက်ပါတယ်။
နိုင်ငံရေးပါတီများ မှတ်ပုံတင်ခြင်းဥပဒေတို့ကို ထုတ်ပြန်လိုက်ပါပြီ။ ဒီဥပဒေများဟာ အဖွဲ့ချုပ် NLD ပါတီအား
တရားဝင် ရပ်စဲရေး၊ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်နဲ့ အဖွဲ့ချုပ် NLD ပါတီတို့အား ခွဲခြားပစ်ရေး၊
ဒီမိုကရေစီဖော်ဆောင်ရေး တပ်ဦးးပါတီဖြစ်တဲ့ အမျိုးသားဒီမိုကရေစီအဖွဲ့ချုပ် NLD အား စစ်အာဏာရှင်အစိုးရရဲ့
နောက်လိုက်တပည့်အဖြစ် ပြောင်းလဲပစ်ရေးတို့အတွက် ရည်မှန်းချက်ရှိရှိနဲ့ လုပ်ဆောင်လိုက်တာပါ။
ဒီဥပဒေများကို ပြဌာန်းပြီး စစ်အစိုးရဟာ အမျိုးသားဒီမ်ိုကရေစီအဖွဲ့ချုပ်အား အပြီးသတ်ချေမှုန်းရေးအတွက်
ထိုးနှက်တိုက်ခိုက်လိုက်တာလည်း ဖြစ်ပါတယ်။
ဒီစိန်ခေါ်မှုကို ကျော်လွှားနိုင်ဖို့ရန်အတွက် ဗဟိုခေါင်းဆောင်များ ခက်ခဲစွာရင်ဆိုင်နေကြရတယ် ဆိုတာကို
ကျွန်မတို့ နားလည်ပါတယ်။ ဒီအခက်အခဲများကို ကျော်လွှားနိုင်ဖို့ တိုးချဲ့ဖွဲ့စည်းပြီး၊ ပထမဆုံးအကြိမ် ကျင်းပမယ့်
ဗဟိုဦးစီးအစည်းအဝေးကို ၂၉-၃-၂ဝ၁ဝ နေ့မှာ ခေါ်ယူထားပြီးဖြစ်ပါတယ်။ ဒီအစည်းအဝေးမှာ မှန်ကန်တဲ့
ဆုံးဖြတ်ချက်ကျရေးဟာ ကျွန်မတို့ NLD ပါတီအတွက် အရေးတကာ့အရေးအကြီးဆုံး ကိစ္စရပ်ဖြစ်နေပါပြီ။
ဒါ့ကြောင့် ကျင်းပတော့မယ့် ဗဟိုဦးးစီးအစည်းအဝေးမှာ ထည့်သွင်းစဉ်းစားရန်နဲ့ အဖွဲ့ချုပ်အဖွဲ့ဝင်များ
စဉ်းစားနိုင်ရန်တို့အတွက် ကျွန်မ မိတ္ထီလာ-မြင့်မြင့်အေးရဲ့အမြင်ကို တင်ပြလိုက်ပါတယ်။
စစ်အစိုးရက NLD ပါတီအား အပြီးသတ်ချေမှုန်းရေး တိုက်ခိုက်လာတာဟာ ကျွန်မတို့အတွက် အံ့သြစရာမဟုတ်၊
ကြိုတင်မျှော်လင့်ပြီးသားလို့ ပြောလိုပါတယ်။ ဒီအန္တရာယ်ကို ဗဟို CEC နဲ့ အောက်ခြေပါတီဝင်များ
ပူးပေါင်းကာကွယ်နိုင်ရန်အတွက် ကြိုတင်ပြင်ဆင်ကြဖို့ နိုင်ငံလုံးဆိုင်ရာညီလာခံ ခေါ်ပေးပါ။ CEC, C.C. တိုးချဲ့
ပြင်ဆင်ဖွဲ့စည်းပေးပါဟု တောင်းဆိုခဲ့ပါသည်။ ဒီတောင်းဆိုချက်များကို ဗဟိုက ငြင်းဆန်ပြီး တောင်းဆိုသူတို့ကို
အရေးယူတာရှိခဲ့ပါသည်။ ဗဟိုက ဘာမှကြိုတင်ပြင်ဆင်မှုမလုပ်ခဲ့လို့ ဒီကနေ့ နဖူးတွေ့၊ ဒူးတွေ့ ဖြစ်လာမှ
လှုပ်လှုပ်ရှားရှား ဖုတ်ပူမီးတိုက် အခက်အခဲများနဲ့ ရင်ဆိုင်ကြရတာပါ။
ကျွန်မတို့အဖွဲ့ချုပ် NLD ဟာ ဒီစိန်ခေါ်မှုကို ရင်ဆိုင်နိုင်ဖို့ဆိုရင် ပထမဦးးစွာ အတွေးရှင်း၊ အမြင်ရှင်းပါမှ မှန်ကန်တဲ့ဆုံးဖြတ်ချက်ကိုချနိုင်ပါလိမ့်မယ်။အတွေးရှင်း၊အမြင်ရှင်းဖို့ဆိုတာကျွန်မတို့မြန်မာနိုင်ငံအတွင်းဖြစ်နေတဲ့
ပဋိပက္ခဟာ စစ်အာဏာရှင်စနစ်နဲ့ ဒီမ်ိုကရေစီစနစ်ဖြစ်ပါတယ်။ ဒီစနစ် (၂) ခုဟာ စေ့စပ်လို့ မရနိုင်ပါဘူး။
စစ်အာဏာရှင်စနစ်ကို ပြုပြင်ပြီး ဒီမိုကရေစီကို ဖော်ဆောင်လို့မရနိုင်ပါဘူး။ စစ်အာဏာရှင်စနစ်နဲ့ ဒီမိုကရေစီစနစ်
ပူးပေါင်းပြီးတော့ ဒီမိုကရေစီစနစ်ကို ဖော်ဆောင်လို့လည်း မရနိုင်ပါဘူး။ ဒီလို အမြင်ရှင်းနေရပါလိမ့်မယ်။
ပြည်သူလူထုက ဒီမိုကရေစီအစိုးရကို လိုချင်ပါတယ်။ စစ်အရာရှိကြီးများက စစ်အာဏာရှင်အစိုးရကို
လိုချင်တာပါ။ ဒါဟာ ပြည်သူလူထုနဲ့ စစ်အရာရှိကြီးများရဲ့ ဆက်ဆံရေးမြင်ကွင်းပါဘဲ။
အမျိုးသားဒီမိုကရေစီအဖွဲ့ချုပ်က ပြည်သူလူထုကြီးရှေ့က ခေါင်းဆောင်နေပါတယ်။ စစ်အာဏာရှင်စနစ်
ဖယ်ရှားရေး။ ဒီမိုကရေစီစနစ်ဖော်ဆောင်ရေး တိုက်ပွဲကို ဝင်နေကြရတာပါ။ ဒါ့ကြောင့် စစ်အစိုးရက NLD ကို
ရန်သူလို့သတ်မှတ်ပြီး မလှုပ်နိုင်အောင် အကျပ်ကိုင်ထားတယ်။ အမှဲ့ခြွေ ခြွေတယ်။ အခု အပြီးသတ်
ချေမှုန်းနိုင်ပြီလို့ ယူဆလို့ အပြီးသတ်ချေမှုန်းရေး တိုက်ပွဲဆင်လိုက်တာပါပဲ။
ကျွန်မတို့ ရှင်းရှင်းနားလည်ထားကြရမှာက ၂ဝဝ၈ အခြေခံဥပဒေဆိုတာ နိုင်ငံတော်မှာ စစ်အာဏာရှင်စနစ်
ထူထောင်ရေး၊ စစ်အစိုးရက ဖွဲ့စည်းပုံနဲ့ အုပ်ချုပ်နိုင်ရေးတို့အတွက် ရေးဆွဲထားတဲ့ ဖွဲ့စည်းပုံဥပဒေဖြစ်ပါတယ်။
နိုင်ငံရေးပါတီများ မှတ်ပုံတင်ခြင်းဥပဒေဆိုတာ စစ်အာဏာရှင်စနစ်ကို ဆန့်ကျင်နေတဲ့
ဒီမိုကရေစီအင်အားစုပါတီများကို အပြီးသတ်ချေမှုန်းဖို့ ထုတ်ပြန်ထားတဲ့ ဥပဒေဆိုတာပါဘဲ။
ပါတီတည်မြဲရေးအတွက် ပါတီမှတ်ပုံတင်ရမယ်။ ရွေးကောက်ပွဲဝင်ရမယ် ဆိုတဲ့ အဆိုပြုချက်ကို
အတည်ပြုလိုက်ရင် - - -
- ဒီမိုကရေစီခေါင်းဆောင် ဒေါ်အောင်ဆန်းစုကြည်ကို NLD ပါတီကနေထုတ်ပြစ်ရပါမယ်။
- ၂ဝဝ၈ ဖွဲ့စည်းပုံကို ထိန်းသိမ်းစောင့်ရှောက်ပါမယ်လို့ သစ္စာဆို ဝန်ခံကတိပြုလက်မှတ်ရေးထိုး
ရပါမယ်။ လက်နက်ချရပါမယ်။
- ပါတီမှတ်ပုံတင်မယ်၊ ရွေးကောက်ပွဲဝင်မယ်၊ ဒီအလုပ်တွေကို လုပ်လိုက်တာနဲ့ NLD ပါတီဟာ
ပျက်သွားပါပြီ။ မြန်မာနိုင်ငံမှာ NLD ပါတီဆိုတာ မရှိတော့ပါဘူး။ ပါတီတည်မြဲရေးဆိုတာ အဓိပ္ပါယ်မဲ့တဲ့
အဆိုပြုချက်ဘဲ ဖြစ်ပါတယ်။ ဒီအဆိုကို တင်သွင်းခဲ့တဲ့ အဆိုရှင်နဲ့ အဆိုထောက်ခံသူများဟာအမျိုးသားသစ္စာဖောက်၊ ဒီမိုကရေစီရေး သစ္စာဖောက်၊ စစ်အာဏာရှင်အစိုးရထံ လက်နက်ချတဲ့ လူတစ်စု၊
စစ်အုပ်စုနောက်လိုက် ဂိုဏ်းတစ်ဂိုဏ်းသာ ဖြစ်သွားပါတော့တယ်။ ၎င်းအဆိုရှင်နဲ့ နောက်လိုက်နောက်ပါတို့ဟာ
၂၁ နှစ်ကြာ ကိုယ်ကျိုးစွန့်အနစ်နာခံ တိုက်ခိုက်ကြရာက ကိုယ်ကျိုးအရိုးအရင်းကလေးတောင်မှ မကိုက်လိုက်ရဘဲ
နိုင်ငံရေး “ကျားသေ” များဖြစ်ကြရမှာ သေချာပါတယ်။ စစ်အာဏာရှင် ဆန့်ကျင်ရေးတိုက်ပွဲမှာ “ဝိဓူရ” ဘွဲ့ရခဲ့ပြီး၊
စစ်အာဏာရှင်နဲ့ ဆက်ဆံရေး အမှားတစ်ချက်ကြောင့် “ဝိဓူရ” ဘွဲ့နဲ့ “ခွေးကတက်” ဘွဲ့ အလဲခံရပြီး နိုင်ငံရေး
“ကျားသေ” ဘဝနဲ့ ဇာတ်သိမ်းခဲ့ရတဲ့ အတိုက်အခံနိုင်ငံရေးသမိုင်းကို သတိရကြပါလို့ ၊ အချိန်မှီပြင်ဆင်နိုင်ရန်
ရဲဘော်ရဲဘက်စိတ်ထားနဲ့ သတိပေးလိုက်ရပါတယ်ရှင့်။
အဖွဲ့ချုပ်ခေါင်းဆောင်ကြီးများရှင့် - - -
၁။ ၂၉-၃-၂ဝ၁ဝ ဗဟိုဦးးစီးအဖွဲ့အစည်းအဝေးမှာ “ပါတီ တည်မြဲရေး” အတွက်၊ မှတ်ပုံတင်-ပြန်တင်ရမယ်၊
ရွေးကောက်ပွဲဝင်ရမယ် ဆိုတဲ့အဆိုကို ဗဟိုဦးးစီးအဖွဲ့ဝင်များက တညီတညွတ်တည်း ပယ်ချလိုက်ကြပါလို့
အလေးအနက် တိုက်တွန်းတောင်းဆိုအပ်ပါတယ်။
၂။ အဆိုရှင်နဲ့ နောက်လိုက်နောက်ပါများကိုလည်း ယင်းတို့၏ အဆိုများးကို အချိန်မီ ပြန်လည်ရုပ်သိမ်းရန်နှင့်
လမ်းမှားမလိုက်မိကြပါစေနဲ့လို့ အနူးအညွတ် မေတ္တာရပ်ခံ ပန်ကြားအပ်ပါတယ်။
၃။ အကယ်၍ ဒီအဆိုကို မဲခွဲဆုံးဖြတ်ရမည်ဆိုပါရင် အဆိုရှင်နှင့် ထောက်ခံသူများ၊ ကန့်ကွက်သူများသည်
နိုင်ငံရေးခေါင်းဆောင်များပီပီ လျှို့ဝှက်မဲပေးစနစ်ကို မကျင့်သုံးကြရန်နှင့် မိမိတို့၏ ရပ်တည်ချက်ကို ရဲရဲတင်းတင်း
ပွင့်ပွင့်လင်းလင်း ဗြောင်(ပြောင်) မဲပေးစနစ်နဲ့ ပြသကြပါလို့ တောင်းဆိုပါတယ်ရှင့်။
၎။ ကျွန်မတို့ မိတ္ထီလာမြို့နယ်ကတော့ “ဒေါ်အောင်ဆန်းစုကြည်နဲ့ အတူရပ်တည်မယ်” လို့
ကြေညာလိုက်ပါတယ်။
အမျိုးသားဒီမိုကရေစီအဖွဲ့ချုပ် ရပ်တည်ရေးNLD အဖွဲ့ချုပ် ရပ်တည်ရေးကို ဆက်လက်တင်ပြပါမယ်။ အမျိုးသားဒီမိုကရေစီအဖွဲ့ချုပ်ဘယ်လိုရပ်တည်နိုင်တယ်။ မြဲနိုင်တယ်ဆိုတာကို “လုပ်ဖော်ကိုင်ဖက်များနှင့် အဖွဲ့ချုပ်ခေါင်းဆောင်ကြီးများသို့”ဆိုတဲ့ ကျွန်မရဲ့ ပန်ကြားချက်စာတမ်းမှာ အပြည့်အစုံ တင်ပြထားပါတယ်။ ဒီပန်ကြားချက်စာတမ်းထဲကလိုအပ်သလို ကောက်နှုတ်ဖော်ပြပါမယ်။
ကျွန်မတို့ အမျိုးသားဒီမိုကရေစီအဖွဲ့ချုပ် NLD မှာ ..
- မှန်ကန်တဲ့ “တရား” ၊ မှန်ကန်တဲ့ “နိုင်ငံရေးလမ်းစဉ်” ရှိပါတယ်။
- မြန်မာ့နိုင်ငံရေး၊ ကမ္ဘာ့နိုင်ငံရေးမှာ ဖယ်ထားလို့မရတဲ့ နိုင်ငံရေးခေါင်းဆောင်ဒေါ်အောင်ဆန်းစုကြည် ရှိပါတယ်။
- ပြည်တွင်းမှာ လူမျိုးစု၊ လူမျိုးစုံနဲ့ ပြည်သူလူထုကြီးရဲ့ ထောက်ခံမှုကို အပြည့်အဝရရှိထားပြီး
ဖြစ်ပါတယ်။
- ကုလသမဂ္ဂနဲ့ ကမ္ဘာ့နိုင်ငံတကာ ဒီမိုကရေစီအင်အားစုကြီးများ၊ ကမ္ဘာ့နိုင်ငံကြီး၊ နိုင်ငံငယ်ပေါင်းစုံက
ကျွန်မတို့ NLD ဘက်မှာ ရပ်တည်နေပါတယ်။
- ကျွန်မတို့ NLD ပါတီမှာ ဒီမိုကရေစီယုံကြည်ချက်အပြည့်နဲ့ ၂၁-နှစ်တိုင်တိုင် ကြံ့ကြံ့ခံရပ်တည်ခဲ့တဲ့
သံမဏိစိတ်ဓါတ်နဲ့ ပါတီဝင်များလည်း ရှိနေကြပါတယ်။
ဒါ့ကြောင့် ဘယ်အာဏာရှင်ရဲ့ ဘယ်အမိန့်အာဏာနဲ့မှ ကျွန်မတို့ NLD ပါတီကို ချေမှုန်းလို့မရနိုင်ပါဘူး။ ကျွန်မတို့
ဒီကနေ့ ထိပ်တန်းတင်ရမှာက “ပါတီတည်မြဲရေး” ဖြစ်ပါတယ်။ ပါတီတည်မြဲရေးအတွက်
လက်နက်ချရမှာမဟုတ်ဘူး။ စစ်အာဏာရှင်ပြုသမျှ ငုံ့ခံရမှာမဟုတ်ဘူး။ ဒေါ်အောင်ဆန်းစုကြည်ကို
ထုတ်ပစ်ရမှာမဟုတ်ဘူး။ ပါတီတည်မြဲရေးအတွက် တိုက်ပွဲဝင်ရမယ်။ ခုခံတိုက်ကြရမယ်။
ဒေါ်အောင်ဆန်းစုကြည်ရဲ့ “မတရားတဲ့အမိန့်အာဏာဟူသမျှ တာဝန်အရဖီဆန်ကြ” - လမ်းညွှန်မှုကို
လိုက်ကြရမှာဖြစ်ပါတယ်။
ပထမဆုံး နိုင်ငံရေးပါတီများ ရက်ပေါင်း (၆ဝ) အတွင်းမှတ်ပုံတင်ရမယ်ဆိုတဲ့ ဥပဒေကို ရှေ့တန်းတင်
တိုက်ရပါမယ်။ ပါတီရဲ့ တခြားပေါ်လစီတွေကို ယာယီလျှိုထားရပါမယ်။ အခွင့်သာမှ ရှေ့ထုတ်သင့်တဲ့အခါမှ
ထုတ်ရပါမယ်။
(၁) နိုင်ငံရေးပါတီများ မှတ်ပုံတင်ရေးကို ကန့်ကွက်ရပါမယ်။ ဖျက်သိမ်းပေးဖို့ တောင်းဆိုရပါမယ်။
နိုင်ငံရေးပါတီများမှတ်ပုံတင်ရေးဆိုတာ မြန်မာနိုင်ငံမှာ မရှိခဲ့ဘူးပါ။ ဗိုလ်ချုပ်မှူးကြီးစောမောင် မာရှယ်လော
အုပ်ချုပ်ရေးခေတ်မှာမှ စပေါ်လာတာပါ။ “မာရှယ်လောအုပ်ချုပ်ရေး” ဆိုတာ စစ်ဗိုလ်ချုပ်ကြီးရဲ့
စိတ်သဘောဆန္ဒအလျောက်၊ အလိုဆန္ဒအတိုင်း အုပ်ချုပ်တာဖြစ်တယ်လို့ ဗိုလ်ချုပ်မှူးကြီးစောမောင်က
ရှင်းပြပါတယ်။ လက်ရှိအုပ်ချုပ်ရေးက စစ်အစိုးရဆိုပေမယ့် နိုင်ငံတော်အေးချမ်းသာယာရေးနဲ့
ဖွံ့ဖြိုးရေးကောင်စီပါ၊ ကောင်စီအဆင့်ဆင့်နဲ့ အုပ်ချုပ်တာပါ။ “မာရှယ်လောအုပ်ချုပ်ရေး” မဟုတ်တော့ပါဘူး။
ရွေးကောက်ပွဲနဲ့၊ လွှတ်တော်နဲ့၊ သမတနဲ့၊ ဖွဲ့စည်းအုပ်ချုပ်ပုံစည်းမျဉ်းးစည်းကမ်းဥပဒေနဲ့ပါ။ ဒါ့ကြောင့်
ဒီအုပ်ချုပ်ရေးစနစ် အောက်မှာ မာရှယ်လောစစ်အုပ်ချုပ်ရေးစနစ်လက်အောက်က လုပ်ခဲ့တဲ့ “နိုင်ငံရေးပါတီများ
မှတ်ပုံတင်ရေး” ကို လက်မခံနိုင်ကြောင်း၊ ကန့်ကွက်ကြောင်းနဲ့ ဖျက်ပေးဖို့ တောင်းဆိုကြောင်းကို အဖွဲ့ချုပ်က
ပြုလုပ်ရပါမယ်။(နိုင်ငံရေးပါတီများကို လွတ်လပ်စွာ ဖွဲ့စည်းခွင့် ပေးရပါမယ်။ နိုင်ငံတော်ကို ဖျက်ဆီးတဲ့
ပါတီပေါ်လာမှ မတရားသင်းဥပဒေနဲ့ အရေးယူဖျက်သိမ်းရမှာဖြစ်တယ်ဆိုတဲ့ ဥပဒေကရှိပြီးသားဖြစ်ပါတယ်။
နိုင်ငံရေးပါတီများဟာ တည်ဆဲဥပဒေဘောင်အတွင်း ရပ်တည်နေသမျှ တရားဝင်တည်ရှိခွင့်ပေးရပါမယ်
ပါတီမှတ်ပုံတင်တင်၊ မတင်တင် ဖျက်သိမ်းခွင့်မရှိပါ။)
(၂) နိုင်ငံရေးပါတီများဟာ ၂ဝဝ၈ ဖွဲ့စည်းအုပ်ချုပ်ပုံအခြေခံဥပဒေကို ထိန်းသိမ်းစောင့်ရှောက်ပါမယ်လို့
ဝန်ခံကတိပြု လက်မှတ်ထိုးရမယ်။ ဒါမှ ပါတီမှတ်ပုံတင်ခွင့်ပေးမယ်။ ရွေးကောက်ပွဲဝင်ခွင့်ပေးမယ် ဆိုတဲ့
စည်းမျဉ်းကို ကန့်ကွက်ရပါမယ်။ ဖျက်သိမ်းပေးဖို့တောင်းဆိုရပါမယ်။ ဒီ နအဖရဲ့ စည်းမျဉ်းကန့်သတ်ချက်ဟာ
“ပါတီစုံစနစ်”မဟုတ်ဘူး။ တစ်ပါတီစနစ်ရဲ့ အမိန့်အာဏာဖြစ်နေပါတယ်။ “ပါတီစုံစနစ်” ဆိုတာဘာလဲ၊ ဝါဒစုံ၊
လမ်းစဉ်စုံ၊ ကိုင်စွဲထားတဲ့ပါတီပေါင်းစုံကို လွတ်လပ်စွာ ပါတီထူထောင်ခွင့်၊တည်ရှိခွင့်ပေးထားတဲ့စနစ်ဖြစ်ပါတယ်။ ဦးနေဝင်းရဲ့ မဆလအစိုးရလက်ထက်မှာ တခြားပါတီတွေကို ဥပဒေပြဌာန်းပြီး ဖျက်သိမ်းခဲ့ပါတယ်။ အဲဒါကိုမဆလ တစ်ပါတီအာဏာရှင်အစိုးရလို့ခေါ်ပါတယ်။ တရုပ်ပြည်ဟာ ကွန်မြူနစ်ပါတီ တစ်ပါတီထဲဘဲရှိလို့အဲဒါတစ်ပါတီအာဏာရှင်စနစ်ဘဲ ဖြစ်ပါတယ်။
လက်ရှိ ၂ဝဝဂ ဖွဲ့စည်းပုံကို စစ်အာဏာရှင်စနစ်ထူထောင်တဲ့ ဖွဲ့စည်းပုံစည်းမျဉ်ဥပဒေလို့ NLD နဲ့
ဒီမိုကရေစီအင်အားစုများက ကန့်ကွက်နေကြတာဖြစ်ပါတယ်။ ဒီမိုကရေစီဝါဒ လက်ခံထားတဲ့ ပါတီတွေကို၊
စစ်အာဏာရှင်စနစ်တည်ဆောက်ရန် ရေးဆွဲပြဌာန်းထားတဲ့ ၂ဝဝ၈ အခြေခံဥပဒေကို
ထိန်းသိမ်းစောင့်ရှောက်ပါမယ်လို့ ထောက်ခံပါမှ ပါတီတွေ ဖွဲ့ခွင့်ပေးမယ်ဆိုတာဟာ ပါတီစုံစနစ်နဲ့
ဆန့်ကျင်နေပါတယ်။ ဘာပါတီ၊ ညာပါတီနဲ့ ပါတီအမည်တွေ ကွဲနေသော်လည်းဘဲ စစ်အာဏာရှင်စနစ်တစ်ခု
တည်းက လက်ခံထူထောင်ခွင့်ရထားတဲ့ ပါတီတွေဖြစ်နေလို့မို့ တစ်ပါတီစနစ်ဘဲဖြစ်ပါတယ်။ မဆလ
ပါတီတစ်ခုထဲ ကျင့်သုံးခဲ့တဲ့ မြန်မာပြည်နဲ့၊ ကွန်မြူနစ် တစ်ပါတီထဲကျင့်သုံးနေတဲ့ တရုပ်ပြည်မှာ တစ်ပါတီ
အာဏာရှင်စနစ်ဆိုပေမဲ့ မဆလကို ထောက်ခံတဲ့၊ တရုပ်ကွန်မြူနစ်ပါတီကို ထောက်ခံတဲ့ အလုပ်သမားသမဂ္ဂ၊
လယ်သမားသမဂ္ဂ၊ တေဇလူငယ်၊ လမ်းစU်လူငယ်၊ ကွန်မြူနစ်လူငယ်၊ ဘာအဖွဲ့ ညာအဖွဲ့ ဆိုတဲ့
ပါတီအဖွဲ့အစည်းများ တစ်ပါတီထက်ပိုပြီး တစ်ဖွဲ့ထက်ပိုပြီး ရှိကြပေမဲ့ ဆိုလိုတာက ဒါဟာ ပါတီစုံမဟုတ်ဘူး။ “ဒီ
၂ဝဝ၈ အခြေခံဥပဒေကို ထိန်းသိမ်းစောင့်ရှောက်ပါ့မယ်လို့ ဝန်ခံကတိပြု လက်မှတ်ရေးထိုးထောက်ခံပြီးမှ
ပါတီထူထောင်ရတာဟာ ပါတီစုံစနစ်နဲ့ မကိုက်ညီဘူး။ တစ်ပါတီစနစ်ဘဲဖြစ်လို့ အဖွဲ့ချုပ်ဗဟိုက
ကန့်ကွက်ရပါမယ်။ ဖျက်သိမ်းပေးရန် တောင်းဆိုရပါမယ်။”
(၃) နိုင်ငံရေးပါတီများ ရွေးကောက်ပွဲဝင်ရမယ်၊ မဝင်ရင် ပါတီမှတ်ပုံတင်ရုတ်သိမ်းမယ်ဆိုတဲ့ အမိန့်အာဏာကို
ကန့်ကွက်ရပါမယ်။ ဖျက်သိမ်းပြစ်ဖို့တောင်းဆိုရပါမယ်။ ဘာ့ကြောင့်လဲဆိုတော့ နိုင်ငံရေးပါတီဖွဲ့တယ်ဆိုတာဟာ
နိုင်ငံအတွင်းမှာရှိတဲ့ လူအပေါင်းတို့ရဲ့အရေးကိုလုပ်ဖို့ဖြစ်ပါတယ်။ နိုင်ငံရေးလုပ်ရာမှာ နိုင်ငံတော်အာဏာကို
ရယူပြီး နိုင်ငံရေးလုပ်မဲ့ပါတီက ရွေးကောက်ပွဲကိုဝင်ပြီး အာဏာယူရပါမယ် နိုင်ငံရေးအာဏာမယူဘဲ
နိုင်ငံရေးလုပ်မဲ့ပါတီအဖွဲ့အစည်းက ရွေးကောက်ပွဲကိုမဝင်ဘူး။ ဝင်စရာမလိုဘူး ဥပမာ-လယ်သမားပါတီ၊
လယ်သမားအဖွဲ့က လယ်သမားအရေးဘဲလုပ်မယ်။ အလုပ်သမားပါတီ၊ အလုပ်သမားအဖွဲ့က အလုပ်သမားအရေး
လုပ်မယ်။ သူတို့က အာဏာယူလုပ်မှဖြစ်မယ်ဆိုရင် ရွေးကောက်ပွဲဝင်မှာပေါ့။ အာဏာမယူဘဲ လုပ်လို့ရတဲ့
နိုင်ငံရေးဆိုရင် ရွေးကောက်ပွဲမဝင်ဘဲ အလုပ်လုပ်လို့ရပါတယ်။ ရွေးကောက်ပွဲဝင်မှ နိုင်ငံရေးပါတီဖွဲ့ရမယ်ဆိုတဲ့
အမိန့်အာဏာဟာ အဓိပ္ပါယ်မရှိပါဘူး။ ဒီအမိန့်အာဏာဟာ နိုင်ငံရေးနားမလည်လို့ထုတ်တဲ့ အမိန့်အာဏာ
ဖြစ်ပါတယ်။ ၎င်းအမိန့်အာဏာကို ကန့်ကွက်ကြောင်းနဲ့ ဖျက်သိမ်းရန်တောင်းဆိုကြောင်း အဖွဲ့ချုပ်က
လုပ်ရပါမယ်။
(၄) ရွေးကောက်ပွဲကော်မရှင်ဟာ ယ္ခုကျင်းပမဲ့ရွေးကောက်ပွဲအား တရားမျှတတဲ့ ရွေးကောက်ပွဲဖြစ်ရေးအတွက်
စီမံခန့်ခွဲရန် ဖွဲ့စည်းရခြင်းဖြစ်ပါတယ်။ ရွေးကောက်ပွဲမှာ ပြဿနာပေါ်လာရင် တရားမျှတစွာ ရှင်းပေးရပါမယ်။
ရွေးကောက်ပွဲအောင်မြင်စွာပြီးဆုံးတာနဲ့ ရွေးကောက်ပွဲကော်မရှင်က အစိုးရထံ အစီရင်ခံစာတင်ပြီးတာနဲ့
ရွေးကောက်ပွဲကော်မရှင်ရဲ့တာဝန် ကုန်ဆုံးတာဖြစ်ပါတယ်။ ရွေးကောက်ပွဲကော်မရှင်ဟာ
အုပ်ချုပ်မှုအခွင့်အာဏာ တရားစီရင်မှုအခွင့်အာဏာ မရှိပါ။ ဒီအခွင့် အာဏာများဟာ လက်ရှိအုပ်ချုပ်နေတဲ့
အစိုးရမှာသာ ရှိပါတယ်။ ရွေးကောက်ပွဲကော်မရှင်ကို စတင်ဖွဲ့စည်းသည်မှ နောက်ရွေးကောက်ပွဲဖြစ်သည်အထိ
နိုင်ငံအတွင်းရှိ ပါတီအဖွဲ့အစည်းများအား ဖွဲ့စည်းခွင့်ပေးခြင်း၊ စီမံအုပ်ချုပ်ခြင်း၊ အရေးယူအပြစ်ပေးခြင်း၊
ဖျက်သိမ်းခွင့်ရှိခြင်း စသည့် အခွင့်အာဏာများကို နအဖက လွှဲအပ်ထားခြင်းဟာ နိုင်ငံအတွင်းမှာ နအဖက
အစိုးရတစ်ဖွဲ့ ထပ်ဖွဲ့စည်းပေးခြင်းဖြစ်ပါတယ်။ ရွေးကောက်ပွဲကတက်လာတဲ့ အစိုးရကိုပါ
အစိုးရသက်တမ်းတစ်ရပ်အတွင်း အုပ်ချုပ်ခြင်း၊ တရားစီရင်ခြင်း ပြုလုပ်နိုင်တဲ့ ရွေးကောက်ပွဲကောက်မရှင်
အစိုးရကို နအဖက ဖွဲ့စည်းပေးထားခြင်းဖြစ်ပါတယ်။ ဒီရွေးကောက်ပွဲကော်မရှင်ကို ဖွဲ့စည်းပြီး
အာဏာအပ်နှင်းခြင်းနှင့် ဥပဒေပြဌာန်းခြင်းဟာ မြန်မာနိုင်ငံအတွင်းမှာ အစိုးရတစ်ရပ်
ထူထောင်ပေးထားတာဖြစ်ပါတယ်။ ဒါ့ကြောင့် နအဖစစ်အစိုးရရဲ့ ဥပဒေမဲ့ ဒီလုပ်ဆောင်ချက်ကို
လက်ခံကြရမည်မဟုတ်ပါ။ ကန့်ကွက်ရပါမယ်။ ဖျက်သိမ်းဖို့တောင်းဆိုရပါမယ်။ ဖျက်သိမ်းပေးတဲ့အထိ
တိုက်ပွဲဝင်ရပါမယ်။
ကျွန်မတို့ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်ကလည်း ပါတီဝင်ထုနဲ့ ပြည်သူလူထုကို
မှာကြားချက်များမှာ တရားမျှတမှုမရှိတဲ့ ဒီလိုဥပဒေမျိုးကို တညီတညွတ်တည်း တုန့်ပြန်ကြဖို့လိုကြောင်း၊
လက်ရှိနိုင်ငံရေးအကျပ်အတည်းတွေ များလာတာဟာ လုပ်သင့်လုပ်ထိုက်တဲ့ အလုပ်တွေကို
ပိုပြီးထိထိရောက်ရောက် ဆောင်ရွက်နိုင်ဖို့အတွက် ခွန်အားဖြစ်စေတဲ့အကြောင်း ဒီဥပဒေတွေကြောင့်
ပါတီဝင်ရပ်တည်ခွင့် ၊ ပါတီရပ်တည်ခွင့်တွေနဲ့ ပတ်သက်ပြီးစိုးရိမ်ဖို့ မလိုကြောင်း မှာကြားချက်နဲ့အညီ ကျွန်မတို့
အဖွဲ့ချုပ်အဖွဲ့ဝင်ပါတီဝင်ထုတစ်ရပ်လုံးက ပါတီရပ်တည်နိုင်ရေးအတွက် ဥပဒေဘောင်အတွင်းမှ
နိုင်ငံရေးလမ်းကြောင်းအရ ညီညီညွတ်ညွတ် ရင်ဆိုင်ရပ်တည်ကြပါစို့ဟု တိုက်တွန်းလိုက်ရပါသည်။
မိတ္တူကို- ဒေါ်မြင့်မြင့်အေး
- CEC အဖွဲ့ဝင်များ အတွင်းရေးမှူး
- C.C. အဖွဲ့ဝင်များ မြို့နယ်စည်းရုံးရေးအဖွဲ့
- မြို့နယ်အဖွဲ့ချုပ်အဖွဲ့ဝင်များ အမျိုးသားဒီမိုကရေစီအဖွဲ့
မိတ္ထီလာမြို့နယ်။
သို့/ ၂၆ - ၃ - ၂ဝ၁ဝ
………………………………………………………..
…………………………………………………………
0 တပ်မတော်သားများအတွက် ပြည်သူသာ အမိ အဖ ဖြစ်စေလို
နယူးဒေလီ (မဇ္ဈိမ)
မကြာသေးခင်က နေအိမ်အကျယ်ချုပ်မှ လွတ်မြောက်လာခဲ့သော အမျိုးသားဒီမိုကရေစီအဖွဲ့ချုပ် ဒုဥက္ကဋ္ဌ၊ စစ်သားဘဝကို မြတ်နိုးသူ၊ မြန်မာ့တပ်မတော်၏ ကာကွယ်ရေးဦးစီးချုပ်ဟောင်း သူရဦးတင်ဦး၏ ယနေ့ တပ်မတော်အပေါ် သုံးသပ်ချက်များကို ဖတ်ရှုရမည်ဖြစ်သည်။
မေး။ မတ်လ ၂၇ ရက်နေ့က ဖက်ဆစ်တော်လှန်ရေးနေ့လား၊ တပ်မတော်နေ့လားဆိုတာ တချက်လောက် ရှင်းပြပေးပါ။ တပ်မှူးဟောင်းတယောက်အနေနဲ့ ဘယ်လို ခံယူထားလဲဆိုတာ သိချင်လို့ပါ။
''စပြီးတော့ ဖြစ်လာတာက ဖက်ဆစ်တော်လှန်ရေးနေ့ပါ။ ဟိုတုန်းက တပ်တွေ ဖွဲ့ကာစကတော့ မထင်ရှားသေးဘူးပေါ့။ နောက်ပိုင်းကျမှ တဖြည်းဖြည်းနဲ့ တပ်ထဲမှာ ဖက်ဆစ်တော်လှန်ရေးဆိုပြီးတော့ ကျင်းပလာတယ်။ အဲဒီတုန်းက ရန်ကုန်မှာ ဖက်ဆစ်တော်လှန်းရေးနေ့ တပ်တွေထွက်တဲ့ အသွင်သဏ္ဍာန်ကို ဆောင်ပြီးတော့ကာ၊ မီးဒုတ်တွေဘာတွေနဲ့ စစ်ကြောင်းတွေက လှည့်ပြီးတော့ကာ ရွှေတိဂုံ အနောက်ဘက်မှာ ရှိတဲ့ ကျူးကျော်အိမ်တွေကို ဖျက်ပြီးတော့၊ မြို့တော်ဝန် ဗိုလ်မှူးကြီးထွန်းစိန်က အဲဒီနေရာကို ရှင်းပြီးတော့ အဲဒီနေရာကို တော်လှန်ရေးပန်းခြံဆိုပြီး လုပ်တယ်။ ဟိုတုန်းက တော်လှန်ရေးပန်းခြံက ဗိုလ်ချုပ်အောင်ဆန်း မိန့်ခွန်းပြောပြီးတဲ့နောက်၊ အဲဒီကနေပြီးတော့ စပြီးချီတက်တာကို အမှတ်အသားအနေနဲ့၊ ဂုဏ်ပြုတဲ့အနေနဲ့ စစ်ကြောင်းတွေက မြို့ထဲကနေ တော်လှန်ရေး တိုင်းတွေ၊ ပြည်နယ်တွေက တပ်တွေလို နာမည်တပ်ပြီးတော့၊ စစ်ကြောင်းတွေလုပ်ပြီး ချီတက်လာကြတယ်။ နောက်နှစ်မှာကျ မီးဒုတ်တွေ မပါတော့ဘူးပေါ့။ မီးဒုတ်တွေပါရင် မီးအန္တရာယ် ရှိတယ်ဆိုပြီးတော့ မပါတော့ဘဲ နောက်ပိုင်းမှာ စစ်ရေးပြ အခမ်းအနားတွေ ဖြစ်ပေါ်လာတယ်။ အဲဒီတုန်းက ဖက်ဆစ်တော်လှန်းရေးပေါ့။ အဲဒီဟာနဲ့ ပတ်သက်ပြီး နောက်ပိုင်းကျတော့ ဖက်ဆစ်တော်လှန်ရေးနေ မဟုတ်တော့ဘူးပေါ့။ ဒီဟာကို ၂၇ ရက်နေ့က စစ်သည်တွေ ချီတာကို အကြောင်းပြုပြီး တပ်မတော်နေ့လို့ ပြောင်းလိုက်တယ်။ အဲဒီကျလို့ရှိရင် တပ်ထဲမှာ စစ်ရေးပြ အခမ်းအနားတွေ ကျင်းပပြီး၊ တပ်မတော်နေ့ဆိုပြီး လုပ်လာတာတွေ ရှိတယ်''
'ကျနော် မှတ်မိသေးတယ်၊ တော်လှန်ရေးကောင်စီ တက်လာတဲ့အချိန်မှာ တပ်မတော်သားတွေဆီ ဆန္ဒတွေဘာတွေ မေးတော့ကာ ကျနော့်အနေနဲ့ ဆန္ဒပြုခဲ့တာတွေ ရှိတယ်။ အဲဒါ ဘာလဲဆိုတော့ တပ်မတော်နေ့ အခမ်းအနား လုပ်တာကတော့ လုပ်ပါ။ တပ်မတော်နေ့ဆိုတာက ရှိရမှာပဲ။ တပ်မတော်သားတွေ ဂုဏ်ပြုတဲ့နေ့။ သို့သော် အဲဒီနေ့ဟာ တပ်မတော်ထဲမှာ အခမ်းအနား ကျင်းပတာလောက်ပဲ ကောင်းတယ်။ တကယ့် နေ့ထူးနေ့မြတ်က လွတ်လပ်ရေးနေ့။ မြန်မာနိုင်ငံကြီး လွတ်လပ်ရေးနေ့ဟာ အထွဋ်အမြတ်နေ့ ဖြစ်တယ်။ အထွဋ်အမြတ်နေ့မှာ တပ်မတော်သားတွေအနေနဲ့ စစ်ရေးပြ အခမ်းအနားလည်း လုပ်၊ ပြည်သူပြည်သားတွေ ဘက်ကလည်းပဲ၊ ဆိုင်ရာဆိုင်ရာ အဖွဲ့အစည်းတွေအနေနဲ့လည်းပဲ ပြည်သူနဲ့ တပ်မတော် အတူတကွ ချီတက်တဲ့ အခမ်းအနားတွေ လုပ်ပါဆိုပြီးတော့ အကြံဥာဏ်တွေလည်း ကျနော်တို့ ပေးခဲ့ဖူးတယ်''
''အဲဒါက မထိရောက်ဘဲ နောက်ပိုင်းမှာ တပ်မတော်နေ့ဆိုပြီး ဒီနေ့အထိ လုပ်လာတာပဲ။ အဲဒီနေ့မှာ အခမ်းအနား ကျင်းပပြီး တပ်ထဲမှာရှိတဲ့ စစ်သည်တော်များ အားလုံးအတွက် စစ်သွေးစစ်မာန်၊ ဇာတိသွေးဇာတိမာန် တက်ကြွဖို့ အခမ်းအနား လုပ်တာပါ။ ဟိုတုန်းက အကြံပေးခဲ့ဖူးတာက လွတ်လပ်ရေးနေ့မှာပဲ အဓိက ထားပြီးတော့ကာ တပ်မတော်သားတွေ အားလုံး ပါဝင်ဆင်နွှဲဖို့ ပြောခဲ့ပေမယ့်၊ တချို့က တပ်မတော်နေ့လို့ သတ်မှတ်ပါ။ အဲဒီနေ့မှာ တပ်ထဲမှာ သူတို့ဘာသာသူတို့ ပျော်ပွဲရွှင်ပွဲ အထိမ်းအမှတ်ပွဲတွေ လုပ်လို့ရှိရင် ဖြစ်နိုင်ပါတယ်ဆိုပြီး သဘောတူညီမှုတွေ ရှိခဲ့ဖူးတယ်။ ၁၉၆၂ ခုနှစ် မတ်လ ၂၇ ရက်နေ့ နောက်ပိုင်းမှာ စစ်ရေးပြ အခန်းအနားတွေနဲ့ပဲ လုပ်လာခဲ့တာ အခုထိပဲ။ အခုကျ စစ်ရေးပြ အခမ်းအနားကို နေပြည်တော်မှာ အကြီးကျယ်ဆုံးလုပ်တဲ့ သဘော ရှိတဲ့အတွက် စစ်ရေးပြ အခမ်းအနားကို အကြောင်းပြုပြီး လုပ်လာတဲ့အတွက် တပ်မတော်နေ့ဆိုပြီး တွင်ကျယ်လာတာပါပဲ''
''တကယ်စင်စစ်က မတ်လ ၂၇ ရက်နေ့က ဖက်ဆစ်တော်လှန်နေ့ကို အားလုံး ချီတက်ပြီး ထွက်ကြတဲ့ အတွက်ကြောင့်မို့၊ ထွက်တဲ့တပ်တွေကလည်း သူတို့ဟာသူတို့ အမှတ်တရအနေနဲ့ ကျင်းပတဲ့ အတွက်ကြောင့်မို့လို့ ဖက်ဆစ်တော်လှန်ရေးနေ့ပါ။ ဖက်ဆစ်တော်လှန်နေ့က အမည်နာမအနေနဲ့က အမှန်အကန်ပါပဲ။ သို့သော် စစ်သည်တော်သားများ အားလုံးအနေနဲ့ တပ်မှူးအကြီး အငယ်တွေအနေနဲ့ အားလုံး အဆင့်ဆင့်က အစဉ်အလာလိုဖြစ်ပြီး ပြောဆိုလုပ်ကိုင်လာတာကတော့ ဒီနေ့အချိန်ထိ အခမ်းအနားတွေကို အကြီးအကျယ် လုပ်ပြီးတော့ တပ်မတော်နေ့ဆိုပြီး ဖြစ်လာတာပေါ့''
မေး။ ဖက်ဆစ်တော်လှန်ရေးခေတ် နောက်ပိုင်းကာလ တပ်မတော်သားတွေနဲ့ လက်ရှိ တပ်မတော်သားတွေ ဘယ်လို ကွာခြားတာမျိုးတွေ ရှိလဲခင်ဗျ။
“သိပ်ပြီးတော့ ကွာခြားတာပေါ့ကွာ၊ ဟိုတုန်းက တပ်မတော်ဆိုတာက ဗိုလ်ချုပ်အောင်ဆန်း ကိုယ်တိုင်က အင်မတန် ကောင်းမြတ်တဲ့ စံနမူနာကောင်းတွေ ပြသွားခဲ့တယ်။ သူ ဖက်ဆစ်တော်လှန်ရေး ပြီးတဲ့အခါကျ တပ်ကို ပြန်ဖွဲ့တဲ့အခါမှာ ဂန္ဓီစာချုပ်အရ တပ်ကို ပြန်ဖွဲ့စည်းတယ်။ အရာရှိတွေနဲ့ ပတ်သက်လို့ ရွေးချယ်ခန့်ထားပြီး နောက်ပိုင်းမှာ သူကိုယ်တိုင်က တပ်မတော်ထဲမှာ မနေတော့ဘဲနဲ့ နိုင်ငံရေး အဖွဲ့အစည်းဖြစ်တဲ့ ဖဆပလ ပါတီ အဖွဲကြီးထဲမှာ သွားပြီးတော့ ဗမာ့လွတ်လပ်ရေးနဲ့ ပတ်သက်ပြီး ဆက်လက်ကြိုးပမ်းတဲ့ ဥစ္စာက တပ်မတော်နဲ့ နိုင်ငံရေး (နိုင်ငံရေးဆိုတာက ပါတီ နိုင်ငံရေးကို ပြောတာပေါ့လေ)၊ နိုင်ငံရေးဆိုတာက ပြည်သူလူထုအားလုံးနဲ့ တပ်မတော်သားတွေက နိုင်ငံရေးရဲ့ ဇာတ်ကောင်တွေ ဖြစ်တယ်။ နိုင်ငံရေးရဲ့ သတ္တဝါတွေဖြစ်တော့ နိုင်ငံရေးဆိုတာက ရှိရမှာပဲ၊ ကင်းမှာ မဟုတ်ဘူး”
“သို့သော်လည်း တပ်မတော်ဟာ ပါတီနိုင်ငံရေးနဲ့ တပ်မတော် ကင်းကင်းရှင်းရှင်း နေရမယ်ဆိုတာကို ဗိုလ်ချုပ် အောင်ဆန်းက ပြခဲ့တယ်လေ။ ဒီအစဉ်အလာကို ထိန်းဖို့အတွက် ဗိုလ်ချုပ်အောင်ဆန်း နိုင်ငံအတွက် အသက်စွန့်ပြီး နောက်ပိုင်းမှာလည်း တပ်မတော်ကို ဆက်လက်တာဝန်ယူတဲ့ ပုဂ္ဂိုလ် အထူးသဖြင့် ဗိုလ်ချုပ်ကြီးနေဝင်း ခေတ်ပေါ့ဗျာ။ အဲဒီအခါမှာလည်းပဲ ဒီအရှိန်အဝါနဲ့ ဆက်လက်ပြီး အကောင်အထည်ဖော်ဖို့အတွက် တပ်မတော် ညီလာခံတခုကို ပထမဆုံးအကြိမ် ကျင်းပတယ်။ တပ်မတော်ရဲ့ ပဋိဥာဉ်စာတမ်းကို ရေးခဲ့တယ်။ ၁၉၄၇ ခုနှစ် နိုင်ငံတော် ဖွဲ့စည်းအုပ်ချုပ်ပုံ ဥပဒေကို တို့တတွေက အသက်ပေးပြီး ကာကွယ်ကြရမယ်။ အဲဒီဟာကို ကာကွယ်ဖို့ အကြောင်းချင်းရာတွေနဲ့ ပတ်သက်ပြီး ဆုံးဖြတ်ချက်ချတယ်''
''အဲဒီမှာ ဗိုလ်ချုပ်နေဝင်းကိုယ်တိုင် ကာကွယ်ရေး ဦးစီချုပ် စာတမ်းတစောင်ကို ဖတ်ပြတယ်။ အဲဒီဖတ်ပြတဲ့ စာတမ်းက ဘာလဲဆိုတော့ - တို့တပ်မတော်အနေနဲ့ ပြည်သူလူထုတွေရဲ့ ဆန္ဒကို ရှေ့ကနေ ရဲရဲဝံ့ဝံ့ ရပ်တည်ဖို့ အခုရှိနေတဲ့ ၁၉၄၇ ခုနှစ် ဖွဲ့စည်းအုပ်ချုပ်ပုံ ဥပဒေကို အသက်ပေးပြီး တို့တတွေ ကာကွယ်ကြရမယ်။ နောင်သောအခါမှာ အခြေခံဥပဒေအပေါ်မှာ အခိုင်အမာ ရပ်တည်ပြီးတော့ နိုင်ငံတော် တည်ဆောက်ရေး တို့တတွေ လုံးပမ်းကြရမယ်။ ဒါကြောင့်မို့ ဖွဲ့စည်းအုပ်ချုပ်ပုံမှာပါတဲ့ ဥပဒေအချက်အလက်တွေကို ဖောက်ဖျက်ကျူးလွန်တာရှိသော် ငါကိုယ်တိုင် မထောက်မညှာ ပြတ်ပြတ်သားသား အရေးယူ ဆောင်ရွက်သွားမယ်။ ဒါကြောင့်မို့ ဒါကို မင်းတို့အားလုံး ဆွေးနွေးပြီးရင် ဒီဟာကို လက်မှတ်ထိုးကြပါ ဆိုတဲ့အတွက် ဒီဟာကို ၁၉၄၇ ခုနှစ် နိုင်ငံတော် အခြေခံဥပဒကို ကျနော်တို့ အားလုံးက နှစ်နှစ်ခြိုက်ခြိုက် ထောက်ခံအားပေးပြီး လက်မှတ်ထိုးခဲ့တယ်။ အဲဒါက ဗမာ့တပ်မတော်ရဲ့ ပဋိဥာဉ်စာတမ်း ထုတ်ခဲ့တာ''
''ပထမဦးဆုံး ရွေးကောက်ပွဲတုန်းက ပါတီနိုင်ငံရေးနဲ့ ပတ်သက်လို့ ကင်းကင်းရှင်းရှင်း ဖြစ်အောင်ဆိုပြီးတော့ ရွေးကောက်ပွဲတို့ဘာတို့ လုပ်တဲ့အခါမှာလည်း ပါတီပိုင်းဆိုင်ရာ လုပ်ပိုင်ခွင့်တွေကို စစ်သည်စစ်သားများက ပါဝင်မှု မရှိဘဲနဲ့၊ မိမိတပ်နဲ့ ပတ်သက်တဲ့ အသုံးအဆောင် ပစ္စည်းများကို မပတ်သက်ဘဲနဲ့၊ နောက်ပြီး သွားရောက်ပြီးတော့ သူတို့အတွက် ပြောပေးခြင်း၊ ဟောပေးခြင်း၊ ဆော်သြပေးခြင်း၊ လိုက်လံပြီး ကူညီဆောင်ရွက်ပေးခြင်း စသဖြင့် ပါဝင်ဆက်နွယ်ပြီးတော့ လုပ်လို့မရအောင် ကင်းကင်းရှင်းရှင်း ဖြစ်အောင် အမိန့်တွေ ထုတ်ထားတဲ့အတွက် တိတိကျကျပဲ လိုက်နာခဲ့ကြရတယ်''
''အခုကျတော့ တဖြည်းဖြည်း ပတ်သက်ပြီး သံယောဇဉ်တွေက ရှိခဲ့တာကိုး။ သံယောဇဉ်ရှိတဲ့အပေါ် မူတည်ပြီး၊ လိုက်နာပြီးတော့ ဆောင်ရွက်ပေးခြင်းအားဖြင့် နောက်ဆုံး တပ်က နိုင်ငံရေးထဲမှာ တဖြည်းဖြည်း အထူးသဖြင့် ပါတီနိုင်ငံရေးထဲမှာ တပါတီ၊ တဖွဲ့၊ လူတဦး အကျိုးစီးပွား အကျိုးငှာ အသုံးချခံလိုက်ရတဲ့ ဘဝကို ရောက်သွားတဲ့ဟာမျိုး ဖြစ်ခဲ့တာပေါ့။ အခုတော့ ဒီအခြေအနေအတိုင်းပဲ ဖြစ်သွားတာပေါ့လေ။ နိုင်ငံတော်မှာ နဂိုမူလက ဆောင်ပုဒ်က ရှိပြီးသား “ပြည်သူသာလျှင် အမိ၊ ပြည်သူသာလျှင် အဖ” ၊ “ပြည်သူသာလျှင် မိမိတို့၏ အင်အားစု” ဖြစ်တယ်။ ဒီပြည်သူတွေမှာလည်း တပ်မတော်သားတွေ ပါဝင်ခဲ့တာပဲ။ အဓိကဖြစ်တဲ့၊ မိဘတွေဖြစ်တဲ့ ပြည်သူတွေဟာ တကယ်ပဲ တပ်မတော်သားတွေရဲ့ အမိအဖ ဖြစ်ရမယ်ဆိုတာ တပ်မတော်သားတွေရဲ့ ဦးနှောက်ထဲမှာ ကိန်းအောင်းအောင် လုပ်ခဲ့တာပဲ''
''အခု ဒီလိုမဟုတ်တော့ဘူး၊ တပ်မတော်သာ အမိ၊ တပ်မတော်သာ အဖ၊ အားလုံးက ဘယ်လို အတွေးအခေါ် ဖြစ်သွားလဲဆိုတော့ ညောင်ညိုပင်ကြီးရဲ့ အရိပ်ဟာ ပြည်သူလူထု တရပ်လုံးရဲ့ အရိပ်ပဲလေ။ ဒါပေမဲ့ အဲဒီ အရိပ်ကြီးကို ဝင်ရောက်ပြီးတော့ လာတဲ့ တပ်မတော်က သူတို့အနေနဲ့လည်း သူတို့ကိုယ် သူတို့၊ သူတို့အရိပ်လို့ ထင်ပြီးတော့ ဒီအရိပ်အာဝါသအောက်မှာ နေရတာကို မေ့လျော့နေပြီး သူတို့ဟာသူတို့ သီးခြားရပ်တည်တဲ့ အရိပ်ဖြစ်တယ်ဆိုတဲ့အနေနဲ့ လုပ်ကိုင်သွားနေတဲ့ သဘောတွေကတော့ မှန်ကန်လှတယ်တော့ မဟုတ်ဘူး။ အဲဒီဟာရဲ့ သဘောကတော့ ဒီနေ့ ဖြစ်ပျက်နေတဲ့ အခြေအနေအားလုံး တွေ့မြင်နေရတဲ့ အတိုင်းပါပဲ။ အဲဒီလို ဖြစ်သွားတဲ့ သဘောရှိနေတော့ တကယ်စစ်မှန်တဲ့ အရင်တုန်းက တွေးခေါ်ခဲ့တဲ့၊ ပြည်သူတို့ရဲ့ ကြားထဲမှာ ပြည်သူ့ဆန္ဒနဲ့အညီ နေထိုင်သွားရမယ်ဆိုတဲ့ ဟာကိုတော့ ပြန်ရောက်လာအောင် လုံပမ်းကြိုးစားဖို့ အကုန်လုံးမှာ တာဝန်ရှိကြတယ်လို့ ကျနော့်အနေနဲ့ မြင်ပါတယ်''
မေး။ တပ်မတော်သားတွေ လိုက်နာရမယ့် စစ်သည်တော်များ ကျင့်ဝတ်ကို ဒီကနေ့ခေတ် စစ်သည်တော်တွေ လိုက်နာဆောင်ရွက်မှု ရှိမရှိနဲ့ပတ်သက်ပြီး ပြောပြပါဦးခင်ဗျ။
“အဓိက တပ်မတော်သားတွေက ''ပြည်သူတွေအပေါ်မှာ ရေလိုလလို ကျင့်ရမယ်'' ဆိုတဲ့ဟာက တပ်မတော်သားတွေက ပြည်သူလူထုအပေါ်မှာ အေးမြတဲ့ သဘော ပေးရမှာ ရှိတယ်။ သို့သော်လည်းပဲ နိုင်ငံတော်နဲ့ ပတ်သက်လို့ ဖြစ်လာတဲ့ ''ရန်သူအပေါ်မှာတော့ နေလိုမီးလို ကျင့်ရမယ်'' ဆိုတာတွေ ရှိတယ်။ ပြည်သူလူထုဟာ ကိုယ့်ရဲ့ ရန်သူမှ မဟုတ်ဘဲ။ အမိအဖတွေက ကိုယ့်ရဲ့ ရန်သူမှ မဟုတ်ဘဲနဲ့ သေသေချာချာ အမြင်ကောင်းတွေ မြင်ပြီးတော့ သွားဖို့တော့ လိုတာပေါ့’'
''ဟိုအရင်တုန်းက စစ်သည်တော် ကျင့်ဝတ် ၆ဝ ဆိုပြီး ရေးထားတာ ရှိတယ်။ ရဲဘော်တယောက်ချင်း ကျင့်ရမယ့် ကျင့်ဝတ်၊ ရဲဘော် အချင်းချင်းအပေါ် ကျင့်ရမယ့် ကျင့်ဝတ်၊ ပြည်သူပြည်သားတွေအပေါ်မှာ ကျင့်ရမယ့် ကျင့်ဝတ်၊ ရန်သူပေါ်မှာ ကျင့်ရမယ့် ကျင့်ဝတ်ဆိုတာတွေ ရှိတယ်။ ဒါတွေက ၆ဝ ရှိခဲ့တာပဲ။ ဒီနောက်ပိုင်းကျတော့ကာ ဆိုရှယ်လစ်နိုင်ငံ တည်ထောင်မယ် ဆိုတော့ကာ တချို့အချက်အလက်တွေကို ဖြည့်ပြီးတော့ ရေးတာတွေလည်း ရှိတယ်။ တချို့နေရာတွေမှာလည်း ထပ်ဖြည့်တာတွေ ရှိတယ်။ ဆိုတော့ကာ စစ်သည်တော် ကျင့်ဝတ်က အရင်တုန်းက စစ်သည်တော် ၆ဝ မဟုတ်တော့ဘဲ တော်တော်များများ ဖြစ်ကုန်ကြမယ် ထင်ပါတယ်။ ဒီကြားထဲမှာလည်း ကြွေးကြော်သံတွေကလည်း အများကြီး ရှိတယ်။ အားမာန် ၁ဝ ချက်၊ ခွန်အား ၁ဝ ချက်တို့ ဘာတို့ဆိုတဲ့ ကြွေးကြော်သံတွေက တော်တော်ကို များတယ်။ နှစ်လည်း ကြာလာပြီဖြစ်တဲ့အတွက် တော်တော်များများ အသေးစိတ် မသိတော့ဘူး''
''အရင်တုန်းက ထုတ်ပြန်ထားတဲ့ ဟာတွေကတော့ ပြည်သူတွေနဲ့ တသားတည်း၊ ပြည်သူတွေသည် အမိ၊ ပြည်သူတွေသည် အဖ ဖြစ်တဲ့အတွက် မိဘသဖွယ် ထားရတဲ့ ပြည်သူတွေအပေါ်မှာ သားကောင်းတယောက် စိတ်ဓာတ်မျိုးနဲ့ လုပ်ကိုင်ဖို့ဆိုတဲ့ အဓိကဟာကို ရေးထားတဲ့ ကိစ္စဖြစ်တယ်။ အခုဟာက အဲဒီလို မဟုတ်တော့ဘူး။ တပ်မတော်သည် အမိ၊ တပ်မတော်သည် အဖဆိုတာတွေကို တချို့နေရာမှာ ကြားတယ်။ အပေါ်ကနေပြီးတော့ တပ်မှူးကြီးများက လုပ်ဆောင်ပေးနေတဲ့အတွက် စစ်သည်တော်များက အောက်မှာ စားရသောက်ရနေရ ဖွံ့ဖြိုးနိုင်ပြီးတော့ အပြင်က လူထုနဲ့ မတူဘဲနဲ့ ပိုပြီးတော့ စားရသောက်ရ ပြည့်စုံအောင် စားရသောက်ရ ဖြစ်တဲ့အတွက် အထက်အဆင့်ဆင့်သော ဗိုလ်ကြီးတွေအပေါ်မှာ အင်မတန် အားကိုးစရာ ဖြစ်တယ်ဆိုတဲ့အကြောင်း ပြောဆိုသုံးစွဲလာတာတွေ ရှိလာတယ်။ အဲဒီ အတွေးအခေါ်တွေကတော့ မကောင်းတဲ့ အတွေးအခေါ်တွေ ဖြစ်တယ်။ ဒါက အရင်တုန်းက ထားရှိခဲ့တဲ့ သဘောသဘာဝတွေနဲ့ ပြောင်းပြန်ဖြစ်လာတဲ့ အနေအထားတွေ ဖြစ်လာပါတယ်''
မေး။ တပ်မတော်သားတွေအတွက် ရသင့်ရထိုက်၊ ခံစားသင့် ခံစားထိုက်တဲ့ အခွင့်အရေးတွေကို တပ်မတော်တွင်းမှာ ဘယ်လို ဆောင်ရွက်ပေးတာမျိုးတွေ ရှိခဲ့ပါသလဲ။
''တိုင်းပြည်တာဝန် ထမ်းဆောင်နေတဲ့ ဝန်ထမ်းကောင်းအနေနဲ့ ဝန်ထမ်းကောင်းအဖြစ် တာဝန်ထမ်းဆောင်ရမှာပေါ့။ ကျွမ်းကျင်တဲ့သူတွေက ကျွမ်းကျင်သလို၊ စစ်သည်တော်လည်း စစ်သည်တော်အလျောက်၊ ဝန်ထမ်းဆိုရင်လည်း ဝန်ထမ်းကောင်းအလျောက်ပေါ့။ တပ်မတော်သားတွေအနေနဲ့ ဝန်ထမ်းကောင်းပဲ။ သူလည်း ကျွမ်းကျင်တဲ့ အတတ်ပညာနဲ့ နိုင်ငံတော်ရဲ့ ကာကွယ်ရေး၊ လုံခြုံရေးကို ဆောင့်ရွက်ရမှာပေါ့။ အလားတူပဲ ဟို .. ထိပ်ပိုင်းရောက်နေတဲ့ သူတွေကလည်း၊ နိုင်ငံတော် ကာကွယ်ရေးနဲ့ ပတ်သက်လို့ သူ့ရဲ့ အတိုင်းအတာ ကြီးမားတဲ့အတွက် ကာကွယ်စောင့်ရှောက်မှာ ဖြစ်တာပဲ။ အဲဒီလို ကာကွယ်စောင့်ရှောက်တဲ့အတွက် သူကျွမ်းကျင်တဲ့ ကာယ၊ ဥာဏ၊ ဝီရိယအားအတွက် နိုင်ငံတော်ကရတဲ့ အခွန်အတုတ်တွေထဲက သူတို့အတွက် လုံလောက်တဲ့၊ နေနိုင်ထိုင်နိုင်တဲ့ အခြေအနေဖြစ်အောင် ထိုက်သင့်အားလျှော်စွာ နေနိုင်ထိုင်နိုင်အောင် နိုင်ငံတော်က ထောက်ပံ့ကူညီပေးဖို့ လိုတယ်။ စစ်သည်တော်တွေနဲ့ ပတ်သက်တဲ့ ဇနီးသားမယား မိသားစုလည်း သူတို့ ရွပ်ရွပ်ချွံချွံ လုပ်ဆောင်တဲ့အတွက် ထိုက်သင့်အားလျော်စွာ ခံစားစံစားနိုင်ဖို့အတွက် ပြည်သူလူထုရဲ့ ဘဏ္ဍာငွေကနေ အချိုးကျ ပေးထားတာ ရှိတယ်။ စစ်မြေပြင်မှာ ထိမှု၊ ခိုက်မှု၊ ရှမှု အားလုံးကိုလည်း သူတို့ကို ထိုက်ထိုက်တန်တန် လုံးဝ ခံစားဖို့အတွက် ဆောင်ရွက်ပေးထားတာပဲ”
''ထိုက်သင့်အားလျော်စွာ သုံးဆောင်ပြီးရင် နောက်ဆုံး တပ်မတော်က အနားယူပြီး အပြင်ရောက်တဲ့ အခါမှာလည်း သူတို့ရဲ့ နေထိုင်စားရေး သောက်ရေး၊ ရှင်သန်ရေးအတွက်ကိုလည်းပဲ တိုင်းပြည်ကနေ ပြန်လည် ထောက်ပံ့နိုင်တဲ့ အစီအမံကောင်းတွေ ရှိထားတာပဲ။ အဲဒီ ရှိထားတဲ့ အတိုင်းအတာအလျောက်မှာပဲ ခံစားစံစား သွားတာက အမှန်ပဲ။ ဒီလိုမှ မဟုတ်ဘဲ၊ မိမိ ရသင့်ရထိုက်တာ မဟုတ်ဘဲ ပိုလျှံပြီးတော့ ကိုယ်ကျိုးအတွက်၊ တဦးတယောက်အတွက်၊ မိသားစုအတွက် ရှိသင့်ရှိထိုက်တဲ့ အထောက်အပံ့နဲ့ ပိုပြီးတော့ လောဘတက်ပြီး ယူဆောင်နေတာ ဖြစ်လာရင်တော့ အင်မတန်မှ မကောင်းတဲ့ အယူအဆ၊ အလေ့အထ၊ အကျင့်အကြံတခု ဖြစ်လာမယ်။ ဖြစ်လာတယ်ဆိုရင် တိုင်းပြည်ရဲ့ ဘဏ္ဍာတော်တွေ သုံးရစွဲရတဲ့အပိုင်းမှာ သူတို့ကို ပိုမိုပြီး အများအစားပေးပြီးတော့ လူမှုရေးဖြစ်တဲ့ ပြည်သူလူထုတရပ်လုံးရဲ့ ပညာရေး၊ ကျန်းမာရေးနဲ့ တခြားရရှိတဲ့ အခွင့်အရေးက နည်းပါးပြီးတော့ အထောက်အပံ့ နည်းလာမယ်။ အားအင်နည်းလာလို့ရှိရင် နောင်တပ်မတော်မှာ တာဝန်ထမ်းဆောင်ရမယ့် အင်အားကို ပြန်ဖြည့်ဖို့ အတိုင်းအတာကျရင် အားအင်ချိနဲ့တာ ဖြစ်လာမယ့် အတိုင်းအတာ ဖြစ်တယ်''
''အဲဒါကို မြင်ပြီးတော့ အရှည်ကို စဉ်းစားတဲ့အနေနဲ့ တပ်မတော်မှာ ဝင်လာပြီးရင် သူတို့အတွက် ရသင့်ရထိုက်တဲ့ အခွင့်အရေးတွေကို ကူညီထောက်ပံ့ပေးပြီး သူတို့ တာဝန်ထမ်းဆောင်နေစဉ်အတွင်း၊ စစ်ဘက်မှာ တာဝန်ထမ်းဆောင်နေစဉ်အတွင်း၊ နောက်ပြီး စစ်ဘက်မှာ အနားယူချိန်အတွင်း ဒါတွေကို ကောင်းကောင်းမွန်မွန် သတ်မှတ်ထားတဲ့ အတွင်းမှာသာလျှင် ဖြည့်ဆည်းအောင် ဆောင်ရွက်ကြဖို့ လိုတယ်။ သူတို့ အပြင်ရောက်တဲ့ အခါမှာလည်း နိုင်ငံတော်အတွင်းမှာရှိတဲ့ အစားအသောက်၊ ကုန်ပစ္စည်းဈေးနှုန်း စတဲ့ ဒါတွေကလည်းပဲ အားလုံး ညီမျှအောင် ဆောင်ရွက်ပေးမှု လုပ်ဆောင်မယ်ဆိုရင်တော့ ဒီပြဿနာတွေက ပြေလည်စရာတွေ ရှိတာပေါ့”
မေး။ တပ်မတော်သားအတွင်းမှာ အထက်အောက် ကွာဟမှုတွေ များလာတဲ့အပေါ် ဘယ်လို မြင်ပါသလဲ။
''အတိုင်းအတာတခုထိ ခွဲခြားသတ်မှတ်ပေးထားတွေ ရှိတာပေါ့။ သို့သော်လည်းပဲ အရာရှိရယ်လို့ ဖြစ်လာရင် အပေါ်ပိုင်း၊ ထိပ်ပိုင်းကိုး။ အခု အခြေအနေကို ကြည့်ရတာက အခွင့်ထူးခံချင်တဲ့ အနေအထား ရှိလာတာတွေ များတယ်။ သို့သော်လည်းပဲ တိုင်းပြည်တခုမှာ စည်းလုံးညီညွတ်မှုနဲ့ တပ်မတော်သားတခုလုံး ညီညီညာညာ ဖြစ်ရမယ်ဆိုလို့ရှိရင်တော့ သူ့ဟာသူ ပေးထားတဲ့ အခွင့်အရေးကောင်းတွေ မျှမျှတတ အချိုးအစားနဲ့ အောက်ဆုံးအဆင့်မှာ ရှိနေတဲ့ စစ်သည်တော်နဲ့ အထက်ဆုံးမှာ ရှိနေတဲ့ စစ်သည်တော်များ ရတဲ့ လစာနဲ့တကွ ရရှိမှု နှုန်းထားက သိပ်ပြီးတော့ ကွာခြားမှုမျိုး မဖြစ်သင့်ဘူးဆိုတာကိုတော့ အရင်တုန်းက အတွေးအခေါ် ရှိခဲ့ဖူးတာပေါ့။ အဲဒီလို ဖြစ်ဖို့တော့ ကြိုးစားဖို့ လိုတာပေါ့''
မေး။ တပ်သားအဆင့်မှာ ရှိတဲ့ မိသားစုတွေက ရတဲ့ လစာနဲ့ မလောက်ငလို့ တခြားလုပ်ငန်းတွေ လုပ်နေရတယ်။ တပ်မတော်သား ဇနီးသည်တချို့ ခန္ဓာကိုယ်ရောင်းစားရတဲ့ အဖြစ်မျိုးတွေလည်း ရှိပါတယ်။ ဒါပေမဲ့ အရာရှိတွေရဲ့ မိသားစုဝင်တွေကျ ချမ်းသာနေကြတယ်။ အဲဒီလို တပ်တွင်းမှာ ကွာခြားမှုတွေ ဖြစ်နေတဲ့အပေါ်မှာ ဘယ်လို ထိန်းသိမ်းကာကွယ်သင့်တယ်လို့ ထင်လဲခင်ဗျ။
''အခုဟာက ပြောဆိုသံတွေ ကြားလည်း ကြားနေရတယ်။ မြင်လည်း မြင်နေရတယ်။ တွေ့လည်း တွေ့နေရတယ်။ ကွာခြားတာတွေ ရှိနေတယ်။ အမှန်က ဘယ်လိုဖြစ်ရမလဲဆိုတော့ အပြင်မှာ ပင်စင်ယူသွားပြီးလို့ရှိရင်၊ အငြိမ်းစား ယူသွားပြီးလို့ရှိရင် သူတို့ဟာသူတို့ ထိုက်သင့်အားလျော်စွာ ရပ်တည်နိုင်အောင် ဆိုလို့ရှိရင် အပြင် စီးပွားရေး အနေအထားက ကောင်းဖို့လိုတယ်။ စီးပွားရေး အနေအထားက အားလုံး မျှမျှတတ စားနိုင်တဲ့ အနေအထား ဖြစ်ဖို့လိုတယ်။ အခုဟာက ဒီလိုမဟုတ်တော့ဘဲနဲ့ အပြင်မှာ စားရေးသောက်ရေးနဲ့ ပတ်သက်ပြီး အင်မတန် ကျပ်တည်းနေတဲ့ ဟာကို အကြောင်းပြုပြီးတော့ကာ အောက်ခြေ အောက်လက်မှာရှိတဲ့ ဝင်ငွေနဲ့ မလုံလောက်လို့၊ မညီမျှလို့၊ မမျှတလို့တွေ ရှိနေတယ်။ ဒါပေမဲ့ အစိုးရက လစာတွေကို တိုးပြီးပေးတာက ၄ နှစ် တခါလောက် လုပ်တယ်။ သို့သော် အဲဒီလို လုပ်ပင်လုပ်ငြားသော်လည်းပဲ မပြည့်မီဘူး''
''ဘာဖြစ်လို့လဲဆိုတော့ အပြင်မှာ ကုန်ထုတ်လုပ်မှုနဲ့ ပတ်သက်တဲ့ အစစအရာရာရော၊ စီးပွားရေး အခြေအနေအရရော ပိုမိုကောင်းမွန်လာတဲ့ အခြေအနေအထားမှာ မရှိတဲ့အတွက်ကြောင့် ဒီလိုပြဿနာတွေက တောက်လျောက် ဖြစ်နေမှာပဲ။ အထက်ပိုင်းရောက်နေတဲ့ ပုဂ္ဂိုလ်တွေအနေနဲ့လည်း ဒီဟာကို ကြည့်ပြီးတော့ - တို့ အပြင်ကို ရောက်ခဲ့လို့ရှိရင် တို့ လက်ရှိနေရတဲ့ အခြေအနေကနေ ပိုမိုဆုတ်ယုတ်ပြီး နေရမလားဆိုပြီး၊ အကုန်လုံးကိုတော့ မဆိုလိုဘူး၊ တချို့ပုဂ္ဂိုလ်တွေက လုံးပမ်းရင်းနဲ့ ချမ်းသာတဲ့အပိုင်းက သိပ်ပြီး ချမ်းသာ၊ မချမ်းသာတဲ့ အပိုင်းက မချမ်းသာ၊ သိပ်ပြီး ဒုက္ခရောက်တဲ့ အပိုင်းက ဒုက္ခရောက်၊ အဲဒီလိုပဲ မညီမညာ ဖြစ်ကုန်တဲ့အပိုင်း ဖြစ်တယ်။ အပြင်မှာ စီးပွားရေးကိစ္စနဲ့ ပတ်သက်တဲ့ အရာအားလုံး၊ စစ်သည်တော်တွေ ရရှိမယ့် အခွင့်အရေးတွေ အားလုံး၊ တတ်နိုင်သမျှ တိုးတက်ကောင်းမွန်အောင် လုပ်ကိုင်ဆောင်ရွက်ပေးသွားမယ်ဆိုရင် ဒီကွာဟမှုက တဖြည်းဖြည်း အခြေအနေကောင်းကို ဦးတည်သွားလိမ့်မယ်လို့တော့ ထင်တာပေါ့။ ဒါပေမဲ့ ဒီပုံစံအတိုင်းက ဒီလမ်းကို မမြင်သေးဘူးဆိုတဲ့ သဘောရှိတယ်''
မေး။ တပ်မှူးဟောင်းတယောက်အနေနဲ့ တပ်မတော်သားတွေနဲ့ ပြည်သူတွေကို ဘယ်လို ပြောပြချင်တာတွေ ရှိပါသလဲ။
''စစ်မှူးထမ်းလုပ်တယ်ဆိုတာ အင်မတန်ကို တိုင်းပြည်အတွက်၊ တိုင်းသူပြည်သားတွေအတွက် အသက်အိုးအိမ်၊ စည်းစိမ်တွေကို ကာကွယ်ပေးရမယ်ဆိုတဲ့ မူတွေအနေနဲ့ မွန်မြတ်တဲ့ အလုပ်လုပ်တာ ဖြစ်တယ်။ မွန်မြတ်တဲ့ အလုပ်လုပ်ရမယ့် ပုဂ္ဂိုလ်တွေအနေနဲ့ မွန်မြတ်တဲ့ အလုပ်လုပ်တာပဲ ကောင်းတယ်။ ဒီလိုမျိုး မဟုတ်ဘဲနဲ့၊ စစ်သည်တော်များ လုပ်ရမယ့် အပိုင်းတွေမှာ ဒီလိုအခြေအနေမျိုး မဟုတ်ဘဲနဲ့ ကျန်တဲ့ တခြားကိစ္စအဝဝတွေမှာ စိတ်ပါဝင်စားမှု ရှိလို့ရှိရင် မူလ ရည်ရွယ်ချက်တွေကတော့ အထမြောက် အောင်မြင်မှာ မဟုတ်ဘူးဆိုတာမျိုး ဖြစ်လာတာပေါ့။ အဲဒါကြောင့် စစ်သည်လုပ်ငန်းကို မိမိကြိုက်နှစ်သက်လို့ လုပ်တာဖြစ်တဲ့အတွက်၊ ကြိုက်နှစ်သက်တဲ့ လုပ်ငန်းအောင်မြင်အောင် သီးခြားဝန်ထမ်းကောင်းဖြစ်ဖို့၊ လုပ်ဖို့တော့ လိုတာပေါ့။ အဲဒီလို မဟုတ်ဘဲနဲ့ လာတယ်ဆိုကတည်းက ရည်ရွယ်ချက်ကိုက မှားယွင်းတဲ့ ရည်ရွယ်ချက်နဲ့ ရောက်လာတယ်ဆိုရင် မကောင်းဘူး''
''ဒီဝန်ထမ်းလုပ်ငန်းဟာ တခြားတခြားသော အဖွဲ့အစည်းတွေနဲ့ မတူဘဲနဲ့ ထူးခြားတဲ့ အဖွဲ့အစည်းဖြစ်လို့ ထူးခြားတဲ့ အခွင့်အရေးတွေ ရှိငြားသော်လည်းပဲ ကိုယ်ရသင့်ရထိုက်တဲ့ အတိုင်းအတာ ရပြီးတော့၊ အနစ်နာခံပြီးတော့ လုပ်ဆောင်သင့်တယ်။ တပ်ထဲမှာ ဝင်ကတည်းက ဆင်းရဲမယ်၊ အနစ်နာခံမယ်၊ ဒါတွေက နဂိုမူလအရ လုပ်ငန်းသဘောသဘာဝ ပါလာပြီးသားဖြစ်တယ်။ အဲဒီအပေါ်မှာ မူတည်ပြီး အနစ်နာခံမယ်၊ ကိုယ်ကျိုးစွန့်မယ်ဆိုတဲ့ စသဖြင့် ဟာတွေက ပြန်လည်ပြီး ရှိလာဖို့အတွက် လုပ်ကိုင်သွားကြဖို့ လိုတယ်။ အဲဒီကျမှာသာလျှင် တဖြည်းဖြည်း အားကိုးရာ ဖြစ်မယ်။ အခုကြည့်ရတာက လူအင်အားတွေ သိပ်ပြီး တိုးပြုနေတာထက် အရည်အချင်း အင်အား ထပ်တိုးဖို့လိုတဲ့ သဘောသဘာဝတော့ ရှိတယ်''
0 ဒေါ်အောင်ဆန်းစုကြည် ရွေးကောက်ပွဲမှာပါဝင်ခွင့်မရှိလျှင် ဂျပန်အစိုးရမှ လူသားချင်းဆိုင်ရာထောက်ပံ့မှုများလုံးဝရပ်ဆိုင်းဖို့ စဉ်းစားနေကြောင်းထုတ်ပြန်
ဒီနှစ် မြန်မာနိုင်ငံမှာ ကျင်းပပြုလုပ်မဲ့ (၂၀၁၀)ရွေးကောက်ပွဲမှာ နေအိမ်အကျယ်ချုပ်ချခံထားခြင်းခံရသော
ဒေါ်အောင်ဆန်းစုကြည် အား ပါဝင်ခွင့်မရအောင်ပြုလုပ်ထားခြင်းနှင့်ပတ်သတ်၍ ဂျပန်နိုင်ငံခြားရေးဝန်ကြီး Okadaမှ မြန်မာနိုင်ငံအားလူသားချင်းဆိုင်ရာအထောက်အပံ့များ၊ စီးပွားရေးဆိုင်ရာထောက်ပံ့ငွေများ
ရပ်ဆိုင်းဖို့စဉ်းစားနေတယ်လို့ပြောဆိုလိုက်ပါတယ်။
မြန်မာစစ်အစိုးရမှ ဒီလ(၈)ရက်နေ့က ရွေးကောက်ပွဲဆိုင်ရာ ဥပဒေသစ်များကို ထုတ်ပြန်ခဲ့ပြီး ဒီဥပဒေထဲမှာ
ဒေါ်အောင်ဆန်းစုကြည် ပါဝင်ခွင့်မရနိုင်တာဂျပန်အစိုးရမှထောက်ပြပြောဆိုနေပါတယ်။ ပါဝင်ခွင့်ရအောင် ပြန်လည်စဉ်းစားစေလိုကြောင်းပြောဆိုလိုက်ပါတယ်။
ဂျပန်နိုင်ငံခြားရေးဝန်ကြီးOkadaမှ(၂၆)ရက်နေ့ကပြုလုပ်တဲ့သတင်းစာရှင်းလင်းပွဲမှာဒေါ်အောင်ဆန်းစုကြည်ဟာ (၂၀၁၀)ရွေးကောက်ပွဲမှာဦးဆောင်ပါဝင်နိုင်မှာမဟုတ်ဘူးဆိုတာသိတဲ့အတွက် တော်တော်လေး
ဝမ်းနည်းကြောင်းပြောဆိုသွားခဲ့ပါတယ်။
အဲဒီနေ့မှာဘဲ ဂျပန်နိုင်ငံရှိ ဂျပန်နိုင်ငံဆိုင်ရာ မြန်မာသံအမတ်ဦးလှမင်းအား ၎င်းကိစ္စနှင့်ပတ်သတ်၍ ခေါ်ယူတွေ့ဆုံခဲ့ပြီး ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများ ပါဝင်ခွင့်မရှိလျှင် ဂျပန်အစိုးရမှ စီးပွားရေးဆိုင်ရာ ထောက်ပံ့ငွေများ ရပ်ဆိုင်းဖို့ စဉ်းစားနေတယ်လို့ ပြောဆိုလိုက်ပါတယ်။ မြန်မာသံအမတ်ဦးလှမင်းကလည်း ဂျပန်နိုင်ငံက ထောက်ပံ့မှုဖြတ်တောက်ဖို့ စဉ်းစားနေတဲ့ကိစ္စကို နအဖစစ်အစိုးရကို အကြောင်းပြန်လိုက်မှာ ဖြစ်ကြောင်းပြောဆိုတယ်လို့ သိရပါတယ်။
သတင်း ။ ။ tbs news (japan)
0 အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ)မှထုတ်ပြန်တဲ့ အဖွဲ့ချုပ်နဲ့ ပတ်သက်တဲ့ သဘောထားရပ်တည်ချက်
့ပုံကို ကလစ်ပါ။
ပေးပို့ပေးသူ။ ။။ မမြတ်လေးငုံ အားကျေးဇူးတင်ရှိပါသည်။
0 မွန်အမျိုးသားဒီမိုကရေစီအဖွဲ့ ရွေးကောက်ပွဲမဝင်ရေးထပ်မံဆုံးဖြတ်
မင်းထက်အောင်၊ ကောင်းဝါ
ဒေါက်တာမင်းစိုးလင်း
ရွေးကောက်ပွဲဥပဒေထွက်ပေါ်လာပြီးနောက် အဖျက်သိမ်းခံ မွန်အမျိုးသားဒီမိုကရေစီအဖွဲ့ MNDFအနေဖြင့် ၂၀၁၀ ရွေးကောက်ပွဲကို လုံးဝမဝင်ကြောင်း ယမန်နေ့၊မော်လမြိုင်မြို့၌ ကျင်းပသောဗဟိုအလုပ်အမှုဆောင် အစည်းအဝေးတွင် ထပ်မံအတည်ပြုဆုံးဖြတ်ခဲ့ကြောင်း ဆက်သွယ်မေးမြန်းချက်အရ သိရသည်။
ယခင်ဆုံးဖြတ်ချက်များတွင်လည်း MNDF ခေါင်းဆောင်များ ၂၀၀၈ ဖွဲ့စည်းပုံကို လက်မခံကြောင်းနှင့် ၄င်းကိုအခြေခံသော ရွေးကောက်ပွဲကိုလည်း ဝင်ရောက်ယှဉ်ပြိုင်မည်မဟုတ်ကြောင်း သတင်းများတွင် ဖေါ်ပြခဲ့ပြီးဖြစ်သည်။
တဖန် MNDFအထွေထွေအတွင်းရေးမှူး ဒေါက်တာမင်းစိုးလင်းက “မွန်အမျိုးသားတွေအနေနဲ့ ဒီလာမယ့်ရွေးကောက်ပွဲကို ဝင်ရောက်မယ်ဆိုရင်လည်း ကျနော်တို့က မကန့်ကွက်သလို ထောက်ခံမှာလည်းမဟုတ်ပါဘူး၊ သူတို့ဆန္ဒဘဲ၊ ဒီမိုကရေစီနည်းအရ သူတို့မှာဆုံးဖြတ်ပိုင်ခွင့်ရှိတယ်၊ နောက်ဆုံးတော့ ကိုယ့်သမိုင်းကိုယ်ရေးကြတာပါဘဲ” ဟုပြောကြားခဲ့သည်။
တဖက်တွင်လည်း အမည်မသတ်မှတ်ရသေးသော မွန်အမျိုးသားပါတီသစ်တစ်ရပ်မှ ရွေးကောက်ပွဲဝင်နိုင်ရန် ကြိုတင်ပြင်ဆင်မှုများ ပြုလုပ်နေသည်ကိုိ သိရှိရသည်။
ဘုရားသုံးဆူနယ်စပ်မြို့နေ ဒေါက်တာဗညားအောင်မိုးအဆိုအရ မွန်အမျိုးသားပါတီသစ်တစ်ရပ် ဖွဲ့စည်းနိုင်ရေး (၁၅)ဦးကော်မတီအဖွဲ့တွင်ပါဝင်သော မွန်ခေါင်းဆောင်များအားလုံးမှာ ရွေးကောက်ပွဲဝင်မည့်ပုဂ္ဂိုလ်များ မဟုတ်ကြပေ။ မကြာခင်ကျင်းပမည့် အစည်းအဝေးတွင် ရွေးကောက်ပွဲဝင်မည့် ပုဂ္ဂိုလ်များအမည်စာရင်း အတည်ပြုနိုင်လိမ့်မည်ဟု ဆိုပါသည်။
ထို့အပြင် MNDF အနေဖြင့် ယခင်ရပ်တည်ချက်များအတိုင်း ရှမ်းအမျိုးသားခေါင်းဆောင် ခွန်ထွန်းဦးအဝင် နိုင်ငံရေးအကျဉ်းသားများ အမြန်လွှတ်ပေးရန်၊ ၂၀၀၈ ဖွဲ့စည်းပုံကိုအများလက်ခံနိုင်အောင် တွေ့ဆုံဆွေးနွေးအဖြေရှာသွားရေး ပြုလုပ်ပြီး ထွက်ပေါ်လာသောရလဒ်များကို ပြန်လည်သုံးသပ်ပြီးမှ ရွေးကောက်ပွဲဝင်၊မဝင်ရေးကိစ္စကို ထပ်မံအဆုံးဖြတ်ပေးနိုင်လိမ့်မည်ဟု ဆိုပါသည်။
ဒေါက်တာမင်းစိုးလင်းက “အခုဖြစ်ပေါ်နေတဲ့နိုင်ငံရေးဖြစ်စဉ်တွေကို ကျနော်တို့ရပ်ကြည့်ပြီးမနေသလို ထိုင်စောင့်နေမှာလည်းမဟုတ်ဘူး၊ ဒီ ၂၀၀၈ ဖွဲ့စည်းပုံတနည်းတဖုံပြောင်းလဲသွားအောင် ဘယ်လိုလုပ်ဆောင်ကြရမယ်၊ အပစ်ရပ်အဖွဲ့တွေအပေါ်ကိုင်တွယ်နေပုံတွေ၊ လာမယ့် NLD အစည်းအဝေးတွေအပြီး ဘယ်လိုအခြေအနေဖြစ်လာနိုင်မလဲ၊ ပြီးတော့ သံတမန်လောက အပါအဝင် အခြေအနေအရပ်ရပ်တွေကိုလည်း အမြဲမပြတ်သုံးသပ်နေရတယ်” ဟု ဆက်လက်ပြောကြားပါသည်။
မွန်အမျိုးသားဒီမိုကရေစီအဖွဲ့ MNDFသည် ၁၉၉၀ ခုနှစ်တွင် အမတ်လောင်း ၁၉ ဦးပါဝင်ယှဉ်ပြိုင်ခဲ့ရာ ၅ နေရာရရှိခဲ့သည်။ ထိုသူတို့မှာ နိုင်ထွန်းသိန်း၊ နိုင်ခင်မောင်၊ ဒေါက်တာမင်းစိုးလင်း၊ ဒေါက်တာမင်းကြည်ဝင်း၊ နိုင်သောင်းရှိန် တို့ဖြစ်ကြသည်။
MNDF ကို ၁၉၉၂ မတ်လတွင် တရားဝင်ပါတီမှ စစ်အစိုးရဖျက်သိမ်းခဲ့ပြီးနောက်ပိုင်း ခေါင်းဆောင်များကိုလည်း အကြိမ်ကြိမ်ဖမ်းဆီးထောင်ချခဲ့ဘူးသည်။
0 ၂၀၁၀ ရွေးကောက်ပွဲကြောင့် နိုင်ငံတကာ ငြိမ်းချမ်းရေးနဲ့ လုံခြုံရေးကို ထိခိုက်နိုင်
မြန်မာနိုင်ငံမှာ ကျင်းပမယ်ဆိုတဲ့ ရွေးကောက်ပွဲတွေ နောက်ပိုင်း ဖြစ်လာမယ့် မတည်ငြိမ်မှုတွေဟာ နိုင်ငံတကာ ငြိမ်းချမ်းရေးနဲ့ လုံခြုံရေးကို ခြိမ်းခြောက်လာမယ့်ကိစ္စ ဖြစ်လိမ့်မယ်လို့ ကုလသမဂ္ဂဆိုင်ရာ ဗြိတိန်သံအမတ်က ပြောလိုက်ပါတယ်။ မတ်လ ၂၄ ရက်နေ့က ကုလသမဂ္ဂ လုံခြုံရေးကောင်စီ အလွတ်သဘော ဆွေးနွေးပွဲတခု အပြီးမှာ ဗြိတိန်သံအမတ်က အခုလို ပြောလိုက်တာ ဖြစ်ပါတယ်။ ဒါပေမဲ့ လုံခြုံရေးကောင်စီ အဖွဲ့ဝင် နိုင်ငံအားလုံးက ဒီသဘောထားအတိုင်း ရှိနေကြတာတော့ မဟုတ်ပါဘူး။ အဲဒီ မတူကွဲပြားနေတဲ့ သဘောထားတွေကို ကိုကျော်ကျော်သိန်းက တင်ပြပေးထားပါတယ်။
မတ်လ ၂၄ ရက်နေ့က လုပ်ခဲ့တာကတော့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ ယာယီ အထူးအကြံပေးပုဂ္ဂိုလ် ဗီဂျေး နမ်ဘီးယား (Vijay Nambia) က မြန်မာနိုင်ငံက နောက်ဆုံးအခြေအနေတွေနဲ့ ပတ်သက်ပြီး ကုလသမဂ္ဂ လုံခြုံရေးကောင်စီကို အစီရင်ခံ တင်ပြခဲ့တာပါ။
ကောင်စီမှာ မြန်မာ့အရေး ဆွေးနွေးဖို့ ကိစ္စကို ဗြိတိန်ဝန်ကြီးချုပ်က ကုလသမဂ္ဂ အတွင်းရေးမှူးချုပ်ဆီ စာရေးသား တောင်းဆိုခဲ့ပြီးတဲ့နောက် အခုလို ဆွေးနွေးဖြစ်တာလည်း ဖြစ်ပါတယ်။ ဒါ့ကြောင့်လည်း ဗြိတိန်နိုင်ငံရဲ့ သဘောထားကတော့ ရှင်းလင်း ပြတ်သားတယ်လို့ ဆိုရပါလိမ့်မယ်။
“အပြစ်အနာအဆာတွေနဲ့ ပြည့်နေတဲ့ ရွေးကောက်ပွဲ လုပ်ငန်းစဉ်ကြောင့် ဖြစ်လာမယ့် မတည်မငြိမ်မှုဟာ နိုင်ငံတကာ ငြိမ်းချမ်းရေးနဲ့ လုံခြုံရေးကို ခြိမ်းခြောက်မှုတခု ဖြစ်ပါတယ်။ ဒါ့ကြောင့် မြန်မာ့အရေးကို ကုလသမဂ္ဂ လုံခြုံရေးကောင်စီရဲ့ အစီအစဉ်တွေထဲမှာ ထည့်သွင်း ဆွေးနွေးရေးဆိုတဲ့ ကိစ္စဟာ လုံးဝကို မှန်ကန်တဲ့ကိစ္စ ဖြစ်ပါတယ်။”
ကုလသမဂ္ဂဆိုင်ရာ ဗြိတိန်နိုင်ငံ သံအမတ် ဆာ မာ့ခ် ဂရန့်တ် (Sir Mark Grant) ပြောသွားတာ ဖြစ်ပါတယ်။
ရွေးကောက်ပွဲ ကျင်းပတာဟာ နိုင်ငံတခုရဲ့ အချုပ်အခြာ အာဏာပိုင်ကိစ္စ သက်သက်ပဲဖြစ်ပြီး ဒါကို လေးစားသင့်ကြောင်းနဲ့ မြန်မာနိုင်ငံ ကိစ္စဟာလည်း ဒီအချက်နဲ့ အကျုံးဝင်တယ်လို့ ကုလသမဂ္ဂဆိုင်ရာ တရုတ်သံအမတ်က ပြောတဲ့အပေါ် ဗြိတိန်သံအမတ်က အခုလို တုံ့ပြန် ပြောကြားသွားတာပါ။ မြန်မာနိုင်ငံရဲ့ ရွေးကောက်ပွဲ ဥပဒေတွေကို ဝေဖန်ပြောဆိုဖို့၊ တနည်းနည်းနဲ့ ပါဝင်ပတ်သက်ဖို့တွေမှာ ကုလသမဂ္ဂ လုံခြုံရေးကောင်စီရဲ့ အခန်းကဏ္ဍ မရှိဘူးလို့ တရုတ်သံအမတ်က ပြောခဲ့ပါတယ်။
ဗြိတိန်သံအမတ်ကတော့ မိမိတို့အနေနဲ့ ဒါကို သဘောမတူကြောင်း၊ မြန်မာ့အရေးဟာ လုံခြုံရေးကောင်စီရဲ့ ဆွေးနွေးရမယ့် အစီအစဉ်တွေထဲမှာ ရှိနေကြောင်း၊ ဆွေးနွေးတာလည်း ရှိခဲ့ကြောင်း၊ လုံခြုံရေးကောင်စီ ဥက္ကဋ္ဌရဲ့ ထုတ်ပြန်ချက်တွေ၊ သတင်းထုတ်ပြန်ချက်တွေ ရှိခဲ့ဖူးကြောင်း တုံ့ပြန် ပြောဆိုခဲ့ပါတယ်။
မြန်မာနိုင်ငံဟာ ကမ္ဘာ့အဆင်းရဲဆုံး နိုင်ငံတခု ဖြစ်တာကြောင့် ဒီလိုနိုင်ငံမျိုးမှာ ရွေးကောက်ပွဲတွေ ကျင်းပရတဲ့ ကိစ္စဟာ လွယ်ကူတဲ့ကိစ္စ မဟုတ်ပါဘူးလို့လည်း တရုတ်သံအမတ်က ပြောခဲ့ပါတယ်။
“မြန်မာနိုင်ငံမှာ ကျင်းပမယ့် ရွေးကောက်ပွဲတွေကို အထောက်အကူ ပြုစေမယ့် အပြုသဘောဆောင်ပြီး ခိုင်မာ အားကောင်းတဲ့ ပတ်ဝန်းကျင် အခြေအနေမျိုး ဖန်တည်းနိုင်ရေးအတွက် နိုင်ငံတကာ အသိုင်းအ၀ိုင်းနဲ့ ကုလသမဂ္ဂတို့က ကူညီ လုပ်ဆောင်ပေးဖို့ အရေးကြီးတယ်လို့ ကျနော်ထင်ပါတယ်။”
ကုလသမဂ္ဂဆိုင်ရာ တရုတ်သံအမတ် လီ ဘောင်ဒေါင်း (Li Baodong) ပြောသွားတာ ဖြစ်ပါတယ်။
မြန်မာစစ်အစိုးရရဲ့ လူ့အခွင့်အရေး ချိုးဖောက်မှုတွေဟာ လူသားမျိုးနွယ်အပေါ် ဆန့်ကျင်ကျူးလွန်တဲ့ ရာဇ၀တ်မှုတွေ၊ စစ်ရာဇ၀တ်မှုတွေ အဆင့်ထိ ရောက်နေဖွယ်ရှိပြီး နိုင်ငံတကာ ရာဇ၀တ်တရားခုံရုံး (ICC) မှာ တင်ပြီး စစ်ဆေးဖို့ အထောက်အထား အခိုင်အလုံ ရှိတယ်လို့ သူယုံကြည်ကြောင်း ကုလသမဂ္ဂရဲ့ မြန်မာ့ လူ့အခွင့်အရေး အခြေအနေဆိုင်ရာ အထူး စုံစမ်းစစ်ဆေးရေးမှူး မစ္စတာ တောမတ်စ် အိုဟေး ကင်တားနား (Tomas Ojea Quintana) က အစီရင်ခံ တင်ပြထားပါတယ်။
ဒါပေမဲ့လည်း မြန်မာနိုင်ငံဟာ ICC အဖွဲ့ဝင် နိုင်ငံတခု မဟုတ်တဲ့အတွက် ကုလသမဂ္ဂ လုံခြုံရေးကောင်စီကနေ တဆင့်သာ ဒီကိစ္စကို လုပ်ဆောင်နိုင်မှာ ဖြစ်ကြောင်း၊ ဒီလိုကိစ္စမျိုး ဖြစ်လာဖို့ လုံခြုံရေးကောင်စီထဲမှာ လုံလောက်တဲ့ သဘောတူညီချက် ရှိတယ်လို့ သူ မထင်ကြောင်း ဗြိတိန်သံအမတ်က ပြောပါတယ်။ မိမိတို့အနေနဲ့ကတော့ ဒီကိစ္စမျိုးကို ထောက်ခံမှာ ဖြစ်တယ်လို့လည်း ကုလသမဂ္ဂဆိုင်ရာ ဗြိတိန်သံအမတ် မာ့ခ် ဂရန့်တ်က ပြောသွားပါတယ်။
အတွင်းရေးမှူးချုပ်ရဲ့ မြန်မာ့အရေး ယာယီ အကြံပေးပုဂ္ဂိုလ် မစ္စတာနမ်ဘီးယားက လုံခြုံရေးကောင်စီကို အစီရင်ခံ တင်ပြခဲ့တာတွေထဲမှာ ဒေါ်အောင်ဆန်းစုကြည်အပေါ် ချမှတ်ထားတဲ့ ပြစ်ဒဏ်နဲ့ ပတ်သက်ပြီး ပြင်ဆင်ချက် လျှောက်ထားတာကို ပယ်ချလိုက်တဲ့ကိစ္စ၊ မြန်မာ့ လူ့အခွင့်အရေး အခြေအနေဆိုင်ရာ ကုလသမဂ္ဂ အထူး စုံစမ်းစစ်ဆေးရေးမှူးရဲ့ အစီရင်ခံစာကိစ္စ၊ မကြာသေးခင်ကမှ ထုတ်ပြန်ကြေညာခဲ့တဲ့ ရွေးကောက်ပွဲဥပဒေ ၅ ခုကိစ္စတို့ ဖြစ်တယ်လို့ ဗြိတိန်သံအမတ်က သတင်းထောက်တွေကို ပြောခဲ့ပါတယ်။
၂၀၀၉ ခုနှစ်၊ သြဂုတ်လ ၂၉ ရက်နေ့က လုံခြုံရေးကောင်စီမှာ မြန်မာ့အရေးကို နောက်ဆုံးအကြိမ် ဆွေးနွေးခဲ့ပြီးကတည်းက ဆိုရင် အခုတကြိမ်ဟာ ပထမဆုံး ပြန်ပြီး ဆွေးနွေးကြတာ ဖြစ်ပါတယ်။
မတ်လ ၂၅ ရက်၊ ကြာသပတေးနေ့ကျရင်လည်း ကုလသမဂ္ဂ အတွင်းရေးမှူးချုပ်ရဲ့ မြန်မာ့အရေး မိတ်ဆွေနိုင်ငံများအဖွဲ့ အစည်းအဝေး ကျင်းပဖို့ အတွင်းရေးမှူးချုပ်က အကြောင်းကြား ခေါ်ယူထားပါတယ်။ အဲဒီအဖွဲ့မှာ ပါဝင်တဲ့ နိုင်ငံတွေကတော့ သြစတြေးလျ၊ အင်ဒိုနီးရှား၊ ရုရှား၊ အမေရိကန်၊ တရုတ်၊ ဂျပန်၊ စင်ကာပူ၊ ဗီယက်နမ်၊ ပြင်သစ်၊ နော်ဝေး၊ ထိုင်း၊ အိန္ဒိယ၊ ပေါ်တူဂီနဲ့ ဗြိတိန်နိုင်ငံတို့ ဖြစ်ပါတယ်။
မတ်လ ၂၄ ရက်နေ့ ဆွေးနွေးပွဲမှာ ကုလသမဂ္ဂ လုံခြုံရေးကောင်စီ အဖွဲ့ဝင် နိုင်ငံအများအပြားက မြန်မာ့ ရွေးကောက်ပွဲ ဥပဒေတွေနဲ့ ပတ်သက်ပြီး စိုးရိမ်မှုကို ဖော်ပြ ပြောဆိုခဲ့ကြတယ်လို့ ဗြိတိန်သံအမတ်က ပြောပါတယ်။ ဒါပေမဲ့လည်း ကောင်စီထဲမှာကိုက မြန်မာ့အရေးအပေါ် သဘောထား ကွဲလွဲမှုတွေ နက်နက်ရှိုင်းရှိုင်း ရှိနေတဲ့အတွက် မြန်မာနိုင်ငံ ပြဿနာတွေ ပြေလည်သွားအောင် လုံခြုံရေးကောင်စီက တကယ်တမ်း ထိထိရောက်ရောက် ကိုင်တွယ် ဆောင်ရွက်နိုင်မှာလား ဆိုတာကတော့ ခုချိန်ထိ အဖြေမထွက်သေးတဲ့ မေးခွန်းတခုအဖြစ်ပဲ ဆက်ရှိနေပါသေးတယ်။
(voa)
0 ပျက်ဖြစ်
လူဆိုသည်မှာ မွေးပြီးလျှင်သေကြမည်သာဖြစ်သည်။
သတ္တ၀ါမှန်သမျှ ဖြစ်လိုက်ပျက်လိုက် ဖြစ်တော့သည်။
ဒါကတော့ . . . တရားသဘောအရပင်။ သို့သော် ကျွန်ုပ်တို့၏ ပေးဆပ်မှုများကတော့ . . . ပျက်လိုက်ဖြစ်လိုက် (ပျက်ဖြစ်)ပင် ဖြစ်တော့သည်။
ဤတွင် . . . ကျွန်ုပ်တို့သည် တရားသဘောကို ဆန့်ကျင်ခြင်းမဟုတ်ပါ။
ကျွန်ုပ်တို့သည် ဗုဒ္ဓ၏ဟောကြားချက်ကို ဖီလာပြုခြင်းမဟုတ်ပါ။
ကျွန်ုပ်တို့သည် ဒိဋ္ဌိအယူစွဲများ မဟုတ်ပါ။
ကျွန်ုပ်တို့သည် ထေရ၀ါဒ ဗုဒ္ဓဘာသာဝင် စစ်စစ်များသာဖြစ်သည်။
မေတ္တာ၊ ဂရုဏာ၊ မုဒိတာ၊ ဥပေက္ခာကို လက်ကိုင်ပြု၍ ကျင့်ကြံပွားများနေသူတို့သာ ဖြစ်သည်။
ထို့ကြောင့် ကျွန်ုပ်တို့သည် . . . ``ဖြစ်ပျက်´´လောကကြီးထဲတွင် ရပ်တည်နေကြရင်းနှင့် အများအတွက် အကျိုးရှိစေမည့်၊ အကျိုးပြုစေမည့် ကုသိုလ်ကောင်းမှုများကို လုပ်ကိုင်ရာ၌ ``ပျက်ဖြစ်´´ လုပ်ငန်း၊ လမ်းစဉ်တို့ကို ကျင့်သုံးမိတော့သည်။
အကြောင်းရင်းကို ရှင်းပြရသော် . . . ကျွန်ုတို့၏ လူမှုရေးအသင်းဖြစ်သော နာရေးကူ ညီမှုအသင်း (ရန်ကုန်)၏ လုပ်ငန်းစဉ်များတွင် သေဆုံး (ဘ၀ပြောင်း)သွားသူတို့၏ ရုပ်ကလာပ် များကို သင်္ဂြုလ်ပေးခြင်းတို့သည် ဖြစ်ပျက်ကို ရှုခြင်းပင်ဖြစ်သည်။ မွေးလာလျှင် သေဆုံးဖို့ ခြေလှမ်းခြင်းပင်ဖြစ်သည်။ ဘယ်နေ့သေမည်၊ ဘယ်အချိန်သေမည်၊ ဘယ်နေရာတွင် သေမည် ကိုတော့မသိနိုင်။ သို့သော် . . . သုခကုသိုလ်ဖြစ်ဆေးခန်း၏ လုပ်ဆောင်ချက်၊ ပေးဆပ်မှုများ သည်ကား ပျက်ဖြစ်ပင်ဖြစ်တော့သည်။
အဘယ့်ကြောင့်ဆိုသော် . . . လူဆိုသော သတ္တ၀ါတို့သည် မွေးဖွားခြင်း (ပဋိသန္ဓေနေခြင်း) နှင့် ခန္ဓာအိမ်မှ ထွက်ခွာမှု (သေဆုံးခြင်း) ဆိုသည့် ကြားကာလတွင် စားဝတ်နေရေးအတွက် ရုန်းကန်လှုပ်ရှား သံသရာလည်ပတ်နေကြသည်။ ထိုသံသရာစက်ဝိုင်းအတွင်း လည်ပတ်နေစဉ်ကာလ၌ အကြောင်းကြောင်းကြောင့် ခြေလက်ကျိုးပဲ့ခြင်း၊ အစာအိမ်ထိခိုက်ခြင်း၊ နှလုံးထိခိုက်ခြင်း၊ မျက်စိထိခိုက်ခြင်း စသဖြင့် ခန္ဓာကိုယ်၏ ဦးခေါင်းမှ ခြေဖ၀ါးအဆုံး ဖေါက်ပြန်/ ပျက်ဆီးဆုံးရှုံးခြင်းများကို အပျက်သဘောအားဖြင့် ကြုံတွေ့ကြရမည်ဖြစ်သည်။ သက်မဲ့ပစ္စည်းများဖြစ်သော နာရီ၊ ပန်ကာ၊ မော်တော်ယာဉ်၊ စက်ဘီးစသည်တို့လည်း ဖန်တီး/ ပြုပြင်ထိန်းသိမ်းခြင်းအားဖြင့် "ဖြစ်” ၍ သုံးစွဲ/ယိုယွင်းခြင်းအားဖြင့် “ပျက်”ခြင်း တို့ပင်ဖြစ်တော့သည်။ ယင်း သက်မဲ့ပစ္စည်းများ ချို့ယွင်း ပျက်စီးခဲ့ပါက လူသားတို့သည် ပြန်လည်ပြုပြင်သုံးစွဲကြသကဲ့သို့ လူသားတို့၏ ချို့ယွင်း ဖျက်ဆီးမှု တို့ကို မည်သူတို့က ပြန်လည်ပြုပြင်မွမ်းမံမှုများကို လုပ်မည်နည်း။
လူအချင်းချင်း စာနာစိတ်များထားရှိရန် ကျွန်ုတို့၏ တာဝန်ပင်ဖြစ်တော့သည်။
လူအချင်းချင်း မေတ္တာစိတ်များပွားများရန် ကျွန်ုတို့၏ တာဝန်ပင်ဖြစ်တော့သည်။
လူအချင်းချင်း ဂရုဏာစိတ်များထားရှိရန် ကျွန်ုတို့၏ တာဝန်ပင်ဖြစ်တော့သည်။
ဤတာဝန်၊ ၀တ္တရား၊ ခံယူချက်တို့ကို မည်သူတစ်ဦးတစ်ယောက်ကမှ လာရောက် ခိုင်းစေတာဝန်ပေးအပ်ခြင်းမဟုတ်။ ကျွန်ုပ်တို့၏ လူပီသသော အသိဥာဏ်၊ လူပီသသော ခံယူ ချက်၊ လူပီသသောဝတ္တရားများသည် ဖြတ်သန်းလာခဲ့ရသောဘ၀ရဲ့ သင်ခန်းစာ၊ ဘ၀ရဲ့ အတွေ့အကြုံ၊ ဘ၀ရဲ့ နာကျည်းချက်၊ ဘ၀ရဲ့ဒဏ်ရာဒဏ်ချက်များနှင့် ပဏ္ဍိတဆရာသမားများ ၏ ဆုံးမမှုများကြောင့် ကျွန်ုပ်တို့ကိုယ် ကျွန်ုပ်တို့ ပြုပြင်ပြောင်းလဲမှုများလုပ်ကာ ဗုဒ္ဓရဲ့လမ်းစဉ် အတိုင်းလျှောက်လှမ်း ကြခြင်းပင် ဖြစ်သည်။
ဤသို့ ဗုဒ္ဓရဲ့လမ်းစဉ်၊ ဗုဒ္ဓရဲ့အလိုတော်ကျ လျှောက်လှမ်းရင်း ကျွန်ုပ်တို့၏ ပျက်ဖြစ် ပေးဆပ်မှုများ၊ ပျက်ဖြစ်စာနာမှုများ၊ ပျက်ဖြစ် ဂရုဏာထားမှုများကို ရှင်းပါအံ့။
သုခကုသိုလ်ဖြစ်ဆေးခန်းသို့ လာရောက်ပြသကြသော လူနာများသည် ကျန်းမာရေး ထိခိုက်၍ လာကြခြင်းဖြစ်သည်။ သူတို့၏ ခန္ဓာမှ သွေးသားဖေါက်ပြန်မှုများကြောင့် သွေးသား ပျက်စီးမှုကြောင့် လာရောက်ပြသခြင်းဖြစ်သည်။
ဤသို့သော ပြုပြင်ကုသပေးနိုင်သော လုပ်ရပ်များကို ကျွန်ုပ်တို့သည် လူသားအချင်း ချင်း ဂရုဏာစိတ်ထားကာ ကုသိုလ်ဖြစ် အခမဲ့ပြုပြင်ကုသပေးမှုများ လုပ်ခဲ့သည်မှာ မရေတွက် နိုင်တော့ပါ။ ကုသိုလ်ဖြစ်ကုသပေးသော ဆရာဝန်ကြီးများနှင့် ကျွန်ုပ်တို့၏ ထောက်ပံ့ပေးသော ဆေးဝါးများကြောင့် ``အပျက်´´ (နေမကောင်းဖြစ်ခြင်း) မှ နောက်ဆုံး အကြောင်းကြောင်းကြောင့် ပျက်ရသော သေခြင်းတရားမတိုင်ခင် ``အဖြစ်´´ (ကျန်းမာနေကောင်း လာခြင်း) သို့ ရောက်ရှိလာစေရန် စွမ်းဆောင် ပေးနိုင်ခြင်းဖြစ်သည်။
ထိုနည်းတူစွာပင် မျက်စိတိမ်စွဲ၍ အမြင်အာရုံမရှိသော လူနာများအတွက် မျက်စိခွဲစိတ် ပေးကာ အမှောင်ဘ၀မှ အလင်းဘ၀သို့ ရောက်အောင် စွမ်းဆောင်ပေးဆပ်ခြင်းမှာလည်း အထက်ဖော်ပြပါ အကြောင်းအလို့ငှါ အပျက်မှအဖြစ်သို့ လုပ်ဆောင်ပေးခြင်းပင် မဟုတ်ပါလား . . . .
အောက်ဖေါ်ပြပါ အထွေထွေ ရောဂါဝေဒနာသည်များနှင့် မျက်စိဝေဒနာရှင်တို့၏ ``အမှောင်မှ အလင်း´´ ``အပျက်မှအဖြစ်´´ ဘ၀သို့ရရှိရန် ရောက်ရှိလာကြသော သုခကုသိုလ်ဖြစ်ဆေးခန်း လူနာတို့၏ ရင်တွင်းခံစားချက်တို့နှင့် ဓါတ်ပုံများကို တင်ပြလိုက်ရပါသည်။
အထွေထွေ လူနာများ၏ ဓါတ်ပုံများနှင့် ရင်တွင်းခံစားချက်များ
မျက်စိဝေဒနာရှင်များ၏ ဓါတ်ပုံများနှင့် ရင်တွင်းခံစားချက်များ
ထိုနည်းတူစွာ . . . ကျွန်ုပ်၏ နှလုံးသားထဲ သတ်သတ်မှတ်မှတ် ဖြစ်ပေါ်လာခဲ့သော အဘ ဦးသန်းမြင့်နှင့် ကျွန်ုပ်ဆုံဆည်းမှုကို တင်ပြပါမည်။
လွန်ခဲ့သော ( ၄ )နှစ်ခန့်က ကျွန်ုပ် ရုပ်ရှင်ရိုက်ကွင်းသွားစဉ် ဗျိုင်းရေအိုးစင် (တာမွေ) မြို့နယ်တွင် အဖိုးအိုတစ်ဦး သစ်သားထောက်တံဖြင့် လမ်းကို တစ်လှမ်းခြင်း လျှောက်လှမ်းနေ သည်ကို မြင်တွေ့ရ၍ အဘအတွက် ငွေတစ်ထောင်လှူခဲ့သည်မှ စတော့သည်။
ဦးသန်းမြင့် - တာမွေ (Wheel Chair)
အဘနာမည်က ဦးသန်းမြင့်ပါ။ ကမ္ဘာကျော်လ္ဘက်ရည်ဆိုင်၊ ပရိဘောဂဆိုင် တာမွေပလာဇာနဲ့ မျက်နှာချင်းဆိုင်ရှေ့မှာ နေတယ်။ နာဂစ်ပြီးမှ အဘ ဒီိကိုရောက်လာတာ။ ဟိုတုန်းကတော့ ၁၅၇ လမ်းက မိတ်ဆွေတစ်ယောက် အိမ်မှာနေတယ်။ သူတို့ ရွှေပြည်သာကို ပြောင်းသွား တယ်။ အဘကို ထားခဲ့ကြတယ်။ ထားခဲ့တဲ့အတိုင်း အဘ နေတာပဲ။
အတိတ်ရယ်၊ ပစ္စုပ္ပန်ရယ်၊ အနာဂတ်ရယ် အဘပြောချင်တာက အတိတ်ကို ထားလိုက်တော့ အခုပစ္စုပ္ပန်မှာ အဘကို ဦးကျော်သူက ကူညီခဲ့လို့ အခုပစ္စပ္ပုန်မှာ အဘ ရပ်တည်နေနိုင်တာ မနက်ဖြန် အဘ ဘာဖြစ်မလဲ မပြောနိုင်ဘူး။ လမ်းထွက်သွားရင် ယာဉ်အန္တရာယ် ယာဉ်ကြော အဘ တိမ်းရှောင်ပြီး သွားနေရတယ်။ အဘ ဆေးရုံက ဆင်းလာတယ်။ တစ်နှစ် တိတိ သူများအိမ်မှာ နေတယ်။ စိတ်ဖိစီးမှုဒဏ် အဘခံစားခဲ့ရတယ်။ သာမာန်လူကောင်း တစ်ယောက် မဟုတ်ဘူး။ သူများလို အလူမီနီယံနဲ့ မသွားနိုင်ဘူး။ သစ်သားလေးချောင်း ထောက်လေးနဲ့ ကျွန်းသားနဲ့ လုပ်ထားတာလေးနဲ့ အဘ ဟော..ဒီလို ထော့နဲ့ ထော့နဲ့ သွားရတယ်။
ပထမဦးဆုံး ဦးကျော်သူနဲ့ ဗျိုင်းရေအိုးစင်လမ်းရဲ့ လမ်းအလယ်ခေါင်မှာ လက်တစ်ဖက်က ပတ်တီးလေးနဲ့ ကားခေါင်းခန်းမှာ ထိုင်နေတယ်။ အဘ မိုးရေထဲမှာ ဖြေးဖြေးနဲ့သွားတယ်။ သူက လက်ထဲမှာ တစ်ထောင်တန် ထုတ်ပေးပြီးလှူတယ်။ အော် .. ဦးကျော်သူ သူက မုတ်ဆိတ်မွှေး၊ ပါးသိုင်းမွှေးတွေနဲ့ အဘကို တစ်ထောင်တန် ပေးတယ်။ အော် .. ဦးကျော်သူ ကျွန်တော် လက်မခံပါရစေနဲ့ ဘာဖြစ်လို့လဲ အဘလို့ သူက ပြန်မေးတယ်။ ကျွန်တော် ခင်ဗျားကို ဘာအလုပ်တစ်ခုမှ လုပ်မပေးခဲ့ဖူးဘူး .. မဟုတ်ဘူး .. ကျွန်တော် သဒ္ဒါပေါက်လို့ အဘကို လှူတာပါတဲ့ .. အချိန်မရွေး လိုအပ်တဲ့ အကူအညီ ရှိရင်ပြော ကျွန်တော် ဆီလာခဲ့ပါတဲ့ .. တစ်နှစ်ပြည့်တဲ့ အခါကျမှ အဘကို ယောဂီဝတ်နဲ့ အဘွားကြီး တစ်ယောက်က ဦးသန်းမြင့် ရှင် .. ဦးကျော်သူဆီ သွားပြီး အကူအညီ တောင်းကြည့်ပါလား .. သွားနိုင် လာနိုင်အောင်လို့ပေါ့ .. ရရင်လည်း ရမယ် .. မရရင်လဲ မရဘူးပေါ့။ ဒါနဲ့ အဘလည်း TAXI အငှားကားလေးနဲ့ သင်္ဃန်းကျွန်းမှာရှိတဲ့ နာရေးကူညီမှု ရုံးကိုသွားပြီး သူ့ကို အကူအညီတောင်းတယ်။ ဟိုလဲရောက်ရော ဦးကျော်သူက ကင်မရာယူပြီး အဘကို ဓါတ်ပုံရိုက်တယ်။ သောကြာနေ့မှာ သွားတယ်။ တနင်္လာနေ့မှာ Wheel Chair လာပေးတယ်။ အဘ အိပ်မက်ထဲတောင် မမက်ခဲ့ဘူး။ အဲဒီ Wheel Chair ပေးတဲ့နေ့က အဘကို ဦးကျော်သူ ကိုယ်တိုင်လာခေါ်တယ်။ ဟိုလည်းကျရော အဘ ဒီမှာ Wheel Chair တဲ့ .. ကျွန်တော် ကူညီမယ်လို့ ပြောထား ပြီးပြီတဲ့ .. အဘ ပီတိတွေဖြစ်ပြီး မျက်ရည်တွေ ကျတယ်။ ဦးကျော်သူ ဘာပြောလဲသိလား … ?
`` ကျွန်တော်လိုချင်တာ ဒါပဲတဲ့ .. လူတစ်ယောက်ရဲ့ ၀မ်းသာပီတိကို .. ။ ´´
မြန်မာနိုင်ငံမှာ သန်းပေါင်းမြောက်များစွာ ချမ်းသာတဲ့ လူတွေအများကြီး ရှိတယ်။ ဆင်းရဲတဲ့ လူတွေလည်း အများကြီးရှိတယ်။ အဲဒီ ဆင်းရဲ၊ ချမ်းသာ ဒွန်တွဲနေတဲ့ထဲမှာမှ အဘကို လှူနိုင်တဲ့လူ သူဟာ ဦးကျော်သူ တစ်ယောက်ပဲ ရှိတယ်။
သံဃာတော်တွေ ဆန္ဒပြတုန်းက စစ်ကားတွေ Round လှည့်နေတယ် .. လူတိုင်းက ပြောတယ် .. ခင်ဗျားတဲ့ ဒီစာတန်းလေး ဖြုတ်ထားလိုက်ပါလား .. ဘာလို့ ဖြုတ်ရမှာလဲ .. ဒါ……..ကိုယ့်ရဲ့ အသက်သခင် ကျေးဇူးရှင် .. ဒီ Wheel Chair အနောက်က စာတန်းက အဘရဲ့ ရင်ထဲက ဖြစ်ပေါ်လာတဲ့ ဆန္ဒနဲ့ ရေးထိုးထားတာ
ကျွန်တော် ညအိပ်ရာဝင်တော့မယ်ဆို အမြဲတမ်း ဦးကျော်သူက ကျွန်တော့်ထက် အသက် အများကြီး ငယ်ပါတယ်။ ကျန်းမာပါစေ .. ချမ်းသာပါစေ .. အမြဲတမ်း ကျွန်တော် မေတ္တာပို့တယ်။ ဟိုတစ်ခါကိစ္စနဲ့ ပတ်သက်ပြီးတော့ အဘ BBC နားထောင်တယ်။ VOA နားထောင်တယ်။ လူများတွေက လာပြောတယ်။ သူတို့ပြောတာတွေ အဘ ကိုယ့်ဦးနှောက်နဲ့ ချင့်ချိန်လိုက်တယ်။ ဘာဖြစ်လို့လဲ .. မှန်တာလုပ်ရင်တော့ အမှန်အတိုင်းပဲ ဖြစ်ရမှာပဲ .. အချိန်တန်တော့ အမှန်တိုင်းဟာ အမှန်တရားအတိုင်း သူ့ဟာသူ ပြီးသွားတာပဲ။ အလင်းတန်း ဂျာနယ် အဘ အပါတ်တိုင်း ၀ယ်ဝယ်ဖတ်တယ်။ ဟိုတုန်းကဆို ဦးကျော်သူပုံ နာရေးကူညီမှု အသင်း အလှူငွေ လက်ခံတဲ့ပုံ အမြဲတမ်းပါတယ်။ အခု လုံးဝသူ့ နာမည် မပါဘူး။ သူ့ ဓါတ်ပုံတွေလည်း မတွေ့ရတော့ဘူး။ အခုကြည့် ခိုင်ရွှန်းလဲ့ရည် နာရေးကူညီမှုအသင်း အလှူငွေ လှူဒါန်းတာတွေ ဘာတွေ ဦးကျော်သူ နာမည်တစ်ချက် မပါဘူး .. ဓါတ်မှန်ခန်းအတွက် ဆိုလားပဲ …. ။
နောက်ပိုင်း ဟိုကိစ္စနဲ့ ပတ်သက်ပြီးကတည်းက လုံးဝ သူ့ပုံ မပါတော့ဘူး။ လွန်ခဲ့တဲ့ မနှစ်က ၁၂ လပိုင်းလား မသိဘူး။ ကျားကွက်သစ်မှာ နာရေးအတွက် ဦးကျော်သူကား ကျောက်မြောင်းလမ်းကနေ ကွေ့ဝင်သွားတော့ အဘ တွေ့လိုက်တာနဲ့ အဘချက်ချင်း Wheel Chair တွန်းပြီး လိုက်သွားတာ .. ခုနက နိဗ္ဗာန်ယာဉ် ဘယ်သွားလဲ .. ? အဲ့ဒီဘက်ကို ဆင်းသွားတယ်တဲ့ .. ဓမ္မ၀ိဟာရလမ်း ထဲကနေ။ ဟိုး .. စိုင်းထီးဆိုင်နေတဲ့လမ်းလေ။
ဦးကျော်သူကနေပြီး အဘအတွက် T-Shirt လေးလဲ လက်ဆောင်ပေးလိုက်တယ်။ အဘရဲ့ ကျန်းမာရေးအတွက် လိုအပ်တဲ့ ဆေးဝါးဓါတ်စာများ ၀ယ်ယူဖို့အတွက် ဦးကျော်သူကနေ ပိုက်ဆံ ၁၀၀၀၀/- (တစ်သောင်းကျပ်)ကို ထပ်မံလှူဒါန်း လိုက်ပါတယ်။ ဘုန်းကြီးကျောင်းဆေးခန်းကို
အဘ ဦးသန်းမြင့်ကဲ့သို့ပင် မြန်မာနိုင်ငံတစ်ဝှမ်းရှိ ဆင်းရဲနွမ်းပါး၍ မသန်မစွမ်းဖြစ်နေသူ တို့ကိုလည်း ကျွန်ုပ်တို့ တတ်နိုင်သည့်ဖက်မှ ကူညီပံ့ပိုးမှုများကို လုပ်ဆောင်ပေးခဲ့မှုများအား အောက်ပါပုံများနှင့် တင်ပြအပ်ပါသည်။
အချုပ်ဆိုရသော် . . . ကုသိုလ်ပြုရာတွင် လူသည် တိရစ္ဆာန်ထက်သာသလို အကုသိုလ် ပြုရာတွင်
လူသည် တိရစ္ဆာန်ထက်သာနိုင်သည်။
လူလေးမျိုှးရှိရာ၌ . . . အမှောင်ကလာပြီး . . . အမှောင်သွားမည့်လူ၊
အလင်းကလာပြီး . . . အမှောင်သွားမည့်လူ၊
အမှောင်ကလာပြီး . . . အလင်းသွားမည့်လူ၊
အလင်းကလာပြီး . . . အလင်းသွားမည့်လူ ဟူ၍ ရှိသည်။
ကျွန်ုပ်တို့သည်ကား အလင်းကလာပြီး . . . အလင်းသွားမည့် လူဖြစ်အောင် ကြိုးစားနေကြသည်။
သို့ကြောင့် . . . ဖြစ်ခြင်းနှင့် ပျက်ခြင်း
ရှင်ခြင်းနှင့်သေခြင်းတို့တ
ကမ္ဘာမြေပြင်သို့ အလည်အပါတ်ရောက်ခွင့်ပေး၍ … ဤကဲ့သို့ လူမှုရေး၊ ကုသိုလ်ရေး ကိစ္စအ၀၀ကို လုပ်ဆောင်ခွင့်ပေးခဲ့သော၊ ဖန်တီးပေးခဲ့သော မိဘနှစ်ပါးနှင့်တကွ သင်ဆရာ၊ မြင်ဆရာ၊ ကြားဆရာ၊ ပဏ္ဍိတဆရာသမားများ၊ မြင်အပ် မမြင်အပ်သော ပုဂ္ဂိုလ်အသီးသီးတို့နှင့် မောင်တစ်ထမ်း မယ်တစ်ရွက် ပေးဆပ်နေသော ကျွန်ုပ်၏ မဟေသီ - ရွှေဇီးကွက်အပြင် ဖခင်ဖြစ်သူ ကျွန်ုပ်အား သီလလုံခြုံရန် (ဆန်ရေ) လမ်းပြပေးခဲ့သော သား - ပြည်သိမ်းကျော်၊ သမီး - မြင့်မိုရ်ဦး တို့အား လေးစားဦးညွှတ်လျှက် . . . .
ကျော်သူ
0 အဖွဲ့ချုပ်သတင်း ပြည်တွင်းမီဒီယာ ဖော်ပြခွင့်ရ
အံ့ဘုန်းမြတ် (ဒီဗီဘီ)
အချိန်အတော်ကြာအောင် ပြည်တွင်းမီဒီယာတွေမှာ ဖော်ပြခွင့် မရရှိခဲ့တဲ့ အမျိုးသားဒီမိုကရေစီ အဖွဲ့ချုပ် သတင်းတွေကို မတ်လ ၂၃ ရက်နေ့ထုတ် ENVOY JOURNAL (အန့်ဘွိုင်းဂျာနယ်) မျက်နှာဖုံးနဲ့ ရန်ကုန်တိုမ်းဂျာနယ်အတွင်း စာမျက်နှာတွေမှာ ဖော်ပြလာတာတွေ တွေ့ရပါတယ်။ ဖော်ပြတဲ့နေရာမှာ အမျိုးသားဒီမိုကရေစီအဖွဲ့ချုပ်အနေနဲ့ နအဖအစိုးရ ရွေးကောက်ဝင်ရေး မ၀င်ရေးနဲ့ပတ်သက်ပြီး စုံညီအစည်းအဝေးမှာ ဆုံးဖြတ်မယ်ဆိုတဲ့ အကြောင်းကို အဖွဲ့ချုပ် ပြောရေးဆိုခွင့်ရှိသူ ဦးဥာဏ်ဝင်း ဓာတ်ပုံနဲ့တကွ ဖော်ပြလာတာ ဖြစ်ပါတယ်လို့ ပြည်တွင်းက သတင်းဂျာနယ်အယ်ဒီတာ တဦးက ခုလိုပြောပြပါတယ်။
“ဒီနေ့ထွက် အင်ဘွိုင်းမှာ အဖုံးကြီးတောင် အနီကြီးနဲ့ တကယ့်ကို အန်အယ်လ်ဒီ အရောင်ကြီးသိတယ်မဟုတ်လား အနီခံမှာအဖြူနဲ့ရေးထားတာ ၂၉ ရက် နေ့မှာ အဖွဲ့ချုပ်က အဆုံးအဖြတ်လုပ်မယ်ဆိုတဲ့ကိစ္စ အဲဒါကို သူတို့ထည့်ထားတယ်။ ဦးဥာဏ်ဝင်းပုံကို စာမျက်နှာသုံးမှာ သုံးထားတယ်။ ဒါက အခါတိုင်းထက် စာရင် ထူးခြားမှုပေါ့။ ဘာဖြစ်လို့လည်းဆိုရင် အခါတိုင်းဆိုရင် အဖွဲ့ချုပ်အကြောင်းကို ရေးလို့မရဘူး။ ဒါပေမဲ့ ဒီမှာပေးထားတယ်။ ဘယ်လိုကြောင့် လည်းတော့ မသိဘူး။”
ENVOY JOURNAL (အန့်ဘွီုင်းဂျာနယ်) ဟာ ရုပ်ရှင်ဒါရိုက်တာ ဇင်ယော်မောင်မောင် ထုတ်ဝေတဲ့ သတင်းဂျာနယ်တစောင်ဖြစ်ပြီး ရန်ကုန်တိုမ်းဂျာနယ်ကတော့ ပြန်ကြားရေးဝန်ကြီး ဗိုလ်မှူးချုပ် ကျော်ဆန်းနဲ့ နီးစပ်သူ ကိုကို (စက်မှုတက္ကသိုလ်) ထုတ်ဝေနေတဲ့ ဂျာနယ်တစောင်ပဲဖြစ်ပါတယ်။ လွန်ခဲ့တဲ့ နှစ်ပတ်ခန့်က အဖွဲ့ချုပ်ရုံးတွေ ပြန်လည်ဖွင့်လှစ်ရတဲ့ သတင်းတွေကိုတော့ သတင်းဂျာနယ်အတော်များများမှာ ဖော်ပြဖို့ စာပေစီစစ်ရေးကို တင်ပြခဲ့ ကြပေမယ့်လည်း ဖော်ပြခွင့် မရရှိခဲ့ပါဘူး။
0 ပါတီမှတ်ပုံတင်လျှင် ၂၄ မြို့နယ် ကန့်ကွက်မည်
ချင်းမိုင် (မဇ္ဈိမ)။ ။ အမျိုးသား ဒီမိုကရေစီ အဖွဲ့ချုပ်၏ တိုင်း ၃ တိုင်းမှ ၂၄ မြို့နယ်က ပါတီမှတ်ပုံတင်မည်ဆိုလျှင် ကန့်ကွက်ရန် ဆုံးဖြတ်ထားကြောင်း သိရသည်။
ရန်ကုန်တိုင်းမှ အင်းစိန်၊ ပဲခူးတိုင်းမှ ၁၉ မြို့နယ်နှင့် မန္တလေးတိုင်းမှ ၄ မြို့နယ်တို့က မှတ်ပုံတင်မည်ဆိုလျှင် ကန့်ကွက်သွားမည်ဖြစ်ကြောင်းနှင့် “ရွှေဂုံတိုင် ကြေညာစာတမ်း” ကိုသာ ဆက်လက်၍ ဆုပ်ကိုင်သွားရန် တိုက်တွန်းကြောင်း မြို့နယ်စည်း တာဝန်ရှိသူများထံမှ သိရခြင်း ဖြစ်သည်။
“(ပဲခူး) တိုင်းအနေနဲ့ကတော့ ၁၈ ရက်နေ့က ကန့်ကွက်တယ်။ ကျန်တဲ့ တောင်ငူခရိုင်က ၄ မြို့နယ်၊ ပဲခူးခရိုင်က ၇ မြို့နယ်၊ သာယာဝတီခရိုင်က ၈ မြို့နယ်လည်း ပြီးပြီ။ အဲဒီသဘောထားပဲ။ မြို့နယ်တွေ ကျန်နေသေးတော့ ၂၇ ရက်နေ့ နောက်ဆုံးထားပြီး ဗဟိုကို တင်မယ်” ဟု NLD ပဲခူးမြို့နယ် ဥက္ကဋ္ဌ ဦးမြတ်လှက မဇ္ဈိမကို ပြောသည်။
ပဲခူးတိုင်းစည်း ဆုံးဖြတ်ချက်၌ ရွှေဂုံတိုင်ကြေညာချက်ကို သွေဖီယိမ်းယိုင်၍ ၂ဝ၁ဝ ခုနှစ် ရွေးကောက်ပွဲအား NLD အနေဖြင့် ဝင်ရောက်ယှဉ်ပြိုင်မည်ဆိုပါက ပြင်းထန်စွာ ကန့်ကွက်ရှုတ်ချကြောင်း ဆိုထားသည်။
အလားတူ မန္တလေးတိုင်းရှိ ရမည်းသင်း၊ မိတ္တီလာ၊ ဝမ်းတွင်း၊ သာစည် မြို့နယ်များကလည်း ပါတီ မှတ်ပုံတင်ခြင်းအား ကန့်ကွက်ကြောင်း ဆုံးဖြတ်ပြီးကြပြီဟု NLD မိတ္တီလာမြို့နယ် ဥက္ကဋ္ဌ လွှတ်တော်ကိုယ်စားလှယ် ဒေါတ်တာသိန်းလွင်က ပြောသည်။
ဒေါ်အောင်ဆန်းဆုကြည် သဘောတူညီမှု မပါဘဲ မှတ်ပုံတင်ခဲ့လျှင် မိမိတို့အနေနှင့် လုံးဝ လက်မခံကြောင်း ဆုံးဖြတ်ပြီး ရွှေဂုံတိုင် ကြေညာစာတမ်းအတိုင်းသာ ခိုင်မာစွာ ရပ်တည်ကြပါရန် ဗဟိုအလုပ်မှုဆောင်အဖွဲ့အား တိုက်တွန်းကြောင်း ဆုံးဖြတ်ကြသည်ဟု သူက ပြောဆိုသည်။
“ဒေါ်အောင်ဆန်းစုကြည် မပါရင် လက်မခံနိုင်ဘူးဆိုတာတော့ NLD ဟာ ဒေါ်အောင်ဆန်းစုကြည်။ ဒေါ်အောင်ဆန်းစုကြည်ဟာ NLD ပဲလေ” ဟု ဒေါက်တာသိန်းလွင်က ဆက်ပြောသည်။
ရန်ကုန်တိုင်း အင်းစိန်မြို့နယ် ဆုံးဖြတ်ချက်ထဲတွင်မူ “ရွှေဂုံတိုင်ကြေညာစာတမ်း” ပါ “၂ဝဝ၈ ဖွဲ့စည်းပုံ ပြန်လည်သုံးသပ်ပြင်ဆင်ရေး”၊ “နိုင်ငံရေးအကျဉ်းသားများ လွှတ်ပေးရေး”၊ “တွေ့ဆုံဆွေးနွေးရေး” စသည့် တောင်းဆိုချက်များအား လိုက်လျောခြင်း မရှိသည့်ပြင် ထွက်လာသည့် ရွေးကောက်ပွဲဥပဒေသည်လည်း အမျိုးသားပြန်လည်သင့်မြတ်ရေးကို ဦးမတည်သဖြင့် ကန့်ကွက်ရကြောင်း မြို့နယ်စည်းအဖွဲ့ဝင် ရှေ့နေဦးခင်မောင်ရှိန်က ပြောသည်။
မကွေးတိုင်း NLD အမျိုးသမီးတာဝန်ခံ ဒေါ်ခင်စောဌေး ကလည်း မကွေးတိုင်းရှိ ကျေးလက်ဒေသများသို့ NLD ပါတီ မှတ်ပုံတင်/မတင်ကိစ္စ ကို လိုက်လံစာရင်း ကောက်ယူခဲ့ရာတွင် အားလုံးက ကန့်ကွက်ခဲ့ကြကြောင်း ပြောသည်။
“ကျမတို့ ရေနံချောင်း၊ ချောက်မြို့နယ်တွေက ကျေးလက်တွေမှာဆိုရင် NLD ကသာလျှင် လူထုအတွက် ရှေ့တန်းကနေ တိုက်ထားတဲ့အတွက်ကြောင့် NLD ကို အားကိုးနေတဲ့အခါမှာ NLD ကနေပြီးတော့ နအဖရဲ့ လက်အောက်ကို ဝင်သွားမှာကို ကန့်ကွက်တာပေါ့နော်” ဟု သူက မဇ္ဈိမကို ပြောသည်။
မကွေးတိုင်းစည်း အစည်းအဝေးကို လာမည့် ၂၆ ရက်နေ့တွင် ရန်ကုန်မြို့၌ ကျင်းပမည်ဟုလည်း သိရသည်။ ရေနံချောင်း မြို့နယ်စည်း အစည်းအဝေးကိုမူ ယနေ့ပြုလုပ်မည်ဖြစ်ပြီး မှတ်ပုံတင်ရေးကို ထောက်ခံမည့် မြို့နယ်စည်းအချို့ ရှိနိုင်ကြောင်း ဒေါ်ခင်စောဋ္ဌေးက ပြောသည်။
မြို့နယ်စည်းနှင့် တိုင်းအစည်းအဝေးများမှ ထိုကန့်ကွက်စာများကို ယခုလ ၂၉ ရက်နေ့မတိုင်မီ ၂၇ ရက်နေ့အတွင်း ဗဟိုသို့ အရောက်ပို့ကြမည်ဟု ပြောဆိုကြသည်။
ယခုလ ၂၉ ရက်နေ့တွင် ပါတီဗဟိုအလုပ်ဆောင်ကော်မတီနှင့် တိုင်း/ပြည်နယ် ဗဟိုဦးစီးအဖွဲ့ အဖွဲ့ဝင်များ ရန်ကုန် ဗဟိုရုံးချုပ်တွင် တွေ့ဆုံဆွေးနွေးပြီးနောက် ပါတီမှတ်ပုံတင်ရေး၊ မတင်ရေး ဆုံးဖြတ်သွားမည်ဖြစ်သည်။
နေအိမ်တွင် အထိန်းသိမ်းခံထားရသည့် ပါတီအထွေထွေအတွင်းရေးမှူး ဒေါ်အောင်ဆန်းစုကြည်ကမူ တရားမျှတမှုမရှိဘဲ၊ တဖက်သတ်ထုတ်ပြန်ခဲ့သည့် စစ်အစိုးရ၏ ရွေးကောက်ပွဲဥပဒေများအရ ပါတီမှတ်ပုံတင်မည်ကို လုံးဝ လက်မခံကြောင်း သူမ၏ ရှေ့နေများနှင့် ယမန်နေ့က တွေ့ဆုံစဉ် သဘောထားပေးခဲ့သည်။
0 AAPP ၁၀နှစ်မြောက် အခမ်းအနား ထုတ်ပြန်ကြေငြာချက်... ဓာတ်ပုံမှတ်တမ်း...
AAPP Info Release 10th Anniversary in Burmese[1]
ပေးပို့ပေးသော ကိုအရှည်ကြီးးအား ကျေးဇုးတင်ရှိပါသည်။
