April 2013

ဖမ်းဆီးခံနေရသောရဲဘော်များနှင့် လက်ပံတောင်းတောင် ပြည်သူများအား လေးစားသောအားဖြင့် (၁)မိနစ်ငြိမ်သက်နေစဉ်Generation Youth အဖွဲ့ မှ ကိုလှိုင်မင်းဦး ကြေငြာချက်ဖက်နေစဉ် လက်ပံတောင်းတောင် ကြေးနီစီမံကိန်း သပိတ်စခန်းများအား အကြမ်းဖက်ဖြိုခွင်းမှု ၅ လပြည့် အထိမ်းအမှတ် ဆန္ဒပြပွဲတခုကို ရန်ကုန်မြို့၊ မဟာဗန္ဓုလ ပန်းခြံရှေ့တွင် အင်အား ၅၀ ကျော်ဖြင့် ၂၀၁၃ ခုနှစ်၊ ဧပြီလ ၂၉ ရက်နေ့ ညနေက ပြုလုပ်ရာ လူမှုအရေး ဦးဆောင်လှုပ်ရှားသူ ကိုဝေဠု က လက်ပံတောင်း သံဃာတော်များ၏ ကြေညာချက်ကို ပြောပြနေစဉ်။ (ဓာတ်ပုံ-တင်ထွဋ် ပိုင်၊

အကြမ်းဖက်ဖြိုခွင်းမှု တရားခံ ဖော်ထုတ်ပေးရန်၊ သိမ်းဆည်းခံ လယ်မြေများ ပြန်လည်လုပ်ပိုင်ခွင့်ပြုရန်တို့လည်းတောင်းဆိုကြသည်။

ရန်ကုန် ပြည်သူ့အကျိုးဆောင်ကွန်ရက် အနေနဲ့ ဒီနေ့ လက်ပံတောင်းတောင်သပိတ်စခန်းများ အကြမ်းဖတ်ဖြိုခွဲခံရမှု (၅)လပြည့်မှာ သဘောထားကြေငြာချက်ထုတ်ပြီး သက်ဆိုင်ရာ တာဝန်ရှိသူတွေကို ဒီအချက်တွေ တောင်းဆိုခဲ့တယ်။

၁။ဖမ်းဆီးထားသော ဒေသခံ (၂)ယောက်နှင့် ရန်ကုန်ပြည်သူ့အကျိုးဆောင်ကွန်ရက်မှ
ကိုအောင်စိုးတို့၏ လက်ရှိကျန်းမာရေး အခြေအနေနှင့်မည်သည့်နေရာတွင် ထိန်းသိမ်းထားကြောင်း သတင်းထုတ်ပြန်ပေးရန် နှင့် ချွင်းချက်မရှိလွှတ်ပေးရေး

၂။ ပုဒ်မ (၁၄၄) နှင့် စီမံကိန်း လုပ်ငန်းများအား လယ်ယာမြေပြသာနာများ ညှိုနှိုင်းမှု ကြားကာလများအတွင်း ရုတ်ဆိုင်း ရပ်စဲထားရန်

၃။ပဋိပက္ခဖြစ်ပွားနိင်သောအခြေအနေများနှင့် အကြမ်းဖတ်ဝင်ရောက် ဖမ်းဆီးမှုများ ဒေသအတွင်း မည်သူ့ကိုမှ ထပ်မံမပြုရန်

၎။လက်ပံတောင်းအရေးနှင့်ပါက်သက်၍ အမှုဖွင့် တရားစွဲ ၀ရမ်းထုတ်ခံထားရသော
ဒေသခံများနှင့် ငြိမ်းချမ်းရေး ၊တရားမျှတရေး၊
ဒီမိုကရေစီအရေး အတွက် ဒေသခံများအား ၀န်းရံကူညီသူများအား ချွင်းချက်မရှိ လွှတ်ပေးရေး

၅။လက်ပံတောင်းတောင်ဒေသ သပိတ်စခန်းများအား အကြမ်းဖတ်ဖြိုခွဲခံရမှုအား
တာဝန်ရှိသူမှ ဥပဒေအရ တာဝန်ယူရေး

Kowai Lu


"ရန်ကုန်မြို့ လက်ပံတောင်းအရေး တက်ကြွနိုးကြားသူများနှင့် စိတ်ပါဝင်စားသော ပြည်သူများသို့"

လက်ပံတောင်း ပဋိပက္ခတွေနဲ့ ပါက်သက်ပြီး ရန်ကုန်မြို့၊မဟာ ဗန္ဓုလပန်းရှေ့ခြံရှေ့တွင် ဆန္ဒပြမည်။

အချိန် ။ ။ ညနေ (၄) နာရီမှ (၆)နာရီ
နေရာ ။ ။ ရန်ကုန်မြို့၊မြို့တော်ခန်းမရှေ့ တစ်ဖက်ခြမ်းရှိ မဟာဗန္ဓုလ ပန်းခြံရှေ့

တောင်းဆိုမည့် အချက်များ ......

၁။ဖမ်းဆီးထားသော ဒေသခံ (၂)ယောက်နှင့် ရန်ကုန်ပြည်သူ့အကျိုးဆောင်ကွန်ရက်မှကိုအောင်စိုးတို့၏ လက်ရှိ ကျန်းမာရေးအခြေအနေနှင့် မည်သည့်နေရာတွင် ထိန်းသိမ်းထားကြောင်း ချက်ခြင်းသတင်းထုတ်ပြန်ပေးရန်နှင့် ချွင်းချက်မရှိလွှတ်ပေးရန်

၂။ ပုဒ်မ (၁၄၄) နှင့် စီမံကိန်း လုပ်ငန်းများအား လယ်ယာမြေပြသာနာများ ညှိုနှိုင်းမှု ကြားကာလများအတွင်း ရုတ်ဆိုင်း ရပ်စဲထားရန်

၃။ပဋိပက္ခဖြစ်ပွားနိင်သောအခြေအနေများနှင့် အကြမ်းဖက်ဝင်ရောက် ဖမ်းဆီးမှုများ ဒေသအတွင်း မည်သူ့ကိုမှ ထပ်မံမပြုရန်

၎။လက်ပံတောင်းအရေးနှင့်ပါက်သက်၍ အမှုဖွင့် တရားစွဲ ၀ရမ်းထုတ်ခံထားရသော
ဒေသခံများနှင့် ငြိမ်းချမ်းရေး ၊တရားမျှတရေး၊ဒီမိုကရေစီအရေး အတွက် ဒေသခံများအား ၀န်းရံကူညီသူများအား ချွင်းချက်မရှိ လွှတ်ပေးရန်

၅။လက်ပံတောင်းတောင်ဒေသ သပိတ်စခန်းများအား အကြမ်းဖက်ဖြိုခွဲခံရမှုအား
တာဝန်ရှိသူများမှ ဥပဒေအရ တာဝန်ယူရန်

ရန်ကုန်ပြည်သူ့အကျိုးဆောင်ကွန်ရက်



လက်ပန်တောင်းဒေသလမ်းဆုံလမ်းခွများ၊ရွာများသစ်ပင်များတွင်စစ်ခရိုနီဦးပိုင်ကုမ္ပဏီ၏ ကြေးစားလက်နက်ကိုင် အဖွဲ့မှပြည်သူများကိုစော်ကားသည့် အမိန့်
(၂၈-၄-၂၀၁၃)

KO Han Win Aung

(မိုးညွန့်လုလင်)

အမေရိကဆိုသော အရပ်တွင် Zuckerberg ဆိုသော နာမည်ခပ်ခက်ခက် လူငယ်တစ်ဦးနှင့် အပေါင်းအသင်း ရောင်းရင်းတစ်စက စတင်သန္ဓေတည် မွေးဖွားခဲ့သည့် Facebook သည် ယခု ဆိုလျှင် ညောင်ဦးက ကမ်းပါးပြို၊ စမ္ပာနဂိုရ် က နွားမ ပေါင်ကျိုးဆိုသကဲ့သို့ မိုင်ထောင်ချီ ဝေးကွာသည့် မြန်မာနိုင်ငံ၏ နိုင်ငံရေး၊ လူမှုရေးဘဝများကို ပြောင်ပြောင်တင်းတင်း တစ်နည်း၊ မသိလိုက် မသိ ဘာသာတစ်ဖုံ ခြယ်လှယ်လွှမ်းမိုး နေခဲ့ပြီ။

Social Networking Website ခေါ် မိတ်ဆွေ အပေါင်းအသင်း ရောင်းရင်းအချင်းချင်း အဆက်အသွယ် မပြတ်ရန်၊ အသိအကျွမ်းတိုးရန် ကူညီပေးသည့် အင်တာနက် လူမှုကွန်ရက် ဝက်ဘ်ဆိုက်များသည် ယခုနှစ်များတွင် အထူးရေပန်းစားလာ ခဲ့ပြီး ကမ္ဘာအနှံ့ အထူးသုံးစွဲလာခဲ့သည်။ Facebook, Twitter တို့သည် ထိပ်တန်း လူမှုကွန်ရက်များဖြစ်ကြသည်။ မြန်မာနိုင်ငံ တွင် twitter သိပ်မသုံးကြ၊ Facebook ကိုမူ မြန်မာတို့ အသည်းစွဲ။ စာရင်းဇယား အချက်အလက်နှင့် အလှမ်းဝေးသည့် နိုင်ငံပီပီ ဘယ်သူတွေ သုံးကြသလဲ မသိနိုင် ပေမယ့် တော်တော်လေး သုံးကြတာတော့ သေချာသည်။ လူငယ်ပိုင်း၊ မြို့နေ၊ အတန် အသင့်သုံးနိုင်စားနိုင်သူ၊ ပညာတတ်၊ နည်းပညာနှင့် ယဉ်ပါးသူ စသူတို့ကမူ သုံးစွဲ သူထဲတွင် အများစုဖြစ်နိုင်သည်။

တစ်ကမ္ဘာလုံး အတိုင်းအတာဖြင့် ဆိုလျှင်၂၀၁၂ ခုနှစ် အောက်တိုဘာ လဆန်းက Facebook သုံးသူ သန်းတစ်ထောင် ပြည့်သွားသည်ဟု ဆိုသည်။ ဆိုလိုသည်က ကမ္ဘာပေါ်တွင် လူခုနစ်ယောက်လျှင် တစ်ယောက်သုံးနေကြသည်။ Facebook သာ နိုင်ငံဆိုလျှင် တရုတ်နှင့် အိန္ဒိယပြီးလျှင် ကမ္ဘာပေါ်တွင် အကြီးဆုံးနိုင်ငံ။ ထို Facebook တိုင်းပြည်တွင် အခြားသော မြန်မာနိုင်ငံသား များနည်းတူ ကျွန်တော်လည်း နိုင်ငံသား တစ်ဦးအဖြစ် ပါဝင်နေသည်။

မူလက Facebook ကို မသုံး၊ လိုသည်မထင်။ ပြည်ပခရီးတစ်ခု သွားရင်း ခင်သွားသည့် နိုင်ငံခြားသားသူငယ်ချင်းက ဆက်သွယ်ရန် လိပ်စာတောင်းရာမှ ဇာတ်လမ်း စသည်။ G-mail လိပ်စာ ပေးတော့ သူငယ်ချင်းက “မင်းခေတ်နောက်ကျနေပြီ။ Facebook မရှိဘူးလား" တဲ့။ အဲဒီကမှ စလိုက်သည်မှာ တဖြည်းဖြည်း Facebook လောကထဲသို့ ရောက်ရှိသွား တော့သည်။

သူ့ရဲ့အဓိက လုပ်ဆောင်ချက်က မိတ်ဆွေအပေါင်းအသင်း အချင်းချင်း ကိုယ်လုပ်နေတာ၊ ကိုယ်သိတာ၊ ကိုယ်ခံစားနေရတာ အချင်းချင်းဖလှယ်နိုင်အောင် စီမံထား သည်။ Facebook ကိုယ်တိုင်က တစ်ခုခု ရေးသားတင်ပြပေးနေစရာ မလို။ Facebook တွင် ပါဝင်သူ (ဝါ) Account ဖွင့်ထားသူတို့ တင်ထားသည့် ဓာတ်ပုံ၊ အချက်အလက်များနှင့်ပင် Facebook သည် ကြီးထွားလာသည်။ အင်တာနက် ခေတ်၏ အားသာချက်မှာ ဝေမျှရတာ အလွန်မြန်ခြင်း။ အင်တာနက်ခေတ် ယဉ်ကျေးမှု၏ အဓိကကျသော အစိတ်အပိုင်းမှာ Sharing Culture ခေါ် ဝေမျှ ခြင်းယဉ်ကျေးမှု။ Facebook သည် ဝေမျှခြင်းကို အလွန်လွယ်ကူသွားစေသည်။ ဘာမျှ ကူးရေး၊ အပင်ပန်းခံနေရန်မလို၊ ခလုတ်လေးတစ်ခုနှစ်ခု နှိပ်ရုံနှင့် ဝေမျှ လိုက်နိုင်သည်။ ပညာခေတ်ဟုလည်း ခေါ်သော ယခုခေတ်ကြီးတွင် Facebook သည် ပညာဗဟုသုတတို့ကို ဝေမျှရန်လည်း အလွန် လွယ်ကူလာသောကြောင့် ဗဟုသုတ တို့ ပြန့်ပွားလွယ်သည်။ သတင်းအချက် အလက်တွေလည်း ပြန့်ပွားလွယ်သည်။

Facebook ၏ သဘောက မိမိ ကိုယ်ပိုင်စာမျက်နှာ တစ်ခုဖွင့်ပြီး မိမိ သိလိုသူများထံ လျှောက်လွှာပို့ (Friend Request or Add) လုပ်ရသလို မိမိနှင့် သူငယ်ချင်းဖြစ်ချင်သူများ ကလည်း ထိုနည်း အတိုင်းလုပ်ရသည်။ လက်ခံလိုက်လျှင် သူငယ်ချင်းဖြစ်ပြီ။ ထိုနည်းဖြင့် မိမိတွင် သူငယ်ချင်းများ တိုးပွားလာသည်။

Facebook သုံးရင်း သုံးရင်း သဘောကျလာသည်။ သူငယ်ချင်းတွေနှင့် အဆက်မပြတ် သူတို့အကြောင်း သိနေရသည်။ နှစ်အတန်ကြာက အဆက်ပြတ်သွားသူ ငယ်သူငယ်ချင်း တို့နှင့် ပြန်ဆုံရသည်။ကျွန်တော်က အခြားသူမွေးနေ့ မဆိုထားနှင့် မွေးနေ့ဆိုလျှင် ကိုယ့်မွေးနေ့ပင် သတိ မရသူ။ Facebook ကျေးဇူးဖြင့် မိမိ မိတ်ဆွေ သူငယ်ချင်းများ၏ မွေးနေ့ဆိုလျှင် သူ့သတိပေးချက်ဖြင့် မွေးနေ့ဆုတောင်း ပို့နိုင်သည်။ ဝေးတစ်မြေမှသူများ၏ မင်္ဂလာဆောင် ဆိုလျှင် မသွားနိုင်လည်း Congratulation လုပ်နိုင်သည်။ ဗဟုသုတများ၊ သတင်း အချက်အလက်များလည်း လွယ်လွယ် ကူကူဖြစ်လျှင် ဖြစ်ချင်း သိရသည်၊ ကိုယ် သိတာလေးလည်း တင်ပေးနိုင်သည်။

သုံးရင်း သုံးရင်း အတော်လေးကြာ လာတော့ သတိထားမိလာသည်။ ကျွန်တော်နှင့် သိပ်မသိသူတွေ အကြောင်း မသိလိုဘဲ သိလာရသည်။ သူတို့ လုပ်နေကိုင်နေသည့် အလုပ်တွေ၊ မလုပ်ဖြစ် မကိုင် ဖြစ်သည့်အလုပ်တွေ အကြောင်း ခေါင်းထဲ အလိုလို ရောက်လာသည်။ စားပြန်သောက် ပြန်ပြီ၊ ခရီးသွားပြန်ပြီ၊ ရည်းစားနဲ့ ခွာပြဲပြန်ပြီ၊ ဟော နောက်တစ်ယောက် ရပြန်ပြီ စသည့် သောင်းပြောင်းထွေလာ စုံစီနဖာမျိုးစုံ ကြားရမြင်နေရသည်။ အိမ်နီးချင်းနှင့် စကား တစ်လနေလို့ တစ်ခါ မပြော ဖြစ်သော်လည်း မိုင်ထောင်ဂဏန်းဝေးသည့် ကနေဒါမှ အသိအကျွမ်းနှင့် ပုံမှန်စကား ပြောဖြစ်သည်။ သူ့ကလေး ဘယ်မှာ ကျောင်းထားသည်၊ သူဘာအလုပ်ရသည်၊ သူမြန်မာစာ ဒီတစ်ပတ် ချက်စားသည် အားလုံးကိုယ်က သိနေသည်။

ကျေးဇူးရှိသူများထံ ဖုန်းတစ်ချက် မဆက်ဖြစ်၊ တစ်ခေါက်တလေ မရောက် ဖြစ်အောင် အလုပ်များ နေခဲ့သော်လည်း မြင်ရလွယ်သည့် Facebook ပေါ်မှ ကိုယ်နှင့် သိရုံသိသူများ အကြောင်း အပ်ကျမပ်ကျ သိနေခဲ့သည်။ Facebook ကျွန်တော်နှင့် အပြင်မှ ကျွန်တော် ကွဲလွဲလာခဲ့သည်။ အရည်မရ အဖတ်မရ ပြောချင်ရာ များကို ခဏခဏ ပြောနေသူများကြောင့် မှတ်ဖွယ်သားဖွယ်များ၊ အဖိုးတန်သတင်း အချက်အလက်များကို “ကောက်ရိုးပုံထဲ အပ်ပျောက်ရှာ” သကဲ့သို့ ခဲခဲယဉ်းယဉ်း စစ်ထုတ်ယူလာရသည်။ မိမိသူငယ်ချင်း စာရင်းထဲမှ ပုဂ္ဂိုလ်များ၏ အရည်အသွေး သည် ထိုအခါတွင် အရေးကြီးလာသည်။ သူငယ်ချင်းစာရင်းထဲတွင် သူငယ်ချင်း ငါးထောင်ရှိနေသော်လည်း အားလုံး အရေမရ အဖတ်မရများသာ ဆိုလျှင် မိမိ Facebook သည် အမှိုက်ပုံသာသာ ဖြစ်တော့မည်။ ထိုအခါတွင် မိမိ၏သူငယ်ချင်း စာရင်းသည် အရေးကြီးလာခဲ့သည်။

မည်သူ့ကို လက်ခံမလဲ
........................

မိမိ၏ Facebook သူငယ်ချင်း စာရင်း၏ အခြေအနေကို ထိန်းချုပ်လိုလျှင် “ဘယ်သူ့ကို သူငယ်ချင်းဖြစ်စေချင်လဲ” ဟူသော မေးခွန်းကိုဖြေရမည်။

ထိုမေးခွန်းကိုဖြေရန် အဓိက အားဖြင့် နှစ်ချက်ရှိသည်။ တစ်နည်းက အရေအတွက်၊ နောက်တစ်နည်းက အရည်အသွေး။ အရေအတွက်ကိုကြည့်လျင် သူငယ်ချင်း များလေလေ ကောင်းလေလေ။ ငါးထောင်က အမြင့်ဆုံး။

အချို့က အရေအတွက် နည်းသည်ကို ကြိုက်သည်၊ ကျစ်ကျစ်လျစ်လျစ်။ ပြင်ပ လောကရှိ တကယ့်သူငယ်ချင်းများ၊ သူလေးစားသူများနှင့်သာ သူငယ်ချင်း စာရင်းကို ဖွဲ့စည်းထားသည်။ လွတ်လွတ်လပ်လပ် မိသားစုပုံများ တင်ထားမည်။ အတွင်းသတင်း၊ လျှို့ဝှက်သတင်းများ ဝေမျှမည်။ ကိုယ်ရေးကိုယ်တာတို့ကို ဆွေးနွေး ရင်ဖွင့်မည်။ အပြင်လူ အဝင်မခံ။ စိတ်အေးလက်အေး နေချင်သည်။

အချို့က ဘယ်သူဘယ်ဝါ စိစစ်ခြင်း မရှိ။ လာသမျှလူ လက်ခံသည်။ မိမိကလည်း တွေ့သမျှသူထံ သွားလျှောက်သည်။ အချို့ကမူ စိစစ်ပြီးမှ လက်ခံသည်။ စာရေးသူ၏ မူဝါဒအရဆိုလျှင် Facebook ဟူသော နာမည်နှင့်အညီ မျက်နှာပုံတင်ထားမှ လက်ခံလေ့ရှိသည်။ ခြွင်းချက်များလည်း ရှိသော်လည်း အများအားဖြင့် မျက်နှာပုံ တင်မထားလျှင် ချန်လှပ်ထားသည်။

မိသားစုဝင်များ၊ အထက်လူကြီးများ ကို လက်ခံ မခံသည်လည်း သူငယ်ချင်း စာရင်းသွင်း မသွင်း မူဝါဒနှင့် ပတ်သက်သည်။ စာရင်းသွင်းမှားလျှင် နောင်မှ နောင်တရနေလိမ့်မည်။
သူငယ်ချင်းတစ်ဦးက သူ့အမေက သူ့ကို လာပြီး မိတ်ဆွေအဖြစ် လက်ခံရန် လာအပ်သော်လည်း သူကလက်မခံ။ မိမိ သူငယ်ချင်းများနှင့်၊ ချစ်သူနှင့် ပြောချင်ရာ ပြောထားသည်ကို မိဘမောင်ဖွားများ မမြင် စေချင်၊ မသိစေချင်သောကြောင့် ဖြစ်သည်။ အမေက Facebook တွင်ရော၊ အပြင် တွင်ပါ အကြိမ်ကြိမ် Request လုပ်၊ ဖိအားပေးသော် လည်း သူက အပြတ်တောင့်ခံထားသည်။ ရုံးချိန် တွင်း မူးရူးနေပုံကို Facebook ပေါ် ဓာတ်ပုံ တက်လိုက်ပြီး မိမိ၏သူငယ်ချင်းစာရင်းတွင် ရုံးမှလူကြီး ရှိနေပြီး တွေ့သွားကာ ပြဿနာပေါ်သွားသူ များလည်း ရှိသည်။

Split Personality
....................

Facebook ပေါ်ရှိ စရိုက်နှင့် ပြင်ပရှိ တကယ့်စရိုက်တို့သည် တူချင်တူနိုင်သည်။ သို့သော် ကွာလည်းကွာခြားနိုင်သည်။ အပြင်စရိုက်နှင့် online စရိုက်တို့သည် ကွဲလွဲနေလျင် split personality ခေါ်သည့် “လူတစ်ကိုယ်၊ စိတ်နှစ်မျိုး” ဖြစ်နိုင်သည်။

အပြင်တွင် လူကြောက်သောသူများ အတွက် Facebook သည် အလွန်မက်မော ဖွယ်ကောင်းသော အရာကြီး ဖြစ်သည်။ လူ လူချင်းတွေ့လျှင် တစ်ဦးနှင့်တစ်ဦး အနည်းနှင့်အများ ရှိန်တတ်သော်လည်း Facebook ပေါ်တွင်မူ ထိုသို့ ရှိန်စရာမရှိ။ ပြောလိုရာ ပြောချလိုက်လို့ ရသည်လည်း ပါမည်။ အချို့ က အပြင်တွင် ခပ်ကုပ်ကုပ်၊ Facebook ပေါ်တွင် ဓားကြိမ်းကြိမ်းနေကြသည်။ အချို့က အပြင်တွင် ခပ်တည်တည်၊ Facebook တွင်မူ လူရွှင်တော်များ။ ထို့ကြောင့် တစ်ခါ တစ်ရံတွင် Facebook ပေါ်မှ စရိုက်ကို ကြည့်ပြီး အပြင်စရိုက်ကို ခန့်မှန်းလျှင် လွဲနိုင်သည်။ သို့သော် Facebook တွင် တွေ့ရှိပြီး အပြင်တွင် ဆုံတွေ့ပြီးနောက် အဆင်ပြေသွားသည့် Facebook ဖူးစာများလည်း များလှသည်။

အမှောင်ခြမ်း
.............

လောကရှိ အခြားသောအရာများ အားလုံးနည်းတူ Facebook တွင်လည်း အလင်းခြမ်း ရှိသလို အမှောင်ခြမ်း များလည်း ရှိသည်။ ဝေမျှရန် Share ရန် အလွယ်ဆုံး ဖြစ်ခြင်းဟူသော အားသာချက် ကိုယ်တိုင်ပင် တလွဲသုံးလျှင် အကြီးဆုံးဆိုးကွက် ဖြစ် သွားသည်။ ကိုယ့်အိမ်ထဲတွင် ကိုယ်ထိုင်ပြီး ဖြစ်သမျှ ပျက်သမျှကို မီးလောင်ရာလေပင့်၊ တို့မီးရှို့မီး လုပ်လိုလျှင် Facebook သည် အချိန်ကုန်ငွေကုန်သက်သာပြီး ထိရောက်သော လက်နက်ဖြစ်သည်။ ဘာမျှ အထွေ အထူး လုပ်ရန်မလို၊ ထိုင်ပြီး တစ်ခုပြီးတစ်ခု share နေရုံ။ ခဏချင်းပင် လူထောင်ပေါင်း၊ သောင်းပေါင်းများစွာသို့ သတင်းမှားများ၊ ဇာချဲ့သတင်းများ၊ လံကြုပ်သတင်းများ ရောက်ရှိသွားကြသည်။ ယုံလွယ်တတ်သောသူများ စုဝေးနေထိုင်ရာ မြန်မာနိုင်ငံတွင် Facebook မှ တို့မီးရှို့မီးလုပ် ခြင်းသည် စရိတ်စက သက်သက်သာသာဖြင့် “ငယ်သောအမှုကို ကြီးစေ၊ ကြီးသောအမှုကို အကျိုးနည်းစေ” နည်းလမ်းဖြစ်ကြောင်း လွန်ခဲ့သော တစ်နှစ် နှစ်နှစ် ခန့်ကစပြီး မြင်တွေ့ခဲ့ရပြီးပြီ။ Facebook တွင် ရေးထား၊ Share ထားသည်ကို တိုက်ရိုက် ကွန်ပျူတာပေါ်တွင် ဖတ်ပြီး ဒေါသအမျက် ဒီရေတက်ကြသလို အပြင်တွင် စာရွက်ထုတ် ဝေမျှသောကြောင့် အင်တာနက်နှင့် အလှမ်းဝေးသူတို့ အုန်းအုန်းကျွက်ကျွက် ဖြစ်ကြသည်လည်း များလှသည်။ Facebook ၏ ဘေးထွက်ဆိုးကျိုးကို ကာနိုင်ရန် သုံးသူတို့ ဆင်ခြင်စဉ်းစားတတ်ဖို့၊ အခံကောင်း ဖို့လိုသည်။ “ Freedom of Expression is no the license to be stupid, လွတ်လပ်စွာ ပြောဆိုရေးသားခွင့်သည် မိုက်တွင်းနက်ရန် လိုင်စင်မဟုတ်” ဟူသော အမေရိကန်နိုင်ငံ မိတ်ဆွေတစ်ဦး ဝါရှင်တန် မြို့တော် သတင်းပြတိုက် Newseum မှဝယ်လာ လက်ဆောင်ပေးသည့် တီရှပ်ပါ စာတန်းသည် မြန်မာ Facebook သုံးသူများနှင့် လိုက်ဖက်လှသည်။

Facebook ပေါ်မှ ငွေရှာနည်း
.................................

အတွေ့ရများသည့် ဆိုးကွက်မှာ Facebook ပေါ်တွင် အချိန်ကုန်သောကြောင့် မိမိလုပ်ငန်းကိုင်ငန်း၊ ကြီးပွားရေး စီးပွားရေး အာရုံမစိုက်နိုင်ဘဲ အထိနာနိုင်သည်။ တစ်ဦးချင်း ကိုယ်ရည်ကိုယ်သွေး ထိခိုက်နိုင်သည်။ ကျောင်းသားဆိုလျှင် စာမေးပွဲတွင် အမှတ်ကျသွားနိုင်သလို လုပ်ငန်းရှင်ဆိုလျှင် စီးပွားရေးကျနိုင်သည်။

Facebook ကိုသုံးပြီး ငွေရှာနေသူများ ရှိသလို Facebook မှ အကောင်းဆုံး ငွေရှာ နည်းမှာ အဆင့်သုံးဆင့်သာ ဖြစ်သည်ဟူ သော သရုပ်ပြပုံလေးလည်း ရှိသည်။
အဆင့် ၁၊ Facebook မှ setting သို့သွားပါ။
အဆင့် ၂၊ deactivate (ပိတ်ပါ) ဟူသော ခလုတ်ကို နှိပ်ပါ။
အဆင့် ၃၊ အလုပ်သို့ သွားပါ။
ဆိုလိုသည်ကတော့ Facebook ကို ပိတ်ပြီး အလုပ်လုပ်ပါ ဟူသတတ်။

မိတ်ဆွေသူငယ်ချင်းများထဲတွင် မိမိကိုယ်ကို Facebook စွဲနေသည်ဟု ထင်သူများ အများအပြား ရှိနေပြီး ထိုသူတို့သည် အင်တာနက်စဖွင့်သည်နှင့် Facebook စဖွင့်သူများလည်း ဖြစ်နေသည်။ ထိုင်မိလိုက်သည်နှင့် အချိန် သုံးလေးနာရီ ကြာသွားတတ်သည်။ Facebook ကြောင့် ပညာရေး၊ ကျန်းမာရေး၊ အလုပ် ထိခိုက်နေသူများ အတွက် အကြံပေးစကားက နာရီ သို့မဟုတ် ဖုန်းကို အချက်ပေးခေါင်းလောင်း နာရီဝက်လုပ်ထားပါ။ မိမိဖတ်စရာ ရှိသည်ဖတ်၊ တင်စရာရှိသည် အမြန်တင် နာရီဝက်ပြည့်သည်နှင့် ထွက်လိုက်ပေတော့။ မိမိနှစ်သက်ရာ ဘာသာစကားကို တစ်နေ့ ၁၅ မိနစ် လေ့လာလျှင် သုံးနှစ်နေလျှင် တိုင်းခြားဘာသာစကားတစ်မျိုး တတ်မြောက်နိုင်သည်ဟူသော ပီမိုးနင်း၏ အချိန် တန်ဖိုးတွက်ပြပုံကို သိလျှင် Facebook ၏ ရိုက်ခတ်ချက်ကို သဘောပေါက်နိုင်သည်။

မြန်မာတို့က ဖွဘုတ်၊ ဖြဲဘုတ်ဟု နောက်ပြောင်ခေါ်ဝေါ်ကြသည့် Facebook သည် မြန်မာနိုင်ငံသား အဖြစ်ရော Facebook နိုင်ငံသားအဖြစ်ပါ ခံယူထားသူ မြန်မာတို့မှ တစ်ဆင့် မြန်မာ့လူနေမှုဘဝ၊ နိုင်ငံရေးဘဝ၊ စီးပွားရေးဘဝတို့ကို ရိုက်ခတ် သြဇာသက်ရောက်နေသည်။

The Voice Weekly

ယနေ့လူထုခေါင်းဆောင် ဒေါ်အောင်ဆန်းစုကြည် ပြောသလို ပြည်သူလူထုကသာလိုလားမယ်ဆိုရင် အာဏာလိုချင်ပါတယ် လို့ပြောနေပေမဲ့ ပြည်သူလူထုကော တတိုင်းပြည်လုံးကပါ လိုလားပြီးသားပါ... ပြီးခဲ့တဲ့ရွေးကောက်ပွဲတွေက သက်သေခံနေပါတယ်။

ဒါပေမဲ့ ဒေါ်အောင်ဆန်းစုကြည် ကို အာဏာရစေချင်တယ်ဆိုရင် ၂၀၀၈ အခြေခံဥပဒေကို အရင်ဆုံး ပြင်ရမှာဖြစ်ပါတယ်။အခန်း (၃)ပုဒ်မ (၅၉) နိုင်ငံတော်သမ္မတ ဒုတိယသမ္မတ၏ အရည်အချင်း ပုဒ်မခွဲ(စ) မိမိကိုယ်တိုင်သော်၎င်း မိမိ၏မိဘတစ်ပါးပါးသော်၎င်း မိမိ၏ဇနီး သို့မဟုတ် ခင်ပွန်းသော်၎င်း ၊မိမိ၏တရားဝင်သားသမီး တစ်ဦးဦး သော်၎င်း ၊ထိုတရားဝင်သားသမီးတစ်ဦးဦး၏ ဇနီး သို့မဟုတ် ခင်ပွန်းသော်၎င်း၊ နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက်ရိုသေသူ သို့မဟုတ် နိုင်ငံခြားအစိုးရ၏ လက်အောက်ခံဖြစ်သူ သို့မဟုတ် တိုင်းတပါး၏ နိုင်ငံသားဖြစ်သူများ မဖြစ်စေရ။ထိုသူများသည် နိုင်ငံခြား အစိုးရ၏လက်အောက်ခံဖြစ်သူ သော်၎င်း၊ တိုင်းတပါး၏နိုင်ငံသားသော်၎င်း၊ခံစားရသောအခွင့်အရေးများနှင့် ကျေးဇူးခံ စား ခွင့်များကို ခံစားနှိုင်ခွင့်ရှိသူများ မဖြစ်စေရ။ ဆိုထားပါတယ် ...

ယနေ့ လူထုခေါင်းဆောင် ဖြစ်တဲ့ ဒီမိုကရေစီ ဘက်တော်သား ဒေါ်အောင်ဆန်းစုကြည် ဟာ နိုင်ငံတော်သမ္မတ နေရာကို မရနှိုင်အောင် ထည့်သွင်းထားတဲ့ ဥပဒေဘဲဖြစ်ပါတယ်။ဒီအခြေခံဥပဒေပါ အချက်အလက်တွေကို ပြင်ဆင်နှိုင်ခြင်းမရှိ ရင် ဒီမိုကရက်တစ်များဘက်မှ ဘယ်လိုမှ အနိုင်ရနှိုင်မှာ မဟုတ်ပါဘူး။

ပြည်သူလူထုရဲ့ မဲကတော့ ရာနှုန်းပြည့်ရနှိုင်မှာ ဖြစ်ပေမဲ့ စစ်ဗိုလ် တမတ်သားနဲ့ ရုပ်သေး ကြိုးဆွဲ အမတ်တွေ အနည်းဆုံး တမတ်သား ပါနေမယ့် ပါလီမန် ထဲမှာ ဖြစ်နိုင်ချေ မရှိပါဘူး။

နိုင်ငံရေး ပါတီများ မှတ်ပုံ တင်ခြင်း ဥပဒေ အပိုဒ်(၆) ၊ အပိုဒ်ခွဲ (ဂ) မှာ “ မှတ်ပုံ တင်ရမဲ့ နိုင်ငံရေး ပါတီ များဟာ ပြည်ထောင်စု သမ္မတ မြန်မာ နိုင်ငံတော် ဖွဲ့စည်းပုံ အခြေခံ ဥပဒေကို ထိန်းသိမ်း စောင့်ရှောက်ရေး ဆိုသော ၀န်ခံချက်ကို ပေးရမယ်” လို့ ထည့်သွင်း ဖော်ပြ ထားပြီး ဖြစ်ပါတယ်။ ဖွဲ့စည်းပုံ အခြေခံ ဥပဒေမှာ ပုဒ်မ၄၀၅ (ခ) ဤဖွဲ့စည်းပုံအခြေခံဥပဒေနှင့် တည်ဆဲဥပဒေများကို လေးစားလိုက်နာရမည် လို့လဲပါရှိပါတယ်။

ဒါကြောင့် နိုင်ငံရေး ပါတီ အနေနဲ့ မှတ်ပုံ တင်ပြီးတဲ့ အခါ ဖွဲ့စည်းပုံ အခြေခံ ဥပဒေကို ပြင်ဆင်ရေး စတာတွေ လုပ်လို့ မရ တော့ပါဘူး။ ရွေးကောက် ခံရတဲ့ အမတ်တွေ အနေနဲ့ ကလဲ နောင်တချိန် ပြင်ဆင်ရေး လုပ်ဖို့ ကြိုးပမ်းမယ် ဆိုရင် ၇၅ % မဲ ရရှိမှ ပြုလုပ် နိုင်ပါမယ်။ ဒီလောက်မဲ အရေ အတွက် ရဖို့ဆိုတာကလဲ စစ်ဗိုလ် တမတ်သားနဲ့ ရုပ်သေး ကြိုးဆွဲ အမတ်တွေ အနည်းဆုံး တမတ်သား ပါနေမယ့် ပါလီမန် ထဲမှာ ဖြစ်နိုင်ချေ မရှိပါဘူး။

၂၀၀၈ အခြေခံဥပဒေ ပြင်ဆင်ဘို့ဆိုရာမှာလဲ ခက်ခဲနေပါသေးတယ်။အခြေခံဥပဒေ ပုဒ်မ ၄၃၆ (က)မှာ ဤဖွဲ့စည်းပုံအခြေခံဥပဒေ၏ အခန်း(၁) ပုဒ်မ ၁ မှ ၄၈ အထိ ၊အခန်း (၂) ပုဒ်မ ၄၉ မှ ၅၆ အထိ ၊အခန်း (၃) ပုဒ်မ ၅၉၊၆၀ ၊အခန်း(၄) ပုဒ်မ ၇၄၊၁၀၉၊၁၄၁၊၁၆၁၊ အခန်း (၅) ပုဒ်မ ၂၀၀၊၂၀၁၊၂၄၈၊ ၂၇၆၊အခန်း(၆) ပုဒ်မ ၂၉၃၊၂၉၄၊၃၀၅၊၃၁၄၊၃၂၀၊အခန်း(၁၁) ပုဒ်မ ၄၁၀ မှ ၄၃၂အထိ ၊အခန်း(၁၂) ပုဒ်မ ၄၃၆၊ တို့ရှိပြဌာန်းချက်များကို ပြင်ဆင်လိုလျှင် ပြည်ထောင်စု လွှတ်တော် ကိုယ်စားလှယ် အားလုံး၏ ၇၅% ကျော်က ပြင်ဆင်ရန် သဘောတူ လက်ခံပြီးနောက် ပြည်လုံးကျွတ်ဆန္ဒခံယူပွဲကျင်းပ၍ဆန္ဒမဲပေးပိုင်ခွင့်ရှိသူအားလုံး၏ဆန္ဒမဲဖြင့်သာပြင်ဆင်ရမည်(ခ)ပုဒ်မခွဲ(ကတွင်ဖေါ်ပြထားသည့်ပြဌာန်းချက်များမှအပအခြားပြဌာန်းချက်များကိုပြည်ထောင်စုလွှတ်တော်ကိုယ်စားလှယ်အားလုံး၏၇၅ရာခိုင်နူန်းကျော်ထောက်ခံဆန္ဒမဲဖြင့်သာပြင်ဆင်ရမည် လို့ပြဌာန်ထားပါတယ်။

ပုဒ်မ ၄၃၆ (က)မှာပါရှိတဲ့ အချက်အလက်တွေကလဲ နိုင်ငံရေးနှင့် အုပ်ချုပ်ရေးပိုင်း တွေမှာ စစ်တပ်ကပါဝင်ပါတ်သက်နေတဲ့ အခန်းကဏ္ဍ တွေဘဲဖြစ်ပါတယ်။ အခန်း (၁) ပုဒ်မ (၁၆) နိုင်ငံတော်အကြီးအကဲနှင့် နိုင်ငံတော်အုပ်ချုပ်ရေး အကြီးအကဲသည် နိုင်ငံတော်သမ္မတ ဖြစ်သည်။လို့ဖော်ပြထားပါတယ် ။သို့သော် လက်ရှိ နိုင်ငံတော် သမ္မတ ၏နောက်ကွယ်မှာ မလွန်ဆန်နှိုင်တဲ့ သြဇာလွှမ်းမိုးမှုတွေရှိနေသေးတာဟာ နိုင်ငံတော်ပြုပြင်ပြောင်းလဲမှု တွေရဲ့အဟန့်အတားဘဲဖြစ်ပါတယ်။

အာဏာရှင်တွေရဲ့ အရိပ်အငွေ့တွေက ဖုံးလွှမ်းနေဆဲပါဘဲ။ ဦးသိန်းစိန်က ဘယ်လိုဘဲ ပြောင်လဲခြင်ပါတယ်လို. ဆိုနေ ပေမဲ့၊ သူ့အောက်က၊ အာဏာရှုး ဝန်ကြီးတွေ၊ ဘဝင်မြင့်အမတ်တွေ၊ အနိုင်ကျင့်တဲ့ရဲတွေ၊ သခင်အားရ ကျွန်ပါးဝ လက်ကိုင်တုတ် ကြံ့ဖွံ့တွေနဲ့၊ တစ်ချိန်လုံး ဦးစားပေး (၁) ဖြစ်ခဲ့တဲ့ စစ်တပ် အဆင်ပြေဖို့ဆိုတာက ပြဒါးတစ်လမ်း၊ သံတစ်လမ်း၊ ပါဘဲ။ ဒါတွေကို ဘယ်လို ဟန့်တားတား၊ ဖြေရှင်းရှင်း၊ ပြေလည်နိုင်စရာ အကြောင်းမရှိပါဘူး။

ဇော်ဝမ်းမောင်



မွန် ​ဂိုး ​လီး ​ယား ​နိုင်ငံ Ulan ​Bator ​မြို့မှာ ​ကျင်းပတဲ့ ​ဒီမိုကရေစီအစည်းအဝေးအတွင်း ​ဒေါ်အောင်ဆန်းစုကြည်က ​မြန်မာနိုင်ငံမှာ ​ဒီမိုကရေစီစနစ်ဆီကိုဦးတည်တဲ့ ​ပြုပြင်ပြောင်းလဲမှုတွေ ​ဖြစ်လာအောင်လုပ်ဆောင်တဲ့အကြောင်းတွေကို ​ပြောကြားမယ်လို့ ​မျော်လင့်နေကြပါတယ်။

၃ ​ရက်ကြာမယ့် ​အစည်းအဝေးအတွင်း ​နိုင်ငံပေါင်း ​၁၀၀ ​က ​ကိုယ်စားလှယ်တွေ ​တက်ရောက်ဖို့ရှိတယ်လို့ ​မွန်ဂိုးလီးယား ​အစိုးရက ​ပြောပါတယ်။

မွန်ဂိုးလီးယားနိုင်ငံကို ​ပထမဦးဆုံးအကြိမ် ​ရောက်ရှိနေတဲ့ ​ဒေါ်အောင်ဆန်းစုကြည်က ​မွန်ဂိုးလီးယားနိုင်ငံမှာ ​၆ ​ရက်ကြာ ​လည်ပတ်မှာဖြစ်ပြီး ​ခရီးစဉ်အတွင်း ​မွန်ဂိုးလီးယားနိုင်ငံ ​သမ္မတ ​Tsakhia ​Elbegdori ​နဲ့ ​တွေ့ဆုံဆွေးနွေးမှု ​လုပ်မယ်လို့လည်း ​သိရပါတယ်။
Photo by.Yingluck Shinawatra



လက်ရှိ တရုတ်ပြည်မှာ အစိုးရရဲ့သစ်တောတွေကို မဆင်မခြင်ခုတ်မှုကြောင့် သဲကန္တရကြီး ပေါ်ထွန်းလာပြီး ပြည်သူတွေဒုက္ခရောက်နေရတဲ့ပုံ

မြန်မာပြည် သဲကန္တာရဖြစ်ခြင်းမှ ကာကွယ်ဖို့ မြန်မာတွေအားလုံး ညီညွတ်စို့................
=============================================

ဆိုတဲ့ ကြွေးကြော်သံတွေ ဟီးဟီးထပြီး၊ အခုအခြေအနေအတိုင်း သစ်တွေ ထင်သလို ခုတ်၊ စစ်ကို ဘန်းပြ၊ နယ်မြေ မလုံခြုံတာ ဘန်းပြ၊ သူခိုးဈေးနဲ့ေ၇ာင်းသူ ရောင်း၊ သူခိုးကြီးအာဏာပိုင်တွေကိုယ်တိုင် ရောင်းလိုရောင်း၊ အိမ်နီးချင်း သူခိုးတွေက လည်သလို လစ်သလို ခိုးခုတ်သူက ခုတ်၊ တဖြည်းဖြည်းနဲ့ မြန်မာ့ သစ်တော သစ်ပင်၊ ရိုးမတောင်တန်းကြီးတွေ အားလုံးနီးပါးက တောင်ကတုံး ။ တောပြုန်းဖြစ်ခဲ့ရပြီ။ အခုထက်ထိလည်း သစ်ပင်တွေ စည်းမဲ့ကမ်းမဲ့ ခုတ်တာ မရပ်သေးပါ။

ကုန်သည်ကြီးတွေ ကုမ္ပဏီကြီးတွေက ခေတ်မှီစက်ယန္တယားကြီးတွေနဲ့ အကြီးအကျယ် ခုတ်တယ်။ ဒေသခံ နေထိုင်သူတွေကလည်း ၊ ငါတို့ တောင်တွေ တောတွေ ငါတို့ သားစဉ်မြေးဆက် အသုံးပြု လာတာ မကုန်ဘူး အခု ဒီကုန်သည်တွေ အစိုးရ ၀န်ထမ်းတွေ ခုတ်လှဲရောင်းချပစ်မှ ကုန်တော့မှာ။ မထူးဘူး ငါတို့လည်း ခုတ်မယ်ဆိုပြီး လစ်သလို ရသလို လည်သလို ခုတ်၊ မှောင်ခို နည်းလမ်းတွေနဲ့ ပြည်ပ ကို ခိုးထုတ်လာကြတယ်။ သာမန် ကျေးရွာသူ ရွာသား တောင်တောနေ လူတန်းစားကလည်း ညနေဘက် အိမ်က နွားကြီး ခြင် မှတ် မကိုက်စေဖို့ ( လေးငါးနှစ်ကြာမှ တပင်ဖြစ်တဲ့ သစ်ပင်တွေကို ခုတ်ပြီး တညတည်းနဲ့ မီးရှို့ ) နွားနံဘေးနား ခြင်မောင်းမှတ်မောင်းဖို့ မီးဖို ဖိုပစ် သစ်ပင်တွေကို ဖြုန်းတီးပစ်နေတယ်။ အိမ်မှာ ထမင်းဟင်း ချက်တာကိုလည်း အစားထိုး လောင်စာ မရှာဘူး သစ်ပင်တွေ ခုတ် ထင်းလုပ်ပစ်လိုက်ကြတယ်။

ဒီလိုနဲ့ အစိုးရ၊ ကုန်သည်၊ ဒေသခံတွေ အပြိုင်အဆိုင် လောဘတွေ တက်ပြီး ကမ္ဘာမြေရဲ့ အသက် သခင်ကျေးဇူးရှင်ဖြစ်တဲ့ သစ်ပင်တွေကို ခုတ်ထွင်သတ်ဖြတ်လိုက်ကြတာ ................ ဟော ကမ္ဘာကြီး အသက်ငင်လာပါပြီ။ ပူနွေး ပူလောင်လာပြီ၊ ကမ္ဘာကြီး နေမကောင်းဖြစ်လာပါပြီ။

မြေ ကမ္ဘာကြီး နေမကောင်း မကျန်းမမာ ဖြစ်လာတော့ ဒီမြေကမ္ဘာကြီးပေါ် မှီတင်း နေထိုင်တဲ့ လူသားတွေ ဒုက္ခရောက်ကြပါပြီ။ မိုးခေါင် ရေရှား၊ အပူလှိုင်းဒါဏ် ရာသီဥတု ဖေါက်ပြန်ဒါဏ်တွေနဲ့ စိုက်ပျိုးရေး တွေပျက်စီး၊ စားနပ်ရိက္ခာတွေ ရှားပါး၊ လူဦးရေတွေ ပွားများ၊ တတိယကမ္ဘာစစ်များ ဖြစ်လာလေ မလား လို့ လူတွေ စိတ်ပူလာကြရပါပြီ။

ဒီလို ကမ္ဘာချီဖြစ်ပေါ်နေတဲ့ ကမ္ဘာကြီးကို ပျက်စီးနေစေတဲ့ ကမ္ဘာ့ အသက်သခင် သစ်ပင်တွေ ခုတ်လှဲ၊ တောတောင်တွေ တူးဖြို၊ မြေပေါ်မြေအောက် သယံဇာတတွေ အငမ်းမရ ထူးဖေါ်ထုတ်လုပ်ပြီး ကမ္ဘာကြီးကို အသေ သတ်ဖို့ လုပ်နေသူတွေဟာ ဒီ ကမ္ဘာကြီးကို မှီတင်းနေထိုင် အသက်ရှင်နေရတဲ့ သက်ရှိတိရိစ္ဆာန် အမျိုးအစား သန်းပေါင်းများစွာထဲက အသိဥာဏ် ဆင်ခြင်တုံတရား အရှိဆုံးလို့ ဆိုကြတဲ့ ကမ္ဘာ့ လူသားတွေပါပဲ။ အသိဥာဏ် ဆင်ခြင်တုံ တရား အရှိဆုံး လူသားဆိုတဲ့ တင်စားချက်ကိုတောင် ပြန်လည် ဖျက်သိမ်းရမလိုဖြစ်ပါတယ်။ ကိုယ်တွေ အသက်ရှင်နေရတဲ့ ဒီမြေ ဒီလေကို ကိုယ်တွေ ကြောင့်ပဲ ပျက်စီးတိမ်းပါးအောင် လုပ်နေသလိုဖြစ်ပါတယ်။ ကိုယ့်လည်ပင်း ကိုယ် ကြိုးကွင်းစွပ်သလိုဖြစ်နေပါပြီ။

ကမ္ဘာကြီးထဲက နဂို ဆင်းရဲ မွဲတေ နိမ့်ကျနေရတဲ့ ကျနော်တို့ မြန်မာပြည်မှာတော့ အခုဆို မြေအောက်ရေတွေခမ်းခြောက် သောက်ရေ ပြတ်လတ်တဲ့ ဒေသတွေ ၊ သောက်ရေ တစည်ရဖို့ နာရီပေါင်းများစွာ လှည်းတွေ စက်ဘီးတွေ၊ ယာဉ်တွေနဲ့ ရေရှာပုံတော် ထွက်ရတဲ့ ဒေသတွေလည်း တွေ့လာရပါပြီ။

ကမ္ဘာကြီး မကျမ်းမာဖြစ်နေပါပြီ။ အလျှင် အမြန်ကုစား ကုသ မှ ရပါတော့မယ်။

ကမ္ဘာကြီး ထဲမှာ အစုအဖွဲ့လိုက် မှီတင်းနေထိုင်ကြတဲ့ နိုင်ငံ ဆိုတဲ့ လူစုစုတွေ ကိုယ့်လူစုစု အလိုက် စုစည်းညီညွတ်စွာနဲ့ ဒီကမ္ဘာကြီး ကို နေကောင်းကျမ်းမာပြန်ဖြစ်လာဖို့ ကမ္ဘာကြီး ရဲ့ အသက်သွေးကြောဖြစ်တဲ့ သစ်ပင် သစ်တောတွေကို အမြန်ဆုံး ပြန်လည် အသက်ရှင်ခွင့်ပေးပါ။ ဖျက်ဆီး ဖြုတ်တီးခုတ်ထွင် သတ်ဖြတ်နေတာတွေကို ရပ်ကြပါ။

မြန်မာပြည် သဲကန္တာရဖြစ်ခြင်းမှ ကာကွယ်ဖို့ မြန်မာတွေ အားလုံး ညီညွတ်ကြပါစို့။

နောက်သားစဉ်မြေးဆက် မြန်မာတွေ အေးချမ်းသာသာလုံခြုံစွာ ဒီမြန်မာ့မြေမှာ အသက်ရှင်နိုင်ဖို့ ကမ္ဘာကြီးကို ဆေးကုကြပါစို့ မြန်မာ့မြေကို သစ်ပင်သစ်တောတွေနဲ့ ပြန်လည် စိမ်းစိုလန်းဆန်းအောင် အမြန်ဆုံး တည်ဆောက်ကြပါစို့ ၊ ကမ္ဘာကြီးကို သတ်နေတဲ့ ကမ္ဘာသတ် သမား သစ်ခုတ်သူများကို ကမ္ဘာ့ လူသားများ အားလုံးကို သတ်ဖြတ်ဖို့ ကြိုးစားနေတဲ့ ကမ္ဘာသတ်သမား လူသတ်သမား များ အဖြစ် ၀ိုင်းဝန်း ကာကွယ် အရေးယူနိုင်ရေး ကြိုးပမ်းကြပါစို့

ကမ္ဘာမြေကို ကာကွယ်နိုင်မှ ကမ္ဘာ့ လူသား အားလုံးရဲ့ အနာဂတ်ကို ကာကွယ်နိုင်မှာဖြစ်ပါတယ်။

ကမ္ဘာ့နိုင်ငံတွေထဲက နိုင်ငံတခုဖြစ်တဲ့ ကျနော်တို့ မြန်မာတွေအတွက်တော့ ...............
မြန်မာပြည် သဲကန္တာရဖြစ်ခြင်းမှ ကာကွယ်ဖို့ မြန်မာတွေအားလုံး ညီညွတ်စို့. ဟု တညီတညာ ကြွေးကြော် နိုးကြား ပြီး ကမ္ဘာသတ် သမားများ ရန်မှ ကာကွယ်ကြရမှာဖြစ်ပါတယ်။

နိုင်ငံသား တဦးချင်း ကိုယ်တိုင်းလည်း ကမ္ဘာသတ်သမား မဖြစ်စေဖို့ အသိဥာဏ် ဆင်ခြင်တုံတရား အသက်မွေးမှုအခြားသော နည်းလမ်းများကို ၀ိုင်းဝန်းတည်ဆောက်ပြီး ကမ္ဘာမြေကို အသက်ရှင် ကျမ်းမာအောင် ကြိုးစားကြပါစို့

မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ယက်



အချိန်ကား နွေဥတု၏ ညနေခင်းတစ်ခု။မန္တလေးမြို့ မဟာမုနိဘုရားရင်ပြင်တစ်နေရာရှိ အရိပ်ရသောနေရာတွင် ကလေးတစ်သိုက်ဆော့နေသည်။
အသက်အားဖြင့်မူ ငါးနှစ်ဝန်းကျင်မှသည် ဆယ့်ငါးနှစ်အတွင်း။
သူတို့ ဝတ်ဆင်ထားပုံမှာ နွမ်းနွမ်းယဲ့ယဲ့။
ဆံပင်တို့ ကမူ နီကြောင်ခြောက်ကပ်လျက်။
မျက်နှာလေးများမှာ ပေတူးညစ်ပတ်လျက်ရှိပြီး ချို့ တဲ့နွမ်းပါးပုံက အထင်းသား။
သူတို့ ၏တစ်နေ့ တာလုပ်ငန်းကား ဘုရားဖူးဧည့်သည်များကို အသနားခံပြီး ငွေကြေးတောင်းယူရန်၊
စွန့်ကြဲပေးကမ်းသမျှ စားစရာများရယူရန် နှင့် ပလတ်စတစ်ဘူးခွံ ပုလင်းခွံများကောက်ရန်။
ဘုရားရင်ပြင်၏ ထောင့်တစ်နေရာချောင်ထဲတွင် ဘာသာဘာဝဆော့နေကြသည်။
ပြေးလွှားမြူးတူးနေသော ကလေးတစ်သိုက်ကြားတွင် သေချာကြည့်ပါက အိပ်နေသော သို့မဟုတ် မှိန်းနေသော ကလေးတချို့ ကို တွေ့ ရမည်ဖြစ်သည်။
သူတို့ လက်ထဲတွင်ကား တီဗွီကော်ဟုခေါ်သော TV တံဆိပ်ပါဘူးတစ်ဘူး။
ထိုဘူးကို ရှူလျက် ရှူလျက် မှိန်းနေကြခြင်းဖြစ်သည်။
ဓာတ်ဆီအနံ့ ကဲ့သို့ မွှန်ထူသောအနံ့ ရှိသည့် ထိုကော်ဘူးကို မူးယစ်ဆေးတစ်ခုသဖွယ် အသုံးပြုနေသော ကလေးရာဂဏန်းခန့် ဤမဟာမုနိရင်ပြင်တစ်ဝိုက်တွင်ကျက်စားလျက်ရှိပေသည်။

ထိုသို့ ကော်ဘူးရှူရင်းမှိန်းနေသော ကလေးများထံသို့ အသာချဉ်းကပ်လျက်" မောင်လေး ဘာတွေလုပ်နေသလဲ"ဟု မေးလိုက်သောအခါ အလန့် တကြားနှင့်မျက်လုံးဖွင့်ကြည့်ပြီးနောက် ထပြေးမည်ပြုသော်လည်း မူးနေသောကြောင့်မပြေးသာတော့။
"ဘာမှမလုပ်ပါဘူး သိချင်လို့ မေးရုံတင်ပါ။ ဘယ်သူ့ ကိုမှမတိုင်ပါဘူး "ဟုဆိုကာ ချိုချိုသာသာပြောလေမှ မျက်နှာချင်းဆိုင်စကားပြောခွင့်ရလေသည်။
"အစ်မ ကျွန်တော့်ကို ဘုရားပုလိပ်(ဘုရားလုံခြုံရေးဝန်ထမ်း)နဲ့ တိုင်မလို့ လား"ဟု မယုံသင်္ကာမေးခြင်းခံရသော်လည်း အသင့်ပါလာသော မုန့် များ ချိုချဉ်များ ကျွေးပြီးနောက် ရဲတိုင်ရန်လာခြင်းမဟုတ်ကြောင်း ၊ မေးရန်လာခြင်းသာဖြစ်ကြောင်း စသဖြင့်ပြောမှ ကလေးများကယုံပြီး အနားသို့ ကပ်လာကြလေသည်။

ထိုကော်ဘူးရှူနေသော ကလေးများထဲတွင် မောင်လွင်(အမည်လွဲထားသည်)လည်းတစ်ဦးအပါအဝင်ဖြစ်သည်။
အသက်၁၄နှစ်ဟုဆိုသော်လည်း ရှစ်နှစ်သားလောက်သော ကိုယ်ခန္ဓာနှင့် အာဟာရချို့ တဲ့ပုံပေါ်ပြီး သူ၏ ညီလေးဆိုသော လေးနှစ်သားကလေးလေးကို သူ့ ဘေးတွင်ဖက်ထားလျက် မေးသမျှကို ဖြေလေသည်။
"ကျွန်တော် ဒီရောက်တာ သုံးနှစ်လောက်ရှိပြီ အစ်မ။ အသက်က ၁၄။ ကျောင်းကို လေးတန်းထိနေဖူးတယ်။အဖေကတော့ဆုံးသွားပြီ ။ အမေကတော့ လွန်ခဲ့တဲ့ဆယ်ရက်လောက်ကတင် ကလေးတစ်ယောက်မွေးထားတယ်။ ပထွေးက တမ္ပဝတီမှာ ပန်းရန်လုပ်တယ်။ ပထွေးက ကျွန်တော်တို့ ညီအစ်ကိုနှစ်ယောက်ကို မကျွေးလို့ ထွက်ပြီးတောင်းရတာ။ အမေကလေးမွေးတုန်းက ချေးထားတဲ့အကြွေး သုံးသောင်းပေးစရာရှိနေတယ်။ အဲ့ဒါမရှာနိုင်သေးတော့ စိတ်ညစ်လို့ ကော်ရှူပြီး မေ့အောင်လုပ်နေတာ။ တစ်ရက်ကို တစ်ထောင်ကနေ တစ်ထောင့်ငါးရာ ဝန်းကျင်တော့ရတာပဲ။ ကော်ဘူးက တစ်ဘူးကို လေးရာ။ ဘုရားအပြင်ဘက်က ကုန်မာဆိုင်တွေမှာ ဝယ်လို့ ရတယ်။
တစ်ဘူးဆိုရင်တစ်ပတ်လောက်တော့ရှူလို့ ရတယ်။
ကျွန်တော်ရှူချင်လို့ တော့မဟုတ်ဘူး အစ်မ။ ဒါပေမယ့် အဲ့ဒါတစ်ဘူးဝယ်ထားလိုက်ရင် တစ်နေကုန် ဘာမှမစားဘဲလည်းနေလို့ ရတယ်။ စိတ်ညစ်တာတွေလည်းပျောက်တယ်။ ရန်ဖြစ်လို့ တစ်ယောက်ယောက်ကထိုးရင်လည်း နာမှန်းမသိတော့ဘူး။ အဲ့ဒါသုံးနေတဲ့အချိန်ဆို နေလို့ ကောင်းတယ်။အဲ့ဒါကြောင့်မို့ သုံးဖြစ်သွားတာ"ဟု ဖြေလေသည်။

စင်စစ်ထိုကော်ဘူးကား သစ်သားများ၊ရော်ဘာများ ၊ပလတ်စတစ်ပစ္စည်းများကို တွဲကပ်ရာတွင် အသုံးပြုနိုင်ရန်ထုတ်လုပ်ထားသည့် ကော်ဘူးသာဖြစ်သည်။ တစ်ဘူးလျှင် 70 ဂရမ်ပါရှိသော ထိုကော်ဘူးမှာ နို့ ဆီဘူးတစ်ဝက်စာ အရွယ်အစားရှိပြီး အနီရောင်နောက်ခံပေါ်တွင် TV ဟူသော အင်္ဂလိပ်စာလုံးကို အဖြူရောင်ဖြင့်ထင်ထင်ရှားရှားရေးထားသည်။
ဘူးအတွင်းရှိ အဝါညစ်ညစ်ရောင်ကော်များသည် ဓာတ်ဆီအနံ့ နှင့်ဆင်တူသော မွှန်ထူစူးရှသည့် အနံ့ ရှိပြီး အငွေ့ ပျံလွယ်သည်လည်းဖြစ်သည်။ကလေးများသည် ထိုကော်ဘူးကို ရှူရာတွင် ဘူးအဖုံးကို ဖွင့်လျက် နှာဝတွင်တေ့၍ရှူကြပြီး ရှူပြီးလျှင် ဘူးအဖုံးကို ပြန်ပိတ်ထားရသည်။ သို့ မှသာ အငွေ့ ပျံ၍ အမြန်မကုန်လွယ်မည်တဲ့။ပုံမှန်အားဖြင့် တစ်ဘူးလျှင် တစ်ပတ်ခန့် ရှူနိုင်ပြီး တချို့ သောကလေးများကမူ တစ်ရက်ထဲနှင့် တစ်ဘူးကုန်အောင်ရှူနိုင်ကြသည်။ထိုသို့  လွန်လွန်ကျွံကျွံကော်ရှူပြီးနောက် ကြောင်သွားခြင်းများ၊ ကယောင်ချောက်ခြားဖြစ်ခြင်းများရှိပြီး ဒုစရိုက်မှုတချို့ ကျူးလွန်ရန်ဝန်မလေးတော့သည်များလည်းရှိသတဲ့။"အဲ့လို ကောင်တွေက ညဘက်ဆို ကွမ်းယာဆိုင်တွေကို ပျဉ်ချပ်ခွာဖောက်ထွင်းပြီး အထဲက ရသမျှပစ္စည်းတွေကို ရောင်းစားကြတာ ရှိတယ် အစ်မ။ အဲ့ကောင်တွေက ရန်ဖြစ်ရမှာလည်း ဝန်မလေးဘူး။ ကော်ရှူထားရင် တစ်ကိုယ်လုံးထုံပြီး နာတာတွေလည်းမသိတော့ဘူးဆိုတော့ သူတို့ ကလာထိုးရင် ကိုယ်ကပဲရှောင်ရတယ်။အသက်က ၁၇၊၁၈လောက်ရှိတယ်။ တစ်ခါတစ်လေ ကျွန်တော်တို့ ဆီကနေ ကော်ဘူး လာလုတာလည်းရှိတယ်။ "ဟု မောင်လွင်ကပြောသည်။

ထိုကလေးတစ်သိုက်၏ အနီးတွင် ကလေးများကို ထိန်းကျောင်းလျက်ရှိသော အသက်နှစ်ဆယ်အရွယ်ရှိ မမာ(အမည်လွဲ)ကမူ "ကလေးတွေကို ကျွန်မကတော့ ကိုယ့်သားသမီးလို၊မောင်နှမလိုမှတ်ပြီးဆုံးမတာပဲ။ သူတို့ ကော်ရှူတာမြင်ရင် သိမ်းပြီး လွှင့်ပစ်လွန်းလို့ ကို ကျွန်မဆို သူတို့ ကအမြင်မကြည်ဘူး။ ကျွန်မက ဒီမှာ ပလတ်စတစ်ဘူးကောက်ပြီးဒိုင်ပြန်သွင်းတယ်။ ဒီကလေးတွေက တချို့ လည်း မိဘမရှိတော့ဘူး။ တချို့ လည်း မိဘရှိပေမယ့် မိဘကိုယ်တိုင်က ကျွန်မကို ဆုံးမပေးဖို့ ဆိုပြီးလာအပ်ထားတာ ။ ကျွန်မကတော့ ကျွန်မယောက်ျားနဲ့ ကလေးတစ်ယောက်နဲ့ နေတာ။ သူတို့ ကို အမြဲကြည့်ဖို့ လည်းမအားဘူး။ ရှူတာတွေ့ ရင်ကျွန်မကတော့ တားတာပဲ။ ကျွန်မယောက်ျားတောင် ရှူတာ တွေ့ လို့  မနည်းပြန်ဖြတ်ခိုင်းရတယ်။ အခု သားလေးက နှစ်နှစ်ထဲမှာ။ယောက်ျားက ကော်ရှူရင်း ကလေးကို ချီထားတော့ သားလေးက ရင်ကြပ်တာတွေဖြစ်လာတယ်။ ကလေးထိခိုက်မှာစိုးလို့ ဆိုပြီး ခုတော့ မရှူတော့ဘူး"။

မမာ၏ ပြောပြချက်အရ ထိုကော်ရှူသော ဓလေ့သည် လွန်ခဲ့သော သုံး၊လေးနှစ်ခန့် က ဘူတာကြီးတွင် အမှိုက်ကောက်သူတစ်ဦးမှ စတင်၍ ဘုရားကြီးဝင်းအတွင်းသို့ ပြန့် နှံ့ လာခဲ့ခြင်းဖြစ်သည်။ ယခုအခါ ထိုလူလည်း ကွယ်လွန်ပြီဖြစ်ပြီး မကွယ်လွန်မီက တစ်ရက်လျှင် တစ်ဘူး ပုံမှန်ရှူလေ့ရှိသည်တဲ့။ ထိုသူမှပင် ကော်ဘူးများကို ရောင်းပေးပြီး ကလေးများကိုလည်း ကော်ရှူနည်း သင်ပေးခဲ့သည်တဲ့။"ကျွန်မသိသလောက်တော့ အဲ့ကလေးတွေ ကော်ရှူပြီးရင် မူးပြီးမှိန်းသွားတယ်။ တချို့ ဆို သရဲပုံတွေ ထင်ယောင်ထင်မှားမြင်တာတို့ ၊ကယောင်ကတမ်းလျှောက်ပြောတာတို့ ၊ ချွေးစေးတွေပြန်တာတို့ ၊ အသက်ရှူကြပ်တာတို့ ၊ ရင်တုန်တာတို့ ၊ ကိုယ်သိတဲ့သူတစ်ယောက်နာမည်ကို မေ့သွားတာတို့ ဖြစ်တတ်တယ်။ လွန်ခဲ့တဲ့ နှစ်လလောက်က အနောက်မုခ်မှာ ၁၈နှစ် ကောင်မလေးတစ်ယောက်ကိုယ်ဝန်ကြီးနဲ့ ကော်ရှူရင်း ဘာဖြစ်သွားတယ်မသိဘူး။ မူးအန်ပြီး သိပ်မကြာဘူး။ ဆုံးသွားတာပဲ။"ဟုဆိုလေသည်။

ထိုကော်ရှူသော ကလေးတစ်သိုက်ထဲမှာ မိန်းကလေးတချို့ လည်း ပါဝင်သည်။
အသက်၁၈နှစ်ရှိ အေးအေး(အမည်လွဲ)ကမူ အိမ်ပြေးမလေးတစ်ယောက်ဖြစ်ပြီး အိမ်ကထွက်ပြေးလာခဲ့သည်မှာ တစ်ပတ်လောက်ရှိပြီတဲ့။ အတန်အသင့် ဖွံ့ ဖြိုးသော ခန္ဓာကိုယ်နှင့် သူမသည် ဤဘုရားဝင်းအတွင်း တောင်းစားသူကလေးများနှင့် အဖွဲ့ ကျနေသည်။
အိမ်ဘာလို့ မပြန်တာလဲ ဟုမေးတော့ သူ့ ချစ်သူက သူ့ ကို လက်ထပ်မည်ဟု ဆိုပြီး သူမ၏ တစ်မတ်သားရှိ ရွှေနားကပ်ကို ချွတ်ယူသွားသောကြောင့် သူပြန်အလာကို စောင့်နေခြင်းဖြစ်သည်တဲ့။
ထုံပေပေနှင့် လည်လည်ဝယ်ဝယ်ရှိပုံမရသော အေးအေးသည် ထိုသူနှင့် ချစ်သူဖြစ်တာမှ ဆယ်ရက်လောက်သာရှိသေးသည်။ ထိုသူက ပြောသမျှကို ယုံပြီး ယခုတိုင် ဘုရားထဲတွင်စောင့်နေတာ တစ်ပတ်လောက်ရှိပြီတဲ့။
"သူ့ နာမည်က ကိုမင်း(အမည်လွဲ)။ အသက်က၂၀။သမီးတို့ ချစ်သူဖြစ်တာ ငါးရက်လောက်ပဲရှိသေးတယ်။ သူကသမီးကို ညဘက် ခေါင်ရည်ဆိုင်ခေါ်ပြီးခေါင်ရည်တွေတိုက် ၊ကော်တွေ ရှူခိုင်းပြီး နားကပ်ယူသွားတာ။
သူကလက်ထပ်ဖို့ ပိုက်ဆံသွားရှာတာလို့ ပြောတာပဲ။ သမီးကသူ့ ကိုစောင့်နေတာ။ သူလာခေါ်ရင်တော့ လိုက်သွားမယ်။ အိမ်ကိုတော့ မပြန်ရဲဘူး။ ဟိုနေ့ညက အဖေတို့ သမီးကိုလာရှာတာတွေ့ ပေမယ့် ပြန်လိုက်မသွားရဲဘူး။ နားကပ်မပါဘဲ မပြန်ရဲလို့ ပုန်းနေတာ။
ခုတော့ သမီးလည်း စိတ်ညစ်လို့ ကော်တွေရှူတတ်နေပြီ"တဲ့။

ထိုကလေးအုပ်စုများတွင် တချို့ လည်း ကော်ရှူသည်။ တချို့ လည်း မရှူကြ။ သူတို့ စားရာနေရာကား စောင်းတန်းတစ်လျှောက်ရှိ မုန့် ဆိုင်များ။အသက်ရှစ်နှစ်အရွယ်ရှိ သုန်သုန်(အမည်လွဲ)ကမူ
" တစ်ရာဖိုးဆို ကြာဇံကြော် ဒါမှမဟုတ် မုန့် လုံးကြီးကြော်နှစ်လုံးစားလိုက်ရင် ဗိုက်ပြည့်တယ်။ အမေက နံနက်ဆို သမီးကို ငွေတစ်ရာပေးပြီး ဘုရားထဲတောင်းဖို့ လွှတ်လိုက်တာပဲ။ တစ်နေကုန် ညနေခြောက်နာရီထိတောင်းရတယ်။ တစ်နေ့ ကို တစ်ထောင့်ငါးရာလောက်ရမှ အိမ်ပြန်ရဲတယ်။ မဟုတ်ရင် အိမ်မပြန်ရဲဘူး။ အမေကထမင်းမကျွေးလို့ "ဟုပြောသည်။ သူ့ တွင် ဆယ်နှစ်အရွယ်ရှိ အစ်မတစ်ယောက်ရှိပြီး နံနက်ခင်းတိုင်းညီအစ်မနှစ်ဦးတူတူ ဘုရားထဲလာတောင်းရသည်တဲ့။
ကျောင်းမနေချင်ဘူးလားဟုမေးတော့
" နေချင်တယ် မမ။ သမီးတောင်းစားတဲ့အလုပ်မလုပ်ချင်တော့ဘူး။ တစ်ခါတစ်လေရတဲ့ပိုက်ဆံထဲက ဘုရားကိုလှူပြီး နောင်ဘဝကောင်းကောင်းနေရဖို့ ဆုတောင်းတယ်။ သမီးကတောင်းစားပေမယ့် ခိုးတဲ့အလုပ်မလုပ်တတ်ဘူး။ တစ်ခါတစ်လေ ကိုယ့်ရှေ့ မှာ ဘုရားဖူးက ကျသွားတဲ့ပိုက်ဆံအိတ်ကို လိုက်ပေးတာ မုန့်ဖိုးတွေ တစ်ထောင် နှစ်ထောင်ရတတ်တယ်။ သမီးကျောင်းနေချင်တယ်။ အဖြူအစိမ်း ဝတ်ချင်တယ်။ တောင်းစားတဲ့အလုပ် မလုပ်ချင်တော့ဘူး"ဟု ဖြေလေသည်။

ထိုကလေးများကော်ရှူသည်ကိုတွေ့ လျှင် ဘုရားပေါ်ရှိလုံခြုံရေးများက ကြိမ်ဖြင့် ရိုက်နှက်ဆုံးမလေ့ရှိသည်တဲ့။ သို့ သော် ကော်ဘူးသိမ်းခံရလျှင်လည်း သူတို့ ကမမှုတော့ ။အလွယ်တကူ ဝယ်၍ရနေပြီးဖြစ်သောကြောင့် ပိုက်ဆံရတိုင်းကော်ဝယ်ရှူလေ့ရှိသည်တဲ့။ ကော်ဘူးကို မည်သို့ ဝယ်ရသနည်းဟုမေးတော့ မောင်အောင်(အမည်လွဲ)ကမူ
"ကျွန်တော်တို့ ကို ကော်ရှူမှန်းသိရက်နဲ့ ရောင်းတဲ့ဆိုင်တွေဆီကဝယ်တာ။ သူတို့ကကျွန်တော်တို့ မရှူရ မနေနိုင်မှန်းသိလို့ ရောင်းပေးတယ်။ တချို့ ဆိုင်ကျတော့ မရောင်းပေးဘူး။
ဘာလုပ်ဖို့ လဲမေးတယ်။ အဲ့ဒါဆို ကျွန်တော်တို့ က ဖိနပ်ကပ်ဖို့ လို့ ပြောဝယ်ရတယ်။ များသောအားဖြင့် ရောင်းပေးနေကျဆိုင်တွေမှာ သွားဝယ်ရတာ အဆင်ပြေတယ်"ဟု ဆိုသည်။
မောင်အောင်သည် အသက် ၁၅နှစ်ရှိပြီဖြစ်သော်လည်း အလွန်ပိန်ချုံးလျက်ရှိပြီး ကော်ရှူသက်တမ်းသုံးနှစ်ခန့် ရှိပြီဖြစ်၍ ယခုအခါ ကော်မရှူရလျှင် မနေနိုင်အောင် စွဲလန်းလျက်ရှိသည်တဲ့။ သူနှင့် စကားပြောနေစဉ်တွင်ပင် ကော်ဘူးက နှာခေါင်းဝမှာတေ့လျက်။
မရှူရလျှင် ကတုန်ကရင်ဖြစ်သည်တဲ့။ တွေ့ ရာလူဆီက ကော်ဘူးတောင်းရှူလေ့ရှိပြီး မပေးပါက ရန်ပြုသည်အထိဖြစ်တတ်သည်တဲ့။

တခါတလေ စီမံချက်ဟုသူတို့ ခေါ်သော စည်ပင်ကားများနှင့်ပါသွားလေ့ရှိပြီး ကလေးသူငယ်ပြုပြင်ထိန်းသိမ်းရေးကျောင်းများသို့ ရောက်သွားသည်တဲ့။
"ဂေါမရှင်ကျောင်း (World Visionကို သူတို့ အခေါ်ဂေါမရှင်ကျောင်း)ကို ရောက်ဖူးတယ်။ စာသင်ရတယ် ။ထမင်းစားရတယ်။ ဒါပေမယ့် မပျော်ဘူး။ ဘယ်ပျော်မလဲ။ အဲ့ဒီမှာ ကော်မရှိတော့ ကျွန်တော်မနေနိုင်ဘူး ။ အဲ့ဒါကြောင့် ရရာလိုင်းကားတားစီးပြီးပြန်ပြေးလာတာ။"ဟု မောင်အောင်ကဆိုလေသည်။ယခုအခါ ထိုကော်ရှူသော ကလေးများမှာ ကော်ကို မူးယစ်ဆေးတစ်ခုသဖွယ် ကျယ်ကျယ်ပြန့်ပြန့် သုံးလာကြပြီ။ တခါတလေ ကော်ဘူးကုန်ခါနီးဆိုလျှင် ထိုကော်ဘူးကို လက်နှင့်ကော်၍ပင် ပါးစပ်ထဲထည့်ငုံလေ့ရှိသည်တဲ့။ ထိုသို့ ငုံခြင်းက ခံတွင်းပူသော်လည်း ပမာဏနည်းနည်းငုံရုံနှင့် များများမူးနိုင်သောကြောင့် ရံဖန်ရံခါ ကော်ကို ငုံလေ့ရှိသည်တဲ့။

ထိုကလေးများမှာ ညအိပ်လျှင် ဘုရားအနောက်မုခ်ဘက်တွင် စုအိပ်လေ့ရှိသည်။ စားပြန်တော့လည်း ပျံကျဈေးမုန့်၊ အိပ်ပြန်တော့လည်း သမံတလင်း၊ အမိုးအကာ ခြုံစရာဘာမှမရှိ၊ အဝတ်ကလည်း တစ်ယောက်လျှင် နှစ်စုံခန့် သာ၊ တစ်ကိုယ်ရေသန့် ရှင်းမှုအားနည်းသည့်ကြားထဲ ကော်ရှူ၍ ကျန်းမာရေး ထိခိုက်နေသူများလည်း တပုံတပင်ရှိနေသည်။ များသောအားဖြင့် အရွယ်ကောင်း၊လုပ်အားရှိသည့်အရွယ်ဖြစ်သော ဆယ်ကျော်သက် ကလေးများတွင် ကော်ကို မူးယစ်ဆေးသဖွယ်စွဲလန်းစွာ အသုံးပြုနေခြင်းက ကျန်းမာရေးထိခိုက်စရာ အဓိကအကြောင်းအရင်းတစ်ခုဖြစ်လာသည်။ယောက်ျားလေးများမှာ အလုပ်လုပ်နိုင်သောအရွယ်ဖြစ်သော်လည်း လုပ်ရန်စိတ်မပါတော့။ ကော်ကို မူးယစ်ဆေးသဖွယ်စွဲလန်းနေသောကြောင့် အလုပ်သိပ်မလုပ်နိုင်တော့သောကြောင့် ကြုံရာကျပန်းအလုပ်ဖြစ်သော ကုန်ထမ်းခြင်း ပန်းရန်လုပ်ခြင်းကိုပင် မလုပ်နိုင်တော့ဟုဆိုသည်။
ကော်ရှူပြီးမူးယစ်နေသော မိန်းကလေးများမှာလည်း လူကုန်ကူးခံရမှုအန္တရာယ်၊ လိင်အလွဲသုံးစားပြုခံရမှုအန္တရာယ်စသဖြင့် ကြုံတွေ့ လာနိုင်သော အခြေအနေရှိနေလေသည်။

ဆင်းရဲမွဲတေမှု၏ ဒဏ်ချက်ကြောင့် ကလေးငယ်များမှာ ကျောင်းစာသင်ရမည့်အရွယ်တွင် တောင်းစားရင်း မိသားစု ဝင်ငွေကိုဖြည့်တင်းပေးနေရသည်။ လုံလောက်စွာ မစားရမှုကြောင့် အာဟာရချို့ တဲ့မှုလည်းဖြစ်နေကြသည်။ ဝင်ငွေလုံလောက်စွာမရှာနိုင်တော့ စိတ်ညစ်၍ ကော်ရှူသည်။ ကော်ရှူရင်းဖြင့် ရှိသမျှပိုက်ဆံကုန်သည်။ ပိုက်ဆံကုန်တော့ ထပ်တောင်းသည်။ သနား သူများက ပေးသောပိုက်ဆံကလည်း ကော်ဖိုးပြန်ဖြစ်သွားလေသည်။ ကော်ရှူ၍ရိုက်နှက်ဆုံးမပါကလည်း ထို အနာကိုဖြေဖျောက်ရန် ကော်ပြန်ရှူကြသည်။
ဤသို့ သံသရာလည်ရင်း ကော်ရှူခြင်းကို စွဲလန်းလာကြသည်။

ထို့ ကြောင့် ဤကလေးငယ်များ ကော်ရှူခြင်းသည် ပိုက်ဆံလုံလောက်စွာ စွန့် ကြဲခြင်းဖြင့် ဖြေရှင်း၍ရသော ပြဿနာမဟုတ်သကဲ့သို့  ရိုက်နှက်ခြင်းဖြင့် ဖြေရှင်း၍ရမည်လည်းမဟုတ်ပါ။
အထက်ပါနည်းတို့ မှာ ဆေးမြီးတိုသဖွယ်ပင်ဖြစ်နေပါလိမ့်မည်။
ကလေးများ ကော်ရှူခြင်း ပပျောက်ရန်မှာဆင်းရဲမွဲတေမှုပပျောက်ရေး၊ကျောင်းနေအရွယ်ကလေး ကျောင်းအပ်ရေး၊ မူးယစ်ဆေးဝါး ကွပ်ကဲထိန်းသိမ်းရေး၊ မူးယစ်မဟုတ်သော ပစ္စည်းများကို မူးယစ်ဆေးသဖွယ်အလွဲသုံးစားမှုများ မဖြစ်စေရန် အရောင်းဆိုင်များကို ပညာပေးရေး စသော စီမံကိန်းပေါင်းများစွာနှင့် ကုစားရမည့် ရောဂါကြီးဖြစ်လေသည်။
ဤကဲ့သို့ ရာချီသော ကလေးသူငယ်များ ကော်ရှူခြင်းဖြင့် နိုင်ငံခြားသားများကို ဆွဲဆောင်နိုင်သည့် မဟာမုနိကဲ့သို့  သမိုင်းဝင်နေရာကို အရုပ်ဆိုး အကျည်းတန်စေသည်။ အနာဂတ်၏ လူ့ စွမ်းအားအရင်းအမြစ်များ ကျဆင်းလာမည်။ အနာဂတ်သားကောင်းများ လမ်းကြောင်းမှားပေါ်သို့ ရောက်ရှိသွားနိုင်သည်။ ကျန်းမာရေးစောင့်ရှောက်မှုကုန်ကျစရိတ်များပြားလာမည်။ ဤကလေးငယ်များဖြင့် အနာဂတ်နိုင်ငံတော်ကို ရှေ့ ဆက်ရမည်မှာ ရင်လေးဖွယ်ဖြစ်သည်။
ထို့ ကြောင့် နိုင်ငံတော်မှတာဝန်ရှိသူများ၊မိခင်နှင့်ကလေး စောင့်ရှောက်ရေးအဖွဲ့ များ၊ NGOများအနေဖြင့် ကလေးသူငယ်များ မူးယစ်ဆေးတစ်ခုသဖွယ်စွဲလန်းနေသော ကော်ရှူခြင်းဓလေ့အား စနစ်တကျ ထိန်းသိမ်းပေးနိုင်ပါရန်နှင့် ထိုကလေးများအား ပြန်လည် ပျိုးထောင်ပေးနိုင်ပါရန် တိုက်တွန်းရေးသားလိုက်ပါသည်။

.........ယဉ်ယဉ်နှောင်း(၂၈-၄-၂၀၁၃)


ငြိမ်းချမ်းအေး

လက်ပံတောင်းတောင် ဒေသက တရားမဲ့မှု အသံတွေ ထပ်ကြားလာရတယ်။ ဒီရက်ပိုင်းတပြည်လုံးတင်သာမက တကမ္ဘာလုံး မှာပါ လုပ်သမျှ တင့်တယ် နေတဲ့ ဗိုလ်သိန်းစိန်အစိုးရ သတင်းတွေ ကလည်း နားမဆန့် ဖြစ်နေတယ်။ နိုင်ငံအဝှမ်းက လယ်သမား၊အလုပ်သမား၊ အခြေခံ လူတန်းစား အရေး၊ မြေယာတိုက်ပွဲ နဲ့ တိုင်းရင်းသားပြဿနာ ကတော့ ဒုံရင်း ဒုံရင်း ဆိုတာထက် ပို မလာတဲ့ အပြင် တနေ့တခြား
အဖိနှိပ်ခံရသူတွေဟာ အဖေခေါ်စရာမရှိ၊ အမေပျောက်ဘဝနဲ့ “အမိမဲ့သားရေနည်းငါးပမာ” အားကိုးရာမဲ့လာပြီး အခြေအနေဟာ အဆိုးဘက်ကိုသာ ဦးတည်သွားနေဆိုတာကိုလည်း မြင်နေရတယ်။

ပြည်တွင်းမှာ “ကြက်တူရွေးက တော်တော် မယ်ဘော်က ကဲ” နဲ့“သူခိုးဓားရိုးကမ်း” သလို လုပ်နေတော့ နိုင်ငံတကာ ကပါ “အဆိပ်ပင်ရေလောင်း”လုပ်နေတာ အပြစ်မဆိုသာဘူး။ လွန်ခဲ့တဲ့ နှစ် (၂၀) ကျော် တရုတ်၊ အိန္ဒိယ၊အာဆီယံ တို့ရဲ့ တိတ်တဆိတ် ကျိတ်ကြံကျိတ်လုပ် အပျိုရည်ဖျက်ခြင်း နဲ့နှစ်ပေါင်း (၅၀) ကျော် စစ်အုပ်စုရဲ့ အဓမ္မ မုဒိမ်းကျင့်ခြင်း ခံခဲ့ရပေမယ့်အပျိုသွေး အများကြီး ကျန်သေးတဲ့ ဗမာပြည်ဆိုတဲ့ မိန်းမပျိုဟာ ဒီမိုကရေစီအတု သနပ်ခါးလိမ်း၊ ပေါင်ဒါဖို့၊ ပန်းပန်လိုက်တော့ အနောက်အုပ်စုကပါ အခုပရောပရည်ပြုချင်၊ သွားရည်တများများကျ အာသာငမ်းငမ်းထပြီး အမဲဖျက်ဖို့အားလုံး အဆင်သင့်ဖြစ်နေပြီ။

ဗိုလ်နေဝင်းက ဆိုရှယ်လစ် အရေခြုံပြီး “ဗမာ့နည်း၊ ဗမာ့နည်းဟန် ဆိုရှယ်လစ်”လမ်းစဉ်ကြီး ကြေညာ စစ်တပ်အာဏာသိမ်းမှုကို ပုံဖျက် စစ်အုပ်စု အကျိုးစီးပွားနဲ့ အာဏာကို ဆောက်တည် လိုက်တော့ စစ်အေးခေတ် ကမ္ဘာ့ လက်ဝဲယိမ်းနိုင်ငံကြီးအားလုံးက ဖက်လဲတကင်း အရေးတယူ လုပ်ခဲ့ကြဖူးတယ်။ ကွန်မြူနစ် တစ္ဆေအခြောက်ခံနေရတဲ့ လက်ယာ အနောက်အုပ်စုကလည်း ဗိုလ်နေဝင်း နဲ့ စစ်အုပ်စုဟာကွန်မြူနစ် ကို ချေမှုန်းနေသူ အဖြစ် ရှုမြင်ကာ ဒီမိုကရေစီ နဲ့လူ့အခွင့်အရေး အသံကောင်းလေးမှ ခပ်ကျယ်ကျယ် ဝင် မဟစ်ခဲ့ဘူး။

အခု ဗိုလ်သန်းရွှေ ရဲ့ ကစားကွက် (ဝါ) မျက်လှည့်ပွဲ (ဝါ) လူတိုင်း သိပေမယ့်လူတိုင်းနီးပါး အတိတ် မေ့သလိုလို၊ ရွှေကောက်ရသလိုလိုနဲ့ ရူးချင်ယောင်ဆောင်သာယာကာ “နတ်ကရာ ကျီးမော့” ဖြစ်စေတဲ့ “ဒီမိုကရေစီ မျောက်ပွဲ” အတွက်ဗိုလ်သိန်းစိန် နဲ့ ကြံ့ဖွတ် အစိုးရက စည်းကမ်းပြည့်ဝ စစ်မှန်လှတဲ့ကလိမ်ချုံ “ဗမာ့နည်း၊ ဗမာ့နည်းဟန် ဒီမိုကရေစီ” ကို အသုံးချပြီး စစ်အုပ်စုစီးပွား နဲ့ အာဏာကို ဆွဲဆန့်လိုက်တော့ အစကတည်းက စီးပွားရေး နဲ့ ဒေသတွင်းပထဝီနိုင်ငံရေး အလို့ငှာ ပါချင်ချင် ဖြစ်နေတဲ့ အနောက်အုပ်စုဟာ ဒီမိုကရေစီ
ရွှေရည်စိမ် ဟုတ်/မဟုတ် မှတ်ကျောက်တင် စောင့်ကြည့်ဖို့ စိတ်မဝင်စား၊လူ့အခွင့်အရေး စံနှုန်းလည်း ဂရုမစိုက်တော့ဘဲ အကြောင်းပြချက် ကောင်းကောင်း၊စကားလှလှတွေသုံးပြီး “ကြောင်ခံတွင်းပျက် နဲ့ ဆက်ရက်တောင်ပံကျိုး”တွေ့သလို၊ “ဖိနပ်ပြတ်နဲ့ ခွေးငတ်” တွေ့သလို သူတို့ အကျိုးစီးပွား နဲ့လိုဘ ပြည့်ဖို့ရာ အတွက်ပဲ စဉ်းစား ဖော်ဆောင်လာတော့တာ အထူးအဆန်း မဟုတ်ဘူး။

ဒါပေမယ့် စစ်ပွဲအတွင်း နဲ့ လူမှုဒုက္ခ ဆင်းရဲတွင်း က တကယ့် ပကတိတိုင်းရင်းသား ပြည်သူတွေရဲ့ ဘဝ ကတော့ “ရွှေပြည်တော် မျှော်တိုင်းဝေး”နေဆဲပဲ ဖြစ်တယ်။ အရင်တုန်းကမှ စစ်အစိုးရဖြစ်လို့၊စစ်အာဏာရှင်စနစ်ဖြစ်လို့ ဆိုပြီး ဖြေတွေးလို့ရပေမယ့် အခုဟာက “နောင်လာတဲ့မောင်ပုလဲ ဒိုင်းဝန်ထက်ကဲ” ဆိုသလို ပြည်သူ့ အစိုးရ အမည်ခံပြီး စစ်အုပ်စုနဲ့ အပေါင်းအပါ စီးပွားဘီလူးကြီးတွေဟာ ကိုယ်ကျိုးအတွက် ပြည်သူကို ပိုဖိနှိပ် ရမ်းကား၊ လုပ်ချင်တိုင်း လုပ်ခွင့်ရနေတာဟာ ပိုဆိုးတဲ့ အနေအထား၊ပိုခံပြင်းစရာကောင်းပြီး လက်သင့်မခံနိုင်တဲ့ အခြေအနေ ဖြစ်တယ်။“ဒီမိုကရေစီ အစိုးရ” လို့ ပါးစပ် သနခံ ခေါ်ရ၊ “ခံလည်း ခံရ” ဆိုတော့“နာလည်း နာသေး၊ နံလည်း နံသေး” ဆိုတဲ့ အခြေအနေမျိုး၊ မနှစ်မြို့ဖွယ်၊ မသတီစရာ ဒီမိုကရေစီ မီးယပ် စွဲနေတဲ့ ကလိယုဂ် ခေတ်ဆိုးကြီး ဖြစ်တယ်။

ခု ဖြစ်ပေါ်နေတဲ့ ပြုပြင် ပြောင်းလဲ တိုးတက်မှု အားလုံးကို ကြည့်ကြည့်ပါ။စစ်အုပ်စုရယ်၊ သူတို့နဲ့ ပုလင်းတူ ဗူးဆို့တွေရဲ့ အကျိုးစီးပွားကိုမထိခိုက်တဲ့ အရာတွေချည်းပါ။ သူတို့ကို မထိခိုက်တဲ့ အပြင် ဒီလို အပေါ်ရံဟန်ပြ ဈေးခေါ်ကောင်းအောင် လုပ်ပြနေတဲ့ အလုပ်တွေကြောင့် သူတို့အကျိုးစီးပွားတွေ ပိုဖြစ်ထွန်း၊ သူတို့ကို အရင် နိုင်ငံတကာမှာထိန်းချုပ်ခံထားရမှုတွေတောင် ဖြေလျော့လာစေတယ်။ ဒါကြောင့်လည်း မဖြစ်မနေလုပ်ပြနေတဲ့ အစစ်အမှန် မဟုတ်၊ စေတနာအရင်းမခံတဲ့ ပြုပြင်ပြောင်းလဲမှုတွေပါ။ ဒါပေမယ့် သူတို့ စီးပွား နဲ့ အာဏာ ကို တိုက်ရိုက်ထိခိုက်စေတဲ့ ကိစ္စမျိုးတွေဖြစ်တဲ့ ပြည်သူ့ အကျိုးစီးပွား နဲ့ စစ်အုပ်စုအကျိုးစီးပွား တိုက်ရိုက် ယှဉ်လာရင်၊ ပြည်သူ့အာဏာ နဲ့ စစ်အုပ်စု အာဏာထိပ်တိုက် တွေ့လာရင် ဘာမှ မပြုပြင် မပြောင်းလဲဘဲ အကျင့်ဟောင်းအတိုင်းဘီလူးအစွယ် ကို အစွမ်းကုန်ထုတ်ပြ၊ ရက်စက် ဖိနှိပ် လုပ်ပြတာချည်းပဲမဟုတ်လား။

ဒီမိုကရေစီ အင်အားစု ကိုယ်တိုင်ကလည်း “နောက်ပြန်လှည့်အကြောက်တရား”ဆေးမိပြီး လျှာလေး၊ အာလေး ဖြစ်၊ မတရားမှုတွေကို အသံကျယ်ကျယ် မထွက်နိုင်၊အလိုတူ အလိုပါ သဘော ဖြစ်ကုန်တော့တယ်။ ဆိုတော့ စစ်အုပ်စုဟာ ရှေ့မှာလည်းပိုလို့ လက်ရဲဇက်ရဲ နိုင်လာဖို့ပဲ ရှိတော့တယ်။

မြန်မာစကားပုံ ရှိတယ်။ “တောဆူမှ မြို့ဝ” တဲ့..။ တောသား ဆူဖြိုးမှမြို့သားလည်း သာယာဝပြောမှာ..။ ဒါမှ တိုင်းပြည်လည်း တိုးတက်ချမ်းသာမှာ..။ ဗမာပြည်မှာ လူအများစု ဖြစ်တဲ့ တောနေ လူတန်းစား တောင်သူလယ်သမား နဲ့အခြေခံလူတန်းစား အလုပ်သမား၊ လက်လုပ် လက်စား အရေး အလေး မပေးသမျှ၊ သူတို့ဆူဖြိုးရေး မရှေးရှုသမျှ၊ လူမှုတရားမျှတမှု မဖော်ဆောင်နိုင်သမျှ၊ သူတို့မျက်ရည်ကြီး၊ မျက်ရည်ငယ် ကျအောင် လုပ်နေသမျှ၊ သူတို့ ထမင်းအိုးကိုခွဲနေသမျှ၊ သူတို့ ဗိုက်တွေ ဟောင်းလောင်း ဖြစ်နေသမျှ၊ သူတို့ ကျောတွေမွဲပြီး ပြောင်နေသမျှ ဒီမိုကရေစီ လေသံ ဘယ်လောက် ပစ်ပစ်၊ နိုင်ငံခြားရင်းနှီး မြှုပ်နှံမှု ဘယ်လောက်ဝင်ဝင် တိုင်းပြည်မှာ ဒီမိုကရေစီသုခချမ်းသာရ၊ လောက နိဗ္ဗာန် တည် ဆိုတဲ့ အခြေအနေမျိုး ဘယ်တော့မှ ရောက်လာမှာမဟုတ်ပါ။ ဆင်းရဲ ချမ်းသာ ကွာခြားချက်တွေ မြင့်သထက် မြင့်၊ လူမှုမတည်ငြိမ်မှုတွေ များသထက်များ၊ လူ့အဖွဲ့အစည်းမှာ မတရားမှုတွေ ဒင်းကြမ်းဖြစ်သထက် ဖြစ် ပြီး တိုင်းပြည်ဟာ “ဓားမနောက်ပိတ်ခွေး” ဘဝ က ဘယ်လိုမှလွတ်လာမှာ မဟုတ်ပါ။

ခုတော့.. ဖြစ်နေတာက.. ဗမာ့ သမိုင်းဝင် ဒီမိုကရေစီ အပြောင်းအလဲကြီးမှာ လူထုဟာ --

ဖယောင်းတိုင် ထွန်း နေတတ် ရမယ်။ ထမင်းတနပ် လျှော့စား နိုင်ရမယ်။စိတ်ရှည်၊ သည်းခံ ခန္တီ ပါရမီ ကျင့်ကြံ ရမယ်။ သူများဆီမှာ အလကားနီးပါးရနေတဲ့ လူထု ဆက်သွယ်ရေး စနစ်၊ နစ္စဓူဝ အခြေခံ လိုအပ်မှု ကို အရင်တုန်းကအေးဓားပြတိုက်သလို ပိုက်ဆံတွေ မတန်တဆ နင်းခွ တောင်းခဲ့ပြီ အခုမှရေမြေ့အရှင် မိုဘိုင်းသခင် အနေနဲ့ နာမည်ကောင်း ယူ ဈေးလျှော့ပေးတာကိုလည်း ကျေးဇူးသိနိုင်ရလောက်အောင် နုံအ တတ်ရမယ်။ ပြည်သူလူထုရဲ့ အခြေခံနဲ့ မူလ အခွင့်အရေး အားလုံးကို အလုံးစုံ ထိန်းချုပ်ထားခဲ့ပြီး အခုမသဒ္ဓါရေစာ မယားငယ် ပေးပေး ပြန်ပေးကာ ပြည်သူ့အခွင့်အရေး ကိုနိုင်ငံရေးလက်နက် အဖြစ် အသုံးချနေတာကို ကြည်ဖြူ နားလည်ပေးရုံမကရှိခိုးဦးတင် ကျေးဇူးတင် တတ်ရမယ်။

ဒါကို ကျောမွဲလူထု နင်းပြားတွေမှာ မခံနိုင်လို့ အာခံပြန်ရင်လည်း --

“ရွှေရေးပန်းကန်တက်” တယ် ဆိုပြီး လူ့ပေါက်ပန်း အာဏာရှင် နောက်မြီးဆွဲတွေရဲ့ အငြိုအငြင် ခံရမယ်။ အာဏာရှင်ရဲ့ မီးလောင်ဗုံးဒဏ် ခံနိုင်ရမယ်။လက်ကိုင်တုတ်တွေရဲ့ နံပါတ်တုတ်ဒဏ် ခံနိုင်ရမယ်။ သေနတ်ကျည်ဆံလည်း “ပီး”ရမယ်။ ဒါဟာ ဗမာပြည်က ကျားသနားမှ နွားချမ်းသာမယ့် “ခွေးတူ ဝက်တူဒီမိုကရေစီ” ရဲ့ အကျင့်၊ အကြံ နဲ့ ဝိသေသလက္ခဏာတွေ ဖြစ်တယ်။

“သမဏေနမဏော၊ ဂေါဏေနဂေါဏော” ဆိုသလို ဒီမိုကရေစီ နဲ့ နိုင်ငံရေး သမားဆိုသူများကလည်း --

ဘောင်းဘီဝတ်များ နဲ့ ဘောင်းဘီချွတ်များကြီးစိုးရာ လွှတ်တော် မှာ“မတိုက်မခံ” လုပ်တတ်ရမယ်။ မတိုက်လည်း မတိုက်၊ တာဝန်လည်း မခံတဲ့နိုင်ငံရေးဓလေ့ဟာ နာမည်သာဆိုးတာ အနေ၊ အစားတော့ တကယ် ချောင်တယ်။“အားလုံးကောင်းပါသည်” လည်း မကြာမကြာ အော် တတ်ရမယ်။ “လက်ညှိုးထောင်ခေါင်းညိတ်” အချိန်ကိုက် လုပ်တတ်ရမယ်။ မြင်းက မလှုပ် ခုံကလှုပ်၊ယုန်ကမတိုး ပိုက်ကတိုး နဲ့ “စိတ်တော်သိ၊ ဗောင်းတော်ညိတ်” လည်း တတ်ရမယ်။ရေလိုက်ငါးလိုက် နဲ့ “အမြီးစားဖက် ခေါင်းစားဖက်” လုပ်တတ်ရမယ်။ ဒါဟာ..“ပြည်ထဲအရေး ပေါက်နဲ့ကျေး”၊ “ကြက်ဥအရောင် တိမ်တောင်သဖွယ် မင်းရေးကျယ်”တယ်ဆိုပြီး နိုင်ငံအရေး၊ ပြည်သူ့အရေးကို ဆင်စွယ်နန်းပေါ်တင်၊ သုခမိန်စကားလုံးတွေသုံး၊ လူထုနဲ့ ကင်းကွာအောင် လုပ်၊ လူထုလှုပ်ရှားမှုကိုသင်းကွပ်၊ စကားအရာမှာတော့ ကြီးကြီးကျယ်ကျယ်ပြော၊ လေဖမ်းဝါးလုံးတန်းချည်လူထုကို ဝါဝါ ချရင်း အစစ်အမှန် နိုင်ငံရေး “ဝါဒ” နဲ့ ယုံကြည်ချက် တော့လက်ဆုပ်လက်ကိုင် မပြနိုင်ဘဲ စကားအရာသာ ဝါဝါပြီး ချ တတ်တဲ့ “ဝါတတ်”အချောင်သမား၊ လောက်ကောင်၊ ဆိတ်ခလောက်၊ မနုသီဟ ဖင်နှစ်ခွ တွေသာကြီးစိုးတဲ့ “ဝစီပိတ်” စစ်လွှတ်တော် နိုင်ငံရေး ရဲ့ “တေမိ ဒီမိုကရေစီ”အကျင့်၊ အကြံတွေ ဖြစ်တယ်။

အခုလို ဆိုတော့.. နင်ပဲငဆ နင့်နင့်သီးသီး နဲ့ ဘေးထိုင် ဘုပြော တယ်လို့ဆိုချင်ကြမယ်။ မဟုတ်ဘူး..။ ဗမာပြည် ပြုပြင် ပြောင်းလဲရေးကို အတိုင်းအတာတခု အထိ ကြိုဆို အသိအမှတ်ပြုကြောင်း နဲ့ အတိုက်အခံ နိုင်ငံရေးလမ်းကြောင်း ကို အပြုသဘော ဆောင်တဲ့ ဆောင်းပါး အမြောက်အများ ရေးခဲ့ဖူးတယ်။ နောင်လည်း အလျင်းသင့်သလို အပြုသဘောဆောင် ရေးဖို့ အများကြီး ရှိတယ်။ဒါပေမယ့် စစ်အုပ်စု နဲ့ ခရိုနီ အကျိုးသက်သက် စစ်ဖွဲ့စည်းပုံ နဖားကြိုးထိုးခံထားရတဲ့ စစ်လွှတ်တော် နိုင်ငံရေး တခုတည်း အလုပ်မဖြစ်ဘူး။ရှေ့မရောက်ဘူး။ လမ်းမပေါက်ဘူး။ မတရားမှုတွေ၊ ဖိနှိပ်မှုတွေအတွက်မာမာထန်ထန် အသံကျယ်ကျယ် ထွက် ဆန့်ကျင်ဖို့ ပို အခွင့်သာ၊ လူးသာ၊ လွန့်သာ၊လှုပ်သာတဲ့ လွှတ်တော် ပြင်ပနိုင်ငံရေး၊ လူထု နိုင်ငံရေး က အခုထက် ပိုကျယ်ကျယ်ပြန့်ပြန့် ရှိရမယ်၊ ရှိသင့်တယ် ဆိုတာလည်း မြင်သလောက် ထောက်ပြပြောဆိုမှ နိုင်ငံသား တယောက်၊ ပြည်သူတယောက် အနေနဲ့ ကျင့်ဝတ် တာဝန် (MoralObligation) ကျေမယ်။

လယ်ကွင်းထဲ၊ ယာကွက်ထဲ၊ စက်ရုံထဲ နဲ့ တောထဲ၊ တောင်ထဲ က ဘဝတွေဟာ စိတ်ကူးယဉ်ပြီး တည်ဆောက်လို့ မရဘူး။ စိတ်ကူးသက်သက်နဲ့ တည်ဆောက်လို့ မရဘူး။သူတို့အတွက် လက်တွေ့ အလုပ်နဲ့ အခွင့်အရေး ရဖို့ လိုတယ်။ လိုအင်ဆန္ဒ နဲ့အကြောက်တရား က လွတ်မြောက် (Freedom from Want & Fear)၊ ဒီမိုကရေစီအိမ်မက် မက်ဖို့ဆိုတာဟာ လက်တွေ့ သဘာထား မှန်တဲ့ အလုပ်တွေ၊ အပြုအမူတွေပါဖို့ လိုတယ်။ ပြည်တွင်း ငြိမ်းချမ်းရေး နဲ့ တိုင်းရင်းသား အရေးတည်ဆောက်တာပဲဖြစ်ဖြစ်၊ လယ်သမား၊ အလုပ်သမားအရေး ကိုင်တွယ်တာပဲဖြစ်ဖြစ်မှာစကားချည်းသက်သက်၊ လက်ချည်းသက်သက် နဲ့ ကိုယ်အသာရဖို့၊ “ငို့ဘ” အကျင့်ကစားသမားစိတ်ဓာတ် (Gamesmanship) နိုင်ငံရေး ကစားကွက်ဆင်၊အလျှော့အတင်းလုပ်၊ လှည့်ကွက် ထောင်ခြောက်ဆင် ကစားနေတာတွေ ရပ်ပြီး တကယ့်အစစ်အမှန် အရင်းခံ စိတ်စေတနာ နဲ့ သူတို့တွေ တကယ်ပဲ ဒုက္ခ၊ သုက္ခ ကြီးစွာခံစားနေရပါ့လား ဆိုတာ စာနာနားလည် ဆင်ခြေ နိုင်ဖို့လိုပြီး လက်တွေ့သူတို့အတွက် အလုပ်တွေ၊ အခွင့်အရေးတွေ လုပ်ဖို့၊ ပေးဖို့ လိုတယ်။ ခုတော့နိုင်ငံတကာ နဲ့ ပြည်တွင်းက ရွှေပြည်အေး သမားများ ရဲ့ အထင် နဲ့ အမြင်ဟာနင်းပြားများ လက်တွေ့ ခံစားနေရတဲ့ ပကတိ အခြေအနေနဲ့ ပါစင်အောင်လွဲ နေတယ်။

တန်ခိုးရှင် မဟုတ်မှန်း သိတယ်။ နေ့ချင်း၊ ညချင်း ဘယ်အရာမှမဖြစ်နိုင်ဘူးဆိုတာလည်း နားလည်တယ်။ လက်ဖျောက်တချက် တီးလိုက်ရုံနဲ့တမဟုတ်ချင်း အရာရာ မပြီးပြည့်စုံနိုင်ဘူးဆိုတာလည်း တွက်မိတယ်။ ဒါပေမယ့်အရာရာကို အကောင်းမြင်၊ အချိန်တွေ စောင့်စား၊ စိတ်ရှည်၊ သည်းခံဖို့ဟာလူတိုင်းအတွက် အဆင်မပြေဘူး။ အထူးသဖြင့် စစ်ပွဲ နဲ့ ဆင်းရဲ ဒုက္ခကြားကအနာဂတ်မဲ့နေတဲ့ ဘဝတွေအတွက် အဆင်မပြေဘူး။ အင်းလျားကန်စောင်း အအေးခန်းထဲကလူတန်းစားအတွက် အဆင်ပြေချင် ပြေမယ်။ ကွန်ပျူတာ ကီးဘုတ် ကို ခလုတ်လက်တင်ခု စာရေးနေတဲ့ စာရေးသူအတွက် အဆင်ပြေချင် ပြေမယ်။ ကွန်ပျူတာဖန်သားပြင်ကို ခု စူးစိုက် ဖတ်နေတဲ့ စာဖတ်သူ အတွက် အဆင်ပြေချင် ပြေမယ်။

ဒါပေမယ့် နွေးထွေးတဲ့ အိမ်ဆိုတာ ဘယ်နားနေမှန်း မသိဘဲ အသက်ဘေး အတွက်တောထဲ ပြေးနေရတဲ့ သူတွေ အတွက် အဆင်မပြေဘူး။ ကိုယ့် အိမ်ကနေ အတင်း အဓမ္မစွန့်ခွာနေရတဲ့ လယ်မဲ့၊ ယာမဲ့၊ မြေမဲ့ ဘဝတွေ အတွက် အဆင်မပြေဘူး။အလုပ်ရှင် သွေးစုပ်သမျှ လည်စင်း ခံပေးနေရတဲ့ အလုပ်သမားတွေ အတွက်အဆင်မပြေဘူး။ “အိမ်ဆိုပေမယ့် အိမ်ရယ် မမည်တော့တဲ့” ဘဝ အိမ်တွေ မှာ နေနေရသူ တွေအတွက် အဆင်မပြေဘူး။ မလွယ်ဘူး။

ဒီလိုအနေအထားမှာ ဗမာ့ နိုင်ငံရေး ကို “Political Illusion” က ဘယ်လို၊“Democratisation” ဘယ်ပုံ၊ “Liberalisation” က ဘယ်အရာ၊ “Transition toDemocracy” မှာ ဘာတွေ ရှိတယ်.. စတဲ့ စကာလုံး တွေ၊ သီအိုရီ တွေ ချရေး၊ချပြောဖို့ စိတ်မပါဘူး။ လိပ်ပြာမလုံဘူး။

ဗမာပြည်အတွက် လွတ်လပ်ခြင်း နဲ့ တန်းတူညီမျှခြင်း ဒီမိုကရေစီ တရား ဟာမီးတွင်းထဲတင် နိဋ္ဌိတံ တယ်လို့တောင် မဆိုနိုင်ဘဲ “အသေမွေးခဲ့တယ်” လို့ပဲတိုတို ဆိုရမယ်။

ဒီလို “အသေမွေး ဗမာ့ ဒီမိုကရစီ” အတွက် အပေါ်ရံ သကာမဖုံးဘဲ ဆိုခဲ့တဲ့စကားလုံး အကြမ်းထည်တွေကပဲ အနည်း၊ အကျဉ်း ပုံဖော် နိုင်မယ် ထင်တယ်။ဒါတောင် ပကတိ အခြေအနေနဲ့ အများကြီး အလှမ်းကွာနေသေးတယ်။

နောက်ဆုံး အနေနဲ့တော့ “ခွေးတူဝက်တူ ဒီမိုကရေစီ အကျင့်အကြံ၊ ဝစီပိတ်လွှတ်တော် နိုင်ငံရေး နဲ့ အသေမွေးခဲ့တဲ့ ဗမာ့ဒီမိုကရေစီ” အတွက်ဗားတော့ဘရက် ရဲ့ ကဗျာ လေး တပုဒ် နဲ့ နိဂုံးချုပ်ချင်တယ်။

အဆီယစ်နေသူများ

ပြည်သူ့ချွေးနှီးစာ အခွန် ဘဏ္ဍာတော်ကို
အလွဲသုံးစားလုပ်နေသူတွေက
နည်းနည်းနဲ့ ရောင့်ရဲကြပါလို့
ဆုံးမနေပါလားဟေ့..။

ဗိုက်အပြည့် စားသောက်နေရတဲ့ သူတွေက
လူငတ်တွေကို
အနစ်နာခံကြစမ်းပါတဲ့..။

တိုင်းပြည်ကြီးကို ဂျောက်ထဲ ဆွဲခေါ်ချမယ့် လူတွေက
တိုင်းပြည်ကြီး သာယာဝပြောမယ့် အချိန်
နီးလာပြီတဲ့လေ..။

တိုင်းပြည်အုပ်ချုပ်ရေးဆိုတာ
သာမန်ပြည်သူပြည်သားတွေ နားလည်ဖို့
အင်မတန် ခက်ပါတယ် ဆိုပါလားဟေ့..။

အားလုံး ဆင်ခြင်၊ တွေးခေါ်၊ ခံစား၊ နားလည်၊ စာနာ နိုင်ကြပါစေ။

ငြိမ်းချမ်းအေး
၂၆ ၊ ဧပြီ ၊ ၂၀၁၃

မှတ်ချက်။ ။ ဗားတော့ဘရက် (၁၈၉၈-၁၉၅၆) (ဂျာမန် ကဗျာဆရာ / ပြဇာတ်ရေးဆရာ /ပြဇာတ်ဒါရိုက်တာ) ရဲ့ ကဗျာကို ‘တင်မောင်အေး’ ဘာသာပြန်‘အနာဂတ်အတွက်ကဗျာ’ စာအုပ် (၁၉၇၀) ကနေ ယူတယ်။
http://www.facebook.com/photo.php?fbid=10152782904625788&set=a.10152782904585788.1073741896.729135787&type=1&theater


(UOI မှ 26 April 2013 ရက်စွဲပါ “Suu Kyi won’t be President ruling party says” သတင်းကို ဘာသာပြန် ဆိုပါသည်။)

မြန်မာနိုင်ငံတွင် အခြေခံဥပဒေကို ပြင်ဆင်ရန် အစီအစဉ်မရှိကြောင်းနှင့် သို့ဖြစ်၍ သမ္မတနေရာအတွက် ဒေါ်အောင်ဆန်းစုကြည် ယှဉ်ပြိုင်နိုင်မည်မဟုတ်ကြောင်း အာဏာရပါတီ ခေါင်းဆောင်တစ်ဦးက ပြောကြားလိုက်ပါသည်။

၁၉၉၁ ခုနှစ်က ငြိမ်းချမ်းရေးနိုဘယ်ဆုရရှိခဲ့သော အတိုက်အခံခေါင်းဆောင် ဒေါ်အောင်ဆန်းစုကြည် သည် ၂၀၁၀ ရွေးကောက်ပွဲ ကျင်းပပြီးချိန်တွင် နေအိမ်အကျယ်ချုပ်မှ လွတ်မြောက်လာခဲ့ပြီးနောက် ၂၀၁၂ ကြားဖြတ် ရွေးကောက်ပွဲတွင် အနိုင် ရရှိကာ လွှတ်တော်ကိုယ်စားလှယ် တစ်ဦးဖြစ်နေပြီ ဖြစ်သည်။

သမ္မတဦးသိန်းစိန်သည်လည်း ဒေါ်အောင်ဆန်းစုကြည်ကို တရားဝင်နိုင်ငံရေး လှုပ်ရှားခွင့်ပြုခြင်းအပါအဝင် နိုင်ငံရေး ပြုပြင်ပြောင်းလဲမှုများ တစ်သီတစ်တန်းလုပ်ဆောင်ခဲ့ခြင်းကြောင့် International Crisis Group က ချီးမြှင့်သော ငြိမ်းချမ်းရေး ကြိုးပမ်းမှုဆုကို မကြာသေးမှီက လက်ခံရရှိခဲ့သည်။

ဒေါ်အောင်ဆန်းစုကြည် သမ္မတဖြစ်လာအောင် လမ်းရှင်းပေးရန် အစီအစဉ်မရှိဟု ယခုပြောကြားသူမှာ ပြည်ခိုင်ဖြိုး ပါတီ ဒုတိယဥက္ကဋ္ဌ ဦးဌေးဦး ဖြစ်ပါသည်။

“ကျွန်တော်တို့ ပါတီကတော့ အခြေခံဥပဒေကို ပြန်လည်သုံးသပ်ဖို့ အခုထိမစဉ်းစားရသေးပါဘူး”ဟု ၎င်းက ထိုင်း အခြေစိုက် မြန်မာသတင်းဌာနသို့ ပြောကြားသည်။

ဒေါ်အောင်ဆန်းစုကြည်သည် ဗြိတိသျှလူမျိုး မိုက်ကယ်အဲရစ်နှင့် အိမ်ထောင်ပြုကာ ထွန်းကားခဲ့သော သားနှစ်ဦး စလုံးမှာ ဗြိတိန်နိုင်ငံသား ခံယူထားသောကြောင့် အခြေခံဥပဒေပါ စည်းကမ်းချက်အရ သမ္မတလောင်းစာရင်းဝင်ရန် အဟန့် အတားဖြစ်နေပါသည်။

NLD ပါတီ ဝါရင့်ခေါင်းဆောင်တစ်ဦးဖြစ်သူ ဦးဝင်းတင်က ဒေါ်အောင်ဆန်းစုကြည်အနေဖြင့် တရားဝင်ယှဉ်ပြိုင်ခွင့် ရသည့်တိုင်အောင် သမ္မတနေရာအတွက် ကြီးမားသော အတားအဆီးများကို ရင်ဆိုင်ရလိမ့်မည်ဟု သုံးသပ်ပြောကြား ထားသည်။

“လွှတ်တော်ထဲကပြိုင်ဖက်တွေက ဒေါ်အောင်ဆန်းစုကြည် သမ္မတမဖြစ်အောင် ပြင်းပြင်းထန်ထန်တားဆီးဖို့ကြိုးစား ကြပါလိမ့်မယ်”ဟု ၎င်းကမှတ်ချက်ပေးသည်။

သမ္မတကိုယ်စား ငြိမ်းချမ်းရေးဆုလက်ခံယူသော ပြည်ထောင်စုဝန်ကြီး ဦးအောင်မင်းက ဒေါ်အောင်ဆန်းစုကြည် သမ္မတရွေးပွဲဝင်ခွင့်ရအောင် အခြေခံဥပဒေကို ပြန်လည်သုံးသပ်မည်ဟု ထုတ်ဖော်ပြောဆိုထားချိန်တွင် ယခုကဲ့သို့ ပြည်ခိုင်ဖြိုး ပါတီ တာဝန်ရှိသူတစ်ဦးဖြစ်သည့် ဦးဋ္ဌေးဦး၏ မှတ်ချက်ထွက်ပေါ် လာခြင်းဖြစ်သည်။

ရန်ကုန်မြို့မှ အကဲခတ်များကမူ “ဦးဋ္ဌေးဦး၏မှတ်ချက်မှာ ကျားကွက်တစ်ခုမျှသာဖြစ်ပြီး၊ နောက်ကွယ်မှ ဦးသန်းရွှေ၏ ကစားကွက် မဟာဗျူဟာကသာ ဆုံးဖြတ်ပေးသွားမည် ဖြစ်ကြောင်း” သုံးသပ် ပြောဆိုထားကြသည်။

Yangon Chronicle


မြန်မာမလေးတစ်ယောက် ဧပြီလ (၁၃) ရက်နေ့က ဘန်ကောက်မှာ အသတ်ခံလိုက်ရတယ်။ အသတ်ခံရပြီး နှစ်ပတ် (၁၄) ရက်မပြည့်ခင်မှာပဲ ထိုင်းရဲတွေက တရားခံကို ဖမ်းဆီးနိုင်ခဲ့တယ်။ တရားခံက သတ်ပြီး နောက်တစ်နေ့မှာပဲ မဲဆောက်ကို ပြေးတယ်။ သင်္ကြန်တုန်းက မြ၀တီမှာ ခိုနေတယ်။ နောက်တော့ အေးဆေးပြီထင်ပြီး (၁၉) ရက်နေ့မှာ ဘန်ကောက်ကို ပြန်တက်လာတယ်။ ထိုင်းရဲက ဖမ်းလိုက်တယ်။ တရားခံက စိတ်ကြွဆေးစွဲနေတဲ့ လူငယ်တစ်ယောက်။ လူသတ်တဲ့အချိန်တုန်းကလည်း စိတ်ကြွဆေးတွေ သုံးထားတယ်၊ ဖမ်းမိတဲ့ အချိန်မှာလည်း စိတ်ကြွဆေးတွေ သုံးထားတယ်လို့ သတင်းကြားတယ်။ တရားခံကို သေဒဏ်ပေးလိုက်တယ်လို့ ထိုင်းသတင်းဌာနတွေမှာ ကြေညာတယ်လို့ မနက်က သူငယ်ချင်းတစ်ယောက်က ဖုန်းဆက်ပြောပြတယ်။ ထားတော့။ သေသွားတဲ့သူအတွက် စိတ်မကောင်းဖြစ်ရပေမဲ့ လက်သည်တရားခံကို ဖမ်းမိတော့ ကျေနပ်မိတယ်။ လူ့အသက်တစ်ချောင်းနဲ့ လဲလိုက်ရတာမို့ တန်တော့မတန်ဘူးပေါ့။ ဒါပေမဲ့ တရားဥပဒေရဲ့ ထိုက်တန်တဲ့ပြစ်ဒဏ်ကို စီရင်ခံရမှာမို့ ကျေနပ်မိတယ်။

တရားခံကလည်း မြန်မာလူမျိုးတစ်ယောက်ပါပဲ။ ပြည်ပရောက်နေတဲ့ ကိုယ့်လူမျိုးအချင်းချင်း ယုတ်မာရဲတဲ့ စိတ်ဓာတ်ကို ရွံမိပါတယ်။ ဖေ့စ်ဘုတ်ပေါ်က မိန်းကလေးတွေအနေနဲ့လည်း ချက်တင်မှာ တွေ့တဲ့သူတိုင်းကို လွယ်လင့်တကူ မယုံကြည်သင့်ကြောင်း မမြင့်မြင့်အေး (ခ) သဲသဲသော် (ဖေ့စ်ဘုတ်အမည် Sky Queen) က အသက်နဲ့လဲပြီး သက်သေပြသွားပါပြီ။

မမြင့်မြင့်အေး (ခ) မသဲသဲသော် တစ်ယောက် ကောင်းရာမွန်ရာရောက်ပါစေကွယ်။

ဧပြီလ (၂၃) ရက်နေ့မှာ အသတ်ခံလိုက်ရတဲ့ ပြည်မြို့က ကိုဇော်မင်းဦးကို သတ်တဲ့ တရားခံတွေကိုရော မြန်မာနိုင်ငံရဲတပ်ဖွဲ့ကြီးက ဘယ်တော့ဖော်ထုတ်ပေးမှာလဲ။ တရားဥပဒေရဲ့ ရှေ့မှောက်မှာ တရားခံတွေရဲ့လုပ်ရပ်အတွက် ပြစ်ဒဏ်စီရင်တာကို ဘယ်နေ့မှာများ ကြားရမလဲဆိုတာ စောင့်မျှော်နေပါတယ်။

Moe zay nyein

ရန်ကုန်- ထိုင်းနိုင်ငံ ဘန်ကောက်မြို့တွင် နေထိုင်လျက်ရှိပြီး မိဘအရင်းကို ရှာဖွေနေသော မြန်မာ အမျိုးသမီးငယ်တစ်ဦးသည် ဖေ့စ်
ဘွတ်ခ်မှတစ်ဆင့် ခင်မင်ခဲ့သူတစ်ဦးကို ၎င်းနေထိုင်သည့် အခန်းတွင် ချိန်းဆိုတွေ့ဆုံခဲ့ရာမှ ပစ္စည်းလုယုကာ သတ်ဖြတ်ခံရသည့် ဖြစ်ရပ်တစ်ခု ဖြစ်ပွားခဲ့ကြောင်း သတင်းရရှိသည်။

သေဆုံးသူအမျိုးသမီးမှာ အသက် (၂၆)နှစ်အရွယ်ရှိ မမြင့်မြင့်အေး(ခေါ်) မသဲသဲသော် ဆိုသူဖြစ်ပြီး ဘန်ကောက်မြို့ ဗန်မိုခေါင် ကုန်တိုက်တွင် အလုပ် လုပ်နေသည့် ၀န်ထမ်းတစ်ဦးဖြစ်ကာ ပြီးခဲ့သည့် သင်္ကြန်အကြိုနေ့က အသတ်ခံခဲ့ရခြင်းဖြစ်သည်။ ၎င်းအမျိုးသမီးငယ်အား သတ်ဖြတ်ခဲ့သည့် တရားခံကိုဧပြီ ၂၄ ရက်တွင် ဘန်ကောက်မြို့တောင်ပိုင်း စမုပရာကန်ရပ်ကွက် ၌ ဖမ်းဆီးရမိထားကြောင်း ထိုင်းနိုင်ငံ ဘန်ကောက်မြို့ ILO ရုံးမှ ၀န်ထမ်းကိုအောင်စိုးဦးက ပြောသည်။

သေဆုံးသည့် အမျိုးသမီးငယ်မှာ မိဘရင်းများ မည်သူဖြစ်သည်ကို မသိရှိဘဲငယ်စဉ်ကတည်း က မွေးစားမိဘများနှင့် နေထိုင်ကြီးပြင်း ခဲ့သူဖြစ်သည်။

ထို့ကြောင့် မိခင်ကို တွေ့မြင်ဖူးချင်လှ၍ ဧပြီ ၁၁ ရက်ကပင် ၎င်း၏ ဖေ့စ်ဘွတ်ခ်စာမျက်နှာတွင် မိခင်ဖြစ်သူနှင့်တွေ့လိုပြီး သိရှိပါကဆက်သွယ်ရန် ဖေ့စ်ဘွတ်ခ်အသုံးပြု ရှာဖွေခဲ့သေးသည်။

သင်္ကြန်မတိုင်မီတစ်ရက်ကလည်း မြန်မာပြည်သင်္ကြန်ကို လွမ်းဆွတ်ကြောင်း စသည့်အကြောင်းအရာများကို ဖေ့စ်ဘွတ်ခ်တွင် ရေးသားခဲ့ပြီး နောက်တစ်ရက်တွင် သေဆုံးခဲ့ခြင်းဖြစ်သည်။

သေဆုံးသူအမျိုးသမီးထံမှ ငွေကြေးနှင့် ၎င်းကိုင်ဆောင်သည့် ဖုန်းတစ်လုံးအား တရားခံက ယူဆောင်သွားခဲ့ပြီး ၎င်းအားတွေ့ရှိချိန်တွင် ၀တ်လစ်စလစ်အနေအထားဖြင့် သေဆုံးလျက်ရှိကြောင်း ကိုအောင်စိုးဦးက ပြောသည်။

အဆိုပါ အမျိုးသမီးသေဆုံးမှုသတင်းအား မိုးဇေငြိမ်းအမည်ဖြင့် ဖေ့စ်ဘွတ်ခ်အသုံးပြုသူ တစ်ဦးက ရေးသားခဲ့ပြီးနောက်ပိုင်းတွင် သေ
ဆုံးသူအမျိုးသမီး၏ ဖေ့စ်ဘွတ်ခ် စာမျက်နှာပေါ်တွင် မိတ်ဆွေများက ၀မ်းနည်းကြောင်း အမှတ်တရစာသားများ ရေးသားထားသည်ကို တွေ့ရသည်။

ယင်းအမျိုးသမီးမှာ ဖေ့စ် ဘွတ်ခ်တွင် Sky Queen အမည် ဖြင့် အသုံးပြုလျက်ရှိပြီး ၎င်းင်း၏မိတ် ဆွေစာရင်းတွင် သူငယ်ချင်း ၂၀၀၀ နီးပါးရှိထားသူ တစ်ဦးဖြစ်သည်။

၎င်းအမျိုးသမီးငယ်၏ ရုပ်အလောင်းအား ဘန်ကောက်မြို့ စပန်ခွိုင်ရပ်ကွက် ၀ပ်ဖိုင်တန်ဘုန်းကြီး ကျောင်းတွင် ဧပြီ ၂၈ ရက် ညနေ ၂ နာရီအချိန်၌ သဂြိုဟ်မည်ဖြစ် သည်။

၎င်း၏မိဘ မည်သူမည်ဝါ ဖြစ် သည်ကို မသိရှိရသည့်အတွက် ထိုင်း နိုင်ငံ ရွှေ့ပြောင်းအလုပ်သမားများ စောင့်ရှောက်ရေးကော်မတီမှ ဈာပန
ကိစ္စ၊ အသက်အာမခံ ကိစ္စနှင့် အလုပ်လုပ်နေသည့် အလုပ်မှ ရပိုင်ခွင့်ကိစ္စများအား ဆောင်ရွက်ပေးလျက်ရှိနေကြောင်းအဆိုပါကော်မတီမှ အဖွဲ့ဝင်ဦးထွန်းနိုင်ကပြောသည်။

7Day News Journal


အနုပညာရှင်များ၏ ကျေဇူးဆပ်သည့်အလှူ

မြန်မာ့ရုပ်ရှင်လောက၏ ဖွားဖက်တော်(ရုပ်ရှင်ဖခင်ကြီး) ဟု တင်စားခေါ်ဝေါ်ခဲ့ကြသော ပညာရှင်ကြီးတစ်ဦး ရှိခဲ့ဖူးသည်။ ထိုပုဂ္ဂိုလ်ကြီးသည် လွန်ခဲ့သော ဖေဖော်ဝါရီလအတွင်း၌ ဘဝတစ်ပါးသို့ ကူးပြောင်းသွားခဲ့သူ အသက် (၉၇) နှစ် အသက်အရွယ်ရှိ ရုပ်ရှင်ဖခင်ကြီး ဒါရိုက်တာကြီး ဘဘဦးတင်ယု ဖြစ်ပေသည်။ ဘဘဦးတင်ယု ကွယ်လွန် ချိန်တွင် နာရေးကူညီမှုအသင်း(ရန်ကုန်)၏ ဥက္ကဌ ဦးကျော်သူမှာ အယူသီးမှုတိုက်ဖျက်ရေး လူမှုရေးဟောပြောပွဲများ ဖြင့် နယ်ဝေးသို့ရောက်ရှိ နေချိန်ဖြစ်သည်။ ဦးကျော်သူအနေဖြင့် ဘဘဦးတင်ယု၏ ဈာပနအား ကိုယ်တိုင်နိဗ္ဗာန် ယာဉ်မောင်းနှင်၍ သင်္ဂြိုလ်ပေးခွင့်မရရှိခဲ့သော်လည်း နာရေးကူညီမှုအသင်း(ရန်ကုန်)သို့ ဆက်သွယ်ပြီး အဆင်ပြေ ချောမွေ့စွာ သင်္ဂြိုလ်ပေးနိုင်ခဲ့သည်။ ဘဘဦးတင်ယု၏ ရက်လည်ပြီးနောက် ကျန်ရစ်သူမိသားစုများတို့မှ နာရေး ကူညီမှုအသင်း(ရန်ကုန်)သို့ ဘဘအားရည်စူး၍ အလှူငွေ (၂) သိန်းတိတိ လာရောက်လှူဒါန်းခဲ့သည်။ ထိုအချိန်တွင် ဘဘဦးတင်ယု၏ ဇနီး ဒေါ်မြင့်မြင့်ရီမှ ဦးကျော်သူနှင့် တွေ့ဆုံခွင့်တောင်းခံသော်လည်း နယ်ခရီးမှ ပြန်လည်မရောက် ရှိသည့်အတွက် တွေ့ဆုံခွင့်မကြုံခဲ့ပေ။

ထို့နောက် ၂၆.၄.၂ဝ၁၃ ရက်နေ့တွေင် “ကွယ်လွန်သူ ဘဘဦးတင်ယုအားရည်စူး၍ ဇနီး ဒေါ်မြင့်မြင့်ရီ မိသားစု” တို့မှ ဒုတိယအကြိမ်မြောက်ထပ်မံ၍ အလှူငွေကျပ် (၂) သိန်းတိတိအား လှူဒါန်းချိန်တွင် ဦးကျော်သူနှင့် တွေ့ဆုံဖြစ်ကြသည်။ အမေ ဒေါ်မြင့်မြင့်ရီ၏ ဆန္ဒပြည့်ဝခဲ့တော့သည်။ တိုက်ဆိုင်စွာဖြင့် ယင်းနေ့ နံနက် (၁၂းဝဝ) နာရီအချိန်ခန့်တွင် သရုပ်ဆောင်/အဆိုတော် ဝိုင်းစုခိုင်သိန်း သည် မိခင်နှင့်အတူ နာရေးကူညီမှုအသင်း(ရန်ကုန်)သို့ လာရောက်ခဲ့ပြီး သုခကုသိုလ်ဖြစ်ဆေးခန်းသို့ အလှူငွေကျပ် (၁ဝ) သိန်းတိတိအား ဒုတိယအကြိမ်မြောက် ထပ်မံ၍ လှူဒါန်းခဲ့သည်။ အဆိုပါငွေများသည် သရုပ်ဆောင်/အဆိုတော် ဝိုင်းစုခိုင်သိန်းမှ ၂ဝ၁၃ ခုနှစ်၊ မဟာသင်္ကြန်ရက်များ အတွင်းဖျော်ဖြေပွဲမှ အများပြည်သူတို့ ချီးမြှင့်ပေးခဲ့သော အနုပညာကြေးများအား အများပြည်သူ ပရိတ်သတ်တို့အား ကျေးဇူးဆပ်သည့်အနေဖြင့် ယခုကဲ့သို့ အများပြည်သူတို့၏ လူမှုဒုက္ခများအားထိရောက်စွာ ကူညီပေးနေသောနာရေး ကူညီမှုအသင်း(ရန်ကုန်)ရှိ သုခကုသိုလ်ဖြစ်ဆေးခန်းသို့ လှူဒါန်းရခြင်းဖြစ်ကြောင်း၊ အမှန်စင်စစ် ဝိုင်းစုခိုင်သိန်းသည် နှစ်ဆန်းတစ်ရက်နေ့တွင် လာရောက်လှူဒါန်း၍ လှူဒါန်းလိုသော်လည်း အနုပညာအလုပ်များဖြင့် မအားလပ်သည့် အတွက် ယခုမှလာရောက်၍ လှူဒါန်းရခြင်းဖြစ်ကြောင်းနှင့် ထို့နောက် ၂၇.၄.၂ဝ၁၃ ရက်နေ့တွင် ရွှေမင်းဝံ သာသနာ့ ရိပ်သာ၌ တရားစခန်းဝင်ရောက်မည်ဖြစ်ကြောင်း ပြောကြားသွားခဲ့သည်။

ဝိုင်းစုခိုင်သိန်း လှူဒါန်းခဲ့သော အလှူငွေ များအား နာရေးကူညီမှုအသင်း(ရန်ကုန်)ရှိ သုခကုသိုလ်ဖြစ်ဆေးခန်း သို့လာရောက်၍ ဆေးကုသမှုခံယူကြသော လူနာများ၏ ကျန်းမာရေးအတွက် တစ်တပ်တစ်အား အင်အားတစ်ခု ဖြစ်စေခဲ့ပြီဖြစ်သည်။

ထို့အပြင် ၂၂.၄.၂ဝ၁၃ နေ့ရက်တွင် မကြာသေးမီအချိန်မှ ပြည်ပမှ ပြန်ရောက်ရှိလာသော တေးသံရှင်/ အဆိုတော် ယုဇန နှင့်ခင်ပွန်းအပြင် မိဘများဖြစ်ကြသော ဟင်္သာတ ဦးမြင့်ငွေနှင့်ဇနီး ဒေါ်တင်တင်အေး မိသားစုမှ နာရေးကူညီမှုအသင်း(ရန်ကုန်)သို့ အလှူငွေ (၃) သိန်းကျပ်အား လာရောက်လှူဒါန်းခဲ့သည်။ အနုပညာသမားများမှ လူမှုအကျိုးပြုလုပ်ငန်းများအတွက် အနုပညာကြေးများလှူဒါန်းခြင်းသည် ပရိတ်သတ်များအား ကျေးဇူးဆပ်ခြင်းဟု ပင် ကျွန်တော်ရှုမြင်မိပါသည်။

ထိုသို့ ရုပ်ရှင်ဖခင်ကြီး ဘဘဦးတင်ယုအားရည်စူး၍ ကျန်ရစ်သူမိသားစုများ၏ အလှူ ဒါန၎င်း၊ သရုပ်ဆောင်/အဆိုတော် ဝိုင်းစုခိုင်သိန်း၏ နှစ်သစ်ဦး အနုပညာကြေး အလှူဒါန၎င်း၊ တေးသံရှင် အဆို တော် ယုဇန၏ မိဘများအားအမှူးထား၍ လှူဒါန်းရသော အလှူဒါနသည်၎င်း ထိုထိုသော လှူဒါန်းမှုတို့သည် အနု ပညာရှင်များမှ အများပြည်သူ လူထုပရိတ်သတ်တို့အား ကျေးဇူးဆပ်သည့် ကုသိုလ်ထူးတို့အား နာရေးကူညီမှု အသင်း(ရန်ကုန်)မှ အများပြည်သူတို့နည်းတူ မုဒိတာပွားကာ မှတ်တမ်းတင်ဂုဏ်ပြုအပ်ပါသည်။

နာရေးကူညီမှုအသင်း(ရန်ကုန်)

ကျော်သူက သူ့အဓိဌာန်တစ်ခုပြီးသွားလို့ ...အောင်စည်အောင်မောင်းလည်း ထုပြီးပြီတဲ့...နောက် ထူးခြားမှုတစ်ခုလုပ်အုံးမယ်ဆိုပဲ....???

သူဘာလုပ်မလဲ ဆိုတာကတော့...!!!!!!!!!သူ ထူးထူးခြားခြား ဘာလုပ်မယ်လို့ထင်သလဲ...?????

နာရေးကူညီမှုအသင်း (ရန်ကုန်) ရဲ့ ဥက္ကဋ္ဌ ဦးကျော်သူက သူ့အဓိဌာန်တစ်ခုပြီးသွားလို့ အောင်စည်အောင်မောင်းလည်း ထုပြီးတဲ့နောက်သူ ထူးခြားမှုတစ်ခုလုပ်အုံးမယ်ဆိုတာကတော့ သူနှစ်ရှည်ကြာကြာထားခဲ့တဲ့ ဆံပင်အရှည်ကြီးကို သပ်သပ်ရပ်ရပ်ကလေး ညှပ်ပစ်လိုက်တာပါပဲ.....

(သူဆံပင်ညှပ်တဲ့ညက ညှပ်နေတုန်းမီးပျက်သွားလို့ နောက်နေ့မနက်မှာမှ ဆက်ညှပ်ရပါသတဲ့ဗျာ....) 




တာဝန်ကျယာဉ်ထိန်းရဲတစ်ဦးအား ပါးရိုက်မှုနှင့်စပ်လျဉ်း၍ပြည်သူလူထုလုံခြုံရေးကို ရှေးရှုကာ ဗိုလ်ချုပ်မှူးကြီးဟောင်းတစ်ဦး၏ မြေးဖြစ်သူကို ကုန်ဈေးနှုန်းကျဆင်းရေးအဖွဲ့မှကိုထင်ကျော်က ဧပြီလ ၁၀ ရက်၊ ကမာရွတ်ရဲစခန်းတွင် အမှုဖွင့်ထားပြီးဖြစ်သည်။

ဝန်ထမ်းတစ်ဦးတာဝန်ချိန်တွင် ယခုကဲ့သို့ အကြမ်းဖက်ခြင်းကိစ္စအားတရားဥပဒေကြောင်းအရ အရေးယူဆောင်ရွက်ရန် ပြည်ထဲရေးသို့ တွန်းအားပေးခြင်းဖြစ်ကြောင်း၊ပြည်သူ့ဝန်ထမ်းတစ်ဦးအား အနိုင်ကျင့်အကြမ်းဖက်မှုသည် မြန်မာနိုင်ငံ တရားဥပဒေစိုးမိုးရေး ကိုစိန်ခေါ်မှုအသွင်သဏ္ဍာန် သက်ရောက်ကြောင်းတို့ကို ““ဒါဟာ လူထုရဲ့ လုံခြုံရေးကို အကာအကွယ်မဲ့နေတယ်ဆိုတာ မီးမောင်းထိုးပြနေသလိုပါပဲ။ အမှုကို FIR နဲ့မဖွင့်ဘူး။ လက်တော့လက်ခံတယ်။ ၀န်ထမ်းတာဝန်ရှိတဲ့သူကိုယ်တိုင်က အကြောက်တရားရှိနေတယ်လို့ သုံးသပ်တယ်။ ကမာရွတ်ရဲစခန်းက စခန်းမှူးကို ဥပဒေကြောင်းတွေကျွန်တော်သွားရှင်းပြပြီး အမှုဖွင့်ဖို့ လက်ခံပေးဖို့ တောင်းဆိုတယ်။ အထက်ကိုတင်ပြမယ်ဆိုပြီးလက်မှတ်ထိုးပြီး ယူထားလိုက်တယ်””ဟူ၍ ကိုထင်ကျော် က မြန်မာသံတော်ဆင့်သို့ ပြောသည်။

ကိုထင်ကျော်သည် ဗိုလ်ချုပ်မှူးကြီးဟောင်း၏မြေးဖြစ်သူကို ဧပြီ ၁၀ ရက်တွင် ၀တ္တရားနှောင့်ယှက်မှု ပုဒ်မ ၃၃၂/၃၃၃/၃၅၃ တို့ဖြင့် ကမာရွတ်ရဲစခန်းတွင်အမှုဖွင့်ထားခြင်းဖြစ်သည်။

ဗိုလ်ချုပ်မှူးကြီးသန်းရွှေ(ငြိမ်း)၏ မြေးဖြစ်သူသည်မတ်လ ၁၄ ရက်က ကမာရွတ်မြို့နယ်၊ ၉ ရပ်ကွက်၊ အင်းလျားလမ်းမီးပွိုင့်တွင် လမ်းမရှင်းပေးသောကြောင့်တာဝန်ကျယာဉ်ထိန်းရဲအားတာဝန်ကျနေရာတွင်ရိုက်နှက်ခဲ့သည်ကို ပြည်တွင်းသတင်းဂျာနယ်များကလည်းရေးသားဖော်ပြခဲ့ပြီး ၎င်း၏နေအိမ်သို့ခေါ်၍ ရေခဲရေဖြင့်ပက်ခြင်း၊ ဒူးထောက်ခိုင်း၍ ပါးရိုက်ခြင်းတို့ပြုလုပ်ခဲ့ကြောင်းတို့ကို ရိုက်နှက်ခြင်းခံရသူ ယာဉ်ထိန်းရဲ ကိုစံသိန်းထွေးက အင်တာနက်စာမျက်နှာများတွင်ဖော်ပြထားသည်။

မြန်မာသံတော်ဆင့်

ပြည်ထောင်စုရွေးကောက်ပွဲကော်မရှင်ရုံးချုပ်မှာမနေ့ကကျင်းပတဲ့ နိုင်ငံရေးပါတီများ၊အရပ်ဘက်လူ့အဖွဲ့အစည်းများနဲ့ ပြည်ထောင်စုရွေးကောက်ပွဲကော်မရှင်တို့ရဲ့သုံးပွင့်ဆိုင်တွေ့ဆုံဆွေးနွေးပွဲမှာနိုင်ငံရေးပါတီများရံပုံငွေရယူသည့်ကဏ္ဍ ဆွေးနွေးကြရာမှာ ရွေးကောက်ပွဲကော်မရှင်အနေနဲ့ ဒီကိစ္စနဲ့ပတ်သက်ပြီး ပြတ်သားစွာဆောင်ရွက်သွားမှာဖြစ်ကြောင်း၊ နိုင်ငံရေး ပါတီများ၏လက်အောက်ရှိ အဖွဲ့အစည်း၊ ကွန်ရက်များက ပြည်ပမှရံပုံငွေ ရယူခြင်းဟာလည်း ပါတီကရယူခြင်းဟု သတ်မှတ်မှာဖြစ်ကြောင်း၊ ယခုအချိန် မှစပြီး ပြည်ပအဖွဲ့အစည်းတွေက ပံ့ပိုးတဲ့ရံပုံငွေကို ဆက်လက်လက်ခံခြင်းမပြု ရန်နှင့် လုပ်ဆောင်မှုများရှိလာပါက ကော်မရှင်အနေနဲ့ သတိပေးတားမြစ်သွားမှာဖြစ်ပြီး လိုက်နာမှုမရှိပါက ပါတီဖျက်သိမ်းသည်အထိ အရေးယူဆောင်ရွက်သွားမှာဖြစ်ကြောင်း လည်း ပြောကြားခဲ့တယ်လို့ သိရပါတယ်။

ဒီကနေ့ လက်ရှိမြန်မာပြည်တွင်းမှာဖြစ်ပွားနေတဲ့ ဆူပူအကြမ်းဖက်မှု ပဋိပက္ခဖြစ်စဉ်တွေဟာ ပြည်ပ ပယောဂတွေပါတယ်။ ပြည်ပအဖွဲ့အစည်းတချို့ရဲ့ အားပေးအားမြှောက်မှုတွေပါတယ်။ နောက်က ထောက်ပံ့ကြေးပေးပြီး ဆူပူမှုတွေကို ပုံဖော်နေကြတာလည်း တွေ့ရတယ်။ အထူးသဖြင့် ပြည်ထောင်စုအစိုးရကိုယ်တိုင်ဦးဆောင်ပြီး ကေအိုင်အေနဲ့ ငြိမ်းချမ်းရေးဆွေးနွေးပွဲဖြစ်စဉ်တွေတိုးတက်မလာသေးတာဟာတစ်ဖက်အဖွဲ့အစည်းတွေကို ပြည်ပအစိုးရတွေက သွေးထိုးမြှောက်ပင့်၊ ထောက်ပံ့မှုတွေကြောင့် အလုံးစုမပြေလည်သေး၊ မငြိမ်းချမ်းသေးတာကို တွေ့ရမှာလည်းဖြစ်ပါတယ်။

ကေအိုင်အေခေါင်းဆောင် ဗိုလ်ချုပ်ဂွမ်မော်က ကချင်လူထုနဲ့တွေ့ဆုံရာမှာ ဒီသဘောဆန်ဆန်တွေပြောသွားတာ ကျွန်တော်တို့ တွေ့လိုက်ရတယ်။ သေချာတာက ကေအိုင်အေအဖွဲ့ကို အိမ်နီးချင်းအစိုးရက သူတို့ရဲ့နောက်ထပ်ခြံစည်းရိုးတစ်ခုအဖြစ် အသုံးချချင်နေတာတွေကို တွေ့ရတယ်။ ၀ အဖွဲ့ဟာ ပထမခြံစည်းရိုးဆိုရင် ကေအိုင်အေဟာ ဒုတိယခြံစည်းရိုးအဖြစ် ပုံဖော်ချင်နေတာတွေကိုလည်း ကျွန်တော်တို့တွေ့ရတယ်။

ဒီတော့တိုင်းပြည်နဲ့လူမျိုးအကျိုးအတွက်ရော၊ နိုင်ငံရဲ့ဒီမိုကရေစီခေတ်ပြောင်းတော်လှန်ရေးနဲ့ ပြန်လည်ထူထောင်ရေးကာလမှာ ဒီလို တိုင်းပြည်အတွက် ဆိုးကျိုးဖြစ်စေမယ့်အဖွဲ့အစည်းတွေ ပြည်ပမှာရော၊ ပြည်တွင်းမှာရော၊ နယ်စပ်မှာရော၊ ရန်ကုန်မြို့ပေါ်မှာရော၊ မန္တလေးမြို့ပေါ်မှာရော ရှိတယ်။ အထူးသဖြင့် မီဒီယာလောကထဲတောင် စိမ့်ဝင်နေတာတွေကို တွေ့ရတယ်။

ဒါကြောင့် ပြည်ပရံပုံငွေနဲ့အထောက်အပံ့ကို လက်ခံရယူပြီး တိုင်းပြည်ရဲ့ဖြစ်ထွန်းမှုကို ပိုမိုရှုပ်ထွေးအောင်လုပ်မယ့် အဖွဲ့အစည်းသော်လည်းကောင်။ ကွန်ရက်သော်လည်းကောင်း၊ ပါတီသော် လည်းကောင်း ထိရောက်တဲ့တရားဥပဒေစိုးမိုးတဲ့ အရေးယူမှုတွေကို မှန်မှန်ကန်ကန်နဲ့ ဖော်ထုတ်အရေးယူတာမျိုးလည်းဖြစ်သင့်ပါတယ်။ အမြင်ကပ်လို့၊ ငါနဲ့မတည့်လို့၊ ငါ့ကိုအတိုက်အခံလုပ်လို့၊ ငါ့ကိုနိုင်သွားမှာစိုးလို့ ဆိုတဲ့ အမြင်ကပ်ပုဒ်မတပ်ပြီး အရေးယူဆောင်ရွက်တာမျိုးကိုတော့ လက်မခံဘူး။ တကယ့်ကို တိုင်းပြည်အတွက် ကောင်းကျိုးထက်၊ ဆိုးကျိုးဖြစ်ဖို့များတဲ့လုပ်ရပ်တွေကို ပြည်ပထောက်ပံ့ကြေးမျှော်ပြီး လုပ်နေတဲ့အဖွဲ့အစည်းတွေကိုတော့ အရေးယူသင့်ပါတယ်။ ဒီလိုပဲ ပြည်၊ ခိုင်၊ ဖြိုးပါတီအနေနဲ့ရော ဘယ်လိုရံပုံငွေရယူနေသလဲ။ ဘယ်က ရံပုံငွေတွေရနေသလဲဆိုတာ ထင်သာမြင်သာရှိတဲ့ရှင်းလင်းမှုမျိုးကိုလည်း လုပ်ပြဖို့လိုအပ်တယ်လို့ ၀ါရင့်နိုင်ငံရေးသမားကြီး သခင်လွင်က ပြည်ထောင်စုရွေးကောက်ပွဲ ကော်မရှင်ဥက္ကဋ္ဌရဲ့ပြောကြားချက် အပေါ် အခုလိုထပ်ဆင့်မှတ်ချက်ပေးဆွေးနွေး တင်ပြလာတာကိုလည်း သိရှိရပါတယ်။
The First Media Group

(လူမှုဆက်ဆံရေး ပတ်ဝန်းကျင်မှာ လိုက်နာစောင့်စည်းအပ်တဲ့ လောကနီတိ ရှိသလိုပဲ လူ လူချင်း တိုက်ရိုက်ထိတွေ့ဆက်ဆံတာမဟုတ်တဲ့ အွန်လိုင်းပေါ်မှာလည်း အလေးထား လိုက်နာသင့်တဲ့ စည်းမျဉ်းကလေးတွေ ရှိတဲ့အကြောင်း ဗာဂျီးနီးယားရှား ကတင်ပြထားတာဖြစ်ပါတယ်။ ဘာသာပြန်မျှဝေဖို့ တိုက်တွန်းတဲ့ ဆရာမောင်မောင်မြင့်ကို ကျေးဇူးတင်ပါတယ်။)

အွန်လိုင်းယဉ်ကျေးမှုနယ်ပယ်ထဲမှာ ကိုယ်ပိုင်သင်္ကေတတွေရှိနေပါတယ်။ ဒါကို သတိမပြုမိတဲ့အခါ အဆင်မပြေတာလေးတွေ ဖြစ်တတ်တာပေါ့။ တဖက်ကပြောချင်တဲ့ ဆိုလိုရင်းကို မသိပဲ ရန်တွေ့မိတာလည်း ဖြစ်နိုင်တယ်။ စာသားတွေချည်း မြင်နေရတော့ တဖက်က လူသားစစ်စစ်ဆိုတာ မေ့သွားရင် ပိုဆိုးသွားတတ်ပါတယ်။ ဒါကြောင့် လူလူချင်းဆက်ဆံပုံနဲ့ကွဲပြားတဲ့ အွန်လိုင်းဆက်သွယ်ရေးဟာ လူသစ်တွေအတွက်တော့ အမှားတွေအများကြီး ဖြစ်နိုင်ပါတယ်။

ဒီဆောင်းပါးက လူသစ်တွေကို အမှားနည်းစေဖို့နဲ့ လူဟောင်းတွေက လူသစ်တွေကို လမ်းပြဖို့ ရည်ရွယ်ပါတယ်။ မိတ်ဆွေတိုးပွားပြီး ရန်သူနည်းစေဖို့ပါ။ နည်းလမ်းလေး နည်းနည်းသိသွားတာနဲ့ စိတ်အနှောင့်အယှက်မဖြစ်ရအောင် ရှောင်ရှားနိုင်မှာပါ။ ပြသနာအကုန်လုံးကို ရှင်းမပေးနိုင်ပေမယ့် ပြသနာရှင်းနည်းလေးတွေကိုတော့ ဝေမျှထားပါတယ်။

ဥပဒေသ (၁) လူသားများဖြစ်ကြောင်း သတိပြုပါ။

ငယ်ငယ်တုန်းက သင်ခဲ့ရတဲ့အတိုင်းပါပဲ။ ကိုယ်လိုချင်တာ သူများကို ပေးပါ။ ကိုယ်မလိုချင်တာ သူများကို မပေးပါနဲ့။ ကိုယ်ချင်းစာစိတ်မွေးပါ။ သူတပါးခံစားချက်တွေကို ပြက်ရယ်မပြုပါနဲ့။

အွန်လိုင်းပေါ်မှာတော့ ပိုပြီးသတိထားရပါတယ်။ တဖက်က မျက်နှာအမူအရာ၊ ကိုယ်ဟန်အနေအထား၊ အသံအနိမ့်အမြင့်တွေကို မသိရပဲ စာလုံးတွေချည်း မြင်နေရတာနဲ့ပဲ လူသားတွေဆိုတာကို မေ့ပစ်လိုက်လို့ မဖြစ်ပါဘူး။

အွန်လိုင်းပေါ်မှာ စကားပြောကြ၊ ဆွေးနွေးကြတဲ့အခါ တဖက်လူရဲ့ ဆိုလိုရင်းကို အဓိပ္ပါယ်မပေါက်တာ၊ ကောက်ချက်လွဲသွားတာတွေ ဖြစ်တတ်ပါတယ်။ တယောက်နဲ့ တယောက်လည်း မသိကြ၊ မဆုံဖူးကြဘူး။ ကွန်ပြူတာကတဆင့် သိကြတာဆိုတော့ ပင်ကိုယ်စရိုက် မဟုတ်တာတွေလည်း ဖြစ်တတ်ပါတယ်။ ဥပမာ - ကားမောင်းတဲ့အခါ တဖက်က မောင်းသူကို ဆဲဆိုတာမျိုး၊ ရိုင်းစိုင်းတာမျိုးတွေ လုပ်မိတတ်ကြတယ်။ ဒါပေမယ့် အလုပ်ထဲမှာ၊ အိမ်မှာတော့ အများအားဖြင့် ဒါမျိုးဘယ်တော့မှ မလုပ်ကြပါဘူး။ အွန်လိုင်းပေါ်မှာတော့ အလွယ်တကူ လုပ်မိတတ်ပြန်ရော။ ဒါဟာ လက်သင့်ခံစရာ၊ လိုက်လျောစရာမဟုတ်ပါဘူး။

အွန်လိုင်းသုံးတယ်ဆိုတာ ကိုယ့်ကိုယ်ကို ပွင့်ပွင့်လင်းလင်း ထုတ်ဖော်ဖို့၊ နယ်မြေသစ်တွေကို ရှာဖွေဖို့နဲ့ ရဲရဲရင့်ရင့် တခြားကမ္ဘာအထိ အရောက်သွားဖို့ပါပဲ။ ဒါပေမယ့်လည်း တဖက်က လူသားပကတိဆိုတာ သတိပြုရပါမယ်။ တကယ်လို့များ မျက်နှာချင်းဆိုင်ဆိုရင် ဒါမျိုးပြောဖြစ်မလား လို့ စဉ်းစားသင့်ပါတယ်။အဖြေက ဟင့်အင်းဆိုရင်တော့ အသစ်တခုသာ ပြန်ရေးပါတော့။ သက်ရှိလူသားတယောက်ကို ပြောလို့အဆင်ပြေတဲ့အဆင့်ကို မရောက်မချင်း ထပ်ကာ ထပ်ကာပြန်ရေးပါ။

မျက်နှာတည့်တည့်ကြည့်ပြီး ပက်ပက်စက်စက် ပြောပစ်လိုက်ရမှ အရသာရှိတယ် ထင်နေရင်တော့လည်း မတတ်နိုင်ဘူးပေါ့လေ။ ဒါမျိုးဆိုရင်တော့ ဒီဆောင်းပါးကလည်း မကူညီနိုင်ပါဘူး။ ယဉ်ကျေးလိမ္မာသင်တန်း ပြန်တက်ဖို့သာ ပြောရတော့မှာပဲ။

ရိုင်းစိုင်းတဲ့ စကားလုံးတွေ မသုံးသင့်တဲ့ နောက်တကြောင်းကတော့ စာလုံးတွေက အွန်လိုင်းပေါ်မှာ မှတ်တမ်းတင်ပြီးသားဖြစ်နေလို့ပါ။ လက်လှမ်းမမှီတဲ့ တနေရာမှာ သိမ်းပြီးသားဖြစ်သွားရင် အရိပ်လိုလိုက်လာတတ်တယ်လေ။

အမေရိကန်သမ္မတအိမ်ဖြူတော်က အိုလီဗာနော့ဆိုရင် ရေးထားသမျှ ဂရုတစိုက်ပြန်ဖျက်တာပဲ။ သူမသိတာက တခြားကွန်ပြူတာတခုက ဖျက်သမျှပြန်သိမ်းနေတာလေ။ နောက်ဆုံး တရားရုံးရောက်တော့ အကုန်လုံးလက်ပူးလက်ကြပ် မိကုန်ပါရောလား။ ဒီလို ရာဇ၀တ်မှုမျိုးတွေနဲ့ မပတ်သက်ဘူးဆိုရင်တောင် ပို့လိုက်သမျှသော စာတွေ၊သတင်းတွေဟာ တနေရာမှာ သိမ်းထားနိုင်တယ်ဆိုတာ သိထားရပါမယ်။

ဥပဒေသ (၂ ) အတွင်း နဲ့ အပြင် တူပါစေ

တကယ့်ဘ၀ထဲမှာ လူများစုဟာ ဥပဒေကို လေးစားကြပါတယ်။ အဖမ်းခံရ၊ ဖယ်ကျဉ်ခံရမှာစိုးတာကြောင့် ထင်ပါတယ်။ အွန်လိုင်းပေါ်မှာတော့ မဟုတ်တာလုပ်ပေမယ့် မိတဲ့အကြိမ်ကနည်းပါတယ်။ ဒါကြောင့်လည်း တခါတလေ ကွန်ပြူတာတဖက်မှာ လူရှိနေတာ သတိမထားမိပဲ ကျင့်ဝတ်မထိန်းတာ၊ ပုဂ္ဂိုလ်ရေး ထိခိုက်တာတွေကို လုပ်လို့ရတယ်လို့ ထင်မိတတ်တယ်။

လက်တွေ့ဘ၀နဲ့ အွန်လိုင်းဘ၀ကြားထဲမှာ ဇဝေဇ၀ါဖြစ်တတ်တာကို နားလည်ပေးလို့ရပေမယ့် အမှားကတော့ အမှားပါပဲ။ အတွင်းနဲ့ အပြင် အတူတူပါပဲ။ ကျင့်ဝတ်ဆိုတာ စောင့်စည်းဖို့ပါ။ တစုံတယောက်ကများ ဘာမှစောင့်စည်းနေစရာ မလိုပါဘူးလို့ ဆိုလာခဲ့ရင် မယုံပါနဲ့။ အွန်လိုင်းပေါ်မှာ ဒွိဟဖြစ်စရာတွေပေါ်ခဲ့ရင် အပြင်လောကမှာ လိုက်နာနေကျအတိုင်းပဲ လိုက်နာရမှာပါပဲ။ အဖြေရှာရမှာပါပဲ။

တကယ်လို့ ပိုက်ဆံပေး ရှဲ လုပ်ရတာမျိုးဆိုရင် ပေးလိုက်ပါ။ ဒါမှလဲ စာရေးတဲ့လူ ပိုများလာမယ်။ မဖြစ်စလောက်ငွေလေးက နောင်အရှည်သဖြင့်မှာ အွန်လိုင်းတခုလုံးအတွက် အကျိုးရှိစေနိုင်ပါတယ်။

ဥပဒေချိုးဖောက်တယ်ဆိုတာ မကောင်းတဲ့အကျင့်ပါပဲ။ အွန်လိုင်းပေါ်မှာ ဥပဒေမဲ့ လုပ်တာဟာလည်း အတူတူပါပဲ။ တချို့ဥပဒေတွေကတော့ ရှူပ်ထွေးပြီး နားလည်ဖို့ခက်ပါတယ်။ မူပိုင်ခွင့်တွေနဲ့ ပတ်သက်ပြီးလည်း ဥပဒေတွေထုတ်ထားပါတယ်။ ဒီဆောင်းပါးက ဥပဒေစာအုပ်ကြီးတော့ မဟုတ်ပါဘူး။ ဒါပေမယ့်လည်း အပြင်လောကမှာကော၊ အွန်လိုင်းမှာပါ ဥပဒေဘောင်ထဲမှာ သတိထားနေဖို့ တိုက်တွန်းပါရစေ။

ဥပဒေသ (၃) မိမိနေရာ မိမိသိပါစေ။

အွန်လိုင်းတနေရာမှာ လက်ခံနိုင်တာတခုက နောက်တနေရာမှာ ရိုင်းချင်ရိုင်းနေမှာပါ။ ဥပမာ - ရုပ်မြင်သံကြားက အိမ်ရှင်မများ သတင်းပလင်း အစီအစဉ်မှာ အတင်းအဖျင်းတွေ ပြောတာ လက်ခံလို့ရပါတယ်။ ဒါပေမယ့် ဂျာနယ်သမားတွေရဲ့ စာပုံးထဲကို ကောလဟာလမျိုးစုံ လျှောက်ထည့်ရင်တော့ ဘယ်သူမှ မကြိုက်ပါဘူး။ တနေရာနဲ့ တနေရာ မတူဘူးဆိုတာကို နားလည်ရပါမယ်။

ဒါကြောင့်မို့ နေရာအသစ်တခုကိုရောက်ရင် သူများတွေ ပြောနေ၊ ရေးနေတာတွေကို အရင်ကြည့်ပါဦး။ ဘယ်လိုလူမျိုးတွေလည်းလို့ လေ့လာပါဦး။ ပြီးမှသာ ၀င်ပြောသင့်ပါတယ်။

ဥပဒေသ (၄) သူတပါးအချိန်ကို မဖြုန်းပါနဲ့။

အခုခေတ်မှာ လူတိုင်းအချိန်ရှားပါတယ်။ အိပ်ချိန်နဲနဲ အလုပ်ချိန်များများဖြစ်နေကြတယ်။ ဆွေးနွေးဖို့ အကြောင်းအရာတခု တင်ပြထားရင် ဒါကိုဖတ်ဖို့ အချိန်ပေးရပါတယ်။ ဒါကြောင့် သူများအချိန်ကို ဖြုန်းသလိုဖြစ်စေနိုင်တဲ့ ပို့စ်တွေ မတင်တာကောင်းပါတယ်။ အွန်လိုင်းပေါ်မှာ သတင်းစီးဆင်းနှုန်းနဲ့ သိမ်းဆည်းထားဖို့ နေရာကလည်း အကန့်အသတ်ရှိပါတယ်။ ကိုယ်တယောက်တည်း သုံးနေတာမှ မဟုတ်တာ။ ဒါကြောင့် သတင်းတခုထဲကို မတော်တဆ ၅ ကြိမ်ပို့မိတယ်ဆိုရင် အချိန်ကိုကော နေရာကိုပါဖြုန်းတာပါပဲ။

နားထောင်လို့တော့ သိပ်မကောင်းဘူးပေါ့လေ။ ဒါပေမယ့်လည်း ကိုယ်တိုင်လည်းအလုပ်တွေထဲ ခေါင်းနှစ်နေရရင် ကျန်တာတွေ မေ့တတ်တာပါပဲ။ ဒါကြောင့် ကိုယ့်မေးခွန်းတွေကို တဖက်က ချက်ချင်းပြန်ဖြေဖို့ မမျှော်လင့်ပါနဲ့။ ကိုယ်က အားတက်သရောပြောနေပေမယ့် အားလုံးက သဘောတူခေါင်းငြိမ့်လိမ့်မယ်၊ အရေးလုပ်လိမ့်မယ်လို့လည်း မထင်ပါနဲ့။

ဥပဒေသ (၄) အုပ်စုဖွဲ့ ဆွေးနွေးခန်းမှာ ဂရုပြုစရာ

အများအားဖြင့် အုပ်စုအဖွဲ့ဝင်တွေဟာ ကွန်ပြူတာသုံးချိန်၊ မိသားစုနဲ့ နေချိန်၊ ကိုယ်ပိုင်အိပ်ချိန်စားချိန် စသဖြင့် အားချိန်နည်းပါတယ်။ ပြီးတော့ စာတပုဒ်ကို ဖတ်တော့မယ်ဆိုတာနဲ့ ဖွင့်ဖို့ကလည်း အချိန်ယူပါသေးတယ်။ နိဒါန်းပျိုးနေတာတွေကို ဖတ်ပြီးမှ သော့ချက်ကိုရောက်ရတာပါ။ တကယ်လို့များ ကြိုးစားပမ်းစားဖတ်ပြီး ဘာမှလည်းမဟုတ်ဘူးဆိုရင် အစာမကျေဘူး ဖြစ်တတ်ပါတယ်။

အရင်ခေတ်ကတော့ ကာဘွန်စက္ကူတွေသုံးပြီး မိတ္တူပွားရတာပါ။ တခါပွားရင် ၅ စုံထက်မပိုပါဘူး။ ဒါကြောင့် ဒီစာကို ဘယ်သူ့ဆီအဓိကပို့မလဲဆိုတာ သေသေချာချာစဉ်းစားရပါတယ်။ အခုတော့ ဒါတွေမလိုတော့ပါဘူး။ ကူးချင်သလောက်ကူး၊ ပွားချင်သလောက်ပွားလို့ရပါပြီ။ ဒါကြောင့်လည်း အကျင့်ပါပြီး ပွားချင်တိုင်း ပွားနေမိတတ်ပါတယ်။ လူတွေမှာ အချိန်ရှားပါတယ်။ သတင်းကလည်း စုံလွန်း များလွန်းပါတယ်။ ဒါကြောင့် အုပ်စုဝင်တွေ ဘာကြောင့်သိသင့်တာလဲလို့ ကိုယ့်ဘာသာ အရင်မေးကြည့်တာ ကောင်းပါတယ်။ မလိုအပ်ဘူးထင်ရင် မပို့ပါနဲ့။ လိုချင်လည်း လိုနိုင်တယ် ဆိုရင်တောင်မှ မပို့ခင် ၂ ခါပြန်စဉ်းစားပါဦးလေ။

ဥပဒေသ (၅) ကြည့်ပျော်ရှူပျော်ဖြစ်ပါစေ။


အွန်လိုင်းပေါ်မှာ အေးတိအေးစက်၊ စော်ကားမော်ကားလုပ်တတ်သူတွေနဲ့ ပြည့်နေတာပဲလို့ ထင်ကုန်ကြရင် မကောင်းပါဘူး။ ဒီလောက်ကျယ်တဲ့ ကမ္ဘာကြီးမှာ အွန်လိုင်းသုံးသူအများစုဟာ တခြားသူတွေက like လုပ်သွားတာ လိုချင်တတ်ကြပါတယ်။ တခါမှ မသိဖူးသူတွေနဲ့ ဆုံခွင့်ရတယ်။ သူတို့ကလည်း ကိုယ့်ကိုမမြင်နိုင်။ ကိုယ့်အပေါ်မှာ ဆံပင်အရောင်၊မျက်လုံးအရောင်၊ ကိုယ်ခန္ဓာအချိုးအဆက်၊ အသက်အရွယ်၊ အ၀တ်အစား စတာတွေနဲ့ မဆုံးဖြတ်ပဲ စာအရေးအသားနဲ့သာ ဆုံးဖြတ်မှာပါ။ စာလုံးတွေကို မသုံးချင်ရင် ဘယ်သူမှ အွန်လိုင်းမလာပါဘူး။ ဒါကြောင့် စာလုံးပေါင်းနဲ့ သဒ္ဒါကလည်း အရေးပါ ပါတယ်။

အွန်လိုင်းလည်း အသုံးများတယ်၊ ဒီဟာတွေကိုလည်း စိုးရွံ့တယ်ဆိုရင်တော့ အွန်လိုင်းပေါ်မှာပဲ လမ်းညွှန်စာအုပ်တွေ ဖတ်ရင်း၊ လေ့လာသင်ယူရင်း ပျော်စရာကောင်းလာမှာပါ။ အွန်လိုင်းသင်တန်းတွေ၊ ပြင်ပသင်တန်းတွေရှိရင်လဲ တက်လို့ရပါတယ်။ အသက်အရွယ်ကြီးရင့်သူများဆိုရင်တော့ အသိအကျွမ်းတွေပိုရလာပြီး ပိုပျော်စရာကောင်းပါလိမ့်မယ်။

ကိုယ်ရေးချင်တဲ့အကြောင်းအရာကို အဓိပ္ပါယ်ပေါက်အောင် ရေးပါ။ ကိုယ်တကယ်သိတဲ့ ကိစ္စဖြစ်ပါစေ။ ကိုယ်ကိုယ်တိုင် သဘောပေါက် နားလည်ထားတာလား၊ သူများပြောလို့ ယုံထားတာလားဆိုတာ အရင်မေးကြည့်ပါဦး။ ပို့စ်မတင်ခင်၊ အချက်အလက်တွေကို ပြန်မစစ်ခင် တကယ်တင်ချင်ရဲ့လားလို့ ထပ်မေးပါဦး။ သတင်းဆိုးတွေဟာ တောမီးလိုပျံ့လွယ်ပါတယ်။ တဆင့်စကား တဆင့်နားဖြစ်သွားရင် မူလဆိုလိုရင်း ပျောက်သွားတတ်ပါတယ်။ အွန်လိုင်းပဲဟာ၊ မှန်ကန်တိကျစရာမလိုဘူးလို့ ပြန်ငြင်းချင်လည်းငြင်းပါ။ ဒါပေမယ့် ကိုယ့်တာဝန်တော့ ကိုယ်ယူတတ်ရမှာပေါ့လေ။

နောက်တချက်ကလည်း မှတ်စုတွေရေးတဲ့အခါ ရှင်းရှင်းလင်းလင်း ကျိုးကြောင်းဆက်စပ်တာမျိုးတွေ ဖြစ်ဖို့လိုပါတယ်။ စာတပိုဒ်လုံးမှာ သတ်ပုံ၊ သဒ္ဒါတလုံးမှ မမှားပေမယ့်လည်း ဘာပြောမှန်းမသိတာတွေ ဖြစ်တတ်ပါသေးတယ်။ အထူးသဖြင့် ကိုယ့်ကို အထင်ကြီးစေချင်တာနဲ့ စကားလုံးအကြီးကြီးတွေ သုံးမိတဲ့အခါမျိုးတွေမှာပေါ့။ ရိုးရိုးပဲရေးတာကောင်းပါတယ်။

တို့မီး၊ ရှိူ့မီးတွေ မရေးပါနဲ့။ ယဉ်ယဉ်ကျေးကျေး၊ လှလှပပလေးတွေရေးပါ။ ညစ်ညမ်းတဲ့စကားတွေ မသုံးပါနဲ့။ ဆန့်ကျင်လိုတာသက်သက်နဲ့ ဆန့်ကျင်ဘက်တွေမရေးပါနဲ့။

အွန်လိုင်းပေါ်မှာ ဆဲလို့ရသလား လို့ မေးကြပါတယ်။ အမှိုက်ကို ရွှေထင်တဲ့ နေရာတွေမှာတော့ လက်ခံမှာပါ။ ဆဲဆိုလိုက်ဖို့ လိုတယ်ထင်ရင်လည်း စာလုံးဖျောက်ပြီးသုံးနိုင်ပါတယ်။ ---င်၊ ----ာ စသည်ဖြင့်။ လူတိုင်းက ကိုယ်ဘာဆိုလိုတယ်လို့ သိမှာပါပဲ။ မလိုအပ်ပဲ သူများစိတ်အနှောင့်အယှက်ဖြစ်အောင် မလုပ်တာကောင်းပါတယ်။

ဥပဒေသ (၆) အဖိုးတန် ဗဟုသုတတွေကို ဝေမျှပါ။

ဆိုးတာတွေပြောပြီးသွားတော့ ကောင်းတာလေးတွေပြောပါရစေ။ အွန်လိုင်းရဲ့ မူလဘူတအစွမ်းက လူမျိုးစုံ အသုံးများတာပါ။ မေးခွန်းတွေကို အွန်လိုင်းပေါ်မှာ မေးလိုက်ရင် ဗဟုသုတကြွယ်ဝသူတွေ အများကြီးရှိနေတာမို့ အဖြေရနိုင်ပါတယ်။ တယောက် နှစ်ယောက်လောက်က ၀င်ပြောပေးလိုက်တာနဲ့ အကြံကောင်း ဥာဏ်ကောင်းတွေ တိုးလာပါတယ်။ အင်တာနက်ဆိုတာကို ရှာဖွေတွေ့ရှိပြီး ဖန်တီးတည်ဆောက်ခဲ့တဲ့ မူလရည်ရွယ်ချက်ကိုက သိပ္ပံပညာရှင်တွေဟာ သူတို့အချင်းချင်း ပညာဖလှယ်ချင်လို့ပါ။ တဖြည်းဖြည်းနဲ့မှ လူတွေအားလုံးပါလာကြတာပါ။

ဒါကြောင့်မို့ ကိုယ်သိတာလေး ကိုယ်ဝင်ပြောဖို့ မတွန့်ပါနဲ့။ မေးခွန်းတခုမေးလိုက်လို့ အဖြေတွေရလာတယ်ဆိုရင် အကျဉ်းချုပ်ကလေး ပြန်ရေးပြီး ဆွေးနွေးခန်းမှာ ပြန်တင်ပေးပါ။ ဒါမှလည်း တတ်သိသူတွေက အချိန်ကုန်ခံရေးပေးထားတဲ့ ဗဟုသုတတွေကို အားလုံးအတွက် အကျိုးရှိအောင် ပြန်သုံးနိုင်မှာပါ။

ကိုယ်တိုင်က တတ်သိပညာရှင်ဆိုရင်တော့ ပိုတောင်မှလုပ်ပေးနိုင်ပါဦးမယ်။ ကိုယ်တိုင်ဦးဆောင်ဆွေးနွေးတာတွေ၊ အများစိတ်ဝင်စားမယ့် အကြောင်းအရာကို ရေးတင်တာမျိုးတွေ၊ မေးခွန်းထုတ်တာတွေ လုပ်နိုင်ပါတယ်။ ဗဟုသုတဝေမျှတယ်ဆိုတာ ပျော်စရာကြီးပါ။ ဒါဟာအွန်လိုင်းရဲ့ ရိုးရာဓလေ့ထုံးစံပါ။ ကမ္ဘာကြီးကိုလည်း ပိုကောင်းစေတယ်လေ။

ဥပဒေသ (၇) ၀င်ရောက်ဖြန်ဖြေပါ။

တခြားသူတွေက ပြင်းပြင်းထန်ထန်ရေးနေကြပြီ၊ အခိုင်အမာတွေ ဆုပ်ကိုင်ငြင်းနေပြီဆိုရင် သွေးဆူလာတတ်ကြပါတယ်။ ဒီအချိန်မှာ နဲနဲအရှိန်ဝင်လျှော့ပေးဖို့ လိုပါတယ်။ အွန်လိုင်းမှာ သွေးဆူ၊ သွေးပူခွင့်မရှိဘူးလားဆိုတော့ ရှိတာပေါ့။ သွေးဆူတယ်ဆိုတာ အွန်လိုင်းရဲ့ ရိုးရာပါပဲ။ ဒါကို အပြောင်အပျက် ရယ်စရာ မောစရာလုပ်ပေးလိုက်ရင် ပျော်စရာဖြစ်သွားပါရော။ တခါတလေတော့လည်း အရှိန်မသေသေးရင် ဆက်ဖြစ်ပေါ့လေ။

ဒါပေမယ့်လည်း အွန်လိုင်းကျင့်ဝတ်မှာ တဖက်နဲ့တဖက် မပြီးနိုင် မစီးနိုင် တိုက်ခိုက်နေတာတွေ၊ ရန်စနေတာတွေ၊ စော်ကားနေတာတွေကိုတော့ ခွင့်မပြုသင့်ပါဘူး။ ဒါက အဖွဲ့တခုလုံးကို စိတ်ပျက်စေပါတယ်။ တခြားမဆိုင်သူတွေအပေါ်မှာလည်း မတရားရာရောက်ပါတယ်။ အစပိုင်းမှာတော့ စကားနိုင်လုနေတာကို ၀ိုင်းကြည့်ရတာ ပျော်စရာကောင်းသလိုလိုပေါ့။ နောက်ပိုင်းမှာတော့ ၀င်မပါတဲ့သူတွေက ပျင်းသွားတာပါပဲ။ ကိုယ်တွေချည်းပဲ လက်ဝါးကြီးအုပ်ထားသလိုဖြစ်နေတာ မသင့်တော်ပါဘူး။

ဥပဒေသ (၈) တခြားသူများရဲ့ အတွင်းရေးကို မစပ်စုပါနဲ့၊

လုပ်ဖော်ကိုင်ဖက်ရဲ့ အံဆွဲကို ခွင့်မတောင်းပဲ ဖွင့်ကြည့်ဖို့ မသင့်တော်သလိုပဲ သူများစာတွေကို ဖွင့်မဖတ်ပါနဲ့။ နမူနာတခုကတော့ ဂျာနယ်တိုက်တခုမှာ စာတွေဖွင့်ဖတ်ခံရတယ်လို့ သံသယရှိတဲ့အခါ သတင်းအတုတခုကို ထည့်ထားလိုက်ပါတယ်။ ဖတ်တဲ့လူက အဲဒီသတင်းအတုအကြောင်း မေးလာတဲ့အခါ မိသွားတာပေါ့။ ဒါနဲ့ သူ့ကို တခြားနေရာပို့ပစ်လိုက်ပါတယ်။ သူများအတွင်းရေးစပ်စုတာ အလုပ်ပြုတ်တဲ့အထိ ဒုက္ခပေးနိုင်ပါတယ်။

ဥပဒေသ (၉) လုပ်ပိုင်ခွင့်ကို အလွဲသုံးစားမလုပ်ပါနဲ့။

တချို့လူတွေဟာ အင်တာနက်မှာ ဆရာကြီးတွေပါ။ ကွန်ပြူတာစနစ်နဲ့ အင်တာနက်ကို သူများတွေထက် ပိုကျွမ်းကျင်ရုံနဲ့ သူများဆီက အခွင့်အရေးပိုယူဖို့ မသင့်ပါဘူး။ ဥပမာ -- ဌာနမှုးက လက်အောက်ငယ်သားတွေရဲ့ ကိုယ်ပိုင်စာတွေကို မဖတ်ရပါဘူး။

ဥပဒေသ (၁၀) သူများအမှားတွေကို ခွင့်လွှတ်လိုက်ပါ။

လူတိုင်းက အွန်လိုင်းမှာ လူသစ်ဖြစ်ဖူးကြတာပါပဲ။ ဒီဆောင်းပါးကိုလည်း လူတိုင်းဖတ်ဖူးတာမှ မဟုတ်တာ။ ဒါကြောင့် သတ်ပုံမှားတာ၊ အူကြောင်ကြောင်မေးတာ၊ မလိုအပ်ပဲ စကားကြောရှည်တာတွေကို သည်းခံလိုက်ပါ။ အသေးအဖွဲဆိုရင် ပြောနေဖို့တောင် မလိုပါဘူး။ ပြောဖို့လိုတယ် ထင်ရင်တောင် ၂ ခါပြန်စဉ်းစားပါ။ ကိုယ်တော်တာနဲ့ပဲ သူများကိုဆရာလုပ်တာ ဘယ်ကောင်းပါ့မလဲ။ မှားနေတယ်လို့ ပြောတော့မယ်ဆိုရင် ယဉ်ယဉ်ကျေးကျေးပြောပါ။ အများရှေ့မှာမပြောပဲ တဦးထဲကို စာပို့ပြောပါ။ ဘယ်လိုပြောပြော သူ့ဘက်က ဒီထက်ကို ပိုမသိတော့တာလည်း ဖြစ်နိုင်ပါသေးတယ်။ ဆရာကြီးလေသံ မဖမ်းပါနဲ့။ သူ့အမှားကို ကိုယ့်အမှားမဖြစ်ပါစေနဲ့။ ကျင့်ဝတ်နဲ့ ညီ မညီငြင်းကြရင်းနဲ့ ကျင့်ဝတ်နဲ့မညီပဲကို ရန်ဖြစ်တတ်ကြောင်း သတြိပုတော်မူကြပါကုန်။

Thandar Win

သမိုင်းဆိုတာ ဟောင်းလေတန်ဖိုး ကြီးလေပါပဲ။ နိုင်ငံတစ်နိုင်ငံပဲဖြစ်ဖြစ်၊ လူ ပုဂိ်္ဂုလ်တစ်ဦးတစ်ယောက်ပဲဖြစ်ဖြစ် အချိန် ကြာလာတာနဲ့အမျှ သမိုင်းတန်ဖိုးမြင့် တက်လာတတ်ပါတယ်။ ကုန်ကုန်ပြောရ ရင် အိုးခြမ်းပဲ့လေးတစ်ခုကတောင် သူ့ သမိုင်းနဲ့သူရှိနေတတ်တယ်။
အိုးခြမ်းပဲ့ဆိုပြီး တန်ဖိုးမဲ့လိမ့်မယ် မထင်လိုက်ပါနဲ့။ သူ့မှာ ဖွဲ့တည်နေတဲ့ အချိန်ကာအလျှောက် သူ့ခေတ်သူ့ကာလ က လူနေမှုစနစ်ကို ပြောပြနေတယ်။ သာမာန်လူတွေနားမလည်နိုင်ပေမဲ့ သမိုင်း ပညာရှင်တွေကတော့ အိုးခြမ်းပဲ့ကပြော တဲ့ သမိုင်းကိုနားလည်နေကြတယ်။

အိုးခြမ်းပဲ့မှာပါဝင်နေတဲ့ ရွှံ့မြေအမျိုး အစား၊ သူ့မှာ ကပ်ငြိနေတဲ့ နွယ်၊ မြက်၊ သစ်ရွက်၊ သူ့ကိုအလှဆင်ထားတဲ့ ပန်းချီ၊ အနုပညာ အားလုံးပေါင်းစပ်ကြည့်လိုက် ရင် သမိုင်းမှတ်တမ်းတစ်စောင်ရနိုင်တဲ့ အထိ အိုးခြမ်းပဲ့တစ်ခုဟာ သမိုင်းဝင် ပစ္စည်းဖြစ်သွားတတ်ပါတယ်။ ဒါကြောင့် မို့လည်း ဆရာတင်မိုးပြောခဲ့သလို အလှ ကိုယ်စီရှိကြတာချည်းပါပဲ။

အခုဆိုရင် ရှေးဟောင်းယဉ်ကျေးမှုနယ်မြေဖြစ်တဲ့ပုဂံအာနန္ဒာဘုရားမှာနံရံ ဆေးရေးပန်းချီတွေကို ပြန်လည်ဖော်ထုတ် နေပြီ။ နှစ်ပေါင်းများစွာ ချေးညှော်တွေ ကပ်နေတဲ့ နံရံဆေးရေးပန်းချီတွေ၊ ထုံး သုပ်ထားလို့တိမ်မြုပ်ပျောက်ကွယ်နေတဲ့ ပန်းချီတွေကို အိနိ်္ဒယနိုင်ငံရဲ့အကူအညီ နဲ့ ပြန်လည်ဖော်ထုတ်နေတာကိုဖြင့် ကျေးဇူးတင်ဂုဏ်ယူဝမ်းမြောက်မိပါတယ်။
နံရံဆေးရေးပန်းချီတွေကလဲ ပုဂံ ခေတ်ရဲ့ လူနေမှုဘ၀ကို အတန်အသင့် ပြောပြနိုင်မယ်ထင်ပါတယ်။ ပုဂံမှာရှိတဲ့ ဂူဘုရားတွေရဲ့ နံရံဆေးရေးပန်းချီတွေဟာ ဖြင့် ပုဂံခေတ်ရဲ့ လူမှုရေး၊ စီးပွားရေး၊ နိုင်ငံရေး၊ ယဉ်ကျေးမှုတွေကို အများကြီး ပြောပြနေတာလေ့လာတွေ့ရှိရပါတယ်။ နှစ်ပေါင်းထောင်ချီကြာမြင့်နေပြီဖြစ်တဲ့ ပုဂံရှေးဟောင်းယဉ်ကျေးမှုနယ်မြေဟာ ဖြင့် တန်ဖိုးကြီးမားတဲ့ သမိုင်းအမွေအနှစ် တွေကို ချန်ရစ်ခဲ့တာတော့ အမှန်ပါပဲ။

ဒီလိုပါပဲ မြန်မာ့သမိုင်းမှာ ပထမ မြန်မာနိုင်ငံတော်ကြီးကို တည်ထောင်ခဲ့ တဲ့ အနော်ရထာ၊ ဒုတိယမြန်မာနိုင်ငံ တော်ကြီးကို တည်ထောင်ခဲ့တဲ့ ဘုရင့် နောင်ကျော်ထင်နော်ရထာ၊ တတိယ မြန်မာနိုင်ငံတော်ကြီးကို တည်ထောင်ခဲ့ တဲ့ အလောင်းဘုရား ဦးအောင်ဇေယျ၊ နောက်ဆုံးစတုတ္ထမြန်မာနိုင်ငံတော်ကြီး ကို တည်ထောင်ခဲ့တဲ့ ဗိုလ်ချုပ်အောင် ဆန်း။
ဗိုလ်ချုပ်အောင်ဆန်းနဲ့ ခေတ်ပြိုင် လုပ်ဖော်ကိုင်ဖက် နိုင်ငံရေးသမားအချို့ ကတော့ ဒီအဆိုကို သဘောတူကောင်း မှ တူကြမှာပါ။ ဒါပေမဲ့လည်း ပြည်သူလူ ထုတစ်ရပ်လုံးရဲ့ရင်ထဲမှာရှိခဲ့တာက ဗိုလ် ချုပ်အောင်ဆန်းပါပဲ။ (၁၈၈၅ ခုနှစ်၊ နိုဝင်ဘာလ ၂၈ ရက်)နေ့ကတည်းက သူ့ကျွန်ဖြစ်ခဲ့ရတဲ့ မြန်မာနိုင်ငံကို လွတ် လပ်ရေးလမ်းကြောင်းပေါ်တင်ပေးခဲ့တဲ့ သူဟာ ဗိုလ်ချုပ်အောင်ဆန်းပါ။ လွတ် လပ်ရေးမီးရှူးတိုင်ကို ထွန်းညှိပေးခဲ့တဲ့ သူဟာ ဗိုလ်ချုပ်အောင်ဆန်းပါ။ ကျန်တဲ့ သူတွေက လွတ်လပ်ရေးမီးရှူးတိုင်ကို ၀ိုင်း ၀န်းထိန်းသိမ်းရင်း လက်ဆင့်ကမ်းသယ် ယူလာတဲ့သူတွေပဲဖြစ်ပါတယ်။ ဒါကြောင့် မို့လည်း ဗိုလ်ချုပ်အောင်ဆန်းကို စတုတ္ထ မြန်မာနိုင်ငံတော်ကြီး တည်ထောင်ခဲ့တဲ့ သူလို့ ပြည်သူတစ်ရပ်လုံးက ဂုဏ်ပြုခေါ် ဝေါ်ခဲ့တာပါ။
ဗိုလ်ချုပ်အောင်ဆန်း၊ သခင်အောင် ဆန်း၊ ဦးအောင်ဆန်းလို့ခေါ်ဝေါ်နေကြ တာဟာဖြင့် ပြည့်စုံလုံလောက်မှုမရှိဘူး ထင်ပါတယ်။ ကျွန်တော်သဘောပြောရ ရင် ““မဟာအောင်ဆန်း””လို့တောင် ခေါ် လိုက်ချင်တယ်။
ခေါ်လည်းခေါ်ထိုက်မယ်လို့ထင်ပါ တယ်။

ပုဂံခေတ်ကနေ မျက်မှောက်ခေတ် အထိ သူ့လိုယောက်ျားမျိုးဘယ်နှစ်ယောက် ပေါ်ထွန်းခဲ့ဖူးလို့လဲ။ စစ်ရေးအမြင်၊ နိုင်ငံ ရေးအမြင်၊ စီးပွားရေးအမြင်၊ လူတန်းစား အမြင် ဘက်ပေါင်းစုံအမြင်ကျယ်ကျယ် နဲ့ ရှုမြင်သုံးသပ်ခဲ့တဲ့ ခေါင်းဆောင်တစ် ယောက်ပါ။ ပဒေသရာဇ်ခေါင်းဆောင် တွေလို လူမျိုးကြီးဝါဒကျင့်သုံးပြီး နိုင် ထက်စီးနင်းအနိုင်ယူတာမျိုးမလုပ်ခဲ့ဘူး။ အားလုံးတန်းတူအခွင့်အရေးပေးပြီး တိုင်း ရင်းသားစည်းလုံးညီညွတ်ရေးကို ဖော် ဆောင်ပေးခဲ့တယ်။ ဗမာတစ်မျိုးသားလုံး လွတ်လပ်ပြီး တိုင်းရင်းသားတွေကတော့ နယ်ချု့လက်အောက်မှာ ကျွန်သားပေါက် ဘ၀ရောက်နေမှာကို မလိုလားဘူး။ ဗမာ တစ်ကျပ်၊ ရှမ်းတစ်ကျပ်၊ ကချင်တစ်ကျပ်၊ မွန်တစ်ကျပ်၊ ကရင်တစ်ကျပ်၊ ရခိုင်တစ် ကျပ်၊ အားလုံးအေးတူပူအမျှ သာယာဝ ပြောတဲ့ မြန်မာနိုင်ငံအဖြစ် အမှန်တကယ် သူမြင်ချင်တယ်။ ဒါကြောင့်မို့လဲ ပင်လုံ စာချုပ်ကို သည်းခံခွင့်လွှတ်နားလည်မှု တွေပေးပြီး ညီညွတ်ရေးစာချုပ် ချုပ်ဆို နိုင်အောင် သူကြိုးပမ်းခဲ့တယ်။ သူကွယ် လွန်ပြီးကာမှ နိုင်ငံတော်ဝါးအစည်းပြေ သွားတာဟာ သူ့ရဲ့ပယောဂမဟုတ်တော့ ပါဘူး။ ဗိုလ်ချုပ်အောင်ဆန်းကတော့ သူ့ရဲ့နောက်ဆုံးထွက်သက်အထိ နိုင်ငံ တော်ရဲ့သမိုင်းပေးတာဝန်ကို ကျေပွန်စွာ ထမ်းဆောင်သွားခဲ့တဲ့သူပါ။ ဒါကြောင့်မို့ လဲ ဗိုလ်ချုပ်အောင်ဆန်းကို ကျွန်တော်တို့ ရဲ့ ကြီးမြတ်သော ခေါင်းဆောင်ကြီးအဖြစ် ““မဟာအောင်ဆန်း””ရယ်လို့ ဂုဏ်ပြုခေါ် ဝေါ်လိုက်ချင်တာပါ။

အဲဒီမဟာအောင်ဆန်းဆိုတဲ့ လူ တစ်ယောက် ကျွန်တော်တို့ချောက်မြို့ကို ရေက်လာခဲ့ဖူးတယ်။ သူနဲ့ပတ်သက်တဲ့ သမိုင်းတစ်ခုဟာဖြင့် ပြောစမှတ်ဖြစ်ပြီး ကျန်ရစ်စေချင်သလို နောင်လာနောင် သားတွေလည်း အတုယူစေချင်တယ်။ ဒီ သမိုင်းတစ်ကွက်ကိုလဲ အသက်(၈၀) ကျော်နေပြီဖြစ်တဲ့ အဘဦးဝင်းမောင်ဆီ က ကြားခဲ့ရလို့ မှတ်တမ်းတင်လိုက်ရတာ ပါ။ မြန်မာနိုင်ငံမှာ သခင်အရေအတွက် တွေ လျော့နည်းလို့လာပါပြီ။ မြန်မာနိုင်ငံ ရဲ့လွတ်လပ်ရေးသမိုင်းဟာ သခင်တွေ မပါရင် မပြည့်စုံပါဘူး။ မြန်မာ့လွတ်လပ် ရေးနဲ့ သခင်တွေရဲ့ အခန်းကဏ္ဍဟာ ဒင်္ဂါးတစ်ပြားရဲ့ခေါင်းနဲ့ ပန်းလိုခွဲခြားပစ် လို့မရပါဘူး။ သခင်တွေရဲ့ လွတ်လပ်ရေး ကြိုပမ်းမှု အတိုင်းအတာတစ်ခုကြောင့် မြန်မာလွတ်လပ်ရေးရတာပါလို့ပြောရင် ငြင်းနိုင်မယ်မထင်ပါဘူး။ ဒါကြောင့်မို့လဲ သခင်ဆိုရင် ဦးညွှတ်ဂုဏ်ပြုချင်တော့တာ ပါပဲ။

အဘဦးဝင်းမောင်ပြောပြလို့ သခင် အောင်ဆန်း၊ ဗိုလ်ချုပ်အောင်ဆန်း၊ ဦး အောင်ဆန်း၊ မဟာအောင်ဆန်းဟာ ချောက်မြို့ကို ၁၉၄၇ ခုနှစ် မတ်လ (၂၃) ရက်နေ့မှာရောက်လာခဲ့ပါတယ်။ ချောက် ကိုမလာခင်ချောက်မြို့ရဲ့ မြောက်ဖက်မှာ ရှိတဲ့ စဥ့်ကူဆိုတဲ့မြို့ကို အရင်သွားပါ တယ်။ စဥ့်ကူမြို့မှာရှိတဲ့ ဦးစံလှ-ဒေါ်ဖြူ လှရဲ့တိုက်မှာ တည်းခိုနားနေပြီး မြို့သူ မြို့သားတွေကို မိန့်ခွန်းပြောပါတယ်။ ဗိုလ်ချုပ်အောင်ဆန်းကို မြို့လူထုက သြ ဘာစာတွေဖတ်ပြီး ကြိုဆိုဂုဏ်ပြုတာကို ဗိုလ်ချုပ်ကမကြိုက်ပါဘူး။ ဒီတော့လည်း ရှင်းရှင်းပဲပြောလိုက်တယ်။ ““သြဘာစာ ဖတ်နေလို့ လွတ်လပ်ရေးမရနိုင်ဘူး အချင်းချင်း ညီညီညွတ်ညွတ်စည်းစည်း လုံးလုံးလုပ်မှ လွတ်လပ်ရေးရနိုင်မယ်လို့ ပြောသွားခဲ့ပါတယ်။””

ခြောက်မြို့က ပြည်သူ့ရဲဘော်တွေ ကလဲ ဗိုလ်ချုပ်အောင်ဆန်းကို စဥ့်ကူမြို့ ထိသွားပြီး ကြိုကြပါတယ်။ အဲဒီတုန်းက ပြည်သူ့ရဲဘော်ဆိုတဲ့သူတွေကတော့ ဗိုလ် မြတ်ကျော်၊ စလေဗိုလ်ဝ၊ သခင်သံခဲ၊ သခင်စံဦး၊ သခင်ခင်မောင်ညို၊ သခင်ခင် မောင်ဖြူတို့ဖြစ်တယ်လို့ သိရပါတယ်။ဗိုလ်ချုပ်အောင်ဆန်းရဲ့သားတပည့် တွေဖြစ်တဲ့ ပြည်သူ့ရဲဘော်တွေဟာ ချောက်မြို့ကနေပြီး စဥ့်ကူးမြို့အထိ လာ ကြိုနေတာကိုတွေ့ရတော့ ဗိုလ်ချုပ်အောင် ဆန်းက ဒီလိုပြောပါသတဲ့။ ““ငါ့ကို လာ ကြိုစရာလဲမလိုဘူး၊ စောင့်ရှောက်စရာ လည်းမလိုဘူး။ မင်းတို့တကယ်စောင့် ရှောက်ရမှာက ပြည်သူလူထုပဲ””လို့ ပြော ပါသတဲ့။
ဟုတ်ပါတယ်။ လက်နက်ကိုင်အဖွဲ့ အစည်းဆိုတာ ကိုယ့်ခေါင်းဆောင်ကို ကာကွယ်ဖို့ထက် ကိုယ့်နိုင်ငံသားတွေကို ကာကွယ်ဖို့က ပဓာနကျပါတယ်။ တကယ် တော့ နိုင်ငံသားတွေဆိုတာ အားကိုးရာ မဲ့တဲ့သူတွေပါ။ သူတို့ရဲ့ဘ၀ဟာ လုံခြုံ မှုမရှိပါဘူး။ တရားဥပဒေစိုးမိုးရေးနဲ့ တည် ငြိမ်အေးချမ်းနေတဲ့ ကာလမျိုးမှာသာ နိုင်ငံသားတွေရဲ့ လူနေမှုဘ၀က လုံခြုံ တာပါ။ လွတ်လပ်ရေးမရသေးတဲ့ ကြား ကာလမျိုးမှာ လက်နက်ကိုင်သောင်းကျန်း သူတွေရဲ့ ရမ်းကားမှုတွေကြောင့် ပြည်သူ လူထုဟာ ကျီးလန့်စာစားဖြစ်နေကြရ ။အဲဒီလိုကျီးလန့်စာစားဘ၀ရောက် နေကြတဲ့ ပြည်သူလူထုကို ပြည်သူ့ရဲ ဘော်တွေအနေနဲ့ စောင့်ရှောက်ရမယ် လို့ ဗိုလ်ချုပ်အောင်ဆန်းက သြ၀ါဒခြွေ သွားခဲ့ခြင်းဖြစ်ပါတယ်။

တကယ်တော့ လက်နက်ကိုင်အဖွဲ့ အစည်းဆိုတာ မီးလိုပါပဲ။ သုံးတတ်ရင် မိတ်ဆွေ၊ မသုံးတတ်ရင် ရန်သူပါပဲ။ နိုင်ငံ တစ်နိုင်ငံမှာ လက်နက်ကိုင်အဖွဲ့အစည်း ဆိုတာ ရှိသင့်ပါတယ်။ သူ့ရဲ့အခန်းကဏ္ဍ ကို ပစ်ပယ်ထားလို့မရပါဘူး။ သူလဲအရေး ပါတဲ့အဖွဲ့အစည်းတစ်ခုဖြစ်ပါတယ်။ နိုင်ငံ တော်ရဲ့ လုံခြုံရေး၊ အေးချမ်းသာယာ ရေးဟာ (လက်နက်ကိုင်အဖွဲ့အစည်း)ရဲ့ ခံယူချက်အမြင်ပေါ်မှာ မူတည်နေပါ တယ်။ ဗိုလ်ချုပ်အောင်ဆန်းက ပြည်သူ့ ရဲဘော်တွေကို ပြောခဲ့သလို ပြည်သူလူထု ရဲ့ အသက်အိုးအိမ်စည်းစိမ်တွေကို စောင့် ရှောက်တဲ့အဖွဲ့အစည်းအဖြစ် ရပ်တည် နေသမျှကာလပတ်လုံး ပြည်သူလူထုရဲ့ မေတ္တာကိုရရှိနေကြမှာပဲဖြစ်ပါတယ်။ ပြည်သူလူထုနဲ့ စိတ်သဘောထားချင်းကွဲ တဲ့နေ့ဟာလဲ တိုင်းပြည်ပျက်တဲ့နေ့ပဲဖြစ် ပါလိမ့်မယ်။

ဒီကနေ့ မြန်မာနိုင်ငံတော်ဟာ ဒီမို ကရေစီနိုင်ငံတော်သစ်ပြန်လည်တည် ဆောက်ဖို့အတွက် အရှိန်ယူနေဆဲကာလ ဖြစ်ပါတယ်။ စစ်အစိုးရရဲ့ အုပ်ချုပ်မှု အောက်မှာ နှစ်ပေါင်းများစွာ ခံစားလာ ခဲ့ရတဲ့ စိတ်ဝေဒနာတွေကို ပြန်လည်ကု စားနေကြရတဲ့ ကာလမျိုးပါ။ ရင်ထဲမှာ မွန်းကြပ်နေအောင် ဖိနှိပ်ခံစားလာခဲ့ရတဲ့ ပြည်သူလူထုဟာ ဒီမိုကရေစီ ရေကြည် တစ်ပေါက်သောက်ရဖို့အတွက် ဘယ် လောက်ရုန်းကန်ခဲ့ရတယ်ဆိုတာ အားလုံး အသိပဲဖြစ်ပါလိမ့်မယ်။ ရဟန်းရှင်လူ၊ ပြည်လူ/ပြည်သားတွေနဲ့ အနာဂတ်ရဲ့ မျိုးဆက်သစ်လူငယ်တွေရဲ့ ဘ၀တွေ အများကြီး ရင်းနှီးပေးဆပ်ခဲ့ကြရပါတယ်။ နံနက်ခင်းရဲ့ နေရောင်ခြည်နဲ့ အတူရှင် သန်ကြီးပြင်းကြရမယ့် သားကောင်းရတ နာတွေဟာ အမှောင်လွှမ်းသောကာလ တွေနဲ့ ရင်ဆိုင်ကြုံတွေ့ရလို့ တိုင်းပြည် ချောက်ထဲကျရောက်သွားကြရပြန်ပါ တယ်။ နိုင်ငံအတွက် ပြန်လည်ထူထောင် ရေးမှာ တစ်တပ်တစ်အား ပါဝင်ရမယ့် သူတွေဟာ နိုင်ငံတော်အချုပ်အခြာအာ ဏာတည်တံ့ခိုင်မြဲရေးအတွက် အသက် ပေးစတေးခံလိုက်ကြရတယ်။ ဒီလိုနဲ့ပဲ မြန်မာနိုင်ငံတော်ကြီးဟာ တစ်ကနေပြီး ပြန်စကြရတဲ့ အခြေအနေမျိုးကြုံခဲ့ကြ ရပြန်ပါတယ်။ အခြားနိုင်ငံတွေက ရှေ့ကို ခြေလှမ်း လေး၊ ငါးဆယ်ရောက်နေပေမဲ့ ပြည်ထောင်စုမြန်မာနိုင်ငံတော်ကြီးကဖြင့် အကြိမ်ကြိမ်အခါခါ တစ်ကပြန်စနေရလို့ ခရီးမတွင်နိုင်ဘဲဖြစ်ခဲ့ရပါတယ်။

မျက်မှောက်ခေတ်ကမ္ဘာကြီးရဲ့ တောင်းဆိုချက်နဲ့အတူ ပြည်သူတစ်ရပ် လုံးကလဲ ဒီမိုကရေစီအလင်းရောင်သစ် ကို မြင်တွေ့လိုလှပါပြီ။ ပြည်သူတစ်ရပ်လုံး လျှောက်လှမ်းကြရမယ့် ဒီမိုကရေစီလမ်း မကြီးပေါ်မှာ လက်နက်ကိုင်အဖွဲ့အစည်း တစ်ခုဖြစ်တဲ့ မြန်မာတပ်မတော်က လက် တွဲညီညီလိုက်ပါနိုင်ကောင်းရဲ့လို့ ခံစားမိ ပါတယ်။ ကာကွယ်ရေးဦးစီးချုပ် ဗိုလ်ချုပ် မှူးကြီးမင်းအောင်လှိုင်ကိုယ်တိုင်ကလည်း ဗိုလ်ချုပ်အောင်ဆန်းရဲ့ ဆန္ဒနဲ့တစ်ထပ် တည်းကျတဲ့ မိန့်ခွန်းတစ်ရပ်ကို သူ့ရဲဘော် တွေကို ပြောပြခဲ့ပါတယ်။

တကယ်တော့ စစ်သားကောင်း တစ်ယောက်ဟာ စစ်စည်းကမ်းတွေကို တိတိကျကျ လိုက်နာပြီး လက်နက်အား ကိုး အနိုင်ကျင့်ဗိုလ်ကျစိုးမိုးတာမျိုးတွေသာမလုပ်ဘူးဆိုရင်သိကြားမင်းကလက်အုပ်ချီရှိခိုးရမယ့် ယောက်ျားကောင်း၊ ယောက်ျားမြတ်များသာဖြစ်ပါတယ်။ ဒီလိုယောက်ျားကောင်း၊ ယောက်ျားမြတ် တွေ ဖြစ်လာနိုင်အောင်လည်း တပ်မတော် ရဲ့ ဖခင်ကြီးဖြစ်တဲ့ ဗိုလ်ချုပ်အောင်ဆန်း အပါအ၀င် တပ်မတော်ခေါင်းဆောင်တွေ ဟာ လေ့ကျင့်ပျိုးထောင်ပေးခဲ့ကြဖူးပါ တယ်။

ဗိုလ်ချုပ်အောင်ဆန်းကတော့သူ့ရဲရဲဘော်တွေကို ပြစ်ပြစ်နှစ်နှစ်ဝေဖန်ပြီးတဲ့ နောက် ချောက်မြို့ကိုရောက်ရှိလာပါ တော့တယ်။ ချောက်မြို့ကိုရောက်တယ် ဆိုရင်ပဲ ရေနံမြေမန်နေဂျာဆိုတဲ့သူတွေ နဲ့ အလိုတော်ရိတွေ၊ မြို့မျက်နှာဖုံးတွေက ဗိုလ်ချုပ်ကို ထမင်းစားပွဲနဲ့ ဧည့်ခံဖျော် ဖြေဖို့ကြိုးစားပါတယ်။ ဒီနေရာမှာ ပို စတာတိုက်ပွဲလေးတစ်ခုဖြစ်သွားတယ်လို့ မှတ်သားရပါတယ်။
ဒီလိုပါ။ ဈေးအနောက်ဖက် ခေတ် သစ်စတိုးပိုင်ရှင် ဦးခင်မောင်ဖြူ၊ ဒေါ်သန်း ရီတို့ရဲ့ ဆိုင်ရှေ့မှာ ““ဗိုလ်ချုပ်၊ အလိုတော် ရိတွေက ဗိုလ်ချုပ်ကို ညာတော့မယ် သတိထားပါ”” ဆိုတဲ့ ပိုစတာကိုကပ်ပြီး တိုက်ပွဲဝင်ခဲ့သတဲ့။ ဗိုလ်ချုပ်အောင်ဆန်း ရဲ့အပါးတော်မြဲ ဗိုလ်ထွန်းလှက ဒီသတင်း ကို ဗိုလ်ချုပ်ကို အသိပေးလိုက်ပါတယ်။ ဗိုလ်ချုပ်လဲ မန်နေဂျာနဲ့ အလိုတော်ရိ တွေရဲ့ ဖိတ်ကြားချက်ကို လက်မခံတော့ ဘဲ (ယခု သာသနာ့ဗိမာန်)ရှိတဲ့ မြေကွက် လပ်မှာရောက်နေကြတဲ့ ချောက်မြို့သူ/ မြို့သားတွေဆီကို တိုက်ရိုက်သါားပြီး မိန့်ခွန်းပြောပါတော့တယ်။ နံနက် (၁၀) နာရီလောက်ရှိပြီလို့ သိရပါတယ်။

အဲဒီလူထုဟောပြောပွဲမှာ ဗိုလ်ချုပ် က ပုံပြင်တစ်ပုဒ်ကို ဥပမာဆောင်ပြီး ပြောသွားတယ်လို့ အဘဦးဝင်းမောင်က ပြောပြပါတယ်။ အဲဒီပုံပြင်ကတော့ ဘုရင် ဖြစ်ဖို့ ကံဇာတာရှိတဲ့သူတစ်ယောက်ကို ရွှေထီးဆောင်းရလိမ့်မယ်လို့ ဗေဒင်က ဟောပေမဲ့ ဘုရင်ဖြစ်ထိုက်လောက်တဲ့ ကြိုးစားအားထုတ်မှုမရှိဘဲ ပေါ့ပေါ့နေ၊ ပေါ့ပေါ့စားမိလို့ နောက်ဆုံးသုသာန်မှာ အားပြတ်ပြီးလဲနေတုန်း ဘုရင်ကသနား လို့ ရွှေထီးဆောင်းပေးလိုက်ရတယ်ဆိုတဲ့ ပုံပြင်ကိုပြောပြီး ချောက်မြို့သူ/မြို့သား တွေလဲ လွတ်လပ်ရေးတော့ရမှာပဲဆိုပြီး ပေါ့ပေါ့နေ၊ ပေါ့ပေါ့စားကြရင်တော့ လွတ်လပ်ရေးမရဘဲ သူ့ကျွန်ဘ၀နဲ့ သေ ကြရလိမ့်မယ်လို့ ပြောခဲ့တယ်ဆိုပဲ။ လူထု ဟောပြောပွဲအပြီးမှာတော့ အမျိုးသမီး ခေါင်းဆောင် သခင်မဒေါ်တင်ရွှေ(ရွာ ဟောင်း)က ဘူးသီးငါးပေါင်းကြော်နဲ့ ဧည့်ခံလိုက်တယ်လို့လဲ ရှေးဖြစ်ဟောင်း အောက်မေ့ဖွယ်အဖြစ် အဘဦးဝင်း မောင်က ပြန်ပြောင်းပြောပြတာကို မှတ် တမ်းတင်ရင်း ဒီမိုကရေစီခရီးလမ်းမှာ အပ္ပမာဒေန သမ္ပာဒေထလို့ပဲ နိုးဆော် လိုက်ပါရစေလားခင်ဗျာ။



သိန်းမြင့်ညို(ချောက်)
့Hot news weekly


HHmone Shwe Yee... by Saw Moon Light & Bell Musicians

Published on 25 Apr 2013

Hmone Shwe Yee is the most famous and popular song of Myanmar.

Most Burmese can sing this song easily and handily.

On 2013 April 21... Music Composer Saw Moon Light presented

This Hmone Shwe Yee Song with American "Bell" Musicians

at the Citrus College Haugh Performing Arts Center.

All the Burmese Audience at the show sang along with the Music

at the ending.

Nilar Sein


တရုတ်နှင့် ဆက်ဆံရေးတွင် တင်းမာသည်ဟု ယူဆရဖွယ်ရှိသည့် ဂျပန်ဝန်ကြီးချုပ် ရှင်ဇိုအာဘေးသည် မြန်မာနိုင်ငံသို့ လာမည့် မေလအတွင်း လာရောက်မည်ဟု ဂျပန်မီဒီယာများက ဖော်ပြသည်။

မြန်မာနိုင်ငံတွင် တရုတ်၏ လွှမ်းမိုးမှုကို တန်ပြန်ရန် ရည်ရွယ်ထားပုံရသည့် ဂျပန်ဝန်ကြီးချုပ် ရှင်ဇိုအာဘေး၏ မြန်မာနိုင်ငံ ခရီးစဉ်သည် မေ ၂၅ နှင့် ၂၆ ရက်များတွင် ဖြစ်နိုင်ဖွယ်ရှိသည်။
ဂျပန်ဝန်ကြီးချုပ် ရှင်ဇိုအာဘေးသည် မြန်မာနိုင်ငံ၏ ဒီမိုကရေစီ ဖော်ဆောင်ရေးနှင့် စီးပွားရေး ဖွံ့ဖြိုးတိုးတက်ရေးတို့တွင် ဂျပန်နိုင်ငံ၏ ကူညီပံ့ပိုးမှုကို မြှင့်တင်ရန်အတွက် လာရောက်ခြင်း ဖြစ်သည်ဟု ဆို...

ဂျပန်ဝန်ကြီးချုပ် ရှင်ဇိုအာဘေးသည် မြန်မာနိုင်ငံ၏ ဒီမိုကရေစီ ဖော်ဆောင်ရေးနှင့် စီးပွားရေး ဖွံ့ဖြိုးတိုးတက်ရေးတို့တွင် ဂျပန်နိုင်ငံ၏ ကူညီပံ့ပိုးမှုကို မြှင့်တင်ရန်အတွက် လာရောက်ခြင်း ဖြစ်သည်ဟု ဆိုသည်။

၎င်းသည် ခရီးစဉ်အတွင်း နိုင်ငံတော် သမ္မတဦးသိန်းစိန်နှင့် တွေ့ဆုံဆွေးနွေး သွားမည်ဖြစ်ပြီး ထိုသို့ တွေ့ဆုံရာတွင် မြန်မာနိုင်ငံ၏ ရင်းနှီးမြှုပ်နှံမှုနှင့် အခြေခံ အဆောက်အအုံ ကဏ္ဍတွင် ဂျပန်နိုင်ငံ၏ ကူညီမှုများနှင့် ပတ်သက်၍ ဆွေးနွေးသွားဖွယ်ရှိကြောင်း သိရသည်။

ထို့အပြင် ရှင်ဇိုအာဘေးသည် မြန်မာနိုင်ငံ၏ တိုင်းရင်းသား လူနည်းစု ဒေသများတွင် ကျောင်းများ ဆောက်လုပ်ပေးခြင်း၊ စိုက်ပျိုးမွေးမြူရေး လုပ်ငန်းများတွင် နည်းပညာ အကူအညီပေးခြင်း စသည့် အစီအစဉ်ကိုလည်း ခရီးစဉ်အတွင်း ကြေညာဖွယ်ရှိသည်ဟု သိရသည်။

ဂျပန်ဝန်ကြီးချုပ်၏ မြန်မာနိုင်ငံသို့ လာရောက်လည်ပတ်မှုသည် နှစ်ပေါင်း ၃၆ နှစ်အတွင်း ပထမဆုံး အကြိမ်ဖြစ်မည်ဖြစ်ပြီး ၁၉၇၇ ခုနှစ်တွင် ဂျပန်ဝန်ကြီးချုပ် တာကီယိုဖုကုဒသည် မြန်မာနိုင်ငံသို့ လာရောက်ခဲ့ဖူးသည်။

ဂျပန်ဝန်ကြီးချုပ်သည် ပြီးခဲ့သည့် သီတင်းပတ်များက ဂျပန်နိုင်ငံသို့ လာရောက်ခဲ့သည့် မြန်မာ့အတိုက်အခံခေါင်းဆောင် ဒေါ်အောင်ဆန်းစုကြည်နှင့်လည်း ထပ်မံတွေ့ဆုံ သွားမည်ဟု သိရသည်။

မြန်မာနိုင်ငံတွင် သမ္မတဦးသိန်းစိန် ဦးဆောင်သည့် အစိုးရ ၂၀၁၁ ခုနှစ် မတ်လတွင် တက်လာပြီး နောက်ပိုင်း နိုင်ငံရေးနှင့် စီးပွားရေး ပြုပြင်ပြောင်းလဲမှုများကို အကောင်အထည် ဖော်လာ၍ ဂျပန်နိုင်ငံ အနေဖြင့် မြန်မာနိုင်ငံ၏ ဒီမိုကရေစီ ဖော်ဆောင်ရေး၊ စီးပွားရေး ဖွံ့ဖြိုးတိုးတက်ရေးနှင့် ဆင်းရဲမွဲတေမှု တိုက်ဖျက်ရေးတို့တွင် ကူညီထောက်ပံ့မှုများကို ပိုမိုပြုလုပ်လာခဲ့သည်။ မြန်မာနိုင်ငံက ဂျပန်နိုင်ငံသို့ ပေးဆပ်ရန်ရှိသည့် ကြွေးမြီများကိုလည်း လျော်ပစ်ခဲ့သည်။

အတိုက်အခံခေါင်းဆောင် ဒေါ်အောင်ဆန်းစုကြည်၏ ဂျပန်နိုင်ငံ ခရီးစဉ်အတွင်း ဂျပန်ဝန်ကြီးချုပ် ရှင်ဇိုအာဘေးက မြန်မာနိုင်ငံ၏ ဒီမိုကရေစီ ဖော်ဆောင်ရေးနှင့် စီးပွားရေး တိုးတက်ရေးအတွက် ကူညီမည်ဖြစ်ကြောင်းနှင့် မြန်မာနိုင်ငံ၏ အနာဂတ် တည်ဆောက်ရေးတွင် ကူညီမည်ဖြစ်ကြောင်း ဒေါ်အောင်ဆန်းစုကြည်အား ပြောကြားခဲ့သည်။

ရှင်ဇိုအာဘေးသည် ဒေါ်အောင်ဆန်းစုကြည်နှင့် တွေ့ဆုံဆွေးနွေးသည့် ပထမဆုံး ဂျပန်ဝန်ကြီးချုပ် ဖြစ်လာခဲ့သည်။

ရှင်ဇိုအာဘေးသည် ၂၀၀၆ ခုနှစ် စက်တင်ဘာလမှ ၂၀၀၇ ခုနှစ် စက်တင်ဘာလအထိ ဂျပန်ဝန်ကြီးချုပ်အဖြစ် ထမ်းဆောင်ခဲ့ဖူးပြီး ဒုတိယကမ္ဘာစစ်နောက်ပိုင်း အငယ်ဆုံး ဂျပန်ဝန်ကြီးချုပ် ဖြစ်ခဲ့သည်။ ဂျပန် စစ်ရာဇ၀တ်သားများကို မြှုပ်နှံထားသော ရာစုကုနိ ဂူဗိမာန်ကို ရှင်ဇိုအာဘေးက သွားရောက်လည်ပတ် ခဲ့သည်ဟု ဂျပန်မီဒီယာများက ၂၀၀၆ ခုနှစ် သြဂုတ်လတွင် ဖော်ပြခဲ့ရာ ဂျပန်နှင့် တောင်ကိုရီးယား အစိုးရတို့က အဆိုပါ သွားရောက်လည်ပတ်မှုအတွက် စိုးရိမ်ကြောင်း ထုတ်ဖော် ပြောကြားခဲ့သည်။ ထို့အတွက် ၀န်ကြီးချုပ် ရှင်ဇိုအာဘေးနှင့် နိုင်ငံခြားရေးဝန်ကြီး တာယိုအာဆိုတို့က ရာစုကုနိသို့ သွားရောက်လည်ပတ်မှု မှန်သမျသည် ပြည်တွင်းရေးသာ ဖြစ်ကြောင်း တုံ့ပြန်ခဲ့သည်။

သို့ရာတွင် ရှင်ဇိုအာဘေးသည် ၀န်ကြီးချုပ်သက်တမ်း တစ်နှစ်အတွင်း အစိုးရ အဖွဲ့ဝင် ၀န်ကြီးအချို့၏ ငွေကြေးအရှုပ်တော်ပုံနှင့် ကိုယ့်ကိုယ်ကို သတ်သေမှု၊ အထက်လွှတ်တော် ရွေးကောက်ပွဲတွင် အာဘေး၏ ပါတီ အကြီးအကျယ် ရှုံးနိမ့်မှုတို့သည် ပြည်သူအကြား ရေပန်းမစားတော့ဘဲ ရှိလာရာ ၂၀၀၇ ခုနှစ် စက်တင်ဘာလ ၁၂ ရက်တွင် ရှင်ဇိုအာဘေးက ၀န်ကြီးချုပ်ရာထူးမှ နုတ်ထွက်မည်ဖြစ်ကြောင်း ရုတ်တရက် ကြေညာခဲ့သည်။

ရှင်ဇိုအာဘေးသည် ၂၀၁၂ ခုနှစ် စက်တင်ဘာလတွင် ရွေးကောက်ပွဲတွင် အနိုင်ရရှိခဲ့ပြီး အတိုက်အခံ လစ်ဘရယ် ဒီမိုကရက်တစ်ပါတီ၏ ဥက္ကဋ္ဌဖြစ်လာခဲ့သည်။ ၂၀၁၂ ခုနှစ် ဒီဇင်ဘာလ ၂၆ ရက်တွင် ဂျပန်လွှတ်တော်က ရှင်ဇိုအာဘေးအား ၀န်ကြီးချုပ်အဖြစ် ရွေးချယ်ခဲ့သည့်အတွက် ၎င်းသည် ဂျပန်ဝန်ကြီးချုပ် တစ်ဖန် ပြန်ဖြစ်လာခဲ့သည်။

ရှင်ဇိုအာဘေးက ၎င်း၏ ပထမဦးဆုံး ဦးစားပေးမှာ အားနည်းနေသော ဂျပန်နိုင်ငံ၏ စီးပွားရေး တိုးတက်ကောင်းမွန် လာရေးဖြစ်ကြောင်း ပြောကြားခဲ့ပြီး ပုဂ္ဂလိက ရင်းနှီးမြှုပ်နှံရေးကို အားပေးသည့် စီးပွားရေး မူဝါဒများကို အကောင်အထည် ဖော်မည်ဖြစ်ကြောင်း ပြောသည်။

ဂျပန်ဝန်ကြီးချုပ် ရှင်ဇိုအာဘေး၏ လက်ထက်တွင် ဂျပန်နိုင်ငံ၏ စီးပွားရေးမှာလည်း တိုးတက်ကောင်းမွန်လာခဲ့ပြီး ပြီးခဲ့သည့် နိုဝင်ဘာလမှစ၍ ဂျပန်နိုင်ငံ၏ စတော့ဈေးကွက်မှာ ၄၀ ရာခိုင်နှုန်းခန့် တိုးတက်လာသည်ကို တွေ့ရသည်။

ရှင်ဇိုအာဘေးသည် အမျိုးသားရေး စိတ်ဓာတ် ပြင်းထန်သူတစ်ဦး အဖြစ်လည်း ထင်ရှားသူ တစ်ဦးဖြစ်ပြီး ဂျပန်စစ်ရာဇ၀တ်သားများကို မြှုပ်နှံထားသည့် ရာစုကုနိ ဂူဗိမာန်ကို လာမည့် သြဂုတ်လတွင် ထပ်မံ၍ သွားရောက်လည်ပတ်ဖွယ် ရှိသည်ဟုလည်း အရိပ်အမြွက် ထုတ်ဖော် ပြောကြားထားသည်။

Eleven media Group