August 2013

၅၀၅/ခ တွေ ဒီမိုကရေစီစနစ်မှာ အရောင်းသွတ်လာပါပြီ ။
ဦးဝင်ချို နဲ့ (၅)ယောက် ပဲခူးမှာ ဈေးဦးပေါက်ပြီ ။

ဦးဝင်ချိုကို ဆက်သွယ်မရတော့ . . . ဖုန်းကိုပါ သိမ်းလိုက်ပြီ ဖြစ်မည် ။ ဖုန်းသိမ်းတော့မည်ဖြစ်ကြောင်း နောက်ဆုံး သတင်းပေးပို့သွားသည် ။
၅၀၅/ခ နှင့် တရားစွဲဆို ချက်ခြင်းစီရင်မည့် သဏ္ဍန်ဖြစ်နေကြောင်း ပြောသည် ။
ဥိးဝင်ချိုနဲ့ (၂) ယောက်က အမှတ် (၁) စခန်းမှာ ချုပ်ပြီး ကျန်သူများကို စခန်း (၂) ၊ (၃) တွင် ခွဲ၍ ချုပ်ထားမည်ဟု ပြောကြားသွားသည် ။ အားလုံးပေါင်း (၆) ယောက် မိန်းကလေးလဲပါတယ် ။ လူငယ်မောင်မယ်တွေ ။ အထူးသဖြင့် တရားမျှတမှုကို ချစ်တဲ့ လးငယ်မောင်မယ်တွေ ။

တော်တော်ကို လွန်လာပါပြီ ။ နိင်ငံတော် ဆိုသည်ကို လိုလိသလို ဘာသာပြန်ပြီး ၊ နိင်ငံသားများ၏ ရပိုင်ခွင့် အနည်းငယ်ကိုပင် ဒီမိုကရေစီဟု ဆိုလျှက် ယခုကဲ့သို့ အောက်ခြေရှိ ဒေသအာဏာပိုင်များမှ ဖမ်းဆီးမှုများ တိုးမြင့်လုပ်ဆောင်နေမှုသည်
ပြည်သူကိုဗဟိုပြု၍ ကောင်းမွန်သော အပြောင်းအလဲများကို ကြိုးစားဖော်ဆောင်နေပါသည်ဆိုသော သမ္မတ ၊ လွှတ်တော်ဥက္ကဠ ၊ ကာကွယ်ရေးဝန်ကြီးချုပ် အပါအ၀င် ပြည်ထောင်စု အစိုးရတစ်ရပ်လုံး နှင့် နိင်ငံအ၀ှမ်းရှိ် နိင်ငံသားဖြစ်ခွင့်ရှိပြီးသော နိင်ငံသားထု တစ်ရပ်လုံးကို စိန်ခေးလာခြင်းပင် ဖြစ်ပါသည် ။

နှစ်ပေါင်းများစွာ စစ်အုပ်ချုပ်ရေးအောက်တွင် ပြားပြားဝပ်ခဲ့ရသော ကြောက်စိတ်များကို ဒီမိုကရေစီ အသံပေး၍ လမ်းပေးသို့ ထုတ်စေပြီးမှ ယခုကဲ့သို့ စီရင်နေမှုသည် တိုင်းပြည်၏ အလိုအပ်ဆုံးဖြစ်သော အစိုးရနှင့် နိင်ငံသားများ၏ ပြန်လှန်ယုံကြည်မှု တည်ဆောက်ရေး ၊ အမျိုးသား ပြန်လည်သင့်မြတ်ရေးကို တိတိလင်းလင်းဖျက်ဆီးနေပါသဖြင့် နိင်ငံတော် အစိုးရ အဆင့်များနှင့် နိင်ငံသားအားလုံးမှ ဥပဒေနှင့် မညီသော အောက်ခြေရှိ အုပ်ချုပ်ရေး ၊ တရားစီရင်ရေးများ၏ မတရားမှုများကို ယခုထက် ပို၍ ဖော်ထုတ် ဆန့်ကျင် ပူးပေါင်းဖယ်ရှားသွားရတော့မည် ဖြစ်ပါသဖြင့် နိင်ငံတော်အစိုးရ အဆင့်မှ အမြန်ဆုံး ယခုကဲ့သို့ တက်ကြွလှုပ်ရှားသူများ နှင့် အစိုးရကြား အကြည်အညိုပျက်စေနိင်သော အမိန့် ညွှန်ကြားမှုများနှင့် လုပ်ဆောင်နေမှုများကို နိင်ငံသားများနှင့် ပူးပေါင်းကာကွယ် ပြင်ဆင် လမ်းညွှန်ပေးဖို့ ခပ်မြန်မြန် လုပ်ဖို့ လိုတယ်လို့ လေးစားစွာ ရေးသား သိစေအပ်ပါသည် ။

ယခုကဲ့သို့ ပုဒ်မ (၁၈) ၊ ပုဒ်မ ၁၄၄ ၊ ပုဒ်မ (၅၀၅/ခ) သင်းဖွဲ့ (၆) များသည် မြို့နယ် အုပ်ချုပ်ရေးမှူးများမှ လိုသလို ပြည်သူအပေါ် ပြုမူ ဆက်ဆံခြင်းသည် စစ်အုပ်ချုပ်ရေးကာလ အဖိနှိပ်ခံ နိင်ငံသားများ၏ အခြေအနေထက် ပိုမို နာသာခံခက်ဖြစ်ကြရစေပါသည် ။ ဒီမိုကရေစီဟု ဆိုပါလျှက် လိုသ်လို ပုဒ်မတပ် အရေးယူခံနေရခြင်းသည် ပြည်သူ့ဘ၀လုံခြုံမှု ကင်းမဲ့နေကြောင်းကို သိသာမြင်လွယ်သော အကြောင်းတရားများ ဖြစ်လာပါသည် ။

နိင်ငံသားကောင်း ဖြစ်ခွင့် ရှိသော နိင်ငံသားများမှ ယခုကဲ့သို့ လယ်သမား ၊ အလုပ်သမား ၊ တိုင်းရင်းသားများ ၊ နိင်ငံသားများ၏ ဥပဒေအကာအကွယ် ကင်းမဲ့မှုသည် နောင်တစ်ချိန် ခင်ဗျားတို့ လက်ခံရမည့် အကာအကွယ်မဲ့မှုများ မဖြစ်ပေါ်လာစေရန် နိင်ရာထောင့်မှာ မတရားမှု နှင့် မတရားသည့် ဥပဒေများ ၊
ထို ဥပဒေများကို ခုတုံးလုပ်ဆောင်မှုများ ပပျောက်စေရန် ဆရာကြီး သခင်ကိုယ်တော်မှိုင်း၏ တေးလင်္ကာ ကို ဆက်ဖတ်ကြည့်ပေးကြပါဗျာ . . .။
-===========================

တစ်ကယ့် တစ်ကယ် တွန်းလှန်ဖို့ အရေးကလဲ
မဝေးတော့ပြီမို့ . . .
အရေးကြီးလျှင်ဖြင့် သွေးနီးရာ ဆိုသည့် အတိုင်း
ကိုင်း . . . ထထကြွကြွ နဲ့ ၀ိုင်းကြပေရော့ . . .

ငြိမ်းချမ်းရေးဖခင်ကြီး သခင် ကိုယ်တော်မှိုင်း

ဆက်သွယ်ရန်
၀၉ ၇၃၂၀ ၆၈၃၈
Kowai Lu

အပတ်စဉ်ဆောင်းပါးမှာ ၈၈အရေးတော်ပုံနဲ့ ပတ်သက်တဲ့ ဆောင်းပါးက များသွားပြီမို့ ဒီတစ်ပတ်တော့ အခြားအကြောင်းအရာကို ရေးဖို့ စိတ်ကူးထားတာရှိပါတယ်။ ဒါပေမဲ့ ဒီကာလမှာ ၈၈ငွေရတု အကြို သတင်းစာ ရှင်းလင်းပွဲ တက်ရောက်ခဲ့လို့ ပထမ အဓမ္မ အငြိမ်းစား ပေး ခံရရာ ကနေ နောက်ဆုံးဝန်ထမ်းအဖြစ်ကပါ ထုတ်ပယ်ခြင်းခံရတဲ့ ဆရာမ ဒေါ်စိုးစိုးခိုင်ရဲ့သတင်းကို ကြားတဲ့အတွက် စိတ်မကောင်းခြင်းနဲ့အတူ အာရုံက အဲဒီအကြောင်းမှာပဲ တရစ်ဝဲဝဲ ဖြစ်နေမိပါတယ်။ စိတ်မကောင်းဖြစ်တယ် ဆိုရာမှာလည်း ကာယကံရှင်ဆရာမအတွက်ထက် ကျွန်တော်တို့နိုင်ငံအတွက် ပိုစိတ်မကောင်းမိတာပါလို့ ရင်ထဲမှာရှိတဲ့အတိုင်း ပြောလိုက်ပါရစေ။

ဒီလိုပြောတော့ "ဟယ်၊ ခံရတဲ့ဆရာမအပေါ် မစာနာလိုက်တာ"လို့ ထင်စရာ များ ဖြစ်သွားမလားမသိပါဘူး။ မစာနာစရာမရှိပါဘူးဗျာ။ ကျွန်တော် ကိုယ်တိုင်ကိုက ၈၈အရေးတော်ပုံမှာ အဓမ္မ အငြိမ်းစား ပေးခံခဲ့ရသူ တစ်ယောက်ပါ။ ("အဓမ္မအငြိမ်းစား"ဆိုတာက စကားလုံး ထွင်တယ် မထင်စေချင်ပါဘူး၊Forced to Retire ဆိုတာကို ဆီလျော်အောင် ကြိုးစား ပြန်ဆိုထားတာပါခင်ဗျ)။ တကယ်တော့ ကျွန်တော် တို့တတွေထဲက အများစုဟာ ဝန်ထမ်းဘဝမှာ ကိုယ့်အလုပ်ကိုယ်လုပ်ရင်း နိုင်ငံ တာဝန်ထမ်းဖို့ပဲ ရည်ရွယ်ခဲ့ပြီး နိုင်ငံရေးနယ်ထဲရောက်ဖို့ စိတ်ကူးလုံးလုံး မရှိခဲ့ကြပါဘူး။ ဒါပေမယ့် ဖြစ်လာတဲ့အခြေအနေတွေက ကိုယ့်အိမ်ထဲ ကိုယ့်ဖါသာ ထမင်းကြမ်း ယပ်ခတ်စားနေကြတုန်း အိမ်ပေါ် တက်လာပြီး မိသားစုဝင်တစ်ယောက်ယောက်ကို ပါးတက်ရိုက်တဲ့ အဖြစ်မျိုးနဲ့ ဆင်တူ တယ်ခင်ဗျ။ ခံရတာက ကိုယ်တစ်ယောက်တည်း မဟုတ်ပေမယ့် ဒီအပေါ်မှာ တုံ့ပြန်ပုံကတော့ တစ်ယောက်နဲ့တစ်ယောက် မတူဘူးပေါ့။ တချို့က ပါးတက်ရိုက်သူကို 'တစ်ခုခု အထင်လွဲ လို့ ဖြစ်မှာပါ'လို့ နားလည်ပေးသူကပေးတယ်။ ကြည့်ကျက်တောင်းပန်လိုက်ရင် ပြန်ဆင်း သွားမှာပါလို့ ထင်သူကထင်တယ်။ ကိုယ့်ထမင်း ကြမ်း ခွဲကျွေးလိုက်ရင်များ အဆင်ပြေမလား၊ "ကြည့်ပေါင်းရတာပေါ့၊ ကိုယ့်အိမ်ပေါ် တစ်သက်လုံး နေမယ်သူတွေတော့ ဟုတ်မထင်ပါဘူး"လို့ စဉ်းစားသူက စဉ်းစားပေါ့ဗျာ။ ကျွန်တော်တို့ကတော့အရိုက်ခံရတာ ကိုယ်မဟုတ်ပေမယ့် ဒါရိုက်လို့မရဘူး ဆိုတာကို ပြောမှဖြစ်မယ်၊ ဒီအတွက် ဖြစ်ချင်ရာဖြစ်ပစေလို့ သဘောထားမိ သူတွေပါ။(အဲဒီတော့လည်းဖြစ်ချင်ရာဖြစ်သွားခဲ့တာပါပဲ)။

ဒီထက် ဆီလျော်တဲ့ဥပမာပေးရရင်တော့ ကိုယ်က မိသားစု ထဲမှာ 'ထမင်းချက်' မို့ အားလုံး ထမင်းစားကောင်းအောင် ရှိတာလေးနဲ့ ဘယ်လိုချက်မလဲဆိုတာမျိုးကလွဲပြီး ဘာမှ သိပ်မစဉ်းစားမိချိန်မှာ ကိုယ့် အိမ်သားထဲကပဲ မူးယစ်ရမ်းကားသူတစ်ဦးက ရှိသမျှ ထမင်းဟင်းထဲက တစ်ဝက်ကို သူတစ်ယောက်တည်းစားမယ်လို့ ဇွတ်လုပ်၊ အိုးခွက်ပန်းကန် တွေရိုက်ခွဲ၊ တွေ့ရာလူကို ရန်ပြု စသည်ဖြင့် လုပ်လာချိန်မှာ မတတ်သာ တော့ အဲဒီလူရမ်းကားနဲ့ ရင်ဆိုင်ရတာပါပဲ။ ဒီတော့ ထမင်းတွေဟင်းတွေကို ဝှက်ရသိမ်းရ၊ သော့ခတ်ရရင်း ဘေးက အိမ်နီးချင်းကိုလည်း ပြောပြ အကူအညီတောင်းမိတာပေါ့။ အဲဒါ နောင်ကျတော့ "ထမင်းဟင်းများကို ချက်ရင်း အလွဲသုံးစားလုပ်မှုတို့၊ မောင်ပိုင်စီးမှုတို့၊ မိသားစုကိစ္စကို အရပ်တကာလှည့်ပြောပြီး အရှက်ခွဲမှု" တို့နဲ့ စွပ်စွဲပြီး ထမင်းချက်ရာထူးက အနားယူစေဆိုပြီး ဇွတ်ခိုင်းလာတယ်ပဲ ဆိုပါစို့။ ဒါဆို ကိုယ်လုပ်ခဲ့မိတာကို ဝမ်းနည်းဖို့များ လိုလို့လား။ ဝမ်းမြောက်ဝမ်းသာတော့ မဖြစ်နိုင်ပေမယ့် ရဲရဲဝံ့ဝံ့ပဲ "အနားယူ"တော့ဆို ယူတယ်ဗျာ၊ "အလုပ်ထွက်"တော့ဆို ထွက်တယ်ဗျာပဲ (မထွက်လို့လည်းမရဘူးလေ)ဖြစ်ရတော့တာပေါ့။ ဆေးရုံကြီးကို သေနတ်နဲ့ပစ်လို့ လမ်းပေါ်ထွက်ဆန္ဒပြတဲ့ ဆရာဝန်တွေ၊ ဘဏ်ကငွေတွေကို ဓားပြတိုက်သလိုထုတ်သွားလို့ သပိတ်မှောက်တဲ့ ဘဏ်မန်နေဂျာနဲ့ ဝန်ထမ်းတွေ၊ သတင်းမှန်တွေအစား ပြည်သူအများကို စော်ကားတဲ့သတင်းမှားတွေကို ထုတ်လွှင့်ဖြန့်ချီရလို့ ဆန့်ကျင်ဆန္ဒပြတဲ့ သတင်းစာ အယ်ဒီတာတွေ၊ အသံလွှင့် ရုပ်လွှင့် ဝန်ထမ်းအရာထမ်းတွေ၊ မတရားတဲ့ဘက်ကို ဖိနှိပ်ရပ်တည်ခိုင်းလို့ အုံကြွထွက်လာတဲ့ တပ်မတော် အရာရှိ အရာခံ အကြပ်တပ်သားတွေ၊ နောက်ဆုံး ပြည်သူတွေကို မတရား မဖမ်းလို မပစ်လို မရိုက်လိုတဲ့အတွက် သပိတ်မှောက်တဲ့ ရဲတပ်ဖွဲ့ဝင်တွေ စသည် စသည်တို့ဟာ ကျွန်တော်ပြောခဲ့တဲ့ "ထမင်းချက်"လို မျိုးဖြစ်ခဲ့သူ တွေပါပဲ။

အဲဒီလို နိုင်ငံဝန်ထမ်းဘဝမှာ ကိုယ်တကယ်လုပ်ရမယ့်တာဝန်ကို လုပ်ခွင့်မရ တဲ့ (အပြင် မလုပ်သင့်တာတွေလုပ်ဖို့ အခိုင်းခံရတဲ့) အခါ ဆန့်ကျင် တောင်းဆိုမှုတွေလုပ်မိတဲ့အတွက် ရတဲ့ဆုလာဒ်ကတော့ အဓမ္မ အငြိမ်းစားပေး(Forced to Retire)တို့၊ အဓမ္မနှုတ်ထွက်စေ (Forced to Resign)တို့ ဖြစ်လာတော့ ရဲရဲဝံ့ဝံ့ ခံယူခဲ့ကြရတာပေါ့။ ဘာဖြစ်လို့လဲ ဆိုတော့ ဒီနည်းနဲ့သာ ကျွန်တော်တို့ရဲ့သမိုင်းကို ရေးနိုင်မှာမို့ပါ။ ကျွန်တော် စဉ်းစားကြည့်ပါတယ်။ ကျွန်တော်တို့ ဆန္ဒပြသပိတ်မှောက်ခဲ့တုန်းက အဲဒီကာလက သမ္မတဖြစ်ခဲ့သူကြီးရဲ့မိန့်ခွန်းမှာ ကျွန်တော်တို့တတွေဟာ အခြေခံဥပဒေနဲ့အညီ ဆန္ဒပြခဲ့ကြခဲ့တာမို့ ကျွန်တော်တို့ကို အရေးမယူ ကြောင်း ပြောခဲ့ဖူးတာရှိပါတယ်။ (ဒါ ပေမဲ့ နောက်ပိုင်းမှာ သမ္မတကြီး ကိုယ်တိုင်ကမှ သူ့ရာထူးမှာမရှိနိုင်ရှာတော့ ကျွန်တော်တို့ကိုလည်း ကိုယ့်ရာထူးကိုယ်မြဲအောင် ဘယ်ကူညီ နိုင်ပါ့မလဲနော်)။ တကယ်လို့များ သမ္မတကြီးပေးတဲ့ကတိကို နောက်ဆက်ခံသူများကတည်ခဲ့ပြီး ကျွန်တော် တို့ကိုများ "ဆန္ဒပြတာလေးများ အပြစ်ရှိပါဘူးကွယ်၊ လူကြီးတွေက ခွင့်လွှတ်ပြီးသားပါ၊ြ

ပီးတာတွေ မေ့လိုက်ကြစို့နော်၊နော်"များလုပ်ခဲ့ရင် ကျွန်တော်တို့လည်း ရာထူးလေး တင်းတင်းကြပ်ကြပ်ဆက်ထွေးဖက်ပြီး "ဟုတ်ကဲ့ခင်ဗျ၊ ဟုတ်ကဲ့ရှင့်" လုပ်ခဲ့ရမှာပဲလေ။ အခုတော့ ကျွန်တော်တို့ကို မင်းတို့က ခေတ်အတင်းပြောင်းချင်တဲ့ဟာတွေ ခေတ်တော့ပြောင်းဘူး၊ မင်းတို့ပဲ ပြုတ်ကြ ဆိုပြီး "ပြောင်းဖူး၊ပြုတ်" လုပ်လိုက်တယ်လေ။ ဒါကို ဝမ်းမြောက်ဝမ်းသာလို့များ အထက်မှာ ပြောခဲ့မိရင် ဇွတ်ကြီး ကြွားရာကျမှာ အမှန်ပါပဲ။ ဒီ အလုပ်နဲ့ ထမင်းစားဖို့ ဘဝလမ်းကြောင်းရွေးမိသူတွေမှာ ဒီအလုပ်ကဖြုတ်လိုက်ပြီဆိုတာဟာ "မင်းတို့မိသားစု ထမင်းမစားကြနဲ့" လို့ပြော ရာကျပါတယ်။ (ကိုယ်က ဘောလုံးသမားဆိုရင်လည်း ခေါက်ဆွဲပြောင်းစားရသေးရဲ့ဗျာ၊ နော်)။ ဒါပေမဲ့ ရွေးစရာမရှိတဲ့အတွက် ဒါ သမိုင်းရေးရမယ့် အခွင့်အရေးလို့ ကိုယ့်ဖါသာအားပေးပြီး ဇွတ်ကြီးဝမ်းသာပစ်ခဲ့ရတာပေါ့။ နောင်တော့ အဲဒီအလုပ်ပြုတ်တဲ့ အတတ်ပညာရှင်၊ အသိပညာရှင်ပေါင်းစုံထဲက အများစုဟာ ပါတီအသီးသီးရဲ့ နိုင်ငံရေးမောင်းနှင်အားထဲမှာ အဓိကအင်အားတွေအဖြစ် သူသူကိုယ်ကိုယ် ပါဝင်လာတော့မှ အလုပ်ဖြုတ်ပစ်ခဲ့သူများရဲ့ စေတနာကို ရေးတေးတေး သဘော ပေါက်လာပါတော့တယ်။ သူတို့စေတနာကြောင့် ကျွန်တော်တို့ နိုင်ငံရေး အင်အားစုထဲမှာ ဆရာဝန်တွေလည်းမြင်၊ အင်ဂျင်နီယာတွေလည်းပါ၊ ဘဏ်မန်နေဂျာလည်းတွေ့ရ၊ ကထိကပါမောက္ခတွေလည်း မရှား၊ သတင်းသမားနဲ့ အယ်ဒီတာတွေလည်းများစွာ ၊ ကွန်ပျူတာဆရာလည်းရှိ၊ စုံစိအောင် လုပ်ပေးထားတာ တွေ့ရတော့မှ... ..ဪ၊ဟိုဘက်ကရပ်နေတဲ့ပုဂ္ဂိုလ်တွေထဲမှာ သူ့လူကိုယ်ဘက်သားတွေ၊ သူတို့ဘက်ကို အချွန်နဲ့မမယ့်သူတွေ ရှိနေတာပါလားလို့ နားလည်လာရ တာလေ။ သူတို့သာ တစ်ပြုံတစ်မကြီး ဖြုတ်ပစ်တဲ့အလုပ်ကို မလုပ်ခဲ့ပဲ အဆိုတော်အာဇာနည်ရဲ့ "ခွင့်ပြုတယ်၊ ခွင့်လွှတ်တယ်" သီချင်းကို (ခေတ်ပျက်ကြီးထဲ သမ္မတလုပ်ခဲ့ရရှာသူ) ဒေါက်တာမောင်မောင် ဆိုပြခဲ့ဖူးတဲ့အတိုင်း သူတို့က စိတ်ပါလက်ပါ ဆက်ဆိုမယ် ကြရင် ၉၀ခုနှစ်ရွေးကောက်ပွဲမှာ ပညာရှင်ကိုယ်စားလှယ်ကောင်းတွေနဲ့ အဲဒီပုဂ္ဂိုလ်များကို ဝိုင်းထမ်းတင်ပေးမယ့် အင်အားစုကောင်းတွေ ကျွန်တော် တို့ရနိုင်ခဲ့မှာ မဟုတ်လို့ပါပဲ။ ဒါပေမဲ့ အလုပ်ပြုတ်ဝန်ထမ်းဘဝကို ဖြတ်သန်းခဲ့ရတဲ့ ကျွန်တော်တို့တတွေမှာတော့ အတော်ခါးသည်းတဲ့ ကာလရှည်တစ်ရပ်ကို မိသားစုလိုက်ဖြတ်ခဲ့ရတာပါ။ စားစရာမရှိတာကို ကူညီမယ့်သူဝေးလို့ နှုတ်ဆက်ရဲသူမှမရှိ။ ရပ်ကွက်ထဲမှာလည်း သူပုန်အိမ် လိုလို ဘာလိုလိုနဲ့ ဖြတ်သွားလို့မှ မခေါ်ရဲမပြုရဲဆိုတော့ ကိုယ်လို အရောင် တူ သူချင်းပဲ အပေါင်းအသင်းလုပ်ခဲ့ကြရတဲ့ဘဝလေ။

အခုလည်းလာပြန်ပြီ။ ၈၈ငွေရတုပွဲ သတင်းစာရှင်းလင်းပွဲ တက်မိလို့ ပထမ အဓမ္မအငြိမ်းစားပေးသတဲ့။ နောက်တော့ ဝန်ထမ်းအဖြစ်က ထုတ်ပယ် သတဲ့။ မိသားစုထမင်းဖိုးဖြစ်တဲ့လခကို ပေးနေရာကနေ အဓမ္မအငြိမ်းစား ပေးတယ်ဆိုတာက တစ်ယောက်စာထမင်းဖိုးပဲ ပေးတော့ မယ်ဆိုတဲ့ သဘော၊ တဆင့်တက်ပြီး ထုတ်ပယ်လိုက်ပြီဆိုတော့ တစ်ယောက်စာ ထမင်းဖိုးတောင် မပေးတော့ဘူးရယ်လို့ ဖြစ်မှာပေါ့ဗျာ (နောက် တစ်ဆင့်ထပ် တက်ရရင်တော့ ထမင်းကိုပဲဟင်းနဲ့ နှစ်ရှည်လများ ခေါ်ကျွေးမယ် ဆိုတာ ဖြစ်သွားတတ်သဗျ)။ တကယ်တော့ အဲဒီဆရာမဟာ သတင်းစာရှင်းလင်းပွဲ တက်နားထောင်တာကလွဲပြီး သူကိုယ်တိုင်လည်း ဘာမှဝင်ရှင်းလင်းခဲ့သူမဟုတ်။ ပြီးတော့ နိုင်ငံ ရေးအဖွဲ့အစည်းနဲ့ ဆက်သွယ်တယ်လို့ ဆိုရအောင်လည်း ဘယ်အဖွဲ့အစည်းမှ ဝင်ခဲ့တာ မဟုတ်။ သူ့ကို အပြစ်ရှိကြောင်း စွပ်စွဲရာမှာ ခွင့်မဲ့ ပျက်ကွက်တယ်၊ ရန်ကုန်ကို အကြောင်းမကြားပဲသွားတယ်၊ အဓိကတော့ နိုင်ငံရေး အဖွဲ့အစည်းနဲ့ ပတ်သက်ဆောင်ရွက်တယ်ဆိုတဲ့ အမှု တွေပါတဲ့။ ခွင့်ကိစ္စ လောက်နဲ့တော့ အလုပ်ဖြုတ်တဲ့အထိ မလုပ်အပ်ပါဘူးဗျာ။ နိုင်ငံရေး ကိစ္စဆိုရာမှာလည်း တစ်ဖက်မှာ အစိုးရ အဖွဲ့ကြီးကိုယ်တိုင်က ငွေရတု ပွဲကြီး ကို ခွင့်ပြုရုံမက အစိုးရရဲ့ ကိုယ်စားလှယ်တွေဘာတွေတောင် တက်ဂုဏ်ပြုချိန်မှာ ဒီပွဲလုပ်ဖို့ သတင်းစာရှင်းလင်းပွဲတက်တာကို ဧရာမ အပြစ်လို့ လုပ်တာကတော့ လူကြီးတွေကို မျက်နှာစက်ဆီသုတ် တာပါပဲ။ (အခုခေတ်က ထင်းသုံးမချက်ကြတော့ အိုးမည်းမှမရှိတာကိုး)။ ပါးစပ်ကတော့ ဂုဏ်ပြုပါတယ်လုပ်ပြီး တစ်ဖက်ကတော့ အရင်လိုပဲ ဥပဒေဆန့်ကျင်တဲ့လူဆိုးဓားပြအုပ်စုလိုလို ဘာလိုလို သဘောထား ဆက်ဆံတာမျိုးကတော့ မသင့်တော်ပါဘူး။ ဒီအကျင့်ဟောင်း တွေကို ပြင်သင့်ပါပြီ။ တကယ်တော့ ၈၈အရေးတော်ပုံမှာ ပါဝင်ခဲ့သူများကို ကျေးဇူးမတင်ချင်နေပါ။ ကျေးဇူးမကန်းသင့်ပါဘူး။ ၈၈ အရေးတော်ပုံ မရှိရင် အခုမြင်နေတွေ့နေ ခံစားနေကြတဲ့ ကုမ္မဏီတွေ၊ ပုဂ္ဂလိက လုပ်ငန်းတွေ မရှိ၊ (အစိုးရရုံးပဲရှိ)၊ ပုဂ္ဂလိကကုန်တိုက်တွေ စူပါမတ်ကက်တွေမရှိ (တန်းစီတိုးရမယ့် ပြည်သူ့ဆိုင်နဲ့ ပြည်သူ့ ကုန်တိုက်ပဲရှိ)၊ ပေါ်ဆန်းမွှေး၊ တောင်ပြန်မွှေးမရှိ (မိုးစိုအောက်သိုးသိုး ခွဲတမ်းဆန်ပဲရှိ)၊ ဂျာနယ်ပေါင်းစုံမရှိ (လုပ်သားသတင်းစာပဲရှိ)၊ စကိုင်းနက်မရှိ၊ ဖော်အဲဗား မရှိ (မြန်မာ့ရုပ်မြင်သံကြားပဲရှိ) ဖြစ်နေမှာပါ။ ဒါကို အသိအမှတ် မပြုချင်လို့ကိုမရပါဘူး။

အခုလို နိုင်ငံရေးပါတီတို့ အဖွဲ့အစည်းတို့နဲ့ ပတ်သက်ရင်အပြစ် ကြီးတစ်ခု လို အော်ကျယ်အော်ကျယ်လုပ်တာဟာလည်း တစ်ကြိမ် တစ်ခါတုန်းက လမ်းစဉ်ပါတီမဝင်ရင်ပဲ အလုပ်လျှောက်လို့ မရ၊ ဝန်ထမ်းဖြစ်ရင် ပါတီမဝင်ပဲ မရှိရဆိုတဲ့ခေတ်၊ မကြာလှသေးတဲ့ကာလမှာ အလားတူပဲ ကျောင်းဆရာ ဆရာမတင်မက ကျောင်းသူကျောင်းသား တွေပါ ကြံ့ခိုင် ရေးမဝင်မနေရ လုပ်ခဲ့တဲ့ကာလတွေကို ပြန်သတိရစေပြီး မျက်နှာပျက်စရာတွေ ဖြစ်ရတာ ပေါ့။လူကြီးတွေမျက်နှာဟိုဒင်းမလူးပါနဲ့ဗျာ(စက်ဆီနော်)။ ပြီးခဲ့တဲ့ သင်ခန်းစာအရ "ဖြုတ်၊ဖြုတ်၊ဖြုတ်" ဆိုတာဟာ လွယ်သလောက် ကိုယ့်ဘက်ကလူကို "ဟိုဘက်မှာ တက်တက်ကြွကြွ သွားလုပ်စမ်းပါ"လို့ တွန်းပို့သလို ဖြစ်တတ်တယ်ဆိုတာ မသိလို့လုပ်တယ်ဆိုရင် နောက်ထပ် မလုပ်ပါနဲ့တော့လို့။ သိရက်နဲ့လုပ်တာဆိုရင်တော့ အဲဒီလိုကြီး ခဏခဏ "အချွန်နဲ့'မ'တာထက် ဆိုးတဲ့" အချွန်နဲ့ထောက်ခံခြင်းကို သိပ်မလုပ်ကြ စမ်းပါနဲ့လို့။ ကိုယ်လုပ်တာလည်းမဟုတ်ပဲ လက်ညှိုး ခဏခဏအထိုးခံရတဲ့ လူကြီးများကို သနားပါဦးလို့ ပြောပါရစေ ခင်ဗျား။ ။

ရီနေနိုင်
(TheLadies Journal အမှတ် ၁၊ အတွဲ ၇၈) ။ သြဂုတ်လ၊၂၉ရက်၊ ၂၀၁၃

၁။ အိပ်ယာမှထသောအခါ
(က) အိမ်ရှိအခြားသူ များကိုအနှောင့်အယှက်မဖြစ်စေဘဲ ငြိမ်သက်စွာထခြင်း(အခြားသူများ ၏ အခွင့်အရေးများနှင့် စိတ်အာရုံ ကို လေးစားခြင်း)၊ (ခ) မိမိအိပ်ရာ မိမိသိမ်းခြင်း (တစ်ဦးချင်းတာဝန် သိမှု)။

၂။ ပုဂ်္ဂလိကသန့်ရှင်းစင်ကြယ်ခြင်း
(က) မိမိ၏သွားပွတ် တံ၊ မှန်၊ ဘီး၊ မျက်နှာသုတ်ပုဝါ များကို အသုံးပြုခြင်း (ကိုယ်ပိုင် ပစ်္စည်းကိုလေးစားမှု)၊ (ခ) ရေ အိမ်ကို အလှည့်စောင့်၍ သုံးစွဲခြင်း နှင့် မြန်မြန်ဆန်ဆန်အသုံးပြုခြင်း (ညီမျှသောအခွင့်အရေး)၊ (ဂ) အ၀တ်အစားဝတ်ရာတွင် မိမိဘာ သာလုပ်ကိုင်ဆောင်ရွက်ခြင်း (တစ် ဦးချင်းတာဝန်သိမှု)။

၃။ မိဘများနှင့် အခြားမိသားစုတွင် ပါဝင်သူများနှင့်ဆက်ဆံရေး
(က) အိမ်မှထွက်သွား သည့်အခါ အခွင့်တောင်းခြင်း (အချုပ်အခြာအာဏာကို ရိုသေ လေးစားမှု)၊(ခ)တစ်စုံတစ်ယောက် သည် စာဖတ်စာကျက်နေလျှင် (သို့မဟုတ်) အိပ်ပျော်နေလျှင် ငြိမ်သက်စွာသွားလာရန်နှင့် ငြိမ် သက်စွာပြောဆိုရန် (အခြားသူများ ၏ အခွင့်အရေးနှင့် စိတ်ဓာတ်ကို ထောက်ထားမှု)၊ (ဂ) အခြားသူပိုင် ပစ်္စည်းများကိုယူခြင်းမှ ရှောင်ကြဉ် ခြင်း (ကိုယ်ပိုင်ပစ်္စည်းလေးစားမှု)၊ (ဃ) မိဘများ သက်ကြီးဝါကြီးသူ များ၏ ဆန်္ဒကို ရိုသေလေးစားကာ ၎င်းင်းတို့၏ အယူအဆနှင့်မတိုက်ဆိုင် လျှင်မိမိ၏အယူအဆကို ယဉ်ကျေး သိမ်မွေ့စွာတင်ပြခြင်း (ရိုးသားစွာ အယူအဆကွဲပြားမှုကို ရိုသေလေး စားမှု)၊ (င) မိသားစုအတိုင်ပင်ခံ အဖွဲ့တွင်ပါဝင်ဆောင်ရွက်ခြင်း၊ နေ့ စဉ်လုပ်ငန်းများကို ဆုံးဖြတ်ရာ တွင်ကူညီခြင်း (အုပ်ချုပ်ခံရသူများ ၏သဘောတူချက်ဖြင့်အုပ်ချုပ်မှု)။

၎။ အိမ်တွင်းလုပ်ငန်းများ
(က) မိမိ၏ စွမ်းရည်အ လိုက်အကောင်းဆုံး ကြိုးစားကာ မိမိ၏ဝေပုံကျအိမ်မှုတာဝန်များကို ထမ်းဆောင်ခြင်း (ပုဂ်္ဂလိကတာဝန် နှင့်အစုအဖွဲ့၏ကောင်းကျိုးအတွက် ပူးပေါင်းဆောင်ရွက်မှု)၊ (ခ) ချီး ကျူးထိုက်သည်ကို ချီးကျူးခြင်း (မျှတစွာပြုမူ ဆောင်ရွက်မှု)၊ (ဂ) မိမိ၏အလုပ်ကိုဝေဖန်ခြင်းကိုအသာ တကြည် လက်ခံခြင်း (ဝေဖန်ခြင်း ကို မှန်ကုန်စွာသဘောထားမှု)

၅။ အိမ်တွင်စုဆောင်းမှုနှင့်
ဝင်ငွေရမှုနည်းလမ်းများ
(က) ဟင်းသီးဟင်း ရွက်နှင့် သစ်သီးများကို အိမ်သုံး အဖြစ်ဖြင့်လည်းကောင်း၊ အပိုဝင် ငွေရရန်လည်းကောင်း၊ စိုက်ပျိုး ခြင်း (မိမိအတွက်သာမဟုတ် အစု အဖွဲ့ကောင်းကျိုးအတွက်ပါ စိတ် ၀င်စားမှု)၊ (ခ) ရသောငွေမှ သင် နှင့်ဆိုင်သောအဖို့ကိုသာလျှင် ယူ ခြင်း(မျှတမှု)။
၆။ အားလပ်ချိန်ကိုသုံးခြင်း
(က) ညီအစ်ကိုမောင် နှမများနှင့် ကစားစရာများ ကစား ရန်၊ အသုံးအဆောင်ပစ်္စည်းများကို ခွဲဝေသုံးစွဲခြင်း (ညီမျှသောအခွင့် အရေး)။ (ခ) မကစားမီ ရှေးဦးစွာ အလုပ်လုပ်ခြင်း(ပုဂ်္ဂလိကတာဝန်)။ (ဂ)လောင်းကစားခြင်းကို ရှောင်ကြဉ် ခြင်း (စာရိတ်္တနှင့်စပ်လျဉ်း၍ တရား ဥပဒေကိုရိုသေခြင်း) ၀ါသနာပါလိုက် စားပျော်ရွှင်မှုတစ်ခုခုရှိခြင်း။ (ဃ) အားလပ်ချိန် ဖျော်ဖြေမှုပစ်္စည်းများဖြစ် သော ရေဒီယို၊ စာအုပ်၊ ကစားစရာ ပစ်္စည်းများကို သုံးစွဲခြင်းနှင့်စပ်လျဉ်း ၍သတ်မှတ်သောစည်းကမ်းချက်များ ကို ရိုသေခြင်း။

၇။ ထမင်းစားပွဲတွင်
(က) စားပွဲထိပ်တွင်မထိုင် နှင့် သင်၏ ဖခင် သို့မဟုတ် မိခင်အ တွက်ဖြစ်သည်။ (မိဘများကို ရိုသေ လေးစားမှု)။ (ခ) မိမိအတွက် စားစ ရာ ဝေစုကို ယူရာတွင် အခြားသူများ အတွက်ပါ ထည့်သွင်းစဉ်းစားခြင်း (အခြားသူများ၏ အခွင့်အရေးကို ထည့်သွင်းစဉ်းစားမှု)

၈။ အိပ်ရာဝင်ရာတွင်
(က) မိသားစုနှင့်အတူ ဘု ရားရှိခိုးခြင်း (မိသားစုအပေါ်ဝယ် သစ်္စာရှိမှု)။ (ခ) မိမိဘာသာ အိပ်ရာကို ပြင်ခြင်း (ပုဂ်္ဂလိကတာဝန်)။
ကျောင်းတွင်း
၁။ကျောင်းတက်ခေါင်းလောင်းထိုး၍ စီတန်းရာတွင်
(က) ကျောင်းသို့အချိန်မှန် မှန်လာရောက်ခြင်း၊ (ခ) စုဝေးခန်းအ တွင်း စီတန်းရာတွင် စည်းကမ်းရှိခြင်း၊ (ဂ) တစ်ဦးနှင့်တစ်ဦး တိုးဝှေ့ခြင်း၊ စကားများခြင်းကို ရှောင်ကြဉ်ခြင်း။ (ယဉ်ကျေးမှု၊ စည်းကမ်းဥပဒေကို ရို သေမှု)၊ (ခ) ငြိမ်သက်စွာ စီတန်းခြင်း (အခြားသူများကို ထောက်ထားမှု)၊ (င) မိမိအတန်းသားချင်းစီတန်းရာတွင် စနစ်တကျဖြစ်စေရန် ရှေ့ဆောင်ခြင်း။
၂။ အလံတော်အလေးပြုရာတွင်
(က) အလံတော်အလေးပြု ရာတွင်စည်းကမ်းတကျပြုလုပ်ဆောင် ရွက်ခြင်း။ (ခ) အလံတော်အလေးပြု နေစဉ် ကျောင်းဝင်းအတွင်းသို့ထွက် ခြင်း၊ ၀င်ခြင်းမပြုလုပ်ခြင်း (လေးစား မှု)။ (ဂ) အလံတော်ကို အလေးပြု သည့်အခါ စိတ်ရောကိုယ်ပါသတ် မှတ်ထားသည့် စနစ်အတိုင်းအလေးပြု ခြင်း။ (ဃ) နိုင်ငံတော်သီချင်းသတိမူ သောအနေနှင့်နေခြင်း။ (နိုင်ငံတော်သီ ချင်းကို ရိုသေမှု)။ (င) အပြင်လူများ သည် အလံတော်အလေးပြုနေစဉ် သင်၏အပြုအမူကဲ့သို့ပြုမူရန်ရှေ့ဆောင် ရှေ့ရွက်ပြုလုပ်နှိုးဆော်ပေးခြင်း။

၃။ စာသင်ခန်းတွင်
(က) ကျောင်းသုံးစာအုပ် နှင့် သင်ပြမှုအထောက်အပံ့ပစ်္စည်းများ ကို အခြားသူများနှင့် ခွဲဝေအသုံးပြု လို စိတ်ရှိခြင်း။ (ခ) စာသင်ချိန်သည် တစ်တန်းလုံး ပိုင်ဆိုင်သည့် အချိန်ဖြစ် သည်။ စာသင်ချိန်ကို ဖြုန်းတီးခြင်းမှ ရှောင်ကြဉ်ပါ။ အချိန်ကုန်စေသည့် အကြောင်းများမှာ-
၁။ မလိုအပ်သော မေးခွန်း များမေးခြင်း။ ၂။ အာရုံမစိုက်ဘဲ နေခြင်း။ ၃။ အိမ်တွင်လုပ်ဆောင်ရန် မှာလိုက်သော အိမ်စာများကို မလုပ်ဘဲ နေခြင်း။ ၄။ မသင့်လျော်သော အပြု အမူကို ပြုမူခြင်း။ ၅။ ကျောင်းတက် ပျက်ခြင်း (အခြားသူများ၏ အခွင့်အ ရေးကို ထောက်ထားမှု)
(ဂ) စာသင်ခန်းလုပ်ငန်း များတွင် ပါဝင်ဆောင်ရွက်ခြင်း (အစု လိုက် တာဝန်ယူရာတွင် မိမိ၏ ဝေပုံကျ တာဝန်ကို ထမ်းဆောင်မှု)။ (ဃ) အတန်းတွင်လူများစု၏အဆုံးအဖြတ် ကိုနာခံခြင်း။ (လူများစု အုပ်ချုပ် ရေး)။ (င) စာသင်ခန်းစည်းကမ်း နှင့် ဆရာ၏ညွှန်ကြားချက်များကို မဆိုင်းမတွနာခံခြင်း။ (ဥပဒေရို သေမှု)။ (စ) အခြားသူများကို မေးသောမေးခွန်းကို မိမိကမဖြေ ခြင်း။ (မျှတမှု)။ (ဆ) စာသင်ခန်း သို့ သင်ခန်းစာများကို ပြင်ဆင်၍ လာခြင်း။ (ဇ) မိမိအလုပ် ကို တတ်နိုင်သမျှ လုပ်ကိုင်ခြင်း။ (ဈ) ပစ်္စည်းများကို သုံးစွဲပြီးလျှင် သူ့ နေရာနှင့်သူ ပြန်၍ထားခြင်း။ (ပုဂ်္ဂလိကတာဝန်)။ (ည) စာသင် ခန်းကိုသန့်ရှင်းသပ်ရပ်စွာထားရန် တာဝန်ကိုခွဲယူခြင်း။ (အစုအဖွဲ့၏ ကောင်းကျိုးအတွက်ပူးပေါင်းဆောင် ရွက်မှု၊ တာဝန်ခံယူရန် လိုလားနှစ် သက်မှု)။(ဋ)ပိုင်ရှင်ခွင့်ပြုချက်မရ ဘဲ စာအုပ်၊ ခဲတံ၊ စက်္ကူနှင့် အခြား ပုဂ်္ဂလိကပစ်္စည်းများကို ယူငင် ခြင်းမှ ရှောင်ကြဉ်ခြင်း။ (ပုဂ်္ဂလိက ပစ်္စည်းကိုရိုသေမှု)။ (ဌ) သူတစ် ပါးထံမှ ကူးချခြင်းကို ရှောင်ကြဉ် ခြင်း။ (မိမိကိုယ်ကိုယ်အားကိုးမှု၊ ရိုးသားဖြောင့်မတ်မှု)။

၎။ နို့တိုက်ကျွေးသည့်နေရာနှင့်
ရေသောက်ရာတွင်
(က) နို့တိုက်ကျွေး သည့်နေရာနှင့် ရေအိုးစင်တွင် မိမိ အလှည့်ကိုစောင့်ခြင်း။ ကိုယ့်အရင် ရောက်သူများရှေ့မှသွား၍ တန်းစီ ရမည့်အစား နောက်ရပ်၍တန်းစီ ခြင်း။ (အခြားသူများ အခွင့်အရေး ကိုလေးစားခြင်း)။ (ခ) စက်္ကူ အမှိုက်များ၊ အသီးအနှံခွံများကို ထားရှိသော အမှိုက်ပုံးတွင်ထည့် ခြင်း (ပုဂ်္ဂလိကတာဝန်)။

၅။ အိမ်သာတွင်
(က) သင်တွေ့မြင် သော အခြေအနေမျိုးဖြစ်အောင် အိမ်သာကိုထားခဲ့ပါ။ (အခြားသူ များ၏အခွင့်အရေးကို စောင့်စည်း မှု)။ (ခ) အိမ်သာကိုသုံးပြီးနောက် လက်ဆေးခြင်း။ (မိမိကျန်းမာရေး နှင့်သူတစ်ပါးတို့၏ ကျန်းမာရေး ကို ကာကွယ်စောင့်ရှောက်မှု)။ (ဂ) ကိုယ့်အလှည့်ကိုစောင့်ခြင်း။ (တန်း တူအခွင့်အရေး)။ (ဃ) အိမ်သာ နံရံများနှင့် အိမ်သာအတွင်းအသုံး အဆောင်များကို မရေးခြစ်ခြင်း။ (လူထူသုံးပစ်္စည်းကို လေးစားမှု)။ (င) အိမ်သာခန်း ချို့ယွင်းချက်များ တွေ့ရှိကဆရာကြီးသို့တိုင်ကြား ခြင်း(မကျေနပ်ဖွယ်ရာ အခြေအနေ ကိုပြုပြင်ရန်စီစဉ်ခြင်းသည်ပြည်သူ့ တာဝန်တစ်ရပ် ဖြစ်သည်။)

ဖော်ပြပါ ဒီမိုကရေစီ စိတ်ဓာတ်နှင့်ဘ၀နေထိုင်နည်းလမ်း ညွှန်စာတမ်းရေးသားခဲ့သူ သည်အမျိုးသားခေါင်းဆောင် ကြီး ဗိုလ်ချုပ်အောင်ဆန်း၏ ဆရာ ရင်းဦးခင်သန်း B.A,BES Class 1 ဖြစ်၏။ ဆရာဦးခင်သန်းသည် (နေရနံချောင်းမြို့ အမျိုးသား အထက်တန်းကျောင်း မှအင်္ဂလိပ် ဘာသာနှင့် ပါဠိပါဘာသာကို သင်ပြခဲ့သူကျောင်းဆရာတစ်ဦးဖြစ်ပြီး ပါလီမန်ဒီမိုကရေစီခေတ်ကာလတွင် ခရိုင်ပညာဝန်အဖြစ် တာဝန်ထမ်းဆောင်ခဲ့သူဖြစ်၏။ ဆရာကြီး ရေးသားသည့် လူမှု ရေးရာသင်ပြမှုစာတမ်းမှ လက် တွေ့ဒီမိုကရေစီကျင့်စဉ်အားကောက် နုတ်ဖော်ပြခြင်းဖြစ်ပါသည်။

The First Media Group

ဒီရက်ပိုင်း ဖေ့စ်ဘွတ်ပေါ်မှာ တော်တော်လေး ရေပန်းစားသွားတဲ့ ကောလဟလ သတင်းတစ်ပုဒ်နဲ့ ပတ်သက်ပြီး ပြောကြည့်မယ်..
လောင်းကစားဒိုင်တွေကို နှိမ်နင်းဖို့ သမ္မတက အမိန့်ပေးတဲ့အချိန်မှာ ပြည်ထဲရေးဝန်ကြီးက ကာချုပ်အမိန့်မရလို့ ကတော့ မလုပ်နိုင်ဘူးလို့ ပြန်ပြောတဲ့သတင်းပေါ့... အဲဒီသတင်းဟာ အခြေအမြစ် သိပ်မရှိဘူးဆိုပေမယ့်.. ဖြစ်နေတဲ့ အနေအထားရဲ့ အမှန်တရားကို တော့ ထင်ဟပ်စေပါတယ်... ဦးသိန်းစိန်အစိုးရ လတ်တလော ပြည်တွင်းမှာ ရင်ဆိုင်နေရတဲ့ ဘာသာရေးအကြောင်းပြုတဲ့ မငြိမ်မသက်မှုတွေက စလို့.. လက်ပံတောင်းလို ကိစ္စမျိုး၊.. လွှတ်တော်အမတ်တွေနဲ့ နယ်မြေခံ အုပ်ချုပ်ရေးအဖွဲ့အစည်းတွေနဲ့ အစေးမကပ်တဲ့ ကိစ္စမျိုး၊ လိုတမျိုးမလိုတစ်မျိုး အရေးယူနေတဲ့ ငြိမ်း/စီဥပဒေ ပုဒ်မ - ၁၈ ကိစ္စမျိုးတွေအထိ နက်နက်ရှိုင်းရှိုင်း ပတ်သက်နေတာက ပြည်ထဲရေး ဝန်ကြီးဌာနဘဲ...

ဒါပေမယ့် ဖြစ်လာတဲ့... ဖြစ်ခဲ့ပြီးတဲ့ ပြဿနာတွေမှာ ပြည်ထဲရေးဝန်ကြီးဌာနဟာ တာဝန်ယူမှုလဲမရှိဘူး... တာဝန်ခံမှုလည်းမရှိဘူး....၊ ဘာသာရေး အယောင်ပြပြီး ဆူပူနေတဲ့လူတွေကို ထိထိရောက်ရောက် နှိမ်နင်းဖို့ သမ္မတက လူသိရှင်ကြား အကြိမ်ကြိမ်ပြောထားပေမယ့်.. ဖြစ်လာတိုင်း ရဲတပ်ဖွဲ့ဝင် မလုံလောက်လို့.. ဘာဖြစ်လို့ ညာဖြစ်လို့ ဆိုတဲ့ အကြောင်းပြချက်တွေနဲ့.. အိုးတွေ အိမ်တွေ မီးလောင်ကုန်တယ်.. အကြမ်းဖက်သမားတွေဟာ လက်ရဲဇက်ရဲနဲ့ ဖျက်ဆီးကြတယ်..

၂၀ဝ၈ ခုနှစ် နာဂစ်မုန်တိုင်းတိုက်ပြီးစ... မော်လမြိုင်ကျွန်းဖက်မှာ ရဟတ်ယာဉ်နဲ့ ရိက္ခာထုပ်တွေ ချပေးတယ်... ငတ်မွတ်ပြီး သေမထူး နေမထူးဖြစ်နေတဲ့ ရွာသူရွာသား လူအုပ်ကြီးဟာ ရိက္ခာထုပ်ကို ယူဖို့ ဝိုင်းအုံလာကြတယ်... အဲဒီအချိန်မှာ ရဲက သေနတ်ဖောက်ပြီး ရိက္ခာထုပ်ကို ဝင်သိမ်းသွားတယ်... ဒီလောက် သေမထူး နေမထူး အခြေအနေမျိုးမှာတောင် လူတွေဟာ သေနတ်ကိုတော့ ကြောက်ကြတယ်.. ဒီတော့ လောလောလတ်လတ် ဖြစ်ပျက်နေခဲ့တဲ့ ရုန်းရင်းဆန်ခတ်အချိန်တွေမှာ ရဲတပ်ဖွဲ့ဟာ သေနတ်တစ်ချက်ဖောက်ဖို့ အနည်းဆုံး သုံးနာရီကနေ ငါးနာရီလောက်အထိ အချိန်ယူနေတယ်.... အိပ်ပျော်နေတဲ့ ဘုန်းကြီးတွေကို နှိမ်နင်းဖို့ ဝန်မလေးခဲ့တဲ့ ရဲတွေဟာ ရဲစခန်းကို ဝိုင်းတဲ့ ဥပဒေမဲ့ လူအုပ်ကြီးကိုတော့ ဒီအတိုင်းကြည့်နေတယ်.. ချွင်းချက်အနေနဲ့ ၂၀၁၂ ခုနှစ် စစ်တွေ ရဲစခန်းကို ဝိုင်းခဲ့တဲ့ လူအုပ်ကိုတော့ စောစောစီးစီးဘဲ ပစ်ထည့်လိုက်တယ်...

ဒီအခြေအနေတွေကို သာမန် လူပြိန်းအသိနဲ့ ကြည့်လိုက်ရင်တောင် ပြည်ထဲရေးဝန်ကြီးဌာန လက်အောက်ခံ ရဲတပ်ဖွဲ့အပါအဝင် ဒေသဆိုင်ရာ အုပ်ချုပ်ရေး အာဏာပိုင်တွေ ဘယ်လောက် တာဝန်မဲ့တယ်.. တာဝန်ခံသင့်တယ်လို့ တွေးကြပေမယ့်.. သမ္မတကိုယ်တိုင်က ပြည်ထဲရေးဝန်ကြီးကို လက်ဖျားနဲ့တောင်မတို့ရဲဘူး.. ဒီတော့ ပြည်ထဲရေးဝန်ကြီး ဘာလဲ.. ဘယ်လဲလို့ ဆက်ကြည့်ရင် ပြည်ထဲရေးဝန်ကြီးဆိုတာ ၂၀ဝ၈ အခြေခံဥပဒေအရ ကာကွယ်ရေးဦးစီးချုပ်က ခန့်ထားတဲ့ဝန်ကြီး.. ဒီတော့ ဖြစ်ပျက်နေတဲ့ မငြိမ်မသက်မှုတွေမှာ အဓိက တာဝန်ရှိသူဟာ ဘယ်သူလဲ.. ဆိုတာ တဖြည်းဖြည်း ရုပ်လုံးပေါ်လာတယ်.. ဒါတင်မက... လက်ရှိသမ္မတဟာလည်း ဟန်ပြ ကြိုးဆွဲရာကနေရတဲ့ ရုပ်သေးသာသာဆိုတာ ပေါ်လွင်လာတယ်...


ပြီးတော့... လွှတ်တော်ထဲမှာလည်း.. ကာကွယ်ရေးဦးစီးချုပ်က ထွက်စေ.. ဝင်စေ အမိန့်နဲ့.. ဝင်ထိုင်နေတဲ့.. တစ်မတ်သားအမတ်တွေရှိတယ်.. တစ်မတ်သား ဆိုပေမယ့်... အရေးကြီးတဲ့ ဆုံးဖြတ်ချက်တွေမှာ တစ်မတ်သားဟာ အခရာဘဲ.. လက်တွေ့မှာလည်း သူတို့ လက်စွမ်းပြကုန်ကြပြီ...

ဘူးလက် လှဆွေလို့ ခေါ်တဲ့ ကြံ့ခိုင်ရေးအမတ် ဦးလှဆွေလို လူမိုက်မျိုးက ဘယ်နိုင်ငံမှာမှ လက်သင့်မခံတဲ့ ဥပဒေမျိုးကို အကာအကွယ်ပေးနေပေမယ့်... တစ်မတ်သားတွေ ဒီကိစ္စမှာ ပြတ်သားတာကို ဝမ်းသာမစောကြနဲ့ဦး... တကယ်တမ်း တိုင်းပြည်ကို ချောက်ထဲ တွန်းပို့နေတာ ဘယ်သူလဲဆိုတာ မြင်အောင်ကြည့်ကြဖို့ဘဲ ပြောချင်ပါတော့တယ်...

koshwemung(mmcp)

ထားဝယ်မြို့နယ် ၊ ၀ဲကျွန်းထိန်သစ်ရပ်ကွက် ၊ကမြောကင်းလမ်း ၊ ကမြောကင်းတံတားနံဘေး ၌လက်ရှိလယ် စိုက်ပျိုးလျှက်ရှိသောလယ်သမား ဦးစံလင်း အား ထားဝယ်ခရိုင်အုက်ချုပ်ရေးမှူး ဦးကျော်ဆွေ မှ ၁၈၇၆ ခုနှစ် မြေယာနှင့် အခွန်တော်ဥပဒေ ပုဒ်မ (ဏ ) ဖြင့်တရားစွဲဆိုကာ၂၆.၈.၂၀၁၃ (တနင်္လာနေ့)တွင်ဒဏ်ငွေ (၂၀၀) နှင့်ထောင်ဒဏ်(၁)လကိုထားဝယ်မြို့နယ်တရားသူကြီး ဦးထွန်းလင်းမှချမှတ်ခဲ့သည်။

ဦးစံလင်းသည်ထားဝယ်ခရိုင်အတွင်းတရားမျှတမှုမရှိသည့်လယ်ယာမြေသိမ်းဆည်းမှုနဲ့ပတ်သက်၍ပထမဆုံးထောင်ကျခံရသောလယ်သမားပေါ့လို့သမီးဖြစ်သူမရွှေစင်ယုမှပြောကြားသည်။ထားဝယ်အများ ပိုင်ကုမ္ပဏီ ကလယ်မြေကိုသိမ်းတယ်မူလပိုင်ရှင်ဆိုတာရှိပေမယ့်ကျွန်မအဖေကိုသူကိုယ်တိုင်လယ်မလုပ်နိုင်လို့ လယ်လုပ် ပိုင်ခွင့်ကိုလွန်ခဲ့တဲ့(၄)နှစ်ခန့်လောက်ကတည်းကလွှဲပြောင်းပေးထားပြီးကျွန်မတို့တစ်မိသားစုလုံးဒီ လယ်ကိုစိုက်လာခဲ့တာပတ်ဝန်းကျင်က လယ်သမားတွေအကုန်လုံးလည်းအသိဘဲကျွန်မတို့ကဘာလျှော်ကြေးမှ မယူ ထားတော့ထွက်ပေးစရာလည်းမလိုဘူးသူတို့ပေးတဲ့လျှော်ကြေးဆိုတာကျွန်မတို့ဘ၀အတွက်ဘာအာမခံ ချက် မှမရှိဘဲ ၊ လယ်သမား လယ် ပျောက်ရင် ထမင်းငတ်မှာပေါ့၊အခုတော့ကုမ္ပဏီကလယ်ကိုမတရားသိမ်းချင်တယ် ကျွန်မတို့ကအသိမ်းမခံဘူး ကုမ္ပဏီကိုပေးချင်တော့ခရိုင်အုပ်ချုပ်ရေးမှူးကတရားစွဲတယ်ကျွန်မအဖေထောင်ကျ တယ် ကောင်းပါတယ် ကျွန်မအဖေ က ထားဝယ်မြို့ရဲ့ စံပြလယ်သမား ဖြစ်သွားတာပေါ့ ဟု
မရွှေစင်ယု မှဆက် လက်ပြောကြားခဲ့သည်။

ဦးစံလင်းအားထောင်ချခဲ့သည့်ကိစ္စနှင့်ပတ်သက်၍ ထားဝယ်လယ်သမားများမှလည်းသဘော မတူကန့် ကွက်ကြောင်း ထုတ်ဖော်ပြောဆိုခဲ့ပြီး လယ်သမားများ၏ဂုတ်သွေးစုတ်အမြတ်ထုတ်တဲ့ထားဝယ်အများပိုင်ကုမ္ပဏီ အားထားဝယ်ခရိုင်အတွင်းရှိလယ်သမားများအနေဖြင့် ထားဝယ်လယ်သမားများသမိုင်း၏ကုမ္ပဏီဆိုးအဖြင့်သတ်မှတ်ကာထားဝယ်ခရိုင်အတွင်းရှိလယ်သမားမိသားစုဝင်တိုင်း၏သမိုင်းတာဝန်တစ်ရပ်ပမာစဉ်ဆက်မပြတ်သပိတ် မှောက်သွားနိုင်သည်အထိစည်းရုံးသွားမည်၏ ဟု ထားဝယ် လယ်သမားများ အစည်းအဝေးမှထုတ်ပြန်ကြေငြာခဲ့ သည်။

(၂၇.၈.၂၀၁၃)အင်္ဂါနေ့တွင်ဦးစံလင်းအားဂုဏ်ပြုသည့်အနေဖြင့်လက်ရှိဦးစံလင်း၏လယ်မြေ၌ဦးစံလင်း စိုက်ပျိုးရန်ကျန်နေသောလယ်ကွက်များ၌ဦးစံလင်း၏မိသားစုလယ်သမားများနှင့်အတူစပါးစိုက်ပျိုးကြမည်၏ဟုလယ်သမားများထံမှသိရပါသည်။

မရွှေစင်ယု (ဦးစံလင်း၏သမီး)

05023096

09422218788

ကိုထွန်းထွန်းဝင်း (ထားဝယ်တောင်သူလယ်သမား ကွန်ယက်)

0949851588

ဦးကျော်ဆွေ - ခရိုင်အုပ်ချုပ်ရေးမှုး

၀၉၈၇၄၀၂၂၂

ဆီးရီးယားမှာ ဓါတု လက်နက်သုံး တိုက်ခိုက်နေမှု အပေါ် ဝင်ရောက် စွတ်ဖက်မှု လုပ်ဖို့ သင့်မသင့် ဆိုတာကို အမေရိကန် ပြည်ထောင်စု ကွန်ဂရက် လွှတ်တော်ထိပ်တန်း အမတ်တွေကို မကြာခင် အချိန်ပိုင်း အတွင်း အစိုးရ အရာရှိတွေက တင်ပြ ဆွေးနွေး ကြတော့မှာ ဖြစ်ပါတယ်။

အခြေခံ သဘောအားဖြင့် ဆိုရင်တော့ တကယ်လို့အမေရိကန် အကျိုးစီးပွား ရှိမယ်ဆိုရင် အမေရိကန် အနေနဲ့ တဦးတည်း အရေးယူ ဆောင်ရွက်မှုတွေ လုပ်နိုင်ပါတယ်လို့ အိမ်ဖြူတော် ပြောခွင့်ရ ပုဂ္ဂိုလ်က အစောပိုင်းတုန်းက ဆိုသွားခဲ့ပါတယ်။

ကုလသမဂ္ဂ လုံခြုံရေး ကောင်စီမှာလည်း အမြဲတမ်း အဖွဲ့ဝင် ငါးနိုင်ငံက ဆီးရီးယား အရေးနဲ့ ပတ်သက်လို့ ဒုတိယအကြိမ် အခြေအတင် ဆွေးနွေးခဲ့ကြပါတယ်။

ဒါပေမယ့် သံတမန် သတင်းရပ်ကွက် အဆိုအရ ဆီးရီးယား သမ္မတ အာဆတ်ကို စစ်ရေးအရ အရေးယူချင်တဲ့ အမေရိကန် ၊ ဗြိတိန် ၊ ပြင်သစ်တို့နဲ့ အရေးမယူချင်တဲ့ ရုရှား ၊ တရုတ် တို့ အုပ်စု နှစ်ခုကြား သဘောထား တူညီချက် မရသေးဘူးလို့ သိရပါတယ်။

ဆီးရီးယားမှာ ဓါတု လက်နက်သုံး တိုက်ခိုက်မှုတွေကို စုံစမ်း နေတဲ့ ကုလသမဂ္ဂ စစ်ဆေးရေး အဖွဲ့ကတော့ နက်ဖြန် စနေနေ့မှာ ဆီးရီးယားက ထွက်ခွာလာတော့မှာ ဖြစ်ပြီး အတွင်းရေးမှူးချုပ် ဘန်ကီမွန်းကို လာမယ့် စနေ တနဂနွေမှာ သူတို့ တွေ့ရှိသမျှကို နှုတ်နဲ့ အကြမ်းဖျဉ်း တင်ပြသွားမှာ ဖြစ်ပါတယ်။

ပြီးခဲ့တဲ့ သီတင်းပတ်တုန်းက ဆီးရီးယား ဓါတုလက်နက်သုံး တိုက်ခိုက်ခဲ့မှုကို စစ်ရေးအရ အရေးယူ ဆောင်ရွက်ဖို့ စည်းရုံးနေတဲ့ ဗြိတိသျှ အစိုးရရဲ့ အစီအစဉ် အပေါ် ပါလီမန်မှာ မဲခွဲ ဆုံးဖြတ်ရာမှာ အရေးနိမ့်သွားခဲ့ပါတယ်။

အရပ်သားတွေကို သမ္မတ အာဆတ် အစိုးရက ဓါတုလက်နက်သုံး တိုက်ခိုက်ခဲ့တယ် ဆိုတာ ကုလသမဂ္ဂ စုံစမ်းရေးမှုတွေက စစ်ဆေး တွေ့ရှိခဲ့လို့ ရှိရင် ဆီးရီးယားကိုစစ်ရေး အရ ဝင်ရောက် အရေးယူဖို့ ဗြိတိန် ညွန့်ပေါင်း အစိုးရ အဖွဲ့က ပါလီမန်မှာ အဆိုတင်ပြပြီး မဲခွဲ ဆုံးဖြတ် ခဲ့တာ ဖြစ်ပါတယ်။

အခုအဆိုကို ထောက်ခံမဲ ၂၇၂ ကန့်ကွက်မဲ ၂၈၅နဲ့ ၁၃မဲနဲ့ ရှုံးနိမ့်သွားခဲ့တာ ဖြစ်ပါတယ်။

အခုလို အရေးနိမ့်သွားခဲ့ပြီးတဲ့နောက် ပါလီမန်က စစ်ရေး အရ ဝင်ရောက်စွတ်ဖက်မှုတွေ မလုပ်ချင်ဘူး ဆိုတာ အထင်အရှား ပါဘဲလို့ ဝန်ကြီးချုပ် ဒေးဗစ် ကင်မရွန်က ပြောပါတယ်။

ဆီးရီးယားကို အရေးယူတဲ့ အထဲ ဗြိတိန်က ပါဝင်ဖို့ ဆိုရင်တော့ နောက်ထပ် မဲခွဲမှု တခု လုပ်ဖို့ လိုလိမ့်မယ်လို့ သတင်းထောက်တွေက ဆိုပါတယ်။

ဆီးရီးယား အစိုးရ တပ်တွေဟာ အရပ်သားတွေ အပေါ် ထပ်မံ ပစ်ခတ် တိုက်ခိုက်မှုတွေ လုပ်ခဲ့တယ် ဆိုတဲ့ အထောက်အထားတွေကို ဘီဘီစီက တွေ့ခဲ့ရပါတယ်။

အခု သီတင်းပတ် အစောပိုင်း တုန်းက နိုင်ငံမြောက်ပိုင်းက စာသင်ကျောင်း ပေါ်ကို အစိုးရတွေက မီးလောင်ဗုံးလို လောင် ကျွမ်းစေတဲ့ ဒြပ်သတ္တိပါတဲ့ ဗုံးတလုံး ကြဲချခဲ့တာကြောင့် အနည်းဆုံး ကလေးဆယ်ယောက် သေဆုံးသွားပြီး ကလေးအများအပြားဟာလည်း အရေပြား ပေါ်မှာ ဆိုးရွားတဲ့ မီးလောင်ဒဏ်ရာတွေ ရခဲ့ပါတယ်။

မျက်မြင်သက်သေတွေ အပြောအရ ကျောင်းပေါ် ဗုံးကြဲချ မခံရခင် အစိုးရ ဂျက်တိုက် လေယာဉ် တစင်း ပျံသန်းသွားတာ တွေ့ရတယ်လို့ ဆိုပါတယ်။

ဒါ့အပြင် အရပ်သားတွေ ထိခိုက် ဒါဏ်ရမှုဟာ ထင်မထားလောက်အောင်ကို အများအပြား ရှိနေတယ်လို့ နိုင်ငံတကာ ကြက်ခြေနီ အဖွဲ့က ပြောပြီး လူမှုကယ်ဆယ်ရေး လိုအပ်နေတဲ့ နေရာတွေ အားလုံးကို ချွင်းချက်မရှိ သွားလာ ဝင်ထွက် ကူညီခွင့် ပေးဖို့ ပန်ကြားထားပါတယ်။

BBC Burmese

“ ပုဒ်မ(၁၈)ဖျက်သိမ်း ရန်ဆန္ဒပြသူ(၅)ယောက်ကို-ပုဒ်မ(၁၈)နှင့်အရေးယူခြင်း” ၂၉.၈.၂၀၁၃-ရက်နေ့က၊ ပြည်မြို့တွင် -ပုဒ်မ(၁၈)ကို ဖျက်သိမ်းပေးရန်အတွက်-ဆန္ဒပြပွဲတခုပြုလုပ်ခဲ့ပါသည်။

ထိုဆန္ဒပြပွဲကို-လူ(၂၀)ကျော်ခန့်ပါဝင်ပြီးမနက်ခင်း(၉း၁၅)နာရီတွင်-ရုံးလမ်းမှစတင်ခဲ့ပြီး-လမ်းမတော်လမ်း၊ ဗိုလ်ချုပ်လမ်း၊ ဦးဝင်းမြလမ်း-တို့မှတဆင့်၊ ရွှေတချောင်းလမ်းထိပ်တွင်၊ ရဲများ၊မြို့နယ်ရဲမှုး၊ ခရိုင်ရဲမှုး၊ မြို့နယ်အုပ်ချုပ်ရေးမှုး-တို့ အင်အား(၃၀)ခန့်နှင့် တားစီးခဲ့ပါသည်။

“ ပုဒ်မ(၁၈)အလိုမရှိ” “ ပုဒ်မ(၁၈)ဖျက်သိမ်းပေး ”၊ “ပုဒ်မ(၁၈)စွတ်စွဲခံရသူများချက်ချင်းလွှတ်၊” “မြို့နယ်အုပ်ချုပ်ရေးမှုး/ခရိုင်အုပ်ချုပ်ရေးမှုးတွေကို တို့မဲပေးထားတာမဟုတ် ” -စသော ဗီနှိုင်း စများကိုင်ဆောင်ပြီး-ဗွီနှိုင်းပါစာသားများကို-ကျွေးကျော်သံများအဖြစ်ကျွေးကျော်ခဲ့ကြပါသည်။

လွန်ခဲ့သောရက်(၂၇)ရက်နေ့တွင်ရန်ကုန်တွင်လဲ ထိုကိစ္စအတွက်ဆန္ဒထုပ်ဖေါ်ခဲ့ကြပြီး-အခုပွဲအတွက်-ခွင့်ပြုမိန့်တစုံတရာတောင်းဆိုခဲ့ကြခြင်းမရှိပါ၊မြန်မာနိုင်ငံရဲ့ အသက်သွေးကျောပင်မဖြစ်တဲ့-ဖွဲ့စည်းပုံအခြေခံဥပဒေ ကိုကိုင်ပြီး-အခြေခံဥပဒေပါအတိုင်း-လက်နှက်တစုံတရာမပါပဲငြိမ်ူချမ်းစွာ-စုဝေးစီတန်းလမ်းလျှောက်ခြင်းပဲဖြစ်ပါတယ် ဘယ်တရားဥပဒေကိုမှဖေါက်ဖျက်ကျုးလွန်တာမရှိပါဘူး၊အခြေခံဥပဒေကို-ပြည်ထဲရေးဋ္ဌာနကသာဖေါက်ဖျက်ကျုးလွန်တာဖြစ်ပါတယ်၊-အခြေခံဥပဒေကို-ကျော်လွန်ပြီးနည်းဥပဒေ-ဆိုပြီး-အခြေခံဥပဒေပါ-တွေကို-ဆန့်ကျင်ဖေါက်ဖျက်နေတာဖြစ်တယ်-ဒါတွေကို-ပြည်ထဲရေးဋ္ဌာနကပဲရေးစွဲပြီးအတည်ပြုထားတာဖြစ်တယ် ၊နိုင်ငံသားအခွင့်အရေးတွေကို-တဖက်လှည့်နဲ-နိုပ်ကွပ်ထားတာဖြစ်တယ်-ဆန္ဒပြထာကိုခွင့်တင်တော့လဲမပေး-မပေးပြီးနောက်-ပုဒ်မ(၁၈)နဲ့အရေးယူတရားစွဲ-ဒီ ဥပဒေ ကလုံးဝကို-မရှိသင်တာ၊မဖြစ်သင့်တာ-ဒါကြောင့် အခုကျွန်တော်တို့ဆန္ဒပြဖို့အခွင့်တင်စရာမလိုဘူး-မနေ့က ည(၈)နာရီက-ကျွန်တော်ကိုခေါ်ပြီးညှိတယ်-ချိမ်းချောက်တာပေါ့ဗျာ- မလုပ်နဲ့-လုပ်ရင်အရေးယူခံရမယ်၊ဘာဖြစ်မယ်ညာဖြစ်ဆိုပြီးခေါ်ပြောတယ်၊ကျွန်တော်ကလဲ-အခြေခံ ဥပဒေ-အပိုဒ်(၃၅၄)(က/ခ)တို့ကိုထောက်ပြရှင်းပြတယ်-မလိုအပ်ဖူးလို့ပြန်ပြောလိုက်တယ်-လို့ထိုပွဲကို ဦးဆောင်သူ-ကိုမျိုးသူထွဋ်-က ပြောပြပါတယ်။

လမ်းတွင်အမှတ်(၂)ရဲစခန်းမှုးဦးဆောင်သော-ရဲတပ်ဖွဲ့က(၅)နေရာလောက်မှာအဆင့်ဆင့်တားခဲ့ကြပါတယ်- စခန်းမှုးက-ခွင့်ပြုမိန့်တစုံတရာမရှိသည့်အတွက်-အရေးယူရမည်။ဖြစ်သဖြင့်၎င်း၊လမ်းသွားလာတွေ စိတ်အနျောက်အယှက်ဖြစ်စေတာကတကြောင်း၊အခုလို-ဘာသာရေးအထိကရုံးတွေနေရာအနှံမှာဇြစ်ပွားနေချိန်ဖြစ်သဖြင့်-အခုလိုမျိုးကိုခွင့်မပြုနိုင်ကြောင်း-ဖြစ်လဲမဖြစ်သင့်ကြောင်း တို့ကိုရှင်းပြပြီးဝင်ရောက်ဟန့်တားခဲ့ပါသည် ဟု-စခန်းမှုးက-ပြောပြပါသည်။

မနက်ခင်း(၁၀)နာရီတွင်-ရွှေတချောင်လမ်းနှင့်၊ရွှေကျောင်းကြီးလမ်းအရောက်တွင်-မြို့နယ်အာဏာပိုင်အဖွဲ့၊ရဲအင်အား(၃၀) ခန့်တို့နှင့် အတင်းတာဆီးသောကြောင့် ဆန္ဒပြပွဲကိုထိုနေရာမှာပဲ-ရပ်တံ့ခဲ့ကြပါသည်။နောက်ဆက်တွဲအနေနှင့်-(၁၁)နာရီခန့်တွင်-အမှတ်(၂)ရဲစခန်းမှ-တရားမ၀င်ဆန္ဒပြမှုအတွက်-အမှုဖွင့်အရေးယူခံရန်-ရဲစခန်း သို့လာရောက်ဖို့အတွက်-ကိုမျိုးသူထွဋ်၊ကိုခင်ဦး၊ကိုဖိုးကျော်၊ကိုပိုက်တင်၊ကို ဖိုးဝင်း -ခေါ်ယူထားကြောင်း-အမှတ်(၂)စခန်းမှုးက-သူတို့(၅)ယောက်ကို-တရာမ၀င်ဆန္ဒပြမှုအတွက်တရားလိုပြုလုပ်ပြီး -ပုဒ်မ(၁၈)နှင့်အမှုဖွင့်မည်ဖြစ်ကြောင်း-စခန်းမှုးကြီးထံမှသိရှိရပါသည်။

ပြည်သားလေး
Pyay City

တစ်ဂူတည်း ခြင်္သေ့နှစ်ကောင် မအောင်းတာလား …

ဟန်ဆောင်ပန်ဆောင် ရန်ဖြစ်ပြတာလား …

စစ်သားတစ်ပိုင်း လွှတ်တော်ကိုယ်စားလှယ်တွေ စစ်သားအပြည့်အ၀ လွှတ်တော်ကိုယ်စားလှယ်တွေ အများကြီး ပါဝင်တဲ့ လွှတ်တော်ကြီးနဲ့ စစ်သားတစ်ပိုင်းအစိုးရအဖွဲ့ကြီး . . .
စစ်အာဏာရှင်လက်ထက် နံပါတ် ၃ နဲ့၊ နံပါတ် ၄ တို့ ဒီမိုကရေစီယိမ်းကနေ . . .
ခုတလော ဟိုမှာ … သည်မှာ …  ဟိုစာမျက်နှာ …  ဒီစာမျက်နှာမှာ ကြားရ၊ ဖတ်ရ၊ အတွေ့ရ များနေတဲ့ သတင်းကတော့ သင်းလှသဗျ။ အစိုးရနဲ့ လွှတ်တော် မတည့်ကြဘူးတဲ့ …။ အစိုးရနဲ့ လွှတ်တော် ပြိုင်ဆိုင်မှု ပြင်းထန်နေသတဲ့ …။ အစိုးရနဲ့ လွှတ်တော် သဘောကွဲလွဲမှုတွေ များလာသတဲ့ …။
ဒီအရပ်နဲ့ ဒီဇာတ် ဒီလိုသာ ကပြကြတယ် ဆိုရင်တော့ ကျုပ်တို့ နိုင်ငံကြီး ဒီမိုကရေစီနံ့ သင်းလှ … ဒီမိုကရေစီလေ တိုက်လှ … ဒီမိုကရေစီ အရောင်ထိန်လှပေါ့။ ကျုပ်ဆိုတာကလည်း အခုမှ သတင်းစာလောကထဲ အညှောက်ပေါက်စ၊ မြီးကောင်ပေါက်စမို့ ဟိုစပ်စပ်၊ ဒီစပ်စပ် မေးလေတော့ အချို့ ကလည်း ဒီအခြေအနေကို စိုးရိမ်သကိုး။ အချို့ကလည်း ဒီ အခြေအနေကို ၀မ်းသာကြသကိုး။ တချို့ … တချို့ဆို ဗိန်းဗောင်းတိုက်ပြီး နွားကွဲရင် ကျားဆွဲဖို့ အခွင့်အရေးရှိ ဆိုသကိုးဗျ။ (ဒါပေမဲ့ သူတို့ မြင်နေတာ နွား မဟုတ်ဘဲ ခြင်္သေ့ဆိုတာ … ခြင်္သေ့တောင်မှ ဘုရားရှေ့ ငုတ်တုတ်ထိုင်နေတဲ့ ခြင်္သေ့ မဟုတ်ဘဲ ပရိယာယ် မာယာတောမှာ အမိုးမိုး၊ အလီလီ ဗိုလ်ကျ စိုးမိုးခဲ့တဲ့ ခြင်္သေ့ဆိုတာ မေ့တော်မူနေကြလေရဲ့)
ကဲ … ကဲ။ ဒီတော့ ရွှေသဘောတော်က ညွှတ်တော်မူကြတယ်ပေါ့ဗျာ။
ဒီလိုသတင်းတွေ ပျံ့ … စိတ်တော်မှတ်ကြလေတော့ ဘာဖြစ်သတုန်းဆို၊ ဟေး … ဟေး … ဒီမိုကရေစီပွဲတော် ကြီး သောင်းတိုက်သို့ ညံနေလေရောပေါ့။
သောင်းတိုက်သို့ညံဆိုလို့ အထင်စောပြီး ဘ၀င်မချောလိုက်ကြနဲ့အုံး ဗျာတို့။ ဘယ်သူတွေ ကျင်းပနေတဲ့ ပွဲတော်ကြီး ဆိုတာလည်း အဖန်ဖန်တွေး ရေးရေးပေါ်မပေါ့။
စဉ်းစားကြည့်လေ …  အစိုးရနဲ့ လွှတ်တော်ကြီး သဘောကွဲကြ ဆိုတော့ တချို့၊ တချို့ကိစ္စတွေမှာ အစိုးရဘက်က လိုက်ကြ၊ လွှတ်တော်ဘက်က လိုက်ကြ၊ တို့သမ္မတကြီး လုပ်တာ သဘောကျကြ၊ တို့သမ္မတ ကြီးပြောတာ နည်းကျတယ် ဖြစ်ကြ။ ဟော တို့ဥက္ကဋ္ဌကြီး ပြောတာမှ၊ တို့ဥက္ကဋ္ဌကြီးလုပ်တာမှ ဆိုပြီးတော့ ပွက်ပွက်ညံလိုက်ကြတာ ဘယ်သူတွေ ထင်သတုန်း။ ခြင်္သေ့တွေ အချင်းချင်းကြား တစ်လုံးတစ်ပါဒမှ မဟ ရှာလေဘူး။ အချို့ ခြင်္သေ့ကြီးများဆို လေပြေထိုးပြီး အလွမ်းဇာတ်နဲ့ လွှတ်တော်ဘက်ကနေ အစိုးရကို လှမ်းဖာလိုက်၊ အစိုးရဘက်ကနေ လွှတ်တော်ဘက် လှမ်းဖာလိုက်နဲ့ အဖာရာဗရပွနဲ့ ဖြစ်နေကြလေရဲ့။
ဒီတော့ ဘယ်သူတွေက နတ်ကရာ ကြည့်မောကြဆို ကျုပ်တို့ရဲ့ ဒေါင်းအိုးဝေတေး တညံညံကျူးသူတွေပေါ့။
ဒဂုံမြို့နယ် မိခင်နှင့်ကလေး စောင့်ရှောက်ရေးအသင်းတွင် ဒုဥက္ကဋ္ဌ(၂) အဖြစ် လက်ရှိပြည်သူ့လွှတ်တော် ဒုဥက္ကဋ္ဌ ဦးနန္ဒကျော်စွာ ဆောင်ရွက်စဉ်က မှတ်တမ်းပုံ
ဒဂုံမြို့နယ်မိခင်နှင့်ကလေး စောင့်ရှောက်ရေးအသင်းတွင် ဒုဥက္ကဋ္ဌ(၂) အဖြစ် လက်ရှိပြည်သူ့လွှတ်တော် ဒုဥက္ကဋ္ဌ ဦးနန္ဒကျော်စွာ ဆောင်ရွက်စဉ်က မှတ်တမ်းပုံ
ဒီလိုပြောလို့ ဟာ … မဟုတ်ပါဘူး ဟို တလောကပဲ ဒဂုံမြို့နယ် မိခင်နှင့်ကလေး စောင့်ရှောက်ရေးအသင်း ဒုဥက္ကဋ္ဌ ဖြစ်ခဲ့ဖူးတဲ့ ပြည်သူ့လွှတ်တော် ဒုဥက္ကဋ္ဌကြီးဆို သမ္မတကိုတောင် စွပ်စွဲပြစ်တင်မှုတွေ လုပ်သေးလို့ ငြင်းကောင်း၊ ငြင်းကြမယ် ထင်ပ။
ဟား …ဟား ကျုပ်ကတော့ ဒီအပြောတွေကြားရင် ချိုင်းကြားကလိထိုး ရယ်ချင်မိပေါ့။ ဘယ့်နှယ်ဗျာ တစ်ဘ၀ လုံးလုံး အဘ၊ အဘနဲ့ နှုတ်က မချတမ်း ခယနေခဲ့ရပြီး အခု လက်သီးလက်မောင်း တန်းပုံမျိုး ဒီအဆင်နဲ့ဒီခွင် ယုံသလားမေးရင် ဟိုစကားပုံကို ပြေးတွေးမိသဗျ။ ဒါကိုပဲ တချို့များ Facebook ပေါ်ကတစ်ဆင့် တိုင်းပြည် အနာဂတ် စိုးရိမ်ပူပန်ရ လောက်အောင်လိုလို …ဇာတ်စင်ပေါ်က ရန်ပွဲကို မွှမ်းထားလိုက်ပုံများ အတွေးအခေါ် ချွတ်ချော်လှပေါ့။
နောက်ဆုံးဗျာ … ပြည်သူ့လွှတ်တော်ဥက္ကဋ္ဌကြီး … အဲ အခု ပြည်ထောင်စုလွှတ်တော် နာယကကြီးနဲ့ သမ္မတဆို လည်း သဘောထားမတူဘူး ဆိုတာတွေ၊ ပုဂ္ဂိုလ်ရေး အာဃာတတွေပဲ ရှိနေဆိုတာတွေနဲ့ … အစိုးရနဲ့ လွှတ်တော်ကြား ဒီမိုကရေစီ သဘောအရ ကွဲပြားစွာ လုပ်ဆောင်နေကြပါတယ် ဆိုတာကို မီးမောင်း ထိုးပြ နေလိုက်ကြတာများ။
ကျုပ်ကတော့ လယ်ပြင်မှာ ဆင်သွားသလို ရှင်းရှင်းကြီး မြင်သဗျာ။ အောက်ခြေလွှတ်တော်က အမတ်တွေနဲ့ (ဒါတောင် ခြင်္သေ့တွေ မပါဘူးနော်) အောက်ခြေ အာဏာပိုင် အဖွဲ့အစည်းတွေ မတည့်တဲ့ ကိစ္စတွေ ရှိတာတော့ ထားတော့။ ဘယ့်နှယ် … သူလည်း ငါ့လူ၊ ငါလည်း သူ့လူနဲ့ ကျုပ်တို့ တိုင်းပြည်ကြီးကို လည်ပင်းဖက် အုပ်ချုပ် လာသူတွေ အခုမှ နု-တင်၊ ဆွေ-ငြိမ်း ဇာတ်ခင်းပြီး သဘောထားကွဲသလို၊ သဘောထားကြီးသလို လုပ်ပြရုံ၊ ဥပဒေလေး တစ်ခုကို အဝေမတည့်လို့၊ အခြား လွှတ်တော်ကိုယ်စားလှယ်တွေပါ ပါနေလို့ မုန်တိုင်းသံ ပေးရုံလေးနဲ့တော့ ကျုပ်တို့နိုင်ငံ မဏ္ဍိုင်ကြီးတွေ တစ်ခုနဲ့တစ်ခု အပြန်အလှန် ထိန်းကျောင်း နေသလိုမျိုး၊ တစ်ဦးနဲ့တစ်ဦး မတည့်တော့လို့ပဲ တိုင်းပြည်အနာဂတ်ကြီး ရင်လေးစရာ ဖြစ်လာတာမို့ ဟိုလူ၊ ဒီလူ ကန်တော့ပွဲနဲ့ ကြားဝင် စေ့စပ်ပေးရတော့မယောင် ပြောနေကြတာတော့ နားထဲမှာ အခံရခက်သဗျ။
ဒီမိုကရေစီ ပြုပြင်ပြောင်းလဲသူကြီးတွေအဖြစ် မိုးလုံးပြည့် ဟိတ်ဟန်ထွားနေကြတာ မြင်ရစူးသဗျ။
အမှန်ကို မြင်ရမယ် … အမှန်ကို ပြင်ရမယ် …
စစ်သားတစ်ပိုင်း လွှတ်တော်ကိုယ်စား လှယ်တွေ၊ စစ်သားအပြည့်အ၀ လွှတ်တော် ကိုယ်စားလှယ်တွေ အများကြီး ပါဝင်တဲ့ လွှတ်တော်ကြီးနဲ့ စစ်သားတစ်ပိုင်း အစိုးရ အဖွဲ့ကြီး … တစ်ဂူတည်း ခြင်္သေ့နှစ်ကောင် မအောင်းတာလား … ဟန်ဆောင် ရန်ဖြစ်ပြနေတာလားဆိုတာ …။
စစ်အာဏာရှင်လက်ထက် နံပါတ် ၃ နဲ့၊ နံပါတ် ၄ တို့ ဒီမိုကရေစီ ယိမ်းကနေတာကို နတ်ကရာ ကြည့်မောပြီး မှော်ရုံတောမှာ မျောမနေကြနဲ့ဗျို့၊ ရုပ်သေးစင်ပေါ်က ပြည်တော်တည်ခန်းကို သဘောအကျကြီးကျပြီး လက်ခုပ်သံ တဖြောင်းဖြောင်းနဲ့ မိုးလင်းမနေကြနဲ့ဗျို့။ ငေးနေ၊ မောနေ၊ အယုံလွယ်နေမယ် ဆိုရင်ဖြင့် စစ်အာဏာရှင်တွေရဲ့ လက်ထက် နိုင်ငံရေး လှည့်ကွက် အမျိုးမျိုးနဲ့ နှစ်ပေါင်းများစွာ ကစားကွက်ရွှေ့ခံ ခဲ့ရတာတွေကြောင့် ရထားတဲ့ သုမနကျောက ဒဏ်ရာတွေကို ပြန်ပြန် စမ်းကြည့်ဗျို့။
အမှန်ကို မြင်ကြ … အမှန်ကို ပြင်ကြ …
ကျုပ်ကတော့ မဟာတော်လှန်ရေး သမားကြီး ဟံသာဝတီ ဦးဝင်းတင်ဟောတဲ့ နိုင်ငံရေးတရား သိပ်ကြိုက်သဗျ။
““တိုက်ပွဲဝင်ကြ
အရေးတော်ပုံကြီးဟာ
မအောင်မြင်သေးဘူး
မပြီးပြတ်သေးဘူး
အရေးတော်ပုံကြီးရဲ့
တောင်းဆိုချက်တွေ
ရည်မှန်းချက်တွေ
ဒီနေထိ ရှိနေတုန်းပဲ””တဲ့။
ဒီတော့ မြန်မာပြည်သားအပေါင်း သူတော်ကောင်းတို့ရေ … နိုင်ငံရေး ကစားကွက်မှာ မျောမနေနဲ့ … နိုင်ငံရေး လေလုံးတွေကြားမှာ ပျော်မနေကြနဲ့ … နိုင်ငံရေး ယုံတမ်း စကားတွေနောက် သံယောင် လိုက်မနေကြနဲ့ …။          ။

Myanmar thandawsiny

“မုတ်သုံ” ဆိုတဲ့စကားလုံးဟာ ကျမတို့အတွက်တော့ အမြဲနားဝင်ချိုလှပါတယ်။ ကျမတို့ မြန်မာလူမျိုးတွေဟာ မိုးရာသီဆို အတိတ်ဆီကို လွမ်းဆွေးတမ်းတတာထက် ချစ်ကြည်နူးဖွယ်ရာ အဖြစ် မှတ်ယူကြပါတယ်။

ကလေးဘ၀တုန်းက ကျမမွေးဖွားကြီးပြင်းခဲ့တဲ့ အိမ်ဝရံတာကနေပြီး မည်းမှောင်နေတဲ့ ကောင်းကင်ကြီးကို ကြည့်ရင်း ထူထပ်တဲ့ မိုးတိမ်တွေဆီကနေ တ၀ုန်းဝုန်းနဲ့ ရွာချလိုက်တဲ့ မိုးသံတွေကို နားထောင်ခဲ့ပါတယ်။ အဲဒီလို ကြည်လင်တောက်ပတဲ့ မိုးစက်တွေကျလာပြီ ဆိုရင်ဖြင့် သီချင်းအင်မတန် ကြိုက်နှစ်သက်တဲ့ အစ်ကိုဝမ်းကွဲ တစ်ယောက်ဟာ ခေတ်ပေါ်သီချင်း တစ်ပုဒ်ထဲက “အို….ရွှေမိုးရယ် ညိုပြီပေါ့ကွယ်…” ဆိုတဲ့ အပိုဒ်လေးကို ညည်းပါတော့တယ်။ သူညည်းတဲ့ စကားလုံးတွေဟာ ကဗျာ စကားလုံးလား၊ အပျော်သဘောနဲ့ ညည်းတာလားဆိုတာကိုတော့ ကျမလည်း မဆုံးဖြတ်တတ်ခဲ့ပါဘူး။ မိုးတိမ်ညိုနောက်ကွယ်ကနေ အလင်းရောင်ရဲ့ ရိုက်ခတ်မှုကြောင့် ကျလာတဲ့ မိုးစက်တွေဟာ တစ်ခါတလေမှာ ရွှေရောင်တလက်လက်နဲ့ တွေ့မြင်ရတဲ့အတွက် ဒီစကားလုံးနဲ့ ဖော်ကျူးတာဟာ လိုက်ဖက်သင့်တော်တယ်လို့ ကျမအနေနဲ့ လက်ခံပါတယ်။

ဒီလိုမိုးရွာပြီဆိုရင် အတိအကျ ပြောလို့မရတဲ့ အတိတ်က အကြောင်းအရာတွေကို လွမ်းသလိုလို၊ ဆွေးသလိုလို ခံစားကြတဲ့ လူကြီးတွေရဲ့ ခံစားချက်မျိုး ကျမသိပ်ခံစားချင်ပါတယ်။ ဒါပေမဲ့ ခြောက်နှစ်အရွယ်ပဲ ရှိသေးတယ်ဆိုတော့ အတိတ်ကာလဆိုတာ ကလည်း ဘာမှ မည်မည်ရရ မရှိသေးပါဘူး။ မှိုင်းမှုန်နေတဲ့ မုတ်သုံမိုးနေ့ကို မဖော်ပြနိုင်တဲ့ အလွမ်းအဆွေးနဲ့ကြည့်ရင်း ကြီးပြင်းလာခဲ့ပါတယ်။

ကျမ ပထမဆုံး သင်ယူခဲ့ရတဲ့ ကဗျာတွေထဲက မြန်မာကလေးတိုင်း သိတဲ့ ကဗျာဆရာကြီး မင်းသုဝဏ် ရေးသားထားတဲ့ မိုးရာသီ အကြောင်း ကဗျာတစ်ပုဒ်ရှိပါတယ်။
“၀ါဆိုဝါခေါင်ရေတွေကြီးလို့ သပြေသီးမှည့်ကောက်စို့ကွယ်…” ဆိုတာပဲဖြစ်ပါတယ်။ ကျမဟာ ကျမရဲ့မိခင်ကို သပြေသီးဆိုတာ ဘယ်လိုဟာမျိုးလဲဆိုတာကို မြင်ဖူးချင်ကြောင်း ပြောခဲ့ပါတယ်။ ဒါပေမဲ့ သပြေသီးဆိုတာက ရန်ကုန်လိုနေရာမျိုးမှာ အင်မတန်ရှားပါးတော့ နမူနာလေးတစ်လုံးလောက် တောင်ကြည့်ဖို့ မလွယ်ပါဘူး။ ကျမဆယ်ကျော်သက်အရွယ်မှာ ကျမရဲ့မိခင်နဲ့ အတူ အိန္ဒိယကို လိုက်သွားတော့မှပဲ ကလေးဘ၀တုန်းက ကျမ အင်မတန် မြင်တွေ့ချင်လှတဲ့ ကဗျာထဲမှ သပြေသီးမှည့်ကို ကျမရဲ့မိခင်က ပေးနိုင်ပါတော့တယ်။ တစ်နေ့မှာ ကျမ ရဲ့မိခင်ဟာ အထုပ်ဖောင်းဖောင်း တစ်ထုပ်ကို ကျမကိုပေးရင်း သူ့ရဲ့ နှုတ်ခမ်းထောင့်နားက ပါးချိုင့်ကလေးပေါ်အောင် အားပါးတရပြုံးရင်း “ရော့ သမီး၊ သမီးကလေးဘ၀ကတည်းက မေမေ သမီးကို မပေးနိုင်ခဲ့တဲ့ သပြေသီးမှည့်ပဲ” လို့ပြောပါတယ်။

ဒေလီမှာတော့ သပြေသီးကို ဇမ္ဗုလို့ခေါ်ပါတယ်။ ကျမတို့နေတဲ့ လမ်းထောင့်မှာရှိတဲ့ သပြေပင်တွေ သီးတဲ့ အချိန်ရောက်ပြီဆိုရင် တောင်းတွေ အများကြီးနဲ့ ကောက်လို့ရပါတယ်။ ခရမ်းရောင်ရင့်ရင့်နဲ့ ခပ်ရှည်ရှည်မျောမျောရှိပြီး ပြောင်နေတဲ့ ဇမ္ဗုသီးတွေဟာ စားလိုက်ရင်ချိုပြီး နူးညံ့ကာ နှုတ်ခမ်းတွေ၊ လျှာတွေမှာ နီညိုရောင်စွဲပြီး ကျန်ခဲ့ပါတယ်။ အဲဒီတုန်းက ကျမကဗျာတွေ ရွတ်ဆိုရင်း စိတ်ကူးနဲ့ မှန်းခဲ့တာကတော့ ခြေချောင်းလေး တွေကြားထဲမှာ ရွှံ့တွေနဲ့ မိုးရွာထဲ လမ်းလျှောက်နေတာ၊ မိုးအေးအေးထဲ အသားညိုညို၊ ပိန်ပိန်နဲ့ ကလေးမလေး ပျော်ရွှင်နေတာ၊ ကြည်လင်သန့်စင်တဲ့ မိုးရေထဲမှာ လွတ်လပ်မှုရဲ့ အရသာကို ခံစားနေတာ စတာတွေပါပဲ။ ကျမဘ၀မှာ မိုးရေထဲ ရေချိုးရတာလောက် အင်မတန်ပျော်ရတာ မရှိပါဘူး။ ဒါပေမဲ့လည်း ဒီလို ကလေးဘ၀ဟာ ကုန်လွန်ခဲ့ပြီဆိုတာ ကျမသိခဲ့ပါတယ်။

ကလေးလေးတွေက ဆူးချုံတွေကြားတိုးရမှာကိုလည်း မကြောက်၊ မျှော့တွယ်မှာကိုလည်း မကြောက်ဘဲ သူတို့အတွက် အဖိုးတန်လှပြီး အင်မတန် အရသာရှိလှတဲ့ သပြေသီးကောက်ဖို့သွားကြတဲ့ ဆရာမင်းသုဝဏ်ရဲ့ ပျော်ရွှင်ဖွယ်ရာ သီကုံးထားတဲ့ ကဗျာနဲ့ မတူဘဲ နောက်ထပ်သပြေသီးနဲ့ မိုးအကြောင်းဖွဲ့ဆိုထားတဲ့ ကဗျာတစ်ပုဒ်လည်း ရှိပါသေးတယ်။ တစိမ့်စိမ့်ရွာကျနေတဲ့ မိုးနဲ့ပတ်သက်ပြီး လွမ်းဆွေးဖွယ်ရေးဖွဲ့ထားတဲ့ မြန်မာလူမျိုးတွေရဲ့ ခံစားချက်ပဲ ဖြစ်ပါတယ်။

ဒီအကြောင်းအရာဟာ ဗုဒ္ဓ၀င် ဇာတ်တော်ဖြစ်တဲ့ ပဋာစာရီဇာတ်ထဲက ဖြစ်ပါတယ်။ ချမ်းသာတဲ့ လယ်သမားမိဘနှစ်ပါးရဲ့ သမီးဖြစ်သူ ပဋာစာရီဟာ အိမ်မှာ အလုပ်လုပ်နေတဲ့ သူရင်းငှားနဲ့ ခိုးရာလိုက်ပြေးသွား ခဲ့ပါတယ်။ သားနှစ်ယောက်မွေးဖွားပြီးတဲ့နောက် ပဋာစာရီဟာ မိဘနှစ်ပါးကို လွမ်းဆွေး သတိရတဲ့အတွက် သူ့ယောက်ျားဖြစ်သူကို အိမ်ပြန်ပို့ဖို့ ပြောပါတယ်။ အိမ်အပြန်ခရီးမှာတော့ သူမဟာ ကြေကွဲဖွယ်ရာ အဖြစ်အပျက်တွေနဲ့ တွေ့ကြုံခဲ့ရပြီး ယောက်ျားရော သားနှစ်ယောက်ပါ ဆုံးရှုံးခဲ့ရပါတယ်။ ဒါပေမဲ့လည်း သူမဟာ အားတင်းပြီး မိဘတွေရှိရာ ပြန်ခဲ့ပေမယ့်လည်း အဖေရော အမေရော အစ်ကိုဖြစ်သူပါ မီးလောင်သေဆုံးနေတာကို တွေ့လိုက်ရပါတယ်။ ကံဆိုးလှတဲ့ မိန်းမငယ်ဟာ ရူးသွပ်သွားကာ ဆောက်တည်ရာမရ တော့ဘဲ ခြေဦးတည့်ရာ လျှောက်သွားနေရာက နောက်ဆုံး ဗုဒ္ဓမြတ်စွာဘုရားနဲ့ တွေ့ပြီး ဗုဒ္ဓက စိတ်ကို ငြိမ်းချမ်းမှုရအောင် ဟောကြားဆုံးမမှပဲ စိတ်တည်ငြိမ်ကာ ငြိမ်ချမ်းမှုရသွားတော့တယ်။ ပဋာစာရီ ကိုသောကမီး လောင်မြိုက်နေသူအဖြစ် မြင်ကြပါတယ်။ ဒါပေမဲ့ လည်းသူမရဲ့ ဇာတ်လမ်းဟာ အင်မတန် ပျော်ရွှင်ကြည်နူးဖွယ်ရာပါပဲ။ ဘာဖြစ်လို့လဲ ဆိုတော့ ကိုယ့်ကိုယ်ကိုယ် အောင်နိုင်လိုက်လို့ပါပဲ။

လင်ယောက်ျားရော သားပါ ဆုံးရှုံးသွားလို့ ပူဆွေးသောကဖုံးလွှမ်းကာ ဆောက်တည်ရာမရဘဲ မျှော်လင့်ချက်ပျောက်ဆုံးနေတဲ့ သူမရဲ့ပုံကို မိုးနဲ့ မုန်တိုင်း နောက်ခံထားပြီး ရေးဆွဲထားတဲ့ ပန်းချီကားတွေ အများကြီးရှိပါတယ်။

ဒီရုပ်ပုံကားတွေဟာ စိုစွတ်တဲ့ ရာသီဥတုကို ပုံဖော်ပြနေရုံ မကဘဲ နောက်ဆုံးမှာ ပျော်ရွှင်ကြည်နူးဖွယ်ရာ ရလာဒ် ထွက်ပေါ်လာပါတယ်။ လူတွေရဲ့ စိတ်ဓာတ်ဟာ အမြဲလျော့ကျနေတာ မဟုတ်ဘူး ဆိုတာကိုပါ ဖော်ပြနေတယ်လို့ အားလုံးက သိနေကြပါတယ်။

မြန်မာပြည်က၀င်တဲ့ မုတ်သုံအခါ ပွက်ပွက်ဆူမတက်ပူပြင်းလှတဲ့ ဧပြီလရဲ့ အပူဒဏ်ကနေ လွတ်မြောက်ဖို့ အေးမြတဲ့ မိုးကိုပါ သယ်ဆောင်လာပါတယ်။ အခုလို အချိန်အခါမှာပဲ ကျမတို့ တိုင်းပြည်မှာ နှစ်ပေါင်း ၃၀အတွင်း ပထမဦးဆုံး အကြိမ်အဖြစ် ဒီမိုကရေစီ နည်းလမ်းကျတဲ့ ရွေးကောက်ပွဲကို ကျင်းပခဲ့ပါတယ်။

မြန်မာပြည်သူလူထုဟာ ဆယ်စုနှစ်သုံးခုလောက် နေခဲ့ရတဲ့ အာဏာရှင်စနစ် ဆိုးအောက်က လွတ်မြောက်ပြီး သူတို့ရဲ့ ဆန္ဒတွေကို လေးစားအသိအမှတ်ပြုခံရမယ့် စနစ်ကို ရောက်တော့မယ်ဆိုတဲ့ အသိနဲ့ တာဝန်သိသိ စည်းကမ်းရှိရှိနဲ့ မဲရုံတွေကို သွားပြီးမဲပေးခဲ့ကြပါတယ်။
ဒီမိုကရေစီအခြေခံများနဲ့ အညီ တိုင်းပြည်ကို အုပ်ချုပ်နိုင်မယ့် စနစ်တစ်ခုပေါ်ပေါက်ရန် ဆက်လက်ကြိုးပမ်းနိုင်ရေး အတွက် ရာသီဥတုအသစ်က အားသစ်အင်သစ် လောင်းပေးနေပါတယ်။

အောင်ဆန်းစုကြည်

မေတ္တာရိပ်
မှ ကူးယူဖော်ပြပါသည်..

လက်ပံတောင်းအရေး တက်ကြွလှုပ်ရှားခဲ့သူ ဒေါ်နော်အုန်းလှကိုမုံရွာမြို့နယ် တရားရုံး၌ နိုင်ငံတော် အကြည်အညို ပျက်စေမှုဖြင့် အလုပ်ကြမ်းနှင့် ထောင်ဒဏ် ၂ နှစ် ယနေ့ နံနက်ပိုင်းတွင် ပြစ်ဒဏ် ချမှတ်လိုက်ကြောင်း သိရသည်။
ဒေါ်နော်အုန်းလှကို သြဂုတ်လ ၂၇၊ ၂၈၊ ၂၉ ရက် ၃ ရက်ဆက်တိုက် တရားရုံး ထုတ်ခဲ့ပြီးနောက် အမိန့်ချမှတ်လိုက်ခြင်း ဖြစ်ကြောင်း၊ နိုင်ငံတော် အကြည်အညို ပျက်စေမှု ပုဒ်မ ၅၀၅ (ခ) ဖြင့် ထောင်ဒဏ် အပြစ်ပေးလိုက်ခြင်း ဖြစ်ကြောင်း မုံရွာမြို့နယ် ရဲမှူး ဦးကြူအင်းက ဧရာဝတီသို့ အတည်ပြု ပြောကြားသည်။

ထိုသို့ ရက်ဆက်တိုက် တရားရုံး ထုတ်ခြင်းက နိုင်ငံရေးနှင့် သက်ဆိုင်သော အမှုများတွင် လုပ်လေ့လုပ်ထ ရှိသော်လည်း အကျိုးဆောင် ပေးရသော ရှေ့နေများအတွက် အခက်အခဲ ဖြစ်ရကြောင်း ဒေါ်နော်အုန်းလှကို အကျိုးဆောင်ပေးသည့် ရှေ့နေ ဦးရောဘတ် ဆန်းအောင်က ဧရာဝတီသို့ ပြောသည်။
“ကျနော်က အခုလို တရားရုံး ဆက်တိုက်ထုတ်တာကို မလုပ်ဖို့ တောင်းဆိုခဲ့ပေမယ့် မရခဲ့ပါဘူး။ ဆက်စစ်မယ်လည်း ဆိုရော ကျနော်က တရားခံ ထောင်ကျတာ တိုင်းပြည်နစ်နာတာပဲဆိုပြီး ထွက်လာတယ်။ ကျနော်တို့ အကျိုးဆောင် ပေးရတဲ့ ရှေ့နေ တွေက တခြားရုံးချိန်းတွေနဲ့ ချိန်ဆပြီး ရက်ချိန်း တောင်းရတော့ အခုလို ဆက်တိုက် ထုတ်တဲ့အခါ ဘယ်လိုမှ ဆောင်ရွက် ပေးလို့ မရဘူး။ ကျနော်လည်း သြဂုတ် ၂၇ ရက် တရက်တည်းပဲ နေနိုင်တာ။ အခု ဒီနေ့ အမိန့်ချတာမှာ ကျနော် မရှိခဲ့ပါဘူး။ ကျနော့် နောက်ကွယ်မှာပဲ လုပ်ခဲ့တာပါ။ ဒါပေမယ့် ဥပဒေအရ ရှေ့နေမရှိလည်း အမှုစစ်လို့ရ၊ အမိန့်ချလို့ ရပါတယ်” ဟု ၎င်းက ဆိုသည်။
ယခု ဒေါ်နော်အုန်းလှအမှုသည် အနည်းငယ် အငြင်းပွားမှု၊ ရှုပ်ထွေးမှုများရှိသောကြောင့် မြန်ဆန်စွာ အမိန့်ချခြင်းသည် ဥပဒေအရ အကျုံးဝင်သော်လည်း မသင့်လျော်ကြောင်း ၎င်းက ဆက်ပြောသည်။

ဒေါ်နော်အုန်းလှကို ၂၇ ရက်နေ့၌ စတင်စစ်ဆေးရန် ရုံးထုတ်ခဲ့သော်လည်း နောက်တနေ့ ၂၈ ရက်နေ့တွင် ဆက်တိုက် တရားရုံး ထုတ်ခဲ့ရာ အာဏာပိုင်များ၏ မတရား တဘက်သတ် အမှုဖွင့် ရုံးတင်မှုကို ကန့်ကွက်သောအားဖြင့် ရုံးမထွက်ဘဲ ထောင်ထဲတွင် ဆန္ဒပြခဲ့သည့် ဒေါ်နော်အုန်းလှအား ရဲများက ထောင်ထဲမှ အတင်းအဓမ္မ ဆွဲခေါ်ခဲ့မှုကြောင့် အ၀တ်အစားများ စုတ်ပြဲခဲ့ခြင်း၊ ခန္ဓာကိုယ် ပွန်းပဲ့ပြီး သွေးထွက်သံယိုများ ဖြစ်ခဲ့ခြင်းတို့ ရှိခဲ့ကြောင်း ပြည်သူ့အကျိုးဆောင် ကွန်ရက်မှ ကိုဟန်ဝင်းအောင်က ဧရာဝတီသို့ ပြောသည်။
ယနေ့ သြဂုတ်လ ၂၉ ရက်နေ့ တွင်လည်း ဒေါ်နော်အုန်းလှက တရားရုံးသို့ သွားရန် ဆက်လက် ငြင်းဆန်ခဲ့သောကြောင့် ရဲများက အင်အားသုံးခဲ့ကြောင်း၊ ထို့ကြောင့် ရုန်းရင်းဆန်ခတ် ဖြစ်ခဲ့ကြောင်း ၎င်းက ဆက်ပြောသည်။

“ဒေါ်နော်အုန်းလှကို ၃ ရက်တည်း ရက်ဆက်ရုံးထုတ်ပြီး အမိန့်ချခဲ့တာကို ကြည့်ရင် သူတို့က အတင်းကို အပြစ်ပေးချင် နေတယ် ဆိုတာ အရမ်းသိသာတယ်။ အာဏာပိုင်တွေဘက်မှာ စမဖမ်းခင် ကတည်းက ဒီလိုလုပ်မယ်ဆိုတာ ကြိုတင် စီမံထားတယ်လို့ ကျနော်တော့ ယူဆတယ်” ဟု ၎င်းက ဆိုသည်။
ဒေါ်နော်အုန်းလှသည် လက်ပံတောင်းတောင် စီမံကိန်း ဖျက်သိမ်းရေးအတွက် ဆန္ဒထုတ်ဖော်ရန် သက်ဆိုင်ရာ ဒေသ အာဏာပိုင်များထံ ခွင့်ပြုချက် ၉ ကြိမ်တိတိ တင်ခဲ့သော်လည်း ပယ်ချခြင်း ခံခဲ့ရသဖြင့် သြဂုတ်လ ၁၃ ရက်နေ့က မုံရွာ မြို့ပေါ် တွင် လက်ပံတောင်း ဒေသခံ ၁၅၀ ခန့်နှင့်အတူ ခွင့်ပြုချက် မတောင်းတော့ဘဲ ချီတက် ဆန္ဒထုတ်ဖော်ခဲ့ရာ ရဲများက ဒေါ်နော်အုန်းလှနှင့် အတူ လက်ပံတောင်းဒေသခံ ၉ ဦး တို့ကို ဖမ်းဆီးခဲ့သည်။
ထိုဖမ်းဆီးမှုကြောင့် အဆိုပါ နေ့ညနေပိုင်းတွင် ဒေသခံများက မုံရွာရဲစခန်းသို့ သွားရောက် ထိုင်သပိတ် ပြုလုပ်ခဲ့ကြကြောင်း၊ ထို့အတွက် လက်ပံတောင်းဒေသခံ ၉ ဦးကိုမူ စည်တန်း လှည့်လည်ခြင်းဆိုင်ရာ ပုဒ်မ ၁၈ ဖြင့် တရားစွဲပြီး ခံဝန်ကတိဖြင့် ညတွင်းချင်း ပြန်လွှတ်ပေးခဲ့ကြောင်း၊ သို့ရာတွင် ဒေါ်နော်အုန်းလှကို ပုဒ်မ ၁၈ အပြင်၊ နိုင်ငံတော် အကြည်အညို ပျက်စေမှု ပုဒ်မ ၅၀၅ (ခ) နှင့် မုံရွာထောင်သို့ ပို့ခဲ့ကြောင်း သိရသည်။

ယနေ့ သြဂုတ်လ ၂၉ ရက်နေ့တွင် မုံရွာခရိုင် ဆားလင်းကြီးမြို့နယ်နှင့် ရန်ကုန်မြို့တို့တွင် လက်ပံတောင်း ဆန္ဒပြပွဲအား မီးလောင် ဗုံးများဖြင့် ဖြို ခွင်းခဲ့မှု ၉ လပြည့် အောက်မေ့ဖွယ်များ ကျင်းပသွားမည် ဖြစ်ကြောင်း ဒေသခံများက ဆိုသည်။
ဆားလင်းကြီးမြို့နယ်တွင် လက်ပံတောင်း တောင်ခြေရှိ တုံကျေးရွာမှ ဒေသခံအင်အား ၂၀၀ ၀န်းကျင်ဖြင့် စတင် စီတန်း လှည့်လည် ကြမည်ဖြစ်ပြီး ဆည်တဲရွာအထိ သွားရောက်မည် ဖြစ်ကြောင်း ဆန္ဒထုတ်ဖော်ပွဲတွင် ပါဝင်မည့် ဒေသခံ မစန္ဒာက ဧရာဝတီသို့ ပြောသည်။
ထို့အပြင် ရန်ကုန်မြို့တွင်လည်း လက်ပံတောင်းတောင် ဆန္ဒထုတ်ဖော်ပွဲ၌ မီးလောင် ဖြိုခွင်းခဲ့မှုကြောင့် ထိခိုက်ခဲ့ကြသူများကို ရည်စူးပြီး ရွှေတိဂုံ ဘုရားရင်ပြင်တွင် ဆုတောင်းပွဲ ကျင်းပသွားမည် ဖြစ်ကြောင်း သိရသည်။

http://burma.irrawaddy.org/archives/47220

(26 Aug 2013 ရက်စွဲပါ Bangkok Post သတင်းစာပါ Myanmar’s land-grab problem သတင်းကို ဘာသာပြန်ဆိုသည်)

ပြုပြင်ပြောင်းလဲမှု၏ မရေရာသော အဆင့်များက ပိုင်ဆိုင်မှုမှတ်တမ်းများ မှုန်ဝါးနေပြီး လမ်းကြောင်းရှိပြီးသား လူချမ်းသာ ခရိုနီများရှိသည့် နိုင်ငံတစ်ခုတွင် အလွဲသုံးစားပြုမှုများကို အနည်းငယ်သာ ကန့်သတ်ထိန်းချုပ်ရန် လုပ်ဆောင် ကြသည်။

အနောက်မြောက်ဘက် စစ်ကိုင်းတိုင်း တောင်တန်းများမှ ရန်ကုန်မြို့ပြင်နေရာများရှိ စက်မှုဇုန်များအထိ မြေယာသိမ်းဆည်းမှုများနှင့်ပတ်သက်၍ အစိုးရ၏ ကိုင်တွယ်ပုံအပေါ် လူထုဖိအားတိုးလျက်ရှိပါသည်။ အများက စီးပွားရေး ပြုပြင်ပြောင်းလဲမှုလုပ်မှာလား၊ ဖျက်မှာလားဟုဆိုနေကြပါသည်။

မြန်မာနိုင်ငံတွင် ယခင်စစ်အစိုးရလက်ထက်က များပြားလှစွာသော လယ်ယာမြေကွက်များနှင့် သတ္တုတူးဖော်ရေး လုပ်ကွက်များအား ၎င်းတို့နှင့် ဆက်စပ်ပတ်သက်နေသည့် လုပ်ငန်းရှင်ခရိုနီများနှင့် စစ်ဘက်ဆိုင်ရာလုပ်ငန်းစုကြီးများကို ရောင်းချထားကြသည်မှာ ဆယ်စုနှစ်များစွာ ကြာခဲ့ပြီဖြစ်သည်။ ထို့နောက်တွင်မူ ဗိုလ်ချုပ်ကြီးများသည် သူတို့၏ အာဏာကို ၂၀၁၁ ခုနှစ်တွင် အဆုံးသတ်ခဲ့ကြပြီးကတည်းက နေ့စဉ်လိုလို အသစ်အသစ်သော ဆန္ဒပြမှုများဖြင့် မြေယာသိမ်းဆည်းမှု အစီရင်ခံစာများမှာ ဆက်လက်တည်ရှိနေခဲ့သည်။ လတ်တလောတွင်ပင် ထင်ရှားသော ဗိုလ်ချုပ်ကြီးတစ်ဦးက လွန်ခဲ့သော နှစ်ပေါင်းများစွာက သူပိုင်ဆိုင်ခဲ့သည်ဆိုသော ယာမြေပေါ် ကျူးကျော်ဝင်ရောက်လာကြသော လယ်သမားများအား သေနတ်ဖြင့် ချိန်ခဲ့သည်ဟု သတင်းစာခေါင်းကြီးပိုင်းများတွင် ပါဝင်ခဲ့သည်။

ဥပဒေကြောင်းအရ ပိုင်ဆိုင်မှုမှတ်တမ်းများ ဝေဝါးနေခြင်းသည် အရှုပ်ထုပ်ကြီး မြန်မာနိုင်ငံတွင် မြေယာပိုင်ဆိုင်မှုကို အငြင်းပွားစရာ မေးခွန်းများ ဖြစ်နေစေသည်။ များစွာသော အလယ်အလတ်လူတန်းစားများအတွက် ယင်းပြဿနာမှာ လျှော်ကြေးငွေ ပိုလိုချင်သည်လော၊ မိမိပိုင်မြေကို တရားမျှတစွာ ပြန်လိုချင်သည်လောဆိုသည်မှာ မေးခွန်းတစ်ခုဖြစ်နေသည်။ အချို့သော နိုင်ငံခြားသားရင်းနှီးမြှုပ်နှံသူအချို့အတွက်မူ ဤကိစ္စများသည် မြန်မာနိုင်ငံတွင် စီးပွားရေးလုပ်ရန်အတွက် အတော်ခက်ခဲသော အတားအဆီးတစ်ခု ဖြစ်နေသည်။အသစ်ဖြစ်ထွန်းပေါ်ပေါက်လာသည့် ဒီမိုကရက်တစ် ပြုပြင်ပြောင်းလဲမှု လမ်းကြောင်းသစ်ဖောက်ကာ လယ်သမားများနှင့် အရပ်ဘက်အဖွဲ့အစည်းများ၏ ဆန္ဒပြပွဲများကို ရင်ဆိုင်နေရသော ရွေးချယ်ခံ အရာရှိများအတွက်လည်း ဤကိစ္စမှာ နိုင်ငံရေးပြဿနာတစ်ရပ် ဖြစ်နေသည်။

သြဂုတ်လ ၁၉ ရက်နေ့နှင့် ၂၀ ရက်နေ့တို့တွင် လယ်ယာမြေသိမ်းဆည်းခံရမှုပြဿနာကို ဆွေးနွေးရန်နှင့် ၂၀၁၂ ခုနှစ် လယ်ယာမြေဥပဒေ ပြင်ဆင်ရေး တောင်းဆိုရန် လယ်သမား ရာနှင့်ချီ၍ ရန်ကုန်သို့ ဆင်းလာကြသည်။

အစိုးရမဟုတ်သော အဖွဲ့အစည်းတစ်ခုဖြစ်သည့် Food Security အဖွဲ့၏ ကွန်ယက်အစိတ်အပိုင်းတစ်ခုဖြစ်သော လယ်ယာမြေအကျိုးဆောင်အဖွဲ့ ဥက္ကဋ္ဌ ဦးရွှေသိန်းက စစ်အုပ်ချုပ်ရေးမှ ပြောင်းလဲလာသည်မှာ လယ်သမားအချို့အား ဆန္ဒထုတ်ဖော်ပြောဆိုကြရန် ယုံကြည်မှု ပိုရှိလာစေကြောင်း ပြောဆိုခဲ့သည်။

“အရင်အစိုးရလက်ထက်ကဆိုရင် လယ်သမားတွေ ဘာမှ အထွန့်တက်လို့မရဘူး။ ဘာကြောင့်လဲဆိုတာ ကျွန်တော် ပြောဖို့ကို မလိုပါဘူး”ဟု ရန်ကုန်ရုံးတွင် တွေ့ဆုံမေးမြန်းစဉ်က ၎င်းကပြောကြားသည်။ သို့သော်လည်း ယခု ဒီမိုကရေစီ ကူးပြောင်းသည့် ကာလတွင်မူ “ဒီကိစ္စတွေ အခုတော့ ထိပ်တက်လာနေပြီ”ဟု ၎င်းက ဆိုသည်။

အစိမ်းသက်သက်ဖြစ်နေသော ဒီမိုကရေစီသည် မြန်မာနိုင်ငံတွင် စမ်းသပ်ဆဲလောဟူသည့် မေးခွန်းအတွက် လူထုဖိအားမှာ လုံလောက်လှပေသည်။

“ဥပမာအားဖြင့် မြေယာပိုင်ဆိုင်မှုပြဿနာဟာ အရမ်းကို ရှုပ်ထွေးလွန်းတယ်”ဟု သမ္မတဦးသိန်းစိန်က လန်ဒန်ခရီးစဉ် တွင် ဂျူလိုင် ၁၅ ရက်နေ့က Chatham House မိန့်ခွန်း၌ ထည့်သွင်းပြောကြားသွားခဲ့သည်။ “မြန်မာနိုင်ငံသား အားလုံး တိုးတက်ဖို့ရာအတွက် မောင်းနှင်အားတစ်ခုအဖြစ် ကျွန်တော်တို့ဟာ ပြတ်သားသော၊ မျှတသော၊ ပွင့်လင်းမြင်သာသော မြေယာ မူဝါဒများကို ချမှတ်သွားမှာ ဖြစ်ပါတယ်”ဟု ၎င်းက ဆက်လက်ပြောကြားသွားခဲ့သည်။

အစိုးရအနေဖြင့် လယ်ယာမြေသိမ်းဆည်းမှုများနှင့် ပတ်သက်၍ အထူးတာဝန် ပေးအပ်ထားသော ကော်မရှင် အဖွဲ့တစ်ဖွဲ့ကို ဖွဲ့စည်းထားသည်။ ယခုအချိန်အထိ ယင်းကော်မရှင်မှ ယင်းကိစ္စအတွက် အစီရင်ခံစာများစွာကို ထုတ်ပြန် ခဲ့ကြပြီးဖြစ်သည်။ အတိုက်အခံခေါင်းဆောင် ဒေါ်အောင်ဆန်းစုကြည်နှင့် ပြည်သူ့လွှတ်တော်ဥက္ကဋ္ဌ သူရဦးရွှေမန်းတို့ကမူ ယင်းကိစ္စမှာ အထူးဦးစားပေးကိစ္စဖြစ်သော်လည်း အနည်းငယ်သာ ဖြေရှင်းဆောင်ရွက်မှုရှိနေသည်ဟု ဆိုသည်။

အရပ်ဘက်အဖွဲ့အစည်းများက ‘အထူးသဖြင့် မြန်မာနိုင်ငံ၏ အရိုင်းသက်သက် စီးပွားရေးကို နိုင်ငံခြားကုမ္ပဏီများ ဝင်ရောက်လာကြခြင်းကဲ့သို့ပြဿနာများကို ၂၀၁၂ ခုနှစ် လယ်ယာမြေဥပဒေအပါအဝင် ပြဌာန်းပြီး မူဝါဒများက အနည်းငယ်သာ မိတ်ဆက်ထားနိုင်ခဲ့ပြီးယခင်နှင့် လက်ရှိအစိုးရလက်ထက် ခရိုနီများစွာတို့သည်လည်းလျင်မြန်စွာ ပြောင်းလဲနေသော နိုင်ငံတွင် ၎င်းတို့၏ ပိုင်ဆိုင်မှု စီးပွားရေးများ မဆုံးရှုံးရလေအောင် အမီလိုက်ကြိုးစားနေကြပုံရသည်’ဟု ဆိုသည်။

အာဏာရှင် သို့မဟုတ် ကိုလိုနီ အစိုးရလက်အောက်တွင်နှစ်ပေါင်းများစွာနေလာခဲ့ပြီးမှလွတ်မြောက်လာသော နိုင်ငံများကို ကြည့်လျှင် လယ်ယာမြေ ပြန်လည်ခွဲဝေမှုပြဿနာမှာ စိတ်အနှောက်အယှက်ဖြစ်စရာပင် ဖြစ်သည်။ ဇင်ဘာဘွေ၊ တောင်အာဖရိကနှင့် ဒေသတွင်းနိုင်ငံတစ်ခုဖြစ်သော အင်ဒိုနီးရှားကို ကြည့်လျှင် သိနိုင်ပါသည်။

စစ်ကိုင်းတိုင်းဒေသကြီး၊ လက်ပံတောင်းတောင်ကဲ့သို့ နေရာများတွင် သတ္တုတူးဖော်ရေးလုပ်ငန်းများ မြန်မာနိုင်ငံသား များဆီသို့ ဝင်ရောက်လာချိန်တွင် ဆန္ဒပြမှုများမှာ ပိုမို မြင့်တက်လာခဲ့သည်။ တရုတ်နောက်ခံ သတ္တုတူးဖော်ရေး ကုမ္ပဏီကို ချဲ့ထွင်ရန် ၂၀၁၀ တွင် အစိုးရက ယင်းဒေသအနီးတဝိုက်တွင်ရှိသော လယ်ယာမြေ ဧက ၈၀၀၀ ခန့်ကို သိမ်းဆည်းခဲ့သည်။ ယခုနှစ်အစောပိုင်းတွင် ဒေါ်အောင်ဆန်းစုကြည်က ယင်းစီမံကိန်းကို ဆက်လက်လုပ်ဆောင်ခွင့်ပြုရန် ရွာသားများကို အကြံပြု ခဲ့စဉ်တွင် အာဏာပိုင်များနှင့် ဆန္ဒပြသူများအကြား တိုက်ခိုက်မှုများ ဖြစ်ပွားခဲ့သည်။

လယ်ယာမြေအခွင့်အရေးမှာ သယံဇာတ ပေါကြွယ်ဝသည့် ဒေသများ၌ နေထိုင်ကြသော လူနည်းစုတိုင်းရင်းသား များနှင့် ပြုလုပ်နေသည့် နှေးကွေးစွာ တိုးတက်နေသော ငြိမ်းချမ်းရေးဖြစ်စဉ်တွင် အခရာကျသည့် ကိစ္စတစ်ခုလည်း ဖြစ်သည်။ ယင်းကိစ္စသည် မြန်မာနိုင်ငံ၏ ပြုပြင်ပြောင်းလဲရေးကို လတ်တလော စိတ်ဝင်တစားပြောဆိုနေကြသည့် နိုင်ငံတကာ အဖွဲ့အစည်းများနှင့် NGO များကြားတွင် ရေပန်းစားသော ပြဿနာဖြစ်သည်။

“တူးဖော်ရေးပြုလုပ်မယ့်စက်ရုံတွေကို ဆန္ဒပြကြတဲ့အုပ်စုအဖွဲ့တွေနဲ့ အကြမ်းဖက်ရင်ဆိုင်ဖြေရှင်းရတာတွေ အဆုံးသတ်ဖို့ တိုးတက်တဲ့ သယံဇာတစီမံခန့်ခွဲမှုနဲ့ မြေယာပိုင်ဆိုင်မှုအခွင့်အရေးဆိုင်ရာ ခိုင်မာတဲ့အကာအကွယ်တွေ လိုအပ်တယ်”ဟု Stockholm School of Economics မှ Anders Engvall နှင့် Myanmar Development Resource Institute မှ စိုးနန္ဒာလင်းတို့က မကြာသေးမီက ဆောင်းပါးတစ်ပုဒ်တွင် ဖော်ပြခဲ့သည်။

ဗိုလ်ချုပ်နေဝင်းက လက်ဝဲကျသော ဆိုရှယ်လစ်စီးပွားရေးစနစ် ပြုလုပ်ရန်အတွက် မြေယာများအားလုံး၏ ပိုင်ဆိုင်မှုကို အစိုးရအနေဖြင့် ၁၉၆၃ ခုနှစ်တွင်သိမ်းယူခဲ့သည့်အချိန်မှစ၍ မြန်မာ့စီးပွားရေးတစ်ခုလုံး ချွတ်ခြုံကျခဲ့သည်။

အစိုးရသစ်တောဝန်ကြီးဌာန ဝန်ထမ်းဟောင်းတစ်ဦးဖြစ်သည့် အသက် ၅၇ နှစ်အရွယ်ရှိ လယ်ယာမြေ အကျိုးဆောင်အဖွဲ့မှ ဦးရွှေသိန်းက “၁၉၉၀ တဝိုက် အစိုးရက ကမ္ဘာ့ဈေးကွက်သို့ စီးပွားရေးစနစ် ဖွင့်ပေးလိုက်ချိန်တွင် အထူး ဦးစားပေးခဲ့သည်မှာ လျင်လျင်မြန်မြန် တိုးတက်စေဖို့သာဖြစ်ပြီး အစားအသောက်လုံခြုံစိတ်ချရမှု မလုံလောက် ခဲ့ကြောင်း”ပြောကြားခဲ့သည်။ ရလဒ်အားဖြင့် အစိုးရသည် ၁၉၉၀ နှင့် ၂၀၁၂ ကြားတွင် ကြီးမားသော စိုက်ပျိုးရေး လုပ်ငန်း အတွက်ဖြစ်သော လယ်ယာမြေဧက သန်းပေါင်းများစွာကို ဦးစားပေးကာ ပေးပစ်ခဲ့ပါသည်။

ယခင်အစိုးရလက်ထက်တွင် လယ်သမားများ ယောင်တိယောင်ချာဖြစ်နေသော စိုက်ပျိုးရေး အခြေပြုနိုင်ငံကြီးမှ ပြည်သူများသည် အကူအညီအနည်းငယ်သာ ရယူနိုင်စွမ်းရှိသည်။ ၂၀၁၂ လယ်ယာမြေဥပဒေကို အရပ်သားအစိုးရက ပြဌာန်းပေးလိုက်ရာ လယ်သမားများနှင့် အခြားမြေသိမ်းခံရသူများအတွက် လျော်ကြေးများ ရယူနိုင်ရန် ဖြစ်စဉ်တစ်ခု ပေါ်ပေါက်လာသည်။ သို့သော်လည်း ထိုကိစ္စမှာ အလွန်ရှုပ်ထွေးလှသည်။ လယ်သမားများအနေဖြင့် ၎င်းတို့သည် ဤမြေယာကို အမှန်တကယ် ပိုင်ဆိုင်အသုံးပြုခဲ့ကြောင်း စာရွက်စာတမ်း အထောက်အထားများ ပြရသည်။ စာရွက်စာတမ်းမရှိပါက တစ်ဦးတစ်ယောက်မှနေ၍ ၎င်းတို့ကို ထောက်ခံပေးရမည်ဖြစ်သည်။

“ဒါအလွန်ရှုပ်ထွေးတယ်။ စာရွက်စာတမ်းတွေ သိမ်းဆည်းရတာဟာ ကျွန်မတို့မှာထုံးစံမရှိဘူး”ဟု ဒေါ်အောင်ဆန်းစုကြည်က ဂျွန်လတွင် ပြုလုပ်ခဲ့သော သတင်းစာရှင်းလင်းပွဲတွင် ပြောကြားခဲ့သည်။

အစိုးရအနေဖြင့် မြေယာများကို တရားဝင်နည်းလမ်းဖြင့်မဟုတ်ဘဲ မည်သို့ လွှဲပြောင်း ပေးခဲ့သည်ဆိုသည်ကို စီစစ်ရန် လိုအပ်ကြောင်း သူမကပြောကြားသည်။

ကာကွယ်ရေးဝန်ကြီးဌာနမှ ဗိုလ်ချုပ်ဝေလွင်က ပြီးခဲ့သည့်လ၌ တပ်မတော်အစိုးရလက်ထက်တွင် သိမ်းဆည်းထားခဲ့သော လယ်မြေဧက ၁၈၃၀၀ ကို ပြန်လည်ပေးအပ်မည်ဖြစ်သည်ဟု လွှတ်တော်တွင် ပြောကြားခဲ့သည်။ လူတိုင်းတော့စိတ်ကျေနပ်မှုမရနိုင်ဟု ၎င်းကဆိုသည်။

မြန်မာနိုင်ငံရှိ တရုတ်နှင့် မေးခွန်းထုတ်စရာဖြစ်နေသည့် စီမံကိန်းများနောက်ကွယ်တွင် မရေရာသော မြေယာ အခွင့်အရေး အပြောင်းအလဲများမှာ အခြားသော နိုင်ငံခြား ရင်းနှီးမြှုပ်နှံသူများ၏ ပိုင်ဆိုင်မှုများ လုံခြုံစိတ်ချရမှုအတွက် ရှုပ်ထွေး စရာ အချက်တစ်ခုဖြစ်သည်။

အရက်ဘက်အဖွဲ့များက နိုင်ငံခြားလုပ်ငန်းများသည် ဒေသခံများအား ခေါင်းပုံဖြတ်ကြလိမ့်မည်ဟူသော စိုးရိမ်မှုကို တင်ပြကြသည်။ ဒေသခံများကို ထိခိုက်စေမည့် ရည်ရွယ်ချက်မျိုး မရှိသည့် ကုမ္ပဏီများကိုပင် သမိုင်းပေးအသိအရ သံသယဖြင့်သာ ရှုမြင်ကြသည်။

ဦးရွှေသိန်းက နိုင်ငံခြားခရီးစဉ်များတွင် နိုင်ငံခြားကုမ္ပဏီများအား ၎င်းတို့ မြန်မာနိုင်ငံသို့ လာရောက်၍ စီးပွားရေး လုပ်ကိုင်ကြလျှင် မြန်မာနိုင်ငံသားတို့၏ အခွင့်အရေးကို လေးစားကြရန် ၎င်းအနေဖြင့် ပြောဆိုပါကြောင်း မှတ်ချက်ပြုသည်။

“တချိန်တည်းမှာ ကျွန်တော်တို့ဟာ အရင်အစိုးရလက်ထက်က လုပ်ပိုင်ခွင့်ရပြီး မြေယာများစွာကို ပိုင်ဆိုင်တဲ့ ဒီနိုင်ငံက ခရိုနီတွေကိုလည်း စိတ်ပူတယ်”ဟု ၎င်းက ဆက်လက်ပြောကြားသည်။

အချို့ကိစ္စများတွင် စီးပွားရေးသမားကြီးများက တုန့်ပြန်မှု အချို့ ပြုလုပ်ကြသည်။ မက်စ်မြန်မာအုပ်စုပိုင်ရှင် ဦးဇော်ဇော်ဆိုလျှင် ၎င်းပိုင်ဆိုင်သော အသုံးမပြုသည့် မြေယာများကို အစိုးရမှတဆင် ပြန်လည်ပေးအပ်ပြီး ဖြစ်ကြောင်း မီဒီယာများ၏ ဖော်ပြချက်အရသိရသည်။

အဆိုပါကိစ္စရပ်သည် လွှတ်တော်တွင်း အငြင်းပွားစရာများ မြင့်တက်လာစေသော ကိစ္စလည်း ဖြစ်သည်။ အချို့ ဥပဒေပြုသူများက အစိုးရအား ပိုမိုလုပ်ဆောင်ရန်ဖိအားပေးကြသကဲ့သို့ စစ်တပ်မှ ရွေးချယ်ခန့်ထားသော အချို့ ကိုယ်စားလှယ် များကမူ ကန့်ကွက်ကြသည်။

မြေယာသိမ်းဆည်းမှု စုံစမ်းစစ်ဆေးရေး ကော်မရှင် ဥက္ကဋ္ဌ ဦးတင်ထွဋ်ကဥပဒေပြုသူများအား “အမျိုးစုံသော အုပ်စုများက လယ်သမားများအား ဆန္ဒပြရန် အားပေးအားမြှောက်ပြုခြင်းဖြင့် ကိုယ်ကျိုးရှာနေကြသဖြင့် ၎င်းအပါအဝင် လွှတ်တော်ကိုယ်စားလှယ်များ အားလုံးသည် နိုင်ငံရေးအမြတ်ထုတ်ရန်၊မဲရရှိရန်အတွက် ယင်း(မြေယာပြဿနာ)ကို အသုံးချခြင်းမှ ရှောင်ရှားကြရန်”ပြီးခဲ့သည့် ရက်သတ္တပတ်က သတိပေးခဲ့ကြောင်း မြန်မာတိုင်းမ်တွင် ဖော်ပြခဲ့သည်။

Yangon chronicle

အစိုးရ၏ ၀န်ကြီးဌာနငါးခုက ပြည်သူ့ဘဏ္ဍာငွေသို့ ပြန်လည်ပေးဆပ်ရန် ကျပ်ငွေသန်းပေါင်း သုံးသောင်းကျော်နှင့် အမေရိကန်ဒေါ်လာ ၂၂ သန်းကျော် ရှိနေ....

ဝန်ကြီးဌာနများသည် လုပ်ထုံးလုပ်နည်း လိုက်နာဆောင်ရွက်ရန် အားနည်းပြီး၊ ဘဏ္ဍာစည်းမျဉ်းတို့နှင့် မညီဘဲဆောင်ရွက်နေမှုတို့ကြောင့် “ပြည်သူ့ဘဏ္ဍာငွေ နစ်နာနေရ...”

ကြွေးကျန်သည့် ၀န်ကြီးဌာနငါးခု...

(၁)..သတ္တုတွင်းဝန်ကြီးဌာန..>> ငွေသားအနေဖြင့် ကျပ်သန်း ၂၈၀ ကျော်နှင့် ပြည်သူ့ဘဏ္ဍာအတွက် ရွှေစင်ပြန်သွင်းရမည့်အစား ငွေသားဖြင့် ပြန်ပေးရမည့် ငွေကျပ် သန်းပေါင်း ၃၂၀၀၀ ကျော်...

(၂)..ဟိုတယ် / ခရီး ၀န်ကြီးဌာန..>> အမေရိကန်ဒေါ်လာ၂၂.၈၉သန်း

(၃)..စက်မှုဝန်ကြီးဌာန...>>ကျပ် ၄၂ သန်းကျော်၊

(၄)..ပညာရေးဝန်ကြီးဌာန..>>ကျပ်၂ သန်းကျော်

(၅)..ကျန်းမာရေးဝန်ကြီးဌာန..>> ကျပ် ၂၅ သန်း ကျော်

Mizzima - News in Burmese.
ုKo nay myo

ကျွန်တော်ကဲ့သို့  ရန်ကုန်မြို့ မှနေ၍ စိတ်မကောင်းခြင်းကြီးစွာ ဖြစ်နေရသူများစွာ ရှိပါလိမ့်မည်။ ဆရာတာရာ၏ ရုပ်ကလာပ်ကို အောင်ပန်းမြို့ နေအိမ်မှ
နှစ်မိုင်ကျော်ဝေးကွာသော မင်းဂူသုဿာန်သို့  မိုးဖွဲဖွဲလေးအောက်မှာခြေလျင်ပို့ ဆောင်နိုင်ခွင့်ရသူတစ်ဦး ကျွန်တော်မဖြစ်ခဲ့ပါ။

“မဖတ်မဖြစ် ဖတ်ရမယ့် စာအုပ်သုံးအုပ်ရှိတယ်။ ဒဂုန်တာရာရဲ့ ရုပ်ပုံလွှာ၊ မြသန်းသင့်ဘာသာပြန်တဲ့ အနုပဋိလောမရုပ်ဝါဒ၊ ဖူးချစ်ရဲ့  ကြိုးစင်ပေါ်ကမှတ်တမ်း”..

၁၉၇၄ တွင် စီးပွားရေးတက္ကသိုလ်မှာ မိတ်ဆွေလည်းဖြစ်၊ နောင်တော်သဖွယ်လည်းဖြစ်သော။ နိုင်ငံရေးဖြင့် အထဲရောက်ပြီးမှ စီးပွားရေးတက္ကသိုလ်သို့ ပြန်ဝင်လာသော
ပဲခူးသားကိုကျော်မြင့်က ပြောသည်။ ကျွန်တော်သည် ရန်ကုန်မြို့ ထဲမှာဒဂုန်တာရာ၏ ရုပ်ပုံလွှာကို အပြင်းအထန် လိုက်ရှာသည်။ ပန်းဆိုးတန်း
စာအုပ်အဟောင်းဆိုင်များ၊ မြေနီကုန်းညဈေး ဘယ်မှာမှ ရှာမရခဲ့ပါ။

ရုပ်ပုံလွှာနှင့် ဖူးချစ်၏ ကြိုးစင်ပေါ်ကမှတ်တမ်းကို လိုက်ရှာသည့် တမြို့ တည်းသမားကျောင်းနေဘက် သူငယ်ချင်းရင်းချာတစ်ယောက်က သူ့ အိမ်မှာ ဖူးချစ်၏
ကြိုးစင်ပေါ်ကမှတ်တမ်း စာအုပ်ရှိသည်။ မငှားနိုင်။ အိမ်မှာ လာထိုင်ဖတ်လျှင်ရသည်ပြောသည်။ ကျွန်တော်သည် သူ့ အိမ်က အခန်းလေးတစ်ခန်းထဲတွင် ဖူးချစ်၏
ကြိုးစင်ပေါ်ကမှတ်တမ်းကို ည ၇ နာရီမှ ည ၁၀ နာရီအထိ တစ်ယောက်တည်းထိုင်ဖတ်၏။ ကျွန်တော့်ကိုယ်ထဲမှသွေးများသည် ပွက်ပွက်ထလျက် လည်ပတ်စီးဆင်း
နေ၏။ ဘ၀မှာ ဘာနှင့်မျှမတူသော ခံစားမှုအဟုန်ဖြင့် ဖူးချစ်၏ ကြိုးစင်ပေါ်ကမှတ်တမ်းကို ဖတ်မိသည်။ ကျွန်တော်သည် ဘာကိုမှမကြောက်တော့။

ဒဂုန်တာရာ၏ ရုပ်ပုံလွှာစာအုပ်ကို ဆရာတော်ဦးပညာ၏ တောင်လေးလုံးကျောင်းတိုက်ထဲမှာ တထိုင်တည်း ဖတ်ခဲ့ပါသည်။ ရုပ်ပုံလွှာ၏ တန်ဘိုးကို
နားလည်သဖြင့် ကျွန်တော်သည် ဆရာတော်ထံမှ မငှားရမ်းခဲ့ပါ။ကျောင်းတိုက်ထဲမှာပင် ထိုင်ဖတ်ပါသည်။ ဒဂုန်တာရာ၏ ရုပ်ပုံလွှာသည်ကျွန်တော့်အသည်းစွဲ စာအုပ်ဖြစ်ပါသည်။ ပုဂံစာအုပ်တိုက်၊ ပေါ်ဦးသက်၏အနီရောင် အပြာရောင်မျက်နှာဖုံးနှင့် ဒဂုန်တာရာ၏ ရုပ်ပုံလွှာစာအုပ်လေးကိုအဟောင်းဆိုင်မှ ဈေးကြီးကြီးပေး၍ ၀ယ်ယူခွင့်ရလာပါသည်။

ကျွန်တော်သည် ကားလ်မာ့က်စ်နှင့် လီနင်တို့ ၏ကျမ်းများကို မဖတ်ဖူးပါ။သခင်သန်းထွန်းကို ကျွန်တော့်စိတ်ထဲက အလွန်လေးနက်ခဲ့ပါသည်။ ဤသည်မှာ
ဆရာဒဂုန်တာရာ၏ ရုပ်ပုံလွှာစာအုပ်ကို စွဲစွဲလမ်းလမ်း ဖတ်ရှုခဲ့၍ ဖြစ်မည်ထင်သည်။

“ကွန်မြူနစ်ဆိုသူကား တစ်ခုကို ယုံကြည်ကိုးကွယ်သူဖြစ်သည်။ ကွန်မြူနစ်ဝါဒကိုယုံကြည်ကိုးကွယ်နိုင်ရန် လူ့ အထုပ္ပတ္တိရာဇ၀င်၊ လူ့ အတွေးအခေါ်အဘိဓမ္မာ၊
လူ့ နေမှုထိုင်မှု နိုင်ငံရေးဘောဂဗေဒ စသည်တို့ ကို ကမ္ဘာဦး ရာဇ၀င်ပေါ်စမှယနေ့ အဏုမြူခေတ်အထိ အဖြစ်အပျက်များကို သိရှိနားလည်ရပေမည်...”

ဤသည်တို့ မှာ ဒဂုန်တာရာ၏ သခင်သန်းထွန်း (သို့ မဟုတ်) အနီကို လေ့လာကြည့်ရှုချက် ရုပ်ပုံလွှာအဖွဲ့ အနွဲ့  အပိုင်းအစများ ဖြစ်ပါသည်။

ဦးနေ၀င်းအစိုးရလက်ထက်၊ ထို့ နောက် စစ်အစိုးရလက်ထက်များတွင်သခင်သန်းထွန်းကို အပြစ်ဖို့ လိုသော အစိုးရပေါ်လစီ စာအုပ်အချို့ ကို
ဖတ်ရှုကြည့်သော်လည်း ကျွန်တော်သည် သခင်သန်းထွန်းကို အပြစ်မမြင်ဘဲချစ်ခင်ကြည်ညိုနေမိသည်။ ဒဂုန်တာရာ၏ ရုပ်ပုံလွှာစာအုပ်ကိုသာ အစစ်အမှန်ဟု
ကျွန်တော်လက်ခံထားလိုက်ပြီ။

ဒဂုန်တာရာ၏ ရုပ်ပုံလွှာတွင် သခင်ကိုယ်တော်မှိုင်း (သို့ မဟုတ်) ငြိမ်းချမ်းရေးဗိသုကာ၊ အောင်ဆန်း (သို့ မဟုတ်) အရိုင်း၊ ကိုဗဟိန်း (သို့ မဟုတ်) ကဗျာ
အဖွဲ့ အနွဲ့ များကို ဖတ်ရှုလျက်၊ ဗန်းမော်တင်အောင် (သို့ မဟုတ်) နရသိမ်ထောင်မှအကျဉ်းသား အဖွဲ့ အနွဲ့ ကို ဖတ်ရှုလျက် ထိုပုဂ္ဂိုလ်များကို ကျွန်တော်ပိုမို
အလေးအနက်ထားကာ ကြည်ညိုအားကောင်းခဲ့ပါသည်။ ဆရာဒဂုန်တာရာ၏ကြီးစွာသော ကျေးဇူးတရားကြောင့် ကျွန်တော်သည် လေးနက်သင့်သူကို
ပိုမိုလေးနက်မိသည်။

ထောင်မှထွက်လာ
နှစ်ကြာတမ်းတ၊ ချိုမြအနမ်း
တင်မွှမ်းဂီတ၊ ဖြူလွဆေးဘူး
ယစ်မူးကဗျာ၊ ခံစားရာတို့ 
ငါ့မှာ ရင်ခုန်နွမ်းလျလျ..

ကျွန်တော့်ရင်ထဲသို့  စိမ်းလန်းသော သစ်ပင်များစွာ စိုက်ပျိုးခဲ့သောဒဂုန်တာရာ ကွယ်လွန်ခြင်းမှာ ကျွန်တော်သည် မလွမ်းဘဲ မဆွေးဘဲ မနေနိုင်။
ရင်ထဲသို့  ထိသွားပြီ။ သြဂုတ်လ ၁၉ မှာ ရင်ထဲသို့  တကယ်ထိသွားပြီ။အခုမှ တကယ်ထိသွားပြီ။

မောင်ကိုကို (အမရပူရ)

(လူထုပုံရိပ်ဂျာနယ် အတွဲ ၁၊ အမှတ် ၄၈ တွင် ပါရှိသော မောင်ကိုကို(အမရပူရ) ၏ “ထိသွားပြီ” ဆောင်းပါးမှ ထုတ်နုတ် ကူးယူပါသည်)

aung myo tun

ရွှေဝါရောင်ကိစ္စ ဖော်ပြချက်နဲ့ ပက်သက်လို့  မှားတယ်မှန်တယ်
ကျွန်တော်မပြောလိုဘူး။ အဲဒီအချိန်တုန်းက ကျွန်တော်တာဝန်ထမ်းဆောင်နေတဲ့
အချိန်ဖြစ်နေတယ်..

ဒု ဗိုလ်ချုပ်ကြီးဟောင်း မြင့်ဆွေ

(ယခု ရန်ကုန်တိုင်းဝန်ကြီးချုပ်)

aung myo tun facebookမှ

Photo..Irawaddy
ပြီးခဲ့သည့် ၂၀၁၃ ခုနှစ် မေလ ၃၀ ရက်နေ့က အစိုးရနှင့် ကချင်လွတ်မြောက်ရေးတပ်မတော်(KIO)တို့၏ သဘောတူညီချက်ခုနှစ်တွင် တစ်ချက်အပါအဝင်ဖြစ်သည့် ဒုက္ခသည်များအား နေရပ်ပြောင်းရွှေ့ပေးပြီး ပြန်လည် ထူထောင်ရေးဆိုင်ရာကိစ္စရပ်များ လုပ်ဆောင်ရန်မှာ သုံးလခန့်အချိန်ကြာမြင့်လာပြီဖြစ်သော်လည်း လက်ရှိအချိန်ထိတိုင် အကောင်အထည်ဖော် ဆောင်ရွက်ရခြင်းမရှိသေးကြောင်း သိရသည်။

လက်ရှိအချိန်တွင် ကချင်ပြည်နယ်အတွင်း ဒုက္ခသည်စခန်းများတွင် ဒုက္ခသည်ဦးရေမှာ တစ်သိန်းကျော် သွားပြီဖြစ်ပြီး ၎င်းတို့အတွက် နေရပ်ပြန်လည်ပို့ဆောင်ရေးဆိုင်ရာကိစ္စရပ်များ လုပ်ဆောင်ရန်မှာ အခက်အခဲရှိနေ သေးသည့်အပြင် ဒုက္ခသည်များနေရပ်ပြန်ချိန်တွင် လုံခြုံမှုဆိုင်ရာကိစ္စရပ်များအတွက်လည်း ထည့်သွင်းစဉ်းစား နေရကြောင်း အစိုးရပိုင်းတာဝန်ရှိသူ တစ်ဦးက ဆိုသည်။

ထိုသို့ ဒုက္ခသည်များ နေရပ်မပြန်နိုင်သေးသည့် ကိစ္စရပ်နှင့်ပတ်သက်၍ ဝိုင်းမော်မြို့ သာဂရသရက်တော ကျောင်းတိုက်မှ ဒုက္ခသည်များအား ကူညီစောင့်ရှောက်နေသည့် ဦးစိုင်းအောင်က “မပြန်နိုင်သေးတာက ပြည်နယ်တွင်းမှာ သေနတ်သံတွေ မစဲသေးတာ ပထမအချက်၊ နောက်မိုင်းရှင်းဖို့လိုတယ်။ ဒါတွေမရှိရင် ချက်ချင်းပြန်နိုင်ပြီ”ပာုဆိုသည်။

အစိုးရ၏တပ်မတော်နှင့် KIO တို့၏ တိုက်ပွဲဖြစ်ပွားမှုများကြောင့် ဒုက္ခသည်စခန်းများသို့ ထွက်ပြေးတိမ်းရှောင် ခဲ့သည့် ဒုက္ခသည်များ နေရပ်ပြန်ချိန်တွင် ပြန်လည်ထူထောင်ရေးဆိုင်ရာကိစ္စရပ်များ ဆောင်ရွက်နိုင်ရန် အပြည်ပြည် ဆိုင်ရာ ကြာက်ခြေနီကော်မတီ ICRC နှင့်ပူးပေါင်း၍ ပြန်လည်ထူထောင်ရေးဆိုင်ရာ စီမံကိန်းရေးဆွဲခြင်းနှင့် ဒီဇိုင်းရေး ဆွဲခြင်း သင်တန်းများကိုလည်း နိုင်ငံတကာပညာရှင်များက ပို့ချလျက်ရှိကြောင်း သိရသည်။

ထို့ပြင် ထိုင်း-မြန်မာနယ်စပ်ရှိ ဒုက္ခသည်စခန်များမှ ဒုက္ခသည်များကို ၎င်းတို့၏ဆန္ဒမပါဘဲ နေရပ်ရင်းသို့ ပြန်လည် ပို့ဆောင်ရန် ကရင်ပြည်နယ်အစိုးရနှင့် ကရင်အမျိုးသားအစည်းအရုံးတို့မှ ပူးပေါင်းစီစဉ်ဆောင်ရွက်နေမှုများအပေါ် ကရင် လူ့အခွင့်အရေးအဖွဲ့က KRC က ကန့်ကွက်ကြောင်း ပြောကြားခဲ့သည်။ လက်ရှိအချိန်ထိတိုင် ဒုက္ခသည်များ၏ နေရပ်မူရင်းတို့တွင် နှစ်ဖက်တပ်ဖွဲ့များမှထောင်ထားသည့် မြေမြှုပ်မိုင်းအန္တရာယ်ကိုလည်း ရှင်းလင်းနိုင်ခြင်း မရှိသေးသည့် အပြင် KNU ဒေသတွင် အစိုးရနှင့် အပစ်အခတ်ရပ်စဲထားသော်လည်း အချိန်မရွေးတိုက်ပွဲများ ထပ်မံ ဖြစ်ပေါ်လာနိုင်သည့် အခြေအနေရှိနေသည့်အတွက် ဒေသခံများက စိုးရိမ်လျက်ရှိကြောင်း သိရသည်။

လက်ရှိအချိန်တွင် ထိုင်း-မြန်မာနယ်စပ်ရှိ ဒုက္ခသည်စခန်း ၉ ခု၌ ဒုက္ခသည်ပေါင်းတစ်သိန်းလေးသောင်းခန့်ရှိပြီး အဆိုပါ ဒုက္ခသည်များအနက် တတိယနိုင်ငံများတွင် အခြေချနေထိုင်လိုသူများ၊ ထိုင်းနိုင်ငံတွင် အခြေချနေထိုင်လိုသူများ နှင့် နေရပ်ရင်းသို့ပြန်လာလိုသူပာူ၍ သုံးမျိုးသုံးစားကွဲပြားလျက်ရှိကြောင်း သိရသည်။

Yangon chronicle

လက်ရှိအချိန်တွင် မြန်မာ့နိုင်ငံရေးခေါင်းဆောင်များနှင့် နိုင်ငံရေးပါတီများသာမက နိုင်ငံ့အရေးကို စိတ်ဝင်စားသူများ အားလုံး၏ဆုံချက်သည် ဖွဲ့စည်းပုံအခြေခံဥပဒေပြင်ဆင်ရေး သို့ ရောက်ရှိနေလေပြီ။ ဖွဲ့စည်းပုံအခြေခံဥပဒေပြင်ဆင်ရေးနှင့်ပတ်သက်ပြီးအလေးထား ပြောကြားနေကြသည့်အထဲတွင် ဒေါ် အောင်ဆန်းစုကြည် နိုင်ငံတော်သမ္မတဖြစ်နိုင်စေရန် ပုဒ်မ ၅၉(စ)ကို ပြင်ဆင်နိုင်ရေးလည်း အဓိက ပါဝင်နေပါသည်။ ပြည်ထောင်စုလွှတ်တော် နာယကကြီး သူရဦးရွှေမန်းကလည်း အလေးထား ဆောင် ရွက်ပေးမည်၊ အစိုးရ၏ ပူးပေါင်းဆောင်ရွက်မှု လိုအပ်သည် ဟု မကြာသေးခင်ကပင် သတင်းထောက် များနှင့် တွေ့ဆုံရာ၌ ထုတ်ဖော်ပြောကြားထားပြီး ဖြစ်ပါသည်။ ပုဒ်မ ၅၉ (စ)၏ သက်ရောက်မှု လက်ရှိ မဏ္ဍိုင်ကြီးများ၏ လိုက်နာကျင့်သုံးမှုနှင့် နှိုင်းယှဉ် ဆန်းစစ်ကြည့်လျှင် အခြေခံဥပဒေ ပြင်ဆင်ရန်ပင် မလိုအပ်တော့သည့် အနေအထားများ တွေ့ရှိရပါသည်။ လွှတ်တော်ကိုယ်စားလှယ်အများစု သဘောတူ လျှင် ယင်းပုဒ်မ ၅၉ (စ)ကို ပြင်ဆင်ရန် မလိုအပ်သည့်အကြောင်းကို တွေ့မြင်သည့်အတိုင်း ရှင်းလင်း လိုပါသည်။

ပြည်ထောင်စုရွေးကောက်ပွဲကော်မရှင်မှ တင်သွင်းခဲ့သော `လွှတ်တော်ကိုယ်စားလှယ်များအား တာဝန် မှ ပြန်လည်ရုပ်သိမ်းခြင်းဆိုင်ရာ ဥပဒေ´ ကြမ်းကို ပထမအကြိမ်ပြည်သူ့လွှတ်တော် သတ္တမပုံမှန်အစည်း အဝေး - ရက်မြောက်နေ့ဖြစ်သော ၂၀၁၃ ရက် သြဂုတ်လ ၂၄ ရက်တွင် ပြည်သူ့လွှတ်တော်တွင် ဆွေးနွေး ပြီး ထိုဥပဒေကြမ်းအား ဆိုင်းငံ့ထားရန် ပြည်သူ့လွှတ်တော်က အတည်ပြုဆုံးဖြတ်ခဲ့ပါသည်။

ဇာတ်လမ်း၏ အစမှာ ဖွဲ့စည်းပုံအခြေခံဥပဒေမှ စပါသည်။ ဖွဲ့စည်းပုံအခြေခံဥပဒေ ပုဒ်မ ၃၈ (ခ) တွင် ရွေးကောက်တင်မြှောက်ထားသော ပြည်သူ့ကိုယ်စားလှယ်ကို သက်ဆိုင်ရာမဲဆန္ဒရှင်များက ဤဖွဲ့စည်းပုံ အခြေခံဥပဒေတွင် ပြဌာန်းထားချက်များနှင့်အညီ တာဝန်မှ ပြန်လည်ရုပ်သိမ်းခွင့်ရှိသည်ဟု ဖော်ပြထား သည်။ ပုဒ်မ ၃၉၆ တွင် လွှတ်တော်ကိုယ်စားလှယ်တာဝန်မှ ပြန်လည် ရုပ်သိမ်းခြင်း နှင့် စပ်လျဉ်း၍ လွှတ်တော်ကိုယ်စားလှယ်တစ်ဦးကို အောက်ပါအကြောင်း တစ်ရပ်ရပ်ကြောင့် တာဝန်မှ ပြန်လည် ရုပ်သိမ်းခွင့် ရှိကြောင်း ဖော်ပြထားသည်-

(၁) နိုင်ငံတော်၏ ကျေးဇူးသစ္စာတော်ကို ဖောက်ဖျက်ခြင်း၊

(၂) ဖွဲ့စည်းပုံအခြေခံဥပဒေပါ ပြဋ္ဌာန်းချက်တစ်ရပ်ရပ်ကို ဖောက်ဖျက်ကျူး လွန်ခြင်း၊

(၃) အကျင့်သိက္ခာပျက်ပြားခြင်း၊

(၄) ဤဖွဲ့စည်းပုံအခြေခံဥပဒေတွင် သတ်မှတ်ထားသည့် သက်ဆိုင်ရာလွှတ်တော်ကိုယ်စား လှယ် အရည်အချင်းပျက်ယွင်းခြင်း၊

(၅) ဥပဒေအရပေးအပ်သော တာဝန်များကို ကျေပွန်စွာ မဆောင်ရွက်ခြင်း၊

အခြေခံဥပဒေ ပုဒ်မ ၃၉၇ တွင် ပြည်ထောင်စုလွှတ်တော်သည် ရွေးကောက်တင်မြှောက်ခြင်းဆိုင်ရာ ကိစ္စများနှင့် စပ်လျဉ်း၍လည်းကောင်း၊ တာဝန်မှ ပြန်လည်ရုပ်သိမ်းခြင်းဆိုင်ရာ ကိစ္စများနှင့်စပ်လျဉ်း၍ လည်းကောင်း လိုအပ်သောဥပဒေများကို ပြဌာန်းရမည် ဟု ဖော်ပြထားပါသည်။

သို့ဖြစ်၍ လွှတ်တော်ကိုယ်စားလှယ်များအား တာဝန်မှ ပြန်လည်ရုပ်သိမ်းသည့်ဥပဒေကို အတည်ပြု ပြဌာန်းနိုင်ရေးအတွက် ပြည်ထောင်စုရွေးကောက်ပွဲကော်မရှင်က ဥပဒေမူကြမ်းရေးဆွဲပြီး ထိုဥပဒေ ကြမ်းကို ပြည်သူများ လေ့လာသိရှိရန်နှင့် အကြံပြုနိုင်ရန်အတွက် (၃၀-၈-၂၀၁၂) ရက်ထုတ် နိုင်ငံပိုင် သတင်းစာများတွင် ဖော်ပြခဲ့ကြောင်း တွေ့ရှိရပါသည်။ (၆-၁၁-၂၀၁၂) ရက်တွင် ပြုလုပ်သော ပထမ အကြိမ် ပြည်သူ့လွှတ်တော် ပဉ္စမပုံမှန်အစည်းအဝေး န၀မမြောက်နေ့၌ ပြည်ထောင်စု ရွေးကောက်ပွဲ ကော်မရှင်က ဥပဒေကြမ်းကို ပြည်သူ့လွှတ်တော်တွင် တင်သွင်းခဲ့သည်။ ဥပဒေကြမ်းနှင့် စပ်လျဉ်း၍ ပြည်သူ့လွှတ်တော် ဥပဒေကြမ်းကော်မတီ၏ စိစစ်တွေ့ရှိချက်များကို ကော်မတီက ပြည်သူ့ လွှတ်တော် ကို အစီရင်ခံတင်ပြခဲ့ပြီးဖြစ်ကြောင်း ပြည်သူ့လွှတ်တော် အင်တာနက်ဝဘ်ဆိုက်တွင် တွေ့ရှိရပါသည်။

သို့ရာတွင် ထိုဥပဒေကြမ်းအား ပြည်သူ့လွှတ်တော်တွင် ဆက်လက်ဆွေးနွေးခဲ့ခြင်းမရှိပဲ ဆိုင်းငံ့ထားခဲ့ပြီး ပြည်သူ့လွှတ်တော်ဥက္ကဌ၏ သတင်းစာရှင်းလင်းပွဲများတွင် သတင်းထောက်များက ထိုဥပဒေကို ဆက် လက်ဆွေးနွေးခြင်း မရှိသည့်ကိစ္စကို မေးမြန်းသည့်အခါ ပြည်သူ့လွှတ်တော်ဥက္ကဌ သူရဦးရွှေမန်းက ထိုဥပဒေသည် ခေတ်ကာလအခြေအနေနှင့် မကိုက်ညီ၍ ဆိုင်းငံ့ထားခြင်းဖြစ်ကြောင်း ဖြေကြားခဲ့သည် ကို တွေ့ရပါသည်။ ထိုသို့ သတင်းထောက်များက လွှတ်တော်ဥက္ကဌကို ထိုဥပဒေကြမ်းကိစ္စ မေးမြန်းခဲ့ပြီး မကြာမီအတွင်း ပြည်သူ့လွှတ်တော်က ထိုဥပဒေကြမ်းအား ဆိုင်းငံ့ထားရန် အတည်ပြု ဆုံးဖြတ်ခဲ့ခြင်း ဖြစ်ပါသည်။

၂၃-၈-၂၀၁၃ ရက် ပြည်သူ့လွှတ်တော်အစည်းအဝေးတွင် ပြည်သူ့လွှတ်တော် ဥပဒေကြမ်းကော်မတီဝင် ဒေါက်တာ စိုးမိုးအောင်က ထိုဥပဒေကြမ်းနှင့်ပတ်သက်၍ ရှင်းလင်းတင်ပြရာတွင် အခြေခံဥပဒေ ပုဒ်မ ၃၉၆ (ခ)ပါ " သက်ဆိုင်ရာ မဲဆန္ဒနယ်၏ မူလ မဲဆန္ဒရှင်များအနက် အနည်းဆုံး တစ်ရာခိုင်နှုံးတို့က တာဝန်မှပြန်လည်ရုတ်သိမ်းလို သော လွှတ်တော်ကိုယ်စားလှယ်နှင့်ပတ်သက်သည့် တိုင်တန်းချက်ကို ပြည်ထောင်စုရွေးကောက်ပွဲကော်မရှင်ထံ တင်ပြရမည်" ဆိုသောအချက်အရ လက်မှတ်ထိုးတိုင်တန်း ရမည့်အရေအတွက်သည် နည်းပါးလွန်းကြာင်း၊ တစ်ပါတီစနစ်ကျင့်သုံးခဲ့သည့် မဆလခေတ် အခြေခံ ဥပဒေပါ ပြဌာန်းချက်များကို ဆက်လက်သုံးစွဲထားခြင်းဖြစ်ပြီး တစ်ပါတီစနစ်တွင် မဲဆန္ဒရှင် တစ်ရာခိုင်နှုန်း၏ ထောက်ခံမဲရရန် ခက်ကောင်းခက်နိုင်သော်လည်း ယခု ပါတီစုံစနစ်ကျင့်သုံးသည့်ခေတ်တွင် တစ်ရာခိုင်နှုန်း၏ လက်မှတ်စုဆောင်းရန် မခက်ခဲကြောင်း၊ ထို့ကြောင့် အလွယ်တကူလက်မှတ်စုပြီး တိုင်ကြားခြင်းများ များလာနိုင်ကြောင်း ၊ တခြားဒီမိုကရေစီနိုင်ငံအချို့တွင်လည်း ထိုသို့ကိုယ်စားလှယ် အားတာဝန်က ပြန်လည်ရုတ်သိမ်းသည့်ဥပဒေများ ပြဌာန်းထားခြင်းရှိသော်လည်း တိုင်တန်းသူ အရေ အတွက် သတ်မှတ်ချက် ထိုမျှ မနည်းကြောင်း၊ ဖွဲ့စည်းပုံအခြေခံဥပဒေပြင်ဆင်ရေးနှင့်ပတ်သက်၍ လည်း ဆန်းစစ်လေ့လာခြင်းလုပ်ငန်းများ လုပ်နေပြီဖြစ်ကြောင်း၊ ထိုကာလအတွင်း ဥပဒေကြမ်းနှင့်ပတ် သက်ပြီး ဆိုင်းငံ့ထားသင့်ကြောင်း ဆွေးနွေးသွားပါသည်။

ဥပဒေကြမ်းအား ဆိုင်းငံ့ထားရန်ကိစ္စကို တပ်မတော်သားလွှတ်တော်ကိုယ်စားလှယ်(၃)ဦးက ကန့် ကွက် ဆွေးနွေးသွားခဲ့ပါသည်။ တပ်မတော်သားကိုယ်စားလှယ်များက ယနေ့လွှတ်တော်များသည် ပြည်သူ လူထု၏ ယုံကြည်ကိုးစားမှုကို တနေ့တခြားပိုမို ရရှိလာနေကြောင့်၊ ထို့ကြောင့် ကိုယ်စားလှယ် များ၏ ဂုဏ်သိက္ခာအတွက် ဆက်လက်ဆွေးနွေးဆောင်ရွက်သင့်ကြောင်း၊ တပ်မတော်သားများအား ဥပဒေ၊ စည်းကမ်းများနှင့် ကန့်သတ်ထိန်းချုပ်ထားသလို လွှတ်တော်ကိုယ်စားလှယ်များကိုလည်း ထိန်းချုပ်သည့် ဥပဒေရှိသင့်ကြောင်း ၊ နိုင်ငံတော်သမ္မတ၊ ဒုသမ္မတများ နှင့် အခြားသော ပြည်ထောင်စု အဆင့်ပုဂ္ဂိုလ်များကို စွပ်စွဲပြစ်တင်လုပ်နိုင်ကြောင်း အခြေခံဥပဒေမှာ ပြဌာန်းသတ် မှတ်ထားကြောင်း ၊ လွှတ်တော်ကိုယ်စားလှယ်များကို မဲဆန္ဒရှင်ပြည်သူလူထုက တာဝန်မှ ပြန်လည်ရုတ်သိမ်းခွင့် သည် အခြေခံဥပဒေပုဒ်မ ၄ တွင် ပြဌာန်းထားသည့် " နိုင်ငံတော် အချုပ်အခြာအာဏာသည် နိုင်ငံသားများ ထံမှဆင်းသက်ပြီး နိုင်ငံတော်တဝှမ်းလုံး၌ တည်သည်" ဆိုသည်ကို ပြသည့်အချက်ဖြစ်ကြောင်း၊ အခြေခံဥပဒေက ပေးထားသည့် ပြည်သူများ၏ အခွင့်အရေးကို ပိတ်ပင်ခြင်း မပြုသင့်ကြောင်း၊ အခြေခံဥပဒေက ပေးထားသည့် အခွင့်အရေးကို ပိတ်ပင်ခြင်းသည် အခြေခံဥပဒေကို ကျော်လွန်ရာ ရောက်ကြောင်း ။ အာဏာသုံးရပ်အကြားတွင်လည်း အပြန်အလှန် Check and Balance လုပ်နိုင် ရေးအတွက် ထိုဥပဒေပြဌာန်းရေး ဆက်လက်ဆောင်ရွက်သွားရန် လွှတ်တော်အား တိုက်တွန်းကြောင်း ဆွေးနွေးသွားကြပါသည်။

မင်းလှမဲဆန္ဒနယ် လွှတ်တော်ကိုယ်စားလှယ် ဦးမောင်တိုးက လွှတ်တော်ကိုယ်စားလှယ်များသည် စည်း ကမ်းမရှိရုံနှင့် လွှတ်တော်ကိုယ်စားလှယ် မဖြစ်ထိုက်ဟု မဆိုနိုင်ကြောင်း၊ လွှတ်တော်များအနေဖြင့် တင်လာသည့် ဥပဒေတိုင်းကို ဆွေးနွေးအတည်ပြုပေးမည်မဟုတ်ကြောင်း၊ လွှတ်တော်ဥက္ကဌသည် အလွန်ပါဝါရှိကြောင်း၊ လွှတ်တော်ဥက္ကဌတစ်ယောက်က ထိုဥပဒေကို ဆွေးနွေးရန်မသင့်ဟုဆိုလျှင် မဲခွဲရန်ပင် မလိုကြောင်း၊ တစ်ရာခိုင်နှုန်းက တိုင်ကြားခွင့်ရှိသည်မှာ မဖြစ်သင့်ကြောင်း ဆွေးနွေးသွားပါ သည်။

ကျောက်ဖြူမဲဆန္ဒနယ်မှ ကိုယ်စားလှယ် ဦးဘရှိန်က လွှတ်တော်ကိုယ်စားလှယ်တစ်ယောက်ကို တာဝန် မှ ပြန်လည်ရုပ်သိမ်းရန် ဆောင်ရွက်လျှင် ငွေကုန်ကြေးကျများသည်ကို စဉ်းစားစရာရှိကြောင်း၊ စွပ်စွဲခံရ သည့်ကိုယ်စားလှယ်ကိုလည်း ကာကွယ်ပေးရန်လိုကြောင်း ဆွေးနွေးသွားပါသည်။

တပ်မတော်သားကိုယ်စားလှယ် လေးဦးနှင့် အရပ်သားကိုယ်စားလှယ် နှစ် ဦး၏ ဆွေးနွေးမှုပြီးနောက် ပြည်သူ့လွှတ်တော်ဥက္ကဌက စက်ခလုပ် မသုံးဘဲ `ဥပဒေကြမ်းကော်မတီရဲ့ သဘောထားကို သဘောတူပါသလား၊ သဘောမတူသူ ရှိပါသလား´ မေးမြန်းခဲ့ရာ ကန့်ကွက်မည့်သူမရှိသည့်အတွက် ဥပဒေကြမ်း ကော်မတီ၏ တင်ပြချက်အတိုင်း ဥပဒေကြမ်းအား ဆိုင်းငံ့ထားရန် လွှတ်တော်က အတည်ပြုခဲ့ပါသည်။

ထူးခြားသည်မှာ ပြည်ထောင်စုရွေးကောက်ပွဲကော်မရှင်က (၆-၁၁-၂၀၁၂) တွင် ထိုဥပဒေကြမ်းအား ပြည်သူ့လွှတ်တော်သို့ တင်သွင်းခဲ့ရာတွင် ပြည်သူ့လွှတ်တော်ဥပဒေကြမ်းကော်မတီဝင် ဦးတီခွန်မြတ်က ကော်မတီ၏ စိစစ်တွေ့ရှိချက်ကိုတင်ပြရာတွင် ဥပဒေကြမ်းအား မည့်သည့်နေရာများတွင် မည်သို့မည်ပုံ ဖြည့်စွက်ပြင်ဆင်သင့်သည်ဟုသာ တင်ပြခဲ့ပြီး ပါတီစုံဒီမိုကရေစီစနစ်နှင့် မကိုက်ညီကြောင်း၊ တစ်ရာခိုင် နှုန်းဟု အခြေခံဥပဒေတွင် သတ်မှတ်ထားခြင်းသည် ကျိုးကြောင်းဆီလျော်မှုမရှိကြောင်း ပါဝင်ခြင်းမရှိခဲ့ ပဲ နောက်ထပ် ၁၀ လခန့်အကြာ (၂၃-၈-၂၀၁၃) ရက်တွင် ဥပဒေကြမ်းကော်မတီက ထပ်မံရှင်းလင်း တင်ပြသည့်အခါမှာ ထိုအချက်များ ပါဝင်လာခြင်း ဖြစ်ပါသည်။ ဦးတီခွန်မြတ်၏ ဖြည့်စွက်ချက်တွင် လက်မှတ်ရေးထိုး တိုင်ကြားပြီး Recall လုပ်ပါက စစ်ဆေးသည့်အခါ မမှန်ကန်လျှင် တိုင်ကြားသူများကို အရေးယူနိုင်မည့် အချက်ကို ထည့်သွင်းခဲ့ပါသည်။ ထိုသို့ ပြုလုပ်မှသာ မမှန်မကန် တိုင်ကြားမှုများ လျော့နည်းစေမည် ဟု ၄င်းက ဆိုပါသည်။ သို့ဖြစ်၍ ဥပဒေကြမ်းကော်မတီ၏ သုံးသပ်ချက် ၁၀ လအတွင်း ပြောင်းလဲသွားရသည်မှာ မည်သည့်ပယောဂများ ပါရှိသနည်းဟု စဉ်းစား တွေးတောဖွယ်ရာ ရှိပါသည်။

မည့်သို့ပင်ဆိုစေကာမူ လွှတ်တော်ကိုယ်စားလှယ်များအား တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကို ပြည်သူ့လွှတ်တော်က ဆိုင်းငံ့ထားလိုက်သဖြင့် ဖွဲ့စည်းပုံအခြေခံဥပဒေကို ပြင်ဆင်၍ မပြီး မချင်း ၊ အနည်းဆုံး ယခုလွှတ်တော်သက်တမ်းကုန်ဆုံးမည့် ၂၀၁၅ နှစ်ကုန်အထိတော့ တာဝန်မကျေ သော လွှတ်တော်ကိုယ်စားလှယ်များ ရှိပါကလည်း ကိုယ်စားလှယ်အဖြစ်မှ ဖြုတ်ချနိုင်တော့မည် မဟုတ်ပါ။

လွှတ်တော်ကိုယ်စားလှယ်များအနေဖြင့် နိုင်ငံတော်၏ ကျေးဇူးသစ္စာတော်ကို ဖောက်ဖျက်ခြင်း၊ ဖွဲ့စည်း ပုံ အခြေခံဥပဒေပါ ပြဋ္ဌာန်းချက်တစ်ရပ်ရပ်ကို ဖောက်ဖျက်ကျူး လွန်ခြင်း၊ အကျင့်သိက္ခာပျက်ပြားခြင်း၊ လွှတ်တော်ကိုယ်စားလှယ်၏ အရည်အချင်းပျက်ယွင်းခြင်း၊ ဥပဒေအရပေးအပ်သော တာဝန်များကို ကျေပွန်စွာ မဆောင်ရွက်ခြင်းများ ရှိလာခဲ့သည့်တိုင် လွှတ်တော်ကိုယ်စားလှယ်အဖြစ်မှ ရုပ်သိမ်း ခံ ရမည်ကို စိုးရိမ်စရာမလိုဘဲ ဥပဒေပြုရေးနှင့် ထိန်းကျောင်းရေးတာဝန်များကို စိတ်ချ၊လက်ချ ထမ်း ဆောင်နိုင်ကြတော့မည် ဖြစ်ပါသည်။

ယခုကာလတွင် လွှတ်တော်ပေါ်ပေါက်လာပြီ ဖြစ်၍ အပြန်အလှန်ထိန်းကျောင်းရေးစနစ် အသက်ဝင် လာသည် ဟု ဆိုကြပါသည်။ ပြီးခဲ့သည့် (၂)နှစ်ခွဲကာလအတွင်း ဥပဒေပြုလွှတ်တော်အမတ်များအနေ ဖြင့် အုပ်ချုပ်ရေးနှင့် တရားစီရင်ရေးမဏ္ဍိုင်ကြီး(၂)ရပ်ကို ထိန်းကျောင်းသည့် လုပ်ငန်းများကို အားသွန် ခွန်စိုက် ဆောင်ရွက်ခဲ့ကြသည်မှာ အားရဖွယ်ရာ ကောင်းလှပါသည်။ သို့သော် ထိန်းကျောင်းရေး တာဝန်ကို အလေးပေးလွန်းလျှင် မူလတာဝန်၊ အခြေခံဥပဒေတွင် အသေးစိတ်ဖော်ပြထားသော တာဝန် များဖြစ်သည့် ဥပဒေပြုရေးလုပ်ငန်းများ၌ အားနည်းသွားခြင်း ရှိ-မရှိကိုလည်း ပြီးခဲ့သည့်(၂)နှစ်ခွဲအတွင်း လွှတ်တော်ကိုယ်စားလှယ်များ တင်သွင်းသော ဥပဒေကြမ်းများ မည်မျှ ရှိသည်၊ ယင်းတို့အနက်မှ ဥပဒေအဖြစ် မည်မျှ ဖြစ်လာသည် ဟူသော ကိန်းဂဏန်းများက ပြဆိုလျက် ရှိနေပါသည်။

ဥပဒေပြုအမတ်များ လက်ကိုင်ထားရမည့် ပေးထားချက် မူဘောင်မှာ ဖွဲ့စည်းပုံအခြေခံဥပဒေ ဖြစ် ပါသည်။ ယခု ဖြစ်ပွားခဲ့သော ဖြစ်စဉ်များကို ပြန်ကြည့်လျှင်-

(၁) အခြေခံဥပဒေ ပုဒ်မ ၁၂၅၊ ဇယား ၄ တွင် “နိုင်ငံတော်ဖွဲ့စည်းပုံအခြေခံဥပဒေကို ထိန်းသိမ်း ကာကွယ်စောင့်ရှောက်ပြီး” ဟု ပြဌာန်းထားပါသည်။

(၂) အခြေခံဥပဒေ ပုဒ်မ ၃၂၄ တွင် “နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၏ ဆုံးဖြတ်ချက် သည် အပြီးအပြတ်အတည် ဖြစ်သည်။” ဟု ပြဌာန်းထားပါသည်။ ယင်းပြဌာန်းချက်ကို လွှတ်တော်က ပယ်ချခဲ့ပြီး ခုံရုံးကို စွပ်စွဲပြစ်တင်မှု ပြုလုပ်ခဲ့ပါသည်။ (ပြဌာန်းချက်ကို မလိုက်နာ လျှင်လည်း ရနိုင်သည့် သဘော တွေ့ရှိရခြင်း)

(၃) အခြေခံဥပဒေ ပုဒ်မ ၃၉၇ တွင် “ပြည်ထောင်စုလွှတ်တော်သည် ရွေးချယ်တင်မြှောက်ခြင်းဆိုင် ရာကိစ္စများနှင့် စပ်လျဉ်း၍လည်းကောင်း၊ တာဝန်မှပြန်လည်ရုပ်သိမ်းခြင်းဆိုင်ရာကိစ္စများနှင့် စပ်လျဉ်း၍လည်းကောင်း လိုအပ်သော ဥပဒေများကို ပြဌာန်းရမည်။” ဟု ပြဌာန်းထားပါသည်။ ယင်းပြဌာန်းချက်မှ ရွေးချယ်တင်မြှေက်ခြင်းအတွက် လိုအပ်သော ဥပဒေကို နယကအစိုးရ လက်ထက်က ပြဌာန်းခဲ့ပြီး ဖြစ်ပါသည်။ ထို့ကြောင့်လည်း လွှတ်တော်ပေါ်ပေါက်လာခဲ့ခြင်း ဖြစ်ပါသည်။ ယခုအခါ ကျန်ရှိနေသည့် တာဝန်မှပြန်လည်ရုပ်သိမ်းခြင်းကို ပြည်ထောင်စုလွှတ် တော်က ပြဌာန်းရမည် ဖြစ်ပါသည်။ “ပြဌာန်းနိုင်သည်” မဟုတ်ဘဲ “ပြဌာန်းရမည်” ဟု ဖော်ပြ ထားခြင်းကို ကြည့်လျှင် လုပ်ကိုလုပ်ဆောင်ရမည့် အခြေခံဥပဒေက အပ်နှင်းထားသော တာဝန် ဖြစ်ကြောင်း ထင်ရှားနေပါသည်။ (သို့သော် ဥပဒေကြမ်းကော်မတီ၏ သုံးသပ်ချက်ဖြင့် အဆိုပါ ပြဌာန်းချက်ကို လိုက်နာခြင်း မရှိဘဲ ဆိုင်းငံ့ထားနိုင်ကြောင်း တွေ့ရှိရပါသည်။)

(၄) ပြည်ထောင်စုလွှတ်တော်သည် လွှတ်တော်ကိုယ်စားလှယ်များ၏ အခွင့်အရေးဖြစ်သော စွပ်စွဲ ပြစ်တင်ခြင်းကို ခုံရုံးနှင့်အငြင်းပွားမှုတွင် အသုံးပြုခဲ့ပြီး ဖြစ်ပါသည်။ အခြေခံဥပဒေတွင် အပြန် အလှန်ထိန်းကျောင်းရေးယန္တရားပီပြင်စေရန် ပေးအပ်ထားပြီး ဖြစ်ပါသည်။ လွှတ်တော်ကိုယ်စား လှယ်များအား ဖြုတ်ချရန်အတွက် ပြည်သူများသို့ အပ်နှင်းထားခြင်း ဖြစ်ပါသည်။ အဆိုပါ အခွင့်အရေးကို ပိတ်ပင်ခြင်းသည် အခြေခံဥပဒေအရ မည်သို့သော သဘော သက်ရောက်စေ သည်ကို လွှတ်တော်ကိုယ်စားလှယ်များ သိရှိနားလည်ကြမည် ဟု ယုံကြည်ပါသည်။ ယင်းအခွင့် အရေးပိတ်ပင်ခြင်းခံထားရသော ပြည်သူများအနေဖြင့် မည်သို့ ဆက်လက်လုပ်ဆောင်ရမည် နည်း။ ဖြစ်နိုင်ဖွယ်ရာရှိသော နည်းလမ်းမှာ လူထု လမ်းပေါ်ထွက်ခြင်း ဖြစ်ပြီး ဤနည်းလမ်းကို မလွှဲမရှောင်သာ ရွေးချယ်စေရန် တွန်းပို့ရာ ရောက်ရှိစေနိုင်ပါသည်။ (အခြေခံဥပဒေတွင် ပါရှိသော ဖြုတ်ချရန် နည်းလမ်းကို ပိတ်ပင်ထားပါက အခြေခံဥပဒေပါအတိုင်းမဟုတ်သော ဖြုတ်ချရန်နည်းလမ်းများ ပေါ်ထွက်လာမည်။)

ဖွဲ့စည်းပုံအခြေခံဥပဒေ ပါ ပြဌာန်းချက်များကို လိုက်နာကြရာတွင် လွှတ်တော်ကိုယ်စားလှယ်များသည် ခြွင်းချက် ဖြစ်နေနိုင်ပါသလော။ ဥပဒေပြုရေးမဏ္ဍိုင်ကလွဲ၍ ကျန်မဏ္ဍိုင်များ၊ ကျန်ပြည်သူများအားလုံး သာလျှင် တိတိကျကျ လိုက်နာစေမည် ဆိုလျှင် အခြေခံဥပဒေမှာ မည်သည့်ကိန်းဆိုက်ရောက်သွားစေ ပါသနည်း။ အခြေခံဥပဒေကို လိုက်နာရန် ပျက်ကွက်ခြင်း သို့မဟုတ် ပျက်ကွက်ရာ ရောက်စေနိုင်သည် များ လုပ်ဆောင်ခြင်း၊ အခြေခံဥပဒေကို ဆန့်ကျင်ဖောက်ဖျက်ခြင်း သို့မဟုတ် ဆန့်ကျင်ဖောက် ဖျက်ရာရောက်စေနိုင်သော လုပ်ကိုင်ဆောင်ရွက်မှုများ လုပ်ဆောင်ခြင်းတို့သည် လက်ရှိမြန်မာနိုင်ငံ၏ တရားဥပဒေစိုးမိုးရေးနှင့် ဒီမိုကရေစီဖော်ဆောင်ရေးလုပ်ငန်းများအတွက် ကြီးမားလှသော ခြိ်မ်းခြောက် မှုများ ဖြစ်လာစေနိုင်ပါသည်။

ထိုနည်းတူစွာပင် ဖွဲ့စည်းပုံအခြေခံဥပဒေပါ ပြဌာန်းချက် တစ်ရပ်ကို ယခုကဲ့သို့ အခြေအနေ၊ အချိန်အခါ နှင့် မကိုက်ညီသဖြင့် (၅)နှစ်လုံးလုံး ဆိုင်းငံ့ထား၍ ရသည်ဆိုလျှင် လူထုခေါင်းဆောင် ဒေါ်အောင်ဆန်း စုကြည် နိုင်ငံတော်သမ္မတ တာဝန်ထမ်းဆောင်နိုင်ရေးတွင် ကန့်သတ်ချက်ဖြစ်နေသော ဖွဲ့စည်းပုံအခြေခံ ဥပဒေ ပုဒ်မ ၅၉(စ) ကို ပြင်ဆင်နိုင်ရန် ရေရာသေချာခြင်း မရှိဘဲ ပြင်ဆင်ရန် ကြိုးစားမည့်အစား အခြေ အနေ၊ အချိန်အခါနှင့် မကိုက်ညီသည့်အတွက် ပုဒ်မ ၅၉(စ) ကိုလည်း ၂၀၁၆ ရွေးကောက်ပွဲမှစ၍ ၅ နှစ် ခန့် ဆိုင်းငံ့ပေး၍ မရဘူးလား ဟူသော မေးခွန်းတစ်ရပ် ပေါ်ထွက်လာပါသည်။ အခြေခံဥပဒေ ပုဒ်မ ၃၂၄ နှင့် ၃၉၇ တို့ကို လိုက်နာစရာ မလိုလျှင် ပုဒ်မ ၅၉ ကိုလည်း လိုက်နာရန် လိုအပ်ပါသလော။ အခြေခံ ဥပဒေသည် ဒီပုဒ်မများကို တော့ လိုက်နာပါ၊ ဒီပုဒ်မများကတော့ အခြေအနေအချိန်အခါအရ မလိုက်နာ နဲ့ဦး ဟူ၍ ထားရှိနိုင်ပါ၏လော။ လက်ရှိဆောင်ရွက်ချက်များအရ ထားရှိနိုင်သည် ဆိုပါလျှင် ဒေါ်အောင် ဆန်းစုကြည် နိုင်ငံတော် သမ္မတ ဖြစ်ရေးအတွက် အခြေခံဥပဒေ ပြင်ဆင်စရာ မလိုတော့ပါ။

အလားတူ အခြေခံဥပဒေပါ ပြဌာန်းချက်များကို လိုက်နာရမည့် နိုင်ငံသူ၊ နိုင်ငံသားများအပါအ၀င် မဏ္ဍိုင်ကြီး(၃)ရပ်စလုံး၊ တပ်မတော်နှင့် အခြားသော ကဏ္ဍပေါင်းစုံ၊ နယ်ပယ်ပေါင်းစုံတို့သည် လိုက်နာ စရာ မလိုတော့သည့် အနေအထားသို့ ချက်ချင်းလက်ငင်း ရောက်ရှိသွားစေနိုင်ပါသည်။ ထိုသို့ ရောက် ရှိသွားခဲ့ပါလျှင် မည်သူမျှ မလိုက်နာတော့သည့် အခြေခံဥပဒေသည် အခြေခံဥပဒေဟုပင် ခေါ်တွင်နိုင် တော့မည် မဟုတ်ပါ။ ဤသည်ကို နိုင်ငံတော်သမ္မတအပါအ၀င် နိုင်ငံ့ခေါင်းဆောင်များ၊ တပ်မတော် အကြီးအကဲများ၊ ဒေါ်အောင်ဆန်းဟုကြည် အပါအ၀င် နိုင်ငံရေးပါတီခေါင်းဆောင်များ၊ မီဒီယာများ အပါအ၀င် အရပ်ဘက်လူ့ အဖွဲ့အစည်းများ အထူးအလေးထား စဉ်းစားရန် လိုအပ်ပြီ ဟု ယူဆမိ ပါသည်။ နိုင်ငံတကာက သြချယူရသော မြန်မာနိုင်ငံ၏ ဒီမိုကရေစီ ကသောင်းကနင်း အနေအထားသို့ ဆိုက်ရောက်သွားခြင်း မရှိစေရေးအတွက် ထိန်းနိုင်သူများက ၀ိုင်းဝန်းထိန်း သိမ်းစောင့်ရှောက်ပေးကြ ပါရန် ဤဆောင်းပါးမှ တစ်ဆင့် တိုက်တွန်း တောင်းဆိုလိုက်ရပါသည်။
နေထက်နီ
သြဂုတ်လ(၂၈)ရက်နေ့ထုတ် The Messenger သတင်းစာမှဖော်ပြသည်။


ကိုစည်သူ
(Genaration Waves)

ကျွန်တော်ကအရင်တုန်းက ရန်ကုန်လိုင်ဇာငြိမ်းချမ်းရေးလမ်း လျှောက်ခရီးစဉ်မှာပါဝင်ခဲ့တယ်။ အဲဒီငြိမ်းချမ်းရေးလမ်းလျှောက်တဲ့ ကိစ္စနဲ့ပဲ ကျွန်တော့်ကို ပုဒ်မ (၁၈) နဲ့ တရားစွဲထားပါတယ်။ ကျွန် တော်တို့ဖွဲ့စည်းပုံအခြေခံ ဥပဒေ စာခန်း (၈)မှာဆိုရင် နိုင်ငံတော် သားများ၏မူလအခွင့်အရေး နှင့် တာဝန်များမှာပုဒ်မ၃၅၄(က)ရော (ခ) အရရော ကျွန်တော်တို့က ငြိမ်းချမ်းစွာစီတန်းခွင့်နှင့် စုဝေး ခွင့်ရှိသလို၊ ကျွန်တော်တို့က ကျွန် တော်တို့ရဲ့ဆန္ဒကို လွတ်လပ်စွာ ထုတ်ဖော်ပြောခွင့်ရှိ တယ်ဆိုပြီး တော့ ဥပဒေမှာ ပြဋ္ဌာန်းထား တယ်။ ဒါပေမဲ့ ကျွန်တော်တို့ တကယ်တန်း လိုင်ဇာကို လမ်း လျှောက်တဲ့အခါကြတော့ ကျွန် တော်တို့ကို ပုဒ်မ (၁၈) နဲ့ တရား စွဲတယ်။ အဲတော့ ဒီဖွဲ့စည်းပုံ အခြေခံဥပဒေကို ကျွန်တော်တို့ ပြည်သူပြည်သားတွေကမလိုက် နာရဘူးလား။ ကျွန်တော်တို့ဖွဲ့ စည်းပုံအခြေခံဥပဒေကိုမယုံကြည် ရဘူး လား။ လက်မခံဘူး လား။ အဲဒီပုဒ်မကို ကျွန်တော်တို့ဖြစ်ချင် တယ်။နောက်ပြီးတော့ပုဒ်မ(၃၈၇) မှာဆိုရင်လည်း နိုင်ငံသားတိုင်းက ပြည်ထောင်စုစိတ်ဓာတ်ကိုအခြေ ခံပြီးတော့ တိုင်းရင်းသားအချင်း ချင်းစည်းလုံးညီညွတ်ရေးနဲ့ ပြည် ထောင်စု ငြိမ်းချမ်းသာယာရေး အတွက် ဆောင်ရွက်ရန် တာဝန် ရှိတယ်လို့လည်းပါတယ်။ ကျွန် တော်တို့က လုပ်ပိုင်ခွင့်အရလည်း ကျွန်တော်တို့မှာ လုပ်ပိုင်ခွင့်ရှိ တယ်။ နိုင်ငံသားတာဝန်အနေနဲ့ လည်း ကျွန်တော်တို့ငြိမ်းချမ်းစွာ လမ်းလျှောက်ခွင့် ကျွန်တော်တို့ မှာရှိနေတယ်။အဲတော့ကျွန်တော် တို့ပုဒ်မ(၁၈)ဆိုတာက ကျွန်တော် ထင်တယ်။ အစိုးရကို ဆန့်ကျင် လို့ထင်တဲ့သူမှန်သမျှကို ဒီခေါင်း နဲ့ တပ်ပြီးတရားစွဲနေတဲ့ ပုဒ်မလို့ ကျွန်တော်ထင်တယ်။ သက်ဆိုင် ရာအာဏာပိုင်အစိုးရကိုသိစေချင် တာက ကျွန်တော်တို့ ဒီလိုလုပ် တာအစိုးရကို ဆန့်ကျင်နေတာ မဟုတ်ဘူး။ ကျွန်တော်တို့နိုင်ငံ တော်ကို ကျွန်တော်တို့ ကူညီနေ တာဖြစ်တယ်။ကူညီတယ်ဆိုတာ က ကျွန်တော်တို့က လွှတ်တော် အတွင်းမှာ ကူညီနိုင်တဲ့သူတွေ မဟုတ်တဲ့အတွက် ကျွန်တော် တို့က လွှတ်တော် ပြင်ပကနေ ပြီးတော့ ကျွန်တော်တို့ နိုင်ငံသူ နိုင်ငံသားတွေ ရသင့်ရထိုက်တဲ့ အခွင့်အရေးတွေကို ကျွန်တော် တို့ကတောင်းဆိုနေတာဖြစ်တယ်။ အဲလိုတောင်းဆို ပေးနေတာတွေ ကို ပုဒ်မ (၁၈) နဲ့ တရားစွဲနေမယ် ဆိုရင်ကျွန်တော် တို့နိုင်ငံသားတွေ မှာ ဘာတွေလို အပ်နေလည်း ဘာတွေဖြစ်နေလည်းဆိုတဲ့အောက် ခြေက အခြေအနေတွေကို သူ တို့မသိဘူးဆိုရင်ဘာလိုလိုက်လျော ပေးမှာလည်း ကျွန်တော်ပြော ချင်တာကတော့ဒီဖွဲ့စည်းပုံအခြေခံ ဥပဒေနဲ့ပတ်သက်ပြီးတော့ရေးဆွဲ ခဲ့တဲ့သူတွေကောလက်ရှိအာဏာ ပိုင်တွေကော ဒီပုဒ်မ(၁၈) ကို စဉ်းစားပြီး ပြန်လည်သုံးသပ်ပေး ပါလို့ ပြောချင် ပါတယ်။

ကိုကျော်သူ
(လက်ပံတောင်းတောင်အရေး တစ်ကိုယ်တော်ဆန္ဒပြသူ)

ကျွန်တော်ကလက်ပံတောင်း တောင်အရေးအတွက်တစ်ကိုယ် တော်ဆန္ဒပြတယ်။ နှစ်ကြိမ်ပြခဲ့ တယ်။ နှစ်ကြိမ်လုံး နည်းဥပဒေ ပုဒ်မ (၁၈) နဲ့ တရားစွဲခံရတယ်။ ကျွန်တော့်ကိုတရားစွဲတော့တရား စွဲတဲ့ စခန်းမှူးကို ပြောတယ်။ ခင် ဗျားတို့ ဒီနည်းဥပဒေပုဒ်မ (၁၈) စာအုပ် ကျွန်တော့်ကို ပေးဖတ်၊ ဖတ်တဲ့ အချိန်မှာ ကျွန်တော် ဘက်ကအပြစ် ရှိတယ်လို့တွေ့ရင် ခင်ဗျားတို့ကျွန်တော့်ကိုလုံးအာမခံ မပေးနဲ့။ တစ်ခါတည်းဖမ်းထည့်၊ ကျွန်တော်မှာ အပြစ်မရှိဘူးဆိုရင် ခင်ဗျားတို့က အမှုမဖွင့်စရာမလို ဘူးဆိုတော့ သူတို့ကပြောတယ် တဲ့။လက်ပံတောင်းတောင်အရေး ဆောင်ရွက်ပေးတဲ့သူတွေငြိမ်းချမ်း ရေးလမ်းလျှောက်တဲ့သူတွေလယ် သမားအရေးလုပ်တဲ့သူတွေအလုပ် သမားရေးလုပ်တဲ့အားလုံးအားလုံး သောလူတွေကိုနိုင်ငံတော်ပုန်ကန် တယ်ဆိုတဲ့ ပုံစံမျိုးနဲ့ ပုဒ်မ (၁၈) တပ်ပြီးအမျိုးမျိုးတရားစွဲနေတယ်။ ဒါဆို ကျွန်တော်ပြောမယ်။ လူစု လူဝေးနဲ့သမ္မတကြီးကို ဗီနိုင်းကိုင် ပြီးကြိုတဲ့ သူတွေကိုဘာလို့ ပုဒ်မ (၁၈)နဲ့ တရားမစွဲတာလဲ ကိုမိုးသီး ဇွန်၊ ဒေါ်အောင်ဆန်းစုကြည်ကို ကြိုတဲ့သူတွေကိုကောဘာလို့ပုဒ်မ ၁၈ နဲ့ တရားမစွဲတာလဲ ဒါဆို ဒီပုဒ်မ (၁၈)က ဒီနိုင်ငံထဲမှာပဲ လှုပ်ရှားတဲ့ မထင်မရှား နိုင်ငံရေး လှုပ်ရှားသူတွေကိုပဲ တရားစွဲဖို့ သက်သက်ရေးဆွဲထားတဲ့ ပုဒ်မ လိုမျိုးဖြစ်နေတယ်။ အဲဒီတော့ ဒီပုဒ်မ (၁၈) ကို ကန့်ကွက်တယ်။ အပြင်းအထန်ရှုံ့ချပါတယ်။

ကိုနေလင်းဦး
(တော်ဝင်အလုပ်သမား သမဂ္ဂ အဖွဲ့ဝင်)

ကျွန်တော်က လက်ရှိငြိမ်း ချမ်းစွာစုဝေးခွင့်နှင့် စီးတန်းလှည့် လည် ခွင့်ဥပဒေအရမြို့နယ်လေး မြို့နယ်က တရားစွဲဆိုခံထားရသူ တစ်ယောက်ပါ။ ကျွန်တော်တို့ကို အလုပ်သမားဥပဒေ ကာကွယ် ရေးတွေတောင်းဆိုမှုနဲ့ ပတ်သက် ပြီးတော့စုပေါင်း လမ်းလျှောက် တယ်ဆိုတဲ့ အကြောင်းပြချက်နဲ့ အာဏာပိုင်တွေက တရားကို ပြု လုပ်ပြီးတရားစွဲတာကိုခံရတယ်။ အလုပ်သမား ဥပဒေပါ အချက် အလက်တွေကိုအလုပ်ရှင်ထံသွား တောင်းဆိုတာကိုတောင် ထောင် ဆင်ပြီး ပုဒ်မ (၁၈)နဲ့ တရားစွဲ ဆိုတယ်။ကျွန်တော်တို့က အလုပ် သမားတွေသာ ဖြစ်တဲ့အတွက် အလုပ်ခွင်အတွင်း နစ်နာဆုံးရှုံးမှု တွေကို အလုပ်ရှင်ထံ တင်ပြဖို့ အလုပ်သမား (၃၀၀) လောက် က လိုင်းကားနှစ်စီးငှားပြီး သွား တယ်။ အလုပ်ရှင်အိမ်ရှိတဲ့ လမ်း က လိုင်းကားဝင်လို့မရတဲ့ လမ်း ဖြစ်တဲ့အတွက် ကျွန်တော်တို့ လမ်း ထိပ်ကနေပြီး နှစ်ယောက် တွဲသုံးယောက်တွဲအလုပ်ရှင်အိမ် သွားတယ်။ အလုပ်ရှင်နဲ့သွားတွေ့ တယ်။ ဘာဗီနိုင်း၊ ဘာပိုစတာ တစ်ခုမှမပါဘူး။ ကြွေးကြော်သံ တွေမပါဘဲ သွားတာ၊ အလုပ်ရှင် ကသာ အိမ်ထဲပေးမ၀င်လို့ ကျွန် တော်တို့ ပလက် ဖောင်းပေါ်ထိုင် နေတာတွေကို အာဏာပိုင်တွေ က တစ်ဖက်သတ် ဓာတ်ပုံတွေ တစ်ဖက်သတ်စွပ်စွဲ ချက်တွေနဲ့ ထောင်ချောက်ဆင်ပြီး ပုဒ်မ (၁၈) နဲ့တရားစွဲဆိုခဲ့တယ်။ ကျွန်တော် တို့က အလုပ်သမားတွေ ဆင်းရဲ သားပြည်သူတွေဖြစ် တဲ့အတွက် ကျွန်တော်တို့ နိုင်ငံသား အခွင့် အရေးကို အသုံးချပြီး ကျွန်တော် တို့ အလုပ်သမား ရပိုင်ခွင့်တွေ ကိုတောင်းတာ လွတ်လွတ်လပ် လပ်ပြတာဘယ်သူကိုမှ နှောက် ယှက်တာ မဟုတ်ဘူး။ အများ ပြည်သူကို သွေးထိုးလှုံ့ဆော်နေ တာ ဆူပူသောင်းကျန်းနေတာ လည်းမဟုတ်ဘူး။ ဒါကိုအာဏာ ပိုင်တွေ ဒီပုဒ်မ (၁၈) ဆိုတဲ့ ထောက်ချောက်ကြီးထဲမရောက် ရောက်အောင်ဆွဲသွင်းခဲ့တာပါ။ ဥပဒေတစ်ခုက ကျွန်တ်ာတို့နိုင်ငံ သားအလုပ်သမားရပိုင်ခွင့်တွေကို လွတ်လွတ်လပ်လပ်တင်ပြတာ ဒါကိုပုဒ်မ (၁၈) နဲ့ တရားစွဲတယ် ဆိုတာလုံးဝမသင့်လျှော်ပါဘူး။ အဲဒီအတွက် ဒီဥပဒေဟာ ကျွန် တော်တို့ ပြည်သူတွေအတွက် တရားမျှတမှုမရှိဘူးထင်လို့ ကန့် ကွက်ပါတယ်။

ကိုဟိန်ကြီး (Genaration Wave)
ကျွန်တော်တို့အနေနဲ့ အဓိက ကတော့ နိုင်ငံသားနဲ့ နိုင်ငံသား တစ်ယောက်ရဲ့ ရပိုင်သင့်တဲ့ အခွင့် အရေးအတိုင်းကိုက်ညီတဲ့ဥပဒေကို လိုချင်တယ်။ ဒီအခွင့်အရေးကို ချိုးဖောက်တဲ့မည်သည့်ဥပဒေမျိုး ကိုမဆိုမည်သည့်လုပ်ရပ်မျိုးကို မဆို ကျွန်တော်တို့ကအမြဲတမ်းလဲ ဆန့်ကျင်တယ်။ အမြဲတမ်းလဲကန့် ကွက်တယ်။ အဲလိုပဲ ကျွန်တော် တို့နိုင်ငံမှာ အဲဒီနိုင်ငံသား တစ်ယောက်ရဲ့ မူလအခြေခံဥပဒေ ရပိုင်ခွင့်နဲ့ အခွင့်အရေးကိုအသုံး ချပြီးလုပ်လိုက်တဲ့အရာတွေဟာ ကြောင့် အခုချိန်အထိ ဖမ်းဆီးခံ နေရတဲ့ နိုင်ငံရေးအကျဉ်းသားတွေ၊ ပုဒ်မ (၁၈) နဲ့ တရားစွဲဆိုခံထားရ တဲ့လူတွေ၊ တရားရင်ဆိုင် နေရတဲ့သူတွေဟာ ဒီပုဒ်မ (၁၈) နဲ့ ပုဒ်မ ၅၀၅ (ခ)စတဲ့ ပုဒ်မတွေ နဲ့ ညှိစွန်းပြီး၊ ထိန်းချုပ်ခံနေရတဲ့ အတွက် ဒီပုဒ်မတွေကို ကျွန်တော် ကိုအနေနဲ့ ကန့်ကွက်ပါတယ်။ ပြည်သူပြည်သားတို့ရဲ့ ရပိုင်ခွင့်ကို ဖော်ထုတ်အခါမှာ အစိုးရတစ်ရပ် အနေနဲ့ နိုင်ငံသားရဲ့အခွင့်အရေး ကို ပြန်လည်ကာကွယ်မြှင့်တင်ပေး မယ်ဆိုတဲ့ ရှုထောင့်ကနေ မကြည့် ပဲ။ ပြည်သူပြည်သားတွေရဲ့ရပိုင် ခွင့်ကို တောင်းဆိုတဲ့အခါ ဒီလို ပုဒ်မတွေနဲ့ ထပ်ပြီးစွဲချက်တင်နေ ဦးမယ်ဆိုရင်နိုင်ငံသားတွေအနေနဲ့ နိုင်ငံရဲ့ဒီမိုကရေစီပြုပြင်ရေးအခန်း ကဏ္ဍတွေမှာပါဝင်လာဖို့အရမ်းကို နှောင့်နှေးစေတဲ့ တားမြစ်စေအရာ တစ်ခုဖြစ်စေတယ်လို့ကျွန်တော် မြင်ပါတယ်။

ဝင်းကိုကို
The hot news weekly

(AFP မှ 26 Aug 2013 ရက်စွဲပါ “Suu Kyi, Dalai Lama to attend Czech Rights Forum” သတင်းကို ဘာသာပြန်ဆိုသည်)

မြန်မာနိုင်ငံဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တိဘက်ဘာသာရေးခေါင်းဆောင် ဒလိုင်းလားမားတို့ နှစ်ဦးစလုံး နောက်လတွင် ပရာဂ်၌ကျင်းပမည့် လူ့အခွင့်ရေးဖိုရမ်သို့ တက်ရောက်ကြလိမ့်မည်ဟု ပြောရေးဆိုခွင့်ရှိသူက တနင်္လာနေ့တွင်ပြောကြားသည်။

ခေါင်းဆောင်နှစ်ဦးစလုံး ဖိုရမ်တွင် မိန့်ခွန်းပြောကြားမည်ဟု ပြောရေးဆိုခွင့်ရှိသူ ဖီလစ်ဆီဘက် က AFP သတင်းဌာနသို့ပြောကြားသည်။

အာဏာရှင်စနစ်လက်အောက်မှ လွတ်မြောက်ရန်ကြိုးပမ်းမှုကြောင့် ကမ္ဘာကျော်သူခေါင်းဆောင်နှစ်ဦးကြား တရားဝင်ဆွေးနွေးပွဲများ စီစဉ်ထားခြင်းမရှိသော်လည်း အလွတ်သဘောတွေဆုံမည့်အလားအလာရှိပြီး ထိုတွေ့ဆုံမှုသည် တရုတ်နိုင်ငံကို ဒေါသထွက်စေနိုင်ကြောင်း ၄င်းက ဆက်ပြောခဲု့သည်။

သယံဇာတကြွယ်ဝသော မြန်မာနိုင်ငံတွင် အဓိကရင်းနှီးမြှပ်နှံထားသူ အင်အားကြီးအိမ်နီးချင်း ဘီဂျင်းက ဒလိုင်းလားမားကို တရုတ်ဆန့်ကျင်ရေးနှင့် ခွဲထွက်ရေးလှုပ်ရှားသူဟု တံဆိပ်ကပ်ထားပါသည်။

မြန်မာနိုင်ငံ၏ အငြင်းပွားဖွယ်ရွေးကောက်ပွဲ ပြီးစီးရန်အထိ ၁၅နှစ်ခန့် အကျယ်ချုပ်ထိန်းသိမ်းခံထားရသူ ဒေါ်အောင်ဆန်းစုကြည်သည် ၂၀၁၁ ခုနှစ် အာဏာရလာသော သမ္မတဦးသိန်းစိန် အစိုးရလက်ထက် ပြုပြင်ပြောင်းလဲမှု များကြောင့် ကြားဖြတ်ရွေးကောက်ပွဲဝင်ခွင့် ရရှိကာ ယခုအခါ လွှတ်တော်အမတ်အဖြစ် တရားဝင် နိုင်ငံရေး လှုပ်ရှားမှုများ ပြုလုပ်လျှက်ရှိသည်။

ဒေါ်အောင်ဆန်းစုကြည်သည် မနှစ်က အထင်ကရ ဥရောပခရီးစဉ်နောက်ပိုင်းတွင် ချက်နိုင်ငံသို့ ယခုပထမဆုံး လာရောက် လည်ပတ်ခြင်းဖြစ်သည်။

အထက်ပါ လူ့အခွင့်အရေး ဖိုရမ်ကို ချက်သမ္မတဟောင်း ဗဲကလက်ဟာဝယ်နှင့် အမေရိကန်လူမျိုး အယ်ဝီဆယ်တို့က ၁၉၉၇ တွင် ကမကထပြု စတင်ကျင်းပခဲ့သည်။

“အသွင်ပြောင်း လူ့အဖွဲ့အစည်းများ” ဟူသော ခေါင်းစဉ်ဖြင့် ဆွေးနွေးကြမည့် ယခုနှစ် ဖိုရမ်သို့ အမေရိကန်အဆိုတော် လူ့အခွင့်ရေးလှုပ်ရှားသူ ဂျုံးဘေ့စ် နှင့် တောင်အာဖရိက၏ နောက်ဆုံးလူဖြူသမ္မတဟောင်း အက်ဖ် ဒဗလျူ ဒီကလပ်တို့လည်း တက်ရောက်မည်ဟုသိရသည်။

“ဖိုရမ်အကြောင်းအရာရဲ့ ရည်ရွယ်ချက်ကတော့ အာဏာရှင်စနစ်ကနေ ဒီမိုကရေစီကူးပြောင်းရာမှာ ဘာတွေ လိုအပ်သလဲဆိုတာကို ကောင်းကောင်း နားလည်နိုင်စေဖို့နဲ့ ဒီဖြစ်စဉ် (အသွင်ကူးပြောင်းမှု)ကို ဖန်တီးလိုက်တဲ့ အရာတွေကြောင့်ဘဲ လမ်းပျောက်ပြီးရပ်တန့်သွားနိုင်တာကိုလည်း နားလည် သဘောပေါက် စေချင်လို့ပဲဖြစ်ပါတယ်။”ဟု အမှုဆောင်ဒါရိုက်တာ ဂျက်ကပ်ကလက်ပယ်က ကြေညာချက်ထုတ်ပြန်ပြောကြားသည်။

Yangonchronicle

ဖူးရှင်းဘရားသား(စ်)ကုမ္ပဏီ များအုပ်စုမှ ထုတ်လုပ်ဖြန့်ချိ ရောင်းချသော စီးကရက်ဘူးပုံ လက်ဖက်ခြောက်ဘူးပစ္စည်းထည့် လက်ဆွဲအိတ်နှင့် စီးကရက်ဘူးပုံ လက်ဖက်ခြောက်ဘူးသေး(၉)ဘူး ထည့်သည့် စက္ကူဘူးများပေါ်တွင် ရွှေတိဂုံစေတီပုံတော်များ ရိုက်နှိပ် ဖြန့်ချိထားသဖြင့် ရွှေတိဂုံစေတီ တော်ပုံ(Logo)အမှတ်တံဆိပ်အား သာသနာရေးဝန်ကြီးဌာနအနေ ဖြင့် ကန့်ကွက်ကြောင်း၊ အမှတ် တံဆိပ် ပြောင်းလဲအသုံးပြုရန်နှင့် ဈေးကွက်အတွင်းမှ ပစ္စည်းများကို အမြန်ဆုံး ပြန်လည်သိမ်းဆည်း သွားရန် သာသနာရေးဝန်ကြီး ဌာနက သက်ဆိုင်ရာကုမ္ပဏီသို့ အသိပေးအကြောင်းကြားထားပြီး လိုက်နာခြင်းမရှိပါက ဥပဒေနှင့် အညီ အရေးယူဆောင်ရွက်သွား မည်ဖြစ်ကြောင်း သတင်းရရှိ သည်။
အဆိုပါကိစ္စနှင့်ပတ်သက်၍ သာသနာရေးဝန်ကြီးဌာနမှ သတင်းစာရှင်းလင်းပွဲကို သြဂုတ် လ ၂၇ ရက်နေ့က သာသနာရေး ၀န်ကြီးဌာန ရန်ကုန်ရုံးခွဲတွင် ပြု လုပ်ခဲ့ကြောင်း သိရသည်။
ရွှေတိဂုံစေတီတော်ပုံအား ရောင်းကုန်အမှတ်တံဆိပ်အဖြစ် ရိုက်နှိပ်ထားသည့်အတွက် ဗုဒ္ဓ ဘာသာဝင်များ၏ စိတ်ထဲတွင် စိတ်မချမ်းမြေ့ဖွယ်ရာဖြစ်ကြောင်း သာသနာရေးဝန်ကြီးဌာန ဒုတိယ ညွှန်ကြားရေးမှူးချုပ်ဦးစိုးမင်းထွန်း က ပြောသည်။


““ထေရ၀ါဒ ဗုဒ္ဓဘာသာဝင် တွေရဲ့ အထွတ်အမြတ်ထားတဲ့ လေးဆူဓာတ်ပုံ ရွှေတိဂုံပုံတော်ကို ရောင်းကုန်တံဆိပ်အဖြစ် ရိုက်နှိပ် ခြင်းဟာ ရဟန်းသံဃာတော်များ နဲ့ ထေရ၀ါဒ ဗုဒ္ဓဘာသာဝင်တွေ ရဲ့ စိတ်နှလုံးထဲမှာ မချမ်းမြေ့ဖွယ် ရာ ခံစားရပါတယ်။ ဒါကြောင့် အဲဒီပစ္စည်းတွေကိုလည်း ပြန်သိမ်း ခိုင်းထားပါတယ်။ ဒါကို သူတို့ ဘက်က ပျက်ကွက်တယ်ဆိုရင် တည်ဆဲဥပဒေနဲ့အညီ အရေးယူ မှာပါ””ဟု ဦးစိုးမင်းထွန်းက သတင်း စာရှင်းလင်းပွဲတွင် ပြောကြား သည်။

““ကျွန်တော်တို့ ကုမ္ပဏီက နေပြီးတော့ ဒီစီးကရက်ဘူးပုံ လက်ဖက်ခြောက်ဘူးတွေကို ပြည် တွင်းက မိတ်ဆွေကို လက်ဆောင် ပေးဖို့အတွက် လှမ်းမှာခဲ့တာပါ။ မှာတဲ့အခါမှာလည်း ကျွန်တော် တို့ကုမ္ပဏီအမည်ရယ်၊ လိပ်စာ ရယ်ကိုသာ ပေးခဲ့တာပါ။ ဒီစီး ကရက်ဘူးပုံ လက်ဖက်ခြောက် ဘူးတွေမှာ ရွှေတိဂုံပုံရိုက်နှိပ်ထား တာဟာ ဒီကို အဲဒီဘူးတွေ ရောက်လာမှ သိရတာပါ””ဟု ဖူး ရှင်းဘရားသား(စ်)ကုမ္ပဏီမှ ဥပဒေအကြံပေး ဦးဇင်ဦးက သတင်းစာရှင်းလင်းပွဲတွင် ပြော ကြားသည်။
ဗုဒ္ဓဘာသာဝင်များ အထွတ် အမြတ်ထားရာ လေးဆူဓာတ်ပုံ ရွှေတိဂုံစေတီတော်ပုံနှင့် အခြား သော ဘုရားပုထိုးစေတီများအား ရောင်းကုန်တံဆိပ်အဖြစ် ရိုက်နှိပ် ရောင်းချနေခြင်းများရှိပါက တည်ဆဲဥပဒေနှင့်အညီ သာသနာ ရေးဝန်ကြီးဌာနမှ အရေးယူ ဆောင်ရွက်သွားမည်ဖြစ်ကြောင်း သိရသည်။

The hot new weekly

ငြိမ်းချမ်းစွာ ဆန္ဒထုတ်ဖော်သူတွေကို အရေးယူရာမှာ အသုံးပြုတဲ့ စီတန်းလှည့်လှည်ခွင့်ဆိုင်ရာ ဥပဒေ ပုဒ်မ-၁၈ကို ဖျက်သိမ်းပေးဖို့ ရန်ကုန်မြို့မှာ ဒီကနေ့ လူငယ်တွေ ခေါင်းဆောင်ပြီး ငြိမ်းချမ်းစွာ လှည့်လည် ဆန္ဒထုတ်ဖော်ခဲ့ကြပါတယ်။

သမ္မတ ဦးသိန်းစိန်လက်ထက်မှာ ပြဋ္ဌာန်းခဲ့တဲ့ ငြိမ်းချမ်းစွာစုဝေးခွင့်နဲ့ ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေကို ဖောက်ဖျက်မှု ပုဒ်မ ၁၈ နဲ့ အရေးယူခံရသူတွေ များပြားလာတဲ့အတွက် ဒီပုဒ်မကို ဖျက်သိမ်းပေးဖို့ ကန့်ကွက်ကြတာလို့ ဆန္ဒပြသမားတွေက ပြောပါတယ်။

ဒီဆန္ဒပြပွဲမှာ ပုဒ်မ ၁၈နဲ အရေးယူခံထားရသူတွေ၊ generation youth နဲ့ genraation wave အဖွဲ့တွေက လူငယ်တွေအပါအ၀င် ဆန္ဒပြသမား ၄၀ လောက်ဟာ ဒီကနေ့ မွန်းလွဲပိုင်းက ရန်ကုန်တိုင်း စမ်းချောင်းမြို့နယ် မြေနီကုန်းကနေ ရန်ကုန်မြို့လယ် ဆူးလေဘုရားအနီး မဟာဗန္ဒုလပန်းခြံအထိ ပိုစတာတွေ ကိုင်ဆွဲပြီး ဆန္ဒပြခဲ့ကြတာပါ။

ဆန္ဒထုတ်ဖော်ရခြင်းနဲ့ပတ်သက်ပြီး generation youth က လူငယ်တဦးက “အဲဒီပုဒ်မ ၁၈ နဲ့ပဲ ပတ်သက်ပြီးတော့ ပြည်သူလူထုဟာ အမျိုးမျိုး ဖိနှိပ်ချုပ်ချယ်မှုတွေ ခံနေရတယ်။ ပုဒ်မ ၁၈ နဲ့ ထောင်ချတယ်၊ တရားစွဲတယ်၊ နိုင်ငံသားပါ အခွင့်အရေးတွေကို ပိတ်ဆို့ထားတယ်။ ကျနော်တို့ ပုဒ်မ ၁၈ နဲ့ ရှေ့ဆက်ပြီးတော့ ဘာလုပ်မလဲမေးလို့ရှိရင် ပုဒ်မ ၁၈ ကို ဆန္ဒပြပြီး တောင်းဆိုမယ်၊ အဲဒါ ကျနော်တို့ နိုင်ငံသားတိုင်းမှာ ရှိတဲ့ အခွင့်အရေးကို ကိုယ်တိုင် အသုံးချတာ ဖြစ်တယ်” လို့ ပြောပါတယ်။

ဆန္ဒပြပွဲမှာပါဝင်တဲ့ ပုဒ်မ ၁၈ နဲ့ တရားစွဲခံရဖူးတဲ့ လူငယ်တဦးကတော့ “နည်းဥပဒေဟာ ဖွဲ့စည်းအုပ်ချုပ်ပုံ အခြေခံဥပဒေကို ကျော်လွန်ခြင်း မရှိစေရဆိုတဲ့ အချက်တွေ ပါထားပြီးတော့ ဘာကြောင့် အခုလက်ရှိမှာ နိုင်ငံရေး တက်ကြွလှုပ်ရှားသူများကို ပုဒ်မ ၁၈ နဲ့ တရားစွဲဆိုနေရတာလဲ၊ ကျနော်တို့ နည်းဥပဒေ ပုဒ်မ ၁၈ ကို ရှုတ်ချတဲ့အနေနဲ့ ဒီနေ့ ဆန္ဒထုတ်ဖော်ခြင်း ဖြစ်ပါတယ်” လို့ ဆိုပါတယ်။

မြန်မာနိုင်ငံတ၀န်းမှာ လူ့အခွင့်အရေးလှုပ်ရှားသူတွေ၊ နိုင်ငံရေးလှုပ်ရှားသူတွေနဲ့ အလုပ်သမား၊ လယ်သမားတွေက သူတို့ရဲ့ ရပိုင်ခွင့်တွေအတွက် ငြိမ်းချမ်းစွာ ဆန္ဒထုတ်ဖော်ခဲ့ကြရာမှာ၊ ဆန္ဒပြခေါင်းဆောင်တွေကို အာဏာပိုင်တွေက ငြိမ်းချမ်းစွာစုဝေးခွင့်နဲ့ ငြိမ်းချမ်းစွာ စီတန်းလှည့်လယ်ခွင့်ဆိုင်ရာ ဥပဒေကိုချိုးဖောက်တယ်ဆိုပြီး ပုဒ်မ ၁၈နဲ့ အရေးယူလေ့ရှိတာ ဖြစ်ပါတယ်။လတ်တလော ဒီပုဒ်မနဲ့ အရေးယူခံထားရသူပေါင်း ၁၃၀ ကျော်ရှိနေပြီလို့လည်း ဆန္ဒပြသမားတွေက ပြောပါတယ်။

ငြိမ်းချမ်းစွာ ဆန္ဒထုတ်ဖော်သူတွေကို ဖမ်းဆီးအရေးယူနေတာဟာ အရင်စစ်အစိုးရလက်ထက်က နိုင်ငံရေးလှုပ်ရှားသူတွေကို ပုဒ်မ ၅ ညနဲ့ ဖမ်းဆီးအရေးယူပုံနဲ့ အလားသဏ္ဌာန်တူတယ်လို့ ဒီဆန္ဒပြပွဲကို ထောက်ခံတဲ့ သီရိအောင်မြေဘုန်းတော်ကြီး ကျောင်းက ဦးဇင်း ဦးရက္ခ၀ံသက ခုလို မိန့်ပါတယ်။

“နိုင်ငံရေးသမားတွေ မရှိပါဘူး၊ ရာဇာဝတ်ပုဒ်မတွေနဲ့ပဲ ရှိတယ်ဆိုတာကို အတိအလင်း ကြေညာခဲ့တယ်။ အခုနိုင်ငံတော် သမ္မတဦးသိန်းစိန်ကြီး တက်လာတဲ့အခါမှာ ပုဒ်မ ၁၈၊ ၅၀၅ ( ခ) တို့ ပေါ်လာတဲ့အခါ အဲဒီ ၅ ညနဲ့ သိပ်မထူးဘူးလို့ ဦးပဇင်းက မြင်တယ်။ အဲဒါကြောင့် ပုဒ်မ ၁၈ ကို ရှုတ်ချတယ်။ ပုဒ်မ ၁၈ ကို အမြန်ဆုံး ဖျောက်ဖျက်ပေးရမယ်။”

ဒီကနေ့ ဆန္ဒပြပွဲမှာပါဝင်တဲ့ ဆန္ဒပြခေါင်းဆောင်တချို့ကို ကျောက်တံတားရဲစခန်းမှာ အာဏာပိုင်တွေက ခေါ်ယူ စစ်ဆေးမေးမြန်းမှုတွေ ပြုလုပ်ခဲ့ပါတယ်။

by ဒီဗွီဘီ

လွှတ်တော် သတင်းစာရှင်းလင်းပွဲ
သြဂုတ်လ ၁၇ ရက်ထုတ် ပြည်ထောင်စုနေ့စဉ်သတင်းစာတွင် ပြည်ထောင်စု လွှတ်တော် နာယက သူရဦးရွှေမန်း၏ သတင်းစာရှင်းလင်းပွဲပါ ဖြေကြားချက်များကို ဖော်ပြထားရာ စိတ်ဝင်စား ဖွယ်ရာ ကောင်းလှသော ရှင်းလင်းချက်များကို ဖတ်လိုက်ရပါသည်။
ဒီမိုကရေစီနှင့် ပြည်သူလူထု
တင်ပြလိုသည်မှာ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈) ပုဒ်မ ၄ တွင် နိုင်ငံတော်၏အချုပ်အခြာအာဏာသည် နိုင်ငံသားများထံမှ ဆင်းသက်ပြီး နိုင်ငံတော်တစ်ဝန်းလုံး၌ တည်သည် ဟူ၍ ပြဌာန်းထား ခြင်းဖြစ်ပါသည်။ မည်သည့် အာဏာမဆို ပြည်သူများထံက ဆင်းသက်ခြင်း ဖြစ်ပါသည်။
ဒီမိုကရေစီနိုင်ငံရေးစနစ်တွင် ပြည်သူလူထုသာလျှင် အချုပ်အခြာအာဏာပိုင် ဖြစ် သည်ကို အခိုင် အမာ ချမှတ်ထားလေ့ ရှိကြပြီး တိုက်ရိုက်ရွေးချယ်တင်မြှောက်ခြင်း၊ သွယ် ဝိုက်ရွေးချယ် တင်မြှောက်ခြင်း စသည့်နည်းလမ်းများဖြင့် ပြည်သူ့ကိုယ်စား ကိုယ်စားလှယ် များ ရွေးချယ်ပေးရသည့် သဘောတရား ဖြစ်ပါသည်။ အမေရိကန်ကဲ့သို့ သမ္မတအုပ်ချုပ်ရေး စနစ်တွင် ပြည်သူများက သမ္မတကို တိုက်ရိုက် ရွေးချယ်တင်မြှောက်၍ အုပ်ချုပ်စေ သလို အိန္ဒိယ၊ ယူကေ စသည်ကဲ့သို့ ပါလီမန်အုပ်ချုပ်ရေး စနစ်တွင် ပါလီမန်အမတ်များကို ပြည်သူများက ရွေးချယ်ပေးပြီး အမတ်နေရာအများဆုံး ရရှိသော ပါတီက အစိုးရဖွဲ့ကာ ပါတီခေါင်းဆောင်ကို ဝန်ကြီးချုပ်အဖြစ် တင်မြှောက်လေ့ရှိပါသည်။ ပြည်သူများက ရွေးချယ် တင်မြှောက်လိုက်သော သမ္မတ၊ ဝန်ကြီးချုပ်နှင့် ပါလီမန်တို့က တရားသူကြီးချုပ် များ ခန့်အပ် တာဝန်ပေးလေ့ရှိပါသည်။ အခြေခံမှာ ပြည်သူများသာ ဖြစ်ပြီး ယင်းတို့က တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း ရွေးချယ်ပေးလိုက်သော အရွေးချယ်ခံ ကိုယ်စားလှယ်များက ဥပဒေ ပြုရေးအာဏာ၊ အုပ်ချုပ်ရေးအာဏာနှင့် တရား စီရင်ရေးအာဏာတို့ကို ခွဲဝေ ကျင့်သုံးကြခြင်း ဖြစ်သည်။ ပြည်သူများ၊ နိုင်ငံသားများ၏ အခွင့်အရေးများ၊ အကျိုးစီးပွားများ စသည်တို့ကို မြှင့်တင်ဖော်ဆောင် ပေးရန် အခြေခံ ဥပဒေတို့တွင် တိတိကျကျ ပြဌာန်းထားလေ့ ရှိပြီး ယင်းအခွင့်အရေးများကို မဏ္ဍိုင်ကြီး (၃)ရပ်က ပြန်လည်၍ ဖြည့်ဆည်းဆောင်ရွက် ပေးရမည် ဖြစ်ပါသည်။ အလားတူ Check And Balance သဘောအရ မဲဆန္ဒရှင် ပြည်သူများအနေဖြင့် မိမိတို့ ရွေးချယ်တင်မြှောက် လိုက်သော ကိုယ်စားလှယ် အား ပြန်လည် ဖြုတ်ချပိုင်ခွင့်ကိုလည်း ပြဌာန်းထားလေ့ရှိပါသည်။ ထိုသို့ ပြဌာန်းခြင်းသည် တစ်ပါတီ စနစ်တွင်သာ မဟုတ်ကြောင်း မိမိနိုင်ငံ၏ သမိုင်းကြောင်းနှင့် ဆက်စပ်လေ့လာမိသမျှ ဆက်လက် တင်ပြသွားပါမည်။

မိမိတို့နိုင်ငံ၏ ဖွဲ့စည်းပုံအခြေခံဥပဒေပုဒ်မ ၃၉၆(ခ)တွင် “သက်ဆိုင်ရာမဲဆန္ဒနယ် ၏ မူလ မဲဆန္ဒရှင်များအနက် အနည်းဆုံး တစ်ရာခိုင်နှုန်းတို့က တာဝန်မှ ပြန်လည်ရုပ်သိမ်း လိုသော လွှတ်တော် ကိုယ်စားလှယ်နှင့် ပတ်သက်သည့် တိုင်တန်းချက်ကို ပြည်ထောင်စု ရွေးကောက်ပွဲကော်မရှင်ထံ တင်ပြရမည်” ဟူ၍ ပြဌာန်းပါရှိပါသည်။ ဤသည်ကို Right to Recall ဟု ခေါ်ပါသည်။ အထူးသတိပြု သင့်သည်မှာ အဆိုပါအခွင့်အရေးသည် ဖွဲ့စည်းပုံ အခြေခံဥပဒေက အပ်နှင်းထားသော ပြည်သူ့အခွင့် အရေးဖြစ်ပြီး အဆိုပါအခွင့်အရေးအား ရရှိနိုင်ရန်အလို့ငှာ အချို့သော မဲဆန္ဒနယ်များတွင် မူလ မဲဆန္ဒရှင်များ လက်မှတ်ရေးထိုးပြီး ပြည်ထောင်စု ရွေးကောက်ပွဲကော်မရှင်ထံတင်ပြခဲ့သည့် သာဓက များလည်း ပြည်သူများ ကြားသိခဲ့ပြီး ဖြစ်ပါသည်။ အဆိုပါ Right to Recall နှင့်ပတ်သက်၍ ဥပဒေ တစ်ရပ် လိုအပ်နေသဖြင့် ပြည်ထောင်စုရွေးကောက်ပွဲကော်မရှင်က လွှတ်တော်ကိုယ်စားလှယ် တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကြမ်း ကို ၃၀-၈-၂၀၁၂ ရက်ထုတ် နိုင်ငံပိုင် သတင်းစာများတွင် ဖော်ပြခဲ့ပါသည်။ ၆-၁၁-၂၀၁၂ ရက်တွင် ပြုလုပ်သည့် ပထမအကြိမ် ပြည်သူ့လွှတ်တော် ပဉ္စမပုံမှန် အစည်းအဝေး နဝမနေ့တွင် ပြည်ထောင်စုရွေးကောက်ပွဲ ကော်မရှင်က ယင်းဥပဒေကြမ်းကို လွှတ်တော်သို့ တင်သွင်းခဲ့သည်ကို တွေ့ရှိရပါသည်။ ယခုအခါ (၁)နှစ်နီးပါး ကြာမြင့်နေပြီ ဖြစ်သော်လည်း ယင်း ဥပဒေကြမ်းနှင့်ပတ်သက်၍ တစ်စုံတစ်ရာ ဆွေးနွေးခြင်းများ မပြုလုပ်ခဲ့ပါ။ ယခုအခါ ထိုသို့ ဆွေးနွေးမှု မရှိရသည့် အကြောင်းရင်းကို ပြည်ထောင်စုလွှတ်တော် နာယကကြီးက အောက်ပါအတိုင်း ရှင်းလင်း ဖြေကြားသွားသည်ကို ဖတ်ရှုခဲ့ရပါသည်-

“ရွေးကောက်ပွဲကော်မရှင်က လွှတ်တော်ကိုယ်စားလှယ်များ အရည်အချင်း မပြည့်မီ ပါက လွှတ်တော်ကိုယ်စားလှယ်အဖြစ် ရုပ်သိမ်းခြင်း ဥပဒေကြမ်း တင်ပြထားပါတယ်။ ရွေးကောက်ပွဲ ကော်မရှင်က တာဝန်ရှိတဲ့ပုဂ္ဂိုလ်တွေ ဆွေးနွေးလိုက်တဲ့အခါ ဒီဥပဒေကို ဆက်လက် အကောင် အထည်ဖော်ဖြစ်မယ် ဆိုရင် ခေတ်စနစ်နဲ့လျော်ညီတဲ့ကိစ္စများ ဖြစ်စေဖို့ အပြင် ဒီနေ့ မြန်မာနိုင်ငံရဲ့ ပါတီစုံဒီမိုကရေစီစနစ်ထူထောင်ရေးကို များစွာ ခက်ခဲလာနိုင်တယ်။ ဖွဲ့စည်းပုံအခြေခံဥပဒေကို လေ့လာသုံးသပ်တဲ့ကာလမှာ “ဒီဥပဒေကို ခဏထားပြီး” ဆက်လက်ဆောင်ရွက်သင့်တယ် ဆိုတဲ့ ကော်မရှင်ရဲ့ အကြံပြုချက် ရလာပါတယ်။ ရှင်း အောင် ထပ်ပြောရရင် ဒီနေ့ရွေးကောက်ပွဲကျင်းပတယ်။ ပါတီစုံပါတယ်။ (က)ပါတီက အနိုင်ရတယ် ဆိုပါတော့။ ကိုယ်စားလှယ်က ၅၁ ရာခိုင်နှုန်းနဲ့ အနိုင်ရသွားတယ်။ ကျန်တဲ့ ၄၉ ရာခိုင်နှုန်းက သူ့ကို မထောက်ခံဘဲ ကျန်ခဲ့တယ်။ အကယ်လို့ ဒီလွှတ်တော်ကိုယ်စား လှယ်ကို မထောက်ခံတဲ့ ၄၉ ရာခိုင်နှုန်းက ဒေသမှာရှိတဲ့ မဲဆန္ဒရှင် ၁ ရာခိုင်နှုန်းကနေ လက်မှတ်ထိုးပြီးတော့ လွှတ်တော်ကိုယ်စားလှယ်ကို ရုပ်သိမ်းဖို့ဆိုတာ အချိန်မရွေး ပြန် လုပ်လို့ရပါတယ်။ ပေးထားတဲ့ ပါတီစုံဒီမိုကရေစီစနစ်၊ ဈေးကွက်စီးပွားရေးစနစ်က မမျှတ ဘူး ဖြစ်မယ်။ အမှန်အတိုင်းပြောမယ်ဆိုရင် ဒီဥပဒေက မြန်မာ့ဆိုရှယ်လစ်လမ်းစဉ်ပါတီက ရွေးကောက်ပွဲဆိုင်ရာ ဥပဒေနဲ့ပတ်သက်ပြီး တစ်ပါတီစနစ်မှာ တစ်ပါတီက လွှတ်တော် ကိုယ်စားလှယ်တွေကို ဖြုတ်ချချင်ရင် ဖြုတ်ချနိုင်အောင် ဒီအခွင့်အရေးပေးထားတယ်။ ဒီ အခွင့်အရေးပေးလိုက်မယ်ဆိုရင် အရှုပ်အထွေး အများကြီး ဖြစ်နိုင်တယ်။ ဘာကြောင့်လဲ၊ ပါတီစုံ ပါလာပြီ။ ဒါကြောင့် တစ်ခြားနိုင်ငံမှာ ရှိ မရှိ၊ ဘယ်လို ကျင့်သုံးတယ်ဆိုတာ နိုင်ငံ တကာစံတွေကို လေ့လာရတယ်။”

တစ်ဖန် လွှတ်တော်ကိုယ်စားလှယ် သုံးဦးပေါင်းပြီး နိုင်ငံဘဏ္ဍာ သိန်း ၁၀၀၀ ကို ဒေသ ဖွံ့ဖြိုးရေးအတွက် ကိုယ်တိုင် စီမံခန့်ခွဲ အသုံးပြုရေးနှင့် ပတ်သက်သော မေးခွန်းတွင် ၂၀၁၅ ရွေးကောက်ပွဲ ဝင်ရောက်ယှဉ်ပြိုင်မည့် အချက်နှင့် ဆက်စပ်၍ ကြိုတင်မဲဆွယ်ခြင်း ဖြစ်နိုင် မဖြစ်နိုင် မေးမြန်းခဲ့ရာ၊ ပြည်ထောင်စုလွှတ်တော် နာယကကြီးက အိန္ဒိယနိုင်ငံတွင် ကျင့်သုံးနေသည်ကို သင်ခန်းစာယူ၍ ဆောင် ရွက်ခြင်းဖြစ်ကြောင်း ဖြေကြားသွားသည်ကိုလည်း တွေ့လိုက်ရပါသည်။ ဤဖြေကြားချက်များနှင့် ပတ်သက်၍ အရိုးခံအတိုင်း၊ မြင်သည့်အတိုင်း တင်ပြလိုသည်။ ပြည်သူ့အသံကို နားထောင်လိုကြောင်း ကျယ်ပြန့်စွာ အသိပေးထားသည့်အတွက် လွှတ်တော်ကိုယ်စားလှယ်များ အနေဖြင့် ပြည်သူ့အသံ တစ်ခုဟူ၍ မှတ်ယူပေးစေလိုပါသည်။ ဟပ်ချိုးလည်း မချေလို၊ ဆိတ်ဖွားလည်း မမည်လိုကြောင်း ကြိုတင် တောင်းပန်လိုက်ရပါသည်။ ဤနေရာတွင် လွှတ်တော်ကိုယ်စားလှယ် ၃ ဦး ဆိုသည်မှာ ထိုမြို့နယ်က ကိုယ်စားပြု တင်မြှောက်လိုက်သော ပြည်သူ့လွှတ်တော် ကိုယ်စားလှယ်၊ အမျိုးသားလွှတ်တော် ကိုယ်စားလှယ်နှင့် တိုင်းဒေသကြီး သို့မဟုတ် ပြည်နယ်လွှတ်တော် ကိုယ်စားလှယ်များကို ဆိုကြောင်း ဦးစွာ တင်ပြလိုပါသည်။

Right to Recall ဆိုတာဘာလဲ


(၁) မပါတာကိုကျင့်သုံးပြီး၊ ပါတာကို ဘေးဖယ်မည်လား။ လွှတ်တော်ကိုယ်စားလှယ် သုံးဦး သိန်း ၁၀၀၀ သုံး ဟူသောအချက်မှာ မိမိတို့၏ အခြေခံဥပဒေတွင် ပြဌာန်းထားခြင်း မရှိပါ။ Right to Recall မှာ မိမိတို့၏အခြေခံဥပဒေတွင် အတိအလင်း ရှင်းရှင်းလင်းလင်း တိတိကျကျ ထင်ထင်ရှားရှား ပြဌာန်း ထားသည်။ ပွင့်ပွင့်လင်းလင်း တင်ပြရလျှင် ပြည်သူ များအား အခြေခံဥပဒေက ပေးအပ်ထားသော အခွင့်အရေးကို ပိတ်ပင်ရာ ရောက်နေပြီး လွှတ်တော်ကိုယ်စားလှယ်များအတွက် အခြေခံဥပဒေက ပေးအပ်ထားခြင်း မရှိသော အခွင့်အရေးများကို မြှင့်တင်ရာ ရောက်နေသည်ကို သတိပြုစေလိုပါသည်။ သာမန်ဥပဒေ တစ်ရပ် မဟုတ်ဘဲ အခြေခံဥပဒေ ဖြစ်နေခြင်းမှာ တရားဥပဒေစိုးမိုးရေးနှင့်ဆက်စပ် စဉ်းစား သုံးသပ်ကြည့်လျှင် စိုးရိမ်ဖွယ်ရာ အနေအထား ဖြစ်နေကြောင်း တွေ့နေရပါသည်။

(၂) တစ်ပါတီစနစ်မှာပဲ သုံးခဲ့ခြင်းလား၊ နိုင်ငံတကာစံတွေ ဘယ်လိုရှိသလဲ ။ Right to Recall သည် ပြည်သူ့ကိုယ်စားလှယ်များ၏ တာဝန်ကျေပွန်မှုကို သေချာစေသည့် ဒီမိုကရေစီနည်းလမ်းတစ်ခု အဖြစ် ကျင့်သုံးနေကြခြင်း ဖြစ်ပါသည်။ လူသား ယဉ်ကျေးမှုတွင် အစောဆုံး ဒီမိုကရေစီနိုင်ငံဖြစ်သည့် အေသင်မြို့ပြနိုင်ငံ၏ ကွန်စတီ ကျူးရှင်းတွင် ထည့်သွင်းပြဌာန်းကာ အစောဆုံး ကျင့်သုံးခဲ့ပါသည်။ ခေတ်သစ်ကာလ ၁၉၀၃ ခုနှစ်တွင် အမေရိကန်ပြည်ထောင်စု လော့စ်အိန်ဂျလိပြည်နယ်တွင် စတင် ကျင့်သုံး ခဲ့ပြီး ယခုအခါ Right to Recall ကို အမေရိကန်ပြည်ထောင်စုတွင် (၁) အလာစကာ ပြည်နယ် အခြေခံဥပဒေ၊ (၂) အရီဇိုးနားပြည်နယ်အခြေခံဥပဒေ၊
(၃) ကယ်လီဖိုးနီးယား ပြည်နယ် အခြေခံဥပဒေ၊ (၄) ကော်လိုရာဒိုပြည်နယ်အခြေခံဥပဒေ၊ (၅) ဂျော်ဂျီယာပြည် နယ် အခြေခံ ဥပဒေ၊ (၆) အိုင်ဒါ ဟိုးပြည်နယ်အခြေခံဥပဒေ၊ (၇) ကန်းဆတ်ပြည်နယ် အခြေခံ ဥပဒေ၊ (၈) လူးဝီစီယားနား ပြည်နယ် အခြေခံဥပဒေ၊ (၉) မစ်ချီဂန်ပြည်နယ် အခြေခံဥပဒေ၊ (၁၀) မင်နီဆိုးတားပြည်နယ် အခြေခံဥပဒေ၊ (၁၁) မွန်တားနားပြည်နယ် အခြေခံဥပဒေ၊ (၁၂) နီဗေးဒါးပြည်နယ် အခြေခံ ဥပဒေ၊ (၁၃) နယူးဂျာစီပြည်နယ် အခြေခံဥပဒေ၊ (၁၄) မြောက် ဒါကိုတာပြည်နယ် အခြေခံဥပဒေ၊ (၁၅) အော်ရီကွန်း ပြည်နယ် အခြေခံဥပဒေ၊ (၁၆) ရိုဒီအိုင်လန်ပြည်နယ် အခြေခံဥပဒေ၊ (၁၇) ဝါရှင်တန် အခြေခံဥပဒေနှင့် (၁၈) ဝစ်စ်ကွန် ဆင်ပြည်နယ် အခြေခံ ဥပဒေတို့တွင် အလားတူ ပြဌာန်းထားရှိကြောင်း အထင်အရှား တွေ့ရှိရ ပါသည်။ အိန္ဒိယနိုင်ငံတွင် ချတ္တီဂါ့ရ်ှပြည်နယ်၊ မဟာရတ္ထရပြည်နယ်၊ မဒရာပရာဒက်ရ်ှပြည်နယ် များတွင် ကျင့်သုံးလျက်ရှိပြီး နောက် အကျဆုံး ၂၀၀၈ ခုနှစ်တွင် ချတ္တီဂါ့ရ်ှပြည်နယ်တွင် Recall Election ကို ကျင်းပခဲ့ကြောင်း တွေ့ရှိရပါသည်။ ယူဂန္ဓာ၊ ကနေဒါ၊ ဂူယာနာ၊ ဆွစ်ဇာလန်၊ ဗင်နီဇွဲလား နိုင်ငံများတွင် Right to Recall ကို ကျင့်သုံးလျက်ရှိပါသည်။ သို့ဖြစ်ရာ Right to Recall ကို တစ်ပါတီစနစ် တွင်သာ ကျင့်သုံးခဲ့ခြင်း ဖြစ်သည်ဟူသော အယူအဆကို ရှေ့တန်းတင်လျက် ဆွေးနွေး လာခြင်းသည် ပြည်သူတို့၏ အခွင့်အရေးအား တိုက်ရိုက်ပိတ်ပင်ရာ ရောက်နေပြီ ဖြစ်ကြောင်း သတိပြုသင့်လှပေသည်။ ဒီမိုကရေစီ၏ အန္တရာယ်ဖြစ်ပါသည်။
ဤသို့ဆိုလျှင် မြန်မာနိုင်ငံတွင် ပြဌာန်း ကျင့်သုံးပြီးခဲ့သော ဖွဲ့စည်းပုံအခြေခံဥပဒေ သုံးရပ်ကို လေ့လာကြည့်သင့်ပါသည်-

တစ်ပါတီစနစ် ကျင့်သုံးခဲ့သော မြန်မာ့ဆိုရှယ်လစ် လမ်းစဉ်ပါတီခေတ် ၁၉၇၄ ခုနှစ် ဖွဲ့စည်းပုံ အခြေခံဥပဒေ ပုဒ်မ ၁၅ တွင်-

နိုင်ငံသားတိုင်းသည် ဤဖွဲ့စည်းပုံအခြေခံဥပဒေနှင့် အခြားသက်ဆိုင်ရာ ဥပဒေများနှင့်အညီ -

(က) နိုင်ငံတော်၏ အာဏာပိုင်အဖွဲ့စည်း အဆင့်ဆင့်သို့ ပြည်သူ့ကိုယ်စား လှယ်များ ရွေးချယ်တင်မြှောက်ခွင့်နှင့် မိမိကိုယ်တိုင် ပြည်သူ့ ကိုယ်စား လှယ်အဖြစ် ရွေးချယ်တင်မြှောက်ခံပိုင်ခွင့်ရှိသည်။
(ခ) မိမိတို့ ရွေးချယ်တင်မြှောက်ထားသော ပြည်သူ့ကိုယ်စားလှယ်များကို တာဝန်မှ ပြန်လည်ရုပ်သိမ်းခွင့် ရှိသည် - ဟု ပြဌာန်းထားပါသည်။

ပါတီစုံစနစ် ကျင့်သုံးခဲ့သော ပါလီမန်ဒီမိုကရေစီအစိုးရခေတ် ၁၉၄၇ ခုနှစ် ဖွဲ့စည်း အုပ်ချုပ်ပုံ အခြေခံဥပဒေ ပုဒ်မ ၇၈ တွင်-

ပါလီမန်ဆိုင်ရာ လွှတ်တော်တစ်ရပ်ရပ်၏ အမတ်တစ်ဦးကို အမတ်အဖြစ် မှ ထွက်ခိုင်းရန် လိုအပ်သော စည်းကမ်းချက်များနှင့် နည်းနာများကို ပါလီမန်သည်၊ တရားဥပဒေဖြင့် ပြဌာန်းသတ်မှတ်နိုင်သည်- ဟု ပြဌာန်း ထားပါသည်။

လက်ရှိပါတီစုံဒီမိုကရေစီစနစ်တွင် ကျင့်သုံးနေသော ၂၀၀၈ ခုနှစ် ဖွဲ့စည်းပုံအခြေခံ ဥပဒေ ပုဒ်မ ၃၆၉ (ခ) တွင် လွှတ်တော်ကိုယ်စားလှယ် တာဝန်မှ ပြန်လည်ရုပ်သိမ်း (ဖြုတ်ချ) ခြင်း ကို -

- သက်ဆိုင်ရာ မဲဆန္ဒရှင်များသည် လွှတ်တော်တစ်ရပ်ရပ်မှ လွှတ်တော်ကိုယ်စားလှယ် ကို ဥပဒေနှင့်အညီ တာဝန်မှ ပြန်လည်ရုပ်သိမ်းခွင့်ရှိသည် - ဟုလည်းကောင်း၊

ပုဒ်မ ၃၉၆ တွင် -

(က) လွှတ်တော်ကိုယ်စားလှယ် တစ်ဦးကို အောက်ပါ အကြောင်း တစ်ရပ်ရပ်ကြောင့် တာဝန်မှ ပြန်လည်ရုပ်သိမ်းခွင့်ရှိသည်-
(၁) နိုင်ငံတော်၏ ကျေးဇူးသစ္စာတော်ကို ဖောက်ဖျက်ခြင်း၊
(၂) ဤ ဖွဲ့စည်းပုံအခြေခံဥပဒေပါ ပြဌာန်းချက် တစ်ရပ်ရပ်ကို ဖောက်ဖျက် ကျူးလွန်ခြင်း၊
(၃) အကျင့်သိက္ခာပျက်ပြားခြင်း၊
(၄) ဤ ဖွဲ့စည်းပုံအခြေခံဥပဒေတွင် သတ်မှတ်ထားသည့် သက် ဆိုင်ရာ လွှတ်တော်ကိုယ်စားလှယ်၏ အရည်အချင်း ပျက်ယွင်း ခြင်း၊
(၅) ဥပဒေအရ ပေးအပ်သော တာဝန်များကို ကျေပွန်စွာ မဆောင်ရွက် ခြင်း။
(ခ) သက်ဆိုင်ရာမဲဆန္ဒနယ်၏ မူလမဲဆန္ဒရှင်များအနက် အနည်းဆုံး တစ် ရာခိုင်နှုန်းတို့က တာဝန်မှ ပြန်လည် ရုပ်သိမ်းလိုသော လွှတ်တော် ကိုယ်စားလှယ်နှင့် ပတ်သက်သည့် တိုင်တန်းချက်ကို ပြည်ထောင်စု ရွေးကောက်ပွဲ ကော်မရှင်ထံ တင်ပြရမည်၊
(ဂ) ပြည်ထောင်စုရွေးကောက်ပွဲကော်မရှင်က ဥပဒေနှင့်အညီ စုံစမ်း စစ်ဆေးရမည်၊
(ဃ ) စွပ်စွဲချက်ကို စုံစမ်းစစ်ဆေးသည့်အခါ သက်ဆိုင်ရာလွှတ်တော် ကိုယ်စားလှယ် ကိုယ်တိုင်သော်လည်းကောင်း၊ ကိုယ်စားလှယ် ဖြင့် သော်လည်းကောင်း ချေပခွင့်ပေးရမည်၊
(င) ပြည်ထောင်စုရွေးကောက်ပွဲ ကော်မရှင်က ထိုစွပ်စွဲချက်သည် မှန်ကန်ပြီး စွပ်စွဲခံရသူသည် လွှတ်တော်ကိုယ်စားလှယ်အဖြစ် ဆက်လက် ထမ်းရွက်စေရန် မသင့်ကြောင်း သဘောရရှိလျှင် ပြည်ထောင်စု ရွေးကောက်ပွဲကော်မရှင် သည် ဥပဒေနှင့်အညီ ဆောင်ရွက်ရမည်- ဟုလည်းကောင်း၊

ဆက်လက်၍ ပုဒ်မ ၃၉၇ တွင် -

ပြည်ထောင်စုလွှတ်တော်သည် ရွေးကောက်တင်မြှောက်ခြင်းဆိုင်ရာ ကိစ္စများ နှင့် စပ်လျဉ်း၍ လည်းကောင်း၊ တာဝန်မှ ပြန်လည်ရုပ်သိမ်းခြင်းဆိုင်ရာ ကိစ္စများ နှင့်စပ်လျဉ်း၍ လည်းကောင်း လိုအပ်သော ဥပဒေများကို ပြဌာန်းရမည်- ဟု လည်းကောင်း ပြဌာန်းထားပါသည်။

ခေတ်သုံးခေတ်၏ ပြဌာန်းချက်များကို နှိုင်းယှဉ်ကြည့်လျှင် တစ်ပါတီစနစ် ဖြစ်၍သာ လွှတ်တော်ကိုယ်စားလှယ်အား တာဝန်မှပြန်လည်ရုပ်သိမ်းခွင့်အတွက် ပြဌာန်းသည်ဟူသော အဖြေ မှန်-မမှန် တွေ့မြင်နိုင်ပါသည်။ အမှန်တရားသည်ကား ပြည်သူ့ထံမှ အာဏာ သက်ဆင်းလာသည် ဟူသော ဒီမိုကရေစီ၏ အခြေခံအယူအဆပင် ဖြစ်ပါသည်။
တစ်ရာခိုင်နှုန်း လက်မှတ်ရေးထိုးတာနဲ့ ဖြုတ်ချနိုင်ပြီလား။ မူလမဲဆန္ဒရှင်၏ တစ်ရာခိုင်နှုန်းက လက်မှတ်ရေးထိုး တောင်းဆိုတင်ပြရုံမျှဖြင့် ဖြုတ်ချနိုင်ခြင်း မရှိကြောင်း သတင်းစာတွင် ဖော်ပြပါရှိခဲ့သော လွှတ်တော်ကိုယ်စားလှယ် တာဝန်မှ ပြန်လည် ရုပ်သိမ်း ခြင်းဆိုင်ရာ ဥပဒေကြမ်းတွင် တွေ့ရှိနိုင်ပါသည်။ ယင်း ဥပဒေကြမ်း ပုဒ်မ ၁၄ တွင် “လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းကြောင်း သို့မဟုတ် မရုပ်သိမ်း ကြောင်း မဲပေးဆုံးဖြတ်ရာတွင် လာရောက် ဆန္ဒမဲ ပေးကြသည့် သက်ဆိုင်ရာ မဲဆန္ဒရှင် များ၏ ထက်ဝက်ကျော် ဆန္ဒမဲဖြင့်သာ အတည်ပြုရမည်” ဟူ၍ ပါရှိသည်။ တစ်ရာခိုင် နှုန်းက လက်မှတ်ရေးထိုးတင်ပြလျှင် ကော်မရှင်က အဖွဲ့ဖွဲ့၍ စစ်ဆေးပါဦးမည်။ ထိုသို့ စစ်ဆေးပြီး ပြည်သူများ၏တောင်းဆိုချက် မှန်ကန်ကြောင်းတွေ့ရှိမှသာ မူလမဲဆန္ဒနယ်မြေတွင် ရွေးကောက်ပွဲ ပြန်လည် ကျင်းပရမည် ဖြစ်ပြီး ထက်ဝက်ကျော်က ရုပ်သိမ်းရန် ထောက်ခံမှသာ ဖြုတ်ချနိုင်မည် ဖြစ်ပါသည်။ နာယကကြီး၏ ဥပမာအတိုင်း တင်ပြရလျှင် (က)ပါတီက အနိုင်ရခဲ့သည် ယူဆ ပါက ၅၁ ရာခိုင်နှုန်းဖြင့် အနိုင်ရရှိခဲ့သော ကိုယ်စားလှယ်အား ကျန်သည့် ၄၉ ရာခိုင်နှုန်း က မထောက်ခံဘဲ ဖြုတ်ချရန် မဲပေးခဲ့လျှင်လည်း လွှတ်တော်ကိုယ်စားလှယ်အဖြစ် ဆက်လက် ရပ်တည်နေ ပါလိမ့်မည်။ ကျန်သည့် ၄၉ ရာခိုင်နှုန်းအနက်မှ တစ်ရာခိုင်နှုန်းက လက်မှတ်ရေးထိုးရုံဖြင့် ဖြုတ်ချနိုင်ခြင်း မပြုနိုင်အောင် ဥပဒေကြမ်းတွင် ဖော်ပြထား ကြောင်း တွေ့ရှိရပါသည်။ အဆိုပါ ဥပဒေကြမ်းကို ၃၀-၈-၂၀၁၂ ရက်ထုတ် နိုင်ငံပိုင် သတင်းစာများတွင် ဖော်ပြထားသည်ကို တွေ့ရပါသည်။ ထို့ကြောင့် တစ်ရာခိုင်နှုန်းဟု ဆိုသော်လည်း ဥပဒေကြမ်းအရ ၅၀% ကျော်မှသာ ဖြုတ်ချနိုင်မည် ဖြစ်ကြောင်း တင်ပြလိုက်ရပါသည်။

လွှတ်တော်ကိုယ်စားလှယ်အခွင့်အရေး မြှင့်တင်ခြင်းများ ။ ပြီးခဲ့သည့် (၂) နှစ်ခွဲ သက်တမ်းအတွင်း ပြဌာန်းလိုက်သည့် ဥပဒေ(၆၃)ခုတွင် လွှတ်တော်ကိုယ်စားလှယ်များက တင်သွင်း သည့် ဥပဒေကြမ်း (၁၁) ခုကို လေ့လာကြည့်လျှင် လွှတ်တော် အကျိုးကိုသာ မြှင့်တင်လိုသည့် သဘော (စွပ်စွဲလိုခြင်းမဟုတ်ပါ) သက်ရောက်နေသော ဥပဒေများဖြစ်သည့် ပြည်သူ့လွှတ်တော် ဆိုင်ရာဥပဒေ၊ အမျိုးသားလွှတ်တော်ဆိုင်ရာ ဥပဒေ၊ တိုင်းဒေသကြီး သို့မဟုတ် ပြည်နယ်လွှတ်တော် ဆိုင်ရာဥပဒေ၊ ပြည်ထောင်စု စာရင်းစစ်ချုပ်ဥပဒေကို ပြင်ဆင်သည့် ဥပဒေ၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးဥပဒေကိုပြင်ဆင်သည့်ဥပဒေ၊ စုစုပေါင်း(၅)ခုရှိကြောင်း တွေ့ရှိနိုင်ပါသည်။ ယခုတစ်ဖန် အိန္ဒိယ နိုင်ငံ၏ နမူနာကိုယူ၍ ဆောင်ရွက်သည်ဟု ကြေညာထားသော ဆိုင်ရာဒေသ ဖွံ့ဖြိုးရေးဆောင်ရွက်ရန် လွှတ်တော်ကိုယ်စားလှယ် သုံးဦး သိန်းတစ်ထောင် ခွဲဝေပေး၍ ဒေသဖွံ့ဖြိုးရေးဆောင်ရွက်စေလိုသည် မှာလည်း လွှတ်တော်ကိုယ်စားလှယ် အကျိုးကို မြှင့်တင်လိုရာ ရောက်-မရောက် ပြန်လည်ဆန်းစစ် လေ့လာသင့်လှပါသည်။ အကြောင်းရင်းကား လွတ်လပ်၍ တရားမျှတသော ရွေးကောက်ပွဲ ဟူသည်မှာ ဝင်ရောက်ယှဉ်ပြိုင်သူများအား တန်းတူ ရည်တူ ပြိုင်ကွင်း (Level Play Field) ဖြစ်ရန် လိုအပ်ခြင်း ကြောင့် ဖြစ်ပါသည်။ ယခုအခါ လွှတ်တော်တွင်းမရောက်ရှိသေးသော်လည်း ၂၀၁၅ ရွေးကောက်ပွဲသို့ ဝင်ရောက်ယှဉ်ပြိုင်ရန် ပါတီအသစ် ထူထောင်မှုများ တွေ့ရှိနေရပြီဖြစ်ရာ ယခုကဲ့သို့ မိမိတို့မဲဆန္ဒ နယ်မြေ ဖွံ့ဖြိုးတိုးတက်ရေးကို နိုင်ငံတော်ဘတ်ဂျက်ဖြင့် ဆောင်ရွက်စေခြင်း ကြောင့် တရားမျှတသော ယှဉ်ပြိုင်မှုကို ထိခိုက်နိုင်ခြင်း ရှိ-မရှိ၊ အဆိုပါ သုံးဦး-တစ်ထောင်သည် မဲဆွယ်စည်းရုံးခြင်း၏ အစိတ် အပိုင်းတစ်ရပ် အဖြစ် ရောက်ရှိသွား နိုင်ခြင်း ရှိ-မရှိ၊ လက်ရှိကိုယ်စားလှယ်များအား သိန်းတစ်ထောင်စီ ထောက်ပံ့ပေးလျှင် ဝင်ရောက်ယှဉ်ပြိုင်မည့် အခြားကိုယ်စားလှယ်လောင်းများကို ထောက်ပံ့မှု ပေးသင့်-မပေးသင့် စသည်တို့မှာလည်း ဒီမိုကရေစီသဘော တရားအရ ဆန်းစစ် လေ့လာသင့်ကြောင်း တွေ့ရှိ ရပါသည်။ လွှတ်တော်တွင်းရှိ လက်ရှိကိုယ်စားလှယ် အများစုမှာ ဘယ်ပါတီက ဖြစ်သည်ကိုလည်း ပြည်သူတွေ သိပြီးဖြစ်ပါသည်။ ခဏတာအတွေးဖြင့် ရေရှည်ကို တွေးချင့်သင့်ပါသည်။ ဤကိစ္စသည် နောက်ပိုင်းတွင် ဖြေရှင်းရခက်ခဲသော ပါတီစုံဒီမိုကရေစီ ခေတ်ဦး၏ မျှော်မှန်းချက်ကို ပျက်စီးစေနိုင်သော အငြင်းပွားဖွယ်များ ဖြစ်ခဲ့သည်ရှိသော် နောင်တရ ဘွာခတ်၍ မရနိုင်တော့ကြောင်း သတိချပ်စေလိုပါ သည်။

ပြန်ပေါ်မလာတော့သည့် ခဏ။ “ဖွဲ့စည်းပုံအခြေခံဥပဒေကို လေ့လာသုံး သပ်တဲ့ ကာလမှာ ဒီဥပဒေကို ခဏထားပြီး ဆက်လက် ဆောင်ရွက်သင့်တယ်” ဟူသော ပြောကြားချက်မှာ ဖွဲ့စည်းပုံအခြေခံ ဥပဒေ ပုဒ်မ ၄၊ ၄၈၊ ၁၂၅၊ ၃၆၉ (ခ)၊ ၃၉၆(က)(၂)နှင့် ၃၉၆(ခ) ပြဌာန်းချက်များနှင့် တိုက်ဆိုင်၍ လေ့လာဆန်းစစ်သင့်ကြောင်း တွေ့ရှိရပါသည်။ “ခဏထား” ဟူသော ဆိုလိုရင်းမှာ နောက် (၂) နှစ်ခွဲ သက်တမ်းတစ်ခုလုံးကို ဆိုလိုသည် လား ရှင်းရှင်းလင်းလင်း မရှိပါ။ ခဏထားခဲ့သဖြင့် ပြီးခဲ့သည့် (၂) နှစ်ခွဲလုံးလုံး နိုင်ငံသား များ အခြေခံဥပဒေက ပေးအပ်ထားပြီး ဖြစ်သော အခွင့်အရေးကို ချွေးသိပ်ထားရာမှ အဆုံးခံရမည့် အခြေအနေ ရောက်နိုင်လေပြီ။ အခြေခံဥပဒေက အတိအလင်း အပ်နှင်း ထားသော အခွင့်အရေးကို ဤသို့ ခဏထား ဟူ၍ ပိတ်ပင်တားမြစ်ထားခြင်းသည် Rule of Law အရ မည်သည့်အဓိပ္ပါယ် သက်ရောက်စေနိုင်မည်နည်း ဟူသည်ကိုလည်း စဉ်းစားဖွယ်ရာ ဖြစ်နေပါသည်။ လိုက်နာစောင့်ထိန်းမှု ကင်းမဲ့သော အခြေခံဥပဒေသည် မည်သို့သော အခြေအနေသို့ ဆိုက်ရောက်သွား နိုင်သည်ကိုလည်း တွေးမိပါသည်။

(၆) လွှတ်တော်ကိုယ်စားလှယ်များကို စွပ်စွဲပြစ်တင်မှု မလုပ်နိုင်။ Right to Recall ဖြင့်သာ မဲဆန္ဒရှင်တို့က ထိုသူကို ထိန်းနိုင်သည်။ မိမိတို့နိုင်ငံ၏ ဖွဲ့စည်းပုံအခြေခံဥပဒေ တွင် သမ္မတနှင့် ပြည်ထောင်စုအစိုးရ အဖွဲ့ဝင်များ၊ ဝန်ကြီးချုပ်နှင့် တိုင်းဒေသကြီး/ ပြည်နယ်အစိုးရ အဖွဲ့ဝင်များအား ဖြုတ်ချလိုလျှင် စွပ်စွဲပြစ်တင်ခြင်း နည်းလမ်းဖြင့် ဆောင်ရွက်နိုင်ပါသည်။ ပြည်ထောင်စုလွှတ်တော်ကြီးက ပင်လျှင် ဖွဲ့စည်းပုံအခြေခံဥပဒေ ဆိုင်ရာခုံရုံး တစ်ဖွဲ့လုံးကို စွပ်စွဲပြစ်တင်၍ ဖြုတ်ချခဲ့ပြီး ဖြစ်သည်ကို ဟိုးလေးတကျော် တွေ့ခဲ့ကြပြီး သမိုင်း ဖြစ်သွားခဲ့ပါသည်။ ထိုကိစ္စကို တက်တက်ကြွကြွ ဆောင်ရွက် ခဲ့ကြသော လွှတ်တော်ကိုယ်စားလှယ်များ အနေဖြင့် မိမိကို ဖြုတ်ချနိုင်သော အခွင့်အရေးကို ရည်ရွယ် ချက် ရှိရှိ ပိတ်ပင် တားဆီးထားသည် ဆိုပါက ဖွဲ့စည်းပုံအခြေခံဥပဒေ ပုဒ်မ ၃၉၆(က)(၂)အရ အကျုံး ဝင်လာမည် ဖြစ်ပါသည်။ လွှတ်တော်ကိုယ်စားလှယ်များကို စွပ်စွဲ ပြစ်တင်၍ မရပါ။ လွှတ်တော် ကိုယ်စားလှယ်များကို ဖွဲ့စည်းပုံအခြေခံဥပဒေ ပုဒ်မ ၃၉၆(ခ) ဖြင့်သာ ဖြုတ်ချနိုင်ပါသည်။ တစ်ဖန် ယင်းဖြုတ်ချခွင့်မှာ အချုပ်အခြာအာဏာ သက်ဆင်းရာ ဖြစ်သော ပြည်သူများအား အခြေခံ ဥပဒေက တရားဝင် အပ်နှင်းထားသော အခွင့်အရေး ဖြစ်ကြောင်း သတိပြုစေလိုပါသည်။ ဤသို့ ဒါတော့ ခဏထားကွာ၊ ဒို့အခွင့်အရေးတွေ မြှင့်တင်ဖို့ပဲ လုပ်ကြတာပေါ့ ဟူသော သဘောမှာ ဒီမိုကရေစီ၏ စစ်မှန်သော အနှစ်သာရကို မျက်ကွယ်ပြုရာ ရောက်ရှိနေပါသည်။ ယခု (၅) နှစ်လုံးလုံး အဆိုပါအခွင့် အရေး မရရှိခဲ့လျှင် အခြေခံဥပဒေကို မည်သူတွေ လိုက်နာပါ၊ မည်သူတွေက လိုက်နာရန်မလိုဟု ခွဲခြားမှုသဘော ရှိလေပြီလား တွေးဆဖွယ်ပင်။ ပြည်သူ့အကျိုးစီးပွားကို မမြှင့်တင်နိုင်လျှင် နေပါ၊ ပြည်သူ့အခွင့်အရေးကို မပိတ်ပင်သင့်ဟု ပွင့်ပွင့်လင်းလင်း တင်ပြလိုပါသည်။ ပြည်သူ့ အခွင့်အရေးကို ပိတ်ပင်လိုခြင်းသည် ပြည်သူ့ကိုယ်စားလှယ် အစစ်အမှန်အဖြစ်မှ သွေဖီသွားပြီလေလားဟု အထိတ် တလန့် ဆင်ခြင်မိပါသည်။ Check and Balance ဆိုသည့်အပြန်အလှန် ထိန်းကျောင်းခြင်းမူကို မိမိကလည်းကျင့်သုံး မိမိအပေါ်ကျင့်သုံးရင်လည်း ခံယူမှ ဖြစ်မည်ဟု လက်ခံရပေမည်။

အခြေခံဥပဒေကို ချိုးဖောက်ရာ ရောက်-မရောက်


နောက်ဆုံး စဉ်းစားမိသည့် Check and Balance ဟု အလွန်သုံးနေသည့် (အသုံး လွန်နေသည် ဟုမဆိုချင်) ယဉ်ကျေးမှု စကားအသစ်ဖြစ်သည်။ မိမိအား ထိန်းကျောင်း နေသည့် ကိစ္စရပ်မှန်သမျှကို ဖယ်ရှားရန် ရည်ရွယ် ဆောင်ရွက်နေသည်ဟုဆိုလျှင် ဒီမိုကရေစီခေတ်ဦးတွင် မည်သူတွေ၊ မည်သည့် အဖွဲ့တွေက သွေဖည်၍ အာဏာရှင် အဖွဲ့အစည်းပုံစံ ဖော်ဆောင်ကြတော့မည်နည်းဟု သုံးသပ်ကြရ တော့ပေမည်။ ပြည်သူတွေမှာ ဒီမိုကရေစီပန်းတိုင်ကို ရည်မျှော်၍ လျှောက်လှမ်းရင်း ပျောက်သော လမ်းမှာ စမ်းတဝါး ဖြစ်တော့မည်။ လိုချင်သော ပြည်သူ့ဗဟိုပြု အုပ်ချုပ်ရေး ဆိုသည်ထက် ဘယ်စနစ် ဖြစ်လာမည်လဲ။ မိမိတို့ ပြည်သူများ အနေဖြင့် မည်သည့်နည်းဖြင့် ထိန်းကျောင်း တည့်မတ်ကြမည်လဲ။ မည်သည့်နိုင်ငံများ မည်သို့ကျင့်၍ မည်သို့လုပ်လိုသည် ဆိုသည်မှာ ဒီမိုကရေစီ နုနယ်စ မိမိတို့နိုင်ငံအဖို့ အတုယူသင့်သည် ကို တင်ပြပြီးပေပြီ။
အမျိုးသားခေါင်းဆောင် ဗိုလ်ချုပ်အောင်ဆန်း ဦးဆောင်လျက် လွတ်လပ်ရေးကို ရည်မျှော်ရင်း ရေးဆွဲခဲ့သည့် ၁၉၄၇ ခုနှစ်၊ ဖွဲ့စည်းအုပ်ချုပ်ပုံအခြေခံဥပဒေ ပုဒ်မ ၅၇ ပြဌာန်းချက်ကို အလျဉ်းသင့်၍ တင်ပြလိုပါသည်-

နိုင်ငံတော်သမတသည်၊ ဝန်ကြီးချုပ်၏ အကြံပေးချက်အရ၊ ပြည်သူ့ လွှတ်တော်ကို ဆင့်ခေါ်ရမည်။ သို့တည်းမဟုတ် ရုပ်သိမ်းရမည်။ သို့တည်းမဟုတ် ဖျက်သိမ်းရမည်။(သမတဟု ထိုစဉ်ကအရေးအသား ဖြစ်သည်။)

ဗိုလ်ချုပ်အောင်ဆန်း က သူ၏ မိသားစုများနှင့် ခင်မင် ရင်းနှီးသော မိတ်ဆွေတို့ကို နိမိတ်ဖတ် ပြောကြားခဲ့ဖူးသည့် “ ကျုပ်ကတော့ လွတ်လပ်ရေး ရပြီး အာဏာလုပွဲတွေ မစခင် နိုင်ငံရေးလောက က အနားယူမယ်၊ ပြီးတော့ ဘေးကပဲ ပြုံးပြုံးကြီး ကြည့်နေတော့မယ် ” ဟု ပြောခဲ့သည်ကို ဖတ်မိဖူးသဖြင့် တွေးမိခြင်းဖြစ်ပါသည်။ တမလွန်က ပြည်သူချစ်သော ဒို့ဗိုလ်ချုပ် ပြုံးနေမည်လား မပြောတတ်ပေ။
ထိန်းညှိခြင်းဟု ဆိုရာ၌ မဏ္ဍိုင်ကြီး ၃ ရပ်တို့ ကျင့်ကြံရမည့် ပြဌာန်းချက်ကို ၂၀၀၈ ခုနှစ်၊ ဖွဲ့စည်းပုံ အခြေခံဥပဒေ ပုဒ်မ ၁၁ (က)တွင် “နိုင်ငံတော်အချုပ်အခြာအာဏာ၏ ခက်မသုံးဖြာဖြစ်သည့် ဥပဒေပြုရေး အာဏာ၊ အုပ်ချုပ်ရေးအာဏာနှင့် တရားစီရင်အာဏာတို့ကို တတ်နိုင်သမျှ ပိုင်းခြားသုံးစွဲခြင်းနှင့် အချင်းချင်း အပြန်အလှန်ထိန်းကျောင်းခြင်းတို့ပြုသည်” ဟု ပြဌာန်းထားပါသည်။ မည်သို့ဆိုစေ ထိုမဏ္ဍိုင် ၃ ရပ်တို့သည် ပြည်သူ့ အကျိုး သယ်ပိုးရမည်ဟု ခံယူချက် ခိုင်ခိုင်မာမာ ထားရှိလျှင်၊ မိမိကိုယ်ကို ဖြုတ်ချ၍ မရနိုင်သော ဘယ်တော့မှ မလျော့ကျတော့သော (ဘာသာရေးနှင့် ယှဉ်တွဲ၍ မမြဲသော သဘောကို နှလုံးသွင်းလျက်) ပြည်သူ့ကိုယ်စားလှယ် ဖြစ်ရမည် ဟု မခံယူကြလျှင် ပြည်သူတို့ကလည်း အရတော်ပေစွဟု ပီတိ ဖြာဝေ၍ မေတ္တာပို့သ ချီးမွမ်းနေကြပေလိမ့်မည်။

ရည်မှန်းချက်ကိုကား အပျောက်ခံ၍ မဖြစ်ပြီ။ နိုင်ငံတော်တွင် တရားဥပဒေ စိုးမိုးရေး မရှိမဖြစ်ဟု နှုတ်ထွက်စကား ပြောဆိုမှုသည် အမှန်ပင် မရှိမဖြစ် လိုအပ်သလို ရေပန်းလည်း စားနေပါသည်။ ယုံကြည်လျှင် ယုံကြည်သည့်အတိုင်း ဖော်ဆောင်နိုင်ကြပါစေ၊ အပြောနှင့်အလုပ် ညီကြပါစေဟု မဝံ့မရဲ ရင်မောစွာဖြင့် မျှော်လင့်နေရသော အိပ်မက်ဆိုးမှ နိုးထနိုင်ကြပါစေ၊ ကိုယ်တိုင်လည်း အိပ်မက်ဆိုးတွင် မနစ်မြောလိုပြီ။ သဗ္ဗေသတ္တာ ကမ္မသကာ ဟုတော့ နှလုံး မသွင်းချင်။ ငုတ်မိသဲတိုင် တက်နိုင်ဖျားရောက် ဟု ခံယူ၍ ဒီမိုကရေစီခေတ်ဦး ကြည်နူးမှု အတွေးများကို ရှင်သန်စေလိုကြောင်း ဆုတောင်းလိုက်ရ ပေတော့သည်။
*****

ဘုန်းအောင်