01/19/13


၂၀၁၃ ခုနှစ် ဇန်န၀ါရီလ ၁၉ ရက် နံနက် ၆ နာရီမှ စတင်ပြီး နယ်မြေရှင်းလင်းစစ်ဆင်ရေးများကို ရပ်ဆိုင်းမည်ဖြစ်ကြောင်း ဦးသိန်းစိန်အစိုးရ၏ ထုတ်ပြန်ချက်နှင့် စပ်လျှဉ်း၍ အောက်ပါအတိုင်း သုံးသပ်ပါသည်။

(၁) စစ်အစိုးရ၏ တပ်များသည် ကေအိုင်အေ တပ်များအား ကြီးကြီးမားမား စတင်ထိုးစစ်ဆင်သည့် ၂၀၁၂ ခုနှစ် ဒီဇင်္ဘာလ (၁၄) ရက်နေ့မှစ၍ ၂၀၁၃ခုနှစ် ဇန်န၀ါရီလ (၁၈) ရက်နေ့အထိ ရက်ပေါင်း ၃၃ ရက်မျှတွင် ကျဆုံး၊ ဒဏ်ရာရ၊ ထိခိုက် ဘ၀နစ်နာ ပျက်စီးသွားကြရသော ရဲဘော်များ၏ အရေအတွက်မှာ ထောင်ဂဏန်းချီမျှ ရှိသည်ဟု သိရသည်။ တိုက်လေယာဉ်များ၊ စစ်ရဟတ်ယဉ်များ၊ ၁၂၀ နှင့် ၁၀၅ မီလီမီတာ အမြှောက်ကြီးများကိုပါ အသုံးပြု၍ ပြည်တွင်းစစ်သမိုင်း၌ အချိန်တိုအတွင်း အပြင်းထန်ဆုံး တိုက်ခိုက်ခဲ့ရသဖြင့် ခန့်မှန်းတွက်ချက်မှုများအရ အမေရိကန်ဒေါ်လာ သန်းတရာကျော်မျှ ကုန်ကျခဲ့ရသည်။ ရရှိသည့် အကျိုးအမြတ်မှာ ပထ၀ီအရ ပွိုင့် (၇၇၁) အပါအ၀င် လဂျားယန်တ၀ိုက်ရှိ တောင်ကုန်းအချို့မျှသာ ဖြစ်သည်။

(၂) အဆမတန်ကြီးမားလှသော စစ်လက်နက်အင်အားနှင့် လူအင်အားများကို အသုံးပြု၍ တိုက်ခိုက်ခဲ့သော်လည်း ကေအိုင်အို၊ ကေအိုင်အိုတခုလုံးကို အပြုတ်တိုက်နိုင်ရန်ဝေးစွ၊ ကချင်ပြည်နယ် ဒေသကြီးတခုလုံးကို လုံးဝ ချုပ်ကိုင်နိုင်ရန် အိပ်မက်၍ပင်မရ၊ ပထ၀ီနယ်မြေအချို့မျှကိုသာ တိုးချဲ့သိမ်းပိုက်ထိမ်းချုပ်နိုင်ကြောင်း ထင်ရှားသည်။ စစ်ရေးသဘောသက်သက်အရ ကြည့်လျှင်ပင် စစ်အစိုးရအတွက် အရှုံးအမြတ် လုံးဝပင် မကာမိသော စစ်ပွဲဖြစ်သည်။ အရှုံးကြီး ရှုံးခဲ့သော စစ်ပွဲဖြစ်သည်။ တပြည်လုံးလူထုကြီးတရပ်လုံးအတွက် ပညာရေး၊ ကျမ္မာရေး အတွက်သုံးရမည့် ငွေများ အလဟသ ဖြစ်ခဲ့ရသည်။ မသေသင့်သော အောက်ခြေတပ်မတော်သားများ၊ ပေးသည့် အမိန့်အတိုင်း နာခံ တိုက်ပွဲဝင်ပေးခဲ့ရသည့် တပ်မတော်သားများ မလိုအပ်ဘဲ ဘ၀နစ်နာ ပျက်စီးဆုံးရှုံးခဲ့ရသည်။ ယင်းအတွက် သမတ ဦးသိန်းစိန် နှင့် ကာချုပ် မင်းအောင်လှိုင်တို့ ထိပ်ဆုံးတွင် တာဝန်ရှိသည်။ ၄င်းတို့အနေဖြင့် လူထုအကျိုးစီးပွားကို ထောက်ထားလျှက် ပြည်တွင်းငြိမ်းချမ်းရေးကို မည်သို့တည်ဆောက်သင့်ကြောင်း ပြန်လည်သုံးသပ်သင့်ပြီဖြစ်သည်။

(၃) အစိုးရ၏ ထုတ်ပြန်ချက်တခုလုံးကို ခြုံကြည့်လျှင် အောက်ပါအတိုင်း သုံးသပ်မိသည်။

(က) စစ်ရေးနှင့်စပ်လျှဉ်း၍ ဖြစ်သမျှကိစ္စအားလုံးကို ကေအိုင်အို၊ ကေအိုင်အေအပေါ်သို့ အပြစ်ပုံချထားသည်။ သူခိုးက လူဟစ်သလို ဖြစ်နေသည်။ ပင်လုံစာချုပ်မတိုင်ခင်က သူ့ဖာသာ လွတ်လပ်စွာ ရပ်တည်ခဲ့သော ကချင်ပြည်၊ ပင်လုံစာချုပ်အရ ကိုယ်ပိုင်အုပ်ချုပ်ခွင့်ရှိသော ကချင်ပြည်ကို ကချင်လူထုသဘောဆန္ဒနှင့် ဆန့်ကျင်ကာ အတင်းဝင်ရောက် ကျူးကျော်တိုက်ခိုက်နေပါလျှက် ကိုယ့်ကိုယ်ကိုခုခံကာ ကွယ်သည်ဟု အကြောင်းပြခြင်းမှာ အဓိပ္ပါယ်မရှိ။ ဥပဒေအရ တရားမ၀င်။

(ခ) အပုဒ် (ရ) တွင် ဖေါ်ပြထားသော “နောင်တွေ့ဆုံ ဆွေးနွေးမှုများတွင် KIO/KIA လက်နက်ကိုင်အဖွဲ့မှ တပ်ပိုင်းဆိုင်ရာများကို အဆုံးအဖြတ်ပေးနိုင်သည့် ပုဂ္ဂိုလ်များက တပ်မတော်နှင့် တွေ့ဆုံဆွေးနွေးညှိနှိုင်းရန် လိုအပ်သည်။” ဟု ဖေါ်ပြထားခြင်းမှာ ခြိမ်းခြောက်သည့် သဘောဆောင်သည်။ လွတ်လပ်သောအဖွဲ့အစည်းဖြစ်သည့် ကေအိုင်အို၏ အဖွဲ့အစည်းအတွင်း ဆုံးဖြတ်ပိုင်ခွင့်ကို ၀င်ရောက်လွှမ်းမိုးရာရောက်သည်။ သမိုင်းကြောင်းအရကြည့်လျှင် ကချင်လူထုများ၏ သဘာဝသည် ခြိမ်းခြောက်၊ အနိုင်ကျင့်မှုများကို မကြိုက်လက်မခံကြ၊ ယခုလက်တွေ့တိုက်ပွဲဝင်ရာတွင်လည်း ရွတ်ရွတ်ချွန်ချွန်ပြန်လည်ခုခံကြသည်ကို ယနေ့ မြန်မာ့တပ်မတော်ခေါင်းဆောင်များ နားလည်သင့်၊ တန်ဘိုးထားသင့်သည်။ ပြည်ထောင်စု တည်ဆောက်မှုကို ခြိမ်းခြောက် အကြပ်ကိုင်သည့်နည်းဖြင့် မချဉ်းကပ်သင့်။

(၄) ကေအိုင်အိုက ဖက်ဒရယ်ပြည်ထောင်စုကို အခြေခံသည့် နိုင်ငံရေးလုပ်ငန်းစဉ်များ လုပ်ဆောင်ရန် နိုင်ငံရေးအရ တောင်းဆိုသည့်အပေါ် မတန်တဆကြီးမားလှသော စစ်အင်အားကို အသုံးပြု၍ စစ်အစိုးရက စစ်ဆင်နွှဲခဲ့ခြင်းဖြစ်သည်။ ဤသည်မှာ မတရားသောစစ်ဖြစ်သည်။ မတရားသော စစ်ကို ဆန့်ကျင်သည့် လူထုလှုပ်ရှားမှုများ ပြည်တွင်းမှာရော နိုင်ငံတကာမှာပါ ပေါ်လာခဲ့သည်။ စစ်လေယာဉ်များသုံး၍ တိုက်ခိုက်ခြင်း၊ အမြှောက်ကြီးများနှင့် ပစ်သဖြင့် အရပ်သားလူထုများ သေဆုံးဒဏ်ရာရခြင်းများ ဖြစ်ပေါ်လာသောအခါ နိုင်ငံတကာဖိအားများ ကျရောက်လာခဲ့သည်။ ကချင်လွတ်မြောက်ရေးတပ်မတော်သားများက ကြံ့ကြံ့ခံ ခုခံတိုက်ပွဲဝင်၊ စစ်အစိုးရဘက်မှ အဆုံးအရှုံးများများပြား၊ အစိုးရ၏ ထိုးစစ်ကို ဆန့်ကျင်သည့် လူထုလှုပ်ရှားမှုများ တစတစ အားကောင်းလာ၊ အပစ်အခတ်ရပ်စဲရေး လုပ်ထားခဲ့ကြသည့် အခြားတိုင်းရင်းသား လက်နက်ကိုင်အဖွဲ့အစည်းများကလည်း ကန့်ကွက်လာ၊ နိုင်ငံတကာဖိအားများလည်း သက်ရောက်လာ၊ သူ့နယ်မြေအတွင်း လက်နက်ကြီးများကျရောက်ခြင်းကြောင့် တရုတ်အစိုးရ၏ ဖိအားလည်း ကျရောက်လာ၊ စသည်တို့ ပေါင်းဆုံသွားခြင်းကြောင့် ထိုးစစ်ရပ်ရန် ဆုံးဖြတ်လိုက်ခြင်းဟု သုံးသပ်သည်။

(၅) မည်သို့ပင်ဖြစ်စေ၊ ၂၀၁၃ ခုနှစ် ဇန်န၀ါရီလ ၁၉ ရက် နံက်ခြောက်နာရီမှ စတင်ပြီး နယ်မြေရှင်းလင်းစစ်ဆင်ရေးများကို ရပ်ဆိုင်းလိုက်ခြင်းမှာမူ အပြုသဘောဘက်ကို ဦးတည်စေနိုင်မည့် ခြေလှမ်းဟု မှတ်ယူနိုင်ပါမည်။ တကယ်တန်း အပြုသဘောဘက်ကို ဦးတည်မတည် ဆိုသည်မှာ ဦးသိန်းစိန် ဆက်လှမ်းမည့် နိုင်ငံရေးခြေလှမ်းနှင့် ဆိုင်ပါမည်။ ဘာမှန်းမသိသော နိုင်ငံရေးဆွေးနွေးပွဲ ဟူသည်များဖြင့် နှစ်ပေါင်းမြောက်များစွာ အချိန်ဆွဲထားသည့်အချိန်တွင် စစ်အစိုးရက ၂၀၀၈ ဖွဲ့စည်းပုံကို ဆက်လက်အသက်သွင်း ခိုင်မာအောင်လုပ်သွားနိုင်မည့် အနေအထားကို ကေအိုင်အိုက စိုးရိမ်ပုံရသည်။

(၆) ပြည်တွင်းငြိမ်းချမ်းရေးကို စစ်မှန်စွာတည်ဆောက်လိုပါက ဦးသိန်းစိန်အစိုး၇အနေဖြင့် ဖက်ဒရယ်ပြည်ထောင်စု တည်ဆောက်ခွင့်ရစမည့် နိုင်ငံရေးလုပ်ငန်းစဉ်များ လုပ်ဆောင်သွားမည်ဖြစ်ကြောင်း အတိအလင်းကြေငြာလျှက် နိုင်ငံရေးဆွေးနွေးပွဲများ တက်ရောက်လာရန် ဖိတ်ခေါ်သင့်သည်၊ ကေအိုင်အိုက တင်သွင်းလာမည့် နိုင်ငံရေးတောင်းဆိုချက်များကို လက်ခံစဉ်းစားသင့်သည်ဟု သုံးသပ်သည်။

(၇) အဓိကအားဖြင့် စစ်ဘေးဒုက္ခသည်များ၏ ဘ၀ကို ထိထိရောက်ရောက် ပြန်လည်ကုစားပေးရန်ဖြစ်သည်။ ၁၉၉၄ အပစ်အခတ်ရပ်စဲရေးကို စတင်ချိုးဖေါက် တိုက်ခိုက်သူမှာ အစိုးရဘက်မှဖြစ်သည်။ အစိုးရတပ်များက မီးတင်ရှို့ခဲ့သဖြင့် မီးလောင်ပျက်စီး ဆုံးရှုံးသွားခဲ့သည့် လူထု၏ နေအိမ်များကို ပြန်လည်ဆောက်လုပ်ပေးရန်၊ ဆုံးရှုံးသွားခဲ့သည့် ပစ္စည်းများအတွက် လျော်ကြေးပေးရန်၊ နေအိမ်များ၊ ဆေးပေးခန်းများ၊ ဘုရားရှိခိုးကျောင်းများအား မီးရှို့ဖျက်ဆီးခြင်းမှာ စစ်ရာဇ၀တ်မှု ကျူးလွန်ရာရောက်သဖြင့် ပြစ်မှုကျူးလွန်ခဲ့သူများကို ဖေါ်ထုတ်ပြီး အရပ်ဘက်ဆိုင်ရာ တရားရုံးတွင် ရုံးတင် တရားစွဲဆို အပြစ်ပေးရန် လိုအပ်သည်။

(၈) အစိုးရဆိုလျှင် လူထု၏ လုံခြုံမှုကို တာဝန်ယူရမြဲဖြစ်သည်။ ဤသည်မှာ တကမ္ဘာလုံးရှိ အစိုးရအားလုံး မည်သည့်အစိုးရမျှ မငြင်းနိင်သော အနိမ့်ဆုံးတာဝန် ဖြစ်သည်။ ဇန်န၀ါရီလ (၁၄) ရက်နေ့တွင် လိုင်ဇာမြို့ပေါ်သို့ လက်နက်ကြီးများ ကျရောက်ပြီး အရပ်သားလူထုများ သေကြေဒဏ်ရာရခဲ့ကြသည်။ ယင်းအတွက် ဦးသိန်းစိန် အစိုးရတွင် လုံးဝတာဝန်ရှိသည်။ ၄င်းတို့စစ်တပ်မှ ပစ်ခြင်းမဟုတ်ဟု ဘူးကွယ်ရုံမျှနှင့် မလုံလောက်။ အခြားမည်သည့် အဖွဲ့အစည်းက ပစ်ကြောင်းလည်း အစိုးရက မဖေါ်ထုတ်နိုင်။ စစ်လေယာဉ်ဖြင့် ထိုးစစ်ဆင်တိုက်ခိုက်ခဲ့ပါလျှက် ရိက္ခာပို့တာပါ ငြင်းခဲ့ပြီး နောက်ပိုင်းကျမှ ထိုးစစ်ဆင်တိုက်ခိုက်တာပါ ဟူ၍ အစိုးရက ဗြောင်လိမ်ခဲ့သည့် သာဓက ရှိသည်။ လက်နက်ကြီးများဖြင့် ပစ်ခတ်သည်မှာ အစိုးရတပ်မှလွဲ၍ အခြားမရှိ။ သေဆုံးသွားခဲ့သူ လူတဦးလျှင် အနည်းဆုံး အမေရိကန် ဒေါ်လာငွေ တသိန်းထက် မနည်းသော လျော်ကြေးငွေ ပေးအပ်ရန် အစိုးရတွင် တာဝန်ရှိသည်။

(၉) ကချင်ပြည်နယ်အတွင်း ကေအိုင်အေ ထိမ်းချုပ်ထားရာနေရာများတွင် ရောက်ရှိခိုလှုံနေကြသော စစ်ဘေးဒုက္ခသည်ဦးရေမှာ ခုနှစ်သောင်းကျော်မျှ ရှိသည်ဟု သိရသည်။ ကုလသမဂ္ဂအပါအ၀င် နိုင်ငံတကာအဖွဲ့အစည်းများက ၄င်းတို့အတွက် ရိက္ခာဆေးဝါးများ၊ အခြားလိုအပ်သော လူမှုရေးအကူအညီများ ပေးအပ်ရန်ကြိုးပမ်းသည်ကို ဦးသိန်းစိန်အစိုးရက လူသားချင်း စာနာစိတ်ကင်းမဲ့စွာ ပိတ်ဆို့ထားခဲ့သည်။ ဤသည်မှာ မြန်မာနိုင်ငံက လက်မှတ်ရေး ထိုးအတည်ပြုထားသော ၁၉၄၉ ခုနှစ် ဂျီနီဗာကွန်ဗင်းရှင်း (Geneva Convention relative to the Protection of Civilian Persons in Time of War) ပုဒ်မ ၂၃ ကို ချိုးဖေါက်၍ နိုင်ငံတကာပြစ်မှုကြီး ကျူးလွန်ခြင်းဖြစ်သည်။ နိုင်ငံတကာပြစ်မှုဆိုင်ရာ တရားရုံး ရောမဥပဒေ (Rome Statue of the International Criminal Court) ၏ ပုဒ်မ (၈) စစ်ရာဇ၀တ်မှု ဆိုင်ရာ ပြဌာန်းချက် ပုဒ်မခွဲ (၂) အပုဒ် (၂၅) ကို ချိုးဖေါက်ကျူးလွန်ရာရောက်သည်။ ကချင်ပြည်နယ်တခုလုံးအတွင်းရှိ စစ်ဘေးဒုက္ခသည်များ အားလုံးအား ပေးအပ်မည့် လူသားချင်းစာနာထောက်ထားသည့် အကူအညီမှန်သမျှ ချက်ခြင်းရရှိကြစေရန် ဦးသိန်းစိန်အစိုးရက အမြန်ဆုံး ဆောင်ရွက်ရန် တောင်းဆိုသည်။

အောင်ထူး (ရှေ့နေ) (မဟာဝိဇ္ဇာ၊ လူ့အခွင့်အရေး)
၂၀၁၃ ခုနှစ် ဇန်န၀ါရီလ ၁၈ ရက်

---------------------------------------------------------------------------------

ပြည်ထောင်စုသမ္မတမြန်မာနိုင်ငံတော် သတင်းထုတ်ပြန်ရေးအဖွဲ့
သတင်းထုတ်ပြန်ချက် (၃/၂၀၁၃) ၁၃၇၄ ခုနှစ် ၊ ပြာသိုလဆန်း ၇ ရက် (၂၀၁၃ ခုနှစ် ၊ ဇန်နဝါရီလ ၁၈ ရက်)

၁။ ကချင်ပြည်နယ်၊ လဂျားယန်ဒေသတွင် KIO/KIA လက်နက်ကိုင်တပ်ဖွဲ့များက လဂျားယန် တပ်မတော်စခန်းအား ၂၀၁၂ ခုနှစ် မတ်လမှစတင်ပြီး ဝန်းရံပိတ်ဆို့ထားခြင်း၊ လဂျားယန်စခန်းသို့ ရိက္ခာပို့ဆောင်သည့် တပ်မတော်စစ်ကြောင်းများကို ချုံခိုတိုက်ခိုက်ခြင်း၊ မြစ်ကြီးနား-ဗန်းမော် ပြည်ထောင်စုလမ်းမကြီးကို အများပြည်သူများ အသုံးမပြုနိုင်အောင် ပိတ်ဆို့ထားခြင်း၊ တံတားများကို မိုင်းခွဲဖျက်ဆီးခြင်းများအား ပြုလုပ်ခဲ့သည့်အတွက် ၂၀၁၂ ခုနှစ်၊ ဒီဇင်ဘာလ ၂၇ ရက်မှ စတင်၍ ပွိုင့် ၇၇၁ တောင်ကုန်း အပါအဝင် လဂျားယန်ဒေသရှိ KIO/ KIA ခြေကုတ်စခန်းများအား တပ်မတော်စစ်ကြောင်းများမှ ရှင်းလင်းတိုက်ခိုက်မှုများ ပြုလုပ်ခဲ့ရသည်။

၂။ ၂၀၁၁ ခုနှစ် ဇွန်လ၌ တပ်မတော်နှင့် KIO/KIA ကြား တိုက်ခိုက်မှုများ ပြန်လည်ဖြစ်ပွားချိန်မှစပြီး တပ်မတော်အနေဖြင့် နိုင်ငံတော်သမ္မတ၏ ညွှန်ကြားချက်အတိုင်း မိမိကိုယ်မိမိ ခုခံကာကွယ်နိုင်ရန်အတွက်သာ ပစ်ခတ်မှုများ ပြုလုပ်ခဲ့သည်။ သို့သော် KIO/KIA လက်နက်ကိုင်တပ်ဖွဲ့များအနေဖြင့် လဂျားယန်စခန်းရှိ တပ်မတော်သားများထံသို့ ရိက္ခာပို့ဆောင်သည့် တပ်မတော် စစ်ကြောင်းများကို သုံးကြိမ် ချုံခိုတိုက်ခိုက်ခဲ့သည့်အတွက် တပ်မတော်သား(၃၅)ဦး ကျဆုံးကာ (၁၉ဝ)ဦး ဒဏ်ရာရရှိခဲ့သည်။ အဆိုပါ လဂျားယန်စခန်းမှာ ၁၉၉၄ ခုနှစ် အပစ်အခတ် ရပ်စဲရေးမတိုင်မီ (KIO/KIA တို့၏ လိုင်ဇာစခန်းမရှိမီ) ကပင် တပ်မတော်က အခြေစိုက်၍ နယ်မြေလုံခြုံရေး ဆောင်ရွက်ခဲ့သည့် စခန်းဖြစ်ပြီး ထိုစခန်းသို့ ရိက္ခာများ ပို့ဆောင်မည်ဖြစ်ကြောင်းကိုလည်း KIO/KIA အဖွဲ့သို့ ကြိုတင်အသိပေးပြီးမှ ဆောင်ရွက်ခဲ့သည့်တိုင် KIO/KIA အဖွဲ့က ကြားဖြတ်တိုက်ခိုက်ခဲ့ခြင်းဖြစ်သည်။ ထိုကဲ့သို့ ရိက္ခာပို့ဆောင်နိုင်ခြင်း မရှိသည့်အတွက် စခန်းအတွင်းရှိ တပ်မတော်သား စစ်သည်များအနေဖြင့် စားနပ်ရိက္ခာများ ပြတ်လပ်ပြီး အသက်အန္တရာယ် စိုးရိမ်ရသည့် အခြေအနေကို ရောက်ရှိလာသောကြောင့် စစ်သည်များ အသက်ဆုံးးမှုမှ ကာကွယ်နိုင်ရန်အတွက် အထက်ပါနယ်မြေ ရှင်းလင်းမှုများကို တပ်မတော်က မလွဲမရှောင်သာ ဆောင်ရွက်ခဲ့ရခြင်း ဖြစ်သည်။

၃။ လေကြောင်းပစ်ကူ ရယူခဲ့ရခြင်းမှာလည်း KIO/KIA တပ်စခန်း ပစ်မှတ်များကိုသာ တိတိကျကျ ထိမှန် ချေမှုန်းနိုင်ရန်နှင့် စစ်ပွဲနှင့်မသက်ဆိုင်သော အရပ်သားပစ်မှတ်များကို ရှောင်လွဲလိုသောကြောင့်ဖြစ်သည်။ KIO/ KIA တပ်များသည် လဂျားယန်စခန်းအား အပြင်မှ သံဆူးကြိုးခတ်၍ အဆက်အသွယ် ဖြတ်တောက်ထားသောကြောင့် တပ်စခန်းအတွင်းရှိ တပ်မတော်သားစစ်သည်များအတွက် ရိက္ခာပို့ရန်၊ စစ်ရေးအရ တိုက်ခိုက်ရန်သာ ရှိသဖြင့် မလုပ်မဖြစ် လုပ်ခဲ့ရခြင်းဖြစ်သည်။ တပ်မတော်သည် ငြိမ်းချမ်းရေးစကားဝိုင်းမှတစ်ဆင့် မိမိတပ်စခန်းများကို ရွှေ့ပြောင်းပေးရန် ဆုံးဖြတ်ထားခဲ့သော်လည်း တစ်ဘက်လက်နက်ကိုင် အဖွဲ့အစည်းဖြစ်သည့် KIO/KIA မှ လာရောက်ခြင်းမရှိဘဲ နိုင်ငံတော်အစိုးရမှ ကမ်းလှမ်းချက်ကို ပယ်ချခဲ့ခြင်းနှင့် ရွှေလီဆွေးနွေးပွဲကို ပျက်ပြားစေခဲ့ခြင်း စသည့် အကြောင်းအချက်များသည် ယခုတိုက်ပွဲများကို ဖိတ်ခေါ်သကဲ့သို့ ဖြစ်လာစေသည်။

၎။ ယခုအခါ တပ်မတော်အနေဖြင့် လဂျားယန်စခန်းရှိ စစ်သည်များ လုံခြုံရေးနှင့် မြစ်ကြီးနား-ဗန်းမော် ပြည်ထောင်စုလမ်းမကြီး လုံခြုံရေးအတွက် လိုအပ်သည့် ကန့်သတ်ရည်မှန်းချက်များကို ရရှိပြီးဖြစ်သောကြောင့် ၂၀၁၃ ခုနှစ်၊ ဇန်နဝါရီလ ၁၉ ရက် ၀၆း၀၀ နာရီမှ စတင်ပြီး လဂျားယန်ဒေသရှိ နယ်မြေရှင်းလင်းမှု စစ်ဆင်ရေးများကို ရပ်ဆိုင်းမည်ဖြစ်ကြောင်း သိရှိရသည်။

၅။ တပ်မတော်အနေဖြင့် နိုင်ငံတော် သမ္မတ၏ ညွှန်ကြားချက်ဖြစ်သည့် မိမိကိုယ်မိမိ ခုခံကာကွယ်ရန်မှအပ ပစ်ခတ်တိုက်ခိုက်မှုများ မပြုလုပ်ရန် ဆိုသည့်အချက်ကို တိကျစွာ လိုက်နာသွားမည်ဖြစ်ကြောင်း တပ်မတော်ကာကွယ်ရေးဦးစီးချုပ်က ထပ်မံအတည်ပြု ပြောကြားသည်။ သို့သော် လက်နက်ကိုင် ပဋိပက္ခတစ်ခုတွင် တင်းမာမှု အရှိန်လျော့ကျစေရန်အတွက် နှစ်ဘက်လုံးက တိုက်ခိုက်မှုများကို ရပ်ဆိုင်းထားရန် လိုအပ်မည်ဖြစ်သည်။ ထို့ကြောင့် KIO/KIA အနေဖြင့်လည်း တပ်မတော်တပ်ဖွဲ့များကို စတင်တိုက်ခိုက်မှုမပြုရေး လက်အောက်တပ်ဖွဲ့များကို ညွှန်ကြားကြပ်မတ်သွားရန် တိုက်တွန်းသည်။ ပြီးခဲ့သော ဖြစ်စဉ်များကို ပြန်လည် လေ့လာပါက မိမိကိုယ်ကို ခုခံကာကွယ်ရုံမှအပ ချီတက် ထိုးစစ်ဆင် တိုက်ခိုက်ခြင်း မပြုရန် နိုင်ငံတော်သမ္မတရုံး၏ ညွှန်ကြားချက် ရရှိခဲ့သည့် ၂၀၁၁ ခုနှစ်၊ ဒီဇင်ဘာလ ၁၀ ရက်မှ ၂၀၁၃ ခုနှစ်၊ ဇန်နဝါရီလ ၁၅ ရက် အထိ KIO/KIA အဖွဲ့အနေဖြင့် လမ်းတံတား ဖောက်ခွဲဖျက်ဆီးမှု (၁၂၂)ကြိမ်၊ မိမိတပ်စခန်းများအား လာရောက်ငေ့်ယှက်ပစ်ခတ်ခြင်း (၆၄) ကြိမ်၊ အရပ်သားများ မိုင်းနင်းမိခြင်း (၃ဝ)ကြိမ်၊ လုယက် ဖျက်ဆီးခြင်း (၆ဝ)ကြိမ်၊ လူသစ် စုဆောင်းခြင်းနှင့် အဓမ္မဖမ်းဆီးခြင်း (၂၈) ကြိမ်ရှိခဲ့ပြီး မိမိတပ်များနှင့် ထိတွေ့မှုပေါင်း (၁ဝ၉၅) ကြိမ် ဖြစ်ပွားခဲ့ကာ ၎င်းဖြစ်စဉ်များတွင် အရာရှိစစ်သည် အများအပြား ကျဆုံးခြင်း၊ ဒဏ်ရာရခြင်းများ ရှိခဲ့သည်။

၆။ ထို့ပြင် ကချင်ပြည်နယ်အတွင်း ပြန်လည်ဖြစ်ပွားလာသည့် တိုက်ပွဲများကြောင့် ဒုက္ခရောက်နေရသည့် ပြည်သူများကို စာနာထောက်ထားသောအားဖြင့် အများပြည်သူ အသုံးပြုနေသည့် ကားလမ်း၊ ရထားလမ်းများကို ပိတ်ဆို့ခြင်း၊ မိုင်းခွဲတိုက်ခိုက်ခြင်းများ မပြုလုပ်ရန်လည်း လိုအပ်မည်ဖြစ်သည်။ လက်ရှိအချိန်တွင် KIO/KIA လက်နက်ကိုင်အဖွဲ့များက မန္တလေး-မြစ်ကြီးနား ရထားလမ်းတွင် မိုင်းခွဲတိုက်ခိုက်မှု (၅၆) ကြိမ်၊ မြစ်ကြီးနား-ဆွမ်ပရာဘွမ် ပူတာအိုလမ်းတွင် မိုင်းခွဲ တိုက်ခိုက်မှု (၁၅) ကြိမ်၊ မြစ်ကြီးနား- ဗန်းမော် ကားလမ်းတွင် မိုင်းခွဲတိုက်ခိုက်မှု (၄၂) ကြိမ် ပြုလုပ်ခဲ့သည့်အတွက် ပြည်သူများ ထိခိုက်ဒဏ်ရာရ အသက်ဆုံးရှုံးမှုများရှိသကဲ့သို့ လမ်းပန်းဆက်သွယ်ရေးများလည်း ပြတ်တောက်ခဲ့ရသည်။ ထိုကဲ့သို့ တိုက်ခိုက်မှုများကြောင့် ကချင်ပြည်နယ်တွင် ကုန်ဈေးနှုန်းများ ကြီးမြင့်လာခဲ့ပြီး အထူးသဖြင့် ပူတာအိုဒေသရှိ ပြည်သူများ အနေဖြင့် စားနပ်ရိက္ခာ ရှားပါးမှုနှင့် ရင်ဆိုင်နေရသဖြင့် တပ်မတော်လေယာဉ်များနှင့်ပါ ရိက္ခာများ ကူညီပို့ဆောင်ပေးလျက် ရှိသည်။ တပ်မတော်အနေဖြင့် အရပ်ဘက်ပစ်မှတ်များကို လုံးဝတိုက်ခိုက်ခြင်းမပြုရန် ညွှန်ကြားထားပြီးဖြစ်သဖြင့် KIO/KIA လက်နက်ကိုင်အဖွဲ့အနေဖြင့်လည်း အများပြည်သူ သွားလာနေသည့် ရထားလမ်း၊ ကားလမ်းများကို နှောင့်ယှက် တိုက်ခိုက်နေခြင်းများအား ရပ်ဆိုင်းရန် လိုအပ်မည်ဖြစ်သည်။ သို့မှသာ လက်နက်ကိုင်တိုက်ခိုက်မှုများ အရှိန်လျော့ကျလာသည့်နှင့်အမျှ ဒေသခံပြည်သူများအတွက် စီးပွားရေး၊ လူမှုရေး အကူအညီများနှင့် ပြန်လည်ထူထောင်ရေးလုပ်ငန်းများကို ပိုမိုဆောင်ရွက်ပေးနိုင်မည်ဖြစ်သည်။

၇။ နိုင်ငံတော်အစိုးရသည် အမျိုးသားပြန်လည်စည်းလုံးညီညွတ်ရေးနှင့် တိုင်းရင်းသားစည်းလုံးညီညွတ်ရေးတို့အတွက် တိုင်းရင်းသားလက်နက်ကိုင် အဖွဲ့အစည်းအားလုံးနှင့် ထာဝရငြိမ်းချမ်းရေး တည်ဆောက်နိုင်အောင် အပစ်အခတ်ရပ်စဲရေးမှတစ်ဆင့် ခိုင်မာသည့် နိုင်ငံရေးဆွေးနွေးမှုများကို ဆက်လက်လုပ်ဆောင်သွားမည်ဖြစ်သည်။ KIO/KIA နှင့်လည်း ငြိမ်းချမ်းရေးဆွေးနွေးမှုများ ဆက်လက်ပြုလုပ်မည်ဖြစ်သည်။ နောင်တွေ့ဆုံ ဆွေးနွေးမှုများတွင် KIO/KIA လက်နက်ကိုင်အဖွဲ့မှ တပ်ပိုင်းဆိုင်ရာများကို အဆုံးအဖြတ်ပေးနိုင်သည့် ပုဂ္ဂိုလ်များက တပ်မတော်နှင့် တွေ့ဆုံဆွေးနွေး ညှိနှိုင်းရန် လိုအပ်သည်။

၈။ နိုင်ငံတော်အစိုးရသည် ကချင်ပြည်နယ်အတွင်း ငြိမ်းချမ်းရေးနှင့် တိုင်းရင်းသားစည်းလုံးညီညွတ်ရေးကို တည်ဆောက်နိုင်ရန်အတွက် KIO/KIA အပါအဝင် တိုင်းရင်းသားပြည်သူအားလုံးနှင့် လက်တွဲဆောင်ရွက်သွားရန် အသင့်ရှိကြောင်း သတင်းထုတ်ပြန်အပ်ပါသည်။


ဗွီအိုအေ (မြန်မာပိုင်း)

မြန်မာနိုင်ငံမြောက်ပိုင်းမှာ ကချင်လက်နက်ကိုင် တပ်တွေအပေါ် ထိုးစစ်တွေ ဆင်နွှဲနေတာကို စနေနေ့ မနက်ကစပြီး ရပ်ဆိုင်းမှာ ဖြစ်တဲ့အကြောင်း အစိုးရက ကြေညာလိုက်ပါတယ်။ ကချင်လွတ်မြောက်ရေးအဖွဲ့ (KIO) က မြန်မာစစ်တပ်ရဲ့ စစ်ကြောင်းတွေကို တိုက်ခိုက်မှုကြောင့် လက်တုန့်ပြန်တဲ့ အနေနဲ့ နယ်မြေရှင်းလင်းမှုတွေကို လုပ်ဆောင်ခဲ့တာသာ ဖြစ်တယ်လို့ ပြောဆိုခဲ့ပြီး အခုအခါ ရည်ရွယ်ထားတဲ့ နယ်မြေတွေကို ထိန်းချုပ်နိုင်ပြီ ဖြစ်တာကြောင့် ထိုးစစ်တွေ ရပ်မှာ ဖြစ်တဲ့အကြောင်း ပြန်ကြားရေး ၀န်ကြီးဌာနက သောကြာနေ့ နှောင်းပိုင်းမှာ ကြေညာချက် ထုတ်ပြန်ခဲ့တာပါ။ ကချင်လက်နက်ကိုင် တပ်တွေက ပြီးခဲ့တဲ့ နှစ်ကုန်ပိုင်းကစလို့ ဒီနှစ်ဆန်းပိုင်းအထိ မြန်မာစစ်တပ်ကို တိုက်ခိုက်မှုတွေ၊ အရပ်သားတွေကို ပစ်ခတ် လုယက်တာတွေနဲ့ လမ်းတံတားတွေ ဖျက်ဆီးတာတွေ ရှိခဲ့တယ်လို့လည်း စွပ်စွဲခဲ့ပါတယ်။

တိုက်ပွဲပေါင်း ၁၀၀၀ ကျော် ဖြစ်ပွားပြီး လေကြောင်းက အကူအညီနဲ့ တိုက်ခိုက်ခဲ့ကြောင်း ပြောဆိုခဲ့ပေမဲ့ ဒါဟာ ပစ်မှတ်ကို တိတိကျကျ ထိမှန်အောင် ရည်ရွယ်တာလို့လည်း ပြောခဲ့တာပါ။ မြန်မာအစိုးရ အနေနဲ့ ပဋိပက္ခတွေကို ဆွေးနွေး အဖြေရှာဖို့ ဆက်လက် ဆန္ဒရှိကြောင်းလည်း ကြေညာချက်က ဖော်ပြခဲ့ပါတယ်။ ပဋိပက္ခတွေ ကြီးထွားလာတဲ့အတွက် ကုလသမဂ္ဂ အပါအ၀င် နိုင်ငံတကာနဲ့ ဒေသတွင်းက စိုးရိမ်မှုတွေနဲ့ ဝေဖန်မှုတွေ ထွက်ပေါ်လာချိန်မှာပဲ အစိုးရရဲ့ ကြေညာချက် ထွက်ပေါ်လာတာလည်း ဖြစ်ပါတယ်။ မနေ့တုန်းကလည်း တိုက်ပွဲတွေအတွင်း လက်နက်ကြီးကျည်ဆံတွေ နယ်စပ်ဖြတ်ကျော် ကျရောက်ခဲ့တဲ့အတွက် အိမ်နီးချင်း တရုတ်နိုင်ငံကလည်း အပြင်းအထန် ကန့်ကွက်လိုက်ပြီး၊ ပဋိပက္ခတွေကို ညှိနှိုင်းဖြေရှင်းဖို့ တိုက်တွန်းခဲ့တာ ဖြစ်ပါတယ်။

သောကြာနေ့ အစောပိုင်းမှာတော့ ကြီးထွားလာနေတဲ့ ပဋိပက္ခတွေ အဆုံးသတ်စေမယ့် အစီအစဉ်တွေကို အမြန်ဆုံး အကောင်အထည် ဖော်နိုင်ဖို့ နေပြည်တော်မှာ ကျင်းပတဲ့ လွှတ်တော်အတွင်း အရေးပေါ် အဆိုတရပ်ကို တခဲနက် အတည်ပြု ခဲ့ကြတာပါ်။ စစ်ပွဲတွေ အမြန်ဆုံး ရပ်ဆိုင်းပြီး ငြိမ်းချမ်းရေး ရှေ့ရှုတဲ့ ဆွေးနွေးမှုတွေ စတင်ဖို့ ကချင်ပြည်နယ် အင်ဂျန်းယန် မြို့နယ်က ပြည်သူ့လွှတ်တော် ကိုယ်စားလှယ် ဒေါ်ဒွဲဘူ အဆိုတရပ် တင်သွင်းခဲ့တာကို လွှတ်တော် ကိုယ်စားလှယ်တွေ အားလုံးက ကန့်ကွက်သူမရှိ ထောက်ခံခဲ့ကြတာ ဖြစ်ပါတယ်။

ပြီးခဲ့သည့် သီတင်းပတ်များက ကေအိုင်အေအပေါ် ဆင်နွှဲခဲ့သော အစိုးရတပ်ဖွဲ့များ၏ တိုက်ခိုက်မှုများ ကို ဆယ်စုနှစ် များစွာကြာညောင်းခဲ့ သည့် ပြည်တွင်းစစ်အတွင်း အပြင်း ထန်ဆုံးသော တိုက်ခိုက်မှုများအဖြစ် ရှုမြင်နိုင်ပါသည်။ ပထမဆုံး အကြိမ် အနေဖြင့် စစ်ရဟတ်ယာဉ်များနှင့် လေယာဉ်များသုံး၍ တိုက်ခိုက်ခဲ့ခြင်း လည်းဖြစ်သည်။ တိုက်ခိုက်မှု အများ စုက တရုတ်နိုင်ငံအနီး နယ်စပ်မြို့ ကလေးဖြစ်သည့် လိုင်ဇာရှိ ကေအိုင် အေဌာနချုပ်ဝန်းကျင်တစ်ဝိုက်တွင် ဖြစ်ပွားခဲ့သည်။ အစိုးရက ကချင် တော်လှန်ရေးကို ချေမှုန်း၍ ကေအိုင် အေစိုးမိုးရာဒေသကို ထိန်းချုပ်ရန် စိတ်ပိုင်းဖြတ် ထားဟန်လည်း ရှိသည်။

ဤစစ်ဆင်ရေးက အစိုးရနှင့် အပစ်အခတ်ရပ်စဲရေးသဘောတူညီ မှုများ ရယူထားသော အခြားတိုင်း ရင်းသား လူမျိုးစုတပ် တစ်ဒါဇင်ခန့် ကို အချက်ပေးလိုက်သလိုလည်း ဖြစ်နေသည်။အဓိကအားဖြင့် တောင် ပိုင်း ထိုင်းနယ်စပ်တွင် အခြေစိုက် ထားသည့် တိုင်းရင်းသားလက်နက် ကိုင်အုပ်စု ၁၂ စု၏ ညီညွတ်သော တိုင်းရင်းသား လူမျိုးစုများ ဖက်ဒရယ် ကောင်စီ (UNFC) က ဇန်နဝါရီ ၁ ရက်က ထုတ်ပြန်ခဲ့သော ကြေညာ ချက်တစ်ခုတွင် ထိုးစစ်က သူတို့ကို လည်း ခြိမ်းခြောက်သလို ခံစားရ ကြောင်းနှင့် အကွဲကွဲအပြားပြားဖြစ် နေသော တိုင်းရင်းသားလက်နက်ကိုင် အဖွဲ့များကြား ညီညွတ်ရေးကို လည်း တောင်းဆိုကြောင်း ဖော်ပြ ခဲ့သည်။ “ကျွန်တော်တို့ အခု စုပေါင်းလုပ်ဆောင်မှု မပြုနိုင်ရင်တော့ တစ်ခုချင်း အဖျက်ဆီးခံကြရလိမ့်မယ်” ဟု အဆိုပါ ကြေညာချက်ကို ချမှတ်သည့် အစည်းအဝေးတွင် ပါဝင် တက်ရောက်ခဲ့သူတစ်ဦးက ဆိုပါသည်။

သမ္မတရုံး ဝန်ကြီးတစ်ဦး ဖြစ်သော ဦးအောင်မင်းက အမေရိကန် ပြည်ထောင်စု National Public Radio နှင့် ဇန်နဝါရီ ၇ ရက်က တွေ့ဆုံရာတွင် အစိုးရတပ်များ ဝင်ရောက်၍ စားနပ်ရိက္ခာ ပေးပို့နိုင်ရန် အတွက် လိုင်ဇာ အနီးရှိ သံဆူးကြိုး အကာအရံများ ဖယ်ရှားပေးရန် ကေအိုင်အေက ငြင်းဆိုခဲ့သည့် အတွက် တိုက်ခိုက်မှု ဖြစ်ပွားခဲ့ရကြောင်း ထုတ်ဖော်ပြောဆိုခဲ့သည်။ ဤအဖြစ် အပျက်က မီးလောင်ရာ လေပင့်သလိုသာ ဖြစ်စေ ခဲ့သည်။ အကြောင်းမှာ လေကြောင်း တိုက်ခိုက်မှုများက ခရစ္စမတ်အကြိုနေ့တွင် အကြီးအကျယ် စတင် ဖြစ်ပွားခဲ့၍ ဖြစ်သည်။ ဗုဒ္ဓ ဘာသာဝင် အများစုနိုင်ငံတွင် ကချင် အများစုမှာ ခရစ်ယာန်ဘာသာဝင် များဖြစ်ကြသည်။ “ဒါကို ကျွန်တော်တို့ ဘယ်တော့မှ မေ့မှာ မဟုတ်ဘူး။ ဘယ်တော့မှလဲ ခွင့်လွှတ်မှာ မဟုတ်ဘူး” ဟု ကချင်လူမှု အသိုင်းအဝိုင်း လုပ်သား တစ်ဦးက ပြောပါသည်။

ဤထိုးစစ်အတွက် ကြိုတင် ပြင်ဆင်မှုများကို လွန်ခဲ့သော လ ပေါင်းများစွာကတည်းက စတင်ပြု လုပ်ခဲ့ကြောင်း လွတ် လပ်သော လေ့လာသူများက ထောက်ပြကြသည်။ အစိုးရဘက်က အမြောက်အပါအဝင် လက်နက်ကြီး များကို ရွှေ့ပြောင်း ခဲ့ကြသည်။ နိုဝင်ဘာလအတွင်းက မြန်မာနိုင်ငံအရှေ့ပိုင်း ကရင်ပြည် နယ်တွင် စပါးခင်းနှင့် အခြား စိုက်ခင်းများထဲ သို့ လေယာဉ်များက ဗုံးများကြဲချ၍ စက်သေနတ်ဖြင့် ပစ်ခတ်ခဲ့ကြရာ ရွာသူ ရွာသားများ အထိတ်တလန့်ဖြစ်ခဲ့ကြရသည်။ ထိုဒေသရှိ လူမျိုးစု တိုင်းရင်းသား လက်နက်ကိုင်အဖွဲ့ဖြစ်သော ကေအန် ယူမှာ အစိုးရနှင့် အပစ်အခတ်ရပ်စဲ ထားခဲ့ကြသောကြောင့် ထိုတိုက်ခိုက်မှုက ဒေသခံ တစ်ဦးတလေကိုမျှ ထိခိုက်မှု မရှိသော်လည်း လုံးဝ ထင်မှတ်မထားသော အချိန်အခါတွင် ဖြစ်ပျက်ခဲ့ခြင်းဖြစ်သည်။ လေယာဉ် များမှာ စစ်ရေး လေ့ကျင့်ခြင်းသာ ဖြစ်ကြောင်း အစိုးရက ဆိုခဲ့သည်။ နောင်မှ ယခု ကချင်ထိုးစစ်အတွက် ကြိုတင် လေ့ကျင့်မှုတစ်ခုဖြစ်မှန်း သိကြရတော့သည်။

ကချင်ပြည်နယ်တွင်း ရယူခဲ့သော ဓာတ်ပုံများအရ အသုံးပြုခဲ့သော လေယာဉ်များမှာ Hongdu JL 8 သို့မဟုတ် Karakorum 8 များ ဖြစ်ပြီး လွန်ခဲ့သည့် နှစ်များစွာက တရုတ်နိုင်ငံမှ ရခဲ့သော အပေါ့စား တိုက်လေယာဉ် အမျိုးအစားဖြစ်သည်။ စစ်ရဟတ်ယာဉ်များမှာ ရုရှားလုပ် Mi 35 များဖြစ်ပြီး ၁၉၈ဝ ခုနှစ်များ အတွင်းက အာဖဂန်တွင် အကျယ် အပြန့်အသုံးပြုခဲ့သော Mi 24 Hind ၏ ပြည်ပပို့ မူကွဲဖြစ်သည်။ ပထမ ဆုံး Mi 35 လေယာဉ်များကို ကေအိုင်အေနှင့် အပစ်အခတ် ရပ်စဲထား စဉ်ကာလ ၂ဝ၁ဝ ခုနှစ်၊ စက်တင်ဘာကပင် မြန်မာနိုင်ငံက ဝယ်ယူ ခဲ့ခြင်းဖြစ်သည်။ ၁၉၉၄ ခုနှစ်မှစ၍ ၁၇ နှစ်ကြာအောင် နယ်စပ်ဒေသ များ၏ အနာဂတ် အဆင့်အတန်းနှင့် ပတ်သက်သည့် နိုင်ငံရေးဆွေးနွေး မှုအတွက် စောင့်ဆိုင်းခဲ့ကြသော် လည်း အချည်းနှီး ဖြစ်ခဲ့ရကြောင်း ကချင်တို့က ဆိုပါသည်။ ၂ဝ၁၁ ခုနှစ်နှင့် ၂ဝ၁၂ ခုနှစ်အတွင်း ဆွစ်ဇာလန် အခြေစိုက် Centre for Humanitarion Dialogue ကဲ့သို့သော နိုင်ငံခြား စေ့စပ်ရေးသမားများ ပါဝင်သည့် ဆွေးနွေးပွဲအသစ် အကြိမ်ပေါင်း များစွာမှာလည်း အဖြေမထွက်နိုင်ခဲ့ချေ။

မြန်မာနိုင်ငံ၏ ဆယ်စုနှစ်များ စွာရှည်ကြာခဲ့သော ဤပြဿနာကို ဖြေရှင်းရေးနှင့်ပတ်သက်သည့် ရှုမြင် မှုများမှာ အခြေခံ အရ ခြားနားဆန့် ကျင်၍ သဟဇာတ မဖြစ်ကြပါ။ ကေအိုင်အေနှင့် အခြားတိုင်းရင်းသား အဖွဲ့များက ဖက်ဒ ရယ်ပြည်ထောင်စု အတွင်းတွင် ကိုယ်ပိုင်အုပ်ချုပ်ရေး ကို လိုချင်သည်။ အစိုးရက ဗဟို ချုပ်ကိုင်သည့် စနစ်တစ်ခုအတွက် အုတ်မြစ်ချထားသော လက်ရှိ ၂ဝဝ၈ အခြေခံဥပဒေကို ကာကွယ် သည်။ အခြား တိုင်းရင်းသား လူမျိုးစု လက်နက်ကိုင်အဖွဲ့များနှင့် ရရှိ ခဲ့သော အစိုးရ၏ အပစ်အခတ်ရပ်စဲရေး သဘောတူညီချက် များမှာ အခြေ ခံအားဖြင့် နိုင်ငံရေးပြဿနာကို အရှည်တည်တံ့မည့် အဖြေရှာခြင်း မဟုတ်ဘဲ၊ ရပ်တန့်သွားစေရုံသာ ရှိသည်ဟု ဝေဖန်သူ များက ဆိုကြသည်။ သို့ဆိုလျှင် အဆိုပါ အပစ် အခတ် ရပ်စဲရေးများမှာ ကျေလွယ် ပျက်လွယ် ရှိနေဆဲဖြစ်ပြီး ယခုအချိန် တွင် ပြိုပျက်ခဲ့ပြီးဖြစ်သော ကချင် နှင့် သဘောတူညီချက် များနည်းတူ ပြီးဆုံးသွားနိုင် ပါသည်။ နိုင်ငံအဝန်း တိုင်းရင်းသားလက်နက်ကိုင်တပ်များ တွင် အနည်းဆုံး ယောကျာ်း၊ မိန်းမ ၅ဝဝဝဝ မျှရှိပါသည်။

၂ဝ၁ဝ ခုနှစ်၊ နိုဝင်ဘာလတွင် ဒီမိုကရေစီခေါင်းဆောင် ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက် လာသောအခါ အချို့ သော တိုင်းရင်းသားအဖွဲ့များက အမျှော်လင့်ကြီး မျှော်လင့်ခဲ့ကြသည်။ ဗြိတိသျှ ကိုလိုနီဘဝမှ လွတ်မြောက် ရေးတိုက်ပွဲကို ခေါင်းဆောင်ခဲ့သော သူ၏ ဖခင် ဗိုလ်ချုပ်အောင်ဆန်းက ၁၉၄၇ ခုနှစ်တွင် မြန်မာနိုင်ငံ တိုင်း ရင်းသားလူနည်းစုအများအပြား၏ ကိုယ်စားလှယ်များနှင့် လက်မှတ် ရေးထိုးခဲ့သော ပင်လုံစာချုပ်ကို ရည်ညွှန်း၍ “ဒုတိယပင်လုံညီလာခံ” ကို ထိုစဉ်က သူတောင်းဆိုခဲ့သည်။ ထိုသဘောတူညီချက်က ၁၉၄၈ ခုနှစ် မြန်မာနိုင်ငံ လွတ်လပ်ရေး ကြေညာသောအခါတွင် အသက်ဝင် လာခဲ့သော ဖက်ဒရယ်ဖွဲ့စည်းပုံ အခြေခံဥပဒေ တစ်ရပ် အတွက် လမ်းခင်းပေးခဲ့သည်။

၁၉၄၇ ခုနှစ်တွင် နိုင်ငံရေး ပြိုင်ဘက်တစ်ဦးက ဗိုလ်ချုပ်အောင်ဆန်းကို လုပ်ကြံခဲ့သော်လည်း သူ၏ ပင်လုံ သဘောတူညီ ချက်ကိုမူ မြန်မာ ပထမအခြေခံဥပဒေတွင် ဂုဏ်ပြုပြဋ္ဌာန်းနိုင် ခဲ့ပါသည်။ သို့ တစေ တိုင်းရင်းသားလူနည်းစုအချို့ က လက်နက်ကိုင်တိုက်ပွဲဆင်နွဲခဲ့ ကြသဖြင့် နိုင်ငံမှာ ပြည်တွင်းစစ်နွံတွင်းသို့ ထိုးဆင်းခဲ့ရသည်။ ၁၉၆၂ ခုနှစ် တွင်မူ မြန်မာနိုင်ငံ၏ ပါလီမန် ဒီမို ကရေစီနှင့် ဖက်ဒရယ်ဝါဒ စမ်းသပ် ချက်မှာ စစ်အာဏာသိမ်းမှုဖြင့် နိဂုံး ချုပ်ခဲ့ရသည်။ ဗိုလ်ချုပ်ကြီးနေဝင်း ဦးဆောင်သော အစိုးရသစ်သည် တင်းကျပ်သော ဗဟိုကအာဏာ ချုပ်ကိုင်သည့် ဖွဲ့စည်းပုံကို ချမှတ် ခဲ့ရာ နှိုင်းယှဉ်ချက်အရ ငြိမ်းချမ်း သော ရှမ်းနှင့် ကချင်ပြည်နယ် များတွင် ပုန်ကန် ထကြွမှုသစ်များ အနှံ့ အပြား ထပ်မံပေါ်ပေါက်ခဲ့သည်။

ဒေါ်အောင်ဆန်းစုကြည်က “ဒုတိယပင်လုံ”ကို အစဖော်ပေးလိုက်ရာတွင် တိုင်းရင်းသားခေါင်း ဆောင်များနှင့် အဖွဲ့အစည်း အများအပြား၏ ထောက်ခံမှုကို ရခဲ့သော်လည်း လူနည်းစုများအတွက် ကိုယ်ပိုင်အုပ်ချုပ်ခွင့် အယူအဆကို ပြန်လည် ရှင်သန်အောင် လုပ်သည့်အတွက် အာဏာပိုင်များက သူ့ကို “သစ္စာဖောက်” တံဆိပ် ကပ်ခဲ့သည်။ ထိုစဉ်မှ စပြီး ဤအယူအဆနှင့် ပတ်သက်၍ သူနှုတ်ဆိတ်သွားခဲ့သည်။ ထို နှုတ်ဆိတ်မှုကြောင့် တစ်ချိန်က တိုင်းရင်းသား လူမျိုးစုဒေသများတွင် ရရှိခဲ့သော ထောက်ခံမှုကို သူဆုံးရှုံးခဲ့ရသည်။ သူ့တိုင်းပြည် တွင်း စစ်ပွဲတစ်ခုပေါ်ပေါက်လာချိန်တွင် လှုပ်ရှား ဆောင်ရွက်ရန် ပန်ကြားမှုများ အမြောက်အမြား ရှိသော်လည်း သူက အစဉ်တစိုက် ငြင်းဆိုခဲ့သည်။

အစိုးရတပ်နှင့် ကချင်ကြား ဆိုးရွားလာနေသော ပဋိပက္ခကို အစိုးရ သဘောတူခွင့်ပြုမှု မရှိဘဲ သူ ဝင်ရောက် ကူညီမည် မဟုတ်ကြောင်း၊ ဇန်နဝါရီ ၆ ရက်က ပြင်သစ် သတင်းဌာန အေအက်(ဖ)ပီသို့ ဒေါ်အောင်ဆန်းစုကြည် က ပြောကြားခဲ့သည်။ “ဒါက အစိုးရတာဝန်ပါ။ အခုအချိန်မှာ ဒီပြဿနာကို အစိုးရ က ကိုင်တွယ်ဆောင်ရွက်နေ ပါတယ်” ဟု သူကဆိုပါသည်။ ဤပြောဆို ချက်က ကချင်အများအပြားအကြား တုန်လှုပ်ခြောက်ခြား သွားစေခဲ့ ရုံမက ဒေါသပင် ပွားစေခဲ့သည်။ မကြာမီ က ဩစတြေးလျနိုင်ငံတွင် ဖြစ်ပွား သော ကချင်ဆန္ဒပြ လှုပ်ရှားမှု တစ်ခုတွင် ကန့်ကွက်ဆန္ဒပြသူ တစ်ဦးက ဒေါ်အောင် ဆန်းစုကြည် ပုံတူ၏ ပါးစပ်တွင် “ဆိတ်ဆိတ်နေခြင်း သည် အကြမ်းဖက်မှု”ဟူသော စာကပ်ပြီး သယ်ဆောင် ဆန္ဒပြခဲ့သည်။

၂ဝဝ၈ ခုနှစ် ဖွဲ့စည်းအုပ်ချုပ် ပုံအခြေခံဥပဒေသစ်မှာ တိုင်းရင်း သားပြဿနာဖြေရှင်းရေးအတွက် အဓိက အတား အဆီး ဖြစ်နေဆဲဖြစ်ကြောင်းကို သံသယပွားဖွယ် မရှိနိုင်ပါ။ နိုင်ငံတော်ဖွဲ့စည်းပုံနှင့် ဆုံးဖြတ်ချက် ချသည့် လုပ်ငန်းစဉ် တွင် စစ်ဘက်၏ အဆုံးစွန်ထိန်းချုပ်မှု ပါဝင်ပတ်သက်သည့် အထင်ရှားဆုံး အပိုဒ်များကို ထက်အောက်လွှတ် တော်နှစ်ခုစလုံးတွင် လွှတ်တော် ကိုယ်စားလှယ်အားလုံး၏ ၇၅ ရာနှုန်းကျော် ထောက်ခံမှု မရှိဘဲ၊ နိုင်ငံလုံးဆိုင်ရာ ဆန္ဒခံယူပွဲတစ်ရပ် မှ ထောက်ခံ အတည်ပြုမှုမရဘဲ ပြင်ဆင်ပြောင်းလဲရန် စဉ်းပင် မစဉ်းစားနိုင်ပါ။ လက်တွေ့တွင် ဤအချက် က အဓိကကျသော အခြေခံဥပဒေ ပြင်ဆင်ရေးကို မဖြစ်နိုင်အောင် ပြု လုပ်ထားသလို ဖြစ်နေသည်။ အထူးသဖြင့် ဗဟိုမှခန့်အပ်သည့် စစ်ဘက်အရာရှိများ ပါဝင်ဖွဲ့စည်းထား သော လွှတ်တော်အမတ် ၂၅ ရာနှုန်း ရှိနေသောကြောင့် ဖြစ်ပါသည်။

၂ဝဝ၈ ခုနှစ် အခြေခံဥပဒေကို ဖျက်သိမ်း၍ ဖက်ဒရယ်အယူအဆ အချို့အပေါ် အခြေပြုသော အခြေခံ ဥပဒေသစ်တစ်ခု ရေးဆွဲခြင်းကသာ မြန်မာနိုင်ငံ၏ အဆုံးမရှိသော တိုင်းရင်းသား လူမျိုးစုပြဿနာကို ဖြေရှင်း နိုင်မည့် နည်းလမ်း ဖြစ်ပါသည်။ သို့တစေ ထိုသို့သော တောင်း ဆိုချက်များအပေါ် အစိုးရ၏တုံ့ ပြန်မှုကို အကဲဖြတ်ခြင်းနှင့် ဆက်လက်ဖြစ်ပေါ်နေသော အတော မသတ်သည့် ကချင်ပြည်နယ်တွင်း ထိုးစစ်ဆင်ခြင်း တို့က မကြာမီ ကာလတစ်ခု အတွင်း ဤဖြေရှင်းချက် မျိုးဖြစ်လာမည့်ဟန် မရှိချေ။

ဤထိုးစစ်က ကေအိုင်အေကို စစ်ရေးအရ အကြီးအကျယ်အထိနာ စေနိုင်ပါသည်။ သို့သော် အနိုင်ယူ နိုင်မည် မဟုတ်ပါ။ တစ်ခုတည်း သော ရလဒ်မှာ တိုင်းရင်းသားတို့၏ အမုန်းတရား ပိုမိုကြီးမားပြင်းထန်လာခြင်း သာဖြစ်ပါလိမ့်မည်။ အရှည်တည်တံ့ မည့် ငြိမ်းချမ်းရေး တစ်ရပ် တည်ဆောက်ရန် ပို၍ပင်ခက်ခဲစေပါ လိမ့်မည်။ ထို့ပြင် စစ်တပ်ဘက် တွင် ဒေါ်အောင်ဆန်းစုကြည် ရပ်တည် ပါက လူများစု ဗမာနှင့် တိုင်း ရင်းသား လူနည်းစုကြား ကွာဟ ချက်ကို ယခင်ထက်ပင် ပိုမိုကျယ် ပြန့် နက်ရှိုင်းစေ ပါလိမ့်မည်။

Ref: Aljazeera.com
မြန်မာအင်ဒီပဲန်ဒန့်ဂျာနယ်


(17 January 2013 ရက်စွဲပါ the Diplomat မှ David Cohen ရေးသားသော China’s Myanmar Problem ကို ဘာသာပြန်ဆိုပါသည်)
နိုင်ငံခြားမှဝေဖန်သုံးသပ်သူများက ယုံကြည်နေသည်မှာ ကချင်ပြည်နယ်တွင် မြန်မာက စစ်ဆင်ရေးပြုလုပ်နေသည်မှာ အဆိုပြုထားသော ရေလှောင်တမံနေရာများကို ထိန်းချုပ်မှု ရရေးဖြစ်သည်ဟူသည့်အချက်ဖြစ်သည်။ ထိုရေလှောင်တမံများကို မြန်မာပြည်သူများက မလိုလားသော်လည်း တရုတ်နိုင်ငံပိုင်ကုမ္ပဏီများအတွက်မူ အရေးကြီးနေပါသည်။
မြန်မာနိုင်ငံတွင် အသစ်တဖန်ဖြစ်ပွားသော တိုက်ပွဲများသည် ပြီးခဲ့သည့်အပတ်က တရုတ်နယ်စပ်အနီးသို့ ရောက်ရှိလာကာ အိမ်နီးချင်း ယူနန်အစိုးရသည် သက်ရောက်မှုများကို ခံရတော့မည်ဟု တရုတ်မီဒီယာများက သတင်းဖော်ပြကြပါသည်။ ယူနန်တွင် စစ်တပ်များ နယ်စပ်သို့ ရွှေ့ပြောင်းထားရပြီး ကချင်သူပုန်များ ထိန်းချုပ်ထားရာဒေသမှ ဒုက္ခသည်များကို လက်ခံရန် ဒုက္ခသည်စခန်းများ ပြင်ဆင်ထားရပါသည်။

တရုတ်မြန်မာနယ်စပ်တွင် နှစ်နိုင်ငံမှလူများ နေ့စဉ်နယ်စပ်ဖြတ်ကျော်သွားလာနေကြသည်မှာ ပုံမှန်လိုဖြစ်နေသည်။ တရုတ်တွင် ယူနန်နယ်စပ်၌ ဒုက္ခသည်များနှင့်ပတ်သက်သောပြဿနာမှာ အကောင်းအဆိုးရောလျှက်ရှိပါသည်။ ၎င်းသည် ၂၀၀၉ ခုနှစ်က ကိုးကန့်ပြဿနာတွင် ဒုက္ခသည် ၃၇၀၀၀ ဦးအား နေရန်နေရာနှင့် စားစရာများ ဖြည့်ဆည်းပေးခြင်းကြောင့် ချီးကျူးမှု အသင့်အတင့်ရရှိခဲ့ပြီး နှစ်ဘက်စလုံးကို အပစ်အခတ်ရပ်ရေးအတွက် အောင်မြင်စွာ ဖိအားပေးခံခဲ့ရပါသည်။ သို့သော် ပြီးခဲ့သည့် နွေက Human Right Watch က စွပ်စွဲခဲ့ရာတွင် ကချင်ဒုက္ခသည်များကို တရုတ်က နှင်ထုတ်ကြောင်း စွပ်စွဲခဲ့ပါသည်။

ကိုးကန့်နှင့် ကချင်ပြဿနာများတွင် တရုတ်၏ ကိုင်တွယ်ပုံခြားနားရခြင်းမှာ အဘယ်အကြောင်းရင်းခံကြောင့်နည်း။ အဓိကအားဖြင့် ပြဿနာ အကြီးအသေးနှင့် ပဋိပက္ခများတွင် တရုတ်၏အကျိုးစီးပွားနှင့်ပတ်သက်သော ခံယူချက်များအပေါ် မူတည်နေပါသည်။ တရုတ်စကားကိုသာပြောသော ဝ နှင့် နယ်စပ်ခြင်းထိစပ်နေသော ကိုးကန့်သည် တရုတ်ကုန်သည်အများစု အခြေချနေထိုင်၍ မြန်မာနိုင်ငံနှင့် ကုန်သွယ်နေသည့်နေရာဖြစ်ပါသည်။ တရုတ်ကုန်ပစ္စည်းတော်တော်များများတင်ပို့ပြီး သစ်များ မှောင်ခို ဝယ်ယူပါသည်။ ၂၀၀၉ ခုနှစ်က ကိုးကန့် ပဋိပက္ခတွင် တရုတ်အမျိုးသားများ၏ အသက်အိုးအိမ်နှင့် စည်းစိမ်ကို ခြိမ်းခြောက်နေသည်ဟု တရုတ်က စိတ်အခန့်မသင့် ဖြစ်ခဲ့ပါသည်။

၂၀၀၉ ခုနှစ်က Drew Thompson ရေးသားသောဆောင်းပါးတွင် ကိုးကန့်ပြဿနာကို တရုတ်အမျိုးသား ဘလော့ဂါများက တရုတ်၏အားနည်းချက်ကို သရုပ်ဖော်သကဲ့သို့ဖြစ်ကြောင်း အဓိပ္ပာယ်ကောက်ကြပါသည်။ ၎င်းကို အငြင်းပွားနေသော နယ်မြေကိစ္စများနှင့် အမျိုးအစားတစ်ခုတည်းအဖြစ် သတ်မှတ်ကြပါသည်။ နယ်မြေပြဿနာများမှာ အလေးအနက်ထားရမည့် ပြည်တွင်းနိုင်ငံရေးအကျိုးဆက်များဖြစ်စေသည့် နိုင်ငံရေးမူဝါဒပင်ဖြစ်သည်။ (ပါတီက တရုတ်၏အင်အားမှာ တရားဝင်မှုအတွက် မူလအရင်းအမြစ်ဖြစ်ကြောင်း ရှုမြင်ပါသည်။) ကိုးကန့်အရေးအခင်းတွင် တရုတ်သည် ယခုပြည်တွင်းလုံခြုံရေးကြီးကြပ်သည့် ပါတီအကြီးအကဲဖြစ်နေသည့် ထိုစဉ်က နိုင်ငံတော်ကောင်စီဝင် Meng Jianzhu ကို ယူနန်သို့စေလွှတ်၍ ဒုက္ခသည်ကိစ္စတုန့်ပြန်ရေး ကိုင်တွယ်ဖြေရှင်းစေခဲ့ပါသည်။

ထိုကိစ္စနှင့်ဆန့်ကျင်စွာ ပြီးခဲ့သည့်နွေက ကချင်ဒုက္ခသည်ပြဿနာတွင် တရုတ်၌ ဒေသဆိုင်ရာအာဏာပိုင်များကသာ ကိုင်တွယ်ခဲ့ရာ ဤကိစ္စကို Beijing့  ဦးစားပေးအဆင့်နိမ့်သည်ဟု မှတ်ယူနိုင်ပါသည်။ နောက်ထပ်ရောက်လာဖွယ်ရှိသည့် ဒုက္ခသည်များအတွက် ပြင်ဆင်မှုများကိုလည်း ဒေသဆိုင်ရာအာဏာပိုင်များကသာ ကိုင်တွယ်ဖွယ်ရှိပါသည်။ တရုတ်သည် အနည်းဆုံးအားဖြင့် ဒုက္ခသည်များရောက်လာပါက နိုင်ငံတကာ၏ဝေဖန်မှုကို ရှောင်ရှားရန် ကြိုးပမ်းမည်ဟု စာရေးသူကမျှော်လင့်ပါသည်။ သို့သော်ဒုက္ခသည်စခန်းများတွင်လိုအပ်ချက်များပြည်စုံစွာ ဖြည့်ဆည်းပေးမည်လော ဆိုသည်ကိုမူ စောင့်ကြည့်ရဦးမည်ဖြစ်ပါသည်။

တရုတ်အစိုးရ၏ ထိပ်ပိုင်းအဆင့်တွင် ဒုက္ခသည်များလက်ခံရမည့်အရေးကို အလွန်အမင်းစိုးရိမ်လျှက်ရှိပါသည်။ Human Right Watch မှတရုတ်ဆိုင်ရာ ဌာနအကြီးအကဲ Sophie Richardson က စာရေးသူအားပြောပြရာတွင် တရုတ်က မြောက်ကိုရီးယားဒုက္ခသည်များကို အကူအညီများစွာပေးမိခြင်းကြောင့် ဒုက္ခသည်များပိုမိုဝင်ရောက်ရန် အားပေးသလိုဖြစ်မည်ကို စိုးရိမ်ကြောင်းဆိုပါသည်။ ယခုကိစ္စတွင်လည်း ဒုက္ခသည်များကိစ္စကို ဤနည်းအတိုင်းသာစဉ်းစားမည်ဖြစ်ပါသည်။

အထက်ပါအတိုင်းမစဉ်းစားဘဲ မဖြစ်နိုင်သည့်ကိစ္စတစ်ခုမှာ ယခုကချင်ကိစ္စအပေါ် တရုတ်ကအလေးအနက်စဉ်းစားရမည့် ကိစ္စအဖြစ် ခံယူခြင်းရှိမရှိပေါ်တွင် မူတည်ပါသည်။ ပြီးခဲ့သည့် ကြာသာပတေးနေ့က တရုတ်ပြည်မှ ကချင်များသည် နယ်စပ်တွင်ဆန္ဒပြ၍ မြန်မာနိုင်ငံမှ ကချင်လူမျိုးများကို အကာအကွယ်ပေးနိုင်ရေးအတွက် တရုတ်က ကြားဝင်ဆောင်ရွက်ရန် တောင်းဆိုခဲ့ပါသည်။ ထိုသို့ဆန္ဒပြရုံမျှဖြင့် ဖိအားများများဖြစ်မလာနိုင်ဟု ထင်ရပါသည်။ သို့သော် တရုတ်အစိုးရက ကြားဝင်ရန် ကျယ်ကျယ်ပြန့်ပြန့်တောင်းဆိုမှုများရှိနေပြီး မင်ဒရင်းဘာသာဖြင့် ဂျိန်းဖောဟုခေါ်သော တိုင်းရင်းသားအုပ်စု ၅၅ ခုတွင် ပါဝင်နေရာ နိုင်ငံရပ်ခြားရှိ ဟန် တရုတ်အသိုင်းအဝိုင်းကို ခြိမ်းခြောက်မှုရှိပြီဟု တရုတ်ကယူဆလာလျှင်မူ ဖိအားအဖြစ်ဖန်တီးပေးနိုင်မည်ဖြစ်သည်။

ပို၍စိတ်ဝင်စားဖွယ်ကောင်းသည့်အချက်မှာ နိုင်ငံပိုင်သတင်းစာများတွင် တရုတ်အပေါ် အဆိုပါကချင်ပဋိပက္ခ၏ သက်ရောက်မှုများနှင့် ပတ်သက်၍ သတင်းများရေးသားဖော်ပြထားမှုများပင်ဖြစ်ပါသည်။ တရုတ်နယ်စပ် တရုတ်နိုင်ငံဖက်သို့ မြန်မာစစ်တပ်မှ လက်နက်ကြီးများကျရောက်သောအခါ ကြီးမားသော စောဒကတက်မှုများမရှိသော်လည်း နိုင်ငံပိုင်မီဒီယာများက ကုန်သွယ်မှုတွင် သက်ရောက်မှုရှိပုံကို ကျယ်ကျယ်ပြန့်ပြန့် သတင်းများ ရေးသားခဲ့ပါသည်။ နယ်စပ်မြို့များရှိ ဆိုင်ရှင်များနှင့် အင်တာဗျုးများပြုလုပ်ထားပြီး မြန်မာဖောက်သည်များသည် တိုက်ပွဲများစကတည်းက မလာတော့ကြောင်းဖော်ပြထားသည်။

Foreign Policy ကလည်း ဆောင်းပါးရေးသားထားရာတွင် တရုတ်ပညာရှင်များက ဒီမိုကရေစီသို့သွားနေသော မြန်မာအစိုးရ နှင့်ဆက်ဆံရေးများလျှော့ချ၍ နယ်စပ်မှ တိုင်းရင်းသားအုပ်စုများအပေါ် စိတ်ရောကိုယ်ပါ ကူညီထောက်ပံ့မှုများပေးရန် တောင်းဆိုထားမှုများကို ဖော်ပြထားပါသည်။ ယခုလောလောဆယ်တွင်မူ ထိုသို့လုပ်ဆောင်ပါက အကျိုးရှိမရှိအကဲဖြတ်ရန် ခက်ခဲနေပါသေးသည်။ သို့သော် ပြီခဲ့သည့်နှစ်များတွင် တရုတ်သည် တရားဝင်အစိုးရများကိုသာ ထောက်ခံကူညီသည့်မှတ်တမ်းများ စဉ်ဆက်မပြတ်ရှိခဲ့ရာ အကျိုးရှိသည်ဟုဆိုရမည်ဖြစ်ပြီး ခွဲထွက်ရေး လှုပ်ရှားမှုများကို ဆန့်ကျင်ခဲ့ပါသည်။

တရုတ်ခေါင်းဆောင်များအတွက်အရေးကြီးသောကိစ္စဖြစ်နိုင်သည်မှာ ရေလှောင်တမံများကိစ္စဖြစ်ပါသည်။ နိုင်ငံခြားမှဝေဖန်သုံးသပ်သူများကယုံကြည်နေသည်မှာကချင်ပြည်နယ်တွင် မြန်မာကစစ်ဆင်ရေးပြုလုပ်နေသည်မှာအဆိုပြုထားသော ရေလှောင်တမံနေရာများကို ထိန်းချုပ်မှု ရရေးဖြစ်သည်ဟူသည့်အချက်ဖြစ်သည်။ ထိုရေလှောင်တမံများကို မြန်မာပြည်သူများက မလိုလားသော်လည်း တရုတ်နိုင်ငံပိုင်ကုမ္ပဏီများအတွက်မူ အရေးကြီးနေပါသည်။

အဆိုပါရေလှောင်တမံများ ပြီးစီးသွားခဲ့ပါကထွက်ရှိသောလျှပ်စစ်ဓာတ်အားအများစုကို ယူနန်သို့ပေးပို့မည်ဖြစ်ပါသည်။ လက်ရှိအားဖြင့် ယူနန်အစိုးရမှာ ကျောက်မီးသွေးသုံးဓာတ်အားပေးစက်ရုံများဖယ်ရှားရန် ဖိအားအတော်အတန် အပေးခံနေရရာ အဆိုပါရေလှောင်တမံများမှာ သန့်ရှင်းသော စွမ်းအင်အရင်းအမြစ်ဖြစ်လာနိုင်ပါသည်။

ရပ်ဆိုင်းထားသော မြစ်ဆုံဆည်ပြန်လည်စတင်ရန်လည်း တရုတ်ကစိတ်အားထက်သန်နေပါသည်။ ထို့ကြောင့် တရုတ်အနေဖြင့် ယခုတိုက်ပွဲများဖြစ်ပွားနေမှုကို စိတ်ထဲ၍ လက်သင့်မခံသော်လည်း ကျိတ်၍ဝမ်းသာနေမည်ဖြစ်ပါသည်။ နိုင်ငံတကာတွင် တရုတ်၏ပုံရိပ်ကို ထိခိုက်စေကာမူ ဖြစ်သင့်သည်ဟု တွက်ဆနေမည်ဖြစ်ပါသည်။

Yangon chronicle











ခေါင်းစီး တပ်ရန်မလို

“တကယ်ဖြစ်ချင် တကယ်လုပ် အဟုတ်ဖြစ်ရမည်”

မှန်ပါတယ် ကျေးဇူးရှင် ဘဘဦးသုခရဲ့ “တကယ်ဖြစ်ချင် တကယ်လုပ် အဟုတ်ဖြစ်ရမည်” ဆိုသောစကားရပ်သည် လူမှုရေးသမားများတွင်သာမက ကမ္ဘာမြေပြင်ပေါ်ရှိ လူသားတိုင်းအတွက် အမှန ကန်ဆုံး အထိရောက်ဆုံးစကားဖြစ်ပါသည်။

နာရေးကူညီမှုအသင်း(ရန်ကုန်)သည် ၂ဝဝ၁ ခုနှစ်၊ ဇန်နဝါရီလ (၁) ရက်နေ့မှစ၍ ဘဘဦးသုခ မျိုးစေ့ချ ထူထောင်ခဲ့ရာ ယခု ၂ဝ၁၃ ခုနှစ် ဇန်နဝါရီလကုန်အထိ လူသားများ၏ နာရေး၊ ကျန်းမာရေး၊ ပညာရေး၊ သဘာဝဘေး၊ စစ်ဘေး အစရှိသည့် လူမှုကယ်ဆယ်ရေး ကူညီဖေးမမှုလုပ်ငန်းများ ထမ်းရွက် လုပ်ဆောင်ခဲ့သည်မှာ (၁၂) နှစ်ကျော် ကာလရှိခဲ့ပါသည်။ ထိုသို့ လူမှုရေးသစ္စာတရားများ လူ့ကျင့်ဝတ်များ၊ လူ့သီလများ၊ အမှန်ကန်ဆုံး အမြင့်မြတ်ဆုံး စောင့်ထိန်းခဲ့သောကြောင့် နာရေးကူညီမှုအသင်း(ရန်ကုန်) အနေဖြင့် ကူညီဖေးမ၊ ပေးဆပ်မှုများ မြင့်မားလာသလို သဒ္ဒါတရား ထက်သန်စွာဖြင့် လှူဒါန်းကြသော ပြည်တွင်းပြည်ပမှ မြန်မာပြည်သူလူထုတို့၏ အလှူငွေများ ဆေးဝါးသုံးပစ္စည်းများသည်လည်း မြင့်မားတိုး တက်လာခဲ့ပါသည်။

အမေရိကန်နိုင်ငံရှိ ဆန်ဖရန်စစ္စကိုရောက် မြန်မာများ (SanFrancisco BayArea Burmese Community Organizer)မှ လက်ပန်တန်းတောင် ကြေးနီစီမံကိန်းရှိ သပိတ်စခန်းဖြိုခွဲမှုတွင် ဒဏ်ရာရရှိခဲ့ သော သံဃာတော်များအား ပြည်တွင်းတွင် ဆေးဝါးကုသရန်အတွက် အလှူငွေ US$ 4000 အား ပေးပို့ လှူဒါန်းခဲ့သည်။

ထိုအခါ နာရေးကူညီမှုအသင်း(ရန်ကုန်) ဥက္ကဌ ဦးကျော်သူမှ မန္တလေးမြို့ရှိ လက်ပန်တန်းတောင် ကြေးနီစီမံကိန်းရှိ သပိတ်စခန်းတွင် ဒဏ်ရာရခဲ့သော သံဃာတော်များအား ကူညီပေးနေသည့် လူမှုရေး အဖွဲ့အား မန္တလေးမြို့သို့ရောက်ရှိစဉ် ဆေးဝါးကုသမည့် သံဃာတော်များ၏ အခြေအနေအား စုံစမ်း မေးမြန်းရာ မရှိတော့ကြောင်း သိရှိခဲ့ရသည်။ ရန်ကုန်မြို့သို့ ဦးကျော်သူ ပြန်လည်ရောက်ရှိချိန် နာရေး ကူညီမှုအသင်း(ရန်ကုန်)သို့ ဆက်သွယ်အကူအညီတောင်းခံလာသော ကချင်ပြည်နယ် ဖားကန့်မြို့တွင် မှုလတန်းအရွယ် ကျောင်းသူလေးအား ကျောင်းဆင်းချိန်တွင် ကျောင်းကြိုပေးသော ကလေးငယ်လေး၏ ဖခင်ဖြစ်သူ ကချင်လူမျိုး ကိုခေါဘောမ် (ခ) ကိုယာကု သည် လက်နက်ကြီး ပေါက်ကွဲမှုဒါဏ်ကြောင့် ဗုံးဆံ ထိမှန်ကာ အရေးပေါ် ခွဲစိတ်ကုသရန်အတွက် ရန်ကုန်မြို့သို့ ဖားကန့်မြို့ ငြိမ်းချမ်းရေးအတွက် လူမှုရေး လုပ်ကိုင်နေသော ကိုခင်မောင်ဝင်းနှင့် ကိုရင်ထွေးတို့မှ ခေါ်ဆောင်ခဲ့ကာ ကြည့်မြင်တိုင် အရိုးအကြော ဆေးရုံသို့ တက်ရောက်ကုသခဲ့ရာ ကြည့်မြင်တိုင် အရိုးအကြောဆေးရုံတွင် ခွဲစိပ်ကုသရန်အတွက် ဆရာတော် အရှင်ဇဝန (မေတ္တာရှင်)မှ အလှူငွေကျပ် ၆၅ဝဝဝဝိ/ (ခြောက်သိန်းငါးသောင်း) ကျပ်တိတိအား လှူဒါန်းခဲ့သည်။ သို့ရာတွင် ကိုခေါဘောမ် (ခ) ကိုယာကု ၏ ဒဏ်ရာသည် အလွန်ပြင်းထန်၍ အန္တရာယ် များနေသောကြောင့် ဆာကူရာဆေးရုံတွင် ထပ်မံခွဲစိပ်မှု ခံယူရတော့မည့်အခြေအနေ ဖြစ်ပေါ်နေသည်။ ကိုခေါဘောမ် (ခ) ကိုယာကု သည် ဖားကန့်မြို့နေ ရိုးသားသော ကချင်လူမျိုးတစ်ဦး ဖြစ်သည့်အပြင် လူမမယ် သမီးငယ်လေးအား ပညာသင်ကြားနိုင်ရန် ဘဝကိုရုန်းကန် နေရသူလည်းဖြစ်သည်။ သူ့အား ဖားကန့်မြို့ ငြိမ်းချမ်းရေးအတွက် လူမှုရေးအဖွဲ့မှ ဦးခင်မောင်ဝင်းနှင့် ကိုရင်ထွေး တို့မှ လူသားချင်းစာနာ စိတ်ဖြင့် လိုက်လံ ကူညီစောင့်ရှောက်နေရသည့် အခြေအနေတွင် ထပ်မံ၍အကြီးစား ခွဲစိပ်မှုနှင့် ဒဏ်ရာ အား CT (Scan) ရိုက်က်ရန် ငွေကြေးအခက်အခဲ ဖြစ်ပေါ်နေကြောင်းသိရှိရသည်။ ကြည့်မြင်တိုင် အရိုး၊ အကြောဆေးရုံ ပါမောက္ခ ဒေါက်တာခင်မောင်မြင့်နှင့် လက်ထောက်ဆရာဝန်ကြီး တို့မှလည်း ဒဏ်ရာရရှိခဲ့ သော ဝဲဘက်လက်အား ပေါင်မှသွေးကြောဖြင့် အစားထိုး အစွမ်းကုန်ကုသပေးခဲ့သည်။ ယခု ထပ်မံခွဲစိပ်မှု ပြုရန် ငွေကြေးအခက်အခဲအား နာရေးကူညီမှုအသင်း(ရန်ကုန်)မှ အလှူငွေ ၁ဝဝဝဝဝဝိ/-(တစ်ဆယ်သိန်း) ကျပ်တိတိအား ၁၇.၁.၂ဝ၁၃ ရက်နေ့တွင် သွားရောက် လှူဒါန်းကူညီခဲ့သည်။ ထို့နောက် ကြည့်မြင်တိုင် အရိုး၊အကြော ဆေးရုံအုပ်ကြီးနှင့်တကွ ဆရာဝန်၊ ဆရာဝန်မကြီးများနှင့် တွေ့ဆုံခဲ့ကာ ကျေးဇူးတင်စကား ပြောကြားခဲ့ပြီး နာရေးကူညီမှုအသင်း(ရန်ကုန်)ရှိ သုခကုသိုလ်ဖြစ်ဆေးခန်းသို့ လာရောက်ပြသကြသော အရိုး၊အကြော ခွဲစိပ်ရမည့်လူနာများအား ကူညီမှုပေးနိုင်ရန်အတွက် ဆွေးနွေးတိုင်ပင်ခဲ့သည်။ တချိန်တည်း တွင် ၇.၁.၂ဝ၁၃ ရက်နေ့တွင် သုခကုသိုလ်ဖြစ်ဆေးခန်းသို့ လာရောက်ပြသခဲ့သော လူနာ မောင်အောင် မြတ်၏ မွေးရာပါ အဖု/အလုံး (Managocele) ရောဂါအား မြောက်ဥက္ကလာပဆေးရုံသို့ပို့ကာ ကုသခဲ့သော် လည်း အရေးပေါ် ခွဲစိပ်ကုသမှုပြုရန် ရန်ကင်းကလေးဆေးရုံကြီးသို့ ပြန်လည်၍ ပို့ဆောင်ခဲ့ရသောကြောင့် နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူနှင့် အလုပ်အမှုဆောင်များ၊ အသင်းသူ/သားများသည် မောင်အောင်မြတ်အား သွားရောက်ကာ အားပေးကြည့်ရှုခဲ့သည်။ မောင်အောင်မြတ် ဖခင်သည် ကျန်စစ် သားအိမ်ရာ၊ အရှေ့ဒဂုံမြို့နယ်တွင် ဆိုက်ကားနင်း၍ အဠမတန်း ရောက်သည်အထိ ပညာသင်ကြားပေးခဲ့ သော ရိုးသားလှသော ဖခင်တစ်ဦးဖြစ်သည်။ မိခင်ဖြစ်သူသည် လွန်ခဲ့သော (၂) နှစ်ခန့်၌ ကွယ်လွန် ခဲ့သောကြောင့် နာရေးကူညီမှုအသင်း(ရန်ကုန်)မှ သင်္ဂြိုလ်ပေးခဲ့ရသေးသည်။ ပညာသင်ကြားရန်အတွက် ဖခင်ဖြစ်သူမှာ အနှေးယာဉ်နင်း၍ စားဝတ်နေရေးအတွက် ရှာဖွေနေရသော ဖခင်တစ်ဦး ဖြစ်သဖြင့် သား မောင်အောင်မြတ်၏ ခွဲစိပ်မှုအားမတတ်နိုင်ချေ။ ထို့ကြောင့် နာရေးကူညီမှုအသင်း(ရန်ကုန်)မှ မောင်အောင် မြတ် ခွဲစိပ်ကုသမှုအတွက်၎င်း၊ CT (Scan) ရိုက်ရန်အတွက်၎င်း အလှူငွေ ၇၃၅၄၅ဝိ/ (ခုနှစ်သိန်းသုံး သောင်းငါးထောင်လေးရာ့ငါးဆယ်) ကျပ်တိတိအား လှူဒါန်းကူညီမှု ပြုလုပ်ခဲ့သည်။

ထိုကဲ့သို့သော လှူဒါန်းမှု အလှူငွေများသည် အများပြည်သူတို့မှ လှူဒါန်းထားသော အလှူငွေများ တို့ဖြင့်သာ အများပြည်သူအတွက် ကူညီဖေးမ ပေးခဲ့ခြင်းဖြစ်သည်။ ယင်းလှူဒါန်းမှုအတွက် အမေရိကန် နိုင်ငံ ဆန်ဖရန်စစ္စကိုမြို့ရှိ မိုးမခဂျာနယ် ဝက်ဆိုဒ်အား ဦးစီးလုပ်ကိုင်နေသော စာရေးဆရာ လူမှုရေး သမားဖြစ်သူ မောင်ရစ် အား ဦးကျော်သူမှ လက်ပန်တန်းတောင် ကြေးနီစီမံကိန်းကိစ္စရပ်အတွက် လှူဒါန်း ထားသော အလှူငွေများထဲမှ သုံးစွဲခွင့်ပြုရန် အကြောင်းကြားထားပြီးလည်း ဖြစ်ပေသည်။ ထိုအချက် အလက်အား ပြည်ပမှ မြန်မာအလှူရှင်များအနေဖြင့် နားလည်သဘောပေါက်လိမ့်မည်ဟု ထင်မိပါသည်။ အလှူရှင်များအနေဖြင့် မည်သည့် ခေါင်းစည်းတပ်ထားသော အလှူငွေကောက်ခံပွဲ ဖြစ်စေကာမှု မိမိတို့၏ အလှူငွေများသည် တကယ်လိုအပ်သော နေရာဒေသ၊ အစစ်အမှန်လိုအပ်သော ဒုက္ခသည်များထံသို့ တကယ်ပေးဆပ်နေကြသော လူပုဂ္ဂိုလ် အသင်းအဖွဲ့တို့မှ အကျိုးရှိစွာ ရောက်ရှိသွားမည်ဆိုပါက မိမိတို့၏ လှူဒါန်းမှု ကုသိုလ်တော်ကြီးသည် အထမြောက် အောင်မြင်သွားမည် ဖြစ်ပါကြောင်း အသိပေးအပ်ပါသည်။

“ကိုယ်ပြုသောကံ ပဲ့တင်သံ ကိုယ့်ထံပြန်လာမည်” ဟူသော ယောဆရာတော်ဘုရားကြီး၏ သြဝါဒ စကားသည် မှန်ကန်လှပေသည်။ အဘယ့်ကြောင့်ဆို ၁၇.၁.၂ဝ၁၃ နေ့လည် (၂းဝဝ) နာရီအချိန်တွင် လက်ပန်တန်းတောင် ကြေးနီစီမံကိန်း၏ သပိတ်စခန်းဖြိုခွဲမှုကြောင့် ဒဏ်ရာရခဲ့သော ဆရာတော်ကြီးများ ဆေးဝါးကုသရန် လှူဒါန်းလိုက်သော အမေရိကန်နိုင်ငံ ဆန်ဖရန်စစ္စကိုရောက် မြန်မာများ (SanFrancisco BayArea Burmese Community Organizer)၏ လှူဒါန်းငွေအား အရေးပေါ်လိုအပ်နေသော ခွဲစိပ် အသက်ကယ်ပေးရမည့် လူနာ (၂) ဦးအား လွှဲပြောင်းကုသရန်အတွက် ဥက္ကဌ ဦးကျော်သူနှင့်အဖွဲ့သည် ကြည်မြင်တိုင် အရိုးအကြောဆေးရုံနှင့် ရန်ကင်းကလေးဆေးရုံတို့မှအပြန် နာရေးကူညီမှုအသင်း(ရန်ကုန်) သို့ အမေရိကန်နိုင်ငံ နယူးယောက်မြို့နေ သူငယ်ချင်း ပန်းချီ မင်းကျော်ခိုင် ထံမှ ပါဆယ်ထုတ် တစ်ထုတ် အား လက်ခံရရှိခဲ့သည်။ ပါဆယ်ထုပ်အား ဖွင့်ဖောက်ကြည့်သောအခါ “ကိုကျော်သူ၊ ဒေါ်ရွှေဇီးကွက် . . . မီးလောင်ဒဏ်ရာရခဲ့ကြတဲ့ ရဟန်းတော်များအတွက် အမေရိကန်လုပ်ငန်းရှင်တစ်ယောက်နဲ့ သူ့ဇနီး မြန်မာ အမျိုးသမီးတို့က အမည်မဖော်လိုသူဆိုတဲ့ အမည်နဲ့ လှူလိုက်တဲ့ဆေးတွေပါ အဲဒီလိမ်းဆေးတွေကို သမားတော်တွေနဲ့ပြပြီး အသုံးပြုနိုင်ပါတယ်။ အားလုံးကို သတိရလျှက် … မင်းကျော်ခိုင် ”ဟူ၍ စာနှင့်တကွ မီးလောင်ဒဏ်ရာ ဝေဒနာရှင်များအား ကုသရန်အတွက် ဆေးဗူးကြီး (၄) ဗူးအား ဝမ်းသာအားရ လက်ခံရရှိ ခဲ့တော့သည်။

ထို့ကြောင့် အမေရိကန်နိုင်ငံ ဆန်ဖရန်စစ္စကိုရောက် မြန်မာများ (San Francisco Bay Area Burmese Community Organizer) အဖွဲ့၏ ဆန္ဒပြည့်ဝခဲ့စေသလို အရေးပေါ်ခွဲစိပ်ကုသရမည့် လူနာ (၂) ဦးအတွက် ဆန္ဒပြည့်ဝရတော့သည်။ ထို့ကြောင့် မည်သည့်လှူဒါန်းမှုများမဆို (လေဘေး၊ မီးဘေး၊ ရေဘေး၊ စစ်ဘေး၊ ပဋိပက္ခအရေး) ဟူ၍ အလှူရှင်များအနေဖြင့် ခေါင်းစီးတပ် ကဗျည်းထိုးရန် မလိုအပ်သည့်အပြင် မိမိတို့လှူဒါန်းသည့် အလှူပစ္စည်း အလှူငွေများအား စစ်မှန်သော လူမှုရေးအသင်းအဖွဲ့များ၊ သီလလုံခြုံ သော လူပုဂ္ဂိုလ်များထံမှတဆင့် ထိရောက်မှန်ကန်သော အလှူဒါနဖြစ်မြောက်ရန်အတွက်သာ သတိပြု ရမည်ဖြစ်ကြောင်း “ကိုယ်ပြုသောကံ ပဲ့တင်သံ ကိုယ့်ထံပြန်လာမည်” ဟူသော စကားရပ်က သက်သေထူ ခဲ့ခြင်းဖြစ်သည့်အပြင် ကျွန်တော်တို့ လူမှုရေးအသင်းအဖွဲ့ လူမှုရေးသမားများအနေဖြင့် တကယ်လိုအပ် သော ဒုက္ခသည်စခန်းများရှိ ပြည်သူလူထုထဲသို့ ထိရောက်တိကျသော အလှူငွေများအား လူသားချင်း စာနာစိတ်မွေးကာ ကူညီဖေးမလိုသော ဗြဟ္မစိုရ်တရားအား သစ္စာရှိစွာလက်ကိုင်ပြု၍ ဖေးမမှုများ ပြုလုပ်ရန် “တကယ်ဖြစ်ချင် တကယ်လုပ် အဟုတ်ဖြစ်ရမည်” ဆိုသော စကားအား လက်ကိုင်ပြုကျင့်သုံးရန် လိုအပ် ပါတော့သည်။ ထို့ကြောင့် ကျွန်တော် ၂ဝ၁၃ ခုနှစ် နှစ်သစ်ကူး ဆုတောင်းစကားဆိုခဲ့သော စာပိုဒ်လေးအား နောက်ဆုံးတင်ပြအပ်ပါသည်။

ဖြစ်ချင်တာတွေလဲ

မဖြစ်တဲ့လောက

မဖြစ်ချင်တာတွေလည်း

ဖြစ်နေရတဲ့ လောကကြီးမှာ

ကျွန်တော် ဘာမှ

ဆုမတောင်းချင်ပါဘူး။

တစ်ခုဘဲ ပြောချင်ပါတယ်

တကယ်ဖြစ်ချင် တကယ်လုပ်

အဟုတ်ဖြစ်တယ် ဆိုတာပါဘဲ။

ကျော်သူ

(တလက်စတည်း အမေရိကန်နိုင်ငံရှိ ဆန်ဖရန်စစ္စကိုရောက် မြန်မာများ (SanFrancisco BayArea Burmese Community Organizer)အဖွဲ့၏ ဆန္ဒကိုလည်း ၁၈.၁.၂ဝ၁၃ ရက်နေ့ နေ့လည် (၃းဝဝ)နာရီ အချိန်တွင် ဖြည့်ဆည်းပေးခဲ့ပါသည်။ အကြောင်းမှာ အမေရိကန်နိုင်ငံ၊ နယူးယောက်မြို့မှ သူငယ်ချင်း ပန်းချီ မင်းကျော်ခိုင် ပို့လိုက်သည့် အမည်မဖော်လိုသော အလှူရှင်မိသားစု၏ လှူဒါန်းမှုပြုခဲ့သော မီးလောင်ဒဏ်ရာရရှိခဲ့သော သံဃာတော်များ အသုံးပြုရန်အတွက် ဆေးဗူးကြီး (၄) ဗူးအားလည်း လက်ပန် တန်းတောင် ကြေးနီစီမံကိန်းရှိ သပိတ်စခန်းတွင် ဒဏ်ရာရခဲ့သော သံဃာတော်များအား အထူးဂရုစိုက် ကုသပေးနေသော သီတဂူဆရာတော်ကြီးထံသို့ ဦးကျော်သူနှင့် အလုပ်အမှုဆောင်များ၊ အသင်းသား/သူ များမှ မြောက်ဒဂုံမြို့နယ်ရှိ သီတဂူဆရာတော်ကြီး၏ ကျောင်းတော်သို့ သွားရောက်၍ ဆရာတော် ဘုရားကြီး လက်ဝယ်သို့ ပေးအပ်လှူဒါန်းမှု ပြုခဲ့ပါသည်။)

Author Name

Contact Form

Name

Email *

Message *

Powered by Blogger.