04/25/13


လက်ရှိ ရေးဆွဲထားသည့် ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးမှာ အခြားနိုင်ငံရေးပါတီများ၏ တင်ပြချက်များအပေါ် မူတည်၍ စဉ်းစားမည်ဖြစ်ကြောင်း လက်ရှိလွှတ်တော်တွင်းအာဏာရပါတီတစ်ခုဖြစ်သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ဒုတိယဥက္ကဋ္ဌ ဦးဌေးဦးက ပြောကြားသည်။

လက်ရှိအချိန်တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဖွဲ့စည်းပုံအခြေခံဥပဒေပြင်ဆင်နိုင်ရန် ဖွဲ့စည်းပုံ အခြေခံ ဥပဒေလေ့လာ သုံးသပ်ရေးကော်မတီ၊ ကော်မရှင်များဖွဲ့စည်းပေးရေးအတွက် လာမည့် ဇွန်လတွင်ကျင်းပမည့် ပြည်ထောင်စုလွှတ်တော်အစည်းအဝေး၌ တင်ပြနိုင်ရန် ပါတီများ၏ တင်ပြချက်များအပေါ်မူတည်၍ တစ်ဦးတစ်ယောက်၊ အဖွဲ့အစည်းတစ်ခုတည်းအတွက်မပာုတ်ဘဲ နိုင်ငံနှင့် ပြည်သူ့အကျိုးဖြစ်ထွန်းစေမည့် ကိစ္စရပ်များအား ဖွဲ့စည်းပုံအခြေခံ ဥပဒေ၌ ပြင်ဆင်ပြောင်းလဲနိုင်ရန် ဆောင်ရွက်သွားမည်ဖြစ်ကြောင်း သိရသည်။

ထို့ပြင် ပြီးခဲ့သည့် ၂၀၁၃ မတ်လ ၁၅ ရက်နေ့က ကျင်းပပြုလုပ်ခဲ့သော ပြည်သူ့လွှတ်တော်အစည်းအဝေးတွင် ၂၀၀၈ ခုနှစ်ဖွဲ့စည်းပုံအခြေခံဥပဒေ လေ့လာသုံးသပ်ရေး ကော်မတီ၊ ကော်မရှင်များ ဖွဲ့စည်းရေးတိုက်တွန်းကြောင်းအဆိုကို လွှတ်တော်ကိုယ်စားလှယ် သူရဦးအေးမြင့်က အရေးကြီးအဆိုအဖြစ်တင်သွင်းခဲ့သည်။

၂၀၁၂ ဖေဖော်ဝါရီလ ၂ ရက်နေ့၌ ရန်ကုန်မြို့ရှိ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်ရုံးတွင် ကျင်းပပြုလုပ်ခဲ့သော ပြည်သူ့လွှတ်တော် တရားစီရင်ရေးနှင့် ဥပဒေရေးရာကော်မတီ၊ မြန်မာနိုင်ငံ စာနယ်ဇင်းကောင်စီနှင့် ရှေ့နေများကွန်ရက်တွေ့ဆုံဆွေးနွေးပွဲတွင် ပြည်သူ့လွှတ်တော်တရားစီရင်ရေးနှင့် ဥပဒေရေးရာကော်မတီဥက္ကဋ္ဌ သူရဦးအောင်ကိုက ၂၀၀၈ ဖွဲ့စည်းပုံအခြေခံဥပဒေတွင် ပြင်ဆင်ရမည့်အချက်များ အများအပြားရှိနေပြီး အဆိုပါ ပြင်ဆင်ရမည့်အချက်များ အား ပြန်လည်ပြင်ဆင်နိုင်ရန် စစ်တမ်းကောက်ယူထားပြီး အခွင့်သာသည့်အချိန်တွင် ပြင်ဆင်သွား မည်ဖြစ်ကြောင်း ပြောကြားခဲ့သည်။

Yangon Chronicle


(The Telegraph မှ 22 April 2013 ရက်စွဲပါ Burma has far to go သတင်းဆောင်းပါးကို ဘာသာပြန်ဆိုသည်)

သင်၏ ယုံကြည်စိတ်ချရမှုသိက္ခာသည် အများတောင်းဆိုသော အစီအစဉ်များ လုပ်ဆောင်ခြင်းပေါ်တွင် မူတည်နေသည် ဟူသောအချက်မှာ ဒီပလိုမေစီထိရောက်မှုနှင့် ပတ်သက်သည့် သံမဏိစည်းမျဉ်းတစ်ခုပင် ဖြစ်သည်။

အီးယူနိုင်ငံခြားရေးဝန်ကြီးများသည် မြန်မာနိုင်ငံအပေါ် လက်နက်ကုန်သွယ်မှုမှလွဲ၍ ကျန်ပိတ်ဆို့မှုများအားလုံး တရားဝင်ရုတ်သိမ်းပေးခြင်းဖြင့် အထက်ပါသင်ခန်းစာကို မနေ့က လျစ်လျူရှုလိုက်ကြပြီဖြစ်သည်။

ထိုသို့ဆောင်ရွက်ရန်အတွက် သမ္မတဦးသိန်းစိန်အစိုးရသည် စည်းကမ်းချက် ၄ ချက်နှင့် ကိုက်ညီမှသာ ဖြစ်လိမ့်မည်ဟု ထိုဝန်ကြီးများက မနှစ်က ပြောခဲ့ကြသည်။

မြန်မာအစိုးရသည် နိုင်ငံရေးအကျဉ်းသားအားလုံးကို လွှတ်ပေးခြင်း၊ နိုင်ငံတစ်လွှား ကယ်ဆယ်ရေး အကူအညီဖြန့်ဖြူးရန် ခွင့်ပြုခြင်း၊ ရိုဟင်ဂျာဟုခေါ်သော မူဆလင်များ၏ လူမှုဘဝနှင့် အဆင့်ကို မြှင့်တင်ပေးခြင်းတို့ကို လုပ်ဆောင်ရမည်ဖြစ်သည်။

အမှန်တကယ်တွင်မူ အဆိုပါစည်းကမ်းချက်များ တစ်ခုမှ ပြည့်မှီခဲ့ခြင်း မရှိပါ။ ဗုဒဘာသာဘုန်းတော်ကြီးများက အများအားဖြင့် ဦးဆောင်လေ့ရှိသော လူမျိုးရေးနှိပ်ကွပ်မှုများ၏ ပစ်မှတ်ဖြစ်နေသည့် ရိုဟင်ဂျာမူဆလင်များအား ဆက်လက်ခွဲခြားဆက်ဆံနေခြင်းမှာ အထင်ရှားဆုံး ပြယုဂ်တစ်ခုဖြစ်သည်။ နောက်ဆုံးရရှိသော ကြောက်မက်ဖွယ် ဖြစ်ရပ်မှန် ရုပ်သံမှတ်တမ်းတွင် ပြီးခဲ့သောလက မိတ္ထီလာမြို့၌ မူဆလင်များ အကြမ်းဖက်ရိုက်နှက်ခံရ၊ နေအိမ်နှင့် ဆိုင်များ မီးရှို့ဖျက်ဆီးခံနေရချိန်တွင် ရဲတပ်ဖွဲ့ဝင်များက ရပ်ကြည့်နေသော ပုံရိပ်များကို တွေ့မြင်ရပါသည်။

ယခုကဲ့သို့ သွေးစွန်းသော ဖြစ်ရပ်များ ဖုံးမရ ဖိမရပေါ်ထွက်လာချိန်မျိုးတွင် sanction များရုတ်သိမ်းပေးရန် ဗြိတိသျှနိုင်ငံခြားရေးဝန်ကြီး ဝီလျံဟိဂ်က သဘောတူလိုက်ခြင်းမှာ အလွန်အမင်း စိတ်အနှောက်အယှက် ဖြစ်စရာကောင်းပါသည်။

မြန်မာအစိုးရက စစ်မှန်သော ပြုပြင်ပြောင်းလဲမှုများ ပြုလုပ်ခဲ့သည်မှာ အမှန်ပင်ဖြစ်သည်။ အထူးသဖြင့် ဒေါ်အောင်ဆန်းစုကြည်ကို နေအိမ်အကျယ်ချုပ်မှ လွှတ်ပေးကာ နိုင်ငံရေးလှုပ်ရှားခွင့် ပြုပေးခဲ့ခြင်းပင်ဖြစ်သည်။

သို့သော် မြန်မာအစိုးရ၏ စစ်မှန်သော ပြုပြင်ပြောင်းလဲမှုများအတွက် အသိအမှတ်ပြု တုန့်ပြန်ပေးရသော မုန်လာဥနှင့် ပြုပြင်ပြောင်းလဲမှုများ ဆက်လုပ်အောင် ထိန်းကျောင်းပေးရသော ကြိမ်လုံးတို့အကြား ဟန်ချက်မှန်အောင် ထိန်းရသည့်ကိစ္စမှာ အင်အားကြီးနိုင်ငံများအဖို့ အမြဲတစေ ခက်ခဲလေ့ ရှိပါသည်။

မည်သို့ပင်ဖြစ်စေ ယခုအခါ ဝီလျံဟိဂ်နှင့် အပေါင်းအပါ အီးယူဝန်ကြီးများထံတွင် ကြိမ်လုံးများ မရှိတော့ခြင်းမှာ အန္တရာယ်တစ်ခု ဖြစ်နေပါသည်။ သူတို့ကိုယ်တိုင် ရွေးချယ်စရာမရှိအောင် လုပ်သလိုဖြစ်သွားပြီး အရာရာမှာ မြန်မာအစိုးရ၏ စိတ်ရင်းစေတနာပေါ်တွင်သာ မူတည်နေပါတော့သည်။

အကယ်၍ မြန်မာတို့၏ ပြုပြင်ပြောင်းလဲမှုများ ရပ်ဆိုင်းသွားမည်ဆိုပါက အီးယူဝန်ကြီးများ၏ ယခုဆုံးဖြတ်ချက်သည် ကြီးမားသောအမှား ကျူးလွန်မိခြင်းဖြစ်ကြောင်းကို သမိုင်းက အဆုံးအဖြတ်ပေးသွားပါလိမ့်မည်။

မြန်မာပြည်တွင်းမှ အကဲခတ်သူများကမူ မြန်မာ့နွေဦးသည် နှေးကွေးသော်လည်း ရပ်တန့်ဖွယ်မရှိဟု ဆိုကြသည်။ အကြောင်းမှာ နောက်ကွယ်မှ အာဏာရှင်အဖို့ ပြုပြင်ပြောင်းလဲရေးမှလွဲ၍ အခြားရွေးစရာ မရှိတော့သောကြောင့်ဖြစ်သည်ဟု သူတို့က မှတ်ချက်ပေးကြသည်။

Yangon Chronicle


ပြည်သူတွေသာမှ စိတ်ချမ်းသာမည်

ကောင်းကင်ပြာပြာ ရေပြာပြာမှာ
နာဝါလှေတစင်း ရှုခင်းကသာယာ
ဖေါ်မပါ တကိုယ်တော်လဲ ပျော်ရှာမှာပဲ…။

သို့ပါသော်လဲကိုယ့်မှာ မပျော်နိုင်ရှာ
မြန်မာအရေး တွေးမိလေသမျှ
မျက်ရည်တွေကျ မြင်မြင်လေသမျှ
စိတ်မချမ်းသာရ သောကဖိစီး
စစ်မီးကလောင် ပစ္စည်းကပြောင်
ကြေးနီတောင်အရေး ရင်တွေလေး
မိတ္ထီလာအရေး စိတ်ဝယ်မအေး
ရခိုင်အရေး တွေးမိတိုင်းဆွေး
အရေးခင်းတိုင်းမှာ စိတ်မချမ်းသာ
ရှုခင်းသာယာ ကိုယ်နဲ့မဆိုင်ပါ
မြင်လာ ကြားလာ ပြည်သူတွေသာမှ
ကိုယ့်မှာ စိတ်ချမ်းသာပါတော့မည်
ကိုယ့်မှာပျော်ရွှင်ပါတော့မည်…။

တက္ကသိုလ်ဘုန်းကြွယ်(ဧပြီ ၂၃ ၁၃)

Author Name

Contact Form

Name

Email *

Message *

Powered by Blogger.