04/26/13



မြန်မာ့ဒီမိုကရေစီရေးကိုတောက်လျှောက်အားပေးလုပ်ဆောင်ပေးနေတဲ့ ဂျပန်အထက်လွှတ်တော်အမတ်ဟောင်း
အဇုမ ခွန်နို Azuma Konno [ဥက္ကဌ(ဟောင်း)၊မြန်မာ့ဒီမိုကရေစီရေးကိုထောက်ခံအားပေးသောလွှတ်တော်အမတ်များ
သမဂ္ဂ] ဟာ ၂၄ ရက် မနက်မှာ ထူးဆန်းသောအဆုတ်ရောင်ရောဂါနဲ့ ရုတ်တရက်ကွယ်လွန်သွားခဲ့ပါတယ်။

Konno အမတ်ဟာ ဒေါ်အောင်ဆန်းစုကြည်အားအထူးလေးစားပြီး၊ မြန်မာ့ဒီမိုကရေစီရေးလှုပ်ရှားမှုကိုတန်ဖိုးထား အားစိုက်
ကူညီလုပ်ဆောင်ပေးနေသူဖြစ်တဲ့အပြင် ဂျပန်နိုင်ငံရှိမြန်မာဒုက္ခသည်များအရေးကိုလည်း ဖြေရှင်းကူညီပေးနေသူဖြစ်ပါတယ်။

ဂျပန်လွှတ်တော်တွင်း မြန်မာ့ဒီမိုကရေစီရေးကို ကြားနာမေးမြန်းတာမျိုးတွေ၊ လွှတ်တော်အမတ်တွေကြား မြန်မာ့ဒီမိုကရေစီ
ရေးကိုဝိုင်းဝန်းကူညီလုပ်ဆောင်လာကြစေဖို့ မြန်မာပြည်အကြောင်း လေ့လာ အမြင်ဖလှယ်ကြတဲ့ ဆွေးနွေးပွဲတွေ၊ နိုင်ငံရေးအ
ကျဉ်းသားအကြောင်း ဓါတ်ပုံပြပွဲတွေ ကို အမြဲမပြတ် ပြုလုပ်ပေးခဲ့သူတဦးဖြစ်ပါတယ်။

ကုလသမဂ္ဂလုံခြုံရေးကောင်စီမှာ မြန်မာ့အရေးထည့်သွင်းဆွေးနွေးပေးဖို့ တိုက်တွန်းတောင်းဆိုစာမှာ ဂျပန်အမတ်တွေ
ဝိုင်းဝန်းလက်မှတ်ရေးထိုးကြဖို့ ဦးဆောင်လှုံ့ဆော် လက်မှတ်ကောက်ယူခဲ့သူဖြစ်ပါတယ်။နအဖအား နိုင်ငံရေးအကျဉ်းသားတွေကို အမြန်ဆုံးပြန်လွှတ်ပေးဖို့ ဂျပန်အမတ်တွေ ဝိုင်းဝန်းလက်မှတ်ရေးထိုးတောင်းဆိုစာ ဖြစ်မြောက်အောင်လည်း ဦးဆောင်လှုပ်ရှားခဲ့ပြီး ၎င်းတောင်းဆိုစာကို မြန်မာသံရုံးမှတဆင့် ဗိုလ်ချုပ်မှူးကြီးသန်းရွှေဆီ ပေးပို့ခဲ့ပါတယ်။

ဒါ့အပြင် မြန်မာနိုင်ငံစစ်အစိုးရအား လက်နက်တင်သွင်းရောင်းချမှုပိတ်ပင်ဖို့ နိုင်ငံတကာမှအမတ်များ လက်မှတ်ရေးထိုး
တောင်းဆိုရာတွင်လည်း ပူးပေါင်းပါဝင် လက်မှတ်ရေးထိုးခဲ့သူတဦးဖြစ်ပါတယ်။

၂ဝဝ၉ ခုနှစ် ဇွန်လ ၁၉ ရက်နေ့မှာ မြန်မာ့ဒီမိုကရေစီရေးကိုထောက်ခံအားပေးသောလွှတ်တော်အမတ်များသမဂ္ဂမှ ဒေါ်
အောင်ဆန်းစုကြည်အား ဒီမိုကရေစီနှင့်ငြိမ်းချမ်းရေးဆုကို ချီးမြှင့်ဂုဏ်ပြုပေးအပ်ဖို့အတွက် ဦးဆောင်လှုပ်ရှားခဲ့သူဖြစ်ပါတယ်။

၂ဝ၁ဝ ရွေးကောက်ပွဲမတိုင်ခင်တုန်းကလည်း” ဒေါ်အောင်ဆန်းစုကြည်နဲ့ နိုင်ငံရေးအရ တွေ့ဆုံဆွေးနွေးအဖြေရှာပြီး အမျိုး
သားပြန်လည်သင့်မြတ်ရေးကိုဖေါ်ဆောင်ရန်” နအဖစစ်ခေါင်းဆောင် ဗိုလ်ချုပ်မှူးကြီးသန်းရွှေအား တိုက်ရိုက် လက်မှတ်
ရေးထိုးတောင်းဆိုကြဖို့ ဂျပန်နဲ့နိုင်ငံတကာမှလွှတ်တော်အမတ်များကို တိုက်တွန်း စည်းရုံးလှုပ်ရှားခဲ့ပြီး ကောက်ယူရရှိလာတဲ့
လက်မှတ်များနဲ့အတူ တွေ့ဆုံဆွေးနွေးရေးလုပ်ဖို့ တိုက်တွန်းတောင်းဆိုတဲ့ video message ကို ဗိုလ်ချုပ်မှူးကြီးသန်းရွှေဆီ တိုက်ရိုက်ပေးပို့ခဲ့သူဖြစ်ပါတယ်။

အဲဒီလို အမျိုးမျိုးသော လှုပ်ရှားမှုများနဲ့ မြန်မာ့ဒီမိုကရေစီရေးကိုထောက်ခံအားပေး ကူညီလုပ်ဆောင်ပေးနေသူ
ဂျပန်အထက်လွှတ်တော်အမတ်ဟောင်း ဆရာ Azuma Konno ရုတ်တရက်ကွယ်လွန်သွားခဲ့သည့်အတွက် ကျန်ရစ်သူ
မိသားစုနှင့် ထပ်တူထပ်မျှ ဝမ်းနည်း၊ နှမျှောတသ ရပါကြောင်းနှင့် ဆရာကောင်းရာဘုံဘဝသို့ ရောက်နိုင်ပါစေရန် ဗကသ(နိုင်ငံ
ခြားရေးရာကော်မတီ)မှ အဖွဲ့ဝင်များအားလုံးမှ ပြုခဲ့ကြသော ကောင်းမှုကုသိုလ်အစုစုတို့ကို မျှဝေပေးအပ်လိုက်ပါသည်။

ဆရာ Azuma Konno အား ကျေးဇူးဥပါကာရအထူးတင်ရှိပါကြောင်းနှင့် ကောင်းရာဘုံဘဝသို့ ရောက်ပါစေကြောင်း

ဆုတောင်းမေတ္တာပို့သအပ်ပါသည်ခင်ဗျာ။

ဗကသ(နိုင်ငံခြားရေးရာကော်မတီ)
၂၅၊၄၊၂ဝ၁၃


၁၉၈၈ ခု၊ စက်တင်ဘာလက အာဏာသိမ်းလိုက်သည်နှင့် အာဏာသိမ်းစစ်ကောင်စီမှ တာဝန်အရှိဆုံး ဗိုလ်ချုပ်မှူးကြီးစောမောင်က မိမိတို့ အာဏာသိမ်းအစိုးရအဖွဲ့ သည် ရွေးကောက်ပွဲများကို အမြန်ဆုံးပြုလုပ်ပေးပါမည်ဟု ကတိပေးသလို ရွေးကောက်ပွဲ အနိုင်ရသူအား အာဏာလွှဲပေးပြီး မိမိတို့ စစ်တပ်မှာ စစ်တန်းလျားဆီပြန်သွားပါမည်ဟု ကမ္ဘာသိ ကတိပေးခဲ့လေသည်။ ကတိပေးသည့်အတိုင်း ရွေးကောက်ပွဲကို တရာမျှတလွတ်လပ်စွာ ကျင်းပပေးခဲ့သည်။
ပါတီများထူထောင်ခွင့်ပေးကာ ရွေးကောက်ပွဲတွင်ပါဝင်ယှဉ်ပြိုင်စေခဲ့၏။မြန်မာနိုင်ငံတွင်လွတ်လပ်ရေးရပြီးနောက်ကျင်းပခဲ့သောရွေးကောက်ပွဲ များ အနက်၁၉၉၀ ရွေးကောက်ပွဲမှာ တရားမျှတမှုရှိသော ရွေးကောက်ပွဲတစ်ခုဖြစ်လေသည်။

သို့ သော်ဒုတိယကတိတစ်ခုဖြစ်သည့်စစ်တန်းလျားသို့ ပြန်ပါမည်ဆိုသောကတိကိုကားစစ်တပ်သည်မတည်ခဲ့ပေ။ ရွေးကောက်ပွဲကျင်းပနေသည့်ကာလ၌ပင် စစ်ကောင်စီဥက္ကဌ ဗိုလ်ချုပ်ကြီးက I keep my promise ဟု နိုင်ငံခြားသတင်းဌာနများသို့  ပြောကြားချက်ကို ရုပ်မြင်သံကြား၌ အထင်အရှား တွေ့ ရှိခဲ့ရသည်။ ဗိုလ်ချုပ်ကြီးခင်ညွန့် ကလည်း “ကျွန်တော်တို့  စစ်တန်းလျားကို ပြန်မှာပါ”
ဟု ပြောခဲ့ပါသည်။ အာဏာသိမ်းစဉ် အစိုးရအဖွဲ့ ဝန်ကြီးများဖွဲ့ ရာ၌လည်းဗိုလ်ချုပ်မှူးကြီးစောမောင်က “အစိုးရဌာနတွေကို အနည်းဆုံး တတ်နိုင်သမျှဖွဲ့ စည်းထားပါတယ်။ ရွေးကောက်ပွဲနိုင်သူက အစိုးရဖွဲ့ မှာ ဖြစ်တဲ့အတွက်ကျွန်တော်တို့ အနေနဲ့  အစိုးရအဖွဲ့  ကျယ်ကျယ်ပြန့် ပြန့်  မဖွဲ့ တာဖြစ်ပါတယ်”ဟု ပြောကြားသွားခဲ့သည်။

“မင်းမှာသစ္စာ လူမှာကတိ” ဆိုသောစကားသည် မြန်မာလူမျိုးတို့ အတွက်အလွန်အရေးကြီးလေသည်။ မင်းကျင့်တရားဆယ်ပါး၌လည်း မင်းသည်သစ္စာရှိရသည်။ ကတိတည်ရလေသည်။တိုင်းပြည်အုပ်ချုပ်ရသောဘုရင်များအနေဖြင့်စကားတစ်ခု နှုတ်မှထွက်မိလျှင် စောင့်ထိန်းရလေသည်။
“ထွက်ပြီးသားဆင်စွယ် ၀င်သည်မရှိ” ဟူ၍ပင် အလေးအနက်ထားခဲ့ကြသည်မဟုတ်ပါလော။ သို့ သော် စစ်အာဏာရှင်တို့ သည် မင်းမှာလည်း သစ္စာမရှိ၊လူမှာလည်း ကတိမတည်ကြပေ။ ထွက်ပြီးသားဆင်စွယ်သည်လည်း ၀င်၍သွားလေသည်။ ရွေးကောက်ပွဲပြီး၍ NLD က လူထု၏ဆန္ဒ အများတကာ့ အများစုရခဲ့သော်လည်း စစ်တပ်သည် စစ်တန်းလျားသို့  မပြန်ရုံမက အာဏာသိမ်းကာ
အာဏာတွင် ယစ်မူးသွားကြတော့၏။ ၁၉၈၈ မှ ၂၀၁၀ ခုနှစ်အထိ ၂၂ နှစ်တာကာလအတွင်း စစ်အာဏာရှင်တို့ သက်ဆိုးရှည်ဖို့ ကို သာ ဆောင်ရွက်ခဲ့ကြလေသည်။ နိုင်ငံမှာ မွဲသထက်မွဲ၊ ဖွံ့ ဖြိုးမှု နောက်ကျသထက်နောက်ကျကာမူးယစ်ဆေးဝါး အများဆုံးထွက်သော၊ ပိတ်ဆို့ မှု အခံရဆုံးသော၊ နာမည်ဆိုးနှင့်ကျော်ကြားသောနိုင်ငံများထဲတွင် မြန်မာနိုင်မှာလည်း ရှက်စရာကောင်းလောက်
အောင် ပါဝင်ခဲ့ပါတော့သည်။

၂၀၁၀ ပါတီစုံပါဝင်သော လွှတ်တော်ရွေးကောက်ပွဲများ ကျင်းပပြီး၍ အရပ်သားအစိုးရ တက်လာသည်ဆိုသော်လည်း စစ်တပ်သည် စစ်တန်းလျားသို့ ပြန်သွားခဲ့ပြီလော။ ယခု ၂၀၁၃၊ ဧပြီလအထိ စစ်တပ်သည် စစ်တန်းလျားသို့ 
ပြန်မသွားသေးပါ။ အဘယ့်ကြောင့်ဆိုသော်..

၂၀၀၈ ဖွဲ့ စည်းပုံအခြေခံဥပဒေကို ရေးဆွဲအတည်ပြုခဲ့သည့်အခါ၌ ဖွဲ့ စည်းပုံအခြေခံဥပဒေသည် စစ်တပ်ကို အဓိကနေရာ၌ထားသော ဖွဲ့ စည်းပုံဖြစ်ခြင်း၊ထိုဖွဲ့ စည်းပုံထဲတွင် ပြည်သူလူထု၏ဆန္ဒမပါဘဲ၊ ပြည်သူလူထုက ရွေးကောက်တင်မြှောက်ခြင်းမရှိဘဲ တပ်မတော်သားကိုယ်စားလှယ် ၂၅ ရာခိုင်နှုန်းကိုလွှတ်တော်၌ထားရှိခြင်း၊ တပ်မတော်သည် တိုင်းပြည်အတွက် လိုအပ်သည်ဟု
ယူဆလျှင် အချိန်မရွေး အာဏာသိမ်းပိုင်ခွင့်ရှိခြင်း၊ တပ်မတော်ကာကွယ်ရေးဦးစီးချုပ်အပါအ၀င် တပ်မှူးကြီးများပါဝင်သည့် ကာကွယ်ရေးနှင့် လုံခြုံရေးကော်မတီက တိုင်းပြည်အတွက် အရေးပါဆုံးသော အဆုံးအဖြတ်များတွင်
ဆုံးဖြတ်နိုင်ခွင့် ရှိခြင်း စသော ဖွဲ့ စည်းပုံပါဥပဒေများသည် စစ်တန်းလျားသို့ ပြန်မသွားရေး ဥပဒေကန့် သတ်ချက်များ ဖြစ်နေလေသည်။

ယခု အာဏာရနေသော ပြည်ခိုင်ဖြိုးပါတီမှာ စစ်အစိုးရလက်ထက်က ကြံ့ခိုင်ရေးနှင့် ဖွံ့ ဖြိုးတိုးတက်ရေးအဖွဲ့ ဖြစ်ပါသည်။ စစ်တပ်၏ လက်ကိုင်တုတ်ဖြစ်သည်။၂၀၀၈ ဖွဲ့ စည်းပုံဥပဒေဆွဲပြီး ရွေးကောက်ပွဲလုပ်တော့မည့်အချိန်တွင်ဗိုလ်ချုပ်မှူးကြီးသန်းရွှေ၏အမိန့် အရ ကြံ့ခိုင်ရေးအဖွဲ့ မှာ ပြည်ခိုင်ဖြိုးပါတီအဖြစ်ပြောင်းလဲသွားခဲ့၏။ ပြည်သူ့ ဆီမှရသော ငွေများမှာ ထိုပါတီ၏ ရံပုံငွေများ
ဖြစ်သွားခဲ့သည်။ ထိုပါတီ၏ရံပုံငွေများမှာ အမှန်တကယ် သန့် စင်ပါသလော။ထို့ အပြင် ပြည်ခိုင်ဖြိုးပါတီ၏ မူလအစမှာ ၁၉၅၈ ခုနှစ် ဗိုလ်ချုပ်ကြီးနေ၀င်းအိမ်စောင့်အစိုးရအဖြစ် အာဏာသိမ်းစဉ်က ဖွဲ့ စည်းခဲ့သော ပြည်ခိုင်ဖြိုးအဖွဲ့ ပင်မဟုတ်ပါလော။ ပြည်ခိုင်ဖြိုးပါတီအစိုးရ သမ္မတနှင့် ၀န်ကြီးအဖွဲ့ ဝင်အားလုံးမှာယခင်အာဏာသိမ်းစစ်အစိုးရမှ ဗိုလ်ချုပ်ကြီးများဖြစ်လေသည်။ စစ်အစိုးရ
ဝန်ကြီးချုပ် ဗိုလ်ချုပ်ကြီးသိန်းစိန်မှာ ယခု သမ္မတဦးသိန်းစိန် ဖြစ်နေသည်ပင်။ယူနီဖောင်းဝတ်၍ တောင်ရှည်ပုဆိုးလဲကာ စစ်အုပ်ချုပ်ရေးမှ အရပ်သားအုပ်ချုပ်ရေးဟု ကြွေးကြော်လိုက်ခြင်း မဟုတ်ပါလော။

ထို့ ကြောင့် စစ်တပ်သည် စစ်တန်းလျားသို့ ပြန်သွားပြီလားဟု မေးလျှင်ပြန်မသွားသေးဟု ဖြေရပေလိမ့်မည်။ စစ်တပ်သည် စစ်တန်းလျားသို့ ပြန်သွားပြီးတိုင်းပြည်ကာကွယ်ရေးအတွက်သာ တာဝန်ယူမည်ဆိုလျှင်..

(၁) ဖွဲ့ စည်းပုံအခြေခံဥပဒေမှ တပ်မတော်သားကိုယ်စားလှယ် ၂၅ %ကာကွယ်ရေးဦးစီးချုပ်၏ အမိန့် ဖြင့် ထည့်သွင်းထားခြင်းအား ပယ်ဖျက်ရမည်။

(၂) တပ်မတော်မှ တိုင်းပြည်အတွက် လိုအပ်လာလျှင် အချိန်မရွေး အာဏာသိမ်းပိုင်ခွင့်ရှိသည်ဆိုသော ကမ္ဘာတွင် မည်သည့်နိုင်ငံ၏ ဖွဲ့ စည်းပုံဥပဒေတွင်မှမရှိသော အာဏာရှင်စနစ်ကျင့်သုံးသောနိုင်ငံများတွင်သာရှိသော ဥပဒေကို
ဖျက်သိမ်းပေးရမည်။

(၃) နိုင်ငံတော်ကာကွယ်ရေးနှင့် လုံခြုံရေးကောင်စီကို ချွင်းချက်မရှိ ဖျက်သိမ်း
ပေးရမည်။

ထက်မြက်

(ပြည်သူ့ ဆန္ဒဂျာနယ် အတွဲ ၁၊ အမှတ် ၆ တွင် ဖော်ပြပါရှိသော ထက်မြက်၏“စစ်တန်းလျားကို ပြန်ကြပါ” ဆောင်းပါးမှ ထုတ်နုတ်ပါသည်)

Aunh Myo tun


မုံရွာခရိုင် လက်ပံတောင်းတောင် ကြေးနီစီမံကိန်းဒေသမှာ အသိမ်းခံထားတဲ့ လယ်မြေတွေအတွက် လျော်ကြေးမယူတဲ့ လယ်သမားတွေက သူတို့လယ်ယာမြေတွေမှာ ဝင်ရောက်ထွန်ယက်ရာမှာ စီမံကိန်း လုံခြုံရေးတပ်ဖွဲ့တွေနဲ့ တင်းမာမှုဖြစ်ပွားခဲ့ပါတယ်။ လက်ပံတောင်းတောင် ဒေသခံလယ်သမားတွေကို ကူညီနေတဲ့ ရန်ကုန်ပြည်သူ့အကျိုးဆောင်ကွန်ရက်က ကိုအောင်စိုးကို ဖမ်းဆီးရာကနေ ဒေသခံတွေနဲ့ တင်းမာမှုဖြစ်ပြီး ရဲကအင်အားသုံး ဖြိုခွဲခဲ့တာလို့ သိရပါတယ်

RFA


အကြောင်းကြောင့် အကျိုးဖြစ်

နာရေးကူညီမှုအသင်း(ရန်ကုန်)၏ ဦးကျော်သူသည် မြန်မာပြည်အဝှမ်းနယ်မြို့များရှိ ပရဟိတအသင်းအဖွဲ့ များ၊ ပရဟိတစိတ်ဓါတ်များ ပိုမိုတိုးတက်လာစေရန်နှင့် ပရဟိတအသင်းအဖွဲ့အချင်းချင်း စနစ်တကျနှင့် ပိုမို၍စည်း လုံးမှုရှိစေရန် ဒေသတစ်ခုတွင် သဘာဝဘေးအန္တရာယ်များ ကျရောက်လာပါက အသင်းအဖွဲ့အချင်းချင်း ဆက်သွယ် ကူညီမှုများ ပေးနိုင်ရန်အတွက်ရည်ရွယ်၍ ပရဟိတဟောပြောပွဲများ ပြုလုပ်ခဲ့ရာ မြန်မာပြည်အလယ်ပိုင်းနှင့် ရှမ်းပြည် နယ်ရှိ မြို့အတော်များများတွင် ဟောပြောပွဲများ ပြုလုပ်ခဲ့ပြီးဖြစ်သည်။ ယခင်လအတွင်း၌ ဖြစ်ပွားခဲ့သော လူမျိုးရေး ပဋိပက္ခများကြောင့် လူစုလူဝေးများဖြစ်စေမည့် ဟောပြောပွဲများအား ခေတ္တရပ်နားထားခဲ့ရာ ယခု အခြေအနေများ ကောင်းမွန် ငြိမ်သက်သွားခဲ့ပြီဖြစ်သဖြင့် လူမှုရေးပရဟိတ ဟောပြောပွဲများအား ပြန်လည်စတင်ခဲ့ပြီဖြစ်သည်။

၂ဝ.၄.၂ဝ၁၃ ရက်နေ့တွင် ရှမ်းပြည်နယ်(အရှေ့ပိုင်း) ကျိုင်းတုံမြို့ရှိ မဟာအနှစ်၏ ရင်သွေး “နှလုံးလှ ပိုင်ရှင်များ” နာရေးကူညီမှုအသင်း၏ ရုံးဖွင့်ပွဲနှင့် လူမှုရေးပရဟိတဟောပြောပွဲအား ကျိုင်းတုံမြို့တွင် ကျင်းပပြုလုပ် ခဲ့ကာ ယင်းနေ့ ညနေပိုင်းတွင် “နှလုံးလှပိုင်ရှင်များ” နာရေးကူညီမှုအသင်းရုံးခန်းအား နာရေးကူညီမှုအသင်း (ရန်ကုန်) ဦးကျော်သူမှ ဖွင့်လှစ်ပေးခဲ့ပြီး ည (၈းဝဝ) နာရီအချိန်တွင် ဟောပြောပွဲအား ကျင်းပခဲ့သည်။ ထိုသို့ ဟောပြောခဲ့ရာတွင် နာရေးကူညီမှုအသင်း(ရန်ကုန်) ဦးကျော်သူမှ “ဗြဟ္မစိုရ်ခြေလှမ်းများ” ခေါင်းစဉ်ဖြင့် ဟောပြော ပေးခဲ့ပြီးနောက် ကိုအလင်းဆက်(IR)မှ “ပဉ္စမမဏ္ဍိုင်၏စိန်ခေါ်မှုများ” ခေါင်းစဉ်ဖြင့် ဟောပြောပေးခဲ့သည်။ ၄င်းဟော ပြောပွဲသို့ မြို့ခံပရိသတ်များနှင့် လူမှုရေးအဖွဲ့အစည်းများမှလာရောက် အားပေးခဲ့ကြသည်။ “နှလုံးလှပိုင်ရှင်များ” နာရေးကူညီမှုအသင်းသည် လူငယ်များဖြင့်ဖွဲ့စည်းထားသော အဖွဲ့အစည်းဖြစ်ပြီး မဟာအနှစ် ဗုဒ္ဓဘာသာတရားပွဲ များ ဖြစ်မြောက်ရေးအဖွဲ့၏ ရင်သွေးငယ်များလည်းဖြစ်သည်။ “နှလုံးလှပိုင်ရှင်များ” နာရေးကူညီမှုအသင်း၏ ဥက္ကဌ ဦးကျော်သူအောင် ဦးဆောင်၍ တက်ကြွစွာလှုပ်ရှားနေသော လူငယ်အဖွဲ့အား မြင်တွေ့ရသည်မှာ ၄င်းတို့၏ အသင်း အတွက် အားတက်စရာပင် ဖြစ်တော့သည်။ ထို “နှလုံးလှပိုင်ရှင်များ” နာရေးကူညီမှုအသင်း၏ ရုံးဖွင့်ပွဲတွင် တိုက် ဆိုင်စွာဖြင့် အလှူရှင်များမှ လှူဒါန်းသော နာရေးနိဗ္ဗာန်ယာဉ် (၂) စီးအား လက်ခံရရှိခဲ့လေသည်။ နောက်တနေ့ နံနက်တွင် ကျိုင်းတုံမြို့ရှိ ကျိုင်းတုံစော်ဘွား၏ ဂူသင်္ချိုင်းဗိမာန်အား သွားရောက်လေ့လာခဲ့ကာ ကျိုင်းတုံစော်ဘွား၏ နောက်ဆုံးမျိုးဆက်ဖြစ်သူနှင့် တွေ့ဆုံခွင့်ရရှိခဲ့ပြီး စော်ဘွားများ၏ သင်္ချိုင်းဂူဗိမာန် (၉) ခုအား ဂါရဝပြုကာ ပြုခဲ့သမျှ သော ကောင်းမှုကုသိုလ်တို့အား မေတ္တာပို့သ အမျှပေးဝေခဲ့ကြသည်။

၂၁.၄.၂ဝ၁၃ ရက်နေ့တွင် တာချီလိတ်မြို့သို့ ရောက်ရှိခဲ့ကြပြီး “မဇ္ဇျိမ” လူမှုကူညီရေးအသင်း ဥက္ကဌ ဦးတင့် ဆွေ၏ ဦးဆောင်စီစဉ်မှုဖြင့် ယင်းနေ့ ည (၈းဝဝ) နာရီအချိန်တွင် ဟုတ်တက် ဗုဒ္ဓဘာသာဘုရားကျောင်းတွင် လူမှုရေးပရဟိတ ဟောပြောပွဲကျင်းပခဲ့သည်။ ထိုဟောပြောပွဲတွင်လည်း ကောင်းသောအကြောင်းတရားကြောင့် ကောင်းသောအကျိုးတရား ဖြစ်ထွန်းသည်ဟုပင် ဆိုရလေမလားမသိ။ “မဇ္ဇျိမ” လူမှုကူညီရေးအသင်းသို့ အများ ပြည်သူ အလှူရှင်များမှ လှူဒါန်းခဲ့သောအလှူငွေများနှင့် မြို့နေပြည်သူလူထုတို့၏ အင်တိုက်အားတိုက် အားပေးခြင်း ခံယူရရှိခဲ့လေသည်။ ၂၂.၄.၂ဝ၁၃ ရက်နေ့ နံနက်ပိုင်းတွင် တာချီလိတ်မြို့၏ သုဿန်သို့ သွားရောက်လေ့လာခဲ့ပြီး နေ့လည် (၁၂းဝဝ) နာရီအချိန်တွင် တာချီလိတ်မြို့ရှိ “မဇ္ဇျိမ” လူမှုကူညီရေးအသင်းနှင့် မြို့ခံပရဟိတအဖွဲ့များ၊ ထိုင်း နိုင်ငံ မယ်ဆိုင်မြို့ရှိ လူမှုဂရုဏာအသင်း(မယ်ဆိုင်) အစရှိသည့် လူမှုရေးအဖွဲ့များတို့အား ဇန်းမွန်အာခါဟိုတယ်တွင် တွေ့ဆုံခဲ့ကြပြီး ပရဟိတအဖွဲ့များမှ သိလိုသောအချက်များအား မေးမြန်းခဲ့ရာ ဦးကျော်သူမှ ပြန်လည်ဖြေကြား၍ အမှတ်တရပစ္စည်းများ ပေးအပ်ခဲ့ကြသည်။

ယခုကဲ့သို့ အများပြည်သူတို့အတွက် ပရဟိတဟောပြောပွဲများ အယူသီးမှုပပျောက်ရေးနှင့် အသိပညာပေး ဟောပြောပွဲများပြုလုပ်ပေးခဲ့သော ကျွန်တော်တို့၏ ပေးဆပ်မှုအကြောင်းများကြောင့် ယခုခရီးစဉ်တွင် ကျိုင်းတုံမြို့ရှိ လွန်ခဲ့သောနှစ်ပေါင်း (၂၃) နှစ်က ပျံလွန်တော်မှုခဲ့ပြီး ယနေ့တိုင် မပုပ်မသိုး၊ မပျက်ယွင်းဘဲ အကောင်းပကတိ အလား သက်တော် (၇၆) နှစ်ရှိ ဆရာတော်ဦးသာဂရ၏ ရုပ်ကလာပ်တော်အား ဖူးမျှော်ခွင့် ရရှိခဲ့သလို ကျိုင်းတုံ စော်ဘွားများ၏ ဂူသင်္ချိုင်းဗိမာန်များအားလည်း လေ့လာဂါရဝပြုခွင့်ရရှိခဲ့သော အကျိုးထူးကိုရရှိခဲ့ကာ ကျိုင်းတုံမြို့ရှိ မဟာအနှစ်၏ရင်သွေး “နှလုံးလှပိုင်ရှင်များ” နာရေးကူညီမှုအသင်း၏ ဥက္ကဌ ဦးကျော်သူအောင်နှင့် တာချီလိတ်မြို့ရှိ “မဇ္ဇျိမ” လူမှုကူညီရေးအသင်း ဥက္ကဌ ဦးတင့်ဆွေတို့၏ ဗြဟ္မစိုရ်စိတ်ဓါတ်အကြောင်းတို့ကြောင့် မော်တော်ယာဉ်များ၊ အလှူငွေများနှင့် ပြည်သူလူထုတို့၏ ထောက်ခံအားပေးမှု အကျိုးတရားများ ရရှိခဲ့ပါကြောင်းနှင့် “ကိုယ်ပြုသောကံ ပဲ့တင်သံ ကိုယ့်ထံပြန်လာမည်” ဖြစ်ပါကြောင်း ထိုထူးမြတ်လှသည့် ကုသိုလ်ထူး၊ အကျိုးထူးများအား အများပြည်သူ တို့အား မျှဝေလိုက်ရပါတော့သည်။

FFSS

မိုးမခ၊
မေလလယ်မှ ဇွန်လလယ်အထိ အမေရိကန်ပြည်ထောင်စုကို လာရောက်မယ့် ၈၈မျိုးဆက် ခေါင်းဆောင် ၂ ဦးဖြစ်တဲ့ ကိုမင်းကိုနိုင် နဲ့(ကို)ကိုကိုကြီးတို့နဲ့ တွေ့ဆုံဆွေးနွေးကြဖို့၊ ကြိုဆိုနှုတ်ဆက်ကြဖို့ ပြည်နယ်အသီးသီး မြို့နယ်အသီးသီးက မြန်မာတိုင်းရင်းသားတွေ၊ မျိုးဆက်ဟောင်း မျိုးဆက်သစ်တွေက ကြိုတင်ပြင်ဆင်နေကြပြီ ဖြစ်ပါတယ်။ လက်ရှိမှာ ၀ါရှင်တန်ဒီစီ၊ နယူးယောက်မြို့တော်၊ ဖလော်ရီဒါ၊ ဖို့ဝိန်း၊ ဆန်ဖရန်စစ္စကိုဘေးဧရိယာ၊ လော့စ်အိန်ဂျလိစ်၊ လပ်စ်ဗေးဂတ်စ်၊ ယူတီကာ စတဲ့ မြို့နယ်တွေက သူတို့ကို ကြိဆုိုဖို့ တွေ့ဆုံဖို့ အသီးသီး တက်ကြွစွာ ပြင်ဆင်လျက်ရှိပါတယ်။

မြန်မာပြည်ဒီမိုကရေစီအရေးတော်ပုံကြီးဖြစ်တဲ့ ၈၈ အရေးတော်ပုံမှာ ဦးဆောင်ပါဝင်ခဲ့သူ၊ ထောင်ဒဏ် အနှစ် ၂၀ အနှစ် ၆၀ ကျော် ချမှတ်ခံရတဲ့ နို်င်ငံရေးအကျဉ်းသား၊ ဗကသ ကျောင်းသားသမဂ္ဂများအဖွဲ့ချုပ် ခေါင်းဆောင်၊ ရွှေဝါရောင်တော်လှန်ရေးမှာလည်း ဖမ်းဆီးထိန်းသိမ်းခြင်းခံခဲ့ရသူ၊ ဘ၀သက်တမ်းတလျောက် မြန်မာပြည်လွတ်လပ်ရေးနဲ့ ဒီမုိုကရေစီအရေး အတွက် မြုပ်နှံ စွန့်လွှတ် တော်လှန် တိုက်ပွဲဝင်သူ ၈၈ မျိုးဆက် ကျောင်းသားခေါင်းဆောင်တွေထဲက ထင်ရှားတဲ့ ကိုမင်းကိုနိုင်နဲ့ ကိုကိုကြီးတို့ကို ၈၈မျိုးဆက်ဟောင်းတွေ နဲ့ ၈၈နောက်ပိုင်း မျိုးဆက်သစ်တွေ အားလုံးက တွေ့ဆုံဖို့ ပြင်ဆင်နေကြကြောင်းကို ယနေ့နေ့ခင်းမှာ တယ်လီဖုံးမှတဆင့် နှုတ်ဆက်ရင်း သတင်းစကားပါးဖြစ်ခဲ့ပါတယ်။

တဆက်တည်းမှာပဲ အမေရိကန်ပြည်ကို ရောက်ရှိနေထိုင် နေကြတဲ့ မြန်မာတိုင်းရင်းသားမိသားစုတွေ၊ မျိုးဆက်ဟောင်းတွေ မျိုးဆက်သစ်တွေအတွက် ယခုအချိန် လာရောက်တွေ့ဆုံဖို့ ပြင်ဆင်နေချိန်မှာ မည်သို့သော နှုတ်ခွန်းဆက်စကား ပြောဆိုလိုပါသလဲလုို့ မိုးမခက မေးမြန်းဖြစ်ခဲ့ပါတယ်။

ကိုမင်းကိုနိုင်က ပြောဆိုရာမှာ …
“ကျနော်တို့ကို NED အဖွဲ့က ဖိတ်တယ်။ ပထမအကြိမ် ဆုပေးပွဲဖိတ်တုန်းက ကျနော်တို့ ၈၈တွေကို ပတ်စ်ပို့မပေးဘူး စတာတွေကြောင့် ကျနော်တို့ မသွားဘူး။ အခုတကြိမ်မှာ ထပ်ဖိတ်တော့ ကျနော်တို့ လာဖြစ်တယ်။ ပြီးတော့ အမေရိကန်ပြည်ထောင်စုမှာ ကျနော်တို့ ကျောင်းသားတွေ ရှိတယ်။ မျိုးဆက်ဟောင်းတွေ၊ မျိုးဆက်သစ်တွေ ရှိတယ်။ မြန်မာကွန်မြူနီတီအားကောင်းတဲ့ ပြည်နယ်တွေ ရှိနေတယ်။ အဲသည်မှာ မြန်မာပြည်နယ်စပ်က ဒုက္ခသည်စခန်းတွေက မွေးဖွားလာတဲ့ မျိုးဆက်တွေ ရှိတယ်။ သူတို့တွေက အစ ကျနော်တို့နဲ့ တွေ့ဖို့ စိတ်အားထက်သန်နေကြတယ်။ ကျနော်တုို့ မျိုးဆက်တွေ အချင်းချင်းကတော့ ရှေ့သွားမယ်အလုပ်ကို တိုင်ပင်ကြမယ်။ နောင်မျိုးဆက်ကို ပေးရမှာကတော့ ကျနော်တို့အတွေ့အကြုံနဲ့ အတွေးအမြင်တွေကို ပြောပြမယ်။ သူတုို့ဆီကတော့ သူတို့အပြင်မှာ နေရတဲ့ ဘ၀တွေ၊ သင်ရတဲ့ ပညာတွေကို ကျနော်တို့က ပြန်ယူရမှာပေါ့။ နားထောင်ရမှာပေါ့။ ပြီးတော့ သူတို့ သိထားတဲ့ အသိပညာတွေနဲ့ ပြည်တွင်းမှာ ဘယ်လောက် အလုပ်လုပ်လုို့ရမလဲဆိုတာကို ကျနော်တို့ သိထားတဲ့ အခြေအနေနဲ့ ပြန်ပြောပြရမှာပေါ့။ ကျနော်တို့ ကွန်မြူနီတီတွေ အားလုံး ညီညီညွတ်ညွတ်နဲ့ ၀ိုင်းလုပ်ကြမယ်၊ ၀ိုင်းပြီး တိုင်ပင်ဆွေးဆွေးကြမယ်ပေါ့ဗျာ။”
လို့ ပြောသွားပါတယ်။

ကိုကိုကြီးက ပြောဆိုရာမှာ …
“ ၈၈ အရေးတော်ပုံနောက်ပိုင်းမှာ မြန်မာပြည်ကနေ ထွက်ခွာသွားရတဲ့ ကျနော်တို့ မိတ်ဆွေတွေ၊ မျိုးဆက်တွေနဲ့ ပြန်လည် ဆုံတွေ့ရမှာဖြစ်တဲ့အတွက် ကျနော်တို့အနေနဲ့ စိတ်လှုပ်ရှားတယ်။ နောက်ပြီးတော့ ၈၈ မတိုင်ခင်ကတည်း ထွက်ခွာသွားတဲ့ မျိုးဆက်တွေနဲ့လည်း တွေ့ဆုံကြရမယ်လို့ မျှော်လင့်တယ်။ လက်ရှိမှာ ကျနော်တို့နိုင်ငံရဲ့ ပြုပြင်ပြောင်းလဲမှုတွေကလည်း တကယ်ကို ဒီမုိုကရေစီအတွက် ပြုပြင်ပြောင်းလဲရေး အရှိန်အဟုန်ကို မြှင့်တင်နိုင်ဖို့တွက် လိုအပ်နေတယ်။ ပြည်တွင်းမှာသာမက ပြည်ပက အင်အားစုတွေကပါ အဖက်ဖက်ကနေပြီး ၀ိုင်းဝန်း ပူးပေါင်း ဆောင်ရွက်ကြဖို့ လိုအပ်နေတယ်။ အဲဒီကျမှသာ တကယ်ပြုပြင်ပြောင်းလဲလိုတဲ့ အုပ်ချုပ်ရေးတို့၊ တရားစီရင်ရေးတို့၊ တပ်မတော်တို့က အင်အားစုတွေက ပိုမိုပြီး ကျယ်ကျယ်ပြန့်ပြန့်ဖြစ်လာမယ်။ အခုပြောင်းလဲရေးအတွက် ကျနော်တို့ဖက်က ဝေဖန်ထောက်ပြတဲ့ အပုိုင်းတွေရှိတယ်၊ ပူးပေါင်းဆောင်ရွက်တဲ့ အပုိုင်းတွေလည်း ရှိတယ်။ အဲသည်အတွက် ကျနော်တို့တတွေက အပြင်မှာရှိနေတဲ့ မြန်မာတိုင်းရင်းသားတွေ မျိုးဆက်ဟောင်း မျိုးဆက်သစ်တွေနဲ့ တွေ့ဆုံဆွေးနွေးကြပြီးတော့ ဒီမုိုကရေစီရေး ပြုပြင်ပြောင်းလဲမှုတွကို အားကောင်းခိုင်မာလာအောင်နဲ့ instituationlized ဖြစ်လာအောင်၊ ဖွဲ့စည်းပုံ စနစ်တကျဖြစ်လာအောင် ဖော်ဆောင်နိုင်ကြမယ်လို့ မျှော်လင့်ပါတယ်”လို့ ပြောသွားပါတယ်။
မိုးမခ၊

Author Name

Contact Form

Name

Email *

Message *

Powered by Blogger.