05/14/13



၁၃၊ ၅၊၂ဝ၁၃ နေ့၊ နေ့လည် ၁း၃ဝ တွင် အမေရိကန်ပြည်ထောင်စုသံရုံးမှ သံအမတ်ကြီး မစ္စတာ ဒဲရစ်မစ်ချဲလ်နှင့်အဖွဲ့သည် ၈၈မျိုးဆက်ရုံးသို့ရောက်ရှိလာပြီး၊ ၈၈မျိုးဆက်ခေါင်းဆောင် များဖြစ်ကြသော မင်းကိုနိုင်၊ ကိုကိုကြီး၊ ကိုဂျင်မီတို့နှင့် တွေ့ဆုံ၍ ၈၈မျိုးဆက်ခေါင်းဆောင်တို့၏ အမေရိကန်ခရီးစဉ်နှင့်ပတ်သက်၍ ၎င်းတို့အကူအညီပေးရမည့် ကိစ္စများကိုလည်းကောင်း ၊ နိုင်ငံရေးအကျဉ်းသားများကျန်ရှိနေသေးသည့်ကိစ္စနှင့်ကျင့်ထုံးဥပဒေပုဒ်မ(၄၀၁)အရ ထောင်ကျကြွေးကျန်ကိစ္စများကိုလည်းကောင်း၊ မြန်မာနိုင်ငံ၏ လက်ရှိအပြောင်းအလဲကာလတွင် လူမှုအခြေပြုအဖွဲ့အစည်းများ ပိုမိုအားကောင်းလာစေရေးအတွက် အမေရိကန်အစိုးရအနေဖြင့် အကူအညီပေးရန်အသင့်ရှိနေမှုများကိုလည်းကောင်း ပြောဆိုဆွေးနွေးခဲ့ကြသည်။

ထို့နောက် နေ့လည် ၂း၃ဝ တွင် တရုတ်ပြည်သူ့သမ္မတနိုင်ငံသံရုံးမှ သံအမတ်ကြီး H.E. Mr.Yang Houlan နှင့်အဖွဲ့သည် ၈၈မျိုးဆက်ရုံးခန်းသို့ရောက်ရှိလာပြီး၊ ၈၈မျိုးဆက်ခေါင်းဆောင်များဖြစ်ကြသော မင်းကိုနိုင်၊ ကိုကိုကြီး၊ ကိုဂျင်မီတို့နှင့် တွေ့ဆုံခဲ့သည်။ ထိုတွေ့ဆုံမှုမှာ တရုတ်ပြည်သူ့သမ္မတနိုင်ငံသံရုံးမှ သံအမတ်ကြီးတစ်ဦးအနေဖြင့် ၈၈မျိုးဆက်တို့နှင့် ပထမဆုံးအကြိမ်တွေ့ဆုံမှုပင်ဖြစ်သည်။ ထိုသို့တွေ့ဆုံရာတွင် အစိုးရချင်း ဆက်ဆံရေးကောင်းမွန်မှုနည်းတူ၊ ပြည်သူချင်းဆက်ဆံရေး၏ အရေးပါမှုကိုလည်းကောင်း၊ နယ်နိမိတ်ချင်းထိစပ်မှုများသောကြောင့် နယ်စပ်ဒေသဖွံ့ဖြိုးရေးနှင့် တရားဥပဒေစိုးမိုးရေးတို့ကိုလည်းကောင်း၊ အပြောင်းအလဲကာလတွင် နိုင်ငံသားတို့၏အခွင့်အရေးနှင့် လူမှုအဖွဲ့အစည်းဆိုင်ရာကဏ္ဍများ မြှင့်တင်ရေးတို့ကိုလည်းကောင်း အပြန်အလှန်ဆွေးနွေးခဲ့ကြသည်။

88 Generation Students



ကောက်လိုက်ကြစို့…အတူတူ

ယနေ့ကမ္ဘာကြီးသည် နေ့စဉ်နှင့်အမျှ နည်းပညာများ ပြောင်းလဲတိုးတက်လာသည်နှင့်အမျှ ထိုတိုး တက်လာသော နည်းပညာ၏နောက်မှ ဘေးထွက်ဆိုးကျိုးများ တပါတည်း ခေါ်ဆောင်လာခဲ့ပြီဖြစ်သည်။ ထိုဘေးထွက်ဆိုးကျိုးများထဲတွင် သဘာဝပတ်ဝန်းကျင်နှင့် သဘာဝဂေဟစနစ်များ ပျက်စီးစေနိုင်သော “အမှိုက်” ဟုခေါ်သည့် လူတို့အသုံးပြုပြီး စွန့်ပစ်ပစ္စည်းသည်လည်း အပါအဝင်ဖြစ်သည်။ မြန်မာနိုင်ငံ အပါအဝင် ကမ္ဘာနိုင်ငံအသီးသီးတို့တွင် နေ့စဉ်အမှိုက်တန်ချိန် မြောက်များစွာထွက်ရှိနေပြီး ထိုအမှိုက်များ ထဲတွင် မီးဖိုချောင်သုံးပစ္စည်းမှစ၍ ဓါတုစွန့်ပစ်အမှိုက်အထိပါဝင်သည်။ မီးဖိုချောင်သုံး စွန့်ပစ်အမှိုက်များ သည် အချိန်အနည်းငယ်အတွင်း ပျက်စီးဆွေးမြေ့လွယ်သော်လည်း အခြားသော လျှပ်စစ်စွန့်ပစ် ပစ္စည်း များဖြစ်သော မတော်တဆထိခိုက်၍ အသက်အန္တရာယ်ထိပါးစေနိုင်သော ဓါတ်ခဲအဟောင်းများ၊ မီးချောင်း၊ မီးချောင်းချုပ်၊ မီးလုံး၊ Electronic Circuit များအပြင် အဆိုးဆုံးမှာ ပလတ်စတစ် ကျွတ်ကျွတ်အိတ်ပင် ဖြစ်ပါသည်။ ပလက်စတစ်သည် သူ့သဘာဝအတိုင်း ဆွေးမြေ့ပျက်စီးနိုင်ရန်အတွက် အနည်းဆုံးနှစ်ပေါင်း (၄ဝဝ) ခန့်ကြာမြင့်သည်ဟု ပညာရှင်များဆိုကြသည်။ ထို့ကြောင့် မြန်မာနိုင်ငံအပါအဝင် ကမ္ဘာ့နိုင်ငံ အသီးသီးတို့တွင် ပလက်စတစ်အသုံးပြုမှု လျှော့ချရေးလှုပ်ရှားမှုများ အလေးထား၍ ဆောင်ရွက်နေကြပြီ ဖြစ်သည်။ ထိုသို့လှုပ်ရှားဆောင်ရွက်နေကြသော လူမှုအကျိုးပြုအဖွဲ့အစည်းများထဲတွင် အများပြည်သူတို့၏ နာရေး၊ ကျန်းမာရေး၊ ပညာရေး၊ သဘာဝဘေးနှင့် စစ်ဘေးတို့အပြင် သဘာဝပါတ်ဝန်းကျင် စိမ်းလန်း စိုပြေရေးနှင့် မြန်မာပြည်အဝှမ်း အရေးပေါ်ကိစ္စရပ်များ ဖြစ်ပေါ်လာပါက အထိရောက်ဆုံးနှင့် အမြန်ဆုံး ဖြစ်အောင် ဗြဟ္မာစ်ိုရ်တရားလက်ကိုင်ထားကာ ကူညီဆောင်ရွက်ပေးနေသော ကျွန်တော်တို့၏ နာရေး ကူညီမှုအသင်း(ရန်ကုန်)သည်လည်း တတပ်တအား ပါဝင်ခဲ့သည်။

၁၁.၅.၂ဝ၁၃ ရက်နေ့ နံနက် (၆းဝဝ) နာရီအချိန်တွင် နာရေးကူညီမှုအသင်း(ရန်ကုန်)မှ ဒု-ဥက္ကဌ ဒေါ်သန်းမြင့်အောင် ဦးဆောင်၍ သဘာဝပတ်ဝန်းကျင်အား ချစ်မြတ်နိုးသော “သဘာဝပတ်ဝန်းကျင် ထိန်းသိမ်းရေးနှင့် သန့်ရှင်းရေးလူငယ်အဖွဲ့” အား နာရေးကူညီမှုအသင်း(ရန်ကုန်)ရှိ လုပ်အားပေး အသင်း သား/သူ (၄၆) ဦးတို့သည် ရန်ကုန်မြို့ လူစည်ကားရာနေရာဖြစ်သည် ပန်းဆိုးတန်းဆိပ်ကမ်း ဧရိယာ အတွင်းရှိ ခရီးသည်နားနေဆောင်နှင့် ဆိပ်ခံဗောတံတားနှင့် အနီးပတ်ဝန်းကျင်များတို့တွင် စည်းကမ်းမဲ့စွာ စွန့်ပစ်ထားသော အမှိုက်များအား လိုက်လံကောက်ယူသိမ်းဆည်းခြင်း၊ တံမြတ်စည်းလှည်းခြင်း၊ အမှိုက် များ စနစ်တကျ ခွဲခြားထုတ်ပိုးခြင်းများ ဆောင်ရွက်ခဲ့ကြပြီးနောက် မြောက်ဥက္ကလာပမြို့နယ် လူစည်ကား သည့် မြောက်ဥက္ကလာပအဝိုင်း ကားမှတ်တိုင်အနီး ပတ်ဝန်းကျင်များတွင်လည်း အမှိုက်များကောက်ယူ သိမ်းဆည်းခြင်းများကို ဆက်လက်လုပ်ဆောင်ခဲ့ကြသည်။ ယခုကဲ့သို့ လုပ်ဆောင်ကြရာတွင် မိမိတို့အနေ ဖြင့် အများပြည်သူတို့ထံမှ အားတက်ဖွယ်ရာ ရလာဒ်ကောင်းများကို မြင်တွေ့ကြားသိခဲ့ရပါတော့သည်။ ပန်းဆိုးတန်းဗောတံတားပေါ်တွင် ဈေးသည်အချို့သည် မိမိတို့အမှိုက်ကောက်၊ တံမြတ်စည်းလှည်းနေ သည်ကို တွေ့မြင်ကြသောအခါ ၎င်းတို့၏ ဈေးဗန်းအနီးရှိ ၎င်းတို့စွန်ပစ်ထားသော အမှိုက်များကို တာဝန် သိစွာ ပြန်လည်ကောက်ယူနေသည်ကို တွေ့မြင်ကြရသလို အချို့မှာ မိမိတို့စားပြီး လွှတ်ပစ်လိုက်သော ကျွတ်ကျွတ်အိတ် အမှိုက်များကို ချက်ချင်းပြန်လည်ကောက်ယူကာ အမှိုက်ပုံးထဲသို့ စနစ်တကျပြန်လည်၍ စွန့်ပစ်နေကြသည်ကို အားရကျေနပ်ဖွယ် တွေ့မြင်ခဲ့ရသည်။ အချို့သူများမှာတော့ အမှိုက်ကောက်နေ သည်ကို ပါဝင်ပူးပေါင်းလိုသော ဆန္ဒရှိသော်လည်း ၎င်းတို့၏စိတ်ထဲတွင် “သူတို့လုပ်နေတာမြင်မှ ငါ … ဝင် လုပ်မယ်ဆိုရင် ရှက်စရာ” ဟူသော အကြည့်မျိုးဖြင့် ကြည့်နေကြသည်ကိုလည်း တွေ့မြင်ခဲ့ရသည်။ မည်သို့ ပင်ဖြစ်စေ ပူးပေါင်းပါဝင်လိုစိတ် ပေါ်ပေါက်ခဲ့ခြင်းပင် ကျွန်တော်တို့၏ မြန်မာလူမျိုးတို့သည် အခြားသော နိုင်ငံကြီးသားများထက် တာဝန်ယူလိုစိတ်မညံ့သော လူမျိုးများဟု တွေးမြင်မိတော့သည်။ “သဘာဝ ပတ် ဝန်းကျင်ထိမ်းသိန်းရေးနှင့် သန့်ရှင်းရေးလူငယ်အဖွဲ့” သည် နံနက် (၁ဝး၃ဝ) နာရီအချိန်၌ သန့်ရှင်းရေး အစီအစဉ်ပြီးဆုံး၍ နာရေးကူညီမှုအသင်း(ရန်ကုန်)သို့ ပြန်လည်ရောက်ရှိခဲ့ကြပြီး မိမိတို့သိမ်းဆည်းခဲ့သော အမှိုက်များအား မြောက်ဒဂုံမြို့နယ်ရှိ ထားဝယ်ချောင် သုဿန်အနီးရှိ အမှိုက်ပုံသို့ စနစ်တကျသွားရောက် စွန့်ပစ်ခဲ့ကြသည်။

နာရေးကူညီမှုအသင်း(ရန်ကုန်)မှ ယခုကဲ့သို့ အမှိုက်များ လိုက်လံကောက်နေခြင်းသည် အချိန်များ ပိုလျှံနေ၍ အပိုအလုပ်လုပ်နေခြင်းမဟုတ်။ နိုင်ငံတော်အစိုးရမှ နိုင်ငံပိုင်မီဒီယာများမှတဆင့် စည်းကမ်းမဲ့စွာ အမှိုက်ပစ်ခြင်းကို အသိပညာပေးလုပ်ငန်းများ ဆောင်ရွက်လာခဲ့သည်မှာ ဆယ်စုနှစ် အတော်တော်များများ ကျော်လွန်လာခဲ့ပြီဖြစ်သော်လည်း ထူးထူးခြားခြား တိုးတက်ပြောင်းလဲ ထိရောက်မှုမရှိခဲ့ပေ။ ယခုကဲ့သို့ သော လူအများတို့၏ ယုံကြည်အားကိုးအားထားပြုနေသော အသင်းအဖွဲ့တစ်ခုမှ အမှိုက်ကောက်ခြင်းကို မြင်တွေ့ရသော ပြည်သူတစ်ဦး၏ အသိအမြင်သည် စည်ပင်သာယာမှ ဝန်ထမ်းတစ်ဦး ပင်ပန်းကြီးစွာ အမှိုက်သိမ်းနေသည်ကို မြင်နေသောအသိအမြင်နှင့် ကွာခြားလှပါသည်ဆိုလျှင် မိဘပြည်သူအများစုက လက်ခံကြလိမ့်မည်ထင်ပေသည်။ ထိုကဲ့သို့သော မတူကွဲပြားသည့် အတွေးအမြင်များ ပြည်သူများထံတွင် ရှိနေသည်ကို ကျွန်တော်တို့ ပထမဦးဆုံးအမှိုက်ကောက်သည့်နေ့မှာပင် မျက်ဝါးထင်ထင် တွေ့မြင်ခဲ့ရပါ သည်။ ထိုသည်ကား ပြည်သူချစ်သော ပြည်သူ့အကျိုးပြု လူမှုအဖွဲ့အစည်းများအပေါ်တွင် အများပြည်သူ တို့၏ ယုံကြည်မှုကို ပြသလိုက်ခြင်းပင်ဖြစ်သည်။ ထို့ကြောင့် မိမိတို့နေထိုင်ရာ ရန်ကုန်မြို့တော်ကြီးမှ အစပြု၍ မြန်မာနိုင်ငံတဝှမ်းတွင် ရှိကြကုန်သော လူမှုအဖွဲ့အစည်းများနှင့် နိုင်ငံရေးအဖွဲအစည်းအသီးသီး တို့သည်လည်း မိမိတို့နေထိုင်ရာ နေရာဒေသအသီးသီးတို့တွင် အမှိုက်များအား စနစ်တကျစွန့်ပစ်၍ အ မှိုက်ကင်းစင်သော မြို့တော်များဖြစ်လာစေရန် ဤကဲ့သိုသော သဘာဝပတ်ဝန်းကျင်ထိန်းသိမ်းရေးနှင့် သန့်ရှင်းရေးလုပ်ငန်းရပ်အား ပူးပေါင်းပါဝင်၍ လုပ်ဆောင်ကြမည်ဆိုပါက မကြာမီအချိန်ကာလတွင် မိမိတို့ နေထိုင်ရာတွင် အမှိုက်ကင်းစင်မည် မလွဲပေ။

အထူးသဖြင့် တစ်ခေတ်တခါက ပြည်သူတို့၏ ယုံကြည်ချစ်ခင်လေးစားအားကိုခြင်းကို သိမ်းပိုက်ခဲ့ ကြသည့် ပြည်သူ့ရင်မှဖြစ်သော တပ်မတော်သားများ၊ ပြည်သူ့ရဲများ၊ အရံမီးသတ်တပ်ဖွဲ့ဝင်များနှင့် မိမိနှင့် နီးစပ်ရာ လူမှုအဖွဲ့အစည်းများနှင့်အတူ ထိုမွန်မြတ်လှစွာသော လုပ်ငန်းရပ်ကြီးအား ပူးပေါင်းပါဝင် လုပ်ဆောင်ကြမည်ဆိုပါလျှင် ပိုမိုခရီးတွင်လိမ့်မည်ဟု ခံယူမိပါသည်။ ထိုကဲ့သို့ ပူးပေါင်းဆောင်ရွက်ကြ ခြင်းသည် မည်သည့်မီဒီယာကမှ နှိုးဆော်စရာမလို၊ မည်သူမျှတိုက်တွန်းစရာ မလိုအပ်ပါပဲ ပြည်သူအားလုံး ပါဝင်လာမည်ဖြစ်သည်။ ထိုသို့ အများပြည်သူ ပါဝင်လာခြင်းဖြင့် စည်းကမ်းမဲ့စွာ အမှိုက်ပစ်မည့်သူများ ရှိတော့မည် မဟုတ်သလို နောင်တွင်လည်း မိမိတို့ အမှိုက်ကောက်စရာလိုတော့မည် မဟုတ်ပေ။ ဤကဲ့သို့ သော လူထုအခြေပြု လူမှုအဖွဲ့အစည်းများ၊ နိုင်ငံရေးအဖွဲအစည်းများ၊ ပြည်သူ့ဝန်ထမ်းများအနေဖြင့် ဒီမိုကရေစီနိုင်ငံသစ်သို့ သွားရောက်ရာ လမ်းတလျှောက်တွင် သန့်ရှင်းသာယာလှပသော အမှိုက် ကင်းစင် သည့် မြို့တော်ကြီးများ ဖြစ်ပေါ်လာရေးအတွက် အားလုံးတက်ညီလက်ညီ ရှေ့သို့ချီကာ ပြည်သူ့ရှေ့ မှောက် အမှိုက်ကောက်ကြစေရန် ရည်ရွယ်၍ “ကောက်လိုက်ကြစို့ … အတူတူ” ဟူသော ခေါင်းစဉ်လေး ဖြင့် အမှိုက်ကင်းစင်ရေးအတွက် တပ်လှန့် နှိုးဆော်လိုက်ရပါတော့သည်။





(Reuters မှ 12 May 2013 ရက်စွဲပါ “Clashes likely to delay Myanmar- China Pipeline Start-up” သတင်းကို ဘာသာပြန်ဆိုသည်။)

တိုင်းရင်းသားလက်နက်ကိုင် အုပ်စုများ ထိန်းချုပ်သောနယ်မြေကို ဖြတ်သန်းသွယ်တန်းထားသည့် ပိုက်လိုင်းသစ်မှ တဆင့် တရုတ်နိုင်ငံသို့ ရေနံနှင့်ဓါတ်ငွေ့များ ပထမဦးဆုံးတင်ပို့မည့် အစီအစဉ်သည် လုံခြုံရေး စိုးရိမ်မှုများကြောင့် နှောင့်နှေးဖွယ်ရှိကြောင်း မြန်မာ့စွမ်းအင်တာဝန်ရှိသူတစ်ဦးက စနေနေ့တွင် ပြောကြားခဲ့သည်။

တရုတ်နှင့်မြန်မာကုမ္ပဏီများ ဖက်စပ်ဖွဲ့စည်းထား South East Asia Gas Pipeline Company ဒုတိယဥက္ကဌ လီဇီလင်က ၇၉၃ ကီလိုမီတာအရှည် ပိုက်လိုင်းတည်ဆောက်မှုသည် မေလကုန်တွင် ပြီးစီးမည်ဟု ပြောကြားပါသည်။

ပြောရေးဆိုခွင့်မရှိ၍ အမည်မဖော်လိုသူ စွမ်းအင်ဝန်ကြီးဌာန အကြီးတန်းတာဝန်ရှိသူတစ်ဦးက “နည်းပညာပိုင်း အရတော့ဓါတ်ငွေ့ပိုက်လိုင်းကအသင့်အတင့်ဖြစ်နေပြီ။ ဒါပေမယ့်ပိုက်လိုင်းတစ်လျှောက် လုံခြုံရေးအနေအထားကြောင့် လုပ်ငန်းစလို့မရဆိုတာကတော့ သေချာပေါက်ပြောလို့မရပါဘူး” ဟု ပြောကြားသည်။

တရုတ်နိုင်ငံနှင့်ထိစပ်နေသော မြောက်ပိုင်းဒေသမှ KIA နှင့် တိုက်ခိုက်နေခြင်း ရှမ်းပြည်နယ်တွင် တပ်မတော် (စစ်တပ်)နှင့် ရှမ်းလက်နက်ကိုင်အုပ်စုများအကြား တိုက်ပွဲများ လတ်တလော ဖြစ်ပွားနေခြင်းတို့ကြောင့် ပိုက်လိုင်း စတင်လည်ပတ်ရန် နှောင့်နှေးလိမ့်မည်ဟု အဆိုပါတာဝန်ရှိသူက ပြောကြားခဲ့သည်။

အဆိုပါပိုက်လိုင်းသည် ရခိုင်ကမ်းလွန်ရှိ ရွှေဓါတ်ငွေ့စီမံကိန်းမှ ဓါတ်ငွေ့များကို တရုတ်နိုင်ငံ ယူနန်ပြည်နယ်သို့ ပို့ဆောင်ပေးမည်ဖြစ်သည်။

ထို့ပြင် အရှေ့အလယ်ပိုင်းနှင့် အာဖရိကမှ ရောက်ရှိလာမည့် ရေနံစိမ်းများကိုလည်း ရေနံပိုက်လိုင်းမှတဆင့် ယူနန်ပြည်နယ်သို့ပို့မည်ဖြစ်ရာ၊ တရုတ်တို့အနေဖြင့် မလေးရှားနှင့်အင်ဒိုနီးရှားအကြားမှ ကမ္ဘာရေကြောင်းအကျပ်ဆုံး မလက္ကာ ရေလက်ကြားကို ရှောင်လွှဲနိုင်ခွင့် ရရှိသွားမည်ဖြစ်သည်။

၎င်းစီမံကိန်းသည် ပိုက်လိုင်းစတင်နေရာ မဒေးကျွန်းတွင်လည်း ဆန္ဒပြုမှုများနှင့် ရင်ဆိုင်နေရသည်။ ရေနက်ဆိပ်ကမ်းနေရာအတွက် မြေများသိမ်ဆည်းခဲ့သဖြင့် ဒေခံများကန့်ကွက်နေခြင်းဖြစ်သည်။

ဆန္ဒပြသူ ၁၀ ဦးကို တရားမဝင်ဆန္ဒပြမှုဖြင့် အစိုးရကစွပ်စွဲထားပြီး မေလ ၁၃ ရက်တွင် တရားရုံး တင်မည့်ကိစ္စကို ရုပ်သိမ်းပေးရန် နယူးရောက်အခြေစိုက် Human Rights Watch က တောင်းဆိုသည်။ ဆန္ဒပြသူများသည် ဆန္ဒထုတ်ဖော်ခွင့်နှစ်ကြိမ် ခွင့်ပြုချက်ရထားပြီးမှ မဒေးကျွန်းတွင် အရေးပေါ် အခြေအနေထုတ်ပြန်မှုကြောင့် ပိတ်ပင်ခံရခြင်း ဖြစ်သည်ဟု HRW က ပြောကြားသည်။

မဒေးကျွန်း ဖွံ့ဖြိုးတိုးတက်ရေးဥက္ကဌ ဦးထွန်းကြည်က “ကျွန်တော်တို့ရဲမကျေနပ်ချက်တွေကို အာဏာပိုင်တွေ၊ တရုတ်ကုမ္ပဏီတွေနဲ့ ပွင့်လင်းမြင်သာဆွေးနွေးနိုင်ဖို့ ကျွန်တော်တို့မျှော်လင့်နေပါတယ်” ဟု Reuter သတင်းသို့ ပြောကြားသည်။

မဒေးကျွန်ဒေသခံ ရွာသား ၄၀၀ ခန့်သည် ပြီးခဲ့သောအပတ်က ဆန္ဒပြခဲ့ပြီး မြေသိမ်းယူမှုအတွက် ထိုက်တန်သော လျော်ကြေးပေးရန် လမ်းကောင်းကောင်းဖောက်ပေးရန်၊ အလုပ်အကိုင်များ ဖန်တီးပေးရန် တောင်းဆိုခဲ့ကြသည်။

Yangon chronicle

နေပြည်တော်-ပျဉ်းမနားက ယုဇနကုမ္ပဏီပိုင်သကြားစက်ဝန်ထမ်းတချို့ အလုပ်ထုတ်ခံရလို့ အလုပ်သမားအဖွဲ့က ဦးစီးပြီး ဆန္ဒပြဖို့ မြို့နယ်ရဲမှူးထံ လျှောက်ထားတင်ပြတဲ့အခါ အချက် ၃ ချက်နဲ့ ငြင်းပယ် လိုက်တယ်လို့ သိရပါတယ်။
၂၀၁၃ မတ်လ ၁၂ ရက်နေ့က ယုဇနကုမ္ပဏီသကြားစက်က ဌာနခွဲစာရေး ဦးဌေးလွင်အပါအဝင် ၀န်ထမ်း ၇ ဦးကို ကြံရာသီဒုတိယနှစ်အတွက် လမိုင်းကြံခင်းဟောင်းအား ကြံပို့ရာသီမှာ ကြံမသွင်းနိုင်လို့ ကြွေး ကျန်ဆိုပြီး အလုပ်ကထုတ်လိုက်တယ်လို့ သိရပါတယ်။ ဒီကိစ္စနဲ့ပတ်သက်ပြီး စက်ရုံထဲမှာ ဖွဲ့စည်းထားတဲ့ စည်းလုံးညီညွတ်သော အလုပ်သမားများအဖွဲ့အစည်း(U L S )ကနေ တရားဝင်ငြိမ်းချမ်းစွာ ဆန္ဒဖော်ထုတ်ခွင့် ကို မေ ၇ ရက်နေ့က နေပြည်တော်-ပျဉ်းမနား ရဲတပ်ဖွဲ့မှူးထံ တင်ပြလျှောက်ထားခဲ့ရာမှာ စာအမှတ် ၁၀၀၂(၁၃)၊ ၁၀၃၊ ဦး ၁ ရက်စွဲ၊ ၂၀၁၃ မေ ၁၀ စာနဲ့ ငြင်းပယ်လိုက်ကြောင်း သိရပါတယ်။ အဲဒီနေ့က ဆန္ဒပြဖို့ လျှောက်ထားသူ ဦးကျော်ဌေးကို ပျဉ်းမနားရဲတပ်ဖွဲ့မှူးရုံးမှာ ခေါ်ယူရှင်းပြပြီး အချက် ၃ ချက်နဲ့ ငြင်းပယ်တဲ့ အကြောင်း၊ ပုဒ်မ ၉ အရ အယူခံဝင်နိုင်တဲ့အကြောင်း ပြောတယ်လို့ သိရပါတယ်။

အဆိုပါလျှောက်ထားတာနဲ့ပတ်သက်လို့

၁။ မိတ္ထိလာပဋိပက္ခဖြစ်ရပ်များနောက်ဆက်တွဲအကျိုးဆက် ဆက်စပ်၍ တရားဥပဒေစိုးမိုးရေးထိခိုက်နိုင်၍လည်းကောင်း

၊ ၂။ လက်ရှိကာလတွင် မင်္ဂလာဗျူဟာဗိမာန်တွင် သံဃာတော်များ ပါဠိပထမပြန်စာမေးပွဲများ ကျင်းပရန်ရှိနေ၍လည်းကောင်း၊

၃။ စည်းလုံးညီညွတ်သော အလုပ်သမားအဖွဲ့ အစည်းမှ မြို့နယ်ညှိနှိုင်းဖျန်ဖြေရေး တာဝန်ရှိသူတို့နှင့် ဝန်ထမ်းလစာတိုးမြှင့်ရေးကိစ္စ၊ EC စာချုပ် ပြန်လည် ချုပ်ဆိုရေး၊ ဝန်ထမ်းများပြန်လည်ခန့်ထားရေးကို ညှိနှိုင်းသွားမှာဖြစ်လို့ အခုလိုငြင်းပယ်ရကြောင်း ရဲမှူးက ပြောတယ်လို့ သိရပါတယ်။ “မေလ ၉ ရက်နေ့က ခရိုင်အုပ်ချုပ်ရေးမှူးဦးသန်းဆွေဝင်းအပါအ၀င် အခြားဌာန ဆိုင်ရာတွေနဲ့ ကျွန်တော်တို့ EC ၇ ဦးနဲ့တွေ့တယ်၊ မေလ ၁၃ ရက်မှာ ယုဇနကုမ္ပဏီပိုင်ရှင် ဦးဆန်နီနဲ့တွေ့ပြီး ထပ်မံညှိနှိုင်းပေးမယ်လို့ ပြောပါတယ်”လို့ U L S က ကိုအောင်ဇော်မိုးက မြန်မာဓိကကို ပြောပါတယ်။ ဒီကနေ့ မေလ ၁၃ ရက်နေ့ အလုပ်သမားအဖွဲ့အနေနဲ့ U L S ရုံးမှာ ညှိနှိုင်းဖို့ စောင့်ဆိုင်းနေခဲ့ပြီး ညနေပိုင်းမှာ ဦးဆန်နီနဲ့ အလုပ်သမားအဖွဲ့အစည်းတို့ ဆွေးနွေးမှုပြုလုပ်နေပြီလို့ သိရပြီး ရလာဒ်ကိုတော့ မသိရသေးကြောင်း မြို့ခံအလုပ်သမားတစ်ဦးက မြန်မာဓိက သို့ပြောပါတယ်။ U L S အဖွဲ့မှာ အလုပ်သမားအဖွဲ့ဝင် ၅၅၅ ဦး ရှိပြီး ယုဇနကုမ္ပဏီ ဟာ ယခင် အမှတ် ၂ သကြားစက်ကို ၂၀၁၂ သြဂုတ်လမှာ လွှဲပြောင်းရယူလုပ်ကိုင်လာတာလို့ သိရပါတယ်။

ဝေမိုး-မြန်မာဓိက

Author Name

Contact Form

Name

Email *

Message *

Powered by Blogger.