05/17/13

(USA Today မှ 16 May 2013 ရက်စွဲပါ Obama to meet leader of Burma(Myanmar) ကိုဘာသာပြန်ဆိုသည်)

“Myanmar” နှင့် “Burma” ဟု အမည်နှစ်မျိုးရှိသည့် မြန်မာနိုင်ငံခေါင်းဆောင် သမ္မတဦးသိန်းစိန်နှင့် အမေရိကန် ပြည်ထောင်စုသမ္မတ အိုဘားမားတို့ လာမည့်တနင်္လာနေ့တွင် တွေ့ဆုံမည်ဖြစ်ကြောင်း အိမ်ဖြူတော်က ယနေ့သတင်း ထုတ် ပြန်သည်။

အဆိုပါသတင်းထုတ်ပြန်ချက်တွင် မြန်မာနိုင်ငံ၏ အမည်ကို Burma ဟုခေါ်ဝေါ်သုံးစွဲကာ အမေရိကန် ပြည်ထောင်စု ၏ မူဝါဒသဘောထားကို ထုတ်ဖော်ထားသည့်တိုင် သမ္မတအိုဘားမားအနေဖြင့် ဦးသိန်းစိန်နှင့် တွေ့ဆုံစကားပြောဆိုမည် ဖြစ် သည်ဟု ဆိုသည်။

၎င်းတို့နှစ်ဦးသည် ပြီးခဲ့သည့် နိုဝင်ဘာလအတွင်း မြန်မာနိုင်ငံ၊ ရန်ကုန်မြို့တွင် တွေ့ဆုံဆွေးနွေးခဲ့ဖူးကြောင်း ယင်း ထုတ်ပြန်ချက်က ဆိုသည်။

“အမေရိကန်ပြည်ထောင်စုအနေဖြင့် ဒေါ်အောင်ဆန်းစုကြည်၊ အရပ်ဘက် အဖွဲ့အစည်း ခေါင်းဆောင်များ၊ နိုင်ငံတ ကာအသိုင်းအဝိုင်းများနှင့် အနီးကပ်ပူးပေါင်းကာ သမ္မတဦးသိန်းစိန်အစိုးရက ဆောင်ရွက်လျက်ရှိသော ပြုပြင်ပြောင်းလဲမှု ဖြစ် စဉ်များ ဆက်လက်ဖြစ်ပေါ်ရေးအတွက် တိုက်တွန်းသွားမည် ဖြစ်သည်” ဟု အိမ်ဖြူတော်ကဆိုသည်။

“ဒီမိုကရေစီဖော်ဆောင်ရေး၊ တိုင်းရင်းသားလူမျိုးစုများအကြားတင်းမာမှုများဖြေရှင်းရေး အစရှိသည့်အရေးကိစ္စများ ဖွံ့ဖြိုးတိုးတက်လာရေးအတွက် ကြိုးပမ်းရာတွင် ကျန်ရှိနေသေးသော စိန်ခေါ်ချက်များစွာကို သမ္မတဦးသိန်းစိန်နှင့် သမ္မတ အိုဘားမားတို့ ဆွေးနွေးသွားမည် ဖြစ်သည်။ ထို့ပြင် မြန်မာပြည်သူများအတွက် စီးပွားရေး အခွင့်အလမ်းများ ဆောင်ကြဉ်း ပေးရေး၊ အမေရိကန်ပြည်ထောင်စုအနေဖြင့် မည်သို့မည်ပုံအကူအညီပေးနိုင်မည် ဟူသောအချက်ကို သိရှိနားလည်နိုင်ရေး တို့ နှင့် ပတ်သက်၍လည်း ဆွေးနွေးသွားကြမည်ဖြစ်သည်” ဟု အိမ်ဖြူတော်၏ ထုတ်ပြန်ချက်က ဆက်လက်ဖော်ပြသည်။

အမျိုးသားလုံခြုံရေးကောင်စီမှ ပြောခွင့်ရပုဂ္ဂိုလ် Caitlin Hayden က “အမေရိကန် ပြည်ထောင်စုအစိုးရဟာ မြန်မာ နိုင်ငံရဲ့ နာမည်ကို Myanmar လို့အနည်းအကျဉ်းမျှသာ အသုံးပြုခဲ့ပါတယ်။ အဲဒါကလည်း ကမ္ဘာလုံးဆိုင်ရာ ဆက်ဆံရေး တိုးတက် ကောင်းမွန်အောင် ကြိုးပမ်းနေတဲ့ မြန်မာနိုင်ငံကို သံတမန်ရေးရာ မျက်နှာသာပေးတဲ့အနေနဲ့ သုံးတာဖြစ်ပါတယ်” ဟု ပြောကြားသည်။

“မြန်မာနိုင်ငံဟာ နိုင်ငံရေးအကျဉ်းသား ၈၅၀ ကျော် လွှတ်ပေးခြင်း၊ မီဒီယာထိန်းချုပ် ကန့်သတ်မှုများ ဖြေလျှော့ပေး ခြင်း၊ လွတ်လပ်စွာထုတ်ဖော် ပြောဆိုခွင့်ပြုခြင်း၊ စည်းရုံးခွင့်ပြုခြင်း၊ လှုပ်ရှားခွင့်ပြုခြင်း စသည်တို့အပါအဝင် အပြုသဘော ဆောင်တဲ့ ပြုပြင်ပြောင်းလဲမှုတွေ အများကြီးလုပ်ဆောင်ခဲ့ပြီးပါပြီ။ ကျွန်မတို့ဘက်ကလည်း တုံ့ပြန်တဲ့အနေနဲ့ မြန်မာအစိုးရနဲ့ စေ့စပ်ညှိနှိုင်းမှုကို ကျယ်ကျယ်ပြန့်ပြန့်လုပ်ကိုင်ခဲ့ပါတယ်။ ပိတ်ဆို့အရေးယူမှုတွေကို လျှော့ချပေးသလို သင့်တင့်လျှောက်ပတ် သလို Myanmar ဆိုတဲ့နာမည်ကို ခေါ်ဝေါ် အသုံးပြုပေးတာတွေလုပ်ခဲ့ပါတယ်” ဟု ဆိုသည်။

“Myanmar လို့ တရားဝင်ခေါ်ဆိုဖို့ ကျွန်မတို့ရဲ့ မူဝါဒမပြောင်းလဲသေးပေမယ့် ပြုပြင်ပြောင်းလဲမှုတွေကို ရည်မှန်း ချက်ကြီးစွာ အားသွန်ခွန်စိုက်လုပ်ကိုင်နေတဲ့ အစိုးရတစ်ရပ်ကို လေးစားမှုပြသရမယ်ဆိုတာ ကျွန်မတို့ယုံကြည်ထားပါတယ်။ အဲဒီလိုလုပ်တာကလည်း မြန်မာအစိုးရရဲ့ ကြိုးပမ်းချက်တွေကိုထောက်ပံ့ပေးနိုင်မယ့် အရေးကြီးတဲ့ အချက်ပြမှုတစ်ခုဖြစ်သလို အသွင်ကူးပြောင်းမှုဖြစ်စဉ် အောင်မြင်အောင် အကူအညီပေးရေးအတွက် ကျွန်မတို့ရဲ့ဆန္ဒတစ်ရပ်ဖြစ်တယ်လို့ ယုံကြည်ထား ပါတယ်”

“Burma ဆိုတာ မြန်မာနိုင်ငံရဲ့ နာမည်ဆိုတဲ့ ကျွန်မတို့ရဲ့မူဝါဒဆက်ရှိနေပါဦးမယ်”

Yangon chronicle


ရန်ကုန်တိုင်းမ် နေ့စဉ်သတင်းစာ-၁၅ ရက်နေ့ထုတ်မှာ ပါဝင်တဲ့ ရွှေ့ပြောင်းအလုပ်သမားတွေနဲ့ ပါတ်သတ်တဲ့ ဆောင်းပါးကောင်းလေးကို တဆင့်ပြန်လည် ဖော်ပြလိုက်ပါတယ်။
နိုင်ငံခြားမှာဆိုရင်…

မြန်မာနိုင်ငံရဲ့ အလုပ်အကိုင်ရှားပါးမှု နှင့်အတူ ကပ်လျက်တွဲပါလာတဲ့ ဆင်းရဲမွဲတေမှုပြဿနာဟာ ပြည်တွင်းက အခြေခံလူတန်းစားအချို့ကို တံခါးအပြင်ဘက်ရောက်အောင် တွန်းပို့လိုက်သလို ဖြစ်နေလေ့ရှိတယ်။ နိုင်ငံခြားမှာ အလုပ်သွားလုပ်ကြတဲ့သူတွေထဲက အနည်းစုကတော့ ပညာတတ်တွေ ဖြစ်ကြပေမယ့် အများစုကြီးဟာ သူများနိုင်ငံကို “သူခိုးချွတ်နင်း” ဆိုသလို တရားမဝင် ဖြစ်တဲ့နည်းနဲ့ ဝင်ရောက် လုပ်ကိုင်စားသောက်ကြရတဲ့ အခြေခံလူတန်းစားတွေ ဖြစ်နေတယ်။ အထူးသဖြင့် ကိုယ့်ရပ်ကိုယ့်ဒေသမှာ အလုပ်အကိုင်ရှားပါးတော့ “နိုင်ငံခြားမှာဆိုရင်…ဘာပဲဖြစ်ဖြစ် ငါ့မိသားစုတော့ အဆင်ပြေမှာပဲ” ဆိုတဲ့ မျှော်လင့်ချက်လေးနဲ့ စွန့်စားကြသူတွေဖြစ်တယ်။

ပြည်တွင်းမှာရှိတဲ့သူအတော်များများဟာ နိုင်ငံခြားမှာဆိုရင် အလုပ်အကိုင်အဆင်ပြေမယ်၊ ပိုက်ဆံတွေအများကြီးရမယ်၊ အဆင့်တန်းမြင့်မြင့်နေရ၊ ထိုင်ရ၊ သွားရမယ်၊ အိမ်ကိုလည်း ပြန်ထောက်နိုင်မယ်လို့ ယေဘူယျအားဖြင့် တွေးကြလေ့ရှိတယ်။ အခြေခံလူတန်းစားတွေ အပန်းဖြေသဘောနဲ့ ကြည့်ကြတဲ့ ဗီဒီယိုတွေမှာလည်း မင်းသားက ဘယ်နိုင်ငံပြန်၊ ဒါမှမဟုတ် မင်းသမီးလေးက ဘယ်မှာအလုပ်လုပ်ပြီးပြန်လာ စသဖြင့် အထင်ကြီးစရာသဖွယ် တင်ဆက်ပုံမှားလေတော့ လူငယ်လူရွယ်တွေဟာ အလွယ်တကူ အားကျကြတယ်။ သူတို့စိတ်ထဲမှာ နိုင်ငံခြားရောက်ရင်ပဲ ရွှေရောင်အိပ်မက်တွေ တကယ်ဖြစ်လာတော့မလို တွေးထင်မှတ်ယူ သွားကြတော့တယ်။

ထိုင်းနိုင်ငံမှာဆိုရင်…

ထိုင်းနိုင်ငံကို ရွှေ့ပြောင်းအလုပ်လုပ်ကိုင်ကြတဲ့ မြန်မာနိုင်ငံသားအတော်များများဟာ စက်ရုံတွေ၊ တောင်ယာအလုပ်တွေ၊ အမှိုက်သိမ်း၊ စားပွဲထိုး၊ ဈေးရောင်း စသဖြင့် ကြုံရာကျရာအလုပ်ကို ဖြစ်သလို လုပ်ကိုင်စားသောက်ကြရတယ်။ မိဘနဲ့ မိသားစုကို အချိန်မှန် ငွေလေးပို့နိုင်ဖို့အရေး သူများနိုင်ငံမှာ မျက်နှာအောက်ကျို့ပြီး သူတို့တတွေ ရုန်းကန်နေကြရတယ်။ ဥပမာအားဖြင့် အထည်ချုပ်စက်ရုံတွေမှာ လုပ်ကိုင်ကြတဲ့သူတွေဟာ မနက် ခြောက်နာရီ လောက်ထ၊ နံနက်စာလေးစားပြီးတာနဲ့ တနေကုန် “တချုန်းချုန်း” ချုပ်ရတယ်။ ထမင်းစားချိန်၊ အပေါ့အပါးသွားချိန်ကလွဲလို့ ကျန်တဲ့အချိန်ဟာ ခေါင်းကိုငုံ့ လက်ကိုလှုပ်၊ ခြေကိုကစားပြီး ညောင်းလို့တောင် မလှည့်အားနိုင်ကြဘူး။ နည်းနည်းလေးညောင်းလို့ လှုပ်ချင် အကြောဆန့်ချင်လို့ ရပ်လိုက်တာနဲ့ အချိန်နဲ့အမျှ စောင့်ကြည့်နေတဲ့ အလုပ်ခေါင်းက လှမ်းအော်တော့တာပါပဲ။

တချို့များဆိုလို့ရှိရင် ကတ်ကြေးကို မသိမသာ လက်နဲ့တိုက်ချပြီး အောက်ကျသွားလို့ပြန်ကောက်သလိုလိုနဲ့ ကတ်ကြေးကောက်ရင်း တချက် တချက် အညောင်းပြေလေး ခိုးနားရရှာတယ်။ အဲဒီအခါ တယောက်က အလုပ်ခေါင်းကို စောင့်ကြည့်ပေးရတယ်။ ဒီလိုနဲ့ တယောက် တလှည့် လည်သလိုလေး နားကြရတယ်။ အလုပ်ကပြီးလို့ အိပ်ချိန်ရောက်လို့ ကိုယ့်နေရာ ကိုယ်ပြန်တော့လည်း ငါးပေ၊ သုံးပေ လူတလှည့်စာ နေရာလောက်သာရှိတဲ့ နေရာကျဉ်းကျဉ်းလေးတွေမှာ စောင်လေးတွေကို အခန်းစည်းအဖြစ်နဲ့ကာပြီး အသက်ရှူကြပ်ကြပ် အိပ်ကြရတယ်။ တချို့အရပ်ရှည်သူတွေဆိုရင် တနေကုန်ညောင်းထားပေမယ့်လည်း ကျောဆန့်လို့မရပဲ ဒူးလေးအသာကွေးပြီး ဖြစ်သလို အိပ်ကြရတယ်။ မနက်ချက်ပြုတ်စားတော့လည်း အဲဒီနေရာလေးမှာပဲ အဆင်ပြေသလိုလေး ကြည့်စီစဉ်လိုက်ရလေ့ရှိတယ်။

တောင်ယာအလုပ်သမားတွေ…

မဲ့ကဆာ၊ မဲ့ကျလောင်း၊ မယ်ပ အစရှိတဲ့ ထိုင်းရွာတွေဟာ ပြောင်းကို အဓိကထား စိုက်ပျိုးကြလေ့ရှိတယ်။ မြန်မာနိုင်ငံသားတွေဟာ ထိုင်းယာရှင်ဆီမှာ နေ့စားခနဲ့ ပြောင်းပေါ်ရင် ပြောင်းချိုး၊ စိုက်ပျိုးရေးနဲ့ အခြားဗာဟီရတွေကို ချွေးတလုံးလုံးနဲ့ မညည်းမညူလုပ်ကြရတယ်။ ရွာတွေမှာ နေကြရတဲ့သူတွေအားလုံးဟာ သူတို့ရဲ့ ထိုင်းအလုပ်ရှင် အိမ်ကြီးအိမ်ကောင်းရဲ့ နောက်ဖေးကွက်လပ်မှာ ဖြစ်သလို တဲလေးထိုးပြီး နေကြရတယ်။ သူများမနက်အိပ်ရာထ အပေါ့အပါးလာဖြေရှင်းတဲ့နေရာကို မျက်နှာမူရင်း မျက်နှာသစ်ကာ နေ့သစ်တနေ့ကို သူတို့ အားခဲပြီး စကြရလေ့ရှိတယ်။

မြိုနဲ့အလှမ်းဝေးတဲ့ရွာတွေမှာ စားသောက်ကုန်ပစ္စည်းတွေကို ထိုင်းသူဌေးလက်ဝေခံ မြန်မာဆိုင်လေးတွေကနေ ဈေးကြီးပေးပြီး ဝယ်ယူချက်ပြုတ်ကြရတယ်။ လျှပ်စစ်မီးအချိန်ပြည့်လာတဲ့နိုင်ငံမှာ သူတို့နေတဲ့ တဲလေးတွေကို ညဘက်သုံးဖို့ မီးသီးလေးတလုံး ထွန်းပေးထားတယ်။ သုံးရေအတွက် ရေပိုက်တခုကို ချထားပေးတယ်။ အဲဒီအတွက်လည်း လစဉ် မီးဖိုး ရေဖိုးပေးရလေ့ရှိတယ်။ သူတို့ရတဲ့ နေ့စားခလေးဟာ လစဉ် မီးဖိုး၊ ရေဖိုး၊ စားစရိတ်ပေးရတာနဲ့တင် စုမိနိုင်ဖို့ဆိုတာ အတော်ခက်ခဲတဲ့ ကိစ္စတစ်ခု ဖြစ်နေလေ့ရှိတယ်။ မြန်မာနိုင်ငံသားတွေဟာ ကိုယ့်နိုင်ငံမှာ အလုပ်ငတ်လွန်းတော့ ရတဲ့အလုပ်လေးကို ကျားကုတ်ကျားခဲ သူများထက် ပင်ပင်ပန်းပန်း လုပ်ရပေမယ့် သူတို့ရတဲ့နေ့စားခက သူများနိုင်ငံသားတဦးရဲ့ တဝက်တောင် မရှိရှာဘူး ဖြစ်နေတယ်။ ဒါပေမယ့် သူတို့တတွေဟာ အပင်ပန်းခံ အငတ်ခံပြီး ပြည်တွင်းမှာ ကျန်နေခဲ့တဲ့ မိသားစုနဲ့ မိဘတွေအတွက် အချိန်မှန် ပိုက်ဆံပို့နိုင်အောင် ကြိုးစားလေ့ရှိတဲ့ သူရဲကောင်းကြီးတွေဖြစ်တယ်။

တရားမဝင်တော့…

သူများနိုင်ငံကို ခိုးဝင်ပြီး အလုပ်လုပ်ကြရတဲ့အတွက် မြန်မာနိုင်ငံသားအများစုဟာ အချိန်ပြည့် စိုးရိမ်စိတ်နဲ့ နေထိုင်နေကြရတယ်။ အလုပ်ရုံ၊ စက်ရုံတွေထဲကနေ အပြင်ထွက်ဖို့ စိတ်ကူးလိုက်တာနဲ့ တပြိုင်တည်း “ပုလိပ်” ကို ပြေးမြင်ပြီး ကြောက်နေလေ့ရှိတယ်။ ရွာတွေမှာ နေထိုင်ကြတဲ့ သူတွေအတွက်ကတော့ ထိုင်းရွာသူကြီးနဲ့ ညှိပြီး ရွာထဲမှာတော့ လွတ်လွတ်လပ်လပ် သွားလာလို့ရတယ်။ မတော်တဆ အပြင်ထွက်သွားမိလို့ ပုလိပ်အဖမ်းခံရပြီဆိုတာနဲ့ ပါလာတဲ့ငွေလေး အကုန်အသိမ်းခံရတယ်။ သူဌေးက လာမရွေးရင် ပုလိပ်က အချုပ်ချပြီး မြဝတီဘက်ခြမ်းကို ပြန်ပို့လေ့ရှိတယ်။ သူဌေးက လာရွေးပြန်တော့လည်း ရဲကို ပေးလိုက်ရတဲ့ ပိုက်ဆံကို အလုပ်လုပ်ရင်း ပြန်ဆပ်ရတာနဲ့တင် နာလန်မထူ နိုင်ရှာတော့ဘူး။ အဲဒီတော့ မြန်မာနိုင်ငံသားအများစုဟာ “ပုလိပ်” ဆိုတဲ့ အသံကြားတာနဲ့တင် တီကောင်ကို ဆားနဲ့တို့သလို တွန့်တွန့်သွားတယ်။

ဒါကို အခွင့်ကောင်းယူပြီး တချို့အလုပ်ရှင်တွေဟာ မြန်မာနိုင်ငံသားတွေကို ခေါင်းပုံဖြတ်နေကြတယ်။ တနှစ်လုံး လုပ်အားခတွေကို စုပေးမယ်ဆိုပြီး ပြန်မပေးသလို တချို့ကလည်း ကိုယ်ထိလက်ရောက် အနိုင်ကျင့်ကြလေ့ရှိတယ်။ ငါးဖမ်းလှေတွေအပေါ် အရောင်းစား ခံရတာတွေ ရှိတယ်။ ညဘက် အရေးအကြောင်းရှိလို့ သွားလာတဲ့အခါ လမ်းသရဲတွေက ဆိုင်ကယ်နဲ့အုပ်စုလိုက် ရိုက်နှက်တာ မကြာခဏခံရလေ့ရှိတယ်။ လမ်းသွားရင်း မတော်တဆ ယာဉ်တိုက်မှုဖြစ်လာရင်တောင် ကိုယ့်ဘက်က ခံရပေမယ့် ပုလိပ်မလာခင် ကြိုရှောင်နေကြရတယ်။ တရားမဝင်နေထိုင်ကြသူတွေ ဖြစ်လေတော့ သူတို့က “ပုလိပ် ခေါ်လိုက်ရမလား” ဆိုတဲ့ စကားနဲ့ အနိုင်ယူနေသမျှကို မသိကျိုးနွံပြု ခေါင်းငုံ့ပြီး လုပ်ကိုင်နေကြရဆဲ ဖြစ်တယ်။ ဒါပေမယ့် မကြာခဏဆိုသလို ထိုင်းအစိုးရနဲ့ မြန်မာလူမှုအဖွဲ့အစည်းတချို့တို့ ပူးပေါင်းဖော်ထုတ်ကြတာကြောင့် နောက်ပိုင်းမှာ အဲသလို မတရားမှုတွေဟာ တဖြည်းဖြည်း နည်းပါးလာတယ်။

ဘာကြောင့်သူတို့ခေါင်းငုံ့ခံ

ထိုင်းနိုင်ငံမှာ ရွှေ့ပြောင်းနေထိုင်လုပ်ကိုင်နေကြတဲ့ မြန်မာနိုင်ငံသားတွေမှာ အခြားသော ကျန်းမာရေး၊ ပညာရေး အခက်အခဲတွေကလည်း ရေးလို့မကုန်နိုင်အောင် ရှိနေကြတယ်။ ဘာဖြစ်လို့ အခုလို ခက်ခဲဆင်းရဲရတဲ့ ဝန်းကျင်မှာ တရားမဝင် ဝင်ရောက်လုပ်ကိုင်ကြသလဲလို့ သူတို့ကို မေးခွန်းထုတ်နိုင်တယ်။ ကိုယ့်နိုင်ငံမှာက ဘွဲ့ရ၊ ပညာတတ်တွေတောင် အလုပ်လက်မဲ့ ဖြစ်နေတာတွေက တောင်ပုံ၊ ရာပုံမက ထောင်ပုံ၊ သောင်းပုံ ရှိနေတယ်။ အဲဒီလို အလုပ်အကိုင်ရှားပါးနေတဲ့အတွက် သူတို့လို အခြေခံလူတန်းစားတွေအဖို့ တနေ့မှာ ထမင်းတနပ် စားဖို့တောင် အတော်လေးကို ခက်ခဲနေကြတယ်။ လူတန်းစေ့ ဝတ်နိုင်ရေး၊ သားသမီးတွေကို ကျောင်းပို့နိုင်ရေးဆိုတာတွေ စဉ်းစားနိုင်ဖို့ဆိုတာ အိပ်မက်တခုလို ဖြစ်နေကြတယ်။

ဒါပေမယ့် သူများနိုင်ငံမှာကျတော့ သူတို့အတွက် နေ့စဉ်အလုပ်အကိုင်ဟာ အဆင်ပြေနေတယ်။ အဲဒါကြောင့် သူတို့ဟာ ပုံမှန်စားနိုင်သလို ပြည်တွင်းမှာ ကျန်ခဲ့တဲ့ သားသမီးနဲ့ မိဘကြီးတွေ စားဖို့၊ ကျောင်းတက်ဖို့လည်း ပြန်လည်ထောက်ပံ့နိုင်တယ်။ အဲဒီအချက်လေးနဲ့တင် သူတို့ဟာ ကိုယ့်တိုင်းပြည်ကို ချစ်လျှက်နဲ့ခွာပြီး ဘာသာစကားမတူ၊ ယဉ်ကျေးမှု မတူတဲ့ သူများနိုင်ငံမှာ အနှိမ်ခံပြီး လူညွန့်တုံးနေကြရတယ်။ သူတို့တတွေရဲ့ လုပ်အားတန်ဖိုးကြောင့် ထိုင်းနိုင်ငံ တနိုင်ငံလုံးကို မဆိုထားနှင့်ဦး၊ နယ်စပ်မြို့ဖြစ်တဲ့ မဲဆောက်မြို့ကလေးတောင် တစ်လနဲ့ တစ်လ အသွင်မတူအောင် တိုးတက်နေတယ်။ အဲဒီနိုင်ငံသားတွေဟာ ကိုယ့်နိုင်ငံမှာ အိုးအိမ်မကွာ အလုပ်လုပ်နိုင်ခွင့်ရကြရင် တိုင်းပြည် ဘယ်လောက်တိုးတက်လာနိုင်မလဲ ဆိုတာဟာ လည်း စဉ်းစားစရာ အချက်တချက် ဖြစ်နေတယ်။

ဘယ်လိုကာကွယ်ပေးမှာလဲ...

မြန်မာနိုင်ငံမှာ ဆင်းရဲမွဲတေမှုပပျောက်ရေးဆိုတဲ့ အသံဟစ်ကြွေးပြီး အစိုးရသစ်တက်လာတာ သက်တမ်းတဝက်ရောက်လာပြီ ဖြစ်ပေမယ့် တိုင်းပြည်မှာ အလုပ်လက်မဲ့တွေ များပြားနေဆဲဖြစ်နေတယ်။ တိုင်းပြည်မှာ အလုပ်အကိုင်ရှားပါးနေသမျှ သူများနိုင်ငံကို တရားမဝင်နည်းလမ်းပေါင်းများစွာနဲ့ ရွှေ့ပြောင်းလုပ်ကိုင်ကြသူတွေဟာ ရှိနေဦးမှာဖြစ်တယ်။ တရားမဝင် ဖြစ်သလို ဝင်ရောက်လုပ်ကိုင်နေရသ၍ ကိုယ့်နိုင်ငံသားတွေဟာ အနှိမ်ခံ အနင်းခံ အဖိခံ အထောင်းခံ နင်းပြားဘဝတွေနဲ့ မျက်နှာငယ်နေကြရဦးမှာဖြစ်တယ်။ လက်ရှိမှာ နိုင်ငံကူးယာယီနေထိုင်ခွင့်နှင့် အလုပ်သမားလက်မှတ်တွေ တရားဝင် လုပ်ပေးနေတယ်။

ဒါပေမယ့် မေလ(၁၃) ရက်နေ့မှာပဲ ထိုင်းနိုင်ငံ တာ့ခ်ခရိုင် မဲဆောက်မြို့နယ်၊ မဲ့ကဆာကျေးရွာနားမှာ တရားမဝင် ခိုးဝင်လာတဲ့ မြန်မာနိုင်ငံသား (၁၅၀) ကျော်ကို ဖမ်းဆီးရမိကြောင်း Channel 7 ထိုင်းရုပ်သံမှာ တင်ဆက်သွားတာကို တွေ့ရတယ်။ အဖမ်းခံရသူတွေထဲမှာ အယောက်(၃၀)သာ နိုင်ငံကူးလက်မှတ်ရှိပြီး ကျန်တဲ့ (၁၂၀)ဟာ ဘာလတ်မှတ်မျှမရှိတာကို တွေ့ရတယ်။ ဒါကိုကြည့်ခြင်းအားဖြင့် အများစုကြီးဟာ တရားဝင်လတ်မှတ် မလုပ်နိုင်ကြတာကို တွေ့ရတယ်။ တရားဝင် နိုင်ငံကူးနေထိုင်ခွင့်နဲ့ အလုပ်သမားလက်မှတ် ဈေးနှုန်းက မြင့်လွန်းနေတော့ လူတိုင်းလုပ်နိုင်ဖို့အတွက် အခက်အခဲ ဖြစ်နေဆဲဖြစ်တယ်။

အဲဒီတော့ အစိုးရအနေနဲ့ ကိုယ့်နိုင်ငံသားတွေကို ကာကွယ်စောင့်ရှောက်ချင်တယ်ဆိုရင် သူများနိုင်ငံမှာ တရားဝင် အလုပ်လုပ်နိုင်အောင် အခုထက်ပိုပြီး ကောင်းမွန်လွယ်ကူတဲ့ နည်းလမ်းတွေကို သူတို့တွေအတွက် ဖန်တီးပေးရမှာဖြစ်သလို ကိုယ့်နိုင်ငံပြန်လာနိုင်ဖို့အတွက်လည်း အလုပ်အကိုင် အခွင့်အလမ်းကောင်းတွေ ဖန်တီးပေးရမယ့် ကြီးလေးတဲ့တာဝန်ကြီးကို ထမ်းရွက်ရမှာဖြစ်တယ်။ ဒီလိုမှမဟုတ်ရင်တော့ သူတို့တွေရဲ့ဘဝဟာ ကြိုးတန်းပေါ်မှာ လမ်းလျှောက်နေရတဲ့သူလို အကာအကွယ်မဲ့စွာ အန္တရာယ်ကြားမှာ စွန့်စားရင်း အသက်ရှင်သန်ရေးအတွက် ဆက်လက် ရုန်းကန်နေကြရဦးမှာ ဖြစ်ပါတယ်။


နေစကြာနိုင်


Photo..Eleven media group
(AFP မှ 15 May 2013 ရက်စွဲပါ “Cyclone weakens but Bangladesh, Myanmar on alert:UN” သတင်းကို ဘာသာပြန်ဆိုသည်)

ဘင်္ဂလားဒေ့ရ်ှနှင့် မြန်မာကမ်းခြေ မြေနိမ့်ပိုင်းများသို့ ခြိမ်းခြောက်နေသည့် ဆိုင်ကလုန်းမဟာဆင် အားလျော့သွားပုံ ရ သော်လည်း ၎င်းဒေသမှ လူ ၈ သန်းခန့်ကို အန္တရာယ်ပြုနိုင်ဆဲပင် ဖြစ်သည်ဟု ကုလသမဂ္ဂက ဆိုပါသည်။

“ဆိုင်ကလုန်းသည် အားပျော့သွားပုံရပြီး အဆင့် ၁ Category ဆိုင်ကလုန်းအဖြစ်သို့လျှော့သွားသည်”ဟု ကုလလူ သားချင်း စာနာမှုညှိနှိုင်းရေးဌာန UN OCHA က အင်္ဂါနေ့တွင် ထုတ်ပြန်ကြေညာသည်။

သို့သော်လည်း အရှေ့မြောက် အိန္ဒယ၊ ဘင်္ဂလားဒေ့ရှ်၊ မြန်မာအနောက်ပိုင်းမှ လူ ၈ သန်းခန့်ကို အန္တရာယ်ပြုနိုင်ဆဲ ဖြစ်ပြီး စစ်တကောင်းနှင့် ကော့ဘဇားခရိုင်သည် ဘင်္ဂလားဒေ့ရ်ှရှိ ရိုဟင်ဂျာ ၃ သိန်းခန့် နေထိုင်ရာဒေသ ဖြစ်သည်။

ဆိုင်ကလုန်းဒဏ်ကို ကိုင်တွယ်ရန်အတွက် ဆေးကုသရေးအဖွဲ့ ၁၁၃ ဖွဲ့ကို စုစည်းပြင်ဆင်ထားပြီး အစိုးရ ဝန်ထမ်းများ အားလုံးခွင့်မယူရဟု ဘင်္ဂလားဒေ့ရ်ှဒေသအာဏာပိုင်များက ပြောကြားသည်။

ဘင်္ဂလားဒေ့ရ်ှသဘာဝဘေးဒဏ်စီမံခန့်ခွဲရေးဝန်ကြီး မာမွတ်အလီက ကမ်းခြေခရိုင် ၁၃ ခုစလုံးတွင် ဆိုင်ကလုန်း အတွက် ပြင်ဆင်မှုအားလုံးလုပ်ဆောင်ပြီးပြီဟု ပြောကြားပါသည်။

ဆိုင်ကလုန်းကို ရင်ဆိုင်ရန် ကြိုတင်ပြင်ဆင်ရာတွင် ရခိုင်နယ်စပ်မှ အာဏာပိုင်များထက် ဘင်္ဂလားဒေ့ရ်ှက ပိုမို ကောင်းမွန်သည်ဟု ကျွမ်းကျင်သူအကဲခတ်များက မှတ်ချက်ပေးကြသည်။

မြန်မာနိုင်ငံတွင်လည်း အစိုးရအကြီးတန်း တာဝန်ရှိသူများကိုယ်တိုင် ရခိုင်တွင်ရုံးထိုင်၍ ကြိုတင်ကာကွယ်ရေး အစီ အမံများ ပြုလုပ်လျက်ရှိသည်။ ရခိုင်ပြည်နယ်တွင် ဆိုင်ကလုန်းလမ်းကြောင်း မလွတ်သည့် နေရာမှ ဒုက္ခသည် ၃၈၀၀၀ ခန့်ကို အင်္ဂါနေ့ နောက်ဆုံးထား၍ ရွှေ့ပြောင်းပေးရန် စီစဉ်ခဲ့သော်လည်း အမှန်တကယ်ရွှေ့ပြောင်းသည့်အရေအတွက်ကို တိကျစွာ မသိရဟု OCHA ကပြောကြားသည်။

အချို့သောရိုဟင်ဂျာများက နေရာရွှေ့ရန် ငြင်းဆန်ကြသည်ဟု သိရှိရပြီး၊ တိတ်တဆိတ်ထွက်ပြေးသူ ရိုဟင်ဂျာများ မှာလည်း စက်လှေနစ်မြှုပ်ကာ ၅၈ ဦးပျောက်ဆုံးနေသည် တရားဝင်သတင်းများအရ သိရှိရသည်။

ယခုနှစ် မုန်သုံရာသီမစမှီကပင် မုန်တိုင်းအန္တရာယ်ရှိကြောင်း ကြိုတင်သတိပေးခဲ့သော်လည်း မြန်မာအာဏာပိုင်များ ၏ အစီအမံများ နောက်ကျလွန်းသည်ဟု လူ့အခွင့်အရေးအုပ်စုများက ထောက်ပြဝေဖန်ထားကြသည်။

yangon chronicle


(၂၀၁၅ ခုနှစ်မှာ သမ္မတ အဖြစ် အောင်ပွဲခံမြင်လိုတယ်လို့ ကော့မှုးဒေသခံတွေက အမေစု နဲ့ တွေ့ဆုံစဉ်မှာ ပြောကြားလိုက်ပါတယ်... ဒေသခံတွေရဲ့ ယင်းကဲ့သို့ တောင်းဆိုဆန္ဒပြုမှုအပေါ် """ ပေးတဲ့ဆုနဲ့ ပြည့်လိုတယ်""" အမေစု က ပြန်လည် ဖြေကြားခဲ့ပါတယ်... ))) (ရိုက်ကူး တည်းဖြတ် - မောပြေ (ခ) ခွန်ခေါင်)

အမျိုးသားဒီမိုကရေစီအဖွဲ့ချုပ် ဥက္ကဌကြီး ဒေါ်အောင်ဆန်းစုကြည် ဟာ သူမရဲ့ မဲဆန္ဒနယ်ဖြစ်တဲ့ ကော့မှုးမြို့နယ်သို့ ဒီကနေ့ သွားရောက်ပါတယ်... ကော့မှုးမြို့နယ်ရှိ ပြန်ကြားရေးဝန်ကြီးဌာန၊ ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ မြို့နယ်ရုံး သို့ ပထမဆုံးဝင်ရောက်ပြီး တာဝန်ရှိသူတွေနဲ့ တွေ့ဆုံပြီးနောက် မြို့နယ်စာကြည့်တိုက်ကို ကြည့်ရှုစစ်ဆေးးးပါတယ်... အမေစု ကြီးမှုးတဲ့ ဒေါ်ခင်ကြည် ဖောင်ဒေးရှင်းက လှုဒါန်းတဲ့ ကော့မှုးမြို့နယ်၊ လက်ခိုက်ကျေးရွာ မူလတန်းလွန်ကျောင်း မှာ ကျောင်းဆောင်သစ်(ပရိဘောဂ အစုံအလင်) ၊ အိမ်သာ၊ မီးစက်၊ ရေတွင်း၊ ရေတုံကင်၊ အစရှိသည်တို့ ဆောက်လုပ်ပြီးစီးနေမှု့ကို ကြည့်ရှုပါတယ်... ထို့နောက် ကွမ်းခြံကုန်းမြို့သို့ သွားရောက်ပြီးးး ကျန်းမာရေးမကောင်းသည့် ကော့မှုးမြို့နယ် အဖွဲ့ချုပ် အမတ်(၁၉၉၀) ဦးဗဆွေ အား ကြည့်ရှုအားပေးပါတယ်... ကော့မှုးမြို့နယ် အဖွဲ့ချုပ်ရုံးသို့ ၀င်ရောက်ပြီး ဒေသဖွံ့ဖြိုးရေးအတွက် လိုအပ်တာတွေ လမ်းညွှန်ဆောင်ရွက်သလို၊ ဒေသတွင်းလမ်းပန်းဆက်သွယ်မှုတွေကိုလဲ ကိုယ်တိုင်ကြည့်ရှု ခဲ့ပါတယ်..

Author Name

Contact Form

Name

Email *

Message *

Powered by Blogger.