06/02/13



မြနန္ဒါ အတွဲ(၂)၊ အမှတ်(၂၀)

ပုဂံခေတ်အနော်ရထာဘုရင်လက်ထက်မှစ၍ ယနေ့ ၂၁ရာစု၊ သမ္မတဦးသိန်းစိန်အရပ်သားတစ်ပိုင်း အစိုးရလက်ထက်ထိ တိုင်းပြည်အုပ်ချုပ်မင်းလုပ်ခဲ့သူတို့ကို တစ်ဘက်တွင်သက္ကရာဇ်စဉ်၍ တခြားတစ်ဘက်တွင် ယင်းတို့လက်ထက် မြန်မာနိုင်ငံ၏ ဖွံ့ဖြိုးတိုးတက်မှု၊ ဆုတ်ယုတ်မှုဇယားကို ဂရပ်(ဖ်) ဆွဲကြည့်ပါက ယနေ့မြန်မာပြည်သူလူထုအတွက် လွန်စွာအထောက်အကူပြုပေမည်။
အဆိုပါ ဂရပ်(ဖ်) ဇယားက မြန်မာပြည်သူတို့သည် မြန်မာနိုင်ငံသမိုင်းတစ်လျှောက် အုပ်ချုပ်သူကောင်းမည်မျှနှင့် ကြုံဆုံခွင့်ရခဲ့ကြသည်။ မင်းဆိုးမင်းညစ် ၊ မင်းညံ့မင်းဖျင်း မည်မျှနှင့် ကံဆုံခဲ့ရသည်ကို ဖော်ပြပေမည်။ ထို့အပြင် အဆိုပါမင်းကောင်း မင်းဆိုး၊ မင်းညံ့တို့လက်ထက်တွင် ပေါ်ပေါက်ခဲ့ သော မြန်မာနိုင်ငံ၏ စီးပွားရေး၊ နိုင်ငံရေး၊ ပညာရေး၊ လူမှုရေး၊ စစ်ရေးအစရှိသော နိုင်ငံ့အရေး အတက်အကျများကိုလည်း ရှင်းလင်းပြတ်သားစွာ တွေ့မြင်ကြရပါမည်။

ဒီနေ့ကမ္ဘာတွင် ထိပ်တန်းရောက်နေသော နိုင်ငံကိုကြည့်ပါ။ ကမ္ဘာ့ထိပ်တန်းရောက် နိုင်ငံများ၏ ဖွံ့ဖြိုးတိုးတက်မှုသည် နိုင်ငံကို ဦးစီးဦးဆောင်ပြုသူ ခေါင်းဆောင်ကောင်းတို့၏ အရည်အသွေး၊ အရည်အချင်းနှင့် များစွာ ဆက်စပ်နေကြောင်း တွေ့ရှိနိုင်ပါသည်။
ကမ္ဘာတွင် ထိပ်တန်းရောက်နေသော နိုင်ငံများအနက် ဒီမိုကရေစီစနစ်ကျင့်သုံးသော နိုင်ငံများ၏ နိုင်ငံရေးမူဝါဒများကို လေ့လာကြည့်ပါက သူတို့၏ဖွဲ့စည်းပုံအခြေခံဥပဒေများက တရားမျှတမှုများသည်။ လူကို မူတည်ကန့်သတ်ပိတ်ပင်ခြင်းမရှိဘဲ နိုင်ငံနှင့် လူမျိုးအား ထိခိုက်စေမည့်အချက်များကိုသာ မူအရပိတ်ပင်ထားကြောင်း တွေ့ရှိနိုင်ပါသည်။

ထို့အပြင် အဆိုပါနိုင်ငံများတွင် ခေါင်းဆောင်ပိုင်းက မိမိအတ္တ၊ မိမိပါတီအတ္တထက် နို်င်ငံ့အကျိုး၊ လူမျိုးအကျိုးကို သဘောထားကြီးကြီးနှင့် ဦးစားပေးကြကြောင်းတွေ့ရှိရသည်။
အမေရိကန်သမ္မတ အိုဘားမား၏ ဒုတိယသက်တမ်း သမ္မတရွေးကောက်ပွဲပြိုင်ပွဲအပေါ် တစ်ကမ္ဘာလုံးက အတိုင်းထက်အလွန်စိတ်ဝင်စားခဲ့ကြသည်။ စကားပြောကောင်းသော အာဖရိကန်၊ အမေရိကန်ကပြား၊ သမ္မတအိုဘားမား ရာဇပလ္လင်ပေါ် ရောက်လာချိန်တွင် ၊ အမေရိကန်ပြည်ထောင်စုသည် စီးပွားရေးကျဆင်းနေချိန်ဖြစ်သည်။ ပြည်တွင်းပြည်ပရေးရာများစွာကို ရင်ဆိုင်နေရချိန်ဖြစ်သည်။ ထို့ကြောင့် ပထမသမ္မတလေးနှစ်သက်တမ်းအတွင်း အိုဘားမားဖြေရှင်းနိုင်သည့်ကိစ္စများလည်း ရှိခဲ့သည်။ မဖြေရှင်းနိုင်သည့် အရေးအရာများလည်းရှိခဲ့သည်။

ပထမအကြိမ် သမ္မတရွေးကောက်ပွဲ ယှဉ်ပြိုင်စဉ်က အိုဘားမား အနိုင်ရနိုင်ကြောင်း စောင့်ကြည့်ပရိတ်သတ်များက အလွယ်တကူခန့်မှန်းနိုင်ခဲ့ကြသည်။ ဒုတိယအကြိမ် ယှဉ်ပြိုင်သည့်ပွဲတွင်မူ မည်သူမျှ အိုဘားမားနိုင်မည် တစ်ထစ်ချမခန့်မှန်းရဲကြ။ တစ်ဖက်ပြိုင်ဘက်မှ ယှဉ်ပြိုင်ဘက် ရွှန်းမစ်ကနေ သည် ပေါ့သေးသေးမဟုတ်ပါ။

သမ္မတ မဲဆွယ်ပွဲကာလတစ်လျှောက် ရုပ်မြင်သံကြားမှတစ်ဆင့် တစ်ယောက်ချင်းပြောဆိုမဲဆွယ်ရာမှ ၊ နှစ်ယောက်မျက်နှာချင်းဆိုင်၍ အပြန်အလှန်ပြောဆိုကာ မဲဆွယ်ရသည့်အစီအစဉ်များကိုလည်း ကျော်ဖြတ်ရသည်။ ကမ္ဘာက ရင်တမမစောင့်ကြည့်နေကြစဉ် ၊ အိုဘားမားက ထပ်မံအနိုင်ရသည်။ နိုင်သူပြုံသည်မှာ ဘာမှမဆန်း။ လောကဓမ္မတာဖြစ်ပါသည်။
ရှုံးသူ ရွှန်းမစ်ကနေက အပြုံးမပျက် အရှုံးကို လက်ခံပြီး၊ နို်င်သူကို ၀မ်းမြောက်ချီးကျူးစကားပြောနိုင်တာကမှ ပိုပြီးတန်ဖိုးရှိပေသည်။ အနိုင်အရှုံးကို ဆုံးဖြတ်ပေးသည့် ပြည်သူကို လေးစားမှုပြခြင်းလည်းဖြစ်ပါသည်။

မြန်မာနိုင်ငံတွင် ယနေ့အချိုးကျစနစ်တောင်းလာခြင်း၊ ဘာသာရေးကို အကြောင်းပြ၍ လူမှုရေးကိစ္စများပေါ်လာခြင်းသည် လာတော့မည့် ၂၀၁၅ ရွေးကောက်ပွဲကို မီးနီပြနေသော အချက်များဟု ယူဆသူအများအပြားရှိနေကြပါသည်။ လက်ရှိ၂၀၀၈ ဖွဲ့စည်းပုံအခြေခံဥပဒေအရ ဒေါ်အောင်ဆန်းစုကြည်သည် မြန်မာပြည်သူလူထုက အဘယ်မျှ သမ္မတဖြစ်နိုင်ခွင့်မရှိ။
နိုင်ငံရေးပါတီအချို့ကအချိုးကျစနစ်အကြောင်း ပြန်စလာချိန်၌ပင်လူ့ဘောင်သစ်ဒီမိုကရက်တစ်ပါတီဝင်တစ်ယောက်က တောင်သူလယ်သမားများ ဖွံ့ဖြိုးတိုးတက်ရေးပါတီက သမ္မတလုပ်ပြီးအစိုးရဖွဲ့မည်ဆိုလျှင် ကြိုဆိုကြောင်းပြောကြားသည်။ (The First weekly-12-5-2013 )
အလားတူပင် (၂၇-၅-၂၀၁၃)ရက်နေ့ထုတ် Express Times တွင် ဗေဒင်ပညာသုတေသီကိုစိုးမိုးထွန်းက မဟာဗေဒင်ဘုတ်အရ ဒေါ်အောင်ဆန်းစုကြည်ကို သမ္မတမဖြစ်စေလိုကြောင်းရေးသားပြန်ပါသည်။
တွေ့ဆုံမေးမြန်းခန်းများတွင် မြန်မာပြည်သူများအတွက် အလုပ်လုပ်ပေးနိုင်ရန် သမ္မတလုပ်လိုသည်ဟု ဒေါ်အောင်ဆန်းစုကြည်က ပွင့်ပွင့်လင်းလင်းပြောသည်။ မြန်မာပြည်သူအများစုကလည်း ဒေါ်အောင်ဆန်းစုကြည်ကို သမ္မတဖြစ်စေလိုကြသည်။

၁၉၃၀ ပြည့်နှစ်ဝန်းကျင်မှစ၍ယနေ့ထိ မြန်မာနိုင်ငံတွင်ပေါ်ပေါက်ခဲ့သော နို်င်ငံရေးခေါင်းဆောင်များအနက် လူထုအများစု၏ တစ်ညီတစ်ညွတ်တည်း ထောက်ခံမှုရသူ နှစ်ဦးသာရှိသည်။ ဗိုလ်ချုပ်အောင်ဆန်းနှင့် ဒေါ်အောင်ဆန်းစုကြည်ဖြစ်သည်။
ဗိုလ်ချုပ်အောင်ဆန်းရင်ဆိုင်ခဲ့ရသည့် အနေအထားနှင့် ဒေါ်အောင်ဆန်းစုကြည် ရင်ဆိုင်နေရသော အနေအထားကမတူညီကြ။ ဒေါ်အောင်ဆန်းစုကြည် ရင်ဆိုင်နေရသော အခြေအနေက ပိုမိုသိမ်မွေ့ရှုပ်ထွေးပါသည်။ ဗိုလ်ချုပ်အောင်ဆန်းရင်ဆိုင်ရသူက နိုင်ငံခြားသား အင်္ဂလိပ်နှင့် ဂျပန်။ ဒေါ်အောင်ဆန်းစုကြည် ရင်ဆိုင်နေရသည်က မရရသည့်နည်းဖြင့် အာဏာနှင့်လုပ်ပိုင်ခွင့်ကို ဆုပ်ကိုင်ထားသည့် မိမိလူမျိုးသွေးရင်းသားရင်းများ၊ ဗိုလ်ချုပ်အောင်ဆန်းရင်ဆိုင်နေရသည့် အင်္ဂလိပ်က ကမ္ဘာတွင် လူမျိုးကြီးသား အပီသဆုံးလူမျိုးဟူသော ဘ၀င်ရှိသဖြင့် ဥပဒေကိုလေးစားလိုက်နာသည့် အပိုင်းရှိနေသေးသည်။
၁၉၂၀ပြည့်နှစ် ကျောင်းသားသပိတ်ကိုဖြိုခွဲရာ၌ပင် နံပါတ်တုတ်လောက်သာ အသုံးပြုခွင့်ပေးခဲ့သည့် အင်္ဂလိပ်အစိုးရဖြစ်သည်။ စစ်အစိုးရအဆက်ဆက်ကား ဆူပူအုံကြွမှုမှန်သမျှကို ပစ်ခတ်သတ်ဖြတ်ခြင်းနည်းသုံး၍ ဖြေရှင်းသည်။

ဗိုလ်ချုပ်အောင်ဆန်းရင်ဆိုင်ခဲ့ရသူများက တိုင်းတစ်ပါးသားများဖြစ်နေပြီး ဒေါ်အောင်ဆန်းစုကြည် ရင်ဆိုင်နေရသည်က ကိုယ့်သွေးကိုယ့်သား မြန်မာများဖြစ်ကြသည်။ ထိုမြန်မာများက မွေးထားကျွေးထား၍ ကြွယ်ဝချမ်းသာလာသူများ၊ သူတို့နှင့်ပတ်သက်ရာ ပတ်သက်ကြောင်းများကလည်း ဒေါ်အောင်ဆန်းစုကြည်ရင်ဆိုင်ရသူများသာဖြစ်သည်။
ဦးသိန်းစိန်၏ အရပ်သားတစ်ပိုင်း အစိုးရတက်လာခါစက၊ အစိုးရသစ်အပေါ် စိတ်ဝင်စားသူနည်းပါးလှသည်။ မျက်လှည့်ပြပွဲကြီးသဖွယ် စောင့်ကြည့်ရုံ ကြည့်နေခဲ့ကြသည်။

မကြာမီသမ္မတသစ် ဦးသိန်းစိန်က တီဗွီမှန်သားပြင်ပေါ်၌ ပေါ်လာသည်။ လေသံပျော့ပျော့လေးနှင့် “မိဘပြည်သူများခင်ဗျား ”ဟု စတင်နှုတ်ဆက်လိုက်သောအခါ ၊ မြန်မာပြည်သူများ “ဟင်ခနဲ”“ဟာခနဲ” ဖြစ်သွားကြသည်။ စစ်ဗိုလ်ချုပ်ကြီးများပြောနေကြစကား “တပ်မတော်သည်သာအမိ တပ်မတော်သည်သာ အဖ” မဲပြာပုဆိုးကို ချက်ခြင်းအမှိုက်ပုံးထဲ ထည့်ပစ်လိုက်ပြီး “ ပြည်သူသာအမိ ပြည်သူသာအဖ”ဟု နေ့ချင်းညချင်း လေသံပြောင်းပစ်လိုက်သည်။ စစ်ဘောင်းဘီပူပူနွေးနွေးချွတ် သမ္မတအသစ်ကျပ်ချွတ် ဦးသိန်းစိန်ကို လက်ခုပ်တီးကြိုဆိုကြတော့သည်။

ထိုကာလများက ကျက်သရေခဏရှိခဲ့သည်။ ခပ်ပြုံးပြုံး လေပျော့ပျော့ သမ္မတဦးသိန်းစိန်အား သမ္မတကြီးဟု ချီးမြှင့်သံများကား ဧရာဝတီမြစ်ဆုံကို ခေတ္တရပ်ကြောင်းကြေညာချိန်တွင် မိုးယံထက်ရောက်သွားတော့သည်။ မြန်မာနိုင်ငံတွင် ပြောင်းလဲပြုပြင်ရမည့် အရာများစွာရှိနေသည်။ သမ္မတကြီးနှင့် ဒေါ်အောင်ဆန်းစုကြည်တို့ကြောင့် နေ့ချင်းညချင်း ပြောင်းလဲခြင်းအကျိုးကို ခံစားရတော့မည်ဟု ယုံမှတ်ကြပြန်သည်။ သို့သော ထိုစဉ်ကပင် အများပြည်သူလူထု၏ ထောက်ခံမှုက ဒေါ်အောင်ဆန်းစုကြည်အပေါ်တွင် အပြတ်အသတ်သာလွန်ခဲ့သည်။

ဦးသိန်းစိန်အစိုး၇သည် ဒီမိုကရေစီဟု ဟစ်ကြွေးထားသဖြင့် မီဒီယာကို ဖြေလျော့ပေးရပြီး ၊ မီဒီယာကိုရှောင်လေ့ရှိသော စစ်ဗိုလ်ဟောင်းတဖြစ်လဲ လွှတ်တော်အမတ်များ၊ ၀န်ကြီးများသည် မီဒီယာနှင့်ရင်ဆိုင်ရတော့သည်။ စစ်ဗိုလ်ဟောင်းကြီးများ စကားငှားသုံးရလျှင် မီဒီယာတိုက်ပွဲတွင် ကျဆုံးသူများပေါ်လာကြသည်။ ဦးစွာပထမ ဦးအောင်သိန်းလင်း၊ နောက် လယ်ဆည်ဝန်ကြီး ဦးမြင့်လှိုင်။ လွှတ်တော်အမတ် ဦးလှဆွေ အစရှိသဖြင့် ကျဆုံးခဲ့ကြသည်။

မီဒီယာတိုက်ပွဲတွင် မနေ့တနေ့က လက်ရှိအချိန်တွင် နောက်ဆုံးတိုက်ပွဲကျခဲ့သူကား သမ္မတဦးသိန်းစိန်ဖြစ်ပါသည်။ မေ၁၈ မှ ၂၂ ထိ သွားရောက်ခဲ့သည့် သမ္မတကြီး၏ အမေရိကန်ခရီးစဉ်တွင် ဦးသိန်းစိန်၏ ပကတိရုပ်ကို မြန်မာပြည်သူတို့ မြင်တွေ့ခဲ့ကြရသည်။
ခေတ်နှင့်မဆီလျော်တော့သော မြန်မာ့တပ်မတော်သည် မြန်မာနိုင်ငံ၏ နိုင်ငံရေးတွင် အမြဲပါဝင်ပတ်သက်နေမည်ဟု ပြောကြားခြင်းသည် လက်ရှိဦးသိန်းစိန်အစိုးရ၏ ၀ှက်ဖဲတစ်ချပ်ပေါ်သွားခြင်း ဖြစ်ပါသည်။ လွတ်လပ်ရေးကြိုးပမ်းစဉ်ကာလက မြန်မာ့တပ်မတော်သည် နိုင်ငံရေးတွင် မလွှဲသာ၍ ပါဝင်ရသော်လည်း လွတ်လပ်ရေးရပြီးပါက မြန်မာစစ်တပ်သည် နိုင်ငံရေးတွင် မပါဝင်ရဟု ဗိုလ်ချုပ်အောင်ဆန်း အကြိမ်ကြိမ်မိန့်ကြားခဲ့သည်။ ဗိုလ်ချုပ်ကိုယ်တိုင်ပင် တပ်မှထွက်မည်။ နိုင်ငံရေးမှထွက်မည်။စာရေးခြင်းဖြင့် အသက်မွေးမည်ဟုပြောကြားခဲ့သည်။

ဦးသိန်းစိန်ကား ဒေါ်အောင်ဆန်းစုကြည်ကို လက်ခံရခြင်းမှာ ဗိုလ်ချုပ်အောင်ဆန်းသမီးဖြစ်၍၊ဗိုလ်ချုပ်အောင်ဆန်းသည် အမျိုးသားခေါင်းဆောင်လည်းဖြစ်၍ ၊ မြန်မာ့တပ်မတော်၏ ဖခင်လည်းဖြစ်၍ဟု ပြောကြားသွား၏ ။ အမျိုးသားခေါင်းဆောင်၊တပ်မတော်ဖခင်၏ စကားကို ဆန့် ကျင်လျက် စီးပွားရေးဆက်လက်လုပ်စားသွားမည့် တပ်မတော်၊ ကိုယ်ကျိုးဘယ်တော့မှ မစွန့် မည့်တပ်မတော်ဟု ဆွဲယူလျင်ရသောစကားမျိုးကို အမေရိကန်ခရီးစဉ်တွင် ဖွင့်ပြောခြင်းကား လွန်စွာဆိုးရွားလှပါသည်။ဦးသိန်းစိန်၏ နောက်ထပ်မျက်နှာဖုံးကွာကျမှုကား ၊ လက်ရှိ မြန်မာနိုင်ငံ၏ ပကတိအခြေအနေကို မသိကြောင်း ဖော်ပြသော စကားများဖြစ်သည်။

မြန်မာများ မကြာခဏ ဆန္ဒပြနေသည်မှာ အလုပ်အကိုင်မရှိ၍ “တစ်နေ့ငွေသုံးထောင်ယူပြီး ဆန္ဒပြနေကြခြင်းဖြစ်သည်”ဟုပြောလိုက်ခြင်းသည် ဦးသန်းစိန်၏ အရည်အသွေးညံ့ဖျင်းမှု၊ ပြည်သူနှင့်ကင်းကွာမှု။ ပြည်သူ့ဘ၀ကို မသိရှိမှုများအား ဖော်ပြလိုက်ခြင်းဖြစ်သည်။

ဒေါ်အောင်ဆန်းစုကြည်နှင့် ဦးသိန်းစိန်တို့ အမေ၇ိကန်တွင် တွေ့ဆုံခဲ့သည့် ၂၀၁၂ အမေရိကန်ခရီးစဉ်မှအပြန် ၊ ဦးသိန်းစိန်ကို ကြိုမည့်သူများကို ကြိုဆိုရေးတာဝန်ယူထားသည့် ခရိုနီများက ကုမ္ပဏီများမှ ၀န်ထမ်းများအား ကားခသုံးထောင်ပေးလျှက်ကြိုခိုင်းရသည်။ကြိုသည့်နေ့တစ်ရက်ကိုလည်း အလုပ်တက်ကြောင်းပြပေးသည်ဟု ခရိုနီကုမ္ပဏီဝန်ထမ်းတစ်ဦးက ပြောဖူးပါသည်။

အဘယ်သမ္မတ အကြံပေး၊ သို့မဟုတ် အဘယ်အနားပြာတစ်ယောက်ယောက်ကများ သမ္မတကြီးအား သတင်းပြောင်းပြန်တွေ ပေးပို့ထားပါလိမ့်။ ဦးနေ၀င်းကစ၍ ဦးသိန်းစိန်ထိ ၊ ထိပ်တန်းရာထူးနေရာရပြီးသူအားလုံး စနည်းနာခြင်း၊ ပြည်သူနှင့်ထိတွေ့ခြင်းမရှိတော့။ ထိုအခါ အခြေအနေမှန်များကို မသိတော့။

ဗိုလ်ချုပ်ကြီးနေ၀င်း သက်ရှိထင်ရှားစဉ်က ဆီ၊ ဆန်၊ ငရုတ်တို့၏ ပြင်ပပေါက်ဈေးအမှန်ကို သိရန်ကြိုးစားတိုင်း ရှေ့မှ ကာဆီးလိမ်ညာသူတို့သည် ထိုအခါက ဦးနေ၀င်း၏ အနီးကပ်စစ်ဗိုလ်ကြီးများဖြစ်ကြသည်။ လိမ်ညာမှု ရာဇ၀င်များကို ကိုယ်တိုင်ကြုံခဲ့သူများ ယနေ့ထိ တစည ပါတီတွင်သက်ရှိထင်ရှားရှိနေကြသေးသည်။

ခေါင်းဆောင်ကောင်းတစ်ယောက်၏ အရည်အချင်းတွင် တိုင်းပြည်နှင့် လူမျိုးအရေးကို ဦးထိပ်ထားသူဖြစ်ရန် ပါဝင်သည်။ ပြည်သူ့ဘ၀အခြေနေမှန်ကို သိနေသူဖြစ်ရန်လိုသည်။ ထိုအချက်နှစ်ချက်စလုံး ဦးသိန်းစိန်တွင် ကင်းမဲ့နေသည်။ ဦးသိန်းစိန်သည် သူ့သမ္မတ သက်တမ်းကို ဤသို့ပင်လိမ်ဖယ်ဖယ်တီးပါလို့ ဒိုးပတ်ဝိုင်းဖြင့် ဆက်ချီတက်သွားမည်ဖြစ်ပါသည်။
လယ်ပြင်တွင် ဆင်သွားသကဲ့သို့ ထင်ရှားနေသော မြန်မာနိုင်ငံ၏ ။အခင်းအကျင်းများ၊ မြန်မာပြည်သူများ မျက်ခြေမပြတ်ရန်လိုပါသည်။ မိမိစိတ်ချယုံကြည်သော မိမိအားကိုးသောခေါင်းဆောင်ကို နိုင်ငံ့ခေါင်းဆောင်နေရာ ရစေရန် မြန်မာပြည်သူတိုင်းတွင် တာဝန်ရှိပါသည်။
ဗိုလ်ချုပ်အောင်ဆန်း အလွန်ကာလ ယနေ့ထိ ကမ္ဘာက လက်ခံသည့် လူထုခေါင်းဆောင်မည်သူနည်း။ ထိုခေါင်းဆောင်၏အရည်အချင်းများက ဘယ်ပုံဘယ်နည်းရှိသနည်း။ ခေါင်းဆောင်မှန်ခေါင်းဆောင်ကောင်း ဦးဆောင်သောပါတီသည် အခြားပါတီများထက်တော့ နှာတစ်ဖျားသာပေလိမ့်မည်။

မြန်မာတို့ ဒုက္ခဘက်စုံ ရွှံနွံတွင်းမှလွတ်ရန် ခေါင်းဆောင်ကောင်းလိုသည်။ မြန်မာတို့ ဒုက္ခဘက်စုံ ရွှံနွံတွင်းမှလွတ်ရန်ရုန်းထကြရတော့မည်။

Photo..Tun wai facebook



ရှစ်လေးလုံး ဒီမိုကရေစီအရေးတော်ပုံ ငွေရတုအခမ်းအနား ကျင်းပရေးလုပ်ငန်းကော်မတီဝင် (၁၆)ဦးသည် ရှစ်လေးလုံး ဒီမိုကရေစီအရေးတော်ပုံ ငွေရတုအခမ်းအနားကျင်းပရေးအတွက် ပထမအကြိမ် လုပ်ငန်းကော်မတီ အစည်းအဝေးကို ယနေ့ ဇွန်လ၊ ၂ ရက် မွန်းတည့် ၁၂း၀၀ နာရီက ရန်ကုန်မြို့ ၈၈မျိုးဆက် ငြိမ်းချမ်းရေးနှင့်ပွင့်လင်းလူ့အဖွဲ့အစည်းရုံးတွင် ကျင်းပပြုလုပ်ခဲ့သည်။ ထိုအစည်းအဝေးမှ ရှစ်လေးလုံး ဒီမိုကရေစီအရေးတော်ပုံ ငွေရတုအခမ်းအနားကျင်းပရေးအတွက် ရည်ရွယ်ချက်တစ်ရပ်နှင့် ဆုံးဖြတ်ချက်(၁၁)ရပ်ကို ချမှတ်နိုင်ခဲ့သည်။ အဆိုပါ ရည်ရွယ်ချက်မှာ အောက်ဖော်ပြချက်အတိုင်းဖြစ်သည်။

ရှစ်လေးလုံးငွေရတုပြည့် တွေ့ဆုံဆွေးနွေးပွဲ ကျင်းပရခြင်းသည် မြန်မာနိုင်ငံ ဒီမိုကရေစီ ပြုပြင်ပြောင်းလဲရေးအတွက် ရှစ်လေးလုံး ဒီမိုကရေစီအရေးတော်ပုံကြီးတွင် ပါဝင်ခဲ့ကြ၍ ဒေသ အသီးသီး၊ နယ်ပယ်အသီးသီး တွင် ယနေ့ထက်တိုင် အသွင်သဏ္ဍာန်မျိုးစုံဖြင့် တိုက်ပွဲဝင်ခဲ့ကြသော တိုင်းရင်းသား ညီအစ်ကို၊ မောင်နှမများအားလုံး ပြန်လည်စုစည်းကြရန်ဖြစ်သည်။
ရှစ်လေးလုံး ဒီမိုကရေစီ အရေးတော်ပုံကြီးသည် ရဟန်းရှင်လူ၊ တိုင်းရင်းသားပြည်သူအားလုံး ပါဝင်သည့် ငြိမ်းချမ်းရေး လူ့အခွင့်အရေးနှင့် ဒီမိုကရေစီ အရေးတော်ပုံကြီး ဖြစ်ပါသည်။

ရှစ်လေးလုံးဒီမိုကရေစီအရေးတော်ပုံ ငွေရတု အခမ်းအနား ကျင်းပရသည့် ရည်ရွယ်ချက်မှာ မြန်မာနိုင်ငံပြောင်းလဲမူတွင် အဓိကအကျဆုံးနှင့် မဖြစ်မနေဆောင်ရွက်ရမည့် အမျိုးသားရေး လိုအပ်ချက်ဖြစ်သော ငြိမ်းချမ်းရေးနှင့် အမျိုးသားပြန်လည်သင့်မြတ်ရေး မူအပေါ်အခြေခံ၍ ဤတွေ့ဆုံပွဲအခမ်းအနားကို ကျင်းပဆောင်ရွက် သွားမည်ဖြစ်သည်။

The 88 Generation Peace and Open Society



အသက် ၃၃နှစ်အရွယ် မြန်မာအမျိုးသားတစ်ဦးဟာ ပြီးခဲ့တဲ့ တနင်္လာနေ့ (မေလ ၂၇)က မလေးရှားနိုင်ငံ ပီနန်မြို့ ဘူးကစ် မာတာဂျမ်အရပ်က ရဲစခန်းထဲကို သွားရောက်ပြီး အမှုဖွင့်ဖို့တိုင်ကြားမယ်ပြောပြီး ရဲသားဆီက ပစ္စတိုသေနတ်ကို လုယူခဲ့တယ်လို့ The New Straits Times သတင်းစာက ရေးသားလိုက်ပါတယ်။

သူ့ကို ခြိမ်းခြောက်မှုတွေရှိတယ်လို့ တိုင်တန်းခဲ့တာကြောင့် ရဲအဖွဲ့က ကင်းလှည့်ပြီး စစ်ဆေးတဲ့အခါ ဘာတစ်ခုမှ သံသယဖြစ်ဖွယ် မတွေ့ရကြောင်း ရဲစခန်းထဲရှိနေတဲ့ မြန်မာအမျိုးသားကို အကြောင်းကြားတဲ့အခါမှာ သေနတ်ကိုလုပြီး ၃ ချက်တိတိ ပစ်ခဲ့တယ်လို့ ဆိုပါတယ်။

မကြာခင်မှာပဲ ရဲစခန်းရှေ့ထွက်လာပြီး သူ့ကိုယ်သူ ပစ်သတ်ဖို့ ကြိုးစားပေမယ့် သေနတ်က Jam ဖြစ်တာကြောင့် ရဲတွေက သေနတ်ကိုပြန်လုခဲ့ရပြီး ဆေးရုံကို ပို့ခဲ့ရတယ်လို့ ဆိုပါတယ်။

MALAYSIA - He walked into a police station in Bukit Mertajam in Penang early on Monday morning to make a report over a fight in a group of flats.

The 33-year-old Myanmar national claimed that somebody had threatened him and that he wanted to file the report, The New Straits Times reported.

Acting on his information, the police motorcycle patrol unit was deployed to the area, said the state Criminal Investigation Department chief Senior Assistant Commissioner Mazlan Kesah.

But when the patrol unit reached the area where the complainant said he had been threatened, they found that there was no such case.

The patrol unit told this to the personnel attending to the Myanmar national's report.

SAC Mazlan said that the moment the complainant heard this, he jumped over the desk and charged at the policeman on duty, then grabbed the latter's pistol.

Said SAC Mazlan: "The policeman managed to shove the man away and dashed out from the police station before hearing several shots fired in the building."

The man fired three random shots in the station premises.

Pulled trigger

Minutes later, he walked out from the police station and planted the pistol on his head before pulling the trigger.

Fortunately, the pistol got jammed, allowing the policemen to subdue him and recover the gun.

SAC Mazlan said the man was sent to the Seberang Jaya Hospital for medical assessment.

It is not known how long he had been working in Malaysia.
http://news.asiaone.com/News/AsiaOne%2BNews/Malaysia/Story/A1Story20130529-425950.html

ုkAMAYUT MEDIA

( နံနက် ၁၁း၃၃ နာရီ )

လက်ရှိအချိန်ထိ အတည်ပြုရရှိထားသောသေဆုံးထိခိုက်စာရင်း
------------------------------------------------------------------
သေဆုံးသူ - ၂ ဦး။
ကိုမင်းဇော် ( မြန်မာ - တရားဝင်နေထိုင်အလုပ်လုပ်နေသူ )
ကိုခိုင်ဝင်း ( မြန်မာ - တရားဝင်နေထိုင်အလုပ်လုပ်ကိုင်နေသူ)

အပြင်းအထန်ဒဏ်ရာရရှိသူ - ၂ ဦး။( အသက်အန္တရာယ်စိုးရိမ်ရ)
-----------------------------------------------------------------------

- မြန်မာ- ကရင်လူမျိုးလူငယ် ၂ ဦး - တရားဝင်နေထိုင်အလုပ်လုပ်နေသူ )
( ဧရာဝတီတိုင်း၊ ငပုတောမြို့နယ်မှ ။ မလေးရှားသို့ ရောက်ရှိတာ၂ ရက်
သာရှိသေး )

ဒဏ်ရာမှသက်သာလာသော အစ်ကိုဖြစ်သူ ကိုစောအယ်ရှီး
Saw Eh Shee ( မြန်မာ-ကရင်အသက် - ၃၉ နှစ်။ ) မှ
ပြောပြချက် ။

- ( မလေးရှားရှိ မြန်မာလူမှုကူညီရေးအဖွဲ့မှ အတည်ပြုပြီး )

- Young Buddhist Association -
မလေးရှားနိုင်ငံ ဆလာယန်းတွင် မြန်မာ နှစ်ဦး ခေါင်းဖြတ် အသတ်ခံရကာ သုံးဦးမှာ အတွင်းလူနာအဖြစ် ဆေးရုံတင်ထားရ
မလေးရှားနိုင်ငံ ဆလာယန်းမြို့တွင် မွတ်ဆလင်ဘာသာဝင်အချို့နှင့် ပဋိပက္ခဖြစ်ပွားကာ မြန်မာအလုပ်သမား နှစ်ဦး ခေါင်းဖြတ်အသတ်ခံရပြီး သုံးဦးမှာ ဆေးရုံတွင် အတွင်းလူနာအဖြစ် တက်ရောက်ကုသမှု ခံယူနေရကြောင်း သတင်းရရှိပါသည်။

“မေ ၃၀ မှာ မြန်မာအလုပ်သမားတစ်ဦး ခေါင်းပြတ်သေဆုံးတယ်။ ၃၁ ရက်မှာ နောက်တစ်ဦး ခေါင်းဖြတ်အသတ်ခံရတယ်။ ဇွန်လ ၁ ရက်နေ့မှာ ထပ်ဖြစ်တာမှာ မြန်မာအလုပ်သမား ၃ ဦး ဆေးရုံတင်ထား ရပါတယ်။ သူတို့ ၃ ယောက်လည်း အခြေအနေ မကောင်းပါဘူး” ဟု ကပုန်း နာရေးကူညီမှုအသင်း ဥက္ကဋ္ဌ ဦးစန်းဝင်းက ပြောပါသည်။

လက်ရှိတွင် မလေးရှားနိုင်ငံ ဆာလာယန်း ကုန်စိမ်းဈေးတန်းရှိ မြန်မာ ဒုက္ခသည် ၁၀၀ ခန့်ကို ကပုန်း နာရေးကူညီမှု အသင်းမှ ဦးဆောင်၍ ကပုန်းဘုန်းကြီးကျောင်းနှင့် အခြားနေရာ အသီးသီးသို့ ပို့ဆောင် ကူညီပေးလျက်ရှိကြောင်း သိရသည်။

ကွာလာလမ်ပူမြို့မှ မြန်မာနိုင်ငံသား တစ်ဦးက ''အဲဒီနေက ဖြစ်စဉ်မှာ နှစ်ယောက်သေတယ်။ သုံးယောက်က ဒဏ်ရာပြင်းပြင်းထန်ထန် ရထားပြီး တစ်ယောက်ပျောက်နေတယ်လို့ ကြားတယ်။ လူ ၁၀၀ ကျော်လောက် ကပုန်းဘုန်းကြီးကျောင်းထဲမှာ ပုန်းနေရတယ်။ ဘုန်းကြီးကျောင်း အပြင်ဘက်ကနေ ဆိုင်ကယ်တွေနဲ့ ပတ်နေပြီး ဘုန်းကြီးကျောင်းကို မီးရှို့ပစ်မယ်လို့ ခြိမ်းခြောက်မှုတွေ ရှိနေတယ်။ ဒီဖြစ်စဉ်မှာ ပြစ်မှုကျူးလွန်တဲ့သူတွေက ဆလာယန်းဒေသခံတွေ မဟုတ်ဘဲ ဒေသခံအချို့တောင် မသိလိုက်ကြဘူးလို့ ပြောတယ်။ ဒေသခံတွေက ကျီးလန့်စာစား ဖြစ်နေပေမယ့် မြန်မာသံရုံး အသိုင်းအ၀ိုင်းက ပြဿနာက စိုးရိမ်စရာမရှိဘဲ အေးအေးချမ်းချမ်းပဲလို့ ပြောနေကြတယ်'' ဟု ပြောပြခဲ့ပါသည်။

ဆလာယန်းဒေသမှ မြန်မာအလုပ်သမား တစ်ဦးကလည်း “ကျွန်တော်သိတာကတော့ ဒီဖြစ်စဉ်မှာ ၆ ယောက်လောက် သေသွားတယ်။ အချို့ဆိုရင် ရက်ရက်စက်စက် သတ်ဖြတ်ခံခဲ့ရတာ။ ဒီဖြစ်စဉ်ကြောင့် လူ ၈၀ နဲ့ ၁၀၀ ကြား ဆလာယန်းက ဘုန်းကြီးကျောင်းမှာ ခိုလှုံနေရတယ်။ ဒါကို အကြမ်းဖက်လိုတဲ့ မွတ်ဆလင်ဘာသာဝင်အချို့က ဘုန်းကြီးကျောင်းအရှေ့ကနေ အော်ဟစ်ခြိမ်းခြောက်မှုတွေ လုပ်တယ်။ ကျွန်တော်တို့ဆီမှာ အခုနောက်ပိုင်း မွတ်ဆလင် အကြမ်းဖက် လူအချို့ရဲ့ သွေးထိုးလှုံ့ဆော်မှုတွေ ပြဿနာဖြစ်အောင် ဖန်တီးလိုမှုတွေ မကြာခဏ ဖြစ်နေ၊ ကြားနေပါတယ်။ ကွာလာလမ်ပူ ဘက်မှာတော့ မြန်မာဆိုင်တွေမှာလည်း အေးဆေးပဲ၊ မွတ်ဆလင် ဆိုင်တွေမှာလည်း အေးဆေးပါပဲ၊ သံရုံးကတော့ ဒီပြဿနာကို ထူးထူးခြားခြား ထုတ်ပြန်တာ မရှိသလို အခြေအနေ အေးဆေးရှိတယ် လို့ပဲ ပြောတာ ကြားရပါတယ်။ မြန်မာသံရုံးရဲ့ အကူအညီကိုတော့ ဆလာယန်းမှာ ရှိတဲ့ မြန်မာတွေ အခုအချိန်ထိ မရသေးပါဘူး” ဟု ပြောကြားခဲ့ပါသည်။

မလေးရှားနိုင်ငံတွင် ဖြစ်ပွားနေသော အဆိုပါ ကိစ္စများနှင့် ပတ်သက်၍ နိုင်ငံခြားရေး ၀န်ကြီးဌာနမှ အဖြစ်မှန်ကို စုံစမ်း၍ သတင်းထုတ်ပြန်သွားမည် ဖြစ်ကြောင်း သမ္မတရုံး ညွှန်ကြားရေးမှူး ဦးဇော်ဋ္ဌေးက Eleven Media Group သို့ ပြောကြားထားပါသည်။

မလေးရှားနိုင်ငံတွင် ဖြစ်ပွားနေသော ကိစ္စများနှင့် ပတ်သတ်၍ မြန်မာနိုင်ငံသားများ အသတ်ခံရမှု မရှိကြောင်း နိုင်ငံတော်သမ္မတ၏ ပြောရေးဆိုခွင့်ရှိသူ ပြန်ကြားရေး ဒုဝန်ကြီး ဦးရဲထွဋ်က ဇွန်လ ၁ ရက်နေ့တွင် ၎င်း၏ Facebook စာမျက်နှာတွင် ဖော်ပြခဲ့ပြီး ဇွန်လ ၂ ရက်နေ့တွင် အဆိုပါ ကိစ္စနှင့် ပတ်သတ်၍ ပြန်လည်ရှင်းလင်းထားသည်။

ယင်းဖြစ်စဉ်နှင့် ပတ်သတ်၍ မလေးရှားနိုင်ငံရှိ နာမည်ကြီး The Star သတင်းစာတွင် လက်ရှိအထိ သတင်းဖော်ပြထားခြင်း မရှိသေးကြောင်း သိရပြီး NTV 7 သတင်းဌာနက သေဆုံးသူတစ်ဦး၏ အလောင်းအား ရဲတပ်ဖွဲ့ဝင်များက သယ်ယူသွားပုံကို movie file ဖြင့် သတင်းဖော်ပြခဲ့သည်။ Bernama သတင်းဌာနတွင်လည်း တစ်ဦးသေဆုံးကြောင်း သတင်းဖော်ပြထားသည်။

မွတ်ဆလင်ဘာသာဝင်များ၏ ရိုက်နှက်သတ်ဖြတ်မှုကြောင့် သေဆုံးသူ နှစ်ဦးမှာ ကိုခိုင်မင်း (၃၂ နှစ်) နှင့် ကိုမင်းဇော် (၃၃ နှစ်) ပဲခူးမြို့ နေထိုင်သူတို့ ဖြစ်ကြောင်း သိရသည်။

“ကိုမင်းဇော်က မလေးရှားမှာနေပြီး အလုပ်လုပ်နေတာ ၁၀ နှစ်ကျော်လောက် ရှိနေပါပြီ၊ ကောင်းကောင်းမွန်မွန် နေတဲ့လူပါ၊ အဲ့ဒါကို သေတဲ့လူမရှိဘူး၊ မြန်မာတွေ အရက်မူးပြီး ရန်ဖြစ်တာလို့ မလေးရှားနိုင်ငံ မြန်မာသံရုံးက သတင်းတွေ ဖြန့်တာကိုတော့ မကျေနပ်နိုင်ပါဘူး။ ဒါက သံရုံးက တရားဝင် ထုတ်ပြန်ချက်တော့ မဟုတ်ပါဘူး” ဟု ယခုဖြစ်စဉ်အတွင်း သေဆုံးသူ ကိုမင်းဇော်၏ ညီမ (မလေးရှားနိုင်ငံ၌ လက်ရှိ အလုပ်လုပ်ကိုင်နေသူ) က ဆိုသည်။

၎င်းကပင် “မြန်မာသံရုံးရဲ့ အကူအညီ ဘာမှ မရသေးဘူး။ အခုလည်း ကျွန်မတို့ရဲ့ လုံခြုံရေးကြောင့် အလုပ်က နားနေရတာ သုံးရက်ရှိနေပြီ။ ကျွန်မအစ်ကိုရဲ့ နာရေးကိစ္စကိုလည်း ကပုန်း နာရေးကူညီမှုအသင်းက ကူညီပေးနေပါတယ်” ဟု ပြောကြားသည်။

ယခုဖြစ်ပွားခဲ့သော ဖြစ်စဉ်နှင့် ပတ်သက်၍ ကပုန်းရဲစခန်းတွင် အမှုဖွင့်လှစ်ထားကြောင်း၊ ပုဒ်မကို ရဲစခန်းမှ မပြောသေးကြောင်း၊ မေ ၃ ရက် (မလေးရှားစံတော်ချိန်) နံနက် ၁၀ နာရီသို့ ပြန်ချိန်းထားကြောင်း သေဆုံးသူ ကိုမင်းဇော်၏ ညီမဖြစ်သူက ဆက်လက်ပြောကြားခဲ့သည်။

Eleven media group

မလေးရှားနိုင်ငံ ဆာလာရမ်းမြို့ ရန်ပြုမှု မြန်မာနိုင်ငံသား ၂ ဦးသေဆုံး

မလေးရှားနိုင်ငံ ကွာလာလမ်ပူမြို့က ဆာလာရမ်းမြို့နယ်မှာ ပြီးခဲ့တဲ့ကြာသပတေးနေ့နဲ့ သောကြာနေ့ ၂ ရက်အတွင်း လူတချို့ရဲ့ရန်ပြုတိုက်ခိုက်မှုကြောင့် မြန်မာနိုင်ငံသား ၂ ဦး အသတ်ခံရပြီး ၄ ဦး ဒဏ်ရာရသွားတယ်လို့ သိရပါတယ်။

သေဆုံးသူ ၂ ဦးမှာ တဦးက ရန်ကုန်မြို့ကနေ အလုပ်သွားလုပ်နေတဲ့ ကိုမင်းဇော် (ခ) နာဆစ် ဆိုသူ ဖြစ်ပြီး၊ နောက်တယောက်ရဲ့အမည်ကိုတော့ မသိရသေးဘူးလို့ ဆာလာရမ်း မြို့နယ်နဲ့ကပ်လျက်က ပုမ်းမြို့နယ်က နာရေးကူညီမှုအသင်း ဥက္ကဌ ကိုဆန်းဝင်းက ပြောပါတယ်။

" သေတာ ၂ ယောက်၊ ဒဏ်ရာရတာ ၄ ယောက် မနေ့က ဒဏ်ရာရတဲ့ ၂ ယောက်က အခြေနေမကောင်းဘူး၊ သေတဲ့တစ်ယောက်က ကိုမင်းဇော်နဲ့ နောက်တစ်ယောက်က စာရွက်စာတမ်းတွေဒီမနက်မှရမယ် နာမည်မသိရသေးဘူး၊ သူတို့က ဆာလာရမ်းဆိုတဲ့မြို့မှာ သီရိမင်္ဂလာဈေးကြီးရှိတယ် အဲ့ဈေးကြီးမှာ အလုပ်လုပ်ကြတာ"

မျက်မြင်တချို့ရဲ့ပြောဆိုချက်အရ တိုက်ခိုက်သူတွေဟာ မလေးရှားနိုင်ငံသားတွေ မဟုတ်ပဲ မြန်မာနိုင်ငံက လာသူတွေပဲဖြစ်တယ်လို့ သိရပါတယ်။

ဆန်တူးရဲစခန်းက ဒုရဲမှူး အဗူဘာကာ-က ရန်ပြုခံရလို့ ထွက်ပြေးလွတ်မြောက်လာသူ မြန်မာတယောက်သူတို့ စခန်းကိုလာတိုင်တဲ့အတွက် ရဲစခန်းက လိုက်သွားတဲ့အခါ ဈေးဆိုင်ရဲ့အနောက်ဖက်လမ်းမှာ သေဆုံးသူရဲ့ ရုပ်အလောင်းကိုတွေ့တာလို့ ပြောဆိုကြောင်း မလေးရှားနိုင်ငံက ဘနားမားသတင်းက ဆိုပါတယ်။

ဒါ့အပြင် ထွက်ပြေးလွတ်မြောက်သွားသူရဲ့အဆိုအရ တိုက်ခိုက်သူအုပ်စုကိုမမှတ်မိ လိုက်ပေမယ့် သူတို့ဟာ မြန်မာနိုင်ငံကလူတွေဖြစ်တယ်လို့ ယုံကြည်ရကြောင်း အဲဒီသတင်းမှာရေးထားပါတယ်။

ဒီအကြမ်းဖက် တိုက်ခိုက်မှုကြောင့် အဲဒီဒေသအနီးတဝိုက်မှာနေထိုင်တဲ့ မြန်မာနိုင်ငံသား တချို့ဟာ ကပုမ်းမြို့မှာသတင်းသုံးတဲ့ ဆရာတော် ဒေါက်တာအန္ဒိကရဲ့ သမ္ဘာသမ္ဘောဓိ ကျောင်းတိုက်ကို မနေ့က သွားရောက်ခိုလှုံကြတယ်လို့လဲ ကိုဆန်းဝင်း ကပြောပါတယ်။

" သမ္ဘာသမ္ဘောဓိ ဘုန်းတော်ကြီးကျောင်းမှာ မိန်းကလေးတွေလည်းပါတယ် သူတို့က ဒီဘုန်းကြီးကျောင်းမှာနေဖို့လာတာ လောလောဆယ်တော့ ခိုလှုံလို့ရပါတယ်၊ သူတို့သွားချင်တဲ့နေရာတွေကို ကားတွေနဲ့ လိုက်ပို့ပေးတယ်၊ လောလောဆယ်တော့ ဘုန်းကြီးကျောင်းမှာ အယောက် ၂၀ လောက်ရှိတယ်"

ဒီအမှုမှာ တိုက်ခိုက်သူတွေကိုရဲကစုံစမ်းရှာဖွေနေပြီး၊ ဒီနေ့မနက်မှာလဲ မြန်မာသံရုံး တာဝန်ရှိသူ တွေနဲ့ သူတို့တွေ့ဆုံဖို့ အစီအစဉ်ရှိတယ်လို့  ကိုဆန်းဝင်းက ပြောပါတယ်

RFA


နောက်မျိုးဆက်တွေအပေါ် ကျူးလွန်သော ရာဇဝတ်မှု
Crime Against Next Generation

စစ်အာဏာရှင်တွေရဲ့ သက်တမ်းတလျှောက်မှာ အလွန်ဆိုးဝါး ကြီးလေးတဲ့ ရာဇဝတ်မှုကြီးတွေ ကျူးလွန်ခဲ့တာကို အားလုံးအသိပဲ။ ဇူလိုင် ၇ မှာ ကျောင်းသား ရာကျော်ကို ပစ်ခတ်သတ်ဖြတ်တာ၊ ရှစ်လေးလုံး အရေးအခင်းကြီးမှာ ဆေးရုံထဲအထိ ဝင်ပစ်တာ၊ ဆယ်ကျော်သက် အထက်တန်းကျောင်းသားလေးတွေပါမချန် ပစ်ခတ်သတ်ဖြတ်တာ၊ မြောက်ဥက္ကလာမှာ အလောင်းတွေလမ်းနဲ့ ပြည့်သွားအောင် ပစ်ခတ်သတ်ဖြတ်တာ၊ ၂၀၀၇ မှာ သံဃာတွေကို ပစ်ခတ် သတ်ဖြတ်တာ၊ ကျောင်းသားတွေကို ပစ်ခတ်သတ်ဖြတ်တာ၊ စစ်ကြောရေးမှာ အသက်သေတဲ့ အထိ ညှင်းပန်းနှိပ်စက်တာတွေဟာ အလွန်ဆိုးဝါး ကြီးလေးတဲ့ ရာဇဝတ်ပြစ်မှုကြီးတွေပဲ။ စီးပွားရေး ပျက်စီးအောင်လုပ်တာ၊ နိုင်ငံရေး ပျက်စီးအောင်လုပ်တာ၊ တရားစီရင်ရေး ပျက်စီးအောင်လုပ်တာ အားလုံးဟာ ကြီးလေးတဲ့ ရာဇဝတ်ပြစ်မှု တွေချည်းပဲ။

ဒါပေမဲ့ အဲသလောက်ကြီးတဲ့ ရာဇဝတ်မှုကြီးတွေထက် ပိုကြီးတဲ့ ရာဇဝတ်မှုကြီးတွေ ရှိသေးတယ်။ အထက်မှာ ပြောတဲ့ ရာဇဝတ်မှုတွေ ဟာ သာမန် လူသတ်မှု ၊ မုဒိန်းမှုတွေထက် အဆရာထောင်ပိုမိုကြီးလေးတဲ့ ပြစ်မှုတွေဖြစ်ပေမဲ့ လက်ရှိ အသက်ထင်ရှားရှိတဲ့လူတွေသာ ခံစားရတဲ့ ပြစ်မှုတွေ ဖြစ်တယ်။ စစ်အာဏာရှင်တွေ ကျူးလွန်တဲ့ ဒီ့ထက် ပိုကြီးတဲ့ ရာဇဝတ်မှုတွေကတော့ မျိုးဆက် တစ်ခုတည်းမှာတင် ထိခိုက်နစ်နာရုံမကပဲ နောက်မျိုးဆက် အဆက်ဆက်အထိ ထိခိုက်နစ်နာတဲ့ ရာဇဝတ်မှုမျိုးတွေပဲ။ အဲဒီလို ပြစ်မှုမျိုးတွေကိုတော့ နောက်မျိုးဆက်တွေ အပေါ်ကျူးလွန်တဲ့ ရာဇဝတ်မှု ( Crime Against Next Generations ) လို့ သတ်မှတ်ရလိမ့်မယ်။

ဒီစစ်အာဏာရှင်တွေ နောက်မျိုးဆက်အပေါ်မှာ ကျူးလွန်တဲ့ ရာဇဝတ်မှုကြီး ၃ ခုရှိတယ်။

ပထမ တစ်ခုက ပညာရေးနဲ့ ဆိုင်တဲ့ ရာဇဝတ်မှု။ ကျောင်းသားတွေဟာ စစ်အာဏာရှင်စနစ်ကို တစိုက်မတ်မတ် ဆန့်ကျင် ကန့်ကွက်ခဲ့တယ်။ စစ်အာဏာရှင်စနစ်ဟာ တိုင်းပြည်ကို ချောက်ထဲ ဆွဲချလိမ့်မယ်ဆိုတာကို ၁၉၆၂ ခု စစ်တပ် အာဏာသိမ်းပြီးပြီးချင်းမှာပဲ ၊ ချက်ချင်း ထောက်ပြခဲ့တယ်။ ကျောင်းသားတွေ ဦးဆောင်တဲ့ အဲဒီလှုပ်ရှားမှုဟာ ၁၉၈၈ မှာ အမြင့်ဆုံးကို ရောက်သွားတယ်။ ဒီတော့ စစ်အာဏာရှင် တွေဟာ ကျောင်းသားတွေကို အဆမတန် ဖိနှိပ်တယ်။ ကျောင်းတွေကို ပျက်စီးအောင် လုပ်တယ်။ ပညာရေး စနစ်တစ်ခုလုံးကို ဖျက်ဆီးခဲ့တယ်။

ကျောင်းတွေကို အစိတ်စိတ် အမွှာမွှာလုပ်ပစ်လိုက်တယ်။ အရည်အချင်းပြည့်မီတဲ့ ဆရာတွေ အလုံအလောက်မရှိဘဲ ကျောင်းတွေကို အများကြီး ခွဲဖွင့်ပစ်လိုက်တယ်။ ဒီလိုလုပ်လိုက်ရင် ပညာရေး သိပ်နိမ့်ကျသွားမယ်ဆိုတာကို မသိမဟုတ်ဘူး။ သိတယ်။ သိရက်နဲ့ တမင်လုပ်တယ်။ ရည်ရွယ်ချက်ကတစ်ခုတည်းပဲ။ ကျောင်းသားတွေ မစုစည်းနိုင်ဖို့ ၊ မညီညွတ်နိုင်ဖို့ တစ်နည်းအားဖြင့် ပြောရရင် စစ်အာဏာရှင်တွေ အာဏာ တည်မြဲဖို့ သက်သက်ပဲ။ ဒါတွင် မကဘူး။ ကျောင်းတွေကို မြို့ပြင် ထုတ်ပစ်တယ်။ ကျောင်းဆောင်တွေရှိပါရက်နဲ့ အဆောင်တွေ ဟောင်းလောင်းထား ပြီး ကျောင်းသားတွေကို အဆောင်မပေးဘဲ အပြင်မှာ ငှားနေခိုင်းတယ်။ ဒီလိုလုပ်တော့ ကျောင်းသားတွေ နေရေး ထိုင်ရေး အဆင်မပြေတော့ဘူး။ သွားရေး လာရေး အဆင်မပြေတော့ဘူး။ ဆင်းရဲတဲ့ ကျောင်းသားတွေ ကျောင်းမတက်နိုင်တော့ဘူး။ ဒါကို သူတို့ မသိတာ မဟုတ်ဘူး။ သိတယ်။ သိလို့ လုပ်တာပဲ။ အဲဒါ သူတို့ အကြိုက်ပဲ။ ဖြစ်နိုင်ရင် တက္ကသိုလ်မှာ ကျောင်းသားမရှိရင် အကောင်းဆုံးပဲလို့ သူတို့ သဘောထားကြတယ်။ တက္ကသိုလ်မှာ ကျောင်းသား မရှိရင် သူတို့ အာဏာကို စိန်ခေါ်မယ့်သူ မရှိတာပဲလို့ သဘောထားကြတယ်။ ဒါတွင် မကသေးဘူး။ ၈၈ အရေးအခင်းပြီးတဲ့ နောက်မှာ တက္ကသိုလ်တွေထဲမှာ နံပါတ်ဖိုး အဖြူ ဝယ်လို့ရလာတယ်။ ဒါကိုလည်း သူတို့ လစ်လျူရှုထားတယ်။ ကျောင်းသားတွေ ပျက်စီးတာကို သူတို့ လုံးဝ မပူပန်ဘူး။ ကျောင်းသားတွေ နိုင်ငံရေး လုပ်မှာကိုပဲ သူတို့ ပူပန်စိုးရိမ်တယ်။ နောက်ထပ် ဝမ်းနည်းစရာကောင်းတာ ရှိသေးတယ်။ ၈၈ နောက်ပိုင်းမှာ ကျောင်းသူတွေထဲမှာ ပြည့်တန်ဆာလုပ်စားတဲ့လူရှိလာတယ်။ တော်တော်များများ ရှိလာတယ်။ ဒါကိုလည်း သူတို့ စစ်အာဏာရှင်တွေ ဝမ်းမနည်းတတ်ဘူး။ ၈၈ အရေးအခင်းပြီးကတည်းက ကျောင်းတွေမှာ စာမေးပွဲ စာခိုးချတာကိုလည်း ခိုးချင်ခိုး ခွင့်ပြုခဲ့တယ်။ ကျောင်းသားတွေ ပျက်စီးမယ့်အရာ၊ ပညာရေး ပျက်စီးမယ့်အရာမှန်သမျှ ခွင့်ပြုခဲ့တယ်။ တိုင်းပြည်ကို ချောက်ထဲကျဖို့ လက်နှစ်လုံးအလိုမှာ ကယ်တင်ခဲ့တယ်ဆိုတဲ့ စစ်အာဏာရှင်တွေရဲ့လက်ထက်မှာ ပညာရေးဟာ ပြန်ဆယ်လို့ ပြန်ကယ်လို့ မရနိုင်လောက်တဲ့ အသူတရာ ချောက်ကြီးထဲအထိ ကျသွားခဲ့တယ်။ ဒါကို သူတို့ မသိတာ မဟုတ်ဘူး။ သိပ်သိတယ်။ သူတို့ အသိဆုံးပဲ။ သိလွန်းလို့လည်း သူတို့ သားသမီးတွေ ဆိုရင် ဘယ်ဝန်ကြီးမှ ဗမာပြည်မှာ ပညာ မသင်ခိုင်းကြတော့ဘဲ နိုင်ငံခြားပို့ပြီး ပညာသင်ခိုင်းကြတာကိုသာကြည့်တော့။ ဒီလောက်ဆိုးသွားတဲ့ ပညာရေးကို ၈၈ မတိုင်ခင် အခြေအနေ အဆင့်အတန်း ပြန်ရောက်ဖို့တောင် နှောင့်ယှက်သူမရှိဘဲ အပြင်းအထန်ကြိုးစားခွင့်ရသည့်တိုင် အနည်းဆုံး ဆယ်နှစ်လောက် အချိန်မယူဘဲ မရနိုင်တော့ဘူး။ လူငယ်မျိုးဆက် တစ်ဆက်လုံးဟာ ပညာရေး နိမ့်ကျတဲ့ မျိုးဆက်တစ်ဆက် ဖြစ်သွားတယ်။ ဒီပြစ်မှုဟာ လူငယ်မျိုးဆက် တစ်ဆက်လုံးအပေါ်မှာ ကျူးလွန်တဲ့ ရာဇဝတ်မှုကြီးဖြစ်တယ်။ အသက် ၂၀ ၊ ၃၀ အရွယ်လူငယ်တွေကို စစ်အာဏာရှင်တွေ မသေခင် နေ့တိုင်း ရှိခိုး တောင်းပန်ရင်တောင် မကျေနိုင်တော့တဲ့ ပြစ်မှုကြီးပဲ။ ဒီပြစ်မှုအတွက် တာဝန်ရှိသူက စစ်အာဏာရှင်တွေ အားလုံးပဲ။ လူပုဂ္ဂိုလ် တစ်ယောက်ချင်းအနေနဲ့ အပြစ်အရှိဆုံး ပုဂ္ဂိုလ်ကို လက်ညှိုးထိုးပြပါဆိုရင် အဲဒီလူဟာ ဗိုလ်ချုပ်ခင်ညွန့်ပဲ။ အဲဒီလို ပညာရေးစနစ်ဖျက်ဆီးရေးကို တာဝန်ယူ အကောင်အထည် ဖော်ခဲ့သူဟာ ဗိုလ်ချုပ်ခင်ညွန့်ပါ။

နောက်မျိုးဆက်အပေါ်ကျူးလွန်တဲ့ Crime Against Next Generation နံပါတ် ၂ ကို အခုပြောပါမယ်။ ဒီပြစ်မှုက စောစောက ပြစ်မှုထက် ပိုကြီးတယ်။ အဲဒီပြစ်မှုကတော့ တနိုင်ငံလုံးပြည်သူတွေရဲ့ အကျင့်စာရိတ္တကို ဖျက်ဆီးတဲ့ ပြစ်မှုပဲ။ အခုဗမာနိုင်ငံမှာ လာဘ်မစားဘူးတဲ့ ဝန်ထမ်းမရှိဘူးလို့ ပြောရင် ဘယ်သူငြင်းရဲသလဲ။ တချို့က ပြောလိမ့်မယ်။ ဒို့တစ်သက်မှာ တစ်ခါမှ လာဘ်မစားဖူးပါဘူး။ သူတို့ သဒ္ဓါလို့ စေတနာ အလျောက် ပေးတဲ့ လက်ဆောင်လေးတော့ ယူဖူးတယ်လို့....။ လက်ဆောင်ယူတာဟာ လာဘ်စားတာပဲ ဆိုတာ တချို့က မသိကြတော့ဘူး။ တချို့ကျတော့ သိတော့ သိပါရဲ့။ မသိဟန်ပြုပြီး သူတို့စိတ်သူတို့ ဖြေသိမ့်ကြရတယ်။ ကိုယ့်ကိုယ်ကိုယ် ညာကြရတယ်။ အင်မတန် စိတ်နာဖို့ကောင်း တယ်။ ဝန်ထမ်းတွေကို ခိုးမစားရင် ထမင်းမဝတဲ့ ဘဝရောက်အောင် သူတို့ စစ်အာဏာရှင်တွေ သိသိကြီးနဲ့ တွန်းပို့ကြတယ်။ မလောက်မငှ လစာနဲ့ ပစ်ထားကြတယ်။ သူတို့တတွေ စိန်စီသောည လုပ်နေတဲ့အချိန်မှာ ဗမာပြည်သူတွေ ချွတ်ခြုံကျငတ်မွတ်နေတာကို မသိယောင်ပြုခဲ့ကြတယ်။

လာဘ်ပေးလာဘ်ယူစနစ်ဆိုတာ ပျက်စီးတာ corruption လို့ နိုင်ငံတကာမှာ ခေါ်ဝေါ်သုံးစွဲတယ်။ ပျက်စီးတယ်ဆိုတာ လာဘ်ယူတဲ့လူတွင် ပျက်စီးတာ မဟုတ်ဘူး။ လာဘ်ပေးတဲ့လူရဲ့ စာရိတ္တလည်း ပျက်စီးတာပဲ။ လာဘ်ပေးတယ်ဆိုတာ သူများထက် အခွင့်အရေး မတရား ပိုလိုချင်လို့ ငွေကြေးအသုံးပြုပြီး အခွင့်အရေးယူတာပဲ။ ဗမာပြည်မှာ တချို့က လာဘ်ယူတဲ့လူကိုသာ အကျင့်ပျက်တယ်လို့ ထင်ပြီး လာဘ်ပေးတဲ့လူကိုတော့ လူကြီးလူကောင်းလို့ထင်ကြတယ်။ ဒါမှားတယ်။ လာဘ်ပေးတဲ့လူရော လာဘ်ယူတဲ့လူရော အတူတူ အကျင့်ပျက်တဲ့လူပဲ။ တကယ်တော့ လာဘ်ပေးတဲ့လူက ပိုတောင်ဆိုးသေးတယ်။ လာဘ်ယူတဲ့လူက မလွှဲသာလို့ ထမင်းငတ်မှာစိုးလို့ ယူရတယ်။ လာဘ်ပေးတဲ့လူက ငွေရှိပါရက်နဲ့ ပျက်စီးတာ။ ဆိုးချင်ဆိုး ပေးတဲ့လူက ပိုဆိုးဦးမယ်။ ကဲ... မေးပါရစေ။ ဗမာပြည်မှာ အရွယ်ရောက်သူ အသက် ၁၈ နှစ်ပြည့်ပြီးသူထဲမှာ လာဘ်မပေးဘူးတဲ့လူ ဘယ်နှယောက်ရှိသလဲ။ အလုပ်လုပ်ဖူးသူမှန်သမျှ လာဘ်ပေးဖူးကြတယ်ဆိုတာ ဝန်ခံကြရလိမ့်မယ်။ လူတိုင်းလူတိုင်းဟာ လာဘ်ပေးသူနေရာကဖြစ်စေ၊ လာဘ်ယူသူနေရာကဖြစ်စေ တစ်နေရာရာမှာ နေခဲ့ကြဖူးသူတွေချည်းပဲ။ ဒီတော့ လာဘ်ပေးလာဘ်ယူစနစ်ဆိုတာကို ပျက်စီးမှုလို့ နိုင်ငံတကာက သတ်မှတ်ထားတဲ့ စံချိန်နဲ့ တိုင်းတာကြည့်ရင် ဗမာပြည်မှာ လူကောင်းဆိုတာ ရှိသေးရဲ့လား။ မခိုးဖူးတဲ့လူ၊ သူခိုးအားပေး မလုပ်ဖူးတဲ့လူရှိသေးရဲ့လား။ ဒီတိုင်းပြည်ကြီးကို သူခိုးတိုင်းပြည်ကြီးလို့ နိုင်ငံတကာက ပြောမယ်ဆိုရင် ကျွန်တော်တို့ ဘယ်လို ဖြေရှင်းကြမလဲ။ ဒီလို ခိုးလို့ လာဘ်စားလို့ဆိုပြီး သူတို့ကိုရော အပြစ်တင်လို့ ရမလား။ ထိပ်ဆုံးက သူခိုးကြီးတွေကြီးပွားကောင်းစားနေပုံနဲ့ သူတို့ငတ်နေပုံကို နှိုင်းယှဉ်ကြည့် ရင် သူတို့ကို ဘယ်လိုမှ အပြစ်တင်လို့ မရတော့ဘူး။ ဂုဏ်သရေရှိ သူဌေးမင်းကြီးတွေဆိုတဲ့ ခရိုနီကြီးတွေက တိုင်းပြည်ရဲ့ တစ်နိုင်ငံလုံးပြည်သူတွေ ပိုင်တဲ့ ရွှေငွေ သတ္တု သယံဇာတတွေ၊ သစ်ပင်တွေ၊ ငါး၊ ပုဇွန်တွေကို ရောင်းစားခွင့်ရဖို့ သူများထက် အခွင့်ထူးရဖို့ ၊ အချောင်နှိုက်ဖို့ စစ်အာဏာရှင်တွေဆီ လာဘ်ထိုးကြတယ်။ စစ်အာဏာရှင်တွေက သူတို့ မပိုင်တဲ့ ပြည်သူပိုင်ပစ္စည်းကို သူတို့ ပိုင်ဆိုင်လေဟန် ခွင့်ပြုလက်မှတ်ထိုး ပေးပြီး ခရိုနီတွေ ပေးတဲ့ လာဘ်ကိုယူတယ်။ ဒီငွေတွေကြောင့်သာ သူတို့မှာ စိန်စီသောည လုပ်နိုင်တာပဲ။

ပြည်သူတွေကတော့ ငတ်လွန်းလာတော့ ချဲထီ၊ နှစ်လုံးထီ၊ ဘောလုံးလောင်းကစားတွေလုပ်လာတယ်။ စိတ်ဓါတ်တွေ ပျော့ညံ့လာတယ်။ ပျက်စီးလာတယ်။ အကျင့်စာရိတ္တပျက်စီးလာတယ်။ ဒါကိုလည်း အားပေးထားတယ်။ သူတို့က ထီတွေတောင် ထပ်ဖွင့်ပေးလိုက်သေးတယ်။ နှစ်လုံးထီ၊ သုံးလုံးထီတွေကို ဖမ်းနေပါသကောလို့ တချို့က ဆင်ခြေပေးလိမ့်မယ်။ တကယ် နှိမ်နင်းသလား ၊ ဟန်ပြဥပဒေထုတ်ပြီး လိုရင်လိုသလို မလိုရင် မလိုသလို လုပ်လို့ ရအောင် လုပ်ထားတာလားဆိုတာ အသိသာကြီးပါ။ တိုင်းပြည်မှာ လူငယ်တွေ၊ မူးယစ်ဆေးသုံးတာ၊ အရက်သေစာ သောက်စားတာတွေ တိုးပွားလာလိုက်တာကလည်း ဒီစစ်အာဏာရှင်တွေ လက်ထက်မှာ သိသိသာသာကြီးပဲ။ ဒါတွေကိုလည်း မတားဘူး။ မဆီးဘူး။ တားပါတယ်၊ မနိုင်လို့ပါလို့ ဆင်ခြေပေးလို့ မရဘူး။ နိုင်ငံရေး လှုပ်ရှားတက်ကြွသူတွေကို သူတို့ ဘယ်လို နှိမ်နင်းတယ်ဆိုတာ မမေ့ကြပါနဲ့။

စောစောက ပညာရေး ပျက်စီးသွားတာကို အနည်းဆုံး ၁၀ နှစ်ကြာအောင် မလုပ်ဘဲ ပြန်အဖတ်ဆယ်လို့ မရဘူးလို့ စောစောက ကျွန်တော် ပြောခဲ့တယ်။ ၁၀ နှစ်ဆိုတာ လျှော့လျှော့ပေါ့ပေါ့ ပြောထားတာဆိုတာ အားလုံးသဘောပေါက်ကြမှာပါ။ အဲဒီ ပညာရေး ပြင်ဖို့ ဆယ်နှစ်ကြာမယ် ဆိုရင် လူတွေ အကျင့်စာရိတ္တပျက်စီးတာကို ပြင်ဖို့ရင် အနည်းဆုံး အနှစ် ၂၀ ကြာပါမယ်။ အခု တရားဥပဒေ စိုးမိုးရေးလုပ်မယ်၊ ကျန်းမာရေး ပြုပြင်မယ်၊ ပညာရေး ပြုပြင်မှုမယ် ပြောဆိုနေကြတာတွေကိုလည်း အားလုံး ကြားကြမှာပါ။ ဒါပေမဲ့ လူတွေရဲ့ စာရိတ္တ မပြင်နိုင်ရင် အကျင့်ပျက် လာဘ်စားမှုကြီးရှိနေရင် အဲဒီ ပြုပြင်ရေးတွေဟာ တစ်ခုမှ အောင်မြင်မှု မရနိုင်ဘူး။

ဒီပြစ်မှုဟာ လူမျုိးတစ်မျိုးကို နောက်မျိုးဆက်လက်ထက်အထိ တိုင်အောင် ဖျက်ဆီးတဲ့ ပြစ်မှုပဲ။ စစ်အာဏာရှင်တွေဟာ သူတို့ အာဏာလိုချင်တာလေး တစ်ခုတည်းအတွက် လူမျိုးတမျိုးလုံး သူခိုးမျိုးဖြစ်အောင် ဖျက်ဆီးခဲ့တယ်။ ဒါဟာ နောက်မျိုးဆက် အပေါ်ကျူးလွန်တဲ့ ရာဇဝတ်မှု (Crime Against Next Generation) ပဲ။ ဒီပြစ်မှု အတွက် တာဝန်ရှိသူတွေဟာလည်း စစ်အာဏာရှင်တွေ အားလုံးပဲ။ လူပုဂ္ဂိုလ် တစ်ယောက်ချင်း အနေနဲ့ တာဝန်အရှိဆုံးလူကို ပြပါဆိုရင်တော့ ဗိုလ်ချုပ်သန်းရွှေပဲ။ သူဟာ ဒါတွေအားလုံးဖြစ်လာအောင် အစီအစဉ်ရှိရှိ ဖန်တီးခဲ့တဲ့ တကိုယ်ကောင်းသမားကြီးပဲ။

အခု နောက်မျိုးဆက်အပေါ်ကျူးလွန်တဲ့ Crime Against Next Generation နံပါတ် ၃ ကို ပြောပါမယ်။ အဲဒီ နံပါတ် ၃ ကတော့ စောစောက နံပါတ် ၁ နံပါတ် ၂ ထက် ပိုကြီးတဲ့ ပြစ်မှုပါ။ အခုဒီမိုကရေစီပြုပြင်ပြောင်းလဲရေး လုပ်နေပါတယ်ဆိုတဲ့ ဗိုလ်သိန်းစိန် လက်ထက် ရောက်ပြီးမှ ကျူးလွန်တဲ့ အသစ်စက်စက် ရာဇဝတ်မှုကြီးလည်း ဖြစ်ပါတယ်။ အမှုကတော့ အပင်းထည့်တဲ့ အမှုပါ။ အဆိပ်လောင်းတဲ့ အမှုပါ။

စောစောက လူတွေ အကျင့်ပျက်အောင်လုပ်တာက အကျင့်ပဲ ပျက်စီးတာပါ။ လာဘ်မစားရင် မဖြစ်တဲ့ အကျင့်တစ်ခုဖြစ်လာအောင် လုပ်သွားတာပါ။ လာဘ်မပေးရင် မနေနိုင်တဲ့ အကျင့်ဖြစ်အောင် လုပ်တာပါ။ ပင်ကိုယ် ရိုးသားဖြူစင်တဲ့ အတွင်းစိတ်ဓါတ်အထိတော့ မဖျက်ဆီးနိုင်ပါဘူး။ လူတွေက လာဘ်စားနေပေမယ့် မလွှဲသာလို့သာ လာဘ်စားနေတာပါ။ လာဘ်စားနေရတဲ့ ဘဝကို မနှစ်မြို့ပါဘူး။ အများစု ပြည်သူတွေ အနေနဲ့ သူတို့ သူဌေး ဖြစ်ချင်လို့ လာဘ်စားနေတာ မဟုတ်ဘူး၊ ထမင်းမငတ်ချင်လို့ ၊ သားသမီးကို အငတ်မထားချင်လို့ လာဘ်စားကြ ရတယ်ဆိုတာလည်း သိတယ်။ သူတို့ကို သူခိုးလုပ်ခိုင်းတဲ့ အစိုးရကိုလည်း စက်ဆုတ်ရွံရှာ မုန်းတီးတယ်။ ဒါဟာ သူတို့ရဲ့ ပင်ကိုယ်စိတ်ကောင်း စေတနာ ကောင်း မပျက်စီးတာကို ဖော်ပြတာပဲ။

ဒီရာဇဝတ်မှု နံပါတ် ၃ ကတော့ လူတွေရဲ့ စိတ်ရင်းစေတနာကိုပါ ဆိုးယုတ်သွားအောင် အပင်းဆို့ ဖျက်ဆီးတဲ့လုပ်ရပ်ပဲ။ အဲဒါက ဘာလဲ ဆိုတော့ လူတွေကို ဘာသာရေး မုန်းတီးမှုကို အပင်းထည့်သလို ထည့်ပေးတဲ့ ပြစ်မှုပဲ။ ရခိုင်မှာ ဖြစ်ခဲ့တဲ့ ရိုဟင်ဂျာ ရခိုင် ပဋိပက္ခက စပြီး မိတ္ထီလာ အရေး အခင်း၊ တစ်နိုင်ငံလုံး ဖြစ်ပွားတဲ့ ဘာသာရေး အဓိကရုဏ်းတွေမှာ အစိုးရဟာ မဖြစ်တာကို ဖြစ်အောင် ၊ မကြီးတာကို ကြီးအောင် လုပ်ခဲ့တာကို တော်တော်များများက သက်သေအထောက်အထား ခိုင်ခိုင်မာမာနဲ့ ပြောကြ ပြသခဲ့ပါပြီ။ ရခိုင်အရေးမှာ သမ္မတရုံးက မှူးဇော်လုပ်ခဲ့တာ၊ မိတ္ထီလာမှာ ရဲတွေ ပြုမူခဲ့တာတွေကို ကြည့်ရင် တော်တော် ခိုင်လုံနေပါပြီ။

သူတို့ ဘာကြောင့် ဒီလိုလုပ်သလဲ။ ၂၀၁၅ မှာ မဲရအောင်လုပ်နေတာပဲ။ သူတို့ကို တစ်နိုင်ငံလုံးက မစင်ထက် ရွံရှာနေပြီ။ သူတို့ မဲရဖို့ မလွယ်ဘူး။ ဘယ်လိုမှ မလွယ်ဘူးဆိုတာကို ကြားဖြတ်ရွေးကောက်ပွဲ ရလဒ်က သက်သေပြခဲ့ပြီးပြီ။ ဒီတော့ မွတ်စလင်နဲ့ ရခိုင်အရေးကို စဖော်တယ်။ အစိုးရဆန့်ကျင်ရေး စိတ်ဓါတ် အင်မတန် ပြင်းထန်တဲ့ ရခိုင်ပြည်သူတွေက သမ္မတကြီးကို ထောက်ခံတယ်တို့ ၊ တပ်မတော်က တို့ဘက်မှာ ရပ်တည်တယ်တို့ ပြောလာတဲ့အခါကျတော့ သူတို့ တော်တော် အားရသွားတယ်။ ၂၀၁၀ ရွေးကောက်ပွဲတုန်းက ရိုဟင်ဂျာတွေဆီက ကြံ့ခိုင်ရေးက မဲဝယ်ခဲ့တာကိုလည်း သတိရကြဦးမယ်ထင်တယ်။ ခုတော့ ရခိုင်ဆီက မဲကိုရရင် ပိုပြီးတွက်ချေကိုက်တယ်ဆိုတာ သူတို့ မြင်သွားတယ်။

မွတ်စလင်တွေက ဒေါ်အောင်ဆန်းစုကြည်ဆီမှာ အကူအညီသွားတောင်းတော့ ရခိုင်တွေနဲ့ ဗုဒ္ဓဘာသာတွေက ကန့်ကွက်ပြောဆိုကြ တာတွေ ကို ကြားလိုက်ရတဲ့အခါမှာတော့ နိုင်ငံရေး လုပ်စားလာတာ အံတိုနေပြီ ဖြစ်တဲ့ စစ်အာဏာရှင်တွေဟာ အကွက်ကို လှစ်ကနဲ ပြေးမြင်လိုက် ကြတယ်။ ဒေါ်အောင်ဆန်းစုကြည်ဟာ သူတို့ရဲ့ ရန်သူနံပါတ်တစ်ဆိုတာကို တစ်စက္ကန့်ကလေးမှ သတိမမေ့တဲ့ စစ်အာဏာရှင်တွေဟာ ဒီအကွက်ကို အမိအရ အသုံးချတယ်။ ဒေါ်အောင်ဆန်းစုကြည်နဲ့ လူများစု ဗုဒ္ဓဘာသာဝင် ပြည်သူတွေအကြားမှာ သပ်လျှို သွေးခွဲဖို့ အကောင်းဆုံး နေရာဟာ ဒီနေရာပဲ ဆိုတာသူတို့ သိသွားတယ်။ ဒေါ်အောင်ဆန်းစုကြည်ကို ဗုဒ္ဓဘာသာတွေ ဆန့်ကျင်ဖို့ စစ်အာဏာရှင်တွေကို လူတွေ ထောက်ခံလာဖို့ ဘာသာရေး အဓိကရုဏ်းတွေ များများ ဖန်တီးပေးတယ်။

ဒေါ်အောင်ဆန်းစုကြည်ကလည်း ဒါကိုမြင်တယ်။ ဒါကိုမြင်တော့ မွတ်စလင်တွေကို မတရားဖိနှိပ်တာတွေကို ဝင်မပြောဘဲ ရှောင်တယ်။ မိတ္ထိလာမှာ ရဲတွေက မတော်မတရား လက်ပိုက်ရပ်ကြည့်နေတာကို သိရက်နဲ့တောင် မဝေဖန်ဘဲ ရေငုံခဲ့တယ်။ ဒါပေမဲ့ ဝေဖန်ရမယ့် နေရာမှာ မဝေဖန်တာဟာ ပြဿနာကို မလိုအပ်ဘဲ ပိုမို ကြီးထွားလာစေတယ်။ တကယ်လို့သာ ဒေါ်အောင်ဆန်းစုကြည်က စောစောစီးစီးကတည်းက ဘာသာ ရေး အစွန်းရောက်စိတ်ဓါတ်ကို တားဆီးခဲ့မယ်ဆိုရင် ၊ အမုန်းခံရမှာကို တကယ်မကြောက်ဘဲ၊ မဲမရမှာကို တကယ်မကြောက်ဘဲ အမှန်တရား အတိုင်း ပြတ်ပြတ်သားသား ရပ်တည်ခဲ့ရင် လူမျုိးရေး အစွန်းရောက်စိတ်ဓါတ်ဟာ ဒီလောက်ကြီးထွားလာမှာ မဟုတ်ဘူး။ အခုလောက်လည်း ဒေါ်အောင်ဆန်းစုကြည်ကို လူမျိုးရေး အကြောင်းပြုပြီး ဆန့်ကျင်တဲ့လူတွေ များလာမှာ မဟုတ်ဘူး။ ခုတော့ ပြောသင့်တာကို မပြောခဲ့တော့ အခြေအနေဟာ ပိုဆိုးလာတယ်။ ပိုကြီးလာတယ်။ သူ့ကို ဆန့်ကျင်တဲ့လူလည်း ပိုများလာတယ်။ ညီညွတ်ရေးတွေလည်း ပိုပျက်ပြားလာတယ်။ ပြောသင့်တဲ့ အရာကို ပြောသင့်တဲ့အချိန်မှာ မပြောခဲ့တဲ့ အကျိုးဆက်ပဲ။ ဒီအချိန်မှာ ပြောသင့်သလောက် မပြောရင် နောင်ပိုဆိုးဦးမယ်။

အစိုးရဟာ ဒါတွေအားလုံးကို အကွက်ချလုပ်ခဲ့တာပဲ။ လူတွေရဲ့ စိတ်ထဲကို လူမျုိးရေး ဘာသာရေး အပင်းထည့်ခဲ့တာပဲ။ ခုဆိုရင် ကမ္ဘာမှာ နိုင်ငံနဲ့ လူမျိုးတစ်ခုလုံး သိက္ခာကျဆင်းတဲ့ အခြေအနေထိ ရောက်သွားတယ်။ တချိန်က ဂျာမဏီ၊ ဂျပန်တွေကို လူတွေက ဖက်ဆစ်ဆိုပြီး မုန်းသလိုမျိုး မုန်းဖို့ အစပျိုးလာနေတယ်။ ကြာလာရင် ဒါတွေဟာ အိန္ဒိယမှာ ဘာသာရေး အဓိကရုဏ်းကြီးဖြစ်သလိုမျိုး ၊ ဆူဒန်မှာ ကျေးရွာတစ်ရွာနဲ့ တစ်ရွာ အပျောက်ရှင်းသတ်ဖြတ်ကြသလိုမျိုး၊ ရဝမ်ဒါမှာ အပြတ်ရှင်းကြသလိုမျိုး အင်မတန် နာကြည်းကြေကွဲ စရာတွေ ဖြစ်လာနိုင်တယ်။ အဲသလို အဖြစ်တွေ တစ်ချိန်မှာ ဖြစ်လာဖို့ အစပျိုးနေတဲ့ အခြေခံအကြောင်းတရားတွေပဲ။

စက်မှုတက္ကသိုလ်မှာ သာမန် ရန်ဖြစ်မှုကလေးကနေ ရှစ်လေးလုံးအရေးအခင်းကြီး ဖြစ်ရပါတယ်လို့ စစ်အာဏာရှင်တွေက မကြာမကြာ ပြောတတ်တယ်။ တကယ်တော့ ရန်ဖြစ်မှုက သာမန်ပဲ။ စစ်အာဏာရှင်တွေကို လူတွေကမုန်းတဲ့ အမုန်းရှိနေလို့သာ ဒီလောက်ကြီးကျယ်လာရတာပါ။ စစ်အာဏာရှင်ကို မုန်းတဲ့ အမုန်းက အခြေခံ အကြောင်းတရားပဲ။ အဲဒီအခြေခံအကြောင်းတရားက ပိုအရေးကြီးတယ်။

ခုလည်း ဘာသာရေး လူမျိုးရေး အမုန်းတရားဆိုတဲ့ အခြေခံ အကြောင်းတရားကြီးက တဖြည်းဖြည်း စုမိနေပြီ။ ကြာလေကြီးလေကြီးနေပြီ။ တစ်ချိန်မှာ ဘာမဟုတ်တဲ့ အကြောင်းကလေးကနေ ရဝမ်ဒါလို ဖြစ်မသွားဘူးလို့ မပြောနိုင်ဘူး။ အဲသလို ဖြစ်ခဲ့ရင် စစ်အာဏာရှင်တွေ တရားခံပဲ။

ဒီလို ဘာသာရေးမုန်းတီးမှု အပင်းထည့်တာဟာ လူတွေရဲ့ စိတ်ကိုပါ ညစ်နွမ်းအောင်လုပ်တဲ့နည်းပဲ။ ပြင်ရ အင်မတန်ခက်တယ်။ ခုချိန်မှ မပြင်နိုင်၊ မတားနိုင်လို့ ဒီ့ထက် အခြေခိုင်သွားရင် နောင်နှစ်ပေါင်းများစွာကြာအောင် တိုက်ဖျက်ယူရမယ့် အယူသီးဝါဒမျိုးဖြစ်လာမယ်။ လူ့အသက်၊ လူ့သွေးများစွာ ဆက်ပြီး ဆုံးရှုံးလိမ့်မယ်။ စစ်အာဏာရှင်တွေ အရိုးဆွေးသွားပြီးတဲ့နောက်တောင် ဘာသာရေး မုန်းတီးမှုက မပျောက်မပျက်ဘဲ အဓွန့်ရှည်ကျန်ရစ်တာမျိုးဖြစ်နိုင်တယ်။ နောင်မျိုးဆက်ပေါင်းများစွာအထိ သွေးစွန်းနိုင်တယ်။ အခုထိ မမွေးသေးတဲ့ ကလေးအထိ အသက် အန္တရာယ်ရှိနိုင်တယ်။ ဒီပြစ်မှုဟာ နောက်မျိုးဆက်အပေါ်ကျူးလွန်တဲ့ ရာဇဝတ်မှု ( Crime Against Next Generation) ပဲ။ ဒီပြစ်မှု အတွက် စစ်အာဏာရှင် ဗိုလ်ချုပ်သန်းရွှေ၊ ဗိုလ်ချုပ်သိန်းစိန်၊ ဗိုလ်ချုပ်ရွှေမန်း၊ ဗိုလ်ချုပ်မင်းအောင်လှိုင်စတဲ့ စစ်အာဏာရှင် အားလုံးမှာ တာဝန်ရှိတယ်။ လူပုဂ္ဂိုလ် တစ်ယောက်ချင်း အနေနဲ့ အဓိက တာဝန်အရှိဆုံးပုဂ္ဂိုလ်က ဦးသိန်းစိန်ပဲ။ သူက အဓိက အမိန့်ပေးနေတဲ့သူဖြစ်တယ်။ သူသမ္မတ တာဝန်ယူနေစဉ်မှာ ဒါတွေ ဖြစ်လာတာဖြစ်တယ်။

ဗိုလ်ခင်ညွန့်၊ ဗိုလ်သန်းရွှေ၊ ဦးသိန်းစိန်တို့ ကျူးလွန်ခဲ့တဲ့ ဒီရာဇဝတ်မှုကြီး ၃ ခုဟာ မမွေးသေးတဲ့ ကလေးတွေ အပေါ်မှာ အထိ သွားပြီး ထိခိုက်တဲ့ ရာဇဝတ်မှုမျိုးဖြစ်တဲ့ အတွက် ဘယ်နည်းနဲ့မှ ခွင့်လွှတ်နိုင်စရာ အကြောင်းမရှိဘူးလို့ ဆိုချင်တယ်။

ဇော်ဝင်း

၈၈ ကျောင်းသားဟောင်း
ဇွန် ၁။ ၂၀၁၃။ စနေနေ့။



မြန်မာ့ ရုပ်မြင်သံကြားက မလေးရှားက သံအမတ်ကြီး ဦးတင်လတ်ကို ဖုန်းနဲ့ မေးတာ ထုတ်လွင့် သွားပါတယ်။ မေးသူက လက်ရှိဖြစ်နေတဲ့ မလေးက မြန်မာတွေအသတ်ခံရတာနဲ့ ပါတ်သက်ပြီး ဆေးရုံရောက်နေတဲ့သူတွေကို ဘယ်လို ကုသမှုတွေ၊စောင့်ရှောက်မှုတွေ လုပ်ပေး ပါလဲလို့မေးတာကို သံအမတ်ကြီးဖြေသွားတာက ဆေးရုံကတော့ လူမျိုးမရွေး၊ ဘာ သာမရွေး လိုအပ်တာ ကုသပေးပါတယ်လို့ဖြစ်ပါတယ်။ မြန်မာ သံရုံးအနေနဲ့တော့ ကိုယ့်နိုင်ငံသား တွေ အခုလိုဖြစ်တာကို သွားကြည့်တာ၊ လိုအပ်တာ ကူညီပံ့ပိုးပေးတာ ဘာတစ်ခုမှ လုပ်တယ်လို့ မပါပါဘူး
MRTV,ဒီမိုဖက်တီး


မြန်မာပြည်ရဲ့ ထင်ရှားတဲ့ တေးရေးဆရာ ကေအေတီ (ခ) ဦးကျော်အောင်သစ်ဟာ ဇွန်လ ၁ရက်နေ့က ရန်ကုန်မြို့ သျှင်ပါဂူဆေးရုံမှာ နှလုံးသွေးကြောကျဉ်းတဲ့ ဝေဒနာနဲ့ ကွယ်လွန်သွားခဲ့ပါတယ်။


ကေအေတီ“ဖြစ်စေခဲ့သော” သီချင်းများ
အပိုင်း (၁)

ကေအေတီ “ဖြစ်စေခဲ့သော” သီချင်းများ အပိုင်း(၂)

သတင်း Video..Kamayut media,Ma Lynn


လေးရှားနိုင်ငံ ကမ်ပွန်း( KamPung )ရှိမြန်မာဘုန်းတော်ကြီးကျောင်း အနီးမှာ ရိုက်ပွဲဖြစ်တယ်၊ ဆလာရန်းမှာ ရိုက်ပွဲဖြစ်တယ်၊ မြန်မာတွေ
သေတယ်ဆိုတဲ့ သတင်းတွေ အင်တာနက်ပေါ်မှာ တွေ့နေရပါတယ်။

နိုင်ငံခြားရေးဝန်ကြီးဌာနက တဆင့် မလေးရှားမှာ ရှိတဲ့ မြန်မာသံရုံးကို ညနေ ငါးနာရီကျော်ကတစ်ကြိမ်၊ အခု ည ၈နာရီကျော်က တစ်ကြိမ်၊အဲဒီသတင်းတွေနဲ့ပတ်သက်ပြီး စုံစမ်းမေးမြန်းခဲ့ပါတယ်။

သံအမတ်ကြီးက အဲဒီဖြစ်စဉ်တွေမှန်ကန်မှုမရှိကြောင်း၊ မြန်မာဘုန်းတော်ကြီးကျောင်းက ဆရာတော်နဲ့လည်း ညနေက စပြီး အဆက်အသွယ်မပြတ်ရရှိနေကြောင်း၊ ဆရာတော်က အဲဒီလို တိုက်ခိုက်မှုများမရှိကြောင်းပြောတယ်လို့ အကြောင်းပြန်ပါတယ်။

အင်တာနက်ပေါ်က သတင်းများကို အလွယ်တကူမယုံကြည်ကြပါနဲ့။မလေးရှားအပါအ၀င် နိုင်ငံ တကာမှာရှိနေတဲ့ မြန်မာသံရုံးများကလည်း မြန်မာနိုင်ငံသားများကို ကာကွယ်ကူညီစောင့်ရှောက် ဖို့ အသင့်ရှိပါတယ်။

- ဦးရဲထွဋ်
( https://www.facebook.com/ye.htut.988 )

(မင်းထက်စံ)
ကေအိုင်အို သည် အချက်ခုနစ်ချက်ကို သဘောတူ လက်မှတ်ထိုးခြင်းဖြင့် အစိုးရ၏ ငြိမ်းချမ်းရေးတံတားကို ဖြတ်ကူးရန် သံသယများဖြင့် ခြေတစ်လှမ်းတိုးလိုက်ပြီဟု ဆိုရမည် ဖြစ်သည်။
အနီနှင့်အစိမ်းရောင် အလယ်တွင် ဓားနှစ်လက် ကန့်လန့်ဖြတ်ထားသော အလံကို မြစ်ကြီးနားရှိ ကချင်လူမျိုးတို့၏ လက်ထဲတွင် ကိုယ်စီကိုင်ဆောင်လျက် သောင်းချီသော လူအုပ်ကြီးသည် ကချင်အမျိုးသားသီချင်းကို သံပြိုင် ဟစ်အော်နေကြသည်။

ထိုမြင်ကွင်းမှာ ပြည်ထောင်စုငြိမ်းချမ်ရေး ဖော်ဆောင်ရေးလုပ်ငန်း ကော်မတီနှင့် ကေအိုင်အိုအဖွဲ့ တို့မြစ်ကြီးနားတွင် ငြိမ်းချမ်းရေး ဆွေးနွေးရန်အတွက် ကေအိုင်အိုငြိမ်းချမ်းရေး ကိုယ်စားအဖွဲ့ကို မြစ်ကြီးနား ဒေသခံများက မေလ၂၇ ရက် နေ့တွင် ကြိုဆိုကြခြင်း ဖြစ်သည်။
ယင်းကဲ့သို့ မြစ်ကြီးနားလူထုက ကေအိုင်အိုအဖွဲ့ကို လူသောင်းချီကြိုဆိုခြင်း သည် ပထမဆုံး မြင်ရသည့် မြင်ကွင်း ဖြစ်ကြောင်းဒေသခံ တို့က တူညီစွာပြောဆိုကြသည်။
"ဒီနေ့ကို ဓားနှစ်လက်အလံ လေပေါ်ပျံဝဲတဲ့နေ့လို့ ပေးထားတယ်" ဟု ကေအိုင်အို ငြိမ်းချမ်းရေး အဖွဲ့ကို လာရောက်ကြိုဆိုသည့် ကချင်လူငယ်ခေါင်းဆောင် တစ်ဦးက ဆိုသည်။

အစိုးရငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ကေအိုင်အိုတို့၏ ငြိမ်းချမ်းရေး ဆွေးနွေးပွဲတွင် တိုက်ပွဲများ ရပ်စဲနိုင်ရေးကို ဆွေးနွေးနိုင်မည်ဟု မျှော်လင့်ကြောင်း ကြိုဆိုသည့် စစ်ဘေးရှောင် ဒုက္ခသည်များက တူညီစွာပြောဆိုသည်။

"တိုက်ပွဲရပ်ဖို့ သဘောတူညီရင်တော့ အိမ်ပြန်ချင်တယ်" ဟု အသက် ၈၁ အရွယ် ဦးဖော်မိုင်ဂမ်က ရင်ဖွင့် ပြောပြသည်။

ယခုလအတွင်းတွင် တပ်မတော်နှင့် ကေအိုင်အိုတို့ တိုက်ပွဲများ ဖြစ်ပွားခြင်း မရှိသော်လည်း နေရပ်ပြန်ရန်မှာမူ ကေအိုင်အို နှင့် တပ်မတော်တို့ အပစ်အခတ် ရပ်စဲရေး လက်မှတ် မထိုးလျှင် တိုက်ပွဲပြန်ဖြစ်မည်ကို စိုးရိမ်သောကြောင့် နေရပ်ကို မပြန်ခြင်းဖြစ်ကြောင်း ဒေသခံတို့က တူညီစွာ ပြောဆိုကြသည်။

သို့သော် ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ကေအိုင်အိုတို့ ဆွေးနွေးပွဲသည် အပစ်အခတ် ရပ်စဲရေး သဘောတူညီမှုကို စာချုပ်ချုပ်ဆိုနိုင်ခြင်း မရှိပေ။ ယင်းဆွေးနွေးပွဲတွင် ယခင် ဆွေးနွေးခဲ့ကြသည့် အတိုင်း အစိုးရငြိမ်းချမ်းရေး ဖော်ဆောင်ရေး လုပ်ငန်းကော်မတီက အပစ် အခတ်ရပ်စဲရေး သဘောတူညီမှု စာချုပ်ချုပ် ဆိုပြီး နိုင်ငံရေးအရ ဆက်လက်ဆွေးနွေးရန် သဘောထား ရှိသော်လည်း ကေအိုင်အိုဘက်ကမူ အပစ်အခတ်ရပ်စဲရေး သဘောတူညီမှု လက်မှတ်မထိုးဘဲ နိုင်ငံရေး ဆွေးနွေးရန်သာ ဆန္ဒရှိနေသည်။ သို့သော် ယခုဆွေးနွေးပွဲ တွင် အပစ်အခတ်ရပ်စဲရေး သဘောတူညီမှု မပါဝင်သော်လည်း အချက်ခုနစ်ချက် ပါသည့် သဘောတူညီချက် တစ်ရပ် ချမှတ်နိုင်ခဲ့သည်။

ယင်းသဘောတူညီချက် ခုနစ်ချက်တွင် နိုင်ငံရေးဆွေးနွေးမှုများ ဆက်လက်ဆောင်ရွက်ရန်၊ နှစ်ဖက် ပစ်ခတ်တိုက်ခိုက်မှုများ လျှော့ချခြင်းနှင့် တိုက်ပွဲများ ထပ်မံ မဖြစ်ပွားအောင် ထိန်းသိမ်းရန်၊ နှစ်ဖက် ကိုယ်စားလှယ်များ ပါဝင်သော စောင့်ကြပ်ကြီးကြပ်ရေး အဖွဲ့ ဖွဲ့စည်းရန်၊ နယ်မြေလုံခြုံရေး အရ နေရပ်စွန့်ခွာ ရွှေ့ပြောင်းနေထိုင်သော ပြန်လည်ထူထောင်ရေး ကိစ္စရပ်များကို ညှိနှိုင်းကာဆောင်ရွက် ရန်၊ တပ်ပိုင်းဆိုင်ရာ တပ်နေရာချထားမှုများ ဆက်လက် ညှိနှိုင်းဆောင်ရွက်ရန်၊ ကေအိုင်အို ကိုယ်စားလှယ် နှင့် အလုပ်အဖွဲ့ (Technical Team) ကို မြစ်ကြီးနားတွင် ထားရှိရန်နှင့် နောက် တစ်ကြိမ် ဆွေးနွေးပွဲတွင် ယခုတက်ရောက်သော ကိုယ်စားလှယ်များ တက်ရောက်ရမည် ဖြစ်ပြီး အခြားအဖွဲ့များကို ဖိတ်ကြားလိုပါက နှစ်ဖက်ညှိနှိုင်း ဆောင်ရွက်ရန် တို့ပါဝင်သည်။
ယင်းသဘောတူညီချက် နှင့်ပတ်သက်၍ ကာကွယ်ရေးဝန်ကြီးဌာနမှ ဒုတိယ ဗိုလ်ချုပ်ကြီးမြင့်စိုးက "အပစ်အခတ် ရပ်စဲရေး လက်မှတ်မထိုးနိုင်လို့ ငြိမ်းချမ်းရေး အလှမ်းကွာတဲ့သဘော မဟုတ်ပါဘူး။ ငြိမ်းချမ်းရေးအတွက် ဆက်လက်ဆွေးနွေးသွားမှာ ဖြစ်ပါတယ်" ဟုဆိုသည်။

တရုတ်ပြည်သူ့သမ္မတနိုင်ငံ ရွှေလီမြို့တွင် ဆွေးနွေးခဲ့ရာတွင် နှစ်ဦးနှစ်ဖက် သဘောတူ ကြေညာချက် ထုတ်ပြန်နိုင်သည် မှအပ လက်မှတ်ရေးထိုးနိုင်ခြင်း မရှိခဲ့သော်လည်း ယခုဆွေးနွေးပွဲသည် သဘောတူလက်မှတ် ရေးထိုးနိုင်သည့် အဆင့်သို့ တက်လာခဲ့ပြီဖြစ်သည်။
သို့သော် ပညာရေး၊ လူမှုရေး၊ စီးပွားရေးဆုံးရှုံး ပျက်စီးခဲ့ရသော ဒုက္ခသည်များအဖို့မူ လိုချင်သည့်အဖြေနှင့် လွဲနေဆဲ ဖြစ်သည်။

"ဒုက္ခသည်စခန်းမှာ နေရတာစားစရာ တွေရပေမယ့်မပျော်ဘူး။ ကိုယ့်အိမ်လို စားချင်တိုင်း မစားနိုင်ဘူး" ဟု မိုင်းနား KBC ဒုက္ခသည်စခန်းတွင် နေထိုင်သူတစ်ဦးက ရင်ဖွင့်သည်။

တိုက်ပွဲများ ဖြစ်ပွားခဲ့ခြင်းကြောင့် နေရပ်စွန့်ခွာလာသည့် ဒုက္ခသည်များမှာ အပစ်အခတ်ရပ်စဲခြင်းကို လိုချင်၍မဟုတ်ဘဲ နယ်မြေ တည်ငြိမ်အေးချမ်းခြင်းကိုသာ လိုချင်ခြင်းဖြစ်သောကြောင့် ကေအိုင်အို အနေဖြင့် အကောင်အထည်ဖော် ဆောင်ရွက်သွားမည်ဖြစ်ကြောင်း ဗိုလ်ချုပ်ဂွမ်မော်က မှတ်ချက် ပေးသည်။

တပ်မတော်နှင့် ကေအိုင်အေတို့ နှစ်နှစ်တာတိုက်ပွဲကာလအတွင်းတွင် တိုက်ပွဲပေါင်း ၂၄၀၀ကျော် ဖြစ်ပွားခဲ့ပြီး လက်ရှိတွင်လည်း ရှမ်းပြည်နယ်မြောက်ပိုင်း ကေအိုင်အေ တပ်မဟာ(၄) နယ်မြေတွင် တိုက်ပွဲများ ဖြစ်ပွားနေဆဲဖြစ်သည်။

အထက်ပါ သဘောတူညီမှုလက်မှတ် ရေးထိုးမှု မတိုင်မီ တစ်ရက်အလိုတွင် ကာကွယ် ရေးစီးဦးစီးချုပ်၏ အာဏာကုန် လွဲအပ်ထားသော ဒုတိယဗိုလ်ချုပ်ကြီးမြင့်စိုးနှင့် ကေအိုင်အေ ဒုတိယ ကာကွယ်ရေးဦးစီးချုပ် ဗိုလ်ချုပ်ဂွမ်မော်တို့ တပ်ပိုင်းဆိုင်ရာ ကိစ္စများ ဆွေးနွေးခဲ့သော်လည်း သဘောတူလက်မှတ် ထိုးရာတွင်ဆက်လက်ဆွေးနွေးရန်သာ ပါဝင်ခဲ့သည်။

လေ့လာအကဲခတ်သူတို့၏ အဆိုအရမူ တပ်ပိုင်းဆိုင်ရာ ကိစ္စရပ်များ ဆွေးနွေးရာတွင် သဘောတူညီချက် မရရှိသေး၍ အပစ်အခတ်ရပ်စဲရေးကို လက်မှတ်မထိုးခြင်း ဖြစ်နိုင်ကြောင်း မှတ်ချက်ပေးသည်။

ကေအိုင်အိုအတွက် အပစ်အခတ် ရပ်စဲရေးသည် ငြိမ်းချမ်းရေး ဆွေးနွေးပွဲ အတွက် အခရာတော့ မဟုတ်ပေ။ နိုင်ငံရေးဆွေးနွေးမှုဖြင့်သာ ငြိမ်းချမ်းရေးဆွေးနွေးမည်ဟု ဆိုခဲ့သည့်အတိုင်း ဆွေးနွေးမှုများသာ ဆက်လက်ပြုလုပ်ပြီးမှသာ အပစ်အခတ် ရပ်စဲရေးကို သဘောတူညီမည့် အနေအထားရှိနေသည်။ သို့သော် အကြိမ်ကြိမ် ဆွေးနွေးမှုအဆင်မပြေခဲ့သော ကေအိုင်အိုသည် ယခုဆွေးနွေးပွဲတွင် သဘောတူညီမှု ရရှိသည်အထိ အစိုးရနှင့် လက်မှတ်ရေးထိုးနိုင် ခဲ့ခြင်းသည် ခြေလှမ်းတစ်လှမ်း တက်လာခြင်းပင် ဖြစ်သည်။

အစိုးရအနေဖြင့် အခြားတိုင်းရင်းသားများကဲ့သို့ အပစ်ရပ်စဲရေး သဘောတူညီမှု လက်မှတ်ထိုးခြင်း လုပ်ဆောင်ပြီးမှ တိုက်ပွဲများ ပြန်လည်ဖြစ်ပွားခြင်း ဖြစ်ပွားမည်ဆိုပါက ဆက်လက်ညှိနှိုင်းရန် လွယ်ကူမည် မဟုတ်ကြောင်း လက်နက်ကိုင် တိုင်းရင်းသားအဖွဲ့အစည်းများမှ လေ့လာသူတို့က သုံးသပ်သည်။
"ကေအိုင်အိုက အစိုးရနဲ့ ဖြတ်သန်းမှု များလာတဲ့အတွက် တော်တော်လေး ဂရုစိုက်ရလိမ့်မယ်"ဟု တိုင်းရင်းသား လေ့လာသူတစ်ဦးက ဆိုသည်။

လက်ရှိ အချက်ခုနစ်ချက်ပါသော သဘောတူညီမှုသည် ရှေ့ဆက်လုပ်ကိုင်မည့် အချက်အလက်များကို ကနဦးချုပ်ဆိုခြင်း ဖြစ်သည့်အတွက် ကေအိုင်အို အနေဖြင့် ရှေ့တိုးနောက်ဆုတ် လုပ်နိုင်သည့် အခြေအနေ ဖြစ်သောကြောင့် တစ်ဦးနှင့်တစ်ဦး ယုံကြည်မှုဖြင့် လုပ်ဆောင်ရန် အရေးကြီးကြောင်း တိုင်းရင်းသား လေ့သာသူတို့က မှတ်ချက်ပေးကြသည်။

ကေအိုင်အို ငြိမ်းချမ်းရေး ကိုယ်စားလှယ်အဖွဲ့ကို သောင်းချီသော လူအုပ်ကြီးသည် ဓားနှစ်လက်အလံကို ကိုင်ဆောင်၍ ကြိုဆိုခဲ့သည်။ အဖြေကားထွက်လာပြီ။ ကေအိုင်အို သည် အချက်ခုနစ်ချက်ကို သဘောတူ လက်မှတ်ထိုးခြင်းဖြင့် အစိုးရ၏ ငြိမ်းချမ်းရေးတံတားကို ဖြတ်ကူးရန် သံသယများဖြင့် ခြေတစ်လှမ်းတိုးလိုက်ပြီဟု ဆိုရမည် ဖြစ်သည်။

The Voice Weekly

၂၀၁၃ ခုနှစ် မေလ ၃၀ ရက်နေ့ နေ့စွဲဖြင့် အမျိုးသားဒီမိုကရေစီ အဖွဲ့ချုပ် ရခိုင်ပြည်နယ် မြို့နယ် (၈) မြို့နယ်မှ ဘင်္ဂလီမိသားစု တစ်စုလျှင် သားသမီး (၂) ဦးယူရန် ဒေသန္တရ အမိန့်ထုတ်ပြန်ခြင်းကို ထောက်ခံကြောင်း သဘောထား ကျေညာချက် တစ်စောင်ကို ထုတ်ပြန်ခဲ့သည်။

အဆိုပါ ထုတ်ပြန်ချက်နှင့် ပတ်သက်ပြီး ရသေ့တောင်မြို့နယ်အမျိုးသား ဒီမိုကရေစီ အဖွဲ့ချုပ် ဥက္ကဌလည်းဖြစ်၊ ၁၉၉၀ ခုနှစ် ရွှေးကောက်ပွဲ အနိုင်ရ လွှတ်တော် အမတ်လည်း ဖြစ်သော ဦးမောင်ကြွင်းအောင်အား ဆက်သွယ်မေးမြန်းရာ သူက ယခုလို ပြောကြားသည်။
“ ကျွန်တော်က ရသေ့တောင်မြို့နယ် အဖွဲ့ချုပ် ဥက္ကဌပါ။ ဒီ ထုတ်ပြန်ချက်နဲ့ ပတ်သက်ပြီး ကျွန်တော် ဘာမှ မသိသေးဘူး။ ရသေ့တောင်မြို့နယ်လည်း နာမည်ထဲမှာ ပါနေတယ်လို့ သိရတယ်။ ကျွန်တော် မသိဘဲနဲ့ ခုလို နာမည် ပါနေတယ်ဆိုတော့ ဒါဟာ စဉ်းစားစရာ ဖြစ်နေပြီ” ဟု ဆိုသည်။

ဦးမောင်ကြွင်းအောင်မှ မိမိမှာ ယခုအခါ ရန်ကုန်မြို့သို့ ရောက်နေကြောင်း၊ ယခုလို အရေးကြီးသော သဘောထား ထုတ်ပြန်ချက်ကို ရခိုင်ပြည်နယ် အမျိုးသား ဒီမိုကရေစီ အဖွဲ့ချုပ် ကော်မီတီဝင် လူကြီးများ မသိဘဲ ထုတ်ပြန်ခွင့် မရှိကြောင်း ပြောသည်။
“ကျွန်တော်တို့ လုံးဝ မသိဘဲ ဒီထုတ်ပြန်ချက် ထွက်လာတဲ့ အပေါ်မှာ ပြောဆိုတာ ဖြစ်ပါတယ်။ ဒါက ပေါ်လစီပိုင်းနဲ့ ပတ်သက်တဲ့ အတွက် ဗဟိုကသာ ထုတ်ပိုင်ခွင့်ရှိတယ်။ အစည်းအဝေးခေါ်ပြီး လုပ်သလား ဆိုတာလည်း မသိရဘူး။ စစ်တွေက လုပ်သလားလည်း မသိရဘူး။ ကျွန်တော်က အခု ရန်ကုန်ကို ရောက်နေတဲ့ အတွက် မသိရတဲ့ ကိစ္စပေါ်မှာ ပြောဖို့ ခက်ခဲပါတယ်” ဟု ဦးမောင်ကြွင်းအောင်က ဆိုသည်။

မြေပုံမြို့တွင် နေထိုင်သူ မြို့နယ် အဖွဲ့ချုပ် အမျိုးသမီးခေါင်းဆောင် ဒေါ်မပုချေအား ဆက်သွယ် မေးကြည့်ရာ ယခု ထုတ်ပြန်ချက်နှင့် ပတ်သက်ပြီး တစ်စုံတစ်ရာ သိရှိခြင်း မရှိကြောင်း သူမက ပြောကြားသည်။

တောင်ကုတ်မြို့နယ်မှ အမျိုးသား ဒီမိုကရေစီ အဖွဲ့ချုပ် ဗဟိုကော်မီတီဝင် တစ်ဦး ဖြစ်သူ ဦးမင်းအောင်အား မေးကြည့်ရာ ယခု ကျေညာချက်အား စစ်တွေမြို့နယ်မှ လူတစ်စုက ထုတ်ပြန်လိုက်ခြင်း ဖြစ်သည်ဟု ဆိုသည်။

“ ကျွန်တော် လက်လှမ်းမီသလောက် စုံစမ်းတဲ့ အခါ စစ်တွေက အဖွဲ့ချုပ် အဖွဲ့ဝင် တစ်စုက တစ်ခြားမြို့နယ်တွေရဲ့ နာမည်တွေနဲ့ အခုလို ထုတ်လိုက်တာ ဖြစ်တယ်လို့ သိရပါတယ်။ အခု ထုတ်ပြန်ချက်က ပြည်နယ် အလုပ်အမူဆောင် အဖွဲ့က ထုတ်တာ မဟုတ်တဲ့ အတွက် တရားမ၀င်ပါ” ဟု ဆိုသည်။

အဆိုပါ ကိစ္စနှင့် ပတ်သက်ပြီး ရခိုင်ပြည်နယ် အဖွဲ့ချုပ် ထိပ်တန်း ခေါင်းဆောင် တစ်ဦး ဖြစ်သူ ဦးညီပုအား ဆက်သွယ်ရာ ဖုံးပိတ်ထားသဖြင့် ဆက်သွယ်မေးမြန်းနိုင်ခြင်း မရှိခဲ့ပါ။

နိရဉ္စရာ News- (1-6-2013)