06/29/13

အမေရိကန်သမ္မတ အိုဘားမားသည် ဆေးရုံတွင်သေခြင်းတရားကို တိုက်ခိုက်နေရသည့် ၎င်း၏သူရဲကောင်း မင်ဒဲလားအား တွေ့ဆုံအရို အသေ ပေးနိုင်ရန် ရည်ရွယ်လျက် တောင်အာဖရိကသို့ ယနေ့သွားရောက်နေပြီဖြစ်သည်။

မင်ဒဲလား ကျန်းမာရေးဆိုရွားနေခြင်းကြောင့် အတ္တလန်တိတ်သမုဒ္ဒရာတစ်ဘက်ခြမ်းစီမှ လူမျိုးစု အကန့်အသတ်များကို ကျိုးပျက်စေခဲ့သည့် ၎င်းတို့နှစ်ဦးကြားတွေ့ဆုံမှုကို မီဒီယာများ တွေ့ရဖွယ်မရှိဘဲ ဖြစ်နေသည်။

အကျဉ်းသမားဘဝမှ သမ္မတထိ တက်လှမ်းနိုင်ခဲ့သည့် ထူးခြားအံ့သြဖွယ်ဘဝအကြောင်းကို အိုဘားမားသုံးရက်ကြာလည်ပတ်မည့်ခရီးတွင် တွေ့ရဖွယ်ရှိသည်။

မင်ဒဲလားသည် လာမည့်လတွင် ၉၅ နှစ်ပြည့်မည်ဖြစ်ကာ လွန်ခဲ့သည့်သုံးပတ်က အဆုတ်ရောဂါသည်းလာသောကြောင့် ဆေးရုံတက်ခဲ့ရပြီး ၎င်းမှုစ၍ သေလုနီးပါးအခြေအနေတွင်ရှိနေသည်။

ပထမတစ်ခေါက် သွားရောက်တွေ့ဆုံပြီးနောက် တောင်အာဖရိကန်သမ္မတက မင်ဒဲလားအရေးပေါ်အခြေအနေဖြစ်ကြောင်း ပြောကြားပြီး အခြေအနေ တည်ငြိမ်နေကြောင်း ပြောကြားခဲ့သော်လည်း သမ္မတသည် အိမ်နီးချင်း မိုဇမ်ဘီနိုင်ငံသို့ သွားရောက်လည်ပတ်မည့်ခရီးစဉ်ကို ဖျက်သိမ်းခဲ့သည်။

၂၄နာရီတွင်း နှစ်ကြိမ်မြောက် သွားရောက်ကြည့်ရှုပြီးဖြစ်သည့် သမ္မတ “ ဒီနေ့ပိုသက်သာနေတဲ့ပုံပဲ” ဟု ကြာသပတေးနေ့တွင် ပြောကြားသော် လည်း မိသားစုအပါအဝင် တောင်အာဖရိကပြည်သူများသည် အဆိုးဆုံးကို တွေးထားဆဲဖြစ်သည်။

“မလိမ်ပါဘူး၊ အခြေအနေမကောင်းဘူး” ဟု သမီးဖြစ်သူပြောကြားပြီး “ သူ့ကိုစကားပြောရင်တော့ ပြန့်တုံ့ပြန်တယ်ပြီးတော့ မျက်လုံးတွေဖွင့်ဖို့ ကြိုးစားတယ်၊ ခုထိတော့သူရှိနေတုန်းပဲ” ဟု ဆက်လက်ပြောကြားသည်။

“ဘယ်အရာမှ မပြောနိုင်ဘူး၊ ဒါပေမယ့် သူဘယ်အချိန်ဆုံးမယ်ဆိုတာတော့ ဘုရားပဲသိမယ်လို့ ထပ်ပြောချင်တယ်” ဟု ရေဒီယိုတွင်လွှင့်ထုတ် သည့်သတင်းတွင် သူမပြောကြားသည်။

ယခုအချိန်တွင် အိုဘားမားသည် ကမ္ဘာ့သူရဲကောင်းအဖြစ် ညွှန်းဆိုပြောကြားသွားသည့် မင်ဒဲလားအား အားပေးသည့် အသံတစ်သံ ပြောကြား သည်။

“သမ္မတဟာ နယ်လဆင်မင်ဒဲလားရဲ့ သမိုင်းအမွေကို ပြောကြားသွားမှာဖြစ်ပြီး အဲဒါဟာ တောင်အာဖရိကကို ကျွန်တော်တို့သွားတဲ့ ခရီးစဉ် အတွင်း အဓိကအပိုင်းဖြစ်မှာပါ” ဟု အမျိုးသားလုံခြုံရေးဒုအကြံပေး ဘင်ရိုဒ့်က ပြောကြားသည်။

“သမ္မတဟာ အဲလိုပြောကြား ချီးမြှောက်ရမယ်ဆိုတဲ့ ဘယ်အခွင့်အရေးမဆိုကို တန်ဖိုးထားမှာပါ” ဟု ဆက်လက်ပြောကြားသည်။

“ကျွန်တော်တ်ို့ဟာ အဲဒီမှာဖြစ်ပျက်နေတာတွေ၊ မိသားစုနဲ့ အာဖရိကန်အစိုးရဲ့ဆန္ဒတွေကို အလွန်လေးစားမိပါတယ်” ဟု မစ္စတာရိုဒ့်က ပြောကြားသည်။

အိုဘားမားသည် တနင်္ဂနွေနေ့တွင် မင်ဒဲလားထောင်ကျခံခဲ့ရသည့် ကိပ်တောင်းရှိရော့ဘင်ကျွန်းမှ ထောင်သို့သွားရောက်လည်ပတ်မည်ဖြစ်ပြီး အဖြစ်အပျက်ကိုပိုမိုနားလည်နိုင်မည်ဖြစ်ကြောင်း ၎င်းက ဆက်လက်ပြောကြားသည်။

အိုဘားမားသည် ၎င်းကြာရှည်စွာစောင့်စားလာခဲ့သည့် အာဖရိကခရီးစဉ်အတွင်း ဆီနီဂေါနိုင်ငံတွင် မိန့်ခွန်းပြောကြားရာ မင်ဒဲလားသည် ၎င်း၏ သူရဲကောင်းဖြစ်ကြောင်း ထည့်သွင်းပြောကြားခဲ့သည်။

“သူဟာကမ္ဘာကြီးရဲ့သူရဲကောင်းလို့ ကျွန်တော်ထင်တယ်၊ ပြီးတော့ အကယ်၍များ သူကွယ်လွန်သွားတယ်ဆိုရင်တောင် သူ့ရဲ့သမိုင်းအမွေ ဟာ ခေတ်တွေအဆက်ဆက်မှာ တည်မြဲသွားမယ့် အရာတစ်ခုဖြစ်တယ်ဆိုတာ ကျွန်တော်တို့အားလုံး သိမယ်လို့ ကျွန်တော်ထင်တယ်” ဟု လည်းပြောကြားခဲ့သည်။

အမေရိကန်သမ္မတက ၁၉၇၀နှောင်းပိုင်း ကျောင်းသားဘဝတွင် လူမျိုးရေးခွဲခြားမှု ဆန့်ကျင်ရေးလှုပ်ရှားမှုတစ်ခုတွင် ပါဝင်လုပ်ဆောင်ခဲ့စဉ် နိုင်ငံရေး လုပ်ဆောင်မှုများတွင် မင်ဒဲလား မည်မျှလွှမ်းမိုးခဲ့ကြောင်းလည်း ပြန်ပြောင်းပြောပြခဲ့သည်။

Ref:AFP

မြန်မာ့ခောတ်

ဇူလိုင်၂၇ရက်နေပြည်တော် ၌ပြုလုပ်မည့် ကချင်ငြိမ်းချမ်းရေး လက်မှတ်ရေးထိုးပွဲပြီးလျှင် လူရွှင် တော်အဖွဲ့မှ ဦးဆောင်၍ ငြိမ်း ချမ်းရေးအောင်ပွဲအနေဖြင့်ရုပ်ရှင်၊ သဘင်၊ ဂီတ၊ စာပေအနုပညာပွဲ ကို ရန်ကုန်မြို့အောင်ဆန်းကွင်း ၌ ကျင်းပပြုလုပ်သွားမည်ဖြစ် ကြောင်း ဇွန် ၂၄ ရက်တွင် လူရွှင် တော် ဦးဇေယျကပြောသည်။

““ဒီပွဲကို လုပ်ဖြစ်သွားတဲ့အ ကြောင်းရင်းက ယခုဒီမိုကရေစီ ရပြီ၊ ရပြီဆိုပေမဲ့ ဒီမိုကရေစီ အောင်မြင်အောင် အဓိကငြိမ်း ချမ်းရေးလိုတယ်၊ ငြိမ်းချမ်းရေး မရမချင်း ဒီမိုကရေစီဆိုတာ စစ် မှန်မှာမဟုတ်ဘူး၊ ဒီပွဲကို လုပ်သာ လုပ်ရမှာ သေချာလား၊ မသေချာ လားတော့ ၁၀၀% အပြည့် မဟုတ်ဘူး၊ ၂၇ရက်မှာ နေပြည် တော်မှာ ခေါင်းဆောင်ကြီးများ က လက်မှတ်ထိုးမယ်ဆိုတဲ့ သတင်းကြားတယ်၊ အဲဒီသတင်း ကြားတဲ့အတွက်သူတို့ခေါင်းဆောင် ကြီးတွေ မနက်ပိုင်းမှာ လက်မှတ် ထိုးပြီးသွားရင် ညနေပိုင်းမှာ ဦးတို့ က အောင်ဆန်းအားကစားကွင်း ထဲမှာ အောင်ပွဲအနေနဲ့ ရုပ်ရှင်၊ သဘင်၊ ဂီတ၊ စာပေငြိမ်းချမ်းရေး အောင်ပွဲကမှာ၊

ဒီကိစ်္စကို စပြီး တော့ အိုင်ဒီယာစရခဲ့တာက ကိုသူရ (ခ) ကိုဇာဂနာပါ၊ လူရွှင် တော်အုပ်စုကနေ ပထမဆုံးငြိမ်း ချမ်းရေးပွဲလေးကို စကမှာ၊ ဒီပွဲ လေးက မြန်မာပြည်မှာ မကြုံဘူး သေးတဲ့ပွဲလေးပါ၊ တခြားပွဲတွေက များသောအားဖြင့် တစ်နှစ်တစ်ခါ လုပ်တဲ့ပွဲတွေ၊ ဒီငြိမ်းချမ်းရေး အောင်ပွဲနေ့ဆိုတာက တစ်နှစ် နှစ်ခါလုပ်လို့မရဘူး၊ အဓိကက ရာသက်ပန် ငြိမ်းချမ်းရေးလိုချင် တယ်၊ လက်မှတ်ထိုးရုံနဲ့ မပြီးသေး ဘူး၊ တစ်ကယ်ကို ငြိမ်းငြိမ်းချမ်း ချမ်းနဲ့ စစ်မှန်တဲ့ဒီမိုကရေစီဖြစ်ဖို့ အတွက် တွန်းအားတစ်ခုအနေနဲ့ ၀ိုင်းတွန်းပေးတာပေါ့။ တကယ် လို့များ သူတို့မထိုးဖြစ်ခဲ့ရင် ဦးတို့ က ဒီအောင်ပွဲအတွက် ဒါတွေ လုပ်ထားပါတယ်ဆိုရင် ငြိမ်းချမ်း ရေးလက်မှတ် ထိုးဖြစ်ရင်ထိုးဖြစ် သွားနိုင်တယ်”” ဟု ၎င်းကပြော သည်။

အဆိုပါအောင်ပွဲအခမ်းအ နားတွင် အခန်း (၈) ခန်းပါဝင် ကပြသွားမည်ဖြစ်ကြောင်း သိရ သည်။

ယဉ်ပပထွန်း
The hot news weekly


ဆရာနဲ့ဒကာညီကြမှ ဆိုတဲ့စကားမှာ ဆရာဆိုတာဟာ ဗုဒ္ဓဘာသာဝင်ရဟန်း သံဃာတော်များကို ရည်ရွယ်တာဖြစ်ပြီး ဒကာဆိုတာ ဗုဒ္ဓဘာသာဝင် နိုင့်ငံထိပ်ပိုင်းအရာရှိများ၊ အစိုးရနဲ့အစိုးရအဖွဲ့ဝင်များ၊ နိုင်ငံ့ခေါင်းဆောင်များ၊ အတိုက်အခံအဖွဲ့အစည်းများနှင့်တကွ အောက်ခြေပြည်သူလူထုအားလုံး ပူးပေါင်းပါဝင်မှုကို ရည်ရွယ်တာဖြစ်ပါတယ်။

အစိုးရနဲ့ အတိုက်အခံ NLD
-------------------------
အတိုက်အခံပါတီ NLD ဟာ လွှတ်တော်ထဲကိုဝင်ပြီးတဲ့နောက်ပိုင်း ကြံ့ဖွတ်အစိုးရနဲ့ ပူးပေါင်းလုပ်ဆောင်မှု အားကောင်းလာပါတယ်။ ဘာတခုကိုမှ အတိုက်အခံလုပ်ပြောဆိုခြင်းမရှိခဲ့ပါဘူး။ အစိုးရကိုပြောချင်ရင်တောင်မှ နိုင်ငံခြားရောက်မှပြောတာ များပါတယ်။ ပြည်ပအတိုက်အခံတွေ ပြင်းထန်တဲ့လူတွေတောင်မှ အတိုက်အခံက အတိုက်အခံအလုပ်မလုပ်တော့ဘူး၊ စစ်ခရိုနီတွေနဲ့ပေါင်းတယ်ဆိုတာကအစ ပြောရလောက်အောင်ကို အစိုးရနဲ့ဆက်ဆံရေးကောင်းခဲ့ပါတယ်။ အတိုက်အခံဟာ ပြည်သူလူထုအကျိုးစီးပွားအတွက် အစိုးရနဲ့ပေါင်းပြီးလုပ်သင့်ရင်လုပ်ရမှာပဲဆိုတဲ့ ထောက်ခံကြောင်းစတေးတပ်မျိုး ကျနော်ကိုယ်တိုင် ရေးဖူးခဲ့ပါတယ်။ ဘဘဦးဝင်းတင်က အစိုးရဟာ ယုံကြည်လို့မရသေးကြောင်း အခါအားလျော်စွာ ပြတ်ပြတ်သားသားပြောဆိုရင်း အတိုက်အခံအနေအထားကို ကျားကန်ရပ်တည်ခဲ့ပါတယ်။

ဘာသာရေးခေါင်းဆောင် (သံဃာ့အဖွဲ့အစည်း) တွေ ပါဝင်ပတ်သက်လာမှု
-------------------------------------------------------------------------
ရဟန်းတော်တွေဟာ များသောအားဖြင့် ဒကာ ဒကာမတွေရဲ့ လှူဒါန်းမှုတွေနဲ့ သမမျှတစွာရပ်တည်ပြီး သာသနာအကျိုးကို အေးချမ်းစွာသယ်ပိုးနေကြတာပါ။ (စုန်းပြူးတွေလည်း နေရာတိုင်းမှာရှိပါတယ်) ဒါပေမယ့် ရခိုင်ပြည်နယ်ဖက်က ဘင်္ဂါလီတွေရဲ့ တိုင်းရင်းသားဖြစ်ခွင့်တောင်းဆိုမှုကအစပြုပြီး ရဟန်းတော်တွေရဲ့ ဘာသာ သာသနာအပေါ် စိုးရိမ်ကြောင့်ကြမှု ပေါ်လွင်ထင်ရှားလာပါတယ်။ ဘယ်ပြဿနာပဲဖြစ်ဖြစ် အဖွဲ့အစည်းတခုမှာ အသိဥာဏ်ပညာ၊ အမျှော်အမြင်ရှိတဲ့ ခေါင်းဆောင်ဟာ ပိုမြင် ပိုတွေးမိလေ့ရှိကြပါတယ်။ ဖြစ်လာနိုင်တဲ့ဘာသာရေးပြဿနာတွေကို ဆင်ခြင်သုံးသပ်မိတဲ့ ထေရ်ကြီး ၀ါကြီး ဆရာတော်ကြီးတွေကိုယ်တိုင်က အေးချမ်းစွာသာသနာမပြုနိုင်တော့ဘဲ လောကုတ္တရာကိုဖယ်ခွာပြီး လောကီရေးအတွက် ခေတ္တအာရုံစိုက်လာရပါတယ်။

အဖွဲ့အစည်း (၀ါ) အ၀န်းအ၀ိုင်းတခုမှာ အပြင်စည်း၊ အတွင်းစည်းဆိုပြီး ရှိကြပါတယ်။ ဗုဒ္ဓဘာသာအသိုင်းအ၀ိုင်းမှာ သံဃာကအတွင်းစည်းဆိုရင် ဒကာကအပြင်စည်းအနေအထားမှာ ရှိနေပါတယ်။ အပြင်စည်းမှာ အစိုးရ၊ အတိုက်အခံနဲ့ ပြည်သူလူထုအားလုံး ရှိနေပါမယ်။ အတွင်းစည်းက သံဃာတွေရဲ့ အေးချမ်းစွာမနေနိုင်ဘဲ စိုးရိမ်ကြောင့်ကြမှုရှိလာရတာ အပြင်စည်းကတောင့်ခံမထားနိုင်တော့တဲ့ အကြောင်းရင်းပါပဲ။ ဒီလိုအပြင်စည်းကျိုးပေါက်နေတဲ့အချိန်မှာ ရဟန်းသံဃာတွေရဲ့ ပါဝင်ပတ်သက်မှုဟာ အချိန်ကြာလာတာနဲ့အမျှ တဖြည်းဖြည်းကြီးထွားလာနိုင်ပါတယ်။

အတိုက်အခံခေါင်းဆောင်
------------------------
အတိုက်အခံပါတီခေါင်းဆောင် ဒေါ်အောင်ဆန်းစုကြည်ဟာ မြန်မာနိုင်ငံရဲ့အနာဂတ်ပါ။ သူမအပြင် မြန်မာပြည်သူလူထုမှာ ခေါင်းဆောင်တင်စရာ နောက်ထပ်လူမရှိပါဘူး။ ဒေါ်အောင်ဆန်းစုကြည်မှာ စံနှစ်မျိုးရှိပါတယ်။ တခုက သူမဟာ မြန်မာပြည်သူလူထုအားလုံးရဲ့ လူထုခေါင်းဆောင်ပါ။ နောက်တခုကတော့ နိုင်ငံတကာရဲ့ လူ့အခွင့်အရေးစံပြ၊ နိုင်ငံတကာရဲ့ ငြိမ်းချမ်းရေးဒီမိုကရေစီအိုင်ကွန်ပါ။ မြန်မာပြည်သားတွေရဲ့လူထုခေါင်းဆောင်တယောက်အနေနဲ့ တခါတလေမှာ တိုင်းပြည်နဲ့လူထုရဲ့ အမျိုးသားအကျိုးစီးပွားကိုထောက်ချင့်ပြီး နိုင်ငံတကာရဲ့လိုအပ်ချက်ကို လျစ်လျူရှုရတတ်ပါတယ်။ နိုင်ငံတကာရဲ့တောင်းဆိုမှုမှန်သမျှကို လိုက်လျောချင်တယ်ဆိုရင်လည်း နိုင်ငံနဲ့လူထုရဲ့တချို့ အကျိုးစီးပွားကို မျက်ကွယ်ပြုရတတ်ပါတယ်။ ဘယ်လိုပဲဖြစ်ဖြစ် သူမဟာ မြန်မာနိုင်ငံအတွက် မရှိမဖြစ် ခေါင်းဆောင်ကောင်းတယောက်ပါ။


ကြံ့ဖွတ်အစိုးရရဲ့ထောင်ချောက်
-------------------------------
အစိုးရဟာ ရဟန်းသံဃာတွေကို တည်ကြက်လုပ်ပြီး နိုင်ငံရေးအကွက်ရွေ့တယ်။ အတိုက်အခံကိုထောင်ချောက်ဆင်တယ်။ ဒါဟာ စစ်အစိုးရတွေအဆက်ဆက်ရဲ့ လုပ်ထုံးလုပ်နည်းတခုလို့ပဲ သတ်မှတ်နိုင်တယ်။ ကျနော်တို့စဉ်းစားကြည့်ရအောင်ပါ။ ဘယ်လိုအခြေအနေမျိုးမှာ အတိုက်အခံဟာ ကြံ့ဖွတ်အစိုးရရဲ့ထောင်ချောက်ထဲဝင်သွားနိုင်မလဲ။ လက်ရှိအနေအထားအရတော့ အတိုက်အခံဟာ ဘာသာရေးခေါင်းဆောင်တွေ (သံဃာအဖွဲ့အစည်း) နဲ့ သဘောကွဲလွဲစွာရပ်တည်မယ်ဆိုရင် ၂၀၁၅ ရွေးကောက်ပွဲအတွက် အင်အားချိနဲ့သွားမှာဖြစ်ပြီး ထောင်ချောက်ထဲဝင်သွားနိုင်မယ့် အနေအထားပါ။ (သာမာန်ပြည်သူတယောက်ရဲ့ ဥာဏ်မှီသလောက်စဉ်းစားမိတာမို့ မှားကောင်းမှားနိုင်ပါမယ်) မြန်မာပြည်သူလူထုအတွက်လည်း ဆုံးရှုံးနစ်နာမှုတွေ ဆိုးကျိုးတွေ မြောက်များစွာ ရင်ဆိုင်ကြုံတွေ့ရမှာပါ။

ဒါဖြင့်ရင် တခြားတဖက်ကနေ ပြန်ကြည့်ရအောင်ပါ။ အတိုက်အခံဟာ ဘာသာရေးခေါင်းဆောင်တွေ စိုးရိမ်ကြောင့်ကြမှုရှိနေတဲ့ကိစ္စတွေကို အရေးတယူ ဂရုတစိုက်နဲ့ ပူးပေါင်းဖြေရှင်းဖို့ကြိုးစားမယ်ဆိုရင် ကြံ့ဖွတ်အစိုးရရဲ့ထောင်ချောက်ဟာ ဘာဆက်ဖြစ်လာနိုင်သလဲ။ အတိုက်အခံအပေါ်အကျိုးသက်ရောက်မှု ရှိနိုင်မလား။ မြန်မာပြည်သူလူထုအတွက်ရော ဆိုးကျိုးတွေဖြစ်လာနိုင်မလား။ ဘာသာရေးခေါင်းဆောင်၊ အစိုးရ၊ အတိုက်အခံဆိုတာ ကျနော်တို့နိုင်ငံရဲ့ ပြည်တွင်းရေးပဋိပက္ခပါ။ ဒီခေါင်းဆောင်တွေအားလုံးကပဲ ကျနော်တို့ကျောမွဲပြည်သူလူထုတွေရဲ့ ဘ၀မြင့်မားတိုးတက်ရေး၊ လုံခြုံစိတ်ချမှုရှိရေးကို ဆောင်ရွက်ပေးနိုင်မှာပါ။ ဒီခေါင်းဆောင်တွေညီညွတ်ကြမှလည်း ကျနော်တို့မြန်မာလူထု စိတ်အေးချမ်းသာစွာနဲ့ ၀မ်းစာရှာဖွေစားသောက်နိုင်မှာပါ။

မုန့်ဆီကြော်ဘယ်မှာလဲ
-----------------------
မျိုးစောင့်ဥပဒေဆိုပြီး ပေါ်လာတယ်။ ကောင်းတယ်လို့မထောက်ခံပါဘူး။ ဥပဒေပညာရှင်အနည်းငယ်နဲ့ ဘာသာရေးခေါင်းဆောင်တွေလောက်သာ ပေါင်းပြီးရေးဆွဲထားတဲ့အတွက် ချို့ယွင်းချက် (၀ါ) အားနည်းချက် (၀ါ) လက်မခံနိုင်စရာအချက်တွေအနည်းအများ ရှိနိုင်မှာပါ။ ဒီဥပဒေက ဘယ်မှလည်းမရောက်သေးဘူး။ ဘာမှလည်းဖြစ်မလာသေးဘူး။ ဖြစ်လာချင်မှလည်းဖြစ်လာမယ်။

မိသားစုတစုမှာ သမီးမိန်းကလေးတယောက်လက်ထပ်တော့မယ် ဆိုပါစို့။ သားရှင်ဖက်က ဘယ်လောက်လက်ဖွဲ့မလဲ၊ ဘာနဲ့တင်တောင်းမလဲ စိန်နဲ့လား၊ ရွှေနဲ့လား၊ တိုက်ပါလား၊ ကားပါလား။ သမီးရှင်ဖက်က ဒီလိုတောင်းဆိုတဲ့ထုံးစံရှိပါတယ်။ ဒီလိုထုံးစံဟာ ကိုယ့်သမီးလေး တခြားမိသားစုဝင်တွေကြားထဲမှာ ဂုဏ်အားဖြင့်တင့်တယ်စေချင်တဲ့ မိဘတိုင်းရဲ့စေတနာပါ။ မိဘဆိုတဲ့နေရာမှာတောင် အမေနဲ့အဖေဆိုရင် အမေကပိုပြီး သမီးအတွက်စိုးရိမ်ကြောင့်ကြမှုရှိပါတယ်။ မိခင်စိတ်ပါ။ လျစ်လျူရှုလို့မရပါဘူး။

မုန့်ဆီကြော်ကဘယ်ဆီနေမှန်းမသိသေးဘူး နှုတ်ခမ်းနာနဲ့တည့်ပါ့မလား ဖြစ်နေကြတယ်။ ဘာသာရေးခေါင်းဆောင်တွေရဲ့ စိုးရိမ်ကြောင့်ကြမှုကို လျစ်လျူမရှုကြစေချင်ပါဘူး။ အကျိုးယုတ်စရာ မရှိတဲ့အတွက် ဂရုတစိုက်ရှိကြောင်း ပြတဲ့အနေနဲ့ ဥပဒေပညာရှင်တွေ၊ နှစ်ဖက်နိုင်ငံ့ခေါင်းဆောင်တွေ၊ ဘာသာရေးခေါင်းဆောင်တွေ တိုင်ပင်ဆွေးနွေးပြီး အကောင်းဆုံးအဖြေတခုကို ရှာသင့်ပါတယ်။ ဘာသာရေးခေါင်းဆောင်တွေရဲ့ သာသနာအတွက် စိုးရိမ်ကြောင့်ကြမှုတွေကို လျော့နည်းစေချင်ပါတယ်။

သိက္ခာကျစရာလား
------------------
မိမိတို့နိုင်ငံရဲ့ ပြည်တွင်းပဋိပက္ခကို စုပေါင်းဖြေရှင်းတာ၊ မိမိတို့ကိုးကွယ်တဲ့ ဘာသာ သာသနာကို စုပေါင်းကာကွယ်တာ၊ တိုင်းပြည် လူမျိုး ဘာသာ အတွက် စုပေါင်းလုပ်ဆောင်ကြတာဟာ ကမ္ဘာ့အလယ်မှာ မြန်မာနိုင်ငံသိက္ခာကျ လက်ညှိုးထိုးခံရစရာ မဟုတ်ပါဘူး။ ဘယ်လိုအခြေအနေမှာပဲဖြစ်ဖြစ် အားလုံးတသားတည်းဖြစ်နေဖို့ ကြိုးစားတာဟာ နိုင်ငံနဲ့လူမျိုး ဂုဏ်တက်စရာသာ ဖြစ်ပါတယ်။ နိုင်ငံတွင်းမှာ ဘာသာရေး၊ နိုင်ငံရေး ခေါင်းဆောင်တွေ တယောက်တမျိုးကွဲပြဲပြီး ၀ါးအစည်းပြေသလိုဖြစ်နေမှသာ မြန်မာနိုင်ငံသားတွေအဖို့ အရှက်ရစရာ အဖြစ်မျိုးပါ။

မောင်ပါလ
၂၈.၆.၂၀၁၃
(လူပြိန်းတယောက် မရေးရမနေနိုင်လွန်း၍ ရေးသည်)

၁။ မလုပ်နိူင်ပဲ တာဝန်မယူခြင်ဘူး၊ ဒါတပည့်တော် ၀ါဒပဲ။
၂။ ဗုဒ္ဓဘာသာအမျိုးသ္မီးများ အနှိပ်စက်ခံ အလှည့်စားခံဘ၀ ရောက်နေကြတယ်၊ ဒီဥပဒေကို မထောက်ခံခြင်တဲ့သူတွေဟာ ကိုယ်ချင်းစာတရား မရှိကြလို့ ဖြစ်မယ်(ဘာသာခြား)၊ ဒါမှမဟုတ် ထွက်ခြင်တိုင်းထွက် ၀င်ခြင်တိုင်းဝင်ခြင်လို့ဖြစ်မယ်(ဘာသာတူ)။
၃။ ဘာသာ၎မျိုးလုံးနေကြတဲ့ မြန်မာနိူင်ငံဟာ အိမ်လေးအိမ်ရှိတဲ့ ရွာနဲ့တူတယ်၊ တခြား(ဘာသာ)အိမ်၃လုံးမှာတော့ (ဥပဒေ)ခြံခတ်ထားတယ်၊ (ဗုဒ္ဓဘာသာ) အိမ်တအိမ်ပဲ ခြံမခတ်ရသေးတာ၊ ဒီတော့ လုံခြုံမှုမရှိတော့ဘူး၊ အန္တရာယ်တွေ ၀င်လာပြီပေါ့။
၎။ မီးခဲသေးသေးလေးဖြစ်ပေမဲ့ လေနဲ့တွေ့ရင် အိမ်တွေ ရွာတွေ မြို့တွေ ပျက်စီးအောင် လောင်နိူင်တယ်၊ ထို့အတူ ကိစ္စသေးသေးလေးဖြစ်ပေမဲ့ မီဒီယာလေ နိူင်ငံရေးလေ အတိုက်ခံလိုက်ရရင် ရခိုင်လို မိတ္ထီလာလို အများစိတ်ထိခိုက်စရာ ဖြစ်သွားတတ်တယ်။
၅။ ဘယ်ကိစ္စမဆို အစွန်းမရောက်ပဲ အလယ်အလတ်လမ်းစဉ် လိုက်မှ အောင်မြင်မယ်၊ ဂျိုပေါက်တဲ့နွားလို အစွယ်ထက်တဲ့တောဝက်လို မာနခံနဲ့ မြင်မြင်သမျှ တိုက်ခိုက်နေရင်လဲ အများမုန်းပြီး မအောင်မြင်တတ်ဘူး၊ ခြေသုတ်ပုဆိုးလို အဆွယ်ကျိုးတဲ့မြွေလို သူများအောက်ကကြီးပဲနေပြီး ဇာတိမာန်စသည်ပျောက်ကာ သိုးငယ်လေးလို ကြောက်လန့်ထိပ်ရွံ့နေရင်လဲ လူမလေး ခွေးမခန့်ဖြစ်ပြီး အနင်းခံရတတ်တယ်၊ မအောင်မြင်နိူင်ဘူး၊ ဘယ်အရာမဆို မလျှော့မတင်း အလယ်အလတ်လမ်းစဉ်နဲ့ ဖြောင့်ဖြောင့်တန်းတန်းကျင့်မှ အောင်မြင်ပြီး ကောင်းကျိုးအမျိုးမျိုးရမယ်။
၆။ သာသနာမှာ ၂ပိုင်းခွဲထားရမယ်၊ ပရိယတ်ပဋိပတ်ကို စွမ်းစွမ်းတမံ လုပ်နေသူက တပိုင်း၊ သူတို့ဟာ ဘုရားတရားကိုကျင့်ကြံနေသူတွေဖြစ်လို့ ဘုရားနဲ့တူတယ်၊ သူတို့ကို လောကအကျိုးမလုပ်ဘူးလို့ အပြစ်မဆိုသာဘူး၊ နောက်တပိုင်းက ပရိယတ်ပဋိပတ်ကို ထင်သလိုမလုပ်နိူင်သူတွေအနေနဲ့ လောကအကျိုးကို ဓမ္မ၀ိနယနဲ့အညီ ကြိုးစားပြီးလုပ်ရမယ်၊ သာသနာဝန်ကို တနည်းနည်းနဲ့ ထမ်းရမယ်၊ သာသနာကို ခိုမစီးရဘူး။
၇။ သာသနာမှာ အတွင်းရန် အပြင်ရန် ၂မျိုးလုံးကို သတိထားရမယ်၊ အသားထဲကလောက်ထွက်သူတွေ နဲ့ အတုအယောင်တွေဟာ သာသနာတွင်းက ရန်သူတွေပဲ၊ ဖျက်လိုဖျက်စီးလုပ်နေကြတဲ့ ဘာသာခြားတွေ အယူဝါဒမတူတွေဟာ အပြင်ရန်ပဲ။ (ဟင်္သာတ မိုးကောင်းဆရာတော်)

၈။ လုပ်သင့်လုပ်ထိုက်တာကို မလုပ်ရင် တာဝန်မကြေရာရောက်မယ်၊ မျက်ကွယ်ပြုရာ ရောက်မယ်။
၉။ ကိုယ့်ကျေးဇူးရှင်တွေအတွက် လောကီကိစ္စတွေမှာ ပါဝင်ပေးတာဟာ ဘုရားရှင်လမ်းစဉ်လိုက်တာပါ၊ ဘုရားရှင်ဟာ လောကအကျိုးကိစ္စ အမျိုးသားအကျိုးကိစ္စ အသိပေးရေးကိစ္စတွေလုပ်ခဲ့တယ်၊၊ ရောဟဏီမြစ်ရေအတွက် တိုက်ပွဲငြိမ်းချမ်းရေးတရားဟောပေးခဲ့တယ်၊ လောကငြိမ်းချမ်းရေးအတွက် မေတ္တာထားပုံနည်းလမ်း ဆင်းရဲသူနဲ့တွေ့ရင် သနားရမဲ့နည်းလမ်း ချမ်းသာသူနဲ့တွေ့ရင် ၀မ်းမြောက်ရမဲ့နည်းလမ်း အများနဲ့ဆက်ဆံတဲ့နေရာမှာ တည်တည်ငြိမ်ငြိမ် ဆက်ဆံပုံနည်းလမ်းတွေကို ချပြခဲ့တယ်၊ အိမ်တွင်းရေးမတည်ငြိမ်ကြတော့ လင့်ကျင့်ဝတ်မယားကျင့်ဝတ်တွေ ချပြခဲ့တယ်၊ အတွင်းကျကျပြောရရင် ကလေးမမွေးနိူင်ဖြစ်နေတော့ အင်္ဂုလိမာလသုတ်ရွက်ဖို့ မိန့်မှာခဲ့တယ်။
၁၀။ အဲဒီလို လောကကြောင်း ဓမ္မကြောင်းတင်မက သမိုင်းကြောင်းလဲရှိသေးတယ်၊ လက်ထပ်ခန်းနဲ့ပတ်သက်လို့ ရှေးခောတ်က ဓမ္မသတ်ကျမ်းတွေရေးတဲ့နေရာမှာ ဘုန်းဘကီးတွေက ခေါင်းဆောင်ခဲ့တယ်၊ ပုဂံခောတ်မှာ အရျင်သာရိပုတြာဆိုတဲ့ ဆရာတော်ခေါင်းဆောင်ပြီး ဓမ္မ၀ိလာသိနီဆိုတဲ့ ဓမ္မသတ်ကျမ်းကို ရေးပေးခဲ့တယ်။
၁၁။ ဘာသာအားလုံးနဲ့ကြည့်ရင် တခြားဘာသာတွေမှာလဲ လောကီကိစ္စတွေမှာ ဘာသာရေးခေါင်းဆောင်တွေပါဝင်လို့ ပိုအောင်မြင်နေတယ်။
၁၂။ ဥပဒေဘောင်ရှိမှ အန္တရာယ်ကင်းတယ်၊ စည်းတွင်းမှာနေမှ ရန်ကင်းတယ်၊ စည်းကမ်းကိုကျော်ရင်တော့ ၇န်များတယ်။
၁၃။ ကိုယ့်ဘာသာ ကိုယ်လူမျိုးကို သူများဘာသာ သူများလူမျိုးလောက်တောင် အဆင့်အတန်းမထားနိူင်တဲ့သူဟာ ကိုယ်ရဲ့ဘာသာနဲ့ လူမျိုးကို ပျက်စိးအောင် လုပ်နေတာပဲ။
၁၄။ လူတယောက် အဖွဲ့တဖွဲ့ နိူင်ငံတနိူင်ငံဟာ ပျက်စီးချိန်ရောက်ရင် လမ်းမှားကို လမ်းမှန်လို့ ထင်ပြီး လျှောက်တတ်ကြတယ်။ (အင်းစိန်ရွာမဆရာတော်)

၁၅။ လမ်းမှန်လျှောက်ရင် စခန်းမှန်ရောက်တယ်၊
၁၆။ ကားမောင်းရင် လမ်းသိရမယ်၊ မီးနီချိန် မီးဝါချိန် မီးစိမ်းချိန်ဆိုတဲ့ အချိန်သိရမယ်၊ စတီယာတိုင်ကို ကျွမ်းကျွမ်းကျင်ကျင်ကိုင်တတ်ရတယ်၊ အလုပ်ဟာလဲ ထို့တူပဲ။ (ရွှေတောင်ကုန်းဆရာတော်)

၁၇။ဝိုင် အမ် ဘီ အေ အသင်ကြီးမှာ ဆရာတော်တွေဦးဆောင်ပြီး အမျိုး ဘာသာ သာသနာ ပညာ ကဏ္ဍကြီး၎ရပ်အတွက် လုပ်ခဲ့ကြတယ်၊ နိူင်ငံလွတ်လပ်ရေးရအောင် လုပ်ခဲ့ကြတယ်၊ အခုဟာလဲ ဒုတိယ YMBA အဖွဲ့ကြီးပဲ။
၁၈။ အောင်မြင်ခြင်ရင် ဦးတည်ချက်တခုထဲထား အောင်စိတ်မွေး။
၁၉။ ပေါ့ပေါ့ဆဆ မနေကြနဲ့၊ မြန်မာသမိုင်းမှာ ကြည့်ရင် မွန်လူမျိုး ရှမ်းလူမျိုး ရခိုင်လူမျိုး ကရင်လူမျိုးတွေဟာ အမျိုးကိုထိမ်းနိူင်ကြလို့ ခုထိ ရှိပေမဲ့ ပေါ့ပေါ့ဆဆနေခဲ့ကြလို့ လျှမ်းလျှမ်းတောက်ထင်ရှားခဲ့တဲ့ ပျူလူမျိုး ခု ရှာမရတော့ဘူး။
၂၀။ သင်ရုံလေးနဲ့ မပီးဘူး၊ သင်သာသင်ပြီး မစောင့်ရှောက်နိူင်ခဲ့ကြလို့ သံဃာ၁သောင်းကျော် ပညာသင်ကြားပေးတဲ့ နာလန္ဒာတက္ကသိုလ်ကြီး ပျက်စီးခဲ့ရဖူးတယ်။ (တိပိဋက ဦးသီလက္ခန္ဓာဘိဝံသ)

၂၁။ သီးခံခြင်း ခွင့်လွှတ်ခြင်းထားကြပါ၊ မထားနိူင်ရင် လမ်းဆုံးမရောက်နိူင်ဘူး၊ ကိုယ့်လုပ်ငန်းအနှောက်အယှက်ဖြစ်နိူင်တယ်။
၂၂။ သီးခံရမယ်ဆိုပေမဲ့လဲ ဒီနေရာမှာဖြစ်တဲ့ကိစ္စ ဒီနေရာမှာ ပြီးအောင်ရှင်း၊ ကဲ့ရဲ့လာရင် မဟုတ်ရင် မဟုတ်တဲ့အကြောင်း ဖြေရှင်းရမယ်၊ မှန်နေရင်လဲ ၀န်ခံရဲရမယ်။
၂၃။ ဘုရားတောင်မှ ရာဇဂြိုဟ်မှာရော ကောသမ္ဘီမှာရော မကောင်းမြင်သူတွေရဲ့ အတိုက်ခိုက် ခံရဖူးတယ်၊ ရာဇဂြိုဟ်မှာတော့ ဘုရင်အကူအညီရတော့ ပြဿနာ အကြီးအကျယ် မဖြစ်ဘူး၊ ကောသမ္ဘီမှာတော့ ဘုရင်က မိန်းမဘက်ပါပြီး ဘုရားကို ဂရုမစိုက်တော့ အကြီးအကျယ် ဒုက္ခကြုံရတယ်။
၂၄။ ဧည့်သည်ကလဲ ကိစ္စသေးသေးလေးကို ရိုးမယ်ဖွဲ့ပြီး အိမ်ရှင်ရဲ့အိမ်ကို မဖျက်စီးရဘူး၊ အိမ်ရှင်ကလဲ တခုခုဖြစ်လာရင် မှန်မှန်ကန်ကန်ဖြေရှင်းတတ်ရမယ်။
၂၅။ အင်အားသေးတယ်ဆိုပြီး အထင်မသေးနဲ့၊ ကိုယ့်ကို စိတ်ဆွနေ ၇န်စနေရင် တည်တည်ငြိမ်းငြိမ်နဲ့ တုန့်ပြန်ရမယ်၊ ဒေါသကိုလွှတ်ပြီး Overspeed နဲ့ တုန့်ပြန်ရင် အင်အားကြီးတယ်ဆိုပေမဲ့ ထောင်ချောက်ထဲဝင်ပြီး ဘ၀ပျက်တတ်တယ်။
၂၆။ ပြဿနာဖြစ်လာရင် အပေါ်ယံတင် မကြည့်ပဲ ပြဿနာရဲ့ ဇစ်မြစ်ထိ ကြည့်တတ်ရတယ်၊ နောက်ကွယ်က အကြောင်းအရာထိ မကြည့်နိူင်ရင် အဖြေမှန်မပေါ်ပဲ တလွဲဖြစ်သွားတတ်တယ်။
၂၇။ သံဃာတွေဟာ ဘယ်ကိစ္စနဲ့ကြုံကြုံ ငြိမ်းငြိမ်းချမ်းချမ်း ဖြစ်စေရမယ်၊ လူ့အသိုင်းအ၀ိုင်းက ဆူပူနေရင်လဲ ငြိမ်းချမ်းရေးကိုဖော်ဆောင်သူ Peacemaker ဖြစ်ရမယ်၊ ဆူပူအောင် မလုပ်ရဘူး။

(သီတဂူဆရာတော်)


နိုင်ငံရေးအကျဉ်းသားဟောင်း Blogger ကဗျာဆရာ စာရေးဆရာ နေဘုန်းလတ်ရဲ့  ညီလေးရေ စာအုပ်မိတ်ဆက်ပွဲကို HOME မှာ ဒီနေ့  နေ့ လည် ၁ နာရီက ကျင်းပခဲ့ပါတယ်။ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်၊ ကိုဂျင်မီ ၊ မနီလာသိန်း မမီးမီး ၊ ပြည်သူ့ ခေတ် အတိုင်ပင်ခံအယ်ဒီတာ ဦးဖေမြင့်၊ ဒါရိုက်တာ မောင်သူရ၊ ဒါရိုက်တာ မင်းထင်ကိုကိုကြီး၊ ဒါရိုက်တာ ကြည်ဖြူသျှင် တို့  အပြင် ဖိတ်ကြားထားတဲ့ စာနယ်ဇင်းသမား တွေနဲ့  သူ့ ပရိသတ်တွေ စုစုပေါင်း ၁၀၀ ကျော် တက်ရောက်ခဲ့ပါတယ်။ စာအုပ်က ကျပ်၂၀၀၀ နဲ့  ဖြန့် ချီမှာဖြစ်ပြီး ဒီနေ့ မှာတော့ မိတ်ဆက် အထူး လျော့ဈေးအနေနဲ့  ၁၅၀၀ နဲ့  ရောင်းချပြီး သူကိုယ်တိုင် လက်မှတ်ထိုးပေးပါတယ်။ ညီလေးရေ လို့  ရည်ညွှန်းထားတဲ့ မျိုးဆက်သစ်တွေအတွက် ထောင်ထဲမှာရေးသားခဲ့တဲ့ နောက် ပြည်သူ့ ခေတ် မှာ ဖေါ်ပြခဲ့တဲ့ ဆောင်းပါးတွေကို စုစည်း ထုတ်ဝေထားတာပါ။ ဒီနေ့ က သူ့ ရဲ့  ၃၃ နှစ်ပြည့် မွေးနေ့ ဖြစ်တာကြောင့် မွေး နေ့ ပွဲကိုလဲ တချိန်တည်းမှာ ကျင်းပခဲ့ပါတယ်။ House Of Media and Entertainment မှာရှိတဲ့ စာကြည့်တိုက်ကိုလဲ သူ့ မွေးနေ့  မှတ်မှတ်ရရ အနေနဲ့  ဖွင့်လှစ်လိုက်ကြောင်း ဒါရိုက်တာ မောင်သူရ က ကြေညာသွားပါတယ်။သတင်း ဓါတ်ပုံ - DVB Entertainment
(၄၉)နှစ်မြောက် ကိုမင်းကိုနိုင် မွေးနေ့မှာ နေဘုန်းလတ် ရေးခဲ့တဲ့ ကဗျာကို ဒီနေ့ ကဗျာရေးသူရဲ့ (၃၃)နှစ်ပြည့်မွေးနေ့မှာ အမှတ်တရ တင်လိုက်ပါတယ်...
Happy Birthday သူငယ်ချင်း......

“ကျွန်တော် မင်းကိုနိုင်ပါ…”
သံတိုင်တွေကြားထဲကနေ
ကမ်းပေးလာတဲ့လက်ကို
ဖျစ်ညှစ်ဆုပ်ကိုင်လိုက်မိချိန်မှာပဲ
ကျွန်တော့်ရဲ့ သွေးကြောတွေထဲ
အားအင်တွေ ပြင်းအားတစ်ခုနဲ့စီးဝင်လာ
“အစ်ကို… ငါတို့နဲ့အတူ ရှိနေတယ်” ဆိုတဲ့စိတ်နဲ့
အရာရာကို ရင်ဆိုင်ရဲခဲ့ပါတယ်။

သွေးသားမတော်စပ်ပေမယ့်
ကျွန်တော်တို့တွေ ရင်ဘတ်ချင်း နီးကပ်ခဲ့ကြ
အစ်ကို… ပါးစပ်နဲ့ရေးပြတဲ့ ၀တ္ထုတိုတွေ
ကျွန်တော် နားနဲ့ဖတ်ခဲ့ရဖူးတယ်
ည ည ရွတ်တဲ့ အစ်ကို့ရဲ့ကဗျာတွေကို
အိပ်ယာဝင်ပုံပြင်တွေလို ကျွန်တော် နားထောင်အိပ်စက်ခဲ့ဖူးတယ်

အစ်ကိုက… နှလုံးသားနဲ့ သီချင်းတွေဆိုပြတော့လဲ
ကျွန်တော် မျက်ရည်စက်လက်နဲ့ ခံစားနာကျင်ခဲ့ရ

“ကောင်းကျိုးအထွေထွေ ချွန်စေမြစေ
ဒေါင်းအိုးဝေ တွန်စေ က,စေ
တို့အဘိုးရဲ့ ရိုးရာလက်ရာအမွေ
ကျောင်းအနှံ့ ဒေါင်းအလံစိုက်ကာပေ…”
အစ်ကို မျှော်လင့်တဲ့အချိန်ကာလ
ကျွန်တော်တို့ တွန်ရင်း က,ရင်း ဆက်လျှောက်ကြရဦးမယ်။

“ရေခဲသေတ္တာထဲ နေရသလိုပဲ…” တဲ့
အစ်ကိုပြောလိုက်တဲ့စကား တဆင့်ပြန်ကြားရတော့
ကျွန်တော့်ဒုက္ခတွေကို မေ့သွားတယ်

အစ်ကို ရင်းနှီးခဲ့ရတဲ့
ဆယ်စုနှစ် နှစ်ခုစာကာလ
ပျိုမြစ်စိမ်းလန်းသော လူငယ်ဘ၀
ခက်ခဲကြမ်းတမ်းလွန်းလှတဲ့
သမိုင်းရဲ့စာမျက်နှာ အပိုင်းအစတွေထဲမှာ
အစ်ကိုတောင် ပြုံးနေနိုင်သေးရင်
ကျွန်တော်က ဘာလို့ စိတ်ဓါတ်ကျရမလဲ

အဲဒီလို… အဲဒီလို
အစ်ကို့ရဲ့ အရှိတရားသက်သက်က
ကျွန်တော့်ကို အားတက်စေခဲ့တယ်။

ကျေးဇူးပါ… အစ်ကို
မနက်လင်းချိန်တိုင်း ကြားခဲ့ရဖူးတဲ့
မင်္ဂလာပါ ဆိုတဲ့ အစ်ကို့အသံအတွက်

ကျေးဇူးပါ… အစ်ကို
ရံဖန်ရံခါ မြင်ခဲ့ရဖူးတဲ့
ရိုးသားရဲရင့်သော အပြုံးသန့်သန့်တွေအတွက်

ကျေးဇူးပါ… အစ်ကို
အစ်ကို နယ်ဖတ်ကျွေးခဲ့ဖူးတဲ့
စုံစီနဖာအသုတ်စုံဟင်းလျာအတွက်

ကျေးဇူးပါ… အစ်ကို
ညီတွေအားလုံးကို တစ်ယောက်မှ မလပ်စေခဲ့တဲ့
အစ်ကို့ရဲ့ ဂရုစိုက်ဖြည့်စွက်ပေးမှုတွေအတွက်

အထူးသဖြင့်…
အစ်ကို ဘ၀နဲ့ရင်းပြီး နားလည်စေခဲ့တဲ့
ယုံကြည်ချက်အတွက်

အဆုံးစွန်ဆုံးအထိ ရဲရင့်ရမယ် ဆိုတဲ့
အသိတရားတစ်ခုအတွက်
လေးလေးနက်နက်
ကျေးဇူးတင်လျက်ပါ… အစ်ကို။

လောကဓံရဲ့ရိုက်ချက်တွေ ဘယ်လောက်ကြမ်းကြမ်း
အစ်ကို လိပ်ပြာသန့်သန့်နဲ့ ဖြတ်သန်းနေမယ်ဆိုတာ
ကျွန်တော်… ယုံပါတယ်

အခက်အခဲ အတားအဆီးတွေများစွာအတွက်
ဆင်ခြေဆင်လက်တွေ လိုက်ရှာမနေဘဲ
အစ်ကို… လုပ်စရာရှိတာတွေ ဆက်လုပ်နေမှာကိုလဲ
ကျွန်တော်… နားလည်တယ်

အချိန်ကာလနဲ့ နေရာဒေသရဲ့ အကန့်အသတ်ကို
စိတ်ဓါတ်ခွန်အားနဲ့ ကျော်ဖြတ်
“မင်းကိုနိုင်” ဆိုတဲ့ အမှတ်လက္ခဏာတစ်ခုကို
ဘယ်လိုအရာမျိုးကမှ
တွန်းဖြိုချေဖျက်လို့ မရနိုင်ဘူးလို့လဲ
ကျွန်တော်… ယုံကြည်တယ်

သူရဲကောင်းတို့ရဲ့ နှလုံးသားဟာ
ခေတ်အဆက်ဆက်
ကူးစပ်တည်မြဲပါတယ်

အစ်ကိုလျှောက်ခဲ့တဲ့လမ်းကို
အစ်ကို့လို ပွင့်ရဲတဲ့ပန်းတွေ
မျိုးဆက်တစ်ခုချင်းစီ လက်ဆင့်ကမ်း
အစဉ်ထာဝရ လျှောက်လှမ်းနေကြဦးမယ်ဆိုတာ
မလွဲနိုင်တဲ့… သေချာမှုတစ်ခုပါ အစ်ကို။

အစ်ကို တာဝန်ကျေခဲ့ပါတယ်
ကျွန်တော်တို့ တာဝန်ကျေရဦးမယ်
မျိုးဆက်သစ်တွေ တာဝန်ကျေကြပါလိမ့်မယ်

လူငယ်ဆိုတာ…
သမိုင်းရဲ့ အချိုးအကွေ့တွေတိုင်းမှာ
ဘယ်သောအခါမှ မတွေဝေ မတုံ့ဆိုင်းခဲ့တဲ့သူ

လူငယ်ဆိုတာ…
ခေတ်ရဲ့ အဆိုးအကောင်းတွေထဲမှာ
ဘယ်တော့မှ ယိမ်းယိုင်ပြောင်းလဲမသွားတတ်တဲ့သူ

လူငယ်ဆိုတာ…
လိုအပ်ရင် လိုအပ်တဲ့ အချိန်တွေတိုင်းအတွက်
အမြဲအဆင်သင့်ရှိနေတတ်တဲ့သူ

ကြယ်တွေအစင်းစင်း ကြွေခဲ့ကြဖူးပေမယ့်
ကြယ်တွေအစင်းစင်း ဝေမြဲဝေဆဲ… ကောင်းကင်

လူငယ်ဆိုတာ…
အမှောင်ထုတိုင်းကို အန်တုဆန့်ကျင်မယ့်
ခေတ်တိုင်းရဲ့ အလင်းစွမ်းအင်ဖြစ်တယ်။

အစ်ကို့ရဲ့ မွေးနေ့တွေတိုင်းမှာ
အစ်ကို့ရဲ့ ညီတွေညီမတွေအားလုံးက
သူတို့ကိုယ်သူတို့
အလင်းလက်ဆုံး ထွန်းညှိပြကြရင်း
သူတို့ကိုယ်တိုင်ကိုက
အစ်ကို့အတွက် လက်ဆောင်တွေဖြစ်နေကြလိမ့်မယ်

အဲဒီအခါ… အစ်ကိုကလည်း
ချမ်းမြေ့စွာ တောက်ပခက်ဖြာနေရင်း
ကြည်နူးကျေနပ်နေဦးမှာ
ကျွန်တော်… သိပါတယ်။

ချစ်ခင်လေးစားစွာဖြင့်

နေဘုန်းလတ်

29.09.2011 (Thursday)
16:00

18.10.2011 (Tuesday) မှာ ကျရောက်သော ကိုပေါ့်ရဲ့ (၄၉) နှစ်ပြည့် မွေးနေ့အမှတ်တရ...
ဘားအံအကျဉ်းထောင်မှ ရေးသားပေးပို့သည်။

ဇာရည် ပွင့်


ဖွံ့ဖြိုးမှု နောက်ကျနေသော မြန်မာနိုင်ငံဆက်သွယ်ရေး လုပ်ငန်းကဏ္ဍဖွံ့ဖြိုးတိုးတက်စေရန် အတွက် ပြည်ပ လုပ်ငန်း ရှင်များအား တင်ဒါခေါ်ယူခဲ့ရာတွင် နောက်ဆုံးအဆင့်အနေဖြင့် ကာတာအခြေစိုက် Oreedoo (Qtell) ကုမ္ပဏီနှင့် နော်ဝေနိုင်ငံ အခြေစိုက် Telenor ကုမ္ပဏီတို့မှ တင်ဒါအောင်မြင်သွားခဲ့ကြောင်း တယ်လီကွန်း အော်ပရေတာ တင်ဒါအကဲဖြတ်ရေးနှင့် ရွေးချယ်ရေးကော်မတီ၏ ဇွန်လ ၂၇ ရက်နေ့သတင်းထုတ်ပြန် ချက်အရ သိရသည်။

အဆိုပါ ဆက်သွယ်ရေးလုပ်ငန်းဝန်ဆောင်မှု တင်ဒါအောင်မြင်သွားသော ဆက်သွယ်ရေးကုမဏီနှစ်ခုတို့မှာ ပြည်တွင်း ဈေးကွက်တွင် တယ်လီဖုန်းအော်ပရေတာ ၀န်ဆောင်မှုလုပ်ငန်းများကို ၂၀၁၄ ခုနှစ် မေလနောက် ပိုင်းတွင်စတင်မည်ဖြစ် ကြောင်း ယင်းကုမ္ပဏီများမှ ထုတ်ပြန်ကြေငြာခဲ့သည်။ ထို့အပြင် အကြောင်းအမျိုးမျိုး ကြောင့် တင်ဒါအောင်မြင်သော်ကုမ္ပဏီ များ လုပ်ဆောင်ခြင်းမပြုနိုင်ပါက အရံအနေဖြင့် ပြင်သစ်အခြေစိုက် Orange နှင့် Marubeni ကော်ပိုရေးရှင်းပူးတွဲ်ကုမ္ပဏီကို အရန်အဖြစ် ရွေးချယ်ထားကြောင်း တင်ဒါအကဲဖြတ်ရေးနှင့် ရွေးချယ်ရေး ကော်မတီ၏ ထုတ်ပြန်ချက်တွင် ပါရှိ သည်။ ထို့ပြင် ဆက်သွယ်ရေးဆိုင်ရာ ဥပဒေများကို လွှတ်တော်တွင် အတည်ပြုမှသာ အဆိုပါဆက်သွယ်ရေးလိုင်စင်ရ ကုမ္ပဏီများကို လိုင်စင် များ တရားဝင်ချပေးမည် ဖြစ်ကြောင်းလည်း သိရသည်။

တင်ဒါအောင်မြင်သွားသော Telenor Group သည် နော်ဝေအစိုးရမှ ၅၄ ရာခိုင်နှုန်းပိုင်ဆိုင်ခြင်းဖြစ်ပြီး လက်ရှိအချိန် တွင် ထိုင်း၊ အိန္ဒိယ၊ ပါကစ်စ္စတန်၊ ဘင်္ဂါလားဒေ့ရှ်၊ မလေးရှား၊ နော်ဝေ၊ ဆွီဒင်၊ မွန်တီနီဂရို၊ ဒိန်းမတ်၊ ဟန် ဂေရီ၊ ဆားဘီးယား အစရှိသောနိုင်ငံများတွင် ဆက်သွယ်ရေးဝန်ဆောင်မှုများ ပေးလျက်ရှိပြီး ယင်းဝန်ဆောင်မှု ကို သုံးစွဲသူအရေ အတွက် ၂၁၄ သန်းရှိပြီး ကမ္ဘာပေါ်တွင် ကိုးခုမြောက် အကြီးဆုံးဆက်သွယ်ရေး ကုမဏီဖြစ် ကြောင်း သိရသည်။ အဆိုပါ Telenor အနေဖြင့် မြန်မာ့ ဆက်သွယ်ရေးကဏ္ဍကို ကမ္ဘာ့အဆင့်မီဖြစ်စေရန် HSPA နှင့်LTE နည်းပညာများဖြင့် ငါးနှစ်အတွင်း မိုဘိုင်းကွန်ရက်ကို တစ်နိုင်ငံလုံး ဖြန့်ကြက်နိုင်ရန် စီစဉ်ထားကြောင်း သိရသည်။

“မြန်မာနုိုင်ငံရဲ့ ဆက်သွယ်ကဏ္ဍ ဖွံ့ဖြိုးတိုးတက်ဖို့ အစွမ်းကုန် ထောက်ပံ့ဖို့ ရှိပါတယ်။ ကျွန်တော်တို့ဟာ အာရှဈေး ကွက်ငါးခုမှာ ဦးဆောင်နေရပြီး ဒီကနေ့ ထုတ်ပြန်ချက်ကတော့ အာရှ ဒေသတလျှောက် Telenor ရဲ့ စဉ်ဆက်မပြတ်အောင်မြင် နေတဲ့ လွယ်ကူချောမွေ့တဲ့ မိုဘိုင်းဆက်သွယ်ရေး ဝန်ဆောင်မှု မဟာဗျူဟာကို မီးမောင်း ထိုးပြလုိုက်ခြင်းလည်းဖြစ်ပါတယ်။ ကျွန်တော်တို့ ဟာ အစိုးရအပါအဝင်၊ မြန်မာနုိုင်ငံရဲ့ လူမှုစီးပွားဖွံ့ဖြိုးတိုးတက်မှုမှာ အဓိက အခန်းကဏ္ဍမှာ ပါဝင်နေတဲ့ ဆက် သွယ်ရေးကဏ္ဍ ဖွံ့ဖြိုးတိုးတက်ရေးမှာ မြန်မာပြည်သူများနဲ့ပါ လက်တွဲလုပ်ဆောင်သွားမှာ ဖြစ်ပါတယ်” ဟုTelenor Group ၏ အာရှရေးရာ အကြီးအကဲလည်းဖြစ်၊ ဒုဥက္ကဋ္ဌလည်းဖြစ်သည့် Jon Fredrik Bakaas က မြန်မာနိုင်ငံ၏ ဆက်သွယ်ရေး ကဏ္ဍ တွင် လုပ်ကိုင်ခွင့် လိုင်စင်ရရှိခဲ့ခြင်း အပေါ်ပြောကြားသွားခဲ့သည်။

ထို့အတူ မြန်မာနိုင်ငံဆက်သွယ်ရေးလုပ်ငန်းလိုင်စင်ရရှိခဲ့သော ကာတာနိုင်ငံ အခြေစိုက် Ooredoo မှာလည်း လက်ရှိ အချိန်တွင် ကာတာ၊ အိုမန်၊ အင်ဒိုနီးရှား၊ အီရတ်၊ ကူဝိတ်၊ အယ်ဂျီးရီးယား၊တူနီးရှား အစရှိသော နိုင်ငံများ၏ ဆက်သွယ်ရေး အော်ပရေတာ လုပ်ငန်းများတွင် ၀န်ဆောင်မှုပေးလျက်ရှိပြီး အသုံးပြုသူ ၉၁ သန်းရှိ နေကြောင်း သိရသည်။ Ooredoo အနေဖြင့် တင်ဒါမကြေညာခင်က အခြားကုမဏီများကဲ့သို့ရှေ့ဆက်လုပ်ကိုင်မည့် လမ်းစဉ်များကို ရှင်းလင်းပြောကြားခြင်းမရှိ သော်လည်း ၎င်းတို့တင်ဒါအောင်မြင်ကြောင်း ကြေငြာချက် ထွက်ရှိပြီး နာရီပိုင်းအတွင်း ၎င်းတို့ Ooredoo အနေဖြင့် အလုပ် အကိုင် အခွင့်အလမ်းများစွာဖန်တီးပေးမည်ဖြစ်သည့် အပြင် ၎င်းနှင့်ဆက်စပ်နေသော အရောင်းမြှင့်တင်ရေး၊ ကုန်ပစ္စည်းဖြန့်ချီ ရေး၊ ၀န်ဆောင်မှုလုပ်ငန်း စသော နယ်ပယ်များတွင်လည်း အလုပ်အကိုင်အခွင့်အလမ်းများစွာ ဖန်တီးပေးမည်ဖြစ်ကြောင်း ကြေငြာချက်ထုတ်ပြန်ခဲ့သည်။

“Ooredoo အနေနဲ့ မြန်မာနိုင်ငံရဲ့ ဆက်သွယ်ရေးကွန်ရက် ပိုမိုကောင်းမွန်စေဖို့အတွက် အာဆီယံဒေသအတွင်းမှာ ရရှိခဲ့တဲ့ အတွေ့အကြုံတွေကို ယူဆောင်လာမှာပါ။ Ooredoo ဟာဆက်သွယ်ရေး ကွန်ရက်တွေကို အသုံးပြုရလွယ်ကူအောင်၊ အသုံးပြုသူတွေ အဆင်ပြေအောင် လူသားတွေရဲ့လူမှု ဘ၀တွေကို တိုးတက်မြင့်မားအောင်း ဆောင်ရွက်ပေးမှာဖြစ်လို့ မြန်မာ နိုင်ငံဟာ Ooredoo ရဲ့အဓိကဈေးကွက် ဖြစ်လာမယ် လို့ အကြွင်းမဲ့ယုံကြည်ပါတယ်” ဟု Ooredoo ၏ ဥက္ကဋ္ဌ Mr.Sheikh Abdullah Bin Mohammed Bin Saud Al- Thani မှ ပြောသည်။

မြန်မာ့ဆက်သွယ်ရေးလုပ်ငန်းမှ ၂၀၁၃ ခုနှစ်မှ ၂၀၁၆ ခုနှစ်အတွင်း မိုဘိုင်းလ်ဖုန်းလိုင်း သုံးဆယ့်ကိုးသန်း ငါးသိန်းကို ချပေးရမည်ဖြစ်ကြောင်း ညွှန်ကြားထားပြီး ၂၀၁၃-၁၄ တွင်လိုင်း ၁၀ သန်း၊ ၂၀၁၄-၁၅ တွင် လိုင်း ၁၄ သန်း၊ ၂၀၁၅-၁၆ တွင် ၁၅ ဒဿမ ၅ သန်းအထိ ပြည့်မီအောင်ဆောင်ရွက်ရန် စီမံချက်ရှိသောကြောင့် ယခုလိုင်စင်ရရှိသော ပြည်ပကုမဏီနှစ်ခုအပါအ၀င် ပြည်တွင်းရှိ Myanmar Telecom နှင့် ရတနာပုံဆက်သွယ်ရေးကုမဏီတို့မှ အဆိုပါ ရည်မှန်းချက်များနှင့် ပြည့်မီအောင် ဆောင်ရွက်ရမည်ဖြစ်ကြောင်း သိရသည်။

Yangon chronicle

လူတွေရဲ့ ကိုးဆယ့်ကိုးရာခိုင်နှုန်းဟာ သူတို့ဘဝမှာ ဘာသာတရားနဲ့ ပတ်သက်ပြီး ရွေးချယ်ခွင့် မရခဲ့ကြဘူး။ ရွေးချယ်ခွင့် ရတဲ့အချိန်မှာလည်း မရွေးချယ်ရဲကြဘူး။ ဒါ့ကြောင့် ၉၉ % သော လူတွေ အတွက် ဘာသာတ ရား ဆိုတာဟာ သူတို့ဘဝမှာ ပြဌာန်းပေးခံလိုက်ရတဲ့ အရာဖြစ်လာတယ်။

လူတယောက်မှာ မွေးလာကတည်းက အပြဌာန်း ခံလိုက်ရတဲ့ အချက်တော်တော်များများ ရှိတယ်။ မွေးလာ တဲ့ ကလေးတယောက်ဟာ သူဘာလူမျိုးဖြစ်ချင်တယ်ဆိုတာ ရွေးချယ်ခွင့် မရှိဘူး။ သူ့မှာ အသားအရေ ဘာရောင်၊ ဆံပင်ဘာရောင်၊ မျက်လုံးဘာရောင်ဆိုတာကိုလည်း ရွေးချယ်ခွင့် မရှိဘူး။ ယောက်ျားဖြစ်ချင်သလား၊ မိန်းမဖြစ်ချင်သလား ဆိုတာလည်း သူ့မှာ ရွေးပိုင်ခွင့် မရှိဘူး။ အဖေ ဘယ်သူ အမေဘယ်သူ ဆိုတာလည်း သူ့မှာ ရွေးချယ်ခွင့် မရဘူး။ သူဘယ်နိုင်ငံသား ဖြစ်ချင်တယ်ဆိုတာလည်း ရွေးချယ်ခွင့် မရဘူး။ ဒီနေ့ခေတ်ကြီးမှာ ဆိုရင် ဆင်းရဲသား၊ သူဌေးဆိုတာကိုလည်း ရွေးချယ်ခွင့် မရဘူး။ လူတစ်ယောက်ဟာ မွေးလာကတည်းက ဆင်းရဲသား အဖြစ် ဒါမှမဟုတ် သူဌေး အဖြစ် မွေးလာပြီးသား ဖြစ်နေတယ်။ ဒါတွေအားလုံးဟာ လူတယောက်ဘဝမှာ မွေးရာပါ အပြဌာန်းခံလိုက်ရတဲ့ အရာတွေလို့ ခေါ် တယ်။ လူ့ရဲ့ မူလသဘာဝ ဖြစ်တဲ့ လွတ်လပ်ခြင်း ဆိုတဲ့ မွေးရာပါ ပိုင်ဆိုင်ပစ္စည်းနဲ့ အတူတူ ပါလာတဲ့ မွေးရာပါ နှောင်ကြိုးတွေလည်း ဖြစ်တယ်။ အဲသလို အပြဌာန်းခံရတဲ့ နှောင်ကြိုးတွေထဲမှာ စောစောက ပြော သလို ဘာသာရေးဟာလည်း တခုအပါအဝင်ပဲ။ လူတွေရဲ့ ၉၉ % ဟာ လူမှန်းသိတတ်ပြီး စဉ်းစားဆင်ခြင်တတ်တဲ့ အရွယ်ရောက်လို့ ကိုယ့်ကိုယ်ကိုယ် ဆန်းစစ်ကြည့်လိုက်တာနဲ့ တပြိုင်နက် တည်းမှာ သူတို့မှာ ကိုးကွယ်စရာ ဘာသာတခု အလိုလို ရှိနေပြီးသား ဖြစ်နေတာကို တွေ့ကြရတယ်။ ဒါဟာ ၉၉% သော လူတွေ ကြုံတွေ့ရင်ဆိုင်ကြရတဲ့ အဖြစ်အပျက်ပဲ။

လူတယောက်ကို အဲသလို မွေးကတည်းက ပါလာတဲ့ အပြဌာန်းခံ အချက်တွေကြောင့် ခွဲခြား ဆက်ဆံမယ်၊ အရေးယူ အပြစ်ပေးမယ် ဆိုရင် အဲဒီ အရေးယူ အပြစ်ပေးမှု၊ ခွဲခြား ဆက်ဆံမှုဟာ ဘယ်နည်းနဲ့ မှ တရားမျှ တတဲ့ လုပ်ရပ် ဖြစ်နိုင်မှာ မဟုတ်ဘူး။

လူတယောက်ဟာ မွေးကတည်းက မိန်းမအဖြစ်နဲ့ မွေးလာတယ်။ မ်ိန်းမအဖြစ်နဲ့ မွေးလာလို့သူ့ကို ခွဲခြား ဆက်ဆံမယ်။ သူ့ကို အခွင့်အရေး တခုခု ဆုံးရှုံးစေမယ် ဆိုရင် တရားတယ်လို့ ဆိုနိုင်မလား။ ဘယ်လိုမှ တရား တယ်လို့ ဆိုနိုင်စရာ မရှိဘူး။ ဒီလိုပဲ လူတယောက်ကို မွေးရာပါ မည်းလာတဲ့ အသားကြောင့် တခြား လူတွေထက် အနှိမ်ခံရမယ်၊ အခွင့်အရေး တန်းတူမရဘဲ ခွဲခြား ဆက်ဆံခံရမယ် ဆိုရင် တရားပါ့မလား။ ဒါလည်း မတရားဘူး။ အလားတူပဲ လူတယောက်ဟာ မိခင့်ရိုးရာ၊ ဖခင့် အစဉ်အလာကို လိုက်ပြီး မိရိုးဖလာ လိုက်ပြီးယူလာတဲ့ ဘာသာတရားကြောင့် အပြစ်တင် အရေးယူခံရရင် တရားမျှတတယ်လို့ ဆိုနိုင်မလား။ ဘယ်လိုနည်းနဲ့မှ တရားမျှတတယ်လို့ မဆိုနိုင်ဘူး။

ခုတော့ မြန်မာပြည်မှာ မွတ်စလင်တချို့ဟာ ဘာမှ အပြစ်မရှိရှာဘဲ မွတ်စလင်ဖြစ်ခြင်းသက်သက်ကြောင့် အသတ်ဖြတ်ခံခဲ့ကြရတယ်။ အနည်းဆုံး မိတ္ထိလာမြို့မှာ သေဆုံးခဲ့ကြရတဲ့ မွတ်စလင် အများစုဟာတော့ဖြင့် ရင် ဘာမှ အပြစ်မရှိဘဲ၊ သေဆုံးခဲ့ရသူတွေ ဖြစ်တယ်လို့ တိတိကျကျဆိုနိုင်တယ်။ တောင်ကုတ်မှာ အသတ်ခံခဲ့ရတဲ့ အစ္စလာမ် ဘာသာရေးဆရာ ဆယ်ယောက်ဟာလည်း အပြစ်မရှိဘဲ အသတ်ခံခဲ့ရသူတွေ လို့ ဆိုနိုင်တယ်။ တချို့က ပြောကြလိမ့်မယ်။ မသီတာထွေးကို မွတ်စလင်တွေက သတ်လို့ အဲဒီ မွတ်စလင် တွေကို သတ်ခဲ့ကြတာ၊ ဒါ့ကြောင့် အဲဒီ မွတ်စလင် ၁၀ ယောက်သေတာဟာ တရားတယ်လို့....။ မိတ္ထိလာမှာ ဘုန်းကြီး ဦးသောဘိတ အသတ်ခံရလို့ မွတ်စလင် ၄၃ ယောက်အသတ်ခံရတာလည်း တရားတယ်လို့....။ အဲဒီလို ပြောဆိုချက် ယူဆချက်တွေဟာ တရားမျှတရဲ့လား အာဃာတတရားတွေကို ဘေးဖယ်ထားပြီး လွတ်လွတ်လပ်လပ် မျှမျှတတ စဉ်းစားကြဖို့ သင့်ပါပြီ။ မသီတာထွေးကို သတ်တဲ့သူဟာ လူသတ်သမားဖြစ်တယ်။ အဲဒီလူသတ်သမားက မသီတာထွေးကို သတ်တဲ့ အတွက်ကြောင့် သူနဲ့ အရောင်အသွေးတူ၊ လူမျိုးတူ၊ ဘာသာတူတဲ့လူတွေကို လိုက်သတ်တာဟာ တရားတယ်လို့ မဆိုနိုင်ဘူး။ ဘုန်းကြီး ဦးသောဘိတကို သတ်တဲ့လူဟာ လူသတ်သမား ဖြစ်တယ်။ ဘုန်းကြီး ဦးသောဘိတ အသတ်ခံရတဲ့ အတွက် သူနဲ့ ဘာသာတူတဲ့လူ ၊ အသွေးအရောင်တူတဲ့လူတွေကို လိုက်သတ်တာဟာ ဘယ်လိုနည်းနဲ့မှ တရားမျှတတယ်လို့ မဆိုနိုင်ဘူး။ ဒါဟာ သဘာဝမကျတဲ့ ယေဘုယျပြုမှု ဖြစ်တယ်။ အာဃာတ အခြေခံတဲ့ ယေဘုယျပြုမှုဖြစ်တယ်။ အမုန်းအခြေခံတဲ့ ယေဘုယျပြုမှုဖြစ်တယ်။ လူလူချင်း အကြားမှာ အားလုံးလူတွေပါလား ဆိုတဲ့ အသိစိတ်ပျောက်ကွယ်ပြီး လူလူချင်းကို ခွဲခြား ဆက်ဆံမှု ၊ ဂိုဏ်း ခွဲမှု ၊ သင်းခွဲမှု ဖြစ်တယ်။ ဂိုဏ်းခွဲ သင်းခွဲရာမှာလည်း အမုန်းစိတ် အခြေခံပြီး ဂိုဏ်းခွဲတဲ့ ခွဲခြားမှု ဖြစ်တယ်။ ခင်ဗျားကို ခွေးတကောင်က ကိုက်မယ်ဆိုပါတော့။ ဒါကို အာဃာတထားပြီး မြင်မြင်သမျှ ခွေးတွေကို လိုက်သတ်ရင် ခင်ဗျားရဲ့ စိတ်အနေအထားဟာ ပုံမှန်လို့ ဆိုနိုင်ပါ့မလား။ လူကို မဆိုထားနဲ့၊ ခွေးကို တောင် ဒီလို ယေဘုယျပြုရင် မတရားပါဘူး။

တကယ်ဆိုတော့ ကျွန်တော်တို့ အားလုံးဟာ လူတွေသာဖြစ်ကြတယ်။ ကျွန်တော်တို့အားလုံးဟာ ဒီလောက ကြီးထဲမှာ ဧည့်သည်ပမာ ခေတ္တခဏ အလည်ရောက်လာကြသူတွေဖြစ်တယ်။ ဘယ်လောက်အသက်ရှည် ရှည် ဒီနေ့ခေတ်မှာ လူတစ်ယောက်ဟာ နှစ်ပေါင်း ၂၀၀ နေရဖို့ မျှော်လင့်ချက် မရှိဘူး။ အများစုဟာ နှစ်ပေါင်း ၇၀၊ ၈၀ ကြာရင် ဒီလောကထဲက ပြန်ထွက်ခွာသွားကြရမယ့်သူတွေချည်းပဲ။ ဒီလောကကို ရောက်လာကြတဲ့ ကျွန်တော်တို့အားလုံးဟာ ဘဝကို မြတ်နိုးကြတယ်။ အသက်ရှင်ချင်ကြတယ်။ ခံစားတတ်ကြတယ်။ နာကျင်မှာ အသတ်ခံရမှာကို ကြောက်တတ်ကြတယ်။ ဒီလို သဘာဝရှိတဲ့ လူသားချင်း အတူတူ သူလည်းလူ ငါလည်းလူပါလားလို့ သဘောမထားဘဲ၊ သူတို့က မွတ်စလင်တအုပ်စု၊ ငါတို့က ဗုဒ္ဓဘာသာ တအုပ်စု၊ သူ့အုပ်စုကလူတွေက ငါ့အုပ်စုကို ဘယ်လို မတရားလုပ်တယ်။ သူ့အုပ်စုက ငါ့အုပ်စုကို ဘယ်လိုကျူးကျော်တယ်။ သူ့အုပ်စုကလူတွေကို ဘယ်လို ထိန်းချုပ်ရမယ်၊ ဘယ်လို တုတ်နှောင် ကန့်သတ်ရမယ်၊ ဆိုတဲ့ အတွေးအခေါ်အားလုံးဟာ ငါတကောကော ကောတဲ့ ဝါဒမဟုတ်ရင် ဘာဝါဒလို့ ခေါ်ဆိုကြမလဲ။ ဘာသာဆိုတာ တခုနဲ့ တခု ကွာကြတာချည်းပဲ။ ဘာသာဝင်တိုင်းကလည်း ကိုယ့်ဘာသာ ကိုယ်မှ အမှန်လို့ ထင်ကြတာချည်းပဲ။ ဒီကွဲပြားမှုဟာ သဘာဝတရားဖြစ်တယ်။ ဒီကွဲပြားမှုဟာ သဘာဝ တရား ဖြစ်သလို ဒီလူတွေအားလုံးဟာ လူတွေချည်းပဲ ဆိုတဲ့ တူညီမှုလည်း ရှိကြတယ်။ အဲဒီတူညီမှုဟာလည်း သဘာဝတရားပဲ ဆိုတာကို သဘောပေါက်ကြဖို့ လိုတယ်။ ကိုယ်နဲ့ မတူရင် ရန်သူလို့ သဘောထားတဲ့ အယူအဆဟာ အလွန်သေးသိမ်တဲ့ အယူဝါဒဖြစ်တယ်။ ငါ့လူမျိုးမှတကယ့်လူ၊ ငါ့ဘာသာမှ တကယ့်ဘာသာ ဆိုတဲ့ အယူဟာ အတ္တဝါဒဖြစ်တယ်။ အနတ္တဝါဒနဲ့ ဆန့်ကျင်ပါတယ်။ ဒီ့ထက် ပိုပြီး ပြင်းပြင်းထန်ထန် ပြောရရင် ငါ့လူမျိုးမှတကယ့်လူ၊ ငါလူမျိုးကိုချစ်ရမယ် ဆိုတဲ့ ဝါဒဟာ နာဇီဝါဒ ၊ ဖက်ဆစ်ဝါဒဖြစ်တယ်။ ကိုယ်နဲ့ မတူတဲ့လူကို ကန့်သတ်ရမယ် ၊ ထိန်းချုပ်ရမယ်လို့ ယူတဲ့ အယူအဆဟာ ရန်ကိုမွေးတဲ့ အယူအဆဖြစ်တယ်။ ဒေါသကို ဖြစ်စေတဲ့ အယူဖြစ်တယ်။ ဒီအယူဟာ ဓါးတွေလှံတွေထက် အန္တရာယ်ရှိတဲ့ အယူအဆဖြစ်တယ်။ အဲဒီအယူ အဆကြောင့် လူ့အသက်များစွာ သေကြေ ဆုံးရှုံး စေနိုင်တယ်။ သေလည်း သေခဲ့ပြီးဖြစ်တယ်။

ကိုယ်လည်းလူ၊ သူလည်းလူ လူလူချင်း ကိုယ်ချင်းစာတရား ထားဖို့လိုတယ်။ သူ့မှာလည်း ငါ့လို အသွေးနဲ့ အသားနဲ့ပါလားလို့ စာနာနားလည်တတ်ဖို့လိုတယ်။ ဒီလို မဟုတ်ဘဲ လူတဖက်သားကို ဒုက္ခရောက်စေချင်တဲ့ ဆန္ဒသဘောတရားဟာ သူတော်ကောင်းတရား မဟုတ်ဘူး။ မွတ်စလင်ရယ်၊ ဗုဒ္ဓဘာသာဝင်ရယ် မဟုတ်ဘူး၊ အားလုံးကို မေတ္တာတရား ထားအပ်တာချည်းပါပဲ။

ခုနေမြတ်စွာဘုရားရှင်သာရှိရင် မွတ်စလင်တွေကို ဘယ်လို သဘောထားမယ်လို့ ကျွန်တော်တို့ ဗုဒ္ဓဘာသာ ဝင်တွေ ယူဆကြပါသလဲ။ ကျွန်တော်ကတော့ ဘုရားရှင်သာရှိရင် ဘုရားရှင်ဟာ မွတ်စလင်တွေကိုလည်း ရင်ဝယ်သားသဖွယ် သဘောထားလိမ့်မယ်လို့ ထင်မိတယ်။ ဒါဟာ ဘုရားရဲ့လမ်းစဉ်ပဲ။ ဘုရားရှင်ဟာ ဒီလမ်းစဉ်အတိုင်း တသမတ်တည်း ကျင့်သုံးပေလိမ့်မယ်။ ဒါဟာ သူတော်ကောင်းလမ်းစဉ်ပဲ။ သူတော်ကောင်း မှန်သမျှ ဒီလမ်းစဉ်ကို ကျင့်သုံးကြလိမ့်မယ်။ လူတဖက်သားကို စေတနာထားတာ ကောင်းစားစေချင်တာ မုဒိတာပွားတာဟာ သူတော်ကောင်းလမ်းစဉ်မဟုတ်ဘူးလား။ ဒီလမ်းစဉ်နဲ့ ဆန့်ကျင်ဖက်ကို ပြောရရင် လူတဖက်သားကို ပျက်စီးစေချင်တာဟာ သူယုတ်မာလမ်းစဉ်ပဲ။ ဒီနေရာမှာ လူတဖက်သားဆိုတာဟာ မိမိမဟုတ်တဲ့ တခြားလူအားလုံးကို ဆိုလိုတာဖြစ်တယ်။ မွတ်စလင်ဖြစ်ဖြစ် ၊ ခရစ်ယန်ဖြစ်ဖြစ်၊ ဗုဒ္ဓဘာသာဝင်ဖြစ်ဖြစ် လူဟာလူပဲ။ အဲဒီလူအားလုံးကို ဆိုလိုတယ်။ ဗုဒ္ဓဘာသာကို ပျက်စီးစေချင်တဲ့လူမှ သူယုတ်မာ၊ တခြားဘာသာဝင်တွေကို ပျက်စီးစေချင်တဲ့သူတွေတော့ သူယုတ်မာ အဖြစ်က လွတ်စေလို့ ဘုရားရှင်က သဘောပိုက်တော်မူလိမ့်မယ် မထင်ဘူး။ သူ့သာသနာကို ကာကွယ်ဖို့ ဆိုတဲ့ အကြောင်းပြချက်နဲ့ တခြား ဘာသာဝင်တွေ အသတ်ဖြတ်ခံနေရတာကို ဘုရားရှင်သိရင် ဝမ်းမြောက်တော်မူလိမ့်မယ်လို့ ကျွန်တော်မထင်ဘူး။

အခု ဆရာတော်ဦးဝီရသူ ဘယ်လိုလူလဲဆိုတာ ရဟန်းရှင်လူ ပြည်သူတွေ သေသေချာချာ ချင့်ချိန် စဉ်းစားကြဖို့ သင့်ပါပြီ။ ဂိုဏ်းဂဏ အမြင်တွေခွာ၊ သူ့လူငါ့လူဆိုတဲ့ အစွဲတွေခွာပြီး ဦးဝီရသူ ဘယ်လိုလူဆို တာ စဉ်းစားကြည့်ကြပါ။ သူဟာ သူယုတ်မာလား၊ သူတော်ကောင်းလားဆိုတာ အားလုံးထင်ထင်ရှားရှား တွေးခေါ်နိုင်ကြပါလိမ့်မယ်။

ဦးဝီရသူ မန္တလေးမှာဟောတဲ့ တရားဗီဒီယိုခွေ တခွေကို ထောက်ပြပါရစေ။ မန္တလေးမှာ ၂၀၀၃ ခုနှစ်တုန်းက ဟောခဲ့တဲ့ အခွေလို့ ဗီဒီယို ကလစ် တင်ပေးတဲ့ ဒီမိုဖက်တီးက ရေးထားတဲ့ ကလစ်ကလေးပါ။ အဲဒီအထဲမှာ ဘာပြောထားသလဲဆိုတော့ မန္တလေးမှာ ကုလားတွေ စားစရာမရှိအောင် တပည့်တော် လုပ်ပြမယ်တဲ့။ စားစရာတင်မဟုတ်ဘူး၊ မန္တလေးမှာ ကုလားတွေ နေစရာ မရှိအောင်လည်း တပည့်တော် လုပ်ပြမယ်တဲ့။ ကုလားတွေဟာ ငါတို့ရန်သူဆိုတဲ့ အမုန်းစိတ် ဂိုဏ်းဂဏစိတ်ကလေးကိုခွာပြီး ခင်ဗျားတို့ စဉ်းစားကြည့်ကြ ပါ။ ဒါသူတော်ကောင်းတရားလား၊ ဒါသူတော်ကောင်းစကားလားဆိုတာ....။ သူတပါးကို ပျက်စီးအောင် လုပ်ပြမယ်လို့ ကြိမ်းဝါးတဲ့သူ ကြံစည်တဲ့သူဟာ သူယုတ်မာလား၊ သူတော်ကောင်းလား၊ ခင်ဗျားတို့ အစွဲတွေ ခွာပြီး အလေးအနက်စဉ်းစားကြည့်ကြပါ။ သူပြောနေတဲ့သူဟာ တချို့လူတွေ ရန်သူလို့ သတ်မှတ်ထားကြတဲ့ ကုလားမဟုတ်ဘဲ ခင်ဗျားတို့ မိသားစုသာဖြစ်မယ်ဆိုရင် ခင်ဗျားတို့ ဦးဝီရသူကို ဘယ်လိုထင်ကြမလဲ။ သူတော်ကောင်းလို့ မှတ်ယူနိုင်ကြပါ့မလား။ ဒီကုလားတွေ စီးပွားပျက်ဖို့ ဒီကုလားတွေဆီမှာ ဈေးမဝယ်ဖို့ ဦးဝီရသူဟာ တွင်တွင်ကျယ်ကျယ် ဝါဒဖြန့် ပြောဆိုပါတယ်။ ကုလားမကောင်းတာ၊ ကုလားမုဒိန်းကျင့်တာ၊ တွေကို စုစည်းပြီး ပြသပါတယ်။ အဲသလိုပြပြီး ကုလားမှန်သမျှ အတူတူ၊ မွတ်စလင်မှန်သမျှ အတူတူ၊ မွတ်စလင်မှန်သမျှ တို့ရန်သူဆိုတဲ့ စိတ်ဓါတ်ပွားများလာအောင် မွေးမြူပေးနေပါတယ်။ ယေဘုယျ ပြုပေးနေပါတယ်။ ဒီလိုဟောပြောမှု တွေကြောင့် အသိဥာဏ်နည်း မိုက်မဲတဲ့ တချို့ဗုဒ္ဓဘာသာဝင်တွေရဲ့ ရင်ထဲမှာ အမုန်းတရား ကိန်းဝပ်သွားပါ တယ်။ အဲဒီအမုန်းတရားကြောင့် တုတ်၊ဓါးလက်နက်ကိုင်ပြီး လူသတ်ပါတယ်။ ဦးဝီရသူဟောတဲ့တရားဟာ တုတ်ဓါးလက်နက်ထက် အန္တရာယ်ပိုကြီးပါတယ်။ ဦးဝီရသူ ကျူးလွန်တဲ့ အပြစ်ဟာ တုတ်၊ ဓါးကိုင်သူထက် အပြစ်ပိုကြီးပါတယ်။ မိတ္ထိလာမှာ လူ ၄၃ ယောက်ကို သတ်တဲ့ အဓိက တရားခံဟာ ဦးဝီရသူပါပဲ။ ဦးဝီရသူကို ကျွန်တော့် အနေနဲ့ သံဃာအဖြစ် မသတ်မှတ်တာ ကြာပါပြီ။ ဦးဝီရသူလို လူယုတ်မာကို လူသတ်သမားပြောလို့ ကျွန်တော်ငရဲ မကျနိုင်ဘူးဆိုတဲ့ ယုံကြည်စိတ်နဲ့ အခုလို ပြတ်ပြတ်သားသား ပြောနေတာပါ။ ယုံကြည်မှု အပြည့်ရှိလို့ ဒီစကားကို ဆိုတာပါ။ ကိုယ့်စရဏတရားကိုယ် ကိုယ်ယုံကြည်ပါတယ်။ ကိုယ့်မေတ္တာတရားကိုယ် ကိုယ်ယုံကြည် ပါတယ်။ လူသားအားလုံးအပေါ်မှာထားတဲ့ ကျွန်တော့် မေတ္တာ၊ ကျွန်တော့်စေတနာကို ရိုးရိုးသားသားပဲ ကျွန်တော်ယုံကြည်ပါတယ်။ ဦးဝီရသူလိုလူမျိုးထက် ကျွန်တော့်ကိုယ်ကျင့်တရားက ပိုပြီး မြတ်တယ်လို့ ရိုးရိုးသားသားပဲ ယုံကြည်ပါတယ်။

ကျွန်တော်တို့ ဗုဒ္ဓဘာသာဝင်တချို့ဟာ မသီတာထွေးကို မွတ်စလင်က မုဒိန်းကျင့်တော့ ဒါမွတ်စလင်တွေက မုဒိန်းကျင့်တာပဲ မွတ်စလင်တွေဟာ မုဒိန်းကောင်တွေပဲကွလို့ ယေဘုယျပြုပြီး မွတ်စလင်တွေကို သတ်တာ ကို လက်ခုပ်တီးကြပါတယ်။ ကျွန်တော်တို့ ဗုဒ္ဓဘာသာဝင်တချို့ဟာ ဦးသောဘိတကို မွတ်စလင်တချို့က သတ်တော့ ဒါမွတ်စလင်တွေသတ်တာပဲ မွတ်စလင်အားလုံးအတူတူပဲ၊ မွတ်စလင်တွေကို လက်စားချေရ မယ်လို့ သဘောထားပြီး ကလေးလူကြီးမရှောင် မွတ်စလင် ၄၃ ယောက် (ဒါ အစိုးရစာရင်းပါ၊ ဒီ့ထက်ပိုများမှာ သေချာပါတယ်။) ကို လက်စားချေသတ်ဖြတ်ပါတယ်။ မွတ်စလင်တွေကို ဒီလို ယေဘုယျပြု သတ်ဖြတ်ခဲ့ပေမဲ့ ဦးဝီရသူကို ဗုဒ္ဓဘာသာ အကြမ်းဖက်မှုရဲ့ မျက်နှာလို့ တိုင်းမ် မဂ္ဂဇင်းက ဆိုတော့ ဗုဒ္ဓဘာသာ အားလုံးကို ယေဘုယျပြုပြောဆိုရမလားဆိုပြီး ဆရာတော်ကြီးတချို့ပါမကျန် ဆတ်ဆတ်ခါ နာကျင်ကြပါတယ်။ ဆရာတော်ကြီးများလည်း ဆင်ခြင်တော်မူကြပါဘုရား၊ တကယ်တော့ ဗုဒ္ဓဘာသာတခုလုံးကို အကြမ်းဖက်ဝါဒလို့ တိုင်းမ် မဂ္ဂဇင်းက ဆိုလိုတာ မဟုတ်ပါဘူး။ ဦးဝီရသူဟာ ဗုဒ္ဓဘာသာ အကြမ်းဖက်မှုရဲ့ မျက်နှာလို့ ဆိုတာပါ။ နောက်ဆုံး ဗုဒ္ဓဘာသာကို ဆိုခဲ့ရင်တောင်မှ ဦးဝီရသူလို သူတပါး ပျက်စီးကြောင်း ပြောတဲ့သူကြောင့် ဗုဒ္ဓဘာသာ နာမည်ပျက်ရတယ်ဆိုတာ နှလုံးသွင်းပြီး နောင်ဒီလို မဖြစ်အောင် ဘယ်လို ကာကွယ်မလဲဆိုတာ စဉ်းစားဆင်ခြင်သင့်ပါပြီဘုရား။

ဘာသာရေး၊ လူမျိုးရေး အမုန်းမီးဆိုတာ ပွားရလွယ်ပေမဲ့ ငြှိမ်းသတ်ရခက်တတ်ပါတယ်။ ဘာသာရေး လူမျိုးရေး အမုန်းမီးသာ ကြီးထွားလာပြီ ဆိုရင် တိုင်းပြည်လည်း သိက္ခာကျ၊ ဘာသာလည်း သိက္ခာကျရုံသာ မက၊ အင်မတန် ဆိုးဝါးတဲ့ လူမျိုးရေး ဘာသာရေး အဓိကရုဏ်းကြီးတွေ ပေါ်ထွက်တတ်ပါတယ်။ အခုချိန်ထိ ဗမာပြည်မှာ ရှိတဲ့ မွတ်စလင်တွေထဲမှာ အကြမ်းဖက်သူ၊ အသေခံဗုံးခွဲသူဆိုတဲ့ အစွန်းရောက်သမိုင်း မရှိဘူးသေးပါဘူး။

ဒါပေမဲ့ အကြမ်းဖက်မှု ဆိုတာ စစ်ရဲ့ တစိတ်တဒေသ ဖြစ်ပါတယ်။ စစ်ဆိုတာ နိုင်ငံရေးရဲ့ အဆက်ဖြစ်ပါတယ်။ နိုင်ငံရေးကို နိုင်ငံရေးနည်းနဲ့ မဖြေရှင်းနိုင်တဲ့အခါ စစ်ဆိုတာ နိုင်ငံရေးရဲ့ အဆက်အဖြစ် ပေါ်ထွက်လာတတ်ပါတယ်။ အကြမ်းဖက် တိုက်ခိုက်မှုဆိုတာကတော့ စစ်ရဲ့ အဆက်ပါ။ စစ်ကို စစ်ချင်း ၊ အင်အားကို အင်အားချင်း မယှဉ်သာတဲ့ အချိန်မှာ နိုင်ငံရေးပြဿနာက မပြေလည်သေးရင် ထွက်ပေါ်လာတတ်တဲ့ စစ်ပွဲ ကြီးရဲ့ အဆက်ဖြစ်ပါတယ်။ ချောင်ပိတ် အရိုက်ခံရတဲ့သူတွေဟာ စစ်ကိုစစ်ချင်း၊ အင်အားကို အင်အားချင်း မဖြေရှင်းနိုင်တဲ့အခါ အသေခံပြီး အကြမ်းဖက်ကြတာ ဖြစ်ပါတယ်။ ဗမာပြည်မှာ မွတ်စလင်တွေကို ချောင်ပိတ် ရိုက်ရင် တနေ့မှာ သူတို့ဟာ ဒီနည်းကို သုံးမလာဘူးလို့ ဘယ်သူမှ အာမမခံနိုင်ပါဘူး။ ကိုယ့် အန္တရာယ်ကိုယ် မြင်ကြပါ။ ကိုယ့်သားသမီးမြေးမြစ်ကို ချစ်ခင်ကြပါ။ သူများကို သတ်ချင်ဖြတ်ချင်တာချည်း တွေးရင် မှားပါလိမ့်မယ်။ ကိုယ်ကချည်း သတ်ခွင့်ရလိမ့်မယ်လို့ မထင်ကြပါနဲ့။ ဝဋ်ဆိုတာ လည်တတ်ပါတယ်။ ဘယ်သူမှ တဖက်သတ် ရာသက်ပန် အနိုင်ရရိုးမရှိပါ။ ဒီတိုင်းပြည်မှာ မရှိခဲ့ဖူးတဲ့ အကြမ်းဖက်မှုတွေသာ အစပျိုး ပေါ်ပေါက်လာခဲ့ရင် နောင်လာနောက်သား မျိုးဆက်ပေါင်းများစွာအထိ ဒုက္ခပင်လယ်ဝေကြပါလိမ့်မယ်။ အဲဒီအခြေ၊ အဲဒီအဆင့်ထိရောက်လာရင်၊ ဗုဒ္ဓဘာသာရော၊ မွတ်စလင်ရော ဘာသာနှစ်ခုစလုံး အကြီးအကျယ် ဒုက္ခရောက်ကြပါလိမ့်မယ်။ ဘာသာရေးခေါင်းဆောင်များ၊ နိုင်ငံရေးခေါင်းဆောင်များ အမြှော်အမြင်ရှိရှိ ချင့်ချိ်န်သုံးသပ်ကြဖို့ အချိန်တန် ပါပြီ။ မဲကိုမျှော်ပြီး ခေါင်းရှောင်နေတာတွေကိုလည်း ရပ်တန်းက ရပ်ပြီး သတ္တိရှိရှိ တာဝန်ယူကြဖို့လည်း သင့်ပါပြီ။



တကယ်တော့ ဒါတွေအားလုံးဟာ အစိုးရရဲ့ လက်ချက်တွေချည်းပါပဲ။ ဒါတွေအားလုံးရဲ့ နောက်ကွယ်မှာ အစိုးရက အဓိက လက်သည်ပါ။ အစိုးရလက်ချက်ဖြစ်ကြောင်း အစိုးရ အကြံသာဖြစ်ကြောင်းကို အရင် ဆောင်းပါးတွေထဲမှာ အကြိမ်ကြိမ်အခါခါ ထောက်ပြသုံးသပ်ပြခဲ့ပြီးပြီမို့ ဒီဆောင်းပါးမှာ အကျယ်မပြောတော့ ပါဘူး။ အစိုးရဟာ သူအာဏာတည်မြဲဖို့ ၊ အတိုက်အခံဒီမိုကရေစီ သမားတွေကို သွေးခွဲဖို့၊ ဒီမိုကရေစီ သမားတွေနဲ့ ဗုဒ္ဓဘာသာအကြားမှာ သပ်လျှိုဖို့ ၊ သူတို့ စစ်အာဏာရှင်အင်အားစုတွေကို ဗုဒ္ဓဘာသာတွေ ထောက်ခံလာဖို့ အတွက် ငရဲ မကြောက် ၊ သံသရာ မကြောက်ဘဲ မှောက်မှောက်မှားမှား ဆောင်ရွက်နေတာ သာ ဖြစ်ပါတယ်။

သူတို့သာ ငရဲ မကြောက်တာမဟုတ်ပါဘူး။ ဗုဒ္ဓဘာသာအများအပြားကိုလည်း ငရဲကျအောင် အပြစ် ကျူးလွန်အောင် မြှောက်ပေးဆွပေးနေပါတယ်။ ဒါတွေအားလုံးကို သူတို့အာဏာ ရရေး တခုတည်း အတွက် ဆောင်ရွက်နေတာပါ။ သူတို့ အာဏာရရေး အတွက် ငရဲလည်း မကြောက် ၊ သံသရာလည်း မကြောက်၊ လူ့အသက် လူ့အသွေး များစွာကို စတေးရမှာကိုလည်း မကြောက်ဘဲ ရက်ရက်စက်စက် ယုတ်ယုတ်မာမာ ပြုမူနေတာသာ ဖြစ်ပါတယ်။

စစ်အာဏာရှင်တွေဟာ အာဏာတခုတည်းကို မက်မော၊ မောဟတွေဖုံး၊ အသိဥာဏ် အမိုက်မှောင်ကြီးကျပြီး ငရဲလမ်းစဉ်ကို လိုက်တာဟာ တကယ်တော့ ဒါပထမ အကြိမ် မဟုတ်ပါဘူး။ ပထမအကြိမ်က သံဃာတွေကို သတ်ဖြတ်ခဲ့တဲ့ ၂၀၀၇ ခုနှစ်ပါ။ အခုတကြိမ်က ဒုတိယမ္ပိ ငရဲလမ်းစဉ်ပါ။

ဗုဒ္ဓဘာသာဝင် သူတော်စင်အားလုံး မေတ္တာတရား လက်ကိုင်ထားပြီး ငရဲကို ရှောင်ရှားကြပါစို့။ မွတ်စလင် တွေကို ရင်ဝယ်သားသဖွယ် မေတ္တာပွားများကြပါစို့။ လူမျိုးပေါင်းစုံ၊ ဘာသာပေါင်းစုံ၊ ဒီမိုကရေစီသမား အားလုံး စည်းလုံးညီညွတ်ကြပါစို့။

လူအချင်းချင်း သတ်ဖြတ်ခြင်း၊ ကင်းရှင်းကြပါစေ။

ဇော်ဝင်း

၈၈ ကျောင်းသားဟောင်း

၂၈၊ ဇွန်၊ ၂၀၁၃။


Author Name

Contact Form

Name

Email *

Message *

Powered by Blogger.