07/01/13


မြန်မာနိုင်ငံက ၉၆၉ လို့အမည်ရတဲ့ ဗုဒ္ဓဘာသာအစွန်းရောက်လှုပ်ရှားမှုဟာ အောက်ခြေလူတန်းစား
ရဲ့ ယုံကြည်မှုဖြစ်တယ်လို့ ဆိုပါတယ်။

ဒီလှုပ်ရှားမှုရဲ့ ထင်ရှားတဲ့ ခေါင်းဆောင်ဖြစ်သူ ဦးဝီရသူဟာ စစ်အစိုးရလက်ထက်က မွတ်စလင် ဆန့်ကျင်ရေးအကြမ်းဖက်မှုကြောင့် ထောင်ဒဏ်အပြစ်ပေးခံရသူဖြစ်ပြီး သူ့ကိုယ်သူ “ဗမာဘင်လာဒင်”လို့ ခေါ်ဝေါ်ခဲ့သူလည်း ဖြစ်တယ်။

ဒါပေမယ့် ၉၆၉ ရဲ့ ဇာစ်မြစ်ကို စူးစမ်းလေ့လာတဲ့လိုက်တဲ့အခါ ယနေ့ပြုပြင်ပြောင်းလဲရေး အစိုးရက တိုက်ရိုက်ဆက်ခံခဲ့တဲ့ ယခင်အာဏာရှင်လက်ထက်မှာ တရားဝင်ဖြစ်ခဲ့တာပါ။ NLD ပါတီဝင် အချို့အပါအ၀င် ဘုန်းကြီးတွေနဲ့ တည်ထောင်ထားတဲ့ ၉၆၉ လှုပ်ရှားမှုဟာ အခုတော့ အစိုးရထိပ်တန်း အာဏာပိုင်တွေရဲ့ ထောက်ခံမှုနဲ့ ပျော်မွေ့နေပါတော့တယ်။

ဗုဒ္ဓဘာသာဝင်တွေကို မွတ်စလင်ဆိုင်မှာ ဈေးမ၀ယ်ဖို့ ၊ မွတ်စလင်နဲ့ လက်မထပ်ဖို့ ဦးဝီရသူက တိုက်တွန်းပါတယ်။ ဗလီကျောင်းတွေကိုလည်း သူက “ရန်သူ့တပ်စခန်း”လို့ ခေါ်ဝေါ်သုံးစွဲပါတယ်။

သူ့အား ထောက်ခံသူများတွင် မြန်မာသာသနာရေးဝန်ကြီးလည်း အပါအ၀င်ဖြစ်သည်။

“ဦးဝီရသူရဲ့ တရားတွေက ဘာသာတရားတွေအကြား နားလည်မှုနဲ့ ချစ်ကြည်မှု တိုးမြှင့်ရေးအကြောင်းတွေပါပဲ”လို့ သာသနာရေးဝန်ကြီး ဦးဆန်းဆင့်က သူ့ရဲ့ပထမဆုံးနိုင်ငံတကာမီဒီယာနဲ့ အင်တာဗျူးမှာ ရိုက်တာသတင်းဌာနကို ပြောကြားလိုက်ပါတယ်။

“ဦးဝီရသူဟာ ဘာသာရေးအကြမ်းဖက်မှု လှုံ့ဆော်တယ်ဆိုတာ ဘယ်လိုမှ မဖြစ်နိုင်ပါဘူး”လို့ ၀န်ကြီးက ဆိုပါတယ်။

ယခင် မြန်မာ့တပ်မတော် ဗိုလ်ချုပ်ကြီးဟောင်းတစ်ဦးဖြစ်သူ ဦးဆန်းဆင့်က ၉၆၉ ဦးဆောင်တဲ့ မွတ်စလင်စီးပွားရေး ဆန့်ကျင်မှုကို ဘာမှ မမှားသလို ရှုမြင်ပါတယ်။ “ကျွန်တော်တို့ အခု ဈေးကွက်စီးပွားရေးစနစ်ကို ကျင့်သုံးနေပါတယ်၊ ဒါကို ဘယ်သူမှ ရပ်တန့်လို့မရပါဘူး၊ ဒါဟာ စားသုံးသူရဲ့ သဘောဆန္ဒပဲလေ”

သမ္မတဦးသိန်းစိန်ကလည်း ၉၆၉ နှင့်ပတ်သက်တဲ့ အမြင်ကို အချက်ပြပေးလိုက်ပါပြီ။ သမ္မတရုံးက ဒီအပေါ်မှာ မှတ်ချက်ပေးဖို့ ငြင်းဆန်ခဲ့ပေမယ့် ဒီလှုပ်ရှားမှုအပေါ်မှာ အငြင်းပွားမှုတွေ ကြီးထွားလာတဲ့အတွက် သမ္မတရုံးရဲ့ ထုတ်ပြန်တဲ့ ကြေညာချက်မှာ “၉၆၉”ဟာ ငြိမ်းချမ်းရေး သင်္ကေတ ဖြစ်ပြီး၊ ဦးဝီရသူဟာ “ဗုဒ္ဓဘုရားရှင်ရဲ့ သားတော်တစ်ပါးသာ”ဖြစ်တယ်လို့ တုန့်ပြန်ပါတယ်။

မြန်မာနိုင်ငံအနှံ့ဖြစ်ပွားခဲ့တဲ့ လူမျိုးစုအကြမ်းဖက်မှုတွေမှာ ၀ီရသူနဲ့ အခြားဘုန်းကြီးတွေ နီးနီးကပ်ကပ် ပါဝင်ပတ်သက်နေသတဲ့။ မွတ်ဆလင်ဆန့်ကျင်ရေးတွေဟာ တိုင်းပြည်ကို ရာစုနှစ်ဝက်နီးပါး ချုပ်ကိုင်ခဲ့တဲ့ အာဏာရှင်တွေရဲ့လက်ထက်မှာကတည်းက တအုံနွေးနွေးဖြစ်ခဲ့တာပါ။ ဒါပေမယ့် အခု အရပ်သားတစ်ပိုင်းအစိုးရလက်ထက်မှာမှ ဆိုးဆိုးဝါးဝါး တိုက်ခိုက်မှုတွေ ဖြစ်ပေါ်လာခဲ့ပါတယ်။

ပြီးခဲ့တဲ့နှစ်က ရခိုင်ပြည်နယ်မှာ နှစ်ကြိမ်တိုင်တိုင် ဖြစ်ခဲ့တဲ့ အကြမ်းဖက်မှုမှာတော့ အနည်းဆုံး လူပေါင်း ၁၉၂ ယောက်သေဆုံးပြီး လူပေါင်း ၁၄၀၀၀၀ ကျော် အိုးမဲ့အိမ်မဲ့ဖြစ်ခဲ့ရတယ်။ အများစုဟာ နိုင်ငံမဲ့ ရိုဟင်ဂျာတွေပဲ။ ရိုက်တာသတင်းဌာနရဲ့ စုံစမ်းစစ်ဆေးမှုမှာ တွေ့ရှိရတာကတော့ ပြီးခဲ့တဲ့ အောက်တိုဘာလက မွတ်စလင်တွေကို တိုက်ခဲ့တဲ့နေရာမှာ ဗုဒ္ဓဘာသာဘုန်းတော်ကြီးများရဲ့ မြှောက်ပင့်လှုံ့ဆော်မှုနဲ့ ရခိုင်အမျိုးသားရေးဝါဒီများက ဦးဆောင်ခဲ့တာဖြစ်ပြီး လုံထိန်းတပ်ဖွဲ့ဝင်တွေရဲ့ အားပေးကူညီမှုများလည်း ပါဝင်နေတယ်လို့ဆိုပါတယ်။

ဒီနှစ် မတ်လမှာထပ်ဖြစ်ခဲ့တဲ့ မိတ္ထီလာပဋိပက္ခမှာတော့ သေဆုံးသူ အနည်းဆုံး ၄၄ ဦးရှိပြီး အိုးမဲ့အိမ်မဲ့ဖြစ်သူ ၁၃၀၀၀ ကျော်ရှိကာ အများစုမှာ မွတ်စလင်တွေဖြစ်ပါတယ်။

ဧပြီလမှာလည်း ဘုန်းကြီးဦးဆောင်တဲ့ ဗုဒ္ဓဘာသာဝင်အုပ်စုကြီးရဲ့ သောင်းကျန်းမှုကြောင့် သတ်ဖြတ်မှုတွေဖြစ်ခဲ့တာကိုလည်း ရိုက်တာသတင်းဌာနက မှတ်တမ်းတင်ထားပါတယ်။

မေလမှာတော့ မြန်မာပြည်မြောက်ပိုင်း လာရှိုးမြို့မှာ ဗုဒ္ဓဘာသာလူအုပ်ကြီး မွတ်စလင်ပိုင်အိမ်တွေကို မီးရှို့ အကြမ်းဖက်ခဲ့ကြတယ်။ အုံကြွမှုများ နိုင်ငံတ၀ှမ်း ပြန့်နှံ့ချိန်မှစပြီး အစီရင်ခံစာတွေ ပေါ်ထွက်ခဲ့ပါတယ်။

“၉၆၉”ဂဏန်းဟာ ရတနာသုံးပါးကို ကိုယ်စားပြုထားတာပါလို့လည်း ဆိုရဲ့၊ အခြေတည်စ မြန်မာ့ပြုပြင်ပြောင်းလဲရေးကို ပျက်စီးစေမယ့် မွတ်စလင်ဆန့်ကျင်ရေး ပဋိပက္ခတွေမှာ စိတ်ဓာတ်ရေးရာ အားပေးအားမြှောက် အကာအကွယ်ပြုပေးနေကြတာကိုလည်း တွေ့ရပြန်တယ်။ ၉၆၉ ဆရာတော်တွေထဲမှာ နောက်ထပ်ထင်ရှားတာကတော့ ၀ိမလဘိဝံသဖြစ်တယ်။ သူက မွတ်စလင်တွေကို အကာအကွယ်မဲ့ အိမ်ထဲဝင်လာပြီး အိမ်သားတွေကို အလစ်သုတ်သွားတဲ့ ကျားသတ္တ၀ါနဲ့ နှိုင်းယှဉ်ပြောပါတယ်။

“စည်းမရှိ ကမ်းမရှိရင် ဒို့ဘာသာနဲ့ ဒို့သာသနာ ကွယ်ပျောက်သွားလိမ့်မယ်၊ အခန့်မသင့်ရင် တိုင်းပြည်တောင်မှ ပျောက်သွားနိုင်တယ်”လို့ မကြာသေးခင်က ပြုလုပ်တဲ့ တရားပွဲမှာ ဆရာတော်က တရားရေအေး တိုက်ကျွေးခဲ့တာပါ။

တရားဝင်အနေနဲ့တော့ မြန်မာနိုင်ငံဟာ နိုင်ငံတော်သာသနာမရှိပါဘူး။ ဒါပေမယ့် အုပ်ချုပ်သူလူတန်းစားတွေကတော့ ဗုဒ္ဓဘာသာကိုပဲ ဦးစားပေးခဲ့ပါတယ်။ မွတ်စလင်တွေဟာ လူဦးရေရဲ့ ၄ ရာခိုင်နှုန်းခန့်ပဲ ရှိပါမယ်။ တိုင်းပြည်လူဦးရေ သန်း ၆၀ ရဲ့ ၉၀ ရာခိုင်နှုန်းလောက်က ဗုဒ္ဓဘာသာကို ကိုးကွယ်ကြပြီး စစ်အစိုးရလက်ထပ်ကတည်းက သာသနာရေးဝန်ကြီးဌာနကိုလည်း သီးသန့်ဖွဲ့စည်းပြီး အထူးအားပေးခဲ့ပါတယ်။

အသုံးချဖို့ လွယ်ကူဆုံး
________________
မြန်မာနိုင်ငံရဲ့ နိုင်ငံရေးမှာ ရဟန်းသံဃာတွေဟာ ရှုပ်ထွေးစွာ ပါဝင်လှုပ်ရှားကြပါတယ်။ ၂၀၀၇ ခုနှစ်မှာ စစ်အုပ်ချုပ်ရေးကို ဆန့်ကျင်တဲ့ ဒီမိုကရေစီကိုထောက်ခံတဲ့ “ရွှေဝါရောင်တော်လှန်ရေး” မှာလည်း ဘုန်းကြီးများက အဓိကနေရာက ပါဝင်ခဲ့ကြတယ်။ အဲဒီမှာတုန်းက လက်ရှိသမ္မတ ဦးသိန်းစိန်နဲ့ သူ့ရဲ့အစိုးရအရာရှိကြီးတွေက ရဟန်းသံဃာတွေကို နှိပ်ကွပ်ခဲ့ကြတယ်။ အခုတော့ ဦးသိန်းစိန်က ပြုပြင်ပြောင်းလဲရေးအစီစဉ်တွေနဲ့ လွတ်လပ်စွာဟောပြောခွင့်၊ စုရုံခွင့်တွေ ဖွင့်ပေးသလို တိုင်းပြည်ရဲ့ လူ့စွမ်းအားအရင်းအမြစ် ၅ သိန်းပမာဏရှိတဲ့ သံဃာထုကိုလည်း လွတ်လပ်မှုပေးခဲ့တဲ့ အတွက် “၉၆၉”၀ါဒအပါအ၀င် ဗုဒ္ဓဘာသာတရားများကို လှည့်လည်ဟောပြောခွင့်ရခဲ့ကြပါတယ်။

မြန်မာ့ဒီမိုကရေစီအသွင်းပြောင်းကာလမှာ ၂၀၁၅ အထွေထွေရွေးကောက်ပွဲအတွက် နိုင်ငံရေးအင်အားစုတစ်ရပ်အနေနဲ့ သံဃာတွေ ပေါ်ထွက်လာပါပြီ။ သူတို့ရဲ့ စွမ်းဆောင်ရည်နဲ့ လျှို့ဝှက်အကြံ အစည်တစ်ခုကို အကောင်အထည်ဖော်ဖို့ ပေါ်ထွက်လာပါတယ်။ ၉၆၉ လှုပ်ရှားမှုဟာ အာဏာရှင်ဟောင်းများထဲက သဘောထားတင်းမားသူတွေက ထိန်းချုပ်ထားပြီး သူတို့တွေဟာ ပြုပြင်ပြောင်းလဲရေးကို လမ်းချော်စေသလို ဒေါ်အောင်ဆန်းစုကြည်ရဲ့ NLD ပါတီဟာ ရွေးကောက်ပွဲမှာ မဲအပြတ်အသတ်မနိုင်စေဖို့ ဖျက်ဆီးနေကြသူတွေလည်းဖြစ်တယ်။

ဒီယုံကြည်မှုကို ထောက်ခံဖို့ သက်သေတော့ မရှိသေးပါဘူး။ ဒါပေမယ့် အစိုးရပိုင်ထဲကတချို့ရဲ့ ပြောကြားချက်အရတော့ ဒါဟာ ဖြစ်နိုင်ချေရှိပါတယ်တဲ့။

“တစ်ချို့ လူတွေဟာ ပြုပြင်ပြောင်းလဲဖို့ အလွန်စိတ်အားထက်သန်သလောက် တစ်ချို့ကျတော့လည်း မပြောင်းလဲချင်ဘူး” လို့ ဦးသိန်းစိန်ရဲ့ အနီးကပ်အကြံပေးတစ်ယောက်ဖြစ်တဲ့ ဦးစိုးသိန်းက ရိုက်တာကို ပြောပါတယ်။ “ဒါကြောင့် လူမျိုးရေးပဋိပက္ခတွေကိုကြည့်မယ်ဆိုရင် တစ်ချို့ ပြုပြင်ပြောင်းလဲရေးကို ဆန့်ကျင်တဲ့ သူတွေ အဲဒီဘက်မှာ ရှိနိုင်ပါတယ်” လို့ သူက ဆိုပါတယ်။

တကယ်တမ်း သဘောထားတင်းမာတဲ့ အာဏာပိုင်တွေက ထိန်းချုပ်တာမဟုတ်ဘူးဆိုရင်တောင် အောက်ခြေလူတန်းစာမှာရေ အထက်တန်းလွှာထဲမှာပါ လှုပ်ရှားမှုကို ကျယ်ကျယ်ပြန့်ပြန့် ထောက်ခံကြမှာပါ။

၉၆၉ ဘုန်းကြီးတစ်ပါးဖြစ်တဲ့ ၀ိမလဘိဝံသကတော့ “ဦးဇင်းတို့ကို ကိုယ့်ဘာသာ၊ ကိုယ့်လူမျိုးကို ကာကွယ်ဖို့ ဟောပြောခွင့်ပေးတဲ့အတွက် အာဏာပိုင်တွေက ဦးဇင်းတို့ကို ထောက်ခံနေတယ်လို့ပဲ ယူဆပါတယ်”လို့ ဆိုပါတယ်။

ဒါကို ဗမာမွတ်စလင်အသင်း ရန်ကုန်တာဝန်ခံကလည်း သဘောတူပါတယ်။

“မွတ်စလင်ဆန့်ကျင်ရေးလှုပ်ရှားမှုတွေ ကြီးထွားလာပြီး အစိုးရက ရပ်တန့်အောင် မလုပ်နိုင်ဘူး”လို့ မွတ်စလင်ဆရာတစ်ဦးဖြစ်တဲ့ ဦးမျိုးဝင်းက ဆိုပါတယ်။ သူက ၉၆၉ ကို အမေရိကန်နိုင်ငံက အစွန်းရောက်အဖွဲ့ဖြစ်တဲ့ ကေသုံးလုံးအဖွဲ့(Ku Klux Klan)နဲ့ နှိုင်းယှဉ်ပြီး ပြောပါတယ်။

သာသနာရေးဝန်ကြီး ဦးဆန်းဆင့်ကတော့ ဒီလှုပ်ရှားမှုကို အစိုးရကျောထောက်နောက်ခံပြု မထားပါဘူးလို့ ဆိုပေမယ့် ၀ီရသူနဲ့ အခြားဘုန်းကြီးရဲ့ အယူအ၀ါဒကိုတော့ ကာကွယ်သွားပါတယ်။

“သူတို့တွေဟာ ပြဿနာတွေဖြစ်အောင် ဟောပြောလိမ့်မယ်လို့ မထင်ပါဘူး”လို့ ၀န်ကြီးဆိုတယ်။ ဒေသခံ အာဏာပိုင်များကလည်း အလားတူ ဒီလှုပ်ရှားမှုကို ထောက်ပံ့ပေးနေပါတယ်။

အသောကကျောက်စာတိုင်နဲ့ ဓမ္မစကြာပုံနောက်ခံထားပြီး ၉၆၉ လို့ ရေးထိုးထားတဲ့ တံဆိပ်ကို ဆိုင်တွေ၊ အိမ်တွေ၊ တက္ကစီတွေနဲ့ ရွှေတိဂုံဘုရားက အမှတ်တရပစ္စည်းအရောင်းဆိုင်တွေမှာ ကပ်ထားကြပါတယ်။ ဒါတွေဟာ မငြိမ်သက်တဲ့ဒေသတွေမှာ မြင်တွေ့နေကြဖြစ်နေပါပြီ။

တချို့အာဏာပိုင်တွေက ဒီသင်္ကေတကို ကြည်ညိုကြပါတယ်။ ဒီနှစ် ဧပြီလအတွင်းမှာပဲ ပဲခူးတရားရုံးမှာ ပဋိပက္ခကာလအတွင်း ကွမ်းယာဆိုင်က ၉၆၉ စတေကာခွာတဲ့အမှုနဲ့ မွတ်စလင်တစ်ဦးကို ထောင်ဒဏ် ၂ နှစ်အမိန့်ချလိုက်ပါတယ်။ သူ့ကို ဗြိတိသျှကိုလိုနီခေတ်ကတည်းက ပြဋ္ဌာန်းခဲ့တဲ့ ရာဇသတ်ကြီးဥပဒေထဲက “ဘာသာသာသနာ ညှိုးနွမ်းစေမှု”နဲ့ အရေးယူခဲ့တာပါ။

အစိုးရတစ်ပိုင်းက အစပြုလို့
____________________
၉၆၉ အယူအဆရဲ့ မူလဇစ်မြစ်ကို ပြန်ပြောင်းကြည့်မယ်ဆိုရင် ဒီလှုပ်ရှားမှုဟာ အစိုးရနဲ့ ချိတ်ဆက်နေတယ်ဆိုတာ တွေ့ရမှာပါ။ ဦးဝိမလ၊ ဦးဝီရသူနဲ့ တခြား ၉၆၉ တရားဟောတဲ့သူတိုင်းက ညွှန်းလေ့ရှိတာကတော့ ဒီအယူအဆကို ဘုန်းကြီးလူထွက် ယခင်အစိုးရအရာရှိဟောင်းနဲ့ အရေးသွက်သော စာရေးဆရာတစ်ဦးဖြစ်သူ ဦးကျော်လွင်(နှစ်ဖက်လှ)က တီထွင်ခဲ့တယ်ဆိုတာပါပဲ။ အခုတော့ သူ့ကို ဘာသာရေးအ၀န်းအ၀ိုင်းရဲ့ အပြင်ဘက်မှာ မေ့ထားကြပါပြီ။

၁၉၈၈ ခုနှစ် ဒီမိုကရေစီလှုပ်ရှားမှုကို အကြမ်းဖက်နှိပ်ကွပ်ပြီးနောက်မှာ ဗုဒ္ဓဘာသာကို ချီးမြှင့်မြှောက်စားဖို့ အာဏာရှင်အစိုးရဟာ ဦးကျော်လွင်ကို ရွေးချယ်ခဲ့ပါတယ်။ အရေးတော်ပုံမှာ စစ်တပ်က ဘုန်းကြီးတွေအပါအ၀င် လက်နက်မဲ့ ဆန္ဒပြသူတွေကို ပစ်ခတ်ခဲ့လို့ ထောင်ပေါင်းများစွာ သေကြေဒဏ်ရာရခဲ့တဲ့ပါတယ်။ ဒါကြောင့် နောက်ပိုင်းမှာ ဘုန်းကြီးတွေက စစ်တပ်မိသားစုတွေရဲ့ ဆွမ်းကပ်တာကို လက်မခံဘဲ ပတ္တနိက္ကုဇနကံဆောင်ပါတယ်။

အဲဒီနောက်မှာတော့ စစ်အစိုးရဟာ ထကြွသောင်းကျန်းလိုတဲ့ ဘုန်းကြီးတွေကို ယဉ်ပါးလာစေဖို့နဲ့ သူတို့ရဲ့ ဂုဏ်သိက္ခာကို ပြန်လည်ပြုပြင်ဖာထေးဖို့ ဗုဒ္ဓဘာသာကို ရွေးကောက်လိုက်ပါတယ်။ ဘုန်းကြီးတွေကို မှတ်ပုံတင်ပေးပြီး သူတို့ရဲ့ လှုပ်ရှားမှုကို ကန့်သတ်လိုက်ပါတယ်။ အစိုးရပိုင်မီဒီယာတွေကနေလည်း တစ်နေ့တစ်နေ့ ဗိုလ်ချုပ်ကြီးတွေရဲ့ အလှူဒါနတွေ ဆွမ်းကပ်တာတွေကိုပဲ အဆက်မပြတ် ဖော်ပြပါတော့တယ်။

၁၉၉၁ ခုနှစ်မှာ သာသနာရောင်ဝါထွန်းလင်း ပြန့်ပွားရေးဌာနကို သာသနာရေးဝန်ကြီးဌာန လက်အောက်မှာ စစ်အာဏာရှင်တို့က ထူထောင်လိုက်ပြီး ဦးကျော်လွင်ကို အကြီးအကဲခန့် လိုက်ပါတယ်။

အဲဒီနောက်မှာတော့ “သာထွန်းပြန့်”ကနေ ဦးကျော်လွင်ရေးတဲ့ “ဗုဒ္ဓဘာသာဝင်ကောင်း တစ်ယောက်အဖြစ် ရှင်သန်ခြင်း” စာအုပ်ကို ထုတ်ဝေပါတယ်။ အဲဒီစာအုပ်ကို ၂၀၀၀ ပြည့်နှစ် လောက်မှာ “အကောင်းဆုံး ဗုဒ္ဓ၀ါဒီ”ဆိုတဲ့ နာမည်နဲ့ ပြန်လည်ထုတ်ဝေရာမှာတော့ မျက်နှာဖုံးမှာ ၉၆၉ လိုဂိုကို အစောဆုံး စတင်သုံးစွဲခဲ့တာပဲဖြစ်ပါတယ်။

၁၉၉၂ ခုနှစ်မှာ ဦးကျော်လွင် ရာထူးပြုတ်ပါတယ်။ သူ့နေရာမှာ စစ်အရာရှိဟောင်း ခိုင်အောင်ကို ခန့်အပ်ခဲ့တယ်။

ဦးကျော်လွင်ရဲ့ ကျန်ရစ်သူ ဇနီးနဲ့သားကတော့ အခုလက်ရှိ ရန်ကုန်မြို့မှာ ဇိမ်ရှိရှိနေထိုင်ပါတယ်။ သူတို့ရဲ့ အိမ်ခန်းထဲမှာတော့ ဦးကျော်လွင်ရဲ့ စာအုပ်စင်တွေနဲ့ ပြည့်နေပါတယ်။ ဘုန်းကြီးဝတ်ထားတဲ့ ဓါတ်ပုံတွေနဲ့ ကမ္မဋ္ဌာန်းပြနေတဲ့ ဓါတ်ပုံတွေလည်း ချိတ်ဆွဲထားပါတယ်။

တစ်နေရာမှာတော့ မြန်မာပြည်မှာ အကြောက်ရဆုံးပုဂ္ဂိုလ်တွေထဲက တစ်ယောက်ဖြစ်တဲ့ ထောက်လှမ်းရေးချုပ်ဟောင်း ဗိုလ်ချုပ်ကြီးခင်ညွန့်နဲ့ ရယ်မောနေတဲ့ပုံကိုလည်း ပြသထားပါတယ်။ ဦးကျော်လွင်ဟာ တခြား အာဏာရှင်ခေါင်းဆောင်တွေနဲ့လည်း ဖက်လည်းတကင်းရှိပါတယ်လို့ သူ့သားဖြစ်သူ အသက် ၃၈ နှစ်အရွယ်ရှိ အောင်လွင်ထွန်းက ဆိုပါတယ်။ ကွယ်လွန်သူ ဦးစောမောင်ရဲ့ လမ်းညွှန်ချက်နဲ့ ဦးကျော်လွင်ဟာ “အကောင်းဆုံး ဗုဒ္ဓ၀ါဒီ”စာအုပ်ကို ရေးသားခဲ့ပါတယ်။ သူဟာ အာဏာရှင်ဟောင်း ဦးသန်းရွှေနဲ့လည်း ဘာသာရေးဆွေးနွေးမှုတွေ လုပ်ဖို့ မကြာခဏဆိုသလို တွေ့ဆုံလေ့ရှိပါတယ်။

“အကောင်းဆုံး ဗုဒ္ဓ၀ါဒီ”စာအုပ်ဟာ တရားဝင်ပုံနှိပ်ခွင့်မရှိပေမယ့် အောင်လွင်ထွန်းက ပြန်လည်ထုတ်ဝေဖို့ အစီအစဉ်ရှိတယ်လို့ဆိုပါတယ်။ “လူတော်တော်များများက ဒီစာအုပ်ကို တောင်းဆိုနေကြတယ်”လို့ သူကဆိုပါတယ်။ သူဟာ ဒီနေ့ မွတ်စလင်ဆန့်ကျင်ရေး ၉၆၉ လှုပ်ရှားမှုကိုလည်း ထောက်ခံပါတယ်။ “ဒါဟာ ကျွန်တော်တို့ သာသနာကို ကာကွယ်ဖို့ ခြံစည်းရိုးခတ်တာပါပဲ ”လို့ သူကဆိုတယ်။

ဦးကျော်လွင်ရဲ့ ကျန်ရစ်သူဇနီးကလည်း ၉၆၉ ကို ထောက်ခံပါတယ်။ မွတ်စလင်ကို လက်ထပ်တဲ့ ဗုဒ္ဓဘာသာဝင်တွေဟာ သူတို့မင်္ဂလာဆောင်မှာ ဗုဒ္ဓရဲ့ ရုပ်ပုံကို အတင်းတက်နင်းခိုင်းခံ ရပါတယ်။ ရှီအိုက်တွေရဲ့ သားကောင်သတ်ဖြတ်လေ့ရှိတဲ့ ဓလေ့ထုံတမ်းက သူတို့ လူသားတွေကိုလည်း အလွယ်တကူ သတ်ဖြတ်လာနိုင်ပါတယ်လို့ သူမက ဆိုပါတယ်။

ဦးကျော်လွင် သာထွန်းပြန့်မှာ တာဝန်ထမ်းဆောင်စဉ်အချိန်က တွေ့ဆုံခဲ့တဲ့ ဘုန်းကြီးတွေထဲမှာ ၀ိစိတ္တဘိဝံသလည်း ပါဝင်ပါတယ်။ ဒီဘုန်းကြီးကို မန္တလေးတိုင်း ကျောက်ဆည်မြို့ကနေ လှမ်းခေါ် လိုက်တာဖြစ်ပြီး အခုအချိန်မှာတော့ ၉၆၉ ရဲ့ ဦးဆောင်သွေးကြွစေသူတွေထဲမှာ ဦးဝီရသူအဖြစ် လူသိများထင်ရှားလာပါတော့တယ်။

ဝီရသူနဲ့ ဦးကျော်လွင်တို့ ၁၉၉၂ ခုနှစ်မှာ တွေ့ဆုံပြီးကတည်းက အဆက်အသွယ်မပြတ်ကြ ပါဘူးလို့ သားဖြစ်သူ အောင်လွင်ထွန်းက ဆိုပါတယ်။ သူက သူ့အဖေဟာ ၀ီရသူရဲ့ တရားတွေကို အထင်ကြီး လေးစားမှုရှိမယ်လို့ဆိုပါတယ်။

“ဦးဇင်းက တခြားဘယ်သူမှမလုပ်တဲ့ သာသနာတိုးတက်ရေးနဲ့ ကာကွယ်ရေးကို လုပ်နေတာပါ” လို့ ပြောပါတယ်။

၂၀၀၁ ခုနှစ်မှာတော့ ဦးကျော်လွင်ဟာ အသက် ၇၀ အရွယ်နဲ့ သေဆုံးခဲ့ပါတယ်။ အဲဒီနှစ်ထဲမှာပဲ ၀ီရသူကလည်း ၉၆၉ ကို စတင်ဟောကြားလာပါတော့တယ်။ အမေရိကန်ရဲ့ အစီရင်ခံစာမှာလည်း မြန်မာနိုင်ငံမှာ မွတ်စလင်ဆန့်ကျင်ရေးအကြမ်းဖက်မှုတွေ လုံးလုံးလျားလျား တိုးပွားမယ်လို့ ဖော်ပြပါတယ်။ မွတ်စလင်ဆန့်ကျင်ရေးခံစားချက်တွေကို ၂၀၀၁ ခုနှစ် မတ်လမှာ အာဖဂန်နိုင်ငံ ဘာမီယံက ဗုဒ္ဓရုပ်ပွားတော်တွေကို တာလီဘန်တွေ ဖျက်ဆီးပစ်လိုက်တဲ့အချက်နဲ့ ၂၀၀၁ ခုနှစ် စက်တင်ဘာလမှာ အမေရိကန်ကို အယ်ကိုင်ဒါတွေ တိုက်ခိုက်လိုက်တဲ့အချက်တွေက မီးလောင်ရာ လေပင့်ပေး လိုက်ပါတယ်။

၉၆၉ နှင့် ၇၈၆
___________
၂၀၁၁ မှာ ၀ီရသူဟာ လွတ်ငြိမ်းချမ်းသာခွင့်နဲ့ ပြန်လွတ်လာပြီးတဲ့နောက် ကိုယ့်ကိုယ်ကို ၉၆၉ စစ်သွေးကြွအဖွဲ့ရဲ့ “ဗမာဘင်လာဒင်”လို့ မှတ်ယူပြီး မြန်မာပြည်ရဲ့ ပထမဆုံး ဗုဒ္ဓဘာသာထွန်းကားရာ မွန်ပြည်နယ်က ဘုန်းကြီးတွေရဲ့ အင်အားကို ရယူခဲ့ပါတယ်။ ပြီးခဲ့တဲ့နှစ် အကြမ်းဖက်မှုတွေစဖြစ် ကတည်းက သူတို့ရဲ့အဖွဲ့ကို နိုင်ငံလုံးအတိုင်းအတာနဲ့ ကွန်ရက်ချိတ်ဆက် ဖွဲ့စည်းထားခဲ့ပါတယ်။ ပြီးခဲ့တဲ့နှစ်ကတည်းက မော်လမြိုင်က မွတ်စလင်ပိုင် ကားလိုင်းကို စတင်သပိတ်မှောက်ခဲ့တယ်။ သူတို့ရဲ့ပန်းတိုင်က တစ်နိုင်ငံလုံးအတိုင်းအတာနဲ့ ဖြန့်ကျက်ပြီး သပိတ်မှောက်သွားဖို့ပဲ။

၁၉၄၈ ခုနှစ် ဗြိတိသျှထံကနေ လွတ်လပ်ရေးရပြီးချိန်မှာ မွတ်စလင်တွေဟာ ထိပ်တန်းအစိုးရရာထူး တွေရရှိခဲ့ပါတယ်။ ၁၉၆၂ ခုနှစ် စစ်တပ်အာဏာသိမ်းပြီးတဲ့နောက်မှာတော့ မွတ်စလင်ဝန်ထမ်းတွေကို အသစ်ခန့်တာ၊ ရာထူးတိုးတာတွေမှာ ပိတ်ပင်ကန့်သတ်လိုက်ပါတယ်။ စစ်အာဏာရှင်တွေက မွတ်စလင်တွေဟာ စီးပွားရေးလွှမ်းမိုးလာရင် သူတို့ရဲ့ချမ်းသာကြွယ်ဝမှုနဲ့ ဗလီဆောက်မယ်၊ ဗုဒ္ဓဘာသာအမျိုးသမီးတွေကို ငွေနဲ့သိမ်းပိုက်မယ်၊ ပြီးရင် အစ္စလာမ်ဘာသာကို ဖြန့်ချိမယ်လို့ လူသိရှင်ကြား ၀ါဒဖြန့်ထားခဲ့ပါတယ်။

လက်ရှိ မွတ်စလင်စီးပွားရေးတွေကို ကန့်ကွက်တာတွေအားလုံးဟာ တရားမျှတပါတယ်လို့ အသက် ၃၁ နှစ်အရွယ် ၉၆၉ ကိုးကွယ်ဆည်းကပ်သူ ရှေ့နေ ဇာနည်ဝင်းထွန်းက ဆိုပါတယ်။ “မွတ်စလင်တွေက ဗုဒ္ဓဘာသာဝင်တွေရဲ့ စီးပွားရေးကို ပိတ်ပင်လာတာကြာပြီ၊ ကျမတို့က စပြီး သပိတ်မှောက်တာ မဟုတ်ဘူး၊ ကျမတို့က သူတို့နည်းအတိုင်း လိုက်လုပ်တာပဲ” လို့ ဆိုတယ်။

ဘာကြောင့် ဗုဒ္ဓဘာသာဝင်အချို့က ဒီလိုယုံကြည်နေရတာလဲဆိုတာ အလွယ်တကူနားလည်နိုင်ပါတယ်။ အဲဒါက ဘာလဲဆိုတော့ မွတ်စလင်ဓလေ့ထုံးစံနဲ့ ဘာသာရေးအရ အစားအသောက်နဲ့ပတ်သက်လာရင် ဗုဒ္ဓဘာသာဝင်ဆိုင်က မ၀ယ်ဖို့ တားမြစ်ထားပါတယ်။ အလားတူပဲ မွတ်စလင်တွေဟာ အသေးစားနဲ့ အလတ်စား စီးပွားရေးလုပ်ငန်းတွေကို ပိုင်ဆိုင်ကြပါတယ်။ လက်ရှိ ရန်ကုန်မြို့မှာ အောင်မြင်ကျော်ကြားနေတဲ့ မွတ်စလင်ပိုင် ဆောက်လုပ်ရေးလုပ်ငန်းအချို့ကတော့ နိုင်ဂရုပ်၊ မားသားလန်း ဖားသားလန်းတို့ဖြစ်ပြီး အဆောက်အအုံတိုးတက်ပြောင်းလဲရေးခေတ်နဲ့ အတွေ့အကြုံရှိသူတွေလည်းဖြစ်ပါတယ်။

ဒါပေမယ့် ဒေါ်လာသန်းပေါင်းများစွာပါဝင်ပတ်သက်နေတဲ့ အကြီးဆုံးဆောက်လုပ်ရေး လုပ်ငန်းတွေကတော့ အရင်စစ်အစိုးရအဖွဲ့ဝင်ဟောင်းတွေ ပါဝင်တဲ့ ခရိုနီသူဌေးကြီးတွေက ချုပ်ကိုင်ထားတာပါ။ သူတို့တွေဟာ ဗုဒ္ဓဘာသာဝင်တွေပါပဲ။

“ရန်ကုန်မြို့မြောက်ပိုင်းက ဗုဒ္ဓဘာသာဝင်တွေဟာ မွတ်စလင်ဆောက်လုပ်ရေးလုပ်ငန်းရှင်တွေနဲ့ ချုပ်ဆိုထားတဲ့ စာချုပ်တွေကိုဖျက်လိုက်ကြပြီး ၉၆၉ နောက်လိုက်တွေက သူတို့ရဲ့အဆောက်အအုံ ဆောက်ပြီးရင် လာဖျက်မှာစိုးလို့ဆိုပြီး အကြောင်းပြပါတယ်”လို့ ကြံ့ခိုင်ရေးပါတီက မွတ်စလင်လွှတ်တော်အမတ်ဖြစ်သူ ဦးရွှေမောင်က ဆိုပါတယ်။

“မြို့တစ်မြို့မှာ ဒါတွေစဖြစ်လာရင် တခြားမြို့ကိုပါ ကူးဆက်သွားမှာ စိုးပါတယ်”လို့ သူကဆိုပါတယ်။ ကိုးခြောက်ကိုး ကိုးကွယ်ဆည်းကပ်သူ မဇာနည်ဝင်းထွန်းအတွက်ကတော့ မွတ်စလင်တွေကို ပိတ်ပင်တာဟာ လူမျိုးရေးငြိမ်းချမ်းမှုကိုသာ ဖြစ်စေတယ်လို့ဆိုပါတယ်။ မိတ္ထီလာမှာ မွတ်စလင်ရွှေဆိုင်ပိုင်ရှင်နဲ့ ဗုဒ္ဓဘာသာ စားသုံးသူကြား အငြင်းပွားရာကနေ ဖြစ်လာတဲ့ ပဋိပက္ခကို သူမက လက်ညှိးထိုးပြပါတယ်။ “တကယ်လို့ သူတို့ဟာ ကိုယ့်လူမျိုးဆိုင်မှာသာ ၀ယ်ခဲ့မယ်ဆိုရင် ဒီလိုပြဿာနာတွေ ဖြစ်လာမှာ မဟုတ်ဘူး” လို့ သူက ဆိုပါတယ်။

သူမရဲ့ လူမျိုးရေးပဋိပက္ခဖြေရှင်းဖို့ ခွဲခြားဆက်ဆံတဲ့နည်းဟာ အမျိုးသားရေးပေါ်လစီကို သံယောင် လိုက်တာပါပဲ။ ရခိုင်နဲ့ မြန်မာပြည်အလယ်ပိုင်း အကြမ်းဖက်မှုဖြစ်ပြီး တစ်နှစ်ကြာမှာ အနည်းဆုံး မွတ်စလင် ၁၅၃၀၀၀ လောက်ဟာ အိုးမဲ့အိမ်မဲ့ဖြစ်ခဲ့ရပါတယ်။

ထင်ရှားတဲ့ ဘုန်းကြီးအချို့ကတော့ ၉၆၉ လှုပ်ရှားမှုကို ပေါ်ပေါ်တင်တင် ဝေဖန်ရှုတ်ချပါတယ်။ တချို့ ဖေ့ဘုတ်စ်သုံးစွဲသူတွေကလည်း ၉၆၉ စတကာကပ်ထားတဲ့ တက္ကစီတွေကို သပိတ်မှောက်ကြဖို့ စည်းရုံးလှုပ်ရှားပါတယ်။ မိတ္ထီလာ သွေးလောင်းပွဲပြီးကတည်းက ၉၆၉ စီဒီခွေတွေဟာ ရန်ကုန်မြို့က လမ်းဘေးဆိုင်တွေမှာ သိုသိုသပ်သပ်နဲ့ပဲ ရောင်းချလာပါတယ်။ ဒါတွေအားလုံးနဲ့ပတ်သက်ပြီး လူအများအပြားရဲ့ တုန့်ပြန်ချက်တွေကတော့ နှုတ်ဆိတ်နေသေးပါတယ်။

မွန်ပြည်နယ်က ဘုန်းတော်ကြီး ဦးဝိမာလက နောက်လိုက်ဘုန်းကြီးတွေ ဝေဖန်မှာကို ဂရုမစိုက်ပါဘူး။ “ဦးဇင်းတို့ ကောင်းတာလုပ်နေတာကို သူတို့ ရပ်တန့်ဖို့ မကြိုးစားသင့်ဘူး”လို့ မိန့်ပါတယ်။

ဇွန်လလယ်တုန်းက ဆရာတော်နဲ့ ဦးဝီရသူတို့ဟာ ရန်ကုန်မြို့အနီးမှာကျင်းပတဲ့ ရာနဲ့ချီတဲ့ ဘုန်းတော်ကြီးများ ဆွေးနွေးပွဲကို တက်ရောက်ခဲ့ပါတယ်။ အဲဒီအခမ်းနားမှာ ၀ီရသူက ဗုဒ္ဓဘာသာ အမျိုးသမီးများ မွတ်စလင်ယောက်ျားနှင့်လက်ထပ်မှု တားဆီးရေးအဆိုကို တင်သွင်းခဲ့ပါတယ်။

၉၆၉ လှုပ်ရှားမှုရဲ့ လမ်းကြောင်းအသစ်အဖြစ် ၀ီရသူဟာ အမေရိကန်မှာပညာသင်ကြားလာပြီး အာရှတိုက်ရှိ ဗုဒ္ဓဘာသာတက္ကသိုလ်တွေနဲ့ တလေးတစား ဆက်ဆံမှုရှိတဲ့ ရန်ကုန်က နိုင်ငံတကာ ထေရ၀ါဒဗုဒ္ဓဘာသာသာသနာပြုတက္ကသိုလ်ရဲ့ ပါမောက္ခတစ်ဦးဖြစ်သူ ဦးဓမ္မပီယရဲ့ ထောက်ခံမှုကို ရယူနိုင်ခဲ့ပါတယ်။

ဦးဓမ္မပီယက ၉၆၉ နဲ့ပတ်သက်ပြီး မြန်မာပြည်ရဲ့ ရှုပ်ထွေးသော အပြောင်းအလဲကာလမှာ ငြိမ်းချမ်းရေးလှုပ်ရှားမှုတစ်ရပ်အဖြစ် ဖော်ပြပါတယ်။

“၉၆၉ ဟာ ပြဿနာမဟုတ်ပါဘူး၊ ဗုဒ္ဓဘာသာဝင်တွေဟာ အမြဲတမ်း ငြိမ်းငြိမ်းချမ်းချမ်းနဲ့ အတူယှဉ်တွဲနေထိုင်ခဲ့တာ ကြာပါပြီ”

ဒီမှာ ဗလီမရှိရ
___________
၉၆၉ လှုပ်ရှားမှုဟာ အဓိက အမျိုးသားဒီမိုကရေစီအဖွဲ့ချုပ်ပါတီ ယှဉ်ပြိုင်ဖို့ဖြစ်ပြီး သူတို့အကြားက ဆက်ဆံမှုမှာ ဆန့်ကျင်မှုရော လိုက်ဖက်မှုပါ ရှိနေပါတယ်။

ပြီးခဲ့တဲ့ မတ်လက YouTube မှာတက်လာတဲ့ ဗီဒီယိုအခွေမှာတော့ ဦးဝီရသူက NLD နဲ့ ဒေါ်အောင်ဆန်းစုကြည်ရဲ့ အနီးကပ်စည်းကို မွတ်စလင်တွေ သိမ်းပိုက်သွားပြီလို့ဆိုပါတယ်။

“မြို့တိုင်းမှာရှိတဲ့ NLD ပါတီကို လေ့လာကြည့်ရင် မုတ်ဆိတ်နဲ့လူတွေကို တွေ့ရလိမ့်မယ်”လို့ ဦးဝီရသူက ဆိုပါတယ်။

ဦးဝိမလရဲ့ နောက်လိုက်တွေကတော့ ရခိုင်ပဋိပက္ခမှာ ဗုဒ္ဓဘာသာဝင်တွေ ခံရတာကို တုန့်ပြန်ဆိုဖို့ ၀န်လေးနေတဲ့အတွက် ဒေါ်အောင်ဆန်းစုကြည်ရဲ့ ဓါတ်ပုံတွေ သူတို့အိမ်တွေကနေ ခွာပစ်လိုက်ပါသတဲ့။ လူမျိုးရေးပဋိပက္ခတွေအပေါ် ဒေါ်စုရဲ့ နှုတ်ဆိတ်နေမှုနဲ့ပတ်သက်ပြီး မွတ်စလင်တွေကလည်း ဒေါသထွက်ခဲ့ကြပါတယ်။

ဗမာမွတ်စလင်အသင်းကတော့ ၉၆၉ လက်ကမ်းစာစောင်တွေ ဖြန့်ဝေတဲ့အထဲမှာ NLD ပါတီဝင်တွေ လည်း ပါတယ်လို့ စွပ်စွဲပါတယ်။

ပါတီရဲ့ ပြောရေးဆိုခွင့်ရှိသူ ဦးဥာဏ်ဝင်းကတော့ ဒီလှုပ်ရှားမှုမှာ NLD ပါတီဝင်အချို့ ပါဝင်ပတ်သက်တဲ့အကြောင်း ပြောပါတယ်။ “ဒါပေမယ့် ပါတီဝင်တွေရဲ့ လွတ်လပ်တဲ့အခွင့်ရေးကို NLD အနေနဲ့ ကြားဝင်စွက်ဖက်ဖို့ မရှိပါဘူး၊ လူမှုရေးကိစ္စတွေမှာ သူတို့ဘာသာ သူတို့ လွတ်လွတ်လပ် လပ် ဆောင်ရွက်နိုင်ခွင့်ရှိပါတယ်”လို့ ဦးဥာဏ်ဝင်းက ဆိုပါတယ်။

တက္ကစီဒရိုင်ဘာတစ်ဦးဖြစ်သူ မင်းသက်လင်းဟာ သာကေတမြို့နယ်က NLD ခေါင်းဆောင်တစ်ဦးဖြစ် ပြီး သူ့ကားရဲ့ ရှေ့ရောနောက်မှာပါ ၉၆၉ စတေကာတွေကို ကပ်ထားပါတယ်။ သူဟာ မွတ်စလင် ဆန့်ကျင်ရေး ရန်ကုန်မြို့နယ်အလုပ်သမားလူတန်းစားအဖွဲ့ဝင် တယောက်လည်း ဖြစ်ပါတယ်။

ပြီးခဲ့တဲ့ ဖေဖော်ဝါရီလက သာကေတမြို့ခံ ဗုဒ္ဓဘာသာဝင်တွေဟာ မင်းသက်လင်းတို့ ရပ်ကွက်က အစ္စလာမ်စာသင်ကျောင်းတစ်ခုကို လျှို့ဝှက်ဗလီတည်ဆောက်နေတယ်ဆိုတဲ့ အကြောင်းပြချက်နဲ့ ဖြိုဖျက်လိုက်ကြပါတယ်။ ဖြိုဖျက်ချိန်မှာ လုံထိန်းတပ်ဖွဲ့တွေက စောင့်ကြပ်ပေးပါတယ်။

နောက်တစ်လမှာတော့ ဦးဝိမလနဲ့ အခြား မွန်ဘုန်းကြီးနှစ်ပါးတို့ဟာ သာကေတကို သွားရောက်ပြီး ၉၆၉ တရားတွေ သုံးရက်တိုင်ဟောပြောပြီး “ဓမ္မဆေး”လို့ အမည်ပေးတဲ့ လက်ကမ်းစာစောင်တွေ ဝေငှခဲ့ပါတယ်။ “တိုက်ခိုက်ဖို့ အရှုံးမပေးနဲ့”လို့ လက်ကမ်းစာစောင်မှာ တိုက်တွန်းထားပါတယ်။

“အခုတော့ အဲဒီကျောင်းကို ချိတ်ပိတ်လိုက်ပြီး ရဲတွေ အစောင့်ချထားတယ်၊ လူတွေက ဒီမှာ ဗလီရှိတာ မလိုချင်ဘူး”လို့ မင်းသက်လင်းက ပြောပါတယ်။

သူပြောတဲ့ ဘာသာရေးသွေးကြွစေတဲ့ ၉၆၉ လှုံ့ဆော်သီချင်းဟာ အိမ်ခေါင်းမိုးပေါ်ကနေ အပြင်ကို လျှံထွက်လာပါတော့တယ်။ ဘုန်းတော်ကြီးသင် စာသင်ကျောင်းတစ်ခုကတော့ တပည့်တွေကို စာရင်းပေးသွင်းဖို့အတွက် ဒီသီချင်းကို ဖွင့်ပေးနေပါတယ်။

ခွန်ဒီးယမ် Facebook


လွန်ခဲ့သော တနင်္ဂနွေနေ့က ပါကစ္စတန် နိုင်ငံ Gilgit-Baltistan မြို Chilas ဒေသ၌ ဆယ်ကျော်သက် အရွယ် မိန်းကလေးနှစ်ဦးက မိုးရွာနေစဉ် အပြင်ထွက်ကာ ကခုန်ပြီး မိမိကိုယ်မိမိ ဗွီဒီယို ရိုက်ခဲ့သဖြင့် "အမျိုးဖျက်သည်" ဟု စွပ်စွဲခံရကာ သေနတ်ဖြင့် ရက်ရက်စက်စက် ပစ်သတ် ခံခဲ့ရကြောင်း ဒေးလီးမေးလ် သတင်းစာအရ သိရသည်။

အသက် ၁၅ှစ်အရွယ် အမျိုးသမီးလေး Noor Basra နှင့် အသက် ၁၆ နှစ်အရွယ် အမျိုးသမီးငယ်လေး Noor Sheza ဆိုသော မွတ်ဆလင် ညီအစ်မ နှစ်ဦးသည် ဘာသာရေး ၀တ်စုံများ အပြည့်အစုံ ၀တ်ဆင်ပြီးမှ အခြား ကလေးငယ် နှစ်ဦးနှင့်အတူ ၄င်းတို့၏ အိမ်ရှေ့ တွင် ကခုန် ခဲ့ကြခြင်း ဖြစ်သည်။

ထိုသို့ မိုးရေထဲတွင် ကခုန်ခြင်း၊ ကခုန်နေပုံကို ဖုန်းဖြင့် ဗွီဒီယို ဓါတ်ပုံရိုက်ခြင်းမှာ ကြီးမားသော ပြစ်မှု တစ်ခုကို ကျူးလွန်ခြင်းဖြစ်သည်ဟု ပါကစ္စတန်၏ မွတ်ဆလင် ဘာသာရေး အစွန်းရောက် များ၏ စွပ်စွဲခြင်း ခံရသည်။
အဆိုပါ မိန်းကလေး နှစ်ဦး၏ နေအိမ်သို့ သေနတ်သမား ငါးဦး ရောက်လာပြီး မိခင်နှင့် ယှဉ်တွဲထိုင်နေစဉ် သေနတ်ဖြင့် ရက်ရက်စက်စက် ပစ်သတ်ခဲ့ကြသည်။

အမှုကို ကိုင်တွယ်သော ရဲအရာရှိက အဆိုပါ တိုက်ခိုက်မှုမှာ အမျိုးသမီးငယ် နှစ်ဦးကို ရည်ရွယ်ချက် ရှိရှိဖြင့် တိုက်ခိုက်ခဲ့ခြင်း ဖြစ်ပြီး အမျိုးဖျက်သည်ဟုစွပ်စွဲပြီး သတ်ဖြတ်ခဲ့ခြင်းဖြစ်ကာ လူသတ်မှုအတွက် အဓိက စီစဉ်သူမှာ သူမတို့၏ ပထွေး၏သား Khutore ဆိုသူက စီစဉ်ခဲ့ခြင်း ဖြစ်သည်ဟု ဆိုသည်။

လွန်ခဲ့သော နှစ်ကလည်း တာလီဘန် မွတ်ဆလင် များက ပါကစ္စတန်နိုင်ငံ Kohistan မြို့တွင် အနည်းဆုံး မိန်းကလေး လေးဦးကို မင်္ဂလာဆောင်ပါတီတွင် ယောက်ကျားလေး တစ်ဦးနှင့်အတူ သီချင်းဆိုခြင်း၊ ကခုန်ခြင်းတို့အတွက် အပြစ်ရှိသည်ဟု စွပ်စွဲကာ သတ်ဖြတ်ခဲ့သေးသည်။

( ဇော်လွင်ဝင်း ဘာသာပြန်ဆိုသည်။ )

“ဗမာပြည်မှာ နာရီတွေကများ၊ အချိန်မှန်နိုင်ပါ့မလား။ ဗမာ့ပြည်မှာ ပါတီတွေကများ….” ဘာညာသာရကာ ဆိုလား။ ကြားဖူးကြမှာပေါ့။ ခေတ်ပောာင်းတေးသီချင်း။ ပျော်စရာကြီးဗျာ။ ပောာ အခုတော့ ခေတ်ပောာင်းတေးသွား အလိုက် ခေတ်ပြိုင်သီချင်းတောင် ပေါ်နေပြီဗျ။

“ဗမာပြည်မှာ လောင်းလျာတွေကများ။ ဒီမိုကရေစီစော်မှ နံပါ့မလား” ဆိုလား ဘာလား မသိဘူး။ ပိုပျော်စရာကြီးတောင် ကောင်းနေပြီဗျာ။ လောင်းလျာဆိုတာ သမ္မတလောင်းတွေကို ဆိုလိုတာတဲ့ဗျ။အေးပေါ့ဗျာ။ ကျုပ်တို့ကတော့ ဒီချုပ်အင်အားတွေဆိုတော့ ကျုပ်တို့ ဒီချုပ်ဥက္ကဌကြီးသာ သမ္မတဖြစ်ခွင့်ကြုံလို့ ဖြစ်ပုံပေါ်ပြီး ဖြစ်တော်မူမယ် ဆိုရင်တော့ ပျော်စရာအကောင်းဆုံးလို့ ဆိုချင်တာပေါ့။

နေဦးဗျ နေဦး။ တကယ်ကောဖြစ်မှာလား။ ဖြစ်နိုင်မှာလား။ ဖြစ်ကိုဖြစ်ရမှာလားဗျာ။ တစ်ခွန်းလောက်တော့ မေးလျှောက်ပါရစေဦးဗျာတို့။ ကျုပ်ကတော့ မအူမလည်နဲ့ နိုင်ငံရေးနယ် မျက်စိလည် ရောက်လာတဲ့ မင်းပရိယာယ် ငတင့်တယ် နားဝယ် မလည်ရှာသမားလေဗျာ။ ပယ်ပယ်နယ်နယ် ပတ်ပတ်နပ်နပ် မသိတတ်ရိုး အမှန်ပါပဲဗျာ။

ဒီလိုဗျာ။ လောင်းလျာစာရင်း အစောဆုံး ကိုယ်တိုင် တင်သွင်းသူက ဒီချုပ်ဥက္ကဌဗျ။ ဒေါ်စုက သမ္မတဖြစ်ချင်တယ်။ သမ္မတဖြစ်မှ ကိုယ်လုပ်ချင်တဲ့ နိုင်ငံရေးမူဝါဒတွေကို ရုပ်လုံးဖော်နိုင်မယ်လို့ ဗြောင်တိုက်ကြီး ပြောလိုက်တယ်။ ဒီမှာတင် လောင်းလျာနိမိတ်ဗျာ ဒိတ်ပွဲတွေ ဆူလာခဲ့တော့တာပဲ။

လက်ရှိသမ္မတကြီးက ပိာု့ပိာုးအရင်တုန်းကတော့ နှလုံးနာသမား အသံယဲ့ယဲ့နဲ့ သဲ့သဲ့လေး ပြောထွက်လာတဲ့ အသံက တော်ပါပြီ။ တစ်ခါပါပဲ။ ကျန်းမာရေးကလည်း မကောင်းလှဘူးဆိုလား။ နောက်တော့ သူ့ရဲ့ ငယ်မွေးခြံပေါက်၊ နောက်တော်ပါတွေက ဝိုင်းလှော်လိုက်ကြတာ။ လုပ်သေးတာပေါ့ဗျာ။ နောက်တစ်ခါဆိုတာ ဖြစ်လာပြန်ပါလေရော။

ဘာရမလဲ။ သမ္မတက လေသံထုတ်တော့ သူ့ရဲ့ချုပ်ဖော်ချုပ်ဖက်(ဗိုလ်ချုပ်ကြီးချင်း) နောက်ချုပ်တစ်ယောက်က ဒေါက်ဖြုတ်လိုက်ကရောဗျာ။ ပြည်သူ့လွှတ်တော်ဥက္ကဌ သူရဦးရွှေမန်းလေ။ မန်းလေပြဲလေဆိုသလိုပဲ။ သူကလည်း သမ္မတဖြစ်ချင်ရုံမကသေး။ “သမ္မတရာထူးထက် ပိုမြင့်၊ ပိုအရေးပါတဲ့ နေရာရှိမယ်ဆိုရင် အဲဒီရာထူးကိုလိုချင်နေတာ” လို့ပြောလိုက်တယ်။ (ဒါလောက်ကလေးဆိုရင် ဗိုလ်ချုပ်မှူးကြီးလုပ်ပေါ့ဗျာ။) ဒါတင်လား။ အတို့အဆိတ် ပြောလိုက်သေး။ “တရားဥပဒေစိုးမိုးရေးတို့၊ ငြိမ်းချမ်းရေးလုပ်ငန်းစဉ်တို့မှာလည်း အခြားသူတွေနဲ့စာရင် အများကြီးလုပ်ပေးနိုင်တယ်” တဲ့။ လာသားလူဗျာ။ ဒီလိုပြောတော့ တခြားလောင်းလျာနှစ်ဦးကို နဖူးထုံးတားလိုက်သလို ဖြစ်နေတာပေါ့။

ဦးသိန်းစိန်က “ဒေါ်အောင်ဆန်းစုကြည်ကို ပြည်သူတွေရွေးချယ်ရင် မိမိအနေနဲ့ လက်မခံနိုင်စရာ အကြောင်းမရှိပါဘူး” လို့ပြောလိုက်တယ်။ သမ္မတကို ပြည်သူရွေးတာမပာုတ်။ လွှတ်တော်ကရွေးတာမပြောဘူး။ ဦးရွှေမန်းကသူ့ထက်ကဲလိုက်တယ်။ ဒေါ်အောင်ဆန်းစုကြည်သမ္မတဖြစ်ဖို့ အခြေခံဥပဒေကန့်သတ်ချက်တွေ စိုးရိမ်စရာ ဖြစ်နေတယ်။ ဒါကြောင့် လွှတ်တော်ထဲမှာ အခြေခံဥပဒေထဲက ပြင်သင့်တာတွေပြင်ဖို့ ကော်မရှင် ဖွဲ့ထားပြီးပါပြီ လို့ပြောတယ်။ သူက မန်းလေ ရွှေလေလူ။ (အဲလေ ယောင်လို့) မေးလေ ပြောလေလူဆိုတော့ ဒေါ်စုရဲ့ ဒီချုပ်နဲ့တောင် ညွန့်ပေါင်းအစိုးရ ဖွဲ့မလိုလို ဘာလိုလို ပွားလိုက်သေး။

ကဲဗျာ တော်လောက်ပါပြီ။ လောင်းလျာတွေရဲ့ ဗျာဒိတ်ခံသံတွေကတော့ ဒါလောက်ဆိုသိလောက်ပါပြီ။ ဘယ်သူက ဘယ်မူ၊ ဘယ်သူက ဘယ်လမ်း၊ ဘယ်မန်းက ဘယ်အချိုးဆိုတာ သိလောက်ရောပေါ့။။

နိုင်ငံရေးဆိုတာ ဒီလိုပဲဗျ။ အပြောကောင်းတိုင်းလည်း အကောင်းပြောတယ် မထင်လေနဲ့။ ယုံလို့မရဘူး။ အပြောပာုတ်ပေမဲ့ အပာုတ်ပြောတာဖြစ်ချင်မှဖြစ်တာ။ သမ္မတဆိုတာ ခေါင်းကြီးရတယ်ဗျ။ နှလုံးကြီးရတယ်ဗျ။ အကြံပေးတွေလျှောက်တိုင်း ပျော့ပျော်ပြောနေလို့မဖြစ်ဘူးဗျ။ အမေရိကန်သမ္မတနစ်ဆင်လက်ထက် သမ္မတရဲ့ ဂျာမန်ကြော်ငြာလုပ်ငန်းသမား အကြံပေးတွေနှိပ်စက်သွားတာ အမှတ်ရကြမှာပေါ့။

အဲ…အဲပြောခွင့်ရှိသူထားပြီးတအားကိုးလို့လည်း ဖြစ်တာမပာုတ်ဘူးဗျို့။ နစ်ဆင်ရဲ့ ပြောခွင့်ရ ဇစ်ကလီယာ ဆိုတဲ့ပုဂ္ဂိုလ်က သတင်းစာတွေနဲ့ တွေ့ရှင်းတယ်။ ရှင်းတိုင်း လိမ်တယ်။ လိမ်တိုင်း ပေါ်တယ်။ ကြာတော့သူ့ကို သတင်းသမားတွေက ဇစ်ကလိုင်ယာ(Liar) လူလိမ်ကြီးလို့ ကင်ပွန်းတပ်လိုက်ကြတယ်လေ။ ကြားဖူးကြမှာပေါ့။

ပြောလေကဲလေ၊ မန်းလေပြဲလေ၊ ရမ်းလေရဲလေ၊ နိုင်ငံရေး ‘အာ’ မုန်တိုင်းတွေ ဆိုတာကတော့ သမိုင်းမော်ကွန်းမှာ အရိုင်းဖော်ညွှန်းခဲ့တဲ့ အဖြစ်တွေ၊ သနစ်တွေ၊ ခေတ်တွေဆိုတာ ထပ်ထပ်လှိုင်းခဲ့ပြီ။ ပာစ်တလာတို့၊ မူဆိုလီနီတို့ဆိုတဲ့ ဖက်ဆစ် အာဏာရှင်ကြီးတွေအကြာင်း မမေ့သေးဘူး မပာုတ်လား။ လူတွေလည်း သောက်သောက်လဲသေ၊ တိုင်းပြည်လည်း ခွက်ခွက်လန်ရှုံး။ အဲဒီအာမုန်တိုင်း (အာဏာရှင်ကြီးတွေရဲ့အာလူးမုန်တိုင်း) တွေရဲ့ သမိုင်းကို မမေ့ကြသေးပါဘူးနော်။

ဒါတွေ ထားလိုက်ပါတော့လေ။ ကျုပ်ရဲ့ဥာဏ် တစ်မိုက်တစ်ထွာနဲ့ ထင်ရာမြင်ရာ မကြောက်မရွံ့ နောက်မတွန့်ဘဲ မလျှောက်ဝံ့ဝံ့ လျှောက်ဝံ့ဝံ့ တင်ပြပါရစေဦးဗျာတို့။

သမ္မတကြီးဦးသိန်းစိန် ရည်ညွှန်းသလို ဒေါ်အောင်ဆန်းစုကြည် တစ်ယောက် နိုင်ငံ့ခေါင်းဆောင် ဖြစ်လာနိုင်ရေးအတွက် ‘ပြည်သူတွေက ရွေးချယ်’ နိုင်ဖို့ရယ်။ ကြံ့ခိုင်ဖွံ့ဖြိုးရေးပါတီ ဥက္ကဌကြီး သူရဦးရွှေမန်းပြောသလို။ ဒေါ်အောင်ဆန်းစုကြည်သမ္မတဖြစ်ဖို့ အခြေခံဥပဒေမှာ ပြင်စရာရှိတာပြင်၊ ပယ်စရာရှိတာပယ်နိုင်ဖို့။ လောင်းလျာကြီး နှစ်ပါးရဲ့ အလိုတော်များလည်းပြည့်။ ပြည်သူတွေရဲ့ တကယ့်ကယ်တင်ရှင် ဒေါ်အောင်ဆန်းစုကြည်လည်း ထိုက်ထိုက်တန်တန် သမ္မတဖြစ်ရလေအောင် ဒီလိုလုပ်ကြစို့လား။ နိုင်ငံတော်သမ္မတကို ပြည်သူလူထုကြီးတစ်ရပ်လုံးက တိုက်ရိုက်ရွေးနိုင်တဲ့ သမ္မတရွေးကောက်ပွဲစနစ်မျိုး။ ရော့ပတ္တမြား၊ ရော့နဂါးမြှောက်နိုင်တဲ့သမ္မတရွေးကောက်ပွဲစနစ်မျိုး ပြောင်းလဲသတ်မှတ်လိုက်ကြပါတော့လားဗျာ။

လွှတ်တော်တွင်းဆိုတဲ့ စကားလုံးကို ပိာုလိုလို ဒီလိုလိုပြော၊ ပြည်သူတွေရဲ့အတည်ပြုချက်ယူဦးဆိုတဲ့ စကားလုံးကို ပိာုလိုလို ဒီလိုလိုရှုပ်၊ လုပ်မနေကြပါနဲ့တော့။ တကယ်လုပ် အပာုတ်ဖြစ်အောင် ဒီမိုကရေစီစိတ်ဓာတ် ပိစိညှက်ကလေး တစ်မတ်သားသာသာလောက်မွေးပြီး သဘောရှိ ကရောပိာလိုက်ကြပါတော့လားဗျို့။ ။

ဟံသာဝတီဦးဝင်းတင်

ဒီလှိုင်းဂျာနယ်။ ။အတွဲ(၂)၊ အမှတ်(၂၄)။

alt

“TIME မဂ္ဂဇင်း ကန့်ကွက် ဆန္ဒပြပွဲ ကျင်းပပြုလုပ်”
=========================
၃ဝ-၆-၂ဝ၁၃-ရက်နေ့၊ မွန်းလွဲ (၁းဝဝ)နာရီ၊ ကျောက်တံတားမြို့နယ်၊ အမှတ်(၁)ရပ်ကွက်၊ မဟာဗန္ဓုလလမ်း၊
မဟာဗန္ဓုလပန်းခြံ မြောက်ဘက်ဘေး ပလက်ဖောင်းမှာ စုဝေးပြီး၊ လူဦးရေ(၂ဝဝ) ပါဝင်ကာ- မကွေးကျောင်း
ဆရာတော် ဦးပါမောက္ခ၊ ထေရဝါဒ ဓမ္မကွန်ယက်မှ ရှေ့နေ ဦးအေးပိုင်၊ ဓမ္မရံသီ ဓမ္မမဂ္ဂဇင်း အယ်ဒီတာ ဦးအောင်မြိုင်တို့
ဦးဆောင် ဟောပြော ကန့်ကွက်ဆန္ဒပြခဲ့ကြောင်းသိရသည်။
TIME မဂ္ဂဇင်းကို ကန့်ကွက်ပြီး၊ သမ္မတရုံးထုတ်ပြန်ချက်ကို ထောက်ခံသည့် ဆန္ဒပြပွဲ ဖြစ်သည်။ခွင့်ပြုမိန့်ဖြင့် ဆန္ဒဖော်ထုတ်ခဲ့
ကြောင်းသိရသည်။
alt
အဆိုပါဆန္ဒပြပွဲတွင် ကြွေးကြော်သံများ
(၁) အမျိူးသားကာကွယ်မူကိုဝိုင်းဝန်းအားပေးကြ။
(၂) Time မဂ္ဂဇင်းဆောင်ပါးသည် မမှန်မကန်ဖော်ပြခြင်းဖြစ်၍ ၀ိုင်းဝန်းကန့်ကွက်ကြ။
(၃) ဦးဝီရသူ၏ အမျိူးသားရေးကာကွယ်မူကိုအားပေးကြ။
(၄) အမျိူးဘာသာ/သာသနာ ကာကွယ်ရေးသည် ဗုဒ္ဓဘာသာဝင် အားလုံး၏ တာဝန်ဖြစ်သည်။
(၅) ဆရာတော်ဦးဝီရသူသည် အကြမ်းဖက်သူ မဟုတ်ပါ ၊ ငြိမ်းချမ်းစွာဟောပြော နေထိုင်သူဖြစ်သည်။
(၆) Time မဂ္ဂဇင်းပါ ဆောင်းပါအား သမ္မတရုံးမှ ကန့်ကွက်ပေးမူအပေါ်လိူက်လှဲစွာကြိုဆိုပါသည်။
(၇) ဗုဒ္ဓ၀ါဒသည် ငြိမ်းချမ်းရေးဝါဒဖြစ်သည်။
(၈) ဗုဒ္ဓ၀ါဒသည် လွတ်လပ်စွာယုံကြည်ကိုးကွယ်ခွင့်ရှိသောဝါဒဖြစ်သည်။ အတင်းအကြပ် ဘာသာကူးပြောင်းစေသော ၀ါဒမဟုတ်ပါ။
(၉) Time မဂ္ဂဇင်းကိုတရားစွဲပါ။
(၁၀) Time မဂ္ဂဇင်းတွင် ဆရာတော်ဦးဝီရသူအား မမှန်မကန် စွပ်စွဲရေးသားသူများကို တရားစွဲပေးပါ။
(၁၁) အမျိူးသားရေးကာကွယ်မူကို ဆန့်ကျင်သူများအား တိုက်ဖျက်ကြ။
(၁၂) ဗုဒ္ဓဘာသာသည် အကြမ်းဖက်ဝါဒမဟုတ်ပါ။
(၁၃) သမ္မတကြီး၏ Time မဂ္ဂဇင်းအပေါ် ကန့်ကွက်မူသဘောထားကိုကြိုဆိုပါသည်။
(၁၄) ဗုဒ္ဓဘာသာ ရဟန်းကို မမှန်မကန်စွပ်စွဲမူအပေါ် ကန့်ကွက်ပေးသော သမ္မတကြီးအား လိူက်လှဲစွာဂုဏ်ပြုပါသည်။
(၁၅) အမျိူးဘာသာကာကွယ်ရေး တစ်မျိုးသားလုံးဆောင်ရွက်ပေး။
(၁၆) မမှန်မကန်စွပ်စွဲရေးသားဖော်ပြသည့် Time မဂ္ဂဇင်းအားဆန့်ကျင်ကြ။
(၁၇) အမျိူးဘာသာ - သာသနာ ကာကွယ်စောင့်ရှောက်ရေးကို ကိုယ်ကျိူးစွန့်ကြိုးစားနေသော ဆရာတော်ဦးဝီရသူအားကာကွယ်ကြ။
alt

အလိုတော်ပြည့်

Author Name

Contact Form

Name

Email *

Message *

Powered by Blogger.