07/10/13

အပြစ်မဲ့သူများကို ပုဒ်မ မျိုးစုံတပ်၍ အနိုင်ကျင့်ခြင်းကို ဆန့်ကျင်ရှုတ်ချလိုက်ပါတယ်

လက်ပန်တောင်းတောင် ကြေးနီစီမံကိန်း ရပ်ဆိုင်းရေး အတွက်ငြိမ်းချမ်းစွာ ဆန္ဒဖော်ထုတ်ခဲ့ကြသော ဆည်တည်းရွာနေ ဦးအောင်ဆန်းနှင့်ကိုစိုးသူအား ပထမအကြိမ် ထောင်ဒဏ်၆လနှင့် ဒုတိယအကြိမ် ၂နှစ် စုစုပေါင်း ထောင်ဒဏ် ၂နှစ်၆လစီကို ရွှေဘိုတရားရုံးမှ ချမှတ်ခဲ့ပါတယ်။ထို့အပြင် လယ်သမားများအား ကူညီဆောင်ရွက်ပေးသူ ရန်ကုန်ပြည်သူ့အကျိုးဆောင်ကွန်ယက်မှ ကိုအောင်စိုးအား ပထမအကြိမ် ထောင်ဒဏ်၁နှစ်၆လနှင့် ဒုတိယအကြိမ် အမှု့ ၈ခုနှင့် ထောင်ဒဏ် ၁၀နှစိ ပေါင်း ၁၁နှစ်၆လ ချမှတ်လိုက်ပါတယ်။
အမှု့နံပါတ် ပုဒ်မ ပြစ်ဒဏ်

၃၁၆၂/၁၃ ၃၃၂ ,၄၄၇,၁၄၃ ၂နှစ်
၃၁၆၃/၁၃ ၂၉၅,၂၉၅(က),၁၁၇ ၂နှစ်
၃၁၆၄/၁၃ ၂၉၅ ,၂၉၅(က) ၁၁၇ ၂နှစ်
၃၁၆၅/၁၃ ၁၁၃ ၁နှစ်
၃၁၆၆ /၁၃ ၁၁၇ ၁နှစ်
၃၁၆၇ /၁၃ ၁၈ အလုပ်ကြမ်းနှင့်ထောင်ဒဏ်၆လ
၃၁၀၃/ ၁၃ ၁၄၃ ,၁၄၇ , ၅၀၀ ၁နှစ်
၃၁၀၆/၁၃ ၄၄၇ ,၁၄၇, ၁၄၃ အလုပ်ကြမ်းနှင့်ထောင်ဒဏ်၆လ
ယခုကဲ့သို့ အပြစ်မဲ့သူများကို ပုဒ်မ မျိုးစုံတပ်၍ အနိုင်ကျင့်ခြင်းကို ဆန့်ကျင်ရှုတ်ချလိုက်ပါတယ်။ ဥပဒေသည် ပြည်သူတို့ကို လုံခြုံမှု့ပေးပါသလား။

I heard about Aung Soe is sentenced 11 1/2 years in prison.Please help '' FREE AUNG SOE''.other 2 farmers are sentenced 2 1/2 years in prisons tearms,PLEASE HELP THEM TO FREE NOW!.
Free Aung Soe! Aung Soe one of Burma's political prisoners. He is an activist who was arrested for his part organising protests with farmers to plough land that had been confiscated by the Burmese government for the Letpadaung copper mine project. Please take action to free him here: http://www.burmacampaign.org.uk/index.php/campaigns/actions/free-political-prisoners/no-political-prisoner-left-behind


No Political Prisoner Left Behind - Actions - Campaigns - Burma Campaign UK
www.burmacampaign.org.uk
The Burma Campaign - for human rights, democracy and development in Burma


ပွင့်လင်းမြင်သာမှု အတိလင်းမရှိသော လက်ရှိအစိုးရ၏ လုပ်ပိုင်ခွင့်ကို ကျော်လွန်ပြီး ထိန်းချုပ်ဖို့ စဉ်းစားနေတာကိုရပ်တန်းကရပ်သင့်ပါတယ်။ ယနေ့မဆီမဆိုင်အဖမ်းခံနေကြရသူများတရားမျှတမှု မရှိခြင်းများမည်သို့ပင်ဟန်ဆောင်ပြုံးပြနေပါသော်လည်းရွှေရည်စိမ်ဒီမိုကရေစီအတွက်ရင်လေးမိပါ တယ်။တရားဥပဒေစိုးမိုးရေးအတွက်တရားရေးမဏ္ဍိုင်မှဆောင်ရွက်နေပါသည်ဟုဆိုပါသော်လည်း ကိုယ်လိုရာကိုယူပြီးပုဒ်မများကိုတပ်ချင်သလိုတပ်နေပြီး စစ်တပ်အကြီးအကဲများနှင့် ဝန်ကြီးများ ဤမျှ ချမ်းသာနေကြသည်ကိုတော့ စစ်ဆေးရန် မသိကျိုးကျွံ ပြုနေကြတယ်။ဥပဒေမရှိသယောင် မေ့ထားကြ တယ်။

ဒီမိုကရေစီစနစ်ကို ကျင့်သုံး လမ်းပြပေးနေသော အစိုးရတရပ် အနေဖြင့် လူတစ်ဦးတစ်ယောက်၏ ပြောရေးဆိုခွင့်၊ လုပ်ပိုင်ခွင့်၊ လူ့အခွင့်အရေးများကို နားလည်ပေးနိုင်ရမည်၊ အခွင့်အရေးများ ပေးနိုင်ရမည်။ ၄င်းတို့ ကိုယ်တိုင်ကပင် ဒီမိုကရေစီ၏ စံနှုန်းများအတိုင်း လိုက်နာကျင့်သုံးနေရတော့မည်။ ထိုသို့မှ မဟုတ်လျှင်တော့ ၄င်းတို့ စီစဉ်ပေးထားသော ဒီမိုကရေစီစနစ်ဟူသည် နိုင်ငံတကာမှာ မျက်နှာပန်းလှအောင် ဟန်ပြလုပ်ဆောင်နေတဲ့ အတုအယောင် ဒီမိုကရေစီသာ ဖြစ်ပါလိမ့်မယ်။

နိုင်ငံတော်ရဲ့ အချုပ်အချာ အာဏာ ပိုင်ရှင် ဟာ ပြည်သူ ဖြစ် တယ် လို့ ဖွဲစည်းပုံ အခြေခံ ဥပဒေမှာ ပြဌာန်း ထားပါတယ်။ဒါပေမဲ့ပြည်သူလူထု အပေါ် တရာသူကြီးတွေ ဥပဒေကို ကြိုက်သလို အဓိပ္မါယ် ဖွင်ပြီး လုပ်စားနေတာ၊ ပြည်သူ တရပ်လုံး လည်စင်း ခံနေ ရတာ ကြာပါပြီ။ တရား ရုံးတွေ က တရားလက်လွတ် စီရင် တာတွေ ကို ပြည်သူ လူထု ဘက်က ရပ်တည်ပြီး အချိန်နဲ့ တပြေးညီ စီစစ်၊ စစ်ဆေးဘို့ အဖြစ်ပျက် မှန်တွေ ကို မေးမြန်းပေး ဘို့အဖွဲ့ အစည်းဆိုတာလည်းမရှိသေးပါ ဘူး။ ပြည်သူ လူထုရဲ့ အခွင့်အရေးများ ဟာ ဆုံးရှုံးနစ်နာ လျှက် ဘဲ ရှိနေပါသေးတယ်။

အုပ်ချုပ်ရေးနဲ့ တရားစီရင်ရေး အဖွဲ့ ပေါင်းပြီး ဥပဒေ က မည်သို့ပင် ဆိုစေကာမူ ပြည်သူလူထုကို အထက်စီး က နိုင်လိုမင်းထက် ဆက်ဆံ နေတာစည်းကမ်းချက်များ၊ ဥပဒေများ၊ ပြစ်မှုပြစ်ဒဏ်များ ဟာ အထက်အရာရှိကြီးများနှင့် မဆိုင်ဘဲ လက်အောက် ငယ်သားများအတွက်သာ ဖြစ်နေပါတယ်။ အထက်အရာရှိများအုပ်ချုပ်သူလူတန်းစားများကျူးလွန်သည်ကျတော့ရှိစေ။အောက်ခြေကလူတွေ ကျတော့ဥပဒေ ဆိုတဲ့စနစ် ကိုတိုက်ဖျက်ပစ်ရပါ မယ်။တရားမျှတမှုနှင့် အာဏာ ဆိုတာဟာ တစ်သီးတခြားစီ ဖြစ်နေပါတယ်။ဥပဒေ ကျွမ်းကျင်သူတွေက ဥပဒေကို အဓိပ္ပါယ် ဖွင့်ဆိုရာမှာ လူထုအကျိုးစီးပွားထက် နိုင်ငံတော် အကြီးအကဲဆိုသူတွေရဲ့ အကျိုးစီးပွားကိုသာ အဓိကထားကြလို့ပဲဖြစ်ပါတယ်။ဒီလိုပုံစံမျိုးတွေ နှင့် ဥပဒေရေးဆွဲနေသမျှ ကာလပါတ်လုံး တရားမျှတမှု ဆိုတာ ရှိမှာမဟုတ်ပါဘူး။ တရားမျှတမှုအပေါ်မှာ အခြေခံပြီး အာဏာဆိုတာ ဒွန်တွဲနေတာပါ။

ပိုင်ဆိုင်မှု ပစ္စည်းစာရင်းတွေကောက်ယူဖိုကျတော့ သူတို့ရဲ့နိုင်ငံတော်ဘဏ္ဍာတွေ ခိုးစားဖွက်စားတာ တွေပေါ်မှာစိုးလို့ဝိုင်းပြီး ကာကွယ်နေကြတာလေ။ ဆက်သွယ်ရေးဝန်ကြီး ဦးသိန်းထွန်း (ဗိုလ်မှုးချုပ်ဟောင်း) နေအိမ်မှာကန်ဒေါ်လာ၂သန်းပါသော လက်ဆွဲအိတ်တခု သူ၏နေအိမ်တွင် သိမ်းဆည်းရ မိခဲ့တယ်တဲ့။ ဒေါ်လာသန်းချီ အလွဲသုံးစားလုပ်ခဲ့တဲ့ ဆက်သွယ်ရေးဝန်ကြီးဟောင်း သိန်းထွန်း ဘာကြောင့် အရေးယူ မခံရတာလဲ။ အရင် စက်မှု (၁) ဝန်ကြီးဟောင်း ဦးစိုးသိန်း(အခု သမ္မတရုံး ဝန်ကြီး) မြန်မာ့ရင်းနှီးမြှုပ်နှံမှု ကော်မရှင်ဆိုတဲ့ ဥက္ကဌထိုင်ခုံမှာ အမြိုင့်သားထိုင်ရင်း၂၀၀၉-၂၀၁၀ လောက်တုန်းက မြန်မာ့မော်တော်ယာဉ်နဲ့ ဒီဇယ်အင်ဂျင်ထုတ်လုပ်မှုလုပ်ငန်းကနေ အမြတ်ငွေကို ၂ဆကျော်လောက်စာရင်းလိမ်ပြခိုင်းတဲ့ကိစ္စ တာတာကုမ္ပဏီနဲ့ ပူးပေါင်းပြီးတော့ ၁၀ ဘီးကားတွေ တစ်နှစ်ကို အစီးရေ (၁၀၀)ထုတ်ဖို့မကွေးမှာ စက်ရုံတည်တော့ ကားပစ္စည်းအစိတ် အပိုင်းတွေကို ဆေးစိမ်တဲ့စက်ဝယ်တော့ အဲဒီစက်တန်ဘိုး အမေရိကန်ဒေါ်လာ (၇)သန်းလောက် ကဘယ်ပျောက်သွားလဲ။၂၀၀၅ ခုနှစ် နှစ်ဆန်းပိုင်းလောက်က အမှတ်(၁) စက်မှုဝန်ကြီးဌာန၊ မြန်မာ့ ကြွေထည်မြေထည်လုပ်ငန်း ဦးဆောင် ညွှန်ကြားရေးမှူး ဗိုလ်မှူးကြီး စိုးရီရဲ့ နေအိမ်မှာ အိမ်ဖော်ကလေးမလေး တစ်ယောက်ကို ဂေါက်တံနဲ့ ခေါင်းကို ရိုက်သတ်ခဲ့ပြီး သူမရဲ့  အလောင်းကို ဖျောက်ဖျက်ခဲ့တဲ့ ပြစ်မှု မူးယစ်ဆေးဝါး ဖြန့်ချီရောင်းဝယ်ရေး ပြုလုပ်နေတဲ့ ဒုတိယ ဗိုလ်ချုပ်ကြီးရဲမြင့်ရဲ့ သား အောင်ဇော်ရဲမြင့်ကိုတောင် ထိထိရောက်ရောက် အပြစ်မပေးဘဲ ပြောင်ပြောင်တင်းတင်း ကာကွယ်ပေးနေကြပါတယ်။

မန္တလေးမြို့တော်ဝန် ဦးဖုန်းဇော်ဟန်ဆိုရင်လည်း ကတ္တရာသွင်းရန်တွက် ကြိုတင်ငွေ သိန်း(၄၀၀၀) စည်ပင်ပိုင်ငွေကို ယောက်ဖအား ကြိုတင်ပေးပြီး ထိုငွေဖြင့် ၀ယ်သောကတ္တရာများကို အမြတ်တင်ပြီးစည်ပင်သို့ပြန်သွင်းခဲ့တဲ့ အဂတိလိုက်စားမှု။ ရန်ကုန်မြို့ လယ်ခေါင်မှာ နေ့ခင်းကြောင်တောင် ဓါးနဲ့ ထိုးမသတ်ဘဲ သေနတ်နှင့် ပစ်ချင်တိုင်း ပစ်ပြီး ကားမောင်းထွက်သွားခဲ့တဲ့ ငါးလောင်းပြိုင်လူသတ်မှု။ ဤသို့ ဥပဒေကိုအလွဲ သုံးစားပြုလုပ်သည့် ကိစ္စများကိုပြောင်ပြောင်တင်းတင်း ကျူးလွန်နေသည်ကို မည်သူ တရားစီရင်ပါမည်နည်း။

နအဖစနစ်တကျ မွေးမြူထားတဲ့ ရဲ ၀န်ထမ်းတွေဟာ အကျင့်ပျက် လာဒ်စားမှု အောက်မှာသာ မွေ့ပျော်နေကြရပြီး ပြစ်မှု ကျူးလွန်သည်ဟု ရုံးတင်တရားစွဲခံနေရသော သူတို့အားလုံး အထဲတွင် အချို့သည် ဘာပြစ်မှုမှ ကျူးလွန်သူများ မဟုတ်။ အများစုသော လူဆင်းရဲ ဥာဏ်နဲ ငမွဲတို့အတွက် ထွက်လမ်း လွတ်လမ်း တိုးတက်လမ်း အတွက် ကြိုးပမ်းဆောင်ရွက်နေသော အပြစ် မရှိသော နိုင်ငံရေး တက်ကြွလှုပ်ရှားသူ လူငယ် လူရွယ် တို့ကို ယနေ့ခေတ်၏ တရားစီရင်ရေး စနစ်အတွင်း အဖမ်းခံ လာကြရရှာသူများ ဖြစ်ကြပါတယ်။ နိုင်ငံရေး တက်ကြွ လှုပ်ရှားသူတို့ ဖေါက်ဖျက် ကျူးလွန်သည် ဆိုသော ပြစ်မှုတို့မှာ ဘယ်နိုင်ငံသား ဘယ်အိမ်နီးချင်း ဘယ်မိတ်ဆွေ ကိုမှ မထိခိုက် …..လိမ်ခြင်း ညာခြင်း အလျင်း မရှိ။ ခိုးခြင်း ရက်စက်ကောက်ကျစ်ခြင်း။ အောက်တန်းကျခြင်း အလျှင်းမရှိပါ။နိုင်ငံရေးတွင်တက်ကြွလှုပ်ရှားသူတို့သည် ခိုးတတ် ဖွက်တတ် လူသတ်တတ်သော လူတို့နှင့် တန်းတူ သံတိုင်တွေနောက် သံခြေကျင်းတွေ အခတ်ခံကာ ပင်ပန်း ဆင်းရဲစွာ နေကြရပါတယ်။ သို့သော်ငြား နိုင်ငံရေးလှူပ်ရှားသူတို့ မျက်နှာသည်ကား မျှော်လင့်ချက် ရောင်ခြည် တဖျတ်ဖျတ် ။ စိတ်ဓါတ် ကျသည့်ဟန် မတွေ့၊ အားလျော့မည့်ပုံ မပေါ်။ သူတို့သည် တကယ့် မျိုးချစ် ပုဂ္ဂိုလ်များ ဖြစ်ကြပါတယ်။

လက်ပံတောင်းတောင် ကြေးနီစီမံကိန်း စုံစမ်းရေး ကော်မရှင် အစီရင်ခံစာကို အကောင်အထည်ဖော် မည့် ကော်မတီ၏ ထုတ်ပြန်ချက်မှာလည်း အစီအရင်ခံစာအတိုင်း တချို့အချက်တွေက သူတို့ ဆောင်ရွက်ပေးထားတာတွေ မရှိပါဘူး ။ စာချုပ်အသစ်နဲ့ ပတ်သက်တာတွေလည်း ဒေသခံတွေကို ပွင့်ပွင့်လင်းလင်းနဲ့ ဘာမှ ချပြ ရှင်းလင်းပြောကြားခြင်း မရှိပါဘူး။ သဘာဝ ပတ်ဝန်းကျင်ထိခိုက်မှုတွေ၊ လူမှုစီးပွား ထိခိုက်မှုတွေအတွက် ဒေသခံတွေကို ကောင်းကျိုးပေးသလား၊ ဆိုးကျိုး ပေး သလား ဆိုတာတွေလည်း ရှင်းလင်းပြောပြခြင်း မရှိပါဘူး။ ဦးပိုင် နှင့် ၀မ်ပေါင်ကဒေသခံများ၏ သဘောထား ဆန္ဒကို အလေးမထားခြင်းသာဖြစ်ပါတယ်။ မြေယာနှင့် သီးနှံ လျော်ကြေး လက်ခံသူများသည် စီမံကိန်း အဆောက်အအုံ မြေနေရာများမှဖြစ်ပြီး စီမံကိန်း နယ်မြေ တွင်းက ဒေသခံ ၃ ပုံ ၂ ပုံသည် လျော်ကြေးငွေများ လက်ခံထားမှုမရှိပါဘူး။

ကြေးနီစီမံကိန်း စုံစမ်းရေး ကော်မရှင်၏ အစီရင်ခံစာကို မတ်လ ၁၁ ရက်နေ့ ရက်စွဲဖြင့် ထုတ်ပြန်ခဲ့ပြီး အစီရင်ခံစာ အကောင်အထည်ဖော်မည့် ကော်မတီကိုလည်း မတ်လ ၁၁ ရက်ကပင်ဖွဲ့စည်းပေးခဲ့ပါတယ်။ အစီရင်ခံစာ အကောင်အထည်ဖော်မည့် ကော်မတီတွင် ဥက္ကဋ္ဌ အဖြစ် သမ္မတရုံး ၀န်ကြီး ဦးလှထွန်း၊ ဒု ဥက္ကဋ္ဌ ၂ ဦးအဖြစ် စစ်ကိုင်းတိုင်း ၀န်ကြီးချုပ် ဦးသာအေး နှင့် ဦးပိုင်တာဝန်ခံ စစ်ရေးချုပ် ဒုတိယ ဗိုလ်ချုပ်ကြီး ခင်ဇော်ဦး၊ ပြည်ထဲရေး ၀န်ကြီး ဒု ဗိုလ်ချုပ်ကြီး ကိုကို အပါအ၀င် စုစုပေါင်း အဖွဲ့ဝင် ၁၅ ဦိးပါဝင်ပါတယ်။ကိုယ်နဲ့ နီးစပ်သူ၊ ကိုယ်ယုံကြည်သက်ဝင်သူ များကိုသာ တာဝန်ပေးနေလျှင် တကယ် အရည်အချင်း မြင့်သူများ အထူးလိုအပ်နေသော ယခုအချိန်မျိုးတွင် တိုင်းပြည်အတွက် အထူးနစ်နာပါလိမ့်ယ်။

အခုလည်းမြစ်ဆုံ ရေကာတာ စီမံကိန်းနဲ့ လက်ပံတောင်းတောင် ကြေးနီစီမံကိန်းကို ဆက်လက် လုပ်ကိုင်ဖို့ သမ္မတ ဦးသိန်းစိန်ထံ ခွင့်ပြုချက် တောင်းချင်တယ်လို့ စီမံကိန်းတွေ တာဝန်ယူဆောင်ရွက်နေတဲ့ မြန်မာဝမ်ပေါင်ကုမ္ပဏီနဲ့ China Power Investment Corporation (CPI) ကုမ္ပဏီရဲ့ တာဝန်ရှိသူတွေက ဇူလိုင် ၆ ရက်နေ့က ရန်ကုန်မြို့ရှိ မြန်မာနိုင်ငံဆိုင်ရာ တရုတ်သံရုံးမှာ ပြုလုပ်တဲ့ တရုတ်ကုမ္ပဏီများနှင့် မြန်မာမီဒီယာများ တွေ့ဆုံပွဲမှာ ပြောခဲ့ပါတယ်။ဒါဟာ ပြည်သူလူထုရဲ့ဆန္ဒကို စော်ကားလိုက်ခြင်းပါဘဲ။ ဧရာဝတီ မြစ်ဆုံစီမံကိန်းကို ၂၀၀၆ ခုနှစ်မှာ တရုတ် – မြန်မာ နှစ်နိုင်ငံ သဘောတူစာချုပ် ချုပ်ဆိုခဲ့ပြီး ၂၀၀၉ ခုနှစ်မှာ CPI ကုမ္ပဏီက ရင်းနှီးမြုပ်နှံမှု ပမာဏ အမေရိကန် ဒေါ်လာသန်း ၂၀၀၀၀ နဲ့ ဦးဆောင် အကောင်အထည် ဖော်ခဲ့တာပါ၊ ဒါပေမယ့် ပြည်သူတွေရဲ့ ဆန့်ကျင်ကန့်ကွက်မှု ကြောင့် သူ့ရဲ့ သမ္မတ သက်တမ်းအတွင်းမှာ ဆိုင်းငံ့ထားမယ်လို့ ၂၀၁၁ ခုနှစ် စက်တင်ဘာ ၃၀ ရက်မှာ သမ္မတ ဦးသိန်းစိန်က အမိန့်ထုတ်ပြန်ခဲ့ပါတယ်။

ခေါင်းရှောင်၊ ခေါင်းလွှဲ၊ ဆုံးဖြတ်ချက်ကို အချိန်မှီ ချမှတ်မပေး၊ ပြဿနာဖြစ်လာရင်ခေါင်းရှောင်ပြီး ငွေအချိုအချောင်နှိုက်နည်းဗျူဟာကို ကျွမ်းကျင်စွာပင်တတ်မြောက်ကြပါတယ်။ သေနတ်ကို မိုးပေါ်မပစ်တဲ့ အမျိုးပီပီ ပိုက်ဆံကို မိုးပေါ်မပစ်ပါ။ ရှိသမျှ အိတ်ထဲကို သိမ်းကျုံးထည့်ပြည်သူ့ချွေးနှဲစာတွေကို မတရားသဖြင့် ပက်ပက်စက်စက် တောင်းရမ်း စားသောက်နေကြတာ နှစ်ပေါင်းလဲမနဲတော့ပါဘူး။တာဝန်မယူဘဲ လက်အောက်ကို လွှဲချဖို့၊ ဖိနှိပ်ဖို့၊ နှိပ်ကွပ်ဖို့နှင့် ထုတ်ပြန်ထားသော၊ ပြဌာန်းထားသော ဥပဒေများ၊ ကျင့်ဝတ်များသည်လည်း ပျောက်ဆုံးနေပြီးစည်းကမ်းရှိသော အဖွဲ့အစည်း ဖြစ်ရမည်ဟုဆိုကာ စည်းကမ်းချက်များ၊ ဥပဒေများ၊ ပြစ်မှုပြစ်ဒဏ်များ ခမ်းခမ်းနားနား ပြဌာန်းခဲ့သော်လည်း၎င်းဥပဒေများသည် အာဏာရအဖွဲ့အစည်းများနှင့်လားလားမျှမဆိုင်ဘဲ မဆိုင်ဘဲ လက်အောက် ငယ်သားများအတွက်သာ ဖြစ်ခဲ့ရပါတယ်။

ဒီမိုကရေစီ စနစ်ရဲ့ အဓိက အကျဆုံး အချက်က တိုင်းပြည်မှာ ရှိတဲ့ လူထုလူတန်းစားအသီးသီးအတွက် တူညီတဲ့ အခွင့်အရေး၊ ရပိုင်ခွင့်၊ လုပ်ပိုင်ခွင့် တွေ ဖန်တီးပေးနိုင်ဖို့ ဖြစ်တယ်။ တဦး၊ တယောက်၊ တစု၊ တဖွဲ့၊ လူတန်းစား တရပ်အတွက် အခွင့်အရေးတွေ ဖန်တီး၊ ပြုပြင်ပြောင်းလဲမှုတွေလုပ်နေရင် ဒီမိုကရေစီလို့ခေါ်ဆိုနှိုင်ပါဦးမလား။ ဒီမိုကရေစီနဲ့ အမျိုးသားပြန်လည်သင့်မြတ်ရေးဟာ တရားမျှတမှုပေါ်မှာအခြေတည်မယ် လို့ လေးနက်စွာ ယုံကြည်ပါတယ်။ပြည်သူတွေအနေနဲ့လည်း ကိုယ့်ရဲ့ရပိုင်ခွင့်အတွက် ကန့်ကွက်ဖို့ လိုသလို ပြည်သူတွေအပ်နှင်းထားတဲ့ လွှတ်တော်ကလည်း ဒီကိစ္စကိုအလေးအ နက်ထား စဉ်းစားကာကွယ်သင့်ပါတယ်။

ပြည်ထောင်စုတရားလွှတ်တော်ချုပ် ရဲ့တာဝန်ဟာ အမှုကိစ္စတွေနဲ့စပ်လျဉ်း ပြီး ဥပဒေပြဿနာ အငြင်းပွားမှုရှိလာခဲ့ရင် စီရင်ထုံးဖွဲ့ ပြီး အဓိပ္ပါယ်ဖွင့်ဆို ခွင့် အာဏာအပ်နှင်းခံထားရတဲ့အဖွဲ့အစည်းဖြစ်ပါတယ်။ ဒီတော့ Democracy နီုင်ငံရေးစနစ် ဖွံ့ဖြိုးရေးအတွက် ဒိမိုကရေစီ စနစ်ရဲ့ အသက်ဖြစ်တဲ့ လွှတ်တော် ကနေပြီး ပြတ်ပြတ် သားသား ရပ်တည်ရပါတယ်။ ဥပဒေဆိုတာ ရာဇဝတ်မှု ကျူးလွန်တဲ့သူကိုထောင်ထဲထည့်ဖို့ထက်အပြစ်မဲ့တဲ့သူကိုထောင်ထဲမထည့်ဖို့ ကိုဦးစားပေးရတယ်(ဘယ်နိုင်ငံမှာမဆိုပါ)။မြန်မာပြည်ကလူကိုခင်ရင်မူကိုပြင်တယ်..လူကိုမုန်းရင်မူကိုသုံးတယ်ဆိုတဲ့..အကျင့်တွေကို ပြုပြင်သင့်ပါပြီ။

ဇော်ဝမ်းမောင်…

ပြည်သူ့အကျိုးဆောင်ကွန်ရက်အဖွဲ့ဝင် ကိုအောင်စိုးကို လက်ပံတောင်းအရေးလှုပ်ရှားမှုနဲ့ ပတ်သက်ပြီး ရွှေဘိုမြို့နယ်တရားရုံးမှာ မနေ့က ပြစ်မှုပေါင်း ၈ ခုနဲ့ ထောင်ဒဏ် ၁ဝ နှစ် အမိန့်ချလိုက်တယ်လို့ သိရပါတယ်။

အခုလို အမိန့်ချခံရတဲ့ ပြစ်မှုတွေနဲ့ ပတ်သက်ပြီး တရားရုံးသွားရောက်ခဲ့သူ ပြည်သူ့အကျိုးဆောင်ကွန်ရက်အဖွဲ့ဝင် မမိုးမိုးက RFAကို ပြောပါတယ်။

"ပထမတစ်ကြိမ် အမှုချတာကတော့ ၁၈၈ နဲ့ ချတာ၊ အဓိကကတော့ နိုင်ငံတော်အကြည်ညိုပျက်စေမှု၊ သင်္ကန်းကိုအလံလုပ်တာပေါ့ အဲဒါကျတော့ ဘာသာသာသနာညှိးနွမ်းစေမှုပေါ့၊ ပြီးရင် တရားမဝင်လူစုလူဝေး သွေးထိုးလှုံ့ဆော်မှု ၈ မှုနဲ့ ထောင် ၁ဝ နှစ်ချလိုက်တာ၊ ပထမအမိန့်ရယ်၊ ဒုတိယအမိန့်ရယ် အကုန်လုံးပေါင်းလိုက်ရင်တော့ ၁၁ နှစ်ခွဲပေါ့၊ မနေ့က ရွှေဘိုမြို့နယ်တရားရုံးမှာ အမိန့်ချလိုက်တာ"

ကိုအောင်စိုးကို အခုလို ပြစ်မှုတွေအများကြီးနဲ့ အမိန့်ချလိုက်တဲ့အတွက်သူ့အမှုကို ဆောင်ရွက်ပေးနေတဲ့ ရှေ့နေက အယူခံဝင်သွားဖို့ ဆက်လက်ဆောင်ရွက်သွားမယ်လို့ သိရပါတယ်။မနေ့က လက်ပံတောင်းအရေးကိစ္စနဲ့ ပတ်သက်ပြီး အမိန့်ချမှတ်လိုက်တဲ့အထဲမှာ ပြည်သူ့အကျိုးဆောင် ကွန်ရက်အဖွဲ့ဝင် ကိုအောင်စိုးအပြင် လက်ပံတောင်းဒေသခံ ဆည်ထဲရွာသား ကိုစိုးသူနဲ့ ကိုမောင်စန်းတို့ကိုလည်း လက်ပံတောင်းအရေးကိစ္စမှာ ဆူပူအောင်လှုံ့ဆော်မှု၊ တားမြစ်မိန့်ချိုးဖောက်မှု၊ တရားမဝင် လူစုလူဝေးလုပ်မှုနဲ့ ထောင်ဒဏ် ၂ နှစ်ချမှတ်ခဲ့တယ်လို့ မမိုးမိုးက ပြောပါတယ်။

ကိုအောင်စိုးနဲ့ အဲဒီရွာသား၂ ယောက်ကို ပြီးခဲ့တဲ့ ဧပြီလ၂၅ရက်နေ့က လက်ပံတောင်းဒေသခံတွေ လယ်ယာမြေတွေပေါ် လယ်ထွန်ယက်စိုက်ပျိုးချိန် စီမံကိန်းလုံခြုံရေးတပ်ဖွဲ့ဝင်တွေရဲ့ အကြမ်းဖက်တိုက်ခံရတဲ့အချိန်မှာ ဖမ်းဆီးခေါ်ဆောင်သွားတာဖြစ်ပြီး ပြစ်ဒဏ်ချမှတ်လိုက်တဲ့အတွက် သူတို့ကို ရွှေဘိုအကျဉ်းထောင်မှာ ဖမ်းဆီးထားတယ်လို့ သိရပါတယ်။

Rfa

ဒီရက်ပိုင်း ထိုင်းနိုင်ငံရေးလောကသတင်းတွေထဲမှာတော့ လက်ရှိထိုင်းဝန်ကြီးချုပ်ယင်းလပ်ရဲ့အကို ပြည်ပြေးဖြစ်နေတဲ့ ဝန်ကြီးချုပ်ဟောင်းသက်ဆင် နဲ့ လက်ရှိ ထိုင်းလက်ထောက်ကာကွယ်ရေးဝန်ကြီး (အငြိမ်းစားဗိုလ်မှူးချုပ်) ယွန်ဆက်စစီပရာ့ဖာ တို့ ဟောင်ကောင်က ဟိုတယ်ကြီးတစ်ခုမှာ လှို့ဝှက်တွေ့ဆုံစကားပြောကြတဲ့ အသံဖိုင်နဲ့ပတ်သက်တဲ့ သတင်းကထိတ်တန်းကိုရောက်နေပါတယ်။

တစ်စုံတစ်ယောက်က လှို့ဝှက်ဖမ်းယူပြီး ယူကျူ့ပေါ်တင်လိုက်တဲ့ ဒီအသံဖိုင်ဟာ လက်ရှိထိုင်းဝန်ကြီးချုပ် ယင်းလပ်ကို ပြည်တော်ပြန်မရတဲ့ သူ့အကိုက နောက်ကွယ်က ကြိုးဆွဲနေတယ်ဆိုတဲ့စွတ်စွဲချက်တွေဟာ အမှန်ပဲဖြစ်တဲ့အကြောင်း ဂွင်းလုံးချွတ်ချပြလိုက်သလိုဖြစ်သွားစေပါတယ်။

အသံဖိုင်ထဲမှာ သက်ဆင်နဲ့ လက်ထောက်ကာကွယ်ရေးဝန်ကြီး ယွန်ဆက်စစီပရာ့ဖာ တို့ပြောဆိုဆွေးနွေးကြတဲ့ အကြောင်းအရာတွေက စုံနဖာစီပါ၊ ရှေ့ဆက်လုပ်ဆောင်ရမဲ့ကိစ္စရပ်တွေ၊ နိုင်ငံရေးတိုက်ကွက် ဆုတ်ကွက်တွေအပြင် ထိုင်းနိုင်ငံရေးလောကမှာ အထိမခံဖြစ်နေကြတဲ့ တော်ဝင်မိသားစုအကြောင်းလဲပါတယ်၊ စစ်တပ်အကြောင်းလဲပါတယ်၊ အတိုက်အခံအကြောင်းလဲပါတယ်၊ မိတ်ဟောင်းဆွေဟောင်းတွေအကြောင်း၊ ရန်သူဟောင်းတွေ အသစ်တွေအကြောင်း အစုံပါပဲ။

အဲ ..အဲဒီထဲက စိတ်ဝင်စားဖို့ကောင်းတာက မြန်မာ့တပ်မတော် တပ်ချုပ်ကြီး မင်းအောင်လှိုင်အကြောင်းနဲ့ ဦးသိန်းစိန်အစိုးရရဲ့ အားကစားဝန်ကြီး ဦးတင့်ဆန်းအကြောင်း ပါ သူတို့ဆွေးနွေးတဲ့အထဲမှာ ပါလာတာပဲ။
တပ်ချုပ်ကြီးမင်းအောင်လှိုင်ဟာ လက်ရှိမြန်မာ့နိင်ငံရေးရဲ့အဓိကပလေယာကြီးပဲလို့ ယွန်ဆက်နဲ့ သက်ဆင်က သုံးသပ်တယ်။ အသံဖိုင်ထဲမှာ မင်းအောင်လှိုင်ကို ယွန်ဆက်က ထိုင်းဘာသာစကားနဲ့ (တွယ်နိ) လို့ ၂ကြိမ်တိတိ သုံးထားတာတွေ့ရတယ်။ တွယ်နိဆိုတဲ့အဓိပ္ပါယ်က ဒီကောင်လို့ တိုက်ရိုက်ဘာသာပြန်လို့ရတယ်။

ဒီကောင်က ဦးသိန်းစိန်ရဲ့ အဓိက ကျောထောက်နောက်ခံပဲ၊ သူက ကာကွယ်ရေးဝန်ကြီးအပြင် နောက်ထပ်ဝန်ကြီးနေရာတွေကို ခန့်တဲ့အာဏာကိုပိုင်ထားတဲ့ကောင်၊ ဒီတော့ ဘယ်လောက်အာဏာရှိသလဲ တွေးကြည့်တော့၊ သူ့ကိုကိုင်ထားနိုင်ရင် အားလုံးပွဲသိမ်းနေပြီ လို့ ယွန်ဆက်က ပြောတော့ တက်ဆင်က ထားဝယ်ပရောဂျက်အတွက် သူ့ကိုပိုင်အောင်ထိမ်းထားချည်ထားဖို့ အရေးကြီးတယ်လို့ပြောတယ်။ ယွန်ဆက်က အဆင်ပြေပါတယ် ထိမ်းထားနိင်ပြီလို့ခပ်ကြွားကြွား ပြန်ဖြေတယ်။
ပြီးတော့ ယွန်ဆက်က ဦးသိန်းစိန်အစိုးရထဲက အရေးကြီးတဲ့ ဝန်ကြီးတစ်ပါးအကြောင်းလဲ ထပ်ပြောတယ်၊ အဲတစ်ယောက်က အားကစားဝန်ကြီး ဦးတင့်ဆန်းပဲ။ ဦးတင့်ဆန်းကိုတော့ ယွန်ဆက်က (မန်း) လို့သုံးသွားတယ်၊ မန်းဆိုတာ အရပ်စကား သူ လို့အဓိပ္ပါယ်ယူရမယ်ထင်တယ်၊ ဒါပေမဲ့ လေးလေးစားစားနဲ့ သူလို့ပြောတာမျိုးထက် ပေါ့ပေါ့ပါးပါး ငနဲက ဒါမှမဟုတ် ငတိက အဲသလို ဖြစ်မှာပေါ့။

ယွန်ဆက်က အဲဒီတင့်ဆန်းဆိုတဲ့ ငနဲက ငထောကြီး တော်တော့ကိုထောတာ နေပြည်တော်က ဆောက်လုပ်ရေးလုပ်ငန်းကြီးအတော်များများ ဒီငနဲဆောက်သွားတာချည်းပဲ၊ အစိုးရက သူ့ကိုပေးရမဲ့အကြွေးတွေအများကြီး တော်တော်များတယ်၊ အခု ဆီးဂိမ်းအတွက် ဆောက်လုပ်ရေးမှာလည်း သူက အဓိကပဲ၊ ဆီးဂိမ်းအောင်မြင်ရေးအတွက် ဦးသိန်းစိန်က သူ့မျက်နှာတောင်အညိုမခံရဲလောက်အောင်ပဲ။ ကိစ္စရှိလို့ သမ္မတကြီးနဲ့တွေ့ချင်တယ်ဆိုရင် နိုင်ငံခြားရေးတို့ဘာတို့ကနေ ပရိုတိုကောအတိုင်း လိုက်လုပ်မနေနဲ့ သူ့ကိုသာပြော ဒီနေ့တွေ့ချင်ရင် ဒီနေ့စီစဉ်ပေးနိုင်တယ် လို့ ဦးတင့်ဆန်းက သူ့ကိုပြောတဲ့အကြောင်း ယွန်ဆက်က တက်ဆင်ကိုပြောပြတယ်။

အကြွားထူပြီး လေလုံးကြီးကြီးနဲ့ လေပေါတတ်တဲ့ ထိုင်းတွေရဲ့ စိတ်နေစိတ်ထားကို နဂိုကတည်းက သိပေမဲ့ ဒီလိုထိတ်တန်းခေါင်းဆောင်တွေ ဒီလိုပြောလိမ့်မယ်လို့ ထင်ကိုထင်မထားဘူး။ ဒါကြောင့်လည်း ထိုင်းတွေလည်တယ် လည်တယ်နဲ့ တကယ်တန်း မြန်မာလူလည်နဲ့တွေ့ရင် အချီကြီးအလိမ်ခံရတာပဲဖြစ်မယ်။ ယွန်းဆက်က ထိုင်းအိုလံပစ်ကော်မတီ ဥက္ကဌဆိုတော့ မြန်မာပြည်က အားကစားဝန်ကြီး ဦးတင့်ဆန်းနဲ့ နီးစပ်တဲ့ဆက်ဆံရေးရှိပုံပဲ၊ ဒီကနေ ဦးတင့်ဆန်းက ဦးသိန်းစိန်ကို သူဘယ်လိုပိုင်ကြောင်း ကြွားလုံးတွေပစ်ထားပုံရတယ်။ (ဒါပေမဲ့ ဦးတင့်ဆန်းကိုပေးရမဲ့ အစိုးရအကြွေးတွေ ကိစ္စက အမှန်ပဲ)။

တပ်ချုပ်ကြီးမင်းအောင်လှိုင်နဲ့ ပတ်သက်လို့ ဒီတပ်ချုပ်ကြီးက ထိုင်းရဲ့အကိုင်ကိုခံပါ့မလား ဖြစ်နိုင်ချေနည်းတယ်လို့ မြင်မိတာပဲ။ ဒါပေမဲ့ ယွန်ဆက်က မင်းအောင်လှိုင်လည်း တော်တော်ကြွယ်ဝတဲ့သူပဲလို့ ပြောသွားတာရှိတော့ တွေးစရာလေးတွေ ရှိသွားပြန်ရော။

ဒီအသံဖိုင်နဲ့ပတ်သက်လို့ ကာယကံရှင်ယွန်ဆက်ကတော့ ဒါဟာ အမှန်တကယ်မဟုတ်ပဲ တစ်စုံတစ်ယောက်က သူ့ကို သက်သက်မဲ့ နိုင်ငံရေးအရလုပ်ကြံတာ၊ လက်ရှိအစိုးရနဲ့ စစ်တပ်ကိုရန်တိုက်ပေးတာ စသဖြင့် ငြင်းဆန်ပြီး ဒါနဲ့ပတ်သက်ပြီး လက်ရှိယင်လပ်အစိုးရ ထိခိုက်မှုရှိသွားတယ်ဆိုရင် သူရာထူးကနေ နုတ်ထွက်ပေးဖို့ အသင့်ပဲလို့ ပြောပေမဲ့ ယင်လပ်ကတော့ ဒီလိုလုပ်ဖို့မလိုအပ်ဘူးလို့ ဆိုပါတယ်။
ဆက်စပ်သတင်းဖတ်ရန် -
http://www.bangkokpost.com/news/security/357859/yuthasak-blames-anti-dialogue-rebels-for-flurry-of-violence

Aung Zin Latt

လာဘ်ပေး၊လာဘ်ယူ ပပျောက်ရေးဥပဒေအရ ဖွဲ့စည်းမည့် ကော်မရှင်အဖွဲ့ဝင်များ၏ ပိုင်ဆိုင်မှုတင်ပြရမည့်အချက်ကို ပယ်ဖျက်ပေးရန် နိုင်ငံတော်သမ္မတ မှတ်ချက်ပြုသည် ကို ပြည်ထောင်စုလွှတ်တော်ဥပဒေကြမ်း ပူးပေါင်းကော်မတီက ဇူလိုင်လ ၈ ရက် တွင် ပြုလုပ်သည့် ပြည်ထောင်စုလွှတ်တော် အစည်းအဝေးတွင် ငြင်းဆိုခဲ့ကြောင်း သိရှိရသည်။

လာဘ်ပေး၊လာဘ်ယူပပျောက်ရေး ဥပဒေကြမ်းကို ပြည်ထောင်စုလွှတ်တော်မှ အတည်ပြုပြီး နိုင်ငံတော်သမ္မတထံသို့ ပေးပို့ခဲ့ ရာတွင် နိုင်ငံတော်သမ္မတမှ “ကော်မရှင်အဖွဲ့ဝင်များသည် ကော်မရှင်တွင် တာဝန်ပေးအပ်ခြင်းခံရသည့် အခါတွင် မိမိတို့ဦးစီး သည့် တစ်စီးပွားတည်းဖြစ်သော မိသားစုပိုင် ငွေကြေး၊ ပစ္စည်း ပေးရန်တာဝန်နှင့် ရပိုင်ခွင့်များကို တန်ဖိုးနှင့်တကွ စာရင်းပြုစုပြီး နိုင်ငံတော်သမ္မတထံ ပေးပို့ရမည်” ဟူသော ဖော်ပြချက်မှာ ဖွဲ့စည်းပုံအခြေခံဥပဒေနှင့် ညီညွှတ်မှုမရှိသဖြင့် နုတ်ပယ်သင့်ပါသည်ဟု မှတ်ချက် ပြုခဲ့သည်။

ပြည်ထောင်စု အစိုးရအဖွဲ့ဥပဒေတွင် “လွှတ်တော်၏ အတည်ပြုချက်ဖြင့် နိုင်ငံတော်သမ္မတက ခန့်အပ်သော ပုဂ္ဂိုလ်များသည် တစ်စီးပွားတည်းဖြစ်သော စီးပွားရေးလုပ်ငန်းများနှင့် ပိုင်ဆိုင်မှုများကို တန်ဖိုးနှင့်တကွ စာရင်းပြုစုပြီး နိုင်ငံတော်သမ္မတထံ ပေးပို့ရမည်” ဟူ၍ ပြဋ္ဌာန်းထားကြောင်း၊ ယခုကော်မရှင်နှင့်အဖွဲ့ဝင်များသည် ယခုဥပဒေအရ နိုင်ငံတော်သမ္မတ၊ ပြည်သူ့လွှတ်တော်ဥက္ကဋ္ဌနှင့် အမျိုးသားလွှတ်တော်ဥက္ကဋ္ဌတို့က ရွေးချယ်ထားသော အဖွဲ့ဝင် ၁၅ ဦး ၏ အမည်များကို နိုင်ငံတော်သမ္မတက ပြည်ထောင်စု လွှတ်တော် သို့တင်သွင်းပြီး သဘောတူညီချက်ရယူ၍ ကော်မရှင်ကို ဖွဲ့စည်းရသည့်အတွက် ပြည်ထောင်စုအစိုးရအဖွဲ့ ဥပဒေအရ “လွှတ်တော်၏ အတည်ပြုချက်ဖြင့် နိုင်ငံတော်သမ္မတက ခန့်အပ်သော ပုဂ္ဂိုလ်များ ဖြစ်သည်” ဟုမှတ်ယူရမည်ဖြစ်ကြောင်း၊ ထို့ကြောင့် ကော်မရှင်နှင့် ကော်မရှင်အဖွဲ့ဝင်များသည် မှုလပိုင်ဆိုင်မှုစာရင်း များကို ပြုစု၍ နိုင်ငံတော်သမ္မတထံ ပေးပို့ရမည်ဆိုသည်မှာ ဖွဲ့စည်းပုံ အခြေခံဥပဒေနှင့် ဆန့်ကျင်ခြင်းမရှိကြောင်း ပြည်ထောင်စုလွှတ်တော် ဥပဒေကြမ်းပူးပေါင်းကော်မတီ တာဝန်ရှိသူတစ်ဦးက ပြောကြား သည်။

ထို့ပြင်ကော်မတီနှင့် ကော်မရှင်အဖွဲ့ဝင်များသည် နိုင်ငံတော်တစ်ဝန်းလုံး အတွက်လည်းကောင်း၊ တစ်မျိုးသားလုံး၏ အကျိုးစီးပွားအတွက် လည်းကောင်း၊ လာဘ်ပေး၊လာဘ်ယူ ပပျောက်စေရန် ဆောင်ရွက်ရမည့်သူများ ဖြစ်ကြောင်း၊ ထို့ကြောင့် လာဘ်ပေး၊လာဘ်ယူမှုပပျောက်စေရန် တာဝန်ပေးအပ်ခြင်းခံရသူများသည် ပွင့်လင်း မြင်သာရှိပြီး နိုင်ငံတော်သမ္မတ၏ အုပ်ချုပ်ရေး အာဏာ ဆောင်ရွက်ရာတွင် အထောက်အပံ့ရရန်လိုကြောင်း အဆိုပါတာဝန်ရှိသူက ဆက်လက်ပြောကြားခဲ့ကြောင်း သိရှိရသည်။

yangonchronicle

မြနန္ဒာဂျာနယ်၊ အတွဲ-၂၊ အမှတ်-၂၅

ဆောင်းပါးရှင်-သင်းသင်းသော်

သူငယ်ချင်းတစ်ယောက်နဲ့ ဖုန်းပြောဖြစ်တယ်။ မတွေ့တာကြာလို့ ဟိုအကြောင်း ၊ ဒီအကြောင်းတွေ ပြောဖြစ်ကြရင်း သူကမေးလာတယ်။ “ဟဲ့-နင်လက်မှတ်ထိုးမှာလား”တဲ့။ ဘာမဆိုင်ညာမဆိုင်၊ အရင်းမရှိ အဖျားမရှိမေးတော့ ဘာပြန်ပြောရမှန်း မသိဘူး။ “ဟိုဥပဒေလေ ။ လူမျိုး ခြားကို မယူဖို့”ဆိုတာ။ ပြီးတော့ဆက်ပြောသေးတယ်။“ ငါတော့သဘောတူတယ်။ လက်မှတ်ထိုးခိုင်းရင်ထိုးမှာ။ နင်လည်းထိုး၊ တကယ်လို့ လက်မှတ်မထိုးရင် နင်ကုလားမယားဖြစ်ချင်လို့ပဲ”တဲ့။
ဘုရား၊ ဘုရား၊ ဖုန်းကို ပစ်ချလိုက်တယ်။ ကြက်သီးတွေဖျန်းဖျန်းထလာတယ်။ သူဘာတွေဆက်ပြောနေလည်း ကျွန်မမသိတော့ဘူး။ ဒါ မျိုးချစ်စိတ်လား၊ အစွန်းရောက်စိတ်လား၊ ဒါမှမဟုတ် တစ်ယူသန်စိတ်လား။ ဘာကိုမှ ခွဲခြားမသိတော့ဘူး။

သံသယ

မုံရွာဘက်က အမျိုးတွေရောက်လာတယ်။ မိသားစုတွေ ၀ိုင်းထိုင်ပြီး စကားပြောဖြစ်ကြတယ်။ ရွာအကြောင်းလည်း မေးဖြစ်တယ်။ မုံရွာဘက်က သတင်းတွေကြားတယ်။ အဆင်ပြေကြရဲ့လား။ ခုကော အခြေအနေက ဘယ်လိုရှိလဲ။ အေးအေးချမ်းချမ်းပဲမို့လား။ မေးခွန်းတွေ ဆက်တိုက်မေးလိုက်တယ်။ ပြန်ဖြေတဲ့စကားလုံးက“လူတိုင်းသံသယစိတ်တွေနဲ့တဲ့။ စိတ်အေးလက်အေး မနေရပါဘူး”တဲ့။
သံသယစိတ်ဟာ အရမ်းကို ကြောက်စရာကောင်းပါတယ်။ ယုံကြည်မှုမရှိ၊ မလုံမခြုံစိတ်ခံစားချက်တွေနဲ့ စိတ်အေးလက်အေးမနေနိုင်တာ အပြစ်မဆိုသာပါဘူး။ ဘာဖြစ်လို့လည်းဆိုတော့ ဒီရက်ပိုင်းတွေမှာ မြန်မာပြည်အနှံ့အပြား နေရာဒေသတွေမှာ ကောလဟလတွေကလည်း ပျံ့လွင့်လို့နေသကိုး။ ကိုယ်တိုင်မြင်တွေ့ရတာလည်းမဟုတ်၊ ကိုယ့်ရှေ့မှာ ဖြစ်တာလည်း မဟုတ်၊ ကိုယ့်ရပ်ရွာမှာလည်း မဟုတ်ပါဘဲ။ ဟိုသတင်းဒီသတင်းတွေကြောင့် စိတ်အေးလက်အေးမနေရ၊ စိုးရိမ်ကြောင့်ကျနေကြရတာ ဖြစ်တတ်တာပါပဲ။
ဒီလိုပြသနာတွေ၊ ကောလဟလတွေအပြင် လောလောလတ်လတ်ကြီး လှုပ်လှုပ်ရှားရှားဖြစ်နေတာက လွှတ်တော်ကို တင်သွင်းမယ့် အမျိုးစောင့်ဥပဒေဆိုတဲ့ ကိစ္စပါပဲ။ ဗုဒ္ဓဘာသာမြန်မာလူမျိုးတိုင်းက ဘာသာရေးဟေ့ဆိုရင် ဆတ်ဆတ်ထိ မခံကြ။ “ကောလဟာလတွေကလည်း ပျံ့နေတာပဲ။ ရေတွင်းထဲမှာဆေးခပ်ထားလို့တို့၊ ရေခဲချောင်းမှာ ဆေးတို့လိုက်လို့ ကလေးနှစ်ယောက်ဆေးရုံတင်လိုက်တာတို့၊ လမ်းဘေးသောက်ရေအိုးစင် မှာ ဘာသာခြားတွေက ဆေးခပ်ထားတယ်တို့နဲ့ စုံနေတာပဲ။ အကုန်လုံးကလည်း ဒါတွေကြားပြီး ကြောက်လန့်နေကြတယ်။ သံသယစိတ်တွေကလည်း အပြည့်။ အမတို့ဆီမှာ လမ်းဘေးရေအိုးစင် ရေကိုမရှိဘူး။ ထည့်မယ့်သူကလည်း မထည့်တော့သလို သောက်မယ့်သူလည်း မရှိတော့ဘူး။ အမတို့တောင် ရေအိုးစင်တည်ဖို့ ၀ယ်ထားတဲ့ သောက်ရေအိုး အခုမတည်ဖြစ်တော့ဘူးလေ။

“တစ်ချို့၇ွာတွေမှာပိုဆိုးတယ်။ ကိုယ့်ခြံဝင်းထဲက ရေတွင်းကို ဆေးလာခပ်ခံ၇မှာစိုးလို့ ညဘက်စောင့်အိပ်တာတို့၊ ရေတွင်းကို အ၀တ်ဖုံးထားတာတို့တွေတောင် လုပ်ကြတာ။ ညနေဆိုရင် ရွာသားတွေက ကင်းလှည့်နေကြပြီ။ ဟိုအသံဒီအသံကလည်း စုံနေတော့ ရင်းနှီးတဲ့ သူတွေကိုတောင် သူ့ကိုယ်မယုံ၊ ကိုယ့်သူမယုံ၊ ကြောက်စိတ်တွေ၊ သံသယစိတ်တွေနဲ့ စိတ်အေးရတယ်လို့ကို မရှိတော့ပါဘူး”တဲ့။

အေးချမ်းနေတဲ့ ရင်ထဲကို ဒီသံသယတွေနဲ့ ဒီအကြောက်တရားတွေ ဘယ်သူရိုက်သွင်းပေးနေတာလဲ။ ပူလောင်မှုတွေနဲ့ မငြိမ်းချမ်းခြင်းတွေကို ဘယ်သူထည့်သွင်းပေးလိုက်တာလဲ။ကောလဟလတွေကို ဘယ်သူဆောင်ကြဉ်းလာတာလဲ။ မသီတာထွေး အမှု၊ ရန်ကုန်-တောင်ကုတ် အဝေးပြေးကားပေါ်မှာ ပါလာတဲ့မူဆလင် ဆယ်ယောက် အသတ်ခံရတဲ့ကိစ္စ၊ မိတ္ထီလာကိစ္စ ၊ လားရှိုးကိစ္စ၊ ....များပြားလှတဲ့ ကိစ္စတွေက ဆက်တိုက်ဆက်တိုက်..ဒါတွေရဲ့ နောက်ဆက်တွဲကတော့ အခုအမျိုးစောင့်ဥပဒေ ကို အတည်ပြုဖို့ ကြိုးစားလာနေကြတဲ့ သံဃာတော်တွေအပေါ် ပုခုံးပြောင်း သွားပြန်ပါတယ်။ ဘယ်သူတွေက သားကောင်ဖြစ်ပြီး ဘယ်သူတွေက အရွှေ့ခံနေရတာလည်း။ ဆင်ကွက်ထဲဝင်သွားတာလား။ ထွင်ကွက်ထဲ ၀င်သွားတာလား။ သေချာတာကတော့ အခု လူတိုင်းရဲ့ ရင်ထဲမှာ သံသယတွေ၊ အကြောက်တရားတွေနဲ့ ပျံ့နှံ့ တုန်လှုပ်နေကြပါတယ်။ ဒါဟာ မတည်ငြိမ်မှုတွေ ဖြစ်ပေါ်စေဖို့ အခွင့်ကောင်းဖြစ်နေပါပြီ။ အမုန်းတရားတွေကတော့ စွဲမြဲနေခဲ့ပါပြီ။


လက်မှတ်ထိုးကောက်ခံ

နေရာတော်တော်များများမှာ အမျိုးစောင့်ဥပဒေ ကို အတည်ပြုနိုင်ဖို့အတွက် ဗုဒ္ဓဘာသာဝင်တွေဆီက ထောက်ခံလက်မှတ်တွေ ထိုးခိုင်းနေပါပြီ။ မန္တလေး ဘုရားကြီးဘက်မှာဆိုရင် လော်စပီကာကြီးဖွင့်၊ သီချင်းတွေဖွင့် ခုံတွေခင်းပြီး လက်မှတ်ထိုးတွေကောက်နေတာ တော်တော်ကို ခရီးပေါက်နေပါပြီ။ အနယ်နယ်အရပ်ရပ်မှာတော့ ဒီထောက်ခံလက်မှတ်ထိုးတွေကို ဆရာဒကာရင်းတွေကတဆင့် စုဆောင်းတယ်လို့လည်းသိရတယ်။ မုံရွာ၊ ပုလဲမြို့နယ်ထဲမှာ ရှိတဲ့ကျေးရွာတွေမှာတော့ ကျောင်းထိုင်ဆရာတော်တွေက တစ်ရွာလုံးကို ကျောင်းကိုလာဖို့ဆင့်ခေါ်ပြီး လက်မှတ်ထိုးခိုင်းပါသတဲ့။

“ရွာဘက်က ဆရာတော်က သူတို့ရဲ့ ဒကာမတွေကို လက်မှတ်လိုက်ထိုးခိုင်းတယ်။ ဒကာ၊ ဒကာမတစ်ယောက်စီက လက်မှတ် တစ်ရာစီပြည့်အောင် စုခိုင်းထားတယ်။ အမတို့အိမ်ဘက်တွေလည်း ရွာထဲက လူတွေကလက်မှတ်လာထိုးခိုင်းတယ်။ ဘာသာခြားကို မယူဖို့တဲ့။ ကိုယ်လည်းယူမှမယူတာ ဘာမှဖတ်ကြည့်မနေတော့ဘဲထိုးပေးလိုက်တယ်။ တစ်ချို့ရွာက ဘာသာခြားတွေဆိုရင် ပြောင်းသွားကြပြီ။ ဘာသာခြားဆိုင်တွေလည်း အရောင်းတွေကျသွားတယ်။ အရမ်းကို သိသာတယ်”လို့ အလည်လာတဲ့ မုံရွာဆွေမျိုးတွေက တစ်ယောက်တစ်ခွန်း ပြောပြကြတယ်။

ဒီအမျိုးစောင့်ဥပဒေဆိုတာဟာ ကိုယ့်ဘာသာသာသနာနဲ့ ကိုယ့်ဗုဒ္ဓဘာသာ မိန်းခလေးတွေကို ကာကွယ်ပေးလို့ ဒီဥပဒေကို အကောင်အထည်ဖော်နေတဲ့ ဆရာတော်တွေကို အင်မတန်ထောက်ခံပြီး ကျေးဇူးတွေလည်း တင်နေကြတယ်တဲ့။

နူးညံ့သူတွေ မုန်းကြပြီလား

တရားလာဟောတဲ့ ဆရာတော်တွေရဲ့ တရားတွေကို နာကြ၊ ခွေတွေကို ကြည့်ကြ၊ ဒေါသတွေထွက်၊ အမုန်းမီးတွေတောက်၊ ခံပြင်းစိတ်တွေဝင်ပြီး အပူတွေကိန်းအောင်းကုန်ကြတာကိုတော့ မေ့လျော့နေကြပါပြီ။

“အ၇င်တုန်းကတော့ တရားနာတယ်ဆိုတာ ရင်ထဲက အပူမီးတောက်တွေ ငြိမ်းအေးပြီး စိတ်ရောကိုယ်ရော အေးချမ်းသွားတာ။ လောဘတွေ၊ ဒေါသတွေ ၊ မောဟတွေ အကုန်ငြိမ်းအေးသွားလောက်အောင်ကို တရားရေအေးတိုက်ကျွေးတယ်ပေါ့နော်။ အခုတော့ လူတွေရဲ့ ရင်ထဲမှာ အမုန်းတွေပွားလာတယ်။ ကံ၊ ကံ၏ အကျိုး၊ ကိုယ်ပြုတဲ့ကံ ကိုယ့်သာခံ၇မယ်ဆိုတဲ့ စကားတွေလည်း မရှိတော့ဘူး။တကယ်က ဗုဒ္ဓဘာသာဆိုတာ အင်မတန် သိမ်မွေ့တဲ့ အရာ။ အခုတော့ ကိုယ့်အိမ်က လူတွေတောင် ဟိုမုန့်ဆိုမစားဘူး။ ဒီဆိုင်ဆို မ၀ယ်ဘူး။ တော်တော်ကို ရင်မအေးစရာပါပဲ”လို့ လည်း မြို့ခံ အချို့က ပြောကြပါတယ်။

“ကျွန်တော်တို့ရွာက ကျောင်းထိုင်ဆရာတော်က ဘယ်ရွာသားကိုမှ လက်မှတ်မကောက်ဘူး။ ၀င်လည်းမပါဘူးလေ။ ဒါကို ရွာကအချို့လူတွေက ဆရာတော်ကို မကျေနပ်ဘူး။ တာဝန်မကျေဘူးလို့လည်း ပြောကြတယ်။ ရွာမှာဒီကိစ္စနဲ့ ဆရာတော်ကို ကြည်ညိုတဲ့သူ၊ မကြည်ညိုတဲ့သူ ကွဲကုန်ပြီ။ အချင်းချင်းတွေလည်း လက်မှတ်ထိုးမယ် မထိုးဘူးနဲ့ စိတ်ဝမ်းတွေ ကွဲနေတယ်။

အခြေအနေကတော့ ဒီအတိုင်းပဲ။ ရွာက လူတွေက အားရင် ဒီတရားခွေတွေကိုပဲ စပီကာနဲ့ အပြိုင်ဖွင့်ထားတာ။ အားနေလည်း ဒီအကြောင်းတွေပဲ ပြောနေတယ်။ ဒီစိတ်တွေနဲ့ မွန်းကြပ်နေကြသလိုပဲ။ ခွေတွေကြည့်ပြီး ဒေါသတွေထွက်နဲ့ အမုန်းတွေကတော့ တော်တော်ကိုစိုးတယ်”လို့လည်း ကိုယ်လက်လှမ်းမီတဲ့ ရွာကမိတ်ဆွေတွေကို မေးမြန်းစုံစမ်းကြည့်တော့ ပြန်ဖြေခဲ့တဲ့ စကားပါ။


သက်ရောက်မှုတိုင်း ကောင်းပါ့မလား

အမျိုးစောင့်ဥပဒေပေါ်ပေါက်ရေး လှုပ်ရှားမှုကတော့ တဟုန်ထိုးဖြစ်နေပါပြီ။ ဘယ်လိုပဲတွေးတွေ ၊ ဘယ်လိုပဲမေးမေး အဖြေကတော့ ပေါ်မလာပါဘူး။ ဗုဒ္ဓဘာသာ မြန်မာမိန်းခလေးတွေဟာ တကယ်ပဲ ဥပဒေနဲ့ ထိန်းချုပ်ထားမှ ၊ တားမြစ်ထားမှ၊ ဘောင်ခတ်ကန့်သတ်ထားမှ ရမယ့်သူတွေလား။ ဒီလောက်ထိ အမျိုးဂုဏ်၊ ဇာတိဂုဏ်ကို မစောင့်ထိန်းနိုင်တော့တဲ့သူတွေဖြစ်သွားလို့လား။ဥပဒေနဲ့ ထိန်းကျောင်းရလောက်အောင်ထိ မြန်မာအမျိုးသမီးလေးတွေက ဘာသာခြားတွေကို ဘယ်လောက်ရာခိုင်နှုန်းလောက် ယူထားသလဲဆိုတဲ့ စစ်တမ်းအသေးစိတ်တွေကော ကောက်ထားလို့လား။ ကိုယ့်ရဲ့ ပတ်ဝန်းကျင်မှာတော့ မိသားစု အစုတစ်ရာမှာ ဘာသာခြားကို ယူတဲ့သူ တစ်ယောက်မရှိပါဘူး။အခြားဘာသာဝင်တွေက ဗုဒ္ဓဘာသာဝင်တွေကို ဘယ်လိုထင်ကြမလဲ။ ကိုယ့်သိက္ခာကိုယ်မစောင့်စည်းကြလို့ ဒီလိုဥပဒေထုတ်ခံ၇တာပေါ့လို့များတွေးပြီးဟားကြလေမလား။ ဒီလိုသာဆိုရင် မွေးထုတ်ပေးလိုက်တဲ့ မိဘတွေကိုယ်တိုင်က ကိုယ့်သမီးပျိုတွေကို မသွန်သင်နိုင်လို့၊ မဆုံးမနိုင် မထိန်းကျောင်းနိုင်တော့လို့ ဆရာတော်သံဃာတော်တွေက ၀င်ပါပြီး ထိန်းကျောင်းပေးနေ၇တာမျိုးများ သက်ရောက်သွားလေမလား။

ကိုယ့်တစ်ယောက်တည်းတွေးတောရင်း ဒီအကြောင်းအ၇ာတွေကို ရင်ဖွင့်ပြောပြဖို့ မြို့ထဲက ဆရာ့ထံကို ထွက်လာခဲ့တယ်။ ဆရာ့ဆီမှာ ပြောပြတယ်။ ပြီးတော့ ကျန်တဲ့ဆရာတွေ၊ မြို့ခံတွေ ဘယ်လိုသုံးသပ်ကြလဲ။ ဘယ်လိုတွေးလည်းဆိုတာကိုလည်း လက်လှမ်းမီသလောက်လိုက်မေးဖြစ်ခဲ့ပါတယ်။

“ဗုဒ္ဓဘာသာတရားဆိုတာက ငြိမ်းချမ်းရေးတရားပါ။ နည်းနည်းတော့လွဲနေတယ်။ ပြောပြန်ရင်လည်း ဆန့်ကျင်သလိုဖြစ်သွားဦးမယ်။ အခုလောလောဆယ်မှာတော့ ဒါတွေကို မလုပ်စေချင်သေးဘူး။ အခုက ရှုပ်ထွေးနေတဲ့အချိန်လေ။ မငြိမ်းချမ်းကြဘူး။ အခွင့်အခါကို စောင့်နေတဲ့သူတွေကလည်း အများကြီးပဲ။ ဒီအခွင့်အရေးကို ရဖို့ ဒီလိုဖြစ်အောင်ဖန်တီးနေသလားဆိုတာလည်း မခန့်မှန်းနိုင်ဘူးလေ။

အခု ဘာသာခြားနဲ့ပိုဖြစ်လာတာ။စိတ်တွေကို အရမ်းကို လှုံ့ဆော်လိုက်သိုဖြစ်နေတယ်။ ကလေးတွေရင်ထဲမှာတောင် ရောက်နေပြီ။ စောင့်လေမျိုးနွယ်ဆိုတာကလည်း ဘုရားဟောတာက ဒီလိုကြီးစောင့်ရမယ်လို့ ဟောတာမဟုတ်ပါဘူး။ အခုက ရောထွေးနေတယ်။ တစ်ယောက်နဲ့တစ်ယောက်က သံသယတွေနဲ့လေ။ သူတို့ကလည်းကြောက်နေကြတယ်။ ဒီတိုင်းကတော့ အတူယှဉ်တွဲနေထိုင်ဖိုို့တာ ဘယ်လိုလုပ်ဖြစ်နိုင်တော့မှာလဲ။ ”လို့ မန္တလေးမြို့ခံ အချို့ကလည်း သုံးသပ်ပြောဆိုကြပါတယ်။

“ဘုရားရှင်ရှိစဉ်ကတောင် ဘုရားက ဒိဌိကျောင်းကို သွားတာပါပဲ။ဘုရားကျောင်းဘေးမှာလည်း ဒိဌိကျောင်းတွေရှိတာပဲ။ ပြီးတော့ ဗုဒ္ဓဘာသာက စည်းရုံးပိုင်ခွင့်မရှိဘူး။ စည်းလည်းမစည်းရုံးရဘူး။ ဘုရားကိုယ်တိုင်ကိုယ်က ယုံကြည်ရင်ကိုးကွယ်ပေါ့။ ဗုဒ္ဓဘာသာမိဘက မွေးလို့ ဗုဒ္ဓဘာသာဖြစ်ရမယ်လို့ မပြောဘူး။ ကိုယ်တိုင်ယုံကြည်မှ လက်ခံ၊ ကိုယ်တိုင်ကျင့်ပဲ။ ”လို့လည်း လူကြီးသူမတွေက ပြောပြပါတယ်။


ဘယ်လိုဆုံးဖြတ်မလဲ

ကိုယ့်လက်ထဲကို လက်မှတ်ထိုးတဲ့ စာရွက်များရောက်လာခဲ့ရင် လာလုပ်ရမလဲ။ လက်မှတ်ထိုးမှာလား။ မထိုးဘူးလား။ ဘယ်သူတွေက ထောက်ခံပြီး ၊ ဘယ်သူတွေက ကန့်ကွက်ကြပါသလဲ။ ထောက်ခံသူတွေကကော ဘယ်လိုလူတွေဖြစ်ပြီး ဘာကြောင့်ထောက်ခံကြပါသလဲ။ ကန့်ကွက်ကြသူတွေကကော ဘယ်လိုလူတွေဖြစ်ပြီး ဘာ့ကြောင့်ကန့်ကွက်ကြပါသလဲ။

တစ်အိမ်တက်ဆင်း လက်မှတ်လိုက်ထိုးခိုင်းတာမျိုးနဲ့ မကြုံတွေ့ပါစေနဲ့လို့တော့ ဆုတောင်းနေမိတယ်။ ဘာဖြစ်လို့လည်းဆိုတော့ လက်မှတ်မထိုးပေးဘူးလို့ ပြောရင် သူငယ်ချင်းပြောသလို ဘာသာခြားမယားဖြစ်ချင်နေလို့လို့ အော်တော်မစ်တစ် စာရင်းသွင်းခံရမယ်။ လက်မှတ်ထိုးလိုက်ပြန်ရင်လည်း ကိုယ်တွေ သိက္ခာမရှိ၊ အကျင့်ပျက်၊ အမျိုးဂုဏ်ကို မစောင့်ထိန်း၊ ဘာသာတရားကို လျစ်လျှူရှုတဲ့ မိဘဆိုဆုံးမလို့ မရတဲ့ အမျိုးသမီးဖြစ်ပြန်ဦးမယ်။

ကျွန်မတစ်ယောက်တည်းရဲ့ အတွေးကတော့ ဒီလိုလွတ်လပ်ပွင့်လင်းလာတဲ့ ခေတ်၊ ကိုယ်ပိုင်ရွေးချယ်ခွင့်၊ ကိုယ်ပိုင်လွတ်လပ်ခွင့် ၊ လူ့အခွင့်အရေးတွေ တောင်းဆိုနေတဲ့ အချိန်မျိုးမှာ ကိုယ်ကျင့်သိက္ခာကို ထိပါးတယ်လို့ ခံစားရတဲ့ ဘယ်လိုဥပဒေမျိုး ဘယ်လိုအမိန့်မျိုးကို မှ ဘောင်ခတ်မခံချင်ခဲ့ဘူး။ ဘယ်လိုလူတွေ ဘယ်လိုတွေးမှန်းမသိပေမယ့် ကိုယ့်ဆီလက်မှတ်ထိုးစာရွက်ရောက်လာခဲ့ရင် လွတ်လပ်စွာ ဆုံးဖြတ်ပိုင်ခွင့်အတွက် ဂုဏ်သိက္ခာကို ထိပါးစော်ကားကြဦးမှာလား ဆိုတဲ့အတွေးကို တွေးနေကြတဲ့သူတွေလည်း အများကြီးကျန်နေပါသေးတယ်။

Author Name

Contact Form

Name

Email *

Message *

Powered by Blogger.