08/04/13

လွန်ခဲ့တဲ့ တနင်္လာနေ့က ပျင်းပျင်းရှိနေတာနဲ့ မြို့ပတ်ရထား လိုက်စီးဖြစ်တယ်.......

ပုစွန်တောင် ဘူတာရောက်တော့..... ကျောင်းသားလေး နှစ်ယောက် တက်လာတယ်..... မျက်နှာမှာ သနပ်ခါးလေးတွေ ဖွေးလို့...

မနက်စောစော ဖြစ်တာကြောင့် ရထားတွဲထဲမှာ ထိုင်ခုံတွေ လွတ်နေပေမယ့် အဲဒီကလေး နှစ်ယောက်က ထိုင်ခုံမှာ သွားမထိုင်ဘူး ကျွန်တော် မတ်တပ်ရပ် စီးနေတဲ့ တခါးပေါက်နားမှာပဲ ရပ်ပြီး လိုက်စီးကြတယ်...

ကျွန်တော် ထင်လိုက်တာက ဒီကလေးတွေ တစ်မှတ်တိုင်စာ နှစ်မှတ်တိုင်စာလောက် ဝေးတဲ့ ကျောင်းကို သွားမှာမို့ မှတ်တပ်ရပ် စီးတယ်ထင်နေတာ နောက်တော့ ဒီကလေးတွေက တော်တော် နဲ့ မဆင်းဘူး....

အဲဒါနဲ့ သူတို့ကို မေးကြည့်တယ် ဘယ်မှာ ကျောင်းသွားတက်မှာလဲဆိုတော့ မင်္ဂလာဒုံမှာ သွားတက်မှာ... ငါးတန်းကျောင်း သားတွေတဲ့...

တစ်ရက်ကို မုန့်ဖိုး ဘယ်လောက်ရလဲလို့ မေးကြည့်တော့ တစ်ရာ ရတယ်တဲ့...... အဲဒီတစ်ရာ ကို မင်းတို့ ဘာတွေ သုံးကြတုန်းဆိုတော့...... ရထား လက်မှတ် ဝယ်ရတယ်လေ ကုန်ပြီတဲ့......

ရထား လက်မှတ်လေးကို ကျွန်တော့်ကို ထုတ်ပြတယ်...

ကျွန်တော် မြောက်ဒဂုံမှာနေတုန်းက ဗိုက်ပူကားတစ်ချို့ ကျောင်းသားလေးတွေဆီက ပိုက်ဆံ မကောက်ပါဘူး... ကျောင်းသားတွေဆိုရင် တက်တက်ဆိုပြီး အလကား ပေးစီးပါတယ်...

နိုင်ငံတော် ပိုင် အစိုးရ ရထားအနေနဲ့လည်း ကျောင်းသားလေးတွေကို ရထား အလကား ပေးလိုက်ရင် အစိုးရဲ့ ဝင်ငွေကို ထိခိုက်သွားမယ် လို့ မထင်မိပါဘူး.... မသင်္ကာရင်တော့ ကျောင်းသား ကဒ်တောင်းကြည့်ပေ့ါ...

ကျောင်းသား တစ်ယောက်စီရ တဲ့ ရထားလက်မှတ်ခ တစ်ရာက အစိုးရအတွက် ဘာမှ မဟုတ်ပေမယ့်... အဲဒီ ကျောင်းသားလေးတွေကို ရထား အလကား ပေးစီးလိုက်ရင် တစ်ရက်တစ်ရာနှုန်းနဲ့ သုံးလလောက်ဆိုရင် သူတို့ လွယ်ထားတဲ့ ကျောပိုးအိတ် အစုတ်လေးကို အသစ်တစ်လုံးဝယ်လို့ရနိုင်ပါတယ်...

Soe Zeya Tun(Photojournalist)

(Bangkok Post သတင်းစာမှ 1 August 2013 ရက်စွဲပါ Charter changes will boost reforms ကိုဘာသာပြန်ဆိုသည်)

အချိန်အတန်ကြာ ပြုပြင်ပြောင်းလဲရေး ကြိုးပမ်းချက်များ ပြုလုပ်ခဲ့ပြီးနောက် မြန်မာအစိုးရသည် ယခုအခါ ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးအတွက် စတင်လုပ်ဆောင်နေပြီဖြစ်သည်။ ဖွဲ့စည်းပုံအခြေခံဥပဒေ ပြင်ဆင်ရေးဆွဲရေး အတွက် တာဝန်ယူလုပ်ကိုင် ပေးရမည်ဖြစ်သော လွှတ်တော်သည် အဖွဲ့ဝင် ၁၀၉ ဦးပါဝင်သည့် ကော်မတီတစ်ရပ်ကို အဆိုပါ အခြေခံ ဥပဒေအား စီစစ်သုံးသပ်နိုင်ရန်အလို့ငှာ ကြာသပတေးနေ့က ဖွဲ့စည်းပေးလိုက်သည်။

ယင်းကော်မတီတွင် ၂၅ ရာခိုင်နှုန်းဟူသည့် တပ်မတော်သား ကိုယ်စားလှယ်များနှင့်အတူ ဒေါ်အောင်ဆန်းစုကြည် ၏ အမျိုးသားဒီမိုကရေစီ အဖွဲ့ချုပ်ပါတီ(NLD)မှ ကိုယ်စားလှယ်များနှင့် သမ္မတဦးသိန်းစိန်၏ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(ကြံ့ဖွံ့)မှ ကိုယ်စားလှယ်များ ပါဝင်သည်။ အခြေခံဥပဒေပြင်ဆင်ရေးဆွဲရေးသည် ဒေါ်အောင်ဆန်းစုကြည်အား သမ္မတဖြစ်ခွင့်မရှိအောင် ဟန့်တားထားသည့်အချက်နှင့် ပြည်နယ်များအနေဖြင့် ပြည်နယ်အစိုးရဝန်ကြီးများကို ကိုယ်တိုင် ရွေးချယ်ခွင့် ရရှိရေး ဟူသည့် အချက်နှစ်ရပ်နှင့်ပတ်သက်သော ဝေဖန်ပြောဆိုမှုများကို ဖြေရှင်းရန်ဖြစ်သည်။

လေ့လာဆန်းစစ် ကြည့်မည်ဆိုပါက မြန်မာနိုင်ငံတွင်အခြေခံဥပဒေ ပြင်ဆင်ရန် လိုအပ်ချက်အတွက် အကြောင်း အရင်းနှစ်ရပ် ရှိနေသည်ကို တွေ့ရပါသည်။ ပထမတစ်ခုမှာ ပြည်တွင်းရေးကိစ္စဖြစ်သည်။ မြန်မာနိုင်ငံ၏ သမိုင်းကြောင်း ပြဿနာများသည် တိုင်းရင်းသားလူနည်းစုများက ကိုယ်ပိုင်အုပ်ချုပ်ခွင့်ရရန် တောင်းဆိုမှုများနှင့် မြန်မာအစွန်းရောက် မျိုးချစ် ဝါဒီများ၏ တောင်းဆိုချက်များအပေါ် ဆန့်ကျင်မှုများက အဓိကလွှမ်းမိုး ကြီးစိုးထားသည်။

ဗြိတိသျှအုပ်ချုပ်ရေး လက်ထက်တွင် မြန်မာနိုင်ငံသည် ပြည်မနှင့် နယ်ခြားဒေသဟူ၍ ခွဲခြားအုပ်ချုပ်ခြင်း ခံခဲ့ရသည်။

တိုင်းရင်းသားလူမျိုးစုများအားလုံး တန်းတူအခွင့်အရေးပေးမည်ဟူသောအာမခံချက်သည် မြန်မာနိုင်ငံလွတ်လပ်ရေး အတွက်အဓိကကျသော အခြေအနေတစ်ရပ် ဖြစ်ခဲ့သည်။ ၁၉၄၇ ခုနှစ်အခြေခံဥပဒေတွင် ပြည်နယ်များအတွက်အခြေခံဥပဒေ ဆိုင်ရာ အခွင့်အရေးတစ်ရပ်ပါဝင်ခဲ့သည်။

တောင်တန်းနှင့် နယ်ခြားဒေသရှိ တိုင်းရင်းသား ပြည်သူများအတွက် ကိုယ်ပိုင်အုပ်ချုပ်ခွင့်နှင့် ပတ်သက်၍ ဗိုလ်ချုပ် အောင်ဆန်းနှင့် သဘောတူညီချက် ရယူနိုင်ခဲ့ပြီးနောက် ပြည်ထောင်စု မြန်မာနိုင်ငံကို ထူထောင်ခဲ့သည်။ သို့သော်လည်း နိုင်ငံရေး အခွင့်အရေးများ မရရှိခဲ့ခြင်းသည် ဆယ်စုနှစ်ခြောက်ခုကျော် ကာလအတွင်း တိုင်းပြည်၏ လက်နက်ကိုင်ပဋိပက္ခ အတွက် အဓိကကျသော အကြောင်းအရင်း ဖြစ်ခဲ့သည်။

ယခု ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးဆွဲရေးကြောင့် တိုင်းရင်းသားလူနည်းစုများအနေဖြင့် ၎င်းတို့ ပြည်နယ်အစိုးရဝန်ကြီး ရာထူးများကို ကိုယ်တိုင်စိတ်တိုင်းကျ ရွေးချယ်နိုင်မည်ဖြစ်သည်။ ထိုသို့ မိမိတို့၏ပြည်နယ် အုပ်ချုပ် ရေးမှူးများကို မိမိကိုယ်တိုင်ရွေးချယ်ပိုင်ခွင့်ကြောင့် တိုင်းရင်းသားပြည်သူများအနေဖြင့် ရွေးကောက်ပွဲတွင် တက်ကြွစွာပါဝင် မဲပေးကြမည်ဖြစ်သည်။ ထိုသို့ တက်ကြွစွာမဲပေးခြင်းသည်ပင် ဒီမိုကရေစီစနစ်၏ အခြေခံကျသော မူဝါဒ တစ်ရပ်ဖြစ်သည်။

ပို၍အရေးကြီးသည်မှာ တိုင်းရင်းသားပြည်သူများအနေဖြင့် မိမိပြည်နယ်အတွက် အကြီးအကဲရွေးချယ် ခန့်အပ်သည့် ဖြစ်စဉ်အားဖက်ဒရယ်ဝါဒစတင်ကျင့်သုံးမှုအဖြစ် ရှုမြင်ရေးပင်ဖြစ်သည်။ အဆိုပါဖက်ဒရယ်ဝါဒအတွက် တိုင်းရင်းသားပြည်သူ ပေါင်းများစွာမှ ၎င်းတို့၏ အသက်နှင့် ဘဝများကို စတေးခဲ့ကြရသည် မဟုတ်ပါလော။

ဒုတိယအချက်အနေဖြင့် ပြောရမည်ဆိုလျှင် အခြေခံဥပဒေအပြောင်းအလဲသည် အတိုက်အခံပါတီ ခေါင်းဆောင် ဒေါ်အောင်ဆန်းစုကြည် သမ္မတအဖြစ် ရွေးကောက်တင်မြှောက် ခံရနိုင်ရေးအတွက် အရေးကြီးသောလိုအပ်ချက်တစ်ရပ် ဖြစ်သည်။ လက်ရှိ အခြေခံဥပဒေတွင် အခြားနိုင်ငံသား ခံယူထားသည့် သားသမီး သို့မဟုတ် ခင်ပွန်းနှင့် ဇနီးရှိသူများ အနေဖြင့် သမ္မတအဖြစ်ရွေးကောက် တင်မြှောက်ခံယူပိုင်ခွင့် မရှိကြောင်းဖော်ပြထားရာ နိုင်ငံခြားသားသားသမီး နှစ်ဦးရှိသူ ဒေါ်အောင်ဆန်းစုကြည်အား သမ္မတဖြစ်ခွင့်ရနိုင်မည် မဟုတ်ပေ။ နှစ်ပေါင်း ၁၅ နှစ်ခန့် နေအိမ်အကျယ်ချုပ် ကျခံခဲ့ရသော ဒေါ်အောင်ဆန်းစုကြည်သည် လာမည့် ၂၀၁၅ ရွေးကောက်ပွဲ ကျင်းပမည့်အချိန်တွင် အသက် ၇၀ ထဲသို့ ရောက်ရှိတော့မည် ဖြစ်သည်။ အကယ်၍ သူမသာယင်းရွေးကောက်ပွဲတွင် သမ္မတဖြစ်ခွင့်မရရှိခဲ့ပါက နောက်ထပ်တစ်ကြိမ် ရွေးကောက်ပွဲတွင် ၎င်း၏ ရုပ်ပိုင်း ဆိုင်ရာမှာ အိုမင်းကျဆင်းသည့် အနေအထားသို့ ရောက်ရှိသွားတော့မည် ဖြစ်သည်။

ဒေါ်အောင်ဆန်းစုကြည်တွင် ယခင်ကရန်ဘက်များဖြစ်ခဲ့သော စစ်တပ်နှင့် လက်တွဲလုပ်ကိုင်လိုစိတ် ရှိထားပြီး ဖြစ် ရာ စစ်တပ်ကျောထောက်နောက်ခံ ကြံ့ဖွံ့ပါတီနှင့် မြန်မာပြည်သူများအနေဖြင့် သူမအား တိုင်းပြည်အုပ်ချုပ်နိုင်ရေးအတွက် အခွင့်အရေးတစ်ရပ် ပေးသင့်သည်။

ရိုဟင်ဂျာအရေးကိစ္စနှင့် ကချင်ပြည်နယ်ပဋိပက္ခများတွင် ကောင်းစွာလုပ်ကိုင်ပေးခြင်း မရှိခဲ့သည့်အတွက် ဝေဖန်ခံ ထားရသော်လည်း ဒေါ်အောင်ဆန်းစုကြည်သည် တိုင်းရင်းသားအားလုံး အတူတကွပူးပေါင်းနိုင်ရေးတွင် အဓိကကျသော ပုဂ္ဂိုလ် တစ်ဦးအဖြစ် ဆက်ရှိနေဆဲပင်ဖြစ်သည်။

မြန်မာနိုင်ငံသည် လာမည့် ၂၀၁၄ ခုနှစ်တွင် အာဆီယံဥက္ကဋ္ဌ ရာထူးရယူရန် အချိန်နီးကပ်နေပြီဖြစ်ရာ တိုင်းပြည် ခေါင်းဆောင်များ အနေဖြင့် ၎င်းတို့သည်စစ်မှန်သော ဒီမိုကရေစီစနစ်ကို ဖော်ဆောင်နေပါသည်ဟူသော အချက်ကို နိုင်ငံ တကာ အသိုင်းအဝိုင်းအား ပြသရန်အရေးကြီးပါသည်။

လတ်တလော ဥရောပခရီးစဉ်တွင် သမ္မတဦးသိန်းစိန်က ယခုနှစ်ကုန်ပိုင်းတွင် နိုင်ငံရေးအကျဉ်းသား အားလုံးကို လွှတ်ပေးတော့မည် ဖြစ်ကြောင်း၊ မဝေးတော့သည့် အနာဂါတ်တွင်လည်း လက်နက်ပဋိပက္ခများအားလုံး အဆုံးသတ်တော့ မည် ဖြစ်ကြောင်း ပြောကြားခဲ့သည်။

နိုင်ငံတကာအသိုင်းအဝိုင်း၏ ယုံကြည်မှုကို မြန်မာနိုင်ငံရရှိရေးအတွက် ဆိုခဲ့ပါကတိကဝတ်များအတိုင်း မဖြစ်မနေ လိုက်ပါဆောင်ရွက်ရမည်ဖြစ်သည်။

မြန်မာနှင့် အနောက်နိုင်ငံများ ဆက်ဆံရေး ပြန်လည်ထူထောင်မှုသည် ပဏာမအဆင့်မျှတွင်သာ ရှိသေးသော်လည်း ပုံမှန်သံတမန် ဆက်ဆံရေးများ တိုးတက်ကောင်းမွန်လာခြင်းကနောက်ဆုံးတွင် ပိတ်ဆို့အရေးယူမှုများအားလုံးကို ဖယ်ရှား ပေးသွားနိုင်ပါသည်။ ဖွဲ့စည်းပုံအခြေခံဥပဒေကို စစ်တပ်ကတိုက်ရိုက်ဖြစ်စေ၊ သွယ်ဝိုက်၍ဖြစ်စေထိန်းချုပ်ထားနေသေး သ ရွေ့ မြန်မာနိုင်ငံသည် ပြီးပြည့်စုံမှုမရှိသေးသည့် ဒီမိုကရေစီစနစ်ကျင့်သုံးသော နိုင်ငံအဖြစ် သတ်မှတ်ဖော်ပြခံရမည်သာပင်။

yangon chronicle

ရန်ကုန်မြိုကြီး ကိုစင်င်္ကာပူလိုဖြစ်အောင်လုပ်မည်ဟု အစိုးရအာဏာပိုင်တို.ကဆိုလာသည် ။ ကြွေးကြော်သံသည် ကြွေးကြော်သံအဆင်.မှာပဲရပ်သွားမည်လား ။ လက်တွေ.အကောင်အထည်ဖော်မည်လော။ အိပ်မက်တို.လက်တွေ.ဖြစ်လာရန် ဘာတွေလုပ်ဖို.လိုမလဲ ။ အုပ်တစ်ချပ်သဲတစ်ပွင်.အနေဖြင်. ဤဆောင်းပါးကိုရေးရပါသည် ။

ကျွန်တော်သည် ဧည်.လမ်းညွှန်တစ်ယောက်အနေဖြင်.လွန်ခဲ.သော ဇွန်လ ၁၄ မှ ၁၇ အထိ ပုဂံသို. စင်္ကာပူရီယန်တိုးရစ် တစ်ဦးနှင်.သွားရပါသည် ။ တိုးရစ်မှာ အသက် ၆၂ နှစ်ခန်.ရှိပြီဖြစ်သော စင်္ကာပူနိုင်ငံသားတစ်ယောက်ဖြစ်ပါသည် ။ မြန်မာပြည်ကလေယာဉ်စီးရမှာကြောက်သဖြင်. ကားနဲ.ပဲသွားချင်တယ်ဆိုသဖြင်. ရန်ကုန် -ပုဂံ အသွားအပြန်ခရီးကို ကားနဲ.ပဲ သွားခဲ.ပါသည် ။ ကားမှာ စူပါကာစတန် ဖြစ်သဖြင်. တိုးရစ်တစ်ဦး ၊ ကျွန်တော် နှင်. ၊ ဒရိုက်ဘာ သုံးယောက်မှာအတော်ပင်ချောင်ချောင်ချိချိ စီး ရပါသည် ။ ရန်ကုန် ၊နေပြည်တော် - မိတ္ထီလာအမြန်လမ်းမှ မောင်းလာခဲ.ပြီး ၊ မိတ္ထီလာ ရောက်မှ ကျောက်ပန်းတောင်းသို.ထိုမှတစ်ဆင်. ပုဂံညောင်ဦးသို.မောင်းခဲ.ပါသည် ။

အဝေးပြေးလမ်းမကြီးတစ်လျှောက်တွင် တချို.နေရာများ၌ ခရီးသွားများသည် ကျဲကျဲတောက်ပူလောင်သောနေရောင်အောက်တွင် ကားစောင်.နေကြရာ စင်ကာပူ တိုးရစ်ကြီးက ခရီးသည်များ စောင်.ဆိုင်းရန် အမိုးအကာပါသော ကားမှတ်တိုင်များဘာလို.လမ်းဘေးတွင် ထည်.သွင်းတည်ဆောက်ပေးမထားတာလဲဟုမေးပါသည် ။ သူမေးမှကျွန်တော်လဲသတိထားမိတော.သည် ။ ဘတ်စကားလိုင်းမဆွဲသဖြင်. မှတ်တိုင်ထည်.မဆောက်တာဖြစ်နိုင်သော်လည်း ရွာ ရှိသော နေရာများတွင် ဒေသခံရွာသားများ ကားစောင်.ရင်းနားနေနိုင်သော ကားမှတ်တိုင်အဆောက်အဦ်လေးများရှိလျင်ကောင်းလေစွဟု စင်ကာပူတိုးရစ်ကြီးတွေးသလိုတွေးမိပါသည် ။
“ ငါတို.နိုင်ငံမှာဆို မိုးရွာရင်တောင် ငါတို. ပြည်သူတွေ ထီးမဆောင်းပဲတစ်နေရာကတစ်နေရာသွားလို.ရအောင် စင်္ကြန်ပေါင်းမိုးလေးတွေဆောက်ပေးထားလို.တော်တော်အဆင်ပြေတယ် “ ဟုပြောပါသေးသည် ။

အပြန်ခရီးတွင် ကျောက်ပန်းတောင်း ၌ ဘက်ဘက်ရည်သောက်ရပ်စဉ် ကျောင်းဆရာမနှစ်ဦးမှ ကားကြုံလိုက်ပါရစေဟု ကျွန်တော်တို.ကိုပြောလာသည် ။ ကျွန်တော်ကလည်းဧည်.သည် နိုင်ငံခြားသားကိုခွင်.တောင်းပြီး လိုက်ခဲ.ပါဟုခေါ်လာခဲ.သည် ။ ထိုဆရာမနှစ်ဦးသည် နေ.စဉ်ပင် အိမ်မှကျောင်းသို. ၊ ကျောင်းမှအိမ်သို. ဤသို.ပင် ကားကြုံတစ်လှည်. လိုင်းကားတစ်လှည်.ဖြင်. ဖြစ်သလို သွားလာနေရပုံရသည် ။ ကျွန်တော်သည် ဗုဒ္စဘာသာ မြန်မာလူမျိုးတစ်ယောက်ဖြစ်သည်.အပြင် အစ်မ သုံးယောက်မှာလည်းကျောင်းဆရာမများဖြစ်သဖြင်. ဆရာ ၊ဆရာမများကို အထူးကြည်ငြိုလေးစားပါသည် ။ ထိုနေ.ကဆရာမနှစ်ဦးသည် ၆ မိုင် ၊ ၇ မိုင်ခန်. ဝေးသော လက်ပံပျားကျေးရွာ ကျောင်းရှေ.တွင် ကားပေါ်မှဆင်းသွားကြသည် ။ ကျေးဇူးတင်ပါသည်ဟုလည်းတဖွဖွပြောသွားသေးသည် ။
ကားကိုဆက်မောင်းလာသောအခါ မိတ္ထီလာ Toll Gate အနီးတွင် အဖြူအစိမ်းဝတ်ထားသော ဆရာမ သုံးယောက် ကျွန်တော်တို.ကားကိုတားပြန်သည် ။ ကျွန်တော်က နိုင်ငံခြားသားစင်္ကာပူကြီးကိုအားနာသဖြင်.ရပ်မပေးနှင်.ဟုဒရိုင်ဘာကိုပြောလိုက်ပါသည် ။ သို.သော် တိုးရစ်ကြီးက ရပ်ပေးလိုက်ပါ ၊ဆရာမများဖြစ်သဖြင်.လမ်းကြုံလိုက်ချင်လျင်ခေါ်ခဲ.ပါဟု ပြောသဖြင်. ကားကိုရပ်ပြီးနောက်ပြန်ဆုတ်ကာဆရာမများကိုကားပေါ်သို.တက်စေပါသည် ။

ဆရာမတစ်ဦးက မိုင်တိုင်အမှတ် ၂၈၀ တွင်ရပ်ပေးပါဟုပြောသည် ။အခြားဆရာမနှစ်ဦးက မိုင်တိုင်အမှတ် ၂၈၂ တွင်ရပ်ပေးပါဟုပြောပါသည် ။ ထို.ကြောင်.အဝေးပြေးအမြန်လမ်းမကြီးအတိုင်းမောင်းလာပြီး သူတို.ပြောသောနေရာများတွင် ရပ်ပေးလိုက်ပါသည် ။ ထိုနေရာသည် လူသူလေးပါးလဲမရှိ ၊ တောကြီးမျက်မည်းဖြစ်သည် ။ ဤနေရာမှ ရွာကျောင်းသို.ရောက်ရန် ဆယ်.ငါးမိနစ်ခန်.လမ်းလျှောက်ရဦးမည် ဟု ဆရာမများကပြောသဖြင်.သိရပါသည် ။ဆ၇ာမတစ်ယောက် အရင်ဆင်းသွားပါသည် ။နောက်ထပ်နှစ်မိုင်ခန်.ကားမောင်းပြီးသောအခါ ကျန်သောဆရာမနှစ်ဦး ကားပေါ်မှ ကျေးဇူးတင်ကြောင်းပြော၍ ဆင်းသွားကြပါသည် ။ ထိုအခါ စင်္ကာပူတိုးရစ်ကြီးကကျွန်တော်.ကို ဤသို.မေးပါသည် ။

“ မင်းတို.နိုင်ငံကဆရာ ၊ ဆရာမတွေ နေ.တိုင်းဒီလိုပဲကျောင်းသွားရတာလား “
“ အများအားဖြင်.တော. ဒီလိုပဲသွားရတာပဲ ၊ အထူးသဖြင်. နယ်တွှေမှာနေတဲ. ဆရာ၊ ဆရာမတွေပေါ. “
“ သူတို.ကိုအစိုးရက ကျောင်းကားစီစဉ်မပေးဘူးလား “
“ ဘာကျောင်းကားမှ မရှိပါဘူးကွာ ၊လိုင်းကားရှိရင်လဲ လိုင်းကား ၊ လိုင်းကား မရှိတဲ.နေရာမှာနေရတော.လည်း လာတဲ.ကားကိုလမ်းကြုံတားစီးရတာပေါ. “
“ ကားကြုံမရရင်ရော “
“ မရရတဲ.အထိစောင်. ၊ ဒါမှမဟုတ် ကုန်းကြောင်းလျှောက်ပေါ. “
“ စက်ဘီးနဲ.မသွားဘူးလား “
“ အမြန်လမ်းပေါ်မှာ စက်ဘီးစီးခွင်.မရှိဘူး ၊ တစ်ချို.နေရာတွေကျတော.လည်းစက်ဘီးကကုန်းတက်ကုန်းဆင်းဆိုတော. အဝေးကြီးမနင်းနိုင်ကြဘူးပေါ. “
“ မော်တော်ဆိုင်ကယ်ရော “
“ ဆရာမတွေရတဲ.လခနဲ. ဘယ်လိုလုပ် ဆိုင်ကယ်ဝယ်နိုင်မှာလဲ ၊ နေ.စဉ် ဓါတ်ဆီဖိုးနဲ. ပြင်ဆင်စားရိတ်ကရှိသေးတယ် “
“ အစိုးရက ဆရာတွေကို ဆိုင်ကယ် အခမဲ.ထုတ်မပေးဘူးလား ၊ အရစ်ကျစနစ်နဲ.ပဲဖြစ်ဖြစ်ပေါ. “
“ မပေးပါဘူးဗျာ ၊ အရစ်ကျလဲမရောင်းပါဘူး “
“ ကျောင်းဆရာတစ်ယောက်လခဘယ်လောက်ရသလဲ “
“ ရှစ်သောင်း ၊ကိုးသောင်း ၊ လောက်တော.ရ မှာပေါ. ၊ စင်္ကပူဒေါ်လာနဲ.ဆို တစ်လ ဒေါ်လာ ၁၃၀ လောက်တော.ရမှာပေါ. “
စင်္ကာပူကြီးသည် မြန်မာ.ပညာရေးကိုအတော် စိတ်ဝင်စားပုံ ( စိတ်ဓါတ်ကျသွားပုံ) ရသည် ။ ထို.နောက်သူကဆက်ပြောသည်မှာ နိုင်ငံတစ်နိုင်ငံတွင် ပညာရေးသည်အရေးအကြီးဆုံးဖြစ်ကြောင်း ၊ စင်္ကာပူနိုင်ငံ၏ ဖွံ.ဖြိုးတိုးတက်မှုကို ပညာရေးအပေါ်တွင်အခြေခံတည်ဆောက်ခဲ.ကြောင်း။ သူတို.နိုင်ငံတွင် တစ်ချိန်က မူလတန်းကျောင်းဆရာဆရာမများ၏လစာမှာအလွန်ပင်နည်းပါးခဲ.ကြောင်း ။ သို.သော်နိုင်ငံ.ခေါင်းဆောင်နှင်.ပြည်သူများသည် ပညာရေးစနစ်၏အဓိကဒေါက်တိုင်မှာ ဆရာ ဆရာမများဖြစ်သဖြင်. ကျောင်းဆရာများကိုလခတိုးပေးဖို.အစိုးရကိုဝိုင်းဝန်းတောင်းဆိုကြကြောင်း ။ ထို.ကြောင်.ကျောင်းဆရာများ၏လခကို တိုးမြှင်.သတ်မှတ်ပေးခဲ.ရာ ယခုအခါ စင်္ကာပူတွင် မူလတန်းကျောင်းဆရာတစ်ယောက်၏လခမှာ စင်္ကာပူဒေါ်လာ သုံးထောင် ( မြန်မာငွေ နှစ်ဆယ်.နှစ်သိန်းခန်.) ရှိပြီး တက္ကသိုလ်၊ကောလိပ်များရှိ ကထိက၊ ပါမောက္ခတစ်ယောက်၏လစာမှာ စင်္ကာပူဒေါ်လာ တစ်သောင်း ၊ နှစ်သောင်းမှ သုံးသောင်းအထိ ( မြန်မာငွေ ၇၄ သိန်း ၊ ၁၄၉ သိန်းခန်. မှ ၂၂၃ သိန်း ခန်. ) အထိရှိကြောင်းသိရသဖြင်.ကျွန်တော်အံ.သြရသောအလှည်.သို.ရောက်လာပါသည် ။

သူကထပ်ပြောသည် မှာ မူလတန်းနှင်.အလည်တန်းကျောင်းသားအားလုံးအား ပညာရေးအထွေထွေအသုံးစားရိတ်အဖြစ် တစ်လလျင် စင်္ကာပူဒေါ်လာ (၁၅၀ ) မှ (၂၀၀ ) ကြားကို လစဉ် ကျောင်းသား၏ ဘဏ်စာရင်းစာအုပ်ထဲသို.ထည်.ပေးထားကြောင်း ။ ကျောင်းသားမှ ပညာရေးအတွက် အသုံးစားရိတ် လိုသောအခါ (ဥပမာ စာအုပ်ဝယ်ရန် ) အတန်းပိုင်ဆရာ၏ ထောက်ခံချက်လက်မှတ်ဖြင်. ငွေထုတ်နိုင်ကြောင်း ၊ မိဘက အရက်သောက် ဖဲရိုက်လုပ်ပစ်မည် စိုးသဖြင်.ထိုသို. ထိမ်းချုပ်ထားကြောင်း ။ ထို.ကြောင်.မိဘများမှာ သားသမီး၏ပညာရေးကိုလုံးဝစိတ်ပူစရာမလိုကြောင်း ။ ကျောင်းသားတော်လျင်တော်သလောက်အစိုးရမှထောက်ပံ.သွားမည် ဖြစ်ကြောင်းပြောပြပါသည် ။ဒါတောင် သူပြောသော တစ်လ စင်္ကာပူဒေါ်လာ (၁၅၀ ) ဆိုသည်မှာ လွန်ခဲ.သောအနှစ် ၂၀ က ပေးသောထောက်ပံကြေးဖြစ်ကြောင်း ၊ ယခုခေတ်တွင် ထို.ထက်ပို၍ ရရှိကြမှာဖြစ်ကြောင်းပြောပြပါသည် ။
၎င်းအပြင် သက်ကြီးရွယ်အိုများ ပညာသင်ယူလိုပါကလည်း ဥပဒေပညာ ၊ ဆေးပညာမှ အစ ပညာရပ်အသီးသီးကိုအသက်ကန်.သတ်ချက်မရှိလေ.လာနိုင်ရန် နေ.ကျောင်း၊ညကျောင်း စသည်ဖြင်.ဖွင်.လှစ်ပေးထားရာ စင်္ကာပူနိုင်ငံသားများမှာ နေ.မှာအလုပ်လုပ် ညမှာကျောင်းတက်၍ မအားလပ်အောင်ပညာရှာမှီးကြကြောင်းပြောပြပါသည် ။ သူ.ဟန်းဖုန်းမှ မက်ဆိပ်တစ်ခုကိုဖတ်ကြည်.ပါဦးဟု ဆိုပြီးပြသဖြင်. ဖတ်ကြည်.ရာ အသက်အရွယ်ကြီးရင်.သူများအတွက် အီးမေးလ် အင်တာနက်အသုံးပြုနည်းသင်တန်းကို အစိုးရမှ အခမဲ.ဖွင်.လှစ်သင်ကြားပေးမည်ဖြစ်၍ မနက် ၈ နာရီမှ ၁၀ နာရီတန်းဖြစ်စေ ညနေ ၄ နာရီမှ ၆ နာရီတန်းဖြစ်စေ အဆင်ပြေရာသင်တန်းကိုရွေးချယ်တက်ရောက်နိုင်ရန် ဖိတ်ခေါ်ပါကြောင်း အကြောင်းကြားစာဖြစ်နေပေသည် ။ အော်စင်္ကာပူမှာကား ပညာလိုချင်သူများမရလိုက်ရမရှိလေအောင် အစိုးရမှ သက်ကြီးရွယ်အိုများအထိအခမဲ.လိုက်လံပို.ချနေကြလေသည်တကား။

ထိုမျှနှင်.မပြီးသေး ။ တက္ကသိုလ်၊ ကောလိပ်သို.ရောက်လာသောကျောင်းသားအားလုံးကို အစိုးရက ဘဏ်များတွင် ငွေစာရင်းများဖွင်.ပေးပြီး ကျောင်းစားရိတ်အဆင်ပြေစေရန် ချေးငွေများထုတ်ချေးထားကြောင်း ၊ ကျောင်းပြီး၍ အလုပ်ရမှ တဖြည်းဖြည်းပြန်ဆပ်ရပ်ဖြစ်ကြောင်း ပြောပြပါသည် ။ သူတို.နိုင်ငံမှာပညာတတ်ဖြစ်ဖို.တယ်လွယ်ပါလား ဟုတွေးမိပါသည် ။ ကျွန်တော်တို.နိုင်ငံဝယ် အစိုးရအဆက်ဆက်သာ ပညာရေးကို ဤမျှလောက်အလေးထားထောက်ပံ.ခဲ.ပါလျင် မြန်မာလူငယ်အားလုံး ဘွဲ.ရပညာတတ်တွေ ချည်းဖြစ်နေလိမ်.မည် ။ဆရာဝန် ၊ အင်ဂျင်နီယာတွေ ၊ ကွန်ပျူတာပညာရှင်တွေဖြစ်ကုန်ပေလိမ်.မည် ။ နိုင်ငံခြားသွား၍ သက်စွန်.ဆံဖျားကျွန်ခံရသောဘ၀ မှလွတ်မြောက်ကြပေလိမ်.မည် ။ ပညာရဲရင်.ပွဲလည်တင်.ပေလိမ်.မည် ။ ငယ်ငယ်ရွယ်ရွယ်နှင်. အရက်သမား ၊ ဖဲသမား ပေတေလေလွင်.နေသောလူငယ် အမြောက်အများကို လမ်းမှန်သို.တင်ဆောင်နိုင်လိမ်.မည် ။

ထိုအရာအားလုံး၏အခြေခံမှာ ပညာရေးဒေါက်တိုင်ဖြစ်သည် ။ ပညာရေး၏အခြေခံမှာ ဆရာဆရာမများဖြစ်သည် ။ ဆရာ ဆရာမများ၏ လူနေမှုအဆင်.အတန်းနှင်.လျော်ညီသော လုပ်ခလစာနှင်. ထောက်ပံ.ကြေး သည် တိုင်းပြည် တိုးတက်ဖွံ.ဖြိုးရေးအတွက်မဖြစ်မနေလုပ်ကိုလုပ်ရမည်. လမ်းစဉ်ဖြစ်သည် ။ထိုအကြောင်းကိုမီဒီယာမှတစ်ဆင်.တိုင်းပြည်သို.သိအောင်ပြောဖို. နိုင်ငံသားအားလုံးမှာတာဝန်ရှိသည်ဟု တိုးရစ်ကြီးကဆိုပါသည် ။ အနည်းငယ်ရိုင်းသော်လည်းမှန်တာကိုဝန်ခံရလျင် စင်္ကာပူမှအိမ်ဖော်တစ်ယောက်၏ လုပ်ခလစာသည် မြန်မာနိုင်ငံမှကျောင်းဆရာတစ်ယောက်ထက်များပါသည် ။

ကျွန်တော် ရန်ကုန်တက္ကသိုလ်တွင် တက်စဉ်က နိုင်ငံတကာဆက်ဆံရေးပညာဌာနမှ ပါမောက္ခဆရာကြီး သည် နေ.စဉ်ကျောင်းသို.လိုင်းကားတိုးစီးပြီးကျောင်းလာရ၏ ။ ၅၁ လိုင်းကားပေါ်မှ ဆင်းလာသော ပါမောက္ခဆရာကြီးကိုမြင်တိုင်း ကျွန်တော် သည် အသည်းတဆတ်ဆတ်နာအောင်ခံစားရပါ၏ ။ တပ်မတော်တွင် ဗိုလ်မှူးကြီးအဆင်.ဆိုသူများ မာဇဒါဂျစ် များတ၀ီဝီ စီးနေကြချိန်တွင် နိုင်ငံခြားတက္ကသိုလ်တစ်ခုမှ Ph.D ဘွဲ.ရလာသော ပါမောက္ခ ဆရာကြီးတစ်ယောက် လမ်းလျောက် ပြီးကျောင်းလာရတာ မည်သို.မျှမဖြစ်သင်.ပါ ။ စစ်ဗိုလ်က ကားစီးကာ ပါမောက္ခက ခြေလျင်လျောက်နေရသော ကမောက်ကမ နိုင်ငံမှ မဆင်းရဲလျင် ဤ ကမ္ဘာပေါ်ဝယ်ဘယ်နိုင်ငံသည် ဆင်းရဲပါဦးမည်နည်း ။

ကျွန်တော်.အစ်မကြီး သည် မူလတန်းပြဆရာမတစ်ဦးဖြစ် သည် ။သူသည် ၀က်ထီးကန်မြို. အနီးမှ ရွာတစ်ရွာတွင်တာဝန်ကျရာ ၊ ပြည်မြို.မှ ၀က်ထီးကန်သို.နေ.စဉ်လိုင်းကားနှင်.သွားရပါသည် ။ အစိုးရ၏ သတ်မှတ်ချက်အရ လိုင်းကားဆရာများမှာ ဆရာ ၊ဆရာမ များထံမှ ကားခ တစ်ဝက်သာကောက်ခံခွင်.ရှိပါသည် ။ သက်ဆိုင်ရာ သည် ပညာရေးကိုထောက်ပံ.ပုံမှာ လေဖြင်.၊အမိန်.အာဏာဖြင်.၀င်ရောက်ထောက်ပံ.ခြင်းဖြစ်ရာ ထိုကိစ္စ၏ရလာဒ်အဖြစ် အချို.ကားဆရာများသည် ကျောင်းဆရာ၊ဆရာမများကိုမြင်သည်နှင်. ကားကိုရပ်မပေးပဲမောင်းပြေးကြခြင်းဖြစ်သည် ။ ထိုသို.မောင်းမပြေးမီ လမ်းဘေးတွင်ကားစောင်.နေသော ဆရာ၊ဆရာမများကို မြင်သည်နှင်. “ မောင်းဆရာရေ ကြိမ်ခွေတွေလာပြီ “ ဟုအော်လေ.ရှိသေးသည် ။ကြိမ်ခွေဆိုတာဘာလဲဟုကျွန်တော်ကမေးတော.
“ ဒီလိုလေ ကြိမ်ခွေဆိုတာ ၀ါးဖောင်တွေကို အနားကွပ်တဲ.နေရာမှာသုံးတာ ၊ ဖောင်ကွပ်တော. ဖွတ်ကောင်ပေါ.ဟယ် “ ဟု ဧ၀ံမေသုတံ ဤသို. မှတ်သားရပါသည် ။

အော်ကျောင်းဆရာများကို နှိပ်ကွပ်သည်.နေရာတွင် စစ်အစိုးရသာမက အသိဥာဏ်နိမ်.သော တိုင်းသူပြည်သားအချို. ကပါ တက်ညီလက်ညီပါဝင်ခဲ.ကြသည်ပဲ ။ ကမ္ဘောဒီးယားမှာခမာနီတွေအုပ်ချုပ်စဉ်ကလို မျက်မှန်တပ်တာနှင်. ပညာတတ်ဟုသတ်မှတ်ကာ သတ်မပစ်တာပဲ တော်လှပြီဟုဆိုရမလိုဖြစ်နေပေသည် ။ လူတို.၏အသိပညာနိမ်.ကျခြင်းမှာ ပညာမတတ်၍ ဖြစ်သလို ၊ ပညာမတတ်ခြင်းကြောင်. အသိဥာဏ်နိမ်.ကျကာ အကောင်းအဆိုးမခွဲနိုင်တော.ပေ။

ကျောင်းဆရာများကျူရှင်သင်တာ ၊ မုန်.ရောင်းတာလောက်ကိုပဲ ပျက်ရယ်ပြု ၊အပြစ်တင်နေကြသော မြန်မာ.လူ.အသိုင်းအ၀ိုင်းဝယ် ထိုသို.ကျူရှင်ပြ ၊မုန်.ရောင်းပြီးဝင်ငွေရှာရသည်အထိနိမ်.ကျလာသော နောက်ခံအကြောင်းတရားများကိုမည်သူကမှစိတ်မ၀င်စားကြပေ ။ ပညာရေးအတွက်သုံးသော ဘတ်ဂျက်သည် နည်းလွန်းသဖြင်. ကျောင်းများသည် အမိုးနှင်. အကာပါလျင် ကျောင်းအင်္ဂါရပ်နှင်.တူပြီဟု အားလုံးကလက်ခံထားကြရသည် ။ကျွန်တော်.သားကြီးတက်ရောက်ပညာသင်ကြားသော အ.ထ.က(၁) မြောက်ဥက္ကလာကျောင်းဆိုလျင် စာသင်ခန်းပြူတင်းပေါက် များမှာ မှန်များကွဲနေသည် ။ ထို.ကြောင်.မိုးရွာလျင် ပြူတင်းပေါက်ဘေးတွင်ထိုင်သော ကျောင်းသားမှာ မိုးရေတွေရွှဲကုန်သည် ။ တစ်ချို.စာသင်ခန်းများမှာ ပြူတင်းပေါက်ရှိသော်လည်းတံခါးများမရှိတော.သဖြင်. ရရာပျဉ်ပြားများဖြင်. အသေပိတ်ရိုက်ထားရ၏ ။ သားအငယ်တက်ရသောစာသင်ခန်းဝယ် ပြူတင်းပေါက်တံခါးသည် ချိတ်စရာ ချိတ်မရှိသဖြင်.လေတိုက်တိုင်း ဂျိမ်းကနဲတံခါးပိတ်သည်ကို ကလေးများကကြည်.ရှောင်နေရသည်။အိမ်သာမှာလည်းသန်.ရှင်းမှုမရှိ ။ကျောင်းဝန်းသည်လည်းမြက်ရိုင်းများတောထအောင်ပေါက်နေသဖြင်. မြွေအန္တရာယ်ကိုစိုးရိမ်ရသေးသည် ။ အချို.ကျောင်းများဆိုလျင် မိုးရွာလျင်ရေ၀ပ်နေသည် ။ ခေါင်မိုးမလုံ၍ မိုးယိုသောစာသင်ခန်းလဲရှိသည် ။ ကျောင်းများတွင် ရန်ပုံငွေမလုံလောက်သလို သန်.ရှင်းရေးဝန်ထမ်းပင်အလုံအလောက်မရှိ ၊ Landscaping Designer တို. Gardener တို.ဆိုသည်မှာဝေလာဝေး ။သိပ္ဖံ ခန်းသုံးပစ္စည်းများမှာကျောင်းသားများ မြင်ပင်မမြင်ဘူး၍ အောက်စီဂျင်ကိုလေ ဖြင်. ( ပါးစပ်ဖြင်.) စာရွက်ပေါ်မှာ ထုတ်လုပ်ကြရသည်။ ကွန်ပျူတာဆိုသည်မှာ ကျောင်းသို.လူကြီးလာလျင် ပြရသော အထူးတဆန်းပစ္စည်းဖြစ်သည်ဟုကျောင်းသားများကယုံကြည်ကြသည် ။ ပြောရလျင် ပြောမဆုံးပေါင်တောသုံးတောင်ဟုဆိုရတော.မည်။

ကျွန်တော်ငယ်စဉ်က ပြည်မြို. အ.ထ.က(၁)တွင်သချာင်္သင်ခဲ.ဖူးသောအလည်တန်းပြဆရာကြီးတစ်ဦးမှာ ဘ၀နေ၀င်ချိန်တွင် ပင်စင်လစာမလောက်မငဖြင်.ချို.ချို.တဲ.တဲ.ကွယ်လွန်သွားရှာသည် ။ သူမသေခင် “ ကျွန်တော်ကျောင်းဆရာ မောင်………… စားစရာမရှိလို.ငတ်နေပါပြီခင်ဗျ “ ဟု တစ်ရပ်ကွက်လုံးကြားအောင် ၀ရံတာမှထွက်၍အော်သေးသည်ဆို၏။ ခပ်ရွတ်ရွတ်ဆရာကြီးမှာ သက်ဆိုင်ရာအာဏာပိုင်များနှင်းလူ.အသိုင်းအ၀ိုင်းကို အရွဲ.တိုက်၍အော်ခြင်းဖြစ်ပေမည် ။ထိုဆရာကြီးသည်ကျူရှင်မသင်ပေ။

မြန်မာနိုင်ငံကိုစင်္ကာပူကဲ.သို.ဖြစ်ချင်လျင် စင်္ကာပူသည် ပညာရေးအတွက် တိုင်းပြည်ဘတ်ဂျက်ဘယ်နှစ်ရာခိုင်နှုန်းကိုသုံးသလဲဆိုတာလေ.လာဖို.လိုသည် ။ မြန်မာနိုင်ငံသည် တိုင်းပြည်ဘတ်ဂျက်၏ ဘယ်နှစ်ရာခိုင်နှုန်းကို ပညာရေးအတွက်သုံးနေသလဲဆိုတာဆန်းစစ်ဖို.လိုပေမည် ။ စင်္ကာပူသည် ၂၀၁၃ ဘဏ္ဍာရေးနှစ်တွင် ပညာရေး အတွက် အသုံးစားရိတ်ပေါင်း စင်္ကာပူဒေါ်လာ (၁၁.၆ ဘီလျံ ) အသုံးပြုမည်ဟုသိရ၏ ။ ထိုအထဲမှ မူလတန်း၊ အလယ်တန်း ၊ အထက်တန်းကျောင်းများအတွက် ၅.၆ ဘီလျံဒေါ်လာ ၊ ပုဂ္ဂလိကတက္ကသိုလ်များ ၊ အခြားတက္ကသိုလ်ကောလိပ်ကျောင်းများ အတွက် ၅.၁ ဘီလျံ ဒေါ်လာသုံးမည်ဟု သိရသည် ။စင်္ကာပူသည် နိုင်ငံ၏ နှစ်စဉ်အသုံးစားရိတ်ဘတ်ဂျက်စုစုပေါင်း၏ (၂၀ )ရာခိုင်နှုန်းကို ပညာရေးအတွက်အသုံးပြုသည်ဟုသိရသည် ။ မြန်မာနိုင်ငံတွင်မူကား ဘတ်ဂျက်၏ (၂၀)ရာခိုင်နှုန်းကို ကာကွယ်ရေးအတွက်အသုံးပြုပြီး ပညာရေးအတွက် ၄.၄ ရာခိုင်နှုန်း ၊ ကျန်းမာရေးအတွက် ၃.၉ ရာခိုင်နှုန်းအသုံးပြုခဲ.သည်။

မြန်မာနိုင်ငံ၏အနာဂါတ်ကိုတည်ဆောက်ရာတွင်လည်း “ နတ္ထိဝိဇ္ဖာ သမံမိတ္တံ” ပညာမှတပါးကိုးကွယ်ရာမရှိဟူသောစိတ်ထားဖြင်.တည်ဆောက်မှသာအောင်မြင်ပေ မည်။ထိုသို.တည်ဆောက်မည်ဆိုပါက သေနတ်ကိုင်သောလက်ထက် မြေဖြူကိုင်သောလက်များမှာ ထိုက်သင်.သော ပံ.ပိုးမှုများဖြင်.ပိုမို ပြည်.စုံ ဖို.မလွဲမသွေလိုအပ်မည်ဖြစ်ပါကြောင်း ။

သရ၀ဏ်(ပြည်)
News Watch ဂျာနယ်

(1 Aug 2013 ရက်စွဲပါ Roll Call Niels Lesniewski ရေးသားသော McConnell outlines priorities for Myanmar’s constitution ကိုဘာသာပြန်သည်)

ကမ္ဘာပေါ်တွင် အလေးစားရဆုံး အမေရိကန်စစ်တပ်နှင့် မြန်မာ့တပ်မတော်တို့သည် လူ့အခွင့်အရေးအတွက် တာဝန်ယူမှုနှင့် တရားဥပဒေစိုးမိုးရေးတို့နှင့် ပတ်သတ်၍ ဆက်ဆံရေးအကြောင်း ထက်စာလျှင် စစ်တပ်ကိုအရပ်သား ထိန်းချုပ်ခြင်းထက် ကောင်းမွန်သောအရည်အသွေးများကို မည်ကဲ့သို့သော ပိုမိုကောင်းမွန်သော နည်းလမ်းဖြင့် ပြသနိုင် ပါသလဲ။ စစ်တပ်ချင်း အသင့်အတင့်အနေအထား၊ ပစ်မှတ်ထားသော ဆက်ဆံရေးကို သံတမန်နည်းကြိုးပမ်းမှုများဖြင့် နီးကပ်စွာအလုပ်လုပ်ပြီး မြန်မာစစ်တပ်အား၎င်းတို့အနေဖြင့် အရပ်သားထ်ိန်းချုပ်မှုအောက်တွင်နေရခြင်းသည် တိုင်းပြည် အတွက်ကောင်းသည်ဟု ယုံကြည်လာစေရန်လုက်ဆောင်လျှင် ရနိုင်သည်ဟု ကျွန်ုပ်ယုံကြည်ပါသည်။

စစ်တပ်ချင်းဆက်ဆံရေးကို စတင်ခြင်းသည် လက်တွေ့ကျသော လုပ်ရပ်ဟု ဆိုရပေမည်။ လွတ်လပ်ရေးမတိုင်မီ ကတည်းကပင် မြန်မာစစ်တပ်သည် တိုင်းပြည်တွင် အရေးပါသောနိုင်ငံရေး အင်စတီကျူးရှင်းတစ်ခု ဖြစ်ပါသည်။ တပ်မတော်အနေဖြင့် ပြုပြင်ပြောင်းလဲရေးခြေလှမ်းသည် တိုင်းပြည်အတွက် အပေါင်းလက္ခဏာဆောင်သော တိုးတက်မှု တစ်ခုဟု ယုံကြည်မှု မရှိခဲ့လျှင် မြန်မာနိုင်ငံတွင် ရေရှည်တည်တံ့မည့် ပြုပြင်ပြောင်းလဲရေးမရရှိနိုင်။

အခြေခံဥပဒေ ပြုပြင်ပြောင်းလဲရေးတွင် လိုအပ်သော ဒုတိယနယ်ပယ်မှာ မြန်မာပြည်သူများအနေဖြင့် ၄င်းတို့ ဖြစ်စေလိုသော ခေါင်းဆောင်ကို လွတ်လပ်စွာရွေးချယ်ခွင့်ပြုရန် အခြေခံဥပဒေပြင်ဆင်ရေး ဖြစ်ပါသည်။ ဤသည်မှာ အခြေခံကျသော ဒီမိုကရေစီမူ တစ်ခုဖြစ်ပါသည်။ လက်ရှိကန့်သတ်ထားမှုများတွင် လိုအပ်ချက်အဖြစ် သမ္မတ၏ မိသားစု ဝင်များတွင် မြန်မာနိုင်ငံတွင် မွေးဖွားခြင်းမရှိသော မိဘများမှမွေးဖွားသောသူ မဖြစ်စေရဟု ထည့်သွင်းထားပါသည်။ ထိုအရာကို စဉ်းစားကြည့်ပါ။ အမြင်ကျဉ်းမြောင်းသော လိုအပ်ချက်တစ်ခုဖြစ်ပါသည်။ မြန်မာအစိုးရသည် အဘယ်ကြောင့် ၄င်း၏ပြည်သူများ သူတို့၏ခေါင်းဆောင်ကို တာဝန်သိသိနှင့် လွတ်လပ်စွာ ရွေးချယ်နိုင်စွမ်းရည်ကို အယုံအကြည် နည်းရ ပါသနည်း။

အဆိုပါ ဥပဒေများကို မပြင်ဆင်ပဲထားပါက လည်မည့် ၂၀၁၅ ရွေးကောက်ပွဲတွင် အရိပ်မည်းထိုးမည့်သဖွယ် ဖြစ်ပါမည်။ အဆိုပါ ရွေးကောက်ပွဲများကို စောင့်ကြည့်သူအများစုက မြန်မာနိုင်ငံပြုပြင်ပြောင်းလဲရေး လုပ်ငန်းစဉ်များကို သိက္ခာမြှင့်ပေးမည့် ခြေလှမ်းအဖြစ် ရှုမြင်နေကြပါသည်။ အကယ်၍သာ ၂၀၁၅ရွေးကောက်ပွဲကို အများကတရားမဝင် ရှုမြင်ခဲ့ပါက၊ မြန်မာနိုင်ငံမှပြုပြင်ပြောင်းလဲရေး ကြိုးပမ်းမှုများရပ်သွားပြီဖြစ်ပြီး၊ တိုင်းပြည်၏ ဒီမိုကရေစီအတွက် ကတိ ကဝတ်များ သည် အဆံမရှိသောအမြောက်သဖွယ်သာ ဖြစ်သည်ဟု သုံးသပ်ကြလိမ့်မည်ဖြစ်ပါသည်။

အကယ်၍ ၂၀၁၅ ရွေးကောက်ပွဲကသာ အားနည်းချက်များ၊ အပြစ်အနာအဆာများရှိခဲ့ပါက လက်ရှိခေါင်း ဆောင်မှု၏ ပြုပြင်ပြောင်းလဲရေးအမွေအပေါ် အရိမ်မည်းထိုးလိမ့်မည်ဟု ကျွန်ုပ်ထင်ပါသည်။

ပြုပြင်ပြောင်းလဲရန် လိုအပ်သော တတိယနယ်ပယ်မှာ တရားစီရင်မှုလွတ်လပ်မှု ရှိရေးဖြစ်ပါသည်။ လက်ရှိ မြန်မာနိုင်ငံမှ တရားသူကြီးများသည် အုပ်ချုပ်ရေးပိုင်း၏ သြဇာနှင့်ကင်း၍ လွတ်လပ်မှုမရှိသေးပေ။ အမေရိကန်၏ အတွေ့ အကြုံအရ ကျွန်ုပ်တို့မှတ်သားရသည်မှာ အခြားအစိတ်အပိုင်းများ၏ သြဇာအောက်တွင်မရှိသော တရားသူကြီးများသည် အစိုးရ၏အခြား အင်္ဂါအစိတ်အပိုင်းများအပေါ် အရေးပါသော စောင့်ကြည့်မှုဖြစ်ရုံမက တစ်ဦးချင်း ရပိုင်ခွင့်များကို မချိုး ဖောက်နိုင်အောင် အကာအကွယ်ပေးပါသည်။

နောက်ဆုံး ပြုပြင်ရမည့်ကိစ္စမှာ တိုင်းရင်းသားလူနည်းစုများအတွက် အခြေခံဥပဒေအရ အာမခံချက်ပေးရန် လိုအပ်ခြင်းဖြစ်ပါသည်။ မြန်မာနိုင်ငံတွင် အမျိုးမျိုးသောတိုင်းရင်းသားများ ငြိမ်းချမ်းစွာစုစည်းရန် စိန်ခေါ်မှုထက် ကြီးမား သော စိန်ခေါ်မှုမရှိပေ။ အဆိုပါအုပ်စုများသည် ကာလရှည်ကြာကပင် ဗဟိုအစိုးရနှင့် တပ်မတော်အပေါ် မယုံကြည်မှုမှာ အမြစ်တွယ်လျက် ရှိပါသည်။ တိုင်းရင်းသား အုပ်စုများက အစိုးရသစ်အပေါ် ပိုမိုလက်ခံလာစေရန် အခြေခံဥပဒေဖြင့် တိုင်းရင်းသားများအပေါ် အကာအကွယ်ပေးမှု တည်ဆောက်ရန် ခရီးဝေးဦးမည်ဟု ကျွန်ုပ်သံသယရှိပါသည်။ လွတ်လပ် သော တရားစီးရင်မှုကလည်း ထိုကာကွယ်မှုများမှာ အသက်ဝင်မှုအတွက် အထောက်အကူပြုရာတွင် အထက်ပါ ဥပဒေ များ၏ အရေးပါမှုကို ပြဆိုရပါလိမ့်မည်။

ကျွန်ုပ်တို့ အမေရိကန်များအနေဖြင့် သိရှိသည်မှာ သမ္မတကြီး အခြေခံဥပဒေပြင်ဆင်ခြင်းသည် မလွယ်ကူဟု သိရှိပါသည်။ ကျွန်ုပ်တို့နိုင်ငံတွင်မူ ပို၍ဒီမိုကရေစီကျရန်နှင့် တစ်ဦးချင်းရပိုင်ခွင့်များကို အကာအကွယ်ပေးရန် အခြခေံ ဥပဒေကို နှစ်ပေါင်းများစွာအတွင်း ပြင်ဆင်ခဲ့ပါသည်။

ကျွန်ုပ်တင်ပြသော နယ်ပယ်လေးခုနှင့် ပတ်သက်ပြီး မြန်မာနိုင်ငံ၏ အခြေခံဥပဒေတွင် ပြုပြင်ပြောင်းလဲရေးများ လုပ်ဆောင်ရန်မှာ မြန်မာနိုင်ငံ၏ ဒီမိုကရေစီနှင့် ငြိမ်းချမ်းသော အမျိုးသားပြန်လည် ပေါင်းစည်းရေးအတွက် လိုအပ်သော နောက်ထပ်ခြေလှမ်းဖြစ်ပါသည်။

ထိုပြဿနာများကိုပြင်ဆင်ရန် ၂၀၁၅ မတိုင်မီ အချိန်ရှိပါသေးသည်။ တိုင်းပြည်ခေါင်းဆောင်မှုများကို ကျွန်ုပ် တိုက်တွန်းလိုသည်မှာ အခြေအနေကို အမိအရဖမ်းဆုတ်ရန် ဖြစ်ပါသည်။ ဤအရေးပါသော ခြေလှမ်းကိုကြိုးပမ်း လှမ်း တက်ရန်နှင့် ပြုပြင်ပြောင်းလဲရေးအမွေခိုင်မာစေရန် ဖြစ်ပါသည်။

yangon chronicle
Photo..www.npr.org

၂၀၁၃ခုနှစ် သြဂုတ်လ (၆)ရက် (အဂါင်္နေ့) ပထမနေ့ အခမ်းအနားအစီအစဉ်

နံနက်(၈း၀၀)နာရီ မှစတင်၍ တက်ရောက်ခွင့် အမည်ကဒ်ပြားများ လက်မှတ်ထိုး ထုတ်ယူနိုင်ရန် စာရင်းပေးသွင်းခြင်း။

ရှစ်လေးလုံးဒီမိုကရေစီအရေးတော်ပုံ ငွေရတုဆွေးနွေးပွဲ အခမ်းအနားအစီအစဉ်များကို ဖတ်ကြားခြင်း။

အခမ်းအနား အစီအစဉ် (၁) - ရှစ်လေးလုံးဒီမိုကရေစီအရေးတော်ပုံ ငွေရတုဆွေးနွေးပွဲ အခမ်းအနား ဖွင့်လှစ်ကြောင်း ကြေညာခြင်း။

အခမ်းအနား အစီအစဉ် (၂) - ရှစ်လေးလုံးသမိုင်းမှတ်တမ်း ဗီဒီယိုပြသခြင်း အစီအစဉ်။

အခမ်းအနား အစီအစဉ် (၃) - ရှစ်လေးလုံးဒီမိုကရေစီအရေးတော်ပုံ ငွေရတုဆွေးနွေးပွဲ အခမ်းအနား ကြိုဆိုနူတ်ခွန်းဆက် အဖွင့်အမှာစကား ပြောကြားခြင်း။ (မင်းကိုနိုင်)

အခမ်းအနား အစီအစဉ် (၄) - ရှစ်လေးလုံး ဒီမိုကရေစီအရေးတော်ပုံ ငွေရတုဆွေးနွေးပွဲ ကျင်းပရခြင်းနှင့် ရည်ရွယ်ချက်ကို ရှင်းလင်းတင်ပြခြင်း။ (ဌေးကြွယ်)

အခမ်းအနား အစီအစဉ် (၅) - ရှစ်လေးလုံး ဒီမိုကရေစီ အရေးတော်ပုံ မှတ်တမ်းပြခန်းဖွင့်လှစ်ခြင်း အစီအစဉ်။ (ကြိုတင်ကြေညာပေးခြင်း)

နေ့လည် (၁၁)နာရီတွင် နေ့လည်စာဖြင့် တည်ခင်းဧည့်ခံကျွေးမွေးခြင်း အစီအစဉ်။

နေ့လည်(၁၂း၀၀)နာရီတိတိမှစ၍ ပထမနေ့ ဒုတိယပိုင်း အစီအစဉ် ပြန်လည်စတင်ခြင်း။

ဆွေးနွေးပွဲ အစီအစဉ် (၁) - ရှစ်လေးလုံး ဒီမိုကရေစီအရေးတော်ပုံ ငွေရတုဆွေးနွေးပွဲ တွင် အောက်ပါ
ခေါင်းစဉ်(၆)ခုအား ဆွေးနွေးခြင်း။

(၁) အပစ်အခတ်ရပ်စဲရေး၊ တိုင်းရင်းသားရေးနှင့် ပြည်တွင်းငြိမ်းချမ်းရေး၊ ဖော်ဆောင်ရေး လုပ်ငန်းစဉ်၊
(၂) လူ့အခွင့်အရေးနှင့် ဒီမိုကရေစီဖြစ်ပေါ်တိုးတက်မူ၊
(၃) အနာဂတ်ပြည်ထောင်စု၊
(၄) စစ်မှန်သောအမျိုးသား ပြန်လည်သင့်မြတ်ရေး၊
(၅) မြန်မာ့နိုင်ငံရေးနှင့် ဒီမိုကရေစီအင်အားစုများ၏ အခန်းကဏ္ဍ၊
(၆) တိုင်းပြည်ပြန်လည်တည်ဆောက်ရေးနှင့် ဖွံ့ဖြိုးတိုးတက်ရေး။

ဖော်ပြပါ ခေါင်းစဉ်(၆)ခုကို ပေါင်းစပ်၍ နေရာ(၄)ခုခွဲ၍ ရှင်းလင်းပြောကြားပေးခြင်းနှင့် သတ်မှတ်နေရာ (အခန်း)အသီးသီးသို့ တက်ရောက်လာကြသော ပုဂ္ဂိုလ်များအား၊ ၎င်းတို့ စိတ်ဝင်စားရာခေါင်းစဉ်များ အပေါ်မူတည်၍ နေရာချထားပေးခြင်း အစီအစဉ်။

တိုင်းရင်းသားရေး၊ ပြည်တွင်းငြိမ်းချမ်းရေး နှင့် အနာဂတ်ပြည်ထောင်စု ဦးဆောင်ဆွေးနွေး မည့် ပုဂ္ဂိုလ် များမှာ - ဆရာဖေမြင့်၊ ခွန်မြင့်ထွန်း၊ ကိုအောင်မိုးဇော်၊ မခေါန်ဂျာ၊ ဆလိုင်းလျှံမုန်း။
အကျိုးဆောင်များမှာ - ကိုသားကြီး၊ မသင်းသင်းအောင်၊ ကိုကျော်စွာဆွေ၊ ကိုရဲအောင်။


လူ့အခွင့်အရေးနှင့် ဒီမိုကရေစီ ဖြစ်ပေါ်တိုးတက်မှုဦးဆောင်ဆွေးနွေးမည့် ပုဂ္ဂိုလ် များမှာ - ကိုအောင်မျိုးမင်း၊ ကိုမြင့်အေး(HRDP)၊ စောမြရာဇာလင်း၊ ကိုမော်လင်း။
အကျိုးဆောင်များမှာ - ကိုအောင်မျိုးမင်း၊ ကိုအောင်ဇော်ထွေး၊ ကိုခင်မောင်ဝင်း၊ မသက်သက်အောင်။

စစ်မှန်သော အမျိုးသားပြန်လည်သင့်မြတ်ရေး ဦးဆောင်ဆွေးနွေးမည့် ပုဂ္ဂိုလ်များ မှာ - UNA ကိုယ်စားလှယ် ဦးအေးသာအောင်၊ ကိုကိုကြီး(၈၈)၊ ကိုသံခဲ(ABSDF) ၊ ဦးဌေးသိန်း ၊ ဒေါ်ခင်မမမျိုး။
အကျိုးဆောင်များမှာ - စောသန်းလှိုင်၊ မနိုးနိုးထက်စံ၊ ကိုလှိုင်မြတ်။

တိုင်းပြည်ပြန်လည် တည်ဆောက်ရေးနှင့် ဒီမိုကရေစီအင်အားစုများ၏ အခန်းကဏ္ဍ ဦးဆောင်ဆွေးနွေး မည့် ပုဂ္ဂိုလ်များမှာ - ဆရာဦးမြင့်၊ ဒေါက်တာရန်မျိုးသိန်း၊ မခင်ဥမ္မာ၊ Dr. ရင်ရင်နွယ်၊ ဦးရွှေစင်ထွန်း။
အကျိုးဆောင်များမှာ - Dr. ကျော်သူ၊ ဇော်ဇော်ထွန်း၊ ကိုမြတ်စံ ၊ မနန်းစော ၊ ကိုလှမျိုးနောင်။

နေ့လည်(၃း၃၀)နာရီတွင် နေ့လည်စာ ကော်ဖီဖြင့် တည်ခင်းဧည့်ခံခြင်း။

နေ့လည်(၄း၀၀)နာရီတွင် ဆွေးနွေးပွဲ အစီအစဉ်(၂) ပထမနေ့ ဒုတိယပိုင်း ပြန်လည်စတင် ဆွေးနွေးခြင်း။
ညနေ(၅း၃၀)နာရီ - ပထမနေ့ အစီအစဉ် ပြီးဆုံးခြင်း။

၂၀၁၃ခုနှစ် သြဂုတ်လ (၇)ရက် (ဗုဒ္ဓဟူး) ဒုတိယနေ့ အခမ်းအနားအစီအစဉ်



ဆွေးနွေးပွဲ အစီအစဉ် (၁) - နံနက်(၈း၀၀)နာရီတွင် ဒုတိယနေ့ ပထမပိုင်း ပြန်လည်စတင် ဆွေးနွေးခြင်း။

နံနက်(၁၀း၃၀)နာရီတွင် နံနက်စာ ကော်ဖီဖြင့် တည်ခင်းဧည့်ခံခြင်း။

ဆွေးနွေးပွဲ အစီအစဉ် (၂) - နေ့လည်(၁၁း၀၀)နာရီတွင် ဒုတိယနေ့ ပထမပိုင်း ဆက်လက် ဆွေးနွေးခြင်း။
နေ့လည်(၁၂း၃၀)နာရီ မှ (၁း၃၀)နာရီ - နေ့လည်စာဖြင့် တည်ခင်းဧည့်ခံခြင်း။

ဆွေးနွေးပွဲ အစီအစဉ် (၃) - နေ့လည်(၁း၃၀)နာရီ မှ (၄း၀၀)နာရီ - ဆွေးနွေးချက်များအား အဆုံး သတ် ဆွေးနွေး အတည်ပြု မှတ်တမ်းရယူခြင်း။

နေ့လည်(၄း၀၀)နာရီ မှ (၄း၃၀)နာရီ - နေ့လည်စာ ကော်ဖီဖြင့် တည်ခင်းဧည့်ခံခြင်း။

ဆွေးနွေးပွဲ အစီအစဉ် (၄) - ညနေ(၄း၃၀)နာရီ မှ (၅း၃၀)နာရီ - ဒုတိယနေ့ ဒုတိယပိုင်း ဆက်လက်၍ ဆွေးနွေးချက်များ အပြီးသတ်ထုတ်ယူ အတည်ပြုခြင်း။
ညနေ (၅း၃၀)နာရီ တွင် ဒုတိယနေ့ ညနေပိုင်း ဆွေးနွေးပွဲ ပြီးဆုံးခြင်း။


၂၀၁၃ခုနှစ် သြဂုတ်လ (၈)ရက် (ကြာသပတေး) တတိယနေ့ အခမ်းအနားအစီအစဉ်

နံနက် (၁၁)နာရီတွင် ရှစ်လေးလုံး ဒီမိုကရေစီအရေးတော်ပုံကြီးနှင့် တိုက်ပွဲဝင်ကာလတစ်လျှောက် ကျဆုံးသွားသော သူရဲကောင်းများအား ရည်စူး၍ သံဃာတော်များအား ဆွမ်းဆက်ကပ်လှူဒါန်းခြင်း။
နေ့လည် (၁၂)နာရီတွင် ရှစ်လေးလုံး(၂၅)နှစ်မြောက် ငွေရတု အထိမ်းအမှတ်နေ့ အခမ်းအနား တက်ရောက် လာသူများအား နေ့လည်စာဖြင့် တည်ခင်းဧည့်ခံခြင်း။

နေ့လည် (၁)နာရီတိတိတွင် ရှစ်လေးလုံး(၂၅)နှစ်မြောက် ငွေရတု အထိမ်းအမှတ်နေ့ အခမ်းအနား အစီအစဉ်များကို ဖတ်ကြားခြင်း။


အခမ်းအနား အစီအစဉ် (၁) – ရှစ်လေးလုံး(၂၅)နှစ်မြောက် ငွေရတုအခမ်းအနား စတင်ဖွင့် လှစ်ကြောင်း
ကြေညာခြင်း။

အခမ်းအနား အစီအစဉ် (၂) - ရှစ်လေးလုံး ဒီမိုကရေစီအရေးတော်ပုံကြီးနှင့် တိုက်ပွဲဝင်ကာလတစ်လျှောက် ကျဆုံးသွားသော သူရဲကောင်းများအား အလေးပြုဦးညွှတ်ခြင်း။

အခမ်းအနား အစီအစဉ် (၃) - ရှစ်လေးလုံး ငွေရတုဂုဏ်ပြုပွဲ ကြိုဆိုနူတ်ခွန်းဆက် စကားပြောကြားခြင်း။ (မင်းကိုနိုင်)

အခမ်းအနား အစီအစဉ် (၄) - ရှစ်လေးလုံး ငွေရတုအခမ်းအနားသို့ အဖွဲ့အစည်းအသီးသီးမှ ပေးပို့လာသည့် သ၀ဏ်လွှာများအား ဖတ်ကြားခြင်း။ (ကျောင်းသားလူငယ်များ)

အခမ်းအနား အစီအစဉ် (၅) - ရှစ်လေးလုံး ဒီမိုကရေစီ အရေးတော်ပုံငွေရတု အခမ်းအနား ဂုဏ်ပြု မိန့်ခွန်း ပြောကြားခြင်း။ (အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်) (UNA မှ ဦးခွန်ထွန်းဦး) (UNFC မှ ကိုယ်စားလှယ်တစ်ဦး)

အခမ်းအနား အစီအစဉ် (၆) - ရှစ်လေးလုံး ဒီမိုကရေစီပြည်သူ့အရေးတော်ပုံ (၂၅)နှစ်မြောက် ငွေရတု
ဆွေးနွေးပွဲမှ ထွက်ပေါ် လာသည့် နိုင်ငံရေးရလဒ် အဆိုများကို အတည်ပြု မှတ်တမ်းတင် ထုတ်ပြန်
ကြေညာခြင်း။ (မင်းဇေယျ)

အခမ်းအနား အစီအစဉ် (၇) - ရှစ်လေးလုံးပြည်သူ့အရေးတော်ပုံဖော်ကျူးတင်ဆက်ခြင်းအစီအစဉ်။ (မင်းကိုနိုင်နှင့်ကျောင်းသားလူငယ်များ)

အခမ်းအနား အစီအစဉ် (၈) - ရှစ်လေးလုံး ငွေရတုအခမ်းအနား နောက်ဆုံးနေ့ အောင်မြင်စွာပြီးဆုံး
ကြောင်း နှုတ်ဆက်မိန့်ခွန်းနှင့် အခမ်းအနား ပိတ်သိမ်းခြင်း။(ကိုကိုကြီး)

8888 silver jubilee

ရှစ်လေးလုံး ဒီမိုကရေစီ အရေးတော်ပုံ ငွေရတုအခမ်းအနား အထိမ်းအမှတ်အဖြစ် ထုတ်ဝေသည့် ''ရှစ်လေးလုံး ငွေရတု''မဂ္ဂဇင်း အတွက် ဆရာကြီးဦးဝင်းဖေ ရေးဆွဲပေးထားသော ပန်းချီကားအား သြဂုတ်လ၊ ၄ ရက် တနင်္ဂနွေနေ့ နံနက် ၁၀း၃၀ နာရီမှ ၁၂း၃၀ နာရီအတွင်း ရန်ကုန်မြို့ ရွှေဂုံတိုင်ရှိ တော်ဝင်နှင်းဆီခန်းမ၌ ဈေးပြိုင်စနစ်ဖြင့် လေးလံတင် ရောင်းချခဲ့ရာ ကြမ်းခင်းဈေးကို ၈၈၈၈ကျပ်ဖြင့် သတ်မှတ်ဈေးဖွင့်ခဲ့ပြီး ပရိသတ်တစ်ဦးမှ စတင်၍ ၈၈၈၈၀ကျပ် စတင်ဈေးပေးခဲ့ကာ နောက်ဆုံးတွင် ကိုထက်အောင်မှ ၂,၈၀၀,၀၀၀oသိန်း (ကျပ်နှစ်ဆယ့်ရှစ်သိန်း)ဖြင့် အမြင့်ဆုံးဈေးပေး ဝယ်ယူသွားခဲ့သည်။

8888 silver jubilee

နိုင်ငံရေးအကျဉ်းဟောင်း ဖြစ်ခဲ့ဖူးသူ မနလေးမြိူ့ က လူရွင်တော် နှတ်ခမ်းမွေး ဦးပါပါလေး နာရေးကို ဒီနေ့ သြဂုတ် ၄ရက်နေ့မှာ နေအိမ်ကနေ တောင်အင်းမြောက်အင်း
သုသာန်ကို ပို့ဆောင်ပါတယ်။

ဦးပါပါလေးဟာ သြဂုတ် လ ၂ ရက်နေ့ နေ့လည် ၁ နာရီက ဆီးနဲ့ ကျောက်ကပ်ရောဂါနဲ့  ကွယ်လွန်ခဲ့ပါတယ်။ ကွယ်လွန်ချိန်မှာ အသက် ၆၇ နှစ်ရှိပြီဖြစ်ပါတယ်။

ဓါတ်ပုံ - စူပါ
DVB, Dee Kho GB's

သြဂုတ် ၃ ရက်က မြန်မာနိုင်ငံ စာနယ်ဇင်းကောင်စီ (ယာယီ)မှ ပြုလုပ်သော တွေ့ဆုံညှိနှိုင်းပွဲ မြင်ကွင်း (ဓာတ်ပုံ - ကျော်ဇင်ဝင်း)

သတင်းမီဒီယာ ဥပဒေကြမ်းနှင့် ပတ်သက်ပြီး မြန်မာနိုင်ငံ စာနယ်ဇင်းကောင်စီ (ယာယီ)မှ ပြုလုပ်သော တွေ့ဆုံညှိနှိုင်းပွဲသို့ နိုင်ငံရေး ပါတီများနှင့် အဖွဲ့အစည်းများအား မြန်မာနိုင်ငံ စာနယ်ဇင်းကောင်စီ (ယာယီ)က ဖိတ်ကြားခဲ့သော်လည်း အမျိုးသားဒီမိုကရေစီ အဖွဲ့ချုပ် (NLD) ၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့ အပါအ၀င် နိုင်ငံရေး ပါတီကြီးများမှ ကိုယ်စားလှယ်များ တက်ရောက်ခဲ့ခြင်း မရှိကြောင်း သိရှိရသည်။

စာနယ်ဇင်းကောင်စီ (ယာယီ)မှ ရေးဆွဲခဲ့သော သတင်းမီဒီယာ ဥပဒေကြမ်းကို ပြန်ကြားရေး ၀န်ကြီးဌာနက လွှတ်တော်သို့ မတင်ပေးနိုင်ကြောင်း အကြောင်းပြန်ပြီးနောက် စာနယ်ဇင်းကောင်စီမှ ရေးဆွဲသော ဥပဒေကြမ်းကို လွှတ်တော်ကိုယ်စားလှယ် တစ်ဦးမှတစ်ဆင့် လွှတ်တော်သို့ တင်ပြနိုင်ရေးအတွက် နိုင်ငံရေးပါတီ၊ အခြားသော နိုင်ငံရေး အဖွဲ့အစည်းများအား ဖိတ်ကြားပြီး ဆွေးနွေးအကြံဥာဏ်ယူခြင်း၊ စာနယ်ဇင်းကောင်စီ (ယာယီ)နှင့် ပြန်ကြားရေး ၀န်ကြီးဌာနတို့အကြား ဆက်ဆံရေး အခြေအနေတို့ကို တင်ပြခြင်းတို့အား သြဂုတ် ၃ ရက်က ရန်ကုန်မြို့ရှိ ယုဇနဟိုတယ်၌ ပြုလုပ်ခဲ့ခြင်း ဖြစ်ပါသည်။

တွေ့ဆုံညှိနှိုင်းပွဲသို့ တက်ရောက်ရန် နိုင်ငံရေးပါတီ အဖွဲ့အစည်း ၂၃ ခုကို ဖိတ်ကြားခဲ့သော်လည်း တိုင်းရင်းသား စည်းလုံးညီညွတ်ရေးပါတီ၊ ဒီမိုကရေစီနှင့် ငြိမ်းချမ်းရေးပါတီ၊ လူ့ဘောင်သစ် ဒီမိုကရက်တစ်ပါတီနှင့် ရှေ့နေများကွန်ရက် အဖွဲ့အစည်းတို့မှ ကိုယ်စားလှယ်များသာ တက်ရောက်ခဲ့သည်။ သတင်းမီဒီယာ ဥပဒေကြမ်းနှင့် ပတ်သက်သော တွေ့ဆုံညှိနှိုင်းပွဲ ကျင်းပရာ ယုဇနဟိုတယ်သည် NLD ပါတီဌာနချုပ် ရုံးခန်းတည်ရှိရာ နေရာအနီးတွင် ရှိသော်လည်း NLD ပါတီမှ တက်ရောက်ခဲ့ခြင်း မရှိကြောင်း သိရှိရသည်။

"ပြည်သူအားလုံးနဲ့ ဆိုင်တဲ့ကိစ္စ၊ နိုင်ငံတစ်ခုလုံးနဲ့ ဆိုင်တဲ့ကိစ္စ ဆွေးနွေးတာကို မလာခြင်းဟာ ပြည်သူလူထုရဲ့ ဆန္ဒ၊ ပြည်သူလူထုရဲ့ အကျိုးကို မျက်ကွယ်ပြုခြင်း သဘောမျိုး ဆောင်သွားနိုင်တယ်။ အဲလိုမျိုးမေးခွန်း ထုတ်လာနိုင်စရာ ရှိတယ်။ အဲဒါမျိုးကို သူတို့ဖြေဖို့ လိုလိမ့်မယ်။ ကျွန်တော်တို့ အနေနဲ့ကတော့ ကျွန်တော်တို့က လေးလေးစားစား ဖိတ်ထားတဲ့ ကိစ္စကို မလာနိုင်တဲ့ အကြောင်းတောင် မပြန်ကြားတာဟာ စာနယ်ဇင်းကောင်စီက လုပ်နေတဲ့ အလုပ်များကို ပြည်သူလူထုကိုယ်စား၊ နိုင်ငံတော်ကိုယ်စား၊ မီဒီယာနယ်ပယ် တစ်ခုလုံးက လုပ်နေတဲ့ သတင်းလွတ်လပ်ခွင့်နဲ့ ဆိုင်တဲ့ကိစ္စ တစ်ခုလုံးကို စိတ်မ၀င်စားလို့လား၊ မလေးစားလို့လားဆိုတဲ့ မေးခွန်းမျိုး ပေါ်လာတယ်" ဟု မြန်မာနိုင်ငံ စာနယ်ဇင်းကောင်စီ (ယာယီ)၏ အတွင်းရေးမှူး ဦးကျော်မင်းဆွေက ပြောကြားသည်။

မြန်မာနိုင်ငံ စာနယ်ဇင်းကောင်စီ (ယာယီ)၏ ဒုတိယဥက္ကဋ္ဌ ဦးခင်မောင်လေး (ဖိုးသောကြာ)က နိုင်ငံရေးပါတီကြီးများ အနေဖြင့် မသိ၍ မလာခြင်း မဟုတ်ဘဲ စိတ်မ၀င်စားသဖြင့် မလာခြင်းသာ ဖြစ်သည်ဟု ယူဆကြောင်း ပြောကြားသည်။
သတင်းမီဒီယာ ဥပဒေကြမ်းနှင့် ပတ်သက်သော တွေ့ဆုံညှိနှိုင်းပွဲ ကျင်းပရာ ယုဇနဟိုတယ်သည် NLD ပါတီဌာနချုပ် ရုံးခန်းတည်ရှိရာ နေရာအနီးတွင် ရှိသော်လည်း NLD ပါတီမှ တက်ရောက်ခဲ့ခြင်း မရှိကြောင်း သိရှိရသည် . . . . .

"သူတို့တွေမှာ ဘာတွေအခက်အခဲ ရှိလဲတော့ မသိဘူးပေါ့လေ။ ဒီနေ့ ကျွန်တော်တို့ ဖိတ်ထားတဲ့ပွဲကို တက်ရောက်လာတာ အရေအတွက် တော်တော်လေး နည်းတယ်ဆိုတော့ စိတ်ဝင်စားမှု အားနည်းတယ်လို့ပဲ ပြောရမယ်ထင်တယ်။ စာနယ်ဇင်းကောင်စီနဲ့ ပြန်ကြားရေးကိစ္စက လတ်တလောမှာ လွှတ်တော်က အမျိုးသားလွှတ်တော်ကို ရောက်တော့မယ်။ နောက်တစ်ခုက သတင်းမီဒီယာ ဥပဒေက လွှတ်တော်မတင်ရသေးဘူးဆိုတော့ အဲဒီအရေးကြီးတဲ့ ကိစ္စတွေမှာ ဘာဖြစ်လို့ သူတို့စိတ်မ၀င်စားသလဲ ဆိုတာကို ကျွန်တော်လည်း နားမလည်နိုင်ဘူး" ဟု မြန်မာဂျာနယ်လစ်ကွန်ရက် အထွေထွေအတွင်းရေးမှူး ဦးမြင့်ကျော်က ပြောကြားသည်။

သတင်းမီဒီယာ ဥပဒေဆိုသည်မှာ ဂျာနယ်လစ်များအတွက် လုပ်ဆောင်ခြင်းမဟုတ်ဘဲ ပြည်သူများ၏ သတင်းသိပိုင်ခွင့်အတွက် ဆောင်ရွက်ခြင်းဖြစ်ပြီး ထိုသို့လုပ်ဆောင်ခြင်းကို နိုင်ငံရေးပါတီ၊ အဖွဲ့အစည်းများက ပူးပေါင်းဆောင်ရွက်မှု မရှိခြင်းသည် မေးခွန်းထုတ်စရာဖြစ်ကြောင်း စာနယ်ဇင်းကောင်စီ (ယာယီ)အဖွဲ့ဝင်နှင့် မြန်မာနိုင်ငံ သတင်းစာဆရာ အသင်း၏ ဒုတိယဥက္ကဋ္ဌ ဦးကိုကို (ကိုကို-စက်မှုတက္ကသိုလ်) က ဆိုပါသည်။

"သတင်းလွတ်လပ်ခွင့်ဆိုတာက သတင်းသမားတွေနဲ့သာ ဆိုင်တာမဟုတ်ပါဘူး။ သတင်းလွတ်လပ်ခွင့်က ပြည်သူတွေအတွက် လုပ်ပေးရတာ။ သတင်းသမားတွေက သူတို့လိုချင်တာတွေ တောင်းတယ်။ သူတို့အတွက်ပဲ လုပ်နေတယ်။ မဟုတ်ပါဘူး။ ကျွန်တော်တို့ သတင်းလွတ်လပ်ခွင့် တောင်းတယ်ဆိုတာ သတင်းသမားက လိုချင်လို့ မဟုတ်ဘူး။ ပြည်သူတွေရဲ့ လွတ်လပ်စွာ သတင်းသိခွင့်အတွက် အလုပ်လုပ်နေကြတာ။ သတင်းသမားတွေ အလုပ်လုပ်ခွင့်မရရင် ပြည်သူတွေက သတင်းသိခွင့် မရဘူး။ အဲဒါကို ၀င်ပြီးမပူးပေါင်းဘူးဆိုရင် သူတို့ပြည်သူလူထုရဲ့ သတင်းသိခွင့်အတွက် တကယ်စေတနာ ရှိရဲ့လား။ မေးခွန်းထုတ်စရာပေါ့ဗျာ" ဟု ဦးကိုကိုက ပြောကြားခဲ့သည်။

သြဂုတ် ၃ ရက်တွင် ပြုလုပ်ခဲ့သော တွေ့ဆုံညှိနှိုင်းပွဲသို့ တက်ရောက်ခဲ့သူများအနက် တိုင်းရင်းသား စည်းလုံးညီညွတ်ရေး ပါတီက ဆွေးနွေးမှုများကို ဗဟိုသို့ ဆက်လက်တင်ပြမည်ဟု ပြောကြားခဲ့ပြီး လူ့ဘောင်သစ် ဒီမိုကရက်တစ်ပါတီနှင့် ဒီမိုကရေစီနှင့်ငြိမ်းချမ်းရေး ပါတီတို့ကလည်း လုပ်ဆောင်သင့်သည်များကို ဖြည့်စွက်ဆွေးနွေးခဲ့ကာ ရှေ့နေများကွန်ရက် အနေဖြင့် စာနယ်ဇင်းကောင်စီ (ယာယီ)၏ လုပ်ဆောင်ချက်များကို ခြွင်းချက်မရှိ ထောက်ခံကြောင်း ပြောကြားခဲ့သည်။

မြန်မာနိုင်ငံ စာနယ်ဇင်းကောင်စီ (ယာယီ)မှ ရေးဆွဲသော သတင်းမီဒီယာ ဥပဒေကြမ်းကို အမျိုးသားဒီမိုကရေစီ ပါတီသစ်မှတစ်ဆင့် လွှတ်တော်သို့ တင်သွင်းရန် ဆုံးဖြတ်ခဲ့ကြောင်း တွေ့ဆုံညှိနှိုင်းပွဲအပြီးတွင် သတင်းရရှိသည်။

Elevenmedia group

ညအော်သံ

- သူငယ်ချင်းရေ
ကြောက်မက်ဖွယ်ကောင်းလောက်အောင်
တိတ်ဆိတ်နေတဲ့ ညရဲ့ အသံကို ကြားရလား ၊
လူသေအလောင်းကောင်လို အေးစက်လို့ တောင့်တင်းလို့ ပေါ့ ။

အခုလို ညဥ့်နက်နက်တွေမှာ
လေထုထဲ ပဲ့တင်ထပ်နေတဲ့ အသံတွေ
ကြားမိသူတိုင်း ကြက်သီးမွေးသီးထစေခဲ့တဲ့ အသံတွေ
ဘယ်လိုလုပ် မေ့လို့ ရနိူင်ပ ။

တခါတုံးက
အော်ဟစ်သံ ၊ ကြွေးကြော်သံ ၊ တောင်းဆိုသံ ၊ သီချင်းသံ ၊ ညီညွတ်တက်ကြွသံ
ငိုကျွေးသံ ၊ ပစ်ခတ်သံ ၊ ကျူံးဝါးသံ ၊ မှာကြားသံ ၊ တောက်ခေါက်သံ ၊ သစ္စာပြုသံ
သွေးတွေစီးဆင်းသံ ၊ မျက်ရည်တွေတလိမ့်လိမ့်ကျလာသံ ၊ ခရီးထွက်လက်ပြနုတ်
ဆက်သံ ၊ သက်ပြင်းမောရှည်ရှည်တွေချလိုက်သံ ၊ မျက်ဝန်းချင်း ဂတိပြုစကားပြော
သံ ၊ လွတ်လပ်မှအမျှဝေပါ ဆိုတဲ့အသံ -
ဒီမိုကရေစီရမှ အမျှဝေပါ မှာခဲ့တဲ့ အသံ -

အသံတွေ ၊ အသံတွေ ၊ အသံတွေ

အဲဒီအသံတွေဟာ
လမ်းမတွေပေါ်မှာ အသက်ဝင်ခဲ့တယ်
ဒီမိုကရေစီကို ကိုယ်စားပြုခဲ့တယ် ၊
ဖိနှိပ်သူကို တုန်လှုပ်စေခဲ့တယ် ၊
သမိုင်းတခေတ်ကို ဖွင့်လှစ်ခဲ့တယ် ။


ရာစုတခုရဲ့ လေးပုံတပုံအကြာမှာတော့
လေရိုင်းတွေရဲ့ အော်သံ ၊
မြစ်တစင်းရဲ့ ငိုရှိုက်သံ ၊
တောင်တလုံးရဲ့ နာနာကျည်းကျည်း တောက်ခေါက်သံ ၊
လှောင်ချိုင့်ထဲက လူတယောက်ရဲ့ ညီးငြူသံ ၊
မတရားမှုကြောင့် ပေါက်ကွဲသံ ၊
ကာရာအိုကေဆိုင်က ခေတ်လွန် သီချင်းသံ ၊
စားသောက်ဆိုင်ထဲက ရမက်ခိုးအပြည့်နဲ့ စကားသံ ၊
အရိုးအရင်းကိုက်ရလို့ ကျေနပ်မှုနဲ့ အူလိုက်တဲ့ ခွေးလေခွေးလွင့်ရဲ့ အသံ ၊
ဈေးမတူပေမဲ့ အပေးအယူလုပ်နေတဲ့အသံ ၊
ဘိန်းစားချင်းအတူတူ တမူးပိုရှုလိုက်ရလို့ ပလွားနေတဲ့ အစ်တစ်တစ်အသံ ၊
ပေးစရာအဖြေမရှိလို့  ခပ်ငေါက်ငေါက်နဲ့ တုံ့ ပြန်နေသံ ၊
ဤ ကိုကျွဲ ဖတ်နေသူချင်း တွေ့ ဆုံပွဲကထွက်လာတဲ့ လက်ခုပ်သံ ၊
လုပ်စားနေတာ မဟုတ်ရတဲ့အကြောင်း အာလုပ်သံကြီးနဲ့ ရှင်းပြနေတဲ့ အသံ ၊
အရက်မသောက်ပဲ ဘယ်သူ့ မှ ဂရုမစိုက်ဘူးကွလို့ 
ရပ်ကွက်ကို စိမ်ခေါ်နေတဲ့ အမူးသမားတယောက် အသံ ၊
ဓါတ်ရှင်ထဲက ဂုဏ်ကြီးရှင်ဟန်နဲ့ ဇာတ်တူသားစားဖို့ ကျိုးစားနေတဲ့ မျိုးမစစ်
ဒေါင်းတကောင်ရဲ့ မာန်ဖီနေတဲ့ အသံ ၊
ဗိုက်ဆာလွန်းလို့ ခွေခွေလေးလဲနေတဲ့ ခလေးတယောက်ရဲ့ ထမင်းတောင်းသံ ၊
ဒေးကလပ်ထဲက အနာဂါတ်တွေရဲ့ ပြိုကျနေသံ ၊
မသေချာဘ၀တွေမို့  နေစရာပြန်ပေးဖို့ တောင်းဆိုနေသံ ၊
စက်ရုံထဲက စက်ရုပ်ရဲ့ အူထဲကလာတဲ့ တကျုတ်ကျုတ်မည်သံ ၊
ဈေးပေါင်ကျိုးနေပြီလို့ မစားရ ၀ခမန်းဟစ်အော်နေသံ ၊
အရပ်တကာလယ်ပြီး မသာကို နံ့ သာလိမ်းပေးထားတာ လှပါတယ်လို့့ကြော်ညာနေသံ ၊
သူတို့ အတွက် စိန်ရတုတို့  ပတ္တမြားရတုတို့  မလုပ်ပေးဖို့ တောင်းပန်နေတဲ့ အာဇာနည်
ကုန်းက သွားလေသူတွေရဲ့ အသံ ၊
ရေမသောက်ရတာ ကြာလို့ အာခေါင်ခြောက်နေတဲ့ လယ်ကန်သင်းရိုးတွေရဲ့ ပက်ကြား
အက်သံ ၊
လေအဝှေ့ မှာ တကျွိကျွိနဲ့ ပြိုကျလုလု အိမ်အိုအိမ်ဆွေးကြီးကထွက်လာတဲ့ အသံ ၊
ဆောင်ကြာမြိုင် အသာမြူးလို့  ဘနဖူးသိုက်တူးနေသူရဲ့ အသံ ၊
အချိန်ကကုစားလို့ သေသောသူကြာရင်မေ့တတ်သူရဲ့ တိုက်ပုံဝတ်သံ ၊
သူခိုးသေဖော်ညိရင်း ချစ်သူကိုမုန်းသူဖြစ်စေသူရဲ့ အသံ ၊

အသံတွေ ၊ အသံတွေ ၊ အသံတွေ

အဲဒီအသံတွေမှာ
ပြုပြင်ပြောင်းလဲရေးမပါဘူး ၊
ငတ်နေသူတွေအတွက် စားစရာမပါဘူး ၊
မတရားမှုတွေအတွက် ဥပဒေမပါဘူး ၊
ဒီမိုကရေစီမပါဘူး ၊
လူ့ အခွင့်အရေးမပါဘူး ၊
ဒီမိုကရေစီအခြေခံတဲ့ နိုင်ငံရေးဝန်းကျင် တည်ဆောက်ရေးမပါဘူး ၊
အနာဂါတ်အတွက် စကားမပါဘူး ၊
အဖိနှိပ်ခံတွေအတွက် လွတ်မြောက်ရေးမပါဘူး ၊
အသိအမှတ်ပြုမှု မပါဘူး ၊
စစ်ဘေးဒဏ်ခံနေရသူအတွက် မျော်လင့်ချက်မပါဘူး ၊
ပုံပျက်နေတဲ့ ကိုယ်ကျင့်တရားတွေအတွက် အကြောက်တရားမပါဘူး ၊
ပြိုလုဆဲဆဲ လူ့ အဖွဲ့ အစည်းအတွက် စိုးရိမ်ကြောင့်ကျမှု မပါဘူး ၊
ငရဲပြည်က ကျမ်းစာအုပ်ကို ဖျက်ဆီးမဲ့အကြောင်းမပါဘူး ၊
ခလေးငယ်တွေအတွက် စာသင်ခန်း မပါဘူး ၊

စာနာမှုတွေမပါဘူး ၊
အသိတရားတွေမပါဘူး ၊
အရှက်တရားတွေမပါဘူး ။



ဒါပေမဲ့
မရေရာတဲ့ ညီညွတ်ရေးပါတယ် ၊
ဟန်ဆောင်ဆွေးနွေးပွဲတွေပါတယ် ၊
ပွဲစားလုပ်ငန်းကြီးထွားစေတဲ့ ငြိမ်းချမ်းရေးဆိုတာပါတယ် ၊
ရေပေါ်ဆီဖြစ်စေတဲ့ ဖောက်ပြန်မှုတွေပါတယ် ၊
မယ်ဘော်ဖြစ်သွားတဲ့ ဟန်တွေပါတယ် ၊
၂၀၀၈ ကိုခြုံအိပ်နေသူတွေ အထင်မလွဲစေဖို့ လုပ်ကွက်တွေပါတယ် ၊
အချင်းချင်း သင်းသတ်မှုတွေပါတယ် ၊
နောက်ကျော ဖနောင့်နဲ့ ပေါက်တဲ့ အရွေ့ တွေပါတယ် ၊
ဥပဒေရေးစရာမလိုတဲ့ လွတ်တော်လုပ်တမ်း ကစားပွဲတွေပါတယ် ၊
ခိုးရာပါ ပစ္စည်းတွေ ဝေခွဲရေးပါတယ် ၊
လစ်တမတ်စက္ကူလို ယုံကြည်မှုတွေပါတယ် ၊
ခရိုနီမွေးမြူရေးပါတယ် ၊
အစွန်းအထင်းများစွာနဲ့  ယဉ်ကျေးမှုကို မေ့လျော့မှုတွေပါတယ် ၊
လက်ဝေခံဘ၀အတွက် ကျေနပ်မှုတွေပါတယ် ၊
သားသတ်သမားကို ဘုရားအလောင်းပမာပြောနေတဲ့ ဇာတ်လမ်းအတုတွေပါတယ် ၊
ဈေးကွက်တင်ထားနိုင်တဲ့ အမျိုးသားရင်ကြားစေ့ရေးဆိုတာပါတယ် ၊
တိုင်းရင်းသားများ တကယ်မညီညွတ်ရေးဆိုတာ ပါတယ် ၊
မင်းလည်းယူ ငါလည်းယူဆိုတဲ့ မူတွေပါတယ် ၊
သူ့ လူကိုယ်ဘက်သားတွေပါတယ် ၊
အခန်းအနား နိုင်ငံရေးတွေပါတယ် ၊ ခုတုံးလုပ်မှုတွေပါတယ် ၊
ဆန့် ကျင်သူတွေကို ထိုးဖို့ လက်ညိုးပါတယ် ၊
ပိုးလိုးပက်လက်လန်နေတဲ့ ရပ်တည်ချက်တွေပါတယ် ။

ဘ၀မေ့မှုတွေ ပါတယ် ၊
လိမ်ညာမှုတွေ ပါတယ် ၊
ရက်စက်မှုတွေ ပါတယ် ။

တကယ်ဆိုတော့ ခေတ်ကြီးကိုက မကောင်းတာပါ ၊
ကျောင်းလွယ်အိတ်ထဲက ကျပျောက်သွားတဲ့
ရိုးသားမှုဆိုတာကလည်း ၊ အခွင့်အရေးနဲ့ ဖလှယ်နိူင်သူတွေအတွက်တော့
ဘေးထွက်ပစ္စည်းတခုပဲပေါ့ ၊
စာသင်ခန်းကိုလွမ်းမိပြီး ၊ ကြေကွဲဝမ်းနည်းယုံကလွဲလို့ ၊
ဘာများတတ်နိူင်ဦးမှာလဲ ။

ဘာကြောင့်နာမည်ကြီးကြီး
တခု နာမည်ကြီးရင် တခြားကိစ္စ အကုန်လုပ်ခွင့်ရှိတဲ့ ခေတ်
အခု ဗမာပြည်မှာ နာမည်ကြီးရင် အကုန်လုပ်တတ်သွားတဲ့ ခေတ်
ဟိုအရင်က စစ်ဗိုလ်ဖြစ်ရင် အကုန်လုပ်တတ်သွားသလိုမျိုးပ ။

ရှေးသရောအခါက ဒီဿပါမောက္ခဆရာကြီးရဲ့ 
တက္ကသိုလ် ကျောင်းဆင်းတွေလိုပဲ
အနုရော အကြမ်းရော အစုံရတယ် ၊
ထူးခြားချက်က -
အဌာရသ ၁၈ ရပ် တောင်မကဘူးဆိုပဲ ။

ဘီလူးမဖြစ်သေးပေမဲ့ ၊ အတတ်ကြူးနေသူတွေကဆိုတယ်
ဒီမိုကရေစီရေး
နိုင်ငံရေး
ပညာရေး
ကျမ်းမာရေး
စီးပွားရေး
လူ့ အခွင့်အရေး
တိုင်းရင်းသားအရေး
အလုပ်သမားအရေး ၊ လယ်သမားအရေး
ပြည်သူတွေ ၀မ်းဝရေး
ဘာအရေး ညာအရေး ပါးပါးလေးပါတဲ့
ဒါတွေထက်
သူတို့ အရေးက ပို ကြီးဆိုပဲ ။

အားလုံးက အစီအစဉ်တကျမဟုတ်ပေမဲ့
သူတို့ က အစီအစဉ်ကျတယ် ။

သူငယ်ချင်းရေ
အပြောင်းအလဲအတွက်တော့
ခေါင်းဆောင်ကြီးများ ကိုယ့်လိပ်ပြာ ကိုယ်ရှက်တတ်တဲ့ စိတ်မျိး
ရှိလာတဲ့နေ့ အထိ စောင့်ကြပါစို့  ။

အော် ငွေရတု တဲ့လား ။

ငါကတော့
အခုလောလောဆယ်မှာ
ကြောက်မက်ဖွယ်ကောင်းလောက်အောင်
တိတ်ဆိတ်နေတဲ့ ညနက်နက်ကြီးထဲက
ဟစ်အော်နေသံတွေကိုပဲ ကြားနေရလေရဲ့  ။ ။ ။


သက်ထွန်း
( ၁ ၊ ၈ ၊ ၂၀၁၃ )

ဆရာတော်ကဝိန္ဒဟာမန္တလေးမြို့ရဲ့ ၈၈ အရေးတော်ပုံ နိဒါန်းအစမှာ ငြိမ်းချမ်းရေးစစ်ကြောင်းကို ဦးဆောင်ပြီးတပါတီအာဏာရှင်စနစ် ဆန့်ကျင်ရေး ဒီမိုကရေစီရှိရေး အတွက် ငြိမ်းချမ်းစွာ တိုက်ပွဲဝင်ခဲ့တဲ့ သံဃာတော်တပါးပါ အဲဒီကာလက ဆရာတော်ရဲ့ သက်တော်ဟာ သုံးဆယ်ကျော်ကျော်ပဲ ရှိပါသေးတယ် စာပေကဗျာအလင်္ကာနဲ့ပျော်မွေ့တဲ့ဆရာတော်ဟာ ကိုယ်
တိုင်လည်းရေးဖွဲ့သီကုံးတတ်ပါတယ်..

ဒီတော့ ၈၈ အရေးပုံကာလရဲ့ နိုင်ငံရေးစင်မြင့်တွေမှာ ဆရာတော်ရဲ့ကဗျာလင်္ကာတွေက လူထုနှလုံးသားကို ဖမ်းစားနိုင်ပြီး လူထုတရပ်လုံး ပါဝင်လာနိုင်အောင် စည်းရုံးနိုင်
ခဲ့တယ်.. ဘုရားကြီးအနောက်၄၅ တာကွင်းကြီးရဲ့ တရားဟောစင်မြင့်ပေါ်မှာမဟာမုနိ တုမရှိသည့်မုနိထွဋ်ထား ရှင်တော်ဘုရားဆိုပြီး မဟာမြတ်မုနိဘုရားကြီး
ကို တိုင်တည်ပြီး ဒီမိုကရေစီတောင်းဆိုမှု တရားတွေ ဟောခဲ့တယ် ...

မန္တလေးတက္ကသိုလ်က ကျောင်သားတွေ လမ်းပေါ်ထွက်ပြီး ဆန္ဒပြစစ်ကြောင်းကလူထုကြားထွက်လာတဲ့အခါအစဉ်အလာကောင်းတဲ့မန်းတက္ကသိုလ်
မင်္ဂလာအပေါင်းနဲ့ကမ်းလက်ကြိုဆိုပြီးကြိုဆိုဂုဏ်ပြုခဲ့တယ်..

ရှစ်လေးလုံးအရေးပုံကြီးကိုလည်း ခုလိုဂုဏ်ပြုဖွဲ့ဆိုခဲ့တယ်

သမိုင်းညစ်ကို တိုက်ဖျက်ပစ်
ရှစ်ရက် ရှစ်လ ရှစ်ဆယ့်ရှစ်
သမိုင်းသစ်ကို ဒို့ဖွင့်လှစ်
ရှစ်ရက် ရှစ်လ ရှစ်ဆယ့်ရှစ်။

သပိတ်အရှိန်အဟုန်မြင့်မားလာပြီးနောက်မှာတော့ အထက်မြန်မာနိုင်ငံ သပိတ်ကော်မတီများရဲ့တပ်ပေါင်းစုဥက္ကဋ္ဌဖြစ်လာပါတယ် ...မန္တလေးနိုင်ငံရေး
အသိုင်းအဝိုင်းမှာ ငယ်ရွယ်ပေမယ့် သြဇာကြီးတဲ့သံဃာတပါးပါ ...

စစ်တပ်က အာဏာသိမ်းပြီးတဲ့နောက်မှာတော့ စစ်အာဏာရှင်တွေက ဆရာတော်ကိုဖမ်းဆီးပြီး ထောင်ချခဲ့တယ်..ကျနော်ဟာ ဆရာတော်နဲ့ အပြင်မှာရင်နီးခင်မင်ခဲ့သလို
ထောင်ထဲမှာလည်း တလျောက်လုံး အတူနေခဲ့ရတယ်။။ဆရာတော်ကအိနြေ္ဒ အင်မတန်ကြီးသလို ဝိနည်းသိက္ခင်္ာကိုလည်းအသက်လောက်တန်ဖိုးထားသူဖြစ်တယ်..

ရန်သူကတောင် လေးစားကြည်ညိုရတဲ့သံဃာတပါးပါ ထောင်ထဲမှာကျန်မာရေးမကောင်းလို့ခဏခဏ ဆေးရုံတက်ရတယ်..
ထောင်လွတ်ပြီး၂၀၀၂ခုနှစ်မှာတော့ ဆရာတော်ဟာပျံလွန်တော်မူခဲ့ပါတယ် ..ခုရှစ်လေးလုံးအရေးတော်ပုံကြီးဟာ ငွေရတုတိုင်ခဲ့ပါပြီ
ဒီမိုကရေစီရဲ့အရိပ်အရောင်လေးတောင်မှ မြင်တွေ့ခွင့်ရမသွားရှာတဲ့ ဆရာတော်အတွက်ကြေကွဲဝမ်းနည်းမိတယ်ဒါပေမယ့် ကျနော်တို့ရဲ့ရင်ထဲ
မှာ ဆရာတော်ဟာ အမြံရှိနေပါတယ် ..

Cartoon Win Aung



ပြည်တွင်း၊ ပြည်ပ နေရာအနှံ့မှာ ရှစ်လေးလုံး ၂၅ နှစ် နှစ်ပါတ်လည်အခမ်းအနားကို ကျင်းပနေကြတဲ့ ကျနော်တို့အားလုံး ရဲဘော် ရဲဘက်တွေဆီကို ကျနော် နူတ်ခွန်းဆက်ပါတယ်။
ကျနော်တို့ ရှစ်လေးလုံး လွန်ခဲ့တဲ့ ၂၅ နှစ်တာကာလပြီး ကတည်းက နေရာအနှံ့အပြားကို ပြန့်ကြဲသွားကြတဲ့ ဒီကနေ့ အဲဒီ အင်အားတွေ ပြန်စုတဲ့သဘောလဲ ပါပါတယ် ၊ ဘာနဲ့ ပြန်စုရမလဲ ဆိုတော့ ကျနော်တို့လူတွေအားလုံး တစ်နေရာတည်းမှာ ပြန်မဆုံနိင်ပေမယ့် ကျနော်တို့ စိတ်ဓါတ်တွေနဲ့ ပြန်စုရမှာပါ ဘာစိတ်ဓါတ်လဲဆိုတော့ ရှစ်လေးလုံး စိတ်ဓါတ်ပဲပေါ့
ကျနော်တို့ ကိုင်စွဲရမယ့် အလံကလဲ ဒေါင်းအလံပါပဲ ဒီကနေ့ ကျနော်တို့ အမျိုးသား ပြန်လည်သင့်မြတ်ရေးလို့ ကြွေးကြော်သံတွေနဲ့ ချီတက်နေရတဲ့ အချိန်မှာတောင်မှ ကျနော်တို့ အားလုံးရဲ့စိတ်ဓါတ်ဟာ ရှစ်လေးလုံးစိတ်ဓါတ်ပါ ကျနော်တို့အလံဟာ ဒေါင်းအလံပါ

ဘယ်လောက်လဲဆိုတော့ ခေတ်အဆက်ဆက်မှာ အစိုးရအဆက်ဆက်ကနိင်ငံရေး ဦးတည်ချက်တွေ ကြွေးကြော်သံတွေ အမျိုးမျိုးနဲ့ နိင်ငံတော်အလံဟာ သုံးကြိမ်သုံးခါ ပြောင်းသွားတယ် ကျနော်တို့ ရဲ့ အားလုံး တိုက်ပွဲတွေ ကိုယ်စီဝင်ခဲ့ကြတဲ့ မျိုးဆက်တွေရဲ့ ဒေါင်းအလံဟာ မပြောင်းပါဘူး။ ဘယ်သောအခါမှလဲ ပြောင်းမှာ မဟုတ်ပါဘူး။
အဲဒီတော့ ကျနော်တို့ရဲ့ အလံကျနော်တို့ရဲ့ စိတ်ဓါတ်တွေဟာ ရှစ်လေးလုံးကအတိုင်းပဲ ဘာစိတ်ဓါတ်လဲဆိုတော့ဒီ…. အထူး သဖြင့်ပေါ့ဗျာ. .. စွန့်လွှတ်အနစ်နာခံကြရတဲ့ အညတရ ရဟန်းရှင်၊ လူ၊ ပြည်သူတွေ ကျနော်တို့ နာမည်လေးတောင် သိခွင့်မရ မေးခွင့်မရတဲ့ စွန့်လွှတ် စွန့်စားခဲ့တဲ့ သူရဲကောင်းတွေရဲ့စိတ်ဓါတ်တွေ သူတို့ရဲ့ ဂုဏ်ကျေးဇူးတွေကိုလည်း ဒီအချိန်မှာ ပြန်ပြီး ကျနော်တို့ ဖော်ကြရလိမ့်မယ်

ဘာကြောင့်လဲဆိုတော့ . …. တစ်စုံတစ်ခုဟာ သူရဲ့ပေးဆပ်ခဲ့မှုကို သိမှ တန်ဖိုးကိုနားလည်မယ်၊ တန်ဖိုးကိုနားလည်မှလဲ တန်ဖိုးထားကြမှာပါ အဲဒါကြောင့် ကျနော်တို့ဟာ သမိုင်းမှန်ပေါ်ပေါက်ရေး အတွက်လည်း တစ်ဘက်က ကြိုးစားတဲ့အနေနဲ့ ဒီအခမ်းအနားတွေ ကျင်းပရတယ်လို့ ကျနော် နားလည်ပါတယ် ။ မသိမမီလိုက်တဲ့ မျိုးဆက်တွေ တစ်ချိန်က အာဏာနဲ့သုံးပြီးတော့ ပုံဖျက်ခံခဲ့ရတဲ့ သမိုင်းကြောင်းအမှန်ကို ပြန်ပြီးတော့ ဖော်ထုတ်ကြတာလဲ ပါပါတယ်။
အဲဒီတော့ ဒီကနေ့ ဒီအချိန်ခါ ပန်းတိုင်ကိုမရောက်သေးတာ သေချာပါတယ်၊ အမျိုးသားပြန်လည် သင့်မြတ်ရေးဆိုတဲ့ လုပ်ငန်းစဉ်တွေဟာလဲ ဘယ်အဆင့်ရောက်နေပြီးလဲလို့ မေးခွန်းထုတ်ဖို့ရှိပါတယ်၊

တစ်ဖက်မှာလည်း ပြည်တွင်းငြိမ်းချမ်းကလည်း တစ်ကယ်အရေးတစ်ကြီးလိုအပ်နေတဲ့ အချိန်၊ ကျနော်တို့ဆီမှာ ………….. ဥပမာ- တရာမျှတမှုဆိုတဲ့ အမှန်တရား ၊ သမိုင်းအမှန်ပေါ်ပေါက်ရေး ဆိုတဲ့ အမှန်တရား ၊ အဲဒီအမှန်တရားနဲ့ ကြိုးညှိုနေတုန်းပဲ ရှိပါသေးတယ်၊ ပြောချင်တာကတော့ လှုပ်ရှား ရုန်းကန်ရတဲ့ ကာလတွေဟာ မပြီးဆုံးသေးပါဘူး။ အဲဒီကာလ တစ်လျှောက်လုံးမှ ကျနော်တို့ ရှစ်လေးလုံးစိတ်ဓါတ်တွေနဲ့ပဲ ဆက်ပြီးတော့ ချီတက်ကြရမှာပါ ။ အဲဒီစိတ်ဓါတ်တွေကို စွန့်ပစ်မှာ မဟုတ်ဘူးဆိုတာ အားလုံးအပေါ်မှာ ကျနော်တို့အပါအဝင် ယုံကြည်ထားပါတယ်၊ ကျနော်တို့ ဒီဒေါင်းအလံ ရှစ်လေးလုံးစိတ်ဓါတ်နဲ့ပဲ ဆက်ပြီးတော့ လက်တွဲသွားကြမယ်လို့ ယုံကြည်ပါကြောင်း နူတ်ခွန်းဆက်ရင်းနဲ့ ကျနော်ရဲ့ နူတ်ဆက်စကားကို အဆုံးသတ်ပါတယ်၊ ကျေးဇူးတင်ပါတယ်


အာဏာရှင်ကိုဖီဆန်
အာဏာရှင်ကိုတော်လှန်
မဟုတ်မခံ အပြုတ်နှံမဲ့
ရှစ်လေးလုံးစိတ်ဓါတ်
ဘယ်အခါမှမရပ်
ဘယ်နေရာမှမပြတ်
ကမ္ဘာအနှံ့ ပတ်ခဲ့ပြီ။

အာဏရှင်တွေ ဘယ်လိုအုပ်အုပ်
အာဏာရှင်တွေဘယ်လိုချုပ်ချုပ်
မအုပ်နိုင် မချုပ်နိုင်
အဟုတ်ခိုင်မြဲတာက ရှစ်လေးလုံးစိတ်ဓါတ်။

ကျည်ဆန်နဲ့ ဘယ်လိုခွင်းခွင်း
အာဏာနဲ့ဘယ်လိုရှင်းရှင်း
မကွင်းနိုင် မယွင်းနိုင်တာက
ရှစ်လေးလုံးစိတ်ဓါတ် ဒီစိတ်ဓါတ်နဲ့
မားမားရပ်နေတဲ့အာဏာရှင်ကို
အမြင်ကတ်ကတ်နဲ့ အနိုင်ခုတ်
အရှင်လတ်လတ်နဲ့ အပိုင်မြုပ်လိုက်ကြပါစို့…။

တက္ကသိုလ်ဘုန်းကြွယ် ၈-၈-၂၀၁၃


ဘာသာစကား ၂၄ မျိုးမှ မြန်မာဘာသာသို့ ပြောင်းလဲ ဘာသာပြန်ပေးနိုင်သောဝက်ဘ်ဆိုက်တစ်ခု လွှတ်တင်ထားပြီးဖြစ်၍မြန်မာဘာသာ ပြန်ဆိုမည့် သူများအတွက် လွယ်ကူအဆင်ပြေစေကြောင်း သိရသည်။ယင်းဘာသာစကား ၂၄ မျိုးမှာ အင်္ဂလိပ်၊ ဟီးဘရူး၊ ဂရိ၊ ပေါ်တူဂီ၊အာရေဘစ်၊ စပိန်၊ နော်ဝေး၊ ဆွီဒင်၊ ဂျာမန်၊ ရုရှား ၊ ဂျပန်၊တရုတ်၊ ကိုရီးယား၊ မလေးရှား၊ ဗီယက်နမ်၊ ထိုင်း၊ ဟိန္ဒီ၊ရိုမေးနီးယား၊ ပြင်သစ်၊ ဒပ်ခ်ျ၊ Finish ၊ ဖိလစ်ပိုင်၊Polish နှင့် Danish ဘာသာစကားများဖြစ်ပြီး
အဆိုပါ ဘာသာစကား၂၄ မျိုးကို မြန်မာဘာသာသို့ ပြန်ဆိုရန် http://www.myordbok.com/ သို့ ဝင်ရောက်ရမည်ဖြစ်ကြောင်း သိရသည်။

“ဝင်ပုံက လွယ်ပါတယ်။ ဒီဝက်ဘ်ဆိုက်ထဲကို ဝင်လိုက်ပြီးရင်Search Box ထဲမှာ ဘာသာပြန်ချင်တဲ့ စာပိုဒ်၊စာကြောင်းကို Copy၊ Paste လုပ်လိုက်ရုံပဲ။
ပြီးရင် Enter ခေါက်လိုက်တာနဲ့ မိနစ်ပိုင်းအတွင်းလိုသလို ဘာသာပြန်ပေးပါတယ်” ဟု အဆိုပါ ဝက်ဘ်ဆိုက်ကို
လတ်တလော သုံးစွဲနေသူတစ်ဦးက ရှင်းပြသည်။

အဆိုပါ http://www.myordbok.com/ သို့ ဝင်ရောက်လေ့လာကာဘာသာပြန်လိုသူများအနေဖြင့် ဘာသာမပြန်မီအဆိုပါဆိုက်၏ လုပ်ဆောင်ချက်များကို ကြိုတင်လေ့လာသင့်ကြောင်းသိရပြီး အဆိုပါ ဆိုက်မှာလည်း အင်တာနက် သုံးစွဲသူများအကြားမေလ နောက်ဆုံးပတ်အတွင်းနှင့် ဇွန်လ ပထမပတ်အတွင်းမှာပင်အသုံးပြုမှု များပြားလာကြောင်း ၂၀၁၁ခုနှစ် ဇွန်လ ၁၆ရက်နေ့ထုတ်ပြည်မြန်မာ ဂျာနယ်တွင် ဖော်ပြထားပါသည်။