08/08/13


ဒီနိုင်ငံမှာ ဥပဒေစိုးမိုးရေး ရှိပြီလား ဆိုတော့ မရှိသေးပါဘူး.။ (ဩဘာသံများ)
ဒီနိုင်ငံမှာ တကယ်ဘဲ ပြည်တွင်းငြိမ်းချမ်းရေး ရှိပြီလား ဆိုတော့လည်း မရှိသေးပါဘူး။ (ဩဘာသံများ)
ဒီဖွဲ့စည်းပုံ အခြေခံဥပဒေကို ပြင်ပြီးပြီလား ဆိုတော့လည်း စတောင် မစရသေးပါဘူး။ (ဩဘာသံများ)
ကျမတို့ ဒီပန်းတိုင်တွေရောက်အောင် သွားရပါလိမ့်မယ်။
ဖွဲ့စည်းပုံ အခြေခံဥပဒေ ဆိုတာ လူတွေကလုပ်ထားတဲ့ အရာပါ။
အဲ့ဒါကို ကျမတို့က မကိုင်ရဲဘူး မထိရဲဘူး ဆိုရင်ကျမတို့အသက်ရှိ ပြည်သူပြည်သားတွေဟာ သက်မဲ့စာတမ်းတခုကို ကြောက်နေရာ မရောက်ဘူးလား။ (ဩဘာသံများ)
ဖွဲ့စည်းပုံ အခြေခံဥပဒေရဲ့ အသက်ဟာ ပြည်သူလူထုရဲ့ လက်ခံယုံကြည်မှူပါဘဲ။
ပြည်သူလူထုရဲ့ လက်ခံယုံကြည်မှူမရှိရင် သက်မဲ့ တခုသာဖြစ်သွားပါလိမ့်မယ်။(ဩဘာသံများ)
ဒါ့ကြောင့် ရှစ်လေးလုံး အရေးတော်ပုံ ငွေရတုမှာ လုပ်သင့်လုပ်ထိုက်တာတွေကို ရဲရဲဝံ့ဝံ့ ညီညီညွတ်ညွတ် လုပ်သွားဖို့ တိုက်တွန်းချင်ပါတယ်။ (ဩဘာသံများ)
ဒါပေမဲ့ တစ်သွေး တစ်သံ တစ်မိန့် ဆိုတာ ညီညွှတ်မှု မဟုတ်ပါဘူး။ ကျမတို့ မတူတဲ့သဘောတွေကို ညှိနှိုင်းဆောင်ရွက်ပါမယ်။

ဒီနေ့ ရှစ်လေးလုံး ငွေရတုမှာလူတယောက်က ဒီမိုကရေစီတိုက်ပွဲကာလတွေတလျောက် သေဆုံး ခဲ့ နှိပ်စက်ညှင်းပန်းခံခဲ့ ထောင်ဒဏ်နှစ်ရှည်တွေကျခဲ့ မိသားစုတွေဘဝတွေပျက်ခဲ့ရသူတွေအတွက် အစိုးရအနေနဲ့တခုခုလုပ်ပေးဖို့ရှိမရှိ သမ္မတအကြံပေးဆရာကြီးဦးမြင့် ကို မေးခွန်းထုတ်တဲ့အခါ ဆရာကြီးဦးမြင့်က ခင်ဗျားတို့တွေက နောက်ကအကြောင်းတွေ ပဲပြောနေတယ်။ ရှေ့ဆက်သွားဖို့ ကိုပဲပြောပါ။ ဒါတွေပြောလို့အကျိုးမရှိဘူးဘာညာ စသည်ဖြင့်သူ့အမြင်ကိုပြောပါတယ်။

ဒီမှာတင်ကျနော့်အနေနဲ့အစီအစဉ်မရှိတဲ့မေးခွန်းတခုကိုထမေးရပါတော့တယ်။အစက အနာဂတ်မှာလူငယ်တွေကိုဘယ်လိုမြှင့်တင်မလဲဆိုတာမေးဖို့ပါ။ဒါပေမယ့် ခုနက နစ်နာခဲ့သူတွေကိစ္စက လောလောဆယ်ပိုအရေးကြီးလာပြီဖြစ်လို့ ဦးစားပေးမေးလိုက်ပါတယ်။မေးခွန်းဆိုပေမယ့် တကယ်တော့ ကျနော့်အမြင်ကိုတင်ပြတာပါ။

အဲဒါကတော့ ဆရာကြီးပြောတာကျနော်ထောက်ခံပါတယ်။ ကျနော်တို့ရှေ့ကိုရွှေ့ကျဖို့ပိုအရေးကြီးပါတယ်။ အထူးသဖြင့်အနာဂတ်ဟာကျနော်တို့လူငယ်တွေနဲ့ပိုသက်ဆိုင်တာမို့ ကျနော်တို့တွေဟာအတိတ်မှာဖြစ်ခဲ့တာတွေထက်ရှေ့ဆကိဘာလုပ်နိုင်မလဲပိုအလေးခာပါတယ်။ ဒါပေမယ့် အတိတ်ကာလတွေမှာ စစ်အာဏာရှင်တွေက ပြည်သူတွေအပေါ်သတ်ဖြတ်ညှင်းပန်းဖိနှိပ်ခဲ့တာတွေ တရားမဲ့ပြုမူမှုတွေအတွက်တော့တာဝန်ယူရပါမယ်။ ကျနော်တို့က သူတို့ကိုကြိုးစင်တင်ဖို့မပြောပါဘူး။ ထောင်ချဖို့လည်းမပြောပါဘူး။ တခုရှိတာက သူတို့လုပ်ခဲ့တာတွေအတွက် တာဝန်ယူမှု နစ်နာသူတွေအတွက်အသိအမှတ်ပြုမှုတခုခုမရှိခဲ့ရင် လက်ရှိတပ်မတော်သားတွေနဲ့ အနာဂတ်တပ်မတော်သားတွေဟာ တချိန်က စစ်အစိုးရဲ့ လုပ်ရပ်တွေဟာမှန်တယ်လို့ယူဆသွားကြမှာဖြစ်ပါတယ်။ သူတို့အဲ့လိုယူဆနေရင် အနာဂတ်မှာ ပြသနာတခုခုဖြစ်တိုင်းစစ်တပ်က အရင်လိုပဲပြန်ပြန်လုပ်နေမှာကိုကျနော်တို့မလိုချင်ပါဘူး။ မှန်တယ်လို့ထင်နေရင်ထပ်လုပ်ဖို့ အလားအလာတွေရှိနိုင်ပါတယ်။ ဒါကြောင့်မို့ လက်ရှိအစိုးရတာဝန်ရှိသူတွေအနေနဲ့ ၈၈ ကစလို့ အခုထိ စစ်တပ်ရဲ့ ပြည်သူတွေအပေါ်ဖိနှိပ်သတ်ဖြတ်ခဲ့မှုတွေမတရားပြုခဲ့မှုတွေဟာ မှားယွင်းခဲ့ကြောင်းတရားဝင် ဝန်ချတောင်းပန်သင့်ပါတယ်။ ဒါမှလက်ရှိနဲ့နောင်အနာဂတ်တပ်မတော်သားတွေဟာ ပြည်သူကို လက်နက်အားကိုးနဲ့မဖိနှိပ်ရဘူး အနိုင်မကျင့်ရဘူး အရင်စစ်အစိုးရလို နောက်ထပ်ဘယ်တော့မှမလုပ်တော့ဘူးဆိုတဲ့ သင်ခန်းစာတွေ အသိအမြင်တွေရလာမှာဖြစ်ပါတယ်။ သူတို့တွေအဲ့လို စိတ်မျိုးရှိနေမှလည်း ကျနော်တို့အားလုံးရဲ့အနာဂတ်အတွက်စိတ်ချရဲမှာ ယုံကြည်ရဲမှာဖြစ်ပါတယ်။ ဒါဟာ အနာဂတ်နဲ့တိုက်ရိုက်သက်ဆိုင်တဲ့ကိစ္စဖြစ်ပါတယ်။ အဲ့လိုတောင်းပန်ပေးဖို့ အစိုးရကိုပြောပေးနိုင်မလားလို့မေးခဲ့ပါတယ်။
သူပြန်ဖြေတာက ကျနော်လည်းအဲဒါတွေမလုပ်ခဲ့ပါဘူးတဲ့။ သူ့တာဝန်က စီးပွားရေးအကြံပေးသာဖြစ်လို့ ဒီကိစ္စနဲ့မသက်ဆိုင်ပါဘူးတဲ့။ အစိုးရသိအောင်တော့ပြောပြပေးမယ်လို့ဆိုသွားပါတယ်။ အဖြေကိုသေချာတော့မမှတ်မိပါဘူး နားလည်သလိုပြန်ရေးလိုက်တာပါ။
ဆရာကြီးကိုလည်း အားနာပါတယ်။ ဒါပေမယ့်ဒီကိစ္စဟာ အနာဂတ်တိုင်းပြည်တည်ဆောက်ရေးအတွက်အရေးပါတဲ့အချက်တခုလို့ယုံကြည်လို့တင်ပြခဲ့တာဖြစ်ပါတယ်။

မိုဃ်းသွေး

"အသက်များစွာ စတေး၊
ရဟန်းရှင်လူ ကျောင်းသား ပြည်သူတို့ရဲ့သွေးများနဲ့
နီမောင်းမောင်း အရောင်ဖြာ
ဟောဟိုမှာ ဒီမိုကရေစီရောင်နီပျို့တက်
အရုဏ်တက်ပြီ

လက်တစ်ကမ်းမှာ အလင်းဖြာတဲ့ အရုဏ်ကို
ရိုကျိုးမြတ်နိုးစွာ ထိန်းသိမ်း၊ ငြိမ်းချမ်း စွာစောင့်ရှောက်၊
ဤကမ္ဘာမှာ ပြည်သူလောက် ကြီးမြတ်သော အရာရှိသည်မရှိ
ပြည်သူ၏ဆန္ဒလောက် စူးရှသောကဗျာသည်မရှိ၊
ပြည်သူ၏ လှုပ်ရှားမှုမြင် ကွင်းလောက်ကောင်းမွန်သော ပန်းချီသည်မရှိ၊
ပြည်သူသည် ပြည်သူ့အတွက် လက်နဲ့မရေး
အသက်နဲ့ရေး၏ ဆေးနဲ့မခြယ်သွေး နဲ့ခြယ်၏၊
ဘယ်သူကြည့်ကြည့် ညွှတ်တုံ့မိစရာ ဇာတိမာန်ထက်၊
ကြက်သီး ထစရာဟောဒီမှာ မဟာသူရဲကောင်းများ ပန်းချီကား"

ရေးသားသူ- ဥက္ကာကိုကို၊ သန်းဌေး

ရဲစခန်းအချင်းချင်းပေးပို့သည့် ဖမ်းဆီးရမည့်လူစာရင်း၌ အမည်တစ်ခုအားမြို့နယ်ချင်းမှားယွင်း
ထည့်သွင်း ခဲ့ခြင်းကနောက်ဆုံးနှစ်ရူပဗေဒကျောင်းသားကိုကျော်မင်းယုကို ပြည်သူ့အရေးတော်ပုံကြီးတွင် ဆက်လက်ပါဝင်ဆင်နွှဲရန် ကံကြမ္မာက တာဝန်ပေးအပ်လိုက်ခြင်းဟုဆိုရပါမည်။

သွေးလွှမ်းသော တံတားနီအရေးအခင်း (၁၉၈၈ မတ်လ ၁၆) နေ့ နောက်ပိုင်းတွင် သူအပါအ၀င် ကျောင်းသား၊ ကျောင်းသူများစွာ၊ ပြည်သူများစွာအတွက် နောက်ထပ်သွေးလွှမ်းသည့် အိပ်မက်ဆိုးများ ရေတွက်မရအောင် ပေါ်ပေါက်လာတော့ပါမည်။ လူငယ် တို့စိတ်ဓာတ်တွေ တက်ကြွနေသော်လည်း လေထုက ညှို့ငင်ထိုင်းမှိုင်းလျက်။

“ဖမ်းမယ့်စာရင်းထဲ အမည်ပေါက်ပါသွားပေမယ့် နာမည်စာရင်းက လှိုင်ထဲကိုမ၀င်ဘဲ ကမာရွတ်ထဲကို ၀င်သွားတယ်။ ကမာရွတ်စခန်းက ဒီနာမည်က နာမည် ပျက်မရှိဘူးဆိုပြီး မှတ်ချက်ပေးလိုက်တာ။ ကိုယ်လည်း ရှောင်ရင်းနဲ့ အဖမ်းမခံခဲ့ရဘူး”ဟု ကိုကျော်မင်းယုက ၈၈ အရေးတော်ပုံ (၂၅) နှစ်ပြည့်ချိန်တွင် ပြန်ပြောပြသည်။

ရှစ်လေးလုံးအရေးတော်ပုံ ကာလတစ်လျှောက်လုံး ကိုကျော်မင်းယုတစ်ယောက် မြေပေါ်မြေအောက်လှုပ်ရှားမှုများကို ဆက်တိုက် ဆောင်ရွက်ကာ ဒီမိုကရေစီအရေးအတွက် ဆက်လက်တိုက်ပွဲဝင်ခဲ့သည်။ အဖြူရောင်လည်က တုံးအကျ၊ အပြာရောင်ပလေကပ်လုံချည်နှင့် လက်ကိုင်ပ၀ါအဖြူကို မျက်နှာတွင်စည်းကာလူစည်ကားရာနေရာများသို့ ရုတ်တရက် ရောက်ရှိလာတတ်ပြီး အုတ်တံတိုင်းပေါ်တက်၍ တရားဟောကြသည့် တက္ကသိုလ်ကျောင်းသားများထဲတွင် ကိုကျော်မင်းယုပါဝင်ခဲ့သည်။

အရေးတော်ပုံများ လှုပ်ရှား ရာတွင် သူ့အမည်က “ဂျင်မီ”။

၁၉၈၈ ခုနှစ် မတ်လ ၁၃ ရက် တွင် စက်မှုတက္ကသိုလ်ကျောင်းသား ကိုဖုန်းမော်နှင့် ကိုစိုးနိုင်တို့ လုံထိန်းများလက်ချက်ကြောင့် ကျဆုံးခဲ့ရပြီး မတ်လ ၁၆ ရက်တွင် ပြည်လမ်းအတိုင်း ချီတက်လာသည့် တက္ကသိုလ်ကျောင်းသားများ ကို အင်းလျားကန်ပေါင်အနီး တံတားဖြူမှတ်တိုင်တွင် လုံထိန်းနှင့် စစ်တပ်တို့ ပိတ်ဆို့ပစ်ခတ်ခဲ့သဖြင့် ကျောင်းသားများစွာ သေဆုံးကာ ခြောက်ရာကျော် အဖမ်းခံခဲ့ရသည်ဟုဆိုသည်။ သွေးဖုံးလွှမ်းသွားသည့် တံတားဖြူမှတ်တိုင်သည်လည်း တံတားနီဟု အမည်ဆိုးတွင်ခဲ့ရသည်။

ထိုမှစကာ ကျောင်းသားတို့ လှုပ်ရှားမှုများ ပိုမိုအရှိန်ရလာပြီး ပြည်သူလူထုပါဝင်လာသကဲ့သို့ မဆလပါတီ အစိုးရကလည်း တပ် မ ၂၂၊ ၆၆၊ ၇၇ တို့ကို ရန်ကုန်မြို့တွင်းသို့ ခေါ်သွင်းလိုက်ခြင်းဖြင့် တုံ့ပြန်လိုက်သည်။ မတ်လ ၁၈ ရက်တွင် တက္ကသိုလ်နှင့် ကျောင်းများကို ပိတ်ပစ်လိုက်ပြီး မေလ ၃၁ ရက်တွင် ပြန်ဖွင့်ပေးခဲ့သည်။ ဇွန်လသည် အရေးတော်ပုံကို ဆက်လက်ဖန်တီးရန် အသင့်ဖြစ်နေသည်။

မငြိမ်မသက်ဖြစ်နေသည့် ကာလအတွင်း တရားပွဲများ၊ ဟောပြောပွဲများအတွက် ကျောင်းသားတို့က ရရာပစ္စည်းများနှင့်ပင် ဆောင်ရွက်ခဲ့ကြသည်။ ထိုစဉ်ကဆင်မလိုက်ထိပ်ရှိ လွင်မိုးဟုအ မည်တပ်ထားသည့် အသံချဲ့စက်များကို လေးဘီးကားဖြင့် ပဋ္ဌာန်း ရွတ်ရန်ဟုပြောကာသွားငှားကြရသည်။

“စပီကာလွင်မိုးကတော့ ကျွန်တော်တို့အတွက် ကြွေးကြော်သံတွေ ဟစ်ကြွေးတဲ့နေရာမှာ အသုံးဝင်ခဲ့တယ်”ဟု ကိုဂျင်မီ(ကိုကျော်မင်းယု)က ရယ်လျက်ပြောသည်။ တက္ကသိုလ်ကျောင်းသားတို့၏ တရားပွဲများသို့ အခြေခံပညာကျောင်းသားများပါ တက်ရောက်ကြပြီး တဖြည်းဖြည်းနှင့်တက္ကသိုလ်ကျောင်းအသီးသီးသို့ ဖြန့်ခွဲ၍ တရားလိုက်ဟောသည့် အဆင့်ကို လုပ်ဆောင်လာကြသည်။

ထိုအတောအတွင်းမှာပင် တက္ကသိုလ်ကျောင်းသားများ ဆွေးနွေးညှိနှိုင်းရာမှ ကျောင်းသားအရေးလုပ်မည့်အဖွဲ့နှင့် ပြည်သူ့အ ရေးလုပ်မည့်အဖွဲ့ဟူ၍ နှစ်ဖွဲ့ကွဲနေခဲ့ကြသေးသည်။ ဇွန် ၂၀ ရက်တွင် ကျောင်းသားနှစ်ဖက်ထိပ်တိုက် စကားရည်လုပွဲကြီးပြုလုပ်ပြီး အလုပ်သမားနှင့် သံဃာတော်များက ဒိုင်ပြုလုပ်ပေးခဲ့သည်။

နောက်ဆုံးတွင် ပြည်သူ့အရေးပြုလုပ်မည့်အဖွဲ့က အနိုင်ရရှိသွားခဲ့ပြီး ရှေ့ဆက်ဆောင်ရွက်မည့် လုပ်ငန်းစဉ်များနှင့်အတူ မိုးသီးဇွန်ဟူသည့် ကျောင်းသား ခေါင်းဆောင်တစ်ဦးလည်းအများရှေ့သို့ ရောက်ရှိလာခဲ့သည်။ ထိုနေ့မှာပင် တက္ကသိုလ်များကို ထပ်မံပိတ်ခဲ့သည်။

ကိုဂျင်မီတို့ ကျောင်းသားတစ်စုသည် ထိုအချိန်မှစတင်ကာ လျှို့ဝှက်လှုပ်ရှားမှုကို စတင်ခဲ့ကြသည်။

မြေအောက် လှုပ်ရှားရေး (Under Ground) ဟူသည့် စကားလုံးကို မသုံးစွဲကြသေးသော်လည်း ကျောင်းသားများသည် မြေ အောက်လှုပ်ရှားမှုပုံစံဖြင့် အရေးတော်ပုံကို ဆင်နွှဲခဲ့ကြသည်။ အရင်းနှီးဆုံးသူငယ်ချင်းများဖြင့် စုစည်းကာ ငါးဦးတစ်စုခန့်ဖြင့် လူစည်ကားရာ လှည်းတန်း၊ ညောင်ပင်လေးဈေး စသည့်နေရာတို့သို့ လှည့်လည်ဟောပြောခဲ့ကြသည်။

ပလေကပ်ပုဆိုးအပြာရောင်၊ လည်ကတုံးအကျအဖြူရောင် ၀တ်ဆင်၍ လက်ကိုင်ပ၀ါအဖြူကို မျက်နှာတွင်စည်းကာ ရုပ်ဖျက်ထားသည့် တက္ကသိုလ်ကျောင်းသားများသည် လူစည်ကားသည့် နေရာများတွင် ရုတ်ချည်းပေါ်လာလျက် တရားဟောကာ ရုတ်တရက်ပင် ပြန်လည်ပျောက်ကွယ်သွားကြမည်ဖြစ်သည်။

“လူများတဲ့နေရာမှာ တရားဟောတယ်။ ခပ်လှမ်းလှမ်းရောက်ရင် မျက်နှာဖုံးပြန်ချွတ်လိုက်တယ်။ စိတ်ထဲက မသိုးမသန့်ဖြစ်လာရင် တိမ်းရှောင်နေလိုက်တယ်။ အဲဒီကာလက စစ်ထောက်လှမ်းရေးဆိုတာ မော့ဆက်ပြီးရင် အတော်ဆုံးလိုလို သတင်းထွက်နေတဲ့ ကာလဆိုတော့ လူငယ်ပီပီ အားစမ်းချင်ကြတယ်”ဟု ကိုဂျင်မီ ကဆိုသည်။

တက္ကသိုလ်ကျောင်းသားတို့သည် လက်ရေးဖြင့်ရေးသား ကူးယူထားသည့် လက်ကမ်းစာစောင်များကို ဈေးများ၊ ဘတ်စ်ကားဂိတ်များ၊ လူစည်ကားရာနေရာများတွင် မြန်ဆန်စွာဖြန့်ဝေကြသည်။ လက်ကမ်းစာစောင်ရရှိသူများကလည်း ဖတ်ရှုပြီးနောက် နောက်လူများဆီသို့ မြန်ဆန်စွာ လက်ဆင့်ကမ်းပေးကြသည်။ အချို့က စာကိုမှတ်သားသွားပြီး မိမိဝန်းကျင်တွင် စာရွက်နှင့် ပြန်ရေးလျက် ဖြန့်ဝေကြသည်။

အဆိုပါလက်ကမ်းစာစောင်ငယ်များတွင်ပါရှိသည့်စာများမှာ “တိုက်ပွဲစမယ်။ ဆက်လက်ကူးယူ ဖြန့်ဝေပေးရန်”စသည့် အချက် ပေးစကားများနှင့် ကြွေးကြော်သံများပင်ဖြစ်သည်။ မြေအောက် လှုပ်ရှားရေး ဆောင်ရွက်ကြသည့် ကျောင်းသားတို့သည် ရန်ကုန်မြို့ တစ်ခုတည်းနှင့် ရပ်မနေဘဲ ပြည်၊ ပဲခူးအစရှိသည့် နယ်မြို့များရှိ ကျောင်းများသို့လည်း ပျံ့နှံ့စေရန် ကြိုးပမ်းခဲ့သည်။

“ဥဿာ-ဒဂုံစတဲ့ နယ်ဘက်ဆင်းတဲ့ကားတွေကိုတားပြီး စာ ရွက်စာတမ်းတွေထည့်ပေးတယ်။ ဘယ်သူ့ဆီကိုလို့ မပါဘူး။ ဥပမာ- ပဲခူး အ.ထ.က(၁) ဆယ်တန်းအေသို့ ပေးရန်ပေါ့။ အဲဒီလိုမျိုးနဲ့ နယ်တွေကို ဖြန့်တယ်”ဟု လျှို့ဝှက်လှုပ်ရှားခဲ့ရသည့် တက္ကသိုလ် ကျောင်းသားဟောင်းတစ်ဦးက ပြောသည်။

“အဲဒီအချိန်တုန်းက ကိုယ် တို့ဆီမှာ မိတ္တူကူးတယ်ဆိုတာ မရှိသေးဘူး။ လက်နဲ့ပဲရေးကြရတာ။ ကိုယ်တို့မှာ ရေဒီယိုမရှိဘူး။ အဲဒီအချိန်မှာ သတင်းထောက်မရှိဘူး”ဟု ထိုစဉ်က ကျောင်းသားများလှုပ်ရှားခဲ့ရသည့် အခက်အခဲကို ကျောင်းသားခေါင်းဆောင်တစ်ဦး နှင့် AGSDF ကျောင်းသားတပ်မတော်ဥက္ကဋ္ဌဖြစ်ခဲ့သူ ကိုမိုးသီးဇွန်က ပြောပြသည်။

အချို့ကျောင်းသားများကတော့ နယ်မြို့များထိဆင်းကာ လူ စည်သည့်နေရာတွင် တရားဟော ကြသည်။ ဖမ်းဆီးခံရမည့်ပုံပေါ် လျှင် ချက်ချင်းရှောင်ပြေးကြသည်။ တဖြည်းဖြည်းကိုယ့်နည်း ကိုယ့်ဟန်နှင့်မြေအောက်လှုပ်ရှားမှု ပြုလုပ်နေကြသည့် ကျောင်း သားအစုအဖွဲ့လေးများ ချိတ်ဆက်မိလာကြသည်။ သူတို့အားလုံး၏ နာမည်များကတော့များသော အားဖြင့် အမှန်မဟုတ်ကြပါ။ မြေ အောက်လှုပ်ရှားမှုပြုလုပ်သည့် နာမည်များသည် နိုင်ငံရေးအမည်များ ဖြစ်လာခဲ့ပြီး ယခုအချိန်ထိ အမည်တွင်လျက်ရှိကြသည်။

အရေးအခင်းကာလ မန္တလေး ဆေးတက္ကသိုလ်ကျောင်းသားတစ်ဦးဖြစ်ပြီး လက်ရှိကျောင်းသားတပ်မတော် (ABSDF) ဥက္ကဋ္ဌ ရဲဘော်သံခဲကလည်း “သပိတ်ကော်မတီတွေဖွဲ့ကြပြီးတရားတွေဟောကြတယ်။ ကျောင်းသားအခွင့်အရေး၊ သမဂ္ဂဖွဲ့စည်းရေး၊ တစ် ပါတီစနစ် ပြုတ်ကျရေးစတာတွေ ကို တိတ်တဆိတ် ဖြန့်ဝေခဲ့ကြ တယ်။ အုတ်တံတိုင်းတွေ၊ ဈေး ဆိုင်နံရံတွေမှာ ညဘက်တွေလိုက် ကပ်ကြတယ်။ အန္တရာယ်ကြီးပေမယ့် လိုချင်တဲ့အရေးအတွက် တိုက်ပွဲဝင်မယ်ဆိုတဲ့ အသိနဲ့ လုပ်ခဲ့ကြတယ်”ဟု ပြန်ပြောပြသည်။

တက္ကသိုလ်ကျောင်းသားတို့ မြေအောက်လှုပ်ရှားမှုပြုလုပ်ရာတွင် အခြေခံကျောင်းများလည်း ပါဝင်လာစေရန် စည်းရုံးကြသည်။ ရှစ်လေးလုံးမတိုင်မီက ခွပ်ဒေါင်းပုံကို အောက်ခံအရောင်မတူညီဘဲ သုံးစွဲနေခဲ့ကြသည်။ တစ်ခါတစ်ရံအလံအလွယ်မရှိပါက သင်္ကန်းကို ၀ါးလုံးတိုင်ထိပ်တွင် ချည်နှောင်လွှင့်ထူကြရသည်ဟု ကျောင်းသားဟောင်းတို့က ဆိုသည်။

၈ ရက်၊ ၉ ရက်အထိ မပိတ်သေးသည့် အခြေခံပညာကျောင်းများတွင် ကျောင်းသားကြီးများ မနက်ကျောင်းလွှတ်ချိန်၌ တက္က
သိုလ်ကျောင်းသားများက အုတ်တံတိုင်းပေါ်တက်ကာ “ညီအစ်ကိုတို့ . .. ဒီမိုကရေစီတိုက်ပွဲဝင်ကြ” အစချီ၍ ဟောပြောကြသည်။ ကျောင်းသားငယ်များက ထောက်ခံအားပေးသံပေါ်ထွက်လာချိန်တွင် အသင့်ပြင်ထားသည့် ဒေါင်း အလံကို ဗြုန်းခနဲ ဆွဲထူလိုက်သည်။ ကျောင်းသားငယ်များထဲမှ တက်ကြွလာသည့် အတန်းကြီး ကျောင်းသားတို့ကို စင်ပေါ်တင်ပေးကာ ဟောပြောစေသည်။

“သူတို့က ဟောရင်းနဲ့ တက်ကြွလာကြပြီး ကျွန်တော်တို့ လက်ထဲက အလံကို ဆွဲယူသွားကြတယ်။ သူတို့ဘာသာလမ်းပေါ် ထွက်လျှောက်သွားကြတယ်။ စိတ်ပူတာတစ်ခုက လှည်းတန်းလမ်းဆုံ၊ သမိုင်းလမ်းဆုံတွေကို တပ်ဦး မလှည့်မိအောင် သူတို့ကိုသတိ ပေးရတယ်။ တစ်ခါတလေ သူတို့က နားမထောင်ဘူး။ ဆက်ချီတက် သွားတော့ ဟိုကပစ်ချလိုက်တယ်။ ပြန်ပြေးလာကြတယ်။ နောက် တော့ချီတက်တဲ့ လမ်းကြောင်းတွေကို အန္တရာယ်ကင်းမယ့် နေရာတွေကနေ သူတို့ကို ခေါ်သွားရတယ်”ဟု ကိုဂျင်မီကပြောသည်။

ကျောင်းသားအချို့က တစ် ဖက်မှ ဦးဆောင်ချီတက်နေရင်း၊ အချို့ကျောင်းသားများက တစ်ဖက်မှ မြေအောက်လှုပ်ရှားမှုများဖြင့် ကူညီပေးရင်းနှင့်ပင် သပိတ်မှောက်ပွဲများ ဆက်တိုက်ဖြစ်ပေါ်နေခဲ့သည်။ကျောင်းသားများသာမကဘဲ အရပ်သားများလည်း အုံကြွပါဝင်
လာခဲ့သည်။ အုံကြွလာသည့် လူထုအပေါ် ဦးနေ၀င်း၊ ဦးစိန်လွင်တို့မှသည် အောက်ခြေအရာရှိအဆင့်အထိ မညှာတာခဲ့ကြပါ။

ဦးနေ၀င်းက “စစ်တပ်ဆိုတာ မိုးပေါ်ထောင်မပစ်ဘူး။ တည့်တည့်ပစ်တာ”ဟု ပြည်သူ လူထုကို ပေါ်တင်ခြိမ်းခြောက် ခဲ့သည်။ တကယ်လည်း မရေတွက် နိုင်သည့် ပြည်သူများသေဆုံးခဲ့ရပြီး နေရာအနှံ့သွေးချောင်းစီးခဲ့ရ သည်။

သြဂုတ်လ ရှစ်လေးလုံးအရေးတော်ပုံကြီးဖြစ်ပေါ်လာချိန်မှာတော့ မြေအောက်လှုပ်ရှားမှုများ မပြုလုပ်ကြတော့ဘဲ ပွင့်ပွင့် လင်းလင်းလှုံ့ဆော်ခြင်း၊ ဦးဆောင်ခြင်း၊ ကြွေးကြော်ခြင်းတို့နှင့်အတူ ကျောင်းသားများစွာ တိုက်ပွဲဝင် ချီတက်လာကြသည်။ သူတို့၏ အဓိကဦးတည်ချက်မှာ မဆလအ စိုးရပြုတ်ကျရေးနှင့် ဒီမိုကရေစီရရှိရေး၊ ကျောင်းသားသမဂ္ဂဖွဲ့စည်းပေးရေးတို့ဖြစ်ကြသည်။

အစိုးရ၏ ဖိနှိပ်မှုအပေါ် မခံမရပ်နိုင်ဖြစ်လာကြသည့် ပြည်သူလူထုက နေ့စဉ်နှင့်အမျှ သပိတ်တိုက်ပွဲများကို ပစ်ခတ်ဖမ်းဆီးမှု များကြားကပင် ပြင်းထန်စွာပြု လုပ်လာကြသည်။ စစ်တပ်က လည်း တက်လာသမျှ ပစ်ချမြဲ။

ပစ်ခတ်နှိမ်နင်းမှုများကြောင့် အရပ်သားပေါင်း၊ ကျောင်းသားပေါင်းမရေတွက်နိုင်အောင် ကျဆုံးပြီးချိန် မဆလပါတီဥက္ကဋ္ဌသစ်အဖြစ် ဒေါက်တာမောင်မောင် တက်လာခဲ့သည်။ စုဖွဲ့လှုပ်ရှားနေကြသည့် ကျောင်းသားအစုအဖွဲ့များ စုစည်းရန်ကြိုးပမ်းလာကြသည်။ ထိုသို့ဖြင့် ရန်ကုန်တက္က သိုလ်ကျောင်းသားများသမဂ္ဂ၊ ဗမာနိုင်ငံလုံးဆိုင်ရာ ကျောင်းသားများသမဂ္ဂ၊ မြန်မာနိုင်ငံလုံးဆိုင်ရာ ကျောင်းသားများသမဂ္ဂ၊ အခြေခံပညာကျောင်းသားများ သမဂ္ဂစသည်ဖြင့် ကျောင်းသားအဖွဲ့အစည်းများ ပေါ်ထွက်လာခဲ့သည်။

လက်ကိုင်ပ၀ါအဖြူကို မျက်နှာတွင် ကိုယ်စီစည်းနှောင်ထားကြသည့် ကိုမင်းကိုနိုင်နှင့် ကိုဂျင်မီတို့သည် သြဂုတ်လ ၂၂ ရက်တွင် အမေရိကန်သံရုံးရှေ့၌ တွေ့ဆုံခဲ့ကြသည်။ “အဲဒီနေ့ကစပြီး သူနဲ့သေချာဆုံဖြစ်ခဲ့တယ်”ဟု ကိုဂျင်မီက ဆိုသည်။ သြဂုတ် ၂၄ ရက်တွင် အစိုးရက မာရှယ်လောအမိန့်ကို ရုပ်သိမ်းလိုက်ပြီး တပ်မတော်သားများ ရန်ကုန်မြို့တွင်းမှ ပြန်လည်ထွက်ခွာသွားခဲ့သည်။

ထိုနေ့ညမှာ ဆိုင်ကယ်များ၊ ကားများဖြင့် လူများလမ်းပေါ်သို့ ထွက်လာပြီး ရေတွေနှင့် ပက်ကြ သည်။ ဒီမိုကရေစီသင်္ကြန်ဟု အော်ကြသည်။ မလိုလားအပ် သောပြဿနာများဖြစ်မလာစေ ရန်အတွက် တက္ကသိုလ်ကျောင်းသားများက ခွပ်ဒေါင်းအလံများ လွှင့်ထူလျက် အသံချဲ့စက်များ တင်ဆောင်ထားသည့် ကားဖြင့် လူစုများကို လိုက်လံထိန်းသိမ်းခဲ့ရသည်။

စစ်တပ်များ ပြန်ရုပ်သိမ်းသွားသော်လည်း သပိတ်တိုက်ပွဲများမှာ ဆက်လက်ဖြစ်ပွားနေဆဲဖြစ်သည်။ တပ်မတော်သားများပင် ဆန္ဒပြမှုထဲ ပါဝင်လာခဲ့သည်။ အစိုးရ ယန္တရားတစ်ခုလုံး ရပ်တန့်သွားသည်။ တောကြောင်များ နေရာအနှံ့ပေါ်ပေါက်လာသည်။ မင်းမဲ့စရိုက် အကြမ်းဖက် သတ်ဖြတ်မှုများပေါ်ထွက်လာသည်။

မကြာမီ စက်တင်ဘာ ၁၈ ရက်ညနေ ၄ နာရီတွင် နိုင်ငံတော် အာဏာကို တပ်မတော်မှ လွှဲပြောင်းရယူလိုက်ကြောင်း ဗိုလ်ချုပ်ကြီး စောမောင်က ရေဒီယိုမှ ကြေညာအမိန့်ထုတ်လိုက်သည်။ ထိုအချိန်မှ စ၍ ကျောင်းသားတို့၏ မြေအောက်လှုပ်ရှားမှုများပြန်လည်
အသက်ဝင်လာခဲ့သည်။ ယခင်လို ခိုးကြောင်ခိုးဝှက်ပုံစံသို့ ပြန် ရောက်သွားကြရသည်။ ထိုအချိန်တွင် မြေအောက်လှုပ်ရှားမှု (Under Ground) ဟူသည့် စကားလုံးကို စတင်သုံးစွဲကြပြီဖြစ်သည်။

အာဏာသိမ်းပြီးနောက်နေ့ များတွင် တက္ကသိုလ်အတွင်းမှ ထောင်နှင့်ချီသည့် ကျောင်းသားများကို လှိုင်မြို့နယ်(၂)ရပ်ကွက် ဘက်သို့ တိတ်တဆိတ်ရွှေ့ပြောင်းကြရသည်။ စစ်တပ်မှ တစ်ဖန်ပြန်လည် ပစ်ခတ်နေပြီဖြစ်သည့် ကျည်ဆန်များက ရပ်ကွက်ဆီသို့ ပါ ကျရောက်လာသည်။ ကျောင်းသားများအစည်းအဝေးပြုလုပ်ရာ မှာပင် မြေအောက်လှုပ်ရှားမှုအတိုင်း တစ်နေရာမှ တစ်နေရာ အဆင့်ဆင့်လမ်းညွှန်မှုဖြင့် လျှို့ဝှက်လှုပ်ရှားနေကြရသည်။

လွတ်လပ်စွာ လှုပ်ရှားမရတော့သည့် အခြေအနေက နိုင်ငံရေးပါတီအဖြစ် တည်ထောင်ရန် ကျောင်းသားများကို စဉ်းစားလာစေသည်။ ထိုသို့ဖြင့် လူ့ဘောင်သစ်ဒီမိုကရက်တစ်ပါတီပေါ် ပေါက်လာခဲ့သည်။ နောက်ဆက် တွဲအခြေအနေများကတော့ မည်သို့မျှ အာဏာလွှဲပေးတော့မည်မဟုတ်သည့် တပ်မတော်အစိုးရကြောင့် ကျောင်းသားများစွာ ထောင်နန်းစံခဲ့ရသည်။ ကျောင်းသားများစွာ တောခိုသွားခဲ့ကြသည်။

“၁၉၈၉ ခုနှစ်၊ ဧပြီ ၂ ရက်မှာ ကိုယ့်ကိုဖမ်းဖို့လုပ်တော့ လူ့ဘောင်သစ်ပါတီက နုတ်ထွက်ပြီး ကိုယ်တောခိုခဲ့တယ်။ ၁၉၈၉ ခုနှစ် ဒီဇင်ဘာမှာ ကိုယ့်ရဲ့ မျက်ကွယ်မှာ ကိုယ့်ကိုသေဒဏ်ပေးခံရတယ်”ဟု ကျောင်းသားခေါင်းဆောင်တစ်ဦးနှင့် ကျောင်းသားတပ်မတော်ဥက္ကဋ္ဌဖြစ်ခဲ့သည့် ကိုမိုးသီးဇွန်ကဆိုသည်။

“တစ်ဖက်ကလည်း ရွေးကောက်ပွဲလုပ်မယ်လို့ပြောတယ်။ တစ်ဖက်ကလည်း ကျောင်းသားခေါင်းဆောင်တွေ၊ နိုင်ငံရေးသမား
တွေအားလုံးကို ထောင်ချတယ်။ သပိတ်ကော်မတီကို ဖျက်တယ်။ဒါအာဏာသိမ်းတာဖြစ်တယ်။ ဒါကြောင့် ကျွန်တော်တို့တစ်တွေက တိမ်းရှောင်နေဖို့လိုတယ်။ ဒီကိစ္စတွေအားလုံးက တစ်ဖက်နဲ့တစ်ဖက် ဟန်ချက်မညီဘူးဖြစ်နေတယ်”ဟု လက်နက်ကိုင်တော်လှန်ရေး လုပ်ဆောင်ရန် တောခိုသွားခဲ့သည့် ABSDF ကျောင်းသားတပ်မတော်၏ လက်ရှိဥက္ကဋ္ဌဖြစ်သူ ရဲဘော်သံခဲကပြောသည်။

အိပ်မက်ဆိုး၊ အတိတ်ဆိုးများကို လွန်မြောက်လာခဲ့ပါပြီ။ အကျဉ်းစံကျောင်းသားတို့လည်း လွတ်မြောက်လာပြီး နိုင်ငံရေး နယ်ပယ်မှာ လွတ်လပ်စွာ လှုပ်ရှားနေကြပါပြီ။ တောခိုကျောင်းသားတို့လည်း အစိုးရနှင့် ငြိမ်းချမ်းရေးဖော်ဆောင်နေကြပါပြီ။ ရှစ်လေးလုံး အရေးတော်ပုံကြီးသည်လည်း (၂၅)နှစ်ပြည့်မြောက်၍ ငွေရတုတိုင်ခဲ့ပါပြီ။

“၈၈ အရေးတော်ပုံဟာ ကျွန် မတို့ပြည်သူတွေရဲ့ နား၊ မျက်စိတွေကို ဖွင့်ပေးခဲ့ပါတယ်။ နှစ်ပေါင်းများစွာ အထီးကျန်နေရာက ကမ္ဘာကြီးနဲ့ အဆက်အသွယ်ပြန်ရခဲ့ပါတယ်။ ကျွန်မလည်း လွန်ခဲ့တဲ့ ၂၅ နှစ်ကယူခဲ့တဲ့ တာဝန်တွေ ပြီးပြတ် ကျေပွန်အောင် ဆက်လက်ကြိုး စားပါဦးမယ်”ဟု ဒေါ်အောင်ဆန်းစုကြည်က ရှစ်လေးလုံးဒီမိုကရေစီ ငွေရတုအထိမ်းအမှတ်စာစောင်သို့ ပေးပို့ခဲ့သည့် မော်ကွန်းစာတွင် ရေးသားထားသည်။

ယခုအခါ နှစ်ရှည်ထောင်ဒဏ်ကြီးမှ လွတ်မြောက်လာခဲ့ပြီး ၈၈ မျိုးဆက်ကျောင်းသားခေါင်းဆောင်တစ်ဦးအဖြစ် ပြည်သူလူထု အသိအမှတ်ပြုထားကြပြီဖြစ် သောကိုဂျင်မီက အရေးတော်ပုံ ကာလကြီးအတွင်း တက်ကြွစွာ လှုပ်ရှားဆောင်ရွက်ခဲ့ကြသည့် နေ့ ရက်များအပေါ် အောက်ပါအတိုင်းထင်မြင်ချက်ပေးခဲ့ပါသည်။

“အဲဒီတုန်းက စိတ်ကတအားကြွနေတော့ ကိုယ့်ကိုယ်ကိုယ်တောင် ပြန်သတိထားနေရတယ်။ ၈၈ ထိပ်ပိုင်းခေါင်းဆောင်တွေ
အားလုံးက စွန့်စားမှုကို သဘောကျတဲ့လူတွေချည်းပါပဲ”။ ။

7 days news journal

Author Name

Contact Form

Name

Email *

Message *

Powered by Blogger.