08/20/13

(၁)

ပန်းပုထုခြင်း

လူကလေးဟာ
ရွံ့ တစ်ဆုပ် လက်နဲ့ နယ်
အရုပ်လုပ်မယ်တဲ့။

တောင်တန်းကြီးတွေပေါ် မျှော်ကြည့်တော့
အရုပ်ကြီး လေးရုပ်က ဘွားကနဲ
ဓါး လှံတွေ ကိုင်စွဲလို့ 
မြစ်ရေထဲ ငုံ့ ကြည့်တော့
ဒီအရုပ်ကြီးလေးရုပ်ပဲ မားမားကြီး
သံလျက်၊ လေး၊ မြှားတွေနဲ့ ။

ဒီလိုနဲ့  ကလေးဟာ၊ ရှေ့ နောက်ဝဲယာ
အရပ်ရှစ်မျက်နှာ လှည့်ကြည့်တော့
အရုပ်ကြီးတွေကပတ်ချာလည်
အသံနက်ကြီးတွေနဲ့ အော်တယ်။
သူရဲကောင်းဆိုတာ စစ်ဘုရင်ကွ
သူရဲကောင်းဆိုတာ လက်နက်နဲ့ကွ
သူရဲကောင်းဆိုတာ စစ်တိုက် ကို တိုက်ရတယ်ကွ၊၊

အဲဒီလို အရုပ်ကြီးတွေ
ပတ်ချာလှည့်အော်တော့
လူကလေးခမျာ မျက်စိလည်တယ်။
အသံနက်ကြီးတွေ ဆူညံတော့
လူကလေးနားတွေအူတယ်။

သူရဲကောင်းဆိုတာ မသနားရဘူးကွ
သူရဲကောင်းဆိုတာ မျက်ရည် မကျရဘူးကွ
အသံနက်ကြီးတွေက ပဲ့တင်ထပ်နေတယ်။

သနားတတ်လို့  သူရဲကောင်း မဖြစ်စတမ်းဆိုရင်
လူကလေး ဘယ်တော့မှ
သူရဲကောင်း မဖြစ်ချင်တော့ဘူး။

အားငယ်ပြီး ခေါင်းငိုက်ချတော့
မြေပြင်ပဲ တွေ့ ရတယ်
သွေးကွက်တွေနဲ့  ပြတ်ရှလို့။

အသက်ပြင်းပြင်း အားတင်းရှုပြီး
ခေါင်းမော့ကြည့်တော့ ကောင်းကင်ပြာစင်
ဒေါင်းအလံတင်နေတယ်။
အဲဒီမှာ
ချိုးငှက်ကလေးတွေ
ဝင်လာတာကိုမြင်ပါသတဲ့။

ဆရာကြီး ဒဂုန်တာရာ၏ မွေးနေ့တွင် ရွတ်ဆိုသည်။

မြန်မာ့ခေတ်ဆန်းစာပေကို ဦးဆောင်လှုပ်ရှားခဲ့သူ၊ ငြိမ်းချမ်းရေး ဗိသုကာ ဆရာကြီး ဒဂုန်တာရာ ဒီကနေ့ နေ့လည် ၁ နာရီကျော်လောက်က ရှမ်းပြည်နယ်၊ အောင်ပန်းမြို့ နေအိမ်မှာ ကွယ်လွန်သွားပြီ ဖြစ်ပါတယ်။ အသက် ၉၅ နှစ်ရှိပြီဖြစ်တဲ့ ဒဂုန်တာရာဟာ မြန်မာပြည် ငြိမ်းချမ်းရေးနဲ့ ဖွံ့ဖြိုးတိုးတက်ရေးအတွက် စာပေအနုပညာနဲ့ တိုက်ပွဲဝင်ခဲ့သူ ဖြစ်ပါတယ်။

၁၉၃၀ ပြည့်အရေးတော်ပုံမှာ ကိုယ်တိုင် ပါဝင်ဆင်နွဲခဲ့သူတဦးဖြစ်သလို တိုင်းပြည် လွတ်လပ်ရေးရအောင် ကြိုးပမ်းဆောင်ရွက်ခဲ့ကြတဲ့ ဗိုလ်ချုပ်အောင်ဆန်း စတဲ့ ခေါင်းဆောင်ကြီးတွေနဲ့ ရင်းရင်းနှီးနှီး အတူ နေထိုင်ခဲ့သူတဦးလည်း ဖြစ်ပါတယ်။ အပြည့်အစုံကိုတော့ ရန်ကုန်မြို့မှာရောက်နေတဲ့ ၀ိုင်းတော်သား ကိုဇော်ဝင်းလှိုင် က သတင်းပေးပို့ခဲ့ပါတယ်။

၂၀၁၃ ခုနှစ် သြဂုတ်လဟာ ပြည်သူချစ်တဲ့ အနုပညာရှင်တွေ၊ စာရေးဆရာ၊ သတင်းစာ ဆရာကြီးတွေ ကွယ်လွန်တဲ့လလို့ ပြောရလောက်တဲ့အထိ တိုင်းသိ ပြည်သိ ပုဂ္ဂိုလ်ကြီးတွေ ကွယ်လွန်ကြတဲ့ လဖြစ်နေပါတယ်။

အခုနောက်ဆုံး ကွယ်လွန်သူကတော့ မြန်မာနိုင်ငံ လွတ်လပ်ရေးလှုပ်ရှားမှုမှာ တစိတ်တပိုင်းက ပါဝင်ခဲ့သူဖြစ်တဲ့အပြင် မြန်မာ့စာပေလောကမှာ ဝေါဟာရ ကအစ အတွေးအခေါ်ပိုင်း အပါအ၀င် နိုင်ငံရေးစာပေတွေ အထိပါ သြဇာအရှိဆုံး ပုဂ္ဂိုလ်လို့ ပြောလို့ရတဲ့ ဆရာကြီး ဒဂုန်တာရာပဲ ဖြစ်ပါတယ်။

ဆရာကြီး ဒဂုန်တာရာဟာ လွတ်လပ်ရေး ခေတ်ကြိုအချိန်ကစလို့ ဒီကနေ့ ဒီမိုကရေစီ လှုပ်ရှားမှုအထိ မြန်မာနိုင်ငံ ငြိမ်းချမ်းရေးအတွက် တောက်လျှောက် တိုက်ပွဲဝင်ခဲ့သူ တဦးဖြစ်တဲ့အတွက် ငြိမ်းချမ်းရေး ဗိသုကာတဦးလို့ သတ်မှတ်လို့ ရနိုင်တဲ့အကြောင်း ဒဂုန်တာရာရဲ့ မိတ်ဆွေလည်းဖြစ်၊ ၀ါရင့် သတင်းစာဆရာကြီးလည်းဖြစ်တဲ့ ဦးဝင်းတင်က ပြောပါတယ်။

“ကိုတာရာဟာ ဆရာဒဂုန်တာရာဟာ ကျနော်သိတာ နှစ်ပေါင်း ၅၀ ကျော်သွားပြီ။ ၆၀ လောက်ဖြစ်နေပြီ။ ကျနော် သိသမျှထဲမှာ လေးစားစရာ အကောင်းဆုံး စာရေးဆရာ၊ နိုင်ငံရေးသမား၊ သို့မဟုတ်ရင်လည်း ငြိမ်းချမ်းရေးသမား၊ သို့မဟုတ်ရင်လည်း အမျိုးသား ပြန်လည်သင့်မြတ်ရေး သမားလို့ ကျနော် အဲ့ဒီလိုပဲ သတ်မှတ်ပါတယ်။ သူ့ကို အလွန် လေးစားကြည်ညိုတဲ့ ပုဂ္ဂိုလ်ဖြစ်တယ်လို့ ကျနော် သတ်မှတ်ပါတယ်။ ဒါ ပုဂ္ဂိုလ်ရေး ပြောတာပါ။ နောက်တခု ကျနော်ပြောချင်တာက သူ့ရဲ့လုပ်ငန်းကိုကြည့်ရင် လုပ်ငန်း သုံးခုတွေ့တယ်ဗျ။ တစ်ခုက ဘာလဲဆိုရင် အမျိုးသား လွတ်လပ်ရေး တိုက်ပွဲကာလပေါ့လေ။ အဲ့ဒါ စစ်ကြိုခေတ်ကတည်းက ဗိုလ်ချုပ်အောင်ဆန်းတို့၊ သခင်စိုးတို့၊ သခင်သန်းထွန်းတို့၊ အဲ့ဒီခေတ်က ကျော်ကြားတဲ့ ဦးကျော်ရင်တို့၊ ဦးဘဆွေတို့ ဆိုတဲ့ အကုန်လုံး ခေါင်းဆောင်ပိုင်းတွေနဲ့ စုပေါင်းပြီးတော့ သူက အမျိုးသားလွတ်လပ်ရေး တိုက်ပွဲ ရုန်းကန်မှုတွေမှာ သူ ပါဝင်ခဲ့တယ်။ လှုပ်ရှားခဲ့တယ်၊ ဦးဆောင်ခဲ့တယ်။ သူ လုပ်ခဲ့တယ်။"

"နောက်တခါ ဒီ လွတ်လပ်ရေးခေတ်ပေါ့လေ လွတ်လပ်ရေးရပြီး ဦးနုအစိုးရလက်ထက်၊ နောက်တခါ ဦးနေ၀င်းရဲ့ မဆလ အစိုးရခေတ်၊ စစ်အာဏာရှင်၊ တစ်ပါတီအာဏာရှင်စနစ်ရဲ့ နောက်တခါ ဦးသန်းရွှေတို့ခေတ်၊ စစ်အာဏာရှင်ခေတ်၊ ဒီခေတ်တွေမှာ အကုန်လုံးက ပြည်တွင်းငြိမ်းချမ်းရေးက ပြဿနာ အကြီးကြီးဖြစ်နေတယ်။ ပြည်တွင်း ငြိမ်းချမ်းရေး ပြဿနာကြီး အကြီးကြီးကို ကိုင်တွယ်ဖြေရှင်းတဲ့နေရာမှာလည်း သူက သူ့ရဲ့ တတ်နိုင်သမျှ ငြိမ်းချမ်းရေးလုပ်ငန်းနဲ့ စွမ်းဆောင်ပြီးတော့ ပါဝင်ခဲ့တယ်။ ငြိမ်းချမ်းရေးခေါင်းဆောင်တစ်ယောက်လို့ သတ်မှတ်ခံရလောက်အောင်ကို ကြိုးပမ်းခဲ့တယ်။”

ရန်သူမရှိ မိတ်ဆွေသာရှိဆိုတဲ့ ဆောင်ပုဒ်နဲ့ ရပ်တည်ခဲ့တဲ့ ဆရာကြီး ဒဂုန်တာရာဟာ လက်ရှိ ဒီမိုကရေစီအရေး တောင်းဆိုလှုပ်ရှားကြတဲ့ ခေတ်မှာလည်း အမျိုးသားပြန်လည် သင့်မြတ်ရေးအတွက် နောက်ဆုံးအချိန်ထိ တိုက်ပွဲ ၀င်သွားသူဖြစ်တယ်လို့ ဦးဝင်တင်က ဆက်ပြောပါတယ်။

“ဒီနေ့ခေတ် ရောက်လာတဲ့အခါကျတော့ ဒီ ဦးသိန်းစိန်တို့ အစိုးရလက်ထက် ရောက်တဲ့အခါကျတော့ သူတို့ရဲ့ ရေး တလုံးပေါ်နေတဲ့ ပြဿနာက ဘာလဲဆိုတော့ အမျိုးသား ပြန်လည် သင့်မြတ်ရေး ပြဿနာပဲ။ ဒီပြဿနာနဲ့ ပတ်သက်ပြီး သူက ဒီကနေ့ သေသွားတဲ့အချိန်ထိပေါ့ ဒါကို အစွမ်းကုန် ကြိုးပမ်းခဲ့တာ။ အဲ့တော့ အဲ့ဒီ ကြိုးပမ်းတဲ့ဟာတွေမှာ သူ့ရဲ့ဟာတွေကို ဆောင်ပုဒ်တွေ သူ့ရဲ့ အင်အားတွေကို ကြည့်မယ်ဆိုရင် အမျိုးသားလွတ်လပ်ရေး တိုက်ပွဲကိစ္စတုန်းက သူက လွတ်လပ်ရေးနဲ့ အဲ့ဒါကို တိုက်တဲ့နေရာမှာ စာပေနဲ့ တိုက်တာပဲဗျ။"

"အဲ့ဒီခေတ်တုန်းက ဒီကာလတွေ တလျှောက်လုံးမှာ ကျနော်တို့ လုပ်တဲ့ဟာတွေမှာ ဘာလုပ်လဲဆိုရင် နိုင်ငံရေးအားဖြင့် လုပ်တယ်။ စစ်ရေးအားဖြင့်လုပ်တယ်။ စစ်ရေးဆိုတာ လက်နက်ကိုင် သူပုန်ဖြစ်ရင်လည်းဖြစ်မယ်။ အစိုးရ စစ်တပ်တွေလည်း ဖြစ်ရင်ဖြစ်မယ်။ ဒါက တမျိုးပေါ့။ ဒါမှမဟုတ်ရင်လည်း နိုင်ငံရေးပါတီဝင်ဖြစ်မယ်။ နိုင်ငံရေးမှာ သူပုန်ဖြစ်ရင်ဖြစ်မယ်။ ဒီပုံစံလေးနဲ့ ကျနော်တို့ လှုပ်ရှားကြတယ်။ ဒါက ဒီတိုက်ပွဲတွေ အကုန်လုံးပါ။ ဒီပုံစံနဲ့လုပ်တာ ဒီနေ့အထိ။ အဲ့တော့ အဲ့ဒီလိုလုပ်တဲ့အခါမှာ သူက အမျိုးသား လွတ်လပ်ရေး တိုက်ပွဲကာလတုန်းက သူ့ရဲ့ လက်နက်အင်အားက ဘာလဲဆိုတော့ စာပေအင်အားပဲ။”

ဆရာကြီး ဒဂုန်တာရာ မနှစ်က စက်တင်ဘာလထဲမှာတုန်းကလည်း နိုင်ငံရေး အပေါင်းအဖော်များနဲ့ ပြည်သူများအတွက် ပန်ကြားလွှာဆိုပြီး အချင်းချင်း မေတ္တာထားပြီး ဒီမိုကရေစီ ပန်းတိုင်ရောက်အောင် လက်တွဲချီတက်ကြဖို့ တိုက်တွန်းထားတဲ့ ပန်ကြားလွှာကို ထုတ်ပြန်ခဲ့ပါတယ်။

ဆရာကြီး ဒဂုန်တာရာဟာ မြန်မာစာပေမှာ အသုံးအနှုန်း ဝေါဟာရတွေအပြင် အတွေးအခေါ် အသစ်အဆန်းတွေပါ တီထွင်ခဲ့သူတဦးဖြစ်တယ်လို့ ဒဂုန်တာရာရဲ့ မိတ်ဆွေ စာရေးဆရာ မောင်မိုးသူက ပြောပါတယ်။

“မြန်မာစာပေမှာလည်း သူ့ကို အကြောင်းပြုပြီးမှ တာရာမဂ္ဂဇင်းတို့ ဘာတို့ ထွက်တာပေါ့။ အသုံးအနှုန်းတင်မကဘူးကွဲ့။ သူက အရေးအသားပါ၊ နောက်တခုက အတွေးအခေါ်ပါ သူက အမြဲတမ်း ပြည်သူ့ဘက်က ရပ်တဲ့ အတွေးအခေါ်ရှိတာ။ ဆရာ ဒဂုန်တာရာရဲ့ အတွေးပါပဲလို့။”

ဆရာကြီးက မြန်မာသံစဉ် သီချင်းတွေကို ငယ်ငယ်လေးကတည်းက သင်ပေးခဲ့တဲ့အတွက် သူ အခုချိန်မှာ မြန်မာသံစဉ် သီချင်းတွေကို ဆိုတတ်တာလို့ ဆရာဒဂုန်တာရာနဲ့ မိသားစု မိတ်ဆွေလည်းဖြစ်တဲ့ အဆိုတော် ဟေမာနေ၀င်းက ပြောပါတယ်။

“မမတို့က မမတို့ ဖေဖေရှိတုန်းက ဖိုးဖိုး ဒဂုန်တာရာရယ် အတူတူနေတာလေ။ မတို့နဲ့ တအိမ်တည်းနေတာပါ။ ဟေမာနေ၀င်းဆိုတဲ့ နာမည်ကိုလည်း ဖိုးဖိုး ဒဂုန်တာရာကပဲ ပေးခဲ့တာပါ။ မမ ငယ်ငယ်တုန်းက ဖိုးဖိုးက မမ ကို အချစ်ဆုံးဆိုတော့ သူက စာပေသမားတွေနဲ့ ဘယ်သွားသွား ခေါ်သွားတတ်တယ်လေ။ သခင်ကိုယ်တော်မှိုင်း ဂူတွေဘာတွေသွားရင်လည်း မမ လိုက်သွားဖူးတယ်။ မမ အဆိုတော်ဖြစ်ပြီးတော့ ဒီလို ဗမာသံတွေလည်း ဆိုတတ်တာ ဖိုးဖိုးကြောင့် ဆိုတတ်တာလေ။ ငယ်ငယ်တုန်းက သူက စန္ဒယားတီးရင် သူက ဗမာသံတွေပဲ တီးတယ်။ ဗမာစန္ဒယားက သူ့အခန်းထဲမှာပဲ ရှိတယ်။ ဗမာအသံ တီးတာပေါ့နော် သူက။ ဒါကြောင့် မမ အဲ့ဒီ ငယ်ငယ်လေးကတည်းက အဲ့ဒီ ပျို့မှာတမ်းတို့၊ ပျို့ဆုတောင်းတို့ အဲ့ဒီလို သီချင်းမျိုး၊ မြတ်ပန်းခွေတို့ မမ ငယ်ငယ်လေးကတည်းက ဆိုတတ်တာ။ ဖိုးဖိုးက သင်ပေးထားတာ။”

ဆရာကြီး ဒဂုန်တာရာဟာ ဆေးရုံမှာ ၁၁ ရက်လောက် ဆေးကုသမှု ခံယူရာက ပြန်လာပြီး မကြာခင်ကလေးမှာပဲ သြဂုတ်လ ၁၉ ရက်၊ တနင်္လာနေ့ နေ့လည် ၁ နာရီ ၁၅ မိနစ်မှာ နေအိမ်မှာပဲ လူကြီးရောဂါနဲ့ ဘ၀တပါးကို ကူးပြောင်းသွားတာ ဖြစ်ပါတယ်။

VOA

(The Japan Times မှ 18 Aug 2013 ရက်စွဲပါ ‘ Myanmar Strategy to get Rethink after failed infrastructure bids သတင်းကို ဘာသာပြန်သည်)

အာရှ၏နောက်ဆုံးလတ်ဆတ်သော ဈေးကွက်တစ်ခုဖြစ်သည့် မြန်မာနိုင်ငံ၏ အခြေခံအဆောက်အဦးစနစ် ဖွံ့ဖြိုးရေးတင်ဒါပြိုင်ပွဲတွင် ဂျပန်ကုမ္မဏီများရှုံးနိမ့်ခဲ့ရခြင်းကြောင့် ယင်းနိုင်ငံတွင် စီးပွားရေးအခွင့်အလမ်းများ ဖမ်းဆုပ်မည့် မဟာဗျူဟာကို ဂျပန်နိုင်ငံအနေဖြင့် ပြန်လည်စဉ်းစားနေရပြီဖြစ်သည်။

တောင်ကိုရီးယားနှင့်တရုတ်ကုမ္မဏီများ ပါဝင်သော အခြားနိုင်ငံခြားကုမ္မဏီများကို ဂျပန်တို့ရှုံးနိမ့်ခဲ့ရသော သော့ချက်ခွင်များထဲတွင် လေဆိပ်ဆောက်လုပ်ခြင်း၊ တိုးချဲ့ခြင်းစီမံကိန်းများ၊ တယ်လီကွန်းအော်ပရေတာလိုင်စင်များ ပါဝင်ပြီး၊ ထို့အတွက်ကြောင့် အစိုးရအဆင့်နှင့်ပုဂလိကအဆင့် တင်ဒါအောင်ရေးကြိုးပမ်းမှုများကို ထိုးနှက်ခံရသကဲ့သို့ ဖြစ်ခဲ့ရသည်။

မြန်မာနိုင်ငံအတွက် ကြွေးမြီလျှော်ပစ်ရေးနှင့် တရားဝင်ဖွံ့ဖြိုးရေးအကူအညီများ ကတိကဝတ်ပြု ထားသော်ငြား လည်း ကန်ထရိုက်ရရှိမှုမှတ်တမ်းများ ဆိုးဝါးနေရခြင်းနှင့် ပတ်သက်၍ ဂျပန်အစိုးရအကြီးတန်း တာဝန်ရှိသူတစ်ဦးက “ကျွန်တော်တို့ရဲ့ ကစားပွဲဗျူဟာကို ပြန်သုံးသပ်ဖို့လိုနေပါပြီ“ ဟု ပြောကြားလိုက်ပါသည်။

ပြည်ပခရီးသွားများအတွက် အဓိကဝင်ပေါက်ဖြစ်သော ရန်ကုန်အပြည်ပြည်ဆိုင်ရာလေဆိပ် အဆင့်မြှင့်မည့် စီမံကိန်းအတွက် နောက်ဆုံးတင်ဒါခေါ်ရာတွင် နောက်ဆုံးမိနစ်မတိုင်မှီအထိ ကိစ္စပြီးပြီးသားဟု ဂျပန်အစိုးရတာဝန်ရှိ သူများဖက်မှ ယုံကြည်စိတ်ချထားခဲ့ကြသည်။

သို့သော်လည်း ပြီးခဲ့သောစနေနေ့က မြန်မာအစိုးရက ထုတ်ပြန်ကြေညာသောအခါ လေဆိပ်တိုးချဲ့ရေးစီမံကိန်း တင်ဒါအောင်သူမှာ တရုတ်နှင့် ပြည်တွင်းကုမ္မဏီများပါဝင်သော ဖက်စပ်ကုမ္မဏီဖြစ်နေသည်။

ထို့အပြင် ဟံသာဝတီလေဆိပ်တည်ဆောက်ရန်အတွက် တောင်ကိုရီးယား Incheon ကုမ္မဏီကို ကန်ထရိုက်ပေးလိုက်ကြောင်း ထုတ်ပြန်ကြေငြာချိန်တွင် ဂျပန်တို့၏ New Kansai လေဆိပ်လုပ်ငန်းပါဝင်သော ကုမ္မဏီ နောက်ကောက်ကျသွားခဲ့ပြန်သည်။

ဂျပန်တို့အတွက် အားလုံးသတင်းဆိုးချည်တော့ မဟုတ်ပါ။ ဂျပန် Mitusubishi နှင့် JALUX တို့ပါဝင်သော ဖက်စပ်ကုမ္မဏီက မန္တလေးတံတားဦးလေဆိပ် မွမ်းမံလုပ်ကိုင်ခွင့် နှစ်သုံးဆယ်ကန်ထရိုက်ရရှိခဲ့ပါသည်။

စစ်အုပ်ချုပ်ရေးအလွန် ကမ္ဘာကို တံခါးဖွင့်ပေးနေသော မြန်မာနိုင်ငံသည် ၂၀၂၀ ခုနစ်အရာက်တွင် ခရီးသွား ဧည့်သည် ၇သန်းကျော်ကို ဆွဲဆောင်ရန် မျှော်လင့်နေသည်။

မြန်မာအစိုးရသည် တင်ဒါရွေးချယ်ရေးစည်းကမ်းများကို ထုတ်ဖော်ပြောဆိုခြင်းမပြုပါ။ သို့သော် သမ္မတ ဦးသိန်းစိန်နှင့် နီးစပ်သော သြဇာကြီးပုဂိုလ်များနှင့် အဆက်သွယ်ရှိခြင်းမှာ အဆုံးအဖြတ်ပေးသော အချက်ဖြစ်ကြောင်း ကုန်သွယ်ရေးဌာန တာဝန်ရှိသူတစ်ဦးက ပြောကြားသည်။

မြန်မာအစိုးရသည် တင်ဒါရွေးချယ်ရာတွင် ပါဝင်ယှဉ်ပြိုင်သော နိုင်ငံများအကြား ဟန်ချက်ထိန်းရန် ကြိုးစား နေကြောင်း အဆိုပါတာဝန်ရှိသူက ဆက်လက်ပြောကြားသည်။

ဂျပန်တို့သည် အလားအလာကောင်းသော လူဦးရေသန်းခြောက်ဆယ်ဈေးကွက်ရရှိမည့် တယ်လီဖုန်း အော်ပရေတာလိုင်စင် တင်ဒါပြိုင်ရာတွင်လည်း အောင်မြင်မှုမရရှိခဲ့ပါ။

အဆိုပါ တယ်လီကွန်းလိုင်စင်အတွက် ဂျပန် KDDIနှင့် sumitomoအပါအဝင် ဆန်ကာတင်စာရင်းဝင်သူ ၁၂ ဦး အနက်မှ နော်ဝေ Telenorနှင့် ကာတာ Ooredoo တို့ကို ဇွန်လတွင် မြန်မာအစိုးရက ရွေးချယ်ခဲ့သည်။

ပုံမှန်မဟုတ်သော ရင်းနှီးမြှပ်နှံမှုပမာဏကို ကမ်းလှမ်းခြင်းဖြင့် ကာတာကုမ္မဏီ တင်ဒါအောင်သွားသောကြောင့် မြန်မာနိုင်ငံတွင် ထင်ကြေးပေးမှုများစွာထွက်ပေါ်ခဲ့သည်။

ဂျပန်ဝန်ကြီးချုပ် ရှင်ဇိုအာဘေးသည် စီးပွားရေးကဏ္ဍကိုယ်စားလှယ် ၁၀၀ ကျော်ကို ဦးဆောင်ကာ မြန်မာနိုင်ငံသို့ မေလက သွားရောက်ခဲ့ပြီး မြန်မာနိုင်ငံ၏ဖွံ့ဖြိုးမှုကို ပံ့ပိုးရန် ဂျပန်နိုင်ငံက လိုလားနေကြောင်း ပြသခဲ့ပြီး ဖြစ်သည်။

သမ္မတဦးသိန်းစိန်နှင့်တွေ့ဆုံစဉ် မြန်မာနိုင်ငံ၏ကြွေးဟောင်း ယမ်းငွေ ၁၉၀ ဘီလီယံကို လျှော်ပေးပြီး ချေးငွေအသစ် ယမ်းငွေ ၉၁ ဘီလီယံကို ကူညီရန် ဂျပန်ဝန်ကြီးချုပ်က ကတိပြုခဲ့သည်။ ထိုအပြင် မြန်မာနိုင်ငံ၏ ထူထောင်ရေးလုပ်ငန်းများတွင် ဂျပန်အစိုးရပိုင်းနှင့် ပုဂ္ဂလိကပိုင်တို့ကို အတူတကွ ကူညီပံ့ပိုးပေးသွားမည်ဟု ပြောကြား ခဲ့သည်။

ဂျပန်နိုင်ငံသည် နိုင်ငံတကာတင်ဒါပြိုင်ရာတွင် အမေရိကန်နှင့် ဥရောပပြိုင်ဘက်များကိုိသာ အာရုံစိုက်နေ သော်လည်း အခြားအာရှပြိုင်ဘက်များနှင့် ပြိုင်ဆိုင်မှုမှာလည်း အရှိန်မြင့်လာနေသည်။

“နိုင်ငံတကာ တင်ဒါပြိုင်ရာတွင် တောင်ကိုရီးယားနှင့် တရုတ်တို့သည် ဂျပန်နိုင်ငံ၏ အောက်စည်းသို့ ရောက်စရာကြောင်းမရှိကြောင်း ဂျပန်နိုင်ငံ၏ကြေွးမြီလျှော်ပစ်မှုနှင့် ဖွံ့ဖြိုးရေးအကူညီတို့သည် တင်ဒါရွေးချယ်ရာတွင် ထည့်သွင်းစဉ်းစားသည့် အချက်အလက်များထဲမှ တစ်ခုမျှသာဖြစ်ကြောင်း” မြန်မာအစိုးရတာဝန်ရှိသူက မှတ်ချက်ပေး ပြောကြားသည်။

Yangon chronicle


မွေးသက္ကရာဇ် - ၁ဝ၊ ၅၊ ၁၉၁၉
အမည်ရင်း - ဦးဌေးမြိုင်
မိဘအမည် - ဦးဘအုန်း + ဒေါ်ဖွားရှင်
မွေးဖွားရာ ဒေသ - ထိုင်ကူ မြစ်တန်းရွာ (မွန်ရွာ) ကျိုက်လတ် မြို့နယ်
ကလောင် အမည်ခွဲများ - မြိုင်သဇင်၊ မောင်နန်းနွယ်၊ စောထွတ်၊ ဦးတိုး၊ မောင်လင်းထက်၊ ဗညား သီဟ၊ ဦးဒဂုန်

ထင်ရှားကျော်ကြားမှု - မြန်မာ့သမိုင်းဆိုင်ရာတွင် အားကိုးလောက်သော ကျမ်းများကို အင်္ဂလိပ်၊ မြန်မာဘာသာများဖြင့် ပြုစုခဲ့ , ရာထူးစည်းစိမ်ကို မက်မောခြင်းမရှိဘဲ ပညာရှင် ပီသစွာ ရပ်တည်မှုကြောင့် အထူးကျော်ကြား ခဲ့သည်။

ဆရာ ဒဂုန် တာရာသည် ရန်ကုန်မြို့ (၇) လမ်းရှိ အောင်ဇေယျ မင်္ဂလာ မြန်မာ စာသင် ကျောင်းတွင် ပညာ သင်ကြားသည်။ ထို့နောက် ကျိုက်လတ် အမျိုးသားကျောင်း (၁၉၂၇ - ၃၆) တွင် လည်းကောင်း၊ ရန်ကုန် ရေကျော် မက်သဒစ် ကျောင်း (၁၉၃၆ - ၃၇) တွင် လည်းကောင်း ပညာ ဆက်လက် သင်ကြားသည်။ ၁၉၃၇ ခုနှစ်တွင် ဆယ်တန်း အောင် သည်။ (၁၉၃၇ - ၄ဝ) ခုနှစ်တွင် ရန်ကုန် တက္ကသိုလ်၌ ဆက်လက် ပညာ သင်ကြား ခဲ့သည်။

► ကိုယ်ရေး ဖြစ်စဉ်

ဆရာ ဒဂုန် တာရာသည် မြန်မာ နိုင်ငံလုံး ဆိုင်ရာ ကျောင်းသား သမဂ္ဂ ရေနံမြေ စည်းရုံးရေး ကိုယ်စားလှယ်၊ တကသ အမှုဆောင်၊ အိုးဝေ မဂ္ဂဇင်း အယ်ဒီတာ၊ မြန်မာ နိုင်ငံ စာရေး ဆရာအသင်း ဥက္ကဌ တာဝန် များကို ဆောင်ရွက် ခဲ့သည်။ ထို့အပြင် ဆရာ ဒဂုန် တာရာသည် တရုတ် - မြန်မာ မိတ်ဆွေဖြစ် အသင်းချုပ် အမှုဆောင်၊ မြန်မာ - ဆိုဗိယက် ယဉ်ကျေးမှုနှင့် မိတ်ဆွေဖြစ် အသင်းချုပ် အမှုဆောင်၊ ကမ္ဘာ့ ငြိမ်းချမ်းရေး ကွန်ဂရက် (မြန်မာနိုင်ငံ) အမြဲတမ်း ကော်မတီ ဒုတိယ ဥက္ကဋ္ဌ တာဝန်၊ မြန်မာနိုင်ငံ ကဗျာ ဆရာ သမဂ္ဂ ဥက္ကဋ္ဌ တာဝန် များကို ထမ်းဆောင် ခဲ့သည်။

ဆရာသည် ၁၉၃၄ ခုနှစ်၊ ဖေဖော်ဝါရီ လထုတ် တက္ကသိုလ် သိပ္ပံ မဂ္ဂဇင်းတွင် မြိုင်သဇင် ကလောင် အမည်ဖြင့် မှုံပြာရီ ဝတ္ထုကို စတင် ရေးသား ခဲ့သည်။ ထို့နောက် ဒဂုန်တာရာ အမည် ခံယူသည်။ ၁၉၄၆ ခုနှစ် ဒီဇင်ဘာ လတွင် တာရာ မဂ္ဂဇင်းကို စတင် ထုတ်ဝေသည်။ ထို့အပြင် စာပေသစ် မဂ္ဂဇင်း ကိုလည်း စတင် ထုတ်ဝေပြီး ယင်း မဂ္ဂဇင်းတွင် အယ်ဒီတာ အဖြစ် ဆောင်ရွက် ခဲ့သည်။ တချိန်တည်းတွင် ဂန္ထဝင် ဂျာနယ် အယ်ဒီတာ အလုပ် ကိုလည်း လုပ်ကိုင်သည်။ဆရာ၏ ရုပ်ပုံလွှာ အဖွဲ့အနွဲ့များမှာ အထူးထင်ရှားလှပြီး အမျိုးသား ခေါင်းဆောင်ကြီး ဗိုလ်ချုပ်အောင်ဆန်းကို" အောင်ဆန်း ( သို့မဟုတ် ) အရိုင်း" ဟူ သောအမည်ဖြင့် ရေးဖွဲ့ခဲ့သည်။

၁၉၇၄ ခုနှစ် မေ ဝတ္ထုကို ထုတ်ဝေသည်။ ကလောင် အမည် အမျိုးမျိုးဖြင့် စာပေ၊ ရုပ်ရှင်၊ ပန်းချီ၊ ဂီတ၊ အနုပညာ၊ နိုင်ငံရေး၊ ဝေဖန်ရေး ဆိုင်ရာ ဆောင်းပါးများ ရေးခဲ့သည်။ စပယ်ဦးဖြင့် စာပေ ဗိမာန် ဝတ္ထုတို ပေါင်းချုပ် ဆုကို ၁၉၆၁ ခုနှစ်တွင် ရရှိခဲ့သည်။ ထို့ပြင် ၂ဝဝ၁ ခုနှစ် အတွက် ပခုက္ကူ ဦးအုံးဖေ တသက်တာ စာပေဆု ကိုလည်း ရရှိခဲ့သည်။

ယခုအခါ ဆရာသည် ရှမ်းပြည်နယ် အောင်ပန်း မြို့တွင်နေထိုင်ခဲ့ပြီး သြဂုတ်လ ၁၉ ရက်နေ့ တွင် ကွယ်လွန်သွားခဲ့ပါသည်။

Popular Myanmar News Journal

Author Name

Contact Form

Name

Email *

Message *

Powered by Blogger.