09/01/13

“အသင်းအဖွဲ့များဆိုင်ရာဥပဒေကြမ်း” အပေါ် သဘောထားကြေငြာချက်
စာအမှတ် - ဝ၂/နာကူ/စီမံ/ကြေငြာချက်/၂ဝ၁၃
ရက်စွဲ - ၂ဝ၁၃၊ စက်တင်ဘာလ (၁) ရက်

ပြည်ထောင်စုမြန်မာနိုင်ငံတွင် ၁၉၆၄ ခုနှစ်မှစ၍ အသင်းအဖွဲ့များအား ကန့်သတ်ထိန်းချုပ်သည့် ဥပဒေပြဋ္ဌာန်းခဲ့သည်။ ထိုဥပဒေကို တော်လှန်ရေးကောင်စီက ၁၉၆၄ ခုနှစ် အမျိုးသားစည်းလုံးညီညွတ်ရေး ကာကွယ်သည့်ဥပဒေဟူ၍ အမည်တပ်ခဲ့သည်။ ဖြစ်ရပ်မှန်မှာ - ပုဂ္ဂိလက အဖွဲ့အစည်းများ၏ လွတ်လပ်စွာ ဆောင်ရွက်ခွင့် ကန့်သတ်ချုပ်ချယ်ခြင်းဖြစ်ကြောင်း အများသိရှိပြီးဖြစ်သည်။ အမျိုးသားစည်းလုံးညီညွတ် ရေးကို အကြောင်းပြ၍ နိုင်ငံရေးအဖွဲ့အစည်းများကို ဖျက်သိမ်းခဲ့ပြီး ထိုအဖွဲ့အစည်းပိုင်းပစ္စည်းများ၊ ငွေများ နှင့် စာရွက်စာတမ်းများကို ပြည်သူ့ဘဏ္ဍာအဖြစ် သိမ်းဆည်းခဲ့သည်။ သို့သော် မြန်မာ့ဆိုရှယ်လစ်လမ်းစဉ် ပါတီနှင့် ယင်းပါတီ၏ ဦးဆောင်မှုခံယူသော အဖွဲ့အစည်းများမပါခဲ့သည်ကို တွေ့ရသည်။ ခွင့်ပြုချက်မရှိဘဲ အဖွဲ့အစည်းတစ်ရပ်ရပ်တွင် ဆက်လက်ပါဝင်လုပ်ကိုင်လျှင် (၅) နှစ်အထိ ထောင်ဒဏ်စီရင်ခြင်း ခံရနိုင် ကြောင်းကို တွေ့ရသည်။
၁၉၈၈ ခုနှစ်တွင် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ လက်ထက်တွင်လည်း အသင်း အဖွဲ့များ ဖွဲ့စည်းခြင်းဆိုင်ရာဥပဒေကို ပြဋ္ဌာန်းခဲ့သည်။ အသင်းအဖွဲ့အမည် သီးခြားရှိသည်ဖြစ်စေ၊ မရှိသည် ဖြစ်စေ ရည်ရွယ်ချက်တစ်ခုခုအတွက် (သို့မဟုတ်) လုပ်ငန်းစဉ်တစ်ခုခုအတွက် လူအများစုပေါင်းဖွဲ့စည်း ထားသော အသင်းအဖွဲ့၊ အစည်းအရုံး၊ သမဂ္ဂပါတီ၊ ကော်မတီ၊ အဖွဲ့ချုပ်၊ အသင်းစု၊ တပ်ဦး၊ ကလပ်နှင့် အလားတူ အသင်းအဖွဲ့များကို ပြည်ထဲရေးနှင့် သာသနာရေးဝန်ကြီးဌာနသို့ ဖွဲ့စည်းခွင့်ရရှိအောင် လျှောက် ထားရန် ပြဋ္ဌာန်းခဲ့သည်။ ခွင့်ပြုချက်မရဘဲ အသင်းအဖွဲ့များဖွဲ့စည်းခြင်း၊ လှုပ်ရှားခြင်းအပေါ် ကန့်သတ်ခဲ့ သည်။ ပြစ်ဒဏ်မှာ တော်လှန်ရေးကောင်စီဥပဒေအတိုင်း ထောင်ဒဏ် (၅) နှစ်ထိဖြစ်သည်။

ယခု အစိုးရသစ်လက်ထက်တွင် အသင်းအဖွဲ့များဆိုင်ရာ ဥပဒေကြမ်းကို ထုတ်ပြန်ခဲ့ပြန်ပါသည်။ ထိုဥပဒေကြမ်းသည် ယခင်ဥပဒေများနှင့် မခြားကန့်သတ်မှုပြုလုပ်ခဲ့သည်ကို တွေ့ရသည်။ ထောင်ဒဏ် (၅) နှစ်အစား (၃) နှစ်ပြောင်းသွားသည်ကို တွေ့ရသည်။
ထို ၁၉၈၈ ခုနှစ်ဥပဒေသည် ယနေ့တိုင် အတည်ပြုလျှက်ရှိသည်ကို တွေ့ရသည်။ ယခုအစိုးရသစ် လက်ထက်အထိ မပယ်ဖျက်ဘဲ ကန့်သတ်ထိန်းချုပ်မှုများ ပြုလုပ်လျှက်ရှိသည်။ ဒီမိုကရေစီနည်းလမ်း မကျ ပဲ ပြည်သူတို့အကျိုးမရှိသော ၄င်းဥပဒေကို လုံးဝဖျက်သိမ်းသင့်ပါသည်။
အဓိက အသိပေးလိုသည်မှာ - “ယင်းဥပဒေကို ပြဋ္ဌာန်းရန်လိုအပ်ပါသလား” မေးခွန်းကို စဉ်းစား ဆွေးနွေးလိုခြင်းဖြစ်သည်။
ခေတ်အဆက်ဆက်တွင် အကြောင်းကြောင်းကြောင့် အသင်းအဖွဲ့ဖွဲ့စည်းခြင်းကို ကန့်သတ်ထိန်း ချုပ်ခြင်းပြုသည်ကို တွေ့ရသည်။ ယခုအစိုးရသစ်လက်ထက်တွင် အတည်ပြုပြဋ္ဌာန်းပြီး နိုင်ငံတော်ဖွဲ့စည်းပုံ အခြေခံဥပဒေအရ ထိုသို့ ကန့်သတ်ချုပ်ချယ်မှုများ ပြုလုပ်ခွင့်ရှိသည်ဟု ကျွန်ုပ်တို့ မယုံကြည်ပေ။

တရားဥပဒေစိုးမိုးမှုရှိသော နိုင်ငံတစ်နိုင်ငံတွင် တည်ဆဲအရ မည်သည့်အဖွဲ့အစည်းမဆို ရိုးဖြောင့် မှန်ကန်မှုမရှိပါက တည်ဆဲဥပဒေများအရ တရားစွဲဆိုခြင်း၊ ပြစ်ဒဏ်ချမှတ်နိုင်ခြင်းများ ရှိနေပြီးဖြစ်သည့် အတွက် အသင်းအဖွဲ့များအတွက် ထပ်မံ၍ “နှစ်ထပ်ကွမ်း” ဥပဒေပြဋ္ဌာန်းရန် လိုအပ်သည်ဟု မယုံကြည်ပါ။

ပညာရေး၊ ကျန်းမာရေး၊ စီးပွားရေးနှင့် အဘက်ဘက်မှ နိမ့်ကျနေသော မြန်မာနိုင်ငံတွင်းရှိ လူအများစုအတွက် တာဝန်မရှိသော်လည်း တာဝန်သိ၍ အနစ်နာခံ ပေးဆပ်နေကြသော အောက်ခြေလူထု အခြေပြုလူမှုရေးအဖွဲ့အစည်းများအား ချုပ်ချယ်ကန့်သတ်မှုများ ပြုလုပ်ခြင်းသည် “မွန်မြတ်သောစိတ်ဓါတ်” ဖြင့် လူမှုရေးနှင့် ပရဟိတလုပ်ကိုင်လိုကြသော “မျိုးဆက်သစ်” များအတွက် ဖိနှိပ်ချုပ်ချယ်မှုများဖြစ်သည့် အတွက် ဥပဒေထပ်မံ ထုတ်ပြန်ရန် မလိုအပ်ဟု ယူဆပါသည်။

ဥပဒေအသစ် မဖြစ်မနေ ပြဋ္ဌာန်းမည်ဆိုပါက မှတ်ပုံတင်ခြင်းနှင့် သက်ဆိုင်သော အပိုင်းထက် မပိုသင့်ဟု ယူဆပါသည်။ အသင်းအဖွဲ့များအပေါ် မှတ်ပုံမတင်မနေရမဟုတ်ဘဲ မှတ်ပုံတင်လိုက တင်နိုင် သည့် ပြဋ္ဌာန်းမှုမျိုးသာ ဖြစ်သင့်ပေသည်။ မှတ်ပုံမတင်မနေရ ကန့်သတ်ခြင်း၊ အသင်းအဖွဲ့၏လှုပ်ရှားမှုအား ကန့်သတ်ထိန်းချုပ်ခြင်း၊ ပြစ်မှုနှင့် ပြစ်ဒဏ်သတ်မှတ်ခြင်းများ မပြုသင့်ကြောင်း ကျွန်ုပ်တို့ နာရေးကူညီမှု အသင်း(ရန်ကုန်)၏ သဘောထား ကြေငြာအပ်ပါသည်။

နာရေးကူညီမှုအသင်း(ရန်ကုန်)



တုတ်ကို တုတ်ချင်း သေနတ်ကို သေနတ်ချင်း ရှင်းမယ်လို့လည်းပြောပါတယ်
တပ်မတော်သာ အမိ တပ်မတော်သာ အဖ အမိန့်နာခံဖို ပြောပါတယ်
သေနတ်ဆိုတာက မိုးပေါ်ထောင်ပြီး ပစ်စရာမဟုတ်ဘူး ပြောပါတယ်

အဆိုးမြင်ဝါဒ ရှိတဲ့ပုဆိန်ရိုး ဆန်ကျင်မယ်လို့ပြောပါတယ်
အချုပ်အချာတည်တံ့ဖို့ ဖက်ဒရယ်စနစ် ကျင့်စရာမလိုဘူး ပြောပါတယ်
တရုတ်ဆိုတာက ပေါက်ဖော်ဆွေမျိုး ကျေးဇူးရှင်လို့ပြောပါတယ် .....

တိုင်းပြည်တစ်ပြည်လုံး မွဲသေအောင်လို့ ပိုက်ဆံတွေဖျက်သိမ်းခဲ့တယ်
တို့တွေ ဆန္ဒပြချိန်မှာလည်း တပ်တွေခေါ်ပြီး ဆုံးမတယ်
တို့လုံခြုံရေး စိုးရိမ်စရာမို့ အကျဉ်းထောင်တွေထဲ ထည့်လို့ တိုက်ပိတ်ပါတယ် ...

စွမ်းအင်တွေက ပြည်တွင်းမှာပိုလို့ ရောင်းမယ်လို့လည်း ပြောပါတယ်
ကိုယ့်အိမ်မှာပဲ ဖယောင်တိုင်ကိုထွန်း မီးတွေပိတ်ထားပြောပါတယ်
ကားတွေ အမြန်လမ်း မှောက်တာဟာလည်း သရဲတွေကြောင့်လို့ ပြောပါတယ် ......

အကြွေးကျေနိုင်ဖို့ ထမင်းကို တစ်နပ်ပဲ စားပါလို့လည်း ပြောပါတယ်
ပန်းတွေစိုက်ပြီး ရောင်းကာ အသက်မွေး ရတယ်လို့လည်း ပြောပါတယ်
တိုင်းပြည် ချောက်ထဲ မကျအောင်ကယ်မယ့် သမိုင်းဝင်တဲ့ သံပတ်စက်ရုပ်များပါကွယ်

တိုင်းပြည်တစ်ပြည်လုံး မွဲသေအောင်လို့ ပိုက်ဆံတွေဖျက်သိမ်းခဲ့တယ်
တို့တွေ ဆန္ဒပြချိန်မှာလည်း တပ်တွေခေါ်ပြီး ဆုံးမတယ်
တို့လုံခြုံရေး စိုးရိမ်စရာမို့ အကျဉ်းထောင်တွေထဲ ထည့်လို့ တိုက်ပိတ်ပါတယ် ...

ဒါတွေဟာ ဟာသ ရေး .......ဒါတွေဟာ ဟာသ ......... ရေး ......... ရေ

စပါးစိုက်ဖို့ အတွက်လယ်တွေ ပေး . ရောင်းစားဖို့ယူမယ်
စိမ်းလန်းတဲ့ တော တောင် များ . . ပေး ... ရောင်းစားဖို့ယူမယ်
တွင်းထွက်နဲ့ သတ္ထုများ ... ပေး ...... ရောင်းစားဖို့ ယူမယ်
ကျောက်မျက်နဲ့ ဓါတ်ငွေ့လည်း ....... ပေး ရောင်းစားဖို့ယူမယ်

ဒါတွေဟာ ဟာသ ရေး .......ဒါတွေဟာ ဟာသ ......... ရေး ......... ရေ


(လင်းလင်း သံမဏိလိပ်ပြာ သီချင်းအလိုက်ကို ပြန်ရေးထားခြင်းဖြစ်သည်)
Kyaw Wai Phyo
Aung nay myo

မြန်မာအစိုးရသည် ယခုနှစ်ကုန်တွင် နိုင်ငံရေးအကျဉ်းသားအားလုံး လွှတ်ပေးရန်ကတိပေးထားခြင်းကို အပြည့်အဝလုပ်ဆောင်နိုင်ဖွယ်မရှိကြောင်း နိုင်ငံရေးအကျဉ်းသားများ၏ အခြေအနေကို လေ့လာနေသာ ကော်မတီဝင်တစ်ဦးက စနေနေ့တွင်ပြောကြားသည်။

“နိုင်ငံရေးအကျဉ်းသားအရေအတွက်က ကျဆင်းလာပေမယ့် သုညဖြစ်သွားမှာတော့ မပာုတ်ပါဘူး။ တက်ကြွလှုပ်ရှားသူတွေကို အာဏာပိုင်တွေက ပိုပြီးတော့ ဖမ်းဆီးထိန်းသိမ်းနေကြလို့ပဲဖြစ်ပါတယ်”ပာု ပြောကြားသူမှာ အစိုးရတာဝန်ပေးထားသော ကော်မတီဝင်တစ်ဦးဖြစ်သည့် ကိုဘိုကြည်ဖြစ်ပါသည်။

ယခုနှစ်ကုန်တွင် မြန်မာနိုင်ငံ၌ ကျန်ရှိနေသော နိုင်ငံရေးအကျဉ်းသားအားလုံးကို လွှတ်ပေးမည်ဖြစ်ကြောင်း ဇူလိုင်လ ဗြိတိန်နိုင်ငံခရီးစဉ်တွင် သမ္မတဦးသိန်းစိန်က ကတိပေးခဲ့ခြင်းဖြစ်သည်။

အကြီးအကဲပောာင်း ဦးသန်းရွှေ၏ ယုံကြည်စိတ်ချခြင်းခံရသူ သမ္မတဦးသိန်းစိန်ဦးဆောင်သော အစိုးရသည် ၂၀၁၁ ခုနှစ် အာဏာလွှဲပြောင်းရယူပြီးနောက်ပိုင်းတွင် နိုင်ငံရေးအကျဉ်းသားမြောက်များစွာကို အကြိမ်ရေခွဲ၍ တစ်သုတ်ပြီးတစ်သုတ် လွှတ်ပေးခဲ့သည့်အပြင် အခြားနိုင်ငံရေးပြုပြင်ပြောင်းလဲမှု များစွာကိုလည်း ဆက်တိုက်အကောင်အထည်ဖော်ဆောင်ရွက်ခဲ့သည်။

သို့သော်လည်း နိုင်ငံရေးအကျဉ်းသားများနှင့်ပတ်သက်၍ ဖြစ်ပေါ်နေသော ဝိရောဓိအခြေအနေများ၊ သဘောကွဲလွဲမှုများကြောင့် သမ္မတ၏ ကတိကဝတ်အပေါ် သံသယများထွက်ပေါ်လာစေသည်။

“နိုင်ငံရေးအကျဉ်းသားဆိုတဲ့စကားလုံးရဲ့ တကယ့်အဓိပ္ပါယ်စစ်စစ်ကို သတ်မှတ်ဖို့လိုအပ်ပါတယ်”ပာု ကော်မတီဝင်တစ်ဦးဖြစ်သူ ကျောင်းသားခေါင်းဆောင်ပောာင်း ကိုကိုကြီးက ပြောကြားသည်။“ဒီလိုသာမလုပ်ရင် ဒီနှစ်ကုန်သွားပြီးရင်လည်း သံတိုင်တွေနောက်မှာ နိုင်ငံရေးအကျဉ်းသားတွေရှိနေဦးမှာပဲ”ပာု ၎င်းက ဆိုပါသည်။

အထင်ရှားဆုံးသာဓကမှာ အငြင်းပွားဖွယ် တရုတ်ကြေးနီမိုင်းစီမံကိန်းကို ဆန္ဒပြခဲ့သူ နော်အုံးလှကို တည်ဆဲဥပဒေများဖြင့် အရေးယူကာ ယခုသီတင်းပတ်တွင် ထောင်ဒဏ် ၂ နှစ်ချမှတ်လိုက်သည့် ဖြစ်ရပ်ပင်ဖြစ်သည်။

ထောင်ကျနေသော တိုင်းရင်းသားလက်နက်ကိုင်တပ်ဖွဲ့ဝင်များကို နိုင်ငံရေးအကျဉ်းသားအဖြစ် သတ်မှတ်မှာလားဆိုသည့် ကိစ္စသည်လည်း သံသယပွားစရာများရှိနေသည်။

“လောလောဆယ်မှာတော့ နှစ်ပေါင်းများစွာအတွင်း ပထမဆုံးအကြိမ်အဖြစ် နိုင်ငံရေးအကျဉ်းသားအရေအတွက် ၁၀၀ တောင်မပြည့်တဲ့အခြေအနေကိုရောက်ရှိလာပါတယ်။ ဒါပာာတကယ်ကို ကြီးကြီးမားမား အပြုသဘောဆောင်တဲ့ ဆောင်ရွက်ချက်လို့ ကျွန်တော်တို့ရှုမြင်ပါတယ်။ ဒါပေမယ့်လည်း လုပ်စရာတွေအများကြီး ကျန်နေတယ်လို့ဆိုတာကို ကျွန်တော်တို့ ခေါင်းထဲမှာ ထည့်ထားရပါလိမ့်မယ်”ပာု ကိုကိုကြီးက ဆက်လက်ပြောကြားသည်။

“အစိုးရယန္တယားဆိုတာ ခြောက်ပစ်ကင်းသဲလဲစင်ဖြစ်ဖို့လိုတယ်။ ပြည်သူတွေ စံပြုထိုက်တဲ့ ဂုဏ်သိက္ခာမျိုးရှိဖို့လိုတယ်။ ဒီအခြေအနေမှာ ဒီလောက်တော့ရှိမှာပေါ့ဆိုတဲ့ ခြွင်းချက်မျိုးထားလို့မရဘူး။ အစိုးရက ရှေ့ကစံပြဦးဆောင်ပြီး ပြည်သူတွေက နောက်ကလိုက်လာမှသာ အနာဂါတ်ကာလမှာ နိုင်ငံဖွံ့ဖြိုးတိုးတက်လာမှာဖြစ်ပါတယ်”ပာု ရန်ကုန်မြို့မှ အကဲခတ်လေ့လာသူများက မှတ်ချက်ပေးဝေဖန်ပြောဆိုထားသည်။

Yangon chronicle

ဒေါ်နော်အုန်းလှ အလုပ်ကြမ်းနှင့် ထောင်ဒါဏ် ၂ နှစ်၊

မနေ့က ဦးဝင်းချို အပေါင်း ငါး အဖမ်းခံရသည်။

တရားရုံး မဖွင့်သော ရုံးပိတ်ရက် ဖြစ်သောကြောင့် မည်သို့ အရေးပေါ် ဖမ်းဝရမ်း ထုတ်ပြီး ပဲခူး အချုပ်ထောင်သို့ ချက်ချင်း ပို့သည် မသိပါ။ ဦးဝင်းချိုသည် နိုင်ငံတော် အာဏာကို အသုံးပြုပြီး ပြည်သူလူထု ပိုင်ငွေကို အလွဲသုံးစားလုပ် ကြီးပွားချမ်းသာ ခဲ့သူ တဦး မဟုတ်တာတော့ သေချာသည်။

ယနေ့ ည ဆိုလျှင် ပဲခူး အကျဉ်းထောင်ချုပ် အတွင်း ဦးဝင်းချိုနှင့် လယ်သမား များ အရေး တက်ကြွ လှုပ်ရှားသူများ အဖမ်းခံ ထားရသည်မှာ နှစ်ည ရှိတော့မည်ဖြစ်သည်။

သတင်း ဌာန တချို့ က ကျနော့်ထံ အင်တာဗျူးသည်။

ယနေ့ဖြစ်ပေါ်နေသော အခြေအနေများ အရ ၂၀၁၅ ရွေးကောက်ပွဲ မတိုင်မီ အတိုက်အခံ ဖြစ်နိုင်ဖွယ် တက်ကြွလှုပ်ရှားသူ များ ဦးဆောင်သူများကို ဖမ်းဆီးထိန်းသိမ်းပြီး အနည်းဆုံး ထောင်နှစ် နှစ် ချခြင်းဖြင့် ၂၀၁၅ အတွက် ကြိုကာ ကြိုရှင်း လမ်းခင်းနေခြင်းမျိုးဖြစ်နိုင်ပါသလား ဟု မေးပါသည်။

ဖြစ်နေသော အခြေအနေများ အရ ၊ သူတို့ ခန့်မှန်းသလို ဖြစ်နေသည်ကို တွေ့ရပါသည်။ တိုက်ဆိုင်သည်လည်း ဖြစ်ချင်ဖြစ်မည်။ တမင်တကာ ယခုလို လူမှု နိုင်ငံရေး တက်ကြွ လှုပ်ရှားသူများ၊ အစိုးရ လုပ်သမျှကို ခေါင်းညိတ် ထောက်ခံခြင်း မပြုပဲ ဆန့်ကျင် ကန့်ကွက်လေ့ရှိသူများ၊ တောင်သူလယ်သမား လူတန်းစား အတွက် မိမိ ပင်ကိုယ် အသိစိတ်ဖြင့် ကူညီဆောင်ရွက်ပေးနေသော သူများကို တစတစ ဖမ်းဆီး ထိန်းသိမ်းလာသည်ကို တွေ့ရသည်။

လွန်ခဲ့သော ဆယ်ရက်ခန့်ကလည်း ကျနော့်ထံ ရန်ကုန်မြို့တွင်း မြို့နယ် ရဲစခန်း မှူး တဦးက ဖုန်းဆက်ခေါ်ပါသည်။ လွန်ခဲ့သော ခြောက်လ ခန့်က အိုအိုင်စီ (OIC) ကန့်ကွက် သော လှုပ်ရှားမှု တခု ရွှေတိဂုံ ဘုရား ကြေးသွန်းဘုရားအနီးတွင် ပြုလုပ်ခဲ့စဉ်က ကျနော် သွားရောက် အားပေးခဲ့သည်။ ထိုဖြစ်စဉ် အတွက် ကျနော့်ကို ရုံးတင်တရားစွဲဆိုရန် ရဲစခန်းသို့ ကြွပါ ဟု ခေါ်သည်။ ကျနော် ပြန်ဖြေရှင်းသည်။ ခရီးသွား ဟန်လွဲ လမ်းကြုံလို့ ၀င်ပြီး အားပေးစကားပြောခြင်းကိုလည်း ပုဒ်မ ၁၈ ဆိုတာဖြင့် တရားစွဲမည်ဆိုပါက လုပ်ချင်ရာ လုပ်ကြပါ။ ကျနော် ရဲစခန်းကို မလာနိုင်ဟု ပြန်ကြားလိုက်သည်။

ယခုလို ဥပဒေကို ထင်သလို အသုံးချ လူထုကို ဖိနှိပ်ဖို့ ခြိမ်းခြောက်ဖို့ ဖိစီးမှုတွေဖြစ်နေစေဖို့ လုပ်ဆောင်နေသမျှ ကာလပတ်လုံး ယနေ့ ဥပဒေကို လက်ကိုင်ဒုတ်လုပ်ပြီး အုပ်ချုပ်နေသော အစိုးရကို တော်လှန် ဆန့်ကျင်နေသူ ဆိုသည် ရှိနေအုန်းမည်ဖြစ်ကြောင်း အဆက်အဆက် ပေါ်ထွက်လာသော လူငယ် ခေါင်းဆောင် များ ၏ ရဲရဲတောက် မကြောက်သော လှုပ်ရှားတောင်းဆိုပွဲများက သက်သေဖြစ်ပါသည်။

ဥပဒေကို လိုသလို သုံးကာ ပုဒ်မ အမျိုးမျိုးဖြင့် ဖမ်းဆီးခံထားရသော ခေါင်းဆောင်များ ငရဲ သားတို့ လက်တွင်း မှ အမြန်ဆုံး လွတ်ကင်းပါစေ။

တဗိုလ်ကျ တဗိုလ်တက် စနစ်ဖြင့် လူထု အတွက် မပြီးဆုံးသေးသော တရားမျှတခွင့် တိုက်ပွဲကို ဆက်နွဲကြပါဟု ပဲခူးမြို့က တောင်သူလယ်သမား လူငယ်ခေါင်းဆောင်များကို ကျနော် မှ အားပေးစကားပြောလိုက်သည်။

အထူးသဖြင့် လယ်ယာမြေနှင့် ပတ်သက်သော မတရားသိမ်းဆည်းခံထားရခြင်းများ၊ အာဏာပိုင်သူ နှင့် ဥပဒေ အထက်က လူများ မတရား သိမ်းယူထားသည့် လယ်မြေများ နှင့် ပတ်သက်ပြီး ယနေ့ အစိုးရမှ ပွင့်လင်းမှန်ကန်စွာ ဖြေရှင်း ပေးလာသည် အထိ လူထု လှုပ်ရှားမှုများကို အရှိန် ဆက်မြင့်ကြပါဟု တိုက်တွန်းလိုက်ပါသည်။

တိုင်းပြည် ဒေသ မြို့ရွာများ ငြိမ်းချမ်း ဆိတ်ငြိမ်ခြင်းကို အုပ်ချုပ်သူတို့က လိုလားသည်ဟု ဆိုသည်။

သို့ဆိုလျှင် မတရားမှုများကို ရေ ငုံ နှုတ်ပိတ် မနေပါနှင့် ။ ယုံနှာစေး မနေပါနှင့်။

ပြည်သူ အကြား ခံစားနေရသော ကြိမ်မီးအုံးတမျှ နှစ်ရှည်လများ ခံစားခဲ့ရသော မတရားမှုများ နစ်နာနေမှုများ ခံစားချက်များကို ဖြေလျော့ ပြေလည် ကျေနပ်သည် အထိ ဖြေရှင်း မပေးနိုင်မချင်း ထိုမြို့ ထိုရွာ ထိုဒေသ ထို လူများနေထိုင်ရာ သည် ငြိမ်းချမ်းသော ဒေသ ဖြစ်လာမည် မဟုတ်။

သက်ဆိုင်ရာ တိုင်းဒေသကြီး အစိုးရ အဖွဲ့များကို အလေးအနက် ပန်ကြားလိုပါသည်။

တရားမျှတမှု တရားသော ဥပဒေ စိုးမိုးမှု ကို အမှန် တကယ် တည်ဆောက်ခိုင်မြဲအောင် လုပ်နိုင်သည် ဆိုလျှင် မည်သည့် လူထု လှုပ်ရှားမှုမှ ပေါ်ပေါက်လာစရာ မရှိပါ။

ထို့ကြောင့် တရားမျှတမှု ၊ တရားသော ဥပဒေ စိုးမိုးမှု အတွက် ကျောသား ရင်သား မခွဲခြားပဲ ပြတ်သားစွာ ဆောင်ရွက် ဖေါ်ထုတ် ပြဌာန်း လမ်းခင်းပြီး လူထု ၏ ကြည်ညို ချစ်ခင်မှုကို တည်ဆောက်ပါဟု လေးနက်စွာ ပန်ကြားတောင်းဆိုလိုက်ပါသည်။

နေမျိုးဇင်

Photo..AP

ဆီးရီးယား အစိုးရကို စစ်ရေးအရ အရေးယူဖို့အရေးကို ကွန်ဂရက် လွှတ်တော်ရဲ့ ခွင့်ပြုချက် ရယူမယ်လို့အမေရိကန် သမ္မတ အိုဘားမား က ကြေညာလိုက်ပါတယ်။

အမေရိကန် သမ္မတ အိုဘားမား က သူ့အနေနဲ့တော့ ဆီးရီးယား ကို စစ်ရေးအရ အရေးယူ ဆောင်ရွက် ရမယ် လို့ မြင်ကြောင်း ပြောတဲ့ မိန့်ခွန်းထဲမှာ ဆီးရီးယား မှာ အစိုးရ ကိုယ်တိုင်က ငယ်ရွယ်တဲ့ အမျိုးသမီးလေးတွေ ကလေးတွေ အပါအဝင် သူ့ပြည်သူ အများအပြား ကို ဆီးရီးယား အစိုးရ က ဓာတု အဆိပ်ဓာတ်ငွေ့တွေနဲ့ သတ်ဖြတ်နေတယ်၊ ဒီလုပ်ရပ်ဟာ လူသားတွေ အားလုံး ရဲ့ ဂုဏ်သိက္ခာ ကို တိုက်ခိုက် ကျူးလွန်တာဖြစ်တယ် လို့ ပြောခဲ့တဲ့ အပြင် အမေရိကန် ရဲ့ အမျိုးသားလုံခြုံရေး ကိုလည်း အလွန်အန္တရာယ်ရှိ နေပြီ၊ ဆီးရီးယား ကနေ ဒီလိုတိုက်ခိုက် တာတွေဟာ ဆီးရီးယား နယ်စပ် ကို ကျော်လာပြီး အမေရိကန် မဟာမိတ်တွေ ဖြစ်တဲ့ အစ္စရေး ဂျော်ဒန် တူရကီ အီရတ် စတဲ့နိုင်ငံတွေ ကို ပျံ့လာနိုင်တယ်၊ ဒီလို လက်နက်တွေ က လူတွေ ကို ဒုက္ခပေးနေတဲ့ အကြမ်းဖက်သမားတွေ ရဲ့ လက်ထဲကို ရောက်သွားရင် နိုင်ငံတကာ လူအများရဲ့ လုံခြုံရေး ကို ထိခိုက် နိုင်တယ် လို့ ပြောခဲ့ ပါတယ်။

ဇာတ်ရှိန်မြင့်လာတဲ့ ဆီးရီးယား ပဋိပက္ခသမ္မတ အိုဘားမား ဟာ စစ်ရေးအရ အရေးယူ ရမယ်ဆိုပေမယ့် ဆီးရီးယား နိုင်ငံထဲကို တပ်တွေ စေလွှတ် တိုက်ခိုက်တာမျိုးမဟုတ် ပဲ အာဆတ် အစိုးရ အခုလို လုပ်နေတာ ကို ရပ်တန့် နိုင်တဲ့ အထိ ထိရောက်တဲ့ တိုက်ခိုက်မှုမျိုး၊ အကန့်အသတ် ရှိတဲ့ ပစ်မှတ်တွေ ကို တိုက်ခိုက်တာမျိုး တွေကို လုပ်သွားမယ် လို့ ဆိုပါတယ်။အမေရိကန် ဟာ အီရတ်စစ်၊ အာဖဂန် နစ္စတန် က စစ်တွေ နဲ့ စစ်ပန်းနေတယ် ဆိုတာလည်း သူ သိကြောင်း မိန့်ခွန်းထဲမှာ ဝန်ခံထား ပါတယ်။

ဒါကြောင့် သူက စစ်ကို ရေရှည်စွဲတိုက်မှာ မဟုတ်ဘူး လို့ ဆုံးဖြတ် ထားတဲ့ပုံပါ။မစ္စတာ အိုဘားမားဟာ အမေရိကန် သမ္မတ တယောက် အနေနဲ့ နိုင်ငံ့ စစ်တပ် ကို တိုက်တော့လို့ ဆုံးဖြတ် အမိန့်ပေးလို့ ရပေမယ့် လွှတ်တော် ကို ဒီကိစ္စ တင်ပြပြီး ထောက်ခံမှု ရယူ သွားမယ် လို့ လည်း ဆိုပါတယ်။ပြည်သူတွေ အတွက် ပြည်သူထံမှ ဆုံးဖြတ်ချက် ကို ရယူရတဲ့ ဥပမာ အစဉ်အလာ ကို အလေးထားပြီး ကွန်ဂရက် လွှတ်တော် ကို သူတင်ပြမယ်၊ ဒီအရေး အပေါ် အမတ်တွေ က ဆွေးနွေးချင်ကြတာ ကိုလည်း သူ သိထားကြောင်း ပြောရင်း အဲဒီလို ကွန်ဂရက် က ဆုံးဖြတ် မှ သာ အမေရိကန် ပြည်ထောင်စု တခုလုံး က ဒီဆုံးဖြတ် ချက် အပေါ် တစုတစည်းတည်း ခိုင်ခိုင်မာမာ ချခဲ့တာ ဆိုတာ ပေါ်လွင်မှာ လို့ သူက ပြောပါတယ်။

ပြီးခဲ့တဲ့ ကြာသပတေးနေ့က ဗြိတိန် လွှတ်တော် မှာ ဝန်ကြီးချုပ် ဒေးဗစ်ကင်မရွန်း ရဲ့ ဆီးရီးယား ကို စစ်ရေး အရ အရေးယူ ဆောင်ရွက်ရမယ် ဆိုတဲ့ အဆို ရှုံးခဲ့တဲ့ ပူပူနွေးနွေး အချိန် မှာ သမတ အိုဘားမား အခုလို ဆုံးဖြတ် ခဲ့တာလည်း ဖြစ်ပါတယ်။အခု ဓာတု အဆိပ်ဓာတ်ငွေ့တွေ သုံးတာ ဟာ အစိုးရ က သုံးတာ ဟုတ်ရဲ့လား ဆိုတဲ့ ငြင်းချက်တွေ လည်း အထူးသဖြင့် ဆီးရီးယား မဟာမိတ် ရုရှ နိုင်ငံ က ထုတ်နေတဲ့ အခုလိုအချိန် မှာ သမ္မတ အိုဘားမား ကတော့ သူတို့ အနေနဲ့ ဆီးရီးယား အစိုးရ ကျူးလွန် တယ် ဆိုတာ ကို ယုံကြည်ကြောင်း ပြောရင်း ကုလသမဂ္ဂ က နေ ဆီးရီးယား ကို သွားပြီး စုံစမ်းစစ်ဆေးတဲ့ အဖွဲ့ရဲ့ အစီရင်ခံစာ တွေ၊ လုံခြုံရေး ကောင်စီ က ထောက်ခံ ချက်တွေ ကို စောင့်မနေတော့ဘူး လို့လည်း အမေရိကန် သမ္မတ က ပြောပါတယ်။ဆီးရီးယား အရေးနဲ့ ပတ်သက်ပြီး အမေရိကန် ကွန်ဂရက် မှာ ဘယ်တော့ ဆွေးနွေးမလဲဆိုတာ ကတော့ အတိအကျ မသိရသေးပါဘူး။နောက် ၉ ရက် အကြာမှာ ပုံမှန် လွှတ်တော် အစည်းအဝေး လုပ်ဖို့ ရှိပေမယ့် အခုအရေး ကို အရေးပေါ်သတ်မှတ် ပြီး ဒီထက် စောစောလည်း ဆွေးနွေးကြ နိုင်ပါတယ်။အမေရိကန် သမ္မတ ရဲ့ အခုမိန့်ခွန်း ဟာ အမေရိကန် ပြည်သူတွေ အပေါ်ရော လွှတ်တော် အမတ် တွေ အပေါ်မှာပါ အတိုင်းအတာ တခု အထိ ထိုးဖောက်စည်းရုံး သွားခဲ့တယ် လို့ ဆိုပေမယ့် လက်တွေ့ မှာ ကွန်ဂရက် က ဘယ်လို ဆုံးဖြတ်မယ် ဆိုတာ ကတော့ နိုင်ငံတကာ က စိတ်ဝင်တစား ကြည့်နေကြမှာပါ။

ဘီဘီစီ

ဝန်ခံပါသည်။ ဒီနေ့ (၃၁.၈.၂ဝ၁၃) စနေနေ့သည် ကျွန်တော်နှင့် ကျွန်တော့်ချစ်ဇနီး ရွှေဇီးကွက် (ခ) မြင့်မြင့်ခင်ဖေတို့၏ မင်္ဂလာသက်တမ်း (၃၂) နှစ်ပြည့် နေ့ရက်တစ်ရက် ဖြစ်သည်ကို ကျွန်တော်မေ့လျော့ လျှက်ရှိသည်ကို ကျွန်တော်ဝန်ခံမိပါသည်။ ယနေ့ နံနက် (၉းဝဝ) နာရီခန့်တွင် ကျွန်တော်တို့ နာရေး ကူညီမှုအသင်း(ရန်ကုန်)မှ အမှုဆောင်တစ်ဦးဖြစ်သူ မဝင်းလဲ့ဇင်၏ Happy Anniversary ဟူသော Phone Message ဝင်လာ၍ ကျွန်တော်ကြောင်သွားသည်။ ထို့ကြောင့် သူမထံသို့ Phone ပြန်လည်ဆက်၍ မေးမြန်းမိသည်။ “ဘာကိုဆိုလိုတာလဲ”ဟု “အော် … ဒီနေ့လား” ဟူ၍ တုန့်ပြန်မိသည်။

ထို့နောက် ကျွန်တော်၏ ရုံးခန်းအတွင်းသို့ အလှူခံအခန်းထဲမှ မတင်နီလာထွန်း ဝင်ရောက်လာပြီး နှစ်စဉ် သြဂုတ်လ (၃၁) ရက်နေ့တွင် ဝင်ရောက်လှူဒါန်းကြသော အလှူရှင်များထဲမှ အလှူရှင် မညွန့်ညွန့် သန်းသည် နာရေးကူညီမှုအတွက် အလှူငွေ (ငါးသောင်း)၊ သုခကုသိုလ်ဖြစ်ဆေးခန်းအတွက် (ငါးသောင်း) စုစုပေါင်း တစ်သိန်းကျပ်နှင့်အတူ ပန်းနုရောင် မွှေးပွမျက်နှာသုတ်ပုဝါ (၂) ထည်အား ဦးကျော်သူတို့ မင်္ဂလာသက်တမ်း (၃၂) နှစ်ပြည့်အတွက် လက်ဆောင်ပေးခဲ့သည်ဟု လာရောက်ပြောကြားသွားသည်။ ထို့ကြောင့် “အလှူရှင်က ဘယ်လိုလုပ် သိတာလဲ …”ဟူ၍ ကျွန်တော် မတင်နီလာထွန်းအား ပြန်လည် မေးမိသည်။ ထိုကား မတင်နီလာထွန်းမှ “မနှစ်တုန်းက (၃၁) နှစ်ပြည့် မင်္ဂလာဒါနပြုပွဲကို ဒီအသင်းမှာဘဲ ကျွေးမွေးဧည့်ခံပြီး အသင်းသားတွေ၊ ဝန်ထမ်းတွေ၊ ဆေးဝါးလာရောက်ကုသကြသော လူနာတွေ အပြင် အလှူရှင်များကိုပါ ဧည့်ခံကျွေးမွေးခဲ့ကြောင်း ဒါကြောင့် သြဂုတ်လ (၃၁) ရက်နေ့မှာ လာရောက် လှူဒါန်း ကြတဲ့ အလှူရှင်တွေက အမှတ်ရနေမှာပေါ့”ဟု ပြောကြားခဲ့သည်။ “သြော် … ဟုတ်ပေသားပဲ” ဟုပြန် လည် တုန့်ပြန်မိခဲ့ပြန်သည်။

ထို့နောက် (၇) ရက်တိုင်တိုင် သက်သတ်လွတ်စားပြီး အသင်းရုံးချုပ် ဘုရားခန်းအတွင်းမှ မထွက် ဘဲ မေတ္တာပို့အဓိဌာန်ဝင်ခြင်း ယနေ့ ပြီးဆုံးသွားပြီဖြစ်၍ ကျွန်တော့်ရုံးခန်းထဲရှိ ကျွန်တော်ပိုင် ကျွန်တော့် ကွန်ပျူတာအား ပြန်လည်ဖွင့်လှစ်ပြီး Facebook အားကြည့်သောအခါ ကျွန်တော်တို့ ဇနီးမောင်နှံအတွက် ပထမဦးဆုံး ဆုတောင်းမေတ္တာပို့ပေးသော သြစတျေးလျနိုင်ငံ Perth, Western Australia မှ Juliana Sao သည် “Happy 32nd anniversary all the best CCST” ဟူသော ဆုတောင်းမေတ္တာပို့ခြင်းနှင့်အတူ ကျွန်တော်တို့ ဇနီးမောင်နှံအား (DHSS - Doctor of Humane Social Services) လူသားချင်းစာနာမှု ဆိုင်ရာဒေါက်တာဘွဲ့နှင့် (MHSS - Master of Humane Social Services) လူသားချင်းစာနာမှုဆိုင်ရာ မဟာဘွဲ့) အသီးသီးချီးမြှင့်ပေးခဲ့သော ဧမာနွေလဘုရားကျောင်း၏ သိက္ခာတော်ရ ဒေါက်တာပေါလ် အက်(ဖ်)ဂျွန်(စ်) အဖဘုန်းတော်ကြီး အသက် (၇၉) နှစ်သည် ၂၈.၉.၂ဝ၁၃ ရက်နေ့တွင် ခရစ်တော်၌ အိပ်ပျော်သွားပါသဖြင့် ယနေ့ ၃၁.၈.၂ဝ၁၃ ရက်နေ့ နံနက် (၉းဝဝ) နာရီအချိန်၌ ဧမာနွေလ ဘုရား ကျောင်းတွင် ဈာပနဝတ်ပြုကိုးကွယ်ခြင်းအား ကျင်းပပြုလုပ်ပြီး နာရေးကူညီမှုအသင်း(ရန်ကုန်)မှ အထူး နိဗ္ဗာန်ယာဉ်ကြီးဖြင့် ရေဝေးခရစ်ယာန်ဂိုဏ်းပေါင်းစုံ ဥယျာဉ်တော်သို့ ပို့ဆောင် ဂူသွင်းသင်္ဂြိုဟ်ခြင်း အခမ်း အနား မှတ်တမ်းပုံများကို မြင်တွေ့မိတော့သည်။ ထိုအခါ ကျွန်တော်တုန်လှုပ်မိသည်။ ကျွန်တော်ရှက်မိ သည်။ ကျွန်တော်ဝန်ခံမိသည်။ ကျွန်တော်၏ မျက်နှာပြင်သည် ကျွန်တော်တို့အား အမှတ်တရလက် ဆောင်ပေးခဲ့သော မညွန့်ညွန့်သန်း၏ ပန်းနုရောင် မွေးပွမျက်နှာသုတ်ပုဝါ အရောင်ထက် နီမြန်းသော ပန်းရင့်ရောင် မျက်နှာပြင်ကဲ့သို့ ဖြစ်သွားမိသည်။

ကျွန်တော်တို့၏ ၂ဝဝ၁ ခုနှစ်မှ အတိုက်အခိုက် အနှောင့်အယှက်၊ အဟန့်အတား ပေါင်းစုံတို့နှင့် ကြုံတွေ့ဖြတ်သန်းလာရသော လူမျိုးဘာသာ၊ ဆင်းရဲချမ်းသာမရွေးတို့၏ နာရေး၊ ကျန်းမာရေး၊ ပညာရေး စသည့် ပရဟိတလုပ်ငန်းရပ်အား တစ်ဖက်တစ်လမ်းမှ ခွန်အားပေးခဲ့သော အသိအမှတ်ပြု ဂုဏ်ပြုချီးမြှင့် ပေးခဲ့သော ဧမာနွေလဘုရားကျောင်းမှ အဖဘုန်းတော်ကြီး Rev.Dr.Paul F.Johns ၏ နောက်ဆုံးခရီးအား ကျွန်တော်ကိုယ်တိုင် လိုက်လံပို့ဆောင်နိုင်ခဲ့ခြင်းမရှိသည့် အခြေအနေနှင့် ကျွန်တော်တို့ ဇနီးမောင်နှံ (၃၂) နှစ်ပြည့် မင်္ဂလာရက်ကို မေ့လျော့နေခြင်းတို့အား ကျွန်တော့်ကိုယ် ကျွန်တော် အပြစ်ဆိုမိတော့သည်။

“အပြစ်” ဟုဆိုရာ၌ ကျွန်တော်နှင့် အသင်းမှ လူမှုရေးသမားများအချို့သည် သြဂုတ်လတွင်း လဝက်ကျော်နီးပါးခန့် လူမှုရေးဟောပြောပွဲ ခရီးစဉ်တို့ဖြင့် ပြည်မြို့၊ ပုဂံ-ညောင်ဦး၊ မန္တလေး၊ ပြင်ဦးလွင်၊ ကလေး၊ တမူး၊ ညောင်ရွှေ၊ အောင်ပန်း၊ တောင်ကြီးမြို့များသို့ ဗြဟ္မစိုရ်ခြေလှမ်းများဖြင့် အများအကျိုး ရွက်သယ်ပိုးရင်း အခက်အခဲပေါင်းစုံကျော်လွှား၍ အစားအသောက်၊ အနေအထိုင် သဟဇာတ ကင်းမဲ့စွာ ဖြင့် ထမ်းရွက်ခဲ့သည်။ ထိုခရီးစဉ်မှ ရန်ကုန်မြို့သို့ ပြန်ရောက်သော ၂၂.၈.၂ဝ၁၃ ရက်နေ့တွင် ခေတ္တ အနားယူခဲ့ကာ ၂၄.၈.၂ဝ၁၃ ရက်နေ့မှစ၍ နယ်အရပ်ရပ်မှ လူမှုဒုက္ခအပူများနှင့် နိုင်ငံတော်အစိုးရမှ နိုင်ငံပိုင်သတင်းစာများတွင် ဖော်ပြခဲ့သော အစိုးရမဟုတ်သော လူမှုရေးအသင်းအဖွဲ့များ၏ ဥပဒေ(မူကြမ်း) ဟူသော လူမှုရေးအသင်းအဖွဲ့များ၊ လူမှုရေးသမားများ၊ မြန်မာနိုင်ငံတွင် နည်းပါးသွားစေနိုင်သော ဥပဒေ ကြမ်း၊ လူမှုရေးလုပ်ငန်း၊ ပရဟိတလုပ်ငန်း၊ ဗြဟ္မစိုရ်တရားများ ခေါင်းပါးသွားစေနိုင်သော ထိုမူကြမ်းကြီး၏ ရိုက်ခတ်ခံရသော ကျွန်တော်၏ခန္ဓာတွင်းရှိ အပူမီးများအား ငြိမ်းသတ်နိုင်စေရေးအတွက် သက်သတ်လွတ် စားသုံးခြင်း မေတ္တာဘာဝနာ ပွားများခြင်းတည်းဟူသော မေတ္တာပို့ အဓိဌာန်ကျင့်စဉ်အား နာရေးကူညီမှု အသင်း(ရန်ကုန်) ရုံးချုပ်အဆောက်အဦးရှိ ဘုရားခန်းအတွင်း အပြင်သို့ လုံးဝမထွက်ဘဲ ကျင့်ကြံပွားများမှု ကို ပြုလုပ်ခဲ့ပါသည်။ ထိုသို့ အဓိဌာန်ဝင်စဉ် ၂၈.၈.၂ဝ၁၃ ရက်နေ့ မွန်းလွဲ (၁၂း၂၅) နာရီအချိန်ခန့်တွင် ဧမာနွေလအသင်းတော်၏ သိက္ခာတော်ရ ဒေါက်တာ ပေါလ်အက်(ဖ်)ဂျွန်(စ်) ခရစ်တော်၌ အိပ်ပျော်သွားပါ ၍ အကူအညီတောင်းခံခြင်းအား ကျွန်တော့်ထံ သတင်းပို့လာသည်။ ထို့ကြောင့် ကျွန်တော်သည် ဧမာနွေ လအသင်းတော်၏ ဆန္ဒအရ အဖဘုန်းတော်ကြီးအား နာရေးကူညီမှုအသင်း(ရန်ကုန်)ရှိ Cool Box ဖြင့် အသင်းတော်တွင် ဝတ်ပြုကိုးကွယ်ခြင်း ပြုလုပ်နိုင်ရန် အမြန်ဆုံးပို့ဆောင်ပေးခဲ့သည်။

(ရန်ကုန်မြို့တော် ခန်းမနှင့် လွတ်လပ်ရေးကျောက်တိုင်အနီး မဟာဗန္ဓုလလမ်းသို့) ထို့အပြင် ရေဝေးခရစ်ယာန်ဂိုဏ်းပေါင်းစုံ ဥယျာဉ်တော်သို့ ဂူသွင်းသင်္ဂြိုဟ်မည့် ဈာပနအစီအစဉ်အား နာရေးကူညီမှုအသင်း(ရန်ကုန်)ရှိ အထူးနိဗ္ဗာန် ယာဉ်ကြီးဖြင့် ပို့ဆောင်ပေးမှုအား စီစဉ်ညွှန်ကြားပေးခဲ့သည်။ သို့ရာတွင် ယနေ့ အဓိဌာန် (၇) ရက်ပြည့်ပြီး ဖြစ်သော်လည်း မမြဲသော ခန္ဓာကိုယ်၏ ဖိစီးမှုကို ကျွန်တော်လက်တွေ့ခံစားနေရသည်။ အဓိဌာန်ပြည့်၍ ဘုရားခန်းမှ ကျွန်တော်၏ ရုံးခန်းသို့ဆင်းလာသောအခါ တစ်ခါတရံမှ သက်သတ်လွတ် (၇) ရက် ဆက် တိုက် စားသုံးမှုကြောင့်၎င်း၊ လူသားများ၏ အပူမီးများ ဖုံးလွှမ်းခံရမှုကြောင့်၎င်း၊ မြန်မာပြည်တွင် ဗြဟ္မစိုရ် တရားများ ပျောက်ကွယ်သွားမည်ကို စိုးရိမ်သောကဖြစ်မှုများကြောင်း၎င်း ကျွန်တော်၏ ဦးခေါင်းတို့သည် မှူးဝေနေသည်။ ကျွန်တော်၏ခြေလှမ်းများသည် ယိုင်နဲ့နေသည်။ ကျွန်တော်၏ သွေးပေါင်တို့သည် ကျဆင်းနေသည်။ ထိုကဲ့သို့ ကျန်းမာရေး ယိုယွင်းမှုကြောင့် ကျွန်တော်ကျေးဇူးရှင်ဖြစ်သူ၏ နောက်ဆုံးခရီး ကို ကိုယ်တိုင်မောင်းနှင်ခွင့် မရခဲ့ချေ။ ထို့ကြောင့် ကျွန်တော်တွေးတောမိသည်။ ကျွန်တော်သည် အများ ပြည်သူတို့၏ အပူမီးများအား အတတ်နိုင်ဆုံး လက်တွေ့ငြိမ်းသတ် ပေးနိုင်ခဲ့သော်လည်း ကျွန်တော့်၏ ခန္ဓာ တွင်းရှိ အများပြည်သူတို့အတွက် ရည်ရွယ်သော နောင်ပေါ်ပေါက်လာမည့် အပူမီးများကို ငြိမ်းသတ်နိုင်စွမ်း မရှိသေးချေ။
ထို့ကြောင့် ကျွန်တော်ထပ်မံ ဝန်ခံမိပြန်သည်။ ကျွန်တော်တရား မရသေးပေ။ ထိုမရသော တရား ဟူသည်ကား အလုံးစုံအေးချမ်းမှုကို လုံးဝပေးနိုင်သော မဂ်ဖိုရ်နိဗ္ဗာန်သို့ လျှောက်လှမ်းနိုင်သည့် တရား လမ်းကြောင်း ပင်ဖြစ်တော့သည်။ ထို မဂ်ဖိုရ်နိဗ္ဗာန်တရားလမ်းကြောင်းအား ကျွန်တော်သည် “အများ အကျိုး ရွက်သယ်ပိုးက၊ ခနိုးခနဲ့ဆိုကဲ့ရဲ့လည်း မရွဲ့မစောင်း ကိုယ့်လမ်းကြောင်းကို၊ စိတ်ကောင်းနှင့်ယှဉ် ရှေ့ရှုနှင်လော့” ဟူသော ရွှေဟင်္သာဆရာတော်ဘုရားကြီး၏ ဆုံးမသြဝါဒအား လက်ကိုင်ပြုရင်း လူမျိုး ဘာသာ၊ ဆင်းရဲ၊ ချမ်းသာမရွေးတို့၏ လိုအပ်သော နာရေး၊ ကျန်းမာရေး၊ ပညာရေး၊ သဘာဝဘေး၊ စစ်ဘေးစသည့် လူမှုရေးကဏ္ဍ အသီးသီးတို့အား ကျွန်တော်၏ အသက်နှင့်ခန္ဓာမြဲနေသ၍ အများအကျိုး ထမ်းရွက်နေသော ပရဟိတလမ်းကြောင်းမှတဆင့် ကူးပြောင်းသွားတော့မည်ဟု သံဓိဌာန်ချထားပါသည်။

အဖဘုန်းတော်ကြီး Rev.Dr.Paul F.Johns မိန့်ကြားခဲ့တော်မှုသော သြဝါဒစကားများအရ “သစ္စာ တရားကို လက်ကိုင်ထား၊ ဘဝမှာသစ္စာကို အစစ်အဆေးခံရတတ်တယ်”၊ “မေတ္တာကိုပေးဝေရတယ်၊ မေတ္တာကိုပေးလေလေ မေတ္တာဟာပွားတယ်၊ ပြန်လည်လာတယ်”၊ “သူတပါးကိုအကျိုးပြုပါ၊ သူတပါးဝန်ကို မျှထမ်းပါ၊ ဘုရားကြိုက်တဲ့အမှုဟာ သူတပါးကိုအကျိုးပြုခြင်းဘဲဖြစ်တယ်။” “ခွင့်လွှတ်ခြင်းသည် မေတ္တာ၏ မျက်နှာတဘက်ဖြစ်သည်။ ခွင့်လွှတ်လျှင်-သူတဦးကို ပွေ့ပိုက်နွေးထွေးစေတာနဲ့တူတယ်၊ လူတိုင်းကို မပွေ့ပိုက်နိုင်ပါ။ ခွင့်လွှတ်နိုင်ပါသည်။ ခွင့်လွှတ်ခြင်းသည် အသွားအလာရှိသည်။” “ဘုရားအားကိုး၊ တရား မွေ့လျော်၊ အမှန်ကျင့်သုံး ကောင်းကျိုးချမ်းသာအမှန်ရမှာ၊ ဘာသာတရားဦးထိပ်ထား၊ သက်တာလမ်းခရီး ထွန်းလင်းမှာ” ဟူသော သြဝါဒစကားများနှင့်အညီ ငြိမ်းချမ်းမှုကို အစဉ်ထာဝရပေးနေသော ခရစ်တော်၌ အိပ်စက်သွားခဲ့သော သိက္ခာတော်ရ ဒေါက်တာပေါလ်အက်(ဖ်)ဂျွန်(စ်) ကဲ့သို့ပင် ကျွန်တော်သည်လည်း အများအကျိုးအတွက် မေတ္တာ၊ ကရုဏာ၊ မုဒိတာ၊ ဥပေက္ခာတည်းဟူသော ဗြဟ္မစိုရ်တရားလေးပါးအား အတ္တများကိုဖြုတ်၍ ပရဟိတသစ္စာတရားကို လက်ကိုင်ပြုကျင့်သုံးသွားပြီး လူသားတို့ မလွန်ဆန်နိုင်သော သေခြင်းတရားအားကျော်ဖြတ်ကာ အေးချမ်းမှုကို အစဉ်ထာဝရပေးနိုင်သော မဂ်ဖိုရ်နိဗ္ဗာန်သို့အရောက် လှမ်းနိုင်သော ကိုယ်ဖြစ်ရပါစေသားဟုသာ မြတ်ဗုဒ္ဓထံ ဆုပန်ချွေလိုက်ရပါတော့သည်။

“ရွှေပြည်တော်”

ဒီကမ္ဘာမှာ လှုပ်ရှားအသက်ရှင်စဉ် ဒီဘဝအခိုးအငွေ့ အရိပ်လိုပင် လူတွေရဲ့နေ့ရက် ပန်းကလေး ပမာညှိုးနွမ်းကာလေ မြေမှာကြွေကျပြီ။
ကြင်နာသူတွေ ပျော်ရွှင်အသက်ရှင်စဉ် မကြုံချင်လည်း နေ့ရက်ရောက်လာရင် ငိုယိုရင်း ဝမ်းနည်း မဆုံးတော့ပြီ လူ့ဘဝမှာလေ ကြုံနေရစမြဲပေ။
ရွှေပြည်တော်အဝေးဆုံး မိုးမြင့်ထက်ဆီပြင်ဆင်ထား အားလုံးအတွက် အိမ်ခန်းများ ရွှေပြည်တော် အဝေးဆုံး မိုးမြင့်ထက်မှာပြန်ဆုံမယ် သွားနှင့်တဲ့ ကြင်သူများ ကိုယ်တော်ရှင်ရဲ့ သိမ်းဆည်းခြင်း ပျော်ရွှင်စွာနဲ့ ဝမ်းမြောက်လျက်တွေ့ဆုံမယ်။
(လူမျိုးဘာသာ၊ ဆင်းရဲချမ်းသာမရွေး လူသားအားလုံး မလွန်ဆန်နိုင်သောအရာသည် သေခြင်းတရားဖြစ် သလို လူမျိုးဘာသာပေါင်းစုံတို့၏ ကိုးကွယ်ရာဘုရားသခင် အသီးသီးတို့သည်လည်း မေတ္တာ၊ ကရုဏာ၊ မုဒိတာ၊ ဥပေက္ခာဟူသော ငြိမ်းချမ်းမှုကို လိုလားကြသူများ ဖြစ်တော့သည်။)

ကျော်သူ


(UPI မှ 29 Aug 2013 ရက်စွဲပါ “Myanmar pressured over North Korea ties” သတင်းကို ဘာသာပြန်သည်)

မြန်မာနိုင်ငံ၏ ပြုပြင်ပြောင်းလဲရေးကြိုးပမ်းမှုများကို အမေရိကန်စစ်ဖက်က အသိအမှတ်ပြုသော်လည်း မြောက် ကိုရီးယားနိုင်ငံနှင့် ဆက်ဆံမှုများအပေါ် စိုးရိမ်ပူပန်လျက်ရှိကြောင်း အမေရိကန်ကာကွယ်ရေးဌာနက ပြောကြားသည်။

ဘရူနိုင်းတွင်ကျင်းပသော ကာကွယ်ရေးဝန်ကြီးများ အစည်းအဝေး၏ အဝန်းအဝိုင်းတွင် အမေရိကန် ကာကွယ်ရေးဝန်ကြီး ချက်ဟေဂယ်နှင့် မြန်မာကာကွယ်ရေးဝန်ကြီး ဒုတိယဗိုလ်ချုပ်ကြီးဝေလွင်တို့ တွေ့ဆုံဆွေးနွေးခဲ့ ကြခြင်းဖြစ်သည်။

ထိုသို့တွေ့ဆုံစဉ် ချပ်ဟေဂယ်က“ အာဆီယံအလှည့်ကျဥက္ကဌအဖြစ် မြန်မာနိုင်ငံတာဝန်ယူတော့မည့် အစီအစဉ် ကို ပင်တာဂွန်က အားပေးထောက်ခံကြောင်းနှင့် မြန်မာနိုင်ငံတွင် စစ်အုပ်ချုပ်ရေးအဆုံးသတ်၍ ၂၀၁၀ ရွေးကောက်ပွဲများ ကျင်းပပြီးနောက်ပိုင်း ဖြစ်ပေါ်လာခဲ့သော တိုးတက်ပြောင်းလဲမှုများကို အထူးပင်ချီးကျူးကြောင်း” ပြောကြားခဲ့သည်ဟု ကာကွယ်ရေးဌာနပြောရေးဆိုခွင့်ရှိသူ ဂျော့လစ်တယ်က သတင်းထုတ်ပြန်သည်။

အမေရိကန်ကာကွယ်ရေးဝန်ကြီးက မြန်မာနိုင်ငံပြုပြင်ပြောင်းလဲရေးလုပ်ငန်းစဉ် သတင်းတိုးတက်ဖို့ အရေးကြီးကြောင်းနဲ့ မြောက်ကိုရီးယားနဲ့ စစ်ဖက်ဆက်ဆံမှုရပ်ဆိုင်းဖို့ အရေးကြီးကြောင်းကိုလည်း ဆွေးနွေး ပြောဆိုခဲ့ပါ တယ်ဟု ကာကွယ်ရေးဌာနပြောရေးဆိုခွင့်ရှိသူက အင်္ဂါနေ့တွင် သတင်းထုတ်ပြန် ပြောကြားသည်။

အနောက်အုပ်စုမဟာမိတ်များက အာရှဒေသတွင်းမိတ်ဆွေများနှင့်အတူ ကိုရီးယားကျွန်းဆွယ်လုံခြုံရေး စိုးရိမ်စရာကိစ္စများကို အကဲဖြတ်လျက်ရှိသည်။ မြောက်ကိုရီးယားသည် ၄င်း၏ တတိယအကြိမ်မြောက် နျူကလီးယား စမ်းသပ်ဖောက်ခွဲမှုကို မနှစ်ကပြုလုပ်ခဲ့ပြီး ထိုအတောအတွင်း မြန်မာနိုင်ငံသည်လည်း ၄င်း၏ ပြည်တွင်းရေးနှင့် လုံခြုံရေးပြဿနာများ ကြီးထွားလာခြင်းကို ဖြေရှင်းရန် နိုင်ငံတကာက တိုက်တွန်းတောင်းဆိုခြင်းကို ခံနေရသည်။

ပြီးခဲ့သောလတွင် မြန်မာ့တပ်မတော် ကာကွယ်ရေးစစ်လက်နက်ပစ္စည်းညွှန်ကြားရေးမှူး ဒုတိယဗိုလ်ချုပ်ကြီး သိန်းဌေးအား မြောက်ကိုရီးယားစစ်ဖက်နှင့် ဆက်ဆံမှုကြောင့် sanction ချမှတ်အရေးယူကြောင်း အမေရိကန် ပြည်ထောင်စု အကြမ်းဖက်ဝါဒနှင့် ငွေကြေးထောက်လှန်းရေးဆိုင်ရာအတွင်းဝန် ဒေးဗစ်ကိုဟင်က ထုတ်ပြန်ကြေညာ ခဲ့သည်။

“ဒုတိယဗိုလ်ချုပ်ကြီးသိန်းဌေးဟာ မြောက်ကိုရီးယားမှ လက်နက်ဝယ်ယူမှုတားမြစ်တဲ့ နိုင်ငံတကာစည်းကမ်းကို လိုက်နာမှုမရှိခဲ့ပါဘူး။ ဒီအရောင်းအဝယ်ကရတဲ့ ပိုက်ဆံတွေဟာ မြောက်ကိုရီးယားရဲ့ တရားမဝင်လုပ်ရပ်တွေကို တိုက်ရိုက်ပံ့ပိုးနေပါတယ်” ဟု ဒေးဗစ်ကိုဟင်က ပြောကြားခဲ့သည်။

၂၀၁၀ ဧပြီလက မြန်မာနိုင်ငံ ရန်ကုန်မြို့သင်္ကြန်ပွဲတော်၌ ဗုံးပေါက်ကွဲမှုဖြစ်ပွားခဲ့သည့်အချိန်တွင် တိုက်တိုက်ဆိုင်ဆိုင် သံလျင်မြို့သီလဝါဆိပ်ကမ်း၌ မြောက်ကိုရီးယားသင်္ဘောတစ်စင်းဆိုက်ကပ်ကာ ကုန်ပစ္စည်းများ ချခဲ့သည်ဟု ကြားသိရပြီး၊ သင်္ကြန်ပွဲတော်ဗုံးပေါက်ကွဲမှုသတင်းကြောင့် မြောက်ကိုရီးယားသင်္ဘောဆိုက်ကပ်မှု သတင်း တိမ်မြှုပ်သွားခဲ့သည်ဟု သိရှိရသည်။

Yangon chronicle

သြဂုတ်လ ၂၉ ရက်နေ့ က ပြည်ထောင်စုလွှတ်တော် နာယကသစ် ဦးရွှေမန်းမှ နိုင်ငံတော်သမ္မတ ဦးသိန်းစိန်ထံသို့ လယ်ယာမြေသိမ်းဆည်းခြင်းများနဲ့ ပတ်သက်ပြီး ဖြေရှင်းဆောင်ရွက်ဖို့အတွက် အချက် (၆) ချက်ပါတဲ့ သဝဏ်လွှာတစ်ခု ပေးခဲ့ပါတယ်။ ဦးရွှေမန်းရဲ့ သဝဏ်လွှာထဲမှာ မသိနားမလည်တဲ့ တောင်သူလယ်သမားတွေ မလုပ်တတ် မကိုင်တတ်နဲ့ အရေးယူခံနေရကြောင်း၊ မြေယာများမှာ တောင်သူများကိုယ်တိုင် ခုတ်ထွင် ရှင်းလင်းပြီး ဓားမဦးချ လုပ်ကိုင်ခဲ့သော်လည်း မှတ်ပုံတင်ထားခြင်းမရှိခြင်း၊ အစိုးရဝန်ထမ်းများက လျစ်လျူရှုခြင်း၊ နစ်နာသူများကို သင့်တင့်တဲ့စီရင်ဆောင်ရွက်မှု မရှိခဲ့ခြင်းတို့ကြောင့် တောင်သူများ နစ်နာနေရကြောင်း ရေးသားထားပြီး အဆိုပါ မြေယာသိမ်းဆည်းမှုများမှာ ယခင်အစိုးရ လက်ထက်က လုပ်ခဲ့တာဖြစ်ကြောင်း၊ ယခု တာဝန်ရှိသူများက ယခင်အစိုးရ၏ ကောင်းမွေ၊ ဆိုးမွေများကို ဆက်ခံရမည်ဖြစ်ကြောင်း သဝဏ်လွှာမှာ ဖော်ပြထားပါတယ်။

ဒါ့အပြင် သိမ်းဆည်းထားတဲ့ မြေယာများကို အချိန်ဆွဲခြင်းမလုပ်ပဲ မြေယာများကို ပြန်ပေး စေလိုကြောင်း၊ စိတ်ကောင်း စေတနာဖြင့် ပြန်ပေးလိမ့်မည်ဟု ယူဆကြောင်း၊ တောင်သူများ အပေါ် စာနာစိတ် ထားရှိလိမ့်မည်ဟု မျှော်လင့်ယုံကြည်ပါသဖြင့် သဝဏ်လွှာပေးပို့ခြင်းဖြစ်ပါကြောင်း ရေးသားဖော်ပြထားပါတယ်။

အပြောကတော့ ရွှေမန်း ဆိုတဲ့အတိုင်းပါပဲ။ သဝဏ်လွှာကို ဖတ်ရှုရသူတိုင်းက အားရဝမ်းသာ ရှိကြပါတယ်။ နာယကကြီး ဦးရွှေမန်းရဲ့ အခုလို မြေသိမ်းခံတောင်သူများ ဘဝကိုစာနာပြီး အခုလို သဝဏ်လွှာ ပေးပို့ခြင်းအတွက် ဝမ်းမြောက်ဝမ်းသာ ကြိုဆိုပါတယ်။ ဒါပေမယ့် ဦးရွှေမန်းအနေနဲ့ ကာယကံရှင် ပြည်သူတွေဘဝကို အမှန်တကယ်ပဲ စာနာလို့လား၊ ဒါမှမဟုတ် ဦးသိန်းစိန်ကို တိုက်ခိုက်ချင်လို့လား ဆိုတာကတော့ စဉ်းစားစရာပါပဲ။

မကြာသေးခင်ကမှ နိုင်ငံတော်သမ္မတရဲ့ လုပ်ဆောင်မှုတွေက ဥပဒေနဲ့ မကိုက်ညီကြောင်း လွှတ်တော်က ပြောခဲ့တာကြောင့် လက်တလောမှာ ဦးသိန်းစိန် နှင့် ဦးရွှေမန်း တို့ နှစ်ယောက် ပြိုင်ဆိုင် နေကြောင်း၊ သဘောထား ကွဲနေကြောင်း မီဒီယာများကလည်း ရေးသားနေကြချိန်မှာ အခုလို ထိပ်တိုက် တွေ့ဖို့ ဦးရွှေမန်း က စပြီး သဝဏ်လွှာပို့လိုက်တာတော့ သံသယ ဖြစ်စရာရှိပါတယ်။

ဒီကနေ့ မီဒီယာတွေမှာ သူရဦးရွှေမန်းနဲ့ ဦးသိန်းစိန်တို့အကြား အာဏာလွန်ဆွဲနေကြကြောင်း၊ တဖြည်းဖြည်း ပြင်းထန်လာပြီး အာဏာရ ကြံ့ခိုင်ရေးပါတီ အတွင်းမှာ သမ္မတဦးသိန်းစိန်ရဲ့လူ၊ သူရဦးရွှေမန်းရဲ့ လူဆိုပြီး ခွဲခြားမှုတွေ ရှိနေကြပြီဖြစ်ကြောင်း၊ ၂၀၁၅ ရွေးကောက်ပွဲမှာ ကြံ့ခိုင်ရေး ပါတီ အတွင်းမှာ ၂ ခြမ်း ကွဲသွားနိုင်ပြီး ဦးသိန်းစိန် ဦးဆောင်တဲ့ နိုင်ငံရေး ပါတီသစ်တစ်ခုနဲ့ သူရဦးရွှေမန်း ဦးဆောင်တဲ့ နိုင်ငံရေး အင်အားစု တစ်ခု ဖြစ်ပေါ်လာနိုင်ကြောင်း၊ ကြံ့ခိုင်ရေး ပါတီဥက္ကဋ္ဌ ရာထူးကို ဦးသိန်းစိန် လက်ထဲကနေ သူရဦးရွှေမန်းက လွှဲပြောင်းရယူလိုက်ချိန် ကတည်းက သမ္မတ ဦးသိန်းစိန် နဲ့ ပြည်ထောင်စုလွှတ်တော် နာယက သူရဦးရွှေမန်း တို့အကြားမှာ စေ့စပ်ညှိုနှိုင်းလို့ မရတဲ့ နိုင်ငံရေး အာဏာပြိုင်ဆိုင်မှုတွေ ရှိလာကြောင်း နေပြည်တော်မှ ပြောစကားများဟု ကိုးကားပြီး သတင်းမီယာများမှာ ဖော်ပြနေကြတာ တွေ့နေရပါတယ်။ အခုလို မီဒီယာများနဲ့ လူထုက အာရုံစိုက်နေချိန်မှာ ဦးရွှေမန်းက အခုလို သဝဏ်လွှာ ပေးပို့လိုက်တာဟာ မြေသိမ်းခံပြည်သူများအတွက် စေတနာ ရှိလို့ ဟုတ်ပ့ါမလားဆိုတာ စဉ်းစားစရာပါ။

မြေယာမြေသိမ်းဆည်းမှု ပြဿနာကလည်း နိုင်ငံအနှံ့ ကျေးရွာအများအပြားမှာသာမက ရန်ကုန်မြို့ပေါ် ထိ ဆန္ဒပြမှုတွေ ရှိနေတုန်းပါ။ ဒီပြဿနာကို အတိုက်အခံ အင်အားစုတွေကလည်း လက်ကိုင်တုတ်တစ်ခုလို သုံးပြီး အစိုးရကို အပြစ်တင်နေချိန်၊ အခါအားလျှော်စွာ ဆန္ဒပြနေကြချိန်မှာ ပြည်ထောင်စု လွှတ်တော် နာယကကြီး ဦးရွှေမန်းကိုယ်တိုင်က အတိုက်အခံနဲ့ ပြည်သူအချို့ဆီက နာမည်ကောင်းရဖို့အတွက် ဒီလက်ကိုင် တုတ်နဲ့ပဲ သမ္မတကြီးဦးသိန်းစိန်ကို ဖိအားပေးရင်း နာမည်ကောင်းယူတာတွေ့ရတော့ စိတ်မကောင်းဖြစ်မိ ပါတယ်။

ယမန်နှစ်က နေပြည်တော်မှာလုပ်ခဲ့တဲ့ သမ္မတ ဦးသိန်းစိန်နဲ့ မီယာတွေတွေ့ဆုံပွဲမှာ သမ္မတကြီးက အစိုးရသစ်လက်ထက်မှာ မြေယာသိမ်းဆည်းမှု လုံးဝမရှိကြောင်း ပြောခဲ့ပါတယ်။ သမ္မတရုံး ပြည်ထောင်စု ဝန်ကြီး ဦးစိုးသိန်းကလည်း “ကျွန်တော်တို့ အစိုးရလက်ထက်မှာ မြေသိမ်းမှု၊ ယာသိမ်းမှု Zero.. လုံးဝမရှိဘူး” လို့ ပြောခဲ့ဖူးပါတယ်။ ဦးရွှေမန်းရဲ့ သဝဏ်လွှာထဲမှာ မြေယာသိမ်းဆည်းမှုများက ယခင်အစိုးရ လက်ထက်ကလို့ ရေးသားထားပါတယ်။ ဒါဆိုရင် ဒီပြဿနာကို ဖြေရှင်းဖို့ အသံကောင်းဟစ်နေတဲ့ လွှတ်တော်နာယကကြီး ဦးရွှေမန်းကရော အရင်အစိုးရလက်ထက်က ဘာတာဝန် ထမ်းဆောင်ခဲ့သလဲ? မြေယာသိမ်းဆည်းမှု အစီအစဉ်တွေမှာ လုံးဝ မပါခဲ့ဘူးလား? အရင်အစိုးရလက်ထက်က မြေသိမ်းခဲ့တဲ့ ကိစ္စတွေကို လုံးဝမသိခဲ့ဘူးလား? ဆိုတာ မေးခွန်းထုတ်ရမလို ဖြစ်နေပါတယ်။ အရင်အစိုးရလက်ထက်က ဆိုးမွေဟု ပြောဆိုနေသည့် နာယကကြီး ဦးရွှေမန်းကိုယ်တိုင်မှ အရင်အစိုးရအဖွဲ့မှာ အဆင့် (၃) အဆင့်ရှိ ပုဂ္ဂိုလ်တစ်ဦး ဖြစ်တာကြောင့် ဒီကိစ္စမှာ ဦးရွှေမန်းမှာရော တာဝန်ရှိမရှိ ဆိုတာ သဝဏ်လွှာထဲမှာ ထည့်ရေးသင့်ပါတယ်။ ဒီမြေသိမ်းမှုတွေမှာ အမှန်တကယ် ဦးဆောင်ခဲ့တာ ဘယ်သူလဲဆိုတာ ဦးရွှေမန်း အသိဆုံးဖြစ်မှာပါ။ တရားခံဘယ်သူလဲလို့မေးရင် ဦးရွှေမန်းပါလို့ ဖြေရမှာပါ။

တရားခံ ဦးရွှေမန်းလို့ တိုက်ရိုက်ပြောတာက စွပ်စွဲတာ မဟုတ်ပါဘူး။ အဲဒီအချိန်က ကျွန်တော် ကိုယ်တိုင် ဝန်ကြီးတစ်ဦးအနေနဲ့ အနီးကပ် လုပ်ကိုင်ခဲ့ရတာတွေကြောင့် အခုလို ပြောနိုင်တာပါ။ ဦးရွှေမန်း ပြောတဲ့ ယခင်အစိုးရ ဆိုတာက ဗိုလ်ချုပ်မှူးကြီး သန်းရွှေ တစ်ယောက်တည်းကို ပြောလို့မရပါဘူး။ အသက် ၇၀ အရွယ် ဗိုလ်ချုပ်မှူးကြီး သန်းရွှေနဲ့ ဗိုလ်ချုပ်မှူးကြီး မောင်အေး တို့ကလည်း တတိယအကြီးဆုံးဖြစ်တဲ့ ဦးရွှေမန်းတင်ပြခဲ့တဲ့အတိုင်းစီမံခွင့် ပေးခဲ့တာပါ။ ဒါကြောင့် အရင်အစိုးရလက်ထက်က မြေသိမ်း၊ ယာသိမ်းတွေကို အဓိက ဦးဆောင်လုပ်ခဲ့တာ ဦးရွှေမန်းပါပဲ။ အထက်က (၂) ယောက်ကိုလည်း သူပဲ မျက်နှာရအောင် အမျိုးမျိုးတင်ပြခဲ့တာပါ။ ဦးသန်းရွှေ အနားယူလျှင် တပ်ချုပ် ဖြစ်မယ် သမ္မတဖြစ်မယ် ဆိုပြီး မျှော်လင့်ချက်နဲ့ လုပ်ခဲ့တာက ဦးရွှေမန်းပါ။ ဦးသန်းရွှေ နဲ့ ဦးမောင်အေးတို့ အနားယူဖို့ ပြင်ဆင်နေချိန်မှာ လုပ်ပိုင်ခွင့်အပြည့်ရှိနေတဲ့ ဦးရွှေမန်းက ၂၀၁၁ မှာ တပ်ချုပ်ဖြစ်မလိုလို၊ သမ္မတဖြစ်မလိုလို ထင်ပြီး အထက်လူကြီးနှစ်ယောက်ကို အထူးပဲ မျက်နှာလုပ်ခဲ့ပါတယ်။ အဲဒီအချိန်က ဦးရွှေမန်းနဲ့ ဦးတင်အောင်မြင့်ဦး တို့ နှစ်ယောက်က မြန်မာနိုင်ငံမြေပုံကို ကြည့်ပြီး မြေလွတ်တွေ့သမျှ အကုန်သိမ်းခိုင်းခဲ့တာပါ။ အောက်ခြေတပ်တွေက အခက်အခဲတွေ တင်ပြတာတောင် လက်မခံဘဲ ဗိုလ်ချုပ်မှူးကြီး သန်းရွှေ အမိန့်ဆိုပြီး အကုန်သိမ်းခိုင်းတာပါ။ နိုင်ငံပိုင်၊ တပ်ပိုင်တင် သိမ်းတာမဟုတ်ပါဘူး။ ဦးရွှေမန်းပိုင် ဆိုပြီးလည်း သိမ်းခဲ့တဲ့ မြေတွေ မနည်းပါဘူး။

ကိုယ်တိုင်မြေသိမ်းခဲ့ပြီး မြေပိုင်ယာပိုင် ဖြစ်နေတဲ့ သူဌေးကြီး ဦးရွှေမန်းဟာ ဒီ ပြဿနာကြီးတစ်ခုလုံးကို ဦးသိန်းစိန် အပေါ် ပုံချလိုက်ပါတယ်။ ကျွန်တော့်အနေနဲ့ သူတို့ နှစ်ယောက်လုံးရဲ့ လက်အောက်မှာ အလုပ် လုပ်ဖူးတာကြောင့် အတိုင်းအတာတစ်ခုထိ လက်ဖော်ကိုင်ဖက် သံယောဇဉ်ရှိသလို သစ္စာစောင့်သိနေတုန်း ဖြစ်ပါတယ်။ ဦးရွှေမန်း အနေနဲ့လည်း ကိုယ်လုပ်ခဲ့သမျှကို မဆိုင်တဲ့လူကို ခေါင်းတည်ပြီး အပြစ်ပုံချရတဲ့အထိ သစ္စာမမဲ့သင့်ပါဘူး။ ပုဂ္ဂိုလ်ရေးအရ မကျေနပ်လျှင်သော်လည်းကောင်း၊ ပြိုင်ဖက်တစ်ဦးအဖြစ် တိုက်ခိုက်လို လျှင် အခြားနည်းလမ်းဖြင့်သာ တိုက်ခိုက်သင့်ပါတယ်။

ဦးရွှေမန်းကိုယ်တိုင်က သမ္မတ ထက်ကြီးတဲ့ ရာထူးရှိရင်တောင် လိုချင်ကြောင်း ပြည်ပခရီးစဉ်တစ်ခုမှ ပြောခဲ့ပြီး နောက်ပိုင်းမှာ ဦးရွှေမန်းအနေနဲ့ တဖက်မှာ အတိုက်အခံအင်အားစုများနဲ့ လွှတ်တော်အတွင်းမှာ သိသိသာသာ လိုက်လျှောမှုတွေ လုပ်နေပြီး အခြားတဖက်မှာ ဦးသိန်းစိန် ကို အမျိုးမျိုးဖိအားပေးတာတွေ၊ တိုက်ခိုက်မှုတွေ ဆက်တိုက်လုပ်လာတာ သိသာထင်ရှားလွန်းပါတယ်။ အခုလို လွှတ်တော်တွင်း မျက်နှာပန်းပွင့်ဖို့နဲ့ အတိုက်အခံ နဲ့ ပြည်သူအချို့ ရဲ့ ထောက်ခံမှုရဖို့ မျှော်လင့်ပြီး ကိုယ့်အပြစ်ကိုသူများအပေါ် ပုံချတာ၊ လုပ်ဖော်ကိုင်ဖက်ခြင်းအပေါ် သစ္စာမဲ့နေတာဟာ စိတ်ပျက်စရာ အလွန်ကောင်းပါတယ်။ ပြည်ထောင်စု လွှတ်တော်နာယကကြီး ဦးရွှေမန်းအနေနဲ့ အာဏာမက်မောမှု နှင့် နေရာမြဲဖို့အတွက် အခုလိုသူတပါးကို အပြစ်ပုံချတဲ့ လုပ်ရပ်တွေကြောင့် လူထုဆီက မဲ မရတဲ့အပြင် လူထုရဲ့ရှုံ့ချမှုကိုပဲ အနှေးနဲ့အမြန် ခံရမှာဖြစ်ကြောင်း သတိပေးရေးသားလိုက်ရပါတယ်။

(ဝန်ကြီးဟောင်း တစ်ဦး)

Author Name

Contact Form

Name

Email *

Message *

Powered by Blogger.