09/11/13

ဖက်ဒရယ်အခြေပြု ပြည်နယ်ပိုင်းခြားသတ်မှတ်ရေးကိစ္စရပ်များကို ဆွေးနွေးရာ၌ သက်ဆိုင်ရာပြည်နယ်များမှ လူများစု တိုင်းရင်းသားများ၏ သဘောထားကို ကြည့်ရမည်ဟု အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစု ကြည်က စက်တင်ဘာလ ၇ ရက်နေ့က တိုင်းရင်းသားပါတီများမှ ကိုယ်စားလှယ်များနှင့်တွေ့ဆုံရာတွင် ပြောကြားခဲ့ သည်။

“ ဖွဲ့စည်းပုံအခြေခံဥပဒေကို ဘယ်လိုပုံစံနဲ့ပြင်ဆင်မလဲ။ ဖက်ဒရယ်ဆိုတာ ဘယ်လိုပုံစံမျိုးလိုချင်တာလဲ။ အဲ့ဒီတော့ အဲ့ဒီဟာနဲ့ တစ်ဆက်တည်းမှာ ကျွန်မတို့နိုင်ငံမှာ အခုပြောတာက လူမျိုး ၁၃၅ မျိုးဆိုတာ ဒါလည်း ဒီလိုဆုံးဖြတ်တယ်။ ဒီလိုသတ်မှတ်တဲ့ဟာလည်း နိုင်ငံရေး ရည်ရွယ်ချက်တွေပါတယ်လို့ထင်တယ်။ အဲ့ဒီဟာတွေကို သေသေချာချာ ဆွေးနွေးရမယ်။ ဒါပြည်နယ်တစ်ခုတည်းဆိုတဲ့ဟာမှာ ပါနေတယ်။ ဘာဖြစ်လို့လဲဆိုတော့ အခုဟာက ပြည်နယ် ၁၄ ခုလား၊ ၁၅ ခုလား။ ရှစ်ခုလား။ မဟုတ်ဘူး။ တချို့လူမျိုးစုတွေက ကိုယ့်ပြည်နယ် ကိုလိုချင်ပါတယ်လို့ တောင်းလာတာတွေရှိတယ်။ အဲ့ဒီတော့ အများစုဖြစ်တဲ့ အဲဒီပြည်နယ်အတွင်းက တိုင်းရင်းသားတွေက ဒါတွေကို ဘယ်လိုမြင်သလဲ။ ဟိုဘက် ဒီဘက်ကြည့်ဖို့လိုတယ်” ဟုဒေါ်အောင်ဆန်းစုကြည်က ပြောသည်။

လက်ရှိအချိန်တွင် တိုင်းရင်းသားလက်နက်ကိုင်အဖွဲ့ ၁၁ ဖွဲ့ဖြင့် ဖွဲ့စည်းထားသော ပြည်ပအခြေစိုက် ညီညွတ်သော တိုင်းရင်းသားလူမျိုးများဖက်ဒရယ်ကောင်စီ(UNFC) နှင့် ၁၉၉၀ ပြည့်ရွေးကောက်ပွဲအနိုင်ရ တိုင်းရင်းသား များပါတီများဖြင့် ဖွဲ့စည်းထားသော ညီညွတ်သော တိုင်းရင်းသားများ မဟာမိတ်အဖွဲ့(UNA) တို့ပူးပေါင်းပြီး ဖက်ဒရယ်အခြေပြု ဖွဲ့စည်းပုံ အခြေခံဥပဒေသစ် ရေးဆွဲရန် ပြင်ဆင်နေသည်။

ထိုသို့ ရေးဆွဲရာတွင် လက်ရှိဖွဲ့စည်းထားသော ပြည်နယ်နှင့် တိုင်း ၁၄ ခုကို တိုင်းများ ဖျက်သိမ်းပြီး အမျိုးသားပြည်နယ် များအဖြစ် ပြန်လည်ဖွဲ့စည်းရန် UNFCဘက်က ဆန္ဒရှိနေပြီး ရှမ်းမူကိုအခြေခံသော ဗမာပြည်နယ်သီးခြားသတ်မှတ်ရေး နှင့် ရှစ်ပြည်နယ်စနစ်ထားရှိရေးကို UNA ဘက်က ဆန္ဒရှိနေသည်။

“အခြေခံအားဖြင့်တော့ ဘယ်လိုဖက်ဒရယ်မျိုးဖြစ်မလဲ ဆိုတာကို ဆုံးဖြတ်ရမယ်။ ဒီဖွဲ့စည်းပုံအခြေခံဥပဒေကို ဘယ်လိုပြင်မလဲဆိုတာကို ဒါကို ကျွန်မတို့ ဆုံးဖြတ်ရမယ်။ ဖွဲ့စည်းပုံအခြေခံဥပဒေပြောင်းမှ ရွေးကောက်ပွဲစနစ် ပြောင်းနိုင်မှာဖြစ်ပါတယ်။ အဲ့ဒီတော့ အဲ့လိုဟာမျိုးလေးတွေ ကျွန်မတို့ဆွေးနွေးရမှာတစ်ချက်။ နောက်တစ်ခုလုံး ပြင်မလား။ တစ်ခုစီ ပြင်မလား။ ဒါတွေလည်း ကျွန်မတို့ ဆွေးနွေးရမှာ။ တစ်ယောက်နဲ့တစ်ယောက် သဘောထားမတူညီရင် တကယ့် ဒီမိုကရေစီပြည်ထောင်စု၊ ဖက်ဒရယ်ပြည်ထောင်စု ထူထောင်ချင်တဲ့ ကျွန်မတို့အတွက် အားနည်းသွားပါလိမ့်မယ်” ဟု ဒေါ်အောင်ဆန်းစုကြည်က ပြောသည်။

ထို့အပြင် ဖွဲ့စည်းပုံအခြေခံဥပဒေပြင်ဆင်ရေး၊ ဖက်ဒရယ်အရေး ကိစ္စများတွင် တိုင်းရင်းသားအဖွဲ့များအကြား တူညီသော သဘောထားများရှိရန် လိုအပ်ကြောင်း ဒေါ်အောင်ဆန်းစုကြည်က ပြောကြားခဲ့သည်။

Yangon chronicle



ပဲခူးမြို့တွင် ဖမ်းဆီးထိန်းသိမ်းခံရပြီး ပဲခူးထောင်တွင် အချုပ်ခံနေရကာ ပဲခူးတရားရုံးတော်တွင် အမှုရင်ဆိုင်နေရသော ဦးဝင်းချို နှင့် တက်ကြွလှုပ်ရှားသူများ ၊ ပဲခူးလယ်သမားများ ရုံးချိန်း (၁၂) ရက်နေ့ ထပ်မံ တရားရင်ဆိုင်ရမည် ဖြစ်ပါသည် ။

၃၁.၈.၂၀၁၃ ရက်နေ့တွင် ဖမ်းဆီး ထိန်းသိမ်းခံခဲ့ရပြီး မိသားစုများနှင့် ရှေ့နေများမှ ၁၃.၉.၂၀၁၃ ရက်နေ့ ရုံုးထတ်မည်ဟု ကာယကံရှင်များ နှင့်အတူ သိခဲ့ရသော်လည်း ရှောင်တစ်ခင် မိသားစုများ ရောက်ရှိဧည့်တွေ့ခဲ့သည့် ၂.၉.၂၀၁၃ ရက်နေ့ ညနေ ၃း၃၅ မိနစ်အချိန်တွင် ရုံးထုတ် စစ်ဆေးခဲ့ သည် ။

၅.၉.၂၀၁၃ ရက်နေ့ ရုံးချိန်း ပြန်လည် ဆင့်ဆိုခံရမှုကြောင့် ဒေသခံ လယ်သမားများ ၊ တက်ကြွ လှုပ်ရှားသူများ နှင့် နိင်ငံရေး အင်အားစုများ ၊ ဒေသခံ ပြည်သူလူထုများမှ အာဏာပိုင်များ၏ ပြောဆို လုပ်ဆောင်နေမှုအပေါ် လွန်စွာ မကျေလည်ခဲ့ကြပြီး ၅.၉.၂၀၁၃ ရက်နေ့တွင် တရားရုံး အပေါ်ထပ် စစ်ဆေးရာ တရားရုံးခန်းသွား အပေါ်ထပ် ပြိုကျလုမတက် မတရားစွဲဆိုခံရသည့် အမှုအား လာရောက် လေ့လာ စောင့်ကြည့်မှုများ ဖမ်းဆီးထိန်းသိမ်းခံနေရသူများအား အားပေး ဂုဏ်ယူ ကြောင်း ပြောကြား ခဲ့ကြပါသည် ။

ရန်ကုန်မြို့မှ ဥပဒေအကျိုးဆောင် ဦးရောဘက်စန်းအောင် နှင့် ရှေ့နေများမှ အခမဲ့ လာရောက်၍
ဥပဒေ အကျိုးဆောင်ကြသလို တက်ကြွလှုပ်ရှားသူများ မျိုးဆက်သစ် လူငယ်များ ၊ ပြည်သူ့ အကျိုးဆောင်များ ၊ ရန်ကုန် လယ်သမားများမှ လည်း ကား (၂) စီးဖြင့် တရားမျှတမှု နှင့် ပြည်သူ့ဘ၀ ဥပဒေအရ လုံခြုံစိတ်ချမှု ရရှိရေးအတွက် ငြိမ်းချမ်းစွာ တောင်းဆို ဆန္ဒပြခဲ့သည့် ဦးဝင်းချို နှင့် တက်ကြွ လှုပ်ရှားသူ လူငယ်များ ၊ ဒေသခံ ပဲခူးလယ်သမားများအား ထောက်ခံ အားပေးကြောင်း သွားရောက် ဂုဏ်ပြုခဲ့ကြပါသည် ။

မူလ ပထမက ယင်းနေ့တွင် စီရင်ချက်ချမည်ဟု ထိုနေ့တွင် ကြားသိနေရပြီး နောက်ဆုံးတွင် အာဏာပိုင်အဖွဲ့မှ သက်ဆိုင်ရာ တာဝန်ရှိသူများကိုသာ စစ်ဆေး၍ ၁၂.၉.၂၀၁၃ ရက်နေ့ ရုံးပြန် ချိန်းလိုက်ပါသည် ။ သက်ဆိုင်ရာသို့ အကြိမ်ကြိမ် အဆင့်ဆင့် ဒေသခံ လယ်သမားများ၏ နစ်နာ ဆုံးရှုံးမှုများ အား အချိန်မှီ သက်ဆိုင်ရာမှ ဆောင်ရွက်နိင်ရန် ဥပဒေဘောင်အတွင်းမှ တရားဝင် စာများတင်ပြခဲ့သောလည်ိးိအကြောင်းပြချက်များကို ဥပေးနှင့်အညီ မပေးပဲ ပဲခူးတိုင်းမှာ ဆန္ဒပြခွင့် ဘယ်တုန်းကမှ မရဘူး ၊ ပေးလဲ မပေးခဲ့ဘူး စသော အာဏာရှင် ဓလေ့ အပြောအဆိုများ အပါအ၀င် ဆန္ဒပြရသည့် အကြောင်း အရင်းသည် တပ်မတော် အရာရှိအချို့ပါဝင်နေသော အကြောင်းတရား များ ဖြစ်သဖြင့် အကြောင်းပြချက်မျိုးစုံ ပေးနေခြင်းဖြစ်သည်ဟုလည်း သိရှိရပါသည် ။

၂၀၀၈ ဖွဲ့စည်းပုံ အခြေခံ ဥပဒေ ပုဒ်မ ၃၅၄ အရ စာတင်ရန်မလိုသော ပြည်သူ့ဆန္ဒ တင်ပြ ထုတ်ဖော် မှုများပြုလုပ်နိင်ရန် လက်နက်မပါလျှင် ငြိမ်းချမ်းစွာ လူသူစုဝေးခွင့် ၊ စီတန်းလှည့်လည်ခွင့် ရှိသည် ။ ခွင့်ပြုချက် မပေးသဖြင့် ဒေသခံ လယ်သမားထု၏ အချိန်နှင့် ဘ၀ လိုအပ်မှုအရ ဘ၀ကို ရင်း၍ ငြိမ်းချမ်းစွာ လှည့်လည် တင်ပြခဲ့ကြပါသည် ။ နိင်ငံသားများသည် ခွင့်ပြုချက်မရပဲ စီတန်းလှည့်လည်
သဖြင့် တည်ဆဲ(အများပြည်သူ လက်မခံသော ) ပုဒ်မ (၁၈) ဖြင့်သာ အရေးယူရမည်ဖြစ်သည် ။အာမခံဖြင့် အမှုရင်ဆိုင်စေကာ တင်ပြချက် အကြောင်းအရာကိုလဲ သက်ဆိုင်ရာ အစိုးရမှ ပြေလည် အောင် ညှိနှိုင်းဖြေရှင်းရမည့် အခြေအနေကို နောက်ကွယ်က မည်သည့်လက်များမှ စီစဉ်သည် မသိသော အထက်အမိန့်အရဟု ဆိုကာ အာမခံပေးရန် ခက်ခဲသော ပုဒ်မ (၅၀၅/ခ) ဖြင့် တရားစွဲဆို အကျဉ်းထောင်သို့ ပို့ဆောင်ခြင်း ၊ ပုဒ်မ (၁၈) များအား အာမခံမပေးပဲ အကျဉ်းထောင်တွင် ချုပ်နှောင်ထာားခြင်းများသည် ဥပဒေကို ကျော်လွန် လုပ်ဆောင်နေကြောင်း သိသာထင်မြင်စေသော အခြေအနေများ ဖြစ်ပါသည် ။

နိင်ငံသားအခွင့်အရေး ကြိုးပမ်းဖော်ဆောင်နေသော ၊ နောက်ဆုံးချိန်ထိ ဆန္ဒပြဟောပြောမှုတွင်ပင် ၂၀၀၈ ဖွဲ့စည်းပုံ အခြေခံ ဥပဒေပါ အကျိုးခံစားခွင့် နှင့် ဥပဒေများကို ယုံကြည်စွာ ပြောဟောခဲ့သူ ၊
၂၀၁၀ ရွေးကောက်ပွဲ ဒလမြို့နယ် လွှတ်တော် အမတ်အဖြင့် ၀င်ရောက် ယှဉ်ပြိုင်ခဲ့သော ဦးဝင်းချိုအပါအ၀င် တက်ကြွလှုပ်ရှားသူ လူငယ်များ ၊ နစ်နာသူလယ်သမားများအား ယခုကဲ့သို့ ပစ်မှု ပစ်ဒဏ်မသင့်ပဲ ၊ မမျှပဲ ထိန်းသိမ်းထားမှုအား သက်ဆိုင်ရာ တိုင်းဒေသကြီး အစိုးရအဖွဲ့ နှင့် ပြည်ထောင်စု အဆင့်မှပြန်လည်သုံးသပ် ဖြေရှင်းလာရန် လိုအပ်လာပါသည် ။

ထိုသို့ ဆောင်ရွက်လာနိင်စေရန် စတ္တုတမဏ္ဍိုင်အဖြစ် ပြည်သူ့အကျိုးပြုပြည်တွင်း ပြည်ပ သတင်း မီဒီယာများမှ ဖော်ပြမှုမှာလည်း သွားလာရေး နှင့် အကြောင်းများစွာကြောင့် အားနည်းနေသည်ကို တွေ့ရပါသည် ။ သို့ဖြစ်ပါသောကြောင့် ယခုလ လာမည့် ကြာသပေးတေးနေ့ ၁၂.၉.၂၀၁၃ ရက်နေ့ပဲခူးမြို့တရားရုံးတော်တွင် ရုံးထုတ်စစ်ဆေးမည့် ဥိးဝင်ချို ၊ ကိုရန်ပိုင်စိုး (၅၀၅/ခ) ၊ (၁၈) နှင့် ဦးထိန်လင်း ၊ ဦးဘုံဘုံ ၊ ကိုလေးနိင်ဦး ၊ ကိုဟန်လင်းအောင်တို့ က ပုဒ်မ(၁၈) ကို အာမခံ မရပဲ ပဲခူးထောင်ထဲကို ပြန်ထည့်လိုက်ခံခဲ့ရမှုဟာ ပြည်တွင်းသတင်းဂျာနယ်တွေနဲ့ ပြည်ပ သတင်းဌာနတွေမှာ ဖြစ်စဉ်မှန်ကို ဖော်ပြနိင်မှု အားနည်းခဲ့တာကြောင့် ယခု ကျရောက်မည့်
၁၂.၉.၂၀၁၃ ရက်နေ့ ရုံးချိန်းတွင် သတင်းမီဒီယာများမှ လိုက်ပါနိင်ရန် ရန်ကုန်လယ်သမားများမှ
မြောက်ဥက္ကလာ မယ်လမု ဘုရားရှေ့မှ နံနက် ၈ နာရီတွင် စတင် သွားရောက်မည် ဖြစ်ပါသဖြင့် လိုက်ပါ သတင်းယူ ဖော်ပြပေးကြပါရန် လေးစားစွာ မေတ္တာရပ်ခံ တိုက်တွန်းအပ်ပါသည် ။

ဆက်သွယ်ရန်
၀၉ ၄၂၀၀၂၈၁၈၄

မိသားစုဆက်သွယ်မေးမြန်းရန်
၀၉ ၇၃၂၀ ၆၈၃၈

ပဲခူးရုံးချိန်းသွားမည့် အချိန် ၊ နေ့ရက် ၊ နေရာ

နေ့ရက် ။ ။ ၁၂.၉.၂၀၁၃
အချိန် ။ ။ နံနက် (၈) နာရီ
နေရာ ။ ။ မယ်လမုဘုရားရှေ့ မြောက်ဥက္ကလာအ၀င်

လေးစားလျှက်
ရန်ကုန် ပြည်သူ့အကျိုးဆောင် ကွန်ရက်
Kowai Lu




    မြင့်မြတ်သော လူမှုပရဟိတလုပ်ငန်းများကို ဆောင်ရွက်ရင်းဖြင့် မြန်မာပြည်အနှံ့ လှည့်လည် သွား လာ၍အယူသီးမှုတိုက်ဖျက်ရေး လုပ်ငန်းများနှင့် ပြည်သူအကျိုးပြုလုပ်ငန်းများ ကို ဆောင်ရွက်ပေးဆပ်နေ သော နာရေးကူညီမှုအသင်း(ရန်ကုန်)၏ ဥက္ကဌ ဦးကျော်သူအား လေးစားသဖြင့် မန္တလေးတိုင်းဒေသကြီး မတ္တရာမြို့နယ် စကျင်ကျေးရွာမှ ဦးဝင်းခိုင်ဦး + ဒေါ်ကြည်ဋ္ဌေး (မိသားစု) “အမေ့အိမ်” ပန်းတမော့ ကျောက်ဆစ်လုပ်ငန်းမှ ဂုဏ်ပြုထုလုပ်သော ဦးကျော်သူ၏ ပုံတူ စကျင်ကျောက်ရုပ်ထုအား ဦးကျော်သူသို့ ပေးအပ်ပွဲအခမ်းအနားကို ၇.၉.၂ဝ၁၃ ရက်နေ့ နံနက် (၉း၃ဝ) နာရီအချိန်တွင် နာရေးကူညီမှုအသင်းရုံးချူပ် တည်ရှိရာ အမှတ် ၁၃/က၊ ဗိုလ်မှူးဗထူးလမ်း၊ ၄၂ရပ် မ/ဒဂုံတွင် ကျင်းပပြုလုပ်ခဲ့ကြသည်။
    ယင်း ရုပ်ထုအား လွန်ခဲ့သော (၁) လကျော်ခန့်က ဦးကျော်သူ စကျင်ကျေးရွာသို့ သွားရောက်၍ အယူသီးမှုပပျောက်ရေးလုပ်ငန်းများ ဟောပြောစဉ်တွင် ဦးဝင်းခိုင်ဦး မိသားစုမှ ထုလုပ်ခွင့်ပြုလုပ်ရန် ဦးကျော်သူထံတွင် ခွင့်တောင်းခဲ့ခြင်းဖြစ်သည်။ ထုလုပ်ပြီးစီးသွားသောအခါ ၄.၉.၂ဝ၁၃ ရက်နေ့၌ နာရေး ကူညီမှုအသင်း(ရန်ကုန်)မှ ကားနှစ်စီးဖြင့် စကျင်ရွာသို့သွားရောက်၍ ၅.၆.၂ဝ၁၃ ရက်နေ့ နံနက် (၇း၂ဝ) နာရီအချိန်တွင် အလှူရှင် ဦးဝင်းခိုင်ဦး မိသားစုနှင့်အတူ စကျင်ကျေးရွာ ပုဗ္ဗါရုံကျောင်းမှ ဆရာတော် ဦးပညာနန္ဒ၊ ဆရာ ဦးညီညီထွေး (ခ) စော်ရဲနှင့် Dr.အောင်ဇင်မြင့် တို့နှင့်အတူ မန္တလေးမြို့မှ လူမှုရေး သမားများလိုက်ပါလျှက် ရန်ကုန်မြို့သို့ ထွက်ခွာသွားလာခဲ့ကြရာ လမ်းတလျှောက်ရှိ နတ်မောက်၊ တောင် တွင်းကြီး၊ အောင်လံနှင့် ပြည်မြို့များသို့ ဖြတ်သန်းခဲ့ကြရာတွင် နတ်မောက်မြို့ရှိ လူမှုရေးအသင်းအဖွဲ့နှင့် အတူ ဗိုလ်ချုပ်အောင်ဆန်း (နေအိမ်ပြတိုက်)သို့ ဝင်ရောက် လေ့လာခဲ့ကြပါသည်။ ဦးကျော်သူ၏ ပုံတူ ရုပ်ထုဖြတ်သန်းရာ လမ်းတလျှောက်ရှိ မြို့နယ်များမှ လူမှုရေးသမားများက ရုပ်ထုအား ပန်းကုံးစွပ်ခြင်းနှင့် အမွေးနံ့သာပက်ဖြန်းခြင်း တို့ဖြင့် ဂုဏ်ပြုခဲ့ကြပါသည်။ ထို့နောက် ပြည်မြို့သို့ ည (၁ဝး၄၅) နာရီတွင် ရောက်ရှိခဲ့ကြပြီး ပြည်မြို့ ရွှေပေါက်ပင်တောရကျောင်းတွင် ခတ္တညအိပ်ရပ်နားခဲ့ကြသည်။ ပြည်မြို့တွင် လည်း မိုးမေတ္တာပရဟိတလူငယ်များ ဦးဆောင်သော သုခကုသိုလ်ဖြစ်ဆေးခန်း(ပြည်) မှ ဥက္ကဌနှင့် အတွင်းရေးမှူး ဦးညီညီအောင်မှ ဦးဆောင်ကာ လူမှုရေးသမားများ သတင်းမီဒီယာများမှ အိုးစည်၊ ဒိုးပတ် ဝိုင်းတို့ဖြင့် တခဲနက်ပြင်ဆင်ကာ ကြိုဆိုဂုဏ်ပြုခဲ့ကြပါသည်။ ၆.၉.၂ဝ၁၃ ရက်နေ့ နံနက် (၆း၃ဝ) နာရီ အချိန်တွင် ပြည်မြို့မှ ပြန်လည်ထွက်ခွါခဲ့ကြပြီး ရွှေတောင်၊ အင်းမ၊ ဇီးကုန်း၊ နတ်တလင်း၊ ကြို့ပင်ကောက် အစရှိသည့် မြို့နယ်များမှ လာရောက်ကြိုဆိုခဲ့ကြပြီး နံနက်စာ၊ နေ့လည်စာ၊ မုန့်နှင့် အချိုရည်များဖြင့် ဧည့်ခံ ခဲ့ကြသည်။ ညနေ (၄း၄၅) နာရီအချိန်တွင် မှော်ဘီမြို့သို့ ရောက်ရှိခဲ့ကြကာ မှော်ဘီမြို့မှ မြို့မလူမှု ကူညီရေးအသင်းရုံးခန်းတွင် ခေတ္တနားခိုကာ ညစာစားပြီး မဟာစည်ဘုန်းတော်ကြီးကျောင်းတွင် ညအိပ်ခဲ့ ရပ်နားခဲ့ကြပါသည်။
    ၇.၉.၂ဝ၁၃ ရက်နေ့ နံနက် (၆း၃ဝ) အချိန်တွင် မှော်ဘီမြို့မ နာရေးကူညီမှုအသင်း အစီအစဉ်ဖြင့် အိုးစည်၊ ဒိုးပတ်သံစုံတီးဝိုင်းတို့ဖြင့် မှော်ဘီမြို့မှ နာရေးကူညီမှုအသင်း(ရန်ကုန်) ရုံးချုပ်ရှိရာသို့ ဆက်လက် ထွက်ခွာလာခဲ့သည်။ ရန်ကုန်မြို့အဝင်လမ်းတလျှောက်ရှိ မင်္ဂလာဒုံမြို့နယ်မှ ပုညကာရီ နာရေးကူညီမှု အသင်း၊ နာရေးကူညီမှုအသင်း(မင်္ဂလာဒုံ)တို့မှ မင်္ဂလာဒုံမြို့နယ် ကျိုက္ကလဲ့ ဘုရားရှေ့တွင် အိုးစည်၊ ဒိုးပတ် ဝိုင်းတို့ဖြင့် လာရောက်ကြိုဆိုခဲ့ကြသည်။ နံနက် (၉း၃ဝ) နာရီအချိန်တွင် နာရေးကူညီမှုအသင်း(ရန်ကုန်) သို့ရောက်ရှိခဲ့ကြပြီး ဥက္ကဌဦးကျော်သူနှင့် အသင်းသူ/သားများမှ ကြိုဆိုခဲ့ကြပြီး အလှူရှင်များ၊ လိုက်ပါပို့ ဆောင်ကြသော အသင်းအဖွဲ့များမှ မှတ်တမ်းတင်ဓါတ်ပုံများရိုက်ကြပြီး ဦးကျော်သူ၏ ပုံတူရုပ်ထု ပေးအပ်ပွဲ အခမ်းအနား အောင်မြင်စွာပြီးဆုံးခဲ့ပါတော့သည်။
    ပန်းတမော့ ကျောက်ဆစ်ပညာရှင် ဦးဝင်းနိုင်ဦး၏ ဦးကျော်သူ၏ ပုံတူရုပ်ထုလုပ်ရခြင်း၏ ရည်ရွယ် ချက် -
ထုလုပ်ဖြစ်ပုံ     -        စကျင်ကျေးရွာသို့ ဦးကျော်သူ လာရောက်ဟောပြောစဉ် ပုံတူရုပ်ထု
ထုပေးချင်သည့် သဒ္ဒါစိတ်များဖြစ်ပေါ်ခဲ့။
ခံစားချက်    -        ထုလုပ်ရန်ခွင့်တောင်းပြီးသောအခါ နိုင်ငံအကျိုးပြု ပရဟိတသမား
တစ်ဦး၏ ရုပ်ထုအား ထုလုပ်ရတော့မှာပါလားဟု ပီတိဖြစ်ခဲ့။
အဖြူရောင် ရွေးချယ်ဖြစ်ပုံ    -    မွန်မြတ်သန့်စင်သော ဖြူစင်စိတ်ထားကို ကိုယ်စားပြု။
တန်ဖိုး        -        စေတနာအား တန်ဖိုးဖြတ်၍မရပါ။

ကျေးဇူးတင်ရှိခြင်း
    နာရေးကူညီမှုအသင်း(ရန်ကုန်)၏ ဥက္ကဌဦးကျော်သူ၏ ပုံတူစကျင်ရုပ်ထုအား ဂုဏ်ပြုထုလုပ်ပေး ပါသော ဦးဝင်းခိုင်ဦး + ဒေါ်ကြည်ဋ္ဌေး (မိသားစု) “အမေ့အိမ်” ပန်းတမော့လုပ်ငန်းမှ သားတပည့်များ၊ စကျင်ကျေးရွာမှ ပုဗ္ဗါရုံကျောင်းဆရာတော် ဦးပညာနန္ဒ အား၎င်း၊ ပါဝင်ကူညီပေးကြပါသော စကျင်ရွာမှ ဆရာ ဦးညီညီထွေးနှင့် Dr. အောင်ဇင်မြင့်တို့အား၎င်း မန္တလေးမြို့ ကလျာဏမိတ္တ လူမှုကူညီရေးအသင်းမှ ဥက္ကဌဦးခင်မောင်တင့်နှင့် လူမှုရေးသမားများအား၎င်း ရုပ်ထုသယ်ဆောင်ရာ လမ်းတလျှောက်ရှိ မြို့နယ် များမှ လူမှုရေးသမားများ ပြည်မြို့ မိုးမေတ္တာပရဟိတလူငယ်များ သုခကုသိုလ်ဖြစ်ဆေးခန်း(ပြည်)မှ ဥက္ကဌဦးစိုးမိုးနိုင်၊ အတွင်းရေးမှူး ဦးညီညီအောင်နှင့် လူမှုရေးသမားများအား၎င်း၊ အင်းမ၊ ဇီးကုန်း၊ ပုတီး ကုန်း၊ ရွှေတောင်၊ နတ္တလင်း၊ သာယာဝတီမြို့မှ လူမှုရေးသမားများအား၎င်း မှော်ဘီမြို့မှ မြို့မလူမှု ကူညီရေးအသင်း ဥက္ကဌနှင့် အသင်းသူ/သားများအား၎င်း၊ မင်္ဂလာဒုံမြို့နယ်မှ နာရေးကူညီမှုအသင်း (မင်္ဂလာဒုံ)နှင့် ပုညကာရီ နာရေးကူညီမှုအသင်းတို့မှ အသင်းသူ/သားများအား၎င်း၊ ကိုစောထွန်း (ရွှေစင်စကြာ်)နှင့် “ရွှေစင်စကြာ်” ခရီးသွားလုပ်ငန်း မိသားစုဝင်များအားလုံး၊ အခြားသော  ကျေးဇူးတင် ထိုက်သူများအားလုံးကို နာရေးကူညီမှုအသင်း(ရန်ကုန်)မှ အထူးပင်ကျေးဇူးတင်ရှိပါကြောင်း မှတ်တမ်း တင်အပ်ပါသည်။

ပရဟိတ ဇာနည်ဘွား
ဒို့များ ရင်ဝယ်
ကြာလည်း မမေ့    ​
ရှာလည်း မတွေ့
ငါလည်း တနေ့ …….. ။

Author Name

Contact Form

Name

Email *

Message *

Powered by Blogger.