09/14/13

၂၀၀၇ ခုနှစ် စက်တင် ဘာလတွင် ဖြစ်ပွား ခဲ့သော ရွှေဝါရောင် တော်လှန်ရေး ခြောက်နှစ်မြောက် နှစ်ပတ် လည်တွင် သမိုင်း မော်ကွန်း၌ ပေါ်လွင်မှု မရှိစေရန် စစ်အာဏာရှင် များမှ ဖုံးအုပ် ထားခဲ့သော ယင်းတော်လှန်ရေးကြီးနှင့် ၎င်းတို့၏ ရက်စက် ကြမ်းကြုတ်သော ဆောင်ရွက်ခဲ့မှုများကို သမိုင်း စာမျက်နှာထက် အစဉ် ကမ္ပည်း တင်နိုင်ရန် ရွှေဝါရောင် တော်လှန်ရေး ဦးဆောင် သံဃာ၊ မြန်မာနိုင်ငံလုံး ဆိုင်ရာ ရဟန်းပျိုများ သမဂ္ဂ ဦးဆောင် သံဃာ ၁၅ ပါးတွင် အပါအ၀င် ဖြစ်သည့် တွံတေး မောင်းတီး ဆရာတော် ဦးသဒ္ဓမ္မထံ သွားရောက် မေးမြန်း လျှောက်ထား၍ စစ်အာဏာရှင် စနစ်ဆိုးအား ဆရာနှင့်ဒကာ၊ သံဃာနှင့်ပြည်သူ လက်တွဲ တွန်းလှန်ခဲ့မှုတွင် ဖြစ်ပေါ်ခဲ့သော အကြောင်းကိစ္စ ရပ်များကို ဖော်ပြ လိုက်ပါသည်။

၂၀၀၇ ခုနှစ်အတွင်း စက်သုံးဆီ ဈေးနှုန်းများကို စစ်အစိုးရမှ မြှင့်တင် လိုက်ခြင်းကြောင့် အမျိုးသား ဒီမိုကရေစီအဖွဲ့ချုပ်၊ ၈၈ မျိုးဆက် ကျောင်းသားများ အဖွဲ့တို့က ဦးဆောင်ပြီး ပြည်သူများက သြဂုတ်လ အတွင်းမှ စတင်ကာ စက်သုံးဆီဈေးနှုန်း လျှော့ချရေး၊ ကုန်ဈေးနှုန်း လျှော့ချရေး ဆန္ဒပြပွဲများ ဖြစ်ပွားခဲ့သည်။ ထိုသို့ ဆန္ဒပြမှုများကြောင့် သြဂုတ်လ ၂၁ ရက်နေ့တွင် ၈၈ မျိုးဆက် ကျောင်းသားများ အပါအ၀င် ဆန္ဒပြသူများကို စစ်အစိုးရမှ ဖမ်းဆီး ထောင်ချမှုများ ပြုလုပ်ခဲ့သည်။ ထိုသို့ ပြုလုပ်မှုကြောင့် ယင်းအရေးကိစ္စတွင် သံဃာများပါ ပြည်သူ လူထုဘက်မှ ရပ်တည် ပါဝင်လာပြီး … စက်တင်ဘာ ၅ ရက်၊ ၆ ရက်များ၌ ပခုက္ကူမြို့တွင် ဆန္ဒပြ အဖမ်းခံရသူများ လွှတ်ပေးရေးနှင့် ကုန်ဈေးနှုန်း ကျဆင်းရေးအတွက် သံဃာများက အေးချမ်းစွာ ဆန္ဒပြခဲ့ကြရာ စစ်အစိုးရ အာဏာပိုင်များက ကြမ်းတမ်း ရက်စက်စွာ နှိပ်ကွပ်မှုများ ပြုလုပ်ခဲ့သည်။ စစ်အစိုးရ၏ ထိုလုပ်ရပ်များကို ၎င်းတို့ကိုယ်တိုင် ၀န်ချတောင်းပန်၍ ဖမ်းဆီး ထားသူများကို လွှတ်ပေးရန် သံဃာတော်များမှ ကြေညာချက်ထုတ် တောင်းဆိုခဲ့သော်လည်း ပြုလုပ်ပေးခြင်း မရှိ၍ ၂၀၀၇ ခုနှစ် စက်တင်ဘာ ၁၇ ရက်တွင် ရဟန်း သံဃာတော်များ အနေဖြင့် စစ်အစိုးရကို ပက္ကနိက္ကုဇ္ဇန ကံဆောင် သပိတ်မှောက်ခြင်းနှင့် စက်တင်ဘာ ၁၈ ရက်တွင် ရန်ကုန်၊ မန္တလေးနှင့် အခြားပြည်နယ်၊ တိုင်း၊ မြို့ အသီးသီးရှိ သံဃာတော်များက တန်ခိုးကြီး ဘုရားများသို့ မေတ္တာပို့ လမ်းလျှောက်၍ ဆန္ဒပြမှု များမှ စတင်ကာ အင်အားကြီးမားသော သံဃာတော်များနှင့် ပြည်သူလူထု စည်းလုံးမှုဖြင့် သမိုင်းဝင် ၅ ရက်တာ ဆန္ဒပြမှု ဖြစ်ပေါ်ခဲ့သည်။ ယင်းတစ်ပြည်လုံး အတိုင်းအတာဖြင့် ဆန္ဒပြမှုကို ရွှေဝါရောင် တော်လှန်ရေးဟု ကမ္ပည်းတင်ခဲ့ရာ ယခုအခါ ရွှေဝါရောင် တော်လှန်ရေး ခြောက်နှစ်မြောက် နှစ်ပတ်လည်သို့ ရောက်ရှိလာပြီ ဖြစ်သည်။ ရွှေဝါရောင် တော်လှန်ရေးတွင် ပြည်သူတို့၏ ဒီမိုကရေစီနှင့် လူ့အခွင့်အရေး တိုက်ပွဲကို အရှိန်အဟုန် ရပ်တန့်သွားစေရန်၊ ၎င်းတို့၏ စစ်အာဏာရှင်စနစ် တည်တံ့စေရန် သံဃာတော်များနှင့် ပြည်သူ အပေါင်းတို့အား အရက်စက်ဆုံးသော နည်းလမ်းများဖြင့် ဖိနှိပ်မှုများ ပြုလုပ်ခဲ့သည်။

အံ့ခေါင်မင်း

ရွှေဝါရောင်တုန်းက

အရေးယူခဲ့တဲ့

စစ်အစိုးရ

တစ်ဖွဲ့လုံးမှာ

ပါတဲ့သူတွေမှာ

တာဝန်ရှိတယ် . . .

တကယ်တော့

အခုအရပ်ဘက်

အစိုးရဆိုတာ

စစ်အစိုးရ

အဖွဲ့ကြီးကနေ

၃ ယောက်လောက်

ပြောင်းသွားတာ . . .
ယခင်အပတ်မှအဆက်

ဆရာတော့်ကို သံဃာ အဖြစ်ကနေ သိက္ခာ ချဖို့ရော လုပ်ကြသေးလား ဘုရား။

ဦးဇင်းကို သိက္ခာ ချဖို့ အတွက် ကြိုးစားတယ်။ ခြိမ်းခြောက်တယ်။ ဒုတိယ အကြိမ် ဖမ်းတာက ရန်ကုန်က ၃၈ လမ်း၊ စိတ်တိုင်းကျ လက်ဖက်ရည် ဆိုင်မှာ ရှိနေတုန်း ဖမ်းသွားပြီး တစ်ခါတည်း သိက္ခာ ချမယ် ဆိုပြီးတော့ မရမ်းကုန်းက မစိုးရိမ် ကျောင်းတိုက်ကို ခေါ်သွားတယ်။ အဲဒီရောက်တော့ ဦးဇင်းကို သိက္ခာ ချဖို့ ပြောတယ်။ ဖြစ်ချင်တော့ သူတို့ မသိတာက ဦးဇင်းက အဲဒီ မစိုးရိမ် ကျောင်းတိုက်မှာ နေဖူးတယ်။ ဦးဇင်းကို သိက္ခာ ချပေးဖို့ သူတို့ ပြောတာက အဲဒီ အချိန်က သံဃ နာယက အတွင်းရေးမှူး ဆရာတော်၊ အဲဒီ ဆရာတော်ကို ဦးဇင်းက သိတယ်။ ဦးဇင်းက အဲဒီ ကျောင်းမှာ နေဖူးတယ်။ ၈၈ အရေးအခင်းတုန်းက ဦးဇင်းက အဲဒီကျောင်းမှာ ကိုရင်ဘ၀နဲ့ နေခဲ့တာ။ အဲဒီ ဆရာတော်က ဦးဇင်းကို ကြီးသွားလို့ မမှတ်မိဘူး။ အဲဒီကျောင်းမှာ နာယက ဆရာတော် သုံးပါးရှိတယ်။ နာယက ဆရာတော် သုံးပါးထဲက တစ်ပါး ကိုယ်တိုင် ၉၀ တုန်းက အဖမ်း ခံရဖူးတယ်။ ဒီတော့ ဦးဇင်း က အဲဒီ ဆရာတော်ကို အရှင်ဘုရား တပည့်တော်ကို သိက္ခာ မချပါနဲ့။ တပည့်တော် ဘာမှ ရာဇ၀တ်မှု ကျူးလွန်တာလည်း မဟုတ်ဘဲနဲ့ သူတို့ သိက္ခာ ချဖို့ကြိုးစားတာ လို့ပြောတော့ ဆရာတော်က ပြောပါတယ်။ သူ သိက္ခာ မချချင်ရင် ချပေးလို့ မရဘူးဆိုတော့ သူတို့က ဒါဆိုရင်တော့ လူဝတ်တော့ လဲပေး ပါတဲ့။ ဦးဇင်းက ထပ်ပြောတယ်။ ဆရာတော် တပည့်တော် သင်္ကန်းဝတ်နဲ့မို့လို့ သက်သာနေတာ။ အရပ်ဝတ် လဲလိုက်တာနဲ့ တပည့်တော်ကို နှိပ်စက်တော့မယ် ဆိုတော့ ဆရာတော်က မနှိပ်စက်အောင် အာမခံပါတယ်လို့ ပြောတယ်။ ဦးဇင်းက အရှင်ဘုရား အာမခံလို့ မရဘူး။ အရှင်ဘုရားထက် ကြီးတာ ကိုတောင် သူတို့က ရိုက်နှက် ခဲ့တာ။ အဲဒီမှာ ပါတဲ့ လူတွေ ကတော့ အရှင်ဘုရား စိတ်မပူပါနဲ့၊ တပည့်တော် တို့က ရိုးရိုး စစ်မှာပါ။ မရိုက်ပါဘူး ဆိုတော့ ဦးဇင်းလည်း လူဝတ် လဲလိုက် ရတယ်။ ပြီးတော့ အင်းစိန် ကိုပို့တယ်။ စစ်တယ်။ ရိုက်နှက်တယ်။ ပြင်းပြင်း ထန်ထန် ပြောတယ်။ မင်း သံဃာတော်ဆိုရင် ဘုရားစာတွေ ဆိုပြဆိုလို့ မေတ္တာသုတ်တွေ ရွတ်ပြရတယ်။ မေတ္တာသုတ် ရွတ်လို့ နည်းနည်း ထစ်ရင် ပါးရိုက်တာတွေ လုပ် တယ်။ တော်တော် မိုက်မိုက် ရိုင်းရိုင်း ဆက်ဆံတယ်။ ပြောမယ် ဆိုရင်တော့ အဲဒီ စစ်ကြောရေး လုပ်တဲ့ သူတွေကို သူတို့ အကြီးအကဲ တွေက ဒီနိုင်ငံရေး အင်အားစုမှာ ပါတဲ့ သံဃာတော်တွေဟာ ဟိုအရင်က ကွန်မြူနစ်တွေက နေပြီးတော့ ဆဲလ်တွေ မွေးထား ပြီးတော့ နိုင်ငံရေးမှာ လှုပ်ရှားတာဆိုတဲ့ အသိမျိုး ရိုက်သွင်း ထားတယ်။ ဦးဇင်းတို့ကို သံဃာ မဟုတ်ဘူး။ နိုင်ငံရေးနဲ့ ပတ်သက်ပြီး ကွန်မြူနစ်တွေ မွေးထားတဲ့ ဆဲလ်တွေပဲ ဆိုတဲ့ သူတို့ရဲ့ အမြင်မှားနဲ့ ဦးဇင်းတို့ကို ပြင်းပြင်း ထန်ထန် ညှဉ်းပန်း တယ်။

ဦးဇင်းတို့ ထောင်တွင်းမှာ တွေ့ကြုံ ရတဲ့ သံဃာတော်တွေရဲ့ အခြေအနေ ကိုလည်း အမိန့်ရှိပေးပါ ဦးဘုရား။

ထောင်ချ ခံရတဲ့ သံဃာက တစ်နိုင်ငံလုံး အတိုင်းအတာနဲ့ ဆိုရင် ထောင်ဂဏန်း လောက်ရှိတယ်။ တစ်ထောင့် နှစ်ရာ လောက်ရှိတယ်။ အဲလောက် ရှိတယ် ဆိုတာက ဦးဇင်း တို့တွေက အဖမ်းခံရ ပြီးတဲ့ နောက်မှာ ရွှေဝါရောင်နဲ့ ပတ်သက်လို့ ရွှေဝါရောင် မတိုင်ခင် တည်းက နိုင်ငံရေးနဲ့ ထောင်ကျခဲ့တဲ့ ကိုယ်တော်တွေရော၊ အပြင်က နေပြီး ထောက်ပံ့ နိုင်ဖို့ အတွက် အစီအစဉ်တွေ လုပ်ကြတယ်။ အဲဒီ မတိုင်ခင်က အဖမ်းခံရတဲ့ ကိုယ်တော် တွေလည်း အများကြီး ရှိတယ်။ အံ့သြစရာ ကောင်းတာက အဲဒီ မတိုင်ခင်က အဖမ်း ခံရတဲ့ ကိုယ်တော်တွေ ထောင် ၁၅ နှစ်ကျော် လောက် ကျခံ ထားရတာ တွေရှိတယ်။ စာရင်းတွေ စုစည်းတဲ့ အခါမှာတော့ ကွဲပြားမှု တွေတော့ ရှိမှာပေ့ါ။ ထောင်တွေရဲ့ ထုတ်ပြန်မှု တွေမှာ အမှန်အတိုင်း မထုတ် ပြန်ဘူး။ ရွှေဝါရောင်မှာ ပါတဲ့ ကိုယ်တော် တွေကိုလည်း အခြား အကျဉ်းသား အဖြစ် ရဲဘက် ပို့ပေး လိုက်တာ၊ တချို့ဆို ထောင်ထဲမှာ သေသွားတဲ့ ကိုယ်တော်တွေ ရှိတယ်။ အဲလိုမျိုး အစဖျောက် ခံရတဲ့ ကိုယ်တော်တွေရှိ တယ်။ ဂမ်္ဘီရတို့ ဆိုရင်လည်း ထောင်ထဲမှာ ခေါင်းကို အကြိမ်ကြိမ် အရိုက် ခံရတဲ့ အတွက် သူက အခုဆိုရင် ဦးနှောက်က မေ့တယ်။ ဦးဇင်းတို့ စာရင်းတွေ ပြန်စုစည်းပြီးတော့ စာရင်း ပျောက်နေတဲ့ ကိုယ်တော်တွေ အများကြီးပဲ။ ထောင်ထဲမှာ သံဃာတော် တွေကိုလည်း သံဃာတော်တွေရဲ့ ၀ိနည်းနဲ့ အညီ ဥပုသ်ပြုခွင့် မပေးတာ၊ သံဃာတော် တွေကို တရားစခန်း ၀င်ခွင့် မပေးတာ၊ ထောင်မှာ အပတ်စဉ် တရားစခန်း တွေရှိတယ်။ ဦးဇင်း တို့ကို သူတို့က တရားဝင် နိုင်ငံရေး အကျဉ်းသား မဟုတ်ဘူး လို့ပြောတယ်။ တချို့ အခွင့်အရေး ဆိုရင် သာမန် အကျဉ်းသား ထက်ပိုပြီးတော့ နည်းသေးတာ။ ပိတ်ပင် ထားတာ တွေလည်း အများကြီးပဲ။ တစ်နေ့ ကိုမှ နှစ်နာရီပဲ ရေချိုး လမ်းလျှောက် ဆင်းရတာ။ သာမန် လူတွေထက် ပိုပြီးတော့ လုံခြုံရေး ပိုကျပ် တည်းတာ။ တချို့ ထောင်တွေ မှာဆို CCTV ကင်မရာ တပ်ထားတယ်။ ဘာမှ လှုပ်ရှားလို့ မရဘူး။ ကျန်းမာရေး အတွက် ပြည့်စုံ လုံလောက်တဲ့ ကိုယ်လက် လှုပ်ရှားမှု၊ ကိုယ်လက် လှုပ်ရှားမှု အတွက် ပြည့်စုံ လုံလောက်တဲ့ ပစ္စည်း မပေး ထားဘူး။ ဆေးဝါး ပံ့ပိုးမှု လုံးဝ အားနည်းတာ။ ၀န်ထမ်း တွေရဲ့ ရိုရိုသေသေ ဆက်ဆံမှု အားနည်းတာ။ အဓိကတော့ ရဟန်း သံဃာများကို အင်္ဂလိပ် ခေတ်ကတောင် ထောင်ကျ ရင်လည်း ရဟန်း သံဃာ ကို ရဟန်း သံဃာလို ဆက်ဆံ ရမယ်ဆိုတဲ့ ညွှန်ကြားချက် ရှိခဲ့တယ်။ ကြမ်းတမ်းတဲ့၊ ရိုင်းစိုင်းတဲ့ အမူအရာတွေနဲ့ မဆက်ဆံဖို့ အတွက်ပေ့ါ။

ရွှေဝါရောင် တော်လှန်ရေး ကာလမှာ စစ်အစိုးရ ဘက်ကနေ ဒီလှုပ်ရှားမှုကို ဆောင်ရွက်တာ သံဃာ အစစ်တွေ မဟုတ်ဘူး။ အယောင် ဆောင်တွေ၊ အကြမ်းဖက် ဖျက်ဆီးမှုတွေ လုပ်တယ်၊ သံဃာတွေ ကြားထဲမှာ အတိုက်အခံ အင်အားစုတွေက သံဃာ ယောင်ဆောင် ၀င်ရောက်ပြီး လှုံ့ဆော်တာလို့ ၀ါဒ ဖြန့်ခဲ့ ပါတယ် ဘုရား။ ဒါပေမဲ့ ရွှေဝါရောင် လှုပ်ရှားမှု သံဃာတွေ ကြားထဲကို စစ်အစိုးရ သူတို့ ဘက်သား တွေကို အယောင်ဆောင် သွင်းပြီး ဒီလှုပ်ရှားမှုကို ပြည်သူ အထင်လွဲအောင် အကြမ်းဖက် ဖျက်ဆီးမှုတွေ လုပ်ခိုင်းပြီးတော့ ဒီအယောင်ဆောင် ၀င်လာသူတွေ လုပ်တာကို လက်ညှိုးထိုး ပြောကြား တာလို့ တပည့်တော်တို့ ပြည်သူတွေက သိနေကြပါတယ် ဘုရား။ ပိုပြီး ခိုင်မာ သွားအောင် သူတို့ရဲ့လုပ်ရပ်တွေကို ဆရာတော့် အနေနဲ့ ပြန်လည် ပြောပြပေးပါဘုရား။

သူတို့ ကလည်း လက်ရှိ အာဏာ ရှိနေတာ ဖြစ်တဲ့အတွက် သူတို့ကို ထိပါးလာမယ့် နိုင်ငံရေး အင်အားစုတွေကို ပြည်သူ လူထုက ယုံကြည်မှု မရှိအောင် နည်းမျိုးစုံနဲ့ ကြံစည်တယ်။ ဒါက သဘာဝ ကျတယ်။ အဲဒီလို ကြံစည်ဖို့ အတွက် သူတို့ ဘက်က ရဟန်း အတုတွေ လုပ်တယ်။ အယောင် ဆောင်ပြီးတော့ ဖျက်ဆီးတယ်။ ဖျက်ဆီး ပြီးရင် ရွှေဝါရောင်က လုပ်တယ် ဆိုပြီးတော့ ပြောတယ်။ သူတို့ ကိုယ်တိုင် အဲလို လုပ်တဲ့ အဖွဲ့အစည်း ထဲမှာ စွမ်းအားရှင် အဖွဲ့ ဆိုပြီးတော့ တရားဝင် ဖွဲ့စည်း ထားတယ်။ အဲဒီ အဖွဲ့အစည်း ထဲမှာ အဲဒီတုန်းက ကြံ့ဖွံ့ ပါတီ၊ ကြံ့ဖွံ့ အဖွဲ့ဝင်တွေ ပါတယ်။ လူမိုက် တွေကို တစ်နေ့ ငါးထောင် ပေးပြီးတော့ ရိုက်နှက် ခိုင်းတယ်။ သင်္ကန်း ၀တ်ပြီး တော့ပေ့ါ။

တင်ပါ့ ဘုရား။ သူတို့ ဒီလို လုပ်တယ် ဆိုတာကို ဆရာတော်တို့ အနေနဲ့ ဘယ်လို နည်းနဲ့ သိရပါသလဲ ဘုရား။

သေချာပေါက် ပြောနိုင်တာက ဦးဇင်းတို့ သံဃာ တော်တွေ စီတန်း လှည့်လည်ပြီး မေတ္တာသုတ် ရွတ်တဲ့ အခါမှာ လုံခြုံရေး အဖွဲ့တွေ ရှိတယ်။ စနစ်တကျနဲ့ အဲဒီ လုံခြုံရေး အဖွဲ့ထဲမှာ သံဃာတွေ ၀င်လာတိုင်းဝင် လာတိုင်းကို တောက်လျှောက် ကြည့် ထားတယ်။ ကြည့်တဲ့ အခါမှာ ဦးဇင်းတို့က ငယ်ငယ်လေး တည်းက ဘုန်းကြီး ၀တ်လာတာ ဖြစ်တဲ့ အတွက် ဘုန်းကြီး တစ်ပါးကို ကြည့်လိုက်တာနဲ့ ဘုန်းကြီး ဟုတ်တယ်၊ မဟုတ်ဘူး ပြောနိုင်တယ်။ ဘယ်လောက် ကြာကြာ ၀တ်ခဲ့တဲ့ ဘုန်းကြီး လည်းပြောနိုင်တယ်။ ဘုန်းကြီး မေးခွန်း ၂ ခု၊ ၃ ခု လောက် မေးလိုက် တာနဲ့ တန်းပြော နိုင်တယ်။ ၀င်လာလို့ ဟန်အမူအရာ ပျက်တယ် ဆိုရင် တချို့ဆို အရက် သောက်ပြီးတော့ ၀င်လာတယ်။ ဘုန်းကြီးပဲ။ သင်္ကန်း ရုံပြီး တော့ပဲ။ ဦးဇင်းတို့က ဘယ်ကျောင်း ကလဲ။ နှစ်ခွန်း၊ သုံးခွန်းလောက် မေးလိုက်တာနဲ့ သူတို့ ဘက်က လူဆိုတာ သိသွားပြီ။ ဦးဇင်းတို့က ကိုယ်သွားနေတဲ့ လမ်းကြောင်းမှာ ရုတ်ရုတ် သဲသဲ မဖြစ်ရအောင် သေသေ သပ်သပ်နဲ့ ဒီလို အများထဲမှာ ပါလာလို့ ရှိရင်တော့ သံဃာ နှစ်ပါး၊ သုံးပါး ရံပြီး စည်းအပြင်ကို ခေါ်သွားပြီး သူဘာလဲ ဆိုတာ သိကြောင်း ဆက်မလိုက် အောင် ပြောပြီး ထားခဲ့ လိုက်တယ်။ အဲဒါတင်မကဘဲနဲ့ သံဃ နာယက အဖွဲ့အစည်း ထဲက အာဏာတွေကို မက်မောတဲ့၊ အစိုးရ ပေးတာ၊ ကျွေးတာကို မက်မောတဲ့ သံဃာ တချို့က သတင်း ပေးဖို့ လှုပ်ရှားမှုထဲ ၀င်လာတာ ရှိတယ်။ သံဃာတော့ သံဃာ အစစ်ပဲ။ အဲလို ကိုယ်တော် တွေက ဒုက္ခ ပေးတာလည်း ကြုံခဲ့ရ ဖူးတယ်။

နောက်ထပ် လျှောက်ထား ချင်တာကတော့ အဲဒီ အချိန်က သံဃမဟာ နာယကကနေ ရွှေဝါရောင် တော်လှန်ရေးကို သံ ဃာ တော်တွေ ဆောင်ရွက်တာနဲ့ ပတ်သက်ပြီး ညွှန်ကြားလွှာ အမှတ် ၉၃ ဆိုတာကို လက်မှတ် ရေးထိုး ထုတ်ပြန်ခဲ့တယ်။ အဲဒီ ညွှန်ကြား လွှာမှာ မဆလ တစ်ပါတီ အာဏာရှင် စနစ် လက်ထက်က ကျင်းပခဲ့တဲ့ သာသနာတော် သန့်ရှင်း တည်တံ့ ပြန့်ပွားရေး ပထမအကြိမ် ဂိုဏ်းပေါင်းစုံ သံဃာ့ အစည်းအဝေး ဆိုတာကနေ ချမှတ်ခဲ့တဲ့ စည်းမျဉ်း စည်းကမ်းတွေ၊ လုပ်ထုံး လုပ်နည်း၊ ၀ိနည်း ဓမ္မကံ မှုခင်း ဆုံးဖြတ် ဖြေရှင်းမှု လုပ်ထုံးတွေ ကိုကိုးကားပြီး ဆရာတော်တို့ရဲ့ ဆောင်ရွက်မှုကို လောကီ လူမှု ကိစ္စမှာ ပါဝင် ဆောင်ရွက်ခြင်းလို့ ဆိုပြီး တားဆီးမှု ပြုထားတာ တွေ့ရတယ်။ ဒီလိုပဲ ၁၉၉၀ က သံဃမဟာ နာယက အဖွဲ့ ဆရာတော်ကြီး တွေဖြစ်တဲ့ ပဲခူးမြို့ ဆရာတော်ကြီးနဲ့ မင်းကွန်း ဆရာတော်ကြီးတို့ ထုတ်ပြန်ခဲ့တဲ့ ညွှန်ကြားလွှာ တွေကိုလည်း ပြန်လည် ဖော်ပြမှုတွေ လုပ်ခဲ့တယ်။ အဲဒီ ပြန်ဖော်ပြတဲ့ ညွှန်ကြားလွှာ အမှတ် ၈၃ က ရဟန်း သံဃာတွေ အနေနဲ့ ပါတီ နိုင်ငံရေးမှာ ပါဝင်တာ၊ လှုံ့ဆော် အားပေးတာ၊ အခြား တစ်ယောက်ကို တိုက်တွန်း တာတွေကို ရှောင်ဖို့ ဆိုတာတွေက အခု အချိန်အထိ အငြင်းပွားစရာ အဖြစ် ရှိနေ တုန်းပဲ။ ဒီညွှန်ကြားလွှာ တွေနဲ့ ပတ်သက်ပြီး ရွှေဝါရောင် တော်လှန်ရေး သံဃာတွေ အနေနဲ့ ဘယ်လို သဘောထားပါသလဲ ဘုရား။

အဲဒါလေး ကတော့ နည်းနည်းလေး ကျယ်ကျယ်လေး ပြောရမှာပေ့ါ။ ဒါလည်း ပြောချင်စရာ သိပ်ကောင်းတဲ့ အချက်ပါပဲ။ စစ်အစိုးရ လက်ထက်က လွှတ်တော် မရှိဘူး။ တရားဝင် အစိုးရ မဟုတ်ဘူး။ အာဏာသိမ်း အစိုးရ ဖြစ်တယ်။ အဲတော့ သူတို့မှာ တိကျရေရာတဲ့ အခြေခံ ဥပဒေ မရှိဘူး။ အရင်တုန်းက ဥပဒေ စာအုပ် အဟောင်းကြီးကိုပဲ တည်ဆဲ ဥပဒေ ဆိုပြီး လုပ်တယ်။ သူတို့ ထုတ်နေတဲ့ ဥပဒေက သူတို့ အမိန့် အာဏာကို ဥပဒေကဲ့သို့ တည်မြဲ စေရမယ် ဆိုပြီးတော့ အဲဒီ အမိန့် အာဏာကို ယူပြီး လုပ်တယ်။ အဲဒီ ဥပဒေကလည်း အခု ထက်ထိလည်း တချို့ ဥပဒေ တွေက ရှိနေသေးတယ်။ အဲလိုပဲ သူတို့နဲ့ အတူတူ လုပ်ခဲ့တဲ့ သံဃ မဟာနာယက ဆရာတော်တွေ ကလည်း သူတို့ လက်ထဲကပဲ ဖြစ်တယ်။ အပွင့်လင်းဆုံး ပြောရရင် ဦးဇင်းတို့ ထောင်ထဲ ရောက်တဲ့ အခါမှာ SB ပြောတဲ့ စကားကို ကြားခဲ့တာက ဘယ်ဆရာတော်ပဲ ဖြစ်ဖြစ် သူတို့ ဘွဲ့ရဖို့၊ သူတို့ ရာထူး တက်ဖို့၊ သူတို့ သံဃနာယက ဖြစ်ဖို့က SB ရဲ့ ထောက်ခံချက် မရှိရင် လုံးဝ မဖြစ်ဘူး။ ဒါ SB ကိုယ်တိုင် ပြောတဲ့ စကား။ ဦးဇင်း တရားဝင် ပြောတယ်။ အဲဒီ ပြောတဲ့ SB ရာထူးနဲ့ နာမည်ရယ်ပါ ဦးဇင်း ပြောနိုင်တယ်။ လက်ရှိရော ဆရာတော်တွေ၊ သံဃာတော်တွေ မေးတဲ့ အခါမှာလည်း ဟုတ်တယ်လို့ ၀န်ခံတယ်။ ဒါဆိုရင် သံဃနာယက ဆရာတော်တွေ ဖြစ်ဖို့ သို့မဟုတ် သံဃနာယက ဆရာတော်ကြီးတွေ ဘွဲ့တံဆိပ် ကပ်ခံရဖို့၊ ဒီသံဃာ့ အဖွဲ့အစည်းမှာ ကြီးမားတဲ့ ရာထူးတွေ ရဖို့ဟာ အဲဒီ ဆရာတော်ကြီးတွေရဲ့ အရည်အချင်း အမှန်၊ ထုတ်ပြန် ထားတဲ့ ၀ိနည်း စည်းကမ်းတွေ၊ ညွှန်ကြားချက် တွေနဲ့ အညီ၊ သံဃ နာယက အဖွဲ့အစည်း ဂုဏ်နဲ့အညီ သွားတာ မဟုတ်ဘဲနဲ SB ရဲ့ ထောက်ခံချက် နဲ့ပဲ သွားတာလို့ ပြောနိုင်တယ်။ SB ရဲ့ ထောက်ခံချက် နဲ့သွားတာ ဆိုတော့ SB နဲ့ သာသနာရေး ၀န်ကြီး ဌာနက ပုဂိ်္ဂုလ်တွေနဲ့ နောက်ပြီးတော့ စစ်အစိုးရ ကနေပြီးတော့ သံဃ နာယကကို ချုပ်ကိုင် ထားတာလို့ ပြောလို့ ရတယ်။ ဒီ သံဃ နာယက အဓိက ဒီစစ်အစိုးရကို တုံ့ပြန် လာမယ့်၊ ပြန်ပြီးတော့ တွန်းလှန် လာမယ့် သံဃာတော် အင်အားစုတွေကို အဓိက ပြန်ပြီး ချုပ်ကိုင် နိုင်မယ့် အမိန့်တွေ ထုတ်ခိုင်းတာ။ သူတို့ ကပဲ ညွှန်ကြားချက်တွေ ထုတ်ခိုင်းတာ။ သူတို့ကပဲ လက် မှတ်တွေ ထိုးခိုင်းတာ။ သူတို့က စာတွေ စီထားပြီးသား အဲဒီ လက်မှတ်ကို သာသနာရေး ၀န်ကြီးကလည်း အရှင်ဘုရား ထိုးပေးပါ ပြောရင် မျက်စိ မှုန်မှုန်နဲ့ ထိုးရင်လည်း ထိုးပေး လိုက်တာပဲ။ ခုတော့ ခေတ်ကာလ ပြောင်းလာတဲ့ အခါ ဆရာတော်ကြီး တွေကပါ လေသံ ပြောင်းလာပြီ။ ဒီလို လုပ်လို့ မရတော့ဘူး ဆိုတာ သံဃ နာယက ဖွဲ့စည်းပုံတွေပါ ပြောင်းလာပြီ။ သံဃ နာယကသည် သာသနာတော် ဖွံ့ဖြိုး တိုးတက်ဖို့ အမျိုးဘာသာ၊ သာသနာကို ကာကွယ် စောင့်ရှောက်ဖို့ အတွက် လုံးဝ အပြည့် အ၀ တာဝန် ရှိတယ်။ တိုင်းပြည် ဖွံ့ဖြိုး တိုးတက်ဖို့ အတွက် တာဝန်ရှိတယ်။ တိုင်းပြည် ဖွံ့ဖြိုး တိုးတက်ဖို့ တာဝန် ရှိတယ် ဆိုတာက နိုင်ငံရေးနဲ့ပ တ်သက်လို့ တာဝန်ရှိတယ်။ အဲဒီတော့ ပုဂ္ဂလိက အမြင်နဲ့ ပြောရင် နိုင်ငံမှာ ရှိနေတဲ့ အစိုးရ အဖွဲ့အစည်း နိုင်ငံရေး အင်အားစုကို သံဃာ့ အဖွဲ့အစည်းက ချုပ်ကိုင်ထားဖို့၊ ခြယ်လှယ် ထားဖို့ ပြောတာ မဟုတ်ဘူး။ ဒီဘာသာရေးရဲ့လက်အောက်မှာ နိုင်ငံရေးက ရှိနေ စေချင်တာ ပြောတာ မဟုတ် ဘူး။ သို့သော် လည်းပဲ နိုင်ငံရေးနဲ့ ဘာသာရေးသည် တန်းတူ လယ်ဗယ်တော့ ဖြစ်နေ ရမယ်။ နိုင်ငံရေးနဲ့ ပတ်သက်လို့ ချွတ်ချော် တိမ်းမှား နေတာတွေ အားလုံးကို အကြံကောင်း၊ ဉာဏ်ကောင်းတွေ တရား ရေအေး တိုက်ကျွေးပြီးတော့ Advisor အနေနဲ့ကို ရှိနေ သင့်တယ်။ အကြံကောင်း ဉာဏ်ကောင်း ပေးနေတဲ့ ပုဂိ်္ဂုလ်တွေ အနေနဲ့ ဖြစ်နေ သင့်တယ်။ အဲဒါကြောင့် မို့လို့ ဘာသာရေး ကလည်း နိုင်ငံရေးနဲ့ ပတ်သက်လို့ တိမ်းစောင်း တိုင်းမှာလည်း ရာထူးတွေ၊ စည်းစိမ်တွေ၊ ငွေကြေးတွေ၊ ကိုယ့်ဒကာပဲ ဆိုတာတွေ။ အစိုးရပဲ ဆိုတာတွေ၊ ကြောက်တာတွေ၊ မက်တာတွေ အစရှိတဲ့ အဂတိ လေးပါး မလိုက်စား ဘဲနဲ့ မငဲ့မကွက် ပြောသင့် တယ်။ အဲလို ပြောခြင်းဟာ သံဃာတော် တွေရဲ့ တကယ့် လုပ်ငန်း လည်းဖြစ်တယ်။ လုပ်ရပ်လည်း ဖြစ်တယ်။ အဲဒါကို ဒီသံဃ နာယက အဖွဲ့အစည်းကြီးက နိုင်ငံရေးမှာ ၀င်စွက်ဖက်တယ် ဆိုပြီးတော့ ဖိနှိပ်တယ်။ နိုင်ငံရေး လုပ်တယ်လို့ ပြောသော်လည်း ဒီလို လုပ်တာဟာ သံဃာတော်တွေက တိုင်းပြည် အကျိုး၊ ဘာသာ အကျိုး၊ သာသနာ အကျိုးအတွက် လုပ်တာ။ သံဃာတော်တွေ မဟုတ်ဘူး လို့တောင် ဦးဇင်းက ပြောချင်တယ်။

ဒီညွှန်ကြားလွှာ ၉၄ က အဲဒီတုန်းက သာသနာရေး ၀န်ကြီး သူရ မြင့်မောင် ကိုယ်တိုင် စက်တင်ဘာ ၂၄ ရက် မှာ သံဃမဟာ နာယကကို သွားလျှောက်ပြီးတော့ ဆရာတော်တွေကို သူတို့ အသင့် စာစီထားတဲ့ စာရွက်ပေါ်မှာ လက်မှတ် ထိုးခိုင်း ခဲ့တာပဲ။ ဦးဇင်းတို့ ကိုယ်တိုင် တီဗီမှာ ကြည့်ခဲ့ရတာ။ အမှန်ကတော့ ဆရာတော်ကြီး တွေက ဒါကို လက်မှတ် ထိုးပေး လိုက်တာ။ ဦးဇင်းတို့ သိထားတာက ညွှန်ကြားလွှာ ဆိုတာ ဥပဒေလိုပဲ ကြေညာချက် တစ်ခု ထုတ်တာပဲ။ ဒါကို မလုပ်နဲ့လို့ ကန့်သတ် လိုက်တာ။ ပြောရမယ် ဆိုရင် ဥပဒေအရ အမိန့်ထုတ် တာပေါ့။ ဥပဒေနဲ့ အညီ အမိန့် ထုတ်တာ။ ဦးဇင်းတို့ သိထားတဲ့ ဥပဒေ ဆိုတာသည် လောက အတွက် အကျိုးရှိ ရမယ်။ တိုင်းပြည် အတွက် အကျိုးရှိ ရမယ်။ သာသနာ အတွက် အကျိုးရှိ ရမယ်။ သံဃာတွေ အတွက် အကျိုး ရှိရမယ်။ ပြည်သူ ပြည်သားတွေ အတွက် အကျိုးရှိ ရမယ်။ မြတ်စွာဘုရားက ဥပဒေတွေ၊ ၀ိနည်းတွေ ပြဋ္ဌာန်းခဲ့တယ် သံဃာတော် တွေကို။ ဒီဝိနည်း တွေက သံဃာတော်တွေ စည်းလုံးဖို့၊ သံဃာတော်တွေ ညီညွတ်ဖို့၊ သံဃာ တော်တွေ စည်းလုံး ညီညွတ်ရင် သာသနာ တော်ကြီး စည်ပင် ဖွံ့ဖြိုးမယ်။ သာသနာ တော်ကြီး စည်ပင် ဖွံ့ဖြိုးတယ် ဆိုတာ ဒီသာသနာ အတွင်းမှာ နေတဲ့ ဒါယကာ ဒါယိကာမတွေ အသိဉာဏ် ဖွံ့ဖြိုး တိုးတက် ပြီးတော့ အဲဒီအသိဉာဏ် ဖွံ့ဖြိုး တိုးတက်မှုနဲ့ အတူ သူတို့ရဲ့ ရပ်ကျိုး ရွာကျိုး၊ တိုင်းပြည် အကျိုး၊ ကမ္ဘာ့ အကျိုး ဆောင်ရွက် နိုင်မယ် ဆိုပြီးတော့ ဒီဝိနည်း ကနေပြီးတော့ သက်ရောက် သွားတယ်။ ဒီတော့ ဒီလို ညွှန်ကြားချက်က အဲလို မျိုး အကျိုး သက်ရောက်မှု ဖြစ်အောင် ညွှန်ကြား ရမှာဖြစ်တယ်။ အဲလို အကျိုးသက် ရောက်မှာကို မညွှန်ကြား ဘဲနဲ့ သံဃာ အချင်းချင်း သင်းကွဲ သွားစေဖို့ နိုင်ငံရေး အမြင်ရှိတဲ့ သံဃာတွေနဲ့ နိုင်ငံရေး သြဇာခံဖြစ်တဲ့ ပြောရမယ် ဆိုရင် သံဃမဟာ နာယကကို အရင်တုန်းက စစ်အစိုးရ လက်ကိုင်တုတ် လို့တောင် ပြောခဲ့ တာပေါ့။ အဲလိုမျိုး သံဃာ အဖွဲ့အစည်းကို ကွဲပြား သွားအောင် သွေးကွဲ သွားစေတဲ့ ကြေညာချက် မျိုးဆိုရင် ဒီကြေညာချက်ကို ဦးဇင်းတို့က တရား မ၀င်ဘူး လို့ပဲ သတ်မှတ်တယ်။ ဒီတော့ အဲဒီ ညွှန်ကြားလွှာ အမှတ် ၉၃ ကြေညာချက် ကိုလည်း ဦးဇင်းတို့က လက်မခံဘူး။ နောက် အဲလို ကြေညာချက် မျိုးတွေ အားလုံး ကိုလည်း လက်မ ခံဘူး။ ဒီလို ကြေညာချက် တွေနဲ့ သံဃာတွေ ကိုဆက်ပြီး ဖိနှိပ်နေဦး မယ် ဆိုရင်လည်း ဦးဇင်းတို့က သံဃာ အများစုရဲ့ဆန္ဒ ခံယူပြီးတော့ အဲဒီ ကြေညာချက် တွေကို ပယ်ဖျက် သွားနိုင်အောင် ကြိုးစား သွားရမှာပဲ။

ရွှေဝါရောင် တော်လှန်ရေးမှာ ရဟန်း သံဃာတွေ၊ လူပုဂိ်္ဂုလ်တွေ အများအပြား သေဆုံးမှုတွေ၊ ညှဉ်းပန်း နှိပ်စက် ခံရမှုတွေ ဟာ ပြောမပြ နိုင်အောင် ပြင်းပြင်း ထန်ထန် ဖြစ်ခဲ့တယ်။ ဒါပေမဲ့ ၈၈ အရေးတော်ပုံ လိုပဲ တာဝန်ရှိတဲ့၊ ဒီလုပ်ရပ် တွေကို လုပ်ခဲ့ သူတွေက ဘယ်လို တာဝန် ယူမှုမျိုးမှ အခု အချိန်အထိ ဆောင်ရွက် မှုတွေ မရှိသေးဘူး။ ဒီအပေါ်မှာ ဆရာတော့် အနေနဲ့ မိန့် ကြားချင်တာ များရှိရင် မိန့်ကြားပေးပါ။

ရွှေဝါရောင် မှာတုန်းက ဦးဇင်း တို့ကို စစ်ကြောရေး လုပ်တာ စစ်အစိုးရက တိုက်ရိုက် ညွှန်ကြားပြီး လုပ်တာ။ ဦင်္းဇင်းတို့ သိတာက ဒီ SB တွေ စရောက်တုန်း ဦးဇင်း တို့ကို စစ်ကြောရေး လုပ်တဲ့ အခါမှာ ပြည်ထဲရေး ၀န်ကြီး မောင်ဦး တို့ပေ့ါ။ သူတို့ ကိုယ်တိုင် စစ်ကြောရေး လုပ်ခဲ့ တယ်လို့ သိရတယ်။ ထောင်နဲ့ ပတ်သက်လို့ ကလည်း ပြည်ထဲရေးက ကိုင်တာ။ ရဲနဲ့ ပတ်သက် လို့လည်း ပြည်ထဲရေးက ကိုင်တာ။ ဒါပေမဲ့ ဒါတွေက ၀န်ကြီးနဲ့ လုံးဝပြီးတဲ့ ကိစ္စ မဟုတ်ဘူး။ ဦးဇင်း တို့ကို အဓိက ထောင်ချ ဖို့တွေ၊ အရေးယူ ဖို့တွေမှာ သူတို့ စစ်အစိုးရမှာ ရှိနေတဲ့ အဖွဲ့အစည်း တစ်ခုလုံးကိုက သဘော တူညီချက်နဲ့ လုပ်တာ။ အမိန့်တွေ ပေးတာ။ စီမံ ခဲ့တာ။ ဦးဇင်း တို့ကို ရွှေဝါရောင် တုန်းက အရေးယူခဲ့တဲ့ စစ်အစိုးရ တစ်ဖွဲ့လုံးမှာ ပါတဲ့ သူတွေမှာ တာဝန် ရှိတယ်။ ဒီအဖွဲ့က တာဝန် ရှိတယ်ဆိုရင် အခု ဒီအဖွဲ့က မရှိ တော့ဘူးလို့ ပြောမှာ လား။ ၂၀၁၀ နိုဝင်ဘာ ၇ရက် မှာ ရွေးကောက်ပွဲ လုပ်ပြီးတဲ့ နောက်မှာ အရပ်ဘက် အစိုးရ ပြောင်းသွားပြီလို့ ပြောမှာလား။ အဲဒီလို ပြောတယ် ဆိုရင်တောင် တကယ်တော့ အခု အရပ်ဘက် အစိုးရဆိုတာ စစ်အစိုးရ အဖွဲ့ကြီး ကနေ ၃ ယောက် လောက်ပဲ ပြောင်းသွားတာ။ ဦးသန်းရွှေ၊ ဦးမောင်အေး၊ ထွက်သွားတဲ့ သီဟ သူရ တင်အောင်မြင့်ဦး အဲလောက်ပဲ လျော့ သွားတာ။ ကျန်တာတွေက အကုန်လုံး ရှိနေတုန်းပဲ။ အစိုးရ အဖွဲ့ဝင်တွေ အနေနဲ့ ဆိုရင် သမ္မတ အထိကနေ စပြီး စစ် အစိုးရ အဖွဲ့ဝင်ပဲ။ လွှတ်တော် ထဲမှာ ဆိုရင်လည်း ဒီနေ့ နာယကတွေ၊ ဥက္ကဋ္ဌတွေ အထိ။ နောက် လွှတ်တော် ကိုယ်စား လှယ်တွေ အဖြစ် ရှိနေတာပဲ။ သူတို့ ဦးဆောင်နေပြီး ရွှေဝါရောင်မှာ သံဃာတွေနဲ့ ပြည်သူတွေ အပေါ် ကိုယ်ထိ လက်ရောက် ကျူးလွန်ခဲ့တဲ့ အသင်းဆိုတာ ကနေ ပြောင်းထားတဲ့ ပါတီ ကြီးလည်း ရှိနေတာပဲ။ ဒီပါတီ ကနေ သူတို့ ရွေးကောက်ပွဲ ၀င်ပြီး အခုထိ ချုပ်ကိုင်နေတာ။ ဒီတော့ အစိုးရ ပြောင်းသွားပြီ။ သူတို့မှာ တာဝန် မရှိဘူးလို့ ပြောရင် ဒီအစိုးရဟာ ဒီအစိုးရသည် စစ်အစိုးရက နေပြီးတော့ ရွေးကောက်ပွဲ ဆိုတာနဲ့ အငြင်းပွား ဖွယ်ရာ သံသယတွေနဲ့ ဂယက်တွေနဲ့ ကြိုတင်မဲ တွေနဲ့ နည်းမျိုးစုံနဲ့ သူတို့ အနိုင်ရအောင် လုပ်တာ။ တရား မျှတမှု လုံးဝ မရှိခဲ့ဘူး။ သူတို့ အာဏာ ရဖို့ပဲ လုပ်ခဲ့တာ။ အဲဒီ အာဏာ ရဖို့အတွက် အဓိက အသက် သွင်းတာ ၂၀၀၈ ဖွဲ့စည်းပုံ အခြေခံ ဥပဒေ ဆိုတာလည်း သူတို့ လုပ်ခဲ့တာ။ ဒီ ဥပဒေနဲ့ ၂၀၁၀ ရွေးကောက်ပွဲမှာ သေချာပေါက် ကြံ့ဖွံ့ပဲ အနိုင်ယူခဲ့ တာပဲ။ သူတို့ကတော့ ပြည်သူက ရွေးကောက် တင်မြှောက်တယ်။ တရားဝင် အစိုးရလို့ ပြောနေပေမယ့် သူတို့ တည်မြဲဖို့ ဦးနေ၀င်းတို့ လုပ်ခဲ့သလိုပဲ အရပ်ဝတ် လဲတဲ့ ပုံစံမျိုး အခုလည်း ထပ်လုပ်တယ်။ ဒါကြောင့် လက်ရှိ သူတို့ မှာလည်း တာဝန်ရှိတယ်။ ၀န်ချ တောင်းပန်ရမယ်။ ၀န်ချ တောင်းပန်မှုမျိုး မလုပ်သေး သရွေ့ သူတို့ဟာ ပက္ကနိက္ကုဇ္ဇနကံ ဖြစ်တဲ့ သံဃာ တွေရဲ့ သပိတ်မှောက် ကံဆောင်ခြင်း ခံရတဲ့ ၀န်ထုပ် ဆူးကြီး တစ်ချောင်း သူတို့ ဆီမှာ စူးနေလိမ့်မယ်လို့ ဦးဇင်းတို့ ပြောလို့ ရတယ်။ အဲဒီ ပက္ကနိက္ကုဇ္ဇနကံ စူးနေသရွေ့ မည့်သည့် ကုသိုလ် ကောင်းမှု ဘယ်လောက် လုပ်လုပ်၊ ဘုရားတွေ ဘယ်လောက် တည်တည်၊ ကျောင်းတွေ ဘယ်လောက် ဆောက်ဆောက်၊ မည်သည့် သာသနာပြု လုပ်ငန်းတွေ လုပ်လုပ် သူတို့ မဂ်ဖိုလ် မရနိုင်ဘူး။ ကုသိုလ် ထူးကို မရနိုင်ဘူး။

ဆရာတော်တို့ သံဃာ တော်တွေရော၊ ပြည်သူလူထု တစ်ရပ်လုံးပါ ဒီရွှေဝါရောင် တော်လှန်ရေးကို ပြင်းပြင်း ထန်ထန် ကြိုး စား ဆောင်ရွက် ခဲ့ကြပေမယ့် စစ်အစိုးရက အကြမ်းဖက် နှိပ်ကွပ်မှုတွေ လုပ်ပြီး မကြာမီပဲ ဒီတော်လှန်ရေးဟာ နိုင်ငံရေး ရည်မှန်းချက် တစ်စုံတစ်ရာ အောင်မြင်မှု မရဘဲ အာဏာရှင်တွေရဲ့ လက်အောက်မှာ ပြန်လည် မှေးမှိန်သွား ခဲ့ရတယ်။ တကယ်ဆိုရင် ဒီရွှေဝါရောင် တော်လှန်ရေးဟာ မြန်မာ့ ဒီမိုကရေစီ တိုက်ပွဲအတွက် အလှည့်အပြောင်း ဖြစ်နိုင်တဲ့ အခြေအနေ အထိ ရှိခဲ့တယ်လို့ သုံးသပ်မှုတွေ လည်းရှိတယ်။ ဒီလို အနေ အထားကနေ ဒီရွှေဝါရောင် တော်လှန်ရေး မအောင်မြင်ခဲ့တဲ့ အပေါ် ဆရာတော်တို့ ဦးဆောင် သံဃာတွေ အနေနဲ့ ဘယ်လိုမှတ် ချက်ပြုချင် ပါသလဲ။

ဦးဇင်းတို့ မြန်မာနိုင်ငံမှာ နိုင်ငံရေးနဲ့ ပတ်သက်တဲ့ အတွေ့ အကြုံ နည်းပါးမှု၊ အဖွဲ့အစည်း များကို ဦးဆောင်ပြီးတော့ စီမံ ကွပ်ကဲ တတ်မှု၊ ဒီလို အင်အားတစ်ခု ဖြစ်လာ ပြီးတော့ စနစ်တကျ ဘယ်အထိ သွားမယ်ဆိုပြီး စနစ်တကျ သွားလာမှု များလည်း အားနည်းတာ တစ်ခုပေ့ါ။ ရွှေဝါရောင်ကို အစိုးရက နှိပ်ကွပ်တဲ့ အခါမှာ တော်တော် ပြင်းပြင်း ထန်ထန် လုပ်တော့ မြန်မာနိုင်ငံက အကြောက် တရားနဲ့ နှစ်ပေါင်း များစွာ ဖိနှိပ် ချုပ်ချယ် ခံလာရတာ ဖြစ်တဲ့ အတွက် အဲဒီ ဟာက အဓိက အချက်ပဲ။ ရွှေဝါရောင်နဲ့ ပတ်သက်လို့ ဘုန်းကြီး ကျောင်းတွေ ကိုဝင် ဖမ်းတဲ့အခါမှာ လူလို သူလို ဖမ်းတာ မဟုတ် ဘဲနဲ့ ပစ်ခတ်ပြီးတော့ ဖမ်းတာ။ ပစ်လည်း ပစ်တယ်။ ရိုက်လည်း ရိုက်တယ်။ သတ်လည်း သတ်တယ်။ ဖမ်းလည်း ဖမ်းတယ်။ ဖမ်းပြီးတော့ အချုပ်ထဲ၊ ထောင်ထဲ ရောက်တော့ ထပ် နှိပ်စက် တယ်။ ဒါ ဦးဇင်းက ရွှေဝါရောင်မှာ နှစ်ကြိမ် အဖမ်း ခံရလို့ သိတာ။ သူများ နှိပ်စက် ခံရတာလည်း မြင်ခဲ့ရတယ်။ ကိုယ်တိုင်လည်း အနှိပ်စက် ခံရတဲ့အတွက် သိတယ်။ အဲဒီလို အနှိပ်စက် ခံလိုက်ရပြီ ဆိုတာနဲ့ လူဆိုတာ ကြောက်သွားတယ်။ ကြောက်သွားတဲ့ အခါမှာ အဖွဲ့အစည်း အလိုက် ပြန်ပြီးတော့ စုစည်းမှုနဲ့ စနစ်တကျ ပြန်လုပ်ဖို့က သိပ်ခက် သွားပြီ။ နောက်တစ်ခုက မြန်မာပြည်မှာ နိုင်ငံရေးနဲ့ ပတ်သက်လို့ အရှိန်လေး တစ်ခု ရလာပြီ ဆိုရင် ပင်ကိုက မြန်မာ နိုင်ငံရဲ့ အဖွဲ့အစည်း တွေဟာ စနစ်တကျနဲ့ ဖွဲ့စည်းနိုင်တာ၊ အဲဒီအဖွဲ့ အစည်းကို ခိုင်ခံ့အောင်၊ ခိုင်မြဲ နေအောင် လုပ်နိုင်တဲ့ အတွေ့အကြုံ လည်း နည်းတယ်။ အဲဒီလို နည်းတဲ့ ကြားက အခု လိုမျိုး ပြင်းထန်တဲ့ ဖိအားတွေနဲ့ အကြမ်းဖက် နှိပ်စက် လိုက်တဲ့ အခါမှာ ဆုံးခန်း တိုင်တဲ့အထိ မဖြစ်တော့ဘဲ ကျဆုံး ခဲ့ရတာပဲ။ ရွှေဝါရောင်ကြောင့် ကြားဖြတ် အစိုးရများ ပေါ်လာ မလားလို့ မျှော်လင့် ဆောင်ရွက် ခဲ့ပေမယ့် မအောင်မြင် ခဲ့ဘူး။ အင်အားစု အနေနဲ့ မေလ လောက်တည်း ကလည်း ၈၈ မျိုးဆက် တွေရယ်၊ လူငယ် တော်တော် များများ NLD အောက်ပိုင်းက လူ တော်တော် များများ အဖမ်းခံ ရတယ်။ တချို့ ဆိုရင် ၉၀ လွှတ်တော် ကိုယ်စားလှယ် တွေပါ အဖမ်း ခံရတယ်။ နောက် စနစ်ကျတဲ့ စုစည်းမှု၊ ဦးဆောင်မှု၊ စီမံ ခန့်ခွဲမှုတွေ မရှိတာ၊ ပြင်းထန်တဲ့ အကြမ်းဖက် ပြီးတော့ ဖိနှိပ် ခံရတာ ဖမ်းဆီ ခံရတာ တွေကြောင့် ဦးဇင်းတို့ ရွှေဝါရောင် တွေဟာ တိကျ ရေရာတဲ့ ဆုံးခန်းတိုင်မှု မရတာလုိ့ ပြောချင် တယ်။

အခုလို မိန့်ကြားပေးတာ ကျေးဇူးတင်ပါတယ် ဘုရား။

မြန်မာသံတော်ဆင့်

မြန်မာနိုင်ငံမှာ ငြိမ်းချမ်းစွာစုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေဆိုပြီး စတင်ပြဋ္ဌာန်းခဲ့တာ ၂၀၁၁ခုနှစ် ဒီဇင်ဘာလ ၁၁ရက်နေ့ကဖြစ်ပါတယ်။ အကြမ်းဖျဉ်းအားဖြင့် ဥပဒေ သက်တမ်း လပေါင်း၂၀လောက်ပဲ ရှိပါသေးတယ်။ ဒါပေမယ့် ဒီဥပဒေ နဲ့ ဖမ်းဆီးအရေးယူထားတာက လူပေါင်း ၂၀၀ ကျော်သွားပါပြီ။ ဒီတော့ သာမန်အားဖြင့် ပျမ်းမျှ တစ်လကို လူ၁၀ယောက်လောက် ဒီ ဥပဒေနဲ့ ဖမ်းနေသလို ဖြစ်နေပါရောလား။ ဒီဥပဒေရဲ့ရည်ရွယ်ချက်က ငြိမ်းချမ်းစွာစုဝေးခွင့်နှင့် ငြိမ်းချမ်း စွာ စီတန်းလှည့်လည်ခွင့်ဆိုင်ရာ ဥပဒေလို့ ဆိုထားတဲ့အတွက် ငြိမ်းချမ်းစွာစုဝေးလိုသူ၊ ငြိမ်းချမ်းစွာ စီတန်းလှည့်လည်လိုသူများကို အကာအကွယ်ပေးဖို့ သို့မဟုတ် သူတို့ရဲ့အခွင့်အရေးကို ဘယ်လို ရယူနိုင်တယ် ဆိုတာ စနစ်တကျသတ်မှတ်ပေးဖို့ ပြဋ္ဌာန်းခဲ့တယ်လို့ ယူဆရပါတယ်။ ဒါပေမဲ့ အခု လပေါင်း၂၀အတွင်း ဖြစ်ခဲ့တာများကို ကြည့်ရင် ဒီဥပဒေကို အမည်နဲ့အဓိပ္ပာယ်ပြဋ္ဌာန်းချက် ဖော်ပြရာမှာ “ငြိမ်းချမ်းစွာ စုဝေးသူနှင့် ငြိမ်းချမ်းစွာ စိတန်းလှည့်လည်သူများအား ဖမ်းဆီးနိုင်ခွင့် ဥပဒေဟု ခေါ်တွင်စေရမည်”လို့တောင် ပြင်ဆင်ပြဋ္ဌာန်းရမလို ဖြစ်နေတယ် ထင်ပါတယ်။ ဒီလိုပြောတော့ သက်သက် အပြစ်ရှာပြောရာကျနေမှာပါပဲ။ တကယ်တော့ လွှတ်တော်ကြီးက လည်း ဆန္ဒပြလိုသူတွေ၊ တကယ်ကို ငြိမ်းငြိမ်းချမ်းချမ်းနဲ့ ဆန္ဒထုတ်ဖော်လိုသူတွေကို အကာအကွယ် ပေးချင်လို့သာ ဒီဥပဒေကို ပြဋ္ဌာန်းတာဖြစ်မှာ သေချာပါတယ်။ ဒီလူတွေကို ဖမ်းဖို့သက်သက်ဆိုရင် ဥပဒေနာမည်ကို အထက်မှာပြောသလိုပဲ ပြဋ္ဌာန်းခဲ့မှာမို့လေ။ အခုတော့ ဒီဥပဒေကို ပြဋ္ဌာန်းဖို့ ပါဝင် လုပ်ဆောင်ခဲ့ကြတဲ့ လွှတ်တော်ကိုယ်စားလှယ်ကြီးများကတောင် ဆန္ဒထုတ်ဖော်ဖို့ ခွင့်ပြုချက်တောင်း တာကို “ဆူပူမှုဖြစ်တော့မယ်ဆိုတဲ့ အရင်ကအမြင်မျိုး ကြည့်လို့ဘယ်ရမလဲ” ဆိုပြီး ခွင်ြ့ပုချက် မပေး သူများကို အပြစ်တင်ပြောဆိုလာတာကို တွေ့ရပါတယ်။ “အရင်ကအတိုင်းပဲ ဟိုဟာ ဖြစ်မှာစိုးလို့ ဒီဟာဖြစ်မှာစိုးလို့ဆိုပြီး တားဆီးနေတော့ ပိုပြီးပေါက်ကွဲအောင် လှုံ့ဆော်ပေးနေသလို ဖြစ်နေတာပေါ့” ဆိုတာမျိုးလည်း လွှတ်တော်ကိုယ်စားလှယ်ကြီးများ ကိုယ်တိုင်က “အရှိကို အရှိအတိုင်း” ပြောဆိုလာ နေပါပြီ။

ဒီတော့ ဒီပုဒ်မ ၁၈နဲ့ ပတ်သက်ပြီး ဒီပုဒ်မဟာ လွတ်လပ်ခွင့်ကို သက်သက် တားဆီးထား တာဖြစ်လေတော့ ပယ်ဖျက်သင့်တယ်လို့ ယူဆသူကယူဆပြီး ဖျက်စရာမလိုပါဘူး၊ ခွင့်ပြုချက်ပေးရမယ့် သူ တွေက ရဲရဲဝံ့ဝံ့ပေးလိုက်ရင် ပြီးတာပဲလို့ ပြောသူကပြောနေတာကို တွေ့ရပါတယ်။ ဒီနေရာမှာ ဥပဒေတစ်ခုပြဋ္ဌာန်းတဲ့ ရည်ရွယ်ချက်ကိုပြောရမယ်ဆိုရင် ဥပဒေဆိုတာက စည်းကမ်းသတ်မှတ်ပေးတဲ့ သဘော၊ ပိုမိုကောင်းမွန်စနစ်ကျလာအောင် ထိန်းသိမ်းပေးတဲ့သဘော ဖြစ်ပါတယ်။ ဥပဒေတစ်ခု ထုတ်ပြီးတော့ အဲဒီဥပဒေနဲ့ အရေးယူအပြစ်ပေးနေရတာ လက်မလည်နိုင်အောင်ပါပဲဆိုရင် အဲဒီဥပဒေ ဟာ တော်တည့်မှန်ကန်တယ်လို့ ဆိုနိုင်မလား။ ကျွန်တော့် အထင်ပြောရရင်တော့ ဥပဒေ ထုတ်ပြန်တာ ဟာ အရေးယူချင်လို့မဟုတ်ပဲ အဆိုးဖက်မရောက်အောင် ထိမ်းသိမ်းချင်လို့သာဖြစ်မှာမို့ အရေးချည်းယူ နေရတယ်ဆိုရင်တော့ ဒီဥပဒေဒီစည်းကမ်းက တစ်ခုခုတော့မှားနေပြီိလို့ ဆိုရမှာပါ။

ကဲ၊ အိမ်တစ်အိမ်မှာ ကလေးတွေ ကျောင်းအပြန်ကို ငါးနာရီခွဲ ထက်နောက်ကျပြီးမှ ရောက်ရင် မုန့်ဖိုးလုံးဝမပေးဘူးလို့ စည်းကမ်းထုတ်လိုက်တယ်ဆိုပါစို့။ သုံးလေးလကြာလို့ ပြန်ကြည့်တော့ ကလေးငါးယောက် ခြောက် ယောက်ရှိရာမှာ တစ်ယောက်မှမုံ့ဖိုးမရကြဘူးဆိုရင် ဒီစည်းကမ်းက မှားနေတာသေချာပြီ။ တစ်ယောက် လောက်ပဲ ရတယ်ဆိုရင်တောင် မှန်တယ်လို့ မဆိုနိုင်သေးဘူး။ ကလေးတွေ အိမ်ပြန်မရောက်နိုင်တဲ့ အချိန်ကို ဇွတ်ကြီး သတ်မှတ်မိသလား၊ သို့မဟုတ် ကလေးတွေကို အ်ိမ်စောစောမပြန်ချင်အောင် “မုံ့ဖိုးမရချင်နေကွာ၊ အိမ်တော့ စောမပြန်ဘူး” ဆိုတာမျိုးအထိ စိတ်ညစ်စရာတွေများ လုပ်ထားမိ သလား စသဖြင့် ပြန်သုံးသပ်ရမှာပါပဲ။ မသုံးသပ်ဘူးဆိုရင် လူကြီးတွေက အိမ်ပြန် စောစေချင်လို့ မဟုတ်ပဲ မုံ့ဖိုးမပေးချင်လို့သာ ဒီစည်းကမ်းကိုထုတ်တယ်လို့ အထင်မှားလာနိုင်တယ်လေ။ ဒီကတဆင့် သူညစ်ကိုယ်ညစ်ဆိုသလို မုံ့ဖိုးမပေးလည်း ခိုးတယ်ကွာဆိုတာမျိုး ဖြစ်လာနိုင်တာမို့ပါ။ အခု ဥပဒေမှာ နိုင်ငံတကာစံနဲ့ကြည့်ရင် ခွင့်တောင်းရမယ်ဆိုတာက လုံးလုံးမှားတယ်တော့ မဆိုနိုင်ပါဘူး။ ဘာဖြစ်လို့လဲဆိုတော့ စုဝေးစီတန်းလှည့်လည်ဆိုတဲ့နေရာမှာ ယာဉ်ကြောပိတ်တာ၊ ဆန့်ကျင်ဖက်သဘောထားရှိတဲ့အုပ်စုနဲ့ အပြန်အလှန် ပဋိပက္ခဖြစ်နိုင်တာစတဲ့ အချက်တွေကို အာဏာပိုင်တွေဘက်က ထည့်စဉ်းစားရတာမို့ပါ။ ဒါပေမဲ့လည်း ဒီအချက်တွေမဖြစ်နိုင်တာ သေချာ တယ် ဆိုရင် စီတန်း လှည့်လည်တယ်ဆိုရုံနဲ့တော့ (ဒီမိုကရေစီ)နိုင်ငံအတော်များများမှာ အရေးယူ မခံရနိုင်ပါဘူုး။ ပြီးတော့ အခုတောင်းဆိုနေကြတာက ဒီဥပဒေကို ဖျက်သိမ်းရေးမဟုတ်ပဲ ဒီဥပဒေထဲက ပုဒ်မ ၁၈ကိုသာ ဖျက်သိမ်းရေးဖြစ်ပါတယ်။ တကယ်တော့ ဒီဥပဒေမှာ ဥပဒေက ပေးထား တဲ့ အခွင့်အရေးကို ရယူလိုသူတို့အတွက် လိုက်နာရမယ့်အချက်တွေကို ပြဋ္ဌာန်းပေးထားပြီးဖြစ်ပါတယ်။ ဒီဥပဒေပုဒ်မ၁၂ မှာ အများပြည်သူကို စိတ်အနှောက်အယှက်မဖြစ်စေဖို့၊ စီတန်းလှည့်လည်သည့် လမ်းတစ်လျှောက် အများပိုင်၊ပုဂ္ဂလိကပိုင် ပစ္စည်းတွေကို မထိခိုက်စေဖို့၊ ပတ်ဝန်းကျင်ကို မညစ်ညမ်း စေဖို့၊ ယာဉ်ကြောနဲ့လမ်းသွားလမ်းလာကို မပိတ်ဆို့ဖို့၊ စုဝေးသို့မဟုတ်လှည့်လည်ရာမှာ လက်နက် မကိုင်ဖို့၊ နိုင်ငံ၊ လူမျိုး၊ဘာသာ၊ လူ့သိက္ခာ၊ကိုယ့်ကျင့်တရားတို့ကို မထိပါးဖို့၊ မမှန်တဲ့ အချက်အလက် မဟောပြောဖို့ စတဲ့စတဲ့အချက်တွေ လိုက်နာ ရမယ့်အကြောင်း ဥပဒေပညာရှိများက လုံလောက်စွာ ပြဋ္ဌာန်းပေးထားတာ ဖြစ်ပါတယ်။ ခွင့်ပြုပြုမပြုပြု အဲဒါတွေနဲ့ငြိစွန်းရင် အရေးယူမှာမို့ ခွင့်ပြုတယ်မပြုဘူး ဆိုတာထက် ဒါတွေလိုက်နာနိုင်မယ်ဆိုရင် ဒီအခွင့်အရေးကိုယူပေါ့လို့ ပြောထားပြီးသားဖြစ်နေတာ ကလည်း လုံလောက်နေပြီလားလို့ ကျွန်တော့်ဉာဏ်လေး တစ်ထွာတစ်မိုက်နဲ့ စဉ်းစားကြည့်မိ လိုက်တာပါခင်ဗျ။ အထက်က ဥပမာနဲ့ပြောရရင် အိမ်ကိုငါးနာရီခွဲ ရောက်ရုံနဲ့လည်း မုံ့ဖိုးကမရသေးဘူး။ ]အိမ်ပေါ်ကို ဆူဆူညံညံမတက်ရဘူး၊ ခြေဆေးပြီးတက်ရမယ်၊ ကျောင်းလွယ်အိတ်တို့ ကျောပိုးအိတ် တို့ကို နေရာတကျသွားထားရမယ်၊ ဒါမှမုံ့ဖိုးရမှာ}လို့ ထပ်ပြဋ္ဌာန်းတယ်ဆိုလည်း လက်ခံလို့ရသေးတယ်။ ဒါပေမဲ့ “အေး၊ ဒါပေမဲ့ လည်း ငါပေးချင်မှ ပေးမှာ”လို့ ထပ်ပြဋ္ဌာန်းတယ်ဆိုရင်တော့ အဲဒီလူကြီးကို ကလေးတွေဘယ်လိုသဘောထားမလဲစဉ်းစားစေချင်တာပါ ခင်ဗျ။

ဘာကြောင့် ဒီလိုပြောရလဲဆိုတော့ ဒီပုဒ်မ ၁၈ဆိုတာကြီးမရှိခင် လွန်ခဲ့တဲ့ နှစ်ခြောက်ဆယ် ကျော် လွတ်လပ်ရေး ရပြီးစကာလက ကျွန်တော်တို့နိုင်ငံမှာ လွတ်လပ်စွာစုဝေးခွင့်အနေနဲ့ “ဟစ်တိုင်” ဆိုတာကြီးတောင်ရှိပြီး ပြောချင်ရာပြော၊ စုချင်သလိုစုခွင့်ရခဲ့တယ်လို့ ရှေ့မီနောက်မီ လူကြီးတွေက ပြောပြတာကိုး။ အဲဒီကာလက ငါးစိမ်းသည်များကလည်း ၀န်ကြီးချုပ်အိမ်ပေါက်ဝသွားပြီး သံတိုင်ကို ခုံဖိနပ်နဲ့ခေါက်ပြီး အော်ဟစ်ဆန္ဒပြလို့ ရတယ်ဆိုတာကိုး။ ပြည်ထဲရေးဝန်ကြီး အိမ်ရှေ့လည်း ကျောင်းသားတွေက သွားပြီး ၀န်ကြီးနာမည်နဲ့ ခေါင်းကြီးလုပ်လို့ မီးရှို့တာမျိုးတွေ ဘာတွေ လုပ်ခဲ့.. ဆိုကိုး။ ဒါပေမဲ့ ဒါတွေကိုခွင့်ပြုခဲ့လို့ ဒီကနေပိုဆိုးသွားပြီး ရုန်းရင်းဆန်ခတ် ဖျက်လိုဖျက်ဆီးအထိ ဖြစ်ခဲ့တဲ့ သမိုင်းမရှိပါဘူး။

ဒီနောက် ခေတ်ပြောင်းတော်လှန်ရေးကြီးဆင်နွဲပြီး အလုပ်သမားနေ့၊ လယ်သမားနေ့တွေမှာ အဲဒီခေတ်က “လုပ်သားပြည်သူ”လို့ အခေါ်ခံရတဲ့ ပြည်သူလူထုကြီး စုဝေးချီတက်ခဲ့ကြတာပဲလေ။ တစ်ခါမှ ခွင့်ပြုချက်တောင်းတယ်တော့ မကြားဖူးပါဘူး။ ဒီကတစ်ခါ တစ်ခေတ်ပြောင်းလို့ ၁၉၈၈ နောက်ပိုင်း ရောက်ပြန်တော့လည်း “စီးပွားရေးပိတ်ဆို့မှု ကန့်ကွက်ပွဲ”တို့ “ဆန့်ကျင်ပွဲ”တို့ စုဝေး လုပ်ခဲ့ကြတာတွေ မြင်ခဲ့ရပါ့ဗျာ။ ခွင့်တောင်းတယ်တော့ မကြားဖူးဘူးဗျ။ ဒါတင်ဘယ်ကမလဲ။ ၈၈ကျောင်းသားလို့ သူတို့ကိုယ်သူတို့ဆိုသူများက အမေရိကန် သံရုံးရှေ့တောင် သွားဆန္ဒပြပါ သေးသဗျာ။ ခွင့်တောင်းရတယ်ဘာတယ် မသိခဲ့ပါဘူး။ ဒါပေမဲ့ အဲဒီအုပ်စုများ စုဝေးကြ၊ ဆန္ဒပြကြ တာကို တစ်နိုင်ငံလုံးက သဘောတူအားပေးနေကြတာ မဟုတ်ပဲ သူတို့နဲ့ သဘောမတူဆန့်ကျင်တဲ့ အုပ်စုတွေလည်း ရှိခဲ့တာပါပဲ။ ဒါပေမဲ့ တခြားတိုင်းပြည်တွေလို ရုန်းရင်းဆန်ခတ်ဖြစ်၊ ဓာတ်ဆီဗုံးတွေ ဘာတွေပစ် မဖြစ်ဖူးပါဘူးဗျာ။

အခုလို ပြောတော့ ကျွန်တော်က ခွင့်ပြုမိန့်တောင်းရမယ်ဆိုတာကို လုံးဝကန့်ကွက်တဲ့ သဘောလို ဖြစ်နေတယ်။ ဒီလိုတော့လည်း မဟုတ်ပါဘူုး။ လွှတ်တော်ကိုယ်စားလှယ်ကြီးများပြောသလို ခွင့်ပြုပေးရမယ့်သူက အလွယ်တကူနဲ့ ရဲရဲဝံ့ဝံ့ပေးပြီး ဒီဥပဒေရဲ့ရည်ရွယ်ချက်အတိုင်း လုပ်ပေးနိုင်မယ် ဆိုရင် ကောင်းမှကောင်းပါပဲ ပေါ့။ ဆိုပါစို့ဗျာ၊ တစ်ခုခု ကန့်ကွက်ဖို့သွားတင်တယ်ဆိုပါစို့၊ ရဲအရာရှိက “ဟာ၊ ဒါက ခင်ဗျားတို့ဘက်က ကြည့်တော့ နစ်နာနေတာပေါ့၊ ဒါကို အစိုးရတို့ မီဒီယာတို့ သိသင့်ပါ တယ်။ လုပ်သင့်ပါတယ်။ ခင်ဗျားတို့ စီတန်းလှည့်လည်တဲ့အခါ အခက်အခဲမတွေ့အောင် ကျွန်တော့် ကောင်လေးတွေ တာဝန်ပေးထားပါမယ်၊ ဘာမှစိတ်မပူနဲ့၊ လုပ်ဖြစ်အောင်လုပ်နော်” ဆိုတာမျိုး...အင်း၊ အဲဒီလိုမျိုး မဟုတ်နိုင်ရင်တောင်... ရဲရဲဝံ့ဝံ့ ခွင့်ပြုပေးလိုက်တယ်ဆို၇င် ဘယ်သူကမှ ဒီဥပဒေကို ရုပ်သိမ်းပေးဖို့ တောင်းဆိုမယ်မထင်ပါဘူး။ ဒါပေမဲ့ “ပြောင်းနေပါပြီ၊ ပြောင်းနေပါပြီ”ဆိုနေကြတဲ့တိုင် ပိုးတုံးလုံးဘ၀နဲ့သိပ်မဝေး လိပ်ပြာလည်းမဖြစ်နိုင်သေးတဲ့ ဒီလိုခေတ်ကာလမျိုးကြီးမျိုးမှာ ဒီလို ရဲအရာရှိမင်း မျိုး ကို ဘယ်လိုမျှော်လင့်နိုင်မှာလဲ။ သူတို့ခမြာလည်း “ရဲ”လို့သာဆိုရတာ၊ ပြန်မပြောရဲ၊ တာဝန်ယူမလုပ်ရဲ၊ စွန့်စားဆောင်ရွက် မပေးရဲနဲ့ ]မရဲ}တဲ့ဘ၀မှာပဲ အသားကျပုံသွင်းခံထားရတာလေ။ ပြီးတော့ ဒီလို ခွင့်ပြုချက်တို့ဘာတို့ တောင်းလာရင်ပေးဖို့ ရဲလုပ်တာမှမဟုတ်တာ။ သေသေချာချာ လည်း စဉ်းစားကြည့်လေ။ တောင်း ရင်ပေးဖို့ရဲလုပ်တာ မဟုတ်တာတော့ သေချာပါတယ်။ တကယ်က ဖမ်းဖို့ဆီးဖို့ စစ်ဖို့ ဆေးဖို့သာ ရဲလုပ်ချင်ခဲ့တာမဟုတ်လား။ ဒါပြောတာပါ။ ဒီကြားထဲ ကိုယ့်အလုပ်ကိုယ် လုပ်တာတောင် ဒူးထောက်တောင်းပန်ရတာမျိုး ရှိတတ်သေးဆိုကိုးခင်ဗျ။

ဒီလိုနဲ့ ယန္တယားပျက်ထဲက လည်နေကျ ပင်နယံတစ်လုံးဘ၀ကို လုံးလုံး ပြောင်းပစ် မပေးနိုင် သေးပဲ ဘာလို့ ဒီလိုလည်နေရတာလဲ။ ပြောင်းပြန်မလည်ရဲဘူးလား ဘာလား ပြောဖို့ကလည်း သိပ် သဘာဝကျမယ် မဟုတ်ဘူးထင်ပါတယ်။ ဒါကြောင့် ဒီဥပဒေမျိုး ဆက်ရှိနေပြီး ရဲအရာရှိမင်းများကို လည်း တကယ်လုပ်ရဲကိုင်ရဲခွင့်ပြုရဲအောင် လုပ်မပေးနိုင်သေးပဲ နိုင်ငံတကာစံကိုပဲပြောပြီး ဒီလို ဥပဒေမျိုးနဲ့ ထိန်းချုပ်စေတာက ဘေးထွက်ဆိုးကျိုးပဲ ဖြစ်လာမှာပါ။ နောင်ဆို ကြားညပ်ရတဲ့ရဲများက တောင် ပုဒ်မ၁၈ ဖျက်သိမ်းရေးကို ဆန္ဒပြတောင်းဆိုလာမလား မဆိုနိုင်သေးဘူး ခင်ဗျ။

အခု လောလောဆယ်တော့ ဆန္ဒပြခွင့်ပိတ်ပင်တဲ့ ပုဒ်မ၁၈ကို ဖျက်ပေးဖို့ ဆန္ဒပြတောင်းဆို၊ ပုဒ်မ၁၈နဲ့ ဖမ်း၊ အဖမ်းခံသူတွေလွှတ်ပေးဖို့ ဆန္ဒပြတောင်းဆို၊ တစ်ခါ ပုဒ်မ၁၈နဲ့ ပြန်ဖမ်း၊ တစ်ခါပြန်တောင်းဆို၊ တစ်ခါ ပုဒ်မ၁၈နဲ့... ဆိုတဲ့ သံသရာဆိုးကြီး လည်နေပါလိမ့်မယ်။ ဒါမျိုးကလည်း မဖြစ်ဖူးမကြုံဖူးတာမျိုးတော့ မဟုတ်ပါဘူး။ လာဘ်ပေးလာဘ်ယူ ဆန့်ကျင် တိုက်ဖျက်ရေး ဆောင်းပါးကို ပိုက်ဆံပေးပြီး ထည့်ခဲ့ရတဲ့ တစ်ခေတ်ရှိဖူးသလို လာဘ်ပေးတဲ့စနစ်ကို မုန်းလို့ ထောင်ကျခံပြီး တိုက်ပွဲဝင်သူများ ထောင်ထဲမှာ လာဘ်ပေးပြီး သတင်းနားထောင်၊ ပိုက်ဆံ ပေး ပြီး စားစရာခိုးသွင်းလို့ အသက်ဆက် နေခဲ့ရတဲ့တစ်ခေတ်လည်း ရှိခဲ့ဖူးတာပဲ မဟုတ်ပါလားခင်ဗျား ။ ။

(LADIES Weekly News Journal Vol 1. No. 80 Sep 15, 2913 တွင် ဖော်ပြခဲ့ပါသည်)
ရီနေနိုင်

မြန်မာနိုင်ငံမှ ငွေစာရင်းငါးခုဖြင့် နိုင်ငံခြားဘဏ်များတွင် အပ်နှံထားသည့် ဒေါ်လာ ၁၁ ဘီလီယံရှိသည် ဆိုခြင်းမှာ အမှန်တကယ် ဟုတ်၊ မဟုတ် စီစစ်ပေးရန် ကမ္ဘာ့ဘဏ်သို့ မြန်မာအစိုးရအနေဖြင့် စက်တင်ဘာ ၁၂ ရက်နေ့တွင် အကြောင်းကြားထားပြီး အဆိုပါကိစ္စရပ်များနှင့်ပတ်သက်၍ ခိုင်မာသည့် အချက်အလက် ပေးမည်ဆိုပါကအစိုးရမှဆက်လက် ဆောင်ရွက်သွားမည်ဖြစ်ကြောင်း နိုင်ငံတော်သမ္မတ၏
 ပြောရေးဆိုခွင့်ရှိသူ ပြန်ကြားရေဒုဝန်ကြီး ဦးရဲထွဋ် က ပြောကြားသည်။

နိုင်ငံတော်သမ္မတ၏ ပြောရေးဆိုခွင့်ရှိသူ ပြန်ကြားရေး ဒု-ဝန်ကြီးဦးရဲထွဋ်က“ဒီလောက် ပမာဏတောင်မဟုတ်တဲ့ မြန်မာပြည်က ငွေစာရင်းအကောင့်တွေ ပိုင်တဲ့သူတွေကိုတောင် အမေရိကန်အစိုးရကရှာဖွေပြီး ပိတ်ဆို့ စာရင်းသွင်းခဲ့သေး တာပဲ။ အခုဒေါ်လာ ၁၁ ဘီလီယံဆိုတာနည်းတာမှမဟုတ်တာ။ ဒါကြောင့် ကျွန်တော်တို့အစိုးရအနေနဲ့ ဂါစီယာက ဒီလို ပြောသွားတယ်။ အဲဒါ ကမ္ဘာ့ဘဏ်ကပြောသွားတာလားဆိုတာ တစ်ချက်၊ နောက်အကောင့်ငါးခုဟာ မြန်မာအကောင့်တွေ ဖြစ်ကြောင်း အထောက်အထားရှိရင်ပေးဖို့ ကမ္ဘာ့ဘဏ်ကို အကြောင်းကြားထားတယ်”ဟု ပြောကြားသည်။

မြန်မာနိုင်ငံမှ ဒေါ်လာ ၁၁ ဘီလီယံ ပမာဏရှိသည့် မြန်မာအကောင့်ငါးခုကြောင့် ကမ္ဘာ့ဘဏ်အနေဖြင့် အကြွေးမလျှော် ပေးခဲ့ခြင်းဖြစ်ကြောင်း Bank Information Center မှ အာရှစီမံရေးရာမန်နေဂျာ Mr. Jelson Garcia က ပြောကြား ခဲ့သည်ကို မြန်မာနိုင်ငံ၏ ပုဂ္ဂလိကပိုင် နေ့စဉ်ထုတ်သတင်းစာအချို့တွင် ပါဝင်လာခဲ့ပြီးနောက် မြန်မာအစိုးရမှ ပြန်လည် ရှင်းလင်းပြောကြားခဲ့ခြင်း ဖြစ်သည်။

အဆိုပါ အမေရိကန်ဒေါ်လာ ၁၁ ဘီလျံအား နိုင်ငံတကာဘဏ်များတွင် အပ်နှံထားမှုနှင့် ပတ်သက်၍ နိုင်ငံတော်သမ္မတ၏ ပြောရေးဆိုခွင့်ရှိသူ ဦးရဲထွဋ်က“အစိုးရအနေနဲ့ နိုင်ငံပိုင်ငွေကိုအဲဒီလို ပြည်ပမှာအပ်နှံထားတာ လုံးဝမရှိပါဘူး။ ၁၁ ဘီလျံ အပ်ထားတယ်ဆိုတဲ့ အကောင့်ငါးခုနဲ့ပတ်သက်လို့ ခိုင်မာတဲ့အချက်အလက်ရှိရင် ပေးပါ။ အစိုးရ အနေနဲ့ ဆက်လက် ဆောင်ရွက်ဖို့အသင့်ပါပဲ”ဟု ၎င်း၏ ကိုယ်ပိုင် Facebook စာမျက်နှာတွင် စက်တင်ဘာလ ၁၂ ရက်နေ့က ဖော်ပြထားသည်။

သို့သော် မြန်မာနိုင်ငံအစိုးရအနေဖြင့် ဒေါ်လာ ၁၁ ဘီလျံအပ်နှံထားခြင်းမရှိကြောင်းကို သာဖော်ပြထားပြီး ပုဂ္ဂလိက အနေဖြင့် အပ်နှံထားခြင်းရှိ၊ မရှိကိုမူ ထည့်သွင်းဖော်ပြထားခြင်းမရှိဘဲဒေါ်လာ ၁၁ ဘီလျံအပ်နှံထားခြင်းရှိသည်၊ မရှိသည်ကို လည်း တိုက်ရိုက် ငြင်းဆိုထားခြင်း၊ ဝန်ခံခြင်းမပြုထားကြောင်း၎င်း၏ စာမျက်နှာတွင် ဆက်လက် ဖော်ပြထားချက်အရ သိရသည်။

အဆိုပါ ကိစ္စနှင့် ပတ်သက်၍ ကမ္ဘာ့ဘဏ်မှ စက်တင်ဘာလ ၁၂ ရက် ညနေကသတင်းကြေညာချက် ထုတ်ပြန်ခဲ့ပြီး မြန်မာနိုင်ငံမှ ပြည်ပတွင် နိုင်ငံခြားငွေစာရင်းငါးခုဖြင့် အမေရိကန် ဒေါ်လာ ၁၁ ဘီလျံ အပ်နှံထားကြောင်းပြောကြားခဲ့သည့် Mr. Jelson Garcia မှာ ကမ္ဘာ့ဘဏ်၏ ပြောရေးဆိုခွင့်ရှိသူတစ်ဦးမပာုတ်ဘဲ ကမ္ဘာ့ဘဏ် အပါအဝင် နိုင်ငံတကာ ငွေကြေး အဖွဲ့အစည်းများ၏ လုပ်ဆောင်မှုများကိုစောင့်ကြည့်သော Bank Information Center (BIC) အနေဖြင့်သာ ပြောကြား ခဲ့ခြင်းဖြစ်ကြောင်း၊ နိုင်ငံတော် အစိုးရများအနေဖြင့် ကုန်သွယ်ရေးဝန်ဆောင်မှုဆိုင်ရာ လုပ်ငန်းများ ချောမွေ့ လွယ်ကူစေရန် နှင့် နိုင်ငံခြားငွေလဲလှယ်နှုန်းကိုတည်ငြိမ်အောင် စီမံဆောင်ရွက်နိုင်ရန်အတွက် နိုင်ငံရပ်ခြားဘဏ်စာရင်းများ ထားရှိခြင်း သည် နိုင်ငံအစိုးရတိုင်း၏ ပုံမှန်လုပ်ငန်းတစ်ရပ်ဖြစ်သည်ဟု ကမ္ဘာ့ဘဏ်အနေဖြင့် ယူဆကြောင်း ကမ္ဘာ့ဘဏ်မှ ထုတ်ပြန်ကြေညာခဲ့သည်။

အမေရိကန် ဒေါ်လာ ၁၁ ဘီလျံကိစ္စအား ထုတ်ဖော်ပြောကြားခဲ့သူ Mr. Jelson Garcia သည် Bank Information Center (BIC) ၏ Asia Program မန်နေဂျာတစ်ဦးဖြစ်ပြီး အာရှဒေသတွင်းနှင့် နိုင်ငံတကာရှိ လူမှုအခွင့်အရေး ဆုံးရှုံးနေ သူများကို အကာအကွယ်ပေးသည့် အဖွဲ့အစည်းများတွင် လုပ်ကိုင်ခဲ့သူတစ်ဦးဖြစ်ကာ ၎င်းသည် လူမှု့အဖွဲ့အစည်းများ၌် မလုပ်ကိုင်မှီ ဖိလစ်ပိုင်သမ္မတရုံး၏ ပေါင်းစည်းရေး၊ ဖွံ့ဖြိုးတိုးတက်ရေးစီမံကိန်းနှင့် World Vision – Asia Pacific Disaster Management Office Humanitarian Competency Program တို့တွင် လုပ်ကိုင်ခဲ့သူတစ်ဦးလည်း ဖြစ်ကြောင်း သိရသည်။

ယင်းကဲ့သို့ မြန်မာနိုင်ငံမှ ငွေကြေးများအပ်နှံထားမှုနှင့်ပတ်သက်၍ မြန်မာအစိုးရနှင့် ကမ္ဘာ့ဘဏ် နှစ်ခုတို့မှ ငြင်းဆိုထားခြင်း မရှိသေးသည့်အပေါ် တာဝန်ရှိသူများအနေဖြင့် တိတိပပရှင်းလင်းဖြေကြားသင့်ကြောင်း၊ ယခုကဲ့သို့ အမှန်တကယ် ရှိ၊ မရှိ ကိုပင် ဖြေကြားနိုင်ခြင်းမရှိသဖြင့် သံသယကိုပိုမိုကြီးထွားစေနိုင်ကြောင်း နိုင်ငံရေးနှင့် စီးပွားရေးစောင့် ကြည့်လေ့လာသူများ က ပြောဆိုနေကြသည်။

လက်ရှိအချိန်တွင် တရားမဝင်သောနည်းလမ်းများဖြင့် ရရှိလာသောငွေကြေးများ ထိန်းချုပ်ရေးဆိုင်ရာဥပဒေကို ၂ဝဝ၅ ခုနှစ် ကတည်းက မြန်မာနိုင်ငံ၌ ပြဋ္ဌာန်းထားပြီး ဖြစ်သော်လည်း အာရှ ပစိဖိတ်ဆိုင်ရာငွေကြေးခဝါချမှု တိုက်ဖျက်ရေး အဖွဲ့၏ စောင့်ကြည့်ခံရသောစာရင်းများတွင် ပါဝင်နေဆဲဖြစ်သည်။

Yangonchronicle

စက်တင်ဘာလ ၁၂ ရက်၌ ဒဂုံမြို့သစ်(တောင်ပိုင်း) မြို့နယ်တွင် ငြိမ်းချမ်းရေးနှင့်ပွင့်လင်းလူ့အဖွဲ့အစည်း ရုံး ၌ကျင်းပသော၂၀၀၈ဖွဲ့စည်းပုံအခြေခံဥပဒေ ပြင်ဆင်ရေးဆွေးနွေးပွဲ ခေါင်းစဉ်ဖြင့်ဟောပြောပွဲ တွင်အခြေခံဥပဒေအား ပြန်လည်ရေးဆွဲရန်အတွက် အခြေခံဥပဒေကို အတည်ပြုခဲ့သော ညီလာခံကဲ့သို့ င်္ညီလာခံမျိုး ကျင်းပရန် ပြင်ဆင်သင့်ကြောင်း ၈၈မှ ဦးမင်းဇေယျာ ကပြောသည်။

လက်ရှိ ဖွဲ့စည်းပုံအခြေခံဥပဒေသည် ၁၅နှစ် နီးပါးရေးဆွဲထားသော်လည်း ပြည်သူများအတွက် ဒီမိုကရေစီ နိုင်ငံတစ်ခု ထွက်ပေါ်ရန် စစ်မှန်သော ညီလာခံ ကျင်းပ၍ ရေးဆွဲခြင်းမဟုတ်ကြောင်း ၄င်းက ပြောကြားသည်။

စက်တင်ဘာ ၁၂ ရက်တွင် ပိုလန်နိုင်ငံသို့ ရောက်ရှိနေသော ဒေါ်အောင်ဆန်းစုကြည်သည် ဝါဆောတက္ကသိုလ် တွင် ပြုလုပ်သော နိုင်ငံရေးနှင့် ပညာရေး ခေါင်းစဉ်ဖြင့် ပို့ချချက်တွင် ၂၀၀၈ ဖွဲ့စည်းပုံအခြေခံဥပဒေသည် ဒီမိုကရေစီ စံနှုန်းအားလုံးနှင့် ဆန့်ကျင်နေသည့်အတွက် ပြင်ဆင်ရန် လိုအပ်ကြောင်း ပြောကြားခဲ့သည်။

“ ဒီမိုကရေစီဆိုတာ လွတ်လပ်တဲ့ ရွေးချယ်မှုမရှိရင် အဓိပ္ပယ်မရှိပါဘူး။ ဒါပေမဲ့ အသိပညာ မကြွယ်ဝတဲ့ သူတစ်ဦးရဲ့ ရွေးချယ်မှုဟာ ကောင်းမွန်သော ရွေးချယ်မှု တစ်ခုမဖြစ်နိုင်ပါဘူး။ ဒါကြောင့် ကျွန်မတို့ မြန်မာနိုင်ငံရဲ့ ပညာရေးဏ္ဍကို အဆင့်မြှင့်တင်ဖို့ လိုပါတယ်” ဟုပြောကြားခဲ့သည်။

မြန်မာနိုင်ငံတွင်း ဖြစ်ပွားခဲ့သော ပဋိပက္ခများကို မေးမြန်းရာတွင် ယင်းပဋိပက္ခများကို ၄င်းတစ်ဦးတည်းဖြေရှင်း၍ မရနိုင်ကြောင်း၊ တရားဥပဒေစိုးမိုးရေး စနစ်တကျ တည်ဆောက်ရန် အရေးကြီးကြောင်း၊ ၉၆၉ လှုပ်ရှားမှုကို စိုးရိမ် စောင့်ကြည့်သူများလည်း ရှိနေကြောင်း ဆက်လက်ပြောကြားခဲ့သည်။

စက်တင်ဘာလ ၉ရက်နေ့၌ တနင်္သာရီတိုင်းဒေသကြီး ထားဝယ်မြို့တော်ခန်းမတွင် သူရဦးရွှေမန်းသည် တိုင်းဒေသကြီးလွတ်တော်အမတ်များ ၊ နိုင်ငံရေးပါတီခေါင်းဆောင်များ၊ မြို့မိမြို့ဖများ၊ တိုင်းရင်းသား လက်နက်ကိုင် အဖွဲ့များနှင့် တွေ့ဆုံစဉ် ၂၀၀၈ ဖွဲ့စည်းပုံအခြေခံဥပဒေသည် န.အ.ဖ အစိုးရက နောင်တက်လာမည့် အစိုးရအဖွဲ့ကို အာဏာ လွဲပြောင်းပေးရန် ဖြစ်ပြီး မရေးဆွဲနိုင်လျှင် အာဏာရေးဆွဲပေးမည် မဟုတ်ကြောင်း ပြောကြားခဲ့ သည်။

၂၀၀၈ ဖွဲ့စည်းပုံအခြေခံ ဥပဒေသည် တစ်ဖက်သတ် ရေးဆွဲသည့် ပုံစံဖြစ်နေသည်ဟု နိုင်ငံရေးလေ့လာသူများက ဝေဖန်ပြောကြားသော်လည်း ယင်းဥပဒေ မရှိလျှင် အရပ်သားအစိုးရ ပေါ်လာမည်မဟုတ်ဟု ပြောကြားခြင်းများရှိကြောင်း ဆက်လက်ပြောကြားခဲ့သည်။

၂၀၁၅ ရွေးကောက်ပွဲတွင် ဒေါ်အောင်ဆန်းစုကြည် သမ္မတဖြစ်သည့်တိုင်အောင် စစ်ရေးအရ အမြင်မရှိသည့် အတွက် သမ္မတမဖြစ်နိုင်ကြောင်း၊ စစ်ရေးအမြင်ရှိသည့် သူသာ သမ္မတ ဆက်ဖြစ်နိုင်ကြောင်း နိုင်ငံရေး လေ့လာသူ တစ်ဦးက သုံးသပ်ပြောကြားခဲ့သည်။

Yangonchronicle

ကုလသမဂ္ဂမှ မစ္စတာဂမ်ဘာရီ မြန်မာနိုင်ငံသို့ လာရောက်ခဲ့စဉ်က ဗိုလ်ချုပ်မှူးကြီးသန်းရွှေ၊ ဒုတိယဗိုလ်ချုပ်မှူးကြီးမောင်အေး၊ ဗိုလ်ချုပ်ကြီး သူရရွှေမန်း၊ ဗိုလ်ချုပ်ကြီး သိန်းစိန်တို့နှင့်အတူ တွေ့ရစဉ်

ဗိုလ်ချုပ်မှူးကြီး သန်းရွှေ၏ စစ်အစိုးရ လက်ထက် ဒုတိယ တပ်မတော် ကာကွယ်ရေး ဦးစီးချုပ်နှင့် ကာကွယ်ရေး ဦးစီးချုပ်(ကြည်း)၊ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ ဒုတိယဥက္ကဋ္ဌ တာဝန်ယူခဲ့သူ ဒုတိယဗိုလ်ချုပ်မှူးကြီး(ငြိမ်း) ဦးမောင်အေး ကွယ်လွန်ကြောင်း စက်တင်ဘာ ၁၀ ရက်နေ့၌ အင်တာနက်နှင့် လူမှုကွန်ရက် စာမျက်နှာများတွင် ပျံ့နှံ့ခဲ့သည်။ ထိုကဲ့သို့ ဒုတိယဗိုလ်ချုပ်မှူးကြီး မောင်အေး နာရေးသတင်း ထွက်ပေါ်မှုကြောင့် ယခင်အစိုးရ လက်ထက်တွင် ဦးမောင်အေးကို ဖိန့်ဖိန့်တုန်အောင် ကြောက်ရွံ့ နေခဲ့ကြရသည့် တပ်အရာရှိကြီး/ငယ်များ၊ ဦးမောင်အေးနှင့် အဆင်မပြေသော စီးပွားရေး ခရိုနီများ အတွင်း စိတ်ဝင်စားဖွယ် သတင်းတစ်ပုဒ်အဖြစ် အလျင်အမြန် ပျံ့နှံ့ ပြောကြားခဲ့ကြသည်။

ဒုတိယဗိုလ်ချုပ်မှူးကြီး(ငြိမ်း) ဦးမောင်အေး၏ မိသားစုဝင် တစ်ဦးကို ဆက်သွယ် မေးမြန်းခဲ့ရာ ““ရန်ကုန်မြို့မှာ ရှိပါတယ်၊ ကျန်းမာရေးက စင်ကာပူက ပြန်လာတဲ့ အတိုင်းပါပဲ။ အဘအေး ဆုံးပြီဆိုလို့ ဖုန်းဆက်မေးကြတာ အများအပြား ရှိပါတယ်။ မဟုတ်ပါဘူး။ လူကြီးက အသက်အရွယ်နဲ့ ကျန်းမာရေး မကောင်းတော့ … ဒီလိုပဲ ထင်တတ် ကြပါတယ်””ဟု မြန်မာသံတော်ဆင့်သို့ ပြောသည်။

လွန်ခဲ့သည့် သီတင်းတစ်ပတ်ကလည်း ရောဂါသည်း၍ ဦးမောင်အေးအား စင်ကာပူသို့ ဆေးကုရန် ပို့ဆောင်လိုက်ရကြောင်း သတင်းများ ထွက်ပေါ်ခဲ့ရာ “အဘအေးသွားတာ မဟုတ်ပါဘူး၊ အန်တီ ဒေါ်မြမြစန်း (ဒုတိယ ဗိုလ်ချုပ်မှူးကြီး မောင်အေး၏ဇနီး) သွားတာပါ၊ အခု ရန်ကုန် ပြန်ရောက်နေပါတယ်”ဟု ဦးမောင်အေး၏ မိသားစုဝင်က မြန်မာသံတော်ဆင့်သို့ ရှင်းလင်း ပြောကြားသည်။

ဒုတိယဗိုလ်ချုပ်မှူးကြီး ဦးမောင်အေးသည် စစ်အစိုးရ သက်တမ်းတစ်လျှောက် တပ်မတော် အရာရှိများအားလုံး ကြောက်ရွံ့ ခဲ့ကြရပြီး၊ DSA အပတ်စဉ် (၁) ဆင်းဖြစ်၍ DSA ဆင်း အရာရှိများကို ရာထူးတိုးမြှင့်ခြင်း၊ နေရာ ကောင်းများပေးခြင်း၊ ၎င်းတို့အပေါ် သည်းခံ ခွင့်လွှတ်တတ်ခြင်းများရှိ ၍ DSA ဆင်း အရာရှိကြီးများ အားလုံးလိုလို ကြောက်ရွံ့ ရိုသေခြင်း ခံခဲ့ရကြောင်း တပ်မတော် အငြိမ်းစား ဗိုလ်ချုပ်တစ်ဦးက မြန်မာသံတော် ဆင့်သို့ပြောသည်။

ဒုတိယ ဗိုလ်ချုပ်မှူးကြီး ဦးမောင်အေးနှင့် နိုင်ငံရေးအရ အဆင်မပြေဟု သတင်း ထွက်ပေါ်နေသော ဗိုလ်ချုပ်ကြီးခင်ညွန့်ကို ဖမ်းဆီး ထိန်းသိမ်းခံရပြီးနောက် ဒုတိယ ဗိုလ်ချုပ်မှူးကြီး မောင်အေး၏ သြဇာ ပိုမိုကြီးမားလာကာ ထိုစဉ်က ဗိုလ်ချုပ်မှူးကြီးသန်းရွှေ အနားယူ၍ ဒုတိယဗိုလ်ချုပ်မှူးကြီး မောင်အေး ခေါင်းဆောင် နေရာယူရန် သတင်းများ ထွက်ပေါ် ခဲ့သော်လည်း ဦးမောင်အေးသည် ယခင် လမ်းစဉ်ပါတီအစိုးရ ဒုတိယ ခေါင်းဆောင် (သမ္မတ-ငြိမ်း) ဗိုလ်ချုပ်ကြီး စန်းယုက လမ်းစဉ်ပါတီ ဥက္ကဋ္ဌ ဗိုလ်ချုပ်ကြီး နေ၀င်းကို သြဇာခံ၍ နောက်ဆုံး အတူတူ နုတ်ထွက်သည်အထိ တာဝန်ထမ်း ဆောင်သကဲ့သို့ နေထိုင်သွားခဲ့သည်။ နယကအစိုးရမှ အစိုးရသစ်နှင့် ပြည်ထောင်စုလွှတ်တော်သို့ အာဏာ လွှဲပြောင်းပြီးနောက် ဒုတိယ ဗိုလ်ချုပ်မှူးကြီး မောင်အေးသည် ဗိုလ်ချုပ်မှူးကြီး သန်းရွှေနှင့်အတူ တာဝန်များမှ အငြိမ်းစားယူခဲ့သည်။

ယခုအခါ ဒုတိယ ဗိုလ်ချုပ်မှူးကြီး(ငြိမ်း) ဦးမောင်အေးသည် ၇၅ နှစ်သို့ ရောက်ရှိနေပြီဖြစ်ပြီး ဗိုလ်ချုပ်မှူးကြီး(ငြိမ်း) ဦးသန်းရွှေသည် ၈၄ နှစ်ခန့် ရှိပြီဖြစ်ကြောင်း ၎င်းတို့နှင့် ရင်းနှီးသူ တစ်ဦးက မြန်မာသံတော်ဆင့်သို့ ပြောသည်။

မြန်မာသံတော်ဆင့်

Photo..HuffPostUK Pic Desk
(AFP မှ 13 Sept 2013 ရက်စွဲပါ “Suu Kyi admits failure in stopping violence” သတင်းကို ဘာသာပြန်ဆိုပါသည်)

မြန်မာအတိုက်အခံခေါင်းဆောင် ဒေါ်အောင်ဆန်းစုကြည်က မြန်မာနိုင်ငံကို လှုပ်ခါခဲ့သော မွတ်ဆလင်ဆန့်ကျင်ရေး အကြမ်းဖက်မှုကို သူမတစ်ယောက်တည်း ဟန့်တားရန် မဖြစ်နိုင်ကြောင်းနှင့် ဖြေရှင်းရန် နည်းလမ်းမှာ ဥပဒေ စိုးမိုးမှုကို တည်ဆောက်ခြင်းဖြစ်ကြောင်း မနေ့ကပြောကြားလိုက်ပါသည်။

“ဒီကိစ္စဟာ ကျွန်မတစ်ယောက်တည်း လုပ်ဆောင်လို့ရနိုင်တဲ့အရာ မဟုတ်ပါဘူး။ ဒါပေမယ့်လည်း ကျွန်မတို့ မြန်မာလူ့အဖွဲ့အစည်းတစ်ခုလုံး အပတ်တကုတ်ကြိုးစားအားထုတ်လုပ်ဆောင်ရမယ့် ကိစ္စဖြစ်တယ်လို့ ကျွန်မ ထင်ပါ တယ်” ဟု ဒေါ်အောင်ဆန်းစုကြည် ဥရောပအလယ်ပိုင်းခရီးစဉ်အတွင်း ဝါဆောမြို့၌ သတင်းထောက်များ အားပြောကြား သည်။

“ကျွန်မတို့ ပြည်သူတွေ လုံခြုံမှုကို ခံစားနိုင်စေမယ့်တရားဥပဒေ စိုးမိုးမှု သက်ရောက်ဖို့ လိုအပ်ပါတယ်။ ကျွန်မ တို့ နိုင်ငံရဲ့ အနာဂါတ်အတွက် ညီညွတ်မှုကို အာမခံချက်ရှိမယ့် ဆက်ဆံရေးပုံစံကို ထူထောင်ရေးကိစ္စကို လုံခြုံမှုရှိတဲ့ ပြည်သူတွေကသာ ပြောဆိုနိုင်၊ ကြိုးစားနိုင်ကြမှာပါ” ဟု သူမက ဆိုပါသည်။

မြန်မာနိုင်ငံမှ လူမျိူးရေးအကြမ်းဖက်မှု ရပ်တန့်အောင် သူမတစ်ကိုယ်တော် လုပ်ဆောင်နိုင်မလားဟု သတင်းထောက်တစ်ဦးက မေးမြန်းခြင်းကို ဒေါ်အောင်ဆန်းစုကြည်က အထက်ပါ အတိုင်း ပြန်လည်ဖြေကြားခဲ့ခြင်း ဖြစ်သည်။

ဒေါ်အောင်ဆန်းစုကြည်သည် မြန်မာ့ဒီမိုကရေစီရေး ရုန်းကန်လှုပ်ရှားမှုအတွက် ချီးကျူးဂုဏ်ပြုခြင်း ခံခဲ့ရသော် လည်း၊ ဗုဒ္ဓဘာသာလူများစု မြန်မာနိုင်ငံတွင် မွတ်ဆလင်တို့ အကြမ်းဖက်ခံနေရခြင်းကို ပြတ်ပြတ်သားသား ရှုတ်ချရန် ပျက်ကွက်ခဲ့သည်ဟု အချို့နိုင်ငံတကာ လူ့အခွင့်အရေးလှုပ်ရှားသူများက ပြစ်တင်စွပ်စွဲထားကြသည်။

မနှစ်က မြန်မာနိုင်ငံအနောက်ပိုင်း ရခိုင်ပြည်နယ်တွင် လူ ၂၀၀ ခန့် သေဆုံးခဲ့ရသော လူမျိုးရေးပဋိပက္ခများ ဖြစ်ပွားခဲ့ရာ သေဆုံးသူအများစုမှာ နိုင်ငံသားခံယူခွင့် ငြင်းပယ်ခံထားရသော ရိုဟင်ဂျာမွတ်ဆလင်များ ဖြစ်သည်။

အသက် ၆၈ နှစ်အရွယ်မြန်မာအတိုက်အခံခေါင်းဆောင်သည် ပိုလန်ကွန်မြူနစ်ဆန့်ကျင်ရေးခေါင်းဆောင် လက်ရ်ှဝေလ်ဆာနှင့် တွေ့ဆုံပြီးနောက် သတင်းထောက်များအား ပြောကြားခဲ့ခြင်းဖြစ်သည်။ ဝါဆော မြို့တော်ဝန်က ဒေါ်အောင်ဆန်းစုကြည်အား ဂုဏ်ထူးဆောင် မြို့တော်သားအဖြစ် သတ်မှတ် ဂုဏ်ပြုကြောင်း ကြေညာခဲ့ပြီး၊ ထိုဂုဏ်ပြုဆုကို ရရှိထားသော အခြားနိုင်ငံခြားသားတစ်ဦးမှာ တိဘက်ဘာသာရေး ခေါင်းဆောင်ဒလိုင်းလားမား ဖြစ်သည်။

မြန်မာဒီမိုကရေစီလှုပ်ရှားမှုခေါင်းဆောင် ဒေါ်အောင်ဆန်းစုကြည်သည် ယခင်တပ်မတော်အစိုးရ လက်ထက်တွင် ၁၅ နှစ်ခန့် နေအိမ်အကျယ်ချုပ် ထိန်းသိမ်းခံခဲ့ရပြီးနောက် အငြင်းပွားဖွယ် ၂၀၁၀ ရွေးကောက်ပွဲများအပြီးတွင် လွတ်မြောက်လာခဲ့သူ ဖြစ်သည်။

၂၀၁၁ တွင် အာဏာရလာသော လက်ရှိအရပ်ဖက်အစိုးရ လက်ထက် ပြုပြင်ပြောင်းလဲမှုများကြောင့် ဒေါ်အောင်ဆန်းစုကြည်သည် ယခုအခါ အတိုက်အခံခေါင်းဆောင် လွှတ်တော်ကိုယ်စားလှယ်တစ်ဦးအဖြစ် တရားဝင် နိုင်ငံရေးလှုပ်ရှားမှုများ ပြုလုပ်လျက်ရှိသည်။

လတ်တလော ပိုလန်နိုင်ငံတွင် ရောက်ရှိနေသော မြန်မာဒီမိုကရေစီခေါင်းဆောင်သည် ဟန်ဂေရီနှင့် ချက်ရီပတ်ဗလစ်နိုင်ငံများသို့ ဆက်လက်ခရီးလှည့်လည်မည်ဖြစ်သည်။

Yangon chronicle

Author Name

Contact Form

Name

Email *

Message *

Powered by Blogger.