09/20/13

မြန်မာ့တပ်မတော်သည် လွတ်လပ်ရေးခေတ်ဦးက စ၍ ယနေ့တိုင်အောင် တိုင်းရင်းသားလူမျိုးများအပေါ်၌ ရိုးသားမှု မရှိခဲ့ပေ။ လွတ်လပ်ရေးခေတ်ဦးတွင် အင်္ဂလိပ်နှင့် နီးစပ်ခဲ့သည့် ဧရာဝတီကရင်များကို ရွာလုံးကျွတ် သတ်ဖြတ်ပွဲများ ကျင်းပခဲ့သကဲ့သို့ ချင်း၊ ကချင်၊ ရှမ်းမှတပါး အခြားတိုင်းရင်းသားများကိုလည်း စာနာမှုကင်းမဲ့စွာ နှိပ်စက်သတ်ဖြတ်ခဲ့သည်။ ဖက်ဆစ်စနစ်ကို အခြေခံ၍ ဖွဲ့စည်းခဲ့သည့် တပ်မတော် ဖြစ်သည့်အားလျော်စွာ ကမ္ဘာပေါ်တွင် ဖက်ဆစ်ဝါဒကို ကျင့်သုံးခဲ့သည့် မြန်မာ့တပ်မတော်ခေါင်ကိုင်ဖခင်ဂျပန်နိုင်ငံသည်ပင် ဖက်ဆစ်ဝါဒကို ရှုံ့ချနေသည့်အချိန်တွင် မြန်မာ့တပ်မတော်က ဖက်ဆစ်ဝါဒဖြင့် မိမိတိုင်းရင်းသားလူမျိုးများကို ညှဉ်းပမ်းနှိပ်စက်သတ်ဖြတ်လျက်သာ ရှိနေပါသေးသည်။

၁၉၆၁-ခုနှစ်တွင် ရှမ်းပြည်နယ်၊ တောင်ကြီးမြို့တွင် စစ်မှန်သည့် ပြည်ထောင်စုမူ၊ ဖက်ဒရယ်မူ၊ ပြည်နယ်(၈)ခုမူကြောင့် ခွဲထွက်ရေးမူဖြစ်သည်ဟု ဝါဒဖြန့်၍ အာဏာသိမ်းခဲ့သည့် မြန်မာ့တပ်မတော်သည်

၁။ ဗြိတိသျှနယ်ချဲ့၊ အမေရိကန်နယ်ချဲ့၊ ကိုလိုနီလက်သစ်တို့သည် မြန်မာနိုင်ငံကို သူတို့လက်ဝေခံနိုင်ငံဖြစ်အောင် ပက်ပက်စက်စက် ကြံစည်လျက်ရှိကြောင်း မှိုင်းတိုက်၍ အတိုက်အခံဒီမိုကရေစီအင်အားစုများကို ပုံမှားရိုက်ကာ ချေမှူန်းခဲ့သည်။ နိုင်ငံတော်အချုပ်အခြာအာဏာတည်မြဲရေးအတွက် တပ်မတော်သည် နိုင်ငံရေးဦးဆောင်မှုအခန်းကဏ္ဍကို ရယူရမည်ဟု မိမိကိုယ်မိမိ သတ်မှတ်ခဲ့သည်။

၂။ ဖက်ဒရယ်မူကို ခွဲထွက်ရေးမူဟု ကင်ပွန်းတပ်ပြီး တိုင်းရင်းသားလူမျိုးများသည် ပြည်ထောင်စုကြီးမှ ခွဲထွက်ရန် အစဉ်ကြိုးပမ်းလျက်ရှိကြောင်း၊ တိုင်းရင်းသားလူမျိုးများသည် အချင်းချင်းမညီညွတ်ကြသဖြင့် မြန်မာ့တပ်မတော်သာ ဝင်ရောက်မထိန်းသိမ်းလျှင် ဘော့စ်နီယား ဟာဇီဂိုဗိုင်းနားလို သွေးချောင်းစီးသည့် ပြည်တွင်းစစ်များ ဖြစ်ပေါ်လာမည်ဟု ဆိုသည်။ ထို့ကြောင့် ပြည်ထောင်စုမပြိုကွဲရေးအတွက် တပ်မတော်သည် မရှိမဖြစ်သော အခန်းကဏ္ဍမှ ပါဝင်ရမည်ဟု မိမိကိုယ်မိမိ သတ်မှတ်ခဲ့သည်။

ခေတ်ဟောင်းအမြင်မစွန့်နိုင်သေးသော တပ်မတော်

မြန်မာ့တပ်မတော်သည် စစ်အုပ်ချုပ်ရေးဖြင့် ဆက်သွား၍ မရတော့သည့်အဆုံး ဒေါ်အောင်ဆန်းစုကြည်နှင့် မလွဲမရှောင် ဆက်ဆံခဲ့ရသည်။ ဤသို့ ပူးပေါင်းဆောင်ရွက်ရာ၌လည်း မြန်မာ့တပ်မတော်က တိုက်ရိုက်ပါဝင်လာခြင်းမဟုတ်ဘဲ စစ်ထွက်များမှတဆင့် ဆောင်ရွက်နေခြင်းဖြစ်သည်။ သမ္မတဦးသိန်းစိန်အစိုးသက်တမ်း (၃)နှစ်အတွင်းမှာ ဗြိတိသျှ၊ အမေရိကန်၊ အနောက်နိုင်ငံများနှင့် ဒေါ်အောင်ဆန်းစုကြည်တို့သည် စစ်ဝါဒီတို့ ဝါဒဖြန့်ခဲ့သကဲ့သို့ ရန်သူမဟုတ်ကြောင်း ပြည်သူတို့ သိရှိလာကြရပြီဖြစ်သည်။ အမရိကန်နယ်ချဲ့၊ ဗြိတိသျှနယ်ချဲ့၊ ကိုလိုနီလက်သစ်ဒေါ်စုကဲ့သို့သော ဝါဒဖြန့်စကားလုံးများကို မကြားရသည်မှာ ကြာခဲ့ပြီ။ ဤအချက်သည် မြန်မာ့တပ်မတော်ကို ခြိမ်းခြောက်လျက်ရှိသည်။ အာဏာကို ဆုပ်ကိုင်ထားရေးအကြောင်းပြချက်(၂)ခုအနက် တစ်ခုကို လက်လွှတ်ရတော့မလို ဖြစ်နေ၍ ဖြစ်သည်။

ထိုသို့သော အခြေအနေတွင် မြန်မာ့တပ်မတော်သည် နောက်အချက်တစ်ခုဖြစ်သည့် ပြည်ထောင်စုမပြိုကွဲရေးကို အာရုံစိုက်ရသည်။ (၂၁)ရာစုတွင် သူတို့အာဏာတည်မြဲရေးအတွက် တိုင်းရင်းသားများကို ခုတုံးလုပ်ရဖွယ်ရှိသည်။ သမ္မတဦးသိန်းစိန်နှင့် ငြိမ်းချမ်းရေးအဖွဲ့သည် လက်ရှိမြန်မာ့တပ်မတော်၏ စားကျက်ဖြစ်သည့် ဤတိုင်းရင်းသားအရေးကို ကိုင်တွယ်သည့်အခါ မြန်မာ့တပ်မတော်နှင့် ထိပ်တိုက်မတွေ့စေရန် သတိထားဆောင်ရွက်နေရသည့်အနေအထားရှိသည်။ လက်နက်ကိုင်တိုင်းရင်းသားလူမျိုးများသည်လည်း ပြည်ထောင်စုမှ ခွဲထွက်ချင်ကြသည့်ပုဂ္ဂိုလ်များမဟုတ်ကြောင်းသက်သေပြနိုင်ခဲ့လျှင် မြန်မာ့တပ်မတော်နှင့် တိုင်းရင်းသားတပ်မတော်တို့ကို ခုတုံးလုပ်ပြီး အာဏာတည်ဆောက်လိုသည့် ပုဂ္ဂိုလ်ကျော်အချို့ အခက်တွေ့ကြဖွယ်ရှိသည်။

၁၉၈၉၊ ၂၀၀၄၊ ၂၀၁၃ အပစ်ရပ်ရေး တပ်မတော်၏ မူ(၆)ချက်


မကြာခင်က ရှမ်းပြည်တွင် တပ်မတော်၏ မူ(၆)ချက်ကို ပြဌာန်းခဲ့သည်။ မြန်မာ့တပ်မတော်သည် ၂၀၀၄-ခုနှစ်တွင် သဘောတူညီချက်(၁၄)ခုတို့ဖြင့် တစ်ခါ၊ ၁၉၈၉-ခုနှစ်တွင် သဘောတူညီချက် (၁၀)ချက်တို့ဖြင့်တစ်ခါ၊ ယခုအခါ၌ မူ(၆)ချက်တို့ဖြင့် တစ်ခါ အပစ်ရပ်ဖို့ ကြိုးစားခဲ့သည်။ လက်ရှိမူ (၆)ချက်ကို လေ့လာကြည့်လျှင် -

(၁) လူသစ်စုဆောင်းခြင်း၊ အင်အားတိုးချဲ့ခြင်း မပြုလုပ်ရ။ ဤအချက်သည် ၂၀၀၄-ခုနှစ် သဘောတူညီချက်တွင် အင်အားမတိုးချဲ့ရ၊ လူသစ်မစုရဆိုသည့် တတိယအချက်၊ စစ်သင်တန်းမပေးရ၊ စစ်လေ့ကျင့်မှုမလုပ်ရဆိုသည့် စတုတ္ထအချက်၊ လူ လက်နက် ဖွဲ့စည်းပုံစာရင်း အသေးစိတ်ပေးရမည်ဆိုသည့် ပဉ္စမအချက်တို့နှင့် အတူတူပင် ဖြစ်သည်။ ၁၉၈၉-ခုနှစ် သဘောတူညီချက်ကို ကြည့်လျှင် အင်အားတိုးချဲ့ခြင်းမပြုရဆိုတဲ့ ဒုတိယအချက်နှင့် ကွက်တိညီမျှသည်။

(၂) အခွန်ကောက်ခြင်းမပြုလုပ်ရ။ ၂၀၀၄-ခုနှစ်တွင် ဆက်ကြေး ဘီးခွန်မကောက်ရဆိုသည့် ဆဋ္ဌအချက်၊ နေထိုင်စားသောက်ရေးအတွက် နိုင်ငံတော်မှ ကူညီပံ့ပိုးမည်ဆိုသည့် ဒွါဒသမအချက်တို့နှင့် တူသည်။ ၁၉၈၉-ခုနှစ်သဘောတူညီချက်မှာ ဆက်ကြေးအခွန်အကောက်များ မကောက်ခံရ (တတိယအချက်)၊ ပြည်သူလူထုထံမှ ရိက္ခာသီးနှံပစ္စည်းများ မကောက်ခံရ (စတုတ္ထအချက်)တို့နှင့် အတူတူပင် ဖြစ်သည်။

(၃) ခွင့်ပြုချက်မရဘဲ စခန်းအသစ်တည်ခြင်း၊ သွားလာခြင်းမပြုရ။ ၂၀၀၄-ခုနှစ်တွင် အစိုးရကွပ်ကဲမှုဖြင့် သွားလာရမည် (၇-အချက်)၊ သတ်မှတ်နယ်မြေအပြင်သို့ သွားလျှင် တပ်ကို သတင်းပို့၍ လက်နက်မဲ့သွားလာရမည် (၈-အချက်)၊ နယ်မြေဖြန့်ကျဲ၍ သတ်မှတ်ခြင်းမပြုဘဲ ဖွံ့ဖြိုးရေးလုပ်လိုသည့်နေရာများအား သတ်မှတ်ပေးရမည် (၁၁-အချက်)တို့နှင့် ညီမျှသည်။ ၁၉၈၉-ခုတွင် သတ်မှတ်နယ်မြေအတွင်း၌သာ တပ်ဖွဲ့များ နေထိုင်ရမည် (အချက်-၁)၊ မြို့များသို့ သွားလာရာတွင် လက်နက်၊ ဆက်သွယ်ရေးစက်မယူရ (အချက်-၁၀)တို့နှင့် တူသည်။

(၄) အစိုးရအုပ်ချုပ်ရေးကို ဝင်ရောက်စွက်ဖက်ခြင်း မပြုရ။ ၂၀၀၄-ခုနှစ်တွင် အစိုးရအုပ်ချုပ်ရေး၊ စီမံခန့်ခွဲရေးနှင့် တရားစီရင်ရေးအပိုင်းများတွင် ဝင်ရောက်စွက်ဖက်ခြင်းမပြုရ (အချက်-၁၀)အတိုင်းပင်ဖြစ်သည်။ ၁၉၈၉-ခုနှစ်တွင် အချက်(၅)ဖြစ်သည့် နိုင်ငံတော်အုပ်ချုပ်ရေးတွင် ဝင်ရောက်စွက်ဖက်ခြင်းမပြုရနှင့် အတူတူပင် ဖြစ်သည်။

(၅) လူသတ်ခြင်းမပြုရ။ ၂၀၀၄-ခုနှစ်တွင် လက်နက်ကိုင်တော်လှန်ရေးလမ်းစဉ် စွန့်လွှတ်ရမည် (၂-အချက်) ဖြစ်သည်။ ၁၉၈၉-ခုနှစ်တွင် ဤအချက်ကို ထည့်မထားခဲ့ပေ။

(၆) အစိုးရပြည်သူ့စစ်တပ်ဖွဲ့ကို ထိပါးခြင်းမပြုရ။ ၂၀၀၄-ခုနှစ်တွင် နိုင်ငံတော်ဦးဆောင်မှုအောက်တွင် ဒေသပြည်သူလူထုအကျိုးစီးပွားကာကွယ်စောင့်ရှောက်ရမည် (အချက်-၁၃)နှင့် တူသည်။ ၁၉၈၉-ခုနှစ်တွင် ထည့်သွင်းဖော်ပြခြင်းမရှိ။

လက်ရှိမူ(၆)ချက်မှာ မပါဝင်တော့သည့်အချက်များကို ကြည့်လျှင် နိုင်ငံရေးပါတီများနှင့် ကင်းရှင်းစွာ နေထိုင်ရမည် (၂၀၀၄-မှ ၉အချက်)၊အစိုးရနှင့် ဆန့်ကျင်သည့်အဖွဲ့များနှင့် မဆက်သွယ်ရ (၂၀၀၄-ခုမှ ၁-အချက်) မြို့ပေါ်နိုင်ငံရေးပါတီအဖွဲ့များနှင့် မဆက်သွယ်ရ (၁၉၈၉-မှ ၆-အချက်)၊ မတရားအသင်းအဖွဲ့များနှင့် မဆက်သွယ်ရ (၁၉၈၉-ခုမှ ၇-အချက်)၊ ထောက်လှမ်းရေးခွင့်ပြုချက်မယူဘဲ အခြားငြိမ်းအဖွဲ့များနှင့် မဆက်သွယ်ရ (၁၉၈၉-ခုမှ ၈-အချက်)၊ နိုင်ငံတော်၏ မူးယစ်ဆေးတိုက်ဖျက်ရေးလုပ်ငန်းများကို ထောက်ကူရမည် (၂၀၀၄-ခုမှ ၁၄-အချက်) တို့ဖြစ်ကြသည်။

သဘောထားမပြောင်းသေး

ဤအချက်များသည် လက်ရှိနိုင်ငံရေးအခြေအနေနှင့် မကိုက်ညီတော့သည့်အတွက် ဖြုတ်ထားခဲ့ခြင်းဖြစ်သည်။ နောက်ပြီး အဓိပ္ပါယ်လွှဲမှားမှုများ ရှိသည့် စကားစုများကိုလည်း ထည့်သွင်းဖော်ပြထားသည်။ သဘောတူညီချက်များကို ကြည့်လျှင်ပင် မြန်မာ့တပ်မတော်သည် ရိုးသားမှု လုံးဝမရှိကြောင်း ထင်ရှားသည်။ မြန်မာ့တပ်မတော်သည် ဖွဲ့စည်းတည်ထောင်စဉ်က စပြီး ယနေ့အထိ တိုင်းရင်းသားလူမျိုးများကို ရန်သူအဖြစ် သတ်မှတ်ချေမှူန်းလျက်ရှိသည်။ ယင်းသဘောထားမပြောင်းလဲကြောင်းကို သူတို့တဖက်သတ်ချမှတ်သည့် မူ(၆)ချက်ကို ကြည့်လျှင် သိနိုင်ပါသည်။ ယနေ့အချိန်တွင် ဒေါ်အောင်ဆန်းစုကြည်အပါအဝင် အတိုက်အခံနိုင်ငံရေးသမားများနှင့် မတတ်သာသည့်အဆုံး ရောနှောနေရသော်လည်း ကာချုပ်မင်းအောင်လှိုင်က ယနေ့အထိ ဒေါ်အောင်ဆန်းစုကြည်နှင့် တွေ့ဆုံခြင်းမရှိသေးသည်ကို သတိထားသင့်ပါသည်။

ရှစ်လေးလုံး ဒီမိုကရေစီအရေးတော်ပုံကြီးရဲ့ ငွေရတုပွဲတော်ကြီးကို နွှဲပျော်လိုက်ရတော့ လူတိုင်းလိုလို မျက်နှာတွေဖော်၊ ခေါင်းတွေမော်၊ နှလုံးသားတွေပျော်ကြတယ်။ ကျုပ်အပါအ၀င် ရှစ်လေးလုံး သံယောဇဉ်သမားတွေ အားလုံး ဆိုပါတော့လေ။ ဖော်တယ်၊ မော်တယ် ပျော်တယ်။ ပြောမဲ့သာ ပြောတာပါ။ တကယ့်နှလုံးသားစစ်စစ်ရဲ့ အနှစ်အရင်း အတွင်းသား နက်နက်ရှိုင်းရှိုင်းမှာတော့ ဘယ်အပျော်လှိုင်းကလေးတွေ ရိုက်ခက်နိုင်မှာလဲဗျ။

တကယ်တမ်းပြောရရင် ငွေရတုမို့သာ ပျော်စရာရယ်လို့ပြောရ။ ဘယ်မှာ အသည်းနာ သက်သာနိုင်ပါ့မလဲဗျာ။ ရှစ်လေးလုံးကာလဆိုတာ တစ်ပါတီအာဏာရှင်တွေ၊ စစ်အာဏာရှင်တွေ “မိုးပေါ်ထောင်မပစ်၊ တည့်တည်ပစ်” တဲ့ ဒိုင်း … ဒိုင်း … ဒိုင်း … ဒိုင်း ကာလနာကြီး မဟုတ်ပေကလားဗျို့။

ကဲပါလေ။ ဒီစကားတွေ ပြောရတာ ရင်နာ၊ နှလုံးနာ၊ အသည်းနာသဗျာ။ တော်ပါတော့။ တော်ကြာ ကြက်တူရွေးကတော်တော် မယ်တော်ကကဲချင်တဲ့ ဟိုလိုလူစားတွေနဲ့ တွေ့နေရဦးမယ်။ တွေ့လိုက်ရင် အဟောက် အငေါက် အခေါက် အခြောက် ခံနေရဦးမယ်။ ခင်ဗျားတို့က သင်ပုန်းမချေချင်ဘူး မဟုတ်လား။ လက်စားချေချင်နေသေးတာလား။ ဘာလား ညာလား အမေးအမြန်း အကြိမ်းအမောင်း ခံနေကြရဦးမယ်။ ကဲ … ကဲ တော်တန်တိတ်ကြ။

အပျော်စကားလေး မပြောရတဲ့တူတူ ပန်းစကားတွေ၊ နန်းစကားတွေ၊ အလွမ်းစကားတွေ ပြောကြ။ အဲ … ပန်းစကားဆိုတာက တော်ဝင်နှင်းဆီခန်းမက နိုင်ငံရေးဇာတ်သံတွေအကြောင်း ပြောတာတဲ့ဗျ။ နန်းစကားဆိုတာကတော့ နေပြည်တော် ကန့်လန့်ကာနောက်ကွယ်က ရာဇ၀တ်မှုကြီးတွေ (အဲလေ ဘွာ … ဘွာ မှားလို့ပါဗျာ။ ရာဇ၀င်လူကြီးတွေ) အကြောင်းပြောကြတာတဲ့။

ရာဇ၀င်လူကြီးဆိုတာက ရှစ်လေးလုံးခေတ်က ရာဇ၀င်ထဲရောက်သွားတဲ့ ဗိုလ်ချုပ်မှူးကြီးတစ်ယောက် အကြောင်း ပြောချင်တာဗျို့။ ကြားဖူးတယ်မဟုတ်လား။ ဗိုလ်ချုပ်မှူးကြီးစောမောင်ဆိုတာလေ။ အဲဒီအချိန်တုန်းကတော့ နားဝေတိမ်တောင် (ဟုတ်ပေါင် ဘွာဘွာ …) န-၀-တ ဆိုလား၊ ဘာလား မသိပါဘူး။ မေ့တောင်ကုန်ပါပြီဗျာ။ တစ်ပါတီ အာဏာရှင်အစိုးရကို ကတုံးပေါ်ထိပ်ကွက်အာဏာသိမ်းခဲ့တဲ့ စစ်အာဏာရှင်အစိုးရရဲ့ထိပ်သီး။ ဗိုလ်ချုပ်မှူးကြီးစောမောင်ပေါ့။

သူ့ခမျာ ၁၉၈၈ စက်တင်ဘာ ၁၈ မှာ အာဏာသိမ်း၊ ၁၉၉၂ ဧပြီ ၂၄မှာ ပြုတ်ဆိုကိုး။ နန်းသက်မရှည်ရှာဘူးပေါ့။ ကျုပ်ကတော့ မသိလှပါဘူး။ ထောင်ထဲရောက်နေတာကိုး။ ကျုပ်လိုပဲ ထောင်နန်းစံတွေလည်း မနည်းမနောပေါ့။ ကျုပ်တို့ကို သူပဲထောင်ချသွားတာလား။ သူ့နာမည်သုံးပြီး တပည့်ကျော် ထောက်လှမ်းရေးဗိုလ်ချုပ်ကပဲ ထောင်ချသွားသလားတော့ မသိပါဘူး။ ဘယ်သူလုပ်လုပ် ကျုပ်တို့ကတော့ အဲဒီသမိုင်းဆိုးတွေကို ဘယ်တော့မှ မေ့ပစ်နိုင်ကြမှာ မဟုတ်ဘူး။

ရှစ်လေးလုံး အရေးတော်ပုံကာလကြီးမှာ သူတို့ကျူးလွန်ခဲ့သမျှ ပြစ်မှုတွေနဲ့ အမှားတွေ အားလုံးအတွက် နိုင်ငံနဲ့ ပြည်သူကို ၀န်ချတောင်းပန်မလား။ လုံးဝ မချေဖျက်နိုင်တဲ့ မလွှဲမရှောင်သာ ပြစ်မှုတွေအတွက် ထိုက်သင့်တဲ့ပြစ်ဒဏ်တွေ ကျခံမလား။ ထောင်ကျ၊ ဘ၀ပျက်၊ အသက်ဆုံးခဲ့ကြရတဲ့ နိုင်ငံရေးအကျဉ်းသားတွေနဲ့ မိသားစုတွေရဲ့ဘ၀ပြန်လည်ထူထောင်ရေးအတွက် ပေးဆက် ပေးဆပ်ရမဲ့ ပေးလျော်ထောက်ပံ့မှုတွေကို ကူညီကျခံမလား။ နိုင်ငံနဲ့ပြည်သူတွေရဲ့ ဒီမိုကရေစီ လူ့အဖွဲ့အစည်းသစ် တည်ဆောက်ရေးမှာ ၀ိုင်းဝန်းကူညီမလား။
အဲဂလိုဆိုရင် ကျုပ်တို့လို နင်းပြားကျောမွဲ လူထဲကလူတွေအဖို့ကတော့ အာဏာရှင်ပေါင်းစုံတို့ရဲ့ သမိုင်းညစ်တွေကို အပြုံးနဲ့မေ့ပစ်လိုက်ကြမှာပါဗျို့။ တကယ်ပါ။

ဗိုလ်ချုပ်မှူးကြီး စောမောင်အကြောင်း စကားစပ်မိလို့ ပြောတာပါ။ ကျုပ်က ချုပ်မှူးကြီးကို လူချင်းသာမသိ မကျွမ်းတာ။ လူတစ်လုံး သူတစ်လုံး အဖြစ်နဲ့တော့ တွေ့ဖူးလိုက်သဗျ။ ၁၉၈၈ ဒီဇင်ဘာ ၂၇ ဗိုလ်ချုပ်ကတော် ဒေါ်ခင်ကြည် ကွယ်လွန်ပြီး နောက်တစ်နေ့မှာ ဒေါ်အောင်ဆန်းစုကြည် အိမ်ကိုသူရောက်လာတယ်လေ။ ဈာပန ကူဖော်လောင်ဖက် ကျုပ်တို့တွေ သူ့ကို တွေ့လိုက်ကြတာပေါ့။ သိပ်မကြာဘူး။ ကျုပ် ထောင်ထဲရောက် သွားတယ်။ ကျုပ် ထောင်ထဲမှာ နှစ် ၂၀ လောက်နေခဲ့ရတယ်။ လွတ်လာတော့ သူခမျာ သေရှာပြီ။

ကျုပ်လွတ်လာမှ သူအာဏာရှိတုန်း ပြောသွားတာတွေ ဖတ်ရတယ်။ ဟိုတစ်စွန်း ဒီတစ်စ ကြားရတာပါ။ သူ အာဏာမမက်ပါဘူးတဲ့။ တပ်မတော်ရဲ့ဖခင်ဟာ ဗိုလ်ချုပ်အောင်ဆန်း ဖြစ်ပါတယ်တဲ့။ တိုင်းပြည်ကို သူကယ်တင်လိုက်နိုင်တယ်လို့ ယုံကြည်တယ်တဲ့။ ၁၉၉၀ ရွေးကောက်ပွဲပြီးရင် ရာထူးမှ အနားယူမယ်တဲ့။ တိုင်းပြည်ကို တံခါးတွေ ဖွင့်လိုက်ပါပြီတဲ့။ အစိုးရက ပွင့်လင်းမြင်သာ ဆောင်ရွက်နေပါတယ်တဲ့။ အစိုးရသစ်တက်လာချိန်မှာ သူလုပ်ခဲ့သမျှတွေကို မထိမ်မချန် အစီရင်ခံမယ်တဲ့။ ကောင်းတာရော၊ ဆိုးတာရော သူ တာဝန်ခံမယ်တဲ့။ သူတို့တွေက စစ်တန်းလျား ပြန်မှာပါတဲ့။ ပါတီတွေ အခြေခံဥပဒေရေးဆွဲကြပါတဲ့။

ဗိုလ်ချုပ်မှူးကြီးစောမောင်ဟာ ဘယ်လိုလူစားလဲ ကျုပ်မသိပါဘူး။ ဒါပေမဲ့ ဒီလိုလူမျိုး၊ ဒီလိုပွင့်လင်းတဲ့သတ္တိနဲ့ ဒီလိုစစ်သားစိတ်ရှိပုံကို ကျုပ်တို့လေးစား တန်ဖိုးထားပါတယ်။ ဒီကနေ့ ဒီလိုဗိုလ်ချုပ်ကြီးမျိုး သူ့ကိုယ်သူပြင်၊ သူ့လုပ်ရပ်လုပ်ခွင်တွေသူပြင်၊ သူ့စိတ်ထားတွေ သူပြင်၊ အားလုံးကို အားလုံးပြင်မယ်ဆိုရင် အရမ်းကောင်းပေါ့။ ကျုပ်တစ်ယောက်တည်း ရသေ့စိတ်ဖြေသဘောပြောရရင် ‘ပြည်သူ့ဘက်က ဗိုလ်ချုပ်မှူးကြီးတစ်ယောက်’ ရယ်လို့ကို သူ့ကို နိုင်ငံ့ဂုဏ်ရည်စစ်စစ် ဘွဲ့တံဆိပ်ချည်ပစ်လိုက်ချင်တာဗျ ဟဲ … ဟဲ …။

ဖြစ်နိုင်ရင်ဗျာ ဒီချုပ်လို ဒီမိုကရေစီတပ်ဦး အဖွဲ့အစည်းကြီးတစ်ခုရဲ့ ထိပ်ပိုင်းခေါင်းဆောင်လွှာမှာကို တင်မြှောက်ဆည်းကပ်ချင်တာဗျာ။ စစ်အာဏာရှင်တွေကလည်း ပြင်သင့်တာပြင်၊ ပြောင်းသင့်တာ ပြောင်းကြမယ်ဆိုရင် (ပြည်သူ့ဘက် ပြောင်းဝင်ခြင်း အပါအ၀င်ပေါ့) ပြည်သူအားလုံးဟာ ရင်နှစ်ခြမ်း ဖြန်းဖြန်းကွဲခါမှကွဲရော သဲသဲမဲမဲကြီးကို ကြိုဆိုကြမှာပါဗျာ။

ကျုပ်တို့ ပြည်သူတွေဆိုတာက ကိုယ်တိုင်က ပြည်သူ့ဘ၀ခံယူထားကြသူတွေပဲဗျာ။ ဘယ်လို လူစားလာလာ ကျုပ်တို့လိုပဲ ပြည်သူ့ဘ၀ကို ပိုက်ထွေး၊ ပြည်သူ့သစ္စာကို ခံယူကြမယ်ဆိုရင် အားလုံးကို လှိုက်လှဲစွာ ကြိုဆိုကြမှာပါဗျာ။

ဒါ ကျုပ်တို့ဒီမိုကရေစီဘက်တော်သားတွေရဲ့ နိုင်ငံရေးသစ္စာတရားရဲ့ ထုထည်ပမာဏ ပြယုဂ်ပဲလေဗျာ။ ။

ဟံသာဝတီဦးဝင်းတင်


ဒီလှိုင်းဂျာနယ်။ ။ အတွဲ(၂)၊ အမှတ်(၃၆)။

(18 September 2013 ရက်စွဲပါ Bangkok Postမှ Nehginpo Kipgen ရေးသားသော “Myanmar military maintain its clout ကိုဘာသာပြန်ပါသည်)

ယနေ့သည် ၁၉၈၈ ခုနှစ်က စစ်တပ်က နောက်ဆုံးအာဏာသိမ်းခံခြင်း ၂၅ နှစ်မြောက် နှစ်ပတ်လည် ဖြစ်ပါ သည်။ ၎င်းမှာ လွတ်လပ်ရေးရပြီးကတည်းက တိုင်းပြည်၏နိုင်ငံရေးသမိုင်းတွင် စစ်တပ်ကအဓိကကျသော စွက်ဖက်မှုများ ပြုလုပ်သည့် တတိယအကြိမ်လည်း ဖြစ်ပါသည်။

ယခင်က မြန်မာနိုင်ငံကို တရားဝင် Burma ဟုခေါ်ခဲ့ရာမှ ထိုနှစ်တွင် စစ်တပ်က Myanmar ဟုပြောင်းလဲခဲ့ ပါသည်။

စစ်တပ်က ပထမဆုံးအကြိမ်ဝင်ရောက်စွက်ဖက်ခြင်းမှာ ၁၉၅၈ ခုနှစ်ကဖြစ်ပြီး ထိုစဉ်က အရပ်သားဝန်ကြီးချုပ် ဦးနုက စစ်တပ်အား တိုင်းပြည်တည်ငြိမ်ရေးနှင့် အထွေထွေရွေးကောက်ပွဲ ကျင်းပရန် အိမ်စောင့်အစိုးရဖွဲ့ရန် ဖိတ်ခေါ် ခဲ့ပါသည်။ ထိုစဉ်က စစ်ဦးစီးချုပ်ဗိုလ်ချုပ်ကြီးနေ၀င်းသည် အိမ်စောင့်အစိုးရ၀န်ကြီးချုပ်အဖြစ် တာဝန်ယူခဲ့ပါသည်။

ဒုတိယအကြိမ်စစ်တပ်၏ ဝင်ရောက်စွက်ဖက်မှုမှာ ၁၉၆၂ က ဖြစ်ပါသည်။ ယခင်နှင့်မတူသောအချက်မှာ စစ်တပ်သည် ဒီမိုကရေစီနည်းအရ ရွေးချယ်တင်မြှောက်ထားသော အစိုးရကို ဖြုတ်ချ၍ အာဏာသိမ်းခြင်းဖြစ်ပါသည်။

၁၉၈၈ ခုနှစ်စစ်တပ်က အာဏာသိမ်းမှုသည် ဦးနေဝင်း၏ အာဏာရှင်အစိုးရပြီးဆုံးသွားပြီး မြန်မာနိုင်ငံရေးတွင် စစ်ခေါင်းဆောင်မျိုးဆက်သစ်များ ပေါ်ထွက်လာမှုကို ပြဆိုနေပါသည်။ ယခုနိုင်ငံရေးအရ အသွင်ကူးပြောင်းနေမှု ဖြစ်ပေါ်နေခြင်းကို နားလည်ရန်လက်ရှိနိုင်ငံရေးတွင် စစ်တပ်၏ လွှမ်းမိုးသော အခန်းကဏ္ဍကို သိရှိရန် အဓိကသော့ ချက်ကျ ပါသည်။

စစ်တပ်၏ အသွင်ပြောင်းမှုတွင် ထင်ရှားသော ပုံစံကိုတွေ့ရမည် ဖြစ်ပါသည်။ ပထမစစ်တပ်သည် တိုင်းပြည်ကို မြန်မာ့ဆိုရှယ်လစ်လမ်းစဉ်ပါတီဖြင့် အုပ်ချုပ်ပြီး၊ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ (Slorc) သည် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ (SPDC) အဖြစ် အမည်ပြောင်း၍ ၎င်း၏နိုင်ငံရေး ပါတီဖြစ်သော ပြည်ထောင်စုကြံခိုင်ရေးနှင့်ဖွံ့ဖြိုရေးပါတီ (USDP) ဖြင့် အုပ်ချုပ်နေခြင်းဖြစ်ပါသည်။ SPDC ကို ၂၀၁၁ခုနှစ် မတ်လ ၃၀ရက်နေ့တွင် တရားဝင်ဖျက်သိမ်းပြီး USDP မှ သမ္မတကြီး ဦးသိန်းစိန်က ၂၀၁၀ မတ်လ ၂၉ရက်နေ့တွင် အစိုးရ သစ်စဖွဲ့ခဲ့ပါသည်။

စစ်တပ်သည် အသွင်ပြောင်းမှုအမျိုးမျိးကို ပြုလုပ်ခဲ့သော်လည်း၊ အမှန်တကယ်တွင်မှု အာဏာကို လွှဲပြောင်းပေး ခြင်း မရှိပေ။ လက်ရှိအစိုးရကို စစ်အစိုးရက ရွေးချယ်ပေးသော လူများဖြင့်ရေးဆွဲတားသော ၂၀၀၈ ဖွဲ့စည်းပုံအခြေခံ ဥပဒေဖြင့် ဖွဲ့စည်းခဲ့ခြင်းဖြစ်ပါသည်။

မြန်မာ့နိုင်ငံရေးကို ၂၀၁၀ အထွေထွေရွေးကောက်ပွဲနှင့် ၂၀၁၂ ကြားဖြတ်ရွေးကောက်ပွဲရလဒ်များဖြင့် ပုံဖော်လျက်ရှိပါသည်။ USDP သည် ၂၀၁၀ ရွေးကောက်ပွဲတွင် တပြည်လုံးအတိုင်းအတာဖြင့် အောင်ပွဲရခဲ့ပြီး၊ ၂၀၁၂ ကြားဖြတ်ရွေးကောက်ပွဲတွင် ၎င်းပြိုင်သော ၄၄ နေရာအနက် NLD က ၄၃ နေရာအနိုင်ရခဲ့ပါသည်။ သို့သော်လွှတ် တော်တွင် အတိုက်အခံအင်အားစုအတွက် စုပေါင်းအင်အားသည် USDP ဦးဆောင်သော အစိုးရကို စိန်ခေါ်ရန် အရေးမပါသေးသော အင်အားစုဖြစ်လျက်ရှိသည်။

အုပ်ချုပ်ရေးအာဏာ၊ ဥပဒေပြုရေးအာဏာနှင့် တရားစီရင်ရေးအာဏာ သုံးရပ်စလုံးတွင် ယခင်စစ်တပ်ဗိုလ်ချုပ် ကြီးဟောင်းများနှင့် စစ်တပ်နောက်ခံပြု USDP အဖွဲ့ဝင်များကသာ လွှမ်းမိုးလျက်ရှိနေပါသေးသည်။ စစ်တပ်၏ အသာစီးရမှုအချို့ကို ဆိုရလျင် လွှတ်တော်များတွင် ၂၅% ကို ရွေးချယ်တင်မြှောက်ခြင်းမရှိပဲ ရရှိခြင်း၊ နိုင်ငံအရေးပေါ် အခြေအနေတွင် အစိုးရအားဖြတ်ပစ်နိုင်သည့် အာဏာရှိခြင်း၊ အခြေခံဥပဒေပြင်ဆင်မှုများအတွက် လွှတ်တော်တွင် ၇၅% ကျော်ထောက်ခံမှု ရရန်လိုအပ်ခြင်းများ ဖြစ်ပါသည်။

ထို့အပြင် ကာကွယ်ရေး၊ ပြည်ထဲရေးနှင့် နယ်စပ်ရေးရာကဲ့သို့သော လုံခြုံရေးနှင့်နွယ်သော ဝန်ကြီးဌာနများ တွင်လည်း စစ်တပ်မှ ပုဂ္ဂိုလ်များက နေရာယူထားပါသည်။ အမျိုးသားကာကွယ်ရေးနှင့် လုံခြုံရေးကောင်စီသည် အာဏာ အရှိဆုံး အဖွဲ့ဖြစ်ပါသည်။

၂၀၀၈ခုနှစ် အခြေခံဥပဒေသည် စစ်တပ်မှ ဗိုလ်ချုပ်များ ၎င်းတို့အတိတ်က လုပ်ခဲ့သောလုပ်ရပ်များနှင့် လူအခွင့်အရေးချိုးဖောက်မှုများကို အရေးမယူရန် အကာအကွယ်ပေးထားပါသည်။

ယခုနှစ် ဇူလိုင်လက လွှတ်တော်သည် ၂၀၁၅ ခုနှစ် အထွေထွေရွေးကောက်ပွဲကို ရည်မှန်းလျက် အခြေခံဥပဒေ ကို ပြန်လည်သုံးသပ်ရန် ၁၀၉ ဦးပါသော ကော်မတီကို ဖွဲ့စည်းခဲ့ပါသည်။

အဆိုပါ ကော်မတီတွင် NLD၊ USDP၊ နှင့်စစ်တပ်၏ ၂၅ ရာခိုင်နှုန်းကို ကိုယ်စားပြုသော လွှတ်တော်ကိုယ်စား လှယ်များ ပါဝင်ပါသည်။ ထိုကော်မတီသည် ဒေါ်အောင်ဆန်းစုကြည်အား သမ္မတဖြစ်ရန်တားဆီးထားသော အချက်နှင့် ပြည်နယ်နှင့်တိုင်းဝန်ကြီးချုပ်များကို ကိုယ်တိုင်ရွေးချယ်ခွင့်နှင့် ပတ်သက်သောအချက်နှစ်ခုကို ကိုယ်တွယ်ဆောင်ရွက်ရန် ကြိုးစားနေပါသည်။ ကော်မတီသည် ရှာဖွေတွေ့ရှိချက်များကို ဒီဇင်ဘာ (၃၁) ရက် မတိုင်းမီ လွှတ်တော်သို့ တင်ပြရမည်ဖြစ်ပါသည်။

လက်ရှိအားဖြင့် မြင်သာထင်သာ ဒီမိုကရက်တစ်ပြုပြင်ပြောင်းလဲရေးများ ရှိနေသော်လည်း၊ ဤလုပ်ငန်းစဉ် သည် နောက်ပြန်မလှည့်တော့ဟုဆိုရန် စောလွန်းနေပါသေးသည်။ အစိုးရသည် လက်နက်ကိုင်အုပ်စု အတော်များများ ဖြင့် အပစ်အခတ်ရပ်စဲရေး သဘောတူညီချက်ရရှိပြီး ဖြစ်သော်လည်း၊ ကိုယ်ပိုင်အုပ်ချုပ်ခွင့်နှင့် ပတ်သက်ပြီး တိုင်းရင်း သား လူနည်းစုများနှင့်အားလုံး သဘောကျနိုင်ငံရေးအရ အဖြေရှာနိုင်မှုအတွက် အာမခံချက်မရှိသေးပေ။

ထို့အပြင် လက်ရှိ အမည်ခံအရပ်သားအစိုးရသည် နိုင်ငံရေးတွင် စစ်တပ်၏ အမြစ်တွယ်နေသော အခန်းကဏ္ဍ ကို ဖယ်ရှားရန်အတွက် ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ပေးလိမ့်မည်ဟူသော အာမခံချက်လည်းမရှိပေ။ ၂၀၁၅ ရွေးကောက်ပွဲသည်လည်း လွတ်လပ်၍ တရားမျှတလိမ့်မည်ဟု သေချာမှုမရှိသေးပေ။ လွှတ်တော်တွင် စစ်တပ်အတွက် ၂၅ရာခိုင်နှုန်း ချန်ပေးရန် အခြေခံဥပဒေသတ်မှတ်ချက်ကို ပြင်ဆင်ရန်မှာလည်း အာမခံချက်မရှိသေးပေ။

မြန်မာနိုင်ငံ၏ ဒီမိုကရေစီပြုပြင်ပြောင်းလဲရေးနှင့် ပတ်သက်၍ အကောင်းမြင်ရန် အကြောင်းပြချက်များ ရှိပါ သည်။ သို့သော် မြန်မာနိုင်ငံ၏ သမိုင်းကြောင်းအရ ပြဿနာများ၏ သဘာဝနှင့်နိုင်ငံရေးတွင် စစ်တပ်၏အခန်းကဏ္ဍ အမြစ်တွယ်နေမှုများကြောင့် ရေရှည်အဖြေထွက်ရေးအတွက် စိုးရိမ်ပူပန်ရမည် အကြောင်းပြချက်များလည်း ရှိပါသည်။

အခြေခံဥပေဒပြန်လည်သုံးသပ်ရေးကော်မတီ၏ ရလဒ်များကို ခန့်မှန်းရန် စောလွန်းသေးခြင်း၊ စစ်တပ် နောက်ခံပြု USDP က ၂၀၁၅ အထွေထွေရွေးကောက်ပွဲကို မည်သို့ချဉ်းကပ်မည်ဆိုသည့် အချက်တို့ကို ကြည့်ခြင်း အားဖြင့် သောချာသောအချက်တစ်ခုကို အနာဂတ်အတွက် မြင်နိုင်သမျှဆိုရသော် စစ်တပ်သည် မြန်မာနိုင်ငံရေးတွင် အခြေခံကျသော အစိတ်အပိုင်းအဖြစ်နှင့် အရေးပါသော ကဏ္ဍမှပါဝင်ရန် ရည်ရွယ်မည်ဖြစ်သည် အကြောင်းဖြစ်ပါသည်။

Yangon chronicle

Author Name

Contact Form

Name

Email *

Message *

Powered by Blogger.