09/27/13

မြန်မာနိုင်ငံအနေနဲ့ ဒုံးလက်နက်နည်းပညာနဲ့ပတ်သက်ပြီး မြောက်ကိုရီယားနဲ့ စစ်ရေးဆက်ဆံမှုတွေ ရှိနေတုန်းပဲလို့ ၀ါရှင်တန်အခြေစိုက်တဲ့ ကိုရီယားသတင်းဌာနတခုမှာ ရေးသားပါတယ်။ မြန်မာနိုင်ငံအနေနဲ့ ရှိပြီးသား ဒုံးလက်နက်ပစ္စည်းတွေကို ပြင်ဆင်ထိမ်းသိမ်းဖို့ မြောက်ကိုရီးယားဟာ လိုအပ်နေတုန်းပဲလို့လည်း မြန်မာစစ်ရေးအကဲခတ်တဦးက ဗွီအိုအေကို ပြောပါတယ်။ ကိုသားညွန့်ဦးက စုံစမ်းမေးမြန်းထားတာပါ။

မြောက်ကိုရီယားနိုင်ငံ သင်္ဘောတွေဟာ အခြားနိုင်ငံအလံတင် ပုံမှားရိုက်ပြီး မြန်မာနိုင်ငံကို စစ်လက်နက်ပစ္စည်းအပိုင်းအစတွေ တင်ပို့နေတုန်းပဲလို့ ၀ါရှင်တန်ဒီစီ အခြေစိုက်တဲ့ NK News က ရေးသားဖော်ပြခဲ့တာပါ။ အဲဒီ မြောက်ကိုရီးယား စစ်ပစ္စည်းတင် သင်္ဘောတွေဟာ မြန်မာရေပိုင်နက်အနီးအနားဝင်တဲ့အခါမှာ မြောက်ကိုရီးယားအလံအစား အခြားနိုင်ငံတခုခုရဲ့ အလံလွှင်ထူ ပုံမှားရိုက်ပြီး မြန်မာနိုင်ငံကို စစ်ပစ္စည်း အပိုင်းအစတွေ လျှို့ဝှက် တင်ပို့နေတယ်လို့ ဆိုပါတယ်။ မြန်မာဘက်ကတော့ မြောက်ကိုရီးယားဖက်ကလိုတဲ့ ဆန်ကို ပြန်တင်ပို့ပေးတယ်လို့ အဲဒီ သတင်းမှာဖော်ပြပါတယ်။

မြန်မာနိုင်ငံအနေနဲ့ မြောက်ကိုရီးယားနိုင်ငံနဲ့ စစ်ရေးဆက်ဆံမှုတွေ မလုပ်ဖို့နဲ့ ကုလသမဂ္ဂ လုံခြုံရေးကောင်စီရဲ့ မြောက်ကိုရီးယားအရေး ဆိုင်ရာ ဆုံးဖြတ်ချက်ကို လေးစားလိုက်နာဖို့ အမေရိကန်ပြည်ထောင်စုအနေနဲ့ အမြဲတမ်း ဖိအားပေးပြောဆိုနေခဲ့တာပါ။

မြောက်ကိုရီးယားနဲ့ နျူကလီယား ဒုံးလက်နက်ဆိုင်ရာနည်းပညာ ဆက်ဆံမှုတွေ မလုပ်ဖို့ လုံခြုံရေးကောင်စီက ဆုံးဖြတ်ထားပြီး၊ အမေရိကန်ပြည်ထောင်စု ဘက်ကလည်း မြောက်ကိုရီးယားရဲ့ သင်္ဘောတွေကို မပြတ်စောင့်ကြည့်နေ ခဲ့တာပါ။ ၂၀၁၁ ခုနှစ် ဇွန်လအတွင်းကလည်း အခြားနိုင်ငံအလံ တင်ထားတဲ့ မြောက်ကိုရီယား သင်္ဘောတစင်း တောင်အာရှ ပင်လယ်ပြင်ထဲမှာ အမေရိကန်ဘက်က ထောက်လှမ်းတွေ့ခဲ့ပြီးတော့ ဒီသင်္ဘောဟာ မြန်မာနိုင်ငံကို သွားမယ့် သင်္ဘောဖြစ်မယ်လို့ အဲ့ဒီ့တုန်းက ယူဆခဲ့ပါတယ်။

ဒါကြောင့်လည်း မြန်မာဖက်က မြောက်ကိုရီယားနဲ့စစ်ဖက်ဆက်ဆံမှုမလုပ်ပါဘူးလို့ ပြောပြော၊ မြန်မာ မြောက်ကိုရီယားအကြားမှာ စစ်ရေးဆက်ဆံမှုတွေ ရှိနေဆဲဖြစ်တယ်လို့ အတော်များများက သံသယရှိနေတုန်းပါ။ ဒါကြောင့်လည်း အခုနှစ် ဇူလိုင်အတွင်းကပဲ မြန်မာနိုင်ငံအပေါ် ပစ်မှတ်ထား အရေးယူ ပိတ်ဆို့မှုစာရင်းထဲမှာ မြန်မာစစ်ဖက်က တာဝန်ရှိတဲ့ ဒုတိယ ဗိုလ်ချုပ်ကြီး သိန်းဌေးကို အမေရိကန်ဖက်က ထည့်ဖြည့်သွင်းခဲ့ပါတယ်။

မြန်မာ့အရေးလေ့လာသူ အထူးသဖြင့် စစ်ဖက် သတင်းတွေ ကို စောင့်ကြည့်ရေးသား သူ သတင်းသမား Bartil Lintner ကတော့ မြောက်ကိုရီးယားက စစ်ဖက်ကျွမ်းကျင်သူတွေ ကိုယ်တိုင် မြန်မာနိုင်ငံထဲမှာ ရှိနေတုန်းပဲလို့ ယူဆတဲ့အကြောင်း ဗွီအိုအေကို ပြောပါတယ်။

“မြန်မာပြည်ထဲမှာ သူတို့ရှိနေတုန်းပါ။ အမေရိကန်ဖက်က ဖိအားတွေပေးပြီး နည်းလမ်းအားလုံး သုံးနေပေမယ့်လည်း နှစ်နိုင်ငံ စစ်ရေးဆက်ဆံမှုက ရှိနေတုန်းပါ။ အမေရိကန်ဖက်ကလည်း ဒါကို ကောင်းကောင်း သိပါတယ်။ မြန်မာဖက်က မြောက်ကိုရီယားနဲ့စစ်ရေးဆက်ဆံမှုဆက်ရှိနေတဲ့အပေါ် ပင်တဂွမ်က ပုဂ္ဂိလ်တွေနဲ့ ကျနော်တွေ့ခဲ့တော့ အထပ်ထပ်ပြောပါတယ်။ သူတို့အနေနဲ့က မြန်မာကို မြောက်ကိုရီးယားနဲ့ စစ်ရေး ဆက်ဆံမှု ဖြတ်တောက်စေ ချင်ပါတယ်။ ဒါပေမယ့်လို့ အခုအချိန် အဆက်အဆံရှိနေတုန်းပါ။ ဘာလို့လဲဆိုတော့ မြန်မာဖက်က သူတို့လိုတာကို အမေရိကန်က ပေးနိုင်တာမဟုတ်ပါဘူး။ မြောက်ကိုရီးယားကို သူတို့လိုအပ်နေတုန်းပါ။ မြန်မာစစ်တပ်ဖက်က ခေတ်မှီနည်းပညာတွေလိုပါတယ်။ မြောက်ကိုရီယားဖက်က ၀ယ်ထားတဲ့ စစ်လက်နက်ပစ္စည်းတွေကို ပြင်ဆင် ထိန်းသိမ်းစောင့်ရှောက်ဖို့လည်း လိုပါတယ်။ ဒီ စစ်ပစ္စည်းတွေကို အခုလို ပြင်ဆင်ထိမ်းသိမ်းဖို့က မြောက်ကိုရီယားဖက်က ကျွမ်းကျင်သူတွေ လိုပါတယ်။”

မြန်မာအနေနဲ့ ဒီလို စစ်ဖက် အဆင့်မြင့်နည်းပညာတွေနဲ့ပတ်သက်ပြီး အခြားစစ်ရေး ဆက်ဆံမှုရှိတဲ့ တရုတ်တို့ရုရှားတို့အပေါ်မှာ သွားမှီလို့ မရတာကြောင့်၊ မြောက်ကိုရီးယားဟာ ဒုံးလက်နက် နည်းပညာနဲ့ ပတ်သက်လို့ မြန်မာအတွက် မရှိမဖြစ် အရေးပါနေတာဖြစ်တယ်လို့ Bartil က ယူဆပါတယ်။

ဒါပေမယ့်လည်း မြန်မာအနေနဲ့ အရင်တုန်းက နူကလီယားအိပ်မက်ဆိုတာ ရှိခဲ့ပေမယ့်လို့ ထိန်းသိမ်းဖို့နဲ့ နည်းပညာရဖို့ပိုင်းမှာ အခက်အခဲတွေကြောင့် ဒီ အိပ်မက်ကို စွန့်ပစ်ခဲ့ပြီလို့ ပြောပါတယ်။ မကြာသေးခင်တုန်း ကလည်း မြန်မာနိုင်ငံ ဟာ ကုလသမဂ္ဂရဲ့ နူကလီယား နည်းပညာ ဆိုင်ရာစောင့်ကြည့်ခွင့် သဘောတူညီချက်ကို လက်မှတ်ထိုးခဲ့ပါတယ်။ ဒီသဘောတူညီချက် အရဆိုရင် IAEA ကုလသမဂ္ဂ အနူမြူအေဂျင်စီ အနေနဲ့ မြန်မာနိုင်ငံထဲမှာ နျူကလီယားနဲ့ပတ်သက်လို့ သံသယရှိတဲ့နေရာတွေကို အချိန်မရွေး ၀င်ရောက်စစ်ဆေးခွင့်ရှိပါတယ်။

လွန်ခဲ့တဲ့ နှစ်နှစ်ကျော်ကစလို့ မြန်မာအနေနဲ့ နိုင်ငံရေးနဲ့ စီးပွားရေး ဆိုင်ရာ ပြုပြင်ပြောင်းလဲမှုတွေ လုပ်လာပြီးနောက်ပိုင်း၊ အမေရိကန်ပြည်ထောင်စု အပါအ၀င် အနောက်နိုင်ငံတွေနဲ့ ဆက်ဆံရေးတိုးတက်လာခဲ့ပါတယ်။ ဒါကြောင့်လည်း အရင်တုန်းက ရှိခဲ့တဲ့ မြောက်ကိုရီးယားနဲ့ ဆက်ဆံရေးကို မြန်မာဘက်က အထူးသတိထားခဲ့ပြီး၊ မြောက်ကိုရီယားနဲ့ စစ်ရေးဆက်ဆံမှုတွေ ရပ်ပါ့မယ်ဆိုတာကိုလည်း သမ္မတဦးသိန်းစိန် အပါအ၀င် မြန်မာအစိုးရခေါင်းဆောင်ပိုင်းက ဂတိပေး ပြောဆိုခဲ့ တာတွေရှိပါတယ်။

အမေရိကန်ပြည်ထောင်စုဖက်ကလည်း မြန်မာနိုင်ငံနဲ့ ဆက်ဆံရေးကို အလျင်အမြန် တိုးမြင့်လာနေပေမယ့်လို့၊ တဖက်မှာတော့ ပြုပြင်ပြောင်းလဲမှုတွေ အရှိန်မြှင့်ဖို့ ဆိုတာနဲ့အတူ မြောက်ကိုရီးယားနိုင်ငံနဲ့ စစ်ရေး ဆက်ဆံမှုတွေကို ဖြတ်တောက်ဖို့ အမြဲသတိပေး တိုက်တွန်းနေပါတယ်။

VOA

ရန်ကုန်တိုင်းအတွင်းရှိ ဆင်းရဲနွမ်းပါးသော မူလတန်းကျောင်းများနှင့် ဘုန်းတော်ကြီးသင် ပညာရေးကျောင်းများမှ ကလေးသူငယ်များအား တိုင်းအစိုးရက ဆင်းရဲနွမ်းပါးမှု လျှော့ချရေး ရန်ပုံငွေတစ်ရပ်ထားရှိပြီး အာဟာရ တိုက်ကျွေးပေးရန် ဗဟန်းမြို့နယ်မှ တိုင်းအမတ် ဒေါက်တာညိုညိုသင်း၏ အဆိုကို တိုင်းလွှတ်တော်တွင် ဆွေးနွေးပြီးနောက် မဲခွဲဆုံးဖြတ်ခဲ့ရာ ထိုနေ့လွှတ်တော်တွင် တိုင်းအမတ် ၁၁၁ ဦး တက်ရောက်ပြီး အမတ်လေးဦးနှင့် ရခိုင်တိုင်းရင်းသားရေးရာ ဝန်ကြီး ဦးဇော်အေးမောင် အပါအ၀င် ငါးရာခိုင်နှုန်းခန့်ကသာ သဘောတူသည့်အတွက် ထိုအဆို အရေးနိမ့်သွားခဲ့သည်...။

မြန်မာနိုင်ငံတွင် ရောဂါအမျိးမျိုးကြောင့် သေဆုံးခဲ့သည့် ကလေးများအနက် ၁၀ဝ လျှင် ၄၀ ဦးသည် အာဟာရ ချို့တဲ့မှုကြောင့် သေဆုံးခဲ့ရကြောင်း ကျန်းမာရေးဝန်ကြီးဌာနမှ ပြည်ထောင်စု ဝန်ကြီး ဒေါက်တာ ဖေသက်ခင်က ဇူလိုင်လထဲတွင် ပြောခဲ့သည်...။ မြန်မာကလေးသူငယ်များ အာဟာရချို့တဲ့နေမှုကို တိုက်ဖျက်မည်ဟု မြန်မာအစိုးရ ကိုယ်စား ကျန်းမာရေး ပြည်ထောင်စု ဝန်ကြီး ဒေါက်တာဖေသက်ခင်က ကုလသမဂ္ဂထံ ကတိပေးထားပြီး ကမ္ဘာ့အာဟာရမြှင့်တင်ခြင်း လှုပ်ရှားမှုတွင် မြန်မာပါဝင်မည် ဟုလည်း ဝန်ကြီးက ပြီးခဲ့သည့် မေလတွင် လက်မှတ်ရေးထိုးခဲ့သေးသည်....။

ပြီးခဲ့သည့်ရက်ပိုင်းက ရခိုင်တိုင်းရင်းသားရေးရာ ဝန်ကြီး ဦးဇော်အေးမောင် နှင့် ဗဟန်းမြို့နယ်မှ တိုင်းအမတ် ဒေါက်တာညိုညိုသင်း တို့ ကန့်ကွက်ခဲ့သော ကျပ်ငွေ သိန်းပေါင်းသုံးသောင်း(သန်းပေါင်း ၃၀၀၀) နီးပါး ကုန်ကျမည့် ရန်ကုန် အရှေ့ပိုင်း နှင့် အနောက်ပိုင်းခရိုင် တရားရုံးနှစ်ခု ဆောက်လုပ်ရန်ကိစ္စ နှင့် ငွေမလောက်သဖြင့် တိုင်းအစိုးရက တောင်းခံထားသည့် သန်းပေါင်း ၆ သောင်း နီးပါးကိုမူ လွှတ်တော်က အတည်ပြု ပေးခဲ့သည်...။
Ko Nay Myo


မင်းတို့ကတော့ ပျော်မြူးနေကြ … ဒီမှာက ဘဝတွေ ဆုတ်ပြတ်သတ်
ကျွန်တော်တို့ မဟာရန်ကုန်မြို့ကြီးသည်လည်း ဒေဝါမိုး၏ ထစ်ချုန်းမှုကြောင့် ရပ်ကွက်များ၊ မြို့နယ်များ၊ လမ်းမများတွင် ရေများဖုံးလွှမ်းလျှက်၊ မော်တော်ကားများသည်လည်း မော်တော်ဘုတ်များ သဖွယ် မောင်းနှင်နေဆဲ၊ မိဘပြည်သူအပေါင်းတို့သည်လည်း ရုံးသွား/ရုံးပြန်၊ အလုပ်သွား/အလုပ်ဆင်း၊ ကျောင်းသွား/ကျောင်းပြန် ဒူးပေါ်/ပေါင်ပေါ် လျှောက်လှမ်းနေဆဲ အချိန်ကာလအတွင်း မြန်မာပြည် နယ် အရပ်ဒေသ အသီးသီးတို့တွင်ရှိသော ပြည်သူလူထုအပေါင်းတို့မှာကား နေအိမ်များအားစွန့်ခွာ၍ ရေဘေး ဒုက္ခသည်စခန်းများသို့ ရောက်ရှိနေကြရသည်ဖြစ်သည်။ ကလေးသူငယ်၊ ကျောင်းသူလူငယ်များ အဖို့ “ရေတက်ကျောင်းပိတ်” ဆောင်ပုဒ်အား မည်သည့်အချိန်ကာလအထိ လက်ကိုင်ပြုနေတော့မည်ကိုတော့ မသိရှိနိုင်ပေ။ တိုင်းပြည်၏ အနာဂတ်ခေါင်းဆောင်ကလေးငယ်များ၏ ဘဝကား မည်သို့မျှဖြစ်လာမည် ကိုတော့ မခန့်မှန်းနိုင်တော့ပေ။ ထိုကဲ့သို့ ရေဘေးသင့်အရပ်ဒေသများရှိ မိဘပြည်သူအပေါင်းတို့၏ သွားရေးလာရေး ကိစ္စရပ်များအတွက် လှေငယ်လေးများနှင့်သာ လှော်ခတ်သွားလာရခြင်းတို့ကို မြင်တွေ့မိ တော့သည်။ သူတို့၏ဘဝများကား မော်တော်ကားဆိုသည်ကို စီးနင်းခွင့်ပင်မဆိုထားနှင့် မြင်တွေ့ဖို့ကား ဝေးလှသည်။ လူသားများအတွက် အစာအဟာရအဖြစ်သော်၎င်း၊ လုံခြုံမှုအတွက်သော်၎င်း အသက်စွန့် ပေးဆပ်နေကြသော နွား၊ ကျွဲ၊ ဆိတ်၊ ခွေး စသည့်သတ္တဝါများပင် နေထိုင်သွားလာ၊ စားသုံးရန် အခက် အခဲပေါင်း ကြီးမားစွာ တွေ့ကြုံနေရပြီ ဖြစ်တော့သည်။ ဖွေးဖွေးဖြူနေသော ရေပြင်လွှာထဲရှိ ကုန်းကမူလေး ပေါ်တွင် စည်းလုံးညီညွတ် ပြွတ်သိပ်စွာဖြင့် နေထိုင်နေရသော လူသားတို့အတွက် အသက်စွန့်ပေးခဲ့သော ကျေးဇူးရှင် နွား၊ ကျွဲ၊ ဆိတ်၊ ခွေး သတ္တဝါများ၊ လူနေအိမ်ခေါင်မိုး မျက်နှာကြပ်ပေါ်တွင် လူများနှင့်အတူ နေထိုင်နေကြသော ခွေး၊ ကြောင် အိမ်မွေးတိရစ္ဆာန်များ၊ လှေငယ်ျားပေါ်တွင် လူများနှင့်အတူ ရောထွေး လိုက်ပါ စီးနင်းနေကြသော ကြက်၊ ခွေး၊ သတ္တဝါများ၊ ရေမြုပ်နေ သော သစ်ပင်ကြီးများ၏ အထက်ကိုင်း ခတ်များတွင် တက်ရောက်နေရာယူထားကြသော ကမ္ဘာ့ရန်သူများဟု သမုတ်ခံထားရသော မြွေ၊ ဖား သတ္တဝါများ၊ ကျောင်းများ လနှင့်ချီ၍ ပိတ်ထားသောကြောင့် ပညာ သင်ကြားခွင့်မရသော ကလေးသူငယ် များ ဘဝရပ်တည်မှုအတွက်၎င်း၊ စားဝတ်နေရေးအတွက်၎င်း၊ အနာဂတ်ကာလများဆီသို့ မျှော်တွေးငေး မောရင်း ကူညီမည့်သူများအား မျှော်လင့်တကြီးစောင့်မျှော်နေကြသော မိဘပြည်သူအပေါင်းနှင့် အနာဂတ် သာသနာအတွက် ရင်လေးစွာဖြင့် စိုးရိမ်တကြီးမျှော်တွေးနေကြသော ရေမြုပ်နေသော ရွာဦးကျောင်း တော်ရှိ ဆရာတော်ကြီးများ စသည့်ဘဝပေါင်းများစွာတို့သည် သဘာဝဘေး ဒဏ်ကပ်ဘေးဆိုး အမျိုးမျိုး တို့ထဲတွင် ဒုက္ခပင်လယ်ဝေနေဆဲ ဖြစ်တော့သည်။

ကျွန်တော်တို့ မြန်မာနိုင်ငံ၏ လွတ်လပ်ရေးဖခင်ကြီး ဗိုလ်ချုပ်အောင်ဆန်း ပြောကြားခဲ့သော ဖ.ဆ. ပ.လ ညီလာခံမိန့်ခွန်းတွင်လည်း ဗြဟ္မစိုရ်တရား ခေါင်းပါးနေသရွေ့ ကာလပတ်လုံး ကပ်ဘေးအမျိုးမျိုး ကြုံတွေ့ရမည်ဟူသော မှန်ကန်လှသည့် မိန့်မှာချက်အတိုင်း ကျွန်တော်တို့ မြန်မာနိုင်ငံတွင်လည်း ရန်သူမျိုး ငါးပါးဖြစ်သော ရေဘေး၊ လေဘေး၊ မီးဘေး၊ ငလျင်ဘေး၊ စစ်ဘေး စသည့် ဒုက္ခအမျိုးမျိုးသော ကပ်ဘေး အမျိုးမျိုး ကြုံတွေ့ခံစားနေရပြီဖြစ်တော့သည်။ မြန်မာပြည်သူလူထုအပေါင်း ရေရှားပါးမှုဒဏ်၊ ရေလွှမ်းမိုးမှု ဒဏ်၊ လေဘေးဒဏ်၊ ငလျင်ဘေးဒဏ်၊ စစ်ဘေးဒဏ်တို့ကြောင့် ဘဝပေါင်းမြောက်များစွာ သေကြေပျက်စီး အမိတကွဲ၊ အဖတကွဲ၊ အိုးပစ်/အိမ်ပစ်၊ စားရမဲ့/သောက်ရမဲ့ ဘဝများ တိုင်းပြည်ကိုစွန့်ခွာ၍ ပြည်ပနိုင်ငံ များတွင် အလုပ်အကျွေးသွားပြု၍ ကျွန်ခံနေရသော အနာဂတ်လူငယ်များ၏ ဘဝပေါင်းများစွာတို့ဖြင့် ပြည့်လျှံနေရသော ဆိုးရွားလှသည့် အခြေအနေတရပ်သို့ ရောက်ရှိနေပြီဖြစ်ကြောင်း ကျွန်တော်မြင်တွေ့ ခံစားမိတော့သည်။

သို့သော် ကျွန်တော်တို့လူမှုရေးသမားများ အရပ်ဘက် ကိုယ်ထူကိုယ်ထ လူမှုရေးအဖွဲ့အစည်းများ အနေဖြင့် ဘုရားရှင်၏ ဗြဟ္မစိုရ်တရား(၄)ပါးဖြစ်သော မေတ္တာ၊ ကရုဏာ၊ မုဒိတာ၊ ဥပေက္ခာတရားတို့ကို လက်ကိုင်ပြု၍ လူသားချင်းစာနာစိတ်မွေးဖွားကာ အတတ်နိုင်ဆုံး ကူညီဖေးမပေးလျှက်​ရှိသည်။
မြန်မာပြည်ကြီး အမြန်ဆုံး ငြိမ်းချမ်းသာယာဝပြောစေချင်သည်။
ကမ္ဘာ့နိုင်ငံအသီးသီးတို့သည်လည်း အမြန်ဆုံး ငြိမ်းချမ်းသာယာဝပြောစေချင်သည်။
ကမ္ဘာ့ရွာကြီး ငြိမ်းချမ်းရေးတရားများ အမြန်ဆုံးလွှမ်းခြုံ စေချင်တော့သည်။

ထိုအတွေး၊ ထိုအာရုံခံစားမှုတို့သည် ကျွန်တော် မန္တလေး၊ စစ်ကိုင်း၊ မုံရွာ၊ ဒီပဲယင်း၊ ရွှေဘို၊ ပြည်၊ ကြို့ပင်ကောက်၊ ရှမ်းပြည်နယ်တောင်ပိုင်း၊ ရှမ်းပြည်နယ်မြောက်ပိုင်း၊ မြန်မာပြည် အရပ်ဒေသအသီးသီးသို့ သွားရောက်၍ ဗြဟ္မစိုရ်ခြေလှမ်းလူမှုရေးဟောပြောပွဲများ ကျင်းပပြုလုပ်ခဲ့စဉ်က ဖြစ်ပေါ်ခဲ့သည်။ ယခု ကြို့ပင်ကောက်၊ ရေဘေးကယ်ဆယ်ရေးသွားစဉ် ကျွန်တော်တို့ စီးနင်းလိုက်ပါလာသော ကယ်ဆယ် ကူညီရေး စက်လှေပေါ်မှ မြင်တွေ့ခဲ့ရသော သက်ရှိလူသားများ သက်ရှိကျေးဇူးရှင် ကုန်းနေတိရစ္ဆာန်များ၏ ဘဝများကာ ပျက်စီးယိုယွင်း ဘဝပျက်မှုများကို မြင်တွေ့ခံစားရင်း ကိုယ်ချင်းစာနာစိတ်တို့ဖြင့် မျက်ရည် လည်ခဲ့ရသည်။

“သြော် ….. မြို့ကြီးပြကြီးများတွင် သဘာဝကြုံတွေ့ရသော်လည်း စားရေးသောက်ရေး၊ နေရေး ထိုင်ရေး ဘဝတို့သည် ခံသာသေးသည်။ ယခုကဲ့သို့ ကျေးလက်ဒေသများရှိဘဝများသည်ကား …..။” ထို အတွေး ထိုခံစားချက် ထိုသို့ ကိုယ်ချင်းစာနာစိတ် ကျွန်တော့်တွင် ဖြစ်ပေါ်နေဆဲ ကျွန်တော်တို့ ရေဘေး ကယ်ဆယ်ရေး စက်လှေပေါ်တွင် တက်ကြွစွာလိုက်ပါလာကြသော ပရဟိတလူမှုရေးသမားများ အားတက် သော တက်ကြွသော စည်းလုံးသော၊ ညီညွတ်သော စကားသံများသည် ခုတ်မောင်းနေသော စက်လှေ၏ စက်ခုတ်သံအား လွှမ်းခြုံနေတော့သည်။ ရေပြင်ဖြူဖွေးဖုံးလွှမ်းနေသော ရေပြင်ကျယ်ကြီး စက်ခုတ်သံအား လွှမ်းခြုံနေသော ပရဟိတမောင်၊ မယ်တို့၏ အသံများအား “အေး … အေး မင်းတို့ကတော့ ပျော်မြူးနေကြ၊ ဒီမှာက ဘဝတွေအားလုံး ဆုတ်ပြတ်သတ်နေကြပြီ” ဟူသော အသံနက်ကြီး ထွက်ပေါ်လာခဲ့သည်။ ပတ် ဝန်းကျင်တစ်ခုလုံး ရေပြင်လွှာကြီးတစ်ခုလုံး စက်လှေပေါ်ရှိ ပရဟိတသမားများအားလုံး တိတ်ဆိတ်ငြိမ် သက် သွားပြီးနောက် အံ့သြတကြီးအသံထွက်ပေါ်လာသော နေရာသို့ မျက်လုံးများရွှေ့လျား ကြည့်ရှုခဲ့ တော့သည်။ အားလုံးသော မျက်လုံးပေါင်းမြောက်များစွာတို့သည် ကျွန်တော့်ထံသို့ ဝိုင်းဝန်း ကြည့်ရှုနေကြ တော့သည်။ ကျွန်တော်သည် လှေဦးထက်တွင် ပင်ပန်းနွမ်းနယ်စွာဖြင့် ထိ်ုင်နေသည်။ ကျွန်တော့်၏မျက်လုံး အစုံတို့သည် လှေဦးထက် ရေပြင်လွှာပေါ်သို့ ရောက်ရှိကြည့်ရှုနေသည်။ ကျွန်တော်မြင်ရသော ကျွန်တော် ကြည့်ရှုနေသော ကျွန်တော့်အား ဒေါသတကြီး အသံနက်ကြီးဖြစ်ပေါ်ခဲ့ရသော မြင်ကွင်းသည်ကား ရေပြင် လွှာပေါ်တွင် ကျက်စားနေထိုင်ကြသော ပျော်မြူးနေကြကာ တောင်ပံခတ်၍ ကူးခတ်နေကြသော ရေဘဲ သတ္တဝါ (၃) ကောင်ပင်ဖြစ်တော့သည်။

သက်ရှိလူသားများ ကုန်းနေသတ္တဝါများ ယခုကဲ့သို့ ရေဘေးဒုက္ခများ အကြီးအကျယ်ခံစား နေရ ချိန်တွင် ယခုကဲ့သို့ ပျော်ရွှင်မြူးတူးစွာ ရေပြင်လွှာပေါ်တွင်သွားလာ ကျက်စားနေသော ရေဘဲလေးများ အား ကျွန်တော်ယခုကဲ့သို့ အသံနက်ကြီးဖြင့် သတိလစ် အော်ဟစ်ကြုံးဝါးလိုက်မှုသည် ဗြဟ္မစိုရ်တရား လေးပါးအား ဖောက်ဖျက်ကျူးလွန်မိတော့သည်ကား ကျွန်တော်ကိုယ်တိုင် မသိတော့ချေ။
အော် … သူတို့သည်ကား ရေနေသတ္တဝါများဖြစ်၍ ရေကြီးလေ သူတို့ကြိုက်လေ .. ပျော်လေပေါ့။
ကျွန်တော်တို့သည်ကား ……. ။
(ကမ္ဘာမြေပြင် ငြိမ်းချမ်းဖို့၊ မြန်မာပြည်ကြီး ငြိမ်းချမ်းဖို့၊ လူသားတိုင်းတွင် ဗြဟ္မစိုရ်တရား လက်ကိုင်ပြု ကျင့် သုံးကြစေချင်တော့သည်။)

ကျော်သူ

Author Name

Contact Form

Name

Email *

Message *

Powered by Blogger.