10/18/13

အရင်က စက်မှုဝန်ကြီး ယခုဆောင်းပါးပါ စက်ရုံများ၊ စီမံကိန်းများကို ရဲရဲတောက် ဦးစီးလုပ်ဆောင်ခဲ့သော စက်မှု ၂ ၀န်ကြီးကတော့ “မြန်မာမီနီဆလွန်း””ဟု အရှက်မဲ့စွာအမည်ပေးထားသည့် တရုတ်ကားများကို ၀ယ်ယူတင်သွင်းခဲ့သူဖြစ်ပါသည် . . .
(၈-၁၀-၂၀၁၃) ရက်ထုတ် မြန်မာ့အလင်း သတင်းစာ၊ စာမျက်နှာ ၁၂ မှာ အထက်ပါ ကြော်ငြာ တွေ့လိုက် ရပါသည်။ ကြော်ငြာ စာသားအရ ဗဟိုစက်ပစ္စည်း၊ စာရင်းအင်းနှင့် စစ်ဆေးရေး ဦးစီးဌာနသည် မြေကော်စက်၊ မြေတူးစက်၊ လမ်းကြိတ်စက်နှင့် မြေသယ်ယာဉ်များကို မြန်မာ ကျပ်ငွေဖြင့် ၀ယ်ယူ လိုသောကြောင့် ဈေးပြိုင် အဆိုပြုလွှာ ဖိတ်ခေါ်ခြင်း ဖြစ်ကြောင်း သိရှိရပါသည်။
ကြော်ငြာတွင် ပါရှိသော ၀ယ်ယူလိုသည့် ပစ္စည်း အားလုံးမှာ ယခု စက်မှုဝန်ကြီး ဌာန (ယခင်-အမှတ် ၂ စက်မှုဝန်ကြီး ဌာန) လက်အောက်ရှိ စက်ရုံများမှ ထုတ်လုပ်သော ပစ္စည်းများ ချည်းဖြစ်နေကြောင်း တွေ့ရှိရပါသည်။အမှတ် ၂ စက်မှုဝန်ကြီးဌာန လက်အောက်ရှိ အောက်ပါ စက်ရုံများတွင် အဆိုပါ စက်ယန္တရား များကို ထုတ်လုပ်ကြပါသည်။

(က) သာဂရရှိ မြေထိုးစက်၊ မြေတူး စက်စက်ရုံမှ မြေထိုးစက် Bull-Dozer အစီး ၁၀၀ နှင့် မြေတူးစက် (ယခုကြော် ငြာပါ မြေကော်စက်) (Excarator or BackHoe ) အစီး ၂၀၀ တို့ကို နှစ်စဉ်ထုတ် လုပ်နိုင်ကြောင်း သိရှိခဲ့ပါသည်။ (မြေကော် စက် (ဘက်ဟိုး) ကို အချို့ဂျာနယ်များ၊ စာစောင်များတွင် “ဘက်ပိုး”ဟု မကြာခဏ ရေးသား ဖော်ပြနေကြသည်ကို အလွန် အရုပ်ဆိုးစွာ တွေ့မြင် ဖတ်ရှုနေရပါသည်)

(ခ) ဇလွန်ရှိ ယခင် လယ်ယာသုံးစက် ပစ္စည်း ထုတ်လုပ်ရေး စက်ရုံမှ လမ်းကြိတ် စက် Road Roller  အစီး ၁၅၀ကို နှစ်စဉ် ထုတ်လုပ် နိုင်ကြောင်း သိရှိခဲ့ပါသည်။

(ဂ) မကွေးရှိ (အိနိ်္ဒယနိုင်ငံ Ta Ta Co.,Ltd. နှင့် စာချုပ် ချုပ်ဆို ဆောင်ရွက်ခဲ့သော) မော်တော်ယာဉ် ထုတ်လုပ်မှု စက်ရုံ မှ ၂၁ တန် ထရပ်ကား အစီး ၁,၀၀၀ကို နှစ်စဉ် ထုတ်လုပ် နိုင်ကြောင်း သိရှိခဲ့ပါသည်။ ၎င်းထရပ်ကား များကို မြေသယ်ယာဉ် Dump Truck  အဖြစ် ပြောင်းလဲ တပ်ဆင်နိုင်ပါသည်။ …
အစိုးရ ၀န်ကြီးဌာန အချင်းချင်း ထုတ်လုပ်/၀ယ်ယူနိုင်သော ပစ္စည်းများ ဖြစ်ပါလျက် ပြင်ပမှ ဈေးနှုန်း အဆိုပြုလွှာများ ခေါ်ယူရခြင်းမှာ အဘယ်ကြောင့် ပါနည်း။ လုပ်ထုံး လုပ်နည်း အရ ဈေးနှုန်း အဆိုပြုလွှာ တင်သွင်းသူ (အနည်းဆုံး) ၃ဦးရှိမှ စိစစ် ၀ယ်ယူ ရမည်မို့ ပြင်ပသို့ ခေါ်ယူသည်လား မသိပါချေ။ သို့တည်း မဟုတ် စက်မှု ၂ စက်ရုံ များမှ ထုတ်လုပ်သော ပစ္စည်းများမှာ အဆင့်အတန်း မမီ၍လား၊ ဈေးကွက်လို အပ်ချက်ကို ပြည့်မီအောင် မထုတ်လုပ်နိုင် ၍လား။ တွေးစရာတွေ အများကြီး ဖြစ်လာ ပါတော့၏။ ဤနေရာတွင် ကျွန်တော် တွေ့မြင် ကြားသိ ထားခဲ့သော စက်မှု(၂) စက်ရုံ အချို့၏ အကြောင်းများကို တင်ပြ ခွင့်ပြုပါ။

သာဂရရှိ မြေထိုးစက်၊ မြေတူးစက် စက်ရုံကို ဆောက်လုပ်ရေး လုပ်ငန်းသုံး စက်ယန္တရား ယာဉ်များ ထုတ်လုပ် ပေးရန် တည်ထောင် ဖွင့်လှစ်ခဲ့ခြင်း ဖြစ်ပါသည်။ ဂျပန်နိုင်ငံ Komatsu က နည်းပညာကို ယူလို ခဲ့သော်လည်း ထိုစဉ်က စစ်အာဏာရှင် အစိုးရ လက်ထက် ပိတ်ဆို့မှု များကြောင့် တရုတ် ကုမ္ပဏီကို ကြားခံထား၍ နည်း ပညာဆင့်ပွား ယူခဲ့ရကြောင်း ကြားသိရဖူး ပါသည်။ စက်ရုံ ဖွင့်လှစ်ပြီး မည်သည့် စက်ယန္တရားမှ မည်မည်ရရ မထုတ်လုပ်နိုင် သေးဘဲ (ပြည်ပမှ တင်သွင်းလာသော အစိတ်အပိုင်းများ စုပေါင်း တပ်ဆင်ပေးနေ ရသည့် အဆင့်မှာပင်) စက်မှု ၂ ၀န်ကြီးက သူ့စက်ရုံမှ မြေထိုးစက်တွေ၊ မြေတူးစက်တွေ ဘယ်လို ထုတ်လုပ် နိုင်ပြီဆိုကာ မစားရ ၀ခမန်း အာပေါင် အာရင်း သန်သန် ပြောကြား နေပါတော့သည်။ ထိုစဉ်က အထက် လူကြီးက ““စက်မှု(၂) ထုတ်လုပ်သော မြေတူးစက် Excavator  ဘယ်နှစီး MEC (မြန်မာ့ စီးပွားရေး ကော်ပိုရေးရှင်း) ကို ရောင်းလိုက်”” ဟု မိန့်ကြား ခဲ့ပါသည်။ ၎င်းမြေတူးစက် များကို တစ်လလည်း မရ၊ နှစ်လလည်း မရဖြစ်လာသော အခါ ထိုစဉ်က MEC ၏ အဓိပတိ စစ်ထောက်ချုပ် ဗိုလ်ချုပ်ကြီး သီဟသူရ တင်အောင်မြင့်ဦးက အစည်းအဝေး တွေမှာ ပွဲကြမ်း ပါတော့သည်။

စက်ရုံကလည်း ဟုတ်ဟုတ်ငြားငြား ပစ္စည်းက မထွက်သေးရာ စက်မှု ၂ ၀န်ကြီးမှာ ဉာဏ်နီဉာဏ်နက် သုံးပြီး ထိုင်းမှ မြေတူးစက် များကို မြ၀တီ၊ ဘားအံ လမ်းကြောင်းမှ တစ်ဆင့် အစီးလိုက် ၀ယ်ယူ တင်သွင်း ခဲ့ပါတော့သည်။ အဆိုပါ ဂျပန်လုပ် စက်ယန္တရားများကို ခပ်တည်တည်ပင် စက်မှု ၂ တံဆိပ်တပ်ကာ MEC သို့ ရောင်းချ ပေးခဲ့ပါသည်။ ထိုစက်ယန္တရား များကို နယ်စပ်မှ သွားရောက် သယ်ယူ ခဲ့ရသော အရာထမ်းများ ယခုထိ စက်မှု ၀န်ကြီးဌာနတွင် အမှုထမ်း နေဆဲ ရှိပါသေးသည်။ ဂျပန်လုပ် စက်ယန္တရားမှာ စက်မှု ၂ ၀န်ကြီးနှင့် တွေ့မှ ““မိတ်အင်သာဂရ”” ဘ၀ ရောက်သွား ရပါတော့၏။

ယနေ့ထိတိုင်လည်း တကယ်တမ်းစံ ချိန်မီ အဆင့်မီအရည်အသွေးမီ မြေထိုး စက်၊ မြေတူးစက်များကို (၀န်ကြီးကိုယ် တိုင် အထူးစီမံကိန်းကြီးများအစည်းအဝေး တွေမှာ ပြောကြားခဲ့ပြီး နိုင်ငံပိုင်သတင်းစာ တွေမှာ ကိန်းဂဏန်းကြီးတွေ ပြူးပြဲဖော်ပြ ခဲ့သလို) တစ်နှစ် မြေထိုးစက် အစီး ၁၀၀ မြေတူးစက် အစီး ၂၀၀ ဆိုသည့် စံချိန်ကို ပြည့်မီအောင် ထုတ်လုပ်နိုင်ခြင်း မရှိသေးကြောင်း ကြားသိရပါသည်။
သာဂရ စက်မှုနယ်မြေတွင် ယခင်က ““အကြီးစား ဒီဇယ်အင်ဂျင် စက်ရုံ”” ““ဘက်စုံသုံး ဒီဇယ် အင်ဂျင်စက်ရုံ”” စသည်ဖြင့် ခေါ်ဝေါ်ခဲ့သော အင်ဂျင် ထုတ်လုပ်မှု စက်ရုံ ရှိပါသေးသည်။ စက်မှု ၂၀န်ကြီးက ““မိမိ တို့နိုင်ငံတွင် လိုအပ်သည့် မော်တော်ယာဉ်သုံး ဒီဇယ် အင်ဂျင်များ၊ သင်္ဘောကြီး များတွင် သုံးမည့် ဒီဇယ် အင်ဂျင်များသာ မက လေယာဉ်ပျံများ အတွက် အင်ဂျင်များပါ ထုတ်လုပ်ပေးနိုင်တော့မည်”” ဟု အားရပါးရကြီး “ကြွား”ခဲ့ ဖူးပါသည်။ ၂၀၀၉ မှ ၂၀၁၂ အတွင်း ထုတ်ဝေ ခဲ့သော သတင်းစာများ၊ ဂျာနယ်များတွင် ပြန်ရှာ ကြည့်ပါက ၎င်းကြွားလုံး များကို မကြာခဏ တွေ့နိုင်ပါသည်။ ကျွန်တော် တို့သည်လည်း ကိုယ့်ပြည်တွင်းမှ ထုတ်လုပ်သော ပစ္စည်းကသာ အမှန်တကယ် အရည် အသွေးကောင်းမွန် နေပါလျှင် နိုင်ငံခြားဖြစ် အစား မိမိပြည်တွင်း ဖြစ်ကိုသာ ဂုဏ်ယူဝင့် ကြွားစွာ ရဲရဲတင်းတင်း သုံးလိုကြပါသည်။

ယခုတော့မူ သာဂရ အင်ဂျင်စက်ရုံမှ မည်သည့်ကား၊ မည်သည့် သင်္ဘောနှင့် မည်သည့် လေယာဉ်များ အတွက် အင်ဂျင်များ မည်မျှ ထုတ်လုပ် ရောင်းချပြီးပါသလဲ ဆိုသည်ကို မည်သူမျှ မသိကြရပါ။ ကျွန်တော်တို့ နိုင်ငံတွင် တပ်မတော် (လေ)၌  ““လေယာဉ် ထုတ်လုပ်ပြင်ဆင်မှု ဌာနချုပ်”” (စာသားအချို့ လွဲမှားလျှင် ခွင့်လွှတ်ပါ) များ ဖွဲ့စည်း ဖွင့်လှစ် ထားပြီးကြောင်း ဆိုင်းဘုတ်များ တွေ့ရှိခဲ့ပေရာ ၎င်းတပ်များမှ ထုတ်လုပ်သော လေယာဉ်များတွင် သာဂရ အင်ဂျင်များ တပ်ဆင် အသုံးပြုနေ သလား မသိပါချေ။ ထို့အတူပင် တပ်မတော် (ရေ)မှ စစ်သေင်္ဘာ အသစ်များ တပ်တော်ဝင် အခမ်းအနား ကျင်းပသည်ကို မြ၀တီရုပ်/သံသတင်းတွင် ကြည့်ရှု ဖူးခဲ့ရာ ၎င်းသင်္ဘော အင်ဂျင်များမှာ သာဂရ စက်ရုံမှ ထုတ်လုပ်သော အင်ဂျင်များ ဖြစ်ချင်ဖြစ်နေလိမ့်မည်။ ကျွန်တော်တို့ မသိလို့ဘဲ ဖြစ်ပါမည်။
မကွေးရှိ မော်တော်ယာဉ် စက်ရုံမှာလည်း အိနိ်္ဒယ Ta Ta နည်းပညာနှင့် တည်ဆောက် ခဲ့ခြင်းဖြစ်ရာ (၃၁-၁၀-၂၀၁၀) ရက်တွင် အထူး စည်ကား သိုက်မြိုက်လှစွာ ဖွင့်လှစ်ပွဲကြီး ကျင်းပခဲ့ပါသည်။ အိနိ်္ဒယ သံအမတ်ကြီး ကိုယ်တိုင် တက်ရောက် ချီးမြှင့် ဖွင့်လှစ် ပေးခဲ့ခြင်း ဖြစ်ပါသည်။ စက်မှု ၂ ၀န်ကြီးက ““၎င်းစက်ရုံမှ နှစ်စဉ် ၂၁ တန်ထရပ် အစီး ၁,၀၀၀ ထုတ်လုပ်နိုင်စွမ်း ရှိသည်””ဟု ကမ္ဘာ သိကြေညာ ခဲ့ဖူးပါသည်။ ယခုအချိန်ဆိုလျှင် စက်ရုံဖွင့်ခဲ့သည်မှာ ၂ နှစ်နှင့် ၉ လကျော်ပါပြီ။ သို့ဆိုလျှင်Ta Ta ထရပ်အစီးရေ ၂,၇၀၀ ကျော် ထွက်ရှိပြီး ဖြစ်ရပါမည်။ ကျွန်တော် ကြားသိရသမျှ တော့ ၎င်းင်းစက်ရုံမှထုတ်လုပ်သည့် ထရပ် ကား အစီးရေ ၁၀၀ ခန့်သာ ရှိသေးသည် ဟု ကြားသိရပါသည်။ ၎င်းကားများ ထဲမှာပင် စက်ရုံမှ ထုတ်လုပ်ခြင်း မဟုတ်ဘဲ အိနိ်္ဒယမှ အစီးလိုက် တင်သွင်း လာသော ယာဉ်အရေအတွက်က တော်တော် များများ ပါဝင်သေးသည်ဟု သိရပြန် ပါသည်။

၎င်းစက်ရုံ တည်ဆောက်စဉ်က  E.D  ကန် Electro Deposit Coating  ထည့်သွင်း တည်ဆောက် ခဲ့ပါသည်။ E.D   ကန် ဆိုသည်မှာ မော်တော်ယာဉ် တစ်စီးကို အကြမ်းထည် တည်ဆောက် တပ်ဆင်ပြီး ချိန်တွင် အောက်ခံဆေးကို လက်/စက်တို့ ဖြင့် သုတ်ခြင်း၊ မှုတ်ခြင်း မပြုဘဲ ယာဉ်တစ်စီးလုံးကို ရေကန်ထဲတွင် နှစ်၍ ဆေး၊ ကလိုရင်း ကဲ့သို့ ကြေးချွတ် ဆေးရည်မျိုးဖြင့် စိမ်၍ သံချေး၊ အညစ်အကြေး၊ ဆီအစွန်း အထင်းများ လုံးဝ သန့်စင်အောင် ဆေး၊ ပြီးမှ အောက်ခံ ဆေးရည်ကန် ထဲတွင် နှစ်၍ လျှပ်စစ်ဓာတ်ဖြင့် စီးစေပြီး ကားကိုယ် ထည် သံဘားပေါ်တွင် ကြိုကြိုကြားကြား မကျန် ဆေးစွဲ နေအောင် ပြုလုပ်သော နည်းပညာသုံး ဆေးစိမ်ကန်ပင် ဖြစ်ပါသည်။ ၎င်းအောက်ခံ ဆေးစိမ်ပြီးသည့် ယာဉ်ကို အပူချိန် မြင့်မားစွာဖြင့် ပေါင်းပြီးမှ ဆေးမှုတ်ရပါသည်။ အောက်ခံ ဆေးစွဲမြဲ ကောင်းမွန်သဖြင့် အပေါ်မှ ထပ်မှုတ်သော ဆေးရောင်နှင့် ဆေးသားမှာ အလွန်စွဲမြဲ ခိုင်ခန့်ပြီး ကြာရှည်ခံပါသည်။

E.D  ကန်ထဲရှိ အောက်ခံ ဆေးအရည် များ၏ တန်ဖိုးမှာ အလွန်မြင့်မား လှပါသည်။ မကွေး စက်ရုံရှိ E.D  ကန် တည်ဆောက် စရိတ်နှင့် ဆေးရည် တန်ဖိုးများမှာ ဒေါ်လာ သန်းပေါင်း များစွာ တန်ကြောင်း သိခဲ့ပါသည်။ E.D   ကန်ထဲရှိ ဆေးရည်မှာ အမြဲမပြတ် မွှေစက်ဖြင့် မွှေပြီး အပူချိန်ကိုလည်း သတ်မှတ် ယူနစ် တစ်ခုအတွင်း အမြဲ ရှိနေအောင် ထိန်းသိမ်းထား ရပါသည်။ ထို့ ကြောင့် လျှပ်စစ်မီး ပမာဏ များပြားစွာ သုံးစွဲရပါသည်။ လျှပ်စစ်မီး ပြတ်တောက်၍ မွှေစက် အလုပ်လုပ်ခြင်း ရပ်သွားလျှင်၊ အအေးခံ စက်များ ရပ်တန့် သွားလျှင် ၆ နာရီခန့် ကြာသည်နှင့် ၎င်းဆေးများ ဓာတ်ပျက်စီး သွားတတ်ပါသည်။ ဒေါ်လာ သန်းပေါင်း များစွာကို လွှင့်ပစ် လိုက်ရသလို ဖြစ်ပါသည်။ နေ့စဉ် ကားများကို အရေအတွက် များစွာ စိမ်နေရလျှင် ပုံမှန်လည် ပတ် မွှေပေးနိုင်လျှင်တော့ ဓာတ်မပျက်စီးပါ။
မကွေးကဲ့သို့ လျှပ်စစ်မီး မကြာခဏ ပြတ်တောက်သော နေရာတွင် ၃ နှစ်ခန့် ကြာသည်အထိ ကား အရေအတွက် ဆယ်ဂဏန်း အနည်းငယ်မျှသာ စိမ်ခဲ့ရသော အဆိုပါ E.D   ကန် ဘယ်လို နေမည်ကိုတော့ ကျွန်တော် မတွေးတတ်ပါ တော့ပြီ။ ထုတ်လုပ် စာရင်းပြထားသော ကားတော်တော် များများမှာ အိနိ်္ဒယမှ အစီးလိုက် ၀င်လာသော ကားများ ဖြစ်ရာ E.D   စိမ်စရာ မလိုပါချေ။

မကွေး Ta Ta စက်ရုံ ၀န်းထဲမှာပင် တရုတ် အကူအညီဖြင့် ဂီယာဘောက် စက်ရုံ တစ်ရုံ တည်လိုက် ပါသေးသည်။ Ta Ta ထရပ် (အိနိ်္ဒယကား)များ အတွက် လိုအပ်သော ဂီယာဘောက် များကို တရုတ်နည်း ပညာဖြင့် ထုတ်လုပ် ပေးရန်ဟု သိရပါသည်။ နှစ်စဉ် ဂီယာဘောက် အလုံး ၇၀၀ ထုတ်လုပ်နိုင်မည်ဟု ကြွေးကြော် ခဲ့ဖူးပါသည်။

စက်မှု ၂ ၀န်ကြီး၏ ထပ်မံ တိုးချဲ့မည့် စီမံကိန်းများတွင် မြင်းခြံ အနီးရှိ ဆီမီးခုံ (ဆံမိတ်ခုံ)၌ တည်ဆောက်မည့် ထရပ် ကားဝင်ရိုး  Truck Axle နှင့် မော်တော်ယာဉ် အစိတ်အပိုင်းများ အတွက် Mould & Die ထုတ်လုပ်မည့် စက်ရုံ စီမံကိန်းများ ပါရှိ ပါသေးသည်။ တည်ဆောက်နေဆဲ တစ်ဝက် တစ်ပျက်မှာပင် ဘာကြောင့်မှန်း မသိ ရပ်တန့် သွားခဲ့သဖြင့် နောက်ထပ် သန်းနှင့်ချီ၍ မကုန်ခြင်း ဖြစ်ပါသည်။

ကျွန်တော် တင်ပြခဲ့သော စက်ရုံများ၊ စီမံကိန်းများမှာ တရုတ်နိုင်ငံမှ ချေးငွေ၊ အိနိ်္ဒယ နိုင်ငံမှ ချေးငွေ ယွမ်၊ ရူပီး၊ ဒေါ်လာ သန်းပေါင်း များစွာဖြင့် ရင်းနှီးမြှုပ်နှံ တည်ဆောက် ခဲ့ရခြင်း ဖြစ်ပါသည်။ ၎င်း ချေးငွေများ အတွက် ကျသင့်မည့် အတိုးများ မှာလည်း ယွမ်၊ ရူပီး၊ ဒေါ်လာ ဘီလီယံနှင့် ချီ၍ ပေးဆပ် ရဦးမည် ဖြစ်ပါသည်။ ဤမျှ မကသေးပါ။

စက်ရုံ အလုပ်ရုံများ၊ ၀န်ထမ်း နေအိမ်များ၊ ရုံးခန်းများ စသည်တို့ကို တည်ဆောက် ရသည့် စရိတ်တွေ ကလည်း မြန်မာငွေကျပ်သန်းပေါင်း သန်းနှင့် ကုဋေ နှင့် ချီ၍ ရှိပါသည်။
ဤမျှ များပြားသော ငွေကြေး ပမာဏ တို့မှာ ကျွန်တော်တို့လို ပြည်သူလူထု၏ အခွန်ငွေဖြင့် ကျခံ သုံးစွဲခဲ့ရခြင်း ဖြစ်ပါသည်။ တိုင်းပြည်၏ သယံဇာတ တို့ကို ရောင်းချ ထုခွဲ၍ ရသော ငွေဖြင့် ကျခံ သုံးစွဲ ရခြင်းလည်း ဖြစ်ပါသည်။ သို့ဆိုလျှင် ငွေကြေး ကုန်ကျခဲ့ သလောက် စီမံချက် လျာထားမှု အတိုင်း ယာဉ်များ၊ စက်များ၊ ယန္တရားများ (ကုန်ချောများ) ထွက်ရှိ လာခဲ့ပါလျှင် ဘာမှ ပြောစရာ မရှိပါချေ။
ယခုတော့မူ တစ်နှစ်ကို အစီးရေ ထောင်နှင့်ချီ၍ ထွက်ရမည့် ကားတွေက တစ်နှစ် နေလို့မှ တစ်ရာပြည့်အောင် မထွက်။ အစီးရေရာနှင့် ချီ၍ ထွက်ရမည့် ကားတွေက တစ်နှစ်နေလို့မှ တစ်ရာပြည့် အောင်မထွက်။ အစီးရေရာနှင့် ချီ၍ ထွက်ရမည့် မြေထိုးစက်၊ မြေတူးစက် တွေကလည်း ဆယ်ဂဏန်း၊ ခုဂဏန်းပင် မနည်းထွက် အောင်လုပ်နေရသည်။ ဂီယောဘောက် ကလည်း ဆယ်ဂဏန်း ခန့်သာ။ ထွက်လာသည့် ပစ္စည်းတွေ ကလည်း ကားနှင့် ယန္တရားတွေမှအပ ကျန်အင်ဂျင်များ၊ ဂီယာဘောက် များကို ဘယ်နေရာမှာ ဘယ်လို သုံးစွဲမှန်း မသိရ။

နိုင်ငံတော်၏ အသုံးစရိတ် ငွေကြေးများ၊ ပြည်သူလူထု၏ အခွန်အခများကို အလုံးအရင်းဖြင့် ပုံအော သုံးချလိုက်ရာ “ဘွား” ခနဲ စက်ရုံ၊ အလုပ်ရုံ ကြီးများပေါ် လာသဖြင့် ၀မ်းသာရမည် ကြံကာရှိသေး၊ ၎င်းစက်ရုံ၊ အလုပ်ရုံကြီး များမှာ ဘာပစ္စည်းမှ မည်မည်ရရ မထုတ်လုပ်နိုင်ဘဲ ရပ်ထားရသည့် အချိန်က များနေပါတော့ သည်။

သို့ဖြစ်လျှင် ၎င်းစက်ရုံ၊ အလုပ်ရုံ များတွင် ခန့်အပ်ထားသော ၀န်ထမ်း များမှာလည်း လုပ်အား စိုက်ထုတ်ရခြင်း မရှိဘဲ လစာကို နိုင်ငံတော်မှ (အခွန်ထမ်း ပြည်သူတွေ ထဲမှ) အလကား ထုတ်ပေး နေရသည့် သဘောမျိုး ဆောင်နေ ပါတော့သည်။

လယ်ယာ စိုက်ပျိုးရေးနှင့် ဆည်မြောင်း ၀န်ကြီးဌာန၊ စက်မှုလယ်ယာ ဦးစီးဌာန လက်အောက်ရှိ လက်တွန်း လယ်ထွန်စက် စက်ရုံ၊ ကျောက်ဆည် (အင်းကုန်း) ကိုလည်း ၂၀၁၁ ခုနှစ် အတွင်းက စက်မှု ၂ က လွှဲပြောင်း ယူခဲ့ရပါသည်။ စက်မှု ၂ ၀န်ကြီးက ထိုစက်ရုံတွင် “ရိတ်သိမ်း ခြွေ့လှေ့စက်” Combined Harvester များ ထုတ်လုပ်မည်ဟု ကြွေးကြော်ကာ စီမံချက်တွေ အမျိုးမျိုး ရေးဆွဲ ခဲ့ဖူးပါသည်။ ယခုထိ ကြားရ သမျှကတော့ ကိုရီးယား နိုင်ငံရှိ စက်ရုံ ၂ ရုံ၊ ၃ရုံမှ ရိတ်သိမ်းခြွေ လှေ့စက်များ ၀ယ်ယူပြီး ထုံးစံ အတိုင်းပင် ““မိတ်အင်အင်းကုန်း”” ခဲ့ပါသည်တဲ့။

ကျွန်တော် ရေးသား တင်ပြခဲ့သမျှမှာ အပိုဆာဒါးတွေ၊ ချဲ့ကား ထားတာတွေ မပါပါ။ နိုင်ငံတော်၏ အထူး စီမံကိန်း ကြီးများ အကောင်အထည် ဖော်ဆောင်ရေး အဖွဲ့ အစည်းအဝေးပွဲများ၊ စက်မှု (၂) စက်ရုံ ဖွင့်ပွဲ များတွင် ထိုစဉ်က စက်မှု ၂ ၀န်ကြီးက လူသိရှင်ကြား တိုင်းပြည်သို့ ကြေညာခဲ့သည့် အတိုင်း ရေးသား ဖော်ပြ ခဲ့ခြင်းသာ ဖြစ်ပါသည်။ နိုင်ငံနှင့် လူထုအတွက် အလုပ် မဖြစ်သော အကျိုးမရှိသော အဆိုပါ စီမံကိန်းကြီးများ၊ စက်ရုံများကို ကုန်ကျ စရိတ်မည်မျှ ရှိသည်၊ မည်သူက တာဝန်ခံ ဆောင်ရွက်ခဲ့သည်၊ ကုန်ချော မည်မျှ ထုတ်လုပ် နိုင်သည်။ ရှုံး၊ မြတ် မည်မျှရှိသည် စသည့် စာရင်းဇယား တို့ကို အများပြည်သူ ရှေ့မှောက်မှာ အားလုံး သိသာ မြင်သာအောင် ပွင့်လင်းမြင်သာစွာ ဖော်ထုတ်ချပြ သင့်ပါပြီ။ အကျိုး မရှိသော၊ ကုန်ပြီးရင်း ကုန်ဖြစ်နေသော လုပ်ငန်းများကို ဘာကြောင့် အရှုံးခံ၊ အမိုက်ခံ ဆက်လုပ် နေကြပါဦး မည်နည်း။ ရှုံးမှန်း၊ မှားမှန်း သိလျှင် မိမိတို့၏ ဂုဏ်သိက္ခာထက် နိုင်ငံနှင့် လူထု အကျိုးကိုသာ ငဲ့ကွက်၍ အမှန်အတိုင်း ၀န်ခံ သင့်ပါပြီ။ မူလက လူသိရှင်ကြား ကြေညာ ထားခဲ့သည့် ထုတ်လုပ်မှု စွမ်းအားပမာဏကို ပြည့်ဝစွာ မထုတ်လုပ် နိုင်ခြင်းမှာ ဘာကြောင့် ဆိုသည်ကို အဖြေရှာ၍ ပြည်သူ လူထုအား အသိပေးသင့် ပါပြီ။

ယခု အလုပ်သမား ၀န်ကြီးဖြစ်နေသူ ဦးအေးမြင့် ““မိမိစက်မှုဝန်ကြီး တာဝန် ထမ်းဆောင်ချိန်တွင် လုပ်ကိုင် ဆောင်ရွက် ခဲ့သမျှအတွက် တာဝန် ယူရဲသည်၊ ယခင် ၀န်ကြီးလက်ထက်က လုပ်ခဲ့သမျှ ကိုတော့ မိမိမသိ၊ တာဝန်မယူနိုင်””ဟူသည့် သဘောမျိုး မီဒီယာ ရှင်းလင်းပွဲတွင် အတိအလင်း ပြောသွား ခဲ့ပါသည်။ ဦးအေးမြင့် ၏ အရင်က စက်မှုဝန်ကြီး ယခုဆောင်းပါးပါ စက်ရုံများ၊ စီမံကိန်း များကို ရဲရဲတောက် ဦးစီး လုပ်ဆောင်ခဲ့သော စက်မှု ၂ ၀န်ကြီးကတော့ ““မြန်မာမီနီဆလွန်း”” ဟု အရှက်မဲ့စွာ အမည်ပေးထားသည့် တရုတ ကားများကို ၀ယ်ယူ တင်သွင်း ခဲ့သူဖြစ်ပါသည်။
မှန်ဘီလူး(စက်မှု-၂ အရာရှိဟောင်း)
မြန်မာသံတော်ဆင့်

နေပြည်တော် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဌာနချုပ် ပြည်သူ့ ဆက်ဆံရေးဌာန (သတင်းဌာန) တာဝန်ခံ ဌာနမှူးဖြစ်သူ ဦးကျော်သူရက မြန်မာသံတော်ဆင့် အယ်ဒီတာများ နောက်သို့ SP နှင့် သတင်း ထောက်လှမ်းရေးများ လိုက်နေပြီ ဖြစ်ကြောင်း၊ တာမွေအောင်ကို၏ ယခင်က ကြံ့ခိုင်ရေး လုပ်ရပ်များကို ဖော်ထုတ် ရေးသားမှုများ အတွက်လည်း… ဖြတ်ခံရမည် ဖြစ်ကြောင်း စသည်ဖြင့် သတိပေးသလိုလိုဖြင့် တယ်လီဖုန်း ဆက်သွယ် ခြိမ်းခြောက် ပြောကြားကြောင်း ယခင် ပြည်ခိုင်ဖြိုး မြို့နယ် အတွင်းရေးမှူးဟောင်း၊ သတင်းစာပညာ သင်တန်းဆင်း တစ်ဦးက မြန်မာသံတော်ဆင့်သို့ ပြောသည်။

ကြံ့ခိုင်ရေးပါတီ ပြည်သူ့ဆက်ဆံရေး ဌာနသည် သတင်းဌာန တစ်ခုဖြစ်ပြီး ယခင်က ကြံ့ခိုင်ရေး အသင်း သတင်းစာပညာ သင်တန်းများကို တာဝန်ခံ ဖွင့်လှစ်ပေးရခြင်း၊ ထိုစဉ်က ကြံ့ခိုင်ရေးဗဟို အလုပ်အမှုဆောင် မီးရထားဝန်ကြီး ဦးအောင်မင်း (ယခုသမ္မတရုံး ပြည်ထောင်စုဝန်ကြီး) တာဝန်ခံ၍ နိုင်ငံတော် လုံခြုံရေး ဘာသာရပ် သင်ကြားပေးခဲ့ကြောင်း၊ ပါတီ ထောက်လှမ်းရေးအတွက် ရန်ပုံငွေသန်း (၁၀၀၀) ဘဏ်တွင် အပ်နှံ ထားကြောင်း၊ သင်တန်းဆင်းလျှင် ဂျိမ်းစဘွန်းကဲ့သို့ သတင်းထောက်လှမ်းရေး လုပ်ရမည်ဖြစ်ကြောင်း၊ သင်ကြား ပို့ချပေးခဲ့၍ သတင်းထောက်လှမ်းရေး တာဝန် တက်ကြွသူ အချို့မှာ မလျော်သြဇာ သုံး၍ လုပ်ကြံခံရ သည်အထိ ကြံ့ခိုင်ရေးအသင်း နာမည်ပျက်ခဲ့ကြောင်း၊ သတင်းလုပ်ငန်းမှာ တိုင်းပြည်အတွက် မှန်မှန်ကန်ကန် အသုံးချ သင့်သော်လည်း ထိုကဲ့သို့ ဌာန တာဝန်ရှိသူများက မလျော်ကန်သော နည်းလမ်းများဖြင့် သင်ကြား ပေးခဲ့ခြင်းကြောင့် ကြံ့ခိုင်ရေး အောက်ခြေတွင် သတင်းသမားများနှင့် ကော်မတီများ အချင်းများခဲ့ရကြောင်း၊ မသင့်မြတ်ကြ၍ ပါတီမှပင် ထွက်ကြရသော သတင်းသမား ကေဒါများ ရှိကြောင်း၊ လက်ရှိ ကြံ့ခိုင်ရေး ခရိုင် ကော်မတီဝင် တိုင်းဒေသကြီး လွှတ်တော် ကိုယ်စားလှယ် တစ်ဦးက မြန်မာသံတော်ဆင့်သို့ ပြောသည်။ …

မြန်မာသံတော်ဆင့်မှ ကြံ့ခိုင်ရေးများ၏ မလျော်သြဇာသုံး၍ အောက်ခြေ၌ ခြစားနေသည့် ဖြစ်ရပ်များကို ဖော်ထုတ် ရေးသားရခြင်းမှာ ပြုပြင် စေလိုခြင်း၊ လက်ရှိ ပါတီဗဟို ကော်မတီဝင်များ၏ ပြုပြင် ပြောင်းလဲ လိုသော ဒီမိုကရေစီ လုပ်ငန်းများအတွက် အထောက်အကူ ဖြစ်စေရန် စာနယ်ဇင်းတာဝန် မှန်မှန်ကန်ကန် ထမ်းဆောင်ခြင်းသာ ဖြစ်ပြီး ထိုကဲ့သို့ ရေးသား လျက်ရှိသော သံတော်ဆင့် အယ်ဒီတာချုပ်နှင့် တာမွေအောင်ကို အပါအ၀င် အယ်ဒီတာအချို့အား ကြံ့ခိုင်ရေး ပြည်သူ့ဆက်ဆံရေး (သတင်းဌာန) တာဝန်ခံက ““ဖော်ကောင်ဘညွန့် မလုပ်နဲ့၊ ခေါင်းပြတ်သွားမယ် …..”” စသည် ပြောဆို ခြိမ်းခြောက် လျက်ရှိသည်မှာ ဒီမိုကရေစီ လိုလားသော ကြံ့ခိုင်ရေးပါတီ၏ အတွင်းသရုပ်မှန်ကို ဖော်ပြရာရောက်ကြောင်း၊ ဆက်သွယ် ပြောဆိုခံရသည့် သတင်းစာပညာ သင်တန်းဆင်း ဦးသန်းမြတ်စိုးက မြန်မာသံတော်ဆင့်သို့ ပြောသည်။

ဦးကျော်သူရသည် ယခင်က မီးရထားဝန်ကြီးဌာန လက်ထောက် ညွှန်ကြားရေးမှူး ဖြစ်ပြီး ၀န်ကြီးဦးအောင်မင်း ၏ တပည့်ရင်း တစ်ဦးလည်း ဖြစ်ကာ ဦးအောင်မင်း တာဝန်ခံ ကိုင်တွယ်ရသော ကြံ့ခိုင်ရေး အသင်း ရှိစဉ်က ပြည်သူ့ဆက်ဆံရေးဌာန (သတင်းဌာန) အတွက် ဌာနမှူးအဖြစ် တာဝန်ပေးခဲ့ခြင်းလည်း ဖြစ်သည်။

လွန်ခဲ့သော တစ်လကျော်က ဦးကျော်သူရ အနေဖြင့် မြန်မာသံတော်ဆင့်တွင် ၀န်ကြီးဦးအောင်မင်း၏ သတင်းများအပေါ် ဦးအောင်မင်း ကောင်းကြောင်း ရေးသားေ ပးရန်လည်း သံတော်ဆင့် အယ်ဒီတာသို့ ဖုန်းဖြင့် ဆက်သွယ် ပြောကြား ခဲ့သေးသည်။

ထိုကဲ့သို့ ကြံ့ခိုင်ရေး ပါတီဌာနချုပ် ပြည်သူ့ဆက်ဆံရေး ဌာန တာဝန်ခံက သံတော်ဆင့် အယ်ဒီတာများကို ခြိမ်းခြောက်ခြင်းအတွက် ပြည်ခိုင်ဖြိုးပါတီ ဗဟိုအတိုင်ပင်ခံ ဦးတင်ထွတ်ကို ဆက်သွယ် မေးမြန်းခဲ့ရာ ““SP က ဘာလို့ လိုက်ရမှာလဲ။ ဘာတွေမှန်းကို ငါလည်းမသိဘူး။ ငါရေးတာလည်း မင်းမှတ်မိသေးတယ်မလား။ လူတစ်စု အမုန်းခံမလား၊ ပါတီကို အဆုံးခံမလား ဆိုတာတွေ ကုလားထိုင်ပေါ်မှာ နေပြီး လုပ်နေလို့မရဘူး”” ဟု မြန်မာသံ တော်ဆင့်သို့ ပြောသည်။

ပါတီဌာနချုပ်မှ ဦးကျော်သူရကို ဖုန်းဖြင့် ဆက်သွယ် မေးမြန်းခဲ့သော်လည်း ဖုန်းကိုင်၍ ပြန်လည် ဖြေကြားမှု မပြုလုပ်ခဲ့ပေ။ ပါတီဌာနချုပ်မှ ပြန်ကြားရေး ဒေါက်တာ မျိုးအောင်ကို ဆက်သွယ် မေးမြန်းခဲ့ရာ ““အဲဒါတကယ် ဘာမှမသိဘူး။ ကောလာဟလတွေ ဖြစ်မယ်ထင်တယ်။ မဟုတ်လောက်ပါဘူး”” ဟူ၍သာ ပြန်လည်ဖြေကြား ခဲ့သည်။

မြန်မာသံတော်ဆင့်


ဒီဓါတ်ပုံလေးဟာ အရမ်းကိုခံစားရလွန်းပါတယ်
ကြည့်နေရင်းနဲ့ရင်ထဲမှာ လှိုက်ခနဲဖြစ်သွားစေပါတယ်
သြော်....
သားပြစ် မယားပြစ်ပြီးတိုင်းပြည်ကိုကာကွယ်နေရတဲ့
သူရဲကောင်းကြီးတွေပေါ့...

ဒါပေမယ့်
ကျွန်တော်တို့နိုင်ငံကအစိုးရစစ်သားတွေနဲ့ပတ်သက်ပြီး
ဒီလိုမျိုးမခံစားပေးနိုင်ကြတာ
တော်တော်လေးကြာနေပါပြီ

ကျွန်တော်တို့နိုင်ငံသားတွေကစစ်သားဆိုရင်
မချစ်တတ်ဘူးလားး
ဒီလိုလဲမဟုတ်ပါ သိပ်ကိုချစ်တတ်လွန်းပါတယ်
ကျွန်တော်တို့အမျိုးသားခေါင်းဆောင်ကြီး
ဗိုလ်ချုပ်အောင်ဆန်းဟာကျွန်တော်တို့အချစ်ရဆုံး
စစ်သားကောင်းကြီးပါ

ဗိုလ်ချုပ်အောင်ဆန်းလွန်ပြီးခဲ့တဲ့နောက်
ဖြစ်တည်လာတဲ့တိုင်းပြည်ရဲ့အခြေအနေတွေပေါ်
မူတည်ပြီးကိုင်တွယ်ခဲ့တဲ့ကျွန်တော်တို့နိုင်ငံရဲ့
စစ်တပ်ဟာအရမ်းကိုညံ့ဖျင်းခဲ့ပါတယ်

လက်တစ်ဆုပ်စာအာဏာရှုးစစ်ဗိုလ်တစ်စုရဲ့
ကိုယ့်အမျိုးကောင်းစားရေးရှေ့တန်းတင်ပြီး
အကွက်ရွှေ့မှားခဲ့တာတွေကြောင့်ဒီနိုင်ငံရဲ့
စစ်တပ်ဟာပြည်သူတွေရဲ့မေတ္တာနဲ့တဖြည်းဖြည်းချင်း
ဝေးကွာခဲ့ရတာပါပဲ...

အားလုံးသိပြီးသားဖြစ်တဲ့
အမျိုးမျိုးသောအမှားတွေ အဆိုးဆုံးသော
အမှားတွေကို စစ်တပ်ဟာကျူးလွန်ခဲ့ပါတယ်..

ထားလိုက်ပါတော့
ဖြစ်ပြီးခဲ့တာတွေထားလိုက်ပါတော့...

ယခုလက်ရှိအချိန်မှာမြန်မာပြည်ရဲ့အစိုးရစစ်တပ်(ဝါ)
ကြံ့ဖွတ်ပါတီရဲ့စစ်တပ်ဟာပြည်သူတွေအပေါ်မှာ
ဘယ်လိုသဘောထားမလဲ..??
အဖြေကတော့ရှင်းပါတယ်
စစ်တပ်ဟာသူနဲ့မဆိုင်တဲ့လွှတ်တော်ထဲကနေ
ထွက်ပေးတဲ့နေ့..
သူနဲ့မဆိုင်တဲ့စီးပွားရေးလုပ်ငန်းတွေကိုလက်ဝါးကြီး
အုပ်ထားရာကနေ စွန့်လွှတ်တဲ့နေ့..
ပြည်သူတွေအာသာငန်းငန်းဖြစ်နေတဲ့
ဖွဲ့စည်းပုံအခြေခံဥပဒေပြင်ဆင်ရေးကို
အားတက်သရောထောက်ခံပြီး
ပြည်သူနဲ့တစ်သားထဲရှိကြောင်းပြနိုင်တဲ့နေ့
အဲဒီနေ့တွေရောက်လာခဲ့ရင်တော့
စစ်တပ်ဟာစကားတစ်ခွန်းမှမပြောရပဲ
ပြည်သူတွေကိုအဖြေပေးပြီးသားဖြစ်ပါလိမ့်မယ်..

ရောက်စေချင်ပါပြီ..
အဲဒီလိုနေ့ရက်တွေကိုမြန်မြန်လေးရောက်စေချင်ပါပြီ
ကျွန်တော်တို့ရဲ့နိုင်ငံကိုကာကွယ်ရန်အတွက်
သားပြစ်မယားပြစ်ပြီးကိုယ့်တာဝန်ကို
ကျေပြွန်နေတဲ့စစ်သားစစ်စစ်ကြီးတွေကို
ကျွန်တော်တို့မြင်ချင်လှပါပြီ..

ကျွန်တော်တို့
မြင်ပါရစေတော့....။ ။

အေးချမ်းသူ

ဒေါ်အောင်ဆန်းစုကြည်က နိုင်ငံရေးခေါင်းဆောင်တစ်ယောက်၊ ပါတီတစ်ခုရဲ့ ခေါင်းဆောင်တစ်ယောက် အနေနဲ့ ဟိုဘက်က အိမ်ရှင် အစိုးရနဲ့ ညှိပြီး ဆောင်ရွက်တဲ့ကိစ္စမို့ ကျွန်တော်တို့ အနေနဲ့ ဘာမှသီးခြား မှတ်ချက် ပေးစရာမရှိ . . .”
ဗြိတိန်ကာကွယ်ရေးဦးစီးချုပ် မြန်မာနိုင်ငံသို့လာရောက်စဉ်သူရဦးရွှေမန်း၊ ဒေါ်အောင်ဆန်းစုကြည် တို့နှင့်အတူ မှတ်တမ်းဓာတ်ပုံ

ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ် အေးချမ်းရေး ကော်မတီ ဥက္ကဋ္ဌ၊ အမျိုးသား ဒီမိုကရေစီ အဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်၏ အောက်တိုဘာ ၁၈ ရက်မှ နိုဝင်ဘာ ၂ ရက်အထိ သွားရောက်မည့် ဥရောပ ၅ နိုင်ငံခရီးစဉ် အတွင်း ဗြိတိန်နိုင်ငံရှိ Sandhurst  တော်ဝင် စစ်တက္ကသိုလ်တွင် စစ်ပညာ လေ့ကျင့် သင်ကြားမှု များကို လေ့လာခြင်း၊ ယင်းတက္ကသိုလ်ရှိ ဗိုလ်လောင်းများကို အမှာ စကား ပြောကြား ခြင်းများ ပြုလုပ်ရန် ရှိရာ ၂၀၀၈ဖွဲ့စည်းပုံ အခြေခံ ဥပဒေ၊ အခန်း ၃၊ ပုဒ်မ ၅၉ (ဃ)ပါအချက်နှင့် သက်ဆိုင်မှု ရှိနိုင်ကြောင်း သုံးသပ်မှုများ ရှိနေသော်လည်း နိုင်ငံတော် သမ္မတ၏ ပြောရေးဆိုခွင့်ရှိသူ ဦးရဲထွဋ်ကမူ ယင်းသို့ မထင်မြင်ကြောင်း ပြောသည်။

၂၀၀၈ ဖွဲ့စည်းပုံ အခြေခံ ဥပဒေ အခန်း (၃) ““နိုင်ငံတော် သမ္မတနှင့် ဒုတိယသမ္မတများ””၊ ပုဒ်မ ၅၉ ပါ နိုင်ငံတော် သမ္မတနှင့် ဒုတိယ သမ္မတများ၏ အရည်အချင်းများတွင် ဒေါ်အောင်ဆန်းစုကြည် အနေဖြင့် သမ္မတ ရာထူး ရွေးချယ်ခံခွင့် မရှိစေရန် ရည်ရွယ် ပြဋ္ဌာန်းထားသည်ဟု ဒေါ်အောင်ဆန်းစုကြည် ကိုယ်တိုင်နှင့် နိုင်ငံရေး အသိုင်းအ၀ိုင်းမှ ပြောကြားမှုများ ရှိနေသည့် ပုဒ်မ ၅၉ (ဃ)နှင့် ပုဒ်မ ၅၉ (စ) တို့ပါဝင်နေသည်။ …

နိုင်ငံရေး အသိုင်းအ၀ိုင်းနှင့် လေ့လာ စောင့်ကြည့်သူများက ယခုကိစ္စရပ်အပေါ် အထက်ပါ ပြဋ္ဌာန်းချက် နှစ်ရပ်အနက်မှ ပုဒ်မ ၅၉(ဃ)ပါ ““နိုင်ငံတော် အရေးအရာများ ဖြစ်သော နိုင်ငံရေး၊ အုပ်ချုပ်ရေး၊ စီးပွားရေး၊ စစ်ရေး စသည့် အမြင်များ ရှိရမည်”” ဆိုသည်မှ စစ်ရေးအမြင် ကိစ္စနှင့် ပတ်သက်၍ ဒေါ်အောင်ဆန်းစုကြည်တွင် ယင်း အရည်အချင်းနှင့် ကိုက်ညီကြောင်း ပြသစေ (ဗြိတိန် နိုင်ငံမှ Cover လုပ်ပေးခြင်း ဖြစ်သည်ဟု) ခြင်း ဖြစ်နိုင်သည်ဟု သုံးသပ် မှုများ ထွက်ပေါ်လာရာ လက်ရှိ အစိုးရ သမ္မတ၏ ပြောရေး ဆိုခွင့်ရှိသူ အနေဖြင့် ဦးရဲထွဋ်၏ ထင်မြင်ချက်ကို  မြန်မာသံတော်ဆင့်မှ မေးမြန်းရာတွင် ၎င်းက ဖြေကြား ခဲ့ခြင်းဖြစ်သည်။

““ကျွန်တော်ကတော့ အဲဒီလိုမထင် ပါဘူး””ဟု ဖြေကြားသည်။ ထို့ပြင် ဦးရဲထွဋ်က ၂၀၀၈ ဖွဲ့စည်းပုံ အခြေခံ ဥပဒေပါ အထက်ပါ ပြဋ္ဌာန်းချက် အပေါ် ““ဖွဲ့စည်းပုံမှာ ပါတဲ့ အမြင်ဆိုတာ အင်္ဂလိပ်လိုပြောရင် Vision ပဲလေ။ အတွေ့ အကြုံ Expreience ကို ပြောတာ မဟုတ်ပါဘူး။ Vision ဆိုတာတော့ ဘယ်သူမဆို ရှိနိုင် တာဘဲ။ အရပ်သား တစ်ယောက်မှာလည်း စစ်ရေးနဲ့ ပတ်သက်တာ တွေကို လေ့လာမယ်ဆို သူ့မှာ စစ်ရေး အမြင်ရှိနိုင် တာပဲ။ ဒါကို လူတွေက တစ်ခါတစ်လေ ကျရင် အတွေ့အကြုံနဲ့ မှားပြီး စစ်သားပဲ ဖြစ်အောင်လို့ ထည့်ထားတယ် ဆိုတာ မဟုတ်ပါဘူး။ ဒီအလုပ်ကို လုပ်မယ့်လူ တစ်ယောက်က ဒီအမြင် ၄ မြင်တော့ ရှိဖို့လိုမယ် ဆိုပြီး ထည့်ထားတာပါ””ဟုလည်း ပြောကြားသည်။

ဒေါ်အောင်ဆန်းစုကြည် ယခုသွား ရောက်မည့် ဗြိတိန် Sandhurst တော်ဝင်စစ် တက္ကသိုလ်တွင် ဦးရဲထွဋ်၏ ဖခင်၊ မြန်မာ့ ကြယ်ငါးပွင့် သင်္ဘောလုပ်ငန်း ဦးဆောင်ညွှန် ကြားရေးမှူးဟောင်း ဦးရွှေသန်း၏ တပ် မတော် ဗိုလ်လောင်းဘ၀ ၁၉၄၉ ခုနှစ် အပါအ၀င် မြန်မာ နိုင်ငံသားများ တက်ရောက် စစ်ပညာ သင်ကြားဖူးသည်။ ယင်း အတွက် မြန်မာနိုင်ငံသားများ စစ်ပညာ သွားရောက် သင်ကြားလေ့ ရှိသည့် စစ်တက္ကသိုလ် တစ်ခုတွင် မြန်မာနိုင်ငံသား တစ်ဦးဖြစ်သည့် ဒေါ်အောင်ဆန်းစုကြည်မှ အမှာစကား သွားရောက် ပြောကြားရခြင်း အပေါ် နိုင်ငံသားတစ်ဦး အနေဖြင့် ဦးရဲထွဋ်၏ သဘောထားကို မေးမြန်းရာတွင်မူ သီးခြား မှတ်ချက် ပေးရန် မရှိကြောင်း ပြောသည်။

““ကျွန်တော်ကတော့ သီးခြား မှတ်ချက် ပေးစရာ မရှိပါဘူး။ ဒါကတော့ ဒေါ်အောင်ဆန်းစုကြည်က နိုင်ငံရေး ခေါင်းဆောင်တစ်ယောက်၊ ပါတီတစ်ခုရဲ့ ခေါင်းဆောင်တစ် ယောက်အနေနဲ့ ဟိုဘက်က အိမ်ရှင် အစိုးရ နဲ့ညှိပြီး ဆောင်ရွက်တဲ့ ကိစ္စမို့ ကျွန်တော်တို့ အနေနဲ့ ဘာမှ သီးခြား မှတ်ချက်ပေးစရာ မရှိပါဘူး””ဟု ဦးရဲထွဋ်က ပြောသည်။

ဒေါ်အောင်ဆန်းစုကြည်သည် ယခု ခရီးစဉ်၌ ဘယ်လ်ဂျီယံ၊ လူဇင်ဘတ်၊ ပြင် သစ်၊ ဗြိတိန်နှင့် အီတလီတို့သို့ သွားရောက် မည်ဖြစ်ပြီး ခရီးအစီအစဉ်နှင့် ပတ်သက် ၍ NLD ပါတီမှ အသေးစိတ် ထုတ်ပြန် လိုက်ပြီဖြစ်သည်။ ဒေါ်အောင်ဆန်းစုကြည် နှင့်အတူ NLD ပါတီမှ ဒေါက်တာတင် မာအောင်၊ ဦးနိုင်ငံလင်း၊ ဦးစိုးဝင်းတို့ လိုက်ပါ သွားမည် ဖြစ်သည်။

မြန်မာသံတော်ဆင့်

အမိုးအကာအခြေခံအဆောက်အဦးမရှိသောနေရာတွင်ပညာသင်ကြားနေရသော မြန်မာကလေးငယ်များအတွက ဂျပန်နိုင်ငံUNICEFမှ ငွေအလှူကောက်ခံနေသောPoster

ပညာရေးစနစ် ကောင်းမွန်စေရန် ပြုပြင် ပြောင်းလဲရေးများစွာ ပြုလုပ်နေသော်လည်း တိကျ သေချာသော စနစ်တစ်ခုအား တတ်ကျွမ်းသူ ပညာရှင်များနှင့် စနစ်တကျ ဆောင်ရွက်နိုင်ခြင်း မရှိခြင်းကြောင့် မြန်မာ့ပညာရေးမှာ နိုင်ငံတကာ အဆင့်မီသည်အထိ တိုးတက်လာခြင်း မရှိကြောင်း အောက်တိုဘာ ၁၅ ရက်တွင် သမိုင်းသုတေသီ ဒေါက်တာမြင့်သိန်းက မြန်မာသံတော်ဆင့်သို့ ပြောသည်။

နိုင်ငံတကာ၌ အပြန်အလှန် ဆွေးနွေးပွဲများ၊ ညှိနှိုင်းပွဲများ ပြုလုပ်သည့် သင်ကြားရေးစနစ် ဖြစ်သော်လည်း မြန်မာပြည်တွင် ဟောပြောပွဲများ ပြုလုပ်ရာ ဦးဆောင် ဆွေးနွေးသူ တစ်ဦးတည်း၏ ပြောဆို ဆွေးနွေးခြင်း ကိုသာ ဗဟိုပြု နားထောင်ခြင်း ဖြစ်သည့်အတွက် နိုင်ငံတော်မှ ပေးအပ်သည့် ဘွဲ့လက်မှတ်ရ ပညာတတ် များစွာ ရှိသော်လည်း သက်ဆိုင်ရာ ဘာသာရပ်အလိုက် ကျွမ်းကျင်စွာ လုပ်ကိုင် တတ်မှုနှင့် စဉ်းစားဆင်ခြင် တွေးတော နိုင်စွမ်း အားနည်းလျက်ရှိသည်။

“မြန်မာနိုင်ငံမှာက အစိုးရတစ်စု တက်လာလိုက် ပညာရေး စနစ် တစ်မျိုးပြောင်းလိုက်နဲ့ဆိုတော့ ပညာရေး စနစ်က အစမ်းသပ်ခံ စနစ်တစ်ခု ဖြစ်နေတယ်၊ အဲ့ဒါကြောင့် ဒီနိုင်ငံရဲ့ ပညာရေး စနစ်က ရှေ့ကို မတက်ဘဲ နောက်ပြန်ပြန် ဆုတ်နေတဲ့ သဘောလည်း ပါတယ်။ တကယ် တတ်ကျွမ်းတဲ့ သူတွေနဲ့မူ တစ်ခုကို ပိုင်ပိုင်နိုင်နိုင်နဲ့ ချပြီး ရဲရဲဝင့်ဝင့် တောက်လျှောက် အကောင်ထည် ဖော်သွားမှရမယ်။ အဲ့လိုမှ မဟုတ်ရင် ဒီပညာရေးစနစ် ဘယ်လိုမှ တိုးတက်လာစရာ မရှိဘူး”ဟု ဒေါက်တာမြင့်သိန်းက သုံးသပ် ပြောကြားသည်။ ..

မြန်မာ့ပညာရေးစနစ် နိုင်ငံတကာအဆင့်မီရန် ရဲဝင့်စွာ ပြန်လည် ပြောဆိုနိုင်စွမ်း မရှိခြင်းနှင့် စဉ်းစားဆင်ခြင် နိုင်စွမ်းမရှိခြင်း စသည့် “အ” နှစ်မျိူး ပညာရေးစနစ်ကို ပြောင်းလဲနိုင်မည့် စနစ်သစ်များကို အဓိက ဦးစားပေး သင်ကြားပေးရန် လိုအပ်လာပြီ ဖြစ်သည့်အတွက် မည်သည့် အကြောင်းအရာမဆို ပေါ့ပေါ့တန်တန် မတွေးဘဲ ပြောသင့် ပြောထိုက်သည့် အရာ၊ အကြောင်းအရာ စသည်တို့ကို လေးနက်စွာ ရဲရဲဝံ့ဝံ့ လုပ်ကိုင် စေနိုင်သည့် စနစ်သို့ ပြောင်းလဲ သင်ယူရန် လိုအပ်လာပြီဖြစ်ပြီး ထို့မှသာလျှင် မြန်မာလူမျိုးများ ကမ္ဘာတွင် နိုင်ငံတကာနှင့် နှိုင်းယှဉ်ပါက ရင်ဘောင်တန်း ရပ်တည်နိုင်မည် ဖြစ်သည်ဟု အောက်တိုဘာ ၁၂ရက် အခွင့်အလမ်းဂျာနယ် ထုတ်ဝေခြင်း၏ ၈နှစ်ပြည့် အထိမ်းအမှတ် ဟောပြောပွဲတွင် ကာတွန်း ဆရာအော်ပီကျယ်က သုံးသပ် ပြောကြား သည်။

မြန်မာနိုင်ငံ၏ အခြေခံပညာရေး စနစ်တွင် ထိရောက်သည့် သင်ကြားရေးစနစ် မရသည့်အတွက် ကျောင်းသား အများစုသည် ပြင်ပကျူရှင်များက အားကိုး သင်ကြားနေရပြီး အစိုးရ ကျောင်းဆရာ ဆရာမများကို နိုင်ငံတော်မှ လုံလောက်သော ထောက်ပံ့မှု ပေးခြင်းမရှိခြင်းကြောင့် ပြင်ပကျူရှင်များကို သင်ကြားနေရခြင်း ဖြစ်ကြောင်း၊ နိုင်ငံတော်မှ ပညာရေးအဆင့် မြှင့်တင်မှုများ ဆောင်ရွက်နေသည် ဆိုသော်လည်း သင်ထောက်ကူပစ္စည်း ကိရိယာ ထောက်ပံ့မှု၊ ကျေးလက်ဒေသဆိုင်ရာ စာသင်ကျောင်းများ အဆင့်မြင့်တင်မှုနှင့် ကျွမ်းကျင်သည့် ကျေးလက် စာသင်ကျောင်းဆရာ။ ဆရာမများ တိုးမြှင့် ခန့်ထားမှုများကို ထိရောက်စွာ ဆောင်ရွက်ပေးနိုင်မှု မရှိသည့်အတွက် ပညာရေး အဆင့်မြင့်တင်ရန် ဘက်ပေါင်းစုံမှ လိုအပ်လျက်ကြောင်း စသဖြင့် ပညာရေး အသိုင်းအ၀ိုင်းမှ ဆရာ/ ဆရာမများက ဝေဖန်လျက်ရှိသည်။

နိုင်ငံဖွံ့ဖြိုးမှု၏ အဓိကမဏ္ဍိုင် ဖြစ်သည့် ပညာရေးကို ယခု အခြေအနေလောက်ဖြင့် ကျေနပ်မနေဘဲ နိုင်ငံတကာ စံနှုန်းမီသော ပညာရေး ဖြစ်ပေါ်စေရန် အစဉ်မပြတ် ဆောင်ရွက်ရန် လိုအပ်ကြောင်းကို အောက်တိုဘာ ၇ ရက်တွင် ကျင်းပခဲ့သည့် လက်တွေ့ကျသော ပညာရေး ပြုပြင်ပြောင်းလဲမှုဆိုင်ရာ ဆွေးနွေးပွဲ၌ ပြောကြားခဲ့ပြီး ပညာရေး ရန်ပုံငွေ မလုံလောက်မှုများကြောင့် မြန်မာနိုင်ငံရှိ ကလေးကိုးသိန်းခန့်မှာ ပညာ မသင်ကြားနိုင်ဘဲ ကျောင်းပြင်ပတွင် ရှိနေသေးကြောင်း အောက်တိုဘာလ ၅ ရက်တွင် သြစတြေးလျ အစိုးရ ဦးဆောင်ကာ ကမ္ဘာလုံးဆိုင်ရာ ပူးပေါင်း ဆောင်ရွက်မှု အဖွဲ့က ကျင်းပသည့် အစည်းအဝေးတွင် ယူနီဆက်က ထောက်ပြ ပြောဆိုခဲ့သည်။

မြန်မာသံတော်ဆင့်


...♪ ♫ ♪ ♫ ♪.... ကိုမင်းကိုနိုင် မွေးနေ့မှသည် ...♪ ♫ ♪ ♫ ♪.... ရှေ့ဆက်လို့ ဆန္ဒများနဲ့ ဘ၀တစ်ခုလုံးထပ်တူ ...♪ ♫ ♪ ♫ ♪.... ငြိမ်းချမ်းပါစေလေ တို့ပြည် ...♪ ♫ ♪ ♫ ♪.... စေတနာမြေမှာ အရာထင်ပါစေ ...♪ ♫ ♪ ♫ ♪.... အာဇာနည်မြတ် တို့ " ကိုမင်းကိုနိုင် " ...♪ ♫ ♪ ♫ ♪....
ဒီနှစ်မွေးနေ့အတွက် တင်ထားတဲ့ ပုံတွေနဲ့ပဲ သီချင်း ဓာတ်ပုံလေးကို မွေးနေ့အမှီ တင်လိုက်ပါတယ်...
ကိုထက်အောင်ရှိုင်း ကိုယ်တိုင်ရေးသားသီဆိုထားတဲ့ သီချင်းလေးကို ပြန်လည် အသုံးပြုလိုက်ပါကြောင်း ဒီနေရာကနေပဲ ခွင့်တောင်းလိုက်ပါတယ်....
Photo..ကျော်စွာမြင့် (၁၉၈၈-၁၉၉၂ ဗ.က.သ )

  ပန်းပုထုခြင်း 

 လူကလေးဟာ
ရွံ့ တစ်ဆုပ် လက်နဲ့ နယ်
အရုပ်လုပ်မယ်တဲ့။

တောင်တန်းကြီးတွေပေါ် မျှော်ကြည့်တော့
အရုပ်ကြီး လေးရုပ်က ဘွားကနဲ
ဓါး လှံတွေ ကိုင်စွဲလို့ 
မြစ်ရေထဲ ငုံ့ ကြည့်တော့
ဒီအရုပ်ကြီးလေးရုပ်ပဲ မားမားကြီး
သံလျက်၊ လေး၊ မြှားတွေနဲ့ ။

ဒီလိုနဲ့  ကလေးဟာ၊ ရှေ့ နောက်ဝဲယာ
အရပ်ရှစ်မျက်နှာ လှည့်ကြည့်တော့
အရုပ်ကြီးတွေကပတ်ချာလည်
အသံနက်ကြီးတွေနဲ့ အော်တယ်။
သူရဲကောင်းဆိုတာ စစ်ဘုရင်ကွ
သူရဲကောင်းဆိုတာ လက်နက်နဲ့ကွ
သူရဲကောင်းဆိုတာ စစ်တိုက် ကို တိုက်ရတယ်ကွ၊၊

အဲဒီလို အရုပ်ကြီးတွေ
ပတ်ချာလှည့်အော်တော့
လူကလေးခမျာ မျက်စိလည်တယ်။
အသံနက်ကြီးတွေ ဆူညံတော့
လူကလေးနားတွေအူတယ်။

သူရဲကောင်းဆိုတာ မသနားရဘူးကွ
သူရဲကောင်းဆိုတာ မျက်ရည် မကျရဘူးကွ
အသံနက်ကြီးတွေက ပဲ့တင်ထပ်နေတယ်။

သနားတတ်လို့  သူရဲကောင်း မဖြစ်စတမ်းဆိုရင်
လူကလေး ဘယ်တော့မှ
သူရဲကောင်း မဖြစ်ချင်တော့ဘူး။

အားငယ်ပြီး ခေါင်းငိုက်ချတော့
မြေပြင်ပဲ တွေ့ ရတယ်
သွေးကွက်တွေနဲ့  ပြတ်ရှလို့။

အသက်ပြင်းပြင်း အားတင်းရှုပြီး
ခေါင်းမော့ကြည့်တော့ ကောင်းကင်ပြာစင်
ဒေါင်းအလံတင်နေတယ်။
အဲဒီမှာ
ချိုးငှက်ကလေးတွေ
ဝင်လာတာကိုမြင်ပါသတဲ့။

ဆရာကြီး ဒဂုန်တာရာ၏ မွေးနေ့တွင် ရွတ်ဆိုသည်။

8.1.1
ရန်ကုန်မြို့ သာကေတမြို့နယ်တွင် ဖြစ်ပွားခဲ့သော ဗုံးပေါက်ကွဲမှုအပြီး သက်ဆိုင်ရာ တာဝန်ရှိသူများက လုံခြုံရေးအရ ရှာဖွေစစ်ဆေးမှုများ ပြုလုပ်နေစဉ် (ဓာတ်ပုံ- အောင်မျိုးသန့်)
အောက်တိုဘာ ၁၆ ရက်နှင့် ၁၇ ရက်က ရှမ်းပြည်နယ်မြောက်ပိုင်း နမ့်ခမ်းမြို့တွင် ဖြစ်ပွားခဲ့သော ပေါက်ကွဲမှုများ အပါအ၀င် ရက်ဆက် ဗုံးပေါက်ကွဲမှုများသည် စနစ်ကျပြီး အင်အားရှိသော အဖွဲ့အစည်း တစ်ခုခု၏ အကွက်ချ အစီအမံများ ဖြစ်နိုင်ကြောင်း သုံးသပ်မှုများ ရှိနေသည်။ ပြီးခဲ့သော ရက်များအတွင်းက ပဲခူးတိုင်းဒေသကြီး တောင်ငူမြို့တွင် ဖြစ်ပွားခဲ့သော ပေါက်ကွဲမှု အပြီးတွင် ရန်ကုန်၊ မန္တလေးနှင့် စစ်ကိုင်းမြို့များတွင် ပေါက်ကွဲမှုများ ဆက်တိုက် ဖြစ်ပေါ်ခဲ့သလို ဗုံးလန့်မှုများလည်း ဖြစ်ပွားခဲ့ကြောင်း သိရပြီး ပေါက်ကွဲမှု များကြောင့် တောင်ငူမြို့၌ ရဲတပ်ဖွဲ့ဝင် တစ်ဦးအပါအ၀င် လူနှစ်ဦး သေဆုံးခဲ့ရသည်။ နမ့်ခမ်းမြို့တွင် ဖြစ်ပွားခဲ့သော ပေါက်ကွဲမှုများအနက် အောက်တိုဘာ ၁၇ ရက် နံနက် အစောပိုင်း ပေါက်ကွဲမှုကြောင့် စည်ပင်သာယာ ၀န်ထမ်းတစ်ဦး သေဆုံးခဲ့ရကြောင်း သိရသည်။
ယခုကဲသို့ တိုင်းပြည်၏ နေရာအနှံ့တွင် ပေါက်ကွဲမှုနှင့် ဗုံးလန့မှုများ ဖြစ်ပေါ်နေခြင်းကြောင့် အများပြည်သူမှာ စိုးရိမ်ထိတ်လန့်မှုများ ဖြစ်ပေါ်နေကြပြီး တရားခံ အစစ်အမှန် ပေါ်ပေါက်လာစေရန်အတွက် သက်ဆိုင်ရာက အမြန်ဆုံး ဖော်ထုတ်ပေးရန် လိုလားလျက် ရှိနေကြသည်။ ယခုဗုံးပေါက်ကွဲမှုများနှင့် ဗုံးလန့်မှုများအပေါ် တိုင်းရင်းသား အဖွဲ့များ အပါအ၀င် လူမှုရေးနှင့် နိုင်ငံရေး နယ်ပယ်မှ လူပုဂ္ဂိုလ် အချို့အား ဆက်သွယ် မေးမြန်းခဲ့ရာတွင် (၁) KNU အစရှိသော တိုင်းရင်းသား လက်နက်ကိုင် အဖွဲ့များ (၂) မွတ်စလင် အစွန်းရောက်များ (၃)အစိုးရ အဖွဲ့အတွင်း ပြုပြင်ပြောင်းလဲမှုကို မလိုလားသူများနှင့် (၄) အင်အားကြီး နိုင်ငံတစ်ခုနှင့် ပတ်သက်မှုများ ရှိနိုင်သည်ဟု သုံးသပ်မှုများ ရှိခဲ့သည်။
KNU အပါအ၀င် တိုင်းရင်းသား လက်နက်ကိုင် အဖွဲ့များက ယခုဖောက်ခွဲမှုများကို ပြုလုပ်ခဲ့ခြင်း ဟုတ်မဟုတ် ဆိုသည်ကို KNU ဌာနချုပ်သို့ ဆက်သွယ် မေးမြန်းခဲ့ရာတွင် ''ကျွန်တော်တို့က တစ်ချိန်လုံး တွေ့ဆုံဆွေးနွေးရေး၊ ပြည်တွင်း ငြိမ်းချမ်းရေး ရရှိဖို့တွေကိုတော့ လိုလိုလားလား ရှိတယ်ဗျ။ အဲဒီလို လိုလိုလားလားနဲ့ လုပ်ဆောင်နေတဲ့အတွက် ပြည်သူတချို့ကလည်း ၀မ်းပန်းတသာနဲ့ ကြိုဆိုနေမှာပဲ။ အဲဒီတွေ့ဆုံ ဆွေးနွေးတာ၊ ငြိမ်းချမ်းရေး ဖော်ဆောင်တာတွေကတော့ သွားနေတဲ့ ဖြစ်စဉ်တွေပေါ့ဗျာ။ အားမလို အားမရ တာတွေတော့ရှိတယ်။ သို့သော် ငြိမ်းချမ်းရေးကို အဖျက်အမှောင့် လုပ်မယ့်သူ KNU ထဲမှာ မရှိဘူးလို့ ယုံကြည်ပါတယ်။ နောက်ပြီး အခု ပြည်တွင်းမှာ ဗုံးပေါက်တဲ့ နေရာတွေက KNU တွေ လက်လွတ်စပယ် သွားနိုင်တဲ့ နေရာမျိုး မဟုတ်ဘူးလို့ ယူဆတယ်။ KNU က မည်သူမဆို သွားလာတဲ့အခါ အထက်အရာရှိတွေကို အသိပေးပြီးမှ သွားလာကြတာပါ'' ဟု KNU တွဲဖက်အတွင်းရေးမှူး-၁ ပဒိုသောသီဘွဲ့က ပြောကြားသည်။
အစိုးရနှင့် အပစ်အခတ် ရပ်စဲရေးလက်မှတ် ရေးထိုးခြင်း မရှိသေးသည့် တိုင်းရင်သား လက်နက်ကိုင် အဖွဲ့နှစ်ခုအနက်မှ တစ်ခုဖြစ်ပြီး နမ့်ခမ်းဒေသတွင် လှုပ်ရှားနေသည့် တအာင်း အမျိုးသား လွတ်မြောက်ရေး တပ်မတော် (TNLA) မှ အထွေထွေ အတွင်းရေးမှူး ဒုတိယဗိုလ်မှူးကြီး တာဘုန်းကျော်ကလည်း ယခုဖောက်ခွဲမှုများသည် တိုင်းရင်းသား အဖွဲ့များ၏ ဖောက်ခွဲမှု မဖြစ်နိုင်ကြောင်းနှင့် (TNLA) အနေဖြင့် လူထုရှိနေသော နေရာတွင် ဗုံးဖောက်ခွဲမှုများအား ရှုတ်ချကြောင်း ပြောကြားသည်။
''တိုင်းရင်းသားတွေ အားလုံးက ငြိမ်းချမ်းရေး ဆွေးနွေးဖို့ ရှေးရှုနေကြတယ်။ ဒီဖြစ်စဉ်တွေက မဖြစ်သင့်တဲ့ ဖြစ်စဉ်တွေပါ။ ဘာကြောင့် ဖြစ်သလဲ ဆိုတာကတော့ သုံးသပ်ရ ခက်ပါတယ်။ ဒီလိုဖြစ်စဉ်တွေကြောင့် လူမျိုးရေး ဘာသာရေး အုံကြွမှုတွေ ဖြစ်လာမှာစိုးတယ်'' ဟု ပြောကြားသည်။
8.1.1
အောက်တိုဘာ ၁၄ ရက်က မန္တလေးမြို့ အောင်မြေသာစံမြို့နယ် လမ်း ၈၀ နှင့် ၁၆ လမ်းထောင့်တွင် မိုင်းရှင်းလင်းရန် ဆောင်ရွက်နေသည်ကို တွေ့ရစဉ်
သင်္ဃန်းကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်ကလည်း ''တိုင်းပြည် ငြိမ်းချမ်းရေးအတွက် တရားဝင် အဖွဲ့အစည်းတွေက အင်နဲ့အားနဲ့ ဆောင်ရွက်နေတဲ့ အချိန်မှာ သင်းကွဲသွားတဲ့ ပုဂ္ဂိုလ်တွေ၊ အုပ်စုတွေကနေ ငြိမ်းချမ်းရေး လုပ်ငန်းတွေကို ဖျက်ဆီးချင်တာလည်း ပါမှာပေါ့။ သူတို့ အကျိုးစီးပွားလည်း ပါမှာပေါ့။ အဲဒီတော့ ပြည်တွင်းကနေ နိုင်ငံ့ဂုဏ်ရည်ကို ထိခိုက်အောင်လုပ်တဲ့ အင်အားစုတွေနဲ့ ပြည်ပကနေ ဒို့တိုင်းပြည် တိုးတက်ဖွံ့ဖြိုး လာမှာကို မလိုလားတဲ့ အစုအဝေးတွေ ပေါင်းစည်းပြီး ဒီလိုချောက်ချားအောင် ဗုံးခွဲမှုတွေ လုပ်လာတာပေါ့'' ဟု ပြောကြားသည်။
''အခုအမျိုးသား ဒီမိုကရေစီ အဖွဲ့ချုပ်က ဦးဆောင်ပြီးတော့ ၂၀၀၈ ခုနှစ် ဖွဲ့စည်းပုံ အခြေခံဥပဒေ ပြင်ရင်ကောင်းမလား၊ အသစ်ရေးရင် ကောင်းမလားဆိုပြီး လူထုရဲ့ သဘောတွေကို ကောက်ယူနေတယ်။ အဲဒါနဲ့ တစ်ပြိုင်နက် တစ်နိုင်ငံလုံးမှာ ဗုံးခွဲမှုတွေ အမြောက်အမြား ပေါ်လာတာပေါ့။ အဲဒီတော့ ကျွန်တော်တို့ကတော့ ဒါဟာ ၂၀၀၈ ခုနှစ် ဖွဲ့စည်းပုံ အခြေခံဥပဒေကို မပြင်မဆင်ဘဲနဲ့ ဆက်လက် ထိန်းသိမ်း ထားချင်သူတွေ၊ ၂၀၀၈ ခုနှစ် ဖွဲ့စည်းပုံ အခြေခံဥပဒေ အောက်မှာ အကျိုးအမြတ်တွေ အကြီးအကျယ် ရရှိနေတဲ့ သူတွေ အဲဒီလို လူမျိုးတွေရဲ့ လက်ချက်များ ဖြစ်မလားလို့ သံသယ ဖြစ်မိတယ်။ ၂၀၀၈ ခုနှစ် ဖွဲ့စည်းပုံ အခြေခံဥပဒေကို မပြင်ချင်တဲ့ သူတွေလို့ ပြောတဲ့အခါမှာ ဘယ်သူတွေဖြစ်မယ် ဆိုတာတော့ ပြည်သူလူထု တစ်ရပ်လုံးက သိပြီးသားပါ'' ဟု ကယန်းပြည်သစ် ပါတီ၏ တွဲဖက်အတွင်းရေးမှူး (၁) ဗိုလ်မှူးကြီး စောလွင်က သုံးသပ်သည်။
နိုင်ငံရေး အကျဉ်းသားဟောင်းများ အဖွဲ့ချုပ်မှ ကိုမြင့်အောင်က ''အခုအချိန်အထိ ရုတ်တရက် ပြောရမှာ စောတယ်။ ဒါပေမဲ့ အချိန်ကိုက် ဖြစ်နေတယ်။ အခြေခံဥပဒေ ပြင်ဆင်ရေးဆိုတာ နိုင်ငံရဲ့ အမြင့်ဆုံးရေချိန်ကို ရောက်နေတာ ဖြစ်တယ်။ တည်ငြိမ်နေတာကို ပျက်ပြားစေတဲ့ သဘောဖြစ်တယ်။ တည်ငြိမ်မှုကို ပျက်ပြားစေတဲ့ သူတွေလို့ပဲ ပြောရမှာပါ။ တရားဥပဒေ စိုးမိုးမှုကလည်း အားနည်းတယ်။ လုံခြုံရေး အားနည်းတယ်။ စနစ်တကျ လုပ်တဲ့လုပ်ရပ် ဖြစ်တယ်လို့တော့ ယူဆတယ်။ ခိုင်မာတဲ့ အဖွဲ့အစည်းက စနစ်တကျ လုပ်တယ်လို့ ယူဆတယ်'' ဟု သုံးသပ်သည်။
''အရင်ကလည်း ဗုံးဖောက်ခွဲမှုတွေ အများကြီး ဖြစ်တယ်။ အဲဒါတွေနဲ့ ပတ်သက်လို့ အမျိုးမျိုးသော ကောလာဟလတွေ၊ စွပ်စွဲတာတွေ၊ သတင်းထုတ်ပြန်တာတွေ အမျိုးမျိုးလည်း ကြုံခဲ့ဖူးပြီ။ ဒါပေမဲ့ အခုလိုမျိုး ဗုံးဖောက်ခွဲမှုတွေ ဆက်တိုက် ဖြစ်တာမျိုးကတော့ အခု တစ်တိုင်းပြည်လုံး အတိုင်းအတာနဲ့ ဖွဲ့စည်းပုံ အခြေခံဥပဒေကို ပြင်ဖို့ တက်တက်ကြွကြွ ပြောလာကြတာမှာ အဖွဲ့အစည်းတွေ သက်သက်တင် မဟုတ်တော့ဘဲ လူထု လူတန်းစား အသီးသီး ပါလာတာကတော့ နိုင်ငံရေးအရ ဗုံးခွဲမှုတွေ ဖြစ်လာတာလားလို့ သံသယ ရှိလာတယ်။ တိုက်ဆိုင်မှုလို့ ပြောဖို့ကလည်း တော်တော်ခက်နေတယ်။ အဲဒါကြောင့် နိုင်ငံရေး ဆက်စပ်မှု၊ လှည့်ကွက်တွေရှိလား ဆိုတာကို ထင်လာတယ်။ ဒါပေမဲ့ အထောက်အထားတွေတော့ မရှိပါဘူး။ အရင်ကလည်း ကေအင်န်ယူနဲ့ တချို့အဖွဲ့တွေကို စွပ်စွဲတာတွေရှိတယ်။ ဒါပေမဲ့ အခု ဖမ်းထားတာတွေကလည်း ကျိန်းသေဆိုတာ လက်ခံဖို့ခက်တယ်'' ဟု ရခိုင်ဒီမိုကရေစီ အဖွဲ့ချုပ် ဥက္ကဋ္ဌ ဦးအေးသာအောင်က ဆိုသည်။
ယခုဗုံးပေါက်ကွဲမှုများနှင့် ပတ်သက်ပြီး ပျဉ်းမနားမြို့မှ တရားလွှတ်တော်ရှေ့နေ ဦးခင်မောင်ညိုကလည်း ''အခု ကျွန်တော်တို့ဆီမှာ ဖြစ်နေတဲ့ ပေါက်ကွဲမှုတွေနဲ့ ပတ်သက်ပြီး မွတ်စလင် အစွန်းရောက် သမားတွေ မဖြစ်နိုင်သလို အနောက်နိုင်ငံ ကြီးတွေကလည်း မဖြစ်နိုင်ပါဘူး။ မြန်မာနိုင်ငံမှာ မွတ်စလင် အကြမ်းဖက် ဆိုတာလည်း မရှိပါဘူး။ အခုပေါက်ကွဲ မှုတွေကို ပြန်ကြည့်မယ်ဆိုရင် တအားကို လွယ်ကူနေတာကို တွေ့ရတယ်။ကျွန်တော့်အမြင် ပြောရရင် ဖွဲ့စည်းပုံအခြေခံ ဥပဒေပြင်မယ့်ကိစ္စနဲ့ သက်ဆိုင်နေတယ်လို့ ထင်တယ်။ ဖွဲ့စည်းပုံ အခြေခံဥပဒေကို မပြင်ချင်တဲ့သူတွေ၊ နောက်ကြောင်း ပြန်လှည့်ချင်တဲ့ သူတွေက အများပြည်သူတွေကို ထိတ်လန့်အောင် ဗုံးဖောက်ခွဲမှုတွေနဲ့ ပဋိပက္ခတွေနဲ့ အကြောက်တရား လွှမ်းမိုးအောင် ပြုလုပ်ပြီး ပြည်သူတွေက အစိုးရိမ်လွန်ကဲပြီး အရင်စစ်အစိုးရကို ပြန်အားကိုးချင်တဲ့စိတ်တွေ ဖြစ်ပေါ်လာအောင် ပြုလုပ်နေတယ်လို့ ထင်ပါတယ်'' ဟု ပြောကြားသည်။
မြန်မာနိုင်ငံတွင် ၁၉၈၈ ခုနှစ် တပ်မတော်က အာဏာသိမ်းအပြီး နောက်တွင် ပေါက်ကွဲမှု အများအပြား ဖြစ်ပေါ်ခဲ့သော်လည်း တရားခံကို ဖမ်းဆီးနိုင်ခဲ့ခြင်း မရှိသည့် ပေါက်ကွဲမှု အများအပြား ရှိခဲ့သည်။ ယခု ပေါက်ကွဲမှု ဖြစ်စဉ်များမှာ ၂၀၀၅ ခုနှစ် နောက်ပိုင်း ဖြစ်ပွားခဲ့သည့် ပေါက်ကွဲမှုများတွင် နေရာဒေသ အများအပြားတွင် ရက်ဆက် ပေါက်ကွဲခဲ့သည့် ပထမဆုံးသော ပေါက်ကွဲမှု ဖြစ်စဉ်များလည်း ဖြစ်သည်။

Elevrn media GROUP

၁၉၉၅ ၀န်းကျင်လောက်မှစကာ တရုတ်ပြည်တွင် လူသားများအတွင်းကလီစာများဖြစ်သော ကျောက်ကပ်၊ အသဲ ၊ အဆုပ်၊နှလုံး၊ မျက်ကြည်လွာများ(cornears),အတော်ကြီးပင် ကျယ်ကျယ်ပြန့်ပြန့် အစားထိုးကုသမှုများ ပြုလုပ်လာကြသည်။ု

တရုတ်ပြည်၏ ဒုတိယ ကျန်းမာရေးဝန်ကြီးဖြစ်သူ ဟွန်ချီဖူက ၄င်းတို့၏ လူသားကလီစာများ အစားထိုးမှုများအား နှစ်ကာလတော်တော်ကြာစမ်းသပ်ခဲ့ပြီးနောက် ယခု လုံးလုံးစိတ်ချရသော အခြေနေသို့ ရောက်ရှိအောင်မြင်သွားပြီဟုလဲ ရှန်ဟိုင်းဆေးရုံအုပ်ကြီးမှ ၂၀၁၂ ကျန်းမာရေး ဆိုင်ရာ စီမီနာတခုတွင် အတိလင်း ထုတ်ဖေါ်ပြောဆိုခဲ့သည်။
ပထမအစတွင် တရုတ်ပြည်တွင်းမှ ရာဇ၀တ်မှုများဖြင့် သေဒဏ်ပေးခံရသော အကျဉ်းသားများအား သေဒဏ်အမိန့်ဖြင့် သတ်ဖြတ်ပြီးပြီးချင်းမှာပင် ၄င်းအကျဉ်းသားရုပ်ကလပ်မှ ကလီစာများကို ချက်ခြင်း ကျန်းမာရေးဌာနမှ ထုတ်ယူကာ လိုအပ်နေသော လူနာဆီသို့ အလျှင်မြန်ကူးပြောင်း အစားထိုး ကုသခဲ့ကြသည်။

သို့ရာတွင် သေဒဏ်ပေးခံခဲ့ရသော ရာဇ၀တ်အကျဉ်းသားများ၏ အတွင်းကလီစာများမှာ ၄င်းတို့၏ ကျန်းမာရေး ဆိုင်ရာ လိုက်စား လိုက်နာမှုများ အားနည်းသောကြောင့် တဖက်တွင် ငွေကြေးအမြောက်များဖြင့် အတွင်းကလီစာအား ပေးဝယ်ထားသော လူနာများ၏ အတွင်းသို့ ရောက်ရှိသွားသောအခါ အဆိုပါ ကလီစာများသည် သန့်၇ှင်းသန်စွမ်းသော ကလီစာများမဟုတ်သောကြောင့် ငွေကုန်ကြေးကျခံကာ စောင့်ဆိုင်းဝယ်ယူပြီး အစားထိုးခဲ့သော လူနာများအဖို့ ထပ်မံဒုက္ခခံစားပြီး ကုသကြရသောကြောင့် လွန်ခဲ့သော ၂၀၁၀ ခုနှစ်မှ စတင်တွေ့ရှိကာ ၂၀၁၂ ခုနှစ်မေလမှစပြီး သေဒဏ်ပေးခံရသော အကျဉ်းသားများ၏ ကလီစာများအား အစားထိုးကုသခြင်းမပြုလုပ်ရန် ကျန်းမာရေးဒုဝန်ကြီး _”ဟွန် “ကပင် တားမြစ်ထုတ်ပြန်ခဲ့လေသည်။

တရုတ်ပြည်တွင် လူသားကလီစာများ အစားထိုးကုသရန် ငွေကြေးပြည့်စုံပြီး စောင့်ဆိုင်းနေသော ၀ယ်လိုအားမြင့်တက်လာသည်မှာ လူနာဦးရေ တနှစ်လျင် တစ်သန်းခွဲ နီးပါးမျှဖြစ်လာလေသည်။
ထိုကြောင့် လူသားကလီစာများ အမြန်ရရှိရန် တရုတ်ပြည် တနံတလျားတွင် လူမှောင်ခို ဂိုဏ်းများ တိုးပွါးလာတော့သည်။

တရုတ်ပြည်၏ တည်ဆဲဥပဒေအရ တရုတ်ပြည်အတွင်း လူမှောင်ခိုးကူးသန်းသည်ကို ကြီးမားသော ရာဇ၀တ်မှုအဖြစ် ကြီးမားသော ပြစ်ဒဏ်နှင့် သေဒဏ်ထိချမှတ်ရန် ပြဌာန်းထားသောကြောင့် တရုတ်ပြည်သားအချင်းချင်းရောင်းဝယ်ဖေါက်ကားရေးဖက်သို့ ဦးမလှည့်တော့ပဲ ဆင်းရဲသော တိုင်းပြည်များဖြစ်သည့် တရုတ်ပြည်နှင့် နယ်ချင်းထိစပ်လျှက်ရှိနေကြသော မြန်မာ ၊လာအို၊ ကမ်ဘောဒီးယားတို့သည် တရုတ်ပြည်၏ လူမှောင်ခိုဂိုဏ်များ၏ ပစ်မှတ်ဖြစ်လာရတော့သည်။

တရုတ်ပြည်၏ အော်ဂင်ထရန်စ်ပလန့်(Organ Transplant) ဈေးကွက် မှ လိုအပ်ချက်ကြီးမားသောကြောင့် မြန်မာပြည်မှ ဆင်းရဲသော ဒေသမှ လူငယ်များ မိန်းမငယ်များက သားကောင်ဖြစ်လာကြတော့သည်။
တရုတ်ပြည်တွင် ကျောက်ကပ်တခုအား အရောင်းဝယ်လုပ်ရာတွင် အမေရိကန် ဒေါ်လာ ၃၅၀၀မှ ၅၅၀၀ ထိဈေးပေါက်ကြောင်း (Xinhua News Agency)ဆင်ဟွာ သတင်းက တ၇ားဝင် တင်ပြသွားသော မတ်လ ၂၅ ရက် ၂၀၁၂ခုနှစ် သတင်းစာက လူမှောင်ခိုဂိုင်းသားများအတွက် သတင်းကောင်းဈေးနုံန်းဖြစ်ခဲ့သည်။

လူသား နှံလုံးသားတခုသည် အမေရိကန်ဒေါ်လာ ၁၅၀၀၀ ထိ ပေါက်ပြီး မျက်ကြည်လွှာသည် အမေ၇ိကန်ဒေါ်လာ ၄၀၀၀မှ ၆၀၀၀ ထိဈေးရပြီး သန့်ရှင်းသော အဆုပ်အတွက် ဒေါ်လာ ၂၀၀၀၀ ထိပေါက်ကြောင်း သိရသည်။

ယခု မြန်မာပြည်ထဲတွင် အသက် ၇ နှစ်မှ အသက် ၃၀ အောက်ရှိသော လူပြောက်မှုဖြင့် ဒေသဆိုင်ရာ ရဲစခန်း နှင့် အာဏာပိုင်များအား တိုင်ကြားထားသော အမှုပေါင်း ၃၆၂၀ ခန့်ရှိပြီဟု ပြည်ထဲရေးနှင့် ပတ်သက်သော ဌာနတခုက လက်သိပ်တို့ပြောဆိုထားသည်။

အဆိုပါလူပြောက်မှုများအား မြန်မာပြည်တွင်ထုတ်ဝေသော အစိုးရ သတင်းစာ နှစ်စောင်တွင် နေ့စဉ် မဟုတ်ရင်တောင် ရက်ခြားအနေဖြင့် သတင်းစာတွင် ဖေါ်ပြနေသည်ကို ၂၀၁၀မှ ယခု ၂၀၁၃ ခုနှစ်ထိ မှတ်တမ်းပြုစုခဲ့ရာတွင် လူပြောက်ကြေငြာချက်ပေါင်း ၅၂၁ ယောက်မျှရှိတာကိုတွေ့ရပြီဖြစ်သည်။

မြန်မာပြည်မှ ဆင်းရဲသား ပြည်သူများအဖို့ ယခု အစိုးရလက်ထက်တွင် ပြည်သူများ၏ လုံခြုံရေး ဘေးအန္တရယ်ကင်းရှင်းရေးအတွက် တိကျခိုင်မာသော အသုံးစရိတ် အကာကွယ် အစီမံများ တိတိကျကျ ပြဌာန်းသတ်မှတ်ဖေါ်ပြထားခြင်းမရှိသည်မှာ ပြောင်းလဲပြီဟုပြောနေသော အစိုးရတရပ်အတွက် ထောက်ပြစရာသက်သေသက်ကာရဖြစ်နေသည်။

မြန်မာပြည်သားများအဖို့ ကျားကြောက်ပြီး ဆင်ကြီးကိုးမိသော သူများအတွက် နေပြည်တော် လွတ်တော်နှင့် ၄င်းအစိုးရအဖွဲ့သည် ဆင်ကြီးက ကျားထက်ဆိုးသော အခြေနေသို့ တည့်တည့်မတ်မတ် ရောက်ရှိနေပြီဖြစ်သည်။

လူကုန်ကူးမှု တိုက်ဖျက်ရေးနှင့်ပတ်သက်သော ထင်သာမြင်သာအောင် မြန်မာ အစိုးရသတင်းစာများက ၂၀၁၁ ခုမှ စတင် ဆောင်ရွက်လာသော်လည်း ပူးပေါင်းဆောင်ရွက်မှု တာဝန်ပေးအပ်မှု တာဝန်ခံရမှုများသည် တိတိကျကျ မရှိကြောင်း တွေ့ရှိရသည်။

ဥပမာ မိမိ၏မိသားစုမှ တဦးဦးပြောက်ဆုံးကြောင်း သွားရောက်တိုင်ကြားလျှင် တိုင်ကြားသူများကိုပင် ကြောက်ရွံ့အောင် အမျိုးမျိုး ပြောဆိုမေးမြန်းနေသော ရဲစခန်းများ ရဲဝန်ထမ်းများ၏ စရိုက်က ပိုပြီး ကြောက်မက်ဖွယ်ရာ ကောင်းနေသည့်အပြင် အဆိုပါ ရဲဝန်ထမ်းများအား မိမိ၏ အပူသောက များအကြားမှ ထိထိရောက်ရောက် ဆောင်ရွက်ပေးရန် ထပ်မံ ပိုက်ဆံများ ပေးနေကြရသည်။

ထိုကဲ့သို့ အမျိ်ုးသားရေးအမြင်၊ လုံခြုံရေးအမြင် နှင် ဥပဒေ အကာကွယ် အားနည်းမှုများကြောင့် မြန်ပြည်မှ လူသားများသည် ကလီစာထုတ်ခံရသော နေရာသို့ ပုံစံမျိုးစုံ အကြောင်းပေါင်းစုံဖြင့် အကြီးအကျယ်ရောက်ရှိကာ လူမှောင်ခိုဂိုဏ်းသားများ၏ ရောင်းဝယ်ဖေါက်ကားခံရသော ဘ၀သို့ သက်ဆင်းနေကြရမည် ဖြစ်ပါကြောင်း…..

ကျေးဇူးတင်ပါသည်
ဂိုလ်ရှယ်လေး

ရန်ကုန်တိုင်းဒေသကြီးလှိုင်သာယာမြို့နယ်ရှိ ရွှေဆိုင်တစ်ဆိုင်၌ငွေစက္ကူ အတုများနှင့်အစစ်များကို ရောနှောအသုံးပြု၍ ရွှေဝယ်ယူသွားသူနှင့် အပေါင်းအပါများအား နိုင်ငံတော်ဗဟိုဘဏ်ဥပဒေဖြင့် အမှုဖွင့်ထားကြောင်း ရန်ကုန်တိုင်းဒေသ ကြီး ရဲတပ်ဖွဲ့မှူးရုံးမှ သိရှိရသည်။

လှိုင်သာယာမြို့နယ်ရှိ ရွှေဆိုင်တစ်ခု၌ အောက်တိုဘာ ၁၀ ရက်နေ့က ရွှေလာ ရောက်ဝယ်ယူသည့် အမျိုးသမီး တစ်ဦးမှ ငွေရှင်းထွက်ခွာခဲ့ပြီးနောက် ထိုအမျိုးသမီးပေးခဲ့သည့်ငွေများကို ဆိုင်ရှင်ဖြစ်သူမှ မသင်္ကာ၍စစ်ဆေးခဲ့ရာမှ ငွေစက္ကူအတုများဖြစ်ကြောင်း သိရှိခဲ့ရသည်။

လှိုင်သာယာမြို့နယ်မီးခွက်ဈေးရှိ နန်းထိုက်အောင်ရတနာဆိုင် သို့ဒေါ်ချိုချိုမြင့် ၀ါးခယ်မမြို့နယ်တွင် နေထိုင်သည်ဟု လိပ်စာပေးသွားသူက မိုးယုစံအက်စ်လိမ် လက်ကောက်(၂)ကွင်း၊ ဘတ်စ်လိမ်၊ ခြင်းလုံးဆွဲကြိုး(၁)ကုံး၊ စုစုပေါင်း ရွှေ အလေးချိန်(၁၃)ပဲ(၇)ရွေးအား တန်ဖိုးငွေကျပ် ၅၈၀၀၀၀(ငါးသိန်းရှစ်သောင်းကျပ်)ဖြင့်ဝယ်ယူခဲ့ရာ တစ်ထောင် ကျပ်တန် ငွေစက္ကူအသေးအရွက်ရေ ၅၈၀ ရွက်အားပေးခဲ့ပြီး ဆိုင်မှပြန်လည်ထွက်ခွာသွားခဲ့ကြောင်း ရွှေဆိုင်ပိုင်ရှင်က ဆိုသည်။

ရွှေဝယ်ယူသူအမျိုးသမီးပြန်လည်ထွက်ခွာသွားခဲ့ပြီးနောက် ဆိုင်ပိုင်ရှင်ဖြစ်သူမှ အဆိုပါငွေများအားစစ်ဆေးရာ၌ တစ်ထောင်ကျပ်တန်ငွေစက္ကူအသေး ၅၈၀ အနက် ၂၃၃ ရွက်မှာ အတုဟုမသင်္ကာဖြစ်သောကြောင့် ငွေများကို လှိုင်သာယာရဲစခန်းသို့ ပို့အပ်ခဲ့သဖြင့်အမှတ်(၇)မှုခင်းတပ်ဖွဲ့စု(ရန်ကုန်)မှ တရားခံအားဖမ်းဆီးရမိရေး ဆက်လက် စုံစမ်းနေဆဲဖြစ်သည်ဟု သိရသည်။

“ငွေအတုနဲ့အစစ် ဘယ်လိုကွဲပြား ခြားနားလဲဆိုတာ အသေးစိတ်ကိုတော့ နေပြည်တော်က ငွေတုကျွမ်းကျင်ဌာနကပဲ သိမှာပါ။ ကျန်တဲ့အပိုင်းတွေကတော့ ပြောခွင့်မရှိပါဘူး။”ဟုအမှတ်(၇)မှုခင်းတပ်ဖွဲ့စု (ရန်ကုန်)မှ ရဲအရာရှိတစ်ဦးက ပြောသည်။

စုံစမ်းခဲ့ရာတွင် ဒဂုံဆိပ်ကမ်းမြို့နယ်နေသူ ခင်မာကြူ နှင့်အပေါင်းအပါများဖြစ်ကြောင်း အတည်ပြုစုံစမ်းသိရှိရသဖြင့် ၎င်းတို့အပေါ်အရေးယူပေးရန် အမှတ်(၇)မှုခင်းတပ်ဖွဲ့စုမှ တရားလိုပြုလုပ်တိုင်တန်းသောကြောင့် လှိုင်သာယာမြို့နယ် ရဲစခန်းမှ ၂၀၁၃ခုနှစ် မြန်မာနိုင်ငံတော်ဗဟိုဘဏ် ဥပဒေပုဒ်မ ၁၀၅/၁၀၆ ဖြင့် အမှုဖွင့်ပြီး အမှတ်(၇)မှုခင်းတပ်ဖွဲ့စု (ရန်ကုန်)မှ စစ်ဆေးလျက်ရှိကြောင်း သိရသည်။

ရန်ကုန်တိုင်းဒေသကြီးအတွင်း၌ ငွေစက္ကူအတုများ မကြာခဏတွေ့ရှိဖမ်းဆီးရမိလျက်ရှိကာ အောက်တိုဘာ ၆ ရက်နေ့ က မင်္ဂလာတောင်ညွန့်မြို့နယ်၌ ငါးထောင်ကျပ်တန်ငွေစက္ကူအတုများ ဖမ်းဆီးရမိခဲ့ပြီး၊ အောက်တိုဘာ ၉ ရက်နေ့က လည်း တာမွေမြို့နယ်၌ ငွေစက္ကူအတုအရောင်းအ၀ယ်ပြုလုပ်သူများထံမှ တစ်ထောင်ကျပ်တန်ငွေစက္ကူအတု (အသေး) ၅၀၄၃ ရွက်အား သိမ်းဆည်းရမိခဲ့ကြောင်း သိရသည်။

Myit Ma Kha Media Group

လက်ရှိ မြန်မာအစိုးရနှင့် ယုံကြည်မှုတည်ဆောက်ရေးကို ထောက်ခံသလို ဗဟို၏ ဦးဆောင်မှုကို အပြည့်အ၀ လိုက်နာကြောင်း ကရင်အမျိုးသားအစည်းအရုံး(KNU)၊ မူတြော်(ဖာပွန်)ခရိုင်၊ တပ်မဟာ(၅)မှ ယနေ့ရက်စွဲဖြင့် ကြေညာချက်တစ်စောင် ထုတ်ပြန် လိုက်သည်။

လတ်တလောအချိန်တွင် KNU တပ်မဟာ(၅)သည် KNU ဗဟို၏ ဦးဆောင်မှုကို မလိုက်နာဘဲ သီးသန့်ရပ်တည်လိုသည်ဟု သတင်းများ ထွက်ပေါ်လာသည့်အပေါ် ယခုလို ကြေညာချက် ထုတ်ပြန်ရခြင်းဖြစ်ကြောင်း KNU တပ်မဟာ(၅) ရုံးထိုင်မှူး ပြောခွင့် ရသူ ဗိုလ်မှူးစောကလယ်ဒို့က ကေအိုင်စီသို့ ပြောသည်။

“ကျနော်တို့ တပ်မဟာ(၅)ဟာ ခေါင်းမာတယ်။ သီးသန့် ရပ်တည်လိုတယ်လို့ သတင်းထွက်ပေါ်နေတာ ကြားနေရတယ်။ ဒါ လုံးဝ မဟုတ်သလို လက်ရှိ အစိုးရတို့နှင့် ဖော်ဆောင်နေတဲ့ ငြိမ်းချမ်းရေးကိစ္စမှာ ဗဟိုရဲ့ ဦးဆောင်မှုအတိုင်း ကျနော်တို့ လိုက်နာပြီး သွားနေတာပါ။”ဟု ဗိုလ်မှူးစောကလယ်ဒို့က ပြောဆိုသည်။

KNU တပ်မဟာ(၅)၏ ထုတ်ပြန်ချက်တွင် အများပြည်သူများ လိုလားတောင့်တနေသော စစ်မှန်သည့် ငြိမ်းချမ်းရေး တည် ဆောက်ရေးအတွက် ကြိုးပမ်းနေသည့်ကာလအတွင်း အစိုးရနှင့် တိုင်းရင်းသား အဖွဲ့အစည်းများအကြား ဆွေးနွေးညှိနှိုင်းပြီး အပြန်အလှန် ယုံကြည်မှုတည်ဆောက်နေသည်ကို ၎င်းတို့အနေဖြင့် အပြည့်အ၀ ထောက်ခံခဲ့သည်သာမက တတ်စွမ်းသမျှ အဖက်ဖက်မှ ကူညီပံ့ပိုးမှုများ ပြုလုပ်နေသည်ဟု ဖော်ပြထားသည်။

ထို့အပြင် မြန်မာနိုင်ငံ၌ အဓွန့်ရှည်သော ငြိမ်းချမ်းရေးဖော်ဆောင်ရေးအတွက် ဆောင်ရွက်နေသည့် လုပ်ငန်းများကို တစုံတရာ နှောက်ယှက်ပျက်ပြားစေသည့်လုပ်ရပ်များ၊ အများပြည်သူ ထိခိုက်နာကျင်စေခြင်းများ၊ ထိတ်လန့်ကြောက်ရွံ့စေခြင်းများကို လုံးဝ ဆန့်ကျင်ကြောင်းလည်း ၎င်းကြေညာချက်တွင် ထည့်သွင်းပါရှိသည်။

အောက်တိုဘာ ၁၂ရက်နေ့က ရန်ကုန်တိုင်းဒေသကြီး အင်းစိန်မြို့နယ်၊ စော်ဘွားကြီးကုန်း အဝေးပြေး ကားဝင်းရှေ့ ကားမှတ်တိုင် အနီး ဗုံးပေါက်ကွဲမှု၊ အောက်တိုဘာ ၁၄ရက်နေ့က အလုံမြို့နယ်ရှိ Western Park 2 စားသောက်ဆိုင် ဗုံးခွဲမှုနှင့် ကျောက်တံတား မြို့နယ် ကုန်သည်ကြီးများဟိုတယ်အခန်း ဗုံးခွဲမှုတို့၌ သံသယရှိသူ စောမြင့်လွင် (ခ) မောထဆိုသူကို အစိုးရအာဏာပိုင်များက ဖမ်းဆီးထိန်းသိမ်းထားပြီး ၎င်းမှာ ဖာပွန်ဒေသတွင် KNU တပ်ဖွဲ့ဝင်ဖြစ်ဖူးကြောင်း အစိုးရရဲတာဝန်ရှိသူများက သတင်းဌာနများကို ပြောဆိုသည်။

ဗိုလ်မှူးစောကလယ်ဒို့က “သတင်းတွေမှာပြောတာက ဗုံးခွဲတယ်လို့ ဖမ်းဆီးခံထားရတဲ့ စောမြင့်လွင်ဟာ ဖာပွန်ခရိုင်မှာ KNU တပ်ဖွဲ့ဝင် ဖြစ်ခဲ့ဖူးတယ်လို့ ဖော်ပြထားတယ်။ ဒါပေမယ့် ဒီလူနာမည်နဲ့ ကျနော်တို့ တပ်ဖွဲ့ဝင်စာရင်းထဲမှာ ပြန်ရှာမတွေ့ဘူး။ နောက် ပြည်သူတွေကို တိုက်ခိုက်ပြီး ဒီလိုအောက်တန်းကျတဲ့ လုပ်ရပ်တွေ ကျနော်တို့ လုပ်စရာ အကြောင်းမရှိဘူး။”ဟု ထပ်မံ ပြောဆိုသည်။

KNU ဒုဥက္ကဌ ပဒိုနော်စီဖိုးရာစိန်က “အခုထုတ်ပြန်ချက်ဟာ KNU ဖာပွန်ခရိုင်ရဲ့ စစ်မှန်တဲ့ သဘောထားတွေပါ။ သူတို့ဟာ ဗဟိုရဲ့ ဦးဆောင်မှု၊ ညွှန်ကြားမှုအောက်မှာ ရှိတယ်ဆိုတာ ငြင်းလို့မရသလို အစိုးရနဲ့ လက်ရှိ ယုံကြည်မှု တည်ဆောက်နေတာကို အပြည့်အ၀ ထောက်ခံတာဖြစ်ပါတယ်။”ဟု ကေအိုင်စီသို့ ပြောသည်။

မြန်မာနိုင်ငံတွင် အများပြည်သူများ လိုလားတောင်းတနေသော စစ်မှန်သော ငြိမ်းချမ်းရေး ပေါ်ပေါက်လာသည်အထိ ၎င်းတို့ KNU ဖာပွန်ခရိုင်၊ တပ်မဟာ(၅)အနေဖြင့် ဗဟိုဌာနချုပ်၏ ဦးဆောင်မှုအတိုင်း လိုက်နာဆောင်ရွက်သွားမည်ဟု ၎င်းထုတ်ပြန် ကြေညာချက်အဆုံးတွင် ဖော်ပြထားသည်။

KIC (Karen Information Center)

" ချစ်ခင်လေးစားရပါသော တက္ကသိုလ်ကျောင်းသား၊ကျောင်းသူအပေါင်းတို့ခင်ဗျာ...

- ယခုအခါ UCL ပြိုင်ပွဲကြီးသည် ပြိုင်ပွဲဝင် ကျောင်းသား၊ကျောင်းသူတို့၏စိတ်အားတက်ကြွစွာပါဝင်မှု၊ ကစားသမားများ၏အစွမ်းကုန်ကြိုးပမ်းအားထုတ်ယှဉ်ပြိုင်မှုတို့ကြောင့် တက္ကသိုလ်များအကြားအထူးရေပန်းစား၊ လူကြိုက်များလျှက် အုပ်စုပွဲများသည်ပင်လျှင်အောင်မြင်စွာ ယှဉ်ပြိုင်ပြီးဆုံးခဲ့ပြီးဖြစ်ပါသည်။မိမိအနေဖြင့် ယခုလက်ရှိပြိုင်ပွဲ၏အခြေအနေနှင့် ပရိသတ်များသိရှိလိုသည်ဟု ယူဆသည့်ကိစ္စများကို ဤစာတွင်ရှင်းလင်းဖော်ပြအပ်ပါသည်။

- နံပါတ်(၁)အနေဖြင့် ဤပြိုင်ပွဲကြီးကို 'မည်သည်ကရရှိသည့်ပိုက်ဆံဖြင့်ပြုလုပ်လဲ' ဟူသောမေးခွန်းကိုဖြေကြားလိုပါသည်။ဤပြိုင်ပွဲ၏ကုန်ကျစရိတ်စုစုပေါင်းမှာ သိန်း(၃၀၀)နီးပါးရှိ၍ ကုန်ကျစရိတ်အများစုမှာ ဆုကြေးငွေနှင့်နေ့စဉ် Video ရိုက်ကူးခတို့ဖြစ်ကြပါသည်။ဘောလုံးကွင်း၊ဒိုင် နှင့် နယ်မှကစားသမားများနေထိုင်ရေးကို MFF၊အားကစားဝန်ကြီးဌာန နှင့် ရန်ကုန်ယူနိုက်တက်ဘောလုံးကလပ်တို့မှ အခမဲ့ကူညီပါသည်။ ကျန်ကုန်ကျစရိတ်များကို မိမိနှင့်ဘောလုံးအားကစားကိုဝါသနာပါသော မိမိမိတ်ဆွေ စီးပွားရေးလုပ်ငန်းရှင်ကြီးများကအချိုးကျပါဝင်လှူဒါန်းပါသည်။ ထို့အပြင် ပြိုင်ပွဲဝင်တက္ကသိုလ်မှကျောင်းသူ၊ကျောင်းသားများကုသိုလ်ရစေနိုင်ရန်ပါ ရည်ရွယ်၍ပြိုင်ပွဲဝင်ကြေးကိုပင် ကုန်ကျစရိတ်တွင်မသုံးစေဘဲ လူမှုရေး၊ဘာသာရေးအသင်းအဖွဲ့များသို့လှူဒါန်းစေခဲ့ပြီးဖြစ်ပါသည်။

- နံပါတ်(၂)အနေဖြင့် ဤပြိုင်ပွဲမှဒိုင်လူကြီးများအကြောင်းရှင်းလင်းတင်ပြလိုပါသည်။ ယင်းဒိုင်လူကြီးများအားလုံးသည် မြန်မာနိုင်ငံဘောလုံးအဖွဲ့ချုပ်မှတရားဝင်အသိအမှတ်ပြုထားပြီး နိုင်ငံတကာဒိုင်လူကြီးလိုင်စင်ရရှိထားကြသူများဖြစ်ကြကာ MFF ကတရားဝင်စေလွှတ်၍စေတနာဖြင့်လာရောက်ကူညီပေးနေသူများဖြစ်ကြပါသည်။ ဒိုင်များအနေဖြင့်မည်သည့်အသင်း၊ မည်သည့်ကစားသမား ကိုမျှသိရှိခြင်းလည်းမရှိသကဲ့သို့ ဘက်လိုက်ဆောင်ရွက်ခြင်းမျိုးလည်းလုံးဝပြုလုပ်မည်မဟုတ်ပါ။ ထို့ကြောင့် ပရိသတ်များအနေဖြင့် ကိစ္စတစ်စုံတရာပေါ်ပေါက်တိုင်း ဒိုင်အဖွဲ့ကိုအပြစ်တင်မစောကြရန်နှင့် ဒိုင်လူကြီး၏အဆုံးအဖြတ်ကို နိုင်ငံကြီးသားပီသစွာလေးစား၊လိုက်နာပေးကြပါရန် မေတ္တာရပ်ခံအပ်ပါသည်။

- နံပါတ်(၃)အနေဖြင့် မိမိ၏စာရိတ္တပိုင်းဆိုင်ရာအပေါ်မေးခွန်းထုတ်မှုများကိုရှင်းလင်းတင်ပြလိုပါသည်။ မိမိဘာမှမပြောခင် ပရိသတ်ကြီးကိုတစ်ခုစဉ်းစားစေလိုပါသည်။ မိမိသာ Internet ပေါ်တွင်ပုံဖော်နေသကဲ့ အပြင်လောကတွင် အမှန်တကယ် မိုက်ရိုင်း၊ဆိုးသွမ်းနေသူဖြစ်ပါက မည်သည့်ဝန်ကြီး၊ ဒုဝန်ကြီးကမိမိနှင့် လက်ခံတွေ့ဆုံဆွေးနွေးမည်နည်း??

မည်သည့်ပါမောက္ခချုပ်က မိမိနှင့်အတူအစည်းအဝေးထိုင်မည်နည်း??

မည်သည့်ကျောင်းသား၊ကျောင်းသူများနှင့်မိဘများက မိမိနှင့်ပူးပေါင်းဆောင်ရွက်မည်နည်း?? မည်သည့်မီဒီယာက မိမိဘက်မှရပ်တည်ဖြေရှင်းပေးမည်နည်း??

မိမိအနေဖြင့် ကောလဟလများပြန့်နေသလို စင်ကာပူသို့နေ့ချင်းပြန်လည်းကျောင်းမတက်ဘူးပါ၊

ဆယ်တန်းဖြေတုန်းကလည်း The whole burma မရပါ (မိမိကျောင်းမှထိုနှစ်က အဆင့် ၆ သာချိတ်ပါသည်)၊ မည်သည့်မူးယစ်ဆေးဝါးမှလည်းမသုံးဘူးပါ (သင်္ကြန်နှင့်မွေးနေ့များတွင်ပင် မိမိအရက်သေစာသောက်စားခြင်းမပြုပါ)၊ ဝတ်မှုန်ရွှေရည်ကိုလည်းခိုးမပြေးဘူးပါ၊ မိုးယုစံနှင့်လည်း လက်မထပ်ရပါ၊ စစ်ရဟတ်ယာဉ်ဖြင့်မိမိကို ဘဲကင်ဝယ်ပေးရသည်ဆိုမှာလည်း လုံးဝမမှန်ပါ၊ မန်ချက်စတာယူနိုက်တက်ကိုလည်း မိမိဤဘဝတစ်သက်လုံးငွေစုလျှင်ပင်မဝယ်နိုင်ပါ၊ မည်သည့်ယာဉ်ထိန်းရဲကိုမှလည်း ထိုးကြိတ်အနိုင်ကျင့်ခြင်းမရှိရပါ (ယင်းယာဉ်ထိန်းသည် ဘာဒဏ်ရာမှလည်းမရှိ၊ဘာသက်သေအထောက်အထားမှလည်းမရှိဘဲ မိမိကိုအမြင်စောင်းနေသော၎င်း၏အထက်အရာရှိ၊ မီဒီယာအချို့နှင့်ပူးပေါင်းကာ မိမိကိုနိုင်ငံရေးအရတိုက်ခိုက်ခဲ့ခြင်းဖြစ်ကြောင်းကို နိုင်ငံတော်သမ္မတအပါအဝင် အစိုးရအဖွဲ့တစ်ခုလုံးသို့စာပေးပို့၍ရှင်းပြခဲ့ပြီးဖြစ်ပါသည်၊ လူကြီးများကလည်း ဤအဖြစ်အပျက်ကိုနားလည်သဘောပေါက်ပါသည်)။

မီဒီယာအချို့အနေဖြင့် မိမိကိုစွပ်စွဲမှုများမမှန်ကန်ကြောင်းသိရှိသောအခါ မည်သည့်ဖြေရှင်းချက်မျှလည်းမပေး၊ ၎င်းတို့၏သတင်းမှားကိုလည်း တာဝန်ယူပြန်လည်ဖြေရှင်းပေးခြင်းမျိုးလည်းမပြုဘဲ မိမိကသာတစ်ဘက်သတ် ပြည်သူလူထု၏အထင်မြင်လွဲမှားမှုကိုခံခဲ့ရခြင်းဖြစ်ပါသည်။ယခု ပရိသတ် ၂၀၀၀ကျော်နှင့် တက္ကသိုလ်ပေါင်းစုံမှတာဝန်ရှိသူများတက်ရောက်သော ဘောလုံးပွဲဖွင့်ပွဲတွင်ပင်လျှင် မိမိနှင့် မိုးစက်ဝိုင်ပြိုင်ကားနှင့်အတူလာသည်၊ မိမိကကားတံခါးနားသို့ဆင်းကြိုသည် စသဖြင့်မဟုတ်မမှန်ရေးသားသူအများအပြားရှိကြောင်း အားလုံးအသိပင်ဖြစ်ပါသည်။

- မိမိကိုယ်တိုင်ဘောလုံးဝါသနာပါလွန်း၍သော်လည်းကောင်း၊ ကျန်လူငယ်လူရွယ်များဘောလုံးအားကစားကို ကစားစေချင်လွန်း၍သော်လည်းကောင်း၊ (မိမိအားအကြောင်းမသိ၍အမြင်စောင်းနေသူအချို့လဲရှိနိုင်သည့်) ကျောင်းသားထုကြီးအပေါ် 'ရန်မဖြစ်ပါ၊ ပြဿနာလည်းမဖြစ်စေရပါ'ဟု သက်ဆိုင်ရာလူကြီးမင်းများကို အာမဘန္တေခံ၍ဤပြိုင်ပွဲကြီးကိုကျင်းပခြင်းဖြစ်ပါသည်။ မိမိတစ်ယောက်တည်းအားနှင့် ဤပြိုင်ပွဲကြီးကိုအောင်မြင်အောင်မစွမ်းဆောင်နိုင်ပါ။ သက်ဆိုင်ရာတက္ကသိုလ်မှကျောင်းသား၊ကျောင်းသူများ နှင့် ဆရာ၊ဆရာမတို့ကဝိုင်းဝန်းကူညီဖေးမမှသာလျှင် ဤပြိုင်ပွဲကြီးအဓွန့်ရှည်တည်တံ့မည်ဖြစ်ပါသည်။ မိမိအနေဖြင့် နိုင်ငံတော်၏အားကစားအခန်းကဏ္ဏကို အစွမ်းကုန်မြှင့်တင်ပေးသွားရန် စိတ်ဆုံးဖြတ်ထားပြီဖြစ်၍ မိမိနှင့်ရည်ရွယ်ချက်ချင်းတူသည့်မည်သူ့ကိုမဆို (သူ့ဟာသူ NLD မကလို့ ABC ဖြစ်ဖြစ် XYZ ဖြစ်ဖြစ်) လက်တွဲခေါ်ဆောင်သွားရန်လည်း စိတ်ဆန္ဒအပြည့်အဝရှိပါသည်။

- သို့ဖြစ်ပါ၍ ပြိုင်ပွဲဝင်တက္ကသိုလ်မှ ညီအကို၊မောင်နှမ၊ကျောင်းသား၊ကျောင်းသူများအနေဖြင့် ကိစ္စတစ်စုံတခုပေါ်ပေါက်တိုင်း Facebook စာမျက်နှာများပေါ်တွင် အချင်းချင်းဝေဖန်တိုက်ခိုက်ခြင်းမျိုးမပြုဘဲ အားကစားစိတ်ဓာတ်အပြည့်ဖြင့် အားပေးကူညီကြပါ၊ နိုင်ငံတော်အဆင့်တာဝန်ရှိသူလူကြီးများကို မိမိတို့တက္ကသိုလ်ကျောင်းသားများ၏ စည်းလုံး၊ညီညွတ်မှုစွမ်းရည်ကို ထုတ်ဖော်ပြသကြပါဟု တိုက်တွန်းမေတ္တာရပ်ခံလိုက်ရပါသည်။ " ဟူ၍ဖော်ပြပါရှိပါသည်။

မြန်မာတပ်မတော်အနေဖြင့် လက်နက်ကိုင်တပ်ဖွဲ့အများစု လှုပ်ရှားရာ ဒေသဖြစ်သည့် တရုတ်-မြန်မာနယ်စပ် တည်ငြိမ်ရေး ကိစ္စရပ်များကို အမှန်တကယ် ငြိမ်းချမ်းစေလိုသည် စိတ်ရင်းစေတနာမှန်ဖြင့် ဆောင်ရွက်နေပြီး ငြိမ်းချမ်းရေးလုပ်ငန်းစဉ်များ ဆောင်ရွက်ရာတွင် ရိုးသားမှုရှိစွာ နှင့် အမြက်မထုတ်ရန် လိုကြောင်း ဟု တပ်မတော်ကာ ကွယ်ရေး ဦးစီးချုပ် ဗိုလ်မှူးကြီးမင်းအောင်လှိုင်က အောက်တိုဘာ ၁၄ ရက်နေ့က တရုတ်နိုင်ငံ၊ ပေကျင်းမြို့သို့ ရောက်ရှိနေချိန် တရုတ်ပြည်သူ့လွတ်မြောက်ရေးတပ်မတော် စစ်ဦးစီးချုပ် ဗိုလ်ချုပ်ကြီး Fang Fenghui နှင့် တွေ့ဆုံစဉ် ယင်းသို့ ပြောကြားခဲ့ခြင်းဖြစ်သည်။

ပြည်တွင်းတွင် ထာဝရငြိမ်းချမ်းရေးရရှိရေးအတွက် ငြိမ်းချမ်းရေးကို တပ်မတော်အနေဖြင့် အမှန်တကယ်လို လားကြောင်းနှင့် ငြိမ်းချမ်းရေးလုပ်ငန်းစဉ်များကို လုပ်ဆောင်ရာတွင် တပ်မတော်က ပြည်သူလူထုအပေါ်ကို ဖိအားပေး မှုမဖြစ်စေရေးကို အဓိကထား ဆောင်ရွက်သွားပြီ ငြိမ်းချမ်းရေးကို ပြည်သူများက အမှန်တကယ် ရရှိလိုပါက မရနိုင်စရာ အကြောင်းမရှိဟု ၄င်းက ဆက်လက်ပြောဆိုခဲ့သည်။

ထို့ပြင် တပ်မတော်ဘက်ကလည်း နိုင်ငံတော်လုံခြုံအောင် ကာကွယ်ရေးကို အဓိကတာဝန်ထားပြီး အိမ်နီးချင်း နိုင်ငံများ ၊ အာဆီယံနိုင်ငံများသာမက ကမ္ဘာ့နိုင်ငံများနှင့်ပါ ချစ်ကြည်ရင်းနှီးမှု ဆက်ဆံရေးတိုးမြှင့်အောင်လုပ်ဆောင် နေကြောင်း ထပ်လောင်းပြောဆိုခဲ့သည်။

အဆိုပါတွေ့ဆုံဆွေးနွေးပွဲတွင် တရုတ်နိုင်ငံက မြန်မာနိုင်ငံ၏ အချုပ်အခြာအာဏာပိုင်စိုးမှုကို လေးစားကာ တိုင်းရင်းသားစည်းလုံးညီညွတ်ရေး ဆောင်ရွက်ချက်များကို ထောက်ခံအားပေးကြောင်းနှင့် တရုတ်- မြန်မာနယ်စပ်ဒေ သတစ်လျှောက်တွင် မြန်မာအစိုးရကို ဆန့်ကျင်လှုပ်ရှားဆောင်ရွက်မှုများကို ခွင့်မပြုနိုင်ကြောင်း တရုတ်ပြည်သူ့ လွတ်မြောက်ရေးတပ်မတော် စစ်ဦးစီးချုပ် ဗိုလ်ချုပ်ကြီး Fang Fenghui ဘက်ကလည်း ပြောဆိုခဲ့သည်။

အနာဂတ်တွင်လည်း နယ်စပ်ဒေသများ အေးချမ်းတည်ငြိမ်ရေးနှင့် နှစ်နိုင်ငံအကြား စစ်မက်ရေးရာ ဆက်ဆံရေး တိုးမြှင့်ရန် မြန်မာအစိုးရနှင့် ပူးပေါင်းလုပ်ဆောင်သွားမည်ဖြစ်ကြောင်း သိရသည်။

ကမ္ဘာ့နိုင်ငံများနှင့်ပါ ချစ်ကြည်ရင်းနှီးမှု ဆက်ဆံရေးတိုးမြှင်အောင်လုပ်ဆောင်နေကြောင်း သိရသည်။

ယင်းခရီးစဉ်အတွင်း တပ်မတော်ကာကွယ်ရေး ဦးစီးချုပ်သည် တရုတ်နိုင်ငံ၏ သံချပ်ကာယာဉ်များ တည်ဆောက်ရေးနှင့် လေယာဉ်တည်ဆောက်မှု နည်းပညာများကိုလည်း သွားရောက်လေ့လာခဲ့ကြောင်း သိရသည်။

တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်းရေးလုပ်ငန်းစဉ်များ ဆောင်ရွက်ရာတွင် ဖယ်ဒရယ်မှုနှင့် ၄င်းတို့ လိုလားသည့် ကိုယ့်ကြမ္မာကိုယ်ဖန်းတီးခွင့်များကို ဆွေးနွေးနိုင်မှသာ ထာဝရငြိမ်းချမ်းရေး ရရှိနိုင်မည်ဖြစ်ကြောင်း တိုင်းရင်းသားလွှတ်တော်ကိုယ်စားလှယ်အချို့ကလည်း ဝေဖန်ပြောဆိုခဲ့သည်။

Yangon chronicle