10/23/13

ရန်ကုန်မြို့တွင်းရှိ ပြေးဆွဲနေကြသည့် ခရီးသည်တင် မော်တော်ယာဉ်လိုင်းများပေါ်တွင် ရေးသား ထားသော “သင့်အား သင့်မိဘ၊ ဇနီး၊ သားသမီးများက သင်ပြန်လာချိန်ကို စောင့်မျှော်နေကြသည်ကို သတိပြုပါ” ဟူသော စာသားလေးအား မိဘပြည်သူတို့ သတိထားမိမည် ထင်ပါသည်။ ထို့အတူပင် ၂ဝ၁၃ ခုနှစ်၊ သြဂုတ်လ (၈) ရက်နေ့ ညနေ (၅) နာရီအချိန်တွင် “ရန်ကုန်နည်းပညာတက္ကသိုလ်ရှေ့၌ ခရီးသည်တင် ဟိုင်းလတ်စ်နှင့် အမှတ် (၃၃၃) ယာဉ်တစ်စီးတိုက်မိ” အဆိုပါယာဉ်တိုက်မှုနှင့် ပတ်သက်၍ ဟိုင်းလတ်ပေါ်တွင် စီးနင်းလိုက်ပါလာသော ခရီးသည်တစ်ဦး သေဆုံးခဲ့ပြီး ယာဉ်နောက်လိုက် မောင်မျိုး သန့်ကို (၁၉) နှစ် ဆပ်သွားတောကျေးရွာ၊ မှော်ဘီမြို့နေသူမှာ ခြေထောက်ကျိုးသွားခဲ့၍ ရန်ကုန်ဆေးရုံ ကြီးတွင် ကုသမှုခံယူခဲ့ရသည်ဟူသော သတင်းဖတ်မိပြီးနောက် အထက်ပါ စာသားအတိုင်း တစ်ယောက် ကတော့ဖြင့် အိမ်ပြန်ချိန်နှောင်းခဲ့ပြီး အခြားတစ်ယောက်တော့ အိမ်ပြန်ချိန်နောက်ကျခဲ့ပြီ ဟုသာ တွေးမိခဲ့ တော့သည်။ ထိုထက်ပို၍ ဆက်မတွေးဝံ့တော့။ ယင်းယာဉ်တိုက်မှုကြောင့် ခြေကျိုးသွားခဲ့သော မောင်မျိုး သန့်ကိုနှင့် မြန်မာပြည်သူ/သားအပေါင်းတို့၏ နာရေး၊ ကျန်းမာရေး၊ ပညာရေး၊ လူမှုရေးလုပ်ငန်းများ ထမ်းရွက်ပေးဆပ်နေသော နာရေးကူညီမှုအသင်း(ရန်ကုန်)တို့ ဆက်စပ်ပတ်သက်၍ တွေးတောစရာများ ဖြစ်ပေါ်လာခဲ့သည်။

    ၂ဝ.၈.၂ဝ၁၃ ရက်နေ့တွင် ယာဉ်တိုက်မှုကြောင့် ဒဏ်ရာရရှိသူ မောင်မျိုးသန့်ကို၏ ဇနီးမဆွေဆွေ အောင်မှ ခင်ပွန်း၏ ခြေထောက်ဒူးခေါင်းအထက်မှ ဖြတ်တောက်ရခြင်း၊ ဝမ်းဗိုက်တွင် အရေးပေါ်ခွဲစိပ်မှု ပြုလုပ်ရခြင်းနှင့် ကျန်းမာရေးမကောင်းသော ဖခင်ကြီးနှင့် (၇) လသားအရွယ် လူမမယ် သားငယ်လေးအား ပြုစုစောင့်ရှောက်နေရခြင်းကြောင့် ခင်ပွန်းဖြစ်သူအား ဆက်လက်ဆေးကုသရန် ငွေကြေးအခက်အခဲ ဖြစ်နေသဖြင့် လိုအပ်သောအကူအညီများပေးနိုင်ရန် နာရေးကူညီမှုအသင်း(ရန်ကုန်)သို့ တင်ပြအကူအညီ တောင်းခံလာခဲ့သည်။ ထို့ကြောင့် နာရေးကူညီမှုအသင်း(ရန်ကုန်)မှ မိဘပြည်သူအလှူရှင်များ လှူဒါန်း ထားသော အလှူငွေများထဲမှ ငွေကျပ် (၃) သိန်းအား ကိုယ်တိုင်ကိုယ်ကျ သွားရောက်လှူဒါန်းပေးခဲ့သည်။ ဆေးရုံတွင် (၂) လကျော်ခန့် ဆေးကုသမှုခံယူပြီး ပြန်လည်ကောင်းမွန်လာချိန် ၂၁.၁ဝ.၂ဝ၁၃ ရက်နေ့တွင် ဆေးရုံမှဆင်း၍ နာရေးကူညီမှုအသင်း(ရန်ကုန်)သို့ ရောက်ရှိလာခဲ့ပြန်သည်။ မောင်မျိုးသန့်ကိုနှင့် ဇနီး မဆွေဆွေအောင်နှင့် လူမမယ် လသားငယ်လေးတို့အား ဥက္ကဌ ဦးကျော်သူ၊ အမှုဆောင်များနှင့် အသင်း သူ/သားများမှ နွေးထွေးစွာကြိုဆိုရင်း အားပေးစကားပြောကြားခဲ့သည်။ ဦးကျော်သူမှ အားပေးစကားပြော ကြားရာတွင် “ကျွန်တော့်အနေနဲ့ လောကမှာ ရှက်မိကြောက်မိတဲ့ အကြောင်းအရာ များစွာရှိပါတယ်။ ကျွန်တော်ကအောင်မြင်တဲ့ မင်းသားတစ်ယောက်ဖြစ်ခဲ့ပေမယ့် ပညာရေးမှာ ဘွဲ့မရခဲ့ပါဘူး။ မသန်စွမ်း ပုဂ္ဂိုလ်တွေ တွေ့ကြုံမြင်တွေ့ရတဲ့အခါ ကျွန်တော်အရမ်းရှက်မိတယ်။ ဘာဖြစ်လို့လဲဆိုတော့ သူတို့က အတွေးအခေါ် အယူအဆ အတတ်ပညာပိုင်းမှာ ကျွန်တော့်ထက် အဆများစွာ သာလွန်နေကြတာကို တွေ့ရတဲ့အတွက် ကျွန်တော် ကိုယ့်ကိုယ်ကိုယ် ရှက်မိတယ်” ဟု မောင်မျိုးသန့်ကို အား ပြောကြားခဲ့သည်။ တိုက်ဆိုင်စွာပင် နာရေးကူညီမှုအသင်း(ရန်ကုန်)သို့ ပြည်မြို့မှ ရွှေပေါက်ပင်ဆရာတော်ကြီးရောက်ရှိခိုက် ဆရာတော်ကြီးသည်လည်း အားပေးသြဝါဒ မိန့်ကြား၍ မေတ္တာပို့သပေးခဲ့သည်။

    ထို့နောက် ဦးကျော်သူမှ မောင်မျိုးသန့်ကို လမ်းမလျှောက်နိုင်မှီ အသုံးပြုနိုင်ရန် ဝှီးချဲ၊ ချိုင်းထောက်၊ အိမ်သာခွက်ပါထိုင်ခုံ တို့အား လှူဒါန်းပေးခဲ့ပြီး မောင်မျိုးသန့်ကိုမှ ကျေးဇူးတင်စကား ပြောကြားခဲ့ရာ “အခု လိုကျွန်တော်နဲ့ ကျွန်တော့်မိသားစုကို အကူအညီပေးခဲ့တဲ့ နာရေးကူညီမှုအသင်း(ရန်ကုန်)နဲ့ အလှူရှင် အပေါင်းတို့ကို အတိုင်းမသိ ကျေးဇူးတင်ပါတယ်။ ဦးကျော်သူနှင့် အသင်းသားတွေ အားလုံးတို့လည်း အန္တရာယ်ကင်း ဘေးရှင်းပြီး ပရဟိတအလုပ်တွေ တိုးတက်လုပ်ကိုင် ဆောင်ရွက်နိုင်ပါစေ” ဟု ဆုမွန် ကောင်းတောင်းခဲ့ပါသည်။ ဘဝကို ဘယ်လိုရှေ့ဆက်လျှောက်ဖို့ စိတ်ကူးရှိသလဲဟု မေးမြန်းကြည့်ခဲ့ရာ “ကျွန်တော့်အနေနဲ့ ခြေထောက်တစ်ဖက် မရှိတော့ပေမယ့် မိဘတွေရယ်၊ ဇနီးရယ်၊ ရင်သွေးလေးရယ် အတွက် ဘဝကိုအကောင်းဆုံး ကြိုးစားရပ်တည်သွားမှာပါ။ ကျွန်တော်အရင်တုန်းက ဈေးရောင်းဖူးတယ်၊ ဖိနပ်ချုပ်တဲ့အလုပ်လည်း လုပ်ခဲ့ဖူးတယ်၊ အမျိုးသမီးက မှော်ဘီဈေးမှာ စက်ချုပ်တယ်။ ကျွန်တော် အခုလို ဖြစ်တော့ ပြုစုနေတာနဲ့ သူလည်း စက်မချုပ်နိုင်တော့ဘူး။ အခုလောလောဆယ်မှာတော့ စီးပွားရေးက ရပ်တည်ဖို့ အခက်အခဲရှိတယ်။ ငွေကြေးအဆင်ပြေခဲ့ရင်တော့ ကျွန်တော် ကွမ်းယာဆိုင်လေးဖွင့်ချင်တယ်။ ဖိနပ်ချုပ်တဲ့အလုပ်လည်း လုပ်ချင်တယ်၊ ဒါပေမဲ့ ကျွန်တော့်မှာ ငွေရေးကြေးရေး အခက်အခဲရှိနေတယ်” ဟု ပြောကြားသွားခဲ့သည်။ လက်တလောအခြေအနေတွင် မောင်မျိုးသန့်ကို၏ ဘဝ ပြန်လည်ထူထောင်နိုင်ရန် အတွက် အသေးစားလုပ်ငန်းများ လုပ်ကိုင်နိုင်ရန် ငွေကြေးများလိုအပ်နေသည်ကို သိရှိရသည်။ ထို့နောက် မောင်မျိုးသန့်ကိုနှင့် ဇနီး မဆွေဆွေအောင်တို့မှ ဥက္ကဌ ဦးကျော်သူအား ဂါရဝပြု ဦးချသွားခဲ့ပါသည်။ မောင်မျိုးသန့်ကို ကျန်းမာရေးကောင်းမွန်လာပါက ခြေအတုတပ်ဆင်နိုင်ရန်အတွက်လည်း နာရေးကူညီမှု အသင်း(ရန်ကုန်)မှ ကူညီတပ်ဆင် လှူဒါန်းပေးမည်ဖြစ်သည်။ ထို့နောက် မောင်မျိုးသန့်ကိုအား နာရေး ကူညီမှုအသင်း(ရန်ကုန်)မှ လူနာတင်ယာဉ်ဖြင့် နေရပ်နေအိမ် ဆပ်သွားတောကျေးရွာ၊ မှော်ဘီမြို့သို့ ပို့ဆောင်ပေးခဲ့သည်။

    ယခုကဲ့သို့ ယာဉ်မဆင်မခြင် မောင်းနှင်မှုကြောင့် အိမ်အပြန် နောက်ကျခဲ့ရသော မောင်မျိုးသန့်ကို အတွက် လိုအပ်သောငွေကြေးများကို အများပြည်သူကိုယ်စား လှူဒါန်းပေးနိုင်ခဲ့သည်။ ထို့ကြောင့် အလှူ ရှင်များအနေဖြင့် နာရေးကူညီမှုအသင်း(ရန်ကုန်)နည်းတူ ကျေနပ်ပီတိ ဂုဏ်ယူမိလိမ့်မည်ဟု ထင်မိသည်။ ဤမွန်မြတ်လှစွာသော ကုသိုလ်ကောင်းမှုတို့အား သာဓုခေါ်ရင်း အိမ်ပြန်ချိန်ကို စောင့်မျှော်နေကြသော မိဘ၊ ဇနီး၊ သားသမီး၊ ဆွေမျိုးတို့နှင့် စုံစည်းနိုင်ကြဖို့ ဝိုင်းဝန်းကာကွယ်ပေးရင်း အမျိုးဘာသာ သာသနာ အကျိုးအား ဆထက်တဘိုးတိုး၍ ဆောင်ရွက်နိုင်ကြပါစေဟု ဆုတောင်းမေတ္တာပို့သလိုက်ရပါသည်။

ကမ္ဘာသူ/သားများအားလုံး ဘေးအန္တရာယ်ကင်းရှင်း၍ လိုရာခရီးအား ချောမွေ့စွာရောက်ရှိနိုင်ကြပါစေ။














ဖွဲ့စည်းပုံအခြေခံဥပဒေပြင်ဆင် ရေးပညာပေးဟောပြောပွဲနှင့်လူထု ဆန္ဒကောက်ခံပွဲများကို နယ်မြေ အလိုက်ကျင်းပလျက်ရှိရာအောက် တိုဘာ ၂၁ ရက်က ရွှေဂုံတိုင် တော်ဝင်နှင်းဆီခန်းမတွင် အဖွဲ့ ချုပ်နာယက ဦးတင်ဦးကိုယ်တိုင် ကြီးမှူး၍ အနောက်ပိုင်းခရိုင်ပညာ ပေးဟောပြောပွဲတစ်ရပ်ကျင်းပခဲ့ ကြောင်း သိရသည်။

အဆိုပါအခမ်းအနားသို့ပါတီ ၀င်အင်အား ၇၀၀ခန့်တက်ရောက် ပြီး ဖွဲ့စည်းပုံအခြေခံဥပဒေဆိုင်ရာ ပညာပေးကော်မတီဝင် ဥပဒေ ပညာရှင် ဦးကိုနီက၂၀၀၈ ဖွဲ့စည်း ပုံ၏ အားနည်းချက်များ၊ ဒီမိုကရေ စီ စံနှုန်းနှင့် မကိုက်ညီမှုများကို ရှင်း လင်းဟောပြောရာ တက်ရောက် လာသူများက လက်ထောင်စနစ် ဖြင့် ဖွဲ့စည်းပုံပြင်ဆင်ရေးကို ၉၆ ရာခိုင်နှုန်းသဘောထားပေးခဲ့ကြ သည်။

ဦးကိုနီက ““စစ်ဘက်ဆိုင်ရာ တရားစီရင်ရေးကို ကာကွယ်ရေး ဦးစီးချုပ်ကလည်း ဆုံးဖြတ်မယ်။ ဥပဒေပြုမှုအာဏာမှာလည်းလေး ပုံတစ်ပုံပေးထားတယ်။ အုပ်ချုပ် ရေးအာဏာမှာလည်း သမ္မတ ထက်အများကြီးပိုယူထားတယ်။ နိုင်ငံတော်မှာ လူတစ်စုကသောင်း ကျန်းသောနည်းဖြင့် နိုင်ငံတော် အာဏာကိုရယူဖို့ကြိုးစားလာလျှင် သမ္မတက ကာလုံနဲ့တိုင်ပင်ပြီး အရေးပေါ်အခြေအနေကြေညာ ကာနိုင်ငံတော်အာဏာကိုကာချုပ် ထံပေးအပ်ရန်ရေးဆွဲထားတယ်။ ဘယ်လိုလူတစ်စုက သောင်းကျန်း မှာကို ပြောတာလဲ။ နှစ်ပေါင်းများ စွာလက်နက်ကိုင်ပြီး ကြိုးစားခဲ့တဲ့ တိုင်းရင်းသား ၁၇ ဖွဲ့ရှိတယ်။နိုင်ငံ တော်အာဏာကို မရခဲ့ဘူး။ အင် အားငါးသိန်းရှိတဲ့တပ်မတော်ကြီး ရှိနေတာပဲ။ဒီတပ်မတော်ကိုကျော် ပြီးဘယ်သူက အာဏာကိုရယူမှာ တုန်း။ အဲဒီလိုဖြစ်လာရင် ပုဒ်မ ၄၁၇ မှာ နိုင်ငံတော်အုပ်ချုပ်မှု အာဏာ၊ ဥပဒေပြုမှုအာဏာ၊ တရားစီရင်ရေးအာဏာတွေကို သမ္မတကြီးက ကာချုပ်ကို လွှဲအပ် ကြောင်းကြေညာပေးရမယ်လို့ ဆို ထားတယ်။နိုင်ငံတော်အာဏာကို စစ်ဖက်က သိမ်းစရာမလိုအောင် ရေးထားတဲ့ဥပဒေပဲ။ နိုင်ငံတော် အာဏာကိုသမ္မတကရောတကယ် ပိုင်လို့လား။ ကျွန်တော်တို့ပြည်သူ တွေသာ ပိုင်ရှင်အစစ်ဖြစ်တယ်။ ဒါကြောင့် ကျွန်တော်တို့မကြိုက် တဲ့ဖွဲ့စည်းပုံကို ကျွန်တော်တို့ပြင် ခွင့်ရှိရမယ်”” ဟု ပြောကြားလိုက် သည်။

၎င်း၏ပြောကြားချက်အရ ယခုကဲ့သို့ ဖွဲ့စည်းပုံဥပဒေမျိုး မည် သည့်နိုင်ငံတွင်မှမရှိကြောင်း၊အရေး ပေါ်အခြေအနေဖြစ်လာလျှင် သမ္မတကနိုင်အောင်ထိန်းပြီးမဖြေ ရှင်းနိုင်လျှင် ရာထူးမှ နှုတ်ထွက် ပေးကာ ဖြေရှင်းနိုင်မည့်နောက် သမ္မတတက်ရမည်သာဖြစ်ကြောင်း သိရသည်။ လက်ရှိတွင် ၂၀၀၈ ဖွဲ့စည်းပုံကမ်ပိန်းများ၏ လူထု ဆန္ဒသဘောထားအဖြေမှာ ပြင် ဆင်ရေးသာဖြစ်ကြောင်းသတင်း ရရှိသည်။

The hot news weekly

(22 Oct 2013 ရက်စွဲပါ Travel Daily News မှ Myanmar will invest six million dollars to boost security ကိုဘာသာပြန်ဆိုသည်)

မြန်မာနိုင်ငံသည် ဒီဇင်ဘာလ၌ အရှေ့တောင်အာရှ အားကစားပွဲကို ကျင်းပတော့မည်ဖြစ်ပါသည်။ အချို့ အစိုးရ ဆန့်ကျင်သူများက ဗုံးများခွဲခြင်းဖြင့် အစိုးရအားဖိအားပေးလျက်ရှိပါသည်။ မြန်မာနိုင်ငံအဝှမ်း ဗုံးခုနစ်လုံးခန့် ကွဲခြင်း သို့မဟုတ် ရှာဖွေတွေ့ရှိခြင်းများရှိခဲ့ရာ အများစုမှာ ရန်ကုန်တွင် ဖြစ်ပါသည်။ အောက်တိုဘာလ (၉) ရက်နေ့မှစ၍ ဖြစ်ပွားသော ပေါက်ကွဲမှုများတွင် နှစ်ဦးသေဆုံး၍ လေးဦးဒဏ်ရာရရှိခဲ့ပါသည်။ ရန်ကုန်မြို့ရှိ တရေးဒါးဟိုတယ်တွင် ဗုံးပေါက်ကွဲမှု၌ အမေရိကန်ခရီးသည်တစ်ဦး ဒဏ်ရာရရှိခဲ့ပါသည်။

အစိုးရသည် နိုင်ငံခြားရင်းနှီးမြှုပ်နှံသူများနှင့် ခရီးသွားဧည့်သည်များအတွက် လုံခြုံမှုပေးနိုင်ရန် လျင်မြန်စွာ အရေး ယူဆောင်ရွက်မှုများ ပြုလုပ်လျက်ရှိပါသည်။ ဟိုတယ်နှင့်ခရီးသွားလာရေးဝန်ကြီးဌာနကလည်း ရန်ကုန်၊ မန္တလေး၊ နေပြည်တော်နှင့် အခြားဒုတိယခရီးသွားဆုံး တောင်ငူ၊ စစ်ကိုင်း တို့ကဲ့သို့သော ဒေသများတွင် ရဲအင်အားတိုး၍ လည်းကောင်း၊ ဝန်ထမ်းများက စောင့်ကြည့်ခြင်းဖြင့်လည်းကောင်း လုံခြုံရေးကို တိုးမြှင့် လုပ်ဆောင်ရန် ကျေညာခဲ့ပါသည်။ ၎င်းသည် ဟိုတယ်ဝန်ထမ်းများအားဖြစ်လာနိုင်သည့် ခြိမ်းခြောက်မှုများကို စုံစမ်း ထောက်လှမ်းပုံများအား ဆွေးနွေးပွဲများနှင့် လေ့ကျင့်သင်ကြားပေးမှုများ စီစဉ်မည်ဖြစ်ပါသည်။

ဗုံးဖောက်ခွဲမှုများနှင့် ပတ်သက်၍ လူရှစ်ဦးအား ဖမ်းဆီးထားကြောင်းနှင့် နိုင်ငံခြားရင်းနှီးမြှုပ်နှံမှုများကို ခြောက်လှန့် ရန် အစီအစဉ်တစ်ခုဖြစ်ကြောင်း ရဲချုပ်ဇော်ဝင်း၏ အဆိုအရ သိရှိရပါသည်။ ရဲချုပ်က KNU မှ မသင်္ကာသူများစာရင်းကို ပြောကြားခဲ့သော်လည်း KNU က ပါဝင်ပတ်သက်မှုမရှိကြောင်း တရားဝင်ငြင်းဆိုခဲ့ပါသည်။ ၎င်းတို့မှာ အဆိုပါ တိုင်းရင်းသားလက်နက်ကိုင်အဖွဲ့ကို ဆန့်ကျင်သူများဖြစ်နိုင်ပါသည်။

မြန်မာနိုင်ငံမှ အာဏာပိုင်များသည် ၂၀၁၃ ခုနှစ် ဒီဇင်ဘာလ ၁၁-၂၂ ထိပြုလုပ်မည့် အရှေ့တောင်အာရှ အားကစားပွဲမတိုင်မီ လုံခြုံရေးပြဿနာကို ဖြေရှင်းနိုင်ရေးအတွက် ဖိအားများတိုးလာနေပါသည်။

Author Name

Contact Form

Name

Email *

Message *

Powered by Blogger.