မျက်မှောက်နိုင်ငံရေးဇာတ်ခုံထက်မှာ အချိန်မတန်သေးတဲ့ သာမညကိစ္စရပ်တွေကို အဓိကကိစ္စ ရပ်တွေရယ်လုိ့ လှုံ့ဆော်ပြောဆိုလုပ်ကိုင်နေတဲ့အုပ်စု (၂)စုရှိတယ်။ ဒီလူတွေဟာရည်ရွယ်ချက်ရှိရှိနဲ့ဖြစ်စေ၊ မသိလိုပဲ ဖြစ်စေ တို့တိုင်းပြည်ဒီမိုကရေစီကို ဇာတ်မျှောကြီးဖြစ်အောင် အချိန်ကြန့်ကြာအောင်လုပ်ဆောင်နေသူတွေဖြစ်တယ်။
ပထမအုပ်စုကတော့ စစ်ကျူငုတ်တွေပဲ။ စစ်ကျူငုတ်တွေဆိုလို့ တပ်မတော်သားအားလုံးကိုသိမ်းကျူံးပြောတာမဟုတ် ဘူး။ ကိုယ်ကျိုးစီးပွားအတွက် စစ်အာဏာရှင်စနစ်ကို ဖက်တွယ်ထားလိုတဲ့ မရယူမပိုင်ဆိုင်အပ်တဲ့အာဏာနဲ့ပစ္စည်းဥစ္စာ တွေကို စွန့်လွှတ်ရမှာစိုးရိမ်တဲ့ စစ်အာဏာရှင်အမြစ်ကြွင်းအမြစ်အကျန်တွေဖြစ်တယ်။ သူတို့ကိုဒီမိုကရေစီ ရဲ့ဖျက်မြင်းတွေလို့ခေါ်ရင်လည်းမမှားဘူး။ သူတို့ဟာရည်ရွယ်ချက်ရှိရှိနဲ့ အများပြည်သူတွေလွယ်လွယ်နားယောင်တတ် တဲ့ ကိစ္စတွေကိုခုတုံးလုပ်ပြီး ဒီမိုကရေစီခရီးကိုကမောက်ကမဖြစ်အောင်လုပ်ဆောင်တတ်ကြတယ်။ ဥပမာပြောရရင် ဘာသာရေး၊လူမျိုးရေးကိစ္စတွေကိုအသုံးချပြီး၊ သွေးထိုးလှုံ့ဆော်ပြီး ညီညွှတ်ရေးပျက်ပြားအောင် ဒီမိုကရေစီအင်အားစု တွေကို ပြည်သူကအထင်အမြင်မှားအောင် ခြေထိုးကြလိမ့်မယ်။

သူတို့ဟာ(၂၀၁၅)ခုနှစ်အထွေထွေရွေးကောက်ပွဲကိုရည်ရွယ်ပြီး ဒေါ်အောင်ဆန်းစုကြည်ဦးဆောင်တဲ့အမျိုးသားဒီမိုက ရေစီအဖွဲ့ချုပ်ကို ပြည်သူထောက်ခံမှုလျော့ပါးအောင်၊ မဲပြားအောင်၊ အမတ်ဦးရေနည်းနိုင်သမျှနည်းအောင် စနစ်တကျ နဲ့ ငွေကုန်ကြေးကျခံပြီး ကြိုတင်စီမံဆောင်ရွက်နေကြတာဖြစ်တယ်။ တနည်းအားဖြင့်ပြောရရင် ပြည်သူတွေကရွေး ချယ်တင်မြှောက်တဲ့ စစ်မှန်သောပြည်သူ့အစိုးရတရပ် မပေါ်ပေါက်လာအောင် ကြံစည်ဖျက်စီးနေတာပဲ။ သူတို့ဟာ (၂၀၁၅)အလွန်နိုင်ငံရေးအတွက် စီမံကိန်းတွေရေးဆွဲပြီးပြီးလို့ ယူဆရတယ်။
ဒီနေရာမှာဖြတ်ပြောချင်တာက စာရေးသူဟာ(NLD) ပါတီဝင်မဟုတ်သလို တခြားဘယ်အဖွဲ့အစည်းရဲ့ ပါတီဝင်မှမ ဟုတ်ဘူးဆိုတာပါ။ ဒီတော့ဘယ်သူ့အတွက်မှ ဘက်လိုက်ရေးနေတာမဟုတ်ဘူး။ တိုင်းပြည်ကောင်းစေချင်တဲ့ စိတ်နဲ့ ရေးသားနေတာဖြစ်ပါတယ်။

ဒုတိယအုပ်စုကတော့ မျိုးချစ်မျက်ကန်း၊ နိုင်ငံရေးမျက်ကန်းတွေဖြစ်တယ်။ ဒီအုပ်စုကပိုပြီးကျယ်ပြန့်တယ်။ ဒီအုပ်စုကြီး အထဲမှာ အရပ်သားတွေပါတယ်။ တိုင်းရင်းသားတွေပါတယ်။ ဒီမိုကရေစီအင်အားစုတွေပါတယ်။ ပြည်တွင်းပြည်ပနိုင်ငံ ရေးသမားတွေပါတယ်။ အစိုးရအမှုထမ်းတွေနဲ့တပ်မတော်သားတွေပါတယ်။ ဂျာနယ်လစ်နဲ့မီဒီယာသမားတွေလည်းပါ တယ်။
အဲ့ဒီအုပ်စုကြီးအထဲက လူအများစုဟာ နှစ်ပေါင်း(၆၀)ကျော် နိုင်ငံရေးအသိနှိမ့်ကျခဲ့ရတဲ့အကျိုးဆက်ကြောင့် စစ်ကျူ ငုတ်တွေရဲ့ထောင်ချောက်အထဲသက်ဆင်းခဲ့ရတာဖြစ်တယ်။ လူ့သဘာဝအတိုင်း ကိုယ့်အရေးကိုယ်သာ ရှေ့တန်းတင် ချင်တာမို့ ဘာသာရေးလို့ဆိုရင်၊ ကိုယ့်ဘာသာပဲကာကွယ်စောင့်ရှောက်ခြင်တယ်။ လူမျိုးရေးဆိုရင်လည်း ကိုယ့်လူမျိုး ကိုယ့်ပြည်နယ်အရေးပဲ ဦးစားပေးချင်ကြတယ်။ တကယ်တော့ဒီကိစ္စတွေအားလုံးဟာ စစ်မှန်တဲ့ပြည်သူ့အစိုးရတရပ် ပေါ်လာခဲ့ရင် ဒီမိုကရေစီနည်းကျအားလုံးဆောင်ရွက်လို့ရပါတယ်။ အခုဟာက ဒီမိုကရေစီစနစ်ရဲ့ဆန့်ကျင်ဘက် (၂၀၀၈)ဖွဲ့စည်းပုံအခြေခံဥပဒေရှိနေတယ်။ ဒီဥပဒေနဲ့ဆို တရားဥပဒေစိုးမိုးရေး လုပ်လို့မရသလို၊ ငြိမ်းချမ်းရေးလည်းမရ နိုင်ဘူး။ ပြည်သူ့အစိုးရတရပ်လည်း ပေါ်လာမှာမဟုတ်ဘူး။ ဒီဖွဲ့စည်းပုံအခြေခံဥပဒေကို ပြည်သူ့ဆန္ဒနဲ့အညီ ဒီမိုကရေစီ စနစ်ကိုအာမခံချက်ပေးနိုင်တဲ့ဥပေဒဖြစ်အောင် ပြင်နိုင်ဖို့ဝိုင်းဝန်းလုပ်ဆောင်ဖို့ဟာ ဒို့နိုင်ငံရဲ့လတ်တလောအရေးတကြီး ကိစ္စရပ်ဖြစ်ပါတယ်။

ညီညီညွှတ်ညွှတ်နဲ့(၂၀၁၅)ရွေးကောက်ပွဲမှာ ပြည်သူ့အစိုးရတရပ်ပေါ်ပေါက်အောင် အခုကတည်း က ဆွေးနွေးတိုင်ပင်ကြရမှာ အရေးအကြီးဆုံးအဓိကတာဝန်ဖြစ်တယ်။
ဆက်ပြီးဒုတိယအုပ်စုအထဲက နိုင်ငံရေးမျက်ကန်းတွေအကြောင်းပြောချင်တယ်။ တစ်ချို့ကရိုးသားတယ်။ သူတို့မြင်တဲ့ အမြင်နဲ့ တိုင်းပြည်ကောင်းစေချင်လို့ ပြောဆိုလုပ်ကိုင်ကြပေမယ့် အဓိကနဲ့သာမညမခွဲတဲ့အခါမှာ မရောင်ရာဆီလူးသ လိုဖြစ်ပြီး အကျိုးမရှိဖြစ်ကြရတယ်။ သူတို့အမြင်မှာ ဒီမိုကရေစီခေတ်ရောက်နေပြီလို့များ ထင်နေကြသလားမသိဘူး။ ဒါ တွေကြောင့်စိတ်ဝမ်းတွေကွဲကြ၊ ညီညွှတ်မှုတွေထိခိုက်ကြရတယ်။

ဒီနေရာမှာဥပမာတစ်ခုပေးချင်တယ်။ လက်လဲကျိုး၊ ခြေထောက်လဲကျိုး၊ မျက်စိလည်းထိခိုက်ထားပြီး၊ ရင်ဝမှာချွန်ထက် တဲ့အရာစူးနစ်နေပြီး သေစေလောက်တဲ့ဒဏ်ရာရနေတဲ့လူနာကို ကုသပေးဖို့မှာ အဓိကအကျဆုံးက ရင်ဝမှာစူးနေတဲ့သံ ချွန်ကိုဆွဲနုတ်ကုသဖို့ပဲ။ (၂၀၀၈)ဖွဲ့စည်းပုံအခြေခံဥပဒေမှာ မြန်မာနိုင်ငံအတွက်တော့ သေစေလောက်တဲ့ရင်ဝမှာစူးနေ တဲ့သံချွန်ကြီးတစ်ချောင်းပဲ။ ကျန်တဲ့လက်ကျိုး၊ ခြေထောက်ကျိုး၊ မျက်စိထိခိုက်တာတွေ္စကို ပစ်ထားရမယ်။ လစ်လျူရှုထားရမယ်လို့ မဆို လိုဘူး။ ဆောင်ရွက်သင့်တာကို အချိန်အခါ အခြေအနေနဲ့အညီ ဆောင်ရွက်ရင်း ညီညွှတ်ရေးမပျက်ပြားအောင် အဓိက ကိစ္စကြီးတွေဖြစ်တဲ့ ဖွဲ့စည်းပုံပြင်ဆင်ရေး၊ ပြည်သူ့အစိုးရတရပ်ပေါ်လာရေး ကိစ္စတွေမထိခိုက်မိအောင် သတိပြုကြရ လိမ့်မယ်။ ကိုယ့်ဖြစ်စေချင်တဲ့ကိစ္စတွေ၊ သာမညကိစ္စတွေအလိုမပြည့်တာနဲ့ (NLD)ကို၊ ဒေါ်အောင်ဆန်းစုကြည်ကို တိုက်ခိုက်တာ ရင်ဝကသံချွန်ကိုဆွဲနှုတ်ကုသနေသူတွေကို ရန်မူတာပဲ။ ကိုယ့်ကိုယ်ကိုသေကြောင်းကြံတာနဲ့အတူတူပဲ ဆိုတာရှင်းရှင်းလင်းလင်းမြင်နိုင်ရမယ်။

အခုဆက်ပြီး နိုင်ငံရေးမျက်ကန်းအုပ်စုအထဲက အစွန်းရောက်၊ ပါတီစွဲ ကြီးသူတွေ၊ အယူအဆစွဲ ကြီးသူတွေအကြောင်း ပြောချင်တယ်။ သူတို့တွေဟာယုံကြည့်ချက်နဲ့ အသက်တွေစွန့် ဘ၀တွေစွန့်ပြီးနှစ်ပေါင်းများစွာနိုင်ငံရေးလုပ်ကိုင်လာကြ သူတွေဖြစ်တယ်။ အများကြီးစွန့်လွှတ်အနစ်နာခံခဲ့ကြသူတွေမို့ သူတို့ကိုအလွန်စာနာမိပါတယ်။
ဒါပေမယ့် ကိုယ့်အကျိုးစီးပွားနဲ့ပါတီအကျိုးစီးပွားယှဉ်လာရင် ပါတီအကျိုးစီးပွားကြည့်ရမယ်။ ပါတီအကျိုးစီးပွားနဲ့ တိုင်း ပြည်အကျိုးစီးပွားယှဉ်လာရင် တိုင်းပြည်အကျိုးစီးပွားဦးထိပ်ထားရမယ်ဆိုတာ စာအုပ်အထဲမှာမထားပါနဲ့။ စကားအဖြစ် ပြောယုံတင်မဟုတ်ပဲ လက်တွေ့ကျင့်သုံးရမှာပါ။ မိမိအကျိုးစီးပွား၊ ပါတီအကျိုးစီးပွားတွေကို စစ်မှန်တဲ့ဒီမိုကရေစီအစိုးရ ပြည်သူ့အစိုးရတရပ်ပေါ်ပေါက်လာရင် ဒီမိုကရေစီနည်းကျတည်ဆောက်ရယူလို့ရပါတယ်။
နောက်တချက်က ပြည်သူဆိုတဲ့စကားရပ်ရဲ့အဓိပ္ပါယ်ဖွင့်ဆိုမှုကို ပြန်လည်သုံးသပ်စေချင်ပါတယ်။ စစ်ကြိုခေတ်၊ ဒုတိ ယကမ္ဘာစစ်အတွင်းက ပြည်သူဆိုတာ အဖိနှိပ်ခံပြည်သူ၊ ဆင်းရဲသားပြည်သူကိုပဲ သတ်မှတ်တာဟာ တိုင်းတပါးကလာ ဖိနှိပ်အုပ်ချုပ်တာမို့ သင့်လျှော်ပါလိမ့်မယ်။ (၂၁)ရာစုရဲ့ပြည်သူဆိုတဲ့စကားရပ်ကို အဓိပ္ပါယ်ကိုဖွင့်ဆိုတဲ့အခါ အဖိနှိပ်ခံ ပြည်သူတွေအပြင် တပ်မတော်သားတွေ၊ ခရိုနီတွေ၊ အရင်ဖိနှိပ်သူတဖြစ်လည်း ပြုပြင်ပြောင်းလဲလိုသူတွေကို ချန်ထား ရစ်ဖို့ သင့်တော်လိမ့်မယ်မဟုတ်ပါဘူး။ သူတုိ့တွေအားလုံးဟာ မြန်မာနိုင်ငံသူ၊ နိုင်ငံသားတွေပါပဲ။ ပြုပြင်ပြောင်းလဲမှုကို လုံးဝမလိုလားတဲ့စစ်ကျူငုတ်တွေကတော့ ကုစားလို့မရနိုင်တဲ့ အသားဆွေး၊ အသားခြောက်တွေမို့ အလိုလိုကွာကျလွင့် ပါးသွားမှာမို့ ထည့်မပြောတော့ပါဘူး။

အခုတဆက်တည်း နိုင်ငံရေးမျက်ကန်းအုပ်စုဝင်ဖြစ်တဲ့ စစ်အာဏာရှင်တဖြစ်လည်း ပြုပြင်ပြောင်းလဲရေးသမားအုပ်စုအ ကြောင်း ပြောချင်ပါတယ်။ ဒီမိုကရေစီဆိုတာငါတို့ကပေးတာလို့ ကျေးဇူးအတင်ခံချင်နေသူတွေဖြစ်တယ်။ တပ်မတော် ရဲ့စေတနာနဲ့ တိုင်းပြည်အတွက်ဒီမိုကရေစီကို လမ်းပြမြေပုံအတိုင်း ပေးနေတယ်လို့ မှားယွင်းစွာယုံကြည်နေသူတွေဖြစ် တယ်။ ယာဂုအိုးကွဲသွားတော့မှ ဘုရားကိုလှူပါတယ်လို့ ကမန်းကတန်းလှူတဲ့သူလိုမဖြစ်စေချင်ပါဘူး။
အမှားကိုအမှားအတိုင်းဝန်ခံဖို့လိုသလိုရိုးသားစွာတောင်းပန်ပြောဆိုပြီး ပြည်သူနဲ့လက်တွဲဖို့လိုပါတယ်။ ပြည်တွင်းကရဟန်းရှင်လူတိုင်းရင်းသားပြည်သူအားလုံးရဲ့ပြင်းပြတဲ့ဆန္ဒအား နိုင်ငံတကာရဲ့စာနာဖေးမစောင့်ကြည့်မှုတွေအောက်မှာ တမင်လွှတ်ချလို့ဖြစ်စေ၊ အတော်တဆလွှတ်ကြလို့ဖြစ်စေ ကွဲသွားတဲ့ရာဂုအိုးကြီးအထဲက အကြွင်းအကျန်ဒီမိုကရေစီယာဂုတွေကို ပြည်သူတွေကိုလှူပါတယ်လို့ပြောပြီး အလှူရှင်လုပ်ချင်ရင် အိုးကွဲအလှူရှင်ပဲဖြစ်မှာပါ။ (၂၀၀၈)ဖွဲ့စည်းအုပ်ချုပ်ပုံအခြေခံဥပေဒေဆိုတဲ့ လှူသူရဲ့မသန့်ပြန့်တဲ့စိတ်စေတနာကိုပြင်ဆင်ပြီးထပ်မံချက်ပြုတ်လှူဒါန်းမှမွန်မြတ်တဲ့ဒီမိုကရေစီယာဂုအလှူမြောက်ပါလိမ့်မယ်လို့ သတိပေးရင်ဒီဆောင်းပါးကိုနိဂုံးသပ်ပါတယ်။
မြန်မာပြည်သူ ပြည်သားအားလုံး ကိုယ်စိတ်နှစ်ဖြာကျန်းမာချမ်းသာကြပါစေ…..အဓိကနဲ့သာမည ခွဲနိုင်ကြပါစေ….။
လေးစားစွာဖြင့်

မင်းကောင်းချစ်။
(၁၂.အောက်တိုဘာ.၂၀၁၃)