12/03/13

စက်ာပူနိုင်ငံတွင် သွားရောက် အလုပ်လုပ်ကိုင်နေသော သခင်သိန်းမောင်(သထုံ)၏မြေး ကိုလွင်ကိုကို (ဗမာ့သားကောင်း)ဦးဆောင် ကာ သခင်လှကြိုင်အတွက် စက်ာပူရောက်မြန်မာ များထံမှ ကောက်ခံရ၇ှိသည့် အလှူငွေ မြန်မာငွေကျပ်ငါးဆယ့်နှစ်သိန်း ရှစ်သောင်းကျပ်တိတိ ကိုသခင်သိန်းမောင်(သထုံ)၏မြေး ကိုယ်စား ရန်ကုန် သို့ခေတ္တ ပြန်လာသည့်သူများက သခင်လှကြိုင်နေထိုင်ရာ ပဲခူးမြို့သို့ ဒီနေ့သွားရောက် လှူဒါန်းခဲ့သည်။

လှူဒါန်းရခြင်း၊အလှူငွေကောက်ခံရခြင်းနှင့် ပက်သက်ပြီးသခင်သိန်းမောင်(သထုံ)၏မြေးကိုလွင်ကိုကိုက
" စက်ာပူစီးတီးဟောက သပြေနု မှာ စုဗူးချပြီးအလှူ ခံတယ်ခြေဥလက်မှတ်ကောက်ရင်းအလှူခံတယ်။စက်ာပူက မြန်မာတွေကစည်းရုံးတယ်။အစ်ကိုဦးဆောင်ပြီး တစ်ခြားသူတွေဝိုင်းအလှူခံပေးတယ်။တိုင်းပြည်အတွက် အနစ်နာခံ ခဲ့တဲ့သူကို ကျေးဇူး ပြန်ဆပ်ချင်တာ။အစိုးကကို အဘကိုတာဝန်ယူ စောင့်ရှောက်စေချင်တယ်လှူတဲ့ငွေတွေကို အဘ ကြိုက်တာလုပ်ပါစေ။တခြား လိုအပ်နေတဲ့ နေရာ တွေ အတွက်ဒို့ ဆက်လုပ်ဦးမှာ "ပာုပြောသည်။


သခင်သိန်းမောင်(သထုံ)၏မြေးကိုလွင်ကိုကိုက ပရပိာတစိတ်ဓာတ်ကို လူတိုင်းမွေးသင့်ကြောင်းကို"ပရပိာတစိတ်က လူတိုင်းမှာရှိသင့်တယ်။အဘက သခင်မို့လို့ဒို့တွေက လှူတာ မာုတ်ဘူး အသက်ကြီးပြီးဒုက္ခရောက်နေလိုက၀ိုင်းကူပေးတာ။ လူတိုင်း ကိုာ်နိုင်သလောက် ပရဟိတ အလုပ်လုပ်စေချင်တယ်။
ကိုယ့် ပတ်ဝန်းကျင်ကောင်းဖို့ ကိုယ့်မှာတာဝန်ရှိတယ်အစိုးရမလုပ် ရင် ဒါ အစိုးရရဲ့သမိုင်းပဲ။ကိုယ်လုပ်ရင် ဒါကိုယ့်သမိုင်းပဲ။"ပာု ပြောသည်။

သခင်လှကြိုင်တွင် ယခုအခါ ပြည်တွင်းပြည်ပမှ လာရောက်လှူဒါန်းသည့် အလှူငွေသိန်း(၈၀)ခန့် ရှိပြီဖြစ်ပြီး ၄င်းက ယင်းအလှူငွေများအား သူ၏စားဝတ်နေရေး အပြင် ဘိုးဘွားရိပ်သာဆောက်လုပ်ရန်လည်းစိတ်ကူးထားကြောင်းဆိုသည်။

သခင်လှကြိုင်အား facebook ကတစ်ဆင့်လူသိများအောင်ဆောင်ရွက်ပေးခဲ့သည့်ပဲခူးမြို့ခံကိုကြည်လင်းက အလှူရှင်များ၏ငွေဖြင့် သခင်လှကြိုင်အတွက် အိမ်ဆောက်လုပ်ပေးရန်စီစဉ်ထားသည်။ သခင်လှကြိုင်အား မွေးရေ ၀န်ကြီးက နေထိုင်ရန်အိမ်နှင့် တစ်လလျှင် ငွေကျပ်ခြောက်သောင်း ထောက်ပံ့မည် ဆိုသော်လည်း ယခုအချိန်ထိ ထောက်ပံ့ခြင်းမရှိသေးကြောင်းသိရသည်။

စောဖိုးခွား

မြန်မာနိုင်ငံရဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးနဲ့ပတ်သက်ပြီး လိုအပ်ချက်အရ သမ္မတဦးသိန်းစိန်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ လွှတ်တော်တို့နဲ့ ၄ ပွင့်ဆိုင်တွေ့ဆုံလိုကြောင်း NLD အမျိုးသား ဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ရဲ့ မေတ္တာရပ်ခံချက်ဟာ အချိန်စောလွန်းနေသေးတဲ့သဘောမျိုး အစိုးရပြောခွင့်ရပုဂ္ဂိုလ် ဦးရဲထွဋ်က တုံ့ပြန်တာနဲ့ ပတ်သက်လို့ NLD က ဒီကနေ့ ကြေငြာချက်ထုတ်ပြန်လိုက်ပါတယ်။ အစိုးရဘက်က တရားဝင်တုံ့ပြန်တာမျိုးမဟုတ်ဘဲ မီဒီယာတွေကတဆင့် ပြန်ကြားရေးဝန်ကြီးဌာန ဒုတိယ ၀န်ကြီးလည်းဖြစ်တဲ့ ဦးရဲထွဋ် အခုလို တုံ့ပြန်ပြောဆိုနေတာဟာ ပြုပြင်ပြောင်းလဲရေးနဲ့ ဒီမိုကရေစီရေးအတွက် အနှောင့်အယှက် ဖြစ်တယ်လို့ NLD ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်းက ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။

၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးနဲ့ ပတ်သက်လို့ လိုအပ်တာတွေကို ဆွေးနွေးတိုင်ပင်ရအောင် နိုင်ငံတော်သမ္မတဦးသိန်းစိန်၊ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ လွှတ်တော်တို့နဲ့ ၄ ပွင့်ဆိုင် တွေ့ဆုံလိုတဲ့ အကြောင်း NLD ဥက္ကဋ္ဌ ဒေါ်အောင်ဆန်းစုကြည်က နိုဝင်ဘာ ၂၃ ရက် နေ့စွဲနဲ့ သမ္မတထံကို မေတ္တာရပ်ခံစာ ပို့ခဲ့တာ ဖြစ်ပါတယ်။

ဒေါ်အောင်ဆန်းစုကြည်ရဲ့ မေတ္တာရပ်ခံချက်နဲ့ပတ်သက်လို့ အခြေခံဥပဒေ လေ့လာသုံးသပ်ရေးကော်မီတီရဲ့ အစီရင်ခံစာထွက်လာပြီးမှ ပြန်လည် စဉ်းစား လုပ်ဆောင်သင့်တယ်လို့ သမ္မတကပြောဆိုတဲ့အကြောင်း နိုဝင်ဘာ ၂၈ ရက် နေ့က ဧရာဝတီသတင်းဌာနရဲ့ မေးမြန်းချက်အပေါ် တုံ့ပြန်ထားတာကို အစိုးရပြောခွင့်ရ ပုဂ္ဂိုလ်လည်းဖြစ်၊ ပြန်ကြားရေးဝန်ကြီးဌာန ဒုတိယ ၀န်ကြီးလည်းဖြစ်တဲ့ ဦးရဲထွဋ်က သူ့ရဲ့ Facebook စာမျက်နှာမှာ ဖော်ပြထားတာပါ။

ဒါ့အပြင် သတင်းမီဒီယာအတော်များများမှာလည်း ဒေါ်အောင်ဆန်းစုကြည်နဲ့ အဲဒီလို တွေ့ဆုံဖို့မလိုတဲ့အကြောင်း ဦးရဲထွဋ်က ပြောဆိုတဲ့အကြောင်း အစောပိုင်းမှာ သတင်းတွေ ထွက်ခဲ့တာ ဖြစ်ပါတယ်။

အပြင်မှာ အဲဒီလို သတင်းတွေ ထွက်နေတာနဲ့ပတ်သက်လို့ NLD က အချက် (၄) ချက်ပါ ကြေညာချက်ကို ဒီကနေ့ ရက်စွဲနဲ့ ထုတ်ပြန်လိုက်တာပါ။ သူတို့အနေနဲ့ ဘာကြောင့် ကြေညာချက် ထုတ်ပြန်ရတယ်ဆိုတာနဲ့ ပတ်သက်လို့တော့ NLD ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်းက အခုလို ရှင်းပြပါတယ်။

“တွေ့ဆုံဖို့ တောင်းဆိုမှုကို တကယ်ဆောင်ရွက်ပေးနိုင်တာက နိုင်ငံတော်သမ္မတပဲ။ အဲဒီတော့ သမ္မတရယ်၊ လွှတ်တော်ရယ်၊ ကာချုပ်ရယ်၊ ဒီလိုတွေ့ဆုံခြင်းအားဖြင့် အကျိုးရှိမယ်၊ ဖွဲ့စည်းပုံအခြေခံ ဥပဒေပြင်ဆင်းခြင်းဟာ ပြဿနာတွေ အများကြီးရှိနိုင်တာဟာ တွေ့ဆုံလိုက်လို့ရှိရင် နည်းသွားမယ်။ ဒါကြောင့်တောင်းဆိုတာ။ သူတို့က အခုက စာနဲ့ ကျနော်တို့ဆီတော့ ဘာမှ မပြန်ပါဘူး။ ဒု-ဝန်ကြီးက ပြောကြားတယ်ဆိုတဲ့သတင်းတွေပေါ်မှာ ကျနော်တို့ တော်တော် စိတ်မကောင်းဖြစ်တယ်။ ဒါဟာ အားလုံးသိနေတယ်၊ လုပ်ဖို့လည်း လိုအပ်နေတာ ရှိရဲ့သားနဲ့ အချိန်တွေကို ရွှေ့နေတယ်လို့ ကျနော်တို့ ခံစားရတယ်။ နောက်တစ်ခုက ပြုပြင်ပြောင်းလဲမှုနဲ့ ဒီမိုကရေစီရေးအတွက်လည်း ဒါဟာ အနှောင့်အယှက်ပဲလို့ ယူဆတယ်။ အဲဒါကြောင့် ကျနော်တို့ ဒီကြေညာချက်ကို ထုတ်တာ။”

အစိုးရဘက်က သူတို့ကို တရားဝင် တုံ့ပြန်ခြင်းမရှိဘဲ ပြောခွင့်ရပုဂ္ဂိုလ်က ပြင်ပ မီဒီယာတွေမှာ အလွတ်သဘော ပြောဆိုနေတာတွေအပေါ် တာဝန်ယူရမှာဖြစ်တယ်လို့ ဦးဉာဏ်ဝင်းက ပြောပါတယ်။

NLD ဥက္ကဋ္ဌ ဒေါ်အောင်ဆန်းစုကြည်ရဲ့ အခုလို ကမ်းလှမ်းချက်ဟာ ပြည်ထောင်စုလွှတ်တော်ကို ကျော်လွန်ပြီး တောင်းဆိုတာ ဖြစ်တဲ့အတွက် မသင့်တော်သေးဘူးလို့ ပြောဆိုမှုတွေရှိနေတာနဲ့ ပတ်သက်လို့လည်း အစိုးရအနေနဲ့ မတွေ့ချင်လို့ တမင် ပြောဆိုတာမျိုး ဖြစ်နိုင်တယ်လို့ ဒေါ်အောင်ဆန်းစုကြည်က သူ့ရဲ့ သြစတေးလျ ခရီးစဉ်အတွင်း ရေဒီယို သြစတြေးလျအသံလွှင့်ဌာနနဲ့ ပြုလုပ်တဲ့ တွေ့ဆုံမေးမြန်းခန်းအတွင်း တုံ့ပြန် ပြောဆိုခဲ့ပါတယ်။

“ဒါကတော့ အဲဒီလို တွေ့ဆုံပွဲကို မလိုလားလို့-လို့ပဲ ကျမကတော့ ဒီလိုပဲ ပြတ်ပြတ်သားသား ပြောရမှာပဲ။ ဘာဖြစ်လို့လဲဆိုတော့ လိုလားလို့ရှိရင် ဒီလို မတွေ့ဆုံစရာအကြောင်း ဘာမှ မရှိပါဘူး။ ဘာဖြစ်လို့လဲဆိုတော့ ပြည်ထောင်စုလွှတ်တော်ကို ကျော်လွှားသွားတယ်လို့၊ မကျော်ချင်ဘူးလို့ ပြောရအောင်လို့ ဒီထဲမှာ လွှတ်တော်ပါဝင်ပြီးသား၊ ပြည်ထောင်စုလွှတ်တော် နာယက ပါရမှာပေါ့။ ပြည်ထောင်စုလွှတ်တော်နာယက ပါပြီးမှ ပြည်ထောင်စုလွှတ်တော်ကို ကျော်သွားချင်လို့-လို့ ပြောစရာအကြောင်းမရှိပါဘူး။ ကျမတို့ရည်ရွယ်ချက်က ပြည်ထောင်စုလွှတ်တော်ကနေပြီးတော့ လုပ်နေတဲ့အလုပ်ကို ပံ့ပိုးဖို့ပါ။ ဒီအလုပ်က ပိုပြီးတော့ ချောမွေ့ဖို့အတွက်ဆိုပြီးတော့ ကြိုတင်ရည်ရွယ်တဲ့အနေနဲ့ တွေ့ဆုံဆွေးနွေးပွဲကို တောင်းဆိုတာ ဖြစ်ပါတယ်။ အဲဒီတော့ ကျမအနေနဲ့ကတော့ ရှောင်ချင်လို့ ရှောင်တာလို့ပဲ ပြောရမှာပဲ။”

ဒီကိစ္စမှာ တပ်မတော်ရဲ့အခန်းကဏ္ဍက အရေးကြီးတဲ့အတွက် သူတို့အနေနဲ့ ၄ ပွင့်ဆိုင် တွေ့ဆုံဆွေးနွေးရေးပြုလုပ်ဖို့ တောင်းဆိုနေတာ ဖြစ်တဲ့အကြောင်း ဒေါ်အောင်ဆန်းစုကြည်က ဆက်ပြောပါတယ်။

“အဲဒီတော့ အခုနကပြောသလိုပဲ၊ တပ်မတော်ရဲ့ကဏ္ဍကလည်း သိပ်ပြီးတော့ အရေးကြီးပါတယ်။ ဒါကြောင့်မို့လို့ ကျမတို့က လေးပွင့်ဆိုင်ဆိုတာ တကယ်တော့ ပြောရမယ်ဆိုရင် အုပ်ချုပ်ရေးမဏ္ဍိုင်ရယ်၊ လွှတ်တော်ဆိုတာတော့ ဥပဒေပြု မဏ္ဍိုင်ရယ်၊ နောက်ပြီးတော့တပ်မတော်ရယ်၊ ကျမတို့ကတော့ နိုင်ငံရေးပါတီ တစ်ခုဆိုပြီးတော့ ပါတီ ၅၈ ခုရှိတဲ့အထဲမှာ တစ်ခုတည်းကတွေ့လို့ မသင့်တော်ဘူးဆိုတဲ့ အကြောင်းပြချက်လည်း ကျမ ကြားလိုက်ပါတယ်။ ဒါဟာ ကျမ ဘာသွားသတိရလဲဆိုတော့ ၁၉၉၈ ခုနှစ်လောက်တုန်းက ကျမတို့အနေနဲ့ နဝတနဲ့ NLD နဲ့ တွေ့ဆုံဖို့၊ ဆွေးနွေးဖို့ဆိုပြီးတော့ တောင်းဆိုတဲ့အခါမှာ ဒီလိုသဘောမျိုးနဲ့ တုံ့ပြန်ခဲ့ပါတယ်။ ပါတီပေါင်း ၂၀၀ ကျော်ရှိတာမှာ ပါတီတစ်ပါတီတည်းနဲ့တွေ့လို့ မသင့်တော်လို့ စသဖြင့်ပေါ့နော်- တကယ်တော့ မတွေ့ချင်လို့ မတွေ့တာလို့ပဲ ဒီလိုပဲ ကျမ ပြောရမှာပဲ။”

၂၀၀၈ ဖွဲ့စည်းပုံ ပြင်ဆင်ရေးနဲ့ပတ်သက်လို့ အခုလို အတိုက်အခံ နိုင်ငံရေး ပါတီတွေနဲ့ အုပ်ချုပ်ရေးအဖွဲ့အစည်းတွေအကြား သဘောထား ကွဲပြားမှုတွေ ဖြစ်ပေါ်ပြီး အချိန်ကြန့်ကြာမှုတွေ ဖြစ်ပေါ်နေပေမယ့်လည်း ပြည်သူအများစု ကတော့ ဖွဲ့စည်းပုံကို အမြန်ဆုံး ပြင်ဆင်ပြီး တိုင်းပြည်အတွက် အရေးကြီးတဲ့ တခြား ပြုပြင်ပြောင်းလဲမှုနဲ့ ဖွံ့ဖြိုးရေးလုပ်ငန်းတွေကို အမြန်ဆုံး လုပ်ဆောင်လိုနေကြတာ ဖြစ်ပါတယ်။

NLD ကတော့ လွန်ခဲ့တဲ့ လပိုင်းအတွင်း စတင် ပြုလုပ်ခဲ့တဲ့ ဖွဲ့စည်းပုံ အခြေခံ ဥပဒေ ပြင်ဆင်ရေး၊ အသစ်ရေးဆွဲရေးဆိုင်ရာ လူထု သဘောထား ကောက်ခံမှုတွေက ရရှိလာတဲ့ စစ်တမ်းတွေကို အခုလအတွင်း လွှတ်တော် အခြေခံဥပဒေ လေ့လာသုံးသပ်ရေးကော်မီတီကို တင်သွင်းမယ်လို့ ပြောပါတယ်။

Voa burmese

ဓါတ်ပုံ ..Lwinmay Thein
(WA Today မှ 1 Dec 2013 ရက်စွဲပါ “Suu Kyi concludes first Australian visit” သတင်းကို ဘာသာပြန်ဆိုသည်)

မြန်မာအတိုက်အခံခေါင်းဆောင် ဒေါ်အောင်ဆန်းစုကြည်သည် သူမ၏ ပထမဆုံး သြစတြေးလျ အလည်အပတ် ခရီးတွင် သြစတြေးလျနိုင်ငံ၏ ခိုလှုံခွင့်ဆိုင်ရာမူဝါဒအပေါ် အကြံဥာဏ်ပေးမှုနဲ့ ပြုလုပ်ခဲ့သော်လည်း နိုင်ငံရေး ခေါင်းဆောင်များထံမှ အရင်းနှီးဆုံး ဆုတောင်းစကားများဖြင့် ပြီးဆုံးသွားပြီ ဖြစ်သည်။

မြန်မာနိုင်ငံမှ နိုင်ငံရေးခိုလှုံခွင့်တောင်းသူများ သြစတြေးလျားတွင် မွေးဖွားသည့်ကလေးနှင့် ပတ်သက်သည့် ကိစ္စအပေါ် သူမအား မေးမြန်းသောအခါ တရားစီရင်ရေးသည် ဂရုဏာကြောင့် ပျော့ပြောင်းမှုရှိရမည်ဟု သူမက ဆစ်ဒနီ တွင် ပြောကြားခဲ့ခြင်းဖြစ်သည်။

သို့သော် သူမ၏ ကျန်ခရီးစဉ်တစ်လျှောက်လုံးတွင် မြန်မာနိုင်ငံ၏ ဒီမိုကရေစီအားကောင်းခိုင်မာအောင် ကြိုးစားမှုအတွက် သြစတြေးလျား ဖက်ဒရယ်အစိုးရ၏ ချီးကျူးဂုဏ်ပြုမှုကို ခံယူခဲ့ရသည်။

သြစတြေးလျား ဝန်ကြီးချုပ် တိုနီအက်ဘော့ က သူမအား ဒီမိုကရေစီ၏ စံနမူနာဟု ပြောဆိုလိုက်သည်။

“သူမဟာ တိုင်းပြည်အတွက် ပေးဆပ်ခဲ့တယ်။ ဒီမိုကရေစီလွတ်လပ်ခွင့်အပေါ် ယုံကြည်ချက်အတွက် ပေးဆပ်ခဲ့ တယ်” ဟု တိုနီအက်ဘော့ က ပြောကြားသည်။

အလားတူပင် နိုင်ငံခြားရေးဝန်ကြီး ဂျူလီဘစ်ရှော့ ကလည်း သူမ နိုင်ငံရေးထဲရောက်လာအောင် လှုံဆောင်ပေး သူမှာ ဒေါ်အောင်ဆန်းစုကြည် ဖြစ်သည်ဟု ပြောကြားပါသည်။

ဒေါ်အောင်ဆန်းစုကြည်ကမူ သူမအပေါ် ချီးကျူးပြောဆိုမှုများကို ပြန်လျှော့သည့်အနေဖြင့် “ကျွန်မက သူတော်စင်မဟုတ်သလို၊ စံပြပုဂ္ဂိုလ်လည်းမဟုတ်ပါဘူး။ ကျွန်မကိုယ်ကျွန်မ နိုင်ငံရေးသမားတစ်ယောက် လို့ပဲမြင်ပါ တယ်။ ဒါပေမယ့် ရိုးသားဖြောင့်မတ်တဲ့ နိုင်ငံရေးသမားမျိုးတော့ ဖြစ်ရမယ်” ဟု ပြန်လည်ပြောကြားခဲ့သည်။

ဒေါ်အောင်ဆန်းစုကြည်က စစ်အုပ်ချုပ်ရေးကို ခွာချနေသော မြန်မာနိုင်ငံအပေါ် ရေရှည်အမြင်ဖြင့် ကြည့်ရန် သြစတြေးလျားနိုင်ငံကို တိုက်တွန်းသည်။

“သြစတြေးလျအစိုးရတင် မဟုတ်ပါဘူး။ အစိုးရ တော်တော်များများဟာ မြန်မာနိုင်ငံမှာ လောလောဆယ် ဘယ်သူအာဏာရှိသလဲဆိုတဲ့အပေါ် ယေဘူယျအားဖြင့် ကြည့်နေကြတယ်လို့ ထင်ပါတယ်။ ဒါပေမယ့် ကျွန်မ ပြောတဲ့ အတိုင်း ရေရှည်ကြည်တာက ပိုပြီးကောင်းပါတယ်” ဟု သူမကပြောကြားသည်။

ဒေါ်အောင်ဆန်းစုကြည် တနင်္ဂနွေနေ့ မယ်လ်ဘုန်း တွင် ကမ္ဘာ့ AIDS နေ့ အထိမ်းအမှတ် အခမ်းအနားတွင် မိန့်ခွန်းပြောကြားကာ သူမ၏ သြစတြေးလျားခရီးစဉ်ကို အဆုံးသတ်ခဲ့သည်။

Yangon chronicle

ပွဲစား
အိမ်ပွဲစား၊ ခြံပွဲစား၊ တိုက်ပွဲစား၊ ကားပွဲစား၊ ကျောက်ပွဲစား၊ စိန်ပွဲစား၊ ရွှေပွဲစား စသဖြင့် ပွဲစားများ သည် ယခင်ခေတ်အဆက်ဆက်တွင် ပေါ်ထွန်းလာသော လူ့အဖွဲ့အစည်းအတွင်းရှိ ပွဲစားများဖြစ်သလို ယခု ခေတ်ကာလတွင် လက်နက်ပွဲစား၊ လူပွဲစား၊ ငြိမ်းချမ်းရေးပွဲစား ဟူ၍ ပေါ်ပေါက်လာပြန်သည်။ အမှန်စင်စစ် ပွဲစားဟူသည် အကျိုးဆောင်ပေးသော လုပ်ငန်းတစ်ရပ်ဟု အဓိပ္ပါယ်ခေါ်ဆိုနိုင်သည်။ လူ့လောကတို့တွင် လူ့ကျင့်ဝတ်၊ လူ့စည်းကမ်းဟူ၍ တိုင်းနိုင်ငံ၊ အဖွဲ့အစည်းများ၊ အသင်းအဖွဲ့များလည်း စည်းမျဉ်းစည်းကမ်း ဥပဒေသများရှိခဲ့သလို ပွဲစားလောကတွင်လည်း ပွဲစားများစောင့်ထိန်းရမည့် ကျင့်ဝတ်စည်းကမ်းများရှိခဲ့ ကြောင်းသိရှိခဲ့ရသည်။ ယင်းတို့သည် ရောင်းသူနှင့်ဝယ်သူတို့ အဆင်ပြေချောမွေ့ရန် လုပ်ဆောင်ရာတွင် ရောင်းသူ၏ ကုန်ပစ္စည်းများအားလည်း ကြားမှနေ၍ အမြတ်တင်ရောင်းချခြင်း မပြုလုပ်ရ ပွဲစားတို့သည် ထိုက်သင့်သော အခကြေးငွေကိုသာ ယူဆောင်ခွင့်ရှိသည်။ မတရားလောဘစိတ်ဖြင့် မိမိ၏ ဆောင်ရွက်ခွင့် အဖိုးအခကိုမြှင့်တင်၍ မယူဆောင်ရ။ လူတစ်ဦးနှင့်တစ်ဦး လုပ်ဆောင်သော လုပ်ဆောင်မှုများအား အဆင် ပြေစေရန် မိမိမှ လူသားချင်းစာနာစိတ်ဖြင့် ဆောင်ရွက်ပေးရသော လုပ်ငန်းတစ်ရပ်ဖြစ်သည်။ ထို့ကြောင့် ပွဲစားလောကတွင်လည်း မဇ္ဈိမပဋိပဋာစိတ်မွေးဖွားပြီး လူသားချင်းစာနာစိတ်ဖြင့် ဆောင်ရွက်ပါက ကုသိုလ် ကြံဖန်၍ရမည့် ပရဟိတလုပ်ငန်းတစ်ရပ်အဖြစ်လည်း ခံယူနိုင်မည်ဖြစ်သည်။ သို့တည်းမဟုတ် မိမိ၏ အတ္တ စိတ်များလွှမ်းခြုံကာ ရောင်းသူနှင့်ဝယ်သူကြား မတရားအမြတ်ထုတ်လိုသော လောဘစိတ်ဖြင့် ဆောင်ရွက် မည် ဆိုပါက မိမိ၏ ဂုဏ်သိက္ခာ၊ မိမိ၏သမိုင်း၊ မိမိ၏ မှတ်ကျောက်တို့ ပြိုပျက်ကာ သံသရာဝဋ်ဆင်းရဲ ဘဝမှလွတ်ကင်းမည် မဟုတ်သလို အပယ်ဘုံမှလည်း ကျွတ်ဖို့လမ်း ရှိမည်မဟုတ်ချေ။
အမှန်စင်စစ် ပွဲစား ဟူ၍ ပေါ်ပေါက်လာရခြင်းမှာ ရောင်းသူ/ဝယ်သူတို့၏ အချိန်မအားလပ်မှု ကြောင့်၊ လုပ်ငန်းသဘောတရား မကျွမ်းကျင်မှုတို့ကြောင့် ပေါ်ပေါက်လာသော လူအဖွဲ့အစည်းတစ်ရပ်ပင် ဖြစ်သည်။ ထို့ကြောင့် ပွဲစားဟူသည် အတ္တများကိုဖြုတ်၍ မှန်မှန်ကန်ကန် မဇ္ဈိမပဋိပဋာလမ်းစဉ်အား ကျင့် သုံးလိုက်နာပြီး မိမိအား ရောင်းသူဝယ်သူတို့မှ သဒ္ဒါကြေး၊ မေတ္တာကြေးကိုသာ လက်ခံရယူလျှင် ပရဟိတ ပွဲစားဟူ၍ပင် ခေါ်ဆိုနိုင်ပေလိမ့်မည်။
သို့သော် ယခုခေတ်ကာလ အတိုင်းအတာအရ စီးပွားရေး ကပ်ဘေးအမျိုးမျိုး၊ လူမှုရေး ကပ်ဘေး အမျိုးမျိုး၊ ငြိမ်းချမ်းရေး ကပ်ဘေးအမျိုးမျိုး၊ သဘာဝဘေး ကပ်ဘေးအမျိုးမျိုး ကြုံတွေ့နေရသောကြောင့် ပွဲစားတည်းဟူသော လောကတွင်လည်း လောဘ၊ ဒေါသ၊ မောဟများ လွှမ်းခြုံခံရမှုတည်းဟူသော အဓမ္မဝါဒီများ ဆုပ်ကိုင်ထားသော အတ္တသမားများ ပေါ်ပေါက်လာခဲ့ရပါသည်။ သို့ရာတွင် အကျိုးဆောင် ပေးမှုတည်းဟူသော စကားလုံး၏ တန်ဖိုးအား တန်ဖိုးမြှင့်တင်ရန်၊ တန်ဖိုးရှိရန်၊ နတ်လူအပေါင်း သာဓုခေါ် ဆိုနိုင်ရန်အတွက်မှု မိမိတို့ အကျိုးဆောင်ပေးမှု လုပ်ငန်းသည် လူသားတို့အတွက်၊ ကမ္ဘာ့ပြည်သူတို့ အတွက်၊ မြန်မာပြည်သူပြည်သားများအတွက် အကျိုးရှိသော၊ တန်ဖိုးရှိသော သာဓုခေါ်ဆိုနိုင်သော လုပ်ငန်းရပ်ဖြစ်ဖို့ အရေးကြီးသည်။
လောဘ၊ ဒေါသ၊ မောဟများကြောင့်၊ လူပွဲစား၊ လက်နက်ပွဲစား၊ ငြိမ်းချမ်းရေးပွဲစားများ ပေါ်ပေါက် လာခဲ့သည့်အပြင် ကျွန်တော် တစ်ကြိမ်တစ်ခါမှ မမျှော်လင့်ခဲ့သော၊ မထင်မှတ်ခဲ့သော၊ ပွဲစားလုပ်ငန်း တစ်ရပ် ပေါ်ပေါက်လာပြန်တော့သည်။ ယင်းပွဲစားသည်ကား “မသာပွဲစား … အသုဘပွဲစား … လူသေ ပွဲစား … နာရေးပွဲစား” ဟူ၍ပင် ဖြစ်တော့သည်။ လူသားတစ်ယောက် ကမ္ဘာမြေပြင်ကိုရောက်ရှိပြီး ကမ္ဘာ မြေပြင်မှ ထွက်ခွာသွားချိန်တွင် ဝမ်းနည်းပူဆွေးသောကများဖြင့် အပူမီးများ လွှမ်းခြုံခံနေရသော လူတို့ထံမှ လူသားချင်းစာနာစိတ်မွေးဖွား၍ ကူညီဖေးမကာ အပူမီးများ ငြိမ်းအေးပေးရမည့်အစား ထိုအပူသည်၊ ဒုက္ခ သည်တို့ထံမှ မညှာမတာ လူသားချင်းစာနာစိတ် မထားဘဲ လူစိတ်ပျောက်ကာ မိမိရလိုမှုတည်းဟူသော လောဘစိတ်တို့ဖြင့် အမြတ်ထုတ်ကြသည့် လောဘသားများ၊ အတ္တသမားများ၊ အဓမ္မဝါဒီသမားများ၊ လူစိတ်ပျောက်နေသည့် သူတို့ပင် ဖြစ်တော့သည်။
ကျွန်တော်တို့ နာရေးကူညီမှုအသင်း(ရန်ကုန်)အနေဖြင့် လူတစ်ယောက် သေဆုံးသွားသည့်အခါ နာရေးရှင် မိသားစုတို့ဘက်မှ သက်ဆိုင်ရာဆရာဝန်၏ အမှန်တကယ်သေဆုံးကြောင်း ထောက်ခံစာ၊ ထို ရပ်ကွက်မှာ နေထိုင်ကြောင်း ရပ်ကွက်အုပ်ချုပ်ရေးမှူးရုံးမှ ထောက်ခံစာ၊ မြို့နယ်ဒေသန္တရဆေးခန်း၏ ထောက်ခံစာ (သေဆုံးကြောင်း အမှတ်စဉ်နံပါတ်ပါရှိသည်။) စသည့် အထောက်အထားများပြည့်စုံလျှင် ကျွန်တော်တို့ နာရေးကူညီမှုအသင်း(ရန်ကုန်) အမှတ် (၁၃/က)၊ ဗိုလ်မှူးဗထူးလမ်း၊ ၄၂ ရပ်ကွက်၊ မြောက်ဒဂုံမြို့နယ်၊ ရန်ကုန်မြို့၊ ဖုန်း - ၇ဝ၉၂၇၇၊ ၇ဝ၄၇၈၄၊ ဝ၉ ၃၁ဝ ၄၃၉၁၅၊ ၅၈၁ ၉၂၄ များအား ဆက်သွယ်လျှင် အသင်းရုံးချုပ်ရှိရာမှ နိဗ္ဗာန်မော်တော်ကားမောင်းသူ၊ ယာဉ်နောက်လိုက်တို့နှင့်အတူ အသင်းသူ/သားတစ်ဦး အနည်းဆုံးလိုက်ပါကာ သေဆုံးသူ၏ နေအိမ် (သို့) ဆေးရုံရှိရာသို့ အမြန်ဆုံးလာ ရောက်ကာ ကွယ်လွန်သူ၏ရုပ်ခန္ဓာအား နိဗ္ဗာန်ယာဉ်မော်တော်ကားဖြင့် သက်ဆိုင်ရာသုဿန်များသို့ ပို့ဆောင်ပေးပြီး ကျန်ရစ်သူမိသားစု၏ ဆန္ဒအရ တိုက်ရိုက်မီးသင်္ဂြိုဟ်ပေးခြင်း (သို့) အအေးခန်းထားပေး ခြင်းတို့ကို (အခမဲ့) ဝန်ဆောင်ပေးမှုတို့အား လုပ်ဆောင်ပေးလျှက်ရှိသည်။ အအေးခန်းထားရှိပါက (၃) ရက်စာ အအေးခန်းထားခ ကုန်ကျငွေအား ရန်ကုန်မြို့စည်ပင်သာယာအဖွဲ့သို့ ကျွန်တော်တို့အသင်းမှ ကာယကံရှင် မိသားစုများကိုယ်စား နာရေးအကူငွေအဖြစ် ကုသိုလ်ဖြစ်ဆောင်ရွက်ပေးခဲ့ကာ မီးသင်္ဂြိုဟ်ခ ကုန်ကျစရိတ်အားလည်း အကူငွေအဖြစ် ပေးဆောင်ကုသိုလ်ယူလျှက်ရှိသည်။ အအေးခန်းထားပြီးသင်္ဂြိုဟ် မည့် နေ့ရက်တွင်ခန်းမငှားခြင်း၊ ဂူသွင်းခြင်းတို့ကိုမူ နာရေးရှင်များမှ ပေးဆောင်စေခဲ့သည်။ ကျွန်တော်တို့ နာရေးကူညီမှုအသင်း(ရန်ကုန်) အသင်းအဖွဲ့အနေဖြင့် အများပြည်သူတို့မှ စေတနာထက်သန်စွာဖြင့် လှူဒါန်းထားသော အလှူငွေတို့အား အပူမီးများ လွှမ်းခြုံခံနေရသော အများပြည်သူအပေါင်းတို့အား ကူညီ ဖေးမအားပေးမှုများကို စိတ်စေတနာသန့်စွာဖြင့် အနစ်နာခံကာ လူသားချင်းစာနာစိတ်များ မွေးဖွားကာ ဆောင်ရွက်ပေးနေသော ပရဟိတစစ်စစ် အသင်းအဖွဲ့ တစ်ခုဖြစ်ပါသည်။
ဤတွင် လူတစ်ယောက် သေဆုံးသွားပါလျှင် ထိုသေဆုံးသွားသော လူ၏မိသားစုများ မိတ်ဆွေ အပေါင်းအသင်းများမှ နာရေးအတွေ့အကြုံမရှိခဲ့ပါလျှင် အထက်တွင် ကျွန်တော်ဖော်ပြထားသော “မသာ ပွဲစား … အသုဘပွဲစား … လူသေပွဲစား … နာရေးပွဲစား” များတို့သည် လူသားချင်းစာနာစိတ်ကင်းမဲ့စွာဖြင့် အမြတ်ထုတ်ရန် အခွင့်အလမ်းတစ်ရပ် ပေါ်ပေါက်လာခဲ့တော့သည်။ ကာယကံရှင်မိသားစုများထံသို့ ဝင်ရောက်ကာ အားပေးနှစ်သိမ့်သည့် ပုံစံမျိုးဖြင့်ဝင်ခဲ့ပြီး မိမိမှာ နာရေးကိစ္စရပ်များအား အတွေ့အကြုံ များစွာရှိပါကြောင်း။ ထို့ကြောင့် မိမိမှ ဤနာရေးကိစ္စရပ်အား အစအဆုံး ကူညီပေးပါမည်ဖြစ်ကြောင်း၊ နိဗ္ဗာန်ယာဉ်ခေါ်ဆိုခ၊ မီးသင်္ဂြိုဟ်ခ၊ အအေးခန်းထားခ၊ ပန်းအလှပြင်ခ၊ ဆီမီးအမွှေးတိုင်ထွန်းခ၊ ကန်တော့ပွဲ တင်ခ၊ ဘုန်းကြီးပင့်ခ၊ သံဃာတော်များအား ဝတ္ထုငွေလှူခ၊ အလောင်းအား ရေချိုးအလှပြင်ခ၊ အုန်းသီးခွဲ၍ သင်္ဂြိုဟ်ပေးခ၊ စည်ပင်ဝန်ထမ်းများအား စေတနာကြေးငွေပေးခ၊ သင်္ဂြိုဟ်မည့် အခမ်းအနားအား ကြီးကျယ် ခမ်းနားစွာဖြင့် ကျင်းပနိုင်ရန် ခန်းမအတွင်း ကော်ဇောခင်းခ၊ ထိုင်ခုံခင်းခ ဟူ၍ ကာယကံရှင်မိသားစုတို့ ရိုးသားလျှင် ရိုးသားအလျှောက်၊ ‘အ’ လျှင် ‘အ’ သလောက်လုပ်ကြံ၊ လိမ်လည်၊ လှည့်ဖျား၊ သွေးဆောင် ကာ အခကြေးငွေတို့အား ကိုယ်ချင်းစာနာစိတ်မဲ့ကာ မတရားကြေးဟူ၍ အကုသိုလ်ယူခြင်းပင် ဖြစ်တော့ သည်။ ထို့ကြောင့်ကြမ်းတမ်းသော လူမှုဘဝများအား ရင်ဆိုင်ကြုံတွေ့နေရသော၊ လောကဓံတရား လှိုင်းတံ ပိုးများကြား လူးလိမ့်ခံစားနေရသော အပူသည် မိဘပြည်သူများအနေဖြင့် ဟန်ဆောင်မှု၊ လှည့်ဖြားမှု၊ ဖြား ယောင်းမှု၊ သွေးဆောင်မှုများဖြင့် ယုတ်ညံ့သော စိတ်ဓာတ်တို့ဖြင့် မတရားသောနည်းလမ်းဖြင့် ရှာဖွေစား သောက်နေကြသော ထိုထိုသော မသာပွဲစား၊ နာရေးပွဲစား၊ လူသေပွဲစားများအား မိမိတို့ ခံစားနေရသော အပူမီးများ လောင်ကျွမ်းခံရမှု ကြုံတွေ့နေရသော အချိန်ကာလအတွင်း သတိရှိရှိဖြင့် ရင်ဆိုင်ဖြေရှင်းကြဖို့ အရေးကြီးလှပေသည်။ ကျွန်တော်တို့ နာရေးကူညီမှုအသင်း(ရန်ကုန်)မှလည်း စည်ပင်သာယာအဖွဲ့မှ ချမှတ်ထားသော စည်းမျဉ်းစည်းကမ်း များအတိုင်း လိုက်နာကာ အပူသည်နာရေးရှင်တို့အား လုပ်အားပေး လူမှုရေးသမားမောင်မယ်များမှ အသင်း၏ ပေးဆပ်မှုများ၊ တာဝန်ယူမှုများအား သိရှိစေရန် ရှင်းလင်း ပြောကြားခြင်းနှင့် အသင်းမှ ဆောင်ရွက်ပေးမှုများအား ငွေကြေးတစုံတရာပေးဆောင်ရခြင်း မရှိပါကြောင်း ကာယကံရှင်တို့အား လက်မှတ်ရေးထိုးစေမှုများအား သက်သေ အထောက်အထားဖြင့် ကူညီဖေးမမှုများကို လုပ်ဆောင်ပေးလျှက်ရှိသည်။ သို့ရာတွင် အချို့သော နာရေးပွဲစားများသည် သူတို့အိတ်ထဲသို့ ထည့်သွင်း လိုက်သော ငွေကြေးတစုံတရာအား ကျွန်တော်တို့အသင်းအား ပေးဆောင်ရသည်ဟူ၍ ထင်ယောင်ထင် မှား ဖြစ်စေရန်၎င်း၊ ကျွန်တော်တို့အသင်းမှ သဘာဝပတ်ဝန်းကျင်သစ်တော ထိန်းသိမ်းမှုအတွက်၎င်း၊ ငွေကြေးချွေတာမှုကြောင့်၎င်း ကွယ်လွန်သူအား အလူမီနီယမ်အခေါင်းဖုံးဖြင့် တစ်နည်း မှန်ခေါင်းဖြင့် ပြင်ဆင်ပေးပြီးသည့်နောက် မီးသင်္ဂြိုဟ်စက်တွင်းသို့ သေဆုံးသွားသူတို့၏ ရုပ်အလောင်းအား ထည့်သွင်းပြီး သည့်နောက် သင်္ဂြိုဟ်စက်အတွင်းတွင် သစ်သားကဒ်ဖြင့် ရုပ်အလောင်းအား မီးသင်္ဂြိုလ်ပေးခြင်းတို့ကို ဆောင်ရွက်ခဲ့သော်လည်း ကျန်ရစ်သူ ကာယကံရှင် မိသားစုတို့အား “ခင်ဗျားတို့ရဲ့ အဖိုး၊ ဦးလေး၊ အဒေါ် တို့ရဲ့ နောက်ဆုံးသင်္ဂြိုဟ်ပေးမှုကို ပက်လက်ကြီး သင်္ဂြိုဟ်မှာလား” ဟူ၍၄င်း၊ “အခေါင်းလေးနဲ့ ဆိုရင်ပိုပြီး တင့်တယ်ပါတယ်ဗျာ” ဟူ၍ တစ်နည်း သစ်သားခေါင်းဝယ်ရန် သွေးဆောင်ဖြားယောင်း လှည့်စားမှုများ ပြုလုပ်ကာ အခေါင်းရောင်းဆိုင်မှ ကော်မရှင်ရယူခြင်း ကာယကံရှင်တို့မှ အခေါင်းဖိုးအား အဆမတန် ဈေးမြှင့် တောင်းဆိုခြင်းများကို ပြုလုပ်လေ့ရှိသည်။ ထို့အပြင် အဆိုးဝါးဆုံးသော လုပ်ရပ်တစ်ခုမှာ လူမှုရေး လုပ်ငန်း လုပ်ဆောင်မှုအားအသုံးချကာ ထိုထိုသော နာရေးပွဲစားများ၊ မသာပွဲစားများဖြင့်ပူးပေါင်း၍ သင်္ဂြိုဟ်ပေးရမှု အလောင်းဦးရေ စံချိန်ချိုးရမှုများကို လုပ်ဆောင် ကြသော အသင်းများလည်းရှိပါသည်။ ထိုကဲ့သို့သော အသင်းအဖွဲ့များနှင့် ပါတ်သက်မိသော နာရေးကာယကံရှင် များအနေဖြင့်(အခမဲ့) သင်္ဂြိုဟ် ပေးခွင့်ရခဲ့သော်ငြားလည်း တကယ်တမ်း ကုန်ကျငွေများသည် (အခမဲ့) မဟုတ်ချေ။ ထို နာရေးပွဲစား များနှင့် ချိတ်ဆက်ထားသော အသင်းအဖွဲ့အနေဖြင့်( အခမဲ့) ကူညီပေးခဲ့သော်လည်း နာရေးပွဲစား များ၏ စည်းရုံးလှည့်ဖြားမှုတို့ကြောင့် အခေါင်းဝယ်စရိတ်၊ ပန်းပြင်ဆင်စရိတ်၊ လူစီးကားငှားစရိတ်၊ ဘုန်းကြီးပင့် ဝတ္ထုငွေစရိတ်တို့အား ညှိနှိုင်းဈေးများဖြင့် အနည်းဆုံး(သုံးသောင်း) မှ (တစ်သိန်း)ခန့် ကုန်ကျတော့မည် ဖြစ်ပေသည်။ နဂိုကတည်းက မိမိတို့၏ စားဝတ်နေထိုင်ရေးအရ မီးသင်္ဂြိုဟ်စရိတ်မတတ်နိုင်၍ (အခမဲ့) ကူညီသည် ဟူသော ကူညီမှုအသင်းများကို အကူအညီတောင်းခါမှ ကုန်ကျငွေများ ထပ်မံကုန်ကျရသည့် အတွက် နာရေးရှင်များအနေဖြင့် ဘဝရပ်တည်မှုများ နိမ့်ပါးသည်ထက် နိမ့်ပါးကုန်ကြရတော့သည်။ ထို့ကြောင့် နာရေးကိစ္စသော်၎င်း၊ ကျန်းမာရေးကိစ္စသော်၎င်း၊ ပညာရေးကိစ္စသော်၎င်း၊ သဘာဝဘေးကိစ္စ သော်၎င်း အကူအညီတောင်းခံကြမည့် အပူသည် ဒုက္ခသည်များအနေဖြင့် မိမိတို့ အကူအညီတောင်းခံ ကြမည့် လူမှုရေးအသင်းအဖွဲ့များ၏ လုပ်ဆောင်ချက်များ၊ ပေးဆပ်ခဲ့မှုများ၏ သမိုင်းရာဇဝင် အချက် အလက်များအား သိရှိထားရန်လိုအပ်ပေသည်။ အများပြည်သူတို့အား အမှန်တကယ် အနစ်နာခံ၍ ပေးဆပ်ကူညီဖေးမခဲ့သော အသင်းအဖွဲ့ဟုတ်မဟုတ်၊ အများပြည်သူတို့အား ကူညီသယောင်ယောင်ဖြင့် ကိုယ်ကျိုးရှာ နာမည်ကြီးချင်သော ပရဟိတအမည်ခံ အတ္တသမားများဟုတ်မဟုတ် အများပြည်သူတို့ အနေဖြင့် လေ့လာသုံးသပ်ထားဖို့ အချိန်တန်ပြီဖြစ်တော့သည်။
ကျွန်တော်အနေဖြင့် ကျွန်တော်တို့၏ ပရဟိတတည်းဟူသော လုပ်ငန်းရပ်ကြီးအား အများပြည်သူ တို့အား ထဲထဲဝင်ဝင်၊ လေးလေးနက်နက်၊ ဖိဖိစီးစီး ကူညီဖေးမပေးမှုများ လုပ်ကိုင်နိုင်ရန်အတွက် နာရေး ကူညီမှုအသင်း(ရန်ကုန်)ရှိ ဝန်ထမ်းများအား သတိပေးစာသားဆောင်ပုဒ်အား နာရေးဝန်ထမ်း (ယာဉ် မောင်း/နောက်လိုက်)များ နေ့စဉ်တွေ့မြင်နိုင်သော တာဝန်ကျနေရာချိတ်ဆွဲထားသည်။ ယင်းဆောင်ပုဒ်မှာ
ရဲ ဘော် တို့
‘ ငို ’ မ ပြ နဲ့ . . . ‘ ကြွေ ’ မ ပြ နဲ့
‘ လမ်း ကြောင်း ’ ရင် . . . ‘ လိုင်း ပြောင်း ’ သွား မယ်။
‘ ဂွ င် ဖန်’ ရင် . . . ‘ အ နှ င် ခံ ’ ရ မယ်။
ဒါဘဲ
ကျော်သူ
ထို့အပြင် အသင်းသို့ ကိုယ်တိုင်ကိုယ်ကျလာရောက်၍ အကူအညီတောင်းကြသော နာရေးရှင်များ သိရှိရန်အတွက်လည်း အောက်ပါစာသားအား ကျွန်တော်၏ လက်ညိုးထိုးထားသောပုံဖြင့် ချိတ်ဆွဲထား ရတော့သည်။

“မ သာ ပွဲ စား မ လာ ရ”
ပုံ / ကျော်သူ
ကျွန်တော်သည် ပရဟိတလုပ်ငန်းများအား လုပ်ဆောင်ခဲ့သည်မှာ (၁၃) နှစ်တာကာလသို့ ရောက်ရှိလာခဲ့သည်နှင့်အညီ ပရဟိတသမားများ၊ လူမှုရေးအသင်းအဖွဲ့များအား စစ်မှန်သောပရဟိတ၊ တန်ဖိုးရှိသောပရဟိတ၊ ပြည်သူများ၏ပရဟိတ၊ လူသားတိုင်း၏ပရဟိတ ဟူသော မှတ်ကျောက် အတင်ခံ နိုင်ရန်အတွက် ညီနောင်ပရဟိတသမားများ၊ လူမှုရေးအသင်းအဖွဲ့များအား ထိုကဲ့သို့သော ပရဟိတ လောကအား နာမည်ဖျက်မည့် ပွဲစားများနှင့် ပါတ်သက်မှုမရှိစေဘဲ စီးပွားရေး၊ နိုင်ငံရေးသမားများ၏ အနု နည်းဖြင့် စည်းရုံးသိမ်းသွင်းမှု၊ သွေးဆောင်ဖြားယောင်း မှုတည်းဟူသော ပိုးချည်မျှင်မှလွတ်ကင်းနိုင်ရန် သတိဟူသော အသိတရားဖြင့် ရပ်တည်ကြကာ မိမိတို့လုပ်ဆောင် ပေးဆပ်မှုများအား ဗြဟ္မစိုရ်တရား လေးပါး လက်ကိုင်ပြုပြီး အတ္တများဖြုတ်ချကာ အများပြည်သူတို့အား ကူညီဖေးမပေးနိုင်သော လိပ်ပြာသန့် သည့်၊ သိက္ခာရှိသည့်၊ သီလလုံသည့် အများပြည်သူတို့ဘက်မှ မားမားမတ်မတ်ရပ်တည် ပေးဆပ်သွားနိုင် သူများ ဖြစ်ကြစေရန် တိုက်တွန်းနှိုးဆော် လိုက်ရပါတော့သည်။
ပရဟိတ သစ္စာဆိုရဲသည့်
(ကျော်သူ)

Author Name

Contact Form

Name

Email *

Message *

Powered by Blogger.