01/01/14





၃၁.၁၂.၂ဝ၁၃ (အင်္ဂါနေ့) ည (၇း၃ဝ) နာရီအချိန်တွင် နာရေးကူညီမှုအသင်း(ရန်ကုန်)၏ (၁၃) နှစ်ပြည့် နှစ်ပတ်လည်အထိမ်းအမှတ် ပေးဆပ်သူများ၏ (ပထမအကြိမ်) ဓမ္မပူဇာသဘင် အခမ်းအနားအား ကျင်းပပြုလုပ်ခဲ့ရာ ပထမနေ့အဖြစ် သီတဂူဆရာတော် ဘဒ္ဒန္တ ဒေါက်တာ ဉာဏိဿသာရမှ တရားရေအေး အမြိုက်ဆေး တိုက်ကျွေးဟောကြား ချီးမြှင့်တော်မူခဲ့သည်။

(THE LADIES Weekly News Journal Vol 1. N0.95 Dec 29, 2013)
အခုတလော လှုပ်လှုပ်ခတ်ခတ် ဖြစ်နေတဲ့အကြောင်းအရာတစ်ခုကတော့ ဖွဲ့စည်းပုံအခြေခံဥပဒေ ပြင်ဆင်ရေးကိစ္စပါပဲ။ ဒီ အကြောင်းကို ဂျာနယ်တွေမှာရော၊ အွန်လိုင်းမှာနဲ့ အသံ
လွှင့်မီဒီယာများမှာပါ ပြောကြရေးကြတာတွေလည်း ဖတ်ရနားထောင်ရပါသဗျာ။  တစ်ဖက်မှာလည်း အမျိုးသားဒီမိုကရေစီအဖွဲ့ချုပ်က ဖွဲ့စည်းပုံဥပဒေ ပြင်ဆင်ရေး လူထုဆန္ဒခံယူပွဲတွေ နိုင်ငံအနှံ့လုပ်နေပြီး  ဖွဲ့စည်းပုံအခြေခံ ဥပဒေကို ပြင်ဆင်လိုကြောင်း တက်ရောက်ဆန္ဒပြုနေကြတာကိုလည်း မြင်နေကြားနေရပါသဗျ။

အင်း၊ ပြောသူကပြော၊ ရေးသူကရေး၊ နှက်သူနှက်၊ ထုသူထု၊(ဆန္ဒ)ပြုသူကပြုပေမယ့် ပြည်သူများအတွက် နေ့မအားညမအား မီးပန်းတစ်ဖေါက်ဖေါက်နဲ့
အဟုတ်တကယ်မအား၊  (အဲလေ၊ မှားလို့) မညည်းတမ်းတောက်လျှောက် အလုပ်အမယ်များတဲ့အစိုးရမင်းများ သိမှသိ၊ကြားမှကြားရဲ့လားဆိုတာ စဉ်းစားပူပန်မိပါသဗျာ။ တကယ်တော့ အခုမှ ပြောခွင့်ရရေးခွင့်သာလို့ ပြောကြရေးကြရတာကိုးဗျ။ အရင်က ဘာမှပြောမရရေးမရအောင် ဥပဒေအထပ် ထပ်ပြဋ္ဌာန်းပြီး အမျိုးသားညီလာခံကစလို့ ဒီကိစ္စနဲ့ပတ်သက်ရင် ဝေဖန်
မထောက်ပြရဲအောင် (ထောင်နှစ်နှစ်ဆယ်အထိလို့ပြဋ္ဌာန်းပြီး) တားထား ရုံနဲ့ အားမရသေးဘူး၊ စိစစ်ရေးဆိုတဲ့ ဆင်ဆာဓားကြီးနဲ့ အမြီးဖြတ်၊ ခေါင်းဖြတ်၊ အလယ်သားနှုတ်နှုတ်စင်းနဲ့ ဘာမှမကျန်ရအောင်ရှင်းခဲ့တာဆိုတော့ ]ထောင်ကျချင်ကျဗျာ၊ ရေးပါရစေ}ဆိုတဲ့ သဘောမျိုးနဲ့မိုက်မိုက်ကန်းကန်း စွပ်ရေးရင်တောင် ]မင်းကထောင်ကျရဲပေမယ့် ငါကအလုပ်မပြုတ်ရဲဘူး}ဆိုတဲ့
စိစစ်ရေးကြောင့် ဘယ်မှာ ရေးခွင့်ရခဲ့လို့တုန်း။ ဒီတော့ ဇွတ်ရေးလို့မရတော့လည်း ခိုးကြောင်ခိုးဝှက်ပဲရေးတာပေါ့ ဆိုပြီး ကျွန်တော်တို့က ရေးလို့ရသလောက် ရေးခဲ့တာပါပဲ။ ဒါပေမဲ့ ရေးလို့ရ
သလောက်ပဲ ရေးရမှတော့ စာဖတ်သူဆီ မျက်စိမြင် နား ပေါက်အောင် ဘယ်ရောက်ဖို့လွယ်ပါ့မလဲ။

မျက်စိမြင် နားကောင်းပါရက်နဲ့ ခြေဟန်လက်ဟန်ပြ၊ မျက်စပစ်၊မျက်စောင်းထိုး၊ ဇက်ချိုးသလိုလိုနဲ့ ခေါင်းညိတ်၊ တိတ်တိတ် မသိမသာ ခိုးပြီးတော့ခေါင်းခါ ဆိုတာမျိုး အရူးကွက်နင်းတဲ့
ပုံစံနဲ့ ရေးကြဖွဲ့ကြ ဖြတ်သန်းခဲ့ရတာမျိုးလေ။ ဖွဲ့စည်းပုံအခြေခံဥပဒေ စဆွဲတော့ အခြေခံမူ ၁၀၄ချက်မှာကိုပဲ "တပ်မတော် ကအာဏာသိမ်းနိုင်သည်"ဆိုတဲ့ မူချထားတာကို အမျိုးသားညီလာခံကာလကတည်းက ဝေဖန်မှုတွေများခဲ့ပြီး နိုင်ငံတ၀န်းမှာလည်း တရားဝင်ပြောလို့မရတဲ့တိုင် မကျေမနပ်ပြောသံတွေကအဲဒီခေတ်ကအစိုးရဆိုတာကြီး ဘယ်လိုမှမကြားချင်ယောင်ဆောင်နေလို့ မဖြစ်လောက်တဲ့အထိပါပဲ။ ဒါကြောင့် အရေးပေါ်ဆိုင်ရာ ပြဋ္ဌာန်းချက် များအခန်း မှာ စစ်တပ်က တိုက်ရိုက်
အာဏာသိမ်းနိုင်သည်ဆိုတာမျိုး မသုံးနှုန်းတော့ပဲ "သမ္မတက ကာ/ချုပ်ကို တိုင်းပြည်အေးချမ်းတဲ့အထိ တစ်နှစ်အထိ အာဏာလွှဲနိုင်တယ်"ဆိုတာမျိုးကို ရှူးဂါးကုတ်တက်လုပ်လိုက်ပြီး
ပြဋ္ဌာန်းလိုက်တာ တွေ့ရပါတယ်။ အဲဒီကာလတုန်းက အဲဒီ "စစ်တပ်က အာဏာ သိမ်းနိုင်သည်"ဆိုတာကြီး ထည့်ဆွဲမယ်ဆိုတော့ ကျွန်တော့်အနေနဲ့ ပြည်သူကို စော်ကားလှတယ်လို့
ခံစားမိ သလို စော်ကားရာမှာ အသုံးချခံရတဲ့ တပ်မတော်အတွက်လည်း တစ်မျိုးနာစရာ မြင်ခဲ့ပါတယ်။ ဒါပေမဲ့ အဲဒီကာလက ဘာမှရေးမရခဲ့ဘူးလေ။ ဒါပေမဲ့ ဒီလောက် စော်စော်ကား
ကား ဖြစ်နေတယ်လို့ ခံစားမိတာကို မရေးပဲမနေနိုင်တာမို့ အဲဒီကာလမှာ ကျွန်တော်သရော်စာပုံမှန်ရေးနေတဲ့ "ဟဒယ"မဂ္ဂဇင်းမှာ "မင်းမှာသစ္စာ၊ လူမှာကတိ"ဆိုတဲ့ ခေါင်းစဉ်နဲ့
ရေးခဲ့ပါတယ်။

ကတိမတည်တဲ့မင်းတွေ သမိုင်းမှာအမည်းစက်ထင်တတ်တာ မြန်မာနိုင်ငံကို လွတ်လပ်ရေးမယ်ဆိုပြီး မြန်မာပြည်ကိုသိမ်းပြီးတော့ ရွှေရည်စိမ်လွတ်လပ်ရေးနဲ့ကျွန်ဆက်ပြု
ချင်တဲ့ ကတိပျက်မှုကြောင့် ဒီနေ့ဂျပန်တွေက မြန်မာတွေအပေါ် မျက်နှာပျက်ရပုံမျိုးနဲ့အစချီပြီး လှည့်ပတ်ရေးတယ်။ ပြီးတော့ ဖွဲ့စည်းပုံနဲ့ပတ်သက်လို့တော့ ကျွန်တော့် စိတ်ထဲမှာ "ဖြစ်မှ
ဖြစ်ရလေ၊ အရင်ကလည်း ဖွဲ့စည်းပုံတွေကို အာဏာသိမ်းပြီး နှစ်ကြိမ်ဖျက်ခဲ့ပြီးပြီ၊ အခုလည်းဖွဲ့စည်းပုံကို ထပ်ဖျက်မယ့်ကိစ္စကို ဖွဲ့စည်းပုံထဲ ထည့်ပြဋ္ဌာန်းမယ်ဆိုတာကတော့ လက်ထပ်
စာချုပ်ထဲ ကြိုက်တဲ့အချိန်ကွာရှင်းနိုင်သည်လို့ ထည့်ချုပ်တာနဲ့တူနေပါရောလား"လို့ ခံစားမိနေတာပါ။ ဒါကြောင့် အဲဒါကိုသရော်ပြီး အဲဒီဆောင်းပါးမှာ ထည့်ရေးခဲ့ပါတယ်။ လက်ထပ်
စာချုပ်မှာ ကွာရှင်းနိုင်တယ်လို့ ထည့် ချုပ်တော့ သတို့သမီးဖက်က မခံမရပ်နိုင်ဖြစ်ကြပုံ၊နောက်ဆုံးအဖိုးကြီးတစ်ယောက်က" တကယ်တော့ ထည့်မချုပ်လည်း သူကွာချင်ရင်ကွာမှာ
ပါပဲ၊ အဲဒါကို ကြိုထည့်လည်းဘာမှ ပိုထူးမနစ်နာတော့ပါဘူး၊ ထည့်ချင်ထည့်ပါစေကွာ"လို့ဖြန်ဖြေပြောလိုက်ပုံနဲ့ အဆုံးသတ်ထားခဲ့ပါတယ်။

အဲဒီဆောင်းပါးက ဟာသမဂ္ဂဇင်းထဲ ထည့်ခဲ့ရတော့ စိတ်အညောင်းပြေရေးသလို ဖြစ်ပြီး ဖွဲ့စည်းပုံကို ပြောတာလို့ စိစစ်ရေးက မသိသလိုပဲ ဖတ်သူများကလည်း လုံးဝ
မသိခဲ့ပါဘူး။ (သိရင်တော့လည်း အနှစ်နှစ်ဆယ်အထိ ထောင်ချနိုင်သည်လို့ ဆိုထားလို့ဟိုတစ်လောကမှ လွတ်တဲ့ ထဲပါချင်မှာပေါ့ဗျာ)။  ဒါကြောင့် ဒီခံစားချက်နဲ့တင်စားချက်ကို
အမှတ်တရ ပြန်ပြောမိတာပါ။ ;တကယ်က ကျွန်တော်တို့အဖြစ်က ဘာနဲ့တူလဲဆိုတော့ အပျိုလေးတန်မဲ့နဲ့အဓမ္မအနိုင်ပြုကျင့်ခံရပြီး ကိုယ်ဝန်ရှိရုံမက ကလေး နှစ်ယောက်လောက်ရတော့မှ
လက်ထပ်စာချုပ်လုပ်ပေးပြီး "ငါကွာချင်တဲ့အချိန်ကွာမှာနော်"လို့ စာချုပ်ထည့်အချုပ်ခံရတာနဲ့ တူနေပါတယ်။

အဲဒီလက်ထပ်စာချုပ်ကြီးကိုလည်း ငွေတွေမတန်တဆသုံးပြီး(အမျိုးသားညီလာခံကာလက စရိတ်အဖြစ် တစ်ရက်ကို ကျပ်တစ်သန်းကျော် သုံးနေရ
တယ်လို့ ဗိုလ်ချုပ်ကြီးခင်ညွန့်က အင်တာဗျူးတစ်ခုမှာပြောခဲ့ဖူးတာလေ) အချိန်လည်း၁၅နှစ်နဲ့တစ်လကျော် အချိန်ယူခဲ့ပါတယ်။ ပုဒ်မ၃၇၆ တရားခံကနေ သတို့သားဖြစ်
အောင်လုပ်ချင်တဲ့သူကတော့ ဘယ်လောက်ကြာကြာ၊ ဘယ်လောက်ကုန်ကုန် တန်တယ်ထင်မှာပေမယ့် ခံရတဲ့သူတွေကတော့ ဘယ်တန်ပါ့မလဲဗျာ။ ကဲ၊ ထားပါတော့ ဒီစာချုပ်ကြီးကို တရားဝင်အောင်လုပ်ပြန်တော့လည်း ၇၄ဖွဲ့စည်းပုံတုန်းက သွားလေသူ အဖေကြီးရဲ့လုပ်ထုံးအတိုင်း မည်းလည်းဖြူ၊ ဖြူလည်းဖြူ၊ ကန့်ကွက်လည်း ထောက်ခံ၊ ထောက်ခံလည်း
ထောက်ခံ လုပ်ခဲ့ရာမှာ "သန်း၆၀မှာ၉၈ရာခိုင်နှုန်းက ထောက်ခံထားတာလေ"လို့ ဒီနေ့မျက်စိမှိတ်ပြီး ဇွတ်ကြီးပြောခွင့်ရအောင် အားမနာပါးမနာ နာဂစ်ကြောင့် ဘ၀ပြောင်း
သွားရရှာသူများကိုပါ ထောက်ခံဆန္ဒမဲစာရင်းထဲ ထည့်တွက်ခဲ့ရတာကိုး။ဒီနေရာမှာ ဒီနေ့ အဲဒီဖွဲ့စည်းပုံကြီးကိုပဲ ကျွန်တော်တို့ ပြည်သူများကပဲ တကယ်
၉၈ရာခိုင်နှုန်း ထောက်ခံကြသယောင်ယောင် ဇွတ်ပြောနေကြတဲ့အထဲမှာ "မရှက်တတ်"၀တ်စုံ ၀တ်ထားသူများက ပြောတာတော့ ထားပါတော့။ (နောင်ကျတော့ ကျွန်တော်
တကယ်ပြောခဲ့ရင်လည်း ခိုင်းလို့ပြောတာသာ ဖြစ်မည်လို့ ခေါင်းရှောင်ချင်ရှောင်လို့ရသေးသကိုး)။

သူလိုငါလို ရိုးရိုးအင်္ကျီလုံခြည်ဝတ်သူများကလည်း အဲဒီလိုပြောနေတာအံ့သြစရာတွေ့ရသဗျ။ သူတို့ခမြာ သူတို့ရဲ့သားစဉ်မြေးဆက် ဒီ ဖွဲ့စည်းပုံကြီးရဲ့ဆိုးကျိုး
ကို ခံသွားရနိုင်တယ်ဆိုတာလောက်မှ မမြင်တတ်သူများကိုး။ စကားစပ်မိလို့ပြောရရင်အစိုးရကိုလက်ဖက်ရည်ဆိုင်မှာ အော်ကြီးဟစ်ကျယ်ဆဲရေးပြီး သတင်းစာထဲမှာ အတုံး
လိုက် အတစ်လိုက်ထောက်ခံဆောင်းပါးရေးတဲ့ဆိုတဲ့ စာရေးဆရာကြီးတစ်ဦးက ဘုတ်အုပ်အထူကြီး တလောကထွက်တာတွေ့လို့ လေသံများပြောင်း ပလား ယူဖတ်ကြည့်မိတာ၊
အမယ်၊ ဖွဲ့စည်းပုံကြီး ရေးဆွဲရာမှာ သူတစ်ထောင့်တစ်နေရာက ဘယ်လိုတက်ကြွစွာပါဝင်ခဲ့ပုံကို အကျယ်တ၀င့် ရေးထားသဗျ။ သြော်၊ သမိုင်းမော်ကွန်းလား၊ သမိုင်းခုံရုံး
ဖြောင့်ချက်လား ဘာဖြစ်လာနိုင်တယ်ဆိုတာ မသိရှာသေးသူများပဲကိုး။

ကဲ၊ လိုရင်းပြန်ကောက်ရရင် ဒီလက်ထပ်စာချုပ်ကြီးကို ချုပ်ခဲ့တုန်းကလည်းဇွတ်ကြီးလိမ်ခဲ့၊ ဖိနှိပ်ခဲ့၊ ထောက်ခံမှုအတုလုပ်ခဲ့ပြီး ချုပ်ခဲ့တာဟာ တစ်ကမ္တာလုံးမသိချင်
မှအဆုံး ဖြစ်နေပြီ။ ဒီတော့ ဒီစာချုပ်ကြီးဟာ စော်ကားခံရတဲ့သတို့သမီးထက် စော်ကားသူသတို့သား က ပိုရှက်စရာဆိုတာ နားလည်ပါလို့ ကျွန်တော်တို့က ပြောခွင့်ရလာလို့
ခုပြောနေကြပြီ။ နားဝင်သူလည်း ၀င်သလောက်ဝင်နေပြီ။ ဒါပေမဲ့ သတို့သားက တစ်ဦးတည်းမဟုတ်တော့ တစ်ယောက်နှစ်ယောက်ရှက်ရုံနဲ့တော့ ပြင်လို့ရမှာ မဟုတ်သေးဘူး။
ဘာပဲဖြစ်ဖြစ် ဒီ ဖွဲ့စည်းပုံကြီးဟာ ၇၄လောက်တောင် ပြည်သူ့ကိုချပြတာ၊ ဆွေးနွေးတာမလုပ်ပဲ သင်္ကြန်အနီးမှကပ်ပြီးစာအုပ်ထုတ်၊ သင်္ကြန်နဲ့လူတွေ မေ့နေတုန်း၊ သူတို့စာအုပ်
လည်း ဘယ်သူမှစိတ်မ၀င်စား၊ ထောက်ပြခွင့်လည်းမပေးပဲ မေလမှာ ဇွတ်ကြီးအတည်ပြုခဲ့တာလေ။ သမိုင်းဟာ လိမ်လို့မရဘူး။ ဆက်ပြီးလည်း လိမ်ဖို့မကြိုးစားကြစေချင်ဘူုး။

တစ်ခုရှိတာက ဒီဖွဲ့စည်းပုံမှာ တပ်ကိုကာကွယ်သူများကတစ်ဖက်၊ ကျန်လူ တွေကတစ်ဖက်လို့ မမြင်ကြစေချင်ဘူး။ ကျွန်တော်တို့တတွေက တပ်ကိုဆန့်ကျင်ရမယ့်သူတွေလည်း
မဟုတ်ဘူး။ မြန်မာနိုင်ငံထဲမှာ ဘယ်အုပ်စုကမှ အခုလို အခွင့်ထူးခံယူထားတာကိုသာမဖြစ်စေချင်တာ။ တကယ်လို့ အင်အယ်လ်ဒီက ရွေးကောက်ပွဲမ၀င်ပဲ လွှတ်တော် ထဲမှာ
၂၅ရာခိုင်နှုန်းယူပါမယ်လို့ ဖွဲ့စည်းပုံထဲပြင်ပြီး ထည့်ချင်တယ်ဆိုရင် "ဒီလောက်အရှက်မရှိရလား"လို့ ကျွန်တော်ထိပ်ဆုံးကဆဲမှာ ဖွဲ့စည်းပုံပြင်ဖို့ ၀ိုင်းရေးကြပြောကြချိန်မှာ
"၈၈ပွင့်လင်း"က (ဦး)ကိုကိုကြီးကအဲဒါကြီးပြင်ဖို့ ယုံကြည်မှုကိုအရင်တည်ဆောက်ရ မယ်လို့ ပြောနေလို့ လှုပ်လှုပ်ခတ်ခတ်
ဖြစ်ကြတယ်။ ပြောတာကို သဘောပေါက်ပါတယ်။ ကွဲလွဲခွင့်လည်း ရှိပါတယ်။ ဒါပေမဲ့ကိုကိုကြီး ပြောတဲ့ ဒီလိုမှမမြင်သူတွေမှန်သမျှဟာ နိုင်ငံရေးကိုထဲထဲဝင်ဝင် မလေ့လာ
သူတွေဘာညာနဲ့ စွပ်စွဲတာကတော့ မသင့်တော်ဘူးထင်တယ်။ ကိုကိုကြီးက ယုံကြည်မှုဆိုတာ ကျွန်တော်တို့ ဒီမိုကရေစီအင်အားစုထဲမှာလည်း တည်ဆောက်ရမှာပဲ ဆိုတာကို
လည်း သဘောတူပြီး အဲဒီလိုသဘောတူတာမို့ ယုံကြည်မှုပျက်မယ့်စကားတွေ မပြောစေချင်ဘူး။ လွှတ်တော်ထဲမှာ ၇၅ရာခိုင်နှုန်းသဘောတူမှ ရမယ့်ဟာကြီးကို ပြည်သူ့အင်အား
ပြပြီး ဖိအားပေးနေတာဟာ စိတ်ကူးယဉ်တယ်လို့ ထင်ကောင်းထင်နိုင်တယ်။

ဒါဆိုရင်ဒီအတိုင်းလေးမျှောလိုက်ပြီး ၂၀၁၅မှ ရွေးကောက်ပွဲနိုင်အောင်လုပ်ပြီးမှ ပြင်လိုတဲ့အင်
အားစုတွေက လွှတ်တော်ကို စီးမိပြီး ပြင်နိုင်မယ်ထင်တာကကော သေချာပေါက် ဖြစ်နိုင်တဲ့လမ်းလို့ ယူဆစရာရှိလို့လား။ နိုင်ငံရေးမှာ ကွဲလွဲနိုင်ခွင့်ရှိသလို ကိုယ်ယုံကြည်ရာ
လည်း လုပ်ခွင့်ရှိပါတယ်။ သူများကိုသာ မပုတ်ခတ်နဲ့၊ မစော်ကားနဲ့ ပေါ့။ ဝေဖန်ခွင့်လည်းရှိပေမယ့် "NLDက လျှောက်လုပ်နေတယ်"ဆိုတဲ့အသုံးအနှုန်းမျိုးက မသင့်
တော်ပါဘူး။ကျွန်တော်တို့ကတော့ တစိမ်းလည်းမဟုတ်တဲ့ ကိုယ့်သွေးသားချင်း၊ မိသားစုချင်းကြားမှာ နိုင်ငံတကာမှာရော၊ သမိုင်းမှာပါ ရှက်စရာဖြစ်နေတဲ့ ဒီအမှားတွေကို ၀ိုင်းပြင်
ဖို့ရာမှာ လက်ထပ်စာချုပ်ဆိုလည်း မေတ္တာထုံမွှမ်းတဲ့၊ သစ္စာနှောင်တည်းတဲ့ စာချုပ်မျိုးအဖြစ် ပြင်ဆင်စေချင်ပြီး မူလက မှားယွင်းထည့်သွင်းပြီး ထောက်ပြခွင့်မရခဲ့ကြတဲ့ "ကွာ
ချင်သည့်အချိန်ကွာနိုင်သည်"တို့၊ "ကျန်မိသားစုများက ထမင်းကို ရေကျင်းပြီးပဲသောကချင်သောက်၊ ငါကတော့ ၀က်သားကြက်သားဟင်း တစ်ရက်အစိတ်သား မထပ်အောင်
စားမည်"ဆိုတာမျိုးတို့ ဖော်ပြထားတာများဟာ ရှက်စရာဖြစ်နေလို့ ၀ိုင်းပြင်သင့်ပါကြောင်းပြောချင်တာပါခင်ဗျား။

photo..Nay Ma Kha
ဂျပန်နိုင်ငံသို့ Miss International ၂၀၁၃ တွင် မြန်မာနိုင်ငံ ကိုယ်စားပြု အဖြစ် ဂုဏ်ရည်အေးကျော် က မြန်မာ့ရိုးရာ ကိန္နရာဝတ်စုံဖြင့် ဝတ်ဆင် အလှပြခဲ့သည်ကို ထိုင်းလူမျိုးများ က ၄င်းတို့၏ ရိုးရာဝတ်စုံ ဖြစ်သည်ဟု ဝေဖန်ကြသည် ကိုလည်း သိမြင်ရပါ သည်။ စည်းပုံ၊ လက်ကျပ် တန်ဆာများနှင့် မြန်မာ့ရိုးရာ ဝတ်စုံဖြစ်သော်လည်း ထိုင်းရိုးရာ ဟုသာ နိုင်ငံတကာက ရှုမြင်နေကြပြီး မြန်မာဝတ်စုံဟု လက်မခံနိုင်ဘဲ ရှိနေကြ သည်ကိုလည်း သိရပါသည်။
ခေါင်းစဉ်ကို မြင်လိုက်သည်နှင့် မြန်မာနိုင်ငံ၏ ပြောင်းလဲမှုဖြစ်စဉ် များတွင် ရိုက်ခတ်မှုဖြစ်စေသော အိမ်နီးချင်းနိုင်ငံများ ဖြစ်သည့် ဘင်္ဂလားဒေ့ရ်ှနှင့် တရုတ်နိုင်ငံတို့ကို ပြေးမြင်ကြမည်ဟု ထင်မိပါသည်။ ရခိုင်ပြည်နယ်ရှိ ဘင်္ဂါလီ အရေးအခင်းများ၊ တရုတ်ဝမ်ပေါင်ကုမ္ပဏီနှင့် လက်ပံတောင်းဒေသခံ တို့ ၏ ပဋိပက္ခများက သတင်းစာမျက်နှာများ ထက်တွင် ပလူပျံနေချိန်၌ မြန်မာနိုင်ငံသည် သတိထားရမည့် အိမ်နီးချင်းတစ်ဦး ဖြစ်သော ထိုင်းနိုင်ငံကို မေ့လျော့နေနိုင်ပါသည်။ သို့တည်းမဟုတ် ထူးထူးခြားခြား သတင်းများကို မရိပ်စားမိသောကြောင့် သော်လည်းကောင်း၊ ထူးခြားမှုများက အချိန်ကြာမြင့်လာ သောအခါ ရိုးအီသွားပြီး သတင်း မဟုတ်တော့ဟု ယူဆ သောကြောင့်သော် လည်းကောင်း ဖြစ်နိုင်ပါသည်။ သို့သော် ထိုင်းနိုင်ငံသည် မြန်မာတို့ အမှန်တကယ် သတိပြုရတော့မည့် အိမ်နီးချင်းနိုင်ငံတစ်ခု ဖြစ်မှန်းမသိ ဖြစ်လာနေပါပြီ။

ထိုင်းသည် မြန်မာနှင့် အိမ်နီးချင်းဖြစ်ပြီး အခြေခံယဉ်ကျေးမှု အချို့ တူညီမှုရှိပါသည်။ အလောင်းမင်းတရား ဦးအောင်ဇေယျ လက်ထက် အယုဒ္ဓယကို ချီတက်သိမ်းပိုက်ရာမှ ယဉ်ကျေးမှုဓလေ့အချို့ ပြည်တွင်းသို့ ပျံ့နှံ့ခဲ့ပါသည်။ ဤသို့ ဖြင့် ယဉ်ကျေးမှုများ ဒွေးရောယှက်တင် ဖြစ်လာသည်။ မည်သည့် ယဉ်ကျေးမှုက မည်သည့်နိုင်ငံတွင် စတင်သည် ဆိုသောအချက်က သမိုင်းကြောင်း အထောက်အထား ခိုင်လုံမှသာ သက်သေပြနိုင် ပေတော့မည်။ ရှေး ယခင်က ယဉ်ကျေးမှု မူပိုင်ခွင့် ဟူသည် အရေးမကြီးဟု ထင်ရသော်လည်း ယခုအခါ အရေးကြီးလာပါပြီ။ အထူးသဖြင့် ထိုင်းနိုင်ငံနှင့် နယ်နိမိတ် နီးကပ်နေသည့် ကယားပြည်နယ်၊ ကရင်ပြည်နယ်နှင့် မွန်ပြည်နယ် တို့တွင် ပို၍ သိသာလာပါသည်။

ယခု ၂၀၁၃ ဒီဇင်ဘာ ၄ ရက်နေ့က မွန်ပြည်နယ် မုတ္တမမြို့တွင် မြေကျင်းတူးရာမှ ၁၃ ရာစုလက်ရာ မြေအိုးဟောင်းများ တူးဖော်ရရှိခဲ့ကြောင်း သတင်းများ တွေ့ရပါသည်။ သမိုင်းကြောင်းအရ တွံတေး၊ ပဲခူး၊ မုတ္တမမြို့ တို့သည် စဥ့်ထည်များဖြင့် အိုးမြို့တော်ဟု အရှေ့တောင် အာရှနိုင်ငံများတွင် ကျော်စောပြီး ဖြစ်ပါသည်။ မုတ္တမမြို့မှ မုတ္တမအိုးများသည် သီးခြား ကွဲထွက်နေသော ဟန်ပန်နှင့် ထင်ရှားပြီးဖြစ်သော်လည်း ထိုင်းနိုင်ငံ၏ ရှေးဟောင်းပစ္စည်းများ သဖွယ် ထင်မှတ်မှား ဖော်ပြခြင်း ခံနေရပါသည်။

တစ်ချိန်က ဆိုရှယ်လစ်ခေတ် မှသည် ယနေ့အထိ မြန်မာနိုင်ငံကို စီးပွားရေး ပိတ်ဆို့ ထားစဉ်က မြန်မာ့သယံဇာတ တော်တော်များများသည် ထိုင်းနိုင်ငံသို့ မှောင်ခိုလမ်းကြောင်းမှ တစ်ဆင့် ရောက်ရှိသွားခဲ့သည်။ တန်ဖိုးရှိသော်လည်း တန်ဖိုးမသိ သောကြောင့် သော်လည်းကောင်း၊ ဈေးပိုရ၍ သော်လည်းကောင်း မြေအောက်မှ ရသမျှ ရှေးဟောင်းပစ္စည်းများသည် ထိုင်းနိုင်ငံသို့ တရား မဝင် ရောက်ရှိရာမှ နိုင်ငံတကာ အမြင်တွင် ထိုင်းရိုးရာ ရှေးဟောင်းအမွေအနှစ် များဟု ထင်မှတ်မှားခဲ့ရခြင်း ဖြစ်ပါသည်။

စီးပွားရေး ပိတ်ဆို့ခံရပြီးနောက် မှောင်ခိုလမ်းကြောင်းမှ တစ်ဆင့် ကုန်သွယ်ရာမှ မြန်မာနိုင်ငံအတွက် သယံဇာတ ဆုံးရှုံးမှု သိသိသာသာ တွေ့ရသော်လည်း ယဉ်ကျေးမှုဆုံးရှုံးမှုက တရိပ်ရိပ်နှင့် ပို၍ ကြီးမားလာနေသည်ကို သတိပြုမိသူ နည်းနေပါသည်။ သယံဇာတ ဖြစ်သော ကျွန်းသစ်များ၊ ကျောက်မျက်များ အားလုံးသည် ထိုင်းနိုင်ငံမှ ထွက်ရှိသယောင်ဖြင့်သာ ကမ္ဘာ့ဈေးကွက်ကို ရောက်ရှိခဲ့သည်။ ပို့ကုန်ပစ္စည်း မှန်သမျှ ထိုင်းနိုင်ငံမှ ထွက်ရှိသယောင် Made in Thailand တံဆိပ်ကပ် ခဲ့ရသည့်အတွက် မြန်မာတို့ နစ်နာခဲ့ရပေါင်း များပြီ။ ဆယ်စုနှစ်များစွာ ကြာပြီးနောက် စီးပွားရေးပိတ်ဆို့မှုများ ဖြေချလိုက်ချိန်တွင် မြန်မာ့သယံဇာတက ကုန်သလောက် ရှိနေပြီး ထိုင်းနိုင်ငံအတွက်မူ အကျိုးအမြတ်များစွာ ကျန်နေခဲ့ပါသည်။

မြန်မာနိုင်ငံ၏ ယဉ်ကျေးမှု မူပိုင်ခွင့်ဆုံးရှုံးမှု ဖြစ်ရပ်များစွာ ရှိနေပါ သေးသည်။ ကယားပြည်နယ်မှ ကယန်း(သို့မဟုတ်) ပဒေါင်လူမျိုးများ သည်လည်း သာဓကတစ်ခု ဖြစ်ပါသည်။ ရေမြေဒေသ အရသော်လည်းကောင်း အကြောင်းကြောင်းကြောင့် သော်လည်းကောင်း မြန်မာတိုင်းရင်းသား လူမျိုးစုဝင် ကယန်းလူမျိုး များသည် ထိုင်းနယ်စပ်သို့ ရောက်ရှိ အခြေချနေထိုင် ခဲ့ကြသည်။ လည်ပင်း ကြေးကွင်းစွပ်သော ထူးဆန်းသည့် ဓလေ့ကို အကြောင်းပြု၍ ထိုင်းနိုင်ငံ၏ ခရီးသွားလုပ်ငန်းတွင် ပဒေါင်လူမျိုးများကို လေ့လာစရာ တစ်ခုအဖြစ် ထည့်သွင်းပြီး ၄င်းတို့ တိုင်းရင်းသားဖြစ်သယောင် ဖော်ပြမှု များလည်း ရှိနေပါသည်။ ဤသို့ဖြင့် ထိုင်းနိုင်ငံအတွက် ခရီးသွားလုပ်ငန်းမှ ဝင်ငွေတိုးသော်လည်း မြန်မာတိုင်းရင်းသား ကယန်းလူမျိုးတို့ မှာမူ အထူးအဆန်း သတ္တဝါသဖွယ် နှိမ်ချ ဆက်ဆံခံရမှုများလည်း ရှိနေသည်။ ဒုက္ခသည်အဖြစ် လျှောက်ထားသော်လည်း နိုင်ငံတွင်းမှ ထွက်ခွာခွင့်ကို မပေးသလို၊ မြန်မာအစိုးရက ပဒေါင်ဒုက္ခသည် များကို နိုင်ငံသို့ ပြန်လည်လွှဲပြောင်းရန် တောင်းဆိုသော်လည်း ဂရုမစိုက်ခြင်း မျိုးများနှင့် ကြုံတွေ့နေရသည်။ မိမိတိုင်းရင်းသား ဖြစ်ပါလျက်နှင့် သူများနိုင်ငံက ခေါင်းပုံဖြတ်ပြီး ရုံသွင်းပြ စားနေသော ဖြစ်ရပ်မျိုးမှာ နာကြည်းဖွယ် ကောင်းလှသည်။

ထို့အပြင် ဒီဇင်ဘာလ ၃ ရက်နေ့ က ဂျပန်နိုင်ငံသို့ Miss International ၂၀၁၃ တွင် မြန်မာနိုင်ငံ ကိုယ်စားပြု အဖြစ် ဂုဏ်ရည်အေးကျော် က မြန်မာ့ရိုးရာ ကိန္နရာဝတ်စုံဖြင့် ဝတ်ဆင် အလှပြခဲ့သည်ကို ထိုင်းလူမျိုးများ က ၄င်းတို့၏ ရိုးရာဝတ်စုံ ဖြစ်သည်ဟု ဝေဖန်ကြသည် ကိုလည်း သိမြင်ရပါ သည်။ စည်းပုံ၊ လက်ကျပ် တန်ဆာများနှင့် မြန်မာ့ရိုးရာ ဝတ်စုံဖြစ်သော်လည်း ထိုင်းရိုးရာ ဟုသာ နိုင်ငံတကာက ရှုမြင်နေကြပြီး မြန်မာဝတ်စုံဟု လက်မခံနိုင်ဘဲ ရှိနေကြ သည်ကိုလည်း သိရပါသည်။ ဤသို့ဖြင့် မြန်မာ့ရိုးရာ ယဉ်ကျေးမှု အချို့ကို ထိုင်းယဉ်ကျေးမှု အဖြစ် နိုင်ငံတကာက ထင်မှတ်မှားမှုများ များပြား လာသည်မှာ သိသိသာသာ မြင်တွေ့လာရပါသည်။

မူပိုင်ခွင့် ရရှိခြင်းသည် နိုင်ငံ၏ ယဉ်ကျေးမှုတွင်သာမက အဘက်ဘက်တွင် အရေးကြီးပါသည်။ အားကစားဘက်တွင် မြန်မာ့ရိုးရာ လက်ဝှေ့နှင့် ထိုင်းရိုးရာ မွေထိုင်းဟုခေါ်သော လက်ဝှေ့ကစားနည်းတို့ ကွာခြားမှု သိသာစွာ မရှိသော်လည်း နိုင်ငံတကာကို ကျယ်ပြန့်အောင် လုပ်နိုင်မှုခြင်း မတူညီသည်ကို သတိပြုသင့်ပါသည်။ ထိုင်းတို့က ကျယ်ပြန့်စွာ ပြုလုပ်နိုင်ပြီး နိုင်ငံတကာ အားကစားကို ထိုးဖောက်နိုင်ခဲ့သည့် အတွက် ခရီးသွားလုပ်ငန်း ကို မြှင့်တင်ခဲ့ပြီး နိုင်ငံဝင်ငွေ တိုးတက်စေနိုင် ခဲ့ပါသည်။ မြန်မာ့ရိုးရာ လက်ဝှေ့ကို မွေထိုင်းဟု ထင်မှတ်မှားနေခြင်း ကြောင့် မြန်မာ့ရိုးရာ အားကစားတစ်ခု နိုင်ငံတကာအမြင်တွင် တိမ်မြှုပ်သွားစေနိုင် ပါသည်။

များမကြာမီ ၂၀၁၅ သို့ရောက်တော့မည်။ ၂၀၁၅ သည် ရွေးကောက်ပွဲ ကြီးကြောင့် နိုင်ငံ့ခေါင်းဆောင်များ၊ ပြည်သူများ ရင်ခုန်ရမည့် ခုနှစ်တစ်ခု ဖြစ်ပါသည်။ သို့သော် ၂၀၁၅ ဒီဇင်ဘာ ၃၁ တွင် စတင် အသက်ဝင်မည့် AFTA ဟုခေါ်သော အာဆီယံ လွတ်လပ်စွာ ကုန်သွယ်မှုစာချုပ်ကို မေ့လျော့ နေကြသည်။ မိမိဒေသထွက် ပို့ကုန်များကို လွတ်လပ်စွာ တင်ပို့ခွင့်က အလွန်ကြီးမားသော စီးပွားရေး အခွင့်အလမ်းတစ်ခု ဖြစ်ပါသည်။ သို့သော် မြန်မာပြည်သူတို့ မျက်စိပွင့် နားဖွင့်ရန် လိုပါသည်။

မိမိနိုင်ငံပိုင် မျိုးရင်း သဘာဝထွက်ကုန် များကို မူပိုင်ခွင့် မှတ်ပုံတင်နိုင်ရန် အရေးကြီးပါသည်။ စိန်တလုံး သရက်မျိုးရင်း၊ ရွှေဘိုပေါ်ဆန်း မျိုးရင်း၊ သနပ်ခါး၊ ရှားပါး သစ်ခွ မျိုးစိတ်အချို့ စသော ဒေသတွင်း မျိုးရင်းများသည် အခြားနိုင်ငံတွင် မရှိသော မိမိနိုင်ငံပိုင် မျိုးရင်းများ ဖြစ်ပါသည်။ မိမိနိုင်ငံပိုင် မျိုးရင်းဖြစ်ပါလျက်နှင့် အိမ်နီးချင်းနိုင်ငံက ပိုင်ဆိုင်သယောင် မှတ်ပုံတင် မူပိုင်ခွင့် လျှောက်ထားခဲ့ပါလျှင် မြန်မာတို့ ဆုံးရှုံးနစ်နာစရာ အများကြီး ဖြစ်လာနိုင်ပါသည်။ ပညာရှင်များ အနေနှင့်လည်း ဤအကြောင်းအရာ များကို ကျယ်ကျယ်ပြန့်ပြန့် ဆွေးနွေးသင့်သည်ဟု ထင်ပါသည်။ ကြိုတင် ပြင်ဆင်သင့်သည် များလည်း ပြင်ဆင်ရန် အချိန်တန်ပါပြီ။ လက်နှေးနေပါက မိမိနိုင်ငံ၏ မူပိုင်ခွင့်များ ဆက်လက် ဆုံးရှုံးနေရပါလိမ့်မည်။

ယဉ်ကျေးမှု၊ အားကစား၊ စီးပွားရေး အဘက်ဘက်တွင် မြန်မာနိုင်ငံ မူပိုင်ခွင့်များ ဆုံးရှုံးနေပြီး ထိုင်းနိုင်ငံပိုင် အဖြစ် ပုံမှားရိုက် ခံနေရခြင်းက ရေရှည်တွင် ကြီးမားသော ထိုးနှက်မှု ဖြစ်လာနိုင်ပေသည်။ ဤသို့ဖြင့် အိမ်နီးချင်း ထိုင်းနိုင်ငံသည် သေချာ စောင့်ကြည့်ရမည့် နိုင်ငံတစ်ခု ဖြစ်လာသည်မှာ ငြင်းမရသော အချက်ပင် ဖြစ်ပါတော့သည်။
The Voice Weekly Myanmar


(30 December 2013 ရက်စွဲပါ Yahoo News မှ ANI ၏ Myanmar Payment Union to start accepting JCB cards in Myanmar ကို ဘာသာပြန်ပါသည်)

JCB လက်အောက်ခံ နိုင်ငံတကာဌာနခွဲဖြစ်သည့် JCB International Co.Ltd (JCBI) နှင့် မြန်မာနိုင်ငံ၏
အမျိုးသားငွေပေးကွန်ရက်ဖြစ်သော Myanmar Payment Union (MPU) တို့က ကြေညာရာတွင် MPU နှင့် ၄င်း၏ အဖွဲ့ဝင်ဘဏ်များသည် မြန်မာနိုင်ငံတွင် JCB နှင့်အတူ တွဲလုပ်ကိုင်မည်ဖြစ်ကြောင်း ဆိုပါသည်။

ထို့ကြောင့် ၂၀၁၃ ဒီဇင်ဘာလမှစ၍ မြန်မာနိုင်ငံတစ်ဝှမ်း MPU ကုန်သည် ၂၀၀၀ ကျော်သည် JCB ကဒ်များကို စတင်လက်ခံမည် ဖြစ်ပါသည်။

ယခုအစီအစဉ်မတိုင်မီ ၁၉၉၅ ကတည်းက မြန်မာနိုင်ငံတွင် သတ်မှတ်ထားသောနေရာ အနည်းငယ်တွင် JCB ကဒ်များ စတင်လက်ခံခဲ့ပါသည်။

MPU နှင့် မိတ်ဖက်လုပ်ဆောင်ခဲ့ခြင်းကြောင့် ဂျပန်နိုင်ငံတွင် JCB ကုန်သည် အရေအတွက် သိသာစွာ တိုးလာမည်ဖြစ်ပြီး JCB ကဒ်အဖွဲ့ဝင်များအနေဖြင့်လည်း ဒေသတွင်း သွားရောက်လည်ပတ်ရာတွင် ကဒ်လက်ခံမှုများ ကို တိုးတက်လာမည်ဖြစ်ပါသည်။

လူဦးရေ ၆၃ သန်းရှိသော မြန်မာနိုင်ငံသည် ရင်းနှီးမြှုပ်နှံမှု နေရာသစ်အဖြစ် ပိုမိုဆွဲဆောင်နေပါသည်။ မြန်မာ နိုင်ငံသို့ စီးပွားရေးအရလည်းကောင်း ၊ တိုးရစ်အဖြစ်လည်းကောင်း သွားရောက်သူများက ငွေပေးကဒ်များ လက်ခံရန် ပိုမိုတောင်းဆိုလာကြပါသည်။

တချိန်တည်းမှာပင် ၂၀၁၂ ခုနှစ်က ရေးထိုးခဲ့သော MoU အရ မြန်မာနိုင်ငံသားများကို JCB ကဒ်များ ထုတ်ပေး ရန် ပါဝင်ရာ မဝေးတော့သည့် အနာဂတ်တွင် JCBI နှင့် MPU တို့သည် JCB ကဒ်ကို MPU အဖွဲ့ဝင်ဘဏ်များမှ တဆင့် ထုတ်ပေးရန် စီစဉ်နေပြီ ဖြစ်ပါသည်။

JCBI ဥက္ကဋ္ဌနှင့် COO ဖြစ်သူ Mr. Koremitsu Sannomiya ကပြောကြားရာတွင် “ယခုသဘောတူညီ ချက်အသစ်ဟာ မြန်မာနိုင်ငံကို သွားတဲ့ JCB အဖွဲ့ဝင်တွေ ကုန်သည်တွေ ပါဝင်တဲ့ ဘဏ်တွေကို ပိုမိုအကျိုးအမြတ်ရှိပြီး အဆင်ပြေစေမယ်ဆိုတာ သေချာပါတယ် ” ဟုဆိုပါသည်။

“မြန်မာနိုင်ငံရဲ့ အားကောင်းတဲ့ စီးပွားေ၇းဖွံ့ဖြိုးတိုးတက်မှုကြောင့် ကဒ်ဈေးကွက်ဟာ ပိုမိုလျင်မြန်စွာ ကြီးထွား လာမယ်ဆိုတာ ကြိုပြီးမြင်နိုင်ပါတယ်။ ကျွန်တော်တို့ဟာ MPU နဲ့အတူ ကဒ်ထုတ်ပေးရေး ကဲ့သို့သော စီးပွားရေး အခွင့်အလမ်းသစ်တွေ ရှာဖွေသွားမှာပါ။ အခြေအနေကို ကြည့်ပြီး အပြောင်းအလဲတွေ တိုးမြှင့်လုပ်ဆောင်ပြီး Win- Win ဆက်ဆံရေးကို ထူထောင်သွားမှာပါ ” ဟု ၄င်းက ပြောပါသည်။

MPU မှ ဥက္ကဋ္ဌ ဦးမြသန်းက ပြောကြားရာတွင် “မြန်မာနိုင်ငံမှာ JCB ကဒ် လက်ခံခြင်းကြောင့် မြန်မာနိုင်ငံကို လာတဲ့ JCB ကဒ်အဖွဲ့ဝင်တွေကို ငွေကြေးဆိုင်ရာ လွတ်လပ်စွာ ပိုမိုတံခါးဖွင့်လာနိုင်ပြီး MPU ကုန်သည်ပေါင်း ၂၀၀၀ လောက်ဆီမှာ အသုံးပြုနိုင်ပြီး ATM စက် ၅၀၀ လောက်မှာ ငွေထုတ်နိုင်မှာပါ ” ဟုဆိုပါသည်။

“ငွေပေးစနစ်မှာ MPU ရဲ့ အခန်းကဏ္ဍကို မြှင့်တင်နေတဲ့ နေရာမှာ သူရဲ့မူလလုပ်ဆောင်ချက်တွေဖြစ်တဲ့ ငွေပေးခြင်း၊ စာရင်းပြောင်းခြင်း စတဲ့ ဝန်ဆောင်မှုတွေကို အခြေခံပြီး လုပ်ဆောင်ပေးပါတယ်။ ငွေသားကိုင်စရာမလိုတဲ့ ငွေပေးချေမှုဟာ ငွေကြေးစနစ်အတွက်ရော တိုင်းပြည်အတွက်ပါ အရေးကြီးတဲ့ လုပ်နည်းလုပ်ဟန်တစ်ခု ဖြစ်ပါတယ်။ MPU ဟာ သူ့ရဲ့အဖွဲ့ဝင်ဘဏ်တွေနဲ့ ၂၀၁၂ ကတည်းက ကဒ်နဲ့ ပေးချေခြင်း၊ စာရင်းလွဲပြောင်းခြင်း ကွန်ရက်ကို စတင်ခဲ့ပါတယ်။ ပြည်တွင်းကဒ်ရော၊ နိုင်ငံခြားကဒ်ပါ အသုံးပြုတဲ့ ပမာဏ တိုးတက်လာတာနဲ့အမျှ အနာဂတ်မှာ ကြီးမားတဲ့ ပုံစံတစ်ခု ထွက်ပေါ်လာမယ်ဆိုတာ ကျွန်တော်ယုံကြည်ပါတယ်” ဟု ၄င်းက ဖြည့်စွက်ပြောပါသည်။

Yangon chronicle

Author Name

Contact Form

Name

Email *

Message *

Powered by Blogger.