01/02/14

" ဥ " ဆိုတဲ့ ဇာတ်ကားကြည့်လိုက်မိတယ်။ ဇာတ်လမ်းအစကနေ အဆုံအထိ တကယ့်ကို Behavior ပျက်ပြားနေတဲ့ ရွာသားနှစ်ယောက် .. နောက်လိုက် ရွာသူရွာသားတွေ၊ ကြက်ဥတစ်လုံးအတွက် ရန်ဖြစ်တဲ့ ဒေါသ၊ နောက် အထာတွေနဲ့ ပျက်လုံးတွေနဲ့ ဆူညံ့ပွက်လောရိုက်ပြီး ပြီးသွားတယ်။ Every scene တိုင်းမှာ တစ်ယောက်ကို တစ်ယောက် ဘယ်လို အကျင့်ယုတ်ရမလဲ ဆိုတာရယ်၊ တစ်ယောက်ကို တစ်ယောက် စကားတစ်ခွန်းက အစ သည်းမခံနိုင်တဲ့ အဖြစ်နဲ့ ရန်တွေဖြစ်လို့ Civilization မထွန်းကားတဲ့ အဖြစ်နဲ့ ပွဲပြီးသွားတယ်။ သူ့ဘာသာ သူ ရုပ်ရှင်ဇာတ်လမ်းပါပဲ ဆိုပြီး သဘောမထားပါနဲ့ .. ကျွန်တော်တို့တစ်တွေဟာ Behaviorism သဘောအရ .. အဲဒီ ရုပ်ရှင်တွေကပဲ အမူအကျင့် ဓလေ့စရိုက်တွေကို အတုမြင် အတတ်သင်လို့ အတုခိုးကြတာ မဆန်းပါဘူး။ ဆံပင်ပုံစံ ဝတ်စားဆင်ယင်မှုမှအစ အပြောအဆို အဆုံး လိုက်အတုခိုးကြတယ်။ ဒွေးကေဆို ဒွေးကေညှပ်ကြတယ်။ မို့မို့မြင်အောင် ထဘီတို ဝတ်လို့ လိုက်ဝတ်ကြတယ်။ သူ ကျောပိုးအိပ်လွယ်လို့ ကျောပိုးအိပ်လွယ်ကြတယ်။ အကြေကောက်ဆိုလို့ မိန်းကလေးတွေ အကြေလိုက်ကောက်ကြတယ်။ လူငယ်တွေလားဆိုတော့လည်း မဟုတ်ဘူး .. လူကြီးတွေကလည်း အတူတူပဲ။ ကျော်ဟိန်းခေတ်မှာ ကျော်ဟိန်း ဏှာဘူးထတဲ့ ဇာတ်လမ်းတွေကို သဘောကျလို့ မျက်ရည်ဒူးနဲ့သုတ်ရတဲ့ အိမ်က မိန်းမတွေလည်း တစ်ပုံကြီး။ ဒါတွေကို အပြစ်အနေနဲ့ ပြောနေတယ် ဝေဖန်နေတယ် ဆိုစေအုံး .. ဒီမှာ ကျွန်တော် Seriously ပြောလိုတာက Behaviorism ပါ။

အခု အကယ်ဒမီပေးပွဲမှာ လက်ခုတ်သြဘာပေးပြီး ဆု တစ်ချို့ရတဲ့ ဒီဇာတ်ကားကို အခြား Civilization ထွန်းကားတဲ့ နိုင်ငံတွေမှာ စာတန်းထိုးပြီး ပြရင် သူတို့ မြန်မာနိုင်ငံရဲ့ ကျေးလက် ဓလေ့စရိုက်ကို ဘယ်လို သတ်မှတ်မလဲ။ ကြက်ဥ အတွက်တို့ ရေအိုးကွဲလို့ Seriously ရန်ဖြစ်ကြ ရန်တွေ့ကြတဲ့ လူတွေနေတဲ့ တိုင်းပြည်ဆိုပြီး သတ်မှတ်ခံရတော့မှာပေါ့ ဗျာ။ နောက် ကျုပ်တို့ မြန်မာတွေ သိပ်ရန်ဖြစ်တယ် .. အချင်းချင်းလည်း ရန်ဖြစ်တယ် .. တိုင်းရင်းသားတွေနဲ့လည်း ရန်ဖြစ်တယ် .. လူမျိုးခြား ဘာသာခြားတွေနဲ့လည်း ရန်ဖြစ်တယ် .. အဲဒါ အကောင်းမဟုတ်ဘူး။ အခုလိုခေတ်မှာ လူမျိုးခြားနှိမ့်ချတဲ့ အသုံးအနှုန်းတွေ ဟိုးတလောက ပဒေါင်းလူမျိုးတွေကို ခပ်ကြောင်ကြောင် ဟာသရိုက်ပြတဲ့ ဇာတ်ကားတွေဟာ အတော့်ကို အကျဉ်းတန်တဲ့ ဇာတ်ကားတွေပါ။ ဒါတွေကို ရုပ်ရှင်အသိုင်းဝိုင်းက အကြီးအကဲတွေက မသွန်သင်တာပဲလား .. သူတို့ကိုယ်တိုင်ကိုယ်က မသိမမြင် ကြတော့တာလား။ ဥပမာ တက္ကသိုလ်ဇာတ်လမ်းဆိုလည်း Social Construcvism Approach ဖြစ်တဲ့ ဟိုးတစ်ခေတ်က "ဘယ်သူပြိုင်လို့ လှပါတော့နိုင်" ဇာတ်ကားလို တက္ကသိုလ်ကျောင်းသူ ကျောင်းသားတွေ ရွာမှာ အ သုံးလုံး သွားပြီး သင်ပေးတာမျိုး ရိုက်မပြစေအုံး တက္ကသိုလ်ကျောင်းသား ကျောင်းသူတွေ ဝိုင်းပြီး Social အတွက် Project လေးတစ်ခုခု လုပ်ပြတာတွေ မရိုက်ပြကြတော့ပဲ .. တွေ့တာနဲ့ ကြောင်နဲ့ခွေးအလား ရန်ဖြစ်လို့ ပြန်ချစ်ပြတာပဲ ရိုက်ပြတတ်တော့တယ်။ ရုပ်ရှင်ဆိုတာ သူ့ခေတ်တစ်ခုရဲ့ လူတွေရဲ့ နေထိုင်မှု၊ ဝတ်စားဆင်ယင်မှု ပြောဆိုဆက်ဆံမှုကို ထင်ဟနေစေတာ အမှန်ပါပဲ။ ယနေ့ နာမည်ကြီး ကိုရီးယားကားတွေဆိုလည်း သူ့ခေတ်သူ့အခါရဲ့ ဝတ်စားဆင်ယင်မှု တရားစီယင်မှုတွေကို ပြနေကြတာပဲ မဟုတ်လား။ အခု ရုပ်ရှင်ထဲမှာ ဘီယာတွေသောက်ပြကြတော့ ယနေ့ခေတ် လူငယ်တွေ အားကစားမလုပ်ပဲ ဘီယာ အရက်စွဲလို့ အသည်းဖောတဲ့အဖြစ်နဲ့ ရှောကြတာ မဆန်းဘူး။ ဟိုးခေတ်က "သူ့အဖေက အရက်သမားကြီး" ဆိုတဲ့ စကားကို လူတိုင်းရှက်ကြတယ်။ ဒါကြောင့် လမ်းဘေးအရက်ဆိုင်မပြောနဲ့ စားဖျော်လို အစိုးရ အရက်ဆိုင်တောင် အရှက်မရအောင် Privacy လုပ်လို့ လိုက်ကာ ခန်းစီး အဝင်ဝကနေ အတွင်းထဲထိ ကာပေးထားတယ်။ ဒါတွေက ဥပမာပေးပြီး မြင်အောင် ရေးပြထားတာ။

အတိုချုံးပြောပြရရင် .. အခြားနိုင်ငံတွေမှာ မိန်းကလေးတွေကိုအရင်က နှိမ်ကျလို့ မိန်းကလေးတွေရဲ့ စိတ်ဓါတ်မြှင့်တင်တဲ့ သဘောနဲ့ ဇာတ်ကားတွေ ရိုက်ပြကြတယ်။ အဲဒီကားတွေကြည့်မိတဲ့ Generation တွေဟာ သိပ်ထူးချွန်ကြတဲ့ အဖြစ်သို့ ရောက်ကြတယ်။ ကျွန်တော်တို့ဆီမှာ အဲဒီလို လူတွေ စိတ်ဓါတ်မြှင့်တင်လာအောင် .. အခုလို တန်ကြေးမရှိတဲ့ ကြက်ဥတစ်လုံးအတွက် ရန်ဖြစ်တဲ့ ဇာတ်ကားတွေထက် .. မြို့ကလူတွေရော ရွာကလူတွေပါ Civilization ထွန်းကားတဲ့ အဖြစ်တို့ ကြိုးစားချင်စိတ်ဖြစ်လာအောင်၊ စဉ်းစားဥာဏ်ပိုကောင်းလာအောင်၊ အချိန်တွေလေးစားလာအောင်၊ ကျန်းမာရေးလိုက်စားလာအောင်၊ ဝတ်စားဆင်ယင်မှုတွေ စမတ်ကျလာအောင်၊ မိမိအချင်းချင်းရော လူမျိုးခြား ဘာသာခြား နိုင်ငံခြားသားတွေနဲ့ Social Construcvism Approach လာနိုင်မယ့် Human Race Forward စိတ်ရှိမယ့် ဇာတ်ကားတွေ ရိုက်ပြစေချင်တာပေါ့။ ကိုယ့်နိုင်ငံက ဇာတ်ကား နိုင်ငံခြားသားကို Dubbingနဲ့ဖြစ်ဖြစ် စာတန်းထိုးဖြစ်ဖြစ် ပြလို့ .. ဟာ မင်းတို့ မြန်မာတွေ အရမ်းကို Polite ဖြစ်ပြီး စိတ်ဓါတ်အဆင့်အတန်း တော်တော် မြင့်ပါလား ဆိုပြီး ချီးကျူးမယ့် နေ့ကို မျှော်လင့်ပါတယ်။ ကျွန်တော်တို့ ကမ္ဘာကြီးနဲ့ယှဉ်ကြည့်ရင် ကိုယ့်ယဉ်ကျေးမှု ကိုယ်နားလည်ထားသလောက်လေးထက် အခြား advance ကျတဲ့ Social Construcvism Approach ဆန်တဲ့ Civilization အကြောင်းတွေကို လေ့လာဖို့ လိုပါသေးတယ်။

ရွာမှာ သွားပြီး တက္ကသိုလ် ကျောင်းသူ ကျောင်းသားတွေ မောင်ရင်းနှမ စုပေါင်းလို့ စာတတ်ပါစေတော့ ဆိုတဲ့ စိတ်နဲ့ စည်းစည်းလုံးလုံး စာသွားသင်ပေးတဲ့ " ဘယ်သူပြိုင်လို့ လှပါတော့နိုင် " ဇာတ်ကားမှ စရေတွက်လာရင် ရွာထန်းတောမှာ ရန်ဖြစ်တဲ့ ဇာတ်ကားမှ .. အခုလို ကြက်ဥ တစ်လုံးအတွက် တစ်ရွာလုံး ပွက်လောညံတဲ့၊ ၄ ပေအထက်ကနေ တက်မလာတဲ့ အောက်လုံးပျက်လုံးတွေနဲ့ ဇာတ်ကားတွေကို ကြည့်ချင်းအားဖြင့် စိတ်ဓါတ်အဆင့်အတန်းဟာ ၄ ပေနေ .. အထက် ဦးနှောက်လောက်ထိ ပိုပြီးထပ်တက်မလာဘူးဆိုတာကိုပဲ ခန့်မှန်းလို့ရပါတော့တယ်။

Credit to Myo Han Tun



သမ္မတဦးသိန်းစိန်က ၂၀၁၄ ခုနှစ် နှစ်သစ်ကူးမိန့်ခွန်းမှာ ဖွဲ့စည်းပုံပြင်ဆင်ရေး၊ နိုင်ငံတော် အကြီးအကဲ အရည်အချင်းသတ်မှတ်ချက်တွေနဲ့ပတ်သက်ပြီး သဘောထားတွေကို ထုတ်ဖော် ပြောဆိုခဲ့ပါတယ်။

သမ္မတက နိုင်ငံရေးဆန္ဒတွေကို ဖြည့်ဆည်းပေးနိုင်တာထက် ပိုမိုမျှော်မှန်းဆောင်ရွက်ရင် နိုင်ငံရေးအကျပ်အတည်းဖြစ်လိမ့်မယ်လို့လည်း သတိပေးပြောကြားလိုက်ပါတယ်။

လက်ရှိဖြစ်ပွားနေတဲ့ နိုင်ငံရေးဦးဆောင်မှုနဲ့ ပတ်သက်ပြီး သဘောထား ကွဲပြားမှုတွေကို ကိုင်တွယ်ဖြေရှင်းရာမှာ နိုင်ငံရေးအကျပ်အတည်းတခုကို ဦးတည် မသွားစေနိုင်ဖို့အတွက် နိုင်ငံရေးရွေးချယ်မှု မှန်ကန်စေဖို့ အားလုံးမှာ တာဝန်ရှိတယ်လို့လည်း ဆိုပါတယ်။

ဒါ့အပြင် လက်ကျန် နိုင်ငံရေးအကျဉ်းသား အားလုံးကိုလည်း အမျိုးသား ပြန်လည်ညီညွတ်ရေးကို ရှေးရှုပြီး ပြန်လွှတ်ပေးလိုက်ပြီလို့လည်း သမ္မတက ပြောကြားခဲ့ပါတယ်။

သမ္မတ ဦးသိန်းစိန် မိန့်ခွန်းနဲ့ ပတ်သက်ပြီး သတင်းစာဆရာကြီး ဟံသာဝတီ ဦးဝင်းတင်ကို တွေ့ဆုံမေးမြန်းထားပါတယ်။

မျိုးဇော်လင်း-ဒီဗွီဘီ
(Dvb)

နိုင်ငံရေးပုဒ်မဖြင့် ထိန်းသိမ်းခံခဲ့ရသည့် ထောက်လှမ်းရေးအရာရှိဟောင်း နှစ်ဦးကို ဇန်န၀ါရီလ ၁ ရက် နံနက်ပိုင်းတွင် အကျဉ်းထောင်များက လွှတ်ပေးလိုက်သော်လည်း ညနေပိုင်းတွင် ပြန်လည်ထိန်းသိမ်းခဲ့ သည်ဟု နိုင်ငံရေးအကျဉ်းသားဟောင်းများ ကူညီစောင့်ရှောက်ရေးအသင်း လက်ထောက် စီမံခန့်ခွဲရေး မှူး ဦးအောင်မျိုးကျော်က မဇ္ဈိမကို ပြောသည်။

“သူတို့နှစ်ယောက်က ၅(ဇ)နဲ့ အမိန့်ချခံထားရသူတွေ။ အဲတော့ သူတို့က သမ္မတပေးတဲ့ လွတ်ငြိမ်းချမ်း သာခွင့်အမိန့်ထဲမှာ အကျုံးဝင်ပြီး ပြန်လွှတ်ပေးလိုက်တယ်ပေါ့။ ဒါပေမဲ့ သူတို့ကို စ.အ.ဖက ပြန်ပြီးခေါ် သွားတယ်ဆိုတာပဲ သိရတယ်။ ဘာကြောင့် လာပြန်ခေါ်သွားတယ်၊ ဘာဆက်လုပ်မယ် ဆိုတာတော့ မသိရသေးဘူး”ဟု ပြောသည်။

အကျဉ်းထောင်များမှ လွတ်မြောက်လာပြီး ပြန်လည်ထိန်းသိမ်းခံရသူနှစ်ဦးသည် လားရှိုးအကျဉ်းထောင် မှ ၅(ဇ)လေးမှု၊ အများပိုင်ပစ္စည်း ကာကွယ်စောင့်ရှောက်မှုဥပဒေ (အပက-၃)ငါးမှု၊ နိုင်/စီးလေးမှုနှင့် လိမ် လည်မှု(ပုဒ်မ ၄၂၀) တို့ဖြင့် ထိန်းသိမ်းခံရသော ဗိုလ်မှူးကြီးတင်ဦးနှင့် ဘားအံအကျဉ်းထောင်မှ ဗိုလ်မှူး မိုးသူတို့ ဖြစ်ပြီး ပုဒ်မ ၅(ဇ)သည် ၁၉၅၀ပြည့်နှစ်၊ အရေးပေါ်စီမံမှု အက်ဥပဒေဖြစ်သည်။ ဗိုလ်မှူးကြီးတင် ဦးကို လားရှိုးလေဆိပ်၌ပင် ညနေပိုင်းတွင် စ.အ.ဖက ပြန်လည်ခေါ်ဆောင်သွားခဲ့ပြီး ဗိုလ်မှူးမိုးသူကိုမူ ရန်ကုန်အပြန် အင်းစိန်အကျဉ်းထောင်တွင် ပြန်လည်ထိန်းသိမ်းမည်ဟု ထောက်လှမ်းရေးနှင့် နီးစပ်သည့် အသိုင်းအ၀ိုင်းမှ သိရသည်။ ယင်းကိစ္စနှင့်ပတ်သက်၍ မဇ္ဈိမမှ သီးခြား အတည်ပြုချက်မရသေးပါ။

လားရှိုးမြို့ ပြန်ကြားရေးနှင့် ပြည်သူ့ဆက်ဆံရေးရုံးမှ တာဝန်ရှိသူတစ်ဦးက “ဟုတ်တယ်။ ဒီနေ့ လားရှိုး အကျဉ်းထောင်က တစ်ယောက်လွှတ်တယ်တဲ့။ ထောက်လှမ်းရေးတပ်က ဗိုလ်မှူးကြီးတင်ဦး။ဒီနေ့မနက် ပိုင်းမှာ လွှတ်တာ”ဟု ပြောသည်။

လွတ်ငြိမ်းချမ်းသာခွင့်တွင် အကျုံးဝင်စေမည့် ပုဒ်မများသည် မတရားအသင်း အက်ဥပဒေပါ ပြစ်မှုများ၊ နိုင်ငံတော်သစ္စာဖောက်ဖျက်ပုန်ကန်မှု၊ အကြည်ညိုပျက်အောင်ပြုလုပ်မှု၊ နိုင်ငံတော်အား နှောင့်ယှက် ဖျက်ဆီးလိုသူများ၏ဘေးအန္တရာယ်မှ ကာကွယ်စောင့်ရှောက်သည့် ဥပဒေပါ ပြစ်မှုများ၊ ငြိမ်းချမ်းစွာစုဝေး ခွင့်နှင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေပါ ပြစ်မှုများ၊ အများပြည်သူ၏ အကျိုးပျက်စီးစေ မှု (ပုဒ်မ ၅၀၅)နှင့် ၁၉၅၀ ပြည့်နှစ် အရေးပေါ်စီမံမှု အက်ဥပဒေပါ ပြစ်မှုများ ပါဝင်သည်။

Mizzima - News in Burmese

အပိုင်း ၁

(နိုင်ငံရေး ဈေးသစ်ကြီးနဲ့ ငွေရှင်ကြေးရှင် အာဏာရှင်များ)

ဒီနေ့ မြန်မာနိုင်ငံမှာ ဈေးကွက်ကို ဘုရားသဖွယ် ကိုးကွယ်လာနေလိုက်ကြတာ ခုတော့ အားလုံးဟာ ရောင်းကုန် ဖြစ်ကုန် တော့တာပဲ။

လုပ်အားကလည်းရောင်းကုန်၊ လုပ်ပိုင်ခွင့်ပါမစ်ကလည်း ရောင်းကုန်၊ ပညာရေးကလည်း ရောင်းကုန်၊ မိန်းကလေးတွေကလည်း ရောင်းကုန်ဖြစ်လာတယ်။ ကုန်ကုန်ပြောရရင် နာမည်ကြီး ဓမ္မကထိက ဘုန်းတော်ကြီးတချို့ရဲ့ တရားပွဲတွေကိုတောင် ရောင်းကုန်လို့ သဘောထားပြီး လုပ်စားသူ တွေ ရှိလာတယ်။

အဲသလို ပေါ်ထွက်လာတဲ့ ရောင်းကုန်တွေ အနက်မှာ ဈေးအပေါဆုံး နောက်ဆုံးပေါ် ရောင်းကုန်ကတော့ နိုင်ငံရေးသမား ဆိုတဲ့ ရောင်းကုန်ပဲ။

နိုင်ငံရေးသမားတွေကို ရောင်းနေဝယ်နေလိုက်ကြတာ တော်တော်များများလည်း ဈေးတည့်ကုန်ပါပြီ။ ဝယ်လို့ မရတဲ့ နိုင်ငံရေးသမားဆိုတာ နည်းနည်းပါးပါးပဲ ကျန်လိမ့်မယ်။ တော်တော်နည်းပါတယ်။

ရှယ်ယာနဲ့ ငွေကြေးအရောင်းအဝယ်လုပ် ဈေးကစားတဲ့ နာမည်ကျော်စီးပွားရေးသမား ဂျော့ဆိုးရော့စ် မြန်မာနိုင်ငံလာသွားတုန်းက ၈၈ ကျောင်းသားတွေနဲ့ တွေ့သွားတာကို အားလုံးမှတ်မိကြမယ် ထင်တယ်။ ဒါပေမဲ့ ဆိုးရော့စ် ပြန်သွားပြီးနောက်မှာ ၈၈ ကျောင်းသားတွေကြား ပူညံပူညံ ဖြစ်သွားတဲ့ ပြဿနာ တခုကိုတော့ လူအများသိကြမယ် မထင်ဘူး။ လူအများ မသိကြပေမဲ့ နိုင်ငံရေး အသိုင်းအဝိုင်းမှာတော့ တော်တော်များများ သိကြတယ်။ အဲဒါကတော့ ဆိုးရော့စ်က ကိုကိုကြီးလက်ထဲထည့်သွားတဲ့ ဒေါ်လာ ၂ သောင်းခွဲ ကိစ္စပါ။ အဲဒီဒေါ်လာ ၂ သောင်းခွဲကို ကိုကိုကြီးက ဘယ်သူ့မှ မပြောဘဲ တယောက်တည်း ဒိုင်လျှိုလေးဖွက်သုံးတော့ ကိုမြအေးက မေးခွန်းထုတ်၊ ကိုကိုကြီးက အိုးနင်းခွက်နင်း ဖြေရှင်းချက်ထုတ်၊ မကျေမနပ်ဖြစ်ကြ၊ နောက်ဆုံးတော့ စည်းလုံးညီညွတ်ရေး ခေါင်းစဉ်အောက်မှာ အကျင့်ပျက်မှုကို ဖုံးဖိမြိုသိပ်ထားလိုက်ကြရတယ်။ အငယ်ပိုင်း ၈၈ တယောက်ကတောင် "ကိုကိုကြီးလုပ်လို့ပေါ့ကွာ။ ငါသာလုပ်ရင် ဆောင့်ကန်ခံရတာ ကြာပြီ" လို့ မကျေမနပ်ပြောသေးတယ်လို့ ဆိုပါတယ်။။ မြန်မာ့သမိုင်းမှာ သိန်းလေးဆယ်ကိုကိုကြီးနောက် ဒေါ်လာ ၂ သောင်းခွဲ ကိုကိုကြီး တယောက်ပေါ်ပေါက်ခဲ့ဖူးတယ်လို့များ နောင်အခါ သမိုင်းမှာ မှတ်တမ်းတင်ကြမလား မသိဘူး။

၈၈ မျိုးဆက်အဖွဲ့နဲ့ ဆိုးရော့စ်နဲ့ အလွမ်းသင့်သွားလိုက်ပုံများကတော့ ၈၈ မျိုးဆက်ကျောင်းသားအဖွဲ့တောင် ပွင့်လင်း လူ့အဖွဲ့အစည်းအဖွဲ့နာမည် ဖြစ်သွားတဲ့အထိပါပဲ။

၈၈ မျိုးဆက်အဖွဲ့ဟာ ပြည်တွင်းပြည်ပ ငွေကြေးထောက်ပံ့မှု အများဆုံးရတဲ့ အဖွဲ့တဖွဲ့ပဲ။ အများဆုံး ထောက်ပံ့ကြေးရတာကတော့ ကိုမင်းကိုနိုင်နာမည်နဲ့ ရတာက အများဆုံးပဲ။ ဘယ်လောက်ဝင်ပြီး ဘယ်လောက်ထွက်တယ် ဆိုတာကို ဘယ်သူမှတော့ သေသေချာချာ မသိကြဘူး။ ငွေဝင်ငွေထွက်ကို အဓိက စီမံခန့်ခွဲပေးတဲ့ ကိုမင်းကိုနိုင်ရဲ့ လက်ရုံးကြီးကတော့ ကိုဂျင်မီလို့ အများသိထားကြတယ်။

၈၈ မျိုးဆက်အဖွဲ့ဟာ ငွေနဲ့ပတ်သက်လာရင် ပေးသမျှယူ၊ လှူသမျှစားနေတယ်လို့ ထင်စရာဖြစ်လာတယ်။ ဂစ်တာဘန်းပြပြီး ခရိုနီပေးတဲ့ငွေကို လက်ခံသလို ၊ စစ်တပ်က ပစ်ခတ်သတ်ဖြတ်ခဲ့တဲ့ ၈ လေးလုံး နှစ်ပတ်လည် နေ့ကြီးမှာ စစ်အာဏာရှင်တွေက နိုင်ငံရေး ရည်ရွယ်ချက် အပြည့်နဲ့ ပေးလာတဲ့ငွေကိုလည်း လက်ခံပါတယ်။

ပြီးခဲ့တဲ့ ၂၀၁၃ ရှစ်လေးလုံး နှစ်ပတ်လည် အခန်းအနားဟာလည်း စစ်ခေါင်းဆောင်တွေကို သွားဖိတ်လို့ အကြီးအကျယ် အငြင်းအခုန်ဖြစ်ခဲ့ကြရတယ်။ ဒီ့ထက်ပိုဆိုးတာက ရှစ်လေးလုံးနှစ်ပတ်လည်မှာ ရတဲ့ လှူဒါန်းငွေ သိန်း ၈၀၀ ကျော်ကို စာရင်းမရှင်းနိုင်တဲ့အချက်ပဲ။ ရှစ်လေးလုံးနှစ်ပတ်လည်ကနေ ဆုံးဖြတ်ချက် တွေချပြီး၊ အဲဒီ ချထားတဲ့ ဆုံးဖြတ်ချက်တွေကို အကောင်ထည်ဖော်မယ့် လုပ်ငန်းဖော်ဆောင်ရေး ကော်မတီကို ငွေသိန်း ၅၅၀ လှူဒါန်းမယ်လို့ ဆိုတယ်။ အဲဒီ သိန်း ၅၅၀ ဆိုတာကလည်း ဘာဆုံးဖြတ်ချက်မှ အကောင်အထည် မဖော်ရသေးခင် တနေ့တခြား လုံးပါးပါးလာလိုက်တာ ခုတော့ ကုန်တော့မလောက် ဖြစ်လာတယ်။ ဘယ်လိုကုန်၊ ဘယ်လိုလျော့သွားတယ်ဆိုတာကိုလည်း စာရင်းရှင်း နိုင်သူ ဘယ်သူမှ မရှိတော့ဘူးလို့ သတင်းကြီးနေတယ်။ ဘဏ်စာရင်းလက်ခံဖွင့်ထားသူ ကိုတိုးကျော်လှိုင်နဲ့ ကိုညိုထွန်းတို့ ၂ ယောက်လည်း ဘာမှ တတ်နိုင်ကြပုံ မပေါ်ဘူး။

၈၈ ခေါင်းဆောင် အားလုံးကိုယ်စီကိုယ်စီဟာ ခုတော့ ပြည်တော်သာနေကြပြီ။ သူတို့ လက်ထဲမှာ ဂလက်ဆီ နုတ်တူးလေးတွေ ကိုယ်စီကိုယ်ငှ ကိုင်ထားကြတော့ ဂလက်ဆီ နုတ်တူး ဟာ ၈၈ ရဲ့ အိုင်ဒီကဒ်လို့တောင် နိုင်ငံရေးလောကမှာ လူပြောများလာတယ်။ ငွေကြေးထောက်ပံ့သူတွေက လည်းရှိလာ၊ နိုင်ငံရေး ရည်မှန်းချက်တွေကလည်း အမျိုးမျိုးကွဲလာတော့ ၈၈ အဖွဲ့ကလူတွေကလည်း ဟိုလူက ရုံးခန်း တခန်းခွဲထောင် ဒီလူက ရုံးခန်းတခန်းထောင် ကိုယ်စီကိုယ်စီ ရုံးခန်းတွေ အပြိုင်အဆိုင် ထွက်ပေါ်လာတယ်။ ကိုကိုကြီးဆိုရင် သူတယောက် တည်းတွင် ရန်ကုန်မြို့ပေါ်မှာ ရုံးခန်း ၂ ခန်း ၃ ခန်းဖွင့်ထားပါတယ်။ ၈၈ တွေ အဲသလို သူတလူ၊ ငါတမင်းဖြစ်လာလို့ နိုင်ငံရေး အသိုင်းအဝိုင်းမှာ သူတို့ကို ၃၇ မင်းလို့တောင် လှောင်ပြောင်ခေါ်ဝေါ်လာကြတယ်။

ပညာရေးနဲ့ ပြန်လည်ထူထောင်ရေးကို တာဝန်ယူထားတဲ့ ၈၈ ကိုစိုးထွန်းရဲ့ ရုံးခန်းမှာဆိုရင် အမေရိကန်က လှူဒါန်းထားတဲ့ လက်ပ်တော့ ကွန်ပြူတာ အလုံး ၃၀ လောက်ရှိတယ်။ အဲဒီကွန်ပြူတာတွေမှာ "မကျွမ်းကျင်သူ မပြင်ရ၊ ပေါက်ကွဲတတ်သည်" ဆိုတဲ့ သတိပေးစာတန်းတွေတောင်ပါနေတယ်။ အမေရိကန်က သူတို့ကို ဘယ်လို လက်ပ်တော့ အမျိုးအစားတွေကို ဘယ်လိုရည်ရွယ်ချက်နဲ့ လှူဒါန်းထားတယ်ဆိုတာ စိတ်ဝင်စားစရာ ဖြစ်ပါတယ်။

အရင်တုန်းက ကျောင်းသားတွေ နိုင်ငံရေး လုပ်ရင် မိဘကပေးတဲ့ မုန့်ဖိုးငွေကလေးထဲကနေ ဖဲ့ထုတ်ပြီး အိတ်စိုက်လုပ်ကြရတယ်။ အလုပ်သမားတွေ နိုင်ငံရေး လုပ်ရင်လည်း ချွေးနှဲစာထဲကနေ စုဆောင်းပြီး ကိုယ့် ဖာသာ ရန်ပုံငွေထည့်ပြီး ခြစ်ခြုတ်ကြိုးစားလုပ်ကြရတယ်။ ဒီနေ့ခေတ်မှာတော့ ငွေမရှိရင် နိုင်ငံရေး လုပ်လို့ မဖြစ်ဘူးလို့ ပြောလာကြတယ်။ ကိုယ့်ဖာသာ ရိုးရိုးသားသား နိုင်ငံရေးကို ကိုယ်ကျိုးစွန့် အနစ်နာခံလုပ်ချင် သူတွေတောင် သူများမေးငေါ့ခံလာရပြီး ကိုယ်ကပဲ တုံးလို့အလို့ တပြားမှ မရသလို ဖြစ်လာတယ်။ သူများ တွေ လက်ဖျား ငွေသီးနေတာကြည့်ပြီး ရိုးချင်သူတွေတောင် ကလက်ချင်၊ ပျက်ချင်လာကြတယ်။

ဒီလို "ငွေမရှိရင် နိုင်ငံရေး လုပ်လို့မရ" ဆိုတဲ့အတွေးအခေါ် ထူထောင်လာကြချိန်မှာပဲ ငွေပေးချင်လို့ ငွေထုပ်ပိုက်ရှာ နေသူတွေကလည်း ပြည်တွင်းအထိ ရောက်လာကြတယ်။

အဲသလိုသူတွေထဲမှာ ၁။ စောစောကပြောတဲ့ ဂျော့ခ်ျ ဆိုးရော့စ် ရဲ့ အိုအက်စ်အိုင်ပါတယ်။ ဒါ့အပြင် ၂။ NED ပါတယ်။ ၃။ ပြည်သူတွေရဲ့ ငွေနဲ့ လုပ်ပိုင်ခွင့်ကို အလွဲသုံးစားလုပ်ချမ်းသာလာကြပြီး အခုအခါ၊ လက်ထဲက ငွေမည်း၊ နာမည်မည်း၊ သမိုင်းမည်းကို လျှော်ဖွတ်ချင်နေသူ ခရိုနီတွေလည်း ပါတယ်။ သူတို့အပြင် ၄။ နိုင်ငံရေးသမားကို ငွေနဲ့ဝယ်ချင်တဲ့ လက်ရှိ အစိုးရနဲ့ သူ့ဝန်ကြီးတွေလည်း ပါကြပါတယ်။

NED (National Endowment for Democracy) ဆိုတဲ့ အဖွဲ့အစည်းဟာ နာမည်နဲ့ လုပ်ရပ် ပြောင်းပြန် အချိုးကျတဲ့ အဖွဲ့အစည်းကြီးရယ်လို့ ကမ္ဘာ့ ဒီမိုကရေစီ အသိုင်းအဝိုင်းမှာ နာမည်ဆိုးနဲ့ ကျော်ကြားတဲ့ အဖွဲ့ကြီးပါ။ စီအိုင်အေရဲ့ ရှေ့ပြေးတပ်ဖွဲ့လို့ ကိုယ်တိုင်ဝန်ခံထားတဲ့ အဖွဲ့အစည်းပါ။

ကမ္ဘာတလွှားမှာ ရွေးကောက်ပွဲများစွာကို ကြိုးကိုင်ချယ်လှယ်ခဲ့ဖူးသလို၊ NGO လို့ခေါ်တဲ့ အစိုးရနဲ့ မပတ် သက်တဲ့ အဖွဲ့အစည်းတွေကို ငွေနဲ့ပေါက်ဝယ်ပြီး တိုင်းငယ်ပြည်ငယ်တွေရဲ့ နိုင်ငံရေးကို ကြိုးကိုင်ဆော့က စားနေတဲ့ အဖွဲ့အစည်းကြီးတခုဖြစ်ပါတယ်။

အဲသလိုအဖွဲ့အစည်းကြီးက မြန်မာဝန်ထမ်းခန့်ထားပြီး ဗမာပြည်ထဲက အဖွဲ့အစည်းတွေအကြောင်း သတင်းပေး လုပ်ခိုင်းထားပါတယ်။ NED ဆီက ထောက်ပံ့ငွေရရေးမှာ အဲဒီဝန်ထမ်းဟာ အရေးကြီးပုဂ္ဂိုလ် ဖြစ်လာပါတယ်။

NED ဆီက ငွေလိုချင်ရင် အောင်မော်ဇင်နဲ့ ဒီဇိုင်းနာ ပန်းချီဆရာ တယောက်ကို ကပ်ရမယ်လို့ ရန်ကုန် နိုင်ငံရေးလောကမှာ လူအများနားလည်ထားကြပါတယ်။ အောင်မော်ဇင်ကတော့ စောစောက ပြောတဲ့ NED ရဲ့ တရားဝင် မြန်မာ ဝန်ထမ်းပါ။ မန္တလေးသား ဒီဇိုင်းနာကတော့ ဘာ့ကြောင့် NED ရဲ့ငွေ ရရှိရေးမှာ အရေးပါ နေရတယ် ဆိုတာ ရှင်းရှင်းလင်း လင်း မရှိပါဘူး။ ဒါပေမဲ့ သူတို့ကို အကပ်ကောင်းရင် ငွေတကယ်ရ တာ တော့ အမှန်ပါ။

ကိုတိုးကျော်လှိုင်ကလည်း နိုင်ငံရေး အကျဉ်းသားခေါင်းစဉ်အောက်မှာ ဒေါ်လာ ၁ သောင်းခွဲရပါတယ်။ လက်ဝဲစာ ရေးဆရာကြီးဆိုသူတချို့ဦးဆောင်တဲ့ စာရေးဆရာ သမဂ္ဂတောင်မှ စီအိုင်အေရဲ့ ရှေ့ပြေးတပ်ဖွဲ့ လို့ခေါ်တဲ့ NED ရဲ့ ထောက်ပံ့ငွေကို ပျော်ပျော်ကြီး ယူကြပါတယ်။ စာရေးဆရာ သမဂ္ဂက ဒေါ်လာ ၂ သောင်းခွဲ ရပါတယ်။

၈၈ ခေါင်းဆောင်များဟာ နေစောင်းရင်၊ ဖေသောင်းတို့ အရည်တောင်းပြီဆိုတဲ့ ကိုမင်းကိုနိုင်စာအုပ်ထဲက အတိုင်း တံဆိပ်နီ၊ တံဆိပ်နက်၊ နှစ်ထပ်နက် ပုလင်းတွေနဲ့ ကောင်းစားနေကြပါတယ်။ သူတို့ထဲက အရေးပါတဲ့ ခေါင်းဆောင် တယောက်ဆိုရင် ဆေးစွဲနေရုံမက လူမှုရေး ဖောက်ပြန်မှု အပုပ်သတင်းကလည်း ပြန့်နှံ့နေပါတယ်။

ကိုယ့်နိုင်ငံသားတွေ နိုင်ငံခြားကငွေတွေ ဒီလိုမျက်မျက်ကလေး ရပြီး ကောင်းစားနေကြတာ သာဓုခေါ်စရာ ပီတိပွားစရာလို့ တချို့က ထင်ချင်ထင်ကြပါလိမ့်မယ်။ တကယ်တန်း "ဆိုးရော့စ်ရဲ့ အိုအက်စ်အိုင်" တို့ "စီအိုင်အေ ရှေ့ပြေး NED" တို့ရဲ့ အကြောင်းကို သိကြမယ်ဆိုရင်တော့ သာဓုခေါ်ဆိုနိုင်ဖို့ ခက်ပါလိမ့်မယ်။ ဒီအဖွဲ့တွေ အကြောင်းကို ပြည့်ပြည့်စုံစုံသိဖို့က ရှည်ရှည်လျားလျား ရှင်းပြဖို့လိုပါမယ်။ ဒါ့ကြောင့် နောက်ပိုင်းမှာ OSI နဲ့ NED တို့ကို အပိုင်းတပိုင်းစီ ခွဲပြီး သပ်သပ် ပြောပါမယ်။

NED ကအခုလို ခြေလှမ်းသွက်နေသလို သူ့ရဲ့ သြဇာအာဏာက ကမ္ဘာနဲ့ချီပြီး လွှမ်းမိုးကြိုးကိုင်ထား တာကိုသိတော့ Myanmar Peace Centre က အောင်မော်ဇင်ရဲ့ အစ်ကို မင်းဇင်ကို တနှစ် လစာ ဒေါ်လာ ၅ သိန်းပေးပြီး အလုပ်လာလုပ်ဖို့ခေါ်ပါတယ်။ တနှစ် ဒေါ်လာ ၅ သိန်းဆိုတာဟာ တလ ဒေါ်လာ ၄ သောင်းကျော်ပါတယ်။ လူသိများနာမည်ကြီးနေတဲ့ မင်းဇော်ဦးလစာ ဒေါ်လာ ၁ သောင်းထက် ၄ ဆကျော် များပါတယ်။ ဒါပေမဲ့ မင်းဇင်က ငြင်းပါတယ်။ အရောင်းအဝယ်မဖြစ်လိုက်ပေမဲ့ ပေးတဲ့ဈေးကိုက စိတ်ဝင်စားစရာလို့ ဆိုရမှာပါ။

ရန်ကုန်နိုင်ငံရေးသိပ္ပံသင်တန်းကျောင်း YSPS ဆိုတဲ့ မဇင်မာအောင်တို့ရဲ့ ကျောင်းကတော့ ဥရောပ နိုင်ငံ တနိုင်ငံကနေ ပေါင် ၁ သိန်း ထောက်ပံ့တာကို မြိုးမြိုးမျက်မျက် ရတယ်လို့ဆိုပါတယ်။

ဒီနေ့မြန်မာနိုင်ငံမှာ ရှိတဲ့ လူမှုရေး အဖွဲ့အစည်း၊ နိုင်ငံရေး အဖွဲ့အစည်းတွေထဲမှာ NED ၊ OSI ထောက်ပံ့ကြေးနဲ့ ကင်းလွတ်တဲ့ အဖွဲ့အစည်း ဘယ်နှဖွဲ့များ ရှိပါသလဲ။ ကုလသမဂ္ဂအဖွဲ့အစည်းတချို့က လွဲရင် ကျန်တဲ့ အဖွဲ့အစည်းမှန်သမျှ မကင်းရှင်းကြသလောက်ပါပဲ။ ကုလသမဂ္ဂ အဖွဲ့အစည်းတွေကို တော့ အမေရိကန်က တခြားလမ်းကြောင်းကနေ အသွင်တမျိုးနဲ့ ထောက်ပံ့ပါတယ်။

နိုင်ငံခြား အစိုးရရဲ့ငွေ၊ နိုင်ငံခြားကနေ ငွေပေးကြိုးကိုင်တတ်တဲ့ ခေါင်းကိုင်အဖွဲ့ကြီးတွေရဲ့ငွေ နဲ့ လွတ်ကင်းတာဆိုရင် မရှိတော့သလောက်ပဲ။ သူတို့ပေးတဲ့ငွေ ၊ သူတို့အကြံပေးဖွဲ့စည်းခိုင်းတဲ့အဖွဲ့ ၊ သူတို့ခင်းပေးတဲ့ ကစားကွက်ထဲမှာ ကျနော်တို့ ဗမာပြည်က နယ်ရုပ်ကလေးတွေဟာ ကိုယ့်ကို သူများက ကြိုးကိုင်လို့ကိုင်ထားမှန်း မသိဘဲ သူများစိတ်၊ ကိုယ့်ခန္ဓာနဲ့ လှုပ်ရှားနေကြရသလို ဖြစ်လာပါတယ်။

မိရိုးဖလာ ဘာသာရေး၊ လူမှုရေး အသင်းတွေနဲ့ ၂၀၀၇ သံဃာ့အရေးတော်ပုံမျိုးဆက် ကျောင်းသားလူငယ် တွေလောက်ပဲ ကြိုးကိုင်သူတွေရဲ့ ဈေးကွက်အပြင်ဖက်မှာ လွတ်လွတ်လပ်လပ် ရပ်တည်တယ်လို့ နိုင်ငံရေး လောကမှာ ပြောကြပါတယ်။

ဒါတောင် ဘယ်လောက်သန့်ရှင်းသလဲဆိုတာ မေးခွန်းထုတ်စရာ ရှိလာပါတယ်။ မကြာသေးခင်က လူငယ်ကျောင်းသား ခေါင်းဆောင်တချို့က NED ရဲ့ ထောက်ပံ့ငွေ ဒေါ်လာ ၂ သောင်း ခွဲကို လက်ခံပြီး စာဖတ်အသင်း လုပ်တယ်လို့ ကြားလာရပါတယ်။ အဖွဲ့အစည်းနဲ့ မဆိုင်ပါဘူး၊ အဖွဲ့အစည်းက သဘောမတူဘူးလို့ ပြောတဲ့အသံမျိုးလည်း ကြားရပါတယ်။ ဒါပေမဲ့ အဖွဲ့အစည်းရဲ့ ထိပ်တန်းရာထူး ယူထားတဲ့ လူတွေလုပ်တာကို အဖွဲ့အစည်းနဲ့ မဆိုင်ဘူးလို့ ပြောတဲ့ ကိစ္စမျိုးဟာ စဉ်းစားစရာအဓိပ္ပါယ်တွေ အများကြီးရှိပါတယ်။

ဒီတော့ ဗမာပြည်က နိုင်ငံရေး ၊ လူမှုရေး အဖွဲ့အစည်းတွေ အားလုံး NED ၊ OSI ရဲ့ ထောက်ပံ့ငွေတွေနဲ့ ကြီးပွားနေကြပြီဆိုပါတော့၊ ဒါဆိုရင် ဗမာပြည်ရဲ့ ရှေ့နိုင်ငံရေးမှာ ဘာတွေ ဖြစ်လာနိုင်သလဲ။ နောက်အပိုင်း တွေ မှာ ဆက်ရေးပါမယ်။

( အပိုင်း ၂)

(အစိုးရနဲ့ ခရိုနီတို့က ငွေပေးဖျက်ဆီးခြင်း)

နိုင်ငံရေး သမားတွေ ငွေကြေးနဲ့ အခွင့်အရေးယူကြတာကို ဝေဖန်ကြတဲ့ အထဲမှာ ကျယ်ကျယ် လောင်လောင် အဝေဖန်ခံရပြီး တုန့်ပြန် ငြင်းခုန်မှုလည်း တော်တော်များတဲ့ ဖြစ်ရပ်တခုကတော့ မကဒတ ခေါ် ABSDF ခေါ် ကျောင်းသားတပ်မတော်ရဲ့ ကားအစီး ၆၀ ကိစ္စဖြစ်ပါတယ်။

တကယ်တော့ အစိုးရက ကားပေးသတ်တာကို ပျော်ပျော်ကြီး ခံသွားကြသူတွေဟာ လက်နက်ကိုင် တော်လှန်ရေး အဖွဲ့အစည်း အားလုံးနီးနီး ဖြစ်ပါတယ်။ အပစ်မရပ်နိုင်သေးတဲ့ ကချင်၊ တအာင်း၊ လားဟူ အဖွဲ့တွေလောက်ပဲ ကျန်ပါတယ်။

ကားယူသူတို့ရဲ့ ကျင့်ဝတ်သိက္ခာ

အားမနာတမ်း ဝေဖန်ရရင် အဲဒီအဖွဲ့တွေဟာ မော်တော်ကားနဲ့ နိုင်ငံရေး ဂုဏ်သိက္ခာလဲလှယ် လိုက်ကြတာ ပါပဲ။

ဒီလို အဖွဲ့အစည်းအားလုံး အနက်မှာ မကဒတ ကျောင်းသားတပ်မတော်ကို တော်တော်လေး ပိုပြီး ဝေဖန်ကြ တာကိုတွေ့ရတယ်။ ဘာ့ကြောင့် သူတို့ကို ပိုပြီး ဝေဖန်ကြသလဲ။

ဖြစ်နိုင်တာကတော့ မကဒတ အပေါ်လူတွေက ပိုပြီး မျှော်လင့်ချက်ထားကြလို့ ဖြစ်မယ်ထင်ပါတယ်။ မကဒတကိုတော့ ဒီလိုမျိုးကားနဲ့ လာဘ်ထိုးလို့ ရမှာမဟုတ်ဘူးလို့ လူတွေက ထင်ထားကြလို့ ဖြစ်မယ် ထင်ပါတယ်။ ဖိနှိပ်တဲ့ အစိုးရတရပ်ကို လက်နက်နဲ့ အံတုပုန်ကန်တဲ့ ကျောင်းသားတပ်မတော်ဆိုတာ ကမ္ဘာ့ သမိုင်းမှာတောင် ရှာမှရှားမဟုတ်လား။ မကဒတဟာ ပြည်သူ့ရန်သူကို ပြတ်ပြတ်သားသား လက်နက်ကိုင် ဆန့်ကျင်တိုက်ခိုက်ရဲတယ်၊ တိုင်းပြည်အတွက် သက်စွန့်ဆံဖျား ဆောင်ရွက်ဝံ့တယ်ဆိုတဲ့ သမိုင်း အစဉ်အလာရှိခဲ့တယ်။ အသက်စွန့်သွားတဲ့ ရဲဘော်တွေလည်း ရှိခဲ့တယ်။ ဒါ့ကြောင့်လည်း လေးစား အထင်ကြီး ကြတာ မျှော်လင့်ချက်ထားကြတာ သဘာဝကျပါတယ်။ ဒါပေမဲ့ ဒီလိုမျှော်လင့်မိလို့လည်း ပိုပြီး စိတ်ပျက်ကြပုံရပါတယ်။

မကဒတဘက်ကလည်း ဒီကားပါမစ် ကိစ္စနဲ့ ပတ်သက်ပြီး တော်တော်လေးခုခံပြောကြတာကို တွေ့ရပါတယ်။ အဓိက ပြောတဲ့ ဖြေရှင်းချက်တွေကတော့ ဒီငွေတွေကို ပွင့်လင်းမြင်သာမှုရှိရှိသုံးမှာပါ ဆိုတဲ့ အကြောင်း၊ တော်လှန်ရေး အကျိုးစီးပွား အတွက် သုံးမှာ ဖြစ်ကြောင်း ၊ အဖွဲ့အစည်းအတွက် သုံးမှာ ဖြစ်ကြောင်း ဆိုတာတွေ ဖြစ်ပါတယ်။ ဒါ့အပြင် မကဒတ ရဲ့ ရဲဘော်တွေ ဘယ်လောက် အနစ်နာခံကြရ ကြောင်း၊ ဘယ်လောက် အဆင်းရဲ အပင်ပန်းခံခဲ့ရကြောင်းဆိုတာတွေလည်း ပါပါတယ်။

မကဒတ ရဲဘော်တွေ ပင်ပန်းဆင်းရဲကြတယ်ဆိုတာ မှန်ပါတယ်။ ဒါပေမဲ့ နိုင်ငံရေးလုပ်ပြီး ပင်ပန်းဆင်းရဲတာ ခင်ဗျားတို့ချည်းပဲတော့ မဟုတ်ဘူး။ ပြည်တွင်းမှာလည်း ဆင်းရဲဒုက္ခခံကြရသူတွေ၊ ဘဝတွေ အသက်တွေ ပေးခဲ့ကြရသူတွေ အများကြီးပါ။ တော်လှန်ရေးအတွက် ၊ အဖွဲ့အစည်းအတွက် ပွင့်လင်းမြင်သာမှု ရှိရှိ သုံးစွဲ မယ်ဆိုတာလည်း ဖြစ်နိုင်လောက်တယ်လို့ ယုံကြည်ပါတယ်။ ဒါပေမဲ့ ပြဿနာက ဒီငွေက ဘယ်ကငွေလဲ။ ဘယ်သူ့ငွေလဲ။ ပေးတဲ့သူတွေကရော အဲဒီငွေကို တကယ်ပိုင်တဲ့လူတွေဟုတ်ရဲ့လား။ ပေးပုံပေးနည်းကရော ရိုးသားရဲ့လား ဆိုတဲ့အချက်တွေကို ထည့်မစဉ်းစားလို့ မဖြစ်ဘူး။

ဒီငွေတွေ ၊ ဒီကားပါမစ်တွေဟာ ဘယ်သူပိုင်တဲ့ ပစ္စည်းတွေလဲ။
ကားပါမစ်ဆိုတာ၊ ကားတင်သွင်းခွင့်လိုင်စင်ဆိုတာ တကယ်တော့ အခွင့်အရေးပဲ။ အထူးအခွင့်အရေးပဲ။ အထူးအခွင့်အရေးမို့ အထူးငွေကြေးအမြတ်အစွန်းတွေ ရတယ်ဆိုတာ အားလုံးသိပြီးသားပါ။ ကားပွဲစား တောင်သိပါတယ်။ အဲသလို အထူးအခွင့်အရေးမျိုးတွေကို စစ်အစိုးရ သက်တမ်းတလျှောက်လုံးမှာ မတရား ရယူပြီး ကြီးပွားချမ်းသာလာသူတွေကတော့ စစ်အစိုးရဆွေမျိုးတသိုက်နဲ့ စစ်အစိုးရနဲ့ နီးစပ်သူ ခရိုနီတွေပါ။ ဒါတွေကို သူတို့ ရနေ၊ ယူနေတာဟာ မတရားယူနေတာပဲဆိုတာကိုလည်း လူတိုင်းသိတယ်။ လူတိုင်းလည်း ခံပြင်းကြ ၊ ခံစားကြရတယ်။ အဲဒီလို မတရားလုပ်လို့ လူတွေက ခရိုနီဆိုရင်၊ စစ်အစိုးရဆိုရင် ရိုးတွင်းချဉ်ဆီ ထဲကနေ ခါးခါးသီးသီး မုန်းတီးတယ်။ မကဒတ ကျောင်းသားဟောင်းရဲဘော်တွေလည်း ဒါတွေကို မုန်းလို့ ဆန့်ကျင်တိုက်ပွဲဝင်နေတာပဲ မဟုတ်လား။ ခုတော့ မကဒတက အဲဒီအခွင့်အရေးကို ယူလိုက်ပြီဆိုတော့ ဒါကို ဘယ်လိုနားလည်ရမလဲ။ အော်…. ဒီစနစ်ကို မုန်းလို့ တိုက်နေတာမှ မဟုတ်ပဲ ၊ သူတို့မရဘဲ သူများရနေလို့ တိုက်နေတာကိုးလို့ နားလည်ရမလို ဖြစ်နေပါတယ်။ သူတို့လည်း ရရင်ယူတာပါပဲလားလို့ နားလည်ရမလို ဖြစ်နေပါတယ်။

မကဒတခေါင်းဆောင်တွေ ဘယ်လိုတွေးခေါ်ပြီး ဒီအခွင့်အရေးမျိုးကို ယူခဲ့သလဲ ဆိုတာ ကျနော်တွေးကြည့် မိတယ်။ "ရန်သူ့ဆီကငွေကိုရရင် တပြားရရ၊ နှစ်ပြားရရ ရသမျှ အမြတ်ပဲ" လို့ သဘောထားတာ ဖြစ်ချင် ဖြစ်ပါ လိမ့်မယ်။ "ငါတို့မယူလည်း ဒီငွေတွေ ဒီဘောင်းဘီချွတ်လူကြီးတွေ လက်ထဲရောက်မှာပဲ ၊ ငါတို့ယူပြီး ပြည်သူတွေ အတွက် အသုံးပြုလိုက်တာကမှ ကောင်းဦးမယ်" လို့တွေးပြီး ယူလိုက်တာလည်း ဖြစ်ချင် ဖြစ်မယ်။ ဒီလိုတွေးခေါ်ရင်တော့ ဒီအတွေးအခေါ်ဟာ ပိုက်ဆံလိုချင်လို့ ပေးတဲ့ ဆင်ခြေလို့ပဲ ပြောရလိမ့်မယ်။ ဒီလိုပြောကြေးဆိုရင် ခရိုနီတွေကလည်း ဒီလိုပြောလို့ ရတာပဲ။ "ငါတို့ ခရိုနီတွေ မယူရင် စစ် အာဏာရှင်တွေက ယူမှာပဲ။ စစ်အာဏာရှင်တွေလက်ထဲရောက်ရင် လက်နက်ဝယ်ပြီး ပြည်သူတွေကို နှိပ်စက် လိမ့်မယ်။ ဒီတော့ ငါတို့ ခရိုနီတွေယူပြီး ဇိမ်ခံလိုက်တာကမှ ပြည်သူတွေ သက်သာဦးမယ်" လို့ ခရိုနီတွေက ဆင်ခြေပေးမယ်ဆိုရင် ဘယ်လို သဘောထားမလဲ။ ခရိုနီနဲ့ ဒီတော်လှန်ရေးသမားတွေရဲ့ လုပ်ရပ်ဟာ ဘာများကွာခြားဦးမှာလဲ။ သေချာတာတခုကတော့ ခရိုနီတွေရော၊ မကဒတရော၊ အခုတိုင်းရင်းသားခေါင်းဆောင်တွေရောဟာ ပြည်သူ့ငွေကို ပြည်သူ့ သဘောတူညီချက် မပါဘဲ အလွဲသုံးစားလုပ်လိုက်ကြပြီဆိုတဲ့ အချက်ပဲ။ ဆင်းရဲသားကလေးငယ်တွေရဲ့ ထမင်းလုပ်ကို ခင်ဗျားတို့ လုယက်စားလိုက်တာနဲ့ ဘာမှ မထူးဘူး။

ဒါက ယူသူတွေဘက်က အပိုင်း။ ပေးတဲ့လူတွေအပိုင်းကိုလည်း ကြည့်ဦး။

ကားပေးသူတို့ ရဲ့ အလွဲသုံးစားလုပ်ရပ်

အစိုးရအဖွဲ့အနေနဲ့ အဲဒီငွေကို အဲသလိုပေးခွင့်ရှိရဲ့လား။ ဝန်ကြီးဌာနအနေနဲ့ရော အဲသလို ပေးခွင့်ရှိရဲ့လား။ ဘယ်အခွင့်ဘယ်အာဏာနဲ့ ပေးလိုက်တာလဲ။ ဘယ်သူပိုင်တဲ့ဟာမို့ အဲသလို ပေးလိုက်တာပါလဲ။

တကယ်တော့ ဒီလို အခွင့်အရေး ဒီလို ကားပါမစ်ဆိုတာဟာ အများပြည်သူပိုင်တဲ့ အရာ ဖြစ်တယ်။ ပြည်သူတိုင်းကို လွတ်လွတ်လပ်လပ် ယှဉ်ပြိုင်လျှောက်ထားခွင့်ပေးပြီးမှ တရားမျှတမှုရှိရှိနဲ့ ပေးသင့်သူကို ထိုက်သင့်တဲ့ အခွန်ထမ်းဆောင်ခိုင်းပြီး ပေးရမှာ ဖြစ်တယ်။ ခုတော့ မဟုတ်ပါဘူး။ ဦးသိန်းစိန်တို့ ဦးအောင်မင်းတို့က သူတို့ပိုင်ပစ္စည်းကျနေတာပဲ။ "မန်းငြိမ်းမောင်တို့ ယူလိုက်ကြကွာ၊ မောင်သံခဲတို့ ယူလိုက်ကြကွာ" ဆိုပြီး သူပိုင်ငွေကို အလှူကြီးပေးသလိုမျိုး ပေးချလိုက်တယ်။ ဒါကို ယူတဲ့လူတွေကလည်း ပြည်သူ့ငွေတွေဆိုတာကို မသိချင်ယောင်ဆောင်ပြီး ယူကြတယ်။ အလှူ့ရှင်ကြီးတွေကိုပဲ ကျေးဇူးရှင်ကြီးတွေဆိုပြီး ကျေးဇူးတွေ တင်လိုက်ကြတယ်။

သမ္မတ ဦးသိန်းစိန်နဲ့ ဝန်ကြီးဦးအောင်မင်းတို့အစိုးရဟာ ပေးခွင့်မရှိတာကို အဲသလို အလွဲသုံးစားလုပ်ပြီး ပေးခဲ့ရုံသာမက လွှတ်တော်က ခွင့်ပြုထားတဲ့ ဘတ်ဂျက်ထက် ပိုမိုပြီး ဥပဒေမဲ့ သုံးစွဲလိုက်တာလည်း ဖြစ်ပါတယ်။ လွှတ်တော်ကနေ အစိုးရအနေနဲ့ ပြည်သူ့ငွေကို ဒီလောက်ပဲ သုံးရမယ် ဒီလောက်ပဲ သုံးသင့်တယ်ဆိုပြီး ခွင့်ပြုသတ်မှတ်ထားတဲ့ ဘတ်ဂျက်ခွင့်ပြုချက်ကို ကျော်လွန်ပြီး သုံးစွဲလိုက်တာ ဖြစ်ပါတယ်။ အခုဟာက ငွေမဟုတ်ပါဘူး ပါမစ်ပါလို့ ဆင်ခြေပေးရင်တော့ ကလေးကတောင် ရယ်ပါလိမ့်မယ်။

ဒီအချက်ကို မကဒတနဲ့ တိုင်းရင်းသားခေါင်းဆောင်တွေကပါ မသိချင်ယောင်ဆောင်နေကြပေမဲ့ ဦးရွှေမန်းတို့ လွှတ်တော်က လူတွေက ကောင်းကောင်းကြီး သိကြ၊ သတိထားမိကြပါတယ်။ ဒါ့ကြောင့်လည်း ဦးရွှေမန်းက ဦးသိန်းစိန်ကို သတိပေးခဲ့တယ်။ အတွင်းကြိတ် အားပြိုင်မှုတွေ ငြင်းခုန်မှုတွေ ဖြစ်ခဲ့တယ်။ ဒါ့ကြောင့်လည်း ဦးအောင်မင်းကိုယ်တိုင် ထွက်ရှင်းလာရတာဖြစ်ပါတယ်။ "သူတို့ပေးတာဟာ ကားပါမစ် ပေးတာ မဟုတ်ပါဘူး။ တရားမဝင်တဲ့ကားတွေကို တရားဝင်အောင် လိုင်စင်လုပ်ပေးလိုက်တာပါ" တဲ့။

ဦးအောင်မင်းဟာ ခုခေတ်ဘောင်းဘီချွတ်ဝန်ကြီးတွေထဲမှာ စကားကို မှောက်ချည်လှန်ချည် အပြောတတ်ဆုံးသူလို့ ဆိုရတော့မယ်။ အနီးဆုံး အထောက်အထားက အခုပြောတဲ့စကားပါပဲ။ အခုပြော တဲ့စကားကို နားထောင်ကြည့်ရင် သူပြောတဲ့စကားဟာ ဘယ်လောက် မရိုးသားသလဲဆိုတာ ထင်ရှားလှပါတယ်။ ကားပါမစ်ကို စာရွက်ကြီးနဲ့ ထုတ်ပေးပါရက်နဲ့ "ကားပါမစ်လို့ သဘောမထားပါနဲ့ တရားမဝင်တဲ့ကားတွေကို တရားဝင်အောင် လုပ်ပေးတာပါ" ဆိုပြီး ပြောရဲတာဟာ သူ့သတ္တိပါပဲ။ မျက်နှာပြောင်ရဲတဲ့ သတ္တိပါ။ မကဒတမှာ လိုင်စင်တပ်မထားတဲ့ တရားမဝင်ကားအစီး ၆၀ ရှိတယ်လို့ ဘယ်သူကြားဖူးကြသလဲ။ ဦးအောင်မင်းရော ဘယ်က ကြားဖူးထားသလဲ။ အားလုံးဟာ သူတို့ပါမစ် ထုတ်ပေးတော့မှ ပါမစ်ကို ရောင်းစားကြတာသာဖြစ်တယ်။ ဘယ်အဖွဲ့မှာမှ တရားမဝင်ကား ၆၀ တွေ ၁၂၀ တွေမရှိဘူး၊ အခုလည်း ပါမစ်ထဲကပေးလိုက်တဲ့ ကားတွေကို ဘယ်သူမှ ဝယ်မစီးဘူးဆိုတာ ဦးအောင်မင်းလည်း အသိ၊ လက်နက်ကိုင်အဖွဲ့အစည်းတွေလည်း အသိ၊ ပြည်သူတွေလည်း အသိ၊ ကလေးကအစ အားလုံးသိကြပါရက်နဲ့ ဦးအောင်မင်းဘာလို့ ဒီလိုထွက်လိမ်တာ ပါလဲ။

ဦးသိန်းစိန်လုပ်တဲ့လုပ်ရပ်ဟာ ဥပဒေဘောင်ကိုကျော်လွန်ပြီးလုပ်ထားတာဆိုတာ ဦးအောင်မင်းသိနေလို့ပါ။ ဦးသိန်းစိန် အဲသလိုလုပ်တာ ဥပဒေဖောက်ဖျက်တဲ့ လုပ်ရပ်ဖြစ်ကြောင်း ဦးရွှေမန်းနဲ့ အငြင်းပွားထားတာကို ဦးအောင်မင်း သိထားလို့ပါ။ ဒါပေမဲ့ အတိုင်အဖောက်က မညီချင်တော့ ကားပါမစ်ကို ဦးသိန်းစိန်ကိုယ်တိုင် ယာတောစံအိမ်ထဲမှာ စာအိတ်နဲ့ခေါ်ပေးခဲ့ကြောင်းကို မန်းငြိမ်းမောင်က ဖွင့်ချပြောဆိုပြီး ဖြစ်နေပါတယ်။

လာဘ်ပေး လာဘ်ယူ လုပ်ရပ်

ဒီလို ဥပဒေမဲ့ ပေးတဲ့ငွေကို မကဒတနဲ့ တိုင်းရင်းသားခေါင်းဆောင်တွေ လက်ခံသင့်ရဲ့လား။ ပြည်သူ့ငွေကို ပြည်သူမသိဘဲပေးတာကို လက်ခံသင့်ရဲ့လား။ ပြည်သူ့ငွေကို ဥပဒေမဲ့ ထုတ်ပေးတာကို လက်ခံသင့်ရဲ့လား။ ပြည်သူ့ငွေကို ဒီလို အလွဲသုံးစားရယူတာဟာ ကျင့်ဝတ်သိက္ခာနဲ့ ညီတယ်လို့ ဆိုနိုင်ပါရဲ့လား။

ဒါ့အပြင် မကဒတရော၊ တိုင်းရင်းသားအဖွဲ့အစည်းတွေရောဟာ အစိုးရနဲ့ ယာယီ အပစ်အခတ် ရပ်စဲထားတဲ့ အဆင့်သာရှိပါသေးတယ်။ နိုင်ငံရေးဆွေးနွေးမှုကို တခွန်းမှ မဟရသေးပါဘူး။ ဒီတော့ ဒီကာလတွေကို ဆွေးနွေးဆဲကာလလို့ ဆိုရပါမယ်။ ဒီလိုဆွေးနွေးဆဲကာလမှာ ဆွေးနွေးဘက်အစိုးရက ငွေပေးတာဟာ လာဘ်ပေးတဲ့သဘော သက်ဝင်ပါတယ်။ အဲဒီငွေကိုယူတာဟာလည်း လာဘ်ယူတဲ့ သဘောသာ ဖြစ်ပါတယ်။

မကဒတဟာ မြန်မာပြည်သူတွေကို ကိုယ်စားပြုတယ်လို့ ကိုယ့်ကိုယ်ကိုယ် ခံယူထားမယ် ထင်ပါတယ်။ တခြား တိုင်းရင်းသားတွေကလည်း ကိုယ့်တိုင်းရင်းသားပြည်သူတွေကို ကိုယ်စားပြုတယ်လို့ ခံယူမယ် ထင်ပါတယ်။ ဒီတော့ အခုအစိုးရနဲ့ ဆွေးနွေးပွဲတွေဟာ ပြည်သူကို ကိုယ်စားပြုပြီး ပြည်သူ့ ခေါင်းဆောင် တွေအနေနဲ့ ဆွေးနွေးကြတဲ့ ဆွေးနွေးပွဲဖြစ်ပါတယ်။ ပြည်သူ့အကျိုးအတွက် စစ်တပိုင်းအစိုးရနဲ့ ဆွေး နွေး ကြတဲ့သူတွေဟာ အစိုးရက လာဘ်ထိုးတဲ့ ကားတွေကို ယူထားလိုက်ပြီဆိုရင် ဒီခေါင်းဆောင်တွေကို ပြည်သူတွေက ဘယ်လိုယုံကြည်ကြရတော့မလဲ။ သူပေးတဲ့ ငွေကိုယူ၊ သူကျွေးတဲ့အစာကို စားပြီးတဲ့ နောက်မှာ သူတို့ရဲ့ ဆွေးနွေးပွဲဟာ ဘယ်လောက် လွတ်လပ် (independent ဖြစ်) နိုင်မလဲ။ မကဒတခေါင်းဆောင်တွေနဲ့ တိုင်းရင်းသားခေါင်းဆောင်တွေ ကားလက်ဆောင်ကိုယူလိုက်တာဟာ ပြည်သူကို သစ္စာဖောက်တာဖြစ်တယ်။ သူတို့ကို အစိုးရက ကားပါမစ်ပေးတာဟာ တော်လှန်ရေး အဖွဲ့စည်း တွေရဲ့ ခေါင်းကို ငွေပေးဝယ်လိုက်တာဖြစ်တယ်။

ပြည်သူ့ငွေကို အသုံးပြုပြီး လာဘ်ပေးတဲ့အစိုးရရော၊ ပြည်သူ့ငွေကို အသုံးပြုပြီးပေးတဲ့လာဘ်ကို ယူတဲ့ တော်လှန်ရေးအဖွဲ့အစည်းတွေရောဟာ ပြည်သူအပေါ် သစ္စာမဲ့သူတွေဖြစ်ပါတယ်။

ဒါပေမဲ့ မန်းငြိမ်းမောင်ကတော့ ပြည်သူ့ငွေကို ကားအစီး ၁၂၀ ဖိုးရလိုက်တာကိုတောင် မတင်းတိမ်နိုင်သေး ဘူး။ "ကေအန်ယူရဲ့ အဖွဲ့အစည်းလိုအပ်ချက်ဟာ ကားအစီး ၁၂၀ နဲ့ မလုံလောက်သေးပါဘူး" လို့တောင် သတင်းစာရှင်းလင်းပွဲ လုပ်ပြီး ပြောလိုက်ပါသေးတယ်။ မန်းငြိမ်းမောင်နှယ် လောဘကြီးလိုက်တာ။ ပြောရဲပါပေ့၊ ပြောရက်ပါပေ့၊ ပြောထွက်ပါပေ့ မန်းငြိမ်းမောင်။ ခင်ဗျားတို့ရတဲ့ငွေက အစိုးရငွေ မဟုတ်ဘူးဗျ။ ဆင်းရဲသား တိုင်းရင်းသားပြည်သူတွေရဲ့ငွေပါ။ သာမန်ကရင်လူမျိုး ဆင်းရဲသား တွေရဲ့ မျက်နှာကို မငဲ့မကွက် ပြောထွက်လှပါပေတယ်။

ဦးအောင်မင်း၊ ဦးစိုးသိန်းတို့အဖွဲ့ဟာ နော်ဝေးက ထောက်ပံ့တဲ့ ဒေါ်လာ ၆ သန်းငြိမ်းချမ်းရေး ရန်ပုံငွေကို လည်း သူတို့ပိုင်ငွေတွေလို သုံးခဲ့ဖြုံးခဲ့ကြပြီ။ NLD ရွေးကောက်ပွဲ မဝင်ခင်ကာလတုန်းက NCGUB အဝေးရောက် ညွန့်ပေါင်းအစိုးရကို ရွေးကောက်ပွဲဝင်မယ်ဆိုရင် ကားပေးမယ်၊ ငွေပေး မယ်၊ အိမ်တွေ မြေတွေပေးမယ်ဆိုပြီး လာဘ်ထိုးခဲ့ဖူးကြောင်းလည်း ဦးပီတာလင်းပင်က ဖွင့်ချခဲ့ဖူးပြီ။ ဦးအောင်မင်းဟာ ထောက်လှမ်းရေးဟောင်းပီသသူ ဖြစ်ပါတယ်။

မကဒတရဲ့ ပျော့ညံ့မှု

ဒါ့အပြင် ဦးအောင်မင်းနဲ့ ကိုသံခဲ လက်မောင်းချင်းချိတ် ဝိုင်အရက်ခွက်ကိုကိုင်ပြီး အရေးကြီးပြီ ညီနောင်အပေါင်းတို့ သီချင်းကို ဆိုသွားတာဟာလည်း မကဒတရဲဘော်ဟောင်းတွေ၊ မကဒတကို သံယောဇဉ်ရှိသူတွေကြားမှာ စိတ်ထိခိုက်စရာ ဖြစ်ခဲ့ရပါတယ်။ ဦးအောင်မင်းလိုလူနဲ့ ဒီလိုပျော်ပါးပြရင် ကိုယ့်သိက္ခာ ၊ ကိုယ့်ရဲဘော်တွေရဲ့ သိက္ခာကို ထိခိုက်နိုင်မယ် ဆိုတာလောက်ကိုတော့ အနည်းဆုံး တွက်မိဖို့ သင့်တယ်။

မကဒတကို ခုလို ငွေပေးဖျက်ဆီးခံလိုက်ရတာ နှမျောစရာလည်းကောင်းတယ်။ ဒီလောက် ရိုးစင်းတဲ့ ဖျက်ဆီးပုံဖျက်ဆီးနည်းလေးလောက်တောင်မှ တောင့်မခံနိုင်တာ အထင်သေးစရာလည်း ဖြစ်တယ်။ ဦးအောင်မင်းတို့ လုပ်ပုံက သိပ်ရိုးလွန်းပါတယ်။ ရုပ်ချောပြီး ဆင်းရဲတဲ့ မိန်းကလေးကို ထဘီလေး ဝယ်ပေး၊ အင်္ကျီလေးဝယ်ပေးပြီး ကျုံးသွင်းဖျက်ဆီးသွားတဲ့ လူပွေလူရှုပ်လုပ်နည်းမျိုးပဲ။ ဒါပေမဲ့ ဆင်းရဲတဲ့ မိန်းကလေးတိုင်း မပျက်စီးဘူး။ ဆင်းရဲပြီး ပျော့ညံ့မှ ပျက်စီးတယ်။ မကဒတ အဖျက်ဆီးခံရတာကလည်း ဆင်းရဲလို့ ပင်ပန်းလို့ မဟုတ်ဘူး။ ခေါင်းဆောင်တွေ ပျော့ညံ့လို့ပဲ။

ဘယ်သူပေးပေးရရင်ယူ

မကဒတ အဖွဲ့ဟာ တောထဲမှာ မျှစ်စားပြီး တော်လှန်ရေးလုပ်ခဲ့မိတာ မှားသကွာ၊ ခုလို မြို့ပေါ်တက်ပြီး ဘီယာဆိုင်မှာ တော်လှန်ရေးမုန်တိုင်းထန်ရတာ ပိုတွက်ခြေကိုက်တယ်လို့များ ဥာဏ်အလင်းရသွား လေသလား မဆိုတတ်ဘူး။ အစိုးရပေးတဲ့ငွေကိုသာမက ခရိုနီ ဦးဇော်ဇော်ပေးတဲ့ ငွေကိုပါ အခုလက်ခံ ရယူ လိုက်ပြီ ဆိုတာသိရတယ်။ လက်ခံရယူသူကတော့ မကဒတ ဗဟိုကော်မတီဝင်တယောက်ပါ။ ဒါပေမဲ့ သူ့အတွက် မဟုတ်ဘဲ အဖွဲ့အစည်းအတွက် ဗဟိုကော်မတီ ဆုံးဖြတ်ချက်နဲ့ လက်ခံရယူတယ်လို့ ဆိုပါတယ်။ မကဒတအနေနဲ့ အထူးသတိထားပြီး ပြန်လည်သုံးသပ်သင့်ပါတယ်။ ပေးသမျှငွေယူနေရင် အဖွဲ့အစည်း ရဲ့ နိုင်ငံရေးသိက္ခာဟာ ကုန်းကောက်စရာ မရှိအောင်ဖြစ်သွားလိမ့်မယ်။ နိုင်ငံရေးသိက္ခာမရှိတော့ရင် အဖွဲ့အစည်းပါ ပျက်စီးသွားနိုင်ပါတယ်။ လက်တွေ့မှာ ငွေမရှိရင် ဘာမှ လုပ်မရဘူးဆိုတဲ့ စကားမျိုးကိုလည်း သူတို့ ထိပ်ပိုင်း ကတော်တယောက်က ပြောပါသေးတယ်။ ဒီစကားကတော့ အပေါစားဆန်လွန်းလှပါတယ်။ ဆွေးတောင် မဆွေးနွေးချင်လောက်အောင်ပါပဲ။

ဒီလောက်နာမည်ဆိုးနဲ့ ကျော်ကြားပြီး တိုင်းပြည်နဲ့ လူမျိုးအပေါ် နည်းမျိုးစုံနဲ့ ဆိုးခဲ့ညစ်ခဲ့တဲ့ ခရိုနီတွေရဲ့ငွေကို အခုလို ယူရဲတယ်ဆိုတာကလည်း ရှေ့သွားရှိလို့ လိုက်ရဲတာ ထင်ပါတယ်။ တကယ်တော့ ခရိုနီတွေရဲ့ ငွေကို အများဆုံးယူတဲ့ အဖွဲ့အစည်းဟာ ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီ အဖွဲ့ချုပ် ဖြစ်ပါတယ်။ ဆယ်သိန်း၊ သိန်း ၂၀ တန်တဲ့ ဝတ်စုံတွေကို ခရိုနီတွေက ဝယ်ပေးတယ်ဆိုတာက အစ လေယာဉ်စီးလုံးငှားတယ်ဆိုတာ အဆုံး ခရိုနီနဲ့ ဒီချုပ်သတင်းတွေဟာ လူပြောများ ကျော်ကြားလှပါတယ်။

တကယ်တော့ ခရိုနီတွေဟာ ပြည်သူ့သယံဇာတ၊ ပြည်သူ့ဘဏ္ဍာ၊ ပြည်သူ့အခွင့်အရေးတွေကို နှစ်ပေါင်းများ စွာ အလွဲသုံးစားလုပ်လာသူတွေ ဖြစ်ပါတယ်။ မြေကြီးပေါ်မှာပေါက်နေတဲ့ သစ်ပင်တွေကို သူတို့အပင်လို့ သဘောထားပြီး ရောင်းစားပါတယ်။ မြေကြီးအောက်က ရတနာကို သူတို့ ရတနာလို့ သဘောထားပြီး ရောင်းစားပါတယ်။ ရေထဲမှာရှိနေတဲ့ငါးကိုလည်း သူတို့ငါးလို့ သဘောထားပြီး ရောင်းစားပါတယ်။ ပြည်ပက နေတင်သွင်းခွင့် ပြည်တွင်းကနေ တင်ပို့ခွင့်မှန်သမျှကိုလည်း သူတို့ အခွင့်အရေးလို့ သဘောထားပြီး သူတို့ချည်း မတရားယူပါတယ်။ ဒီလောက်နဲ့ အားမရ မတင်းတိမ်နိုင်သေးဘဲ ပြည်သူ့လယ်ယာမြေတွေ သိမ်းထားတာတွေကလည်း ဒုနဲ့ဒေးပါ။ ဒီလို နှစ်ပေါင်းများစွာ မတရားလုပ်လာတဲ့ ခရိုနီတွေဟာ သားစဉ် မြေးဆက်စားမကုန်အောင် ပွနေကြပါပြီ။ မြန်မာတွင်မက ကမ္ဘာမှာပါယှဉ်နိုင်လောက်တဲ့ ဒေါ်လာဘီလျံချီ ချမ်းသာသူတွေ ဖြစ်နေပါပြီ။ သူတို့စိုးရိမ်စရာဆိုလို့ ဒီမိုကရေစီအစိုးရတက်လာရင် သူတို့ မတရားရယူ ထားတာတွေ ပြန်ပေးရမှာကိုပဲ စိုးရိမ်စရာရှိပါတယ်။ ဒီတော့ သူတို့ငွေမည်းကို ငွေဖြူဖြစ်အောင် လျှော်ချင်ပါတယ်။ သူတို့ နာမည်မည်းကို နာမည်ဖြူဖြစ်အောင် လျှော်ဖွတ်ချင်ပါတယ်။ သူတို့သမိုင်းမည်း ကို သမိုင်းဖြူဖြစ်အောင် လျှော်ချင်ဖွတ်ချင်ပါတယ်။ ဒီလိုအချိန်မျိုးမှာ သူတို့ဟာ ငွေရှိမှ နိုင်ငံရေးလုပ်လို့ ရမယ်လို့ ထင်နေတဲ့သူတွေဆီကို ငွေပေးဖို့ ချဉ်းကပ်လာတာ မဆန်းပါဘူး။

ဒေါ်အောင်ဆန်းစုကြည်ကလည်း ခရိုနီတွေရဲ့ငွေကို ကြည်ကြည်ဖြူဖြူလက်ခံပါတယ်။ ခရိုနီတွေ ခိုးထားတဲ့ငွေတွေကို အသိမှတ်ပြုလက်ခံပါတယ်။ ခရိုနီတွေနဲ့ ပတ်သက်ရင် "ဓါးပြတိုက်ထားတဲ့ ငွေနဲ့ပင်ဖြစ်ပစေ၊ ဘုန်းကြီးကိုဆွမ်းလောင်းရင်တော့ သာဓုခေါ်ရမှာပဲ"ဆိုတဲ့ မူကို ဒေါ်အောင်ဆန်းစုကြည်က ကျင့်သုံးပါတယ်။ သူခိုးဓါးပြတွေ ဘုရားဒါယိကာဖြစ်ဖို့ အခွင့်အရေးရပါပြီ။
(နောက်အပိုင်းတွေမှာ OSI နဲ့ NED ရဲ့ အကြောင်းကို ရေးပါမယ်။)

ဇော်ဝင်း
၈၈ ကျောင်းသားဟောင်း

၂၀၁၄ ဇန်နဝါရီ ၁ရက် နေ့တွင် ယခင်အစိုးရလက်ထက် က ပြစ်ဒဏ်ကျခံခဲ့ရသော ထောက် လှမ်းရေးတပ်မှူးအဆင့်သုံးဦးအ ပါအဝင် အကျဉ်းသားများ ထပ်မံ လွတ်မြောက်လာကြောင်း သိရ သည်။
ဒီဇင်ဘာ ၃၁ရက်နေ့တွင် နိုင်ငံရေးအကျဉ်းသားများ လွတ် မြောက်ခဲ့သော် လည်း နိုင်/စစ်ကော် မတီမှတင်ပြထားသောနိုင်ငံရေး အကျဉ်းသား ၄ဝနီးပါးတွင် နိုင်ငံ ရေးအကျဉ်းသားတချို့သာ လွတ် ငြိမ်းချမ်းသာခွင့်ရ ရှိခဲ့ပြီးနောက် ယခုဆက်လက်၍ လွတ်မြောက် လာရခြင်းဖြစ်ကြောင်း သိရသည်။

''ဒီနေ့ နှစ်ဆန်း ၁ရက်နေ့မှာ ထောက်လှမ်းရေးတွေလွတ်တယ် ဆိုတာ မှန်ပါတယ်။ ကျွန်တော် အခုသိရသလောက် သုံးယောက် လွတ်ပါတယ်။ ဒီသုံးယောက်ထဲပါ ဝင်တဲ့သူတွေကို ကြည့်ရခြင်းအား ဖြင့် အားလုံးလွတ်လိမ့်မယ်လို့ ယူ ဆရပါတယ်''ဟု ထောက် လှမ်းရေး နှင့်နီးစပ်သော အသိုင်းအဝိုင်းမှ သိရသည်။

ယင်းအထဲတွင် ထောက်လှမ်း ရေးမှ တပ်မှူးအဆင့်များဖြစ်သည့် ဗိုလ်မှူးကြီးတင်ဦး၊ ဗိုလ်မှူးကြီး မိုးသူ၊ ဗိုလ်မှူးကြီးမောင်သန်းတို့ နှင့် အခြားအဆင့်တစ်ဦးဖြစ်သူ ဗိုလ်မှူးထိန်ဝင်းတို့ပါ ဝင်ကြောင်း ထောက် လှမ်းရေး မိသားစုဝင် ဟောင်းအသိုင်းအဝိုင်းမှ သိရ သည်။

အခြားသတင်းအရင်းအမြစ် တစ်ခုကမူ လွတ်မြောက်လာသည့် ထောက်လှမ်းရေးဟောင်းအကျဉ်း သားများထဲတွင် ရန်ကုန်ထောက် လှမ်းရေးတပ်မှူး ဗိုလ်မှူးကြီး မောင်သန်း၊ မန္တလေးထောက်လှမ်း ရေးတပ်မှူး ဗိုလ်မှူးကြီးမိုးသူ၊ ဗိုလ် မှူးနေစိုး တို့ကဲ့သို့သော ထောက် လှမ်းရေးအရာရှိဟောင်းကြီးများ ပါဝင်ရာ ဗိုလ်မှူးချုပ် သန်းထွန်း ကဲ့သို့သော ထောက်လှမ်းရေးအ ရာရှိဟောင်းကြီးများလည်း အား လုံးပါဝင်နိုင်ကြောင်း အခြားထောက် လှမ်းရေးဟောင်းမိသားစုဝင်များမှ ခန့်မှန်းပြော ဆိုချက်များအရ သိ ရသည်။ ယင်းကဲ့သို့ပင် AAPP မှ တာဝန်ရှိသူတစ်ဦးကလည်း ယင်း သတင်းမှန်ကန်ကြောင်းနှင့် နှစ် ဆန်း ၁ရက်နေ့တွင် ထောက်လှမ်း ရေးဟောင်းအကျဉ်းသားနှစ်ဦး လွတ်မြောက်ကြောင်း သိရှိရ သည်ဟု ရန်ကုန်တိုင်းမ်ဂျာနယ် သို့ပြောပြခဲ့သည်။

Yangonmediagroup


အောင်လင်းထွဋ်

ဧရာဝတီမြစ်ဆုံ ရေအားလျှပ်စစ်စီမံကိန်း အစသည် ၂၀၀၅ ခုနှစ် ဧပြီလအတွင်း အင်ဒိုနီးရှားနိုင်ငံ ဂျာကာတာမြို့တွင် ကျင်းပသော Asian-African Summit 2005: Commemoration of Golden Jubilee of Asia-Africa Conference တွင် ဗိုလ်ချုပ်မှူးကြီး သန်းရွှေနှင့် တရုတ်သမ္မတ ဟူကျင်းတောင်တို့ တွေ့ဆုံဆွေးနွေးမှုမှ ပေါ်ပေါက်လာသော စီမံကိန်းဖြစ်သည်။

အဆိုပါဆွေးနွေးပွဲတွင် ဧရာဝတီမြစ်ဆုံတွင် ရေအားလျှပ်စစ်စက်ရုံ တည်ဆောက်ပြီး ထွက်လာသော လျှပ်စစ်ဓာတ်အားကို တရုတ်နိုင်ငံသို့ရောင်းချရေး ဗိုလ်ချုပ်မှူးကြီး သန်းရွှေက မစ္စတာ ဟူကျင်းတောင်နှင့် သဘောတူညီခဲ့သည်။ အဆိုပါဆွေးနွေးပွဲတွင် လက်ရှိ သမ္မတ ဦးသိန်းစိန် (နအဖ ကောင်စီ အတွင်းရေးမှူး ၁ ဟောင်း)၊ ပဲခူးတိုင်းဝန်ကြီးချုပ် ဦးဉာဏ်ဝင်း (နိုင်ငံခြားရေးဝန်ကြီးဟောင်း)၊ ပြည်သူ့လွှတ်တော် ဆပ်ကော်မတီ ဥက္ကဋ္ဌ ဦးစိုးသာ (အမျိုးသားစီမံကိန်းဝန်ကြီးဟောင်း) တို့ပါဝင်သည်။

အဆိုပါ သဘောတူညီချက်အရ ၂၀၀၆ ခုနှစ် ဒီဇင်ဘာလမှစ၍ ဧရာဝတီမြစ်၏အစ မေခနှင့် မေလိခ မြစ်ဆုံတွင် ရေကာတာ တည်ဆောက်ပြီး ရေအားလျှပ်စစ်ထုတ်လုပ်ရေး လေ့လာတိုင်းတာမှုများ စတင်ပြုလုပ်ခဲ့ကြသည်။ လေ့လာတိုင်းတာမှုများအရ ဧရာဝတီမြစ်ဆုံ ရေအားလျှပ်စစ်စီမံကိန်းသည် မြန်မာနိုင်ငံ၏ ကောင်းကျိုးထက် ဆိုးကျိုးကို ပိုဖြစ်စေနိုင်ကြောင်း ထိုစဉ်က တာဝန်ရှိသူများ သိရှိခဲ့ပြီးဖြစ်သည်။ လက်ရှိ ပြည်သူအတွင်း ပေါက်ကြားနေခဲ့သော လေ့လာတိုင်းတာမှုများ အစီရင်ခံစာအတိုင်းပင် ဖြစ်ပါသည်။

ထိုစဉ်က နအဖ ထိပ်ပိုင်းခေါင်းဆောင်အတွင်း ဧရာဝတီမြစ်၏အစ မေခနှင့် မေလိခ မြစ်ဆုံတွင် ရေကာတာ တည်ဆောက်မှုကို မနှစ်မြို့ကြသော်လည်း ဗိုလ်ချုပ်မှူးကြီးသန်းရွှေကို ပြန်မပြောရဲ၍ တိုးတိုးတိတ်တိတ်သာ ဝေဖန်ဝံ့ကြသည်ဟု သိရပါသည်။ အခြေအနေမှန်ကိုသိသော ဗိုလ်ချုပ်မှူးကြီး သန်းရွှေ ကိုယ်တိုင်လည်း အဆိုပါစီမံကိန်း ဆက်လုပ်ရေး မလုပ်ရေး ချီတုံချတုံ ဖြစ်ခဲ့သည်ဟု နီးစပ်သောအသိုင်းအဝိုင်းမှ ကြားသိရသည်။ ဤကဲ့သို့ ဧရာဝတီမြစ်ဆုံ ရေအားလျှပ်စစ်စီမံကိန်း နှောင့်နှေးနေမှုကြောင့် တရုတ်အစိုးရက မြန်မာအစိုးရ တာဝန်ရှိသူများနှင့် တွေ့ဆုံတိုင်း အမြန်ဆုံး အကောင်ထည်ဖော်ရန် တိုက်တွန်းခဲ့သည်။

၂၀၀၉ ခုနှစ် ကိုးကန့် အရေးအခင်းအပြီးတွင် ဗိုလ်ချုပ်မှူးကြီး သန်းရွှေသည် ဧရာဝတီမြစ်ဆုံ ရေအားလျှပ်စစ်စီမံကိန်း အကောင်အထည်ဖော်ရန် နားလည်မှုစာချွန်လွှာ (MOU) လက်မှတ်ထိုးခွင့် ပြုလိုက်ရပါသည်။ အကြောင်းမှာ ကိုးကန့်ငြိမ်းချမ်ရေးအဖွဲ့အား နယ်ခြားစောင့်တပ် အတင်းအကြပ် ပြုလုပ်ခိုင်းရာမှ မြန်မာစစ်တပ်၏ လက်လွန်ခြေလွန် ပြုလုပ်ခြင်းကြောင့် ဖြစ်သည်။ ကိုးကန့်နယ်မြေအတွင်းမှ တရုတ်လူမျိုး သောင်းနှင့်ချီ၍ တရုတ်နိုင်ငံအတွင်း ထွက်ပြေးခဲ့ရသည်။ တရုတ်လူမျိုးတို့၏ ပိုင်ဆိုင်မှု အများအပြားလည်း ပျက်စီးဆုံးရှုံးခဲ့သည်။ တရုတ်အစိုးရက မြန်မာအစိုးရအား တရုတ်နယ်စပ် တိုင်းရင်းသား လက်နက်ကိုင် ငြိမ်းချမ်းရေးအဖွဲ့များကိစ္စနှင့် ပတ်သက်၍ စစ်ရေးနည်းဖြင့် မဖြေရှင်းရန် မကြာခဏ မေတ္တာရပ်ခံသည့်ကြားမှ မြန်မာစစ်တပ်က ဖုန်ကြားရှင်၏ ကိုးကန့်ငြိမ်းချမ်းရေးအဖွဲ့ကို တိုက်ခိုက်မှုကြောင့် အကြီးအကျယ်ဒေါသထွက်ခဲ့သည်။

ကိုးကန့်ကိစ္စကြောင့် မြန်မာအစိုးရအား တရုတ်အစိုးရက နိုင်ငံတကာတွင် ထောက်ခံပေးနေမှုကို ပြန်လည်စဉ်းစားကောင်း စဉ်စားလာရလိမ့်မည်ဟု တရားမဝင် အသံပြုလာခဲ့သည်။ ထို့ကြောင့် ထိုစဉ်က နံပတ် ၃ အဆင့်ရှိ ဗိုလ်ချုပ်ကြီး သူရရွှေမန်း ကိုယ်တိုင် တရုတ်ခေါင်းဆောင်များအား သွားရောက်ရှင်းပြ တောင်းပန်ခဲ့ရသည်။ သို့သော် တရုတ်ခေါင်းဆောင်များက ကျေနပ်မှုမရှိဘဲ ဗိုလ်ချုပ်ကြီး သူရရွှေမန်းထက် အဆင့်မြင့်သော၊ အဆုံးအဖြတ်ပေးနိုင်သော နအဖ ခေါင်းဆောင်ကို စေလွှတ်ရန် ပြောလွှတ်လိုက်ကြောင်း၊ ထို့အပြင် မြစ်ဆုံ ရေအားလျှပ်စစ်စီမံကိန်း အပါဝင် တခြားစီမံကိန်း ၃ ခုကို ထိုနအဖ ခေါင်းဆောင်မှ MOU လက်မှတ်ရေးထိုးပေးရန်လည်း မှာကြားလိုက်ကြောင်း သိရသည်။

၂၀၀၉ ခုနှစ် ဇွန်လတွင် နအဖ ဒုဥက္ကဋ္ဌ ဒု ဗိုလ်ချုပ်မှူးကြီးမောင်အေးသည် တရုတ် ဒုသမ္မတ ရှီကျင့်ဖျင်၏ ဖိတ်ကြားချက်အရ တရုတ်နိုင်ငံသို့ သွားရောက်ခဲ့ပြီး လက်ရှိ ဒု သမ္မတ ဗိုလ်ချုပ်ကြီးဟောင်း ဦးတင်အောင်မြင်ဦး (နအဖ အတွင်းရေးမှူး ၁ ဟောင်း)၊ လက်ရှိ ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်၊ လက်ရှိ ရွေးကောက်ပွဲကော်မရှင် ခုံရုံးအဖွဲ့ ဥက္ကဋ္ဌ ဒု ဗိုလ်ချုပ်ကြီးဟောင်း တင်အေး (နအဖ အဖွဲ့ဝင်)၊ လက်ရှိလျှပ်စစ် (၁) ဝန်ကြီး ဗိုလ်မှူးကြီးဟောင်း ဦးဇော်မင်း၊ ဦးဥာဏ်ဝင်း၊ ဦးစိုးသာ၊ ပြည်သူ့လွှတ်တော် ဆပ်ကော်မတီဥက္ကဋ္ဌ ဦးလွန်းသီ (စွမ်းအင်ဝန်ကြီးဟောင်း)၊ လက်ရှိအမျိုးသားစီမံကိန်းဝန်ကြီး ဗိုလ်မှူးချုပ်တင်နိုင်သိန်း (ကုန်သွယ်ရေးဝန်ကြီးစောင်း) တို့ ပါဝင်သည်။

အဆိုပါခရီးစဉ်တွင် ဒု ဗိုလ်ချုပ်မှူးကြီးမောင်အေးသည် ဗိုလ်ချုပ်မှူးကြီးသန်းရွှေ၏ ခွင့်ပြုချက်ဖြင့် တရုတ် ဒု သမ္မတနှင့် ဧရာဝတီမြစ်ဆုံတွင် ရေအားလျှပ်စစ် ထုတ်လုပ်ရောင်းချခွင့်ပေးရေး သဘောတူညီခဲ့ရသည်။ အဆိုပါ သဘောတူစာချုပ်ကို မြန်မာဘက်မှ တရုတ်နိုင်ငံဆိုင်ရာ မြန်မာသံအမတ်ကြီး ဦးသိန်းလွင်နှင့် တရုတ်ဘက်မှ China Power Investment Corporation ဥက္ကဋ္ဌ မစ္စတာ Lu Qizhou တို့ ၂၀၀၉ ခုနှစ် ဇွန်လ ၂၁ ရက်နေ့တွင် လက်မှတ်ရေးထိုးခဲ့ကြသည်။ ထိုနေ့တွင်ပင် တခြား စီးပွားရေးနှင့် နည်းပညာ ပူးပေါင်းဆောင်ရွက်ရေး MOU ကို ဝန်ကြီး ဦးစိုးသာနှင့် တရုတ် ကုန်သွယ်ရေး ဒု ဝန်ကြီး မစ္စတာ Chen Jian ၊ ရေနံနှင့် သဘာဝဓာတ်ငွေ့ ပိုက်လိုင်းသွယ်တန်းရေး MOU ကို သံအမတ်ကြီး ဦးသိန်းလွင်နှင့် China National Petroleum Corporation မှ မစ္စတာ Liao Yongyuan တို့ အသီးသီး လက်မှတ်ရေးထိုးခဲ့ကြသည်။

၁၉၈၈ ခုနှစ်နောက်ပိုင်း မြန်မာနိုင်ငံကို အုပ်ချုပ်ခဲ့သော စစ်ခေါင်းဆောင်များ၏ မှားယွင်းသောအတွေးအခေါ်နှင့် အတ္တကြီးမှု၊ စဉ်းစားဉာဏ် အမြော်အမြင်နည်းပြီး ခေတ်ပညာအားနည်းမှု၊ ပညာရှင်များကို ပစ်ပယ်မ၊ှု တိုင်းပြည်အရေးထက် ကိုယ့်အကျိုးစီးပွားကို ဦးစားပေးခဲ့မှု၊ ဗေဒင်လက္ခဏာ ယုံကြည်မှု၊ နိုင်ငံတကာ နိုင်ငံရေးပြောင်းလဲနေမှုများကို လျစ်လျူရှုမှုစသည့် အချက်များကြောင့် ယနေ့ မြန်မာနိုင်ငံသည် တချိန်က ကိုယ်ထောက်ပံ့ပေးခဲ့ရသော အိမ်နီးချင်း လာအို၊ ဘင်္ဂလားဒေ့ရှ် နိုင်ငံများထက်ပင် နိမ့်ကြနေသည်ကို မည်သူမျှ မငြင်းနိုင်ပါ။ နိုင်ငံရေးချွတ်ခြုံကျမှု၊ စီးပွားရေးယိုယွင်းလာမှုတို့ကြောင့် ၁၉၈၈ ခုနှစ်မတိုင်မီ တချိန်က ရန်သူဖြစ်ခဲ့သော တရုတ်နိုင်ငံ၏ ကိုလိုနီကျွန်နိုင်ငံဘဝ ရောက်မှန်းမသိ ရောက်နေရသည်ကို ယနေ့ ဧရာဝတီမြစ်ဆုံရေအားလျှပ်စစ် စီမံကိန်းက သက်သေပြနေပါသည်။

ယခင်လွန်ခဲ့သော အနှစ် ၂၀ နီးပါးကတည်းက လုပ်သင့်သော အမျိုးသားရင်ကြားစေ့ရေးကိစ္စကို ယခုမှ တက်သုတ်ရိုက် လုပ်လာကြရပါသည်။ စာရေး သူတို့ငယ်စဉ် ကလေးဘဝက ၁၉၆၇ ခုနှစ် တရုတ်-မြန်မာ အရေးခင်းကို မီခဲ့ပါသည်။ ထိုစဉ်က တရုတ်တို့၏ ယဉ်ကျေးမှုတော်လှန်ရေး မြန်မာနိုင်ငံသို့ ကူးစက်လာပြီး တရုတ်တို့၏ စော်ကားရိုင်းပြမှုများကြောင့် အရေးအခင်း ဖြစ်ခဲ့သည်ဟု နားလည်ခဲ့ပါသည်။

၁၉၆၇ ခုနှစ်နောက်ပိုင်း တရုတ်စစ်တပ်များ ကိုယ်တိုင် ဗမာပြည်ကွန်မြူနစ် ပါတီ၏ တပ်များအဖြစ် အရေခြုံ၍ တရုတ်နယ်စပ်နေ တရုတ်လူမျိုးများ၊ “ဝ” နှင့် ”ကိုးကန့်” တို့သည် တရုတ်-မြန်မာ နယ်စပ် မြန်မာပိုင်နယ်မြေများအား ယနေ့အချိန်ထိ သိမ်းယူထားဆဲ ဖြစ်ပါသည်။ စာရေးသူအပါဝင် လက်ရှိ စစ်ဘက်နှင့် အရပ်ဘက်ခေါင်းဆောင်များသည် တရုတ် ထောက်ပံ့သော ဗကပ တပ်များနှင့် ၁၉၈၈ ခုနှစ် နှောင်းပိုင်းအထိ စစ်တိုက်ခဲ့ကြရသည်။

ဒု သမ္မတ ဗိုလ်ချုပ်ကြီး သီဟသူရ တင်အောင်မြင်ဦးသည် ၁၉၈၈ ခုနှစ် အရေးအခင်းအပြီး အမှတ် (၁၁) ခြေလျင်တပ်ရင်း ဒု တပ်ရင်းမှူး ဗိုလ်မှူးတင်အောင်မြင်ဦးအနေဖြင့် ဗကပနှင့်တိုက်သည့် မိုင်းယန်းစစ်ဆင်ရေးတွင် သီဟသူရဘွဲ့ ရခဲ့ခြင်းဖြစ်သည်။ အဆိုပါတိုက်ပွဲတွင် ဗိုလ်မှူးတင်အောင်မြင်ဦး၏ တပ်ရင်းမှူး အပါဝင် အရာရှိစစ်သည် အများအပြား ကျဆုံးသွားခဲ့ကြသည်။ ဗိုလ်ချုပ်မှူးကြီးသန်းရွှေ တပ်မ (၈၈) တပ်မမှူး တာဝန်ယူစဉ် မိုင်းယောင်းမြို့တခုလုံး တရုတ် ထောက်ပံ့သော ဗကပ တပ်များ၏ လက်ချက်ကြောင့် ဝင်ရောက်သိမ်းပိုက်ခံခဲ့ရပြီး အရာရှိစစ်သည် အများအပြားနှင့် အရပ်သားများပါ သေကြေခဲ့ရသည်။ အလားတူ ဒု ဗိုလ်ချုပ်မှူးကြီးမောင်အေး တပ်မ (၇၇) တပ်မမှူး ဖြစ်စဉ် မော်ဖဒေသတွင် အရာရှိ စစ်သည်ပေါင်းများစွာ တရုတ် ထောက်ပံ့သော ဗကပ တပ်များ၏ လက်ချက်ကြောင့် ကျဆုံးခဲ့ကြသည်။ ထိုကျဆုံးသွားသည့် အရာရှိစစ်သည်များအပေါ် လက်ရှိခေါင်းဆောင်များအနေဖြင့် သစ္စာစောင့်သိသင့်ပါသည်။

တရုတ်တို့သည် ၁၉၈၈ ခုနှစ်အရေးအခင်းအပြီး မြန်မာအစိုးရနှင့် အနောက်နိုင်ငံများ နိုင်ငံရေး အဆင်မပြေမှုအပေါ် အခွင့်ကောင်းယူ၍ မြန်မာနိုင်ငံအပေါ် နည်းပရိယာယ် ပြောင်းလဲကျင့်သုံးခဲ့သည်ကို တွေ့ရမည်ဖြစ်သည်။ ပထမဦးဆုံး တရုတ်သြဇာခံ နယ်စပ်တိုင်းရင်းသား လက်နက်ကိုင်များကို မြန်မာစစ်အစိုးရနှင့် ငြိမ်းချမ်းရေးပြုလုပ်ရန် လမ်းဖွင့်ပေးခဲ့ပြီး ဗကပ ခေါင်းဆောင်များ၏ လှုပ်ရှားမှုကို ထိန်းချုပ်ခဲ့သည်။ ၁၉၉၀ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် အနိုင်ရစဉ် တရုတ်သံအမတ်ကြီးက ပထမဦးဆုံး အသိမှတ်ပြုခဲ့သော်လည်း နောက်ပိုင်းတွင် အာဏာလွှဲမပေးမှန်း သိလာသောအခါ ပြန်လည်နောက်ဆုတ်သွားခဲ့သည်။

ထိုအချိန်က တရုတ်တို့သည် မြန်မာနိုင်ငံနှင့်ပတ်သက်၍ ၄င်းတို့အတွက် စီးပွားရေးသည် အဓိကဖြစ်ပြီး မြန်မာနိုင်ငံတွင် နိုင်ငံရေးတည်ငြိမ်ရန်လိုသည်ဟု မူဝါဒချမှတ်ခဲ့သည်။ မြန်မာ့ပြည်တွင်းရေးကိစ္စများ ရှုပ်ထွေးပြီး အနောက်နိုင်ငံများ၏ ဖိအားများလာလေ တရုတ်တို့ကြိုက်လေပင် ဖြစ်သည်။ ၂၀၀၀ ပြည့်နှစ်ပတ်ဝန်းကျင်လောက်မှစ၍ မြန်မာနိုင်ငံ၏ သယံဇာတများအပေါ် တရုတ်တို့ မျက်စေ့ကျလာပြီး ငွေလုံးငွေရင်းနှင့်ရင်းနှီးမြုပ်နှံလာကြသည်။ နိုင်ငံတကာတွင် မြန်မာ့နိုင်ငံကို ထောက်ခံပေးမည်ဆိုသည့် ကတိကဝတ်နှင့် မြန်မာ့စီးပွားရေးကို ချုပ်ကိုင်ရန်ပြုလုပ်လာသည်ကို တွေ့ရသည်။ တရုတ်တို့သည် မြန်မာအတွက် စီးပွားရေးသာမက လူမျိုးရေးအရပါ အန္တရာယ် ရှိလာခဲ့သည်။ တရုတ်အစိုးရ ခေါင်းဆောင်ပိုင်းများလာတိုင်း မြန်မာနိုင်ငံအတွင်းရှိနေသော တရုတ်လူမျိုးများအား အကာအကွယ်ပေးရန် မြန်မာအစိုးရတာဝန်ရှိသူများကို မှာကြားလေ့ရှိသည်။

ယနေ့ ဧရာဝတီမြစ်ဆုံ ရေအားလျှပ်စစ်စီမံကိန်းနှင့် ပတ်သက်၍ တရုတ်-မြန်မာ ဆက်ဆံရေးအတွက် အဓိကအရေးပါသော ဆုံးဖြတ်ချက်ကို လက်ရှိ မြန်မာအစိုးရက ဆုံးဖြတ်ရပါတော့မည်။ ဗိုလ်ချုပ်မှူးကြီးသန်းရွှေ တစ်ဦးတည်းသဘောနှင့် တရုတ်တို့နှင့် သဘောတူညီခဲ့သော အဆိုပါ စီမံကိန်းကြီးသည် တိုင်းပြည်အတွက် အန္တရာယ်ကြီးမှန်း သမ္မတ ဦးသိန်းစိန်ကိုယ်တိုင် နားလည်ပါသည်။

၂၀၀၁ ခုနှစ်က ဧရာဝတီမြစ်အတွင်း အိန္ဒိယသမုဒ္ဒရာမှ ဗန်းမော်မြို့အထိ တရုတ်ကုန်သင်္ဘောများ သွားလာခွင့်ကို သဘောတူပြီးနောက် သမ္မတ ကျန်ဇီမင်း မြန်မာနိုင်ငံသို့ လာရောက်လည်ပတ်စဉ် လက်မှတ်ထိုးခါနီး၌ ဗိုလ်ချုပ်မှူးကြီးသန်းရွှေက သဘောမတူဟု လုပ်သဖြင့် ထိုအချိန်က တရုတ်တို့ ဒေါသထွက်ခဲ့ဖူးသည်။ တရုတ်တို့အနေဖြင့် စီးပွားရေးဆက်လုပ်မည်ဆိုလျှင် တရုတ်မုန်းတီးရေးဝါဒ မြန်မာတိုင်းရင်းသားများအတွင်း မကြီးထွားလာအောင် ကြိုးစားရပါလိမ့်မည်။ တရုတ်-မြန်မာ ဆက်ဆံရေး ဆက်လက်ကောင်းချင်လျှင် တရုတ်အစိုးရအနေဖြင့်လည်း မြန်မာပြည်သူတို့၏ ဆန္ဒကို အသိအမှတ်ပြုရန် လိုသကဲ့သို့ မြန်မာအစိုးရသစ်အနေဖြင့် တရုတ်အစိုးရအား ပြေလည်ရာပြေလည်ကြောင်း ရှင်းပြ၍ ဧရာဝတီမြစ်ဆုံ ရေအားလျှပ်စစ်စီမံကိန်းကို ရပ်သင့်ပါသည်။

ဧရာဝတီမြစ်အရေးသည် အမျိုးသားရေးဖြစ်ပါသည်။ လူတဦးတယောက် တပါတီအရေးမဟုတ်ပါ။ ပြည်တွင်းပြည်ပ မြန်မာနိုင်ငံသားအားလုံးအနေဖြင့်လည်း အစိုးရအတွင်း တာဝန်ရှိသူများကို အမျိုးသားအရေးအမြင် ရှိလာအောင် ညီညီညွတ်ညွတ် ဝိုင်းဝန်းမှ ဧရာဝတီကို ကယ်တင်နိုင်မည်ဖြစ်ပါသည်။

Author Name

Contact Form

Name

Email *

Message *

Powered by Blogger.