01/12/14

(10 January 2014 ရက်စွဲပါ The Copenhagen Post မှ Denmark forgives Myanmar debt ကို ဘာသာပြန်ဆိုသည်)

ယမန်နေ့က သမ္မတ ဦးသိန်းစိန်နှင့် ဒိန်းမတ် ဖွံ့ဖြိုးရေးဝန်ကြီး Rosmus Helveg Peterson တို့ တွေ့ဆုံဆွေးနွေး အပြီးတွင် မြန်မာနိုင်ငံက ဒိန်းမတ်အပေါ် တင်ရှိနေသော ကြွေး ၂၉၅ ခရိုနာ (kroner) ကို တရားဝင် လျှော်ပစ်ခဲ့ပါသည်။

"ဒိန်းမတ်အနေနဲ့ မြန်မာနိုင်ငံရဲ့ အပေါင်းလက္ခဏာ ဆောင်တဲ့ တိုးတက်မှုကို ထောက်ခံတယ် ဆိုတာ မြန်မာပြည်သားတွေကို အရေးကြီးတဲ့ သတင်း စကားပါးတာပါပဲ"ဟု Petersen က ပြောပါသည်။

"ကျွန်တော်တို့ ကြွေးမြီတွေ လျှော်ပစ်လိုက်တဲ့အတွက် မြန်မာနိုင်ငံမှာ အရမ်းလိုအပ်နေတဲ့ ပြည်သူတွေရဲ့ ကျန်းမာရေး ၊ ကျောင်းနဲ့ လမ်းတွေမှာ ရင်းနှီးမြှုပ်နှံနိုင်မယ့် အရင်းအမြစ်တွေ တံခါးဖွင့်ပေး ပါလိမ့်မယ်" ဟု ၎င်းက ပြောပါသည်။

နိုင်ငံခြားရေးဝန်ကြီးဌာန၏ အဆိုအရ ယခု လျှော်ပစ်ခဲ့သော ကြွေးအများစုမှာ နှစ်ပေါင်း သုံးဆယ် ကြာပြီ ဖြစ်သော အစိုးရချေးငွေများ ဖြစ်ပြီး ငါးဖမ်းလှေများကို စုံစမ်းထောက်လှမ်းသည့် ဒိန်းမတ်လုပ် သဘောင်္ များ ဝယ်ယူရန် ချေးခဲ့ခြင်းဖြစ် သည်ဟု ဆိုပါသည်။

"အချိန်ကတော့ ကွက်တိပါပဲ။ မြန်မာနိုင်ငံအနေနဲ့ ဆင်းရဲတဲ့ ပြည်သူတွေကို အကျိုးရှိအောင် ဖွံ့ဖြိုး တိုးတက်ရေးနဲ့ နိုင်ငံရေး ပြုပြင်ပြောင်းလဲမှုတွေ လုပ်နေချိန်မှာ ကြွေးဟောင်းတွေကြောင်း ဝန်ထုပ်ဝန်ပိုး မရှိသင့်တော့ပါဘူး" ဟု Petersen က ပြောပါသည်။ "ကြွေးမြီ လျှော်ပစ်တာက ကျွန်တော်တို့က မြန်မာနိုင်ငံ နဲ့ အခြား ဆင်းရဲတဲ့ တိုင်းပြည်တွေကို ငွေ ထောက်ပံ့ခြင်း မပြုဘူးလို့ ဆိုလိုတာ မဟုတ်ပါဘူး" ဟု ၎င်းက ဆိုပါသည်။

Yangon chronicle

၂၀၀၈ ဖွဲ့စည်းပုံမှာ စဆွဲကတည်းက အတည်ပြုသည်အထိ ပြည်သူများကို အခရာထားသော ဖွဲ့စည်းပုံ မဟုတ် သလို စစ်အာဏာရှင်များကို အကာအကွယ်ပေးသော ဖွဲ့စည်းပုံဖြစ်သောကြောင့် ပြည်သူက လက်ခံခြင်း မရှိခဲ့ပေ သေနတ် ပြပြီး အတင်းဆန္ဒမဲပေးခိုင်း၊ အတင်းအတည်ပြုခိုင်းသော ဖွဲ့စည်းပုံအခြေခံ ဥပဒေ ဖြစ်သောကြောင့် မည်သူကမျှ လက်မခံနိုင်ခြင်း ဖြစ်ပါသည် …
၂၀၀၈ ဖွဲ့စည်းပုံ အခြေခံဥပဒေမပြင်လျှင် ၂၀၁၅ ပါတီစုံ ရွေးကောက်ပွဲသည် တရားမျှတပြီး လွတ်လပ်သော ရွေးကောက်ပွဲ မဖြစ်နိုင်။ ထိုသို့ ၂၀၀၈ ဖွဲ့စည်းပုံ အောက်တွင် ကျင်းပသော ရွေးကောက် ပွဲသို့ ဂုဏ်သိက္ခာ ရှိသော နိုင်ငံရေးသမားများ ၀င်ရောက် ယှဉ်ပြိုင်ခြင်းမရှိဘဲ သပိတ်မှောက်သင့်သည် ဆိုသော မိန့်ခွန်းများကို ဒေါ်အောင်ဆန်းစုကြည်က လူထုသဘောထား ကောက်ခံပွဲများ၌ ယခုတစ်လော ပြောကြားနေသည်ဟု ကြား သိရ၏။ အင်အားကြီးသော ပါတီကြီးဖြစ်သည့် NLD ပါတီက ၂၀၀၈ ဖွဲ့စည်းပုံကို ပြင်ဆင်မလား။ အသစ် ရေးဆွဲ မလားဟု အနယ်နယ်အရပ်ရပ်တွင် လူထုသဘော ထား ကောက်ခံပွဲများ ကျင်းပနေပါသည်။ အကျယ်ပြန့်ဆုံး လူထု သဘောထား ရယူပွဲများ မဟုတ်သော်လည်း နိုင်ငံရေးပါတီ တစ်ရပ်အနေဖြင့် အကြီးကျယ်ဆုံး၊ လူထု အပါအ၀င်ဆုံး သဘောထား တောင်းခံပွဲများ ဖြစ်သည်ကား အမှန်ပင်။ ထိုကဲ့သို့ NLD က လှုပ်လှုပ်ရှားရှားဖြင့် ၂၀၀၈ ဖွဲ့စည်းပုံ ပြင်ရေးကို တက်တက်ကြွကြွနှင့် လှုပ်ရှားနေသည့်အခါ ကျန်နိုင်ငံရေး သုတေသီများ၊ စာရေး ဆရာများ၊ လူမှု အဖွဲ့အသီးသီးများ၊ ၈၈ မျိုးဆက်များလည်း အသံထွက်လာ၊ ပြောဆိုလာကြသည်ကို ကြားသိရ လေသည်။ နိုင်ငံရေးလှုပ်ရှားမှု အားနည်းပြီး လူမှုရေးကိစ်္စ၊ ငြိမ်းချမ်းရေး ကိစ္စများတွင်သာ အားတင်းထားသော ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်း ကလည်း ဖိနှိပ်ချုပ်ချယ်သော ဥပဒေများကို ဆန့်ကျင် ဆန္ဒပြပွဲလုပ်ဖို့ စိုင်းပြင်းလာသည်ကိုလည်း သိရှိရလေသည်။ ထိုဖြစ်ရပ်များမှာ ၃ နှစ်လုံးလုံး နိုင်ငံရေး ပါတီ များ၏ တက်ကြွမှု မရှိသော နိုင်ငံရေး လှုပ်ရှားမှုများ အသက် ၀င်လာသည်ဟု ဆိုရမည်။ နိုင်ငံရေးပါတီ မထောင် ဘဲ သာမန် လူမှုအဖွဲ့အစည်း တစ်ခုအဖြစ် ရပ်တည်ခဲ့သော ၈၈ မျိုးဆက်များ ပြန်လည် အသက်ဝင် လာသည် ဟု ဆိုရပေမည်။ ထိုအခြေအနေမျိုးကို ပြည်သူလူထု ကလည်း မျှော်လင့်လျက်ရှိသည်။ စစ်အစိုးရ လွန်ကာ လတွင် ပြောဆိုခွင့်များ၊ ရေးသားခွင့်များအတိုင်းအတာတစ်ခု အထိ လွတ်လပ်လာသော်လည်း ပြည်သူ လူထု၏ ဘ၀များမှာ ဘာမှထူးခြားမလာ။ လာဘ်ပေးလာဘ်ယူကိစ္စများမှာလည်း ယခုထိ ကြီးထွားဆဲ။ ကုန်ဈေးနှုန်း ပြဿနာမှာလည်း ထူးထူးခြားခြား ပြောင်းလဲလာခြင်း မရှိခဲ့ပေ။ …

ထိုကဲ့သို့ အင်အား အကောင်းဆုံးသော NLD  ပါတီ၏ ၂၀၀၈ ဖွဲ့စည်းပုံ ပြင်ရေးလှုံ့ဆော်မှုနှင့် လှုပ်ရှားမှုများကို ပြည်သူလူထုက အာရုံစိုက်လာသလို ၈၈ မျိုးဆက်လို အဖွဲ့အစည်းမျိုးကလည်း ဖိနှိပ်ချုပ်ချယ်သော ဥပဒေ များကို ဆန့်ကျင် ဆန္ဒပြဖို့ လုံးပန်း နေခြင်းမှာလည်း မြန်မာ့နိုင်ငံရေးကို ပြန်လည် ရှင်သန်လာစေသည် ဟု ဆိုရပေမည်။ ၂၀၀၈ ဖွဲ့စည်းပုံမှာ စဆွဲကတည်းက အတည်ပြုသည်အထိ ပြည်သူများကို အခရာထားသော ဖွဲ့စည်း ပုံမဟုတ်သလို စစ်အာဏာရှင်များကို အကာအကွယ်ပေးသော ဖွဲ့စည်းပုံဖြစ် သောကြောင့် ပြည်သူက လက်ခံခြင်းမရှိ ခဲ့ပေ။ သေနတ်ပြပြီး အတင်းဆန္ဒ မဲပေး ခိုင်း၊ အတင်းအတည်ပြုခိုင်းသော ဖွဲ့စည်း ပုံအခြေခံ ဥပဒေ ဖြစ်သောကြောင့် မည်သူ ကမျှ လက်မခံနိုင်ခြင်း ဖြစ်ပါသည်။ ဒေါ် အောင်ဆန်းစုကြည်လို အင်အား တောင့်တင်းသော အတိုက်အခံ ခေါင်းဆောင်တစ်ဦးက ၂၀၀၈ ဖွဲ့စည်းပုံနှင့် ပတ်သက်ပြီး ခပ်ပြတ်ပြတ် ပြောလာသော အခါ ပတ်သက် ဆက်နွှယ်နေသော နိုင်ငံရေး သုတေသီများ၊ အတိုက်အခံများ ကလည်း ပြော ဆိုလာ ကြသည်။ မကြာသေးမီက နိုင်ငံရေး သုတေသီများက မိမိတို့ သဘောထား ပြောဆိုမှုများကို ဖတ်လိုက် ရပါ သည်။
စာရေးဆရာ ကျော်ဝင်းက ၂၀၀၈ ဖွဲ့ စည်းပုံပြင်ရေးကိုသာ လက်ခံပြီး အသစ် ပြန်ဆွဲရေးကို လက်မခံနိုင်ဟု ပြောဆိုခဲ့သည်။

အသစ်ပြန်ဆွဲရေး တောင်းဆိုလျှင် နောက်ကြောင်း ပြန်သွားနိုငသည်ဟုလည်း စိုးရိမ်တကြီး ပြောဆို ခဲ့ပါသည်။ မြန်မာပြည် နိုင်ငံရေးနှင့် ပတ်သက်ပြီး ကျွမ်းကျင်သူများ၊ လေ့လာသူများ၊ နိုင်ငံ ရေးသိပ္ပံ ပညာရှင်တို့ အပြင် အတိုက်အခံ များထဲမှ စိုးရိမ်သောက အလွန်ကြီးသော တချို့ နိုင်ငံရေးသမားများသည် ““နောက်ကြောင်း ပြန်မှာစိုးတယ်”” ဆိုသောစကားကို တွင်တွင်ကျယ်ကျယ်သုံးကာ ပြည်သူ လူထုကို ခြိမ်းခြောက် လာခဲ့သည်။ နောက် ကြောင်းပြန်သည်ဆိုသည့် သဘောမှာ စစ်တပ်က အာဏာ ပြန်သိမ်းမည် ဆိုသည့် သဘောပင်။ ထိုစကား၏ အဓိပ္ပာယ်မှာ တပ်မတော်နှင့် ပြည်သူကြား အထင်အမြင်လွဲအောင် သပ်လျှိုသည့် စကားပင် ဖြစ်သည်။ ထို့ပြင် ၂၀၀၈ ဖွဲ့စည်းပုံ၌ပါ သော စစ်အာဏာရှင်တို့၏ အာဏာကို မထိရဲ အောင် ပြောသောစကားလည်း ဖြစ်သည်။ စိတ်ဆိုးအောင် မလုပ်နဲ့ နောက်ကြောင်းပြန်သွားလိမ့်မယ် ဆိုသော အဓိပ္ပာယ်လည်း ဖြစ်ပါသည်။ တစ်ချိန်တည်းတွင် ထိုစကားမှာ စစ်အာဏာရှင် အဟောင်းများနှင့် လက်ရှိများကို နှပ် ကြောင်းပေးလိုက်သော စကားလည်း ဖြစ် သည်။ ယခုလည်း ထိုစကားများကို နိုင်ငံရေး လေ့လာသူများ၊ ပညာရှင်များ ဆိုသူတို့က တွင်တွင်ကျယ်ကျယ် ပြောဆိုလာကြ လေသည်။ တချို့က နိုင်ငံရေးကိုလေ့လာ သူများ ဆိုသည့် အတိုင်း လေ့လာရုံသာရှိပြီး စစ်အာဏာရှင်ကာလတစ်လျှောက် သူတို့ အကျိုးအတွက်သာ နေထိုင်ခဲ့သည့် စာအုပ်ကြီး သမားများသာဖြစ်သည်။ ကိုကျော်ဝင်းတို့မှာမူ နိုင်ငံရေး ဖြတ်သန်းမှု အထိုက် အလျောက် ရှိပြီး စစ်အာဏာရှင် တစ်ကျော့ပြန် လွှမ်းမိုးလာမှာကို ကြောက် လန့်ကာ အရာရာကို အေးအေး ဆေးဆေး ဖြတ်သန်း လိုသူများ ဖြစ်ပါသည်။ စစ်အာဏာရှင်တို့သည် သူတို့ အာဏာရှင် စနစ်ကို သက်သောင့် သက်သာနှင့် သွားချင်သည်။ သို့သော် ပြည်သူလူထုက ဆန့်ကျင်လာလျှင် သူတို့သည် အေးဆေး စွာ မသွားနိုင်။ ပြည်သူလူထုကလည်း ဒီမိုကရေစီလမ်းကြောင်းကို အေးဆေးစွာ သွားချင်သည်။ သို့သော် ထိုလမ်း ကြောင်းကို မရောက်ဘဲ စစ်အာဏာရှင် စနစ်ကိုသာ ပြန်ရောက်မည်ဆိုလျှင် မဖြစ်ဖြစ်သည့် နည်းဖြင့် ဒီမိုကရေစီ လမ်းကြောင်းကို ရောက်အောင် သွားပေမည်။

နောက်ကြောင်း ပြန်သွားရေး၊ မသွားရေးမှာ မိမိတို့ သဘော ဆန္ဒအတိုင်း မဖြစ်ပေ။ အရာရာသည် အေးချမ်း စွာဖြင့် ပြီးဆုံးချင် ပြီးဆုံးနိုင်သလို ကြမ်းကြမ်းတမ်းတမ်းနှင့်လည်း လျှောက်လှမ်း ချင်လျှောက် လှမ်းရပေမည်။ ထိုသည်ကို သမိုင်းဖန်တီးမှုဟု သတ်မှတ်နိုင်သလို ထိုသမိုင်း ဖန်တီးသူများ ကလည်း လက်ခံကျင့်သုံးရပေ မည်။ ၂၀၀၈ ဖွဲ့စည်းပုံ ပြင်ရေးကို ပြောဆိုနေကြသည့် အသစ်ပြန်ရေး ဆွဲရေးထက် ညှိနှိုင်းဖို့လွယ်သောကြောင့် ပြင်ရေးကို ပြောနေကြခြင်းဖြစ်သည်။ အရေးကြီးသော ဥပဒေများကို မဖြစ်မနေပြင်အောင် ပြည်သူကတောင်း ဆိုရမည်။ ချုပ်ချယ်သော ဥပဒေများ၊ စစ်အာဏာရှင်စနစ်ကို အသက်ဆက် ပေးနိုင်သော ဥပဒေပုဒ်မများ အား ပြတ်ပြတ် သားသား ပြင်ဆင်ဖို့ တောင်းဆိုရမည်။ အသစ်ရေးဆွဲသည်မှာ လွယ်ကူချင်လွယ်ကူနိုင်သည်။ အဟောင်းထက် ကောင်းချင် ကောင်းပါမည်။ သို့သော် အဟောင်းထဲမှ ပြင်ရေးကိုပင် မကြိုက်သော လက်ရှိ အာဏာရသူများ၏ ကန့်ကွက်မှုများ ရှိသောကြောင့် ပြင်ဆင်ရေးကို ပြောနေရခြင်းဖြစ်၏။ ထိုပြင်ဆင် ရေးကိုပင် သူတို့က ငြင်းဆို နေကြသည်။ ဥပမာ- ၅၉ (စ)လိုဥပဒေမျိုး၊ ထိုဥပဒေမှာ ဒေါ်အောင်ဆန်းစုကြည် သမ္မတမဖြစ် အောင် တားဆီး ထားသည်။ ရိုးရိုးသားသား ထည့်သွင်းထားသော ဥပဒေမဟုတ် ကြောင်း စစ်အာဏာရှင်များ သဘော ပေါက်ကြပါသည်။ ဒေါ်အောင်ဆန်းစုကြည် အာဏာမရရေး၊ တိုင်းပြည်ကို ဦးမဆောင် နိုင်ရေးအတွက် စစ်အာဏာရှင် စနစ်နှစ် ပေါင်း ၅၀ ကျော်တွင် မည်သို့ အားထုတ်ခဲ့သည်ကို တစ်ကမ္ဘာလုံးကပင် သိကြသည်။ သူတို့လည်း ရိုးသား ရဲရင့်စွာဖြေ ကြလျှင် ထိုသို့ဟန့်တားမှုမျိုး ရှိသည်ကို ၀န်ခံရပေမည်။

အစိုးရိမ်ကြီး ပါသည်ဆိုသော၊ နောက်ကြောင်း ပြန်မလှည့်လိုသော ထိုပညာ ရှင်များအဖို့ နောက်ကြောင်း ပြန်လှည့် ရေး၊ မလှည့်ရေးမှာ ပြည်သူလူထုနှင့်မဆိုင်၊ အတိုက်အခံများနှင့်လည်း မဆိုင်၊ NLD နှင့်လည်း မဆိုင်၊ ဒေါ်အောင်ဆန်းစုကြည် နှင့်လည်း မဆိုင်ပေ။ ပြည်သူလူထုလက်ထဲ သို့ အာဏာမပေးချင်သူများသည် အချိန် မရွေး နောက်ကြောင်း ပြန်လှည့်နိုင်ပါသည်။ ဒီမိုကရေစီလမ်းကြောင်းပေါ် မလျှောက် ချင်သူများသည် ဒီမိုကရေစီ လမ်းကြောင်း ကို ဖြတ်တောက် တားဆီးနိုင်သည်။ စစ်အာဏာရှင်စနစ်ကိုလည်း အသက်သွင်း နိုင်သည်။ တိုင်းပြည်တွင် ဆူပူမှုများဖြစ် အောင်လုပ်သူများမှာ ပြည်သူလူထုမဟုတ်၊ စစ်အာဏာရှင် များသာ ဖြစ်သည်။ ဇူလိုင် ၇ ရက် အရေးအခင်းကို ပင်ကြည့်၊ ဦးသန့် အရေးအခင်း၊ အလုပ်သမားအရေးအခင်း ကိုပင်ကြည့်၊ မှိုင်းရာပြည့် အရေးအခင်း၊ ၈၈ အရေးတော်ပုံ၊ ရွှေဝါရောင်တော်လှန် ရေးများကိုပင် ကြည့်ကြည့် အကြမ်းဖက်မှု များကြောင့် ဖြစ်ပေါ်ခဲ့ရသည် မဟုတ်ပါလော။ ပခုက္ကူတွင် မိမိဆန္ဒကိုတင်ပြသော သံဃာအား ဓာတ်တိုင်တွင် ကြိုးတုပ်နေလှန်း ညှဉ်းပန်းသည့် ဘာသာကိုစော်ကား သောလုပ်ရပ်မျိုး မည်သူတွေက စတင် ခဲ့ပါသလဲ။ မခံမရပ်နိုင်သော ပြည်သူများ၊ ရဟန်းသံဃာများကို မည်သူတွေက စော်ကားပြီး ရိုက်ပုတ် သတ်ဖြတ် ခဲ့ပါသလဲ။ နောက်ကြောင်း ပြန်မလှည့်ရေးကို စိုးရိမ်တကြီး တောင်းဆိုနေသူများသည် နောက် ကြောင်း ပြန်လှည့် ပါဟု တိုက်တွန်း နေသလို ဖြစ်နေပါသည်။

အလုပ်သမားများ၊ လယ်သမားများနှင့် အောက်ခြေ လူတန်းစားအဖို့ ဘာမှ ထူးခြားမလာပေ။ လွတ်လပ်စွာ ဆန္ဒပြခွင့် ရှိသည်ဆိုပြီး လမ်းပေါ်ထွက် ဆန္ဒပြခဲ့လျှင် လက်ပံတောင်းတောင် သပိတ်ပွဲလို မီးလောင်ဗုံးဖြင့် အပစ်ခံရ၊ ပုဒ်မ ၁၈ ဖြင့် ထောင်ထဲအထည့်ခံနေရသည့် ကာလတွင် ဒီမိုကရေစီ လမ်းကြောင်းပေါ်ရောက် နေပြီဟု မပြောနိုင်ပေ။ နောက်ကြောင်း ပြန်လှည့်ရေး၊ မလှည့်ရေး၊ နိုင်ငံရေး၊ စီး ပွားရေး၊ လူမှုရေးများကို ရှေ့ကြောင်းသို့ သွားနေသည်ဆိုလျှင် ပြည်သူလူထုကလည်း နားလည်သဘောပေါက်ကြပေ မည်။ လုပ်အားနှင့် လုပ်ခမမျှတဘဲ အဖိအနှိပ်ခံနေရသော အလုပ်သမားများ၏ သပိတ်တိုက်ပွဲများ၊ ခရိုနီများ အပါအ၀င် စစ်တပ်နှင့် ဦးပိုင်က သိမ်းထားသော လယ်မြေများကို ပြန်လည်ရယူလိုသည့် လယ်သမားများ၏ မြေယာပြဿနာများ ကို အစိုးရက ထိထိ ရောက်ရောက် ဖြေ ရှင်းပေးခြင်းမရှိ။ လယ်သမားများ ဘက်မှ ကာကွယ်ပေးခြင်း မရှိ။ ထိုသို့ ထူးခြားသော အခြေအနေမရှိသည့် ရှေ့ကြောင်းမသွားဘဲ ရှိနေသော အနေအထားတွင် နောက် ကြောင်း ပြန်မလှည့်ဖို့ ပြောနေသူများ၏ စကားမှာ အလွန်စိတ်ပျက်စရာ ကောင်းပါ သည်။ ယခုအချိန် ထူးခြားသည် ဆိုသည်မှာ အမေရိကန် အပါအ၀င် အနောက်နိုင်ငံများ၏ စီးပွားရေး ပိတ်ဆို့မှုများဖယ်ရှားလာ ခြင်းသာ ရှိသည်။ သတင်းစာ၊ ဂျာနယ်များ ရေးခွင့်ရှိလာသည်သာ တစ်စုံတစ်ရာ ထူးခြားမှုဟု ပြောနိုင်သော်လည်း လာဘ်ပေးလာဘ်ယူ စနစ်ကြီးထွားနေခြင်း၊ ပြည်သူများ ဆင်းရဲမွဲတေနေခြင်း၊ ပြည်တွင်းစစ်မှာ တာရှည်နေခြင်း စသည်တို့ကြောင့် သိသိသာသာ မထူးခြားသော တိုင်းပြည် ၏ အခြေအနေကို နောက်ကြောင်းပြန် လှည့်မှာ စိုးနေသူများအဖို့ ရယ်စရာပင် ကောင်းလှလေသည်။ ထို့ကြောင့်မတည် ငြိမ်မှုကို ပြည်သူက ဖန်တီးခြင်းမဟုတ်၊ စစ်အာဏာရှင် တို့ကသာ ဖန်တီးခြင်းဖြစ် ၏။ ထိုသို့မဖြစ်အောင် ၂၀၀၈ ဖွဲ့စည်းပုံ ကို ပြည်သူလူထု၏ ဆန္ဒအတိုင်း ထိထိ ရောက်ရောက် ပြင်ဆင်ပေးဖို့ အချိန်ရောက် ရှိနေပါသည်။

မြန်မာသံတော်ဆင့်

ထင်လင်းဦး (Wisdom Villa)

ပြီးခဲ့တဲ့ တစ်ပတ်က ဒီမိုကရေစီချက်ချင်းရတာနဲ့ နတ်ပြည်တက်လို့ မရသေးဘူးသူငယ်ချင်း " ဟု သမ္မတရုံး ၀န်ကြီးဆို … ဆိုတဲ့ ခေါင်းစဉ်ပြူးပြူးကြီးနဲ့ ဓါတ်ပုံကြီးတစ်ပုံနဲ့ ဖော်ပြထားတဲ့ သတင်းတစ်ပုဒ်ကို စံတော်ချိန်သတင်းစာမှာ ဖတ်ခဲ့ရပါတယ် ။ အတော်လည်း သဘောကျမိပါတယ် ။ အော် တော်တော်ကို တရားကျစရာကောင်းတဲ့သူတွေပါလားလို့ တွေးတွေးပြီး အဲဒီလိုဝန်ကြီးမျိုးတော့ ဘယ်တော့မှ မဖြစ်ချင်နဲ့ မောင်ထင် လို့လဲ ကိုယ့်ကိုယ်ကို သတိပေးမိရပါတယ် ။

သူငယ်ချင်းဆိုတာက ချစ်ခင်သောစကားအနက်ပါတဲ့အတွက် ဒီစကားလုံးကို ၀န်ကြီးတစ်ယောက်က သတင်း ထောက် တွေကို သုံးစွဲပြောဆိုသွားတာ အလွန်နှစ်သက်မိပါတယ် ။ စာရေးသူလည်း ၀န်ကြီးကို ဒီအသုံးအနှုန်းလေးနဲ့ ပြန်လည်ပြောဆိုချင်တာလေးတွေ မေးမြန်းချင်တာလေးတွေရှိပါတယ် ။ ၀န်ကြီးမင်း သူငယ်ချင်း ဖတ်မိမယ်လို့လဲ ယုံကြည်ပါတယ် ။
ကျနော်တို့ ပြည်သူတွေဟာ ရှစ်လေးလုံးအရေးတော်ပုံကြီးမှာ ဒီမိုကရေစီရရှိရေး ၊ လူ့အခွင့်အရေးရရှိရေး ၊ နိုင်ငံသားတိုင်း တန်းတူညီမျှ အခွင့်အရေးရရှိရေး ၊ အတွက် အသက်သွေးချွေးတွေ စတေးပြီး တိုက်ပွဲဝင်ခဲ့ကြတာဟာ ၀န်ကြီးမင်းပြောသလို နတ်ပြည်ချက်ခြင်းတက်ချင်လို့မဟုတ်ရရိုးအမှန်ပါ ။ ပြည်သူတွေရဲ့စည်းစိမ် ဥစ္စာကို ပိုးကနဲပက်ခနဲ သိမ်းယူအနုကြမ်းစီးခဲ့တဲ့ မြန်မာ့ဆိုရှယ်လစ်လမ်းစဉ်ပါတီအစိုးရ ၊ ပြည်သူတွေရှာဖွေထားရတဲ့ ချွေးနည်းစာကို နေ့ခင်း ကြောင်တောင် ဓါးပြတိုက်သလို မတရားငွေစက္ကူကြေညာတတ်တဲ့ ပြည်သူ့ထမင်းအိုးရိုက်ခွဲတတ်တဲ့ မဆလ အစိုးရ ၊ ပြည်သူကို ပုဒ်ထီးပုဒ်မမျိုးစုံနဲ့ဖမ်းဆီးပြီး နှိပ်စက်ကလူပြုခဲ့တဲ့ မဆလအစိုးရ ကို ကျနော်တို့ စွမ်းအားရှိသမျှနဲ့ တော်လှန် ဖြိုဖျက်ခဲ့ကြတာပါ ။

မဆလ ပါတီကြီး ပြိုလဲကျပြီးတဲ့နောက်မှာ စစ်အစိုးရက ပလ္လင်ကိုယ့်ဘာသာဆောက်ပြီးကိုယ့်ဘာသာ နန်းတက်ခဲ့ တယ် ။ ခဏခဏပြောဖူးခဲ့သလိုပဲ ပြည်သူတွေမှာ ဒယ်အိုးထဲ ပူလှလို့ ခုန်ချမှ မီးပုံထဲကျရသလိုအဖြစ်မျိုးနဲ့ ကြုံခဲ့ရတယ် ။ တိုင်းပြည်ကို ချောက်ထဲကျတော့မယ့်လက်နှစ်လုံးအလိုကနေ ကယ်တင်လိုက်တဲ့ တပ်မတော်အစိုးရဟာ နောက်လာတဲ့ မောင်ပုလဲ ဒိုင်းဝန်ထက်ကဲတော့တာပါပဲကလား ။ တစ်ပါတီအာဏာရှင်စနစ် အောက်ကနေ စစ်ဖိနပ်အောက်မှာ ပြားပြားမှောက်ရတော့တာပါပဲကလား ။ ဘာဥပဒေ ဘာပုဒ်မမှမရှိ ပါးစပ်ထဲက ထွက်သမျှ ဥပဒေပုဒ်မလုပ်ပြီး ပြည်သူကို ကျွန်လို နွားလို သဘောထား နှိပ်ကွပ်ခဲ့ကြတာတော့ မြန်မာသိ ကမ္ဘာသိပါပဲဗျာ ။

အဲဒီလို စစ်အာဏာရှင်ဟာ ပြည်သူကို ခေါင်းမဖော်နိုင်အောင် ရက်စက်ဖိနှိပ်ရင်းနဲ့ တိုင်းပြည်တစ်ရိုး သဝေထိုး အောင် ဆိုးကြခိုးကြတော့တာပါပဲ ။ တစ်နေ့ထက်တစ်နေ့ တစ်လထက်တစ်လ တစ်နှစ်ထက်တစ်နှစ် တိုင်းပြည်က ဆင်းရဲလာ ပြည်သူတွေက ဖွတ်ကျောပြာစုလာတဲ့အချိန်မှာ အာဏာကို အပိုင်သိမ်း လုပ်ပိုင်ခွင့်ကို သိမ်းကြုံးရယူလို့ ကိုယ်ကျိုးရှာခဲ့ကြတယ် ဆိုတာ ခင်ဗျားတို့တွေပိုင်ဆိုင်ထားတဲ့ စည်းစိမ်ဥစ္စာတွေက သက်သေခံနေပါတယ် ။ ဟိုအရင် လွတ်လပ်ရေးခေတ်နဲ့ အဲဒီနောက်နှစ်အတော်အတန်ကြာ တပ်မတော်သားကြီးတွေ လက်ရုံးဆန့်တန်းပြီး စစ်သားကွ သေတာဘာဆန်းသလဲ ဆိုတဲ့ ကြုံးဝါးခဲ့သံတွေဟာ စစ်သားကွ ချမ်းသာတာဘာဆန်းသလဲ လို့ပြောင်းလဲသွားခဲ့ပါပြီ ။ တပ်မတော်သားချင်း ဘယ်တိုက်ပွဲမှာ ဘယ်လိုအသက်စွန့်ကြိုးပမ်း အမှုထမ်းတိုက်ပွဲဝင်ခဲ့တယ်ဆိုတာထက် ဘယ်ရာထူး ဘယ်ဌာနမှာ နေရာရထားသလဲ ၊ ဘယ်လောက်ချမ်းသာနေပြီလဲဆိုတာကို ဂုဏ်တုဂုဏ်ပြိုင်လုပ်ကြတဲ့ခေတ် ရောက်လာခဲ့ပါပြီ ။ GE တပ်က အရာခံဗိုလ်တို့ တပ်ကြပ်ကြီးတို့လောက်ကအစ တိုက်ကြီးတာကြီးတွေကို ဆောက်လုပ်နေ ထိုင်နိုင်ကြပြီး အဲဒီခေတ်က သိန်း ၁၈၀၀ လောက်တန်တဲ့ လင့်ခရူဇာ ဆိုက်ဂနပ် ကားကြီးတွေကို ဒုံးချစီးနိုင် လောက်အောင် မည်သို့လုပ်ကြသည်မသိပဲ ကြွယ်ဝလာခဲ့ကြချိန်မှာ မြန်မာပြည်သားအများစုကတော့ မနက်စာမနက် ၊ ညစာည မနည်းရှာဖွေစားသောက် ၀မ်းကျောင်းရတဲ့ ဘ၀တွေထဲမှာ စုံးစုံးမြုပ်နေခဲ့ကြပါပြီ ။

အဲဒီလိုအခြေအနေမျိုးမှာ ဒီမိုကရေစီလိုလားသူတွေဟာ ကိုယ်ကျိုးရှာပြီး ပြည်သူတွေကို ဖိနှိပ်တဲ့ စစ်အစိုးရကို အမြဲဆန့်ကျင်နေခဲ့ကြပါတယ် ။ ဒါပေမဲ့ မကျေနပ်လို့ထချ .. အောက်က ဆိုတာလိုပဲ လက်နက်နဲ့အုပ်ချုပ်တဲ့ စစ်အစိုးရကို အပ်တိုတောင်မပါပဲ ဆန့်ကျင်ရတာဟာ အမြဲရှုံးနိမ့်ခဲ့ရတာပါပဲ ။ အစိုးရကို ဆန့်ကျင်တဲ့စာတစ်စောင် စာတစ်ရွက်နဲ့ ဖမ်းဆီးမိရင် ထောင်ဒဏ် အနည်းဆုံး ၁၅ နှစ်ပါ ။ ဒါပေမဲ့ အဲဒီထောင်ဒဏ်တွေ ၊ တစ်သက်တစ်ကျွန်းဒဏ်တွေဟာ ပြည်သူတွေကို ဒီမိုကရေစီအလင်းရောင် ထွန်းလင်းပေးချင်တဲ့ ကိုယ်ကျိုးစွန့်သူတွေကို နောက်တွန့် ကြောက်ရွံ့သွားစေ အောင်တော့မတတ်စွမ်းနိုင်ခဲ့ပါဖူး ။

နောက်ဆုံးတော့ တိုင်းပြည်လဲ ဖြူကာပြာကာကျလို့ စက်ထဲက ထွက်လာတဲ့ ကြံဖတ်လို ဘာမှ ထပ်ညှစ် စရာမကျန်တော့တဲ့အချိန် ၊ ကိုယ်တွေလည်း တစ်သက်စာမက သားစဉ်မြေးဆက်စားမကုန် ဖြုန်းမကုန်အောင် ကြွယ်ဝ ချမ်းသာသွားကြတဲ့အချိန် ၊ ပြည်သူတွေဘက်က ဆန့်ကျင်မှုတွေကလည်း အဆက်မပြတ်ပေါ်ပေါက်လာချိန် ၊ နိုင်ငံ တကာမှာလည်း အမြင်မလှတော့တဲ့အချိန် ၊ အဲဒီလိုအချိန်မျိုးမှာ ၂၀၀၈ ဖွဲ့စည်းပုံအခြေခံဥပဒေဆိုတာကြီးကို နောက် ချန်တပ်ထားလို့ ထွက်တော်မူနန်းက ခွာခဲ့ပါတယ် ။ ဒါပေမဲ့ စစ်အာဏာရှင်တို့စီမံထားခဲ့တဲ့ ၂၀၀၈ ဖွဲ့စည်းပုံ ဘီလူးရုပ်ကတော့ အသက်ဝင်ပြီး ပြည်သူတွေကို ဆက်လက်ခြိမ်းချောက်နေခဲ့ပါပြီ ။ ဒီဖွဲ့စည်းပုံအခြေခံဥပဒေနဲ့ နိုင်ငံရေး တည်ငြိမ်မှုကို ဘယ်လိုတည်ဆောက်နိုင်ပါမလဲ ။ ပြည်တွင်းငြိမ်းချမ်းရေးကို ဘယ်လို တည်ဆောက်နိုင်ပါမလဲ ။ တိုင်းပြည် တိုးတက်ရေးနဲ့ နိုင်ငံသားတို့ရဲ့အကျိုးစီးပွားကို ဘယ်လို ပြန်လည်ထောင်နိုင်မတ်နိုင်ပါမလဲ ။

ဒါတွေဟာ ပြည်သူတွေ ဒီမိုကရေစီကို ဘာကြောင့်တောင်းဆိုတာလဲ ။ ဘာကြောင့်ဒီမိုကရေစီကိုရချင်တာလဲ ဆိုတဲ့ အချက်ပါ ။ ဒါကိုသူငယ်ချင်းမသိမှာစိုးလို့ ပြန်လည်ပြောပြတာပါ ။
ပြည်သူတွေက စစ်အစိုးရကို လက်စားချေရေး တုံ့ပြန်ရေးကို တောင်းဆိုနေတာမဟုတ်ပါဖူး ၊ စစ်အစိုးရရဲ့ အငွေ့အသက်တွေ ကင်းစင်ချင်တာပါ ။ တိုင်းပြည်မှာ ပြည်သူသည်သာ အချုပ်အခြာအာဏာပိုင်ဆိုတဲ့ မူရင်း အခြေအနေကို ပြန်လည်တည်ဆောက်ချင်နေကြတာပါ ။ ဘာအညှိုးဘာအတေး ဘာအာဃာတမျှ မထားကြပါဖူး ၊ အလွန်နာကျည်းခံပြင်းကြပေမဲ့ တိုင်းပြည်ကောင်းဖို့ တစ်ခု တည်းကို ရှေးရှုပြီး အတိတ်ဖြစ်ရပ်ဆိုးတွေကို သင်ပုန်းချေ လိုက်ကြဖို့ အသင့်ရှိနေကြပါတယ် ။ အဲဒါကိုလည်း အလေးအနက်သိထားစေချင်ပါတယ် ။
ဒါပေမဲ့ ချေ (ဂျီ) အီး ချေလန့် ဆိုသလိုပဲ ကိုယ်လုပ်ခဲ့တဲ့ အတိတ်က အကြောင်းတွေက ကိုယ့်ကို ခြောက်လှန့်နေပြီး ငါတို့အာဏာကိုစွန့်လွှတ်လိုက်ရင် ငါတို့အတွက် အန္တရယ်ဖြစ်မှာလား ဆိုတဲ့ စိတ်နဲ့ ပြည်သူတွေ ပြန်လည်ရသင့်ချိန်တန်ပြီဖြစ်တဲ့ ပြည်သူ့အာဏာကို အခုထိချုပ်ကိုင်ထားတာ ၊ လက်မလွှတ်တာ ၊ တပ်မတော်ဆိုတဲ့ အမည်နာမနဲ့ ဘာမှမသက်ဆိုင်ပဲ နိုင်ငံရေးမှာပါဝင်ပတ်သက်နေတာကတော့ မလိုလားအပ်တဲ့ အခြေအနေတစ်ခုဆီကို တွန်းပို့နေသလိုဖြစ်နေပါတယ် ။ ဒါဟာ အနာဂတ်တိုင်းပြည်အတွက်မကောင်းသလို တပ်မတော်အတွက်လည်း မလှပတဲ့ သမိုင်းတစ်ခုကို ရေးနေသလိုဖြစ်နေပါတယ် လို့ အလေးအနက်သတိပေးချင်ပါတယ် ။

သမ္မတရုံးဝန်ကြီးဌာန (၃) ပြည်ထောင်စုဝန်ကြီး ဦးစိုးသိန်းက ဇန်န၀ါရီ ၇ ရက် ရန်ကုန်မြို့ မြန်မာ ငြိမ်းချမ်း ရေးစင်တာ တွင် သတင်းထောက်များနှင့် တွေ့ဆုံရာ၌ ပြောကြားခဲ့တဲ့စကားတွေထဲမှာ ' ဆန္ဒပြချင်ရင် ခွင့်တောင်းပြီးပြပေါ့။ ဒါက နိုင်ငံတကာကိုကြည့်။ အမေရိကားမှာ ဘယ်လိုလဲ။ အင်္ဂလန်မှာရော။ စင်ကာပူမှာ ဘယ်လိုပြလဲ။ ဗန်ကောက်မှာ ဘယ်လိုလဲ။ ဒီလိုကြည့်ပြီးမှ ချိန်ဆပြီး လုပ်ရမှာပေါ့ လို့ သူငယ်ချင်း ပြောခဲ့တာကို စံတော်ချိန်သတင်းစာမှာဖတ်ရပါတယ် ။ လွတ်လပ်စွာ ဆန္ဒဖော်ထုတ်ခွင့်ဆိုတာကို ဘာဖြစ်လို့ ချုပ်ထားကိုင်ထားချင်ရတာလဲ ၊ ဦးစိုးသိန်း အဲဒီလို စကားပြော သွားတာကို မကျေနပ်လို့ဆန္ဒပြချင်တာ ချက်ခြင်းမပြရပဲနဲ့ ခွင့်ပြုချက်တောင်းခံပြီး မှ ဆန္ဒပြရမယ် ဆိုတာသဘာဝ ကျသလား ။ အဲဒီလို မကျေနပ်တာကို ဆန္ဒပြဖို့ မကျေနပ်ချက်ကိုမျိုသိပ်ပြီး ရက် (၂၀) ထိုင်စောင့်နေရဦးမှာလား ။ ဆန္ဒပြဖို့ ခွင့်ပြုချက်တောင်းခံတိုင်းကော သက်ဆိုင်ရာဆိုတဲ့ သူတွေက ရှောရှောရှုရှုခွင့်ပြုပေးလေ့ရှိသလား ဆိုတာ တွေကိုမေးချင်ပါတယ် ။ အထူးသဖြင့်မေးချင်တာကတော့ လူကြီးမင်းတို့ရဲ့ အစိုးရလက်အောက်က အုပ်ချုပ်ရေးအဖွဲ့ အစည်းအဆင့်ဆင့်ဟာ လူကြီးမင်း ထည့်သွင်းပြောဆိုသွားတဲ့ အမေရိကားတို့ ၊ အင်္ဂလန်တို့ ၊ စင်္ကာပူတို့ ၊ ဘန်ကောက် (ထိုင်း) တို့ဆိုတဲ့ နိုင်ငံတွေက အုပ်ချုပ်ရေးအာဏာပိုင်တွေလို အရည်အချင်း ပြည့်မီသော အမှုထမ်းအရာထမ်းတွေပါ လို့ လူကြီးမင်းအာမခံချက်ပေးနိုင်ပါသလား ဆိုတာပါပဲ ။ အဲဒီမေးခွန်းတွေ ကို သတင်းထောက်တွေကနေတစ်ဆင့် ဒါမှမဟုတ် သတင်းစာရှင်းလင်းပွဲလေးတစ်ခုဖြစ်ဖြစ်ကျင်းပပြုလုပ်ပြီး ဖြေပေးစေချင်မိပါတယ် ။
နောက်ဆုံးပြောချင်တာကတော့ ခေါင်းစဉ်အဖြစ်တောင် တပ်ပေးထားရတဲ့ စကားခွန်းကိုပါပဲ ။ လူကြီးမင်းက ဒီမိုကရေစီ ချက်ချင်းရတာနဲ့ နတ်ပြည်တက်လို့ မရသေးဘူး သူငယ်ချင်း 'လို့ သတင်းထောက်တွေကို ပြောကြားခဲ့တယ်လို့သိရပါတယ် ။ ဒီမိုကရေစီရတာနဲ့ ကျွန်တော်တို့ နတ်ပြည်ချက်ခြင်းတက်လို့မရဖူးဆိုတာ ကောင်းစွာ နားလည်ပါတယ် ။ ဒါပေမဲ့ ငရဲပြည်ကတော့ ချက်ခြင်းလွတ်သွားမှာ အသေအချာပါပဲ ။

ဝန်ကြီးမင်းတို့တွေရဲ့ စောင့်မမှု ကယ်တင်မှုကြောင့် ကျွန်တော်တို့ပြည်သူတွေ ငရဲကျနေခဲ့ရတာ နှစ်ပေါင်း နှစ်ဆယ့်ငါးနှစ်ရှိခဲ့ပါပြီ ။ စစ်ဖိနပ်အောက်တွင် ငရဲကျခြင်း ငွေရတုအထိမ်းအမှတ်တောင်ကျင်းပလို့ရနေပါပြီ ။ တိုင်းပြည်ရဲ့ သယံဇာတဟူသမျှကို ဒို့ဘိုးဘွားအမွေအနှစ် ဆိုပြီးခင်ဗျားတို့ပဲ အပိုင်စီးခဲ့ကြလို့ ပြည်သူတွေမှာ မြင်သာမြင်ရမစားရ၍ တောကပြိတ္တာဖြစ်နေခဲ့ရတာ ရာစုနှစ်တစ်စိတ်ရှိခဲ့ပါပြီ ။ ကျူပ်တို့အဲဒီဘ၀က လွတ်ချင်လှပါပြီ ။ အဲဒီဘ၀က လွတ်မြောက်ဖို့ ဒီမိုကရေစီကို ကျုပ်တို့တိုက်ပွဲဝင်တောင်းဆိုနေရတာပါ ။ အဲဒါလေးကို ခင်ဗျားတို့ သဘောပေါက် နားလည်စေချင်ပါတယ် ။ ကျူပ်တို့အတွက်နတ်ဘုံနတ်နန်းကို ကျုပ်တို့ဘာသာတည်ဆောက်ပါမယ် ။ နှစ်ပေါင်း နှစ်ဆယ်ကျော် လုပ်ခွင့်ရခဲ့တာတောင် တိုင်းပြည်အတွက်ဘာတစ်ခုမှ ကောင်းအောင်မလုပ်နိုင်တဲ့ ခင်ဗျားတို့ကို ကျုပ်တို့ အယုံအကြည်မရှီသလို ခင်ဗျားတို့အလိုကျရေးဆွဲထားတဲ့ ဖွဲ့စည်းပုံအခြေခံဥပဒေကိုလည်း ကျူပ်တို့အလိုမရှိဖူး လို့ အတိ အလင်းပြောလိုပါတယ် ။ ပြည်သူတွေ ငရဲက လွတ်မြောက်ဖို့အတွက် ခင်ဗျားတို့ရဲ့ အခြေခံဥပဒေဆိုတာကြီးကို ထမ်းပိုးသယ်ဆောင်ပြီးနေရာမှန်ကိုပြန်ကြ ဖို့တောင်းဆိုလိုက်ပါတယ် … သူငယ်ချင်း ။


ဒေါ်အောင်ဆန်းစုကြည် ချင်းပြည်နယ် ဖလမ်းမြို့နယ်တွင်ပြောကြားသော မိန့်ခွန်း

ဒေါ်အောင်ဆန်းစုကြည် ချင်းပြည်နယ် တီးတိန်မြို့နယ် ဇိုနမ်းဇမ်ကျေးရွာတွင်ပြောကြားသောမိန့်ခွန်း


D WAVE

Author Name

Contact Form

Name

Email *

Message *

Powered by Blogger.