02/11/14


ပြီးခဲ့တဲ့ ဇန်န၀ါရီလ၂၈ ရက်နေ့က မကွေးတိုင်းဒေသကြီး မကွေးမြို့နယ် သစ်ရာ ကောက် ကျေးရွာမှာ ပြည်ထောင်စုဝန်ကြီး ဦးအုန်းမြင့်ရဲ့ ပြောကြားချက်တွေနဲ့ ပတ်သက်ပြီး မကျေနပ်တဲ့အတွက် အောင်လံမြို့ခံ ၁ ထောင် နီးပါး ဒီနေ့ ဆန္ဒပြခဲ့ကြပါတယ်။

ဒေသခံတွေက ပြည်ထောင်စုဝန်ကြီး ဦးအုန်းမြင့် အလိုမရှိ၊ ပြည်သူကို ပါးရိုက်ချင်တဲ့ ၀န်ကြီး အလိုမရှိ အစရှိတဲ့ ကြွေးကြော်သံတွေ ကြွေးကြော်ပြီး အောင်လံမြို့ တွင်း လှည့်လည် ဆန္ဒပြခဲ့ကြတာလို့ ဆန္ဒခေါင်းဆောင်တဦးဖြစ်တဲ့ ဦးအေးမြင့်က ပြောပါတယ်။

ဒါ့အပြင် ပုဒ်မ ၁၈ အလိုမရှိ၊ ဒီမိုကရေစီဖွံ့ဖြိုးရေး ဒို့အရေး၊ ပါတီစုံစနစ် ဆန့်ကျင်သူ ဒို့ရန်သူ အစရှိတဲ့ လက်ကိုင်ပိုစတာတွေ ကိုင်ဆောင် ဆန္ဒပြခဲ့ကြပါတယ်။

ဒီလို ဆန္ဒပြဖို့ ဖေဖော်ဝါရီ ၅ ရက်နေ့က သက်ဆိုင်ရာ ရဲစခန်းဆီ စာတင်ခဲ့ပေမယ့် ရဲစခန်းက ခွင့်မပြုခဲ့ပေမယ့် ဒေသခံတွေက ဆန္ဒပြခဲ့ကြတာလို့ ဦးအေးမြင့်က ပြောပါတယ်။

ပြည်ထောင်စုဝန်ကြီး ဦးအုန်းမြင့်ဟာ ပြီးခဲ့တဲ့ ဇန်န၀ါရီ ၂၈ ရက်နေ့က သစ်ရာကောက် ကျေးရွာသားတွေနဲ့ တွေ့ဆုံစဉ်မှာ “ဘာနိုင်ငံရေးသမားကိုမှ ဂရုမစိုက်ဘူး၊ ဗိုလ်ချုပ်အုန်းမြင့်ဆိုပြီး နယ်တကာလှည့်ပြီး ပါးရိုက်ရဲတယ်ကွ ဆိုပြီး မိန့်ခွန်းပြောလာတာ၊ ကျနော်ပြောတာ၊ ဘယ်နိုင်ငံရေးပါတီမှလည်း မကြောက်ဘူး။ တက်နေတဲ့ အစိုးရပေါ်မှာ စော်ကားတဲ့ကောင် တွယ်မှာပဲ။ ပါးစပ်နဲ့ တွယ်လို့မရရင် အချုပ်ထဲ ထည့်မှာပဲ။ နိုင်ငံတကာမှာ ဒီလိုပဲ ကျင့်သုံးနေတယ်။ အစိုးရကို ဆန့်ကျင်တဲ့ကောင်ဆိုရင် မင်းအချုပ်ထဲ သွားနေ၊ ငါတို့အစိုးရ ထွက်ရင် မင်းထွက် ဒါပဲ” လို့ ပြောကြားခဲ့တာပါ။

ပြည်ထောင်စုဝန်ကြီး ဦးအုန်းမြင့်ရဲ့ ပြည်သူလူထုတွေကို ရိုင်းရိုင်းစိုင်းစိုင်း ပြောဆိုချက်တွေနဲ့ ပတ်သက်ပြီး အမြန်ဆုံး အရေးယူမှုတွေ လုပ်ဆောင်ဖို့ တနင်္သာရီတိုင်း လောင်းလုံမြို့နယ် လွှတ်တော်အမတ် ဦးအောင်စိုးက ပြည်သူ့လွှတ်တော်မှာ ပြီးခဲ့တဲ့ ဖေဖော်ဝါရီ ၄ ရက်နေ့က အရေးကြီးအဆိုတရပ် တင်သွင်းခဲ့ပါတယ်။

ဒီအပေါ်မှာ ပြန်ကြားရေးဝန်ကြီး ဦးအောင်ကြည်ကတော့  ၀န်ကြီး ဦးအုန်းမြင့်ကို အရေးယူဖို့ ကိစ္စနဲ့ပတ်သက်ပြီး ပြည့်ပြည့်စုံစုံ လေ့လာသုံးသပ်နိုင်ရေးအတွက် လုံလောက်တဲ့ အချိန်ပေးဖို့ လွှတ်တော်မှာ ပြောကြားခဲ့ပါတယ်။

By ဒီဗွီဘီ

(9 February 2014 ရက်စွဲပါ The Star online မှ Rath Hardjono ရေးသားသော Challanges for Suu Kyi ကို ဘာသာပြန်ဆိုသည်။)

ဒေါ်အောင်ဆန်းစုကြည်အနေဖြင့် မြန်မာနိုင်ငံ၏ ဒီမိုကရေစီလှုပ်ရှားမှုအတွက် တစ်ဦးတည်းသော သင်္ကေတအဖြစ် ဖိအားများပြားလှသည်ကို ပြီးခဲ့သည့် ဒီဇင်ဘာလက သတင်းစာကွန်ဖရင့်တစ်ခုတွင်ပြောခဲ့သည်။ " ကျွန်မဟာ နိုင်ငံရေးပါတီတစ်ခုရဲ့ ခေါင်းဆောင်အဖြစ် နိုင်ငံရေးဘဝကို စတင်ခဲ့တာ မမေ့ပါနဲ့။ ကျွန်မကတောါ ဒီနည်းထက်ပိုပြီး နိုင်ငံရေး ပီသတဲ့လုပ်ဆောင်ခြင်းမျိုး စဉ်းစားမရသေးလို့ပါ"ဟု ဆိုပါသည်။

သူ၏ပုံရိပ်နှင့်ပတ်သက်၍လည်း အနောက်နိုင်ငံများတွင် သွယ်ဝိုက်ညွန်းဆိုမှုများရှိပါသည်။ ဒီမိုကရေစီ အိုက်ကွန်( Icon) အနေနှင့် ပုံရိပ်ကိုအများပြည်သူက သတ်မှတ်ပေးလိုက်ခြင်းဖြစ်ကြောင်း ပြောကြားခဲ့ပါသည်။

ဒေါ်အောင်ဆန်းစုကြည်ဦးဆောင်သော မြန်မာနိုင်ငံ၏ ဒီမိုကရေစီခရီးသည် ရှည်လျားပြီး နာကျင်ဖွယ်အတိ ဖြစ်ပါသည်။ ဆယ်စုနှစ် နှစ်ခန့်တွင် မြန်မာနိုင်ငံ၏ ဒီမိုကရေစီလှုပ်ရှားမှုသည် လေဒီ ကိုဗဟိုပြုခဲ့ပါသည်။

ကြိုးပမ်းမှုတွင် ပုဂ္ဂိုလ်ရေးနာကျင်မှုများပါ ပါဝင်ရာ လေဒီအနေဖြင့် မိသားစုဘဝ စွန့်လွတ်မြှုပ်နှံရသည်အထိပင် ရှိခဲ့ပါသည်။ ၂၀၁၂ ခုနှစ်ဧပြီလ သမိုင်းဝင်ကြားဖြတ်ရွေးကောက်ပွဲတွင် ဒေါ်အောင်ဆန်းစုကြည်နှင့် သူ၏ပါတီ အမျိုးသားဒီမိုကရေစီ အဖွဲ့ချုပ် NLD သည် အနိုင်ရ၍ NLD အမတ် ၄၃ဦး လွှတ်တော်တွင်းသို့ ရောက်ရှိခဲ့ပါသည်။

အဆိုပါရွေးကောက်ပွဲမှာ စစ်တပ်နောက်ခံပြုသော အစိုးရနိုင်ငံရေးပြုပြင်ပြောင်းလဲမှုများမှ တစ်ခုဖြစ်ပါသည်။ ထိုစဉ်မှစ၍ ဒေါ်အောင်ဆန်းစုကြည်သည် ပြည်သူ့ရေးရာမူဝါဒချမှတ်မှုများတွင် တရားဝင် ပါဝင်လာခဲ့သည်။ သူ၏အသံသည် သေးငယ်သော လမ်းကြောင်းမှသာ ကြားနေရသေးသော်လည်း၊ တရားဝင်မှုရှိလာပြီဖြစ်ပါသည်။

ထိုအချက်သည် မြန်မာနိုင်ငံ၏ ဒီမိုကရေစီလမ်းကြောင်းတွင် ကြီးမားသော အောင်မြင်မှုတစ်ခုဖြစ်သော်လည်း ဒီမိုကရေစီ တိုက်ပွဲ၏ ရှေ့လာမည့် လမ်းခရီးသည် ယခင်ကဲ့သို့ ခက်ခဲမှု၊ နာကျင်မှုများ ရှိနေနိုင်ပါသေးသည်။

ဖွံ့ဖြိုးဆဲ နိုင်ငံများမှ ဒီမိုကရေစီလှုပ်ရှားမှုလမ်းကြောင်းများနှင့်ပတ်သက်၍ အနောက် ဒီမိုကရေစီနိုင်ငံများက ကိုင်စွဲထား သောအယူအဆတစ်ခုရှိပါသည်။ ၎င်းမှာ အဆိုပါဒီမိုကရေစီလှုပ်ရှားမှုခေါင်းဆောင်များအပေါ် မျှော်လင့်ချက်ကြီးမားစွာ ထားကြခြင်း ဖြစ်ပါသည်။

ဒေါ်အောင်ဆန်းစုကြည်ကဲ့သို့သော ခေါင်းဆောင်များသည် ဒီမိုကရေစီလှုပ်ရှားမှုများတွင် အရေးပါလှသည်။ မြန်မာပြည်သူများ ဖက်တွယ်၍ နောက်ကလိုက်ရမည့် ခေါင်းဆောင်ဖြစ်သည်။ အင်ဒိုနီးရှားတွင်လည်း ဆူဟာတို၏ ကာလများက ယခုသမ္မတဟောင်း အီဘရာဟင်ဂတ်စ်ဒါးဝါဟစ် သည် ဒီမိုကရေစီလှုပ်ရှားမှု၏ သင်္ကေတဖြစ်ပါသည်။

ဒေါ်အောင်ဆန်းစုကြည်နှင့် ဂတ်ဒ်ဒါး တို့သည် အုပ်ချုပ်သည့် အီလစ်များ၏ အစိတ်အပိုင်းအတွင်းသို့ တရားဝင်ရောက်ရှိ သွားချိန်တွင်မူ ဖွံ့ဖြိုးဆဲနိုင်ငံများမှ ဒီမိုကရေစီလှုပ်ရှားမှုများကို အားပေးအားမြှောက်ပြုသည့် အနောက်နိုင်ငံမှ အသံများ၏ အရေးပါမှုမှာ ရပ်ဆိုင်းသွားသည့် သဘောရှိပါသည်။

တိုင်းပြည်တွင်းရှိ အမျိုးမျိုးသော နိုင်ငံရေးအရ stakeholders များပါဝင်လာကြပြီး တစ်ဦးနှင့်တစ်ဦး မဆက်ဆံ မညှိနှိုင်း၍မရသော အခြေအနေသို့ ရောက်လာပါသည်။ နိုင်ငံရေးအရ ပြောကြားမှုများမှလည်း ပြည်တွင်းမှသာ ထွက်ပေါ် လာသည်မှာ များပြားပြီး၊ နိုင်ငံရေးအရ stakeholders အားလုံးပါဝင်နိုင်မှုသေချာစေရန် ညှိနှိုင်းမှုများ ရှိလာရပါသည်။

ဒီမိုကရေစီဖော်ဆောင်ခြင်း၏ ယခုကဲ့သို့သော အဆင့်မျိုးတွင် အဆိုပါ ခေါင်းဆောင်များ၏ သင်္ကေတမျှဖြင့် မလုံလောက် တော့ပေ။ ဒီမိုကရေစီအတွက် အကောင်အထည်ဖော်ခြင်းများတွင် လက်တွေ့လုပ်ဆောင်ရမှုများ ဖြစ်လာပါသည်။ ရွေးကောက်ပွဲများ၊ နိုင်ငံရေးပါတီများ၏ ပါတီတွင်း ယန္တရားများ အားကောင်းစေခြင်း၊ နိုင်ငံရေးတွင် ပြည်သူများ ကျယ်ပြန့်စွာ ပါဝင်နိုင်စေခြင်းစသည့် ကိစ္စရပ်များကို လုပ်ဆောင်လာရပါသည်။

ဒီမိုကရေစီဖော်ဆောင်ရေးလမ်းကြောင်းတွင် အသွင်ကူးပြောင်းရေးကာလသည် အချိန်မရွေး အခြေအနေ ပျက်ယွင်းသွား နိုင်သော ပွိုင့်သို့ ရောက်နေပါသည်။ အလေးအနက်ရှိရမည့်ကာလ စိတ်ခံစားမှုအမြင့်ဆုံးကာလ၊ အန္တရာယ်ကြီးသော ကာလဖြစ်ပါသည်။

နိုင်ငံရေးအရ မဟာမိတ်များ ပြန်လည်စုစည်းမှုတွင် ကစဉ်ကလျားဖြစ်နေသေးခြင်း၊ နိုင်ငံရေးအရလည်းကောင်း၊ စီးပွားရေး အရလည်းကောင်း စီမံကိုင်တွယ်မှု ရှုပ်ထွေးနေခြင်း၊ နိုင်ငံရေးအရ အသစ်ဖြစ်သော အယူအဆတရားဟောမှု ထွက်ပေါ် လာပြီး လွှမ်းမိုးမှုရှိလာခြင်းများ ရှိလာပါသည်။

အုပ်ချုပ်သူအသစ်နှင့် အဟောင်းကြား လက်တွေ့ညှိနှိုင်းမှုများတွင် ဒီမိုကရက်တစ် ခေါင်းဆောင်များသည် မိမိတို့ ရပ်တည်မှု ခိုင်မာစေရန် အားကောင်းမှုရှိရပါမည်။ တချိန်တည်းမှာပင် ၎င်းတို့သည် အုပ်ချုပ်သူအဟောင်းနှင့် ညှိနှိုင်းရာတွင် ကျွမ်းကျင်လိမ္မာမှုရှိရပါမည်။

ဒီမိုကရေစီကြိုးပမ်းမှုကို မထောက်ခံသူများအပါအဝင် တိုင်းပြည်ရှိ လူတိုင်းက ခေါင်းဆောင်များကို တောင်းဆိုမှုများ ရှိပါမည်။ ယခုကာလသည် ထိုသို့သော ခေါင်းဆောင်များအတွက် အခြေအနေဆိုးကို ဖြတ်သန်းပြီး ပုံမှန်အခြေအနေသို့ အမြန်ဆုံးပြန်လည်ရောက်ရှိခြင်းမရှိမရှိ စမ်းသပ်မည့်အချိန်ဖြစ်ပါသည်။

ထိုနေရာတွင် ကိစ္စရပ်အဖြစ်ပြောရမည်မှာ မြန်မာနိုင်ငံရှိ ရိုဟင်ဂျာနှင့် အခြားတိုင်းရင်းသားများအပေါ် ဒေါ်အောင်ဆန်း စုကြည်၏ ရပ်တည်ချက်ဖြစ်ပါသည်။ ဒေါ်အောင်ဆန်းစုကြည်သည် ရိုဟင်ဂျာများအပေါ် ၎င်း၏မူကို ထုတ်ဖော်ရန် ငြင်းဆန်ခဲ့ပါသည်။ မြန်မာနိုင်ငံမှ မူဆလင်များထံမှလည်းကောင်း ခရစ်ယာန်အများစုဖြစ်သော ကချင်လူမျိုးများကဲ့သို့သော တိုင်းရင်းသားလူနည်းစုများထံမှလည်းကောင်း စိတ်ပျက်သော အသံများထွက်ပေါ် လာပါ သည်။ ဒီမိုကရေစီနှင့် ဒီမိုကရေစီ အတွက်မူများမှာ စစ်တပ်အပါအဝင် လူတိုင်းအတွက် ဖြစ်ပါသည်။

ဒေါ်အောင်ဆန်းစုကြည်သည် မြန်မာပြည်သူများအတွက် နှစ်ပေါင်းများစွာ ရုန်းကန်ပေးခဲ့ရခြင်းကြောင့် အကြီးအကျယ် လေးစားမှုများ ရှိပြီးဖြစ်ရာ ဒီမိုကရေစီသင်္ကေတအဖြစ်မှ လည်းကောင်း၊ တစ်ဦးတည်း ဖိုက်တာ အဖြစ်မှ လည်းကောင်း၊ ဂီယညချိန်းရန် လိုအပ်နေပါသည်။ သူမအပေါ် ထောက်ခံမှုအခြေပြုခြင်းကို လူငယ်များနှင့် အောက်ခြေ လူတန်းစား များကို ဒီမိုကရေစီနှင့်ပတ်သက်၍ ပညာသင်ပေးခြင်းမှ တဆင့် ပိုမိုကျယ်ပြန့်စွာ ရယူရန်ဖြစ်ပါသည်။

သူအနေဖြင့် မြေကြီးကို ယခုမှစ၍ ပြင်ဆင်ရမည်ဖြစ်ပါသည်။ သို့မှသာ ဒီမိုကရေစီ အမြစ်တွယ်ပြီး၊ လက်ရှိနှင့် အနာဂတ် မျိုးဆက်များ စားသုံးနိုင်ရန် ကြီးထွားနိုင်မည်ဖြစ်ပါသည်။

yangonchronicle

Author Name

Contact Form

Name

Email *

Message *

Powered by Blogger.