03/01/14

ပြည်ထောင်စုလွှတ်တော်ဥက္ကဋ္ဌကြီး က မြေသိမ်းယာသိမ်းကိစ္စတွေမှာ ပြည်သူတွေ နစ်နာဆုံးရှုံးမှုမရှိအောင် လုပ်ရမယ်လို့ပြောပါတယ်။ နိုင်ငံတော် သမ္မတကြီးကလည်း ဒဒမိဘပြည်သူများ ခင်ဗျားဒဒ ဆိုပြီး ရိုသေကျိုးနွံစွာနဲ့ တိုင်းပြည်ကို မိန့်ခွန်းပြောလေ့ရှိပါ တယ်။ ကာကွယ်ရေးဦးစီးချုပ်ကလည်း ပြည်တွင်းငြိမ်းချမ်းရေးရဖို့အတွက် တပ်မတော်ဟာ အတတ်နိုင်ဆုံး စိတ် ရှည်သည်းခံပြီး ဆောင်ရွက်နေတယ် လို့ နိုင်ငံတကာကို ပြောခဲ့ပါတယ်။ ဒါပေမယ့်လွှတ်တော်ကိုယ်စားလှယ် တွေထဲက ၁၆၀ ကျော်ဟာ လွှတ်တော် သက်တမ်း ၃ နှစ်အတွင်း ဘာမေးခွန်း မှ မမေးခဲ့ပါဘူး။ အစိုးရအဖွဲ့အတွင်းမှာ လည်း အကျင့်ပျက်ခြစားမှုကြောင့် အရေးယူခံရတဲ့ဝန်ကြီးမရှိပါဘူး။ လက်ရှိ အာဏာရထားတဲ့ ပါတီထဲက ပုဂ္ဂိုလ်တစ်ချို့ဟာ ပြုပြင်ပြောင်းလဲရေး တွေကို ခုခံဖို့အတွက် အရင်အစိုးရရဲ့ လက်ရာအတိုင်း ဗြောင်ကျကျလှုပ်ရှား နေဆဲပါပဲ။

ရာသီဥတုကပူတယ်။ ပြည်သူ တွေက ဆင်းရဲတယ်။ ဘတ်စ်ကားကြီး တွေက နိုင်ငံတော်ပိုင်လမ်းပေါ်မှာ စိတ်ထင် သလိုမောင်းနေကြတယ်။ ရုပ်ရှင်တွေကလည်း မကောင်းဘူး။ သရုပ်ဆောင်တွေက အခန်းတစ်ခန်း ထဲမှာစုရပ်ပြီး စကားတွေပဲပြောနေ ကြတယ်။ ပြဇာတ်သာသာပဲ။ ဟာသ ကားတွေပဲများနေပြီး အတွေးအခေါ် တွေက မြင့်မားမလာတော့ဘူး။ အရင် တုန်းက ရုပ်ရှင်သမားတွေ ပြောနေကျ စကားကြီးနှစ်ခွန်းရှိပါတယ်။ အဲဒါ ကတော့ ဒဒကျွန်တော်တို့ဆီက စက် ပစ္စည်းတွေ ခေတ်မမှီတော့လို့ဒဒ၊ ဒဒကျွန်တော်တို့ရဲ့ ဆင်ဆာမူဝါဒ တင်းကြပ်လွန်းလို့ဒဒ ဆိုပြီး မြန်မာ ဇာတ်ကားတွေအရည်းအသွေးကျဆင်း တာကို ဆင်ခြေပေးလေ့ရှိပါတယ်။ အခုဆင်ဆာလည်းမကြပ်တော့ပါဘူး။ စက်တွေလည်း ထိုက်သင့်သလောက် ရှိလာပါပြီ။ ဒါပေမယ့်ဇာတ်ကားတွေ ကတော့နာမည်တွေကရော၊ အတွေး အခေါ်တွေကရော၊ အောက်တန်းကျ တုန်းပါပဲ။

မြန်မာ့လက်ရွေးစင်ဘောလုံး အ သင်းကလည်း ပွဲတိုင်းရှုံးနေတယ်။ လ စာဖြတ်တောက်ခြင်းခံရတဲ့ ဘောလုံး သမားတွေရဲ့ခြေစွမ်းကလည်း ကောင်း မလာတော့ဘူး။ ဘောလုံး အကယ်ဒမီ မှာရှိတဲ့ကျောင်းသားလေးတွေကလည်း ဆယ်တန်းအောင်အောင် မဖြေနိုင် ဘူး။ ကစားသမားတွေရဲ့ အပြုအမူ တွေဟာ ကြမ်းတမ်းရိုင်းစိုင်းတယ်လို့ မီဒီယာတွေက မှတ်ချက်ပြုတယ်။ ဒါ့ကြောင့် မြန်မာနေရှင်နယ်လိဂ်ကို လည်း ပရိသတ်တွေ လာမကြည့်တော့ ဘူး။ ယာဉ်ကြောပိတ်ဆို့နေတာ လမ်း တွေချည်းကိုပဲ အပြစ်ပြောလို့မရ၊ ကား တင်သွင်းခွင့်ပေးတာချည်းပဲ အပြစ် ပြောလို့မရ၊ လိုင်းနှစ်လိုင်းကို ခွမောင်း တဲ့မော်တော်ကားတွေ ညာဘက်ယာဉ် ကြောကဘယ်ဘက်ယာဉ်ကြောအထိ ပြောင်းပြီးမောင်းချင်တဲ့ ဒရိုင်ဘာတွေ ဘယ်သူ့ကားကိုမှ အလျှော့မပေးလို တဲ့ မြန်မာ့စိတ်ဓာတ်တွေက မီးပွိုင့်မှာ တစ်နေတယ်။

မြန်မာ့ပညာရေးအဆင့်အတန်း က နှစ် ၃၀ အတွင်း လုံးဝပျက်စီး သွားပြီး ကလေးတွေကလည်း လောက နီတိဆိုတာကို မသိတော့ပါဘူး။ တိုင်း ပြည်ချစ်စိတ်နဲ့ ကိုယ့်အားကိုယ်ကိုးလို စိတ်တွေ နည်းပါးပြီး အချောင်ရတဲ့ အခွင့်အရေးတွေကို မက်မောလာကြ တယ်။ သစ်ထုတ်လုပ်ရေးက ဒီနှစ် ဧပြီမတိုင်ခင် သစ်အားလုံးကို ခုတ်နေ တယ်။ မြန်မာပြည်ရဲ့သစ်တောဧရိယာ က စာရွက်ထဲမှာ ၁၉ ရာခိုင်နှုန်းပဲ ကျန်တော့တယ်ဆိုပေမယ့် သစ်တော တွေကို ကာကွယ်တားဆီးနေတဲ့ တော အုပ်ကြီးတွေကို ခြုံအုပ်ကြီးတွေလို ပြောင်ပြီးခေါ်နေကြပြီ။ တလောက ပလပ်စတစ်အိတ်တွေဟာ မြေဆီလွှာ ပျက်သုဉ်းတယ်ဆိုပြီး ကြပ်ကြပ်အိတ် အစား စက္ကူအိတ်တွေကို အစားထိုးဖို့ ပလတ်စတစ်လုပ်ငန်းရှင်တွေကို ခေါ် ပြောခဲ့ပေမယ့် နောက်ဆုံးတော့ ဒုံရင်း က ဒုံရင်းပါပဲ။ ဧရာဝတီမြစ်ကို လမ်း လျှောက်ကူးလို့ရပြီး ပန်းလှိုင်မြစ်ကို တော့ မြေပုံထဲက ဖျက်ပစ်လို့ရပါပြီ။

ရွာသူရွာသားတွေက လယ်မြေ တွေ အသိမ်းခံရလို့ မလေးရှားကိုသွား ပြီး အလုပ်လုပ်ကြရတယ်။ တံငါသည် တွေက ငါးတွေကို ဘက်ထရီနဲ့ရှော့ တိုက်ပြီး ဖမ်းတယ်။ ပညာရေးဝန်ထမ်း ဆရာမတွေက အိမ်မှာကျူရှင်သင် တယ်။ ရှေ့နေတွေက တရားသူကြီး တွေအတွက် အမှုပွဲစားလုပ်ပေးပြီး တရားဥပဒေကို ဖျက်ဆီးတယ်။ ဂေါပကတွေက စီးပွားရေးလေလံပစ် တတ်ကြပြီး ကျောင်းဆရာတွေက ချဲဒိုင်လုပ်တတ်တယ်။ အထူးကု တွေကလူနာတစ်ယောက်ကို ငါးမိနစ် ပဲကြည့်တာ ဘယ်သူမှမပြောရဲဘူး။ ဆရာဝန်ကြီးက ဆွေးနွေးပညာပေး တယ်ဆိုတာ မြန်မာ့အသံကရေဒီယို ဇာတ်လမ်းထဲမှာပဲရှိတယ်။ အထူးကု ဆေးခန်းတွေကလည်း ဆရာဝန်ကြီး တွေကိုအလိုလိုက်နေရပုံပါပဲ။ သတင်း ထောက်တွေက ဂျာနယ်ရောင်းကောင်း ဖို့အတွက် စာနယ်ဇင်းကျင့်ဝတ်တွေ ချိုးဖောက်နေကြပြီး ပြည်ထဲရေးက လည်း ကျွံလာတဲ့ သတင်းသမားတွေ ကို သင်ခန်းစာပေးချင်နေတယ်။ ယာဉ် တိုက်မှုတွေကြောင့် မနှစ်က လူပေါင်း ၃၅၀၀ သေဆုံးခဲ့ပေမယ့် ဆိုက်ကား သမားတွေက ဆိုင်ကယ်တက္ကစီ ဆွဲ နေကြပြီ။ တပ်မတော်ရဲ့ကာကွယ်ရေး အသုံးစရိတ်ကို လွှတ်တော်က လျှော့ချ လိုက်ပေမယ့် အရာရှိစစ်သည် ၃၀၀၀ ကတော့ နှစ်စဉ်တိုးပွားနေပါတယ်။ မြန်မာ့အားကစား ကမ္ဘာကိုလွှမ်းရမယ် ဆိုတဲ့ ဆောင်ပုဒ်က လူတွေရယ်စရာ ပျက်လုံးဖြစ်ခဲ့ပေမယ့် မြန်မာ့ကင်ဆာ အမျိုးမျိုး ကမ္ဘာမှာ တိုးစေရမည်ဆိုတဲ့ ဆောင်ပုဒ်ကတော့ တစ်နှစ်ထက်တစ်နှစ် ပိုပြီးမှန်ကန်လာပါတယ်။ ကမ္ဘာ့ကင်ဆာ အဖြစ်ဆုံးနိုင်ငံတွေထဲမှာ မြန်မာက အဆင့် ၃ ချိတ်သတဲ့။ ဒီနှစ်ပိုင်းမှာ ရွှေဆိုင်အတော်များများ လုယက်ခံ ရပြီး ရဲတွေက တရားခံတိုင်းကို မဖမ်း နိုင်ခဲ့ပါဘူး။

ပြည်သူတွေ မကြည်ညိုတဲ့ ခရိုနီ တွေက သူတို့ရှင်သန်မှုအတွက် အတိုက် အခံ နိုင်ငံရေးပါတီတွေရဲ့ လူမှုရေး လှုပ်ရှားမှုတွေမှာ ငွေတွေလှူနေပေ မယ့် နောက်ထပ်အခွင့်အရေးတွေမရ တော့လို့ဝမ်းနည်းနေပါတယ်။ အတွင်း သိတွေကတော့ နောက်ထပ် အခွင့်အ ရေးတွေ မရတော့ဘူးဆိုတာ ဘယ်သူ ပြောလဲလို့ဆိုပါတယ်။ အာဏာရှင် အစိုးရလက်ထက်က ကရုဏာကြီး ချင်ယောင်ဆောင်ထားတဲ့ အမျိုးသမီး ပရဟိတအဖွဲ့အစည်းတွေကလည်း အခုတော့လူမှုရေးမလုပ်ကြတော့ဘူး။ အနုပညာသမားတွေကတော့ လူမှု ဂုဏ်ထူးဆောင်လက်မှတ်ရဖို့ နာရေး ကူညီမှုအသင်းက လူသေတွေကို သင်္ဂြိုဟ်ပေးနေပေမယ့် အနုပညာ လောကအတွင်း မူးယစ်ဆေးသုံးစွဲမှု ကတော့ အရင်အတိုင်းပါပဲ။ လူငယ် တွေကြားထဲမှာ လက်ဖက်ရည် သောက်တဲ့သူနည်းလာပြီး အရက် သောက်တဲ့သူ များလာပေမယ့် ဘယ် စတိုးဆိုင်ကမှ ၁၈ နှစ်အောက် အရက် မ၀ယ်ရလို့ ကြေညာချက်မထုတ်သေး ပါဘူး။ ဘယ်အရက်ကောင်တာမှ လည်း အချိန်ပိုင်းနဲ့ ရောင်းမယ်ဆိုတာ မျိုး မရှိပါဘူး။ အရက်ကုမ္ပဏီတွေ သိန်းပေါင်းသောင်းချီ ချမ်းသာလာ ပေမယ့် အသည်းကင်ဆာနဲ့ သေတဲ့သူ တွေကလည်း သိန်းပေါင်းသောင်းချီနဲ့ အပြိုင် ချီတက်လာပါပြီ။ မြန်မာနိုင်ငံ သားတွေအားလုံးဟာ ပင်လယ်၊ တော တောင်၊ သစ်ပင်၊ ကျေး ငှက်တိရစ္ဆာန် တွေကို ချစ်ပုံမရတဲ့အတွက် တိုင်းပြည် ရဲ့ သဘာဝပတ်ဝန်းကျင်က အဆိုးဝါး ဆုံးအခြေအနေကို ရောက်ရှိလာ ပါတယ်။ လူ့အဖွဲ့အစည်းအတွင်းမှာ အိမ်ထောင်ပြုမှုနှုန်း ကျလာသလို အိမ်ထောင်ကွဲမှုနှုန်းကလည်း မြင့်တက်ခဲ့တဲ့အတွက် ဖခင်မဲ့ကလေး ဦးရေကလည်း ပိုပြီးတိုးပွားလာပါ တယ်။ ဆင်ဆာမဲ့အပြာဗွီဒီယိုခွေတွေ ဟာ လမ်းဆုံလမ်းခွနဲ့ လက်ဖက်ရည် ဆိုင်တွေမှာ ပေါ်ပေါ်တင်တင်ရောင်း ချနေပေမယ့် ဖမ်းဆီးမယ့်သူ မရှိသေး ပါဘူး။ တရားဥပဒေ စိုးမိုးရေးဆိုတာ ဖတ်လို့ ကောင်းအောင် ရေးထားတဲ့ စာအုပ်ထဲက စာသားတစ်ခုသာ ဖြစ် ပါတယ်။ ဒီအပြာခွေတွေရဲ့ ရိုက်ခတ် မှုကြောင့် အသိဉာဏ်ချို့တဲ့တဲ့ ဗုဒ္ဓ ဘာသာကျေးလက်တွေမှာ ကိုယ့်သား သမီးတွေကို အဓမ္မကျင့်ကြံတဲ့အမှု မျိုးတွေ မကြားစဖူး ပေါ်ပေါက်လာ ပါတယ်။ မြန်မာပြည်ရဲ့သူဌေးအား လုံးက အာဏာပိုင်တွေကို လာဘ်ထိုး ဖို့လက်မနှေးပေမယ့် အခွန်ရှောင်ဖို့ကျ တော့ ညီတူညာတူ ယိမ်းကနေကြ တယ်။ ဆေးတက္ကသိုလ်က မွေးထုတ် ပေးလိုက်တဲ့ ဆရာဝန်တွေက စာပေ လုပ်ငန်းတွေနဲ့ အသက်မွေးဝမ်း ကျောင်းပြုကြပြီး စစ်ဗိုလ်တွေက စီးပွားရေးလုပ်တယ်။ လယ်သမားတွေ က ဆန္ဒပြနည်း တတ်မြောက်သွားပြီး လွှတ်တော်ကိုယ်စားလှယ်တွေက မကြာခဏ ခွင့်ယူတတ်တယ်။ တရား သူကြီးတွေက ငွေတိုးပေးပြီး ဗိုလ်ချုပ် ကတော်တွေက လုံးချင်းအိမ်တွေ ငှား စားကြတယ်။ စာရေးမတွေက ညွှန် ကြားရေးမှူးရဲ့ အငယ်အနှောင်းဖြစ် သွားပြီး ရပ်ကွက်ထဲက ကောင်မလေး တစ်ယောက်ပျောက်ပြီးပြန်ပေါ်လာ ရင် ဂျာနယ်လစ်ဖြစ်နေတတ်တယ်။

လွှတ်တော်က ဥပဒေတွေအမျိုးမျိုး ပြဌာန်းနေပေမယ့် ကိုယ်စားလှယ်တွေ က သူ့မဲဆန္ဒနယ်မြေတွေဆီကိုလည်း မသွားကြပါဘူး။ နိုင်ငံရေးယဉ်ကျေးမှု သစ်ဖြစ်လာပြီလို့ သမ္မတကြီးကပြော ပေမယ့် အဖွဲ့အစည်းတွေနဲ့ အတွေး အခေါ်တွေကတော့အဟောင်းတွေ ဖြစ်ပါတယ်။ ပြည်တွင်းငြိမ်းချမ်း ရေးမရသေးပေမယ့် လက်နက်ကိုင်အဖွဲ့ တွေကတော့ မော်တော်ကားပါမစ်ရ သွားပါပြီ။ လွှတ်တော်နဲ့အစိုးရအဖွဲ့ ရန်ဖြစ်နေပေမယ့် ချမ်းသာပုံခြင်းက တော့ အတူတူပါပဲ။

အရှေ့တောင်အာရှအားကစား ပြိုင်ပွဲမှာ ကမ္ဘောဒီးယားခြင်းအဖွဲ့ကို ရွှေ တံဆိပ်ရစေရမယ်လို့ ကတိပေး ဖိတ်ခေါ်ခဲ့ပြီး နောက်ဆုံးတော့ မြန်မာ တွေက ကတိဖျက်ခဲ့တယ်။ နိုင်ငံတော် သမ္မတကြီးကြေးကြော်ခဲ့တဲ့ ဆင်းရဲသား မွဲတေမှုတိုက်ဖျက်ရေးက မအောင်မြင် ဘဲ ပြည်သူတွေခမျာ နွားနို့တောင် မသောက်နိုင်ပါဘူး။ အစိုးရ၀န်ကြီးတွေ သုံးနှစ်အတွင်းပြောတဲ့ မိန့်ခွန်းတွေက မြန်မာပြည်သမိုင်းမှာ ထာဝရတွင်ကျန် ရစ်ခဲ့ပါပြီ။ ပြည်သူတွေ ထမင်းတစ်နပ် လျှော့စားပါ။ ဖယောင်းတိုင်ထွန်းပြီး နေပါ။ တရုတ်ရဲ့ ကျေးဇူးသစ္စာကို စောင့်သိရိုသေပါ။ လိုအပ်ရင် ပါး အရိုက်ခံပါ။ ကလေးတွေအတွက် အားကစားကွင်းတွေ ပျောက်ကွယ် သွားပြီး စည်ပင်သာယာနဲ့ အဆင်ပြေ တဲ့ ဆောက်လုပ်ရေးကုမ္ပဏီကြီးတွေ အတွက်ဈေးတွေဖြစ်လာတယ်။ ကျေး လက်မှာ ယောက်ျားတွေ ပြည်ပသွား အလုပ်လုပ်နေလို့ မိန်းမတွေက လယ် ထွန်နေကြတယ်။ အမျိုးသား အစွန်း ရောက်တွေက လူတွေကို စည်းရုံးဖို့ ဘာသာရေးကို ခုတုံးလုပ်တယ်။ ဗုဒ္ဓ ဘာသာကိုကိုးကွယ်ယုံကြည်ကြပေ မယ့် လောဘ၊ ဒေါသ၊ မောဟတွေ ကတော့ ကြောက်ခမန်းလိလိပဲ။

တိုင်းပြည်မှာတော့ သဘာဝ ဓာတ်ငွေ့တွေရှိသေးတယ်လို့ပြောတာ ပဲ။ ရေနံတွေရှိသေးတယ်လို့ပြောတာ ပဲ။ ကျွန်းသစ်တွေရှိသေးတယ်လို့ ပြောတာပဲ။ ကျောက်စိမ်းတွေရှိသေး တယ်လို့ပြောတာပဲ။

ဂုဏ်သိက္ခာတွေရှိသေးတယ်လို့ ပြောတာပဲ။

ပြောတာပဲ...........

ဇော်သက်ထွေး
Tomorrow Journal

ပြည်သူ့လွှတ်တော်က ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ရေးအတွက် သုံးသပ်လေ့လာရေး ကော်မရှင်ကို ဖွဲ့စည်းပြီးနောက်ပိုင်းကာလတွင် အမျိုးသား ဒီမိုကရေစီအဖွဲ့ချုပ် က ဖွဲ့စည်းပုံအခြေခံဥပဒေ ပြင်ဆင်ရေးအတွက် ပြည်သူနှင့်တွေ့ဆုံပွဲများ ကို အင်တိုက်အားတိုက်လုပ်ဆောင်ခဲ့သည်ကို မြင်တွေ့ခဲ့ရသည် ။ အမျိုးသား ဒီမို ကရေစီ အဖွဲ့ချုပ်သည် ရွေးကောက်ပွဲဝင်စဉ်ကာလကပင် ဖွဲ့စည်းပုံအခြေခံဥပဒေ ပြင်ဆင်ရေး ကို ဦးတည်ချက် တစ်ရပ်အဖြစ်ချမှတ်ထားခဲ့ပြီးဖြစ်သည် ။ သို့ဖြစ်၍ လွှတ်တော်ကော်မရှင် ဖွဲ့စည်းပြီး နောက် ပိုင်းတွင် ဖွဲ့စည်းပုံ အခြေခံ ဥပဒေဆိုင်ရာ ဆွေးနွေးဟောပြောပွဲများကို တိုင်းတကာ ၊ မြို့ရွာအနှံ့ ကျင်းပ၍ ပြည်သူ လူထုထံမှ ဆန္ဒ ခံယူခဲ့ကြ သည် ။ ဖွဲ့စည်းပုံအခြေခံဥပဒေပြင်ဆင်နိုင်ရေးအတွက် ပြည်သူ့အားကို လိုပါသည်ဟု ဆိုခဲ့သည် ။ ပြည်သူလူထုကလည်း ထိုဖွဲ့စည်းပုံအခြေခံဥပဒေ ပြင်ဆင်ရေးကို အုံးအုံး ကြွက်ကြွက် တစ်ခဲနက် ထောက်ခံ ဆန္ဒပြုခဲ့ကြသည် ။

ဤသို့ ဖွဲ့စည်းပုံအခြေခံဥပဒေကို ပြင်ဆင်လိုသူတို့ဘက်မှ အသံများကျယ်လောင်လာချိန်တွင် မပြင် ဆင် လိုသေးသူတို့၏ အသံက သဲ့သဲ့မျှ ထွက်ပေါ် လာသည် ။ တစ်ဖြည်းဖြည်းပြင်ရမည် ။ အလောတကြီး ပြင်ဆင်ရန် ကြိုးစားလျှင် အန္တရာယ် ရှိနိုင်သည် ဟုဆိုကြသည် ။ အချို့ကတော့လည်း ဖွဲ့စည်းပုံ အခြေခံ ဥပဒေသည် အမြှော် အမြင်ကြီး စွာဖြင့်ရေးဆွဲခဲ့သည်ဖြစ်၍ ပြင်ဆင်ရန် မလိုဟုဆိုသည် ။ အချို့ကျပြန် တော့ ရေးဆွဲ အတည်ပြုထားသည်မှာ အချိ်န်ကာလပင် မကြာမြင့် သေး၍ ပြင် ဆင်ရန် မဖြစ်နိုင်သေး ဟုဆိုကြပြန်သည် ။ သို့သော်ထိုသူတို့၏ စကားသည် ပြည်သူတို့ကြားတိုး မပေါက်ခဲ့ ။ အမျိုးသား ဒီမိုကရေစီ အဖွဲ့ချုပ်၏ ပြည်သူလူထုဆန္ဒခံယူပွဲများက တစ်ဖြည်းဖြည်းမှသည် တမဟုတ်ချင်း ကြီးထွားလာသည် ။ တက်ရောက် သူပြည်သူတို့အင်အားက တစ်ပွဲထက် တစ်ပွဲများပြားလာသည် ။ တစ်ချိန်ထဲမှာ ပင် ဖွဲ့စည်းပုံ အခြေခံဥပဒေပြင်ဆင်ရေး ပြည်သူ့ကွန်ရက်ကလည်း ပြည်သူများအကြား ဆွေးနွေးဟောပြောပွဲများ ပြုလုပ်၍ ဆန္ဒခံယူခြင်းများကို တစ်ဖက်တစ်လမ်းမှ လုပ်ဆောင် နေခဲ့သည် ။ ဤသည်တို့မှာ ဖွဲ့ စည်းပုံအခြေခံ ဥပဒေကို အကာအကွယ်ယူထားသူများအတွက် စိုးရိမ်စိတ် ငယ်ထိပ်တက်ကပ်လာစေခဲ့သည်ဟု ထင်မြင် ရ သည် ။

၂၀၀၈ ဖွဲ့စည်းပုံအခြေခံဥပဒေသည် ပြည်သူများကို ကာကွယ်စောင့်ရှောက်နိုင်ရန် ၊ ပြည်ထောင်စု စနစ်ကို မှန်မှန်ကန်ကန်ဖော်ဆောင်ရန် ၊ ဒီမိုကရေစီနိုင်ငံသစ်ကို တည်ဆောက်ရန် စေတနာမှန်မှန်ဖြင့် ရေးဆွဲ ထားသည့် ဖွဲ့စည်းပုံအခြေခံဥပဒေတစ်ခုမဟုတ်ခဲ့ပဲ ၊ တိုင်းပြည်ကို စစ်အာဏာရှင်စနစ်ဖြင့် လွှမ်းမိုး အုပ်ချုပ် သွားခဲ့သူများ၏ နောက်ကြောင်းကို လုံခြုံစိတ်ချရစေရန် ရေးဆွဲထားခဲ့သော ဥပဒေတစ်ခုဖြစ်သည် ။ ဤအချက်ကို သူရဦးရွှေမန်းကိုယ်တိုင်ပြောကြားခဲ့သော စကားများတွင် အထင်အရှားမြင်ရသည် ။ သို့ဖြစ်၍ အာဏာရှင်စနစ်တွင် အကျိုးစီးပွားဖြစ်ထွန်းခဲ့ကြပြီး ၊ အာဏာကို လက်ဆုပ်မဖြေဘဲ ဆက်လက် ဆုပ်ကိုင်ထား လိုသောသူတို့အဖို့ ထိုဖွဲ့စည်းပုံအခြေခံဥပဒေကို မပြင်ဆင်လိုကြသည်မှာ အံ့သြဖွယ်ရာမရှိချေ ။ ပြင်ဆင်ရန် ကြိုးပမ်းဆောင်ရွက်မှုများကိုလည်း နည်းလမ်းပေါင်းစုံဖြင့် ပျက်ပြားစေရန် အားထုတ်မည်မှာ ထူးဆန်းသည့် အကြောင်းတရားမဟုတ်ချေ ။
ထိုသို့ ဖွဲ့စည်းပုံအခြေခံဥပဒေပြင်ဆင်ရေးကို အားကောင်းမောင်းသန် ဆောင်ရွက်လာကြသည့် အချိန် တွင် ဘာသာရေး လူမျိုးရေးခွဲခြားသော လှုံ့ဆော်မှုများပေါ်ထွက်လာသည် ။ ထိုဖွဲ့စည်းပုံအခြေခံဥပဒေကို ပြင်ဆင်မည် ဆိုလျှင် နိုင်ငံတော်ကို လူမျိုးခြားများအုပ်ချုပ်ခွင့်ရသော နိုင်ငံတော်အဖြစ်ပြောင်းလဲသွားလိမ့်မည် ။ နိုင်ငံတော် တွင် အမျိုးဘာသာ သာသနာမှေးမှိန်လိမ့်မည် စသည်ဖြင့် နိုင်ငံရေးအောက်လုံးကွက်များ ထွက်ပေါ်လာခဲ့ သည် ။

ဘာသာအယူကွဲပြားခြားနားသော နိုင်ငံသားများ ၊တိုင်းရင်းသားမဟုတ်သူ နိုင်ငံသား များကို ထိုးနှက် တိုက်ခိုက်သောဝါဒဖြန့်ချိမှုများ ဟောပြောမှုများ အချိန်ကိုက် ထွက်ပေါ်လာခဲ့သည် ။ ဤသည် မှာ ဖွဲ့စည်းပုံအခြေခံဥပဒေ ပြင်ဆင်ရေးကို အာရုံစိုက်နေကြသော နိုင်ငံရေးပါတီများ ၊ အင်အားစုများအတွက် ချိန်တာကိုက်ထိုးနှက်ချက်ဖြစ်သည် ။ ဤထိုးနှက်မှုများသည် မူလက ငြိမ်းချမ်းစွာ အတူယှဉ်တွဲ နေထိုင်ခဲ့ကြ သော မြန်မာ့လူ့အဖွဲ့အစည်းတွင် သံသယများကို မျိုးစေ့ချ နေခဲ့သည်ဖြစ်ရာ အနာဂတ် နိုင်ငံအတွက်လွန်စွာ အန္တရာယ် ကြီးလှသော ကိစ္စတစ်ခုဖြစ်ပေသည် ။
ဖေဖော်ဝါရီလဆန်းပိုင်းတွင် အမျိုးသား ဒီမိုကရေစီ အဖွဲ့ချုပ်နှင့် ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲအစည်းတို့ ပူးပေါင်းဆောင်ရွက်ကြမည်ဟု ကြေညာချက်များထွက်လာသည် ။ ၂၀၁၄ ခုနှစ်ဖေဖော်ဝါရီ လ ၁၄ ရက်နေ့ရက်စွဲဖြင့်ထုတ်ပြန်ကြေညာချက်တွင်ဖော်ပြထားသည်မှာ ….. အမျိုးသား ဒီမိုကရေစီ အဖွဲ့ချုပ် နှင့် ၈၈ မျိုးဆက်ကျောင်းသားများသည် ၁၉၈၈ အရေးတော်ပုံကြီးမှစ၍ ယနေ့တိုင် စဉ်ဆက်မပြတ်လက်တွဲ လှုပ်ရှားနေကြသည့် ဒီမိုကရေစီ အင်အားစုများဖြစ်သည်ဟူ၍ ဖော်ပြထားပြီး မြန်မာနိုင်ငံတွင် စစ်မှန်သော ဒီမိုကရေစီ ပေါ်ပေါက်ရေးအတွက် အရေးကြီးသော ယခုအသွင်ကူးပြောင်းရေး ကာလတွင် ပိုမိုပူးပေါင်း အဖြေရှာနိုင်ရန် တွေ့ဆုံဆွေးနွေးမှုများ ပြုလုပ်ခဲ့ကြသည် ။ ထိုတွေ့ဆုံဆွေးနွေးမှု၏ ရလာဒ်အဖြစ် အမျိုးသား ပြန်လည် သင့်မြတ်ရေးကို မျက်ခြည်မပြတ်စေဘဲ စစ်မှန်သော ဒီမိုကရေစီ ပြည်ထောင်စု ပေါ်ပေါက်ရေးအတွက် ဖွဲ့စည်းပုံ အခြေခံဥပဒေ ပြင်ဆင်ရေးကို ငြိမ်းချမ်း၍ တရားမျှတသော နည်းလမ်းများဖြင့် ပူးတွဲဆောင်ရွက် သွားမည်ဖြစ်ကြောင်း ထုတ်ပြန်ကြေညာလိုက်သည် ဟူ၍ ဖော်ပြထားခဲ့သည် ။

ထိုသို့ အမျိုးသား ဒီမိုကရေစီ အဖွဲ့ချုပ်နှင့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း တို့၏ ဖွဲ့စည်းပုံအခြေခံ ဥပဒေ ပြင်ဆင်ရေးကိစ္စရပ်များတွင် ပူးပေါင်းဆောင်ရွက်မည်ဟု ထုတ်ပြန်ကြေငြာ ချက် ကိုကြားသိကြရသော ပြည်သူတွေ များစွာကျေနပ်ကြသည် ။ ပြည်သူတွေ နှစ်ထောင်းအားရကြသည် ။ အမျိုးသား ဒီမိုကရေစီအဖွဲ့ချုပ်ဆိုသည်က လူထုချစ်သော ၊ ယုံကြည်အားကိုးသော ဒီမိုကရေစီခေါင်းဆောင် ဦးဆောင်နေသည့် နိုင်ငံရေးပါတီကြီးဖြစ်ပြီး ၊ တစ်ခုက ဒီမိုကရေစီအရေးတိုက်ပွဲမှ ပေါ်ထွန်းခဲ့သည့် ပြည်သူ ချစ်ခင်သော ယုံကြည်အားထားသော ၈၈ မျိုးဆက်ကျောင်းသားများ၏ ပွင့်လင်းလူ့အဖွဲ့အစည်းဖြစ်သည် ။ ဤ အင်အားစုကြီး နှစ်ခု၏ ဖွဲ့စည်းပုံပြင်ဆင်ရေး ပူးပေါင်းလုပ်ဆောင်မည်ဟူသည့် ကြေငြာချက် က တာသွား လှ သည် ။ ဤပေါင်းစည်းမှုသည် နိုင်ငံကို အရွေ့တစ်ခုရွေ့သွားစေနိုင်သည်ဟု တွက်ဆကြ သည် ။ ၀မ်းမြောက် ၀မ်းသာဖြစ်ကြရသည် ။ တစ်ဖက်တွင် ထိုကဲ့သို့ လှိုက်လှဲဝမ်းသာ အားရစရာဖြစ်ခဲ့ချိန်တွင် အခြား တစ်ဖက်တွင် ကား ဆန့်ကျင်ဖက် ခံစားချက်တို့ဖြင့် ထိုးနှက်လိုက်သော အချက်ပေးခေါင်းလောင်းသံသဖွယ်ပင် ။
ထိုအချိန်ကာလတွင် တိုက်တိုက်ဆိုင်ဆိုင်ပင် ဘာသာခြားစာရေးဆရာတို့၏ ဟောပြောခွင့်များကို ပိတ်ပင်တားမြစ်လာသည့် လုပ်ဆောင်ချက်များပေါ်ပေါက်လာခဲ့သည်။ ထိုသို့လုပ်ဆောင်လာသည့် လုပ်ရပ်များ သည် မိမိတို့အမျိုးဘာသာ သာသနာကို ကာကွယ် စောင့်ရှောက်သည့် ဘောင်မှကျော်လွန်၍ ဖွဲ့စည်းပုံ အခြေခံဥပဒေပါ နိုင်ငံသားတစ်ဦး၏ မူလအခွင့်အရေးများကို ချိုးဖောက်ရာ ဖျက်ဆီးရာ ရောက်ခဲ့သည် ။ ပဋိပက္ခဖြစ် ပွားစေမည့် အခြေအနေဆိုက်ခဲ့သည် ။ သို့သော် အတိတ်ဖြစ်ရပ်များကို သင်ခန်းစာယူ၍ ထိုဖြစ်ရပ်တို့ ၏ နောက်ကွယ်မှ လက်မဲကြီးများကို မြင်ကြလျက် ၊ ထိုလက်မဲကြီးတို့၏ ရည်ရွယ်ချက်များကို သဘောပေါက် နားလည်သူများက ပဋိပက္ခ မဖြစ်ပွားရေး ကို သတိကြီးစွာဖြင့် ရှောင်ရှားနိုင်ခဲ့ကြသည် ။ နောက်နောင်တွင်လည်း ဤသို့သော ခလုပ်ကန်သင်း ထောင်ချောက်တွင်းကျင်းများက အဆက်မပြတ်ရောက် လာနိုင်သည်ကို သတိကြီးစွာထား၍ ရှောင်ရှားဖြတ်ကျော်ကြရန်သတိပေးချင်ပေသည် ။
မြန်မာနိုင်ငံသည် ၊ တိုင်းရင်းသားပေါင်းစုံ ၊ လူမျိုးပေါင်းစုံ ၊ ကိုးကွယ်ရာဘာသာအစုံ အတူယှဉ်တွဲ နေထိုင်သော နိုင်ငံတစ်ခုအဖြစ် နှစ်ကာလများစွာ တည်ရှိခဲ့ပြီးဖြစ်သည် ။ ထိုသို့သော နိုင်ငံတစ်ခုတွင် ငြိမ်းချမ်းစွာအတူယှဉ်တွဲ၍နေထိုင်နိုင်ကြရန်မှာ မတူကွဲပြားမှုများကို လက်ခံနိုင်စွမ်းရှိရသည် ။ တစ်ဦးချင်းစီ၏ လွတ်လပ်ခွင့် ၊ တန်းတူညီမျှရပိုင်ခွင့် မူလအခွင့်အရေးများကို လေးစားရသည် ။ လူတစ်ဦးချင်းစီ၏ ဂုဏ်သိက္ခာ ကိုတန်ဖိုးထားတတ်ရသည် ။ သို့မဟုတ်ပါက ငြိမ်းချမ်းစွာ အတူယှဉ်တွဲနေထိုင်ရေးတွင် အက်ကြောင်းများ ထင်လာပေလိမ့်မည် ။ ထိုသို့အက်ကြောင်းများထင်လာပြီဆိုပါက လူ့ဘောင်အဖွဲ့ အစည်းတွင် အန္တရာယ်ကျ ရောက်လာပေလိမ့်မည် ။ ထိုအခါတွင် နိုင်ငံတော်ချောက်ထဲမကျမီ ကယ်တင်ရန်အသင့် စောင့်ဆိုင်းနေ တတ်ကြသော လူတစ်သိုက်က ၀မ်းသာအားရနိုင်ငံကို ကယ်တင်ကြ ပေလိမ့်ဦးမည် ။

၈၈ အရေးတော်ပုံကြီးတွင် ရဟန်းရှင်လူပြည်သူများ အသက်ပေးစတေးခဲ့ကြသည်မှာ အာဏာရှင်စနစ် ချုပ်ငြိမ်းရေး နှင့် ဒီမိုကရေစီထွန်းကားရေး အတွက်ဖြစ်သည် ။ ထိုသို့တောင်းဆိုခဲ့ကြသည့် ဒီမိုကရေစီ ရရှိရေး တွင် ဟိုလူမပါ ၊ ဒီလူမပါရဟု တားမြစ်ပိတ်ပင်၍ ရစကောင်းသောအရာမဟုတ်ချေ ။ လူမျိုး တစ်မျိုး ၏ အင်အား ကိုထူထောင်ရေး ၊ အခြားလူမျိုးကို နိုင်ထက်ကျင့်ရေး ၊ ကိုးကွယ်ရာဘာသာတစ်ခု အင်အား ကြီး မားလာရေး ၊ အခြားဘာသာများကို ဖိနှိပ်ချုပ်ချယ်ရေးအတွက်လည်း မဟုတ်ဆိုသည်ကို နိုင်ငံသားများက သိနား လည်ကြသည် ။ မိမိတို့ကိုးကွယ်ရာဘာသာအယူဝါဒကို စောင့်ရှောက်ကာကွယ်ရာတွင် အခြားသူများ ယုံကြည် သက်ဝင်ရာ ဘာသာအယူဝါဒကို နှိမ့်ချခြင်းမပြုမစေရန် များစွာအရေးကြီးလှသည် ။
ဤသို့လုပ်ဆောင်ချက်များသည် တစ်စုတစ်ဖွဲက ရည်ရွယ်ချက်ရှိရှိဖြင့် တိုင်းပြည် တည်ငြိမ် အေး ချမ်းမှု ပျက်ပြားစေရန် အလံရှုးလုပ်နေခြင်းပင်ဖြစ်သည် ။ ဖွဲ့စည်းပုံအခြေခံဥပဒေကို ပြင်ဆင်၍ ဒီမိုကရေစီ နိုင်ငံတော်အား တည်ဆောက်မည့်လုပ်ငန်းစဉ်ကို အနှောက်အယှက်ပေးခြင်းဖြစ်သည် ။ မသိ နားမလည်သူ တို့အား ဘာသာရေး မှိုင်းတိုက်၍ ပဋိပက္ခတစ်ခုကို ရှေးရှုဆောင်ရွက်စေခြင်းပင်ဖြစ်သည် ။ နိုင်ငံတွင် မတည် မငြိမ်ဖြစ်ပါက မည်သူတို့အတွက် အကျိုးကျေးဇူးဖြစ်ထွန်းမည်ကို ဆင်ခြင် သုံးသပ်ကြည့်ပါလျှင် နောက် ကွယ် မှ လက်မဲကြီး များ၏ ရည်ရွယ်ချက်တို့ ကို ထင်ထင်ရှားရှားတွေ့မြင်ပေလိမ့်မည် ။
မြန်မာတစ်နိုင်ငံလုံး တစ်စည်းတစ်လုံးတည်း လွတ်လပ်ရေးရရန်အတွက် ဗိုလ်ချုပ်အောင်ဆန်းနှင့် တိုင်းရင်းသား ညီနောင်များ ပင်လုံ တွင်သွေးစည်းခဲ့ကြသည် ။ ထိုသို့သော သွေးစည်းညီညွတ် မှုကြောင့် သာလျှင် တစ်စည်းတစ်လုံးတည်း လုံးဝလွတ်လပ်ရေးကိုရယူခဲ့သည် ။ ယခု နိုင်ငံတော်ဒီမိုကရေစီအရေး တွင် ဤအချက်ကို နှလုံးသွင်းမြဲဖြံသင့်သည် ။ နိုင်ငံသားများ အချင်းချင်း လူမျိုးရေး ကြောင့်သော်လည်းကောင်း ၊ ကိုးကွယ်မှု ဘာသာတရားကြောင့် သော်လည်းကောင်း စိတ်ဝမ်းကွဲပြားကြလျှင် မျက်ဖြူဆိုက်လေ ဆရာကြိုက် လေဟူသကဲ့သို့ အာဏာကို မိမိတို့ လက်တွင်းတွင်သာ အစဉ်သဖြင့် ထားလိုသော အာဏာရှင် တို့ အကြိုက် တွေ့ကြပေလိမ့်မည် ။ ထိုအခါ ပြည်သူများဘ၀သည် သန်းခေါင်ထက်ညဥ့်နက်ရပေလိမ့်မည် ။

နွားတစ်ကောင် ချည်တိုင်မှ မခွာနိုင်ရခြင်းမှာ နဖားကြိုးကြောင့်ဖြစ်သည် ။ ချည်တိုင်မှ လွတ်မြောက် စေကာမူ အခြားသစ်ငုတ်သစ်ကိုင်းအစရှိသည်တို့နှင့် နဖားကြိုးတို့ ညိတိုင်း ချိတ်တိုင်း အချုပ်အချယ် အနှောင်အဖွဲ့မှ လွတ်မြောက်နိုင်မည်မဟုတ်ချေ ။ သို့ဖြစ်၍ အဓိကနှောင်ဖွဲ့သည်မှာ နဖားကြိုးဖြစ်သည် ။ နဖားကြိုးနှင့်မလွတ်သမျှ နှောင်ဖွဲ့ခြင်းကို ခံနေရမည်သာဖြစ်သည် ဟူ၍ တရားတစ်ပုဒ်ကိုနာခဲ့ရဖူး၏ ။ ယခု မြန်မာနိုင်ငံမှာ စစ်အာဏာရှင်လက်အောက်မှ လွတ်မြောက်လာ၍ အရပ်သားအစိုးရအုပ်ချုပ်မူသို့ ပြောင်းလဲ လာသည်ဆိုစေကာမူ စစ်အာဏာရှင်အငွေ့အသက်များနှင့် မကင်းလွတ်ချေ ။ ပြည်သူတို့၏ အချုပ်အခြာ အာဏာပိုင်ခွင့် ကို ချုပ်ကိုင်ခြင်းခံနေရဆဲဖြစ်၏ ။ နိုင်ငံသားတို့၏ မူလအခွင့်အရေးများကို ပိတ်ပင်ခြင်း ချုပ် ချယ်ခြင်းခံနေရဆဲဖြစ်၏ ။ ဤသည်မှာ ၂၀၀၈ ဖွဲ့စည်းပုံအခြေခံဥပဒေ နဖားကြိုးကြောင့် ဖြစ်သည် ဆိုသည့် အချက်ကို ရှင်းလင်းစွာသိမြင်သင့်၏ ။ နဖားကြိုးမပြုတ်သမျှ ဟိုငုတ်တွင်ငြိလိုက် ၊ သည်ငုတ်တွင် စွပ်မိ လိုက်ဖြင့် အရှင်းမလွတ်မြောက်နိုင်သကဲ့သို့ ၂၀၀၈ ဖွဲ့စည်းပုံနဖားကြိုးကို မဖြတ်နိုင်သမျှ ဟိုအချက်ဖြင့် ပိတ်ပင်လိုက် ၊ သည်အချက်ဖြင့် တားမြစ်လိုက်ဖြင့် အချုပ်အချယ် ခံနေရဦးမည်သာဖြစ်သည် ။

သို့ဖြစ်၍ နိုင်ငံကို ပြုလိုသူတို့က ၂၀၀၈ ဖွဲ့စည်းပုံအခြေခံဥပဒေကို ပြင်ဆင်လိုနေကြခြင်းဖြစ်၏ ။ ပြည်သူကို ချုပ်ကိုင်နှောင်ဖွဲ့၍ အာဏာကို ဆုပ်ကိုင်ထားလိုသူတို့ကလည်းမပြင်ဆင်နိုင်စေရန် အားထုတ်ကြ မည်သာဖြစ်၏ ။ ဤသို့သောအခြေအနေတွင် အမျိုးမျိုးသော အနှောက်အယှက် ၊ အဖျက်အမှောက် အဟန့် အတား တို့ကို စီမံလုပ်ဆောင်ကြလိမ့်မည်သာဖြစ်၏ ။ ထိုစီမံချက်များထဲတွင် ဘာသာရေး ၊ လူမျိုးရေးမှိုင်း တိုက်၍ တိုင်းပြည်ကို မငြိမ်မသက်ဖြစ်အောင်လုပ်သော နည်းလမ်းသည် ၎င်းတို့၏ လက်နက်ကောင်း တစ်ခု အဖြစ် ကိုင်စွဲလာမည်ဖြစ်သည်ကို ဒီမိုကရေစီအရေးကြိုးပမ်းနေသူအားလုံးနှင့် ပြည်သူတစ်ရပ်လုံးကကောင်းစွာ သိမြင်ထားသင့်သည် ။ ဒီမိုကရေစီခရီးကို နီးစေလိုလျှင် အာဏာရှင်တို့၏ ထောင်ချောက်များ ၊ ခလုတ်တွင်း ကျင်းများ ၊ လှည့်ကွက်များကို ကောင်းစွာနားလည်ကြလျက် သတိကြီးစွာဖြင့် ရှောင်ရှားနိုင်ကြရ လိမ့်မည် ။ ထိုသို့ညဏ်ဖြင့်ညှိ ၊ သတိဖြင့်ဆင်ခြင်၍ နိုင်ငံသားတိုင်း နှလုံးစိတ်ဝမ်းညီလျှက် တစ်ခဲနက်ကြိုးပမ်းကြပါမှလျှင် ဒီမိုကရေစီ ခရီး အပြီးတိုင်ရောက်နိုင်လိမ့် မည်ဖြစ်ကြောင်း အသိပေးတိုက်တွန်းလိုက်ချင်ပါသည် ။

ထင် လင်း ဦး

Author Name

Contact Form

Name

Email *

Message *

Powered by Blogger.