03/08/14

တိုင်းပြည်မှာ လူတော်တော် များများက ဒီမိုကရေစီနှင့် လူ့အခွင့်အရေး ဆိုတာကို တွင်တွင် ပြောကြသည်။ တချို့ကလည်း မြန်မာတွေသည် ဒီမိုကရေစီနှင့် မထိုက်တန်သေး၊ လူ့အခွင့်အရေး နှင့် ဝေးသေးသည်ဟု ဆိုကြ၏။ စည်းကမ်း မရှိတာကို အပြစ်တင်၏။ ဥပဒေကို မလိုက်နာတာ
အား နည်းချက်တစ်ခုဟု လက်ညှိုးထိုး ကြသည်။ အမှိုက်ပုံး မရှိလို့
အမှိုက် မပစ်တာကို စည်းကမ်း မရှိဘူးလို့ မဆိုကြစေချင်။ ဥပဒေကို ကိုင်တွယ် နေသူများက မလိုက်နာ ပါပဲလျက် ပြည်သူက ဘာကြောင့် ဥပဒေကို လေးစားရိုသေ ရအံ့နည်း။

ဒီမိုကရေစီကဘာလဲ။
လူ့အခွင့်အရေးကဘာလဲ။

တကယ်တော့ အနောက်က တင်ပို့လိုက်သော အတွေးအခေါ် များသာ။ အင်္ဂလိပ် လက်အောက် တောက်လျောက် ဒီမိုကရေစီ ဆိုတာနှင့် အထိုက်အလျောက် ကျင့်သား ရခဲ့သော မြန်မာပြည်သူများကို ဒီမိုကရေစီ အိပ်ယာထဲက ဆွဲထုတ်ခဲ့သူမှာ တော်လှန်ရေး ကောင်စီဖြစ်သည်။ ဒီမိုကရေစီ လမ်းကြောင်းပေါ် ပြန်တင် ပေးတာလည်း
တော်လှန်ရေး ကောင်စီ တဖြစ်လဲ မြန်မာ့ ဆိုရှယ်လစ် လမ်းစဉ်ပင်
ဖြစ်နေပြန်၏။ သည်တော့ နိုင်ငံရေးမှာ တစ်ပါတီဟု ကျွန်တော်တို့
အော်ကာ အော်ကာ ဝေဖန်ခဲ့သော စစ်တပ် အခြေပြု မ.ဆ.လ အစိုးရကပင် အပြောင်းအလဲ လုပ်ပေးခဲ့သလို ဖြစ်နေသည်။

ခုတစ်ခါ ၂၀၀၈ ဖွဲ့ စည်းပုံ နှင့်နိုင်ငံကို ဒီမိုကရေစီ လမ်းကြောင်းပေါ်တင်
ပေးခဲ့တာလည်း စစ်တပ် အခြေပြု အစိုးရပင် ဖြစ်နေပြန်သည်။ ဒါတွေကို သတိထား စေချင်၏။ ဘေးတိုက် ဆက်ဆံရေး မရှိသော လူ့အသိုက်
အ၀န်းက သယ်ဆောင် လာသော ပြောင်းလဲမှုကို သတိပြုရမည်။

အတိုက်အခံဖက်မှာ (ခံနိုင်ရည်) သာရှိသည်။ မီးကြိုးဆိုသည် လျှပ်စစ်ဓါတ်ကို ဖြန့်ဝေပေး သည် မှန်သော်လည်း သတ်မှတ်
ထားသော ခံနိုင်ရည်အထိသာ တောင့်ထားနိုင် ပေလိမ့်မည်။ ကျော်လွန်
ပါက ပြတ်တောက်ပေမည်။ လက်ရှိ ဦးသိန်းစိန် အစိုး ရသည် ပင်ကိုသဘာဝအားဖြင့် စစ်တပ်မှ မွေးထုတ်ပေးလိုက် သူများသာ ဖြစ်သည် ဆိုခြင်းကို အားလုံး မမေ့သင့်ကြပါ။ လွှတ် တော် ဥက္ကဌ နှစ်ယောက်လုံး သည်လည်း စစ်တပ်မှ လာသူများပင် ဖြစ်၏။ ဒါကိုပင်လျင် သဘောထား
ပျော့ပြောင်း သူများ၊ အပြောင်း အလဲကို လိုလားသူများဟု ဇွတ်အတင်း လိုက်လံ တံဆိပ်ကပ်နေ ကြသူများမှာလည်း အတိုက်အခံ နိုင်ငံရေး
ဖက်မှ ခေါင်းဆောင် ဆိုသူများပင် ဖြစ်သည်။ သို့ဆိုလျင် ၂၀၁၀
မတိုင်မီက ထို(ဗိုလ်ချုပ်ကြီးများ)သည် အပြောင်းအလဲ လိုလားလျက် မလိုလားချင် ယောင်ဆောင် ထားသကဲ့သို့ ဖြစ်နေပြန်၏။
နှစ်ပေါင်း လေးဆယ်ကျော် ဟန်ဆောင် ကောင်းသူများ အဖြစ်
ကမ္ဘာမှာ စံတင် လောက်ပေသည်။

အတိုက်အခံတွေမှာ တကယ်တော့ တိကျ သေချာသည့် စိတ်အခံမရှိ။ အီမိုးရှင်းပေါ် အခြေခံထားသည့် နိုင်ငံရေး ပုံစံဖြစ်နေသည်။ စိတ်ခံစားမှုကို
ရှေ့တန်းတင်လျင် မှားနိုင်သည်။ မိုဟာမက်အလီသည် လက်ဝှေ့ သမား သက်သက် မဟုတ်ချေ။ မိမိပြိုင်ဖက်ကို ဒေါသထွက် လာအောင် ဆွပြီး လက်ဝှေ့ ထိုးတတ်၏။ သည်တော့ ပြိုင်ဖက်က ဒေါသထွက်လာပြီး မှားတော့သည်။ ဒီအမှားကို အသုံးချပြီး အလီက အနိုင်ယူတတ်သည်။ ယခုလည်း စိတ်မရှည်အောင် စိတ်တိုအောင် ရန်စသော ဆွပေးသော စကားများ လုပ်ရပ်များဖြင့် တစ်ဖက်က လှုပ်လာပြီ။ မိမိတို့ ပါမသွားဖို့ အရေးကြီး ပါသည်။

မိုဟာမက်အလီသည် တစ်ဖက်လူကို ယုံကြည်မှု ပျက်သွားအောင် လှည့်စားတတ်လေ့ ရှိသည်။ ဂျောခ်ျ့ဖိုမင်နှင့် လက်ဝှေ့ထိုးစဉ်က
ဂျော့ခ်ျဖိုမင်သည် အလီထက် အသက်ငယ်၏။ လက်သီးပြင်း၏။
ရေအပြည့် ထည့်ထားသော တိုင်ကီကို ပင်လျင် ဘိုင်းကနဲ လဲသွားအောင် ထိုးချနိုင်သူကား ဂျော့ခ်ျဖိုမင်။ သို့တစေ ကင်ရှာဆာမှာ အလီဘုန်မာရေး ဟူသော ပရိသတ် အားပေးမှု နှင့်အတူ ရှစ်ချီမှာ အလီက အလဲထိုးနှင့် အနိုင်ရ ခဲ့လေသည်။ လက်သီးပြင်း လှသူဟု နာမည်ကြီး လှသော
ဂျော့ခ်ျဖိုမင်က အလီကို အကြိမ်ကြိမ် ထိုးနှက်ခဲ့ သော်လည်း အလီက နည်းနည်း ကလေးမှ မဖြုံခဲ့။ အပြုံးတောင် မပျက်ခဲ့။ ဒီကြားထဲ ဖိုမင် လက်သီးပြင်းတယ် ဆိုတာ ဟုတ်ကော ဟုတ် ရဲ့လားလို့ ပရိသတ်ကို ခဏခဏ လှည့်မေးလိုက်သေးသည်။ ဖိုမင် ကိုယ်တိုင်ပင်လျင် ကိုယ့်လက်သီး ကိုယ်ပြန်ကြည့်ရ သည်အထိ ကိုယ့်ကိုယ်ကို ယုံကြည်မှု၊ ယိုယွင်းလာ ခဲ့တော့သည်။ ဒီလိုဖြစ်ဖို့ အလီဖက်က ပေးဆပ်ရတာတွေ များသည်။ ခံနိုင်ရည် အားကောင်းအောင် အကြိမ်ကြိမ် လေ့ကျင့် ခဲ့ရ ရှာသည်။ ဒီဒဏ်တွေကြောင့်ပင် ယခုအခါ ပါကင်ဆန် ရောဂါစုကို
အလီ ခံစား နေရရှာချေပြီ။

ခုလည်း မိမိတို့ဖက်က ခံနိုင်ရည်ကောင်း နေသည်ကို နေရာမှန်အောင် အသုံးချ တတ်ဖို့ လိုချေပြီ။ မိမိ၏ ခံနိုင်ရည်အားဖြင့် တစ်ဖက် ပြိုင်ဘက်၏ ယုံကြည်မှု ယိုယွင်း သွားအောင် ဗျူဟာ ချတတ်ဖို့ လိုချေပြီ။ တစ်မျိုးပြီး တစ်မျိုး အကဲစမ်း လာမှုကို အကဲ မဆတ်ပဲ တုန့်ပြန်တတ်ဖို့ အရေးကြီး လှပေသည်။ မိုဟာမက် အလီကို နမူနာ ပေးရတာ အကြောင်းရှိသည်။ လက်သီးထိုးတတ် ရုံသာ ထိုးလေ့ရှိသော လက်ဝှေ့သမား မဟုတ်။ ဦးနှောက်နှင့် ဥာဏ်ကို လွှာသုံးကာ ထိုးသတ်လေ့ရှိ သောကြောင့်ပင်။ သင်္ချာပညာမှာ အရေးကြီးသော စီသုံးလုံး ဆိုတာရှိသည်။

Concept
Calculateနှင့်
Checkတို့ ဖြစ်သည်။

အခြေခံ ရပ်တည်မှု သဘောထားကို တိတိကျကျ ခိုင်မာအောင် လုပ်ရပေမည်။ သည်လိုဆိုလျင် ကိုယ့်အမြင် ကိုယ့်အယူကို ဘယ်လောက် အတိုင်းအတာ အထိ ထိရောက်နိုင်မလဲ ဆိုတာ တွက်ရချက် ရတော့မှာ
ဖြစ်သလို တစ်ဖက်က မိမိပြိုင်ဖက်၏ အနေအထားကိုပါ ဘယ်လောက် ခိုင်မာသလဲလို့ တွက်ချက် နိုင်ပေမည်။ ပြီးလျင်တော့ အပြန်ပြန် အလှန်လှန် ထိန်းကျောင်း စောင့်ကြည့် ရတော့မည်။ ကိုယ်နှင့် ကိုယ့်အဖွဲ့ ဘယ်လောက် လုပ်နိုင်တယ်ဆိုတာ ကိုလည်း သေသေ ချာချာ ဆန်းစစ် ရပေမည်။ ကိုယ့်ပြိုင်ဖက်၏ ခြေလှမ်းတွေလည်း ဘယ်လောက် ဘယ်လို ဘယ်ကို သွားနေတယ် ဆိုတာကို သေသေ ချာချာ စူးစမ်း လေ့လာ
နိုင်ပေတော့မည်။

အထက်အောက် ဆက်ဆံရေး ရှိသူများသည် အမိန့်ကို နာခံတတ်သည် ဆိုသော သဘာဝကို မမေ့ကြ စေချင်။ ဘေးတိုက် ဆက်ဆံရေးရှိ သူများသည် မခိုင်မာတတ် ဟူသော အစဉ်အလာ ကိုလည်း
ပြောင်းလဲ စေချင်ပြီ။ နိုင်ငံရေးမှာ ကျပ်ပြည့်ဖို့တော့ လို၏။ ကိုယ့်အင်အားကို ကိုယ်ချိန်ဆတတ်ဖို့ လိုပြီ။ နေရာ တကာမှာ ကိုယ်ဝင်ပါနေလျှင် အရေးကြီးသော ကိစ္စတွေမှာ လက်လွှတ် ရတတ်၏။ ဆွန်ဇူး၏ စကားတစ်ရပ် ရှိသည်။ အိမ်နီးချင်းတွေနဲ့ တည့်အောင်ပေါင်း ပါတဲ့။ စဉ်းစားလျင် တော်တော် တာသွား လှချေသည်။ မိတ်ဖက်တွေ အားလုံးနှင့် ခိုင်မာသော ဆက်ဆံရေးကို အသေအချာ ထူထောင်
ရပေမည်။ မိမိအတွက် ပြိုင်ဖက်နည်း နိုင်သမျှနည်းအောင် ဆန်ကာ တိုက်လိုက်ခြင်းပင် ဖြစ်သည်။

တကယ့် တကယ် ခိုင်မာသော ဆက်ဆံရေးကို တိုင်းရင်းသားတွေနှင့် တည်ဆောက်ဖို့ အချိန်ကောင်း ဖြစ်သည်။ သည်လို အခွင့်ကောင်း အချိန်ကောင်းသည် နှစ်ခါမလာတော့။ လေ့ကျင့်ကွင်းမှာ အချိန်ကုန်ပြီး
ချွေးထွက်များတာသာ အဖတ်တင် ပေမည်။ ပွဲမ၀င် လိုက်ရပဲ အပြင်
မှာတင် အမောဆို့ ကုန်လိမ့်မည်။ ပြီးတော့ မာလ်တီ မီဒီယာ နိုင်ငံရေး
ဖြစ်ချိန်တန်ပြီ။ ယခုထက်ထိ မီဒီယာနှင့် ပတ်သက်သော ဗျူဟာ တစ်ခု
မှ မတွေ့ရသေးချေ။ Pin Doctorဟု ခေါ်ဆိုအပ်သော မီဒီယာကို
ကောင်းကောင်း နိုင်နင်းသည့် အလစ္စတာ ကင်မ်ဘဲလ်လို လူမျိုးဖြစ်စေ အဖွဲ့ဖြစ်စေ လိုအပ်လာချေပြီ။စင်္ကြာဗျူဟာကို အကြံပြု
တင်ပြချင်သည်။

၁။ နိုင်ငံရေး တက်ကြွသူများ (သူတို့ ယခု အခါ ဘေးရောက်နေပြီ၊
ဘေးအန္တရာယ် ကျခဲ့စဉ်က သူတို့ရင်းခဲ့ ကြဖူးပြီ။ သူတို့ကို ထီးရိပ်အောက်မှာ ပြန်ခို နားပါစေ)

၂။ ရပ်မိရပ်ဖများ (ရပ်ရွာမှာ သြဇာ ရှိသူတွေကို လက်တကမ်းမှာ တင်ထား စေချင်သည်။ ထိုသူတွေကမှ တစ်ဆင့် ကိုယ့်အယူ ကိုယ့်အမြင်တွေကို ဖြန့်ဝေခဲ့ပါက လျင်လျင်မြန်မြန် ပျံ့နှံ့ပေမည်။)

၃။ စီးပွားရေး ငွေကြေး တောင့်တင်းသူများ (ပိုက်ဆံမရှိပဲနိုင်ငံရေး၊ စည်းရုံး ရေးလုပ်မည်ဆိုပါက တော်တော် စိတ်ကူး ယဉ်လွန်းသည်
ဟုသာဆို ရပေလိမ့်မည်)

၎။ မီဒီယာပညာရှင်များ (စာအုပ်၊ ဂျာနယ်၊ သတင်းစာ ဆရာတွေ သာမကပဲ အွန်လိုင်း မီဒီယာ၊ ရုပ်သံလွှင့် မီဒီယာ အားလုံးကို ခြုံငုံ ဆက်စပ်နိုင်ဖို့လိုသည်။ မိမိ ဘာလုပ်နေသည်ကို အများက သိအောင် လုပ်ရန်မှာ မီဒီယာမှ တစ်ပါး အခြား မရှိချေ။ မီဒီယာကို မှန်မှန်ကန်ကန် အသုံးချနိုင်သော ဗျူဟာ တစ်ခုတော့ရှိဖို့ ကောင်းလေသည်။)

အထက်က အချက်(၄)ချက်သည် လက်ငင်း အခြေအနေ အရ အရေးတကြီး လိုအပ် နေသော အရာများကိုသာ ဦးစားပေး တင်ပြလိုက်ရခြင်း ဖြစ်ပါသည်။ ကောင်းမည် သင့်တော်မည်
ထင်သည်ကို ဥာဏ်နှင့်ရင်းကာ အသုံးချ နိုင်ပါစေလို့ ဆန္ဒပြုလိုက် ရပါသည်။

ဇာဂနာ

( Tomorrow သတင်းဂျာနယ် အမှတ်(၂) မှဆောင်းပါး )

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ အမျိုးသားလွှတ်တော် ကိုယ်စားလှယ် ဦးလှဆွေသည် NLD ပါတီဝင်များကို ဝေဖန် ပြောကြားခဲ့မှုနှင့် ပတ်သက်၍ NLD က တရားစွဲဆိုသွားမည် ဖြစ်သည်ဟု မတ်လ ၅ ရက်နေ့တွင် အမျိုးသားဒီမိုကရေစီအဖွဲ့ချုပ် ဗဟိုအလုပ် အမှုဆောင် ဦးဉာဏ်ဝင်းက မြန်မာသံတော်ဆင့်သို့ ပြောသည်။

ပြည်ခိုင်ဖြိုးပါတီ အမျိုးသားလွှတ်တော် ကိုယ်စားလှယ် ဦးလှဆွေက Hot News ဂျာနယ်၏ အမေးအဖြေ ကဏ္ဍတစ်ခုတွင် ““ဒေါ်အောင်ဆန်းစုကြည် ကလွဲရင် ကျန်တဲ့သူတွေ ဘယ်သူမှ အသုံးမကျဘူး”” ဟု ပြောဆိုခဲ့ သည်ကို ရေးသား ဖော်ပြခဲ့သဖြင့် ယင်းပြောဆိုမှု၊ ဝေဖန်မှုနှင့် စပ်လျဉ်း၍ NLD က တရားစွဲဆိုရန် စီစဉ်ခဲ့ခြင်း ဖြစ်သည်။

““ကျွန်တော်တို့က တရားစွဲတာနဲ့ ပတ်သက်ပြီး ပြင်ဆင်နေတယ်။ အချက်အလက်တွေ ပြင်ဆင်တယ်။ ဥပဒေ အချက်အလက်တွေနဲ့ စီစဉ်ဆောင်ရွက်နေတယ်။ တရားစွဲရင် ဘာနဲ့စွဲလဲဆိုတာ ပြောမှာပါ။ မစွဲရသေးခင် ကြိုပြီးတော့ မပြောချင်ဘူး။ ပြည်တွင်းထုတ် ဂျာနယ်တွေမှာ ခုလို ပုတ်ခတ်မှုတွေ ရှိလာတဲ့အတွက် ခုလိုမျိုး လုပ်တာပါ။ တရားစွဲတာကို ကျွန်တော်တို့ ပြင်ဆင်ပြီးတဲ့အခါ တစ်ခါတည်းပါမှာပါ။ ဒေါ်စုရဲ့ သဘောထား ကတော့ ကျွန်တော်တို့နဲ့ အတူတူပါပဲ။ ကျွန်တော်တို့ စည်းဝေးဆုံးဖြတ်ပြီး ဒါလုပ်မယ်ဆို အားလုံး သဘောထားပဲပေါ့ဗျ””ဟု ဦးဉာဏ်ဝင်းက ပြောသည်။

ဦးလှဆွေသည် မတ်လ ၄ ရက် The Daily Eleven သတင်းစာ၏ မေးမြန်းမှုတစ်ခုတွင် ““သူတို့က ကျွန်တော် တို့ကို တရားစွဲမယ်ဆိုတော့ ဘာပုဒ်မနဲ့ စွဲမှာလဲ။ ကျွန်တော်တို့ကို ကြံ့ဖွတ်ဆိုပြီး ပစ်စလက်ခတ် ပြောတုန်းက ကျွန်တော်တို့ ဘာမှမပြောခဲ့ပါဘူး။ လွတ်လပ်စွာ သဘောကွဲလွဲခွင့် ရှိတယ်။ တရားစွဲခဲ့ရင်လည်း တရား ဥပဒေအတိုင်း ပြန်လည် ရင်ဆိုင်သွားမှာပါ။ ကျွန်တော် Hot News ဂျာနယ်မှာ ပြောတာက NLD မှာ ဒေါ်အောင်ဆန်းစုကြည်လောက် ကျန်တဲ့သူတွေက အသုံးမကျဘူးလို့ ပြောလိုက်တာပါ။ ရေးတဲ့သူက ဒေါ်အောင်ဆန်းစုကြည်ကလွဲရင် ကျန်တဲ့ သူတွေ ဘယ်သူမှ အသုံးမကျဘူးလို့ ရေးလိုက်တာ။ ရေးတဲ့သူကို ဘာမှတော့ မပြောချင်ပါဘူး””ဟု ဖြေကြားမှု ရှိခဲ့သည်။

ထို့အပြင် ၎င်းအနေဖြင့် လွှတ်တော်ကိုယ်စားလှယ် တစ်ဦးကို တရားစွဲမည်ဆိုပါက လွှတ်တော်ဥက္ကဋ္ဌ၏ ခွင့်ပြုချက် ယူရမည်ဖြစ်ပြီး တပ်မတော်ကို ပြည်သူ့ချဉ်ဖတ်ဟု အန်ကယ်ဦးတင်ဦး ပြောခဲ့သည်ကို အသရေဖျက်မှုဖြင့် တရားစွဲ၍ရသည်ဟု ထပ်မံဖြေကြားခဲ့သည်။

Hot News ဂျာနယ် အတွဲ (၄)၊ အမှတ်(၁၈)၌ ““ NLD မှာ ဒေါ်အောင်ဆန်းစုကြည်က လွဲရင်ကျန်တဲ့ကောင်တွေ တစ်ကောင်မှ သောက်သုံး မကျဘူး””ဟု ပြောဆို တိုက်ခိုက်ခဲ့ခြင်း ဖြစ်ပြီး ယခုကဲ့သို့ NLD ပါတီအား စာမျက်နှာပေါ်မှ တိုက်ခိုက်ခြင်းမှာ ဒုတိယအကြိမ်မြောက်ဖြစ်ပြီး ပထမ အကြိမ်အဖြစ် ကြံ့ခိုင်ရေးပါတီ ဗဟိုတိုင်ပင်ခံ ဦးအောင်သောင်းကလည်း မြန်မာသံတော်ဆင့် ဂျာနယ်မှတစ်ဆင့် NLD ပါတီအား တိုက်ခိုက်ခဲ့ဖူး သည်။

မြန်မာသံတော်ဆင့်

““အစောကြီးကတည်းက သိတယ်၊ မင်း(မောင်ရေစက်) မရေးခင်၊ မပြောခင်ကတည်းက ဗိုလ်ချုပ်မှူးကြီးသန်းရွှေကို အဘပြောပြီးသား၊ သူအစောကြီးကတည်းက သိနေတယ်။ နောက်တစ်ခုက သူ့လူတွေက (ဗဟိုအလုပ်အမှုဆောင် ၀န်ကြီးများ) ပေးပေါင်းတာလေ၊ ၀န်ကြီးတွေက အဘ ဘာပေးပါ၊ ညာပေးပါနဲ့ဆိုတာ ပေးပေါင်းတော့ သူတောင်းစား ပါတီဖြစ်သွားမယ်၊ မလုပ်ပါနဲ့တဲ့  . . .””
1
ဗိုလ်ချုပ်မှူးကြီးသန်းရွှေက ဦးခင်အောင်မြင့်အား နိုင်ငံတော်ကာကွယ်ရေးတက္ကသိုလ် သင်တန်းဆင်းပေးအပ်ခဲ့
နေပြည်တော်၊ မတ် ၃
ယခင်စစ်အစိုးရအကြီးအကဲ ဗိုလ်ချုပ်မှူးကြီးသန်းရွှေသည်  ၎င်းတည်ထောင်ခဲ့သော ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးအသင်းဗဟိုမှ လိမ်လည်တင်ပြမှုများကို သိရှိနေခဲ့ပြီးဖြစ်ကြောင်း၊ စိုးရိမ်ဖွယ်ရာရှိသော မြန်မာ့နိုင်ငံရေး အခြေအနေအတွက် နေပြည်တော်ရှိ ၎င်းင်း၏ နေအိမ်၌ သမ္မတ အပါအ၀င် နိုင်ငံ အကြီးအကဲများအား ခေါ်ယူတွေ့ဆုံ၍ လျှို့ဝှက်အစည်းအဝေးတစ်ရပ် ပြုလုပ်ခဲ့ခြင်းလည်း မရှိကြောင်း လက် ရှိ နိုင်ငံ့ခေါင်းဆောင်တစ်ဦး ဖြစ်သည့် အမျိုးသားလွှတ်တော် ဥက္ကဋ္ဌဦးခင်အောင်မြင့်က မြန်မာသံတော်ဆင့်သို့ ပြောသည်။
 
၂၀၁၃ နှစ်ကုန်၊ ဒီဇင်ဘာလ နောက်ဆုံးပတ်နှင့် ၂၀၁၄ ဖေဖော်ဝါရီ ၈ ရက်တို့တွင် နေပြည်တော်ရှိ ဗိုလ်ချုပ်မှူးကြီးသန်းရွှေ နေအိမ်၌ သမ္မတဦးသိန်းစိန် အပါအ၀င် ထိပ်တန်း နိုင်ငံ့ခေါင်းဆောင်များကို ခေါ်ယူပြီး လျှို့ဝှက် အစည်းအဝေးတစ်ရပ် ပြုလုပ်ခဲ့ကြောင်း၊ အဆိုပါ အစည်းအဝေး၌ လူထုခေါင်းဆောင် ဒေါ်အောင်ဆန်းစုကြည်နှင့် ပတ်သက်၍ ဗိုလ်ချုပ်မှူးကြီးသန်းရွှေက ““ကောင်မလေး””ဟု သုံးနှုန်း ပြောဆို ခဲ့ကြောင်း အင်တာနက်ဖေ့စ်ဘွတ် စာမျက်နှာများတွင် ရေးသားဖော်ပြမှုများ ရှိခဲ့ပြီးနောက် မြန်မာ့ နိုင်ငံရေး ဦးဆောင်မှု ကဏ္ဍတွင် ဗိုလ်ချုပ်မှူးကြီးသန်းရွှေ၏ အမိန့်အာဏာ တည်မြဲနေလျက် ရှိသည်ကို အများပြည်သူတို့ အတွင်း ပိုမိုယုံကြည်မှု များပြားလာခဲ့ …သည်။ ယခင် အာဏာရ လမ်းစဉ်ပါတီဥက္ကဋ္ဌနှင့် စစ်တပ် အကြီးအကဲဟောင်း ဦးနေ၀င်း အနားယူပြီး နောက်ပိုင်း၌လည်း အစိုးရ တာဝန်ရှိသူတို့နှင့် အစည်းအဝေး ပြုလုပ်ခဲ့ခြင်းများ ရှိခဲ့ကြောင်းလည်း ထုတ်ဖော် ပြောကြားသူအချို့ ရှိခဲ့သည်။
 
၁၉၈၈ န၀တမှ ၂၀၁၁ နယက အစိုးရအထိ နှစ်ပေါင်း ၂၀ ကျော် နိုင်ငံ့အကြီးအကဲ စစ်ခေါင်းဆောင်အဖြစ် လက်ရှိ ဗိုလ်ချုပ်မှူးကြီး မင်းအောင်လှိုင်နှင့် သမ္မတဦးသိန်းစိန် အပါအ၀င် အာဏာရ ကြံ့ခိုင်ရေးပါတီ ထိပ်ပိုင်းခေါင်းဆောင်များအားလုံး ကြောက်ရွံ့လေးစားခြင်း ခံရသည့် ဗိုလ်ချုပ်မှူးကြီးသန်းရွှေအား ယခုနှစ် (မြန်မာသက္ကရာဇ် ၁၃၇၅ ခုနှစ်)သီတင်းကျွတ်လ နောက်ပိုင်း ကြံ့ခိုင်ရေးဥက္ကဋ္ဌ တာဝန်ယူထားသူ ပြည်ထောင်စုလွှတ်တော် နာယက သူရဦးရွှေမန်းနှင့် အစိုးရပိုင်း အကြီးအကဲတချို့ သွားရောက် ဂါရ၀ပြု သြ၀ါဒ ခံယူခြင်းများလည်း ရှိခဲ့သည်။
 
ဗိုလ်ချုပ်မှူးကြီးသန်းရွှေ နေအိမ်တွင်လျှို့ဝှက် အစည်းအဝေးတစ်ရပ် ပြုလုပ်ခဲ့ခြင်းရှိ၊ မရှိ မတ်လ ၃ ရက်နေ့တွင် နိုင်ငံ့ခေါင်းဆောင်တစ်ဦးဖြစ်သည့် အမျိုးသားလွှတ်တော်ဥက္ကဋ္ဌ ဦးခင်အောင်မြင့်ကို မေးမြန်းခဲ့ရာ ““မဟုတ်ဘူး ထင်တယ်၊ ဟုတ်ရင်သိမှာပေါ့၊ ဒီကိစ္စမဖြစ်လို့ အဘမသိတာဘဲ၊ တကယ်လို့ဖြစ်ရင်တောင် လွှတ်တော်ဘက် ကတော့ မပါဘူး၊ ပါရင် အဘကို ပြောမှာပဲ””ဟု မြန်မာသံတော်ဆင့်သို့ ဖြေကြားခဲ့သည်။
ဗိုလ်ချုပ်မှူးကြီးသန်းရွှေအနေဖြင့် ၎င်းတပ်မတော်အကြီးအကဲ တာဝန်ယူစဉ်က တပ်မတော်၏ နိုင်ငံရေးအရ အရေးကြီးသော  လုပ်ငန်းတစ်ခုဖြစ်သည့် ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူး တာဝန်ကို ဗိုလ်ချုပ်ခင်အောင်မြင့် (ယခုအမျိုးသား လွှတ်တော်ဥက္ကဋ္ဌ)အား ထမ်းဆောင်စေခဲ့ပြီး ၂၀၀၈ ဖွဲ့စည်းပုံ အခြေခံဥပဒေ ရေးဆွဲရာ အမျိုးသားညီလာခံတွင်လည်း ဦးဆောင်သော ကော်မရှင်၌လည်း ထည့်သွင်း တာဝန်ပေးခဲ့သည်။ ၂၀၁၀ ရွေးကောက်ပွဲ၌ တပ်မတော် ဗိုလ်ချုပ်ကြီးများ၊ ဗိုလ်ချုပ်များကို အရပ်ဝတ်လဲ၍ ကြံ့ခိုင်ရေးပါတီကို ပြောင်းလဲ တည်ထောင်ကာ NLD ပါတီ မပါဝင်သော ရွေးကောက်ပွဲ၌ ကြံ့ခိုင်ရေး အာဏာရချိန်တွင် နိုင်ငံ၌ အရေးကြီးသော ခေါင်းဆောင် တစ်နေရာဖြစ်သည့် အမျိုးသား လွှတ်တော် ဥက္ကဋ္ဌတာဝန်အား ဦးခင်အောင်မြင့် ရွေးချယ်ခံခဲ့ရခြင်း ဖြစ်သည်။
၂၀၁၀ ရွေးကောက်ပွဲအပြီး အာဏာရ ကြံ့ခိုင်ရေးပါတီသည် ၂၀၁၂ ကြားဖြတ် ရွေးကောက်ပွဲ၌ ပါဝင်လာသော လူထုခေါင်းဆောင် ဒေါ်အောင်ဆန်းစုကြည်၏ NLD ပါတီကို မရှုမလှရှုံးနိမ့်ခဲ့ရပြီးနောက် ကြံ့ခိုင်ရေးဗဟိုမှ အောက်ခြေအထိ အင်အားစာရင်း အပါအ၀င် တာဝန်ရှိသူများ၏ အကျင့်ပျက်ခြစားမှုများ၊ ပြည်သူများအပေါ် အာဏာအလွဲသုံးစား အနိုင်ကျင့်မှုများအား စာရေးသူ မောင်ရေစက်က ““အသင်းကြီးတွင် ပါဝင်ခဲ့စဉ်က”” ခေါင်းစဉ်ဖြင့် သတင်းဆောင်းပါးပေါင်းချုပ် ရေးသားထုတ်ဝေခဲ့ခြင်း၊ ပါတီဗဟိုအတိုင်ပင်ခံ ဦးတင်ထွတ်၏ ပါတီရှုံးနိမ့်ခဲ့ခြင်းအပေါ် သုံးသပ်ချက်များ ရှိလာခဲ့ရာ ပါတီထိပ်ပိုင်း ခေါင်းဆောင်အချို့ထံမှ တုံ့ပြန်မှုများလည်း ထွက်ပေါ်လာခဲ့သည်။
ကြံ့ခိုင်ရေးအသင်း နှစ်ပေါင်း ၂၀ နီးပါး ရပ်တည်လာခဲ့ခြင်းကြောင့် အသင်းဝင်အင်အား၂၄ သန်းကျော် စာရင်းလိမ်ပြ ထုတ်ပြန်ခဲ့ခြင်းများ အပါအ၀င် တည်ထောင်သူ ဗဟိုနာယက ဗိုလ်ချုပ်မှူးကြီး သန်းရွှေကို တိုက်ရိုက်တင်ပြ အစီရင်ခံခွင့်ရသော ကြံ့ခိုင်ရေးဗဟို အလုပ်အမှုဆောင် ထိပ်ပိုင်းမှ အောက်ခြေ ဖြစ်ရပ် ဆိုးများကို ဖုံးကွယ်၍ထားခြင်းများအား အလိမ်ခံရသော ဗိုလ်ချုပ်မှူးကြီးသန်းရွှေ ကိုယ်တိုင် ယခုအခါ ၎င်း၏ တပည့်များ အခြေအနေမှန်ကို သိရှိနေပြီဖြစ်ကြောင်း အမျိုးသားလွှတ်တော်ဥက္ကဋ္ဌ ဦးခင် အောင်မြင့်က မြန်မာသံတော်ဆင့်သို့ ထုတ်ဖော် ပြောကြားခဲ့သည်။
““အစောကြီးကတည်းက သိတယ်၊ မင်း(မောင်ရေစက်) မရေးခင်၊ မပြောခင်ကတည်းက ဗိုလ်ချုပ်မှူးကြီး သန်းရွှေကို အဘပြောပြီးသား၊ သူအစောကြီးကတည်းက သိနေတယ်။ နောက်တစ်ခုက သူ့လူတွေက (ဗဟိုအလုပ်အမှုဆောင်ဝန်ကြီးများ) ပေးပေါင်းတာလေ၊ ၀န်ကြီးတွေက အဘ ဘာပေးပါ၊ ညာပေးပါနဲ့ဆိုတာ ပေးပေါင်းတော့ သူတောင်းစားပါတီ ဖြစ်သွားမယ်၊ မလုပ်ပါနဲ့တဲ့””ဟု ကြံ့ခိုင်ရေးဗဟိုမှ လိမ်လည်မှုများကို ကြံ့ခိုင်ရေး တည်ထောင်သူ ဗိုလ်ချုပ်မှူးကြီးသန်းရွှေ သိရှိနေကြောင်း ဦးခင်အောင်မြင့်က ပြောသည်။
ဦးခင်အောင်မြင့်သည် ကြံ့ခိုင်ရေးအသင်း ရှိစဉ်က ဗဟိုအလုပ်အမှုဆောင်၊ အစိုးရအဖွဲ့ ယဉ်ကျေးမှုဝန်ကြီး၊ ရမည်းသင်း၊ ပျော်ဘွယ်နှင့် နေပြည်တော် အနီးတစ်ဝိုက်နယ်မြေ တာဝန်ခံအဖြစ် တာဝန် ထမ်းဆောင် ခဲ့ပြီး ပါတီသို့ ကူးပြောင်းချိန်တွင် ရမည်းသင်း၊ ပျော်ဘွယ်ဒေသ အမျိုးသားလွှတ်တော် ကိုယ်စားလှယ်အဖြစ် ရွေးကောက် တင်မြှောက်ခြင်းခံရကာ အာဏာရ ကြံ့ခိုင်ရေးပါတီ၏ ဗဟိုအတွင်းရေးမှူးအဖြစ် ထမ်းဆောင်လျက် ရှိသည်။
ဦးခင်အောင်မြင့်နည်းတူ ယခင် စစ်အစိုးရမှ ယနေ့တိုင် ဗိုလ်ချုပ်မှူးကြီးသန်းရွှေ၏ လူယုံတစ်ဦး အဖြစ် လူသိများလျက်ရှိသော ကြံ့ခိုင်ရေးပါတီ ဗဟိုအတိုင်ပင်ခံ ဦးအောင်သောင်းကိုလည်း ဗိုလ်ချုပ်မှူးကြီး သန်းရွှေက ““ညီညီညွတ်ညွတ်လုပ်ကြ၊ အောင်မြင်အောင်လုပ်ကြ”” ဟု ယခုနှစ်တွင် ပြောကြားခဲ့ကြောင်း ဦးအောင်သောင်းက မြန်မာသံတော်ဆင့်သို့ ပြောကြားခဲ့သည်။
လက်ရှိ အခြေအနေတွင် မြန်မာ့နိုင်ငံရေး၌ အာဏာပိုင်များနှင့်နိုင်ငံ့ ခေါင်းဆောင်များသည် ယခင်စစ်အစိုးရ လက်ထက် ကောင်းကြောင်းများသာ ပြောကြားလေ့ရှိပြီး လွှတ်တော်တွင်း အစိုးရအပေါ် ဝေဖန်မှုများကိုပင် မနှစ်မြို့ကြောင်း တုံ့ပြန်လျက် ရှိသော်လည်း ဗိုလ်ချုပ်မှူးကြီးသန်းရွှေ မိသားစုနှင့် ပတ်သက်သော ပြဿနာရပ်အချို့ကိုမူ အစိုးရ တာဝန်ရှိသူပိုင်းက တစ်စုံတစ်ရာ ဝေဖန်ပြောဆိုခြင်းမျိုး မရှိခဲ့ပေ။
 
မြန်မာသံတော်ဆင့်

မုံရွာမြို့ပေါ်ရှိ လူစည်ကားရာ နေရာများတွင် မတ်လ ၆ ရက်နေ့ နံနက်ပိုင်းမှ စတင်၍ ၂၀၀၈ ဖွဲ့စည်းပုံအခြေခံ ဥပဒေ အခန်း (၁၂) ပုဒ်မ (၄၃၆) ချက်ချင်းပြင်ဟု စာသားပါ စတစ်ကာ ရှစ်ထောင်ကျော်ကို မုံရွာမြို့နယ် အမျိုးသား ဒီမိုကရေစီ အဖွဲ့ချုပ်က ဦးဆောင်၍ ဝေငှခဲ့ကြောင်း မြို့ခံများထံမှ သိရသည်။

ယင်း စတစ်ကာများကို မုံရွာမြို့ လူစည်ကားရာ နေရာများ ဖြစ်သည့် လက်ဖက်ရည်ဆိုင်ကြီးများ၊ ဈေးကြီးများနှင့် မုံရွာ ကုန်စည်ဒိုင်များတွင် ရပ်ထားသည့် ဆိုင်ကယ်များတွင် ကိုယ်တိုင် ကပ်ပေး၍ ပုဒ်မ ၄၃၆ ပြင်ဆင်ရန် လှုပ်ရှားခြင်း ဖြစ်ကြောင်း ပါဝင် ဆောင်ရွက်ခဲ့သည့် အမျိုးသား တစ်ဦးက ပြောကြားသည်။

“ဒီစတစ်ကာ ကပ်လို့ ရမလားလို့ မေးရင် အများစုက လက်ခံကြတယ်။ တချို့ကတော့ စတစ်ကာ ကပ်တာကိုလည်း လက်မခံဘူး။ စတစ်ကာ ပေးတာကိုလည်း ယူမသွားတဲ့ သူတွေ ရှိပါတယ်” ဟု မုံရွာမြို့နယ် အမျိုးသား ဒီမိုကရေစီအဖွဲ့ချုပ် အဖွဲ့ဝင် တစ်ဦးက ဆိုသည်။

၂၀၀၈ ဖွဲ့စည်းပုံအခြေခံ ဥပဒေ အခန်း (၁) ပုဒ်မ ၁ မှ ၄၈ ထိ၊ အခန်း (၂) ပုဒ်မ ၄၉ မှ ၅၆ ထိ၊ အခန်း (၃) ပုဒ်မ ၅၉၊ ၆၀၊ အခန်း (၄) ပုဒ်မ ၇၄၊ ၁၀၉၊ ၁၄၁၊ ၁၆၁၊ အခန်း (၅) ပုဒ်မ ၂၀၀၊ ၂၀၁၊ ၂၄၈၊ ၂၇၆၊ အခန်း (၆) ပုဒ်မ၂၉၃၊ ၂၉၄၊ ၃၀၅၊ ၃၁၄၊ ၃၂၀၊ အခန်း (၁၁) ပုဒ်မ ၄၁၀ မှ ၄၃၂ ထိ၊ အခန်း (၁၂) ပုဒ်မ ၄၃၆ တို့ရှိ ပြဋ္ဌာန်းချက် များကို ပြင်ဆင်လိုလျှင် ပြည်ထောင်စု လွှတ်တော် ကိုယ်စားလှယ် အားလုံး၏ ၇၅ ရာခိုင်နှုန်းကျော်က ပြင်ဆင်ရန် သဘောတူ လက်ခံပြီးနောက် ပြည်လုံးကျွတ် ဆန္ဒခံယူပွဲ ကျင်းပ၍ ဆန္ဒမဲ ပေးပိုင်ခွင့်ရှိသူ အားလုံး၏ ထက်ဝက်ကျော်၏ ဆန္ဒမဲဖြင့်သာ ပြင်ဆင်ရမည်ဟု ဖွဲ့စည်းပုံအခြေခံ ဥပဒေ အခန်း (၁၂) ပုဒ်မ ၄၃၆ တွင် ဖော်ပြထားသည်။

မုံရွာမြို့ပေါ်တွင် ဒီမိုကရက်တစ် အင်အားစုများ စုစည်းကာ မတ်လ ၆ ရက်နေ့တွင် အခြေခံဥပဒေ ပုဒ်မ ၅၉ (စ) နှင့် (ဃ) တို့ကို ပြင်ဆင်ရေး ဆန္ဒထုတ်ဖော်ရန် စီစဉ်ခဲ့သော်လည်း တက္ကသိုလ်ဝင်တန်း စာမေးပွဲဖြေဆိုမည့် အချိန် နီးကပ်နေသည့် အတွက် မတ်လ ၂၃ ရက်နေ့မှသာ ဆန္ဒ ဖော်ထုတ်မည် ဖြစ်ကြောင်း ဆန္ဒထုတ်ဖော်ရန် စီစဉ်သူများက ပြောကြားသည်။

The Voice Weekly

Author Name

Contact Form

Name

Email *

Message *

Powered by Blogger.