03/19/14

ဖွဲ့စည်းပုံပြင်ဆင်ရေးကို မလေးနက်ဘဲ ဟန်ပြဖြင့်သာ လုပ်ဆောင်ပြနေသူများ၊ မပြင်ဆင်ချင်ဘဲ ပြင်ဆင် သယောင် ဆောင်နေသူများမှာ စစ်အာဏာရှင်များနှင့် အလွမ်းသင့်နေသူများဖြစ်၏။ ထိုထဲတွင် ယခုအစိုးရ လည်း ပါဝင်သည်။ စစ်တပ်နှင့် နိုင်ငံရေးပါတီအချို့လည်း ပါဝင်သည် . . .
 ယခုရက်ပိုင်းများတွင် ပုဒ်မ၄၃၆ ဖျက်သိမ်းရေး လှုပ်ရှားမှုအတော်များများကို သတင်းစာထဲတွင် ဖတ်လာရ၏။ တစ်နေ့က ကျွန်တော်တို့ရှေ့တွင် လူထုဆန္ဒထုတ် ဖော်ပွဲအဖြစ် လူ ၃၀၀ ခန့် စီတန်းလှည့် လည်ခဲ့ကြသည်။ သူတို့ကိုင်သွားသော ပိုစတာများတွင် ပုဒ်မ ၄၃၆ ဖျက်သိမ်း ပေးရေး၊ ပုဒ်မ ၅၉(စ) ဖျက်သိမ်းပေးရေး တို့ကိုရေး သားထားပြီး ပါးစပ်မှလည်းဟစ် အော်သွားသည်ကို တွေ့ခဲ့ရပါသည်။ ၂၀၀၈ ဖွဲ့စည်းပုံပြင်ဆင်ရေး လှုပ်ရှားမှု များ ပြုလုပ်နေသည့် အချိန်တွင် ပုဒ်မ ၄၃၆ ဖျက် သိမ်းရေး လှုပ်ရှားမှုလည်း ပေါ်ပေါက်လာ လေသည်။ ပုဒ်မ ၄၃၆ ဖျက်သိမ်းရေးကို အဓိကတောင်းဆိုချက်အဖြစ် လှုပ်ရှားလာ ကြခြင်းဖြစ်ပါသည်။ ပုဒ်မ ၄၃၆မှာ ၂၀၀၈ ဖွဲ့စည်းပုံ အခြေခံဥပဒေအခန်း ၁၂ဖွဲ့စည်းပုံ အခြေခံ ဥပဒေပြင်ဆင်ခြင်း ထဲမှ ပုဒ်မများ ဖြစ်၏။ ပုဒ်မ ၄၃၅တွင်-
““ဖွဲ့စည်းပုံအခြေခံဥပဒေကို ပြင်ဆင် ရန်ဥပဒေမူကြမ်းကို ပြည်ထောင်စုလွှတ် တော်ရှိ လွှတ်တော် ကိုယ်စား လှယ် ၂၀ ရာခိုင်နှုန်းက တင်ပြလာလျှင် အဆိုပါ ပြင်ဆင်ချက်ဥပဒေမူကြမ်းကို ပြည်ထောင် စုလွှတ်တော်က လက်ခံဆွေးနွေးရမည်”” ၏အဆက်ဖြစ်ပါသည်။
ပုဒ်မ၄၃၆(က)တွင်-…
““ဤဖွဲ့စည်းပုံအခြေခံဥပဒေ၏ အခန်း(၁)ပုဒ်မ(၁)မှ (၄၈)အထိ၊ အခန်း(၂) ပုဒ်မ(၄၉)မှ (၅၆)အထိ၊ အခန်း(၃) ပုဒ်မ (၅၇)မှ (၆၀)၊ အခန်း(၄) ပုဒ်မ (၇၄)၊ (၁၀၉)၊(၁၄၁) (၁၆၁)၊ အခန်း(၅) ပုဒ်မ (၂၀၀)၊ (၂၀၁)၊ (၂၄၈)၊ (၂၇၆)၊ အခန်း(၆) ပုဒ်မ ၂၉၃၊ ၂၉၄၊ ၃၀၅၊ ၃၁၄၊၃၂၀၊ အခန်း(၁၁)ပုဒ်မ ၄၁၀မှ ၄၃၁ ထိ၊ အခန်း(၁၂) ပုဒ်မ ၄၃၆တို့ရှိ ပြဋ္ဌာန်းချက် များကို ပြင်ဆင်လိုလျှင် ပြည်ထောင်စု လွှတ်တော်ကိုယ်စားလှယ်အားလုံး၏ ၇၅ ရာခိုင် နှုန်းက သဘောတူလက်ခံကြောင်း ကြေညာပြီး ဆန္ဒမဲပေးပိုင်ခွင့်ရှိသူအားလုံး ၏ ထက်ဝက်ကျော် ထောက်ခံမှုရမှသာ ပြင်ဆင်နိုင်ပေမည်။
(ခ)ပုဒ်မခွဲ(က)တွင် ဖော်ပြထားသည့် ပြဋ္ဌာန်းချက်များမှအပ တခြားပြဋ္ဌာန်းချက်များကို ပြည်ထောင်စု လွှတ်တော် အမတ် ၇၅ ရာခိုင်နှုန်းကျော်၏ ထောက်ခံမှုနှင့် သာပြင်ဆင်ရမည်””ဟု ပါရှိလေသည်။
ပုဒ်မ၄၃၆ ပြင်ဆင်ရေးကို အဓိကလှုံ့ ဆော်သည့်အဖွဲ့အစည်းမှာ ၈၈မျိုးဆက်  ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ဖြစ်သည်။ သူတို့မှာ စည်းရုံးထားသော မြို့နယ်အသီးသီးရှိ ပွင့်လင်းလူ့အဖွဲ့အစည်း ၀င်များဖြစ်သည်။ သူတို့သည် နိုင်ငံရေး ပါတီအဖြစ်ရပ်တည်ခြင်းမရှိဘဲ ဒီမိုကရေစီ လိုလားသောအဖွဲ့အဖြစ် ကူညီလုပ်ဆောင် ပေးနေကြသည်။ ငြိမ်းချမ်းရေးဖော်ဆောင် မှုတွင်လည်းပါသည်။ မြေသိမ်းလယ်သိမ်း ခံရသော လယ်သမားများ ဘက်မှပါသည်။ အလုပ်ရှင်နှင့် အလုပ်သမားပြဿနာများ ကို ဖြေရှင်းပေးကြသည်။ ယနေ့ကာလတွင် ကြားဝင်ဖျန်ဖြေပေးသူများအဖြစ် လှုပ်ရှား ဆောင်ရွက်နေသူများဟု ဆိုရပေလိမ့်မည်။ NLD ပါတီက ၂၀၀၈ ဖွဲ့စည်းပုံ ပြင်ဆင်ရေးကို ၂၀၁၅ အကြို၌ ဒေါ်အောင်ဆန်းစုကြည်ခေါင်းဆောင်ကာ စည်းရုံး လှုံ့ဆော် လာသည့်အချိန်တွင် ပြည်ခိုင်ဖြိုးပါတီနှင့် တခြားပါတီများကလည်း ၂၀၁၅ အကြို စည်းရုံးမှုများ လုပ်လာသည်။ တချို့နယ်များ ဆိုလျှင် ၅၉(စ)မပြင်ရေးကို လူထုဆန္ဒဖော် ထုတ်မှုများပင် ပြုလုပ်လာ၏။ တစ်ချိန်တည်းတွင် ဘာသာရေး အစွန်းရောက်သူများ ကလည်း အစ္စလာမ်ဘာသာဝင် စာရေးဆရာများ၏ ဟောပြောပွဲများကို ဟောပြောပွဲကျင်းပခါနီးမှ အတင်းအဓမ္မတားဆီး ပိတ်ပင်တာမျိုးအား လက်ရဲဇက်ရဲလုပ်လာ ကြသည်။ဒေါ်အောင်ဆန်းစုကြည် သမ်္မတ မဖြစ်ရေးအတွက် တချို့က လှုံ့ဆော်ခြင်းများ၊ ဟောပြောခြင်းများ၊ လက်သိပ်ထိုး တီးတိုးဝါဒဖြန့်ခြင်း (Whispering Campign) များကို ပြုလုပ်လာကြလေသည်။ ၂၀၁၅ ရွေး ကောက်ပွဲအကြို နိုင်ငံရေးလှုပ်ရှားမှု များမှာ စိတ်ဝင်စားစရာ လည်းကောင်း၊ စိတ်ပျက်စရာလည်း ကောင်း လောက်အောင် လှုပ်လှုပ်ရှားရှား ဖြစ်နေကြလေ သည်။ အဓိက အတိုက်အခံ ပါတီကြီးဖြစ်သော အမျိုးသား ဒီမိုကရေစီအဖွဲ့ချုပ်က ၂၀၀၈ ဖွဲ့စည်းပုံပြင်ဆင်ရေးကို အဓိက နိုင်ငံရေးလှုပ်ရှားမှုအဖြစ် စည်းရုံးလှုံ့ဆော် နေသလို ဒီမိုကရေစီရရှိရေးကို လိုလား တောင့်တသော စာပေနှင့် စာနယ်ဇင်းသမားများ၊ လူငယ်ကျောင်းသား အဖွဲ့အစည်းများ၊ ပြည်သူလူထုများ၊ တိုင်းရင်းသား ပါတီနှင့် အဖွဲ့အစည်းများကလည်း ၂၀၀၈ ဖွဲ့စည်းပုံပြင်ရေး ကို တက်တက်ကြွကြွ အားတက်သရော ပါဝင်ရေးသား လှုံ့ဆော် စည်းရုံးလျက်ရှိသည်ကို တွေ့ရလေသည်။ ၂၀၀၈ ဖွဲ့စည်းပုံပြင်ဆင်ရေးကို မလေးနက် ဘဲ ဟန်ပြဖြင့်သာ လုပ်ဆောင်ပြနေသူများ၊ မပြင်ဆင်ချင်ဘဲ ပြင်ဆင် သယောင်ဆောင် နေသူများမှာ စစ်အာဏာရှင်များနှင့် အလွမ်း သင့်နေသူများဖြစ်၏။ ထိုထဲတွင် ယခု အစိုးရလည်း ပါဝင်သည်။ စစ်တပ်နှင့် နိုင်ငံရေးပါတီအချို့လည်း ပါဝင်သည်။ ကြံ့ဖွံ့ပါတီပင်လျှင် ပြင်ဆင်သင့် သည်များကို ပြင်ဆင်သင့်ကြောင်း ပြောဆိုနေသော်လည်း ယခင်စစ်အစိုးရကို အကာအကွယ် ပေးထားသော ဥပဒေပုဒ်မများအား ပြင်ဆင် ဖို့ကိုမူ သဘောထားလည်း မပေး၊ လှုံ့ ဆော်မှု လည်းမရှိပေ။ ၂၀၀၈ ဖွဲ့စည်းပုံကို အစိုးရက လုံးဝပြင်ဆင်ဖို့ မရည်ရွယ်ဘဲ ဆက်လက်ကျင့်သုံးဖို့သာ အားထုတ်နေ၏။ ဥပမာပုဒ်မ (၁၈)ကို လုံးဝမ ဖျက်သိမ်းဘဲ အပေါ်ယံပြင်ဆင်မှု လောက်နှင့် လွှတ်တော် အားတင်ပြထားသည်ကို တွေ့ရသည်။
ယနေ့ကာလ အခြေခံအကျဆုံးနှင့် အားလုံး လက်တွဲညီညီ လုပ်ဆောင်ရမည်မှာ ၂၀၀၈ ဖွဲ့စည်းပုံ ဥပဒေ ပြင်ဆင်ရေး ဖြစ်ပါသည်။ ထို့ထက်ပို၍ လေးလေးနက် နက် ပြောဆိုရမည်ဆိုလျှင် ၂၀၀၈ဖွဲ့စည်း ပုံကို လုံးဝဖျက် သိမ်းပြီး ပြည်သူလူထုက တက်တက်ကြွကြွ ပါဝင်ရေးဆွဲသော ဖွဲ့စည်းပုံကျင့်သုံးရေးဖြစ်သည်။  ထို့ကြောင့် လုံးဝ ဖျက်သိမ်းဖို့မှာ တိမ်မယောင်နှင့် နက်၊ လွယ်မယောင်နှင့်ခက်သောကြောင့် ပြင်ဆင်ဖို့ တောင်းဆို နေကြခြင်း ဖြစ်ပါသည်။ ထိုသို့ပြင်ဆင်ရေးအတွက် အချုပ်မှာ “၂၀၀၈ဖွဲ့စည်းပုံ ပြင်ဆင်ရေး”ဆိုသော ပြည်သူ လူထုတစ်ရပ်လုံးက တစ်သံတည်း ထွက်ရမည်ဖြစ်၏။ ထိုထဲတွင် ပုဒ်မ ၄၃၆လည်းပါသည်။ ပုဒ်မ ၅၉(စ)လည်း ပါသည်။ ပုဒ်မ(၁၈)လည်း ပါမည်စသည် စသည်ဖြင့် ၂၀၀၈ ဖွဲ့စည်းပုံတွင် ပါဝင်နေသော ထိုပုဒ်မများထက်ပင် ပို၍အရေး ကြီး၊ ပို၍ ဒီမိုကရေစီ မဆန်သော ပုဒ်မများကို ပြင်ဆင်ရေးမှာ အရေးကြီးပါသည်။
၈၈မျိုးဆက်အဖွဲ့နှင့် ဒေါ်အောင်ဆန်းစုကြည်တို့သည် ယခုလပိုင်းများအတွင်းကနေ ပြည်တော်တွင် ၂ကြိမ် တွေ့ဆုံခဲ့ ကြ၏။ ၂၀၀၈ ဖွဲ့စည်းပုံပြင်ဆင်ရေး အတွက် တွေ့ဆုံညှိနှိုင်းကြခြင်း ဖြစ်ပေမည်။ သတင်းစာ၊ ဂျာနယ်များတွင် ၈၈မျိုးဆက် များကို ၂၀၁၅ရွေးကောက်ပွဲတွင် NLD အမတ်လောင်းများအဖြစ် ပါဝင်ဖို့ ဆွေးနွေး ညှိနှိုင်းကြသည်ဟုပင် ရေးသားကြသည်ကို ဖတ်ရသည်။ ဖြစ်ချင်လည်း ဖြစ်မည်။ မဖြစ်လျှင်လည်း အကြောင်း မဟုတ်ပေ။ NLD က၂၀၁၅ ရွေးကောက်ပွဲ တွင် အားလုံးအနိုင်ရ၍ ၈၈မျိုးဆက်များ အမတ်လောင်းဖြစ်၍ တိုင်းပြည်ဖွံ့ဖြိုး တိုးတက်သွားမည်ဟုလည်း အာမမခံနိုင်ပေ။ အရေးကြီးသည်မှာ ၂၀၀၈ ဖွဲ့စည်းပုံ ကြီးဖျက် သိမ်းပေးဖို့ဖြစ်သည်။ မဖျက်သိမ်း နိုင်လျှင်လည်း ပြင်ဆင်ဖို့ ကြိုးပမ်းရမည်။ ၈၈ရော၊ ဗကသရော၊ နိုင်/ကျဉ်း ရော၊ နိုင်ချုပ်ရော အားလုံး “၂၀၀၈ ဖွဲ့စည်းပုံ ပြင်ဆင်ရေးလူထုတိုက်ပွဲကော်မတီ” ဆို သော ကော်မတီတစ်ရပ် ဖွဲ့စည်းကာ “ဖွဲ့စည်းပုံပြင်ဆင်ရေး” ဆိုသော တိုက်ပွဲခေါ် သံတစ်ခုတည်းသာ တောင်းဆိုရမည်။ ထိုထဲမှ ထူးထူး ခြားခြား ဖောက်ကာ၄၃၆ ပြင်ဆင်ရေး၊ ၂၀၀၈ ဖွဲ့စည်းပုံ ပြင်ဆင်ရေး စသည်တို့မှာ လူထုကိုေ၀၀ါးသွား စေသည်။ ၂၀၀၈ ဖွဲ့စည်းပုံ ပြင်ဆင်ရေးဆိုလျှင် ၄၃၆ လည်းပါသွားမည်။ ၅၉(စ)လည်း ပါသွား ပေမည်။ ထိုသီးသန့် တောင်းဆိုချက်များကို လူထုက နားလည်သဘောမပေါက် ဘူးဆိုလျှင် ၄၃၆ပြင်ရေးလား၊ ၅၉(စ)တစ်ခုတည်းပြင်ရေးလား၊ ၄၃၆ပုဒ်မနှင့် ၅၉(စ) ပုဒ်မ၂ခုတည်းသာ ပြင်ရေးလား ဆိုသည်ကို တွေဝေသွား နိုင်သည်။ ထို့ကြောင့် တချို့က ကောင်းပြီ၊ ၄၃၆ကိုပြင် ပေးမည်။ သို့မဟုတ် ၅၉(စ)ကို ပြင်ပေး မည်။ ကျေနပ် ကြတော့။ လုံလောက်ပြီ လားဆိုပြီး သီးခြားတောင်းသည့် ပုဒ်မများ ကို ပြင်ပေးပြီး ၂၀၀၈ ဖွဲ့စည်းပုံကို မပြင် ပေးဘူးဆိုလျှင် နောက်ထပ်တောင်းဆိုကြ ရပြန်လိမ့်မည်။ ထိုအခါ ဆန်စဉ်ရာ ကျည်ပွေ့လိုက်သလို ပုဒ်မတစ်ခု ပြင်ဖို့ တောင်းလိုက်၊ နောက်တစ်ခု တောင်းလိုက် နှင့်ပြင်ဆင်ချက်တောင်းဆိုပွဲများမှာ အတော မသတ်ရှိနေ တော့မည်။ ထိုအတွက် အနှစ် ချုပ်မှာ ၂၀၀၈ ဖွဲ့စည်းပုံပြင်ဆင်ရေးသာ ရှိပေတော့မည်။
ယခု NLD က ၂၀၀၈ဖွဲ့စည်းပုံ ပြင်ဆင်ရေးအတွက် စည်းရုံးလှုံ့ဆော်သည်မှာ ဟာကွက်များ ရှိနေသည်ကို တွေ့ရသည်။ ထိုသည်မှာ အဖွဲ့အစည်းပေါင်းစုံ၊ လူထုလူတန်းစားပေါင်းစုံကို တစ်သံတည်း ထွက်အောင် စည်းရုံးလှုံ့ဆော် လှုပ်ရှားနိုင် အောင်မရှိခြင်းဖြစ်သည်။ NLD ကမိမိ တို့ဘာသာလှုပ်ရှားလျှင် လုံလောက်ပြီဟု ထင်နေသလား မသိပေ။ ထိုသို့လုံလောက်သည်ဟု ယူဆလျှင်အရာရာကို တခြားသူ များပါသည်၊ မပါသည် ထား၊ မိမိတို့ဘာသာ အောင်မြင်အောင် လုပ်ဆောင်နိုင်သည်ဆို သော မိမိကိုယ်ကိုယ် အထင်ကြီးသည့်   “ငါဗဟိုပြု” အတွေးအခေါ်၊ အယူအဆမျိုး သာဖြစ်သွားပေလိမ့်မည်။NLD ကိုလူထု ထောက်ခံမှုရှိသည်ကား မှန်၏။ ဒေါ်အောင်ဆန်းစုကြည်ကို လူထုက ခေါင်းဆောင် အဖြစ် လေးစားကြည်ညိုသည်ကလည်း မှန်၏။ သို့သော် မိမိဘာသာအောင်မြင် အောင်လုပ်ဆောင်နိုင်မည်ဟု ကံသေကံမ တွက်ထား၍မရပေ။ ယခုအချိန်၌ ဒေါ်အောင်ဆန်းစုကြည်နှင့် NLD  ပါတီဝင်များသည် ရွှေဝါရောင် တော်လှန်ရေးကြီးကို နိုင်ငံတွင် စွန့်လွှတ် အနစ်နာခံကာ ဆောင်ရွက်ခဲ့သော ဘုရားသားတော် ရဟန်း သံဃာများအား စည်းရုံးလှုံ့ဆော်ရပေမည်။ ဖွဲ့စည်းပုံပြင်ဆင်ရေးကို ဦးဆောင်ကာ လှုပ်ရှားပေးပါရန် သံဃာတော်များကို တောင်းပန်ရပေမည်။ ထို့ပြင် အလုပ်သမားများ၊ အထူးသဖြင့် အလုပ်သမားသမဂ္ဂများ၊ ပုဂ္ဂလိကနှင့် အစိုးရစက်ရုံများမှ အလုပ်သမားများကို စည်းရုံးရပေမည်။ သူတို့သည် ၂၀၀၈ ဖွဲ့စည်းပုံ ပြင်ဆင်ရေး လူထုလှုပ်ရှားမှု ကော်မတီထဲတွင် ပါဝင်လာစေရ မည်။ ကော်မတီက လူတန်းစား အသီးသီးကို လှုံ့ဆော်ရမည်။ ဒုတိယအားဖြင့် တောင်သူလယ်သမားများ၊ တောင်သူ လယ်သမားသမဂ္ဂများကို စည်းရုံးရပေမည်။ ကျေးလက်များသို့သွားကာ ၂၀၀၈ ဖွဲ့စည်းပုံပြင်မှ သူတို့ဘ၀ တိုးတက်မည်။ စပါးဈေး ပိုရမည်။ လယ်မြေသိမ်းဆည်းရေးကို အကာအကွယ်ပေးနိုင်မည်ဟု ရိုးရိုး သားသား အမှန်အတိုင်း စည်းရုံးကာ ၂၀၀၈ ဖွဲ့စည်းပုံပြင်ရေးအတွက် အားထုတ်ကြရပေမည်။ ထို့ကြောင့် ယနေ့လို အခြေအနေမျိုးသည် အရေးကြီးနေသော ကာလ၊ အားလုံး စည်းလုံးညီညွတ်ဖို့ လိုသော ကာလဟု သဘောပေါက်ဖို့လို၏။ အားလုံး တစ်သံတည်းထွက်ဖို့ လိုသည်။ ထိုသို့ဖြစ် အောင် အင်အားကြီးသော အဖွဲ့ အစည်းများက တွေ့ဆုံစည်းရုံးလှုံ့ဆော်ရပေမည်။ အချိန်မရှိတော့ပေ။ ၂၀၁၅ကိုဆိုလျှင်ပင် ၁ နှစ်ခွဲကျော်ကျော် လောက်သာ ရှိပေမည်။ အချိန်သည် မရပ်မနားရှေ့ဆက်သွား လျက်ရှိသည်။ ထို့ကြောင့် အားလုံးညီညီ ညွတ်ညွတ် စည်းစည်းလုံးလုံးဖြင့် ၂၀၀၈ဖွဲ့စည်းပုံ အခြေခံဥပဒေပြင်ဆင်ရေး အတွက် ပြည်သူလူထုတစ်ရပ်လုံး ပါဝင် ဆင်နွှဲကြဆိုသော ကြွေးကြော်သံတစ်ခု တည်းကိုသာ တောင်းဆိုလှုပ်ရှားကြရပေ တော့မည်။

မြန်မာသံတော်ဆင့်

မြန်မာနိုင်ငံဟာ လွတ်လပ်ခွင့်တွေ ရနေပါပြီတဲ့။ လာမယ့် ၂၀၁၅ရွေးကောက်ပွဲမှာ
အမျိုးသမီး လွှတ်တော် ကိုယ်စားလှယ်တွေ အများကြီး ဖြစ်လာတော့မှာတဲ့။ အမျိုးသမီးများရဲ့ နိုင်ငံရေး ဦးဆောင်မှု အခန်းကဏ္ဍ ဆိုလား ဘာဆိုလားပဲ။

ကျွန်တော်က လူပျိုဆိုတော့ သိပ်ပြီး ရှော့ခ်မရှိဘူး။ အရက် သောက်ချင် သောက်တယ်။ အနှိပ်ခန်းကို ရောက်ချင် ရောက်တယ်။ ကျွန်တော် ရောက်ဖူးတဲ့ အနှိပ်ခန်း တစ်ခုဆိုရင် မိန်းကလေး အယောက် ၇၀တောင် ရှိတယ်ဗျ။ ရန်ကုန်မြို့မှာ ရှိတဲ့ အနှိပ်ခန်း အားလုံးလိုလိုမှာ ဧရာဝတီတိုင်းက မိန်းကလေးတွေနဲ့ အညာက မိန်းကလေးတွေ များပါတယ်။

အနှိပ်ခန်းမှာ လုပ်တယ်ဆိုတိုင်း အထင်မသေး စေချင်ဘူး။ ကာယ အားကိုးပြီး သမ္မာ အာဇီဝနဲ့ ပိုက်ဆံ ရှာပေမယ့် ဘွဲ့ရတွေတောင် ပါသေးတယ်။ အနှိပ်ခန်းက မိန်းကလေး တိုင်းလိုလိုက စာရိတ္တ ပျက်ယွင်းနေတာ မဟုတ်ဘူး။ တစ်လလုံး အနှိပ်ခန်းကို လာသမျှ ဘူဇွာကြီးတွေကို အသားကုန် နှိပ်နယ်ပေးပြီး ရတဲ့ ပိုက်ဆံ နှစ်သိန်းခွဲ၊ သုံးသိန်းကို ကျစ်ကျစ်ပါအောင် စုပြီး ရွာပြန် ပို့ပေးရတာ။ တစ်နာရီလုံးနှိပ်မှ သူတို့ခင်မျာ ငါးရာပဲ ရရှာတာပါ။ တစ်လလုံး နာရီ သုံးရာလောက်
ရမှ အဆင်ပြေတယ်။ ဒီကြားထဲမှာ အနှိပ်ခန်းမှာ အလုပ်လုပ်တယ်ဆိုပြီး ရွာမှာ သတင်းပြန့်သွားလို့ ကတော့ သေပြီ။ အဲဒီရွာကို ပြန်လာဖို့ မစဉ်းစားနဲ့တော့
ကောလာဟလက ပြန့်နေပြီ။

ဒီကြားထဲ အညောင်းမိနေတဲ့ ကိုယ်တော် တွေက မုန့်ဖိုး သုံးလေးထောင်
ပေးပြီး လက်ကိုင် ပေါင်ကိုင်နဲ့၊ တချို့က ဟိုတယ်ကို လိုက်မလားတောင် ချိန်းလိုက်သေးတယ်။ ဒါအနှိပ်ခန်း တစ်ခုမှာရှိတဲ့ ဇာတ်လမ်းပဲ ရှိသေးတာ။
ရန်ကုန် တစ်မြို့လုံးမှာ အဲဒီလို အနှိပ်ခန်း ၈၀ လောက်ရှိတယ်။

နိုက်ကလပ် အတော်များများ ကိုလည်း ရောက်တယ်။ နိုက်ကလပ် တစ်ခုမှာ မရှိဘူး ဆိုရင် အနည်းဆုံး အယောက် ၅၀လောက် ရှိတယ်။ ကာရာအိုကေမှာ ဆိုရင်လည်း တစ်ဆိုင် ပျမ်းမျှ အယောက် ၄၀ထား၊ ရန်ကုန် တစ်မြို့လုံး ဆိုင်၂၀၀ လောက
ရှိတယ်။ နောက်ပြီးတော့ခေါင်းလျှော်ဆိုင်မှာ ၁၀ ယောက်နှုန်းထား၊ ဆိုင် ၅၀၀
ကျော်ရှိတယ်။ ပြီးတော့.... ဘိ။ နောက်ပိုင်းမှာ အန္တရာယ်များလို့တစ်ပိုင်တစ်နိုင်တွေ
လုပ်ရတဲ့ အတွက် ပျမ်းမျှ ၅ ယောက်နှုန်းထား။ အတော် မနည်းတဲ့ အရည်အတွက်ပဲ (ဆရာကြီး လေသံ ဖြစ်သွားလို့ အထင်မကြီးလိုက် နဲ့ဦးနော် ဒါတော့ ကြားဖူးနား
ဝဗျ)။

နောက်အောက်ခြေသိမ်း အလုပ်တွေထဲမှာ ပါဆယ်ချိုင့်ဆွဲ လုပ်တဲ့ ကလေးမတွေ ရှိတယ်။ (ဒါလည်း မြင်ဖူးတာ၊ နည်းပညာတွေက တိုးတက်လာတော့ အရွေးမမှားဖို့
အရေး ဖုန်းထဲကနေ ဓာတ်ပုံလေးတွေပါ ပို့ပေးသေးတာဗျ။ ၀န်ဆောင်မှုတွေက အဲဒီလို ခေတ်မီ ဖွံ့ဖြိုး တိုးတက်နေတာ) နိုင်ငံခြားမှာလို အင်တာနက် ကနေ ဆက်သွယ်လို့ရတဲ့ Call အမျိုးသမီးတွေတော့ ပေါ်မလာသေးဘူး။ ကျွန်တော် အခုပြောတဲ့ နယ်ပယ် အသီးသီးမှာ အလုပ်လုပ်တဲ့ မိန်းကလေးဦးရေက သိန်းဂဏန်းလောက် ရှိတယ်။ သူတို့တွေ အားလုံး အသက် ၁၆ နှစ်ကနေ ၃၀
အတွင်း မိန်းကလေးတွေဗျ။

ကဲ...အမျိုးသမီးရေးရာ ကရော ဘာပြောစရာရှိလဲ။ လူမှုရေး ၀န်ကြီး
ကရော ဘာပြောစရာရှိလဲ၊ အစိုးရကရော ဘာလုပ်ပေးခဲ့လဲ။ ဘာလုပ်ပေးမှာ လဲ။

ဒါက တိတိကျကျ ၀မ်းရေး အတွက် ရှာဖွေ စားသောက်နေတဲ့ ကလေးတွေနော်။ ဒိုင်လျှို အကြီးစားတွေ မပါသေးဘူး။ ကုမ္ပဏီတောက်တိုမယ်ရနဲ့ အိမ်အကူတွေ
မပါသေးဘူး။

ပြီးတော့ အဆိုးဆုံးက မခိုင်းသင့် မခိုင်းအပ်ရာ လမ်းဘေး အရက်ဘီယာ ဆိုင်တွေမှာ စီးကရက်၊ အရက်လိုက် ကြေညာပေး နေရသူလေးများ မပါသေးဘူး။ အရက်မူးနေတဲ့ သကောင့်သားတွေရဲ့ ခွက်ထဲကို ဘီယာ ငှဲ့ပေးနေရတဲ့
ကောင်မလေးတွေ မပါသေးဘူး။

အဲဒါ ရန်ကုန်မြို့ တစ်မြို့ထဲဗျ။ ပြီးရင် တစ်တိုင်းပြည်လုံး တွက်ကြည့်ကြပါဦး။ မန္တလေးမြို့မှာ ရှိတဲ့ မိန်းကလေးတွေ မပါသေးဘူး။ ထိုင်းနိုင်ငံသွားပြီး တရားမ၀င် အလုပ်လုပ်နေတဲ့ ကောင်မလေးတွေ မပါသေးဘူး။ မလေးရှားမှာ ရာဘာစေးခြစ်
နေတဲ့ သမီးငယ်တွေ မပါသေးဘူး။ ဟောင်ကောင်နဲ့ စင်ကာပူမှာ အိမ်ဖော် သွားလုပ်နေသူတွေ မပါသေးဘူး။

ဒါ... ဖာနိုင်ငံမှ ဟုတ်ရဲ့ လား။
ပြီးတော့ အဲဒါတွေ အားလုံးအတွက် အကျိုးဆက်ကရော။
သူတို့တွေရဲ့ ဘ၀တစ်သက်တာ လူမှုဖူလုံရေး ကရော။

နောက်...။

နောက်...။

နောက်...။

ဟူး...အသက်ရှူလို့တောင် ရပါဦး မလားဗျာ။

မိုက်တီး

( ယနေ.ထုတ် Tomorrow သတင်းဂျာနယ်အမှတ်(၄)မှဆောင်းပါး )

မင်္ဂလာပါ သုခအလင်းမျိုးဆက်သစ်
“မင်္ဂလာပါ ဆရာမ …”
“မင်္ဂလာပါ .. ဆရာ” ဟူသည့် ဆရာ/မများအား နှုတ်ဆက်ကြိုဆိုနေသည့် အသံများ ဒီနေ့မနက် (၈းဝဝ) နာရီဝန်းကျင်မှစ၍ နာရေးကူညီမှုအသင်း(ရန်ကုန်) ဝန်းအတွင်း၌ ကြားနေရသည်။ ယခင့်ယခင် နှစ်များတွင် သုခအလင်း ပညာရေးမှ ဖွင့်လှစ်သည့် နွေရာသီအင်္ဂလိပ်စာ သင်တန်းများအား တက်ရောက်ခဲ့ ဖူးသည့် ကျောင်းသား/သူများမှ မိမိတို့ကို သင်ကြားပို့ချပေးခဲ့သော အင်္ဂလိပ်စာ ဆရာမများနှင့် ပန်းချီ ဆရာတို့အား နှုတ်ခွန်းဆက်သနေကြခြင်း ဖြစ်သည်။

ဒီနေ့ ၁၇.၃.၂ဝ၁၄ ရက်နေ့သည် နာရေးကူညီမှုအသင်း(ရန်ကုန်) “သုခအလင်း ပညာဒါနကျောင်း” ဖွင့်ပွဲအခမ်းအနား မင်္ဂလာရှိသည့် နံနက်ခင်း နေ့ရက်လေးပင် ဖြစ်ပေသည်။ စာသင်ကျောင်းသို့ လျှောက် လှမ်းသွားခဲ့ရာ ကျောင်းဆောင်သစ်၏ လှေခါး၌ “မင်္ဂလာပါ” ဟူသော စာသားလေးသည် ခရီးဦးအဖြစ် ကြိုဆိုလျှက်၍ မျက်နှာခြင်းဘက်တွင် နာရေးကူညီမှုအသင်း(ရန်ကုန်)အား မျိုးစေ့ချ၍ ပြုစုပျိုးထောင်ပေး ခဲ့သည့် စာရေးဆရာ၊ ဒါရိုက်တာကြီး ကျေးဇူးရှင် ဘဘဦးသုခ ၏ ရုပ်ပုံကြီးသည် ခန့်ညားစွာ မြင်တွေ့ရပြီး ပထမထပ်သို့ လှေခါးအတိုင်း တက်လှမ်းသွားခဲ့ရာ လှေခါးရှေ့မျက်နှာပြင်ထက်တွင် တွေ့မြင်လိုက်ရသည့် ပုံရိပ်သည် သာမန်လူတစ်ယောက်မဟုတ်သော တောင်အာဖရိကနိုင်ငံ၏ မဟာလူသား။ လူမည်းအမျိုး သားခေါင်းဆောင် နယ်လ်ဆင်မင်ဒဲလား (လူဖြူလူမည်း အသားအရောင်ခွဲခြားရေးဝါဒကို ဆန့်ကျင်တော် လှန်အောင်ပွဲခံဖို့ လူ့ဘဝသို့ ရောက်ရှိလာသူဖြစ်သည်။) ပညာရေးအတွက် “Education is Powerful Weapon, it can change the World.” ဟူ၍ မှတ်ချက်ပြု ပြောကြားခဲ့သည့် စကားရပ်ကိုလည်း တွေ့မြင် ခဲ့ရသည်။ တွေးတောရင်းနဲ့ ဆက်လက်တက်လှမ်းခဲ့ရာ ညာဘက်ခြမ်းတွင် “FUTURE” စာသားအား တွေ့ရချိန်တွင် အနာဂတ်မျိုးဆက်သစ်တို့အတွက် အနာဂတ်ခေါင်းဆောင်မှု အခန်းကဏ္ဍသည် လူငယ်များ တို့၏ လက်ထဲတွင်ရှိနေကြောင်းကို တွေးတောရင်း ဒုတိယထပ်သို့ ဆက်လက်တက်ရောက်ရန် ခြေလှမ်း ပြင်လိုက်ချိန်မှာတော့ “YOU ARE PEACE MAKER” ဟူ၍ ကျွန်တော့်ကို လက်ညှိုးထိုးနေသည့်အလား ပုံရိပ်လွှာပိုင်ရှင်သည်
နာရေးကူညီမှုအသင်း(ရန်ကုန်)၏ ကျေးဇူးရှင် ဘဘဦးသုခ၏ လက်ဆင့်ကမ်းအမွေ အား ယနေ့တိုင် ကိုယ့်ကျိုးစွန့်၍ အများပြည်သူတို့နှင့်အတူ ရင် ဘတ်ခြင်းထပ်တူထပ်မျှ ပေးဆပ်နေသည့် နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ၏ ရုပ်ပုံလွှာ ပင်ဖြစ်လို့နေသည်။ ဒုတိယထပ် အပေါ်သို့ လှမ်းမျှော်၍ ကြည့်ရှုလိုက်ချိန်မှာတော့ ကျွန်တော်တို့ မြန်မာနိုင်ငံတော်ကြီး လွတ်လပ်ရေးဖခင်ကြီး၏ သမီး လူထုခေါင်းဆောင် ဒေါ်အောင်ဆန်းစုကြည် မှ အပြုံးပန်းဖြင့် ကြိုဆိုနေသယောင်၊ ပညာရေးနှင့် ပတ်သက် ပြီးပြောဆိုထားတဲ့ “တော်တဲ့လူရယ်၊ ညံ့တဲ့လူရယ်လို့မရှိဘူး။ သင်လို့ရတဲ့လူနဲ့၊ သင်လို့မရတဲ့လူပဲရှိတယ်။” အစရှိသည့် လေးစားအတုယူဖွယ် ပညာရေး၊ နိုင်ငံရေး၊ ငြိမ်းချမ်းရေး အစရှိသည့် နယ်ပယ်အသီးသီးတို့မှ ထင်ရှားကျော်ကြားသည့် နိုင်ငံ့ခေါင်းဆောင်များ၊ ကမ္ဘာ့ခေါင်းဆောင်များတို့၏ ရုပ်ပုံလွှာများ၊ ပညာရေးနှင့် ပတ်သက်သည့် အဆိုအမိန့်များဖြင့် လမ်းညွှန်သဖွယ်အဖြစ် အဆောက်အဦးအတွင်း၌ မျိုးဆက်သစ် ကလေးများအပေါ် လွှမ်းမိုးနိုင်ရန် ရည်ရွယ်ပြီး Graffiti Artist Arker Kyaw ၏ အနုပညာဖန်တီးမှု လက် ရာဖြင့်ရေးဆွဲ၍ အသိပညာ ရသမြောက်စွာ ဖော်ကျူးပြီး မြန်မာနိုင်ငံ၏ထူးခြားသည့် ပညာရေး အဆောက် အဦးအဖြစ် နာရေးကူညီမှုအသင်း(ရန်ကုန်)တွင် တွေ့မြင်ရပြီဖြစ်သည်။ ဆက်လက်၍လည်း ဦးသန့်၊ ဗိုလ် ချုပ်အောင်ဆန်း၊ MOTHER TERESA, ALBERT EINSTEIN အစရှိသည့် ကမ္ဘာကျော်တို့၏ ရုပ်ပုံများနှင့် အဆိုအမိန့်များကိုလည်း အာကာကျော်မှ ထပ်မံပြီး ရေးဆွဲသွားမည်ကိုလည်း သိရှိခဲ့ရသည်။
မြန်မာ့ပညာရေးကဏ္ဍအား နာရေးကူညီမှုအသင်း(ရန်ကုန်)အနေဖြင့် တစ်ဖက်တစ်လမ်း ဝိုင်းဝန်း သယ်ပိုး၍ အနာဂတ်မျိုးဆက်သစ်တို့၏ ပညာရေးမြှင့်တင်ရန် ရည်ရွယ်၍ အလှူရှင်များ၏ လှူဒါန်းမှု၊ ပံ့ပိုးမှု၊ ကူညီမှုများတို့ဖြင့် တည်ဆောက်ခဲ့ပြီး စာသင်ခန်း (၁ဝ) ခန်း၊ စာကြည့်တိုက်၊ ကျောင်းအုပ်ရုံးခန်း၊ ဆရာ/မ နားနေခန်း၊ သန့်စင်ခန်း (၁ဝ) ခန်းအပြင် သင်ထောက်ကူပြုအနေဖြင့် Audio System, Projector များဖြင့် စည်းစနစ်ကျန၍ စည်းကမ်းပြည့်ဝသည့် သင်ကြားမှုစံနှုန်းများဖြင့် ကျောင်းသား/သူများအား သင်ကြားပို့ချ လျှက်ရှိသည်။

၁၇.၃.၂ဝ၁၄ ရက် နံနက် (၉းဝဝ) နာရီတွင် “သုခအလင်း ပညာဒါနကျောင်း” ဖွင့်ပွဲအခမ်းအနား အား အထူးဧည့်သည်တော်အသင်းသား ဦးရဲလွင်(မဇ္ဈိမလှိုင်း)၊ တေးရေး/ဆို ဆောင်းဦးလှိုင်၊ မြန်မာ့ဂုဏ် ဆောင် အလှမယ်များဖြစ်ကြသော နန်းခင်ဇေယျာ၊ ခင်ဝင့်ဝါ၊ ထားထက်ထက်၊ ဂုဏ်ရည်အေးကျော်နှင့် နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ၊ ဒု-ဥက္ကဋ္ဌ ဒေါ်သန်းမြင့်အောင်၊ အတွင်းရေးမှူး ဒေါ်မြင့် မြင့်ခင်ဖေ (ခ) ဒေါ်ရွှေဇီးကွက်၊ ကျောင်းအုပ်ဆရာမကြီး ဒေါ်ကြည်ကြည်လွင် တို့မှ ဖဲကြိုးဖြတ်၍ ဖွင့်လှစ် ပေးခဲ့ပြီး အတွင်းရေးမှူး ဒေါ်ရွှေဇီးကွက်မှ သုခအလင်း ပညာဒါနကျောင်း ဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားခြင်း၊ ဒု-ဥက္ကဋ္ဌ ဒေါ်သန်းမြင့်အောင်မှ ကျေးဇူးတင်စကား ပြောကြားခြင်း၊ ပညာရေး အကြံပေး ဒေါ်နီလာဘာရာဒွါဂျာ မှ မုဒိတာစကား ပြောကြားခဲ့ပြီးနောက် စာသင်ဆောင်များ အသီးသီးသို့ ဒု-ဥက္ကဋ္ဌ ဒေါ်သန်းမြင့်အောင်နှင့် အတွင်းရေးမှူး ဒေါ်ရွှေဇီးကွက်တို့မှလိုက်လံ၍ တက်ရောက်လာကြသည့် ကျောင်းသား/သူများတို့အား စည်းကမ်းပိုင်းနှင့် ပညာရပ်ဆိုင်ရာများ၊ အားပေးစကားများ ပြောကြား ခဲ့သည်။ ထို့နောက် “သုခအလင်း ပညာဒါနကျောင်း” ၌ ပညာဒါန ဆရာ/မများတို့၏ ကူညီပံ့ပိုးမှုဖြင့် တစ် ပါတ်လျှင် (၆) ရက်၊ တစ်ရက်လျှင် သင်တန်းချိန် (၂) ချိန်၊ တန်းခွဲ (၅) ခုတို့အဖြစ် အင်္ဂလိပ် (4 Skills)၊ ယဉ်ကျေးလိမ္မာ၊ ပန်းချီ၊ Fun and Learn Center မှ LEGO ဘလောက်တုံးများဖြင့် သင်ကြားပို့ချမည့် (သိပံ္ပ၊ နည်းပညာ၊ စက်မှုနှင့် သင်္ချာ) ပေါင်းစပ်မှု လက်တွေ့အသုံးချမှုပညာရပ်များနှင့် ကျောင်းသား/သူ (၄၃ဝ) ဦးတို့အား (အခမဲ့) သင်ကြားပို့ချပေး နေပြီဖြစ်သည်။

အနာဂတ်ကာလတွင် တိုင်းပြည်၏ကိစ္စအဝဝကို ပခုံးပြောင်းတာဝန်ယူရမည့် မျိုးဆက်သစ်များပင် ဖြစ်သည်။ မြန်မာ့လွတ်လပ်ရေးဖခင် ဗိုလ်ချုပ်အောင်ဆန်း မှ “နိုင်ငံ့အရေးကိုဆောင်ရွက်လိုလျှင် ပညာရေး ကို အလေးပေး ဆောင်ရွက်မှအောင်မြင်မယ်။” ဟု ပြောကြားခဲ့ဖူးသည်။ ထို့ကြောင့် ပညာရေးကို မျိုးဆက် သစ်လူငယ်များတို့ လက်ဆင့်ကမ်းအမွေအဖြစ် သယ်ဆောင်သွားမှသာလျှင် မြန်မာနိုင်ငံတော်ကြီးသည် ပညာရေးဖြင့် ကမ္ဘာ့အလယ်၌ ဂုဏ်ယူဝင့်ကြွားစွာ ပြန်လည်မြင်တွေ့ရတော့မည်ဖြစ်သည်။ နာရေးကူညီမှု အသင်း(ရန်ကုန်)၏ “သုခအလင်း ပညာဒါနကျောင်း”သည် အနာဂတ်တိုင်းပြည်အတွက် ကောင်းသော ဉာဏ်ပညာ၊ အတွေးအခေါ်နှင့် တရားမျှတသော လူ့အဖွဲ့အစည်းတစ်ရပ်အဖြစ် ထွန်းလင်းတောက်ပသည့် ကြယ်ပွင့်လေးများ ကမ္ဘာ့နယ်ပယ်/ မြန်မာ့နယ်ပယ်အသီးသီး၌ အရည်အချင်းပြည့်ဝသည့် သားကောင်း သမီးရတနာများသည် စာသင်ကျော်အတွင်းရှိ နယ်ဆင်မင်ဒဲလား၊ ဒေါ်အောင်ဆန်းစုကြည်၊ ဘဘ ဦးသုခ၊ ဗိုလ်ချုပ်အောင်ဆန်း၊ ဦးသန့်၊ မာသာထရီဆာ၊ အိုင်းစတိုင်းလ် ကဲ့သို့သော ကမ္ဘာကြီးကိုပြောင်းလဲစေခဲ့ သည့် ကမ္ဘာ့ကျော်ပုဂ္ဂိုလ်များတို့၏ အငွေ့အသက်များ လွှမ်းခြုံနေမည့် လူသားအကျိုးပြု ပညာရှင်များ မွေး ထုတ်ရာ ကျောင်းတစ်ကျောင်း ဖြစ်ပေတော့မည်။

Author Name

Contact Form

Name

Email *

Message *

Powered by Blogger.