04/04/14

Photo
အေးသူစံ

မွှေးပျံ့သန့်ရှင်းနေသော စံပယ်ပန်းများက လူတိုင်းလက်ထဲ၊ အချို့အမျိုးသမီးများ၏ ဆံကေသာထက်တွင် ပန်ဆင်ထားလျက်ရှိသည်။ ထိုစဉ် လူငယ်တစ်ဦးက ယင်းစံပယ်ပန်းများကို ရုတ်တရက် စွတ်တောင်းယူလိုက်ပါသည်။ ထိုအပြစ်မဲ့ပန်းလေးများကို သူက ကွန်ပျူတာကီးဘုတ်ဖြင့် နာနာကြည်းကြည်းထုရိုက်သည်။ လူတိုင်းအံ့ဩသွားစဉ် ကြေမွသွားသော စံပယ်ပန်းများထဲ တံတွေးဖြင့် ထွေးချလိုက်ပြန်သည်။ မွှေးပျံ့သန့်ရှင်းစဉ်က ယုယုယယပန်ဆင်ခဲ့သောပန်းများကို မူလပိုင်ရှင်ထံ ပြန်ပေးသော်လည်း မည်သူကမျှမသတီတော့ပါ။
ယင်းပြကွက်မှာ လူသားအချင်းချင်း အမုန်းမပွားဖို့ ငါတို့နှုတ်ကိုစောင့်စည်းစို့ဟူသော ဆောင်ပုဒ်ဖြင့် အမုန်းတရားကြီးထွားအောင် လှုံ့ဆော်မှုများကို ဆန့်ကျင်မည့် ပန်းစကားအဖွဲ့၏ ပါဖောမန့်ပြကွက်ဖြစ်သည်။
‘‘တချို့ Hate speech တွေက မုန်းတဲ့အဆင့်နဲ့ပဲ ပြဿနာမဖြစ်ပေမယ့် မုန်းတာတင်မကဘဲ သတ်မယ်ဖြတ်မယ်ဆိုတာထိပါ တွေ့လာတယ်။ လူတစ်ယောက်ကို မုန်းတာမုန်းပါ၊ သတ်ဖြတ်မယ်ဆိုတာကတော့ လူ့အဖွဲ့အစည်းအတွက် အန္တရာယ်ရှိလာပါပြီ’’ဟု ပန်းစကားလှုပ်ရှားမှုကို ဦးဆောင်သူ MIDO အဖွဲ့မှ ဘလော့ဂ်ဂါ နေဘုန်းလတ်ကပြောသည်။

‘‘နိုင်ငံခြားသားတွေ လူပါးဝလို့ ပြဿနာတက်ရင် သတ်ပစ်လိုက်။ လူသတ်မှုက ထောင်ခုနစ်နှစ်ပဲကျမယ်’’
‘‘ဘင်္ဂလားဒေ့ရ်ှကနေ ခိုးဝင်လာတဲ့ ဘင်္ဂါလီတွေကို ပစ်သတ်နိုင်မယ့် လုံထိန်းတွေကို ဆုတော်ငွေပေးသင့်တယ်’’ စသည့် လူသတ်ဖို့၊ လူသတ်မှုကိုလုပ်ဖို့ တိုက်တွန်းအားပေးသည့် စာသားများကို တစ်ကမ္ဘာလုံးက ဗုဒ္ဓဘာသာတိုင်းပြည်ဟု အသိအမှတ်ပြုထားသော ယဉ်ကျေးသည့်မြန်မာနိုင်ငံမှ ဖေ့စ်ဘွတ်ခ်အသုံးပြုသူအချို့က ရေးသားတိုက်တွန်းထားခြင်းဖြစ်ပါသည်။
လူတစ်ယောက်ကို ရက်ရက်စက်စက် ပါးစပ်နှင့်သတ်ဖြတ်ဖို့၊ တာဝန်မဲ့စွာ ပြောဆိုခြိမ်းခြောက် အရှက်ခွဲဖို့အတွက် မြန်မာနိုင်ငံတွင် ကွန်ပျူတာတစ်လုံး၊ ဖေ့စ်ဘွတ်ခ်အကောင့်တစ်ခုနှင့် အင်တာနက်လိုင်းသာရှိရန်သာ လိုအပ်သည်။ တရားဥပဒေစိုးမိုးမှု အားနည်းနေသေးသည့် မြန်မာနိုင်ငံတွင် လူမျိုးရေး၊ ဘာသာရေးမှိုင်းတိုက်သည့် ပြောဆိုလှုပ်ရှားမှုများက မင်းမဲ့စရိုက်ဆန်ဆန်တုံ့ပြန်မှုများကို ဖြစ်ပေါ်စေသည်။
မည်သည့်အာဏာပိုင်အဖွဲ့အစည်းကမှလည်း ယင်းသို့ တာဝန်မဲ့စွာပြောဆိုမှုများအတွက် အရေးယူမှုမရှိသေးပါ။ အမေရိကန်၊ ဗြိတိန် အပါအဝင် နိုင်ငံအချို့တွင် အမုန်းတရားလှုံ့ဆော်ပြောဆိုမှုများအတွက် ဥပဒေများပြဋ္ဌာန်းထားသော်လည်း မြန်မာနိုင်ငံတွင်မူ လွတ်လပ်စွာ ထုတ်ဖော်ပြောဆိုခွင့်ကို အခွင့်ကောင်းယူလျက် တာဝန်ခံမှု၊ တာဝန်ယူမှုမဲ့စွာ ပရိုဖိုင်းပုံအစစ်အမှန်များမသုံးဘဲ လှုံ့ဆော်မှုများရှိနေပါသည်။
အဖွဲ့တစ်ဖွဲ့က ရည်ရွယ်ချက်ရှိရှိဖြင့် လှုံ့ဆော်ဖြန့်ဝေနေသည်ဟု ယုံကြည်ရပြီး ၎င်းတုိ့ကို တန်ပြန်ဆန့်ကျင်ရန် မည်သူကမှ မလုပ်ကြသေးသည့်အတွက် ပန်းစကားလှုပ်ရှားမှုကိုစတင်ဖို့ စိတ်ကူးရခဲ့သည်ဟု နေဘုန်းလတ်ကဆိုသည်။

ပန်းစကားလှုပ်ရှားမှုကို တစ်နိုင်ငံလုံးအတိုင်းအတာဖြင့် ဧပြီ ၄ ရက်တွင် စတင်မည်ဖြစ်သည်။ ပါးစပ်တွင် ပန်းတစ်မျိုးကို ကိုင်ထားသည့် သင်္ကေတရုပ်ပုံကို အသုံးပြုမည်ဖြစ်ပြီး စတစ်ကာများ၊ ပိုစတာများကို အွန်လိုင်းတွင်ရော ပြင်ပတွင်ပါ ဖြန့်ဝေသွားမည်ဖြစ်သည်။ မည်သည့်အရပ်ဘက်အဖွဲ့အစည်းမဆို ၎င်းတို့နှင့်ပူးပေါင်းရန် ဖိတ်ခေါ်ပြီး တစ်ဦးချင်းအနေဖြင့်လည်း ပါးစပ်တွင် ပန်းကိုက်ထားသည့်ဓာတ်ပုံများ ရိုက်ကူးပြီး ပန်းစကားဖေ့စ်ဘွတ်ခ်စာမျက်နှာတွင် တင်ပေးခြင်း၊ မိမိတို့၏ပရိုဖိုင်းပုံများတွင် အသုံးပြုခြင်းဖြင့် လှုပ်ရှားမှုတွင် ပါဝင်နိုင်ကြောင်း ၎င်းကပြောသည်။

‘‘ပါးစပ်မှာ ပန်းလေးတွေကိုက်ထားတဲ့ သင်္ကေတကို အာဆီယံလူထုဖိုရမ်မှာ စလုပ်ခဲ့ပါတယ်။ အဲဒီဖိုရမ်ကို နိုင်ငံခြားသားတွေ အများကြီးလာတော့ ကျွန်တော်တို့လှုပ်ရှားမှုကနေ ပြန်ရလိုက်တဲ့ မက်ဆေ့ခ်ျက မွတ်စလင်တွေကို ဗုဒ္ဓဘာသာအားလုံးက မုန်းတာမဟုတ်ဘူး၊ ဗုဒ္ဓဘာသာအမည်ခံပြီး လှုပ်ရှားတဲ့လူတစ်စုက မုန်းတာလို့သိသွားတာ၊ ကျွန်တော်တို့အတွက် အမြတ်ပဲ’’ဟု စံပယ်ပန်းပါဖောမန့်ကို ပြုလုပ်ပြသခဲ့သူ ကိုသက်ကပြောသည်။

သင်္ကြန်ကာလဖြစ်သဖြင့် ဧပြီ ၄ ရက် စတင်မည့် လှုပ်ရှားမှုတွင် ပိတောက်ပန်းကို သုံးသွားမည်ဖြစ်ပြီး အချိန်အခါရာသီအလိုက် သင်္ကေတပန်းတစ်မျိုးမျိုးကို သုံးသွားမည်ဖြစ်သည်။
အာဏာရှင်စနစ်ကို ဖြုတ်ချနိုင်ခဲ့သည့် အာရပ်နွေဦးဟု ကမ္ဘာကျော်ခဲ့သော အာရပ်နိုင်ငံများ၏ တော်လှန်ရေးတွင် လူမှုကွန်ရက်များက အရေးပါခဲ့သည်။ အာဏာရှင်ကို ဖြုတ်ချရေးအတွက် လူမှုကွန်ရက်တွင် လူထုအင်အားကို စုစည်းနိုင်ခဲ့သည်။ အီဂျစ်နိုင်ငံတွင် စစ်တပ်အာဏာသိမ်းပြီးနောက် အင်တာနက်လိုင်းများကို အချိန်အတော်ကြာ ဖြတ်တောက်ထားရသည်အထိ လူမှုကွန်ရက်အင်အားကို အာဏာရှင်တို့က အသိအမှတ်ပြုခဲ့ရသည်။

သို့သော် အိမ်နီးချင်းထိုင်းနိုင်ငံတွင်မူ ရှပ်နီရှပ်ဝါနိုင်ငံရေး အရှုပ်အထွေးမှာ လူမှုကွန်ရက်ဖေ့စ်ဘွတ်ခ်ကြောင့်ပင် ပိုမိုပြင်းထန်လာခဲ့ပြီး ပဋိပက္ခကို ပိုမိုကြီးထွားလာစေသည်။ Enter တစ်ချက်ခေါက်လျှင် မီးဟုန်းဟုန်းတောက်သွားစေရမည်ဟု ပြောစမှတ်ပြုရသည်အထိ ကမ္ဘာတွင် ဆိုရှယ်မီဒီယာ အင်အားကြီးလာခဲ့သည်။ မြန်မာနိုင်ငံသည်လည်း ဆိုရှယ်မီဒီယာကို မတွန်းလှန်နိုင်ပါ။ အထူးသဖြင့် ၂၀၁၅ ရွေးကောက်ပွဲနီးကပ်လာချိန်တွင် နိုင်ငံရေးတွင် ဘာသာရေး၊ လူမျိုးရေးကို အသုံးချလှုပ်ရှားမည့် အရိပ်အယောင်များကို ဆိုရှယ်မီဒီယာများတွင် ကျယ်ကျယ်ပြန့်ပြန့် မီးမွှေးနေသူများ ရှိလာနေပါသည်။
‘‘ရခိုင်ကော်မရှင်အဖြစ်နဲ့ ရခိုင်မှာ ခြောက်လလောက် သွားနေခဲ့ရတယ်။ အဲဒီမှာ လွယ်လင့်တကူပြောလိုက်တဲ့ စကားတစ်ခွန်းက လူတစ်စုလုံးကို ချက်ချင်း မီးလောင်တိုက်သွင်းခံလိုက်ရမယ့် အပေါက်ဖြစ်အောင် တာဝန်ရှိသူတွေကိုယ်တိုင်က ပြောတာလည်း ကျွန်တော့်နားနဲ့ ဆတ်ဆတ်ကြားလိုက်ရတယ်။ ဒီတော့ တိုင်းပြည်အတွက် လောလောဆယ်မှာ မချစ်ရင်နေပါ။ မမုန်းရင်တော်ပြီဆိုတဲ့ စိတ်ကလေးရှိဖို့ လိုပါတယ်။ အကျိုးရှိတဲ့စကားတွေကိုပဲ ပြောစေလိုပါတယ်’’ဟု ပန်းစကားလှုပ်ရှားမှုတွင် ပါဝင်မည့် ဇာဂနာကပြောသည်။
ယမန်နှစ်က ပြန်ကြားရေးဝန်ကြီးဌာနနှင့် အမေရိကန်သံရုံးတို့ ပူးပေါင်းပြုလုပ်သည့် အမုန်းတရားကို ကြီးထွားစေသော ရေးသားမှုများနှင့် ဆိုရှယ်မီဒီယာ အလုပ်ရုံဆွေးနွေးပွဲ၌ လူထုအခြေပြုလှုပ်ရှားမှုများ၊ တိုင်ကြားနိုင်သည့်ဝက်ဘ်ဆိုက်များ လုပ်ဆောင်ရန် အကြံပြုခဲ့ကြောင်း ပြန်ကြားရေးဝန်ကြီးဌာန ဒုတိယ၀န်ကြီးဦးရဲထွဋ်ကပြောသည်။

‘‘ကိုနေဘုန်းလတ်တို့လုပ်တဲ့ ပန်းစကားလှုပ်ရှားမှုက ကြိုဆိုရမှာပါ။ အင်တာနက်လွတ်လပ်ခွင့်ကို မထိခိုက်စေဘဲနဲ့ အမုန်းတရားကို ရှေးရှုတဲ့ ရေးသားချက်များကို တားဆီးနိုင်ဖို့၊ ပြည်သူတွေ အထူးသဖြင့် လူငယ်တွေကြားမှာ အင်တာနက်ပေါ်က တွေ့သမျှမယုံအောင် ပညာပေးနိုင်မယ့် နည်းလမ်းတွေရှာဖို့ IMS နဲ့ပေါင်းပြီး ဆွေးနွေးနေပါတယ်’’ဟု ၎င်းကပြောသည်။

ဖေ့စ်ဘွတ်ခ်တွင် hate Speech များကို စောင့်ကြည့်ဖြုတ်ပစ်ရန် မြန်မာစာတတ်ကျွမ်းနားလည်သူ အရာရှိတစ်ဦးကို ဖေ့စ်ဘွတ်ခ်က ခန့်အပ်ထားလိုက်ရသည်။ အစိုးရက ပြဿာနာမီးမွှေးနေသည့် အကောင့်များကို တားဆီးရန် တိုင်ကြားနိုင်သည့်ဝက်ဘ်ဆိုက် ပြုလုပ်လိုသော်လည်း မြန်မာပြည်က အွန်လိုင်းသုံးစွဲသူများက အင်တာနက်လွတ်လပ်ခွင့်ကို ပြန်ကန့်သတ်မည့် အစိုးရလုပ်ရပ်ဟုဆိုကာ လက်မခံခဲ့ပေ။

သို့သော် ဘာမျှမရှိတာထက်စာလျှင်တော့ ပန်းစကားလိုအဖွဲ့မျိုး ပေါ်ပေါက်လာခြင်းကို ကြိုဆိုသူများရှိပါသည်။ ပန်းစကားလှုပ်ရှားမှုတွင် MIDO၊ ပေါင်းကူးအဖွဲ့ စသည်တို့ပါဝင်ထားပြီး အရပ်ဘက်အဖွဲ့အစည်းများ တတ်နိုင်သမျှ လာရောက်ပူးပေါင်းရန် ဖိတ်ခေါ်ထားသည်။
‘‘အွန်လိုင်းမှာ ပရိုဖိုင်းပုံအမှန်တင်ပြီး တာဝန်ယူမှုရှိတဲ့စကားတွေပဲ ရေးသားသင့်တယ်။ ပရိုဖိုင်းအမှန်မသုံးဘဲ မသမာတဲ့ရည်ရွယ်ချက်နဲ့ ဘာသာရေးမှမဟုတ်ဘူး။ တခြားပဋိပက္ခတွေကိုဖြစ်အောင် အသုံးချနေတာတွေရှိနေတယ်။ အခု ကိုနေဘုန်းလတ်တို့လုပ်တဲ့ ပန်းစကားလှုပ်ရှားမှုတွေဟာ တကယ်ကောင်းတယ်။ လိုအပ်ပါတယ်။ တစ်ချိန်တည်းမှာပဲ ဒီ Hate Speech တွေကို ထိန်းသိမ်းဖို့ လွတ်လပ်စွာထုတ်ဖော်ပြောဆိုခွင့်ကို မထိခိုက်တဲ့ ဥပဒေတစ်ရပ်လည်း ပြဋ္ဌာန်းသင့်ပါတယ်’’ဟု တက္ကသိုလ်ကျောင်းသားများသမဂ္ဂဖြစ်မြောက်ရေးအဖွဲ့မှ ကိုစည်သူမောင်ကပြောသည်။
7 days news journal

"ကျွန်တော့်အယူအဆကတော့ ကျွန်တော့်မှာ ကိုယ်ပိုင်နိုင်ငံရေးသဘောထားရှိပါတယ်။ တချို့ကတော့ ပါတီရဲ့သဘောထားအတိုင်း လုပ်ရတာရှိသလို၊ ပါတီနဲ့ မတူညီတာတွေလဲ ရှိပါတယ်။

အခြေခံဥပဒေပြင်ဆင်ရေးနဲ့ ပါတ်သတ်ပြီး အခြေခံဥပဒေက အသစ်ပြန်လည်ရေးဆွဲရမယ်လို့ ထင်တယ်။ ဒီဥပဒေက စစ်အာဏာရှင်စနစ် အခြေခိုင်ဖို့ အုတ်မြစ်ချနေတာပဲ။ ဒါနဲ့သာသွားရင် တကယ့်ဒီမိုကရေစီစနစ်ကို ရောက်နိုင်ဖို့ လမ်းမရှိဘူး။ ရောက်နိုင်ဖို့ မလွယ်ဘူး။

ဗမာပြည်မှာ စစ်အာဏာရှင်စနစ်ဆိုးတွေ အမြစ်စွဲနေတာတွေကို နုတ်ပစ်နိုင်မယ့် အနေအထားမရှိဘူး။ ဒါ့ကြောင့် အခြေခံဥပဒေကို အသစ်ပြန်လည်ရေးဆွဲသင့်တယ်လို့ ဆန္ဒရှိတယ်။

ကျွန်တော်တို့ ပါတီက ဘယ်လိုဆုံးဖြတ်မယ်ဆိုတာတော့ မသိသေးဘူး။ အခုလဲ လူထုဆန္ဒခံယူတာတွေ လုပ်နေတာရှိတယ်။ လူထုရဲ့ အဆုံးအဖြတ်နဲ့ ပါတီက ရပ်တည်သွားဖို့ ရှိတယ်။

ပါတီဆန္ဒ လူထုရပ်တည်ချက်အတိုင်း ကျွန်တော်ကလဲ ရပ်တည်သွားမှာပါ"

ဟံသာဝတီဦးဝင်းတင်
Ven Kind Ness


ဆရာတို့ အဘတို့ရယ်
ကျနော်တို့ဟာ လူဆိုးတွေ မဟုတ်ကြပါဘူးခင်ဗျာ။

ဓါးမဦးချ ကျနော်တို့ နေထိုင်ဝမ်းကျောင်းလာခဲ့တဲ့မြေက
ို
တပ်ပိုင် တံဆိပ်ကပ်
ပြောင်းပြောင်းဆိုတော့ ကျနော်တို့ပြောင်းခဲ့ပြေးခဲ့ရ....





ဝရဇိန်လက်နက် သိကြားစက်
ဘွဲ့ဖြူလက်နက် ဘီလူးစက် ... တဲ့။

ဝရဇိန်တွေ ဘွဲ့ဖြူတွေထက်ဆိုးတဲ့
ဘူဒိုဇာလက်နက် 'မင်း'တို့စက်ကြောင့် ကျနော်တို့မှာ ...
နေစရာ မြေမရှိ၊ သေစရာ မြေမရှိ။




ဒီလိုနဲ့ ရေကြည်မြက်နုရာ
အသက်ရှူပေါက်ကလေးချောင်ရာနောက်
ကျနော်တို့တွေ လိုက်ခဲ့မိ။
ကျနော်တို့ဟာ လူဆိုးတွေ မဟုတ်ကြပါဘူးခင်ဗျာ။


ကံဆိုးသူ သွားလေရာမှာ မိုးလိုက်ရွာသလိုပါကလား
ကျနော်တို့သွားလေရာမှာ
သေနတ်ကြီးတွေ ဒိုင်းကြီးတွေကာလို့
ကျနော်တို့မှာ ဘာအပြစ်များရှိလို့လဲ
အ၀တ်တစ်ထည်စီ ကိုယ်တစ်ခုစီနဲ့
ကျနော်တို့က
မျက်ရည်စက်လက် စွန့်ခွာရသူတွေပါ။



နည်းနည်းလေးမှ မသနားတော့ဘူးလား
နည်းနည်းလေးမှ ကိုယ်ချင်းမစာတော့ပြီလား
ပြေးစရာ မြေမရှိရင် ကျနော်တို့တွေဘာလုပ်ကြရမလဲ
ကျနော်တို့ ...
သေလိုက်ကြရတော့မှာလား။




ဒီကောင်တွေကို အသက်ရှူပေါက်မပေးနဲ့
ဒီကောင်တွေကို လွတ်မြောက်ခွင့်မပေးနဲ့
ဒီမှာ သေချင်သေ
ဒါမှမဟုတ်လည်း သေ
ဒီလိုပဲ စေတနာရှိလေရော့သလား။




ဆရာတို့ အဘတို့ရယ်
ကျနော်တို့ဟာ လူဆိုးတွေ မဟုတ်ကြပါဘူးခင်ဗျာ။
ကျနော်တို့ကို လွတ်မြောက်ခွင့်ပေးပါ
ကျနော်တို့ကို ဆက်အသက်ရှင်ခွင့်ပေးပါ
ကျနော်တို့ကို စာနာစိတ်ကလေးထားကြပါဦးဗျာ။




Written by Thorn Nay Soe

လက်စောင်းထက်

အာဏာရှင်ခေတ်မှာ ခေါင်ကစပြီး မိုးမလုံလို့ အရှင်က မွေးနေ့ချင်းကြီးတဲ့ အများအခေါ် ခရိုနီလို့ ခေါ်တဲ့ လူတန်းစား တစ်ရပ် ပေါ်ထွန်းခဲ့တယ်။ ဒီလူတွေဟာ အစိုးရဆီက လုပ်ပိုင်ခွင့်တွေ၊ မြေတွေ၊ အဆောက်အဦတွေကို အလကားပဲတင်း ဈေးတွေနဲ့ ရခဲ့ကြတယ်။ ဒါပေမဲ့ ခရိုနီ တစ်ယောက် ဖြစ်ဖို့ဆိုတာ မလွယ်ပါဘူးလို့ ခရိုနီကြီး တစ်ယောက်က ယမကာ သောက်ရင်း ပြောကြား လာပါတယ်။ ခရိုနီဖြစ်အောင် ဘယ်လိုလုပ်ရမယ်။ ဘယ်လူကြီးကို ဘယ်လို မွေးရမယ် ဆိုတာတွေကို သူပြောပြတဲ့ အတိုင်း ရေးပြလိုက်ပါတယ်။

ခရိုနီဆိုတာ အာဏာရှင်ခေတ်မှ မဟုတ်ပါဘူး။ ခေတ်စနစ်တိုင်းမှာ ရှိပါတယ်။ ဒါပေမဲ့ အာဏာရှင် စနစ်အောက်မှာ ခရိုနီဖြစ်ရတာ ပိုပြီး တွက်ချေကိုက် သလို ချဉ်းကပ်ရတဲ့ သူလည်းနည်းတယ်။ အဓိကကတော့ ခရိုနီဖြစ်ချင်ရင် လက်ထဲမှာ ငွေရှိဖို့ လိုသလို အတွက်အချက်၊ အမြော်အမြင်ရှိဖို့လည်း လိုပါတယ်။ အရင်ခေတ်တုန်းက ၀န်ကြီး၊ ၀န်ကလေး အကုန်လောက် နီးနီးဟာ စစ်တပ်က လာသူတွေ ဖြစ်သလို လုပ်ပိုင်ခွင့် အပြည့်ရှိတဲ့ စစ်တိုင်းမှူးတွေကလည်း စစ်ဗိုလ်တွေ ချည်းပါပဲ။ အဲဒီခေတ်က နိုင်ငံတော် ကာကွယ်ရေး တက္ကသိုလ်မှာ သွားပြီး ကိုယ်မွေးမယ့် လူကြီးကို ရှာရတယ်။ အဲဒီတုန်းက ဆိုရင် နိုင်ငံတော် ကာကွယ်ရေး တက္ကသိုလ် တက်နေတဲ့ ဗိုလ်မှူးကြီးတွေဟာ အရမ်း မျက်နှာပွင့်တာပေါ့။ သူတို့အထဲကပဲ တချို့က အရပ်ဖက်မှာ လူကြီးဖြစ်မှာ၊ စစ်တိုင်းမှူး ဖြစ်မှာတွေဆိုတော့ စနေ၊ တနင်္ဂနွေဆိုရင် ဂေါက်ပွဲ စပွန်ဆာ လုပ်ပေးတဲ့ စီးပွားရေး သမားတွေနဲ့ ခြေချင်း လိမ်နေတာပဲ။ သင်တန်းသားထဲမှာမှ စစ်ရုံးကလာ တက်တဲ့ သူတွေက မျက်နှာ ပိုပွင့်တယ်။ သူတို့က နေရာကောင်းရဖို့ သေချာတာကိုး။ အဲဒီ သင်တန်းသားတွေထဲက ငါးယောက်လောက်နဲ့ ခင်အောင်ပေါင်းပြီး မွေးထားရင် နှစ်ယောက်ပဲ ရာထူးတက်ဦးတော့ ကိုယ်ရဲ့ မွေးမြူစရိတ် ကျေတာပဲ။ လူကြီး မွေးရတာက လယ်ယာ စိုက်ပျိုးရေး လုပ်ရတာထက်၊ တိရိစ္ဆာန်မွေး ရတာထက် တွက်ချေကိုက်တယ်။ ပိုးလည်း မကျဘူး။ ရောဂါလည်း မ၀င်ဘူး။ သူတို့သင်တန်း တက်ချိန်ကနေစပြီး သူတို့မိသားစု အတွက် လိုအပ်တာ လုပ်ပေးပြီး အချိန်မရွေး ကိုယ်က၀င်နိုင်၊ ထွက်နိုင်အောင် လုပ်ထားဖို့ပဲ လိုတာလေ။

ဒီလိုနဲ့ သူတို့တွေ လုပ်ပိုင်ခွင့် ရှိတဲ့နေရာ ရောက်လာရင် ကိုယ့်ကို သူတို့က ဦးအောင်ခေါ်ပြီး ဘယ်နေရာမှာ ဘာလုပ်ကွက် ရှိတယ်ဆိုတာ ပြောတော့တာပဲ။ သူတို့လည်း လိုအပ်ချက်ရှိတော့ ဒီလုပ်ကွက်ပြလိုက်တာနဲ့ သူတို့အတွက် ရပေါက်ရလမ်းက စပြီလေ။ သူတို့မလည်း ငွေလိုတာပေါ့။ လေးလပတ်လို့ ခေါ်တဲ့ အစည်းအဝေးဆိုရင် သိန်းနှစ်ရာလောက် ကန်တော့ရတာ မဟုတ်လား။ ဒီငွေကို သူတို့ဘယ်က ရမလဲ။ ကျွန်တော်တို့ကပဲ သူတို့ကန်တော့ချင်တာ ၀ယ်ပေးရုံမက နေပြည်တော် အထိ လိုက်ပို့ရတာပေါ့။ အဲဒီ ကျေးဇူးတွေက သူတို့ လုပ်ပိုင်ခွင့်ရရင် အတိုးရော အရင်းပါ မကအောင် ပြန်ရပါတယ်။

ကြားဖြတ်ပြောရင် အခုလို နွေရာသီမှာ သူတို့ မိသားစုတွေကို အပန်းဖြေ ခရီးလည်း အပြိုင်အဆိုင် ပို့ကြတယ်ဗျ။ အဲဒီလိုပြောလို့ ဘန်ကောက်လောက်၊ စင်ကာပူလောက် ပြောတာ မဟုတ်ဘူးနော်၊ အနိမ့်ဆုံး ဘာလီကျွန်း ကနေ ဆွစ်ဇာလန်က ရေခဲတောင်တွေ အထိ ပို့ရတာ။ အီးယူက၊ အမေရိကန်က ဘယ်လိုပိတ်ပိတ် သွားလို့ရတဲ့ နည်းတွေ အများကြီးပါ။ ဒါကြောင့် အဲဒီခေတ်က နာမည်ကြီး ၀န်ကြီး တစ်ပါးရဲ့ မြေးတွေဆိုရင် အမေရိကန်မှာ သွားပြီး ကျောင်းတက်ကြတာပဲ။

စီးပွားရေးသမားတိုင်းတော့ ခရိုနီ ဖြစ်မလာဘူး။ တချို့က ပေးတော့ ပေးပါရဲ့၊ ဘယ်သူ့ကို ပိုင်တယ်၊ ဘယ်လောက်တောင် ပံ့ပိုးထားရတယ်လို့ အာချောင်တာနဲ့ အဲဒီလူ သေပြီပဲ။ မင်းနား တစ်ထောင် ဆိုတာ ကြားဖူးတယ် မဟုတ်လား။ ကိုယ့်အချင်းချင်းကပဲ ပြန်ချွန်တွန်း လုပ်ကြတာ။ ဒီတော့ ဘာမဆို လျှို့ဝှက်နိုင်မှ တော်ရာကျတယ်။ တချို့ လူကြီးတွေ ကျတော့ မိန်းမ ကြိုက်တယ်။ ဒါကြောင့် မော်ဒယ်လေးတွေ၊ သရုပ်ဆောင် ပေါက်စလေးတွေနဲ့လည်း ချိတ်ထား ရသေးတယ်။ နောက်ပိုင်းမှာ သတင်းတွေ ပေါက်ကြားလာလို့ ထိုင်းက ကောင်မလေးတွေကို ခေါ်ပေးပြီး ကျွန်တော်တို့ အထဲက ပိုင်တဲ့ ဟိုတယ်တွေ မှာထားပြီး ရေမီးအစုံ စီစဉ်ပေးရတယ်။

တကယ်တော့ ခရိုနီဆိုတာ ဆယ့်နှစ်ကြိုး ကဝေ တတ်ရတဲ့သူပဲ။ လူကြီး သားသမီးတွေရဲ့ သည်းညည်းကိုလည်း ခံရတယ်။ တချို့ သားသမီးဆိုးတွေနဲ့ တွေ့ရင်လည်း အများကြီး စိတ်ညစ်ရတယ်။ အပြင်မှာ စွပ်စွဲသလို ခရိုနီတွေက လူကြီး သားသမီးတွေကို ဖျက်ဆီးတာ မဟုတ်ပါဘူး။ သူတို့ဒဏ်ကို ကျွန်တော်တို့က ခံရတာ ဖြစ်တယ်။ သူတို့က လူငယ်တွေဆိုတော့ အပျော်အပါးရော၊ အသောက်အစားရော၊ လောင်းကစားရော ခုံမင်တယ်။ ဒါတွေ အားလုံးကို မျက်နှာ မငြိုရအောင် လိုက်လုပ်ပေး ရတာပါ။ မူးယစ်ဆေးဝါး သုံးချင်တယ် ဆိုရင်လည်း စိတ်ချရတဲ့ ကလပ်လို နေရာမှာ စီစဉ်ပေးရတယ်။ သူတို့တင်မက သူတို့နဲ့ တွဲနေတဲ့ မင်းသား၊ မင်းသမီး စတဲ့ အနုပညာရှင်တွေ အတွက်ပါ စီစဉ်ပေးရတယ်။ နာမည်ပျက် စရာ ရှိတော့ ကျွန်တော်တို့ကပဲ ဖျက်ဆီးသယောင် အသံတွေ ထွက်တယ်။ ကိုယ့်စီးပွားရေး အဆင်ပြေဖို့ လုပ်ရတာပဲလေ။ ဒီမှာ ဘာတွေ့ရသလဲ ဆိုတော့ လူကြီး အများစုက မိန်းမ ကြောက်ရတယ်။ လူကြီး သား၊ သမီး အများစုက လိင်ကိစ္စမှာ ပျော်မွေ့တယ်။ ဒါကြောင့် မိန်းမတွေ မသိအောင် သူတို့ သုံးချင်တာ၊ ပေးချင်တာ၊ ကဲချင်တာတွေကို အကုန်လုံး ကျွန်တော်တို့က စီစဉ်ပေးရတာပဲ။ အဲဒီလိုလုပ်ရင်း ငါ့ယောက်ျားကို ဒီကောင် ဖျက်ဆီးနေတယ်၊ ငါ့သားသမီးကို ဒီကောင် ဖျက်ဆီးနေတယ် အသံများကြားကြည့် တစ်ခါတည်း မြောင်းထဲရောက်ပြီပဲ။ အဲဒီအခါမျိုးမှာ ကိုယ်က ဘယ်လောက် ကူညီထား၊ ကူညီထား အဲဒီလူကြီးက လှည့်တောင် မကြည့်တော့ဘူး။ ဒီလိုနဲ့ ခရိုနီ မဖြစ်ဘဲ ထောင်ထဲ ရောက်သွား သူတွေလည်း ရှိခဲ့တယ်။

အထူးသဖြင့် အာဏာရှင် ခေတ်လယ် ထောက်လှမ်းရေးနဲ့ ၀န်ကြီးတွေ အားပြိုင်ချိန်မှာ အနေအထိုင် အတော် ဆင်ခြင်ရတယ်။ နှစ်ဘက်စလုံးကို လုပ်ပေး ရပေမဲ့ ဒီဘက်ကဟာ ဟိုဘက် မပြောရဲဘူး။ ဟိုဘက်က စကား ဒီဘက် မဟရဲဘူး။ လှေနံကို နှစ်ဘက် နင်းနေရတာ။ အဲဒီ အချိန်တုန်းက ထောက်လှမ်းရေးက စီးပွားရေး မသောင်းကျန်းသေးဘူး။ ၀န်ကြီးတွေကတော့ လာထားဆိုတဲ့ အထဲကပဲ။ ဒီတော့ ကိုယ်အန္တရာယ်ကင်းအောင် ထောက်လှမ်းရေးကို ပေါင်းပြီး ၀န်ကြီးတွေဆီက လုပ်ပိုင်ခွင့်ကို ယူကြရတာ။ အဲဒီလို မဟုတ်ဘဲ တစ်ဘက်တည်း နင်းရင်တော့ သေပြီသာ မှတ်တော့။ ၁၉၉၇မှာ ၀န်ကြီးတွေနဲ့ ပေါင်းတဲ့ ခရိုနီတစ်ဖွဲ့ ကျဆုံးသွားသလို ၂၀၀၃မှာ ထောက်လှမ်းရေးနဲ့ပဲ ပေါင်းတဲ့ ခရိုနီတွေ ပျောက်သွားတယ်။ လှေနံနှစ်ဘက် ခွနင်းနိုင်တဲ့ သူတွေပဲ ဆက်လက် ရှင်သန် နိုင်ခဲ့တယ်။

ပြောရရင် ထောက်လှမ်းရေး ကလည်း ၀န်ကြီးတွေ အရမ်းပွတာကို မြင်ပြီး အောက်ခြေ တပ်မှူးတွေက လောဘ တက်လာတာ ဖြစ်တယ်။ နောက်ဆုံးမတော့ ထောက်လှမ်းရေး တပ်မှူးက စစ်တိုင်းမှူး ဖုန်းပြောတာ ဖြတ်ပြီး ခိုးနားထောင်တာတို့၊ နယ်မြို့တွေမှာ ထောက်လှမ်းရေး ဆွယ်မှူး တပ်ကြပ်ကြီးက ဗိုလ်မှူးကြီးတွေကို စားပွဲပေါ် ခြေထောက်တင် ပြောတာတွေ အထိ ဖြစ်လာတယ်။ ဗိုလ်မှူးကြီး တစ်ယောက် ရာထူး တက်ဖို့ဆိုရင် အဲဒီ ထောက်လှမ်းရေး ဆွယ်မှူးတွေကို သိန်းငါးဆယ် လောက်ပေးမှ ကောင်းပါသည် ခင်ဗျားဆိုတဲ့ ထောက်လှမ်းရေး အစီရင်ခံ စာတက်မှာမိုလို့ မချစ်သော်လည်း အောင့်ကာနမ်း ဆိုသလို ပေးကြရတော့တာပဲ။ ဘာနဲ့တူသလဲ ဆိုရင် ရွှေရင်ကျော် ဆိုတဲ့ ဘိုးတော်ဂိုဏ်း ပေါ်လာချိန်က စစ်ဗိုလ်ကြီးတွေက ဂိုဏ်းဝါမြင့်တဲ့ တက်ကြပ်လောက်ကို ကန်တော့ ရတာမျိုးတွေပေါ့ဗျာ။ အထူးသဖြင့် နစကလို့ ခေါ်တဲ့ အဖွဲ့နဲ့နယ်စပ်တွေရဲ့ လုံခြုံရေး၊ စီးပွားရေး၊ ကုန်သွယ်ရေးတွေကို ထောက်လှမ်းရေးက ကိုင်လိုက်တဲ့ အချိန်မှာ ထောက်လှမ်းရေး လောကထဲမှာ လာဘ်ပေးလာဘ်ယူတွေ အကြီးအကျယ် ဖြစ်လာတယ်။ ထောက်လှမ်းရေး တပ်ကြပ်ကြီးလောက်က ငွေကိုသိန်း သောင်းနဲ့ ချီပြီး ချမ်းသာလာကြတယ်။ ပြောရရင် သောင်းကျန်း ချင်တိုင်း သောင်းကျန်း နိုင်ကြလို့ ထောက်လှမ်းရေး ဆွယ်မှူးတွေ အတော်များများက အေအိုင်ဒီအက်စ်နဲ့ သေကုန်ကြတာပဲ။

တော်တာကတော့ ဦးသန်းရွှေပဲ၊ ဦးစောမောင် ဆီကနေ အာဏာသိမ်းတော့ ထောက်လှမ်းရေး အားကိုးနဲ့ ဦးခင်ညွန့်ကို ကျောသပ်၊ ရင်သပ်လုပ်ပြီး သိမ်းခဲ့တယ်။ အဲဒီတုန်းက တန်ခိုးထွားတဲ့ စစ်တိုင်းမှူးတွေ ဖြစ်တဲ့ ဦးကျော်ဘတို့၊ ဦးထွန်းကြည်တို့ ဦးမြင့်အောင်တို့ကို အာဏာသိမ်း ခါနီးမှာ အ၀တ်တစ်ထည်၊ ကိုယ်တစ်ခုနဲ့ ရန်ကုန်ကို ထောက်လှမ်းရေး တပ်မှူးတွေက ခေါ်လာနိုင်ခဲ့တယ်။ အဲဒီလူကြီးတွေ တန်ခိုး ထွားလာချိန်မှာလည်း ထောက်လှမ်းရေးကို မျက်စပစ်ပြီး ဦးသန်းရွှေက သူ့လူသူ ချေမှုန်းခဲ့တယ်။ အဲဒီ ၁၉၉၇နောက်ပိုင်း ထောက်လှမ်းရေးက အကြွင်းမဲ့ အာဏာ ရလာတဲ့ အချိန်မှာ ဦးမောင်အေးကို မျက်စပစ်ပြီး ထောက်လှမ်းရေးကို အမြစ်ကစ သုတ်သင်ခဲ့တယ်။ နောက်ဆုံးမတော့ ဦးသန်းရွှေ ရွှေ့ခဲ့တဲ့ အကွက်တွေ အတိုင်း အကုန် ကနေရတာပါပဲ။ ဒီအစိုးရလည်း ဘာပြောပြော ဦးသန်းရွှေကို ကာကွယ်ပေး နေရတုန်းပါ။

ဘာလို့လဲဆိုရင် ဦးသန်းရွှေ မိသားစုကို အိတ်ကပ်ထဲ ထည့်ထားတဲ့ တရုတ် စီးပွားရေး သမား မိသားစုက အခုထိ ပန်းပန် နေတုန်းပဲလေ။ ဒေါ်အောင်ဆန်းစုကြည် ပြောသလို တရုတ်တွေ အထူး အခွင့်အရေး ရတာဟာ အရင် အစိုးရရဲ့ အမြော်အမြင် နည်းတဲ့ လုပ်ရပ်ကြောင့် ဆိုတာကို ကျွန်တော် လက်မခံဘူး။ အမြော်အမြင် ကြီးလွန်းပြီး သူတို့အတွက် ကောင်းလွန်းလို့ အထူး အခွင့်အရေးတွေ ပေးခဲ့တာ ဖြစ်တယ်။ ဘိန်းဘုရင်လို့ နာမည်ကြီးတဲ့ လော်စစ်ဟန် မိသားစုနေဖို့ အင်းစိန် သုခ မှတ်တိုင်က တစ်ရပ်ကွက်လုံးကို မှော်ဘီ ၀ါးတစ်ရာ ပို့ပြီး ရပ်ကွက် တစ်ခုလုံးကို တစ်ဦးတည်းပိုင် လုပ်ခွင့်လည်း ပေးခဲ့တယ်။ ဘဏ်လုပ်ငန်းမှာ နာမည်ပျက်ပြီး ဘဏ်ပါ ပိတ်ခိုင်းလိုက်တဲ့ ဦးအိုက်ထွန်း မိသားစု ဆိုရင် အခုထိ ဦးသန်းရွှေ မိသားစုရဲ့ လူယုံ အဖြစ် ရှိနေဆဲပဲ။ တကယ်တမ်း ပြောရရင် အခု ခရိုနီလို့ ပြည်သူတွေ ပြောနေတဲ့ အထဲမှာ မြန်မာစစ်စစ်က သုံးယောက်ပဲ ပါတယ်။ ဦးတေဇရယ်၊ ဦးအောင်ကိုဝင်းရယ်၊ ဦးဇော်ဇော်ရယ်။ ဒါပေမဲ့ သူတို့က ကိုယ့်လူမျိုးတွေ အတွက် ပြန်ကြည့်တယ်။ သူတို့ရတဲ့ ငွေတွေကို နိုင်ငံအတွက် ပြန်သုံးတယ်။ မလေးရှားမှာ မြန်မာတွေ ဒုက္ခရောက်တော့ ဒီသုံးယောက်ကပဲ ငွေစိုက်ထုတ်ပြီး ပြန်ခေါ်ပေးတာ။ မြန်မာ့ ဘောလုံးလောက အတွက် အရှုံးခံပြီး ဘောလုံးအသင်းကို ဒီလူတွေပဲ လုပ်ပေးနေတာ။ ဦးတေဇ ဆိုရင်လည်း ပူတာအို မီးရဖို့ သန်းငါးထောင် သုံးပြီး လုပ်ပေးနေတယ်။ ဒါပေမဲ့ အခွင့်အရေး ရတုန်းက ဟိုတရုတ် မိသားစုတွေရဲ့ အကြွင်းအကျန်ကိုပဲ သူတို့ ရခဲ့တာ ဖြစ်တယ်။ အဲဒီ တရုတ် မိသားစုတွေက တိုင်းပြည်နဲ့ ပြည်သူ အတွက် ဘာများ ပြန်လုပ်ပေးတာ ရှိခဲ့ဖူးသလဲ။ ရှိရင် ပြောပြစမ်းပါ။ မြန်မာနိုင်ငံက ရတဲ့ ငွေတွေကို ပြည်ပပို့ပြီး ရင်းနှီးမြှုပ်နှံ ပစ်လိုက်တာပဲ။ လူမသိ၊ သူမသိ တရုတ် လုပ်ငန်းရှင်ကြီးတွေလည်း ရှိသေးတယ်။ သူတို့နဲ့ ဆက်ဆံတဲ့ လူကြီး မိသားစုကလွဲပြီး တိုင်းပြည် နဲ့ လူမျိုး မျက်နှာကို လုံးဝ မထောက်တဲ့ သူတွေပေါ့။

ဒီနေရာမှာ ကြုံတုန်း မြစ်ဆုံကိစ္စ ပြောချင်တယ်။ မြန်မာတွေရဲ့ အသက်သွေးကြော ဧရာဝတီကို ပိတ်ဆို့ပြီး ရေကာတာ(၇)ခု ဆောက်မယ့်ကိစ္စ၊ ရတဲ့ အကျိုးအမြတ်က ထွက်လာတဲ့ လျှပ်စစ်ရဲ့ (၁၀)ရာခိုင်နှုန်းကိုပဲ မြန်မာက ၀ယ်ခွင့်ရှိတဲ့ ကိစ္စ။ ဒီလောက် တိုင်းပြည် အတွက် အကျိုးမရှိတဲ့ ကိစ္စကို ဘယ်သူက စတာလဲ။ အေးရှားဝေါ ဆိုတဲ့ မူးယစ်ရာဇာ မိသားစုက စတာ ဖြစ်တယ်။ သူတို့က တရုတ် တွေဆိုတော့ မြန်မာနိုင်ငံရဲ့ အကျိုးကို တစ်စက်မှ ကြည့်တာ မဟုတ်ဘူး။ အဲဒါကို ဦးသန်းရွှေ မိသားစုနဲ့ အရင် ဒုသမ္မတ ဦးတင်အောင်မြင့်ဦးကို လာဘ်ထိုးပြီး လုပ်ပိုင်ခွင့် ပေးလိုက်တာ ဖြစ်တယ်။ မြစ်ဆုံက တူးတဲ့ မြေကြီးတွေက ရွှေကျင်တာကနေ တစ်ခုတည်းနဲ့ သူတို့ ရင်းနှီး မြှုပ်နှံမယ့် ငွေထက်မက ပြန်ရသွားပြီးပြီ။ ဒီကိစ္စကို စစ်ဆေးရင် ဘယ်သူတွေက တရုတ် CPIဆီက လာဘ်ငွေ ဘယ်လောက်ယူတယ် ဆိုတာကိုပါ စစ်ဆေးသင့်တယ်။ ရှင်းရှင်း ပြောရရင် မြန်မာ တိုင်းရင်းသား ခရိုနီတွေက တရုတ် ခရိုနီတွေရဲ့ မကြွင်းအကျန်ပဲ စားသောက်ရတာ ဖြစ်တယ်။

ဆက်လက်ဖော်ပြပါမည်

- လက်စောင်းထက်
Tomorrow News journal

လပေါင်းများစွာ စောင့်မျှော်ခဲ့ရတဲ့ အကြိမ်ပေါင်းများစွာ ရွှေဆိုင်းခံခဲ့ရတဲ့ မြန်မာ့ကမ်းလွန်ရေတိမ် ရေနက် လေလံအောင်စာရင်း
ပြီးခဲ့တဲ့ သတင်းပတ်က ပေါ်ထွက်လာခဲ့ပါတယ်။ ဦးဦးဖျားဖျား ဧရာဝတီ ဝက်ဆိုဒ်မှာ ဖတ်ရပါတယ်။
ဧရာဝတီ ဆောင်းပါးမှာ မြန်မာစွမ်းအင် ဖေ့ဘုတ်ကို ညွှန်ထားလို့ အပြေးအလွှားကြည့်လိုက်ရပါတယ်။
ရေတိမ်အကွက်တွေမှာ ပြည်တွင်းက ဘယ်သူတွေပါ သလဲ ဆိုတာကိုလည်း သိချင်နေလို့ပါ။
ဒါပေမဲ့ အဲဒီဝက်ဆိုက်မှာ အကွက်နံပါတ်နဲ့ ပြည်ပကုမ္ပဏီ နာမည်ကိုသာတွေ့ရပါတယ်။

ထုံးစံအတိုင်း အင်တာနက် မှာဘဲ ရှာဖတ်ရပါတယ်။
မနှစ် ဧပြီလက အခု လေလံပွဲကို တင်ခဲ့ တဲ့ အကွက်ပေါင်း ၃၀(ရေနက်၁၉+ရေတိမ်၁၁) စာရင်းထွက်လာရာမှာ နာမည်ကျော် ခရိုနီကြီးများ ရယူထားတဲ့ ရေတိမ်အကွက် ၃ကွက်ဟာ လေလံစာရင်းထဲမှာ ပါနေတာကလည်းစိတ်ဝင်စားစရာ တချက်ဖြစ်ခဲ့ပါတယ်။
ခရိုနီကြီးများ ဟာ ဆန်ရှင် ထိထားသူများဖြစ်နေတော့ ၄င်းတို့ရဲ့ တွဲဘက် ပြည်ပကုမ္ပဏီ အနေနဲ့ မလှုပ်သာမလူးသာ ဖြစ်နေလို့ ခရိုနီများကို စွန့်ခွာသွားခဲ့လို့လား၊ တွဲဘက် ပြည်ပကုမ္ပဏီများ ဘိုင်ကျသွားလို့ ပြန်အပ်လိုက်တာလား စသဖြင့် စဉ်းစားရင်း ဒီလေလံအောင်စာရင်းကို လပေါင်းများစွာနဲ့ စောင့်ခဲရတာပါ။

ခရိုနီကြီးများပိုင်ခဲ့တဲ့ ရေတိမ်အကွက်များကတော့ A4 A5 နဲ့ A7 သုံးကွက်ဖြစ်ပါတယ်။ ပုံမှာ အနီရောင်လိုင်းများဖြင့် ညွှန်ပြထားပါတယ်။

-- A4 --
A4 ဟာ စတီဗင်လော ရခဲ့တဲ့ အကွက်ပါ။ တရုပ်ကုမ္ပဏီ CNOOC တွဲပြီးကိုင်ခဲ့တဲ့ အကွက်ပါ။ ၂၀၀၉နှစ်အထိ အဲဒီအကွက်မှာ ဘာမှ စ မလုပ်ရသေးဘူးလို့ ဝီကီလိ ကြေးနန်းများမှာဖတ်ခဲ့ဘူးပါတယ်။ တကယ်တော့ စတီဗင်လော ဟာA4 တင်မက M2 နဲ့ M10 ပါ ရထားသူပါ။ သို့သော် ၂၀၀၈မှာ M2 ကို CNOOC က ဘာမှမလုပ်နိုင်ဘဲ MOGE ထံ ပြန်အပ်ခဲ့ရပါတယ်။
M10 မှာတော့ ဒေါ်လာသန်း၅၀ လောက်သုံးခဲ့တယ်။ နောက်ထပ် သန်း၁၀၀လောက်ထိသုံးစွဲဘို့စီစဉ်ထားပေမဲ့ နောက်ထပ်ဆိုက်စမစ် တိုင်းတာရေးများကို ဘယ်အကွက်မှာမှ လောလောဆယ်လုပ်နိုင်မှာမဟုတ်ဘူးလို CNOOC ဥက္ကဌ က ပြောကြောင်း ဝီကီလိမှာ ရေးထားပါတယ်။ တကယ်ကို နောက်ထပ်ဘာမျှမလုပ်နိုင်ဘဲ၊ M2 ကို ပြန်အပ်ခဲ့သလို A4 ကိုလည်းအဲဒီနောက်ပိုင်းမှာပြန်အပ်ခဲ့ရဟန်တူပါတယ်။
အခု အဲဒီ A4 ကို Woodside + BG က ရသွားပါပြီ။ ဒေသခံ တွဲဘက် ပါတနာကတော့ A6 အကွက်ပိုင်ရှင် မိုက်ကယ်မိုးမြင့်ဘဲဖြစ်ပါတယ်။အဲဒီ A4ကို မိုက်ကယ်မိုးမြင့်ရဲ့ MPEP က ၁၀%ရှယ်ရာ လို့ဆိုပါတယ်။

-- A5 --
A5 က တော့ ကျနော်တို့ရဲ့ အချစ်တော် အောင်သောင်းကြီးရဲ့ သားညီနောင်ရထားတဲ့ အကွက်ဖြစ်ခဲ့ပါတယ်။ ထုံးစံအတိုင်းခရိုနီများဟာ တကွက်ထဲမယူပါဘူး M1 ဆိုတဲ့ မုတ္တမ ခေါင်းလောင်းပုံ အကွက်ကိုလည်း သူတို့ပိုင်ပါတယ်။ ၂၀၀၇ မှာ မလေးရှားကုမ္ပဏီ Rimbunan Petrogas နဲ့ နှစ်၃၀ ရှယ်ယာတွဲဘက် အဖြစ်စာချုပ် ချုပ်ဆိုခဲ့ပါတယ်။ ၂၀၀၈ ကုန်ခါနီးမှာ Rimbunan Petrogas ဟာ ငွေကြေးကြပ်တည်းမှု ကြောင့် A5 အကွက်က နှုတ်ထွက်သွားတယ်လို့ ဝီကီလိမှာ ဖတ်ရပါတယ်။ စွမ်းအင်ဌာန က MOGE ကို ဒီညီနောင်မှာ နောက်ထပ် တွဲဘက်ပါတနာကုမ္ပဏီ ရှာမတွေ့သေးခင် အဲဒီအကွက်ကို ထိန်းသိမ်းထားစေဘို့ အခွင့်ပေးဘို့ပြောပါသတဲ့။ ဥပဒေအရဆိုလျင် နိုင်ငံခြား တွဲဘက်ပါတနာကုမ္ပဏီ ထွက်သွားလျင် အဲဒီအကွက်ကို MOGE ထံပြန်အပ်ပြီး တင်ဒါအသစ်ခေါ်ရမှာပါ။ ဒါကို တင်ဒါအသစ်မခေါ်စေဘဲ ပါတနာအသစ်ကိုသာ ရှာစေခဲ့ပါတယ်။ ညီနောင် ၂ပါးဟာ အိန္ဒိယ ပိုင် Reliance ကုမ္ပဏီကို ၂၀၀၉ မှာ ရသွားတယ်လို့ ဝီကီလိမှာရေးထားပါတယ်။ အဲဒီနောက်ပိုင်း ဘာတွေဘယ်လိုဖြစ်တယ် ဆိုတာ ဝီကိ ကလည်း ထပ် မ "လိ" တော့တာမို့ မသိနိုင်တော့ပါ။ ညီနောင် ၂ပါးဟာ နောက်ဆုံးမတော့ A5 ကို ပြန်အပ်လိုက်ရဟန်ရှိပါတယ်။ ဒါကြောင့်လည်း အခုလေလံမှာ A5 ဟာပြန်ပါလာခဲ့တာပါ။
A5 ကို Cheveron က အခု ရသွားပါပြီ။ ဒေသခံမြန်မာကုမ္ပဏီ Royal Marine Engineering (RME) ဟာ Cheveron ရဲ့တွဲဘက်ပါတနာပါ။ Cheveron က ၉၉% ပိုင်ပြီး Royal Marine Engineering (RME) က ၁% ပိုင်တယ်လို့ Cheveron ဝက်ဆိုဒ်မှာ ဆိုပါတယ်။

-- A7 --
A7 ကတော့ အများသိကြတဲ့ ခရိုနီကြီးတေဇရဲ့ လက်အောက်ခံ Silver Wave ကုမ္ပဏီ ပိုင်ခဲ့တဲ့အကွက်ပါဘဲ။ Silver Wave ဟာ ၂၀၀၆ နှစ်ကုန်ပိုင်းမှာ အိန္ဒိယကုမ္ပဏီ GAIL နဲ့ ပူးပေါင်းပြီး A7 အကွက်ကိုလုပ်ကြဘို့ စာချုပ် ချုပ်ဆိုခဲ့ကြတာပါ။ Silver Wave က ၇၀% GAIL က ၃၀% ပါဝင်တယ်လို့ဆိုပါတယ်။ အဲဒီနောက် မရှေးမနှောင်းမှာ Silver Wave ဟာ ရုရှား ကုမ္ပဏီ Sputnik နဲ့ ကုန်းပေါ် B2 အကွက် (စစ်ကိုင်းတိုင်း)မှာ ရေနံရှာဖွှေရေးလုပ်ကြဘို့စာချုပ် ချုပ်ကြပြန်ပါတယ်။ အဲဒီမှာ ၂တွင်း တူးလိုက်တာမှာ ရေနံလဲမရ ဂက်စ်လဲမရတဲ့ တွင်း ခြောက် ဖြစ်နေခဲ့ပါတယ်။ဒေါ်လာ သန်း၆၀လောက်ကုန်သွားပြီး ငွေကြေးအကြပ်အတည်းဆိုက်ခဲ့တဲ့ အပြင် A7 ရဲ့ ပါတနာ အိန္ဒိယကုမ္ပဏီ GAIL က A7 အကွက်ရဲ့ အလားအလာများကို သိပ်အားမရလို့ A7မှာ သူပိုင် ရှယ်ယာများကို Silver Wave ကို ရောင်းခဲ့ပြီး ခွာ သွားခဲ့ပါတယ်လို့ ဝီကီလိမှာဖတ်ရပါတယ်။ (တချို့သတင်းများမှာတော့ အိန္ဒိယဟာ ရွှေ ဂက်စ် သူ့ကို မရောင်းလို့ စိတ်ကောက်ပြီးထွက်သွားတာလို ဆိုကြပါတယ်)။
Silver Wave ဟာ A7မှာ ၂တွင်း၂၀၀၉မှာ တူးရမှာ ဖြစ်သော်လည်း မတူးနိုင်ဘဲ ပြန်အပ်ခဲ့ရဟန်တူပါတယ်။ ဒီတခေါက် လေလံမှာ A7 ကို Woodside + BG ကရပြန်ပါတယ်။ ဒေသခံ တွဲဘက် ပါတနာ ကလည်း ကပ်ရက် A6 ပိုင်ရှင် မိုက်ကယ်မိုးမြင့်ရဲ့ MPEP ဖြစ်ပြန်ပါတယ်။ ဒီမှာလဲဘဲ မိုက်ကယ်မိုးမြင့်ရဲ့ MPEP က ၁၀%ပါဘဲ။

၂၀၁၂မှာ မိုက်ကယ်မိုးမြင့်ရဲ့ A6 အကွက်ဟာ ဂက်စ် အကြောကို ထိခဲ့ တဲ့အခါမှာ တော့ A4 A5 A7 အကွက်တွေကို လက်လွှတ်ခဲ့ရသူများအတွက်ရင်ထုမနာ ဖြစ်စရာပါဘဲ။ ဗိုလ်ချုပ်ကြီးက အခွင့်ရေးပေးခဲ့သော်လည်း ရွှေပင်လယ်က လက်မခံခဲ့ပါဘူး။ တနေ့ တနေ့ကို
ဒေါ်လာ တသိန်း တသန်း အနည်းဆုံးဥ ပေးမဲ့ အကွက်ကောင်းများကို လွဲခဲ့ရပါပြီ။

ပုံကို ကြည့်လိုက်ပါ။
ရခိုင်ကမ်းမြှောင် ထိပ်ဆုံးက အနီစက်ကလေး သုံးစက် (ရွှေ) နဲ့
မြစ်ဝကျွန်းပေါ်အောက်နားက အနီစက် (ရတနာ)ကို မျဉ်းဖြောင့်လေးတကြောင်း မျက်စေ့နဲ့ စိတ်ကူးလေးနဲ့ ရေးဆွဲကြည့်လိုက်ပါ။ အဲဒီမျဉ်းဖြောင့် လေးဟာ A7 A6 A5 A4 တို့ကို ဖြတ်သန်းသွားတာကို မိတ်ဆွေ မြင်တွေ့ရပါမယ်။ စောင့်ကြည့် ကြ ရအောင်ပါ။

ဒီတချီ ဒီအကွက်တွေကို ရယူကြသူများရဲ့ ခေါင်းထဲမှာက ရေနံနဲ့ဓါတ်ငွေ့ကို ပထမ ထား တွေးဆပြီး လုပ်မဲ့သူတွေပါ။ သိုက်တူးမဲ့သူတွေပါ။

တကယ့် ရေနံနဲ့ဓါတ်ငွေ့သိုက်ကို တူးမဲ့သူတွေပါ။

ငွေ ကိုသာအာရုံထားပြီး ငွေသိုက်ကို တူးချင်ကြသူများနောက် ဆုတ်ပေးလိုက်ရပါပြီ။

တကယ့်သိုက် ကို တူးမဲ့သူတွေ အဲဒီအကွက်တွေကို ဝင်ရောက်လာပါပြီ။

Hlaing Oo

ပျောက်ဆုံး မလေးရှားလေယာဉ် ရှာဖွေမှုတွင် ပါဝင်မည့် ဗြိတိန်နျူကလီးယား ရေငုပ်သင်္ဘော HMS Tireless ဂျီဘရော်တာဆိပ်ကမ်းသို့ ချဉ်းကပ်လာစဉ် (Photo:AFP) -

မလေးရှား လေကြောင်းလိုင်းလေယာဉ် ခရီးစဉ်အမှတ် MH370 ဆန်းကြယ်စွာပျောက်ဆုံးမှု အကြောင်းအရင်းကို အာဏာပိုင်များသည် မည်သည့်အခါမျှ သိနိုင်မည်မဟုတ်ကြောင်း မလေးရှားရဲချုပ်က ဧပြီ ၂ ရက်တွင် ပြောကြားခဲ့သည်။ လေယာဉ်ပျောက်ဆုံးမှုကို ရာဇ၀တ်ကြောင်းဆိုင်ရာ စုံစမ်းစစ်ဆေးမှုမှာ သီတင်းပတ် သုံးပတ်ကျော် ကြာမြင့်လာခဲ့ပြီး ကောက်ချက်မချနိုင်သေးကြောင်း၊ အချိန်ထပ်ပေး စေလိုကြောင်း ရဲချုပ်ခါလစ်အဘူဘာကာက ကွာလာလမ်ပူတွင် ပြောကြားခဲ့ကြောင်း Dow Jones Newswires က ဖော်ပြခဲ့သည်။

လေယာဉ်ပေါ် လိုက်ပါသူ တစ်ဦးဦးက လေယာဉ်ကို လမ်းကြောင်းပြောင်း ပျံသန်းစေခဲ့သည်ဟု မလေးရှားက ယူဆသဖြင့် လေယာဉ်မှူး ဇာဟာရီနှင့် တွဲဖက်လေယာဉ်မှူးတို့၏ အကြောင်းကို စစ်ဆေးနေသည်။ ဇာဟာရီ၏အိမ်တွင် တပ်ဆင်ထားသည့် လေယာဉ်မောင်းလေ့ကျင့်ရေး ပုံစံတူကိရိယာမှ သဲလွန်စ တစ်စုံတစ်ရာ ရရှိရန် မလေးရှား ရဲတပ်ဖွဲ့နှင့် အက်ဖ်ဘီအိုင်တို့က စစ်ဆေးနေသော်လည်း ခိုင်လုံသော သဲလွန်စ မရသေးကြောင်း ခါလစ်က ပြောကြားခဲ့သည်။ လေယာဉ်ပေါ်တွင် လိုက်ပါခဲ့သူ ၂၃၉ ဦးသာမက လေဆိပ်ဝန်ထမ်းများနှင့် လေယာဉ်အင်ဂျင်နီယာတို့၏ နောက်ကြောင်းကို စုံစမ်းစစ်ဆေးနေကြောင်း မလေးရှား ရဲတပ်ဖွဲ့က ထုတ်ပြန်ခဲ့သည်။ စုံစမ်းစစ်ဆေးမှုသည် လေယာဉ်ပြန်ပေးဆွဲမှု၊ အဖျက်အမှောင့်လုပ်ရပ် သို့မဟုတ် လေယာဉ်ပေါ် လိုက်ပါသွားသူများအကြား စိတ်ပိုင်းဆိုင်ရာ ပြဿနာများ ဖြစ်နိုင်ခြေကို အဓိကထားကြောင်း သိရသည်။

မလေးရှားလေယာဉ်ပေါ် လိုက်ပါခဲ့သူ ၂၂၇ ဦး၏ သုံးပုံနှစ်ပုံမှာ တရုတ်နိုင်ငံသားများဖြစ်ပြီး ၎င်းတို့၏ ဆွေမျိုးများက မလေးရှားအစိုးရနှင့် လေကြောင်းလိုင်းကို “လူလိမ်များ” နှင့် “လူသတ်သမားများ” ဟု ပြင်းပြင်းထန်ထန် ဝေဖန်တိုက်ခိုက်ခဲ့သည်။

Ref:AFP
http://www.news-eleven.com/

မရမ်းကုန်း၆ရပ်ကွက်မှာ အိမ်ခြေ၂၉၃လုံးကို အဓမ္မသိမ်းယူခဲ့မှုနဲ့ပက်သက်ပြီး သိမ်းယူခံလိုက်ရတဲ့ပြည်သူ ၇၀ကျော်က ဒေါ်အောင်ဆန်းစုကြည်နေအိမ်ရှေ့ကို လာရောက်ပြီး အကူအညီပေးဖို့ တောင်းဆိုခဲ့ကြပါတယ် ။ ဒေါ်အောင်ဆန်းစုကြည်ကိုယ်တိုင်လာရောက်တဲ့ ပြည်သူတွေကိုထွက်ပြီး တွေ့ဆုံခဲ့ပါတယ် ။ ဒေါ်အောင်ဆန်းစုကြည်က တိတိကျကျအဖြေမပေးနိုင်ပေမယ့် ဒီကိစ္စနဲ့ပက်သက်ပြီးအကူအညီပေးသွားမယ်လို့ ပြည်သူတွေကိုပြန်လည်ပြောဆိုခဲ့တယ်လို့ သိရပါတယ် ။

Author- နန်းလွင်
Kumudra

Author Name

Contact Form

Name

Email *

Message *

Powered by Blogger.