04/07/14

၁။ နိုင်ငံတခုတွင် တရားစီရင်ရေးအာဏာ၊ ဥပဒေပြုရေးအာဏာ၊ အုပ်ချုပ်ရေးအာဏာ၊ ဤအာဏာပိုင် အဖွဲ့အစည်းသုံးရပ်တို့သည် တခုကိုတခုလွှမ်းမိုးမှုမရှိဘဲသီးခြားလွတ်လပ်နေခဲ့လျှင် ထိုတိုင်းပြည်သည်ဒီမိုကရေစီထွန်းကားသော တိုင်းပြည်ဖြစ်လာသည်။ နိုင်ငံရေးအာဏာသုံးချောင်းထောက် ပုံစံ လိုသည်။ မြန်မာနိုင်ငံတွင် တရားစီရင်ရေးကိုအုပ်ချုပ်ရေးအာဏာရှိသည့်အစိုးရကလွှမ်းမိုးထားသည်။ တရားသူကြီးများက ဥပဒေမဲ့လူ့အခွင့်အရေးတောင်းဆိုသူများကို အစိုးရက မုန်းလျှင်မုန်းသလိုထောင်ချနေကြသည်။ ဥပဒေပြုလွှတ်တော်သည်လည်း အာဏာရပါတီလက်ထဲတွင်ရှိသည်။ ပြည်သူအကျိုးပြုဥပဒေများကို အာဏာရပါတီဝင်များက ပိတ်ပင်နေကြသည်။ ဥပဒေပြုရေးတွင်လည်းအာဏာရပါတီကလွှမ်းမိုးထားသည်။

၂။ နိုင်ငံတခုတွင် ကြည်း၊ရေ၊လေ ထိုလက်နက်ကိုင်တပ်ဖွဲ့များသည် သီးခြားလွတ်လပ်စွာဖြင့် ရပ်တည်ပြီး တပ်ဖွဲ့တဖွဲ့သည် အခြားတပ်ဖွဲ့တဖွဲ့ကိုလွှမ်းမိုးထားမှုမရှိဘဲ ရပ်တည်နေနိုင်ခဲ့လျှင်။ ကြည်းတပ်ဦးစီးဗိုလ်ချုပ်ကြီး၊ ရေတပ်ဦးစီးဗိုလ်ချုပ်ကြီး၊ လေတပ်ဦးစီးဗိုလ်ချုပ်ကြီး သုံးဦးတို့သည်ပါဝါတူများ အဖြစ်ထားနိုင်ခဲ့လျှင် ကြည်းတပ် မှ အာဏာသိမ်းမှုများကို မပြုလုပ်နိုင်ရန် ရေတပ်၊လေတပ်မှ ထိန်းထားပြီး ပြည်သူ့ဖက်မှ ရပ်တည် နိုင်သည်။ ယနေ့မြန်မာနိုင်ငံတွင် ကြည်းတပ်မှတပ်မတော်တခုလုံး ကြည်းရေလေ အားလုံးကို လက်ဝါးကြီးအုပ်ထားသဖြင့် မတရားမှုကိုသိသော်လည်း ပညာတတ်များသာဝင်ရောက်နိုင်သည့် ရေတပ်နှင့် လေတပ်တို့ သည် ကြည်းတပ်မှ ဗိုလ်ကျစိုးမိုးမှုကိုခံနေရပြီး မြန်မာနိုင်ငံကြီး စစ်ကျွန်ဘဝမှ မထွက်နိုင်ခြင်းဖြစ်သည်။ ကြည်း၊ရေ၊လေ ထိုတပ်များ ၏ ဦးစီးဗိုလ်ချုပ်ကြီးများသည် တဦးကိုတဦးမည်သူကမျှလွှမ်းမိုးမှုမရှိရန်လိုသည်။ ထိုဗိုလ်ချုပ်ကြီးများသည် ပြည်သူက လွတ်လပ်စွာရွေးကောက် တင်မြှောက်လိုက်သော အရပ်သားသမတကိုသစ္စာခံ၍ ထိုသမတ ကသာ ကာကွယ်ရေးဦးစီးချုပ်ဖြစ်သည်ဟုလက်ခံပြီးအမိန့်ကိုလိုက်နာရမည်။ သမတကသာကြည်း၊ရေ။လေ ဦးစီးချုပ် များ ကိုခန့်အပ်ခွင့်ရှိရမည်။ တပ်အားလုံးကိုချုပ်ကိုင်ထားသော တပ်ချုပ်ကြီးဆိုသည် ရှိရန်မလို တပ်ချုပ် ဆိုသည် မှာ အာဏာရှင်ပေါက်စကိုမွေးဖွါး စေသည့်မျိုးစေ့ဖြစ်သည်။

အထက်ပါလုပ်ငန်းကြီးနှစ်ရပ်ကိုပြုလုပ်နိုင်ပါကမြန်မာနိုင်ငံတွင်စစ်အာဏာရှင်များပေါ်ပေါက်လာမည့်ဘေးမှကာကွယ်နိုင်ပြီး၊ တရားဥပဒေစိုးမိုးရေးသည်လည်းခိုင်မြဲလာမည်မလွဲချေ။

ထွန်းအောင်ကျော် (၇၄ မျိုးဆက်)

update news ..ပျောက်ဆုံးလေယာဉ် MH370 ရဲ့ Black Box ရှာတွေ့ဖို့ နီးစပ်လာပါပြီ။

တရုတ်သင်္ဘော အပြင် သြစတေးလျသင်္ဘောကပါ နောက်ထပ် အချက်ပြမှု ၃ ခု ထပ်ပြီး လက်ခံရရှိတယ်လို့ သိရပါတယ်။

Black Box ရဲ့ နေရာအတိအကျ နီးပါး သိရပြီမို့ ရှာဖွေဆယ်ယူရေးတွေ ပိုလုပ်နေကြပါပြီ..
..........................................................

လွန်ခဲ့သော မတ်လ ၈ ရက်နေ့ကတည်းက ခရီးသည် ၂၃၉ ဦးနှင့်အတူ ပဟေဠိဆန်စွာဖြင့် ပျောက်ဆုံးနေသော မလေးရှားလေကြောင်းလိုင်း လေယာဉ်အမှတ် MH370 လေယာဉ်၏ ပျံသန်းမှုမှတ်တမ်း Black Box မှဟု ယူဆရသော အချက်ပြမှုတစ်ခုကို အိန္ဒိယ သမုဒ္ဒရာအတွင်းမှ ရှာဖွေကယ်ဆယ်ရေး သင်္ဘောတစ်စင်းက ဖမ်းယူရရှိခဲ့ပြီဖြစ်ကြောင်း အဆိုပါ အချက်ပြမှုမှာ Black Box မှ သေချာလျှင်ပပ် သီတင်းပါတ် အနည်းငယ်ကြာမှသာ ဆယ်ယူရရှိနိုင်မည် ဖြစ်ကြောင်း သြစတေးလျ ကာကွယ်ရေးဝန်ကြီး Mr Johnston က ပြောကြားခဲ့ကြောင်း SkyNews မှ သိရသည်။

အဆိုပါ Black Box စနစ်အတွင်းမှ ဘက်ထရီစနစ်မှာ လေယာဉ်ပျက်ကျပြီးနောက် ရက်ပေါင်း ၃၀ အတွင်း၌သာ အလိုအလျှောက် အချက်ပေးနိုင်သဖြင့် မြန်ရှာဖွေတွေ့ရှိနိုင်ရေးမှာ အရေးကြီးလျက် ရှိနေသည်။

Black Box ကို အကောင်းအတိုင်း ရှာဖွေတွေ့ရှိခဲ့ပါလျင် လေယာဉ်မပျက်ကျမီ လေယာဉ်အတွင်း မည်သည့် ပြဿနာ ဖြစ်ခဲ့ကြောင်း ပြန်လည် ရှာဖွေသိရှိနိုင်မည် ဖြစ်ကြောင်းလည်း သိရသည်။

ကြက်ဥအရောင်တိမ်တောင်သဖွယ်မင်းရေးကျယ် ဆိုသည့်အတိုင်း လွတ်လပ်ပြီးခေတ် မြန်မာ့နိုင်ငံရေးအခင်းအကျင်းသည်လည်း ပရိယာယ်ဝှေ၀ှစ် များအကြား နစ်ချည်မြုပ်ချည်ဖြစ်နေသည်မှာ ယနေ့ထက်တိုင်ဖြစ်သည်။ ထိုထို နစ်ချည်၊ မြုပ်ချည်၊ ဆိုးချည်၊ ကောင်းချည် နိုင်ငံရေးပယောဂတို့သည် ကူးစက်လွယ်သည့်အလျောက်၊ အကယ်စင်စစ် နိုင်ငံရေးဗိုင်းရပ်စ်များပင် ဖြစ်သည်။ နိုင်ငံရေးဗိုင်းရပ်စ်များနှင့်အတူ၊ မျက်နှာဖုံးများတပ်ထားသော၊ နိုင်ငံရေးမှောင်ရိပ်ခိုနေသော ပူးသတ်မည့်သူများကလည်း လူထုခေါင်းဆောင်အပါးတွင် ခစားလျက်ရှိကြသည်။ လူထုခေါင်းဆောင်သည် ထိုထို နိုင်ငံရေးဗိုင်းရပ်စ်များ၊ ပူးသတ်သူများကို ဖော်ထုတ်၊ လက်တွဲဖြုတ်နိုင်မှသာ မြန်မာ့နိုင်ငံရေးရှေ့ခရီးသည် ချောမွေ့မည်ဖြစ်သည်။

နိုင်ငံရေးဗိုင်းရပ်စ်များ နှင့် ပူးသတ်သူများသည် ပရိယာယ်ကြယ်၊ မာယာများပြီး၊ သူ့လူကိုယ့်ဘက်သားအဖြစ် ပိပိရိရိ ရှင်သန်တတ်သူ များဖြစ်သည်။ သူတို့သည် မည်သည့်ခေါင်းဆောင်ကိုမဆို ဖျက်ဆီးနိုင်စွမ်းရှိသော အထူးတပ်သားများဖြစ်ပြီး၊ ခေါင်းဆောင်ကိုအကြိုက်ဆောင်၊ အလိုက်အထိုက်ပြော၊ လိုသည်ထက်ပိုချီးမွမ်းစကားဆို၊ ကိုယ်တိုင်အရည်အချင်းပြည့်သောပုံစံဖမ်း၊ ခေါင်းဆောင်ရှေ့မှာ ပြာယာခတ်ပြ စသည် စသည်တို့သည် နိုင်ငံရေးဗိုင်းရပ်စ်များ နှင့် ပူးသတ်သူများ၏ ဗျူဟာအခင်းအကျင်းများထဲမှတစ်ချို့ဖြစ်သည်။

လူထုခေါင်းဆောင်ကို ထောင်အကျဉ်း သို့မဟုတ် အိမ်အကျဉ်းချခြင်းသည် နိုင်ငံရေးထုံကူးသည့်သဘောသက်ရောက်ခဲ့သည်ကို သဘော ပေါက်သည့်အလျောက်၊ နိုင်ငံရေးအရ ပွတ်တိုက်ပစ်နိုင်မည့်နည်းလမ်းများကို ရှာဖွေရာမှ ဗိုင်းရပ်စ်နှင့်ပူးသတ်မည့်သူများ အသုံးတည့်ပုံကို သိမြင် လာကြသည်။ ကျည်ဆံမလို၊ မီးခိုးမထွက်၊ အသံတိတ် ပူးကပ်တိုက်ခိုက်မည့်သူများကို စနစ်တကျလေ့ကျင့်ပျိုးထောင်ပြီး၊ လူထုခေါင်းဆောင်နှင့် အနီးဆုံးနေရာသို့ ရောက်ရှိအောင် ပို့ဆောင်တတ်ကြသည်။ လူထုခေါင်းဆောင်သည် မိမိဘက်တော်သားများအနက်၊ နိုင်ငံရေးဗိုင်းရပ်စ်များနှင့် ပူးသတ်မည့်သူများကို သီးခြားခွဲထုတ်နိုင်ရန် လိုအပ်သည်။

လူထုခေါင်းဆောင်၏ အတွင်းစည်းကို စနစ်တကျတည်ဆောက်နိုင်မှသာ၊ နိုင်ငံရေးဗိုင်းရပ်စ်များ၊ ပူးသတ်သူများအပါအ၀င် အတွင်း၊ အပြင် နိုင်ငံရေးဘေးပယောဂများမှ ကင်းဝေးနိုင်မည်ဖြစ်သည်။ ဗိုင်းရပ်စ်များ နှင့် ပူးသပ်သူများသည် ပါးရည်နပ်ရည်အလျှံပယ်ကြသည့်အလျောက်၊ ဘယ်ကွေ့ကိုဘယ်တက်နှင့်လျှော်ရမည်ကို ကြိုသိပြီးသူများဖြစ်သည်။ အတွင်းစည်းဝင်များသည် တစ်ခါတစ်ရံ ဗိုင်းရပ်စ် သို့မဟုတ် ပူးသပ်သူ ဖြစ်မှန်းမသိ၊ ဖြစ်နေတတ်သည်ကိုလည်းကောင်း၊ အသုံးချခံဖြစ်နေတတ်သည်ကိုလည်းကောင်း၊ ကောင်းစွာသတိပြုဆင်ခြင်သင့်သည်။

ပူးသတ်သူများသည် နိုင်ငံရေးဗိုင်းရပ်စ်ထက်ပင် ပိုမိုကြောက်မက်ဖွယ်ကောင်းသည်။ လူထုခေါင်းဆောင်နှင့်အနီးဝန်းကျင်တွင် ပူးသတ်သူ များကို မျက်ခြေမပြတ်စောင့်ကြည့်နိုင်ရန် လိုအပ်သည်။ သူတို့သည် ယေဘုယျအားဖြင့် အထူးလေ့ကျင့်ထားသူများဖြစ်ပြီး၊ ပရိယာယ်များ၊ ဗျူ ဟာများကိုလည်း ကျွမ်းကျင်ပိုင်နိုင်နှံ့စပ်သူများဖြစ်သည့်အပြင်၊ လူထုခေါင်းဆောင်၏ သြဇာအရှိန်အ၀ါကိုလောင်းရိပ်ခိုလျက်၊ အနီးကပ် သူ့လူကိုယ့် ဘက်သားအဖြစ် ပိပိရိရိအလုပ်လုပ်တတ်သူများဖြစ်သည်ကိုလည်း မျက်ခြေမပြတ်သင့်ပါ။ ပူးသတ်ခြင်း၏ရည်ရွယ်ချက်သည် လူထုခေါင်းဆောင် အပေါ် ပညာတတ်များ၊ ၀န်ထမ်းများ နှင့် အလယ်အလတ်အလွှာများ၏ ထောက်ခံမှုကို ပွန်းပဲ့စေရန် ပထမဖြစ်ပြီး၊ နောက်ပိုင်း အောက်ခြေပြည်သူ လူထုထဲတွင်လည်း လူထုခေါင်းဆောင်အပေါ် ထောက်ခံမှုကျဆင်းလာအောင် စိမ့်ဝင်စည်းရုံးကြမည်၊ ပူးသတ်ကြမည်မှာမုချဖြစ်သည်။

လတ်တလော ဖေ့စ်ဘုတ် နှင့် အွန်လိုင်းစာမျက်နှာများကိုကြည့်လျှင်၊ လူထုခေါင်းဆောင်ကို လော်ဘီလုပ်နေသော စာမျက်နှာများရှိသကဲ့ သို့၊ တိုက်ခိုက်အပုပ်ချနေသော စာမျက်နှာများလည်း ရှိနေပါသည်။ တိုက်ခိုက်အပုပ်ချနေသောစာမျက်နှာများ၏ ရေးသားတင်ပြချက်များကို ကွဲကွဲပြားပြားသိမြင်နိုင်သော်လည်း၊ လူထုခေါင်းဆောင်ကို လော်ဘီလုပ်နေသည့်စာမျက်နှာများတွင် အသွားနှစ်ဖက်ရှိသူများ၊ သူ့လူကိုယ့်ဖက်သား များ၊ သူလျှိုများ၊ ဒလန်များ၊ ပူးသတ်သူများလည်း အသွင်ယူပါဝင်နေတတ်သည်ကို သတိရှိရှိစောင့်ကြည့်နိုင်ရန် လိုအပ်မည်ဖြစ်သည်။

သူလျှို၊ ဒလန်၊ ပူးသတ်သူတို့သည် အစဉ်အလာလုပ်ထုံးလုပ်နည်းအတိုင်း၊ လူထုခေါင်းဆောင်ကို အလွန်အမင်းချစ်ပြ၊ လေးစားပြ၊ စာဖတ်သူများအမြင်ကတ်လောက်အောင် ရေးပြ၊ ပြောပြ၊ ကာကွယ်ပြတတ်ကြသည့်အသွင်များကိုလည်းမြင်တွေ့နေရသည်။ သာမန်ထက်ပိုပြီး၊ လေးစားပြ၊ ချစ်ပြနေသူများသည် နိုင်ငံရေးဗိုင်းရပ်စ်များဖြစ်နိုင်သည်ကို အထူးအလေးထားစောင့်ကြည့်ရန် လိုအပ်သည်။ အမည်ဝှက်အမျိုးမျိုး အသုံးပြုခြင်း၊ လူထုခေါင်းဆောင်၏ အလွယ်တကူရယူနိုင်ရန် ခဲယဉ်းသော ဓာတ်ပုံများကို အွန်လိုင်းပေါ် သို့မဟုတ် ဖေ့စ်ဘုတ်ပေါ်တွင် ပို့စ်တင်ခြင်း၊ လူထုခေါင်းဆောင်နှင့်ဆက်စပ်ဓာတ်ပုံများအောက်တွင် အခြားသူများမြင်လျှင် အထင်အမြင်လွဲနိုင်သောစာသားများ ရေးသားခြင်းတို့ကို မြင်တွေ့ရ သောအခါ ပူးသတ်နေရော့သလားဟုပင် သံသယစိတ်ပွားမိသည်။ လူထုခေါင်းဆောင်ကို လော်ဘီလုပ်နေသောအုပ်စုထဲမှ သူလျှို၊ ဒလန်၊ အတွင်းလူ များသည် လူထုခေါင်းဆောင်အပေါ် လူထုထောက်ခံမှုလျော့ပါးလာအောင် မသိမသာ၊ သိမ်သိမ်မွေ့မွေ့ လုပ်တတ်သည့်နည်းတူ၊ လူထုခေါင်းဆောင် ကို မိုးမွှန်အောင် ချီးမွမ်းခန်းဖွင့်ပြီး အခြားသူများ အမြင်ကတ်အောင်လည်း လုပ်တတ်သည်ကို သတိပြုသင့်သည်။

လူထုခေါင်းဆောင်ကို ချီးမွမ်းခန်းဖွင့်နေသူများ၊ လော်ဘီလုပ်နေသူများနှင့်ပတ်သက်သော အချက်အလက်များသည် ပွင့်လင်းမြင်သာမှု မရှိသည့်အပြင်၊ အမည်ဝှက်များခံလျက်၊ ရေးသားကာ၊ အလွန်အမင်းလော်ဘီလုပ်နေခြင်းကြောင့် ရည်ရွယ်ချက်ရှိရှိ ပူးသတ်သူများဖြစ်နေမည်လား ဟုသံသယပွားမိခြင်းဖြစ်သည်။

အွန်လိုင်းစာမျက်နှာများ နှင့် ဖေ့စ်ဘုတ်စာမျက်နှာများသည် လူပုဂ္ဂိုလ်တစ်ဦးချင်း၏ လွတ်လပ်စွာရေးသားမှုများဖြစ်သည့်အားလျော်စွာ၊ အဆိုပါစာမျက်နှာများတွင် ရေးသားမှုများသည် ကောင်းကောင်း၊ ဆိုးဆိုး လူထုခေါင်းဆောင်အား တိုက်ရိုက်ကိုယ်စားမပြုသည်ကို နားလည်ရန် လိုအပ်သည်။ လူထုခေါင်းဆောင်၏ တရားဝင်အွန်လိုင်းစာမျက်နှာ နှင့် ဖေ့စ်ဘုတ်စာမျက်နှာတို့သည်သာ တရားဝင်အတည်ပြုနိုင်မည့် သတင်းအရင်း အမြစ်ဖြစ်သည်။

တရားဝင်အွန်လိုင်းစာမျက်နှာ သို့မဟုတ် ဖေ့စ်ဘုတ်စာမျက်နှာတွင် လူထုခေါင်းဆောင် နှင့် ဆက်စပ်ပတ်သက်သော နေ့စဉ်သတင်း များ၊ အစီအစဉ်များ၊ ထုတ်ပြန်ချက်များကို အချိန်နှင့်တစ်ပြေးညီ တင်ပေးနိုင်လျှင် အကောင်းဆုံးဖြစ်သည်။
အမည်ဝှက်အမျိုးမျိုးကို အသုံးပြုလျက် အွန်လိုင်းစာမျက်နှာ သို့မဟုတ် ဖေ့စ်ဘုတ်စာမျက်နှာပေါ်တွင် ဒေါ်အောင်ဆန်းစုကြည်ကို အလွန်အကျွံချစ်ပြ၊ လေးစားပြ၊ ထောက်ခံပြနေသူများအနေဖြင့်လည်း အရေးအသားအရာ၌ နိုင်ငံရေးဗိုင်းရပ်စ်မဖြစ်အောင်၊ ပူးသတ်သူများမဖြစ် အောင် သတိနှင့်ဆင်ဆင်ခြင်ခြင် ရေးသားကြရန်လိုအပ်မည်ဖြစ်သည်။

အထူးသဖြင့် ဖေ့စ်ဘုတ်ပေါ်တွင် မိမိတို့၏ရေးသားချက်များ၊ မှတ်ချက်များကို အကြောင်းပြုလျက်၊ လူထုခေါင်းဆောင်ကို ထိခိုက်နစ်နာစေ လာနိုင်ခြင်း၊ ပြည်သူလူထုအတွင်း အထင်အမြင်လွဲလာနိုင်ခြင်းတို့ကို သတိကြီးကြီးထား ရှောင်ကြဉ်သင့်ကြောင်း အကြံပြုလိုပါသည်။ လော်ဘီအသွင် ယူထားသော သူလျှို၊ ဒလန်၊ ပူးသတ်သူများအတွက်မူ ပြောစရာစကားရှိမည် မဟုတ်ပါ။ စိတ်ဓာတ်စစ်ဆင်ရေးနည်းထုံးဗျူဟာများနှင့် အညီ သတင်းယူ၊ ပူးသတ်ကြဦးမည်သာဖြစ်သည်။

နိဂုံး
အချုပ်အားဖြင့်ဆိုသော်၊ လူထုခေါင်းဆောင်ကို နိုင်ငံရေးခေါင်းဆောင်များအကြား၊ ပြည်သူလူထုအကြား အထင်အမြင်လွှဲမှားအောင် တလွဲဝါဒ ဖြန့် ပူးသတ်သူများ အနီးဆုံးနေရာတွင် မရှိသင့်ဟု ထင်မြင်မိသည်။ ဖေ့စ်ဘုတ်ပေါ်တွင် အလွန်အကျွံချီးမွမ်းခန်းဖွင့်ပြီး၊ ရေးသင့်မရေးသင့်စဉ်းစား မှုနည်းကာ၊ ပုဂ္ဂိုလ်ရေးကအစ ဒရောသောပါးချီးမွမ်းထောပနာပြုမှုများကို ဆင်ခြင်ကြရမည်ဖြစ်သည်။ လူထုခေါင်းဆောင်အနီးတွင် နိုင်ငံရေးဗိုင်းရပ်စ် များ၊ ပူးသတ်သူများ ကင်းနိုင်သမျှကင်းအောင် ၀ိုင်းဝန်းသန့်ရှင်းရေးလုပ်ရန် လိုအပ်လျက်ရှိနေသည်ဟု ထင်မြင်မိသည်။

ဒေါက်တာရန်မျိုးသိမ်း
၃၊ ဧပြီလ၊ ၂၀၁၄ ခုနှစ်

Author Name

Contact Form

Name

Email *

Message *

Powered by Blogger.