04/10/14

အကျဉ်းထောင်ထဲမှာ ရှိနေတုန်းက ကျွန်တော်မသေမီ လုပ်ချင်သည့် အရာများကို ချရေးခဲ့ဖူးသည်။

၁ - အဖမ်းခံရသည့် အကြောင်း။ ထောင်အကြောင်း တစ်နေ့တော့ ရေးရမည်(ခုတော့ ရေးပြီးပြီ။ ထုတ်လည်းထုတ်ဝေ ဖြန့်ချီပြီးပြီ)။

၂ - အငြိမ့်အကြောင်း ရေးရမည်။ အထူးသဖြင့် ခေတ်ပြိုင် ခံစားမှ ဖြစ်ရမည်။(ခုတော့ ရေးပြီးပြီ။ ထုတ်ဝေ ဖြန့်ချီနေပြီ ဖြစ်၏)။

၃ - မြန်ာမပြည် ဒီမိုကရေစီ အပြောင်းအလဲကို ရေးချင်သည်။ ရေးနေဆဲလည်း ဖြစ်သည်။ မစုံလင်သေး။ အကျဉ်းထောင်ထဲမှာ ရှိစဉ်က နိုင်ငံရေးမျိုး မဟုတ်တော့။ ခုမြန်မာပြည်၏ နိုင်ငံရေး အခြေအနေက အရူးကို မော်တော်ပီကယ် လုပ်ခိုင်းထားသလို ဖြစ်နေသည်။ သူလည်း ပြချင်ရာပြ ကားတွေလည်း မောင်းချင်ရာ မောင်းနေသည်။ တော်တော်ရေး ရချေဦးမည်။ သို့သော် မသေခင် ပြီးရမည်ဟု အာမခံပါသည်။

၎ - ရုပ်ရှင်ပွဲတော် လုပ်ချင်သည်။ လုပ်လည်း လုပ်ခဲ့ပြီးပြီ။ ဆက်မလုပ်ချင်တော့လို့ ရပ်လိုက်ပြီ။ ထိုစဉ်က ကျွန်တော် ထောင်ထွက်ခါစ ဖြစ်သည်။ ဒေါ်အောင်ဆန်းစုကြည်နှင့် အတွေ့မှာ လူငယ်တွေ အတွက် ရုပ်ရှင်ပွဲတော် လုပ်ပေးရန် ဆွေးနွေးမိခဲ့သည်။ ထိုမှတစ်ဆင့် အန်တီ အားပေးလို့ The Art of Freedom Film Festival လုပ်ဖြစ်ခဲ့သည်။ ထိုနာမည်ကို ဒါရိုက်တာ မင်းထင် ကိုကိုကြီးက ပေးခဲ့ခြင်း ဖြစ်သည်။ ထိုအချိန်က ၀သန် ရုပ်ရှင်ပွဲတော် တစ်ခုသာ ရှိသည်။ သို့တစေ ၀သန်ကား ဆင်ဆာကို မကျော်နိုင်။ မြန်မာ့ရုပ်ရှင် လုပ်ငန်းနှင့် ရုပ်ရှင် အစည်းအရုံးကို ခွင့်ပြုချက် တောင်းနေရသည်။ ကျွန်တော် လိုချင်တာ ဒါမှမဟုတ် အနုပညာရှင်၏ ဖန်တီးမှုကို မည်သို့သော သူတစ်ဦးဦးကမှ ၀င်ရောက် စေညွန် ခိုင်းစေတာမျိုး လက်မခံနိုင်။ တကယ့် လက်တွေ့ကျတော့ ကျွန်တော် တော်တော် တွန်းတွန်း တိုက်တိုက် လုပ်ခဲ့ရသည်။ ထိုစဉ်က ပြန်ကြားရေး ၀န်ကြီးနှင့် ထိပ်တိုက်တိုးတာချည်း ဖြစ်သည်။ ကိုယ့်စကားလည်း သူနားမထောင်တော့ ကိုယ်ကလည်း သူ့စကား နားထောင်စရာ လိုသည်ဟု မထင်တော့ချေ။ တော်ဝင်စင်တာလို နေရာမျိုးမှာ ဒါရိုက်တာ စိုင်းကျော်ခိုင်၏ ၂၀၀၇ သံဃအရေးအခင်းလို ရုပ်ရှင်မျိုးကို ဆုပေးပြီး အများပြည်သူကို ပြသနိုင်ခဲ့သည်။ လမ်းမပေါ်မှာ ထောင်ထားသော မြေစိုက် LED ဘုတ်ကြီးရှေ့ထိုင်နေသော ပရိသတ်တွေ ပြည်လမ်းပေါ်က ကားတွေ ယခုတိုင် မြင်ယောင်မိသေးသည်။ ဒီပြိုင်ပွဲ၏ နောက်ဆက်တွဲကား ပြဿနာပေါင်းစုံ ဖြေရှင်းရခြင်းပင်။ အမြတ်ထွက်သည်က မြန်မာနိုင်ငံ ရုပ်ရှင်အစည်းအရုံးကို ရုပ်ရှင်သမားတွေ ပြန်ရခဲ့ခြင်းပင်။ မည်သို့ပင်ဆိုစေ လူငယ်မျိုးဆက် ဒါရိုက်တာတွေ အများအပြား ပေါ်ထွက်လာခဲ့၏။ သို့သော် အနုပညာရှင်သည် လွတ်လပ်၏။ မည်သို့သော အချုပ်အနှောင်ကို ခံမည်မဟုတ်။ ထို့ကြောင့် မလွတ်လပ်တော့သော လွတ်လပ်ခြင်း အနုပညာ ရုပ်ရှင်ပွဲတော်ကို ကျွန်တော် ကျောခိုင်း လိုက်ခဲ့ပြီ။

၅ - ရန်ကုန်မှာ ပျောက်ကွယ် ခဲ့ပြီဖြစ်သော သင်္ကြန်သံချပ် အသင်းတွေ ပြန်ပေါ်လာစေချင်သည်။ ၂၀၁၂ ခုနှစ် ဖေဖော်ဝါရီလမှာ ကျွန်တော် အမေရိကန်သို့ ရောက်စဉ် ထိုမှ မြန်မာ လူမျိုးများကို သင်္ကြန်သံချပ်တွေ မြင်ရပါစေ့မယ်ဟု အာမခံပေးမိခဲ့သည်။ ပြောသည့်အတိုင်း ဖြစ်အောင်လုပ်သည်။ ချောင်မည်ထင်ပြီး အူကြောင်ကြောင် ဒိုင်ဗင်ထိုးသူတွေကြောင့် ပျက်မလို ဖြစ်သွားပြီး မှန်းသလို မလုပ်နိုင်ခဲ့။ ၂၀၁၃ကျမှ ဒါရိုက်တာ ကိုမီးပွား၊ ကိုဘိုစန်းတို့မှ ပံ့ပိုးမှုကြောင့် ပြည်သူ့သင်္ကြန် ပြည်သူ့ထံသို့ ပြန်လည် ခိုနားခွင့်ရခဲ့သည်။

သေချာတာ တစ်ခုတော့ ပြောချင်သည်။ ရုပ်ရှင် ဆင်ဆာ ကိစ္စဆိုတာတွေသည် ပါးစပ်က ပြောရုံဖြင့် အလွယ်ကျော်ဖြတ်နိုင် သည်တော့ မဟုတ်ခဲ့ချေ။ လောကမှာ ဘယ်အရာမှ လွယ်လွယ်နှင့် မရတတ်။ အရင်းများမှ အမြတ်များပေ။ ဘာမှမရင်းပဲ တာဝန်မယူဘဲ ဘာမှမဖြစ်လာနိုင် ဆိုတာကို မီးမောင်း ထိုးပြလိုက်ခြင်းပင်။

၆ - ဗိုလ်ချုပ်အောင်ဆန်း ရုပ်ရှင်ကို မှတ်တမ်း ကျန်ခဲ့စေချင်သည်။ ထို့အတူ ဆရာဦးသန့် အကြောင်း၊ ဂဠုန်ဦးစောအကြောင်း တို့ကိုလည်း ရိုက်ကူးချင်သည်။ ၁၉၈၈ အခြေခံ ၂၂ နှစ်တာ ဒီမိုကရေစီ ခရီးကြမ်း တစ်ခုကို ပုံဖော်ခဲ့ချင်သည်။ အဆင်သင့် ရေးသားပြီးသည်များ ရှိသလို ဖြည့်တန်ဖြည့် ဖြုတ်တန်ဖြုတ် ရဦးမည်။ အကောင်အထည် မပေါ်သေးသဖြင့် ကိုယ့်ကိုကိုယ်တော့ မကျေနပ်နိုင်သေး။ လတ်တလော ကိုယ်သေသွားခဲ့သော် ဇာတ်ညွန်းတော့ ကျန်ခဲ့ပေမည်။ ဗိုလ်ချုပ်အောင်ဆန်း ကတော့ ကိုယ်မပိုင်၊ တိုင်းပြည်က ပိုင်သည်။ ဗိုလ်ချုပ် နောက်တစ်ခါ အလုပ်ကြံ မခံရစေချင်။

၇ - မထင်မှတ်ပဲ နိုင်ငံတော် သမ္မတက တာဝန်ပေးအပ်ခဲ့သည့် ကော်မတီနှစ်ခုမှာ ပါခဲ့ရသည်။ ပါခဲ့ရသလောက် လုပ်လည်း တော်တော် လုပ်ခဲ့ရသည်။ ရခိုင် ကော်မရှင်နှင့် လက်ကျန် နိုင်ငံရေး အကျဉ်းသား စိစစ်ရေး ကော်မတီတို့ ဖြစ်သည်။ ရခိုင်ပြည်နယ်မှာ ရက်ပေါင်များစွာ နေခဲ့သည်။ လမ်းပေါင်းများစွာ လျှောက်ခဲ့ရသည်။ လူပေါင်းများစွာ တွေ့ခဲ့ရသည်။ စကားပေါင်း များစွာပြောခဲ့ရ၏။ ထောင်ထဲ ရောက်နေစဉ်က ချရေးထားခဲ့သော လုပ်ရမည့် စာရင်းထဲမှာ တစ်ခု တိုးလာသည်။ ရခိုင် ကော်မရှင်မှာ ပါဝင် လုပ်ဆောင်ခဲ့စဉ်က အတွေ့အကြုံတွေကို စာအုပ်တော့ ရေးဖို့ ကောင်းသည်။

ကျွန်တော့် မိတ်ဆွေတွေထဲမှာ အစ္စလာမ် ဘာသာ ကိုးကွယ်သူတွေ အများအပြား ရှိနေသည်။ ထို့အတူ ရခိုင် သူငယ်ချင်းများလည်း တစ်ပုံတပင်။ ယခုဖြစ်ပွားခဲ့သည့် ပြဿနာက လူမျိုးရေး ပြဿနာ မဟုတ် ဘာသာရေး ပြဿနာ မဟုတ်။ တစ်ဖက်ဖက်ကနေ ရပ်ပြောလိုက်သည်နှင့် ဆဲခံ ရတော့သည်။ ဘယ်နိုင်ငံရေး ခေါင်းဆောင် တစ်ယောက်ကမှ မဝေဖန်ရဲ။ ဒေါ်အောင်ဆန်းစုကြည်ပင်လျင် အတိုက်အခိုက် ခံရ၏။ ကျွန်တော်တို့ ကော်မတီဝင် အန်တီ ဒေါ်သန်းသန်းနု ကိုပင်လျင် ၀န်ကြီးချုပ် ဦးနု၏ သမီးဆိုပြီး ဦးနုကြောင့် ဒီပြဿနာတွေ ဖြစ်ခဲ့တာဟု ဆိုကာ အတွယ်ခံရသည်။

အစ္စလာမ် ဘာသာဝင်များကို ကိုယ်ချင်းစာ စကားပြောမိတော့ ကျွန်တော့်ကို ရခိုင်(အစွန်းရောက်) တစ်ချို့က ဆဲကြသည်။ မြန်မာနိုင်ငံမှာ ရိုဟင်ဂျာ ဆိုတာ မရှိပါဖူးလို့ ပြောတော့ ကိုယ့်ကို ရိုဟင်ဂျာဟု တံဆိပ်ကပ်နေသူတွေက ကျွန်တော့်ကို ၀ိုင်းဆဲကြ ပြန်၏။ ဟော်လန်နိုင်ငံသို့ ကျွန်တော် ရောက်ခဲ့စဉ်က ကျွန်တော့်ကို တစ်လေးတစား လာတွေ့ပြီး စကားပြောခဲ့သူက ကျွန်တော်၏ ရိုဟင်ဂျာ မြန်မာပြည်မှာ မရှိသော စကားကြောင့် ကျွန်တော့်ကို ပယ်ပယ်နယ်နယ် ဆဲပြန်တော့၏။ သေချာသည်က ကျွန်တော် ဘယ်သူ့ စကားကိုမှ နားမထောင်ခဲ့ခြင်းပင်။ ကိုယ့်ကိုကိုယ် ယုံကြည်မှု အပြည့်ဖြင့် ကော်မရှင် တာဝန်ကို ခရီးဆုံးအောင် လုပ်နိုင်ခဲ့သည်။

ဒီနေရာမှာ သင်ခန်းစာတွေ တပုံတပင်ကြီး ရခဲ့သည်။ ဒီသင်ခန်းစာတွေကို တစ်နေ့စာအုပ် ထုတ်ဝေပါဦးမည်။ သို့သော် လက်တလော ရခိုင်ပြည်နယ်မှာ ဖြစ်နေသည့် ပြဿနာတွေကြောင့် ကျွန်တော့်အား မုန်းလိုက မုန်းပါစေ၊ ဆင်ခြင်နိုင်ရန် တင်ပြချင်သည်။ တကယ်တော့ ရခိုင်ပြည်နယ်မှာ ရိုဟင်ဂျာ ဆိုတာသည် ဇစ်မြစ် ပြဿနာ မဟုတ်ချေ။ ရိုဟင်ဂျာကို အသက်သွင်းရန် ရုပ်လုံးကြွရန် ဖန်တီးနေသူတွေက မီးလောင်ပြီးမှ လက်ခမောင်းခတ်ခြင်း သက်သက်သာ။ ချုပ်၍ ဆိုရပါလျှင်

(၁) ရခိုင်ပြည်သည် ဘင်္ဂလီများကို ထမ်းထားရတာကြာပြီ။ အရင်က ချစ်ချစ်ခင်ခင် ပူးလို့တွဲလို့ နေခဲ့ပဲလေဟု ဗမာတွေက လာပြောတာမျိုး တရားမ၀င်ချေ။ ရခိုင် ပြည်နယ်၏ အရေးကို ရခိုင်လူမျိုးများကသာ ဖန်တီးခွင့် ရခဲ့မည်ဆိုလျင်သည် ပြဿနာ ငြိမ်းချမ်းသွားမည်မှာ အမှန်။

(၂) နယ်စပ်စည်းရိုး ပြဿနာဟု ပြောနေဆိုနေပြီး နယ်စပ်စည်းရိုး လုံအောင် မလုပ်တာလည်း မကောင်းလှချေ။ အရှေ့ဖက် တရုတ်နယ်စပ်မှာ မြန်မာစာ မြန်မာစကား လုံးဝ မပြောတော့။ သို့သော် တရုတ်ကပြားသည်၊ ပြဿာနာ မဖြစ်အောင်နေ၏။ တစ်ချို့သော ကျွန်တော်၏ သူငယ်ချင်း ရခိုင်သား ပြောစကားကို ပြန်ဆိုရလျှင် ရှမ်းမှာ၊ ၀မှာ လက်နက်ရှိတယ်၊ ငါတို့မှာ လက်နက် မရှိလို့ဟူသော စကားက တာသွားလှပေသည်။

(၃) အရေးကြီးဆုံး တစ်ခုကိုတော့ ပြောချင်သည်။ မတော်တဆ ဆိုတာတွေ များလာလျှင် တိုက်ဆိုင်တာတော့ မဟုတ်တော့။ လုပ်ယူတာဖြစ်ပြီး၊ ယူနန်ပိုက်လိုင်း လာရာလမ်းမှာ ပြဿနာ လာလာ ဖြစ်နေတာ တိုက်ဆိုင်တာ မဟုတ်တော့ဟု ထင်လာသည်။ သန်းခေါင်စာရင်း ကိစ္စမှာ ရိုဟင်ဂျာ ထည့်ထည့် မထည့်ထည့် ဒါအရေးမကြီးချေ။ သာသနာ့ အလံ ကိစ္စကလည်း ယခုချိန်ထိ သက်သေမတွေ့။ တစ်ယောက်က ဖွလိုက်တာသာ ဖြစ်နေပြီ။ သေချာတာကတော့ ကျောက်ဖြူက ပိုက်လိုင်းကြီး စခန်းသိမ်းတာကသာ ပဓာန ဖြစ်နေတော့မည်။

ကျွန်တော်၏ စာချုံ့ပါမည်။ မြန်မာနိုင်ငံသား တစ်ယောက်အနေဖြင့် ကိုယ်ထမ်းနိုင်သမျှ ထမ်းကြရုံသာရှိသည်။ မထမ်းနိုင်ပါကလည်း ထမ်းနိုင်သူကို ရေတစ်ခွက် ကူပေရမည်။ ကိုယ့်မြေ အသိမ်းခံရလို့ အဖျက်ခံရလို့ အော်နေသူတွေကိုလည်း ကိုယ်ချင်းစာပါသည်။ ခုဖြစ်နေသည် ကတော့ ရပ်ကွက်တစ်ခု ရွာတစ်ခု မဟုတ်။ အသေအချာ ဂရုတစ်စိုက် စိစစ်ပြီး ဗျူဟာ ဆင်ကြပါဟုသာ ပြောချင်ပါတော့သည်။

- ဇာဂနာ
Tomorrow news journal


ကရင်ပြည်နယ် မြ၀တီခရိုင် ကျောက်ခက်ကျေးရွာကို ဧပြီလ (၅)ရက်နေ့က ရောက်ရှိနေတဲ့ သမီးလေးကျေးရွာက မြေယာမဲ့ ဒုက္ခသည်တွေအတွက် ကျန်းမာရေးစောင့်ရှောက်မှုတွေကို မယ်တော်ဆေးခန်းက တာဝန်ရှိတဲ့ သူတွေနဲ့ SAW အဖွဲ့က ဒီကနေ့ ဧပြီလ (၉)ရက်နေ့မှာ သွားရောက် ကူညီခဲ့တယ်လို့ စုံစမ်းသိရပါတယ်။

ရန်ကုန်တိုင်းဒေသကြီး လှည်းကူးမြို့နယ်က သမီးလေးကျေးရွာသား (၂၀၀)ကျော်ဟာ DKBA ဒီမိုကရေစီအကျိုးပြု ကရင့်တပ်မတော် DKBA အဖွဲ့နဲ့ ဧပြီလ ၂ ရက်နေ့က လိုက်ပါခဲ့ကြတာ
ဖြစ်ပြီး ကျောက်ခက်ကျေးရွာကို ဧပြီလ (၅)ရက်နေ့မှာ ရောက်ရှိနေခဲ့တာဖြစ်ပါတယ်။

မဲဆောက်အခြေစိုက် မယ်တော်ဆေးခန်းအပါအ၀င် ဒေသတွင်းကျန်းမာရေးအဖွဲ့တွေ
ပူးပေါင်းပြီး သမီးလေးကျေးရွာသားဒုက္ခသည်တွေကို ကျန်းမာရေးစောင့်ရှောက်မှု အကူအညီပေးနေတဲ့အခြေအနေကို မယ်တော်ဆေးခန်းဆေးမှူး ကိုသာဝင်းက အခုလို ရှင်းပြပါတယ်။

မနေ့တုန်းက ၀မ်းလျောဝမ်းပျက်တဲ့သူတွေရှိတယ် လေးငါးယောက်လောက်ရှိတယ်
ဒါပေမယ့် ထိန်းချုပ်နိုင်တာပေါ့နော် အခုလောလောဆယ်ကတော့ အိမ်သာတော့ သိတ်စနစ်မကျသေး တော့ ကျနော်တို့ မယ်တော်ဆေးခန်းအဖွဲ့က အိမ်သာနဲ့ ရေ ပတ်သက်ပြီးတော့ ကျွမ်းကျင်တဲ့ သူတွေက ကြည့်တဲ့အခါကြတော့ လိုအပ်တာတွေ စီစဉ်ပေးနေတယ်။ ရွာမှာတော့ ရေရောက် တယ် ဒါပေမယ့် ရေက် နည်းနည်းတော့ နည်းနေသေးတယ်ပေါ့လေ ရုတ်တရက် လူအစုလိုက် အပုံလိုက် ရောက်လာတဲ့
အခါကြတော့ အခက်အခဲတော့ရှိတယ် အဓိက သောက်ရေသန့် မရ သေးဘူးပေါ့နော် လက်ရှိသုံးနေတဲ့ရေကတော့ သောက်ဖို့အတွက်အသင့်တော်သေးဘူးပေါ့။

သမီးလေးကျေးရွာက ဒုက္ခသည်အိမ်ထောင်စု (၈၀)နီးပါးနဲ့ လူဦးရေ (၂၀၁)ဦးထဲမှာ (၅)နှစ်အောက်ကလေးငယ် အယောက် (၂၀)၊ ဆယ့်နှစ်နှစ်အောက်ကလေး အယောက် (၃၀)ကျော်နဲ့ နို့တိုက်မိခင် (၂၀)ကျော်လောက် ပါဝင်နေတာမို့ အဲဒီလူတွေအတွက် ကျန်းမာရေးစောင့်ရှောက်မှုပေးနိုင်ဖို့ မယ်တော်ဆေးခန်းနဲ့ BMA ဆေးခန်းတွေက
ဒေသခံ ဆေးမှူးအပါအ၀င် ဆေးအဖွဲ့တွေ အမြဲတမ်းတာဝန်ပေးထား တယ်လို့လည်း သိရပါတယ်။

ဒုက္ခသည်တွေအားလုံးဟာ နေအိမ်တွေမဆောက်လုပ်ရသေးလို့ ကျောက်ခက်ကျေးရွာ
စာသင် ကျောင်းမှာ ယာယီတဲထိုးပြီးနေထိုင်ကြပါတယ်။ အမျိုးသားတွေအနေနဲ့ သစ် ၀ါး
ခုတ်ပြီး အိမ် ဆောက်လုပ်ဖို့ DKBA အဖွဲ့ရဲ့ ဦးဆောင်မှုနဲ့ နေ့စဉ် အလုပ်လုပ်နေကြပါတယ်။

ယာယီတဲမှာ ကျန်နေခဲ့တဲ့ သမီးလေးကျေးရွာသူ ကိုယ်ဝန်သည်မနော်ကတော့
ကျောက်ခက်ရွာ ရောက်နေတဲ့ အခြေအနေတွေကို အခုလိုပြောပြပါတယ်။
အိမ်ဆောက်တာကတော့ အခု ၀ါးတွေ ဘာတွေခုတ်ပြီးတော့ အိမ်နေရာကွက်တွေ
ရိုက်ပြီး တိုင်တွေဘာတွေ တူးနေတယ်ပေါ့။ ဒီထဲက လူကြီးပိုင်းတွေကတော့ စားဖိုပဲဝင်တာပေါ့နော် ချက်ပြုတ်ကြွေးတယ်။ စားချိန်ကြ အလုပ်ပြန်လာတဲ့လူတွေလည်း
စားပေါ့ ကျန်းမာရေးဝန် ထမ်းတွေအစုံရှိတယ် တစ်ရက်ကို နှစ်ခါသုံးခါလောက်
လာစစ်ပါတယ်။ ဆရာဝန်တွေလည်း လာတယ် ကျန်းမာရေးမှူးအကုန်ရှိတယ်။ အလှူးရှင်တွေလည်းလာတယ် အများကြီးပဲ။ အခုလို ဗိုလ်မှူးဆန်းအောင်
ကယ်တင်တဲ့အတွက်ကြောင့်မို့လေ စိတ်အေးအေး စိတ်ချမ်းချမ်း သာသာလေးနေရတော့ သူ့ကိုလေ အထူးကျေးဇူးတင်တယ်။

မဲဆောက်အခြေစိုက် (SAW) အဖွဲ့က ကျောက်ခက်ရွာမှာ သမီးလေးရွာသားတွေ
အတွက် ခေါင်းလျော်ရည်၊ ဆပ်ပြာမှုန့် ၊ သွားတိုက်ဆေး၊ ကိုယ်တိုက်ဆပ်ပြာ၊ ပေါင်ဒါ၊
စောင် ၊ ခြင်ထောင်၊ အဝတ်အစား ၊ ဆန် နဲ့ ကြွေပန်းကန် စတဲ့ ပစ္စည်းတွေကို ဒီကနေ့ သွားရောက်လှူခဲ့ပါတယ်။

(Moe KYaw)
kyaw swar myint


အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဧပြီလ ၉ ရက်နေ့က စပြီး ဂျာမဏီနိုင်ငံနဲ့ ပြင်သစ်နိုင်ငံတွေကို သွားရောက်ဖို့ ခရီးစတင်လိုက်ပီဖြစ်ပါတယ်။

ဒေါ်အောင်ဆန်းစုကြည်ရဲ့ ဂျာမဏီနိုင်ငံ ခရီးစဉ်အတွင်းမှာ ဂျာမန်သမ္မတ ယွာခင်မ်ဂေါက်ခ်၊ အဓိပတိ အန်ဂယ်လာ မာကဲလ်၊ နိုင်ငံခြားရေးဝန်ကြီး ဖှရန့်ခ် ဝေါ်လ်တာ စတိုင်းန်မိုင်းယာ တို့နဲ့ တွေ့ဆုံဖို့ရှိပြီး ဂျာမန်လွှတ်တော် ဘွန်ဒက်စ်တာ့ခ် ကိုလဲ သွားရောက်လေ့လာမှာ ဖြစ်ပါတယ်။ ဂျာမန်လွှတ်တော်ဥက္ကဌ ပရော်ဖက်ဆာ ဒေါက်တာ နော်ရ်ဘာ့ထ် လမ်းမန့်ထ်နဲ့ တွေ့ဆုံပြီး လွှတ်တော်ရေးရာကိစ္စတွေကို ဆွေးနွေးသွားမယ်လို့ သိရပါတယ်။ ဒါ့အပြင် လူတွေအချင်းချင်းကြား နိုင်ငံတကာ နားလည်မှုတွေ မြှင့်တင်ပေးနိုင်တဲ့ လူပုဂ္ဂိုလ်နဲ့ အဖွဲ့အစည်းတွေကို ပေးအပ်တဲ့ နိုင်ငံတကာ ၀ီလီဘရန့်ဒ်ထ် ဆုကို လက်ခံရယူဖို့ ရှိပါတယ်။

ဒီခရီးစဉ်အတွင်းမှာပဲ ဒေါ်အောင်ဆန်းစုကြည်ဟာ ဂျာမန် စီးပွားရေးဝန်ကြီး ဒေါက်တာ မြူးလာနဲ့ အခြား ဂျာမန်ဖောင်ဒေးရှင်းတွေနဲ့လဲ တွေ့ဆုံဖို့ အစီအစဉ်ရှိပါတယ်။ ဂျာမဏီနိုင်ငံက ဖှရေအီးတက္ကသိုလ်မှာ ဂျာမန်က မြန်မာမိသားစုတွေနဲ့လဲ တွေ့ဆုံဖို့ အစီအစဉ်ရှိပြီး ဂျာမဏီနိုင်ငံရဲ့ သက်မွေးဝမ်းကျောင်း ပညာရေးနဲ့ လေ့ကျင့်သင်တန်းပေးခြင်း Duales System ကိုလဲ သွားရောက်လေ့လာဖို့ ရှိပါတယ်။

ဧပြီလ ၁၄ ရက်မှာတော့ ပြင်သစ်နိုင်ငံ ခရီးစဉ် ဆက်သွားဖို့ရှိပြီး ပြင်သစ်နိုင်ငံ၊ ပါရီမြို့မှာ သမ္မတ ဖှရန်ဆွောစ် ဟိုလန်ဒေး ။ နိုင်ငံခြားရေးဝန်ကြီး အပြင်
ဖွဲ့စည်းပုံအခြေခံဥပဒေကောင်စီ ဥက္ကဌတို့နဲ့ တွေ့ဆုံမှာ ဖြစ်ပါတယ်။ ဒါ့အပြင် ပြင်သစ် စစ်တက္ကသိုလ်၊ ပြင်သစ်လွှတ်တော်နဲ့ စီးပွားရေး၊လူမှုရေးနဲ့ သဘာဝပတ်ဝန်းကျင်ဆိုင်ရာ ကောင်စီကိုလဲ သွားရောက် လေ့လာဦးမှာ ဖြစ်ပါတယ်။

ဧပြီလ ၁၆ ရက်နေ့မှာတော့ ပြင်သစ်နိုင်ငံကနေ ပြန်လည်ထွက်ခွာမှာဖြစ်ပြီး မြန်မာနိုင်ငံကို ဧပြီလ ၁၇ ရက်နေ့မှာ ပြန်ရောက်လာမှာ ဖြစ်ပါတယ်။

ရိုက်ကူး - အောင်ကြီ
dvb

Author Name

Contact Form

Name

Email *

Message *

Powered by Blogger.