04/18/14

၂၀၁၅ အထွေထွေ ရွေးကောက်ပွဲအတွက် မဲဆွယ်စည်းရုံးမှုများ ပြုလုပ်သည့် နေရာတွင် သက်ဆိုင်ရာ မဲဆန္ဒနယ်အတွက် ယှဉ်ပြိုင်သည့် ကိုယ်စားလှယ်လောင်းများကိုသာ မဲဆွယ်စည်းရုံးခွင့် ပြုမည်ဟု ဧပြီလ ၇ ရက်၊ ပုသိမ်မြို့တွင် ပြည်ထောင်စုရွေး ကောက်ပွဲကော်မရှင် ဥက္ကဋ္ဌ ဦးတင်အေး၏ ပြောကြားချက်အပေါ် နိုင်ငံရေးပါတီ အသိုင်းအ၀ိုင်းက ဝေဖန်လျက်ရှိသည်။

အဆိုပါ မဲဆွယ် စည်းရုံးခြင်းကို ကန့်သတ်မှုအပေါ် ကော်မရှင် ဥက္ကဋ္ဌ ဦးတင်အေးက ““လာမယ့် ရွေးကောက်ပွဲမှာ ရွေးကောက်ပွဲ မဲဆွယ်မှုကာလ သတ်မှတ်ပေးပါမယ်။ ကျွန်တော်တို့ လွှတ်တော် ကိုယ်စားလှယ် လောင်းတွေ ပြောပါ။ မဆိုင်တဲ့လူ လာမပြောနဲ့။ ၀င်ချင်ဝင် မ၀င်ချင်နေ။ ကျွန်တော် ဒီမြို့ဒီရွာမှာ အရွေးခံမယ်ဆို ကျွန်တော်ပြောဖို့ပဲ လိုတာပေါ့။ တခြားလူ လာပြောလို့ ဘာလုပ်မတုန်း။ ဒါကြောင့် ကျွန်တော်က အချိန်၊လူ၊ နေရာ၊ ကန့်သတ်ပါမယ်။ ဒါက ကျွန်တော့် လုပ်ပိုင်ခွင့်ထဲမှာ ရှိနေပါတယ်””ဟုပြောသည်။

ထို့ပြင် ၂၀၁၅ ရွေးကောက်ပွဲ မဲဆွယ်စည်းရုံးရေးနှင့် ပတ်သက်၍ မဲဆန္ဒနယ် တစ်ခုတွင် ပါဝင်ယှဉ်ပြိုင်သည့် ကိုယ်စားလှယ်များသာလျှင် အဆိုပါ မဲဆန္ဒနယ်တွင် မဲဆွယ်ခွင့်ရှိပြီး အခြားဒေသမှလူများ လာရောက် ဟောပြော မဲဆွယ်ခွင့် ပြုမည် မဟုတ်ဟုလည်း ထပ်မံ ပြောကြားခဲ့သည်။

NLD ပါတီ၏ ပြောရေး ဆိုခွင့်ရှိသူ ပုသိမ်မြို့နယ်၊ ပြည်သူ့လွှတ်တော် ကိုယ်စားလှယ် ဦးဝင်းမြင့်က ဦးတင်အေး၏ ပြောဆိုချက်မှာ ၂၀၁၅ ရွေးကောက်ပွဲကို ချုပ်ချယ် ကန့်သတ်ခြင်း ဖြစ်ကြောင်းကို ““ပါတီဥက္ကဋ္ဌဆိုရင် တစ်နိုင်ငံလုံး မဲဆွယ်ခွင့်ရှိတယ်။ ကိုယ့်မဲဆန္ဒနယ်မြေ ဟုတ်ဟုတ်၊ မဟုတ်ဟုတ်ပေါ့။ မြန်မာ့နိုင်ငံရေး သမိုင်းမှာ ဆိုရင်လည်း ဒီလိုပဲ မဲဆွယ်ကြတာပဲလေ။ ၉၀ ခုနှစ် ရွေးကောက်ပွဲတုန်းကလည်း ဒီလိုပဲ။ ၂၀၁၀ ရွေးကောက်ပွဲတုန်းကလည်း ဒီလိုပဲ။ ၂၀၁၂ လည်း ဒီလိုပဲ လုပ်ခဲ့တာပဲ။ အခုကျမှ ချုပ်ချယ် ကန့်သတ်တာကိုတော့ နားမလည်နိုင်ပါဘူး”ဟု ဝေဖန်ပြောကြားခဲ့သည်။

ရွေးကောက်ပွဲကော်မရှင် ဥက္ကဋ္ဌ ဦးတင်အေး၏ ပြောဆိုချက်အရ လာမည့် ၂၀၁၅ ရွေးကောက်ပွဲ မဲဆွယ် စည်းရုံးရေး ကာလတွင် ဒေါ်အောင်ဆန်းစုကြည် အနေဖြင့် ၂၀၁၂ ကြားဖြတ် ရွေးကောက်ပွဲ ကဲ့သို့ NLD ပါတီ အမတ်လောင်းများအတွက် လှည့်လည် မဲဆွယ်စည်းရုံးခွင့် ရတော့မည် မဟုတ်ကြောင်း နိုင်ငံရေး အသိုင်းအ၀ိုင်းက ဝေဖန်လျက်ရှိသည်။

သက်ဆိုင်ရာ မဲဆန္ဒနယ်များတွင်သာ မဲဆွယ်စည်းရုံးခွင့် ပြုမည်ဟု ပြောကြားမှုအပေါ် သင်္ဃန်းကျွန်း ပြည်သူ့လွှတ်တော် ကိုယ်စားလှယ်ဦးသိန်းညွန့်က““ရွေးကောက်ပွဲလုပ်မယ့် နယ်မှာပဲ မဲဆွယ်ခွင့်ရှိတယ် ဆိုတာ မှန်တယ်လေ။ ရွေးကောက်ပွဲ လုပ်မယ့် မြို့နယ်မှာပဲ မဲဆွယ်ရုံသာမကပဲ တခြားမြို့နယ် တွေမှာလည်း အင်အားပြပြီး လုပ်ခဲ့တာတွေကို ၂၀၁၂ ကြားဖြတ် ရွေးကောက်ပွဲတုန်းက ကြုံခဲ့ပြီးပြီလေ။ ၂၀၁၂ ကြားဖြတ် ရွေးကောက်ပွဲက လွတ်လပ်တယ် ဆိုပြီး တရားမျှတမှုမှ မရှိဘဲ။ ဒါကြောင့် ဦးတင်အေးကနေ ကိုယ်ပြိုင်မယ့် နေရာမှာပဲ ကိုယ်မဲဆွယ်ရမယ်ဆိုတာ ကော်မရှင်က ဥပဒေနဲ့အညီ ပြောကြားတာ ဖြစ်တဲ့အတွက် ဒီပြောကြားချက်ကို ကြိုဆိုပါတယ်””ဟု သုံးသပ် ပြောကြားခဲ့သည်။

ဒီမိုကရက်တစ်ပါတီ(မြန်မာ) မှ ပါတီဥက္ကဋ္ဌဦးသုဝေက ““မဲဆွယ်တာကတော့ ဘယ်နေရာမှာမဆို မဲဆွယ်လို့ ရတာပေါ့။ အရွေးခံတယ် ဆိုရင်တော့ သက်ဆိုင်ရာ မဲဆန္ဒနယ်က လူပဲ အရွေးခံရမယ် ဆိုရင်တော့ သဘာဝ ကျတယ်လေ။ မဲဆွယ်တာ မဆွယ်ရဘူး ဆိုတာတော့ သဘာဝ မကျပါဘူး။ ကျွန်တော်တို့လို ပါတီဥက္ကဋ္ဌတွေဆိုရင် မြန်မာတစ်ပြည်လုံး လိုက်ပြီး မဲဆွယ်မှာပဲလေ””ဟု ဝေဖန် ပြောကြားခဲ့သည်။

၂၀၁၂ ကြားဖြတ် ရွေးကောက်ပွဲကို အမေရိကန်၊ ဥရောပသမဂ္ဂ အပါအ၀င် နိုင်ငံတကာသံတမန်များက လွတ်လပ်၍ တရားမျှတသော ရွေးကောက်ပွဲဟု ပြောဆိုခဲ့သော်လည်း ရွေးကောက်ပွဲ ကော်မရှင်ဥက္ကဋ္ဌ ဦးတင်အေးက လွတ်လပ်လွန်း၍ မမျှတသည့် ရွေးကောက်ပွဲဟု ပြောဆိုခဲ့ပြီး ၂၀၁၅ ရွေးကောက်ပွဲတွင် ၂၀၁၂ ကြားဖြတ် ရွေးကောက်ပွဲကဲ့သို့ မဲဆွယ်မှုများ ပြုလုပ်ပါက အရေးယူသွားမည်ဟုလည်း ထည့်သွင်း ပြောကြား ခဲ့သည်။

ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးသည် ယခင် စစ်တက္ကသိုလ် DSA အပတ်စဉ်(၉) ဆင်းဖြစ်ပြီး ဒုတိယ ဗိုလ်ချုပ်ကြီး(ငြိမ်း) တစ်ဦး ဖြစ်သည့်အပြင် ယခင်က န၀တကောင်စီဝင်၊ ယခင် ဦးပိုင် လီမိတက်ဥက္ကဋ္ဌ၊ တံတားဦးမြို့နယ် ပြည်သူ့လွှတ်တော် ကိုယ်စားလှယ် တစ်ဦးအဖြစ် တာဝန် ထမ်းဆောင်ခဲ့သူ တစ်ဦးဖြစ်သည်။

သဉ္ဇာဆွေ
မြန်မာသံတော်ဆင့်


လက်ရှိနိုင်ငံ၏ ဖွဲ့စည်းပုံ မဏ္ဍိုင်သုံးရပ်တွင် ပါဝင်လျက် ရှိဆဲဖြစ်သည့် ယခင်စစ်အစိုးရ အဖွဲ့ဝင်များ၏ သတင်းမီဒီယာ အပေါ် ပြောကြား သုံးသပ်နေသည့် စကားများမှာ စစ်အာဏာရှင် အလေ့အထ အတွေးအခေါ် အတိုင်းသာဖြစ်ကြောင်း ၀ါရင့်သတင်းစာ ဆရာကြီး တစ်ဦးဖြစ်သော၊ စာနယ်ဇင်းကောင်စီ (ယာယီ) ဒုဥက္ကဋ္ဌ ဆရာကြီး ဖိုးသောကြာ (ခေတ်+မိုး)က သုံးသပ် ပြောကြားလိုက်သည်။

လက်ရှိ သတင်းစာ မီဒီယာ လောက အတွင်း ဖြစ်ပေါ်နေမှု များအပေါ် ဆွေးနွေးမှု ပြုလုပ်စဉ် ဧပြီလ (၉) ရက်နေ့ထုတ် 7 Day ဂျာနယ် တွင် ဖော်ပြခဲ့သည့် ပြည်ထောင်စု လွှတ်တော် နာယကနှင့် တွေ့ဆုံခန်းပါ သူရဦးရွှေမန်း၏ သတင်း မီဒီယာ ဆောင်ရွက်ချက်များ အပေါ် သုံးသပ် ပြောကြားချက် သည် သတင်းမီဒီယာ အပေါ် ခြိမ်းခြောက်သည့် အသွင်ဆောင်ကြောင်းကို အခြေပြုကာ ဆရာကြီးဖိုးသောကြာ (ခေတ်+မိုး)က သတင်း မီဒီယာ ကိုသာမဟုတ် စစ်အာဏာရှင် အလေ့အထ အတွေးအခေါ် ရှိသူများက တစ်တိုင်းပြည်လုံး ကိုပင် ခြိမ်းခြောက်လျက် ရှိနေကြောင်း ပြောကြား လိုက်ခြင်း ဖြစ်သည်။

““သူတို့က စိတ်ဓာတ်ကကို စစ်သား၊ အာဏာရှင် အလေ့အထ အတွေးအခေါ်ပဲ။ သူတို့က မီဒီယာ တစ်ခု တည်းတောင် မဟုတ်ဘူး။ တစ်တိုင်းတစ်ပြည်လုံး ခြိမ်းခြောက်ထားတာ။ မီဒီယာက အသေးအမွှားပဲ။ ရိုးရိုးလေး ပြောရရင် တစ်တိုင်း တစ်ပြည်လုံးနဲ့ ယှဉ်လိုက်ရင် မီဒီယာက အသေးအမွှားပဲ။ တစ်တိုင်းပြည်လုံးကို ခြိမ်းခြောက် ထားတာ။ ၂၀၀၈ ခုနှစ်ဖွဲ့စည်းပုံကို ကြည့်ရင် စစ်တပ်က ၂၅ရာခိုင်နှုန်း ယူထားတာပဲကြည့်၊ ဒီမိုကရေစီ ခုနှစ်ဆယ့်ငါးရာခိုင်နှုန်းပဲ ပေးတယ်။ ဒါပဲ””ဟု ပြောသည်

ယင်းပြောကြား သုံးသပ်မှု ရည်ညွှန်း အခြေပြုခဲ့သည့် သူရဦးရွှေမန်း၏ ပြောကြားချက်မှာ ““မီဒီယာ သမားတွေကို လိုလားတယ်။ မေးရင်လည်း ဖြေချင်တယ်။ မဖြေ နိုင်ဘူးဆိုတာလည်း မဖြစ်စေချင် ဘူး။ မဖြေချင်တဲ့ကိစ်္စကိုတော့ မဖြေခြင်းဖြစ်တယ်။ မီဒီယာများရဲ့ ၀ိုင်းဝန်းအကြံပြုမှု၊ ဝေဖန်မှုကို လည်း ကိုယ်တို့ခံဖို့လိုတယ်။ အဲဒါမှ ကိုယ်တို့အနာဂတ်မှန်မယ်။ မီဒီယာ သမားတွေ စပွင့်လာ၊ တက်တက် ကြွကြွပါလာသလို တချို့လွန်ကျွံ တဲ့အတွက် သက်ဆိုင်ရာ၊ သက် ဆိုင်သူတွေက မီဒီယာသမားတွေ ကို ခံပြင်းနေကြတယ်။ တချို့ဆို တုံ့ပြန်မှုတွေက နည်းနည်းတောင် ပြင်းထန်တယ်။ ဒါကြောင့်မို့ ကိုယ့်လုပ်ငန်းကိုယ် လုပ်ကြမယ်။ မီဒီယာတွေက မီဒီယာလုပ်ငန်းကို လုပ်ကြရလိမ့်မယ်။””ဟု ဖြစ်သည်။

သူရဦးရွှေမန်းက ထိုပြောကြားမှုနှင့် တဆက်တည်းတွင် ““ကိုယ်ရဲ့ အကျင့်သိက္ခာကို ပြန်ထိန်းရမယ်။ ဒီလို ဆောင်ရွက်မယ် ဆိုရင် ကိုယ်တို့ မြန်မာနိုင်ငံ တိုးတက်မှာပဲ။ ပြောမယ် ဆိုရင် တာဝန်ယူမှု၊ တာဝန်ခံမှု၊ ပွင့်လင်းမြင်သာမှုတွေ ပိုလိုအပ်တယ်။ ဒီထက် ထပ်ပြောမယ်ဆိုရင် အခွင့်အရေးကို ဒီထက် ပိုမယူဖို့လိုတယ်”” ပြောကြားချက်အပေါ်လည်း ဆရာကြီးဖိုးသောကြာ (ခေတ်+မိုး)က ““တစ်တိုင်းပြည်လုံးတောင် ဒီမိုကရေစီ ခုနှစ်ဆယ့်ငါး ရာခိုင်နှုန်းပဲပေးတာ။ သတင်းစာက ဘယ်လိုလုပ် တစ်ရာရာခိုင်နှုန်း ဘယ်ရအုံးမလဲ”” ဟု သုံးသပ် မှတ်ချက် ပြုသည်။

ယခုကာလတွင် သတင်းမီဒီယာ လောကအတွင်း ၀ိဝါဒများ ကွဲပြားလျက်ရှိပြီး ယခင်ပါလီမန် ဒီမိုကရေစီ ခေတ်များက သတင်းစာများကဲ့သို့ ညီညွတ်မှု မရှိကြောင်းနှင့် ထိုသို့ဖြစ်ပေါ်စေရန် စစ်အာဏာရှင် အလေ့အထ ရှိသူများကပင် ဆောင်ရွက်ထားခြင်း ဖြစ်ကြောင်း ဆရာကြီးဖိုးသောကြာ (ခေတ်+မိုး)က ပြောသည်။

သတင်းစာလောကအတွင်း ကိုယ်ကျိုးစီးပွားကြည့်၍ ကာကွယ်သူများက မိမိကိုယ်ကို ကာကွယ်ခြင်း၊ အကျိုး ရှာခြင်းဖြင့် မီဒီယာလောကကို ထိခိုက်အောင် ပြုမှုနေကြောင်း၊ ယင်းမှာ သတင်းစာ ကျင့်ဝတ်နှင့် မညီညွတ် ခြင်းသာ ဖြစ်ကြောင်းလည်း သုံးသပ် ပြောကြားလိုက်သည်။

မြန်မာသံတော်ဆင့်

သတင်းမီဒီယာ အသီးသီးက သတင်းထောက်တွေအားလုံး တစ်နိုင်ငံလုံးက အကျဉ်းကျခံနေရတဲ့ သတင်းထောက်အားလုံး ပြန်လည်လွှတ်မြောက်နိုင်ဖို့ ရန်ကုန်မြို့က ကြေးသွန်းဘုရားကြီးမှာ ငါးလေးတွေနဲ့ ငှက်လေးတွေကို လွှတ်ပေးပြီး ဆုတောင်းခဲ့ကြပါတယ် . . . ဆက်လက်ပြီး မကြာမှီအတောအတွင်းမှာလည်း ရန်ကုန်နဲ့ နေပြည်တော်တွေမှာ အကျဉ်းကျခံနေရဆဲ သတင်းသမားတွေ လွတ်မြောက်နိုင်ဖို့ ဆက်လက်တိုက်ပွဲတွေ ၀င်သွားမယ်လို့ သိရပါတယ်။ မြန်မာပြည်သူများ အားလုံးလည်း နှစ်သစ်တွေတိုင်းမှာ အပြည့်အ၀လွတ်မြောက်နိုင်ကြပါစေဗျာ . . .
၂၀၀၇ စက်‌တင်‌ဘာ‌တော်‌လှန်‌‌ရေး စတင်‌ခဲ့တဲ့ ‌ရွှေတိဂုံ‌စေတီအ‌ရှေ့မုဒ်‌ ‌ကြေသွန်းဘုရားကြီးမှာ ဖမ်းဆီးခံသတင်း‌ထောက်‌‌တွေလွတ်‌‌မြောက်‌ရန်‌ ဆု‌တောင်းပွဲးပြုလုပ်‌ပြီး

Photo..soezay yar tun,Moe Htat Myint

Author Name

Contact Form

Name

Email *

Message *

Powered by Blogger.