04/19/14

ဦးဝင်းတင်၏ ကျန်းမာရေးအခြေအနေမှာ အန္တရာယ်ရှိလာသဖြင့် ကျောက်ကပ်ဆေးရန် ဆုံးဖြတ် ကုသရာတွင် အောင်မြင်မှု ရရှိခဲ့သည်။

ကျောက်ကပ်ပုံမှန်အလုပ်မ လုပ်နိုင်သည့်အတွက် ဆီးဆိပ် တက်ခြင်း၊ ဦးနှောက်ပုံမှန်အလုပ် မလုပ်နိုင်ခြင်းများ တဖြည်းဖြည်း ဖြစ်လာနိုင်ခြင်းကြောင့် ဧပြီ ၁၈ ရက် ည ၇ နာရီတွင် ကျောက်ကပ် ဆေးရန် တာဝန်ယူကုသနေသော သမားတော်များက ကာယကံရှင်၏ဆန္ဒပါ ရယူဆုံးဖြတ်ကုသခဲ့ကြသည်။

ကျောက်ကပ်ဆေး ပြီးသည့်တိုင် အသက်ရှင်ရန် ရာခိုင်နှုန်းမှာ ၁၀ ရာခိုင်နှုန်းမှ ၂၀ ရာခိုင် နှုန်းခန့်သာရှိကြောင်း ဒေါက်တာမြင့်သိန်းကပြောကြားသည်။

‘‘ဒီတိုင်းပဲ မဆေးဘဲထား မယ်ဆိုရင် မနက်ဖြန်ဆိုရင် ပိုမောလာမယ်။ မနက်က စကား ပြောနိုင်တယ်။ မနက်ဖြန်ဆိုရင် တော်တော်လေး မပြောနိုင်တော့ ဘူး။ နေ့လယ်ဆိုရင် ရေတွေပို များလာရင် အဆုတ်ထဲကို ၀င် မယ်။ နောက်နှလုံးမညှစ်နိုင်တော့ ဘူး။ အရမ်းမောလာမယ်။ နောက်ထပ် နှစ်ရက်၊ သုံးရက်ပဲ။ ဒီထက် တော့ ပိုမခံနိုင်တော့ဘူး’’ ဟုမိသား စု ဆရာဝန်ဒေါက်တာမြင့်သိန်းက ဦးဝင်းတင်၏ နောက်ဆုံးကျန်းမာ ရေးအခြေအနေကို ဧပြီ ၁၈ ရက် ညနေ ၆နာရီတွင် ရှင်းပြသည်။

စိုးရိမ်ပူပန်မှုများရှိခဲ့သော်လည်း ည ၇ နာရီတွင် စတင်ဆေးကြောကုသခဲ့ရာ ၉ နာရီတွင်အောင်မြင်စွာ ပြီးဆုံးခဲ့သည်။ဒေါ်အောင်ဆန်းစုကြည်ကလည်းကျောက်ကပ် ဆေးကြောသည့်သတင်းကို စောင့်ဆိုင်းနေပြီး အောင်မြင်ကြောင်း သိရသောအခါ ဆရာဝန်များကို ကျေးဇူးတင်စကား ပြောကြားခဲ့ကြောင်း သတင်းရရှိသည်။

နောက်ဆုံးကြိုးစားသည့်အ နေဖြင့် ကျောက်ကပ်ဆေးရန် ကြိုးစားခြင်းဖြစ်သော်လည်း ကိုယ် တွင်းအင်္ဂါများ၏ အခြေအနေမှာ ပုံမှန်အလုပ်မလုပ်နိုင်တော့၍ ပြန် ကောင်းရန် မျှော်လင့်ချက်မရှိနိုင် ကြောင်းလည်း သိရှိရသည်။

ဒေါ်အောင်ဆန်းစုကြည်က ဧပြီ ၁၈ ရက်ညနေ ၄ နာရီခွဲခန့် တွင် ဦးဝင်းတင်ထံ ဒုတိယအကြိမ်လာရောက်ကြည့်ရှုခဲ့သေးသည်။

ဒေါ်အောင်ဆန်းစုကြည်လာရောက်သည့်အချိန်တွင် ဦးဝင်းတင်မှာ စကားပြောနိုင်ပြီး စိတ် လှုပ်ရှားမှုကြောင့် နှလုံးခုန်နှုန်းလည်း ပိုမြန်လာသည်ဟု သိရှိရသည်။

ကျောက်ကပ်ဆေးနေစဉ်ပင် အသက်ဆုံးရှုံးရန် ရာခိုင်နှုန်း များပြားသော်လည်း ဒေါ်အောင်ဆန်းစုကြည်ကလည်း တတ်နိုင်သရွေ့ကုသရန် သဘောတူခဲ့ကြောင်း သိရသည်။

ရန်ကုန်ဆေးရုံကြီး၏ အထူးကြပ်မတ် ကုသဆောင်တွင် ကျောက်ကပ်ဆေးစက်မရှိသော် လည်း ကျောက်ကပ်ဆောင်မှ စက်များကို ရွှေ့၍ ကုသပေးရန် ဆေးရုံအုပ်ကြီးမှ စီစဉ်ပေးခဲ့သည်။ လက်ရှိအခြေအနေအရနိုင်ငံခြားသို့ ပို့ပြီး ကုသပါကလည်း နည်းလမ်းအတူတူသာဖြစ်သည် ဟု ဒေါက်တာမြင့်သိန်းက ပြော ကြားခဲ့သည်။

မတ်လနှောင်းပိုင်းမှစ၍ ဆေးရုံတွင် ကုသမှုခံယူနေရသော နာယကဦးဝင်းတင်၏ ယနေ့အခြေအနေသည် စိုးရိမ်ရသည့်အတွက် ဒေါ်အောင်ဆန်းစုကြည်၊ စာရေးဆရာ ဦးမိုးသူ၊ ဦးမင်းကို နိုင်၊ ဒေါ်ဖြူဖြူသင်းစသည့် နိုင်ငံရေးအသိုင်းအ၀ိုင်းမှ ပုဂ္ဂိုလ်များလာရောက်စောင့်ကြည့်နေခဲ့ကြသည်။

ဓာတ်ပုံ- ဒီချုပ်
7Day News Journal

ပြည်ထောင်စုအစိုးရ၏စီမံအုပ်ချုပ်မှုညံ့ဖျင်းသောကြောင့်မြောက်ဥက္ကလာပ(၂)ရပ်ကွက်ဈေးမှစတင်ပြ်ီးဖရောင်တိုင်မီးကိုစတင်
ထွန်းညှိပြ်ီးပြည်ထောင်စုလွတ်တော်မှအရည်အချင်းမရှိသောဦးသိန်းစိန်အစိုးရအားဖယ်ရှားပြီးလူထုခေါင်းဆောင်ဒေါ်အောင်ဆန်းစုကြည်နှင့်
တိုင်းရင်းသားဒီမိုကရေစီအင်အားစုကိုအစိုးရအဖြစ်တင်မြောက်ပါရန်မြောက်ဥက္ကလာပမှပြည်သူများဖရောင်တိုင်မီးထွန်းညှိပြီးဆန္ဒထုတ်ဖော်
နေကြသည်
ကျော်လွင်
၆း၀၀နာရီ,;;;

KIO ဌာနချုပ်တွင် ပြုလုပ်သော လိုင်ဇာ ညီလာခံ ရလဒ်အဖြစ် ဖွဲ့စည်းခဲ့သည့် တိုင်းရင်းသား လက်နက်ကိုင် အဖွဲ့အစည်းများ၏ တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့(NCCT)နှင့် အစိုးရ ကိုယ်စားပြု ဖွဲ့စည်းထားသော မြန်မာငြိမ်းချမ်းရေးစင်တာ (MPC)တို့ ဦးဆောင်သည့် တစ်နိုင်ငံလုံး အပစ်အခတ် ရပ်စဲရေး စာချုပ်မူကြမ်း တစ်ခုတည်း ရရှိရေး ဆွေးနွေးမှုကို ဧပြီလ (၅)ရက်နေ့မှ (၈)ရက်နေ့အထိ ကျင်းပပြီးစီးခဲ့သည်။ ထိုဆွေးနွေးပွဲသည် မြန်မာ့ငြိမ်းချမ်းရေး ဖြစ်စဉ်အတွက် အရေးပါလွန်းသော အဆင့်တစ်ဆင့်ဖြစ်၍ ရင်တမမ စောင့်ကြည့် ခဲ့ကြရသည်။ ယခင့် ယခင်များက ဆွေးနွေးပွဲများကဲ့သို့ မရေမရာနိဂုံးဖြင့် အဆုံးသတ်သွားမည်ကို စိုးရိမ်တကြီးလည်း ရှိခဲ့သည်။ သို့သော် တိုးတိုးကျယ်ကျယ် အစာမကျေသံများ နှစ်ဖက်စလုံးမှ ထွက်ပေါ် မလာဘဲ ဖက်လဲတကင်း ဆွေးနွေးသံများ အဆုံးနှစ်ဖက် ပူးတွဲ ရေးဆွဲထားသည့် အပစ်ရပ်မူကြမ်း (ပထမ အဆင့်) ရေးဆွဲနိုင်ခြင်းဖြင့် ဆွေးနွေးပွဲ ပြီးဆုံးသွားသလို ယခင်လိုပင် နောက်တစ်ဆင့် ဘယ်တော့ဖြစ်မလဲဟု မျှော်တလင့်လင့် စောင့်ကြည့်နေစရာ မလိုအောင်ပင် အချောသပ်မူကြမ်း ဆွေးနွေးခြင်းကို မကြာမီမေလ ပထမပတ် အတွင်းတွင်ပင် ရန်ကုန်မြို့၌ ထပ်မံပြုလုပ်မည့် ဆွေးနွေးပွဲ သဘောတူ ညီချက်သည်လည်း တစ်ပါတည်း ထွက်ပေါ်လာခဲ့သည်။

ယင်းအခြေအနေ အရဆိုလျှင် ပြီးခဲ့သည့် ဆွေးနွေးပွဲများအတွင်းမှ ထွက်ပေါ်လာခဲ့သော စစ်တပ်ဘက်မှ သြဂုတ်လ အတွင်းတွင် တစ်နိုင်ငံလုံး အပစ်အခတ် ရပ်စဲရေး လက်မှတ်ရေးထိုးမှု ဖြစ်စေရန်ဆိုသော အဆိုပြုချက်မှာ အမှန်တကယ် ဖြစ်လာနိုင်တော့မည်ဟု ယုံကြည် မျှော်လင့်စရာပင် ဖြစ်သည်။

သို့သော်…သို့သော်လည်း၊ ဆွေးနွေးပွဲအပြီး ထိုသို့ ယုံကြည် မျှော်လင့်ချက်များ ရက်ကြာကြာ မရှိသေးခင် ဧပြီလ(၁၀) ရက်နေ့မှစကာ မဆုံးနိုင်သော သံသရာက ကချင်ပြည်နယ်နှင့် ရှမ်းပြည်မြောက်ပိုင်း အတွင်း ပေါ်ပေါက် လာခဲ့ပြန်သည်။ အစိုးရ စစ်တပ်နှင့် KIO လက်အောက်ခံ KIA တပ်များ တိုက်ပွဲဖြစ်ကြပြန်ခြင်းပင်။ အစိုးရ စစ်တပ်မှ စစ်ဘက် အကြီးအကဲများနှင့် KIO မှ ခေါင်းဆောင်များ ပါဝင်သော အပစ်ရပ်မူကြမ်း (ပထမအဆင့်) ထွက်ပေါ်ခဲ့သည့် ဆွေးနွေးမှုအပြီး နှစ်ရက်အတွင်း စတင်ဖြစ်ပေါ်ခဲ့သော ထိုတိုက်ပွဲများသည် မရိုးနိုင်သော သူ့ဘက်ကိုယ့်ဘက်၊ သူမှန် ငါမှန် ပါးစပ်ပြောများဖြင့် ရက်ပေါင်း ကြာညောင်းစွာ ဖြစ်ပေါ်နေလျက် ရှိခြင်းဖြစ်သည်။

သတင်းအရင်း အမြစ်များမှ သတင်း ထုတ်ပြန်မှုများအရ တစ်နိုင်ငံလုံး အတိုင်းအတာဖြင့် ဆောင်ရွက်လျက် ရှိသော သန်းခေါင်းစာရင်း ကောက်ယူမှုများနှင့် ပတ်သက်ကာ တင်းမာမှုဖြစ်ပေါ်ပြီး ဧပြီလ(၁၀) ရက်နေ့တွင် အစိုးရတပ်များက KIA တပ်မဟာ ၃ နယ်မြေ အတွင်းရှိ တပ်ရင်း၂၇ ဒေသသို့ အင်အားတိုးချဲ့ တိုက်ခိုက်မှုများ စတင်ပြုလုပ်ခဲ့ပြီး မန်စီမြို့နယ်အတွင်း ဘမ်ခုန်ယန် ကျေးရွာရှိ KIO အုပ်ချုပ်ရေးရုံးနှင့် KIA တပ်ရင်း၂၇ ရှိ အူလန်ပါ တိုက်နယ် စခန်းများကို သိမ်းယူခဲ့သည်။ ဧပြီလ(၁၁) ရက်နေ့တွင် KIA မှတစ်ဖန် မန်စီမြို့နယ် အတွင်းရှိ မန်းဝိန်းကြီး ရဲစခန်းကို ၀င်ရောက် တိုက်ခိုက် သိမ်းပိုက်လိုက်ကာ ဧပြီလ(၁၂) ရက်နေ့တွင် အစိုးရ စစ်တပ်က မန်းဝိန်ကြီး နှင့် KIA စခန်းဖြစ်သော မြန်မာတရုတ် နယ်စပ်ရှိ ဘမ်ခမ်ဂိတ်စခန်းတို့ကို တိုက်ခိုက် သိမ်းပိုက် လိုက်ပြန်သည်။ ထို့နောက် တိုက်ပွဲများသည် တစ်စတစ်စ နယ်မြေ ကျယ်ပြန့်လာကာ ဗန်းမော်-မိုးမောက် အထက်ပိုင်း၊ ရှမ်းပြည်နယ်မြောက်ပိုင်း KIA တပ်မဟာ ၄ နယ်မြေ အတွင်းတွင်ပါ ဖြစ်ပွားလာခဲ့ တော့သည်။ ဧပြီ(၁၆)ရက်အထိ ရက်ဆက် ဖြစ်ပွားခဲ့သော တိုက်ပွဲများကြောင့် နှစ်ဖက်စလုံးမှ ထုတ်ဖော်ခြင်း မရှိသော်လည်း နှစ်ဖက်ထိခိုက် ကျဆုံးမှုများမှာ အများအပြား ဖြစ်ပေါ်နေပြီ ဖြစ်သည်။

ထိုတိုက်ပွဲများတွင် အစိုးရ စစ်တပ်ဘက်မှ သစ်မှောင်ခို ရှင်းလင်းခြင်း၊ သန်းခေါင်စာရင်းကိစ္စ တင်းမာမှု ဖြစ်ခြင်းတို့ကို အကြောင်းပြကာ နယ်မြေတိုးချဲ့ စိုးမိုးမှု လုပ်ခြင်းဟု KIO ဘက်မှ ပြောကြားမှုများ ရှိနေသည်။ ထူးခြားမှု တစ်ရပ်မှာ ယခုကဲ့သို့ အစိုးရစစ်တပ်နှင့် KIO တို့ တိုက်ပွဲဖြစ် နေစဉ်တွင် KIA ၏ ဒုတိယ စစ်ဦးစီးချုပ် ဖြစ်သူ ဗိုလ်ချုပ်ဂွမ်မော်မှာ အမေရိကန် နိုင်ငံခြားရေး ၀န်ကြီးဌာန၏ ဖိတ်ကြားချက်အရ အမေရိကန်နိုင်ငံသို့ ရောက်ရှိနေသည်။

ယခု တိုက်ပွဲများနှင့် ပတ်သက်၍ အပစ်ရပ်မူကြမ်း (ပထမအဆင့်) ဆွေးနွေးပွဲ အပါအ၀င် မြန်မာ့ငြိမ်းချမ်းရေး ဖြစ်စဉ်ကို အစိုးရကိုယ်စား ဦးဆောင် အကောင်အထည် ဖော်နေသော မြန်မာငြိမ်းချမ်ရေး စင်တာ (MPC)မှ အဖွဲ့ဝင်တစ်ဦး ဖြစ်သည့် ဒေါက်တာမင်းဇော်ဦးက ““ကျွန်တော်တို့ကတော့ နှစ်ဖက်လုံးနဲ့ စကားပြောပြီးတော့ ဒီတိုက်ပွဲအရှိန်ကို လျော့ဖို့ကြိုးစားနေတယ်။ ကျွန်တော်တို့ စပြီး တိုက်ပွဲမဖြစ်ခင် ကတည်းက ဒီလို အရှိန် တက်လာနိုင်တာလေး တွေ့တဲ့အခါမှာ ကျွန်တော်တို့ ၀ိုင်းကြိုးစားကြတယ်။ အခုလည်း နှစ်ဖက်လုံးနဲ့ ဆက်သွယ်ပြီးတော့ ဒါကို အရှိန်လျှော့နိုင်အောင် လုပ်နေပါတယ်””ဟု ဧပြီလ(၁၇) ရက်နေ့က ပြောသည်။

ထိုပြောကြားချက်အရ ယခုကဲ့သို့ တိုက်ပွဲများ မဖြစ်ပွားမီကပင် တိုက်ပွဲများ ဖြစ်ပွားလာနိုင်သည်ကို သိနေ ရပါလျက် သြဂုတ်လအတွင်း တစ်နိုင်ငံလုံး အပစ်ရပ် လက်မှတ်ရေးထိုးမှု ပြုရန် အဆိုပြုထားသည့် အစိုးရ စစ်တပ်မှ အကြီးအကဲများနှင့် NCCT တွင် ကိုယ်စားပြု ပါဝင်နေပါလျက် အပစ်ရပ်မူကြမ်း (ပထမအဆင့်) ဆွေးနွေးပွဲအပြီး တိုက်ပွဲများ ဖြစ်ပွားခြင်းသည် တိုက်ပွဲဖြစ်ပွားမှုကို ရှောင်လွှဲနိုင်ရန် မဆောင်ရွက်ခဲ့သနည်း။

လက်ရှိအစိုးရ၏ ငြိမ်းချမ်းရေး ဖြစ်စဉ်တွင် ဆွေးနွေး အကြံပြုမှုများ ဆောင်ရွက်ခွင့်ရနေသည့် ယခင် ပြည်ပရောက် အမျိုးသားညွှန့်ပေါင်း အစိုးရ(စင်ပြိုင်အစိုးရ) ၏ ကုလကိုယ်စားလှယ် ဒေါက်တာသောင်းထွန်းက ““အပစ်အခတ် ရပ်စဲရေးလုပ်ငန်းတွေကို အကောင်အထည်ဖော်တဲ့ နေရာမှာ အဆင့်ဆင့် အပစ်အခတ် ရပ်စဲရေးနဲ့ ပတ်သက်လို့ စောင့်ကြည့်ရေးအဖွဲ့တွေကို ဖွဲ့စည်းထားသင့်တယ်။ ပြည်နယ်အဆင့်တွေ လုပ်သလို မြို့နယ်၊ ကျေးရွာ အဆင့်တွေလည်း ဆောင်ရွက်သင့်တယ်။ ဒါမှသာ အောက်ခြေတပ်ရင်း အဆင့်မှာ ဖြစ်တဲ့ KIA ဘက်က အင်အားစုတွေနဲ့ အစိုးရဘက်က အင်အားစုတွေဖြစ်တဲ့ တိုက်ပွဲတွေကို ရှောင်လွှဲနိုင်မှာ ဖြစ်တယ်။ ဖြစ်လာတဲ့ ပြဿနာတွေဟာလည်း ဘာကြောင့်ဖြစ်တာလဲ။ တပ်တည်နေရာတွေ တိတိကျကျ မရှိလို့ ဖြစ်တာလား။ ဒါမှမဟုတ် စီးပွားရေး အကျိုးအမြတ် အခြေခံပေါ်မှာ ဖြစ်တာလား။ ဒီပြဿနာတွေကိုလည်း ကျွန်တော်တို့ ခြေခြေမြစ်မြစ် လေ့လာပြီး ဖြေရှင်းဖို့လိုပါတယ်””ဟု တိုက်ပွဲများ ဖြစ်ပွားမှုရပ်တန့် စေနိုင်မှုကို သုံးသပ်ပြောကြားသည်။

အမှန်ဆိုလျှင်၊ ဒေါက်တာသောင်းထွန်းပြောကြားသော စောင့်ကြည့်ရေးအဖွဲ့များ ဖွဲ့စည်းရေး၊ တပ်နေရာချထား ရေးကိစ္စများ ဆောင်ရွက်ရန် အစိုးရနှင့် KIO တို့၏ ၂၀၁၃ ခုနှစ် အောက်တိုဘာလ အတွင်းက ပြုလုပ်သော ငြိမ်းချမ်းရေး ဆွေးနွေးမှုတွင်ပင် သဘောတူညီမှု ရရှိထားကြပြီးဖြစ်သည်။

သို့သော် ထိုသို့သဘောတူညီမှုပြုပြီး နောက်(၄)လအကြာ ၂၀၁၄ခုနှစ်၊ ဇန်န၀ါရီလ အတွင်းက ဖြစ်ပွားခဲ့သော တိုက်ပွဲများ၊ ယခုထိုသဘောတူညီမှု ပြုပြီးနောက် (၇) လအကြာ ဧပြီလတွင် ဖြစ်ပွားသော တိုက်ပွဲများသည်သာ ထပ်ခါတလဲလဲ ဖြစ်နေခဲ့သည်။ လက်တွေ့ ဆောင်ရွက်ရမည့် အပစ်အခတ် ရပ်စဲနိုင်မည့် ဆောင်ရွက်ချက် များကိုမှု အကောင်အထည်ဖော် ဆောင်ရွက်မှုက နှစ်ဖက်စလုံး အားနည်းလွန်းနေသည်သာ။

ထိုဖြစ်ရပ်များသည် မြန်မာ့ငြိမ်းချမ်းရေး ဖြစ်စဉ်အတွင်း စကားဝိုင်း ဆွေးနွေးပွဲများ၏ စားပွဲဝိုင်းများအောက်မှ ထွက်ပေါ်နေသော ယမ်းငွေ့များဖြစ်သလို အစိုးရနှင့် တိုင်းရင်းသား အဖွဲ့အစည်းများကြား ငြိမ်းချမ်းရေး ဖြစ်စဉ် ဆောင်ရွက်မှုများအတွင်းမှ ပဟေဠိဆန်ဆန် အပြုအမှုများလည်း ဖြစ်သည်။

ထိုပဟေဠိသည် အထက်တွင် ဖော်ပြခဲ့သော ဒေါက်တာသောင်းထွန်း၏ သုံးသပ်စကားများထဲမှ စီးပွားရေး အကျိုးအမြတ်အပေါ် အခြေခံထားသော ပဟေဠိများသာ ဆိုလျှင် လာမည့် သြဂုတ်လအတွင်း တစ်နိုင်ငံလုံး အပစ်အခတ် ရပ်စဲရေး လက်မှတ်ရေးထိုးမှု ဆောင်ရွက်နိုင်ခဲ့သည် ဆိုလျှင်ပင် အမှန်တကယ် အောက်ခြေတွင် အပစ်အခတ် ရပ်စဲရေး ဆောင်ရွက် နိုင်ပါမည်လား ဆိုသည်က စဉ်းစား အဖြေရှာရမည် ဖြစ်သည်။

ယခုအတိုင်းသာ စားပွဲဝိုင်းအောက်မှ ယမ်းငွေ့များ ထွက်ပေါ်နေဆဲသာ ဆိုပါက ထိုငြိမ်းချမ်းရေး ဖြစ်စဉ်ကို ကိုယ်တိုင်ပါဝင် နေကြသူချင်းသာမက ဒေသအသီးသီးရှိ တိုင်းရင်းသား ပြည်သူများ၏ မယုံကြည်မှုကိုလည်း ဖျောက်ဖျက် ရနိုင်မည် မဟုတ်ပေ။

ယခု KIO နှင့် အစိုးရကြား တိုက်ပွဲများ ဖြစ်ပေါ်နေမှုကြောင့်ပင် ဒေသခံ ပြည်သူများအတွင်း မြန်မာ့ငြိမ်းချမ်းရေး ဖြစ်စဉ်ကို မယုံကြည်မှုများ တိုးပွားလာနိုင်သည်ဟု သုံးသပ်မှုများ ရှိလာသည်။

““တစ်ဖက်မှာ တစ်နိုင်ငံလုံး အပစ်အခတ်ရပ်စဲရေးအတွက် အလေးအနက် ဆွေးနွေးနေတယ်ဆိုပြီး အခုလို အောက်ခြေမှာ တိုက်ပွဲတွေ ဖြစ်နေ တာက ဒေသခံ ပြည်သူကြားမှာ အခုငြိမ်းချမ်းရေးဖြစ်စဉ်ကို အယုံအကြည် မဲ့လာစေနိုင်တယ်”” ဟု ဒေါက်တာသောင်းထွန်းက မြန်မာသံတော်ဆင့်သို့ ဧပြီလ(၇)ရက်နေ့က ပြောကြား သည့် သူ၏ သုံးသပ်ချက်တွင် ထည့်သွင်း ပြောကြားခဲ့သည်။

ပြည်သူလူထု ယုံကြည်မှုကို မရရှိသော ငြိမ်းချမ်းရေး ဖြစ်စဉ်သည်က …။

မြန်မာသံတော်ဆင့်

ယနေ.ည (၇) နာရီမှ စတင်ပြီး ဆောင်ရွက်ခဲ့သော အဘဦးဝင်းတင်အား
ကျောက်ကပ်ဆေးကြာကုသမှုမှာ ည(၉း၂၅) မိနစ်တွင် အောင်မြင်စွာပြီးစီး၏
ခဲ့ပြီဖြစ်ကြောင်း သတင်းကောင်းပါးအပ်ပါတယ်။

ကျော်စွာမြင့်
(၁၉၈၈-၁၉၉၂ ဗ.က.သ )
အမျိုးသားဒီမိုကရေစီအဖွဲ့ချုပ် နာယက ဦးဝင်းတင်၏ ကျန်းမာရေးအခြေအနေအား လာရောက်ကြည့်ရှုသော ဥက္ကဌ ဒေါ်အောင်ဆန်းစုကြည် ဦးမင်းကိုနိုင် ဒေါ်ဖြူဖြူသင်းတို့ နှင့် သတင်းမေးမြန်းသူများအား ၂၀၁၄ ခုနှစ် ဧပြီလ ၁၈ ရက် ညနေပိုင်းက ရန်ကုန်ပြည်သူ့ဆေးရုံကြီး အထူးကြပ်မတ်ကုသဆောင်အတွင်း တွေ့ရစဉ်။
ဓါတ်ပုံ - Nyan Aye
ရန်ကုန်ဆေးရုံကြီး အထူးကြပ်မတ်ဆောင်မှာ ကုသခံနေရတဲ့ သတင်းစာ ဆရာကြီး ဟံသာဝတီ ဦးဝင်းတင်ရဲ့ အခြေအနေဟာ အရေးကြီးနေပြီဖြစ်သလို အသက်အန္တရာယ် ရှိနေပြီဖြစ်တယ်လို့ သူရဲ့ မိသားစုဆရာဝန် ဒေါက်တာ ဦးမြင့်သိန်းက ပြောပါတယ်။

ဦးဝင်းတင်ရဲ့ကျန်းမာရေး အခြေအနေနဲ့ ပတ်သက်ပြီး ဒေါက်တာ ဦးမြင့်သိန်းကို ဆက်သွယ်မေးမြန်းထားပါတယ်။

dvb burmese
အမျိုးသားဒီမိုကရေစီ အဖွဲ့ချုပ် (NLD) ရဲ့ နာယက အဖွဲ့ဝင်လည်းဖြစ် အထင်ကရ သတင်းစာဆရာကြီး တဦးလည်းဖြစ်တဲ့ ဦးဝင်းတင်ရဲ့ ကျန်းမာရေး အခြေအနေဟာ စိုးရိမ်ရတဲ့ အနေအထားမှာ ရှိတယ်လို့ သူ့ကို လိုက်ပါစောင့်ကြည့် ပေးသူတွေက ပြောပါတယ်။

ဦးဝင်းတင်ကို အနီးကပ် ပြုစုပေးနေတဲ့ ဦးမောင်မောင်နိုင်က “စိုးရိမ်ရပါတယ်၊ တော်တော်စိုးရိမ်ရတဲ့ အနေအထားပါပဲ၊ ဆီးမသွားနိုင်ဘူး။ ကျောက်ကပ်က အလုပ်မလုပ်တော့ စိုးရိမ်ရပါတယ်။ လတ်တလော အခြေအနေကတော့ အချိန်မရွေး ဖောက်နိုင်တာပေါ့။ ကျောက်ကပ်က ဆီးမသွားနိုင်တော့၊ ကျောက်ကပ်ကို ဆေးမလား၊ မဆေးဘူးလားဆိုတာကို ဆရာဝန်ကြီးတွေ တိုင်ပင်နေတာ” လို့ သူက ဧရာဝတီကို ပြောပါတယ်။

ဦးဝင်းတင် ဆေးရုံတက်နေရတာ တလကျော်နေပြီ ဖြစ်ပါတယ်။ ပြီးခဲ့တဲ့ မတ်လ ၁၂ ရက်နေ့ကတည်းက ရန်ကုန်မြို့ လမ်းမတော် မြို့နယ် လမ်းသစ်လမ်းရှိ Green Cross ဆေးရုံမှာ စတက်ခဲ့ပြီး ၁၅ ရက်အကြာမှာ ဝိတိုရိယဆေးရုံကို ပြောင်းခဲ့ပြီး နောက်ဆုံး ရန်ကုန်ဆေးရုံကြီးကို ပြောင်းရွှေ့ကုသခဲ့ရတာ ဖြစ်ပါတယ်။

ဂျာမနီနဲ့ ပြင်သစ်နိုင်ငံ ခရီးစဉ်တွေကနေ နှစ်ဆန်းတရက်နေ့မှာ ပြန်ရောက်လာခဲ့တဲ့ NLD ဥက္ကဋ္ဌ ဒေါ်အောင်ဆန်းစုကြည် ကလည်း အဲဒီနေ့ ညနေပိုင်းမှာပဲ ဦးဝင်းတင် ဆေးကုသမှု ခံယူနေတဲ့ ရန်ကုန်ဆေးရုံကြီး အထူးကြပ်မတ် ကုသဆောင်ကို ကိုယ်တိုင်သွားရောက်ပြီး ကျန်းမာရေးအခြေအနေ လာရောက် မေးမြန်းကာ ၄၅ မိနစ်အကြာ ဦးဝင်းတင်နဲ့ စကားပြောဆို သွားတယ်လို့လည်း သိရပါတယ်။

ဒါ့အပြင် ဦးဝင်းတင်ရဲ့ ကျန်းမာရေးနဲ့ ပတ်သက်တဲ့ လိုအပ်ချက်တွေကို စီစဉ်ဖို့ ဆရာဝန်တွေနဲ့လည်း တိုင်ပင်မှုတွေ ပြုလုပ်သွားသလို ဆေးရုံဝန်ထမ်းတွေနဲ့လည်း တွေ့ဆုံသွားတယ်လို့ သိရပါတယ်။

“အားပေးစကားလာပြောတယ်၊ ပြီးတော့ ဘဘ ကျန်းမာရေးအတွက် ရှေ့ဆက် ဆောင်ရွက်ရမယ့်ဟာတွေကို ဆရာဝန်ကြီးတွေနဲ့ သတ်သတ် အစည်းအဝေးလုပ်ပြီး ဆွေးနွေးကြပါတယ်” လို့ ဦးမောင်မောင်နိုင်က ဧရာဝတီကို ပြောပါတယ်။

ဦးဝင်းတင်ရဲ့ လတ်တလော ကျန်းမာရေး အခြေအနေဟာ နိုင်ငံခြားမှာ ကူးပြောင်းကုသဖို့ အခက်အခဲတွေ ရှိနေသေးပေမယ့် အကယ်၍ အခြေအနေ ပေးလာခဲ့ရင် အဆင်သင့် သွားနိုင်ဖို့အတွက် ပြည်ထဲရေး ဝန်ကြီးဌာနကလည်း နိုင်ငံကူးလက်မှတ် ဒီကနေ့ပဲ ထုတ်ပေးလိုက်ပြီ ဖြစ်တယ်လို့ သိရပါတယ်။

ဦးဝင်းတင် ကျန်းမာရေး အခြေအနေ ကောင်းမွန်ဖို့အတွက် ရန်ကုန်မြို့အပါအဝင် ဒေသျွှချို့က NLD လူငယ်အဖွဲ့ဝင်တွေနဲ့ လူမှုကူညီရေး အဖွဲ့တွေက ဆုတောင်းပွဲတွေပြုလုပ်ခဲ့ကြပါတယ်။

အသက် ၈၅ နှစ် ရှိပြီဖြစ်တဲ့ ဦးဝင်းတင်ဟာ ထောင်တွင်းမှာ ရရှိခဲ့တဲ့ ရောဂါဝေဒနာတွေကြောင့် ထောင်က ထွက်လာပြီးတဲ့ နောက်ပိုင်းမှာ ဆေးရုံကို မကြာခဏ တက်ရပြီး ပြီးခဲ့တဲ့ နှစ်ပိုင်းတွေကလည်း အာရှတော်ဝင်နဲ့ Green Cross ဆေးရုံတွေမှာ မကြာခဏ ဆေးကုသမှု ခံယူနေရပါတယ်။

၁၉၈၈ ခုနှစ် ဒီမိုကရေစီရေး လှုပ်ရှားမှုမှာ ပါဝင်ခဲ့ရာ ၁၉၈၉ ခုနှစ် ဇူလိုင်လမှာ စစ်အစိုးရက ထောင်ဒဏ် အနှစ် ၂၀ ချမှတ်ခြင်း ခံခဲ့ရပြီး ထောင်တွင်းမှာ ၁၉ နှစ်ကျော် နေခဲ့ရသူ ဖြစ်ပါတယ်။ ၂၀၀၈ ခုနှစ် စက်တင်ဘာလ ၂၃ ရက်မှာ အင်းစိန် အကျဉ်းထောင်က ပြန်လည် လွတ်မြောက်လာခဲ့ပါတယ်။

စစ်အာဏာရှင် စနစ်ကို ရဲရဲဝံ့ဝံ့ ဆန်ကျင်ခဲ့သူ ဦးဝင်းတင်ဟာ အခုအထိ မြန်မာ့နိုင်ငံရေးနဲ့ ပတ်သက်ပြီး အတိုက်အခံ၊ အာဏာရှင် မခွဲခြားဘဲ ပွင့်ပွင်လင်းလင်း ထောက်ပြ ဝေဖန်ပြောဆိုနေသူလည်း ဖြစ်သလို ထောင်ဝတ်စုံကို အဆင်အမြဲ ၀တ်ဆင်နေသူလည်း ဖြစ်ပါတယ်။

၂၀၁၃ ခုနှစ် ဧပြီလ အတွင်းမှာ ထောင်ဝတ်စုံ ပြန်မအပ်တဲ့ အကြောင်းပြချက်နဲ့ အစိုးရ တာဝန်ရှိသူတချို့က အရေးယူဖို့ ပြုလုပ်ခဲ့ပါသေးတယ်။


Credit : ဧရာဝတီ

Author Name

Contact Form

Name

Email *

Message *

Powered by Blogger.