04/23/14

( ဦးဝင်းတင် ကွယ်လွန်ပြီးနောက်  ဒေါ်အောင်ဆန်းစုကြည်ကို မေးထားတာလေး ဘာသာပြန်ပြီး အမှတ်တရ အနေနဲ့ note  မှာ သိမ်းထားတာပါ ။ )




  • Suu ။         ။  ဒါ ဆုံးရှုံးမှုကြီးတစ်ခုပါဘဲ .........ဒါပေမယ့်တချိန်တည်းမှာဘဲ  ''  ပျောက်ပျက်  '' သွားတာ လို့ ပြောလို့ မရပြန်ပါဘူး ။ ဘာလို့လည်းဆိုတော့ သူ့ရဲ့ အတွေးအမြင်တွေ ၊ သူ့စကားတွေ ၊ သူ့ရဲ့ နမူနာတွေဟာ ကျမတို့နဲ့ အမြဲတမ်း ရှိနေဦးမှာမို့ပါ ။ ထူးခြားစံပြုစရာလူတွေကို ဆုံးရှုံးရရင် ဖြစ်တတ် သလိုဘဲပေါ့....ဒါဟာ ဆုံးရှုံးမှု ပါ  ။ ဒါပေမယ့် ပျောက်ပျက်သွားတာ မမည်ပါဘူး ။ သူ ကျမတို့နားမှာ ရှိနေဦးမှာပါ ။ 


  • မေး  ။          ။  ၁၉၈၈  ကာလ  NLD   ဖွဲ့စည်းရာမှာ ပါဝင်ခဲ့တဲ့ သူ့ရဲ့အခန်းကဏ္ဍကိုလည်း နည်းနည်းလောက်ပြောပါဦး ။ 



  • Suu ။          ။    NLD   ကို ဖွဲ့စည်းဖို့ ကျမတို့တတွေ အတူဆွေးနွေးခဲ့ကြတယ် ။  နိုင်ငံရေးပါတီတစ်ခု မဖွဲ့လို့ မရတော့ဘူး ဆိုတာ ကျမတို့ နောက်ဆုံးမှာ လက်ခံဆုံးဖြတ်လိုက်ရတယ်လေ   ။ သူရော ကျမရော  နှစ်ယောက်လုံးက ပါတီ ဖွဲ့ရမှာကို မလိုလားပါဘူး ။ ဒါပေမယ့်လည်း အဲဒီအချိန်တုန်းက အခြေအနေတွေအရ ဖွဲ့ခဲ့ရတယ် ။ ဒီလိုနဲ့ စခဲ့ကြတာပါဘဲ ။ 





  • မေး ။          ။   အကျယ်ချုပ်ကျခဲ့တဲ့ အချိန်ကာလ ပမာဏအတွက် ဒေါ်စုကို  ကမ္ဘာက သိကြတယ် ။ ဦးဝင်းတင်က ထောင်ထဲမှာ   ၁၉  နှစ်နေခဲ့ရတာနော် ။ 



  • Suu ။           ။  ဟုတ်ပါတယ် ။ သူက ကျမထက် အများကြီး ခံစားခဲ့ရတာပါ ။



  • မေး  ။          ။သူ့က အဘက်ဘက်မှာ ဒေါ်စုထက် ပိုပြီး ဒုက္ခခံခဲ့ရတယ်ပေါ့ ။ 



  • Suu ။          ။  သိပ်မှန်ပါတယ် ။ ကျမ အမြဲပြောခဲ့ဖူးပါတယ် .....ထောင်ထဲ ၀င်ခဲ့ရတဲ့ လူတွေနဲ့ ယှဉ်ရင် ကျမခံစားရတာ ဘာမှ မပြောပလောက်ပါဘူးလို့ ပါ ။  ထောင်ထဲမှာ ငါးနှစ်လောက်ဘဲ နေရရင်တောင်  အကျယ်ချုပ်  ၁၅ နှစ်ထက် အများကြီး ပိုဆိုးပါတယ် ။ သူ ထောင်ထဲမှာ နေခဲ့ရတာ  ၁၉   နီးပါးပါ ။




  • မေး ။          ။  အသက်ကြီးသူတစ်ယောက်ဖြစ်နေတော့ ပိုခံစားရတာပေါ့ ။ 




  • Suu ။         ။  ဟုတ်ပါတယ် ။  အဲဒီတုန်းက သူ့ကျန်းမာရေးက ကောင်းလှတယ်လို့ ကျမတော့ မထင်ဘူး ။ ထောင်ထဲ ၀င်သွားရတဲ့အချိန်တွေမှာ ဒေါင်ဒေါင်မြည် ကျန်းမာရေးမျိုး မရှိခဲ့ဘူး ဆိုပါတော့ ။ အသက်ကလည်း  ၆၀  ကျော်နေပြီလေ ။ ထောင်ထဲမှာ သူ့ကို ထားတဲ့ ပုံကလည်း  မသက်သာလှဘူး ။ ဒီတော့ ကျန်းမာရေး ပိုဆိုးလာတယ် ။ သွားတွေအားလုံး ထောင်ထဲမှာဘဲ ဆုံးရှုံးခဲ့ရတာ ။ တကယ့်ကို ခက်ခဲကြမ်းတမ်းတဲ့ကာလပါ ။ ဒါပေမယ့် သူကတော့ ဘယ်တော့မှ မတွန့်ဆုတ်ခဲ့ဘူး ။  ကွယ်လွန်သွားပြီဖြစ်တဲ့ အာဏာရှင် ဦးနေ၀င်းကလည်း သူ့ကို သိပ်ပြီး ကြည်ညို လေးစားခဲ့ပါတယ် ။ ဘာလို့လည်းဆိုတော့ ဦးဝင်းတင်ရဲ့ ကလောင်စွမ်းကို သူသိတယ်လေ ။ နောက်ပြီး ဦးဝင်တင်ဟာ သိပ်ကို ရိုးသား ဖြောင့်မတ်တဲ့လူတစ်ယောက်ဆိုတာ သူသိတယ် ။ ဒီရိုးသားဖြောင့်မတ်မှုကဘဲ ခွန်အားကြီးတစ်ခုပါဘဲ ။ 





  • မေး ။         ။   သူက ပါတီကိစ္စတွေ ၊ တခါတလေ ဒေါ်စု လုပ်ပုံကိုင်ပုံကို ဝေဖန်ရမယ့် ကိစ္စတွေမှာတောင် သူ့အမြင်ကို ရိုးရိုးသားသား မထိန်မချန် ပြောတတ်တယ် ဆိုပြီး လူသိများတယ်နော် ။  ။ ဒီအတွက်ဘဲ ဒေါ်စုက သူ့ကို တစ်နည်းအားဖြင့် ပိုပြီး လေးစားခဲ့တာမျိုး ရှိခဲ့သလား ။ 



  • Suu  ။        ။    ဒီအတွက်တော့ လေးစားမှု ပိုတယ် လျော့တယ် လို့ မရှိခဲ့ပါဘူး ။ ကိုယ့်အမြင်နဲ့ကိုယ် ရှိခွင့် ရှိတယ် ဆိုတာ ကျမတို့ နှစ်ယောက်လုံးက လက်ခံထားခဲ့ပါတယ် ။ ဒါပေမယ့် ယေဘုယျအားဖြင့်တော့ ကျမတို့ တစ်ယောက်နဲ့ တစ်ယောက် အတော်လေး ရင်းရင်းနှီးနှီး ရှိခဲ့ပါတယ် ။ ကျမ   ( ၁၇ ) ရက်နေ့  ဥရောပက ပြန်လာပြီး သူ့ကို သွားတွေ့တော့ သူက ပြောတယ်.....ကျမကို အားကိုးပါတယ် ၊ ယုံလည်း ယုံကြည်ပါတယ် ၊ ကျမဟာ အဲဒါကို လုပ်နိုင်စွမ်း ရှိမယ့် တစ်ဦးတည်းသောသူပါဘဲ  တဲ့ ....'' အဲဒါ '' ဆိုတာ သူဘာကို ဆိုလိုတာဘဲဖြစ်ဖြစ် သူကတော့ အဲလို ပြောခဲ့တာပါဘဲ  ။ 




  • မေး ။        ။   သူမရှိတော့တဲ့ လက်ရှိကာလမှာ  မြန်မာပြည်ဟာ သူဖြစ်စေချင်တဲ့ ဒီမိုကရေစီနိုင်ငံစစ်စစ်ကို ရောက်ဖို့ နီးနေပြီလို့များ ဒေါ်စု ထင်ပါသလား ။


  • Suu ။      ။    ၁၉၈၈  ထက်စာရင်တော့ နီးပြီပေါ့ ။ သူ့လို လူတွေရဲ့ ကျေးဇူးကြောင့်ဘဲ  သူဖြစ်စေချင်တဲ့ နိုင်ငံတစ်ခု ဖြစ်ဖို့ ကျမတို့ နီးလာပြီဆိုတာ သံသယ ရှိစရာ မလိုပါဘူး ။ 


                                *****************************************










ဘဘမှာ ဘာမှမရှိ။ အိမ်မရှိ၊ ကားမရှိ၊ ငွေမရှိ၊ မိသားစုမရှိ။ ရှိသမျှ သူများ ပေးပစ်သူ။သတင်းစာအယ်ဒီတာဘဝကတည်းက ကျောင်းမနေနိုင်သူတွေကို ကျောင်းထားပေးခဲ့သူ။ လိုအပ်သူတွေကို အကုန်မျှဝေပေးခဲ့သူ။ ကိုယ့်အတွက် စုဆောင်းသိုမှီးတာမျိုး လုပ်ရိုးထုံးစံမရှိသူ။

၂၀၀၈-မှာ ထောင်ကလွတ်လာတော့ ဘဘကို ကြည်ညိုလွန်းလို့ ပြည်တွင်းပြည်ပက ဝိုင်းကန်တော့ကြတဲ့ ငွေတွေကို မလွတ်မြောက်သေးတဲ့ နိုင်ငံရေးအကျဉ်းသားတွေအတွက် အကုန်သုံးတာပဲ။ ဦးဝင်းတင် ဖောင်ဒေးရှင်းဆိုပြီး အမည်နာမနဲ့ ဖြစ်လာတာ နောက်မှ။

အဲတုန်းက အင်းစိန်က မိတ်ဆွေတယောက်အိမ်မှာ နေတယ်။ မိတ်ဆွေတွေက သွားလာဖို့ ကားစီစဉ်ပေးပေမယ့် မစီးဘူး။ Taxi လည်းမစီးဘူး။ လိုင်းကားကိုဘဲ ပြည်သူကြားမှာ တိုးဝှေ့စီးခဲ့တယ်။ အင်းစိန်လိုင်းကားပေါ်မှာ မူးမေ့သွားလို့ ဘဘကို နောက်ယောင်ခံစာင့်ကြည့်ရတဲ့ ရဲစုံထောက်က အိမ်အထိ လိုက်ပို့ပေးရတာမျိုးလည်း ရှိခဲ့တယ်။

အတ္တလောဘဆိုတဲ့ ထမ်းပိုးစရာ ကိုယ်ပိုင်ဝန်ထုပ်ကြီး မရှိလို့လည်း ကိုယ်ယုံကြည်ရာ အများအကျိုးကို သည်လောက်အနာခံပြီး ဆောင်ရွက်နိုင်ခဲ့တာပဲ။ ဘဘဟာ အတောင်သာလျှင် ဝန်ရှိသော ငှက်ကဲ့သို့ .... မရှိ၍ ရှိသောသူ ...။

မှတ်ချက်။ ။အောက်က ဓာတ်ပုံကလေးတွေ့မိလို သည်စာကို ရေးမိတယ်။ ဘဘပိုင်ဆိုင်မှုဟာ ဒါ့ထက် အများကြီးမပိုဘူး။ ဓာတ်ပုံပိုင်ရှင်ကတော့ ဂျပန်ဓာတ်ပုံသတင်းထောက် Norio Kai ဖြစ်ပါတယ်။ —

Phoe Wunna


သတင်းစာဆရာကြီး ဟံသာဝတီ ဦးဝင်းတင်ဟာ ဒီvideoကို သူမရှိတော့တဲ့နောက်မှဘဲ DVBကို ထုတ်လွှင့်ဖို့ပြောထားလို့ ယခုအချိန်ကျမှထုတ်လွှင်ရခြင်းဖြစ်ကြောင်းသိရှိရပါတယ်..

တဆက်တည်းမှာဘဲဒါရိုက်တာမိုက်တီးရဲ့ရေးသားချက်ကိုဖော်ပြလိုက်ပါတယ်...

ဦးဝင်းတင် ကွန်မြူနစ်ဆိုလို့ပါ ။

တရုပ်ပြည် ကွန်မြူနစ်ပါတီ တဲ့ ၊
ကဲ - သူ့ထက် နစ်တဲ့ ကွန်မြူနစ်ရှိအုံးမလား !
အဲဒီလောက်နစ်တဲ့ မဟာကွန်မြူနစ် အစစ်ကြီးကိုမှ ချစ်လှပါချည်းရဲ့လို့ စ ပြီးဆရာတင်လာတာ ဆွေမျိုးပေါက်ဖေါ်
ကိုရှူ့မောင် ခေါ် ဗိုလ်နေဝင်း လေဗျာ ၊

ရှေ့ဆောင်နွားလား က မဟုတ်တရုတ်ကို အဖေ လုပ်ခေါ်မှတော့ နောက်နွားတသိုက်ကလည်း ဒီနေ့ထိအောင်
ဖေဖေပါပါ မော်စီတုန်းဝမ်ပေါင် ပေါ့ဗျာ ၊
အဖေနဲ့သားများ အပြန်အလှန်လုပ်စားလာကြတာ ၊
ခုချိန်ထိအောင်ဆို နှစ်ပေါင်းဘယ်လောက်တောင်ရှိပလဲ ၊

ဟော - အခုဆို ပိုတောင်ဆိုးတာ အဲဒီကွန်မြူနစ်ပါတီကြီးနဲ့ မြန်မာပြည်က ဘာညာပါတီကြီးက ရွှေလမ်းငွေလမ်းတွေအကြီးအကျယ်ဖောက်ပြီး အကြောင်းဆက်ပေါင်းဖက်ကြအုံးမတဲ့ ၊
ကွန်မြူနစ်ကိုဘယ်လောက်ချစ်သလဲဆိုတာ !

အဲဒါကို ကြားထဲကမဆီမဆိုင် ဦးဝင်းတင်က ကွန်မြူနစ်ဝင်ဖြစ်ပေးစရာလား !
ဦးဝင်းတင်နဲ့ ဦးသန်းရွှေက ကျေးညီနောင်ဇာတ်လို အမွှာညီအကိုလောက်တော်နေလို့လား !
စဉ်းစား ! စဉ်းစား !
ဘယ်သူ့ကို ကွန်မြူနစ်ကင်ပွန်းတပ်ရမလဲ ဆိုတာ ၊

ဒါတောင် မြန်မာစစ်အစိုးရဘက်ကလည်း စိတ်တော့ဆိုးအုံးမှာပဲနော် ၊
နောက်ပိုင်းဇာတ်တွေမှာက တရုတ်ကွန်မြူနစ်ကတောင်ူ့သူ့ကိုဆရာပြန်တင်လာကြရတာကိုး ၊

ကြည့်လေ - ၁၉၈၈ အရေးတော်ပုံကြီးဖြိုခွင်းနည်းအတိုင်း
တရုပ် တီယင်နမ်အရေးအခင်းကိုဖြေရှင်းလိုက်ရတယ်လေ ၊

ပြီးတော့ နောက်နှစ် ၂၀ အကြာ ၂၀၀၇ သံဃာအရေးအခင်:
- ဒီပုံစံအတိုင်းပဲလေ - တိဘက်ဘုန်းတော်ကြီးတွေကိုရှင်းပြစ်တာ ၊
ကွန်မြူနစ်တောင် အဖေပြန်ခေါ်ရပုံများ -

ကျွန်တော်တို့ဗုဒ္ဓဘာသာမှာ
ဘုရား တရား သံဃာ မိဘ ဆရာ တဲ့
အနန္တေ အနန္တ ငါးပါးဆိုတာ ဘာလဲ !
ပြောနေဖို့တောင်မလိုတော့ပါဘူးနော် ၊ အဲဒါကိုကြည့်အုံး -

ဘုရားနဲ့ပါတ်သက်ရင် . . . သိမ်-ကျောင်း-ဘုရား ဖျက်ပြီးသား -

တရားနဲ့ပါတ်သက်ရင်. . . ဘုရားမဟောခဲ့တာတွေ လိုက်ဟောခိုင်းနေပြီလေ -

သံဃာ - သိပ်မလုပ်ပါဘူး ဂိုဏ်းခွဲရုံတင်လေးပဲ -

မိဘ - တကယ့်မိဘကတော့ သေကြလောက်ပါပြီ ၊
အများအမြင်အရ အော့နှလုံးနာချင်စရာက ဗိုလ်ချုပ်အောင်ဆန်းလို တပ်မတော်ကြီးရဲ့ဖခင်တယောက်ကို ဘယ်လိုတွေပုံပြီးကျေးဇူးတွေဆပ်နေသတုံးဆိုတာ -

ဆရာ - တအားသိတတ်ကြပါတယ် - ခေ တ်အဆက်ဆက် စာပေပညာရှင်ကြီးများကို အရာထားလိုက်ပုံများ . . . လောလောလတ်လတ် အခု ဆရာကြီးဦးဝင်းတင် ဆုံးရှာရတာသာကြည့်ပါတော့ဗျာ -

ကိုင်း - အဲဒီတော့ ဦးဝင်းတင် က ကွန်မြူနစ်သလား
ဘယ်သူတွေက တိုင်းပြည်ကို နစ်အောင်လုပ်တဲ့ ဘယ်လိုကောင်စားမျိုးလည်းဆိုတာ ကင်ပွန်းတပ်ဖို့လေးပါ စဉ်းစားကြပါတော့ဗျာ ။

မိုက်တီး

၁၉၈၈ ခုနှစ် ရွှေတိဂုံစေတီ အနောက်မုဒ် ဒေါ်အောင်ဆန်းစုကြည် တရားပွဲအပြီး အမှတ်တရ။ ၀ဲမှယာ - ဦးမျိုးညွန့်၊ စာရေးဆရာကြီး မောင်ကိုယု (ကွယ်လွန်)၊ မောင်သော်က (ထောင်တွင်း၌ ကွယ်လွန်)၊ ဟံသာဝတီ ဦးဝင်းတင် (ကွယ်လွန်)၊ ရုပ်ရှင်မင်းသားကြီး ဦးထွန်းဝေ (ကွယ်လွန်)၊ မောင်မိုးသူနှင့် ဒါရိုက်တာ ပန်းချီစိုးမိုး။

-(ဓာတ်ပုံ- ထိန်ဝင်း)
မောင်မိုးသူ

ကိုဝင်းတင်ကို သဘောထား တင်းမာတယ်လို့ ပြောကြတယ်။ သဘောထား တင်းမာတာ မဟုတ်ဘူး ။ ယုံကြည်ချက် ခိုင်မာတာ ။ အယူအဆတွေ မတူခဲ့ရင် ညှိနှိုင်းတိုင်ပင်
ဆွေးနွေးရမယ်ဆိုတာ ကိုဝင်းတင်ရဲ့ အယူအဆပါ ။ ဒါပေမယ့် ဒေါ်အောင်ဆန်းစုကြည်က စစ်တပ်နဲ့ လက်တွဲ အလုပ်လုပ်ပြီး နားလည် ခွင့်လွှတ်ပေးနိုင်ခဲ့ပေမယ့် ကိုဝင်းတင်
ကတော့ စစ်တပ်ကို ခွင့်မလွှတ် ၊ မကျေလည်ဘူးလို့ ပြောဆိုခဲ့တယ်။ အဲဒါကို
ကျနော်လည်း သဘောတူတယ်။

၈၈ ကာလတုန်းက စာရေးဆရာသမဂ္ဂဆိုပြီး ထောင်ထားတဲ့ ကျနော်ရယ် ၊ ကိုဝင်းတင်ရယ်၊
မောင်သော်ကတို့က Artist လို့ခေါ်တဲ့ လွတ်လပ်မှုကို ခုံမင်တဲ့ အနုပညာသမားတွေ အဖြစ်နဲ့ စစ်တပ်ကို လမ်းပေါ်ထွက်ပြီး ဆန့်ကျင်ခဲ့ကြတယ်။ အဲဒီအချိန်မှာ ကျနော်တို့ ၃ ယောက်က
ဒေါ်အောင်ဆန်းစုကြည်ကို နိုင်ငံရေးမှာ ပါလာအောင် စည်းရုံးခဲ့တာလို့ ပြောကြတယ်။ တကယ်တော့ အဲလိုချည်းလည်း မဟုတ်ဘူး။

၈၈ ကာလမှာ ဒေါ်အောင်ဆန်းစုကြည်က ကြေညာချက်တစောင် ထုတ်လိုက်တယ်။
အဲဒီမှာ ကျနော်ရယ် ၊ ကိုဝင်းတင်ရယ်၊ မောင်သော်ကရယ် ဒေါ်အောင်ဆန်းစုကြည်ကို သွားတွေ့ကြတယ်။ အဲဒီမှာ ပထမဆုံး ဒေါ်အောင်ဆန်းစုကြည်ကို အင်တာဗျူးတခု
လုပ်မယ်လို့ ဆုံးဖြတ်လိုက်တယ်။

ကိုဝင်းတင်က ဒေါ်အောင်ဆန်းစုကြည်ကို အင်တာဗျူးတခု လုပ်ခဲ့တယ်။ အဲဒီအချိန်က ကိုဝင်းတင်နဲ့ ဒေါ်အောင်ဆန်းစုကြည်တို့ဟာ တယောက်နဲ့ တယောက် မသိကြသေးပါဘူး။ အဲဒီကာလက ကိုဝင်းတင် လုပ်ခဲ့တဲ့ အင်တာဗျူးကလည်း တော်တော်ထူးခြားတယ်။ အဲဒီ နောက်ပိုင်းမှာတော့ ဒေါ်အောင်ဆန်းစုကြည် အိမ်မှာရှိတဲ့ ကျောက်စားပွဲဝိုင်းလေးမှာ ကျနော်တို့ မကြာခဏ တွေ့ဆုံဖြစ်ခဲ့တယ်။

ဒေါ်အောင်ဆန်းစုကြည်က သူကိုယ်တိုင် နိုင်ငံရေးပါတီတခု ထူထောင်ဖို့ ဆုံးဖြတ်ပြီးတဲ့
နောက်ပိုင်းမှာတော့ ကျနော်နဲ့ ဦးဝင်းတင်နဲ့ကို သူ့အိမ်ကို လာဖို့ ဖိတ်ခေါ်ခဲ့တယ်။

ကျနော်တို့ စိတ်ထဲမှာ ထင်ထားတာက အဲဒီအချိန်မှာ သခင်တင်မြတို့ ၊ ဦးထွေးမြင့်တို့က
ဒေါ်စုခြံထဲမှာ နေကြတာ။ အဲလို လူတွေနဲ့ ဒေါ်စု ပါတီထောင်မယ်ပေါ့ ။ အဲဒါနဲ့ ကျနော်တို့က ဘာမှမပြောတော့။ မဟုတ်ဘူးတဲ့ ကျမက ဆရာတို့နဲ့ ပါတီထောင်မှာတဲ့ ။ ဆရာတို့ ဆိုတာ အရေးတော်ပုံကာလမှာ လုပ်ကြတဲ့ လူတွေလို့ ပြောတယ်။

အဲဒီမှာ ဒေါ်အောင်ဆန်းစုကြည်က ကိုဝင်းတင်ကို ဆရာက ပါတီအတွင်းရေးမှူး လုပ်ရမယ်လို့ ပြောတယ်။ ကိုဝင်းတင်က နိုင်ငံရေး နားမလည်ဘူးဆိုပြီး ငြင်းသေးတယ်။
ဒေါ်စုက အတင်း လုပ်ရမယ်ဆိုလို့ ကိုဝင်းတင်က လက်ခံလိုက်တာ။

နောက်ပိုင်း ပါတီမှာ လူတွေ ရွေးဖို့လည်း ကျနော်တို့ နှစ်ယောက်ကို ခိုင်းတယ်။
ဒေါ်အောင်ဆန်းစုကြည်ကတော့ သူတယောက်ထည့်မယ်လို့ ပြောပြီး တယောက်ရွေးပေး
ခဲ့တယ်။ အဲဒါက ကိုဆွေလို့ ခေါ်တဲ့ အခု NDF ပါတီကို ရောက်နေတဲ့ ဦးခင်မောင်ဆွေပဲ။ ကျနော်တို့က ဆရာဝန်တွေ ၊ ရှေ့နေတွေ ၊ အနုပညာရှင်နဲ့ စာပေသမားတွေ အများစုပါတဲ့ လူတွေစာရင်းကို ဒေါ်အောင်ဆန်းစုကြည်ကို ပေးခဲ့တယ်။

ကျနော်တို့က ဒေါ်အောင်ဆန်းစုကြည်ကို သွားခေါ်ခဲ့တာ မဟုတ်ဘူး။ ဒေါ်အောင်ဆန်း
စုကြည်ရဲ့ နိုင်ငံရေး ဦးဆောင်မှု နောက်ကို ကျနော်တို့ လိုက်ခဲ့ကြရတာ ။ အခုလူတွေက ကျနော်ရယ် ၊ ကိုဝင်းတင်ရယ် ၊ ဦးသော်ကတို့က ဒေါ်စုကို နိုင်ငံရေး ထဲပါလာအောင် ဆွဲခေါ်ခဲ့ကြတယ်လို့ ပြောကြတယ်။ တကယ်က ဒေါ်အောင်ဆန်းစုကြည်က ကျနော်
တို့ထက် စာပိုတတ်တယ်။ သူက နိုင်ငံရေးသမားဗျ။

အဲဒီနောက်ပိုင်းမှာတော့ ကိုဝင်းတင် ဒေါ်အောင်ဆန်းစုကြည်နဲ့ NLD ပါတီကို ၀န်းရံ
ပေးခဲ့တယ်။ ၂၀၁၅ ရွှေးကောက်ပွဲအထိ ဒေါ်အောင်ဆန်းစုကြည်နဲ့ NLD ပါတီကို ၀န်းရံပေးမယ်လို့ ကျနော့်ကို ပြောတယ်။ အဲဒီနောက်ပိုင်းတော့ သူမပါတော့ဘူးတဲ့။
အခုတော့ ၂၀၁၅ ထိတောင် မရောက်နိုင်တော့ဘူး။

၁၉၈၉ မှာ ကိုဝင်းတင်ရယ် ၊ ကျနော်နဲ့ မောင်သော်က တို့ကို စစ်ကြောရေးကနေပြီးတော့ အင်းစိန်ထောင်ကို ပို့လိုက်တာ သတိရမိသေးတယ်။ကျနော်တို့ အဖမ်းခံရတော့
ထောက်လှမ်းရေးက ကျနော်နဲ့ ကိုဝင်းတင်နဲ့ကို ဘာဖြစ်လို့ ဒေါ်အောင်ဆန်းစုကြည်ကို ဆရာတင်ရတာလဲလို့ မေးတယ်။ ခဏခဏမေးတော့ ကျနော်က စိတ်တိုလာတယ်။ အဲဒါနဲ့ ပြောလိုက်တယ်။ ဒီမှာလို့ မောင်မိုးသူ ၊ ကိုဝင်းတင်နဲ့ မောင်သော်ကဆိုတဲ့
စာရေးဆရာ ၃ ကောင်ဟာ သူများကို မပြောနဲ့ တယောက်နဲ့ တယောက်နဲ့တောင် ဆရာမတင်ဘူးလို့ ။ ဒါပေမယ့် နိုင်ငံရေးကိစ္စမှာ ဒီအမျိုးသမီးကို ဆရာတင်ရတာ ကျုပ်တို့ထက် တော်လို့ပဲလို့ ပြောလိုက်တယ်။

အစိုးရကလည်း အဲဒီကာလတွေမှာ ထုတ်ခဲ့တဲ့ စာအုပ်အစိမ်းနဲ့ အနီမှာ ဒေါ်အောင်ဆန်း
စုကြည်က အင်မတန် ပါးနပ်ပြီးတော့တကယ့်လူ၃ ယောက်ကို ကောင်းကောင်းအသုံးချနိုင်
ခဲ့တယ် ဆိုပြီး ရေးတာမျိုးတွေ ရှိတယ်။တချို့က ဒီလူ ၃ ယောက်က မနူးမနပ် နိုင်ငံရေးပါး
မ၀သေးတဲ့ ဒေါ်အောင်ဆန်းစုကြည်ကို စည်းရုံးတယ်လို့ ဆိုတဲ့ ရေးတာမျိုးတွေလည်း ပါတယ်။
ထောင်ထဲရောက်တော့ ဆရာမောင်သော်ကက ကျနော့်လက်ပေါ်မှာပဲ ဆုံးသွားပါတယ်။

၁၉၉၂ ခုနှစ်မှာ ကျနော် ပြန်လွတ်ခဲ့ပေမယ့် ကိုဝင်းတင်ကတော့ ကျန်ခဲ့တယ်။ ၁၉၉၆ ခုနှစ်မှာ ကျနော် ထောင်ထဲပြန်ရောက်တော့ ကိုဝင်းတင်က ကျနော့်ကို စောင့်နေတုန်းပဲ။ စစ်အစိုးရ
က ဘယ်နိုင်ငံရေး အကျဉ်းသားတွေကိုပဲ လွှတ်လွှတ် ၊ ကိုဝင်းတင်ကိုတော့ မလွှတ်ဘူး။

ကိုဝင်းတင်ကလည်း ထောင်ထဲမှာ အလကား အချိန်ကုန်ခံ မနေဘူး။ ကဗျာ ၊ စာပေ မျိုးစုံကို ရတဲ့နည်း ရေးနေတာ။ ကျားရဲလို ကဗျာမျိုးတွေ၊ ဘကြီးပွားနဲ့ ထိပ်တုံး ဘီလူးလို့ခေါ်တဲ့
ပြဇာတ်ရှည်ကြီးတွေ ရေးခဲ့သေးတယ်။

သူရေးတဲ့ ကဗျာ ပြဇတ်ကြီးက အရှည်ကြီး။ လူပေါင်းစုံ အကြောင်းပါတယ်။ အစိုးရ
အကြောင်း ၊ သူ့အကြောင်း ၊ ကျနော်တို့ အကြောင်း အကုန်ပါတယ်။

ကိုဝင်းတင် ထောင်ကထွက်လာတော့ NLD ပါတီ ခေါင်းဆောင်တချို့က ၂၀၁၀
ရွှေးကောက်ပွဲဝင်ဖို့ ပြင်နေကြတဲ့အချိန်။ အဲဒီမှာ ကိုဝင်းတင်က အဲဒါကို လုံးဝ လက်မခံဘူး။
နေအိမ်အကျယ်ချုပ်ခံနေရတဲ့ ဒေါ်အောင်ဆန်းစုကြည်ကပါ သဘောမတူလို့ ၂၀၁၀
ရွေးကောက်ပွဲ မ၀င်ဘူးဆိုတဲ့ ရွှေဂုံတိုင် ကြေညာစာတမ်းထွက်လာတာ။

အဲဒီအချိန်မှာ ကျနော်ရယ်၊ ကိုဝင်းတင်ရယ် လူထုစိန်ဝင်းဆီကို သွားပြီး NLD ကို တွယ်ဖို့ သွားပြောတယ်။ အဲဒီအချိန်ကတည်းက ဆရာ လူထုဦးစိန်ဝင်းက NLD ကို ဝေဖန်တဲ့
ဆောင်းပါးတွေ တောက်လျှောက်ရေးတော့တာပဲ။

အဲဒီနောက်ပိုင်းမှာ ကိုဝင်းတင် ကျန်းမာရေးမကောင်းတာတွေ ကြားရတယ်။ကျနော်က
သူတက်တဲ့ Green Cross ဆေးရုံဆိုတာကို သိပ်သဘောမကျဘူး။ ဒါပေမယ့် သူက ဘာပြောလဲဆိုတော့ နိုင်ငံရေးသမား တော်တော်များများ ဆေးရုံတက်ရင် ဒီမှာ
တက်တာတဲ့ ။ ငါက ဘာကောင်မို့လို တခြားနေရာ သွားရမှာလဲဆိုပြီး ပြောသေးတယ်။

နောက်ပိုင်း ဝိတိုရိယ ရောက်သွားတယ်။ ဒါပေမယ့် နှလုံးစက်က ဆေးရုံကြီးက ပိုကောင်းတယ်ဆိုပြီး ရန်ကုန်ဆေးရုံကြီး ရောက်သွားတာ။ သူက အူပိတ်တယ်။
နောက် သွေးဝမ်းသွားတယ်။ သွေးဝမ်းရပ်တော့ တော်တော်ကောင်း သွားသေးတယ်။
နောက်ကျ ဆီးမသွားတော့ဘူး။ ပြီးတော့ ကျောက်ကပ် ဖြစ်တယ်။

ကျနော်က သူကျောက်ကပ် ဆေးတာကို သိပ်သဘောမကျဘူး။ ကျနော်တွေ့သလောက်
က ကျောက်ကပ်ဆေးတဲ့သူ တော်တော်များများ သေတာချည်းပဲ။ပထမအကြိမ်
ကျောက်ကပ်ဆေးပြီးတဲ့ အချိန်မှာ ဒေါ်စုလည်း ဂျာမနီက ပြန်လာပြီ။ ကျနော်လည်း
သွားတော့ ICU အခန်းထဲမှာ ဒေါ်စုနဲ့ ပေါ်ဦး ရှိနေတယ်။ အဲဒီအချိန်မှာ ကိုဝင်းတင်က စကားတွေ ပြောနေတုန်းပဲ ။ ကဗျာတွေ အကြောင်း ပြောတယ်။ ဒေါ်စုကို သူရေးတဲ့
ကဗျာတွေ မှတ်မိရဲ့လားလို့ ပြောတယ်။ ဒေါ်စုကလည်း ဆရာ သိပ်စကားမပြောနဲ့ ကျမ အကုန်မှတ်မိတယ်လို့ ပြန်ပြောတယ်။

နောက် ဗိုလ်ချုပ်အောင်ဆန်းက ဘယ်လို ဘာညာဆိုပြီး ပြောတယ်။ ဒေါ်စုက ရယ်စရာ ထပြောတယ်။ ဆရာတဲ့ ဖေဖေက ပြောတယ်တဲ့။ မွေးထားတဲ့ သားသမီးတွေထဲမှာ
ကျမက အချောဆုံး၊ အတော်ဆုံးလို့ ပြောဖူးတယ်တဲ့။ ကျနော်တို့ ၃ ယောက် အခုလို မပြောခဲ့ဖူးဘူး။ နိုင်ငံရေး ကိစ္စနဲ့ပဲ ပြောခဲ့ကြတာ။

ပြီးတော့ ဒေါ်စုက ဥရောပက ၀ယ်လာတဲ့ ချောကလက်တွေ ဦးဝင်းတင်ကို ပေးတယ်။ အဲဒီအချိန်မှာ ဦးဝင်းတင်က မိုးသူကို ကျွေးလိုက်ဦးလေတဲ့။ ဒေါ်စုက ချောကလက်လေး
တခု ကျနော့်ကို ပေးတယ်။ တို့အချင်းချင်း နောက်ခွင့်ပြောင်ခွင့်က အဲဒီအချိန်လေးပဲ
ရခဲ့တာ။

ဦးဝင်းတင်က လူတိုင်းကို လေးလေးစားစား ဆက်ဆံတယ်။ ပြောင်တာ နောက်တာ
မရှိသလောက် ရှားတယ်။ ကျနော်နဲ့ တွေ့ရင်တော့ မရဘူး။ ကျနော့်ကို ကဗျာတောင်စပ်ပြီး
နောက်သေးတယ်။ ” နုတ်ခမ်းမွှေးနဲ့ ငမိုး မန္တလေးကို ဒိုး” ဆိုတာတောင် ပါသေးတယ်။

(အမျိုးသားဒီမိုကရေစီအဖွဲ့ချုပ်ကို စတင်တည်ထောင်ရာတွင် ပါဝင်ခဲ့သူ
စာရေးဆရာ၊ ဒါရိုက်တာ ဦးမိုးသူက ကွယ်လွန်သူ ဦးဝင်းတင်အကြောင်း ဧရာဝတီကို ပြန်ပြောင်းပြောဆိုချက်ထဲမှ ကောက်နှုတ်တင်ပြခြင်းဖြစ်သည်။)
ဧရာဝတီ

ပြည်သူ့ ဘက်တော်သားဘဘခမျာ
နောက်ဆုံးချိန်ထိဝတ်ဆင်သွားခဲ့တဲ့အပြာ
ဘဘရဲ့ နောက်ဆုံးခရီးမှာ
မှတ်မှတ်ရရရှိနေစေချင်မလား။

ပြည်သူလူထုက
လူထုရဲ့ ဘဘကို
နောက်ဆုံးခါရ၀ပြုဖို့ ရာ
အပြာရောင်ဝတ်မှ
ဂါရ၀ပြုရမယ်မကန့် သတ်တောင်
အပြာရောင်အကျီင်္ကိုမပျက်မကွက်
ဆက်ဆက်ဝတ်ဆင်သွားလိုသူပါ။

မခွဲခြားစေလိုပေမဲ့ 
မကွဲပြားစေလိုတဲ့အတွက်နဲ့ 
အပြာရောင်ဈာပနပွဲအဖြစ်ရှိချင်မိတဲ့ဆန္ဒ
ဒါလည်းသဘာဝကျပါရဲ့ 
သို့ ပေမဲ့
အပြာရောင်အကျီင်္ဝတ်ကြဖို့ 
အခက်အခဲရှိသူတွေအတွက်
မိုးပြာရောင် ဖဲကြိုးလေးတွေ
မိုးပြာရောင်ပိတ်စလေးတွေ
ပေးဝေသူတွေရှိပါလေစလို့ 
သတိတရတွေးပူမိ
ဘယ်လိုပင်ရှိရှိ
ထောင်ဝတ်စုံအပြာကနေ
ပြည်သူတိုင်းလွတ်မြောက်စေဖို့ 
အပြာရောင်ဈာပနပွဲကနေ
တစ်ပြည်လုံးငြိမ်းချမ်းစေဖို့ 
ဘဘ၀တ်ဆင်ခဲ့တဲ့အပြာက
လမ်းပြနေတာအသေအချာ။

ကိုမျိုး(မြန်မာစာ)

အမေစုပြုံးနေတာမဟုတ် ရင်ထဲမှာငိုနေတယ်လို့မြင်ပါတယ်
ယနေ့ ညနေ ၆ နာရီတွင် ဒေါ်အောင်ဆန်းစုကြည် မှ ဘဘဦးဝင်းတင် ၏ ကျန်ရစ်သူမိသားစုအား သွားရောက်တွေ့ဆုံအားပေးခဲ့ပါသည်။
အဘဟာ Premier League နဲ့ Champions League ကို သိပ်ကြိုက်ပါတယ် ......

ဒါက အဘကြည့်တဲ့ တီဗီလေးပေါ့
Kyaw Thuya Ko Ko, Kyaw Soe Naing(BG),Nyi Kae
ဆုံလည် စားပွဲကြီးတွေလို မထယ်ဝါပေမယ့် ဒီစားပွဲလေးမှာ ထမင်းစားပြီး တိုင်ပြည် ကောင်းကျိုးပြုခဲ့ တဲ့ အဘဦးဝင်းတင် ကို မြန်မာပြည်သူ ပြည်သားတွေ က အဘ ကို ဂုဏ်ယူနေကြမှာပါ။
သမိုင်းတွေ ချန်ခဲ့တဲ့ အဘ ဦးဝင်းတင်ရဲ့ အခန်းလေး ..

Author Name

Contact Form

Name

Email *

Message *

Powered by Blogger.