05/11/14

(သဲကုန်းမြို့နယ်မှ တောင်သူလယ်သမားအချို့ မိမိတို့ လယ်ယာမြေ သိမ်းဆည်းခံရမှုကြောင့် ဧပြီလအတွင်းက ကျိန်စာတိုက်ဆန္ဒပြပွဲ ပြုလုပ်ခဲ့စဉ်)

နိုင်ငံရေး လှုပ်ရှားတက်ကြွသူများကို Activists ဟု ခေါ်ကြသည်။ နိုင်ငံရေးသမိုင်း အဆက်ဆက်မှာ Activist တွေ၏ အခန်းကဏ္ဍက ရှေ့ဆုံးမှ အမြဲလိုလိုပါဝင်သည်။ ဗိုလ်ချုပ်အောင်ဆန်းဖြစ်လာသည့် ကျောင်းသားခေါင်းဆောင် ကိုအောင်ဆန်းသည် ကိုလိုနီခေတ် Activist ဖြစ်သည်။ Activist တွေကို အစိုးရများက လိုလားလေ့မရှိ။ သူတို့သည် အစိုးရကိုဆန့်ကျင်သူ။ အစိုးရကို အယုံအကြည်မရှိသူ။ အစိုးရ၏ လုပ်ဆောင်ချက်များကို ရဲရဲဝံ့ဝံ့ ပြတ်ပြတ်သားသား ဝေဖန်ပုတ်ခတ်သူ။

စစ်အစိုးရ အုပ်ချုပ်မှုကာလတစ်လျှောက်လုံး Activist များစွာ ပေါ်ထွက်ခဲ့သည်။ သို့သော် အလွန်ပြင်းထန် ရက်စက်သော စစ်အစိုးရ၏ ဖိနှိပ်ခဲ့မှုကြောင့် Activist များစွာ ထောင်သွင်းအကျဉ်းချ ခံခဲ့ရသည်။ စစ်အစိုးရသည် Activist အားလုံး အသံတိတ်သွားအောင် ကြိုးစားခဲ့သည်။ သို့သော် မအောင်မြင်ခဲ့ပါ။ နိုင်ငံရေးဖိနှိပ်မှုတွေ ရှိနေသမျှ နိုင်ငံရေးလှုပ်ရှားတက်ကြွသူ Activist တွေကတော့ ရှိနေဦးမှာဖြစ်သည်။

ဒီမိုကရေစီကို ပြယုဂ်တစ်ခုအဖြစ် တက်လာသော ယခုအစိုးရ လက်ထက်မှာတော့ Activist တွေ၏ အသံတွေ ပိုကျယ်လောင်လာသလို နေ့စဉ်နှင့်အမျှ သူတို့၏ လှုပ်ရှားမှုတွေကို ဖတ်နေ၊ မြင်နေ၊ ကြားနေရသည်။ မြို့အနှံ့၊ နယ်အနှံ့၊ ပြည်နယ်အနှံ့၊ တိုင်းအနှံ့ မှာ ဆန္ဒထုတ်ဖော်ပွဲတွေကို မကြာခဏ မြင်နေရသည်။ မတရားဖိနှိပ်မှု၊ မတရားအနိုင်ကျင့်ခံရမှုကို ထုတ်ဖော်ကြခြင်းဖြစ်သည်။ နိုင်ငံရေးလှုပ်ရှားတက်ကြွသူတို့က အဖိနှိပ်ခံ ပြည်သူတို့၏ အရေအတွက်ဆန္ဒပြပွဲများ ပြုလုပ်လာကြသောအခါ အာဏာပိုင်အစိုးရ၏ တုံ့ပြန်မှုကား ယခင်စစ်အစိုးရ နည်းနာများအတိုင်း အကြင်နာကင်းမဲ့ဆဲ။ လူသားချင်း စာနာထောက်ထားမှုမဲ့နေဆဲ။

ဒီမိုကရေစီ၏ အခြေခံရပိုင်ခွင့်ဖြစ်သော လွတ်လပ်စွာစုဝေးခွင့်၊ စီတန်းလှည့်လည်ခွင့် ဟောပြောစည်းရုံးခွင့်၊ ဆန္ဒပြခွင့်များ ဖွဲ့စည်းအုပ်ချုပ်ပုံအခြေခံဥပဒေတွင် ပြဌာန်းထားပြီး ဖြစ်သော်လည်း ပုဒ်မ (၁၈)က ထိုအခွင့်အရေးများကို ဟန့်တားထားသည်။ ပုဒ်မ (၁၈) အရ တရားစွဲအရေးယူမှုတွေ အများအပြားဖြစ်လာသည်။ ပြည်သူ့လွှတ်တော်တွင် ထိုကိစ္စဆွေးနွေးကြသောအခါ ပုဒ်မ (၁၈) ကို ဖြေလျှော့ပေးသည့် အချက်တွေ ပါဝင်လာတာကိုတွေ့ရသည်။ သို့သော် တကယ့်လက်တွေ့မှာ တစ်နိုင်ငံလုံး ပုဒ်မ (၁၈) ပြဿနာတွေ မပြီးသေး။ ထိုပုဒ်မဖြင့် လုံခြုံရေးတာဝန်ရှိသူ (ရဲ)တွေက ဥပဒေကိုလိုသလို သုံးစွဲကာ အပြစ်မဲ့ ဆန္ဒထုတ်ဖော်သူ၊တောသူတောင်သားများအား ဖမ်းဆီးအရေးယူမှုတွေ ပြုလုပ်နေသည်။

ဒီရက်အတွင်း ဆန္ဒထုတ်ဖော်သူ လယ်သမားအချို့နှင့် လုံခြုံရေးရဲများ ထိပ်တိုက်ပဋိပက္ခဖြစ်မှု နှစ်ခုကို သတင်းများတွင် ဖတ်လိုက်ရသည်။ တစ်ခုမှာ သဲကုန်းမြို့နယ်တွင် ဖြစ်ပွားခြင်းဖြစ်ပြီး အခြားတစ်ခုမှာ မန္တလေးတိုင်းဒေသကြီး မတ္တရာမြို့နယ်မှာ ဖြစ်ပွားခဲ့ခြင်းဖြစ်သည်။ သဲကုန်းမြို့နယ်မှ တောင်သူလယ်သမားအချို့ မိမိတို့လယ်ယာမြေ သိမ်းဆည်းခံရမှုကြောင့် ဧပြီ ၁၂ ရက်က ကျိန်စာတိုက်ဆန္ဒပြပွဲ ပြုလုပ်ခဲ့သည်။ ထိုကျိန်စာတိုက်မှုတွင် ပါဝင်သည့် တောင်သူငါးဦးကို သဲကုန်းရဲစခန်းက ဆူပူရန် လှုံ့ဆော်မှု ပုဒ်မ (၅ဝ၅) (ခ) ဖြင့် တရားစွဲခဲ့ပြီး မေ ၆ ရက်က ကျိန်စာတိုက်မှုတွင် ပါဝင်ခဲ့သော ကိုပေါက်စဆိုသူကို တရားရုံးက အာမခံမပေးဘဲ ပေါင်းတည်အကျဉ်းထောင်သို့ ခေါ်ဆောင်ရာမှ ရဲ များနှင့် လယ်သမားများ ပဋိပက္ခဖြစ်ပွားခဲ့ခြင်း ဖြစ်သည်။

“ကိုပေါက်စကို ထောင်ထဲထည့်ရင် သူတို့ကိုပါထည့်ဖို့ နောက်ကလိုက်ပါလာတဲ့ တောင်သူတွေ၊ အမျိုးသမီးတွေ ပြောကြရင်း ရဲတပ်ဖွဲ့ဝင်တွေနဲ့ ရုန်းရင်းဆန်ခတ်ဖြစ်တယ်။ အဲဒီမှာ အမျိုးသမီးနှစ်ယောက်၊ အမျိုးသားတစ်ယောက် သုံးဦး ဒဏ်ရာရပြီး ပေါင်းတည်ဆေးရုံ တက်နေရတယ်။ အလွတ်တန်း သတင်းထောက် ကိုမာနော်ကတော့ အထိုးခံရတာ၊ အဘွားကြီးတွေကို လိုက်ဆွဲရင်း စခန်းမှူးက အမိန့်ပေးချိန်မှာ ရဲက ထိုးလိုက်တာ။

“ကျိန်စာတိုက်သူ ငါးဦးကို ပုဒ်မ (၅ဝ၅) (ခ)နဲ့ လက်ထောက်မြို့နယ် အုပ်ချုပ်ရေးမှူး က တရားလိုပြုပြီး တရားစွဲခဲ့တာ။ ကျန်တဲ့သူတွေ အာမခံရပြီး ကိုပေါက်စ ကတော့ အရင်ပုဒ်မ (၁၈) နဲ့လည်း အစွဲခံထားရတော့ အာမခံမရဘူး” ဟု အဆိုပါပဋိပက္ခကို မျက်မြင်တွေ့ရှိခဲ့သူတစ်ဦး၏ ပြောကြားချက်အရ သိရသည်။

အလားတူ မိမိတို့ လယ်ယာမြေများ သိမ်းဆည်းခံထားရသဖြင့် ပြန်လည်ထွန်ယက် စိုက်ပျိုးရန်ကြိုးပမ်းသူ လယ်သမားများနှင့် လုံခြုံရေးရဲတပ်ဖွဲ့ဝင်များ ပဋိပက္ခဖြစ်ပွားမှု တစ်ခု မတ္တရာမြို့နယ်မှာဖြစ်ခဲ့ပုံကို အင်တာနက်စာမျက်နှာပေါ်မှာ ဖတ်ရှုလိုက်ရသည်။ ဒေသခံလယ်သမားများက တစ်ဖက်၊ လက်နက်ကိုင်ဆောင်ထားသော ရဲများက တစ်ဖက် မျက်နှာချင်းဆိုင်ဖြစ်နေရသည်မှာ စိတ်မချမ်းသာစရာ။ အလားတူ ပေါင်းတည်အကျဉ်းထောင်ရှေ့မှာ လယ်သူမများနှင့် ရဲတပ်ဖွဲ့ဝင်များ တွန်းထိုးဆွဲရမ်းနေသည့် မြင်ကွင်းမှာလည်း အလွန်အကျည်းတန်လှသည်။

ဆန္ဒထုတ်ဖော်ကြသည့် ပြည်သူများကို အာဏာပိုင်များက တုံ့ပြန်ပုံမှာ စစ်အာဏာရှင် အငွေ့အသက် မပျောက်သေးသည်ကို မြင်နေရသည်။ ဆန္ဒထုတ်ဖော်နေကြသည့် ပြည်သူတို့သည် တိုင်းပြည်ကို ဆူပူအောင် လှုံ့ဆော်နေကြသူများ မဟုတ်။
လူသားတစ်ဦး၏ အခြေခံရပိုင်ခွင့်အရ မိမိ၏ဆန္ဒ၊ မိမိ၏မကျေနပ်မှု၊ မတရားပြုမှုခံရသည်ဟု ယူဆမှုကို လူသိထင်ရှားဖြစ်အောင် ထုတ်ဖော်ခြင်း ဖြစ်သည်။ မိမိဆန္ဒကို လွတ်လပ်စွာထုတ်ဖော်ခြင်းသည် အခြေခံဒီမိုကရေစီ အခွင့်အရေးဖြစ်သည်။
ဤအခွင့်အရေးများကို အာဏာပိုင်တွေက အဘယ်ကြောင့် နှောင့်ယှက်ဟန့်တားမှုတွေ ပြုနေရပါသနည်း။ အဘယ်ကြောင့် အရေးယူဖမ်းဆီးမှုတွေ ပြုနေပါသနည်း။

ပြီးခဲ့သည့် မေ ၅ ရက်ကလည်း ဒီမိုကရေစီရေး စဉ်ဆက်မပြတ် လှုပ်ရှားမှု အင်အားစုမှ ခေါင်းဆောင် ကိုထင်ကျော်ကို တောင်ဥက္ကလာပ ရဲစခန်းက ပုဒ်မ (၅ဝ၅) (ခ) ဖြင့် ဖမ်းဆီးထိန်းသိမ်း လိုက်သည်။ တောင်ဥက္ကလာပ၊ နန္ဒဝန်ဈေးရှေ့တွင် လက်ရှိအစိုးရအား အယုံအကြည်မရှိကြောင်း စာစောင်ဖြန့်ဝေခဲ့သည့်အတွက်ဟု ဆိုသည်။ ကိုထင်ကျော်သည် နိုင်ငံရေးလှုပ်ရှားတက်ကြွသူ (Activist) တစ်ဦး ဖြစ်သည်။ လက်ရှိအစိုးရကို အယုံအကြည်မရှိကြောင်း (သူ၏ လွတ်လပ်စွာ ယုံကြည်ပိုင်ခွင့်အရ) ပြောဆိုခြင်း ဖြစ်သည်။ ထိုသို့ မယုံကြည်ကြောင်းကိုလည်း အများပြည်သူသိရှိအောင် သူက ဆော်ဩခြင်းဖြစ်သည်။ သူသည် ဆူပူရန် လှုံ့ဆော်နေသူတစ်ဦး မဟုတ်။ နိုင်ငံသားတစ်ဦး ရပိုင်ခွင့်အရ သူ၏ဆန္ဒ၊ သူ၏ ယုံကြည်မှုကို လွတ်လပ်စွာထုတ်ဖော်နေခြင်း ဖြစ်သည်။

ကိုထင်ကျော်က ထိုသို့ အစိုးရကို အယုံအကြည်မရှိကြောင်း ပြောဆိုတိုင်းလူတွေက လိုက်ယုံချင်မှယုံမည်။ ယုံကြည်ပြီး မည်သူမျှလည်း ဆူဆူပူပူလုပ်ဖို့ စဉ်းစားမှာမဟုတ်။ ကိုထင်ကျော် ဟောပြောတာကို ရပ်ကြည့်ပြီး ထွက်သွားသူလည်း ရှိမည်။ ထွက်မသွားဘဲ နားထောင်သူလည်း ရှိမည်။ ဒီမိုကရေစီနိုင်ငံတွေမှာ လူတစ်ဦးတစ်ယောက် မိမိ၏ဆန္ဒကို ထုတ်ဖော်ခြင်းသည် သာမန် ထမင်းစားရေသောက်ကိစ္စဖြစ်သည်။

ယခု ကိုထင်ကျော်အပေါ် စွဲဆိုလိုက်သော ပုဒ်မမှာ ၅ဝ၅ (ခ)၊ ဆူပူရန်လှုံ့ဆော်မှု။ အာမခံမပေးဘဲနေလို့ရသော ထောင်ဒဏ်ပြစ်ဒဏ် ချမှတ်နိုင်သည့်ပြစ်မှု။ သဲကုန်းမြို့နယ်က ကျိန်စာတိုက်သော တောင်သူတွေကိုလည်း (၅ဝ၅) (ခ) ဖြင့် တရားစွဲဆိုထားသည်။ ယခု နောက်ပိုင်း ဆန္ဒထုတ်ဖော်ကြသူတွေကို ပုဒ်မ (၁၈) မဟုတ်တော့ဘဲ ပုဒ်မ (၅ဝ၅) (ခ) ဖြင့် အာဏာပိုင်တွေက တရားစွဲဆိုလာတာ တွေ့ရသည်။ ဒါဆိုလျှင် ဆန္ဒထုတ်ဖော်ကြသူ အားလုံး ဆူပူရန်လှုံ့ဆော်သူတွေ ဖြစ်သွားကြပြီလား။ ဟိုယခင် စစ်အစိုးရ လက်ထက်တုန်းကလည်း ဆန္ဒပြသူတွေကို ဆူပူရန်လှုံ့ဆော်သွေးထိုးသူအဖြစ် သတ်မှတ်ခဲ့သည်။ ပုဒ်မ (၅ဝ၅) (ခ) ဖြင့် အရေးယူပြီး ထောင်သွင်းအကျဉ်းချမှုများစွာ ပြုလုပ်ခဲ့သည်။
ယခုလည်း ထိုနည်းလည်းကောင်း ဆန္ဒထုတ်ဖော်ကြသည့် ပြည်သူတွေကို ပုဒ်မ (၅ဝ၅) (ခ) ဖြင့် တရားစွဲဆို ဖမ်းဆီးနေကြပြန်ပြီ။ ဘယ်မှာလဲ ဒီမိုကရေစီ။ ဘယ်မှာလည်း ပြည်သူတွေ ရဲ့ အခြေခံရပိုင်ခွင့်။ အစောပိုင်းတုန်းကတော့ ပုဒ်မ (၁၈)။ ခုတော့ ပုဒ်မ (၅ဝ၅) (ခ)။-----Eleven media Group


မအူပင်မြို့မှာ မေလ ၁၀ရက်နေ့က အောင်မြင်စွာ ပြုလုပ်ပြီးခဲ့သော ဖွဲ့စည်းပုံအခြေခံဥပဒေပြုပြင်ပြောင်းလဲရေးဆိုင်ရာ လူထုဟောပြောပွဲကြီးတွင် လူထုခေါင်းဆောင် ဒေါ်အောင်ဆန်းစုကြည် ကို တက်ရောက်လာသော ပြည်သူများက မေးခွန်းများ မေးမြန်းခဲ့ပြီး လူထုခေါင်းဆောင် က ပြန်လည်ရှင်းလင်းဖြေကြားခဲ့သည်...

ယခု မူဘီဖိုင်သည် အဆိုပါ အမေးအဖြေ အစအဆုံးဖြစ်သည်... အင်တာနက်လိုင်းမကောင်းသူများလဲ ကြည့်ရှု့နိုင်စေရန် ရည်ရွယ်၍ မေးခွန်းမေးသူများ၏ လိုရင်းမေးခွန်းနှင့်မဆိုင်သော မိတ်ဖွဲ့စကားများကို ဖြတ်ချန်ထားခဲ့ပါသည်...

ဖေ့ဘွတ်ကလဲ မူဘီဖိုင်ကို မိနစ်နှစ်ဆယ်ထက်ကျော်ရင် ပို့စ် လုပ်ရန် လက်မခံတာကြောင့်လဲ ဖြစ်သလို၊ အဓိက ကျသော လူထုခေါင်းဆောင်၏ အဖြေများကို အဓိကထားကြည့်နိုင်ရန်လဲ ရည်ရွယ်ပါသည်...ကင်မရာ ရိုက်ကူးရေးအခက်အခဲကြောင့် မေးခွန်းမေးသူနေရာတွင် ဓါတ်ပုံကိုသာ ပြနိုင်ပြီး အမေစု၏ အဖြေကိုသာ မူဘီအဖြစ်ထည့်ထားပါတယ်...

ကျတော့်လိုပဲ မှတ်တမ်းမူဘီ ၀ါသနာပါသူများ၊ အမေစု စကားများ အစအဆုံးကို အတိအကျ ကြည့်ရှု့နားဆင်လိုသူများအတွက် ၀ါသနာအရ ရိုက်ကူးတင်ပြခြင်းဖြစ်ကြောင်းလဲ အသိပေးလိုပါသည်... ကျတော့် တစ်ယောက်တည်းအား မည်သူမဆို လွပ်လပ်စွာ ဝေဖန်ပြောဆိုနိုင်ပါသည်...

ရိုက်ကူး-တည်းဖြတ် ... မောပြေ (ခ) ခွန်ခေါင်

ပြီးခဲ့တဲ့ရက်ပိုင်းက ဧရာဝတီတိုင်း လေးမျက်နှာမြို့မှာ ပြည်ခိုင်ဖြိုးပါတီကနေပြီးတော့ အမျိုးဘာသာသာသနာ ကာကွယ်စောင့်ရှောက်ရေးဆိုပြီး ဆန္ဒထုတ်ဖော်ပွဲတစ်ရပ်လုပ်ပါတယ်။

အဲဒီဆန္ဒထုတ်ဖော်ပွဲဟာ ၂၀၀၈ခုနှစ်ထုတ် ဖွဲ့စည်းပုံအခြေခံဥပဒေပါ အခန်း(၁၀) နိုင်ငံရေးပါတီများ ကဏ္ဍအောက်ရှိ နိုင်ငံရေးပါတီများ ဆက်လက်ရပ်တည်ပိုင်ခွင့်မရှိခြင်း ကဏ္ဍနှင့် ငြိစွန်းနေပါသည်။

ထိုကဏ္ဍရှိ ပုဒ်မ ၄၀၇(ဃ)တွင် ဘာသာရေးကို နိုင်ငံရေးအတွက် အလွဲသုံးစားပြုခြင်းဟု ရေးသားဖော်ပြထားပြီး ပုဒ်မ ၄၀၈တွင် နိုင်ငံရေးပါတီတစ်ရပ်ရပ်သည် ပုဒ်မ ၄၀၇ ပါ ပြဌာန်းချက်တစ်ရပ်ရပ်နှင့် ငြိစွန်းကြောင်း မှတ်ပုံတင်ခွင့်ပေးနိုင်သောအဖွဲ့အစည်းကတွေ့ရှိလျှင် နိုင်ငံရေးပါတီအဖြစ် မှတ်ပုံတင်ထားခြင်းကို ပယ်ဖျက်ရမည်ဟု ရေးသားဖေါ်ပြထားသည်။

ထိုသို့သော်အချက်အလက်များကြောင့် လေးမျက်နှာမြို့မှ ပြည်ခိုင်ဖြိုးအမတ်ဖြစ်သူ ဦးဘရီအား တယ်လီဖုန်းဖြင့်ဆက်သွယ်မေးမြန်းခဲ့သော်လည်း ဦးဘရီက သူ့အနေဖြင့် တစ်ဖက်ကမ်းတွင်နေထိုင်သောကြောင့် ယင်းဆန္ဒပြပွဲကို မသိကြောင်းသာ ဖြေကြားခဲ့သည်။

လေးမျက်နှာမြို့နယ် ဆန္ဒပြပွဲသည် ပြည်ခိုင်ဖြိုးရုံးရှေ့မှစတင်ပြီး ထိုရုံးရှေ့တွင်ပင် အဆုံးသတ်သလို ဆန္ဒပြပွဲတွင် ပြည်ခိုင်ဖြိုးပါတီဝင်များ ပါဝင်နေသဖြင့် အဲဒီဆန္ဒပြပွဲက အခြေခံဥပဒေကို ချိုးဖောက်နေရာရောက်နေတဲ့အတွက် ပါတီတာဝန်ရှိသူတွေက တားမြစ်ခြင်းမပြုဘူးလားလို့ ဦးဘရီကို မေးခွန်းထုတ်တဲ့အခါမှာတော့ ဦးဘရီဘက်က ဖုန်းကိုချပစ်ခဲ့ပြိး စက်ပါပိတ်လိုက်သည်။

ဒါ့ကြောင့် ဖွဲ့စည်းပုံအခြေခံဥပဒေအရ နိုင်ငံရေးပါတီများ ဆက်လက်ရပ်တည်ခွင့်နှင့် ငြိစွန်းနေသော ပြည်ခိုင်ဖြိုးပါတီကြိးသည် ၂၀၁၅ ရွေးကောက်ပွဲကို ပြိုင်ခွင့် ရမရဆိုသည်မှာ စိတ်ဝင်တစား စောင့်ကြည့်ရတော့မည် ဖြစ်သည်။

credit to -မင်းမင်းလတ်
Khor Nyo

အလုပ်လက်မဲ့ဘွဲ့ရ ပြဿနာ ဖြေရှင်းလိုသည်မှာ အမှန်ဖြစ်လျှင် အလုပ်ရှိပြီးသား၊ ဗိုလ်ကြီး၊ ဗိုလ်မှူးတွေ ကို နေရာပြောင်း ပြီး၊ ပြည်ထောင်စုရွေးကောက်ပွဲ ကော်မရှင်မှာ ခန့်အပ်ရန်မလိုပါ . . . သည်တော့ Ph.D ဆိုတဲ့ ဘွဲ့ရသော ခြင်္သေ့ များ မြက်မစားကြပါနဲ့ မြက်စားတဲ့ ခြင်္သေ့လည်းရှိမှာပါ အဲဒီခြင်္သေ့ကတော့ . . . .
40

ဖောင်းပွပစ္စည်း
မြန်မာနိုင်ငံရဲ့ အဆင့်ဆင့်သော အစိုးရ၏၀န်ကြီးများ၊ အစိုးရများ၏ ၂၀၁၄ ခုနှစ်အတွင်း ပြောဆိုခြင်း၊ လုပ် ဆောင်ခြင်းများသည် အံ့သြဖွယ်ရာတွေ တွေ့ရပါသည်။ ၀န်ကြီးအချို့က အစည်းအဝေး ခေါ်ဆဲလိုဆဲ၊ စစ်တပ် ထဲမှာ နေတုန်းက ရတဲ့ဒဏ်ရာ လှန်ပြလိုပြ၊ ပုဆိုးလှန်ပြလိုပြ လုပ်နေကြတာ အတော်အံ့သြဖို့ ကောင်းပါ တယ်။ ယခုလည်း ပါရဂူဘွဲ့ (Ph.D) များ ကိုပါ နေ့စား၊ လပေးနှင့်ခန့်မည့် မူလတန်း ပြဆရာ ခေါ်ပြန်ပါပြီ။ လွန်ခဲ့သော နှစ်ပေါင်း (၇၀)က မူလတန်းပြဆရာတွေကို သတ္တမတန်းအောင်က ခန့်အပ်ခဲ့ပါသည်။ လစာ က ၁၂၆ ကျပ် ၇၅ ပြားပေးပါသည်။ ထို မူလတန်းပြဆရာများက သင်ပေးခဲ့သော တပည့်များမှာ ယခုအခါ အသက်(၇၀)နှင့် (၇၀) ကျော်များဖြစ်နေပါပြီ။ ထို့နောက် မျိုးဆက်ကျောင်းသားများကို H.S.F ခေါ် အထက်တန်းကျောင်းထွက် လက်မှတ်ရ စာမေးပွဲအောင်သူများကို ခန့်ထား၍ သင်ပြစေခဲ့ပါသည်။ ယနေ့ထိ မျိုးဆက်ကျောင်း သားများကို ဘွဲ့တစ်ခုခုရသည့် သူများကို ခန့်ထား၍ သင်စေခဲ့ပါသည်။ လစာကလည်း တစ်သိန်းဝန်းကျင်ပေးပါသည်။ ဤ သည်တို့ကိုကြည့်လျှင် ခန့်ထားသည့်ဆရာ များ၏ ပညာအဆင့်၊ ပေးသောလစာ၏ အနည်းအများတို့ကို တွေ့ရပါသည်။ သာမန်ကြည့်လျှင် နှစ်ရပ်စလုံးမြင့်လာသည်ဟု ပြောနိုင်ပါသည်။ သို့သော် ယခင်က ၁၂၆ ကျပ် ၇၅ ပြားရသော လစာဖြင့် ဆရာ တစ်ဦး၏ မိသားစု ၃/၄ ယောက် စားနိုင် သောက်နိုင်ပါသည်။ ရွှေစ တစ်မတ် သား ခန့် ၀ယ်နိုင်ပါသေးသည်။ 

ယခု ရွှေဈေး (၇)သိန်းဝန်းကျင်ဆို၍ မိသားစု ၃/၄ ယောက်စားပြီး ရွှေစတစ်မတ် သားမည်သို့ ၀ယ်နိုင်ပါမည်နည်း။ သည်အခါ လစာ အဆင့်မြင့်လာသည်ဟု ဆိုနိုင်ပါမည်လော။ ပညာရေးတွင် လည်း ကြည့်ပါက ဘွဲ့ရတစ်ဦးသည် မြန်မာစာနှင့် အင်္ဂလိပ်စာ ၀ါကျတစ်ကြောင်း ဟန်ကျပန်ကျမရေး တတ်ကြ ပါ။ သို့သော် မြန်မာစာမှလွဲ၍ အခြားဘာသာများကို အထက်တန်းအဆင့်တွင် အင်္ဂလိပ်စာဖြင့် သင်ကြားနေပါ သည်။ ထိုအခါ ကြက်တူရွေး စကားသင်သလို အင်္ဂလိပ်စာ၏ အဓိပ္ပာယ် မသိပါဘဲ အလွတ်ကျက်၍ မေးခွန်းကို ဖြေကြပါသည်။ မေးခွန်းကိုလည်း ဆရာများက ကြိုပေး၍ထားပါသည်။ သို့မှသာ ဖြေနိုင်မည်။ ဘာသာ ရပ်က များသည်။ အင်္ဂလိပ်စာဖြင့် သင်သည်။ အကျများလျှင်လည်း ဌာနကအရေး ယူခံရမည်။ ထိုအခါ အရည်အချင်း မမီသော ဘွဲ့ရများ၊ ပေါများလာသည်။ ဖောင်းပွလာသည်။ မြန်မာပြည်တွင် ငွေ ကြေးဖောင်းပွသည်။ ဘွဲ့ရ ဖောင်းပွသည်။ ပူးပေါင်းကော်မတီများ၊ ကော်မရှင်များ၊ ပါတီများမှာ ဖောင်းပွ၍ မဆုံးပါ။ ပိန်သွား တာက သယံ ဇာတမျိုးစုံဖြစ်သည်။ တောင်တန်းတွေ ပိန်၍ ချိုင့်ဝင်သွားသည်။ ရေလျှံနေသောမြစ်တွေ ပိန်သွားပြီး ရေစီး ချောင်း သာသာသာရှိတော့သည်။


မတူလျှင်မတုနဲ့
ယခုမူလတန်းပြဆရာခန့်ရန် တိုင်းဒေသကြီးနှင့်ပြည်နယ်အစိုးရများက ပါရဂူ ဘွဲ့ရများကိုပင် ခန့်ထားရန် လျှောက်လွှာ ခေါ်ယူလိုက်ခြင်းသည် စဉ်းစားစရာတွေ၊ မေးခွန်းထုတ်စရာတွေ ပေါ်လာပါသည်။ (၁) ပါရဂူ ဘွဲ့ရများကို နေ့စားလပေးဖြင့် တစ်သိန်းဝန်းကျင်ရမည့်ဝင်ငွေတွင် ခန့် အပ်ရန် ခေါ်ယူလိုက်ခြင်းသည်။ ပညာရေး ကို အထူးသဖြင့် မူလတန်း ပညာရေးကို မြှင့်တင်လို၍လား (သို့မဟုတ်) ပါရဂူဘွဲ့ရ တွေကိုနှိမ် လို၍လား။ ခြင်္သေ့ဆီကို ရွှေခွက် ဖြင့်မထည့်ဘဲ ရွှံ့ခွက်ဖြင့် ထည့်လိုက်တာလား။ (၂) ပါရဂူဘွဲ့အပါအ၀င် ဘွဲ့ရမျိုးစုံ တွေ အလုပ်လက်မဲ့ဖြစ်နေ၍ အလုပ်ဖန်တီး ပေးလိုက်တာလား။ (၃)အလုပ်ခန့်ထားရန် လျှောက်လွှာ ခေါ်သည့် တိုင်း/ပြည်နယ် ဒေသကြီးမှ ၀န်ကြီးများက ဘူးတောင်းနစ်၍ စောင်းခြမ်းပေါ်အဖြစ်ကို လှစ်ပြလိုက် တာလား။ (၄) ဂျပန်နိုင်ငံကို အတုယူပြီး ပါရဂူဘွဲ့ရတွေကို မူလတန်းကို သင်ခိုင်းတာလား။ ဂျပန်နိုင်ငံက ပါရဂူ ဘွဲ့ရသူများ သည် ကလေးသူငယ်တို့၏ စိတ်ခံစားချက် နှင့် စိတ်ပိုင်းဆိုင်ရာ သုတေသနပြုလုပ်ထား သည့် ပါရဂူ ဘွဲ့ရများကို ခန့်ထားခြင်းဟု သိရသည်။ ၎င်းတို့ကို တက္ကသိုလ်ပညာရေး တွင် တာဝန် ထမ်းဆောင် နေသည့် ဆရာ၊ ဆရာများ၏လစာထက်မြင့်မားသည့် ခံစား ခွင့်များ၊ နေအိမ်များ ပေးအပ်ချီးမြှင့်ထား သည်ဟု သိရသည်။ မြန်မာနိုင်ငံက လပေး နေ့စားတစ်သိန်းဝန်းကျင်ဖြင့် လက်ရှိခန့် ထားသည်ကိုသိရသည်။ သည်တော့ ““မတူ လျှင် မတုနဲ့””လို့ ပြောချင်ပါတယ်။ သတိ ပြုရမှာက တိုင်းပြည်ကို စေတနာနဲ့အုပ် ချုပ်ဖို့ပါပဲ။ ကိုယ့်သား သမီးရဲ့တစ်နေ့အသုံး စရိတ်တောင် မရှိတဲ့လစာနဲ့ ကိုယ်ကိုယ်တိုင် ပါရဂူဘွဲ့မရဘဲနဲ့ ကိုယ်ချင်းမစာပါဘဲ မလုပ် မပြောသင့်ပါဘူး။ တိုင်းပြည်ရဲ့ ဂုဏ်သိက္ခာလည်း မကျပါစေနဲ့။ ကိုယ် ကိုယ်တိုင်ကတော့ “အာဏာ”ကို မရမနေ ရအောင်ယူတတ်တဲ့ ပညာသာတတ်ပြီး တိုင်းပြည်အတွက် တိုးတက်အောင်အသုံး ချပညာရပ်တွေ မတတ်ဘဲ သစ်ဆိုလည်း တောလုံးကုန်အောင် ရောင်း၊ ဓာတ်သတ္တုဆိုလည်း တောင်လုံးပျောက်အောင် ရောင်းတတ်တဲ့ ပညာလောက်နဲ့ မစဉ်းစားသင့်ပါ။ အကောင်းဆုံးက ရရှိနေတဲ့ အဆင့်က ထွက်ပြီး အေးအေးပဲ ထိုင်စား နေသင့် ပါပြီ။ ကိုယ်စီမံခန့်ခွဲတဲ့ နေရာရဲ့ တန်ဖိုးကိုလည်းကြည့်သင့်ပါသည်။ နေရာနှင့် တန်အောင်ပြောပါ။ တန်အောင် လုပ်ပါ။ တန်တဲ့အတွေးအခေါ်ကို သုံးပါလို့ အကြံ ပြုပါတယ်။

ခြင်္သေ့ဆိုတာ မြက်မစားဘူး
ခြသေ့င်္တို့မည်သည် မြက်ကိုမစားဘူး။ ဒါပေမဲ့ ကြွက်ကို စားချင်စားမည်။ ကြွက်ကသေးပေမယ့် အသားရှိ သတ္တ၀ါမို့ပဲ။ နွားသည် ကြွက်ကိုမစားဘူး၊ မြက်ကို စားသည်။ သည်လိုပါပဲ။ သူ့သဘာဝနှင့် သူ ရှိကြရမှာပါ။ ယခု ကိစ္စက ခြင်္သေ့ကို မြက်စားခိုင်းသည်နှင့် တူပါသည်။ ယခုကိစ္စမှာ ဆရာဝန်စာရေးဆရာတစ်ဦးက ထောက်ခံ သည့်သဘောရေးထားသည်ကို Hot News မှာဖတ်ရပါတယ်။ သူအလုပ်လက်မဲ့ ဘ၀ ၁၉၉၅ ခုနှစ်က ကုမ္ပဏီ တစ်ခုက ယာဉ်မောင်းခေါ်သည့် အခါ သွားလျှောက်ပါ သည်။ Over Qualification (ခေါ်တဲ့ ခန့် မယ့်အလုပ်နဲ့ အရည်အချင်းလွန်) ဆိုပြီး မခန့်ပါဟုပြောပါသည်။ L.L.M ဘွဲ့ရမိန်းကလေး တစ်ယောက်က ကုမ္ပဏီကြီး တစ်ခု မှာ အောက်တန်းစာရေး လျှောက်ရာ မဟာဥပဒေဘွဲ့ရမို့ ပယ်ဖို့စိတ်ကူးရှိကြောင်း၊ ဒါပေမဲ့ မိန်းကလေးက အလုပ်ရှာနေသည်မှာ ကြာပြီဖြစ်ကြောင်း၊ ၀င်ငွေမရှိကြောင်း၊ အလုပ်ကြီးကြပ်သူ (ဆယ်တန်းမအောင် သေးသူ) ကို ရိုရိုသေသေ ဆက်ဆံပါမည့် အကြောင်း၊ အစမ်းခန့်ကြည့်ဖို့ ပြော၍ ခန့်လိုက်ကြောင်း ဖော်ပြထားပါသည်။ နောက်တော့ လက်ထောက်မန်နေဂျာဖြစ်သွား သည်ဟုဆိုပါသည်။ သည်တော့ မူလတန်း ပြဆရာအလုပ်ကို Ph.D တွေ လုပ်ကြဟုဆိုခြင်းပါ။ ဒါက ပုဂ်္ဂိုလ်ရေး ဆန္ဒနဲ့ဆုံးဖြတ် ချက်ကို ဆိုချင်ကြောင်းလို့ ထင်ပါသည်။ နိုင်ငံတော် အဆင့်က ကြည့်လျှင် နိုင်ငံ တကာအလယ်မှာ နိုင်ငံရဲ့ဂုဏ်သိက္ခာကို ကြည့်ပြီး အလုပ်ခေါ်သည့် ပုဂ်္ဂိုလ်များက ကြည့်သင့်ပါသည်။ ယခု Ph.D ဘွဲ့ရတွေ ကို ပြည်ထောင်စု ရွေးကောက်ပွဲကော်မရှင် မှာ လက်ထောက် ညွှန်ကြားရေးမှူးတို့၊ ညွှန်ကြားရေးမှူးတို့လို နေရာတွေမှာ ခန့်ဖို့ခေါ်ပါက နိုင်ငံ့ဂုဏ် မဆောင်ပေ ဘူးလား။ စစ်သားတွေကို ဘာလို့ ခန့်ရသလဲ။ ဒီလို ခန့်တာဟာ နိုင်ငံရေးအမြင်နဲ့ ခန့်တာ၊ စစ်သားဆိုတာ အထက်အမိန့်ကို နာခံရာမှာ ခြောက်ပေတွင်းထဲ မရောက်မချင်းပါဘဲ။ တက္ကသိုလ်က Ph.D ဘွဲ့ရကျောင်းသား က အမိန့်ပေးရင် ဦးနှောက်နဲ့စဉ်းစားပြီးမှ ဆုံးဖြတ်မှာဖြစ်လို့ ကျားကိုက်ကိုက် ခြင်္သေ့စားစား ဆုံးဖြတ်မည် မဟုတ်ပါ။ အလုပ် လက်မဲ့ဘွဲ့ရပြဿနာ ဖြေရှင်းလိုသည်မှာ အမှန်ဖြစ်လျှင် အလုပ်ရှိပြီးသား၊ ဗိုလ်ကြီး၊ ဗိုလ်မှူး တွေကိုနေရာ ပြောင်းပြီး၊ ပြည်ထောင်စုရွေးကောက်ပွဲ ကော်မရှင်မှာ ခန့်အပ်ရန် မလိုပါ။
သည်တော့ Ph.D ဆိုတဲ့ ဘွဲ့ရသော ခြင်္သေ့များ မြက်မစားကြပါနဲ့။ မြက်စားတဲ့ ခြင်္သေ့လည်းရှိမှာပါ။ အဲဒီခြင်္သေ့ ကတော့ . . . . ။
 မြန်မာသံတော်ဆင့်

အမျိုးဘာသာ သာဿနာ ကိုလက်ခံပါသည် သို့ သော် အမျိုးဘာသာသာဿနာ စောင့်ရှောက်ရေးအဖွဲ့ ကို လက်မခံပါ။အဘယ်ကြောင့်ဆိုသော
အမျိုးဘာသာ သာဿနာ စောင့်ရှောက်ရေးအဖွဲ့ ကို သမ္မတ ဦးသိန်းစိန်၏ညွန်ကြားချက်ဖြင့် ဖွဲ့ စည်းထားခြင်းဖြစ်ပြီး အာဏာရှင်လက်ထက်ကလိုနိုင်ငံရေးလှုပ်ရှားသူတွေကို (စွမ်းအားရှင်အဖွဲ့ ) ကဲ့သို့  တန်ပြန်တော်လှန်ရေး
လုပ်ဖို့  ဖွဲ့ စည်းထားပြီး နိုင်ငံရေးအမြတ်ထုတ်ရန် အတွက်ကြောင့်ဖြစ်သည်။

အမျိုးဘာသာ သာဿနာ စောင့်ရှောက်ရေးအဖွဲ့ သည် အမျိုးသားရေးနှင့်ပါတ်သက်သော ပြည်သူ့ အခက်အခဲများကို ၀င်ရောက်ကူညီခြင်း အစိုးရအားဝေဖန်ပြောဆိုခြင်းမရှိ။ ပြည်သူတွေ လယ်ယာမြေမတရား သိမ်းခံရမှု၊ ကျောင်းသား
ပြည်သူ ရဟန်းရှင်လူတို့  ဖမ်းဆီးညှင်းပမ်းသတ်ဖြတ်ခံရမှု၊တိုင်းရင်းသားများအား ပြည်တွင်းစစ်ထိုးစစ်ဆင်မှု၊အလုပ်သမား လယ်သမားများ၏ အခက်အခဲများကိုဝင်ရောက်ဖြေရှင်းပေးခြင်းမရှိ၊ နွေရာသီ ပြည်သူတွေ သောက်သုံးရေအခက်အခဲ
များအား ကူညီခြင်းမရှိ၊ အမျိုးကို ကူညီစောင့်ရှောက်လိုစိတ်မရှိပဲ အသုံးချခံသက်သက်သာဖြစ်ခြင်းတို့ ကြောင့်ဖြစ်သည်။

ဘာသာ သာဿနာ တည်တံ့ခိုင်မြဲရေးအတွက် သာဿနာပြန့် ပွားရေးအတွက်ဗုဒ္ဓ၏ မေတ္တာတရားများကိုလည်း ပျက်ဆီးအောင် လူမျိုးရေးမုန်းတီးမှုများဟောပြောခြင်း၊အမျိုးသားရေး သံဃာတော်များဖမ်းဆီးခြင်း ကျောင်းမှနှင်ထုတ်ခံရခြင်း
ဘုန်းတော်ကြီးကျောင်းများ သိမ်းဆီးခံရခြင်း၊လယ်တီဆရာတော်ကြီး၏ သိမ်တော်ကို မိုင်းခွဲဖျက်ဆီးခဲ့ခြင်း အား နှုတ်ပိတ်နေခြင်း ။နိုင်ငံသယံဇာတများကို မတရားခိုးယူရောင်းချနေသော ဦးသိန်စိန်အစိုးရအား ထောက်ခံအားပေးနေပြီး၊တိုင်းပြည်
နှင့် ပြည်သူ ရေတိမ်နစ်ခံနေရပြီး အသက်သွေးကြောဖြစ်သော ဒီမိုကရေစီစံနှုန်းနှင့်မညီညွတ်သည့် ၂၀၀၈ အခြေခံဥပဒေပြင်ဆင်ရေးတွင် အမျိုးဘာသာ သာသနာဆိုပြီး ပြည်သူတွေဘက်မှ မရပ်တည်ပဲ အာဏာရှင်ဘက်မှရပ်တည်ပြီး ပြည်သူတွေကို စစ်တပ်၏ နင်းပြားဖြစ်အောင် သွေးထိုးလုံဆော်နေသောကြောင့် အမျိုးသား
သစ္စာဖေါက် အမျိုးဘာသာ သာဿနာ စောင့်ရှောက်ရေးအဖွဲ့ ကြီးအား လက်မခံနိုင်ပါ။

စစ်မှန်၍ ယုံကြည်ရသော အမျိုးဘာသာ သာဿနာအဖွဲ့  ဆိုရင် လက်ခံမည်။အတုအယောင် စောင့်ရှောက်ရေးအဖွဲ့ ကို လက်မခံနိုင်ပါ။

သာဿနာ တည်တံ့ခိုင်မြဲစေလိုသော အသိစိတ်ဓါတ်ဖြင့်

မြသိန်း

သဘောထားအမြင်များပေးရန် ပါတီများထံ ပေးပို့ခဲ့ခြင်းဖြစ်ပြီး မဲဆွယ်ခွင့်ကန့်သတ်ချက်သည် ဒီချုပ်ပါတီကို အဓိကပစ်မှတ်ထားဟု ဝေဖန်မှုများထွက်ပေါ်
ရွေးကောက်ပွဲကာလ တွင် သက်ဆိုင်ရာ မဲဆန္ဒနယ်များ ၌ ၀င်ရောက်ယှဉ်ပြိုင်မည့် လွှတ်တော် ကိုယ်စားလှယ် လောင်းအတွက် အခြားလူပုဂ္ဂိုလ် များက မဲဆွယ်စည်းရုံးဟောပြောလိုပါက ပြည်ထောင်စုရွေး ကောက်ပွဲကော်မရှင်ထံ စာတင်ကာ ခွင့်ပြုချက် တောင်းခံရမည်ဟု ပြည်ထောင်စုရွေးကောက်ပွဲကော် မရှင်၏ နည်းဥပဒေမူကြမ်းတွင် ထည့်သွင်းထားကြောင်း နိုင်ငံရေးပါတီများထံမှ သတင်းရရှိသည်။

ရွေးကောက်ပွဲကာလအ တွင်း မဲဆန္ဒနယ်တစ်ခုတွင် သက် ဆိုင်ရာ မဲဆန္ဒနယ်၏ လွှတ်တော် ကိုယ်စားလှယ်လောင်းနှင့် ၎င်း၏ ရွေးကောက်ပွဲဆိုင်ရာ မန်နေဂျာတို့ အနေဖြင့် အလိုအလျောက် ဟောပြောခွင့်ရရှိသော်လည်း ယင်းမဲဆန္ဒနယ်တွင် အခြားသောသူများက မဲဆွယ်စည်းရုံးဟောပြောခြင်းကို ပြုလုပ်လိုပါက စာတင်ရမည် ဟု နည်းဥပဒေကြမ်းတွင် ဖော်ပြထားကြောင်း အမျိုးသားဒီမိုကရေစီအင်အားစုပါတီဥက္ကဋ္ဌ ဦးခင်မောင်ဆွေက ပြောသည်။

ကိုယ်စားလှယ်လောင်းများ ၏ မဲဆွယ်စည်းရုံးရမည့် ပုံစံများ ပါဝင်သည့် ရွေးကောက်ပွဲဆိုင်ရာ နည်းဥပဒေများကို ပြည်ထောင်စု ရွေးကောက်ပွဲကော်မရှင်က ရေးဆွဲထားခြင်းဖြစ်သော်လည်း တရားဝင်နည်းဥပဒေအဖြစ် ပြ ဋ္ဌာန်းခြင်းမပြုရသေးဘဲ ယင်းနည်းဥပဒေအပေါ် နိုင်ငံရေးပါတီများ ၏ သဘောထား အမြင်များကို ပြည်ထောင်စု ရွေးကောက်ပွဲ ကော်မရှင်က လက်ခံဆွေးနွေးရန် လည်းရှိသည်။

ရွေးကောက်ပွဲအတွင်း မဲ ဆွယ်စည်းရုံးခြင်းကို ကန့်သတ် လိုက်ခြင်းသည် ရွေးကောက်ပွဲ လွတ်လပ်ပြီး တရားမျှတရေးထက် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်အား ၎င်းပါတီကိုယ်စားလှယ်များအတွက် မဲဆွယ်စည်း ရုံးပေးခြင်းကို ကန့်သတ်ရာ ရောက်သည့် သဘောဆောင်သည်ဟု ၂၀၁၂ ကြားဖြတ်ရွေးကောက်ပွဲ၌ ၈၈ မျိုးဆက်ကျောင်းသားများ ရွေးကောက်ပွဲစောင့်ကြည့်လေ့လာရေးတွင် ပါဝင်ခဲ့ပြီး လက်ရှိအချိန်တွင် လွှတ်တော်စောင့်ကြည့်လေ့လာရေးပြုလုပ်နေသည့် ပွင့်လင်းမြန်မာ့ရှေ့ဆောင်အဖွဲ့မှ သုတေသနမှူး ဦးအေးခိုင်က ပြောကြားသည်။

၂၀၁၅ ရွေးကောက်ပွဲတွင်ပြိုင်ဘက်ကင်းနေသည့် ဒီချုပ်ပါတီနှင့် ပါတီဥက္ကဋ္ဌ ဒေါ်အောင်ဆန်းစုကြည်တို့အား ထိုးနှက်နိုင်ရန်ပြင်ဆင်ခြင်းသာဖြစ်ကြောင်းနိုင်ငံရေးသုံးသပ်သူ တစ်ဦးကဝေဖန်ပြောဆိုသည်။

‘‘ခွင့်ပြုချက်နဲ့ ကန့်သတ် ထားတော့ ပါတီခေါင်းဆောင် တစ်ယောက်က မြို့နယ်ပေါင်းစုံ ကို သွားပြီးတော့ ဟောပြောလို့ မရတော့ဘူးလေ။ စာတင်ရမယ် ဆိုတာ ကြာဦးမှာ ရှိသေးတယ်။ စာတင်တဲ့ရက်တွေကို ဖြတ်သန်း ရမှာရှိသေးတယ်’’ ဟု ၎င်းက ပြောသည်။ရွေးကောက်ပွဲဆိုင်ရာ မဲဆွယ်စည်းရုံးခြင်း နည်းဥပဒေမူကြမ်းနှင့် ပတ်သက်ပြီး ပြည် ထောင်စု ရွေးကောက်ပွဲကော်မရှင်နှင့် နိုင်ငံရေးပါတီတို့သည် ယခုလ ၁၅ ရက်တွင် ရန်ကုန်မြို့ တွင် တွေ့ဆုံကာ ဆွေးနွေးကြ မည်ဖြစ်သည်။

မဲဆန္ဒနယ်များတွင် ပါတီမှ ကိုယ်စားလှယ်လောင်းများကို ပါတီခေါင်းဆောင်များက မဲဆွယ် စည်းရုံးပေးခြင်းကို ကန့်သတ်ခြင်း နှင့် ပတ်သက်ပြီး ပြည်ထောင်စုရွေးကောက်ပွဲ ကော်မရှင်အား အကျေအလည် ဆွေးနွေးမည်ဖြစ်ကြောင်း ဒီမိုကရက်တစ်ပါတီ (မြန်မာ)ဥက္ကဋ္ဌ ဦးသုဝေကလည်းပြောသည်။

ယခုနှစ်ကုန်ပိုင်းတွင် ကျင်း ပမည့် ကြားဖြတ်ရွေးကောက်ပွဲ၌ မဲဆွယ်စည်းရုံးရေးကာလအတွင်း မဲဆန္ဒနယ်၌ ၀င်ရောက်ယှဉ်ပြိုင် မည့် လွှတ်တော်ကိုယ်စားလှယ် လောင်းကိုသာ ဟောပြောခွင့်ပြု မည်ဖြစ်ပြီး အခြားမည်သူ့ကိုမျှ ဟောပြောခွင့်မပြုရန် လုပ်ဆောင် မည်ဖြစ်ကြောင်း ဧပြီ ၇ ရက်တွင် ပုသိမ်မြို့၌ ပြုလုပ်ခဲ့သည့် ဧရာဝ တီတိုင်း ဒေသကြီးအတွင်းရှိ ရွေး ကောက်ပွဲကော်မရှင် အဖွဲ့ခွဲများ၊ နိုင်ငံရေးပါတီများနှင့် တွေ့ဆုံပွဲ ၌ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးတင်အေးက ပြောခဲ့သည်။

နိုင်ငံရေးပါတီများ မဲဆွယ် စည်းရုံးရာတွင် နယ်ကျော်စည်း ရုံးခြင်း မပြုရဟု ပြည်ထောင်စု ရွေးကောက်ပွဲ ကော်မရှင်က တ ရားဝင်ထုတ်ပြန်လာမည်ဆိုပါက အမျိုးသားဒီမိုကရေစီအဖွဲ့ချုပ် ပါတီကလည်း ဥပဒေအရ တရား မ၀င်ကြောင်း ပြန်လည်တုံ့ပြန် မည်ဟု ပါတီ ပြောရေးဆိုခွင့်ရ ပုဂ္ဂိုလ် ဦးဉာဏ်ဝင်းက 7Day Daily သတင်းစာအား ပြောကြား ထားသည်။
7 Day News Journal


အရိပ်အာဝါသပေါ့။ကျမတို့အခုအရိပ်အာဝါသမရှိတော့ ဒီတစ်ခဏလေး တစ်နာရီနှစ်ရာရီ အတွင်းမှာ ဘယ်လောက်ပင်ပန်းသလဲ မှန်ကန်တဲ့ ဥပဒေရဲ့ အရိပ်အာဝါသမရှိလို့ရှိရင် တော့ကျမတို့ဟာဆက်ဆက်ပြီးတော့ တစ်နှစ်မဟုတ်ဘူး၊နှစ်နှစ်မဟုတ်ဘူး၊ဆယ်စုနှစ်တွေနဲ့ ဆက်ပြီးတော့ ပင်ပန်းရပါလိမ့်မယ်။ဒါကြောင့်မို့လို့ကျမတို့ကိုယ်လိုချင်တဲ့ အရိပ်အာဝါသကို ကိုယ့် သာကိုယ်ရအောင်လုပ်ယူဖို့ပြည်သူခလူထုကို ပါဝင်ပြီးတော့ ပက်သက်စေချင်ပါတယ်

ဒီမိုကရေစီအစိုးရနဲ့ အာဏာရှင်အစိုးရရဲ့ အကြီးမားဆုံးကွာခြားချက်ဟာဒီမိုကရေစီ အစိုးရဆိုတာ တာဝန်ယူရတယ်
အာဏာရှင်အစိုးရဟာ လုံးဝတာဝန်မယူဘူး လုပ်ချင်ရာလုပ်တယ် —

မဟုတ်တဲ့ မသင့်တော်တဲ့ ဖွဲ့စည်းပုံအောက်မှာရှိနေတာ ရာသီဥတုပြင်းထန်တာထက်ပိုပါတယ်
Phjoto..The myanma age
ဖွဲ့စည်းပုံအခြေခံဥပဒေပြင်ဆင်ရေး လူထုဆန္ဒသဘောထား ရယူဟောပြောပွဲကို ယနေ့နံနက် ၉ နာရီက ဧရာဝတီတိုင်း မအူပင် မြို့နယ်တွင် ကျင်းပပြုလုပ်ခဲ့သည်။ အမျိုးသားဒီမိုကရေစီအဖွဲ့ ချုပ် ဥက္ကဌ ဒေါ်အောင်ဆန်းစုကြည်မှ တက်ရောက်လာသော ပြည်သူလူထုအား ဖွဲ့စည်းပုံအခြေခံဥပဒေပြင်ဆင်ရေးနှင့်ဟောပြောခဲ့ပြီး မေးခွန်းများလည်းမေးမြန်းခွင့်ပြုခဲ့သည်။ ထို့နောက် ဆန္ဒခံယူရာတွင် ဖွဲ့စည်းပုံပြင်ဆင်ရေးနှင့်ပတ်သက်၍ ၉၉ ရာခိုင်နှုန်းထောက်ခံဆန္ဒပြုခဲ့ကြသည်။ အဆိုပါ အခမ်းအနားကို နေ့ လည် ၁၁ နာရီခန့်တွင်ရပ်နားခဲ့ပါသည်။ ထို့နောက် ဒေါ်အောင်ဆန်းစုကြည်သည် မြို့နယ်မှ ရပ်မိ ရပ်ဖများ၊ အမျိုးသားဒီမိုကရေစီအဖွဲ့ချုပ် ခရိုင်၊တိုင်း၊ မြို့နယ် စည်းအဖွဲ့ဝင်များနှင့် တွေ့ဆုံဆွေးနွေးခဲ့ပြီး မွန်းလွဲ ၃ နာရီတွင် ရန်ကုန်မြို့သို့ပြန်လည်ထွက်ခွာလာခဲ့ပါသည်။

NLD Chairperson

Author Name

Contact Form

Name

Email *

Message *

Powered by Blogger.