05/15/14

မနေ့က အသိဒကာကြီး တစ်ယောက်နဲ့ စကားပြောဖြစ်ပါတယ်။ "ခရိုနီဆိုတဲ့ အခုခေတ်စားနေတဲ့ စကားလုံးကို ဒကာကြီး ဘယ်လို နားလည်ထားလဲ" လို့မေးတော့ "တိုင်းပြည်နဲ့ လူမျိုးကို ချစ်သလိုလို၊ ကောင်းစားစေချင်သလိုလို၊ အများအကျိုးစီးပွားကို ရွက်သယ်ပိုးနေတာလိုလို ဟန်ရေးပြပြီး အာဏာရှိသူတွေနဲ့ အကျိုးတူ ပူးပေါင်းကာ မတရားမှုတွေကို တရားသယောင်ယောင် လုပ်ပြီး နောက်ဆုံး အာဏာရှင်တွေကိုပါ နားလှည့်ပါးရိုက်ပြီး သူ့ကိုယ်ကျိုးစီးပွားအတွက် တိုင်းပြည်နဲ့ လူမျိုးကို ဖျက်ဆီးနေတဲ့သူလို့ မြင်ပါတယ်ဘုရား" လို့ ပြောပါတယ်။
ဒကာကြီးပြန်သွားတော့ သူပြောခဲ့တဲ့ ခရိုနီအဓိပ္ပာယ် ဖွင့်ဆိုချက်ကို ပြန်လည်စဉ်းစားရင်းနဲ့ မိမိတို့ သာသနာတော် အတွင်းမှာလည်းပဲ သာသနာတော်ရဲ့အကျိုးစီးပွားကို ဆောင်ရွက်နေတာ လိုလို တိုင်းပြည်နဲ့ လူမျိုးအတွက် သူတို့ဘဝကြီး တစ်ခုလုံးကို ပေးဆပ်နေတာ လိုလိုနဲ့ ဟန်ရေးပြပြီး ရာမြင်လို့ ထောင်စွန့်နေကြတဲ့ ဘုန်းကြီး စီးပွားရေးသမားတွေ၊ အာဏာပိုင်တွေ၊ အာဏာပိုင်ရဲ့ ကျောထောက်နောက်ခံ တွေနဲ့ ပူးပေါင်းပြီး သူတို့ထင်ပေါ်ကျော်ကြားဖို့ အတွက်၊ သူတို့ဘဏ်အကောင့် ထဲမှာ သိန်းထောင်ဂဏန်း၊ သောင်းဂဏန်း ရှိနေဖို့အတွက် သာသနာတော်ကြီးနဲ့ တိုင်းပြည်ကို ဖျက်ဆီးနေကြတဲ့ ဘုန်းကြီးခရိုနီတွေ သံဃာအဖွဲ့အစည်း အဆင့်ဆင့်နဲ့ အောက်ခြေ သံဃာထုထဲမှာပါ များပြားသထက် များပြားလာတာကို သတိပြုမိလိုက်ပါတယ်။

ပြီးခဲ့တဲ့စစ်အစိုးရက သူတို့ကုလားထိုင်ကို လာမလှုပ်ရင်ပြီးတာပဲ ဆိုပြီး ဘုန်းကြီးတွေ ဘာလုပ်လုပ် မသိသလို မမြင်သလို နေပေးခဲ့တာတွေကြောင့် ဘုန်းကြီးခရိုနီတွေ၊ ဘုန်းကြီး စီးပွားရေးသမားတွေ တိုးပွားလာခြင်း ဖြစ်ပါတယ်။ ပြီးခဲ့တဲ့ စစ်အစိုးရသက်တမ်း တစ်လျှောက်လုံးမှာ မဟန အဖွဲ့ကြီး ကိုတောင်မှ စစ်အစိုးရနဲ့ အလွန်းသင့်တဲ့ ဘုန်းကြီးခရိုနီ ၇၅ ရာခိုင်နှုန်းလောက်က ကြီးစိုးထားနိုင် ခဲ့ပါတယ်။ မဟနအဖွဲ့ကြီးမှာ ဘုန်းကြီးခရိုနီတွေ တန်ခိုးထွားအောင် စစ်အစိုးရက မသိဟန်မမြင်ဟန် ဆောင်ခဲ့တာတွေ ရှိသလို ဘုန်းကြီးခရိုနီတွေ ရာထူးကနေ မည်သည့် အကြောင်းကြောင်းနဲ့မှ ပြုတ်မသွားရအောင်လည်း နောက်ကွယ်ကနေ တစ်မျိုး၊ ပေါ်ပေါ်တင်တင်တစ်မျိုးနဲ့ ပံ့ပိုးပေးခဲ့တာကြောင့် ဘုန်းကြီးခရိုနီ တွေဟာ ပုန်းလျှိုးကွယ်လျှိုးနဲ့ လာဘ်စားပြီး ဓမ္မကိုအဓမ္မ၊ အဓမ္မကို ဓမ္မလုပ်နေရာကနေ နောက်ပိုင်းမှာ ပေါ်ပေါ်တင်တင်ပါ ဗြောင်လုပ်လာ ကြပါတော့တယ်။
ထိုအခါမှာ မဟနအဖွဲ့ရဲ့ အကျိုးတော်ဆောင်ချုပ် ဖြစ်တော်မူတဲ့ မင်းကွန်း ဆရာတော်ဘုရားကြီးက "ဒီစီရင်ဆုံးဖြတ်ချက်တွေဟာ တရားနဲ့ လျော်ညီခြင်းမရှိလို့ ပြန်လည်ဆုံးဖြတ်ပါ" လို့ ပြောဆိုတဲ့ အခါတိုင်း မဟန အဖွဲ့ရဲ့ ဘုန်းကြီးခရိုနီခေါင်းဆောင်ကြီးက "ဆရာတော်မကျေနပ်ရင် မဲခွဲပြီး ဆုံးဖြတ်ကြမယ်လေ" လို့ ပြောဆိုပါတယ်။ မဲခွဲ ဆုံးဖြတ်တဲ့ အခါတိုင်းမှာလည်း ဘုန်းကြီးခရိုနီတွေက အင်အား ကောင်းနေတာကြောင့် မင်းကွန်းဆရာတော်ကြီးပဲ အမြဲရှုံးပါသတဲ့။
တစ်ခါတုန်းက အထက် မြန်မာပြည်က ဘုန်းကြီးခရိုနီတစ်ပါးနဲ့ အောက်မြန်မာပြည်က ဘုန်းကြီး ခရိုနီတစ်ပါးတို့ဟာ ကျောင်းမှုတစ်ခုကို ငွေသုံးသိန်း လာဘ်စားပြီး မတော်မတရား ဆုံးဖြတ်လိုက်တာကို သိရှိလိုက်ရတဲ့ မင်းကွန်းဆရာတော် ဘုရားကြီးဟာ "သုံးသိန်းကြီးများတောင်၊ သုံးသိန်းကြီးများတောင်" လို့ ပြောဆိုရေရွတ်ကာ မျက်ရည်ပေါက်ပေါက် ကျတော်မူ ခဲ့ရှာတယ်လို့ ဆရာဘုန်းကြီးက စာဝါချရင်း ပြောဆိုခဲ့တာကို ကိုရင်ဘဝတုန်းက မှတ်သားဖူးပါတယ်။
တစ်ခါတုန်းကတော့ လက်ရှိ မဟနဥက္ကဋ္ဌဖြစ်တော်မူတဲ့ ဗန်းမော် ဆရာတော်ကြီးကို မင်းကွန်းဆရာတော်ဘုရားကြီးက တိနိ ကျောင်းတိုက်ရဲ့ စာချနာယကအဖြစ် ခန့်အပ်တဲ့ပွဲ အခမ်းအနားမှာ ဗန်းမော်ဆရာတော်ကြီးကို ချီးကျူးတော်မူရင်း စကားစပ်သွားတာနဲ့ မဟနအဖွဲ့မှာ ဘယ်ဘုန်းကြီးတွေက ဘယ်လိုလာဘ်စားပြီး မှုခင်းဓမ္မ ကံတွေကို မတော်မတရား အဂတိလိုက်ပြီး ဆုံးဖြတ်တဲ့ အကြောင်းကို ပြောဆိုမိသွားပါတယ်။ ထိုအခါမှာ အနားမှာထိုင်နေတဲ့ မဟနအဖွဲ့မှာ တွဲဖက်အကျိုးတော်ဆောင် ရာထူးကို ရယူထားတဲ့ ဘုန်းကြီးခရိုနီ ခေါင်းဆောင်ကြီးက "ကိုယ်တော်ကြီး သေခါနီးနေမှ ဘာ သူများ မကောင်းကြောင်း ပြောနေရတာတုံး" လို့ ငေါက်ငမ်းလိုက်တာကြောင့် မင်းကွန်းဆရာတော် ဘုရားကြီးက လက်အုပ်ကလေးချီ၍ "တပည့်တော် အမှန်တွေပြောမိလို့ ခွင့်လွှတ်တော်မူပါဘုရား" လို့ ပြန်လည် တောင်းပန်လိုက်ရပါတယ်။
ဘုန်းကြီးခရိုနီတွေဟာ စစ်အစိုးရရဲ့ ပံ့ပိုးမှုကြောင့် မင်းကွန်း ဆရာတော်ဘုရားကြီးလို ပုဂ္ဂိုလ်မျိုးကို တောင်မှ ရိုင်းပျစွာ ဆက်ဆံခဲ့ကြတာပါ။ သေသေချာချာတွေး ကြည့်လိုက်တော့ ဆန်းတော့လည်း မဆန်းလှပါဘူး။ ခွေးတောင် သခင်အားကိုး ရှိနေရင် အစိမ်းအကျက် မရွေး ဟောင်ရဲကိုက်ရဲသေး တာပဲလေ။

မိမိငယ်စဉ်က ပညာသင်ကြားခဲ့တဲ့ စာသင်တိုက်ကြီးထဲမှာ သစ်ကုန်သည်ကြီး တစ်ယောက်က ကျောင်းဆောင်ကြီးတစ်ခုကို ဘုံပျံ နတ်နန်းကြီးသဖွယ် ဟီးထနေအောင် ဆောက်လုပ် လှူဒါန်းပါတယ်။ အဲဒီကျောင်းဆောင်ကြီး ဆောက်လုပ်နေစဉ် ကာလမှာ ကျောင်းဒကာနဲ့ ညှိနှိုင်းလုပ်ဆောင်နိုင်စေရန် အတွက် ဆရာတော်ဘုရားကြီးက လည်လည်ဝယ်ဝယ် ရှိတဲ့ ရဟန်းတစ်ပါးကို တာဝန်ပေးပါတယ်။ အဲဒီ ရဟန်းဟာ ကျောင်းဒကာနဲ့ ရင်းနှီးခင်မင် သွားရုံတင်မကဘဲ ကျောင်းဒကာရဲ့နောက်ခံဖြစ်တဲ့ နိုင်ငံတော်ဝန်ကြီးချုပ် ဆိုသူနဲ့ပါ ရင်းနှီးသွားပြီး ဝန်ကြီးချုပ်အားကိုးနဲ့ သင်္ကန်းမချွတ်ဘဲ စီးပွားရေး လုပ်တော့တာပါပဲ။ နောင်အခါ အဆိုပါ ဝန်ကြီးချုပ် အာဏာလက်မဲ့ ဖြစ်သွားချိန်မှာ ဝန်ကြီးချုပ်လောက် နီးနီး သြဇာအာဏာ ရှိသူနဲ့ ပြန်လည် ဆက်သွယ်မိသွားပြန် ပါတယ်။

၂၀၀၇ ခုနှစ် တစ်နိုင်ငံလုံးအတိုင်းအတာနဲ့ ရဟန်းသာမဏေများ လမ်းပေါ်ထွက်ပြီး မေတ္တသုတ် ရွတ်ကြတဲ့အခါ မှာ မိမိ ပညာသင်ကြားနေတဲ့ စာသင်တိုက်ကလည်း တစ်တိုက်လုံးနီးနီး လမ်းလျှောက်ပြီး မေတ္တသုတ် ရွတ်ဖတ်ကြပါတယ်။ အရေးအခင်းကြီး ပြီးသွားတဲ့အခါမှာ သက်ဆိုင်ရာ အရာရှိတွေက ဆရာတော်ဘုရားကြီးထံ ရောက်လာပြီးတော့ မိမိတို့ စာသင်တိုက်ထဲက ဆန္ဒပြခေါင်းဆောင် ရဟန်း ၁၀ ပါးဆိုပြီး ဘွဲ့နာမည် အတိအကျ၊ နေတဲ့ ကျောင်းဆောင်နာမည် အတိအကျနဲ့ စာရင်းပြသပြီးတော့ ဖမ်းဆီးမယ်ဆိုတဲ့ အကြောင်း ပြောကြားပါတယ်။ ဆန္ဒပြခေါင်းဆောင် ဆယ်ပါးစာရင်းကို သိရှိလိုက်ကြရတဲ့ တစ်တိုက်လုံးက ရဟန်းသာမဏေတွေ အားလုံး အံ့သြကုန်ကြပါတယ်။ ဘာကြောင့်လဲဆိုတော့ မေတ္တသုတ် ထွက်ရွတ်ရာမှာ ခေါင်းဆောင် မဟုတ်ရုံ မျှသာမက မေတ္တသုတ် ရွတ်ဆိုရာသို့ လိုက်ပါခြင်းမရှိတဲ့ ရဟန်းတွေလည်း စာရင်းထဲ ပါရှိနေတာကြောင့် ဖြစ်ပါတယ်။
အဆိုပါစာရင်းကို စစ်အစိုးရက ကောက်ယူခဲ့ခြင်း မဟုတ်ဘဲ အထက်မှာ ပြောခဲ့တဲ့ ဘုန်းကြီးခရိုနီက သူ့ဘာသာ စာရင်းပြုလုပ်ကာ သူနဲ့ရင်းနှီးတဲ့ ဝန်ကြီးရဲ့လက်ထဲကို ထည့်ပေးလိုက်ခြင်း ဖြစ်ပါတယ်။ သူနဲ့ပုဂ္ဂိုလ်ရေး အဆင်မပြေတဲ့ ရဟန်းတွေကိုပါ ဆန္ဒပြခေါင်းဆောင် စာရင်းထဲကို ထည့်ပေးပြီး အပြတ် ရှင်းလိုက်တာပါ။ ဆရာတော် ဘုရားကြီးက သူ့အရှိန်အဝါနဲ့ ကာကွယ်ပေးခဲ့လို့ တစ်ပါးမှအဖမ်း မခံရပေမယ့် စာသင်တိုက်ထဲက ထွက်ခွာပြီး ရှောင်ရတိမ်းရ တချို့ဆိုရင် ရူးမတတ် ခံစားရပြီး တစ်ပတ်အတွင်း အရိုးပေါ်အရေတင်တွေ ဖြစ်ကုန်ကြပါတယ်။ သူကတော့ စာရင်းပေးခ အဖြစ် သိန်းထောင်ကျော်တန် အကောင်းစား ကားကြီးတစ်စီး ရရှိသွားခဲ့ပါတယ်။

တချို့သော ခရိုနီဘုန်းကြီးများ ကတော့ ပါးနပ်လိမ္မာစွာဖြင့် အကွက် ရွှေ့တတ်လွန်းလို့ ခရိုနီဘုန်းကြီးမှန်းတောင် တော်ရုံနဲ့ မသိနိုင်ပါဘူး။ သူတုိ့က အာဏာရှိသူနဲ့ ကြိုတင် လက်ဝါးချင်းရိုက်ထားပြီး အာဏာရှင်ကို ဆန့်ကျင်တာ လိုလို၊ အာဏာရှင်ကို မလိုလား မနှစ်သက် တာလိုလိုနဲ့ အာဏာရှင် မကောင်းကြောင်းကို အာပေါင်အာရင်း သန်သန်နဲ့ပြော၊ လူထုဘက်က ပါဟန်ဆောင် လူထုအကျိုးစီးပွားကို ဆောင်ရွက်ဟန်ပြုပြီး နောက်ဆုံးမှာတော့ လူထုကို အာဏာရှင်ဘက် ပါအောင် မသိမသာလေး စည်းရုံး သိမ်းသွင်းလိုက်ပါတယ်။ လူထုက အဆိုပါ ဘုန်းကြီးခရိုနီရဲ့ လေကြောမှာ မျောသွားပြီး အာဏာရှင်ကို ကယ်တင်ရှင်ကြီး တွေလိုလို၊ ကျေးဇူးရှင်ကြီးတွေ လိုလို၊ တိုင်းပြည်နဲ့ လူမျိုးကို ကယ်တင်ပေးနေတဲ့ သူတွေလိုလို ထင်ယောင်ထင်မှားတွေ ဖြစ်ပြီး ကိုယ့်လည်ပင်းလှီးမယ့် ဓားကို ကိုယ်တိုင် သွေးပေးနေလို့ သွေးပေးနေမှန်း မသိတဲ့ဘဝကို ရောက်မှန်းမသိ ရောက်သွားကြ ပါတော့တယ်။ လူထုရှေ့မှာ အာဏာရှင်မကောင်း ပြောနေပေမယ့် နောက်ကွယ်မှာတော့ အာဏာရှင်တွေ ပေးသမျှ ကျွေးသမျှစားပြီး တဟီးဟီး တဟားဟားနဲ့ ဖရဏာပီတိဂွမ်းဆီထိသို့ အာဏာရှင် နဲ့အတူ အောင်ပွဲခံ နေကြပါတယ်။ ကြိုတင် လက်ဝါးချင်းသာ ရိုက်မထားရင် အာဏာရှင်က ကဘော်ချိုင့်ဝှမ်း ပို့လိုက်တာကြာပါပြီ။

ရန်ကုန်မြို့က စာသင်တိုက်တစ်ခုကို ဘုန်းကြီးနှစ်ပါးက တွဲဖက်ပြီး အုပ်ချုပ်ပါတယ်။ သူတို့နှစ်ပါးဟာ ကျောင်းမှာ စာသင်သားကိုရင် အပါး ငါးဆယ်ခြောက်ဆယ်လောက် မွေးထားပါတယ်။ ဒီစာသင်သားတွေကို ပြပြီး ကျောင်းကို အဝင်အထွက်ရှိတဲ့ ဒကာ ဒကာမတွေဆီကို ဝါဆိုချိန် ဝါဆိုသင်္ကန်း၊ ကထိန်ချိန် ကထိန်သင်္ကန်း အလှူခံပါတယ်။ ပွဲပြီးတာနဲ့ သင်္ကန်းအကောင်းစား မှန်သမျှ သူတို့နှစ်ပါးက ခွဲယူပြီး ဆိုင်မှာ ပြန်ရောင်းစားပါတယ်။ စာသင်သားလေးတွေ ကိုတော့ ဝတ်လို့ အဆင်မပြေတဲ့ မလေးရှား စီဝိုင်စီလို သင်္ကန်းအညံ့စား တွေကိုသာ တစ်ပါးတစ်စုံ ခွဲဝေပြီးပေးပါတယ်။ ဆွမ်းစားကွမ်းစား လိုက်ရာက ရရှိသမျှပိုက်ဆံ တွေကို ရေဖိုးမီးဖိုး ဆိုပြီး သိမ်းဆည်းကာ သူတို့ပဲ ခွဲဝေပြီးတော့ ယူပါတယ်။ အဲဒီကျောင်းမှာ ပထမလတ်တန်း အထိ ကိုရင်တွေကို စာသင် ပေးပါတယ်။ စေတနာရှိလို့ သင်ပေးတာမျိုးတော့ မဟုတ်ပါဘူး။ ဆန်တောင်းဖို့အတွက် ပြသစရာ မျောက်ကလေးတွေ အဖြစ် မွေးထားတာပါ။
(ဆက်လက်ဖော်ပြပါမည်)

ရဲဘော်ကောင်းထက်ကျော် ရိုက်နှက်ခံရတဲ့ ဖြစ်စဉ်ဟာ လုံးဝ တရားလက်လွတ်လုပ်တတ်တဲ့ စစ်အာဏာရှင်စရိုက်ကို ဖော်ပြတာပဲဖြစ်တယ်။ဝါးရမ်းမပါဘဲ ဖမ်းချင်လို့ဖမ်းတယ်ဆိုတဲ့ ရဲမှုးတစ်ယောက်ရဲ့စကားဟာ ဖက်ဆစ်ဆန်လွန်းနေတယ်။

ဖမ်းရမယ့်လူစာရင်းလို့ ဗလာစာအုပ်ပေါ်မှာ ရေးယူလာတဲ့ SB ကိုရော ဘယ်သူက
စေခိုင်းအမိန့်ပေးတာလဲ။ပဲခူးတိုင်းအစိုးရကလား ၊ ကက်ဘိနက်ဝန်ကြီးတွေကလား
ကာ/လုံကောင်စီကလား ၊ တပ်ချုပ် မင်းအောင်လှိုင် ကိုယ်တိုင်ပဲလား ။

သာမန်ကျောင်းသားတစ်ယောက်ကို လက်နက်နဲ့ အကြမ်းဖက်ဖို့ စစ်အုပ်စုတစ်ခုလုံး တသဘောတည်းညီနေကြပါတယ်။ဒီကနေ့တိုင်းပြည်မှာ ဒီမိုကရေစီ
အတုအယောင်၊ငြိမ်းချမ်းရေးဆွေးနွေးပွဲ အတုအယောင်၊ပြည်ထောင်စု အတုအယောင်နဲ့ ပြည်သူတွေကို လှည့်စားနေတယ်ဆိုတာ ကျွန်တော်တို့ ဗကသများ
အဖွဲ့ချုပ်က အထပ်ထပ်သတိပေးပေါင်းမနည်းတော့ပါဘူး။ကျွန်တော်တို့ သတိပေးချက်ကို ပြည်သူက ကွက်ကွက်ကွင်းကွင်းသိအောင် ဒီကနေ့ ရဲဘော် ကောင်းထက်ကျော်က သွေးအထွက်ခံပြီး၊ခေါင်းအအက်ခံပြီး
တပ်လှန့်လှုပ်နိုးလိုက်ပါပြီ။

ပြည်သူနဲ့ ကျောင်းသားရဲဘော်အပေါင်းတို့ နိုးနိုးကြားကြားရှိနေကြပါ။စစ်ဘီလူးတွေ
အစွယ်ကို တတောင်မကပြသလိုက်ပါပြီ။ဒီနေ့အထိ မှိုင်းထဲမိပြီး" သမ္မတကြီးက သဘောကောင်းပါတယ်"ဆိုတဲ့ အပြောမျိုးကို သင်တို့ လိုက်မပြောကြပါနဲ့တော့။
ပြောချင်သူတွေ ပြောကြပါစေ။သူတို့ကို သမိုင်းက အဆုံးအဖြတ်ပေးသွားပါလိမ့်မယ်။

စစ်တပ်နဲ့ခရိုနီ ပေါင်းပြီးသိမ်းထားတဲ့ လယ်မြေအရေးဆောင်ရွက်တဲ့အတွက် ရဲဘော်ကောင်းထက်ကျော်အရိုက်အနှက်ခံရတာပဲဖြစ်တယ်။စည်းကမ်းကောင်းတဲ့၊
စိတ်ဓာတ်ကောင်းတဲ့၊စွမ်းရည်ကောင်းတဲ့ တပ်မတော်ကြီးဆိုတာ ၁၉၄၈ကတည်းက
ဗမာပြည်မှာ မရှိတော့ပါဘူး။ဗိုလ်ချုပ်နဲ့အတူကျဆုံးသွားခဲ့ပါပြီ။
တလက်စတည်းပြောရပါလိမ့်မယ်။ဖောက်ပြန်နေတဲ့ စစ်အုပ်စုဟာ ဒီထက်မကတဲ့
အပြစ်တွေကို မကြာခင်ထပ်မံကျူးလွန်ပါလိမ့်မယ်။

ကျွန်တော်တို့ရဲ့ သွေးစည်းညီညွတ်မှုနဲ့ ဒီတိုက်ပွဲကို ဖြတ်ရပါလိမ့်မယ်။
ရဲဘော်မ ဒေါ်ညို၊ရဲဘော်ပေါက်စတို့ အတွက် အဆုံးသတ်တိုက်ပွဲကို ဆက်ဆင်နွှဲရပါမယ်။
ရဲဘော်ကောင်းထက်ကျော်ကို ဆက်လက်ဝန်းရံရပါမယ်။သူ့ရဲ့ စိတ်ဓာတ်ကို ကျွန်တော်တို့ စံနမူနာယူရပါမယ်။တစ်ဗိုလ်ကျ တစ်ဗိုလ်တက်စနစ်နဲ့ ဆက်လက်တိုက်ပွဲဝင်ကြပါ။
အရေးတော်ပုံအောင်ပါစေ။

ရဲဘော်ကျော်ကိုကို
ဥက္ကဌ
ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ.ချုပ် ( ဗ.က.သ )

သဲကုန်းမြို့ နယ် အောင်ကုန်းရွာ ရာဘာဒုတ် နဲ့ အ ရိုက်ခံခဲ့ရတဲ့
ဗ က သ ရဲဘော် ကောင်းထက်ကျော်
===================================
သဲကုန်းမြို့နယ်၊ အောင်ကုန်းကျေးရွာတွင် မတရားသိမ်းဆည်းခံ လယ်ယာမြေပြန်လည်ရရှိရေး အတွက် သပိတ်စခန်းဖွင့်တောင်းဆို
နေသော လယ်သမားများနှင့် လယ်သမားများကို ဝန်းရံ၍ အကူအညီပေးနေသော ကျောင်းသားများသည်ယနေ့ နေ့လယ်တွင် မိုးကောင်း
ဘုရား၌ သပိတ်စခန်းကိုဖြိုးခွဲခဲ့ရခြင်းနှင့်ပတ်သတ်၍ ကိုပေါက်စပြန်လည် လွတ်မြောက်ရေး၊ မတရားဖြိုခွဲခံရမှုကို အမှုမှန်
ပေါ်ပေါက်ရေးအတွက် ဝတ်ပြုဆုတောင်းပွဲပြုလုပ်ခဲ့သည်။

ယင်းသို့ဆုတောင်းနေစဉ် ခရိုနီလက်ကိုင်တုတ်ရဲများ သည် ယနေ့နေ့လယ်၁၁နာရီ၌ အင်အားသုံး အကြမ်းဖက်ဖြိုခွဲ ဖမ်းဆီးခဲ့ကြောင်း။ လယ်သမားခေါင်းဆောင်တစ်ဦးနှင့်လာရောက်အကူအညီပေးနေသည့်တောင်ငူတက္ကသိုလ်မှ ကျောင်းသားဖြစ်သူ ဗကသ ကျောင်းသား ကိုကောင်းထက်ကျော် အား ဦးခေါင်းရိုက်ခံရကာ ဖမ်းဆီး ခေါ်ဆောင်သွားခဲ့ကြောင်း။ ထို့နောက် ရွာသားများမှ ပြန်လည်လုယူရာ တွင်ကိုကောင်းထက်ကျော်ကို ပြန်လည်ရရှိကြောင်းသိရပါသည်။

ယခုအခါတွင်ဘုန်းကြီးကျောင်းတွင် ခေါ်ဆောင်ထားပြီး ဆရာတော်ဦးဝါယမ သည် ရဲဆီမှသော့တောင်းကာ လက်ထိပ်ကိုဖွင့်ပေးခဲ့ပြီး ဆရာတော်၏ကျောင်း၌ ခေတ္တနေထိုင်ခွင့်ပေးခဲ့သည်။

ယခုလက်ရှိတွင် ယင်းဘုန်းကြီးကျောင်း ထဲသို ဝင်ရောက်မပြုသော်လည်း ရဲအင်အာအများအပြားဖြင့် ဆရာတော်ဦးဝါယမကျောင်းတိုက်ကို ဝိုင်းထားကြောင်းသိရှိရသည်။

Photo ... Aunglwin Soe

နိုင်ငံရေးဆိုတာ ရန်သူကို မိတ်ဆွေဖြစ်အောင် လုပ်တာဟု ဆိုကြသည်။ တချို့ကတော့ မိမိရန်သူ၏ ရန်သူသည် ကိုယ့်မိတ်ဆွေဟု ဆိုပြန်သည်။ ကျွန်တော် ကြုံတွေ့ ရပုံကတော့ တစ်မျိုးတစ်ဖုံ ဖြစ်သွားခဲ့ချေပြီ။

ကျွန်တော် စာပေဟောပြောပွဲ မဟောဖြစ်တာ တော်တော်ကြာပြီ။ ကိုးလကျော်ခဲ့ပြီ။
ဆေးရုံနှစ်ခါ တက်လိုက်ရသဖြင့် ကျန်းမာရေး တော်တော်ချူချာသော နှစ်ဖြစ်ခဲ့၏။ ဆရာဝန်ကလည်း အလုပ်တွေ လျှော့ခိုင်းသည်။ ကျွန်တော်က လျှော့မရ။ ရခိုင်ပြည်နယ် စုံစမ်းရေး ကော်မရှင်နှင့် နိုင်ငံရေး အကျဉ်းသား စိစစ်ရေး ကော်မတီ အလုပ်တွေကပိသည်။ ငြိမ်းချမ်းရေး ပွဲတော်တွေကိုလည်း လုပ်မိပြန်တော့ အနားမရနိုင်။ သေချာတာကတော့
နိုင်ငံရေးနှင့် ကျွန်တော် ဝေးဝေးနေလို့ မရချေ။ ကျွန်တော့် အ၀န်းအ၀ိုင်းကိုက နိုင်ငံရေး မိသားစု ဖြစ်နေသည်။ နေ့စဉ်နှင့်အမျှ နိုင်ငံရေးနှင့် မျက်နှာသစ် နေသူများဖြစ်၏။ အားမလို အားမရဖြစ်တာတွေကို မချိတင်ကဲလည်း ပြောကြ၊ ရင်ဖွင့်ကြသည်။

ကျွန်တော့် မိတ်ဆွေတွေက ကျွန်တော့်ကို စာပေ ဟောပြောပွဲတွေ ဟောစေချင်သည်။
ကျွန်တော့် စာပေဟောပြောပွဲ အခွေတွေက တော်တော်ပြန့်သည်။ အမြန်ကားကြီးတွေ
ပေါ်မှာတောင် ပြသည်ဆို၏။ နယ်က လူငယ်တွေက ကျွန်တော့် ဟောပြောပွဲ အခွေကို
ကြည့်ပြီး၊ နားထောင်ပြီး ဆွေးနွေးပွဲတွေ လုပ်ကြသည်တဲ့။ ရန်ကုန်ကို တချို့ရောက်လာကြပြီး ကျွန်တော်နှင့် လာဆွေးနွေးကြသည်။ ကျွန်တော်က နိုင်ငံရေး ပါရဂူ မဟုတ်သလို ပုရောဟိတ်လည်း မဟုတ်ချေ။ နိုင်ငံရေးကို ၀ါသနာပါလို့ လေ့လာနေခြင်း သက်သက်သာ။ ဘယ်နိုင်ငံ ဘယ်တက္ကသိုလ်ကမှ နိုင်ငံရေးနှင့် ပတ်သက်ပြီး ဘာဘွဲ့မှ မရခဲ့ဖူးချေ။

တချို့လူငယ်တွေက နိုင်ငံရေးသမား လူကြီးတွေကို အစာမကျေ။ မြန်မာ့နိုင်ငံရေး အရွေ့မှာ လမ်းပိတ်ဆို့နေသည်၊ လမ်းပျောက်နေသည်၊ လမ်းပျက်နေသည်ဟု ဆိုကြ၏။ မဆလခေတ်
က ဦးနေ၀င်း၏ တစ်မိန့်တည်းကိုသာ နာခံပြီး လိုက်လုပ်နေခဲ့ကြရပုံနှင့် နှိုင်းယှဉ်လာကြသည်။ ဒီမိုကရက်တစ် အာဏာရှင် ဖြစ်နေပြီဟုလည်း ရင်ထုမနာ ဆိုကြသည်။ ဧကရာဇ်မှသည် ဧကရီဆီသို့ ရွှေ့လာပြီဟု ဆိုပြန်သည်။ ကျွန်တော် နိုင်သလောက် ရှင်း၏။ မရချေ။

စာပေ ဟောပြောပွဲတွေမှာ စာရေးဆရာတွေက နိုင်ငံရေးကို လက်သီးလက်မောင်းတန်း
ဟောသည်။ တချို့ဆိုလျှင် ပရိသတ်ကို ဒို့အရေး အော်ခိုင်းသည်။ တချို့က အစိုးရကို ဆဲခိုင်းသည်။ စိမ်ခေါ်ခိုင်းသည်။ လွတ်လပ်စွာ ပြောဆိုခွင့်ကို ကျွန်တော်ချစ်သည်။ လေးစား
သည်။ အလွဲသုံးစား မလုပ်ကြစေချင်။ သို့သော် ကိုယ်ပြောတာကို သူတို့နားထောင်မည်
မထင်။ ထို့ကြောင့် ဘာဝေဖန်မှုမှ မပေးတော့ဘဲထိုသို့သော ဟောပြောသူများကို
ရှောင်လိုက်သည်။ သို့နှင့် စာပေ ဟောပြောပွဲနှင့် ကျွန်တော် ဝေးခဲ့ရသည်။

သို့တစေ တော်တော်များများသော ပရိသတ်တွေက တောင်းဆိုသည်။ ပြောစေချင်
ကြသည်။ ကျွန်တော် ထောင်ထဲ ရောက်နေစဉ်က အတူနေ မိတ်ဆွေတွေရှိသည်။ သူတို့ကို ကျွန်တော်က နိုင်ငံရေးနှင့် ပတ်သက်သော စာအုပ်တွေကို ဘာသာပြန်ပေးပြီး ဖတ်စေ
ခဲ့၏။ ကျွန်တော့် မိတ်ဆွေတွေ ပေးပို့လိုက်သော အင်ဒရူးဟေးဝုဒ်၊ ပိတာရှရိုးဒါး၊ လယ်ရီဒိုင်းမွန်း၊ ရောဘတ် အေဒါးလ်၊ ဖူးကူယာမား စသည့် စာရေးဆရာများ၏ စာအုပ်
တွေကို ကျွန်တော်က ဖတ်လည်းဖတ်ပြသည်။ ဘာသာပြန်ပြီးလည်း ပေးဖတ်သည်။ သူတို့တတွေက ကျွန်တော့ကို ထိုစာတွေ စုပေါင်းပြီး စာအုပ်ထုတ်ဖို့ ပြောသည်။
ကျွန်တော်က လိပ်ပြာမလုံ။

သို့သော် စာပေ ဟောပြောပွဲတွေ၊ သင်တန်းတွေမှာတော့ ထိုစာအုပ်တွေထဲက ထုတ်နှုတ်
ထားသော မှတ်စုတွေကို ပြောဖြစ် ဟောဖြစ်သည်။ နောက်ထပ် ဖတ်မှတ်မိသော
လေ့လာမိသော စာတွေကိုလည်း မျှဝေပေးခဲ့သည်။ မည်သို့ဆိုစေ ကျွန်တော် စာပေ
ဟောပြောပွဲ တစ်ခါဟောဖို့ တော်တော် အရှိန်ယူရသည်။ အချိန်လည်း ယူရသည်။
ပေါ့လွယ်လွယ် မဟော မပြောချင်။ ပရိသတ်ကို ရယ်စရာတွေ ပြောဖို့ ကျွန်တော် ဘာမှမခက်။ သို့သော် ဒါအငြိမ့်ဇာတ်ခုံ မဟုတ်။ အပျင်းပြေ စိတ်အညောင်းပြေ ရယ်မောစရာလေးတွေ ညှပ်ပြောတာမျိုးလောက်သာ ပြောရ၏။ ကျွန်တော်နှင့်စိတ်ချင်း စေတနာချင်းတူသော
ဇော်သက်ထွေး၊ နေဘုန်းလတ်တို့နှင့် တိုင်ပင်ပြီး ဟောပြောပွဲတွေကို ရည်ရွယ်ချက် တစ်ခုထားပြီး ထိထိရောက်ရောက် ပြောကြဖို့ တိုင်ပင်မိသည်။

ကျွန်တော်ငယ်ငယ်က စာပေ ဟောပြောပွဲတွေ တော်တော်များများ နားထောင်ဖူးသည်။ ဦးကိုယုတို့ ဆရာဗိုလ်သခင်ဆရာတို့ ပြောတာတွေကို သဘောကျသည်။ သူတို့ ဟောတာ၊
ပြောတာ နားထောင်ပြီးလျှင် ကျွန်တော် စဉ်းစားစရာတွေ အများကြီးရသည်။ ဆက်ဖြန့် တွေးတောစရာတွေလည်း ရသည်။ ကျွန်တော်က ဒီလိုပုံစံကို နှစ်ခြိုက်သည်။ ကိုဇော်သက်ထွေးက သတင်းသမားပီပီ သတင်း လွတ်လပ်ခွင့်ကို ဇောင်းပေးချင်သည်။

တစ်ဆက်တည်းမှာ ဒီမိုကရေစီ နိုင်ငံတော် ဆီသွားချင်ပါက စောင့်ကြည့်ရမည့် ၀တ္တရားတွေ တင်ပြချင်သည်။ ကိုနေဘုန်းလတ်က လူလူချင်း အမုန်းပွားစေမည့် စကားတွေ ဘယ်လောက် အန္တရယ်ကြီးကြောင်း တင်ပြမည်။ တချို့ကတော့ ကိုနေဘုန်းလတ်၏ ရည်ရွယ်ချက်ကို
တိတိပပ နားလည်ဟန်မတူ။ အစိုးရက မုန်းမှာ ကြောက်လို့လားဟု ခနဲ့သည်။ ပြဿနာ မရှိပါ။ ပွင့်ပွင့်လင်းလင်း ဆွေးနွေးဖို့သာ လိုအပ်တာ ဖြစ်၏။ ငြင်းရ ခုန်ရတာသည် အရသာ။

သို့ဖြင့် ၀က်လက်မြို့နယ်ထဲက ရွှေပန်းကုန်း ကျေးရွာနှင့် လားရှိုးတို့မှာ ဟောပြောခွင့်
ရသည်။ ရွှေပန်းကုန်းမှာ ကွင်းပြည့်ခမန်း လာနားထောင်သောပရိသတ်တို့၏ ရေချိန်
ကမြင့်သည်။ ကျွန်တော်က တစ်ယောက်တည်း တစ်လမ်းသွား ဟောရတာ မကြိုက်၊ ပရိသတ်နှင့် အပြန်အလှန် ပြောချင် မေးချင်သည်။ ဒီမှာတင် ပြဿနာက တက်တော့၏။ (ဖွဲ့စည်းပုံ အခြေခံ ဥပဒေ ပြင်တဲ့ကိစ္စက ကျွန်တော်တို့ ရပ်သူရွာသားတွေနဲ့ ဆိုင်သလား)
လို့ မေးလာ၏။ ကျွန်တော် ဖြေဖို့ခက်သည်။

ကျွန်တော် ပြောဟောနေသည်မှာ ဖွဲ့စည်းပုံ အခြေခံ ဥပဒေ အကြောင်း မဟုတ်။ ကျွန်တော်
သည် ဖွဲ့စည်းပုံ အခြေခံ ဥပဒေကိုထိုးထိုးဖောက်ဖောက် ဆွေးနွေးနိုင်မည့်သူမဟုတ်။ ပြည်သူ
တွေမှာ တာဝန်ရှိပါတယ်လို့ မယုတ်မလွန် ဖြေလိုက်မိတော့ ဒါဆို လွှတ်တော် ကိုယ်စားလှယ်တွေက ဘာလုပ်ဖို့လဲလို့ မေးခွန်းက ဆက်လာပြန်သည်။ ကျွန်တော် တော်တော် ဖြေရကျပ်သည်။ ဒါစာပေ ဟောပြောပွဲ နိုင်ငံရေး တရားဟောပွဲ မဟုတ်ပါဘူးလို့ ဘုတောလို့က မဖြစ်။ ဒီအကြောင်း ဆွေးနွေးဖို့ အချိန်ယူ ရပါဦးမည်။
နောက်အလျဉ်းသင့်တော့ ဆွေးနွေးကြတာပေါ့ဟု ချွေးသိပ်ခဲ့ရသည်။ ကိုယ့်ကိုယ်ကိုလည်း သိပ်မကျေနပ်ချင်။

လားရှိုးရောက်တော့ ပြဿနာနာက်တစ်မျိုး တက်ပြန်သည်။ ဒုတိယ သမ္မတလာမှာမို့
ဟောပြောပွဲ နောက်တစ်ရက် ဆုတ်ခိုင်းသည်။ ဒုတိယ သမ္မတနှင့် ဟောပြောပွဲ ဘယ်လိုမှ မပတ်သက်ချေ။ ဒီလို စရိုက်ဆိုးတွေ အမွေအဖြစ် ကျန်နေခဲ့တာ တော်တော်ဆိုးသည်။

သို့ဖြင့် စာပေ ဟောပြောပွဲက NLD ရုံးချုပ်ထဲသို့ ရောက်သွားသည်။ လူတို့၏ သဘာဝ
ဒါမျိုးဆို ပိုအားပေးတတ်သည်။ ဒီတော့ NLDရုံးဘေး မြေကွက်လပ်ကြီး တစ်ခုလုံး
ပြည့်သွားသည်။ ဒီနေရာမှာတင် ပွဲကိုစီစဉ်သော မေတ္တာပန်းခင်း လူငယ်ကလေးများ မျက်လုံး ပြူးရတော့သည်။ ထုံစံအတိုင်း မြို့နယ်အုပ်ချုပ်ရေးက လုံခြုံရေး ဘန်းပြ
လာသည်။ ဒါတွေကို စာပေ ဟောပြောပွဲထဲမှာ ခပ်စပ်စပ် ကလေးဟောဖို့၊ ထည့်ပြီး ပြောဖို့ လာတိုက်တွန်းကြသည်။ ကျွန်တော်တို့ တစ်ယောက်မှ ထိုကိစ္စကို မပြောခဲ့ကြပါ။

ကျွန်တ်ာတို့၏ မူလ ရည်မှန်းချက်သည် မေတ္တာပန်းခင်း လူမှုကူညီရေး အဖွဲ့အတွက် မုဒိတာ ပြောဖို့ဖြစ်သည်။ ထစ်ကနဲရှိ ရန်ထောင်နေဖို့မဟုတ်။ကျွန်တော်တို့ ပြောနေ
ဟောနေတာတွေကို ဒုတိယ သမ္မတ လာနားထောင်လျှင်လည်း သဘောတူပါလိမ့်မည်။

တိုးတက်ချင်သော လူငယ်တိုင်း အတွက် လေ့ကျင့်မွေးမြူရမည့် ဓလေ့စရိုက်တွေကို ကျွန်တော်တို့ ဟောပြောကြခြင်း ဖြစ်သည်။ သတင်းလာယူသော ရဲထောက်လှမ်းရေးတွေ၊
ခရိုင် အုပ်ချုပ်ရေး သမားတွေပါ နှစ်ခြိုက်သွားကြသည်။ ပွဲစီစဉ်သူ လူငယ်များလည်း မျက်နှာပန်းလှကြ၏။ အထူးသဖြင့် ကျွန်တော့် သူငယ်ချင်း ဒေါက်တာ လင်းထွဋ်(ခေါ်)
ပလာယာကြီး ပြုံးဖြီးဖြီး ဖြစ်သွားတော့လေသည်။

ဒီနေရာမှာ သင်ခန်းစာနှစ်ခု ရလိုက်သည်။ တစ်ခုက စိတ်ခံစားမှုကို ဦးစားပေးပြီး ဆတ်ဆတ်ထိမခံ တုံ့ပြန်တာမျိုး မလုပ်မိဖို့ ဖြစ်သည်။ နောက်တစ်ခုကတော့ ကိုယ့်ပြိုင်ဖက်
ကို အားကောင်းသွားအောင် မလုပ်စေဖို့ ဖြစ်သည်။

သေသေချာချာ စဉ်းစားလိုက်လျှင် လူမှုကူညီရေး အဖွဲ့သည် NLD ပါတီ မဟုတ်ချေ။ မြို့နယ် အုပ်ချုပ်ရေး အဖွဲ့သည် ကြံ့ခိုင်ရေး၏ မဟာမိတ် ဖြစ်သည်။

ခုတော့ NLDရုံးထဲ လူစုအောင်၊ အားတောင့်တင်းအောင် လုပ်ပေးလိုက်သလိုနှယ်။ မြို့နယ်
က လူတွေက အုပ်ချုပ်ရေး အဖွဲ့ကို မေတ္တာပို့ကြသလို NLDကို ချစ်အားတွေ ပိုကြ
လေတော့၏။

ဒီတော့ ကျွန်တော် အထက်က စကားကို ပြန်ဆက်ပါတော့မည်။ ရန်သူတွေ၊ မိတ်ဆွေတွေ မဟုတ်သည့်တိုင် ပြိုင်ဖက်တော့ဖြစ်သည်။ ကိုယ့်ယောက်ဖကို ဗိုင်ရာဂရာ လက်ဆောင် ပေးတာမျိုးသည် နိုင်ငံရေးမှာ သေတွင်းတူးခြင်းပင်။

ဇာဂနာ

( Tomorrow သတင်းဂျာနယ်အမှတ်(၁၁)ပါ ဆောင်းပါး )..Kyaw Swar Myint


ဂျပန်အသင်းတွင် အရွေးခံရသည့် ကောင်းဇံမရအကြောင်း မိခင်ဖြစ်သူနှင့်မေးမြန်းချက်

ပြည်ထောင်စုမြန်မာနိုင်ငံသား အမိ နဲ့  အဖ က မွေးဖွားလာတဲ့ ကလေးသူငယ် လေး သည်
ဂျပန်နိုင်ငံ လူငယ်ဘောလုံး လက်ရွေးစင် ( U 12) အသင်းအတွက် ရွေးချယ်ခြင်းခံရပါသည်။

ဂျာမဏီနိုင်ငံ ဘာလင်မြို့  မှာ သြဂုတ်လ ၁ ရက်မှ ၉ ရက် တွင် ကျင်းပမည့်
U 12 INTERNATIONAL လူငယ်ဘောလုံးပြိုင်ပွဲတွင် ဝင်ရောက်ယှဉ်ပြိုင်မည့်
ဂျပန်လူငယ်ဘောလုံးလက်ရွေးစင် ( U 12 ) ၂၃ ဦးကို နိုင်ငံအဝှမ်းရှိ ကလေးသူငယ် ၉၀၀ ကျော်
ထဲမှ ရွေးချယ်ခြင်းဖြစ်သည်။

သူ့ နာမည်က ကောင်းဇံမရ ။

ဂျပန်နိုင်ငံရှိ FC TOKYO ဘောလုံးအသင်း နှင့် BUDDY SOCCER အသင်းတို့ မှ
ပြုစုပျိုးထောင်ခြင်းခံထားရသူလေးဖြစ်ပြီး၊ ရှေ့တန်းတိုက်စစ်မှူးးအပြင် ဂိုးသမား အဖြစ်ပါ
ခြေစွမ်းပြနေသူလေးဖြစ်သည်။
ယခု ဂျပန်လူငယ်ဘောလုံး လက်ရွေးစင်အသင်း ( U 12 ) တွင် ဂိုးသမား အဖြစ်ရွေးချယ်ခံရခြင်းဖြစ်သည်။

အဖေဖြစ်သူသည် တက္ကသိုလ်ဘောလီဘောလက်ရွေးစင်ဟောင်းနှင့် မြန်မာ့ဘောလီဘောလက်ရွေးစင်ဟောင်း ကိုမြတ်သူ ဖြစ်ပြီး၊
အမေဖြစ်သူမှာ တက္ကသိုလ်ကျောင်းသူ နိုင်ငံရေး အကျဉ်းသူ ဟောင်း မကြူ ကြူ ဖြစ်သည်။

ပြည်ထောင်စုမြန်မာနိုင်ငံသား ရခိုင်လူမျိုးလေး မောင် ကောင်းဇံမရ အား
ဝမ်းမြောက် ဂုဏ်ပြုလျက်။..................Ye Nyein

ခရိုနီတွေအကြောင်း ပြောပြနေတဲ့ ခရိုနီလက်ဟောင်းကြီးက “တကယ်တမ်း ပြောရရင် ထိပ်သီးခရိုနီ၂၀ထဲမှာ မြန်မာတစ်ယောက်မှ မပါဘူးဗျ။ ဒီလိုပြောပြန်တော့ ဆရာကျောင်းတို့ ဦးဇော်ဇော်တို့ ဦးတေဇတို့က ထိပ်သီး ၂၀ထဲမပါဘူးလားလို့ ခင်ဗျားက မေးချင်မယ်။ အစိုးရဆီက အခွင့်အရေး အရဆုံး အမြတ်အစွန်း အရဆုံး ၂၀ထဲမှာ အဲဒီသုံးယောက် မပါဘူးဆိုတာ အသေအချာ ပြောရဲတယ်။

ဘာကြောင့် ပြောနိုင်သလဲဆိုတော့ အရင်ထောက်လှမ်းရေးတွေ ပြုစုထားတဲ့ စာရင်းရှိတယ်။ အဲဒီအထဲမှာ ခုနသုံးယောက်က ၂၀အပြင်မှာပဲရှိတယ်။ ဒါပေမဲ့ လှူရတန်းရမဲ့ အချိန်ကျရင် ရုပ်ပြကောင်းအောင် သူတို့ကိုပဲ ပွဲထုတ်လေ့ရှိတော့ လူတွေက သူတို့သုံးယောက်က အခွင့်အရေး အရဆုံး၊ အချမ်းသာဆုံးလို့ ထင်နေတာ။ အခုကျွန်တော် ပြောပြမဲ့ ဘိန်းခရိုနီကမှ မြန်မာနိုင်ငံကို အုပ်ချုပ်ခဲ့တဲ့ အာဏာရှင်မိသားစုတွေ၊ ၀န်ကြီး ၀န်ကလေးတွေရဲ့ ယုံကြည်ခံရဆုံး အခွင့်အရေး အရဆုံးသူ ဖြစ်တယ်။ သူတို့မိသားစုနေဖို့ အင်းစိန် သုခလမ်းနဲ့ ပဏ္ဍိတလမ်းမှာနေတဲ့ သူတွေကို မှော်ဘီ ၀ါးတစ်ရာကို ပြောင်းပစ်ပြီး ရပ်ကွက်ကြီး တစ်ခုလုံးကို မိသားစု စံနန်းတော် လုပ်ခဲ့သူလည်း ဖြစ်တယ်။ ပြောရရင် ဒါဟာ မြို့ပြဖွံ့ဖြိုးမှု စီမံကိန်းလည်း မဟုတ်ဘူး။ ဘိန်းဘုရင် မိသားစု စံစားဖို့ သက်သက်ပဲ။ ဒါပေမဲ့ ထောက်လှမ်းရေး ညွှန်ကြားရေးမှူး ဗိုလ်ချုပ်ခင်ညွန့်က အဲဒီနေရာကို ပေးခဲ့တယ်။ ဘာလို့ပေးခဲ့သလဲဆိုရင် အဲဒီ ဘိန်းတရုတ်တွေက ထောက်လှမ်းရေး အသေးသုံးအတွက် တစ်နှစ်ကို ဒေါ်လာ တစ်သန်း ထောက်ပံ့ခဲ့လို့ပဲ။

ဒီဘိန်းတရုတ် ခရိုနီက မြန်မာနိုင်ငံရဲ့ အရင်းအမြစ်တွေကို တရုတ်ဘက်ကို နည်းမျိုးစုံနဲ့ ရောင်းစားနေတဲ့သူ ဖြစ်တယ်။ အခုအနားယူသွားတဲ့ ဒုသမ္မတဟောင်းကို သူ့ကုမ္ပဏီထဲမှာ ရှယ်ယာတွေပေး၊ ကုမ္ပဏီရဲ့ နာယကခန့်ပြီး တစ်နိုင်ငံလုံးရဲ့ အရင်းအမြစ်တွေကို ထုတ်ယူ သုံးစွဲခွင့်ရခဲ့တာ ဖြစ်တယ်။ အဲဒီ ဒုသမ္မတဟောင်းဟာ အဲဒီ ဘိန်းတရုတ်ရဲ့ ကုမ္ပဏီမှာ အစုရှယ်ယာ ၄၀ ရာခိုင်နှုန်းအထိ ပိုင်ဆိုင်ပြီး နာယက တာဝန်ထမ်းဆောင်လျက်ရှိတယ်။

တစ်နိုင်ငံလုံးက အုန်းအုန်းကျွက်ကျွက် ကန့်ကွက်နေတဲ့ မြစ်ဆုံ ရေအားလျှပ်စစ်ဟာ တကယ်ပြောရရင် နှစ်ကျပ်ကွက် ဖြစ်တယ်။ မြစ်ဆုံရဲ့ ရေအောက် မြေကြီးတွေထဲမှာ နှစ်ပေါင်းများစွာ အနည်ကျနေတဲ့ ရွှေတွေရှိတယ်။ ဒါကြောင့် မြစ်ဆုံက တူးသမျှ မြေကြီးတွေကို တရုတ်ဘက်ကို ငွေအကုန်ခံ သယ်သွားတာဖြစ်တယ်။ အဲဒီမြစ်ဆုံ စီမံကိန်းအတွက် သူတို့ရင်းနှီးမြှုပ်နှံမဲ့ ငွေထက် အဆပေါင်းများစွာ တန်တဲ့ ရွှေတွေကို အဲဒီဘိန်းတရုတ် ပွဲစားလုပ်တဲ့ CPIကုမ္ပဏီက ရသွားပြီးဖြစ်တယ်။ ပြောရရင် အဲဒီဘိန်းတရုတ်ခရိုနီဟာ တိုင်းပြည်မျက်နှာကို နဲနဲမှထောက်တာ မဟုတ်ဘူး။ အဲဒီလို မထောက်ထားနိုင်တဲ့ အကြောင်းက သူဟာတရုတ်ဖြစ်နေလို့ပဲ။ ခက်တာက အဲလိုလူတွေကိုမှ အာဏာရှင်တွေက ယုံကြည်ကြတာကိုးဗျ။ သူပွဲစားလုပ်တဲ့ ရေအားလျှပ်စစ်နဲ့ ပတ်သက်တဲ့ စာချုပ်တွေဟာ အများပြည်သူရှေ့ကို ရောက်မလာပေမဲ့ အခြေခံအချက်ကတော့ သူတို့ တရုတ်ကုမ္ပဏီတွေကို ရင်းနှီးမြှုပ်နှံခွင့် ပြုလိုက်လို့ နိုင်ငံတော်က ပြန်ရမှာက ထွက်တဲ့လျှပ်စစ်ရဲ့ ၁၀ရာခိုင်နှုန်းပဲ ဖြစ်တယ်။ ပြီးရင်နိုင်ငံအတွက် လိုအပ်လာရင် ၅၀ရာခိုင်နှုန်းအထိပဲ ပေါက်ဈေးနဲ့ ၀ယ်ခွင့်ရှိတယ်။ ရေအားလျှပ်စစ် အတွက် နိုင်ငံတော်က သဘာဝပတ်ဝန်းကျင် ညစ်ညမ်းမှုတွေ ဂေဟစနစ် ပျက်စီးမှုတွေ ရှိပေမဲ့ ဘယ်သူသေသေ ငတေမာရင်ပြီးရောဆိုတဲ့ အာဏာရှင် မိသားစုက အဲဒီဘိန်းတရုတ် ခရိုနီလုပ်ချင်သမျှကို ခွင့်ပြုပေးခဲ့တယ်။ မြစ်ဆုံမှာ တကယ် သူတို့ဆောက်မှာက ဆည်ပေါင်း ခုနှစ်ခုဖြစ်တယ်။ လက်ရှိအစိုးရက တားထားတာက မြစ်ဆုံဆည် တစ်ခုထဲဖြစ်လို့ ကျန်တာတွေ သူတို့ဆက်ဆောက်ခွင့် ရနေသေးတယ်။ အဲဒီစီမံကိန်းကနေ ဘိန်းတရုတ် ခရိုနီရသွားတဲ့ ပွဲခက အမေရိကန် ဒေါ်လာ သန်း၄၀၀ ဖြစ်တယ်။ ပြောရရင် မြန်မာနိုင်ငံက ရေအားလျှပ်စစ် စီမံကိန်းတွေ အားလုံးကို အရင်လျှပ်စစ်ဝန်ကြီး ဦးဇော်မင်း လက်ထက်မှာလက်မှတ် အကုန် ထိုးသွားတာ ဖြစ်တယ်။

အဲဒီအပြင် အာဏာရှင်တွေက ဘယ်လောက် သဘောကောင်းသလဲဆိုတော့ မြန်မာနိုင်ငံကနေ နိုင်ငံတစ်ကာ ထွက်ပေါက် ၀င်ပေါက်တွေဖြစ်တဲ့ အပြည်ပြည်ဆိုင်ရာ ဆိပ်ကမ်းနဲ့ ရန်ကုန် အပြည်ပြည်ဆိုင်ရာ လေဆိပ်တွေကို နှစ်ရှည်စာချုပ်နဲ့ သူ့ကို လုပ်ခွင့်ပေးလိုက်တယ်။ ဒီတော့ သစ်လုံးထွင်းပြီး ဘိန်းဖြူတွေထည့်ပြီး နိုင်ငံခြား ပို့တာမျိုးတွေ ဖြစ်လာတာပေါ့ဗျာ။ နိုင်ငံတကာ ရဲတပ်ဖွဲ့က သတင်းပေးလို့ ဖမ်းမိတော့လဲ ဘယ်သူက အရေးယူလဲ၊ ဘယ်သူကမှ အရေးမယူရဲဘူး။ ဘာကြောင့်လဲဆိုရင် စားထားတာတွေက နင့်နေလို့ပေါ့။ အာဏာရှင်ကြီးရဲ့ သမီးတွေ ၀ယ်သမျှ စိန်တွေကို ဒုသမ္မတဟောင်းက ငွေချေရတယ်။ အဲဒီငွေက ဒီဘိန်းတရုတ် ခရိုနီဆီကရတာ ဖြစ်တယ်။ မဟုတ်ဘူး ငြင်းလို့တော့မရဘူး။ အဲဒီငွေပေးငွေယူ ကိစ္စတွေမှာ လိုက်လုပ်ပေးရတဲ့ သူက ပြောပြထားတာ။ ထောက်လှမ်းရေးပိုင်းမှာ တာဝန်ရှိတဲ့ အကောက်ခွန်တို့၊ သတင်းတပ်ဖွဲ့တို့ စစ်ဖက်ရေးရာ လုံခြုံရေးတို့ စသုံးလုံးတို့က အဲဒီဘိန်းတရုတ် ခရိုနီကို နိုင်ငံတကာ ထွက်ပေါက်ဝင်ပေါက်တွေ လုပ်ပိုင်ခွင့်ပေးတဲ့ ကိစ္စကို လုံးဝ မကျေနပ်ကြဘူး။ သူကိုယ်တိုင် ကမ္ဘာကျော် မူးယစ်ရာဇာ မိသားစုဝင်ဖြစ်သလို သူ့ဇနီးကလည်း စင်္ကာပူ တရုတ်မလေးဗျာ။ ဒီလို မိသားစုကို ငွေမျက်နှာ တစ်ခုထဲနဲ့ နိုင်ငံတော်ရဲ့ ၀င်ပေါက်ထွက်ပေါက်တွေကို ပေးတဲ့လုပ်ရပ်က အော့နှလုံးနာဖို့ ကောင်းတယ်။

ဒါပေမဲ့ ဘယ်သူမှ မတတ်နိုင်ဘူး။ အာဏာရှင် မိသားစုရဲ့ ညွှန်ကြားချက်နဲ့ အရင်က အတွင်းရေးမှူး(၁)၊ နောက်ပိုင်း ဒုသမ္မတ(၁)ဖြစ်တဲ့ သူက အကုန်ခွင့်ပြုပေးခဲ့တာကိုး။ လောလောဆယ်တော့ လာမဲ့၂၀၁၅ကို မျှော်တွေးပြီး ဒုသမ္မတဟောင်းက အဲဒီဘိန်းတရုတ် ခရိုနီဆီက သူထည့်ထားတဲ့ ရှယ်ယာတွေ ပြန်ထုတ်ပေးဖို့ တောင်းဆိုနေလေရဲ့။ ရှယ်ယာဆိုတာ သူကငွေထည့်ရတာ မဟုတ်ဘူးလေ၊ လုပ်ငန်းတစ်ခု ချပေးလိုက်လို့ သူ့အတွက် အကျိုးအမြတ်ကို ဟိုဘိန်းတရုတ် ခရိုနီက ငွေမပေးချင်လို့ ရှယ်ယာဆိုပြီး သူ့ကုမ္ပဏီမှာ ထည့်ခိုင်းထားတာတွေ။

ဂျာနယ်တစ်စောင်ကလဲ ခရိုနီတွေကို ချတာပဲ။ ဒါပေမဲ့ ခင်ဗျားနဲ့ သူတို့နဲ့ မတူတာက ခင်ဗျားကို ကျွန်တော်က အတွင်းရေး အချက်အလက်တွေ သေသေချာချာ ပြောပြနိုင်တယ်။ ဟိုဂျာနယ်က ငယ်ကျိုးငယ်နာဖော်ပြီးပဲ ဆဲနိုင်ပေမဲ့ ခင်ဗျားက facts and figuresနဲ့ ရေးပြနိုင်တယ်၊ အဲဒါကွာတာပဲ။

ရန်ကုန်မြို့ထဲမှာ လမ်းတွေကျပ်လို့ဆိုပြီး ကမ်းနားမှာ ကွန်ကရစ် လမ်းမကြီး ဖောက်တယ်ဗျာ။ ဘယ်သူတွေကို တင်ဒါခေါ်လို့လဲ။ အဲဒီဘိန်းတရုတ် ခရိုနီလက်ထဲကို ဒီအတိုင်း ထည့်လိုက်တာပဲ။ ဒါတောင်ကာကွယ်ရေး ဦးစီးချုပ်က ဗိုလ်တစ်ထောင်ဘုရား အကျော်က တပ်ထိန်းရုံးကို ဖျက်မပေးနိုင်ဘူး တင်းခံနေလို့ အဲဒီလမ်းက သံလျက်စွန်းအထိ မရောက်ပဲ အဲဒီဓနိတောနားမှာတင် ရပ်သွားတာ။ အဲဒီလမ်းကို သူ့ကိုနှစ်၃၀ BOTဆိုပြီး ပေးတယ်။ အမှန်က၂နှစ်နဲ့ အရင်းကျေတဲ့လမ်းဗျ။ လမ်းအသုံးပြုဖို့ ငွေကောက်တဲ့ နှုန်းကလဲ ကြောက်လန့်စရာ။ နေပြည်တော် ရန်ကုန်လမ်း မိုင်၂၀၀ထက် များနေတယ်။ ဒီတော့ဒီလောက် အကျိုးရှိတဲ့ လုပ်ငန်းကို ရန်ကုန်မြို့တော် စည်ပင်သာယာရေး ကော်မတီ လမ်းတံတားဌာနက ဘာလို့ မဖောက်တာလဲ၊ ငွေမရှိလို့လားဆိုပြီး စည်ပင်က လူကြီးတွေကို မေးကြည့်တော့ အပေါ်က တစ်ခါထဲ အဲဒီဘိန်းတရုတ် ခရိုနီကို ချပေးလိုက်တာတဲ့။

ကုန်သည်ကြီးများ ဟိုတယ် ဆောက်တော့လဲ သူပါတာပဲ။ နောက်ပိုင်း မူးယစ် နောက်ကြောင်းရှိတဲ့ သူပါရင် အဲဒီဟိုတယ်မှာ ကုလသမဂ္ဂ အပါအ၀င် တစ်ခြား ဘယ်အဖွဲ့အစည်းရဲ့ အစည်းအဝေးမှ မလုပ်ဘူးဆိုလို့ တခြား ရှယ်ယာရှင်တွေက သူ့ကိုနစ်နာကြေး ဒေါ်လာ ၁၂သန်းပေးပြီး ထုတ်လိုက်ရတာ။ အဲဒီမှာလည်း နင့်နေအောင် ပွသွားတယ်။ ရန်ကုန်လေဆိပ် အသစ် တည်ဆောက်ရေး ပရောဂျက်ကိုရတဲ့ အတွက် တာမွေဘက်က အိမ်ယာမှာ အဲဒီတုန်းက ပို့ဆောင်ရေးဝန်ကြီး ဗိုလ်ချုပ်လှမြင့်ဆွေကို အိမ်တစ်လုံး ဆောက်ပြီး လက်ဆောင် ပေးခဲ့တယ်။ ၀န်ကြီးပြောင်းသွားပြန်တော့ နောက်တက်လာတဲ့ ၀န်ကြီးဗိုလ်ချုပ် သိန်းဆွေကိုလည်း အိမ်တစ်လုံး ဆောက်ပေးရုံမက အဲဒီဝန်ကြီးရဲ့သားတွေ နိုင်ငံခြားကို သစ်ပို့ဖို့ ချောင်းဝဘုန်းကြီးကျောင်းနောက်မှာ မြေတွေရော အဆောက်အဦးတွေရော ဆောက်ပေးခဲ့တယ်။

အဲဒီဘိန်းတရုတ် ခရိုနီ အကြောင်းကတော့ ပြောပြရရင် စာအုပ်တစ်အုပ်လောက် ရနိုင်တယ်၊ ဒီတစ်ပတ်တော့ ဒီလောက်နဲ့ နားကြဦးစို့ရဲ့ဗျာဆိုပြီး ခရိုနီဟောင်းကြီးက သူ့စကားကို လက်စသတ်သွားလေရဲ့။

လက်စောင်းထက်

http://www.tomorrow.com.mm/?q=articles%2F490

Author Name

Contact Form

Name

Email *

Message *

Powered by Blogger.