06/05/14

ရန်ကုန်နှင့်မန္တလေးတွင် ပြီးခဲ့သည့် ရက် သတ္တပတ်အတွင်းက ပြုလုပ်ခဲ့သည့် ၂၀၀၈ ဖွဲ့စည်းပုံပြင်ဆင်ရေး လူထုဟောပြောပွဲများ တွင် အတိုက်အခံခေါင်းဆောင် ဒေါ်အောင် ဆန်းစုကြည်က တပ်မတော်ကို စိန်ခေါ်လိုက် သည်။ မန္တလေးမြို့၊ အောင်ပင်လယ်ကွင်း ဟောပြောပွဲတွင် သူက အခုလိုပြောခဲ့သည်။
““ကျွန်မ စိန်ခေါ်ပါတယ်။ တကယ်ပဲတိုင်း ပြည်ကို ချစ်တယ်၊ တကယ်ပဲ ပြည်သူလူထု ကို လေးစားတယ်၊ တကယ်ပဲ သတ္တိရှိတယ် ဆိုရင်၊ တကယ်လည်း တိုင်းပြည်ရဲ့အနာဂတ် အတွက် အမြော်အမြင်ရှိတယ်ဆိုရင် ဒီဖွဲ့စည်း ပုံအခြေခံဥပဒေကို ဒီနှစ်အတွင်းမှာ လွှတ် တော်အတွင်းကနေပြီးတော့ ပြုပြင်နိုင်အောင် လို့ တပ်မတော်သားများအားလုံး ၀ိုင်းဝန်းကူ ညီပြီးတော့ လုပ်ကြပါလို့ ကျွန်မတိုက်တွန်း ချင်ပါတယ်””
ထိုစကားက တပ်မတော်၏အရှိုက်ကို လှ ပစွာ ထိုးနှက်လိုက်ခြင်းဖြစ်သည်။ လက်ရှိ ၂၀၀၈ ဖွဲ့စည်းပုံအရ ဖွဲ့စည်းပုံပါ ဥပဒေများ ကို ပြင်ဆင်လိုပါက လွှတ်တော်တွင်းကိုယ် စားလှယ် ၇၅ ရာခိုင်နှုန်းနှင့်အထက် သဘော တူမှ ပြင်ခွင့်ရှိမည်ဟု ပြဋ္ဌာန်းထားသည်။ လွှတ်တော်ကိုယ်စားလှယ်များအနက် ၂၅ ရာ ခိုင်နှုန်းက တပ်မတော်သားများဖြစ်ရာ အ နည်းဆုံးအားဖြင့် တပ်မတော်သားတစ်ယောက် ၀င်ရောက်ထောက်ခံခြင်းမပြုဘဲ မဖြစ်နိုင်သည့် အနေအထားဖြစ်သည်။
စစ်အစိုးရက ၂၀၀၈ ဖွဲ့စည်းပုံကိုရေးဆွဲ ရာတွင် မိမိတို့၏ ကိုယ်ကျိုးစီးပွားနှင့် တပ်မ တော်နှင့် တပ်မတော်သားဟောင်းများက အာ ဏာကို ထာဝရကိုင်ထားနိုင်ရန် စီမံထားခဲ့ သည်။ ဤအချက်ကို လူထုနှင့် နိုင်ငံရေးအင် အားစုများက ဒီမိုကရေစီနှုန်းမမီဟု တစ်ချိန် မဟုတ်တစ်ချိန် ပြင်ဆင် သို့မဟုတ် ဖျက်သိမ်း ရန် ကြိုးစားလာပါက အလွယ်တကူပြင်ဆင် ၍ မရအောင် အစီအစဉ်တကျ အကွက်ချ ထားခြင်းဖြစ်သည်။ အဆိုပါပုဒ်မနံပါတ် ၄၃၆ သည် စစ်ဗိုလ်ချုပ်ဟောင်းကြီးများ၏ ခံတပ် ဖြစ်ပါသည်။
လွှတ်တော်အတွင်း ကိုယ်စားလှယ် ၇၅ ရာခိုင်နှုန်းနှင့်အထက်ရှိဖို့အတွက် အနည်းဆုံး တပ်မတော်သားကိုယ်စားလှယ်တစ်ယောက် က ၀င်ရောက်ထောက်ခံပေးရန်လိုသည်။ ထို့ ကြောင့် ဒေါ်အောင်ဆန်းစုကြည်က အခြေခံ ဥပဒေပြင်ဆင်ရန် အနည်းဆုံးအားဖြင့် ရဲရင့် သည့် တပ်မတော်သားတစ်ယောက် ရှိဖို့လို သည်ဟု ပြောခဲ့ခြင်းဖြစ်သည်။ သို့သော် လွယ် ကူပါမလား။ အထက်အမိန့်ကို နာခံရသည့် တပ်မတော်သားတစ်ဦးက အထက်မှညွှန်ကြား ချက်တစ်စုံတစ်ရာမရဘဲနှင့် သူ့သဘောနှင့် သူ ထောက်ခံလာဖို့ မျှော်လင့်နိုင်ပါ့မလား။
နောက်ပြီး ရွေးကောက်ခံကိုယ်စားလှယ် ၇၅ ရာခိုင်နှုန်းထဲမှာပဲ ပြန်ကြည့်ပါဦး။ အများ စုက စစ်ဗိုလ်ချုပ်ဟောင်းများ ဦးဆောင်သည့် ကြံ့ခိုင်ဖွံ့ဖြိုးရေးပါတီဝင် ကိုယ်စားလှယ်များ ဖြစ်သည်။ သို့ဖြစ်ရာ လွှတ်တော်အတွင်းမှ အခြေခံဥပဒေပြင်ဆင်မည်ဆိုလျှင် ဒီမိုကရေ စီအင်အားစုတွေမှာ လုပ်ထုံးလုပ်နည်းအရ အခက်အခဲရှိသည်။ မည်သို့ဖြစ်စေ လူထုတစ် ရပ်လုံးက ၂၀၀၈ ဖွဲ့စည်းပုံပါ မတရားသည့် ဥပဒေများကို ပြင်ဆင်ရေးဆွဲဖို့ ဆန္ဒပြုထားပြီး ဖြစ်ရာ ပြည်သူ့အသံကို လွှတ်တော်ကလိုက် နာဆောင်ရွက်ရန်သာရှိပါသည်။
သို့သော် အဓိကဇာတ်ကောင်ဖြစ်သော တပ်မတော်က ဤနေရာတွင် အရေးပါသည်။ လွှတ်တော်အတွင်းမှာ ရှိနေသည့် ၂၅ ရာခိုင် နှုန်းသော မိမိတို့၏ ကိုယ်စားလှယ်များမှတစ် ဆင့် တပ်မတော်က ဖွဲ့စည်းပုံပြင်ရေးသဘော ထားကို ပြောဖို့လိုသည်။ ပြင်ဖို့ထောက်ခံသ လား။ မထောက်ခံဘူးလား။ ဗိုလ်ချုပ်ကြီးများ၏ အကျိုးစီးပွားအတွက် ရပ်တည်တင်ပြမည်လား။
တပ်မတော်ကာကွယ်ရေးဦးစီးချုပ်က တော့ တပ်မတော်သည် အခြေခံဥပဒေကို ကာကွယ်စောင့်ရှောက်ရန် တာဝန်ရှိသည်ဟု ပြီးခဲ့သည့် မတ် ၂၇ ရက် တပ်မတော်နေ့တွင် အတိအလင်းပြောထားသည်။ သူကပင် ၂၀၀၈ ဖွဲ့စည်းပုံကို မည်သို့ တညီတညွတ်တည်း ထောက်ခံခဲ့ကြောင်းကို ထိုစဉ်က ကိန်းဂဏန်း များကို ကိုးကား၍ ပြောဆိုသွားသေးသည်။ ထိုအချက်ကိုကြည့်၍ တပ်မတော်က လူထု တစ်ရပ်လုံးပြင်ချင်နေသည့် ဖွဲ့စည်းပုံကိစ္စ အ ပေါ်တွင် မည်သို့သဘောထားသည်ကို ရိပ် စားအကဲခတ်၍ရသည်။
လက်ရှိဖွဲ့စည်းပုံသည် တပ်မတော်ကို အ ခွင့်အရေးများစွာပေးထားပြီး အရပ်သားအင် အားများ နိုင်ငံအုပ်ချုပ်နိုင်ခွင့်ကို အကန့်အ သတ်နှင့်သာ ခွင့်ပြုထားသည်။ တစ်နည်းအား ဖြင့်ဆိုသော် စစ်အာဏာရှင်စနစ် သက်ဆိုး ရှည်ရေးကို ဥပဒေဖြင့်အကာအကွယ်ပြုထား ခြင်းဟု ဆိုနိုင်သည်။ ထို့ကြောင့် လူထုနှင့် ဒီမိုကရေစီအင်အားစုများက ဖွဲ့စည်းပုံပြင်ဆင် ရေးအတွက် ဆတက်ထမ်းပိုးတိုး၍ လုပ်ကိုင် လာလေ တပ်မတော်နှင့်ထိပ်တိုက်တွေ့ရန် နီးစပ်လာလေလည်းဖြစ်မည်။ တပ်မတော်ဆို ရာတွင် လက်ရှိအစိုးရအဖွဲ့အတွင်းမှ တပ်မ တော်သားဟောင်းများနှင့် လွှတ်တော်အတွင်း မှာ ကြံ့ခိုင်ဖွံ့ဖြိုးရေးပါတီဝင်များလည်း ပါဝင် သည်။
နောက်ဆုံးထွက်လာသည့်သတင်းများအ ရ ဖွဲ့စည်းပုံပြင်ဆင်ရေး လူထုဟောပြောပွဲ တွင် တပ်မတော်ကိုစိန်ခေါ်ခဲ့သည့်အတွက် ဒေါ်အောင်ဆန်းစုကြည်အား ရွေးကောက်ပွဲ ကော်မရှင်က သတိပေးလိုက်ပါသည်။ ကော် မရှင်၏ သုံးမျက်နှာပါရှိသော အသိပေးချက် တွင် မေလ ၁၈ ရက်က မန္တလေးမြို့၊ အောင် ပင်လယ်တွင် ဒေါ်အောင်ဆန်းစုကြည်၏ ပြော ကြားချက်တချို့ကို ကိုးကားဖော်ပြထားသည်။
ဖော်ပြချက်အရ လွှတ်တော်အတွင်းရှိ တပ် မတော်ကိုယ်စားလှယ်များကို “... ကျွန်ုပ် တို့တစ်တွေဟာ အာဏာမက်မောလို့၊ အထူး အခွင့်အရေးမက်မောလို့၊ နေရာမက်မောလို့ လုပ်နေတာမဟုတ်ဘူးဆိုတာ သက်သေထူ လိုက်ပါလို့ ကျွန်မကတိုက်တွန်းချင်ပါတယ်။ တိုက်တွန်းတယ်ဆိုတဲ့စကားဟာ တစ်နည်း အားဖြင့် ပြောရရင် စိန်ခေါ်မှုလို့လည်းပြော လို့ရပါတယ်။ ကျွန်မ စိန်ခေါ်ပါတယ်”” စသ ဖြင့် ပြောဆိုချက်များသည် အခြေခံဥပဒေက ခွင့်ပြုထားသည့် ဘောင်ကို ကျော်လွန်ရာ ရောက်သည်ဟုလည်း ထောက်ပြသည်။
တပ်မတော်အပေါ် ပြောကြားချက်တ ချို့နှင့်ပတ်သက်၍ အတိုက်အခံခေါင်းဆောင် အား ကော်မရှင်က သတိပေးလိုက်ခြင်းသည် တပ်မတော်အနေဖြင့် မှန်ကန်သည့်ဝေဖန်မှု ကို လက်ခံနိုင်စွမ်းမရှိသေးသည်မှာ သိသာ လွန်းသည်။ ထို့ပြင် ယခင်စစ်ဗိုလ်ချုပ်ဟောင်း တစ်ဦး ဥက္ကဋ္ဌအဖြစ် တာဝန်ယူထားသည့်ရွေး ကောက်ပွဲကော်မရှင်အနေဖြင့် နိုင်ငံရေးပါတီ တစ်ခုက တပ်မတော်နှင့်ပတ်သက်၍ ပွင့်လင်း စွာ ပြောဆိုခြင်းကို လက်သင့်မခံနိုင်ဖြစ်သည် မှာလည်း ထင်ရှားသည်။
ထို့ကြောင့် ဖွဲ့စည်းပုံပြင်ရေးကို လူထုနှင့် ဒီမိုကရေစီအင်အားစုများက ရှေ့တွင်တိုး၍ လုပ်ကိုင်လာလေ တပ်မတော်နှင့်ထိပ်တိုက် တွေ့ရန် နီးလာလေဟု ဆိုခဲ့ခြင်းဖြစ်ပါသည်။ တစ်ဖက်တွင် ဒီမိုကရေစီပြုပြင်ပြောင်းလဲရေး ကို ဖော်ဆောင်နေပါသည်ဟူသော အစိုးရ ၏ လေသံမှာလည်း ၂၀၁၅ နီးလာသည်နှင့်အမျှ တဖြည်းဖြည်း တိုးလျလာသည်။
ထိုအစား တပ်မတော်ကို မထိနှင့်ဆိုသည့် မသိမသာတစ်ဖက်လှည့် ခြိမ်းခြောက်သံများ ကိုသာ ကြားလာနေရသည်။ နိုင်ငံသားများ သတိကြီးကြီးထားရန်လိုအပ်သလို ဒီမိုကရေ စီအင်အားစုများအနေနှင့်လည်း ညီညွတ်စွာ တိုက်ပွဲဝင်ရမည့် အချိန်ရောက်လာပြီကို မမေ့ စေလိုပါ။
တပ်မတော်ကို စိန်ခေါ်သည်ဟုဆိုကာ ရွေးကောက်ပွဲကော်မရှင်က အထင်ရောက်နေ သည့် ဒေါ်အောင်ဆန်းစုကြည်၏စကားသည် အမှန်တရားဖြစ်ပါသည်။ နိုင်ငံနှင့်လူထုကို ချစ်ပါသည်ဟုပြောလျက်ရှိသော တပ်မတော် နှင့် တပ်မတော်ကို သံယောဇဉ်ကြီးကြသည့် အရပ်သားလူကြီးမင်းများအနေဖြင့် စိတ်ရင်း မှန်လျှင် မည်သို့မျှ နာလိုခံခက်မဖြစ်ထိုက်ပါ။ ဘာကြောင့်လဲ။
ယခုအချိန်သည် နှစ်ပေါင်းများစွာ နာမည် ပျက်ခဲ့ရသည့် တပ်မတော်၏ဂုဏ်သိက္ခာကို ပြန်လည်မြှင့်တင်နိုင်မည့် အခြေအနေတွင် ရှိ နေသောကြောင့်ဖြစ်သည်။ တပ်မတော်က တိုင်းပြည်ကို ချစ်ပါသလား။ လူထုကို လေး စားပါသလား။ ဒီမိုကရေစီကို တကယ်လိုလား ပါသလား။ ရာထူးအာဏာနှင့် ကိုယ်ကျိုးစီး ပွားကို မမက်မောကြောင်း လူသိရှင်ကြားပြ လိုပါသလား။ တပ်မတော်နှင့် တပ်မတော် သားအရပ်ဝတ်လဲများ ရာသက်ပန် အာဏာ ကို အုပ်စီးထားရန် အခွင့်ပြုထားသည့် ၂၀၀၈ ဖွဲ့စည်းပုံပါအချက်များကို ပြင်ဆင်ပေးရန် ရိုး သားစွာ ပူးပေါင်းပါဝင်လိုက်ခြင်းနှင့် တိုင်းပြည် ကို တပ်မတော်မည်မျှချစ်သည်၊ ဒီမိုကရေစီ ကို အလေးထားသည့်အကြောင်း ပြသနိုင် မည့် အခွင့်အရေးတစ်ခုရှိသောကြောင့် ဖြစ်ပါ သည်။
စစ်အာဏာရှင်စနစ်မှ ဒီမိုကရေစီကို သ ဘောရိုးနှင့် အသွင်ပြောင်းနေပါပြီဟု မိမိတို့ ၏ လူထုနှင့်နိုင်ငံတကာ အသိုင်းအ၀ိုင်းက လက်ခံလာအောင် သက်သေပြနိုင်သည့်အ ခွင့်အရေးသည် တပ်မတော်နှင့် တပ်မတော် သားဟောင်းများပါဝင်သည့် လက်ရှိအစိုးရ၏ လက်ထဲမှာရှိနေသည်။ ထို့ကြောင့် ဒေါ်အောင် ဆန်းစုကြည်က တပ်မတော်ကို စိန်ခေါ်နေ သည်ဟု လိုရာဆွဲ၍ မတွေးစေချင်ပါ။
လက်နက်အင်အား၊ လူအင်အားတောင့် တင်းသန်မာသည့် မြန်မာ့တပ်မတော်အနေနှင့် မိမိ၏ အတ္တကိုသာ မိမိတို့ပြန်၍စိန်ခေါ်ရမည့် အခါသမယဖြစ်ပါသည်။ နိုင်ငံရေးတွင် မိမိ တို့တပ်မတော်က ပါဝင်ပတ်သက်နေခြင်းမှာ ဖြစ်သင့်ပါသလား။ ထိုသို့ ပါဝင်ပတ်သက်မှု ကိုလည်း အခြေခံဥပဒေတွင် မိမိတို့သဘော နှင့် မိမိတို့ ရေးဆွဲပြဋ္ဌာန်းအတည်ပြုထားသည် မှာ ကိုယ်ကျင့်သိက္ခာပိုင်းအရ တော်သင့်မျှတ ပါရဲ့လား။
ထိုမေးခွန်းများဖြင့် တပ်မတော်ကာကွယ် ရေးဦးစီးချုပ်အပါအ၀င် တပ်မတော်သားများ နှင့် တပ်မတော်သားဟောင်းအရပ်သား လူ ကြီးမင်းတို့သည် မိမိတို့၏ နှလုံးသားကိုပြန်၍ စိန်ခေါ်ကြဖို့သာဖြစ်သည်။ အာဏာနှင့် ကိုယ် ကျိုးစီးပွားကို ထာဝရ ဖက်တွယ်ထားလိုသည့် အတ္တကို လူထုနှင့်နိုင်ငံအတွက်ပေးဆပ်မည့် ကောင်းမြတ်သော စိတ်ဓာတ်ကအနိုင်ရလျှင် အားလုံးအတွက် ပျော်စရာဖြစ်ပါလိမ့်မည်။ သို့မ ဟုတ်လျှင် တိုင်းပြည်၏အနာဂတ်တွင် ၀မ်းနည်း စရာတွေ ဆက်လက်ဖြစ်ပေါ်ဖွယ်ရာ ရှိသည်။
နိုင်ငံရေးတွင် တပ်မတော်က ၀င်ရောက် ချယ်လှယ်ခြင်းကို အဆုံးသတ်ပစ်မှသာ မြန်မာ၏ အနာဂတ်သည် လှပါမည်။

အတွဲ (၂) အမှတ်စဉ် ၁၅၊ သည်လေဒီးစ် နယူးစ်ဂျာနယ်။
ကျေးဇူးတင်ပါသည်


PR ‘ပီအာရ်စနစ်’ ဆိုပြီး အသံတွေ ထွက်လာရာကနေ နည်းနည်းအေးသွားပြီး ဟော့့ အခုတော့ လွှတ်တော်အထိ ရောက်လာပါပြီ။ တကျော့ပြန်ဖြစ်လာတာပါ။ ဘာလို့ပါလဲ။ အတွက်အချက်နဲ့ အကွက်ချနေတာဖြစ်ပါတယ်။

PR ‘ပီအာရ်’ အတိုကောက်က နိုင်ငံရေးမှာ အနည်းဆုံး (၃) မျိုးရှိပါတယ်။
၁။ Proportional representation (PR) အချိုးကျကိုယ်စားလှယ်ရတဲ့စနစ်၊
၂။ Permanent Resident (PR) မြန်မာနိုင်ငံထဲမှာ အမြဲတမ်းနေထိုင်ခွင့်ရှိတဲ့ နိုင်ငံခြားသားများနဲ့ နိုင်ငံခြားနေ မြန်မာပြည်ဖွါးတွေအတွက် ထုတ်ပေးမယ်ဆိုတဲ့ လူဝင်မှုကြီးကြပ်ရေးစနစ် နဲ့
၃။ Public relations (PR) လူထုဆက်ဆံရေးဆိုတာ အများပြည်သူတွေကို အုပ်ချုပ်နေတဲ့ အစိုးရကနေ သူတို့က လူထုအတွက် ဘယ်လိုတွေကောင်းအောင် လုပ်နေပါတယ် ဆိုတာကို ကြော်ညာဆန်ဆန်လုပ်တဲ့အလုပ်မျိုးဖြစ်တယ်။ စစ်တပ်ကနေလဲ ဒီအလုပ်မျိုးလုပ်ပါသေးတယ်။

အချိုးကျကိုယ်စားလှယ်ရတဲ့ ‘ပီအာ’ စနစ်ဟာ ကနေ့မြန်မာပြည်မှာ လုံးဝသင့်တော်ခြင်း မရှိကြောင်း အချက် (၃) ချက်နဲ့ တင်ပြပါရစေ။

၁။ PR အချိုးကျကိုယ်စားလှယ်ရတဲ့စနစ်ဟာ ရုပ်ထွေးတဲ့ စနစ်တခုဖြစ်ပါတယ်။ မဲပေးခွင့်ရှိသူတွေကနေ တယောက်တမဲနဲ့ မဲပေးရွေးချယ်တဲ့ ကိုယ်စားလှယ်စနစ်မဟုတ်ဘဲ မဲပုံးတိုင်းကနေရတဲ့ မဲစုစုပေါင်းကို ပုံသေနည်းနဲ့တွက်ပြီး လွှတ်တော်ထဲ တက်ဘို့ ကိုယ်စားလှယ် ဘယ်နှစ်ယောက်ရတယ်ဆိုတဲ့စနစ် ဖြစ်ပါတယ်။ ဒါအကြမ်းဖျဉ်းပြောတာပါ။ အများကြီး ရှိပါအုံးမယ်။ မဲပေးနည်း + လူရွေးနည်းဟာ ရှုတ်ထွေးလွန်းတာကြောင့် မြန်မာပြည်ရဲ့ ကနေ့ မဲပေးပိုင်ခွင့်ရှိသူတွေကို စိတ်ရှုတ်ထွေးစေနိုင်ပါတယ်။

မြန်မာနိုင်ငံမှာ မဲပေးနည်း (၃) နည်းကို ကျင့်သုံးခဲ့ပြီးပြီလို့ ယေဘုယျ ဆိုနိုင်ပါတယ်။
(၁) ဖဆပလခေတ်မှာတော့ အရောင်တွေနဲ့ထားတဲ့မဲပုံးတွေထဲကို ကိုယ့်မဲ့ပြား ထည့်ရတဲ့စနစ် သုံးခဲ့တယ်။
(၂) အဖြူရောင်မဲပုံး ဒါမှမဟုတ် အမဲရောင်မဲပုံးထဲ ကိုယ်ကြိုက်ရာ မဲပြား (မဲစာရွက်) ထည့်ရတဲ့စနစ်ကို ‘မဆလ’ ခေတ်မှာ သုံးခဲ့တယ်။
(၃) မဲစာရွက်ပေါ်က ကိုယ်ကြိုက်တဲ့လူရဲ့ ဘေးမှာ ကြက်ခြေခတ်ရတဲ့စနစ်ကို ၁၉၉ဝ နဲ့ ၂ဝ၁ဝ-၁၂ မှာ လုပ်ခဲ့တယ်။

အဲလို ခပ်ရှင်းရှင်း မဲပေးနည်းတွေမှာတောင်မှ မဲမပေးတတ်သူတွေမနည်း၊ ပယ်မဲတွေ အတော်အသင့်ရှိပြီး၊ မဲခိုးဘို့လဲ လွယ်ကူစေခဲ့ပါတယ်။ ပီအာလိုရှုပ်ထွေးတာကို နိုင်ငံရေးထဲ အနှစ် ၂ဝ လောက် လုပ်နေသူတွေတောင်မှ ခေါင်းစားပါတယ်။ လူထုကို စိတ်ညစ်အောင် မလုပ်သင့်ကြပါ။ ရိုးရိုးကျင့် မြင့်မြင့်ကြံကြစေချင်ပါတယ်။

၂။ ကမ္ဘာမှာ ‘ပီအာရ်စနစ်’ ကျင့်သုံးတဲ့နိုင်ငံတွေ မနည်းပါ။ စုစုပေါင်း (၈၆) နိုင်ငံ ရှိပါတယ်။ ကမ္ဘာမှာ ပီအာတွေများလို့ ဒို့မြန်မာပြည်မှာလဲ ကျင့်သုံးသင့်တယ်လို့ ဆိုချင်သူများရှိပါသလား။

ဥပမာတခုပေးပါရစေ။ ‘အာဏာရှင်စနစ်မှ ဒီမိုကရေစီသို့’ ခေါ်တဲ့ ‘ဂျင်း-ရှပ်’ စာအုပ်ကို ၁၉၉၃ မှာ မြန်မာဘာသာပြန်ပြီး ထုတ်ဝေခဲ့ပါတယ်။ အဲဒီအထဲမှာ -
• လွတ်လပ်သော နိုင်ငံများ = ၁၉၈၃ တုံးက ၅၅ နိုင်ငံရှိရာကနေ၊ ၁၉၉၃ မှာ ၇၅ နိုင်ငံ၊
• တစိတ်တဒေသ လွတ်လပ်သောနိုင်ငံများ = ၁၉၈၃ တုံးက ၇၆ နိုင်ငံရှိရာကနေ၊ ၁၉၉၃ မှာ ၇၃ နိုင်ငံ၊
• မလွတ်လပ်သော နိုင်ငံများ = ၁၉၈၃ တုံးက ၆၄ နိုင်ငံရှိရာကနေ၊ ၁၉၉၃ မှာ ၃၈ နိုင်ငံ။

မြန်မာနိုင်ငံဟာ ၁၉၈၃ တုံးက တစိတ်တဒေသ လွတ်လပ်တဲ့ နိုင်ငံများစာရင်းကနေ ၁၉၉၃ မှာ မလွတ်လပ်တဲ့နိုင်ငံများစာရင်းထဲ ခုန်ဆင်းခဲ့ပါတယ်။ ဒီမိုကရေစီနိုင်ငံတွေ အလွန်မတန် များပေမဲ့ မြန်မာပြည်ဟာ ၁၉၆၂ ကနေ ၁၉၈၈ အထိ တပါတီစနစ်နဲ့ နေခဲ့တယ်။ ဒိနောက်မှာ အရှေ့ဥရောပနဲ့ အရှေ့တောင် အာရှနိုင်ငံတွေမှာ အာဏာရှင်တွေအောက်ကနေ လွတ်မြောက်ပြီး ဒီမိုကရေစီနိုင်ငံတွေ ပိုများလာပြန်တော့လဲ ၁၉၈၈ ကနေ ၂ဝ၁ဝ အထိ စစ်အာဏာရှင်စနစ်နဲ့သာ နေခဲ့ပါတယ်။ ‘ကမ္ဘာမှာ အများစုလုပ်တိုင်း မြန်မာနိုင်ငံက မလိုက်ခဲ့တာဟာ သမိုင်းတွင်ပါတယ်။’ အဲလို ကောင်းတာကိုတော့ သူများတွေလုပ်လို့ လိုက်မလုပ်ဘဲ၊ အခုဟာကြမှ အများလုပ်တာကိုလုပ်ချင်တာဟာ ရိုးသားမှုမရှိပါ။

၃။ ၂ဝ၁ဝ တုံးက ဘာလို့ ‘ပီအာ’ ကို မလိုခြင်ခဲ့ကြပါသလဲ။ ၂ဝ၁၂ ပြီးမှဆိုတော့ NLD ကို တန်းညှိဘို့ မဟုတ်ပါဘူးလို့ ခိုင်မာတဲ့ ငြင်းဆိုချက် ရှိမယ်မထင်ပါ။ ပြည်ခိုင်ဖြိုးကရော ၂ဝ၁ဝ မတိုင်ခင်က ဘာလို့သတိမရပါသလဲ။ ‘ပီအာ’ သံထွက်ကာစမှာ ပြည်ခိုင်ဖြိုးပါတီက ဟိုလိုလို သည်လိုလို နေခဲ့တာ မှတ်မိပါတယ်။ ရေဒီယိုတခုကမေးတဲ့အခါ ကျွန်တော် ဖြေခဲ့ဘူးပါတယ်။ ‘တကယ်လို့ ပြည်ခိုင်ဖြိုးပါတီကသာ ‘ပီအာ’ ကိုလက်ခံမယ်ဆိုရင် ထူးခြားမှု ဖြစ်မယ်’ လို့။ အခု အမျိုးသားလွှတ်တော်ထဲထိ ရောက်လာပါပြီ။

ခုတလောမှာ ရွေးကောက်ပွဲကော်မရှင်ကနေ အသံတွေ၊ စာတွေ ခပ်သွက်သွက် ထွက်လာနေတာ သတိပြုကြမှာပါ။ လာမဲ့ရွေးကောက်ပွဲတွေမှာ ၂ဝ၁ဝ တုံးကလို ‘ကြိုတင်မဲ’ မလုပ်တော့မှာကို အာမခံနိုင်တယ်။ ဒါပေမဲ့ နည်းသစ်တွေလာမယ်ဆိုတာလဲ ကျိန်းသေတယ်။ အခု တစတစနဲ့ ပေါ်လွင်လာနေပါပြီ။

NLD ကနေ လာမဲ့ရွေးကောက်ပွဲတွေမှာ အမတ်နေရာတွေများများကြီးနိုင်မှာကို ရိုးရိုးသားသား မယှဉ်နိုင်သူတွေကနေ ရွှေဥာဏ်တော်စူးရောက်တာသာဖြစ်ပါတယ်။ ‘ပီအာ’ စနစ်ဟာ ကောင်းမွန်၊ သင့်မြတ်လို့၊ ဖြစ်လာမဲ့ စနစ်မဟုတ်ဘဲ၊ လုပ်ချင်နေသူတွေရဲ့ အကျိုးစီးပွါးအတွက်လုပ်တဲ့ စနစ်သာဖြစ်ပါတယ်။

‘အတွက်’ နဲ့ ‘အကွက်’ မှာ တဖက်ကမ်းခတ်အောင် ထူးချွန်သူတွေက အားတက်သရော လုံးပမ်းနေကြတာသာဖြစ်ပါတယ်။ ဂဏန်းအတွက်မှာ ဖဲသမားကိုမတုနိုင်ပါ။ ရွေးကောက်ပွဲကို ဖဲဝိုင်းလို မလုပ်သင့်ပါခင်ဗျား။ ။

ဒေါက်တာတင့်ဆွေ
၃-၆-၂ဝ၁၄
ည ၁၁ နာရီ၊ ၅၂ မိနစ်။

PR ( Proportional- Represen tation)
အချိုးကျ ကိုယ်စားပြု စနစ် လေ့လာလိုသူများအတွက်

သွေးနုသားနု ဒီမိုကရေစီ နိုင်ငံသစ်အား သည်းခြေပျက်စေမည့် ဇာတ်လမ်း

မူရင်းရေးသားသူဆောင်းပါးရှင် >>> ဆရာထင် လင်ဦး

“ သူတစ်လူ ငါတစ်မင်း လွှတ်တော်တွင်း ဗလောင်ဆူစေမယ့် PR စနစ်

“အစက ရိုးရိုး -- နောက်တော့ တစ်မျိုးတိုးလို့ ချစ်ပြန်ဆိုပဲ .. ဆိုပဲ… ” ဆိုသည့် ရေဒီယို သီချင်းလေးတစ်ပုဒ်ကို ကြားဖူးကြမည်ထင်ပါသည်။ လူငယ်များကတော့ ကြားဖူးချင်မှ ကြားဖူးကြပါလိမ့်မည် ။ ရေဒီယိုခေတ်တွင် လူဖြစ်လာ ကြသည့် အသက်၄၀ ကျော် ပုဂ္ဂိုလ်များ ကတော့ ကြားဖူးသူများပါလိမ့်မည် ။

ယနေ့ နိုင်ငံရေးလောကတွင် ပါဝင်ပတ်သက် နေသည့် လူလတ်ပိုင်း လူကြီးပိုင်း နိုင်ငံရေးသမားများကတော့ မကြားဘူး စရာ ရှိမည်မထင်ပါ ။ ထိုခေတ်က နိုင်ငံရေး သမားများအကြား တွင်တွင်ကျယ်ကျယ် သုံးခဲ့သော “ကြောင်ကို ၀မ်းနှုတ်ဆေး ကျွေးမိသလို .. ကျွေးမိသလို… ပျော့ပျော့ လေးနဲ့ နံမယ့် ပုံပေါ်တယ်” ဟူသော ထိမိလှသည့် စကားလုံးကလေးများက ဤသီချင်းထဲတွင် ပါဝင်နေ၍ ဖြစ်ပါသည်။
ယခုလည်း ဤသီချင်းကလေးက တစ်ကျော့ပြန် တစ်ခေတ်ဆန်းလာပြန်ပါသည် ။

နိုင်ငံရေးဆိုသည်မှာ နိုင်ငံသူနိုင်ငံသားများ အကျိုးစီးပွားကို ဆောင်ရွက်ခြင်းဖြစ်သောကြောင့် ပင်ကိုယ်ပကတိ အားဖြင့် အလွန်ဖြူစင်မွန်မြတ်လှသည် ၊ နိုင်ငံရေးကိုခုတုံးလုပ်၍ ကိုယ်ကျိုးရှာသူများ ၊ ကိုယ်ကျိုးစီးပွား ကာကွယ်ရန် နိုင်ငံရေး လုပ်စားသူများကြောင့်သာလျှင် နိုင်ငံရေးသည် ညစ်ထေးသွားရသည် ။
ယနေ့မြန်မာနိုင်ငံသည် စစ်အာဏာရှင်စနစ်မှ ဒီမိုကရေစီစနစ်သို့ ကူးပြောင်းကာစဖြစ်ပါသည်။ အကူး အပြောင်း ကာလတိုင်းသည် လွန်စွာအရေးကြီးလှသည်။

လွတ်လပ်ကာစမြန်မာပြည်တွင် ဤအခြေအနေမျိုးတွင်ပင် ပြည်တွင်းစစ်မီး များထတောက်ခဲ့သည်မှာ ယခုပင်မငြိမ်းသေး ။ ဤအခြေအနေမျိုးတွင်ပင် အာဏာရှင် တို့ တစ်စခန်းထတတ်ကြသည် ။ လွတ်မြောက်လာရသည်မှာ နှစ်နှစ်ပင်မပြည့်သေး ။ ဤသို့သောအချိန်မျိုးတွင် သူတစ်လူငါတစ်မင်းနှင့် လွှတ်တော်တွင်း ဗလောင်ဆူ၍ တိုင်းပြည်မတည်မငြိမ်ဖြစ်လျှင် တောင်တက်လှည်းစည်းကုန်းပြတ်သကဲ့သို့ နောက်ကြောင်းပြန်လှည့်သွားစေ နိုင်သည့် အလွန်ပြဿနာများစွာဖြင့် ရှုတ်ထွေးပွေလီလှသော အချိုးကျ ကိုယ်စားပြု စနစ် PR ( Proportional- Represen tation) ဆိုသည်ကြီးကို လေသံလွှင့်လာကြပြန်ပါပြီ ။

လွန်ခဲ့သည့်၂၀၀၈ ဖွဲ့စည်းပုံအခြေခံဥပဒေကို နာဂစ်မုန်တိုင်းအလွန် မိုးထဲရေထဲ အသည်းအသန် အတည်ပြု ပြဌာန်းခဲ့စဉ်က မြန်မာနိုင်ငံ၏ ဒီမိုကရေစီရွေးကောက်ပွဲများကို PR စနစ်ဖြင့် ကျင့်သုံးကျင်းပသွားမည် ဟု မည်သည့် တာဝန်ရှိ နိုင်ငံတော်အကြီးအကဲ ပုဂ္ဂိုလ်ကြီးတစ်ဦးတစ်ယောက်ကမျှ လေသံပင် မသလပ်ခဲ့စဘူး ။ ၂၀၁၀ ရွေးကောက်ပွဲ မတိုင်မီကလည်း PR စနစ် ကျင့်သုံးမည်ဆိုသည်ကို နားမှလေသံ မကြားခဲ့စဘူး ၊ ကြံ့ခိုင်ရေးပါတီက အမတ်အများစု အနိုင်ရ၍ အစိုးရဖွဲ့ကြ၊ သမ္မတရွေးချယ်တင်မြှောက်ကြ၊ ပြည်သူ့လွှတ်တော် အစည်းအဝေး များ ကျင်းပစဉ်အခါများ ကလည်း PR စနစ်ကို ကျင့်သုံးကြလျှင် ကောင်းမည်ဟု ဆွေးနွေးညှိနှိုင်းသံမျှတစ်ခွန်းတစ်ပါဒ မျှ ထွက်ပေါ်၍မလာ ။

ဒေါ်အောင်ဆန်းစုကြည် နေအိမ်အကျယ်ချုပ်မှ ပြန်လည်လွတ်မြောက်သည် ။ သမ္မတကြီး ဦးသိန်းစိန်၏ အပြုသဘောဆောင်သော လက်ကမ်းကြိုဆိုမှုများ ကိုလက်ခံ၍ ဒေါ်အောင်ဆန်းစုကြည် ဦးဆောင်သော အမျိုးသား ဒီမိုကရေစီ အဖွဲ့ချုပ်(NLD) တရားဝင် နိုင်ငံရေးပါတီ မှတ်ပုံ ပြန်တင်သည် ။ ကြားဖြတ်ရွေးကောက်ပွဲတွင် ၀င်ပြိုင်သည် ၊ ဒေါ်အောင်ဆန်းစုကြည် ဦးဆောင်သော NLD ကိုယ်စားလှယ် ၄၃ ဦး လွှတ်တော်တွင်းသို့ ချဉ်းနင်းဝင်ရောက်လာသည် ။ တရားဥပဒေ စိုးမိုးရေးကို မူဝါဒ (၃)ရပ်အနက်မှ တစ်ချက် အဖြစ် ချမှတ်၍ ရွေးကောက်ပွဲဝင်လာသော NLD က ၂၀၀၈ ဖွဲ့စည်းပုံ အခြေခံဥပဒေတွင် ပြင်ဆင်ရန်လိုအပ်သည်ဟု ယူဆသော အချက်(၁၂)ချက်ကို ကိုင်စွဲလာသည် ။ ဒေါ်အောင်ဆန်း စုကြည် ပြည်ပနိုင်ငံများ ခရီးထွက်ခွာသည် ။

နှစ်ပေါင်း၃၀၀ကျော် အတွင်း ပြင်သစ် သမ္မတ ချားစ်ဒီဂေါလ်၊ တောင်အာဖရိက သမ္မတ နယ်လ်ဆင်မင်ဒဲလား၊ ပုပ်ရဟန်းမင်းကြီး ဘင်နီဒစ် (၁၆) နှင့် ပထမဆုံး လူမည်းအမျိုးသား အမေရိကန် သမ္မတ ဘာရက်အိုဘားမား စသည့် ထင်ရှားကျော်ကြားသူတို့သာ တက်ရောက် စကား ပြောခွင့် ရခဲ့သော အင်္ဂလန်လွှတ်တော်တွင် စကားပြောခွင့် ပေးအပ်ခြင်းခံရသည့် ၅ဦးမြောက်ပုဂ္ဂိုလ် အခွင့်အရေးကိုပေးအပ်ခြင်းခံခဲ့ရသည် ။

အမေရိက သို့သွားသည် ၊သမ္မတအိုဗားမားနှင့် တွေ့ဆုံသည် ။ မြန်မာပြည်အား အကူအညီ ပေးရန် ပြောခဲ့သည် ။ သမ္မတ ကြီး ဦးသိန်းစိန်၏ နိုင်ငံကို ပြုပြင်ပြောင်းလဲလိုစိတ် စေတနာများကို ယုံကြည်ကြောင်း ဖွင့်ဟ ပြောဆိုခဲ့သည်။ (မိမိ ကိုယ်တိုင်လည်း သမ္မတကြီး၏ပြုပြင်ပြောင်းလဲလိုစိတ် ကိုသိရှိလက်ခံပါကြောင်း ဤနေရာတွင်ဖော်ပြလိုပါသည်)။ အမေရိကသို့ခရီးရောက်လာသော နိုင်ငံတော်သမ္မတကြီး ဦးသိန်းစိန်နှင့် ဒေါ်အောင်ဆန်းစုကြည်တို့ တွေ့ဆုံကြ သည် ၊ “ သမ္မတကြီး ခရီးပန်းလာမှာပေါ့ ” “ ဟုတ်ကဲ့ မစုလည်း ပိန်သွားတယ်နော်” စသည့် မောင်ရင်းနှမ သဖွယ် ပဋိသန္ဓာရ စကားများဖြင့် ပုဂ္ဂိုလ်ရေး ချစ်ကြည်လေးစားမှုများကို ထုတ်ဖော်ပြသခဲ့ကြသည် ။

ထိုနောက် မြန်မာပြည် အပေါ် ပိတ်ဆို့ တားမြစ်မှုများကို သမ္မတအိုဗားမားက လက်မှတ်ရေးထိုး၍ ပယ်ဖျက် လိုက်သည် ။ ဤအချိန်မျိုး တွင်မှ ကောက်ကာငင်ကာ ဒီမိုကရေစီမိတ်ဆွေပါတီများ ဆိုသည့် ပါတီအဖွဲ့အစည်းများက၊ လွှတ်တော်ဥက္ကဌကြီးအားတွေ့ဆုံ၍ PRစနစ်ကို ကျင့်သုံး သင့်ကြောင်းတင်ပြသည် ဆိုသည့် အသံများ ကျယ်ကျယ်ပြန့်ပြန့် ထွက်လာသည် ကတော့ ကွယ်လွန်သူ အဆိုတော် ဗဒင်၏ သီချင်းလေးအတိုင်း“သူနဲ့ကျမှ တိုက်တိုက်ဆိုင်ဆိုင်” ဟုပင်ဆိုရလေမည်လား သီချင်းကြီး ထဲကလို “ ထူးထွေ သည့် အံ့ရာသော် ”ဟုပင် ဆိုရလေမည်လော မသိတော့ပါ။

ပါတီအဖွဲ့အစည်းများအနေဖြင့် မိမိတို့အမတ်ဖြစ်ရေး၊ လွှတ်တော်တွင်ပါဝင်နိုင်ရေး၊မိမိတို့ပါတီနေရာရရေးအတွက် မည်သို့ရည်ရွယ်ချက်ကြီးစွာထားသည်တို့ကို ထည့်သွင်းမပြောလိုပါ။ သို့ရာတွင်သွေးနုသားနုဒီမိုကရေစီနိုင်ငံသစ် အား သည်းခြေပျက်အောင် ရည်ရွယ်ကြံဆောင်လာသည့် အမှောင့်ပယောဂကိုမူ ပွင့်ပွင့်လင်းလင်း ထုတ်ဖော်ဝေဖန်လိုပါသည် ။
ထိုသူတို့ ထုတ်ဖော်ရန် ကြံစည်နေသည့် PR စနစ်ဆိုသည်မှာအဘယ်နည်း၊ မည်သည့်နိုင်ငံများတွင် ကျင့်သုံး သနည်း ၊ မည်သို့ကျင့်သုံးသနည်း ။
PR ( Proportional Representation) အချိုးကျ ကိုယ်စားပြု စနစ်အမျိုးအစား (၄)မျိုးကို ကမ္ဘာ့ နိုင်ငံအတော် များများတွင် ကျင့်သုံးကြပါသည် ။ (ကမ္ဘာ့စွယ်စုံကျမ်းတစ်ခုဖြစ်သော ၀ီကီပီးဒီးယား ( Wikipedia)တွင် ဖော်ပြထားသည့် နိုင်ငံပေါင်း ၉၀ ရှိပါသည် ဤစာတွင် အကုန်တင်ပြ၍မဖြစ်နိုင်သဖြင့် ထင်ရှားသော နိုင်ငံများကိုသာ တင်ပြသွားပါမည်။) ထိုသို့သော စနစ်ကို ကျင့်သုံးခြင်းအားဖြင့် တစ်ပါတီ လက်ဝါးကြီးအုပ်ချုပ်ကိုင်သည့် စနစ်ကို ကာကွယ်နိုင်ရန်ဖြစ်သည် ဟု ပြောဆိုကြပါသည်။

ထို PR စနစ်များမှာ
၁။ Party List System ၂။ Mixed Member Proportional System ၃။ Mixed Member Majoritarian system
၎။ Single Transferable Vote System ဟူ၍ဖြစ်ပါသည် ။
Party List System (ပါတီကိုသာ မဲပေးရွေးချယ်ရသော စနစ်)
ဒီစနစ်တွင် ရွေးကောက်ပွဲဝင်ရန် ပါတီများအလိုက်အမည်စာရင်းတင်သွင်းရပါသည် ။ (ကိုယ်စားလှယ်များကို တန်းစီဇယားပြုစုထားရပါသည်။) မဲဆန္ဒပေးအပြီးတွင် နိုင်ငံတစ်ခု သို့မဟုတ် ပြည်နယ်တစ်ခုစီအလိုက်ရရှိသော မဲ အရေအတွက်တို့ကို စုပေါင်းရေတွက်၍ ပါတီအလိုက်ရရှိသော မဲအရေအတွက်အချိုးအတိုင်း လွှတ်တော်အမတ်နေရာကို ခွဲဝေရသည့် စနစ်ဖြစ်ပါသည် ။

ထိုစနစ်အရ တန်းစီဇယားတွင် ထိပ်ဆုံးမှ စီထားသော ပါတီဥက္ကဌ ၊ ဒုက္ကဌ ၊ အတွင်းရေးမှူးများ ၊ ဗဟို အလုပ်အမှုဆောင်ကော်မတီဝင်များ ဆိုသူတို့ လွှတ်တော်ကိုယ်စားလှယ်အဖြစ် သေချာပေါက် ပါဝင်သွားနိုင်ပြီး နံပါတ်ကြီးများဖြင့်သာ တန်းစီဇယားပါသူ မြို့နယ်အဆင့် ကိုယ်စားလှယ်လောင်းများ အတွက်မူ လက်ခုပ်ပြည့်မှ လက်ကြားယိုမည့် စနစ်ဖြစ်ပါသည် ။အစ္စရေးနိုင်ငံတွင် တစ်နိုင်ငံလုံး မဲကိုစုပေါင်းရေတွက်ပြီး အချိုးကျ အလိုက် ခွဲဝေစနစ်ကို ကျင့်သုံးပါသည်။ လူဦးရေနည်းပါးခြင်း (၂၀၁၂ ခုနှစ်တွင် ၇၉၃၃၂၀၀ဦးသာရှိ)၊ လူမျိုးစုကွဲပြားမှု နည်းပါးခြင်း (ဂျူးလူမျိုး ၇၅.၄% ၊ အာရပ်လူမျိုး ၂၀.၆% နှင့်အခြားလူမျိုးများ ၄% သာရှိ၍ ) ဧရိယာကျဉ်းမြောင်း (စတုရန်းမိုင် ၈၀၀၀ ကျော်သာရှိ) သောကြောင့် ဤစနစ်နှင့်သင့်လျော်ကြောင်းတွေ့ရပါသည် ။

သို့သော် ရှီမွန်ပီရက် နှင့် ဘင်ဂျမင် နေတန်ယာဟု တို့သည် ၀န်ကြီးချုပ် နေရာတွင် သက်တမ်းမည်မျှထမ်းဆောင်ခဲ့ပြီးပြီ ဆိုသည်ကို ဆက်လက် လေ့လာပါက ဤစနစ်၏ ချွတ်ယွင်းချက်ကြီးကို ထင်ရှားစွာမြင်နိုင်ပါမည် ။ ထို့အပြင် တစ်ခုတည်းသော လွှတ်တော်တွင် ပါတီ ၁၅ပါတီနှင့်အထက်ပါဝင်နေခြင်းကြောင့် လွှတ်တော်တွင်း တိုက်ခိုက်မှုများ မကြာခဏဖြစ်ပွားပြီး လွှတ်တော် ပြိုကွဲမှု နှင့် အစိုးရကို အတိုက်အခံတို့က အယုံအကြည် မရှိ အဆိုတင်သွင်းခြင်း ပြဿနာများကို မကြာခဏရင်ဆိုင်ရပါသည် ။ သို့ဖြစ်၍ ရွေးကောက်ပွဲ မကြာခဏပြန်လုပ်ရလေ့ရှိပြီး အစိုးရ အဖွဲ့များ လည်း မကြာခဏ ပြုတ်လိုက်ပြန်တက်လိုက် ဖြစ်လေ့ရှိပါသည် ။ မြန်မာပြည်ကဲ့သို့ လူဦးရေ သန်း ၆၀ ၂၈၀ ၀၀၀ လူမျိုးစု ၁၃၅ မျိုး နှင့် ဧရိယာ ၂၆၁၂၂၇ စတုရန်းမိုင်ကျယ်ဝန်းသော နိုင်ငံတစ်ခု ၊ ပြည်တွင်း ပဋိပက္ခမီးများ တောက်လောင်ဆဲ နိုင်ငံတစ်ခု တွင် ဤစနစ်ကို ကျင့်သုံးမိပါက မည်သို့ ဖြစ်ပေါ်လာနိုင်သည်ကို လူတိုင်းသိနိုင်ပါမည် ။

ဤစနစ်ကို ဘယ်လ်ဂျီယမ် နိုင်ငံသား Victor-D’ Hondt က ၁၈၇၈ ခုနှစ်တွင် စတင်ဖော်ထုတ်ခဲ့သည် ။ သို့ဖြစ်၍ ဤစနစ်ကို Victor-D’ Hondt method ဟုလည်းကျယ်ကျယ်ပြန်ပြန့်ခေါ်ဆိုကြပါသည် ။ စိတ်ကူးယဉ် ဆိုရှယ်လစ်ဝါဒီ တစ်ဦးဖြစ်သူ victor-conside’rant ကလည်း ၁၈၉၂ခုနှစ်က သူရေးသားခဲ့သော စာအုပ်တွင်ထိုသို့သော စနစ်ကို ဖော်ထုတ်ခဲ့သည်။ Party-list PR စနစ်တွင် Open-list နှင့် Close-list ဟု နှစ်မျိုးထပ်မံရှိပြန်ပါသည် ။ Party-list(Open-list) စနစ်ကို အသုံးပြုနေသော နိုင်ငံများမှာ ဖင်လန်၊ လတ်ဗီးယား ၊ ဆွီဒင် ၊ နယ်သာလန်(ဟော်လန်) ၊ ဒီမိုကရက်တစ် ရီပတ်ဗလစ်ကွန်ဂိုနိုင်ငံ နှင့်ဘရာဇီး တို့ဖြစ်၍ Close-list ကျင့်သုံးသောနိုင်ငံများမှာ ရုရှား ၊တောင်အာဖရိကတို့ဖြစ်ပါသည် ။

ဥရောပ ပါလီမန်များတွင် အများစု သည် open-list ကိုကျင့်သုံးကြ၍ ယူနိုက်တက်ကင်းဂ်ဒမ်း တွင် close-list ကို ကျင့်သုံး နေကြပါသည် ။
၂။ Mixed Member Proportional System
( ကိုယ်စားလှယ်လောင်းအားတစ်ကြိမ် ၊ ပါတီအားတစ်ကြိမ် မဲပေးရွေးချယ်ရသော စနစ်)
ဒီစနစ်မှာ မဲဆန္ဒရှင်များက မိမိတို့ရွေးချယ်လိုသည့် ပုဂ္ဂိုလ်အားတိုက်ရိုက်တစ်ကြိမ် ၊ ပါတီအားတစ်ကြိမ် ၊ နှစ်ဆင့် ထပ် မဲပေးရွေးချယ်ရသောစနစ် ဖြစ်ပါသည်။

ဤစနစ်တွင် မဲဆန္ဒနယ်အလိုက် လူပုဂ္ဂိုလ်အရပေးသည့် ဆန္ဒမဲအများဆုံးရ သူ ကလွှတ်တော်ကိုယ်စားလှယ် (တိုက်ရိုက်)ဖြစ်သည်။ ထို့နောက် ပါတီအားပေးသည့်ဆန္ဒမဲရာခိုင်နှုန်းအလိုက်ကိုယ်စားလှယ် နေရာကို တွက်ချက်ခွဲဝေရပါသည် ။ ဤနေရာတွင်ရှုပ်ထွေးလာသည်က ပါတီတစ်ခုသည် ပါတီ၏ ကိုယ်စားလှယ်လောင်း များ ၀င်ရောက်ယှဉ်ပြိုင်ရာတွင် ဦးရေ ၁၀၀ တိုက်ရိုက်အနိုင်ရခဲ့သည် ။သို့သော် ပါတီအလိုက် ပေးသော မဲအရေအတွက် ရာခိုင်နှုန်းအရ ကိုယ်စားလှယ် ၁၅၀နေရာအနိုင်ရသည်ဆိုလျှင် လိုအပ်သော ၅၀ ဦးကို ပါတီစာရင်းမှ ထပ်မံပေါင်းထည့်ပေး ရပါမည် ။

ဆိုလိုသည်မှာ ကိုယ်စားလှယ် ၅၀ သည် ပြည်သူတို့၏ တိုက်ရိုက်ဆန္ဒမဲမဟုတ်ပဲ လွှတ်တော် ကိုယ်စားလှယ်ဖြစ် သွားသည် ဟူသည့် အဓိပ္ပါယ်ဖြစ်ပါသည် ။ မြန်မာပြည်တွင် ထိုသို့သောနည်းစနစ်ကို ပြည်သူများက သဘောတွေ့လိမ့်မည် မထင်ပါ ။ တစ်ခါတစ်ရံတွင် ထိုသို့ထပ်ပေါင်းပေးရသောကိုယ်စားလှယ်များကြောင့် လွှတ်တော်တွင် ကိုယ်စားလှယ်နေရာ အတိအကျ သတ်မှတ်ထား၍ မရသော ပြဿနာများ (လွှတ်တော်ကိုယ်စားလှယ်နေရာ ထပ်တိုးခြင်း -Overhang Seats) ပင်ကြုံတွေ့ ရတတ်ပါသည် ။

ဂျာမနီနိုင်ငံသည် ဤစနစ်ကို ကျင့်သုံးနေသော နိုင်ငံများထဲတွင် ထင်ရှားသည် ။ ဂျာမဏီ၏ ရွေးကောက်ပွဲစနစ်တွင် မဲအများဆုံးရသူနိုင် (FPTP) စနစ်အရ မဲဆန္ဒနယ်အလိုက်ကိုယ်စားလှယ် ၂၄၈နေရာ နှင့် အချိုးကျကိုယ်စားပြု (PR)စနစ်အရ ကိုယ်စားလှယ် ၂၄၈ နေရာ တို့ကို သတ်မှတ်ခွဲခြားထားပါသည်။

ဖွံ့ဖြိုးပြီးနိုင်ငံ ဖြစ် သော်လည်း နိုင်ငံရေးမတည်ငြိမ်သောနိုင်ငံဖြစ်ပါသည် ။ မကြာခဏ ပြင်ဆင်နေရသောစနစ်ဖြစ်၍မြန်မာပြည်ကဲ့သို့ မဖွံ့ဖြိုးသေးသော၊ အဘက်ဘက်မှ ပြင်ဆင်ရန်လိုအပ်နေသော နိုင်ငံသစ်တစ်ခုအတွက် ဤစနစ်ကျင့်သုံးသင့် မသင့်မှာပြည်သူ တို့နှင့် ပြည်သူ့ကိုယ်စားလှယ်ဆိုသူတို့ များစွာသတိထား ဆင်ခြင်ရန်လိုမည်ဖြစ်ပါသည်။ “ဆင်က” (ဆင်ကုန်းနှီး)ကို မြင်း၌“ကုန်းနှီး”တင်ပါကမည်သို့ဖြစ်မည်ကို ဆင်ခြင်ကြစေလို ပါသည် ။
ဤစနစ်(သို့မဟုတ်ဤစနစ်အားပြုပြင်မွမ်းမံ၍) ကျင့်သုံးသည့် နိုင်ငံများမှာ United King domတွင် the Greater London Authority နှင့် စကော့တလန်ပါလီမန် ၊ ဂျာမဏီ ၊ လီဆိုသို ၊ မက္ကဆီကို၊ဘိုလစ်ဗီးယား နှင့် နယူးဇီလန် တို့ဖြစ် ပါသည် ။ အီတလီသည် ထိုစနစ်အား ပြောင်းလဲထားသည့် ပုံစံဖြင့်ကျင့်သုံးသည်။

ထိုသို့သောလွှတ်တော်မျိုးတွင် PR စနစ်ကြောင့် ပါတီများစွာ လွှတ်တော်ထဲတွင်ပါဝင်လာပြီး မည်သည့် ပါတီကမျှ ကိုယ်စားလှယ် ဦးရေ ၅၀%ထက် မကျော်လွန်ပါက အစိုးရဖွဲ့ရန် မဟာမိတ်ပါတီများ ဖွဲ့ရခြင်း ၊ ထိုမဟာမိတ်ပါတီများ အတွင်း မည်သည့်ပါတီကို ၀န်ကြီးနေရာ မည်မျှပေးမည် စသည့် အပေးအယူများပြုလုပ်ခြင်းများ ရှိလာပါလိမ့်မည် ။ ထို့အပြင် ထိုသို့ အစိုးရအဖွဲ့၏ လုပ်ဆောင်ချက်များကို (ကောင်းသည်ဖြစ်စေ ၊ မကောင်းသည်ဖြစ်စေ) မိမိတို့ ဆန္ဒသဘောထားနှင့် မညီညွတ်၍ မကျေနပ်လျှင် ကျန်ပါတီများက ယာယီစုပေါင်းကာ ထိုအစိုးရအဖွဲ့အား ပြုတ်ကျစေရန် လွှတ်တော်တွင် အယုံအကြည်မရှိအဆိုတင်ခြင်း ၊ မဲခွဲခြင်းတို့ကို ပြုလုပ်ကြပါလိမ့်မည် ။ ထို့နောက်တွင် အစိုးရဖွဲ့ထားသော ပါတီမှ ပါတီဝင်များက အစိုးရအဖွဲ့အား ထောက်ခံဆန္ဒပြခြင်းများ ၊ ကျန်ပါတီများ၏ပါတီဝင်များမှ အစိုးရကို ကန့်ကွက် ဆန္ဒပြခြင်းများ ပြုလုပ်ကြပါလိမ့်မည် ။ ထို့နောက်ပြည်သူများအကြား မလိုလားအပ်သည့် ပဋိပက္ခများ ပေါ်ပေါက်လာပါ လိမ့်မည် ။

ဤစနစ်သည် ပါတီကိုသာ အဓိကရွေးချယ်ရခြင်းဖြစ်သဖြင့် မဲဆန္ဒရှင်ပြည်သူများသည် ကိုယ့်မြို့နယ် ကိုယ့်ဒေသအတွက် ကိုယ်ရွေးချယ်လိုသော ကိုယ်စားလှယ်လောင်းအား တိုက်ရိုက်မဲပေးခွင့် ဆုံးရှုံးသွားမည်ဖြစ်ပါသည် ။ ကိုယ့်မြို့နယ်မှ အရွေးခံယှဉ်ပြိုင်သော ကိုယ်စားလှယ်အား နှစ်သက်သည် ၊ မနှစ်သက်သည်ကို ရွေးချယ်ခွင့် မရှိတော့ပဲ ပါတီကိုသာ ရွေးချယ်ရသည်ဖြစ်သောကြောင့် အရပ်တကာ အော့ကြောလန် နိုင်ငံရေးလုပ်စားသူများလည်း ကိုယ်စားလှယ် ဖြစ်သွားနိုင်ပါသည်၊ ပါတီရံပုံငွေများများထည့်ဝင်သော ငွေရှင်ကြေးရှင် Crony များလည်းနိုင်ငံရေးဈေးကွက်တွင် ၀င်ရောက်ခြယ်လှယ်ကြရန် လွယ်ကူသွားပါလိမ့်မည် ။

အာဆီယံနိုင်ငံတစ်ခုဖြစ်သောအင်ဒိုနီးရှား သည်လည်း ထို စနစ်ကိုကျင့်သုံးသည် ၊ သို့သော် လွှတ်တော် ကိုယ်စား လှယ် များကို သာ ထို PR စနစ်ဖြင့်ရွေးချယ်ပြီးသမ္မတ နှင့်ဒေသဆိုင်ရာအုပ်ချုပ်ရေးများကိုပြည်သူကတိုက်ရိုက်ရွေးကောက် တင်မြှောက်သော စနစ်ကို ကျင့်သုံးသည်။ထိုစနစ် သည် သမ္မတ(အစိုးရအဖွဲ့)နှင့် လွှတ်တော်အကြား မကြာခဏ ပဋိပက္ခ ပေါင်းစုံပေါ်ပေါက်တတ်သည် ။ အုပ်ချုပ်ရေးမဏ္ဍိုင် နှင့်ဥပဒေပြုရေးမဏ္ဍိုင် အကြားညှိနှိုင်းစေ့စပ်၍မရနိုင်မှုများကြောင့် နိုင်ငံ ရေးမငြိမ်သက်မှုများ အမြဲတစေပေါ်ပေါက်တတ်ပါသည်။

ဤစနစ်ကိုကျင့်သုံးလိုပါကမကြာသေးမီနှစ်များအတွင်းအင်ဒိုနီးရှား နိုင်ငံ၏ နိုင်ငံရေးပြဿနာများ ကို အရင်လေ့လာကြစေလိုပါသည် ။ (ထိုနိုင်ငံများ၏ လွှတ်တော်နှင့် အစိုးရအကြားပြဿနာ များ ကို ထပ်မံရေးသားတင်ပြသွားပါမည်။)
၃။ Mixed Member Majoritarian system (ကိုယ်စားလှယ်လောင်း အားတစ်ကြိမ် ၊ ပါတီအားတစ်ကြိမ်မဲပေး ရွေးချယ်သည် ၊ သို့သော် လူပုဂ္ဂိုလ်အား နေရာအများစုပေးထားသောစနစ်)
အထက်ပါ Mixed Member Proportional System စနစ်နှင့်တူသော်လည်း ကိုယ်စားလှယ်လောင်း အရေအတွက် အချိုးကို ပိုမိုသတ်မှတ်ပေးထားသော စနစ်ဖြစ်ပါသည် ။

မြန်မာနိုင်ငံ၏အိမ်နီးချင်းဖြစ်သောထိုင်းနိုင်ငံသည် ယခုအခါ ထိုစနစ်ကိုကျင့်သုံးနေပါသည်။ နိုင်ငံတွင်း ပြဿနာပေါင်းများစွာဖြင့် ၀ရမ်းထုတ်ခြင်းများကို ခံရပြီး အခြားနိုင်ငံတွင် ခိုလှုံနေ ရသော ၀န်ကြီးချုပ်ဟောင်း သက်ဆင်ရှင်နာဝပ်ထရာ(လက်ရှိဝန်ကြီးချုပ်ယင်လတ်ရှင်နာဝပ်ထရာ၏ အကို) ၏PPP ပါတီ အစိုးရအား ဖြုတ်ချ၍ အာဏာသိမ်းယူပြီးနောက်တွင်မှ ပြန်လည်ပြင်ဆင်ရေးဆွဲ အတည်ပြုခဲ့သော အခြေခံဥပဒေ ပြင်ဆင်ချက်အရ ပေါ်ထွက်လာသည့် စနစ်ဖြစ်ပါသည်။ မြန်မာနိုင်ငံတွင်ကျင့်သုံးနေသော မဲအများဆုံးရသူနိုင် (FPTP) စနစ်အရ မဲဆန္ဒနယ်အလိုက်ကိုယ်စားလှယ် ၃၇၅ နေရာ နှင့် အချိုးကျကိုယ်စားပြု (PR)စနစ်အရ ကိုယ်စားလှယ် ၁၂၅ နေရာ တို့ကို သတ်မှတ်ခွဲခြားထားပါသည်။

ပထမဦးစွာ မဲဆန္ဒနယ်အလိုက် ကိုယ်စားလှယ်ကိုမဲပေးခြင်း၊ ဒုတိယအဆင့် ပါတီကိုမဲပေးခြင်းတို့မှာ ဂျာမဏီနိုင်ငံတွင်ကျင့်သုံးသောစနစ်နှင့် တူသော်လည်းFPTPစနစ်ကို ကျင့်သုံးသည့် အရေအတွက် ကို PR စနစ် ကျင့်သုံးသည့် အရေအတွက်ထက် နေရာ ၂၀၀ ပိုမို သတ်မှတ်ထားခြင်းတို့တွင် ကွာခြားသွားပါသည် ။
ဝန်ကြီးချုပ်ဟောင်း သက်ဆင်သြဇာလွှမ်းမိုးသောပါတီကလွှတ်တော် အား လွှမ်းမိုးလက်ဝါးကြီးအုပ်မည် ကို စိုးရိမ်သောကြောင့် ဤစနစ်ကိုပြောင်းလဲကျင့်သုံးသည်ဟု ဆိုကြသော်လည်း ဤစနစ်ကျင့်သုံးပြီးသည့် ပြန်လည်ပြုလုပ် သည့် ရွေးကောက်ပွဲတွင်လည်း သက်ဆင်အား ထောက်ခံသူများ၏ PPP ကသာ အနိုင်ရခဲ့ပါသည်။

ထိုနောက်တွင်မှ ၀န်ကြီးချုပ် သုန္ဒြာဘတ်နှင့် ၎င်းအားထောက်ခံသူအမတ်အချို့အား ပိတ်ပင်ခဲ့၍ ဒီမိုကရက်တို့နှင့် ပါတီငယ်များပူးပေါင်းကာ ညွန့်ပေါင်းအစိုးရ ဖွဲ့နိုင်ခဲ့ခြင်းဖြစ်ပါသည်။ ဤစနစ်အရ ပါတီတစ်ခုပြီးတစ်ခုပြောင်းသည့် “ခြံကူးကြမ်းသူ” အဖြစ် နာမည်ကြီးသော ချိုက်ချစ် ကလွှတ်တော်ဥက္ကဋ္ဌဖြစ်လာခဲ့ပါသည်။ ၂၀၁၁ ရွေးကောက်ပွဲတွင် သက်ဆင် ညီမဖြစ်သူ ယင်လတ် နှင့် သူမ၏ပါတီက ပြန်လည်အနိုင်ရခဲ့ပါသည် ။

ဤစနစ်ကျင့်သုံးခြင်း၏ ပြဿနာများမှာ မကြာခဏ လွှတ်တော်တွင်းပြဿနာများ ရင်ဆိုင်ရခြင်း ၊ လွှတ်တော်နှင့် အစိုးရအဖွဲ့အကြား ပြဿနာများ ပေါ်ပေါက်ခြင်း အစိုးရအဖွဲ့မကြာခဏ နှုတ်ထွက်ပေးရခြင်း တို့ဖြစ်ပါသည် ၊ နိုင်ငံရေး မတည်ငြိမ်ဟု ဆိုနိုင်ပါသည် ။ တိုးတက်လှပါသည်ဆိုသော ဂျပန်နိုင်ငံတွင်ပင် ဤပြဿနာများ (၀န်ကြီးချုပ်နှုတ်ထွက် ၊ အစိုးရအဖွဲ့ပြုတ်ကျ) မကြာခဏကြုံတွေ့ရရာ မြန်မာနိုင်ငံကဲ့သို့ သွေးနုသားနု ဒီမိုကရေစီနိုင်ငံ တစ်ခုတွင် ပုံတူကူးသင့် မကူးသင့် သတိကြီးစွာဖြင့် ဆင်ခြင်ကြရန်ဖြစ်ပါသည် ။ မကြာသေးမီက ထိုင်းနိုင်ငံတွင်ဖြစ်ပွားခဲ့ သည့် ရှပ်နီတို့၏ဆန္ဒပြမှု များ၊ အဓိကရုဏ်းများ ကဲ့သို့သော ပြဿနာကြီးများ ကြုံလာခဲ့ပါက မြန်မာနိုင်ငံ၏ နိုင်ငံရေးလမ်း ကြောင်း တစ်ဆစ်ချိုးမည် မချိုးမည်ကို မည်သူက အာမခံပါမည်နည်း ။

(ထိုစနစ်ကို ကျင့်သုံးသော အခြားနိုင်ငံများမှာ ဘိုလစ်ဗီးယား၊ ဟန်ဂေရီ၊ ဂျပန် ၊ လီဆိုသို၊ မက္ကဆီကို၊ တောင်ကိုးရီးယား ၊ တိုင်ဝမ် ၊ နှင့် ဗင်နီဇွဲလား နိုင်ငံတို့ဖြစ်ကြပါသည် ။)
၎။ Single Transferable Vote စနစ် (အမတ်လောင်းများအနက်မှ မိမိတို့နှစ်သက်မှုအရ ဦးစားပေး နံပါတ်စဉ် ၁၊၂၊၃၊၄ တပ်ပြီး ရွေးချယ်သောစနစ်)
ဤစနစ်မှာ အမတ်လောင်းများအား မဲဆန္ဒရှင်ပြည်သူများ၏ နှစ်သက်မှုအရ ဦးစားပေးနံပါတ်တပ်၍ ရွေးချယ်ခြင်း ဖြစ်ပါသည် ။

ကမ္ဘာ့အကောင်းဆုံးဘောလုံးသမားရွေးချယ်မှု နှင့် ဆင်ဆင်တူပါသည် ။ ဖီဖာမှ နောက်ဆုံးဆန်ကာတင် (၃)ဦး အမည်စာရင်းကို ထုတ်ပြန်ပေးပြီး ၊ ကမ္ဘာတစ်လွှားမှ ဘောလုံးအသင်းမန်နေဂျာများ နှင့် အသင်းခေါင်းဆောင်များ မှ မိမိအကြိုက်ဆုံး ဘောလုံးသမားကို နံပါတ်(၁)တွင်ရေး ၊ ဒုတိယအကြိုက်ဆုံးကို နံပါတ်(၂) ၊ တတိယအကြိုက်ဆုံးကို နံပါတ်(၃) စသည်ဖြင့် မဲ့ပေးရွေးချယ်သလိုပင်ဖြစ်ပါသည် ။ ကွာခြားသည်က ထိုရွေးချယ်မှုတွင် အမှတ်စဉ်(၁) ရွေးချယ်ခံရလျှင် (၃)မှတ် ၊ အမှတ်စဉ်(၂) ရွေးချယ်ခံရလျှင် (၂)မှတ် အမှတ်စဉ်(၃)ရွေးခံရပါက (၁)မှတ် ပေးခြင်းတွင် ကွာခြားပါသည်။

ဤစနစ်မှာ မဲကျန်များကို အနည်းအများအလိုက်ထပ် ပေါင်းပေးရခြင်းစသော အလွန် ရှုပ်ထွေးပွေလီ လှသည့် ပြဿနာများစွာ ရှိပါသည် ။ (စာညောင်းမည်စိုးသဖြင့် မဲကျန်ပေါင်းသည့် စနစ်သဘောတရား များကို အသေးစိတ် မတင်ပြဘဲ ချန်လှပ်ခဲ့ပါမည်)
ကိုယ်စားလှယ်လောင်း အမည်နှင့် ပါတီအမှတ်အသားဘေး ဆန္ဒပြု ကွက်လပ် တွင် မိမိ မဲပေးလိုသော ကိုယ်စားလှယ်ကို မှန်ကန်စွာမဲပေးရန်ပင် မနည်း ရှင်းပြရသော မြန်မာနိုင်ငံသူ/သား အများစု သည် ထိုသို့သော ရှုပ်တွေးပွေလီမှုများ ကို မည်သို့ ရင်ဆိုင်၍ မှန်မှန်ကန်ကန် မဲပေးနိုင်ကြပါမည်နည်း ။

ဤစနစ်ကို ဗြိတိသျှလူမျိုးကျောင်းအုပ်ဆရာဖြစ်သူ သောမတ်စ်ရိုက်ထ်ဟေးလ် (Thomas-Wright-Hill) က ထုတ်ဖော်ခဲ့ပါသည် ။ ထိုစနစ် ကို သူ၏ ကျောင်းဘုတ်အဖွဲ့ရွေးကောက်ပွဲ ( ၁၈၂၁ခုနှစ်)တွင် စတင်အသုံးပြုခဲ့သည် ။ ထိုစနစ်ကို သူ၏သားဖြစ်သူ ရိုးလန့်ဒ်ဟေးလ် (Rowland-Hill) က အာဒီလိတ် မြို့တော်ကောင်စီ ပြည်သူ့ရွေးကောက်ပွဲ (Adealide City Council) တွင် ၁၈၄၀ ခုနှစ်တွင် စတင်မိတ်ဆက် အသုံးပြုခဲ့သည် ။ အခြား PR စနစ်များနှင့်မတူသည်မှာ ဤစနစ်သည် party- list စနစ်အတွက် လုံးဝ ခွင့်ပြုမထားခြင်းဖြစ်ပါသည် ။

PR စနစ်များထဲမှ အဦးဆုံးဖြစ်သည့် ထိုစနစ်ကို နိုင်ငံအနေဖြင့်စတင်အသုံးပြုသည်မှာ ဒိန်းမတ်နိုင်ငံဖြစ်ပြီး ၁၈၅၇ တွင် ပထမဆုံး အသုံးပြုခဲ့ပါသည် ။ သို့သော် ထိုစနစ်သည် ကျယ်ကျယ်ပြန့်ပြန်အသုံးပြုခဲ့ခြင်းမရှိပါ ။ ထိုစနစ်ကို United Kingdom တွင် ထပ်မံအဆိုပြုခဲ့သော်လည်း ဗြိတိသျှပါလီမန်က ပယ်ချခဲ့ပါသည် ။
အထက်တွင်ဖော်ပြခဲ့သော PR စနစ်များထဲမှ မည်သည့်စနစ်ကို ကျင့်သုံးသည်ဖြစ်စေ သေချာပေါက် အကျိုးရှိ မည်မှာ ပါတီငယ်များဖြစ်ကြ၍ သေချာပေါက် အမတ်ဖြစ်မည်မှာ ထိုပါတီများ၏ ဥက္ကဌ ၊ ဒုဥက္ကဌ ၊ အတွင်းရေးမှူး ..စသော ထိပ်ဆုံးမှ တန်းစီထားကြသည့်ပုဂ္ဂိုလ်များဖြစ်ပါသည်။

(ဤအချက်သည်ပင် PR စနစ်ကို ကောက်ကာငင်ကာ အဆိုပြု တင်ပြလာသော ဒီမိုကရေစီ မဟာမိတ်ပါတီများမှာ ခေါင်းဆောင်ကြီးများ၏ ၀ှက်ဖဲတစ်ချပ် ဖြစ်မည်ထင်ပါသည်။)၊ကျန် ပါတီဝင်အဆင့်ကိုယ်စားလှယ်လောင်းများမှာ အိမ်ဖြည့်သာဖြစ်ပါသည် ။ တိုင်းပြည်အတွက် အကျိုးရှိဖို့ကတော့ မသေချာ မရေရာလှပါ ။
သေချာသည်ကတော့ ထိုသို့နည်းဖြင့် လွှတ်တော်ထဲရောက်လာသူများသည် မိမိတို့ လုပ်ပိုင်ခွင့်ဖြင့် “တိုင်းပြည် တစ်ရိုး သဝေထိုးအောင်”ဆိုးတော့မည်ကတော့သေချာပါသည် ။ ဥပမာအားဖြင့် ပါတီကြီးနှစ်ခုသည် လွှတ်တော် ကိုယ်စားလှယ် နေရာ ၄၀% စီ အနိုင်ရထားကြသည် ။ ပါတီငယ်လေး ၃ ခုက ၈% ၊ ၇% နှင့် ၅% အသီးသီး ရထားသည် ဆိုပါစို့ ၄၀% ရထားသည့် ပါတီကြီး နှစ်ခုသည် ၅၀% မပြည့်သဖြင့် အစိုးရမဖွဲ့နိုင် ၊ သို့ဖြစ်၍ ထိုပါတီကလေး ၃ခုကို မိမိတို့နှင့် ပူးပေါင်းရေးအတွက် ဆွယ်ရတော့မည်ဖြစ်ပါသည် ။ ထိုပါတီကလေးများကလည်း ဤအချက်ကို နိုင်ကွက်ကိုင်၍ ၀န်ကြီး ဘယ်နှစ်နေရာပေးလျှင် ပူးပေါင်းမည် ဟု ကြိုက်ဈးကိုင်ကြပါတော့မည် ။ ထိုအခါ အစိုးရဖွဲ့လိုသော ပါတီကြီး ၂ခုကလည်း မိမိတို့ အစိုးရဖွဲ့နိုင်ရေး ပါတီငယ်များ ကြိုက်ဈေးပေး၍ အလိုလိုက်ကြရပါတော့မည် ။ အစိုးရဖွဲ့ပြီးပြန်တော့ လည်း ထိုပါတီကလေးများ မိမိတို့နှင့် လက်တွဲမဖြုတ်ရေး ပြိုင်ဘက်ပါတီဘက်သို့ ပါမသွားရေးတို့ကို အခွင့်အရေးပေး မျက်နှာချိုသွေးနေရပါတော့မည် ။ ဤသို့အားဖြင့် ထိုပါတီကြီးထဲမှ ကိုယ်စားလှယ်များနှင့် ပါတီခေါင်းဆောင်များ ကြား ပြဿနာပေါင်းစုံ ပေါ်ထွက်လာပါလိမ့်မည် ။

ပြည်သူတွေမှာတော့ ကိုယ်စားလှယ်တော်ကြီးများ လွှတ်တော်အတွင်း သူတစ်လူငါတမင်းနှင့် ခေါင်းပေါင်းဖြုတ် ၊ တိုက်ပုံချွတ် ၊ ပုဆိုးခါးတောင်း ကြိုက်၍ နပန်းထမလုံး ကြလျှင်ပဲ တော်လှပါပြီဟု ရင်ကလေးတစ်မမ ၊ ဘုရား တစ်တတ ၊ ရသမျှ အန္တရာယ်ကင်း ဂါထာ များအား အနုလုံပဋိလုံရွတ် ၍ ဘယ်တော့များ လွှတ်တော်ကို ဖျက်သိမ်း(dissolve)ခံရပါ့မလည်း ။ဘယ်တော့ နောက်ကြောင်းပြန်သွားမလည်း တွေး၍ သာ နေရပါတော့မည် ။
ပြည်သူမျက်နှာကိုမကြည့် မိမိတို့ လွှတ်တော်အမတ်နေရာရဖို့အရေးက ဆင်ခြင်တုံတရားကို လွှမ်းမိုး၍ မျက်ကန်း တစ္ဆေမကြောက်သူများကတော့ တိုင်းပြည်အား ချောက်ကမ္ဘားစွန်းသို့တွန်းပို့ရန် ကြံနေကြပြန်ပါပြီ ။ အထက်ပါပြဿနာများ ပေါ်ပေါက်၍ တိုင်းပြည်တစ်ခုလုံး ၀ရုန်းသုံးကားဖြစ်ကာ ဘယ်လိုမှထိမ်းမရတော့လျှင် သွားလေသူ ဘကြီးနု (၀န်ကြီးချုပ် ဟောင်း ဦးနု) ကဲ့သို့ ဗိုလ်ချုပ်နေ၀င်းအား မြန်မာနိုင်ငံ အိမ်စောင့်အစိုးရ လွှဲအပ်သလိုများ လုပ်သွားကြဦးမည် လားတော့ တွေးပင်မတွေးရဲတော့ပါ ။

ဘကြီးနု လက်သစ်များ ထပ်မံမပေါ်ပေါက်ပါစေနှင့်ဟုလည်း အလေးအနက်ဆန္ဒပြုအပ်ပါသည်။
မြန်မာနိုင်ငံကို သွေးနုသားနုဒီမိုကရေစီ နိုင်ငံသစ် ဟု တင်စားခဲ့ပါသည် ။ လေစိမ်းတိုက်မခံနိုင် ၊ အစားမှား မခံနိုင် ၊ ရေအေးအေးကို သော်မှ မကိုင်ရဲသေးသည့် တကယ့်သွေးနုနုသားနုနု ကို အဘယ်ကြောင့် တောက်တိုမယ်ရ ဆေးစမ်း ချင်နေကြပါသနည်း ။ ဒီမိုကရေစီမဟာမိတ်များဆိုသည်တို့သည်လည်း ကိုယ့်အားကိုယ်ကိုး ၍ ပြည်သူကို စည်းရုံးကြရမည့် အစား အဘယ်ကြောင့် အလိုတူအလိုပါ ကြံဖော်ကြံဖက် ဖြစ်ကြရပြန် သနည်း ။

ကိုယ့်ကို ကိုယ်ယုံကြည်လျှင် ပါတီချင်းယှဉ်ယှဉ် ၊ မူချင်းယှဉ်ယှဉ် ၊ လူချင်းယှဉ်ယှဉ် ပ၀ါမကူ ရေမရှုစတမ်း ပြည်သူကို ခုံသမာဓိထား၍ ရွေးကောက်ပွဲဝင် ယှဉ်ပြိုင်သင့်ပါလျှက် အဘယ်ကြောင့် သေချာပေါက် အချိုအချောင် နည်းလမ်းကို ရွေးကြပါသနည်း ။ ၂၀၁၀ ရွေးကောက် ပွဲတုန်းက နိုင်သူအကုန်ယူစတမ်း ( First past The Post – FPTP) သို့မဟုတ် (Winner take all ) စနစ်ကို ကျင့်သုံးခဲ့ပါ လျှက် ယခုကျခါမှ အဘယ်ကြောင့် စည်းကမ်းချက် အသစ်များ ထပ်မံချမှတ်လိုလာရပြန်ပါသနည်း ။

ပါတီချင်းယှဉ် ၊ မူချင်းယှဉ် ၊ လူချင်းယှဉ် ၊ ပြည်သူအဆုံးအဖြတ်ဖြင့် လွှတ်တော်အတွင်း ခေါင်းမော့မော့ ခါးမတ်မတ် ဖြင့် ၀င်ကြရမည့် အစား ဘယ်နေရာမှ မနိုင်ရင်နေ ဟိုမဲဆန္ဒနယ်က ရသည့်မဲ နည်းနည်း ဒီ ဟိုမဲဆန္ဒနယ်က ရသည့်မဲ နည်းနည်း ရတတ် သမျှ မဲများ စုကာပေါင်းကာဖြင့် လွှတ်တော်အတွင်းသို့ ၊ ခြံစည်းရိုးပေါက်မှ ၀င်ရ၀င်ရ ၊ ကြမ်းပေါက်မှ ၀င်ရ၀င်ရ ၊ မည်သို့ဝင်ရသည်ဖြစ်စေ ၀င်မည်ဟု ကြံစည်နေကြသည်ကတော့ လမ်းအလည် မစင်စွန့်သူတော့ မသိ မြင်သူကတော့ ရှက်လှပါပြီ ။ အနည်းငယ်မျှသတိသမ္ပဇဉ်ယှဉ်၍ ရသမျှခဲချင်သည့် စိတ်များ နည်းနည်း လျှော့ကြစေချင်ပါသည် ။

ယခုအချိန်သည် နိုင်ငံတော်အတွက် သမိုင်းသစ်ကို ရေးထိုးနေချိန်ဖြစ်ပါသည် ။ ယခင့်ယခင်က မှားခဲ့သည်များကို သင်ပုန်းချေနေချိန်လည်း ဖြစ်ပါသည် ။ သို့သော် ပြည်သူများ ထပ်ကာထပ်ကာ ထိခိုက်နစ်နာစေမည့် ကိစ္စများကိုတော့ သတိကြီးစွာဖြင့် ရှောင်ရှားကြစေလိုပါသည် ။ သို့မဟုတ်ပါက သမိုင်းတရားခံ များဖြစ်ကြပါလိမ့်မည် ။ သွေးနုသားနု ဒီမိုကရေစီ နိုင်ငံသစ်အား သည်းခြေပျက်စေမည့် အတွေးဆိုး အတွေး မိုက်၊လုံ့လစိုက်ထုတ်မှုအမှားများကို ရှောင်ရှားကြစေ လိုပါသည် ။ အဘက်ဘက်မှ အထွေထွေနိမ့်ကျ နေသော ပြည်သူတို့၏ အားနည်းချက်များကို မိမိတို့ အတွက် အခွင့်အရေး မယူသင့်ကြပါ ။

ပြည်သူတို့၏နိမ့်ပါးမှုများကို အသိအတတ်မြင့်မားသူတို့က စာနာဖေးမ စောင့်ရှောက်ကြမှသာ လောကပါလ တရား ထွန်းကားပါလိမ့်မည်။ လောကပါလတရား ဟူသည်မှာ ဆိုင်းဘုတ်ရေးသား ချိတ်ဆွဲထားရမည့် အရာမဟုတ်ပါ ၊ လိုက်နာကျင့်သုံးရမည့် အရာဖြစ် ပါသည် ။ ဒီမိုကရေစီ သက်တော်ရှည် ပုရောဟိတ်ကြီးများ အားလည်း ယခုအချိန်သည် တိုင်းပြည်မျက်နှာ ပြည်သူ့မျက်နှာကို နည်းနည်းမျှဖြစ်ဖြစ် ကြည့်ကြရတော့မည့် အချိန်ဖြစ်ပါကြောင်း ၊ ခေတ်စနစ် အဆက်ဆက် ဒဏ်ရာတွေအပြည့်ဖြစ်နေကြရှာသောပြည်သူတို့ကို စာနာထောက်ထားကြစေလိုပါကြောင်း ၊ ဆေးဆရာ ဆေးအစမ်းကောင်း၍ လူမမာ ရေတိမ်မနစ်စေလိုပါကြောင်း မေတ္တာရပ်ခံ တင်ပြလိုက်ရပါသည် ။
ထင်လင်းဦး (Wisdom Villa)

PR စနစ်ကို ရေးပေးပါလို့ တိုက်တွန်းကြတဲ့ မိတ်ဆွေများအတွက်ပါ ၊ PR ဆောင်းပါး (၃)ပုဒ်ထဲက ပထမဆုံးရေးခဲ့တဲ့ ဆောင်းပါးပါ

သမ္မတကြီး၏ ပြုပြင်ပြောင်းလဲရေး ပြောနေသော စကားမှာ ယခုချိန်ထိ ဘာမျှဖြစ်မလားသေးသည့် အတွက် အားမလိုအားမရ ဖြစ်ခြင်းများအပြင် စိတ်ပျက်ရသော အဆင့်သို့ ရောက်ရှိနေသည်ဟု ပြည်ထောင်စု ဒီမိုကရေစီပါတီမှ အထွေထွေ အတွင်းရေးမှူး ဦးသောင်းဝင်းက ပြောသည်။

“အခုလက်ရှိ ကျွန်တော်တို့ နိုင်ငံမှာ ဖြစ်နေတာကတော့ အစိုးရနဲ့ သက်ဆိုင်တဲ့ ၀န်ဆောင်မှုတွေ သုံးစွဲတဲ့ အခါကို ကြည့်လိုက်ရင် ယခင် စစ်အစိုးရ လက်ထက်နဲ့ ထူးမခြားဘဲ အခုချိန်ထိ ဟိုရုံးသွားလည်း ပိုက်ဆံပေးရတယ် ဒီရုံးသွားလည်း ပိုက်ဆံပေးရတယ် ရန်ကုန်မြို့ပေါ်က လမ်းတွေကို ကြည့်လိုက်ရင်လည်း လမ်းပိတ်ဆို့မှုတွေက မြင်မကောင်းဘူး။ အဲ့ဒါတွေ အားလုံးကို သုံးသပ်ပြီး ခြုံကြည့် လိုက်မယ်ဆိုရင် စစ်အစိုးရ လက်ထက်နဲ့ သမ္မတကြီးရဲ့ သုံးနှစ်ကျော် သက်တမ်းမှာ ဘာမှကွာခြားမှု မရှိသလို တွေ့ရပါတယ်” ဟု ပြည်ထောင်စု ဒီမိုကရေစီ ပါတီမှ အထွေထွေ အတွင်းရေးမှူး ဦးသောင်းဝင်းက ပြောခဲ့သည်။

၂၀၁၀ခုနှစ် ရွေးကောက်ပွဲ အပြီးတွင် သမ္မတကြီး၏ လုပ်ပုံကိုင်ပုံ ပြောဆိုပုံများမှာ လက်ခံနိုင်သည့် ပမာဏရှိသည့် အတွက် ထောက်ခံခဲ့သည့် ပါတီများ ရှိခဲ့သော်လည်း ယခုအခါ သမ္မတကြီး၏ သုံးနှစ်ကျော် သက်တမ်းအား ပြန်လည်ကြည့်ပါက ယခုချိန်ထိ အဓိက ပြောင်းလဲမှုများ ဖြစ်သည့် တိုင်းပြည်၏ အောက်ခြေ ပြည်သူလူထု၏ ဘ၀မှာ စစ်အစိုးရ လက်ထက်မှ ဘ၀နှင့် ထူးမခြားနား ရှိနေကြောင်း တွေ့ရသည်ဟုလည်း ဦးသောင်းဝင်းမှ ဆက်၍ပြောခဲ့သည်။

“သမ္မတကြီးရဲ့ လှုပ်ရှားမှုတွေမှာ အားမရတာတော့ ရှိတာပေါ့။ ဒါပေမဲ့လည်း သူ့လက်ထက်မှာ ပြုပြင် ပြောင်းလဲရေးတွေ ရှိလာတာကိုတော့ သတိပြုရမှာပေါ့လေ။ ပြီးတော့ သူလည်းလုပ်နိုင်တဲ့ အင်အား အတိုင်းတာ အလိုက် လုပ်ကိုင်နေတယ်လို့ မြင်ပါတယ်”ဟု နိုင်ငံရေး စောင့်ကြည့် လေ့လာသူ ဦးသက်နိုင်တိုးက ပြောပြခဲ့သည်။

ယခုလက်ရှိ မြန်မာနိုင်ငံတွင် သမ္မတကြီးမှ အောက်ခြေခြစား ၀န်ထမ်းများအား မရှိအောင် ထပ်ဖန် တစ်လဲလဲ ပြောနေသော်လည်း အပြောရှိ၍ လက်တွေ့တွင် ဘာမျှဖြစ်မလာသည့် အတွက် ပြောင်းလဲမှုဆိုတာ သုံးနှစ်ကျော် ကာလအတွင်း ဘာမျှပြောင်းလဲခြင်း မရှိသဖြင့် သမ္မတကြီးအား အားမလိုအားမရ ဖြစ်နေရကြောင်း ဦးသောင်းဝင်းက ပြောခဲ့သည်။
Tomorrow news journal

ဖွဲ့စည်းပုံအခြေခံဥပဒေ ပုဒ်မ (၄၃၆) ပြင်ဆင်ရေးလက်မှတ်ထိုး ဆန္ဒပြုတဲ့ လှုပ်ရှားမှု စတင်ခဲ့တာ တစ်ပတ်နီးပါး ရှိလာပြီဆိုတော့၊ စိတ်ဝင်စားဖွယ်ရာ ရုပ်သဏ္ဍာန်လေးတွေပေါ်လွင်လာပါတယ်။ ကျွန်မတို့ လှုပ်ရှားမှုဟာ ဒီမိုကရေစီ သဘောထား၊ တန်ဖိုးထားမှုတွေကို အခြေခံပါတယ်။ အေးအေးချမ်းချမ်းနဲ့ ဥပဒေဘောင်အတွင်းက၊ ပြည်သူများရဲ့ မိမိတို့ ဆန္ဒကို လွတ်လပ်စွာ ထုတ်ဖေါ်ပိုင်ခွင့်ကို အကောင်အထည်ဖော်ခြင်းဖြစ်ပါတယ်။ လှုပ်ရှားမှုကို မလိုလား၊ ဆန့်ကျင်သူတွေလဲရှိတာပေါ့။ မတူကွဲပြားမှုကို လက်ခံတာ ဒီမိုကရေစီ စိတ်ဓါတ်ပါပဲ။ သဘောမတူလို့ ဆန့်ကျင်တာလဲ လက်ခံရမှာပါ။ ဆန့်ကျင်ပုံ ဆန့်ကျင်နည်းတွေကိုတော့ ဒီမိုကရေစီ စံထုံး၊ စံထားများနှင့် ညီ၊ မညီ ကျွန်မတို့ ပြည်သူတွေ ဆန်းစစ်စေချင်ပါတယ်။

(၄၃၆) ပြုပြင်ရေး လှုပ်ရှားမှုကို ဆန့်ကျင်ကြောင်း ပိုစတာ စာတန်းတွေ ကိုင်ပြီး ဆန္ဒပြသူများအထဲမှာ အုပ်ချုပ်ရေးမှူး အမိန့်အရ လုပ်ရသူတွေ၊ ဘာကို ဘာအတွက် ဆန့်ကျင်နေမှန်းမသိ ငွေပေးခိုင်းလို့ လုပ်တဲ့ သူတွေ ပါဝင်နေကြောင်း ကြားသိရပါတယ်။ ဒီလိုဆန့်ကျင်မှုမျိုးဟာ ဒီမိုကရေစီ အခွင့်အရေးတွေကို အလွဲ သုံးစားပြုသလို၊ ပြည်သူတွေကိုလဲ မလေးစားရာ ရောက်ပါတယ်။ အမိန့်အာဏာ၊ ငွေအင်အားသုံးပြီး နိုင်ငံရေး အရ အသုံးချတာဟာ အာဏာရှင်များ၊ ဒီမိုကရေစီကို အလေးမထားသူများရဲ့ လုပ်နည်းလုပ်ထုံးတွေ ဖြစ်ပါတယ်။

ပြည်သူတွေကို အလေးထားရင်၊ ပြည်သူများအနေနဲ့ မိမိတို့နိုင်ငံအတွက် အရေးကြီးတဲ့ ကိစ္စရပ်တွေကို နားလည်အောင် ကြိုးစားလုပ်ဆောင်ပြီး၊ ကန့်ကွက်သင့်သည်ကို ကန့်ကွက်၊ ထောက်ခံသင့်သည်တို့ကို ထောက်ခံဖို့ စည်းရုံးလှုံ့ဆော်ရပါတယ်။ ဒါ့ကြောင့် ရွေးကောက်ပွဲများအတွက် မဲဆွယ်တဲ့အခါမှာ၊ ဘယ်လို အကြောင်းတွေကြောင့် ပါတီတစ်ချို့ကိုသော်လည်းကောင်း၊ ကိုယ်စားလှယ် တစ်ယောက် ကို သော်လည်းကောင်း မဲပေးရွေးချယ်သင့်တာကို ရှင်းပြဖို့ အရေးကြီးပါတယ်။ ဒီလိုမဟုတ်ဘဲ အာဏာ၊ သြဇာ၊ ခြိမ်းခြောက်ခြင်း၊ လာဘ်ထိုးခြင်း နည်းလမ်းတွေသုံးပြီးရင်တော့ တရားမျှတ၊ လွတ်လပ်တဲ့ ဒီမိုကရေစီလမ်းက သွေဖီသွားပြီလို့ပဲ သတ်မှတ်ရပါမယ်။

ယခု (၄၃၆) ပြုပြင်ပြောင်းလဲရေး လှုပ်ရှားမှုကို ပြည်သူတွေ မထောက်ခံအောင် နည်းအမျိုးမျိုးသုံးလာတာတွေ့ နေရပါတယ်။ အတိတ်မှာ ထားခဲ့ပါပြီဆိုတဲ့ စစ်အာဏာရှင်စနစ်တုန်းက သုံးခဲ့တဲ့ နည်းမျိုးတွေပါပဲ။ ဒီလို ဖြစ်ရပ်တွေဟာ တစ်ဖက်ကကြည့်ရင် စိတ်ပျက်စရာလို့ ပြောနိုင်ပေမယ့်၊ တစ်ဖက်ကကြည့်ရင်တော့ အင်မတန်မှ တန်ဖိုးရှိတဲ့ အချက်ပြတွေဖြစ်ပါတယ်။ ဒီလိုနည်းလမ်းတွေ သုံးတဲ့ပုဂ္ဂိုလ်တွေ၊ အဖွဲ့အစည်းတွေရဲ့ စေတနာမှန် ကို ဖော်ပြနေလို့ပါပဲ။
ဘယ်သူမဆို ကိုယ့်အကြိုက်လိုက်လျောနေသ၍တော့ ကျေနပ်ပြီး သဘောကောင်းသယောင်ယောင် ရှိနိုင်ပါတယ်။ သဘောထားချင်း မတိုက်ဆိုင်တဲ့အခါကြမှ ဘယ်လောက် သဘောထားကြီးနိုင်တယ်။ ဘယ်အတိုင်းအတာထိ တကယ့် စေတနာထားနိုင်မယ်ဆိုတာ ပေါ်လွင်ပါတယ်။ ဒီမိုကရေစီလမ်းကြောင်းပေါ် ဂ - ကွေ့ မကွေ့ စတန်းလျှောက်နေပါပြီလို့ အသံကောင်းဟစ်ပြီး ပြည်တွင်း၊ ပြည်ပ ထောက်ခံမှုရအောင် လုပ်နေတဲ့ ပုဂ္ဂိုလ် အဖွဲ့အစည်းများရဲ့ အတွင်းစိတ်ကို ကျွန်မတို့ သိနိုင်ဖို့ ဒီပြည်သူ့ဆန္ဒပြုမှု ရယူရေး လှုပ်ရှားမှုကြီးက ပြလိုက်ပါပြီ။ ဒါဟာ ဒီလှုပ်ရှားမှုရဲ့ ပထမဦးဆုံး အကျိုးအမြတ်ပါပဲ။

ဖွဲ့စည်းပုံအခြေခံဥပဒေ ပြုပြင်ပြောင်းလဲရေးကို ဘာ့ကြောင့်သဘောမတူဘူးလဲဆိုတာကို ထုတ်ဖော်ပြောဆို မှုတွေကလဲ ကျွန်မတို့အတွက် နိုင်ငံရေးအမြင်ကျယ်စေပါတယ်။ တိုင်းပြည်ရဲ့ တည်ငြိမ်မှုအတွက်၊ လုံခြုံမှုအတွက်၊ တည်တံ့ခိုင်မြဲမှုအတွက် စသဖြင့် အကြောင်းပြချက်တွေဟာ တကယ်ပဲ တိုင်းပြည်အတွက် စဉ်းစားတာလား၊ တစ်စု တစ်ဖွဲ့အတွက် စဉ်းစားတာလားဆိုတာကို ပြည်သူတွေ သုံးသပ်ကြစေချင်ပါတယ်။ စိုးရိမ်စိတ်၊ အကြောက်တရားတွေကို အခြေခံတဲ့ စည်းရုံးလှုံ့ဆော်မှုတွေဟာ နိုင်ငံသူ၊ နိုင်ငံသားတွေရဲ့ စိတ်ဓါတ် အင်အားများ ကျအောင်လုပ်ပြီး နိုင်ငံကို ဒုက္ခပေးရာရောက်ပါတယ်။ တကယ်တိုင်းပြည်ပေါ် စေတနာရှိရင် ပြည်သူတွေ မိမိတို့ရဲ့ ကံကြမ္မာ မိမိတို့ ဖန်တီးရဲ တဲ့သတ္တိတွေ၊ အဆင့်မြင့်တဲ့ နိုင်ငံရေး၊ လူမှုရေးအတွေးခေါ်တွေ တိုးပွားစေမယ့် နည်းလမ်းတွေနဲ့ နိုင်ငံရေး စည်းရုံးမှုတွေလုပ်ရမှာပါ။

နုနယ်သေးတဲ့ ဒီမိုကရေစီ မရတရ အချိန် ကာလလေးဖြစ်ပေမယ့် ပြည်သူ၊ ပြည်သားတွေဟာ မှန်မှန် ကန်ကန် ဆုံးဖြတ်နိုင်စွမ်း ရှိတယ်လို့ ယုံကြည်ပါတယ်။ ဒီစွမ်းအားသုံးနိုင်ခြင်းကို မပိတ်ပင်ချင်ကြပါနဲ့။
ဒီအပါတ်တော့ ဒီမျှသာ ..။
________________
ဒေါ်အောင်ဆန်းစုကြည်

Author Name

Contact Form

Name

Email *

Message *

Powered by Blogger.