06/10/14

အသွင်ကူးပြောင်းသို့ စတင်ကြိုးစားနေတဲ့ ကျွန်တော်တို့နိုင်ငံကို နိုင်ငံတကာမှ စိတ်ဝင်တစားလာ ရောက်လေ့လာမှုများ၊ လည်ပတ်မှုများ၊ နိုင်ငံခြားသားခရီးသွားများ တိုးတက်လာနေပြီဖြစ်သည်။ ထို အချိန် တွင် ကျွန်တော်တို့နိုင်ငံ၏ အထင်ကရသမိုင်းဝင်နေရာများ၊ သမိုင်းဝင်မြို့များ၊ သမိုင်းဝင် အဆောက်အဦး များတွင် ရှေးဟောင်းသမိုင်းဝင် ကျောက်စာ ပေစာများ၊ ဘုရားပုထိုး အဆောက်အဦးများအား ထိန်းသိမ်း စောင့်ရှောက် ရမည်ဖြစ်သလို ထိုအရပ်ဒေသ ပတ်ဝန်းကျင်တို့တွင်လည်း စိမ်းလန်းစိုပြေမှုရှိရန် အမှိုက် သရိုက်များ ကင်းစင်မှုရှိရန် ကျွန်တော်တို့ နိုင်ငံသူ/သားအားလုံး၏ တာဝန်ပင်ဖြစ်သည်။

ကျွန်တော်သည် ပရဟိတလူမှုရေး ဟောပြောပွဲအား မန္တလေးတိုင်း မြစ်သားမြို့နယ်ဘက်သို့ သွား ရောက်ရမည်ဖြစ်၍ မန္တလေးမြို့ရှိ သမိုင်းဝင် မန္တလေးတောင်တော်နှင့် အမရပူရမြို့နယ်ရှိ သမိုင်းဝင် ဦးပိန် တံတားတို့တွင် စည်းကမ်းမဲ့စွာ စွန့်ပစ်ထားသော အမှိုက်များအား စံပြအဖြစ်ကောက်ယူခြင်း၊ စနစ်တကျ အမှိုက်စွန့်ခြင်းတို့ကို အမှိုက်ကင်းစင် နယ်မြေအဖြစ် ပြုလုပ်နိုင်ရန် လှုံ့ဆော်မှုတစ်ခု ပြုလုပ်နိုင်ရန်အတွက် စဉ်းစားမိကာ မန္တလေးမြို့ရှိ ပရဟိတအသင်းအဖွဲ့များဖြင့် ဆက်သွယ်၍ အကောင်အထည်ဖော်ခဲ့တော့ သည်။ ထို့ကြောင့် ၆.၆.၂ဝ၁၄ ရက်နေ့နှင့် ၇.၆.၂ဝ၁၄ ရက်နေ့တို့တွင် ကျွန်တော်တို့ နာရေးကူညီမှု အ သင်း(ရန်ကုန်)ရှိ အသင်းသား/သူ (၂၅) ယောက်အပါအဝင် ပြည်မြို့ မိုးမေတ္တာ နာရေးကူညီမှုအသင်းဝင် များ၊ မန္တလေးမြို့ရှိ ပရဟိတအသင်းအဖွဲ့များ၊ အမရပူရရှိ အသင်းအဖွဲ့များ၊ စိမ်းရောင်စိုအဖွဲ့၊ ဧရာဝတီ (၅) မြို့နယ်ကထိန်တော်အသင်း၊ ပလိပ်၊ စဥ့်ကိုင်၊ တံတားဦးမြို့နယ်များရှိ အသင်းအဖွဲ့များနှင့် အနီးပတ်ဝန်း ကျင်ရှိ ရွာ (၁၅) ရွာမှ ပြည်သူလူထုများ စုစုပေါင်းဦးရေ (၃ဝဝ) ခန့်တို့နှင့် ပူးပေါင်းကာ စည်းကမ်းမဲ့စွာ စွန့်ပစ်ထားသော၊ အမြင်မသင့်တော်သော အမှိုက်များအား လိုက်လံကောက်ယူ၍ ဒိုင်နာ Truck ကားကြီး ဖြင့် (၅) ခေါက်တိုက်၍ အမှိုက်စွန့်ပစ်ရမည့် သတ်မှတ်ထားသောနေရာတွင် သွားရောက်စနစ်တကျ စွန့်ပစ် မှုကို ပြုလုပ်ပေးနိုင်ခဲ့သည်။ ထူးခြားမှုတစ်ရပ်မှာ ယင်းဦးပိန်တံတားကွင်းပြင်တွင် ပရဟိတမောင်မယ်များ နှင့်အတူ မန္တလေးတိုင်း စည်ပင်သာယာမှ စည်ပင်ဝန်ထမ်းအချို့ လာရောက်ပူးပေါင်းကာ ပါဝင်ခဲ့ခြင်းပင် ဖြစ်သည်။ ထိုကဲ့သို့ ပြည်သူနှင့် အစိုးရဝန်ထမ်းများ၊ ပရဟိတသမားများ အတူတကွ ပူးပေါင်းဆောင်ရွက် မည်ဆိုပါက ကျွန်တော်တို့နိုင်ငံတော်သစ် ထူထောင်သည့်နေရာတွင် လျှင်မြန်စွာ အကောင်အထည်ဖော် နိုင်မည်ဖြစ်သည်။ ဦးပိန်တံတား ပတ်ဝန်းကျင်သန့်ရှင်းရေး လုပ်ဆောင်နေစဉ် မြန်မာပြည်အနှံ့သို့ တစ် ကိုယ်တော် စက်ဘီးစီး၍ HIV ဟောပြောပွဲများ လိုက်လံလုပ်ဆောင်ပေးနေသော HIV ဝေဒနာရှင် “Srako” (စရကို) နှင့်လည်း မထင်မှတ်ဘဲ ဆုံတွေ့ခဲ့ပြီးနောက် သူ၏ခြောက်လကျော် တိုင်းနှင့် ပြည်နယ်အနှံ့သို့ လှည့်လည်မောင်းနှင်လာသော စက်ဘီး၏ ချို့ယွင်းချက်များကို သိရှိခဲ့ကာ တောင်တက်စက်ဘီး(အသစ်) တစ်စီးအားလည်း နာရေးကူညီမှုအသင်း(ရန်ကုန်)မှ ထပ်မံဝယ်ယူ ပံ့ပိုးကူညီပေးခဲ့သည်။ “Srako” (စရကို) မှလည်း သာမန်ကျန်းမာသန်စွမ်းသော သူတစ်ဦးပီပီ ပတ်ဝန်းကျင်သန့်ရှင်းရေးအတွက် ကြုံကြိုက်၍ မိမိ တို့နှင့်အတူ အမှိုက်ကောက်ကုသိုလ်ယူခဲ့သေးသည်။

၇.၆.၂ဝ၁၄ ရက်နေ့ နံနက် (၈း၃ဝ) နာရီအချိန်တွင် မန္တလေးတောင်တော်သို့ ကျွန်တော်တို့ သွား ရောက်၍ မန္တလေးမြို့ပေါ်ရှိ ပရဟိတအသင်းအဖွဲ့များနှင့် ပူးပေါင်း၍ ခြင်္သေ့ကြီးနှစ်ကောင်မုခ်ဦးမှ တစ်ဖွဲ့၊ တောင်တက်စင်္ကြန်လမ်းမှ တစ်ဖွဲ့၊ (၂) ဖွဲ့ခွဲ၍ အမှိုက်များအား တက်ကြွစွာ ကောက်ယူခဲ့ပါသေးသည်။ ထိုကဲ့သို့ အမှိုက်ကောက်သည့် ပရဟိတမောင်မယ်များအား မန္တလေးမြို့ပေါ်ရှိ ဦးထွန်းဦး (နဂါးစာပေ)၊ စိမ်း ရောင်စိုအဖွဲ့ အလှူရှင်များနှင့် နှင်းသောက်ရေသန့် (ဦးပြည့်စုံ မိသားစု) တို့မှ မန္တလေး-နန်းကြီးသုပ်ဖြင့် ဧည့်ခံကျွေးမွေးခြင်း၊ ရေသန့်ဘူးများ လှူဒါန်းခြင်းတို့ကိုလည်း ပြုလုပ်ခဲ့ပါသေးသည်။

ကျွန်တော်သည် ၆.၆.၂ဝ၁၄ ရက်နေ့နှင့် ၇.၆.၂ဝ၁၄ ရက်နေ့ နံနက်ပိုင်းများတွင် အမှိုက်ကောက် ခြင်းကိစ္စရပ်များအား လှုံ့ဆော်ပေးခဲ့ပြီး ညနေပိုင်းတွင် မြစ်သားမြို့နယ်ရှိ ဒါန်းတိုင်ကျေးရွာနှင့် ရွာခိုင်ကြီး ရွာများတွင် သွားရောက်၍ ရွာခံ၊ မြို့ခံ၊ ပြည်သူလူထုတို့၏ တောင်းဆိုချက်အရ ပရဟိတဟောပြောပွဲများ ကို ကျွန်တော်နှင့်အတူ ပြည်မြို့ မိုးမေတ္တာနာရေးကူညီမှုအသင်းမှ အတွင်းရေးမှူး ဦးညီညီအောင်တို့ ဟော ပြောပေးခဲ့ပြီး ည (၁းဝဝ) နာရီအချိန်ခန့်မှ တည်းခိုရာ မန္တလေးမြို့ရှိ ရွှေအုပ်ရွှေဆိုင်းနေအိမ်သို့ ပြန်လည် ရောက်ရှိခဲ့သည်။ ထို့အပြင် ၇.၆.၂ဝ၁၄ ရက်နေ့ နေ့လည် (၃းဝဝ) နာရီခန့်တွင် ရွာဝေရွာရှိ “ရွာဝေရွာ” အခမဲ့ပညာဒါန စာသင်ကျောင်းမှ ပရဟိတကျောင်းဆရာမ ဒေါ်ဇာဇာထွန်း သင်ကြားပို့ချမှုကို သင်ကြားနေ ကြသော ကလေးငယ် (၄ဝဝ) ခန့်အား သုခအလင်း ပညာဒါနမှ ရိုက်နှိပ်ထားသော ဗလာစာအုပ် (၁၁၇) ဒါဇင်နှင့် အာဟာရခွန်အားမြင့်စေမည့် နို့မှုန့်ဘူးနှင့် အိုဗာတင်းဘူးများအား ဝင်ရောက်လှူဒါန်းခဲ့ပြီး ကလေး ငယ်များအား နာရေးကူညီမှုအသင်း(ရန်ကုန်)မှ အသင်းသား ဦးသိန်းထိန်နှင့် ပြည်မြို့ မိုးမေတ္တာနာရေး ကူညီမှုအသင်း အတွင်းရေးမှူး ဦးညီညီအောင်တို့မှ ဗိုလ်ချုပ်အောင်ဆန်းသီချင်းအား ဂစ်တာဖြင့် ဖျော်ဖြေ ခဲ့ရာ ကလေးငယ်များအပြင် ရွာခံပြည်သူအပေါင်းမှလည်း တက်ကြွစွာဖြင့် လိုက်လံသီဆို ကြသည်ကိုမြင် တွေ့ရသည့်အတွက် များစွာကျေနပ်ပီတိ ဖြစ်ခဲ့ပါတော့သည်။ ကျွန်တော်နှင့်အတူတကွ ပါလာသော အနစ် နာခံ၊ အပင်ပန်းခံ ပေးဆပ်ခဲ့ကြသော နာရေးကူညီမှုအသင်း(ရန်ကုန်)မှ မျိုးဆက်သစ် ပရဟိတခေါင်း ဆောင် မောင်မယ်များအတွက်လည်း မှတ်တမ်းတင် ဂုဏ်ယူမိပါတော့သည်။

အမှိုက်နှင့်ပတ်သက်၍ စွန့်ပစ်ပစ္စည်းများအား အမှိုက်ဟု ခေါ်ဆိုနေကြသော်လည်း ထိုကဲ့သို့ စွန့်ပစ် ပစ္စည်းများထဲမှ လူသားတို့အတွက် အကျိုးရှိအောင် ပြန်လည်အသုံးပြုနိုင်သော ပစ္စည်းများလည်း ပါဝင်နေ သည်။ ထို့ကြောင့် မလိုလားအပ်သော၊ အသုံးမဝင်သော၊ ပစ္စည်းများဖြစ်သော စားကြွင်းစားကျန်များ၊ မီးဖို ချောင်ထွက်ပစ္စည်းများ၊ စက္ကူ၊ ချည်ထည်၊ သစ်သား၊ သစ်ဖြင့်ပြုလုပ်ထားသောပစ္စည်း၊ သံဗူး၊ ကြွတ်ကြွတ် အိတ်၊ ဖန်ပုလင်း၊ မီးသီး၊ မီးချောင်း၊ ဖော့ဘူး စသည်တို့ကို စွန့်ပစ်ရာတွင် စနစ်တကျ "အမှိုက်စို"၊ "အမှိုက် ခြောက်"၊ "ပြန်သုံးနိုင်သောအမှိုက်" ဟူ၍ ခွဲခြားစွန့်ပစ်ဖို့ အရေးကြီးလှသည်။ ထိုကဲ့သို့ "အမှိုက်စို"၊ "အမှိုက် ခြောက်"၊ "ပြန်သုံးနိုင်သောအမှိုက်" ဟူ၍ အမှိုက်ပုံးများကိုလည်း သီးခြားထားရှိဖို့လိုသည်။ အမှိုက်များအား စနစ်တကျ မစွန့်ပစ်ပါက လူသားတို့အတွက် အန္တရာယ်ရှိသော ရောဂါပိုးများ ပေါ်ပေါက်လာကာ ကပ်ဆိုး၊ ကပ်ဘေးများ မလွဲမသွေ ကြုံတွေ့မည်ဖြစ်သည်။ ထို့အပြင် ပတ်ဝန်းကျင်ညစ်ညမ်းမှုများ ပေါ်ပေါက်လာ မည်ဖြစ်သည်။ စနစ်တကျ စွန့်ပစ်မည်ဆိုပါကလည်း စားကြွင်းစားကျန်များအနေဖြင့် တစ်ပတ်မှ နှစ်ပတ်ခန့် ကြာမြင့်မှ ပျက်စီးကာ မြေသြစာအဖြစ် အသုံးပြု၍ရမည်။ စက္ကူအမှိုက်များအနေဖြင့် (၂) လမှ (၅) လကြာ မှ မြေသြဇာဖြစ်မည်။ ချည်ထည်များအနေဖြင့် (၁ဝ) နှစ်မှ (၁၅) နှစ်အထိ ကြာမြင့်မည်ဖြစ်သည်။ သစ်ဖြင့် ပြုလုပ်ထားသော ပစ္စည်းများအနေဖြင့် နှစ် (၁ဝဝ)မှ နှစ် (၅ဝဝ) အထိ ကြာမြင့်မည်ဖြစ်ပြီး သံ၊ အလူမီနီ ယမ်နှင့် အခြားသတ္တုပစ္စည်း (သံဗူး၊ ကြွတ်ကြွတ်အိတ်၊ ဖန်ပုလင်း၊ မီးသီး၊ မီးချောင်း၊ ဖော့ဘူး) များအနေ ဖြင့် နှစ်ပေါင်း (၁ဝဝဝ) (သို့) မခန့်မှန်းနိုင်သော အချိန်ကာလအထိ ကြာမြင့်မည်ဖြစ်သည်။ ထို့ကြောင့် ကျွန် တော်တို့လူသားများအားလုံး အမှိုက်ထဲကရွှေဖြစ်အောင် စည်းကမ်းရှိရှိ၊ စနစ်တကျ၊ စည်းလုံးညီညွတ်စွာ ဖြင့် မိမိတို့၏ အသိစိတ်ဓာတ်များတို့အား မြှင့်တင်ကာ လုပ်ဆောင်ကြဖို့ အရေးကြီးလှသည်။


"ကိုယ့်ကိုကိုယ်ချစ်ရင် အမှိုက်ကို စနစ်တကျပစ်ပါ။"
"တိုင်းပြည်ကိုချစ်ရင် အမှိုက်ကို စနစ်တကျပစ်ပါ။"
"ဆင်းရဲတွင်းကလွတ်ကင်းချင်ရင် အမှိုက်ကို စနစ်တကျပစ်ပါ"

ကျော်သူ

သူ့ ကို တန်ပြန် အာဏာသိမ်းမှာ ကြောက်တဲ့ ဦးသန်းရွှေ ဟာ ဗိုလ်ချုပ်ခင်ညွန့် ကို ဖြုတ်ပြီး တဲ့ နောက် သူ သွားရောက်ခဲ့ တဲ့ အန္ဒိယခရီးစဉ် မှာ ရှိသမျှ တိုင်းမှုးတွေ နဲ့ ထိပ်တန်းစစ် ခေါင်းဆောင် တွေ ရဲ့ မိန်းမ တွေ ကို ပြန်ပေး ဆွဲသလိုယောကျာင်္းတွေ မပါပဲ အန္ဒိယ ကိုခေါ်သွား ခဲ့တယ် ။ အာဏာ နဲ့ပတ်သပ်လာရင် အဲဒီ လို စရိုက် ကျ တဲ့ ဦးသန်းရွှေ ဟာ သူ မက်မက် မောမော ရှိ ခဲ့ တဲ့ အကြွင်း မဲ့ အာဏာ ကို ဘယ်သူုကိုမှ မပေး ပဲ အခြေခံ ဥပဒေ ဆို တဲ့ စာအုတ်ကြီး ထဲ ထည့် ဖွက်ထား ပြီး အခုချိန်မှာ တပည့်တပန်း တွေ ကို ဂေါင်သူကြီး လုပ်ခိုင်းပြီး နိုင်ငံရေး ပါတီတွေ နဲ့ အာဏာ လိပ်ဥ ဖွက်တမ်း ကစား ခိုင်းထားတာပါ ။

တကယ်တော့ အဲဒီိ ဦးသန်းရွှေ လက် ထဲက မနေ့တနေ့ က အထိ သူ ကိုင်သုံး ခဲ့ တဲ့ အာဏာ ဟာ အခု ဦးသိန်းစိန် ဆီ မှာ လည်း မရှိဘူး။ ကာချုပ်မင်းအောင်လှိုင် ဆီမှာလည်း မဟုတ်ဘူး ။ သူ တို့ နှစ်ယောက် လုံး ဟာ သူတို့ လက်ထဲ မှာ အာဏာရှိချင် ယောင် ဆောင်ပြီး အနောက် က လိုက်နေတဲ့ အတိုက်အခံ ကို အယောင်ပြ ရှေ့က ပြေးပြီး အာရုံ လွှဲ ဖို့ လုပ်ထား တဲ့ player တွေပါပဲ ။ အချိန်တန် ရင် သူ တို့ ကို လည်း လူစား လဲ ပြီး ကွင်းထဲ ကထုတ်လိုက် မှာ ပါ ။

ဒါကြောင့် နိုင်ငံရေး ခွေးရူး လုပ်တန်း ကစား နေကြတာ ကို ရပ်တန့် လိုက်ဖို့ အဓိက ကတော့ အခြေခံ ဥပဒေ ကို Format ရိုက်လိုက် ဖို့ လိုပါတယ် ။ ဒါမှ အထဲ မှာရှိ နေတဲ့ Virus ၊ဦးသန်းရွှေ ရဲ့ ဝိဉာဉ် ကို သတ် လို့ရမှာ ပါ။ ဒီနေရာ မှာ နိုင်ငံရေး အရ ပြောရ ဆိုရ ၊ အရေးဆိုရ တာတွေ ရှိပေမယ့် ဦးသိန်းစိန် နဲ့ရော အထူးသဖြင့် ကာချုပ် မင်းအောင်လှိုင် နဲ့ ပါ ရန်ဖြစ် လိုက် လို့ မဖြစ်ပါဘူး။ ၈၈ မှာ ဦးနေဝင်း ကို ဇယားဖြတ်ပြီးအာဏာရှင် စနစ် ကို သင်းကွပ် နိုင်ခြင်း မရှိ ခဲ့ တာ ဟာ စစ်တပ် နဲ့ ပြည်သူ မပေါင်းစည်း နိုင်ခဲ့ လို့ပါပဲ ။ စစ်တပ် နဲ့ ပြည်သူ ပေါင်းစည်း သွား ခြင်း ဟာ အာဏာရှင် အတွက် အိမ်မက်ဆိုး ပါပဲ ။ ဒါကြောင့် အခြေခံ ဥပဒေ ကို ထိ ဖို့ကြိုးစား တာနဲ့ စစ်တပ် နဲ့ ထိပ်တိုက်တွေ့ အောင် စစ်တပ် ကို ရှေ့ မှာ မိုင်းကွင်း ဆင်သလို ဆင်ထားတာပါ ။ online မှာ ဆိုရင်လည်း စစ်တပ် နဲ့ ဒီမိုကရေစီ လိုလား သူတွေ ကြား မှာ အပြန်အလှန် ရန်မီး ပွါး အောင် ဟိုဖက်ဒီ ဖက်ပုံစံ အသွင်ယူ အကောင့် အတု များ နဲ့ အပြန် အလှန်တိုက်ခိုက် မှုတွေ အစပျိုး ဖန်တီး ပြီး အမှန်တကယ် ဒီမိုကရေစီ အင်အားစု များ နဲ့ စစ်တပ် နဲ့ ကြား မှာ အပုပ်ချ တိုက်ခိုက်ကြ ရင်း ရန်သူ သဖွယ် ရှုမြင် လာအောင် ၊ ညီညွတ်ရေး မတည်ဆောက် နိုင်အောင် စနစ်တကျ ဆောင်ရွက်နေခဲ့တာပဲ ဖြစ်ပါတယ် ။

ဒါကြောင့် အခြေခံ ဥပဒေ ပြင်ဆင်ရေး ဟာ စစ်တပ် အတွက်ရော တိုင်းပြည် အတွက် ပါ အန္တရယ် ရှိ သရောင် ၊ NLD အာဏာ ရရေး အတွက် ပါတီိတခု ၏ အကျိုးစီးပွါး သက်သက်ဖြစ်စေ သရောင် ဝါဒ ဖြန့်နေမှု များ အား အောင်မြင်အောင် ပြည်သူ ဆန္ဒအား နဲ့ ဝိုင်းဝန်း ဖယ်ရှား ပြီး တပ် နဲ့ ပေါင်းစည်း ညီညွတ် နိုင်အောင်ကြိုးပမ်းကြ ပြီး အခြေခံ ဥပဒေ ပြင် နိုင်ရေး ဆောင်ရွက်ကြရမှာပါ။

ကျွန်တော် တို့ အားလုံး အခုအချိန် မှာ ပုဂ္ဂိုလ်စွဲ ၊ပါတီစွဲ ၊ အာဃာဒ ၊ မာန်မာန တွေ မပါ ပဲ ကျိုးပမ်းဆောင်ရွက် ရှေးရှု့ကြရ မှာ ကတော့ ပဉ္စ္စလက် တွေ မပါ ပဲ စိတ်ရှင်းရှင်း နဲ့ ညီညီညွတ်ညွတ် ရေးဆွဲထား တဲ့ အခြေခံ ဥပဒေ တရပ် ပေါ်ပေါက်လာရေး နဲ့ အမှန်တကယ် လွတ်လပ်ပြီး တရားမျှတ တဲ့ ရွေးကောက်ပွဲ တွေ ကျင်းပ ပြီး ပြည်သူ့ အစိုးရ တရပ် ဖွဲ့စည်းနိုင် ရေး ဟူသော တိုင်းပြည် ရဲ့ အနာဂါတ် ကို အမှန်တကယ် လှပစေ နိုင်တဲ့ ရည်ရွယ်ရာ ပန်းတိုင်သာ ဖြစ်ပါကြောင်း ။
Thiha Thwe

The serpentine Shweli River can be seen north of Namhkam where the Burma-China border (yellow line) cuts through the town. Shan farmers north of this line say they want to remain in Burma and have farmed this land for generations. (Google Earth)
မြန်မာနိုင်ငံမှာ ၉၆၉ တွေ၊ မဘသတွေ တစခန်းထလာပြီဆိုရင် မျက်ခုံးလှုပ်စရာ တစ်ခုခုတော့ ဖြစ်ပြီ ဆိုတာ မြဲမြဲ မှတ်ကြပါ။ ဟိုတခါ မိတ္ထီလာမှာ ဘာသာရေး ပဋိပက္ခ ဖြစ်နေချိန် ကျောက်ဖြူ-ကူမင်း ဂက်စ်ပိုက်လိုင်းကြီး ဖွင့်လိုက်တာ တစ်ပြည်လုံးမှာ သိလိုက်တဲ့လူတောင် ခပ်ရှားရှား။ အဲဒီလို ကစားသွားတာ ဘယ်လောက် ပိုင်သလဲ။

ခုလည်းပဲ ကြည့်ပါ။ အူရဒူး ဆန့်ကျင်ရေး လှုပ်ရှားမှုနဲ့ တစ်ချိန်တည်း၊ တစ်ပြိုင်တည်းပဲ ရှမ်းပြည်နယ်မှာ နယ်နိမိတ် မိုင်ဝက်လောက် တရုတ်လက်ကို ပါသွားပြန်ပြီ။ ကျနော်တို့ ပြည်သူတွေကို မဲမဲမြင်ရာ ဟောင်ဖို့ မဘသတွေက အူရဒူးကို ရှူးတိုက်ပေးနေချိန်မှာ ကိုယ့်နယ်မြေတွေ တရုတ်က အသာလေး သိမ်းပိုက်လိုက်တာပါပဲ။
https://www.dvb.no/news/border-demarcations-leave-shan-farmers-on-chinese-soil-burma-myanmar/41331
နမ်းခမ်းမြို့နယ်က ဆယ်ခုံ၊ ခုံသာနဲ့ ဘန်နောင်းကျေးရွာတွေက နယ်မြေ မိုင်ဝက်လောက် တရုတ်လက်ကို ပါသွားပြီး နယ်နိမိတ် မှတ်တိုင်တွေ စိုက်လိုက်လို့ ရှမ်းလယ်သမားတွေ နေရင်းထိုင်ရင်း တရုတ်နယ်ထဲ ရောက်သွားသတဲ့။ လယ်မြေ ဧက ၂၀၀ လောက် တရုတ်ဆီ ပါသွားလို့ ရှမ်းတောင်သူလယ်သမားတွေက ပြည်ထောင်စုနဲ့ မခွဲမခွာ နေရဖို့အရေး သမ္မတကြီး ဦးသိန်းစိန်ဆီ စာပေးပို့ တိုင်ကြားထားကြောင်း သိရပါတယ်။

ကိုယ့်မြေကို တစ်လက်မမှ အကျူးကျော်မခံ ဆိုတဲ့ မြန်မာ့တပ်မတော်ကြီးကို ကျည်ဆံတစ်တောင့်တောင် မဖြုံးဘဲ တရုတ်က ဆော်သွားတာလေ။ အဲဒီ တပ်မတော်ကလည်း ကိုယ့်တိုင်းရင်းသားတွေအပေါ်သာ လက်သံပြောင်ပြောင်နဲ့ ရက်ရက်စက်စက် နှိပ်ကွပ်ရဲတာပါ။ သူများနိုင်ငံနဲ့များဆိုရင် တရုတ်မဆိုထားနဲ့၊ ဘင်္ဂလားဖြစ်ဖြစ် ထိုင်းဖြစ်ဖြစ် အမြီးကို ကုပ်နေတာပဲ။ ဒို့မြေကြီးကို ကာကွယ်ဖို့ထက် ဒို့အဖေကြီးကို ကာကွယ်ဖို့ အဓိကမဟုတ်လား။

ပြည်သူလူထုမှာလည်း ကိုယ့်ဆီက သယံဇာတတွေ၊ ပိုင်နက်နယ်မြေတွေ တရုတ်လက်ထဲ တတိတိ ပါနေတာ သတိမထားဘဲ တစ်ဆိတ်ရှိ မူစလင်ကုလား ဆန့်ကျင်ရေးမှိုင်းတွေပဲ မိနေကြရင် အမျိုး၊ ဘာသာ၊ သာသနာ ပျောက်မှာ အမှန်ပဲ။ ပြည်သူလူထုကိုယ်တိုင် လူမျိုးရေး၊ ဘာသာရေး သွေးထိုးတာမှန်သမျှ အသိစိတ်ဓာတ်ရှိရှိ ဆန့်ကျင်မှ ဖြစ်မယ်ဆိုတာ မြဲမြဲ မှတ်ကြပါလို့ပဲ ပြောလိုက်ချင်တော့တယ်။
Ref..Min Myat Maung

အမျိုးသားဒီမိုကရေစီ အဖွဲ့ချုပ်နှင့် ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)တို့ ပူးပေါင်းပြုလုပ်သော ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရေး လူထုဟောပြောပွဲကို ယနေ့
ဇွန်လ ၉ ရက်၊ နံနက် ၉း ၀၀ နာရီက မကွေးတိုင်း၊ မကွေးမြို့၊ အေးစေတီ
ကျောင်းဝန်း အတွင်းတွင် ကျင်းပပြုလုပ်ရာ လူထု ပရိသတ် ရှစ်ထောင်ကျော်ခန့် တက်ရောက်ခဲ့ကြသည်။

အခမ်းအနားတွင် အမျိုးသားဒီမိုကရေစီ အဖွဲ့ချုပ်၊ ဗဟိုဥပဒေ အထောက်
အကူပြု အဖွဲ့ဝင်၊ တရားလွှတ်တော်ရှေ့နေ ဦးအောင်သိန်းက ၂၀၀၈
ဖွဲ့စည်းပုံ အခြေခံဥပဒေနှင့် ပတ်သက်၍ ရှင်းလင်းပြောကြားပြီး ၈၈
မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)မှ ကိုဌေးကြွယ်နှင့် မကွေးတိုင်း၊ပွင့်ဖြူမြို့နယ်၊ ပြည်သူ့လွှတ်တော်ကိုယ်စားလှယ် ဒေါက်တာ
အောင်မိုးညို တို့က ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရေး
အတွက် ဟောပြောသွားခဲ့ကြသည်။

နောက်ဆုံးအနေဖြင့် မကွေးတိုင်း အမျိုးသားဒီမိုကရေစီ အဖွဲ့ချုပ် အတွင်းရေးမှူး ဦးနေမျိုးကျော် က ၄၃၆ ပြင်ဆင်ရေးအတွက် ဆန္ဒ
ဖော်ထုတ် လက်မှတ်ရေးထိုးရခြင်း ကိစ္စကို ရှင်းလင်းပြောကြားပြီး အခမ်းအနားကို နံနက် ၁၁း ၃၅ နာရီတွင် အောင်မြင်စွာ ရုတ်သိမ်း
ခဲ့ကြသည်။

အစောပိုင်းနေ့များက အခမ်းအနားကို တားဆီးပိတ်ပင်ခြင်း၊ ဟန့်တားခြင်း၊ ဖိအားပေးခြင်းများ ရှိခဲ့သော်လည်း ယနေ့ ကျင်းပပြုလုပ်ခဲ့သော အခမ်း
အနားကိုမှု တစ်စုံတစ်ရာ အနှောင့်အယှက်ပေးခြင်းမျိုး မတွေ့ခဲ့ရပေ။ ယခင်ရက်များက တားဆီး၊ ဟန့်တား၊ ဖိအားပေးခံရမှုများ အကြားမှပင်
ယနေ့ အခမ်းအနားကို မကွေးမြို့နှင့် အနီးပတ်ဝန်းကျင် ဒေသခံ ရှစ်ထောင်ကျော်ခန့် တက်ရောက်အားပေးခဲ့ကြခြင်းကြောင်းသတင်း
ရရှိပါသည်။

သတင်းဓါတ်ပုံ-The 88 Generation Peace and Open Society


ဒေါ်အောင်ဆန်းစုကြည်ပြောကြားခဲ့တဲ့ (မေ ၁၀) မအူပင်မိန့်ခွန်း၊ (မေ၁၇) ဗိုလ်စိန်မှန်ကွင်း မိန့်ခွန်း၊ (မေ ၁၈) အောင်ပင်လယ် ကွင်း မိန့်ခွန်း ၃ ခုနဲ့ အမျိုးသားဒီမိုကရေစီအဖွဲ့ချုပ်ရဲ့ “၂၀၀၈ ဖွဲ့စည်းပုံအခြေခံဥပဒေအပေါ် လေ့လာသုံးသပ်အကြံပြုစာတမ်း” (ဒီချုပ်က  ပြင်ဆင်ပယ်ဖျက်လိုတဲ့ ပုဒ်မ ၁၆၈ ခု) ဆိုတာတို့ကို အတူတွဲပြီး ဖတ်ရှုလေ့လာဖြစ်ပါတယ်။

ဒေါ်အောင်ဆန်းစုကြည်ပြောကြားခဲ့တဲ့ အဆိုပါ မိန့်ခွန်း ၃ ခုကို ဖတ်ကြည့်တဲ့အခါ “၂၀၀၈ အခြေခံဥပဒေ” အပေါ် ရှင်းလင်း ပြတ်သားစွာဝေဖန်ဆန်းစစ်ပြထားတာကို တွေ့ရပါတယ်။ ထိုအချက်များ မြင်သာအောင် အချို့ကို ကောက်နုတ်ဖော်ပြပါရစေ။
သိက္ခာမဲ့တဲ့ ဥပဒေ၊ ကတိမတည်မှုအပေါ်အခြေခံထားတဲ့ အခြေခံဥပဒေ

- အဲဒီတုန်းက စစ်အစိုးရ (နဝတ) က စိတ်ကြိုက်ရွေးထားတဲ့ ပုဂ္ဂိုလ်တွေကပဲ ဖွဲ့စည်းပုံအခြေခံဥပဒေကို ရေးဆွဲခဲ့တာပါ၊ အဲဒီတော့ ဒီဖွဲ့စည်းပုံ အခြေခံဥပဒေဟာ အင်မတန်မှ သိက္ခာမဲ့တဲ့ ဥပဒေဖြစ်ပါတယ်။

- ပြည်သူလူထုကိုပေးထားတဲ့ ကတိကဝတ်တွေ ချိုးဖောက်ပြီးတော့ ဆွဲခဲ့တဲ့ ဖွဲ့စည်းပုံအခြေခံဥပဒေဖြစ်ပါတယ် ဆိုတာ ပြောချင်ပါတယ်၊
- ကတိမတည်မှုအပေါ်မှာ အခြေခံထားတဲ့ ဖွဲ့စည်းပုံအခြေခံဥပဒေကို ဘယ်လို ကျွန်မတို့ယုံကြည်နိုင်မှာလဲ၊
- အစကတည်းက ကတိမတည်ချင်လို့၊ ပြောထားတဲ့စကားကိုဖျက်ချင်လို့ ဆွဲထားတဲ့ ဖွဲ့စည်းပုံအခြေခံဥပဒေပါ၊
- ၂၀၀၈ ခုနှစ်ဖွဲ့စည်းပုံအခြေခံဥပဒေကို အတည်ပြုကတည်းက ကျွန်မတို့ ကန့်ကွက်ခဲ့တယ်၊ အတည်မပြုခင်ကတည်းက ဒီဖွဲ့စည်းပုံအခြေခံဥပဒေလုပ်ထုံးလုပ်နည်းတွေကို ကန့်ကွက်ခဲ့တယ်၊ တရားဝင်ကန့်ကွက်ခဲ့တယ်၊
- ဒီဖွဲ့စည်းပုံအခြေခံဥပဒေနဲ့တော့ ကျွန်မတို့နိုင်ငံနဲ့ အနာဂတ်ဟာ ကောင်းနိုင်မှာမဟုတ်ဘူးဆိုတာ ကျွန်မတို့သိထားလို့ အစဉ်တစိုက် ကန့် ကွက်ခဲ့တာဖြစ်ပါတယ်၊
- ၂၀၀၈ မှာ ဒီဖွဲ့စည်းပုံအခြေခံဥပဒေကို မတည်ပြုခဲ့တဲ့ လူထုဆန္ဒခံယူပွဲကို လည်း ကျွန်မတို့ကန့်ကွက်ခဲ့ပါတယ်၊ ကျွန်မတို့ အသိ အမှတ်မပြုခဲ့ပါဘူး၊
- အဲဒီတုန်းက ၉၂ ရာခိုင်နှုန်းနဲ့ ပြည်သူလူထုကနေပြီးတော့ သဘောတူခဲ့တယ်လို့ ပြောတဲ့သူတွေကိုတော့ ပြောရက် လိုက်တာပဲလို့ ကျွန်မပြောချင်ပါတယ်၊
- ဒီမိုကရေစီစံနှုန်း စံထားတွေနဲ့ မကိုက်ညီတဲ့ —-၊  တန်းတူညီမျှမှုမရှိအောင်ရေးဆွဲထားတဲ့ —-  ၊ အဖွဲ့အစည်းတစ်ခု၊ အစုအဖွဲ့တစ်ခုကို အထူးအခွင့်အရေးပေးထားတဲ့  —–၊
-  မသင့်တော်တဲ့ ဖွဲ့စည်းပုံအခြေခံဥပဒေအောက်မှာနေရတာ ရာသီဥတုထက်ပိုပြီးပြင်းထန်တယ်လို့ ကျွန်မသတိပေးချင် တယ်၊
- မှန်ကန်တဲ့ဥပဒေရဲ့ အရိပ်အာဝါသ မရှိရင်တော့ ကျွန်မတို့ဟာ ဆက်လက်ပြီးတော့ တနှစ်၊ နှစ် နှစ်မဟုတ်ဘူး၊ ဆယ်နှစ် အတွင်းလည်း ဆက်ပြီးတော့ပင်ပန်းနေရပါမယ်၊
- ကျွန်မတို့ဖွဲ့စည်းပုံအခြေခံဥပဒေမှာဆိုရင် တန်းတူညီမှုမရှိတဲ့ ပုဒ်မတွေ အများကြီးပါနေပါတယ်၊ ဒီလိုတန်းတူညီမျှမှု မရှိသရွေ့တော့ ကျွန်မတို့နိုင်ငံ ငြိမ်းချမ်းနိုင်မှာမဟုတ်ပါဘူး။

- အခု ဖွဲ့စည်းပုံအခြေခံဥပဒေဟာဆိုရင် ကျွန်မတို့သာမန် အရပ်သားပြည်သူတွေနဲ့တပ်မတော်သားများကြားမှာ ခွဲခြားထားတဲ့ တန်းတူ ညီမျှမှုမရှိတဲ့ ဖွဲ့စည်းပုံအခြေခံဥပဒေဖြစ်နေပါတယ်၊

ထိုအချက်များကို သိပါ၊ မြင်ပါ၊ နားလည်ပါလျက်နဲ့ အသိအမှတ်မပြု၊ အစဉ်တစိုက်ကန့်ကွက်ခဲ့ပါလျက်နဲ့ (ထိုအချက်များ ကို လျစ်လျူရှုပြီး) “ပြည်သူ့ဆန္ဒ၊ မဟာမိတ်များ၏ဆန္ဒ္ဒ”၊  “ကျမရဲ့လစ်ဟင်းချက်” ဆိုတဲ့အကြောင်းပြချက်တွေနဲ့ “၂၀၀၈ အခြေခံဥပဒေ” ကို ထိန်းသိမ်းကာကွယ် စောင့်ရှောက်ပါမယ်ဆိုတဲ့ ကျမ်းကျိန်ပြီး လွှတ်တော်ထဲ ဝင်သွားတဲ့အချက်ကိုတော့ဖြင့်  “ ဝင်သွားရက်လိုက်တာပဲ” လို့ ကျနော့်အနေနဲ့ ပြောပါရစေ။ အဲဒီတုန်းက အခြားနည်းလမ်းတွေမရှိတော့လို့လား၊ ဘာကြောင့်လဲ။
ဒီလိုလည်းပြောပါသေးတယ်။ အနည်းငယ်ကောက်နုတ်ဖော်ပြပါစေဦး။


- ကျွန်မတို့ ဒီမိုကရေစီရရှိရေးအတွက် လှုပ်ရှားခဲ့တာဆိုရင် အနှစ်သုံးဆယ်နီးပါးရှိသွားပါပြီ၊ ဒီအနှစ်သုံးဆယ်နီးပါးမှာ အမျိုးမျိုးလည်း ကျွန်မတို့ဖြတ်ကျော်ခဲ့ရပါတယ်၊ အဲဒီတော့ ဒီမိုကရေစီရပြီလားဆိုရင်တော့ မရသေးဘူးလို့ပဲ ကျွန်မတို့ပြောရ မှာပါပဲ၊
- အခုလည်း ဒီဖွဲ့စည်းပုံအခြေခံဥပဒေဟာ ဒီမိုကရေစီလမ်းကြောင်းကို သွားနေပါတယ်ဆိုတာဟာ တကယ်တော့ ပြည်သူ ကို မုသားစကားပြောတာပဲလို့ ကျွန်မယုံကြည်ပါတယ်။

“ဒီမိုကရေစီလမ်းကြောင်းသွားနေပါတယ်” လို့ပြောနေသူတွေထဲမှာ  သမ္မတဦးသိန်းစိန်၊ ပြည်ထောင်စုလွှတ်တော်နာယကကြီး သူရဦးရွှေ မန်း၊ အမျိုးသားလွှတ်တော်ဥက္ကဋ္ဌ ဦးခင်အောင်မြင့်၊ ကာချုပ် ဗိုလ်ချုပ်မှူးကြီးမင်းအောင်လှိုင်တို့ အပါအဝင် ကြံ့ဖွံ့အစိုးရ၊ ကြံ့ဖွံ့ ပါတီထိပ်သီးခေါင်းဆောင်များပါဝင်နေပါတယ်။
သို့သော်လည်း ဒီလို “မုသားစကား” တွေပြောနေကြသူတွေကို “သမ္မတကြီးကို ကျမယုံတယ်/ နာယကကြီးကတော့ ဖြောင့်ဖြောင့်မတ် မတ်ပါပဲ” လို့ မှတ်ချက်စကားတွေ ပြောနေတာကိုဖြင့်လည်း ကျနော့်နားကို ကျနော် မယုံနိုင်အောင်ပဲဖြစ်ရပါတယ်။

၂၀၀၈ ဖွဲ့စည်းပုံအခြေခံဥပဒေအပေါ် လေ့လာသုံးသပ်အကြံပြုစာတမ်း (ဒီချုပ်က  ပြင်ဆင်ပယ်ဖျက်လိုတဲ့ ပုဒ်မ ၁၆၈ ခု)
ဒီစာတမ်းရဲ့နိဒါန်းမှာ အခုလိုရေးသားဖော်ပြထားပါတယ်။

“အမျိုးသားဒီမိုကရေစီအဖွဲ့ချုပ်သည် ၂၀၀၈ ဖွဲ့စည်းပုံအခြေခံဥပဒေနှင့်စပ်လျဉ်း၍ ပြည်သူလူထု၏ ဆန္ဒသဘောထားများကို ပြည်နယ်တိုင်း ဒေသကြီးများ၊ ခရိုင်ပေါင်း (၆၀) ၊ မြို့နယ်ပေါင်း (၂၆၇) မြို့နယ်တို့တွင် ရယူခဲ့ရာ ၊ ပျမ်းမျှ (၉၇) ရာခိုင်နှုန်းက ပြင်ဆင် ပြောင်းလဲလို ကြောင်း ဆန္ဒပြုကြပါသည်။”

ဒီအချက်က (နအဖ) စစ်အစိုးရရဲ့ ၂၀၀၈ အခြေခံဥပဒေ ကို (၉၂ ဒသမ ၄၈) ရာခိုင်နှုန်းကထောက်ခံတယ်ဆိုတဲ့ အချက်ကို (မိန့်ခွန်းတွေထဲမှာ စိန်ခေါ်ချက်တွေတော်တော်များများ ပါဝင်နေတာမို့ ) စိန်ခေါ်လိုက်တာလို့မြင်မိပါတယ်။

၂၀၀၈ အခြေခံဥပဒေကို အခန်း (၁) အခန်းမှ အခန်း (၁၅)အထိ ဒီချုပ်က ပြင်ဆင်လိုသည့်အချက်များအား အခန်းစဉ်နှင့် ပုဒ်မအလိုက် “ပြင်ဆင်ရန်၊ ပယ်ဖျက်ရန်၊ ဖြည့်စွက်ရန်” အကြံပြုချက်များကို ကျိုးကြောင်းဖော်ပြချက်နှင့်တကွ စနစ်တကျတင်ပြထား တာကိုတွေ့ရှိရ ပါတယ်။
အချို့ကို ကောက်နုတ်ဖော်ပြအပ်ပါတယ်။

- အခန်း (၁) ပုဒ်မ ၆ (ဃ) မှ “၍ စည်းကမ်းပြည့်ဝသော ” ဟူသောစာသားကိုဖြုတ်ပယ်သင့်ပါသည်၊ ကျိုးကြောင်းဖော်ပြ ချက်၌ (ဒီမိုကရေစီကို ဝိဂြိုလ်ပြုရန် မလိုပါ)
- ပုဒ်မ ၆ (စ) နိုင်ငံတော်၏ အမျိုးသားနိုင်ငံရေးဦးဆောင်မှုအခန်းကဏ္ဍတွင် တပ်မတော်ကပါဝင်ထမ်းဆောင်နိုင်ရေးတို့ကို အစဉ်တစ်စိုက်ဦး တည်သည်၊ (ပယ်ဖျက်သင့်ပါသည်) ကျိုးကြောင်းဖော်ပြချက်၌ ( ပုဒ်မ ၄ အချုပ်အခြာအာဏာသည် နိုင်ငံသားများထံမှ ဆင်းသက်ပါသည်၊ အမျိုးသားနိုင်ငံရေးကို အဖွဲ့အစည်းတစ်ခုကအစဉ်တစ်စိုက်ဦးဆောင်သည်ဆိုသည် မှာ မဖြစ်သင့်ပါ)

- ပုဒ်မ ၈ နိုင်ငံတော်ကို ပြည်ထောင်စုစနစ်ဖြင့်ဖွဲ့စည်းတည်ဆောက်သည် (ပြင်ဆင်သင့်ပါသည်) ကျိုးကြောင်းဖော်ပြချက်၌ (ဖက်ဒရယ် ပြည် ထောင်စုပုံစံ ရှင်းလင်းထင်ရှားစေရန်ဖြစ်ပါသည်၊ စစ်မှန်သောပြည်ထောင်စုစနစ်ဟု မူလပြဌာန်းချက်တွင် တိကျစွာ ဖော်ပြနိုင်မှုမရှိပါ)
- ပုဒ်မ ၁၄ ပြည်ထောင်စုလွှတ်တော်၊ တိုင်းဒေသကြီးလွှတ်တော်၊ ပြည်နယ်လွှတ်တော်များတွင် လွှတ်တော်ကိုယ်စားလှယ် များအဖြစ်ဤဖွဲ့စည်းပုံအခြေခံဥပဒေအရသတ်မှတ်သည့်ဦးရေအတိုင်းတပ်မတော်ကာကွယ်ရေးဦးစီးချုပ်က အမည်စာရင်း တင်သွင်းသည့် တပ်မတော် သားများ ပါဝင်သည်။ (ပြင်ဆင်သင့်ပါသည်) ကျိုးကြောင်းဖော်ပြချက်၌ (ဒီမိုကရေစီစံနှုန်းနှင့် ဆန့်ကျင်နေသောကြောင့် ဖြစ်ပါသည်၊ အထွေထွေသဟဇာတဖြစ်ရေးအတွက် ဆွေးနွေးညှိနှိုင်းပြီး တစ်ဆင့်ပြီးတစ်ဆင့် ပြင်ဆင်သွားရန်ဖြစ်ပါသည်)

ဒုတိယသမ္မတ တစ်ဦးသာထားရှိရေး၊ ပုဒ်မ၅၉(စ) ပယ်ဖျက်ရေး၊ သမ္မတရာထူးတစ်ကြိမ်သာထမ်းဆောင်ရေး၊ ပြည်ထောင်စု နှင့်ပြည်နယ် ပူးတွဲဥပဒေပြုရေး (concurrent list) သတ်မှတ်နိုင်ရေး၊ ကာလုံတွင် ပြည်သူ့လွှတ်တော်ဒုတိယဥက္ကဋ္ဌနှင့်အမျိုးသား လွှတ်တော်ဒုတိယ ဥက္ကဋ္ဌတို့ကို  ထည့်သွင်းဖွဲ့စည်းရေး၊ လွတ်ငြိမ်းချမ်းသာခွင့်ပေးရေးတွင် “ပြည်ထောင်စုလွှတ်တော်” ဆိုသည့်စကား ရပ် ကို ထည့်သွင်းရေး၊ “ကာကွယ်ရေး၊ ပြည်ထဲရေး၊ နယ်စပ်ရေး၊ ပြည်ထောင်စုဝန်ကြီးများအဖြစ်ခန့်အပ်ခံရသော တပ်မတော်သားများ” သည် အငြိမ်းစားယူရေး ၊ ပြည်ထောင်စုတရားလွှတ်တော်ချုပ်တစ်ခုတည်းကိုသာလျှင် နိုင်ငံတော်၏ အမြင့်ဆုံးတရားရုံး အဖြစ်ထားရှိရေး၊ ပုဒ်မ ၄၃၆ ပြင်ဆင်ရေး အတွက် “ပြည်ထောင်စုလွှတ်တော်တွင် ရွေးကောက်တင်မြှောက်ခြင်းခံရသော ကိုယ်စားလှယ် အားလုံး၏ သုံးပုံ နှစ်ပုံကပြင်ဆင်ရန်သို့မဟုတ် ပြည်ထောင်စုလွှတ်တော်ကိုယ်စားလှယ်အားလုံး၏ ထက်ဝက်ကျော်ကပြင်ဆင်ရန် သဘော တူ လက်ခံပြီး နောက် ပြည်လုံးကျွတ်ဆန္ဒခံယူပွဲအထမြောက်ပါက ဆန္ဒမဲပေးသူဦးရေ၏ ထက်ဝက်ကျော်ဆန္ဒမဲဖြင့် ပြင်ဆင်သင့်ပါသည်”ဟူ၍ပြင် ဆင်ရန်၊ ပုဒ်မ ၄၂၁(ခ) ကာချုပ်နှင့်ကာလုံ၏ (အခန် ၁၁ အရေးပေါ်ကာလ)တာဝန်များနှင့်ပတ်သက်၍လည်း “ပြည်ထောင်စုလွှတ်တော် ၏ အတည်ပြုချက်ရ ယူရမည်” စသဖြင့် အခန်းစဉ်အလိုက်၊ ပုဒ်မအလိုက် ပြင်ဆင်ဖြည့်စွက်ရမည်များကို ဖော်ပြထားပါတယ်။

ကျနော့်အနေဖြင့်  “ပုဒ်မ ၄၃၆ ပြင်ဆင်ရေး လက်မှတ်ရေးထိုးလှုပ်ရှားမှု” ကိုမူ  ၂၀၀၈ အခြေခံဥပဒေကို ထိထိမိမိဝေဖန်ဆန်း စစ်ပြသနေကြခြင်း၊ ပြည်သူအများက စိတ်ဝင်တစားပါဝင်မှုရှိနေခြင်းဆိုသည့် အချက်၂ ချက်အပေါ်မူတည်၍ မလွဲမသွေ ဖြတ်သန်း ကြရမည့် အဆင့်တစ်ခု အဖြစ်ကြည့်မြင်သဘောထားကာ  နှစ်ထောင်းအားရဖြစ်မိပါတယ်။ အားပေးပါတယ်။

မျက်နှာပူပြီးအားနာရမယ့် စကားဖြစ်သော်လည်း မျက်နှာအပူခံပြီးအားနာနာနဲ့ကျနော်ပြောပါ့မယ်။

ဤစကားသည် (နဝတ-နအဖ) စစ်အစိုးရခေတ် နှစ်ပေါင်း ၂၀ ကျော် နှင့် လက်ရှိကြံ့ဖွံ့အစိုးရက ကပေးအပ်ခဲ့တဲ့ လက်တွေ့ဘဝကလာသော မယုံကြည်နိုင်မှု သံသယ များ၌ မြစ်ဖျားခံပါတယ်။ ကျနော့်အနေဖြင့် (နဝတ-နအဖ) စစ်အစိုးရ၏ အမွေစားအမွေခံဖြစ်သောကြံ့ဖွံ့အစိုးရ၊ ကြံ့ဖွံ့လွတ်တော်၊ စစ်တပ်တို့အပေါ်ကြီးစွာသောသံသယရှိပါတယ်။ ယုံကြည်မှုအလျဉ်းမရှိပါ။ ပြည်သူအများလက်မှတ်ရေးထိုးဆန္ဒပြုကြသော ပုဒ်၄၃၆ ပြင် ဆင်ရေးကို သူတို့ အသာတကြည်/ အညွတ်အနူးလက်ခံလာလိမ့်မယ်လို့လည်း ကျနော် မယုံရေးချမယုံပါ။

“ပုဒ်၄၃၆ ပြင်ဆင်ရေးလှုပ်ရှားမှု” အပေါ် သူတို့ လက်တွေ့တုန့်ပြန်နေသော နည်းမျိုးစုံလုပ်ရပ်များက ကျနော်ဘာကြောင့် မယုံ ကြည်ရသလဲ ဆိုတဲ့အချက်နဲ့ပတ်သက်ပြီး အထင်အရှား သက်သေခံနေပါတယ်။ ဤအချက်နှင့်ပတ်သက်၍ ဒေါ်အောင်ဆန်းစုကြည်က “ဒီစကား” တွင် “ယခု (၄၃၆) ပြုပြင်ပြောင်းလဲရေးလှုပ်ရှားမှုကို ပြည်သူတွေ မထောက်ခံအောင် နည်းအမျိုးမျိုးသုံးလာတာတွေ့နေရပါ တယ်၊အတိတ်မှာထားခဲ့ပါပြီဆိုတဲ့ စစ်အာဏာရှင်စနစ်တုန်းက သုံးခဲ့တဲ့နည်းမျိုးတွေပါပဲ” လို့ မှန်ကန်တိကျစွာ ထောက်ပြထားပါတယ်။

နိဂုံးချုပ်၍တင်ပြရလျှင် ဒီချုပ်က  ပြင်ဆင်ပယ်ဖျက်လိုတဲ့ ပုဒ်မ ၁၆၈ ခုဟာ အဆိုပြုညှိနှိုင်းလိုတဲ့သဘော၊ ကမ်းလှမ်းချက် သဘော၊ အပေးအယူပြုလုပ်လိုသည့် သဘောထားများကိုပျော့ပြောင်းစွာ အစပျိုးဖော်ပြထားခြင်းမျိုးသာဖြစ်ပါတယ်။

သို့သော်လည်း မိမိတို့ဘက်မှ အဆိုပြုကမ်းလှမ်းမှုမှန်သမျှဟာ တစ်ဖက်လိုက်လျောမှုမပြုသမျှ အကောင်အထည်ဖြစ်မလာနိုင် ပါ။ (နဝတ-နအဖ) စစ်အစိုးရခေတ် နှစ်ပေါင်း ၂၀ ကျော်ကာလအတွင်း တွေ့ဆုံဆွေးနွေးရေးကို ဒီချုပ်အနေဖြင့် အကြိမ်ကြိမ်အလီလီ တောင်းဆိုခဲ့ဖူးပါတယ်။ ယနေ့အထိ တွေ့ဆုံဆွေးနွေးရေးဖြစ်ပေါ် မလာခဲ့ပါဘူး။ ဖြစ်ပေါ်ခဲ့သမျှသော “တွေ့ဆုံမှု” ဆိုတာတွေကလည်း အိမ်ချုပ်ချခံထားရသူနဲ့ အိမ်ချုပ်ချထားသူတွေရဲ့တွေ့ဆုံမှု၊ တနည်းအားဖြင့် အချုပ်အချယ်ခံထားရသူနဲ့ချုပ်ချယ်သူများရဲ့တွေ့ဆုံမှုမျိုးသာ ဖြစ်ပြီး၊ ပြည်တွင်းနဲ့နိုင်ငံတကာကိုလှည့်စားဖို့နဲ့ ၄င်းတို့ရင်ဆိုင်နေရတဲ့ ပြည်တွင်းပြည်ပဖိအားတွေလျှော့ချနိုင်ရေးအတွက်သာ အဓိကဖြစ် ခဲ့ပါတယ်။ “စိမ်းလဲ့ကန်သာတွေ့ဆုံမှု” ဆိုတာလည်း ဒီလိုပါပဲ အချုပ်အချယ်ခံထားရသူနဲ့ချုပ်ချယ်သူများရဲ့ ဆက်သားတွေ့ဆုံပြီး အလ္လာပ၊ သလ္လာပ စကားပြောရခြင်းမျိုးသာဖြစ်ပါတယ်။

ကြံ့ဖွံ့သမ္မတ(ဗိုလ်)ဦးသိန်းစိန်နဲ့တွေ့ဆုံတယ်ဆိုတာကလည်း ဓါတ်ပုံတစ်ပုံအတူရိုက်ခဲ့ကြတာသာအဖတ်တင်ခဲ့ပြီး၊ ဘာမျှရေရေ ရာရာမရှိခဲ့ဖူးဆိုတာတော့ ဒီနေ့မြင်တွေ့နေရတဲ့ အချက်တွေကသက်သေပါပဲ။

ဒါကြောင့် “အခြေခံဥဒေပြင်ဆင်ရေး ဥပဒေဘောင်အတွင်းကဆောင်ရွက်ရမယ်” လို့အစိုးရဘက်နဲ့ အတိုက်အခံဘက်က ပြော နေတာထဲမှာ ဘယ်နေရာမှာ ဘယ်လိုလွဲနေသလဲဆိုတဲ့ (RFA)က မေးတာကို ဒေါ်အောင်ဆန်းစုကြည်ပြန်ဖြေတဲ့စကားလိုပါပဲ။  “အစိုးရ က တကယ်မပြင်ချင်ဘူး၊ အစ်မတို့ကတကယ်ပြင်ချင်တယ်”။


ညွန်း
<p>-    ဒီလှိုင်းစာစောင် အတွဲ (၃)၊ အမှတ် (၁၉)</p><p>-    ဒီလှိုင်းစာစောင် အတွဲ (၃)၊ အမှတ် (၂၀)</p><p>-    ဒီလှိုင်းစာစောင် အတွဲ (၃)၊ အမှတ် (၂၁)</p>-    ၂၀၀၈ ဖွဲ့စည်းပုံအခြေခံဥပဒေအပေါ် လေ့လာသုံးသပ်အကြံပြုစာတမ်း

အခု မဘသ အဖွဲ့ တစ်ချို့၊ သံဃာနဲ့ လူပုဂ္ဂိုလ်တစ်ချို့ဟာ ပြည်သူတွေရဲ့ အကျိုးစီးပွား၊ တိုင်းပြည် အကျိုးစီးပွား တစ်စက်ကလေးမှ လှည့်မကြည့်ပဲ အမုန်းတရားတွေ ဟောပြောနေကြတာ ဖြစ်ပါတယ်။
ဒီထက် ပိုအရေးကြီးတာ မြန်မာနိုင်ငံထဲ ဖြစ်ပွားခဲ့တဲ့ ဘာသာရေးဆန်တဲ့ အကြမ်းဖက်မှုတွေနဲ့ ပါတ်သက်လို့ပါ။ ပြသနာ အားလုံးရဲ့ အဓိက လက်သည် တရားခံဟာ အမုန်းတရားဖြစ်ပါတယ်။ အမုန်းတရား ဖြန့်ဖြူးသူတွေ ဖြစ်ပါတယ်။ ကိုယ်ထိလက်ရောက် ကျူးလွန်ကြသူတွေဟာ ဒုတိယ တရားခံတွေ ဖြစ်ကြပါတယ်။
စည်သူအောင်မြင့်
မဇ္ဈိမ သတင်းစာ၊ ၉-၆-၁၄။

ပြီးခဲ့တဲ့ ဇွန်လ ၇ ရက်နေ့က ရန်ကုန်တိုင်း ဒဂုံအရှေ့မြို့နယ် အနော်ရထာလမ်းက “မကွေးပရိယတ္တိ စာသင်တိုက်” မှာ ooredoo Sim card & Handset (အော်ရီဒူး ဖုန်းနဲ့ ပါတ်သက်သည့် ပစ္စည်းများ) မသုံးစွဲရေး ရှင်းလင်း အသိပညာပေး ဟောပြောပွဲ တစ်ခု ကျင်းပပါတယ်။ ပွဲမှာ ဟောပြောသူတွေကတော့ မကွေးကျောင်းတိုက်က ဆရာတော် ဦးပါမောက္ခ၊ မဘသ အဖွဲ့ရဲ့ မျိုးစောင့်ဥပဒေ ပေါ်ပေါက်ရေးအတွက် လိုက်လံ ဟောပြောနေတဲ့ ဓမ္မစက္က ဦးမောင်မောင်နဲ့ ရှေ့နေကြီး ဦးအေးပိုင် တို့ပဲ ဖြစ်ပါတယ်။ သူတို့ ဘာတွေ ဟောပြောခဲ့ကြသလဲ၊ အဲဒီ ပြောကြားချက်တွေဟာ ဘာအဓိပ္ပါယ်လဲ၊ ပြည်သူနဲ့ တိုင်းပြည်အတွက် ဘယ်လို ရိုက်ခတ်မှု ရှိလာနိုင်မလဲ ဆိုတာ ဆွေးနွေးတင်ပြသွားပါ့မယ်။

ဟောပြောပွဲ ခေါင်းစဉ်မှာ ဆိုထားတဲ့အတိုင်းပါပဲ။ မြန်မာ့ဆက်သွယ်ရေး လုပ်ငန်းမှာ ရင်းနှီးမြှုပ်နှံခွင့်ရထားပြီး လုပ်ငန်းတွေ အရှိန်အဟုန်နဲ့ စတင်နေတဲ့ ကာတာ အခြေစိုက် အော်ရီဒူး ကုမ္ပဏီ ဆန့်ကျင်ရေး ဖြစ်ပါတယ်။ အဲဒီ ကုမ္ပဏီက ထုတ်တဲ့ ဆင်းကဒ်ကို မသုံးစွဲဖို့၊ အခြား ပစ္စည်းတွေကို မသုံးစွဲဖို့၊ ကုန်ကုန်ပြောမယ်ဆိုရင် အော်ရီဒူး နံပါတ်နဲ့ ကိုယ့်ဆီ ၀င်လာတဲ့ ဖုန်းကောလ်တွေကိုတောင် မကိုင်ဖို့ ဟောပြော လှုံ့ဆော်တာပဲ ဖြစ်ပါတယ်။ ဒီလို အလားတူ ကြေငြာချက် ထုတ်ခဲ့တာ လားရှိုးအခြေစိုက် ရှမ်းမြောက် မဘသ ပါ။ နောက်တော့ မန္တလေး ဘက်ကလည်း အလားတူ လှုံ့ဆော်မှု လုပ်မယ်လို့ ကြေငြာပါတယ်။ အခုတော့ ရန်ကုန်က ဗုဒ္ဓဘာသာ ဘုန်းတော်ကြီး ကျောင်းတစ်ကျောင်းမှာ လုပ်တာပါ။

ဘာတွေ ဟောပြောကြသလဲ၊ လေ့လာကြည့်ကြပါဦး။ မကွေးကျောင်းတိုက် ဆရာတော် ဦးပါမောက္ခက အော်ရီဒူး ကုမ္ပဏီဟာ မူဆလင်ဖြစ်တယ်၊ အစ္စလာမ် ဘာသာဝင်ဖြစ်တယ်၊ မြန်မာနိုင်ငံဟာ လွန်ခဲ့တဲ့ နှစ်ပေါင်း ၇၀ ကျော်လောက်ကတည်းက ဘာသာရေး လူမျိုးရေး ၀ါးမြိုမှုကြုံခဲ့ရတယ်၊ ဒီတိုင်းပြည်မှာ ဘာသာရေး အဓမ္မ သိမ်းသွင်းမှုကြောင့် သေနတ်တစ်ချက်မှ မဖေါက်ရပဲ အစ္စလာမ်မစ် နိုင်ငံ ဖြစ်သွားမယ် လို့ မိန့်ပါတယ်။ “သူတို့စီးပွားရေးကောင်း၊ အင်အားကောင်းလာရင် နိုင်ငံကြီးဟာ အစ္စလာမ်မစ်နိုင်ငံ ဖြစ်သွားမှာ။ အဲဒီပုဂ္ဂိုလ်တွေ ရောင်းတဲ့ အိုရီဒူးဆင်းမ်ကတ်ဝယ်တဲ့ လူတွေဟာ မျိုးချစ်စိတ်မရှိတဲ့ ကိုယ့်လူမျိုးကိုပြန်ဖျက်တဲ့ သူတွေဖြစ်တယ်။ အဲဒီဖုန်းကဒ် ဝယ်ယူသုံးစွဲခြင်း အဲဒီဖုန်းလာရင်လည်း မကိုင်ကြဖို့၊ အဲဒီမှာလည်း လစာယူပြီး အလုပ်သမားဝန်ထမ်း အဖြစ်နဲ့ ဝင်ရောက်ပြီး မလုပ်ဖို့တိုက်တွန်းပါတယ်။” လို့ မိန့်ပါတယ်။ ထပ်ပြီး ရှင်းပြဖို့တောင် မလိုတဲ့ မမှန်မကန် အချက်အလက်တွေနဲ့ အကြောင်းပြထားတဲ့ အမုန်းတရား ဖြန့်ဖြူးမှုပါ။

အလားတူ အမျိုးဘာသာ သာသနာ စောင့်ရှောက်ပါမယ်လို့ ဆိုတဲ့ မဘသ အဖွဲ့ကြီးရဲ့ မျိုးစောင့်ဥပဒေတွေအကြောင်း လိုက်လံဟောပြောနေတဲ့ ရှေ့နေ ကြီး ဦးအေးပိုင်ကလည်း စစချင်းမှာကိုပဲ မြန်မာနိုင်ငံမှာ ဗုဒ္ဓဘာသာကို ထိမ်းသိမ်းကာကွယ်တာ မလုပ်ရင် မင်္ဂလာပါ ဆိုပြီးတောင် နှုတ်ဆက်နိုင်တော့မှာ မဟုတ်ပဲ “ ဆလမ်မာလေးကွန်း” လို့ နှုတ်ဆက်ရတဲ့ အခြေအနေ ရောက်သွားလိမ့်မယ် ဆိုပြီး အမုန်းတရားကို ပြောင်ပြောင်ပဲ ပြောပါတယ်။ သူ့ရဲ့ ကိုယ်ပိုင်သုံးသပ်ချက်အရ အခု မိုဘိုင်း ဆင်းကဒ် ရောင်းချမယ့် Ooredoo ဖုန်းကုမ္ပဏီဟာ
သူနဲ့ ဘာသာမတူဘူး၊ ဒါကြောင့် သူတို့ရဲ့ ပစ္စည်းကို မသုံးသင့်ဘူးလို့ ဆိုပါတယ်။ တကယ်တော့ ပွဲမှာ အဲဒီ ဆရာတော်နဲ့ လူပုဂ္ဂိုလ်တွေ ပြောခဲ့ဆိုခဲ့တာ ဒီလောက် မကပါဘူး။ အမုန်းတရားကို ပြောင်ပြောင်တင်းတင်းပဲ ပြောဆိုခဲ့ကြတာ ဖြစ်ပါတယ်။
ဇတ်လမ်းကို ပြန်ကောက်ရရင် မြန်မာနိုင်ငံဟာ တိုင်းရင်းသားပေါင်းစုံ စုပေါင်းနေထိုင်၊ စုပေါင်းပိုင်ဆိုင်ကြတဲ့ ပြည်ထောင်စု တစ်ခု ဖြစ်ပါတယ်။ ဗမာအပါအ၀င် တိုင်းရင်းသားတွေဟာ ဗုဒ္ဓဘာသာတင်မက ဘာသာအမျိုးမျိုး ကိုးကွယ်ကြပါတယ်။ ပြဌာန်းခဲ့တဲ့ ဖွဲ့စည်းပုံ အခြေခံဥပဒေ တိုင်းမှာလည်း မြန်မာနိုင်ငံမှာ မည်သည့်ဘာသာကိုမဆို လွတ်လပ်စွာ ကိုးကွယ်ပိုင်ခွင့် ရှိသည် ဆိုပြီး ပြဌာန်းထားတာဖြစ်ပါတယ်။ အခုလက်ရှိ မကွေးကျောင်းတိုက်မှာ ဟောပြောခဲ့သူတွေဟာ မြန်မာပြည်ထဲမှာ တိုင်းရင်းသားပေါင်းစုံ စုပေါင်းနေထိုင်၊ စုပေါင်းပိုင်ဆိုင် ကြတာကိုရော၊ ဘာသာပေါင်းစုံကို လွတ်လပ်စွာ ယုံကြည်ကိုးကွယ်နေတဲ့ တည်ရှိမှုကိုပါ ထိပါးစော်ကားရာ ရောက်စေပါတယ်။ ဒါက တစ်ချက်ပါ။

နောက်တစ်ချက်က မိုဘိုင်းဖုန်း ဇာတ်လမ်းပါ။ အရင် စစ်အစိုးရဟာ တိုင်းပြည်ထဲမှာ ပြည်သူတွေကို မိုဘိုင်းဖုန်း မသုံးနိုင်လောက်အောင် နှစ်ပေါင်းများစွာ ဒုက္ခပေးခဲ့တယ် ဆိုတာ လူတိုင်းသိကြပါတယ်။ အိမ်နီးချင်းနိုင်ငံတွေမှာ မိုဘိုင်းဖုန်း ဆင်းကဒ် တစ်ခု ကျပ် ၅၀၀၀ လောက်ပေးပြီး ၀ယ်သုံးလို့ရနိုင်ချိန် မြန်မာနိုင်ငံထဲမှာ ဆင်းကဒ်တစ်ခု ကျပ်ငွေ သိန်း ၄၀၊ ၅၀ အထိ ဈေးပေါက်ခဲ့ပါဘူးတယ်။ ဒီလို ခက်ခဲအောင်လုပ်၊ ပြည်သူတွေ ဒုက္ခရောက်အောင် လုပ်ပြီးမှ အာဏာပိုင်တွေဟာ အဲဒီ အပေါ်ကနေ ကိုယ်ကျိုးရှာကြပါတယ်။ မိုဘိုင်းဖုန်း ဆင်းကဒ်တွေကို နိုင်ငံရေးမှာ လာဘ်ထိုးဖို့ အသုံးပြုကြပါတယ်။ ပြည်သူတွေ အဲလို ဒုက္ခရောက်နေတုန်းက မကွေးကျောင်းတိုက် ဆရာတော်၊ ဓမ္မစက္ကဦးမောင်မောင်နဲ့ ရှေ့နေကြီး ဦးအေးပိုင်တို့ ပြည်သူတွေအတွက် ဘာတွေများ တောင်းဆိုခဲ့ဖူးသလဲ မေးစရာ ဖြစ်လာပါတယ်။

ဘယ်လိုပဲဖြစ်ဖြစ် သမ္မတ ဦးသိန်းစိန် အစိုးရဟာ ပြည်သူတွေအတွက် ဆက်သွယ်ရေးဆိုင်ရာ အဲဒီလောက် အောက်ကျနောက်ကျ ဖြစ်နေမှုကို ဖြေရှင်းမယ့် အစီအစဉ် လုပ်ခဲ့ပါတယ်။ နှစ်ပေါင်းများစွာ ဖုန်းမသုံးနိုင်တဲ့ အခြေအနေကနေ ပြည်သူတိုင်း ဖုန်းကိုင်နိုင်အောင် လုပ်ရမယ်၊ အဲဒီကတဆင့် ပြည်သူ တစ်ဦးချင်းစီနဲ့ တိုင်းပြည် စီးပွားရေး၊ ပညာရေး ဖွံ့ဖြိုးတိုးတက်အောင် လုပ်ရမယ် ဆိုပြီး စနစ်တကျ အကောင်အထည် ဖော်ခဲ့ပါတယ်။ နိုင်ငံတကာ ဆက်သွယ်ရေး ကုမ္ပဏီတွေ ၀င်ရောက်ရင်းနှီးမြှုပ်နှံနိုင်အောင် လမ်းဖွင့်ပေးခဲ့ပါတယ်။ ကမ္ဘာ့ တိုက်ကြီး ၆ တိုက်လုံးက ဒိတ်ဒိတ်ကြဲ ဆက်သွယ်ရေး ကုမ္ပဏီ ၉၀ ကျော် တင်ဒါဝင်ပြိုင်တဲ့ပွဲမှာ နော်ဝေ အခြေစိုက် တယ်လီနော်နဲ့ ကာတာ အခြေစိုက် အော်ရီဒူး တို့ တင်ဒါအောင်ပြီး စာချုပ်ချုပ် လုပ်ငန်း စတင်နေကြတာ ဖြစ်ပါတယ်။ အခု မဘသ အဖွဲ့ တစ်ချို့၊ သံဃာနဲ့ လူပုဂ္ဂိုလ်တစ်ချို့ဟာ ပြည်သူတွေရဲ့ အကျိုးစီးပွား၊ တိုင်းပြည် အကျိုးစီးပွား တစ်စက်ကလေးမှ လှည့်မကြည့်ပဲ အမုန်းတရားတွေ ဟောပြောနေကြတာ ဖြစ်ပါတယ်။
ဒီထက် ပိုအရေးကြီးတာ မြန်မာနိုင်ငံထဲ ဖြစ်ပွားခဲ့တဲ့ ဘာသာရေးဆန်တဲ့ အကြမ်းဖက်မှုတွေနဲ့ ပါတ်သက်လို့ပါ။ ပြသနာ အားလုံးရဲ့ အဓိက လက်သည် တရားခံဟာ အမုန်းတရားဖြစ်ပါတယ်။ အမုန်းတရား ဖြန့်ဖြူးသူတွေ ဖြစ်ပါတယ်။ ကိုယ်ထိလက်ရောက် ကျူးလွန်ကြသူတွေဟာ ဒုတိယ တရားခံတွေ ဖြစ်ကြပါတယ်။ ဒါကြောင့် တိုင်းပြည်မှာ နောက်ထပ် မတည်မငြိမ်တွေဖြစ်လာရင်၊ ပြည်သူ့အကျိုးစီးပွား၊ တိုင်းပြည်အကျိုးစီးပွား ထိခိုက်နစ်နာမှုတွေ ဖြစ်လာရင် အမုန်းတရားဖြန့်ဖြူးနေကြသူတွေမှာသာ လုံးဝ တာဝန်ရှိမှာ ဖြစ်ပါကြောင်း သုံးသပ်တင်ပြလိုက်ရပါတယ်။
စည်သူအောင်မြင့်။

Author Name

Contact Form

Name

Email *

Message *

Powered by Blogger.