06/20/14

နိုင်ငံတော်သမ္မတအမိန့်နဲ့ ရာထူးကနေ အနားပေးခံရတဲ့ သာသနာရေးဝန်ကြီး ဦးဆန်းဆင့်ကို ရမည်းသင်းအကျဉ်းထောင်ကို ခေါ်ဆောင်သွားတယ်လို့ နေပြည်တော် သတင်းရပ်ကွက်က သိရပါတယ်။

သမ္မတက ဇွန် ၁၉ ရက်နေ့မှာ သာသနာရေးဝန်ကြီး ဦးဆန်းဆင့်ကို တာဝန်မကျေပွန်မှုနဲ့ ရာထူးကနေ ဖယ်ရှားမိန့်ထုတ်ပြန်ခဲ့ပါတယ်။ အဲဒီနေ့ခင်း ၁ နာရီလောက်မှာပဲ အထူးစုံစမ်းစစ်ဆေးရေးဌာန (စစစ) တာဝန်ရှိသူတဦးက လာရောက်အမှုဖွင့်တယ်လို့ ရဲစခန်းကို ကိုယ်တိုင်သွားရောက်တဲ့ ဒီဗွီဘီသတင်းထောက် ဦးအောင်ကြီးက ပြောပါတယ်။

“ဥတ္တရသီရိရဲစခန်းက အမှုစစ်ကတော့ ပြောလိုက်တယ်။ ဇွန် ၁၉ ရက်နေ့ နေလယ် ၁၂ နာရီက ဦးဆန်းဆင့်ကို ဒီမှာ အမှုဖွင့် အရေးယူဆောင်ရွက်ထားတယ်လို့ ပြောတယ်။ ကျန်တာတော့ ပြောခွင့်မရှိလို့ မပြောပါဘူးဆိုပြီးတော့ ကျနော့်ကို ပြောတယ်ခင်ဗျ။ မနေ့က ညနေ ၃ နာရီမှာတော့ ပုပ္ဗသီရိမြို့နယ်တရားရုံးမှာ ဦးဆန်းဆင့်ကို ရမန်ယူပြီးတော့ အခု မနက်မှာတော့ ရမည်းသင်းအကျဉ်းထောင်ကို ပို့လိုက်တယ်ခင်ဗျ။ ရမည်းသင်းအကျဉ်းထောင်ပို့ပြီးတော့ စစ်ဆေးနေတယ်လို့လည်း သိရတယ်ခင်ဗျ။ နောက် ဦးဆန်းဆင့်နဲ့ ပတ်သက်တဲ့ မိသားစုတွေကိုလည်း စစ်ဆေးနေတယ်လို့ ပြည်ထဲရေးအသိုင်းအ၀ိုင်းကနေ ကြားရတယ်ခင်ဗျ။”

ဒီစစ်ဆေးမှုနဲ့ ပတ်သက်ပြီး သမ္မတရုံး ပြောခွင့်ရ ဦးရဲထွဋ်ကတော့ ဦးဆန်းဆင့်ကို ပြည်ထဲရေးဌာနက အမှုတခုနဲ့ဖွင့်ပြီး စစ်ဆေးနေတယ်ဆိုတာ မှန်ကန်ကြောင်း ဒီဗွီဘီကို ပြောပါတယ်။

ဒီဗွီဘီက အတည်မပြုနိုင်ခဲ့တဲ့ ဇွန် ၁၉ ရက်နေ့ညပိုင်းက သီးခြားရရှိတဲ့သတင်းအရ ဥတ္တရသီရိရဲစခန်းမှာ ဦးဆန်းဆင့်နဲ့ အပေါင်းပါ ၉ ဦးကို ၂၀၁၄ ခုနှစ် ၆ လပိုင်း ၁၉ ရက်နေ့ ဥတ္တရသီရိမြို့နယ်ရဲစခန်းမှာ ပြည်သူ့ဘဏ္ဍာငွေ အလွဲသုံးစားမှု ဥပဒေပုဒ်မ ၄၀၉/၁၀၉နဲ့ အမှုဖွင့်ထားတယ်လို့ သိရပါတယ်။

ဒီအမှုကို အထူးစုံစမ်းစစ်ဆေးရေးဌာန ဒုတိယညွန်ကြားရေးမှူးချုပ် ဦးဌေးလွင်က အမှုဖွင့်ထားပြီး ဦးဆန်းဆင့်ကို အငြိမ်းစားပေးပြီး စစ်ဆေးနေတယ်လို့ ဆိုပါတယ်။

ဒီဗွီဘီက အထူးစုံစမ်းစစ်ဆေးရေးဌာန ဒုတိယညွှန်ကြားရေးမှူးချုပ် ဦးဌေးလွင်ရဲ့ တယ်လီဖုန်း ၀၆၇-၄၃၁၃၇၃ ကို ဆက်သွယ်မေးမြန်းရာမှာ လက်ခံဖြေကြားခြင်း မရှိပါဘူး။

ဦးဆန်းဆင့်ကို နေပြည်တော်မှာ အမှုဖွင့်ပြီး နောက်တနေ့ ဇွန် ၂၀ ရက်နေ့မှာ သမ္မတက သာသနာရေးဝန်ကြီးတာဝန်ကနေ ရပ်နားကြောင်း လူသိရှင်ကြား ကြေညာခဲ့ပါတယ်။

ဒီကြေညာချက်နဲ့ ပတ်သက်လို့ သမ္မတရုံး ပြောခွင့်ရ ဦးရဲထွဋ်က ဦးဆန်းဆင့်ကို အရေးယူဆောင်ရွက်လိုက်တာဟာ သန္တိသုခနဲ့ပတ်သက်ပြီး အစိုးရနဲ့ သံဃာတွေအကြားမှာ နားလည်မှု လွဲစေတာကြောင့် ဖြစ်တယ်လို့ ဇွန် ၂၀ ရက်နေ့မှာ ကျင်းပတဲ့ ပြည်သူ့လွှတ်တော်ကို ရောက်ရှိစဉ် သတင်းထောက်တွေကို ပြောပါတယ်။

“၁၉၉၀ ပြည့် သံဃဥပဒေရှိတယ်။ သံဃဥပဒေမှာ သံဃမဟာနာယကအဖွဲ့က တိုင်ကြားလို့ရှိရင် သာသနာရေးဝန်ကြီးဌာနက တာဝန်ယူပြီးတော့ အမှုဖွင့်ပေးရတယ်။ ဒီ သန္တိသုခက ကိတ်စကလည်း အကြောင်းအချက်တခုဖြစ်တယ်။ သန္တိသုခဖြစ်စဉ် စဖြစ်ကတည်းက သမ္မတကြီးက သာသနာရေးဝန်ကြီးအနေနဲ့ ဒီကိစ္စမှာ သံဃမဟာနာယကအဖွဲ့ရဲ့ ဆုံးဖြတ်ချက်ကိုလည်း အေးအေးချမ်းချမ်း အကောင်အထည်ဖော်နိုင်အောင်၊ တဖက်နဲ့ ဟိုဘက် ဒီဘက်ကြားမှာ သာသနာရေးဝန်ကြီးအနေနဲ့ရော။ ဆရာ၊ ဒကာအနေနဲ့ရော ၀င်ရောက် ဆောင်ရွက်ပေးဖို့ တာဝန်ပေးခဲ့တယ်။ ဒါပေမယ့် အဲဒီကိစ္စအပါအ၀င် ကျန်တဲ့ကိစ္စတွေမှာ ဦးဆန်းဆင့်ရဲ့ ဆောင်ရွက်ချက်တွေဟာ ပါဝင်ပတ်သက်သူတွေအကြားမှာ နားလည်မှုဖြစ်စေဖို့ထက် စိတ်ဝမ်းကွဲပြားမှု ဖြစ်စေတယ်။ နောက်ဆုံး အစိုးရနဲ့ သံဃာတွေအကြားမှာပါ နားလည်မှုလွဲစေတဲ့အဖြစ်မျိုးတွေ ဖြစ်စေတယ်။ တချုိ့ကဆိုရင် သမ္မတကြီးမှာကြားတဲ့ဟာ တွေကို ကျော်လွန်ပြီးတော့ လုပ်လိုက်တဲ့ သဘောတွေ ရှိတယ်။ ဒါကြောင့် ကျနော်တို့က မလွဲမရှောင်သာ အရေးယူလိုက်တာ”လို့ ပြောပါတယ်။
ဒီဗွီဘီ

အင်္ဂလန်ဆရာတော်အ ပါအ၀င် ဖမ်းဆီးခံသံဃာတော် ငါးပါးအား ဇွန်လ ၂၀ ရက်တွင် ပြန်လွှတ်မပေးပါက ရွှေညဝါ ဆရာတော်၊ မစိုးရိမ် ကျောင်းတိုက်ဆရာတော် ဦးဝီရသူနှင့် ဆရာ တော်ဦးပါမောက္ခတို့က ဦးဆောင်၍ ဆန္ဒပြတောင်းဆိုသွားမည်ဖြစ်ကြောင်း ဆရာတော်ဦးပါမောက္ခက မိန့်သည်။

ဆရာတော်ဦးပါမောက္ခနှင့် သံဃာတော်အချို့သည် အင်္ဂလန်ဆရာတော်အပါအ၀င် ဖမ်းဆီးခံသံဃာတော်ငါးပါးအား ဇွန်လ၂၀ ရက်တွင် ပြန်လွှတ်ပေးရန်အတွက် နတ်စင်တစ်ရာကျောင်းတိုက်ဆရာတော်ထံ သွားရောက်ဆွေးနွေးမှုများ ပြုလုပ်ခဲ့
ကြသည်။ ထိုဆွေးနွေးမှုများ အဖြေမထွက်ပါက အင်္ဂလန်ဆရာတော်နှင့် သံဃာ
လေးပါးအား ရုံးချိန်းထုတ်မည့် ဇွန်လ ၂၀ ရက်တွင် ဆန္ဒပြတောင်းဆိုသွားမည်
ဖြစ်ကြောင်း မကွေးကျောင်းတိုက် ဆရာတော်ဦးပါမောက္ခက မိန့်ကြားသည်။

‘‘ဟိုနေ့ကလည်း တစ်ခါ နတ်စင်တစ်ရာကျောင်းတိုက်မှာ ဆွေးနွေးခဲ့ကြတယ်။
မနက်ဖြန် ညမှာလည်း တစ်ခါဆက်ဆွေးနွေး ဦးမယ်။ ဆွေးနွေးမှာကတော့ ၂၀ ရက်
မှာ သံဃာတော်တွေကို အပြီးပြန်လွှတ်ပေးဖို့ပဲ။ ၂၀ ရက် မှ ပြန်လွှတ်မပေးဘူး
ဆိုရင်တော့ ဆရာတော်ဦးဝီရသူရယ်၊ ရွှေည ၀ါဆရာတော်ရယ်၊ ဦးပဉ္ဇင်းရယ်
ဦးဆောင်ပြီး လုပ်သင့်လုပ်ထိုက် တာတွေလုပ်ပြီး ဆန္ဒပြတောင်းဆို သွားမယ်’’
ဟု ဆရာတော်ဦးပါ မောက္ခက မိန့်သည်။

ဇွန်လ ၁၁ ရက်ညက တိုင်း သံဃနာယက ဆရာတော်များနှင့်သာသနာရေးဝန်ကြီး
ဌာနမှ တာဝန်ရှိသူများက တာမွေမြို့နယ်၊နတ်ချောင်းရပ်ကွက်ရှိ မဟာသန္တိသုခ
ကျောင်းတိုက်အား ချိပ်ပိတ်ကာ ကျောင်းတိုက်အတွင်း သီတင်းသုံးနေထိုင်နေသော သံဃာတော်များကို ဖမ်းဆီးခေါ်ဆောင်သွားခဲ့သည်။ ဇွန်လ ၁၃ ရက်တွင်အင်္ဂလန်
ဆရာတော်နှင့် သံဃာလေးပါးအား လူဝတ်လဲကာ တာမွေမြို့နယ် တရားရုံး၌ ရုံးထုတ်၍ အင်းစိန်ထောင်သို့ ပို့ဆောင်ခဲ့သည်။

ထိုသို့ သံဃာတော်များအား ဖမ်းဆီးလူဝတ်လဲ ခံရမှုနှင့် ပတ် သက်ပြီး အခြား
သံဃာတော်များ နှင့် ပြည်သူများက တိုင်းသံဃာ နာယက ဆရာတော်များနှင့်
သာသနာရေးဝန်ကြီးဌာနအား အပြင်းအထန်ကန့်ကွက်ခဲ့ကြသည်။ ဇွန်လ ၁၆ ရက်
တွင်လည်း အင်္ဂလန်နိုင်ငံ၌ ရောက်ရှိနေသောမြန်မာနိုင်ငံသားများက အင်္ဂလန်
ဆရာတော်နှင့် သံဃာတော်လေးပါးအား ပြန်လွှတ်ပေးရန်အတွက် လန်ဒန်မြို့ရှိ
မြန်မာသံရုံးရှေ့တွင် ဆန္ဒပြတောင်းဆိုခဲ့ကြသည်။

သတင်း- 7daydaily.

ကမ္ဘာ့ဖလား ဘောလုံးပြိုင်ပွဲ သမိုင်းကြောင်း တစ်လျှောက်မှာ အုပ်စုအဆင့်နဲ့တင် ကျေနပ်ပြီး အိမ်ပြန်စောခဲ့ရတဲ့ ပဉ္စမမြောက် လက်ရှိချန်ပီယံအဖြစ် စပိန်အသင်းက မှတ်တမ်းဝင်လာခဲ့ပါပြီ။ ရီယိုဒီဂျနေးရိုးမြို့က မာရာကာနာ ကွင်းကြီးမှာ ချီလီကို (၂-၀)နဲ့ အရေးနိမ့်ခဲ့တဲ့နောက် ချန်ပီယံတို့ နောက်တစ်ဆင့်တက်ဖို့ ဘယ်လိုမှ ဆေးမမီတော့ပါဘူး။

ကမ္ဘာ့ဖလားမှာ ဗိုလ်စွဲဖို့ ရေပန်းအစားဆုံး ဖြစ်ခဲ့ပေမယ့် လက်တွေ့မှာတော့ ပြိုင်ပွဲကနေ အစောဆုံး ထွက်ခဲ့ရတဲ့ စပိန်တို့ ဘရာဇီးမြေမှာ ဘာတွေမှားယွင်းခဲ့သလဲ ဆိုတာကို AFP သတင်းဌာနရဲ့ အားကစားရေးရာ လေ့လာသူတွေက အချက်(၅)ချက် ထုတ်နုတ် သုံးသပ်ပြခဲ့ပါတယ်။

လူဟောင်းများကို ဖက်တွယ်လွန်းခြင်း
ပွဲဦးထွက်မှာ နယ်သာလန်ကို (၅-၁)နဲ့ ရှုံးခဲ့ပြီးတဲ့နောက်မှာ နည်းပြ ဗင်းဆင့်ဒယ်လ်ဘော့စကေး အနေနဲ့ အပြောင်းအလဲတွေ မဖြစ်မနေ လုပ်ဆောင်ဖို့ ဖိအားတွေ ရှိလာပါတယ်။ ချီလီနဲ့ပွဲမှာ ဇာဗီနဲ့ ပီကေးတို့ကို ပွဲထွက်လူစာရင်းက ချန်လှပ်ပြီး ပက်ဒရို ရိုဒရီဂွတ်ဇ်နဲ့ ဂျာဗီမာတီနက်ဇ်တို့ကို အစားထိုးဖို့ နည်းပြကြီးက ဆုံးဖြတ်ခဲ့တယ်။

ဒါပေမဲ့ တကယ်တမ်းမှာတော့ စပိန်အသင်းရဲ့ လူစာရင်း တစ်ရပ်လုံးကို သွေးသစ်လောင်းသင့်တဲ့ အချိန်မျိုး ရောက်လာခဲ့ပါပြီ။ ဥပမာ ပြောရရင် အက်သလက်တီကို မက်ဒရစ် ကွင်းလယ်လို အားအင်ပြည့်ဝပြီး စိတ်ဇောထက်သန် တက်ကြွနေတဲ့ လူငယ်လေးတွေကို အသုံးပြုသင့်တာပါ။ ကိုကီကို ကွင်းထဲထည့်လိုက်ချိန်ကတော့ အရမ်းနောက်ကျနေပြီ ဖြစ်ပါတယ်။

နောက်တစ်ချက်က ဂိုးသမား ကားဆီးလက်စ်ကို ဆက်ပြီး ယုံကြည်ပေးခဲ့တယ် ဆိုတာက အမှားတစ်ရပ်မှန်း ထင်ရှားသွားခဲ့ပါတယ်။ အတိတ်အချိန် တချို့မှာတော့ စပိန်ရဲ့ အသင်းခေါင်းဆောင်ဟာ တောက်ပ မော်ကြွားခဲ့တာ အမှန်ပါပဲ။ ဒါပေမဲ့သူဟာ ပြီးခဲ့တဲ့ ရာသီမှာ ရီးယဲလ်မက်ဒရစ်အတွက် ပုံမှန်ကစားခွင့် မရခဲ့ပါဘူး။ တကယ်ဆိုရင် ဘာစီလိုနာ ဂိုးသမား ဗစ်တာဗဲလ်ဒက်စ် ဒဏ်ရာကြောင့် ကမ္ဘာ့ဖလား လူစာရင်းမှာ မပါဝင်နိုင်ခဲ့တာတောင် ဒယ်လ်ဘော့စကေးအတွက် ဂိုးသမားနေရာ ရွေးချယ်ဖို့ တောင့်တင်းတဲ့ အရန်အင်အား ရှိနေပြီးသားပါ။


နောက်တန်းအားနည်းခြင်း
သူ့ကို လက်ညှိုးထိုး အပြစ်တင်ကြမယ်ဆိုရင် အဲဒီလက်ညှိုးကို ကားဆီးလက်စ်က သူ့ရှေ့က ခံစစ်မှူးတွေဆီ လှည့်ပေးပါလိမ့်မယ်။ အဲဒီခံစစ်သမားတွေလည်း ဝေဖန်ပြစ်တင်မှုတွေ ခံယူထိုက်တယ်လို့ သူက ပြောမှာပါ။ စပိန်ဟာ (၂၀၁၀)ပြည့်နှစ် ကမ္ဘာ့ဖလားနဲ့ (၂၀၀၈)၊ (၂၀၁၂)  ဥရောပဖလား ပြိုင်ပွဲတွေမှာ ပထမတန်းစားအဆင့် ခံစစ်စုဖွဲ့မှုကို အခြေခံ တည်ဆောက်ပြီး အောင်မြင်မှုတွေ ရရှိခဲ့တာ ဖြစ်ပါတယ်။

ဒီနှစ်မှာတော့ ပူယိုးလ်ရဲ့ လွှမ်းမိုးမှု အရှိန်အဝါကို လက်လွှတ်ခဲ့ရပါပြီ။ ရာမို့စ်ကို ပီကေးနဲ့ တွဲပေးထားတဲ့ နောက်ခံအတွဲအစပ်ဟာ အရင်ကတော့ အလုပ်ဖြစ်ပါတယ်။ ဒါပေမဲ့ ဒီတစ်ကြိမ်မှာတော့ အဆင်မပြေတော့ဘူး။ ချီလီနဲ့ပွဲမှာ မာတီနက်ဇ်ကလည်း သူ့ရဲ့တန်ဖိုး အစစ်အမှန်ကို သက်သေမပြနိုင်ခဲ့ပြန်ဘူး။ နယ်သာလန်၊ ချီလီတို့နဲ့ ရင်ဆိုင်တဲ့ နှစ်ပွဲလုံးမှာ ပြိုင်ဘက်တွေက စပိန်ကို သမားရိုးကျ မဟုတ်တဲ့ နည်းဗျူဟာတွေနဲ့ ခင်းကျင်း ရင်ဆိုင်သွားပါတယ်။ အဲဒီတော့ စပိန်နောက်တန်းက နှစ်ပွဲမှာ ခုနစ်ဂိုး ခွင့်ပြုပေးလိုက်ရတယ်။

ဒီယေဂိုကော်စတာကို ရွေးချယ်ခြင်း
ဒယ်လ်ဘော့စကေးဟာ ဘရာဇီးတိုက်စစ်မှူး ဒီယေဂို ကော်စတာကို သူ့ရဲ့မွေးစားနိုင်ငံ စပိန်အတွက် ကိုယ်စားပြု ပါဝင်ပေးဖို့ အင်တိုက်အားတိုက် ကြိုးစားခဲ့ရတာပါ။ အဲဒီနောက်မှာတော့ အက်သလက်တီကို မက်ဒရစ်ရဲ့ တိုက်စစ်သမားကို မဖြစ်မနေ ပွဲထွက်ခွင့် ပေးရပါတော့တယ်။

ဒါပေမဲ့ စပိန်အသင်းဟာ သူတို့မျှော်လင့်တကြီး အားဖြည့်ပေါင်းစပ်ထားတဲ့ တိုက်စစ်မှူးကို သူတို့အသင်းရဲ့ ကစားကွက်နဲ့ အံဝင်လာအောင် လုံလုံလောက်လောက် မစွမ်းဆောင်နိုင်ခဲ့ပါဘူး။ တကယ်တော့ ကော်စတာဟာ နေရာလွတ်တွေထဲ ဘောလုံးခင်းပေးတာမျိုးကို ချောင်းကစားတတ်တဲ့သူပါ။ ချီလီနဲ့ ပွဲမှာတော့ သူဟာ ပြိုင်ဘက်ခံစစ်သမား သုံးယောက်ကြားမှာ ယောင်လည်လည် ဖြစ်နေပြီး စပိန်ကစားကွက်နဲ့ သူစိမ်းဆန်လွန်းနေပါတယ်။

ဒါ့အပြင် ဘရာဇီး ပရိသတ်တွေကလည်း သူတို့ရဲ့ လက်ရွေးစင် အသင်းကို စွန့်ခွာခဲ့တဲ့ ကစားသမားကို ဆယ်လ်ဗာဒိုမှာရော၊ ရီယိုဒီဂျနေးရိုးမှာပါ အသံကုန် အော်ဟစ် လှောင်ပြောင်နေတာကြောင့် ကော်စတာတစ်ယောက် တော်တော်လေး အနေကျပ်နေပုံ ရပါတယ်။

အခြေအနေနဲ့ အလိုက်အထိုက် မပြောင်းလဲနိုင်ခြင်း
ယေဘုယျ အခြေအနေအရ ကြည့်ရင်တော့ စပိန်ဟာ ဘောလုံးကိုင်ကစားလွန်းတဲ့ နည်းစနစ်ကို ယုံကြည်မှီခိုလွန်းတာဟာ ပြစ်ချက်တစ်ခု ဖြစ်လာပါတယ်။ ပြီးခဲ့တဲ့ ပြိုင်ပွဲကြီးတွေတုန်းကတော့ ဒီစနစ်က အင်မတန် အလုပ်ဖြစ်ခဲ့တာ အမှန်ပါပဲ။ စပိန်သားတွေရဲ့ ကစားဟန်ဟာ ဘာစီလိုနာရဲ့ ဘောလုံးဒဿနကို အခြေခံပါတယ်။ ဘောလုံးဖြန့်ဝေမှုကို အဓိက အားပြုတဲ့ နည်းစနစ်ဟာ ဘာစီလိုနာနည်းပြ ပက်ဂွာဒီယိုလာရဲ့ လက်အောက်မှာ အရမ်းအောင်မြင်ခဲ့တယ်။

ဒါပေမဲ့ မကြာသေးခင် အချိန်ပိုင်းတွေမှာ ဘာစီလိုနာ အနေနဲ့ ရလဒ်ပိုင်း ကျဆင်းမှုတွေ ရှိလာတယ်။ ဂွာဒီယိုလာ ပြောင်းရွှေ့ ကိုင်တွယ်နေတဲ့ ဘိုင်ယန်မြူးနစ်ကလည်း ချန်ပီယံလိဂ် အကြိုဗိုလ်လုပွဲမှာ မြန်နှုန်းနဲ့ တိုးအားကို လက်နက်အဖြစ် အသုံးချသွားတဲ့ ရီးယဲလ်မက်ဒရစ်နဲ့ အတွေ့မှာတော့ စုတ်ပြတ်သွားပြန်ပါတယ်။ အဓိပ္ပါယ်ကတော့ နာမည်ကျော် Tiki-Taka ကစားဟန်ဟာ ဒီနေ့ဒီအချိန်မှာတော့ ဆုတ်ယုတ်စ ပြုလာပြီ ဆိုတာပါပဲ။

ချီလီနဲ့ စပိန်တို့ ကစားတဲ့ ပွဲစဉ်မှာ တောင်အမေရိက အသင်းရဲ့ မြန်နှုန်းအားပြု ဖိအားပေးပုံတွေက စပိန်ကို တည်ငြိမ်မှု ပျက်သွားစေတယ်။ စပိန်ရဲ့ ပိုင်ပိုင်နိုင်နိုင် ဘောလုံးပေးပို့မှုတွေမှာတောင် လွဲချော်မှုတွေ ရှိလာတယ်။ အတိတ်တုန်းက စပိန်အသင်း အားအသန်ဆုံး ဖြစ်ခဲ့တဲ့ ဘောလုံးပိုင်ဆိုင်မှုကို ထိန်းထားနိုင်ဖို့တောင် အဟန့်အတားတွေ ကြုံခဲ့ရပါတယ်။

တောင်အမေရိကမှာ ကစားရခြင်း
အမေရိကဒေသမှာ ကျင်းပတဲ့ ကမ္ဘာ့ဖလား ဘောလုံးပြိုင်ပွဲ တစ်ရပ်မှာ ဥရောပ အသင်းတစ်သင်း အောင်မြင်မှု ရှာဖွေဖို့ဆိုတာ အမြဲတမ်း ခက်ခဲပြင်းထန်တဲ့ စိန်ခေါ်မှုကြီးတစ်ခု ဖြစ်နေကျပါ။ ပြောရရင် အမေရိကဒေသမှာ ဥရောပက တစ်သင်းသင်း ဗိုလ်စွဲတယ်ဆိုတာ ဘယ်တုန်းကမှ မရှိခဲ့ဖူးပါဘူး။

လွန်ခဲ့တဲ့ တစ်နှစ်လောက် ကတည်းက စပိန်ရဲ့ နိဂုံးဇာတ်လမ်းဟာ ပုံရိပ်ပေါ်လွင်စ ပြုခဲ့ပြီးသားပါ။ ကွန်ဖက်ဒရေးရှင်းဖလား ဗိုလ်လုပွဲကို ဘရာဇီးမြေမှာ ကစားခဲ့ပြီး အိမ်ရှင်အသင်းကို (၃-၀)နဲ့ ရှုံးနိမ့်ခဲ့ပါတယ်။ အဲဒီကတည်းက ဖြစ်တည်နေတဲ့ ကျဆင်းမှုတွေက ခုထိ တည်မြဲနေဆဲ ဖြစ်ပါတယ်။

တောင်အမေရိက နိုင်ငံတွေက ဘောလုံးပရိသတ်တွေက ကမ္ဘာ့ဖလားမှာ ကိုယ့်ဒေသကို ကိုယ်စားပြုတဲ့ အသင်းတိုင်းကို အူလှိုက်သည်းလှိုက် အားပေးတတ်ကြပါတယ်။ နယ်သာလန်ကို (၅-၁)နဲ့ ရှုံးထားတဲ့နောက် စပိန်ဟာ ချီလီနဲ့ပွဲမှာ ရလဒ်ကောင်းတစ်ခု လိုအပ်နေပါပြီ။ ဒါပေမဲ့ မာရာကာနာ ကွင်းကြီးထဲမှာ စိတ်ဓာတ်အပြည့် အော်ဟစ်အားပေးနေတဲ့ ပရိသတ် အများစုကတော့ နည်းပြ ဂျော့ဂ်ျဆမ်ပိုလီရဲ့ ချီလီအသင်းဘက်က ရပ်တည်ဖို့ ရွေးချယ်ခဲ့ကြပါတယ်။ ဒါကြောင့်လည်း ချီလီဟာ အိမ်ရှင်အသင်းလို ခံစားချက်မျိုးနဲ့ စပိန်ကို ရင်ဆိုင်သွားနိုင်ခဲ့တာ ဖြစ်ပါတယ်။
7Day News Journal


ပုဒ်မ ၄၃၆ ပြင်ဆင်ရေးကို အောင်မြင်အောင်လုပ်ကြဖို့ လိုအပ်တယ်လို့ ဒေါ်အောင်ဆန်းစုကြည်က ၆၉ နှစ်မြောက် မွေးနေ့စကားအဖြစ် ပြောကြားလိုက်ပါတယ်။ ဦးအောင်ကြီး သတင်းပေးပို့ထားပါတယ်။

Credit : DVB


ယနေ့ ဇွန်လ ၁၉ ရက်နေ့တွင်ကျရောက်သော ဒေါ်အောင်ဆန်းစုကြည်၏ ၆၉ နှစ်မြောက်မွေးနေ့လက်ဆောင်အဖြစ် ရှင်ဆန္ဒာဓိကဆရာတော်ဘုရားသည် အဖွဲ့ချုပ်ရုံချုပ်သို့ကြွရောက်၍ပုဒ်မ၄၃၆ ပြင်ဆင်ရေးကိုဆန္ဒပြုလက်မှတ်ရေးထိုးသွားပါသည်။ထို့နောက်ဆရာတော်သည်အဖွဲ့ချုပ်ရုံးချုပ်အဆောက်အဦးနှင့် ဒေါ်အောင်ဆန်းစုကြည်၏ရုံးခန်းသို့ ကြွရောက်ကာ မေတ္တာသုတ်နှင့်ပရိတ်တရားတော်များ ချီးမြှင့်ပေးခဲ့ပါသည်။
National League for Democracy

Author Name

Contact Form

Name

Email *

Message *

Powered by Blogger.