06/24/14

"တကယ်လို့သာ ဆရာတော်ကြီး တွေက သူတို့ကို ခွင့်လွှတ်ပေးလိုက်ပါကွာဆိုရင်
အလွယ်တကူ လွှတ်ပေးလို့ ရတယ်။ ဒကာမကြီး ဒေါ်အောင်ဆန်းစု ကြည်တောင်မှ
ဒီပဲယင်း အရေးအခင်းမှာ ကိုယ့်ကို အသေသတ်မှာကိုတောင် ခွင့်လွှတ်နိုင်ခဲ့တယ်ပေါ့။"
-----------------------------------------------------------------------------------------
“မဟာသန္တိသုခကျောင်းနှင့် ပတ်သက်၍ ဆရာတော်အရှင်ဆန္ဒာဓိက မိန့်ကြားချက်”
==============================================
“ကျောင်းကိုသိမ်းယူတယ်ဆိုတာ ခိုးယူတာနဲ့အတူတူပါပဲ။ ခိုးယူပြီးတော့မှ အပ်နှံတယ်
ဆိုတော့ အပ်နှံခံရတဲ့ ဒုတိယမြောက်လက်ခံသူက ခိုးရာပါပစ္စည်း လက်ခံတာနဲ့
အတူတူပါပဲ။ ပီနန်ဆရာတော်ဘုရားကြီးကို လှူစေချင်ပါတယ်ဆိုပြီး လက်မှတ်ထိုးမယ့် သံဃာတော်တွေက ၉၉.၉၉ ရာခိုင်နှုန်းရှိတယ် ”

တကယ်လို့သာ ဆရာတော်ကြီး တွေက သူတို့ကိုခွင့်လွှတ်ပေးလိုက်ပါကွာဆိုရင်
အလွယ်တကူ လွှတ်ပေးလို့ ရတယ်။ ဒကာမကြီး ဒေါ်အောင်ဆန်းစု ကြည်တောင်မှ
ဒီပဲယင်း အရေးအခင်း မှာ ကိုယ့်ကို အသေသတ်မှာကိုတောင် ခွင့်လွှတ်နိုင်ခဲ့တယ်ပေါ့။
အဲဒီတော့ လူဝတ်ကြောင် ဒကာမကြီးဒေါ်အောင် ဆန်းစုကြည်တောင်မှ ခွင့်လွှတ်
နိုင်တယ်ဆိုရင် ဗုဒ္ဓဘာသာပြန့်ပွားရေး အတွက် လုပ်ဆောင်နေတဲ့ သံဃာတော်တွေကို ဘာမှခွင့်မလွှတ်နိုင်စ ရာအကြောင်း မရှိဘူးလို့ မြင်ပါတယ်။ အဲဒီတော့ ဆရာတော်
သံဃာတော် တွေအနေနဲ့ ခွင့်လွှတ်နိုင်မယ်လို့ ယုံ ကြည်ပါတယ်။ ခွင့်လွှတ်နိုင်တဲ့
တစ်နေ့ အမြန်ဆုံးရောက်ပါစေလို့လည်း ဆုတောင်းပါတယ်။

သန္တိသုခကျောင်းတိုက်ပိုင်ဆိုင်မှု နဲ့ပတ်သက်ပြီး သတင်းစာတွေထဲမှာ လည်းပါ
နေပြီးသားပဲလေ။ ပီနန်ဆရာတော်ဘုရားကြီးဆိုတာ ဦးဇင်းတို့ စာသင်သား
ဘ၀ကတည်းက ဆရာတော်ဘုရားအတ္ထုပ္ပတ္တိတို့၊ စာရေးဆရာတွေကရေးထားတာ
အင်မတန်မှ ကြည်ညိုလေးစားခဲ့တဲ့ ဆရာတော် ဘုရားကြီးပါ။ ပြည်ပသာသနာပြု
လုပ်ငန်းတွေ စွမ်းစွမ်းတမံဆောင်ရွက်ခဲ့ တာပေါ့နော်။

အဲဒီတော့ မြန်မာပြည် ပြန်ရောက်လာတော့လည်းပဲ မြန်မာ နိုင်ငံကနေ ကမ္ဘာအနှံ့ သာသနာပြု နိုင်တဲ့ သာသနာ့အာဇာနည် ပုဂ္ဂိုလ် တွေအများကြီး ပေါ်ပေါက်
လာအောင် ဖော်ထုတ်ခဲ့တယ်။ အဲဒီတော့ သူ့ကို ကူညီခဲ့တာ ပြည်တွင်းပြည်ပက လူ တွေအများကြီးပါတယ်။ နိုင်ငံတော် လူကြီးပိုင်းဆိုင်ရာက တချို့လည်းပါ တယ်ပဲပြောရမှာပေါ့နော်။ အဲဒီတော့ ဘယ်လိုပဲဖြစ်ဖြစ် တစ်ဦးတစ်ယောက် တည်း ကုသိုလ်ကတော့မဟုတ်ဘူး ပေါ့နော်။ နိုင်ငံတော်အစိုးရပိုင်ငွေနဲ့ နိုင်ငံတော်တစ်ခု
တည်းရဲ့ကောင်းမှုနဲ့ ဆောင်ရွက်ထားတာ မဟုတ်ဘူး။ ဆရာတော်ကို ကြည်ညိုကြတဲ့
အလှူရှင်အားလုံးရဲ့ ကောင်းမှုနဲ့တည် ဆောက်ထားတာ ရေစက်ချကတည်း က သံဃာကိုလှူဒါန်းတာ။ သံဃာ ကို လှူတယ်ဆိုပေမဲ့လို့ ဒီကျောင်းကို ထိန်းသိမ်း
စောင့်ရှောက်မယ့် ပုဂ္ဂိုလ် ကတော့ အများဒကာ၊ဒကာမတွေ သတ်မှတ်ထားတဲ့
ဆရာတော်ကိုပဲ လှူဒါန်းတာ။ ဆရာတော်ဘုရားကြီး ကိုပဲ ဒီကျောင်းကို အုပ်ချုပ်စီမံဖို့
အတွက် လှူဒါန်းထားပြီးသား။ နောက် ပိုင်းကျတော့မှ အခြားအဖွဲ့တစ်ခုကို လွှဲပြောင်းလိုက်တယ်ပေါ့နော်။ မဟန က ပိုင်တယ်လို့ပြောလို့မရဘူး။
ဆိုင် တာပေါ့လေ။ ပီနန်ဆရာတော်ဘုရား ကြီးကတော့ သူ့ကိုလှူဒါန်းထားတဲ့
အတွက်ကြောင့်မိုလို့ ပိုင်တာပေါ့နော်။

၂ နှစ်သင်တန်းပေးတဲ့အချိန်တုန်း က ၂၀၀၀ ပြည့်နှစ်တုန်းက ဦးဇင်း တို့ရောက်ဖူး
ပါတယ်။ အဲဒီကျောင်း မှာ အင်မတန်မှအေးချမ်းပြီးတော့ စာရေးလို့လည်း ကောင်း၊
တရားအား ထုတ်လို့လည်း ကောင်းတဲ့နေရာ။ အဲ ဒီကတည်းက ဒီကျောင်းကို
ထိန်းသိမ်း စောင့်ရှောက်ကြတဲ့ ဂေါပကခေါင်း ဆောင်တချို့ရဲ့ ငွေကြေးအလွဲသုံးစားမှုတွေ သတင်းတော့ ကြားနေရတာ ပေါ့လေ။ အဲဒီတော့လည်း ဘာတွေ ဖြစ်မလဲဆိုတာမျိုး သံသယဖြစ်နေ ကြတာပေါ့လေ။ နောက်ဆုံးကျတော့ သူတို့ရဲ့အပြစ်တွေကို ဖုံးကွယ်
ချင်တဲ့ အတွက်ကြောင့် ဆရာတော်ဘုရား ကြီးက နိုင်ငံရေးလုပ်နေပါတယ်၊ အစိုးရကို
ဆန့်ကျင်နေပါတယ်နဲ့ အဲဒီ တုန်းက ဒကာကြီးဦးခင်ညွန့်က ဒီ ကျောင်းကို ပြန်လည်
သိမ်းယူလိုက်တာပေါ့။ အဲဒီတော့ ဆရာတော်ဘုရားကြီးကို လှူဒါန်းထားတဲ့
အတွက် ကြောင့် သိမ်းယူပိုင်ခွင့်မရှိဘူး။ တစ် နည်းပြောရင်တော့ သံဃာကို
လှူထားတာမိုလို့ ပီနန်မပိုင်ဘူး၊ မဟနပဲပိုင်တယ်ဆိုတော့ သံဃာကိုလှူထားတယ်
ဆိုမှတော့ အစိုးရလည်း ပြန် လည်သိမ်းယူပိုင်ခွင့်မရှိဘူး။

ဆရာတော်ဘုရားကြီးကိုယ်တိုင်က ကြည် ကြည်ဖြူဖြူ ကျေကျေနပ်နပ်နဲ့ စွန့်လွှတ်
လိုက်တာမဟုတ်တဲ့အတွက် ကြောင့် ဒီကျောင်းကို သိမ်းယူတယ်ဆိုတာ ခိုးယူတာနဲ့အတူတူပဲပေါ့နော်။ ခိုးယူပြီးတော့မှ အပ်နှံတယ်ဆိုတော့ အပ်နှံခံရတဲ့ ဒုတိယမြောက်လက်ခံ သူက ခိုးရာပါပစ္စည်းလက်ခံတာနဲ့ အတူတူပါပဲ။
အခုချိန်မှာ ခိုးရာပါ ပစ္စည်းဆိုတာလည်း လူတွေကလည်း သိထားပြီးသားပဲပေါ့။
ဒါပေမဲ့လည်း အကြောင်းမညီညွတ်လို့ ပြန်ပေးပိုင် ခွင့်မရှိဘူး၊ အခုချိန်မှာ မူလပိုင်ရှင်
ကပဲ ဒီကျောင်းကို အုပ်ချုပ်စီမံပြီး တော့ ကမ္ဘာ့သာသနာပြုအာဇာနည် ပုဂ္ဂိုလ်တွေ အများကြီး ပေါ်ပေါက် လာအောင် ပြုစုပေးတော့မယ်၊ မွေး ထုတ်ပေးတော့မယ်ဆိုပြီး
သတင်း စာထဲမှာ ကြေညာတာပဲလေ။ အဲဒီ သင်တန်းတွေသာ ဆရာတော်ဘုရားကြီး ဖွင့်ခွင့်ရမယ်ဆိုရင်တော့ ကမ္ဘာ့ သာသနာပြုပုဂ္ဂိုလ်တွေ အများကြီး ပေါ်ထွက်လာမှာပေါ့။

တခြားတခြားလည်းပဲ ကမ္ဘာ့သာ သနာပြု ပုဂ္ဂိုလ်တွေပြုစုပျိုးထောင် နေတာရှိပါတယ်။
ဒါပေမဲ့ ဆရာတော် ဘုရားကြီးက ပြည်ပနိုင်ငံတွေမှာ နှစ် ပေါင်း ၂၀ ကျော်သာသနာ
ပြုခဲ့တာ ဆိုတော့ ပြန်လည်မျှဝေတဲ့အခါမှာ စာသင်သားတွေ နိုင်ငံခြားသွားတဲ့ အခါ ပညာအရည်အချင်းတွေနဲ့ပြည့် စုံသွားကြတယ်။ ပြီးတော့ ဆရာတော် ဘုရားကြီး
မှာ ကျောင်းတွေ ကမ္ဘာအ နှံ့မှာ ရှိတဲ့အတွက်ကြောင့်လည်း ဒီ သင်တန်းမှာအောင်မြင်
သွားတဲ့ ပညာ အရည်အချင်းပြည့်ဝသွားတဲ့ သံဃာ တော်တွေဟာ ပြည်ပသာသနာပြု လုပ်ငန်းလုပ်ကိုင်ခွင့်လည်း ချက်ချင်း လက်ငင်းရကြရမယ်ပေါ့လေ။

အခု ခေတ်စကားနဲ့ပြောမယ်ဆိုရင် အရပ် ဘက်ဆေးတက္ကသိုလ်က ဆရာဝန် ဖြစ်သွားတဲ့ လူတွေက ဆရာဝန်ဖြစ် သော်ငြားလည်း အလုပ်အကိုင် အ ခွင့်အလမ်းမသေချာဘူး။
ဒါပေမဲ့တပ် မတော် ဆေးတက္ကသိုလ်ကနေ ဘွဲ့ ရသွားတဲ့ လူတွေကတော့ ချက်ချင်း ရာထူးလည်းရတယ်။ နေရာဌာနက လည်း ရတယ်။ အဲဒီတော့ ဆရာ တော်
ဘုရားကြီးရဲ့ကျောင်းတိုက်က တော့ အဲဒီလိုအခွင့်အလမ်းပေးနိုင် တာပေါ့လေ။
ဒါကြောင့်မို့ ဒီကျောင်း တော်ကြီးကို ဆရာတော်ကြီးကိုယ် တိုင်အုပ်ချုပ်စီမံပြီးတော့ သာသနာ ပြုခွင့်မရတာဟာ အင်မတန်ဝမ်းနည်း စရာကောင်းတယ်။

မြတ်စွာဘုရားရှင်လက်ထက်က တည်းက ရှိခဲ့တဲ့ ရှင်သာရိပုတ္တရာ၊ အရှင်မဟာ
မောကလန် အစရှိတဲ့ အ ရိယာသံဃာတော်တွေ အရှင်သူမြတ် ကြီးတွေ အပါအ၀င်ပေါ့နော်။ ခေတ် တစ်လျှောက်လုံးရှိခဲ့တဲ့ သံဃာတော် တွေအားလုံးရော၊ အခုလောလော ဆယ်ပုစ္စုပ္ပန်မှာ ရှိနေကြတဲ့ သံဃာ တော်တွေအားလုံးရော
ထိုင်း၊ လာအို၊ ကမ္ဘောဒီးယား အစရှိတဲ့ သံဃာ တော်တွေ တစ်ကမ္ဘာလုံး အရှေ့၊ နောက်၊တောင်၊မြောက် သံဃာတော် တွေအားလုံးရော နောင်တစ်ချိန်မှာ
ပေါ်ပေါက်လာတဲ့ သံဃာတော်တွေ အားလုံးရော အတိတ်၊ ပစ္စုပ္ပန်၊ အ နာဂတ်
ကာလသုံးပါးလုံးမှာ ရှိရှိသမျှ သော သံဃာအားလုံးကို လှူဒါန်းတာပါ။

ကျောင်းတိုက်တစ်ခုချင်းစီမံတာ ကျတော့ ပဋိကတ်တော်မှာလည်း ရှိ ပြီးသား။ သံဃာတော်တွေလည်းသိ ပြီးသား။ဂေါပက ဆိုတာ လုံခြုံစေသူတို့ အဓိပ္ပာယ်ရတယ်။ မြန်မာလိုဆိုရင် တော့ ဒီကျောင်းတိုက်ကို ထိန်းသိမ်းစောင့်ရှောက်
တဲ့သူပေါ့။သံဃာတော်အားလုံး လက်ခံ ထားတာက ဒီမဟာသန္တိသုခကျောင်းတိုက်ကို ထိန်းသိမ်းစောင့်ရှောက်သူ ဟာ ပီနန်ဆရာတော်ဘုရားကြီးပေါ့။ ငါးသိန်းသော သံဃာတော်တွေကို လက်မှတ်ထိုးခိုင်းမယ်ဆိုရင် ပီနန်ဆရာတော်ဘုရားကြီးကို
လှူစေချင်ပါတယ်ဆိုပြီး လက်မှတ်ထိုးမယ့်သံဃာတော်တွေက ၉၉.၉၉ ရာခိုင်နှုန်း
ရှိတယ်။

ဇော်မင်းထွန်း
အတွဲ (၂) အမှတ်စဉ် ၁၈၊ သည်လေဒီးစ် နယူးစ်ဂျာနယ်။

ကမ္ဘာပေါ်မှာက ရွေးကောက်ပွဲ စနစ်တွေ များသလိုပရိယာယ် မာယာတွေလည်းများလှသည်။ မဲ ဆန္ဒနယ်မြေရွေးချယ်တာ၊နယ် နိမိတ် သတ်မှတ်တာကိုက ပညာတစ်ရပ်ဖြစ်သည်။ PR စနစ်ကိုကျင့် သုံးလိုက်တာနဲ့  လွှတ်တော် ထဲက နှစ်ဆယ့်ငါးရာခိုင်နှုန်းသောတပ်မတော် ကိုယ်စားလှယ်တွေ မရှိတော့ ချေ ဟူသည့် ကလေးကလားအူကြောင်ကြောင် စိတ် ကူးမျိုးဖြင့် တော့ နိုင်ငံရေးမှာ ၀င် မကစားစေချင်။၂၅% ကိစ္စ က ဖွဲ့ စည်းအုပ်ချုပ်ပုံအခြေခံဥပဒေမပြင် မချင်းဘာမှ ဖြစ်လာမည် မဟုတ်။PR ကတော့ ရွေးကောက်ပွဲ ကော် မရှင် ကိစ္စ သက်သက်သာဖြစ်၏။နိုင်ငံရေးမှာ (လေနဲ့ဝမ်း)တော့ ကွဲကြစေချင်သည်။PR နှင့် ၂၅% သောတပ်မတော် ကိုယ်စားလှယ် တို့ ဘယ်လိုမှ ဆက်စပ်မရ။ဒါကိုဇွတ် အတင်းတွေ ဆွဲစေ့ နေကြတာတော့ မသင့်တော်။

ကမ္ဘာပေါ်မှာ PR စနစ်ကို ကျင့်သုံးသော နိုင်ငံတွေ အများအပြား ရှိပါသည်။ နိုင်ငံရေးအရ အတော် အတန် တီးမိခေါက်မိသူများ၊ နားလည်သူများ၊ လူလည်ကျချင်သူများ၊ နိုင်ငံရေးကို ကောင်းကောင်း လှည့်ဖျားချင်သူများ PR ကို ကလဖန်ထိုးလေ့ရှိ၏။

ဆိုပါတော့ party list PRခေါ် ပါတီက ထုတ်ပြန်သော စာရင်းအတိုင်း မဲပေးရသည့် စနစ်မှာပင်လျင် (၁)စာရင်းအပိတ် (၂)စာရင်းအဖွင့် နှင့် (၃)စာရင်းအရှင်တို့ဖြစ်သည်။

စာရင်းအပိတ်

ဆိုတာကတော့ ရှင်းသည်။ ပါတီခေါင်းဆောင် တွေက စာရင်းကို ကိုင်ထားသည်။ လွယ်လွယ်ပြောရလျင် ပါတီခေါင်းဆောင်တွေက အခရာ ဖြစ်သည်။ မဲပေးသူ ပြည်သူကိုယ်တိုင်က ဘယ်ကိုယ်စားလှယ်ကို ရွေးရမှန်းမသိ။ ပါတီကိုသာ မဲပေးလိုက်ရ၏။ ပါတီကရလာသော မဲအရေအတွက်ကို မူတည်ပြီး ကိုယ်စားလှယ်တွေကို နေရာပြန်ချခြင်းပင်။ ဒါကိုက တကယ့် အာဏာရှင် ဆန်လွန်းနေသည်။ ပါတီခေါင်းဆောင်တွေရဲ့ လက်ထဲမှာ (လွှတ်တော် ထဲကထိုင်ခုံစာရင်း) ကိုကိုင်ထားသလို ဖြစ်နေသည်။ ပြည်သူတွေက ဘာမှ သိခွင့်မရှိ။ ပြည်သူတွေက ဘာဆိုဘာမှ ဆုံးဖြတ် နိုင်ခွင့်မရှိ။ ပြည်သူ့ ဆန္ဒ ကိုမျက်ကွယ်ပြုလွန်း၏။

စာရင်းအဖွင့်
ဆိုတာကတော့ နည်းနည်းတော်သေးသည်။ ပါတီကလျာထားသည့် ကိုယ်စားလှယ်စာရင်းကို ပြည်သူက မဲပေးရတာဖြစ်၏။ သည်နေရာမှာ ပြသနာတစ်ခုတော့ရှိသည်။ ဆိုပါတော့ တူမောရိုးပါတီ က လျာထားသော ကိုယ်စားလှယ်စာရင်း(၉)ဦးကို ထုတ်ပြန်ထား၏။ အမှတ်စဉ် (၁)မှ (၉)အထိ အစဉ်အတိုင်းဖြစ်သည်။ ပါတီက သဘောကျသည့်အတိုင်း အမည်စာရင်းကို နံပါတ်စဉ် ထိုးပေးထားခြင်းပင်။

သည်မှာ ပြသနာက စလေပြီ။ပြည်သူက နံပါတ်စဉ်(၁)က လူထက် နံပါတ်စဉ် (၆)က လူကိုပိုကြိုက်သည်။ ဘယ်လိုလုပ်ကြမလဲ။ ပါတီက အခရာလား၊ ပြည်သူက အခရာလား။ ပြည်သူက ရွေးကောက်တင်မြှောက်သူသာ ပြည်သူ့ကိုယ်စားလှယ် ဖြစ်ရမည် ဆိုလျင် သည်စနစ်ကို ပြင်ကြရပေတော့မည်။ သို့ဖြင့် Cumulationခေါ်သည့် မဲပေးပုံတစ်မျိုး ပေါ်ပေါက်လာရတော့၏။ ဒါကတော့ ရှင်းသည်။ ပြည်သူတစ်ယောက်က မဲတစ်ခါပေးလျင် သုံးမဲအထိ ပေးပိုင်ခွင့်ရှိသည်။ ကိုယ် အကြိုက်ဆုံးလူကို ၃မဲ။ နည်းနည်းကြိုက်လျင် ၂မဲ။ သိတ်မကြိုက်ပေမဲ့ တစ်ယောက်တော့ မဖြစ်မနေ ရွေးပေးရမည် ဆိုလျင် တစ်မဲစသဖြင့် ပေးရတော့သည်။ ဒါကိုလဲ သိပ်ဘ၀င်မကျသူတွေက နောက် တစ်မျိုးတင်သွင်းလာသည်။ STV ခေါ် single tramsferable vote ဟုခေါ်သည်။ ပြည်သူတွေက ကိုယ့်မဲကို ပထမ ဦးစားပေး၊ ဒုတိယ ဦးစားပေးဆိုပြီး နှစ်မဲရွေးပေးခဲ့ရခြင်း ဖြစ်သည်။ ဆိုလိုတာက ကိုယ်ကြိုက်သည့် ကိုယ်စားလှယ်မှာ ဦးသက်ဇော် ဟုဆိုပါတော့။ ကိုယ့်ကိုယ်စားလှယ်က လွှတ်တော် ထဲသွားဖို့ လုံလောက်သော မဲအရေအတွက် ပြည့်မှီသွားခဲ့လျင် ပိုနေသည့် မဲတွေကို ဒုတိယ ဦးစားပေး မဲရသည့်နောက် ကိုယ်စားလှယ် ဒေါ်မေဇော်ဆီသို့  မဲလွှဲပြောင်းပေးလိုက်ရခြင်း ဖြစ်သည်။ ဒါမှမဟုတ် ပထမဦးစားပေး ဖြစ်သည့်  ဦးသက်ဇော် က ပြည့်မှီသောမဲအရေအတွက် မရခဲ့သော် မဲအကုန်လုံးကို ဒုတိယ ဦးစားပေးဖြစ်သည့် ဒေါ်မေဇော် ဆီသို့ လွှဲပေးလိုက်ရခြင်း ဖြစ်သည်။ သို့သော် လွှဲပေးပုံ လွှဲပေးနည်း ရှိသေးသည်။ တွက်နည်းဟုဆိုပါစို့။

(မဲစုစုပေါင်း ÷ ကိုယ်စားလှယ် အရေအတွက်+၁) + ၁ = ရွေးချယ်ခံရရန် လိုအပ်သော မဲအရေအတွက်
အထက်က ပုံသေနည်းအတိုင်း နမူနာတွက်ရမည် ဆိုလျင် ရန်ကုန်တိုင်း ဒေသကြီး မဲဆန္ဒနယ်မြေ အမှတ်(၁) အတွက် ကိုယ်စားလှယ် လေးနေရာ လိုအပ်သည် ဆိုပါစို့။ ထိုနယ်မြေ အတွင်းမှာ မဲပေးသည့် စုစုပေါင်း မဲအရေအတွက်က ၁၀၂၀၀ ဖြစ်ခဲ့လျင် ကိုယ်စားလှယ် တစ်ယောက် အရွေးချယ် ခံရဖို့  လိုအပ်သည့် မဲအရေအတွက်ကို ပုံသေနည်းဖြင့် တွက်ချက်နိုင်ပါသည်။

(၁၀၂၀၀/ ၄+၁)+၁=၂၀၄၁

ထို့ကြောင့် ရန်ကုန် တိုင်းဒေသကြီး မဲဆန္ဒနယ်မြေ အမှတ်(၁)မှာ ရွေးချယ်ခဲရဖို့  ကိုယ်စားလှယ် တစ်ယောက် အနေဖြင့် ၂၀၄၁ မဲရဖို့  လိုအပ်လေသည်။ သို့ဆိုလျင် Tomorrow ပါတီမှ ဦးသက်ဇော်က ၂၀၄၁မဲဖြင့် အရွေးခံလိုက်ရချေပြီ။ သူ့မှာပိုနေသော မဲတွေ ရှိနေပါက ဒုတိယ ဦးစားပေးဖြစ်သော ဒေါ်မေဇော်ထံသို့  ပိုနေသည့် မဲမှန်သမျှ လွှဲပေးလိုက်ဖို့သာဖြစ်၏။

နမူနာ ဖော်ပြပါမည်။ မဲဆန္ဒနယ်မြေ အမှတ်(၁)တွင် ၀င်ရောက် ယှဉ်ပြိုင်သူ ကိုယ်စားလှယ် ၆ ဦးရှိပြီး သူတို့ ရရှိသည့် မဲအရေအတွက်မှာအောက်ပါအတိုင်းဖြစ်၏။

၁။ဦးသက်ဇော်-၃၃၇၀
၂။ဒေါ်မေဇော်-၁၉၀၁
၃။ဦးဝဏ-၁၄၄၀
၎။ဦးကျော်စွာမြင့်-၁၄၀၆
၅။ဒေါ်သဲစုလှိုင်-၁၀၅၀
၆။ဦးစိုးပိုင်မြင့်-၁၀၂၃

သို့ဆိုလျင် လိုအပ်သော မဲအရေအတွက် ၂၀၄၁ မဲကိုပြည့်မှီသူမှာ ဦးသက်ဇော် တစ်ဦးတည်းသာ ရှိနေလေသည်။ လိုအပ်သော ကိုယ်စားလှယ် အရေအတွက်က လေးနေရာ ဖြစ်သဖြင့် နောက်ထပ် ၃ ဦး ထပ်မံရွေးချယ် ရတော့မည်။ သည်တော့ ဦးသက်ဇော် ဆီက ပိုနေသော မဲတွေကို ဦးစားပေး အစီအစဉ် အတိုင်း ကျန်သူတွေဆီ ခွဲဝေပေးရပေတော့မည်။
ဦးသက်ဇော်၏ မဲစာရင်းထဲတွင် ဦးစားပေး အစီအစဉ်အတိုင်း မဲရထားသူများမှာ
၁။ဒေါ်မေဇော်-၁၅၂၆
၂။ဦးဝဏ-၁၇၉
၃။ဦးကျော်စွာမြင့်-၁၂၁၆
၎။ဒေါ်သဲစုလှိုင်-၄၀
၅။ဦးစိုးပိုင်မြင့်-၄၄၉တို့ ဖြစ်၏။

ဦးသက်ဇော်ထံမှ ပိုနေသော မဲအရေအတွက်က (၃၃၇၀-၂၀၄၁)=၁၃၂၉ မဲ ဖြစ်လေသည်။ ထို ၁၃၂၉ မဲကို ဦးစားပေး အစီအစဉ်လိုက်ကာ ခွဲပေးရမည် ဆိုလျင် အောက်ပါအတိုင်း ပုံသေနည်းဖြင့် တွက်ချက် ရပါသည်။
ဒေါ်မေဇော် အတွက် တွက်ချက်မည်ဆိုလျှင် (ပိုမဲ(၁၃၂၉)ဦးသက်ဇော် ရသောမဲ (၃၃၇၀) x ဒေါ်မေဇော် ရသည့် ဦးစားပေးမဲ(၁၅၂၆)=၅၉၄ မဲ ဖြစ်လေသည်။ ထို့ကြောင့် ဒေါ်မေဇော်မှာ မူလမဲ ၁၉၀၁ မဲနှင့် ထပ်မံလွှဲပြောင်းပေးသောမဲ ၅၉၄မဲ ပေါင်းလိုက်သော် စုစုပေါင်း ၂၄၉၅ မဲရသဖြင့် ရွေးချယ်ခံသွားရတော့၏။

ထိုနည်းအတိုင်း ကျန်ကိုယ်စားလှယ်များကိုပါ တွက်ချက်ကြည့်သော်

ဦးဝဏ္ဏ-၁၄၄၀+၇၀=၁၅၁၀ (အရွေးချယ် မခံရချေ)
ဦးကျော်စွာမြင့်-၁၄၀၆+၄၇၄=၁၈၈၀ (အရွေးချယ် မခံရချေ)
ဒေါ်သဲစုလှိုင်-၁၀၅၀+၁၆=၁၀၆၆ (အရွေးချယ် မခံရချေ)
ဦးစိုးပိုင်မြင့်-၁၀၂၃+၁၇၅=၁၁၉၈ (အရွေးချယ် မခံရချေ)
သည်တော့ လိုနေတာက ကိုယ်စားလှယ် လေးဦး။ ယခုရထားတာက ဦးသက်ဇော် နှင့် ဒေါ်မေဇော် နှစ်ဦးသာ ရှိသေးသဖြင့် နောက်ထပ် နှစ်ဦးကို ထပ်မံရွေးချယ် ရပေဦးမည်။ ထိုအခါ ဒေါ်မေဇော် ထံတွင် မဲမည်မျှ ပိုနေသနည်း။ တွက်ရပေဦးမည်။ ပိုမဲကား ၄၅၄ မဲရှိနေသည်။ ထိုအခါ အထက်တွင် ဖော်ပြခဲ့သော ပုံသေနည်းအတိုင်း ထပ်မံ တွက်ချက်ကာ လေးဦး မပြည့်မချင်း ရွေးချယ်ရပေမည်။

ချစ်စွာသော စာဖတ်သူ ခင်ဗျာ။ သည်တစ်နည်းထဲနှင့်ပင် သည်လောက် ယောက်ယက် ခတ်နေသော စနစ်နှင့် မဲအများဆုံးရသူ နိုင်သောစနစ် ဘယ်ဟာက ပိုလွယ်မည် ဆိုသည်ကို မိမိ၏ သဘောရိုးဖြင့်သာ စဉ်းစားကြစေချင်ပါသည်။

ကျွန်တော် တင်ပြခဲ့သော ထိုနည်းကို အသုံးပြုသည့် နိုင်ငံများမှာ သြစတြေးလျ နိုင်ငံရှိ နယူးဆောက်သ်ဝေး၊ တောင်သြစတေလျ၊ အနောက် သြစတေးလျ နှင့် ၀ိတိုရယ ပြည်နယ်များမှာ ကျင့်သုံးသည်။ တစ်နိုင်ငံလုံး အတိုင်းအတာ နှင့်တော့ မကျင့်သုံးကြချေ။ အိုင်ယာလန် (မြောက်ပိုင်း)။ နယူးဇလန်၊ စကော့တလန် ၊မော်လ်တာ နှင့် အိန္ဒိယတို့တွင် သည်စနစ်ကို ကျင့်သုံးနေပါသည်။ ဂျာမနီ၊ မက္ကစီကို၊ လီဆိုသို၊ ဘိုလီဗီယားတို့ လို နိုင်ငံတွေမှာတော့ MMP ခေါ် Mixed member proportional representationခေါ် အရောအပေါင်း ကိုယ်စားပြု စနစ်ကိုသုံးသည်။ ဒါလဲသိပ်တော့ ရှင်းရှင်းလင်းလင်းမဟုတ်။ ပြည်သူတစ်ယောက်က မဲ နှစ်မဲပေးရသည်။ ဆိုပါတော့ မန္တလေး မဟာအောင်မြေ မြို့နယ်တွင် နေထိုင်သူ ပြည်သူတစ်ဦးဖြစ်သည့် ဒေါ်ခင်ရူပါက မဟာအောင်မြေ မဲဆန္ဒနယ် အတွက် (၁)ကိုယ်စားလှယ် တစ်ဦး နှင့် (၂)ပါတီတစ်ခုတို့ ကို မဲပေးရွေးချယ် ရပေမည်။

ကိုယ်စားလှယ် မဲအများဆုံးရသူက ထိုမဟာအောင်မြေ မဲဆန္ဒနယ် အတွက် အရွေးချယ် ခံရမှာ ဖြစ်သလို မဲအများစုရသည့် ပါတီကလည်း လွှတ်တော်ထဲမှာ ခွဲတမ်းစနစ်ဖြင့် နေရာ ရပေလိမ့်မည်။ နောက်တစ်နည်းမှာတော့ SV ခေါ် supplementary voteဟု ခေါ်ဝေါ်ကြသည့် အပိုဆောင်းပေးသော မဲစနစ်ကို သုံးကြပြန်ပါသည်။

ဆိုပါတော့ မဟာအောင်မြေ မဲဆန္ဒနယ်အတွက် ၀င်ပြိုင်သည့် ကိုယ်စားလှယ်က ၄ ဦး ။ မဲစုစုပေါင်းက ၅၀၀၀။ ကိုယ်စားလှယ် တစ်ယောက်ချင်းအလိုက် မဲရရှိပုံက အောက်ပါအတိုင်းဖြစ်သည်။


ဦးမောင်မောင်-၁၉၈၀
ဒေါ်နီနီ-၁၇၂၀
ဦးဝင်းအောင်-၁၀၀၄
ဦးစော-၂၉၆

တကယ်တမ်းဆိုလျင် စုစုပေါင်းမဲ ၅၀၀၀၏ တစ်ဝက် မဲပေါင်း ၂၅၀၀+၁=၂၅၀၁ မဲရမှသာ အရွေးခံရပေမည်။ ခုတော့ လေးယောက်လုံး တစ်ယောက်မှ အရွေးမခံရချေ။ ထိုအခါ မဲအနည်းဆုံးရသည့် ဦးစော၏ စာရင်းကို ပြန်ကြည့်ရမည်။ ဦးစော၏ မဲစာရင်းထဲတွင် ဒုတိယ ဦးစားပေးမဲများကို ရေတွက်ပြီး ကျန်ကိုယ်စားလှယ် သုံးဦးဆီသို့  သွားပေါင်းပေးရတော့ပေမည်။

ဦးမောင်မောင်-၁၉၈၀+၁၀၂=၂၀၈၂
ဒေါ်နီနီ-၁၇၂၀+၁၈၆=၁၉၀၆
ဦးဝင်းအောင်-၁၀၀၄+၈=၁၀၁၂

ယခုအချိန်ထိ ကိုယ်စားလှယ် တစ်ယောက်မှ ၂၅၀၁မဲ မပြည့်သေးသဖြင့် တစ်ယောက်မှ အရွေးမခံရပေ။ ထို့ ကြောင့် မဲအနည်းဆုံးရသော ဦးဝင်းအောင်၏ မဲစာရင်းထဲမှ ဒုတိယ ဦးစားပေးတို့ကို ထပ်ရှာရပြန်ပါသည်။ ထိုအခါ အောက်ပါအတိုင်း ဖြစ်သွားလေတော့သည်။

ဦးမောင်မောင်-၂၀၈၂+၂၁၂=၂၂၉၄
ဒေါ်နီနီ- ၁၉၀၆+၉၀၀=၂၈၀၆

ထို့ကြောင့် ၂၅၀၁ မဲပြည့်မှီသွားသည့် ဒေါ်နီနီ အရွေးချယ် ခံလိုက်ရတော့၏။ သည်တော့ ရွေးကောက်ပွဲမှာ မဲပေးရုံမျှ နှင့်မပြီးချေ။ တွက်ရချက်ရ တာတွေပါလာပြီ။ ထို့ပြင် ဒုတိယဦးစားပေးတွေ ထပ်ရှာရဦးမည်။ မည်မျှ မှန်ပြီး မည်မျှ တရားမျှတ မှန်းမသိနိုင်။ သည်အတိုင်းမဲများသူ အကုန်နိုင် ဆိုသည့် ရိုးရိုးစနစ်မှာတောင် ကြိုတင်မဲတွေ၊ ဖယောင်းမဲတွေ နှင့် တော်တော် ဇယားရှုပ်ခဲ့သည့် ကျွန်တော်တို့ တိုင်းပြည်မှာ ကော်မရှင်ကို ဘယ်အတိုင်းအတာ အထိ ယုံကြည့်ရမည်နည်း။ စောင့်ကြည့် အကဲခတ်ဖို့ တောင် အနိုင်နိုင် လုပ်နေရသည့် ကျွန်တော်တို့ တိုင်းပြည်မှာ(မဲမသမာမှု)တွေ ပိုများလာအောင် တွန်းအားပေးသလို ဖြစ်သွားမှာ စိုးရိမ်ပါသည်။

ထို့ကြောင့် ကျွန်တော်တို့က မေတ္တာရပ်ခံလိုပါသည်။ တိုင်းသူပြည်သားများ၏ မျက်နှာကို ထောက်သော အားဖြင့် တိုင်းပြည် တိုးတက်ကြီးပွားအောင်၊ ချမ်းသာအောင်၊ ပြည်သူတွေ အခြိမ်းချောက် မခံရအောင်၊ စိတ်ချလက်ချ အိပ်ယာထဲမှာ အိပ်နိုင်အောင်၊ ပြည်သူတွေ ဘ၀ လုံခြုံအောင်၊ လွှတ်တော် အမတ်မင်းများက လွှတ်တော်ထဲမှာ ဆွေးနွေးပြီး အဖြေထုတ်ပေးကြပါ။ ဘာဆိုဘာမှ အရေးမကြီးသည့်၊ တိုင်းသူပြည်သားတွေကိုလည်း အာရုံနောက်စေမည့် PR ကိုတော့ ကြောင်အိမ်ထဲမှာသာ သိမ်းလိုက်ကြပါလို့ ပြောလိုက်ပါရစေ။
ဇာဂနာ
( Tomorrow သတင်းဂျာနယ်အမှတ်(၁၆)ပါ ဆောင်းပါး )
Kyaw Swar Myint

တစ်ကမ္ဘာလုံးမှာကမ္ဘာ့ဖလားဘောလုံးပွဲတွေကို တိုက်ရိုက်အားပေးကြည့်ရှုနေတဲ့ အချိန်မှာ မြန်မာနိုင်ငံက ဘောလုံးချစ်တဲ့ ပြည်သူအများစု ဟာ ကမ္ဘာ့ဖလားဘောလုံးပွဲတွေ ကိုကြည့်နိုင်ဖို့၊ လဘက်ရည်ဆိုင်တွေ၊ ဘီယာဆိုင်တွေ နဲ့ စားသောက်ဆိုင်တွေဆီမှာ သွားရောက်ကြည့်ရှုနေကြရပါတယ်။ ကမ္ဘာ့ဖလားဘောလုံးပွဲဟာ မြန်မာ့ဘော်လုံးပရိသတ်ရဲ့ အသည်းစွဲပွဲတွေထဲမှာ တစ်ခုအပါအ၀င်ဖြစ်ပါတယ် အမှတ်ပေးပွဲတွေကို မလွတ်တမ်းကြည့်နေတဲ့ မြန်မာဘောလုံးပရိသတ်အတွက် လေးနှစ်တစ်ကြိမ် ကမ္ဘာ့ဖလားဘောလုံးပွဲဟာ အတော့်ကို ရင်ခုန်လှုပ်ရှားစေတဲ့ပွဲတွေဖြစ်ပါတယ် ၂၀၁၄ ခုနှစ် ကမ္ဘာ့ဖလားဘောလုံးပွဲတွေကို ဘရာဇီးလ်နိုင်ငံမှာ ကစားနေတဲ့အချိန်မှာ မြန်မာ့ဘောလုံးပရိသတ်တွေဟာ ကိုယ့်အိမ်တွေကနေ တိုက်ရိုက်မကြည့်နိုင်တာ၊ အများသူငါအခမဲ့ကြည့်နိုင်မယ့် ရုပ်မြင်သံကြားလိုင်းတွေကနေ တိုက်ရိုက်မပြသနိုင်တာဟာ အတော့်ကို ရှက်စရာကောင်းတဲ့ကိစ္စပါ။

ဒီမိုကရေစီပြုပြင်ပြောင်းလဲရေးအပါအ၀င် ပြုပြင်ပြောင်းလဲရေးတွေ တသီတသန်းကြီးနဲ့ ခရီးဆက်နေတဲ့၊ အစိုးရသစ်၊ ၀န်ကြီးအဖွဲ့သစ်တွေနဲ့ မြန်မာနိုင်ငံအစိုးရအနေနဲ့ ကိုယ့်နိုင်ငံရဲ့ ပြည်သူလူထုအများစုကြီးအတွက်၊ ကိုယ့်အိမ်မှာ အခမဲ့ရုပ်သံလိုင်းကနေ အနည်းဆုံးတစ်နေ့တစ်ပွဲတောင် တိုက်ရိုက်ကြည့်နိုင်ဖို့ မစွမ်းဆောင်နိုင်တာကို ပြော
တာပါ ဘောလုံးပွဲကိုစွဲမက်တဲ့ မြန်မာဘောလုံးပရိသတ်တွေ တစ်နေ့သုံးပွဲထဲက တစ်ပွဲကိုတောင် အိမ်မှာ၊ အခမဲ့ရုပ်သံလိုင်းကနေ မကြည့်နိုင်တာ အစိုးရအပေါ်မှာ တာဝန်ရှိတယ်လို့ကို ပြောနိုင်ပါတယ်။

၂၀၁၄ ခုနှစ် ကမ္ဘာ့ဖလားဘောလုံးပွဲ၊ ပွဲစဉ်အားလုံးကို SKY NET ရုပ်သံလိုင်းကနေ တိုက်ရိုက်ထုတ်လွှင့်ပြသနေလို့၊ အစိုးရပိုင်၊ အခမဲ့ကြည့်နိုင်
မယ့် ရုပ်သံလိုင်းကနေ တိုက်ရိုက်မပြနိုင်တာကတော့ အတော့်ကို မျက်နှာပျက်စရာပါ အနည်းဆုံး ည ၁၀ နာရီ ပတ်ဝန်းကျင်ပွဲကို တိုက်ရိုက်ကြည့်ရှု့နိုင်အောင် အစိုးရနဲ့
SKY NET အနေနဲ့ ညှိနှိုင်းဆွေးနွေးပြီး၊ အမြန်ဆုံးတိုက်ရိုက်ပြသနိုင်အောင် ဆောင်ရွက်နိုင်မယ်ဆိုရင် မြန်မာဘောလုံးပရိသတ်တွေအတွက်တော့ ၀မ်းမြောက်ဝမ်းသာစရာဖြစ်မှာပါ။
အားကစားဝန်ကြီးဋ္ဌာနမှာလည်း တာဝန်ရှိပါတယ် ကမ္ဘာ့ဖလားဘောလုံးပွဲရဲ့ ပွဲစဉ်တိုင်းဟာ ဘောလုံးအရသာအပြည့်ရှိတဲ့ပွဲတွေပါ် ရှုံးထွက်ပွဲမှ ကောင်းတာမဟုတ်ဘူးဆိုတာကို နားလည်သဘောပေါက်ဖို့လိုပါတယ်။

မြန်မာနိုင်ငံဘောလုံးအဖွဲ့ချုပ်မှာလည်း တာဝန်ရှိပါတယ် အဲဒီလိုပြသနိုင်အောင် ရက်ပိုင်းအတွင်း စီစဉ်ပေးဖို့ ကောင်းပါတယ် ကမ္ဘာ့ဖလားဘောလုံးပွဲကို တိုက်ရိုက်ကြည့်ရှုခွင့်ဟာ မြန်မာနိုင်ငံမှာ လူတစ်စုအတွက်သာ ဖြစ်နေမယ်ဆိုရင် မဖြစ်သင့်ဘူးလို့ထင်ပါတယ် ပြည်သူလူထုအများစုကြီးရဲ့အိမ်
မှာ SKY NET မရှိပါဘူး သူတို့အိမ်က တီဗွီတွေမှာ MRTV, MRTV 4 စတဲ့ အခမဲ့လိုင်းတွေပဲရှိကြတာပါ။ အဲဒီတော့ အခမဲ့လိုင်းတွေကနေ အုပ်စုပွဲတွေထဲက အစောဆုံးပွဲကို ကြည့်ခွင့်ရမယ်ဆိုရင် မဆိုးဘူးလို့မြင်မိပါတယ်။

တကယ်လို့ အဲဒီလို အများပြည်သူကို ကမ္ဘာ့ဖလားဘောလုံးပွဲ တိုက်ရိုက်ကြည့်ဖို့၊ အစိုးရနဲ့SKY NETအနေနဲ့ ပူးပေါင်းမဆောင်ရွက်နိုင်ဘူးဆိုရင် ပြည်သူလူထုအနေနဲ့ SKY NET ကိုရော၊ အစိုးရကိုရော စိတ်ထဲကနေတေးမှတ်ထားကြမယ်ထင်ပါတယ် အဲဒီလိုမပြနိုင်တာမှာ အဓိကကျတာကတော့ SKY NET နဲ့ အစိုးရ၀န်ကြီးဋ္ဌာနပဲဖြစ်ပါတယ် အခါအခွင့်သင့်တဲ့အခါမှာ ပြည်သူလူထုအနေနဲ့၊ SKY NET ကိုဖြစ်စေ၊ အစိုးရကိုဖြစ်စေ၊ သူတို့တေးမှတ်ထားတာတွေကို ဖွင့်ချပြနိုင်မယ့် အခွင့်အရေးရလာမယ်လို့ ထင်ပါတယ်။

အဲဒီလိုအခွင့်အရေးရလာတဲ့ အခါကျရင်တော့ SKY NET ကိုရော၊ ၀န်ကြီးဋ္ဌာနကိုရော၊
ဘောလုံးအဖွဲ့ချုပ်ကိုရော သပိတ်မှောက်ဆန့်ကျင်ကြဖို့ မေ့သွားကြမယ်လို့တော့ မထင်ပါဘူး။

လေးစားလျက်-

ဒေါက်တာရန်မျိုးသိမ်း

ရန်ကုန်၊ မြန်မာ


ဆန္ဒပြခွင့်တောင်းစရာမလိုဘဲ ဆန္ဒပြနိုင်မယ့် ပုဒ်မ ၁၈ ပြင်ဆင်ချက် အသက်ဝင်လာမယ့်အချိန်မှာ နိုင်ငံရေး လှုပ်ရှားတက်ကြွတဲ့ ကိုထင်ကျော်ကို တောင်ဥက္ကလာ တရားရုံးက အလုပ်ကြမ်းနဲ့ ထောင်ဒဏ် ၆လ အမိန့်လိုက်ပါပြီ။ သူ့ကို မြန်မာအစိုးရက ဘာ့ကြောင့်တရားစွဲ ထောင်ချခဲ့တာလဲ။

မီတာခတိုးမြှင့်ကောက်ခံတာကို ဆန့်ကျင်ပြီး ပြည်သူတွေရဲ့ ကြပ်တည်းဆင်းရဲမှုကြောင့် အစိုးရကို အလိုမရှိ၊ အယုံအကြည်မရှိဆိုတဲ့ စာရွက်တွေ ဖြန့်ခဲ့လို့ ကိုထင်ကျော်ကို မြန်မာအစိုးရက စွဲချက်တွေ မရအရ ရှာတင်ပြီး ထောင်ချလိုက်တယ်လို့ သူ့ရဲ့ဇနီးက ပြောပါတယ်။

အခုလို သူ့အပေါ် ထောင်ဒဏ်ချမှတ်တာကို စိတ်မဝင်စားသလို တရားရုံးကို အစိုးရက နောက်ကွယ်က ထိန်းချုပ်နေတယ်လို့ သူက ယူဆတယ်လို့ ကိုထင်ကျော်က ပြောပါတယ်။ လက်ရှိအစိုးရဟာ ပြည်သူ့အကျိုးကိုလည်း မကြည့်သလို ကြည်ညိုစရာလည်း မရှိလို့ ဖယ်ရှားပေးဖို့ လွှတ်တော်မှာ တာဝန်ရှိတယ်လို့ ဆိုပါတယ်။

ကိုထင်ကျော်ကို မြန်မာအစိုးရက နိုင်ငံတော်အကြည်ညိုပျက်စေမှု ပုဒ်မ ၅ဝ၅(ခ)နဲ့ စွဲဆိုခဲ့တာကြောင့် လက်ရှိအစိုးရဟာ အာဏာရှင်အစိုးရလို့ မပြောရုံတမယ်ဖြစ်နေပြီး သူတို့ဖြန့်ဝေခဲ့တဲ့ အကြောင်းအရာတွေက ပြည်သူတွေရဲ့ဖြစ်ရပ်မှန်ဖြစ်သလို ပုဒ်မ ၅ဝ၅(ခ)နဲ့လည်း မငြိစွန်းဘူးလို့ ကိုနောင်နောင်က ပြောပါတယ်။

အမိန့်ချမှတ်ပြီးချိန်မှာတော့ ကိုထင်ကျော်နဲ့ သူ့အဖွဲ့ဝင်တွေဟာ ကုန်ဈေးနှုန်းတက်အောင်လုပ်တဲ့၊ လူ့အခွင့်အရေးချိုးဖောက်တဲ့၊ ဘာသာရေး လူမျိုးရေး ရန်တိုက်ပေးတဲ့ အစိုးရကို အလိုမရှိလို့ ကြွေးကြော်ခဲ့ကြပါတယ်။ ကိုထင်ကျော်ရဲ့ အမှုတွဲဖြစ်တဲ့ ဦးဇော်ဝင်းနဲ့ ကိုတင်မောင်ကြည်ကို မင်္ဂလာတောင်ညွန့် တရားရုံးမှာ အမိန့်ချဖို့ရှိပါတယ်။
Kamayut Media

Author Name

Contact Form

Name

Email *

Message *

Powered by Blogger.