07/15/14

ယခင် ကကလှမ်း (စစ်ထောက်လှမ်းရေး) ၏ သတင်းစာရှင်းလင်းပွဲတစ်ခုအား အစိုးရသတင်းစာတွင် ဖော်ပြခဲ့မှုနှင့် ဇူလိုင် ၁၂ ရက်က MPC ၌ ပြုလုပ်သည့် သမ္မတနှင့် အနုပညာရှင်များတွေ့ဆုံပွဲ မြင်ကွင်းတစ်ခု - See more at: http://news-eleven.com/politic/%E1%80%80%E1%80%80%E1%80%9C%E1%80%BD%E1%80%99%E1%80%B9%E1%80%B8%E1%80%94%E1%80%B2%E1%82%94-mpc#sthash.DsgLh86n.dpuf
ယခင် ကကလှမ်း (စစ်ထောက်လှမ်းရေး) ၏ သတင်းစာရှင်းလင်းပွဲတစ်ခုအား အစိုးရသတင်းစာတွင် ဖော်ပြခဲ့မှုနှင့် ဇူလိုင် ၁၂ ရက်က MPC ၌ ပြုလုပ်သည့် သမ္မတနှင့် အနုပညာရှင်များတွေ့ဆုံပွဲ မြင်ကွင်းတစ်ခု - See more at: http://news-eleven.com/politic/%E1%80%80%E1%80%80%E1%80%9C%E1%80%BD%E1%80%99%E1%80%B9%E1%80%B8%E1%80%94%E1%80%B2%E1%82%94-mpc#sthash.DsgLh86n.dpuf
 ယခင် ကကလှမ်း (စစ်ထောက်လှမ်းရေး) ၏ သတင်းစာရှင်းလင်းပွဲတစ်ခုအား အစိုးရသတင်းစာတွင် ဖော်ပြခဲ့မှုနှင့် ဇူလိုင် ၁၂ ရက်က MPC ၌ ပြုလုပ်သည့် သမ္မတနှင့် အနုပညာရှင်များတွေ့ဆုံပွဲ မြင်ကွင်းတစ်ခု
ယခင် ကကလှမ်း (စစ်ထောက်လှမ်းရေး) ၏ သတင်းစာရှင်းလင်းပွဲတစ်ခုအား အစိုးရသတင်းစာတွင် ဖော်ပြခဲ့မှုနှင့် ဇူလိုင် ၁၂ ရက်က MPC ၌ ပြုလုပ်သည့် သမ္မတနှင့် အနုပညာရှင်များတွေ့ဆုံပွဲ မြင်ကွင်းတစ်ခု - See more at: http://news-eleven.com/politic/%E1%80%80%E1%80%80%E1%80%9C%E1%80%BD%E1%80%99%E1%80%B9%E1%80%B8%E1%80%94%E1%80%B2%E1%82%94-mpc#sthash.DsgLh86n.dpuf
ယခင် ကကလှမ်း (စစ်ထောက်လှမ်းရေး) ၏ သတင်းစာရှင်းလင်းပွဲတစ်ခုအား အစိုးရသတင်းစာတွင် ဖော်ပြခဲ့မှုနှင့် ဇူလိုင် ၁၂ ရက်က MPC ၌ ပြုလုပ်သည့် သမ္မတနှင့် အနုပညာရှင်များတွေ့ဆုံပွဲ မြင်ကွင်းတစ်ခု - See more at: http://news-eleven.com/politic/%E1%80%80%E1%80%80%E1%80%9C%E1%80%BD%E1%80%99%E1%80%B9%E1%80%B8%E1%80%94%E1%80%B2%E1%82%94-mpc#sthash.DsgLh86n.dpuf
 http://news-eleven.com
(၁)
ဗိုလ်ချုပ်ကြီးဟောင်းခင်ညွန့် ဦးဆောင်ခဲ့တဲ့ ကကလှမ်း (တပ်မတော်ထောက်လှမ်းရေး) က ၂ဝဝ၄ ခုနှစ်မှာ ပြိုလဲခဲ့ပါတယ်။ ၁၉၈၈ ခုနှစ်ကနေ ၂ဝဝ၄ ခုနှစ် ၁၆ နှစ်တာ ကာလအတွင်းမှာ ကကလှမ်းကို ဖိန့်ဖိန့်တုန်အောင် ကြောက်ခဲ့ရပါတယ်။ ကကလှမ်းဆိုတာနဲ့ နိုင်ငံရေးသမားတွေ၊ မီဒီယာသမားတွေ၊ စီးပွားရေးလုပ်ငန်းရှင်တွေ၊ လူမှုရေးသမားတွေ၊ အနုပညာရှင်တွေအပြင် နယ်ပယ်အသီးသီးက လူတွေဟာ ကြောက်ရွံ့ခဲ့ကြရပြီး မပတ်သက်ချင်လည်း ပတ်သက်ခဲ့ကြရပါတယ်။ ကကလှမ်းကလည်း ဒီလူတွေအားလုံးကို လွှမ်းမိုးချုပ်ကိုင်ခဲ့ပါတယ်။

ဒီလို လွှမ်းမိုးချုပ်ကိုင်ခဲ့တာနဲ့အတူ ကကလှမ်းက ဝင်ရောက်စွက်ဖက်ခဲ့တဲ့အတွက် မကင်းနိုင်ပဲ အကြောက်တရား အရိပ်မည်းအောက်မှာ နေထိုင်ခဲ့ကြရပါတယ်။

၂ဝဝ၄ ခုနှစ် ကကလှမ်း ပြိုလဲချိန်မှာ ကကလှမ်းနဲ့ပတ်သက်ပြီး အဲဒီတုန်းက နိုင်ငံတော်အေးချမ်းသာယာရေးနဲ့ ဖွံ့ဖြိုးရေးကောင်စီဝင် ဗိုလ်ချုပ်ကြီးသူရဦးရွှေမန်း (လက်ရှိ ပြည်ထောင်စုလွှတ်တော်နာယက) နိုင်ငံတော်၏ဝန်ကြီးချုပ် ဒုတိယဗိုလ်ချုပ်ကြီးစိုးဝင်း (ကွယ်လွန်) နဲ့ အတွင်းရေးမှူး-၁ ဒုတိယဗိုလ်ချုပ်ကြီးသိန်းစိန် (လက်ရှိနိုင်ငံတော်သမ္မတ) တို့ ရှင်းလင်းခဲ့ပါတယ်။

အဲဒီအချိန်မှာ သူရဦးရွှေမန်း ပြောကြားခဲ့တဲ့ စကားက ကကလှမ်းက ဥပဒေရဲ့အထက်မှာ မရှိဘူးဆိုတဲ့စကား ဖြစ်ပါတယ်။

အခု ဒီအချိန်မှာ ကကလှမ်းနဲ့ ပတ်သက်တဲ့ဟာတွေက အမှတ်ရစရာ ဖြစ်လာပါပြီ။

တစ်ချိန်တုန်းက ကကလှမ်းကို ကြောက်နေရသလို ဒီအချိန်မှာလည်း နိုင်ငံတော်သမ္မတရုံးနဲ့ မြန်မာ့ငြိမ်းချမ်းရေးဗဟို (MPC) ဆိုရင် ကြောက်ရွံ့ရတဲ့သူတွေ ရှိနေတယ်ဆိုတဲ့ သတင်းတွေ ထွက်ပေါ်နေပါတယ်။ ဒေသအချို့မှာလည်း နိုင်ငံတော်သမ္မတရုံး ဒါမှမဟုတ် MPC ကလာတယ်လို့ပြောရင် အရင်ခေတ် ကကလှမ်းကို ကြောက်ရသလို ကြောက်ရတဲ့ပုံစံတွေလည်း ရှိနေတယ်လို့ သိရပါတယ်။

ဒီရက်ပိုင်း ပေါ်ပေါက်ခဲ့တဲ့ ဖြစ်စဉ်တွေကလည်း ကကလှမ်း အရိပ်မည်းကို ပြန်ပြီး အမှတ်ရစေပါတယ်။

(၂)
ဇူလိုင် ၁၂ ရက်က မြန်မာ့ငြိမ်းချမ်းရေးဗဟို(MPC) ရုံး အဝင်လမ်းထိပ်မှာ အသံတိတ် ဆန္ဒထုတ်ဖော်ခဲ့တဲ့ ဂျာနယ်လစ်တွေကို ပုဒ်မ ၁၈ နဲ့ အမှုဖွင့်လိုက်ပါတယ်။ အမှန်တော့ ဂျာနယ်လစ်တွေဟာ ကြွေးကြော်သံတွေနဲ့ စီတန်းလှည့်လည် ဆန္ဒပြခဲ့ကြတာ မဟုတ်ပါဘူး။ ဂျာနယ်လစ်တွေနဲ့ ပတ်သက်ပြီး အရေးယူမှုတွေမှာ ပြစ်မှုပြစ်ဒဏ် မမျှတာတွေ၊ ဥပဒေပြင်ပရောက်သလို ဖြစ်နေတဲ့ ဖမ်းဆီးစစ်ဆေးမှုတွေကို ထပ်မဖြစ်စေဖို့ အသံတိတ် ဆန္ဒထုတ်ဖော်ခဲ့ကြတာပဲ ဖြစ်ပါတယ်။ ဖွဲ့စည်းပုံအခြေခံဥပဒေမှာ ပါဝင်တဲ့ နိုင်ငံသားတစ်ဦးရဲ့ ရပိုင်ခွင့်တွေအတိုင်း ဆောင်ရွက်ခဲ့ကြတာ ဖြစ်ပါတယ်။

ဒါပေမဲ့ သူတို့ ပုဒ်မ ၁၈ နဲ့ အမှုဖွင့်ခံလိုက်ရပါပြီ။ ဒီဖြစ်စဉ်ရဲ့ နောက်ကွယ်မှာ မပြေးသော်ကန်ရာရှိ ဆိုသလိုMPC က ဒါရိုက်တာတချို့နဲ့လည်း ပတ်သက်နေဆိုတဲ့ ယူဆချက်တွေလည်း ထွက်ပေါ်ခဲ့ပါတယ်။

(၃)
သမ္မတနဲ့ အနုပညာရှင်တွေရဲ့ တွေ့ဆုံပွဲကို ဇူလိုင် ၁၂ ရက်မှာ ပြုလုပ်ခဲ့တယ်။ ဇူလိုင် ၁၁ ရက်မှာကတည်းက ဂျာနယ်လစ်တွေဟာ MPC မှာ သတင်းယူရင်း သူတို့သဘောဆန္ဒကို သမ္မတသိအောင် လုပ်မယ်ဆိုတဲ့ စီစဉ်မှုတွေ ရှိပြီးသားပါ။

ဒါပေမဲ့ ဇူလိုင် ၁၁ ရက်မှာပဲ MPC မှာ ဆန္ဒပြရင် ဆန္ဒပြတဲ့ မီဒီယာသမားတွေကို ထောင်ထဲပို့ပစ်မယ်ဆိုတဲ့ ခြိမ်းခြောက်သံတစ်ခု ထွက်လာပါတယ်။ MPC ရဲ့ ဒါရိုက်တာ ဦးမင်းဇော်ဦး ပြောတယ်ဆိုပြီး အသံထွက်လာတာပါ။ ဦးမင်းဇော်ဦးရဲ့ ပြောစကားကို 7Day သတင်းစာရဲ့ သတင်းထောက်ချုပ် ကိုအောင်သူရကတစ်ဆင့် ပြန်ပြောပါတယ်။ ကိုအောင်သူရဆီက သိရတယ်ဆိုပြီး ဓာတ်ပုံသတင်းထောက် ရွှေအင်းသား ခင်မောင်ဝင်းက သူ့ရဲ့ Facebook ပေါ်မှာ တင်ခဲ့ပါတယ်။

ဒီအချိန်မှာပဲ ဦးမင်းဇော်ဦးက သူ့ရဲ့Facebook မှာ ကိုယ့်ရဲ့ သတင်းရင်းမြစ်ကို ကာကွယ်ခြင်းနဲ့ ဆက်စပ်တဲ့ Status တစ်ခုကို တင်လိုက်ပါတယ်။ ဒါကြောင့်ပဲ “ဆန္ဒပြတဲ့ မီဒီယာသမားတွေကို ထောင်ထဲပို့မယ်” ဆိုတာကို ဦးမင်းဇော်ဦး တကယ်ပြောခဲ့သလားဆိုတဲ့ သံယယကို ခိုင်မာစေခဲ့ပါတယ်။ (ဇူလိုင် ၁၃ ရက်မှာ သူဒီလိုပြောတာ မဟုတ်တဲ့အကြောင်း သွယ်ဝိုက်အားဖြင့် ဦးမင်းဇော်ဦးက သူ့ရဲ့ Facebook မှာ ရှင်းခဲ့ပါတယ်။)

ဇူလိုင် ၁၂ ရက်မှာ ဂျာနယ်လစ်တွေက သူတို့စီစဉ်ထားတဲ့အတိုင်း သမ္မတသိအောင် MPC မှာ ဆန္ဒထုတ်ဖော်တယ်။ ဆန္ဒပြတဲ့ပုံစံမျိုး မဟုတ်ဘူး။ ရဲက ဝင်တားရာက ရှုပ်ထွေးမှုတွေ ဖြစ်ကုန်ပါတယ်။

နေ့လည်ပိုင်း အချိန်အထိ ရတဲ့သတင်းတွေအရ ဆန္ဒထုတ်ဖော်တဲ့ ဂျာနယ်လစ်တွေကို အမှုဖွင့်ဖို့ အစီအစဉ်အစဉ် မရှိသေးဘူး။ ညနေပိုင်းမှာတော့ ပုဒ်မ ၁၈ နဲ့အမှုဖွင့်လိုက်ပြီဆိုတဲ့ သတင်းထွက်လာတယ်။ ညပိုင်းမှာ ဒီသတင်းက သေချာခဲ့တယ်။ အမှုမဖွင့်ဖို့ မသေချာတဲ့ အခြေအနေကနေ အမှုဖွင့်ဖြစ်သွားတဲ့ အခြေအနေအတွက် အကြောင်းပြချက်တွေထဲမှာ ‘အထက်ကညွှန်ကြားချက်’ ဆိုတာ ပါဝင်ခဲ့ပါတယ်။ အထက်ဆိုတာ ဘယ်ကမှန်းတော့ မသိရပါဘူး။

(၄)
ဂျာနယ်လစ်တွေ ဆန္ဒထုတ်ဖော်တယ်ဆိုတာက မမျှတမှုတွေ ဖြစ်နေတာကို ပြောချင်တာပါ။ ယူနတီဂျာနယ်လစ်တွေ မှန်တယ်လို့ ပြောနေတာ မဟုတ်ဘူး။ ပြစ်မှုနဲ့ ပြစ်ဒဏ်မမျှတဘူးလို့ ပြောချင်တာ ဖြစ်ပါတယ်။ Bi မွန်းတည့်နေ ဂျာနယ်လစ်တွေ မှန်တယ်လို့လည်း မပြောပါဘူး။ ဒါပေမဲ့ စာနယ်ဇင်းကောင်စီကို အကြောင်းမကြားဘဲ ဝင်ဖမ်းချင်သလိုဖမ်း၊ သိမ်းချင်သလိုသိမ်းနဲ့ ဥပဒေပြင်ပဆန်ဆန် လုပ်ဆောင်တာတွေ မသင့်တော်ဘူးလို့ ပြောချင်တာပါ။

ဒီလိုပါပဲ။ Eleven Media Group နယ်သတင်းထောက် မခိုင်ကို ထောင်ချခဲ့တာ၊ DVB သတင်းထောက် ကိုဇော်ဖေကို ထောင်ချခဲ့တဲ့ အမှုတွေဟာ ငွေဒဏ်နဲ့ပြီးရမယ့် ကိစ္စတွေပါ။ အာဏာပိုင်တွေကတော့ ငွေဒဏ်နဲ့မပြီးဘဲ ထောင်ချပစ်ပါတယ်။

ဂျာနယ်လစ်တွေ ဖမ်းဆီး၊ အရေးယူ၊ ထောင်ချခံရတဲ့ ဖြစ်စဉ်တိုင်းကိုကြည့်ရင် ပြစ်မှု၊ ပြစ်ဒဏ် မမျှတတာတွေ၊ ဥပဒေပြင်ပဆန်ဆန် ဆောင်ရွက်ခံရတာကို တွေ့နေရပါတယ်။

ဒါဟာ သတင်းမီဒီယာတွေရဲ့ သတင်းလွတ်လပ်ခွင့်ကို ဖိနှိပ်ချင်တဲ့၊ ခြိမ်းခြောက်ချင်တဲ့ ပုံစံမျိုးတွေ ဖြစ်ပါတယ်။ ပြည်သူလူထုရဲ့ သတင်းသိပိုင်ခွင့်ကို ဖော်ဆောင်မယ့် ဂျာနယ်လစ်တွေ မလှုပ်ရဲအောင် လုပ်မယ်ဆိုတဲ့ ပုံစံမျိုး ဖြစ်နေပါတယ်။ အာဏာရှင်တွေရဲ့ လုပ်နည်းလုပ်ငန်းအတိုင်း သတင်းလွတ်လပ်ခွင့်ကို ဖိနှိပ်ချင်တဲ့ သဘောပါပဲ။

(၅)
ဒီရက်ပိုင်းမှာပဲ MPC ရဲ့ ဒါရိုက်တာတစ်ဦးဖြစ်တဲ့ ဦးအောင်နိုင်ဦးက မီဒီယာတွေနဲ့ပတ်သက်ပြီး သူ့ရဲ့မိတ်ဆွေဟောင်းတစ်ဦးကို စကားတစ်ခွန်း ပြောခဲ့တယ်လို့ ဆိုပါတယ်။ တစ်ဆင့်စကားဖြစ်လို့ အတည်ပြုချက် မရှိပါဘူး။ ဦးအောင်နိုင်ဦး ပြောခဲ့တယ်ဆိုတဲ့ စကားက ‘ရန်သူမျိုးခြောက်ပါး ဖြစ်နေပြီ။ တိုးလာတဲ့တစ်ပါးက မီဒီယာ’ လို့ ဆိုပါတယ်။ ရန်သူမျိုးငါးပါးမှာ မီဒီယာကို ထပ်တိုးပြီး ရန်သူမျိုးခြောက်ပါး ရှိနေပြီဆိုတဲ့ စကား တကယ်ပြောခဲ့တာ ဟုတ်၊ မဟုတ်ကိုတော့ ဦးအောင်နိုင်ဦးပဲ အသိဆုံးဖြစ်မှာပါ။


MPC ရှေ့တွင် ဂျာနယ်လစ်များ ပါးစပ်ပိတ်၍ ဆန္ဒထုတ်ဖော်ကြစဉ်

သေချာတာကတော့ ဆန္ဒပြတဲ့ သတင်းထောက်တွေကို ထောင်ထဲပို့မယ်လို့ ပြောခဲ့တယ်ဆိုတဲ့ ဦးမင်းဇော်ဦးစကား၊ မီဒီယာကို ထပ်တိုးပြီး ရန်သူမျိုးခြောက်ပါး ရှိနေပြီလို့ ပြောခဲ့တယ်ဆိုတဲ့ ဦးအောင်နိုင်ဦးစကား၊ ဒီစကားတွေကို သူတို့ပြောခဲ့တာ မှန်ရင်တော့ MPC ဟာ မီဒီယာတွေ၊ ဂျာနယ်လစ်တွေကို ရန်သူလို သဘောထားနေပြီလို့ ဆိုရမှာ ဖြစ်ပါတယ်။ ဇူလိုင် ၁၂ ရက် ညနေပိုင်းမှာ ဆန္ဒထုတ်ဖော်တဲ့ ဂျာနယ်လစ်တွေ အမှုဖွင့်ခံရတဲ့အတွက် MPC ဟာ သမ္မတနဲ့ မီဒီယာတွေကြား ရန်တိုက်ပေးသလားဆိုတဲ့မေးခွန်း ပေါ်လာပါတယ်။

MPC ဟာ ဂျာနယ်လစ်တချို့ကို ကိုယ့်လူသူ့ဘက်သားဖြစ်အောင် လုပ်ခဲ့တဲ့ပုံစံမျိုးတွေ ရှိခဲ့ပါတယ်။ လူမွေးပြီး သတင်းလက်သိပ်ထိုးပေးခဲ့တဲ့ ပုံစံတွေ ရှိခဲ့ပါတယ်။ သူတို့အလိုကျ ပုံစံမျိုးကို ဂျာနယ်လစ်တိုင်းက ပုံဖော်မပေးခဲ့ပါဘူး။ သူတို့ရဲ့ အားနည်းချက်တွေကို ခပ်စိတ်စိတ် ထောက်ပြတာတွေ ရှိလာတဲ့အချိန်မှာ MPC ရဲ့ မီဒီယာအပေါ် သဘာထားဟာ ‘ရန်သူ’ အဖြစ် ပြောင်းလဲသွားတာလည်း ဖြစ်နိုင်ပါတယ်။

အခုရေးသားနေတဲ့ ပုံစံတွေအတိုင်းသာ ဆက်သွားနေရင် မီဒီယာဟာ Enemy of the State ဖြစ်လာမယ်ဆိုတဲ့ စကားကလည်း MPC အဝန်းအဝိုင်းကပဲ ထွက်ပေါ်ခဲ့ဖူးပါတယ်။

ဂျာနယ်လစ်တွေကို၊ မီဒီယာတွေကို ဖိနှိပ်မယ်၊ ခြိမ်းခြောက်မယ်၊ ရန်သူလို သဘောထားမယ်ဆိုတာ ဟာအာဏာရှင်စနစ်ကို လိုလားသူတွေ၊ အာဏာရှင် လက်ကိုင်တုတ်တွေရဲ့ သဘောထားဖြစ်ပါတယ်။

(၆)
ဒီနေရာမှာ လက်ရှိ MPC ကို ပြည်သူလူထုက ဘယ်လိုသဘောထားသလဲဆိုတာ အရေးကြီးပါတယ်။ ကျွန်တော်နဲ့ စကားပြောဖြစ်ခဲ့တဲ့ ထောက်လှမ်းရေးအရာရှိဟောင်း တချို့ရဲ့ အဆိုအရ MPC ဟာ အရင် ကကလှမ်းပုံစံ ဖြစ်နေတယ်လို့ ဆိုပါတယ်။ ရရှိထားတဲ့ အာဏာကို လိုတာထက်ပိုပြီး သုံးနေတယ်လို့ သူတို့က ဆိုလိုချင်တာပါ။

ကကလှမ်းက ထင်ရှားတဲ့ အချက်သုံးချက်ကို အဓိကထား လုပ်ဆောင်လေ့ရှိတယ်လို့ ဆိုပါတယ်။ ပထမအချက်က လူထုမြင်ကွင်းမှာ စဉ်ဆက်မပြတ် ပုံရိပ်ထင်အောင် ကြိုးစားတာ ဖြစ်ပါတယ်။ ဒုတိယအချက်က ဝါဒဖြန့်ချိမှုတွေကို ပါးနပ်လျင်မြန် သွက်လက်စွာနဲ့ နည်းမျိုးစုံသုံး ဖြန့်ချိတာ ဖြစ်ပါတယ်။ တတိယအချက်က ပြည်သူလူထုက ဘာလိုအပ်နေသလဲ ဆိုတာကို ကြိုတင်ထောက်လှမ်းပြီး ပြည်သူလူထု လိုအပ်တာ နည်းနည်းပေးပြီး သူတို့လိုချင်တာကို များများပုံဖော်တာ ဖြစ်ပါတယ်။

ဂျာနယ်လစ်တွေ ဖမ်းဆီး၊ အရေးယူ၊ ထောင်ချခံရတဲ့ ဖြစ်စဉ်တိုင်းကိုကြည့်ရင် ပြစ်မှု၊ ပြစ်ဒဏ် မမျှတတာတွေ၊ ဥပဒေပြင်ပဆန်ဆန် ဆောင်ရွက်ခံရတာကို တွေ့နေရပါတယ်။ ဒါဟာ သတင်းမီဒီယာတွေရဲ့ သတင်းလွတ်လပ်ခွင့်ကို ဖိနှိပ်ချင်တဲ့၊ ခြိမ်းခြောက်ချင်တဲ့ ပုံစံမျိုးတွေ ဖြစ်ပါတယ်။ ပြည်သူလူထုရဲ့ သတင်းသိပိုင်ခွင့်ကို ဖော်ဆောင်မယ့် ဂျာနယ်လစ်တွေ မလှုပ်ရဲအောင် လုပ်မယ်ဆိုတဲ့ ပုံစံမျိုး ဖြစ်နေပါတယ် . . . . .

MPC က နိုင်ငံခြားရောက် အတိုက်အခံ နိုင်ငံရေးသမားတွေကို ခေါ်တယ်။ လိုအပ်သလို အသုံးချတယ်။ ‘ငြိမ်းချမ်းရေးဆွေးနွေးပွဲ’ ဆိုတဲ့ ခေါင်းစဉ်နဲ့ တိုင်းရင်းသားလက်နက်ကိုင် အဖွဲ့တွေနဲ့ တရားဝင်၊ တရားမဝင်တွေ့တယ်။ သူတို့သဘောထားအတိုင်း ဆွဲခေါ်လို့ရတဲ့ အဖွဲ့တွေကို လာဘ်သိပ်ထိုး၊ မက်လုံးပေး စကားပြောတယ်။ သူတို့နဲ့အတူ လိုက်ပါခြင်းမပြုတဲ့ အဖွဲ့တွေကို သဘောထားတင်းမာသူ၊ ခေါင်းမာသူတွေလို့ သတ်မှတ်ပါတယ်။ MPC ကြောင့်ပဲ ပြည်သူ့အခွန်ဘဏ္ဍာငွေများစွာ ဆုံးရှုံးခဲ့ရတဲ့ ငြိမ်းချမ်းရေးကားပါမစ်ဆိုတာ ပေါ်လာတယ်။ သူတို့နဲ့ အကြောင်းပေါင်းသင့်သွားတဲ့ တိုင်းရင်းသားလက်နက်ကိုင် အဖွဲ့အချို့ကတော့ ကားပါမစ်တွေအပြင် လုပ်ငန်းလုပ်ပိုင်ခွင့်တွေ ရရှိသွားခဲ့တယ်။

နိုင်ငံခြားရောက် အတိုက်အခံ နိုင်ငံရေးသမားတွေကို ခေါ်တဲ့အခါမှာလည်း မက်လုံးပေး၊ အခွင့်အရေးပေး ဆွဲဆောင်တာတွေ လုပ်ခဲ့ပါတယ်။ ဒီအချက်ကို MPC ရဲ့ အစီအစဉ်နဲ့ ပြည်တွင်းပြန်ရောက်လာတဲ့ နိုင်ငံရေးသမားတွေ ကောင်းကောင်းသိပါတယ်။

ဒါတွေအပြင် သူတို့နဲ့ တိုက်ရိုက်သက်ဆိုင်ခြင်းမရှိတဲ့ ကိစ္စတွေမှာလည်း MPC က ပါဝင်ပတ်သက်လေ့ရှိပါတယ်။ ဇူလိုင် ၁၂ ရက်က ပြုလုပ်ခဲ့တဲ့ သမ္မတနဲ့ အနုပညာရှင်တွေနဲ့ တွေ့ဆုံပွဲ၊ လူမှုရေး၊ စီးပွားရေးနယ်ပယ်က လူတွေနဲ့ သမ္မတ တွေ့ဆုံပွဲတွေမှာလည်း MPC က နေရာယူထားပါတယ်။

(၇)
သမ္မတဦးသိန်းစိန်ကို အကြံပေးတဲ့ Think Tank စာရင်းမှာ MPC ကလူတချို့ ထိပ်ဆုံးရောက်နေပါတယ်။ သမ္မတဦးသိန်းစိန်ရဲ့ မိန့်ခွန်းတွေ၊ ပြောဆိုချက်တွေကို ကြည့်ရင်လည်း သူ့ရဲ့အကြံပေးတွေ ဘယ်ကိုဦးတည်နေသလဲဆိုတော့ စိုးရိမ်သူတွေ ရှိနေတာ မမှားပါဘူး။ နောက်တစ်ချက်က သမ္မတအကြံပေးအချို့၊ MPC လို အဖွဲ့အစည်းအချို့ရဲ့ နောက်ကွယ်မှာ ဘယ်သူတွေ၊ ဘယ်နိုင်ငံကလူတွေ ရှိနေသလဲ။ ဒီလူတွေကရော တိုင်းပြည်ကို ချောက်ထဲကျအောင် အန္တရာယ်ပေးနေပြီလား။ ဒီကြားထဲမှာ သမ္မတအကြံပေးအချို့က သမ္မတဦးသိန်းစိန်ကို ညာနေသလားဆိုတဲ့ မေးခွန်းတွေ ထွက်နေပါတယ်။

ဘယ်လိုပဲဖြစ်ဖြစ် အနုပညာရှင်တွေနဲ့ တွေ့ဆုံပွဲမှာပဲ သမ္မတဦးသိန်းစိန်ပြောတဲ့ စကားတွေက အရှက်ရစရာ ဖြစ်ခဲ့ပါတယ်။ ဦးသိန်းစိန်ပြောခဲ့တာက ရန်ကုန်နဲ့ မန္တလေး မြို့ကြီးနှစ်မြို့မှာ ရုပ်ရှင်၊ ဂီတ၊ သဘင်အားလုံး ရာသီဥတုမရွေး အသုံးပြုနိုင်တဲ့ ခေတ်မီပြဇာတ်ရုံကြီးဖြစ်ဖို့ အစိုးရက မတတ်နိုင်ရင် ပြည်ပအကူအညီယူဖို့ လိုတယ်။ အဆောက်အအုံ ဆောက်လုပ်ကူညီပေးတဲ့ အစဉ်အလာ တရုတ်မှာရှိတာကြောင့် ရလိုရငြား တရုတ်ဝန်ကြီးချုပ်ဆီ အကူအညီတောင်းပေးမယ်။ သက်ဆိုင်တဲ့သူတွေလည်း ရဖို့ ဝိုင်းဝန်းဆုတောင်းပေးဖို့ ပြောခဲ့တာပါ။ အစိုးရဘတ်ဂျက်နဲ့ဆောက်ဖို့ လွှတ်တော်ကို တင်ပြရင် လွှတ်တော်က ကြိုက်မှာမဟုတ်ဘူးလို့လည်း သူကပြောပါတယ်။

သမ္မတဦးသိန်းစိန်က ဘယ်လိုခံစားချက်နဲ့ ပြောသလဲတော့ မသိပါဘူး။ ဒါပေမဲ့ သူ့ရဲ့ပြောစကားဟာ နိုင်ငံခေါင်းဆောင်တစ်ဦး ပြောကြားတဲ့ စကားပုံစံမျိုးမဟုတ်ဘဲ နိုင်ငံရေးအသိအမြင် ခေါင်းပါးသူတစ်ဦးပြောတဲ့ စကားမျိုး ဖြစ်နေပါတယ်။

နိုင်ငံသားတစ်ယောက်ရဲ့ ခံစားချက်နဲ့ ပြောရင်တော့ အင်မတန် ရှက်စရာကောင်းပါတယ်။ နည်းမှန်လမ်းမှန် ဖြစ်သင့်ဖြစ်ထိုက်တာကို တင်ပြရင် လွှတ်တော်က စဉ်းစားပေးမှာပါ။ ဒါပေမဲ့ ဦးသိန်းစိန်ကိုယ်တိုင်က လွှတ်တော်ကိုဘေးဖယ်ပြီး ပြည်ပနိုင်ငံဆီက တောင်းခံမယ်ဆိုတဲ့အခါ မြန်မာနိုင်ငံဟာ သူ့ကျွန်ဘဝ ရောက်နေလို့လားလို့ တွေးမိပါတယ်။

သမ္မတဦးသိန်းစိန်ပြောခဲ့တဲ့ စကားကို နိုင်ငံရေးအသိပညာနဲ့ နိုင်ငံရေးရေချိန် နိမ့်ပါးတဲ့ အနုပညာရှင်တွေက လက်ခုပ်တီး အားပေးခဲ့ပေမဲ့ နိုင်ငံရေးခံစားချက်၊ နိုင်ငံရေးအသိစိတ် မြင့်မားတဲ့ ပြည်သူတွေကြားမှာတော့ လက်ခံမှာမဟုတ်သလို ရင်ခုန်မှာလည်း မဟုတ်ပါဘူး။

တစ်ဆက်တည်းမှာပဲ MPC ကလူတချို့ ထိပ်ဆုံးမှာပါနေတဲ့ သမ္မတအကြံပေးအဖွဲ့ဝင်အချို့က သမ္မတဦးသိန်းစိန်ကို ချောက်ထဲပို့နေရုံတင် မကဘဲ တိုင်းပြည်ကိုပါ ချောက်ထဲရောက်စေမယ့် အကြံတွေ ပေးနေပြီလား မေးခွန်းထုတ်စရာ ဖြစ်ပါတယ်။

ပြဇာတ်ရုံတွေ ဆောက်ဖို့အတွက် တရုတ်ဆီက အကူအညီတောင်းစရာ မလိုပါဘူး။ မကြာသေးမီက ပြီးဆုံးခဲ့တဲ့ ကျောက်မျက်ပွဲမှာ အမေရိကန်ဒေါ်လာ ၃ ဒသမ ၄ ဘီလျံဖိုး ရောင်းခဲ့ရပါတယ်။ ပုံမှန်အတိုင်း အခွန်ငွေအတိုင်း ရာခိုင်နှုန်း ၃ဝ ကောက်ရင် တစ်ဘီလျံလောက် အခွန်ငွေရမှာပါ။ ဒါ့အပြင် ရေနံနဲ့ သဘာဝဓာတ်ငွေ့ ရောင်းချတာတွေ ရှိနေပါတယ်။ သမ္မတဦးသိန်းစိန်လက်ထဲမှာ သယံဇာတ လုပ်ကိုင်ခွင့်တွေကို ပုဂ္ဂလိက ခရိုနီလုပ်ငန်းရှင်တွေ ရခဲ့ပါတယ်။ သူတို့တွေဆီကသာ သတ်မှတ်ထားတဲ့အတိုင်း အခွန်ငွေရမယ်ဆိုရင် ဘယ်သူဆီကမှ လက်ဖြန့်တောင်းနေရမှာ မဟုတ်ပါဘူး။

သစ်ထုတ်လုပ်မှုမှာလည်း ဒီအတိုင်းပါပဲ။ သစ်အလုံးလိုက်တင်ပို့မှုကို ဒီနှစ်မှာ လုံးဝရပ်ဆိုင်းခဲ့ပေမဲ့ နောက်ဆုံးတင်ပို့ခြင်းဆိုပြီး သစ်ထုတ်လုပ်သူတွေက တစ်နှစ်တည်းနဲ့ သုံးနှစ်စာ လုပ်သွားတာတွေလည်း ရှိခဲ့ပါတယ်။

သမ္မတဦးသိန်းစိန်ရဲ့ ပြောစကားကို လက်ခုပ်တီး အားပေးနေတဲ့သူတွေကို ကြည့်ပြန်တော့လည်း အရင် ကကလှမ်းလက်ထက်က ကကလှမ်းနဲ့ လုံးထွေးနေတဲ့သူတွေပဲ ဖြစ်နေတာကို တွေ့ရပါတယ်။ ဇူလိုင် ၁၂ ရက်ပွဲကို ဖြစ်မြောက်အောင် ဆော်ဩခဲ့တဲ့ ဦးဇာဂနာဆိုတာကလည်း ကကလှမ်းနဲ့ အဆက်အသွယ်ရှိဖူးတဲ့ သူတစ်ယောက်ပါ။ အခုလည်း သူတို့တွေက MPC နဲ့ ချိတ်ဆက်လုပ်ကိုင်နေကြပါတယ်။

(၈)
MPC နဲ့ ကကလှမ်းတို့ တူညီမှုရှိတဲ့ အချက်တွေထဲမှာ အစိုးရနဲ့ သဘောကွဲလွဲသူတွေကို မက်လုံးပေးဆွဲဆောင်ပြီး ကိုယ်ဘက်သားဖြစ်အောင် လုပ်တာချင်းတူပါတယ်။ မလျော်ဩဇာသုံးပြီး အသေးအဖွဲ ကိစ္စတွေကအစ အာဏာပြတတ်တာချင်း တူပါတယ်။ အရေးကြီးတဲ့ အချက်တစ်ခုက ငွေကြေးကိစ္စ ဖြစ်ပါတယ်။ ကကလှမ်းတုန်းကလည်း သူတို့ရရှိတဲ့ ငွေကြေး၊ သုံးစွဲတဲ့ ငွေကြေးကိစ္စနဲ့ ပတ်သက်ပြီး ပြဿနာတွေ ရှိခဲ့ပါတယ်။

အခုချိန်မှာ အရေးကြီးဆုံးက MPC ရဲ့ ငွေစာရင်းရှင်းလင်းမှု ဖြစ်ပါတယ်။ တရားဝင်အတိအလင်း ထုတ်ပြန်ရှင်းလင်းတာ မရှိသေးသလို လွှတ်တော်ကို တင်ပြရှင်းလင်းတာမျိုးလည်း မရှိသေးပါဘူး။ သူတို့ဘက်က အတည်ပြုချက်မပေးဘဲ ရရှိထားတဲ့ အချက်အလက်တွေအရ MPC ဟာ အမေရိကန်ဒေါ်လာ သန်း ၁၃ဝ ကျော် ငွေကြေးအထောက်အပံ့တွေ ရထားပါတယ်။ ဒါတွေကို ဘယ်နေရာမှာ သုံးနေသလဲ၊ ဘယ်လောက်အကျိုးဖြစ်ထွန်းသလဲဆိုတာ လွှတ်တော်က မသိပါဘူး။

MPC မှာ နေရာယူထားတဲ့ ABSDF အဖွဲ့ဝင်ဟောင်းဆိုသူတွေ၊ အတိုက်အခံ နိုင်ငံရေးသမားဟောင်း ဆိုသူတွေရဲ့ အကြောင်းကိုတော့ ပြည်တွင်း၊ ပြည်ပမှာရှိနေတဲ့ သူတို့ရဲ့ လုပ်ဖော်ကိုင်ဖက်ဟောင်းတွေက သိနေကြပါတယ်။ သူတို့တွေရဲ့ မှတ်ချက်စကားတွေက လူမှုကွန်ရက် စာမျက်နှာတွေမှာ ပြန့်နှံ့နေပါတယ်။ ကောင်းသတင်းထက် မကောင်းသတင်းက ပိုများနေတယ်လို့ ဆိုရမှာပါ။

သမ္မတနှင့် အနုပညာရှင်များ တွေ့ဆုံစဉ်

သမ္မတနှင့် အနုပညာရှင်များ တွေ့ဆုံစဉ်

တစ်ဖက်မှာလည်း MPC ဟာ သူတို့ အဓိကလုပ်ဆောင်နေတဲ့ ငြိမ်းချမ်းရေးကိစ္စတွေမှာ အောင်မြင်မှုရအောင် မလုပ်နိုင်သေးပါဘူး။ မဆိုင်တဲ့ ကိစ္စတွေမှာတော့ ဆက်တိုက်ဆိုသလို ဝင်ပါနေပါတယ်။ တိုင်းရင်းသားလက်နက်ကိုင်တွေ ဘက်ကရော၊ ပြည်တွင်းနေ တိုင်းရင်းသားတွေကပါ MPC ကို မယုံကြည်ပါဘူး။ ဒီလို မယုံကြည်တဲ့ အကြောင်းကို တိုက်ရိုက်အားဖြင့်၊ သွယ်ဝိုက်အားဖြင့် ပြောဆိုထားကြပြီး ဖြစ်ပါတယ်။

ဒါ့အပြင် သူတို့နဲ့မဆိုင်တဲ့ ကိစ္စတွေမှာ ဝင်ပါရာက MPC ဟာ အစိုးရနဲ့မီဒီယာကို ရန်တိုက်ပေးနေတာလား၊ တိုင်းရင်းသားအဖွဲ့တွေနဲ့ အစိုးရကြား ရန်တိုက်ပေးနေတာလား၊ နိုင်ငံရေးပါတီတွေနဲ့ အစိုးရကြား ရန်တိုက်ပေးနေတာလား၊ လွှတ်တော်နဲ့အစိုးရကြား ရန်တိုက်ပေးနေတာလား၊ ပြည်သူလူထုနဲ့ အစိုးရကြား ရန်တိုက်ပေးနေတာလားဆိုတဲ့ မေးခွန်းတွေ ရှိနေပါတယ်။

ကကလှမ်းခေတ်ကို ကောင်းကောင်းဖြတ်သန်းခဲ့ဖူးတဲ့ NLD နဲ့ ဒေါ်အောင်ဆန်းစုကြည်၊ တိုင်းရင်းသားအဖွဲ့တွေ၊ နိုင်ငံရေးပါတီတွေ၊ ပြည်သူတွေနဲ့ ဂျာနယ်လစ်တွေက ဒီလိုမေးခွန်းတွေ ဘာကြောင့်ထွက်နေသလဲဆိုတဲ့ အကြောင်းရင်းကို သိရှိနေပါတယ်။ လက်ရှိပြည်ထောင်စုလွှတ်တော်နာယက သူရဦးရွှေမန်းနဲ့ တပ်မတော်ထိပ်ပိုင်း ခေါင်းဆောင်တွေလည်း သိရှိနေကြမှာပါ။

(၉)
MPC က ဖြေဖို့မလိုဘဲ ကျန်တဲ့သူတွေက ဖြေရမယ့် မေးခွန်းတွေ ရှိနေပါတယ်။

MPC ရှိနေခြင်းဟာ ပြည်သူတွေက ကျေနပ်သလား၊ MPC ရဲ့ ငြိမ်းချမ်းရေးဖော်ဆောင်မှုတွေက တပ်မတော်က ကျေနပ်သလား၊ လွှတ်တော်က ကျေနပ်သလား၊ တိုင်းရင်းသားအဖွဲ့တွေ ကျေနပ်သလား၊ ဂျာနယ်လစ်တွေ၊ မီဒီယာတွေ ကျေနပ်သလား၊ ဘယ်သူတွေအတွက်ပဲ အကျိုးရှိနေသလဲ။ ဒီမေးခွန်းတွေရဲ့ အဖြေက MPC ကို အကဲဖြတ်ပေးနိုင်ပါလိမ့်မယ်။

ဥပဒေအထက်မှာ ဘယ်သူမှ မရှိပါဘူး။ ဂျာနယ်လစ်တွေလည်း မရှိပါဘူး။ သမ္မတလည်း မရှိပါဘူး။ လွှတ်တော်လည်း မရှိပါဘူး။ အစိုးရလည်း မရှိပါဘူး။ ဒါပေမဲ့ ဥပဒေအထက်မှာ MPC ရှိနေသလား။ သမ္မတ အထက်မှာ MPC ရှိနေသလား။ ဒီမေးခွန်းကို MPC ကလူတွေ ဖြေဆိုရမှာ ဖြစ်ပါတယ်။

ဒါပေမဲ့ ကကလှမ်းလို ငွေကြေးအရှုပ်အရှင်းတွေ၊ မလျော်ဩဇာနဲ့အာဏာ တလွဲအသုံးပြုမှုတွေ ရှိနေမယ်ဆိုရင်တော့ ကကလှမ်းပြိုလဲခဲ့သလို MPC ပြိုလဲမယ့်အချိန် ရောက်လာမှာ ဖြစ်ပါတယ်။

ကကလှမ်း ဖြိုဖျက်ခဲ့ရပြီးတဲ့နောက် ရှင်းလင်းမှုပြုလုပ်ခဲ့သူနှစ်ဦး ကျန်နေပါသေးတယ်။ သမ္မတဦးသိန်းစိန်နဲ့ ပြည်ထောင်စုလွှတ်တော်နာယက သူရဦးရွှေမန်း ဖြစ်ပါတယ်။

လက်ရှိအချိန်မှာ ကကလှမ်းလိုမျိုး နိုင်ငံရေး၊ စီးပွားရေး၊ လူမှုရေး အနုပညာနယ်ပယ် နေရာစုံမှာ ပါဝင်ပတ်သက်လာတဲ့ MPC ကို ဘယ်နည်းတွေနဲ့ တားဆီးမလဲ။ MPC က လူအချို့ကြောင့် ဖြစ်ပေါ်နေတဲ့ သဘောထားတင်းမာမှုတွေ၊ အမှားတွေ၊ ညှိနှိုင်းယူလို့ မရနိုင်တဲ့အထိ ဖြစ်နေရတဲ့ ပြဿနာတွေကို ဘယ်လိုဖြေရှင်းမလဲ။ အဖြေရှာရမယ့်အချိန် ရောက်နေပါပြီ။
http://news-eleven.com

သမီးလေးရေ
ဆယ်နှစ်ဆိုတာ မမြန်လှပေမယ့်
အားတင်းထားပါ သမီး။

သမီးဖေဖေဟာ သူရဲကောင်းပါ
သမီးဖေဖေဟာ ရိုးသားသူပါ
သူတတ်တဲ့ပညာလေးနဲ့ သမ္မာအာဇီဝကျကျ
သမီးတို့ကို ရှာဖွေကျွေးမွေးခဲ့တာ။

ဒီလို အသက်မွေးဝမ်းကျောင်းခြင်းကပဲ
သူ့အတွက် နာကျင်စရာဖြစ်လေရော့သလား
သူတပါးကို ထိခိုက်အောင် သူမပြုဘူး
သူတပါးမျက်ရည်ကျမှစားရတဲ့ထမင်းမျိုးမဟုတ်ဘူး
သူတပါး သွေးချွေးတွေပေလူးနေတဲ့
စည်းစိမ်မျိုးမဟုတ်ဘူး။

တကယ်တော့ သူ့မှာစည်းစိမ်လည်းမရှိရှာပါဘူး
သမီးရယ်။
သူမှားခဲ့တယ်ဆိုတောင်
အဲဒီအမှားအတွက်နစ်နာမှု မထင်ရှားပါ
ဒါပေမယ့် သူ့ခမျာ အပြစ်ကြီးကျခဲ့တယ် သမီး။

သမီးကလေးကို
သမီးလေးမေမေကို
ခွဲပြီး
အဝေးကြီးကို သူသွားရတော့မယ်။
ပြန်လာလို့မရတဲ့နေရာ
ကျဉ်းကျပ်လွန်းတဲ့နေရာ
လူမျက်နှာပျောက်နေတဲ့နေရာဆီ။

လက်ထိပ်တွေအခတ်ခံထားရတဲ့ လက်နဲ့
သမီးကို သူကျွေးမွေးခဲ့ခြင်းဟာ
လက်ထိပ်တွေအခတ်ခံထားရတဲ့ကြားက
ပေးအပ်ချင်မိတဲ့
ဖခင်တစ်ယောက်ရဲ့မေတ္တာကိုပြခဲ့ခြင်းပါ။
ကိုယ်တိုင်မလွတ်မလပ် မလှုပ်ရှားသာတောင်မှ
ကိုယ့်ရင်သွေးကို ဝလင်စေချင်တဲ့ မေတ္တာ။
ဒီလို လူမျိုးဟာ ဘယ်လိုလုပ် လူဆိုးဖြစ်နိုင်မှာလဲ
သမီးရယ်။

သမီးလေး အားတင်းထားပါ။
ဒီစကားကိုပဲ ဘေးကပြောနိုင်ခဲ့
အမှောင်အားကြီးလွန်းတဲ့ ရာသီမှာ
ချစ်ခြင်းမေတ္တာဟာလည်း
တစ်ခါတစ်လေ ကျိန်စာသင့်တတ်တာ။

[ အလုပ်ကြမ်းနဲ့ထောင်ဒါဏ် ၁၀နှစ်ကျသွားရှာတဲ့ Unity ဂျာနယ် သတင်းထောက် သူ့သမီးလေးကို ကျွေးမွေးနေပုံပါ]
Thorn Nay Soe

၁၁.၇.၂၀၁၄ ရက်နေ့ (ဝါဆိုလပြည့်နေ့ ဓမ္မစင်္ကြာနေ့) တွင် ကျွန်တော်တို့ တည်ထား ကိုးကွယ်မည့် ပြည်မြို့တစ်ဖက်ကမ်း ရွှေဘုံသာမုနိ မြတ်စွာဘုရားနှင့် တစ်မိုင်နှစ် ဖာလုံအကွာ တောင်ကုန်းပေါ်တွင် ရှိသော "မဟာပဏ္ဍီတ ပရဟိတ အောင်တော်မူ စေတီတော်ကြီး" မြေစိုက်ပန္နက်ချ မင်္ဂလာအခမ်းအနားအား နံနက် (၆း၄၅) အချိန် တွင် ကျင်းပပြုလုပ်ခဲ့ပါသည်။ ယင်းအခမ်းအနားတွင် ပြည်မြို့ ကြည်သာအေးမြ ဆရာတော်မှဦးစီး၍ နေ့နံအလိုက် ရတနာရွှေအုတ်များနှင့် ဗုဒ္ဓအောင်မြေများ အပြင် ကျောက်သံ ပတ္တမြားများအား စနစ်တကျထည့်သွင်း၍ သစ္စာအဓိဌာန်များအား ဆရာတော်မှ တိုင်တည်ပေးကာ (၈) ရက်သားများမှ ထည့်သွင်း၍ ကျင်းပပြုလုပ်ခဲ့ ပါသည်။ ထိုအချိန်တွင် နံနက်အစောပိုင်းမှ ရွာသွန်းနေသော မိုးသားများသည် အုတ်မြစ်ချ အခမ်းအနားကျင်းပချိန်တွင် ထူးခြားစွာ မိုးရွာသွန်းမှု ရပ်နားသွားသည်ကို တွေ့မြင်ခဲ့ရပြီး အခမ်းအနားပြီးဆုံး၍ ဘိလပ်မြေများလောင်း၍ အုတ်မြစ်ချ အခမ်း အနား ပြီးဆုံးသွားသည့် အချိန်ကျမှ ပြန်လည်၍ မိုးရွာသွန်းသည်ကို တွေ့မြင်ခဲ့ရ သည်။ ကျွန်တော်သည် ပရဟိတအသင်းအဖွဲ့များ၊ ပရဟိတသမားများ၊ အများ ပြည်သူလူထုတို့ အတွက် သစ္စာအဓိဌာန် ပြုနိုင်ရန်အတွက်၎င်း၊ သာသနာတော်ကြီး အဓွန့်ရှည်တည်တံ့ ခိုင်မြဲစေရန်အတွက်၎င်း၊ ဗြဟ္မစိုရ်တရားများ လွှမ်းခြုံရေးအတွက် ၄င်း ရည်ရွယ်၍ ဤ "မဟာပဏ္ဍီတ ပရဟိတ အောင်တော်မူစေတီတော်ကြီး" အား တည်ထားကိုးကွယ်မှု ပြုလုပ်၍ သာသနာ့ဝန် ထမ်းရွက်နေသလို ကျွန်တော်၏ဇနီး မြင့်မြင့်ခင်ဖေ (ခ) ရွှေဇီးကွက် သည်လည်း ဝိပဿနာတရားတော်မြတ်ကို မှန်ကန် စွာ ကျင့်ကြံအားထုတ်ရန်အတွက် ထားဝယ်မြို့ရှိ ကံယုံဆရာတော်ကြီးထံတွင် ၁ဝ.၇.၂ဝ၁၄ ရက်နေ့တွင် ရန်ကုန်မင်္ဂလာဒုံလေဆိပ်မှ ထွက်ခွာသွားပြီ ဖြစ်သည်။

ကျွန်တော့်၏ဇနီးအား လေဆိပ်သို့ လိုက်လံပို့ဆောင်စဉ် ကျွန်တော့်၏ ဇနီးရွှေဇီး ကွက်မှ ကျွန်တော့်အား ပြောကြားခဲ့သောစကားအားကျွန်တော်ပြန်လည်၍ ကြား ယောင်မိတော့သည်။ "ကျော် တို့ကလည်း ၁၁.၇.၂၀၁၄ (ဓမ္မစင်္ကြာနေ့) မှာ ပထဝီ မြေကြီးပေါ်မှာ ဘုရားအုတ်မြစ်ချမယ်၊ မြင့် ကလည်း ၁၁.၇.၂ဝ၁၄ (ဓမ္မစင်္ကြာနေ့) မှာ နှလုံးသားမှာ တရားအုတ်မြစ်ချတော့မယ်" ဟူသော စကားပင်ဖြစ်သည်။ မှန်ပါပေသည်။ ကျွန်တော် ထို ၁၁.၇.၂ဝ၁၄ (ဓမ္မစင်္ကြာနေ့) နံနက် (၆း၄၅ အချိန် တွင် "မဟာပဏ္ဍီ ပရဟိတ အောင်တော်မူစေတီတော်ကြီး" တည်ထားရန်အတွက် စတင်ပြီး မြေပန္နက်၊ အုတ်ပန္နက်ချစဉ် ကျွန်တော် တနလာင်္သားအနေဖြင့် ငွေရတနာ အုတ်အား ချလိုက်ပြီး အပေါ်မှ ဘိလပ်မြေနှင့် ကိုယ်တိုင်လောင်းပိတ်လိုက်စဉ် ကျွန်တော့်၏ စိတ်အာရုံထဲတွင် ဤသာသနာ့မြေ (မဟာပဏ္ဍီတ ပရဟိတ အောင် တော်မူစေတီတော်ကြီး) ထဲသို့ ကျွန်တော့်၏ နှလုံးသားအား မြှုပ်နှံလိုက်သလို ကြက်သိမ်းမွှေးများထကာ ခံစားလိုက်မိတော့သည်။

ထို့ကြောင့် ကျွန်တော့်၏ ဇနီးနိမိတ်ဖတ် ပြောခဲ့သလို သူမ၏ နှလုံးသားထဲတွင် တရားအုတ်မြစ်ချခဲ့သလို ကျွန်တော်၏ နှလုံးသားအားလည်း သာသနာအတွက် မဟာပထဝီမြေကြီး (ပရဟိတတောင်ကုန်းတော်) ပေါ်တွင် အုတ်မြစ်ချခဲ့ပြီး ဖြစ်တော့သည်။

(ဤဆောင်းပါးနှင့်အတူ မဟာပဏ္ဍီတ ပရဟိတ အောင်တော်မူစေတီတော်ကြီး ဖြစ်မြောက်ရေးအတွက် အဖက်ဖက်မှ ငွေအား၊ လူအား၊ အကြံအားတို့ဖြင့်
ကုသိုလ်ဖြစ် ဆောင်ရွက်ပေးခဲ့ကြသော ကြည်သာအေးမြ ဆရာတော်ကြီးနှင့်တကွ အလှူ့ရှင် အလှူ့မများ၊ ပဌာန်းဆက်များအား အထူးကျေးဇူးတင်ရှိကာ
သာဓု ... သာဓု ... သာဓု ဟု နှလုံးသားမှ ခေါ်ဆိုလိုက်ကာ မိမိတို့ပြုခဲ့သမျှ လူမှုရေးကုသိုလ်၊ သာသနာပြုကုသိုလ် ကောင်းမှု အစုစုတို့အား (၃၁) ဘုံ
ကျင်လည်ကုန်သော လူ နတ် ဗြဟ္မာ သတ္တဝါအပေါင်း ခင်ပွန်းကြီးဆယ်ပါးအပေါင်းတို့နှင့် အစောင့်အရှောက် ပုဂ္ဂိုလ်ထူး ပုဂ္ဂိုလ်မြတ်အပေါင်းတို့အား အမျှ
... အမျှ ... အမျှ ဟူ၍ ပေးဝေငှလိုက်ရပါတော့သည်။)

ကျော်သူ

နာရေးကူညီမှုအသင်း(ရန်ကုန်)မှ သဘာဝပတ်ဝန်းကျင် သန့်ရှင်းသာယာရေးအတွက် အမှိုက်များ စနစ်တကျကောက်ယူရန်၊ နေအိမ်ရှိအမှိုက်များ စနစ်တကျ မိမိနေအိမ်ရှေ့ တွင် အသင့်ထုပ်ပိုးထားရှိ ရန်နှင့် လူမှုရေးအသင်းအဖွဲ့များသည် ရပ်ကွက်တွင်းရှိ မိဘ ပြည်သူလူထုများနှင့်တကွ ပူးပေါင်းပါဝင် ကြရန် ၁၂.၇. ၂ဝ၁၄ ရက်နေ့ ညနေပိုင်းတွင် နာရေးကူညီမှုအသင်း(ရန်ကုန်) ဥက္ကဌ ဦးကျော်သူ ကိုယ်တိုင် မြောက်ဒဂုံ မြို့နယ်၊ (၄၂) ရပ်ကွက်သို့ မော်တော်ယာဉ်ဖြင့် လှည့်လည်၍ အသိပေး မေတ္တာရပ်ခံ အကြောင်းကြား ခဲ့ပြီး အမှိုက်များကောက်ယူရာတွင် ပူးပေါင်းပါဝင်ကြရန် တိုက်တွန်းနှိုးဆ်ာခဲ့ပါသည်။ ၁၃.၇.၂ဝ၁၄ ရက်နေ့တွင် နာရေးကူညီမှုအသင်း(ရန်ကုန်)မှ သဘာဝပတ်ဝန်းကျင် သန့် ရှင်းသာယာရေးအတွက် နံနက် (၇း၃ဝ) နာရီ အချိန်တွင် မြောက်ဒဂုံမြို့နယ် (၄၂) ရပ် ကွက်ရှိ ဦးဝိစာရလမ်း၊ အေးသာယာ (၁ ၊ ၂ ၊ ၃) လမ်းသို့ သန့်ရှင်းသာယာသော ပတ်ဝန်း ကျင်ဖြစ် စေရန် အမှိုက်များအား စနစ်တကျ ကောက်ယူသိမ်းဆည်းခဲ့သည်။ ထိုသို့ အမှိုက်များအား ကောက် ယူ သိမ်းဆည်းရာတွင် နာရေးကူညီမှုအသင်း(ရန်ကုန်)မှ အလုပ်အမှုဆောင်များ၊ အသင်းသား/သူ များနှင့်အတူ (၄၂) ရပ်ကွက်ရှိ “မာဃလုလင်” နာရေးကူညီမှုအသင်း၊ “အာယုသုခ” လူမှုကူညီရေး အသင်း (ရွှေပြည်သာ)၊ “ပရဟိတ ကုသိုလ်ပြု” လူမှုကူညီရေးအဖွဲ့၊ “ဖြူစင်မေတ္တာ” နာရေးကူညီမှုအသင်း (ရွှေပြည်သာ)၊ “မွန်မြတ်သူ” (မရမ်းကုန်း)၊ “ဗြဟ္မဝိဟာရအဖွဲ့” (အင်းစိန်)နှင့် (၃၉) ရပ် ကွက်မှ သဘာဝ ပတ်ဝန်းကျင် ချစ်မြတ်နိုးသော ပရဟိတလူငယ်များ ပူးပေါင်းပါဝင်၍ လှုပ်ရှားဆောင်ရွက် ခဲ့သည်။

ထိုကဲ့သို့ လူမှုရေးအသင်းအဖွဲ့များ စည်းလုံးညီညွတ်စွာ မြောက်ဒဂုံမြို့နယ် (၄၂) ရပ်ကွက် ရှိ အမှိုက် များအား လိုက်လံကောက်ယူ သိမ်းဆည်းရာတွင် ရပ်ကွက်သူ/သားများတစ်ချို့ ပူးပေါင်းပါဝင်ခဲ့ သော်ငြားလည်း အချို့သော တာဝန်မသိသော နေအိမ်အချို့မှ အကူအညီ မပေးသည့်အပြင် လူမှုရေး အသင်းအဖွဲ့များ၏ စေတနာ၊ မေတ္တာတရားတို့ကို ရှုံ့ချ၊ ကဲ့ရဲ့၊ ဝေဖန်မှုများလည်း တွေ့ရှိခဲ့ရသည်။ ယနေ့ ယခုအပတ် တနင်္ဂနွေနေ့တွင် လုပ်အားဒါန ပြုကြသော လူမှုရေးသမားများ နာရေးကူညီမှု အသင်း (ရန်ကုန်)သို့ ပြန်လည်ရောက်ရှိ လာချိန်တွင် "ဦးကျော်သူရေ … ဦးမောင်ရေ ဒီတစ်ပတ် တော့ စိတ်တော်တော် ထိခိုက်ရ တယ်။ တစ်ချို့တွေက ကျွန်တော်/မတို့နဲ့အတူ ပျော်ရွှင်စွာပူးပေါင်း ဆင်နွှဲကြတယ်၊ တစ်ချို့ တွေကတော့ ကဲ့ရဲ့ကြတယ်၊ အတင်းပြောကြတယ်၊ မတူသလို မတန်သလိုတွေ ကြည့်ကြ တယ်၊ ကျွန် တော်/မတို့နဲ့အတူ ဝိုင်းပြီးလမ်း သန့်ရှင်းရေးအတွက် အမှိုက်ကောက်ချင်ကြ တဲ့ ကလေးငယ်တွေကို မိဘ လုပ်တဲ့သူတွေက မာန်မဲကြတယ်၊ ဆူငေါက်ကြတယ်၊ ဘယ် သူ့အတွက် ကျွန်တော်/မတို့ ဒီလိုအပင်ပန်းခံ ပြီး လာလုပ်ကြတယ်ဆိုတာကို မတွေးကြ တော့ဘူး။ အား အားယားယားလာပြီး ကောက်နေတယ်လို့များ ထင်နေသလား မသိဘူး" စသည်ဖြင့် ပြောဆိုမှုကို ကျွန်တော်ကြားသိခဲ့ရသည်။ ထို့ကြောင့် ကျွန်တော့် ဦးနှောက်ထဲ တွင် အတွေးတစ်ခုပေါ်လာမိသည်။ ထိုအတွေးသည်ကား ကျွန်တော်တို့သည် လူမှုရေး သမားများ ဖြစ်ကြသည်။

ဗြဟ္မစိုရ်တရားလေးပါးအား လက်ကိုင်ကျင့်သုံးနေသူများ ဖြစ်သည်။ ထို့ကြောင့် မည်သည့် လုပ်ငန်းမဆို မေတ္တာ၊ ကရုဏာ၊ မုဒိတာ၊ ဥပေက္ခာကိုအရင်းခံ၍ လုပ်ကိုင်ပေးဆပ်နေကြ ရသည်။ ယခုဖြစ်ရပ်သည် တိုင်းပြည်၏ အနာဂတ်အတွက် ဆိုးဝါးလှသော လုပ်ရပ်ပင်ဖြစ် သည်။ လူမှုရေးအသင်းအဖွဲ့များ အနစ်နာခံ၍ မိုးရေထဲ၊ နေပူထဲ အပင်ပန်းခံ၊ အချိန်ကုန်ခံ၊ ငွေကုန်ကြေးကျခံပြီး ထိုထိုသော ရပ်ကွက် လမ်းများ၊ မိမိတို့နေထိုင်ရာအရပ်၊ နေအိမ် လမ်းများ မဖြစ်သော်ငြားလည်း ပတ်ဝန်းကျင် သန့်ရှင်းရေးနှင့် ကျန်းမာစွာ နေထိုင်နိုင်ရေး အတွက် မေတ္တာ၊ စေတနာ၊ ကရုဏာတရားများ ရှေ့ရှု၍ လာရောက်ပြီး အမှိုက်ကောက် ပေးခြင်း၊ ခြုံနွယ်ပိတ်ပေါင်းများ ရှင်းလင်းပေးခြင်း၊ ပိတ်ဆို့နေသော ရေမြောင်းများအား ဖွင့်လှစ်ပေးခြင်းတို့အပေါ် "မကူညီချင်နေပါစေ အနှောင့်အယှက်တော့ မပေးသင့်ချေ" ။

ဒါ့ကြောင့် …
လူမှုရေးအသင်းအဖွဲ့များ၊ အသင်းသား/သူများသည် … ဘယ်သူ့အတွက်လဲ ?
ဘာအတွက်လာတာလဲ ?
ဘာလာလုပ်ကြတာလဲ ?

သူတို့လာလို့ ငါတို့လမ်း၊ ငါတို့ရပ်ကွက် ဘာဖြစ်သွားလဲ? ... ဘာထူးခြားလာလဲ? ... ဘာတွေများ တိုးတက်လာလဲ? ... ဘာတွေများပြောင်းလဲသွားလဲ? ဟူ၍ ခေါင်းအေးအေး ထားပြီး စဉ်းစားစေချင်တော့သည်။

ကျော်သူ

Author Name

Contact Form

Name

Email *

Message *

Powered by Blogger.