08/22/14

စစ်အစိုးရ လက်ထက်တွင် ““စီးပွားရေး ပိတ်ဆို့တာ ဒို့မမှုပါ၊ သယံဇာတတွေ ပေါတဲ့မြေ”” ဟု ဆိုကာ အမေရိကန် အပါအ၀င် အနောက်နိုင်ငံများမှ ပိတ်ဆို့ထားသည့် စီးပွားရေး ပိတ်ဆို့မှုများအပေါ် ဂရုမစိုက်ကြောင်း ၀ါဒဖြန့်ခဲ့သော်လည်း ဦးသိန်းစိန်အစိုးရ လက်ထက်တွင်မူ စီးပွားရေးပိတ်ဆို့ အရေးယူမှုများ ဖြေလျော့ သွားစေရေးကို အသည်းအသန် ကြိုးပမ်း လာရတော့သည်။

ဦးသိန်းစိန် အစိုးရ လက်ထက်အတွင်း မြန်မာနိုင်ငံအပေါ် ထားရှိသည့် အမေရိကန်နိုင်ငံ၏ ပိတ်ဆို့ အရေးယူမှု အချို့အား ပယ်ဖျက် ပေးခဲ့သော် လည်း မြန်မာနိုင်ငံတွင် ကျင်းပသည့် အာဆီယံ နိုင်ငံခြားရေး ၀န်ကြီးများ အစည်းအဝေးနှင့် ဒေသဆိုင်ရာ အစည်းအဝေးများ တက်ရောက်ရန် နေပြည်တော် သို့ ရောက်ရှိလာသည့် အမေရိကန် နိုင်ငံခြားရေးဝန်ကြီး ဂျွန်ကယ်ရီက စီးပွားရေး ပိတ်ဆို့ခံထားရသည့် Max Myanmar Group ပိုင်ရှင် ဦးဇော်ဇော်၏ The Lake Garden ဟိုတယ်တွင် တည်းခိုခဲ့ရာ အမေရိကန် နိုင်ငံခြားရေး ၀န်ကြီးဌာနက ချက်ချင်း ဆိုသလိုပင် ရှင်းလင်းချက် ထုတ်ပြန်ခဲ့ရသည်။

ဂျွန်ကယ်ရီ တည်းခိုခဲ့သည့် ဟိုတယ်မှာ ပြင်သစ်အခြေစိုက် Accor SA က စီမံခန့်ခွဲနေခြင်း ဖြစ်သော်လည်း ဟိုတယ် အဆောက်အအုံနှင့် ပစ္စည်းများကို ဦးဇော်ဇော် ပိုင်ဆိုင်ခြင်း ဖြစ်သည့်အတွက် နိုင်ငံတကာ မီဒီယာ များက ပြစ်တင်ဝေဖန် ရေးသားခဲ့ရာ အမေရိကန် နိုင်ငံခြားရေးဝန်ကြီး ဌာန ပြောခွင့်ရပုဂ္ဂိုလ် Jen Psaki က မြန်မာနိုင်ငံခြားရေး ၀န်ကြီးဌာန၏ စီစဉ်ပေးမှုအရ တည်းခိုခဲ့ခြင်းဖြစ်ကြောင်း အေပီ သတင်းဌာနသို့ ပြန်လည် ဖြေကြား ခဲ့သည်။ ယင်းဖြစ်စဉ်ကို ကြည့်ပါက အမေရိကန် အနေဖြင့် ပိတ်ဆို့ အရေးယူမှု ဆန်ရှင်နှင့် ပတ်သက် လျှင် ဆတ်ဆတ်ထိမခံသည်ကို တွေ့မြင်ရမည် ဖြစ်သည်။

အမေရိကန်က မြန်မာနိုင်ငံအပေါ် ထားရှိသည့် အရေးယူ ပိတ်ဆို့မှုများမှာ ဗီဇာတားမြစ်ခြင်း၊ ဘဏ္ဍာရေး ၀န်ဆောင်မှု အပေါ် ကန့်သတ်ခြင်း၊ ပိုင်ဆိုင်ခွင့်များ သုံးစွဲမှုပိတ်ဆို့ခြင်း၊ အထွေထွေပို့ကုန်များ တားမြစ်ခြင်း၊ ရင်းနှီးမြှုပ်နှံမှု တားမြစ်ခြင်း၊ နှစ်နိုင်ငံချင်းနှင့် နိုင်ငံတကာ ထောက်ကူမှုများ တားမြစ်ခြင်းတို့ဖြစ် သည်။ ယင်းနောက် စီးပွားရေး ပိတ်ဆို့ အရေးယူမှုအား တစ်နှစ်တစ်ခါ သက်တမ်းတိုးခြင်း ပုံစံဖြင့် ဆက်လက် ကျင့်သုံးခဲ့ရာ စစ်လက်နက် ရောင်းချခြင်းနှင့် ကျောက်မျက် ရတနာတင်ပို့မှု တို့ကိုမူ ဆက်လက် ပိတ်ဆို့ အရေးယူ ထားခဲ့သည်။ အမေရိကန် သမ္မတ အိုဘားမားက စီးပွားရေး ပိတ်ဆို့မှုကို ၂၀၁၄ ခုနှစ် မေလက တစ်နှစ် ထပ်မံ သက်တမ်းတိုးခဲ့သော်လည်း ရင်းနှီးမြှုပ်နှံမှုနှင့် ကုန်သွယ်မှုဆိုင်ရာ ပိတ်ဆို့မှုများကို ဆိုင်းငံ့ ကာလအဖြစ် အမေရိကန် လုပ်ငန်းရှင်များအား လုပ်ကိုင်ခွင့် ရရှိပေးခဲ့သည်။

မြန်မာနိုင်ငံတွင် ၂၀၁၂ ခုနှစ်မှ စတင်၍ လက်ရှိအချိန်အထိ အမေရိကန် ပြည်ထောင်စု၏ ရင်းနှီးမြှုပ်နှံမှုမှာ ကန်ဒေါ်လာ ၆၁၅ သန်းရှိပြီး လုပ်ကိုင်နေသူများ အနေဖြင့် မြန်မာအစိုးရနှင့် ငွေပေးငွေယူ ကိစ္စများတွင် ပွင့်လင်းမြင်သာစွာ လုပ်ကိုင်ရန်၊ စီးပွားရေး လုပ်ဆောင်ရာတွင် လူ့အခွင့်အရေးကို အလေးထားကြောင်း ပြန်လည် တင်ပြရန်အတွက် အမေရိကန် အစိုးရက ညွှန်ကြားထားသည်။

ထို့ပြင် ၂၀၁၃ ခုနှစ်တွင် တည်ထောင်ခဲ့သည့် မြန်မာနိုင်ငံဆိုင်ရာ အမေရိကန် စီးပွားရေး လုပ်ငန်းရှင်များ အသင်းကလည်း မြန်မာနိုင်ငံသို့ ၀င်ရောက် ရင်းနှီးမြှုပ်နှံသူများအတွက် စည်းမျဉ်းများ ချမှတ်ခဲ့ရာ နိုင်ငံ၏ စည်းမျဉ်း ဥပဒေနှင့်အညီ လုပ်ကိုင်ရေး၊ ၀န်ထမ်း တစ်ဦးချင်းစီ၏ ဂုဏ်သိက္ခာနှင့် အခွင့်အရေးများကို လေးစားရေး၊ ၀န်ထမ်းများကို လေ့ကျင့် သင်ကြားမှု များ ပြုလုပ်ပေးရေး၊ သဘာဝပတ်ဝန်းကျင် ထိန်းသိမ်းသည့် အလေ့အထများကို စွဲစွဲမြဲမြဲ ကျင့်သုံးရေး၊ အဆင့်မြင့် ပရော်ဖက်ရှင်နယ်ဝါဒနှင့် စီးပွားရေး ကျင့်ဝတ်များကို မြှင့်တင်ရေးတို့ ပါဝင်သည်။

““ဆန်ရှင်နဲ့ ပတ်သက်ပြီးတော့ အမေရိကန်က ပြည်သူအတွက် သုံးမှာလား၊ စစ်တပ်အတွက် သုံးမှာလားဆိုပြီး မေးလေ့ မေးထရှိတယ်။ ပြုလုပ်ထားတဲ့ သူနဲ့ ပြုလုပ်ခံရသူတွေ ဆွေးနွေးတဲ့အခါ သဘောတူညီမှုရရင် လုပ်တဲ့ သူက ဖြည်လိုက်ရင် ဖြည်တာပေါ့။ ဆန်ရှင်ပေးတဲ့ နိုင်ငံရဲ့ ဆွေးနွေးမှုအပေါ်မှာ မူတည်တယ်။ ဆန်ရှင်ပေးတဲ့ နိုင်ငံက ဘယ်အလိုရှိတယ်ဆိုတာ ဖြည့်ပေးမှုဟာ အစိုးရအနေနဲ့ နားထောင်သင့်တာပေါ့။ MPT ကျတော့ ဆန်ရှင်ထိတဲ့ ၂၀၀၃ နောက်ပိုင်းမှာ ဒီအချိန်အထိ ဘာက အောင်အောင်မြင်မြင် ဖြစ်သလဲဆိုတာ ဆန်းစစ် ရမှာပေါ့။ ဘယ်ဟာက အောင်အောင်မြင်မြင် ဖြစ်ပြီး တိုင်းပြည်ကဘာတွေ တိုးတက်သွားလဲ ဆိုတာ ဆန်းစစ်ကြည့်ရင် သိနိုင်တာပေါ့””ဟု စီးပွားရေး ပိတ်ဆို့ခံနေရစဉ် ကာလအတွင်း မြန်မာအစိုးရပိုင် ဆက်သွယ်ရေး လုပ်ငန်း MPT နှင့် အကျိုးတူ ပူးပေါင်းလုပ်ဆောင်ရေး စာချုပ်ချုပ် ဆိုခဲ့ဖူးသူ ဒေါက်တာ မြတ်နုခိုင်က ပြောသည်။

မြန်မာနိုင်ငံတွင် အမေရိကန် အပါအ၀င် အနောက်နိုင်ငံများ၏ ပိတ်ဆို့ အရေးယူမှုမှာ အစိုးရနှင့် နီးစပ် သူများသာ ထိခိုက်သည် (သို့မဟုတ်)ပြည်သူများပါ ထိခိုက်သည်ဟုဆိုကာ သုံးသပ်မှုများရှိ နေသော်လည်း ယင်းပိတ်ဆို့ အရေးယူမှုကြောင့် ပြောင်းလဲလာမှုများ ရှိနေသည်။

စီးပွားရေး ပိတ်ဆို့မှု စာရင်းတွင် ပါဝင်သူ ထူးကုမ္ပဏီများ ပိုင်ရှင်နှင့် အာရှစိမ်းလန်းမှု ဖွံ့ဖြိုးရေး (AGD)ဘဏ် ဥက္ကဋ္ဌ ဦးတေဇက ၎င်းပိုင်ရှယ်ယာများအား ယခင် အာဏာရှင်ဟောင်း ဦးနေ၀င်း၏မြေး ဖြစ်သူ ဦးကျော်နေ၀င်း အား ရောင်းချခဲ့ရာတွင် စီးပွားရေး ပိတ်ဆို့မှုအား ရှောင်လွှဲ လို၍ ဖြစ်ကြောင်း ပြည်တွင်း မီဒီယာများသို့ တရားဝင် ပြောကြာခဲ့သည်။ ထို့ပြင်၎င်း တစ်ဦးတည်းပိုင် အဲပုဂံလေကြောင်း လိုင်းကိုလည်း အများပိုင်ကုမ္ပဏီသို့ ကူးပြောင်းမည်ဟု ကြေညာထားပြီးနောက် လေကြောင်းလိုင်း ရှယ်ယာအားလုံး၏ ၄၀ ရာခိုင်နှုန်းအား လေကြောင်းလိုင်း ၀န်ထမ်းများအား မြန်မာနိုင်ငံ စာချုပ်စာတမ်း မှတ်ပုံတင်ရုံးတွင် ၎င်းကိုယ်တိုင် လက်မှတ် ထိုးကာ ခွဲဝေပေးခဲ့သည်။ အဲပုဂံလေကြောင်းလိုင်းအား ကန် ဒေါ်လာ သန်း ၃၀ ခန့်ဖြင့် ရင်းနှီးထားခြင်းဖြစ်ကာ ယခုခွဲဝေပေး လိုက်သာရှယ်ယာပမာဏမှာ ကန်ဒေါ်လာ ၁၂ သန်းကျော် ရှိသည်ဟု အဲပုဂံ၏ ထုတ်ပြန်ချက်တွင် ပါရှိသည်။ ယခုကဲ့သို့ ရှယ်ယာများ ခွဲဝေပေးခြင်းမှာလည်း တစ်ဦးတည်းပိုင်အဖြစ် စီးပွားရေး ပိတ်ဆို့ခံထားရ သည့်အတွက် ယင်းပိတ်ဆို့ခံရမှုမှ ရှောင်လွဲလိုခြင်းကြောင့် ဖြစ်နိုင်ကြောင်း သုံးသပ်မှုများရှိနေပြီး လတ် တလောတွင် အဲပုဂံလေကြောင်းပိုင် လေယာဉ်များမှာလည်း ပိတ်ဆို့ ခံထားရမှုကြောင့် လိုအပ်သော စက်ပစ္စည်းများ ၀ယ်ယူရန်အတွက် အခက်အခဲ တွေ့နေရခြင်းကြောင့် လိုအပ်သည့် ပြင်ဆင်မှုများ မပြုလုပ်နိုင်ကြောင်း ပြောဆိုမှုများလည်း ရှိသည်။

အမေရိကန်၏ စီးပွားရေးဒဏ် ခတ်ပိတ်ဆို့မှုများကြောင့် မြန်မာခရိုနီ အများစုမှာ ၎င်းတို့ပိုင် လုပ်ငန်းစုများအား အများပိုင်အဖြစ် ပြောင်းလဲလာကြခြင်းနှင့် ပတ်သက်၍ လူမှု တရားမျှတရေးအဖွဲ့ အမှုဆောင်ဒါရိုက်တာ ဒေါက်တာသောင်းထွန်းက ““ဆန်ရှင်ထိတဲ့ စီးပွားရေးသမားတွေ အနေနဲ့ အများပိုင်ကုမ္ပဏီဖြစ်အောင် ပြောင်းလဲတဲ့အခါ ပွင့်လင်းမြင်သာမှုရှိရှိနဲ့ ကုမ္ပဏီရဲ့ ပိုင်ဆိုင်မှုတွေ ဘယ်လောက်ရှိလဲ၊ ရှယ်ယာကိုင်ထားသူ တွေအနေနဲ့ အများပြည်သူကို ဖိတ်ခေါ်တာမျိုးတွေပေါ့၊ လက်ဝါးကြီးအုပ် စီးပွားရေး စနစ်ကနေပြီးတော့ ပွင့်လင်း မြင်သာမှုရှိတဲ့ စီးပွားရေးစနစ် တစ်ခုပြောင်းနိုင်ရင်တော့ ပိုကောင်းတာပေါ့၊ မြန်မာနိုင်ငံမှာက အမြတ်အစွန်း များများရှိတဲ့ ကုမ္ပဏီတွေက လက်ဝါးကြီးအုပ် စီးပွားရေးစနစ်ရဲ့ အငွေ့အသက်တွေက ရှိနေသေးတယ်၊ မျက်နှာသာပေးမှု၊ အထူးအခွင့်အရေးတွေ အပေါ်မှာ အခြေခံတဲ့ စီးပွားရေးမျိုးမဖြစ်မှ သူများနိုင်ငံတွေရဲ့ ဖွံ့ဖြိုးတိုးတက်မှုကို လိုက်နိုင်မှာပါ”” ဟု သုံးသပ်သည်။

အမေရိကန်နိုင်ငံက ငွေရေးကြေးရေးနှင့် စီးပွားဒဏ်ခတ်ပိတ်ဆို့ အရေးယူထားသည့် မြန်မာ စီးပွားရေးသမား ၁၀ ဦးထက်မနည်း ရှိနေရာအများစုမှာ ယခင်စစ်အစိုးရနှင့် နီးစပ်သူများဖြစ်သည့် ဦးအောင်သက်မန်း (ဧရာရွှေဝါ ကုမ္ပဏီ)၊ ဦးဝင်းအောင် (ဒဂုန်နိုင်ငံတကာလီမိတက်) (ပြည်ထောင်စု မြန်မာနိုင်ငံ ကုန်သွယ်ရေးနှင့်စက်မှု လုပ်ငန်းရှင်များ အဖွဲ့ချုပ်ဥက္ကဋ္ဌ)၊ ဦးထွန်းမြင့်နိုင် (ခေါ်) စတီဗင်လော (အေးရှားဝေါလ်)၊ ဦးတေဇ (ထူး ကုမ္ပဏီအုပ်စု)၊ ဦးသီဟ(ထူးကုမ္ပဏီအုပ်စု) (ဦးတေဇ၏အစ်ကို)၊ ဦးပြည့်ဖြိုးတေဇ (ထူးကုမ္ပဏီအုပ်စု) (ဦးတေဇ၏သား)၊ ဒေါ်သီတာဇော် (ထူးကုမ္ပဏီအုပ်စု) (ဦးတေဇ၏ဇနီး)နှင့် ဦးဇော်ဇော်(မက်စ်မြန်မာ)တို့ ပါဝင်သည်။ ထို့ပြင် လွှတ်တော် ကိုယ်စားလှယ်များ ဖြစ်သည့် ဦးခင်ရွှေ (ဇေကမ္ဘာ) (အမျိုးသား လွှတ်တော် ကိုယ်စားလှယ်)နှင့် ဦးဌေးမြင့် (ယုဇန) (ပြည်သူ့လွှတ်တော် ကိုယ်စားလှယ်)တို့မှာလည်း စီးပွားရေး ဒဏ်ခတ် ပိတ်ဆို့ ခံထားရသူများ ဖြစ်သည်။

ယင်းပိတ်ဆုိ့ခံရသူ အများစုမှာ ယခင်စစ်အစိုးရ ခေါင်းဆောင်များနှင့် နီးစပ်သူများဖြစ်ပြီး အတည်မပြု နိုင်သေးသည့် သတင်းများအရ စစ်အစိုးရ ခေါင်းဆောင်များ၏ လုပ်ငန်းများကို အမည်ခံ၍ လုပ်ကိုင်ပေး နေကြသည်ဟုလည်း ပြောဆိုမှုများရှိသည်။ စစ်အစိုးရက စီးပွားရေးပိတ်ဆုိ့ အရေးယူမှုမှာ နိုင်ငံအတွက် ထိခိုက်မှု မရှိကြောင်း စဉ်ဆက်မပြတ် ပြောဆိုခဲ့သော်လည်း လက်ရှိ အစိုးရ လက်ထက် နိုင်ငံတကာ ရင်းနှီးမြှုပ်နှံမှုများ အထိုက်အလျောက် ပွင့်လန်းလာသည့် အချိန်တွင်မူ ယင်းပိတ်ဆို့ ဒဏ်ခတ် အရေးယူမှာ အရေးကြီးသည့် အချက်တစ်ခု ဖြစ်လာသည်။

သို့သော် အမေရိကန်အစိုးရ၏ စီးပွားရေး ပိတ်ဆို့မှု၌လည်း အားနည်းချက်များ ရှိနေဆဲဖြစ်ကြောင်းကို ““မြန်မာနိုင်ငံကို ဆန်ရှင်ပိတ်တာက အနှစ် (၂၀) မကတော့ဘူး။ ဘာမှလည်း မထူးခြားလာပါဘူး။ ပြည်သူ တွေသာ နစ်သထက် နစ်သွားတာပဲ ရှိတာပဲလေ။ အပြည်ပြည်ဆိုင်ရာ ညွှန်းကိန်းတွေက ကျသွားတာပဲ ရှိတယ်။ ဘောဂဗေဒ စကားအရ ပြောမယ်ဆိုရင် ဆင်းရဲတွင်းနက်လေ သူဌေးချမ်းသာလေ ဖြစ်နေတယ်။ အမေရိကန် ဆန်ရှင်နဲ့ ခရိုနီနဲ့ ချိတ်ဆက်လို့မရဘူး ဖြစ်နေတယ်။ ခရိုနီက သိပ်ဂရုစိုက်ပုံမရဘူး။ အလုပ်အကိုင် အခွင့်အလမ်း၊ သွားရေးလာရေး အခွင့်အလမ်း နည်းသွားတာပဲရှိတယ်။ ကျွန်တော့်အမြင် ပြောရရင်တော့ သိပ်မထိရောက်ဘူးလို့ ထင်တယ်”” ဟု စီးပွားရေးပညာရှင် ဒေါက်တာ မောင်မောင်စိုးက သုံးသပ်သည်။

လက်ရှိတွင် စီးပွားရေး ပိတ်ဆို့မှုကြောင့် နိုင်ငံအတွက် လိုအပ်သည့် အခြေခံ အဆောက်အဦ တည်ဆောက်ရေး လုပ်ငန်းများတွင်လည်း ထိခိုက်မှုများရှိပြီး ကြားနိုင်ငံမှတစ်ဆင့် ၀ယ်ယူရသည့်အတွက် ပြည်သူ့ဘဏ္ဍာငွေ ထိခိုက်မှုများလည်း ရှိသည်။ ထို့ပြင်အခြားသော ပုဂ္ဂလိက စီးပွားရေး လုပ်ငန်းရှင်များကလည်း ကြားခံ နိုင်ငံမှ တစ်ဆင့် လိုအပ်သည့် ကုန်ပစ္စည်းများကို ၀ယ်ယူရသည့်အတွက် အပိုထပ်ဆောင်း ကုန်ကျမှုကို စားသုံးသူများ ကပင် ကုန်ကျခံရသည့်အတွက် ဆန်ရှင်ကြောင့် ပြည်သူများသာ နစ်နာရသည်ဟူသည့် သုံးသပ်မှုများလည်း ရှိသည်။

အရပ်ဝတ်လဲအစိုးရ တက်လာပြီးနောက် အမေရိကန်နှင့် အနောက်နိုင်ငံများက စီးပွားရေး ဒဏ်ခတ် ပိတ်ဆို့မှုများ လျော့ချပေးလာရာတွင် ဥရောပသမဂ္ဂက မြန်မာနိုင်ငံအပေါ် ထားရှိသည့် ကန့်သတ်ချက် အားလုံးကို ၂၀၁၃ ခုနှစ် ဧပြီ လ ၂၂ ရက်တွင်ပယ်ဖျက် ပေးခဲ့သော်လည်း အမေရိကန်ကမူ ပိတ်ဆို့မှုများအား အပြီးတိုင် ရုပ်သိမ်းခြင်း မရှိ်သေးပေ။

ယင်းကဲ့သို့ ပိတ်ဆို့မှုများ မရုပ်သိမ်းခြင်းနှင့် ပတ်သက်၍ မြန်မာ အစိုးရ၏ ပြုပြင်ပြောင်းလဲမှုများ၊ လူ့အခွင့်အရေး ဆိုင်ရာ စီမံ ဆောင်ရွက်မှုများ ပိုမိုပြောင်းလဲ တိုးတက်အောင် ဆောင်ရွက်ရန် လိုအပ်ကြောင်းနှင့် လာမည့် ၂၀၁၅ ရွေးကောက်ပွဲတွင် ဖွဲ့စည်းပုံ ပြဋ္ဌာန်းချက်များကို ပြင်ဆင်မှုများ မပြုလုပ်နိုင်ပါက ဒတ်ခတ်ပိတ်ဆို့မှုများ အဆုံးသတ်ရေး ခက်ခဲဦးမည်ဖြစ်ကြောင်း အမေရိကန် လွှတ်တော်အမတ် မက်ကွန်နဲလ်က ၂၀၁၄ ခုနှစ် ဇူလိုင်လ အတွင်း အမေရိကန် လွှတ်တော်အတွင်း ပြောဆိုမှုများရှိခဲ့သည်။

““အမေရိကန် အစိုးရအနေနဲ့က မြန်မာနိုင်ငံရဲ့ ဒီမိုကရေစီကို ပြောင်းလဲရေး အပေါ်မှာ မူတည်ပြီး ဆန်ရှင်ကို ပြန်လည် သုံးသပ်တာတွေ ရှိပါတယ်။ ဆန်ရှင်ကတော့ လူ့အခွင့်အရေး ချိုးဖောက်မှုတွေ ရပ်တန့်အောင်၊ ဒီမိုကရေစီ ပြုပြင် ပြောင်းလဲမှုတွေကို လုပ်ဖို့လိုလားတဲ့ အမေရိကန် ရဲ့ နိုင်ငံခြားရေး ပေါ်လစီ မက်ဆေ့ခ်ျ ပါပဲ””ဟု ဒေါက်တာသောင်းထွန်းက သူ၏အမြင်ကို ပြောပြသည်။

လက်ရှိတွင် အမေရိကန် အနေဖြင့် မြန်မာနိုင်ငံအား ဆက်ဆံရာတွင် စီးပွားရေး ပိတ်ဆို့မှု ဖိအားနှင့် တိုက်ရိုက် ထိတွေ့မှုတို့အား တွဲဖက်ကျင့်သုံးသည့် မူဝါဒကို ကျင့်သုံးလျက်ရှိပြီး မြန်မာအစိုးရ အနေဖြင့် ဖွဲ့စည်းပုံ အခြေခံ ဥပဒေ ပြင်ဆင်ရေး ဆိုင်ရာ ကိစ္စရပ်များ၊ ပြည်တွင်း ငြိမ်းချမ်းရေး လုပ်ငန်းစဉ်များ အကောင် အထည်ဖော်မှု၊ ဒီမိုကရေစီ ထွန်းကားမှု ဖော်ဆောင်ရေး လုပ်ငန်းစဉ်နှင့် လူ့အခွင့်အရေး ချိုးဖောက်မှုဆိုင်ရာ ကိစ္စရပ်များကို လျင်မြန်စွာ ဆောင်ရွက်ရန် အတွက် အမေရိကန်ဘက်မှ အစဉ်တစိုက် တောင်းဆိုလျက် ရှိသည်။

ရေးသား – သဉ္ဇာဆွေ

တည်းဖြတ် – ရှိန်းဝေနောင်

မြန်မာသံတော်ဆင့်သတင်းဌာန

ပူးပေါင်းဆောင်ရွက်တဲ့ ကိစ္စရပ်တိုင်းကို အုပ်ချုပ်ရေးဘက်က မကြိုက်ချင်ဘူး၊ လွှတ်တော် ကိုဝေဖန်တယ် . . .

ကလေးဗဟိုပြု သင်နေပါတယ်ပြောပြီး တကယ်လက်တွေ့မှာ ကလေးကို ဗဟိုပြု သင်ကြားရေးစနစ်တောင် နားမလည်နိုင်သေးတဲ့ သူတွေကနေ ကလေးတွေကို သင်ပေးမယ် ဆိုရင် အခက်အခဲတွေ အများကြီး ကြုံနိုင်တယ် …

~~~~~~~~~~~~~~~~~~~~~~~~~~~~~~~~~~~~~~~~~~~~

မြန်မာနိုင်ငံ၏ ပညာရေးစနစ် ပြုပြင်ပြောင်းလဲ မှုများ ပြုလုပ်လျက်ရှိသော်လည်း အစိုးရ၏ ချုပ်ကိုင်မှုများ အောက် တွင်သာ ထားရှိလိုသည့် ဥပဒေ ပြဋ္ဌာန်း ချက်များကြောင့် ဝေဖန်မှုများ ဖြစ်ပေါ် လျက်ရှိသည်။ တပ်မတော် အစိုးရ လက်ထက်တွင် လည်း ပညာရေးစနစ် အမျိုးမျိုး ပြုပြင်ပြောင်းလဲမှုများ ရှိခဲ့သော်လည်း အစမ်းသပ်ခံ ပညာရေးစနစ် သာ ဖြစ်သည့်အတွက် အနာဂတ် လူငယ်များအတွက် များစွာ ထိခိုက်ခဲ့ရသည်။

ယခုချိန်အထိ ကျင့်သုံးလျက်ရှိသည့် စစ်အစိုးရ လက်ထက်က ချမှတ်ထားသော ပညာရေးမူဝါဒနှင့် ယခုလက်ရှိ အစိုးရ၏ ပညာရေးမူဝါဒ ပြောင်းလဲမှုတွင် လိုအပ်ချက်များစွာ ရှိနေကြောင်း၊ ပြုပြင်ပြောင်းလဲမှုများကို တိကျ သေချာသော စည်းမျဉ်းဥပဒေများ ချမှတ်၍ အရှိန်တိုးမြှင့် ဆောင်ရွက် သင့်ကြောင်းကိုလည်း ပညာရေး လှုပ်ရှားသူများ၊ အရပ်ဘက် အဖွဲ့အစည်းများနှင့် နိုင်ငံရေး အသိုင်းအ၀ိုင်းမှ ပုဂ္ဂိုလ်များကလည်း ပြောဆိုမှုများ ရှိနေသည်။

သို့ဖြစ်ပါ၍ မြန်မာနိုင်ငံ၏ ပညာရေး ပြုပြင်ပြောင်းလဲ မှုများတွင် လိုအပ် ချက်များ၊ ဝေဖန် ထောက်ပြမှုများကို အမျိုးသား ဒီမိုကရေစီအဖွဲ့ချုပ် ပညာရေး ကွန်ရက်မှ ညှိနှိုင်းရေးမှူး တစ်ဦးဖြစ်သူ လှည်းကူးမြို့နယ်၊ ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းနှင့် သြဂုတ်လ ၁၇ ရက်က တွေ့ဆုံစဉ် မေးမြန်းခဲ့မှုများကို ဖော်ပြလိုက်ပါသည်။

● ယခုလက်ရှိ ပညာရေးစနစ်မှာ CCA လို့ ခေါ်တဲ့ ကလေးဗဟိုပြု ချဉ်းကပ် သင်ကြားနည်းတို့ဟာ လက်တွေ့မှာ တကယ် သင်ကြားတဲ့ ဆရာ၊ ဆရာမတွေအနေနဲ့ တကယ်အပြည့် လုပ်လို့မရဘူး ပြီးပြည့်စုံမှု မရှိဘူး ပြောနေတာရယ်။ မအောင်မရှိ စနစ်ကလည်း တစ်ဖက်မှာ ပူးတွဲပါနေတယ်။ နောက်ဆုံး ဘွဲ့ရသွားပေမယ့် လုံလောက်တဲ့ အရည်အချင်း မရှိတာတွေ ဖြစ်နေတဲ့အပေါ်မှာ ပညာရေး လှုပ်ရှားသူ အနေနဲ့ရော၊ လွှတ်တော် ကိုယ်စားလှယ် တစ်ဦးအနေနဲ့ ဘယ်လိုများ ထင်မြင်မိပါသလဲ။

ဒီကျောင်းသားကို ဗဟိုပြု သင်ကြားနည်းတို့ နောက်တစ်ခုက တစ်နှစ်တစ်တန်း ကျောင်းသား ကို အောင်သွား နိုင်ဖို့ဆိုတာ နိုင်ငံ တကာမှာ ဆောင်ရွက်နေတဲ့ ပုံသဏ္ဌာန်ပါပဲ။ ကျွန်တော်တို့ တိုင်းပြည်မှာ ပုံသဏ္ဌာန်တွေ လုပ်နေလို့ မရဘူး။ အနှစ်သာရရှိတဲ့ ပြုပြင်ပြောင်းလဲမှု တစ်ရပ်ကို မလုပ်နိုင်ဘူးဆိုရင် ဟိုမှာ ခေတ်တွေ ပြောင်းတယ်ဆိုပြီး ကျွန်တော်တို့ နာမည်တွေ လိုက်ပြောင်းကြတယ်။ စကားလုံးတွေ ပြောင်းတယ်။ တကယ် လက်တွေ့ကျကျ ဘာလုပ်နိုင်သလဲ။ ဒီအပေါ်မှာ မူတည်ပြီး တကယ်လက်တွေ့ကျပြီး ပြည်သူလူထု လိုက်ပါ ဆောင်ရွက်နိုင်တဲ့ ဥပဒေမျိုးတွေဖြစ်ဖို့၊ ဒီဥပဒေကို အကောင်အထည်ဖော်တဲ့ သူတွေကလည်း လူထုဘ၀ကို တကယ်ကို အကျိုးရှိစေနိုင်မယ့် ဥပဒေတွေဖြစ်အောင် လုပ်ရမှာပေါ့။

အဲဒီနေရာမှာ ပညာရေးနဲ့ဆိုင်တဲ့ ဥပဒေတွေဟာလည်း ကလေးတွေအတွက် တကယ်ကို အကျိုးရှိမယ့် သင်ကြား နည်းစနစ်တွေ၊ စာမေးပွဲ စနစ်တွေ ဖြစ်ဖို့လိုပါတယ်။ ဒါတွေကို ပြုပြင်ပြောင်းလဲဖို့ ကျွန်တော်တို့ ကြိုးစားနေတယ်။ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ အနေနဲ့လည်း ပညာရေး ပြုပြင်ပြောင်းလဲရေးကို အထူးအာရုံစိုက်တယ်။ ဒါကြောင့်မို့ ပညာရေးစနစ်နဲ့ ပတ်သက်ပြီး ပြုပြင်ပြောင်းလဲရေး ကိစ္စရပ်ကို လုပ်နိုင်မှ ကျွန်တော်တို့ တိုင်းပြည်ရဲ့ အနာဂတ်က သေချာမှာပါ။ ကျွန်တော်ဆိုလိုတာ ဒီစနစ်တွေကို ပုံသဏ္ဌာန် လုပ်နေလို့ မရဘူး။ စကားလုံးတွေ လုပ်နေလို့ မရဘူး။ အနှစ်သာရရှိတဲ့ ကလေးဗဟိုပြုပြီး သင်မှာဆို ဘယ်လို သင်မှာတုန်း။ တကယ်ရော ကလေးက ဒီဗဟိုပြုသင်ကြားမှုကို အောက်ခြေမှာ တကယ်ဖြစ်နေလား။ တကယ်ရော ရရဲ့လား။ ဒါတွေကို သေချာလေ့လာ ဆန်းစစ်ပြီး ကျွန်တော်တို့ လုပ်ဖို့ လိုပါတယ်။

● အဓိက စနစ်တွေ သတ်မှတ်တာတော့ ရှိပါတယ်။ တကယ်တမ်းနည်း ဥပဒေလိုပေါ့။ တကယ်ကြပ်ကြပ်မတ်မတ် ဘယ်လို လုပ်သင့်တယ်ဆိုပြီး ၀န်ကြီးဌာနတွေက လက်ရှိဆရာ၊ ဆရာမတွေကို ချမှတ်မပေး နိုင်တဲ့ သဘောမျိုး ကြောင့်လား။အဲဒီအပေါ်မှာရော ဘယ်လိုမြင်ပါသလဲ။

ကျွန်တော်တို့ တိုင်းပြည်ရဲ့ ပညာရေးစနစ်က အစမ်းသပ်ခံ ပညာရေးစနစ် ဖြစ်ခဲ့တယ်။ အစမ်းသပ်ခံ ပညာရေးစနစ် ဖြစ်တဲ့အတွက် စနစ်တွေက တစ်မျိုးပြီးတစ်မျိုး ပြောင်းပြီးတော့ လုပ်ကြတယ်။ အဲဒီလုပ်တဲ့ နေရာမှာ တကယ်ကို အနှစ်သာရ မပါခဲ့တဲ့အတွက် ဒီဆရာ၊ ဆရာမတွေကလည်း အဲဒီပြောတာကို လုပ်လုပ်ရင်း လိုက်လုပ်ရင်းနဲ့ပဲ ကျွန်တော်တို့ ပညာရေးစနစ် ကျဆုံးသလိုမျိုး ဖြစ်သွားတယ်ပေါ့ဗျာ။ ဘယ်နိုင်ငံကမှ အသိအမှတ် မပြုတော့တဲ့ အခြေအနေမျိုး ဖြစ်သွားတယ်။ အဲဒီအပေါ်မှာ ဒီပညာရေးဌာနမှာ လုပ်နေတဲ့ဆရာ၊ ဆရာမတွေ ဘက်ကလည်း ဒီပြောင်းလဲလာတဲ့ အပြောင်းအလဲ အပေါ်မှာ လိုက်ပါနိုင်ဖို့ လိုတယ်။ ဘာဖြစ်လို့လဲ ဆိုတော့ လက်တွေ့ အကျိုးဖြစ်ထွန်းအောင် ဘယ်လိုလုပ်မလဲဆိုတဲ့ အခြေအနေမျိုး ဖြစ်ဖို့လိုတယ်။ အစိုးရက ချမှတ်တဲ့ ဥပဒေတွေ၊ ပေါ်လစီတွေကလည်း တကယ်ဖြစ်အောင် လုပ်နိုင်တဲ့ အခြေအနေတွေရှိတဲ့ ဥပဒေတွေ၊ ပေါ်လစီတွေ ဖြစ်ဖို့လိုပါတယ်။

● နောက်တစ်ခုက သတင်းမီဒီယာတွေမှာ ဖော်ပြနေတဲ့ ၂၀၁၈ ဒီဇင်ဘာမှာ နောက်ဆုံးထားပြီး လုပ်မယ့် ပညာရေးနဲ့ သက်ဆိုင်တဲ့ စီမံကိန်းတစ်ခုမှာ ကမ္ဘာ့ဘဏ်က မြန်မာနိုင်ငံကို အမေရိကန်ဒေါ်လာ သန်း ၈၀ ချေးပြီး သြစတြေးလျက ဒေါ်လာသန်း ၂၀ ပေါ့။ ဒါက လှူလိုက်တာပေါ့။ အဲဒီကူညီ ထောက်ပံ့ငွေ ဒေါ်လာသန်း ၁၀၀ နဲ့ မြန်မာနိုင်ငံမှာရှိတဲ့ စာသင်ကျောင်းတွေနဲ့ ဆင်းရဲ နွမ်းပါးကျောင်းသား ကျောင်းသူ တစ်သိန်း လောက် ကို ကူညီမယ်လို့ သိရပါတယ်။ အဲဒါကို ဘယ်လို အစီအစဉ်မျိုးတွေနဲ့ ပံ့ပိုးမှုတွေ လုပ်သွားမယ်လို့ သိရပါသလဲ။

ကျွန်တော်တို့ တိုင်းပြည်ကို နိုင်ငံတကာ ပံ့ပိုးမှုတွေ ရှိခဲ့ပါတယ်။ အခု ကမ္ဘာ့ဘဏ်နဲ့ သြစတြေးလျက ကူညီမယ့် သန်း ၁၀၀ ပေါ့ နော်၊ ဒီဥစ္စာဟာ တကယ်လက်တွေ့ အကျိုးဖြစ်ထွန်းအောင် လုပ်ဖို့လိုလိမ့်မယ်။ လုပ်နိုင်ဖို့ အတွက်လည်း ကျွန်တော်တို့က တိုက်တွန်းရမယ်။ စောင့်ကြည့်ဖို့လည်း လိုတယ်။ ဒီပိုက်ဆံတွေကို တကယ် စီမံချက် တစ်ရပ် သေသေချာချာ ရေးဆွဲပြီး တကယ် ဒီပိုက်ဆံတွေဟာ ပွင့်လင်း မြင်မြင်သာသာနဲ့ပေါ့ လူထု လက်ထဲကို တကယ်ရောက်ရဲ့လား၊ တကယ်အကျိုးပြု လုပ်ငန်းတွေ တကယ်ဖြစ်ရဲ့လား။ ဥပမာပေါ့ဗျာ ကျောင်းသား တစ်ယောက်ကို အခမဲ့ ပညာသင်ကြားနိုင်ဖို့ ထောက်ပံ့မယ်။ ဒီကလေး တကယ်ရသွား ရဲ့လား။ သင်ထောက်ကူ ပစ္စည်းတွေတကယ် ၀ယ်ရဲ့လား။ အဲဒီ အခြေအနေမှာဆရာ ဆရာမတွေကို သင်ကြားရေး စနစ်နဲ့ သင်တန်းတွေ ပေးတယ်ဆိုရင် ဆရာ၊ ဆရာမ တွေဟာ ဒီသင်ကြားရေး စနစ်နဲ့ ကျောင်းတွေမှာ တကယ် သင်နေရဲ့လား။ ဒါဟာ ကျွန်တော်တို့ တိုင်းပြည်မှာ လိုအပ်နေတယ်။ တိုင်းပြည်မှာ ကျွန်တော် ခုနကပြောသလို ပေါ့ ဆိုရှယ်လစ်ဆို ဆိုရှယ်လစ် ခေါင်းစဉ်တပ်တယ်။ ဒီမိုကရေစီဆိုဒီမို ကရေစီခေါင်းစဉ် တပ်တယ်။ ဒီလို ခေါင်းစဉ် တပ်ပြီးတော့ အနှစ်သာရ မပြောင်းဘဲ လုပ်ခဲ့တဲ့ အခြေအနေပေါ်မှာ တကယ်တော့ ကလေးဗဟိုပြု သင်နေတယ်။ ဗဟိုပြု သင်နေပါတယ် ပြောပြီး တကယ်လက်တွေ့မှာ ကလေးကိုဗဟိုပြု သင်ကြားရေး စနစ်တောင် နားမလည်နိုင်သေးတဲ့ သူတွေကနေ ကလေးတွေကို သင်ပေးမယ်ဆိုရင် အခက်အခဲတွေ အများကြီး ကြုံနိုင်တယ်။ ပညာရေးစနစ်မှာ အဓိက ကျတာကတော့ ဆရာ၊ ဆရာမရဲ့ အခန်းကဏ္ဍဟာ အရေးကြီး ပါတယ်။ ဆရာ၊ဆရာမ တွေရဲ့ အခန်းကဏ္ဍကို မြှင့်တင်နိုင်မယ်ဆိုရင် ဒီသြစတြေးလျနဲ့ ကမ္ဘာ့ဘဏ်တို့က ပေးတဲ့ အခြေအနေတွေဟာ တကယ် လက်တွေ့ဘ၀မှာ အကျိုးဖြစ်စေ နိုင်ပါတယ်။

● ပညာရေး ၀န်ကြီးဌာန အနေနဲ့ ပြီးခဲ့တဲ့ ဒသမအကြိမ် လွှတ်တော်မှာ NLD ပါတီက ကိုယ်စားလှယ် ဒေါ်စန္ဒာမင်းလည်း ထောက်ပြခဲ့တယ်လေ။ ဘာလဲဆိုတော့ ပညာရေး ၀န်ကြီးဌာန အနေနဲ့ ဘတ်ဂျက် အသုံးပြုမှုမှာ သုံးရမယ့် ငွေကြေး ပမာဏထက် ငွေကျပ်သန်းပေါင်း ၄၃၉ သန်းကျော် ပိုသုံးစွဲထားတဲ့ အပေါ်မှာ ဝေဖန်တာ တချို့ရှိပါတယ်။ဒါကြောင့်မို့ထင်ပါတယ် ကမ္ဘာ့ဘဏ်က ဒီပညာရေး ထောက်ပံ့မှုတွေဟာ ပညာရေးမှာ တကယ်ထိရောက် နိုင်မလား ဆိုတာကို တချို့က စိုးရိမ်မှုတွေ ရှိပါတယ်။ အဲဒီအပေါ်မှာရော ဘယ်လိုမြင်မိပါလဲ။

ဟုတ်ပါတယ်။ ကျွန်တော်တို့နိုင်ငံမှာ ပြယုဂ်တွေပဲ လုပ်ခဲ့တဲ့အတွက် လူတိုင်းက စိတ်ပူကြတယ်။ ကျွန်တော် တို့လည်း စိတ်ပူပါတယ်။ ဒါပေမဲ့ ဒီအခြေအနေတွေကို တကယ်ဆောင်ရွက်တဲ့ ကမ္ဘာ့ဘဏ်တို့ ဘာတို့ကို ထိထိ ရောက်ရောက်ပေါ့ သူတို့ကို ပြောရမယ်။ ဒီအခြေအနေနဲ့ ပတ်သက်လို့ စောင့်ကြည့်မှုတွေ လုပ်ဖို့ လိုအပ်တယ်။ လူထုကလည်း ဒီပြုပြင် ပြောင်းလဲမှုမှာ ပူးပေါင်း ပါဝင်ဖို့လိုတယ်။ ငွေကြေးသုံးစွဲမှု အပေါ်မှာ ဘတ်ဂျက်တွေကို လေ့လာမယ်ဆိုရင် ကျွန်တော်တို့ ဘတ်ဂျက်ကို လေ့လာနေတာ ရှိတယ်။ အဲဒီအထဲမှာ တကယ်သုံးစွဲတဲ့ နေရာမှာ ထိရောက်မှု မရှိတာတွေ အများကြီးတွေ့ရ တယ်။ နိုင်ငံတော် ငွေတွေဟာ အလေအလွင့်တွေ ဖြစ်နေတာမျိုးတွေ၊ အရှုံးပေါ်နေတဲ့ လုပ်ငန်းတွေကိုပဲ ဆက်လုပ်နေတာမျိုးတွေ၊ ဒါဘာကြောင့် ဆက်လုပ် နေသလဲ။ နိုင်ငံတော် ရှုံးချင်ရှုံးပါစေ ငါတို့ စီမံချက် တစ်ရပ်ရဖို့ပဲ အရေးကြီးတယ်။ ငါတို့ ဘတ်ဂျက်ရရင် ဒီထဲမှာ ငါတို့လုပ်ချင်ရာ လုပ်လို့ရတယ်ဆိုတဲ့ ပုံသဏ္ဌာန်မျိုးနဲ့တော့ ကျွန်တော်တို့ တိုင်းပြည်ကို ထူထောင်လို့ မရနိုင်ဘူး။ ပညာရေး ဘက်မှာလည်း အဲဒီလို အခြေအနေတွေ မဖြစ်ဖို့လိုတယ်။ ဥပမာ ကျောင်းတွေ ဆောက်တယ်ပေါ့ဗျာ။ ကျောင်းတွေကို ပုံစံတကျ မလုပ်ခဲ့တဲ့အတွက် အဆင့်အတန်းမီ ကျောင်းတွေ ဖြစ်မလာဘူး။ ၂ နှစ် ၃ နှစ်မှာပဲ ပြိုလဲသွားတယ်။ အဲဒီ အခြေအနေမျိုးတွေဟာ အလွဲသုံးစားရပ်တွေ ပေါ်ထွန်းနေတဲ့ ကိစ္စရပ်တွေပါ။ စာရင်း စစ်ချုပ်ကနေ စစ်ရုံလောက်နဲ့ စာရွက်ပေါ်မှာ လုပ်နေလို့တော့ မရနိုင်တော့ဘူး။ တကယ်လက်တွေ့ အလုပ်တွေ တကယ်လုပ်ရဲ့လား ကြည့်ပြီး လေ့လာ စိစစ်မှုတွေကို လုပ်မှသာလျှင် ကျွန်တော်တို့ တိုင်းပြည် စနစ်တကျ ဖြစ်လိမ့်မယ်လို့ ထင်တယ်။

● တချို့ကလည်း အစိုးရပိုင်းက တာဝန်ရှိတဲ့ သူတွေအပြင် ဒါကပညာရေး ထောက်ပံ့ တာ ဖြစ်တဲ့ အတွက် ပြည်သူကို တိုက်ရိုက် သွားတာပေါ့။ အဲဒီအတွက် လွှတ်တော်တွေ အပိုင်းကလည်း ပါဝင်ပူး ပေါင်းဆောင်ရွက် မှုတွေဖြစ်အောင် ကော်မတီ၊ ကော်မရှင် သဘောမျိုးနဲ့ ထောက်ပံ့မှုတွေကို တစ်ဖက်က စီမံလုပ်ကိုင်မှုမျိုး ရှိလာနိုင်မလား။

လွှတ်တော်ဘက်က ဒီအခြေအနေတွေကို အစိုးရဘက်ကို ၀င်ရောက် ကူညီချင်တဲ့ အခြေအနေတွေ ရှိပါတယ်။ ရန်ကုန်တက္ကသိုလ် ပြုပြင်ပြောင်းလဲရေး ကိစ္စလို ဟာမျိုးဆိုရင် ဒေါ်အောင်ဆန်းစုကြည် ဥက္ကဋ္ဌနဲ့ ဆောင်ရွက် နေတာ မျိုးရှိတယ်။ ဒီလိုနေရာမျိုးတွေမှာ အခက်အခဲတွေရှိတယ်။ ပူးပေါင်းဆောင်ရွက်တဲ့ ကိစ္စရပ်တိုင်းကို အုပ်ချုပ်ရေး ဘက်က မကြိုက်ချင်ဘူး။ လွှတ်တော်ကို ဝေဖန်တယ်။ ထောက်ပြတယ်။ ငွေကြေး ကိုင်တွယ် ထားတာ မဟုတ်တဲ့အတွက် လာစောင့်ကြည့်နေတယ်ဆိုပြီး သူတို့မကြိုက်ချင်ကြဘူး။ အဲဒီအတွက်အုပ်ချုပ်ရေး အာဏာပိုင်နဲ့ ပူးပေါင်း ဆောင်ရွက် တဲ့နေရာမှာ တော်တော်ခက်ခဲပါတယ်။ လွှတ်တော်ဘက်က ဒီလို ပူးပေါင်း ဆောင်ရွက် တဲ့ နေရာမှာ အုပ်ချုပ်ရေးအာဏာကို ၀င်စွက်ဖို့မဟုတ်ဘူး။ အုပ်ချုပ်ရေးအာဏာ၊ တရားစီရင်ရေး အာဏာ၊ ဥပဒေပြုရေးအာဏာ ဒီသုံးရပ်က ခွဲခြားထားတာပါ။ ဒါပေမဲ့ ဒီဥပဒေပြုရေး အာဏာဘက်က လွှတ်တော် ကိုယ်စားလှယ်တွေဟာ လူထုရွေးချယ် တင်မြှောက် ထားတယ်ဆိုရင် လူထုတကယ် အကျိုးရှိ မရှိ ဆိုတာကို စောင့်ကြည့်ဖို့ လိုပါတယ်။ စောင့်ကြည့်ဖို့ဆိုရင် ငါခိုးမှာစိုးလို လာစောင့် ကြည့်နေတာလားဆိုပြီး စိတ်ဆိုးလို့မရဘူး။ စောင့်ကြည့်ခြင်းအားဖြင့် ကိုယ့်ရဲ့ တိုးတက်မှုကို မှတ်ကျောက် တင်ခံနိုင်တာ ဖြစ်ပါတယ်။ အခုဖြစ်နေတာကလာ စောင့်ကြည့် တယ်ဆိုရင် စောင့်ကြည့်ခံရသူက တော်တော် စိတ်ဆိုးပါတယ်။ ဒီအတွေး ဟာ မမှန်ဘူးဆိုတာ ဖြစ်စေချင်ပါတယ်။ စာရင်းစစ်တယ်ဆိုရင် စိတ်ဆိုးတယ်ပေါ့ဗျာ။ အဲဒီလိုအခြေအနေ မျိုးတွေမဖြစ် ဖို့လိုတယ်။ ဒါကြောင့်မို့ ပွင့်လင်းမြင်သာပြီး တာဝန်ခံ တာဝန်ယူမှု စိတ်ကိုလည်း လုပ်စေချင် တယ်။ ပြည်သူလူထုရဲ့ သဘောထား၊ အမြင်၊ အသံတွေကို လုပ်ပေးချင်တယ်။ လွှတ်တော်ဘက်ကတော့ တရားဝင် စောင့်ကြည့်ခွင့် မရခဲ့ရင်လည်း ကျွန်တော်တို့ လွှတ်တော်ဘက်က လူထုအနေနဲ့ ကျွန်တော်တို့ စောင့်ကြည့်သွားမှာပါ။

● အစိုးရ အခုလို လွှတ်တော် အဖွဲ့အစည်းတွေ ပူးတွဲပါလာတဲ့အပေါ် စောင့်ကြည့် တယ်လို့ မြင်နေတာရယ်။ ဒီစောင့်ကြည့်မှုတွေကို မကြိုက်တာရယ်က ဘာလို့ပြောနိုင်မလဲ။

ကျွန်တော်တို့ တိုင်းပြည်က နှစ်ပေါင်းများစွာ အာဏာရှင် စနစ်အောက် နေခဲ့တာပါ။ ဒီမိုကရေစီစနစ် ပြောင်းလဲလိုက်တဲ့ အခြေအနေမှာ အာဏာကြီး သုံးရပ်ကိုလည်း ခွဲလိုက်တယ်။ စတုတ္ထမဏ္ဍိုင်ဖြစ်တဲ့ မီဒီယာ လွတ်လပ်ခွင့်ကိုလည်း ပေးဖို့ တိုက်တွန်းလာတယ်။ မီဒီယာတွေကလည်း စောင့်ကြည့် တယ်။ ပြည်သူကလည်း စောင့်ကြည့်တယ်။ ဒီမိုကရေစီဆိုတာ ပြည်သူလူထု မဲပေးရွေးချယ်တဲ့ အစိုးရဆိုတော့ ပြည်သူလူထု အစိုးရ အဲဒီအတွက် လူထုဟာ နိုင်ငံရေးမှာ ပါဝင်ခွင့်ရလာတယ်။ နိုင်ငံရေးမှာ စောင့်ကြည့်တယ်။ လူထုနိုင်ငံရေးမှာ စောင့်ကြည့်နိုင်ဖို့အတွက် လူထုဟာ လွှတ်တော် ကိုယ်စားလှယ်တွေကို ဖိအားပေးတယ်။ အဲဒီလို စနစ်ကြီး ပြောင်းလဲသွားတဲ့ အခြေအနေမှာ အရင်စနစ်ဟောင်းက ငါတို့ လုပ်ချင်တာ လုပ်မယ်။ ငါတို့လုပ်တာ ဘယ်သူမှ အသိပေးစရာ မလိုဘူး။ ဒီပိုက်ဆံတွေကို ငါတို့ကပဲ ပြည်သူလူထုကို စောင့်ရှောက်နေသလို။ မဟုတ်ပါဘူး။ ဒါလူထုရဲ့ ဘဏ္ဍာငွေတွေကို ဘတ်ဂျက်ငွေအဖြစ်၊ နိုင်ငံတော်ငွေကြေး အဖြစ် ပြန်လည်သုံးစွဲတာပါ။ နိုင်ငံတော် ငွေဆိုတာ ပြည်သူလူထု ငွေတွေ ပါ။ ပြည်သူလူထုဆီကရတဲ့ အခွန်အတုပ်တွေ၊ လုပ်ငန်းတွေက ရတဲ့ငွေတွေနဲ့ တိုင်းပြည်ကို ပြန်လည် ထူထောင်တာ ဖြစ်တယ်။ ဒီငွေကို စောင့်ကြည့်ရမယ်။ အခုဟာက နှစ်ပေါင်းများစွာ ခေါက်ရိုးကျိုးလာတဲ့ အမှားကို အမှန်ထင်နေတာပေါ့။ ကိုယ့်ကိုယ်ကိုယ်လည်း ပြည်သူလူထုကို ရိုကျိုး ရမယ် ဆိုတဲ့ စိတ်တွေ ပျောက်လာတယ်။ ကိုယ့်ကိုယ်ကိုယ် အရှင်သခင်လို၊ လူထုကိုကိုယ်ကပဲတက်ပြီး ဟိုမင်း လုပ်နေသလိုမျိုး အတွေးမျိုးပေါ်ပြီး အာဏာရှင် စရိုက်တွေ ဖြစ်နေတဲ့အတွက် ဒီစောင့်ကြည့်သူကို မကြိုက်နိုင်တဲ့ အခြေအနေမျိုးတွေ ဖြစ်နေ တာပါ။ ပြည်သူလူထုကို ရိုကျိုးနေမယ်ဆိုရင် ပြည်သူလူထုက စောင့်ကြည့်မယ်၊ ကိုယ်ကလည်း ဒီစောင့်ကြည့် သူတွေကို မှတ်ကျောက်တင် ခံနိုင်ရမှာပါ။ ဒါမှလည်း ဒီမိုကရေစီ စနစ်ကို ရမှာပါ။ ဒီမိုကရေစီရဲ့ အရေးကြီးတဲ့ အသွင်ကူးပြောင်းတစ်ခုပါပဲ။

● အခုလို ဖြေကြားပေးတဲ့အတွက် ကျေးဇူးတင်ပါတယ်။

မြန်မာသံတော်ဆင့်သတင်းဌာန -


မြန်မာနိုင်ငံလို ကျန်းမာရေးစောင့်ရှောက်မှုစနစ် အားနည်းတဲ့ နိုင်ငံမျိုးတွေမှာ အီဘိုလာရောဂါပိုး ထိန်းချုပ်ရေး လုပ်ငန်းတွေအတွက် ကျန်းမာရေးဌာနတင်မဟုတ်ပဲ အခြား အစိုးရအဖွဲ့အစည်းတွေရော အများပြည်သူကပါ ပူးပေါင်းဆောင်ရွက် သွားရမှာဖြစ်တယ်လို့ ကူးစက်ရောဂါထိန်းချုပ်ရေး ကျွမ်းကျင်သူတွေ က ပြောနေပါတယ်။ ဒါ့အပြင် အီဘိုလာရောဂါပိုး ထိန်းချုပ်ရေးအတွက် သတ်မှတ်ထားတဲ့ ကျန်းမာရေး လမ်းညွှန်ချက်အတိုင်း အားလုံး လိုက်နာဆောင်ရွက် သွားကြမယ်ဆိုရင် ကူးစက်ပြန့်နှံ့မှုကို ထိန်းချုပ်နိုင်လိမ့်မယ်လို့လည်း ပြောပါတယ်။ ဒီအကြောင်းကိုတော့ ကိုသားညွန့်ဦးက တင်ဆက်ပေးမှာပါ။

အီဘိုလာရောဂါပိုး ကူးစက်ပြန်နှံမှုနဲ့ အသေအပျောက်အများဆုံးနိုင်ငံတွေဖြစ်တဲ့ အနောက်အာဖရိကတိုက်နိုင်ငံ သုံးနိုင်ငံစလုံးမှာ အခြေခံအားဖြင့် ကျန်းမာရေးစောင့်ရှောက်မှုစနစ် အားနည်း တာကို တွေ့ရတယ် လို့ ရောဂါထိန်းချုပ်ရေး အဖွဲ့တွေက ထောက်ပြခဲ့ကြတာပါ။ ဒါကြောင့်လည်း အီဘိုလာရောဂါပိုးအပါအ၀င် ကူးစက်ရောဂါပြန်နှံမှုတွေကို ထိန်းချုပ်နိုင်ဖို့ဆိုရင် အခြေခံ ကျန်းမာရေးစနစ်ကို အားကောင်းလာအောင်လုပ်ဖို့နဲ့၊ လူထုကျန်းမာရေး ဆိုင်ရာ အသိပေးလုပ်ငန်းတွေကိုပါ ကျယ်ကျယ်ပြန့်ပြန့် လုပ်သွားဖို့ လိုမယ်လို့ ရောဂါထိန်းချုပ်ရေး ကျွမ်းကျင်သူတွေ က ထောက်ပြခဲ့ကြပါတယ်။

မြန်မာနိုင်ငံအနေနဲ့ အခု အီဘိုလာရောဂါပိုး ကူးစက်ပြန်နှံမှုဖြစ်နေတဲ့ ဇစ်မြစ်နိုင်ငံတွေနဲ့ အလှမ်းဝေးနေတယ် ဆိုပေမယ့်၊ လေယဉ်ခရီးသွားလာမှုတွေက တကမ္ဘာလုံးကို ကျုံ့သွားစေတာမို့ မြန်မာအနေနဲ့လည်း အီဘိုလာရောဂါ ထိန်းချုပ်ရေး အတွက် ကြိုတင်ပြင်ဆင်မှုတွေ လုပ်ထားဖို့လိုမယ်လို့ အမေရိကန်ပြည်ထောင်စု Atlanta မြို့ CDC ရောဂါ ထိန်းချုပ်ရေးဌာန က မြန်မာ ဆရာဝန် ဒေါက်တာ မင်းမင်းစိုးက ပြောပါတယ်။

" ကျန်းမာရေး Infrastructure နည်းတဲ့ တိုင်းပြည်တွေမှာဆိုရင်တော့ ကျန်းမာရေး ဝန်ကြီးဌာန တခုတည်း ကတော့ ဒိုင်ခံ လုပ်နိုင်မှာမဟုတ်ဘူး။ အားလုံး ဝိုင်းလုပ်ကြရမှာ။ အစိုးရပိုင်းရော၊ အုပ်ချုပ်ရေးပိုင်းရော တဖက်မှာလည်း ပြည်သူကို ထိရောက်တဲ့ ပညာပေးတွေ လုပ်ရမှာဖြစ်သလို မီဒီယာတွေကို သေချာ ရှင်းပြသင့် တယ်။ ဘာတွေဖြစ်နေသလဲ။ ဘာတွေ ပြင်ဆင်မှု လုပ်ထားလဲ။ အခုဆိုရင် သံသယရှိတဲ့ လူနာရှိရင်လည်း ဘယ်လို သူတို့ ကုသမှုပေးနေလဲ။ အဲ့လိုမျိုးပေါ့။ နောက်ကျန်းမာရေး ဝန်ကြီးဌာနက ဖြစ်တဲ့အတွက် ဒီဝန်ကြီးဌာန ကလည်း တခြားဝန်ကြီးဌာနဖြစ်တဲ့ ဥပမာ လေဆိပ်တွေမှာ နောက် နယ်စပ်ဒေသတွေ မှာ ဆိုရင် ရှိတဲ့ ဝန်ကြီးဌာန ဌာနပေါင်းစုံ ဝိုင်းပြီးတော့ ကြိုတင် ကာကွယ် ပညာပေးမှုတွေ အားလုံး လုပ်ကြရမယ်။ နောက် အဲလိုင်းတွေကို တတ်နိုင်သမျှ ဂိုက်ဒ် လိုင်းတွေ ထုတ်ပေးထားသင့်တယ်။"

WHO ကမ္ဘာ့ကျန်းမာရေးအဖွဲ့ကြီးရဲ့ တရားဝင်စာရင်းအရဆိုရင် အီဘိုလာရောဂါပိုးကြောင့် သေဆုံးသူ ၁၃၅၀ ရှိသွားပါပြီ။ အများစုကတော့ အနောက် အာဖရိကတိုက်နိုင်ငံသုံးနိုင်ငံဖြစ်တဲ့ ဂီနီ လိုက်ဘေးရီယားနဲ့ ဆီရီယာ လီယွန်းနိုင်ငံတွေကပါ။ အဲဒီမှာ ရောဂါထိန်းချုပ်ရေးကြိုးပမ်းနေကြတဲ့ ကျန်းမာရေး ၀န်ထမ်းတွေပါ ရောဂါကူးစက်ခံရပြီး သေဆုံးမှုတွေရှိခဲ့ပါတယ်။ ဒါကြောင့်လည်းပဲ အီဘိုလာရောဂါပိုးကို ကြောက်စရာကောင်းတဲ့၊ ထိန်းချုပ်လို့ မရတော့တဲ့ ရောဂါဖြစ်တယ်ဆိုပြီး အထင်မှတ် မှားမှုတွေလည်း ရှိကြပါတယ်။ တကယ်တော့ ဒီရောဂါပိုးဟာ အလွယ်တကူသတ်နိုင်ပြီး၊ ရောဂါထိန်းချုပ်ရေးမှာ ကျန်းမာရေး လမ်းညွှန်ချက်တွေကို အသေအချာလိုက်နာကြဖို့ အရေးကြီး တယ်လို့ ဒေါက်တာမင်းမင်းစိုးက ပြောပါတယ်။

"ဗိုင်းရပ်စ်က ကြောက်စရာတော့ကောင်းတယ်။ ဒါပေမဲ့ အလွယ်တကူလည်း သတ်နိုင်တယ်။ ဆေးရုံတွေမှာ ဆေးခန်းတွေမှာ တွေ့တဲ့အတိုင်း သန့်ရှင်းရေး လုပ်တဲ့ ဖီနောက အစ ဒီလိုဟာတွေ အလွယ်တကူ သတ်နိုင်တယ် ဆိုတော့ ရောဂါဖြစ်ရင် ဖြစ်တဲ့နေရာမှာ သေသေချာချာသာ ဖိဖိစီးစီး လုပ်နိုင်မယ် ဆိုရင် ဒီလောက်ကြီး အလွယ်တကူ ပြန့်နိုင်စရာမလိုဘူး။ အခု အနောက် အာဖရိကမှာ ဖြစ်သွားတဲ့ကိစ္စကလည်း သေသေချာချာ ကျနော်တို့ Infection Control Protocol တွေက ရှိပြီးသား။ အဲ့တာတွေကို သေချာ လိုက်နာရင် မဖြစ်ဘူး။ အခုက သေချာ မလိုက်နာနိုင်ခဲ့တဲ့ အခြေအနေ ဖြစ်သွားတဲ့ အတွက် ရောဂါပိုးက လိုအပ်တာထက်ကို ထင်တာထက် မြန်မြန် ဆန်ဆန်ပြန့်သွားတာပေါ့လေ။"

အီဘိုလာရောဂါပိုးဟာ သွေး၊ ချွေး၊ သလိပ် စတဲ့ လူ့ခန္ဓာကိုယ်က ထွက်တဲ့ အရည်တွေကတဆင့် ကူးစက်နိုင်ပါတယ်။ တုတ်ကွေးရောဂါလို လေက တဆင့် ကူးစက်နိုင်တဲ့ရောဂါတော့မဟုတ်ပါဘူး။ ဒါကြောင့်မို့လို့လည်း ရောဂါပိုးရှိတယ်လို့ သံသယရှိခံရသူနဲ့ ခန္ဓာကိုယ် အသားချင်း တိုက်ရိုက်ထိတွေ့တာမျိုးရှောင်ဖို့ကိုပဲ အဓိက ပညာပေး တိုက်တွန်းမှုတွေလုပ်နေကြပါတယ်။

အမေရိကန်ပြည်ထောင်စုမှာ ဆိုရင်တော့ CDC ရောဂါ ထိန်းချုပ်ရေးဌာန အနေနဲ့ ပြည်တွင်း သက်ဆိုင်ရာအဖွဲ့အစည်းတွေကို ကျန်းမာရေး လမ်းညွှန်ချက် ထုတ်ပြန်ထားရုံမက၊ ရောဂါပိုး ကူးစက်မှုဇစ်မြစ်ဖြစ်နေတဲ့ အာဖရိကနိုင်ငံ အစိုးရတွေနဲ့ပါ ပူးပေါင်းဆောင်ရွက်မှုတွေ လုပ်နေတယ် လို့ ဒေါက်တာမင်းမင်းစိုး က ပြောပါတယ်။

" အာဖရိက အစိုးရ ဝန်ကြီးဌာနတွေနဲ့လည်း ကျနော်တို့ နေ့စဉ်ဆက်သွယ်တယ်။ သံသယရှိတဲ့သူတွေ လေယာဉ်ပေါ် မတက်ခင်လည်း ကျနော်တို့ကို Inform လုပ်ခိုင်းတယ်။ လေယာဉ်ပေါ်မှာ အကယ်လို့ မသင်္ကာစရာ တခုခုဖြစ်ရင်လည်း အဲလိုင်းတွေက သူတို့ ဘာလုပ်ရမယ်ဆိုတာ နားလည်တယ်။ ဘာဖြစ်လို့လည်း ဆိုတော့ ကျနော်တို့ ဂိုက်ဒ်လိုင်းတွေ သေချာထုတ်ထားလို့ သူတို့ ဘာလုပ်ရမလဲ ဆိုတာ သိတယ်။ အဲ့တာ ကျနော်တို့ ဒီနိုင်ငံမှာ ရောက်လာရင်လည်း ဒီကလေဆိပ်တွေ အကုန်လုံးမှာ CDC က တာဝန်ကျ ဆရာဝန်တွေ ကျန်းမာရေးဝန်ထမ်းတွေ ထားတဲ့အတွက် သူတို့က အလွယ်တကူ လက်ခံပြီးတော့ စီစစ်ပေးတယ်ပေါ့နော်။"

အမေရိကန်ပြည်ထောင်စုမှာတော့ လိုက်ဘေးရီယားနိုင်ငံမှာ အီဘိုလာဝေဒနာသည်တွေ ကို သွားရောက်ကူညီပေးခဲ့သူ အမေရိကန် ဆရာဝန်တဦးနဲ့ အမေရိကန်လူမျိုး သာသနာပြုတဦးတို့ အီဘိုလာရောဂါပိုး ကူးစက်ခံခဲ့ရပါတယ်။ သူတို့နှစ်ဦးကိုတော့ အမေရိကန်ပြည်ထောင်စု ကို ပြန်လည်ခေါ်ဆောင်လာပြီး ကုသပေးခဲ့ရာမှာ ပြန်လည်ကောင်းမွန်သွားပြီလို့ ကျန်းမာရေးတာဝန်ရှိသူတွေက ကြေညာခဲ့ပါတယ်။

အီဘိုလာ ဗိုင်းရပ်ပိုးဟာ လက်ရှိအားဖြင့် ကြိုတင် ကာကွယ်ဆေးရော၊ ရောဂါပျောက်ကင်းအောင် ကုသနိုင်မယ့် ဆေးရော တရားဝင် အားဖြင့် မပေါ်သေးပါဘူး။ ဒါပေမယ့်လည်း အီဘိုလာရောဂါပိုး ကူးစက်ခံရသူ အမေရိကန်နှစ်ဦးကိုတော့ Zmapp ခေါ်တဲ့ စမ်းသပ်ဆေးနဲ့ ကုသပေးခဲ့တာဖြစ်ပါတယ်။

voa



ဧရာဝတီတိုင်း ဒေသကြီး၊ မြောင်းမြမြို့နယ် အဝေးပြေးဝင်း ပန္နက်ချပွဲ၌ ၀န်ကြီးချုပ် ဦးသိန်းအောင် က အစိုးရ သတင်းမီဒီယာ သမားများကို ပိုက်ဆံပေးခြင်းနှင့် ပတ်သက်၍ မပြုလုပ်သင့်ဟု ယင်းဒေသခံ ပုဂ္ဂလိက မီဒီယာ သမားများက သြဂုတ် ၁၈ ရက်နေ့တွင် ဝေဖန် ပြောဆိုလိုက်သည်

သြဂုတ်လ ၁၅ ရက်နေ့တွင် ကျင်းပသော မြောင်းမြမြို့နယ် အဝေးပြေးဝင်း ပန္နက်ချပွဲ၌ ဧရာဝတီတိုင်း ၀န်ကြီးချုပ် ဦးသိန်းအောင်၊ ကျန်းမာရေး ၀န်ကြီးဌာန၊ ပြည်ထောင်စုဝန်ကြီး ဒေါက်တာ သန်းအောင်နှင့် အားကစားဝန်ကြီးဌာန ပြည်ထောင်စုဝန်ကြီး ဦးတင့်ဆန်းတို့တက်ရောက်ခဲ့ပြီး အဆိုပါပွဲ၌ ဧရာဝတီတိုင်း ၀န်ကြီးချုပ် ဦးသိန်းအောင်က အစိုးရ သတင်း မီဒီယာသမားများကို ပိုက်ဆံများ ပေးခြင်းကြောင့် ယခုကဲ့သို့ ဝေဖန်ကြခြင်း ဖြစ်သည်။

““အဲဒီနေ့က ပန္နက်ရိုက်တဲ့ အချိန်မှာ ဦးတင့်ဆန်းက ပိုက်ဆံကြဲမယ်ဆိုပြီး လုပ်တယ်။သူ့တပည့် တစ်ယောက်က ကားထဲမှာ ၅၀၀၀ တန် တစ်အုပ် ယူလာပေးတယ်။ ဦးတင့်ဆန်းကနေ ဦးသိန်းအောင် လက်ထဲ ထည့်ပေးတယ်။ ပုဂ္ဂလိက မီဒီယာသမားတွေကတော့ မတောင်းဘူး။ တောင်းရင်ပေးမှာပေါ့။ သူတို့ရဲ့ ပြန်/ဆက်က မီဒီယာ တွေပေါ့။ သူတို့တော့ ပေးတယ်။ ပွဲပြီးလို့ လက်ဖက်ရည်ဆိုင် ထိုင်တော့ သူတို့ရဲ့ မီဒီယာ သမားတွေက ငါတို့မို့လို့ ပေးတယ်ဆိုတဲ့ ဂုဏ်ခံယူသွားတယ်။ကျွန်တော်တို့ကလည်း မယူဘူးလို့ ပြန်ပြော လိုက်တယ်။ ဒါတွေဟာ မီဒီယာ အချင်းချင်း သွေးကွဲစေတယ်လို့ မြင်တယ်””ဟု မြောင်းမြမြို့နယ် ဟစ်တိုင် ဂျာနယ်မှ သတင်းထောက် ဦးဖိုးဇော်က မြန်မာသံတော်ဆင့်သို့ ပြောသည်။

ယင်းသို့ လုပ်ဆောင်ခြင်းသည် မီဒီယာသမားများအပေါ် ငွေဖြင့် ထိန်းချုပ်ခြင်းဟု မြင်ကြောင်း၊ မီဒီယာ သမားများအား ငွေကြေးပေး၍ စည်းရုံးရေး ပြုလုပ်ခြင်းလောဆိုသည်ကို မေးခွန်း ထုတ်စရာဖြစ်နေ ကြောင်း တို့ကို““အဲ့ဒီနေ့က တောင်းတဲ့အထဲမှာ ပုဂ္ဂလိက မီဒီယာမပါဘူး။ တောင်းတဲ့ သူတိုင်းကို အကုန်ပေးပါတယ်။ ၀န်ကြီးဌာန မီဒီယာသမားတွေက တောင်းတာ။ ငါးထောင်တန်တွေ ချည်းပဲဆိုတော့ အနည်းဆုံး တစ်ယောက် တစ်ရွက်တော့ ရမှာပေါ့။ ဒီလိုလုပ်တာဟာ သူက ပိုက်ဆံပေးလိုက်လို့ ရှိရင် ဒီလူတွေ ပြီးသွားပြီ ပုံစံနဲ့ပေါ့။ မီဒီယာတွေကို ငွေကြေးပေးပြီး စည်းရုံးတာလား ဒါတွေက မလုပ်သင့်တဲ့ အလုပ်တွေပေါ့”” ဟု မြောင်းမြမြို့နယ်ရှိ ပုဂ္ဂလိက မီဒီယာတစ်ခုမှ သတင်းထောက် တစ်ဦးက သုံးသပ်ပြော ကြားသည်။

အဆိုပါ ကိစ္စရပ်နှင့် ပတ်သက်၍ ငွေပေးခြင်းသည် မည်သည့် အတွက်ကြောင့် ပေးသည့်အပေါ် မူတည်ကြောင်း၊ ကိုယ်ကျိုးအတွက် ပေးသည်ဆိုလျှင် ကျင့်ဝတ်နှင့် မညီကြောင်း၊ ကျင့်ဝတ်နှင့် ညီမှုရှိ၊ မရှိဆိုသည်မှာ ပေးသည့် ရည်ရွယ်ချက်အပေါ်မူတည်ကြောင်း မြန်မာနိုင်ငံ စာနယ်ဇင်းကောင်စီ (ယာယီ) အဖွဲ့ဝင် ဒေါက်တာ မျိုးသန့်တင်က မြန်မာသံတော်ဆင့်သို့ပြောသည်။

ဧရာတိုင်းဝန်ကြီးချုပ် ဦးသိန်းအောင် ပါဝင်သော ဧရာအလှ ထာဝရ ဘောလုံးအသင်းနှင့် ဧရာဝတီတိုင်း အတွင်း၌ သတင်းဌာန အသီးသီးမှ သတင်းမီဒီယာသမားများ ပါဝင်သော ဧရာမီဒီယာ အသင်းသို့ သြဂုတ်လ လဆန်းပိုင်းကလည်း ချစ်ကြည်ရေး ဘောလုံးပွဲ ပြုလုပ်စဉ်ကလည်း ပုဂ္ဂလိက မီဒီယာသမားများအား ငွေကျပ် သုံးသိန်း ပေးခဲ့သေးသည်။ အဆိုပါငွေကြေးအား မီဒီယာရန်ပုံငွေအဖြစ်ဆိုကာ လစဉ်ကြေး ထည့်သွင်း၍ သတင်းသမားများ သာရေး၊ နာရေးအတွက် သုံးစွဲရန် ရည်ရွယ်ထားကြောင်း ငွေကြေးလက်ခံရသူ သတင်းသမားများကမြန်မာသံတော်ဆင့်သို့ ပြောသည်။

မြောင်းမြမြို့နယ်သည် NLD မပါသော ၂၀၁၀ ရွေးကောက်ပွဲတွင် ကြံ့ခိုင်ရေး ပါတီမှ ပြည်သူ့လွှတ်တော် ကိုယ်စားလှယ် ဦးတင့်ဆန်း (ပြည်ထောင်စုဝန်ကြီး)နှင့် တိုင်းဒေသကြီး လွှတ်တော် ကိုယ်စားလှယ် ဦးဝင်းကိုကို (၀န်ကြီးချုပ် အားထား ရသော တိုင်းဒေသကြီး ဘဏ္ဍာအခွန်ဝန်ကြီး)တို့ ရွေးချယ်ခံခဲ့ရသည့် မဲဆန္ဒနယ် ဖြစ်သည်။

တင်ဇာအောင်

photo- facebook

မြန်မာသံတော်ဆင့်သတင်းဌာန 

ဆင်ခြင်ကြပါ..
=======

အီဘိုလာ သံသယရှိတဲ့ လူနာကို..
သယ်ယူလာတဲ့ မြန်မာနိုင်ငံက ကျန်းမာရေး
ဝန်ထမ်းတွေရဲ့ ၀တ်စားဆင်ယင်မှုတွေကိုကြည့်ပြီး
ဝေဘန်နေကြတာကိုတွေ့ရပါတယ်..၊

ဝေလဲ ဝေဘန်စရာပါပဲ..နိုင်ငံတကာကအဖွဲ့တွေက..
ပိုးမွှားကာကွယ်ရေးဝတ်စုံတွေဝတ်တဲ့အချိန်မှာ
ကျွန်တော်တို့ဆီကကျန်းမာရေးအဖွဲ့တွေဟာ..
ကွမ်းယာဖိုးလောက်ပဲတန်ကြေးရှိတဲ့ Mask ကိုပဲ
စွပ်ထားတာကို တွေ့ရပါတယ်.။

ပြီးရင်..ရောဂါပိုး မှန်မမှန်စစ်ဆေးမှုကိုလဲ
ကျွန်တော်တို့နိုင်ငံမှာ ..
မလုပ်နိုင်တာကိုတွေ့ရမှာဖြစ်ပါတယ်..

တကယ်ဆိုရင် အီဘိုလာဗိုင်းရပ်စ်ဟာ..
ကမ္ဘာမှာ ၁၉၇၀ ကျော်နှစ်တွေကတည်းက
စတင်တွေ့ရှိခဲ့ပြီး..
၁၉၉၄ လောက်မှာ အာဖရိကတိုက်မှာ
စတင်ကူးစက်ဖြစ်ပွားခဲ့ပြီး ပထမအကြိမ်.
ကမ္ဘာကျော်ခဲ့ပါတယ်..၊

အီဗိုလာကူးစက်တာကို ဇာတ်အိမ်ဖွဲ့ထားတဲ့
Outbreak ဆိုတဲ့ ရုပ်ရှင်တောင်မှ..
1995 ခုနှစ်တုန်းက..ကမ္ဘာကျော်ခဲ့ဖူးပါတယ်...

အဲဒါကိုကြည့်ရင်..
မြန်မာနိုင်ငံရဲ့ကျန်းမာရေးအသိ၊
ကျန်းမာရေးစောင့်ရှောက်မှုဟာ..
ဘယ်အဆင့်အထိရှိလဲ ဆိုတာကို..
တွေ့ရမှာဖြစ်ပါတယ်..

တကယ်တော့...
မြန်မာနိုင်ငံဟာ...
စစ်အာဏာရှင်ခေတ်ကစလို့
ကျန်းမာရေး ပညာရေးနဲ့ပတ်သက်ရင်..
လုံးဝ...အားပေးခြင်းမခံရတဲ့တိုင်းပြည်ဖြစ်ခဲ့ပါတယ်။

-----------------

နိုင်ငံတော်ဘတ်ဂျက်တွေခွဲဝေမှုစာရင်းတွေမှာလဲ
ကျန်းမာရေးနဲ့ ပညာရေးဟာ..
တခြားဆည်မြောင်းတာတမံ ၊
ရေအားလျှပ်စစ် ၊လမ်းတံတားစတဲ့
ဘတ်ဂျက်တွေတွေနဲ့ ယှဉ်ရင် ..
စာကလေးနဲ့ ဆင်လောက်ကို
ကွာခြားခဲ့ပါတယ်...၊

အဲဒီရဲ့ဆိုးကျိုးတွေအဖြစ်...
စားရိတ်မျှပေးကျန်းမာရေး စနစ်တွေ
ပေါ်ပေါက်လာပြီး...၊ ဆေးရုံတစ်ခုမှာ..
ဆေးဖိုးလုံးဝမပေးနိုင်ရင် ၊ ဆေးလုံးဝမ၀ယ်ပေးနိုင်ရင်.
လူနာကို ...သာမန်ထက်ပိုပြီး ဂရုမစိုက်တော့တဲ့အတွက်
သေတဲ့အထိ ဖြစ်ခဲ့တာတွေက ဒုနဲ့ဒေးပါပဲ.

ပုဂ္ဂလိက ဆေးရုံတွေမှာလဲ အဲဒီအတိုင်းပါပဲ..

အဲဒီနည်းနဲ့ သေဆုံးခဲ့တဲ့ လူနာတွေ..
ဘယ်နှစ်ယောက်ရှိသလဲဆိုတာကို...
ရေတွက်နိုင်လိမ့်မယ် မထင်ပါဘူး..။

AIDS ရောဂါလဲအဲဒီလိုပါပဲ..
ထိထိရောက်ရောက် ပညာပေးတာတွေမရှိလေတော့
ကေတီဗီ မာဆပ် ကလပ် တွေမှိုလိုပေါက်ပြီး..
နာမည်မခံ ပြည့်တန်ဆာတွေ ပေါများလွန်းတဲ့
ကျွန်တော်တို့ မြန်မာနိုင်ငံမှာ..
လူငယ် ၊ လူလတ်ပိုင်းအများစုဟာ.
HIV မစစ်ရဲတဲ့ အနေအထားကိုရောက်နေကြပါတယ်.။

ဒါဟာ ကျန်းမာရေးဝန်ထမ်းတွေရဲ့
အပြစ်မဟုတ်ပဲ..ကျန်းမာရေးစောင့်ရှောက်မှုအတွက်..
တာဝန်အရှိဆုံးဖြစ်တဲ့ အစိုးရရဲ့အပြစ်သာ
ဖစ်ပါတယ်..။

မြန်မပြည်ရဲ့အကြီးမားဆုံးရန်ကုန်ဆေးရုံကြီးဟာ..
နှစ်ပေါင်း (၂၀)လောက်စုတ်ပြတ်သတ်ခဲ့သလို..
ဦးနေ၀င်းခေတ်အထိ နာမည်ရခဲ့တဲ့..
BPI ဆေးဝါးတွေဟာလဲ..စုတ်ပြတ်သတ်ခဲ့ပါတယ်..

ကျန်းမာရေးကိစ္စကို အလေးအနက်မထားခြင်း..ဟာ..
ပြည်သူကို ပညာသားပါပါနဲ့ သတ်ဖြစ်နေခြင်း..လား.
ဆိုတဲ့အထိတောင် တွေးလို့ရပါတယ်..။

ပြည်သူကိုကျတော့ ဒီလိုလုပ်ထားပေမဲ့...
အာဏာရှင်အနွယ်တွေကတော့..
နှာစေးချောင်းဆိုးကအစ...
နိုင်ငံခြားကဆေးရုံတွေမှာ..
ဒေါ်လာသိန်းချီအကုန်ခံပြီး..
သွားရောက်ပြသခဲ့ကြပါတယ်..

ကိုယ်လွတ်ရုန်းတယ်ပေါ့ဗျား...

------------------------------------

အဲဒီလိုအနေအထားကို..စတင်သတိထားမိတာက..
တခြားသူမဟုတ်ပဲ ..ဒေါ်စုဖြစ်ပါတယ်..။

ဒေါ်စုဟာ..မြန်မာနိုင်ငံရဲ့ကျန်းမာရေး
ပညာရေးစတဲ့ ဘဏ္ဍာငွေတွေကို ပိုမိုသုံးစွဲဖို့အတွက်..
အစိုးရကို ဖိအားပေးနိုင်ခဲ့ပြီး.

ရန်ကုန်ဆေးရုံကြီးကိုကမ္ဘာ့အဆင့်မီဆေးရုံဖြစ်အောင်
အဆင့်မြှင့်ဖို့အတွက် စပြီး.. ကြိုးစားခဲ့သူဖြစ်ပါတယ်..။

နှစ် နှစ်ဆယ် လုံးလုံး အာဏာရှင်တွေဂရုမစိုက်ခဲ့တဲ့
တစ်နိုင်ငံလုံးရဲ့ ကျန်းမာရေး ဘတ်ဂျက်ကို တိုးပေးဖို့
လွှတ်တော်မှာ ဆွေးနွေးခဲ့ပြီး ...
ရန်ကုန်အထွေထွေရောဂါကု ဆေးရုံကြီးကို
အဆင့်မီဆေးရုံအဖြစ် အသစ်ဆောက်လုပ်ပြီး
အဆင့်မြှင့်ဖို့ စီမံကိန်းတွေ အကောင်အထည်ဖော်လာသလို
ဂျာမနီနဲ့ ဂျပန်တို့ရဲ့ နည်းပညာနဲ့
ငွေကြေးအထောက်အပံ့ ရရှိခဲ့ပါတယ်။

ဂျပန်ကဆိုရင် ဒေါ်စုလက်ထဲကို
ဒေါ်လာသန်း(၁၀၀)တိုက်ရိုက်လာပေးခဲ့တာတောင်..
ဒေါ်စုက..လုပ်ထုံးလုပ်နည်းအတိုင်းပဲ လုပ်စေခဲ့ပါတယ်..။

နှစ် ၂၀ လောက် ပြည်သူတွေအရမ်းလိုအပ်နေတဲ့
အရေးကိစ္စတစ်ခုကို အာဏာငန်းဖန်းနေတဲ့သူတွေ..
မေ့လျော့နေခဲ့ချိန်မှာ စတင်လုပ်ကိုင်ပေးခဲ့တဲ့ဒေါ်စုကို..
ဖွတ်လော်ဘီတွေက..ဒေါ်စုဘာလုပ်ပေးလိုလဲ လို့..
အခုထက်ထိ မေးနေတာကိုက...
နွားဘေးမှာ လိဒ် ဂစ်တာ တီးပြနေသလိုဖြစ်နေပါတယ်..

ကျန်းမာရေး.ဘတ်ဂျက်တွေနည်းပါးရတဲ့
အကြောင်းရင်းကတော့..

အာဏာရှင်တွေဟာ ရေအားလျှပ်စစ်၊
ဆည်မြောင်း ၊ လမ်း တံတား ၊ စွမ်းအင်...စတဲ့
ခရိုနီတွေနဲ့ဆက်စပ်လုပ်ကိုင် ခိုးဝှက်နိုင်တဲ့..
စီမံကိန်းတွေဘက်ကိုပဲစိတ်ပါဝင်စားကာ
တိုင်းပြည်ဘတ်ဂျက်မျှစား ဖို့အတွက်ပဲ
စိတ်အားထက်သန်ခဲ့ပြီး..ပြည်သူတွေရဲ့
ကျန်းမာရေးကို.မေ့လျှော့ခဲ့ကြပါတယ်..

အဲဒီမေ့လျော့မှုတွေရဲ့အကျိုးဆက်ကတော့
ကျန်းမာရေးအသိတွေအားနည်းပြီး..
အီဘိုလာလိုရောဂါဆိုးကြီးအတွက်..
ရှိသင့်ရှိထိုက်တဲ့ အသိတွေ..
အထောက်အကူပစ္စည်းတွေ မရှိခဲ့တာပါပဲဗျာ..

ဒီကြားထဲမှာ..တော်တယ်၊ ထက်မြက်တယ်ဆိုတဲ့
ကျန်းမာရေးဝန်ကြီးတစ်ယောက်ကို ဖြုတ်ပြီး..
ဗိုလ်ချုပ်မှုးကြီးသန်းရွှေရဲ့သမားတော်ကြီးကို..
ကျန်းမာရေးဝန်ကြီးခန့်အပ်လိုက်တာကလဲ..
အစိုးရအတွက်..ပြောစရာတစ်ခု ဖြစ်ခဲ့ပြန်ပါတယ်..။

ဘာပဲဖြစ်ဖြစ်..
ပြည်သူများအနေနဲ့...

ဒီရောဂါနဲ့ပတ်သက်ပြီး..
အသိရှိရှိနဲ့ လေ့လာဆင်ခြင်သွားကြဖို့
အကြံပြုလိုပါတယ်..

( Pa Yit )
(ဓာတ်ပုံ- ယူဂန္ဓာနိုင်ငံမှာရှိတဲ့ WHO ကကျန်းမာရေး
ဝန်ထမ်းတွေရဲ့ ပိုးမွှားဒဏ်ကာကွယ်ရေးဝတ်စုံများ..).

သြဂုတ် ၅ ရက်ထုတ် Tomorrow ဂျာနယ်ပါ အမျိုးသားကြီးပွားတိုးတက်ရေးကုမ္ပဏီဥက္ကဋ္ဌ ဦးစိုးထွန်းရှိန်မှ နိုင်ငံတော်သို့ပေးရန် ရွှေစင်ကြွေးကျန်လုံးဝမရှိကြောင်း တရားဝင်ငြင်းဆိုချက်မှာ မဟုတ်မှန်ဘဲ အမျိုးသားကြီးပွားတိုးတက်ရေးကုမ္ပဏီအနေဖြင့် နိုင်ငံတော်သို့ပေးသွင်းရန် ရွှေစင်ကြွေးကျန်များ ကျန်ရှိနေသေးကြောင်း သတ္တုတွင်းဝန်ကြီးဌာန တာဝန်ရှိသူတစ်ဦးက အတည်ပြုပြောကြားသည်။
အမျိုးသားကြီးပွားတိုးတက်ရေးကုမ္ပဏီ၊ ရွှေမိုးယံနှင့် အာရှကမ္ဘာမြေကုမ္ပဏီသုံးခုတို့သည့် နိုင်ငံတော်သို့ ၂၀၁၄ ခုနှစ် ဇန်န၀ါရီ ၃၁ ရက်အထိ ပေးသွင်းရမည့် ရွှေစင်ကြွေးကျန်မှာ ပိဿာချိန် ၁၀၀၀ ကျော်ဖြစ်ကြောင်း၊ ၂၀၁၄ ခုနှစ် မတ် ၁၇ ရက်အထိ ရွှေစင် ၄၆ ပိဿာကျော်သာ ပေးသွင်းသည့်အတွက် ရွှေစင်ပိဿာချိန် ၉၆၀ နီးပါး ကြွေးကျန်ရှိနေကြောင်း ပြည်ထောင်စုစာရင်းစစ်ချုပ်ရုံး၏ စစ်ဆေးတွေ့ရှိချက် အစီရင်ခံစာအပေါ် ပြည်ထောင်စုလွှတ်တော်၊ ပြည်သူ့ငွေစာရင်းပူးပေါင်းကော်မတီက ပြန်လည်စိစစ်ထားသည့် ဇူလိုင် ၁၅ ရက် ရက်စွဲပါအစီရင်ခံစာတွင် ဖော်ပြထားသည်။

ပြည်ထောင်စုစာရင်းစစ်ချုပ်၏ အစီရင်ခံစာအပေါ် ပြည်ထောင်စုလွှတ်တော် ပြည်သူ့ငွေစာရင်းပူးပေါင်းကော်မတီက စိစစ်တင်ပြသည့် အစီရင်ခံစာပါ ရွှေကြွေးကျန်ကိစ္စရပ်ကို ဇူလိုင် ၃၀ ရက်ထုတ် The Daily Eleven သတင်းစာတွင် ဖော်ပြခဲ့သည်။

သို့သော် ဦးစိုးထွန်းရှိန်မှ ၎င်း၏ အမျိုးသားကြီးပွားတိုးတက်ရေးကုမ္ပဏီအနေဖြင့် နိုင်ငံတော်သို့ပေးသွင်းရန် ရွှေစင်ကြွေးကျန်လုံးဝမရှိကြောင်းကို သြဂုတ် ၅ ရက်ထုတ် Tomorrow ဂျာနယ်တွင် တရားဝင်ငြင်းဆိုသွားခဲ့သည်။

ဦးစိုးထွန်းရှိန်က အစီရင်ခံစာတို့တွင်ပါဝင်သကဲ့သို့ ၎င်းအနေဖြင့် အကြွေးပေးရန်မကျန်ကြောင်း၊ ပြန်စစ်ပေးစေလိုကြောင်းနှင့် မီဒီယာများ အမြဲမှန်အောင် ရေးဖို့လိုကြောင်း တရားဝင်ငြင်းဆိုပြောကြားခဲ့ခြင်းလည်းဖြစ်သည်။

သြဂုတ် ၅ ရက်ထုတ် Tomorrow ဂျာနယ်တွင် "နိုင်ငံတော်သို့ပေးသွင်းရန် ရွှေစင်ကြွေးကျန် လုံးဝမရှိကြောင်း အမျိုးသားကြီးပွားတိုးတက်ရေးကုမ္ပဏီမှ ဥက္ကဋ္ဌ ဦးစိုးထွန်းရှိန်က တရားဝင်ငြင်းဆို" ဟူသောခေါင်းစဉ်ဖြင့် သတင်းဖော်ပြခဲ့ပြီး အဆိုပါသတင်းတွင် ဦးစိုးထွန်းရှိန်က "ဒီအပေါ်မှာပြောချင်တာက အကြွေးပေးစရာမကျန်ပါဘူး။ ကြိုက်တဲ့နေရာမှာ သွားစစ်ဆေးကြည့်ပါ။ ရတယ် ကြိုက်တာနဲ့စစ်" ဟူ၍လည်းကောင်း၊ "အဲဒီအစီရင်ခံစာအဖွဲ့တွေကို သေချာပြန်စိစစ်ပေးပါလို့ ပြောချင်တယ်။ မီဒီယာတွေကလည်း အမြဲတမ်းမှန်အောင်ရေးဖို့လိုတယ်။ သတင်းတစ်ခုကို ရတယ်ဆိုတာနဲ့ ရေးဖို့မသင့်ဘူး' ဟူ၍လည်းကောင်း ပြောကြားထားခြင်းဖြစ်သည်။

ဦးစိုးထွန်းရှိန်၏ ငြင်းဆိုချက် ဟုတ်မ ဟုတ် အမျိုးသားကြီးပွားတိုးတက်ရေးကုမ္ပဏီအပါအ၀င် ကုမ္ပဏီသုံးခု ရွှေကြွေးကျန်ရှိမရှိကို သတ္တုတွင်းဝန်ကြီးဌာနသို့မေးမြန်းရာ တာဝန်ရှိသူတစ်ဦးက ကုမ္ပဏီသုံးခုစလုံး အကြွေးကျန်နေသေးကြောင်း အတည်ပြုပြောကြားသည်။

မိုးထိမိုးမိတွင် ရွှေလုပ်ကွက်ငါးကွက်ရှိကြောင်း၊ နှစ်ကွက်ကို ပြန်လည်အပ်နှံသွားသည့်အတွက် လုပ်ကွက်သုံးကွက် ကျန်ရှိကြောင်း၊ အဆိုပါလုပ်ကွက်သုံးကွက်ကို လက်ရှိလုပ်ကိုင်နေသည့် ကုမ္ပဏီသုံးခုစလုံး (အမျိုးသားကြီးပွားတိုးတက်ရေးကုမ္ပဏီအပါအ၀င်) နိုင်ငံတော်သို့ပေးသွင်းရမည့် ရွှေကြွေးကျန်များရှိနေဆဲဖြစ်ကြောင်း၊ မိုးထိမိုးမိရွှေလုပ်ကွက်များသို့ ကိုယ်တိုင်လိုက်လံကြည့်ရှုလိုပါက သွားရောက်ကြည့်ရှုနိုင်ကြောင်း သတ္တုတွင်းဝန်ကြီးဌာန တာဝန်ရှိသူတစ်ဦးက သြဂုတ် ၂၀ ရက်တွင် အတည်ပြုပြောကြားသည်။

အမျိုးသားကြီးပွားတိုးတက်ရေးကုမ္ပဏီအပါအ၀င် ကုမ္ပဏီသုံးခုမှ နိုင်ငံတော်သို့ပေးသွင်းရန် ရွှေစင်ကြွေးကျန်များ ကျန်ရှိနေမှုအပေါ် စာရင်းစစ်ကန့်ကွက်ချက်နှင့် စစ်ဆေးတွေ့ရှိချက်များကို အစီရင်ခံစာတွင် ဖြော်ပထားမှု

အမျိုးသားကြီးပွားတိုးတက်ရေးကုမ္ပဏီအနေဖြင့် မိုးထိမိုးမိရွှေလုပ်ကွက်တွင် လုပ်သားများနှင့်သဘောတူထားသည့်အတိုင်း မလုပ်ပေးသည်မှစ၍ ဆန္ဒပြမှုများ ဆက်တိုက်ဖြစ်ပေါ်ခဲ့ရကြောင်း၊ ရွှေလုပ်သားများအနေဖြင့် ရန်ကုန်မြို့ပေါ်အထိပါ တက်ရောက်ဆန္ဒပြခဲ့ကြပြီး ရန်ကုန်မှ နေပြည်တော်သို့ လမ်းလျှောက်ဆန္ဒပြခဲ့ကြောင်းလည်း သိရသည်။

၂၀၁၃ ခုနှစ် ဒီဇင်ဘာ ၁၈ ရက်ညက ဆန္ဒပြသူများနှင့် ရဲများ ရုန်းရင်းဆန်ခတ်ဖြစ်၍ ဆန္ဒပြသူများဘက်မှ ကိုးဦးဒဏ်ရာရရှိခဲ့ကြောင်း၊ ဆန္ဒပြသူများထဲမှ ရွှေလုပ်သားခေါင်းဆောင်လေးဦးမှာ တရားစွဲဆိုခံခဲ့ရပြီး တစ်ဦးလျှင်ထောင်ဒဏ်ရှစ်လနှင့် ဒဏ်ငွေကျပ်တစ်သောင်းစီ ချမှတ်ခံခဲ့ရကြောင်း သိရသည်။

ဦးစိုးထွန်းရှိန်သည် မကြာသေးမီကလည်း မော်ဒယ်သရုပ်ဆောင် ချမ်းမီမီကိုနှင့်လက်ထပ်ခဲ့ပြီး ၎င်းတို့အနေဖြင့် လကမ္ဘာသို့ ဟန်းနီးမွန်းထွက်မည်ဟုပြောကြားချက်မှာ မီဒီယာများကြားတွင် ရေပန်းစားခဲ့သည်။
http://news-eleven.com/

မူးယစ်ဆေးဝါးမှုဖြင့် သားဖြစ်သူ အဖမ်းခံရသည့် ကိစ္စအတွက် မိမိအနေဖြင့် ရှက်ရွံ့မိကြောင်း ဂျက်ကီချန်းက ဝန်ခံခဲ့ပြီး ပရိသတ်များကိုလည်း တောင်းပန်စကား ပြောကြားခဲ့သည်။

ကိုယ်တိုင်လည်း ဖခင်နည်းတူ သရုပ်ဆောင်တစ်ဦးဖြစ်သည့် ဂျေဆီချန်းသည် တရုတ်နိုင်ငံ၊ ဘေဂျင်းမြို့တော်တွင် မူးယစ်ဆေးဝါး သုံးစွဲမှု၊ လက်ဝယ်တွေ့ရှိမှုများဖြင့် ယခုသီတင်းပတ် အစောပိုင်းက အဖမ်းခံခဲ့ရသည်။ ယခုဖြစ်ရပ်သည် နာမည်ကျော် အက်ရှင်မင်းသား ဂျက်ကီချန်းအတွက် အကြီးအကျယ် မျက်နှာပျက်စရာ ဖြစ်လာသည်။ ၎င်းသည် (၂၀၀၉)ခုနှစ်က တရုတ်အစိုးရ၏ မူးယစ်ဆေးဝါး တိုက်ဖျက်ရေးဆိုင်ရာ သံတမန်အဖြစ် အပ်နှင်းခံထားရသူ ဖြစ်သည်။

သတင်းအချို့က အသက်(၃၁)နှစ်ရှိ ဂျေဆီသည် (၂၀၀၆)ခုနှစ်က ကတည်းက မူးယစ်ဆေး သုံးစွဲနေကြောင်း ဖော်ပြခဲ့သည်။ တရုတ် Social Media ဝက်ဘ်ဆိုက်ဖြစ်သည့် Weibo တွင် ချန်းက ပရိသတ်များထံ တောင်းပန်သည့် Post တစ်ခုကို ရေးသား လွှင့်တင်ခဲ့သည်။

“အများပြည်သူနဲ့ ဆိုင်တဲ့ အနုပညာသမား တစ်ယောက်အနေနဲ့ ကျွန်တော် ရှက်မိပါတယ်။ ဖခင်တစ်ယောက်အနေနဲ့တော့ ကျွန်တော် အရမ်းကို ဆိုးဆိုးရွားရွား နာကျင်ခံစားမိတယ်။ ကျွန်တော့်သားကို ဆုံးမဖို့ ပျက်ကွက်ခဲ့ပါတယ်။ ဒီအတွက် ကျွန်တော်လည်းပဲ မျှဝေပြီး တာဝန်ခံထိုက်ပါတယ်။ အများပြည်သူရှေ့မှာ ကျွန်တော် လေးလေးနက်နက် တောင်းပန်ချင်ပါတယ်”ဟု ၎င်းက ဆိုသည်။

ဂျေဆီသည် ဖခင်၏ နေအိမ်တွင်ပင် အဖမ်းခံရခြင်းဖြစ်ပြီး ရဲများက ၎င်းကို ဖမ်းဆီးမိချိန်တွင် ဆေးခြောက် သုံးစွဲထားကြောင်း သိရသည်။ တရုတ်တွင် ဆေးခြောက်ကို သုံးစွဲခြင်းဖြစ်စေ၊ လက်ဝယ်ရှိခြင်းဖြစ်စေ ရာဇဝတ်မှုအဖြစ် သတ်မှတ်ထားသည်။ ဂျေဆီနှင့်အတူ ထိုင်ဝမ် နာမည်ကျော်မင်းသား ကိုင်ကိုသည်လည်း မူးယစ်ဆေးဝါးမှုဖြင့် တရုတ်ရဲတပ်ဖွဲ့၏ ဖမ်းဆီးခြင်းကို ခံခဲ့ရသည်။

_Ref: Channelnewsasia
http://www.7daydaily.com/

အမေရိကန် သတင်းထောက် တစ်ဦးကို သွေးအေးအေး ခေါင်းဖြတ်ပြခဲ့သည့် ဗီဒီယိုထဲတွင် ပါဝင်သော ဗြိတိန်နိုင်ငံသားဟု ယူဆရသည့် အစ္စလာမ်မစ် အစွန်းရောက် ဂျီဟတ်ဝါဒီ စစ်သွေးကြွကို မည်သူမည်ဝါ ဖော်ထုတ်နိုင်ရန် ဗြိတိန် ရဲတပ်ဖွဲ့နှင့် ထောက်လှမ်းရေး ဌာနတို့က အသည်းအသန် ကြိုးပမ်း လုပ်ဆောင်နေကြောင်း သိရှိရသည်။

အစ္စလာမ်မစ် စစ်သွေးကြွအဖွဲ့ (IS)မှဟု မိမိကိုယ်ကိုယ် မိတ်ဆက်ခဲ့သူ တစ်ဦးသည် အမေရိကန် သတင်းထောက် ဂျိမ်းစ်ဖိုလေကို ခေါင်းဖြတ်သတ်သည့် ဗီဒီယိုအား အင်တာနက်ပေါ် လွှင့်တင်ခဲ့သည်။ အမေရိကန်က IS အဖွဲ့ကို လေကြောင်းမှ တိုက်ခိုက်ခြင်းအတွက် ယခုလို တုံ့ပြန်ခြင်းဟု မျက်နှာဖုံးအမည်း စွပ်ထားသည့် အဆိုပါ စစ်သွေးကြွက ဗြိတိသျှ လေယူလေသိမ်း ပီပီသသဖြင့် ဗီဒီယိုထဲတွင် ပြောကြားထားခဲ့သည်။

အသက်(၄၀)အရွယ်ရှိ ဖိုလေသည် (၂၀၁၂)ခုနှစ် ကတည်းက ပျောက်ဆုံးနေခြင်းဖြစ်ပြီး ၎င်းကို အီရတ်နှင့် ဆီးရီးယားတို့ရှိ IS တို့ ထိန်းချုပ်ထားသည့် နယ်မြေ တစ်ခုခုတွင် သတ်ဖြတ်ခဲ့ခြင်းဟု ယူဆရသည်။ ဗြိတိန်ဝန်ကြီးချုပ် ဒေးဗစ်ကင်မရွန်က ရက်စက်ကြမ်းကြုတ်လှသည့် အဆိုပါ လူသတ်မှုကို ကျူးလွန်သော စစ်သွေးကြွသည် ဗြိတိန်နိုင်ငံသားတစ်ဦး ဖြစ်နိုင်ခြေ တစ်စထက်တစ်စ မြင့်တက်လာနေကြောင်း ဝန်ခံခဲ့သည်။

ဩဂုတ်(၂၀)ရက်က အဆိုပါ ဗီဒီယို စတင်ပျံ့နှံ့လာပြီးနောက် ကင်မရွန်သည် အနားယူ အပန်းဖြေ ခရီးစဉ်ကို ဖျက်သိမ်းကာ ဝန်ကြီးချုပ်ရုံးခန်းသို့ ချက်ချင်း ပြန်လာခဲ့သည်။ အမေရိကန် အစိုးရသည် ဖိုလေနှင့် IS တို့ ထိန်းချုပ်ထားသည့် အခြား အမေရိကန် ဓားစာခံ တစ်ဦးကို ကယ်တင်ရန် စစ်ဆင်ရေးတစ်ရပ် စီစဉ်ခဲ့ဖူးသော်လည်း မအောင်မြင်ခဲ့ကြောင်း သတင်းများလည်း ထွက်ပေါ်နေသည်။

Guardian သတင်းစာက ဖိုလေကို ခေါင်းဖြတ်ခဲ့သူသည် ဆီးရီးယား အစိုးရ ဆန့်ကျင်ရေး စစ်ပွဲတွင် သွားရောက်ပူးပေါင်းသည့် ဗြိတိန်သား အစ္စလာမ်ဘာသာဝင်များအနက်မှ တစ်ဦးဦး ဖြစ်နိုင်ကြောင်း မှတ်ချက်ပြု ရေးသားခဲ့သည်။ Guardian၏ သတင်းစုံစမ်းမှုများအရ အဆိုပါ အမျိုးသားသည် ဗြိတိန်မှ ဆီးရီးယားသို့ သွားရောက်ခဲ့သော ဂျီဟတ်ဝါဒီ တိုက်ခိုက်ရေးသမားများ၏ ခေါင်းဆောင်ဖြစ်ပြီး လန်ဒန်တွင် နေထိုင်ခဲ့သူ တစ်ဦးဖြစ်ကြောင်း၊ ၎င်းကို လုပ်ဖော်ကိုင်ဖက်များက ဂျွန်ဟု ခေါ်ဝေါ်လေ့ရှိကြောင်းလည်း သိရှိရသည်။

ဗြိတိန်ထောက်လှမ်းရေးက စစ်သွေးကြွ လူသတ်သမားသည် IS အသိုက်အဝန်းတွင် လူသိများသူတစ်ဦ ဖြစ်နိုင်ကြောင်း ယူဆထားသည်။ ၎င်းသည် ဗီဒီယိုထဲတွင် မိမိ၏ မျက်နှာကို မပေါ်အောင် သတိကြီးစွာ ဝတ်ဆင် ကာကွယ်ထားသည့်တိုင် ၎င်း၏ အသံကို အခြေခံကာ သရုပ်မှန်ကို ဖော်ထုတ်နိုင်ရန် ဗြိတိန်ထောက်လှမ်းရေးက မျှော်လင့်လျက်ရှိသည်။
http://www.7daydaily.com/

သမ္မတဦးသိန်းစိန်ကို ဆန္ဒပြခဲ့သည့် သတင်းထောက်များအား ကမာရွတ်မြို့နယ် ရဲစခန်းက ပုဒ်မ ၁၈ ဖြင့် အရေးယူထားမှုကို ပယ်ဖျက်လိုက်ပြီဖြစ်ကြောင်း ကမာရွတ်မြို့နယ် ရဲတပ် ဖွဲ့မှူး ဒုရဲမှူး မောင်မောင်ဦးက ပြောကြားသည်။

သမ္မတ ဦးသိန်းစိန်အား ဆန္ဒပြမှုကြောင့် သတင်းထောက် ၅၀ ခန့်ကို ကမာရွတ်မြို့နယ် ရဲစခန်းက ပုဒ်မ ၁၈ ဖြင့် အရေးယူထားသည်ဟု ဇူလိုင်လအတွင်းက ပြောဆိုထားသည်။

‘‘ဆန္ဒပြတဲ့ သတင်းထောက် တွေကို အရေးယူထားတာ မရှိ တော့ပါဘူး။ ပယ်ဖျက်လိုက်ပါပြီ။ ဘာကြောင့် ပယ်ဖျက်လိုက်တယ်ဆိုတာ လုပ်ထုံးလုပ်နည်းအရ ပြောလို့မရပါဘူး။ သတင်း ထောက်တွေကို အရေးယူထား တာ မရှိတော့ပါဘူး’’ဟု ဒုရဲမှူး မောင်မောင်ဦးက 7Day သတင်း ဌာနသို့ အတည်ပြုပြောကြားသည်။

ဇူလိုင်လ ၁၂ ရက်တွင် MPC၌ အနုပညာရှင်များနှင့် သမ္မတ တွေ့ဆုံသော ပွဲကို သတင်း ထောက်အများစုက ၀င်ရောက် သတင်းယူခြင်းမပြုလုပ်ဘဲ MPC ခန်းမရှေ့၌ ရပ်နေကြသည်။ ထို အချိန်တွင် သတင်းထောက် ၂၀ ခန့်က ‘‘မီဒီယာဖိနှိပ်မှုရပ်’’စာတန်းပါ အင်္ကျီများဝတ်ဆင်၍ သတင်းယူရန် လာရောက်သောကြောင့် ကမာရွတ်မြို့နယ် ရဲတပ်ဖွဲ့စခန်း မှူး မောင်မောင်ဦးက အဆိုပါ သတင်းထောက်များကို MPC ရှိရာရွှေလီလမ်းထဲသို့ ၀င်ရောက်ခွင့် မပေးဘဲတားဆီးခဲ့သည်။ ထိုသို့ တားဆီးခဲ့သောကြောင့် ၎င်းသတင်းထောက်များက ပါးစပ်တွင် တိပ်အမည်းများ ကြက်ခြေ ခတ်ကပ်၍ ကင်မရာများအောက်ချကာ ငြိမ်သက်စွာ ဆန္ဒပြခဲ့ကြခြင်း ဖြစ်သည်။

http://www.7daydaily.com/


မြန်မာနိုင်ငံမှာတော့ တနေ့ကပဲ ရန်ကုန်အပြည်ပြည်ဆိုင်ရာလေဆိပ်မှာ Ebola ရောဂါပိုး ကူးစက်ခံရတယ်လို့ သံသယလူနာအဖြစ်နဲ့ လူတဦးကို တွေ့ခဲ့ရပါတယ်။ သြဂုတ်လ ၁၉ ရက် ညပိုင်းအချိန် မြန်မာလေကြောင်း လိုင်းကတဆင့် ရောက်လာတဲ့ အဲဒီဖျားနာနေတဲ့သူ သွေးနမူနာ စစ်ဆေးတာတွေ လုပ်ဆောင်နေတယ်လို့ သိရပါတယ်။

အာဖရိကအနောက်ပိုင်း ဂီနီနဲ့ လိုက်ဘေးရီးယား နိုင်ငံတွေကနေ မြန်မာနိုင်ငံ ကို ပြန်ရောက်လာတဲ့ အသက် ၂၂ နှစ်အရွယ် အမျိုးသားတဦးကို ကိုယ်အပူချိန် မြင့်တက်နေတာ၊ ကိုယ်ခန္ဓာ နုံးချိနေတဲ့ လက္ခဏာတွေကြောင့် အီဘိုလာဗိုင်းရပ်စ် သံသယရှိသူအဖြစ် စောင့်ကြည့်နေကြောင်းကိုလည်း အစိုးရက ထုတ်ပြန်ထားပါတယ်။

ဒါပေမဲ့ ထိုင်း The Nation သတင်းစာမှာတော့ Ebola ကြောင့်မဟုတ်ဘဲ ငှက်ဖျားရောဂါပိုးရှိသူလို့ စမ်းသပ်တွေ့ရတဲ့အကြောင်း မြန်မာအာဏာပိုင်တွေက ထိုင်း CDC ရောဂါထိန်းချုပ်ရေးဌာနကို အကြောင်းကြားထားတယ်လို့ ထိုင်း CDC ဒုတိယညွှန်ကြားရေးမှူး Dr. Okart ကို ကိုးကားပြီး ရေးပါတယ်။

သူဟာ ထိုင်းကနေလာတာပေမဲ့လို့ ထိုင်း သုဝဏ္ဏဘူမိလေဆိပ်မှာ တထောက်နားတာဖြစ်တာကြောင့် အဲဒီက ရောဂါစောင့်ကြည့်ဌာနကို မဖြတ်ခဲ့ရဘူးလို့ ဆိုပါတယ်။ ဝေဘာဂီ အထူးကုဆေးရုံကြီးက ဆေးရုံအုပ် ဒေါက်တာ သန်းသန်းဌေးက ဗွီအိုအေကို ပြောရာမှာတော့ သြဂုတ်လ ၁၉ ရက် မနေ့ညပိုင်းက ရန်ကုန်လေဆိပ်ကို ပြန်ရောက်လာတဲ့ သံသယရှိသူ အမျိုးသားတဦးအပြင် သူနဲ့အတူ လိုက်ပါလာတဲ့ အမျိုးသား ၄ ဦးကိုလည်း ခေါ်ယူစောင့်ကြည့်ထားပြီးတော့ သူတို့ရဲ့သွေးနမူနာကို WHO ကမ္ဘာ့ကျန်းမာရေးအဖွဲ့ချုပ်ဆီ ပေးပို့စစ်ဆေးနေတယ်လို့ ပြောပါတယ်။

သံသယရှိသူ လိုက်ပါလာတဲ့ လေယာဉ်ကိုလည်း ရောဂါပိုးသန့်စင်တာတွေ၊ လေ ယာဉ်ဝန်ထမ်းတွေနဲ့ လေဆိပ်တွင်း တာဝန်ရှိသူတွေကိုပါ ရောဂါကူးစက်မှု မရှိစေရေး ဆောင်ရွက်နေတယ်လို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ မြန်မာအနီးအနားမှာဆိုရင်တော့ ဗီယက်နမ်နိုင်ငံမှာလည်း Ebola ရောဂါပိုး ရှိတယ်လို့ သံသယနဲ့ နိုင်ဂျီးရီးယားလူမျိုးနှစ်ဦးကို သီးသန့်ထား စစ်ဆေးမှုတွေ လုပ်နေတယ်လို့ သိရပါတယ်။

အခုနှစ်ဆန်းကစပြီး ကူးစက်ပျံ့နှံ့လာတဲ့ Ebola ဗိုင်းရပ်စ်ပိုးကြောင့် သေဆုံးသူအရေအတွက်ဟာ ၁၃၅၀ ရှိသွားပြီလို့ WHO ကမ္ဘာ့ကျန်းမာရေးအဖွဲ့ချုပ်က ထုတ်ပြန်ထားပါတယ်။ အများစုကတော့ အာဖရိကအနောက်ခြမ်း ဂီနီ၊ လိုက်ဘေးရီးယား၊ ဆီယာလီယွန်းနိုင်ငံတွေက ဖြစ်ကြပါတယ်။
VOA


ဒို့မြန်ပြည်ဝယ် ပြည်သူတွေမယ်
လယ်ပျောက်ယာပျောက်
နေစရာတွေပျောက်
ဟိုရောက်ဒီရောက်
နယ်လှည့်ကျွန်ဘ၀ရောက်…။

လုပ်စားတော့မိုးခေါင်
ခိုးစားတော့ခွေးဟောင်
အမောင်တောင်မှန်းမြောက်မှန်းမသိ
ရှိသမျှမြေကွက် သီးနှံထွက်လည်း
လုယက်တဲ့စစ်ခွေး သိမ်းဆည်းတဲ့ဘေး
အရေးပိုပို တရားဆွဲဆိုလည်း
ဆီယိုပေါက်ဥပဒေ ကျူးကျော်မြေမို့
အခြေမခိုင် တရားမနိုင်ခဲ့
ခွေယိုင်ကာလဲ အို လူငမွဲ…။

လူတွေသာ အသွယ်သွယ်ဒုက္ခ
ပေါ်နေကြသည်မဟုတ်
တောတွင်ခိုမှီး ဘုန်းတော်ကြီးတွေလဲ
ပူမီးအ၀၀ ကြုံနေရပြီ
ကျောင်းကနှင်းချ ထောင်တွေချ
အဓမ္မအတင်း လူဝတ်လဲခိုင်းခြင်း
သိမ်ဖျင်းတဲ့အလုပ် ဇွတ်ကိုလုပ်
ဗုဒ္ဓဘာသာမှ ဟုတ်ပါလေစ…။

မြင်မြင်သမျှ သင်္ခါရလို့
ဖြေကြပါလည်း စိတ်ထဲမှာထုံး
မြို့သုဉ်းရွာသုဉ်း လူညွတ်တုံးအောင်
ယူကျုံးမရ အပူလုံးကြွတဲ့
သုညဘ၀မှာ ဖြစ်လာရပေ
ပြည်သူတွေမှာ ဘယ်လိုနေလို့
ဘယ်လိုသေရပ ပြောပြစမ်းပါလူကြီးမင်းတို့ရာ။

တက္ကသိုလ်ဘုန်းကြွယ်(သြဂုတ် ၂၁ ၁၄)

http://www.7daydaily.com/
ကျောင်းထွက်၍ အဆင်ပြေလျှင် အလုပ်လုပ်မည်ဟု စိတ်ကူးကာဦးလေးရှိသော မလေးရှားသို့ တရားဝင်အလည်အပတ်သွားခဲ့သော အသက်(၂၀)အရွယ် မောင်ချမ်းမြေ့အောင်သည် မလေးရှားနိုင်ငံ လေဆိပ်အရောက်တွင် ဖမ်းဆီးခံလိုက်ရသည်။

မောင်ချမ်းမြေ့အောင်အပါအဝင် မြန်မာနိုင်ငံသား ၇၅ ဦး ကိုင်ဆောင်လာသော အလည်အပတ်ဗီဇာများသည် အတုဖြစ်နေ၍ မလေးရှားနိုင်ငံလေဆိပ်တွင် မလေးရှားရဲတပ်ဖွဲ့နှင့် လူဝင်မှုကြီးကြပ်ရေးတို့၏ ဖမ်းဆီးထိန်းသိမ်းခြင်းခံရပြီး နှစ်ပတ်အကြာတွင် ၎င်းတို့အားလုံး ထောင်ချခံလိုက်ရသည်။

ဖမ်းဆီးထိန်းသိမ်းခံရပြီး ၃၅ ရက်အကြာတွင် လေဆိပ်အနီးရှိ ဆီဗန်းတရားရုံး၌ ရုံးထုတ်စစ်ဆေးရာ ၎င်းတို့နိုင်ငံသို့ ဗီဇာအတုများဖြင့် ဝင်ရောက်လာမှုကြောင့် မလေးရှားနိုင်ငံတရားသူကြီးက မြန်မာနိုင်ငံသား ၅၂ ဦးကို ထောင်ဒဏ်တစ်နှစ်စီ ချမှတ်လိုက်သည်။

ဗီဇာအတုဖြင့် သွားရောက်ခဲ့သောသူများထဲမှ ၂၀ ခန့်သည် မလေးရှားနိုင်ငံသို့ အလည်အပတ်သွားရောက်ခြင်းဖြစ်ပြီး ကျန်သူများသည် အလုပ်လုပ်ကိုင်ရန်အတွက် သွားရောက်သူများဖြစ်သည်။

ဗီဇာအတုများဖြင့် အုပ်စုလိုက်တင်ပို့သော အေဂျင်စီနှင့် မြန်မာနိုင်ငံလေဆိပ်ရှိ လူဝင်မှုကြီးကြပ်ရေး၊ ပြည်ထဲရေးဌာနတို့၏ စိစစ်ရေးများနှင့် ပို့ဆောင်ပေးသော လေကြောင်းလိုင်း၏ ပေါ့လျော့မှုများကြောင့် မြန်မာနိုင်ငံသား ၅၂ ဦးမှာ မလေးရှားတွင် ထောင်ဒဏ်ချမှတ်ခံလိုက်ရသည်။

ယင်းတို့သည် ဇူလိုင် ၈ ရက်က ရန်ကုန်မြို့ (၃၈)လမ်းရှိ စုမြတ်အေဂျင်စီ၏ အစီအစဉ်ဖြင့် သွားရောက်ခြင်းဖြစ်ပြီး အေဂျင်စီမှ လိုက်ပါပို့ဆောင်ပေးသူ သုံးဦးလည်း ဖမ်းဆီးခံခဲ့ရသည်။

သို့သော် အဆိုပါပြဿနာ ဖြစ်ပွားပြီးနောက် ရုံးတည်ရှိရာသို့ သွားရောက်မေးမြန်းရာ ရုံးခန်းမရှိတော့ပေ။ စုမြတ်အေဂျင်စီဆိုသည်မှာ တရားမဝင် ပြည်ပအလုပ်အကိုင်ရှာဖွေရေးအေဂျင်စီဖြစ်ကြောင်း ပြည်ပအလုပ်အကိုင်ရှာဖွေရေးအသင်းချုပ်မှ တာဝန်ရှိသူက ပြောသည်။ ထိုအေဂျင်စီကပင် ဗီဇာအတုများ လုပ်ပေးခဲ့ခြင်းဖြစ်သည်။

ဗီဇာအတုများကြောင့် မြန်မာနိုင်ငံသားများ ဖမ်းဆီးခံရမှုအပေါ် ရွှေ့ပြောင်းလုပ်သားအရေး လှုပ်ရှားနေသူများနှင့် မလေးရှားနိုင်ငံရှိ မြန်မာလူမှုအသင်းအဖွဲ့အစည်းများက မြန်မာအစိုးရအဖွဲ့ တရားမဝင်အေဂျင်စီများနှင့် လေကြောင်းလိုင်း စသည်တို့ကို ပြင်းပြင်းထန်ထန်ဝေဖန်ခဲ့သည်။

‘‘ဒီလူတွေကို အစိုးရနဲ့ ပြည်ပအေဂျင်စီအသင်းအဖွဲ့ချုပ်တို့က ခွင့်ပြုချက်မရှိဘဲ မလေးရှားနိုင်ငံထဲကိုရောက်လာစရာ အကြောင်းမရှိဘူး’’ဟု မလေးရှားနိုင်ငံ မြန်မာရွှေ့ပြောင်းလုပ်သားအခွင့်အရေးစင်တာ (MMRC) ဥက္ကဋ္ဌ ဦးကိုလတ်က ပြောသည်။

မြန်မာနိုင်ငံသားများ ထောင်ချခံရမှုကို မလေးရှားနိုင်ငံ မြန်မာသံရုံးမှ တာဝန်ရှိသူများက မလေးရှားနိုင်ငံ ပြည်ထဲရေးဌာနနှင့် လူဝင်မှုကြီးကြပ်ရေးဌာနတို့ထံ လူကိုယ်တိုင်သွားရောက် မေတ္တာရပ်ခံထားသည်ဟု မလေးရှားနိုင်ငံ မြန်မာသံရုံးက 7Day အား ပြောခဲ့သည်။ ထိုသို့ပြောပြီး တစ်ပတ်အကြာတွင် မြန်မာနိုင်ငံသားများ ထောင်ဒဏ်တစ်နှစ်စီ ချမှတ်ခံလိုက်သည်။

ဩဂုတ် ၁၈ ရက်တွင် မြန်မာသံရုံးက ကြေညာချက်တစ်စောင် ထုတ်ပြန်ခဲ့သည်။ မလေးရှားနိုင်ငံသို့ လာရောက်မည့် မြန်မာနိုင်ငံသားများအနေဖြင့် မိမိ၏နိုင်ငံကူးလက်မှတ်တွင်ပါရှိသည့် ပြည်ဝင်ခွင့်(ဗီဇာ)အပါအဝင် အခြားအချက်အလက်များကို ပြည့်စုံမှန်ကန်မှု ရှိစေရေးအတွက် အထူးဂရုပြုဆောင်ရွက်သင့်ကြောင်း ထုတ်ပြန်ချက်တွင် နှိုးဆော်ထားသည်။

မြန်မာနိုင်ငံလေဆိပ်ရှိ လူဝင်မှုကြီးကြပ်ရေးနှင့် သယ်ယူပို့ဆောင်ပေးသော Air Asia လေကြောင်းတို့ စစ်ဆေးရေးအားနည်းမှုကြောင့် အဆိုပါ ၅၂ ဦးသည် မလေးရှားနိုင်ငံသို့ ရောက်ရှိသွားခြင်းဖြစ်ကြောင်း လုပ်သားအရေးဆောင်ရွက်သူများက ဝေဖန်ကြသည်။ သယ်ယူပို့ဆောင်ပေးသော လေကြောင်းလိုင်းသည် မိမိ၏ခရီးသည်များကိုင်ဆောင်သော ဗီဇာ၊ ပတ်စ်ပို့များကို အတု၊ အစစ်ဟုတ်၊ မဟုတ် လေယာဉ်ထွက်ခွာခြင်းမပြုမီ စစ်ဆေးရန် တာဝန်ရှိသည်ဟု ၎င်းတို့ကဆိုသည်။

‘‘လေကြောင်းလိုင်းက ဗီဇာအတုမသိခဲ့ရင်တောင် လဝကကိုနောက်ဆုံးဖြတ်ရတာ။ သူတို့ နည်းပညာညံ့တာလည်းပါတာပေါ့’’ဟု ထိုင်းနိုင်ငံရွှေ့ပြောင်းလုပ်သားများအရေး ဆောင်ရွက်ပေးနေသော ထိုင်းနိုင်ငံပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း (FED) အမှုဆောင်ဒါရိုက်တာ ဦးထူးချစ်က ပြောသည်။

အခြားနိုင်ငံများသို့ ဗီဇာအတုများဖြင့် သယ်ယူပို့ဆောင်ပေးပါက ထိုနိုင်ငံ၏ဥပဒေအတိုင်း သယ်ယူပို့ဆောင်ပေးသော လေကြောင်းလိုင်းအား ဒဏ်ငွေများချမှတ်သည်ဟု Air Asia လေကြောင်းလိုင်း မြန်မာနိုင်ငံတာဝန်ခံ ဦးဝေလင်းအောင်က ပြောသည်။

‘‘သယ်ယူပို့ဆောင်ပေးတဲ့ လေကြောင်းလိုင်းမှာလည်း တာဝန်ရှိသလို ဗီဇာအတုနဲ့ သွားရောက်တဲ့သူတွေမှာလည်း တာဝန်ရှိပါတယ်။ အခုထိတော့ ကျွန်တော်တို့လေကြောင်းလိုင်းကို မလေးရှားဘက်က ဘာမှမဆက်သွယ်သေးဘူး’’ဟု ဦးဝေလင်းအောင်က ဆိုသည်။

မြန်မာနိုင်ငံသားများ အများဆုံးသွားရောက်သော ထိုင်းနိုင်ငံနှင့် မလေးရှားနိုင်ငံအနက် ဗီဇာအတုများပြုလုပ်ရာတွင် မလေးရှားနိုင်ငံ ဗီဇာအတုပြုလုပ်ရသည်က ပိုမိုလွယ်ကူကြောင်း နိုင်ငံတကာလေကြောင်းလိုင်းတစ်ခုတွင် လုပ်ကိုင်နေသူတစ်ဦးက ပြောသည်။

ထိုင်းနိုင်ငံ၏ ဗီဇာစာရွက်သည် ကွန်ပျူတာစနစ်ဖြင့် ပြုလုပ်ထားသောကြောင့် ဗီဇာအတုပြုလုပ်ရန် မလွယ်ကူပေ။ မလေးရှားဗီဇာသည် စာရွက်ပေါ်တွင် မင်တံဆိပ်တုံးထု၍ ပြုလုပ်ထားသောကြောင့် အတုလုပ်ရန်မှာ လွယ်ကူနေကြောင်း ၎င်းကဆက်လက်ပြောသည်။

‘‘အဓိက,ကတော့ ဗီဇာအတုလုပ်တဲ့ပွဲစားတွေကို ထိထိရောက်ရောက် အရေးယူရမယ်’’ဟု ဦးထူးချစ်ကပြောသည်။

မြန်မာ ၅၂ ဦး ထောင်ချခံရခြင်းသည် တရားမဝင်အေဂျင်စီများကြောင့်ဖြစ်ပြီး ပြည်ထဲရေးဌာနက အဆိုပါအေဂျင်စီများအား ထိထိရောက်ရောက်အရေးယူပေးရန် လိုအပ်ကြောင်း ပြည်ပအလုပ်အကိုင်ရှာဖွေရေးအေဂျင်စီ အသင်းချုပ် အတွင်းရေးမှူး ဦးကျော်ထင်ကျော်ကပြောသည်။

ယခုနှစ်အတွင်း မလေးရှားနိုင်ငံသို့ သွားရောက်သော လူဦးရေမှာ တစ်လလျှင် ပျမ်းမျှသုံးထောင်ခန့်ရှိသည်။

ကျောင်းထွက်၍ အဆင်ပြေလျှင် အလုပ်လုပ်မည်ဆိုကာ မလေးရှားသို့ အလည်အပတ်သွားခဲ့သော မောင်ချမ်းမြေ့အောင်တစ်ယောက် ကွာလာလမ်ပူမြို့နယ်၊ စလန်ကော်ပြည်နယ်ရှိ ကဂျန်းထောင်တွင် တစ်နှစ်နေထိုင်ရမည်ဖြစ်သည်။

‘‘ကျွန်တော်အလည်ခေါ်လိုက်လို့ ကျွန်တော့်တူက ရောက်လာတာ။ ကျွန်တော်သာမခေါ်ရင် သူထောင်ကျခံရမှာမဟုတ်ဘူး’’ဟု ချမ်းမြေ့အောင်၏ဦးလေး ကိုလှိုင်မျိုးသန်းက နောင်တရဟန်ဖြင့် ပြောလေသည်။

ဒီမိုကရေစီအရေး စဉ်ဆက်မပြတ် လှုပ်ရှားရေးအဖွဲ့ခေါင်းဆောင် ဦးထင်ကျော်ကို ချမှတ်တဲ့ ထောင်ဒဏ်တွေဟာ အားလုံးပေါင်းလိုက်ရင် ၈ နှစ် ကျော်ရှိနေပြီး ဒါဟာ တရားမျှတမှု မရှိတဲ့ ပြစ်ဒဏ်တွေ ဖြစ်တယ်လို့ သူရဲ့ အမှုလိုက်ရှေ့နေက ပြောကြားပါတယ်။

z1 copyဦးထင်ကျော်ကို နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ) နဲ့ ဒဂုံမြို့သစ်ဆိပ်ကမ်း မြို့နယ်တရားရုံးက အလုပ်ကြမ်း နဲ့ ထောင်ဒဏ် ၁ နှစ်ကျခံဖို့ သြဂုတ် ၁၉ ရက်နေ့က အမိန့် ချမှတ်လိုက်တာပါ။

ဦးထင်ကျော်ရဲ့ ရှေ့နေကတော့ နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ)၊ ငြိမ်းချမ်းစွာ စီတန်းလမ်းလျှောက်မှု ပုဒ်မ ၁၈ တွေနဲ့ လှိုင်သာယာ၊ တောင်ဒဂုံ၊ ဒဂုံဆိပ်ကမ်း၊ သင်္ကန်းကျွန်း၊ တောင်ဥက္ကလာ၊ ဗဟန်း၊ ကျောက်တံတား၊ ဒဂုံ (အရှေ့) ဒဂုံ (မြောက်)၊ မရမ်းကုန်းနဲ့ ရွှေပြည်သာမြို့နယ်တရားရုံးတွေက စွဲဆိုခဲ့ပြီး ထောင်ဒဏ်တွေ ချမှတ်ခဲ့တာ အားလုံး ပေါင်းလိုက်ရင် ၈ နှစ်ခွဲ ရှိသွားပြီလို့ ပြောပါတယ်။

ဒ့ါအပြင် မြောက်ဥက္ကလာ၊ လှိုင်နဲ့ ကျောက်တံတားမြို့နယ်တွေက စွဲဆိုထားတာတွေလည်း ရှိနေသေးတယ်လို့ ဆိုပါတယ်။

ပြုလုပ်မှုတခုအတွက် လူတဦးကို ကြိမ်ဖန်များစွာအပြစ်ပေးရာ ရောက်နေတဲ့အတွက် တရားမျှတတဲ့ ပြစ်ဒဏ်လို့ မဆိုနိုင်တဲ့အကြောင်း ဦးထင်ကျော်ရဲ့ ရှေ့နေ ဦးရောဘတ် စန်းအောင်က ပြောပါတယ်။

“မေးမြန်းတဲ့အခါ တရုံးတမိန့်ဖြစ်ပြီးတော့ ကိုထင်ကျော်ဟာ တော်တော်နစ်နာနေပြီ။ ခရိုင်တရားရုံးတွေကလည်း အောက်ရုံးတွေရဲ့ စီရင်ဆုံးဖြတ်ချက်တွေကို လပတ်အစီရင်ခံစာ တက်လာတဲ့အခါမှာ ဥပဒေနဲ့ညီမညီ၊ မညီရင် ကိုယ်ပိုင်မူလဘူတ အာဏာအရ ပေါင်းစည်းပေးရမှာကို မလုပ်ကြဘူး။ နိုင်ငံရေးနဲ့ ပတ်သက်နေလို့ပဲ ကျနော်တို့ တွက်တယ်။ တရားသူကြီးတွေ လစာမလုံလောက်မှုကြောင့် ငွေကြေး ယူတာကို ကျနော်တို့ လက်ခံနိုင်တယ်။ ဒါပေမယ့် လက်မခံနိုင်တာက အကောင်အထည်မရှိတဲ့ အကြောက်တရားနဲ့ ဆုံးဖြတ်နေတာတွေကိုတော့ ကျနော်တို့ လက်မခံနိုင်ဘူး။”

ပြစ်မှုဆိုင်ရာ ပုဒ်မ ၂၃၄ အရ တနေ့တည်းမှာ ဖြစ်ပွားခဲ့တဲ့ ၃ မှုကို ၁ မှုနှုန်းနဲ့ ဆောင်ရွက်လို့ရပေမယ့် တရားရုံးတွေကလည်း အမှုစစ်ရဲအရာရှိတွေကို တခြားတရားရုံးတွေမှာ ဒီအမှုနဲ့ ပတ်သက်ပြီး တရားစွဲဆိုထားတာရှိသလားလို့ မေးမြန်းဆောင်ရွက်ခြင်းမရှိဘူးလို့လည်း ရှေ့နေက ထောက်ပြပါတယ်။

ဦးထင်ကျော်ဟာ ပြီးခဲ့တဲ့ န၀တ၊ နအဖစစ်အစိုးရလက်ထက်ကလည်း ကုန်ဈေးနှုန်း ကျဆင်းရေး ဦးဆောင်ဆန္ဒပြခဲ့တဲ့အတွက် အကြိမ်ကြိမ် ထောင်ကျခံခဲ့ရဖူးပါတယ်။

ခု သမ္မတဦးသိန်းစိန်လက်ထက်မှာလည်း ပြည်ထောင်စုအစိုးရ နုတ်ထွက်ပေးဖို့ စာရွက်တွေ လိုက်ဝေခဲ့တဲ့အတွက် တရားစွဲဆိုခံရတာဖြစ်ပြီး သူလုပ်ရပ်တွေကို ထိန်းချုပ်ချင်လို့ တရားစွဲဆိုတာဖြစ်တယ်လို့ ဇနီး ဒေါ်သန်းသန်းမော်က ပြောပါ တယ်။
dvb