08/23/14

စစ်ဘေးဒုက္ခ သည်အပါအဝင်လိုအပ်တဲ့နေရာတွေ အတွက် ဂစ်တာတီးသီချင်းဆိုပြီးအလှူ ငွေတွေရှာပေးနေတဲ့ မဇ္ဈိမလှိုင်းတေး ဂီတဝိုင်းက ဂစ်တာတီးခတ်သူဦးရဲ လွင်က တိုင်းပြည်အတွက်တကယ်လို အပ်လို့ ပရဟိတလုပ်ငန်းတွေလုပ် ဖြစ်သွားတာလို့ ဆိုပါတယ်။

''အရင်ကတည်းက တစ်ကောင် ကြွက်လိုနေခဲ့တယ်။ ပြီးတော့သူငယ် ချင်းတွေနဲ့ပဲ နေတယ်။ အဲဒီလိုနဲ့ပဲ ကျွန်တော်ဂစ်တာတီးတာလဲ နှစ် ပေါင်း ငါးဆယ်ကျော်ပြီဆိုတော့ တိုင်း ပြည်မှာလဲ တကယ်လိုအပ်တဲ့ ပရဟိ တလုပ်ငန်းတွေ လုပ်မယ်ဆိုပြီး စစ် ဘေးဒုက္ခသည်တွေအတွက် သီချင်း ဆိုပြီး စလုပ်ဖြစ်တယ်။ လက်ဖက် ရည်ဆိုင်တွေမှာ စဆိုတာပေါ့။ အဲလို လိုက်ဆိုရင်းနဲ့ပဲ ပရဟိတတွေလုပ် ဖြစ်သွားတာပါ'' လို့သူကပြောပါတယ်။

လွန်ခဲ့တဲ့နှစ်နှစ်လောက်ကစပြီး လွတ်လပ်ငြိမ်းချမ်းပန်းရဲ့လမ်းဆိုတဲ့ အမည်နဲ့ စစ်ဘေးဒုက္ခသည်တွေ အတွက် ရန်ကုန်မြို့ရဲ့လက်ဖက်ရည် ဆိုင်တွေမှာ ဂစ်တာတီးပြီးသီချင်းတွေ ဆိုခဲ့တာဖြစ်ပါတယ်။ ယခုအခြေ အနေမှာတော့ သူတို့အဖွဲ့ကစစ်ဘေး ဒုက္ခသည်တွေအပြင် ဘာသာရေး ပဋိပက္ခဒုက္ခသည်တွေ သဘာဝဘေး အန္တရာယ်ကြုံတွေ့ရသူတွေနဲ့ NLD ဖွင့်လှစ်ထားတဲ့ အခမဲ့ပညာဒါန ကျောင်းများအတွက်ပါ ဂီတနှင့်အလှူ ခံပေးတဲ့ ပရဟိတအဖွဲ့အစည်းတစ် ခုအဖြစ် ရပ်တည်နေပါတယ်။

သြဂုတ်၂ဝနဲ့၂၁ရက်နေ့မှာတော့ ပြည်မြို့မှာရှိတဲ့ အောင်ဆန်းပညာ ဒါနကျောင်းသား၊ ကျောင်းသူတွေ အတွက် ဂီတနဲ့လိုက်လံအလှူခံပေး နေပြီး အဲဒီပွဲအတွက် ရန်ကုန်မြို့က နေ ပြည်မြို့ကိုအလာကားပေါ်မှာ တော့ ကွယ်လွန်သွားရှာပြီဖြစ်တဲ့ အဆိုတော်ခင်ဝမ်းအကြောင်းစဉ်းစား မိတယ်လို့ ဆိုပါတယ်။

''ကျွန်တော် ဒီလာကတည်းက လမ်းမှာ စဉ်းစားလာတယ်။ ကိုးတန်း တုန်းက အဆိုတော် ခင်ဝမ်းရယ်၊ ကျွန်တော်ရယ်၊ ရုပ်ရှင်မင်းသားကျော်ဟိန်းပေါ့။ တစ်တန်းတည်း အဲဒါတွေ ပြန်တွေးနေမိတယ်။ ဝမ်းနည်းတာ တော့ မဟုတ်ဘူးပေါ့။ သူငယ်ချင်း တွေ ပြန်သတိရတယ်။ အတိတ်ကို သတိရစရာအကြောင်းတွေ ပေါ်လာ တယ်''လို့ ဦးရဲလွင်ကပြောပါတယ်။

အဆိုတော်ခင်ဝမ်းနဲ့သူက ကိုးတန်းပြီးကတည်းက ကွဲသွားပြီး တက္ကသိုလ်ရောက်မှ ပန်းချီပြပွဲတွေနဲ့ သီချင်းတွေဆိုရင်း ခင်ဝမ်းနဲ့ပြန် ဆုံခဲ့ရပြီး မဇ္ဈိမလှိုင်းတေးဂီတဝိုင်း အဖြစ် ဖြတ်သန်းလာခဲ့ကြတယ်လို့ သူကဆိုပါတယ်။

''ကျွန်တော်တို့က ငြိမ်းချမ်းရေး အတွက် လုပ်တာဆိုတော့ မေတ္တာနဲ့ ပဲ လှည့်လည်တာပေါ့နော်။ မေတ္တာနဲ့ ပဲသွားမှ ငြိမ်းချမ်းရေးရမယ်လို့ ယုံ ကြည်တယ်။ မေတ္တာဓာတ်ကို တတ် နိုင်သလောက်သွင်းပါတယ်။ တတ် နိုင်သလောက် ပွားများပါတယ်''လို့ သူက ပြောပါတယ်။

လက်ရှိသူလုပ်နေတဲ့ ပရဟိတ တွေက ငြိမ်းချမ်းရေးအတွက်ဖြစ် ပြီးတော့ အဲဒီအလုပ်တွေလုပ်မယ်ဆို ရင် မေတ္တာတရားက အရေးကြီးတယ် လို့သူမြင်တယ်လို့ ဆိုပါတယ်။

UYL (MZMH)
THL (MMK)
Yangon Media Group

မဇ္ဈိမ။           ။ လေးရက်အတွင်း ရုံးချိန်းနှစ်ကြိမ်ဆက် စစ်ဆေးခံရသော သာသနာရေးဝန်ကြီးဟောင်း ဦးဆန်းဆင့်သည် သြဂုတ်လ ၂၂ ရက် ဒဿ     မအကြိမ် ရုံးထုတ်စစ်ဆေးစဉ် တရားခွင်၌ အသက်ရှုမွန်းကြပ်လာသဖြင့် စစ်ဆေးမှု ချက်ခြင်းရပ်ဆိုင်းခဲ့ရသည်ဟု တရားလွှတ်တော်ရှေ့နေ ဦးတင်ထွန်းက ဆိုသည်။
22aug3
ဦးဆန်းဆင့်၏ ရှေ့နေအဖြစ် ဆောင်ရွက်နေသူ ဦးတင်ထွန်းက “ဒီကနေ့ နေ့လည် ၁၁း၅၅ နာရီလောက်မှာ အန်ကယ်တို့ဘက်က Cross လုပ်ဖို့ အချိန်မှာ ဝန်ကြီးက အသက်ရှုကြပ်ပြီး နေလို့မရတော့ဘူး” ဟု မဇ္ဈိမကို အတည်ပြု ဖြေကြားသည်။

ပုဒ်မ ၁၂၄(က) အတွက် လိုပြသက်သေအဖြစ် သာသနာရေးဦးစီးဌာန၊ လက်ထောက်ညွှန်ကြားရေးမှူး ဒေါ်သင်းသင်းဆွေ (ဘဏ္ဍာရေးဌာန) အား စစ်ဆေးနေစဉ် ဦးဆန်းဆင့်၏ ရှေ့နေများမှ ပြန်လည် ချေပရန် အချိန်၌ ဦးဆန်းဆင့်မှာ တရားခွင်တွင် ဆက်လက်နေနိုင်ရန် မဖြစ်နိုင်တော့သဖြင့် တရားသူကြီးက နားနေခန်း စီစဉ် ပေးခဲ့ရသည်။
ယင်းကဲ့သို့ တရားသူကြီးမှ နားနေခန်းစီစဉ်ပေးခဲ့သော်လည်း “ဒါပေမယ့် မထိုင်နိုင်တော့ဘူး၊ လဲလှောင်းနေရတယ်၊ အဲ့ဒီအချိန်မှာပဲ ကုတင် တစ်ထောင်က ပရော်ဖက်ဆာ နှစ်ယောက်လာတယ်၊ ဆေးဝါး ကုသမှုပေးတယ်” ဟု ဦးတင်ထွန်းက မဇ္ဈိမကို ပြောသည်။
သြဂုတ်လ ၁ဝရက်ကလည်း ဦးဆန်းဆင့်ကို ဒက္ခိဏခရိုင်တရားရုံး၌ ခုနှစ်ကြိမ်မြောက် ရုံးထုတ်မစစ်ဆေးမီ ရမည်းသင်းအကျဉ်းထောင်တွင် အသက်ရှုမဝသဖြင့် အောက်ဆီဂျင်ပေးခဲ့ရသည်ဟု တရားလွှတ်တော်ရှေ့နေ ဦးတင်ထွန်းက ဆိုသည်။

ဦးဆန်းဆင့်၏ ကျန်းမာရေးအခြေအနေသည် အထူးစောင့်ရှောက်ရန်လိုအပ်သည့်အတွက် ပဉ္စမအကြိမ်ရုံးချိန်း၌ ရှေ့နေမှတဆင့် ကျန်းမာရေးအာမခံလျှောက်ထားသော်လည်း ဒက္ခိဏခရိုင်တရားရုံးက ပယ်ချခဲ့သည်။

ကမ္ဘာ့ကျန်းမာရေးအဖွဲ့၏ စစ်ဆေးခွင့် ထောက်ခံချက် ရရှိပြီးသော်လည်း အီဘိုလာဗိုင်းရပ်စ် ပိုးကူးစက်ခံရသူဟု သံသယရှိသူ၏ သွေးနမူနာစစ်ဆေးချက်ကို သတ်မှတ်ဓါတ်ခွဲခန်းသို့ ပို့ဆောင်နိုင်ရေး အပြည်ပြည်ဆိုင်ရာ လေကြောင်း သယ်ယူပို့ဆောင်ရေးအဖွဲ့၏ ခွင့်ပြုချက်မရသေးဟု ကျန်းမာရေးဝန်ကြီးဌာနမှ ဒုတိယညွှန်ကြားရေမှူး ဒေါက်တာ ထွန်းတင်က မဇ္ဈိမကို ပြောသည်။

သြဂုတ် ၁၉ရက်က အီဘိုလာဖြစ်ပွားရာ အာဖရိကမှ ပြန်လာသော သံသယရှိလူနာ၏ သွေးနမူနာကို အီဘိုလာဗိုင်းရပ်စ်ပိုး ဟုတ်၊ မဟုတ်အတည်ပြုရန် ကမ္ဘာ့ကျန်းမာရေးအဖွဲ့၏ စမ်းသပ်စစ်ဆေးရန် ထောက်ခံချက်ကို သြဂုတ်လ၂၂ရက်က ရရှိပြီဖြစ်သော်လည်း အဆိုပါ သွေးနမူနာ သယ်ယူမည့် အပြည်ပြည်ဆိုင်ရာ လေကြောင်းသယ်ယူပို့ဆောင်ရေးအဖွဲ့၏ ခွင့်ပြုချက်မရသေးသည့်အတွက် အီဘိုလာ ဗိုင်းရပ်စ် ဓါတ်ခွဲစမ်း သပ်စစ်ဆေးရန် သတ်မှတ်ထားသော အိန္ဒိယနိုင်ငံ ပူနေးမြို့ရှိ ဗိုင်းရပ်စ် ဗေဒ ဓာတ်ခွဲခန်းသို့ သွေးနမူနာ ပို့ရန် စောင့်ဆိုင်းနေရခြင်း ဖြစ်သည်။

“ကျန်းမာရေးဝန်ကြီးဌာနကနေ ကမ္ဘာ့ကျန်းမာရေးအဖွဲ့ကို အီဘိုလာဗိုင်းရပ်စ်ပိုး စစ်ဆေးပေးဖို့ အကြောင်းကြားလာပါပြီ။ ညွှန်းပို့ ဓါတ်ခွဲခန်းဖြစ်တဲ့ ပူနေးကိုပို့ရမှာ။ အပြည်ပြည်ဆိုင်ရာလေကြောင်း သယ်ယူပို့ဆောင်ရေး အဖွဲ့ရဲ့ ခွင့်ပြုချက်လေးမှာ နည်းနည်းကြန့်ကြာနေတာ။ သူတို့ပြောတာက ခရီးသည်တင် လေယာဉ်မှာ ဒီလိုအန္တရာယ်ရှိပစ္စည်း သယ်လို့ မရဘူးလို့ ပြောတယ်။ ဒါ့ကြောင့် ဒီဘက်က ထွက်တဲ့ လေယာဉ် ဘယ်လေယာဉ်မှ သယ်လို့ မရတာ။ ကမ္ဘာ့ကျန်းမာရေးအဖွဲ့ကနေ IATAကို အန္တရာယ် မဖြစ်အောင် ဒီပစ္စည်းတွေကို သယ်ခွင့်ပေးဖို့အတွက် အကြောင်းကြားစာ ပို့လိုက်ပြီလို့ WHO က ပြောပါတယ်” ဟု ၎င်းက ဆိုသည်။

အဆိုပါလေကြောင်းလိုင်းမှ အကြောင်းကြားစာ ရပါက ကမ္ဘာ့ကျန်းမာရေးအဖွဲ့၏ အစီအစဉ်ဖြင့် သွေးနမူနာကို မြန်မာနိုင်ငံသို့ လာရောက်သယ်ဆောင်ကာ အိန္ဒိယနိုင်ငံ ပူနေးမြို့သို့ ပို့ဆောင်သွားမည် ဖြစ်သည်။

ကျန်းမာရေးဝန်ကြီးဌာန ညွှန်ကြားရေးမှူးချုပ် ဒေါက်တာ စိုးလွင်ငြိမ်းက “ ကမ္ဘာ့ကျန်းမာရေးဘက်က သက်မှတ်ထားတဲ့ အိန္ဒိယနိုင်ငံ ပူနေးမြို့မှာရှိတဲ့ ဓါတ်ခွဲခန်းကိုပို့ပြီး စစ်ဆေးတဲ့ အချိန်က ၈ နာရီပဲကြာမယ်။ ပြီးရင် အဖြေကို သုံးရက်ကနေ ငါးရက်အတွင်း ထုတ်ပြန်သွားနိုင်လိမ့်မယ်ထင်တယ်” ဟု မြန်မာ့ရုပ်မြင်သံကြားတွင် သြဂုတ် ၂၁ရက်က ပြောကြားခဲ့သည်။

လက်ရှိတွင် အီဘိုလာ ဗိုင်းရပ်စ်ရောဂါအဖြစ် သံသယရှိခံရသူ လူနာမှာ ရန်ကုန်ပြည်သူ့ကျန်းမာရေး ဓါတ်ခွဲမှုဆိုင်ရာဌာန၏ စစ်ဆေးချက်အရ ငှက်ဖျားရောဂါပိုး နှစ်မျိုးကူးဆက်ခံရသည့် လက္ခဏာတွေ့ ရှိခဲ့ရပြီး ငှက်ဖျားရောဂါကို ဝေဘာဂီဆေးရုံတွင် ကုသပေးနေမှုကြောင့် ရောက်ရှိခဲ့သည့်အချိန်ထက် အခြေအနေတိုးတက်မှုရှိခဲ့သည်ဟု ကျန်းမာရေးဝန်ကြီးဌာနက ထုတ်ပြန်ထားသည်။



မကွေးတိုင်း ပွင့်ဖြူမြို့နယ်က မျိုးစောင့်ဥပဒေပေါ်ထွန်းရေး ဟောပြောပွဲမှာ ဆောင်ရွက်ချက်နဲ့ ပတ်သက်လို့ အမျိုးသားဒီမိုကရေစီအဖွဲ့ချုပ်က အမျိုးဘာသာသာနာစောင့်ရှောက်ရေးအဖွဲ့ တာဝန်ရှိသူတဦးကို တရားစွဲဆိုမှု လာမယ့်စက်တင်ဘာ ၁ ရက်နေ့ ပွင့်ဖြူတရားရုံးမှာ စတင်စစ်ဆေးတော့မှာဖြစ်ပါတယ်။

ပြီးခဲ့တဲ့ ဧပြီလ ၃၀ ရက်နေ့က အမျိုးဘာသာ သာသနာစောင့်ရှောက်ရေးအဖွဲ့ ၉၆၉ အဖွဲ့က မျိုးစောင့်ဥပဒေ ပေါ်ထွက်ရေးဟောပြောပွဲကို မကွေးတိုင်း ပွင့်ဖြူမြို့နယ်မှာ ကျင်းပခဲ့ပါတယ်။

ဒီပွဲက စင်ပေါ်မှာ ဒေါ်အောင်ဆန်းစုကြည်ပုံပါ ဗီနိုင်းဟာ ဂုဏ်သိက္ခာကို ထိပါးစေတယ်ဆိုပြီး တိုင်း အန်အယ်လ်ဒီက မေလမှာ တရားစွဲဆိုခဲ့တာပါ။ ပါတီဥက္ကဋ္ဌ သိက္ခာကျဆင်းစေမှုနဲ့ စွဲပေမယ့် တရားရုံးက အခြားအမှုတခုနဲ့ လက်ခံလိုက်ပါတယ်။

မကွေးတိုင်း အန်အယ်လ်ဒီရဲ့ တာဝန်ပေးချက်အရ တရားလို ဦးအောင်ဝင်းက ဒီဟောပြောပွဲ ဦးဆောင်ဆောင်ရွက်သူ ဦးမျိုးသန့်ကို ရဲစခန်းမှာ မေလ ကုန်ပိုင်းက အမှုဖွင့်ခဲ့တာဖြစ်ပြီး လာမယ့် စက်တင်ဘာ ၁ ရက်နေ့ တရားရုံးမှာ စတင်စစ်ဆေးမှာဖြစ်ပါတယ်။

တရားရုံးတာဝန်ပေးချက်အရ ပြုလုပ်တဲ့ ရဲစစ်ဆေးတွေ့ရှိချက် အစီရင်ခံစာမှာ ငြိမ်ဝပ်ရေးကို ပျက်ပြားအောင် လှုံ့ဆော်တဲ့အချက်နဲ့ တဖက်နဲ့တဖက် ပြစ်မှုကျူးလွန်အောင် လှုံ့ဆော်တဲ့ ဆောင်ရွက်ချက်တွေ ပေါ်တယ်ဆိုတာမပါပေမယ့် အမျိုးသားဒီမိုကရေစီအဖွဲ့ချုပ် ဂုဏ်သိက္ခာ ကျဆင်းစေတယ်ဆိုတာ ပေါ်လွင်ကြောင်း သုံးသပ်ချက်ပါရှိတယ်လို့ ဆိုပါတယ်။

ဒါပေမယ့် ပွင့်ဖြူမြို့နယ် တရားရုံးက ရဲအစီရင်ခံစာနဲ့ မပတ်သက်တဲ့ ပုဒ်မ ၂၉၈ ဖြစ်တဲ့ “မိမိကိုးကွယ်နေတဲ့ ဘာသာကို ဆက်မကိုးကွယ်ချင်အောင် ဆောင်ရွက်တဲ့ ပြုမူပြောဆိုချက်ကို အရေးယူတဲ့ပုဒ်မ” နဲ့သာ အမှုဖွင့်လက်ခံတယ်လို့ ဆိုပါတယ်။

ဒီဟောပြောပွဲမှာ ပါတီဥက္ကဋ္ဌ ဒေါ်အောင်ဆန်းစုကြည်ရဲ့ သိက္ခာကျအောင်၊ ငြိမ်ဝပ်ပိပြားမှုပျက်ပြားအောင်၊ ဘာသာတခုနဲ့ တခု အငြင်းပွားစေမယ့်လုပ်ရပ်တွေ လုပ်ဆောင်ခဲ့တယ်လို့ အမျိုးသားဒီမိုကရေစီအဖွဲ့ချုပ် မကွေးတိုင်းဥပဒေအဖွဲ့ဝင် ရှေ့နေကြီး ဦးတင်အောင်ထွန်းက ပြောပါတယ်။

“မျိုးစောင့်ဥပဒေပေါ်ထွက်ရေးဆိုပြီးတော့- အဲဒီခေါင်းစဉ်နဲ့တပ်လုပ်ပြီးတဲ့အခါ အန်အယ်လ်ဒီဥက္ကဋ္ဌ ဒေါ်အောင်ဆန်းစုကြည်ကို ဂုဏ်သိက္ခာကျဆင်းအောင်၊ ငြိမ်ဝပ်ပိပြားမှုကို အခုအစိုးရပြောပြောနေတဲ့ ငြိမ်ဝပ်ရေးပျက်ပြားအောင်၊ နောက်တခုက တဖက်နဲ့ တဖက် မွတ်စလင်နဲ့ ဗုဒ္ဓဘာသာ၊ နောက်တခါ ဗုဒ္ဓဘာသာနဲ့ အန်အယ်လ်ဒီ အငြင်းပွားပြီးတော့ ပြစ်မှုဖြစ်ပွားအောင် ရည်ရွယ်တဲ့ ပုဒ်မ (၅၀၅ (ခ) တို့၊ (ဂ) တို့ ၀င်တဲ့ လုပ်ရပ်မျိုးတွေကို ပေါ်ပေါ်တင်တင်လုပ်သွားတယ်။ ဘယ်လောက်ထိ လုပ်သွားသလဲဆို ဗီနိုင်းနဲ့၊ ပိုစတာတွေနဲ့ အဲဒီမှာ လုပ်တယ်။ ပြစ်မှုသုံးခု ပုဒ်မသုံးခုပေါ့။ ကျနော်တို့ ဒီ အန်အယ်လ်ဒီဥက္ကဋ္ဌနဲ့ အန်အယ်လ်ဒီပါတီကို ဂုဏ်သရေဆိုတာ ဥပမာပြောရမယ်ဆိုရင် အဲဒီဟောပြောပွဲမှာ သူက ဗီနိုင်းပိုစတာကြီးနဲ့ထောင်တယ်။ ပုံတပုံက ဘာပါလဲဆိုတော့ ဦးဝီရသူနဲ့ ဒေါ်အောင်ဆန်းစုကြည်နဲ့ပုံကို ကွန်ပျူတာ effect နဲ့ လုပ်ထားတယ်။

“ဦးဝီရသူက သူက ဘာပြောလဲဆိုတော့ ဘုရား၊ စုကြည်၊ တရား၊ သံဃာ၊ မိဘ၊ ဆရာ ရတနာ ခြောက်ပါးကို ရှိခိုးပါတယ် ဘုရားဆိုပြီးတော့ ရှိခိုးတဲ့ပုံ။ ဒီဘက်က ဘွားတော် ဒေါ်စုရဲ့ပုံကို ဘာလုပ်သလဲဆိုတော့ တော်ပါတော့ ဆိတ်ဂွေးစိဘုန်းဘုန်းရယ်ဆိုပြီးတော့။ အဲဒီဗီနိုင်းပိုစတာမျိုးက ကျနော်တို့ ဥက္ကဋ္ဌနဲ့ အန်အယ်လ်ဒီကို ဂုဏ်သိကာကျဆင်းအောင်လုပ်တာ။”

ဒီဟောပြောပွဲကို မြို့နယ်ရဲတပ်ဖွဲ့မှူးထံ အခွင့်တောင်း ဓာတ်ပုံမှတ်တမ်းတင်ပြီး မြို့နယ်ရဲကို အဲဒီဓာတ်ပုံ ၅၃ ပုံ အပ်နှံထားသလို၊ တရားရုံးမှာလည်း သက်သေခံရအောင် သွင်းသွားမယ်လို့ သူက ပြောပါတယ်။

ဒီဟောပြောပွဲတွေရဲ့ နောက်ကွယ်မှာ ပါဝင်ပတ်သက်သူတွေကို ရိပ်မိသိရှိပေမယ့် ထုတ်ပြောဖို့ အချိန်မသင့်သေးဘူးလို့လည်း သူက ပြောပါတယ်။

အမျိုးသားဒီမိုကရေစီအဖွဲ့ချုပ်ဝင်တွေ၊ ဒီမိုကရေစီအင်အားစုတွေအနေနဲ့ အရင်ဖြတ်သန်းခဲ့တဲ့ ကာလတလျှောက်လုံး အုပ်ချုပ်ရေးပိုင်းက တရားစွဲဆိုတဲ့အခါ အလွယ်တကူဖြစ်ပေမယ့် အခု ကိစ္စ တရားစွဲဆိုရာမှာ အတော်ခဲခဲယဉ်းယဉ်း လုပ်ဆောင်ရတယ်လို့ ပြောပါတယ်။

အန်အယ်လ်ဒီ တိုင်းအတွင်းရေးမှူး ဦးနေမျိုးကျော်က လူထုအကြား ထင်ယောင်ထင်မှားဖြစ်နေတဲ့ အမျိုးသားဒီမိုကရေစီအဖွဲ့ချုပ်နဲ့ မဘသ၊ မျိုးစောင့်ဥပဒေအကြားရှိနေတဲ့ အကြိတ်အခဲပေါ်မှာ အမြင်မကြည်လင်မှုနဲ့ ပြန်လည်တရားစွဲဆိုခြင်းမဟုတ်ဘဲ ဥပဒေဘောင်တွင်းက ဆောင်ရွက်တာလို့ ပြောပါတယ်။

“အန်အယ်လ်ဒီဟာ ဒီပွင့်ဖြူအမှုမှာ တရားဥပဒေရှုထောင့်ကပဲ ကြည့်ပြီးတော့မှ ဒီကနေ့ ဒီမိုကရေစီနိုင်ငံရေးဖြစ်စဉ်မှာ နိုင်ငံရေးပါတီတွေရော၊ ပါတီဝင်တွေရော၊ ပါတီခေါင်းဆောင်တွေအပေါ်မှာ ဥပဒေနဲ့ အညီ လေးစားတန်ဖိုးထားရမယ့်ကာလမှာ ဒီလိုမျိုးဥပဒေပြင်ပက ဆောင်ရွက်ကြိုးပမ်းမှုတွေကို ကျနော်တို့ အလိုမရှိဘူး။ ဒါကြောင့်မို့ ဥပဒေရှုထောင့်က တရားစွဲဆိုတယ်ဆိုတာ အန်အယ်လ်ဒီရဲ့ ရပ်တည်ချက်ပဲလို့ ကျနော် ပြောချင်ပါတယ်။”

မကွေးတိုင်းမှာ ပုဒ်မ ၄၃၆ ပြင်ဆင်ရေးဟောပြောပွဲနဲ့ပတ်သက်ပြီး အန်အယ်လ်ဒီတာဝန်ရှိသူတွေ၊ ၈၈ မျိုးဆက် ပွင့်လင်းလူ့အဖွဲ့အစည်းက တာဝန်ရှိသူတွေကို အုပ်ချုပ်ရေးပိုင်းက အသံချဲ့စက်ဥပဒေပုဒ်မ၊ ပိုင်နက်ကျူးလွန်မှုတွေနဲ့ စွဲဆိုလို့ အမှုရင်ဆိုင်နေကြရပါတယ်။
ိdvb

ယနေ့ ၂ဝ၁၄ ခုနှစ် သြဂုတ်လ ၂၂ ရက် တွင် ကျရောက်သည့် ၄၇ နှစ်မြောက် မွေးနေ့အတွက် ဧရာဝတီ ဖောင်ဒေးရှင်း ဥက္ကဋ္ဌ ဦးဇော်ဇော် မှ ရန်ကင်းကလေးဆေးရုံတွင် လှူဒါန်းမှုများ ပြုလုပ်ခဲ့ကြောင်း သတင်းရရှိပါသည်။

ဦးဇော်ဇော် မှ ရန်ကင်း ကလေးဆေးရုံတွင် နှလုံးခွဲစိတ် ကုသမှုများနှင့် ကလေးငယ်များအတွက် အခြား ကုသမှုများအတွက် ဆေးကုသစရိတ်များ ကို ထောက်ပံ့ပေး လျက်ရှိရာ အလျင် အမြန် ခွဲစိတ်ရန် လိုအပ်နေသည့် ကလေးငယ် ၅၀ ကျော်အတွက် နှလုံး ခွဲစိတ် ကုသမှုများ ဆောင်ရွက်နိုင် ရန် နှလုံး ခွဲစိတ်ကုသစရိတ် ကျပ်သိန်း ၅၀၀ ပေးအပ် လှူဒါန်းခဲ့ကြောင်း သတင်း ရရှိပါသည်။

အဆိုပါ ဆေးရုံတွင် ကလေးလူနာများအား တစ်နေ့ သုံးကြိမ် နေ့စဉ် အာဟာရကျွေးမွေးမှု ထောက်ပံ့ရန်ပုံငွေအတွက် ထပ်မံ၍ ကျပ် သိန်း ၅၀၀ ထပ်မံ ပေးအပ်လှူဒါန်းခဲ့သည်။

ထို့ပြင် ကလေးဆေးရုံ မွေးကင်းစလူနာဆောင်တွင် လိုအပ်လျက်ရှိသည့် မိခင်နို့ရည် မရရှိနိုင်သည့် မွေးကင်းစ ကလေးလူနာများ အတွက် မိခင်နို့ရည် များကို သန့်စင်ပိုးသတ်ကာ ထိန်းသိမ်းပေးထားနိုင်မည့် Pasteurizer နို့ရည် ထိန်းသိမ်းစက်ကိုလည်း လှူဒါန်းပေးခဲ့ဟု သိရှိရပါသည်။

ယနေ့ လှူဒါန်းပွဲသို့ ဒုဆေးရုံအုပ်ကြီး ပါမောက္ခဒေါက်တာကျော်ဇင်ဝေနှင့် ဌာန အသီးသီးမှ ပါမောက္ခ ဆရာဝန်၊ ဆရာဝန်မကြီးများ၊ သူနာပြု ဆရာမကြီး များ၊ ဆေးရုံဝန်ထမ်းများနှင့် နှလုံးခွဲစိတ်မည့် ကလေး လူနာအချို့နှင့် လူနာရှင် မိသားစုများ တက်ရောက်ခဲ့ကြသည်။

အခမ်းအနားတွင် ဦးဇော်ဇော်က ယခုကဲ့သို့ ကလေးငယ်များအတွက် ကျန်းမာရေး လိုအပ်ချက်များကို ပံ့ပိုးဖြည့်တင်းပေးခွင့်ရသည့် ၀မ်းမြောက် ၀မ်းသာဖြစ်မိကြောင်း၊ ကလေးလူနာများကို အထူး အားသွန်ခွန်စိုက် ဂရုစိုက် ကုသစောင့်ရှောက်မှုများ ဆောင်ရွက်ပေးနေသည့် ဆေးရုံရှိ ဆေးရုံအုပ်ကြီး အပါအဝင် ဆရာဝန်ကြီး၊ ဆရာဝန်မကြီးများ၊ သူနာပြု ဆရာမကြီးများ၊ ကျန်းမာရေး၊ သန့်ရှင်းရေး လုံခြုံရေးဝန်ထမ်းများနှင့် ပါဝင်ကူညီသူ အားလုံးအား အထူးကျေးဇူးတင်ကြောင်း ပြောကြားခဲ့ကြောင်း သတင်းရရှိပါသည်။

ဓါတ်ပုံ - ကိုကိုဦး

The Ladies News Journal
(

Author Name

Contact Form

Name

Email *

Message *

Powered by Blogger.