08/30/14

အီဘိုလာ ရောဂါကို တွေ့ရှိခဲ့တဲ့ ပါမောက္ခ ပီတာ ပီးရော့ က စမ်းသပ်ဆဲ ဆေးဝါး ရလဒ်တွေဟာ အီဘိုလာ ရောဂါကုသဆေး ဖြစ်ဖို့ မျှော်လင့်ချက်ရှိတယ်လို့ ပြောပါတယ်။

လက်ရှိလန်ဒန် တကိုယ်ရည်သန့်ရှင်းရေးနဲ့ အပူပိုင်းရောဂါဆိုင်ရာ ကျောင်းရဲ့ ညွန်ကြားရေးမှူးက တရုတ်ရုပ်သံ စီစီတီဗွီ နဲ့ အင်တာဗျူးမှာ မှတ်ချက်ပေးတာပါ။

ဒါပေမ့ယ် အမေရိကန် လူမျိုးဆရာဝန်နှစ်ယောက် အီဘိုလာရောဂါခံစားနေရာကနေ သက်သာပျောက်ကင်းတာတခုတည်းနဲ့ ဆေးဝါးရဲ့ ထိရောက်မှုကို အတည်မပြုနိုင်သေးဘူး လို့လည်း ပြောပါတယ်။

အရင်က စပိန် ဘုန်းတော်ကြီးနဲ့ လိုက်ဘေးရီးယန် ဆရာဝန်တို့ကို တူညီတဲ့ဆေးနဲ့ ကုသခဲ့ပေမယ့် ၂ ယောက်စလုံး သေဆုံးခဲ့တာကို ထောက်ပြပါတယ်။
ဒါပေမ့ယ် မျောက်တွေနဲ့ စမ်းသပ်နေတဲ့ ရလဒ်တွေမှာ သတင်းကောင်းတွေ ရခဲ့တယ်လို့ ဆိုပါတယ်။ အီဘိုလာ ရောဂါ အများဆုံး ငါးရက်အထိ ကူးစက်ခံစားနေရတဲ့ မျောက် ၁၈ ကောင်ကို စမ်းသပ်ကုသကြည့်တဲ့ အခါမှာ မျောက် ၁၈ ကောင်ကို စမ်းသပ်ကုသကြည့်တဲ့အခါမှာ တကောင်မှ မသေခဲ့တာကို ထောက်ရင် မျှော်လင့်ချက်ရှိတဲ့ သဘောပဲလို့ ပြောပါတယ်။

လက်ရှိ အီဘိုလာ ကူးစက်မှုဟာ အကျယ်ပြန့်ဆုံးနဲ့ အချိန်အကြာဆုံး ဖြစ်တယ်လို့ ဆိုပါတယ်။ နိုင်ငံတကာ အသိုင်းအ၀ိုင်း၊ ဒေသအစိုးရတွေ၊ နိုင်ငံအစိုးရတွေ၊ ဒေသ အန်ဂျီအိုတွေက ပူးပေါင်းဆောင်ရွက်တဲ့ နည်းလမ်းနဲ့ပဲ ရောဂါကို ထိန်းချုပ်နိုင်မယ်လို့ ဆိုပါတယ်။

ဒီလောက်ဆိုးရွားတဲ့ အခြေအနေကို ရောက်ခဲ့ရတာကလည်း လိုက်ဘေးရိးယား၊ ဆီယာလီယွန်တို့မှာ ပြည်တွင်းစစ်ဒဏ်ကြောင့် ကျန်းမာရေးစနစ်တွေ ဖရိုဖရဲ ဖြစ်နေရတဲ့အကျိုးဆက်ဖြစ်တယ်လို့ သုံးသပ်ပါတယ်။

အခုနောက်ဆုံး အီဘိုလာ ရောဂါကူးစက်မှုကြောင့် အနောက် အာဖရိက နိုင်ငံတွေမှာ ဒီနှစ်တွင်း သေဆုံးသူ ၁၅၀၀ ကျော် ရှိသွားပါပြီ။

dvb

မုံရွာတက္ကသိုလ်ကျောင်းသားများသမဂ္ဂ(တ.က.သ)များကွန်ရက် - မုံရွာသည် ပြည်ထောင်စုလွှတ်တော်မှ အတည်ပြုလိုက်သော အမျိုးသားပညာရေးဥပဒေကို ကန့်ကွက်ကြောင်း မုံရွာမြို့တွင်းသို့လှည့်လည်၍ ဆန္ဒထုတ်ဖော်ကြသည်။

Photo : Aung Nay Myo.Nay Thiha

လက်ရှိ ရွေးကောက်ပွဲစနစ်နဲ့သွားလို့ အင်အားကြီး ပါတီတွေက အာဏာရှင်ပုံစံ ပေါက်လာမယ် ဆိုတာက မရောင်ရာဆီလူးတဲ့ သဘောပဲ”

၂၀၁၅ ပါတီစုံ ဒီမိုကရေစီ အထွေထွေ ရွေးကောက်ပွဲ ကျင်းပရန် အချိန်ကာလ တဖြည်းဖြည်း နီးကပ် လာသည်နှင့်အတူ ရွေးကောက်ပွဲဆိုင်ရာ ကိစ္စရပ်များ သည်လည်း အရှိန်အဟုန် မြင့်တက်လာခဲ့သည်။ ထိုရွေးကောက်ပွဲဆိုင်ရာ ကိစ္စရပ်များတွင် လက်ရှိ အချိန်၌ အရေးတကြီး အဖြစ်ဆုံးသော ကိစ္စတစ်ရပ်မှာ အချိုးကျ ကိုယ်စားပြုစနစ် (PR) ဆိုင်ရာ ကိစ္စရပ်ဖြစ်သည်။ လာမည့် ရွေးကောက် ပွဲများတွင် PR စနစ် ကျင့်သုံးနိုင်ရန် ကြိုးပမ်းနေကြသော နိုင်ငံရေး အင်အားစုများကလည်း အင်အား ကောင်းကောင်း ဆောင်ရွက် နေကြသလို PR စနစ်ကို လက်မခံသည့် အင်အားစုများ ဘက်မှလည်း အားကောင်းမောင်းသန် ကန့်ကွက် တားဆီးလျက် ရှိကြသည်။ ထိုအခြေအနေတွင် မြန်မာနိုင်ငံ ၏ ရွေးကောက်ပွဲဆိုင်ရာ နိုင်ငံရေး အခင်းအကျင်း အတွင်း PR စနစ် သွတ်သွင်းလာခြင်း နောက်ကွယ်၌ နိုင်ငံရေး ကစားကွက်များနှင့် ရှုပ်ထွေးမှုများ ရှိနေကြောင်း နိုင်ငံရေး လေ့လာ သုံးသပ်သူများက တညီတညွတ်တည်း နီးနီးမျှ ဝေဖန် သုံးသပ်လျက် ရှိကြသည်။ အဓိက အနေဖြင့် ၂၀၁၂ ကြားဖြတ် ရွေးကောက်ပွဲတွင် အမျိုးသား ဒီမိုကရေစီအဖွဲ့ချုပ် အပြတ်အသတ် အနိုင်ရရှိ သွားခဲ့ခြင်းနှင့် ဆက်စပ်လျက် ရှိနေခြင်းဖြစ်သည်။ မည်သို့ဆိုစေကာမူ လက်ရှိတွင် PR စနစ်နှင့် ပတ်သက်၍ လွှတ်တော် အဆုံးအဖြတ်များ ခံယူရန် စောင့်ဆိုင်းနေရသည့် အခြေအနေသို့ပင် ဆိုက်ရောက် နေခဲ့ပြီဖြစ်သည်။ ထို့ပြင် PR စနစ်သည့် ၂၀၀၈ ဖွဲ့စည်းပုံ အခြေခံဥပဒေဆိုင်ရာ ပြဋ္ဌာန်းချက်များနှင့် အငြင်းပွားဖွယ် အခြေအနေ လည်း ရှိနေသေးသည်။ ထိုအခြေအနေများအတွင်း PR စနစ်ကို အဓိက ကန့်ကွက်လျက်ရှိသော နိုင်ငံရေး အင်အားစု တစ်ရပ်ဖြစ်သည့် အမျိုးသား ဒီမိုကရေစီ အဖွဲ့ချုပ်၏ ဗဟိုအလုပ်အမှုဆောင် ဖြစ်သလို၊ လက်ရှိ လွှတ်တော်မှ ဖွဲ့စည်း ဆောင်ရွက်လျက်ရှိသော ၂၀၀၈ ဖွဲ့စည်းပုံ အခြေခံဥပဒေ ပြင်ဆင်နိုင်ရေး အကောင် အထည်ဖော်မှု ကော်မတီဝင် တစ်ဦးလည်းဖြစ်သည့် ပုသိမ်မဲဆန္ဒ ပြည်သူ့လွှတ်တော် ကိုယ်စားလှယ် ဦးဝင်းမြင့်နှင့် ပြောကြားဖြစ်ခဲ့သည်များကို ဖော်ပြလိုက်ပါသည်။

● ရွေးကောက်ပွဲစနစ်အတွက် အခုပြည်သူ့ လွှတ်တော်မှာလည်း ကော်မတီ ဖွဲ့ထားတယ်၊ အမျိုးသား လွှတ်တော် မှာကတော့ တိုင်းဒေသကြီးတွေမှာ PR စနစ် ကျင့်သုံးဖို့ အမျိုးသားလွှတ်တော် ကော်မတီက ဆုံးဖြတ် ထားတယ်။ အခုအခြေအနေအတွင်းမှာ အဖွဲ့ချုပ်ကရော PR နဲ့ ပတ်သက်ပြီး သဘောထား ပြောင်းလဲမှု ရှိပါသလား ခင်ဗျ။

အဖွဲ့ချုပ်ကတော့ PR နဲ့ ပတ်သက်လို့ လုံးဝ ကန့်ကွက်တယ်။ သဘောထား ပြောင်းလဲမှု မရှိဘူး။

● အခု ဖြစ်ပေါ်နေတဲ့အခြေအနေက တစ်ဖက် PR စနစ် လိုလားသူတွေဘက်က မဖြစ်မနေ အကောင်အထည် ဖော်ဖြစ်အောင် လုပ်လာတဲ့ သဘောမျိုးတွေ တွေ့ရတယ်။ PR အပေါ် အဖွဲ့ချုပ်က သဘောထား မပြောင်းဘူး ဆိုတော့ ဘယ်လိုအချက်တွေကို အခြေပြုပြီး တားဆီးနိုင်ဖို့ရှိ်မလဲ။

အန်ကယ်လ်တို့နိုင်ငံက FPTP စနစ်နဲ့ မဲများသူ အနိုင်ယူ စနစ်နဲ့ လွတ်လပ်ရေး ရပြီးတည်းက လာလိုက်တာ အခုထိ ဒီအတွေ့အကြုံနဲ့ပဲ ရှိသေးတယ်။ ဒါကြောင့်မို့လို့ ၁၉၉၀ ရော၊ ၂၀၁၀ ရော၊ ၂၀၁၂ ရောပေါ့။ အဲဒါတောင်မှ ဝေးလံခေါင်းပါးတဲ့ ဒေသက ပြည်သူလူထုက FPTP စနစ်တောင်မှ ကျကျနန မဲမပေး တတ်သေးဘူး။ PR စနစ်ဆိုရင်တော့ ပိုဆိုးသွားမယ်။ ကမ္ဘာမှာတောင်မှ တကယ့်ဒီမိုကရေစီ နိုင်ငံကြီးတွေဟာ PR စနစ် မကျင့်သုံးဘူး။ ဘာဖြစ်လို့လဲဆိုတော့ အင်မတန် ရှုပ်ထွေးတဲ့ စနစ်ဖြစ်တာကိုး။ ဒါတစ်ခုပေါ့။ နောက်တစ်ခု အန်ကယ်လ်တို့က လုံးဝ ဒါကို ကန့်ကွက်တယ် ဆိုတာက အန်ကယ်လ်တို့ အဖွဲ့ချုပ် စတည် ထောင်တည်းကိုက ၈၈ မှာ ရဟန်းရှင်လူ၊ ပြည်သူ၊ ကျောင်းသား၊ ကျောင်းသူတွေက အသက်သွေးချွေးတွေ ပေးခဲ့တာ ဒီမိုကရေစီ လိုချင်လို့။ ဒီမိုကရေစီ လိုချင်လို့ ပေးခဲ့တယ်ဆိုတော့ အန်ကယ်လ်တို့က အဖွဲ့ချုပ်ကို စတည်ထောင်တည်းကိုက အမျိုးသား ဒီမိုကရေစီ အဖွဲ့ချုပ်ဆိုပြီး တည်ထောင်တာ။ ဘာဖြစ်လို့လဲ ဆိုတော့ ဒီမိုကရေစီ လိုချင်တဲ့ တိုင်းရင်းသား လူမျိုးစု အားလုံးပေါ့နော် ပြည်သူတွေ အားလုံး ပါဝင်တဲ့ League ပေါ့နော် အဖွဲ့ချုပ်ကြီး ဖြစ်အောင် တည်ထောင်တာ။ အဲဒီတော့ တစ်မျိုးသားလုံးနဲ့ သက်ဆိုင်တယ်။ အမျိုးသား ဒီမိုကရေစီ အဖွဲ့ချုပ် ဆိုပြီးတော့ တည်ထောင်တာ။ ရဟန်းရှင်လူ၊ ပြည်သူ၊ ကျောင်းသား၊ ကျောင်းသူတွေ အသက်သွေးချွေးတွေနဲ့ ပေးပြီးတော့ ဒီမိုကရေစီ ခရီးကြမ်းကြီးကို အန်ကယ်လ်တို့ အဖွဲ့ချုပ်က ဆက်လျှောက်တာ။ ဆက်လျှောက်တယ်ဆိုတာ ဒီမိုကရေစီ ရရှိဖို့က အန်ကယ်လ်တို့ ပန်းတိုင်။ အန်ကယ်လ်တို့ရဲ့ ပန်းတိုင်က အဖွဲ့ချုပ် စတည်ထောင် တည်းကိုက နှစ်ခု အဓိကထားတယ်။ တစ်ခုက မည်သည့်အခါမျှ အာဏာရှင်စနစ် ပြန်လည်ထွန်းကားခြင်း မရှိစေရ။ နောက်တစ်ခုက စစ်မှန်၍ အခြေခံ လူ့အခွင့်အရေးများကို အာမခံမည့် စစ်မှန်သည့် ဒီမိုကရေစီ ပြည်ထောင်စု နိုင်ငံတော် တည်ဆောက်ရန်ဆိုတာ။ ဒါ အန်ကယ်လ်တို့ အဖွဲ့ချုပ် စတည်ထောင်တည်းကိုက မူဝါဒရှိတယ်။ ဒီမူဝါဒတွေနဲ့ အန်ကယ်လ်တို့က တောက်လျှောက် ရပ်တည်ထားတာ။ တောက်လျှောက် ရပ်တည်လာတဲ့ အခါကျတော့ ဒီလို အချိုးကျ စနစ်သွားမယ်ဆိုရင် အခုနဟာတွေက ရောက်နိုင်တဲ့ အနေအထားမရှိဘူး။

ဘာဖြစ်လို့လဲဆိုရင် ဥပမာ PR စနစ် ကျင့်သုံးမယ်ဆိုရင် အန်ကယ်လ်တို့က ၆၀ ရာခိုင်နှုန်း ရတယ်ထား၊ တခြား ပါတီက ၃၀ ရာခိုင်နှုန်း ရတယ်ထား။ ဒါမှမဟုတ်ရင် ဒီမိုကရေစီ လိုလားတဲ့ ပါတီကြီးတစ်ခုခုက ၆၀ ရာခိုင်နှုန်း ရပြီးတော့ အခြား ပါတီက ၃၀ ရာခိုင်နှုန်း ရတယ်ထား။ တိုင်းရင်းသားတွေက အားလုံးစုပြီး ၁၀ ရာခိုင်နှုန်း ရတယ်ထား။ အဲဒီမှာ တွက်ကြည့် လိုက် ၆၀ ဆိုရင် ဘယ်လောက်နိုင်မလဲ။ ပါလီမန် seat ၃၃၀ နဲ့ဆိုရင် ၁၉၈ ယောက်ရမယ်။ ၃၀ ရာခိုင်နှုန်းက ၉၉ ယောက်ရမယ်။ ၁၉၈ ယောက်နဲ့ ၉၉ နဲ့က ၁၀၀ လောက် ကွာတယ်လို့ အမှတ်တမဲ့တော့ ထင်ကောင်း ထင်မယ်။ သို့သော် အန်ကယ်လ်တို့ ပြောချင်တာက တပ်မတော်သား ကိုယ်စားလှယ် ၂၅ ရာခိုင်နှုန်း ၁၁၀ က အခုန ၉၉ ဦး ရတဲ့ပါတီကို ကျောကပ်လိုက်ရင် ၂၁၀ သူက majority ဖြစ်မယ်။ ရိုးရိုးရှင်းရှင်းလေး။ အဲဒီအခါ ကျတော့ လွှတ်တော်မှာ ဒီမိုကရေစီ ကျင့်စဉ်တွေနဲ့ညီတဲ့ ဥပဒေပြဋ္ဌာန်းဖို့ ဆိုတာလည်း အခက်အခဲဖြစ်မယ်။ ဒီအတိုင်းပဲ အစိုးရမှာလည်း ဒီမိုကရေစီ ပြုပြင်ပြောင်းလဲရေးကို သွားချင်တဲ့ အစိုးရ အနေနဲ့လည်း အဲဒီတော့ ဘယ်သူ့အပေါ် မူတည်လဲဆိုတော့ တတိယ အဖွဲ့အစည်းဖြစ်တဲ့ အင်အားစုပေါ် မူတည်တယ်။ အဲဒီတတိယ အဖွဲ့အစည်းဖြစ်တဲ့ အင်အားစုက ဒီမိုကရေစီ လိုချင်လား၊ မလိုချင်လားဆိုတာ အားလုံးက သိတယ်။ အဲဒီလို ကျောကပ်လိုက်တဲ့ အပေါ်မှာပဲ မူတည်တယ်ဆိုရင် အန်ကယ်လ်တို့ သွားချင်တဲ့ ဒီမိုကရေစီ ရောက်ဖို့ဆိုတာ မလွယ်ဘူး။ အန်ကယ်လ်တို့ မူဝါဒ ချတည်းကိုက ရှိတဲ့ ဒီမိုကရေစီနဲ့ လူ့အခွင့်အရေး အာမခံချက်ရှိဖို့၊ ရဖို့ ဆိုတာလည်း မလွယ်ဘူး။

နောက်တစ်ခုက အဖွဲ့ချုပ်က တောက်လျှောက် တိုင်းရင်းသား စည်းလုံးညီညွတ်ရေး အမြဲဦးထိပ်ထားတယ်။ ဒါကြောင့်မို့လို့ ရွေးကောက်ပွဲ ၀င်တည်းကိုက တရားဥပဒေ စိုးမိုးရေး၊ ပြည်တွင်း ငြိမ်းချမ်းရေး၊ ဖွဲ့စည်းပုံ အခြေခံဥပဒေ ပြင်ဆင်ရေး။ ပြည်တွင်း ငြိမ်းချမ်းရေး ဆိုတာက တိုင်းရင်းသား စည်းလုံး ညီညွတ်မှ ရမယ်။ တိုင်းရင်းသား စည်းလုံးညီညွတ်မှု ဆိုတာက အခုနလို ရွေးကောက်ပွဲ စနစ်တွေကအစ တရားမျှတရမယ်၊ လွတ်လပ်ရမယ်၊ တန်းတူညီမျှတဲ့ အခွင့်အရေးရှိရမယ်။ PR စနစ်ကတော့ ဘယ်လိုဖြစ်လဲ ဆိုတော့ ခုနပြောသလို သင်္ချာနည်းနဲ့ပဲ ရိုးရိုးလေး တွက်ပြမယ်၊ အခုဆိုရင် အန်ကယ့်လ်ဆီမှာတော့ data အပြည့်အစုံ ရှိတယ်နော်။ ကချင်ပြည်နယ်တို့၊ ရှမ်းပြည်နယ်တို့၊ ကရင်ပြည်နယ်တို့၊ ကယား ပြည်နယ်တို့ တချို့ မဲဆန္ဒရှင်က ထောင်ဂဏန်းလေးပဲ ရှိတယ်။ တချို့က သောင်းဂဏန်းတောင် မကျော်ဘူး ရှိတယ်။ ဆိုတဲ့ အခါကျတော့ PR စနစ်ကို တွက်ပြမယ်။ PR စနစ်က ပါလီမန် အမတ်နေရာက ၃၃၀ အသေထားထားတာ ဖွဲ့စည်းပုံပါ။ ၃၃၀ ကို ၂၀၁၀ တုန်းကဆိုရင် မဲပေးပိုင်ခွင့်ရှိသူက ၂၇ သန်းကျော်ကျော် ရှိတယ်။ အခု ၂၉ သန်းပဲထား။ ၂ သန်းတိုးတယ်ထား။ နောက်ဆုံး သန်း ၃၀ ရှိတယ်ထား ပါလီမန် seat ၃၃၀ နဲ့ တွက်လို့ရှိရင် ကိုယ်စားလှယ် တစ်ယောက် တစ်ယောက်ရဲ့ မဲအချိုးက ဘယ်လောက်ရမလဲ။ ရှစ်သောင်းခွဲနဲ့ ကိုးသောင်း ကြားမှာ ရှိတယ်။ အဲဒီတော့ ခုနလို ရှမ်းပြည်နယ် လိုဟာမျိုး ၁၀ နေရာလောက်ပေါင်းမှ၊ ၁၂ နေရာလောက် ပေါင်းမှ ရှစ်သောင်းလောက် ရှိတယ်။ ဆိုတဲ့အခါကျတော့ အခုဟာက မဲဆန္ဒရှင်က ထောင်ဂဏန်း သောင်း ဂဏန်းလေးနဲ့ မဲဆန္ဒတစ်နယ်ဆိုတော့ ကိုယ်စားလှယ် တက်လာနိုင်သေးတယ်။ FPTP စနစ်ကျတော့ တစ်ဝက်ပဲ နိုင်နိုင် ၅ ယောက် ၆ ယောက်ရမယ်။ ယုတ်စွအဆုံး လေးပုံတစ်ပုံနိုင်ဦး သုံးလေးယောက်ရမယ်။ အခုဒီဟာကျတော့ PR စနစ်ကို မဲအချိုးအစားလိုက် ယူမယ်ဆိုရင် သူတို့ရဲ့ မဲဆန္ဒနယ်က တစ်ယောက်ပဲ ရတော့မယ်။ တစ်ယောက်ပဲ ရတော့မယ့် အခါကျတော့ အခုနကလို မဲဆန္ဒနယ် ၁၀ နေရာ၊ ၁၂ နေရာဟာ တစ်ယောက်စာ ဖြစ်သွားပြီ။

ဆိုတဲ့အခါကျတော့ တိုင်းရင်းသား တွေကလည်း သူတို့သိတယ်။ မြင်တယ်။ နောက်တစ်ခုက တက်လာတဲ့အခါကျတော့ သူ့နယ်နဲ့သူ တိုင်းရင်းသား မျိုးနွယ်စုတွေ ရှိတယ်။ အဲဒီ တိုင်းရင်းသား မျိုးနွယ်စုတွေက သူ့နယ်မှာတော့သူ နိုင်မယ်။ လွှတ်တော်ထဲ ရောက်လာတဲ့အခါ သူတို့ရဲ့ လူမျိုးဆိုတဲ့ နာမည်က ရှိတယ်။ ဟိုအခါကျတော့ အဲလိုမျိုး ရွေးလိုက်တော့ တစ်ယောက်ပဲ တက်လာမယ်။ မျိုးနွယ်စုတွေက တက်မလာနိုင်ဘူး။ သူတို့ရဲ့ လူမျိုးနာမည်က မရှိတော့ဘူး။ တိုင်းရင်းသား စည်းလုံး ညီညွတ် ရေးကိုလည်း အန်ကယ်လ်တို့က အဲလောက်ထိ အဓိကထားတယ်။ အခုနပြောသလို အာဏာရှင်စနစ်ကို ပြန်ပြီးတော့ မရောက်သွားအောင်လည်း အန်ကယ်လ်တို့က အဓိကထားတယ်။ အဲဒီတော့ အန်ကယ်လ်တို့ လိုချင်တာက ဒီမိုကရေစီနိုင်ငံ ဖြစ်စေချင်တယ်။ ဒီတစ်ခု။ နောက်အန်ကယ်လ် အဓိကထား ပြောချင်တာက အန်ကယ်လ်တို့ရဲ့ အရှေ့တံခါးနဲ့ အနောက်တံခါးကိုကြည့်၊ ဟိုဘက်မှာသန်းပေါင်း ၁၃၀၀ လောက်ရှိတယ်။ ဒီဘက်မှာလည်း သန်းပေါင်း ၁၂၀၀ လောက်ရှိတယ်။ အန်ကယ်လ်တို့ လူဦးရေက ပမွှားလောက်ပဲ ရှိတယ်။ အဲဒီအရှေ့တံခါးနဲ့ အနောက်တံခါးကို အခုလက်ရှိ ပစ္စက္ခ အခြေအနေပဲ ကြည့်လိုက်၊ ကြည့်လိုက်လို့ ဘာဖြစ် လာမလဲလို့မေးရင် အဲဒီ PR စနစ်ကြောင့် အချိုးကျရမယ်ဆိုပြီးတော့ လူမျိုးစွဲ၊ ၀ါဒစွဲ၊ ဘာသာစွဲပါတီတွေ ထောင်လာရင် အဲဒီလူမျိုးစွဲ၊ ဘာသာစွဲ၊ ၀ါဒစွဲတွေနဲ့ ထောင်လာရင် အဲဒါ အချိုးကျပေးရရင် အဲဒီ လူဦးရေနဲ့ တွက်လိုက်။ လွှတ်တော်ထဲမှာ အစိုးရ အုပ်ချုပ်ရေး ယန္တရားမှာ တိုင်းပြည်အနာဂတ် ဘယ်လောက်ထိ ဖြစ်သွား နိုင်မလဲ။ အန်ကယ်လ်တို့က အဲဒီအထိ စဉ်းစားတယ်။ ဒါကြောင့်မို့လို့ အန်ကယ်လ်တို့ အနေနဲ့ကတော့ ဒီဟာနဲ့ ပတ်သက်လို့ အဓိကထားတာက အဲလိုဟာမျိုးတွေလည်း အဓိက ထားတယ်။ နောက်တစ်ခု အစွန်းရောက် ပါတီတွေ ထောင်လာပြီးတော့ PR စနစ်နဲ့ အချိုးကျရမှာပဲ တစ်ယောက်ရရ၊ နှစ်ယောက်ရရ။ ဟိုဟာကျတော့ မဲဆန်္ဒရှင်က ရွေးတာလေ။ အခုက မဲဆန္ဒရှင်က ရွေးတာမဟုတ်ဘူး။ သူ့ပါတီကပဲ သူရွေးတော့မှာ။ ဆိုတဲ့ အခါကျတော့ တိုင်းပြည်အတွက်က အင်မတန် ရင်လေးစရာကောင်းတယ်။ ရတက်မအေးရဘူး အနာဂတ်ကို ဒါကြောင့်မို့လို့ အန်ကယ်လ်တို့က ဒါအဓိက အချက်တွေပဲ ပြောတာပေါ့နော်။

● PR ကိုထောက်ခံတဲ့ အုပ်စုတွေဘက်က ပြောနေကြတာက လာမယ့် လွှတ်တော်ထဲမှာ နိုင်ငံရေး ပါတီတွေ အားလုံး ကိုယ်စားပြုပြီး ပါဝင်နိုင်ဖို့အတွက် ဆိုပြီးတော့ ပြောနေကြတာပေါ့နော်။ အန်ကယ်လ်တို့ PR ကိစ္စနဲ့ FPTP ကိစ္စကို စဉ်းစားတဲ့အခါမှာ အင်အားကြီး ပါတီတွေဖြစ်တဲ့ ဒီချုပ်နဲ့ USDP၊ နောက် တိုင်းရင်းသားတွေ အတွက်ပဲ မူတည်ပြီးတော့ စဉ်းစားတာလား။ အခြားပါတီတွေအတွက်ရော၊ PR ကိစ္စတင်တဲ့ ပါတီတွေ အတွက်ရော စဉ်းစားတာမျိုး ရှိလားခင်ဗျ။

အန်ကယ်လ်တို့က စဉ်းစား ဆုံးဖြတ်တာက အခုနပြောသလို ဒီမိုကရေစီ ရရှိရေး၊ နောက်တစ်ခါ အာဏာရှင် စနစ် ပြန်ပြီးတော့ သွားတာ မဖြစ်စေရေးပေါ့။ အာဏာရှင်စနစ်ကို ပြန်လည် ထွန်းကားခြင်း မရှိစေရ။ အဲဒါ အန်ကယ်လ်တို့ အဓိက စဉ်းစားတယ်။ နောက်တစ်ခုက ပြည်တွင်း ငြိမ်းချမ်းရေးနဲ့ တိုင်းရင်းသား စည်းလုံး ညီညွတ်ရေး အဓိက စဉ်းစားတယ်။ အဓိက စဉ်းစားပြီးတော့ အန်ကယ်လ်တို့က ဒါကို ပြောတာ။ နောက် တစ်ခုက မဲဆန္ဒရှင် ပြည်သူလူထုရဲ့ အနေအထားနဲ့ ပြောမယ်ဆိုရင် ဖွဲ့စည်းပုံ အခြေခံဥပဒေမှာ ပေးထားတဲ့ အတိုင်းပေါ့။ မဲဆန္ဒရှင် ပြည်သူလူထုမှာ ဖွဲ့စည်းပုံ အခြေခံဥပဒေမှာ အခွင့်အရေး၊ စည်းမျည်းတွေ ပေးထား တယ်။ PR စနစ် သူ့သတ်မှတ်တဲ့ မဲဆန္ဒအနေနဲ့ မကြည့်ရှုဘူး။ ကိုယ်စားလှယ်တစ်ယောက်ကို မကြိုက်ရင် ဘယ်လိုနည်းနဲ့ ပြည်သူတွေဘက်က အခွင့်အရေးအတွက် စည်းမျည်းရှိမလဲ။ မရှိနိုင်ဘူး။ ပြည်သူလူထုအတွက် လည်း နိုင်ငံသားအခွင့်အရေး ဆုံးရှုံးတယ်။ နောက်တစ်ခုက ပါတီတွေရဲ့ စည်းလုံးညီညွတ်မှုကိုလည်း အန်ကယ်လ်တို့ စဉ်းစားတယ်။ ပါတီတိုင်းပေါ့နော်။ ပါတီတစ်ခုက FPTP စနစ်နဲ့ဆိုရင် ပါတီထိပ်ပိုင်းကလည်း နိုင်ချင်မှနိုင်မယ်။ ရှုံးရင်လည်းရှုံးမယ်။ အောက်ခြေကလူလည်း နိုင်ရင်နိုင်မယ်၊ ရှုံးရင်ရှုံးမယ်။ ဒါကပြည်သူ ထောက်ခံတဲ့လူ တက်သွားတာ။ ဒီမိုကရေစီ ဆိုတာက အချုပ်အခြာအာဏာသည် ပြည်သူလူထုထံမှ ဆင်းသက်သည် ဆိုတာ ပြည်သူက ရွေးကောက် တင်မြှောက်တာ ခံယူပြီးတော့ တက်သွားတာ။ ဟိုဟာ ကျတော့ မဟုတ်တော့ဘူး ပါတီက ရွေးတာ။ ပါတီက ရွေးတယ် ဆိုတဲ့အခါကျတော့ အချုပ်အခြာ အာဏာသည် ပြည်သူ လူထုက ဆင်းသက်တာ မဟုတ်တော့ဘူး။ ပါတီကနေပဲ ခုနလို ၁၀၀ ရမယ်ဆို ၁၀၀။ ၁၅၀ ရမယ်ဆို ၁၅၀၊ ၂၀၀ ရမယ်ဆို ၂၀၀ ရွေးသွားတာ။ ဆိုတဲ့အခါကျတော့ ခုနလို ဒီမိုကရေစီ ကျင့်စဉ်နဲ့လည်း ဘယ်လို နည်းနဲ့ပဲ ကြည့်ကြည့် ကွာဟတယ်။ နောက်တစ်ခုက ပြည်သူလူထုရဲ့ တာဝန်ယူမှု၊ တာဝန်ခံမှု။ မဲဆန္ဒနယ် အလိုက် FPTP စနစ်က တာဝန်ယူမှု၊ တာဝန်ခံမှုရှိတယ်။ ဒါကြောင့်မို့လို့ အန်ကယ်လ် တို့ကတော့ အဲလိုခြုံပြီး တော့ အားလုံးအတွက် စဉ်းစားတယ်။

● နောက်တစ်ခုက PR ကို ပြောနေကြတဲ့ ပါတီတွေ ဘက်ကကျတော့ လက်ရှိရွေးကောက်ပွဲ စနစ်နဲ့သွားမယ် ဆိုရင် ရွေးကောက်ပွဲမှာ အင်အားကြီးပါတီတွေပဲ နိုင်ပြီးတော့ အာဏာရှင်စနစ်ပုံစံမျိုး အာဏာရှင် ဆန်ဆန် ပုံစံမျိုးကို ရောက်နိုင် တယ်ပေါ့။ အဲဒီတော့ လွှတ်တော်ကဏ္ဍမှာ လွှတ်တော် နိုင်ငံရေးမှာ ပါတီတွေ အားလုံး ပါဝင်နိုင်ဖို့ လိုတယ်ဆိုတဲ့ သဘောမျိုး တွေ့နေရတယ်။ အဲဒီအပေါ်မှာရော အန်ကယ့်လ် အနေနဲ့ ဘာများပြောချင်ပါသလဲ။

လက်ရှိ ရွေးကောက်ပွဲစနစ်နဲ့ သွားလို့ အင်အားကြီး ပါတီတွေက အာဏာရှင်ပုံစံ ပေါက်လာမယ်ဆိုတာက မရောင်ရာ ဆီလူးတဲ့ သဘောပဲ။ တကယ့်မြန်မာ့နိုင်ငံရေး သမိုင်းနဲ့ကြည့်ရင် ဒါက ဘယ်လိုပြောမလဲ မရောင်ရာ ဆီလူးတဲ့ သဘောပဲ။ ဘာဖြစ်လို့လဲဆိုတော့ လွတ်လပ်ရေး ရပြီးတည်းက အခုထိ နှစ်ငါးဆယ်ကျော် FPTP စနစ် ကျင့်သုံး လာတယ်။ အာဏာရှင်စနစ် ဖြစ်သွားသလား။ ဘာဖြစ်လို့ အာဏာရှင်စနစ် ဖြစ်လဲ။ တပ်မတော် အာဏာသိမ်းလို့သာ အာဏာရှင်စနစ်ဖြစ်တယ်။ အခုလည်း ဒီတတိယ အဖွဲ့အစည်းကိုပဲ မှီခိုနေရမယ်၊ တပ်မတော် အပေါ်ကိုပဲ မှီခိုနေရမယ်ဆိုရင် အဲဒါ ဘာစနစ်ကို ရောက်သွားမလဲ။ ဒါက ရှင်းပါတယ်။ အခုနကလို အာဏာရှင်စနစ် ဖြစ်မယ်၊ မဖြစ်ဘူးဆိုတာက ပြည်သူလူထုက ဖြုတ်ချလို့လည်းရတယ်။ FPTP စနစ် သွားလို့ ပြည်သူလူထု မကြိုက်ရင်လည်း ဖြုတ်ချလို့ရတယ်။ အစိုးရအဖွဲ့လည်း ဖြုတ်ချလို့ရ တယ်။ နောက်ပါတီ ကလည်း ဒီလိုဖြစ်ပါတယ် ဆိုပြီးတော့ အတိုက်အခံ လုပ်ပြီးတော့ အနိုင်ရအောင် ယူလို့ရအောင် လုပ်လို့ရတယ်။ အခု အနေအထား ကတော့ တတိယ အဖွဲ့အစည်းတစ်ခု အပေါ်မှာပဲ မူတည်နေရတဲ့ အခါကျတော့ တတိယအဖွဲ့ အစည်းသည် ကျောကပ်လိုက်တဲ့အခါ အဲဒီအခါကျမှ ဘယ်စနစ် ရောက်သွားမလဲ။ ဒါက ရှင်းတယ်။

အံ့ခေါင်မင်း
ဆက်လက်ဖော်ပြပါမည်

မြန်မာသံတော်ဆင့်သတင်းဌာန -


အသက်၂၆နှစ်ရှိ ဂျပန်လူငယ်ရုပ်ရှင်ဒါဂရိုက်တာ Akio Fujimoto ဟာ မြန်မာ့မိသားစုတစ်စုရဲ့ ဘ၀အကြောင်းကို ဇာတ်ကားရိုက်ဖို့ကြိုးပမ်းနေတယ်။ သူဇ်ာကာဟာ ဂျပန်မှာကြီးပြင်လာတဲ့ ညီအကို ပေါ်မှာ တကယ်ဖြစ်သွားခဲ့တဲ့ အဖြစ်အပျက်ကို အခြေခံနေတဲ့လို့သိရတယ်။ ဇာတ်ကားဟာမြန်မာပြည်မှာလည်း ပြသဖို့အစီအစဉ်ရိတဲ့လို့သိရတယ်။

မြန်မာပြည်က ဂျပန်ပြည်ကို ပြေးရှောင်းလာခဲ့တဲ့ မြန်မာ့မိသားစုတစုမှာ အဖေ၊ အမနဲ့ အသက်၁၀နှစ် ပတ်ဝန်းကျင်လောက်ရှိကလေး ၂ယောက်ရှိတယ်။ ညိအကိုဟာ ငယ်ငယ်က ဂျပန်ပြည်ကိုရောက်လာလို့ ဂျပန်စကားဘဲတတ်တယ်။ မြန်မာလိုမတတ်ဘူး။

အကြိမ်ကြိမ်ဒုက္ခသည်နေထိုင်ခွင့် လျှောက်ပေမဲ့ နေထိုင်ခွင့်မရဘူး။ နေထိုင်ခွင့်မရလို့ လင်းမယာ အဆင်မပြေဖြစ်လာတယ်။ အဖေအမေအဆင်မပြေတာ မကြည့်ချင်လို့ သားကြီဟာ မိဘကိုပိုချွဲလာတယ်။ ဒီကြားထဲမှာ အမေစိတ်ကျန်းမာရေးထိခိုက်။ ဆေးကုသမှုယူရန် အမေနဲ့ သား၂ယောက် မြန်မာပြည်ကို ပြန်ပို့ဖို့ အဖေ ဆုံးပြတ်လိုကတယ်။ အဖေ တစ်ယောက်ဘဲ ဂျပန်ပြည်မှာ ကျန်ရစ်ပြီး ဒုက္ခသည်နေထိုင်ခွင့်ရအောင် ဆက်ပြီးကြိုးစားသွားမယ်လို့ ကလေးကို ရှင်းပြတယ်။ ကလေးက မြန်မာပြည်ကို မပြန်ချင်ဘူး။ ဂျပန်ပြည်မှာ ဘဲနေချင်တယ်။

မြန်မာပြည်မှာ မပြန်ချင်ပြန်ချင်နဲ့ ပြန်လာတဲ့ သားမိပေါ်မှာ ဖြစ်လာတဲ့ ဘ၀မှာ ဘာဖြစ်သွားမလဲ။ ကိုယ့်ကိုကိုယ် ဂျပန်လူမျိုးဖြစ်ချင်တဲ့ ကလေး၂ယောက်ရဲ့ စိတ်ခံစားမှုဟ

အဖေကို ခွင့်မလွှတ်နိုင်ဘူး ဒါပေမဲ့ အရမ်ကိုအထူထူနေချင်တာ တကယ်ပါ

ဒီရုပ်ရှင်ရိုက်ကူဖို့ငွေကြွေးလိုအပ်နေတယ်။မြန်မာအနေနဲ့လည်း ငွေကြွေးကူညိထောက်ပံ့လို့ရတယ်။ ယန်းငွေ ၅၀၀ ကနေ အောက်ပါ link မှာ ကူညိထောက်ပံ့လို့ရတယ်။ ကူညိတဲ့လူတွေအတွက် အကျိုးအမတ်အမျိုးမျိုးခံစားခွင့်ရိတယ်။ ယန်း၂၀၀၀၀အတက် ကူညိတဲ့လူအတွက် ဇာတ်ကားနောက်ဆုံးမှာ အထူးကူညိတဲ့လူစာရင်းမှာ နာမည်ပါသွားမယ်။
http://camp-fire.jp/projects/view/1056

source..ဂျပန်ရောက်မြန်မာ များ

"အဓိကကတော့ မြန်မာပြည်သူတွေဟာ တရုတ်နိုင်ငံကို ဆန့်ကျင်နေတာမဟုတ်ဘူး။ မြန်မာပြည်သူတွေဟာ ကိုယ့်အကျိုးစီးပွားကို ကာကွယ်နေတာ"

တရုတ်နိုင်ငံ World View မဂ္ဂဇင်း၏ သတင်းထောက်ချုပ်ဖြစ်ပြီး Southwest China University of Political Science \ Journalism and Communications ဌာန ပါမောက္ခ Yin Hongwei သည် သြဂုတ် ၂၈ ရက်တွင် Eleven Media Group သို့ လာရောက်ခဲ့ကာ တရုတ်-မြန်မာ ဆက်ဆံရေးအခြေအနေနှင့် ပတ်သက်ပြီး Eleven Media Group ၏ CEO ဒေါက်တာသန်းထွဋ်အောင်နှင့် တွေ့ဆုံဆွေးနွေးခဲ့သည်။ ပါမောက္ခ Yin Hongwei သည် ၂၀၁၂ ခုနှစ်အတွင်းကလည်း မြန်မာနိုင်ငံသို့ လာရောက်ပြီး ဒေါက်တာသန်းထွဋ်အောင်နှင့် တွေ့ဆုံကာ တရုတ်-မြန်မာ ဆက်ဆံရေး အခြေအနေများအကြောင်း ဆွေးနွေးခဲ့ဖူးသူဖြစ်သည်။ ယခုဒုတိယအကြိမ် တွေ့ဆုံဆွေးနွေးချက်များထဲမှ ပါမောက္ခ Yin Hongwei ၏ မေးမြန်းချက်နှင့် ဒေါက်တာသန်းထွဋ်အောင်၏ ဖြေကြားချက်အပြည့်အစုံကို ပါမောက္ခ Yin Hongwei ၏ သဘောတူခွင့်ပြုချက်ဖြင့် ဖော်ပြလိုက်ပါသည်။

မေး ။ တရုတ်နိုင်ငံကနေ မြန်မာနိုင်ငံကိုလာပြီး ရင်းနှီးမြှုပ်နှံတဲ့အခါ တရုတ်- မြန်မာ ဆက်ဆံရေး အခြေအနေက ဘယ်လိုရှိလဲ။ အရင်မြန်မာအစိုးရနဲ့ တရုတ်အစိုးရ ဆက်ဆံရေးက အရမ်းအဆင်ပြေခဲ့တယ်။ ဒါပေမဲ့ ဒီမိုကရေစီလမ်းကြောင်း သွားတဲ့အခါမှာ အများကြီး အဆင်မပြေတာ တွေ့လာရတယ်။ အဲဒါတွေက ဘာကြောင့်ပါလဲ။


ဖြေ။ အဓိကကတော့ အရင်အစိုးရ။ မြန်မာစစ်တပ်အစိုးရပေါ့။ တပ်မတော်အစိုးရ၊ အာဏာရှင်အစိုးရက တကယ်ကျတော့ အများစုက corrupted ဖြစ်တယ်။ corruption ပိုင်းမှာ အဲဒီတရုတ်ကုမ္ပဏီတွေက ပတ်သက်မှုရှိတယ်။ အဲဒါကြောင့် တချို့တရုတ်ကုမ္ပဏီတွေဟာ unlawful ရယ်၊ unethical ရယ်ပေါ့။ တရားမဝင်တဲ့နည်းနဲ့ နောက်တစ်ခါကျင့်ဝတ်နဲ့မဆိုင်တဲ့ စီးပွားရေးလုပ်ငန်းတွေ လုပ်တဲ့အခါကျတော့ အခုလို ဒီမိုကရေစီပြောင်းလဲတဲ့ အခြေအနေမျိုးမှာ ကျင့်ဝတ်နဲ့မညီတဲ့ တရုတ်စီးပွားရေး လုပ်ငန်းတွေဟာ အထိနာသွားတယ်။ သူတို့နဲ့ယှဉ်ပြိုင်စရာ တခြားနိုင်ငံတွေပေါ်လာတယ်။ တစ်ဖက်မှာလည်း ဒီအစိုးရလက်ထက် ရောက်တဲ့အခါ မီဒီယာတွေပွင့်လင်းလာတယ်။ သတင်းစာလွတ်လပ်ခွင့် ရလာတဲ့အခါ လူထုနဲ့မီဒီယာက ထောက်ပြဝေဖန်မှုတွေ ပြုလုပ်လာတဲ့အခါကျတော့ အစိုးရအနေနဲ့ ဒီလုပ်ငန်းတွေမှာ သူတို့အနေနဲ့ ထင်သလိုလုပ်လို့ မရတော့တဲ့ အခြေအနေမျိုးမှာ ရောက်လာတယ်။ ဒါကြောင့်မို့ တရုတ်နိုင်ငံရဲ့ ရင်းနှီးမြှုပ်နှံမှုမှာလည်း မြန်မာနိုင်ငံနဲ့ တရုတ်နိုင်ငံအကြားမှာ အဆင်မပြေတာတွေ ဖြစ်လာတယ်။ အဓိကကတော့ မြန်မာပြည်သူတွေက တရုတ်နိုင်ငံရဲ့ ရင်းနှီးမြှုပ်နှံမှုတွေ၊ တရုတ်ကုမ္ပဏီ တော်တော်များများ ရဲ့ ရင်းနှီးမြှုပ်နှံမှုတွေဟာ သူတို့ရဲ့အကျိုးစီးပွားကို ထိခိုက်တယ်လို့၊ တိုင်းပြည်ရဲ့ အကျိုးစီးပွားကို ထိခိုက်တယ်လို့ ယူဆတဲ့အတွက် ဆန္ဒပြမှုတွေ၊ မကျေနပ်မှုတွေ ဖြစ်လာခဲ့ရတယ်။ ဒါကြောင့်မလို့ ဒီလိုဖြစ်ရတာပါ။

မေး ။ မြန်မာနိုင်ငံမှာ တရုတ်တွေ ရင်းနှီးမြှုပ်နှံတဲ့ မြစ်ဆုံစီမံကိန်း၊ လက်ပံတောင်း ကြေးနီစီမံကိန်း၊ ကျောက်ဖြူ ရေနံဂက်စ်ပိုက်လိုင်းစီမံကိန်း၊ အခုလုပ်မယ့် ရထားလမ်းစီမံကိန်းကို ဒီက မြန်မာလူထုက ဘာကြောင့်ကန့်ကွက်နေတာလဲ။

ဖြေ။ ပြောရရင်တော့ အားလုံးမှာ မြန်မာပြည်သူလူထုက တစ်ခုမှမကြိုက်ဘူး။ ဒီစီမံကိန်းတွေကို တစ်ခုမှမကြိုက်ဘူး။ ဒါပေမဲ့ ကျွန်တော်တို့ တကယ်ဝေဖန်ဆန်းစစ်နိုင်တဲ့ သူတွေကတော့၊ တချို့တွေက အရင်အစိုးရ လုပ်လာခဲ့ပေမယ့် တိုင်းပြည်အတွက် အရမ်းကြီး မနစ်နာဘူးဆိုရင် အရမ်းကြီးမကန့်ကွက်တဲ့သဘော၊ တကယ့်နိုင်ငံရေးပါတီတွေ၊ တကယ့်ဂျာနယ်လစ်တွေ၊ တကယ့် တက်ကြွလှုပ်ရှားသူတွေ တော်တော်များများကတော့ တချို့စီမံကိန်းတွေကို လုံးဝသဘောမတူနိုင်တဲ့ အခြေအနေမှာရှိတယ်။ တချို့ကျတော့ အကန့်အသတ်တွေနဲ့ ပြန်ပြီးတော့ မကန့်ကွက်တာတွေရှိတယ်။ ဥပမာအားဖြင့် မြစ်ဆုံစီမံကိန်းလိုဟာမျိုးက ကျွန်တော်တို့ လုံးဝခွင့်မပြုနိုင်ဘူး။ ခွင့်မပြုနိုင်တဲ့ဟာကျတော့ ဒီကိစ္စမှာ လာဘ်ပေးလာဘ်ယူ corruption တွေကရှိနေတယ်။ လျော်ကြေးကိစ္စတွေမှာ တရုတ်ဘက်က နစ်နာတာတွေကလည်း သူက ပြန်လျော်ကြေးတောင်းမယ် ဆိုတာရှိတယ်။ လျော်ကြေးတောင်းမယ်ဆိုရင် ကျွန်တော်တို့ဘက်က ဒီ corruption ကိစ္စကို တရုတ်အစိုးရရှင်းပေးဖို့လိုမှာပဲ။ ဘယ်သူတွေဟာ ဘယ်လောက်ယူထားလဲ။ မြန်မာအစိုးရ ဘယ်လောက်ယူထားသလဲ။ ဘယ်လောက် ပေးထားသလဲ။ လာဘ်ပေးလာဘ်ယူ လုပ်ထားခဲ့ပြီဆိုရင် ဒီစီးပွားရေးဟာ unethical ဖြစ်တယ်။ ကမ္ဘာ့တရားရုံးမှာ တရားမဝင်ဘူး။ ဒီမြစ်ဆုံစီမံကိန်းကတော့ ဘယ်နည်းနဲ့မှ ခွင့်ပြုမှာမဟုတ်ဘူး။ ထပ်လုပ်လို့လည်းရမှာ မဟုတ်ဘူး။ လျော်ကြေးကိစ္စ စဉ်းစားမယ်ဆိုရင် ထိုက်သင့်တဲ့ လျော်ကြေးတော့ အစိုးရအနေနဲ့ ပေးကောင်းပေးနိုင်မယ်။ မထိုက်သင့်တဲ့ဟာတွေကို မပေးနိုင်ဘူး။ ဒီအစိုးရကို ချဉ်းကပ်လို့မရလို့ နောက်တက်မယ့်သူဖြစ်ဖြစ်။ ဒေါ်အောင်ဆန်းစုကြည်ကို ချဉ်းကပ်လို့ဖြစ်ဖြစ် မြစ်ဆုံစီမံကိန်းဟာ အောင်မြင်မှာမဟုတ်ဘူး။ ဘယ်အစိုးရပဲတက်တက် ဒီမြစ်ဆုံစီမံကိန်းလုပ်ဆောင်တဲ့ အစိုးရဟာ ဒေါ်အောင်ဆန်းစုကြည် ဖြစ်နေရင်တောင် လူထုရဲ့ ဆန့်ကျင်မှုကို ရင်ဆိုင်ရလိမ့်မယ်။ မြစ်ဆုံစီမံကိန်းကို ဆက်လုပ်ခဲ့ရင်။ ဒါကတစ်ပိုင်း။ နောက်တစ်ပိုင်းကကျတော့ ရထားလမ်းစီမံကိန်း။ တရုတ်နိုင်ငံအတွက်ကတော့ အိန္ဒိယသမုဒ္ဒရာ ထွက်ပေါက်ဖြစ်တယ်။ မြန်မာနိုင်ငံအတွက်တော့ National Security Issue ဖြစ်တယ်။ တရုတ်ရဲ့ပိုက်ဆံနဲ့ ရထားလမ်းစီမံကိန်းကိုဆောက်ရင် BOT စနစ်နဲ့ နှစ် ၅ဝ တရုတ်က ဝင်ရောက်ပြီးတော့ ရင်းနှီးမြှုပ်နှံမယ့်ကိစ္စက ခွင့်မပြုနိုင်တဲ့ အခြေအနေဖြစ်တယ်။ ဘာလို့ဆိုတော့ မြန်မာနိုင်ငံဟာ တရုတ်နိုင်ငံရဲ့ နောက်ထပ် ခရိုင်းမီးယား သို့မဟုတ် နောက်ထပ် တရုတ်နိုင်ငံရဲ့ ပြည်နယ်တစ်ခုဖြစ်သွားမယ်လို့ ကျွန်တော်တို့ယူဆတယ်။ ဖြစ်သွားနိုင်မယ့် အခြေအနေမျိုးတွေလည်း ကျွန်တော်တို့ဆီမှာရှိထားတယ်။ ဘာလို့ဆိုတော့ တရုတ်နိုင်ငံဟာ အင်အားကြီးမားတဲ့ စူပါပါဝါနိုင်ငံဖြစ်တယ်။ တရုတ်နိုင်ငံရဲ့ လက်ရှိစစ်အင်အားတိုးချဲ့မှုတွေ၊ ဒေသဆိုင်ရာ အနေအထားတွေ၊ စီးပွားရေးနဲ့ နိုင်ငံရေး စစ်ရေးအင်အားကြီးထွားလာမှုတွေ၊ တောင်တရုတ်ပင်လယ် ကိစ္စတွေဟာ မြန်မာပြည်သူတွေနဲ့ မြန်မာအစိုးရအပေါ်မှာ ဖိအားတွေရှိနေတယ်။ အဲဒါကြောင့်မို့လို့ ရထားလမ်းစီမံကိန်းကိုလည်း ကျွန်တော်တို့ လုံးဝပေးနိုင်မှာ မဟုတ်ဘူး။ ဒါတရုတ်အစိုးရကြောင့် မဟုတ်ဘူး။ ဘယ်လိုပဲဖြစ်ဖြစ် ကျွန်တော်တို့နိုင်ငံရဲ့ အကျိုးစီးပွား၊ ကျွန်တော်တို့နိုင်ငံရဲ့ ရေရှည်အထိကြည့်ရမယ်။ ဒါကြောင့်မို့လို့ လက်ပံတောင်းတောင် စီမံကိန်းလိုမျိုး၊ နောက်ပြီးတော့ ကျောက်ဖြူရေနံပိုက်လိုင်းလို ဟာမျိုးက ဒေသခံတွေ အကျိုးစီးပွားနဲ့ ဒေသဆိုင်ရာ အတွက်ဖြစ်တယ်။ တစ်နိုင်ငံလုံးရဲ့ အကျိုးစီးပွားနဲ့ တစ်စိတ်တစ်ပိုင်းပဲ ပတ်သက်တဲ့အတွက် ဒါတွေအားလုံးအပေါ်မှာ ကျွန်တော်တို့ဘက်က မကန့်ကွက်ဘူး။ ဒီလိုမကန့်ကွက်ခဲ့တဲ့အတွက် ရေနံပိုက်လိုင်းလည်း ပြီးသွားတယ်။ ဂက်စ်ပိုက်လိုင်းလည်း ပြီးသွားတယ်။ လက်ပံတောင်းတောင် စီမံကိန်းကလည်း အခုထက်ထိ ဆိုလိုတာက ဒေသခံတွေ ကိစ္စကိုတော့ သူတို့ရှင်းပေးဖို့လိုတယ်။ ဒီနှစ်ခုကတော့ ပြဿနာမရှိဘူး။ ဟိုနှစ်ခုကတော့ ဘယ်တော့မှ မရဘူး။

ဒီအစိုးရကို ချဉ်းကပ်လို့မရလို့ နောက်တက်မယ့်သူဖြစ်ဖြစ်။ ဒေါ်အောင်ဆန်းစုကြည်ကို ချဉ်းကပ်လို့ဖြစ်ဖြစ် မြစ်ဆုံစီမံကိန်းဟာ အောင်မြင်မှာမဟုတ်ဘူး။ ဘယ်အစိုးရပဲတက်တက် ဒီမြစ်ဆုံစီမံကိန်းလုပ်ဆောင်တဲ့ အစိုးရဟာ ဒေါ်အောင်ဆန်းစုကြည် ဖြစ်နေရင်တောင် လူထုရဲ့ ဆန့်ကျင်မှုကို ရင်ဆိုင်ရလိမ့်မယ်...

မေး ။ အရင်တုန်းက တရုတ်အစိုးရနဲ့ တရုတ်ပြည်သူလူထုက ဒီစီမံကိန်းတွေကို ပြဿနာတစ်ခုတည်းအနေနဲ့ စဉ်းစားခဲ့တယ်။ အခု ခင်ဗျားပြောတဲ့အတွက် တစ်ခုချင်းစီ ကျွန်တော်မြင်မိပြီ။

ဖြေ။ အဓိကကတော့ မြန်မာပြည်သူတွေဟာ တရုတ်နိုင်ငံကို ဆန့်ကျင်နေတာမဟုတ်ဘူး။ မြန်မာပြည်သူတွေဟာ ကိုယ့်အကျိုးစီးပွားကို ကာကွယ်နေတာ။ အဲဒါကို မြင်ဖို့လိုတယ်။ ဘာလို့ဆိုတော့ တရုတ်က မြန်မာပြည်မှာ ရင်းနှီးမြှုပ်နှံရင် မြန်မာပြည်သူတွေက တရုတ်ကို မုန်းတီးနေတယ်ဆိုတာ အဲဒါမဟုတ်ဘူး။ သူတို့အကျိုးစီးပွား။ ဒီနှစ်ခု (မြစ်ဆုံစီမံကိန်းနှင့် ရထားလမ်းစီမံကိန်း) က တိုင်းပြည်အတွက်ကို ထိခိုက်နိုင်တဲ့အတွက် လုံးဝလက်မခံဘူး။

မေး။ မြစ်ဆုံစီမံကိန်း ကိစ္စကိုတော့ ခင်ဗျားရှင်းပြလို့ သဘောပေါက်သွားပါပြီ။ ဒါပေမဲ့ အဲဒီလိုမျိုး တခြားရင်းနှီးမြှုပ်နှံမှုနဲ့ ပတ်သက်ပြီးတော့ တရုတ်နဲ့မြန်မာ ဘယ်ကဏ္ဍတွေမှာ ပူးပေါင်းလုပ်လို့ရနိုင်မလဲဆိုတာ ခင်ဗျားအနေနဲ့ ကျေးဇူးပြု၍ ပြောပေးပါ။

ဖြေ။ အစိုးရချင်းထက် ပုဂ္ဂလိကတွေနဲ့ လုပ်တဲ့နေရာမှာ တခြားနိုင်ငံတွေ၊ ဂျပန်တို့ အမေရိကန်တို့ အီးယူတို့လုပ်တဲ့ပုံစံမျိုး။ အထူးသဖြင့် အာဆီယံက အများကြီးရင်းနှီးမြှုပ်နှံမှုတွေ ဝင်လာတယ်။ ဘာမျိုးတွေမှာ ဝင်လာလဲဆိုတော့ ဟိုတယ်တို့၊ Tourism တို့၊ ဆောက်လုပ်ရေးတို့ ဒီလိုလုပ်ငန်းမျိုးတွေမှာ တော်တော်များများ ဝင်လာတယ်။ ရေနံသဘာဝဓာတ်ငွေ့ ရှာဖွေရေးတို့လို လုပ်ငန်းတွေမှာ ဂျပန်တို့ အာဆီယံတို့ အထူးသဖြင့် စက်မှုလုပ်ငန်းတွေ ဖွံ့ဖြိုးတိုးတက်မှုမှာ တော်တော်များများ ရင်းနှီးမြှုပ်နှံမှုတွေ လာတဲ့အခါကျတော့ တရုတ်က အဲဒီနေရာတွေမှာ ရင်းနှီးမြှုပ်နှံတာတွေနည်းပြီးတော့ သူတို့က သယံဇာတတူးဖော်တဲ့ လုပ်ငန်းတွေမှာပဲ လုပ်တာများနေတယ်။ အဲဒီတော့ ဒီသယံဇာတ တူးဖော်ရေးလုပ်ငန်းတွေမှာ လုပ်တာများရင် မြန်မာနိုင်ငံမှာ ပုံရိပ်ကထိမှာပဲ။ အဲဒီတော့ မြန်မာနိုင်ငံမှာ တခြားနိုင်ငံက အီးယူတို့၊ ဂျပန်တို့၊ အာဆီယံတို့ လုပ်တဲ့လုပ်ငန်းတွေမှာ ပိုမြှုပ်နှံဖို့သင့်တော်တယ်။ တရုတ်နိုင်ငံကလည်း အခုနောက်ပိုင်းမှာ နည်းပညာပိုင်းက မြင့်လာပြီလေ။ မြင့်လာတော့ အိုင်တီနယ်ပယ်တို့ စက်မှုဇုန်တို့ တခြားနယ်ပယ်တွေမှာ မြှုပ်နှံပါ။ ဒီသယံဇာတတူးဖော်တဲ့ လုပ်ငန်းတွေမှာတော့ မမြှုပ်နှံပါနဲ့လို့ ပြောချင်တယ်။

မေး ။ အခုလောလောဆယ်ပေါ့။ ကျောက်ဖြူမှာ စီးပွားရေးဇုန်တစ်ခုလုပ်မယ်။ အဲဒီမှာ တရုတ်နိုင်ငံက လုပ်ငန်းရှင်တွေ အများကြီးလာချင်တယ်။ လာချင်ပေမယ့် သူတို့မှာ သို့လော၊ သို့လော ဖြစ်နေတယ်။ သူတို့လာလုပ်လို့ရှိရင် သူတို့ကို ဆန့်ကျင်ကြမလားဆိုပြီး စိုးရိမ်စိတ်ရှိကြတယ်။ လာလုပ်လို့ ရ၊ မရ ခင်ဗျားအနေနဲ့ သူတို့စိုးရိမ်စိတ် ပပျောက်အောင် ဖြစ်နိုင်စွမ်း ရှိ၊ မရှိ အဲဒါကို သိချင်ပါတယ်။

ဖြေ ။ ကျွန်တော်မြင်တာကတော့ အဓိကက ရထားလမ်းကို အလောတကြီး မဖောက်ဖို့။ တရုတ်အစိုးရအနေနဲ့ ရထားလမ်းကိုဖောက်ဖို့အတွက်။ ဘာလို့လဲဆိုတော့ ကျွန်တော်တို့ ရထားလမ်းက အခုချိန်မှာ“၀”တို့၊“မိုင်းလား”တို့က တကယ်ကျတော့ တရုတ်အစိုးရနဲ့ တော်တော်ကြီး ပတ်သက်နေတဲ့ လက်နက်ကိုင်တွေ၊ မြန်မာနိုင်ငံရဲ့ အချုပ်အခြာ မပိုင်ဘူး။ ဒီလိုအနေအထားမျိုးမှာ တရုတ်ရဲ့ ငွေအားလုံးနဲ့ ဘီလျံ ၅ဝ နဲ့ ရထားလမ်းကြီးဖောက်ဖို့ဆိုတာ မဖြစ်နိုင်ဘူး။ ကျွန်တော်တို့က ကျောက်ဖြူရေနက်ဆိပ်ကမ်းဆောက်ပြီးရင် ရထားလမ်းတို့ဘာတို့ ဖောက်ရမယ်ဆိုတာ ကျွန်တော်တို့နားလည်တယ်။ ဒါပေမဲ့ ဒီအချိန်မှာမဖြစ်နိုင်ဘူး။ ဘယ်လိုအချိန်မှာ ဖြစ်နိုင်မလဲ။ မြန်မာစီးပွားရေး တိုးတက်လာမယ်။ကိုယ့်ပိုက်ဆံနဲ့ကိုယ် ဖောက်နိုင်မယ်။ နောက်ပြီးတော့ “ဝ”တို့၊ “မိုင်းလား” တို့မှာ ကျွန်တော်တို့ရဲ့ အချုပ်အခြာ ပြန်ရလာတာနဲ့ တစ်ပြိုင်နက်တည်း ဒါမှမဟုတ်“ဝ”လက်နက်စွန့်သွားတဲ့နေ့၊ “ဝ” တပ်ဖွဲ့တွေအားလုံး လက်နက်စွန့်သွားတဲ့နေ့ အဲလိုမျိုး ကိုယ့်အချုပ်အခြာ ပြန်ပိုင်သွားတဲ့နေ့မှာ ကျွန်တော်တို့ ဒီရထားလမ်းဖောက်ဖို့ကို လုပ်မှာဖြစ်ပါတယ်။ အခုချိန်မှာ ကျောက်ဖြူမှာ စီးပွားရေးမြှုပ်နှံတာ တရုတ်တွေအတွက် နောက်ဆယ်နှစ်၊ ၁၅ နှစ်မှာ သေချာပေါက်မြတ်မယ်။ ဘာလို့လဲဆိုတော့ နောက် ၁ဝ နှစ်၊ ၁၅ နှစ်မှာတော့ “ဝ” တွေ လက်နက်စွန့်ပြီးတော့ မြန်မာပြည်ဟာ ငြိမ်းချမ်းပြီးတော့ တိုင်းရင်းသားလက်နက်ကိုင်တွေအားလုံး လက်နက်စွန့်သွားပြီဆိုတဲ့နေ့မှာ ဒီရထားလမ်းဟာ ကိုယ့်ပိုက်ဆံနဲ့ကိုယ်၊ ဒါမှမဟုတ်ရင် တရုတ်ပိုက်ဆံနဲ့တော့ ကျွန်တော်တို့ မဖောက်နိုင်ဘူး။ တခြားနိုင်ငံက ပိုက်ဆံနဲ့ဆို ကျွန်တော်တို့နိုင်ငံအတွက် ဒီရထားလမ်းက အကျိုးရှိမယ်။ တရုတ်အတွက်လည်း အကျိုးရှိမယ်။ ဒါပေမဲ့ ဒီအချိန်မဟုတ်သေးဘူး။ ဒီအတွက်တော့ စောင့်ရမယ်။ ကျောက်ဖြူမှာ ရင်းနှီးမြှုပ်နှံတာ တရုတ်တွေအတွက် အကျိုးရှိပါတယ်။ လာခဲ့ပါ။ ကျောက်ဖြူမှာရော၊ ရခိုင်ပြည်နယ်မှာပါ။ ဘာဖြစ်လို့လဲဆိုတော့ ရခိုင်ပြည်နယ်ဟာ အရမ်းသဘာဝရင်းမြစ်ပေါတယ်။ အလုပ်သမားပေါတယ်။ ကျောက်ဖြူမှာရင်းနှီးမြှုပ်နှံမှုဟာ တရုတ်အတွက် အကျိုးရှိပါတယ်။ အားလုံးလာခဲ့ပါ။ ဒီအတွက်လည်း ဆန့်ကျင်မှုတွေ မဖြစ်အောင်အတွက် တရုတ်နိုင်ငံအနေနဲ့ ပိုပြီးပွင့်လင်းမြင်သာမှု ရှိရမယ်။ တရုတ်အနေနဲ့ ပြင်ဆင်မှုတွေလုပ်ရမယ်။ တခြားနိုင်ငံတွေနဲ့ တန်းတူတာဝန်ယူမှုတွေ၊ ပြင်ဆင်မှုတွေလုပ်ရမယ်။ အဲဒီတော့ တရုတ်တွေ ဒီမှာလာပြီးတော့လုပ်မယ့် ရင်းနှီးမြှုပ်နှံမှုတွေအတွက် စိုးရိမ်ပူပန်မှုတွေ မရှိပါနဲ့။

မေး ။ ရထားလမ်းကို တရုတ်ငွေနဲ့ မဖောက်ဘူးဆိုတော့ ကျန်တဲ့ ဂျပန်တို့၊ အမေရိကန်တို့ငွေနဲ့ကော ဖောက်ဖို့ရည်ရွယ်ချက်ရှိလား။

ဖြေ။ အဲဒါနဲ့ ဖောက်ရင်ဖောက်လိမ့်မယ်လို့ ကျွန်တော်မြင်တယ်။

မေး။ တရုတ်မဟုတ်ဘဲနဲ့ တခြားကျန်တဲ့ ဗြိတိန်တို့၊ ဂျပန်တို့၊ အမေရိကန်တို့ရဲ့ငွေနဲ့ ရထားလမ်းဖောက်မယ်ဆိုရင် ခင်ဗျားတို့အမြင် ဘယ်လိုရှိလဲ။

ဖြေ။ ကျွန်တော်တို့ကတော့ အခုလောလောဆယ် ခဏဆိုင်းထားပြီးတော့ တိုင်းရင်းသား ပြဿနာတွေပြေလည်သွားပြီ။ အထူးသဖြင့် ပြတ်ပြတ်ပြောလိုက်မယ်။ “ဝ” လက်နက်စွန့်တဲ့နေ့အထိ လုပ်ဆောင်ပြီးပြီဆိုရင် အပြတ်ပြောလိုက်မယ်။ “ဝ” ကို ခင်ဗျားတို့ လက်နက်ချခိုင်းလိုက်။ ချပြီး တိုင်းရင်းသားပြဿနာတွေ၊ ဖက်ဒရယ်လည်း ပေါ်လာပြီဆိုတဲ့နေ့မှာ ကျွန်တော်တို့က ရထားလမ်းကို တရုတ်ရယ်၊ ဂျပန်ရယ်၊ တခြားနိုင်ငံတွေ အားလုံးပိုက်ဆံနဲ့ ဖောက်မယ်။ ကျွန်တော်တို့ လိုအပ်ရင်ဖောက်မယ်။ ဒီရထားလမ်းကို ပိုင်ဆိုင်တဲ့သူဟာ မြန်မာပဲဖြစ်ရမယ်။ တရုတ်ကပိုင်ဆိုင်လို့မရဘူး။ အဓိက,က ဒါပါပဲ။ ရထားလမ်းကိုပိုင်ဆိုင်တာ ကျွန်တော်တို့၊ ဘာလို့လဲဆိုတော့ တရုတ်နိုင်ငံနဲ့ ကျွန်တော်တို့ ဆက်ဆံရေးရှိနေခြင်းဟာ ကျွန်တော်တို့နိုင်ငံအတွက် ရန်ကုန်ထိလည်းပေါက်မယ်၊ ကျောက်ဖြူထိလည်းပေါက်မယ်။ ကူမင်းကနေ ရန်ကုန်ဖောက်မယ်။ ကျောက်ဖြူဖောက်မယ်။ ကားလမ်းလည်း ဖောက်မယ်။ ရထားလမ်းလည်း ဖောက်မယ်။ ဒီအခြေအနေဟာ ခဏစောင့်ရမယ်။ ကျွန်တော်တို့နိုင်ငံဟာ တည်ငြိမ်သွားရမယ်။ ဒီမိုကရေစီဖြစ်ထွန်းသွားရမယ်။ ရွေးကောက်ပွဲတွေ မှန်မှန်ကန်ကန် ဖြစ်လာရမယ်။ “ဝ” တွေဟာ လက်နက်ကို အပြီးစွန့်ရမယ်။ “ဝ” လက်နက်အပြီးစွန့်တဲ့နေ့။ အဲဒါပြီးတဲ့နေ့မှာ ကျွန်တော်တို့ ဒီရထားလမ်းကို တရုတ်ပိုက်ဆံလည်း ပါမယ်။ ဂျပန်တွေလည်းပါမယ်။ တရုတ်ပြည်မှာ ဖောက်သလိုပေါ့။ တရုတ်ပြည်မှာ ဂျပန်ပိုက်ဆံပါတယ်။ အင်္ဂလန်ပိုက်ဆံပါတယ်။ အီးယူပိုက်ဆံပါတယ်။ အဲလိုလမ်းတွေ ဖောက်တာပဲ။ ဒီလမ်းဟာ စီးပွားရေးအတွက် အသုံးပြုတဲ့ လမ်းတစ်လမ်းဖောက်ဖို့အတွက် ကြိုးစားမယ်။

မေး ။ “၀” တွေက တရုတ်ရဲ့စကားကို တစ်သဝေမတိမ်း နားထောင်မယ်လို့ထင်သလား။

ဖြေ ။ တရုတ်နဲ့ မြန်မာအစိုးရ နှစ်ယောက်လုံးရဲ့စကားကို နားထောင်ရလိမ့်မယ်။ တရုတ်စကား တစ်ခုတည်းတော့ နားထောင်လို့မရဘူး။ ဒီအစိုးရနှစ်ရပ်လုံး သဘောတူညီပြီး လက်နက်စွန့်ဖို့ပြောတာကို သူနားမထောင်ရင် တိုက်လိမ့်မယ်လို့ ကျွန်တော်မြင်တယ်။

မေး ။ တစ်ခုမေးချင်တာက တရုတ်နိုင်ငံကနေ မြန်မာနိုင်ငံလာပြီး ရင်းနှီးမြှုပ်နှံတဲ့အဖွဲ့တွေပေါ့။ လာကြတဲ့အခါ ဒီမှာရှိတဲ့ တိုင်းရင်းသားလူမျိုးတွေနဲ့ သော်လည်းကောင်း၊ ဒေသခံတွေနဲ့ သော်လည်းကောင်း အဆင်မပြေဘူး။ မတည့်ဘူး။ အဲဒါ အဆင်ပြေသွားအောင် တရုတ်နိုင်ငံကလူတွေ ဘယ်လိုပြောင်းလဲဖို့လိုမလဲ။

ဖြေ။ အဓိက,ကတော့ တရုတ်အစိုးရကော၊ တရုတ်လူမျိုးကကော အစိုးရနဲ့ပြေလည်သွားပြီလို့ထင်ရင် အားလုံးနဲ့ ပြေလည်ပြီလို့မြင်တယ်။ အဲဒီအယူအဆကို စွန့်လွှတ်လိုက်ပါ။ တကယ်ကျတော့ အခုလောလောဆယ် မြန်မာနိုင်ငံမှာ အစိုးရနဲ့ ပြည်သူဆိုတာ သပ်သပ်စီပါ။

မေး ။ ဒီထက်ပိုပြီး တိတိကျကျ အိုင်ဒီယာတစ်ခု သိရမလား။ ဒီကဒေသခံတွေနဲ့ အဆင်ပြေအောင် ဘယ်လိုပေါင်းရမလဲဆိုတာ အကြံပေးပေးပါ။


ဖြေ။ ခုနပြောသလိုပါပဲ။ ပြည်သူတွေနဲ့ အဆင်ပြေအောင်။ မြန်မာပြည်သူတွေနဲ့ အဆင်ပြေဖို့ဆိုတာကတော့ ပြည်သူတွေလိုလားတဲ့ အစိုးရတစ်ရပ်တင်ဖို့ပါပဲ။ ပြည်သူတွေလိုလားတဲ့ အစိုးရတစ်ရပ် ထွက်လာပြီဆိုတာနဲ့ ဒီအစိုးရနဲ့ဆက်ဆံရေးဟာ တရုတ်ပြည်သူတွေအတွက် အဆင်ပြေမယ်။ ဆိုလိုတာက မြန်မာနိုင်ငံမှာ ဒီမိုကရေစီ၊ ပြည်သူလိုလားတဲ့ ဒီမိုကရေစီအစိုးရတစ်ရပ် ဖြစ်ပေါ်လာပြီဆိုရင် တရုတ်ပြည်သူတွေနဲ့ မြန်မာပြည်သူတွေရဲ့ဆက်ဆံရေး ကောင်းသွားမယ်။

မေး ။ ခင်ဗျားအနေနဲ့ ကျွန်တော်ကတစ်ဆင့် မြစ်ဆုံစီမံကိန်းလုပ်နေတဲ့သူတွေကို ဘာပြောချင်လဲ။

ဖြေ။ လက်လျှော့လိုက်ပါပေါ့။ တခြားလူမပြောနဲ့။ ဒေါ်အောင်ဆန်းစုကြည်တောင် ဒီကိစ္စကို ပြောမယ်ဆိုရင် ကျွန်တော်တို့က ဝေဖန်ထောက်ပြမှာပဲ။ ကျွန်တော်တို့က အမေရိကန်ကိုကြိုက်နေလို့၊ တရုတ်ကိုမုန်းနေလို့ အနောက်နိုင်ငံတွေကို ထောက်ခံနေလို့ ဒီကိစ္စတွေကို ဆန့်ကျင်နေတာ မဟုတ်ဘူး။ ဒါတွေဟာ ကျွန်တော်တို့နိုင်ငံ၊ ကျွန်တော်တို့တိုင်းပြည် အကျိုးစီးပွားအတွက် ကျွန်တော်တို့က ဆန့်ကျင်ကန့်ကွက် နေရတာဖြစ်တယ်။

ကျန်တဲ့သမ္မတလောင်းတွေ အားလုံးဟာ ဒေါ်အောင်ဆန်းစုကြည်မဖြစ်ရင် သူရွေးချယ်တဲ့သူပဲ သမ္မတဖြစ်ဖို့ ရာခိုင်နှုန်းများတယ်။ ရွေးကောက်ပွဲကို မတရားညစ်ခဲ့မယ်ဆိုရင် တိုင်းပြည်မှာ ဆူပူအုံကြွမှုတွေဖြစ်မယ်။ ခင်ဗျားတို့လည်း ရင်းနှီးမြှုပ်နှံလို့ရမှာ မဟုတ်တော့ဘူး။ ဒါဟာ လက်ရှိအခြေအနေပဲ။ အဲဒါက သမိုင်းတွေရှိခဲ့တယ်...

မေး။ ၂၀၁၅ မှာပေါ့။ သမ္မတရွေးကောက်ပွဲ လုပ်တဲ့အခါမှာ တရုတ်ပြည်သူတွေက ဘာမြင်လဲဆိုတော့ ဦးသိန်းစိန်၊ သူရရွှေမန်း၊ ဒေါ်အောင်ဆန်းစုကြည်၊ ဗိုလ်ချုပ်မှူးကြီး မင်းအောင်လှိုင်ပေါ့။ အဲဒီလေးဦးမြင်တယ်ပေါ့။ ခင်ဗျားအနေနဲ့ ဘယ်လိုမြင်လဲ။

ဖြေ ။ ဖွဲ့စည်းပုံအခြေခံဥပဒေအရတော့ ဒေါ်အောင်ဆန်းစုကြည်က သမ္မတမဖြစ်နိုင်ဘူး။ ဒါပေမဲ့ သေချာတာတစ်ခုကတော့ ကြံ့ခိုင်ရေးပါတီမနိုင်ဘူး။ နိုင်မှာက NLD နဲ့ သူ့ရဲ့မဟာမိတ်ပါတီတွေပဲ အနိုင်ရလိမ့်မယ်။ ကျွန်တော်တို့ရဲ့ သမ္မတရွေးချယ်နည်းစနစ်ကို ခွဲပြောရင် ဒုသမ္မတသုံးယောက် တင်မြှောက်တယ်။ ဒုသမ္မတသုံးယောက်မှာမှ မဲအများဆုံးလူက သမ္မတဖြစ်တယ်။ သုံးယောက်မှာ လွှတ်တော်နှစ်ရပ်က နှစ်ယောက်ရွေးရတယ်။ စစ်တပ်က သမ္မတတစ်ယောက် ရွေးရတယ်။ လွှတ်တော်နှစ်ရပ်က နှစ်ယောက်က ရွေးကောက်ပွဲက လာရတယ်။ အဲဒီနှစ်ယောက်က ကြံ့ခိုင်ရေးပါတီက သော်လည်းကောင်း၊ စစ်တပ်ကသော်လည်းကောင်း ဘယ်နည်းနဲ့မှ အရွေးမခံရနိုင်ဘူး။ ဆိုလိုတဲ့အဓိပ္ပာယ်က မဲရွေးပွဲမှာ NLD နဲ့ သူ့ရဲ့မဟာမိတ်တွေကသာ အပြတ်အသတ် အောင်ပွဲခံသွားလိမ့်မယ်။ အဲဒီတော့ PR စနစ်ပဲလုပ်လုပ်၊ ဘာပဲလုပ်လုပ် ဘယ်လောက်ပဲ မဲညစ်ညစ် သူတို့လွှတ်တော် ဒုသမ္မတနှစ်ယောက်ဟာ NLD နဲ့ ဒေါ်အောင်ဆန်းစုကြည် ရွေးချယ်တဲ့သူကိုယ်တိုင် သို့မဟုတ် သူရွေးချယ်တဲ့ သူတွေဖြစ်မယ်။ စစ်တပ်က ၂၅ ရာခိုင်နှုန်းက ဘယ်လောက်ပဲ ထောက်ခံထောက်ခံ၊ နောက်ဆုံး မဲအများဆုံးလူက အဲဒီနှစ်ယောက်ထဲကလူ ဖြစ်မယ်။ ဆိုလိုတဲ့အဓိပ္ပာယ်က မြန်မာနိုင်ငံမှာ အခုလက်ရှိသမ္မတ ဦးသိန်းစိန်ဟာ သမ္မတဆက်ဖြစ်ဖို့ ရာခိုင်နှုန်း ၂ဝ အောက်မှာပဲရှိတယ်။ ကျန်တဲ့သမ္မတလောင်းတွေ အားလုံးဟာ ဒေါ်အောင်ဆန်းစုကြည်မဖြစ်ရင် သူရွေးချယ်တဲ့သူပဲ သမ္မတဖြစ်ဖို့ ရာခိုင်နှုန်းများတယ်။ ရွေးကောက်ပွဲကို မတရားညစ်ခဲ့မယ်ဆိုရင် တိုင်းပြည်မှာ ဆူပူအုံကြွမှုတွေဖြစ်မယ်။ ခင်ဗျားတို့လည်း ရင်းနှီးမြှုပ်နှံလို့ရမှာ မဟုတ်တော့ဘူး။ ဒါဟာ လက်ရှိအခြေအနေပဲ။ အဲဒါက သမိုင်းတွေရှိခဲ့တယ်။ ၉ဝ ပြည့်နှစ်မှာလည်း NLD ပါတီနဲ့ သူ့မဟာ မိတ်တွေက ၉၅ ရာခိုင်နှုန်းနိုင်တယ်။ ၂ဝ၁၂ ကြားဖြတ် ရွေးကောက်ပွဲမှာလည်း NLD က ၉ဝ ရာခိုင်နှုန်းနဲ့ ဒီနှုန်းအတိုင်းပဲ ၂ဝ၁၅ လည်းသွားမယ်။ ဘယ်လောက်ပဲညစ်ညစ် ၈ဝ နဲ့ ၉ဝ ကြားဆိုရင် မဲအများဆုံးဟာ သမ္မတရွေးချယ်နိုင်တဲ့ NLD နဲ့ သူ့ရဲ့မဟာမိတ် တိုင်းရင်းသားတွေ၊ မဟာမိတ်ပါတီတွေကပဲ နိုင်သွားလိမ့်မယ်။

မေး ။ အကယ်၍ ဒေါ်အောင်ဆန်းစုကြည် သမ္မတမဖြစ်လာခဲ့ဖူးဆိုရင် ခင်ဗျားစိတ်ထဲမှာ ဘယ်သူ့ကိုမြင်လဲ။

ဖြေ ။ သူရွေးချယ်တဲ့သူပဲဖြစ်မယ်။ ဒါပေမဲ့ ဒေါ်အောင်ဆန်းစုကြည်တို့ ဘယ်လောက်ပဲနိုင်နိုင် စစ်တပ်နဲ့ သူ့ရဲ့အသိုင်းအဝိုင်းကတော့ အာဏာရဲ့ ၄ဝ ရာခိုင်နှုန်းကို ချုပ်ကိုင်ထားမှာပဲ။ ၆ဝ ရာခိုင်နှုန်းပဲ အာဏာရှိမယ်။

မေး ။ ကျွန်တော် မြန်မာနိုင်ငံမလာခင် တရုတ်နိုင်ငံမှာ အမေရိကန်ရယ်၊ ဗြိတိန်ရယ်၊ ကနေဒါရယ်ပေါ့။ ကောင်စစ်ဝန်တွေနဲ့ တွေ့ခဲ့တယ်။ ကျွန်တော်မေးတယ်။ ရွေးကောက်ပွဲမှာ ဒေါ်အောင်ဆန်းစုကြည်ကို ထောက်ပံ့ပေးမလားပေါ့။ သူတို့ကပြန်ဖြေတယ်။ ပုဂ္ဂိုလ်ရေးအရ ဒေါ်အောင်ဆန်းစုကြည်ကို ထောက်ပံ့မှုပေးမှာ မဟုတ်ဘူး။ ဒါပေမဲ့ မြန်မာနိုင်ငံရဲ့ ဒီမိုကရေစီကိုတော့ အဲဒါကိုတော့ ထောက်ပံ့မယ်ပေါ့။ သူတို့ရဲ့ ပြောဆိုချက်ကို ခင်ဗျားဘယ်လိုထင်လဲ။

ဖြေ။ အဓိက,ကတော့ သူတို့အကျိုးစီးပွားရှိတယ်။ တရုတ်မှာလည်း တရုတ်အကျိုးစီးပွားရှိတယ်။ အနောက်နိုင်ငံတွေမှာလည်း သူတို့အကျိုးစီးပွားရှိတယ်။ အနောက်နိုင်ငံတွေကလည်း မြန်မာနိုင်ငံကို ဖွံ့ဖြိုးတိုးတက်သွားဖို့ထက်ကို သူတို့ရဲ့အကျိုးစီးပွားအရ မြန်မာနိုင်ငံမှာ တည်ငြိမ်ဖို့နဲ့ သူတို့ဩဇာလွှမ်းမိုးဖို့ သူတို့အာရုံစိုက်လာတယ်။ သူတို့ကလည်း ဒေါ်အောင်ဆန်းစုကြည်ကို ကြိုက်ချင်မှ ကြိုက်မယ်။ ဒါပေမဲ့ လူထုကြိုက်လာပြီဆိုတဲ့ နေ့မှာတော့ သူတို့ ပုဂ္ဂိုလ်ရေးအရ မကြိုက်တာတွေက ပြီးသွားမယ်။

မေး ။ ဒေါ်အောင်ဆန်းစုကြည်က ပုဒ်မ ၄၃၆ မှာ ညပ်နေတာလား။ ပုဒ်မ ၄၃၆ တစ်ခုပဲပြင်ဖို့လိုသလား။ ဒါမှမဟုတ် ၂၀၀၈ ဖွဲ့စည်းပုံတစ်ခုလုံး ပြင်ဖို့လိုသလား။

ဖြေ။ ဘယ်ဥပဒေပုဒ်မပဲဖြစ်ဖြစ် အမျိုးသား ပြန်လည်သင့်မြတ်ရေး။ ဆိုလိုတာက စစ်တပ်နဲ့ ပြည်သူအကြား ရင်ကြားစေ့ရေးအောင်မြင်ရင် ဘယ်ပုဒ်မ မဆို အခုချက်ချင်းပြင်လို့ရတယ်။ ပုဒ်မ ၄၃၆ ပဲဖြစ်ဖြစ်။ ၅၉(စ)ပဲဖြစ်ဖြစ် အားလုံးညှိလို့ရရင် သူတို့နှစ်ဦးနှစ်ဖက်ကြား ညှိလို့ရတာ အကုန်ပြင်လို့ရတယ်။ လောလောဆယ်မှာ ၂ဝဝ၈ ခုနှစ် ဖွဲ့စည်းပုံအခြေခံဥပဒေ အကုန်ပြင်ဖို့ဆိုတာ မဖြစ်နိုင်ဘူး။ တိုင်းရင်းသားဖက်ဒရယ်တို့ ဘာတို့ ဖြစ်ပေါ်ရေးကလည်း ချက်ချင်းမဖြစ်နိုင်ဘူး။ Peace က လက်မှတ်ရေးထိုး ရုံလောက်ပဲရှိမယ်။ တစ်ခါတည်း ဖြေလိုက်မယ်။ ဖက်ဒရယ်ကိစ္စ အပါအဝင် အားလုံးဟာ ၂ဝ၂ဝ ပြည့်နှစ် နောက်ပိုင်းမှာ အကုန်ဖြစ်မယ်။ ၂ဝ၁၅ မတိုင်ခင်မှာ တချို့လည်း ပြင်လို့ရမယ်။ ၂ဝ၁၅ နဲ့ ၂ဝ၂ဝ ကြားမှာ ထပ်ပြီးပြင်ရမယ်။ အကြိမ်ကြိမ်ညှိရမယ်။ ဆိုလိုတဲ့အဓိပ္ပာယ်က လူထုနဲ့ စစ်တပ်ကြားမှာ အာဏာခွဲဝေမှု၊ ချုပ်ကိုင်မှု ဆက်ရှိနေဦးမယ်။ ၂ဝ၂ဝ မတိုင်ခင်အထိ။ အဲဒီတော့ ဒီကိစ္စတွေဟာ ဖွဲ့စည်းပုံပြင်ရေးလောက် ဒီလောက်အရေးမကြီးပါဘူး။ အဓိက,က စစ်တပ်နဲ့ လူထုကြားမှာရှိနေတဲ့ ညီညွတ်ရေးပဲ အရေးကြီးတာ။ ဒီနှစ်ယောက်သာ ညီညီညွတ်ညွတ်နဲ့ တစ်ယောက်နဲ့တစ်ယောက် ထိပ်တိုက်မတိုးဘူးဆိုရင် ကျွန်တော်တို့နိုင်ငံဟာ ရှေ့ဆက်သွားလို့ရပြီ။ ပြင်လို့ရပြီ။ အကုန်လုံးလုပ်လို့ရပြီ။ အဲဒီတော့ ၂ဝ၂ဝ မတိုင်ခင်မှာ ကျွန်တော်တို့ အကုန်လုံးဖြတ်လို့ရတယ်။

ဒီလက်မှတ်ထိုးပွဲ Peace Accord က Show Business ပဲ။ ကျွန်တော်တို့ရဲ့ ပြည်တွင်းစစ်က ၁၉၄၈ ကတည်းက ၆၆ နှစ်ရှိပြီ။ ကမ္ဘာပေါ်မှာ အရှည်ကြာဆုံးပြည်တွင်းစစ်။ ၆၆ နှစ်ရှိခဲ့တဲ့ ပြည်တွင်းစစ်ကို လက်မှတ်ကလေး တစ်ချက်ထိုးရုံနဲ့ မပြေလည်ဘူး...

မေး ။ အစိုးရနဲ့ တိုင်းရင်းသားလက်နက်ကိုင်တွေ ငြိမ်းချမ်းရေးစကားဝိုင်းပေါ့။ သူတို့ရဲ့ ငြိမ်းချမ်းရေးဆွေးနွေးမှုတွေကို ခင်ဗျားအနေနဲ့ ဘယ်လိုမြင်လဲ။

ဖြေ ။ အားလုံးကတော့ Paper Treaty ပေါ့။ စက္ကူပေါ်က သဘောတူညီချက်ကို လက်မှတ်ရေးထိုးဖို့ ပြင်နေကြတယ်။ တကယ်ကျတော့ လက်မှတ်ထိုးပြီးတာနဲ့ အားလုံးပြေလည်သွားမှာတော့ မဟုတ်ဘူး။ ဒါဟာ Show Business ပဲ။ ဒီလက်မှတ်ထိုးပွဲ Peace Accord က Show Business ပဲ။ ကျွန်တော်တို့ရဲ့ ပြည်တွင်းစစ်က ၁၉၄၈ ကတည်းက ၆၆ နှစ်ရှိပြီ။ ကမ္ဘာပေါ်မှာ အရှည်ကြာဆုံးပြည်တွင်းစစ်။ ၆၆ နှစ်ရှိခဲ့တဲ့ ပြည်တွင်းစစ်ကို လက်မှတ်ကလေး တစ်ချက်ထိုးရုံနဲ့ မပြေလည်ဘူး။ ဒါဟာသမ္မတဦးသိန်းစိန် အစိုးရအတွက် Just Show Business ပဲ။ အဲဒါကြောင့်မို့ ကျွန်တော်တို့ နောက်ငါးနှစ်လောက်မှာ တကယ့်နိုင်ငံရေး ဆွေးနွေးပွဲက ၂ဝ၁၅ နဲ့ ၂ဝ၂ဝ ကြားမှာ ဖြစ်မယ်။ ၂ဝ၂ဝ ကျမှ ဖွဲ့စည်းပုံအသစ် ပြန်ပြင်ဆွဲပြီးတော့ အားလုံးပြန်ပြီးတော့ အဲဒီမှာ ဖက်ဒရယ်ဖြစ်လာလိမ့်မယ်။ ဒီကြားထဲမှာတော့ ပုံမှန်အတိုင်းသွားမယ်။ တစ်ယောက်နဲ့ တစ်ယောက် ထိပ်တိုက်တွေမတိုးဖို့။ မျှခြေတစ်ခုပေါ့ ထိန်းထားပြီး ထိပ်တိုက်တွေမတိုးဘူးဆိုရင် သူ့ဟာသူ ဖြစ်လာလိမ့်မယ်။

မေး ။ ဒီကိုမလာခင် အမေရိကန်က လွှတ်တော်အမတ် တစ်ယောက်နဲ့တွေ့တယ်။ တွေ့တော့မေးတဲ့အခါ လွှတ်တော်အမတ်က ပြောပါတယ်။ မြန်မာနိုင်ငံမှာ ငြိမ်းချမ်းရေးစာချုပ် ချုပ်လိုက်ပြီပေါ့ဗျာ။ ချုပ်ပြီးလို့ အကောင်အထည် ဖော်တဲ့အခါမှာ ဘယ်သူက လာကြီးကြပ်မလဲ၊ ဘယ်လိုအကောင်အထည် ဖော်မလဲပေါ့။ ခင်ဗျားအနေနဲ့ ဘယ်လိုမြင်လဲ။


ဖြေ ။ ဘယ်သူမှ ကြီးကြပ်စရာမလိုပါဘူး။ မလိုဘူး။ ကိုယ့်ဟာကိုယ်ပဲ လုပ်မယ်။ ကျွန်တော်တို့အချင်းချင်း တိုင်းရင်းသား ပြဿနာတွေရှင်းမယ်။ ဘယ်သူမှ ကြီးကြပ်စရာမလိုဘူး။ မြန်မာနိုင်ငံမှာရှိနေတဲ့ တိုင်းရင်းသား ပဋိပက္ခတွေက Power Struggle ကြောင့် ဖြစ်တာမဟုတ်ဘူး။ နိုင်ငံရေးပြဿနာကြောင့် ဖြစ်တာ။ အဲဒါကြောင့် ဒီပြဿနာဟာ လက်နက်ကိုင်တွေချည်းပဲ ရှင်းလို့မရဘူး။ ဘာဖြစ်လို့လဲဆိုတော့ မြန်မာနိုင်ငံမှာရှိတဲ့ တိုင်းရင်းသား လက်နက်ကိုင်တွေက သိပ် Strong မဖြစ်ပါဘူး။ အခုက လက်နက်ကိုင်ကြောင့် ဖြစ်နေတဲ့ ပြဿနာမဟုတ်ဘူး။ အဓိကဖြစ်တာ နိုင်ငံရေးပြဿနာ။ အဲဒီတော့ နိုင်ငံရေးပြဿနာကို ဖြေရှင်းပြီးရင် တစ်ယောက်နဲ့တစ်ယောက် အပေးအယူညှိပြီးသွားရင် စစ်တပ်ဆိုတာလည်း အကုန်လုံးဖျက်လို့ရပြီ။ အဓိက နိုင်ငံရေးပြဿနာ။ စစ်တပ်ပြဿနာ မဟုတ်ဘူး။

ပါမောက္ခ Yin Hongwei ၏ ကိုယ်ရေးအကျဉ်း
မွေးသက္ကရာဇ်- ၁၉၇၃ ခုနှစ်
ပညာအရည်အချင်း- ပါမောက္ခ (Journalism and Communications Department of Southwest China University of Political Science)
လုပ်ငန်းအတွေ့အကြုံ - Yunnan Daily၊ Southern Weekend နှင့် South Wind သတင်းမဂ္ဂဇင်းတို့တွင် လုပ်ကိုင်ခဲ့ဖူးပြီး The Time Weekly တွင် သတင်းထောက်ချုပ်အဖြစ် လုပ်ကိုင်ခဲ့ဖူးသည်။ လက်ရှိအချိန်တွင် World View မဂ္ဂဇင်း၏ သတင်းထောက်ချုပ် လုပ်ကိုင်နေပြီး ဂျာနယ်လစ်လုပ်သက် နှစ် ၂၀ ရှိသူဖြစ်သည်။ ပါမောက္ခ Yin Hongwei သည် တရုတ်-ဗီယက်နမ် နယ်စပ်၌ ကြီးပြင်းခဲ့သူဖြစ်ပြီး တရုတ်နှင့် အရှေ့တောင်အာရှ ဆက်ဆံရေးကို အချိန်ကြာမြင့်စွာ လေ့လာခဲ့သူဖြစ်သည်။ သတင်းများ၊ ဆောင်းပါးများအတွက် လိုအပ်သော တွေ့ဆုံမေးမြန်းမှုများကို အရှေ့တောင်အာရှနိုင်ငံများသို့ မကြာခဏသွားရောက်ပြီး လူကိုယ်တိုင် တွေ့ဆုံမေးမြန်းလေ့ ရှိသူဖြစ်သည်။

 http://news-eleven.com/

ဒီမိုကရေစီ အစိုးရ လက်ထက်တွင် ယခင်မဆလခေတ် လူကြီး၏ သားသမီးများသာ ရာထူးကြီးများ ရယူထားကြောင်း နိုင်ငံရေးလေ့လာသူ တစ်ဦးက Tomorrowသို့ ပြောကြားခဲ့သည်။

ပြန်ကြားရေး ၀န်ကြီး ဦးရဲထွဋ်သည် မဆလခေတ် ရဲချုပ်နှင့် လွှတ်တော် ကိုယ်စားလှယ် ဦးရွှေသန်း၏သား ဖြစ်သည်။ စွမ်းအင်ဝန်ကြီးနှင့် မြန်မာနိုင်ငံ ရင်းနှီးမြှုပ်နှံမှု ကော်မရှင် ဥက္ကဋ္ဌ ဦးဇေယျာအောင်မှာ မြန်မာ့ဆိုရှယ်လစ် လမ်းစဉ်ပါတီခေတ်က ဒေသပါတီ ကော်မတီ ဥက္ကဋ္ဌ ဦးအောင်သိန်း၏သား ဖြစ်သည်။ နိုင်ငံခြားရေး ၀န်ကြီး ဦးဝဏ္ဏမောင်လွင်သည် မဆလ လက်ထက် ၀န်ကြီး ဗိုလ်မှူးကြီး မောင်လွင်၏ သားဖြစ်သည်။ ဘဏ္ဍာရေးနှင့် အခွန်ဝန်ကြီး ဦးဝင်းရှိန်သည် မဆလ ဗဟိုကော်မတီဝင် ဦးစံရှိန်၏သား ဖြစ်သည်။

နိုင်ငံခြားရေး ၀န်ကြီးဌာန ဒုတိယ၀န်ကြီး ဦးသန့်ကျော်သည် မဆလ ကာကွယ်ရေး ၀န်ကြီး ဗိုလ်ချုပ်ကြီး သူရကျော်ထင်၏သား ဖြစ်သည်။ ယဉ်ကျေးမှု ဒုတိယ၀န်ကြီး ဒေါ်စန္ဒာခင်သည် မဆလခေတ် သမ၀ါယမ ဒုတိယ၀န်ကြီး ဒေါက်တာချစ်၏ သမီးဖြစ်သည်။

နယ်စပ်ရေးရာ ဒုတိယ၀န်ကြီး ဗိုလ်ချုပ် တင်အောင်ချစ်မှာ မကွေးတိုင်း ပြည်သူ့ ကောင်စီဝင် ဦးကြည်၏သား ဖြစ်သည်။ ပို့ဆောင်ရေး ဒုတိယ၀န်ကြီး ဦးဇင်ယော်မှာ မဆလ ဗဟိုကော်မတီဝင် ယဉ်ကျေးမှုဝန်ကြီး ဦးအေးမောင်၏ သားဖြစ်သည်။ ဒုဝန်ကြီးဟောင်းနှင့် လက်ရှိဗဟိုဘဏ် ဒုတိယ ဥက္ကဋ္ဌ၊ သီလ၀ါ အထူးစီးပွားရေးဇုန် ဥက္ကဋ္ဌ ဦးဝင်စတန်ဆက်အောင်မှာ ဦးနေ၀င်း၏ အကြောင်းကံပေး န၀တ လက်ထက်တွင် ဒုတိယ၀န်ကြီးဖြစ်သူ ဗိုလ်မှူးကြီး ဆက်အောင်၏ သားဖြစ်သည်။ နိုင်ငံခြားရေး ဒုတိယ ၀န်ကြီးဟောင်းနှင့် လက်ရှိ နိုင်ငံတော် ရာထူးဝန် ဦးကျော်သူသည် မဆလခေတ် သမ္မတ ဒေါက်တာမောင်မောင်၏ သားဖြစ်သည်။

ကယားပြည်နယ် ၀န်ကြီးချုပ် ဦးခင်မောင်ဦးသည် မဆလခေတ် ကယားပြည်နယ် ပြည်သူ့ကောင်စီ ဥက္ကဋ္ဌ ဦးကျော်ဒင်၏ သားဖြစ်သည်။ မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ်ထွန်းထွန်း နောင်မှာ မဆလခေတ် ပြည်ထဲရေး ဒုတိယ၀န်ကြီး ဗိုလ်မှူးကြီး ခင်မောင်ဝင်း၏ သားဖြစ်သည်။

မြိတ်လေတပ်စခန်း ဌာနချုပ်မှူး ဗိုလ်မှူးချုပ် မောင်မောင်ကျော်မှာ မဆလခေတ် ကာကွယ်ရေးဝန်ကြီး ဗိုလ်ချုပ်ကြီး သူရကျော်ထင်၏ သားဖြစ်သည်။ ရေတပ်မှ ဗိုလ်မှူးချုပ် မိုးအောင်သည် ယခင် စက်မှု(၁)၀န်ကြီး ဦးအောင်သောင်း၏ သားဖြစ်သည်။ စစ်သံမှူး ဗိုလ်မှူးချုပ် ဆန်းဦးလှိုင်မှာ မဆလ ဗဟိုကော်မတီ အတွင်းရေးမှူး ဦးသန်းလှိုင်၏ သားဖြစ်သည်။ မင်္ဂလာဒုံ လေတပ်စခန်း ဌာနချုပ်မှူး ဗိုလ်မှူးချုပ် သိန်းနိုင်မှာ မဆလ ဗဟိုကော်မတီဝင် ဖြစ်ခဲ့သူ ဗိုလ်ချုပ်မှူးကြီး သန်းရွှေ၏ သားမက် ဖြစ်သည်။

ထို့ကြောင့် မဆလခေတ် ဗဟို ကော်မတီဝင်နှင့် လွှတ်တော် ကိုယ်စားလှယ်များ၏ သားသမီးထဲမှ ယခုဒီမိုကရေစီ အစိုးရ လက်ထက်တွင် ၀န်ကြီးအဆင့်တွင် လေးဦး၊ ဒုတိယ၀န်ကြီး အဆင့်တွင် လေးဦး၊ အစိုးရအဖွဲ့အစည်း အကြီးအကဲ နှစ်ဦး၊ ပြည်နယ်ဝန်ကြီးချုပ် တစ်ဦး၊ စစ်တိုင်းမှူး တစ်ဦးနှင့် ဗိုလ်မှူးချုပ် လေးဦး တာဝန်ထမ်းဆောင်နေကြောင်း၊ ထူးခြားသည်မှာ နိုင်ငံတော်၏ ဘဏ္ဍာရေး၊ စီးပွားရေးအတွက် အဓိကကျသော ဘဏ္ဍာရေး နှင့် အခွန်ဝန်ကြီး၊ မြန်မာနိုင်ငံ ရင်းနှီးမြှုပ်နှံမှု ကော်မရှင် ဥက္ကဋ္ဌ၊ ဗဟိုဘဏ် ဒုတိယဥက္ကဋ္ဌ၊ သီလ၀ါ အထူးစီးပွားရေးဇုန် ဥက္ကဋ္ဌ ရာထူးများကို အဆိုပါ မိသားစုဝင်များက ရယူထားခြင်း ဖြစ်ကြောင်း အဆိုပါ လေ့လာသူက ပြောပြသွားခဲ့သည်။ ယခု ဦးသိန်းစိန် အစိုးရ လက်ထက် ပြည်ထောင်စု အစိုးရအဖွဲ့ (၂၀၁၄ ခုနှစ် သြဂုတ်လ အထိ)တွင် သမ္မတရုံး အပါအ၀င် ၀န်ကြီးဌာန ၃၁ခုအတွက် ၀န်ကြီး ၃၆ဦး (သမ္မတရုံးတွင် ၅ဦး)၊ ဒုတိယ၀န်ကြီး ၅၈ဦး ရှိသည်။ ထိုအထဲတွင် အမျိုးသမီးဝန်ကြီး ၂ ဦးနှင့် အမျိုးသမီး ဒုတိယ၀န်ကြီး ၆ ဦးပါရှိသည်။

Tomorrow news journal

““ကျွန်တော့်ပစ္စည်းမဟုတ်ဘဲနဲ့ ယူမထားချင်ပါဘူး။ အံဆွဲထဲမှာ သန့်ရှင်းရေးလုပ်ရင်း ပိုက်ဆံအိတ်တွေ့တာနဲ့ အမေ(လူနာရှင်အမျိုးသမီး)ကို လိုက်ရှာပြီး ပေးတာပါ။ အဲဒီ
အတွက် ဒီလိုဂုဏ်ပြုပေးတာ အတိုင်းမသိဝမ်းသာတယ်။ အသိအမှတ်ပြု ဂုဏ်ပြုပေးတဲ့
ဆေးရုံက လူကြီးတွေကို ကျေးဇူးတင်တယ်””
ရန်ကုန်ခုတင် ၅၀၀ ဆန့် အထူးကုဆေးရုံကြီး လူနာစောင့်မေ့ကျန်ငွေ ၆သိန်းကျပ် ပြန်ပေးလိုက်သော သန့်ရှင်းရေးဝန်ထမ်းအား ရိုးသားမှုအတွက် ဂုဏ်ပြု

… ကျွန်တော့်ပစ္စည်းမဟုတ်ဘဲနဲ့ ယူမထားချင်ပါဘူး။ အံဆွဲထဲမှာ သန့်ရှင်းရေး လုပ်ရင်း ပိုက်ဆံအိတ်တွေ့တာနဲ့ အမေ (လူနာရှင်အမျိုးသမီး) ကို လိုက်ရှာပြီးပေး တာပါ။ အဲဒီအတွက် ဒီလိုဂုဏ်ပြုပေးတာ အတိုင်းမသိဝမ်းသာတယ် …
---- --- ---- ---
ယခုလ ၁၇ရက်နေ့က ရန်ကုန်ခုတင် ၅၀၀ဆန့် အထူးကု ဆေးရုံ၊ အဆုတ်နှင့်ရင်ခေါင်း ခွဲစိပ်အထူးကုဌာနမှ လူနာစောင့်မိသားစု မေ့ကျန်ခဲ့သော ငွေကျပ်ခြောက်သိန်းကို ယင်းဆေးရုံမှ သန့်ရှင်းရေးဝန်ထမ်းဖြစ်သည့် ဦးတင်ဝင်းက ရိုးသားစွာ လိုက်ပေးခဲ့သည်။

အဆုတ်ရောဂါကြောင့် အောက်ဆီဂျင်ခန်းတွင် ကုသနေရသော လူနာမှာ သုံးရက်ပြည့်၍ အခန်းပြောင်းစဉ် ကုတင်အံဆွဲအတွင်း ငွေကျပ်ခြောက်သိန်းထည့်ထားသော ပိုက်ဆံအိတ်ကျန်ခဲ့ခြင်းဖြစ်ပြီး လူနာစောင့်မှာ ပိုက်ဆံအိတ်ကျန်ရစ်ခဲ့မှန်း မသိဘဲ သန့်ရှင်းရေးလုပ်သည့် ဦးတင်ဝင်း က တွေ့ရှိ၍ လိုက်လံပေးရာမှ ပိုက်ဆံ အိတ်ကျန်ရစ်ခဲ့မှန်း သိရခြင်းဖြစ်သည်ဟု သိရသည်။

““ပစ္စည်းတွေ တပွေ့တပိုက်နဲ့ အခန်းရွှေ့နေရတော့ ပိုက်ဆံအိတ်ကျန်ခဲ့မှန်း မသိဘူး။ ဦးတင်ဝင်းက လိုက်ပြောမှ သိရတာ။ သူက ရိုးသာစွာလိုက်ပေးတဲ့အတွက် ကျေးဇူးလည်းတင်တယ်။ ရိုးသားမှုကိုလည်း ဂုဏ်ယူတယ်။ ဒီဆေးရုံမှာ ဒီလိုဝန်ထမ်းကောင်းတွေရှိတဲ့အတွက် အရမ်းဝမ်းသာတယ်””ဟု ပိုက်ဆံအိတ်မေ့ကျန်ခဲ့သည့် လူနာဦးစောမိုးစော၏ ဇနီးဖြစ်သူ ဒေါ်ထီးရှီးက ပြောသည်။

အဆိုပါဆေးရုံသစ်ကြီးမှာ ဖွင့်လှစ်ထားသည့်ကာလ မကြာသေးသော်လည်း ၀န်ထမ်းများ၏ အကျင့်စာရိတ္တကောင်းမွန်သည်ဆိုသော သာဓကအဖြစ် ပြသနိုင်ခဲ့၍ ဂုဏ်ယူကြောင်း၊ အခြားဝန်ထမ်းများလည်း အလားတူစိတ်ဓာတ်မျိုးထားနိုင်ရန် မွေးမြူသွားရမည်ဖြစ်ကြောင်း ရင်ခေါင်းခွဲစိတ်အထူးကုဆရာဝန်ကြီး ဒေါက်တာခင်မောင်အေး က ပြောသည်။

ရိုးသားသောစိတ်ဖြင့် မေ့ကျန်ငွေသားကို လိုက်လံပေးသော ဦးတင်ဝင်းအား လူနာရှင်နှင့် ဆေးရုံတာဝန်ရှိသူများက ယနေ့(သြဂုတ်လ ၂၉ ရက်) အဆုတ်နှင့်ရင် ခေါင်းခွဲစိပ်ကုသဆောင် အစည်းအဝေးခန်းမတွင် ဂုဏ်ပြုအခမ်းအနားပြုလုပ်၍ ဂုဏ်ပြုလက် ဆောင်ပစ္စည်းများပေးအပ်ခဲ့ပြီး သန့်ရှင်းရေးဝန်ထမ်းများကိုလည်း လက်ဆောင်ပေးအပ်ခဲ့သည်။

ဦးတင်ဝင်းမှာ ရန်ကုန်ဆေးရုံကြီးတွင် သန့်ရှင်းရေးဝန်ထမ်းအဖြစ် လုပ်သက် ၃၂ နှစ်ကြာ ထမ်းဆောင်ခဲ့သူဖြစ် ပြီး ဆေးရုံသစ်ကြီးသို့ ရွှေ့ပြောင်းတာဝန်ထမ်းဆောင်ခြင်းမှာ ၆လ မျှသာရှိသေးကြောင်း ၎င်းသည် လူနာများအား စေတနာထား ဆက်ဆံကူညီပေးလေ့ရှိသကဲ့သို့ အလုပ်ကိုလည်း ကြိုးစားလုပ်ကိုင် သူဖြစ်ကြောင်း ယင်းဆေးရုံဝန်ထမ်းများက ပြောသည်။

““ကျွန်တော့်ပစ္စည်းမဟုတ်ဘဲနဲ့ ယူမထားချင်ပါဘူး။ အံဆွဲထဲမှာ သန့်ရှင်းရေးလုပ်ရင်း ပိုက်ဆံအိတ်တွေ့တာနဲ့ အမေ(လူနာရှင်အမျိုးသမီး)ကို လိုက်ရှာပြီး ပေးတာပါ။ အဲဒီအတွက် ဒီလိုဂုဏ်ပြုပေးတာ အတိုင်းမသိဝမ်းသာတယ်။ အသိအမှတ်ပြု ဂုဏ်ပြုပေးတဲ့ ဆေးရုံက လူကြီးတွေကို ကျေးဇူးတင်တယ်””ဟု ဂုဏ်ပြုခံ ဦးတင်ဝင်း က ပြောသည်။

မိုးမင်း
News Watch(စောင့်ကြည့်သတင်းဂျာနယ်)











Miss Asia Pacific World အဖြစ်မှ ဖြုတ်ချခံရသူ မြန်မာအလှမယ် မေမြတ်နိုးသည် ဒေါ်လာ ၁၀၀,၀၀၀ တန် ရတနာသရဖူအပြင် ပြိုင်ပွဲစပွန်ဆာများက ရင်သားခွဲစိပ်ပြုပြင်ရန်ပေးသော ဒေါ်လာ ၁ သောင်းတို့နှင့်အတူ တိမ်းရှောင်နေသည်ဟု အဆိုပါအလှမယ်ပြိုင်ပွဲ၏ မီဒီယာဒါရိုတ်တာ ဒေးဗစ်ကင် က ယခုလ ၂၈ရက်နေ့က ပြောသည်။

၂၀၁၂ ခုနှစ်မှစ၍ အပြည်ပြည်ဆိုင်ရာအလှမယ်ပြိုင်ပွဲများသို့ ပြန်လည်ခြေလှမ်းချခဲ့သော မြန်မာနိုင်ငံသည် ၂ နှစ်အကြာ ၂၀၁၄ ခုနှစ်တွင် တောင်ကိုရီးယားခြေစိုက် Miss Asia Pacific World ပြိုင်ပွဲတွင် သရဖူဆွတ်ခူးနိုင်ခဲ့သည့် မြန်မာ့အလှမယ်ဖြစ်သည်။ ယင်းမှာ မြန်မာမယ်တဦးအနေနှင့် နိုင်ငံတကာအလှမယ်ပြိုင်ပွဲတွင် ပထမဆုံး သရဖူဆွတ်ခူးနိုင်ခဲ့ခြင်း ဖြစ်သည်။

မေမြတ်နိုးသည် ရုိုင်းပြခြင်း၊ မရိုးသားခြင်းတို့အပြင် ပြိုင်ပွဲကျင်းပသည့် အဖွဲ့အစည်းက သူမ၏မိခင်အတွက် ကိုရီးယားနိုင်ငံတွင် သြဂုတ်လ ၁၉ ရက်နေ့အထိသာ နေထိုင်ခွင့်လျောက်ထားနိုင်သည့် ဖိတ်ကြားစာ ပေးပို့ခဲ့သော်လည်း ယင်းဖိတ်ကြားစာဖြင့် ၃ လဗီဇာ တရားမ၀င်ရယူရန် ကြိုးပမ်းခဲ့သည်ဆိုသော စွပ်စွဲချက်များ
ကြောင့် Miss Asia Pacific World 2014 မယ်အဖြစ်မှ ဖြုတ်ချခံခဲ့ရခြင်းဖြစ်ကြောင်း သိရသည်။

အဆိုပါပြိုင်ပွဲအင်တာနက်စာမျက်နှာတွင် သရဖူရှင်ဓါတ်ပုံနေရာကို ဖျက်ထားပြီး “မေမြတ်နိုး(ဖြုတ်ချခံ)” ဟု ရေးသားပြုလုပ်ထားသည်။ ထို့အပြင် Miss Asia Pacific World Organization က သရဖူကို မြန်မာနိုင်ငံဒါရိုတ်တာ မလှနုထွန်းထံသို့ မီဒီယာများ ရှေ့မှောက်၌ ပြန်လည်အပ်နှံရန် မေမြတ်နိုးအား တောင်းဆိုထားကြောင်းလည်း သိရသည်။

Credit : News Watch(စောင့်ကြည့်သတင်းဂျာနယ်)

ရန်ကုန်မြို့ လူနေတိုက်ခန်းများ

အခုရက်ပိုင်းအတွင်း ပြည်သူတွေ စိတ်အ၀င်စားဆုံး သတင်းကတော့ ရန်ကုန်တိုင်း အစိုးရအဖွဲ့ရဲ့ ရန်ကုန်မြို့သစ် စီမံကိန်းကြီး အကြောင်းပါ။ ပြီးခဲ့တဲ့ သြဂုတ်လ ၂၂ ရက်နေ့က ကျင်းပတဲ့ ရန်ကုန်တိုင်း လွှတ်တော် အစည်းအဝေးမှာ ၀န်ကြီးချုပ် ဦးမြင့်ဆွေ ကိုယ်စား ရန်ကုန်မြို့သစ် စီမံကိန်းကိစ္စ မြို့တော်ဝန် ဦးလှမြင့်က သ၀ဏ်လွှာ ဖတ်ကြားခဲ့ပါတယ်။ သ၀ဏ်လွှာထဲမှာ အစိုးရအဖွဲ့အနေနဲ့ ရန်ကုန်မြို့သစ် စီမံကိန်း တစ်ခု လျှို့ဝှက် စီစဉ်ပြီး ဖြစ်တဲ့အကြောင်း၊ စုစုပေါင်း ဒေါ်လာ ၁၅ ဘီလျံလောက် ရင်းနှီးမြှုပ်နှံ လုပ်ကိုင်ရမယ့် အဲဒီ စီမံကိန်းကို “မြန်မာ့စေတနာ မြို့သစ် အများပိုင် ကုမ္ပဏီ”က တာဝန်ယူ အကောင်အထည် ဖော်ဖို့ ရွေးချယ်ထားပြီး ဖြစ်တဲ့အကြောင်း ပါဝင်ပါတယ်။ ဒီ သ၀ဏ်လွှာတင်ပြမှုကို တိုင်းလွှတ်တော် အမတ်တွေ အံ့သြကြသလို သတင်းကိုကြားသိရတဲ့ ပြည်သူတွေလည်း အံ့သြကြပါတယ်။

နောက်ပိုင်း ဒီကိစ္စ ပြည်တွင်း သတင်းမီဒီယာတွေရဲ့ ပြင်းထန်တဲ့ ဝေဖန်မှုကို ကြုံရပါတော့တယ်။ သတင်းမီဒီယာတွေ အဓိက ဝေဖန်ထောက်ပြခဲ့တဲ့ ကိစ္စကတော့ ဒေါ်လာ ၁၅ ဘီလျံလောက် ရင်းနှီးမြှုပ်နှံမယ့်ကိစ္စ ဘယ်သူမှ မသိတဲ့ ကုမ္ပဏီ တစ်ခုကို တိတ်တဆိတ် လုပ်ပိုင်ခွင့် ပေးလိုက်တဲ့ ကိစ္စပါ။ တစ်ပတ်လုံးလုံး မီဒီယာတွေရဲ့ ပြင်းထန်တဲ့ ဝေဖန်မှု ပေါ်ထွက်ပြီးနောက် သြဂုတ်လ ၂၈ ရက်ညမှာတော့ ပြန်ကြားရေး ၀န်ကြီးဌာန ၀က်ဘ်ဆိုက်က တဆင့် “ရန်ကုန်တိုင်း အစိုးရအဖွဲ့ရဲ့ သတင်းထုတ်ပြန်ချက်” ဆိုတာ ထွက်ပေါ်လာပါတယ်။ ရန်ကုန်တိုင်း အစိုးရအဖွဲ့ရဲ့ ရန်ကုန်မြို့သစ် စီမံကိန်း ဆိုတာ ဘာပါလဲ၊ သူတို့ ဘယ်လို ကြံစည်ခဲ့ကြသလဲ၊ မီဒီယာတွေရဲ့ ဝေဖန်မှု ထွက်ပေါ်လာပြီးနောက် ရန်ကုန်တိုင်း အစိုးရအဖွဲ့ ဘယ်လို ခြေလှမ်း ပြန်ပြင်သလဲ၊ ဘာတွေ ဖြစ်သင့်သလဲ ဆိုတာ ဆွေးနွေးတင်ပြသွားပါ့မယ်။

လွှတ်တော်ထဲမှာ မြို့တော်ဝန် ဦးလှမြင့် တင်ပြခဲ့တာကို အကျဉ်းချုံးပြန်ပြောရရင် စီမံကိန်း တည်နေရာဟာ ရန်ကုန်မြို့ရဲ့ အနောက်ဘက် ပန်းလှိုင်မြစ်နဲ့ တွံတေးတူးမြောင်းကြား၊ လှိုင်မြစ်နဲ့ လှိုင်သာယာ တွံတေးကားလမ်းကြားက မြေဧက ၃ သောင်းဝန်းကျင်ပေါ်မှာ လျာထားတယ်လို့ ဆိုပါတယ်။ အဲဒီ စီမံကိန်းကို မြန်မာ့စေတနာ မြို့သစ် အများပိုင် ကုမ္ပဏီက တာဝန်ယူ အကောင်အထည် ဖော်မယ်၊ ရင်းနှီးမြှုပ်နှံမှု ပမာဏ ကျပ် ဘီလျံ ၇၀၀၀ နဲ့ အမေရိကန် ဒေါ်လာ ၈ ဘီလျံရှိမယ်၊ စီမံကိန်းထဲမှာ မြို့ပြ အခြေခံ အဆောက်အဦတွေ အပါအ၀င် ၆ လမ်းသွား မြစ်ကူးတံတား (၅) စင်းပါမယ် လို့ ဆိုထားပါတယ်။

မြို့တော်ဝန်ဦးလှမြင့်က ဒီ ကိစ္စ အသေးစိတ် ပြောမသွားပေမယ့် ဒီ စီမံကိန်းရဲ့ စီးပွားရေး ပုံသဏ္ဍာန်ဟာ ရင်းနှီးမြှုပ်နှံတဲ့ ကုမ္ပဏီက မြို့ပြအင်္ဂါရပ်နဲ့ ညီတဲ့ Infrastructure အခြေခံ အဆောက်အဦတွေဖြစ်တဲ့ လမ်း၊ တံတား၊ လျှပ်စစ်၊ ရေ၊ ပန်းခြံ၊ ကစားကွင်း အစရှိတာတွေ လုပ်မယ်။ ဒါ့အပြင် အဆိုပြုထားတဲ့ အခြား မိဘမဲ့ ကလေး စာသင်ကျောင်းတစ်ခု၊ ဘိုးဘွားရိပ်သာ တစ်ခု စတာတွေ အကောင်အထည် ဖော်မယ်လို့ ဆိုထားပါတယ်။ ဒါက ကုမ္ပဏီဘက်က ရင်းနှီးမြှုပ်နှံ စိုက်ထုတ်ရမယ့် အပိုင်းပါ။ ပြီးရင်တော့ ကျန်တဲ့ မြေကွက်တွေမှာ အကောင်အထည် ဖော်မှာတွေကို စီမံကိန်းထဲပါတဲ့ အပိုင်းအလိုက် ပြန်ပြီး လက်ခွဲရောင်းစား ငွေပြန်ရှာ အမြတ်ပြန်ရအောင် လုပ်မယ့် စီမံကိန်းမျိုး ဖြစ်ပါတယ်။ ဟော်တယ်တွေ၊ စတိုးဆိုင် ကုန်စုံဆိုင်ကြီးတွေ၊ ကားဂိတ်တွေ၊ လူနေ တိုက်ခန်းတွေ၊ တန်ဖိုးနည်း အိမ်ယာတွေ၊ ရုံးခန်းတွေ၊ ဆိပ်ကမ်းတွေ အစရှိသဖြင့် ဖြစ်ပါတယ်။ လွယ်လွယ်ပြောရရင် မြေကွက်ဖော် မြေပြန်ရောင်းစား ဆိုတဲ့ စီမံကိန်းမျိုးပါ။

ဒီ စီမံကိန်းနဲ့ ပတ်သက်ပြီး ရန်ကုန်မြို့သစ် စီမံကိန်း တစ်ခု လိုအပ်တယ်ဆိုတာ၊ ဘယ်နေရာမှာ အကောင်အထည် ဖော်မယ် ဆိုတာနဲ့ ပတ်သက်ပြီး ဘယ်သူကမှ အငြင်းမပွားကြပါဘူး။ လိုအပ်တဲ့ အခြေအနေ လိုအပ်တဲ့ နေရာမှာ လုပ်တယ် လို့ပဲ သဘောထားကြပါတယ်။ ဒါပေမယ့် ဒီလောက် ကြီးမားတဲ့ စီမံကိန်းကြီးတစ်ခု ဘယ်သူမှ မသိတဲ့ မြန်မာ့စေတနာ မြို့သစ် အများပိုင် ကုမ္ပဏီကို တိတ်တဆိတ် လုပ်ပိုင်ခွင့် ပေးလိုက်တယ် ဆိုတဲ့ ကိစ္စကိုတော့ မေးခွန်းထုတ်ကြပါတယ်။ ဒီလိုနဲ့ မီဒီယာတွေဟာ အဲဒီ ကုမ္ပဏီ ဘယ်လို ကုမ္ပဏီဖြစ်တယ်၊ ဘယ်သူဦးဆောင်တယ်၊ ဘယ်မှာ အခြေစိုက်တယ် အစရှိသဖြင့် စုံစမ်းကြပါတော့တယ်။ စုံစမ်းဖော်ထုတ်ချက်တွေအရ အလွန့်အလွန်ကြီးမားတဲ့ စီမံကိန်းကြီးကို အကောင်အထည် ဖော်မယ့် ကုမ္ပဏီရဲ့ လိပ်စာဟာ ရွှေပြည်သာ မြို့သစ်မှာ ဖြစ်နေပါတယ်။ ကုမ္ပဏီ မှတ်ပုံတင် စာရင်းက လိပ်စာအတိုင်း သွားကြည့်တော့ ဘာရုံးခန်းမှ မရှိပါဘူး။ မှတ်တမ်းဖော်ပြချက်အရ ကုမ္ပဏီရဲ့ မတည်ရင်းနှီးငွေက ကျပ်သန်း ၁၀ဝ၀ ဖြစ်ပြီး ကနဦး ထည့်ဝင်ငွေက ကျပ်သန်း ၇၀ ပဲ ရှိတယ်လို့ သိရပါတယ်။ အလွန်နည်းတဲ့ ငွေပမာဏ ပါ။ ဒါရိုက်တာကတော့ ဦးသက်ဦးဆိုသူဖြစ်ပြီး မီဒီယာတွေ မေးသမျှ ဘာမှ မဖြေပါဘူး။ ရန်ကုန်တိုင်း အစိုးရ ညွှန်ကြားရေးမှူး ဦးအောင်ကျော်စိုးကတော့ ဒီ စီမံကိန်း ကုမ္ပဏီ တစ်ခုကို လုပ်ပိုင်ခွင့် ပေးလိုက်တာနဲ့ ပါတ်သက်ပြီး နိုင်ငံတော်ဘက်က ဘာ အကျိုးအမြတ်မှ မရဘူးလို့ ဆိုပါတယ်။

သတင်းမီဒီယာတွေနဲ့ ပြည်သူတွေ အဓိက စိတ်ဝင်စားတာက ဒီ စီမံကိန်းကြီးထဲမှာ ဘယ်သူတွေ ရင်းနှီးမြှုပ်နှံခွင့် ရကြမလဲ ဆိုတာပါ။ ရန်ကုန်တိုင်း သင်္ကန်းကျွန်း အမတ် ဦးကျော်ကတော့ ဒီ စီမံကိန်း အကောင်အထည် ဖော်မယ့် ကုမ္ပဏီထဲမှာ ၀န်ကြီးချုပ် ဦးမြင့်ဆွေရဲ့သား၊ မြို့တော်ဝန် ဦးလှမြင့်ရဲ့သား၊ အရင် ဒုသမ္မတ သီဟသူရ တင်အောင်မြင်ဦးရဲ့ သားတွေ ပါဝင်တယ်လို့ စွပ်စွဲပြောဆိုပါတယ်။ သတင်းမီဒီယာ တစ်ချို့ကတော့ ၀န်ကြီးချုပ် ဦးမြင့်ဆွေနဲ့ ရင်းနှီးတဲ့ တရုတ်စီးပွားရေးသမားတွေ ပါဝင်နေတယ် ဆိုပြီး စွပ်စွဲကြပါတယ်။ ဒီလို စွပ်စွဲပြောဆိုတာတွေနဲ့ ပတ်သက်ပြီး ရန်ကုန်တိုင်း အစိုးရအဖွဲ့ဘက်ကတော့ ဘာမှ ဖြေရှင်းတာ မလုပ်နိုင်ခဲ့ကြပါဘူး။

သြဂုတ်လ ၂၈ ရက်နေ့ ည ရောက်မှသာ “ရန်ကုန်မြို့သစ် စီမံကိန်း သတင်းထုတ်ပြန်ချက် ” ဆိုတာ ထုတ်ပြန်ပြီး “မကြာမီအချိန်ကာလအတွင်း ပွင့်လင်းမြင်သာစွာဖြင့် ရန်ကုန်မြို့သစ် စီမံကိန်း Developer တင်ဒါ ခေါ်ယူခြင်းကို ဆောင်ရွက် သွားမည် ဖြစ်ပါကြောင်းနှင့် အားလုံးပူးပေါင်းပါဝင် နိုင်သည့် အခွင့်အလမ်း များကို ဖန်တီးသွားမည် ဖြစ်ပါကြောင်း အသိပေးတင်ပြအပ်ပါသည်။ ” ဆိုပြီး ဖော်ပြခဲ့ပါတယ်။ ကုမ္ပဏီ တစ်ခုကို လက်သိပ်ထိုး လုပ်ပိုင်ခွင့် ပေးတဲ့ ကိစ္စ မဖြေရှင်းတော့ပဲ ပွင့်လင်းမြင်သာမှု ရှိရှိ တင်ဒါခေါ်တော့မယ်လို့ ပြင်ဆင် ကြေငြာလိုက်တာပဲ ဖြစ်ပါတယ်။

ဘယ်လိုပဲဖြစ်ဖြစ် ဒီ စီမံကိန်းကြီး အလွန်ကြီးမားပါတယ်။ ဒီအတွက် မြေလျော်ကြေးဆိုင်ရာ ကိစ္စ လွှတ်တော်ထဲမှာ ဆွေးနွေးပြီး ဥပဒေ ပြုပေးဖို့ လိုပါတယ်။ စီမံကိန်းပမာဏ ဟာ ဟံသာဝတီ အပြည်ပြည်ဆိုင်ရာ လေဆိပ်နဲ့ နိုင်ငံတကာ ဆက်သွယ်ရေး အော်ပရေတာ ခေါ်တဲ့ လုပ်ငန်း ပမာဏထက်တောင် ကြီးမားနေတဲ့အတွက် တင်ဒါရွေးချယ်ရေး အကြံပေး ကုမ္ပဏီကို အရင်ရွေးချယ် ခေါ်ယူဖို့ လိုပါတယ်။ အဲဒီ အကြံပေးကုမ္ပဏီကမှ တကယ် စီမံကိန်းဖော်ဆောင်မယ့် ပြည်တွင်း၊ ပြည်ပ ကုမ္ပဏီတွေကို စည်းကမ်းတကျ ပွင့်လင်းမြင်သာမှု ရှိရှိ ရွေးချယ်သင့်ပါကြောင်း သုံးသပ်တင်ပြလိုက်ရပါတယ်။
VOA

နာမည်ကျော် လက္ခဏာ ဆရာကြီး စံဇာဏီဘိုကို Tomorrowမှ မေးမြန်းရာ အချက်နှစ်ချက်အရ ဆယ်ယူနိုင်မည် မဟုတ်ကြောင်း၊ ပထမ အချက်မှာ ခေါင်းလောင်းကြီးသည် သမိုင်းကြောင်း အရလည်း တကယ်ရှိခဲ့ကြောင်း၊ ရေထဲသို့လည်း တကယ်ကျခဲ့ကြောင်းကို မိမိလက်ခံပါကြောင်း သို့သော် ခေါင်းလောင်းသည် သမိုင်းတွင် ဖော်ပြထားသကဲ့သို့ ကြီးချင်မှကြီးမည် ဖြစ်ကြောင်း၊ ထို့ကြောင့် ကျခဲ့သည့်နေရာ ဖြစ်သည့် ယခုဆယ်ယူနေသည့် နေရာတွင် ယခုအချိန် ရှိနိုင်မည် မဟုတ်ကြောင်း၊ ယခု ဆယ်ယူနေသည်မှာ လှေနံဓါးထစ် မှတ်ပြီး ဆယ်သလို ဖြစ်နေကြောင်း ဒုတိယအချက်မှာ လွန်ခဲ့သော နှစ်လေးရာခန့်က နစ်မြုပ်ခဲ့သော ခေါင်းလောင်းကို ခေတ်မီ နည်းစနစ်များ မသုံးပဲ ၀ိဇ္ဇာနည်းဖြင့် ဖော်ခြင်းမှာ မဖြစ်နိုင်ကြောင်း၊ အဆိုပါ ခေါင်းလောင်း ဆယ်သူများသည် ဆယ်မရပါက တိုင်းပြည် အုပ်ချုပ်သူများ မင်းကျင့်တရား မညီသဖြင့် ဆယ်မရဟု ဆင်ခြေပေးကြဦးမည် ဖြစ်ကြောင်း ဖြေကြားသွားသည်။

ရွှေတိဂုံဘုရားတွင် ကျင့်စဉ်များ ကျင့်ကြံနေသော အထက်လမ်းဝိဇ္ဇာ ဦးကျော်စွာက ခေါင်းလောင် ဆယ်ယူသည့် အဖွဲ့ အနေဖြင့် ယခုအခါ လေသံပြောင်းပြီး ခေါင်းလောင်းကြီး ရှာဖွေရန်သာ သူတို့ဆောင်ရွက်မည်ဖြစ်ပြီး ခေါင်းလောင်းကြီး တွေ့ရှိက ဆယ်ယူရန်မှာ အစိုးရ တာဝန်ဖြစ်ကြောင်း ပြောင်းလဲ ပြောဆိုလာသည်။ Tomorrow ဂျာနယ် ထွက်ရှိသည့် ယနေ့ သြဂုတ်လ ၂၆ရက်သည် ခေါင်းလောင်း ဆယ်ယူမည်ဟု ကြေငြာထားသော အဖွဲ့၏ နောက်ဆုံး သတ်မှတ်ထားသော ရက်ဖြစ်ရာ စာဖတ်ပရိသတ် အနေဖြင့် အမှန်တွေ့မတွေ့ကို ယခုစာဖတ်ချိန်တွင် သိနိုင်မည်ဖြစ်သည်။

သတင်းဓါတ်ပုံ- Tomorrow သတင်းဂျာနယ်


ရန်ကုန်မြို့သစ်စီမံကိန်းအဖြစ် ရန်ကုန်မြို့ အနောက်ဘက်ကြည့် မြင်တိုင်မြို့နယ်၊ ဆိပ်ကြီးခနောင်တို မြို့နယ် နှင့် တွံတေးမြို့နယ်များ တွင်တည်ရှိပြီး ပန်းလှိုင်မြစ်နှင့်တွံ တေးတူးမြောင်းကြား၊ လှိုင်မြစ်နှင့် လှိုင်သာယာ-တွံတေး ကားလမ်းကြားရှိ မြေနေရာများ၌ အကောင် အထည်ဖော်ရန် နေရာလျာထား ပြီး အဆိုပါစီမံကိန်းကို လူသိနည်းသည့် အများပိုင် ကုမ္ပဏီတစ်ခုဖြစ် သည့် မြန်မာ့စေတနာ မြို့သစ် အများပိုင်ကုမ္ပဏီကို တရားဝင်လုပ် ကိုင်ခွင့်ပေးလိုက်ခြင်းအပေါ် ဝေဖန်မှုများစွာ ထွက်ပေါ်လျက်ရှိသည်။…

အဆိုပါ ရန်ကုန်မြို့သစ် စီမံကိန်းနှင့်ပတ်သက်၍ သြဂုတ် ၂၂ ရက်က ပြုလုပ်သည့် ရန်ကုန်တိုင်း ဒေသကြီး ပထမအကြိမ် န၀မပုံမှန်လွှတ်တော်အစည်းအဝေးသို့ ရန်ကုန်တိုင်းဝန်ကြီးချုပ် ဦးမြင့်ဆွေက သ၀ဏ်လွှာပေး ပို့ခဲ့ပြီး ရန်ကုန် မြို့တော်ဝန်ဦးလှမြင့်က ဖတ်ကြားခဲ့ရာ၌ ““ရန်ကုန်မြို့သစ် စီမံကိန်း လျာထားနေရာအား မြို့ မြေအဖြစ် သတ်မှတ်ပြီးပါက မြေပိုင်ရှင်များ၊ စီးပွားရေးလုပ်ငန်းရှင်များ၊ စိတ်ဝင် စားသည့် နိုင်ငံသားလုပ်ငန်း ရှင်များ စုစည်းထားသည့် မြန်မာ့စေတနာ မြို့သစ်အများပိုင် ကုမ္ပဏီလီမိတက်အား တာဝန်ပေးအပ်ရန် စီမံ ထားပါတယ်။ စီမံကိန်းအကောင်အထည် ဖော်မည့် အပေါ် ဒေသခံပြည်သူလူထု၏ သဘောတူညီချက်ကိုလည်း ရရှိထားပြီးဖြစ်ပါတယ်။ နည်းစနစ်ကျနမှုနဲ့ ဘဏ္ဍာရန်ပုံငွေ အစီအစဉ် များလည်းခိုင်မာမှုရှိကြောင်း စိစစ် တွေ့ရှိ ရပါတယ်။ ဒီစီမံကိန်းနဲ့ပတ်သက်လို့ ကြိုတင်ပြင်ဆင်မှုပြုလုပ်ရာတွင် မလိုလားအပ်သည့် ရှုပ်ထွေးမှုများ ဖြစ်ပေါ် လာနိုင်တဲ့ အတွက် စီမံကိန်းသတင်းလုံခြုံမှု ကို ကန့်သတ်ခဲ့ရခြင်း ဖြစ်ပါတယ်”” ဟု ပါဝင်သည်။

ရန်ကုန်မြို့တော်ဝန် ဦးလှမြင့်က သ၀ဏ်လွှာဖတ်ကြားအပြီးတွင် စီမံကိန်းသ၀ဏ်လွှာအား တရား ၀င်ဝေငှပေး ရန် ရန်ကုန်တိုင်းဒေသကြီး လွှတ်တော်ကိုယ်စားလှယ် ဒေါက်တာဒေါ်ညိုညိုသင်းက လွှတ်တော် ဥက္ကဋ္ဌထံ ကြားဖြတ်အစီအစဉ် တောင်းဆို၍ ယင်းသ၀ဏ်လွှာအား ဝေငှပေးရန် ပြောကြား ခဲ့သည်။

““သ၀ဏ်လွှာ မဝေပါဘူး။ တရားဝင်ဝေပေးပြီးတော့ လွှတ်တော်ကိုယ်စားလှယ်တွေ ကို လွှတ်တော်ရဲ့နောက် ဆုံးနေ့မှာ ဆွေးနွေးခွင့်ပေးပါဆိုပြီး အန်တီက ထပြောတယ်။ ဒါပေမဲ့ လွှတ်တော်ဥက္ကဋ္ဌက ဘာမှမပြောဘူး။ ပါး စပ်ပိတ်နေတယ်။ အဲဒီနေ့က ဦးနန္ဒကျော်စွာ တောင် လေ့လာသူအနေနဲ့ တက် တယ်။ အန်တီ ချက်ချင်း ထ ပြော တာတောင် ဥက္ကဋ္ဌကြီးက ဘာမှ မပြောဘူး။ ဒါနဲ့ပတ်သက်ပြီး အရေးကြီးအဆိုတင်သွင်းပြီး ဆွေးနွေးသင့် ပါတယ်။ ဥက္ကဋ္ဌကြီးက ဘာမှမပြောတာတော့ မလုပ်ပေး ချင်လို့ မပြောတာလို့ ထင်တယ်။ ဘာမှမပြောဘဲ နှုတ် ဆိတ်နေပြီး မကြားသလိုနဲ့ နောက်အစီအစဉ် တစ်ခု ဆက်သွားတယ်”ဟု ဒေါက် တာဒေါ်ညိုညို သင်းက အဆို ပါနေ့က အဖြစ်အပျက်ကို မြန်မာ သံတော်ဆင့်သို့ ပြောသည်။

အဆိုပါ မြို့သစ်စီမံကိန်းကို ရန်ကုန်တိုင်းအစိုးရအနေနှင့် အသေး စိတ်တင်ပြစေ လိုကြောင်း တိုင်း ဒေသကြီး လွှတ်တော်အမတ်များက တောင်းဆို တင်ပြခဲ့သော်လည်း လွှတ်တော်ဥက္ကဋ္ဌက တစ်စုံတစ်ရာ ပြန် လည် ဖြေကြားခဲ့ခြင်း မရှိသကဲ့ သို့ ဆွေးနွေးသွားရန်လည်း အစီ အစဉ်မရှိသည့်အပေါ် တိုင်းဒေသ ကြီး လွှတ်တော် အမတ်များက ဝေဖန်ပြောဆိုမှုများရှိနေသည်။ ထို့ ပြင် တိုင်းဒေသကြီးလွှတ်တော်တွင် မြို့တော်ဝန်ဦးလှမြင့်က ရန်ကုန် တိုင်းဒေသကြီး ၀န်ကြီးချုပ် ဦးမြင့်ဆွေကိုယ်စား သ၀ဏ်လွှာ လာရောက်ဖတ်ကြားခြင်းမှာ လွှတ် တော်၏အကြံပြုချက် တောင်းခံ ခြင်းမဟုတ်ဘဲ အဆိုပါစီမံကိန်း ကို ဆောင်ရွက်ရန် ဆုံးဖြတ်ထား ပြီးဖြစ် ကြောင်း၊ မြို့ပြစီမံကိန်းအကြောင်းကို လွှတ်တော်အား အသိပေးရုံ သက်သက် လာရောက်ပြောကြား ခြင်း သာဖြစ်ကြောင်းလည်း တိုင်းဒေသကြီး လွှတ်တော်အမတ်များ က ဝေဖန်ပြောဆိုကြသည်။

““တချို့စီမံကိန်း ကိစ်္စတွေမှာ ပြည်ထောင်စုအစိုးရကို တင်ပြပြီးဆောင်ရွက်နိုင် တယ်ဆိုရင် သူတို့ အနေနဲ့ လုပ် ပိုင်ခွင့်ရှိတယ်။ သို့ သော်လည်းပဲ ဒေသဖွံ့ဖြိုးရေး ဆိုရင် လွှတ်တော်ကိုလည်း တင်ပြရမယ်။ လွှတ်တော်ဥပဒေ ပုဒ်မ (၆၂) မှာ လွှတ်တော် ကိုယ်စားလှယ်များဟာ ဆိုရင် ပြည်သူက ရွေးချယ်တင် မြှောက်ထားတဲ့ ကိုယ်စား လှယ်များ ဖြစ်တဲ့အတွက်ကြောင့် ညှိနှိုင်းတိုင်ပင်အပ်သော ပုဂ်္ဂိုလ်များဟု မှတ်ယူရမည်လို့ ပြဋ္ဌာန်းထားတယ်။ ဒီပြဋ္ဌာန်းချက်ကို ရန်ကုန်တိုင်းဒေသ ကြီးအစိုးရက လျစ်လျူရှုတယ်လို့ပဲ ပြောရမှာပေါ့။ ဒီကိစ္စဟာ ပွင့်လင်းမြင် သာမှု မရှိတာ ထင်ရှားနေတယ်။ အခုလက်ရှိ စီမံကိန်းနဲပတ် သက်လို့ ဘယ် အတိုင်းအတာထိ ကျယ်ပြန့်လာ မလဲ စောင့်ကြည့်ပြီးတော့ လိုအပ်ရင် အဆိုတင်သွင်း ဆွေးနွေးမယ်ပေါ့””ဟု တိုင်းဒေသကြီး လွှတ်တော် ကိုယ်စားလှယ် ဦးကျော်က မြန်မာသံတော်ဆင့်သို့ ပြောသည်။

ဦးမြင့်ဆွေ၏ သ၀ဏ်လွှာတွင် မြို့သစ်စီမံကိန်းနှင့် ပတ်သက်၍ မြန်မာ့စေတနာမြို့သစ်အများပိုင် ကုမ္ပဏီမှ မြန်မာကျပ်ငွေ ဘီလီယံ ၇၀၀၀ (အမေရိကန်ဒေါ်လာ ၈ ဘီလီယံ)အကုန်အကျခံပြီး ၃ နှစ် အတွင်း ၇၀ရာခိုင် နှုန်းပြီးစီးအောင် ဆောင်ရွက်ရန် သဘောတူညီမှုရ ရှိထားကြောင်း၊ အဆိုပါကုမ်္ပဏီက စီမံကိန်းမြေနေရာအတွင်း တန်းဖိုး နည်းတိုက်ခန်း(၂)သောင်း၊ ကျောင်းသား ၁၀၀၀ ဆံ့ စာသင်ကျောင်း(၁)ကျောင်း၊ ဘိုးဘွားရိပ်သာ (၁) ဆောင်နှင့် (၆)လမ်းသွား တံတား (၅)စင်းကို တည်ဆောက်သွားမည် ဟု ပါရှိသည်။ ထို့ပြင် စီမံကိန်း မြေနေရာ အတွင်းရှိ လယ်မြေများကို မြို့မြေအဖြစ် အမိန့်ထုတ်ပြန်နိုင်ရေးကို ဥပဒေအရ ဆောင်ရွက် လျက်ရှိကြောင်း၊ မြို့သစ်စီမံကိန်း မြေနေရာအတွင်းရှိ လယ်မြေပိုင်ရှင်များကိုလည်း နစ်နာမှုမရှိစေရန် ကုမ္ပဏီဘက်မှ လုံးဝ တာ ၀န်ယူ ဖြေရှင်းပေးမည်ဖြစ်ကြောင်း၊ မြို့သစ်နေရာများအတွက် လိုအပ်သော ရေသန့်၊လျှပ်စစ်နှင့် အခြား အခြေ ခံအဆောက်အအုံများကို လည်း တည်ဆောက်ပေးသွားမည် ဖြစ်ကြောင်း ပါရှိသည်။

သို့သော် အဆိုပါစီမံကိန်းကို လုပ်ကိုင်ခွင့်ရသည့် ကုမ္ပဏီ၏ ပိုင်ရှင်နှင့် လုပ်ကိုင်ခွင့် မည်သို့ ပေးအပ်ခဲ့သည့် ဆို သည့် အချက်များ မပါရှိပေ။ ထို့ပြင် စီမံကိန်းမြေ နေရာရှိမြေပိုင်ရှင်များနှင့်ညှိနှိုင်းမှု များ၊ မည်သည့်အချိန်က စတင် ဆောင်ရွက်ခဲ့သည့် အသေးစိတ် အချက်အလက်များကို ထုတ်ဖော် ပြောကြားခြင်းမရှိပေ။ ထိုသို့ ပွင့် လင်းမြင်သာမှုမရှိသည့် အခြေအနေများကြောင့် အဆိုပါစီမံကိန်းနှင့် သက်ဆိုင်သည့်သတင်းများ မီဒီယာ များ တွင်ဖော်ပြလာချိန်တွင် ပြည် သူများလည်း အံ့အားသင့်ခဲ့ရကာ အဆိုပါ အခြေအနေများအတွက် ရန်ကုန်မြို့ တော်ဝန်ကို သတင်းမီဒီယာများမှ ဆက်သွယ်မေးမြန်းရာတွင်လည်း ပြန်လည်ဖြေကြားခြင်း မရှိပေ။

မြို့သစ်စီမံကိန်းနှင့် ပတ်သက်၍ ရန်ကုန်တိုင်း ဒေသကြီးအစိုးရ၏ ပွင့်လင်းရိုးသားမှုမရှိသည့် အပေါ် သတင်းစာ၊ ဂျာနယ်အချို့၏ ပင်တိုင်ဆောင်းပါးရှင် ဆရာစည်သူ အောင်မြင့်က““လွှတ်တော်နဲ့ပြည် သူလူထုအပေါ် မှာ လောက်ပဲ လျှို့ဝှက်ထားပေမယ့် လူပေါင်းများစွာ နဲ့ ကျိတ်ပြီးဆွေးနွေး၊ ကျိတ်ပြီး အခွင့်အရေးပေး၊ ကျိတ်ပြီး သဘော တူညီချက်တွေ လုပ်ခဲ့တာကတော့ ပေါ်လွင်နေ ပါတယ်။ ဒေသခံ ပြည် သူလူထုရဲ့ သဘောတူညီချက် ရရှိ ထားပြီးပြီဆိုကတည်းက လျှို့ဝှက်တဲ့ သဘောလည်း မသက်ရောက်ပါဘူး။ ဦးလှမြင့်ရဲ့ ပြောဆိုချက် သဘာ ၀မကျဘူးလို့ ထောက်ပြ ချင်ပါတယ်။ ဒီစီမံကိန်းတင်ပြမှုနဲ့ ပတ်သက်ပြီး သော့ချက်အကျဆုံး ပြဿနာကြီးတစ်ခု ကတော့ ဒေါ်လာ (၁၅)ဘီလီယံလောက် တန်ကြေး ရှိမယ့် စီမံကိန်းကြီးကို “မြန်မာ့ စေတနာမြို့ သစ်အများပိုင် ကုမ္ပဏီ” ဟုအမည်ပေးထားသည့် ဘယ်သူမှ မသိတဲ့ ကုမ္ပဏီတစ်ခုကို လုပ်ပိုင်ခွင့်ပေးလိုက်တာပါ။ မသိတာမှ မြန်မာနိုင်ငံ ရင်းနှီးမြှုပ်နှံမှု ကော်မရှင်အတွင်းရေးမှူး ဦးအောင်နိုင်ဦးက စီမံကိန်းကိုရော၊ ကုမ္ပဏီကိုပါ မသိဘူး လို့ ဆိုပါတယ်။ အလားတူ ဘဏ္ဍာရေးဒုဝန်ကြီး ဦးမောင်မောင် သိမ်းကလည်း သူတောင် မသိရဘူးလို့ ပြောပါ တယ်။ နာမည်ကြီး စီးပွားရေးလုပ်ငန်းရှင်တစ်ယောက် ဖြစ်သည့် တော်ဝင်ကုမ္ပဏီပိုင်ရှင် ဦးကိုကိုထွေးကလည်း ဒီကုမ္ပဏီနာမည် မကြားဖူးပါဘူးလို့ ပြောပါ တယ်။ ဒါပေမဲ့ ၀န်ကြီးချုပ်ဦးမြင့် ဆွေရဲ့သ၀ဏ်လွှာထဲမှာတော့ အဲဒီ ကုမ္ပဏီနဲ့ပတ်သက်ပြီး ““နည်းစနစ်ကျနမှုနှင့် ဘဏ္ဍာရန်ပုံငွေများလည်း ခိုင်မာမှုရှိကြောင်း စိစစ်တွေ့ရှိရပါ သည်”” ဆိုပြီးဖော်ပြထားတယ်။ ရှင်းရှင်းလင်းလင်းဝေဖန်ရရင် ရန်ကုန် တိုင်းဝန်ကြီးချုပ် ဦးမြင့်ဆွေနဲ့ အစိုးရ အဖွဲ့ဝင်တချို့ဟာ ယင်း ကုမ္ပဏီတာဝန်ရှိသူတွေနဲ့ အနီးကပ် ပူးပေါင်းပြီးမှ ဒီစီမံကိန်းကိုလျှို့လျှို့ ၀ှက်ဝှက် ကျိတ်ကြံစည် အကောင် အထည်ဖော်ခဲ့တယ်လို့တောင် ပြော နိုင်ပါတယ်။ ဒါက အလွန်မဖြစ် သင့်တဲ့ကိစ္စပါ”” ဟု ဧရာဝတီသတင်း ဌာနတွင် ဆောင်းပါးရေးသားဝေဖန် ထားသည်။

လတ်တလောတွင် အဆိုပါ မြို့သစ်စီမံကိန်း၏ ပွင့်လင်းမြင်သာ မှုမရှိသည့်အခြေအနေများအတွက် ဝေဖန်မှု များစွာ ထွက်ပေါ်နေသော် လည်း ရန်ကုန်တိုင်းဒေသကြီးအစိုးရ အနေဖြင့်မူ တစ်စုံတစ်ရာပြန်လည် ရှင်းလင်းမှု ပြုလုပ်ခြင်းမရှိသေးပေ။ ထို့ပြင် ရန်ကုန်တိုင်းဒေသကြီးအစိုးရ၏ လုပ်ရပ်သည် နိုင်ငံတော်၏ အုပ်ချုပ်ရေး မဏ္ဍိုင်ကြီး (၃)ရပ်တွင် အုပ်ချုပ်ရေးမဏ္ဍိုင်က ပြည်သူများရွေး ချယ်တင်မြှောက်ထားသည့် လွှတ်တော်ကိုယ် စားလှယ်များပါဝင်သည့် ဥပဒေပြုရေးမဏ္ဍိုင်ကို မထီမဲ့မြင်ပြု သည့်အပြုအမူမှာ ဒီမိုကရေစီကျင့် ၀တ်ချိုးဖောက် ခြင်းပင်ဖြစ်သည် ဟူသော ဝေဖန်မှုများ ရှိနေသည်။

ရန်ကုန်တိုင်း ဒေသကြီးလွှတ်တော် ကိုယ်စားလှယ် ဒေါက်တာ ဒေါ်ညိုညိုသင်းက ““အစိုးရအဖွဲ့က လွှတ်တော် ကိုယ်စားလှယ်တွေကို ဂရုလည်း မစိုက်ဘူး။ လွှတ်တော် ကိုယ်စားလှယ်တွေနဲ့ ဖွဲ့စည်းထား တဲ့ ရန်ကုန်တိုင်း လွှတ်တော်ကြီးကိုလည်း ဂရုမစိုက်ရာ ရောက်တယ်။ ဒီလွှတ်တော်ဟာ ဖွဲ့စည်းပုံ အခြေခံဥပဒေအရ ပေါ်ပေါက် လာ တာဖြစ်တဲ့အတွက်ကြောင့်မို့လို့ ဖွဲ့ စည်းပုံအခြေခံဥပဒေကိုလည်း ချိုး ဖောက်ရာရောက်တယ်။ ဂရုမစိုက် ရာရောက်ပါတယ်”ဟု သုံးသပ်ပြော ကြားသည်။

တင်ဇာအောင်

မြန်မာသံတော်ဆင့်သတင်းဌာန

စစ်အစိုးရမှ အရပ်သားအစိုးရသို့ ပြောင်းလဲလိုက်ခြင်းမှာ “အပြောင်းအလဲ” သာ ဖြစ်ပြီး “ပြုပြင်ပြောင်း လဲခြင်း”မဟုတ်ပေ။ အဘယ်ကြောင့်ဆိုသော သူတို့သည် ပြုပြင်၍ ပြောင်းလဲခြင်း မဟုတ်ဘဲ အရပ်သားဝတ်စုံသို့ ပြောင်းလဲ လိုက်ခြင်းသာဖြစ် . . . အစိုးရသစ် စတက်လာစဉ်က သမ္မတ မိန့်ခွန်းပြောရာ ၌ နိုင်ငံရေးအကျဉ်းသား မရှိဟု ပြောင်ပြောင်တင်းတင်းပင် ပြောဆိုခဲ့ . . .

~~~~~~~~~~~~~~~~~~~~~~~~~~~~~~~~~~~~~~~~~~~~~~~

မြန်မာနိုင်ငံ၏ ပြုပြင်ပြောင်းလဲရေးမှာ အတိုက်အခံ အင်အားစုနှင့် အာဏာရ စစ်အုပ်စုကြား ညှိနှိုင်းဆွေးနွေးပြီး တူညီသည်များကို အကောင်အထည်ဖော်၊ မတူညီသည်များကို ဆက်လက်ဆွေးနွေးကာ အလျှော့အတင်း သဘောဖြင့် ပြုပြင်ပြောင်းလဲရေး လမ်းကြောင်းကို လျှောက်ခြင်း မဟုတ်ပေ။ မြန်မာနိုင်ငံမှ အတိုက်အခံ အင်အားစုမှာ အောက်ကြေးမှ ဖြစ်ကာ ယခင်စစ်အစိုးရ ယခုစစ်အုပ်စု အစိုးရသစ်မှာ အပေါ်ကြေးဖြင့် သူတို့ ချမှတ်ထားသော မူဝါဒအတိုင်း လျှောက်လှမ်းခြင်းဖြစ်သည်။ စစ်ယူနီဖောင်း နေရာတွင် အရပ်ဝတ်ဝတ် ကာ ပြောင်းလဲ အုပ်ချုပ်ခြင်းသာဖြစ်၏။ အရပ်ဝတ် ပြောင်းလဲဖို့အတွက် ၁၀ နှစ် ၁၀ မိုး စည်းကမ်းပြည့်ဝသော ဒီမိုကရေစီ ရေးဆွဲမည်ဟု အမျိုးသားညီလာခံတွင် ပြုလုပ်ခဲ့ခြင်း ဖြစ် သည်။ တောင်အာဖရိကမှ ဒီကလပ်နှင့် မြန်မာပြည်မှ ဗိုလ်သန်းရွှေတို့မှာ လုံးဝ ကွာခြားလှလေသည်။ ဗိုလ်သန်းရွှေနှင့် စစ်ဗိုလ်ချုပ် တစ်စုမှာ သူတို့ အကျိုးစီးပွား ကာကွယ်ရေးကိုသာ စဉ်းစားခဲ့ကြသည်။ … သူတို့၏ တစ်သွေး၊ တစ်သံ၊ တစ်မိန့်မူဖြင့် ကမ္ဘာပေါ်တွင် ဆက်လက် ရပ်တည်၍ မရကြောင်း သဘောပေါက်လာသည်။ တစ်ချိန်တည်းတွင် အာဏာရှင်တို့၏ အရုပ်ဆိုး အကျည်းတန်လှသော ဇာတ်သိမ်းများကို ကျောချမ်းလာပုံရ၏။ ထိုအခါ မြွေမသေ၊ တုတ်မကျိုးလမ်းစဉ်ကို စစ်ဗိုလ်ချုပ်များက အလေးအနက် တိုင်ပင်ခဲ့၏။ လူထုတောင်းဆိုသော ဒီမိုကရေစီလည်း ပါရမည်။ သူတို့လည်း အာဏာ ဆက်ကိုင်စွဲထားရမည်ဟု သူတို့ဘာသာ ကုလားဖန်ထိုးပြီး ညောင်နှစ်ပင် ညီလာခံကျင်းပကာ လမ်းပြမြေပုံ ၇ ချက် ရေးဆွဲခြင်း၊ ၂၀၀၈ ဖွဲ့စည်းပုံ ရေးဆွဲခြင်း၊ ကြံ့ဖွံ့အဖွဲ့ကို ပြည်ခိုင်ဖြိုး ပါတီအဖြစ် ပြောင်းခြင်းတို့ကို အစီအစဉ်နှင့် လုပ်ဆောင်ကာ သူတို့ကို ကာကွယ်မည့် စစ်တပ်ကို ထိပ်တန်းတင်ကာ အပြောင်းအလဲဟု ကမ္ဘာသိ ကြွေးကြော်ပြီး အနောက်အုပ်စု၏ ထောက်ခံမှုကို ရယူခဲ့သည်။ စင်စစ်အားဖြင့် စစ်အစိုးရမှ အရပ်သား အစိုးရသို့ ပြောင်းလဲ လိုက်ခြင်းမှာ “အပြောင်းအလဲ”သာဖြစ်ပြီး “ပြုပြင်ပြောင်းလဲခြင်း” မဟုတ်ပေ။ အဘယ်ကြောင့်ဆိုသော သူတို့သည် ပြုပြင်၍ ပြောင်းလဲခြင်း မဟုတ်ဘဲ အရပ်သား ၀တ်စုံသို့ ပြောင်းလဲ လိုက်ခြင်းသာ ဖြစ်လေသည်။

ထိုအနေအထားကို အတိုက်အခံ အင်အားစုများကလည်း အင်နှင့်အားနှင့် ဘက်ပြိုင်ရင်း အန်တုနိုင်စွမ်း မရှိခဲ့ပေ။ တောင်အာဖရိကတွင် အသားအရောင် ခွဲခြားမှုစနစ်ကို ပြောင်းလဲစဉ်က ANC ပါတီနှင့် တောင်အာဖရိက လူမည်းတို့တွင် အားရှိသည့် ခေါင်းဆောင်မှု ကောင်းကောင်း ရှိသလို နောက်လိုက်ကောင်း များများ ရှိကြသည်။ လူဖြူအစိုးရကို ဖြုတ်ချဖို့ အသက်ပင် ပေးရပေးရ အသားအရောင် ခွဲခြားမှုစနစ်ကို တိုက်ဖျက် လိုသော အင်အား ကောင်းကောင်းရှိ၏။ မြန်မာ နိုင်ငံ တွင် အတိုက်အခံ အင်အားဟူ၍ NLD သာရှိသည်။ NLD တွင် လူထု ထောက်ခံသော၊ ဒီမိုကရေစီ ခေါင်းဆောင်မှာ ဒေါ်အောင်ဆန်းစုကြည်သာ ရှိ၏။ NLD စဖွဲ့စည်းစဉ်က ပါဝင်သော ခေါင်းဆောင် အတော်များများမှာ ထောင် ထဲတွင် ကျဆုံး ကုန်ကြသည်။ ဦးဝင်းတင်လို ပုဂ္ဂိုလ်မျိုးမှာလည်း ထောင်နှစ်ရှည် ကျခံနေရသည်။ NLD ပါတီ စထောင်စဉ်က ပထမ မျိုးဆက်မှာ ပြုတ် သလောက် ဖြစ်သွား၏။

ဒုတိယမျိုးဆက် ခေါင်းဆောင်မှုဖြင့် ထောင်မှ လွတ်လာသော သူများနှင့် စုစည်းကာ မျိုးဆက်သစ်များဖြင့် လျှောက်လှမ်းနေ ရသည်။ ဒေါ်အောင်ဆန်းစုကြည်မှာ အာဏာရဖို့ နိုင်ငံရေး လောကထဲ ၀င်လာခြင်း မဟုတ်ဘဲ သူနှင့် ကင်းကွာနေသော မြန်မာနိုင်ငံမှာ ကုန်းကောက်စရာပင် မရှိအောင် မွဲတေနေပြီး သူနေခဲ့သော အနောက်နိုင်ငံများနှင့်ယှဉ်လျှင် ဒီမိုကရေစီမှာ မူးလို့ပင် ရှူစရာ မရှိသောကြောင့် မြန်မာပြည်သူများကို စာနာစိတ်၊ တိုင်းပြည်ချစ်စိတ်၊ ပြာပုံ ထဲ ရောက်နေသော မြန်မာနိုင်ငံကို ပြန်လည် ထူထောင်လိုစိတ်များဖြင့် လင်လည်းသေ၊ သားများနှင့်လည်း အဆက်ပြတ် သွားသော်လည်း သူ့ဘ၀ကို ဒီမိုကရေစီ တိုက်ပွဲများတွင်သာ မြှုပ်နှံထား လိုက်လေသည်။ တိုက်ပွဲကို မဟာဗျူဟာ နည်းဗျူဟာ များဖြင့် တစ်ဆင့်ပြီး တစ်ဆင့် တိုက်ခိုက်ဖို့ နည်းလမ်းလည်း မရှိခဲ့ပေ။ စစ်အာဏာရှင်တို့ကမူ စစ်တပ်က ဖွဲ့စည်းသော အဖွဲ့အစည်းပီပီ၊ စစ်စည်းကမ်း၊ စစ်မိန့်များဖြင့် ညောင်နှစ်ပင် ညီလာခံမှအစ လမ်းပြမြေပုံ ၇ ချက်၊ ၂၀၀၈ ဖွဲ့စည်းပုံတို့ဖြင့် တစ်ဆင့်ပြီးတစ်ဆင့် လှမ်းတက်လာသည်။ အရပ်သားအစိုးရတွင် လာဘ်စားမှု၊ ရမ်းကားမှု နည်းသော သို့မဟုတ် မရှိသော သူများကို တာဝန်ပေးလာသည်။

နိုင်ငံတကာမှ အမြင်ကောင်း အောင် ပေါင်းသင်းဆက်ဆံရေး ကောင်းရမည်။ ချိုသာသိမ်မွေ့ရမည်။ ဟုတ်သော်ရှိ မဟုတ်သော်ရှိ လူကြိုက်အောင် ပြောတတ်ရမည်။ မိမိတို့ အာဏာကို မထိခိုက်သရွေ့ တချို့ အနှောင်အတည်းများကို ဖြတ်တောက် ပစ်ရမည်။ ဥပမာ စာနယ်ဇင်း လွတ်လပ်ခွင့်မျိုး၊ စာပေနှင့် စာနယ်ဇင်း လွတ်လပ်ခွင့် ပေးလိုက်ရုံနှင့် စစ်အာဏာရှင် အဟောင်း၊ အသစ်တို့၏ အကျိုးစီးပွားကို ထိပါးသွားမည်မဟုတ်။ သူတို့ ရမ်းကား နှိပ်စက်ခဲ့သည်များကို ရေးသားကြရုံသာရှိသည်။ အရေးယူခွင့် ရှိသည်မဟုတ်။ စစ်တပ်က သူတို့လက်ထဲ၊ ရဲက သူတို့ လက်ထဲ၊ တရားရုံးက သူတို့လက်ထဲတွင် ရှိသည် မဟုတ်ပါလော။ တရားဥပဒေမှာ လွတ်လပ်ပြီး အမှီအခို ကင်းသည့် တရားရေးဌာန အောက်တွင် မရှိသေးပေ။ မကြာခင်က ကန့်ဘလူရှိ လယ်သမားများကို တရားရုံးက ထောင်ဒဏ် ၁ နှစ်၊ ၆ လ စသည်ဖြင့် ထောင်ချလိုက်ရာ တရားသူကြီးကိုယ်တိုင်က စစ်တပ်က ချခိုင်း၍ ချရ ပါသည်ဟု ပြောကြားခဲ့သည်။ တရားဥပဒေ အထက် မည်သူမှ မရှိဟု နားထောင် ကောင်းအောင် ပြောနေ ကြသော်လည်း တရားဥပဒေအထက် မည်သူတွေ ရှိနေသလဲ ဆိုသည်ကို သိနိုင်ပါသည်။ စာနယ်ဇင်း သမားများကို ထောင်ဒဏ် ၁၀ နှစ် ချမှတ်သည်အထိ နှိပ်ကွပ်လာသည်။ ၁၀ နှစ် ထောင်ဒဏ်ချစရာ အကြောင်းမရှိ၊ သတင်းယူရုံ၊ သတင်းရေးရုံဖြင့် ထိုသို့ထောင်ဒဏ် ချမှတ်သည်မှာ ကမ္ဘာ့စာနယ်ဇင်း လောကတွင် တစ်ခါမှ မရှိဖူးပေ။ တရား ဥပဒေအထက် မည်သူမျှ မရှိဟု သစ္စာရေသောက်ပြီး ပြောလျှင်လည်း ယုံနိုင်စရာမရှိပေ။ အဘယ်ကြောင့်ဆိုသော် မိမိကိုယ်တိုင် အထူးတရားရုံးတွင် ထောင်ဒဏ် ၅ နှစ် ချမှတ် ခံရစဉ်က တရားသူကြီး ကိုယ်တိုင်က ““ကျွန်တော်က ထောင်ဘယ် လောက်ချ၊ ဘယ်လို လွှတ်ခွင့်ပေးဆိုတာ တွေ မဆုံးဖြတ်နိုင်ပါဘူးဗျာ။ ထောက်လှမ်းရေး က ထောင်ဘယ်နှနှစ်ချဆိုရင် ချရပါတယ်။ ဒီမှာ ကြည့်ပါဗျာ””ဟုဆိုကာ စာရွက်တိုလေးကို ပြသည်။ ထိုစာရွက်တွင် ထောင်ဒဏ် ၅ နှစ်ချပါဟု ရေးထားပြီး အောက်တွင် လက်မှတ်တစ်ခု ရေးထိုးထားကြောင်း ကျွန်တော့်ယောက္ခမက ပြောပြပါသည်။ ထိုသို့ အဖြစ် အပျက်များမှာ အဆန်း မဟုတ်တော့ပေ။

ထိုအခြေအနေများမှာ စစ်အစိုးရ ခေတ်ကနှင့် ယခုအပြောင်းအလဲ မရှိသေး။ မြေယာများ အဓမ္မသိမ်းထားမှုကို ဆန္ဒပြနေသော လယ်သမားများကို ထောင်ချနေသည်ကိုပင်ကြည့်။ စာနယ်ဇင်းသမားများကို ဖမ်းဆီး ထောင်ချခြင်း၊ ခေါ်ယူ မေးမြန်းခြင်းများကိုပင်ကြည့်။ ယခင်စစ်အစိုးရနှင့် ဘာများ ကွာခြားပါသလဲ။ စစ်အစိုးရ ကာလနှင့် ယခုကွာခြားသည်မှာ ယခင်လို လက်ရဲဇက်ရဲနှင့် ထင်တိုင်းကြဲခြင်းမျိုး မရှိတော့ခြင်းပင်။ ယခင်လို ထင်တိုင်းကြဲပြီး မည်းမည်းမြင်ရာ ပစ်တာမျိုး မလုပ်တော့ဘဲ သူတို့အကျိုး မထိခိုက်သည်ကို ပစ်ထားပြီး သူတို့ အကျိုး ထိခိုက်လာပါက မညှာမတာ လက်ရဲဇက်ရဲ လုပ်ခြင်းမှာ လက်ပံတောင်းတောင် ဆန္ဒပြမှုကို နပန်းဗုံးသုံး ကာ ဖြိုခွဲလိုက်ခြင်းက သာဓကဖြစ်ပါသည်။ သမ္မတ ဦးသိန်းစိန် ကိုယ်တိုင်သည်ပင်လျှင် ပထမ စစ်အစိုးရခေတ် မဆလ အာဏာရစဉ်က ဥပဒေများအတိုင်း နိုင်ငံရေး အကျဉ်းသားဆိုသည်ကို လက်မခံ။ နိုင်ငံရေး အကျဉ်းသား ဆိုသော အသုံးအနှုန်းကိုပင် လက်မခံခဲ့ပေ။ နိုင်ငံရေး ပြစ်မှုဖြင့် ထောင်ကျသူရှိသည်ကို လက်မခံ။ တည်ဆဲ ဥပဒေကို ချိုးဖောက်သူ၊ အစိုးရ ဆန့်ကျင်သူများမှာ ဥပဒေကို ချိုးဖောက်ခြင်း၊ တည်ဆဲဥပဒေကို မလိုက်နာခြင်း၊ နိုင်ငံတော် အစိုးရကို ဆန့်ကျင်ခြင်းများကြောင့် ပြစ်မှုကျူးလွန်သူများအဖြစ် ခိုးမှု၊ ဓားပြမှု၊ လူသတ်မှု၊ မုဒိမ်းကျင့်မှု၊ ခါးပိုက် နှိုက်မှု စသော ဒုစရိုက်မှု ကျူးလွန်သူများနှင့် တစ်တန်းတည်းဟု သတ်မှတ်ခဲ့သည်။ ထို့ကြောင့် အစိုးရသစ် စတက်လာစဉ်က သမ္မတ မိန့်ခွန်းပြောရာ၌ နိုင်ငံရေးအကျဉ်းသား မရှိဟု ပြောင်ပြောင် တင်းတင်းပင် ပြောဆိုခဲ့လေသည်။ ယခင်နှင့် ထူးခြားသည်ဟု ပြောရမည်မှာ ဗိုလ်သန်းရွှေ အုပ်ချုပ်ခဲ့သော ၂၂ နှစ်တာ ကာလတွင် ဖွဲ့စည်းပုံ အခြေခံဥပဒေ မရှိရာမှ ယခုဖွဲ့စည်းပုံ အခြေခံဥပဒေ ထားရှိလာခြင်း၊ စစ်ကောင်စီ တွင် ဗိုလ်ချုပ်မှူးကြီးမှာ စစ်ကောင်စီဥက္ကဋ္ဌအဖြစ် ပါရှိခဲ့ရာမှ ယခု ထိုဗိုလ်ချုပ်ကြီးများ ယူနီဖောင်းချွတ်ကာ အရပ်ဝတ် လဲဝတ်လိုက်ခြင်းသာ အပြောင်းအလဲဟု ဆိုနိုင်ပါတော့သည်။

မြန်မာသံတော်ဆင့်သတင်းဌာန -

ဗလွှတ်ရွှတ်တပြောတဲ့ သမ္မတတင် မဟုတ်ဘူး။ ပေါပေါတောတော သမ္မတဖြစ်နေတာ။ အပစ်ရပ်ပါလို့ အမိန့်ပေးလည်း (ဗိုလ်ချုပ်မှူးကြီး) မင်းအောင်လှိုင်က မရပ်ဘူး။ ဆက်ပစ်နေ တာပဲ။ ဒီဥပဒေကို လက်မခံနိုင်ဘူး ဆိုလည်း လွှတ်တော်က အတည်ပြုတာပဲ။ သူပို့တဲ့ ဥပဒေကို ကျတော့လည်း ဖျက်ချင်ဖျက်နေတာပဲ။ ဒါက စနစ်ကြောင့် ဖြစ်နေတာ . . .


မြန်မာသံတော်ဆင့် အပတ်စဉ်သတင်းစာ အတွဲ-၃၊ အမှတ်-၂၂ ပါ အမျိုးသား ဒီမိုကရေစီ အဖွဲ့ချုပ် ဗဟို သုတေသန လမ်းညွှန်အဖွဲ့ အတွင်းရေးမှူး၊ ဗေဒါနိုင်ငံရေးသိပ္ပံ ကျောင်းအုပ်ကြီး ဦးမျိုးရန်နောင်သိမ်းနှင့် တွေ့ ဆုံခြင်း”” တွေ့ဆုံမေးမြန်းခန်းပါ ဦးမျိုးရန်နောင်သိမ်း၏ ပြောကြားချက် အား ဖော်ပြခဲ့ခြင်းနှင့် ပတ်သက်၍ ပြည်ထောင်စု အစိုးရအဖွဲ့၊ ပြန်ကြားရေး ၀န်ကြီးဌာန ဒုတိယ၀န်ကြီး ဦးပိုက်ထွေး လက်မှတ်ရေး ထိုးကာ မြန်မာနိုင်ငံ စာနယ်ဇင်းကောင်စီ (ယာယီ)သို့ စာပေးပို့ တိုင်ကြားခြင်းနှင့် ပိုမိုပြင်းထန်သော အရေးယူ ဆောင်ရွက်မှုများ ပြုလုပ်ရန် ရည်ရွယ်မှု ရှိနေကြောင်း သတင်းများ ထွက်ပေါ်နေခြင်း စသည့်အစိုးရ အဖွဲ့၏ တုံ့ပြန်မှုအပေါ် ဒီချုပ်နာယက (ကာကွယ်ရေးဦးစီးချုပ်)ဟောင်း သူရဦးတင်ဦးက ပြင်းထန်စွာ ဝေဖန်မှု ပြု လိုက်သည်။

““သမ္မတဆိုတာက သိက္ခာကျတယ်လို့ ပြောပြော၊ သိက္ခာချတယ်လို့ ပြောပြော သမ္မတဆိုတာက သူတို့ ဒီမိုကရေစီ နိုင်ငံဆိုရင် သူ့ကို ဝေဖန်တယ် ဆိုတာကတော့ ခံရမှာပဲ။ အိုဘားမားလည်း ဝေဖန်နေတာပဲ။ အင်္ဂလန်က ၀န်ကြီးချုပ်~ လည်း ဝေဖန်ပြီးတော့ ညစ်ညစ်ပတ်ပတ် မဆဲရုံတစ်မည်ပဲ။ ကလော်တုတ်ပြီးတော့ ဝေဖန်ခံနေရတာပဲ။ ဒီလိုပဲပေါ့၊ ဒီမိုကရေစီဆိုတာ ဒီလိုပဲပေါ့။ သူသည်းခံရမှာပေါ့။ သူတော်အောင် လုပ်ပြပေါ့။ ဒါပဲ။ သူတော်ရင် တော်တယ်လို့ ပြောမှာပေါ့။ မတော်ရင် မတော်ဘူးပြောမှာပေါ့။ ဒါပြောခွင့်ရှိတာ အခုပဲ။ ဒါမဆိုင်ဘူး။ ဒီအပေါ်မှာ သူတို့ ဘာမှလုပ်လို့မရဘူး။ ဒီလိုသာဆိုရင် အခုက ဘယ်လိုဖြစ်နေလဲ။ သူတို့ အကြောင်းနဲ့ ပတ်သက်ရင် ကောင်းရင် အိုကေ။ မကောင်းရင် သူတို့တင်းတယ်။ (ရယ်လျက် ပြောကြားသည်။) သူတို့ အကြောင်း အကောင်းပြောရင် လွှတ်ပေးလိုက်ရော။ အဲ လျှော့ပေးလိုက်ရော။ နည်းနည်းလေး ကိုယ့်ကို ရေးပြီဆိုရင် ဟိုလည်ညှစ်၊ ဒီလည်ညှစ်နဲ့။ နိုင်ငံရေးလောက၊ သတင်းလောကကို သူတို့ဒီလိုလုပ်တာ”” ဟု သူရဦးတင်ဦး က မြန်မာသံတော်ဆင့်သို့ ပြောသည်။

မြန်မာနိုင်ငံ စာနယ်ဇင်းကောင်စီ (ယာယီ)သို့ ပြန်ကြားရေးဝန်ကြီးဌာန၊ ဒုတိယ၀န်ကြီး ဦးပိုက်ထွေး လက်မှတ် ရေးထိုး ပေးပို့သောစာတွင် -

““ ၁။ ၉-၈-၂၀၁၄ ရက်နေ့ထုတ် မြန်မာသံတော်ဆင့်ဂျာနယ် အတွဲ(၃) အမှတ်(၂၂)၊ စာမျက်နှာ (၃၀-၃၁) တွင် အံ့ခေါင်မင်း ရေးသားသော ““NLD ပါတီ ဗဟိုသုတေသန လမ်းညွှန်အဖွဲ့ အတွင်းရေးမှူး၊ ဗေဒါနိုင်ငံရေး သိပ္ပံ ကျောင်းအုပ်ကြီး ဦးမျိုးရန်နောင်သိမ်းနှင့် တွေ့ဆုံခြင်း””ကို ဖော်ပြပါရှိပါသည်။ ယင်းတွေ့ဆုံ မေးမြန်း ခန်း ကောက်နုတ်စာတွင် ““နိုင်ငံမှာ သမ္မတသည် အထွတ်အထိပ်၊ အဲလိုပုဂ္ဂိုလ်တစ်ယောက်ရဲ့ စကားက ကပြောင်းကပြန်၊ ဗလောင်းဗလဲ၊ ဟိုပြောဒီပြော၊ ဘရွတ်ရွှတ်တ၊ ပေါက်ပန်းလေးဆယ်၊ ကလေကချေ၊ ကလေက၀၊ ကျွန်တော် စကားလုံးထပ်ရှာလို့ရရင် အကုန်ထည့်သုံးမှာ။ အရည်မရ အဖတ်မရ၊ ပေါက်လွတ်ပဲစား ပြော သလို ဖြစ်နေတာ””ဟု ကောက်နုတ် ဖော်ပြ ထားပါသည်။ ၎င်းကောက်နုတ်စာပါ ဖြေဆိုချက်ကို စာမျက်နှာ (၃၁)တွင် အပြည့်အစုံ ဖော်ပြထားပါသည်။ ထို့ပြင် ““သူအနားယူသွားသည့်တိုင် မြန်မာပြည်ရဲ့ အသွင် ကူးပြောင်းရေး ဖခင်ကြီးအဖြစ်နဲ့ မြန်မာပြည် အိမ်ဦးခန်းမှာ ဗိုလ်ချုပ်အောင်ဆန်းလိုမျိုး ဓာတ်ပုံအချိတ်ခံ ရမယ့် အစား ဘာကြောင့်မို့လို့ ရူးကြောင်မူးကြောင် အတွေးတွေကို ဘယ်သူတွေ ထည့်ပေးလို့ ဘယ်လိုမျိုး စနစ်မကျတဲ့၊ ဘာမှမဟုတ်တဲ့ အပေါစား ပေါ်လစီတွေ ချမှတ်ပြီးတော့ အခုလို လုပ်နေသလဲဆိုတာ စဉ်းစားလို့ကို မရဘူး””ဟု ဆက်လက် ဖော်ပြထားပါသည်။

၂။ နိုင်ငံတော်သမ္မတနှင့် အစိုးရအဖွဲ့အနေဖြင့် ပုဂ္ဂိုလ်တစ်ဦးချင်းအပေါ်တွင် လည်းကောင်း၊ အဖွဲ့အစည်း အပေါ်တွင် လည်းကောင်း ထောက်ပြဝေဖန် သုံးသပ်ဖော်ပြမှုများကို ကြိုဆိုလက်ခံပါသည်။ ထိုသို့ ဝေဖန်သုံးသပ် ဖော်ပြချက် များအပေါ် အရေးယူ ဆောင်ရွက်မှုမရှိခဲ့ပါ။ သို့သော် အထက်ဖော်ပြပါ တွေ့ဆုံ မေးမြန်း ဖော်ပြချက်များ မှာမူ နိုင်ငံတော်သမ္မတအပေါ် ဝေဖန်ထောက်ပြ အကြံပြုခြင်း သဘောမသက် ရောက်ဘဲ နိုင်ငံတော် အကြီးအကဲအား ပုဂ္ဂိုလ်ရေးအရ စော်ကားပုတ်ခတ်ပြီး သိက္ခာကျစေရန်နှင့် ထိခိုက် နစ်နာစေရန် ဖော်ပြချက် များ ဖြစ်နေသည်ကို တွေ့ရပါသည်။ ထို့ပြင် အဆိုပါ ပြောကြားချက်၊ ဖော်ပြချက်များ မှာ သာမန်မြန်မာ့လူနေမှု အသိုင်းအ၀ိုင်း၌ပင်လျှင် တစ်ဦးနှင့်တစ်ဦး ပြောဆိုပါက လက်မခံနိုင်သည့် အသုံးအနှုန်းများဖြစ်ပါသည်။

၃။ ထို့ကြောင့် ယခုကဲ့သို့ နိုင်ငံတော် အကြီးအကဲအပေါ် ပုဂ္ဂိုလ်ရေးအရ စော်ကား တိုက်ခိုက်မှုများအား မြန်မာနိုင်ငံ စာနယ်ဇင်းကောင်စီ (ယာယီ) အနေဖြင့် ဖြေရှင်း ဆောင်ရွက် ပေးနိုင်ပါရန် ညှိနှိုင်းအကြောင်း ကြားအပ်ပါသည်”” ဟု ဖော်ပြထားသည်။

အဆိုပါ ဖော်ပြချက်ပါ ဦးမျိုးရန်နောင်သိမ်း၏ ပြောကြားချက်များအပေါ် ဒီချုပ်နာယက သူရဦးတင်ဦး ကမူ ထောက်ခံ ပြောကြားသည်။

““ဗလွှတ်ရွှတ်တပြောတဲ့ သမ္မတတင် မဟုတ်ဘူး။ ပေါပေါတောတော သမ္မတဖြစ်နေတာ။ အပစ်ရပ်ပါလို့ အမိန့်ပေးလည်း (ဗိုလ်ချုပ်မှူးကြီး) မင်းအောင်လှိုင်က မရပ်ဘူး။ ဆက်ပစ်နေတာပဲ။ ဒီဥပဒေကို လက်မခံနိုင်ဘူး ဆိုလည်း လွှတ်တော်က အတည်ပြုတာပဲ။ သူပို့တဲ့ ဥပဒေကိုကျတော့လည်း ဖျက်ချင် ဖျက်နေတာပဲ။ ဒါက စနစ်ကြောင့် ဖြစ်နေတာ။ တကယ်က သမ္မတဆိုပြီးသာရှိတာ၊ အားလုံးက ကာ/လုံက ထိန်းချုပ်ထားတာ။ စနစ်ကြောင့်ပေါ့။ စနစ်ကြောင့်ဖြစ်နေတာ။ စနစ်ကို ပြောင်းရမှာ””ဟု သူရဦးတင်ဦးက ပြောသည်။

မြန်မာသံတော်ဆင့် အပတ်စဉ် သတင်းစာ တွေ့ဆုံမေးမြန်းခန်းပါ ဝေဖန်ခံခဲ့ရသော သမ္မတ ဦးသိန်းစိန်သည် လက်ရှိ ဒီချုပ်နာယကကြီးဖြစ်သော သူရဦးတင်ဦး တပ်မတော်တွင် တိုင်းမှူး တာဝန်ထမ်းဆောင်စဉ်က သူရဦးတင်ဦး၏ ခရီးစဉ်များတွင် လုံခြုံရေးတာဝန်ဖြင့် လိုက်ပါရသော ဗိုလ်ကြီးတစ်ဦး ဖြစ်ပြီး ယခုအခါ နိုင်ငံရေး ဆိုင်ရာ အခမ်းအနားများတွင် ဆုံတွေ့ပါက သမ္မတက မိမိကို တလေးတစား ဆက်ဆံကာ ရှေးဟောင်း နှောင်းဖြစ် များကို ပြောကြားကြလေ့ ရှိကြောင်းလည်း သူရဦးတင်ဦးက မြန်မာသံတော်ဆင့်သို့ ပြောသည်။

ထို့ပြင် လက်ရှိအစိုးရ၏ သတင်းမီဒီယာများအပေါ် အစိုးရက အရေးယူမှုများ အပေါ်လည်း သူရဦးတင်ဦး က ပြင်းထန်စွာ ဝေဖန် ရှုတ်ချလိုက်ပြီး အရေးယူလျက်ရှိသော ဥပဒေများမှာ လိုရာဆွဲ စွဲချက်တင်နေသော ဥပဒေများသာ ဖြစ်သည်ဟုလည်း ပြောကြားလိုက်သည်။

ယခုလ ၁၆ ရက်နေ့ထုတ် စံတော်ချိန် နေ့စဉ်သတင်းစာပါ ပြန်ကြားရေး ၀န်ကြီးဌာန ပြည်ထောင်စုဝန်ကြီး ဦးရဲထွဋ်နှင့်တွေ့ ဆုံမေးမြန်းခန်း တွင် မြန်မာသံတော်ဆင့် အပတ်စဉ် သတင်းစာပါ ဖော်ပြချက်အပေါ် ဦးရဲထွဋ်၏ တုံ့ပြန် ပြောကြားချက်များ ပါရှိပြီးနောက် အစိုးရက ယခုကဲ့သို့ မြန်မာနိုင်ငံ စာနယ်ဇင်းကောင်စီ (ယာယီ)သို့ ယင်းကိစ္စအပေါ် အကြောင်းကြား စာ ပေးပို့ခဲ့ခြင်းဖြစ်သည်။ ယင်းအကြောင်းကြားစာအပေါ် စာနယ်ဇင်းကောင်စီ (ယာယီ)မှ ဆွေးနွေးညှိနှိုင်းရန် မြန်မာသံတော်ဆင့်သို့ ထပ်ဆင့် အကြောင်းကြားစာ ပေးပို့ ဖိတ်ကြားချက်ကြောင့် ယခုလ ၂၆ ရက်က မြန်မာသံတော်ဆင့် အပတ်စဉ်သတင်းစာ တာဝန်ရှိသူများသည် စာနယ်ဇင်းကောင်စီ (ယာယီ)သို့ သွားရောက်ကာ မြန်မာသံတော်ဆင့်၏ မူဝါဒ ကျင့်ဝတ် ရပ်တည်ချက်များကို ရှင်းလင်းပြောကြား ခဲ့သည်။

မြန်မာသံတော်ဆင့်သတင်းဌာန

ဥပဒေအရတော့ စစ်ဆေးတာတော့ အင်မတန်ရှိခဲတယ်။ သိပ်ကြီးတဲ့ အမှုတွေဆိုရင် စစ်တယ်။ ဥပမာ နိုင်ငံ တော် လုပ်ကြံမှုတို့ပေါ့။ မူးယစ်ဆေး အမှုတွေဆိုရင်လည်း တစ်ခါတလေ စစ်တတ်တယ်။ မသင်္ကာရင်တော့ စစ်ခွင့်ရှိ ပါ တယ်။ ဒါတွေက လုပ်ခဲပါတယ်။ တော်ရုံတန်ရုံ မလုပ်ပါဘူး။ ဒီလိုစစ်တာအရမ်း နည်းပါတယ်။ ဒါတမင်ညစ် လို့ပဲ ဖြစ်မှာပါ . . .

လွှတ်တော်ဥက္ကဋ္ဌဟောင်း ဦးဆန်းဆင့်၏ ဇနီးဒေါ်ခင်မလေး (၂၂-၇-၂၀၁၄) နေ့က တရားရုံးသို့ လာရောက်ခဲ့စဉ်
၁၇-၇-၂၀၁၂ ရက်နေ့ ပြည်ထောင်စုလွှတ်တော် အစည်းအဝေးတက်ရောက်ပြီး နေအိမ်သို့ ပြန်ရန် မော်တော်ယာဉ်ကို စောင့်ဆိုင်းနေသော NLD ပါတီ ဥက္ကဋ္ဌ ဒေါ်အောင်ဆန်းစုကြည်နှင့် ဧရာဝတီတိုင်းဒေသကြီး လွှတ်တော် ဥက္ကဋ္ဌ ဦးဆန်းဆင့်တို့ကို တွေ့ရစဉ်
နိုင်ငံတော် အကြည်ညိုပျက်စေမှု၊ အလွဲသုံးစားလုပ်သည် ဟူသည့် စွပ်စွဲမှုတို့ဖြင့် တရားစွဲဆိုခံ ထားရကာ ရမည်းသင်း ထောင်အတွင်း ဖမ်းဆီးခံထားရသော သာသ နာရေးဝန်ကြီးဟောင်း သရေစည်သူ ဦးဆန်းဆင့်၏ ကျန်းမာရေး~ အတွက် လျှောက်ထားသော အာမခံချက်မှာ စက်တင်ဘာလ ၈ရက်နေ့တွင် မန္တလေးတိုင်း ဒေသကြီး တရားလွှတ်တော်၌ သွားရောက်ကြားနာ ရမည်ဖြစ်ကြောင်း ၎င်း၏ ရှေ့နေဖြစ်သူ ဦးတင်ထွန်းက မြန်မာ သံတော်ဆင့်သို့ သြဂုတ် ၂၇ ရက်နေ့တွင် ပြောကြားသည်။

ဦးဆန်းဆင့်မှာ နှလုံးရောဂါ ရှိသောကြောင့် ဇူလိုင်လ ၃၀ ရက် နေ့က ပြုလုပ်သည့် ငါးကြိမ်မြောက် ရုံးချိန်းတွင် အာမခံတောင်း ခံခဲ့သော်လည်း တရားလိုပြသက်သေများမှာ ၎င်း၏လက်အောက်တွင် လုပ်ကိုင် ခဲ့ဖူးသူများ ဖြစ် သည့်အတွက် မလျော်သြဇာ သုံးမည်ကို စိုးရိမ်ကြောင်းနှင့် ထောင်အတွင်း ၌ဆရာဝန်ကြီးများ နှင့် ကုသပေး လျက်ရှိသောကြောင့် ဟုဆိုကာ ယင်းရုံးချိန်းကတည်းက အာမခံပယ်ချခဲ့ခြင်း ဖြစ်သည်။…

““စက်တင်ဘာလ ၅ ရက်နေ့ အထိတောင် မခေါ်သေးဘူး။ အာမခံ ကစာရင်းထွက်တာကိုး။ အဲဒီနောက် ပိုင်း တော့ မပြောတတ်ဘူး””ဟု ရှေ့နေ ဦးတင်ထွန်းက ပြောသည်။

ဦးဆန်းဆင့်မှာသြဂုတ်လ၁၀ ရက်နေ့ကလည်း ထောင်အတွင်း ရောဂါအခံဖြင့် အသက်ရှူမ၀ ဖြစ်ခဲ့ ခြင်းကြောင့် မန္တလေးတိုင်းရှိ အထူး ကုဆရာဝန်နှစ်ဦးအား ကြည့်ရှုစစ် ဆေးစေခဲ့ကာ အောက်ဆီဂျင်ပေးခဲ့ ရသည့်အတွက် မန္တလေးတိုင်း တရားလွှတ်တော်သို့ သြဂုတ်လ၁၃ ရက်နေ့က အာမခံ ထပ်မံလျှောက် ထားခဲ့သော်လည်း ယခုအချိန် အထိ အာမခံမရသေးခြင်း ဖြစ်သည်။

ဒုတိယဗိုလ်ချုပ်ကြီး (ငြိမ်း) ဦးဆန်းဆင့်သည် အသက် ၆၃နှစ် ရှိပြီဖြစ်ပြီး ရမည်းသင်းထောင်တွင် သမ္မတ ဦးသိန်းစိန် အစိုးရ၏ အကျဉ်းချထားခြင်း ခံနေရကာ လာရောက် တွေ့ဆုံသော မိသားစုဝင်များကို တရားခံများ သဖွယ်ခန္ဓာကိုယ်အနှံ့ ရှာဖွေစစ်ဆေးခြင်း၊ အစားအစာများအား လည်း မွှေနှောက်စစ်ဆေးပြီးမှ ပေးပို့ခွင့်ပြု ခြင်း၊ ဦးဆန်းဆင့် နှင့် မိသားစု တွေ့ဆုံခွင့်ရသော မိနစ်ပိုင်းအနည်းငယ်အတွင်း အစိုး ရတာဝန်ရှိသူများမှ အနီး ကပ်စောင့် ကြည့်၍ လိုက်လံမှတ်သားခြင်းများ ပြုလုပ်ကြောင်း၊ ပြုလုပ်ခြင်း ခံရသည့်ဝန်ကြီး ဟောင်း ဦးဆန်း ဆင့်၏ဇနီး ဒေါ်ခင်မလေး က မြန်မာသံတော်ဆင့်သို့ ပြောသည်။

ဦးဆန်းဆင့်အနေဖြင့် အများ ပြည်သူ၏ထောက်ခံမှုများရှိကြောင်း သိရှိသော်လည်း ကျန်းမာရေးနှင့် စိတ်ဓာတ် ပိုင်းဆိုင်ရာ ထိခိုက်မှုများ ရှိလာကြောင်း ဦးဆန်းဆင့်နှင့်မကြာ ခဏတွေ့ဆုံခွင့်ရသည့် အစ်ကိုဖြစ် သူ ဦးဆန်း မြင့်မှ မြန်မာသံတော် ဆင့်သို့ ပြောကြားခဲ့သည်။

တပ်မတော် အစိုးရလက် ထက်အရေးယူ ထိမ်းသိမ်းထား သော ဒေါ်အောင်ဆန်း စုကြည်ထံသို့ နိုင်ငံခြားသား ခင်ပွန်းဖြစ်သူမှ ပေးပို့သည့် စားဖွယ်သောက်ဖွယ် များကိုလည်း အာဏာပိုင်များမှ မွှေနှောက်စစ်ဆေးခဲ့သော အခြေအနေရှိခဲ့ပြီး ယခုအစိုးရသစ်လက် ထက် တွင် မိမိ၏အစိုးရအဖွဲ့ဝင် ၀န်ကြီးဟောင်းတစ်ဦး မိသားစုဝင် များအပေါ် ဆက်ဆံပုံမှာထိုကဲ့သို့ပင် ဖြစ်ကြောင်း နိုင်ငံရေးလေ့လာသူ အချို့ကသုံးသပ်ကြသည်။

ဝန်ကြီးဟောင်း ဦးဆန်းဆင့် မိသားစုဝင်ကို ခန္ဓာကိုယ်အနှံ့ရှာ ဖွေပြီးမှ တင်းကြပ်စွာ စိစစ်၍ တွေ့ခွင့်ပြုခြင်းနှင့် စပ်လျဉ်း၍ တရား လွှတ်တော်ရှေ့နေဦးရော ဘတ်စန်းအောင်က ““အခုအချုပ် ခန်းဖောက်တဲ့ ပြဿနာတွေက တော်တော် တက်နေတယ်။ မြန်မာပြည်အနှံ့က ရဲအချုပ်တွေမှာ အ ချုပ်ခန်း ဖောက်ထွင်း မှုတွေ ဖြစ် လာတော့ အိမ်ကလာတွေ့တဲ့ သူတွေကို လိုအပ်တဲ့ လုံခြုံရေးအနေ အထားအရ ရှာဖွေရတာပေါ့။ ဘယ်အမှုမှ စစ်မယ် ဆိုတာတော့ မဟုတ်ဘူး။ လုံခြုံရေးအရပေါ့။ ဒီလိုမျိုး စစ်တာတော့ တော်တော် ရှားပါတယ်။ လုံခြုံရေးအရတော့ စစ်လို့ရပါတယ်။ လုံခြုံရေးအရ စစ်ဆေးတယ် ဆိုပေမယ့်လည်း အလွန်အကျွံတော့ မစစ်ဆေးသင့်ဘူးပေါ့။ လို အပ်တာထက် ပိုလာရင်တော့ လူ့အခွင့်အရေးချိုးဖောက်ရာ ရောက်တာပေါ့””ဟု မြန်မာသံတော်ဆင့်သို့ ပြော သည်။

ရန်ကုန်မြို့၊ ပန်းဆိုးတန်းလမ်း အနီး ရုံးခန်းဖွင့်ထားသည့် ၀ါရင့် တရား လွှတ်တော်ရှေ့နေကြီး တစ်ဦး ကလည်း““ ဘယ်အမှုရယ် လို့တော့ မရှိဘူး။ ဒါပေမဲ့စစ်ဆေး ခွင့်တော့ ရှိတယ်။ ဥပဒေအရတော့ စစ်ဆေး တာတော့ အင်မ တန်ရှိခဲ့တယ်။ သိပ်ကြီးတဲ့ အမှုတွေဆိုရင် စစ်တယ်။ ဥပမာ နိုင်ငံတော်လုပ် ကြံမှုတို့ပေါ့။ မူးယစ်ဆေး အမှုတွေ ဆိုရင်လည်း တစ်ခါတလေ စစ်တတ်တယ်။ မသင်္ကာရင်တော့စစ်ခွင့်ရှိပါတယ်။ ဒါတွေက လုပ်ခဲပါတယ်။ တော်ရုံ တန်ရုံ မလုပ်ပါဘူး။ ဒီလိုစစ်တာ အရမ်းနည်းပါတယ်။ ဒါတမင်ညစ် လို့ပဲဖြစ်မှာပါ”” ဟု မြန်မာသံတော်ဆင့်သို့ သုံးသပ်ပြောကြားသည်။

သာသနာရေးဝန်ကြီးဌာန ပြည်ထောင်စုဝန်ကြီးဟောင်း ဦးဆန်းဆင့်ကို ဇွန်လ ၁၉ ရက်နေ့က ပ/၂၁/၂၀၁၄ ဖြင့် ပြစ်မှုဆိုင်ရာ ဥပဒေပုဒ်မ ၄၀၉ အလွဲသုံးစားမှု ဖြင့် အထူးစုံစမ်းစစ်ဆေးရေးဌာန ညွှန်ကြားရေးမှူး ဦးဌေး လွင်က ဥတ္တရသီရိမြို့နယ်၊ ဘုရားကုန်းရဲ စခန်းတွင်အမှုဖွင့်တရားစွဲခဲ့ပြီးထပ် မံ၍သတင်းတပ်ဖွဲ့ ရဲမှူးကြီး ဦးခင် ဌေးကပြစ်မှုဆိုင်ရာပုဒ်မ၁၂၄ (က)နိုင်ငံတော် အကြည်ညိုပျက်စေမှု ဖြင့် ထပ်မံတရားစွဲခဲ့သည်။

သြဂုတ်လ၂၆ရက်နေ့ ရုံးချိန်းတွင် အစိုးရဘက်မှ တရားလိုပြ သက်သေ သာသနာရေးဝန်ကြီးဌာန ပြည်ထောင် စုဝန်ကြီးဦးစိုးဝင်း၊ ရန်ကုန်တိုင်းဒေသကြီး လူမှုရေးဝန်ကြီး ဒေါက်တာမြင့်သိန်း၊ တိုင်းသာသနာရေး ဦးစီးမှူး ဦးစိန်မော်၊ ၀န်ကြီးဟောင်းဦးဆန်းဆင့်၏ ကိုယ်ရေးအရာရှိ ဦးအောင်သူမင်း၊ သာသနာရေးငွေစာရင်းလက် ထောက် ညွှန်ကြားရေးမှူး ဒေါ်သင်းသင်း ဆွေတို့အား စစ်ဆေးခဲ့ပြီး ဦးဆန်းဆင့်ဘက်မှ တရားလွှတ်တော်ရှေ့ နေ လျှောက်လဲချက်အရ တရားရုံး မှ အမှန်တရားပေါ်ပေါက်ရေး အတွက် နိုင်ငံခြားရေးဒုဝန်ကြီး၊ ပြန်ကြားရေး ဒုဝန်ကြီး၊ သမ္မတရုံး ဒုညွှန်ချုပ်တို့အား ရုံးခေါ်သက် သေအဖြစ် ထပ်မံခွင့်ပြုခဲ့ကြောင်း သိရှိရသည်။ သြဂုတ် ၂၆ ရက်နေ့ ရုံးချိန်းအပြန်တွင် ဦးဆန်းဆင့်ကို ရမည်းသင်းထောင်သို့ ပြန်လည် ခေါ်ဆောင်သွားရာတွင် မော်တော် ယာဉ်၏ နောက်ဆုံးတန်း၌ တင်ဆောင်သွား၍ အစောင့်အကြပ်များ ကမော်တော်ယာဉ်ရှေ့ပိုင်း၊ အလယ် ပိုင်း နေရာများတွင် နေရာအပြည့် လိုက်ပါ ကြပြီး နောက်ဆုံးတန်းတွင် ထိုင်ရသောဝန်ကြီးဟောင်းဦးဆန်း ဆင့်က မော်တော်ယာဉ် နောက်ပိုင်းမှန်အတွင်းမှ လက်ပြ၍နှုတ်ဆက် သွားသည်ကို မီဒီယာအချို့မြင်တွေ့ ခဲ့ကြရသည်။ (၁၂)ကြိမ်မြောက် ရုံးချိန်းကိုသြဂုတ်၂၉ရက် တွင် ထပ်မံ ချိန်းဆိုထားကြောင်း သိရှိရသည်။

မြန်မာသံတော်ဆင့်သတင်းဌာန -

မဇ္ဈိမ။ ။ အီဘိုလာ ရောဂါရှိသူဟု သံသယရှိ လူနာ နှင့် အနီးကပ်ထိတွေ့ခဲ့သူလေးဦး၏ သွေးနမူနာများကို သက်ဆိုင်ရာ ရည်ညွှန်းဓာတ်ခွဲခန်းသို့ သြဂုတ် ၂၉ရက်က ပို့လိုက်ပြီဟု ဆိုသော်လည်း မည်သည့် ဓါတ်ခွဲခန်းသို့ ပို့လိုက်သည်ကိုမူ ကျန်းမာရေးဝန်ကြီးဌာနက ပြောကြားခဲ့ခြင်း မရှိပေ။

ကျန်းမာရေးဝန်ကြီးဌာနမှ တာဝန်ရှိသူ တစ်ဦးက “သက်ဆိုင်ရာ ရည်ညွှန်းဓါတ်ခွဲခန်းနဲ့ ပတ်သက်ပြီး လောလောဆယ်မှာ ဘယ်ဓါတ်ခွဲခန်းလဲ ဆိုတာ ပြောလို့ မရသေးဘူး။ နောက်မှ သတင်းထုတ် ပြန်ပေးမယ်။ အခုတော့ ပို့ပေးလိုက်ပြီ” ဟု ပြောသည်။

အဆိုသွေးနမူနာကို ဓါတ်ခွဲစမ်းသပ်နိုင်ရန် မူလ သတ်မှတ်ထားသည့် အိန္ဒယနိုင်ငံ ပူနေးမြို့ရှိ ဗိုင်းရပ်စ် ဗေဒဓာတ်ခွဲခန်းသို့ လည်းကောင်း၊ ဂျာမနီနိုင်ငံ ဟန်းဘတ်မြို့ရှိ ဓါတ်ခွဲခန်းသို့လည်းကောင်း၊ အမေရိကန်နိုင်ငံ CDC Atlanta ဓါတ်ခွဲခန်းသို့လည်းကောင်း ပေးပို့နိုင်ရန် ကျန်းမာရေးဝန်ကြီးဌာနမှ ကမ္ဘာ့ကျန်းမာရေးအဖွဲ့(WHO)နှင့် ညှိနှိုင်းခဲ့သည်ဟုလည်း ထုတ်ပြန်ထားသည်။

ထို့အတွက် သြဂုတ်၂၉ရက်က ပေးပို့လိုက်ပြီဖြစ်သည့် သွေးနမူနာကိုမူ မည်သည့် ဓါတ်ခွဲခန်းသို့ ပေးပို့လိုက်သည်ကိုမူ ကျန်းမာရေးဝန်ကြီးဌာန တာဝန်ရှိသူထံ မဇ္ဈိမက မေးမြန်းသော်လည်း ထုတ်ပြန်ပြော ကြားနိုင်ခြင်း မရှိသေးဟု ဖြေကြားခဲ့သည်။

မြောက်ဥက္ကလာ ဝေဘာဂီအထူးကုဆေးရုံကြီးတွင် တက်ရောက်ကုသလျက်ရှိသော သံသယလူနာတွင် ပြင်းထန်ငှက်ဖျားရောဂါ ပိုးနှစ်မျိုး ရောဂါခံစားနေရသူ ဖြစ်သည်ဟုလည်း ကျန်းမာရေးဝန်ကြီးဌာနက ထုတ်ပြန်ထားသည်။

အီဘိုလာဗိုင်းရပ်စ်ပိုး ခံစားနေရသည်ဟု သံသယရှိသူနှင့် အနီးကပ် ထိတွေ့သူ လေးဦး၏ ဓာတ်ခွဲနမူနာများကို အီဘိုလာရောဂါပိုး ရှိ-မရှိ စစ်ဆေးနိုင်ရန်အတွက် ကျန်းမာရေးဝန်ကြီးဌာနသည် ကမ္ဘာ့ ကျန်းမာရေးအဖွဲ့၊ IATA တို့နှင့် ညှိနှိုင်း၍ သြဂုတ်လ ၂၉ရက်တွင် ဇီဝလုံခြုံမှု သတ်မှတ်ချက်နှင့် အညီ ပေးပို့လိုက်ပြီဟု ကျန်းမာရေးဝန်ကြီးဌာန မှထုတ်ပြန်လိုက်သည်။

သြဂုတ် ၁၉ရက်က အီဘိုလာဖြစ်ပွားရာ အာဖရိကမှ ပြန်လာသော သံသယရှိလူနာ၏ သွေးနမူနာကို အီဘိုလာဗိုင်းရပ်စ်ပိုး ဟုတ်၊မဟုတ်အတည်ပြုရန် ကမ္ဘာ့ကျန်းမာရေးအဖွဲ့၏ စမ်းသပ်စစ်ဆေး ထောက်ခံချက်ကို သြဂုတ်လ၂၂ရက်က ရရှိပြီး အန္ဒိယနိုင်ငံ ပူနေးမြို့ရှိ ဗိုင်းရပ်စ်ဗေဒဓာတ်ခွဲခန်းသို့ သွေးနမူနာပို့ရန် အပြည်ပြည်ဆိုင်ရာ လေကြောင်းသယ်ယူပို့ဆောင်ရေးအဖွဲ့၏ ခွင့်ပြုချက် မရ၍ ယနေ့မှ ပို့နိုင်ခြင်းဖြစ်သည်။

အမေရိကန်သမ္မတ ဘာရက်အိုဘားမားသည်  လာမည့် နိုဝင်ဘာလအတွင်း မြန်မာနိုင်ငံသို့ လာရောက်မည်ဖြစ်ကြောင်း အမေရိကန်အစိုးရ တာဝန်ရှိသူတစ်ဦးက ပြောကြားလိုက်သည်။
Barak-obama 28
ယခုခရီးစဉ်သည် အမေရိကန်အစိုးရ၏ အာရှ-ပစိဖိတ်ဒေသအတွက် မဟာဗျူဟာ ပြန်လည် ချိန်ညှိမှုဆိုင်ရာလုပ်ငန်းစဉ်၏ အစိတ်အပိုင်း တစ်ခုဖြစ်ကြောင်း သိရသည်။

သမ္မတအိုဘားမားသည် တရုတ်နိုင်ငံ၌ နိုဝင်ဘာ ၁၀ ရက်နှင့် ၁၁ ရက်နေ့များတွင် ကျင်းပမည့် အာရှ-ပစိဖိတ်စီးပွားရေး ပူးပေါင်းဆောင်ရွက်မှု (APEC) ဆွေးနွေးပွဲသို့ တက်ရောက်ကာ နိုဝင်ဘာ ၁၂ ရက်တွင် ပေကျင်းမြို့၌ ဆက်လက်နေထိုင်ပြီးနောက်တစ်နေ့တွင် မြန်မာနိုင်ငံတွင် ကျင်းပမည့် အရှေ့အာရှဒေသဆိုင်ရာ ဆွေးနွေးပွဲသို့ တက်ရောက်မည်ဖြစ်သည်။

APEC ဆွေးနွေးပွဲသို့ အိန္ဒိယ၀န်ကြီးချုပ် နာရန်ဒရာမိုဒီလည်း တက်ရောက်ရန် တရုတ်သမ္မတ ရှီကျင်း ပင်က ဖိတ်ကြားထားကြောင်း သိရသည်။

ထို့နောက် သမ္မတအိုဘားမားသည် နိုဝင်ဘာ ၁၅ ရက်နှင့် ၁၆ ရက်များတွင် သြစတြေးလျနိုင်ငံ ဘရစ်စဘိန်းမြို့၌ ကျင်းပမည့် ဂျီ-၂၀ ဆွေးနွေး ပွဲသို့ ဆက်လက်ထွက်ခွာမည်ဖြစ်သည်။
ပေကျင်းမြို့တွင် ပြုလုပ်မည့် APEC ဆွေးနွေးပွဲသည် ကုန်သွယ်ရေး၊ စီးပွားရေးနှင့် ဖွံ့ဖြိုးတိုးတက်ရေး အစီအစဉ်များကို အဓိကထားဆွေးနွေး သွားမည်ဖြစ်ကြောင်း APEC ၏ အကြီးတန်းအရာရှိ တစ်ဦးဖြစ်သူ ရောဘတ်ဝမ်က ပြောကြားသည်။
Ref:The Economic Times

သတင်း- Mizzima