09/01/14

ဒါကာ၊

ဘင်္ဂလားဒေ့ရ်ှနိုင်ငံရှိ မြန်မာနိုင်ငံသားအဖြစ် မှတ်ပုံတင်ထားသူ ဘင်္ဂါလီ ဒုက္ခသည်များကို ပြန်လည် ခေါ်ယူခြင်းလုပ်ငန်းအား ၂ လ အတွင်း ပြန်လည် စတင်ရန် မြန်မာနိုင်ငံက သဘောတူခဲ့သည်ဟု ဘင်္ဂလားဒေ့ရှ် နိုင်ငံခြားရေး ၀န်ကြီးဌာနက ဆိုသည်။

“စိစစ်ပြီး မြန်မာနိုင်ငံသားတွေ ပြန်လည်လက်ခံတာကို ၂ လအတွင်း စတင်ဖို့ သဘောတူ ခဲ့ပြီး မြန်မာနိုင်ငံသားအဖြစ် မှတ်ပုံတင်ထားသူ ၃၂၀၀၀ အနက် ၂၄၁၅ ဦးနဲ့ စတင်မှာပါ။ ဒါ ဟာ အရေးပါတဲ့ ရလဒ်အဖြစ် မှတ်ယူထား ပါတယ်” ဟု ဘင်္ဂလားဒေ့ရှ် နိုင်ငံခြားရေး အတွင်းဝန် မဒ်ရှဟီဒူဟဇ်က ပြောကြားသည်။

ဘင်္ဂလားဒေ့ရ်ှနှင့် မြန်မာ နိုင်ငံခြားရေးရုံးများ၏ ၈ ကြိမ်မြောက် အစည်းအဝေး တွင် ထိုသို့ သဘောတူညီချက် ရရှိခဲ့ခြင်းဖြစ်သည်ဟု ဆိုသည်။ မြန်မာနိုင်ငံသား အဖြစ် မှတ်ပုံတင်ထားသူ ဘင်္ဂါလီဒုက္ခသည် များနှင့် ၎င်းတို့၏ သားသမီးများ ကို ပြန်လည်ခေါ်ယူရန် ကော်မတီတစ်ခု ဖွဲ့စည်းမည်ဟု မြန်မာနိုင်ငံက သဘော တူခဲ့ကြောင်း ဘင်္ဂလားဒေ့ရှ် နိုင်ငံခြားရေးဝန်ကြီးဌာနက ပြောကြားသည်။

ဘင်္ဂလားဒေ့ရ်ှအစိုးရ၏ ခန့်မှန်းချက်အရ ၁၉၉၁ နောက်ပိုင်း မြန်မာ စစ်အစိုးရ ၏ ဖိနှိပ်မှုကြောင့် ထွက် ပြေးလာသည့် ဘင်္ဂါလီဒုက္ခသည် ၂၅၀၈၇၇ ဦးရှိသည် ဟု ဆိုသည်။ ၎င်းတို့အနက် ၂၃၆၅၉၉ ဦးအား ၂ နိုင်ငံ သဘောတူညီမှုအရ UNHCR ၏ ကြီးကြပ်မှုဖြင့် မြန်မာနိုင်ငံသို့ ပြန်ပို့ခဲ့ပြီးဖြစ်သည်။ ၂၀၀၅ တွင် ဘင်္ဂါလီ ဒုက္ခသည် ၉၂ ဦး ပြန်ပို့ခဲ့ပြီးနောက် ထိုလုပ်ငန်းစဉ် ရပ်တန့်သွား ခဲ့သည်။

လက်ရှိတွင် ကော့ဘဇားခရိုင်အတွင်း ကူတူ ပါကောင်းနှင့် နာယာပါရာရှိ ဒုက္ခသည် စခန်း ၂ ခုတွင် ဘင်္ဂါလီဒုက္ခသည် ၃၂၀၀၀ ခန့် နေထိုင်လျက်ရှိသည်။ ၂၀၀၄ က ထို ဒုက္ခသည်စခန်းများတွင် မိသားစု ၂၉၇၆ စုနှင့် လူဦးရေ ၁၉၈၄၁ ဦး ရှိသော်လည်း မွေးဖွားနှုန်း မြင့်မားသဖြင့် လူဦးရေ အလျင်အမြန် တိုးပွား လာနေသည်ဟု တာဝန်ရှိသူများက ဆိုသည်။

ဒုက္ခသည်စခန်းများ၏ အပြင်ဘက်တွင် မြန်မာနိုင်ငံမှ ထွက်ပြေးလာသူ ဘင်္ဂါလီ ဒုက္ခသည် ၃၀၀၀၀၀ နှင့် ၅၀၀၀၀၀ အထိရှိသည်ဟု ဘင်္ဂလားဒေ့ရ်ှအစိုးရက ဆိုပြီး အဆိုပါ ဒုက္ခသည်များအရေး ဆွေးနွေးရန် အစည်း အဝေးတွင် ပြောကြား ခဲ့သော်လည်း မြန်မာဘက်က အကြောင်းပြန်ကြားခြင်းမရှိပေ။

ဘင်္ဂလားဒေ့ရ်ှနိုင်ငံ စစ်တကောင်းနှင့် ကော့ဘဇာ ဒေသများတွင် တရားမ၀င် နေထိုင်လျက်ရှိသည်။ မြန်မာနိုင်ငံမှ ဒုက္ခသည်များအား အသေးစိတ် စစ်တမ်းကောက်ယူနေကြောင်း ဘင်္ဂလားဒေ့ရှ် အစိုးရက မြန်မာဘက် သို့ ပြောကြားခဲ့သည်ဟု ဆိုသည်။

ဆွေးနွေးပွဲအပြီးတွင် ဘင်္ဂလားဒေ့ရှ် နိုင်ငံခြားရေး အတွင်းဝန် က “အကြောင်းအရာ အားလုံးကို ပွင့်ပွင့်လင်းလင်း ဆွေးနွေး ခဲ့ပြီး မြန်မာနိုင်ငံက ဆက်ဆံရေးကောင်းမွန်ဖို့ လိုလားကြောင်း ပြသခဲ့ပါတယ်။ ဒုက္ခသည်တွေ ကို ပြန်လည် လက်ခံဖို့ မြန်မာနိုင်ငံက ရည်ရွယ်ထားကြောင်း ပြသခဲ့ပါတယ်”ဟု သတင်းထောက်များအား ပြောကြားခဲ့သည်။

၂၀၀၅ တွင် စီစစ်အတည်ပြုခဲ့သည့် မြန်မာနိုင်ငံမှ ဒုက္ခသည်စာရင်း အား ပြန်လည် စီစစ်ရန် လုပ်ငန်း ကော်မတီတစ်ခုကို ၂ နိုင်ငံ ပူးတွဲဖွဲ့စည်းမည် ဟု ဆိုသည်။ ထိုဒုက္ခသည်များမှ ၂၀၀၅ နောက်ပိုင်းတွင် မွေးဖွား ခဲ့သူများ ကိုလည်း စာရင်းတွင် ထပ်မံဖြည့်သွင်းမည်ဟု သိရသည်။

“၂ လအတွင်း ပြင်ဆင်မှုတွေပြုလုပ်ပြီး ဒုက္ခသည် တွေ ပြန်လည်ပို့ဆောင်မှု ဘယ်လောက်မြန်မြန်လုပ်နိုင်မလဲဆိုတာ စောင့်ကြည့်သွားမှာပါ။ ဒီဆွေးနွေးပွဲ ရလဒ်အ တွက် ကျွန်တော်တို့ အလွန်ပျော်ရွှင်နေပါတယ်”ဟု မစ္စတာ ရှဟီဒူဟဇ် က ပြောကြားခဲ့သည်။ ဆွေးနွေးပွဲမှာ ၄ နာရီနီးပါး ကြာမြင့်ခဲ့ပြီး ဘင်္ဂလားဒေ့ရှ် ကိုယ်စားလှယ်အဖွဲ့အား မစ္စတာ ရှဟီဒူဟဇ်က ဦးဆောင်ကာ မြန်မာ ကိုယ်စားလှယ် အဖွဲ့အား နိုင်ငံခြားရေးဝန်ကြီးဌာန ဒုတိယ၀န်ကြီး ဦးသန့်ကျော် က ဦးဆောင်ခဲ့သည်။

ငါးခိုးဖမ်းမှု အများစုအပါအ၀င် ပြစ်မှုငယ်များဖြင့် တစ်ဖက်နိုင်ငံ အသီးသီး တွင် ထောင်ဒဏ်ကျခံနေရ သည့် ဘင်္ဂလားဒေ့ရ်ှနှင့် မြန်မာနိုင်ငံသား များအား အပြန်အလှန် ပြန်လည်ခေါ်ယူနိုင်ရေးကိုလည်း ဆွေးနွေး သဘောတူ ခဲ့သည်ဟု ဆိုသည်။ တရားဝင်ခန့်မှန်းချက်အရ မြန်မာနိုင်ငံ အကျဉ်းထောင်များ တွင် ဘင်္ဂလားဒေ့ရှ် နိုင်ငံသား ၂၀၀ ခန့်ရှိပြီး ဘင်္ဂလားဒေ့ရှ် အကျဉ်းထောင်များ တွင် မြန်မာနိုင်ငံအား ၁၁၀ ခန့်ရှိသည်။

ဆွေးနွေးပွဲတွင် ၂ နိုင်ငံ ယဉ်ကျေးမှု ပူးပေါင်းဆောင်ရွက်ရေးအတွက် ၅ နှစ်စာ သဘောတူညီမှု တစ်ခုလည်း ရရှိခဲ့သည်ဟု ဆိုသည်။ လာမည့် နှစ်စပိုင်း တွင် ဘင်္ဂလားဒေ့ရ်ှနိုင်ငံ ဒါကာမြို့၌ နိုင်ငံခြားရေးဝန်ကြီး အဆင့် ၂ နိုင်ငံ ပူးပေါင်းကော်မရှင်ဆွေးနွေးပွဲ ပြုလုပ်ရန်လည်း သဘောတူခဲ့သည်။

အဆိုပါ အစည်းအဝေးတွင် ၂ နိုင်ငံ အပြန်လှန် ရင်းနှီးမြှုပ်နှံမှု တိုးတက်ရေးနှင့် အကာအကွယ်ပေးရေးနှင့် နာ့ဗ်မြစ် မြောက်ပိုင်း နယ်နိမိတ် သတ်မှတ်ရေး သဘောတူညီချက်များကို လက်မှတ်ရေးထိုးနိုင်ရန် မျှော်လင့် ထားကြောင်း ပြောကြားခဲ့သည်ဟု သတင်းရရှိပါသည်။

KHTun

Ref - Daily Star
Photo - UNHCR

The Ladies News Journal

လှိုင်သာယာ ရှိ လုံးချင်းအိမ်ရာတစ်ခုအနီး ဖွင့်ထားသော ..Beauty Saloon တစ်ခုအတွင်းတွင်ဖြစ်သည်.။
အသားဖြူဖြူ မျက်ရစ်မပါသူများ အုပ်စုလိုက် ၀င်လာကြသည်..။

ထို အလှပြင်ဆိုင်မှ အ၀မှ စကပ်တိုတို၊့ 
ဆံပင်ကို အရောင်ဆိုးထားသော
တိုင်းရင်းသူ မျက်နှာဝိုင်းဝိုင်း မျက်လုံးပြူးပြုး ကောင်မလေးမှ
ခေါင်းလျှော်မလား ...ထောင်ကဲဒီဖက်လာ..ဒီဖက်လာ ဟု ..ခရီးဦးကြိုပြုသည်.။
ထို့နောက် .. အထဲသို့ လှမ်းအော်ကာ..
အမရေ ..ခြောက်ယောက်နော်..။ အလျှော်မိန်းကလေးခြောက်ယောက် အသင့်ပြင်ပါဟု....။

ထိုအုပ်စုအတွင်းမှ ခေါင်းဆောင်ဖြင်ဟန်တူသူက ... ကောင်မလေးနားမလည်သည့်စကားဖြင့်..
သူ့လူများကို အော်ကြီးဟစ်ကျယ် ရယ်မောပြောကြားရင်း ...
ကောင်မလေးခေါင်းကို ..ဆတ်ကနဲ့ပုတ်ကာ..
အတွင်းသို့ဝင်သွားသည်..။

ထိုအချိန် ...အတွင်းမှ ထွက်လာသော ..ဘောင်းဘီပွပွဝတ် အမျိုးသမီး အုပ်စုတစ်စုနှင့် တိုးသည်..။
ဟီးဟီးဟားဟားဖြင့် ဆိုင်အလုပ်သမလေးများ နားမလည်သော စကားများဖြင့် ပြောဆိုရယ်မောပြီး..
နှုတ်ဆက်ခါ .အသီးသီး ဦးတည်ရာသို့ ..ထွက်ခွာသွားကြသည်..။

ထိုမြင်ကွင်းမျိုးကား ...ထိုဒေသတွင် ..နိစ္စဓူဝ ..တွေ့မြင်နေကျ...။

===============================================================

ကျန်စစ်သားအိမ်ရာ ဈေးတွင်ဖြစ်သည်...။

ကန်စွန်းရွက်ငါးစည်းအား သုံးရာဖြင့် ဆစ်နေသော.. အသားဝါ၀ါ ဘောင်းဘီတိုတိုဖြင့် လူတစ်ဦးအား..။
ဈေးသည်မှ အော်ဟစ်ပြောဆိုနေသည်..။ ခါးထစ်ခွင်ထဲမှ ကလေးငယ်ကလည်း အော်ငိုနေသည်..။

လုံးဝမလျှော့နိုင်ဘူး .... အရင်းတောင်မရှိဘူး..။

ထိုအသားဝါ၀ါဖြင့်လူက မပီမသရေရွတ်ရင်း ..ဘာမှမပြောပဲ ရာတန်သုံးရွက်ကို ချပေးကာ..
ကန်စွန်းရွက်ငါးစည်းကို ယူပြီး စက်ဘီးကို စီးကာ ထွက်ခွားသည်..။

ဈေးသည်ခမျာ မကျေမနပ် ပွစိပွစိဖြင့် ရေရွတ်ရင်း ...

ဖောက်သည်မို့လို့ပေါ့ ..နို့မို့ဆို မလျော့ဘူး ဟု...။

======================================
ကေတီဗီ တစ်ခုတွင်ဖြစ်သည်...

ဗမာစကားမပြောတတ်သော ထိပ်ပြောင်ပြောင်
မျက်ပေါက်ကျဉ်းကျဉ်း ၀ဖိုင့်ဖိုင့် ခန္ဒာကိုယ်နှင့်လူက...

ဘောင်းဘီအိပ်ထဲမှ ...ထောင်တန်အုပ်ကို ...မိုက်ဖြင့် ..သီချင်းဆိုနေသော ..

ပေါင်ပေါ် စကပ်တိုနှင့် တိုင်းရင်းသူကောင်မလေး တစ်ယောက်အား ..လှမ်းပေးသည်...

ထိုမိန်းကလေးက ...အံ့အားသင့်သွားသဖြင့် ..ဆတ်ကနဲ့ လှည့်အကြည့်...

ဗမာစကားမပီမသဖြင့် ...

နက်ဖန် မနက် ....လာခေါ်မယ်......

============================================

အေးစက်နေသော ..အဲယားကွန်းအပြည့်ဖြင့် ရုံးခန်းတစ်ခုတွင်ဖြစ်သည်..

ချွေးစများဖြင့် စိုရွှဲနေသော စက်ရုံယူနီဖောင်းဝတ်ထားသည့် လူနှစ်ယောက်
လက်နောက်ပစ်ခါ ရပ်နေသည်...။

ရှေ့မှ အော်ဟစ်ပြောဆိုနေသော မျက်ပေါက်ကျဉ်းကျဉ်းလူက မောသွားဟန်ဖြင့် ...
ဘေးမှ စကားပြန်ကို စိတ်မရှည်စွာဖြင့် ..လှည့်ကြည့်သည်.. ...

စကားပြန်က ...

သောက်သုံးမကျဘူး ...Cutting တွေ ..လွဲကုန်ပြီ ....
ခင်ဗျားတို့ ..တစ်ယောက်ကို နှစ်လစာ ဖြတ်ပြီး လျော်ရပါမယ်....ဟု..

============================================

လ၀က ရုံးတစ်ရုံးရှေ့တွင်ဖြစ်သည်...။

ဘောင်းဘီတိုဝတ် အသားဝါ၀ါ မျက်ပေါက်ကျဉ်းကျဉ်းလူများ ...ထွက်လာကြသည်...

လက်ထဲတွင်ကိုင်ထားသော ပန်းရောင်ကတ်များကို ....ကိုယ်စီ အိပ်ထဲထည့်လိုက်ကြသည်...။

ပြီးနောက် ..မြန်မာများ နားမလည်သော စကားများဖြင့် အော်ကြီးဟစ်ကျယ်ပြောဆိုကာ..

ကားတစီးပေါ် တက်ကာ မောင်းနှင်သွားကြလေသည်..။

================================================

၎င်းတို့သည်...

မြန်မာနိုင်ငံသား ကလေးငယ်များအား .... အင်္ဂလိပ်စာ သင်ပေးရန်လည်းမဟုတ်..

မြန်မာ့ အနုပညာ ယာဉ်ကျေးမှုများအား လေ့လာရန်လည်းမဟုတ်...

မြန်မာ့ သဘာဝ သယံဇာတများအား ထိန်းသိမ်းရန်လည်းမဟုတ်..

မြန်မာ့ကျောက်မျက်ရတနာများအား တန်ဖိုးတက်အောင် ဖြတ်တောက်သန့်စင်ရန်လည်းမဟုတ်..။

မြန်မာ လူငယ် ဘွဲ့ရများအားလည်း အသိပညာ အတတ်ပညာများ စေတနာဖြင့် လာရောက်သင်ကြားပေးရန်လည်းမဟုတ်..။

မြန်မာနိုင်ငံတွင်း ..နေထိုင်သော ..မြန်မာပြည်ပေါက် လူမျိုးခြားများလည်းမဟုတ်...။

သို့သော်..

၎င်းတို့သည်..

ဦးမောင်မောင်ဝမ်းကဲ့သို့သော
ပြည်ပနေ .. ...မြန်မာတိုင်းရင်းသားတစ်ဦးလို ..

ယနေ့အထိ..မြန်မာနိုင်ငံမှ .. နှင်မထုတ်ခံရပေ.....

==========================

သေချာသည်ကတော့ ....

၎င်းတို့သည် ...

မြန်မာနိုင်ငံကို ......

တဖြေးဖြေး ရစ်ပတ်ကာ ..

တမြေ့မြေ့ ..မီးလောင်တိုက်သွင်း ၀ါးမျိုမည့် ...

နဂါးများသာဖြစ်သည်...။

(ငရဲသား)

Myint Myint Khin Pe shared Yan Aung's

“မင်းတို့မြဲမြဲမှတ်ထားကြ . . . ဟောဒီ အကျဉ်းထောင်ကို ဗဟိုစံပြ အင်းစိန်ထောင်လို့ခေါ်တယ် . . .
၆၈ ဧကကျယ်ပြီး အုတ်ရိုးက ပေ ၂၀မြင့်တယ်။ အုတ်ရိုးနှစ်ထပ် ကာထားပြီး ညဘက်ဆိုရင် စစ်ခွေးတွေကို အုတ်ရိုးနှစ်ထပ်ကြားထဲ လွှတ်ထားတယ် . . . ဒီထောင်ဟာ အရှေ့တောင် အာရှမှာ အကြီးမားဆုံးနဲ့ အလုံခြုံဆုံးထောင်ပဲ . . . ဒီထောင်ကနေ ထွက်ပြေးလွတ်မြောက်သွားတဲ့ အကျဉ်းသားဆိုတာ ဘယ်တုန်းကမှ မရှိခဲ့ဘူး . . .ဒီတော့မင်းတို့အားလုံး ထွက်ပြေးဖို့ မကြိုးစားပါနဲ့ . . .မကြံစည်ပါနဲ့ . . .အေးအေးဆေးဆေးနေကြ . . .ဒါပဲ”

ဤစကားသည် ကျွန်တော်တို့ ထောင်ထဲရောက်ရောက်ချင်း အင်းစိန်ထောင်ပိုင်ကြီးမှ ပြောသော သတိပေးစကား ဖြစ်ပါသည်။ သူပြောတာ မှန်ပါသည်။ အင်းစိန်ထောင်သည် အင်္ဂလိပ် အစိုးရ လက်ထက် ကတည်းက စနစ်တကျ စီမံဆောက်လုပ်ထားပြီး နှစ်ပေါင်း ၁၀၀ နီးပါး သက်တမ်းရှိသည့် စံပြ ထောင်ကြီး ဖြစ်ပါသည်။

ထောင်ကို နာရီဒိုင်ခွက် ပုံစံအတိုင်း တည်ဆောက်ထားပြီး အလယ်တည့်တည့်တွင် ကင်းမျှော်စင်ကြီး ရှိပါသည်။ အုတ်ရိုးပေါ်တွင်လည်း ကင်းမျှော်စင်များ တည်ဆောက်ထားပြီး ၂၄နာရီအပြည့် ကင်းအမြဲ ချထားပါသည်။ လုံခြုံရေး အစီအမံတွေက ထူထပ်သိပ်သည်းသည်။

ထောင်အုတ်ရိုး အပြင်ဘက်တွင် သံဆူးကြိုးဖြင့် ထပ်မံကာရံထားသည်။ အပြင်ဘက်တွင် ၀န်ထမ်း လိုင်းခန်းများရှိသည်။ သင်တန်းကျောင်းများရှိသည်။ အင်းစိန် CID ရုံးလည်းရှိသည်။ ထောင်ထဲက အကျဉ်းသား တစ်ယောက် အုတ်ရိုးကျော်ပြီး ထွက်ပြေးလွတ်မြောက်ဖို့ဆိုတာ မည်သို့မှ မဖြစ်နိုင်ပါ။

ထောင်ထဲမှာလည်း အဆောင်များ၊ တိုက်များကို အုတ်ရိုးငယ်များဖြင့် အဆင့်ဆင့် ကာရံထားသည်။

အဆောင် ၅ ဆောင်ကို သီးခြားခွဲခြားကာရံ ထားသည်သလို တိုက်ဝင်း၊ ဆေးရုံ၊ အထူးဝင်း၊ မီးဖို၊ အလုပ်ရုံ၊ မိန်းမဆောင်များကိုလည်း ခွဲခြားကာရံထားပါသည်။ တစ်နေရာမှ တစ်နေရာသို့ ကူးသန်း သွားလာခြင်း မရှိစေရ။

တိုက်ဝင်းထဲတွင် တိုက် ၆တိုက်ရှိသည်။ ထိုအချိန်ကာလက ၈၈အရေးတော်ပုံနှင့် ပတ်သက်၍ ဖမ်းဆီးခံရသူ အားလုံးနီးပါး တိုက်ထဲသို့ ရောက်လာကြသည်။ အများစုမှာ ထောင်ဒဏ် အပြစ်ပေးခံရ သူများဖြစ်ပြီး အမှုမပြီးပြတ်သေးသော သူများကို စစ်ကြောရေး ကာလအတွင်း အချုပ်ဆောင် (၁) နှင့် (၂)တွင် ခေတ္တထားသည်။ အချုပ်ဆောင်များမှာ ကိုလိုနီခေတ်လက်ရာ နှစ်ထပ်ဆောင်များဖြစ်ပြီး ထုထည်ကြီးမားသည်။ အချုပ်ဆောင် တစ်ဆောင်လျှင် အကျဉ်းသား တစ်ထောင့်ငါးရာကျော် ဆန့်သည်။

သူတို့အားလုံး စစ်ဆေးဆဲ ကာလဖြစ်၍ အကျဉ်းသားဟု သတ်မှတ်၍မရ။ ထို့ကြောင့် အကျဉ်းသား ၀တ်စုံဖြစ်သည့် ထိုစဉ်က အဖြူရောင်အင်္ကျီ၊ ပုဆိုးများကို မ၀တ်ရပေ။ သာမန်လူများအတိုင်း အင်းစိန်ထောင်ထဲတွင် နေထိုင်ခွင့်ရှိသည်။ အလုပ်လည်း မလုပ်ရသလို ရမ္မာန်ကြီး တစ်ပတ်တစ်ကြိမ် တရားရုံးသို့ သွားရသည့်အတွက် အပြင်လောကနှင့် အဆက်မပြတ်သော သူများ ဖြစ်ကြသည်။

အချုပ်ဆောင်တစ်ခု ဖြစ်သည့် (၁) ဆောင်တွင် ရာဇ၀တ်ပုဒ်မ အကျဉ်းသားများ (Criminal) နှင့်အတူ နိုင်ငံရေးပုဒ်မဟု အားလုံးနားလည်သည့် ပုဒ်မ ၅(ည) အကျဉ်းသား ၁၀၀ ခန့်နေထိုင်သည်။ ပုဒ်မ ၅(ည) အကျဉ်းသားများထဲတွင် မထင်မရှားနှင့် အေးအေးဆေးဆေး နေတတ်သော လူတစ်ယောက် ရှိပါသည်။ သူ့နာမည်က မြင့်အောင်။ အသက် ၃၀ခန့်၊ အသားမဖြူမညို စကားလည်း သိပ်မပြော။ သူက ပုဇွန်တောင် NLD အဖွဲ့ဝင်ဖြစ်ပြီး ၁၉၈၉ ခုနှစ် မဟာသင်္ကြန်တွင် စစ်အုပ်ချုပ်ရေးနှင့် ပတ်သက်ပြီး သံချပ်ထိုး၍ ဖမ်းဆီးခံရခြင်း ဖြစ်သည်။

သူ့သတင်းက နိုင်ငံပိုင် သတင်းစာထဲတွင် ဖော်ပြခဲ့၍ ဟိုးလေးတကြော် ဖြစ်ခဲ့ရသည်။ ဘာတဲ့ ဘတ်စ်ကား မှတ်တိုင်တွင် မသင်္ကာဖွယ်ရာ လူတစ်ယောက်ကို ရှာဖွေစစ်ဆေးရာ သင်္ကြန်သံချပ် စာရွက်များ၊ NLD အဖွဲ့ဝင်ကတ်နှင့် ထဘီတစ်ထည် စစ်ဆေး တွေ့ရှိခဲ့သည်ဟုဆိုကာ သတင်းစာထဲ ထည့်လိုက်ခြင်း ဖြစ်သည်။

သူကတော့ သူ့အမှုအကြောင်း ဘာမှမပြော။ ထဘီက သူ့မိခင်ကြီး အတွက် အပ်ချုပ်ဆိုင်မှ ရွေးယူလာခြင်း ဖြစ်သည်။ ဒီထဘီတစ်ထည်ကို မည်သို့စစ်ဆေးပြီး အမှုတည်ဆောက်မလဲဆိုသည်ကို အားလုံးက စိတ်ဝင်စားနေကြသည်။ ကိုမြင့်အောင်ကတော့ အချုပ်ဆောင်တွင် ဒိုက်ထိုးလိုက်၊ အိပ်ထမတင် လုပ်လိုက်နှင့် ကျန်းမာရေး လိုက်စားလျက်ရှိသည်။

သူ့ကိုစစ်ကြောရေးလုပ်ပြီး ပုဇွန်တောင် တရားရုံးတွင် တရားစွဲဆိုထားသည်။ သို့သော် ထောက်လှမ်းရေးက ပုဒ်မနည်းသည်ဆိုကာ မကျေနပ်။ ထို့ကြောင့် အင်းစိန်ထောင်ထဲတွင် စစ်ကြောရေး ထပ်ဝင်နေသည်။ သူ့ကိုစွပ်စွဲသည့် ပုဒ်မတွေထဲတွင် သူ့မိခင်၏ ထဘီတစ်ထည်ကြောင့် ဖောက်ထွင်းခိုးမှု (Bulgary Act) ပါဝင်နေသည်။ ထူးဆန်းသလို ရယ်စရာလည်း ကောင်းပါသည်။

သို့သော် ကိုမြင့်အောင်က တစ်ဖက်သတ် စွပ်စွဲခံရသည့် ပုဒ်မများအကြောင်း သိပ်မပြောပါ။ လောကဓံကို ကြိတ်မှိတ်ခံသည်။ ထောင်ထဲတွင် အားကစားကိုတော့ ဂရုစိုက်တတ်သည်။ အမှု လက်ကျန်တွေ အတွက်တော့ ထောင်တွင်း စစ်ကြောရေးကို ရင်ဆိုင်နေရဆဲဖြစ်သည်။ သတင်းတပ်ဖွဲ့မှ တာဝန်ရှိသူ တစ်ယောက်က သူရုံးထွက်မရှိသည့် နေ့များတွင် လာစစ်သည်။ သူ၏ နိုင်ငံရေး ခံယူချက်နှင့် သဘောထား အမြင်ကို တောင်းခံသည်။ ကိုမြင့်အောင်က သူ့ယုံကြည်ချက်နှင့် ပတ်သက်၍ နည်းနည်းမှ မလျှော့။ သူ့အမှုတွေက လွှတ်ပေး၍ရသည့် အနေအထားမှာ ရှိကြောင်း အရိပ်အမြွက်ပြော၍ သူ့ယုံကြည်ချက်ကို ချေမွရန် ကြံစည်သော်လည်း မအောင်မြင်။

ကိုမြင့်အောင်ကလည်း သူ့ကိုယ်သူ “ကျလူ”အဖြစ် သတ်မှတ်ထားပြီး ဖြစ်သည်။ အမေ့ထဘီ တစ်ထည်ကြောင့် သူခိုးဟုစွပ်စွဲပြီး ထောင်ချရင်လည်း ချပါစေတော့။

ထိုတစ်ညနေသည် အင်းစိန်ထောင် အတွက် ထူးထူးခြားခြား ဖြစ်နေသည်။ ညနေ ၇နာရီ ကျော်ပြီဖြစ်သော်လည်း လူစစ်ဆေး တန်းစီနေသည့် အကျဉ်းသားများကို တန်းဖြုတ်ခွင့်မပေး။ အမှန် တကယ်တော့ ညဂျူတီ ၀င်လာသည့် ၀န်ထမ်းများက “ထောင်ပိတ်လူပေါင်း”ကိုက်ပြီဆိုလျှင် “ထောင်ပိတ် သံချောင်း”ခေါက်ကာ နေ့ဝန်ထမ်းများထံမှ တာဝန်ကို လွှဲပြောင်းယူရစမြဲဖြစ်သည်။ ယခု ၇ နာရီကျော် ၈ နာရီနီးပါးရှိပြီ ဖြစ်သော်လည်း တန်းမဖြုတ်။ သံချောင်းမခေါက်။

လူတွေက ထိုင်ရလွန်း၍ ညောင်းညာကုန်ကြပြီ။ ၀န်ထမ်းတွေက လူပေါင်းလာရေလိုက်၊ ပြန်သွား လိုက်နှင့် အလုပ်ရှုပ်နေသည်။

ထောင်မှာ တစ်ခုခု ဖြစ်နေတာတော့ သေချာသည်။ အကျဉ်းသားတွေကတော့ ထင်ရာမြင်ရာတွေကို တစ်ယောက်တစ်မျိုး ပြောဆိုနေကြသည်။ ည ၉နာရီတွင် မိန်းဂျေးလ် (Main Jail) တာဝန်ခံထောင်မှူး ကိုယ်တိုင် လူလာရေတွက်သည်။ ပြီးတော့ တန်းဖြုတ်ပေးလိုက်သည်။ လူတွေက ၀မ်းသာအားရဖြင့် အိပ်ရာတွေ ခင်းနေကြသည်။ ထိုအခိုက် ထောင်မှူးကြီး ရောက်လာပြီး လူပေါင်း မကိုက်၍ အားလုံးကို ပြန်ထိုင်ခိုင်းသည်။ ထောင်ပိုင်လေး ဦးဇော်အုန်းကိုယ်တိုင် လာစစ်ဆေးသည်။ သို့သော် လူပေါင်းက မကိုက်ညီပြန်။

ဤသို့ဖြင့် လူရေတွက် စစ်ဆေးသည့် အရာရှိအဆင့်က ကြီးသထက် ကြီးလာသည်။ အကျဉ်းသား တွေမှာလည်း တန်းဖြုတ်လိုက်၊ ပြန်ထိုင်ခိုင်းလိုက်နှင့် ည၂နာရီကျော်လာပြီ။ သို့သော် လူတစ်ယောက် ကတော့ ပျောက်ဆုံးနေဆဲ ဖြစ်သည်။

ထောင်လေးဖက် လေးတန်မှ မီးမောင်းကြီးများကို ဖွင့်လိုက်ကြသည်။ တစ်ထောင်လုံး ထိန်ထိန် လင်းသွားသည်။ အပြင်ဘက်မှ အင်အားဖြည့် ၀န်ထမ်းတွေ ၀င်လာကြသည်။ လူရှာရန် စစ်ခွေးတွေလည်း ခေါ်လာကြသည်။ အဆောင်တိုင်းတွင် ခွေးဟောင်သံများ ဆူညံသွားသည်။

အကျဉ်းဦးစီး ၀န်ထမ်းများက သစ်ပင်တွေပေါ် ရှာဖွေကြသလို ချောင်ကြိုချောင်ကြားတွေကိုလည်း ပိုက်စိပ်တိုက် ရှာဖွေကြသည်။ ဘာမှမတွေ့။ မည်သည့် သဲလွန်စမှမရ။ ၀န်ထမ်းတွေ အလုပ်ကြီးဝင်းထဲ ရှာကြပြန်သည်။ ဘာမှမရှိ။ စူးရှလင်းထိန်သည့် မီးမောင်းကြီးများကတော့ ထောင်အုတ် တံတိုင်းပေါ်တွင် ရွေ့လျား ကစားနေကြသည်။

လင်းအားကြီး အချိန်တွင် ထောင်ပိုင်ကြီးနှင့် အချုပ်ရုံး ၀န်ထမ်းများ ရောက်လာကြပြန်သည်။ အကျဉ်းသား တစ်ဦးချင်းစီကို ထောင်နံပါတ်တွေနှင့် အမည်တွဲပြီးခေါ်ကာ စစ်ဆေးကြသည်။ အခြေအနေက ဆိုးသထက် ဆိုးလာသည်။ သန်ခေါက်ထက် ညဉ့်မနက်တော့။ ညနေ ၅ နာရီမှ တန်းစီခဲ့ရသော အကျဉ်းသား အားလုံးသည် နောက်တစ်နေ့ နံနက် ၇နာရီအထိ တန်းဖြုတ်ခွင့်မပေး။ အဖြေကတော့ တစ်စတစ်စ ပီပြင်လာသည်။ သတင်းတွေက လေနှင့်အတူ အားလုံးထံ ရောက်လာ ကြသည်။

အင်းစိန်ထောင်ထဲမှ လူတစ်ယောက် ထွက်ပြေး လွတ်မြောက်သွားသည့် သတင်းမှာ သေချာသွားပြီ။

ထိုအကျဉ်းသားမှာ သာမန် ရာဇ၀တ် အကျဉ်းသား မဟုတ်။ နိုင်ငံရေး လှုပ်ရှားမှုများနှင့် ပတ်သက်၍ ပြစ်တင် စွပ်စွဲခြင်း ခံထားရသော ၅(ည) အကျဉ်းသား တစ်ယောက်၊ အတိအကျ ဆိုရလျှင် အချုပ်ဆောင် (၁)တွင် နေထိုင်သည့် ပုဇွန်တောင်သား ကိုမြင့်အောင်။

အရှေ့တောင် အာရှတွင် အကြီးဆုံးနှင့် အလုံခြုံဆုံးထောင်ဟု တင်စားကြသော အင်းစိန်ဗဟို အကျဉ်းထောင်မှ အကျဉ်းသား တစ်ဦး ထွက်ပြေး လွတ်မြောက်သွားခဲ့ပြီ။

သူဘယ်လို လွတ်မြောက်သွားတာလဲ။

ကိုမြင့်အောင် ဘယ်လို လွတ်မြောက်သွားတာလဲ။

အကျဉ်းထောင် တစ်ထောင်လုံးမှ တာဝန်ရှိ ပုဂ္ဂိုလ်များ အားလုံးရော၊ အကျဉ်းသား အားလုံးပါ ကိုမြင့်အောင်ထောင်မှ မည်သို့မည်ပုံ လွတ်မြောက်သွားသလဲ သိချင်နေကြသည်။
ကိုမြင့်အောင် လွတ်မြောက်သွားပုံက တော်တော်ထူးဆန်းပါသည်။

သတင်းတပ်ဖွဲ့က ပုဇွန်တောင် NLDမှ ကိုမြင့်အောင်ကို နိုင်ငံတော်အား အကြည်ညိုပျက်စေမှုနှင့် တရားစွဲရုံနဲ့ အားမရဘဲ ထပ်တိုးပုဒ်မတွေနှင့် ရုံးတင် တရားစွဲနိုင်အောင် ထောင်တွင်း စစ်ကြောရေး ထပ်လုပ်နေသည်။ ကိုမြင့်အောင် လွတ်မြောက်သွားသည့်နေ့က စစ်ကြောရေး တာဝန်ယူထားသည့် ပုဂ္ဂိုလ်သည် ထောင်သို့ နောက်ကျပြီး ရောက်လာသည်။ လာတော့လည်း အလောတကြီး ဖြစ်နေသည်။

ကိုမြင့်အောင်ကို အချုပ်ဆောင်မှ ခေါ်ခိုင်းပြီး ထောင်ကျရုံးဘက်ရှိ သီးခြားအခန်းတွင် စစ်ဆေးသည်။ စစ်ဆေးတော့လည်း ဒီမေးခွန်း၊ ဒီဖြစ်စဉ်၊ ဒီအဖြေတွေပဲဖြစ်ကာ ငြီးငွေ့စရာ ကောင်းနေသည်။ ဒီဇာတ်လမ်း၏ ရည်ရွယ်ချက်ကို စစ်ဆေးသည့် ပုဂ္ဂိုလ်ရော၊ စစ်ဆေးခံနေရသည့် ကိုမြင့်အောင်ရော သိနေကြသည်။ ထိုအခိုက် စစ်ကြောရေး လုပ်နေသည့် ပုဂ္ဂိုလ် ဗိုက်နာလာသည်။ ဒီတော့ ကိုမြင့်အောင်ကို “ကိုယ်တိုင်ရေးဖြောင့်ချက်” အရေးခိုင်းပြီး အိမ်သာသွားတက်သည်။

ကိုမြင့်အောင် ကိုယ်တိုင်ရေးဖြောင့်ချက် စရေးသည်။ ရေးရင်းရေးရင်း သူ့ဘ၀သူ စိတ်နာလာသည်။ စာရေးတာ ရပ်လိုက်ပြီး စစ်ကြောရေး စားပွဲကို အမှတ်မထင် ငေးစိုက်ကြည့်လိုက်သည်။ စားပွဲပေါ်တွင် စစ်ကြောသူ၏ ဦးထုပ်နှင့်ဖိုင် လက်ပတ်နာရီကိုပါ ချွတ်ပြီး တင်ထားတာ တွေ့ရသည်။ နံရံတွင် အိတ်ကို ချိတ်ဆွဲထားသည်။ ကိုမြင့်အောင် သူ့ကိုယ်သူ ပြန်ငုံ့ကြည့်လိုက်သည်။ စပို့ရှပ်အင်္ကျီ၊ ပလေကပ်နှင့် ကတ္တီပါ ဖိနပ်နှင့် သာမန် လူတစ်ယောက်နှင့် ဘာမှမခြားနား အိမ်သာ သွားတက်နေသော ပုဂ္ဂိုလ်နှင့် အားလုံးအတူတူ။ သူ့ဦးခေါင်းတွင် အလင်းတစ်ခု ဖျတ်ခနဲ လင်းထွက်သွားသည်။ ရရှိနေသည့် အခွင့်အရေးကို ကိုမြင့်အောင်က လက်လွတ်မခံ။ သူ့အတွက် စက္ကန့်တိုင်း၊ မိနစ်တိုင်းက အရေးကြီးနေသည်။

ကိုမြင့်အောင် စားပွဲပေါ်မှ လက်ပတ်နာရီကို ခပ်တည်တည် ကောက်ပတ်လိုက်သည်။ ဦးထုပ်ကို ယူပြီး ဆောင်းလိုက်သည်။ တိုင်တွင် ချိတ်ထားသော အိတ်ကို ပခုံးတွင် ကောက်လွယ်လိုက်သည်။ အိတ်ထဲ ကြည့်လိုက်တော့ ဧည့်ကတ်ပြားပါတွေ့၍ ပိုပြီး အဆင်ပြေသွားသည်။ ဧည့်ကတ်ပြားကို ယူပြီး လည်ပင်းတွင် ချိတ်ဆွဲလိုက်သည်။ ထို့နောက် အင်းစိန်ထောင် ဗူးတံခါးကြီးသို့ အေးဆေးတည်ငြိမ်စွာ ထွက်ခွာသွားသည်။

ထောင်ဘူး တံခါးကြီးထဲတွင်လည်း ရုံးထွက်၊ ရုံးပြန်အချုပ်၊ အကျဉ်းသားများ၊ ဂျူတီချိန်းသည့် ၀န်ထမ်းများ၊ ဧည့်သည်များကြောင့် ရှုပ်ထွေး ဆူညံလျက်ရှိပါသည်။ ထောင်အပြင်ဘက်တွင် အလုပ်လုပ်ကြသော “အပြင်ဘုတ်” အကျဉ်းသားများကို ကျွေးရန် ထမင်းကားကလည်း အပြင်ထွက်ရန် စောင့်နေသည်။ ကိုမြင့်အောင် ဘူးတံခါးရှေ့တွင် ရပ်လိုက်သည်။ တံခါးသော့ အဖွင့်အပိတ် လုပ်သော ဒုတပ်ကြပ်အား ခြေဟန်လက်ဟန်နှင့် တံခါးကို ဖွင့်ခိုင်းလိုက်သည်။

ဒုတပ်ကြပ်က သတင်းတပ်ဖွဲ့မှ လူမှန်း သိသာနေ၍ ပျာပျာသလဲ ဖွင့်ပေးသည်။ တံခါးထဲရောက်တော့ ကိုမြင့်အောင်က ဧည့်ကတ်ပြားကို လည်ပင်းမှဖြုတ်ပြီး ပြန်ပေးလိုက်သည်။

“ရုံးချုပ်က အရေးတကြီး လှမ်းခေါ်နေလို့”

“ဟုတ်ကဲ့ပါ ဆရာ”

တံခါးထောင်မှူးက ဧည့်မှတ်တမ်း စာအုပ်ကို ရိုရိုသေသေ လှမ်းပေးသည်။ စာအုပ်ထဲတွင် ဘောပင် တစ်ချောင်း ညှပ်ထားသည်။ တံခါးတာဝန်ကျ ထောင်မှူးအနေနှင့် နေ့စဉ်ဝင်ထွက်နေသော လူထောင်ပေါင်း များစွာကို မှတ်မိဖို့ဆိုတာ မဖြစ်နိုင်ပါ။

“အထွက် လက်မှတ်လေး ထိုးပေးခဲ့ပါဦးဆရာ”

ကိုမြင့်အောင်က စာအုပ်ကိုဖွင့်ကာ ဧည့်မှတ်တမ်းတွင် “မြင့်အောင်”ဟု ခပ်တည်တည်ငြိမ်ငြိမ် ရေးထိုးပေးလိုက်သည်။ အကျဉ်းဦးစီး ၀န်ထမ်း တစ်ယောက်က ဘူးတံခါး မလွယ်ပေါက်ကို သော့ဖွင့်ပေးလိုက်သည်။ ကိုမြင့်အောင် တံခါးပေါင်ကို ကျော်ပြီး ထွက်လိုက်သည်။

လတ်ဆတ်ပြီး အေးမြနေသော အပြင်လေကို အားပါးတရ ရှူရှိုက်လိုက်သည်။ သူ့ကျောဘက်မှ တံခါးသော့ပိတ်သံကို ကြားလိုက်ရသည်။ နောက်ကို လုံးဝ လှည့်မကြည့်။ ခြေလှမ်းတွေကို ခပ်သွက်သွက် လှမ်းလိုက်သည်။ အချိန်က သိပ်မရှိ၊ ရန်ကုန်ကနေ လွတ်မြောက်ရန်လိုသည်။ မိခင် နှင့် ဇနီးကိုလည်း တွေ့ချင်သည်။ တိတိကျကျ ပြောရလျှင် နှုတ်ဆက်ချင်သည်။ ထို့ကြောင့် အိမ်ကိုတော့ ပြန်မှဖြစ်မည်ဟု ရဲရင့်စွာ ဆုံးဖြတ်လိုက်သည်။

အိမ်ရောက်တော့ မိခင်က သူ့ကိုဖက်ငိုသည်။ “ဖြစ်ရလေသားရယ်”ဆိုပြီး မချိတင်ကဲဆိုသည်။ ခွဲခွာရတော့မှာကို သိပြီး သူ့မျက်နှာကို အထပ်ထပ် နမ်းသည်။ ဇနီးဖြစ်သူကတော့ မျက်ရည်ဝဲလျက် အံကို တင်းတင်းကြိတ်ထားပြီး စကားတစ်ခွန်းမှမဟ။ သူ့ကို အကောင်းဆုံး ထမင်းနှင့်ဟင်း ခူးခပ် ကျွေးသည်။

ကိုမြင့်အောင်က မြိန်ရှက်စွာ စားသည်။ ပြီးတော့ ကလေးတွေကို နှုတ်ဆက်သည်။

ဘယ်အချိန်မှ ပြန်တွေ့ရမည် မသိ၍ နှစ်သိမ့်ရန် စကားလုံး ရှာမရ။

ထို့နောက် ဇနီးသည် ပေးလိုက်သော ငွေကို တင်းတင်းကျပ်ကျပ် ဆုပ်ကိုင်ကာ ထွက်ခွာ သွားတော့သည်။

ရန်ကုန်မှ ထိုင်းနယ်စပ်သို့ ကိုမြင့်အောင် ရောက်ရှိသွားပြီးနောက် အင်းစိန် ဗဟိုစံပြ အကျဉ်းထောင်တွင် ထူးခြားသည့် အမိန့်တစ်ခု ထွက်လာသည်။

“ထောင်ထဲတွင် ကတ္တီပါ ဖိနပ်မစီးရ”

ထိုအချိန်မှစပြီး ထောင်ပိုင်ကြီးကလည်း အင်းစိန်ထောင်ကို အရှေ့တောင် အာရှတွင် အလုံခြုံဆုံးနှင့် အကြီးမားဆုံး ထောင်ဟု မပြောတော့။ အချုပ်ဆောင် အကျဉ်းသားများကိုလည်း တခြားနေရာ ခေါ်ကာ စစ်ကြောရေး လုပ်ခွင့် မရှိတော့။ ကိုမြင့်အောင်၏ အကြောင်းကိုလည်း ၂၅နှစ်ကြာသည့်တိုင် မည်သူမှ မပြော၍ မကြားရတော့ပေ။

ဇော်သက်ထွေး
Tomorrow news journal

လယ်မြေသိမ်းဆည်း ခံရမှုများအပေါ် အစိုးရ၏စီမံခန့်ခွဲမှု အားနည်းနေခြင်းအတွက် တောင်သူလယ်သမား ၁ဝဝဝ ကျော် မအူပင်မြို့နယ်၌ ဩဂုတ် ၃ဝ ရက် နေ့လယ်ပိုင်းတွင် ဆန္ဒပြခဲ့ကြသည်။

မအူပင်၊ ကျိုက်လတ်၊ ဖျာပုံ၊ ဒေးဒရဲ၊ လပ္ပတာ၊ မော်ကျွန်း၊ ဘိုကလေး၊ ဇလွန်၊ ဟသာင်္တ စသော ဧရာဝတီတိုင်းမြို့နယ်မှ လယ်သမားများသည် ၎င်းတို့နယ်တွင် ကြုံ တွေ့နေရသော လယ်ယာမြေအခက်အခဲများအတွက် ဆန္ဒပြခဲ့ကြခြင်းဖြစ်သည်။

လယ်သမားအင်အား ၁၂ဝဝ ခန့်သည် နံနက် ၉ နာရီခန့်တွင် မအူပင်မြို့ မြို့ရှောင်လမ်းနှင့် ရေလဲလမ်းဆုံတွင် လူစု၍ ရေလဲလမ်းတစ်လျှောက်မှ မင်းလမ်းနှင့်(၃)လမ်းထိပ်အထိ၊ ကမ်းနားလမ်းမှရေလဲ လမ်းဆုံစုရပ် (အမျိုးသားဒီမိုကရေစီ အဖွဲ့ချုပ် မအူပင်ပြည်သူ့လွှတ်တော် ကိုယ်စားလှယ်ရုံးရှေ့) အထိ လမ်းလျှောက်ဆန္ဒ ပြခဲ့ကြခြင်းဖြစ်ကာ တောင်သူလယ်သမားများ နစ်နာမှုမရှိရေး ဆောင်ရွက်ပေး၊ ဘက်လိုက်သော လယ်/ စီ အလိုမရှိ၊ ကောင်းမွန်သော အုပ်ချုပ်ရေးနှင့် သန့်ရှင်းသော အစိုးရရှိရေး စသောကြွေးကြော်သံများကို ဆန္ဒပြရာလမ်းတစ်လျှောက် ကြွေးကြော်ခဲ့ကြသည်။

အစိုးရ၏ လယ်ယာမြေသိမ်းဆည်းခံရ မှုများအပေါ် စီမံခန့်ခွဲမှု အားနည်းနေခြင်းအတွက် ရည်ရွယ်ဆန္ဒပြခဲ့ကြခြင်းဖြစ်ကာ မြို့နယ်အသီးသီးမှ လယ်ယာမြေသိမ်းဆည်းခံရသော လယ်သမားများသည် လယ်ယာမြေ ပြန်လည်မရရှိသေးခြင်း၊ ပြန်လည်စွန့်လွှတ်သော ဧရိယာတွင် ပါဝင်သော်လည်း လက်ဝယ်မရရှိသေးခြင်း၊ ကုမ္ပဏီနှင့် ဝန်ကြီးဌာန အသီးသီးက မူလသိမ်းဆည်းခဲ့သော လယ်မြေများကို သီးစားပြန်လည်ချပေးခဲ့ပြီး လယ်ယာမြေပြန်လည်ပေးရာတွင် မူလလယ်သမားများကို ပြန်မပေးဘဲ သီးစားချထားသော လယ်သမားကိုသာ လက်သင့်ရာပေးနေခြင်း၊ ပြည်ထောင်စုအစိုးရက ပြန်လည်စွန့်လွှတ်သော လယ်ယာမြေများကို လယ်ယာမြေစီမံခန့်ခွဲမှု ကော်မတီမှတစ်ဆင့် ပြုလုပ်နေရာ ယင်းကော်မတီတွင် မူလသိမ်းဆည်းစဉ်က ပါဝင်ခဲ့သော မြို့နယ်ထွေအုပ်များနှင့် မြေစာရင်းဌာနတို့ ပါဝင်နေခြင်းတို့အပေါ် ကန့်ကွက်ဆန္ဒ ပြခဲ့ခြင်းဖြစ်သည်။

“လယ်ယာမြေသိမ်းဆည်းခံရမှုတွေက တစ်ဧကမှဥပဒေနဲ့အညီ သိမ်းဆည်းရယူခဲ့တာမရှိဘူး။ ပြန်ပေးဖို့ကျတော့ဥပဒေနဲ့ အညီဆိုတဲ့စကားကို ထပ်ခါထပ်ခါပြောနေကျ တယ်။ တကယ်ဆို လယ်သမားတွေက စာတွေ၊ ဥပဒေတွေကို နားမလည်ပါဘူး။အဲဒီ အချက်အလက်ကိုအသုံးချပြီး သိမ်းတုန်းကလည်းသိမ်းတယ် ပြန်ပေးမယ့်အခါကျတော့ လည်း အစိုးရကဖွဲ့ပေးထားတဲ့ လယ်/စီက လှည့်ပတ်နေတာတွေ ဧရာဝတီတိုင်းမှာ အများကြီးတွေ့ရတယ်” ဟု ပုသိမ်မြို့နယ်က လယ်သမားအရေး ဆောင်ရွက်သူ ကိုကြည်လွင်က ဟောပြောခဲ့သည်။

လယ်သမားအရေး ဆောင်ရွက်သူများ ဖြစ်သည့် ကိုဇော်ရမ်း၊ ကိုအောင်မြင့်တို့ လည်း ဟောပြောခဲ့ပြီး အဓိကအားဖြင့် နိုင်ငံ တော်သမ္မတနှင့် လွှတ်တော်အပေါ် လယ်ယာ မြေ စီမံခန့်ခွဲမှု အားနည်းနေခြင်းအတွက်ဝေဖန်ခဲ့ပြီး လယ်ယာမြေပြဿနာများ မဖြေရှင်းပေးနိုင်ပါက တိုင်းပြည်တိုးတက်မှု နောက်ကြောင်း ပြန်လှည့်နိုင်သည်ဟု ဟောပြောခဲ့ကြသည်။

ဆန္ဒပြလယ်သမား ၁၂ဝဝ သည် မွန်းတည့် ၁၂ နာရီအချိန်ခန့်တွင် မအူပင်မြို့ အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော် ကိုယ်စားလှယ်ရုံးရှေ့သို့ရောက်ရှိခဲ့ကြ ပြီး ဆန္ဒပြခြင်းကို အဆုံးသတ်ခဲ့ကြကာ မအူပင်ပြည်သူ့လွှတ်တော် ကိုယ်စားလှယ် ဦးစိန်ဝင်းကလည်း လယ်ယာမြေအခက်အခဲ များအတွက် အစိုးရကို ဝေဖန်ပြစ်တင်ခဲ့ကြောင်း သိရသည်။

“လယ်/စီမှာက သိမ်းထားတဲ့သူတွေ ပြန်ပါနေတော့ တရားခံက တရားသူကြီးပြန် လုပ်သလိုဖြစ်နေတယ်။ သူ့တရားသူ အေးဆေးစီရင်လို့ ရတာပေါ့။ အခုမအူပင်မှာတင် အသိမ်းခံမြေဧက ၅ သောင်းကျော်ရှိတယ်။ သိမ်းတာက တပ်မတော်ပါတယ်။ ဝန်ကြီးဌာနတွေပါတယ်။ ကုမ္ပဏီတွေကလည်း သူတို့သိမ်းထားတဲ့ လယ်တွေကို ပြန်မပေးချင်လို့ အမျိုးမျိုးလှည့်ပတ်နေတယ်။ လျော်ပေးတဲ့ ဧရိယာတွေမှာလည်း လယ်/စီတွေက ကာလ တန်ဖိုးမပေးတာတွေလည်းရှိတယ်။ အဲဒါကိုလည်း လွှတ်တော်မှာ ကျွန်တော်တို့တင်ပြသွားဖို့ စီစဉ်ထားပါတယ်” ဟု မအူပင်ပြည်သူ့လွှတ်တော် ကိုယ်စားလှယ်က ပြောကြားသည်။

မအူပင်တွင် ခွင့်ပြုမိန့်ဖြင့် ပြုလုပ်သော ယခုဆန္ဒပြပွဲသည် တောင်သူလယ်သမားဦးရေ အများဆုံး ပါဝင်သော ဆန္ဒပြပွဲဖြစ်ပြီး၂ဝ၁၄ ခုနှစ် ဇန်နဝါရီလကလည်း ရန်ကုန်တွင် လယ်သမားဦးရေ ၅ဝဝ ခန့် ဆန္ဒပြခဲ့ဖူးကြောင်း သိရသည်။

လယ်ယာမြေသိမ်းဆည်းခံရမှုအပေါ် အစိုးရ၏စီမံခန့်ခွဲမှု အားနည်းဖြင်းအတွက် တောင်သူလယ်သမားများက သြဂုတ် ၃၀ ရက်က မအူပင်တွင် ဆန္ဒပြနေစဉ် (ဓာတ်ပုံ-သက်မင်း)

Eleeven media group

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဗိုလ်သင်တန်းကျောင်းတွင် မိန့်ခွန်းပြောကြားစဉ် (ဓာတ်ပုံ-မြ၀တီ)
http://www.7daydaily.com/
ဖွဲ့စည်းပုံ အခြေခံဥပဒေကို ကာကွယ်စောင့်ရှောက်မည်ဟု တပ်မတော် ကာကွယ်ရေးဦးစီးချုပ်က ပြောကြားလိုက်သည့် စကားကြောင့် အတိုက်အခံ နိုင်ငံရေး အင်အားစုများ ကြိုးပမ်းနေသော ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးကို တွန်းအားတစ်ရပ်ပင် ဖြစ်စေကြောင်း နိုင်ငံရေး အင်အားစုများက ဆိုလာသည်။

ဦးသိန်းစိန် အစိုးရသက်တမ်း ၁၉ လသာ ကျန်တော့သည့် အချိန်၊ အတိုက်အခံ နိုင်ငံရေး အင်အားစုများက ၂၀၀၈ ဖွဲ့စည်း ပုံအခြေခံဥပဒေပြင်ဆင်ရန် ကြိုးပမ်းနေချိန်တွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ယင်းကဲ့သို့ ပြောကြားလိုက်ခြင်း ဖြစ်သည်။

‘‘အခြေခံဥပဒေကို ဆန့်ကျင် ပြီး ဖက်ဒရယ်အခြေခံမူကို လက် ခံပြီးပြီ။ NCCT နဲ့ UPWC ဆွေး နွေးပွဲမှာ ဒါပါပြီးသား။ ပြုပြင် ပြောင်းလဲတဲ့ တောင်းဆိုချက်တွေ ကို လက်ခံလာပြီးပြီပဲ။ ဒါတွေ အားလုံးဟာ ၂၀၀၈ ကို ဆန့်ကျင် တာတွေချည်းပဲ။ တပ်မတော်က အခြေအနေအရ၊ တာဝန်အရ ဒီအတိုင်းပြောမှာပါပဲ’’ဟု ရှမ်းအမျိုးသားဒီမိုကရေစီအဖွဲ့ချုပ် (SNLD) ပါတီဥက္ကဋ္ဌဦးခွန်ထွန်းဦးက ပြောသည်။

၁၉၉၀ ရွေးကောက်ပွဲတွင် မြန်မာတစ်နိုင်ငံလုံး မဲအများဆုံး ဒုတိယရရှိခဲ့သည့် SNLD ခေါင်းဆောင်ဖြစ်ပြီး ယင်းရွေးကောက် ပွဲနောက်ပိုင်း ဖွဲ့စည်းခဲ့သည့် ညီညွတ်သော တိုင်းရင်းသားလူမျိုးများ မဟာမိတ် (UNA) ၏ သြဇာကြီးသော ဦးဆောင်သူလည်းဖြစ် သည့် ဦးခွန်ထွန်းဦးက ‘‘သူ့ (ကာချုပ်)စကားကြောင့် အဟန့်အတား မရှိနိုင်ဘူး။ ရှိရင်လည်း ရတဲ့နည်းနဲ့ ပြင်ဆင်ရေး ကို ဆက်သွားရမှာပဲ။ တကယ်လို့ အဟန့်အတား ဖြစ် သွားရင်တော့ အခုလုပ်နေတဲ့ ငြိမ်းချမ်းရေးလုပ်ငန်းစဉ်က ကြာသွား ဦးမှာ’’ ဟု ဆိုသည်။

ပြီးခဲ့သည့် သြဂုတ် ၂၈ ရက် က ပြုလုပ်ခဲ့သည့် မြန်မာနိုင်ငံ၏ ပထမဆုံး အမျိုးသမီးဗိုလ်လောင်း သင်တန်းဆင်းပွဲတွင် တပ်မတော် ကာကွယ်ရေးဦးစီးချုပ် ဗိုလ်ချုပ် မှူးကြီး မင်းအောင်လှိုင်က ‘‘တပ် မတော်သည် အဓိကလုပ်ငန်းတာ ၀န်ကြီး သုံးရပ်အပြင် ဖွဲ့စည်းပုံ အခြေခံဥပဒေကို ကာကွယ်စောင့်ရှောက်ရန် တာဝန်သည်လည်း တပ်မတော်၏ အဓိကတာဝန်ပင် ဖြစ်ကြောင်း၊ ၂၀၀၈ နိုင်ငံတော်ဖွဲ့စည်းပုံအခြေခံဥပဒေပုဒ်မ ၂၀ မှာ ‘‘တပ်မတော်သည် နိုင်ငံတော် ဖွဲ့စည်းပုံ အခြေခံဥပဒေကို ကာ ကွယ်စောင့်ရှောက်ရန် အဓိက တာဝန်ရှိသည်’’ဟု အတိအလင်း ဖော်ပြထားပြီးဖြစ်ကြောင်း၊ တစ် နည်းအားဖြင့် တပ်မတော်သည် ဒို့တာဝန်အရေးသုံးပါးနှင့် နိုင်ငံ တော်ဖွဲ့စည်းပုံ အခြေခံဥပဒေကို ကာကွယ်စောင့်ရှောက်ရမည်ပင် ဖြစ်ကြောင်း ပြောကြားခဲ့သည်။

‘‘၂၀၀၈ ခုနှစ် နိုင်ငံတော်ဖွဲ့ စည်းပုံ အခြေခံဥပဒေကို ရေးဆွဲ ခဲ့စဉ်က အခြေခံမူ ၁၀၄ ချက် ချ မှတ်ခဲ့ပြီး တိုင်းရင်းသား ကိုယ်စားလှယ်များ၊ အသိပညာရှင် အတတ်ပညာရှင်များ စုပေါင်းပြီး စနစ်တကျ အချိန်ယူရေးဆွဲခဲ့ခြင်း ဖြစ်ကြောင်း၊ နိုင်ငံတော်နှင့် တိုင်း ရင်းသား ပြည်သူတစ်ရပ်လုံးအတွက် စနစ်တကျရေးဆွဲထားသည် ဖြစ်သကဲ့သို့ ပြည်ပနိုင်ငံများ ၏ ဒီမိုကရေစီကို ပုံတူကူးချခြင်းမဟုတ်ဘဲ ကိုယ့်နိုင်ငံ၏ ပထ၀ီဝင်အ နေအထား၊ ရိုးရာယဉ်ကျေးမှုနှင့် ဓလေ့ထုံးတမ်းသမိုင်းအစဉ်အ လာတို့ကိုပါ ထည့်သွင်းစဉ်းစားပြီး စနစ်တကျ ရေးဆွဲအတည်ပြု ထားခြင်းလည်းဖြစ်ကြောင်း၊ ပြည် သူလူထု၏ ဆန္ဒနှင့်အညီ ရေးဆွဲ အတည်ပြုထားသည့် ဖွဲ့စည်းပုံ အခြေခံဥပဒေကို တပ်မတော်အ နေဖြင့် လေးစားလိုက်နာရမှာ ဖြစ်သကဲ့သို့ ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်များကို လည်း ကာကွယ်စောင့်ရှောက် သွားရမည်ဖြစ်ကြောင်း ၎င်းက မိန့်ခွန်းခြွေခဲ့၏။

‘‘၂၀၀၈ ဖွဲ့စည်းပုံမှာ ပြန် ပြင်ဆင်နိုင်တဲ့ ပြဋ္ဌာန်းချက်ပါ တယ်။ ဒီအတွက် ပြန်ပြင်ရတာကိုလည်း တပ်မတော်က ကာ ကွယ်စောင့်ရှောက်ရမှာပဲ။ ပြင် ဆင်ပေးခြင်းဟာ ဆက်လက်ရှင် သန်ဖို့အတွက် အရေးကြီးတယ် လို့ လက်ခံလာလို့ ပြင်ဆင်ခြင်း ဟာ ၂၀၀၈ ဖွဲ့စည်းပုံကို ကာ ကွယ်နိုင်ခြင်းရဲ့ တစ်ခုတည်း သော နည်းလမ်းပဲလို့ ယုံကြည်လာလို့လည်းပဲ ဒီဖွဲ့စည်းပုံကို ပြင် ဆင်တာကို တပ်မတော်က လက် ခံတယ်ဆိုတဲ့ သဘောလည်း ရတယ်။ နောက်တစ်ဖက်က ကြည့်ရင် လုံးဝမပြင်နဲ့ ကာကွယ်မယ်လို့ လည်း ကောက်ချက်ချလို့ ရတယ်။ ဒီကြားမှာ သူ့သဘောရှိမှာပဲ’’ဟု ရခိုင်တိုင်းရင်းသားများ တိုးတက်ရေးပါတီ (RNDP) ဥက္ကဋ္ဌ ဒေါက်တာအေးမောင်က သုံးသပ်သည်။

တပ်မတော်သည် လက်ရှိအချိန်တွင် နိုင်ငံတော်အစိုးရ၏ ဦးဆောင်မှုနှင့်အညီ တိုင်းရင်းသား စည်းလုံးညီညွတ်ရေးနှင့် ပြည် တွင်းငြိမ်းချမ်းမှုရရှိရေး လုပ်ငန်း များ ဥပဒေဘောင်အတွင်းမှ တက်တက်ကြွကြွ လုပ်ဆောင်နေသည် ဟု ဗိုလ်ချုပ်မှူးကြီးမင်းအောင် လှိုင်က ပြောခဲ့သည်။

မကြာသေးမီက နေပြည်တော်တွင် ‘၀’အထူးဒေသ (၂) မှ ဗဟိုကော်မတီဝင်နှင့် မိုင်းလားအ ထူးဒေသ (၄)မှ ဒုတိယဥက္ကဋ္ဌတို့ နှင့် တွေ့ဆုံစဉ်အတွင်း တပ်မ တော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က တပ်မတော်၏ ငြိမ်းချမ်းရေးမူ ခြောက်ချက်အကြောင်း ပြောခဲ့ သေးသည်။

ယင်းငြိမ်းချမ်းရေးမူ ခြောက် ချက်၏ ဆဋ္ဌမမြောက်အချက်တွင် ၂၀၀၈ ဖွဲ့စည်းပုံအတိုင်း လုပ် ဆောင်ရမည်ဟု ပါရှိသည်။ ယင်း အချက်မှာ တိုင်းရင်းသားလက် နက်ကိုင်အဖွဲ့များဘက်က လက် ခံနိုင်ခြင်း မရှိသော အချက်တစ် ချက်လည်း ဖြစ်သည်။

‘‘ ‘၀’၊ မိုင်းလားတို့နဲ့ တွေ့ တုန်းက ဦးမင်းအောင်လှိုင်က ငြိမ်းချမ်းရေး၊ ဖွံ့ဖြိုးတိုးတက်ရေး ကို အထူးလိုလားတယ်လို့ ပြောခဲ့ တယ်။ ဒါက ပြင်သင့်တာကို ပြင် မှ ဖြစ်မယ်လို့ သိပြီး ဘောင်ထဲက ပြင်ခြင်းကို တပ်မတော်ကာကွယ် ရေးဦးစီးချုပ်က တွန်းနေတယ်လို့ သုံးသပ်လို့လည်း ရတယ်’’ ဟု ဒေါက်တာအေးမောင်က ဆိုသည်။

၂၀၀၈ ဖွဲ့စည်းပုံ အခြေခံ ဥပဒေပြင်ဆင်ရန် အစိုးရပိုင်းက ရော လွှတ်တော်ပိုင်းကပါ ပြော ကြားမှု ပြုလုပ်လာပြီးနောက် ယခု ဆိုလျှင် လွှတ်တော်တွင်နှစ်ကြိမ် ကော်မတီဖွဲ့ပြီး ဆောင်ရွက်နေခဲ့ ပြီ ဖြစ်သည်။ တပ်မတော်ကာ ကွယ်ရေးဦးစီးချုပ်က ပြောကြား သည့် တပ်မတော်သဘောထား နှင့် ပတ်သက်၍ အမျိုးသားဒီမို ကရေစီအဖွဲ့ချုပ် (NLD) ပါတီ ပြည်သူ့လွှတ်တော်ကိုယ်စား လှယ် ဒေါ်ဖြူဖြူသင်းက ယခုကဲ့ သို့ မှတ်ချက်ပြုသည်။

‘‘အခု ၂၀၀၈ ဖွဲ့စည်းပုံ အခြေခံဥပဒေကို ကာကွယ်မယ် လို့ ပြောလာတာက စကားရှေ့ နောက်မညီသလို ဖြစ်နေတယ်။ ပြည်သူ့ဆန္ဒနဲ့မညီရင် အကုန်လုံး ပြောင်းရမှာပါ’’ ဟု ပြောသည်။

ပြင်ဆင်ရေးကို ချုပ်ကိုင်ထားသည့် ၂၀၀၈ ဖွဲ့စည်းပုံ အ ခြေခံဥပဒေပါ ပုဒ်မ ၄၃၆ ကို ပြင်ဆင်ရန်အတွက် လူထုဆန္ဒလက်မှတ်ကောက်ယူသည့် အစီအစဉ်ကို ဒေါ်အောင်ဆန်းစုကြည် ဦးဆောင်သည့် အမျိုးသား ဒီမိုကရေစီအဖွဲ့ချုပ်နှင့် ၈၈ မျိုးဆက်(ငြိမ်းချမ်းရေး နှင့် ပွင့်လင်းလူ့အဖွဲ့အစည်း)တို့ မြန်မာနိုင်ငံ တစ်ဝန်းတွင် ပူးပေါင်းလုပ်ဆောင်နေခဲ့ကြသည်။

‘‘အားလုံးက ပြင်ဖို့ ၀ိုင်းကြိုး စားနေတဲ့အချိန်မှာ ဒီလိုပြော လိုက်တာက ပြည်သူလူထုကြား သံသယပွားစရာ ဖြစ်စေပါတယ်။ ဒီအချိန်မှာ နောက်ကြောင်းပြန် မပြောသင့်ဘူး။ ပြည်သူလူထု ဆန္ဒနဲ့ ဆန့်ကျင်ပြီး မပြောသင့် ဘူး။ ဒီအချိန်က ၀ိုင်းပြီး ကြိုးစားရ မယ့်အချိန်ပါ’’ ဟု ၈၈ မျိုးဆက် ကျောင်းသားခေါင်းဆောင် တစ် ဦးဖြစ်သည့် ဦးမြအေးက ပြော သည်။

တိုင်းရင်းသားလက်နက် ကိုင်အဖွဲ့များက တောင်းဆိုသည့် ဖက်ဒရယ်မူ အခြေခံဆွေးနွေးရန်ကို အစိုးရဘက်က လက်ခံလိုက် ပြီး အစိုးရသတ်မှတ်ထားသည့် ဒို့ တာဝန်အရေးသုံးပါးကို အခြေခံ ၍ ဆွေးနွေးရန်မူကိုလည်း တိုင်း ရင်းသားတို့ဘက်က လက်ခံလိုက် ပြီးသည့်နောက်တွင် တိုင်းရင်း သား လက်နက်ကိုင်အဖွဲ့များကို ကိုယ်စားပြုသည့် တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိ နှိုင်းရေးအဖွဲ့ (NCCT) ဒုတိယ ခေါင်းဆောင် ဖဒိုစောကွယ်ထူး ၀င်းက နိုင်ငံရေးတွေ့ဆုံဆွေးနွေး မှုမှတစ်ဆင့် ၂၀၀၈ ဖွဲ့စည်းပုံ အခြေခံဥပဒေ ပြင်ဆင်သည့် ကဏ္ဍလည်း ပါဝင်နေကြောင်း ပြောကြားခဲ့သည်။

လက်ရှိ မြန်မာ့ငြိမ်းချမ်းရေး လုပ်ငန်းစဉ်မှာ တစ်နိုင်ငံလုံး အပစ်အခတ်ရပ်စဲရေး စာချုပ် (NCA) လက်မှတ်ရေးထိုးနိုင်ရန် အစိုးရ၏ ပြည်ထောင်စု ငြိမ်းချမ်း ရေးဖော်ဆောင်ရေးလုပ်ငန်း ကော်မတီ (UPWC) နှင့် တိုင်းရင်း သားလက်နက်ကိုင်အဖွဲ့များကို ကိုယ်စားပြုသည့် တစ်နိုင်ငံလုံး အပစ်အခတ်ရပ်စဲရေးဆိုင်ရာ ညှိ နှိုင်းရေးအဖွဲ့ (NCCT)တို့ ညှိနှိုင်းနေ ကြသည့်အဆင့်တွင် ရှိနေသည်။ NCA ပြီးပါက နိုင်ငံရေးတွေ့ဆုံ ဆွေးနွေးပွဲ မူဘောင်ရေးဆွဲအတည်ပြု၍ ‘‘ပြည်ထောင်စု ငြိမ်းချမ်းရေးညီလာခံ’’ အမည်ဖြင့် နိုင်ငံရေးဆွေးနွေးပွဲ ပြုလုပ်မည် ဖြစ်သည်။ ယင်းဆွေးနွေးပွဲတွင် ဖွဲ့စည်းပုံ အခြေခံဥပဒေကို ပြင်ဆင်ရေးသားရမည် ဖြစ်သည်။

ပီအာ ခေါ် အချိုးကျကိုယ်စားပြု ရွေးကောက်ပွဲစနစ် ကန့်ကွက်တဲ့ လက်မှတ်တွေကို ရန်ကုန်တိုင်းဒေသ ကြီးက မြို့နယ် ၁၁ မြို့နယ်မှာ ပြည်သူ့လှုပ်ရှား မှုမြှင့်တင်ရေး ကွန်ရက်၊ ဒီမိုကရေစီအင်အားစု၊ ကြည့်မြင်တိုင် လူမှုဖံွ့ဖြိုးရေးကွန်ရက် အဖွဲ့ဝင်တွေ ၂၀၀ လောက်ကကောက်ခံနေကြပါတယ်။

ဒေါပုံ၊ သာကေတ၊ မင်္ဂလာတောင်ညွန့်၊ စမ်းချောင်း၊ အင်းစိန်၊ မရမ်းကုန်း၊ ရွှေပြည်သာ၊ လှိုင်သာယာ စတဲ့ မြို့နယ် ၁၁ မြို့နယ်မှာလက်မှတ်တွေ ကောက် ယူနေကြတာ ဖြစ်ပါတယ်။

လက်မှတ်ကောက်ယူနေတဲ့အခြေအနေကို ပြည်သူ့ လှုပ်ရှားမှုမြှင့်တင်ရေးကွန်ရက်က အထွေထွေ အတွင်းရေးမှူး ကိုမြတ်ကျော်က အခုလိုပြောပါတယ်။

"ရန်ကုန်တိုင်းတစ်တိုင်းလုံးနီးပါးတော့ ခြုံငုံပြီးကောက်နိုင်အောင်ကြိုးစားနေပါတယ်၊ သာမန်ကွန်ရက် တစ်ခုဖြစ်တဲ့အခါကျတော့ အခတ်အခဲတွေရှိနေလို့ပါ၊ လောလောဆယ်ကတော့ ဒီမိုကရေစီအင်အားစုတို့ ၊ ကြည့်မြင်တိုင် လူမှုဖွံ့ဖြိုးရေးကွန်ရက်တို့ အဖွဲ့အစည်းအနေနဲ့တော့ ၂ ဖွဲ့၊ ၃ ဖွဲ့ပဲရှိတယ်၊ သာမန်အဖွဲ့ အစည်းဝင်မဟုတ်တဲ့ တက်ကြွလှုပ်ရှားသူတွေက ပိုများတယ်၊ အယောက် ၁၅၀၊ ၂၀၀ လောက်ကတော့ မြို့နယ်အသီးသီးမှာကောက်နေကြတယ်ဗျ၊ လောလောဆယ်တော့ ပထမအချက်အနေနဲ့ သူတို့နေထိုင် တဲ့ ရပ်ကွက်တွေမှာ ကောက်တာပေါ့၊ ဒီသုံးလေးရက်အတွင်းမှာ လက်မှတ်ကောက်ခံတဲ့ နှီးနှောဖလှယ် ပွဲတွေ လုပ်ဖို့တော့ အစီအစဉ်ရှိတယ်"

အဲ့ဒီ ပီအာစနစ် ကန့်ကွက်တဲ့လက်မှတ်တွေကို ပြီးခဲ့တဲ့သြဂုတ်လ၂၈ ရက်နေ့က စတင်ကောက်ခံခဲ့တာဖြစ်ပြီး ၁၅ ရက်ကြာ ကောက်ယူသွားမှာဖြစ်တယ်လို့ သိရပါတယ်။ ဒီနောက် ရရှိတဲ့လက်မှတ်တွေကို လွှတ်တော်၊ အမျိုးသား ဒီမိုကရေစီအဖွဲ့ချုပ်နဲ့ တိုင်းရင်းသားနိုင်ငံရေးပါတီတွေကို ပေးပို့သွားမယ်လို့သိရပါတယ်။

RFA

Author Name

Contact Form

Name

Email *

Message *

Powered by Blogger.