09/14/14

ဗြိတိသျလူမျိုး အကူအညီပေးရေး ၀န်ထမ်း ဒေးဗစ် ဟိန်းစ်ကိ်ု ခေါင်းဖြတ်သတ်ဖြတ်ပုံရတဲ့ ဗွီဒီယိုတခုကို အစ္စလာမ္မစ်နိုင်ငံတော် အမည်ခံ (အိုင်အက်စ်) စစ်သွေးကြွတွေက စက်တင်ဘာလ ၁၃ ရက်နေ့မှာ ထုတ်ပြန်လိုက်ပြန်ပါတယ်။

အခုနောက်ဆုံး ဗွီဒီယိုနဲ့ပတ်သက်လို့ သီးခြား အတည်မပြုနိုင်ပေမယ့် လူမှုကွန်ယက် မီဒီယာတွေမှာတော့ ပျံ့နှံ့နေပါတယ်။ အရင်ကလည်း အမေရိကန် သတင်းထောက်တွေ ဖြစ်တဲ့ ဂျိမ်းဖော်လေနဲ့ စတီဗင် ဆော့လော့ဖ် တို့ကို ဒီလို ခေါင်းဖြတ်သတ်တာမျုိးကို အိုင်အက် သူပုန်တွေက ဖြန့်ဝေခဲ့ဖူးပါတယ်။

အခု ဗွီဒီိယိုမှာ ပါတဲ့ ဟိန်းစ်ကတော့ စကော့တလန်ပြည်နယ် ပါသ်မြို့က ဖြစ်ပါတယ်။ အသက် ၄၄ နှစ်အ၇ွယ် ဖခင်ဖြစ်ပြီး ကလေးနှစ်ယောက် ရှိပြီး ဆီးရီးယားနိုင်ငံမှာ မနှစ်က ပြင်သစ် အဖွဲ့တဖွဲ့ဖြစ်တဲ့ အက်တစ် နည်းပညာပူးပေါင်းဆောင်ရွက်ရေးနှင့် ဖွံ့ဖြိုးရေးအေဂျင်စီအတွက် အလုပ်လုပ်နေရင်း အဖမ်းခံခဲ့ရတာဖြစ်ပါတယ်။

DVB

အမျိုးသားပညာရေးဥပဒေ ကန့်ကွက်ဟောပြောပွဲတွေ နဲ့ ဆန္ဒပြပွဲတွေမှာပါဝင်ခဲ့ကြတဲ့ ကျောင်းသား ကျောင်း သူတွေရဲ့ အုပ်ထိန်းသူတွေကို ကျောင်းအုပ် ချုပ်ရေးတွေက ခေါ်ယူသတိပေးတာတွေရှိကြောင်း ဒီနေ့ ရန်ကုန်မြို့ ပုဇွန်တောင်မြို့နယ်မှာ သတင်းစာ ရှင်းလင်းပွဲကျင်းပပြီး တက္ကသိုလ်ကျောင်းသားများ သမဂ္ဂအဖွဲ့ဝင်တွေက ပြောခဲ့ပါတယ်။

ကျောင်းအုပ်ချုပ်ရေးက ဆန္ဒပြလှုပ်ရှားမှုတွေမှာပါဝင်ခဲ့ တဲ့ ကျောင်းသားတွေကို သတိပေး တားမြစ်တာတွေ ရှိသလို ဆန္ဒပြလှုပ်ရှားမှုတွေမှာ မပါဝင်ဖို့အတွက် ဖိအားပေးတာတွေလည်းရှိတယ်လို့ ရန်ကုန်စီးပွါးရေး တက္ကသိုလ် ကျောင်းသားသမဂ္ဂအဖွဲ့ ဥက္ကဌ ကိုနန်းဇေ က ပြောပါတယ်။

"၁၀ ရက်နေ့က ကွန်ပျူတာ တက္ကသိုလ်ဗဟန်းမှာ ကျနော်တို့ ရှင်းလင်းပွဲလှုပ်ရှားမှုလုပ်ခဲ့တယ်၊ အဲ့လို ဒီဥပဒေအပေါ်မှာ ရှင်းလင်းလှုပ်ရှားမှု လုပ်တဲ့အခါမှာ ၁၁ ရက်နေ့ကျတော့ အဲ့ဒီကျောင်း ကနေ တာဝန်ခံတဲ့ကျောင်းသား၂ ယောက်ကို ခေါ်ပြီးတော့ ဒီလိုမျိုးလှုပ်ရှားမှုတွေပါဝင်ရာမှာ မိဘတွေကိုယ်တိုင်သိရှိဖို့ ဆိုပြီးတော့ဖိအားပေးတယ်၊ ကျောင်းသားတစ်ယောက်က သူ့ရဲ့လွတ်လပ်ခွင့်နဲ့ သူ့ရဲ့လုပ်ပိုင်ခွင့်၊ သူ့ရဲ့အခွင့်အရေးအရ ဒါတွေသူ့မှာ ကန့်ကွက်ပိုင်ခွင့်၊ သူ့မှာ ကာကွယ်ပိုင်ခွင့်ရှိတယ်၊ လူတစ်ယောက်ကို သိရှိစေဖို့ဆိုတဲ့ရည်ရွယ်ချက်နဲ့ ပြောလိုက်တာဗျ၊ နောက်ဒီလိုမျိုး လှုပ်ရှားမှုတွေမှာ မပါဝင်နိုင်အောင် ဖိအားပေးလိုက်တာပဲ၊ နောက်ဥပမာဆိုလို့ရှိရင် ၁၁ ရက်နေ့ညနေပိုင်း မှာ နေပြည်တော်မှာရှိတဲ့ မွေးမြူရေးရာ ဆေးတက္ကသိုလ်မှာရှိတဲ့ သမဂ္ဂကျောင်းသားတွေကိုခ်ါပြီးတော့ ကန့်ကွက်ပွဲတွေမှာမပါဝင်ဖို့ နောက်ထပ်မလှုပ်ရှားဖို့ခေါ်ပြီး အတင်းအဓမ္မ လက်မှတ်ထိုးခိုင်းတယ်"

ပြည်ထောင်စုလွှတ်တော်က အတည်ပြုထားတဲ့ အမျိုးသားပညာရေးဥပဒေကို ရန်ကုန်၊ မန္တလေး၊ စစ်ကိုင်း၊ မုံရွာ၊ ကျောက်ဆည်၊ တောင်ငူစတဲ့ တက္ကသိုလ်တွေက တက္ကသိုလ်ကျောင်းသားများ သမဂ္ဂအဖွဲ့ဝင်တွေက ကန့်ကွက်ဆန္ဒပြခဲ့ကြတာဖြစ်ပါတယ်။

အမျိုးသား ပညာရေးဥပဒေရေးဆွဲရာမှာ ကျောင်းသား ကိုယ်စားလှယ်တွေနဲ့ ပြည်သူတွေရွေးချယ်တဲ့ လွှတ်တော်ကိုယ်စားလှယ်တွေ၊ ကျွမ်းကျင်ပညာရှင်တွေ မပါတဲ့အတွက် အမျိုးသားပညာရေး ဥပဒေဟာ ကျောင်းသားနဲ့ ပြည်သူကို ကိုယ်စားမပြုကြောင်း၊ အဲဒီဥပဒေမှာ ပြဌာန်းထားတဲ့ အမျိုးသား ပညာရေးကော်မရှင် ဖွဲ့စည်းခြင်းဆိုတဲ့အချက်ကို သဘောမတူကြောင်း၊ တိုင်းရင်းသားဘာသာ စကားကို အခြေခံတဲ့ သင်ကြားရေးစနစ်တွေ ထည့်သွင်းမထားကြောင်းနဲ့ ကျောင်းသားသမဂ္ဂတွေနဲ့ ဆရာ ဆရာမသမဂ္ဂတွေ ဖွဲ့စည်းခွင့်ကို အဲ့ဒီဥပဒေမှာ တရားဝင်ပြဌာန်းမထားကြောင်း စတဲ့အချက်တွေနဲ့ ကန့်ကွက်ခဲ့ကြတာဖြစ်ပါတယ်။
RFA

ရာစုနှစ်ဝက်မျှ စစ်အာဏာရှင် အုပ်ချုပ်ရေးအား ကြုံတွေ့ခဲ့ရသည့် မြန်မာပြည်သူ များသည် စစ်တပ်အပေါ် ကြောက်ရွံ့မယုံကြည်သည့်အမြင်များ ရှိလျက်ရှိသည်။ သို့သော် စစ်ဘက် အရာရှိတစ်ဦးဖြစ်လိုသူနှင့် မိမိတို့၏ မိသားစုဝင်များအား စစ်ဗိုလ်ဖြစ်စေ ချင်သူလည်း အများအပြားရှိနေသည်။ တိုင်းပြည်၏ နိုင်ငံရေးနှင့် စီးပွားရေး အာဏာများအား ချုပ်ကိုင်ထားဆဲ ဖြစ်သော စစ်တပ်သည် နှစ်စဉ် စစ်တက္ကသိုလ် DSA ၊ တပ်မတော်ဆေးတက္က သိုလ် DSMA နှင့် တပ်မတော် နည်းပညာတက္ကသိုလ် DSTA တို့သို့ တက်ရောက်လိုသူ ထောင်ပေါင်းများစွာ အား နှစ်စဉ်ဆွဲဆောင်လျက်ရှိသည်။

စစ်တက္ကသိုလ် ၃ ခုသို့ တက် ရောက်လိုသူများအား စစ်တပ်မှ တပ်ကြပ်ကြီး တစ်ဦးက ၀င်ခွင့်စာမေးပွဲများအတွက် သင်ကြားပေးလျက်ရှိသည်။ “ဒီ လူငယ်လေးတွေက အတွေ့ အကြုံမရှိတဲ့အတွက် စစ်ဆေးမှုတွေ က အရမ်း ခက်ခဲပါတယ်။ ဒါပေမဲ့ သူ တို့က စိတ်အားထက်သန်နေပါတယ်” ဟု အသက် ၄၈ နှစ်ရှိ တပ်ကြပ်ကြီး ကဆိုသည်။

စစ်တက္ကသိုလ်ဝင်ခွင့်ဖြေ ဆိုရာတွင် ရေးဖြေအပြင် ကိုယ်လက် ကြံ့ခိုင်မှု၊ အသင်း အဖွဲ့စိတ်ဓာတ်၊ ရဲ ဘော်ရဲဘက်စိတ်ဓာတ်နှင့် စိတ်အခြေ အနေ စစ်ဆေးမှုများ၊ အထွေထွေအင် တာဗျူးများပါဝင်သည်။ တပ်ကြပ် ကြီးက “သူတို့ အများစုက စစ်ဗိုလ် ဖြစ်ရတာ အနာဂတ်အတွက် စိတ်ချ ရတဲ့ လမ်းကြောင်း အဖြစ် ယုံကြည် ထားပါတယ်။ အရေအတွက် အတိ အကျမသိပေမဲ့ ဒီနှစ်ရွေးချယ်တာရဲ့ ၂ ဆမက လာလျှောက်ကြပါတယ်” ဟု ပြောကြားခဲ့သည်။

ကမ္ဘာပေါ်တွင် ဖွံ့ဖြိုးမှုအနည်း ဆုံးနိုင်ငံတစ်ခုဖြစ်ပြီး ပြည်သူအများ အပြားမှာ ဆင်းရဲမှုသတ်မှတ်ချက် အောက်တွင် နေထိုင်နေရသော မြန် မာနိုင်ငံ၌ ဗိုလ်ချုပ်နေ၀င်းနှင့် ၎င်းင်းကို ဆက်ခံသူများ၏ စစ်အာဏာရှင် အုပ်ချုပ်ရေး အတွင်း တိုင်းပြည်စီးပွားရေး ၏ ကဏ္ဍအားလုံးအား စစ်တပ်က ထိန်းချုပ်ခဲ့ သည်။ “စစ်အုပ်ချုပ်ရေး ကာလမှာ တိုင်းပြည်ကို အလုပ်အ ကျွေးပြုလိုတာထက် ကိုယ့်အတွက် အခွင့်အရေးရဖို့ စစ်ထဲဝင်သူတွေများ ပါတယ်။ စစ်တပ်က ဆုပေး ဒဏ်ပေး စနစ် ကျင့်သုံးပြီး သူတို့အပေါ်သစ္စာ ရှိရင် ချီးမြှောက်ခံရပါမယ်။ မဟုတ် ရင်တော့ ဒုက္ခတွေ့ရမှာပါ” ဟု ၁၉၇၄ -၇၆ တွင် တပ်မတော် ကာကွယ် ရေးဦးစီးချုပ်အဖြစ် တာဝန်ထမ်းရွက်ခဲ့သော NLD ခေါင်းဆောင် တစ်ဦးဖြစ်သူ ဦးတင်ဦးကပြောကြားသည်။

စစ်တပ်က ကိုယ်ကျိုးစီးပွားအတွက်သာကြည့်ပြီး တိုင်းပြည်ကောင်းကျိုး အတွက် မဟုတ်သည့် လူငယ်များက များနေကြောင်းဟု ၎င်းက ထပ်၍ ပြောကြားခဲ့သည်။

“စစ်တပ်ခေါင်း ဆောင်တွေက နိုင်ငံရဲ့အရင်းအမြစ် တွေကို ရယူရုံမကဘဲ အရာရှိတွေနဲ့ အခြားလူတွေကြားမှာ ခြစားမှုတွေ အမြစ်တွယ်စေခဲ့ပါတယ်” ဟု ဦးတင်ဦးက ထပ်လောင်းပြောကြားခဲ့သည်။

စစ်တပ်က အရပ်သားအစိုးရအား အာဏာလွှဲပေးခဲ့သော်လည်း လုံခြုံ ရေးနှင့် ဆိုင်သော ၀န်ကြီးဌာနများ အား ထိန်းချုပ်ထားခြင်း၊ အစိုးရအဖွဲ့ နှင့် လွှတ်တော် တွင် နေရာရယူထား ခြင်းတို့ ဆက်လက်တည်ရှိနေပြီး အ ခြေခံ ဥပဒေ ပြင်ဆင်ရေး တွင် ဗီတိုအာ ဏာသုံးခွင့်ရှိနေသည်။ စစ်တပ်မှာ အလိုရှိရာ လုပ်ပိုင်ခွင့်ရှိဆဲဖြစ်သည် ဟု ကချင်ဒုက္ခသည်စခန်းများသို့ မ ကြာမီက သွားရောက် ခဲ့သော တက် ကြလှုပ်ရှားသူ ဒေါ်ဖြူအိသိမ်းကဆို သည်။

စစ်တပ်သည် အမျိုးသမီးများအ ပါအ၀င် ပြည်သူများအား ပိုမိုဆွဲ ဆောင်နိုင်ရန် လုပ်ဆောင်လျက်ရှိ သည်။ နှစ်ပေါင်း ၅၀ ကျော်အတွင်း ပထမဆုံးအကြိမ်အဖြစ် စစ်တက္ကသိုလ် တွင် အမျိုးသမီးဗိုလ်လောင်းများ လက်ခံခြင်းအား မနှစ် က အောက်တိုဘာလ တွင်ပြုလုပ်ခဲ့သည်။ ၁၉၅၀ ပြည့် လွန်နှစ်များက စစ်တက္ကသိုလ် တွင် အမျိုးသမီးဗိုလ်လောင်းများ လက်ခံ ခဲ့သော်လည်း ၁၉၆၂-၂၀၁၁ စစ်အုပ် ချုပ်ရေးကာလအတွင်း လက်ခံခြင်း မရှိခဲ့ပေ။ မနှစ်က ၀င်ခွင့်နေရာ ၁၀၀ ခန့်အတွက် အမျိုးသမီး ၁၀၀၀ ကျော် လျှောက်ထားခဲ့သည်။

ပထမအသုတ် အမျိုးသမီးဗိုလ်လောင်းများမှာ မကြာသေးမီက သင်တန်းဆင်း ခဲ့သည်။ သင်တန်းဆင်းပွဲသို့ တက်ရောက်လာသော ဗိုလ်လောင်း မိခင်တစ်ဦး က “သမီးအတွက် စိတ်ပူစရာ မလိုတော့ပါဘူး။ အနည်းဆုံး တော့ သူ့အနာဂတ် က တည်တည် ငြိမ်ငြိမ်ဖြစ်သွားပါမယ်” ဟုဆိုသည်။

သို့သော် အလုပ်အကိုင် လုံခြုံ စိတ်ချရမှုကြောင့် စစ်ထဲဝင်ခြင်းအပေါ် သဘောမတူသူများရှိပြီး တက္က သိုလ် ပထမနှစ်ကျောင်းသားတစ်ဦး က “ကျွန်တော် ဘာလို့ စစ်ထဲဝင်ရမှာ လဲ။ ဒါ အလွယ်လမ်းဆိုတာ သိနေတာပဲ” ဟုပြောကြားခဲ့သည်။

စစ်တပ်မှာ အချို့ လူငယ်များအတွက် အကောင်းဆုံး နေရာ ဖြစ်သည်ဟု ယူဆ သူများလည်းရှိ သည်။ ရန်ကုန်မြို့မှ အသက် ၅၃ နှစ် အရွယ် ကျူရှင်ဆရာ တစ်ဦး က “အ ရမ်းဆိုးတဲ့သားက အခု ဗိုလ်ကြီးဖြစ် နေပါပြီ။ တကယ်လို့ စစ်ထဲမ၀င်ခဲ့ ရင် လူဆိုးလူမိုက်ဖြစ်မလား၊ သူ တောင်းစားဖြစ်မလား မပြောနိုင်ပါ ဘူး” ဟု ပြောကြားခဲ့သည်။

KHTun
Ref - The Nation

The Ladies News Journal

(၁)

ခေါင်းလောင်းဇတ်လမ်းဟာ..
စတင်ကတည်းက အခြေမခိုင်ခဲ့တာကို
တွေ့ရမှာဖြစ်ပါတယ်၊

အစိုးရဟာ..
ဘာမှန်းမသိတဲ့ဒီကိစ္စကို
ဘာလို့ ခွင့်ပြုခဲ့သလဲဆိုတာကလဲ..
စဉ်းစားစရာပါပဲ..

အထောက်အထားတွေ Planတွေကို တိတိကျကျ
ကြေငြာခြင်းမရှိပဲ ခေါင်းလောင်းရှာမယ်..၊
ဆယ်မယ်ယူမယ် ဆိုတဲ့သူတွေကို..
အစိုးရဟာ မသိချင်ယောင်ဆောင်ပြီး
လွှတ်ထားပေးခဲ့တာကိုတွေ့ရမှာပါ၊
အစိုးရ ရုပ်သံမှာတောင်ကြေငြာပေးခဲ့တာပါ၊

ပြီးတော့ ခေါင်းလောင်းကြီးကိစ္စလုပ်နေတဲ့
ဦးစံလင်း အပါဝင် အဖွဲ့ဟာ...
ရှာဖွေတာလား ၊ ဆည်တာလား မကွဲပြားခဲ့ပါဘူး၊
ပြည်သူတွေ စဉ်းစားစရာဖြစ်တာ အဲဒီကတည်းကပါ..၊

ပိုဆိုးသွားတာက...
နဂါးတွေဝင်ပူးတယ်ဆိုတဲ့ အချက်တွေ၊
နဂါးတွေကသတင်းမထုတ်ပြန်ရဘူးပြောတာတွေ၊
ဆယ်ယူတဲ့ကိစ္စကို တစ်ယောက်တစ်ပေါက်ပြောတာတွေ..
အဲဒါတွေကို.ကြည့်ပြီး...သံသယတွေပိုဖြစ်လာပါတယ်၊

ခေါင်းလောင်းနာမည်ခံပြီး..
ဘာတွေကိုအမှန်တကယ်ဆည်ယူခဲ့ကြသလဲဆိုတာကို..
သူတို့တွေပဲ သိမှာဖြစ်ပါတယ်၊

ခေါင်းလောင်း နှစ်လုံးတွေ့တယ် လို့ပြောတဲ့
သတင်းလဲ ပြန်ပျောက်သွားသလို..၊
ခေါင်းလောင်းဆည်တဲ့အဖွဲ့ကို နောက်ပိုင်းမှာလူမသိသူမသိ
ရုတ်သိမ်းလိုက်တာကလဲ...အရမ်းပေါ်တင်ကျလွန်းပါတယ်၊

အခုနောက်ပိုင်းကျမှ..၊
ခေါင်းလောင်းဆည်တဲ့ ရေငုတ်ခါင်းဆောင်ဟာ..
ဘာခေါင်းလောင်းမှမရှိဘူးဆိုတဲ့အကြောင်း...
သင်္ဘောံပျက်တစ်စီးသာရှိတယ်ဆိုတဲ့အကြောင်း
သူတို့ရေငုတ်အဖွဲ့ဟာ..
စေတနာ့ဝန်ထမ်း ကူညီပေးခဲ့တဲ့အကြောင်းတွေကို
ဖြွေင့်ဟ အထုတ်ဖြေပါတော့တယ်..

ရြှေးဟောင်းသမိုင်းပညာရှင်တွေကလဲ..
ဓမ္မစေတီခေါင်းလောင်းနဲ့ပတ်သက်တဲ့
အထောက်အထားဟာ ခိုင်လုံမှုအားနည်းပြီး
ပါးစပ်ရာဇ၀င်သာဖြစ်ကြောင်းကြေငြာလိုက်ပါပြီ.၊

အဲဒီအတွက်ကြောင့်

ခေါင်းလောင်းဆည်အဖွဲ့ခေါင်းဆောင်ဖြစ်တဲ့
ဦးစံလင်းအပါဝင် ၊ သူ့ရဲ့အနောက်က ကြံစည်တဲ့
သူတွေဟာ..ဘာကြောင့်ဒီလိုလုပ်ရတာလဲ ဆိုတာကို
မေးခွန်းထုတ်စရာဖြစ်လာပါတယ်၊

အစိုးရဟာ..
ဘာမှခိုင်မာမှုမရှိတာကို..
ဘာလို့ခွင့်ပြုတာပါလဲ...?

အဲဒီလို ရှာတာဖွေတာကိုခွင့်ပြုကြေးဆိုရင်..၊

ကျွန်တော် Pa Yit ကလဲ..
ငမောက် ပတ္တမြားကြီး ရှာမယ်ဆိုပြီး..
မန္တလေး နန်းတွင်းနေရာတွေနဲ့..
မိုးကုတ်လို့ ဖါးကန့်လိုနေရာတွေမှာ..

တူးချင်သလို တူးမယ်ဆိုရင်ကော
ခွင့်ပြုမလားလို့...မေးလိုပါတယ်၊

------------------------

(၂)

ဒီ့ထက်ထူးခြားတာတစ်ခုပြောချင်ပါတယ်၊

ခေါင်းလောင်းဆည်ယူရေးအဖွဲ့ခေါင်းဆောင်
ဦးစံလင်းဟာ...

ဓမ္မစေတီခေါင်းလောင်းကြီးရဲ့ ဓာတ်ပုံဆိုပြီး..
အောင်ဇေယျတုဂျာနယ်တိုက်သို့
အများပြည်သူ "" ဖူးမျှော် "နိုင်ရန်ပေးပို့တဲ့ကြောင်း
အင်တာနက်ပေ့ခ်ျတွေမှာ ဖော်ပြထားပါတယ်၊

အဲဒီမှာ ထူးခြားချက် (၂)ချက်ကိုတွေ့ရပါတယ်..၊

အားလုံးစဉ်းစားဖို့နဲ့ လေ့လာဖို့ ရှင်းပြပါ့မယ်၊

--------------

(၃)

ပထမအချက်က -

"ဖူးမျှော်" ဆိုတဲ့စကားဖြစ်ပါတယ်..၊
ဦးစံလင်းဟာ ဒီအသုံးအနှုန်းကို သုံးစွဲသွားပါတယ်၊
အဲဒါကလဲ ထူးခြားပါတယ်၊

သူဟာ သူစခဲ့တဲ့ ခေါင်းလောင်းဇာတ်လမ်းကို
ပိုပြီးလေးနက်အောင် ၊ ဘာသာရေးနဲ့ပိုနွယ်အောင်
နဂါးကိစ္စနဲ့ ဆွဲဆောင်ပြီး ၊ အခုလဲဖူးမျှော် ဆိုတဲ့စကားကို
အသုံးပြုနေတာကိုတွေ့ရမှာဖြစ်ပါတယ်၊

တကယ်ဆိုရင်..

ကျွန်တော်တို့တွေ ဘုရားစေတီတွေအနှံ့ရောက်တိုင်း
ခေါင်းလောင်းကို ထိုင်ရှိခိုးတဲ့လူ ဖူးမျှော်တဲ့သူမတွေ့ဖူးပါဘူး.၊

အဲဒါက တစ်ချက်ပါ။

--------------

(၄)

နောက်တစ်ချက်က ပိုဆိုးပါတယ်၊

ဓမ္မစေတီခေါင်းလောင်းကြီး ရေမြုပ်ခဲ့တယ်ဆိုတဲ့
ခေတ်ဟာ...ကုန်းဘောင်ခေတ်မဟုတ်ပါဘူး၊
၁၆ဝ၅ -၁၆၂၈ ဟံသာဝတီအနောက်ဘက်လွန်မင်း
လက်ထက်ဖြစ်ပါတယ်၊
လွန်ခဲ့တဲ့ နှစ်ပေါင်း ၄၀၀ ကျော်လောက်ကဖြစ်ပါတယ်၊

အဲဒီခေတ်တုန်းက ကင်မရာမပေါ်သေးသလို
လျှပ်စစ်မီးတောင် မပေါ်ထွက်သေးပါဘူး..၊

ကင်မရာစတင်ပေါ်ပေါက်တဲ့အချိန်ဟာ..
ပထမဆုံးကင်မရာက ၁၈၃၅မှာ ဖြစ်ပါတယ်၊
Talbot ဆိုတဲ့ပုဂ္ဂိုလ်က စတင်တီထွင်ခဲ့တဲ့
ကြွက်ထောင်ချောက်ဆိုတဲ့ကင်မရာဖြစ်ပါတယ်၊

ဓမ္မစေတီခေါင်းလောင်း နစ်မြုပ်ပြီး..
နှစ်(၂၀၀) ကျော်မှာ ကင်မရာကပေါ်တာပါ

တကယ်လို့ကင်မရာပေါ်ပြီးနောက်ပိုင်းမှာ..
ဓမ္မစေတီခေါင်းလောင်းကို ..
ဓာတ်ပုံရိုက်မယ်ဆိုရင်တောင်.ဒေါပုံမြစ်ကိုလာပြီး..
ရေအောက်ဆင်းရိုက်ရမှာဖြစ်ပါတယ်၊
ဘယ်လိုမှ မဖြစ်နိုင်ပါဘူး..။

------------------

(၄)

အဖြေကတော့..

ဦးစံလင်း ရဲ့ အောင်ဇေယျတုဂျာနယ်ကိုပို့တဲ့
ဓမ္မစေတီခေါင်းလောင်းဓာတ်ပုံဟာ..

"အတု"ကြီးဖြစ်ပါတယ်၊

ဦးစံလင်းဟာ..
အခုထက်ထိ..

ပြည်သူကို ရည်ရွယ်ချက်ရှိရှိ လိမ်နေတယ်
ဆိုတာပါပဲ၊

ပြီးတော့ အဲဒီဓာတ်ပုံဟာ...
ဘယ်ကပုံလဲဆိုတာကို ဆက်ပြီးလေ့လာတဲ့အခါ..

အဲဒီဓာတ်ပုံဟာ...ဓမ္မစေတီခေါင်းလောင်းပုံမဟုတ်ပဲ
၁၈၈၆ ဘင်္ဂံလိပ်တွေမြန်မာနိုင်ငံအထက်ပိုင်းသိမ်းပြီး
နောက်ပိုင်းမှာမှရိုက်ကူးထားခဲ့တဲ့ ..
"မင်းကွန်းခေါင်းလောင်းကြီး" ရဲ့
ဓာတ်ပုံဆိုတာ တွေ့ရပါတယ်၊

ရာနှုန်းပြည့်နီးပါးမလွဲပါဘူး..

ဘာလို့လဲဆိုတော့..

အဲဒီဓာတ်ပုံနဲ့ဆင်တူတဲ့ဓာတ်ပုံတစ်ခုကို
အင်တာနက်မှာ ရှာတွေ့ထားလို့ဖြစ်ပါတယ်၊

အဲဒီဓာတ်ပုံနှစ်ပုံကို လက်ရှိပုံနဲ့
နှိုင်းယှဉ်ပြီးဖေါ်ပြပေးလိုက်ပါတယ်၊

----------------

(၅)

ကျွန်တော်တို့ဟာ..

အာဏာရှင်ရဲ့ အုပ်ချုပ်မှုတွေနဲ့
ပညာရေးစနစ် ဖျက်ဆီးခဲ့မှုတွေကြောင့်.
ပညာအရည်အချင်းတွေနိမ့်ကျပြီး
ဆင်ခြင်ဥာဏ်တွေ ..
အရမ်းအားနည်းခဲ့တာကိုတွေ့ရမှာဖြစ်ပါတယ်၊

အဲဒီလိုဖြစ်ခဲ့ကြတဲ့အတွက်..

အာဏာရှင်ဟာ...
ကျွန်တော်တို့ပြည်သူတွေကို..
အမျိုးမျိုးမှိုင်းတိုက်ခဲ့ပါတယ်..၊

အခုလဲ ဘာသာရေးမှိုင်းတွေနဲ့တိုက်ထားသလို
ဘာမှအခြေအမြစ်မရှိတဲ့ ...
ဘာသာရေးဆန်ဆန်ဒဏ္ဍာရီဆန်ဆန်
လုပ်ဇတ်တွေကို တစ်ခုပြီးတစ်ခု ကပြပြီး..
ပြည်သူကို အာရုံပြောင်းနေပါတယ်..၊

အဲဒါကို တစ်ချို့မီဒီယာတွေကလဲ..
သတင်းဖြစ်ရင်ပြီးရော...
ဖေါ်ပြပေးနေကြပါတယ်..၊

ပြည်သူတွေအနေနဲ့...

အဲဒါကို နားလည်ပြီး.လေ့လာ ဆင်ခြင်ကြစေလိုပါတယ်

( Pa Yit)

( ကင်မရာအကြောင်းပြောပြပေးတဲ့
အကို Ko Myo Thet Swe နဲ့
ဂျာနယ်အထောက်အထားပေးတဲ့
ကို Thetdwe Aung ကိုကျေးဇူးပါ)


ရန်ကုန်မြစ်အောက်ကြမ်းပြင်မှာ ရှိနေတယ်ဆိုတဲ့ ဓမ္မစေတီခေါင်းလောင်း ရှာပုံတော်ဖွင့်နေတဲ့ ဦးစံလင်း နာမည်ပျက်နေပြီလား။ ခေါင်းလောင်းကြီးတွေ့ပြီ၊ နဂါးသိုက်က စောင့်နေတယ်၊ ရွှေရောင် နဂါးမင်းနဲ့ ဂန္ဘီရ၊ ဘိုးတော်နဲ့ ဝိဇ္ဇာနည်း ဝိဇ္ဇာဟန် မြန်မာ့ခေါင်းလောင်းကြီး ရှာပုံတော်တွေဟာ စက်တင်ဘာ ၁၂ရက်နေ့မှာ တစ်နိုင်ငံလုံး နိုင်ငံတော်အလိမ်ခံရတဲ့နေ့အဖြစ်ကို ဆိုက်ရောက်နေပြီလား။

ခေါင်းလောင်းရှာဖို့ နောက်ထပ် ရက်တိုးလိုက်တဲ့ ၁၇ရက်လည်း ပြည့်ပြီမို့ ခေါင်းလောင်းမပြောနဲ့ တွေ့ထားတဲ့ သင်္ဘောပျက်တောင် မဆယ်နိုင်တဲ့ ဦးစံလင်းတို့အဖွဲ့ စက်တင်ဘာ ၁၈ရက်နေ့အထိ တူးဖော်ဖို့ အချိန်တိုးတောင်းတယ်လို့ သတင်းထုတ်ပြန်ရေးအဖွဲ့က ကမာရွတ်မီဒီယာကို တယ်လီဖုန်းကတဆင့် ပြောဆိုခဲ့ပါတယ်။

ဗိုလ်တထောင်မြို့နယ်က ဓမ္မစေတီခေါင်းလောင်းရှာဖွေရေး သတင်းထုတ်ပြန်တဲ့အဖွဲ့ရဲ့ ရုံးခန်းလည်း တံခါးသော့ခတ်ထားပြီး ဦးစံလင်းဆီက ဘာတစ်ခုမှ သတင်းမရသေးလို့ သတင်းထုတ်ပြန်ဖို့ မရှိဘူးလို့ ဦးနိုင်မင်းအောင်က ဖုန်းကနေတစ်ဆင့် ပြောဆိုပါတယ်။ သတင်းထုတ်ပြန်ရေးအဖွဲ့ တာဝန်ရှိသူ ဦးကြည်ဝင်းကတော့ ဦးစံလင်းနည်းတူ ဖုန်းပိတ်ထားပါတယ်။ ကော့သောင်းပြန်သွားပြီဖြစ်တဲ့ ရေငုပ်သမားတွေက ခေါင်းလောင်းတွေ့တယ်ဆိုတာ မဟုတ်ဘူးဆိုတဲ့ ပြောဆိုချက်တွေအပေါ် ဦးစံလင်းတို့အဖွဲ့ နှုတ်ပိတ်နေကြဆဲပါ။

သောင်တူးစက်ပျက်လို့ ခေါင်းလောင်းဆယ်ဖို့ နှောင့်နှေးနေတယ်ဆိုပေမယ့် အခုလို ရက်ခဏခဏရွှေ့နေတာ မကောင်းဘူး၊ သံသယတွေရှိလာစေတယ်လို့ ဒညင်းကုန်းကနေ သာကေတ ကမ်းနဖူးထိ ခေါင်းလောင်းမြင်ရလို မြင်ရငြား လာကြည့်တဲ့ ဦးသိန်းဦးက ပြောပါတယ်။ ခေါင်းလောင်းမတွေ့ဘဲ သင်္ဘောပျက်ပဲတွေ့တယ်ဆိုရင် မပိုင်ဘဲလုပ်တယ်လို့ သူယူဆပြီး အကောင်းဆုံးက ပွင့်ပွင့်လင်းလင်း သတင်းထုတ်ပြန်စေချင်တယ်လို့ ဆိုပါတယ်။

ရေငုပ်သမားတွေက ခေါင်းလောင်းမတွေ့ဘူးလို့ သတင်းတွေထွက်နေပေမယ့် ဦးစံလင်းကိုယ်တိုင် ရှာမတွေ့ဘူးလို့ပြောမှ ယုံလို့ရမယ်လို့ ဆိုလာသူက သာကေတဒေသခံ ဦးခင်မောင်ရင်ပါ။ အစိုးရက တရားဝင်ခွင့်ပြုချက်နဲ့ ရှာတာကြောင့် ဒီကိစ္စဖြစ်မလာခဲ့ရင် ပြည်သူကိုလိမ်ညာတာဖြစ်တယ်၊ အခုအချိန်ထိ သူ့ငွေနဲ့သူလုပ်တယ်ဆိုရင်တော့ ဝေဖန်ပိုင်ခွင့်မရှိဘူးလို့ ဆိုပါတယ်။ ပြောတဲ့အတိုင်းဖြစ်မလာရင်တော့ လိမ်လည်မှုပါပဲလို့ ပြောပါတယ်။

Kamayut media


ဟံသာဝတီဦးဝင်းတင် ဖောင်ဒေးရှင်းရဲ့ နိုင်ငံရေးအကျဉ်းသားဟောင်းတွေရဲ့ မိသားစုဝင်တွေကို ကူညီထောက်ပံ့နေတဲ့ ၁၆ကြိမ်မြောက် ထောက်ပံ့မှုကို စက်တင်ဘာ ၁၂ရက်နေ့က တော်ဝင်နှင်းဆီမှာ ကျင်းပခဲ့ပါတယ်။ Unity ဂျာနယ်တိုက်က ဖမ်းဆီးခံသတင်းသမားတွေကိုပါ ထောက်ပံ့မှု လုပ်ခဲ့ပါတယ်။

ဦးဝင်းတင် ဖောင်ဒေးရှင်းရဲ့ နာယကတစ်ဦးဖြစ်တဲ့ NLD နာယက သူရဦးတင်ဦးအပါအဝင် ဖောင်ဒေးရှင်း တာဝန်ရှိသူတွေ တက်ရောက်ခဲ့ပြီး လက်ရှိအကျဉ်းကျဆဲ နိုင်ငံရေးအကျဉ်းသား လယ်သမားတွေ၊ နိုင်ငံရေးအကျဉ်းသားဟောင်းတွေ၊ သတင်းမီဒီယာသမား စုစုပေါင်း ၆၂ယောက်အတွက် ကျပ် ၇၅သိန်းကို ထောက်ပံ့ပေးအပ်ခဲ့ပါတယ်။

သတင်းမီဒီယာသမားတွေနဲ့ နိုင်ငံရေးအကျဉ်းသားတွေ တစ်သားတည်းဖြစ်တယ်ဆိုတာ အသိအမှတ်ပြုတဲ့ အနေနဲ့ ဒီတစ်ကြိမ်မှာ ကူညီထောက်ပံ့မှုတွေ ပြုလုပ်နိုင်ပြီး နှစ်လတစ်ကြိမ်လှူဒါန်းမှုကို ဆက်ပြီးပြုလုပ်မှာဖြစ်တယ်လို့ ဦးထွန်းကြည်က ပြောပါတယ်။

ဖောင်ဒေးရှင်းစတင်ထူထောင်တဲ့ ၂ဝ၁၂ မတ်လ ၁၂ရက်ကနေ ဒီကနေ့အထိ စုစုပေါင်း ကျပ်ငွေ သိန်း ၁၃၆၇ ကို လှူဒါန်းခဲ့ပြီး ပြည်တွင်းအလှူရှင်တစ်ယောက်ရဲ့ အကူအညီနဲ့ လမ်း၅ဝက ဖောင်ဒေးရှင်းရုံးခန်းရှေ့မှာ နိုင်ငံရေးအကျဉ်းသားဟောင်းတွေရဲ့ မိသားစုဝင်တွေကို ကျန်းမာရေးစောင့်ရှောက်မှု၊ ဆေးဝါးကုသမှုတွေ လုပ်ပေးခဲ့တယ်လို့ ဆိုပါတယ်။

Kamayut Media

တစ်နိုင်ငံလုံး အပစ်အခတ်ရပ်စဲပြီးရင် ပေါ်ပေါက်လာမယ့် နိုင်ငံရေးဆွေးနွေးပွဲအတွက် မူဘောင်ချမှတ်ဖို့ကိစ္စ နိုင်ငံရေးပါတီ ၆၈ပါတီ တစ်ညီတစ်ညွတ်တည်း မဆွေးနွေးနိုင်သေးဘူးဖြစ်နေပါတယ်။ စက်တင်ဘာ ၁၃ရက်နေ့က ညီနောင်တိုင်းရင်းသားပါတီများဖက်ဒရေးရှင်း NBF စီစဉ်တဲ့ ၆၈ပါတီ ဆွေးနွေးပွဲကို အာဏာရ USDP နဲ့ အတိုက်အခံပါတီ NLD အပြင် UNA အဖွဲ့ကလည်း မတက်ရောက်ခဲ့ပါဘူး။

နိုင်ငံရေးမူဘောင်အတွက် ဆွေးနွေးပွဲ နိုင်ငံရေးပါတီတွေကြားမှာ အုပ်စု ၃စု ကွဲနေပြီး အခုလို ကွဲပြားနေတာဟာ ပါတီအားလုံးရဲ့ ချို့ယွင်းချက်ဖြစ်တယ်လို့ ဒီမိုကရက်ပါတီ(မြန်မာ)ရဲ့ဥက္ကဌ ဦးသုဝေက ပြောပါတယ်။ နိုင်ငံရေးပါတီတွေဟာ အယူအဆမတူတာတွေကို ညှိနှိုင်းနိုင်ရမှာဖြစ်ပေမယ့် လက်တွေ့မှာတော့ ထင်သလောက် မရင့်ကျက်ကြဘူးလို့ ဆိုပါတယ်။

အပစ်အခတ်ရပ်စဲအပြီး ပေါ်ပေါက်လာမယ့် နိုင်ငံရေးဆွေးနွေးပွဲဟာ ၈ပွင့်ဆိုင်ဖြစ်ရမယ်လို့ မြန်မာအစိုးရက တင်ပြထားပေမယ့် တိုင်းရင်းသားလက်နက်ကိုင်တွေဘက်က သုံးပွင့်ဆိုင်တင်ပြထားတာကြောင့် အစိုးရပြောတဲ့ ၈ပွင့်ဆိုင်ဆိုတာ အရင် အမျိုးသားညီလာခံလုပ်တုန်းက အလွှာ ၈လွှာပုံစံမျိုးဖြစ်နေပေမယ့် အခြေအနေချင်းတော့ မတူဘူးလို့ ဦးသုဝေက ဆိုပါတယ်။

ရန်ကုန်မြို့ ဖိုးစိန်လမ်းက Green Hill ဟိုတယ်မှာကျင်းပတဲ့ ၆၈ပါတီ တွေ့ဆုံပွဲကို ပါတီစုစုပေါင်း ၅၆ခုပဲ တက်ရောက်ခဲ့ပြီး ပါတီအားလုံးကိုယ်စားပြုတဲ့ အဖွဲ့တစ်ခုဖွဲ့ဖို့ အဆိုတင်သွင်းမှာဖြစ်သလို မူဘောင်ချမှတ်ဖို့ ပါတီတစ်ခုချင်းစီရဲ့သဘောထားတွေ တင်ပြကြရမှာဖြစ်ပါတယ်။

နိုင်ငံရေးဆွေးနွေးပွဲမှာ ပါတီတိုင်းရဲ့သဘောထားတွေပါပေမယ့် တကယ့်တိုင်းရင်းသား မျိုးနွယ်စုတွေရဲ့ သဘောထားတွေကို ထင်ဟပ်မှ အင်အားရှိမှာဖြစ်သလို အင်အားကြီးပါတီတွေလည်း မပါလို့မရဘူးလို့ ရခိုင်အမျိုးသားပါတီက ဒုတိယဥက္ကဌ ဒေါက်တာအေးမောင်က ပြောပါတယ်။

ချင်းအမျိုးသားပါတီက ဦးဇိုဇန်ကတော့ အခုဆွေးနွေးပွဲကို နိုင်ငံရေးပါတီတွေ အားလုံး မတက်ရောက်ပေမယ့် မူဘောင်ချမှတ်ဖို့ ၆၈ပါတီကြားမှာ ညှိနှိုင်းနိုင်မယ်လို့ ယုံကြည်နေပါတယ်။ အခက်အခဲမရှိဘူးလို့လည်း သူက ဆိုပါတယ်။

၆၈ပါတီ တွေ့ဆုံပွဲကို အမျိုးသားဒီမိုကရေစီအဖွဲ့ချုပ်အနေနဲ့ တက်ရောက်မှာမဟုတ်ဘူးလို့ ဦးဉာဏ်ဝင်းက ပြီးခဲ့တဲ့ ရက်ပိုင်းမှာ တရားဝင်ပြောဆိုခဲ့ပါတယ်။
Kamayut media


အရှေ့အာရှဒေသတွင် အစိုးရ များ၏ ပညာရေးအသုံးစရိတ် နည်းပါးခြင်းက မိသားစုများ၏ အသုံးစ ရိတ်အား ပိုမိုစေပြီး သားသမီးများ ကောလိပ် တက်နိုင်ရေး အတွက် မိဘများအပေါ် ၀န်ပိစေသည်ဟု ကမ္ဘာလုံးဆိုင်ရာ အစီရင်ခံစာ တစ်ခုတွင် ပါဝင်သည်။

ပညာတတ်လူဦးရေ များပြားခြင်းက လူအဖွဲ့အစည်းအတွက် အကျိုးရှိစေသော် လည်း ပညာရေး ရလဒ်များ မြင့်မားစေရန် ကုန်ကျစရိတ်ကြီးမား သော ကျူရှင်များကို အထောက်အကူပြုနေရသည်ဟု ဆိုသည်။ ဒေသတွင်းရှိ အစိုးရ များအတွက် စိန်ခေါ် ချက်မှာ ပါရမီရှင် ကလေးများ အတွက် အဆင့်မြင့် ပညာရေး သယ်ယူနိုင်ခွင့်ရှိaသာ ပိုမိုကောင်းမွန်သည့် ပညာရေးစနစ် တည်ဆောက်နိုင်ရေးဖြစ်သည်။

“အရှေ့အာရှနိုင်ငံများတွင် အစိုးရ၏ ပညာရေးအသုံးစရိတ်နည်းပါးသဖြင့် ကုန်ကျစရိတ်အား မိဘနှင့် မိသားစုက ကျခံနေရသည်။ ထိုအချက်မှာ အရှေ့ အာရှနိုင်ငံများအတွက် နာတာ ရှည်ရောဂါတစ်ခုဖြစ်လာနေသည်”ဟု အစီရင်ခံစာ တွင် ဖော်ပြထားသည်။

ဂျပန်နိုင်ငံတွင် ပညာရေးအသုံး စရိတ်၏ ၃၀ .၅ ရာခိုင်နှုန်းအား ပုဂ္ဂလိက ကဏ္ဍ က ကျခံနေရပြီး တောင်ကိုရီးယားတွင် ပိုမိုမြင့်မားကာ ၃၇ .၂ ရာခိုင်နှုန်းအထိ ရှိသည်။

ဥ ရောပနိုင်ငံများတွင် ပညာရေးအသုံးစရိတ်အား အစိုးရက ကျခံမှုများပြား ပြီး ဆွီဒင်နိုင်ငံတွင် အစိုးရကျခံမှု ၉၇ ရာခိုင်နှုန်းအထိ ရှိသည်။ တက္ကသိုလ်အဆင့် ပညာရေးတွင် ပုဂ္ဂလိ ကကျဆင်းမှုမှာ ဂျပန်တွင် ၆၅ .၅ ရာခိုင်နှုန်းနှင့် ကိုရီးယား တွင် ၇၃ ရာခိုင်နှုန်းအထိ မြင့်မားလျက်ရှိသည်။

ပညာရေးအသုံးစရိတ် မြှင့်တင်ခြင်းက ကျောင်းသားများ၏ စွမ်းဆောင်ရည် အပေါ် အကျိုးရှိစေသော်လည်း အစိုးရအသုံးစရိတ်တွင် ဦးစားပေးခံရခြင်း မရှိပေ။

KHTun

The Ladies News Journal

ဖေ့စ်ဘုတ်ကုမ္ပဏီ၏ ဈေးကွက်တန်ဖိုးမှာ ဒေါ်လာဘီလီယံ ၂၀၀ ကျော်ထိ မြင့် တက် ခဲ့ပြီး ကမ္ဘာ့အကြီးဆုံးကုမ္ပဏီစာရင်းဝင်ဖြစ်လာခဲ့သည်။ ဖေ့စ်ဘုတ်က ကုမ္ပဏီ၏ ၃ လပတ် ၀င်ငွေအားကြေညာပြီးနောက် ရှယ်ယာဈေးမှာ ဇူလိုင် လနှင့် ယှဉ်လျှင် ၉ ရာခိုင်နှုန်းမြင့်တက်ခဲ့သည်။ ဘလွန်းဘက်သတင်းဌာန၏ အစီရင်ခံစာအရ ဖေ့စ်ဘုတ်၏ ဈေးကွက်တန်ဖိုးမှာ ဒေါ်လာ ၂၀၀.၆ ဘီလီယံ ရှိပြီး ကမ္ဘာ့ အကြီးဆုံးကုမ္ပဏီစာရင်းတွင် အဆင့် ၂၂ ရှိကာ တိုယိုတာ ထက် ပိုများသည်ဟု ဆိုသည်။

ယခုနှစ် ဒုတိယ ၃ လပတ်တွင် ဖေ့စ်ဘုတ်၏၀င်ငွေမှာ ၆၁ ရာခိုင်နှုန်း တိုး လာပြီး ဒေါ်လာ ၂.၉၁ ဘီလီယံရှိကြောင်း ဇူလိုင်လကုန်ပိုင်း က ကြေညာ ခဲ့သည်။ မိုဘိုင်းကဏ္ဍမှဝင်ငွေမှာ ယခင် ၃ လပတ်က ၅၉ ရာခိုင် နှုန်းရှိရာမှ ၆၂ ရာခိုင်နှုန်းထိ မြင့် တက်လာခဲ့သည်။ ဖေ့စ်ဘုတ် အမှုဆောင်ချုပ် မက်ဇူကာဘက် မှာ ကမ္ဘာပေါ်တွင် ၁၃ ဦးမြောက်အချမ်းသာဆုံးပုဂ္ဂိုလ်ဖြစ်သည်။ ဇူကာဘက်က မိုဘိုင်းကြော်ငြာလုပ်ငန်းအား ကုမ္ပဏီ ၏ အဓိက စီးပွားရေး အဖြစ် ဆောင်ရွက် ရန် ဆုံးဖြတ်ခဲ့သည်။

ကုမ္ပဏီ ဘုတ်အဖွဲ့တွင် မဲပေးခွင့် ၆၁.၆ ရာ ခိုင်နှုန်းအထိ ရရှိထားသည့် ဇက်ကာဘက်၏ ကြွယ်ဝမှုမှာ ဒေါ်လာ ၃၄.၅ ဘီလီယံရှိသည်။ ဖေ့စ်ဘုတ် ရှယ်ယာဈေးမှာ ၁ နှစ်အတွင်း ၈၀ ရာ ခိုင်နှုန်းနီးပါး မြင့်တက်ခဲ့သဖြင့် ဇက်ကာဘက်၏ ကြွယ်ဝမှုမြင့်တက်ခဲ့ခြင်း ဖြစ်သည်။ ဖေ့စ်ဘုတ်တွင် ပျမ်းမျှကြော်ငြာခနှုန်းများမှာ ၂ ဆ ကျော်တက် လာခဲ့ပြီး ၂၀၁၃ ခုနှစ်၏ ကမ္ဘာ တစ်ဝန်း ဒီဂျစ်တယ်ကြော်ငြာဝင်ငွေ၏ ၅.၈ ရာခိုင်နှုန်းအား ဖေ့စ်ဘုတ် က ရရှိ ခဲ့သည်။

KHTun

The Ladies News Journal

Photo..RFA
ကျောင်းသားများထံတွင် အကြောက်တရားများ လွှမ်းမိုးနေခြင်း ကြောင့် အမျိုးသားပညာရေး ဥပဒေမူကြမ်း ရှင်းလင်းပွဲ အောင်မြင်မှုနည်းပါးသည်ဟု ကျောင်းသားသမဂ္ဂ (တကသ) အဖွဲ့ဝင်များက ဆိုသည်။

စက်တင်ဘာလ ၁၀ ရက်တွင် ရန်ကုန်မြို့ ဗဟန်းမြို့နယ်မြေရှိ အဆင့်မြင့်ကွန်ပျူတာ တက္ကသိုလ်ရှေ့ ၌ ပြုလုပ်ခဲ့သည့်အမျိုးသားပညာရေး ဥပဒေကြမ်း၏ လက်ရှိအခြေနေကို ရှင်းလင်းပွဲတွင် ကျောင်းသားသမဂ္ဂ အဖွဲ့ဝင်များက အမျိုးသားပညာရေး ဥပဒေကြမ်းကို ရှင်းလင်းမှုပြုလုပ်ရန် ကြိုးပမ်းခဲ့သော်လည်း ယင်းကျောင်းမှ ကျောင်းသားကျောင်းသူများက ပူးပေါင်းဆောင်ရွက်ခဲ့ခြင်းမရှိသည့်အတွက် အောင်မြင်ခဲ့ခြင်းမရှိဟု ဦးဆောင်သူများက ဆိုသည်။

“ကျောင်းသားတွေ ဒီလိုဖြစ်မယ် ဆိုတာ ကျွန်တော်တို့ ကြိုတွေးပြီးသား ဒါပေမဲ့ ဒီလောက်ထိ စိတ်ဝင်စားမှု အားနည်းတာကို ၀မ်းနည်းတယ်”ဟု ရန်ကုန်စီးပွားရေးတက္ကသိုလ် ကျောင်း သားသမဂ္ဂမှ ကိုဇေယျာလွင်က ပြောသည်။

တကသ အဖွဲ့ဝင်များက အမျိုး သားပညာရေးဥပဒေကြမ်း၏ လက်ရှိ် အခြေအနေကို လာရောက် ရှင်းပြခြင်း သာဖြစ်ပြီး ဆန္ဒပြခြင်း၊ လက်ရှိအာ ဏာရ အစိုးရကို ဆန့်ကျင်နေခြင်း မဟုတ်သည့် အတွက် လာရောက်ပူး ပေါင်းရန် ပြောဆိုခဲ့သော်လည်း ကျောင်းသားများက ပါဝင်ခဲ့ခြင်း မရှိခဲ့ ပေ။ တကသ အဖွဲ့ဝင်များ သွားရောက် ဟောပြောသည့် အချိန်သည် ယင်း တက္ကသိုလ် မှ ကျောင်းသားများ စာ မေးပွဲဖြေနေချိန်လည်းဖြစ်သည်။

အမျိုးသားပညာရေးဥပဒေကြမ်းကို ကျောင်းသားများကို အသိပေးထားခြင်းမရှိဟု ကိုဇေယျာလွင် က ဆိုသည်။ ယင်းဥပဒေကြမ်းကို ကျောင်းသားသမဂ္ဂများ၊ ပညာရေး ဆိုင်ရာ ပြုပြင်ပြောင်းလဲမှု ကွန်ရက် NNER ၊ နိုင်ငံရေး ပါတီများမှ ပညာရေးကွန်ရက်များ၊ လွှတ်တော်အမတ်များဖြင့် အကြိမ်ကြိမ်လေ့လာခဲ့ပြီးနောက် အချက် ကိုးချက်ကို တောင်းဆိုခဲ့ကာ လိုက်လျောမှုမရှိမခြင်း ဆက်လက် တောင်းဆိုသွားမည်ဟု တကသအဖွဲ့ဝင်များက ဆိုသည်။

“ဒီဥပဒေက ကျောင်းသားနဲ့လည်းဆိုင်တယ် ဆရာနဲ့လည်း ဆိုင်တယ်၊ အားလုံးနဲ့ဆိုင်တဲ့ ဥပဒေဖြစ်တဲ့ အတွက် ကျောင်းသားတွေပါဝင်မှု အားကောင်းအောင် ဆက်ပြီးဆောင်ရွက် သွားမှာဖြစ်ပါတယ်” တသကအဖွဲ့ဝင် ကိုဖိုးသားကပြောသည်။

ကျောင်းသားသမဂ္ဂ ၉ ခုပူးပေါင်း ၍ အမျိုးသားပညာရေး ဥပဒေကြမ်းပါ အချက်များ ကန့်ကွက် ဆန္ဒပြမှုကို စက်တင်ဘာလ ၂ ရက်တွင် ဒဂုံ တက္ကသိုလ်တွင်ပြုလုပ်ခဲ့ပြီး ယခုအ ကြိမ်မှာ ဒုတိယ အကြိမ်မြောက်ဖြစ် သည်။ ဆက်လက်၍လည်း တကသ မှဦးဆောင်ကာ သိပ္ပံနှင့်နည်းပညာ ၀န်ကြီးဌာန လက်အောက်ရှိ ကျောင်းများတွင် ပညာပေးဟောပြောမှုများကို ဆက်လက် လုပ်ဆောင်သွားမည် ဟု ဆိုသည်။

အမျိုးသားပညာရေး ဥပဒေကြမ်း နှင့်ပတ်သတ်သည့် ဆန္ဒထုတ်ဖော် မှုများကို ရတနာပုံ တက္ကသိုလ်၊ ကျောက်ဆည်တက္ကသိုလ်၊ မုံရွာတ က္ကသိုလ်၊ စစ်ကိုင်းတ်ိုင်းဒေသကြီးအ တွင်းရှိ တက္ကသိုလ်ကျောင်းသားသမဂ္ဂများ၊ ထားဝယ်တက္ကသိုလ်ရှိ ကျောင်းသားသမဂ္ဂများကလည်း ကန့် ကွက်ဆန္ဒပြမှုများ ပြုလုပ်ခဲ့သည် ။

သတင်း - စစ်ထက်အောင်

The Ladies News Journal

ထိုင်းနိုင်ငံတွင် စစ်အာဏာသိမ်း ကတည်းက ထိုင်းဘုရင်ကိုစော်ကား မှုဖြင့် လူအတော်များများကို တရား စွဲလိုက်ကြောင်း သိရသည်။ ထိုင်းလူ မျိုး ၁၄ ယောက်သည် လေးလအ တွင်းမှာ အဆိုပါပြစ်မှုဖြင့် ကြီးလေး သော ရာဇ၀တ် မှုဖြင့် စွဲချက်တင်ခံရ သည်။

ထိုင်းဘုရင် ဘူမီဘော အဒူရာဒါ ရစ်သည် သက်တော် ၈၆ နှစ်ရှိပြီဖြစ် ပြီး ကမ္ဘာပေါ်မှာ အပြင်းဆုံးအသရေ ဖျက်မှုဖြင့် ကာကွယ်စောင့်ရှောက် ခြင်း ခံထား ရသော မင်းဆက်ဖြစ် သည်။ ဘုရင်၊ မိဖုရား၊ သားတော်၊ သမီးတော် များကို စော်ကားသူ မည် သူမဆို ထောင်ဒဏ် ၁၅ နှစ်အထိ ကျခံရနိုင်သည်။

လူ့အခွင့်အရေးအုပ်စုများက ဘုရင်၏ အသရေဖျက်မှု ဥပဒေကို ပြန်လည်ပြုပြင် ရန် အတွက် တောင်းဆိုရန် လူအများ၏သဘောထား မှတ်ချက်များ ကို တောင်းဆိုလိုက်သည်။

စစ်တပ်အာဏာ သိမ်းလိုက်သော အခါ ဘုရင်ကိုစော်ကားမှုဖြင့် အကျဉ်းကျခံ ရသော သူများသည် စစ်တပ်က ပစ်မှတ်ထား ဖမ်းဆီးချင်သူများဖြစ် သည်ဟု သူတို့ကဆိုသည်။

ပြီးခဲ့သည့်အပတ်က နိုင်ငံရေး လှုပ်ရှားတက်ကြသူနှစ်ဦးကို ၂၀၁၃ ခုနှစ် ၊ အောက်တိုဘာလက ကပြခဲ့ သော ဘုရင်အကြောင်း ဖော်ကျူး ထားသည် တက္ကသိုလ် ပြဇာတ်ကပွဲ အတွင်း ဥပဒေချိုးဖောက်မှုဖြင့် စွဲချက် တင်ခံရသည်။

အသက် ၂၈ နှစ်ရှိပြီဖြစ်သော ဂီတပညာရှင်တစ်ဦးမှာလည်း ဖေ့စ်ဘုတ်ပေါ် တွင် ဘုရင်ကိုစော်ကားသည့် စကားများ ရေးသားမှုဖြင့် ထောင်ဒဏ် ၁၅ နှစ် ကျခံခဲ့ရသည်။

ကာကွယ်ရေးဦးစီးချုပ်နှင့် ၀န်ကြီး ချူပ်သစ် ပါရာယွတ်အိုချန်ချာ၏ အပတ်စဉ် ရုပ်မြင်သံကြား မိန့်ခွန်းတွင် ဗိုလ်ချုပ်ပရာယွတ်က ဘုရင်ကို အသရေဖျက်မှုက ကာကွယ်ရေးသည် အရေးကြီးကြောင်း ပြောခဲ့ သည်။

“ဥပဒေက ဘုရင်စနစ်ကို ကာကွယ်ထားတယ်။ ထိုင်းနိုင်ငံရဲ့ အင်အားက ဘုရင် မင်းဆက်နဲ့ တည်ငြိမ် မှုပဲ” ဟုဆိုသည်။

လင်းလင်း

The Ladies News Journal

ခေတ်မီဆက်သွယ်ရေးနည်းပညာတွေ အချိန်နှင့်အမျှ ဖွံ့ဖြိုးတိုးတက်နေတဲ့ ဒီခေတ်ကြီးမှာ ကမ္ဘာကြီးဟာ ရွာကြီးတရွာနှင့်တူလာ တယ်ဆိုပြီး တင်စားပြောကြပါတယ်။ ကမ္ဘာကြီးဟာ လူ့လောကဇာတ်ခုံ လည်းဖြစ်ပါတယ်။ ငလျင်ဘေး၊ မုန်တိုင်းဘေး၊ ရေဘေး၊ မီးဘေး၊ အီဘို လာကဲ့သို့ ကပ်ရောဂါဘေးများအပြင် လူ့ပယောဂကြောင့်ဖြစ်ရတဲ့ စစ်ပွဲ များ၊ ငတ်မွတ်မှု စတဲ့ဘေးအန္တရာယ်ပေါင်းစုံနဲ့ ကြုံတွေ့နေရပါတယ်။ ထိတွေ့ဆက်ဆံမှုတွေ ယခင်ကထက် ပိုများလာတဲ့ ကမ္ဘာ့လူသားတွေ အကြား အမုန်းမပွား အကြင်နာတရား အထူးသဖြင့် ကိုယ်ချင်းစာတရား ထားပါမှ ကမ္ဘာကြီးဟာ ငြိမ်းချမ်းသာယာမှာဖြစ်ပါတယ်။ လောလောဆယ် ကမ္ဘာကြီးရဲ့ ငြိမ်းချမ်းမှု၊ လုံခြုံမှုကို အကြီးအကျယ် ခြိမ်းခြောက်နေတဲ့ ပြဿနာကြီးတရပ် ကြုံတွေ့နေရပါတယ်။ အဲဒါက ဘာသာရေးအရ အစွန်းရောက်အကြမ်းဖက်ဝါဒ ဖြစ်ပါတယ်။

အမေရိကန်သမ္မတအိုဘားမား ပထမအကြိမ် အာဏာရခါစက အီဂျစ်နိုင်ငံ ကိုင်ရိုမြို့သို့သွားရောက်ပြီး ကမ္ဘာ့မွတ်စလင်နိုင်ငံများကို ကမ်းလှမ်းတဲ့ မိန့်ခွန်းတရပ်ပြောကြားခဲ့ပါတယ်။ အဲဒီအချိန်မှာ အိုစမာ ဘင်လာဒင်ဦးဆောင်တဲ့ အယ်ခိုင်ဒါအဖွဲ့ဟာ ကမ္ဘာ့အကြမ်းဖက်ဝါဒလှုပ် ရှားမှုရဲ့ ဗဟိုချက်ဖြစ်ပါတယ်။ အယ်ခိုင်ဒါအဖွဲ့နှင့်ဆက်စပ်ပြီး အာဖဂန် နစ်္စတန်မှာ မူလာအိုမာဦးဆောင်တဲ့ တာလီဘန်အဖွဲ့ဆိုတာ ရှိပါတယ်။ ဒါ့ပြင် ပါကစ္စတန်အခြေစိုက် တာလီဘန်အဖွဲ့၊ အင်ဒိုနီးရှားမှာ အဘူဘာ ကာအဲလ်ဘရှားဦးဆောင်တဲ့ ဂျင်မားအစ္စလာမ်မီးယား(JI)၊ အာဖရိကတိုက် ဆိုမာလီနိုင်ငံမှာ အယ်လ်ရှားဘက်၊ နိုင်ဂျီးရီးယားမှာ ဘိုကိုဟာရမ်စစ်သွေး ကြွအဖွဲ့တို့ နာမည်ကြီးပါတယ်။

သမ္မတအိုဘားမားရဲ့ ကိုင်ရိုမိန့်ခွန်းအပြီးမှာ အစွန်းရောက် အစ္စလာမ်မစ် စစ်သွေးကြွများဟာ ပိုမိုခေါင်းထောင်ကြွလာကြောင်း အကြမ်းဖက်ဝါဒ တန်ပြန်တိုက်ဖျက်ရေးဆိုင်ရာ ကျွမ်ျးကင်သူများကသုံး သပ်ကြပါတယ်။ အထူးသဖြင့် လစ်ဗျားနိုင်ငံတွင် အာဏာရှင်ကဒါဖီ ပြုတ်ကျ၊ ဆီးရီးယားမှာ သမ္မတအာဆတ်ကိုဖြုတ်ချဖို့ ကြိုးပမ်းရာမှ ပြည်တွင်း စစ်ပွဲဖြစ်ပွားပြီးနောက် အစွန်းရောက်အကြမ်းဖက်ဝါဒဟာ ထိန်းမနိုင်သိမ်းမရ ဖြစ်လာခဲ့ပါတယ်။

ဒီကနေ့ ကမ္ဘာ့မီဒီယာများရဲ့ အာရုံစိုက်ခြင်းအခံရဆုံး အစွန်းရောက် အကြမ်းဖက်အဖွဲ့အစည်းက အီရတ်နှင့် ဆီးရီးယားမြောက်ပိုင်းတွင် နယ် မြေအတော်များများ သိမ်းပိုက်ခဲ့တဲ့ အစ္စလာမ်မစ် နိုင်ငံတော်များအဖွဲ့ (IS)ဖြစ်ပါတယ်။ အဖွဲ့ခေါင်းဆောင် ဘာဂါဒီက သိမ်းပိုက်နယ်မြေပေါ်တွင် Caliphate (မွတ်စလင်ပိုင်နက်)နိုင်ငံထူထောင်ပြီး သူ့ကိုယ်သူ အဲဒီ ပိုင်နက်ရဲ့ အကြီးအကဲအဖြစ် ကြေညာပါတယ်။ ဘာဂါဒီက ကမ္ဘာ့မွတ်စလင်အားလုံး အိုင်အက်စ်အဖွဲ့အပေါ် ထောက်ခံဖို့တိုက်တွန်းပါတယ်။ အိုင်အက်စ်အဖွဲ့ရဲ့ သဘောထားက ဆွန်နီမွတ်စလင်းများကလွဲပြီး အခြားဘာသာဝင်အားလုံး မစ္ဆာဒိဋ္ဌိများလို့ ယူဆပါတယ်။ အီရတ်နှင့် ဆီးရီးယား မြောက်ပိုင်းရှိ ရှီးယိုက်မွတ်စလင်၊ ခရစ်ယာန်ဘာသာဝင်တွေ၊ ယာဇီဒီလူမျိုး နွယ်စုတွေ ဆွန်နီဘာသာထဲဝင်ကြ၊ မ၀င်ရင် ခေါင်းဖြတ်သတ်ပါတယ်။

ဘာဂါဒီရဲ့ အိုင်အက်စ်တိုက်ခိုက်ရေးသမားတွေဟာ အီရတ်မြောက်ပိုင်းမှာ တမြို့ပြီးတမြို့ သိမ်းပိုက်ကာ ကာဒ့်လူမျိုးစုတွေ၊ အဇီဒီမျိုးနွယ်စုတွေကို အစုလိုက်အပြုံလိုက်သတ်ဖြတ်ဖို့ လုပ်ဆောင်လာချိန်မှာတော့ အမေရိကန်ပြည်ထောင်စုဟာ အီရတ်ရှိ အိုင်အက်စ်စခန်းများကို လေကြောင်းမှ တိုက်ခိုက်မှုများပြုလုပ်ပါတယ်။ အဲဒီအပေါ်မှာ အိုင်အက်စ်အဖွဲ့ ရဲ့ လက်တုံ့ပြန်ပုံက တကမ္ဘာလုံးကို အံ့အားသင့်တုန်လှုပ်စေပါတယ်။ ပထမဆုံ သူတို့ဖမ်းဆီးထားတဲ့ အမေရိကန်နိုင်ငံသား ဂျိမ်းဖိုလေကို ခေါင်း ဖြတ်သတ်ပြပါတယ်။ ပြီးနောက် ရက်သတ္တနှစ်ပတ်မပြည့်မီမှာဘဲ အမေရိကန်ဂျာနယ်လစ် စတီဗင်ဆော့လော့ကို ထပ်မံခေါင်းဖြတ်သတ်ပါတယ်။

ကမ္ဘာပေါ်တွင် မွတ်စလင်လူဦးရေအများဆုံး အင်ဒိုနီးရှားနိုင်ငံရဲ့ သမ္မတဆူဆီလိုဘမ်ဘန်က အိုင်အက်စ်အဖွဲ့ရဲ့လုပ်ရပ်ဟာ အစ္စလာမ်ဘာသာကို အရှက်ရစေတယ်ဆိုပြီး ပြစ်တင်ရှုတ်ချပါတယ်။

သမ္မတဆူဆီလိုဘမ်ဘန်၊ ကုလသမဂ္ဂအတွင်းရေးမှူးချုပ်ဘမ်ကီမွန်း၊ အမေရိကန်သမ္မတအိုဘားမား၊ ဗြိတိန်ဝန်ကြီးချုပ်ဒေးဗစ်ကင်မရွမ်းတို့လို ပုဂ်္ဂိုလ်ကြီးများက ဘယ်လောက်ပဲ ပြစ်တင်ရှုတ်ချနေပါစေ၊ အိုင်အက်စ်အဖွဲ့အပေါ် ခေတ်ပညာတတ်ပါတယ်ဆိုကြတဲ့ ကမ္ဘာတ၀န်းရှိ အစွန်းရောက်ဆွန်နီ မွတ်စလင်အများအပြားက ထောက်ခံအားပေးနေကြတာကို တအံ့တသြ တွေ့ရှိရပါတယ်။

အိုင်အက်စ်အဖွဲ့ထဲမှာ ပြည်ပတိုက်ခိုက်ရေးသမား သောင်းချီရှိနေပါ တယ်။ အမေရိကန်နိုင်ငံသား တထောင်ခန့်၊ ဗြိတိန်နိုင်ငံသား ၅၀၀၊ အင်ဒိုနီးရှား ၂၀၀၊ မလေးရှား ၁၀၀ ခန့်ဟာ အိုင်အက်စ်အဖွဲ့နှင့်အတူ လက်တွဲတိုက်ခိုက်ဖို့ အီရတ်နှင့် ဆီးရီးယားသို့ရောက်နေကြပါတယ်။ အကယ်၍ သူတို့တတွေ မိမိတို့တိုင်းပြည်များသို့ ပြန်လာကြမယ်။ သူတို့ နှင့်အတူ အကြမ်းဖက်လုပ်ရပ်တွေ သယ်ဆောင်လာကြမယ်ဆိုရင် ဆိုတဲ့ ပူပန်မှုများနဲ့ သက်ဆိုင်ရာနိုင်ငံများမှ အာဏာပိုင်များ ခေါင်းပူနေကြပါ တယ်။

အိုင်အက်စ်အဖွဲ့ရဲ့ သြဇာတိက္ကမက ကမ္ဘာပေါ်တွင်လည်း အတော့ကို ကြီးထွားလာနေပါတယ်။ အင်ဒိုနီးရှားနိုင်ငံ ဘာလီကျွန်းဗုံးခွဲမှုနှင့်ပတ် သက်ပြီး ထောင်ကျနေတဲ့ ဂျင်မားအစ္စလာမ်မီးယားအဖွဲ့ခေါင်းဆောင် အဘူ ဘာကာဘရှားက အိုင်အက်စ်အဖွဲ့အပေါ် သစ္စာခံကြောင်းကြေညာပါတယ်။ ဂျကာတာမြို့တော်နှင့် မြို့ကြီးအတော်များများတွင် လူအများစုဝေးပြီး အိုင်အက်စ်အဖွဲ့ ထောက်ခံပွဲများ ကျင်းပခဲ့ကြပါတယ်။ အိုင်အက်စ်တိုက် ခိုက်ရေးသမားများက ဆီးရီးယားနိုင်ငံ ရက်ကာစီးတီးအနီး အစိုးရလေတပ် စခန်းတခုကို သိမ်းပိုက်ပြီးနောက် အင်ဒိုနီးရှားနိုင်ငံမှာ လူများစွာတို့ဟာ အိုင်အက်စ်အလံများ ဝှေ့ယမ်းပြီး အောင်ပွဲခံခဲ့ကြပါတယ်။

မလေးရှား အမျိုးသမီးသုံးဦးဟာ အိုင်အက်စ်တိုက်ခိုက်ရေးသမား များကို နှစ်သိမ့်ဖျော်ဖြေပေးဖို့ ရည်ရွယ်ချက်ဖြင့် အီရတ်နှင့် ဆီးရီးယား မြောက်ပိုင်းသို့ ခရီးထွက်သွားကြပါတယ်။ အိုင်အက်စ်အဖွဲ့နှင့် ပူးပေါင်း ဖို့ အီရတ်မြောက်ပိုင်းသို့ သွားရောက်မည့် ဆယ်ကျော်သက် မိန်းကလေးကို ပြင်သစ်နိုင်ငံ၊ ပါရီလေဆိပ်မှာ သက်ဆိုင်ရာက ဟန့်တားနိုင်ခဲ့ပါတယ်။ သူနောက်ဆုံးသတင်းက တရုတ်လူမျိုး အိုင်အက်စ်တိုက်ခိုက်ရေးသမား တဦးရဲ့ပုံကို ဖေ့စ်ဘွတ်ပေါ်မှာ တွေ့ရတယ်လို့ဆိုပါတယ်။

အစွန်းရောက်မှုအားလုံးထဲမှာ ဘာသာရေးအရ အစွန်းရောက်မှုဟာ ကြောက်စရာအကောင်းဆုံးဖြစ်ပါတယ်။ အမေရိကန်သမ္မတ ဘားရက် အိုဘားမားက အိုင်အက်စ်စစ်သွေးကြွများကို တိုက်ခိုက်ရေးနိုင်ငံတကာ တပ်ဦးဖွဲ့စည်းဖို့ စက်တင်ဘာ ၃ ရက်တွင် တိုက်တွန်းပါတယ်။ အိုင်အက်စ် အဖွဲ့ရဲ့ အန္တရာယ်ကို စစ်ရေးအရ တုံ့ပြန်ရေးသဘောထားအမြင်ကို ပြင်သစ်သမ္မတ ဖရန်ဆွာဟော်လန်းက ထောက်ခံသလို ဗြိတိန်နိုင်ငံကလည်း စစ်သွေးကြွများကို တိုက်ခိုက်ရန်လိုအပ်ပါက လေကြောင်းတိုက် ခိုက်မှုများတွင် ပူးပေါင်းပါဝင်မယ်ဆိုပြီး ပြောပါတယ်။

အိုင်အက်စ်အဖွဲ့ရဲ့ အန္တရာယ်ကြောင့် ကမ္ဘာ့ခေါင်းဆောင်များ ခေါင်းချင်းဆိုင် အကြံထုတ်နေစဉ် မြွေပူရာကင်းမှောင့်ဆိုသလို အယ်ခိုင်ဒါ အကြမ်းဖက်ခေါင်းဆောင် အေမန်အဲလ်ဇာဝါဟီရိက အိန်္ဒိယတိုက်ငယ်တွင် အဖွဲ့ခွဲတခုတည်ထောင်မည့် အစီအစဉ်ကိုကြေညာပြီး ဘင်္ဂလားဒေ့ရ်ှနှင့် မြန်မာနိုင်ငံတို့တွင်ပါ ဂျီဟတ်ဝါဒအောင်လံများ လွှင့်ထူသွားမယ်လို့ ပြောကြားပါတယ်။

မြန်မာနိုင်ငံအနေနဲ့ အကြမ်းဖက်တိုက်ခိုက်မှုများရဲ့ ပစ်မှတ်ဖြစ်လာနိုင်ကြောင်းကို လွန်ခဲ့သော နှစ်အနည်းငယ်ကတည်းက ကြိုတင်သိရှိထား တယ်။ ဒါကြောင့် နိုင်ငံတော်လုံခြုံရေးအတွက် လိုအပ်သော ပြင်ဆင် ဆောင်ရွက်မှုများကို ပြုလုပ်ခဲ့ကြောင်း နိုင်ငံတော်သမ်္မတရုံးညွှန်ကြားရေး မှူး ဦးဇော်ဌေးက သူ့ရဲ့လူမှုကွန်ရက် စာမျက်နှာတွင် ရေးသားထားပါတယ်။
ဒါပေမဲ့ အစွန်းရောက်အကြမ်းဖက်ဝါဒကို စစ်ရေးနည်းလမ်း၊ လုံခြုံရေးအမြင်သက်သက်နဲ့တော့ အမြစ်ဖြုတ်နိုင်မှာမဟုတ်ပါဘူး။ အနောက် အုပ်စု အင်အားကြီးနိုင်ငံများ (ခရစ်ယာန်နိုင်ငံများ)က မွတ်စလင်နိုင်ငံများအပေါ် ဗိုလ်ကျစိုးမိုးရေးဝါဒ ကျင့်သုံးတယ်။ မွတ်စလင်ဘာသာဝင်များကို ခွဲခြားဆက်ဆံတယ်။ အထူးသဖြင့် ပါလက်စတိုင်းတွေ ဖိနှိပ်ခံနေရတယ်။ အစ္စရေး-ပါလက်စတိုင်းပြဿနာတွင် အမေရိကန်ဦးဆောင်တဲ့ အနောက်အုပ်စုဟာ အစ္စရေး(ဂျူး)တွေဘက်မှ တသက်သတ် မျက်နှာလိုက်နေတယ် ဆိုတဲ့အစွဲကို အခြေခံပြီး စက်တင်ဘာ ၁၁ ရက် အကြမ်းဖက်မှု ဖြစ်ပေါ်ခဲ့ တာပါ။ အာဖဂန်နစ္စတန်နှင့် အီရတ်တို့တွင် ယနေ့ချိန်ထိ ငြိမ်းချမ်းမှုမရှိသေးတာက အစွန်းရောက် အကြမ်းဖက်ဝါဒကို စစ်ရေးနည်းလမ်းသက်သက်နဲ့ မဖြေရှင်းနိုင်ကြောင်း ဖော်ပြနေပါတယ်။

““နိုင်ငံတကာအသိုင်းအ၀န်း ညီညီညွတ်ညွတ် ဆောင်ရွက်သွားမယ် ဆိုရင် အိုင်အက်စ်အဖွဲ့ရဲ့ သြဇာလွှမ်းမိုးမှုနယ်ပယ်ကို တဖြည်းဖြည်း ချင်း ချုံ့ပစ်လိုက်နိုင်မယ်။ အိုင်အက်စ်ရဲ့ သက်ရောက်မှု နည်းသထက် နည်းသွားမယ်။ အိုင်အက်စ်ရဲ့ ငွေကြေးရင်းမြစ်တွေအပေါ် ဖြတ်တောက် ပစ်နိုင်မယ်။ စစ်ရေးစွမ်းရည်တွေကို ရိုက်ချိုးပစ်နိုင်မယ်””လို့ အမေရိကန် နိုင်ငံခြားရေးဝန်ကြီး ဂျွန်ကယ်ရီက ပြောပါတယ်။

အိုင်အက်စ်အဖွဲ့ကို ပင်လယ်ကွေ့ရေနံသူဌေး ကာတာနိုင်ငံက အဓိကငွေကြေးထောက်ပံ့နေကြောင်း ဂျာမနီနိုင်ငံက စွပ်စွဲပါတယ်။ ကမ္ဘာတ၀န်း အစ္စလာမ်မစ် စစ်သွေးကြွများ ထကြွလာခြင်းဟာ ရေနံသူဌေး နိုင်ငံတနိုင်ငံဖြစ်တဲ့ ဆော်ဒီအာရေးဗီးယားကြောင့်ဖြစ်တယ်။ ဆော်ဒီဟာ သူ့ရဲ့ ငွေကြေးများနဲ့ ကမ္ဘာတ၀န်း ဗလီများတည်ဆောက်ပြီး မွတ်စလင် တရားဟောဆရာများစေလွှတ်ကာ သူ့ရဲ့ ရှေးရိုးစွဲ “၀ါဟာဘီ” အယူအဆ များကို ဖြန့်ဖြူးခဲ့တယ်။ ဆော်ဒီရန်ပုံငွေနဲ့ ကမ္ဘာ့အရပ်ရပ်မှာတည်ဆောက် တဲ့ ဗလီတွေဟာ အစွန်းရောက်အကြမ်းဖက်အုပ်စုများရဲ့ လူသစ်စုဆောင်း ရေးစင်တာများ ဖြစ်တယ်ဆိုပြီးတော့လည်း ပြောကြပါတယ်။

ဒါကြောင့် ကာတာနှင့်ဆော်ဒီတို့လို နိုင်ငံတွေကို ဖိအားပေးဖို့လိုပြီး အင်ဒိုနီးရှားကဲ့သို့ အလယ်အလတ်သဘောထားရှိတဲ့ မွတ်စလင်နိုင်ငံတွေ တိုးပွားလာအောင်လည်း ကမ္ဘာ့မိသားစုကြီးက ၀ိုင်းဝန်းအားပေးကြဖို့ လိုအပ်ပါတယ်။ အိုင်အက်စ်အဖွဲ့ သြဇာလွှမ်းလာတာကြောင့် လောကီရေး ဦးစားပေးပါတယ်ဆိုတဲ့ အင်ဒိုနီးရှား၊ မလေးရှားလိုနိုင်ငံများမှာတောင်မှ လူနည်းစု အခြားဘာသာဝင်များအပေါ် သည်းခံမှု လျော့နည်းလာနေပါ တယ်။ အာဖဂန်နစ်္စတန်မှာ တာလီဘန်တွေက ကမ္ဘာ့အကြီးဆုံး ဗုဒ္ဓရုပ်ပွား တော်ကြီးကို မိုင်းခွဲခဲ့သလိုမျိုး အင်ဒိုနီးရှားအစွန်းရောက်များက ကမ္ဘာ့ အကြီးဆုံး ဘောရောဗုစုစေတီတော်ကြီးကို ဗုံးခွဲဖို့ကြံစည်ခဲ့ပါတယ်။

ဒီနေရာမှာ ဧရာဝတီဂျာနယ် Vol. 1, NO.36 ပါ ဆောင်းပါးရှင် ခေတ်ဘုန်းသစ်ရဲ့ ဆောင်းပါးမှ စာပိုဒ်တပုဒ်ကို ဖော်ပြချင်ပါတယ်။
ဆောင်းပါးရှင်က ““ကိုယ့်အယူအဆမှ မှန်တယ်။ ကိုယ်တွေးတာ မှန်တယ်။ ကိုယ်နှင့်တူမှ လူတော်၊ ကိုယ်ကိုးကွယ်တဲ့ဘုရားမှ တကယ့် ဘုရားဆိုတဲ့ ငါအခြေခံအတ္တ၊ အတွေးအခေါ်မျိုးတွေကို နောင်လာမယ့် မျိုးဆက်အသစ်တခုဆီကို လက်ဆင့်မကမ်းမိစေဖို့အတွက် ကျွန်မတို့ ကြိုးစားရအောင် ကိုယ့်ယဉ်ကျေးမှု၊ ကိုယ့်ဘာသာစကား၊ ကိုယ့်ကိုးကွယ် ယုံကြည်ရာကို ကိုယ်တိုင်မြတ်နိုးတန်ဖိုးထားပြီးတော့ စောင့်ရှောက်ဖို့လို သလို ကိုယ်နှင့်ယဉ်ကျေးမှုချင်း၊ ကိုးကွယ်မှုချင်း၊ ယုံကြည်မှုချင်းမတူတဲ့ လူများရဲ့ယုံကြည်ကိုးကွယ်မှုများကိုလည်း တန်ဖိုးထားလေးစားတတ်အောင်လို့ ကလေးများကို သင်ကြားပေးဖို့လိုပါတယ်””လို့ ရေးသားခဲ့ပါ တယ်။

ဆီးရီးယားစစ်သားတဦးရဲ့ ဦးခေါင်းပြတ်ကြီးကိုင်ထားတဲ့ အသက် ခုနစ်နှစ်အရွယ် ကလေးငယ်ကို ဖခင်ဖြစ်သူက ““ဒါမှ ငါ့ကောင်လေး”” ဆိုပြီး မြှောက်ပင့်ပေးနေသမျှ သို့မဟုတ် ““ဆွန်နီဘာသာထဲဝင်၊ မ၀င်ရင် ခေါင်းဖြတ်မယ်””လို့ အကြောက်တရားလွှမ်းမိုးအောင် လုပ်နေသမျှကာလပတ်လုံး ကမ္ဘာကြီးဟာ ဘယ်တော့မှ ငြိမ်းချမ်းမှာမဟုတ်ပါဘူး။

တကယ်တော့ လူ့ဘ၀ဆိုတာ တိုတိုလေးပါ။ သမုဒ္ဒရာရေမျက်နှာထက် ခဏတက်တဲ့ ရေပွက်လေးများပမာ ဖြုတ်ခနဲပေါ်လာပြီး ဖျတ်ခနဲ ပျောက်သွားပါတယ်။ ဒီလောက်တိုတောင်းတဲ့အချိန်လေးမှာ ကိုးကွယ်တဲ့ ဘာသာမတူမှုကို အကြောင်းပြုပြီး ဘာကြောင့် လူသားအချင်းချင်း အမုန်းပွားကြမှာလဲ။ အချင်းချင်း တိုက်ခိုက်သတ်ဖြတ်နေကြမလဲ။ အချင်းချင်း မေတ္တာတရား၊ ကိုယ်ချင်းစာတရားထားကြရင် မကောင်းပါလား။ ခွင့်လွှတ်တတ်တဲ့စိတ်လေးထားကြရင် ဒီကမ္ဘာလောကကြီးဟာ ပိုပြီးတော့ နေပျော်လာမှာမဟုတ်ပါလား။
ကိုယ်ချင်စာတရား၊ ခွင့်လွှတ်မှုတို့ဖြင့် မငြိမ်းချမ်းသည့် ကမ္ဘာကြီး ချမ်းငြိမ်းပါစေသော်ဝ်။

News Watch(စောင့်ကြည့်သတင်းဂျာနယ်)
ဝိုင်းတော်သားတဦး

ယမန်နှစ်မိုးတွင်း၏တခုသောနေ့ဝယ် အမေရိကန်သံရုံး ပြန်ကြားရေး ဌာနလက်အောက်ရှိ အမေရိကန်စင်တာ (American Center) ဟု ခေါ်သော တော်ဝင်လမ်းရှိ အမေရိကန်စာကြည့်တိုက်ဝယ် ကျွန်တော်နှင့် အခြားနှစ်ဦးကိုပင့်ဖိတ်၍ လူငယ်နှင့်ခရီးသွားခြင်း (Youth and Travel) ဟူသော ခေါင်းစဉ်ဖြင့် အင်္ဂလိပ်လို ဟောပြောဆွေးနွေးစေပါသည်။ ကျွန် တော်တို့က အင်္ဂလိပ်လိုဟောပြောပြီး တက်ရောက်လာသော လူငယ် ကျောင်းသားများကလည်း အင်္ဂလိပ်လိုမေးခွန်းများမေးကြပါသည်။ ထိုဟော ပြောပွဲသို့ လာရောက်နားထောင်သော လူငယ်အများစုမှာ အင်္ဂလိပ်စာကို ပြင်ပနာမည်ကြီး ပုဂ္ဂလိကကျောင်းကြီးများတွင် လေ့လာသင်ယူခဲ့သော ကျောင်းသားကျောင်းသူများဖြစ်သည်။ သူတို့ကိုဟောပြောပို့ချနေသော ကျွန်တော်မှာ ဘယ်ဘိုကျောင်းကိုမှ တက်ဖူးသူမဟုတ်။ ပြည်မြို့ ဒေါ်ဘုမ မူကြိုမှထွက်ကာ အစိုးရကျောင်းမှ ဆယ်တန်းအောင်လာခဲ့သူဖြစ်သည်။ ထို့ကြောင့် ကျွန်တော်စဉ်းစားမိသည်မှာ ပညာဆိုသည်မှာ လက်မှတ်ကိုခေါ် တာမဟုတ်ပါ။ ဉာဏ်ပညာနှင့် အသိကိုသာခေါ်တာပါလား။ ဤအသိ ရဖို့ဆိုလျှင် ဘယ်ကျောင်းတက်မှ တတ်မည်ဟူသော ဖော်မြူလာမရှိပါ လားဟူ၍ ဖြစ်သည်။

ယနေ့အခါ ပိုက်ဆံတတ်နိုင်သောမြို့ပေါ်နေ မိဘများသည် အချို့က သားသမီးအပေါ်စေတနာဖြင့် အချို့ကကြွားဝါချင်၍ သူတို့၏သားသမီးများ ကို အကောင်းဆုံးပညာရေးကိုပေးအပ်ရန် ကြံရွယ်ချက်ဖြင့် နိုင်ငံတကာ အဆင့်ဟု ကြွေးကြော်ထားသော ကျောင်းများ (အရပ်အခေါ်ဘိုကျောင်း များ)သို့ မိမိသားသမီးများကို ပို့လွှတ်သင်ကြားစေတာတွေ့မြင်ရပေ၏။ ထိုကျောင်းများတွင်မတက်ဘဲ နိုင်ငံတော်မှဖွင့်လှစ်ထားသည့် အခြေခံ ပညာ မူလတန်း၊ အလယ်တန်း၊ အထက်တန်းကျောင်းများတွင် တက် ရောက်ပညာသင်ပါက လူရာပဲမ၀င်တော့သလိုလို၊ လူညွန့်ပဲတုံးတော့မလို ပြောကြရေးကြတာကြားဖူးပေ၏။ ထိုဘိုကျောင်းများသည် ကျောင်းဝင် ကြေး ပိုက်ဆံသောက်သောက်လဲယူထားသဖြင့် ကျောင်းဝင်းအဆင်အပြင်၊ စာသင်ခန်းအနေအထား၊ ကစားကွင်း၊ သိပ္ဗံလက်တွေ့စမ်းသပ်ခန်း၊ အားကစားခန်းမ၊ ပြင်ပဗဟုသုတလေ့လာရေးစသည်တို့တွင် အစိုးရ ကျောင်းများထက် အဘက်ဘက်က မယှဉ်နိုင်အောင်သာသည်မှာ မှန်ပါ သည်။ သို့သော် ဤကိစ္စများသည် လူတယောက်ပညာသင်ကြားရေး၌ ကောင်းမွန်သော အခြေခံအဆောက်အဦများဖြစ်သော်လည်း ထိုရုပ်ဝတ္တုပစ္စည်းများရှိနေရုံမျှနှင့်လည်း စစ်မှန်သောပညာတတ်တယောက်ဖြစ် လာမည်ဟု အာမခံနိုင်သည်ကားမဟုတ်ပေ။ နက်ကတိုင်နှင့် ဘွတ်ဖိနပ်ကို စီးကာ ကြော့နေအောင်ဝတ်စားပြီး ကိုယ့်သားသမီးကျောင်းသွားသည်ကို မိဘတိုင်းကြည့်ချင်ပေလိမ့်မည်။ သို့သော် ဤသည်မှာ စက်ရုံထဲသို့ဝင်သွား သော ကုန်ကြမ်းပစ်္စည်းများနှင့်တူပေသည်ဟု ကျွန်တော်ထင်သည်။ ထို ကုန်ကြမ်းပစ္စည်းများကို အဆင့်ဆင့်ထုပ်ပိုး ပြင်ဆင်ပြီးသောအခါ အသုံးပြုနိုင်သော ကုန်ချောများထွက်လာပေမည်။ ကျွန်တော်တို့သည် စက်ရုံထဲသို့ ဘယ်လိုဝင်သွားသလဲဆိုတာသာ စိတ်ဝင်စားကြသည်။ စက်ရုံထဲမှဘယ်လို ပြန်ထွက်လာကြသလဲဆိုတာ ဆန်းစစ်မကြည့်ကြပေ။ ကုန်ကြမ်းဘယ်လို ကောင်းသော်လည်း ကုန်ချောဖြစ်မလာဘဲ သုံးမရ၍ပစ်လိုက်ရသည့် ဖြစ် စဉ်များလဲရှိမည်။ နိုင်ငံကျော်အဆိုတော်တဦး၏ သားမှာ ထိုကဲ့သို့သော ဘိုကျောင်းတွင်သွားထားရာ စာမလိုက်နိုင်ဘဲ မကြာခဏကျနေသဖြင့် ယခုအခါ နိုင်ငံခြားတွင်ကျောင်းဆက်တက်ချင်၍လည်း မရ၊ အစိုးရ ကျောင်းတွင် ပြန်တက်ဖို့ကလည်း လူကကြီးကာ အတန်းကငယ်နေသဖြင့် အရှက်ကွဲရမည့်အပေါက်ဖြစ်ကာ စကောစကဖြင့်ပညာရေးတပိုင်းတစဘ၀ ဖြင့်ရပ်တန့်သွားလေသည်။ အချို့ကျောင်းသားကျောင်းသူအချို့မှာလည်း မြန်မာပြည်မှာနေ မြန်မာမိဘနှစ်ပါးကမွေးလာပါလျက် မြန်မာလိုတောင် ဌာန်ကရိုဏ်းကျအောင် မပြောတတ်၊ မရေးတတ်တော့တာ ၀မ်းနည်းဖွယ် ဖြစ်ပေသည်။ ပညာသင်ကြားသောရည်ရွယ်ချက်မှာ မိမိဘာသာအကောင်း အဆိုး ဝေဖန်သုံးသပ်နိုင်သော လောကအလင်းရောင်ဟု ခေါ်တွင်အပ်သော ဉာဏ်ပညာကိုရရန်ဖြစ်သည်။ ဘွဲ့ရခြင်းနှင့် ပညာဉာဏ်ရလာခြင်း သည်မတူပေ၊ ဘယ်ကျောင်းကိုတက်ခဲ့သည်ဆိုသည်ထက် မည်ကဲ့သို့သော အသိဉာဏ်မျိုးကိုရခဲ့သည်ဆိုခြင်းကပို၍ ပဓာနကျပေသည်။ ဤသို့ပြော ခြင်းဖြင့် အင်္ဂလိပ်နာမည်အမျိုးမျိုးဖြင့် ဖွင့်လှစ်နေသော မြန်မာပြည်မှ ပုဂ်္ဂလိက ဘိုကျောင်းများကို နှိမ်လိုရင်းမဟုတ်၊ ထိုကျောင်းများလည်း ကောင်းပါသည်၊ သို့သော် မြန်မာနိုင်ငံသားအများစု မှီခိုနေထိုင်ရသော ကျောင်းများမှာလည်း သုံးတတ်လျှင် သူ့အတိုင်းအတာနှင့်အသုံးဝင်ပါသည် ဟု ဆိုလိုရင်းဖြစ်သည်။ ကျောင်းနေရင်း၏ အဓိကအချက်မှာ ဉာဏ်အလင်း ဓာတ်ရဖို့ဖြစ်သည်ဆိုခြင်းကို မိဘများရောကျောင်းသားများပါမမေ့ကြဖို့ ထောက်ပြလိုခြင်းဖြစ်သည်။

ငါဘယ်ကျောင်းမှာတက်နေသည်ဆိုခြင်း ထက် ငါသည် အသိပညာဉာဏ်အလင်းနှင့် ဆင်ခြင်တုံတရားမည်မျှရှိနေ ပြီဆိုခြင်းက ပို၍အရေးကြီးသဖြင့် မိမိကိုယ်ကိုအမှန်အတိုင်း မေးကြည့် ကြစေလိုပါသည်။ ကျွန်တော်သည်ပြည်မြို့ ပန်းပဲတန်း မူလတန်းကျောင်း မှအခြေခံပညာကိုရရှိခဲ့ပြီး အထက (၁) ပြည်မြို့မှ အထက်တန်းအောင် မြင်ခဲ့သည်ဖြစ်ရာ မည်သည့်နိုင်ငံတကာအဆင့်ကျောင်းသို့မျှမတက်ခဲ့ဖူး ပါ။ သို့သော် အထက်တန်းတက်နေစဉ်ကပင်နေ့စဉ် ကျောင်းစာကြည့်တိုက် သို့သွားကာ အချိန်ရသမျှ ပြင်ပစာများဖတ်ရှုလေ့လာခြင်း၊ ရန်ကုန် တက်္ကသိုလ် စာကြည့်တိုက်၊ ကုလသမဂ္ဂစာကြည့်တိုက်၊ British Council စာကြည့်တိုက်၊ American Center စာကြည့်တိုက်စသည်ဖြင့် စာကြည့် တိုက်ပေါင်းစုံသို့ မကြာမကြာသွားကာ ပညာဆည်းပူးခြင်းဖြင့် ဉာဏ် အလင်းရောင်ပို၍ ကျယ်ဝန်းအောင်ဖြည့်ဆည်းနိုင်ခဲ့ပါသည်။ ငါက ဘိုကျောင်းတွင် မတက်နိုင်ဘူး သူတို့ရသောပညာများငါတော့ရမှာ မဟုတ် ပါဘူးဟု စိတ်မထားအပ်ပေ။ လူတယောက်၏ အရည်အချင်းမှာ သူသည် ဘယ်ကျောင်းတွင်တက်ခဲ့သည်ဆိုခြင်းနှင့် ဆုံးဖြတ်၍မရဘဲ သူသည် ဘယ် လောက်အထိ လေ့လာသင်ယူခဲ့သည်၊ ဘယ်လိုကြိုးစားခဲ့သည်ဆိုတာနှင့်ပဲ တိုင်းတာ၍ရကောင်းပါသည်။ သမ္မတလင်ကွန်းသည် သစ်ခုတ်သမား တယောက်ဘ၀မှ ပညာတတ် သမ်္မတကြီးဖြစ်လာခြင်းမှာ ကျောင်းကောင်း ကောင်းတွင်နေရ၍မဟုတ်၊ မဖြစ်မနေကြိုးစားချင်သော စိတ်ဆန်္ဒကြောင့် ဖြစ်သည်။ ယခုလို နိဒါန်းချီနေရသည်မှာ မြန်မာနိုင်ငံတွင် စတင်အမြစ် တွယ်စပြုနေသော လူမှုရေး၊ နိုင်ငံရေး နယ်ပယ်များ၌ နိုင်ငံတကာမှ ဖွင့်လှစ်သော ဘွဲ့များ၊ ဒီပလိုမာများ၊ ဆာတီဖီကိတ်များ၊ သင်တန်းဆင်း လက်မှတ်ရှိသူများသာ ဟုတ်ဟုတ်၊ မဟုတ်ဟုတ် လူတွင်ကျယ်အဖြစ် နေရာယူ နေရာပေးနေကြခြင်းကိုမြင်နေရသောကြောင့်ဖြစ်သည်။ ဘယ် နိုင်ငံ ဘယ်တက်္ကသိုလ်ကြီးမှ ဘာဘွဲ့ကြီးရလာသော ဖွဲ့စည်းပုံဥပဒေပညာ ရှင်ဟုတမျိုး၊ ဘယ်နိုင်ငံဘယ်တက်္ကသိုလ်ကြီးတွင် တွဲဖက်ပါမောက်္ခအဖြစ် တာဝန်ထမ်းဆောင်နေသော သမိုင်းပညာရှင်ဟူ၌တဖုံ၊ ကုလသမဂ်္ဂ၏ ဘယ်အဖွဲ့ကြီးတွင် ဘာတာဝန်ထမ်းဆောင်ခဲ့သော ပညာရှင် ဘယ်သူက ပြောသည်ဟူ၍ တနည်း ဉာဏ်ပညာနှင့်စေတနာထက် ဘွဲ့နှင့်ကျောင်းကို ခေါင်းပေါင်းပေါင်းလာကြသောကိစ်္စများကိုသာ တွေ့လာရသောကြောင့် ဖြစ်သည်။

စေတနာသည်ကံဖြစ်သည်ဟု ဗုဒ္ဓဘုရားရှင်ကဟောပါသည်။ သင် သည် မည်မျှပညာတတ်သည်ဖြစ်စေ စေတနာမကောင်းပါက ကံကောင်း နိုင်မည်မဟုတ်။ ကုသိုလ်ရေးလုပ်ရာတွင် ကံငါးပါးဟုခေါ်သော အခြေခံ သီလခိုင်လုံဖို့လိုသလို၊ နိုင်ငံရေးလုပ်ရာတွင် နိုင်ငံရေးသီလမကျိုးပေါက် ဖို့လိုပေလိမ့်မည်။ ဗိုလ်ချုပ်အောင်ဆန်းသည် ဘုန်းတော်ကြီး ဦးသောဘိတ ကျောင်းထွက်ဖြစ်သည်။ နတ်မောက် အစိုးရအထက်တန်းကျောင်းမှ အထက်တန်းအောင်ခဲ့သူဖြစ်သည်။ သူသည် ILBC ကိုလည်း မတက်ဖူး ခဲ့၊ Horizon ကိုလည်း မတက်ဖူးခဲ့၊International School သို့ လည်း အနားပင်မသီဖူးခဲ့၊ B.C တို့ အမေရိကန်စင်တာတို့လည်း ရောက်ဖူး သူ မဟုတ်၊ ဒဂုန်(၁) ထွက်လည်းမဟုတ်၊ TTC ကျောင်းထွက်လည်း မဟုတ်၊ နန်ယန်ကျောင်းတွင်လည်း ကျောင်းတက်ခဲ့သူမဟုတ်။ ထူးချွန် မည့်သူသည် ထူးချွန်မည် ဖြစ်သည်။ ကျောင်းက အဓိကမဟုတ် လူက အဓိကဖြစ်သည်။ ဗိုလ်ချုပ်အောင်ဆန်းသည် တောကျောင်းမှ အထက်တန်း အောင်သော်လည်း အင်္ဂလိပ်စာတွင်ညံ့သူမဟုတ်ကြောင်း သူအင်္ဂလိပ်လို ရေးခဲ့ပြောခဲ့သော မိန့်ခွန်းများက သက်သေခံနေသည်။ ဗိုလ်ချုပ်ပြတိုက် ဖွင့်လှစ်ထားသော ရန်ကုန်မြို့ တာဝါလိန်းလမ်း နေအိမ်အပေါ်ထပ် စာကြည့်ခန်းထဲတွင် ပြသထားသော ဗိုလ်ချုပ်အောင်ဆန်းဖတ်ခဲ့သည့် အင်္ဂလိပ်စာအုပ်များကသက်သေခံနေပါသည်။ ဗိုလ်ချုပ်အောင်ဆန်းသည် ရန်ကုန်တက္ကသိုလ်သို့စရောက်ကာစက အင်္ဂလိပ်စာတော်သည်မဟုတ်ပေ။သူပြောသော အင်္ဂလိပ်စာမှာ သိပ်ပြီးအစပ်အဟပ်မတည့်သဖြင့် ဘိုကျောင်း ထွက် ကောလိပ်ကျောင်းသားများ၏ ၀ိုင်းဝန်းလှောင်ပြောင်မှုကို ခံခဲ့ရသူ ဖြစ်သည်။ သို့သော် ငုတ်မိသဲတိုင် တက်နိုင်ဖျားရောက် ဘာကိုပဲလုပ်လုပ် ဖိဖိစီးစီးဇွဲကြီးမဲကြီး လုပ်ကိုင်လေ့ရှိသော အောင်ဆန်းသည် နှစ် အနည်းငယ်အတွင်း အင်္ဂလိပ်လို ဂျောင်းဂျောင်းပြေးအောင်ပြောနိုင်သည်ကို ဘိုကျောင်းထွက်များကပင် ငေးယူရသည့်အခြေအနေသို့ရောက်အောင် ကြိုးစားပြနိုင်ခဲ့သည်။ လူတော်တယောက်သည် ကိန်းဘရစ်ဂ်ျ တက်္ကသိုလ် မှာပဲတက်တက်၊ နတ်မောက်အထက်တန်းကျောင်းမှာပဲနေနေ တော်မည့် သူက တော်မည်သာဖြစ်သည်။

ကုလသမဂ္ဂအထွေထွေအတွင်းရေးမှူး ရာထူးကိုသက်တမ်းနှစ်ကြိမ် အောင်မြင်စွာထမ်းရွက်နိုင်ခဲ့သော မြန်မာ့ဂုဏ်ဆောင်ဦးသန့်သည် ILBC လည်း မတက်ဘူးပါ။ YES မှာလည်း အင်္ဂလိပ်စာမသင်ဖူးပါ။ ဗြိတိသျှသံရုံးမှာလည်း အင်္ဂလိပ်စာမလေ့လာဖူးပါ။ အမေရိကန်စင်တာမှာလည်း မင်ဘာမဟုတ်ပါ။ တော်မည့်သူကတော်သည်သာဖြစ်သည်။ ဦးသန့် အသက်(၆)နှစ်သားတွင် မြန်မာနိုင်ငံ၊ ဧရာဝတီတိုင်း၊ ပန်းတနော်မြို့ ဆရာ ကြီးဦးဘဟန်၏ မြန်မာကျောင်းတွင် စတင်ပညာသင်ကြားသည်။ ပန်းတနော် အမျိုးသားအထက်တန်းကျောင်းမှ ဆယ်တန်းစာမေးပွဲကို အောင်မြင်ပြီး ရန်ကုန်တက်္ကသိုလ်သို့ တက်ရောက်ပညာဆည်းပူးသည်။ တကောင်းကျောင်းဆောင်၊ ပုဂံကျောင်းဆောင်များတွင် နေထိုင်ခဲ့ကာ အသက် (၁၉)နှစ်တွင် ဥပစာတန်း (IA) အောင်မြင်ခဲ့သည်။ ဦးသန့်ကို ဖခင်ဖြစ်သူဦးဘိုးနှစ်က အိမ်တွင်အင်္ဂလိပ်စာသင်ပေးသည်။ ၀ါသနာပါ၍ လေ့လာသဖြင့် မောင်သန့်သည် အသက် (၁၂)နှစ်အရွယ်ကပင် ရှိတ်စပီး ယားစာအုပ်များနှင့် ဆာအာသာကိုနင်ဒွိုင်းစာအုပ်များကို အင်္ဂလိပ်လို ဖတ်နိုင်နေပြီဟုဆို၏။ အရင်းအမြစ်စစ်လိုက်သောအခါ ဗိုလ်ချုပ်အောင် ဆန်းရော၊ ဦးသန့်ရော၊ ဦးနုရော အင်္ဂလိပ်စာတော်ခြင်းမှာ အင်္ဂလိပ်စာ အဓိကသင်သော ကျောင်းကောင်းကောင်းမှာနေရ၍မဟုတ် မိမိဘာသာ ၀ါသနာပါသဖြင့် လေ့လာသောကြောင့်ဖြစ်သည်။ သူတို့သုံးယောက်လုံး တွင် တူညီသာအချက်မှာ အင်္ဂလိပ်စာကောင်းစွာတတ်သော်လည်း မြန်မာ စာတွင် မညံ့ကြခြင်းဖြစ်သည်။ မညံ့သည့်အပြင် အလွန်ကောင်းမွန်သော စာပေလက်ရာများကိုပင် ပြုစုနိုင်ခဲ့သည်။ ယခုခေတ်အင်္ဂလိပ်စာလေး အနည်းငယ်သင်မိသည်နှင့် ““မြန်မာလိုဘယ်လိုခေါ်ရမလဲဆိုတော့”” ဟူသော စကားကိုအရသာခံပြောတတ်သော ကျီးမဟုတ်၊ ကြက်မဟုတ် သူများနှင့်မူ အတော်ကြီးကွာခြားလှသည်။

ဖဆပလအဖွဲ့ကြီး၏ခေါင်းဆောင် နိုင်ငံတော်ဝန်ကြီးချုပ်ဦးနုသည် လည်း ငယ်စဉ်က ၀ါးခယ်မမြို့ရှိ အင်္ဂလိပ် မြန်မာအလယ်တန်းကျောင်းတွင် ပညာ ဆည်းပူးခဲ့သူဖြစ်သည်။ ထိုမှတဆင့်ရန်ကုန်တက်္ကသိုလ်သို့ရောက်ရှိ လာသူဖြစ်သည်။ ထို့နောက်နိုင်ငံလှုပ်ရှားမှုထဲတွင် ဆက်တိုက်ပါဝင်လာ ပြီး လွတ်လပ်သောမြန်မာနိုင်ငံ၏ ပထမဆုံးဝန်ကြီးချုပ်အဖြစ်နှင့် ကမ္ဘာသိ ထင်ရှားသူဖြစ်သည်။ ဗိုလ်ချုပ်အောင်ဆန်းရော၊ ဦးသန့်ရော၊ ဦးနုပါ တောကျောင်းထွက်များဖြစ်သော်လည်း အင်္ဂလိပ်စကားကို စကားပြန် မလိုဘဲ ကျွမ်းကျင်စွာပြောနိုင်သည်။ အင်္ဂလိပ်လိုကောင်းကောင်းရေးနိုင် ဖတ်နိုင်သည်။ သူတို့၏ပညာရေးကို အောက်စဖို့ဒ်၊ ယေးလ်၊ ကိန်းဘရစ် စသော ကမ္ဘာကျော်တက္ကသိုလ်မှကျောင်းပြီးခဲ့သူများက အထင်မသေးရဲကြ ပေ။ ဦးသန့်ကို ကုလသမဂ္ဂတွင် အထွေထွေအတွင်းရေးမှူးအဖြစ် အမည်စာရင်းတင်သွင်းထားသောအခါ မလိုသူများက ဦးသန့်သည် ဘီအေ ဘွဲ့ရရှိခဲ့သူမဟုတ်ဟူသော အကြောင်းပြချက်ဖြင့် ကန့်ကွက်ခဲ့ကြသည်။ သို့သော် ဦးသန့်သည် ရန်ကုန်တက္ကသိုလ်တွင် အိုင်အေတန်းကို အောင်မြင် ခဲ့ပြီး ဖြစ်သည်။ သူ့ဘာသာဆက်မတက်ချင်ဘဲ အမျိုးသားကျောင်းတွင် ကျောင်းအုပ်ဆရာဝင်လုပ်သောကြောင့်သာ ဘွဲ့မရခြင်းဖြစ်ကြောင်း အားလုံးသိကြသဖြင့် ဘီအေဘွဲ့ရခြင်း မရခြင်းကိုမည်သူကမျှ အရေးတယူ ပြောမနေတော့ဘဲ တော်သည်နှင့်အညီ UN အတွင်းရေးမှူးတင်မြှောက်ခဲ့ ကြခြင်းဖြစ်သည်။

ဗိုလ်ချုပ်အေင်ဆန်း၊ ဦးသန့်၊ ဦးနုတို့၏ နိုင်ငံရေးလမ်းစဉ်ကို ကြိုက်သူများလည်းရှိမည်၊ အချို့သူများက မကြိုက်သည်လည်းရှိမည်။နိုင်ငံရေးလမ်းစဉ်ခြင်း အယူဝါဒခြင်းကွဲပြား၍ ဝေဖန်ပြစ်တင်သူများပင်ရှိ မည်။ သို့သော် မည်သို့ပင်အယူအဆမတူ၍ ကွဲပြားကြစေကာမူ သူတို့သုံးဦး နှင့်ပတ်သက်လာလျှင် ရန်သူရော မိတ်ဆွေရော အားလုံးက တညီတညာ တည်း သတ်မှတ်ဝန်ခံကြသည်မှာ သူတို့သည် မိမိကိုယ်ကျိုးအတွက် တိုင်းပြည်ဥစ်္စာဘဏ္ဍာကို တစိုးတစေ့မှ ထိခဲ့ကြသူများမဟုတ်။ မိမိကိုယ်ကျိုး အတွက် တိုင်းပြည်ကို ရောင်းစားဖို့နေနေသာသာ ရာထူးအာဏာကို ကိုယ် ကျိုးအတွက် ဘယ်သောအခါမျှ အသုံးမချခဲ့ကြောင်း အားလုံးက ၀န်ခံကြ ခြင်းဖြစ်သည်။ ဤသည် ကိုယ်ကျင့်တရားဖြစ်သည်။ နိုင်ငံရေးသီလ ဟူသည် ရှိသေး၏။ နိုင်ငံရေးတွင် ကိုယ်ကျင့်တရားသည်အရေးကြီးသလို နိုင်ငံရေးသီလသည် ထပ်တူအရေးကြီးပေ၏။ နိုင်ငံရေးသီလဟူသည်မှာ မိမိအကျိုးနှင့် အများအကျိုးယှဉ်လာလျှင် အများအကျိုးကို ဦးစားပေးခြင်း၊ အများအကျိုးနှင့် နိုင်ငံအကျိုးယှဉ်လာလျှင် တနိုင်ငံလုံးအကျိုးကို ဦးစားပေး ခြင်းတို့ဖြစ်သည်။ ထိုသို့မဟုတ်ပါဘဲ မိမိနှင့်မိမိပါတီ၊ မိမိအဖွဲ့အစည်း အသာစီးရဖို့ မတရားသောအဖွဲ့တဖွဲ့ကို မတရားမှန်းသိပါလျက် ထောက်ခံ ခြင်း၊ ပူးပေါင်းခြင်း၊ လိမ်လည်ခြင်း၊ ပြည်သူကိုသစ်္စာဖောက်ခြင်းများသည် နိုင်ငံရေး သီလကျိုးပေါက်ခြင်းဖြစ်သည်။ ဗိုလ်ချုပ်အောင်ဆန်းတို့၊ ဦးနုတို့၊ ဦးသန့်တို့ကို ယခုအချိန်အထိ ကြည်ညိုသူပေါသည်မှာ ကိုယ်ကျင့်တရား ကောင်းသလို နိုင်ငံရေးသီလလည်း မြဲသောကြောင့် ဖြစ်သည်။

ယနေ့ခေတ်အခါတွင် နိုင်ငံ့အရေးကို ဆောင်ရွက်ကြပါသည် ဟူသော နိုင်ငံရေးသမားများစွာပေါ်ပေါက်နေကြသည်။ အချို့သည် အစိုးရ နှင့် ကင်းကင်းနေကာ အတိုက်အခံနိုင်ငံရေးသမားအဖြစ် တောက်လျှောက် လုပ်ကိုင်လာကြ၏။ အချို့မှာ ထင်ပေါ်သဖြင့် စင်တော်ကောက်သည်ဟု ပဲပြောပြော၊ ပုလင်းတူဘူးဆို့ပူးပေါင်းမိကြသည်ပဲဆိုဆို အာဏာရ အသိုင်း အ၀ိုင်း၏ ခေါ်ယူအသုံးချခြင်းကို ကျေကျေနပ်နပ်ခံယူ၍ နိုင်ငံရေးဖြစ်စဉ် တွင် လူမြင်သာသောကဏ္ဍမှ ပါဝင်ကပြကြလေသည်။ အချို့လူများသည် လူတော်တွေဖြစ်ကြကုန်၏။ နိုင်ငံခြားတက္ကသိုလ်များမှပေးသော ဘွဲ့ထူးဂုဏ်ထူး တသီကြီးကိုရထားသူများလည်းပါသည်။ သူတို့သည် ပညာ တတ်များပီပီ ဘိုလိုတွေမှုတ်လျက် ရှင်းနေသောအကြောင်းအရာတခုကိုပင် လူတွေနားမလည်အောင် ရှုပ်သွားအောင် အလွန်ကြီးမားသော အင်္ဂလိပ် စာလုံး ခံ့ခံ့ထည်ထည်ကြီးတွေကိုသုံးကာ ဟောပြောနိုင်ကြပေ၏။ လက် တွေ့တွင် တခါမှ ပြည်သူလူထုနှင့်ထိတွေ့ဆက်ဆံမှုမရှိဘဲ သဘောတရား ရေးရာများ သီအိုရီများ ဖော်မြူလာများကို နှုတ်တက်ရွရွ ရွတ်ဆိုနိုင်ကြ ပေကုန်၏။ Moderate နဲ့ Radical တို့ Reform တို့၊ Hard Liner တို့၊ No Trust တို့၊ Political Opening တို့၊ Reality တို့၊ Win Win Theory တို့၊ Constitutional Crisis တို့၊ Power Sharing တို့၊ ဘိဇနက်တို့၊ Opposition တို့၊ Awarness တို့ Third World တို့ စသည်ဖြင့် ပြောမဆုံးအောင် ရွတ်ပြကြပေလိမ့်မည်။ သို့သော်တခုရှိ သည်မှာ ထိုဘိုကျောင်းထွက်တွေ၊ နိုင်ငံခြားပြန်တွေကို ပြည်သူတွေက မယုံ။ ဤလူတွေသည် အစိုးရနှင့်ပေါင်းကာ လူကြားကောင်းအောင် စကား ကြီး စကားကျယ်တွေပြောနေကြသည်မှတပါး ပြည်သူလူထု၏ရင်ထဲ အသည်းထဲအထိရောက်မလာနိုင်ကြခြင်းမှာ နိုင်ငံရေး၏အသည်းနှလုံးဟု ခေါ်ဆိုအပ်သော ကိုယ်ကျင့်တရားနှင့် နိုင်ငံရေးသီလ မစင်ကြယ်ခြင်း ကြောင်းဖြစ်သည်။ ဆိုဖာပေါ်မှာထိုင်၍ နိုင်ငံရေးစကားတွေ ပြောနေသော် လည်း ပြည်သူလူထု၏ မျက်ရည်ကို ကိုယ်တိုင်ခံစားမကြည့်နိုင်သောအခါ ထိုလူတွေ၏ပြောစကားကို မည်သူမျှနားလည်မည်မဟုတ်ချေ။

ဗိုလ်ချုပ် အောင်ဆန်းသည် တခါတရံအပြောဆိုးသော်လည်း လူတွေကချစ်ကြသည် မှာ သူ့နှလုံးသားသည် ပြည်သူတွေနှင့်တသားတည်းဖြစ်နေသောကြောင့် ပင်တည်း။ ထိုသို့မဟုတ်ဘဲ အပြောတမျိုး၊ အလုပ်တမျိုးဖြစ်ကာ ပြည်သူ ကို မိဘနှင့်နှိုင်းပြီး စကားလုံးချိုချိုကလေးများဖြင့် လစဉ်လေလှိုင်းမှ သြ၀ါဒကထာမြွက်ကြားနေလည်း ပြည်သူကဂရုစိုက်မည် မဟုတ်ချေ။ စကားလုံးများထက် စေတနာသည် အရေးကြီး၏။ မြေမဲ့ယာမဲ့ဒုက္ခ၊ လယ် သမားများ ထောင်ချခံရသောဒုက္ခ၊ ပြည်တွင်းစစ်မရပ်စဲနိုင်သေးသည့်ကိစ္စ၊ ဥပဒေစိုးမိုးမှုမရှိသောကိစ္စစသည်တို့ကို စကားလုံးလှလှလေးတွေသည် လာမကယ်နိုင်။ ပြည်တွင်း ပြည်ပမှ ဘွဲ့ထူးဂုဏ်ထူးတွေ အမြီးအမောက် တွေထက် ကိုယ်ကျင့်တရားနှင့် နိုင်ငံရေးသီလသည် ပို၍အရေးကြီး၏။အချုပ်အားဖြင့်ပြောရလျှင် သင်ဘယ်ကျောင်းမှာစာသင်ခဲ့သည်ဆိုခြင်း သည် အရေးမကြီးပါ။ သင်ဘာစာတွေသင်ခဲ့သည်၊ သင်ဘာတွေလုပ်နိုင် သည်၊ သင်ဘာတွေလုပ်နေသည်ဆိုခြင်းက ပို၍ အရေးကြီးပါသည်။ ဟစ်တလာ၊ ပိုပေါ့၊ အိုစမာဘင်လာဒင်နှင့် မြန်မာပြည်မှ ဟိုပုဂ်္ဂိုလ်ကြီး တို့သည် တက်ရောက်ခဲ့သောကျောင်းမတူသော်လည်း သင်ယူခဲ့သော ဘာသာတွဲခြင်း တူညီပုံရလေသည်။

ထို့ကြောင့်မည်သည့်ခေတ်တွင် မဆို
တောကျောင်းမှာပဲနေနေ
မြို့ကျောင်းမှာပဲတက်တက်
ဘိုကျောင်းကပဲထွက်ထွက်
တော်မည့်သူသည် တော်ကိုတော်မည်။ ညံ့မည့်သူသည်ညံ့ကို ညံ့မည်။ လိမ်မည့်သူသည် လိမ်ကိုလိမ်မည်၊ ယုတ်မာမည့်သူသည် ယုတ်ကိုယုတ်မာမည်ဖြစ်သည်။ ကျောင်းသည် သာမည၊ လူသည် အဓိက ဖြစ်ပါကြောင်း တင်ပြလိုက်ရပေသည်။

သရ၀ဏ်(ပြည်)
News Watch(စောင့်ကြည့်သတင်းဂျာနယ်)

သတင်းနှင့်ဓာတ်ပုံ - ကရင်အမျိုးသား (မီဒီယာ)

တရားဝင်ခရီးသွားလက်မှတ်နှင့် မဲဆောက်ဘက်သွားသည့် မြန်မာခရီးသွားများကို ထိုင်းရဲများက နည်းမျိုးစုံဖြင့်ဖမ်းဆီးကာ ငွေကြေးတောင်းခံသည့်အတွက် ယနေ့မြ၀တီသို့ဝင်ရောက်လာသည့် ထိုင်းကုန်တင်ကားကြီး အစီး၃၀ ခန့်ကို ကရင်ငြိမ်းချမ်းရေးကောင်စီ PC အဖွဲ့မှ ဗိုလ်မှူးကြီးတိုက်ဂါး ဦးဆောင်သည့်အဖွဲ့က ထွက်ခွာခွင့်မပေးဘဲ ပိတ်ဆို့လိုက်သည့် ဖြစ်ရပ်တခု ယနေ့မြ၀တီမြို့ တွင် ဖြစ်ပွားခဲ့သည်။

ထိုင်းဘက်မဲဆောက်သွားသည့် မြန်မာခရီးသွားများကို နေ့စဉ်နီးပါးနည်းမျိုးစုံဖြင့် ငွေညှစ်နေသည့်အတွက်ယခုကဲ့သို့ လုပ်ဆောင်ရခြင်းဖြစ်သည်ဟု ဗိုလ်မှူးကြီးတိုက်ဂါးက ကရင်အမျိုးသား (မီဒီယာ)ကိုပြောသည်။

၎င်းက "နေ့တိုင်းဘဲခံနေရတယ် တိုင်းရင်းသားတွေရော ဗမာတွေရောအကုန်ခံနေရတယ် ဘယ်သူမှတားဆီးပေးလို့မရဘူးဆိုတော့ ဒီနည်းလမ်းဘဲရှိတယ် မြန်မာနိုင်ငံသားတွေ ခံနေရတာတွေကို ထိုင်းဘက်ကတာဝန်ရှိသူတွေ သိစေချင်တယ် အကယ်၍နောက်ထပ်ဖြစ်အုံးမယ်ဆိုရင်တော့ ဒီထက်ကြီးမားတဲ့ တုန့်ပြန်မှုကိုထပ်လုပ်မယ်"ဟုဆိုသည်။

နံနက် ၁၁ နာရီကစတင်ခဲ့သည့်ပိတ်ဆို့မှုကို မြ၀တီခရိုင်အုပ်ချုပ်ရေးမှူးဦးလွင်ကိုဦး- မြ၀တီမြို့ နယ်အုပ်ချုပ်ရေးမှူး ဦးးခင်မောင်ဇော် - မဲဆောက်- မြ၀တီမြို့နယ်အဆင့် နယ်ခြားကော်မတီ မြန်မာဘက်ခြမ်းဥက္ကဌ ဒုတိယဗိုလ်မှူးကြီးဝင်းထွန်းတို့က လာရောက်ညှိနှိုင်းဖြေရှင်းပေးခဲ့သဖြင့် ပိတ်ဆို့မှုကို မွန်းလွှဲတနာရီခန့်တွင် ရုပ်သိမ်းလိုက်သည်။

အဆိုပါကိစ္စနှင့်ပတ်သက်၍ မြ၀တီခရိုင်တာဝန်ရှိသူများနှင့် ထိုင်းဘက်ခြမ်း မဲဆောက်အပါအ၀င် တာ့ခ်ခရိုင်တာဝန်ရှိသူများ မနက်ဖြန် မြ၀တီမြို့ တွင် ဆွေးနွေးကြမည်ဖြစ်သည်။

အဆိုပါဖြစ်စဉ်ကြောင့် ဒေသခံမြန်မာစစ်တပ်က လုံခြုံ ရေးအတွက် တပ်ဖွဲ့ဝင်များနေရာခွဲ၍ ချထားသဖြင့် စားသောက်ဆိုင်အချို့ နှင့်ဈေးဆိုင်များ ပိတ်ထားလိုက်ကြပြီး မလိုလားအပ်သော ဆိုကျိုးများဖြစ်ပေါ်လာမည်ကို စိုးရိမ်မှုများဖြစ်ရသည်ဟု အမှတ် ၄ ရပ်ကွက်မှ လဘက်ရည်ဆိုင်ပိုင်ရှင်တဦးကဆိုသည်။

ကရင်ငြိမ်းချမ်းရေးကောင်စီ PC မှ ဗိုလ်မှူးကြီးတိုက်ဂါးက မနက်ဖြန်ထိုင်းနှင့်မြန်မာနှစ်ဘက်တာဝန်ရှိသူများ၏ ဆွေးနွေးမှုများကို စောင့်ကြည့်သွားမည်ဟုလည်းဆိုသည်။

ပုံစာ - မြ၀တီမြို့ တွင် ယနေ့ပိတ်ဆို့မှုဖြစ်ပွားခဲ့သည့်နေရာ။

မနက်ဖြန် မြန်မာနှင့်ထိုင်း တာဝန်ရှိသူများ၏ ဆွေးနွေးပွဲရလဒ်များကို ဆက်လက်ဖော်ပြပေးသွားပါမည်။