09/18/14

http://www.7daydaily.com/
စက်တင်ဘာ ၁၀ ရက်တွင် သမ္မတဘားရက်အိုဘားမား အမေရိကန်ပြည်သူလူထုအား မိန့်ခွန်းပြောချိန်တွင် ၎င်း၏စကားများမှာ အစ္စလာမ်မစ်နိုင်ငံတော် (IS)အဖွဲ့ အကြောင်းထက် ပိုပါသည်။ အယ်လ်ကိုင်ဒါနောက်ပိုင်း အဆိုးရွားဆုံး အိုင်အက်စ်ကင်ဆာရောဂါ တိုက်ဖျက်ရေး ၎င်း၏အစီအစဉ်မှာ အရှေ့အလယ်ပိုင်းဒေသကို ၀ါးမျိုနေသော ဗရုတ်သုတ်ခအခြေအနေများကို အရှေ့အလယ်ပိုင်းကိုယ်တိုင်က ကျော်လွှားနိုင်မှသာလျှင် အလုပ်ဖြစ်ပါလိမ့်မည်။

ထို့အတူပင် အမေရိကန်နိုင်ငံ ကိုယ်တိုင်ကလည်း မကြာသေးမီနှစ်များက နိုင်ငံခြားရေးမူဝါဒ ပစ်ပယ်လျစ်လျူရှုခဲ့မှုများအတွက် ဆုံးရှုံးသွားသော ရပ်တည်မှု ပြန်လည်ရရှိနိုင်မှသာလျှင် အိုင်အက်စ်အဖွဲ့တိုက်ဖျက်ရေး ရေရှည်တည်မြဲသော မဟာမိတ်အဖွဲ့ခေါင်းဆောင်အဖြစ် လုပ်ကိုင်နိုင်ပါလိမ့်မည်။ ယင်းအတွက် အကောင်းဆုံး အမေရိကန်ဦးဆောင်မှုဟု သမ္မတက ခေါ်ဝေါ်သောကိစ္စမှာ အကြမ်းဖက်တိုက်ပွဲလည်းဖြစ်သလို အမေရိကန်၏အင်အားအပေါ် သံသယရှိသူများကို ပြန်လည်ထိုးနှက်မှုလည်းဖြစ်သည်။

အိုဘားမားချပြသော အစီအစဉ်မှာ အိုင်အက်စ်အဖွဲ့ကို စစ်ရေး၊ ဘဏ္ဍာရေးနှင့် အတွေးအခေါ် သဘောတရားရေးရာများ ဆုတ်ယုတ်စေပြီး နောက်ဆုံး၌ ဖျက်ဆီးပစ်ရေး တိုက်တွန်းထားသည်။ ကုလသမဂ္ဂ၏ အတည်ပြုချက်မရရှိလျှင်ပင် (မကြာသေးမီကပင် ရုရှားနိုင်ငံက ယင်းအချက်အပေါ် သတိပေးထားသည်) အာရပ်နှင့် မွတ်စလင်နိုင်ငံများ၏ ထောက်ခံမှုဖြင့် မဟာမိတ်အဖွဲ့မှာ ဥပဒေအရ ဘောင်ဝင်သွားနိုင်မည် ဖြစ်သည်။

အမေရိကန်က အိုင်အက်စ်အဖွဲ့ကို အီရတ်နိုင်ငံ၌ လေကြောင်းမှ တိုက်ခိုက်သွားမည်ဖြစ်ကာ လိုအပ်ပါက ဆီးရီးယားနိုင်ငံကိုပါ တိုက်ခိုက်မည်ဖြစ်သည်။ အမေရိကန်က ကာ့ဒ်တပ်ဖွဲ့များအား ကူညီပေးပြီး အီရတ်စစ်တပ်ကိုလည်း အင်အားဖြည့်တင်းပေးသွားမည်ဖြစ်သည်။ အီရတ်စစ်တပ်မှာလည်း ရှီးယားလိုလားသော ဘက်လိုက်မှုများနှင့် အိုင်အက်စ်အဖွဲ့ကို ရှုံးနိမ့်မှုများကြောင့် အထိနာနေပြီဖြစ်သည်။ ထို့အပြင် မဟာမိတ်အဖွဲ့က ဆီးရီးယားရှိ အယူဝါဒ အလယ်အလတ် သူပုန်တပ်ဖွဲ့များကိုလည်း ထောက်ပံ့ပေးမည်ဖြစ်သည်။ ယခုရက်ပိုင်းမှာပင် ယင်းတပ်ဖွဲ့များအား လေ့ကျင့်ပေးရေးစခန်းများကို ၎င်းတို့ပိုင်နက်အတွင်း လက်သင့်ခံမည်ဟု ဆော်ဒီအာရေးဗီးယားနိုင်ငံက သဘောတူခဲ့သည်။ ယင်းတွင် အမေရိကန်မရိန်းတပ်ဖွဲ့များ ပါဝင်လိမ့်မည်မဟုတ်သော်လည်း အမေရိကန်အထူးတပ်ဖွဲ့များနှင့် စစ်ဘက်လေ့ကျင့်ရေးမှူးများ၏ကဏ္ဍ ကြီးမားစွာပါဝင်ပါမည်။

အီရတ်နိုင်ငံမှာ လွတ်လပ်တည်ငြိမ်ပြီး မိမိကိုယ်ကိုယ် အားကိုးနိုင်သောနိုင်ငံဟု အတိတ်ကာလတွင် အိုဘားမားက မှားယွင်းစွာအကဲဖြတ်ခဲ့ပြီး အိုင်အက်စ်အဖွဲ့ထံမှ ခြိမ်းခြောက်မှုကိုလည်း လျှော့တွက်ထားခဲ့သည်။ ဘာရှားအာဆတ်ကို ဆန့်ကျင်သော အုံကြွမှုကြောင့်လည်း ယင်းအဖွဲ့ကို ပေါက်ဖွားခွင့်ပေးခဲ့သည်။ ယင်းမှထွက်ပေါ်လာသော အကျိုးဆက်တစ်စိတ်တစ်ပိုင်းအဖြစ် အိုင်အက်စ်အဖွဲ့မှာ အရှေ့အလယ်ပိုင်းဒေသကို တစ်စစီဆုတ်ဖြဲပစ်နေသည်။ ဆီးရီးယားဒေသ အများအပြားကို သိမ်းပိုက်ထားကာ ဆွန်နီတို့အပေါ် ဆွဲဆောင်မှုရှိလာခြင်းနှင့်အတူ အိမ်နီးချင်းအီရတ်နိုင်ငံကို ဖျက်ဆီးပစ်နေသည်။ အထိန်းအချုပ်မဲ့လွှတ်ထားခဲ့ပါက ယင်းအဖွဲ့လှုပ်ရှားမှုမှာ ဂျော်ဒန်နှင့် လက်ဘနွန်နိုင်ငံတို့သို့ ဆက်လက်ရောက်ရှိပြီး နောက်ဆုံးတွင် အစ္စလာမ်ဘာသာ၏ အထွတ်အမြတ်ဒေသများရှိရာ ဒေသနှင့် ကမ္ဘာ့အကြီးဆုံးရေနံထုတ်လုပ်သူ ဆော်ဒီအာရေးဗီးယားနိုင်ငံအထိပင် ရောက်ရှိသွားနိုင်သည်။

ယင်းအဖွဲ့၏ လမ်းကြောင်းပေါ် ကျွံသွားသော အနောက်နိုင်ငံသားများအတွက် အိုင်အက်စ်အဖွဲ့မှ ခြိမ်းခြောက်မှုတစ်ရပ်ဖြစ်နေကာ အနောက်တိုင်းမှ ဂျီဟတ်ဆင်နွှဲလိုသူများ မိခင်နိုင်ငံပြန်လာပြီး တိုက်ခိုက်မှုများ ပြုလုပ်နိုင်သော အန္တရာယ်လည်း ရှိနေသည်။

သူ့အစီအစဉ် အောင်မြင်နိုင်ကြောင်း ထင်မြင်ရန် အိုဘားမားတွင် အကြောင်းပြချက်များစွာ ရှိသည်။ အမေရိကန်လူထု၏ ထင်မြင်ချက်မှာ အရှေ့အလယ်ပိုင်း၏ ဒုက္ခသုက္ခများဆီ ပြန်သွားရေးဆန့်ကျင်ဘက်၌ ရှိနေတတ်သည်။ သို့သော် မကြာသေးမီက အမေရိကန်နိုင်ငံသားနှစ်ဦးကို ခေါင်းဖြတ်မှုအပြီးတွင် ပြည်သူများက အမေရိကန်ကြားဝင်မှုကို ထောက်ခံလာကြသည်။ ထိုနည်းတူစွာပင် မွတ်စလင်နိုင်ငံများလည်း အိုင်အက်စ်အဖွဲ့တွင် ကြောက်ရွံ့စရာတစ်စုံတစ်ခု တွေ့မြင်ရပြီး ယင်းအဖွဲ့ကိုရပ်တန့်ရန် ကျယ်ပြန့်သော စစ်ဆင်ရေးတစ်ရပ်ကို အမေရိကန်နိုင်ငံကသာ စည်းရုံးနိုင်သည်ကို အသိအမှတ်ပြုလာကြသည်။ အမေရိကန်နိုင်ငံခြားရေးဝန်ကြီးဂျွန်ကယ်ရီက လှုံ့ဆော်ခဲ့ရာ ဘာရိန်း၊ အီဂျစ်၊ အီရတ်၊ ဂျော်ဒန်၊ ကူဝိတ်၊ လက်ဘနွန်၊ အိုမန်၊ ကာတာ၊ ဆော်ဒီအာရေးဗီးယားတို့၏ ထောက်ခံမှုကတိက၀တ်များ ရရှိခဲ့သည်။

အိုင်အက်စ်အဖွဲ့အပေါ် စစ်ဆင်ရေးတိုးမြှင့်ခြင်းနှင့် ပတ်သက်၍ အိုဘားမားက နိုင်ငံတော်သို့ မိန့်ခွန်းမပြောမီ အထက်၊ အောက်လွှတ်တော်ခေါင်းဆောင်များနှင့် တွေ့ဆုံ၍ ၎င်း၏အစီအစဉ်ကို တင်ပြခဲ့သည်။ သို့သော် ယင်းအစီအစဉ်အတွက် လွှတ်တော်၏အတည်ပြုမှု လိုအပ်မည် မဟုတ်ဟုလည်း ဒုတိယမြောက် သမ္မတသက်တမ်းတာဝန် ထမ်းဆောင်နေသော အိုဘားမားက ပြောကြားသည်။ နောက်တစ်နေ့တွင်မူ အမေရိကန်အောက်လွှတ်တော် ရီပက်ဘလေကန်ခေါင်းဆောင် ဂျွန်ဘိုးနာက အိုဘားမား၏အစီအစဉ်ကို ထောက်ခံကြောင်း ထုတ်ဖော်ပြောကြားသည်။ သို့သော် သမ္မတအိုဘားမားအနေဖြင့် ၎င်း၏ မဟာဗျူဟာအသေးစိတ်ကို တင်ပြရမည်ဟုလည်း ပြောကြားသည်။

အိုဘားမား၏တာဝန်မှာ ခက်ခဲမှုများ ရှိသည်။ ၎င်းအနေဖြင့် အာရပ်နိုင်ငံများထံမှ ကျယ်ပြန့်သောထောက်ခံမှုရရန် လိုအပ်သည်။ အိုင်အက်စ်အဖွဲ့ကို အီရတ်နှင့် ဆီးရီးယားတွင်လည်း ချိုးနှိမ်ရန်လိုအပ်သည်။ သို့မဟုတ်ပါက ခိုလှုံစရာနေရာများရရှိပြီး ပြန်လူစုနိုင်သည်။ အီရတ်အစိုးရအနေဖြင့် အိုင်အက်စ်အဖွဲ့နှင့်အတူ တိုက်ခိုက်နေသော ဆွန်နီများကို ခွဲထုတ်၍ အားနည်းအောင် လုပ်ရပါမည်။ သို့သော် အီရတ်တွင် ၀န်ကြီးချုပ်သစ်အယ်လ်အဘာဒီ ဦးဆောင်သော အစိုးရအဖွဲ့၌ မည်ကာမတ္တ ဆွန်နီကိုယ်စားပြုမှုသာ ပါဝင်သည်။

ဆီးရီးယားအတွက် စိတ်ကူးမှာ အာဆတ်ကို ဆန့်ကျင်နေသော အဖွဲ့များထဲမှ အလွန်အစွန်းမရောက်သူများကို အင်အားဖြည့်တင်းပေးပြီး ၎င်းတို့အနေဖြင့် အိုင်အက်စ်အဖွဲ့ကို နှိမ်နင်းရန် လိုအပ်ပုံကို သဘောပေါက်ရေးဖြစ်သည်။ သို့သော် ယင်းအလယ်အလတ်အဖွဲ့များကို ထူထောင်ရေးမှာ အားနည်းနေပြီး ၎င်းတို့မှာလည်း အိုင်အက်စ်အဖွဲ့နှင့် အာဆတ်ကို ယှဉ်နိုင်မည့်သူများဖြစ်လာမည်လားဆိုသည်မှာ မသေချာသေးပေ။

ယင်းအတွက် အိုဘားမားမှ အချိန်လိုအပ်သည်။ တစ်ဖက်တွင် အိုင်အက်စ်အဖွဲ့၏ ရက်စက်ကြမ်းကြုတ်မှုနှင့် မတရားမှုများမှာ အယူအဆ အပြင်းဆုံးအဖွဲ့များမှလွဲ၍ ကျန်အဖွဲ့များကြား လူကြိုက်များမှုမရှိ၍ အိုဘားမားအတွက် အချိန်ရသည်ဟု ဆိုနိုင်သည်။ သို့သော် စိတ်ရှည်သည်းခံမှုမှာ အမေရိကန်နိုင်ငံရေး၏ ကောင်းကွက်အဖြစ် ရှိမနေပါက အိုင်အက်စ်အဖွဲ့ကို နှိမ်နင်းရေးဂိုဏ်းဖွဲ့နေသော နိုင်ငံများကြားတွင်လည်း မူလကပင် ကွဲပြားမှုများရှိနေပြီး ယာယီအကျိုးစီးပွားအတွက် ပေါင်းစည်းခဲ့ကြခြင်းဖြစ်ရာ အနှေးနှင့်အမြန်ဆိုသလို ပြိုင်ဆိုင်မှုများ ခေါင်းပြန်ထောင်လာနိုင်သည်။ မဟာမိတ်အဖွဲ့ အားနည်းသွားလျှင် လုပ်ငန်းစဉ်တစ်ခုလုံး အရှိန်လျော့ကျသွားမည် ဖြစ်သည်။

အောင်မြင်မှုအတွက် အကြီးမားဆုံး အခွင့်အရေးရရန် မည်သည့်မဟာမိတ်အဖွဲ့မဆို ရေရှည်တည်မြဲရမည်ဖြစ်သည်။ ယင်းအတွက် အိုဘားမားမှာ ၎င်း၏သမ္မတသက်တမ်း၌ ချို့ငဲ့နေသော ကိုယ်တိုင်ပါဝင်ကပြရမည့် သံတမန်ရေး ရေရှည်ထိန်းသိမ်းမှုအပေါ် စိတ်ပိုင်းဖြတ်မှု ပြသရပါမည်။

—Ref: Economist/Reuters/ BBC

မကွေးတိုင်းမကွေးမြို့မှာ ပုဒ်မ ၄၃၆ ပြင်ဆင်ရေး လူထုတွေ့ဆုံပွဲကျင်းပတဲ့ အမျိုးသား ဒီမိုကရေစီအဖွဲ့ချုပ်နဲ့ ၈၈ မျိုးဆက်ပွင့်လင်းလူ့အဖွဲ့အစည်းက တာဝန်ရှိသူတွေကို ပိုင်နက်ကျူးလွန်မှုနဲ့ ရဲစခန်းက ဆင့်ခေါ်ခဲ့ပါတယ်။

မကွေးတိုင်း အမျိုးသားဒီမိုကရေစီအဖွဲ့ချုပ်နဲ့ ၈၈ မျိုးဆက်ပွင့်လင်းလူ့အဖွဲ့အစည်း ပူးပေါင်းပြီး ပုဒ်မ ၄၃၆ ပြင်ဆင်ရေး လူထုဟောပြောပွဲကို မကွေးမြို့ ကန်သာရပ်ကွက် အေးစေတီဘုရားဝင်းမှာ ဇွန်လ ၉ ရက်နေ့က ကျင်းပခဲ့တာပါ။

မကွေးတိုင်းသာသနာရေး ဦးစီးမှူး ဦးသောင်းရွှေက ၂၀၀၈ အခြေခံဥပဒေ ပုဒ်မ ၄၃၆ ပြင်ဆင်ရေး ပူးပေါင်းကော်မတီက ၁၁ ဦးကို ပိုင်နက်ကျူးလွန်မှုနဲ့ အမှုဖွင့်တိုင်ကြားခဲ့တာလို့ မကွေးတိုင်း အဖွဲ့ချုပ်အတွင်းရေးမှူး ဦးနေမျိုးကျော်က ပြောပါတယ်။

“ပြီးခဲ့တဲ့ ၁၅ ရက်နေ့က မကွေးမြိုနယ် မြို့မ ရဲစခန်းကနေ ပိုင်နက်ကျူးလွန်မှုနဲ့ ဆင့်ခေါ်လာပါ တယ်။ ကျနော်တို့လက်ထဲကို ရောက်လာတဲ့စာအရဆိုရင် ပုဒ်မ ၄၄၇ အရ အေးစေတီဘုရားဝင်း ထဲမှာ ခွင့်ပြုမိန့်မရှိဘဲနဲ့ လုပ်တဲ့အတွက် ပိုင်နက်ကျူးလွန်မှုနဲ့ တရားစွဲဆိုတင်ပို့နိုင်ဖို့အတွက် လာပါလို့ ပြောတယ်” လို့ ပြောပါတယ်။ ရဲစခန်းကို စက်တင်ဘာ ၁၈ ရက် မနက် ၁၀ နာရီအရောက် လာရောက်ဖို့ ဆင့်ဆိုထားပါတယ်။

လူထုဟောပြောပွဲ ကျင်းပပြီး ရက်ပိုင်းကတည်းက အုပ်ချုပ်ရေးပိုင်းက ပွဲဦးစီးကျင်းပသူတချုို့ကို အသံချဲ့စက်ဥပဒေပုဒ်မနဲ့ တရားလိုလုပ်ပြီးစွဲဆိုလို့ တရားရင်ဆိုင်နေရချိန်မှာ အခုနောက်ဆုံး ပိုင်နက်ကျူးလွန်မှုနဲ့ ထပ်မံစွဲဆိုခဲ့တာဖြစ်ပါတယ်။

ဦးနေမျိုးကျော်က သူတို့ ပူးတွဲပွဲစီစဉ်သူတွေဟာ ဥပဒေဘောင်ထဲက ဆောင်ရွက်ခဲ့တာသာ ဖြစ်တယ်လို့ ပြောပါတယ်။

“အဓိက ကျနော်တို့က ငြိမ်းစုစီ ပုံစံ (၃) နဲ့ တင်တယ်။ အဲလိုပဲ သက်ဆိုင်ရာ ဘုရားဂေါပကအဖွဲ့ ဥက္ကဋ္ဌက ဦးကြည်ဝင်းနဲ့ ဂေါပကတဖွဲ့လုံးထံကနေ ကန့်ကွက်ရန်မရှိ၊ ဘုရားဝင်းမှာ ကျင်းပနိုင်ဖို့အတွက် ခွင့်ပြုပေးထားတဲ့စာကိုလည်း လက်ဝယ်မှာ ရရှိပြီးဖြစ်တယ်။ ကွင်းထဲမှာ ကျင်းပဖို့အတွက်လည်း ကျနော်တို့က ကြိုတင်ပြီးမှ ဂေါပကအဖွဲ့နဲ့ ညှိနှိုင်းတယ်။ ဂေါပကအဖွဲ့ ဥက္ကဋ္ဌ ဦးကြည်ဝင်းရဲ့ ခွင့်ပြုတဲ့စာနဲ့အတူ အဲဒီ ကန်သာရပ်ကွက် ရပ်ကွက်အုပ်ချုပ်ရေးမှူး ဦးခင်မောင်ဝင်းထံကိုလည်း သွားပြီးတော့မှ အဲဒီခွင့်ပြုချက်နဲ့အတူ နောက်ထပ်ကန့်ကွက်ရန်ရှိ သလား ဆိုပြီေးတာ့မှ ရပ်ကွက်ကိုလည်း မေးပြီးဖြစ်တယ်။ ရပ်ကွက်ကလည်း ဂေါပကအဖွဲ့ ဦးကြည်ဝင်း ခွင့်ပြုတဲ့စာအပေါ်မှာ ကန့်ကွက်ရန်မရှိ ထောက်ခံပါသည်ဆိုတာရေးထားပါတယ်။ အဲဒီစာတွေကို ပူးတွဲလျက် မကွေးမြို့နယ်အုပ်ချုပ်ရေးဌာနကိုလည်း အကြောင်းကြားစာ တင်ပြမှုလုပ်တယ်။ မြန်မာနိုင်ငံ ရဲတပ်ဖွဲ့ပေါ်မှာ ငြိမ်းစုစီနဲ့ ကျနော်တို့ အေးစေတီဘုရားဝင်းမှာ ၄၃၆ ပြင်ဆင်ရေး လူထုဟောပြောပွဲ လုပ်ဖို့အတွက် စာတင်တဲ့အခါတုန်းကလည်း ပူးတွဲတင်ခဲ့ပြီးဖြစ်ပါတယ်။ ဒါကြောင့်မို့ ကျနော်တို့ကတော့ လုံးဝ ဥပဒေနဲညီညွတ်တယ်။ ဒီမိုကရေစီဘောင်အတွင်းကနေ ယဉ်ယဉ်ကျေးကျေး စနစ်တကျ ကြိုးပမ်းခဲ့တာဖြစ်တဲ့အတွက် ဒီဥပဒေကို ချိုးဖောက်တာမရှိဘူး” လို့ ပြောပါတယ်။

မကွေးတိုင်းသာသနာရေး ဦးစီးမှူး ဦးသောင်းရွှေဟာလည်း လက်ရှိ အဲဒီဝင်းအတွင်းမှာ နေထိုင်ခြင်း မရှိတာကြောင့် ဥပဒေအရ လက်ရှိမနေထိုင်သူက တရားစွဲဆိုခွင့် မရှိဘူးဆိုတာကို လည်း ယခင်တကြိမ် အလားတူကိစ္စနဲ့ ခေါ်မေးခဲ့တုန်းက ဖြေကြားခဲ့ပြီးပြီလို့ သူက ဖြည့်စွက်ပြောဆိုပါတယ်။

မကွေးတိုင်းတွင်းမှာတော့ အုပ်ချုပ်ရေးပိုင်းဟာ အမျိုးသားဒီမိုကရေစီအဖွဲ့ချုပ် တခုတည်းကိုပဲ ဦးတည်ပြီး ဥပဒေပြင်ပကနည်းလမ်းတွေနဲ့ နှောင့်ယှက်တယ်။ ဥပဒေကို လက်တလုံးခြား အသုံးပြုပြီး အမျိုးသားဒီမိုကရေစီအဖွဲ့ချုပ်ရဲ့ ဒီမိုကရေစီရေးလှုပ်ရှားမှုတွေကို ဟန့်တားတဲ့ အလုပ်တွေကို လုပ်နေတဲ့သဘောပဲဖြစ်တယ်လို့ သူက ပြောပါတယ်။

အမှုဖွင့်ခံရသူတဦးဖြစ်တဲ့ မကွေးမြို့ ၈၈ မျိုးဆက် ငြိမ်းချမ်းရေးရေးနဲ့ ပွင့်လင်းလူ့အဖွဲ့ နာယက ဦးလှဆန်းက ဒီပွဲလုပ်ဖို့အတွက် ဘုရားဂေါပက၊ ရပ်ကွက်၊ မြို့နယ် အဆင့်ဆင့်ထံ အကြောင်းကြားခွင့်ပြုချက်ရယူပြီး ဖိတ်ကြားပြီးကာမှ မြသလွန်ဘုရားကွင်းကို ပြောင်းလုပ်ခိုင်း တာ ဖြစ်တယ်လို့ ပြောပါတယ်။ အကုန်လုံးစီစဉ်ဖိတ်ကြားထားပြီးတဲ့ မြို့လည်က အေးစေတီကွင်း မှာပဲ လုပ်ခဲ့ကြတာလို့ ပြောပါတယ်။

“ဘယ်မြို့ ဘယ်မှာမှ ၄၃၆ နဲ့ ပတ်သက်ပြီး စွဲတာမရှိဘူး မကွေးတိုင်းဒေသကြီး မကွေးမှာပဲ ရှိတယ်။ မကွေးက ခုထက်ထိအောင် ဆိုးတုန်းဆိုတာ ဒါလေးပဲ ကျနော်ပြောချင်ပါတယ်” လို့ ပြောပါတယ်။

မကွေးတိုင်းဒေသကြီး အစိုးရအဖွဲ့ရဲ့ ၀န်ကြီးချုပ်အဖြစ် ဦးဖုန်းမော်ရွှေက ဆောင်ရွက်နေတာပါ။

လွန်ခဲ့တဲ့ရက်ပိုင်းက စေတုတရာနယ်ကို တိုင်းအတွင်းရေးမှူးတာဝန်နဲ့ စည်းရုံးရေးဆင်းရာမှာ ဖအိုင်း၊ အောင်းနဲ့ အောက်ပုံစတဲ့ရွာတွေကို စည်းရုံးရေးဆင်းရာ ကော်မရှင်နဲ့ ညှိနှိုင်းဆောင်ရွက်ပြီးတာမှန်ပေမယ့် မြို့နယ်အုပ်ချုပ်ရေးမှူးက တားမြစ်ထားတဲ့အတွက် အသံချဲ့စက် သုံးစွဲခွင့်မပြုဘူးလို့ ဦးနေမျိုးကျော်က ပြောပါတယ်။

ဦးနေမျိုးကျော် က“မကွေးတိုင်းမှာက နိုင်ငံရေးပါတီများကို ကြီးကြပ်ရမယ့် ကော်မရှင်တွေက လုပ်ရမယ့်အလုပ်တွေကို အုပ်ချုပ်ရေးဌာနတွေက တိုက်ရိုက်စွက်ဖက်ပြီးတော့ ၀င်ရောက် ဆောင်ရွက်နေတာကို ကြည့်ခြင်းအားဖြင့် မကွေးတိုင်းဒေသကြီးအစိုးရဟာ ဒီမိုကရေစီရေး လှုပ်ရှားမှုတွေကို ရိုးရိုးသားသားနဲ့ ပြည်သူလူထုထောက်ခံမှုအင်အား အကြီးဆုံးရထားတဲ့ အမျိုးသားဒီမိုကရေစီအဖွဲ့ချုပ်ပေါ်မှာ သဘောရိုးမရှိဘူးဆိုတာ အလွန်အင်မတန်ထင်ရှားပါတယ်” လို့ ပြောပါတယ်။

ဒီပြောဆိုချက်အပေါ် မကွေးတိုင်းဒေသကြီးအစိုးရအဖွဲ့ရဲ့ တုံ့ပြန်ချက်ကို ရရှိနိုင်ဖို့ တိုင်းအစိုးရအဖွဲ့ အတွင်းရေးမှု ဦးနေ၀င်းကို မေးမြန်းဖို့ အကြိမ်ကြိမ် ဖုန်းဆက်ပေမယ့် မရပါဘူး။

DVB

ဒေါ်လာ ၂၁ ဘီလျံကျော်လောက် တန်ကြေးရှိတယ့် တကယ့် ဟဲဗီး ဟဲဗီး ဧရာမ စီမံကိန်းကြီးပါ။ တလောတုန်းက လူတွေ တုန်လှုပ်ခဲ့ကြတဲ့ ရန်ကုန်တိုင်း ၀န်ကြီးချုပ် ဦးမြင့်ဆွေရဲ့ ၁၅ ဘီလျံတန် ရန်ကုန်မြို့သစ် စီမံကိန်းကြီးကိုတောင် အပြတ်အသတ် ဗိုလ်စွဲသွားပါပြီ။ နည်းနည်းနောနော ကြီးတာ မဟုတ်ပါဘူး။

မဇ္ဈိမ သတင်းစာ၊ ၁၅-၉-၁၄။ စာ-၉။

မြန်မာပြည်လို အတော်ဆုံး ဗျူရိုကရက်တွေ၊ အတော်ဆုံး စီးပွားရေး သမားတွေ ရှိတဲ့ တိုင်းပြည် ဘာကြောင့် စီးပွားရေး နိမ့်ကျ၊ ပညာရေး၊ လူမှုရေး အောက်ကျ နောက်ကျ ဖြစ်နေရသလဲ မစဉ်းစားတတ်ရလောက်အောင် ပါပဲ။ အခု ဒီ ရက်ပိုင်း အတွင်း ထွက်ပေါ်လာတဲ့ ကမ္ဘာ့ အတော်ဆုံး စီးပွားရေး သမားတွေ အကြောင်းပြောပြပါ့မယ်။

သူတို့တွေကတော့ The Infrastructure of Myanmar လုပ်ငန်း ကုမ္ပဏီ အုပ်စု က မန်နေးဂျင်းဒါရိုက်တာ ဦးသန်းဦး၊ ဦးခင်မောင်တိုး နဲ့ အဖွဲ့ဝင်တွေပါ။ စက်တင်ဘာ ၁၃ ရက်နေ့ ရန်ကုန် စင်ထရယ် ဟော်တယ်မှာ လုပ်တဲ့ သတင်းစာရှင်းလင်းပွဲမှာ သူတို့က မြန်မာနိုင်ငံမှာ အကြီးကျယ်ဆုံး ဖြစ်လာမယ်လို့ ကြံစည်ထားတဲ့ တန်ဘိုးနည်း အိမ်ယာ မဟာ စီမံကိန်းကြီး တစ်ခု ချပြခဲ့ပါတယ်။ လူတစ်ယောက်ဟာ တစ်လ ကျပ် ၃ သောင်းမှန်မှန် သွင်းရုံနဲ့ နှစ်ပေါင်း ၃၀ ပေးသွင်းသွားရင် စတုရန်း ပေ ၆၀၀ ကျယ်တဲ့ တိုက်ခန်းတစ်ခန်း ပိုင်ဆိုင်နိုင်ပြီ ဆိုတဲ့ အစီအစဉ်ပါ။ အဲဒီ အစီအစဉ်အတွက် တိုင်းနဲ့ ပြည်နယ် ၁၄ ခုမှာ တိုက်ခန်းပေါင်း ၂ သန်းကျော် အကောင် အထည်ဖော်မယ်လို့ ဆိုပါတယ်။ သာမန်ပြည်သူတွေ နားလည်အောင် ရှင်းပြရရင် တစ်လ ကျပ် ၃ သောင်း နဲ့ နှစ် ၃၀ သွင်းရမှာ ဆိုတော့ တိုက်ခန်း တစ်ခန်း တန်ဘိုး ၁၀၈ သိန်းပါ။ တိုက်ခန်းပေါင်း ၂ သန်း အကောင်အထည် ဖော်မယ် ဆိုတော့ ကျပ်ငွေ သန်းပေါင်း ၂၁၆ သိန်း၊ ၂၁၆၀၀ ဘီလျံ၊ ကျပ်ငွေ ၂၁ ဒသမ ၆ ထရီလျံ၊ ဒေါ်လာနဲ့ဆို ၂၁ ဘီလျံကျော်ပါတယ်။ ဒေါ်လာ ၂၁ ဘီလျံကျော်လောက် တန်ကြေးရှိတယ့် တကယ့် ဟဲဗီး ဟဲဗီး ဧရာမ စီမံကိန်းကြီးပါ။ တလောတုန်းက လူတွေ တုန်လှုပ်ခဲ့ကြတဲ့ ရန်ကုန်တိုင်း ၀န်ကြီးချုပ် ဦးမြင့်ဆွေရဲ့ ၁၅ ဘီလျံတန် ရန်ကုန်မြို့သစ် စီမံကိန်းကြီးကိုတောင် အပြတ်အသတ် ဗိုလ်စွဲသွားပါပြီ။ နည်းနည်းနောနော ကြီးတာ မဟုတ်ပါဘူး။
အဲ အဲဒီ စီမံကိန်းကြီးကို The Infrastructure of Myanmar နဲ့ Royal Summit ကုမ္ပဏီက ဘယ်လို ရင်းနှီးမြှုပ်နှံမှုတွေ လုပ်ပြီး ဘယ်လို အကောင်အထည် ဖော်မလဲ စူးစမ်းကြည့်ရအောင်ပါ။ စီမံကိန်း အကောင်အထည် ဖော်မယ့်သူတွေ တော်ချက်က အဲဒီ စီမံကိန်းကြီး အကောင်အထည်ဖော်ဖို့ သူတို့ အနေနဲ့ ရင်းနှီးမြှုပ်နှံမှု တစ်ကျပ် တစ်ပြားမှ ထည့်စရာ မလိုပါဘူးတဲ့။ ပြည်သူတွေ ထည့်ဝင်ငွေနဲ့ချည်း ဆောင်ရွက်မှာပါတဲ့။ တိုက်ခန်း ၂ သန်းအတွက် ပြည်သူတွေ တစ်လ ကျပ် ၃ သောင်းစီ ထည့်လိုက်တယ် ဆိုရင်တောင် တစ်လ အတွင်း ကျပ် သန်းပေါင်း ၆ သောင်း၊ တစ်နည်း ကျပ် ဘီလျံ ၆၀ လောက်ရမှာမို့ အဲဒီ ငွေတွေနဲ့ စ ပြီး အကောင်အထည် ဖော်လို့ ရပြီလို့ ဆိုပါတယ်။

သတင်းထောက်တွေ နောက်ထပ် သိချင်တာက ဘယ်မြေကွက်ပေါ်တွေမှာ ဆောက်မှာလည်း ဆိုတာပါ။ ဒါကလည်း အဲဒီ ဥာဏ်ကြီးရှင် အဖွဲ့က အေးအေးဆေးဆေး ပါပဲ။ လယ်ပိုင်တဲ့ လယ်သမားတွေ၊ မြေပိုင်တဲ့ မြေပိုင်ရှင်တွေနဲ့ ဆွေးနွေးမယ်၊ အဲဒီ လယ်ပိုင်ရှင် မြေပိုင်ရှင်တွေကို ထွက်လာတဲ့ အခန်းရဲ့ ၂၀ ရာခိုင်နှုန်းပေးမယ်၊ လယ် တစ်ဧက မြေပေါ်မှာ ဆောက်ရင် အခန်း ၁၆၀ ထွက်မယ်၊ ဒီတော့ လယ်သမားက ၃၂ ခန်းရမယ်၊ ဆိုတော့ လယ်တစ်ဧက ကျပ် သိန်းငါးထောင်ကျော် ရမှာပေါ့ ဆိုပြီး ပြန်ဖြေပါတယ်။ တွက်ရေးကတော့ တကယ့် စက်သူဌေးပါပဲ။ စက်က ဘယ်နေမှန်း မသိတာပါ။

ဒီ ဥာဏ်ကြီးရှင်တွေ နောက်ထပ် ရဲရဲရင့်ရင့် ကတိပြုလိုက်ပြန်တာ တစ်ခုက ပြည်သူတွေအနေနဲ့ တစ်လ ကျပ် ၃ သောင်းသာ မှန်မှန်သွင်း၊ ၂ နှစ်ပြည့်တာနဲ့ အဲဒီ အခန်းတွေမှာ တက်ပြီး နေနိုင်စေရမယ် ဆိုတာပါပဲ။ ဒီဇတ်လမ်းရဲ့ အဓိက ပြသနာ အဲဒီ နေရာမှာ ရှိနေပါတယ်။ ဒါဟာ မဖြစ်နိုင်တဲ့ အကြောင်းနဲ့ အလားတူ ဇတ်လမ်းမျိုး အရင် ၁၄ နှစ်လောက်က ရှိခဲ့တဲ့ အကြောင်း ရှင်းပြပါ့မယ်။

နမူနာအားဖြင့် လူပေါင်း တစ်သောင်း တိတိ အဲဒီ ကုမ္ပဏီရဲ့ တိုက်ခန်းတွေ ၀ယ်ယူမယ် ဆိုပြီး အဆိုပြု၊ ငွေလည်း တစ်လ ကျပ် ၃ သောင်း မှန်မှန် သွင်းတယ် ဆိုပါစို့။ တစ်လ ကို ကျပ်ငွေ သိန်း ၃ ထောင် ၀င်ပါမယ်။ တစ်နှစ်ဆို သိန်းပေါင်း ၃၆၀၀၀ ရပါမယ်။ ၂ နှစ်ဆို ကျပ်ငွေ သိန်း ၇၂၀၀၀ ပါ။ အဲဒီ သိန်း ၇၂၀၀၀ နဲ့ အခန်း တစ်သောင်း ဘယ်လို ဆောက်လို့ ပြီးမလဲ မေးခွန်းထုတ်စရာပါ။ ပျမ်းမျှ တစ်ခန်း ၇ သိန်း ၂ သောင်းလောက် ငွေနဲ့ တိုက်ခန်း ဘယ်လိုမှ မဖြစ်နိုင်ဘူး ဆိုတာ အားလုံး နားလည်ကြပါတယ်။

အဲဒီ သတင်းစာရှင်းလင်းပွဲမှာ မေးသူမရှိလို့ သူတို့ မဖြေခဲ့တာလည်း ဖြစ်နိုင်ပါတယ်။ သူတို့ အစီအစဉ်ဟာ ငွေမှန်မှန် သွင်းသူတွေထဲက လူတစ်ချို့ကို ၂ နှစ် အကြာမှာ စ ပြီး နေရာချပေးနိုင်မယ် ဆိုတာမျိုးပါ။ ငွေ မှန်မှန်သွင်းသူတိုင်းကို ၂ နှစ်ပြည့်တာနဲ့ တိုက်ခန်းမှာ နေခွင့်ရဦးမှာ မဟုတ်ပဲ ပြီးစီးတဲ့ တိုက်ခန်း တစ်ချို့မှာ နေခွင့်ပေးမယ်၊ ဘယ်သူတွေ နေခွင့်ရမလဲ ဆိုတာကိုတော့ မဲဖေါက်ပြီး ရွေးချယ်သွားမယ်၊ လစဉ် ဒါမှမဟုတ် အပါတ်စဉ် မဲဖေါက် ရွေးချယ်သွားမယ် ဆိုတာမျိုးပဲ ဖြစ်နိုင်ပါတယ်။

ပြောရရင် ခုလို အစီအစဉ်မျိုးဟာ မြန်မာပြည်မှာ ဒါ ပထမ ဦးဆုံးတော့ မဟုတ်ပါဘူး။ ၂၀၀၀ ခုနှစ်တုန်းက “ပန်” ဆောက်လုပ်ရေး ကုမ္ပဏီဟာ ခုလိုပဲ ပြည်သူတွေကို တစ်ယောက် တစ်လ ကျပ် ၂၀၀၀ စီ ရိုးမဘဏ်မှာ ငွေ ထည့်ခိုင်းပါတယ်။ သူတို့ အဆို အစုပေါင်း တစ်သိန်း ပြည့်အောင် စုမယ်လို့ ဆိုပါတယ်။ အဲဒီ လစဉ်ဝင်လာတဲ့ ငွေတွေကို အရင်းအနှီးပြုပြီး ပန်ဆောက်လုပ်ရေးက တိုက်ခန်းတွေ ဆောက်ပါတယ်။ အဲဒီခေတ်က ငွေနဲ့ တစ်ခန်း ကျပ် သိန်း ၄၀ လောက် သတ်မှတ်ပါတယ်။ ဒီလိုနည်းနဲ့ တစ်လ နှစ်လ တစ်ကြိမ်လောက် ဆောက်ပြီးတဲ့ အခန်းတွေကို မဲနှိုက်ပွဲ လုပ်ပါတယ်။ မဲနှိုက်ပွဲတွေမှာ ငွေထည့်ထားတဲ့ လူတွေ ကြိတ်ကြိတ်တိုးပါပဲ။ ဒါပေမယ့် တကယ့်တကယ် လက်တွေ့မှာ ငွေမှန်မှန်ထည့်ထားသူတိုင်း တိုက်ခန်းရဖို့ဆိုတာ တစ်နှစ်၊ ငါးနှစ် ၊ ဆယ်နှစ်၊ နှစ်ငါးဆယ်မှာ ရကို ရရမယ်လို့ ကုမ္ပဏီက အာမ မခံနိုင်ပါဘူး။ ဒီ ပြသနာ သတင်းမီဒီယာတွေက စုံစမ်းဖော်ထုတ် investigative Reporting တွေ ဖော်ပြခဲ့ကြလို့ နောက်ဆုံး ရပ်ဆိုင်းသွားပါတယ်။ ဘယ်လိုပဲဖြစ်ဖြစ် ငွေ သွင်းထားတဲ့ ပြည်သူတွေကတော့ နစ်နာခဲ့ကြတာပါပဲ။

အခုလည်း ခပ်တည်တည်နဲ့ ပြည်သူတွေ လိုအပ်ချက် ဆိုပြီး တစ်လ ကျပ် ၃ သောင်းသွင်း၊ ၂ နှစ်ပြည့်ရင် တိုက်ခန်းပေါ် တက်နေရမယ်၊ နှစ်ပေါင်း ၃၀ ပြည့်ရင် တိုက်ခန်းပိုင်မယ် ဆိုပြီး ကြေငြာပြန်ပါပြီ။ သူတို့ကို အသေအခြာမေးဖို့ လိုတာက ၂ နှစ်ပြည့်သူတိုင်း တကယ်ပဲ အဲဒီတိုက်ခန်းပေါ် တက်နေရမှာလား၊ နေခွင့်မရခဲ့ဘူးဆိုရင် ဘယ်လို ပြန်လျော်ပေးမလဲ ဆိုတာပါ။ အရင် ၂၀၀၀ ခုနှစ် ပန်ဆောက်လုပ်ရေး တုန်းကတော့ ငွေကို ရိုးမဘဏ် အကောင့်န် ထဲ သွင်းပေးရပါတယ်။ ဘဏ်မှာ သွင်းရတာ ဆိုတော့ မလိမ်လောက်ဘူးလို့ ပြည်သူတွေက ထင်ခဲ့ကြတာပါ။ အခု တစ်ခေါက်တော့ စာနယ်ဇင်း သတင်းမီဒီယာတွေကိုပါ ဒီ လုပ်ငန်းထဲ ဆွဲသွင်းဖို့ ပြင်ဆင်နေတာ တွေ့ရပါတယ်။ စာနယ်ဇင်းနဲ့ ဘဏ်အကောင့်န် ကြောင့် မလိမ်ဘူးလို့ ပြည်သူတွေထင်ပြီး ငွေထည့်ရင် အဲဒီ စာနယ်ဇင်း တွေလည်း အရှက်ကွဲရပါလိမ့်မယ်။ သတိထားပါ။ အဲဒီ ပုဂ္ဂိုလ်တွေဟာ သတင်းစာရှင်းလင်းပွဲမှာ သူတို့ လိပ်စာကဒ်တွေကိုတောင် မပေးဘူးတဲ့။

စည်သူအောင်မြင့်။

သီတဂူဆရာတော်ကြီးသည် တောင်ကုိုးရီးယားနိုင်ငံ ဆုိုလ်မြို့မှာ ကျင်းပတဲ့ World Alliance of Religions Peace Summit (အပြည်ပြည်ဆိုင်ရာ ဘာသာရေးအသိုင်းအ၀ိုင်း၏ ငြိမ်းချမ်းရေး ထိပ်သီးအစည်းအဝေး) သုို့ တက်ရောက် စကားပြောရန် ၁၇-၉-၂၀၁၄ ရက်နေ့ မနက်ပိုင်းက ကိုရီးယားနိုင်ငံ နိုင်ငံတကာအင်ချွန်းလေဆိပ်သုို့ ရောက်ရှိသည်။

ကိုရီးယားနိုင်ငံ မြန်မာဘုန်းတော်ကြီး ဦးပဏ္ဍိစ္စ ဦးဆောင်သော တောင်ကုိုးရီးယားရောက် မြန်မာပြည်မှ ဆရာတော်များနှင့် သံရုံးအရာရှိများက လေဆိပ်မှာ ကြိုဆုိုနှုတ်ဆက် ဂါရဝပြုသည်။

ထိုနေ့ နေ့ခင်းပုိုင်းမှာ ဆုိုလ်မြို့၊ နိုင်ငံတကာ အုိုလံပစ်အားကစားကွင်းကြီးမှာ ကျင်းပသည့် (World Alliance of Religions Peace Summit) အစည်းဝေးဖွင့်ပွဲအခမ်းအနားသုို့ တက်ရောက်ခဲ့သည်။

ထိုနေ့ ညနေပုိုင်းမှာ အစည်းအဝေးကြီးကို ဦးဆောင်ကျင်းပသည့် ဥက္ကဌနှင့်ဇနီးတုို့အား မြန်မာပြည်မှ ပင့်ဆောင်လာသော ကမ္ဘာ့ငြိမ်းချမ်းရေးသင်္ကေတဖြစ်သည့် ကျောက်သားဆင်းတုတော်ကုို လက်ဆောင် ပေးခဲ့သည်။

(၁၈-၉-၂၀၁၄) မနက်ဖန်မနက်မှာဆက်လက်ကျင်းပမည့် World Alliance of Religions Peace Summit မှာ ဆရာတောာ်ကြီးသည် ထေရဗုဒ္ဓဘာသာကုိုယ်စားပြု စာတမ်းဖတ်ကြားမည်ဖြစ်ပါသည်။

သတင်း-ဓာတ်ပုံ အရှင်ဝိသုတ

ရွှင်လန်းချမ်းမြေ့ပါစေ
သီတဂူစတား
၁၇-၉-၂၀၁၄
www.thesitagu.org
www.sitagustar2020.net



ထိုင်းနိုင်ငံရောက် မြန်မာရွှေ့ပြောင်းအလုပ်သမားတွေရဲ့ ဘ၀ တစိတ်တပိုင်းကို ပုံဖော်ရိုက်ကူး ထားတဲ့ “ဘယ်လို အချစ်မျိုးလဲ” ဆိုတဲ့ ဇာတ်ကားကို မနက်ဖြန် စက်တင်ဘာလ ၁၈ ရက်နေ့ကစပြီး ထိုင်းတနိုင်ငံလုံး အတိုင်းအတာနဲ့ ရုံရှင်ရုံကြီးတွေမှာ ရုံတင်ပြသပါတော့မယ်။

ဒီဇာတ်ကားမှာ ရွှေ့ပြောင်းမြန်မာအလုပ်သမားတယောက်နဲ့ ထိုင်းကောင်မလေးတ ယောက် တို့ရဲ့ အချစ်ဇာတ်လမ်းလေးဖြစ်ပါတယ်။

ဒီဇာတ်ကားမှာ မင်းသား Dan အဖြစ်သရုပ်ဆောင်သူကတော့ မြန်မာအလုပ်သမား ကိုအောင်နိုင်စိုးဖြစ်ပြီး မင်းသမီး Kay ဖြစ် ထိုင်းအမျိုးသမီးလေး Kaew တို့က ပါဝင်သရုပ် ဆာင်ထားပြီး မင်းသားရဲ့ သူငယ်ချင်းတွေကလည်း ထိုင်းနိုင်ငံမှာ လာရောက် အလုပ်လုပ်ကိုင်နေကြတဲ့ ရွှေ့ပြောင်း အလုပ်သမားတွေဖြစ်ပါတယ်။

ဒီဇာတ်ကားမှာ ဘန်ကောက်မြို့ကို အလုပ်လုပ်ဖို့ ရောက်ရှိနေတဲ့ မြန်မာကောင်လေးက ထိုင်းကောင် မလေးကို ဘတ်စ်ကားပေါ်တွေ့တွေ့ချင်း ချစ်မိပြီး သူတို့ရဲ့ အချစ်ဇာတ်လမ်း ဖြစ်တည်လာပုံကို ဖော်ကျူး ထားတာပါ။ ဒါ့ပြင် ဒီ ဇာတ်ကားမှာ ထိုင်းနိုင်ငံရောက် မြန်မာ အလုပ်သမားတွေရဲ့ ဘဝတစေ့တစောင်းကိုလည်း တွေ့ရှိရမှာဖြစ်ပါတယ်။

ဒီဇာတ်ကားကို အာဆီယံနိုင်ငံတွေ အားလုံး ပါဝင်တဲ့ အာဆီယံစီးပွားရေးအသိုက်အ၀န်း AEC အဖြစ် မကြာခင် ပူးပေါင်းတော့မှာမို့ အိမ်နီးချင်း နိုင်ငံသားတွေ အချင်းချင်း ချစ်ကြည်ရင်းနှီးမှု ရှိစေဖို့ ဒီဇာတ်လမ်း လေးက တဖက်တလမ်းကနေ အထောက်အကူ ဖြစ်စေချင်ကြောင်း ထုတ်လုပ်သူများက ထိုင်းရုပ်သံ အင်တာဗျူးတခုမှာ ပြောပြသွားပါတယ်။

မြန်မာနိုင်ငံမှာတုန်းက လယ်သမားမိသားစုကနေ မွေးဖွားကြီးပြင်းလာပြီး ထိုင်းနိုင်ငံမှာ ရွှေ့ပြောင်း အလုပ်သမားအဖြစ် အလုပ်လုပ်ကိုင်ရင်းကနေ ထိုင်းနိုင်ငံက ရိုက်ကူးတဲ့ “ဘယ်လို အချစ်မျိုးလဲ” ရုပ်ရှင်ဇာတ်ကားကြီးမှာပါဝင် သရုပ်ဆောင်ခွင့်ရခဲ့တဲ့ ကိုအောင်နိုင်စိုးကို ဇာတ်ကား ရိုက်ကူးမှုများ ပါဝင်ခဲ့ရပုံ၊ ကြုံတွေ့ရတဲ့ ရိုက်ကွင်းအတွေ့အကြုံတွေနဲ့ သူ့ဘ၀ အကြောင်း တစေ့တစောင်းနဲ့ ပတ်သက်ပြီး ဒီဗွီဘီ သတင်းထောက် နော်နိုရင်းက ဆက်သွယ်မေးမြန်းထားပါတယ်။

By နော်နိုရင်း (ဒီဗွီဘီ)
http://burmese.dvb.no/archives/65207


မြောက်ကိုရီးယား နိုင်ငံသို့ ရေးကူးပြီး ၀င်ရောက်ရန် ကြိုးပမ်းသည်ဟု ယူဆရသော အမေရိကန် နိုင်ငံသား တဦးအား စက်တင်ဘာ ၁၆ရက်နေ့က ဖမ်းဆီး ထိန်းသိမ်း ထားကြောင်း တောင်ကိုရီးယား အာဏာ ပိုင်များက ပြောသည်။

နယ်ခြားစောင့် တပ်ဖွဲ့ဝင်များက အသက် ၃၀ ၀န်းကျင်ရှိ အဆိုပါ အမေရိကန်ကို မြောက်ကိုရီးယားနှင့် နှစ်နိုင်ငံနယ်စပ်ရှိ စစ်မဲ့ဇုံ အနီးတွင် တည်ရှိသော ဟန်မြစ်၏ တောင်ကိုရီးယား ဖက်ကမ်းပေါ်၌ လဲလျောင်း နေသည်ကို တွေ့ရှိခဲ့သဖြင့် ဖမ်းဆီး ခဲ့ခြင်း ဖြစ်သည်။

ယင်းက မြောက်ကိုရီးယားခေါင်းဆောင် ကင်ဂျုံအန်းနှင့် တွေ့ဆုံလိုသည်ဟု စုံစမ်းစစ်ဆေးရေး သမားများအား ပြောကြောင်း တောင်ကိုရီးယားသတင်းအေဂျင်စီ ယွန်ဟပ်က ဖော်ပြသည်။
မကြာခင်ရက်ပိုင်းအတွင်း မြောက်ကိုရီးယားနိုင်ငံက အမေရိကန်နိုင်ငံသားမက်သယူးမီလာကို မည်သည့်ဥပဒေပုဒ်မနှင့် ငြိစွန်းသည်ဟုမသိရသော်လည်း အလုပ်ကြမ်းနှင့် ထောင်ဒဏ် ၆နှစ်ချမှတ်ခဲ့သည်။ ယင်းက ဗီဇာကို စုတ်ဖြဲခဲ့ပြီး နိုင်ငံရေးခိုလှုံခွင့်တောင်းခံခဲ့ကြောင်း မြောက်ကိုရီးယားက စွတ်စွဲပြောဆိုသည်။

ယခုလအတွင်း တောင်ကိုရီးယားနိုင်ငံသားတဦး မြောက်ကိုရီးယားဖက်သို့ ရေကူး၍ သွားရန်ကြိုးပမ်းစဉ် ပစ်သတ်ခံခဲ့ရသေးသည်။
၁၉၉၆ခုနှစ်ကလည်း အသက် ၂၆နှစ်အရွယ် အမေရိကန်နိုင်ငံသား အီဗနဟွန်ဇီကာဆိုသူသည် တရုတ်နိုင်ငံဖက်မှ မြောက်ကိုရီးယားနိုင်ငံဖက်သို့ အရက်မူးပြီး ယာလူးမြစ်ကို ဖြတ်ကူးသွားရောက်ရာ မြောက်ကိုရီးယားနိုင်ငံက လျှို့ဝှက်ထောက်လှမ်းမှုဖြင့် ၃ လကြား ထိန်းသိမ်းခဲ့ပြီး အမေရိကန်နိုင်ငံနှင့် ညှိနှိုင်းမှုပြုပြီးမှ ပြန်လွှတ်ပေးခဲ့သည်။

News Watch(စောင့်ကြည့်သတင်းဂျာနယ်)

အစိုးရ စစ်တပ်တွေ အနေနဲ့ ယူနီးဖောင်း ၀တ်စုံနဲ့ လက်နက်တွေ ကိုင်ဆောင်ပြီး မသွား လာဖို့ အစိုးရ နဲ့ ငြိ်မ်းချမ်း ရေးယူထားတဲ့ ကေအန်ယူ ကေအန်အယ်အေ ငြိမ်းချမ်းရေး ကောင်စီ က တန်ပြန်ထုတ်ပြန် ပြောဆို လိုက်ပါတယ်။

KNU-KNLA PCအစိုးရနဲ့ အပစ်အခတ်ရပ်စဲရေး ပြုလုပ်ထားတဲ့ ကေအဲန်ယူ/ကေအဲန်အယ်လ်အေ ငြိမ်းချမ်းရေးကောင်စီ(KNU/KNLAPeaceCouncil)နဲ့ ကလို့ထူးဘော ကရင်အစည်းအရုံး(KKO)တို့အနေနဲ့ ယူနီဖောင်းဝတ်စုံနဲ့တကွ လက်နက်ကိုင်ပြီး သွားလာခြင်းမပြုဖို့ မြ၀တီမြို့ အခြေစိုက် အစိုးရတပ်က စက်တင်ဘာလ ၁၄ ရက်နေ့က ထုတ်ပြန်ချက်ထုတ် သတင်းပေးတားမြစ်ခဲ့ပါတယ်။

ဒါကိုတုံ့ပြန်တဲ့အနေနဲ့ ကေအန်ယူ၊ ကေအဲန်အယ်အေ ငြိမ်းချမ်းရေး ကောင်စီက လည်း တန်ပြန် တားမြစ်ချက်ထုတ်ပြန်လိုက်တာလို့ ကရင်ငြိမ်းချမ်းရေး ကောင်စီရဲ့ သတင်းနဲ့ ပြန်ကြားရေး တာဝန်က စောမင်းဝေက ပြောပါတယ်။

“အဓိက အကြောင်းကတော့ သူတို့က ကျနော်တို့ကို လက်နက်ကိုင် မသွားရဘူး၊ ၀တ်စုံ ၀တ်မသွားရဘူး။ အဲဒီအပေါ်မှာ ကျနော်တို့ကလည်း ကျနော်တို့ ထိန်းချုပ်နယ်မြေထဲမှာ မြန်မာအစိုးရ စစ်သားတွေကလည်း လက်နက်ကိုင်ဆောင်မသွားရဘူး၊ ယူနီဖောင်းမ၀တ်ရဘူးဆိုပြီး တန်ပြန်ပြီး ထုတ်တာပါ။”

ဒီလ ၁၄ ရက်နေ့ ထုတ်ပြန်သတင်းပေးတဲ့ အစိုးရတပ်ရဲ့ စာမှာတော့ ဒီကေဘီအေနဲ့ ကရင်ငြိမ်းချမ်းရေးကောင်စီတို့အနေနဲ့ ဒီနေ့မှစပြီး မြို့တွင်း၊ မြို့ပြင်သွားလာမှုများကို ယူနီဖောင်းဝတ်၊ လက်နက်ကိုင်ဆောင်သွားလာမှု လုံးဝလုံးဝ မပြုလုပ်ဖို့ အပြင်အထန်တားမြစ်ကြောင်းနဲ့ အရေးကြီးကိစ္စဖြင့် မဖြစ်မနေသွား လာရမည်ဆိုရင် သက်ဆိုင်ရာ ဆက်ဆံရေးရုံးက တဆင့် ရှေ့တန်းရုံး (မြ၀တီ)သို့ ဦးစီးခေါင်းဆောင်၊ အင်အား၊ ယာဉ်အမျိုးအစား၊ အရေအတွက် လက်နက်အမျိုး အစား အရေအတွက်တို့ကို ကြိုတင်အကြောင်းကြားခွင့်ပြုချက်ယူရမည်လို့ ပါရှိပါတယ်။

ကရင်ငြိမ်းချမ်းရေးကောင်စီကတော့ ဒီကိစ္စနဲ့ပတ်သက်ပြီး လာမယ့် ၂၂ ရက်နေ့မှာ ကျင်းပ မယ့် အစိုးရနဲ့ တိုင်းရင်းသားလက်နက်ကိုင်အဖွဲ့တွေရဲ့ တွေ့ဆုံဆွေးနွေးပွဲမှာ ထည့်သွင်းဆွေးနွေး သွား မယ်လို့လည်း ပြောပါတယ်။

ကရင်ပြည်နယ် မြ၀တီမြို့နယ်မှာ ကရင်အမျိုးသားအစည်းအရုံး(KNU)၊ KNU/KNLA PC ၊ KKO လက်အောက်ခံ ဒီမိုကရေစီ အကျိုးပြု ကရင့်တပ်မတော်(DKBA)နဲ့ ABSDF ကျောင်းသား တပ်မတော် အစရှိတဲ့ ကရင်လက်နက်ကိုင်တပ်ဖွဲ့တွေက ဆက်ဆံရေးရုံးတွေ ထားရှိပြီး လှုပ်ရှားနေပါတယ်။

By နော်နိုရင်း (ဒီဗွီဘီ)
http://burmese.dvb.no/archives/65224

 
အီဘိုလာကို ခုခံမယ့် ပဋိဇီဝ ပစ္စည်းတွေကို ခန္ဓာကိုယ်က ထုတ်လုပ် နိုင်မယ်လို့ မျှော်လင့်
အီဘိုလာ ရောဂါ ကာကွယ်ဆေးကို ဗြိတိန်နိုင်ငံ အောက်စဖို့ဒ် မြို့မှာ လူသားတွေနဲ့ စမ်းသပ်မှု စတင် လိုက်ပါတယ်။

တိရစ္ဆာန်တွေကို စမ်းသပ်မှု အရ ရလဒ်ကောင်းတွေ ရခဲ့ပြီးတဲ့ နောက်မှာ ကျန်းမာ သန်စွမ်းသူ လူ ၆၀ ကို အီဘိုလာ ရောဂါ ကာကွယ် ဆေးတွေ ပေးပြီး စမ်းသပ်မှု စတင်လိုက်တာ ဖြစ်ပါတယ်။

ဆေးသုတေသီ အဖွဲ့ဟာ အပျော့စား အီဘိုလာ မျိုးဗီဇကို ချင်ပန်ဇီတွေမှာ ဖြစ်လေ့ရှိတဲ့ အအေးမိ ရောဂါ ဗိုင်းရပ်စ်နဲ့ ပေါင်းစပ် ခဲ့ကြတယ်လို့ ဝက်စ်မင်စတာ တက္ကသိုလ်က ဒေါက်တာ Edward Wright က ပြောပါတယ်။

အဲဒီလို ပေါင်းစပ် ထားတဲ့ ဆေးဟာ အီဘိုလာကို ခုခံနိုင်မယ့် ပဋိဇီဝ ပစ္စည်းတွေကို လူ့ ခန္ဓာကိုယ်က ထုတ်လုပ်ဖို့ လှုံဆော် ပေးလိမ့်မယ်လို့ မျှော်လင့်တာ ဖြစ်ပါတယ်။

ဒီနှစ်ကုန်မှာ အဲဒီ ဆေးတွေကို အီဘိုလာ လူနာတွေကို ကုသပေးနေတဲ့ ကျန်းမာရေး လုပ်သားတွေ အတွက် သုံးကောင်း သုံးနိုင်မှာ ဖြစ်ပါတယ်။

ဒီကာကွယ်ဆေးကို ဗြိတိန်နိုင်ငံက GlaxoSmithKline ဆေးကုမ္ပဏီနဲ့ အမေရိကန်က National Institutes of Health တို့က ထုတ်ဖော် ခဲ့ကြတာ ဖြစ်ပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/world/2014/09/140917_ebola_vaccine_human_trial.shtml



ကိုကိုဟန်

ယူနိုက်တက် ကင်းဒမ်းနိုင်ငံ ( UK ) မှ စကော့တလန် နိုင်ငံအဖြစ် ခွဲထွက်ရေး အတွက် ပြည်သူ့ဆန္ဒ ခံယူပွဲကို စက်တင်ဘာ ၁၈ ရက် ကြာသပတေးနေ့ တွင် ကျင်းပရန် စီစဉ်ထားသည်။ အကယ်၍ စကော့တလန် နိုင်ငံ ခွဲထွက် လိုက်ပြီ ဆိုပါက နိုင်ငံ၏ လူမှုရေး၊ စီးပွားရေး နှင့် နိုင်ငံရေး များ မည်သို့ ဖြစ်သွားမည် ဆိုသည်ကို ယူနိုက်တက် ကင်းဒမ်း၊ စကော့တလန်၊ ဥရောပ သမဂ္ဂ အဖွဲ့ဝင် နိုင်ငံများနှင့် ကျန် ကမ္ဘာ့နိုင်ငံများ ကပါ အထူး စိတ်ဝင်စားလျက် ရှိကြသည်။

သမိုင်းကို ပြန်ကြည့်လျှင် ၁၇ဝ၇ ခုနှစ် မေ ၁ ရက်တွင် စကော့တလန် နှင့် အင်္ဂလန် တို့ကို ယူနိုက်တက် ကင်းဒမ်း အဖြစ် ပူးပေါင်းရန် သဘောတူ ခဲ့ကြသည်။ ထိုနေ့တွင် ဂရိတ်ဗြိတိန် ပါလီမန်ကို ဖွဲ့စည်းခဲ့သည်။ ၁၆၉ဝ ပြည့်နှစ်တွင် ပနားမား ကျွန်းဆွယ်ကို ကိုလိုနီ အဖြစ် ကြိုးပမ်း လိုက်သည့်အခါ စီးပွားရေး အရ ဒုက္ခရောက် သွားရပြီး ငွေကြေး လိုအပ်ချက် အကြီးအကျယ် ဖြစ်နေချိန် ဖြစ်သဖြင့် နှစ်ဖက်စလုံးက ပူးပေါင်း နေထိုင်ကြရန် သဘောတူ ခဲ့ကြခြင်း ဖြစ်သည်။

၂ဝ၁၄ ခုနှစ်တွင် ကျရောက်သည့် ဘန်နောက်ဘန်း တိုက်ပွဲကြီး အနှစ် ၇ဝဝ ပြည့်သည့် အထိမ်းအမှတ်ကို ရည်ရွယ်၍ စကော့တလန် လူမျိုးများသည် စကော့တလန် သမ္မတ နိုင်ငံကို ထူထောင်လိုခြင်း ဖြစ်ကြသည်။ ပြီးခဲ့သည့် စက်တင်ဘာ ၁၄ ရက်က အဆိုပါ စကော့တလန် နိုင်ငံကို ယူနိုက်တက် ကင်းဒမ်းနိုင်ငံ မှ ခွဲထွက်ရေးအား သဘောမတူ ကြသော လူပေါင်း ၁၅ဝဝဝ တို့သည် UK တွင်သာ အတူနေထိုင် သွားရေး အတွက် အီဒင်ဘာမြို့ ၏ လမ်းများပေါ်သို့ ထွက်၍ ဆန္ဒပြ ခဲ့ကြသည်။

ဆန္ဒပြ သမားများက ၄င်းတို့သည် ယူနိုက်တက် ကင်းဒမ်း ( UK ) ၏ အစိတ်အပိုင်း တစ်ရပ်အဖြစ် ရှိနေခြင်းကို ဂုဏ်ယူ ကြကြောင်း နှင့် ယခု ပြုလုပ်တော့မည့် ပြည်သူ့ဆန္ဒ ခံယူပွဲတွင် သွားရောက်၍ ဆန္ဒမဲ မပေးကြရန် တောင်းဆို ကြသည်။ စကော့တလန် တွင် ပြည်သူတို့၏ သဘောထား အမြင်ကို စစ်တမ်း ကောက်ယူ ကြည့်ခဲ့ရာ ခွဲထွက်လိုသူ အရေအတွက် က အနည်းငယ် ပိုနေ လေသည်။

ပြည်သူ့ဆန္ဒ ခံယူပွဲကို စက်တင်ဘာ ၁၈ ရက် ည ၁ဝ နာရီတွင် ကျင်းပမည် ဖြစ်ပြီး ထိုနေ့မှာပင် မဲရုံများ ပိတ်သိမ်းပြီး မဲများကို ချက်ချင်း ရေတွက်မည် ဖြစ်သည်။ သုိ့သော် တောင်ပေါ်ဒေသ မဲဆန္ဒရှင် များရှိ ရာသီဥတု အခြေအနေ၊ လမ်းပန်း ဆက်သွယ်ရေး အခြေအနေ များကြောင့် နောက်တစ်နေ့ နံနက်ပိုင်း အထိ မဲရလဒ်ကို ကြေညာ နိုင်မည့် အနေအထား ရှိမည် မဟုတ်ကြောင်း သိရသည်။ စကော့တလန် တွင် နေထိုင်သော အသက် ၁၆ နှစ် ပြည့်ပြီးသူတိုင်း မဲပေး ကြရမည် ဖြစ်သည်။ ယူနိုက်တက် ကင်းဒမ်း၏ အခြားဒေသ များတွင် နေထိုင်ကြသူ စကော့လူမျိုး ၈ဝဝဝဝဝ မှာ မဲဆန္ဒ ပေးနိုင် ကြမည် မဟုတ်ဘဲ စကော့တလန် တွင် နေထိုင်သူ ၄ဝဝဝဝဝ တို့သာ မဲပေး နိုင်ကြမည် ဖြစ်သည်။ ဤသည်မှာ တရား မျှတသော နည်းလမ်း ဖြစ်သည်ဟု BBC သတင်းဌာနမှ ဖော်ပြခဲ့သည်။

အမေရိကန် သမ္မတ အိုဘားမား က ယူနိုက်တက် ကင်းဒမ်းကို အင်အား ခိုင်မာ တောင့်တင်း၍ စည်းလုံး ညီညွတ်သော နိုင်ငံအဖြစ် ဆက်လက် တည်ရှိ နေသည်ကိုသာ မြင်လို ကြောင်း ပြောကြား ခဲ့သည်။ သို့သော် စကော့တလန် နိုင်ငံအဖြစ် ထူထောင် လိုခြင်းသည် စကော့လူမျိုး မဲဆန္ဒရှင် များ၏ ဆုံးဖြတ်ချက် အတိုင်းသာ ဖြစ်ကြောင်း ကိုလည်း ပြောကြား ခဲ့သည်။ '' ယူနိုက်တက် ကင်းဒမ်းဟာ ကျွန်တော်တုိ့၏ အထူး လုပ်ဖော်ကိုင်ဖက် နဲ့အရင်းနှီးဆုံး မဟာမိတ်လည်း ဖြစ်ပါတယ်။ ယူနိုက်တက် ကင်းဒမ်း ကို ကျွန်တော်တို့ရဲ့ အမြဲတမ်း အင်အား ခိုင်မာ တောင့်တင်းပြီး စည်းလုံး ညီညွတ်ကာ စွမ်းအား ရှိသော လုပ်ဖော် ကိုင်ဖက် အဖြစ် မြင်တွေ့လို ပါတယ် ... '' ဟု အိုဘားမားက သူ၏ အမြင်ကို ဆက်လက် ပြောကြား ခဲ့သည်။

ဥရောပ ခေါင်းဆောင် များသည် အထူးသဖြင့် သူတို့ နိုင်ငံတွင်လည်း ခွဲထွက်ရေး ပြဿနာ ရှိနေသော ခေါင်းဆောင် များက စကော့လူမျိုး တို့၏ စကော့တလန် နိုင်ငံအဖြစ် ခွဲထွက်ရာတွင် ပြဿနာများ များစွာ ရှိနိုင်ကြောင်း သတိပေး ပြောကြား ခဲ့သည်။ စပိန် ဝန်ကြီးချုပ် မာရီယာနိုရာဂျွိုင်း က လွတ်လပ်သော စကော့တလန်နိုင်ငံ ဖြစ်လာရုံ မျှဖြင့် ဥရောပသမဂ္ဂ အဖွဲ့ဝင် အလိုအလျောက် ဖြစ်လာမည် မဟုတ်ကြောင်း ပြောကြား ခဲ့သည်။ ထို့ပြင် ဥရောပသမဂ္ဂ အဖွဲ့မှ ခွဲထွက်၍ လွတ်လပ်ရေး ရယူသော နိုင်ငံသည် ဥရောပ သမဂ္ဂ၏ အပြင်ဘက်သို့ ရောက်ရှိ သွားမည်သာ ဖြစ်ကြောင်း၊ ဒီအချက်ကို စကော့ လူမျိုးများ သိဖို့လိုကြောင်း သူက ဆက်လက် ပြောကြား ခဲ့သည်။

စကော့တလန် နိုင်ငံ အဖြစ် ခွဲထွက်မည် ဆိုသော်လည်း စကော့တလန် ၏ နိုင်ငံ အကြီးအကဲ အဖြစ် ဗြိတိသျှ ဘုရင်မကြီး သည် အချိန်ကာလ တစ်ခုအထိ အာဏာရှိ နေဦးမည် ဖြစ်သည်။ ယနေ့ လွတ်လပ်သော နိုင်ငံများ ဖြစ်သည့် ကဒေါနိုင်ငံ၊ သြစတြေးလျ နိုင်ငံ နှင့် နယူးဇီလန် နိုင်ငံ တို့၌လည်း အချိန်ကာလ တစ်ခုအထိ နိုင်ငံ အကြီးအကဲ အဖြစ် ဗြိတိသျှ ဘုရင်မကြီး ၏ အာဏာ တည်ရှိနေ ခဲ့သည်။ ဤကိစ္စကို စကော့တလန် ပြည်သူတို့၏ ဆန္ဒအတိုင်း ဖြစ်ရန်အတွက် ပြည်သူ့ ဆန္ဒခံယူပွဲကို ထပ်မံ ပြုလုပ် ရဦးမည် ဖြစ်သည်။ စကော့တလန် နိုင်ငံအဖြစ် ခွဲထွက်ရေး ကိစ္စကို ဖြေရှင်းရန် အတွက် ဘုရင်မကြီး သည် မဖြစ်မနေ ဘုရင်ခံချုပ် တစ်ဦးကို သူ၏ ကိုယ်စား ခန့်အပ် တာဝန်ပေး ရမည် ဖြစ်ကြောင်း Daily Mail သတင်းစာ မှ ဖော်ပြ ထားသည်။

စကော့တလန် သည် သီးခြားနိုင်ငံ ဖြစ်သွားလျှင် ငွေကြေး အတူသုံးစွဲခွင့် ပြုမည် မဟုတ်ပေ။ စကော့တလန် က ယူနိုက်တက် ကင်းဒမ်း၏ သဘောတူခြင်း မရှိပါက စတာလင်ပေါင် ကို ဆက်လက် သုံးစွဲခွင့် မရနိုင်ကြောင်းသိရသည်။ ဤသို့ ဆိုလျှင် စကော့တလန် နိုင်ငံသည် ဥရောပ သမဂ္ဂကို ဝင်ဖို့ လိုနေပြီ ဖြစ်သည်။ ဥရောပသမဂ္ဂ အဖွဲ့ဝင် နိုင်ငံဖြစ်မှသာ ယူရိုငွေကြေး ကိုသုံး၍ ရနိုင်မည် ဖြစ်ကြောင်း စကော့ လွတ်လပ်ရေး နှင့် ဥရောပ ဖွဲ့စည်းပုံ အခြေခံ ဥပဒေ ကျွမ်းကျင်သူ ပါမောက္ခ ဂျိုမာကင် က သုံးသပ် ပြောကြား ခဲ့သည်။

စကော့တလန်နိုင်ငံ အဖြစ် ခွဲထွက်မည် ဆိုလျှင် နောက်ထပ် ပြဿနာ တစ်ခုမှာ ယူနိုက်တက် ကင်းဒမ်း၏ အမျိုးသား ကြွေးမြီ စတာလင်ပေါင် ၁ ထရီလီယံကို အချိုးကျ ပေးဆပ်ရမည့် သဘောရှိ နေသည်။ စက္ကူဖြူ စာတမ်းအရ စကော့တလန် သည် စတာလင်ပေါင် ၁ဝဝ ဘီလီယံနှင့် ၁၃ဝ ဘီလီယံ အကြား အချိုးကျ ပေးဆပ်မည် ဖြစ်သည်။ GDP အချိုးအရ စကော့တလန် သည် ခွဲထွက်မည် ဆိုပါက မြောက်ပင်လယ်ရှိ ရေနံတွင်း များမှ ဝင်ငွေများ ရရှိလာမည် ဖြစ်သော်လည်း ရရှိလာသော ငွေပမာဏမှာ ယူနိုက်တက် ကင်းဒမ်းနှင့် အတူ ပေးဆပ်ရမည့် ကြွေးမြီထက် နည်းနေကြောင်း သိရသည်။

ထို့ပြင် ယူနိုက်တက် ကင်းဒမ်းက ခွဲထွက်မည် ဆိုပါက စကော့တလန် နိုင်ငံကို ကာကွယ်ရန် အတွက် စစ်သည် အင်အားကို စွမ်းရည်ပြည့် ထားရှိမည် မဟုတ်ကြောင်း သိရသည်။ နှစ်စဉ် ကာကွယ်ရေး ဘတ်ဂျက်ကို စတာလင်ပေါင် ၂ ဒသမ ၅ ဘီလီယံသာ ထားပြီး စစ်သည် အင်အား စုစုပေါင်း ၂ဝဝဝဝ သာ ထားရှိမည်။ အမြဲတမ်း တပ်သား ၃၅ဝဝ၊ အရန် အင်အား ၁၂ဝဝ၊ ဖရီးဂိတ် စစ်သင်္ဘော ၄ စင်း၊ Typhoon ဂျက် ၁၆ စင်းသာ ထားရှိမည် ဖြစ်ကြောင်း သိရသည်။

ထို့ကြောင့် ဗြိတိန်ဝန်ကြီးချုပ် ဒေးဗစ်ကင်မရွန်း သည် စကော့လူမျိုး များအား ခွဲထွက်မည် ဆိုပါက စကော့တလန် နိုင်ငံ၏ စီးပွားရေးကို ထိခိုက်သွား စေနိုင် သောကြောင့် ခွဲမထွက်ရန် တိုက်တွန်း ပြောဆိုမှုများ ရှိထားသော် လည်း မကြာမီ ကျင်းပ တော့မည့် ယူနိုက်တက် ကင်းဒမ်းမှ စကော့တလန် နိုင်ငံ အဖြစ် ခွဲထွက်ရေး ပြည်သူ့ဆန္ဒ ခံယူပွဲတွင် ခွဲထွက်ရေး သမားများ အနိုင်ရ သွားမလား ဆိုသည်ကို ကမ္ဘာ့နိုင်ငံ အများအပြား က စိတ်ဝင်စား ဖွယ်ရာ စောင့်ကြည့် နေကြကြောင်း သိရသည်။

အကယ်၍များ ပြည်သူ့ဆန္ဒ ခံယူပွဲတွင် စကော့တလန် ခွဲထွက်ရေး သမားများ အနိုင်ရ သွားပြီး စကော့တလန် နိုင်ငံအဖြစ် ခွဲထွက်သွားပါက ယူနိုက်တက် ကင်းဒမ်းတွင် ဝန်ကြီးချုပ် ဒေးဗစ်ကင်မရွန်း ကို အတိုက်အခံ ပါတီ အမတ်များက အယုံအကြည် မရှိအဆို တင်သွင်းကာ သူ့အား ရာထူးမှ ဖြုတ်ချခြင်း ခံရရန် အလားအလာ ရှိနေကြောင်း သိရသည်။ ။

#PyiChitThar

(မဇ္ဈိမ)။ ။ နှစ်နှစ်ကြာ လက်ဝယ်သိမ်းဆည်းထားသည့် အမေရိကန်နိုင်ငံထုတ် လက်ပစ်ဗုံးနှစ်လုံးနှင့် တီအမ်တီ ယမ်းထုပ် ၃ ထုပ်ကို စက်တင်ဘာ ၁၆ ရက် ည ၉ နာရီအချိန်က စစ်တွေမြို့ဆိပ်ကမ်းတွင် ဖမ်းဆီးရရှိခဲ့သည်ဟု စစ်တွေ မြို့မရဲစခန်း တာဝန်ကျ ဒုရဲအုပ် ကျော်ကျော်ဝင်က အတည်ပြုသည်။

"အခုဖမ်းမိတဲ့ ဟာက လွန်ခဲ့တဲ့ နှစ်နှစ်လောက်ကတည်းက သူတို့လက်ဝယ်မှာရှိနေတာ သတင်းပေးလို့ ဖမ်းဆီးရမိခဲ့တာပါ ဖေါက်ခွဲမယ့် ရည်ရွယ်ချက်တော့မရှိပါဘူး။ သူတို့ကလည်း တစ်ခြားလှေပေါ်ကနေတွေ့တာကို လုံခြုံရေးအတွက်ဆိုပြီး သိမ်းဆည်းထားခဲ့တယ်လို့ ထွက်ဆိုထားပါတယ်"ဟု ၎င်းက ပြောသည်။

တရားခံဟု ယူဆရသူနှစ်ဦးသည် အဆိုပါပစ္စည်းများကို စစ်တွေဆိပ်ကမ်းရှိ စက်လှေအတွင်းမှ ရရှိကာ သိမ်းဆည်းထားခြင်းဖြစ်သည်ဟု သိရှိထားကြောင်း ဒုရဲအုပ်က ဆိုသည်။

စစ်တွေမြို့ ကသဲရပ်ကွက်၊ ဆတ်ရိုးကျချောင်း ဆိပ်ခံတံတား (အမှတ် ၁၉) တွင် ဆိုက်ကပ်ထားသည့် စက်လှေပေါ်တွင် ဖမ်းဆီးရမိခဲ့ခြင်း ဖြစ်သည်။

တရားခံဟုယူဆရသူ မောင်ကြီးယေ အသက် ၂၃ နှစ် နှင့် ကျော်တင် အသက် ၄၉နှစ် တို့ကို လက်နက်အက်ဥပဒေပုဒ်မ ၁၉(စ) ဖြင့် အမှုဖွင့် စစ်ဆေးနေပြီး ယင်းနှင့် ဆက်စပ်မှုများကို ဆက်လက်စုံစမ်းနေသည်ဟု ဒုရဲအုပ်က ပြောသည်။


စက်တင်ဘာ ၁၅ရက်ကနေ ၂၁ရက်နေ့အထိ ငြိမ်းချမ်းရေး ရက်သတ္တပတ်သတ်မှတ်ပြီး လှုပ်ရှားတက်ကြွသူတွေ၊ အရပ်ဖက်အဖွဲ့အစည်းတွေနဲ့ အနုပညာရှင်တွေဟာ ငြိမ်းချမ်းရေးအတွက် လှုံ့ဆော်မှုတွေ စတင်နေပါပြီ။ မော်တော်ကားတွေနဲ့ လှည့်လည်ပြီး ငြိမ်းချမ်းရေးသီချင်းတွေ သီဆိုနေကြပါတယ်။

ငြိမ်းချမ်းရေးလိုလားကြသူများလို့ နာမည်ပေးထားတဲ့ လှုပ်ရှားတက်ကြွသူတွေဟာ အများပြည်သူအကြားမှာ ငြိမ်းချမ်းရေးအသိအမြင်တွေ နိုးကြားလာစေဖို့ သီချင်းတွေ လှည့်လည်ဖျော်ဖြေနေတာဖြစ်တယ်လို့ ဆိုပါတယ်။ စက်တင်ဘာ ၁၆ရက်နေ့ ညနေ ၃နာရီမှာတော့ ဆူလေ မြို့တော်ခမ်းမရှေ့မှာ သီချင်းတွေ ဖျော်ဖြေခဲ့ပြီး မင်္ဂလာတောင်ညွန့်ကို ဆက်လက်ထွက်ခွာခဲ့ပါတယ်။

ဒီလို မော်တော်ကားနဲ့လှည့်လည်ပြီး သီချင်းတွေဆိုတာဟာ ဖယ်ဒရယ်ပြည်ထောင်စုထူထောင်ဖို့၊ တစ်နိုင်ငံလုံး အမုန်းတွေရပ်ဖို့အတွက် ငြိမ်းချမ်းရေးရဖို့ ဆန္ဒပြုတာဖြစ်ပြီး ပြည်သူတွေ အကြောက်တရားကို ဖယ်ရှားပြီး ငြိမ်းချမ်းရေးရဲ့ အနှစ်သာရကို သိစေချင်တာကြောင့်လို့ ကိုဘိုဘိုက ပြောပါတယ်။ အာဏာပိုင်တွေ စိုးရိမ်သလို ယာဉ်ကြောပိတ်တာနဲ့ အဓိကရုဏ်းတွေဖြစ်တာ မပေါ်ဖို့ တာဝန်ယူပါတယ်လို့ ဆိုပါတယ်။

(ကိုဘိုဘို - ငြိမ်းချမ်းရေးလိုလားကြသူများ) file 4742

စက်တင်ဘာ ၂၁ရက်နေ့မှာ ကျရောက်မယ့် နိုင်ငံတကာငြိမ်းချမ်းရေးနေ့ကို ကြိုဆိုဖို့ ဂီတနဲ့ ပြည်သူတွေရင်ထဲ ထိုးဖောက်တာဟာ ပိုပြီးထိရောက်တယ်လို့ ပြောလာသူက လွတ်လပ်ငြိမ်းချမ်း ပန်းရဲ့လမ်းက ကိုညီညီလွင်ပါ။ သူက ဂီတနဲ့မေတ္တာလိုက်ပို့တာ ငြိမ်းချမ်းဖို့ဖြစ်ပြီး ငြိမ်းချမ်းရေးမေတ္တာပို့သံတွေ ပဲ့တင်ထပ်ပြီး ကမ္ဘာကြီး ငြိမ်းချမ်းမှာပါလို့ ဆိုပါတယ်။

(ကိုညီညီလွင် - ပန်းရဲ့လမ်း) file 4758

ငြိမ်းချမ်းရေးလိုလားကြသူများအဖွဲ့မှာ Generation Wave၊ ပန်းရဲ့လမ်းအပါအဝင် လှုပ်ရှားတက်ကြွသူတွေ စုပေါင်းထားကြတာဖြစ်ပါတယ်။

kAMAYUT MEDIA



ထိုင်းနိုင်ငံရောက် ဗြိတိသျှ ကမ္ဘာလှည့် ခရီးသည် ၂ ဦး အသတ်ခံရတဲ့အမှုမှာ တရားခံလို့ယူဆရသူ နိုင်ငံခြားသား ၁ ဦးကို ဖမ်းဆီးထားမိလိုက်တဲ့အတွက် ယမန်နေ့က သံသယနဲ့ ဖမ်းဆီးထားတဲ့ မြန်မာရွှေ့ပြောင်း အလုပ်သမား ၃ ဦး ပြန်လွတ်သွားပြီလို့ ထိုင်းနိုင်ငံဆိုင်ရာ မြန်မာအလုပ်သမား သံအရာရှိ ဦးသိန်းနိုင်က ပြောပါတယ်။

ထိုင်းနိုင်ငံတောင်ပိုင်း ဆူရတ်ဌာနီခရိုင်ထဲက ခရီးသွားတွေ အသွားများတဲ့ ထိုင်းပင်လယ်ကွေ့က အပျော်တမ်း ရေငုပ်ရာနေရာဖြစ်တဲ့ Koh Tao (လိပ်ကျွန်း) က ဗြိတိသျှနိုင်ငံသား ကမ္ဘာလှည့် ခရီးသည် ၂ ဦး အသတ်ခံရမှုနဲ့ ပတ်သက်ပြီး ဒီကျွန်းနေထိုင် လုပ်ကိုင်နေကြတဲ့ မြန်မာရွှေ့ပြောင်း အလုပ်သမား တန်းလျားတွေကို ရှာဖွေခဲ့သလို မြန်မာအလုပ်သမား ၃ ဦးကို ထိုင်းရဲက သံသယနဲ့ ဖမ်းဆီး စစ်ဆေးမေးမြန်းခဲ့တာ ဖြစ်ပါတယ်။

Koh Tao ကျွန်းက ဟိုတယ်တခုမှာ တည်းခိုခဲ့ကြတဲ့ အဲဒီကမ္ဘာလှည့်ခရီးသည် ၂ ဦး သူတို့ဟိုတယ်နားက ကျောက်ဆောင်မှာ သေဆုံးနေတာကို တနင်္လာနေ့ မနက်က တွေ့ရတာပါ။ အမှုကို စစ်ဆေးနေတဲ့ ထိုင်းရဲတပ်ဖွဲ့ဘက်က ကမ္ဘာလှည့် ခရီးသည် ၂ ဦးထဲက ၁ ဦးဟာ ခေါင်းကိုရိုက်ခံရလို့ ရေနစ်သေဆုံးပြီး ၁ ဦးက ဦးခေါင်းရိုက်ခံရလို့ သေဆုံးတာလို့ ပြောပါတယ်။

အသက် ၂၃ နှစ်အရွယ် Hannah Witheridge နဲ့ အသက် ၂၄ နှစ်အရွယ် David Miller တို့ရဲ့ အလောင်းတွေကို စစ်ဆေးပြီးတဲ့နောက် ရာဇ၀တ်မှုခင်း ဆေးပညာအင်စတီကျူ အကြီးအကဲ Pornchai Sutheerakune က အဲဒီလို အတည်ပြုလိုက်တာပါ။
ဗွီအိုအေ (မြန်မာပိုင်း)

ပြည်တွင်း ပုဂ္ဂလိကဘဏ်တခုဖြစ်တဲ့ ရိုးမဘဏ်ကို ကမ္ဘာ့ဘဏ်အုပ်စုဝင် နိုင်ငံတကာ ဘဏ္ဍာရေးပူးပေါင်းဆောင်ရွက်ရေးအဖွဲ့ (အိုင်အက်ဖ်စီ)က အမေရိကန်ဒေါ်လာ ၅ သန်း တန်းဖိုးရှိ ပြောင်းလဲအသုံးပြုနိုင်တဲ့ ချေးငွေ (convertible loan) ပေးဖို့ နေပြည်တော်မှာ မနေ့က သဘောတူ လက်မှတ်ရေးထိုးလိုက်ပါတယ်။

ရိုးမဘဏ်ရဲ့ ဖွံ့ဖြိုးတိုးတက်ရေး မဟာဗျူဟာလုပ်ငန်းစဉ်ကို ကူညီ ထောက်ပံ့ပေးတဲ့ အနေနဲ့ ခုလို သဘောတူညီမှုရခဲ့တာလို့ အိုင်အက်ဖ်စီရဲ့ ထုတ်ပြန်ချက်မှာ ဖော်ပြပါတယ်။

yomaဒီသဘောတူညီချက်ဟာ မြန်မာနိုင်ငံမှာ အလုပ်အကိုင်တွေ ပိုမိုဖန်တီးနိုင်ဖို့၊ အသေးစားနဲ့ အလတ်စား စီးပွားရေးလုပ်ငန်းတွေကို တိုးမြှင့်ချေးပေးနိုင်ရေး အကူအညီပေးနိုင်ဖို့ ရည်ရွယ်တယ်လို့လည်း ဆိုပါတယ်။

သဘောတူညီချက်အပြီး ထုတ်ပြန်တဲ့ ကြေညာချက်မှာတော့ ရိုးမဘဏ် အမှုဆောင်ဥက္ကဋ္ဌ ဦးသိမ်းဝေက “မြန်မာနိုင်ငံမှာ အသေးစားနဲ့အလတ်စားလုပ်ငန်းတွေရဲ့ လုပ်ငန်းလည်ပတ် ဖွံ့ဖြိုးနိုင်ဖို့အတွက် ဘဏ္ဍာရေးဆိုင်ရာ ဝန်ဆောင်မှုတွေ ရရှိအောင်ဆောင်ရွက်ရေးက မရှိမဖြစ် အရေးပါပါတယ်။ ရိုးမဘဏ်ရဲ့ စီးပွားရေးဖွံ့ဖြိုးတိုးတက်ဖို့အတွက် အိုင်အက်ဖ်စီအဖွဲ့ကြီးနဲ့ ပူးပေါင်းပြီး နိုင်ငံရဲ့ စီးပွားရေးနဲ့ လူမှုရေးကဏ္ဍတွေ ဖွံ့ဖြိုးတိုးတက်ရေးမှာ အရေးပါလှတဲ့ အသေးစားနဲ့ အလတ်စား စီးပွားရေးလုပ်ငန်းတွေကို ပိုပြီး ထောက်ပံ့ပေးနိုင်တော့မှာကို အထူးပဲ ဂုဏ်ယူမိပါတယ်။ ကျနော်တို့ဟာ နိုင်ငံအတွင်းရှိ အသေးစားနဲ့ အလတ်စားစီးပွားရေး ဦးဆောင်ဘဏ်တခု ဖြစ်လာဖို့ ရည်ရွယ်ထားပြီး အားကောင်းတက်ကြွတဲ့ အသေးစားနဲ့ အလတ်စားစီးပွားရေးလုပ်ငန်းကဏ္ဍ ပေါ်ထွန်းလာဖို့အတွက် ပါဝင် ဆောင်ရွက်သွားမှာ ဖြစ်ပါတယ်” လို့ ပြောပါတယ်။

အလားတူ အိုင်အက်ဖ်စီရဲ့ အာရှပစိဖိတ်ဆိုင်ရာ ဒုတိယဥက္ကဋ္ဌ ကာရင် ဖျင်ကယ်လ်စတန် (Karin Finkelston) ကလည်း “အိုင်အက်ဖ်စီအနေနဲ့ မြန်မာနိုင်ငံနဲ့ ပတ်သက်ပြီး မဟာဗျူဟာမြောက် အာရုံစိုက်မှုတခုက နိုင်ငံအတွင်းက ဘဏ္ဍာရေးနဲ့ ဘဏ်လုပ်ငန်းစနစ်တွေ ဖွံ့ဖြိုးတိုးတက်လာအောင် အကူအညီပေးဖို့နဲ့ ဘဏ်လုပ်ငန်းရဲ့ကဏ္ဍဟာ စွန့်ဦးတီထွင်လုပ်ကိုင်သူတွေနဲ့ စီးပွားရေးကဏ္ဍကြီးတစ်ခုလုံးဖွံ့ဖြိုးလာစေဖို့အတွက်လဲ အရေး ကြီးပါတယ်။ အိုင်အက်ဖ်စီက ရိုးမဘဏ်နဲ့တကွ တခြားငွေချေးသူတွေကို သဘာဝပတ်ဝန်ကျင်နဲ့ လူမှုရေးဆိုင်ရာ ရေရှည်တည်တံ့ခြင်းနဲ့ စံနှုန်းတွေ ဖော်ထုတ်သတ်မှတ်ဖို့အတွက်နဲ့ စီမံခန့်ခွဲမှု နည်းစနစ်တွေ အားကောင်းလာစေဖို့ ကူညီနေတာ ဖြစ်ပြီး အဲဒီကမှတဆင့် ဒီအဖွဲ့အစည်းတွေ ဟာ နိုင်ငံတကာဘဏ်လုပ်ငန်းစနစ်နဲ့ ချိတ်ဆက်ဆောင်ရွက်နိုင်မှာဖြစ်သလို မြန်မာနိုင်ငံရဲ့ အသေးစားနဲ့ အလတ်စား စီးပွားရေးလုပ်ငန်းတွေရဲ့ လိုအပ်ချက်တွေကို ပိုမို ထိရောက် ကောင်းမွန်စွာ ဝန်ဆောင်မှု ပေးနိုင်မှာ ဖြစ်တယ်” လို့ ကြေညာချက်မှာ ဆိုထားပါတယ်။

ဒီချေးငွေက အိုင်အက်ဖ်စီအနေနဲ့ ရိုးမဘဏ်အတွက် ပဏာမ ဘဏ္ဍာရေးဆိုင်ရာ အကူအညီ ဖြစ်ပြီး လာမည့်နှစ်တွေမှာ အမေရိကန်ဒေါ်လာသန်း ၃၀ အထိ တိုးမြှင့်ပေးသွားဖို့ အစီအစဉ်လဲရှိနေပါတယ်။

အိုင်အက်ဖ်စီရဲ့ ရင်းနှီးမြှုပ်နှံမှုနဲ့ အကြံဥာဏ်ပေးခြင်းဆိုင်ရာ အထောက်အပံ့ကြောင့် ရိုးမဘဏ်ဟာ ၂၀၁၉ မှာ လက်ရှိ ဘဏ်လုပ်ငန်းများအပြင် အမေရိကန် ဒေါ်လာသန်းပေါင်း ၃၇၀ နဲ့ ညီမျှတဲ့ ငွေချေးမှုပေါင်း ၁၀၀၀ ကို ပြည်တွင်း အသေးစားနဲ့ အလတ်စားစီးပွားရေး လုပ်ငန်းတွေကို ငွေ ထုတ်ချေးနိုင်လိမ့်မယ်လို့လည်း မျှော်လင့်ထားပါတယ်။

အိုင်အက်ဖ်စီအဖွဲ့ဟာ ကမ္ဘာ့ဘဏ်နဲ့ ပူးပေါင်းပြီး မြန်မာနိုင်ငံရဲ့ ပြုပြင်ပြောင်းလဲရေး ဆိုင်ရာ ဆောင်ရွက်ချက်တွေနဲ့ ပုဂ္ဂလိကကဏ္ဍ အားကောင်းလာစေရေးအတွက် ရည်ရွယ်တဲ့ ရင်းနှီးမြှုပ်နှံမှုတွေကို အားပေးကူညီနေပြီး အလုပ်အကိုင်အသစ်တွေ ဖန်တီးပေးတာ၊ ဆင်းရဲနွမ်းပါးမှုလျှော့ချရေးနဲ့ ချမ်းသာကြွယ်ဝမှု ညီမျှရေးကို အားပေးလုပ်ဆောင်နေတဲ့ အဖွဲ့တခု လည်း ဖြစ်ပါတယ်။

ရိုးမဘဏ်ကတော့ ၁၉၉၃ ခုနှစ်မှာ စတင်တည်ထောင်ကာ လုပ်ကိုင်နေတဲ့ ပြည်တွင်း ဦးဆောင် ဘဏ်ကြီးများအနက် တခုအပါအဝင် ဖြစ်ပြီး လက်ရှိတွင် နိုင်ငံတဝှမ်းရှိ အထင်ကရ မြို့ကြီးပေါင်း ၂၅ ခုတွင် ဘဏ်ခွဲပေါင်း ၅၀ ကျော်ဖွင့်လှစ် လုပ်ကိုင် နေတဲ့ဘဏ် ဖြစ်ပါတယ်။

ိDVB

Author Name

Contact Form

Name

Email *

Message *

Powered by Blogger.